منتديات ليلاس - قصيده قمرا شهر 10 (من روائع الشاعر حمد السعيد التميمي)

خلونا نعيش الطبيعه
احب شهر عشره كثير لان فيه يكثر الصيد ويبرد الجو
وينزل اول الغيث ان الله راد ويعتبر من افضل فصول
السنه لاعتدال جوه واستقرار مناخه واجمل مافيه الليل
خاصه لما تكون قمرا
وياريت تجربوا تغيروا جو وتطلعوا هذه الايام خارج اسوار المنازل
لذا اخترت لكم قصيدة قمرا شهر 10 امل ان تنال اعجابكم

http://www.liilas.com/upp//uploads/i...908705d7d0.jpg
من تصويري امس
هههههه

قمرا شهر عشره وبـراق جبلـي
لا شفتهن مالي مع النـاس مقعـاد

يا كثر ما قالوا لي النـاس مبلـي
وراعي الولع ماهو عن الناس نشاد

لا جيت قيعانن عقـب رش وبلـي
ولقيت جرت من له القلـب منقـاد

باطراف روضن ما توطـاه قبلـي
حين من اللي تارسن راسه عنـاد

جـرة خرابيـن فطينـن وخبلـي
الليـل كلـه ماهتنـا فيـه برقـاد

ولا خذت عن حرن تقل قوس نبلي
متفاختن جرمـه مخاليبـه حـداد

لا تل مني واودع السبـق سبلـي
ثم ارتفع واهوى تقـل دلـو وراد

لا تلهـا تلـة نشيطـن لحبـلـي
هذاك شفـي يـا قليليـن الابعـاد

ولا قمـت ابـرز للمغـدا بشبلـي
وزينت فنجالن على شف وامـراد

هذاالولع لو قالوا النـاس مبلـي
راعي الولع ماهو عن الناس نشاد

وسلامتكم