|
الخطا مني لاني صرت في بحرك سفينة
ليه مستغرب كلامي وليـه أعطيـك الأمـان وليه تَكْذِب في كلامك العـذر وينـك ووينـه ما ألومك كان قلبـك ثـارت أمواجـه وخـان الخطا منَّي لأني صرت فـي بحـرك سفينـه والسؤال اللَّي كتمته وما نِطَـق فيـه اللسـان كيف إيدك إطعنتني وآنا أحْسِبْهَـا أمينـه ..؟ جرحي ما يرضيه قلبك لو يجـي كلِّـه حنـان لو تبوس الجرح فيني ولـو تقبلهـا إيدينـه يُوم أحبك قلت كلمه : ( يكرَم المرء أو يُهان ) وإنتَ قلبي ما كرمته وما قدرت إنِّـك تهينـه ! [ عزِّتي ].. ما هي جديده آنا شامخ من زمان إغسل إيدك من رجوعي وروح يا إبن اللذينه طاب خاطر قلبي منِّك وهذي الفرقـى رهـان وحتَّى لو قلبي يحبـك ربِّـي بفراقـك يعينـه تدري لما قلت أحبك قلت وما عنـدي ضمـان وإختياري كان خاطىء تجربه بالحيـل شينـه كنت تخطي وكنت أسامح مرَّه مرتين وثمـان أدمح الزله عشانك وأكتـم أنفـاس الغبينـه كنت أحبك وكنت أعزك والغلا فينـي جبـان خاف تزعل لو ألومك ضعت ما بينـك وبينـه في عيون الناس عادي بس في عيني جنـان وكان قلبي من يشوفك تفضحه نظـرة حنينـه ماني أوَّل من يحب ومنتَ آخر شخص خـان المحبه في زمانك [ بحرها ] من غيـر مينـه [ الفشل ] .. كان النتيجه وأعتقـد آن الأوان أبني مستقبل حياتي وأنسى قصتنـا الحزينـه وخطوتي الأولى غيابك وراح أطبقها عشـان يبكي قلبك لا فقدني والندم .. يملـي سنينـه جاي تسأل عن مكانك !! هو بقى فيني مكان ؟ الله يرحمها المشاعر اللي كانت لـك رهينـه قلت لك قلبي [ مدينه ] فيها لك حشمه وشـان لكن إنتَ الحين أغرب شخص في هذي المدينه ************** ممار اق لي ان شاء الله تنال اعجابكم تحياااتي وجه الصباح /اللبؤة |
أبيآت رآئعه الله يعطيك العافية ودي |
والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟ يُوم أحبك قلت كلمه : ( يكرَم المرء أو يُهان ) وإنتَ قلبي ما كرمته وما قدرت إنِّـك تهينـه ! اهم ماعلى الانسان كرامته وعزة نفسه كما في الابيات الله يعطيك العافية صبوحة ودي ووردي |
اقتباس:
نورتي القصيده بطلتك الحلوة الله يعافيج وشكراا جزيلااا تحياااتي وجه الصباح /اللبؤة |
اقتباس:
نورتي القصيده غلاتي بتعليقك الحلو شاكرة لك روعة حضورك وتسلمين تحياااتي وجه الصباح /اللبؤة |
| الساعة الآن 06:01 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية