|
المستريح اللي من الهم خالي
بسم الله والصلاة على رسول الله
مدونتي الخاصه قد تكون فضفضه وقد تكون مجرد صفحات املأها باحداث لا تهم احدا سواي لكن احببت ان اسجل بها لماذا هذا العنوان ؟؟ لان الدنيا فعلا ما يينأمن لها الله يكفينا شرها |
هذي القصيده دايم على بالي واحب اسمعها دائما
للامير محمد السدير ي الله يرحمه يــقـــول مــــــن عــــــدى عـــلـــى راس عـــالـــي ""رجــــــــــم طـــــويـــــل يـــدهــــلــــه كـــــــــــل قـــــرنــــــاس فـــــــــي راس مــــرجـــــوم عـــســـيـــر الــمــنـــالـــى ""يــشــتـــاق لـــــــه مـــنــــدك بـالــقــلــب هـــوجــــاس قـــــعـــــدت فــــــــــي راســــــــــه وحـــــيــــــد لـــحــــالــــى ""والـقــلــب فـــــي لــجـــات الافـــكـــار غـــطـــاس وقـــــــعــــــــدت اعـــــــــــــــد ابـــــامـــــهـــــا والـــلــــيــــالــــى ""دنــــيــــا تــقـــلـــب مــــــــا عـــرفـــنـــا لــــهـــــا قــــيـــــاس دنـــــيــــــا تـــــفــــــرق بـــــيــــــن غـــــالــــــى وغـــــالــــــى ""لــــو شــفــت مـنـهــا ربــــح يــرجــع لــلافــلاس يــــــا مــــــا هـــفـــا بــــــه مـــــــن رجـــــــال مـــدالــــى ""مـــــا كــنــهــم ركـــبـــوا عـــلـــى قــــــب الافــــــراس ولا رددوا صــــــــــــــــــم الـــــــــرمـــــــــك لــــلــــتـــــوالـــــى ""ولا ثـــار عــــج الـخـيــل فــــي كــــل مــــرواس ولا قــــلـــــطـــــوهـــــن لـــلــــكــــمــــيــــن الــــــمـــــــوالـــــــى ""ولا صـار فـوق ظهورهـن شلـع الانـفـاس فــــــــي حــــومــــة الــهــيــجــا لــــهــــن اجــتـــوالـــى ""كــــــل يـــبــــى مـــــــن زايـــــــة الــفــعـــل نـــومــــاس مــــــــن بــيــنــهــم عــــــــود الــجـــنـــا والـــســـلالـــى ""مـــــــثــــــــل الــــــــبــــــــروق الـــــلـــــيــــــل الادمــــــــــــــــاس يــقــطــعــك دنــــيــــا مــــــــا لــــهـــــا أول وتــــالـــــى "" لــو اضـحـكـت تـبـكـى وتـوريــك الاتـعــاس يـــا ابـجــاد شـــب الــنــار وادنــــى الــدلالــى ""واكـســر لــنــا يــــا ابــجــاد مــــا يـقـعــد الــــراس فـــنـــجـــال يــــغـــــدي مـــــــــا تــــصـــــور بـــبـــالـــى ""وروابــع تـضـرب بـهـا اخـمــاس وأســـداس لـــــعـــــل قـــــصـــــر مــــــــــا يــجــيـــبـــه اظـــــلالـــــى ""يـــنـــهــــد مــــــــــن عـــــالـــــى مــبــانـــيـــه لـــلــــســــاس لـــــى صـــــار مـــــا هــــــو مـــدهـــل لـلـرجــالــى ""وملـجـأ لـمـن هــو يشـكـى الـظـيـم والـبــاس بـحـسـنـاك مــــا مـنـشــى حــقــوق الـخـيـالــى ""يــــــــا خــــالــــق اجــــنــــاس ومــفـــنـــى اجــــنــــاس تــــجــــعــــل مــــــقــــــره دارس الــــعــــهــــد بــــــالــــــى ""صـحـصـاح دو خــالــى مــــا بــــه أو نــــاس لا خــــــــــاب ظـــــنـــــى بــالـــرفـــيـــج الـــمــــوالــــى ""مــــالــــك مــشـــاريـــه عــــلـــــى بــــاقـــــي الــــنـــــاس وإن ناشنى من بعض الادنين صالى ""مـــانــــى عــــــــن الــــــــزلات مــخـــبـــر وبــــــــلاس كـالــعــنــبــر الـــغـــالـــى بـــــالأســـــواق غـــــالـــــى ""ولا درهـم الفضـيـة عـلـى صـفـر ونـحـاس اجـــــزيـــــة بـــالـــصــــده جـــــنـــــوب وشـــمـــالــــى ""واتــلــى هــــوى قـلـبــى الــيــا هــــب نـســنــاس الـمـسـتــريــح الـــلــــى مـــــــن الــعــقـــل خـــالــــى ""مـــــا هـــــو ولـــجـــات الـهـواجــيــس غـــطـــاس مـــــــا هـــــــو بــمــثــلــى مــشــكــلاتــه اجــــلالــــى ""عــــجــــزت اســجــلــهــى بــحـــبـــر وقــــرطـــــاس حـمــلــى ثـقــيــل وشـــلـــت حــمــلــى لــحــالــى ""ونصـبـر عـلـى ضـيـم الليـالـى والاتـعـاس بــرســـي كــمـــا تــرســـي عـــوالـــى الـجـبــالــى ""مـــــــــا يـــنـــهـــزع حــــيـــــد عـــلـــيـــه الــــقـــــدم داس مـــــــــتـــــــــى تـــــــــربـــــــــع دارنـــــــــــــــــــا والــــمـــــفـــــالـــــى ""تخضـر افياضـه عقـب مــا هــي بيـبـاس ونـــــشــــــوف فـــــيــــــه الـــديــــدحــــان مــــتــــوالــــى ""مثـل الرعـاف بخصـر مـدقـوق الالـعـاس يــنــثـــر عـــلــــى الــبــيـــداء ســــــــواة الــــزوالــــي ""يــشــرق حــمــارة شــرقـــة الـصــبــغ بـالــكــاس |
اغلب ماسيكتب هنا هو ذكريات
ذكريات حفرناها داخل أعماقنا وصورا حفظناها في عيوننا حنين عظيم حبسناه داخلنا والأشواق باتت واضحة بكلماتنا والحب لا يمكن أن نخفيه فينا أعود بأفكاري لزماننا وأفتش بين ثنايا الضحكات عن سعادتنا وتأخذني الأحاسيس إلي أحلامنا وار ى الثواني تمضي من أمامنا ولازال نفس الشعور فينا ودفاترنا لازالت مملوءة برسم طفولتنا ومقاعدنا لازالت تحوي دفئ حكاياتنا …………………………….. أسير في دروبنا ذات الدروب التي مشيناها أيام صبانا و أتسائل متي نعود لأفراحنا ونحقق أحلامنا ونسمع صدى ضحكاتنا ونمسح دموع الأحزان من طريقنا ونشبك الأيادي ونرفع الأمل شعارا لنا …………………………….. خذ عهدي يا صاحبي مهما طال الزمن أو قصر مهما جحد الوافي أو نكر مهما قل الحزن أو كثر مهما شعرت بالألم أو القهر ستظل يا صديقي لدنيتي نور ستظل معي في قلبي مدى الدهر …………………………….. قد نغيب كالغروب وقد يلهينا الزمن..ولكن يبقي نبض القلب لا ينسي الأحبة …………………………….. |
اليوم شفت برنامج اوبرا وكانت الحلقه الافتتاحيه للموسم الخامس والعشرين معقووووله مرت خمس وعشرين سنه كنت اشوف اوبرا على قناة التابلاين في عرعر الله على ذيك الايام تابعنا اوبرا انا وخواتي وبعد ما وقف بث قناة التابلاين انقطعنا ورجعت اشوفها الان كل ما اشوفها اتذكر ايام التابلاين كانت ايام حلللوه
|
هذي الصوره لخط التابلاين اللي ياما لعبنا حوله لا رحنا للبر
http://www.liilas.com/upp//uploads/i...fa09ad192e.jpg |
((مبغوووووووووك--يعني مبروك بس بالفرنسي ههههه--شوشو ام توته النبوته)), مبرووك فديتج.. الله يعطيج خيرها ويكفيج شرها خخخ.. خطرطر, مرحبا مليااار, الف مبروك افتتاح المدونة ... و حياش الله بيننا و في حينا و جارتنا ^_^ ... توري, الف الف الف مبرووووك افتتاح مدونتج فديتج.. بووحه, سوسو عسل جارتك, هلا فيك بين جاراتك مبروووك افتتاح مدونتج تمليها بالعافيه
ربي يسعدكن يا غاليات :8_4_134: |
ألف مبروك افتتاح المدونة أم رنو عساها فال خير وتملينها بالافراح(صبوحه),
هلا وغلا صبوحه |
يارب لك الحمد رنو كانت تعبانه من ثاني العيد واليوم الحمد لله قامت واكلت الحمد كما ينبغي لجلال وجهك ولعظيم سلطانك
|
في عيدنا هذي السنه مافي اي جديد اللهم وحده من سلفاتي جابت كراسه كبيره جدا وطلبت منا نكتب اي معايده او تهنئه اللي يطلع معنا انا كتبت
http://www.liilas.com/upp//uploads/i...83a0a6e933.jpg |
مافي احد احرص من الانسان على نفسه الا هو بس فيه ناس تحرص عليك وتداريك هالناس لا احتجتهم مره بيجونك ومرات لاحسب ظروفهم بس نفس الشخص متى ما احتجتها لقيتها ماعمرها ردتك ابد
|
ياليت فيه مرايه لا ناظرت فيها توصفني ماتوصف شكلي لا توصف داخلي مشاعري
كن جميلا ترى الوجود جميلا اؤمن بهذي العباره جدا اذا نظرت بتفاؤل لموضوع اي موضوع اشوفه حلو وفيه خير بس اذا تشائمت منه وتشاينته لايمكن اشوف فيه اي ميزه او احاول تقبله النظره الايجابيه في الحياه شي اساسي عندي |
دنـــــيــــــا تـــــفــــــرق بـــــيــــــن غـــــالــــــى وغـــــالــــــى ""لــــو شــفــت مـنـهــا ربــــح يــرجــع لــلافــلاس
صديقاتي الله يجمعني فيكن بالدنيا وبالاخره احلى ايام عشتها معكن من الثانويه للكليه صحيح بينا تواصل للان بس مايغني عن الشوف ام مشاري ام حاتم وام رغد وفطومه فعلا ياليت ترجع ذيك الايام |
ميته على طلعة بر ابي اررررررررروح للبر بس بعد ماهو اي بر
جده برها يلوع الكبد ابي سهله بر مفتوح ما ابي اشوف الجبال الله على اخر مررره رحت فيها للبر مع ابوي الله يرحمه رحنا لبر قريب من المجمعه ناحيه جراب فيها بر خيال وكانت الدنيا ربيع وغيوم وبرررد نفسي اروح واعيش هاك الايام من ثاني كان المطر ينزل خفيف وشابين نارنا وقدرنا على النار نسوي غدانا اتذكر كان فيه حطبه كبيره مقوسه جيت ابكسرها ثبتها بالارض ونطيت فوقها واطيح فوقها بغت تكسر رجلي بس كانت من اروع طلعات البر |
مـــــــــتـــــــــى تـــــــــربـــــــــع دارنـــــــــــــــــــا والــــمـــــفـــــالـــــى ""تخضـر افياضـه عقـب مــا هــي بيـبـاس
ونـــــشــــــوف فـــــيــــــه الـــديــــدحــــان مــــتــــوالــــى ""مثـل الرعـاف بخصـر مـدقـوق الالـعـاس يــنــثـــر عـــلــــى الــبــيـــداء ســــــــواة الــــزوالــــي ""يــشــرق حــمــارة شــرقـــة الـصــبــغ بـالــكــاس اليوم مزاجي ربيعي مع انا في اخر الصيف اعتقد بس طرى لي ورد احمر زمان كان يطلع بالبر طبعا في عرعر غير واسمه الديدحان شكله حللللو بس ريحته شنيعه كأنه رز محروووق http://www.liilas.com/upp//uploads/i...457119a709.jpg زمان كانت الارض اذا ربعت وصارت كنها بسطاط اخضر كان اهم شي ندورر على نبته اسمها الربحله سويت عنها بحث ولقيتها ماتتصورون شلون فرحت بصورتها كني شايفه احد غالي ومن سنين ما شفته http://www.liilas.com/upp//uploads/i...eabc278949.jpg والا لصارت الارض كلها موف يووووووه شي خيال سبحان الله موف لأن اليهق ينتشر بكل مكان برضو سويت بحث عنه ولقيته http://www.liilas.com/upp//uploads/i...30b5160033.jpg ام وليد شرايس بالصورر تراها لعيونس وبس |
اعيش على الذكريات واسترجعها دائما ......
اتمنى في تلك اللحظه ابقى ولا اعود ...... اود ان ابقى معهم اطول وقت ممكن .............. لكن لابد من العوده للواقع ............. تركتهم هناك في ذاكرتي .................. احسد ذاكرتي لانهم داخلها |
حماك الله ياوطني من كيد الحاقدين وعبث العابثين
|
اليوم رجعت لموضوع لي اسمه مسجات مقالب ولقيت واحد راد رد ماله داعي ما عجبك الموضوع ماانت بمجبر ترد لكن ان رديت ياليت تتعلم الذوق ((:zkc04699::zkc04699:
|
يارب
ان كان في اللي اتمناه الخيره ان تيسره وان كان فيه شر ان تصرفه عنا |
من زمان عن خواتي يارب اقابلهن اليوم
ودي اعيد عليهن على ان العيد رااااح بس هه البس لبس العيد ولبس عيالي ونشوف وجيه جديده قسم بالله طفش |
اتذكر عيدنا اول مع امي وابوي الله يرحمهم كان فعلا عيد فيه فرحه ونستناه فيه تغيير عن نظام وروتين الحياه من العشر الاواخر كانت امي الله يرحمها تبدى تهل دموعها ولا سألتها ردت علي يابنتي مدري انا الحق رمضان السنه الجايه والا لا ليلة العيد كنا نتحنا ونحاول ننام بدري لا ذن الفجر صحانا ابوي الله يرحمه نصلي وتجهز امي وابوي لصلاة العيد يجي ابوي من المسجد تقهويه وتبخره بالعوده الزينه اللي هو كان يشتريها مخصوص عشان يبخر المسجد كل ليله
الله يرحمك يابوي والله ان المسجد فاقدك وفاقد عودتك من سنين امي الله يغفر لها تطلبنا نروح لصلاة العيد بس حنا خبلات مانروح مع ان المصلى جنب بيتنا وكلن يجي يوقف سيارته قدام بابنا لارجعو من الصلاه لقو الفطور جاهز والحلاوه الله على ذيك الحلاوة ماكنتوش كنا نجيبها ولا رحنا نعيد على الناس ما اشوف مثلها كننت احس ان حلاوتنا ازين حلاوة وهذي حلاوة ماكنتوش للي يبي http://www.liilas.com/upp//uploads/i...0b5f3dfb89.jpg |
والله اني فاقدتهم بالمررره عسى الله يجمعني فيهم في جنات النعيم الشوق ذبحني والله ان دموعي على خدي هالايام مررره يطرون على بالي كل شوي
|
دعاء لوالدي ووالدتي رحمهما الله ....
اللهم ارحم موتى الموؤمنين والمؤمنات والمسلمين والمسلمات الاحياء منهم والاموات اللهم ثبتهم عند السؤال وعند سؤال منكر ونكير اللهم واجعل لهم في مواهب رحمتك حظا ونصيباً اللهم ولمن دعا لهم من اولادهم والموؤمنين سميعاً ومجيبا اللهم انقلهم من ضيق القبور الى سعت الدور والقصور وسدر مخضود وطلح منضود وماء مسكوب اللهم ومد لهم في قبورهم مد ابصارهم اللهم وابدلهم دارا خيرا من دارهم واهلاً خير اً من اهلهم ودارا خيرا من دارهم اللهم واغسلهم بلماء والثلج والبرد وطهرهم من الخطايا والذنوب كما يطهر الثوب الابيض من الدنس اللهم يمن كتابهم وهون حسابهم واجعل الجنه مقرهم ومثواهم اللهم ان كانو محسنين فزد بحسناتهم وان كانوا مخطئين فتجاوز عن خطايهم اللهم يمن كتابهم وهون حسابهم واجعل الجنه مقرهم ومؤواهم اللهم انزل عليهم ظياء ا ونورا وفسحة ا وسرورا اللهم اجعلهم من اهل الجنه اللهم ارحمهم فانت العليم بحالهم منا اللهم وخذ بنواصيهم الى الخير والى جنان الخلود اللهم اجعل القبر روضه من رياض الجنه ولا تجعلها حفره من حفر النار اللهم هذا حالنا لا يخفى عليك وهذا ضعفنا ظاهر بين يديك نبرأ من حولنا وقوتنا الى حولك وقوتك اللهم انزلهم منزل صدق واجعلهم من الفائزين اللهم امين |
ياكثر مايمرعلي طيفكم وربي ماني مصدقه ماهو عدم ايمان او عجم يقين بالله بس كل يوم اقوم من النوم وانا اقول حلم اليوم بشوفهم بس في الاخير اكتشف انه واقع انتم مانتم فيه صار هذا هاجسي
http://www.liilas.com/vb3/t144334.html لكل من يدخل هنا ادعو لوالدي بالرحمه والمغفره وان يجمعني بهم في جنات عرضها السماوات والارض |
يا حبي لجاراتي كل وحده عالم غير الثانيه كنت طفشانه ونستني يا بنات الله يسعدكن كلكن شوشوز سوسو توري حنون غيومه خطوره بوحه شجونه سارونه هيونه صبوحه كبرياء فيدو شرف كلكن مريتكن وتفرجت على بيوتكن ما شاء الله شي يستحق الزياره
|
يا حبي لس يا غيومه وسعتي صدري وغيرتي مودي تماماا الله يسعدس ويخلي لس ابو الشباب ومعاذ وخواته ويصلحهم ويعينس على تربيتهم
|
اقتباس:
وانا اقرأ سطوري ماصدقت انه انا اللي كاتبتها كتبتها وانا شبه نايمه بس حلو حسيت عبرت صح فعلا ابي اكون معهم وبس |
فيني صيحه ودي ابكي من امس دموعي بس تنزل اعتقد هذي اعراض كآبه اعوذ بالله من الشيطان الرجيم واعوانه لا احد يسأل وش فيس مافيني شي بس ذابحني الشووووق ما تتخيلون
|
كمل الناقص فهودي بس يصيح ابي اناااااااااااام كملت 24 ساعه وهذا يصيح شكله ممغوص لأنه بس يصرخ الله يشفيك يا قلبي
|
يارب
ان كان في اللي اتمناه الخيره ان تيسره وان كان فيه شر ان تصرفه عنا |
نودي الله يسعدس يا بنت ام نودي
|
امس كلمتني صديقتي لنا عن بعض 9سنوات ماشفنا بعض الله يخلي التلفون والرسايل اتصلت شرهانه علي وتلومني تقولي ماانا متعوده تقطعيني كل هالمده جلست اتعذر لها فعلا انا الفتره الاخيره اعتزلت التلفون ما عاد اكلم احد يالله خواتي وبعد اطول عنهن بس هن ما يخلني حبيباتي الله يخليهن لي ولا يحرمني منهن صديقتي ذي توحمت علي هههههه والله كل ما اتذكر اموت من الضحك لا تكلمت قالت لي تكفين اسكتي وكنت ازعل عليها ويوم عرفت الوحام عذرتها الله يسعدها ام مشاري
|
لا تشتكـي مـن الايـام للنـاس
************************* ****وادفن همومك في ثرى الصمت كله اسـرار عمـرك خلهـا تحـت الانفـاس ************************* ****لا صــار هــرّاج القـفـا فـاطـنـن لـــه هذاك يفرح لا لمس جرح الاحساس ************************* *****و هــذا مـنـاه لا لـقـى فـيــك عـلــه جـو الربيـع بعـجـة الصـيـف ينـحـاس ************************* ****لاجت هروج(ن) ما تجي فـي محلـه داعب هموم الليل لا هب نسنـاس ************************* *****وعطها الخبر من قلب خل(ن) لخلّـه قلّـه حبيبـك مـا وطـى قلبـه الـيـاس ************************* ****حتـى عذابـك بالـهـوا جـايـز(ن) لــه تعيش بالوجـدان مـا عـاش هالـراس ************************* ****لـولاك قلـي وش انـا عايـش(ن) لـه إن زانـت الايــام يــا شــوق لابــاس ************************* ****ولاّ صـبـرنــا لــيــن ربـــــك يـحــلّــه تعجبني هالقصيده لدايم السيف |
جى حامد من المدرسه وهو ميت من الضحك يوم سألته يقول يمه بيدرسنا ابلات وبيعطوني زي ههههه بس الحمد لله ماهو مريول
الله يعطينا خير هالمدرسات على اجيال الاولاد ويكفينا شر ها لقرار |
ابي انااااااااااااام ومافي احد يصحيني جوعانه نووووووووووم
|
صباح الخير
صباح الورد يا خلي يلامس وجنة المشتاق صباح الشوق لاهل الشوق كل الشوق يهنا بك صباحك يا خويّ العطر تتعطر معاه أعناق تهل بطبعك الرايق ومن ريقك حلا اصباحك صباح يصحي اللهفة وقبل الفجر هل اشراق ضيا وجهك يصحيني واعرف ان الفجر زارك بهمسات الغلا تهمس تحاكي خاطرن تواق تلامس خافقي بكلمة أحبك تفضح أسرارك تناديني بعذب الصوت يا؟؟؟؟ حبيبك فاق علامك يا ربيع العمر مختبية بأحلامك وانا ما بين همساتك اخبي داخلي لشواق عليك اتغنج بطبعي احب اجنن احساسك ولكنك تعرف الي يذوبني وكيف انساق تجي وتقول يا عمري حبيبك حيل محتاجك أفز ولهفتي لاجلك ولحضانك اجي بعناق اذوب بشوق يغمرني تلحفني بأنفاسك حبيبي يا حلو اصباحك بقربك كل شي راق أبيك بفجرك وليلك يَزين الوقت لا جابك |
صباحكم رضا من الله
|
لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم .. لا إله إلا الله وحده لا شريك له .. له الملك .. و له الحمد و هو على كل شيء قدير .. الحمد لله الذي لا إله إلا هو .. و هو للحمد أهل .. و هو على كل شيء قدير .. و سبحان الله .. و لا إله إلا الله .. و الله أكبر .. و لا حول و لا قوة إلا بالله .. إلهي .. أذهب البأس رب الناس ، اشف و أنت الشافي ، لا شفاء إلا شفاؤك ، شفاءً لا يغادر سقماً .. إلهي .. أذهب البأس رب الناس ، بيدك الشفاء ، لا كاشف له إلا أنت .. يارب العالمين آمين .. إلهي .. إني أسألك من عظيم لطفك وكرمك و سترك الجميل أن تشفي اخوي و سوسو و تمدهم بالصحة و العافية .. إلهي .. لا ملجأ و لا منجا منك إلا إليك .. إنك على كل شيء قدير . |
عند ي امنيه مشغله بالي ودي انها تتم ياترى لو تحققت بيروح احساسي بالحاجه لها اذا سويتها خلاص ماعاد افكر اني اكررها !!!!
يعني بس شوقي لها هو دافعي واللي يخليني متحمسه يااااارب ان كان لي فيها خير ان تتمها وان يكان فيها شر ان تصرف تفكيري عنها وتصرفها عني |
عجزت القى لك مثيل 000 ادور اشباهك بين الخلايق ابد مالك مثيل 0000 يابوي
|
كل شي عندي احطه في مقارنه 0000 اقارن وقتي الحالي بوقتن مضى 000دايم يفوز اللي كان واللي حصل 0000 حالة حنين دائمه مشتاقه لبيتنا لشارعنا لجيراننا مشتاقه مشتاقه
ابي اطلع السطح حزة العصر اروح للجيران ابي ارجع ابي ارجع واشوفك يابيتنا ابي بابنا البني ابي غرفة امي ابي مجلس ابوي ابي ارجع يارب اروح يارب اروح والاقيكم يارب اروح |
ما كل ما يتمنى المرء يدركه ** تجري الرياح بما لا تشتهي السفن
ياليت ارجع ادرس واروح للمدرسه شعور ما كنت اعتقد اني بحسه وانا طالبه زمان لويقولون اذا تخرجتي بترجعين تدرسين كنت اقول وبكل حماس طبعا لا احد يخلص من الكرف ويرجع له الحين اتمنى ارجع طالبه واداوم وادرس بس الموانع اقوى من الامنيات بنتي رنا كل يوم تقولي يمه ياحظس ماتدرسين وانا ارد عليها الا انتي اللي يحظس تدرسين |
امي الله يرحمها كنا اذا ضحكنا كثير تقول يكفينا شر ما ضحكنا به اليوم الحمد لله كنت مبسوطه وضحكت بس قلب علي الضحك ذا بنكد تعبااااانه بطني يتقطع من الوجع صحيح الان احس نفسي احسن بس جاني شعور غريب عرقت وغامت الدنيا حولي حسيت بالاغماء شوي واختي تقومني معها يالله قمت اشغلت الناس معي بس الحمد لله مر الالم والله لايعيده
|
للاسف تمنيت ومانلت بس عزاي الوحيد اني طلبت ربي الخيره
لازال عندي امل ان ربي كاتب لي ارووووح اذا ماهو الحين مستقبلا |
استغفر الله واتوب اليه
|
تذكرت الزمان اللي ** مضى لي يوم جن الليل تذكرته وأنا عيوني ** من دموع العنا غرقى تهل دموعي الحرى ** على هاك الزمن وتسيل على خدود محرقها ** عنى أيامها حرقى |
ارسلت معه شوقي وسلامي ووصيته تكفى سلم عليها ابي تعرف اني مانسيت ولا جفيت بخاطري غصب عني وقلها ان الله ماكتب لنا لقا قريب قريب ان شاء الله اشوفها ربي يعجل باللقى ربي يعجل باللقى
|
|
|
بناء على نصيحة مالي شبيه نزلت رسمتين من رسمي يقالي فنانه وش رايكم انفع يعني ههههه الله يجبر خاطر من تعجبه رسماتي ومستقبلا بحط رسماتي الباقيه يمكن اسوي اتيليه
|
اليوم عندي زحمة مواعيد وكلها المفرووض اسويها بالتلفون مالي خلق بصراحه بس كلها ضروريه
اهم شي لازم اخذ موعد في المستشفى |
قصيدة صغير ........ صغيرعــــلى هذا المكان اللي سكنته والسنين سنين وانأ تـــوّي صغير ٍ مــاعــــرفت الهـم وأسـبابه هـــــنيا كانت ألعابي هنيا كــان بـــيت الطــــين هـــنيا كـــنت اغـــني للمطر وابــكي عـلى غيابه وحيد الله يالـــــوحده يا هي أقسى من السكين إذا قطع شرايـــين الخفــــوق وقــــســــم أربابه وحيد وكم تمنيت الفراش يضـــــيق بالــــغالين أبـــي أخـــو ٍمثل عـــمري يشاغبني وانا الهابه اعاني ليلي الشاحــــــب ياكرهي للضلام الشين بحضن الرحمه اهـــداء واطمـــئن البال واسلابه أبوي اللي ليا شـــفــته ماعاد أسأل عن الباقين تهادى بي أكالــيـــل الـــفرح ليمن ضــــحـك نابه هو العالــــــم بعيني والغلى والشوق والغاليــن وانا حلـــمه وكــــل الناس في عينه وانا احــــبابه اصابيع الطفل تعـــبث بلحية راعي القـــلبيــــن ويـــطــــوقني في أيـــدينه وانــــا حــيل اتلوى به كريم ٍ لو طلـــبته مـــابخل بعيـــونه الـثـنــتـــين مايســـألني مدام اللي في الخـاطر هـــــو ودرابه ياكم ليل ٍ سألــته لــــيه مـــــاغيري ولو طفلين ولاكنت افهم ادموع ٍ تحـــجر من ورى اهــــدابه ولاكنه يواسيني ويحضــــني بعطـــف وليـــــن وانام وهـــو يعاني مــن سؤال ٍ وقض واتعــــابه وعلى صبح العصافير وتردد هـرجة الــصاحين صحيــت وكنـــت ناسي ليــــلي البارح ومــــاجابه تغني لي حمامة دوح واردد لــهـــا تلـــحــيــن تعرف اني ابادلها الغلى والحس مــــــتــشـــابــــه احس ان الفضاء ملكي اهيمه وين مابـغى وين احــــــس اني مثل طير ٍ يـــغرد خـــارج اســـــرابه اعوض حزن ليلي بالمرح والهى مع الاهيــــن نهاري عمري اسعــــــدبه وامـــرح به واحــــــيابه واذا شــــفت بـــطريقي اخوة ٍ متماسكين ايدين امسح في كفوفي دمــــعي الــــلي هـــل صـــــبابه وعــــوّد مـــنكسر خــــاطر محــطم تايه ٍ حزين ولا .ادري الا وانـــــا في بيتـنا واقف علــى بـــابه وتكبر بي سنين العمر عشر وسبعة وعـشريـن ومازال الطفل في داخـــلي يشـــكي من اتـــــعــــابه وفـــــقدت الغالي اللي راح مني ساعة اليـــقين أبــــوي اللي خذاه الوالي الــــــــخـــلاق لــرحــــابه فــــقدتــــه لكن أشوفه في وجيه اهلي الحـيـين احســــه فـــي حــــياتي واتـــــذكر حــــلـو ترحــــابه عساه بجنة الفردوس دار الصــــفوه الـــعالين يـــاربي وسع القـــبر الصـــغــــيـــر وبــــرد تـــرابه طلبتك ياعـــــظيم الشان والسامع يقول امـــين تجــــيـــره مــــــن عـــذابــك ياعـــظيم وبيّض كتابه ................ للشاعر المبدع سعد الحميداني |
مزاجي اليوم مدري كيف اوصف طرت لي امي الله يرحمها وش اقول عن امي امي من الناس اللي ترتاح لاشفته في بوجهها سماحه ماتوصف الكلام ذا اجمع عليه كل من عرف امي يوم تتوفى امي الكل حزن وبكى عليها امي كانت البنت الوحيده بين اخوانها خوالي للان يبكونها وما الومهم
الله يرحمس يايمه ويغفر لس |
|
اليوم بروح للمستشفى واشوف الدكتور وش بيقول بالفتاق ودي اسوي هالعمليه وارتاح سبحان الله يمكن امي طرت علي لأن هي بعد عانت من الفتاق
|
الوحده شييييينه تلعب بالواحد الهواجيس كل فكرة شينه تطرى له منغير شر عيالي بالمدارس وابوهم وقاعده اقلب بالهواجيس اصحي فهودي يسليني ماله خلق ضعيف نكدت عليه
|
يمكن أنا اكون أعز إنسـان فـعيونـك
...............بس انت والله كـل النـاس فـعيونـي |
اصبحنا واصبح المللك لله
|
اليوم حمودي الله يصلحه جنني له ثلاث ايام يداوم في الرووضه والا يكتب بكتبه كلها ويلون واليوم يصيح وعلى حس واحد ابي الوووح اللوده وانا ياحبيبي اليوم خميس ما احد يروح للمدرسه حتى اخوانك شفهم نايمين وهذا مستمر ابي الوووح اللوده وش السواة واحاول الليهيه ما في فايده اخر شي قالي ابى كلاستي والقلمات هههه كراستي والاقلام اللي هي الالوان والله مت من الضحك ولدي ذا عليه مصطلحات عجب
|
اللهم اني اسألك الخيرة في امري يارررررب
محتاااااااره |
الله أكبر. الله أكبر. الله أكبر كبيراً.الله أكبر. الله أكبر. لا إله إلا الله. الله أكبر. الله أكبر ولله الحمد.الله أكبر. الله أكبر. الله أكبر. لا إله إلا الله. والله أكبر. الله أكبر ولله الحمد
|
اللهم صلي على محمد وعلى ال محمد وصحبه اجمعين
|
اليوم سمعت مقطع للشيخ الخليفي امام الحرم الله يرحمه اثار في ذكريات حلووووة ذكرايات الطفوله
بلله اسمعوه واسمعودعاااء ختم القراان شيء مهييب اللهم احسن خاتمتنا يااارب YouTube - ‫ظ‚ط¯ظٹظ… ظˆظ†ط§ط¯ط± ط¹ط¨ط¯ط§ظ„ظ„ظ‡ ط§ظ„ط®ظ„ظٹظپظٹ ط§ظ…ط§ظ… ط§ظ„ط*ط±ظ… ظ‚ظ†ظˆطھ ظˆطھظ„ط§ظˆط©‬‎ |
|
الله يرحمك يابوي كان التكبير ماينقطع من لسانك في مثل هالايام المباركه
|
يااارب يسر لي امري وسهل اموري
|
مدونتكـ خبااال وربي انبسطت فيها رغم بساطتها ربي يحفظك مشاعر
ياهلا والله بمشااااعر نورتي ياعسل |
عندي رغبه شديده انبش اوراااقي القديمه حنيت لها
|
نفسي ارووووح عرعرالجو بررررد ويوم شفت هالمقطع ذااااب قلبي على هالاجوااااء ياسلااااااام برررررررد
http://www.youtube.com/watch?v=51rmW...eature=related |
محتاجه دعواتكم معي بكره عندي عمليه يارب تعديها على خير
بنااات سامحوني وحللوني ان كان يوم غلطت بحق وحده منكن ولا تنسون تدعون لي |
الذين يشاهدون محتوى الموضوع الآن : 2 ( الأعضاء 2 والزوار 0)
ام رنا ,ام البنين منوره ام البنين |
استغفر الله واتوب اليه
استودعكم الله الذي لا تضيع ودائعه خرووووووووج |
السلام عليكم ورحمة الله وبركاته
عدت اليكم من جديد والله مشتااااقه لكم وحشتوني :8_4_134: |
شكرا من الاعمااااق للجميع لكل من سأل عني وشال همي ودعا لي الحمد لله انا بخيييير ياربي لك الحمد
|
مسسسسسس
سسساء الصحه والعافيه حبيت اشكر فيدو الرقيقه على عيديتها تسلمين ياذووووق http://www.liilas.com/up/uploads/liilas_12901648884.gif http://www.liilas.com/up/uploads/liilas_12901648883.gif |
بوحه وخطورررة العسولااات فديتكم على هالعيديه الغااااااويه
http://www.liilas.com/up/uploads/liilas_12901648882.jpg |
زوووووووووووووزووو ياربي يسعدك عيديتك ونستني
http://www.liilas.com/up/uploads/liilas_12901648881.png |
♪♪♪
أسأل الله لك .. راحة تملأ نفسك ، ورضا يغمر قلبك .. وعملا يرضي ربك ، وسعادة تنور وجهك .. ونصرا يقهر عدوك ، و ذكرا يشغل وقتك .. وعفوا يغسل ذنبك , وفرجا يكشف همك .. ورزقا يقضي دينك ، وعيدا يسعد قلبك .. أعواما مديدة ، من العايدين .. ♪♪♪ مشكورررررررة حنون وربي يسعدك على هالدعوة الحلوة |
|
عندي هذره وش طولها عن معاناتي بهالكم يوم اللي فاتن بس دعواتكم لي انا الحين عندي موعد عند الدكتور عشان يشوف نتيجة العمليه ويشيل اللصقه لا جيت هذرت عليكم
|
مساء الخيييييييييييير
في يوم 7-12-1431 هجري دخلت المستشفى كان فيني خووووف ماهو بصاااحي سوينا الاجراءات ودخلنا الغرفه كان لونها اخضر بصراحه تفائلت باللون وبعد ساعه جا الدكتور وبكل ثقه يقولي ما تخافيش يابتي اي هين ما اخاف بعدها بساعه دخلوني غرفة العمليات وانا معدل الخوف زاااد عندي صارت الرجفه تزيد ايديني ترجف وحنوكي ترقص والا الدكتور اردني يقولي ها يا بنتي شو خايفه وانا اهز راسي ايه صابني خرس اخاف اتكلم اصيح والدكتورر رايق على الاخر يقولي هلاء بغزغز فيكي وهو يحط المغذي وبضلني نغزغز بهالابر وانتي نايمه يقاله ينكت ابن الحلال وانا اتراجف الله يسامحه شوي دخلت دكتورة التخدير عجوووز يالله تمشي تخيلو بصراحه تطمنت يوم شفتها <<<العكس صحيح تكلمني هايابنتي عندك اسنان تركيبه هزيت راسي لا عندك عدسات برضوه لا جايه اكشخ انا عندك زغط والا صوكر لا الحمد لله بس شكله بيجيني عندكم تيب دلواتي حتنااامي ما امداها خلصت الا انا فعلا نايمه وصحيت على وحده تهزني هز عنيف قاله افاقه الله ياخذ الشيطان رجت مخي بعدها طلعوني للغرفه ونمت ما صحيت الا على شعورررركريه وهو الغثياان وجبت العيد واستفرغت اه اه اه يا بطني تخيلو الالم بالله اضعاف مضاعفه المهم عطوني ابر لمن قلت بس شي مسكن وشي مضاد غير المغذي الغثيث المهم قعدت يومين وطلعت الحمد لله لبيتي |
يوم عرفه اغلب الوقت نايمه وماتحركت كانت العمليه مررره تألمني
المهم الشيخه الخدامه على صلاة المغرب جتني تمسكن مدااام انا بابا في صوي هادس وانا بصراحه تفاعلت معها لا سلامته قالت انا يبغى يروح قلت وين اندنوسيا قالت لا انا في روووه عند جماأه هقي انا ليش وش بيسون لس قالت انا مايقدر يشتقل قلت لها تروحين وتخليني انا ما اقدر الحين اسوي شي تعبانه تركتني وطلعت وهي طالعه تقولي مأالسلامه يا مداام بصراحه انبهت مدري وش اسوي ولا ادري وش اقول وادق على ابو العيال قلت لها الشيخه راحت قال طيب خليها تروح وانت لا تسوين شي خليس مرتاحه بالله بالعقل ويني ووين الراحه بيت وفيه اربع اطفال من يبي يساعد فيه يبون ملابس واكل ورعايه وانا ياله اقوم بنفسي جتني كآبه و تخيلو ليلة العيد المفروض تكون ليلة فرح ووناسه |
العييييييد انواااع الطفش صبح العيد لبست عيالي وراحو
مع ابوهم بيت جدهم وعيدو مع عمتهم وجدهم على الظهر رجعو ا وهم دايخين من الشمس واقفين مع ابوهم وحظرو الذبح حمودي الحبوب طن براسه الا يتروش ماما ابي اتروووص وانا منسدحه رنوو تكفين روحي روشيه جا حامد يمه جوعاان طيب باله رنا سويله سندويش رنا يمه طفشانه عاااد هنا وش اسويلها والله ماتنلام الضعيفه مكرووفه ومحبوسه المهم عيالي حبو النوووم لانه كان الملاذ الوحييييد لهم انا ما اقدر اروح اي مكاان وابوهم راااح عند جدهم اللي اصلا رايح زوجي عنده عشان يونسه فالنوووم رررحمه |
على المغرب اسوى جتني اختي وعيدت علينا الحمد لله وتغير مزاج عيالي
بعدها الايام مرت وانا من دون شغاله والله تعبت وتعبت عيالي مساكين وبدت رحلة البحث عن شغاله ثانيه لان اللي راحت ماتبي ترجع ياورطة الورطه وكل ماتصل على وحده ترد مااافي مدااام كلللو يرروووه الهج يامال الهجاج ان شا الله |
الذين يشاهدون محتوى الموضوع الآن : 2 ( الأعضاء 2 والزوار 0)
ام رنا*, ساااااره نوررررتي بيتي سااارونه |
الذين يشاهدون محتوى الموضوع الآن : 3 ( الأعضاء 3 والزوار 0)
ام رنا*, شجن الروح, ساااااره ياسلام شجونه عندنا يامرحبا يامرحبا اقلطن خلني اضيفكن عصير والا قهوة |
اليوم كملت اسبوع من بعد العمليه والحمد لله
رحت للدكتور وشال اللصقه وطمني على الوضع بس طلب مني طلب ما اقدر اسويه تخيلو ووووو يقولي لا تصااارخين !!!!! ياربي ما اقدررشلون انادي عيالي والاشلون اطلع الزعل اللي فيني ههههههههه طلبه ذا غير معقووول !!!!! |
اليوم ضحكت على ولدي حامد لمن قلت بس
كنت قاعده ادرسه رياضيات الدرس الاستلاف بالثلاث المهم لقيته حال المسائل بدون استلاف قلت له ليه ياحبيبي الدرس عن الاستلاف رد علي وهو زعلااان قال يمه انا ما احب اتسلف من احد هههههههههههههههه ياقعدت اضحك واضحك وهو يضحك معي ورجعت اشرح له الدرس من جديد عاد هو المحتال يوم شافني متحمسه قالي يمه والله فاهم بس مالي نفس احل وحليت اي كلام اختبرته بكم مسأله وعرفت انه فاهم صح بس العجز وما يسوي |
مساء الخييير
اليوووم مزاجي عراقي بحت زماان كانت جارتنا عراقيه اسمها ام حيدر كانت على طول لابسه اسود باسود ومره امي الله يرحمها سألتها ليش لابسه اسود دايم ردت وقالت انها بحداد على اخوها وابوها وعيال عمها ماتو بحرب ايران مدري ليش جت ببالي ام حيدر يمكن عشان شفت هالفديو بس فعلا شكل ام حيدر قريب من هالحريم بس ما كانت تغني خدري الجاي :) |
الذين يشاهدون محتوى الموضوع الآن : 3 ( الأعضاء 3 والزوار 0)
ام رنا, حفيدة الألباني, وداعا أيتها الحياة جد نورتو داري المتواضعه عيوني فيس عراقي |
الذين يشاهدون محتوى الموضوع الآن : 2 ( الأعضاء 2 والزوار 0)
ام رنا, بياض الصبح+ تفضلي عيوني الجاي فيس عراقي |
اصعب شي بالدنيا تشوف انك وحيد بمفاهيمك وقناعاتك
وكلن ينظرلك على انك غريب شخص عجيب الطباع والتصرفات ليش تغيرت نظرتنا صارت سودا كل شي حولنا نشك فيه ليش نفسر نوايا الناس على كيفنا وتفسر نوايانا بسوء ليش الدنيا صارت تخوف انا مؤمنه اني على حق ويقين وانهم على باطل وما املك الا ان ادعو الله لهم ولي بالهدايه وحسن الخاتمه |
اللهم اني اسالك الثبات في الامر والعزيمة على الرشد اللهم اني اسالك قلبا سليما ولسانا صادقا اللهم اني أسألك من خير ماتعلم واعوذ بك من شر ماتعلم واستغفرك مما تعلم انك انت علام الغيوب )
|
يوم الاربعاء
الموافق 22-2-1432 من فضل ربي علي وعلى اولادي والحمد لله على نعمه العظيمه اصبحنا يوم الاربعاء مثل اي يوم نرجورحمة ربي وعفوه ورضاه كان اليوم هو موعد تسليم شهادة بنتي رنا وكان موعدنا مع السواق الساعه 8 صباحا صحيت مكسله وقلت لابو العيال بأخر موعد السواق الى الساعه عشره ووافقني وراح للعمل بعهدها فكرت ليش خلي عيالي يروحون بدري ويرجعون بدري وفعلا على الساعه 8 راحو للمدرسه اللي موجوده في الحمرا ولابد الاتجاه لها عن طريق شارع فلسطين والتحليه والمسافه بعيده من بيتنا المهم استغرق مشوارهم ساعتين ورجعوا اولادي ولله الحمد الساعه عشره وكانت الامطار في شمال وجده وغربها وحنا بيتنا في شرقها بعدها اتصل زوجي وسألني عندكم امطار قلت له لا والسما مغيمه بس ما فيه امطار قالي حنا غرقنا امطار غزيره جدا وزوجي في حي الثغر في عمله بعده باقل من ربع ساعه اسودت الدنيا وامطرت بغزاره كان هذا الساعه 10 ونص وكانت الامطار تزيد غزاره واستمرت الامطار وبعدها صار برق ورعد يصم الاذان والله والله في حياتي ما شفت مثل امطار الاربعاء امطار العام اللي غرقت الناس ماهي بغزارة امطار الاربعاء وكان شي ملفت للنظر ان السحاب متوقف عن الحركه او بطيئ جدا في الحركه وكان منظره مهيب منظره اسود ونازل ومنخفض في حياتي ما شفت السحب نازله بذا الشكل يارب لطفك http://dc10.arabsh.com/i/02605/06o9dgbpgv7u.jpg http://dc06.arabsh.com/i/02605/5m0f85dpbfuh.jpg http://dc08.arabsh.com/i/02605/6os56qee3ypi.jpg وكنت مرعوبه بصراحه لو سمعتم صوت المطر يضرب على سطح البيت له هدير صوت مستمر صوت مخيف وفي فتره تغير اتجاه المطر ودخل علينا مع الشبابيك والمكيفات يصب صب ما لحقنا وحنا نجيب من المناشف واللحغ حتى امنع تسرب المويه داخل الغرف من رحمة ربي نا بيتي مرتفع على جبل والا كان غرقنا مثل ام الخير والسامر والتوفيق والاحياء النازله بعد ما توقف المطر بعد صلاة العصر رحت اتصل بخواتي وزوجي وجيراني افضع شي كانت اخبار بنات الجامعه والطالبات والمدرسات انا زوجي مدرس وكانو محتجزين في مدرستهم مع الطلبه ال ما بعد صلاة العشا والحمد له انه جى لان كانت الاخبار تقول انفصال شرق جده عن غربها وانا وعيالي في بيتنا في شرق جده وزوجي في غربها بس الحمد لله كان كوبري الملك عبد الله مفتوح وقدر يوصل لنا بطلوع الروح بما ان اغلب الطرق غرقانه ومقفله |
اليوم الثاني حاول زوجي يوصل لبيت ابوه وصل له بعد 3 ساعات والطريق عادة ما ياخذ الا عشرين دقيقه الطرق مقفله والفوضى منتشره امس طلعنا نشوف اثار المأساه واكثر شي عور قلبي
ام الخير وسدها تخيلو معي والله مهما وصفت حجم الكارثه ما توصل الصوره ما توصل السد اللي ضاحكين فيه علينا ردمية تراااااب ردميه وغطوها بصبات خرسانه جاهزه متخيلين الموووضوع على قول واحد في احد المنتديات هذا مطب ماهو سد عز الله انه مطب فينا حنا يا هل جده http://dc10.arabsh.com/i/02605/tlo6a8jwb24q.jpg http://dc07.arabsh.com/i/02605/oqi38xtygo0a.jpg |
طبعا اليوم اجازه وباقي الاسبوع بس بعد ايش جت هالاجازه جت بعد خراب مالطا او بالاصح خراب جده
اسبوع ويالله يكفيهم يسنعون جده المهلوكه واللي يزيد الخوف في تحذير بعد يومين انه في موجه جديده من الامطار يارب سترك يارب ترحم عبيدك |
|
كثير تمنيت اعيش الماضي وارجع طفله بدون هموم ولا مسؤليه ارتمي بحضن امي واتدلل على ابوي
بس التمني ما يفيدنا بشي بس نتحسر على ارواحنا http://www.youtube.com/watch?v=kxjB4...eature=related |
آنآ مآبي من .. ( إحسآسگ ) .. سوى إنّي إذآ شفتگ ..أنآدي لـ آلسّمآ » يـــآآ رِب « .. يآ حنـّـآن يآ مَنـّـآن .. {لا تحرِمني هـ آلإنسآن
اعجبني جدا |
http://www.almlf.com/get-3-2011-almlf_com_23s0gv7q.gif
http://www.almlf.com/get-3-2011-almlf_com_kj0ux3gj.gif http://www.almlf.com/get-3-2011-almlf_com_coyu7sy2.gif http://up.liilas.com/uploads/liilas_12994318641.png تعالوا اقوولكم>>فيس متربّع ويشرب زنجبيل :) وربي حسّيت قلبي بيووقف وانا اتصفح اليوم شدّني موضوع...واحد كاتب : اوجد الفرق بين الصورتين..عشرين فقط اكتشفوه كن الـ 21 قلت ونااااسه خل اجرّب حظّي...ويوم دخلت لقيته حاط رابط ودخلته ولقيت صوره حلوه جبال وبحر وانا اخذت يمكن 7 ثواني احاول اطلّع فرق وااحد آآآآآه فجأه قفز وااحد في وجهي وربي حسيت ايدي ثقيله ماقدرت اشيل السماعات وصياحه مززعج وانا لحالي في غرفتي ومقفله الستااير...حسيت شكلي زي الي في الصوره الاخيره وانا اشيل السمّاعه حراام عليه قمت ارجف وابكي ...ليش مااحط تحذير للبنات ><" في البدايه دعيت عليه...إستغفر الله :) المهم يابنات انتبهوا من المواضيع الي زي كذا>>فيس حرّم يدخلها وفيس ثاني بيرقد بالليل عند اخووانه ^^ ههههههههه سارونه موتيني ضحك نفس موقفس صار لي اكلتها ومت من الخوووف ونقزت عن الكرسي ههههه |
ليه المسا عـوق الشقـاوي وطبّـه؟
وليه الهبوب تصحي القلب لا بـات؟ وليه القمر يدعـي جريـح المحبّـه؟ ويقول له يا هيه..ما فات ..ما مـات جرحك ظهر لو قلـت للوجـه خبّـه وللحزن في ضحكك رسوم وعلامات وليه المطر بالذات ريحـه.. وصبّـه كنّه رسول بيـن الاحبـاب بالـذات؟ اشتـاق فـيـه لشوفـتـك واتنـبّـه للي نسيتـه مـن مواقـف ونظـرات لا استانس الخافق ذكـر مـن يحبّـه ورجع يراجع فالوناسـات مـا فـات يا مرتـع القلـب الحزيـن ومربّـه يزيين بك مثل الذهب صدر الابيـات هيهات ينسى القلب شخـص ٍ لعبّـه وهيات يدله خاطـري منـك هيهـات سبك مديـح .. ومـدح غيـرك مسبّـه تقول واذني صوتها تقول لـك هـات ونبع الغـلا عنـدك وعنـدي مصبّـه ومن الولا .. في خافقي لك ..ولاياات وطيفك حطب عيني..وعينـي مشبّـه والشوق برد ٍ ما انقطع لو للحظـات ومكانك الصدر ولـك القلـب شبّـه بين الضلوع اللـي فردهـا التنهـات ولـك بيـرق ٍ فالقلـب حبـك يهبّـه شامخ ولا هزه مـن العـذل غـارات محبتـك فالوقـت ذا مــا تشـبّـه الا بخيمـة بـدو بيـن العـمـارات ان شفتني ضايق واهوجـس واسبّـه اخاف غدر الوقت.. والوقـت دورات لا تحسب ان دمعي نـزل دون سبّـه ابكي من الفرقا وهـي مابعـد جـات الـيـوم كــل امورنا..مستـتـبّـه وبكره ماندري وش معه من مسـرّات اربّ قلبـك مـثـل قلـبـي اربّــه ما يخلفه كثـر العـذل.. والمسافـات http://www.youtube.com/watch?v=UlglBKND2OY |
بالرغم من مرور كم ساعه على لقانا الا اني احس بحلاوة هذا اللقا ء
يوم شفتها شفت امي الله يرحمها من زمان عنها من كم سنه ما شفتها فتحت الباب لها وضميتها ووالله لوما الحيا من بناتها كان قعدت ضامتها اطول فتره ممكنه يا ناس حسيت ان امي معي من كثر ما كانن صديقات وخوات صديقة امي من وانا صغيره كنت احس شبه بينها وبين امي الله يرحمها جالسه معها وكل شوي امسك يدها واتأمل ملامحها وودي انها ما تسكت الله يخليها لعيالها ويشفيها ويرحم امي وابوي ويجمع بيننا في مستقر رحمته |
يوم الخميس
كان عندي عشا وكانت الجمعه نسائيه وكنت موتعبانه الا هلكانه وعمليتي مرررره تعورني وان شاء الله الاسبوع هذا اروح للدكتور اشوف شالسالفه و من كثر ما كنت تعبانه دعيت ربي يجملني مع ضيوفي والحمد لله كانت العزومه من اروع ما يكون والعشا بيرفكت وبحط لكم صورة طاولة الحلا واللي يبي يمد يده http://up.liilas.com/uploads/liilas_13041189523.jpg http://up.liilas.com/uploads/liilas_13041215701.jpg |
اختي الله يخليها لي
جابت معها كيكة اسبنج بوب عاااد انا اكررره هالشخصيه واتنرفز منها مرررره ما تتخيلوووون شقد عذبوني الاطفال عليها اول ما حطيتها على الطاوله هجوووووم عليه وهات يا تلمس فيها اللي بيمسك عيونه واللي بيسلم واللي يبي يشوفه يتحرك والا لا خخخخخ وكله كوم وعند توزيع الحلا كوووم ثاني واحد يبي يدينه والثاني عيونه واحد ابلشني عطيني من الاحمل (الاحمر ) انا ابي الاحمل الاحمل لي ازعجني قلت له يابابا هذا لونه اصفر قالي ادلي ( ادري ) هههههه وكمل وهو يأشر على رجلين سبنج بوب :الاحمر هي ردوله (رجوله ) |
أم رنو >> فيس يحصنك انتي واختك انا بدي سبونج بوب كمان [نوني^^]
نوني ههههه يفداس سبنج بوب انتي تأمرين امر وبلهجةً اخرى ادللي عيني |
يا هالحنين عجزت القى له له دوا
حاله مستعصيه استلذ بها احن لكل شيء كان معهم اقلب الذكريات وانعش روحي ببعض التفاصيل التي هجرتني اغلبها |
YouTube - ‫ظˆط¯ظٹ ط§ظ…ظˆطھ ط§ظ„ظٹظˆظ… ظˆط§ط¹ظٹط´ ط¨ط§ظƒط± [ ط¨ط¯ظˆظ† ظ…ظˆط³ظٹظ‚ظ‰ ]‬‎ عورت قلبي هالكلمات ياترى من بيذكرني ؟؟ الله يرحمنا برحمته لاجى هاك اليوم استغفر الله واتوب اليه |
السلام عليكم ورحمة الله وبركاته
كل عام وانتم وانا بخير كل عام ونحن الى الله اقرب جانا شهر الخير الله يقدرنا على صيامه وقيامه والله يعيده علينا اعوام مديده ويرحم من لا عاد عليه |
سبحان الله وبحمده سبحان الله العظيم
|
لا اله الا الله محمد رسول الله حسبنا الله وكفى
|
حسبي الله لا اله الا هو عليه توكلت وهو رب العرش العظيم
|
هلولتي نجحت الطريقه هههههه
|
اليوم سمعت هالمقطع اللي يمكن سمعته عشرين مرره وكل مرره اضحك اللهجه الحجازيه رهيييبه
http://www.youtube.com/watch?v=lKzPC...eature=related |
يسعد صباح اللي على بالي
البارح لعبت عيالي لعبه ضحكت فيها لمن قلت بس هههههه كانت عباره عن اسئله واجوبه اللي يجاوب يتقدم ثلاث خطوات واللي يخطئ يتراجع خطوتين واللي يقول ما اعرف خطوه الشيخ حمودي بما انه في الروضه كانت اسئلته سهله سألته من اين نحصل على الحليب ؟ حمودي : من البقره ياماما وتقدم ثلا خطوات رجعت سالته طيب من اين نحصل على الجبنه ؟ حمودي بكل ثقه : من الثوبر ماركت ياماما ضحكت قلت :لا حمودي في حيوان نحصل منه على الجبنه حمودي فكرررر واخر شي رد من الفأر يا ماما هههههههههه قلت لا يابابا من البقر ناخذ الحليب ناظرني وكأنه يقول الحمد لله والشكر منتي صاحيه يمه هههه عااد تقدم ثلاث خطوات قلت له يا حمودي جوابك خطاء ارجع خطوتين طنشني وتقدم خمس مو ثلاث اخر سؤال سألته كنت ابغاه يكمل جملتي قلت له يطوف المسلمون حول ..... رد بسرعه حول الدرج يا ماما هههه ههههه و والله يا حبيبي ما اخبر اننا نطوف حول درجان المهم فازت رنا وقعد حمودي يبكي والدموع اربع اربع انا فزت انا فزت والله ياماما غش انا فزت مو رنا هههه الله يصلحك يا حمووودي |
|
|
ابي اناااااااااااااااااااااااااااااااااااااااااااااااااااام نعسانه والحلوين ما عندهم طاري نوم
|
رهيييبين :58::8680010521::80:
http://www.youtube.com/watch?v=1r1IE...eature=related احلى شي السياسه صارت تياسه ههههههههه |
5-3-1420 تاريخ مهم جدا
مرت السنين وعدت واختلف فيها كل شي كل شي تغير ما في شي ثابت ومضمون ابدا لكن الامل بالله |
يدي تاكلني من بعد ما انهيت
زهره ضاميه ودي اكتب كل يوم افتح الملاحظات واقعد متنحه بالشاشه احس اني مفتقده شي مهم بعدين اقول اهجدي يابنت وارتاحي وخلي بالس رايق وخذي وقتس بس وش اسوي يدي تاكلني خخخخخ |
كيف الواحد يتمكن من توظيف الكلمه ويقدر يحطها في سياق جمله مفهومه وتتعدد الجمل وفي كل مره تكون نفس الكلمه ولكن بمعاني مختلفه وجمل عجيبه
شوفو هالمثال اعجبني http://www.youtube.com/watch?v=Glb2Z...eature=related |
في حاقه
ولا حاقه ما فيش حاقه |
الذين يشاهدون محتوى الموضوع الآن : 1 ( الأعضاء 1 والزوار 0) بنت المطــر
لمعرفة المزيد http://www.liilas.com/vb3/t148694-25.html#ixzz1l5o7cD6E حلوووووو التجديد والتغييير |
مبرووووووووووووووك التجديد ام رنو ^^ ‘ جددي عنوان مدونتك بعد ..
لمعرفة المزيد http://www.liilas.com/vb3/t148694-25.html#ixzz1l6AtcSSH امممم تصدقين قاعده افكر فيها من زماان بس يبي لها تفكيير اشوف وش بيطلع معي بس من انتي ؟؟؟ شكلس حنو |
الحمد لله دائما وابدا
الحمد لله على الامن والامان الحمد لله على الصحه والعافيه الحمد لله على الستر والعفاف الحمد لله كما ينبغي لجلال وجهك وعظيم سلطانك |
نتمنى ونزعل اذا ما تحققت امانينا
يهون علي كثير اني اصبر نفسي واقول لعل في الامر خيره |
حزينه اقل مايقال
رحمك الله اوركيد وغفر لك واسكنك فسيح الجنان صباح اليوم منيت نفسي بالكتابة لك وارسالها لفيدو حتى تقرأين وتسعدين لكن الموت اسرع اثر ت بي وفاتك ودمعت عيناي جمعنا الله في مستقر رحمته فيدو جوزيتي خيرا وأللهمك الصبر وألهم اهلها ومحبيها إنا لله وإنا لله راجعون |
كل عام واحبتي بخير وصحه وامن وامان
شكرا لك من هناني برمضان عسى الله لا يحرمني منكم http://www.liilas.com/up/uploads/liilas_13429540171.png http://www.liilas.com/up/uploads/liilas_13429540172.png http://www.liilas.com/up/uploads/liilas_13429540173.png |
رد: يــقــطــعــك دنــــيــــا مــــــــا لــــهـــــا أول وتــــالـــــى ""
22-07-12, 01:50 PM
اخر مررره دخلت مدونتي واليوم11 سبتمبر 2013 الساعه 2و50 دقيقه ليلا |
رد: يــقــطــعــك دنــــيــــا مــــــــا لــــهـــــا أول وتــــالـــــى ""
ما تدوم هالدنيا على حال بس ما نقول الا الله يحسن لنا الخاتمه
|
رد: يــقــطــعــك دنــــيــــا مــــــــا لــــهـــــا أول وتــــالـــــى ""
ودي اركظ واركظ واركظ لييين تطق جنوبي من التعب شعووور من الطفوله واشتقت له لا عيب ولاعيون تنتقد براحتي
بس ياربي الجنه نسوي فيها كل ما اشتهت انفسنا |
رد: يــقــطــعــك دنــــيــــا مــــــــا لــــهـــــا أول وتــــالـــــى ""
الحين انا محسوده على اني عاطله او ما ادوام بينما انا بدوااااام كامل بدون مرتب والله ومحسوبه علي اني مرتاحه ومعززه اجل صحياني الصبح معا المداومين وشهو وتجهيز الفطور ما يحسب وتحمل النفسيات ومداراتها وش يكون
وبعدها ترتيب وطبخ ونفخ واللذي منه واستقبال الظهر وقطع احلى نومه وابتسامه لازم تكون مرسومه ياشيخه احمدي ربس ما تداومين الحمد لله مع ابتسامه عريضه حلطمه تايم |
| الساعة الآن 01:34 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية