|
انا تعبانة اوى اوى قولولى اعمل ايه بالله عليكو
السلام عليكم اولا كده كل سنة وانتوا كلكوا طيبين ثانيا بقا انا عندى مشكله ممكن تكون تافهه جدا بالنسبة للمشاكل اللى هنا بس دى بجد بقت منكده عليا عيشتى كلها معلش لو هطول عليكوا بس عشان تفهمونى كويس اولا انا بنت وحيده عندى اخوات بس شباب واتخطبت الحمد لله بس بعد الخطوبة بعدت اوى اوى عن اصحابى علشان خطيبى مش بيحب الزيارات ولا الخروج والحاجات دى مشكلتى بقا انى بقيت منطوية جدا على نفسى مبقتش بتكلم مع حد خالص قبل الخطوبة كان عندى نشاطات كتير وكنت بحبها اوى بس بعدت عنها عشان خطيبى ميتضايقش كنت بتعلم الرسم ع الزجاج والجلود والقماش وكنت بتدرب تنس وكنت بكتب بس حاسه انى كرهت كل حاجه لان خطيبى بيخاف عليا اووووووووووووى مش عايزنى اخرج من البيت اعمل حاجه بيكون قلقان عليا اتكلمت معاه وقولتله انى مخنوقه وانى مش واخده على قاعده البيت دى لانى كنت بشتغل اصلا وبرضو سيبت الشغل يعنى سيبت كل حاجه مبقتش بعمل اى حاجه ف حياتى غير انى مستنياه لما يرجع من شغله ونتكلم وهو على طول يقعد يقولى انتى مش بتعملى حاجه مفيده ف حياتك انا حاسس انك مش متعلمه بسبب قعدتى دى يعنى مع انه هو اللى خلانى اقعد من الشغل مش عايزنى اشتغل وكل مااتكلم معاه ف الموضوع ده نتخانق مع بعض ونقفل وانا معيطه تعبت اوى ومش عارفه اعمل ايه والله بقيت على طول قاعده ف اوضتى لوحدى وبعيط ومخنوقه ومش طايقه اى كلمه من حد ولدرجه برضو انى ساعات كتير لما ببص ليه عينى بتدمع وبيصعب عليا نفسى ومش قادرة اقوله حاجه كل اللى قولتهوله بس انى مخنوقه وزهقانة من القاعده وهو مش عارف يعملى ايه ارجوكوا ساعدونى انا تعبانة اوى |
السلام عليكم مايا وليد
كل عام وانتي بخير وصحه وسعاده اولا لا تجعلي خطيبك يتحكم بك ويقرر عنك وانتي تنفذين ثانيا انت شخص مستقل لك كيانك وشخصيتك واسلوبك لا تجعلي خطيبك يطمس شخصيتك ثالثا يبدو خطيبك من النوع المتملك الغيور ويبرر عدم رضاه بخروجك بالخوف عليكي رابعا هذا حالك معه في الخطوبه فما بالك بحالك معه وانتي زوجته خامسا احضري قلم وورقه واكتبي سلبياته وايجابياته وانظري ايهما اكثر اختي مايا الخروج من هذه العلاقه باقل الخسائر هو رأيي اانتي غير راضيه عن نفسك وهو شعور بغيض صدقيني واحمدي ربك ان عندك اهل واخوة يساندونك انتي الى الان على البر ناقشيه واعلميه انك لن ترضي بهذا الوضع واستمراره اما ان يتعدل الوضع وترجعي علاقتك بصديقاتك وتتابعي هوايتك ووترجعي كما كنت والا ففراقه اهون من حالك اللذي انتي لستي براضيه عنه ارجو ان تكوني استفدتي من رأي واخيرا شرح الله صدرك لما فيه سعادتك في الدنيا والاخره اختك ام رنا :flowers2: |
اختي الكريمه
اعملي اللي بريحك ويسعدك اذا اسى وانتو مخطوبان يمنعك من الخروج وانك تكلمي صحابتك ايش بدو يعمل بعد الزوج اخرجي من البيت ولاتهتمي لرايه |
حبيبتى انا كمان من رأى الاخوات
من حقك انه يكون ليكى نشاط اجتماعى تقابلى الناس وتكلميهم على الاقل صديقاتك اللى طول عمرك معاهم مش من حق حد انه يفرقك عنهم ده حرام اصلا...الود والصلة والتراحم بين الناس ده شئ اسلامنا امرنا بيه دلوقتى بيمنعك من صديقاتك بعد الزواج ممكن يمنعك من زيارة اهلك واقاربك وده حرام كمان مطلوب ان الانسان يتعلم لاكتر واكتر طول مافى امكانه كده. والاهم من ده كله..انه لازم تكونوا متفقين على كل حاجة عن رضا واقتناع مش بالغصب ولا لانه بيزعل وده بيخليكى تتنازلى لو انتى مقتنعة برأيه يبقى حاولى انك تتأقلمى مع الوضع وتشغلى نفسك بأى حاجة لكن لو انتى اصلا مش مقتنعة بمبرراته يبقى عمرك ماهتستحملى الوضع ده وهتفضل المشكلة دى طول عمرها واقفة بينكم انتى تطلبى وهو يرفض من غير سبب مقنع صدقينى ده كفيل انه يقضى على حياتكم من اصلها خاصة ان ده ممكن يتكرر فى مواقف كتير انك تقبلى حاجات انتى مش عايزاها لمجرد انه عايز كده...ده مش اسلوب حياة لازم يكون ليكى شخصية وتكونى عارفة انتى عايزه ايه بالضبط ولو مازلت مقتنعة انك صح وان اراؤه مش مقنعه يبقى لازم يكون ليكى موقف حازم كمان فعلا بصيله هو من كل الجوانب مميزاته وعيوبه هل هو يستاهل منك انك تضحى بحياتك واحلامك وشغلك واصحابك عشانه فين الانسان الملاك ده اللى تستغنى بيه عن حياتك كلها؟؟!!!! حبيبتى لازم يكون ليكى رأى وتعرفى ازاى تنفذيه والانسان اللى مش بيحترم رأيك ده ويحترم افكارك وطموحاتك ودى اهم حاجة فى شخصيتك يبقى تفتكرى عندك ايه تانى ممكن يخليه يحترمك ويقدرك ويعتبرك انسانة فعلا يفتخر انها زوجته؟؟؟تقدرى تقوليلى ايه عندك غير شغلك ومواهبك واحلامك؟؟!!! اسفه انى طولت عليكى بس ارجو انك تحكمى عقلك صح وتحددى مقدار المكسب والخسارة واى كفة تستحق انك ترجحيها!! وفى الاخر برضه استشيرى اهلك والمقربين منك وحاولى تتناقشى مع خطيبك مرة تانية بس بقوة واصرار من غير عياط وصعبانية على النفس لان ده هيخليكى قدامه بمظهر الكسيرة المذلولة واعذرينى ان قلتلك ان دى شخصية عمره ماهيحترمها يمكن انا مش شايفة الموضوع من كل الجوانب وممكن اكون متحاملة شوية بس اكيد انتى اقدر منى انك تشوفى كل الجوانب صح وتحددى موقفك واختيارك. لك منى كل التحية وارجو انك تطلعينا على قرارك النهائى وعملتى ايه؟؟ يعنى شاركينا لانى بجد ههتم جدا انى اعرف وصلتى لايه.. سلام مؤقت |
السلام عليكم مايا كل عام وانت بخير
اولا مشكلتك ليست بسيطة كما تقولين لانها تمس كيانك الشخصى وانا مستغربة اصلا ان خطيبك سايبك تجلسى على النت اية مش خايف عليكىههههه معلش بس هم يبكى وهم يضحك اولا مبرراتة بانو خايف عليكى اووووووووووووووووووووى دى مش مقتنعةبيها يعنى كل واحد مراتة بتروح الشغل او بتمارس هواية بتحبها يبقى راميها ومش خايف عليها وثانياانت تنازلتى عن اصدقاك الاتى فى مقام اخواتك وانا اقول هذا لانى بنت وحيدة ايضا على شباب واعرف معنى الصديصقات وخاصة اذا كانو مخلصات وتقيات وشغلك الى هو استقلالك المادى وهوايتك اللى هية متنفسك كل ده مقابل اي هل تنازل هو عن اى شيء نفضرض ان لة صديق لاترتاحين له وي}ثر علية بالسلب هل يتركة لاجل خاطر عيونك لا اعتقد انا اسفة انى كنت قاسية قليلاولكن بصراحة انا مستغربة انك لسة مخطوبةلة حتى الان وانا اعتذر لاخواتى هذا النوع من الشخصيان لا يجدى معه الكلام لانه بيبقى طبع وهو طبعة التملك وهذا الطبع لا يتغيرحتى لو تجمد الجحيم اعذرينى صديقتى ولكن لو استمريتى على هذا الحال ستكرهين نفسك ومن لا يحب نفسة من سيحبة؟ نصيحتى انت تنهى هذة الخطوبة قبل ان تتلعقى بة عاطفيا حتى وان تعلقتى الم قليل قوى افضل من الم مستمر لانك لو كنت مرتاحة فى هذا الوضع ما كانت اعصابك مضمرة هكذا كافية ضغط على اعصابك ونفسيتك وارجعى لعملك واصدقائك وهواياتك ارجعى كما انت وصدقينى ستجدين من يقدرك كما انت ولا يريد تغير شيى فيك ملحوظة انا متخرجة من الجامعة من ثلاث سنوات ولكنى اجتمع مع صديقاتى داخل الجامعة فى فترات مناسبة لاستعادة تلك الايام الجميل وزوجى يشجعنى على ذللك لانة يحب ان اكون سعيدة طالما لا اعصى الله فى شيى اعتقد ان هذا هو الحب ان يقلق على سعادتى ارجو ان تخبرينا بما قررتية |
ربنا يخليكوا كلكوا يارب
انا موضحتش حاجه انى عشان المواعيد بتاعت الشغل كانت متاخر فهو كان بيخاف عليا لانى كنت هتعرض للخطف 3 مرات بس الحمد لله ربنا ستر ولما كلمتة ف موضوع التدريبات والهوايات وكده وافق انى اروحها بس حد من اخواتى او هو اللى يجوا يروحونى البيت يعنى مش اروح لوحدى بليل لكن موضوع الاصحاب ده هما اتنين اللى بكلمهم وهو موافق عليهم والثالثه اللى هى كانت اقرب حد ليا فيهم دى اللى عايزنى ابعد عنها لان سلوكها مش مظبوط اوى اذا كان من تدين وعلاقه بربنا او اذا كان ف مظهرها يعنى لبسها مش اسلامى اذا كان ف معاملاتها يعنى بتتعامل مع الشباب باستهتار |
انا برضه حبيبتى مارضتش احكم عليه زى بعض الاخوات لانى واثقة اننت مانعرفوش كويس
لكن انتى تعرفيه احسن مننا وانتى تعرفى تقررى ايه الصح وايه الغلط ايه اللى توافقى عليه وايه اللى لا!!! بالنسبة لشغلك طيب هو مش ممكن انك تغيريه او تغيرى المواعيد؟؟ الصراحة لو كان الموضوع وصل للخطف يبقى عنده حق بالثلث حكاية ان لازم حديوصلك التدريبات دى انا عندى واحدة صاحبتى برضه اهلها بيعملوا معاها كده فى كل خطوة الله يعينك بس مش ممكن حد يروح وييجى معاكى فعلا؟؟على الاقل كحل وسط لحد ماتخلصى دوراتك؟؟!!! اما عن صاحبتك فانا مش معاه انك تبعدى عنها نهائى لانه بالعكس ممكن ربنا يهديها على ايديكى وتقدرى تصلحيها لكن لما تبعدى عنها انتى كده بتدى فرصة لاصحاب السوء انهم يجروها لطرقهم وهى يمكن مش وحشة اوى لكن محتاجة بس اللى يوجهها للطريق الصح.. حاولى معاه حبيبتى تانى وماتيأسيش بس زى ماقلتلك لازم توصلوا لاتفاق قبل الزواج وعن اقتناع وتراضى ياهو يقنعك ياانتى تقنعيه..لبكن ماينفعش اننا نبتدى حياتنا وفيه مشكلة كبيرة بيننا هتخلى فيه فجوة وخناقات وزعل دايما كمان لو انتى اقتنعتى فى النهاية ووافقتى على رأيه حاولى تدورى على حاجة تشغلم وانتى فى البيت زى النت مثلا ممكن تتعلمى منه حاجات كتير وتشاركى وتتثقفى وتثبتى انك متعلمة فعلا ممكن القراءة ...ممكن اى هواية تانية تحاولى تمارسيها وانتى فى البيت. المهم حبيبتى تفائلى دائما وبلاش صعبانيتك على نفسك وانكسارك وحزنك ده لان ده كفيل انه يقضى على حياتك ويمنعك انك تتقدمى اى خطوة فى اى حاجة بتفكرى تعمليها ابتسمى كده وابدأى التفكير مرة تانية بأمل وتفاؤل ولا تيأسى وان شاء الله ربنا هيحلها والامور هتبقى احسن... |
انا بالنسبه لي لو اخطب بيوم ويمنعني من الخروح من البيت مو ممكن استمر معه
لانه ازا كان هيك قبل ما نتزوج كيف بعد الزواج والاطفال |
الله يجاذيك يامى كدا تخلينى اظلم الراجل هههههههههه لاد صراحه هو كده اخر احترام وتانى مره متبقش تكلمى عن خطيبك انت زعلانة منه ههههه وانامع لست ادرى هى كان عندها بعد نظر عننا سلام لك على حكمتك لست ادرى وياريت يامى تاخدى بنصيحتها
سلامى للجميع |
ميرسى ليكوا كلكوا
وانا كمان اقتنعت بكلام لست ادرى جدااااااااااااا وهحاول انفذه ان شاء الله ربنا يخليكوا |
انا رأى برده ان الدنيا ماقفلتش على سيادته وبعدين قبل الزواج بيعمل كده وبعدين
|
الله معاك وحاولي تفهمينه وتحسسينه انك وااااااايد متضايقة يمكن يحن؟؟؟
|
انت من الاول غلطانه انك اديتيلو مساحه كبيره في التحكم في حياتك كان من الاول حطيتي له حدود واحتفظتي بشغلك لانه كيانك حتى لو هو هددك بانه يسيبك وده عمرو ماكان هيحصل صدقيني انا مريت بحاجات شكل كده بس الحمدلله انا لسا في شغلي
وحاولي تخرجي ترجعي ترسمي طلعي احساسك على لوحك دا هيبقا يجنن ومش تنسي تعزمينا على معرضك |
حاولي ترسمي وتخرجي صدقيني وطلعي احساسك في الرسم ومش تنسي تعزميه على معرضك
|
. اولاً: السسلام عليكم ثانياٌ: المشكله ترى انتي ايييييييييييه لا تطالعين فيني كذا ايه انتي اعطيته وجه بزياده خليتيه يتحكم فيك خييييييير ان شاء الله ترى اللي خلقه خلق مليووووووووووون غيره يعني هو يطلع ويشتغل ويحس انه عضو فعال في المجتمع وانتي جالسه في البيت بين اربع جدران اقول اسحبي عليه بسس << هع لا والله من جد لازم تتكلمين معه وتفهمينه انك مو بسس تزوجتيه عشانه وعشان تحملين وتولدين احنا الحين غير احنا تطورنا مو زي قبل 100 سنه !!! الله يعينك !! دمتي |
كل سنة و انتى طيبة كمان حبيبتى مايا انا راى من راى الاخوات لو تسمحيلى اقوله اقدر اقولك انك كدة بتستغنى عن حياتك لو هوه فعلا بيحبك هيسمحلك تعملى اللى انتى عايزه بعدين حكايه انه بيحبك بس غيور اسمحيلى بس ده اسمه حب تملك وده مش حب حقيقى انا افضل انك تشوفى سلبياتة و ايجبياته و تشوفى ايه الاغلب فيهم و على الاساس ده تخدى قرارك و انتى الحمد لله عندك اخواتك اللى بيحبوكى و هيسندوكى فى القرار اللى هتخديه و حتى لو محصلش نصيب هيجيلك انشاء الله الاحسن منة و اللى يهتم بيكى بجد و تفرحى معاه و اتمنالك كل خير انشاء الله بالتوفيق
|
السلام عليكم اختي
اعملي زي ماقالو الاخوات |
عزيزتي مي ما عارفة اذا كان الموضوع انتها ولا لا المهم انني يادوب قراته وكذلك كل الردود الي اتكتبت : عموما سوف اعطيك راي المتواضع مع العلم اني متزوجة من زمن ولي بيت واولاد فيمكن تجربتي تفيدك
ربنا وصفنا نحن النساء وقال ان كيدهن عظيم يعني العقل .......المخ اي شئ انت ممكن بالعقل انك تصلي له اوعي تخربي بيتك او انك تتركي خطيبك الفكرة ان كل راجل له مدخل وطريقة بحيث انك تاخذي منه الي انت عايزاه زي مرة شوفت فيلم وكان الاب صعب جدا وكل مرة يقول انا راس البيت وبعدين عنده بنت عايزه تدخل الجامعة وهو رافض بشده والبنت تبكي لامها وتقول لها انه ما حيرضى والام تقول للابنه سوف اقنعه والابنه تقول انه كل مره يقول انا راس البيت............وكان رد الام هو المهم (انه لو هو راس البيت فانا الرقبة التي تلف الراس لليمين واليسار) وانت كذلك عليك لتنجحي في حياتك ان تكتشفي كيف تديرين راس خطيبك ثم زوجك . وبالتوفيق ان شاء الله |
فكرتينى بأسوأ ايام حياتى .. اسفه فى التشبيه دة والله
بس حسيت انى انا اللىبتكلم .. كنت حاسه نفس الاحساس دة .. ومش عايزة اقولك النهايه كانت ايه عشلان متزعليش من كلامى .. بس هقولك خلاصه التجربه واللى اتعلمته .. لازم لازم لازم يبقى ليكى شخصيه .. مفيش حاجة اسمها اتلغى علشان خاطر حد مهما كان فى حياتى .. لازم افضل زى منا ,, الل ىيحبنى ويختارنى ويرتبط بيا .. ياخدنى زى منا مش يغيرنى خااااااااااالص ويبعدنى عن كل حياتى ويرجع يقولى بحبك .. مهو لازم وقتها يحبنى مهو انا بقيت عروسه هو الل ىشكلها زى ما هو عايز ... لازم تفضلى انتى بكل نشاطاتك بكل اللى بتحبيه .. متلغيش نفسك ابداً .. لازم تفضلى تتكلمى مع الناس وتشوفى صحباتك وتشوفى اهلك وتخرجى .. تخاف عليا اوك .. تغير عليا ماشى .. بس بعقل .. بس ادينى مساحه من الحريه .. علشان مكونش فى يوم مضطرة اتحول لكدابه من خوفى منك .. وانا مينفعش اكون كدابه قولى له كدة .. واغلب اللى بيعملوا كدة مش بيكون بدافع الغيرة .. بيكون بدافع التملك والشك .. اسفه انى بقولك كدة .. الشك مش معناه انه تكونى انتى وحشه .. بالعكس .. دة معنها انه اللى قدامك هو اللى وحش او عندة نقص .. فبيعامل كل الناس على اساس انها زيه بجد استفزنى اوى كلامك ونفسى انصحك كتير اوى .. واخليكى تغيرى احساسك دة .. لانه متعب وانا حاسه بيكى .. ربنا يبعد عنك الهم ويختار لك الخير |
حبيبتي الله يبعد عنك الهم شكل البنات عصبوا من الموضوع بس معن حق كوني قد حالك عرفي كيف توصلي كلامك فكري قبل ما تحكي عدّي للعشره اذا عصبتي انا متزوجه وعندي عيله لما زوجي بيعصب بكون رايقه وبسمعوا للأخير ولما بيهدا بكون فكرت منيح بكل الكلام الي بدي قوله وبعرف كيف وصلّوا اياه والحمد لله حياتنا هاديه ومتفاهمين بتعرفي زمان لما كانت امي تسألني عن زوجي كنت قلها الحمد لله منيح ترد جدتي وتقلها المراه هيي اللي بتخلي الرجال يكون منيح بتصرفاتها ومشاعرها وبتمنى تكوني هاديه لما تحكي معه مش تبكي طول الوقت فهميه شو بدك عرفي ايمتى بتحكي وايمتى بتسكتي وعوديه تسمعيه وتعطيه اهتمامك لحتى لما تحكي يسمعك وما تفرجيه انك ضعيفه اعطيه فرصه واعملي اللي عليكي واللي فيه الخير الله يقدمه موفقه حبيبتي مواااااااااااااه
|
اظن ان البنات افادوكي
و راي مثل راي ام رنا باول رد لكن اعيد عزيزتي لا تجعليه يطمس شخصيتك انتي الان مخطوبة فقط وحالتك هكذا ماذا سيحدث بعد الزواج لا تغيري شخصيتك من اجل احد و اعملي ما ترينة ماسب لنفسك لا تكوني مثلما يريد هو ..طوني كما تريدين انتي فان تقبلكي مثلما انتي كان بها و ان لم يتقبلكي فمازلتي على البر و على قوله ام رنا ان تخرجي من هذه العلاقة باقل خسائر احسن لكي الله يوفقك اختي |
حبيبتي ..
فعلاً ما قالته الغالية بنت المطر وباقي الأخوات عين العقل .. أي أنه لا يجب أن تضحي بما لديك من أجله وهذا من أكبر الأخطاء من حقك أن تعيشي وتستمتعي وتنطلقي في الحياة بلا قيود من أي شخص إلا القيود الدينيه والشرعية .. وبرأيي أن هذا الشخص سوف يجرد من كل شيء حتى يلتفت إليك يوم من الأيام ولا يجد ما يجذبه لكي .. أنا أنصحك بقراءة قصة أم بسمة للدكتورة ناعمة الهاشمي وستفهمين مقصدي .. أتمنى لكي الراحة والسعادة .. |
| الساعة الآن 12:52 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية