انا توني قريت الرواية بمنتدى ثاني ولما عرفت انو هي موجودة هنا من نفس الكاتبة حبيت اعلق عليها بصراحة عندي بعض النقاط الي لاحظتها على الرواية واتمنى انك تتقبليها بوساعة صدر


اول شي انتقام هند من عيال عمها بطريقة جدا رديئة بصراحة احسه مرض نفسي وعقد فيها من الصغر والمصيبة انو المفروض انها ذكية وسمعتها بالسوق متفوقة على الرجال من ذكائها بس تصرفاتها وتفكيرها بعيال عمها احسه انتقام من راشد ابوها في ناس مالهم ذنب

للاسف ماعملت حساب لامهم ماخافت تطب بجلطة وهي مسويه هالسواية بعيالها مهما كان الي سووه مايجي ربع الي هي سوته

والمصيبة الاكبر ممشية كل رجال العيلة وراهم وكأنها ملاك ماتغلط وعبد الرحمن المفروض عمره كبير بس للاسف تفكيره جدا سطحي ماخاف انو ربه يردها لواحد من عياله ويحرق قلوبهم مثل ماشارك وحرق قلوب عيال عم بنت اخته المريضة

يعني ماقدر على راشد طلع مراجله على عيال اخوه وتفكيرهم انهم طمعانين بالفلوس الي هي وسخ دنيا اجل وين حنكته وحكمته الي اخذها من معرفته للناس بهذا العمر تارك وحدة للاسف مصدقة انها فاهمة الكل وهي انتقامها يدل على سواد قلبها الي اخذته من ابوها هي مافرقت عنه بشي


وحتى غادة للاسف شهالتصرفات الي مسويتها خير يعني ولد عمها وطلب يتزوجها وهي واختها الي اجبرو العيال على الي صار وعبد الرحمن وعياله مالهم شور بعد هند ممشيتهم على كيفها وهالشي غلط حتى يوم كلمه ابو نواف وشاف جريمته لوين وصلت جاسم ومع ذلك ماتردد انو يعيدها بفيصل مو لهذي الدرجة بصراحة عن نفسي احتقرت هند وعيلتها اكثر من راشد لانها انتقمت من العيال اكثر من راشد نفسه


ونورة شخصيتها سلبية واغلب الشخصيات كذا يشوفون الغلط ويسكتون ومافي شي ايجابي منهم احس انو الرواية فيها مبالغات بردات الفعل

والله على الي سوته هند واختها بعيال عمهم المفروض ماياخذوهم لو فيها موتهم لانهم اهانوهم وذلوهم واراعو مشاعر غيرهم للاسف مايستحقو حب وعشق عيال عمهم لهم



كل كلمة والثانية قالو بنات الفهد اصلا كيف يزورون اساميهم واوراقهم الرسمية ويغيرون نسبهم مهما سوى ابوهم اساميهم ترجع لابوهم الحقيقي مو علشان عندهم فلوس يسوون الي يبغونه مثلهم مثل اي واحد خارج عن القانون



اتمنى انو رايي مايزعلك بس انا ماحبيت مااحط رايي بفكرة الرواية مع انو الاسلوب حلو ومشوق واول بارت بصراحة جذبني لها حيل بس الاشياء الي خربتها سلبية الرجال بمختلف اعمارهم بالرواية وانو وحدة مثل هند هي الي مسيرتهم حتى بالاشياء الي المفروض ماتسويها يعني تعالج موظفيها وتحسن اليهم وفي نفس الوقت تحتقر عيال عمها الي من دمها وتظلمهم علشان عقدة نفسية فيها



انا سمعت انو روايتك الجديدة فرق كبير عن الاولى بكثير وراح ابتدي فيها اتمنى تقبلينيقارئة جديدة وماتزعلين من صراحتي

merci taslam alayadi

كتير حلوي بلتوفيق

رد: غرام وانتقام
 

رواية جميله جدا ورائعه جدا جدا

قمة الابداع ما شاء الله تسلم ايدك

حبيبتي ووفقك الله