اقتباس:
اححححح تعورتي:lol: الله يعافيج يارب:friends: اقتباس:
هي من درت بمرضه تاكدت انه طلق بسبت هالمرض لكن الموقف ماراح يمر بهدوء وسلام اقتباس:
هيفا وطلال قد قلت بارت السبت لعيونهم منيره ومترك لبعد العيد غلاي ويوفقج ياحياتي:friends: |
اقتباس:
يالبى عينج على هالدعوه لاخلا ولاعدم:friends: |
اقتباس:
اذا هذا نودي مايبرد الخاطر اجل وش اللي يبرده كفيتي ووفيتي ياعمري:friends: |
السلام عليكم ورحمة الله وبركاته
صباح الخير والورد والجوري والفل والياسمين على قلبج الطاهر << فيس جدتي بوحه راعي الورد بارت رائع كالعادة ربي يعطيج ألـــف عافية <<< لا عدمنا هالابداع إن شاء الله ========================== أحلى شيء بالدنيا لمه الاهل مع بعض وخصوصا إذا كانت القلوب صافية وما فيها إلا الحب والاحترام يمكن لمتهم فيها شوية حزازيات من جهة أم تركي لأم ناصر -- وهادي لجابر -- والبنات دلال ومها لهدى بس هذا ما منعهم أنهم يعيشون هالوقت بكل تفاصيله الحلوه والمره -- للحين سبب حقد او كره ام تركي لأم ناصر مو مبين ؟ بس المفروض أم تركي تخلي هالحقد شوي على جنب في مثل هالوقت وهالملة حرام تضيع هالاوقات بالسوالف اللي ما لها داعي << أتوقع هالحقد مو من يوم أو يومين لا السبب كبير ومن زمان حيل يمكن له دخل بالاعيال أو بالحريم نفسهم أنا ما أظن أن أم ناصر سوت شيء كبير تستاهل عليه هالحقد والكره من أم تركي بس كل شيء جايز ويما تحت السواهي دواهي *-^ أما البنات وطريقة تعاملهم مع هدى ترى بعد هم فيهم خير مو هينات يعني حش من وراهها ومن قدامها بعد همزات ولمزات مهما كان هم اللحين مو بيتهم لا معاهم ناس حتى لو قرايبهم المفروض يعاملونها بشوية احترام لان أحترامها من أحترامهم لأخوهم وعياله و الشيء الخاص بين أخوهم وزوجته أبد ما يطلع عند أحد مهما كان يمكن هدى هي اللي اسمحتلهم بالشيء من تصرفاتها بس دايما مرة الاخو تكون متحفزة لخوات زوجها وخير وسيلة لدفاع الهجوم <<< كرة قدم مو حياة بس والله هالشيء أنا أشوفه عندنا ولما تسألينها ليش ترد عليج ادافع عن نفسي -- ========================== (( مشاري -- حسنا -- مشعل )) هالبارت ناقص شوي بعدم ظهور مشاري بس ما يمنع أنه يكون حاضر بحضور حسنا -كنا مشاري كان حاسس أنه راح يصير مواجهه بين حسنا ومشعل سواء مقصودة أو لا --طبعا القفلة أليمة حدها -- السؤال هل راح يصير حوار بين مشعل وحسنا أو كل واحد يمشي بطريقه ؟ وحسنا ليش نبرتة البكى هل هو شوق وحب لمشعل أو مجرد ألم من الصدمة ؟ توقع هالموقف ما راح يعدي مرور الكرام ما حطيتيه إلا وراه شيء كبير<هل ممكن انه يصحي الحب الساكن بقلب حسنا أو أنه هالحب اللي كان راح وسكن بداله حب مشاري وشنو ردة فعل مشاري إذا درى بالموقف وهل حسنا ممكن تقوله هالشيء وهي تدري أنه إنسان غيور حيل وهو منبهها أنها تبتعد قدر الامكان عن المكان اللي يكون موجود فيه مشعل ؟ بانتظار الاجابات البارت القادم *-^ ========================== (( ناصر -- هدى )) الله يديم عليهم المحبة والاستقرار وما تكون بس هلشة معاريس على قولتهم << شكو هالمثل مدري >-< وما يكون تغير هدى في تعاملها مع ناصر بس خرعة من المرة الثانية اللي تأخذ ناصر منها أو بس فترة معينة وراح ترد <<حليمة لعادتها القديمة << وناصر هل ممكن انه راح يستمر يعطي هدى وبيته وعياله الوقت مثل أللحين وما يرجع للنت ؟؟ تدرين غرنوقة مشكلة كبيرة إذا كان أحد الزوجين يهتم لدرجة الادمان على شيء معين ويهمل شريك حياته عشان هالشيء المشكلة ان الطرف الثاني المهمل يحس انه شريكة يخونة بالشيء حتى لو كان هالشيء مجرد جماد لا يش ولا ينش << هالشيء أنا أشوفه بناس أعرفهم الزوج يحب يروح كشتات ومقناص والزوجه تحب تشتغل أشغال يدويه وكل منهم عايش حياته و يعاند الثاني يعني حياتهم صعبة وموترة للأعصاب -- وهذا الشيء كان حاصل بين ناصر وهدى ناصر كل وقته كان للنت وهدى كانت تعانده بالطلعات والسفرات بس اللحين هدى طخت شوي بس ناصر ما ندري عنه -- ========================== (( جابر )) تدرين انه كاسر خاطري يا حرام شعور غبي ومؤلم لما الواحد يحس انه إنسان غير مرغوب فيه وخصوصا من أهله بس مثل ما يقولون ( طبخن طبختيه يارفله اكليه )بس هو اللي جاب هالشيء لنفسه من تصرفاته يعني يتحمل اللي ممكن يجيه منهم بس حلو انه قاعد يحاول يصلح العلاقة بينه وبين عيال عمه اتوقع لو تتصلح لعلاقة بينهم ممكن ينصلح حاله و يترك سوالفه اللي ما لها داعي <<حلو علاقته مع خاله أبو ناصر يعني ربي عوضه عن لمه الشباب بقعدته مع خاله بس اللي استغربت منه على قوة العلاقة بينهم كان جابر راح يتزوج سارة بس نكايه بأخوه جابر يعني أبد ما راعى خاطر خاله !!!! =========================== (( هادي )) وأخيرا عرفنا لو سبب بسيط عن عدم زواجه هل كان حبه لدلال قوي حيل لدرجة أنه اللحين ما تزوج أو أنه اللحين ما لقى بنت الحلال اللي ترضيه أو عشان خواته ؟؟؟ أم هادي ليش ما تصر على هادي أنه يتزوج ؟؟؟؟ اما تصرفه مع جابر تدرين لو واحد غير هادي كان قلت إنسان حقود بس بالنسبة لهادي اللي يعتبر خواته مثل بناته وأكثر يكون الشيء اللي سواه جابر جرحه اول قبل حتى ما يجرح عليا فيه يعني لو جابر أعتذر من هادي مني لين باجر مستحيل يرضى لان الجرح إذا كان من قريب وغالي صعب يبرى بسرعة -- ============================ (( خلود )) يعني خلود عارفة انه فهد يحب عليا بس ما زال حبه مسيطر على قلبها << أتوقع لو فهد خطبها ما راح توافق بما انها شخصية كوبي من هادي للي صبر على حب دلال مثل ما قالوا خواتها يعني راح تأخذها عزة النفس وترفض (( منيرة )) كني أشوف منيرة غير اللي قبل هل هذي هي شخصية منيرة من قبل مترك او شخصية جديدة طلعت لها بعد طلاقها سؤال << هل فارس كلم منيرة عشان ترجع لمترك او لا ؟؟؟؟؟ ============================ >>> أما الباقي الله يستر عليهم <<< ربي يعطيج ألف عافيه ويحرم هالايدين من النارإن شاء الله استمري بهذا الابداع والتألق دائما *-^ :flowers2: |
اقتباس:
تسلمييييين على هالدعوه الغاليه على قلبي |
الساعة الآن 10:56 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية