|
خلص حنانك ,,,؟؟؟
الســــــــلام عليكم ورحمة الله وبركاته ...,,,, روايتي الأولى "(( خلص حنانك ..؟؟ )) ’’ البارت الأول /// جالس على أعصاب أعصابه في قمة التوتر والضيقة اللي تنهش بقلبه ... مهو قادر يركز بشي ولا قادر يفلت يدينه عن بعضهم من جلس وهو يفرك فيها ويستنى بس يقول اللي بباله عشان يرتاح كل مامرت دقيقة رفع عينه عليهم وناظرهم بصمت بس اذا وصل نظره له هو بذات يحس بنار تطلع من عيونه ويركز فيه كثير الين مااخوه اللي جالس جمبه ينبهه وفكرة وحده تدور براسه وتزيد وتعيد ,, هذا اللي جالس قدامه جاي اليوم يملك على بنت عمه وحبيبته من ايام الطفولة رفع راسه لولد عمه سعد اللي كان يصب له القهوة وابتسمله ابتسامة مبين انها مو من قلبه ورجع يركز نظره على عدوه...,, والقهر ياكل قلبه منه ومن نفسه ومنها هي اكثر..,, انعادت عليه احداث صارت قبل اسبوعين بشكل سرييع وهو يحاول مايفكر فيها بس مو قادر ,,,, ولد اخوه نصوري ابو سنتين كان بحضنه يلعبه ومعطيه جواله يلهيه وهو يسولف مع اخته مها مها :: ماجد يالله البنت لحالها جالسه قول وش تبي وقف وشال نصوري معه وهو يقرب لها ويهمس لها : طيب يابنت الحلال بس قوليلي وش قالت لما وصلتي سلامي لها؟ مها سوت نفسها تبكي وهي تمسك راسها:: اهئ مااجد حلفتك كم مره سألتني هالسؤال قالت الله يسلمه والشر مايجيه وبسسس نقل ناصر ليده الثانيه وهو يقصر صوته اكثر : اييه عارف بس متأكده ماقالت شي ثاني؟؟ تو مها بترد عليه سمع صوت ابوه يناديه عطى مها ناصر بسرعه وأشرلها تستناه وراح لبوه غاب حوالي الخمس دقايق ورجع للصالة توه بيصوت لمها سمع شي حس انه ذوب قلبه مها تهمس لها :: العنود شفيك؟؟ عطيني الجوال لايزعل ماجد ردينا على خويه العنوووووود انقطع تفكيره على دخلة عمه عبدالعزيز وقف يسلم عليه ونظراته مع عمه مانقطعت نظرة متساءلة ونظرة فيها الم واصرار ,,,,،//////////.........,,,, كانت تسوي الشاي وهي سرحاانه وماهي قادرة تفتح فمها بكلمة تروح وتجي وعقلها ابد مو معها مها تمسك يدينها وتوقفها :: العنود مليت وانا اتكلم وانتي ولا قلتي ولا كلمة رفعت راسها وكانها تمنع دمعة تنزل بعدين ردت:: وش تبيني أقول ؟؟ مها وهي تجلسها على كرسي المطبخ : قولي اي شي بس مو كذا لاتكتمين بنفسك انا صح اخته واخته القريبة منه بعد بس انتي صديقتي وتوأم روحي لاتفكرين اني واقفه بصفه لانه اخوي لا والله بس انا كل كلامي اللي قلته لك من خوفي عليك وعليه انتوا مو بس تحبون بعض انتوا تعشقون بعض قاطعتها العنود :: مهااا انــ اشرتلها تسكت: خليني اكمل كلامي اول ادري الشي اللي صار مو سهل وادري ان كلمة حرقة قلب شويه عليه بس انا مابي هالموقف هو اللي يتحكم بعقلك ومستقبلك ويضيع حب سنوات انتي للحين بقهرك حتى مامر على الموقف شهر فعشان كذا مابيك تتسرعين وتقولين شي وتندمين عليه بعدين انتي والله ماشفتي حالة ماجد هالاسبوعين من جد ترحميينه ابتسمت العنود بقهر :: اجل انا وش حالي؟؟ مها لاتقاطعيني تكفين ماراح اكثر كلام بس ماجد خلاص النفس عافته مو كلام من فراغ بس من جد انا معد ابيه دامه شايف غيري خله يتهنى معها والايام بتنسينا انا وياه وكل واحد فينا بيلهى وسرحت تتذكر الموقف ,,, كانت واقفه جمب الباب ومرره قريبه تحاول بس تسمع صوته اشتااااقتله حيييل بس هو يقهر كان موطي صوته سمعت مها ترد عليه وفهمت انه يسال عنها رجعت خطوتين ودقات قلبها متلخبطة والخجل لخبطها زياده انتبهت على دخول مها فقالت بسرعه من غير تفكير: وين راح ؟؟ قهرتها ضحكت مها الطويلة المبالغ فيها وهي تقول : خلصنا منه جيتي انتي؟ مرسال الحب صرت خذت نصوري منها وهي تحاول تضيع السالفة واول ماكانت بتبوسه انتبهت لجواله وتوها بتتكلم الا رن وبحركه من نصوري بالغلط انفتح الخط اخذت الجوال بسرعه من يد نصوري واشرت لمها تروح توديه بسرعه لماجد وهي تلطم على خدها :: يافشله .. بس فجأة سمعت صوت انثوي مايع يطلع من الجوال اللي كان صوته عالي :: الوووو تمسكت بالجوال وابعدت يد مها اللي تحاول تاخذه وتقول بصوت هامس:: العنود شفيك؟؟ عطيني الجوال ماجد بيعصب ردينا على خويه حاولت تكذب نفسها وتقول وحدة غلطانه بس الضربة اللي كانت توجع لما سمعت :: مجووودي الوووو شفيك رد ... ,,, صحت من سرحانها على يد تمسح دموعها :: لا لا عاد لاتخليني اكره اخوي زياده انه حرق قلبك خلاص العنود لو هذا اللي تبينه انسي مجيد وطوايفه ولك مني معد افتح لك سيرته وقالت بمزح تلطف الجو وتعالي خلنا نحاول نطل ابي اشوف زوجك مزيون ولا ؟ عشان تعطيني اخوه بما انك بنت عمي وصديقتي الحميمة .. ......,,,,,/////////,,,,,,....... كان جالس على اعصابه وهو يحاول بماجد انه يقوم يطلع معه للحوش عشان يفهم منه السالفه توه راجع من السفر من المطار لهنا علطول وهو مرتاع من سمع بخبر خطبة العنود وهو منجن وطول الوقت يدق على ماجد بس جواله مقفل للحين مو مصدق خطبة العنود لا وماجد حاضر ؟؟ مو معقول شي مايدخل المخ هذا ماجد مو ولد اخوه وبس لا صديق عمره يعني يعرف عنه كل شي وكل شي كان بالنسبة لماجد هي العنود كانوا بكل جلسة لهم مع بعض لازم يعصب على ماجد عشان يسكر سالفة حبه للعنود وغرامه ماجد يعشق العنود بشي يفوق الوصف والعنود بعد نفس الشي الحب والخجل يطلع من عيونها لاجاب بس سيرته قدامها كان يستمتع وهو يسولف معها ويجيب سالفة ماجد كانها سالفة عابره ويشوف الوان وجهها كيف تتقلب تحسبه مايدري التفت على ماجد للمره الالف وقاله بصوت واطي: بتقوم معي ولا شلون ؟؟يكفي انك مسكر الجوال وقاهرني يومين بس استنى بطلعها من عيونك هز ماجد فنجاله وهو يمده لولد عمه سعد ::اولا انا كنت مسافر وتوي راجع امس وثانيا لااا ماراح اطلع مابي اغيب عن المجلس لو دقيقه ضغط عبدالعزيز على جواله بقهر : يعني تبي تفهمني انك من زود الوناسة ماتبي تضيع دقيقة ؟؟ قوووم معي انا ابي افهم السالفة انت كيف سكت عن الموضوع ؟؟ كيف رضيت ان العنود تتزوج ؟؟ التفت ماجد لعمه اللي بنفس عمره 26 سنة لثواني ثم رجع يناظر قدام :: ومن قالك اني اصلا رضيت ؟ شد عبدالعزيز على اسنانه :: وبعدين معك؟ تتكلم معي بالقطارة ؟ يعني انت خطبتها من اخوي ورفض؟ ولا ايش تكلم جلطتني ؟؟؟ عدل ماجد شماغه وهو يوطي صوته اكثر :: الحين بخطبها من عمي واكيد ان شاء الله انه بيوافق اتسعت عيون عبدالعزيز على اخرها :: وش تقول انت وليش ماخطبتها وتكلمت من اول؟؟ اليوم ملكتها .. ليش توك تتكلم ليش بتحرج عمي والناس وتطولها كذا؟؟ ابتسم ماجد بخبث ممزوج بقهر:: عشان شيين اثنين اولا عشان بنت اخوك المصونة تعرف ان الله حق وان ماجد ماينلعب معه وانت عارف اني انا موصلها عن طريق مها قبل سنوات اني بخطبها وانها مابتاخذ غيري وهي وافقت وانتهى الموضوع والشي الثاني عشان انشر في جماعتنا انها لي ومحد يتجرأ يخطبها مره ثانية تعدل عبدالعزيز بجلسته وهو يحاول يفهم الكلام اللي جاه بس للحين مو مستوعبة التفت على ماجد وهو يهمسله : طيب والعنود ليش وافقت ؟؟ تنهد ماجد بالم :: ردت على جنى لما كان الجوال مع نصوري اتوسعت عيون عبدالعزيز على الاخر:: اي جنى؟؟ هــ هأ هذيك جنى هذييك؟؟ بلع ريقه :: ايه جنى ماغيرها اللي راكان خويك عطاها رقمنا واستهبلنا عليها عبدالعزيز :: انت تستهبل؟؟ مو هذيك لما كنا بالاستراحه كانت اخر مكالمة وانتهينا ماجد :: ايه والله العظيم كنت ناوي انها اخر مكالمة والله ياعبدالعزيز بس بعدها باسبوع رجعت دقت ورديت عليها وانا مستغرب بس قالتلي انها تبي تسلم لانها بتسافر قلتلها اوكي ومع السلامة والمره الثانيه اللي دقت فيها مدري وش كانت تبي لان العنود هي اللي ردت عليها ضرب عبدالعزيز جبهته بصدمة بس تعدل بسرعه وهو يشوف نظرة ابوه فيها انذار وسكتوا والمجلس كله سكت وهم يسمعون ابو الخاطب يوجه الكلام لابو سلطان اللي هو ابو العنود ويتكلم لأول مره بالسالفه اليوم وهو يقول المملك على وصول فجأة وقف ماجد وأنظار كل اللي بالمجلس عليه :: بس انا مو موافق ولا لك لوا ياعمي ابو أبراهيم بنت عمي وانا اولى بها واعذروني اني توي اتكلم اليوم بس والله توي واصل من السفر امس وتوني ادري اليوم والتفت على عمه ابو سلطان :: عمي انا اليوم جايك خاطب لبنتك واعذرني ياعمي لاني تاخرت بس ماكان عندي علم والله والتفت على ابو ابراهيم :: ومره ثانية اعتذر لك ياعمي المجلس كان قمة في الهدوء والاستغراب تغير الحال من ملكة لشخص الى خطبة من شخص ثاني في ظرف دقايق وفي صدر المجلس كان وجه الجد ابوصالح يتهلل وهو يقول في نفسه :: بارك الله فيك ياولدي هذي هقوتي فيك من صغرك اتمناك للغالية يالغالي ........,,,,////////...,,,,,...... غرور الدمع اتمنى ماتحرموني ردودكم مهما كانت ولو اعجبتكم البداية كملتها لكم ان شاء الله |
اولي هههههه :dancingmonkeyff8:
بالتوفيق لك وان شاء الله اكون من متابعينك :flowers2: |
بدايه موفقه
وبارت وقوي بانتظار البارت الجديد سجليني متابعه للقصه |
السلام عليكم
مرحبا غرور الدمع اهلا بك عزيزتي بين كوكبة كتاب ليلاس امنى لك التميز ان شاء الله بس لا اوصيك الالتزام وعدم انقطاع عن الكتابه والتنزيل في الموعد اهم سمات التميز عندنا بدايه موفقه اعجبتني رغم ان الفكره قد مرت على واجد لاكن احس فيها شئ عجبني عبد العزيز والعنود هل تكون نهايه حبهم الانفصال فقط لفهم خطاء ولعبث شباب وحركات غبيه تبين الصدق غرور والله عبد العزيز يستاهل اللي صار له ليه يستهبل ويكلم وحده حتى لو لعب مع عمه الغلط غلط ولو مثلا عنود هي اللي مستهبله وش بتكون ردة فعله ؟؟ انتظر القادم عشان توضح الحكايه اكثر همسه ما ادري ليه رجعت باسطرك القليله اللي فوق لايام اميره الورد وقصصها |
كملي كملي وكثري المشاهد الرومانسيه الى الامام
|
اقتباس:
:55: ممتاااااذة :flowers2: ههههههه ولك ياااااارب ان شاء الله ياولى :7_5_129: |
اقتباس:
مشكووورة والله ان شاء الله الحين نازل البارت مشكككورة على المتابعة وان شاء الله اكون عند حسن ظنك :flowers2::flowers2: |
:flowers2: اقتباس:
وعليكم السلام ورحمة الله وبركاته اهلا بك اكثر بين اسطر روايتي المتواضعة وانا سعيدة جدا لان اول محطاتها هنا في (( ليلاس)) شكرا على تمنياتك الجميلة ان شاء الله اانني سألتزم وسأنزل في الموعد المحدد أسعدني اعجابك كثيرا واتمنى ان اكون عند حسن ظنك وحسن ظن جميع من سيقرأ (( خلص حنانك )) اممم اكيد انتي تقصدين ماجد اكيد يستاهل اللي صار له وماندري اذا بيصير له شي اكبر او بس بتوقف عند هالحد فخر لي ان روايتي تشبه ولو القليل لروايات الكاتبة / اميرة الورد >> كنت اعشق رواياتها ولك مني جزيل الشكر :flowers2::flowers2::flowers2: |
اقتباس:
ان شااااء الله بكمل والحين انزل الجزء الثاني :flowers2: |
لســــــــلام عليكم ورحمة الله وبركاته تفضلوا البارت الثاني وانتظر ردودكم حتى أكمل لو كانت أعجبتكم وهالجزئين مجرد تعريف بالشخصيات الاساسية **(/**^^^ البارت الثـــــاني **)))**&^^/&& وقف ابراهيم والعصبية تطلع من عيونه : مو ذنبنا ياولد عمها انك توك تدري؟ ماتكلمت الا يوم الملكة ؟؟ مو معقوله انك توك تدري والا بس تبي تخربها ؟؟ ماجد بعصبية وهو يأشر على نفسه : انت تكذبني؟؟ ابراهيم التفت على ابو فيصل وهو يحاول يضبط اعصابه :: وش قلت ياعمي ؟؟ بتلغي ملكتي الليله على بنتك ؟ ابو فيصل كان بيرد عليه لولا ان ابوه ( الجد ابو صالح ) قاطعه :: يابو ابراهيم وياولدي ابراهيم ماندري وش انقول لكم بس هذا ولد عمها وهو الاولى بها الغلط مو منه الغلط منا لانا ماعطيناه خبر وهو مسافر نسبكم ينشرى يابو ابراهيم بس انت عارف ولد العم اولى وقف ابو ابراهيم وهو معصب :: حصل خير انتوا احرار فبنتكم واشر لعياله واخوانه يقومون وطلع رغم الحاحات ابو فيصل انه يجلس تقدم ماجد لجده ابو صالح وحبه على راسه وجلس جمبه وهم يستنون ابو فيصل يرجع بعد مايوصل ابو ابراهيم واللي معه للباب دخل ابو فيصل وهو مبتسم :: لو انك مبكر ياولدي كان مافشلتنا مع الرجال وقف ماجد وراح لبو فيصل وهو مبتسم وباس راسه :: والله ياعمي اني مادريت الا بعد مارجعت من السفر والعذر والسموحه بس مابغيت بنت عمي تطلع وانا موجود ابتسم له ابو فيصل :: بارك الله فيك ياولدي ومانيب لاقي احسن منك لبنتي سمعوا صوت الجرس واستغربوا من اللي جاي؟ وقف عبدالعزيز :: انا بشوف مين .. دقيقه ورجع ومعه المملك ابوفيصل استحى منه مايدري وش يقول :: تفضل تفضل ياشيخ جلس الشيخ وبعد ماشرب فنجاله :: وين المعرس كان ابو فيصل بيعتذر له بس ابو صالح قاطعه وهو يأشر على ماجد : هذا هو المعرس ماجد حس بارتباك ممزوج مع فرح ومشاعر عجز يستوعبها ::........... الشيخ يكلم ماجد : تعال جمبي ياولدي وقف ماجد وراح له والفرحة مو سايعته حس ان المسافة بعييييييدة على مايوصل لجمب الشيخ جلس جمب الشيخ وهو يحاول مايظهر اي تعبير على وجهه :: .......... الشيخ بوقار :: ووين ابو العروس ؟؟ التفت له ابو فيصل وهو فرحان بس مصدوم وخايف على العنود وش بتكون ردة فعلها :: سم ياشيخ ********************* كانت دلال تسوي الشاي وهي سرحاااانه وتفكر بأخت زوجها ( العنود ) كيف انها بتتملك اليوم وزواجها اكيد بيكون قريب وكيف انه بيخلى عليها البيت هي ساكنة مع اهل زوجها ومايسليها الا العنود وعبير ( عبير خالت زوجها وعايشه عندهم عمرها 23 ) حست باحد جاي التفتت :: شوي ويجهز الشاي فيصل جلس على الطاولة وتنهد :: ....... كانت تبي تساله وشفيه بس تراجعت باللحضه الاخيرة حطت الابريق بالصينية وجهزت معه البيالات دخلت عبير وهي تضحك ومستانسه بس اول ماشافت فيصل متضايق قربت عنده :: ولد اختي الوسيم شفيه؟ انقهرت ان عبيروه قادرة تسولف مع فيصل وانا لا وهي السبب في ثلاث ارباع اللي صار ابتسملها فيصل :: لا مو متضايق ولا شي بس مادري وش اقولك ممم العنود اليوم ملكتها على ولد عمي ماجد مو على ابراهيم توسعت عيون عبير على الاخر :: ايييييييش؟ فيصل :: اللي سمعتيه والحين جدي مرسلني انادي العنود للمدخل عشان تقول للشيخ انها موافقه التفتوا مصدومين على العنود اللي واقفة وراهم :: وش تقولون ؟؟؟؟؟ وقف فيصل يبي يشرحلها الموقف :: العنود ابيك تهدين اعصابك وتستوعبين وش بقول العنود ودموعها على خدها :: وش استوعب ؟؟ لعبة انا عندكم ؟؟ دخل ابو صالح :: لا منتيب لعبة يابنيتي انتي الغالية واغلى احفادي انت وماجد وانت عارفة فانا بغيت تصيرين له وماأظن انتس بترفضين طلبي حست العنود انها بدوامة مالها اخر قربت من جدها :: بس ياجدي قاطعها ابو صالح بصرامة :: يالعنود يابنتي انا عطيت ماجد كلمة قدامهم كلهم وقدام ابو ابراهيم وجماعته بعد والشيخ هذا هو يستنى عند الباب بترديني؟؟ مسحت العنود دموعها وهي تقول :: اللي تامر به ياجدي مسح ابو صالح على راسها :: هذ1 ظني فيتس وانا ابوتس يالله نروح للشيخ تقولين له موافقه ......///////////,,,،،،،’’’’,,, * العنود * رجعت من عند الشيخ وانا مخدره سلم علي جدي وابوي واخوي فيصل وباركولي وانا مو مستوعبة شي طول عمري وانا اتخيل هاللحضة لحظة ملكتي على ماجد وكنت افرح وانا اتخيلها واستناها بصبر ولما مابغيتها وكرهتها جتني غصب ؟؟ وصلت لعند مها اللي ناظرتني بصدمه :: صحيح اللي سمعته ؟؟ دلال وعبير يقولون انك تملكتي على ماجد؟؟ وقتها انهرت بحضن مها ابكي من كل قلبي تمنيت ان امي تكون عايشه عشان احضنها وتخفف على هاللحضة وتقولي وش مفروض اسوي جلستني مها على الكنبة وهي وتمسح دموعي :: قدر الله وماشاء فعل .. يمكن انها خيره لك ياعنودة ابتسمت ولا رديت عليها وش فايدة الكلام الحين ؟؟ بس كان ودي اعرف وش اللي صار ؟ وش اللي قلب كل شي كذا ؟؟ لقيت فيصل شايل صينية الشاي وقفت ورحت له بسرعه :: فيصل تكفى قل لي وش اللي صار؟؟ ليش كل شي انقلب عدل فيصل شماغه :: ولا شي بس ماجد حير عليك وقال بنت عمي انا اولى بها ومادريت ان ملكتها اليوم وجدي هو اللي قرر ان ملكتك تصير اليوم سمعت مرت ابوي ام مروان من وراي تقول :: انا قلت من اول وش يخلي ابراهيم ولد التاجر ياخذك انتي ؟ هههه شكله صار غلطان ولما حس انه غلطان انسحب وانحاش رد عليها فيصل بغضب ::مرت ابوي .. خلك بحالك وباحترامك لوت ام مروان ثمها بقهر وراحت فيصل :: ماعليك منها انتي عارفه انــــ قاطعته بابتسامه :: عارفه عارفه ياخوي ....///////,,,,,//,,.... * ماجد * خلصت الملكة وانا للحين ماصدقت اللي صار شي مثل الحلم .. ابد ماتوقعت اني بملك على العنود بهالسرعة ركبت السيارة وتوي بشغل الا بعمي عبدالعزيز يأشرلي ويطق قزازة السيارة :: أفتح يالمعرس ابتسمت من قلبي وانا افتحله واول ماركب التفت لي :يالله وصلني للبيت وبالطريق قل لي كل شي من دقت عليك جنوه لقبل مااجي ضحكت على حماسه:: هههههه ووش تبيني اقولك زيادة ؟؟ هذا اللي صار له تنهد عبدالعزيز وقال بصرامة :: اقول ماجد وش ناوي تسوي مع عنود ؟؟ مهما كنت انت صديقي هذي بنت اخوي الغالية ومارضى عليها حسيت بشي كتم على انفاسي لما ذكرني بشي انا اصلا مانسيته :: اذا هي غالية عندك اجل وش تكون بالنسبة لي؟؟ هذي عنود ياعبدالعزيز عنووود عارف وش يعني عنود لي؟؟ اذا انت خايف عليها مره فانا خايف عليها الف مره انا للحين مهوب عارف وش بقولها او وش بتكون علاقتنا للحين احس اعصابي محروقه من هذاك اليوم اااه بس وصلنا البيت والتفت علي عبدالعزيز :: هونها وتهون يامجود عنود انا اعرفها قلبها طيب وان شاء الله انها بترضى بس انت لاتستعجل على شي ابد ابتسمت له وانا اودعه ونزل للبيت وانا رجعت لبيتنا ....///////,,,,,//........... * العنود * كنت جالسه ارتب مخدات الصالة بسرعة وانا سرحانة ابي اخلص بسرعة ابي اختلي بنفسي ابي افكر وابي استوعب هاللي صار لي رفعت اخر مخده والتفت ابي اروح للدرج برقى لغرفتي بس انصدددمت وانا اشوف المخدات اللي رتبتها كلللها على الارض رفعت راسي لمروان يبتسم بحركة تقهرني مروان هذا اخوي من ابوي وعمره تسع سنين العنود ::مروان حرام عليك ليش سويت كذا ؟؟ انا ظهري تكسر ابي انام وانت تحوس كل اللي رتبته ؟؟ مروان يحرك حواجبة بحركة طفولية تقهر:: ماما تقولي الخدامات اللي مثلك مايتعبون عادي يشتغلون طول الوقت وانـــ سكت بعد ماسمعنا الصرخة اللي هزت الصالة بغضب : مروااااااااااااااان مروان تلعثم ونزل راسه :: نن نننعم فيصل وهو يقرب لمه وبعيونه غضب ::وش هالكلام ؟؟ انت اللي حست الصالة؟؟ تدخلت ابي انهي السالفه :: لا مو هـــ قاطعني فيصل بعصبية :: عنود أنتي اسكتي سكت وانا خايفة لاتكبر المشكلة كالعاده سحب مروان من كتفه وهزه :: رد .. انت اللي حستها كذا؟ مروان بصوت يرجف :: اييه دفه علي بقوه :: حب راسها واعتذر لها يالله اشوف قرب يحب راسي وانا راحمته مهما كان اخوي وطفل وهذي كلها تعليمات امه :: انا اسف قرب لنا فيصل ورجع يسحبه من بلوزته : هالمرة بسكت بس والله يامروان ان عدتها مره ثانيه تشوف شي مايرضيك فاهم ؟؟؟؟ اشر مروان براسه :: ايييه كمل فيصل بعصبيه :: وان دريت انك قلت لامك عن هاللي صار لاتلوم الا نفسك والا قووول ماعليه قولها وخلني اشوف وش بتسوي مرت ابوي اللي مربيتك احسن تربية ويالله روح ناااااام ....,’////////،’,,,,,,,,,,,, * دلال * رقيت غرفتي وغيرت ملابسي وانا من اربع ايام وانا على اعصابي خايفه من فيصل صار لي اربع ايام من قصيت شعري الله لايعيد هاليوم وانا لا ليلي ليل ولا نهاري نهار فيصل يعشق شعري بشكل جنوني ومن تزوجنا تقريبا من سنة وانا اطلب منه اقص شعري بس هو رافض الين مالعبت بعقلي خالته المصونه عبير واقنعتني اني لاقصيته واعجبه ماراح يزعل وان ماعجبه مصيره يزعل يوم بالكثير بعدين يرضى اقتنعت ورحت معها المشغل وانا مقنعة فيصل اني بس بسوي بديكير ومنيكير توي جالسه على الكرسي والكوافيره تسالني لوين تبين شعرك وكيف القصه الا وتتدخل الخبله عبيروه :: الين كتوفها ومدرج ضربت صدري بفجعة :: من صدقك انتي ؟؟ تبين انام اليوم وفيصل مشوهني ؟؟ عبير وهي تتأفف :: اوووف منك احنا وش قلنا التفت عنها وانا اكلم الكوافير :: ماعليك منها .. قصي شعري الين نهاية ظهري وبدون تدريج عبير وهي تضرب راسي :: هي انتي من جدك؟ جايبتني من البيت عشان كم سانتي؟؟ كان قلتيلي اقصهم لك بالبيت وخلصنا اشرت للكوافير تبدا قص لين نهاية ظهري وانا ارد على عبير : اولا هذي مو كم سانتي هذي حوالي الشبر يعني نعمة والله يستر وش بيصير صحيت من سرحاني على صرخة فيصل :: مرووووااااااااااان انتفضت بمكاني هو ناقص عصبيه عشان يعصبونه زيادة اوووووف من يوم ماقصيت شعري ولسانه ماجى على لساني بس اللي سواه انه قرب مني وهو مصدوم ويناظر شعري ثم لعوني بنظات حارقة ويدينه تحفر بذراعي :: تستغفليني ؟؟؟ نكزت من مكاني وانا اسمع باب الجناح ينفتح عقلي الباطني امرني بسرعه اني اروح تحت الفراش واندس واسوي نفسي نايمة وسويت كذا بسرعه وانا ارجف تحت المفرش واحاول اهدي انفاسي فتح باب الغرفة وسكره وراه وسمعت حركة بسيطه بالغرفه اكيد انه يغير ملابسه ثم طفى النور وجا انسدح جمبي وهو معطيني ظهره ونااااام ....///////,،،،’,’’’,,,,,, * ماجـــــــد * وصلت البيت وانا احسني طاير من الفرح بس هالاحساس مخربه شي يمكن يشبه الخوف والقلق دخلت الصالة وحصلت مها جالسه قدام التلفزيون وجمبها نصوري يلعب بالريموت جلست على الكنبة وانا انزل شماغي جمبي::ليش مانمتي؟؟ مها :: االيوم ماصحيت الا متأخر وابد مااافيني النوم شلت نصوري بحضني وانا ارد عليها :: من يوم ماتخرجتي وانتي حايسه ايامك حوس نوم وسهر واكل ولا شغل ولا مشغلة مها حطت يدها على راسها :: الله الله كلها ترم مرتاحه فيه بعد كرف اربع سنين ونص ومسكثرها علي قلتلها وانا العب بشعر نصوري :: لا مستكثرها عليك ولا شي عليك بالعافيه بس اهم شي رتبي نومك مو كل يوم على هالموال صلاة العصر والظهر بوقت واحد وحتى اكل منتب قادرة تجلسن معنا على سفرة وحدة مها :: طيب ان شاء الله بحاول والله عاد حتى انا مليت من اللخبطة ماجد :: ناصر ليش للحين مانام ؟؟ امه وابوه وينهم؟؟ مها وهي ترخي صوتها :: وانت ماتعرف اخوك ومرته؟؟ كنه شي جديد كل واحد يرميه على الثاني واخر شي يايطيح بيدي والا بيد الشغالة توي برد عليها الا شفت ماهر جاي :: السلام .. ليش للحين مانمتوا ؟ ماجد :: وعليكم السلام والرحمة .. هذانا بننام بس قبل ماتفكر فينا احنا الكبار فكر بولدك اللي حتى السنتين ماكملها شوف الساعه كم وللحين مانام وكالعادة من نفتح هالموضوع مع ماهر يتنرفز ويروح سحب ناصر من حضني ورمى الريموت اللي كان بيده جمبي ورجع فوق لجناحه ... ////////،،’’,,,,,,,, * ماهر * شلت ناصر بحضني وقلبي يتقطع عليه من احطه تحت يلعب ومافي احد عنده واروح وانا اجلس قلقان الين ماشوفه وارجع اشيله وهو بخير ويضحك هذا مو برود فيني ولا عدم اهتمام بس مليت من كل الطرق اللي حاولت فيها اني اخلي زوجتي اميرة تهتم بولدها وتعطيه من وقتها ولو الربع طول الوقت ترميه علي ماعمرها اهتمت فيه ولا في اكله لو اقولكم لو تجلس يوم كامل ماتشوفه ولا تطمن عليه عادي عندها اهم شي تهتم بجمالها وتحضر العزايم وماتفوت الاعراس ربي معطيها من الجمال شي فوق حد الجمال شي تعجز توصفه شي يجسد كلمة الجمال بكل ماتعنيه الكلمة من معنى انوثه طاغيه .. دلع .. شي تحسه ابد مو مصطنع .. شي فطري فيها بس هي ابد ماستخدمت هالجمال لمصلحتها .. اهم شي عندها تسمع مدح الناس وقتها بس تكون راضيه عن نفسها حتى بعلاقتي معها بااااردة الى ابعد الحدوووود احسني عايش مع لوحة حلوه وبس لاتعطي ولاتاخذ معي ولا حتى احس انها تتنفس فقلت بكيفه بكره تتغير وتعقل بس لما انتقل هالشي بعلاقتها مع ولدها عرفت ان هالشي ابد ماينسكت عنه حاولت بكل الطرق بس ولاطريقة نفعت الين ماوصلتني الى هالحالة اني ابين لها اني مو مهتم فيه ولا ادري عنه عشان يمكن تحس شوي وتدري انه مافي غيرها بيسأل عنه مو كالعادة موكلتلي الاهتمام انا والخدامة وهي كويس لو تذكرت اسمه دخلت الجناح ثم غرفة النوم وشفتها جالسه عالى الكمدينه وتحط كريم على وجهها يديها نصور حاول يتفلت مني الين تركته يمشي على الارض وراح لها وانا مستغرب منه رمى نفسه بحضنها وجلس يبكي انا هالمشهد حسيته ذوب قلبي حسيت بحرارة دموع بعيني مو راضيه تطلع استنيت ردة فعلها بس انصدمت وانا اشوفها تلتفت علي حتى من غير لاتقوم من الكرسي ولا تشيله :: اكيد فيه النوم ميري تقول انه صاحي اليوم بدري ماهر تكفى شيله حطه بسريره لسى ماحطيت الفيتامين على وجهي حسيت الارض مو شايلتني من القهر صح ماتوقعتها تبكي بس مهوب كذا ولا كأنه يبكي؟؟؟ رحت لها من غير حتى مااأرد عليها ولا أناظرها وشلت ناصر وسدحته بحضني واحاول اسكته وامسح دموعه وانا العب بشعره كالعادة عشان يعرف ينام *** غرور الدمع *** |
السلام عليكم
مرحبا الغرور بارت اليوم تعرفه للابطال ولجزء بسيط من شخصياتهم بصراحه انتظر جزاء اخرى لتوضيح الحكايه فيس عجول شدني اليوم صراحه فيصل ودلال وسالفه الشعر الطويل ياهي ماساه بس بجد تستاهل كان لازم تسايس رجلها وتنعه بدو ن ما تسوي شي من وراه والخاله عبير شكلها بزر ما عندها سالفه ويمكن متهوره حبتين بس سؤال الحين عبير ساكنه ببيت اختها المتوفيه ورجل اختها ماخذ زوجه ثانيه كيف متحملتها فيس حس انه خبص الدنيا خبيص |
تسلم ايدك على الرواية
صراحة روعة (نستنا البارت الجاي):55: |
اهلين غرور الروايه من بدايتها حلوه واتمنى الجاى يكون احلى
واتمنى تكونين متواصله معنا بدون انقطاع بنتظار القادم على خير |
salem win el bakia ya okhti merci
|
salamou alaykom wallahi kissa hilwa bas fin elbakiya pleaseeeeeeeeeeeeeeeeeeeese inti win:dancingmonkeyff8::toot::toot::dancingmonkeyff8:
|
تنقل للارشيف .. لتاخر الكاتبة
.. .. .. |
| الساعة الآن 08:16 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية