|
سديت باب العفو ياقلبـي الميـت = واردمت فوق الحزن "حزني" ردامه ماعاد فيها قول "ياعـل" "ياليـت"= أقفت ضعاين هقوتـي بالسلامـه سرقت عيني بالنظـر ثـم لديـت = طاح الوفا باسباب كسـرة سنامـه كسرت شوفي ومع دموعي تواريت = واثر الدمع بيّن بوجهـي علامـه يبطي بي الهاجوس لو كان سجيت = وتجرحني قولة "ماعليهـا ملامـه" ياكثر ما أعطيت واعطيت واعطيت = كف العطا عميا ولبسـت عمامـه ماني على ذكر المقفـي تشقيـت = رميت له كاسـه وسكـرة هيامـه ما أذكر إني مـرةٍ قـد تهاويـت = دايم وأنا لـي بالكرامه زعامـه وما أذكر إني بالردئ قد تباهيـت = اتبع حلاله مجنبـة عـن حرامـه أنا اللي دايم من دلالـه تقهويـت =شربـت فنجالـه بعـز وشهامـه كتبت جزل القاف من حشمة البيت = وما ادس راسي مثل راس النعامه وما أذكر إني في حياتـي غدرت وجافيـت = حسبي على غدر الزمان وعسامه ياقوي طعن القلب إن كـان خاويـت =شخصٍ عزيز ويختلف لك كلامـه وياشين وقتك كان بالعمر عاديـت= شخصٍ يودك وأنت تدعي عدامـه ماني على هذي وهـذي تباكيـت =الهم فينـي واصـلٍ بـي مرامـه ياقلب منت من القلـوب المفاليـت = اللي تراكـض بالحفـا والندامـه لو أن قلبي ينحطم منـه ماابديـت = شوق الحنين لو كان للقلب شامـه ماني من اللي تاخذ العلـم بلفيـت = خذ مواثيق العهـد مـن زمامـه ذابت هقاوي مثل ضحك الحواتيت = وماتت على يد الهقـاوي حمامـه |
ليته بعد جرحه لقلبي عاد للجـرح و ضمـد ولا رمى بي بين سـود اللياالي الواحلـه كم واحدٍ كنت احسبه في حزة الضيقـه جمـد ينفخ بروحه و البحور الهوج تغرق ساحلـه النار تالع بالحطـب و يصيـر تاليهـا رمـد و القلب ناره ما يطفيها البحـر لـو راح لـه واليوم ابسجد لله المعبود و ألجى له و امـد أكفوفي الفقرا عسى يهـدي نفـوسٍ باحلـه يالله ياللـي رافـعٍ سبـعٍ شـداد بـلا عمـد ياللي فؤادي و الجـوارح كلهـا ترتـاح لـه يا خالقي يا رازقي يالواحـد الفـرد الصمـد يا محيي قلوبٍ غدت مثل الصحـاري قاحلـه روحي تزايد همها و العيـن غاشيهـا رمـد و القلب في غيبوبته ما يستمع من صاح لـه و النفس تامرني بسو و يغرها طـول الأمـد وأنا ادري إنه لو يطول الوقت روحي راحلـه ابني من الاحلام و اشيد قصـور بـلا عمـد و اصبحت مثل اللي بوسط البيد اضاع الراحله يا رب حظي فارق الدنيا وفـي قبـره خمـد حتى الحمام اللي على خضر الجرايد ناح لـه يا رب عوضني بحظ مـا يسبـب لـي كمـد خل الجبال اللي تجي في طرقته تنـزاح لـه ياربي أنته ملجئي و انت السنـد و المعتمـد و الحمل جاير و الضلوع الحدب مني ناحلـه ياربي اجعلني من اللي كل ما عطيتـه حمـد يارب وابعدني عن اللي نظرته فـي كاحلـه يارب و اتمم نعمتك و اجعل فـؤادي يستمـد من فضل جودك ما يجي وسط المياه الضاحله ................................ |
كبر الخطأ ماكل عذر يغطيه ..
مثل التعاازي ماترد المصيبه .. |
هنااك أوجااع لانعرف مكاانهاا !
تسد شهيتناا ..حتى عن الكلااام .. وتجعل وخزة "الدبوس" سببآ عظيماا للبكااء ..!! |
أحياناا
يبدو أن الخير الذي تفعله تجااه أحدهم غير ملحوظ .. ولا يندرج تحت مرتبه التقدير ..!! ولكن حين نقرأ .. (وماتفعلوا من خير فإن الله به عليم ) هناا فقط .. يصبح لك شيئ قيمه .. . . يااارب ادخلني مدخل ترضاااه .. |
| الساعة الآن 10:02 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية