منتديات ليلاس - [قصة مكتملة] نكهات من علقم الدنيا ..!!

مرحبا دمعة يتيمه

احييييييييك من كل قلبي عالروايه الاكثر من روعه ، انتي المفروض تنزلين رواياتك بكتب ، سجليني وحده من متابعاتك ، انا تقدرين تقولين علي مدمنة روايات بنفس الوقت ماقرا اي شي بس الغريب اني مانتبهت لروايتك الا من ثلاث ايام وبهالثلاث ايام قريت كل البارتات اللي راحت من كثر مالروايه اعجبتني ماودي حتى انسى حرف ماقريته يعطيك الف عافيه حبيبتي

ببدأ باحمد ونغم ابطالي المفضلين ، احمد معجبني بروده وصوته الكسول حبيت نخوته وشهامته بموضوع نغم وهي فديتها تستاهل الدلوعه تعبت كثير واحمد اكثر شخص تقدر ترمي عليه حمولها وترتاح ، اتوقع لهم زواج بارد شوي بنفس الوقت نانه صايره ماتسكت وكأنها غيوره بالذات لما قالت له مايتزوج عليها فممكن بحركاتها العفويه تكسر بروده شوي >> مع اني احس شكله بيكون غلط وهو معصب ونار مايلوق عليه بس بعد ودنا نشوف وجهه وهو يحب غير حبه الاخوي لفدك وهالشي احيييه عليه >> معجبه فيه بقوه هههههه<< اتوقع بعد بيوم حادثه نغم انو اللي اعتدى عليها ماعتدى عليها القصد انه حاول يعتدي عليها ودخل عليه بسام الحقير وذبحه بالوقت اللي نغم كانت عليها الدوره اتوقع هالشي اللي خلاهم يقولون انه اعتدى عليه حتى الدكتور قال هذا اللي واضح ماقال اكيد اتوفع انها ملك احمد بلحاله ولا لمسها قبله احد

تركي وتاج اكيد حياتهم راح تكون بين مد وجزر ، هو مو راضي يعترف انه يبيها متكبر حتى على نفسه ومشاعره واكيد يحس من الضعف انه يحب وحده وقاعد يقنع نفسه انه هي اللي تحبه وهو بس يبي يريحها ويحقق لها اللي تتمناه لا ومتحلف فيها بوريها وبسوي فيها وفوق كذا الغبيه > فيس معصب ، مرات يرفع ضغطي ، اما هي ياحياتي عايشه على حبه سنين وهو هوايته التعذيب ولانها تحبه بتنسى كل اللي صار وبتحبه اكثر واكثر وبتستانس بوجوده كزوجها الا اني احس بغبائه الغبي >> اخذ حقها خخخخ << بيجي يوم ويطفح الكيل من ناحيتها احس انه بيعاملها كانها بتموت من دونه وانه هو اللي مايبيها اتمنى مايسوي شي يزعلها منه ويزعل ابوها بعد ، علاقته باحمد مو زينه طبعا لانه غيور ويبي كلمته اللي تمشي بالرغم من انهم يملكون صفات متشابهه الا ان احمد يعتمد عليه وقد ماكارهين بروده يحبونه بس تركي جايهم بشخصيه الكل مستنكرها فاتوقع انه بتصير له اكثر من مشكله مع اكثر من شخص بهالسبب

افنان ويوسف مدري وش اقول عن حياتهم وكيف الشخص اللي يحب طول عمره فجأه يتغير بالاول شكيت انه مسحور او شي مثل كذا بعدين لما طلعت ديم عالساحه حسيت ان كل الموضوع كلن يشوف الناس بعين طبعه لانه يخونها يحس انها مثله قام يشك بكل اللي تسويه ، هو صح متزوج بس من ورا الكل وهذي خيانه ، لا وزوجته حامل بعد ، اللي قهرني لما سألها حامل يعني من جد من الهوا بتحمل >> فيس معصب بقوه ، انا اشوف انها اخيرا تحررت منه اتمنى انها تثبت على رايها انها ماتبيه ودام احمد في السالفه فهي محلوله ان شاء الله ويوسف مايستاهل طفرها كفوه هاللي ماخذها وقاعده تخرب عليه بيته وحياته وعلى باله انها تحبه وطبعا ربطته بولد وبيجي يقول لاهله والله انا تزوجت وهذا ولدي >> فيس يقول انقلع ومناك بس

ميار وعبدالله مادري وش اقول بس ماله حق باللي سواه مهما يكون هي بنت عمه وعمره ماشاف عليها الزله بنفس الوقت اقول اللي وصله عنها واللي شافه >>اقصد تحليل الدي ان اي << يخلونه يسوي كذا مو لدرجة التوحش صار يستانس لما يشوفها تتالم وكنها بتموت ، اجل مسكنها بالحمام تكرمون وان بغى شي المطبخ ، اللي ابي اعرفه وش الشي اللي مسويه ياسر من زمان وبلغ عنه عبدالله يعني لهدرجه بريء عشان يقلب حياة عبدالله فوق تحت طيب هالمسكينه زوجته شدخلها كذا يصير فيها ، اتوقع ان بسمه هي حصه بنت ميار وحصه تصير بنت نوف وهالتغيير صار بعد يومين من ولادة ميار لانها قالت ان البنت يومين وتغير شكلها ، اللي قاعده افكر فيه اللحين ياسر شهالتخطيط اللي استمر سنين وسنين ، طيب اسهل شي انه يلفق له اي تهمه مخدرات ولا اي شي ، شدخل بنته وزوجته ، اتوقع واتمنى ان نوف تقلب عليه وتطلع الاول والتالي ، الموضوع بيكشف براءه ميار بس عمره اللي انكسر ماراح يتصلح >> الرجال اللي سوا فيني كذا مهما كانت اسبابه ماعاد فيه شي يشفع له عندي << ماجات عالطق والتشويه والتعذيب جات على انه حرمها تكون ام من جديد وهو مستانس بهالشي فاتوقع ان ياسر قدر يدمر حياة عبدالله عقبال حياته الحقير

رحيق وغصون ياحياتي هم مو قادرين يرتاحون بمكان ، رحيق عاشت بالاول مع مجرم عذبها بدون حدود بس لانه يحبها وتوفع انها تفكر بغيره وبعدين مع شايب عالاغلب يعتبرها بنته انا احس ابو طلال يحن عليها حنان ابو مو حنان زوج واتوقع انه راضيه بالقليل وتقول انها مرتاحه لانه مو مقصر معها بشي ، وغصون بالاول عاشت بغرفة الملابس هروب من زوج اختها لايعرف واللحين عايشه مع ناس ماترحم ، وكلللله كوم وفهد كوم ماتصور انه في اخ بالدنيا يحب الفلوس لدرجة يبيع خواته بهالشكل وبعدين على اي اساس يزوجهم وهم مايدرون من اللي مالك عليهم بدون مايسألهم موافقين او لا ، يعني شخص يسحبني للمجلس ويغتصبني واخرتها يقول انا زوجك وين صارت ، من جد مدري اشلون راح تنحل مشاكلهم اللي قاعده تزيد يوم ورا يوم انا غسلت يدي ان عماد ياخذ رحيق يعني اول شي ترملة وعندها ولد وبعدين تزوجت من جديد واحس انه بالذات بعد ماشافها استسلم بس كنت اتوقع انه لما غصون تدور عليهم وتروح لهم ياخذها عماد بس بعد قصة الزواج وحامل بعد مادري باي وجه ممكن تروح بس اتوقع ماقالت لابو طلال الا لانها تبي تثبت هالزواج والكل يدري بعدين تتطلق منه واتمنى من كل قلبي تسقط ولا اي شي يصير احس مو المفروض يجيها عيال من عبدالعزيز وبعد حسيت انها تناسب سلطان مدري بس اتوقع ممكن يصير بينهم شي

زيد وكادي بين مد وجزر بس انا شخصيا معجبه بشخصية كادي الجديده يعني بعد اللي صار لها من وفاة اهلها وهي البنت المدلله اللي ماينرفض لها طلب وتغربت طبعا اللي عاش طول عمره بامريكا حتى وان جا لوطنه الاصلي بيحس بالغربيه لان المكان جديد عليه فوق كذا خالها طلع مو كفوو ويبي ياكل عليهم فلوسهم لا وعياله بعد حبيني وتزوجيني ولا اطلع عليك كلام ماينقال طبعا اكيد فوق كل هذا وهذا سمعتها اللي صارت شينه بكل مكان ، اضطرت انها تنخطب لشخص اصغر منها بس عشان تمشي امورها الا انها وبعد كل ذا ماكسرت نفسها لاحد وقاعده تحارب عشان تعيش هي واخوها متناسيه كل اللي قاعد يصير حولها وفجأه يجي سبب كل هاللي صار واللي قاهرني بكل برود يجرحها وهو اللي عارف كل الموضوع بس بعد يحبها اكيد اقصد كانت شفقه واحساس بالذنب وتأنيب ضمير بس مع الوقت تحول لاحساس بالملكيه ، طبعا هو يستاهل كرهها له يمكن هو مافكر ان كل هذا بيصير بس بالاخر هو السبب ، الشي الوحيد اللي ماتغير هو مقياس الناس عندها يعني عشانه قارسون ينقلع لو واحد غني عادي تعطيه وجه هالشي اللي اتمنى يتغير قبل ماتعرف هو من

سيف اتمنى انه ياخذ حق اخته ويرجع لهم سالم لانو كفايه اللي صار لهم ، ان صار له شي امه بتلحقه على طول ونغم بتنجن

ياسر ابي اعرف من هاللي وصلت فيها الخسه انها تخون زوجها وتنام مع غيره بوجوده اتمنى انهم ينفضحون وينمسكون بالجرم وينحكم عليهم اعدام

ممممم من بعد ، اتوقع كذا كفايه اليوم

وبانتظارك لا تتأخرين علينا

ويعطيك الف عافيه حبيبتي

اعتذاراتي