منتديات ليلاس

منتديات ليلاس (https://www.liilas.com/vb3/)
-   الشعر والشعراء (https://www.liilas.com/vb3/f14/)
-   -   زمان الشقاء (https://www.liilas.com/vb3/t148265.html)

سعد الحميداني 09-09-10 02:40 AM

زمان الشقاء
 
السلام عليكم ورحمة الله وبركاته

أخذني رابط قصيدتي الشمال إلى هناء وقد أكرمتني الاستاذه /
بنقل القصيده إلى هذا المنتدى الجميل وقد أسعدتني الردود وحبيت أرد الجميل لها وللمنتدى بالتسجيل فيه وهذا نص أمل ان تغفرون لي كمية الحزن التي فيه خصوصاً والعيد على بكره وكل عام والجميع بخير حياتكم سعيده أنشاء الله .


______________________

على الله ياحـــال ٍ نهــــارين ماهــــو حـــــال **** حبيس القلق من حاجة ضيقـت بالـــــــي

توارد علي أهموم ماكنـــــــهـا الا جبـــــــال **** لها بالصدر ياعالـم الغيـب مدهالـــــــــــي

علومٍ تخلي راجح العقـــــــل فيـه أهبـــــال **** زمان الشقى والمر غطى على الحــــالي

وانا لابغــــيت اســـــج وابعــــد عـن الازوال **** تعليت في حزمٍ مـن الدايجـه خــــــــــالـي

انزه جنــابي عن مقـــاعيـــــد قيــــل وقــال **** وأدور على سلوان قلبٍ ماهـو ســـــــالـي

وشبيّت ضــــوي ونكســـر فوقــــهـا فنجـال **** مسويه فـي يمنـاي ودلالـه أدلالـــــــــــي

علي جــــالها أهــدى واتحيل عساي احتال **** على الضيقه اللي مالها اول ولاتالـــــــــي

يداعبني الغـــربي واهـــج الضلوع اكتــــال **** يبرد على صدرٍ شكى جذوة الصالــــــــــي

أخايل سحـــــابٍ بارقـــه بالدجــــــى عمـال **** يعيد الحياء لرضٍ شكت طول الامحـــــــالي

يقولون ما يزمــــل من الكايــــــده رجـــــــال **** وكم كايـده حطيتهـا وقـاه لنعـــــــــــــالـي

لكن المصيبه لاتــــــردى النصــــــيـب ومـال **** وهزمني زماني لاني أحارب لحالــــــــــي

يكســـر طموحي قدم عيني وانا مهتـــــــال **** شرات القزاز اللي تحدر مـن العــــــــالـي

وانا لاذكرت اني عصـــــامي وطـــيب فـــــال **** ترحمت للي يفـرح بطـاري افعــــــــــالـي

وتمــــر السنين وراعي الذاهبــــــه رحــــال **** يدور عسى العقلان فزعه من الوالـــــــي

بوح قلم 09-09-10 08:29 PM

لكن المصيبه لاتــــــردى النصــــــيـب ومـال **** وهزمني زماني لاني أحارب لحالــــــــــي

صح لسانك اخويه

وحياك الله بين اخوانك

♪ أَلَح ـان الْوَفَاء •• 10-09-10 02:08 AM

صح لسانك
الله يعطيك العافية
بانتظار الاجمل
بحفظ الله

سعد الحميداني 23-09-10 07:01 PM

بوج قلم الف شكر على الرد الله يطول عمرك

سعد الحميداني 23-09-10 07:02 PM

اقصد بوح قلم

ماعندي خاصية تعديل

أسف


الساعة الآن 06:44 AM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية