رواية احبكـ حب مـا اقدر اعاند نفسي فيهـــ
 

بسم الله الرحمن الرحيم ...

اضع بين ايديكم مولودتي الاولى مولده احترت فيها كثيرها مولوده عجزت ان اسميها ...

اعزائي ارجو منكم التأني في قرأتها فهي كما قلت مولودتي الاولى ...

ارجو لكم كل المتعه في قرأتها
:.
:.
:.

رهف : تتكلمين من جد انتي
روان: ايه ليش قايله شي غلط انا
رهف : بالله منتي خايفة
روان : لا والله وش يخوفني
رهف : اقسم بالله انك بدون قلب
روان : اقول وش دخل قلبي بالسالفة
رهف : لابس اقول انك بتروحين لحالك
روان : بس كذا لا تخافين علي انا عن عشرة رياجيل
*** *** ***
اووه سوري نسيت اقولكم من انا
انا روان عمري ١٧ ونص مخلصه ثالث ثانوي علمي نسبتي ٩٧% ومقرره ادرس برى باستراليا من زمان قسم علاقات عامة والحمد لله دخلت برنامج الابتعاث وانقبلت بجامعة موناش بملبورن واللي كانت تكلمني اختي
اعرفكم بعائلتي
بابا اسمه سعود عمره 55 طيوب ومتفاهم للغاية
ماما مها عمرها 45 طيبه بس ماتقتنع بأي شي بسهولة هي اللي تسيرني بأموري يعني اذا بغيت اسوي شي اسألها اول
اخواني
نايف 24
الوليد 22
عبدالعزيز11 >> عزوز
خواتي
ريمان 20
رهف 15
رنا 5
طبعا مثل ماقلت لكم انا مبتعثه لاستراليا ويالله ابوي وافق لان انا ماعندي محرم بس معلي بروح بابا بيروح معي اول شي بعدين بدور لي ع شريكة سكن تسكن معي بالشقة انا رايحه بعد شهر تقريبا
*** *** ***

روان روان تعالي اوه هذا نايف يناديني بروح اشوف وش يبي
نايف : صدق اللي سمعته
روان : وش سمعت
نايف : انقبلتي برى
روان : ايه وش فيها
نايف : انا موب قايلك تشيلين هالفكره من رأسك
روان : انت مالك دخل ابوي موافق الله يخليك لا تسوي مشاكل
ابو نايف : وشو مشاكله انا خلاص وافقت وانا مقتنع وانت مالك دخل فاهم
نايف: بس كيف تخليها تروح لحالها
ابونايف : من قالك انها بتروح لحالها انا بروح معها وانت اتركها في حالها
نايف : خلاص يبه
اووف اخيرا افتكيت من نايف وهواشه >> قلتها في نفسي
رحت غرفة رهف
روان : رهف متى بنروح المشغل
رهف : مدري عنك متى مابغيتي روحي بس انا اقول احسن لو تروحين قنل ماتسافرين باسبوع
روان : ايه والله صادقه
*** *** ***
مرت الايام ومابقى ع سفري الا اسبوع
طبعا ابوي قال لامي انه بيسوي عزيمه لي قبل مااسافر
اليوم الاحد والسبت الجاي بسافر..
#
#
طق طق طق طق
روان : ادخل
رهف: روان بسرعة البسي عباتك والحقيني
روان : ليش ؟؟
رهف : ياغبية المشغل نسيتيه
روان : ايه والله معليش نسيته
مع هالحوسه الي انا فيها انسى اسمي من قو القهر
رهف: اقول بلا فلسفة البسي واطلعي لي ترى الوليد معصب
روان : وش دخل الوليد حنا بنروح مع السواق
رهف : السواق مشغول والي بيودينا الوليد
روان : يلا خلاص انا بلبس وانتي روحي له لا يزعل
رهف : طيب
لبست عباتي واخذت شنطتي وطلعت ركض
الوليد : كان ماجيتي
روان : معليش والله كنت احسب السواق هو الي بيودينا
الوليد : ليه السواق مو ب بشر بعد
روان : خلاص اسفه معد اعيدها
وصلنا المشغل ونزلت انا ورهف
الوليد : تبغون فلوس
روان : لاشكرا معنا
الوليد : خلاص اجل اول ماتخلصين دقي علي
روان : خلاص يلا مع السلامة
دخلت المشغل وقلت للكوافيره
اني ابى اصبغ واقص شعري
قصيت شعري ايمو بوي وصبغته دارك براون
رجعت البيت طبعا ماما زعلت قالت ليش تقصينه بوي وبليالله اقنعتها ..
#
#
اليوم يوم الجمعة طبعا كل العائلة الكريمة جت والعزيمة عشاني لازم اكشخ
لبست فستان رمادي قصير ممسوك من عند الصدر بشريطه مخمل نحيفه رمادي غامقه واستشورت شعري ستريت ولبست صندل اسود وماحطيت ماكياج اوفر بس حطيت كريم اساس > عشان اوحد لون البشره بس توهقت ما اعرف وين القبلة ..
دقيت على ابوي وسألته وعلمني من وين اتجاه القبله صليت وحطيت رأسي ع المخده وسحبتها نومها ..
#
#
طق طق طق طق
من ؟؟
ابوي : روان افتحي لي الباب
قمزت بسرعه وفتحت الباب
يحليله ابوي جايب لنا فطور
افطرنا ونظفت المكان
ابوي : روان البسي بسرعة عشان بنطلع
قاطعته : وين بنروح
ابوي : بنروح نتمشى شوي واوريك كم محل يبيع الاكل الحلال وبالمره نمر العائلة اللي بتسكنين عندها
روان : بس انت قلت لي اني بسكن بشقه
ابوي: بعد ماتتعودين ع الوضع وتلقين وحده تسكن معك انا بس اجرت لك الغرفه اللي عندهم ستنه شهور
قلت له وبعدم اقتناع: خلاص
الساعه كانت ثلاث قلت لابوي بصلي اول بعدين اطلع لك
صليت الظهر والعصر ولبست سكيني جينز غامق وبلوزه بيضاء وجاكيت بيج طويل > وش اسوي الجو كان برد درجة الحراره ٦ وطلعت لبابا
طلعنا وتمشينا ومرينا البيت اللي راح اسكن فيه عرفت منهم انهم لحالهم بالبيت وعندهم ولد واحد ومتزوج ومايزورهم كثير الرجال كان اسمه ادوارد والحرمه اسمها نيكول هم مو كبار مره ادوارد ٤٠ سنه ونيكول ٣٨
رجعنا الفندق صليت العشاء والا ابوي جاي وجايب معاه عشاء قعدنا نتكلم عن اموري وكيف بعيش هنا
ابوي : اسمعي يا روان
روان : سم يبه
ابوي : الحجاب انا ماراح اغصبك عليه تبغين تلبسينه بكيفك ماتبغين مو غصب
روان : لا يبه انا بلبسه
ابوي :‎ ‎خلاص بكيفك بس شوفي ترا انا بقعد ليوم الثلاثاء بس عشان كذا بكرا بنروح نفتح لك حساب بالبنك و نشتري لك جوال وشريحه

اتمنى اذا اعجبتكم تردون عشان اكمل

قصة مهملة

تنقل للارشيف

.

.


مشرفات القسم