|
لقاء مع الأبطال...........أدهم صبرى!!!!
السلام عليكم ورحمة الله مين فينا محلمش يقابل بطله المفضل فى الروايه أو شخصيه معينه يقابلها ويكلمها طبعا ده مستحيل فى الواقع.......... لكن مش مستحيل فى ليلاس الموضوع ببساطه كل أسبوع هتنزل شخصيه من الأبطال كل عضو يحب يوجه له كلمه يدخل الموضوع ويوجهاله وفى أخر مشاركته يكتب أسم الشخصيه التانيه اللى يحب يقابلها والبطل هيفضل معانا أسبوع وهنعمل فرز للأصوات كل خميس وينزل موضوع البطل الجديد يوم الجمعه وفى كل موضوع جديد هنكتب أسم الأبطال اللى ظهروا معانا قبل كده علشان نستبعدهم فى الاختيارات الموضوع ده ممكن يبدأ بالأبطال والشخصيات وممكن المؤلفين وممكن لو تحبوا شخصيات عامه من الواقع بتاعنا وأكيد لما نعرف أرائنا فى الشخصيات دى كلها هنعرف بعض اكتر *************** أسمحولى لكن مالقتش أفضل من رجل المستحيل أبدأ بيه الموضوع ده يعنى لقاء الأسبوع ده بينكم وبين رجل المستحيل ( أدهم صبرى ) [IMG]http://www.liilas.com/upp//uploads/i...1c75884356.jpg[/IMG] *********** لو حد عنده أى تعديل او اى تطوير ممكن نناقشه مع بعض ويارب تستمتعوا باللقاء منتظر ردودكم |
وأسمحولى أبدأ اللقاء مع صديقى وأستاذى أدهم صبرى
*********** من أول يوم ألتقيت بيك بين صفحات الورق أنبهرت بشخصيتك وقوتك واخلاقك ومن وقتها وأحنا دايما مع بعض وأتمنيت أن مايكونش عندنا ن-1 بس لا يكون ن-2 و ن-10 و 1000 لكن أتعلمت منك أن كل واحد ممكن يكون فئه نادره فى مجاله وممكن نكون 80 مليون ن لو عندنا الإراده والعزيمه اللى عندك شكرا ياصديق العمر وأكيد هنفضل مع بعض للأبد *********** أحب أقابل : رفعت إسماعيل |
السلام عليكم شكرا يا عوض على الموضوع الجامد ده ***************************************************** ***************************************************** أدهم صبري هل يمكن أن تعبر الكلمات عن الشعور طبعا لأ في بداية ما قرأت حصل معايا موقف معين كنت حبطل أقرأ القصص وكنت بقول أننا أصلا مبحبش أسلوب أدهم صبري عشان محدش يعرف إني زعلانة و لما رجعت أقرأ من تاني حسيت بفرحة كبيرة جدا أنا مش ممكن أقابل حد مثلك في إيمانك و قوتك و حبك و شجاعتك لما عرفت إننا يمكن مش حنشوفك بعد كده حسيت كأني مظلومة و كأن كل القصص بتبكي عشانك في البداية فرحت لما شفتك خلاص حتتجوز منى و بعدين الّي حصل خلاني أبكي عشانكم انتوا الإثنن انت رمز ومعنى بالنسبة للكل و مش بس لنا أنت الصديق الذي يؤمن بالله ونبيه ودينه هو الذي نحبه أنت الذي قمت و صليت و أنت في السجن لترفع كلمة الله و تذل الأعداء أنت الذي تحديت العالم من أجل الدين ثم الوطن ثم من أحببت أنت البطل الذي نحب أنت رجل المستحيل طبعا الكلام مش ممكن يوصف اللحظة الي ممكن أقابلك فيها و طبعا أقول إلى اللقاء و نشوفك قريب إن شاء الله ********************************************************* ********************************************************* أريد أن ألتقي ب أكرم :toot: |
أدهم صبرى رغم عدد حروف أسمه التى لا تتجاوز العشرة أحرف الا انه يحمل قيم واخلاق نتمنى ان تكون ف كل واحد منا لانها اساساً أخلاق المؤمن الحق و لا استطيع ان اصف فرحة عشاقق عند قراءة روايتك حين كانت تصدر بعد ول انتظار ولا عن لذة مراجعة اعدادك القديمة رغم انه قد تكون محفوظة عن ظهر قلب و لا اجد كلات كافية لك ........... |
اولا شكرا يا عوض على فكرة الموضوع الرهيبة دى بجد عجبتنى اوى خصوصا ان ليها استمرارية أدهم صبرى اقول ايه ولا ايه ولا ايه اولا .. انت صعبت المسألة علينا اوى يا ادهم احنا معشر البنات .. يعنى كنا صغيرين وبنكبر يوم عن يوم على رجل مثلك .. اعتدنا ان الرجل عليه ان يكون انت باخلاقك وحنانك ووفائك والتزامك وشجاعتك وذكاءك وقوتك وطيبتك وحزمك ولما واجهنا الحياة اكتشفنا انك فعلا تستحق لقبك جدا انت رجل المستحيل وانت فعلا ن1 .. عارف ليه عشان مفيش حد زيك اصلا عشان كدة صعبتها علينا بعد ما عليت توقعاتنا وحسينا انك انت اللى كل بنت بتتمنى تكون الى جواره اكتشفنا ان دة مستحيل وبقيت بالنسبة لنا حلم نفسنا فيه ومش هنقدر نحققه بس فى نفس الوقت أمل ان فى يوم من الايام وباذن الله ابنى وابن كل بنت ترى الرجولة هى " ادهم صبرى " نحاول نربيه ونكبره على انه يكون زيك ولا يخفى على عدد كبير من المقربين الىّ ان احب اسم الىّ هو " ادهم " وان باذن الله سأطلق على ابنى ان اراد الله اسم " ادهم " اتذكر يوم صدور عدد " النهاية " والبكاء المرير الذى بكيته ودخولى فى حالة من الاكتئاب ضحك عليها كل من لا يعرفونك وقدرها وشاركنى اياها من ابهرته مثلى تماما ولأول مرة سأنقل اليكم خاطرة كتبتها يوم صدور عدد النهاية واعتقادى انها اخر اعداد السلسلة كما سبق وقرر د. نبيل فاروق كتبت هذه الخاطرة وكنت وقتها على ما اذكر بالخامسة عشرة من عمرى .. اى قبل ست سنوات فعليكم ان تراعوا مراهقتى وولهى به : : : : رسالة حب الى من لم احب سواه أدهم احببت شجاعتك واخلاصك وحبك الكبير لوطنك الذى ضحيت بحياتك من اجله لقد بكيت حينما عرفت ان هذه النهاية .. نهاية الرجل الذى احببته وفريقه الذى عشقته حزنت كثيرا لانك لم تتزوج منى حبيبتك ومتما انتما الاثنان .. ماتت هى على يد ايفاجلينا ايفانوفيتش هى وقدرى وريهام وشريف ومت انت على يد نفسك التى لم تطاوعها ان تحيا بينما يموت ابناء وطنك فى القاهرة بعد ان يبيدهم سلاح الزعيمة على الرغم من اننى حزينة عليك الا اننى سعيدة فى نفس الوقت اتمنى ان يكون معظم الرجال مثلك لا مجرد اساطير وخيال ابتدعه كاتب مبدع مثل د. نبيل فاروق good buy Adham Sabry my impossible man 30-5-2004 هكذا ودعته منذ ست سنوات دون أمل فى لقاؤه لكن الآن الامل موجود وانتظر على احر من الجمر عدد خاص له شكرا من جديد يا عوض |
| الساعة الآن 02:32 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية