|
طريقة نسيان ( أعز الناس)
من يبي يتخلص من أعز الناس ؟؟ طيب خلينا نشوف سبب هالرغبه : مليت منه ؟؟ طفشت من اسلوبه ؟؟ صار بايخ ؟؟ تحس انك لازم تفارقه ؟؟ يمكن ما يعجب أصدقائك مثلا ؟؟ جاء يوم الوداع.. المهم تبي تفارقه صح ؟؟ يقولون اللي يبي يفارق أعز الناس عنده راح يلقى عذر له في النهايه.. يعني الفراق أبدا مو مشكله دام الرغبه في الرحيل موجوده.. طيب أوكي.. ممكن أذكر كل واحد ناوي يفارق أعز الناس عنده بأشياء قبل لا يسوي اللي براسه ؟؟ ( ياليت نقراها مع بعض الى النهايه ).. نسيت ياللي قسيت قلبك ؟؟ نسيت أحلى الأيام ؟؟ أدري بهاللحظه ما ودك تكمل باقي الكلام بس حاول.. نسيت أول يوم تعرفت عليه ؟؟ ممكن تتذكر شعورك وشلون كان ذاك اليوم ؟؟ حاول تتذكر الحين.. ممله صارت النكته اللي كان يقولها صح ؟؟ وين كنت يوم كانت الضحكه تشقق شفايفك من كلامه ؟؟ نسيت الساعات الطويله اللي كنت تقضيها معه بس أنت وهو محد غيركم ؟؟ نسيت يوم كنت تغمض وما تسمع غير صوته اللي يبعث الأمل في نفسك ؟؟ ما تذكر يوم كان يغيب عنك يوم أو يومين كنت تشتاقله ؟؟ ولا غاب أكثر تحس ما تبي من هالدنيا غيره.. نسيت يوم كان يواسيك في حزنك ؟؟ نسيت انك في عز انكسارك كان يشجعك و يحاول يخليك صامد في وجه هالزمن ؟؟ ما تذكر ذيك اللحظات اللي كان يحاول يطيب خاطرك ؟؟ نسيت انه كان يفرح بفرحك و يحزن بحزنك ؟؟ تبي تفارق من يتمنى لك الخير ؟؟ نسيت كم أخطيت عليه وهو يسامحك عن طيب خاطر ؟؟ وكم وكم أخطيت وهو يسامحك بس عشانه ( يحبك).. ليش تسوي فيه كذا ؟؟ نسيت كم و كم ساعدك و ضحى و تعب و أرهق نفسه مو عشان شي بس عشانك ؟؟ صار قلبك حجر على أعز الناس !!! تعرف ان فراقك راح يتعبه.. و تعرف انه يبيك من دون كل ومع ذلك تفارقه !! طيب ممكن تفكر شوي و تحط نفسك مكانه ؟؟ الحين يوم انك صرت قوي و منت بحاجة أحد : أول واحد تنكرت له أعز الناس ؟؟ أول واحد بعته أعز الناس ؟؟ لا تتعذر بالظروف و مشاغل دنيا فانيه.. لا تقول أبي أبدأ حياة جديده.. طيب ابدأ حياة جديده ما منعناك.. بس لا تنسى تاخذ معك من ضحى لأجلك في يوم من الأيام.. لا تنسى من خلاك تاج فوق راسه.. طيب أقل شي رد الجميل لا تكون لئيم.. تبي تفارقه ؟؟ نسيت انك أمير بدنيته ؟؟ و انك كل شي بحياته ؟؟ أنا اللي أعرفه ان الدنيا دواره.. ور بي ما يرضى انه ينظلم أحد بهالدنيا.. الحين أنت منت بحاجته صح ؟؟ طيب : تذكر بكره يوم تضيع بزحمة الأيام و تخونك دموع العين و تبكي.. تذكر يوم يتنكرون لك ربعك و ناسك اللي تحسبهم بيساعدونك و ينقذونك.. تبي من يواسيك ذيك اللحظه.. راح تشتاق لأعز الناس.. أعز الناس اللي يوم الكل كان يتخلى عنك كان هو واقف بجنبك وما حسب حساب لأي أحد.. كان يحاول يساعدك بكل ما عنده.. بس خساااااااااره يمكن ما تلقاه ذيك الحزه : لانك بعته بيوم من الأيام.. نصيحه لكل من يقرأ هالمشاركه : لحد يفرط في توأم روحه أبد مهما كانت الأسباب و مهما كانت الظروف و مهما كانت المغريات.. لا يجرحه ولا يتعبه.. لا يلعب براسه الشيطان و يقول : بكره راح ألقى أحسن منه بألف مره.. ( و راح يشكرني بيوم من الأيام ).. أتمنى من كل واحد قرأ هالمشاركه انه يراجع حساباته.. وياليت كل من يفكر الحين انه يفارق أعز الناس عنده : انه يتراجع عن قراره و يفرح قلب أعز الناس عنده برساله او اتصال أو انه يروح و يشوفه.. ولا ينسى يعتذر له و يعوضه عن اللي راح.. مماراق لي |
حتى لوفارقت اعز انسان لكن صعب النسيان لو انه نساه معناته نسي جزء من حياته ويكون بحجم معزة الانسان له |
نحاول ان ننسى الايام تشفي الجراح..
شكرا على الموضوع |
وان اجتهدنا لانسيانه
يقبى هو ذاك الذي يتربع في حنايا القلب ويدمي العين فراقه الف شكر حبيبتي |
يعطيج العافيه يالغلا
راق لي ماقرأت هنا لانه حقيقي وواقعي والله لايفرق بين المحبين ان شاء الله ويجمعهم في الخير شاكرة لك روعة طرحك وتسلمين تحيااااتي وجه الصباح /اللبؤة |
| الساعة الآن 05:06 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية