السلام عليكم ورحمة الله

وحشتونى ياليلاسيين , من زمان ماتقبلناش

كل سنه وأنتم كلكم طيبين ورمضان كريم علينا وعليكم إن شاء الله

************

الموضوع واضح من عنوانه زى مابيقولوا , هنتكلم على نهايات رجل المستحيل التى لم تنتهى
لكن بشكل تانى يعنى مش هنقول طب ياترى الدكتور نبيل هينهى دى ازاى وهينهى دى ازاى او نستنى كل فين وفين لحد ماعدد خاص ينزل يحل جزء من اللغز

اللى هنعمله حاجه بسيطه خالص انا هكتب كل النهايات المفتوحه من وجهة نظرى على شكل أسئله ولو نسيت حاجه ياريت تفكرونى , وكل واحد يدخل الموضوع هيجاوب على كل سؤال من وجهة نظره الشخصيه وممكن تعليق بسيط لسبب أجابته دى

وأعتقد بالشكل ده هنجمع كل النهايات الممكنه لرجل المستحيل لأننا نعتبر خبراء السلسله من كتر ماقرأناها

وزى ماقلت اللى عنده نهايه أنا نسيت أكتبها يقولى , زى مابقول فى كل موضوع الموضوع ده مش بتاعى ده بتاعكم أنتم .

**************
نيجى للنهايات المفتوحه :-

1- هل ماتت منى وإذا لم تمت كيف ستستمر شخصيتها فى السلسله, وهل كانت هى المقصوده بالتفجير أم أدهم , ومن المسؤول عن التفجير ؟

2- من هو مستر أكس , وهل سيظهر مره أخرى ؟

3- هل ماتت سونيا جراهام بالفعل أم ستظهر مره أخرى كالعاده ؟

4- أبن أدهم ما مصيره ولمن سيكون ولائه وهل سيستطيع أدهم أنقاذه ؟

5- هل سيترك أدهم المخابرات ويعود للعمل منفردا كما حدث من قبل أم سيظل يعمل تحت مظلة المخابرات ؟

***************

دى الأسئلة اللى فكرت فيها اللى عنده أى استفسار تانى يكتبه وانا هضيفه للأسئله

وزى ماقلتلكم الموضوع ده موضوعكم أنتم مش موضوعى

السلام عليكم ورحمة الله

المشاركة الأصلية كتبت بواسطة awad200 (المشاركة 2423570) عودة حميدة يا عوض ليلاس بيزغرد برجوعك ************ عجبتنى فكرة الموضوع بشكل رهيب ومن جديد بتثبت انك تستحق اللقب " رجل المستحيل" بس هسألك انت على قراءة دائمة باعداد الرجل ولا انت ذاكرتك حديد كدة طبيعى ************** نيجى للنهايات المفتوحه :- 1- هل ماتت منى وإذا لم تمت كيف ستستمر شخصيتها فى السلسله, وهل كانت هى المقصوده بالتفجير أم أدهم , ومن المسؤول عن التفجير ؟ اتخيل انها ماتت وذلك لما اتذكره من العدد الخاص " اوراق بطل " وهناك احتمال ان يكون هو المقصود طبعا وفشلوا للمرة التريليون وقد تكون هى المقصودة لان المسئول عن التفجير رأى ان موتها اقسى عليه من موته المسئول عن التفجير ؟؟ اعداء ادهم لا يعدوا ولا يحصوا بس هو وسونيا عملة من وجهين وهتبقى بايخة لو حد غيرها هو المسئول 2- من هو مستر أكس , وهل سيظهر مره أخرى ؟ ااااااااااااااااه اهو نفسى اعرف مين هو مستر اكس دة حد فى حياة ادهم زى السنيورا كدة ولا حد منعرفوش انا شايفة ان د. نبيل مدين لنا انه يعمل عدد خاص ادهم فى مواجهة مستر اكس وتنكشف حقيقته فى الاخر لانه مفيش داعى بقى خلاص انه يفضل مجهول خلاص السلسلة خلصت ومفيش خوف على الاستمرارية 3- هل ماتت سونيا جراهام بالفعل أم ستظهر مره أخرى كالعاده ؟ تصدق انا بجد نسيت ازاى ماتت سونيا فى العدد الاخير اصلى مش قريته غير هى المرة الاولى ولم اعيد قراءته ثانية بس يكون افضل بصراحة انها تظهر من جديد ومتكونش ماتت عشان يعنى منقطعش عادة ههههههه 4- أبن أدهم ما مصيره ولمن سيكون ولائه وهل سيستطيع أدهم أنقاذه ؟ انا شايفة ان يبقى فيه صراع كبير بين ادهم وابنه طبعا وانه اكيد يكون ولاءه لاسرائيل بس وكمان تشابك بقى وقتال بينهم بس فى الاخر عشان ادهم معملش حاجة وحشة فى دنيته ربنا ميقعدش دة فى اولاده فان شاء الله يهتدى آدم فى الاخر 5- هل سيترك أدهم المخابرات ويعود للعمل منفردا كما حدث من قبل أم سيظل يعمل تحت مظلة المخابرات ؟ متهيألى اه انه سيترك العمل فى المخابرات لكبر سنه وبعدين العمل منفردا مناسب جدا للاعداد الخاصة لان المهمة هنا هى اللى بتفرض نفسها مع الخصوم السابقين مش المخابرات هى اللى بتكلفه بمهمة ***************