|
فرقة شعبية نسائية تفتتح برنامج الأنشطة في مركز الملك عبدالعزيز التاريخي
لأول مرة في احتفالات أمانة الرياض بالعيد
فرقة شعبية نسائية تفتتح برنامج الأنشطة في مركز الملك عبدالعزيز التاريخيhttp://www.liilas.com/upp//uploads/i...cf74e1e18d.jpg جانب من احتفالات العيد في العام الماضي الرياض - نايف آل زاحم أعدت أمانة منطقة الرياض ضمن برامج احتفالاتها بعيد الفطر المبارك برنامجاً حافلاً بالأنشطة والفعاليات النسائية، بمركز الملك عبدالعزيز التاريخي، تحت إشراف إدارة سعودية نسائية متكاملة، ويتضمن البرنامج مفأجاة تقدم لأول مرة في احتفالات عيد الرياض، من خلال مشاركة فرقة التراث الشعبية النسائية، والتي تعرض لوحات السامري القديم، ومجموعة من العروض الفلكلورية. وأوضحت المشرفة على الفعاليات النسائية بالمركز جواهر الدهيم أن مشاركة الفرقة الشعبية النسائية والتي يمتد عمرها لأكثر من 60 عاماً تمثل إضافة كبيرة للأنشطة النسائية في احتفالات أمانة منطقة الرياض بعيد الفطر. وأضافت الدهيم أن برنامج الفعاليات النسائية بمركز الملك عبدالعزيز التاريخي يشتمل على عرض مسرحي للأطفال بعنوان" أطفال نت" والتي تناقش مشكلة تعلق الأطفال بالحاسب الآلي وتقدم رسالة واضحة حول الاستخدام الصحيح لتطبيقاته. وفيما يتعلق بالعروض المسرحية النسائية، يقدم على مسرح المركز، مسرحية نسائية بعنوان: "العجازة" والتي تحكي قصة أم تبذل جهدها في تعليم بناتها الثلاث كيفية إدارة شؤون أسرهن بأنفسهن والتعامل مع مشاكل الحياة الأسرية لتجنب شبح الطلاق وتنحاز المسرحية في بنائها الدرامي إلى المرأة في الماضي وصبرها وحكمتها، من أجل استقرار حياة أسرتها، ويقوم ببطولة المسرحية عدد من الشابات السعوديات الموهوبات. ويحتوي برنامج الفعاليات النسائية بمركز الملك عبدالعزيز التاريخي على عرض للأزياء التراثية في المملكة ودول الخليج العربي، مع عرض للأزياء التراثية في المملكة ودول الخليج العربي مع عروض فلكلورية تراثية لبعض مناطق المملكة تستلهم تقاليد أبناء هذه المناطق القديمة في الأعراس والأعياد بالإضافة إلى بانوراما حية تحكي ملامح فرحة العيد في المدن العربية، يشارك فيها عدد كبير من الفتيات. ويستضيف مركز الملك عبدالعزيز التاريخي ضمن برنامج فعاليات العيد مجموعة من الشاعرات السعوديات في أمسية شعرية، إلى جانب تخصيص عدد من الأركان لجمعيات رعاية المعاقين وفاقدي البصر وذوي الاحتياجات الخاصة. وتؤكد المشرفة على برنامج الفعاليات النسائية بالمركز على وجود مجموعة من المفاجآت السارة لزائرات المركز طوال أيام العيد، وإجراء عدد من المسابقات الثقافية والترفيهية ومنح الفائزات بها جوائز عينية قيمة. واليكم جانب من التعليقات بداية الهاااوية... منذ متى وعندنا فرق شعبيه نسائيه؟ نعرف حسب ثوابتنا ان مكان المرأه هو البيت وان كان هذا العمل يرضى الله سبحانه وتعالى يوجه سؤال للجنة الفتوى باسم المواطنين المحافظين على عاداتهم وتقاليدهم فان اجازوا كان بها بالنسبه للمنطقه التي انا منها تقاليدنا لا تسمح بان يرقص النساء امام الرجال فرقة شعبية نسائية عمرها ستين سنة متى صارت هذي ؟ يمكن ست سنوات تأكدوا الصراحة اللي يروح بأهله لمثل هذه الاماكن عنده قلة مروءة شكرا لكل الجهود المبذولة ومشاركة المرأة أفراحنا دليل على عودة الروح لهذا المجتمع الأصيل بعد إختطافه عقود أجل الحريم أنواع التنكس في العيد :) في الصورة أشوف أنة أختلط الحابل بالنابل هاذا العام الماظي الله وأعلم أيش بيصير هاذا العام مجرد ملاحظة فقط الفرقه الشعبيه النسائيه عمرها اكثر من 60 سنه ؟ واضح من كلمه اداره سعوديه متكامله ؟الماذا لم يتم ذكر اسماء الاداره ذات الكفأه المتكامله والممتده 60 عام. اليوم فرقة تراثية والسنوات القادمة فرقة مغنيات في الفنادق ؟؟ الحمدلله اني كنت نايم في اليوم الوطني لأنه وبكل صراحه أعتبره يوم نكد بالنسبه لي مدري ليه أخس يوم عندي حلو الله يعينكم على اعداء الفرح وانتقداتهم الملبسه زورا بالشرع انتهى والان .......... ما رأيكم باحتفالات العيد بهذا الشكل الي نشاهده بالصوره ؟ هل تعكس فعلا عاداتنا وتقاليدنا في الجزيره العربيه ؟ هل سبق وان سمعتم عن فرق شعبيه نسائيه منذ 60 عاما ؟ هل يمكنكم المشاركه بهذه الاحتفالات ان وجدت في بلادكم ؟ لكن بالمقابل لماذا لا يكون للنساء احتفالات خاصه للترويح عن النفس ويكون فيها فعاليات ثقافيه تخدم الفردوالمجتمع ؟ كيف راح يكون تصوركم عن هذه الاحتفالات هل تعتقدون ان لها فائده وراح تخدم المرأه المسلمه ؟ تقبل الله طاعاتكم برعاية الله وحفظه |
ما رأيكم باحتفالات العيد بهذا الشكل الي نشاهده بالصوره ؟
حريم + ورجال = رقص طبعا مايصير الله لايسخط علينا كيف كذا ربي سترك . هل تعكس فعلا عاداتنا وتقاليدنا في الجزيره العربيه ؟ أيوا طبعا هل سبق وان سمعتم عن فرق شعبيه نسائيه منذ 60 عاما ؟ لا والله أول مره أعرف عن فرقه نسائيه لها 60 عام هل يمكنكم المشاركه بهذه الاحتفالات ان وجدت في بلادكم ؟ شوووووو الله لايقولها ولايبلانا يازيني وأنا أرقص قدام الرجال عز الله أخواني سوو قصاص في الحفل لكن بالمقابل لماذا لا يكون للنساء احتفالات خاصه للترويح عن النفس ويكون فيها فعاليات ثقافيه تخدم الفردوالمجتمع ؟ ممكن لو في محل مخصص للحريم بدون وجود الرجال عادي كيف راح يكون تصوركم عن هذه الاحتفالات هل تعتقدون ان لها فائده وراح تخدم المرأه المسلمه ؟ إذا كانت بدون موسيقه ولها أهداف مثل المسرحيات الواقعيه الهادفه وكانت في قسم مخصص للحريم بدون الرجال ليش لاء مممكن تلاقي فيها فايده أما إختلاط رجال وحريم ورقص وغنا أيت فايده ترجى منها . يعطيك العافيه اخوي |
اقتباس:
لي عوده للتعليق الف شكر راجعين تريونا |
المجنوون ..
اول حااجه السلام عليكم ثااني حااجه في احد مصلطك علينا ياخي كل شوي يجي موضوع يفور اعصابنا اكثر لكن الله يعطيك العاافيه بصرااحه معلوومات جديده انا مارح اجااوب ع الاسئله لكن رح اتكلم بشكل عام والله يعينكم على هذرتي>>فيس يحذر ويقولون ليه شبابنا ينحرفون اجل بعد المسخره هذي وش يطلبون شباب صالح يغض البصر ويخاف الله ؟؟!! ولاّ شباب مثل ايام الرسول(صلى الله عليه وسلم)؟؟ ولا وش بالضبط؟؟ إاذا هم يحطوون البنزين جنب النار ويقولون انتبهوا لاتصير حريقه وشلون مارح تصير الحريقه وهم حااطين بنزين ونار جنب بعض يعني حريم يرقصون ورجال يرقصون معهم ويناظروهم بالله وش رح يصير ؟؟ مستحيييييل اللي ترقص رح تكون مستره نفسها سواء بالحركات او اللبس >>البعض رح يقولون ما اسمه رقص ورح يسموه مسميات اخرى لكن مهما تعددت المسمياات الفعل وااحد.. وبعدين فرقه لها ستين سنه الظااهر كانت الفرقه هذي تعرض كل وحده في بيتها اذا من ستين سنه الحرمه مااتطلع من بيتها إلا للمستشفى والقبر ولاّ زوااره عند القرااب مررره عااد بترقص مره وحده ياااكبرها عند رب العاالمين الظاهر يبون يوضحون للناس انهم ناايمين على اذاانيهم وان انتقادنا لها الفرقه جاا متأخر. ألحين احنا نشووف رجال يرقصون بعرس اختهم او حتى يسوون العرضه والبعض ينقد عليهم وشلوون عاااد الحريم يااااربيه وش اللي صااار فينا ياانااس يعني الحرمه إلا بالغصب تبغى تثبت وجوودها والله يابنت النااس انك موجوده ومعترف فيك من قِبَل حقوق الانسااان وشوووله تسوين هذا كله الظااهر تبين هيئه ثانيه تعترف فيك>>عصصصصبت طبعا هذا تعليق بسيط جدا جدا لكن لي عوده بإذن الله خل استوعب الكاارثه ورح ارجع ان ربي اعطااني العمر الله يعطيك العافيه اخوي بالتوفيق الداائم |
اقتباس:
يسلمك ربي انتي وهذرتك ههههههه قال صلى الله عليه وسلم ( انما بعثت لاتمم مكارم الاخلاق ) واحنا في دوله اسلاميه يوجد بها اقدس بقاع الارض و يفترض اننا ننتبه لهذه المسائل وهذه الهفوات الخطيره التي لا يجب ان تمر مرور الكرام اسعدك الرحمن نودي وبارك الله فيك تقبل الله طاعاتكم حفظكم الله ورعاكم |
.......... والان ما رأيكم باحتفالات العيد بهذا الشكل الي نشاهده بالصوره ؟ خطوة كبيرة نحو الاختلاط هل تعكس فعلا عاداتنا وتقاليدنا في الجزيره العربيه ؟ لا لانه اول مرة بشوف استعراض نساء امام الرجال هل سبق وان سمعتم عن فرق شعبيه نسائيه منذ 60 عاما ؟ ابدا بس يمكن المقصود انهم مخططين لهذا الامر من 60 عام هل يمكنكم المشاركه بهذه الاحتفالات ان وجدت في بلادكم ؟ لا يمكن ان اذهب لمثل هذه الاحتفالات لكن بالمقابل لماذا لا يكون للنساء احتفالات خاصه للترويح عن النفس ويكون فيها فعاليات ثقافيه تخدم الفردوالمجتمع ؟ مااعتقد راح تنجح مثل هذه الفكرة يمكن لفترة بسيطة فقط كيف راح يكون تصوركم عن هذه الاحتفالات هل تعتقدون ان لها فائده وراح تخدم المرأه المسلمه ؟ اذا كانت هادفة وتناسب لكل الاعمار لان لكل سن اهتمام او مجال يثير اهتمامه تقبل الله طاعاتكم برعاية الله وحفظه [/QUOTE] اللهم امين الله يعطيك العافية بحفظ الرحمن |
مساء الخير على الجميع
كالعاده ياخوي المجنون موضوع مثير و جدا بعد.. انا عن نفسي مانصدمت كثير لأني بهالسنه تفاجأت وأنا في مجمع في الخبر عدد كبير من النساء والرجال متجمهرين على شخص يطرح عليهم اسئله مو هذا اللي فاجئني اللي استفزني أنه بعد كل جواب يحطوّن أغنيه والشباب يرقصون والبنات يصورون شوي ويرقصون شوي صراحه طلعت وأنا بأشد ذهولي دعيت أن الله مايخسف فينا ماقد شفت منظر بالسعوديه مثل هذا أول سطرين من كلامك كنت مبسوطه وأهز رأسي بأعجاب أنه حفل زي كذا بتنظيم نسائي لكن بعد ماكمّلت الكلام أنهم شاركوا بالسامري وأثر الدعوة فيها اختلاط ورقص وماعرف ايش قلت لاحول ولاقوه يعني صاروا يجاهرون أنا اول مره اسمع ان فيه فرقه شعبيه نسائيه من 60 سنه وين قاعدين مستهترين بعقولنا لهالدرجه بالمقابل أنا مع الأحتفالات النسائيه الخاصه والهادفه مثل الأمسيات الشعريه المسابقات وغيرها من الأفكار الراقيه التي تناسب ديننا ومجتمعنا .. شكلي اسهبت في الكلام عذرا :) يعطيك العافيه المجنون على الموضوع.. |
لي عوده
تقبل الله طاعاتكم تصبحون على خير |
سلام عليكم
انت من فين تجيب الاخبار اللي زي كذا اول شي مسخرة هذا الشي عاد الفرقه من 60 سنه اليه هم بقي فيهم حيل يغنون الحين اكيد كلهم عجايز طيب ليه ماتركوها في كان مخصص فقط للنساء فقط لازم يخلون الناس يشفون فضايحنا لازم تنشر على الملا على انه تقدم لو ابوي سمع خبر زي كذا يقول ها طلعوا الحريم ويش يدخلهم بيوتهم ثاني العام حضرت حفل للعيد والمكان ومقسوم بحاجز عالي يعني لا النساء ولا الرجال يرون بعضهم بس المسرح برضو صارت من الحريم رقص وقله ادب وشي زي كذا صح نريد فعاليات خاص بالنساء لكن اغلب الفاعليات مكرره من كل عام وفي اغلب الاماكن نريد تجديد لكن بحدود الشرع والعقل تلاقي الفاعليات ماعاد صار اقبال عليها لانها مكررة وقالوا نجذبهم بالفرقه لو فاعليات الرياض اتابعها على التفاز واجدها مكررة في كل عام واغلب المناطق تكررها يعني لا جديد سوال على الطاير لو شخص ممسوس او فيه زار ايش يسوي دمت بخير |
وش هالمسخرة وش صاير في الدنيا
هذا احتفال او اختلاط بين الرجال والنساء مايخافوون من غضب رب العالمين جالسين يجاهروون بالمعصيه هذا ااخر الزمان اليوم حفله سامري للنساء بكرة بيفتحوون ملاهي ليلية ومراقص استغفر الله العظيم من كل ذنب عظيم فرق بين نساء زمان اول زمن جداتنا وامهاتنا وبين هذا الزمن الصراحه ماقمت استغرب من اي شي يصير . لو كان هذا الحفل بس للنساء من غير حضوور الرجال قلنا ماعليه بيكوون نوع من الترفيه والترويح عن النفس بس ان يكوون هذا الحفل كل من هب ودب يحضره من رجال ونساء واطفال الصراحه انا من المعارضين والرافضين لهذا الاحتفال وبعدين هذي الفرقه من ستين سنة الله اكبر من زمن جدي يعني كل الحريم اللي فيها عجايز ورجولهم والقبر مامرة سمعنا فيها ابدااا الظاهر هذا نوع من الدعايه للفرقه. الله يرحمنا برحمته الواسعه شنو باقي بعد يسووون وش فرقنا عن الغرب صرنا اردى منهم الصراحه مااقوول إلا الله يصلحهم ويهديهم . الله يعطيك الف عافيه اخووي المجنون الصراحه موضوعك رفع ضغطي وخللى الامبير يضرب فووق يقهرووون هالحريم اللي مااعرف كيف يفكروون شاكرة لك روعة طرحك وتسلم تحياااتي وجه الصباح /اللبؤة |
اقتباس:
اللهم امين [/QUOTE]الله يعطيك العافية بحفظ الرحمن الله يعافيك الحان كلك ذوق لا عدمناك تقبل الله طاعاتكم جزاك الله خير |
اقتباس:
مصداق لكلامك قبل كم يوم وفي رمضان فيه صالة تزلج للاطفال عندنا بالبلد صوت الموسيقى الغربيه طالع من الصاله وكأنه التزلج ما ينفع الا بهذه الاصوات وفيه الكثير من اولياء الامور والاطفال الي يحترموا حرمة الشهر وانفسهم تركوا المكان و قليل جدا تلاقي امسيات هادفه هذي الايام مانقول غير الله يستر من الي جاي والقابض على دينه كا القابض على الجمر حياك الله وجزاك الله خير على الاضافه القيمه لا عدمناك كلك ذوووق ربي يسعد ايامك بحفظ الله ورعايته |
اقتباس:
هلا بك فجر وحياك الله اجيب الاخبار من الاخبار هههههه من مواقع كثيره امر عليها واتصفح الله يحفظك اذا فيه زار ؟ خخخخ اكيد راح يخربها ويخرع الموجودين وما يصير فرح يصير العاب اشباح ههههههههه انا ارى ان الفرح بالعيد يكون عندما يجتمع الاقارب ويكون بينهم ود وتألف وموده ورحمه وحب ويكون جاي البعيد والقريب والجمعه واللمه بين افراد الاسره والجيران وتصفي النفوس هنا تكمل الفرحه ولكن عندما نذهب لمكان مانعرف فيه احد سوى والله نجتمع على شان نرقص ونغني مالها طعم ولا ارى فيها فائده ولا تخدم المجتمع بأي شيء لذلك الابتعاد افضل وترك الامر لله الف شكر لك على الاضافه القيمه لا عدمنا تواجدك واطلالتك المميزه ربي يسعد ايامك وينور دربك حفظك الله ورعاك |
اقتباس:
الله يحفظك ويكثر من امثالك هههههه لا يرتفع ضغطك ولا شيء هذي كلها محاولات فاشله وان شاء الله المجتمع محصن عن هذه التوافه. وعلى مر العصور والازمان توجد مثل هذه الانحرافات وهذه السخافات الي ماتلبث الا ان تتلاشى امام قوة الحق . اسعدك الرحمن وجه الصباح انتي ومن تحبين حفظك الله ورعاك |
| الساعة الآن 09:05 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية