|
ضايق صدري والعيد قرب
من أهنيه وغسق مايعلم ب أخبارها غير الله آستوطنت قلبي وعندما أراها تكتب وتنثر حروفها يتخلل جنباتي الفرح تصدقون الارواح سبحان الله إتلفت وهي والله تنحب معرفتي بها قصيره لكن كني أعرفها من قديم أجتمع الكل على حبها سبحان الله هما قلت لكم والله العظيم تنحب وتدخل القلب من منا ما يعرف غسق من منا ما قد قرأ ل غسق بالشريط كانت تقول (أنا مدينه من صخب بس الحزن أستوطن شفاهي) يا بعدهم ليتني أعرف أخبارك بس خبر يطمني عليك كاتبه بالماسنجر..أنا بخير لاتقلقون ياحبابي عودي ياغاليه عودي وطمنينا بعدك تهالك شريط الاهداءت ماعاد له طعم ولا لون |
فيه ناس ودك تكون جنبهم بالحلوه والمره حتى لو معرفتك فيهم مدتها قصيره وفجأه تفقدهم مو صعبه عليك وأنا هنا ب ليلاس فاقده ناس(ن) واجد وأولهم غسق وييييييييييين هتونه وين هي لمو وين غموض الورد بالله فاقدينهم مثلي ولاهم تحصيل حاصل أشخاص مرو من هنا وبس تدرون أنا الغياذ بالله من كلمة |أنا أنسانه أومن بالصداقه وقدرها كثير سوا بعالم النت ولا بالواقع صعب علي أتخلى عن شخص عاشرته وارتحت له ولو كانت المده قصيره |
بالله ما يجيكم هالشعور ب لحظه ودك تبيد هالعالم وما يبقى أحد اخخخخخخخخخخخخخخخخخخخ هذا أنا هتلر ب زمناتي متسحبه بسكون وبهدوء وعلى راسي عباتي وبشويش بشويش ولا ورجلي عند آخر درجه من السلم ألا وأنا اسمع تغريد الباشا معاذوه الله يصلحه / ياربي مسرع صحى توه نيم وش مصحيه هالنتفه حليب وقاضي منه وش يبي هالمدلل وقلت في نفسي يا غيومه بلاش تدلعينه اتركيه وشويات ويسكت وأمشي وأكمل مشواري لبيت الله وعلى آخر درجه بعد يطلع بوجهي ابو الشباب _^ ويتبوسم بوجهي ويقول على وين العزم قلت وأنا نافختن الصدر ابي اطلب ربي على بيت الله الصلاه الصلاه ياعباد الله وشوي كشر بوجهي قال ما تسمعين الصغير يصيح قلت طيب قاااال خير قلت بعد خير قال اقول توكلي على الله وروحي عند بزرتس وشوفيه وتعبدي فيه قلت وأنا دميعتي على خدي يا بومعوذ ترضى تفوتن آخر صلاتن لي برمضان وبعد ام هليل عند الباب تنتظرن قال وش دخلن ب ام هليل هي بزر ماتدل المسجد قلت يا رجال نتونس بالمشي مع بعض منه تسبيح واستغفار ومنه سلام وسوالف طريق قال اقول اسمعي الكلام يا مره وتعبدي بوليدتس وصلي بيتتس ابرك لتس واؤجر قلت كلامك مابه شك صحيح بس بالمسجد خشوع ومنا ومناك كلمه مني وكلمه منه لين قال يا مره العقال له زمان ما اشتغل وش رايتس نسويلتس مساج بوه عاد أنا من سمعت طاري العقال وأنا ركض فوق ماتشوفون غير غبرتي <<< صاير حمش ابو الشباب من بعد ما صار عنده ولد كع كع كع كع وسمعت كلام رجلي منه ابي ارضي ربي وارضي سيد البيت وحاميه وسكت معوذ بكم دمعه وكم كلمه وشويه من الهدهده ورحمن الرجال وسكت وغط في سبات وبسطت سجادتي وكبرت وماأمدن اكبر ألا معاذ يصيح والبنات يصارخون على راسي ويقولون بالبيت أوجر >> صح اوجر وافضل له المره تصلي بيتها بس بالمسجد فيه الخشوووووووع سامعين الخشووووع سامع يا بوالشباب قلت خشوووع ياحسرتي على رمضان مضت لياليه |
ألف ألف مبروك افتتاح المدونة غيوم عساها فال خير --أختج صبوحه
:flowers2: مبــــــــــــارك إفتتاح المدونة (فيدوو), :flowers2: الف الف الف مبروووووووووك افتتاح مدونتج, :flowers2: ياحبيلكم يا صبوحتي & فيدو صديقة الغاليه غسوق& بوحتي ياحبيلكم كلكم اسعدتوني بمروركم والله ثم والله أنه شرفن لي هالمرور |
آلساعه تشير إلى الثالثه فجرا وشوي السحور السحور يا غيومه امممممممم من قابلتي هالمدونه وأنتي ماش علومتس علوم تدرون عاد يومن هددن ابو الشباب بالعقال وحرمن الصلاة بالمسجد خله يتسحر على قشطه>>>> وبعدين وش فيه القشطه ما فيها فتامينات اخخخخخخخخخخخخخخخخخخخخخخخخخ اذكر يقولون ودرسنا ان فيها فتامينات وغير كذا هي فطورنا المحبب بالمدرسه أنا وزميلاتي الاداريات عسل وقشطه وكاسة شاهي على السريع وش زينه القشطه اقول تسحر تسحر قشطه منتب اطيب منا يا حمش اخخخخخخخخخخخخخخخخخخخ // ابي انجلد بالعقال الليله صح يلا استودعكم بخيييير وعيدكم مباااااارك {{{{{ احنمال لي باك بعد الفجر مثل ماتقول شجونتي خالة وليدي شاجي بس خل نهدهد الوليد والرجال بكم كلمه وراضي جميع الاطراف فتكم بعفيه ومسره |
| الساعة الآن 12:14 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية