|
ياهية بعيونك حكي وبقلبي دقات الدفوف
ياهية بعيونك حكي وبقلبي دقات الدفوف
السلام عليكم ورحمة الله وبركاته أخواتي عضوات ممنوع ادراج اسم منتدى اخر لقد اسعدني التواجد معكم في منتداكم الرائع وأعجبت كثيرا بكتابات شقيقاتي العضوات وأسلوبهم الراقي في الكتابة وهذا ماشجعني للكتابة في منتداكم وأتمنى أن تنال إعجابكم ........... والآن أترككم مع أول رواية أتمنى أن تنال إستحسانكم أختكم غلاكم الفص الاول والثاني والثالث http://www.liilas.com/vb3/t147162.html الفصل الرابع http://www.liilas.com/vb3/t147162-3.html الفصل الخامس http://www.liilas.com/vb3/t147162-4.html الفصل السادس http://www.liilas.com/vb3/t147162-6.html الفصل السابع http://www.liilas.com/vb3/t147162-7.html الفصل الثامن http://www.liilas.com/vb3/t147162-7.html الفصل التاسع والعاشر http://www.liilas.com/vb3/t147162-8.html الفصل الحادي عشر http://www.liilas.com/vb3/t147162-9.html الفصل الثاني عشر والثالث عشر http://www.liilas.com/vb3/t147162-9.html الفصل الرابع عشر والخامس عشر http://www.liilas.com/vb3/t147162-10.html الفصل السادس عشر http://www.liilas.com/vb3/t147162-11.html (ملاحظة الأسماء والعائلات من وحي الخيال فقط ) أولا أعرفكم على عوائل القصة : عائلة نايف بن سعود الأب : نايف بن سعود عمره 59 سنة وهو كبير العايلة وكلمته ماتصير ثنتين وحنون على أخوانه وعياله متزوج بنت خالته نوره الأم :نوره بنت فيصل بنت خالة نايف عمرها 49 سنة شديدة شوي على عيالها ربة بيت والنعم فيها عيالهم بالترتيب: سعود : عمره 33 سنه حنطاوي البشره طويل وعريض وشعره أسود ناعم وعيونه كبار عسلية ناعسة متزوج من بنت عمته منيره هيا وله منها ولدين وبنت ( نايف 5 سنوات _ محمد 2 سنتين _ الريم 9 شهور ) فيصل : 28 سنه متوسط الطول لع عيون جذابة وله عوارض سوداء رياضي ويلعب أثقال ويدرس برا في مجال الهندسة المعمارية . ناصر 26 سنة وسيم مملوح طويل نحيف شوي اسمر علية خفة دم بس الله يستر منه إذا عصب ويشتغل في الشرطة مع ولد عمة سلطان زايد ويموتون على المغازل . عبد الله عمره 15 سنة ثالث إعدادي ماخذ من أخوه ناصر تقريبا كل صفاته الجسمية والخلقية بس إنه متين شويه ويحب ألعاب الأكشن . ............................................................ ...................... البنات : مها : بنت حلوة جذابة عيونها بندقية شعرها بني غامق لين كتفها مدرجات دبدوبة شوية وعليها خفة دم مثل أخوها ناصر وهي فاشلة في الدراسة ماكملت الجامعة . منى : النقيض لمها عمرها 19 سنة وهي في ثالث ثانوي الفسم الأدبي وهي هادية بزيادة وناعمة لأبعد حد عيونها عسلية وتشبه أخوها سعود شويه وشعرها لين كتفها ولها شامه في رقبتها . وأخيرا وصايف عاصفة البيت عمرها 13 سنه في صف أول إعدادي وتحب الرجة والمقالب ولسانها طويل ودايم فاضحة البنات ودلوعة أبوها وتموت في أخوها سعود وتحترمه . ............................................................ ....................... العائلة الثانية : عائلة مشعل بن سعود الأب : مشعل عمره 52 سنه ويشتغل في شركة أبوه وأخوانه وشريك فيها وجاد جدا ومايحب اللف والدوران وشديد شويه . الأم : فاطمة بنت فيصل عمرها 50 سنه وطيبة وحنونه حيل على عيالها عكس زوجها وتصير أخت نوره زوجة نايف . سلطان : 28 سنه مالك على شيخة بنت عمة سلطان وسيم مملوح طويل عريض شوي مخفف العارض ويشتغل مع أبوه في الشركة وصديقه محمد ولد عمه سلطان ويموت فيه . نايف 20 سنه وصديق فهد ولد عمه سلطان ودايم مع بعض مزيون حنطي وعيونه بنيه ووجهه دائري وشعره طويل شوي لين تحت الرقبة ويدرس مع فهد بالجامعة سنة أولى . ............................................................ ............... البنات الجازي : عمرها 22 سنة تدرس في الجامعه جميلة ملامحها حادة أكبر مافيها عيونها لونها عسلي وشعرها كثيف لين ظهرها وهي صديقة شيخة وتخصصها علم إجتماع . حصة : 19 سنه تدرس ثالث ثانوي علمي في نفس مدرسة منى وهي عكس منى حيوية وتشبه الجازي بس عيونها أصغر . ............................................................ ................. العائلة الثالثة : سلطان بن سعود الأب سلطان : عمره 44 سنه يشتغل مع أخوانه في الشركة طيب وحنون لكن ينطبق علية الحكمة التي تقول إتق شر الحليم إذا غضب متزوج بنت عمه هند وعيال العيله يحبونه لقربه منهم . هند : 38 سنه حلوه وشعرها أسود طويل لين نص ركبها وتموت على زوجها وعيالها . سعود : 30 سنه ولد سلطان من زوجته الأوليه اللي إنجبر عليها وجابت له سعود وماتت يوم جابت محمد وربته مرت أبوه هند وكانت له الأم من صفات سعود أنه طويل وعريض أسمر عيونه رماديه على عيون أمه خشمة سلة سيف عارضة أسود محدد شعره بني غامق طويل لين رقبته ناعم عصبي شديد وقت الشدة فيه غموض كثيروشخصيته قويه طاغية على الكل يفزون له الرجال في المجالس كلمته مسموعه من الصغير والكبير وله قدره على حل الأمور برويه وحكمة الكل يلجأ له يحب أخوانه ويسكن في بيت بروحه لأنه يقدس إستقلاليته حيل وهو من أكبر المحامين المعروفين في البلد . محمد : 28 لأخوه لكنه مليان شوي ويموت على مرت أبوه هند لأنها مثل أمه ويشتغل مع أبوه في الشركة . تركي : حلو ووسيم رزين وثقيل عمره 27 سنه متزوج بنت عمته منيره خلود ويموت عليها وعنده منها بنتين ( منيره – ونوره ) يشتغل مع أبوه وأخوه. زايد : عمره 26 سنه ومزيزن عزوبي ويموت على المغازل وما يفكر بالزواج الحين ويشتغل مع ناصر وأثنينهم طينه وحدة . مشعل : عمره 23 سنه وجميل بزوووود ضعيف شوي طوله وسط وعيونه جذابة عسلية وحواجبه عريضه شوي وطويلة عشقه وغرامه في سيارات الجمس القديمة وعنده واحد أحمر يموت فيه ولايبي يبيعه . فهد : 20 سنه مزيون بدرجة ماتتخيلونها ( ماهوب علشاني مادحته لا والله بس الحق ينقال ) فيه شوي شبه من حسين العامري مقدم شاعر المليون رياضي يحب السباحة وهو سنه أولى جامعه مع نايف . ............................................................ ......... العنود : 24 سنه متملكة على ولد عمها فيصل وهي حلوه تهبل عيونها كبار وخشمها قصير وضعيف وفمها صغير وطويلة وجسمها حلو . شيخة : عمرها 22 سنه تدرس في الجامعه وشعرها قصير وضعيفة وفمها صغير وطويلة . ساره : عمرها 17 سنه بشرتها سمراء مزيزنة مثل خواتها وشعرها طويل حيل مثل أمها ويمكن أطول بعد في ثاني ثانوي مصرقعة شوي تموت في الضحك والمقالب . ............................................................ ............ وأخيرا العمة منيره أرملة عمرها 39 سنه طيبه وتحب الخير للكل ودينه عندها بنتين : هيا + خلود هيا الكبيره : بنت ناعمة وحلوه لكنها مهملة شوي في نفسها وماتحب تبرز نفسها وهذا عيبها كملت جامعة وتوظفت لكن أول ماتزوجت تركت الشغل وعمرها 25 سنه . خلود : تموت في الكشخة والتزين وتحب تلفت الإنتباه عمرها 23 سنه موظفة في البنك عيونها وساع وجهها دائري وله غمازة في ذقنها ولاهي طويلة طولها زين . ............................................................ ..................... الفصل الأول : في صباح يوم جميل يطل على مدينتنا الدوحة الحبيبة تبدأ أحداث قصتنا ▼ ▼ ▼ طوت سجادتها وقامت تجهز الفطور لزوجها وعيالها علشان يلحقون على الشغل ميري .. ياميري .. وينش وين راحت ذي الله يفارق بينا وبينهم نعم .. ماما شنو يبي .. قومي نسوي الفطور حق بابا نايف مع ولد يله بسرعه اعجلي زين .. ماما الحين سوي وفي جهة أخرى من البيت مها تقيم خواتها للمدرسه منى يلــه قـومـي وصايف قـومـي بسرعة لاتجي أمي ذا الحين وتقيمكم على طريقتها الخاصة بالخيزرانه منى : خلاص قمت بسش يالمزعجة بالعة راديو لا وخربان بعد وصايف :؟؟؟؟؟؟؟؟؟؟؟؟؟؟؟؟؟؟ وصايف قومي مرض كل ذا نوم اعنبوه خستي وصايف :؟؟؟؟؟؟؟؟؟؟؟؟؟؟؟؟؟؟ وصايف ..وصايف .. يعني منتي بقايمة معليه أوريش ألحين شلون تقومين راحت مها للحمام وترست سطل ماي بارد وراحت حق وصايف تقومها وصايف ... وصايف ... قومي تأخرتي على المدرسه .. قومي وجع كله من السهر البارحة مع عبود ... إن ماخليتش تحرمين السهر ماكون مهوي وصايف : ؟؟؟؟؟؟؟؟؟؟؟؟؟؟؟ يعني منتي بقايمه عجل أشربي طشششششششششششششششششششششششششششششششششش هااااااااااااااااااااااااااااااااااااااااااااااااااااااااااا ه ويش ذا بسم الله الرحمن الرحيم مهوي مرض ليش تكبين الماي علي مها أحسن علشان إذا قومناش تقومين ماتسفهين للواحد هههههههههههههههههههههههههههههه وصايف : أنا أرويش يالدبة .. وتنقز من الفراش تبي تلحق مها منى تشوفهم وتقول الحمد لله والشكر يالله لاتبلانا بما ابتليتهم هيه انتي واياها وطو الصوت فضحتونا ... وصايف : بطلي الباب ... بطليه ..... آآآآآآآآآآآآآآآآآآآآآآآآآ ..بطلي مها : بالمشمش أبطله هههههههههههاي وصايف : بطليييييييييييييييييييييييييييييييييييييه مهوي آآآآآآوووووووووه بطلي منى خلاص وصايف صيري أعقل منها قومي خلصي علي بسرعه ترا ناصر إذا تأخرنا بيلعن خيرنا ... وصايف : والله لأقول لأمي تكسر راسش يالدبه مها : عادي أمي حلالها وصايف : معليه الوعد عقب ماأرجع أوريش يالدبه مها : ههههههههههههههههههههههههههههههاي وفي غرفة أخرى ناصر توه قايم علشان يودي خواته للمدرسه قاعد يلبس ثيابه طلع من غرفته وراح يقيم عبود لقاه قايم وخالص ويضحك شفيك تضحك عبود : ماتسمع خواتك المهبل وصياحهم من الصبح ناصر : أكيد مهوي الدبه ووصايف الخبله لأن منى أحسن من الثنتين ورزينه ماتطلع منها السوالف ذي عبود : وانت صادق يالله ننزل ناصر يالله نمشي على طاولة الطعام أبو سعود ونوره وعيالهم يفطرون والجو كان هدوء خوفا من أبو سعود اللي مايحب الكلام والهذره على الفطور وطبعا لايخلو من بعض المناوشات الخفية بين مها ووصايف . ناصر : الحمدلله يله يابنات عجلوا علي ماابي أتأخر مواعد رجال البنات يله مشينا عبود : يله أمش نوره : مع السلامه الله يحفظكم أبو سعود : يلله أنا استرخص تبين شي نوره : سلامتك وهاذي عينه من الروتين اليومي لعائلة نايف بن سعود ▼ ▼ ▼ في ستاربوكس قاعد يشوف الناس رايحة وجاية وهو قاعد متملل وينطر ولد عمه ناصر لفت انتباهه صوت تكسير أكواب لف يشوف ويش السالفه لقى بنت وقاعدة تصايح وتلاسن على الجرسون ......... البنت : انت عمي ماتشوف الجرسون : sorry madam البنت : اذلف .. اذلف .. عمى بعينك .. مومنك من البقر اللي مشغلينك أف حرق اعصابي من الصبح ... يله ولي .. ولي زايد ( بل لسانها متبري منها عـوبـا ماتستحي كلت الرجال ) ناصر : السلام عليكم زايد : حيالله نويصر ناصر : الله يحيك ويبقيك زايد : ليش تأخرت هذا اللي يقول خمس دقايق ناصر : آسف بس تدري أودي البنات وعبود للمدارس ومدارسهم ماهي بقريبه . زايد : الله يهدا عمي بس ليش مايقص لكم دريول يودي البنات وعبود ويفكم . ناصر : حتى لو جبنا دريول محد بيوصل البنات إلا أنا . زايد : ليش ناصر : والله هذا الشيبه الله يسلمك مايرتاح على خواتي إلا معنا .. المهم شرايك تقنص معي مبطين من المقناص . زايد : والله ياخوي ماهي بشينه بس الدوام .. ناصر : ياابن الحلال انا اجازتي السنويه قربت وانت بعد وبالمره نكلم عماني والعيال ... ويش قلت زايد : معك ... فيها كلام ( شاف من طرف عينه البنت الملسونه تضحك مع وحدة من رفيقاتها بصوت عالي في الكوفي اللي هم فيه... بنت الذين مزيزنه بس لسانها أعوذ بالله منها ) ناصر : يالحبيب هيه وين رحت عقب إلتفت وراه وشاف اللي يشوفها زيود ملعون الخير ما تخلي سوالفك من الصبح ... يارجال ... زايد ... زيود وجع ... زايد : هلا وشفيك فضحتنا ... ناصر : الصاحبه هنا زايد : لاياابن الحلال ذي بنت كلت الجرسون من شوي مشوهه ناصر : الله لايبلانا .. امش خل نطلع زايد يله مشينا ............................................................ ................ في بيت آخر هيا ... هيا... أوه وينش يامره هيا: لبيه ياسعود بغيتني سعود : وبعدين معش أنتي أبي أحس إني متزوج مره تهتم فيني كل مابغيت شي لقيتش جنبي هيا : زين ياسعود الله يهداك وشوله ذاالكلام ذا الحين سعود : تدرين أنتي الكلام معش ضايع .. المهم وين الملف اللي كان على مكتبي مالقيته . هيا : هاااااااااااااااااه ...ياويلي ويش بقوله ذا الحين . سعود : هيا .. ماتسمعين هيا : بلا بس سعود : بس شنو .. تدرين وينه تراه ملف مهم هيا : ايه .. بقولك بس كني شفت نايف أمس يلعب باوراق ماانتبهت لها يمكن تكون هي . سعود : شنو أوراق مناقصة يلعب بها بزر ... لكن تدرين ويش الشرهه ماهيب عليش الشرهه علي أنا اللي مفكر إن عندي بيت محفوظ فيه أغراضي . هيا : صل على النبي ياسعود الموضوع مايستاهل العصبية ذي يمكن ماتكون هي الاوراق المطلوبه . سعود : عارفن نبيي قبل لاعرف وجهش الودر .. انقلعي من قدامي يالبارده . ............................................................ ...................... هند : سلطان وش فيك تونس شي سلطان : سلامتش بس أحس حيلي شوي هند : خلاص ريح شوي ولاتروح للشركة ومحمد يسد بمكانك سلطان : لا عندنا اجتماع علشان المناقصة الجديدة هند : ياابن الحلال الفلوس بدالها فلوس إلا الصحة سلطان : لاتخافين علي يالغالية بريح شوي وبقوم كني حصان هند : على راحتك .. طلعت هند من غرفتها وراحت لغرفة محمد تصحيه علشان الدوام محمد : حياش يمه هند : هاه يامك قمت وراك دوام محمد : قايم ... قايم ... بس تعرفين كنت أكلم فيصل على النت وخذتنا السوالف . هند : شلونه اربه بخير الله يرجعه ويفرح قليب أمه بشوفته محمد : آمـــيـن هند : محمد ونا أمك انتبه لبوك تراه ماهو بصاحي اليوم يونس شي محمد : أبوي وشفيه ... هند : يقول حيله شوي .. قومه ذا الشركه اللي ذابح نفسه فيها محمد : ولايهمش يالغاليه فديت قلبش كل ذا حب لسليطين مانقدر هند : استح على وجهك وش سليطين بعد ... يله قوووووووووم خلصني محمد وهو يحب راسها فديت الزعولين ... اقول يمه ماكلمش سعود هند : لا والله .. متى بيريح قلبي ويسكن معنا والله اني شايله همه محمد : يمه سعود رجال وماينخاف عليه . هند : يالله الفطور تحت الهمام وانا أمك محمد : ابشري ياعيون محمد ............................................................ ................ العنود: صبحش الله بالخير يمه هند : هلا يمه وين خواتش قاموا العنود : يمه شيوخ ماعندها جامعة اليوم وسوير تعرفينها تقعد قدام المرايه ساعه تقولين رايحه عرس ماهي بمدرسه . هند : قومي شوفيه لاتأخر أخيش فهيدان ماني ناقصة نقره من الصبح العنود : ان شاء الله يمه ساره : ياالله لاتقطع رجاء كل مشتاق بمرك يارب الحلم يصبح حقيقه انا ادري ان الوصل تاليه أفراق ولولا الأمل ماتحمل النفس ضيقه شيخه : من زين الصوت والله لايسمع صوتش محمد عبده اعلن اعتزاله واعتكف في بيته ابركله من انه يسمعش ... مصدقه نفسش واجد ساره : بدينا اشتغلت عمتي شيخه ويش اللي بسد حلقها ذلحين .. الحين وحده مستطربه تدخلين عرض ليش .... بل لقافه . شيخه : مزاجي دابله كبدي من الصبح تزين وتعدل وغناوي ماادري وين رايحه من الصبح ... مدرسه والا صالة أفراح ... ساره : تدرين علشلن مااعكر مزاجي من الصبح بسفهش معليش مردود . العنود : هاه ساره خلصتي والا . ساره : خالصه .. بس بغيت اسألش فهيدان تحت والا عاده راقد العنود : لا عاده في غرفته بينزل ذا الحين ليش ويش عندش تنشدين منه ساره : هااااه اقولش ليش ... هذا الله يسلمش ياطويلة العمر .. فهيدان علة اكباد الحين اذا شاف لبسي بيقول ماكنه تنورتش فتحتها طويلة كني اشوف القميص ضيق .. ويش ذا اللي مسويته ليش متنفذه وهكذا .. علشان كذا اذا هو تحت البس عباتي من الحين ... شيخة : يمه منش بنات ذا الوقت عوب ساره : اكرمينا بسكاتش العنود المهم اخلصي بسرعه ولا تعطلين اخوش ............................................................ .................... نهاية الفصل الأول انتظروني مع الفصل الثاني |
[SIZE="5"]
اخواني اخواتي اتمنى اشوف ردودكم علشان أشوف هل تستحق اني اكملها واتمنى ارائكم تكون صريحة وبدون مجامله لان موعيب الواحد يشوف اخطائه ويتعلم منها لكن العيب اني استمر باغلاطي اختكم غلاكم :f63::f63::f63::f63::f63::f63::f63: |
السلام عليكم اخواني الاعضاء والعضوات
بس حبيت أوضح اني غلطت في عمر سلطان بن سعود يعني يمكن شفتو عمره 44 سنه وعنده ولد عمره 30 لكن اقولكم السموحة لخطائي المطبعي عمر سلطان 48 يعني تزوج عمره 18 سنه زواج اجباري على بنت عمه وهو صغير لاسباب ساذكرها لاحقا... |
السلام عليكم اخواني اخواتي الاعضاء وانا قاعدة اكتب القصه فيه عضو نسيت اتكلم عنه في العائلة الثانيه (بدور )
اسفه بتقولون ويش سالفتها كل شوي ناسيه شي بس ان شاء الله تكون آخر الاخطاء العائلة الثانية : عائلة مشعل بن سعود الأب : مشعل عمره 52 سنه ويشتغل في شركة أبوه وأخوانه وشريك فيها وجاد جدا ومايحب اللف والدوران وشديد شويه . الأم : فاطمة بنت فيصل عمرها 50 سنه وطيبة وحنونه حيل على عيالها عكس زوجها وتصير أخت نوره زوجة نايف . سلطان : 28 سنه مالك على شيخة بنت عمة سلطان وسيم مملوح طويل عريض شوي مخفف العارض ويشتغل مع أبوه في الشركة وصديقه محمد ولد عمه سلطان ويموت فيه . نايف 20 سنه وصديق فهد ولد عمه سلطان ودايم مع بعض مزيون حنطي وعيونه بنيه ووجهه دائري وشعره طويل شوي لين تحت الرقبة ويدرس مع فهد بالجامعة سنة أولى . ............................................................ ............... البنات الجازي : عمرها 22 سنة تدرس في الجامعه جميلة ملامحها حادة أكبر مافيها عيونها لونها عسلي وشعرها كثيف لين ظهرها وهي صديقة شيخة وتخصصها علم إجتماع . حصة : 19 سنه تدرس ثالث ثانوي علمي في نفس مدرسة منى وهي عكس منى حيوية وتشبه الجازي بس عيونها أصغر . بدور : العمر 17 سنه وهي صديقة ساره دبدوبه حلوه عيونها ناعسه حنطاويه شعرها لين كتفها وعندها عمازتين في خدودها . ........................................................... الحين اخليكم مع الفصل الثاني الفصل الثاني : وفي جزء آخر من العالم نذهب لنرى كيف هي أحوال المغترب الذي طالت غربته وعصف به شوقه لأهله وديرته وربعه وجماعته .. هناك يجلس فيصل في شقته التي يشترك فيها مع زميل دراسته طلال الذي توطدت اواصر الصداقه والأخوه بينهما وزادت سنين الغربه من ارتباطهما فيصل : آه من هم الفراق وعيشة الغربة آه من برد الشتى واشواق وجداني يا زمن عود بساعة طالبك طلبه لين اجاوب يا زمانِ فنجاني جاء يصارع للوصل ظروفه الصعبه جا يبي يسعف خفوقِ طاح ضمياني وقلبي اللي من فقدته مشعلٍِ حربه كل ما سجيت عنه قام ينخاني كم شعور في صميم الذات مضطره وكم بيوت من بحور الشعر تنصاني واللحون اللي تجي بلساني العذبه تستبيح الدمع كله بين الاعيان الفضا ضايق علي من شرقه وغربه من فقد بالوقت ربعه عاف الاوطان ياهلي كيف الوصل دام القدر غربه والله اعلم وين وضعي ووين ميداني ما رحلت من الديار ورفقت الصحبه الا وانا ناوي بالمجد عنواني بتعزوى في كريم يجلي الكربه الحليم اللي هداني خمس الاركاني انت واحد وانا واحد خايفين ربه وانت ربي عالمِ حسني وعصياني (منقول ) فيصل عقب القصيده هذي زفر تنهيده طويله ( هييه متى اخلص وافتك .. هييه الله المستعان) دخل عليه وصديقه طلال ( الله يريح قلبك يافيصل ) ........... طلال : ياسلام على القصيد الزين صح لسانك .. صح لسانك فيصل : صح بدنك ياطلول طلال : وبعد سماعنا قصيدة الشاعر فيصل بن نايف وهو شاعرنا من دولة قطر نقوله فالك البيرق ... واحينه نتعرف على شاعرنا الثاني ولكن بعد الفاصل اتريونا فيصل : ههههههههه الله يقطع بليسك وين حسين العامري منك طلال : هه شرايك انفع مقدم لشاعر المليون فيصل : لاوالله ... حرام الإجرام على خلق الله طلال : بل قويه .. الله يسامحك زين جاملني فيصل : خلاص ولاتزعل ... وهذي حبة خشم كم طلول عندي طلال : علشان تدري ان مالك غيري فيصل : ايه والله وانت صادق ..... المهم نقلت محاضرتنا اللي فاتت طلال : ايه خذتها ... بس حرام عليك كسرت قلب البنيه كانت تتوقع انك انت اللي بتاخذها فيصل : يارجال انا ماحب البنت اللي فاصخه الحيا بالمره .. ماتستحي اعنبوا انا الرجال طاح وجهي من جرأتها طلال : بس بأمانه ماهي بمزيونه فيصل : ياحبيبي عندي اللي تسواها هي وطيفتها طلال : آآآآآآآآآهه بنت العم طبعا فيصل : إييه بنت العم والمعزبه بعد .. طلال : شفتها فيصل : ويش ذا الكلام الله يحييك وين اشوفها بس اخبرها ام 13 سنه وماشاء الله عليها كانت حلوه طلال : اييه بس وانا أخوك الوحده تتغير يوم هي صغيره شكل ولما تكبر تكون شكل ثاني فيصل : شقصدك ياطلال طلال : اسمعني وانا أخوك انا ماابي اهز قناعاتك بس ابيك تتأكد من انها تناسبك من حيث الافكار والميول وما ابيك تكون فكره على صوره شفتها وهي صغيره. فيصل : الحمد لله مقتنع وبعدين من كلام خواتي يوم الملكة انها عاقلة ورزينة وحياوية وهذا اللي ابيه . طلال : الله يتمم لك وتتخرج وتفرح هلك برجعتك لهم فيصل : آآآآآآآآآمين والله اشتقت لهلي حيل ............................................................ ......................... وينه .. وينه .. كل شوي الاستاذ سعود بيقابلك بعد ربع ساعة .. بعد نص ساعة وانا نقعت صار لي ساعة وانا انطر المحترم يخلص من العميل اللي عنده مايسوى علينا انا لواني رايح لمحامي ثاني ابرك لي ... معليش استاذ بس لو سمحت مايصير اللي تسويه خير وشفيه وشوله الصوت العالي .. هنا مكان عمل محترم .. وين عايشين فيه السكرتير : معليش استاذ سعود هذا ابو غانم يقول انه قاعد ينطرك لوقت طويل سعود : ابو غانم هلا والله .. شلونك ياعمي عساك طيب ابوغانم : طيب طاب حالك سعود وانا عمك مليت من النطره سعود : بس انت الله يهداك جاي قبل موعدك وانت تعرفني زين ملتزم بوقتي ابوغانم : معليه بس انا رفيق الوالد يعني مافيه واسطة وانا عمك لي سعود : ياعمي القانون قانون مثل مالك حق فيه عملاء بعد لهم الحق اني اقعد واشوف سالفتهم ... مثل مانت تحب لنفسك حب لغيرك وكلها خمس او عشر دقايق بالكثير استريح . يا سالم شوف العم غانم شيحب يشرب السكرتير : تامر طال عمرك ............................................................ ...................... الله ويش ذا الريحة الزينه ياسلام وفتح غطاء القدر ياروووووووحي يمه ... يمه يله اغرفي لي تراني ميت من الجوع تعرفين ماحب اكل المطاعم وفهيدان النذل ماعزمني على غداءهم معني موصله وناقع معه في الصناعية علشان سيارته خربت عليه التفتت عليه امه : خلاص وانا امك روح بدل ثيابك وصل الظهر وان شاء الله تلقاه الغداء زاهب طلع نايف من المطبخ وشاف سلطان والجازي في الصاله مجتمعين ينطرون ابوهم علشان يتغدون جميع ... أووووووووه الحبايب مجتمعين هاااه سليطين شايفك محضر بدري اليوم مــــاهي بالـعاده ... سلطان : اولأً اســـمي ســــلطان ثــانيا اليـوم مــاداومت في الشركة علشان كان عندي مشاغل برا الشركه وبعدين ويـــش ذا الخـيــاس اللــي على ثــوبــــك نايف : هذا الله يسلمك بركات فهيدان وسيارته الجازي : مسكين حـكـك حـك فهود نايف : ههه حلوه بس لاتعيدينها الجازي : وجع نايف الواحد مايمزح معك لكن معليه بتجي اللي تسنعك هي الوحيدة اللي تعرف لك حــصوح عفوا احد نادني وتدخل عليهم حصوص نايف : ايه يقولون فيه حيوان ضايع من حديقة الحيوان اللي يشوفه له مكافأه ماليه ... تعرفين ويش هو الحيوان حصه : اكيد وهل يخف القمر اكيد الغزال نايف : لا وانتي الصادقه الزرافه حصه : هههاااااااااي اللي مايطول العنب حامض عنه يقول مشكلة الناس القصار بيموتون لويحصلهم طولي بس ماااااااااااااااااااااااش نايف وهو يفسخه نعاله ويحذفها فيه انقلعي انا قصير هين اوريش يالنخله سلطان والجازي ماتوا ضحك على هبال الثنين وعلى حساسية على مسألة الطول ويشفيكم ليش الضحك سلطان : سلامتك يالغاليه هذا نايف وحصة ومزحهم الثقيل الأم الله يهداهم ويصلح بالهم .. يمه الجازي ادعي ابيش للغداء يله .. ............................................................ ....................... هاه جبت اللي قلت لك عليه بس شوف مابيه زي اللي فات ترا ماراح اعطيك فلوسه .... لا هذا الشريط غير روووووووعه كله أكشن روعه اخوي شاريه لي من برع ...... خلاص .. خلاص انا باخذه وبرده لك بعدين زين ياخلود .. ماشي كلام بس ياعبود لاتطول علي ابي العب فيه .. خلاص برجعه بسرعه .. ............................................................ ...................... يبه بتودينا فلاجيو حق الالعاب .. فيلاجيو اليوم والله تعبان وانا ابيش خليها يوم ثاني ... لالالالالالا انت قلت لي اليوم الله يخليك يبه .. حتى اختي النوري تبي تروح الملاهي . تركي : النوري انتي بعد تبين ملاهي فلاجيو انوووري : ايه يبه نبي نلعب منيره : شفت شلون تكفى يبه تركي : خلاص ننطر امكم وبعدين بنروح ..... وين بتروحون .. تتفقون من دوني .. منيره ونوره : لايمه حنا نقول لبونا نبي نروح ملاهي فلاجيو قال خلاص لما تجي امكم خلود : خلاص بس مهو ذا الحين خلوها عقب المغرب وبعد علشان تنعشا هناك تركي : خلاص مدام حن اتفقنا انا بروح اقيل شوي وقيميني لصلاة العصر .. خلود : ان شاء الله والحين ياحبيباتي حليتو واجباتكم اللي عليكم اليوم منيره : انا حليت وخلصت بس باقي نوره عندها هوم وورك علوم خلود : يله النوري نحل الواجب ............................................................ .............................. لوسمحت اخوي .. نعم .. سياره الجمس اللي عندك للبيع .. لاوالله ماني ببايعها ليه حد قالك اني ابي ابيعها ... لاأخوي بس لوفكرت انك تبيعها تراني شراي لا ماني بايعها .. ( شسالفة ذا العالم كل واحد جاي يبي الجمس اللي عندي ) مشعل .. مشيعل .. شفيك .. ياالاخو ماتسمعني من مساعه احاكيك هلا سعيد اسمحلي وانا اخوك بس بصراحهه شي يحير سعيد : وشنو اللي يحير مشعل : قبل شوي جايني واحد يبي يشتري جمسي اللي عندي مع العلم اني ماذكرت اني ابي ابيعه سعيد : زين وشفيه يمكن حد سمعك تتكلم مني والامناك مشعل : لا انا متأكد ( وهو قاعد يفكر قطع تفكيره ضحكة مألوفه) هههههههه وهذا شوي من اللي حنا بنسويه فيك يالبخيل عجل اطلبك انا ونيوف نبي نستعرض في جمسك تعيي به . مشعل : فهيدان وجدري كل السالفه من تحت راسك انت والتبن اللي معك نيوف نايف : انا مالي خص .. الفكره فكرته بس انا علي التنفيذ معه فهد : مااسرع مانكبتني .. نايف : وانا صادق ... فكرتك والاماهيب فكرتك فهد : بلا فكرتي بس انتي المفروض معي في كل شي مشعل : الله يرفع ضغطكم مثل مارفعتولي ضغطي ... انا داري اني ماقلت شي الله يخسكم شككتوني بنفسي .... سعيد : يعني السالفة مفبركه منكم ... الله يستر منكم ............................................................ ......................... قومي يامره قيمي عيالش للصلاه وقولي لهم الوعد بيت عمهم نايف ليش فيهم شيء .. لابس الجمعه عندهم اليوم بس قبل بمر سلطان اتطمن عليه فاطمه : وشفيه .. فيه شي مشعل : لابس تعيبين شوي من الصبح معنا في الشركه وقلنا له ارجع بيتك ريح شوي فاطمه : مايشوف شر ان شاءالله يالله انا استرخص منش في امان الله ............................................................ .............................. العمل الحين ترا السالفه إن دخل فيها سعود رحنا وطي ... حنا مب قده اخاف يدري بالتلاعب اللي صاير في الحسابات ... لاتخاف دام انا معك محد بيدري بعدين سعود وينه فيه الحين مايجي للشركه من بيعلمه .. بس ... لابس ولاغيره انت سو اللي باقوله وانت المستفيد... ............................................................ ........................ نهاية الفصل الثاني |
السلام عليكم اتمنى اشوف ردودكم علشان اشوف تستاهل اني اكمله والا لا الحين بنزل لكم الفصل الثالث اتمنى يعجبكم قراءة ممتعة الفصل الثالث : سلامات ياسلطان ماتشوف شر يالغالي الله يسلمك يابو سعود لاتحاتي وايش اللي لاتحاتي ... تراها ماهيب اول مره وانا اخوك اذا تحسب اني ماادري عنك تراك غلطان .. كلن ملاحظ تعبك ياسلطان هيه يانايف انا همي هم وانا اخوك افا مهموم وانا حي اطلب عزك وانا اخوك بيعني في السوق اشتريك ماابيعك وقام وحب خشم اخيه الكبير .... السالفه كايده ولا ابي ام العيال تدري هي والعيال بيتروعون علي .. وبيحاتوني .. قول وانا أخوك انا من شهرين تعبت شوي قلت خلني اسوي شوية تحاليل علشان اشوف ويش سالفة التعب اللي يجيني ورحت عيادة الدوحة وسويت التحاليل تحاليل شامله زين بشر ويش طلعت نتيجة التحليل القلب وانا اخوك لقو عندي شريان متسكر هينه لاتشيل هم وياما ناس سوو عمليات قلب واجد ونسبة نجاحها مضمونه والحمد لله وبعدين الطب تطور بس لازم تبلغ سعود علشان يعرف يتصرف بأقرب وقت ويكلم دكتور ويحدد لك موعد مستعجل .. يعني هذا رايك ايه نعم هذا اللي المفروض يكون خلاص بكلم سعود وبشوف ويش بيسوي ............................................................ ................................. بدور : ايه ياسوير كنها ماصدقت على الله انش تكلمينها ساره: طبعا ياحبيبتي انا ساره لازم تحب يدها مقلوبه اني التفت لها وكلمتها بدور: بس تدرين انا مارتحت لها ماتعجبني البنت اللي مثلها ساره : ليش انتي شايفه عليها شي بدور : والله سمعتها في المدرسه زفت وكلن يقول شتبي فيها بنت عمش ساره : اللي يسمعش الحين يقول مرافقتها ... كل اللي حصل اني كلمتها علشان الكتاب اللي عندها بدور : وانتي حبكت تاخين كتابها ساره : والله انا كتابي ضايع ويوم رحت لأمينة المخزن علشان اشتري منها كتاب قالت لي فيه بنيه في صفش عندها كتاب زايد لأنها عايده السنه بدور : المهم خلينا من سيرتها .... متى بتزوريني ساره : والله انا آخر وحده زرتش الدور عليش انتي وخواتش .... بدور شرايش تقولين لأمش تمسين عندي بدور : والله يابنت العم مااعتقد انها بتوافق ساره : فديت قلبش حاولي فيها بدور : بشوف بس ماضمنها لش ............................................................ ................................. يمه .... يمه ... وينش وجع بدور ليه الصوت العالي الجازي شفتي امي وينها ابيها الجازي : شتبين فيها بدور : توني مسكره من السوري بنت عمي وقالت لي تمسين عندي قلت لها باشوف امي الجازي : من الحين اقولش لاترزين وجهش عندها لانها بتفشلش بدور : وليه ان شاء الله الجازي : لأن امتحانش قرب ولاهو من زين نتيجتش الاوليه فابلعي العافيه واحفظي ماي وجهش بدور : بس امتحاناتي بعد ثلاث اسابيع اف مايسوى كله دراسه اللي يسمعكم يقول بنخترع الذره .... المهم خلصيني امي وين الجازي : تحت في الصالة عندها جارتنا حنان بدور : الله كملت ... حنون ام العلوم وكالة السي إن إن عندنا ............................................................ ................................ مادريتي يام سلطان ... شفتي بيت بوفايز بوفايز ماغيره جاركم ... ايه يام سلطان .. شفيهم .. عسى مهوب صاير لهم شي هذا الله يسلمش خدامتهم تبي تسافر ويوم ودوها المطار ... خلوا ولدهم فايز يفتشها تعرفين يافاطمه الخدم مامنهم أمان ... المهم مااطول علييتش السالفه لقوها يام سلطان سارقه ساعات البنات ولقوها لافه في شعرها خصل شعر... الله يستر ماادري منين ماخذته ... حسبي الله عليهم مهما سويتي لهم مايبين معاهم مشربين السحر من يومهم صغار .. الله يستر علينا وعلى المسلمين . يمه .. يمه تعالي يابدور انا هنا .. تعالي ياامش محد غريب ... مابه الا خالتش حنان بدور : السلام عليكم ... شحالش خالتي .. حنان : الحمد لله ... شلونتش انتي يمه .. وشنو اخبار الدراسه .. هدى بنتي ذابحه نفسها من الدراسه ولاهي ملحقه بعد بدور ( ياالله ويش بسكتها ذي .. لاوكــــل مــاشافـتني بنتي هدى وبنتي هدى .. آآآآآف ) بدور ... يمه بدور هلا يمه آمري انتي اللي تبيني ايه يمه السوري كلمتني وتبيني امسي عندها قلت لها بشوف امي مالش حاجه ... يمه الله يخليش ... هي آخر مره امست عندي تكفين ... تكفين زين والمدرسه بكره بروح معها ولاتخافين بآخذ كتبي وملابسي ....بس انتي وافقي المره ذي بس ولاعاد تعودينها بدور : ياسلاااااااااااااااااااااااااام الحين اكلم السوري ............................................................ ................................. وفي المساء عند الكورنيش جالس يشوف الناس من حوله اللي يسوي رياضة واللي راكب العباره واللي جالس يتمشى مع اهله وفي الجهة الثانيه عند حديقة البدع عــوايل فـــارشين لهم بسطه وقاعدين عليها واللي يلعب عياله في الالعاب كل لاهي في ذا الدنيا بعالمه الاهو قاعد يشوف ويسمع سوالفهم وضحكهم وبينه وبين نفسه يتذكرها مع كل ضحكة يسمعها من الاطفال حوله مانساها مثل مانساها غيره عاش معها عمره كله واعتنى فيها على صغر سنه في ذاك الوقت ويوم فقدها .... فقد حنانها مع انه مالمسه منها مره طول عمره يسأل ليش انا واخوي ماعرفناها ليش ماحسينا مثل غيرنا باهتمامها فينا وخوفها علينا ..... ( هييه يايمه الله يرحمش ويغفرلش ويوسع عليش قبرش ويبرد عليش من براد الجنه ) السلام عليكم .... بو سلطان سعود : هلا ومرحبا .. شحالك عاش من شافك فارس : طيب طاب حالك ... سعود : زين شفناك يارجال ماعاد تبين ابد فارس : انا اللي ما ابين والاانت ياسعود قطعتنا مره وحده ولاعاد شفناك .. ماتقول عندي خوالي وعيالهم اشوفهم اسلم عليهم ياخوك ترانا لحم ودم . سعود : ويش ذا الكلام انا ماقطعت ودايما اكلم خالي فارس : زين متى بتزورنا ترانا اشتقنا لسهراتنا مع بعض سعود : قريب .... بزوركم ونسهر ونرجع ايام مضت ............................................................ ................................. اقولش ماهو بطايق مني شي يمه دايم يرفع صوته علي ويفشلني قدام عيالي والخدامات تراني زهقت ماصارت حياه ذي اصبري وانا امش هذا رجلش وابو عيالش وولد خالش اذا ماصبرتي عليه من بيصبر ... يمكن الرجال عليه ضغوط .. بال ماتوسعين عليه تضيقين خلقه شوفيني وانا امش مرت علي اشياء الله العالم بها وما سويت سواتش خلود وهي تدخل عليهم سمعت كلامهم ... خلود : هذي عمايل يدش وسعود ماقصر عليش بشي هيا : انتي اسكتي ماحد طلب رايش .... كرميني بسكاتش خلود : لا ماني ساكته .. انتي ماتشوفين نفسش من يوم جبتي ذا العيال اهماتي بنفسش .. الرجال ياحبيبتي يبي اذا دخل بيته يشوف مرته متعدله ومتكشخه وتتفنن في نفسها هذا حقه عليش ويبي الكلام الحلو اللي يبرد قلبه مهوب الكلام اللي يغث .... اصحي على نفسش قبل لاتتحسفين بعدين هيا : الله يسامحش ياخلود غديت انا الغلطانه ... هااااه يمه عاجبش كلام بنتش منيره : يمه كلام صح يابنيتي ماغلطت وهي لوانها تحبش ماتكلمت هيا : مشكورين يجي منكم اكثر ... وقامت تدعي خدامتها تجيب عيالها علشان يروحون البيت خلود : ياهيا وانا اختش اسمعي كلامي قبل لايفوت الفوت وماينفع الصوت هيا : يله ياعيال مشينا منيره : ماكنش قسيتي عليها مهماكان هذي اختش خلود : يمه سعود ماقصر معها بس دايما هي تنكر الشيء اللي يسويه يمه الرجال ان صبر اليوم ماراح يصبر العمر كله منيره : ليه انتي تعرفين شيء خلود : لايمه بس ماادري انا عندي احساس واحساسي مايخيب ............................................................ ............................... في جامعة فيرجنيا تك حيث يدرس الطلبة المتفوقون والمتميزون من جميع أنحاء العالم من جميع التخصصات، تحملهم من العالم العربي وآسيا الشرقية لتصل أعدادهم إلى ما لا يقل عن ثلاثة آلاف طالب مسلم كل عام ! وهذه الجامعة المبشرة بالوعد الإنساني المميز بين الجامعات العالمية هي الأقرب بين المؤسسات العلمية والأكاديمية والتكنولوجية في الدنيا التي تقع في قلب أهدا مدينة في الولايات المتحدة ( بلاكسبيرغ ) العابقة بالبحيرات الهادئة والأشجار والغابات والجمال الطبيعي . تتربع في ساحاتها وبنائها المعماري ومنشآتها المدروسة بإتقان وذوق معماري خلاب وتجد الساكنين والمبعوثين على مكرمات البرامج الداعمة للعلم من طلبة العالم وأكثرهم من شرق آسيا والعالم العربي ، يروحون ويجيئون ولهم مسجد ولهم صلاة وصيام وقيام واحترام !! ولا من يتدخل في صفة الطالب أو أصله وفصله بل هناك لجنة الطالب المسلم التي تعتني بأمور الطلاب المسلمين والعرب ،، وتهتم بشؤونهم بأمر وإدارة من رئيس الجامعة . تلك الجامعه التي يدرس فيها مغتربنا عسى ربي يفرحه بشوفة هله .... يجلس في زاويه هادئه بعيدا عن الضوضاء من حوله امامه كتابه ليراجع الملخصات التي قام يلخيصها لمساعدته في امتحانه القادم ... عكر عليه صفو هدوئه زميله طلال ودخوله عليه .. طلال : مرحبا ابو الشباب فيصل : هلا طلال .. شلونك وينك من الصبح ماشفتك .. طلعت بدري اليوم ماهي بعادتك . طلال : ياخوك عندي مقابله مع دكتور الماده الي ماقدمتها وبنشوف يقدر يعدها والا يعطيني شي اسويه ابي اخلص .. فيصل : انت ماقلت ان مقابلتك يوم الاحد طلال : لا مقابلتي الاثنين اليوم ان شاء الله فيصل هاه على خير ان شاء الله وفجاءة سمعوا أصوات صياح واطلاق نار والطلاب حولهم حالتهم حاله يتراكضون ويتزاحمون وكانوا في حالة هياج تام وذعر شديد شوي واحد من الطلبه يصدم في فيصل .... مسكه فيصل وسأله عن اللي صاير وويش سالفة الأصوات اللي سمعها .. فيصل : Excuse me. What's going on ? لوسمحت .. ايش اللي حصل ؟ الولد : There are those who opened fire on a group of students. هناك من اطلق النار على مجموعة من الطلاب . وراح الولد منهم بسرعه وفيصل علم طلال باللي صاير واثنينهم راحوا يشوفون ويش صار على الطلاب . ............................................................ .......................... ترن ... ترن ... آآآآآآآآآآآآآآآلو من سعود ... سعود انت تسمعني .. قوم صحصح معي .. يااااااااااااااسعود هلا معاك ... معاك ... خير ويش اللي صاير مصحيني من الصبح وانت داري اني اداوم متأخر ... انشاء الله يكون شي مهم اللي انت مخرب نومتي عليه .. ياسعود قوم الله يخليك ماني متفيق لك اسمعني ..... يوه تدري شلون افتح الجزيره وشوف الاخبار تتكلم عن مجزره صارت في جامعة فيصل ... سعود : ويش تقول ياسلطان من جدك .. زيييييين فيه مصابين ... خلاص سكر .. سكر .. ويقوم سعود بسرعة وياخذ ريموت التلفزيون ويحطه على الجزيره ... (في صباح يوم الاثنين المرافق للسادس عشر من شهر أبريل في تمام الساعة السابعة والربع سمع اطلاق رصاص إحدى الطالبات وتدعي ( إيميلي ) وكذلك أطلق النار على أحد الطلبة وهو ( راين ) .. كما أصيب آخرون..وقتها بدأ رجال الشرطة بالبحث عن قاتل هارب .. ولكن للأسف لم يتم إبلاغ الطلبة وتحذيرهم توقعاً منهم أن الطلبة سيكونون بأمان بداخل القاعات الدراسية وسيتم الابلاغ عن عدد الضحايا في وقت آخر ......... ) الله يستر ... يارب انك تستر على اخوي فيصل .. امي وابي بروح اشوفهم قبل لايتروعون . هيا عطيني ملابسي بسرعه ... ياترى فيصل بيكون من ضمن ضحايا فيرجينيا تك ؟؟ بنعرف في الفصل الرابع .... :f63::f63::f63::f63::f63::f63::f63::f63::f63::f63: |
السلام عليكم
اهلين فيك اختي بين كاتبات ليلاس وخواتك ان شاء الله تلاقين النجاح المطلوب والتفاعل من قبل الاعضاء ونشوف هالقصة ضمن القصص المكتملة من غير توقف وانقطاع تمنياتي لك بالتوفيق .. زوزو |
لي عوده بإذن الله
|
مرحبا ملايين ختيه
مرحبا بج ويانا في كوكبه كاتبات ليلاس وان شاء الله تحصلين التفاعل اللي في خاطرج |
السلام عليكم اخواني اخواتي اعضاء منتدى ليلاس
ارغب من مراقبة قسم الروايات ان تقوم بحذف روايتي بسبب عدم اكمالها لفقر ردودها وتقبلوا شكري واشكر كل من قام بالرد على رواياتي |
هدي هدي هدي ...قولي لا اله الا الله
ياختي اعصاابك والله المساله ما تستاااهل ...انا عن نفسي ما نتبهت لهاا الا قبل يومين واعجبني العنواان ...واليووم اللي قريت الاجزااء اللي منزلتهاا كلهاااا ...واعجبتني كثيييير ....وخصوصاا سعوود وهياا ...وابغى اشوووف ايش راااح يصيير بينهم لاني ابد ماااحب الرجاال يتزوج وحده ثااانيه اكررررررررررررره هذاا الشى ...فهل هيااا رااح تقدرر انهااا ترده قبل ماايضيع من يدهااا ولا لا اذاا تقدر كملي القصه واذاا لا خلااااص قفليهااا خخخخخخخ امزح معك انتي بس شوووفي عدد المشااهداات ...وبعديين انتي كاااتبه لسه جديده لماا يشوفوون انك ملتزمه بتنزيل الباارتاات رااح تزييد عدد الردوود ...يعني تعوووذي من ابليييس وكملي الروااايه حتى لوكاان ماا يتاابعهاا لا وااحد ...بس طلب صغيرووووون هيا بتلحق على سعوود قبل ماايرووح منهاا ...بس ابغى ياا نعم او لا بشووويش من دوون احد لااا يسمع ههههههه ومنتظرييين البااارت الجاااي على ناااااار ....شكرررااااااا |
اقتباس:
اهلين فيك اختي العزيزه شوفي نصيحه من اخت لا تتسرعين بحذف روايتك من المنتدى لعد اسباب شوفي عزيزتي انتي نزلتيها بوقت ابدا مو مناسب وهو شهر رمضان والاغلب واولهم انا ما نقراء قصص متابعينها من قبل فما بالك بقصص جديده ارتباطات وصوم وفطور وعائله وطلعات يعني لو بالقى وقت فاضي اكيد بقراء لكن مستحيل يستمر وقتي لين ارد فنصيحه لك عزيزتي لو تنتظرين بعد العيد وتشوفين اذا على القصه اقبال عندك مثال حي الكاتبه وجه النهار كاتبه متميزه جداااااااااااااااااا وتابع الكثير لها قصه من قبل وقصتها الجديده رغم نزولها قبل رمضان بايام الا ان الاقبال عليها جدااااا قليل شوفي بعد العيد وايام الدراسه كيف بيكون الاقبال اكاد اكون متاكده انه كبير ومرضي جداااااااااا عموما هذي حريه شخصيه لو مقتنعه بقرارك وماتبين تستمرين معانا بالقصه ما نملك الا الموافقه عليه وحذف القصه اتمنى منك تبلغينا بقرارك وياهلا والله اختك نوف |
السلام عليكم اخواني اخواتي الأعضاء انا ماني متضايقه بالعكس حبيت مثل ماتقولون نغلق الروايه علشان اقدر انزلها عقب كامله بس لأني اول مره اشارك بالعاده كنت اتفرج فقط ... وحبيت اشكر اخواتي نوف وريماس على ردودهم واشكر كل من رد على روايتي البسيطه ... انا لاني زعلانه ولا شي بس مثل ماقلت كنت ابي اغلق الروايه بس بما اني عضو جديد ماقدرت ارسل عن طريق الخاص .... وتقبلوا مرووري اختكم ... غلاكم |
السلام عليكم ورحمة الله وبركاته اخواتي العزيزات انا تقريبا قربت أخلصها فعلشان كذا حبيت انزل لكم الفصل الرابع قراءه ممتعه لكم الفصل الرابع : وفي بيت نايف بن سعود الدنيا قايمه قاعده بسبب الاخبار اللي وصلتهم وقاعدين على اعصابهم يبون يسمعون اي شي علشان يريح قلوبهم اللي ماعرفت الراحة من يوم صار اللي صار والعيال يسوون اتصالاتهم علشان يشوفون فيصل كان من ضمن الضحايا والا لا ....... هاااااه يابوك حد رد عليك ... لا يبه محد رد علي .. بس انت هد اعصابك انت فيك الضغط ... لايرتفع عليك يابوك ياناصر بلاك ماحسيت بالنار اللي فيني بكره بتجربها اذا جاووك عيال بتحس بوجعة كل واحد فيهم وانا ابوك .. الله يخليك يبه ... بس هدي ... وان شاء الله نسمع الاخبار الطيبه اللي تسرك يابوك انا ماهوب كاسر خاطري الا امك من يوم درت بالخبر الشين وهي طايحه ودي اريحها علشان تقوم وتـتـطمن على فيصل والا حتى تسمع صوته .. لاكن مااقول الا لاحول ولا قوة إلا باالله اللهم أجرني في مصيبتي عند البنات : يمه تكفين قومي .. يمه الله يخليش قومي .. يمه فيصل ان شاء الله بخير بس انتي لاتتروعيين ... يمه قومي فديتش .. قووووووووووومي خلاص وصايف لاتزيدين أمش وهي اللي فيها مكفيها ...... مها الحين انتي الكبيره المفروض تهدين خواتش وانا خالتش .. اعوذ بالله منكم تفاولـــون بالشين ان شاء الله مافيه إلا الخير مادام ماطلع اسمه يعني طيب بس انتم لاتحاتون الله يهداكم يمه منى قومي وقيمي خواتش معش وامكم مافيها الا العافيه بس اذا قعدتوا كذا على راسها بتضايقونها زيادة ياالجازي انتي وخواتش اخذوا بنات خالتكم ورحوا داخل يمكن حد من العيال يجي وسكتوهم مافيه الاالعافيه ... يله الجازي : يـــله مها .. منى .. وصايف قوموا معي ان شاء الله نسمع الاخبار الزينه حصه : منى حياتي قومي فديتش .. يله يابنات روحوا مع خواتكم .. ............................................................ ..................... وفي المجلس تحت عند نايف وعياله دخلوا عليهم اخوانه وعيالهم نايف .. سمعتوا شي حد رد عليكم لا ياخوي يامشعل مابه رد وهذاهم العيال قدامكم من يوم مادرينا وهذي حالتهم سلطان : لاتخاف ياخوي قريب نسمع اخبار حلوه مشعل ونايف : يالله ياكريم عند العيال (سعود ومحمد وتركي وفهد ومشعل وزايد عيال سلطان ) (وسلطان ونايف عيال مشعل ) ( وسعود وناصر وعبد الله عيال نايف ) كل واحد يكلم له واحد بحكم علاقاتهم الكثيره اللي ممكن تساعدهم علشان يوصلون لخبر سعود بن سلطان : ايه والله الحمد لله .. زين زين يارب لك الحمد والشكر لك البشاره لك على ذا الاخبار الطيبه بتوصلك ان شاء الله ................ كل اللي في المجلس انتبه لمكالمة سعود يبون يعرفون عن ايش يتكلم .... خلص سعود مكالمته وقام وقابل عمه وقال له تستاهل سلامة فيصل ياعمي .. فيصل طيب ومافيه الا العافيه توني مكلم واحد أخوه يسكن في نفس مدينة فيصل وكان هناك وعرفلي كل شي .. ويوم سألته اذا سمع اسم فيصل بن نايف من ضمن المصابين والا المقتولين قال لا ماسمع وتاكد لي بعد ... هاااااااه ياعمي ارتاح بالك ... وقام وحب راس عمه وضمه بقوة .. الشيبه عقب ماجاته الاخبار ارتاح وخنقته العبره وضم سعود له ... الله يفرح قلبك مثل مافرحة قلبي يارب .. الحمد لله يارب .. الحمد لله يله والعيال من حوله رجعت لهم روحهم وقام كل واحد فيهم يسلم على عمانهم وعلى عيال عمانهم ويتحمدون لهم بسلامة فيصل ... قام نايف من المجلس يبي يروح للنسوان داخل يبشرهم بسلامة فيصل وين يانايف .. باآآآروح افرح المره والبنات في الصاله نوره قاعدة تبكي بدون صوت ومنيره تهديها سمعوا واحد يتنحنح يـــــاولــــد .. يـــــاولــــد حـيـاك يـــابـوســــــعود .. ادخــــل مــابـه الابنــاتــك ومرتك ونسوان اخوانك جاء وقعد جنب نوره وحط يده على كتفها وهو يحب راسها ... ويلمها له يهديها آفا ..آفا يانوره ويش خليتي عجل لبناتش انتي العاقله الكبيره .. خلاص هدي واسمعي مني .. جايب لش خبر بيسرش ويريح بالش ... تستاهلين سلامة فيصل نوره : والله ولدي بخير ... اكيد والا تبي تسكتني نايف : لاوالله توه سعود مكلم له واحد وعلمه بان فيصل ماهوب من المصابين ولا المقتولين ... الحمد لله نوره : الحمد لله .. الحمد لله ... يارب لك الشكراللي رديت لي قطعة قلبي وقامت تبكي من فرحتها بسلامة ولدها ........ البنات يوم سمعوا بالخبر صاحوا بصوت عالي فرحانين بسلامة فيصل ... بس كان فيه شخص كان يبكي بسكات محد منتبه لها الا اختها شيخه كلن مستانس وفرحان بسلامة فيصل وهي كانت بعالم ثاني انتفضت على شيوخ تكلمهاوتقولها تستاهلين سلامته يالعنود الله ريح قلبش وطمنش العنود : الحمد لله ارتاحت عمتي كانت متروعه عليه واجد شيخة : علينا .. عمتش والا انتي العنود : بلا سخافـه .. وخلي سخافتش بعدين شيخة : عادي ويش فيها رجلش .. مافيها شي العنود : اوووووووه اسكتي بس لاتفضحينا شيخة : معليه مصيري صايدتش الأيام بيننا ياحلوووووووووو العنود : امشي نبارك للبنات ونهنيهم سلامة فيصل راحوا لمرة عمهم وباركولها وهنوها سلامة فيصل وسلموا على بنات عمهم وطبعا تغير الجو اللي كان من ساعات بسيطه جو طاغي عليه الحزن والالم الى جوكله ضحك ووناسه وفرحه بغاليهم وماخلى الجو من عبط البنات ومناقرهم ............................................................ ............................. وهم طالعين من بيت نايف أخوه إلتفت سلطان على ولده سعود ... سعود وانا ابوك ليه ماتجي معنا البيت ابيك بسالفه ويمكن تطوووووووول علشان كذا شرايك تمسي عندنا اليوم غرفتك جاهزه ومرتبه مثل ماتركتها ... سعود : ان شاء الله بس بمر البيت آخذلي ملابس وأوراق مهمة وبجيكم سلطان : على خير ان شاء الله ............................................................ ...................... تستاهل سلامة أخوك ياسعود ... الله يسلمش ياهيا .. الحمد لله ارتحت الحين ... من الصبح وانا قاعد على أعصابي ... من يوم ماسمعت الخبر هيا : بس الحين هو طيب وقريب بيرحع لكم ... الا ياسعود كم باقي له سعود : شهر بالكثير ... وعقب بيرجع وفي هاللحظة رن جوال سعود وهو يفسخ غترته ويوم شاف الرقم حطه سايلنت .. الحركة هذي مافاتت هيا بس سوت انها مااهتمت ... بعد شوي رجع يرن ... وسعود سو نفس الشيء... هنا الوساوس قامت تلعب في راسها وتذكرت كلام تحذيرات أختها وقامت الشكوك تاخذها وتجيبها وقامت تتعوذ من ابليس وشلت غترة سعود تعلقها وسمعت تلفون سعود يرن مره ثالثه قام سعود يبي يطلع برا علشان يرد سمع صياح هيا عليه لاتعب حالك وتطلع برا حرام تعني روحك كلمها هنا عادي عدني وحده من قطع الاثاث اللي ماليه الغرفه ... سعود انصدم من رد فعل هيا وصياحها عليه من غير سبب ... سعود : من هوله ذا الكلام .. هيا : من هو لله يعني لك وللحيوانه اللي تكلمها .. طول قعدتنا وهي طايحة اتصالات وانت سافهها علشانك قاعد معي ... كفوك الخياس مايبي الاالخياااااا وقطع كلمتها كف سعود على خدها ... قعدت مصدومه منه وعقبها قامت تصايح عليه بصوت عالي ... هيا : تضربني .. تضربني ... ياجعل يدك الكسر ياسعود هذي آخرتها انضرب ومنك علشان الحيوانه اللي تكلمها ... مشكور وماقصرت ياولد خالي . سعود : اقطعي يامره ويش الحيوانه اللي اكلمها هيا : لاوالله والاتصالات اللي تجيك وتحطها صامت علشان لااسمعك ولاادري عنك هذي آآآآآآخرتها تغازل عجل ايش خليت للبزارين اللي اصغر منك سعود : تــعـقـبين .... وانا ولد ابوي ارد نفسي للسوء . ماسويتها وانا بزر اسويها الحين في ذا العمر .... انجنييييتي يامره ويش ذا الحكي .. هيا : ايه انجنييت انا خلاص مليت وتعبت ماصارت حياه اللي انا اعيشها سكت وكتمت كثير وقلت يابنت اصبري بكره بيتغير وبتحلى ايامي لاكن ماصار شي من اللي ابيه وكانت تتكلم وصوت شهقاتها تتعالى ... وآخرتها تضربني ياسعود وليش علشاني ادافع عن ابسط حقوقي ... ادري انك ماتبيني وانك مجبور علي علشان ابوي الشيبه بغاك لي .. بس انا مالي ذنب .. ايش ذنبي اذا كنت مجبوره على شخص ماعرفته الامن كلام اللي حولي ... ايش ذنبي لما اهملتني وهمشتني في حياتك ولاكأن لي ووجود ... ماتقولي شنو ذنبي علمني ياسعود عمرك ماعجبك اي شي اسويه ... عمرك ماحسستني بغلاتي عندك .. سعود : الله الحين طلعت انا الظالم اللي مايخاف ربه ياهيا ... مشكوره يابنت عمتي يجي منش أكثر .. لكن دام حنا بدينا بالصراحه خل ننهيها بالصرحه انا ماانكر اني اخذتش مجبور بس مع العشره تعودت على حسش معي صارت من بينا ألفة بس انتي اللي هدمتي كل شي ... انتي اللي خليتي نفسش مهمشه ماعاد اهتميتي بشيء نسيتيني ونسيتي عيالش ... نسيتي اني ابي مره تهتم فيني احسها تداريني اهملتيني .. ابي وحده اناقشها وتناقشني آخذ برآيها لكن عمرش ماحسستيني انش مهتمه ... اذا كنت انا غلطان فلا تنسين اغلاطش بعد ... توقعت اني خذت انسانه متعلمه متفهمه لكن لا ماشفت هالشيء... حتى وظيفتش خليتيها وعشتي في الظل ... كل هذا وماتبيني اتغير .. اللي مثلي تلقينه متزوج الحين ولو سويتها صدقيني محد بيحاسبني لأن هذا من حقي بس قلت لاهاذي مهما كان لحمي ودمي بنت عمتي ... بس لأسف مابين بـعـينش وآآآآخرتها تشكين بي بالسوء ... مااقول الله يسامحش .... للأسف طول عشرتي معش توقعت انش عرفتيني لكن طلعت غلطان ...... هيا : كل هذا بقلبك ياسعود .... مشكور وماقصرت .. ممكن توديني بيت هلي سعود : تعوذي من بليس ... وخلينا نتفاهم .. هيا : تكفى ياسعود ... ودني بيت هلي .. الكلام بينا خلص ولا عاد لي قعدة في ذا البيت هلي اللي ربوني طول ذا السنين ماراح يعجزون مني ذاالحين ... سعود : ياهيا ..اناااااااااااا هيا : واللي يرحم والديك ماابي اسمع شيء . بتوديني والا اكلم سواق امي سعود : خلاص .. بوديش بس بكره ... علشان ماتروعين امش في ذا الليل . هيا : خلاص بكره والحين انا بااروح ارقد عند العيال ... سعود : خليش في غرفتش انا اللي برقد بالصاله ... وطلع سعود واول ماسكر باب الغرفة سمع صوت بكاها اللي حرق قلبه واحزنه كثير مهما كان ماراح ينسى عشرتهم مع بعض غير كذا بنت عمته وحس انه قسى عليها . ............................................................ .......................... شنو القلب ومن متى ذا الكلام يبه من شهرين عقب ماسويت التحاليل وليش ماقلت لي ... ولأمنت عادني ولدك الله يسامحك ياسعود ... ويش ذا الكلام .. انت اول فرحتي وسندي ياسعود زين وشنوقالو لك .. يعني ماعطوك اسم دكتور تراسله والا نطرش تقاريرك له والله وانا ابوك يمدحون لي دكتور في الهند .. بس ماتذكر اسمه خلاص يبه انا باتصرف .. يلله تآمر على شيء.. ايه يابوك .. انك تغفر ... رب العباد يغفر زلات العباد واحنا بشر ماحنا باحسن منه ... ابيك تنسى ياسعود ... العمر راح ومابقى كثر اللي جاي .. ابيك تدفن الماضي ... تعيش حاضرك سعود : اذا انا نسيت انت بتنسى ... وطلع من مجلس ابوه وفي قلبه آلآلآف الغصات ... ( الله يهداك ياسعود لين متى بتقعد تعاقبني بذنب مالي فيه ) ............................................................ .................... بعد الأحداث بشهرين : وفي مطار الدوحة الدولي اعلن عن وصول الطائره القادمه من واشنطن العائدة لأرض الوطن تحمل معها مغتربنا الذي هدته أشواقه لهله وربعه وديرته اللي عشق كل شي فيها من ترابها لبحرها لهواهها حتى حرارة جوها كل شي غير اهلها الطيبين اصدقائه اللي عرفهم سنين عمره .. نزل من على سلم الطائره ولسان حاله يقول : من غــــلاتك زان لي نظم القصيد والحروف تناثرت لجل الكلام لو اسافر واغترب عنك بعيد تنقبض روحي وعيني ما تنام وسط قلبي عااايش حبك وحيد يــاذري للعز والناس الكرام سـاري اســـمـك مع مــجـري لـو نزل دمي كتب اسمك وحاام يــاثري الاجداد والعوز المجيد يـبـقى نورك ساطع وسط العتاام )منقول ) طلع جواله وكلم له سياره كروه علشان توصله بيتهم وفي طريقه من المطار إلى بيتهم قاعد يشوف الشوارع تغيرت عن آخر مره جاء فيها للدوحة والعمران تطور ... بيوت انهدت وبيوت قامت ... وبعد ساعة وقفت سيارة الأجره عند بيت نايف ونزل منها فيصل عقب ماحاسب وشل شنطته ودخل بيتهم بخطوات سريعه ... ............................................................ ..................... سلام العشق وأعماقه ... يضم القلب وأشواقه .. تجيك الروح مشتاقه ... وتهديك القصيد ألوان ... وصايف ووجع فقعتي راسي وطي الصوت والا انقلعي للصاله اللي فوق طبعاً وصايف مسفهه لمها ومكمله مع الأغنيه ... نسينا كل مواجعنا ... وبقينا اثنين ما معنا .. سوى الأشواق تجمعنا .. بلا هجر وبلا حرمان ... وصمخ ماتسمعيني صجيتيني الله يصجش ويرجش ... يعني تسفهيني خلاص جنيتي على نفسش... وتقوم مها وتتضارب مع وصايف تبي تاخذ منها الرموت ووصايف ماتبي تعطيها اياه .. مها تشد في شعر ووصايف ووصايف تعض مها وشوي سمعوا صوت باب الصالحة ينفتح بس ماانتبهوا للي داخل عليهم لاهين بمعركتهم ... سمعوا ضحكة عمرهم ماضيعوا صاحبها التفتوا الثنتين وبصوت عالي فصووووووووووووووووووووووووووووووووووووووووووووووول قاموا وضموه وقعدوا يبكون فرحانين بجيته لهم ... وهو قاعد يلوي عليهم ويضحك من اشكالهم المتفاجاءة ... الحين كل ذا شوق لي .. الحين دريت اني غالي عليكم .... شلونكم اربكم بخير وانتوا كذا دايما رحت منكم قلت الحين إذا رجعت لهم بيكونون عقلوا لكن الظاهر هذا بيكون من سابع المستحيلات ... امي وابي وينهم واخواني ابي اسلم عليهم ... ومنى وينها مها : امي فوق في غرفتها وابي واخواني عند عمي مشعل ومنى تدرس في غرفتها. وصايف : هاااه ويش جبت لي هدايا ... انا اللي بختار اول شي تكفى فيصل فيصل : يالدبه الحين هذا اللي هامش يعني منتي فرحانه بي ... انا بكبري هديه لش.. وشافها زعلت عليه ... هههههه لاتخافين هديتش محفوظه مها : معليك منها بزر لاتشره عليها ناقصة عقل وصايف : والله انتي اللي ناقصه عقل وزايدة بالوزن خفي شوي الله يعين اللي بياخذش بيتردى حظه .. فيصل : خلاص انا باروح اسلم على امي ............................................................ ............................ دخل عليها لقاها على سجادتها تصلي خاشعة بصلاتها ... خلصت صلاتها وسلمت وشافته قاعد قدامها ماصدقت عيونها دعت اسمه ولباها راح صوبها ولوا عليها بقوه وقعد يحب راسها ويديها ويشم ريحتها .... وشلونش ياقلب فيصل ونبضه وهواه اللي يتنفسه .... شلونش يالغاليه مااشكي من باس وانا امك عقب شوفتي لك .. أن شاء الله خلصت من سنين غربتك والا ذي زياره مثل قبل .. لا ابشرش تخرجت وولدش صار مهندس الله يبشرك بالخير ... الحمد لله على رجعتك لي وعقبال ماشوفك معرس واشوف داخل علي بعيالك يالله ياكريم ... ان شاء الله تشوفينهم .. بس اخاف يطيح كرتي بعدين ياولدي انت الاصل وهم الفروع وغلاتهم من غلاتك تعال خل اشوفك واكحل عيني بك ... والله ان مرت علي ايام يوم الحادثه اللي صارت في جامعتك .. ماجاني فيها نوم والهواجيس تلعب بي ... لكن الحين ارتحت برجعتك لي ... سلمت على ابوك واخوانك .. لامالقيتهم ... بس بسلم على ابوي اما العيال بسلم عليهم بكره على الفطور اسويها مفاجأه لهم بس لاتعلمينهم ... ابشر وانا امك... ............................................................ .................... ساره قاعده في الصاله تشوف التلفزيون دخلوا عليها خواتها العنود وشيخه وشافوها مندمجة ... في فلم مرعب .. وداخله جو وتعابير وجهها مشدوده مع احداث الفيلم ... جلست شيخه جنبها تبي ترفع ضغطها ... السوري .. السوري وصمخ ماتسمعين .. آآآآآآآآآآآآآآوف نعم شتبين .... ماتشوفيني اتابع الفيلم ادري بس عن شنو يتكلم ... يتكلم سفاحه تقتل اهلها لأنهم فاقعين كبدها ... لا وابشرش اول ضحيه لها هي أختها السخيفه ... بل ... هذي احداث الفيلم والا أحداث فيلمش الخاص فيلمي الحين فكيني بس ... ماصدقت اخلص الامتحانات ... تجين انتي كفايه انه محبوسين لاطلعه ولا سفره ... كلن مسافر ومستانس الا حنا ... بل ...كلتني مايسوى سؤال ... اروح اسولف مع العنود ابرك لي من مقابل وجهش ... وراحت وجلست عند العنود وقاموا يسولفون بعدها بشوي دخل عليهم اخوهم سعود قاموا يسلمون عليه ونطت ساره تسلم عليه لان سعود أحب اخوانها لها تحسه ابوها الثاني .. يا مرحبا ترحيبة البدو لسهيل واعداد ما هبت سحايب مطرها يا مرحبا يا ريحه الورد والهيل لا هبت النسمة وتطاير عطرها كل ذي ترحيبه فيني يالسوري .... وقعد وقعدت جنبه السوري ... شلونك يبه ان شاء الله طيب وقامت تقهويه ... طيب يالسوري بشريني عنش نجحتي .. ايه اكيد بس خساره ماحد عبرني بهديه تجبر بخاطري ... افا وانا اخوش آآآآآآآآآآآآمري تدللي ويش تبين هديتش ... انا ماآآآآآآآآبي غير السفر تمللنا نبي نسافر الله يخليك تكفى ... ياسعود ترى تكفى تهز رجال ... سعود قام يضحك على اخته ... نطت لهم شيوخ ايه والله متى آآآآآآخر مره سافرنا فيها جميع مع عماني ... وانتي يالعنود ماتبين السفر مثلهم ... تسلم يالغالي انا معكم ان رحتوا رحت وان قعدتوا قعدت ... اهم شيء جمعتكم حولي .... ولا اخليها في خاطركم دامكم تبون السفر سفرتكم هاااااه وشرايكم ... بشاور عماني والعيال ... بس ماقلتوا لي وين تبون تروحون .. نطت السوري وشيوخ كل وحده منهم تبي تقول وين تبي تروح بس السوري صكت فم شيوخ وقالت الإمارات ... نبي نروح الإمارات الله يخليك رفيقاتي يمدحون مجمعاتها .... وشيوخ اختنقت من كتمة السوري لها ... عضت يدها علشان تفكها وجع بغيتي تذبحيني ... عادني ماعشت حياتي حسبي الله عليش .. سعود سلامااااااااااااااات ياشيخه .. وانتي وين تبين تروحين .... انا ابي آآآآآآآآآآآآآآآآآآآآآآآآآآآآآآآآآآآروح ...مممممممممممممممم وين ياشيوخ .. التفتت عليها السوري تتهامس معها شيوخ فديتش قولي الإمارات .. شيخه : شنو تعطيني السوري : اللي تبين بس قولي الإمارات تكفين شيخه : يله كسرتي خاطري ... خلاص ياسعود نبي الإمارات السوري ياسلااااااااااااااااااااااااااااااااااااااااااااااااااام باروح اكلم بدورتي اعلمها آخر الاخبار ..... وراحت منهم والتفت سعود على خواته وين ابوي وخالتي واخواني ماشوفهم .. امي عند بيت عمتي منيره ... وابوي مع عمي هو اخواني في المجلس سعود : يله اترخص باآآآآآآآروح لهم تآآآمرون على شي البنات : تسلم خيرك سابق ............................................................ ......................................... في بيت العمه منيره : يابنيتي الى متى بتظلين كذا ... صارلش شهرين ولا فيه على لسانش إلا الطلاق سعود مسوي شيء ضاربش .. قايلش شيء يبنيتي علميني لا يمه بس خلاص وقف النصيب بينا مايصير كذا من والطريق ... الله يهداش بس وعيالش تشردينهم بينكم عيالي عندي وهو متى مابغاهم يجي يشوفهم ... التفتت منيره على هند زوجة سلطان تبيها تتدخل .. هند كلمت منيره ممكن تخليني معها مايحتاج يمه مافيه كلام ينخش عنش ... السالفه ومافيها اني مابي سعود ولا هو يبيني فليش ندخل في متاهات واجد والحل قدامنا بس اني متحسفه اني ماطلبته من زمان قبل لااجيب العيال علشان مايضيعون بينا ... ادري ان الطلاق يشتت العليله بس شنسوي هذا نصيبنا .. هذا كل الكلام اللي عندي ولا عندي غيره .. والتفتت على هند زوجة عمها .... بس انتي كلمي عمي وبلغيه بكلامي .. هند : بس ياهيا اناااااااااا خالتي هند إذا تبين تساعديني صدق كلمي عمي بخصوص وظيفتي ابي ارجع لها خلاص بأقول لعمش مع انه قالي احاول فيش مره ثانيه ... تسلمين بس مافيه شيء بغير كلامي .... وصدقيني انا مقتنعه باللي اسويه .. انتهينا بلاسبب.. لا تسألني عن سبب مافيه سبب.. لا تعاتبني ولا تطري عتب.. انت ياللي من عرفتك ما لقيت الا التعب.. اعترف لك مانسيتك ماقدرت القى للنسيان درب.. آآآه من الفرقى فرقاك صعب.. بس لكن.. لو تمر سنين على أيام البعد وما أنام الليل وما يرخى هدب ماتراجع عن قراريللأبد.. روووح ابتعد.. بس خلاص انتهينا.. (منقول) ............................................................ ............................. وفي مجلس الرياجيل : دخل عليهم فيصل يبي يسلم على ابوه تفاجأ بالكل قدامه اول مادخل سلم عليهم السلام عليكم ... كل اللي في المجلس تفاجأ بجيته وقاموا يرحبون به .. سلم عليهم وتحفاهم وسلم على راس ابوه وعمانه .. وجلس جنب ابوه نايف : الحمد لله على السلامه بشرني عنك ... نجحت اربك خلصت من غربتك فيصل : الحمد لله خلصت منهم وودعت ديرتهم الله لايردني لها وانا سالم مابغيت عمه سلطان : مبرووووووك التخرج وعقبال عرسك فيصل : الله يبارك فيك ياعمي ... العرس بنخليه عقب ماالقى وظيفه واكون نفسي وعقبها العرس بإذن الله .. عمه مشعل : على خير ان شاء الله ... عجل ياجماعه الخير عشاء فيصل عندي بكره الحاضر يعلم الغايب فيصل : خيرك سابق ياعمي بس انا ماابي اثقل عليكم مشعل : انا حلفت ... قول تم وانا عمك فيصل : تم ولايصير خاطرك الا طيب وقعد يكمل سوالفه مع اخوانه وعيال عمه الين ماسمع عمه سلطان يتكلم .... اقول ياسعود ملك نيه ترجع بنت عمتك سعود : والله يايبه هي اللي ماتبي ترجع وانا ماطردتها هي اللي طلعت ومتى ماهدت رجعتها . الله يلعن ابليس .. انت ماتقول لي ويش سالفتكم لاهي تبي تتكلم ولا انت يابوك علمنا علشان نساعدك عاجبك وضع عيالك مشردين بينك وبينها سعود : لا يبه ماهوب عاجبني .. بس انت تطمن مردنا متصالحين .. لاتتضايق فيصل يلتفت على اخوه ويسأله فيه شي صاير رد عليه سعود سوالف عاديه بيتكلمون فيها بعدين وغير السالفه .... وشوي يدخل عليهم سعود ولد سلطان ... السلام عليكم .. وعليكم السلام حياك يابو سلطان تعال جنبي وانا عمك .. سعود : الله يحييك ويبقيك ياعمي بشرني عنك وشلون صحتك .. وشلونك يبه وشلونك الحين . سلطان : طيب طاب حالك .. هااااااااه ويش سويت بموضوعي سعود : لا خلاص تدبري كل شي .. موعدك محدد عقب شهر وهذا اقرب موعد لقيته .. بس لازم تبلغ العيال .. علشان يكونون على بينه سلطان : عجل خل نقولهم الحين مع عيال عمك .. اخواني نايف ومشعل يدروون سعود : تامر يبه .. تحنحن سعود اقول ياعيال فيه موضوع باقوله لكم .. محمد : وشعندك ياسعود .. شيء بخصوص شغلك .. سعود : لا الشغل ماشي ومافيه شي ... تركي وفهد : زين عن شنو سعود : ابوي من فتره تعب .. قاطعوه العيال والتفتوا على ابوهم ... ابوي وشفيه ... تطمنوا ياعيال مافيني شي بس القلب تعبان شوي وقلت لسعود يححد لي موعد علشان اسوي العمليه .. لاتخافون كلها شريان متسكر والعالم كلهم يسوون العمليه ذي وتنجح ... سعود : علشان كذا قلنا لكم على اساس يكون عندكم خبر ... والحين انا حددت موعد لأبوي بعد شهر وانا بآآآروح معه باعتبار اني الكبير وماعندي مسؤليات وانتم مشغولين ... محمد قاطع سعود وقاله انا ماعندي التزامات برووووح معك لااااااااااااااا انت مكان ابوي بالشركه ... والتفت على اخوانه الباقين وانتم بعد مالكم حاجة انت ياتركي ملزوم ببيتك وعيالك وخلك عون لمحمد وفهد ملزوم بجامعته ... وزايد وظيفته ماسكينه ووووو مشع...هنا تكلم مشعل انا فاضي بروووح معك ولا تمانع سعود : خلاص تم ... نايف : وانا معكم ماني بمرتاح وانا هنا ماادري بشي واخوي مشعل يمسك الشركه مع العيال ... سعود : عجل خلاص السفر ان شاء الله بعد اسبوعين يعني لما ترجعون من الإمارات بإذن الله ... الإمارات من اللي بيسافر ... سعود : هذي الله يسلمكم هديه السوري بنجاحها طلبتني ولبيتها قلت لها بآآآآشور الربوع هااااه ويش قلتم العمام : والله ماهي بشينه نـتــخـاوا على الطريق والعيال معنا نتفرج ونغير جو.. سعود : عجل جهزوا انفسكم وانا اسمحوا لي ماني مسافر معكم عندي شوية اشغال .. إذا خلصتها لحقتكم ... وكلن انشغل بالسوالف والتخطيط للسفر واتفقوا تكون ثلاث اسابيع بين الإمارات وفي الأخير يزورون مكة يعتمرون فيها ............ نهاية الفصل الرابع ولنا لقاء جديد مع الفصل الخامس واحداث طريفه مسليه ...... :flowers2::flowers2::flowers2: |
يسلموووو على البااارت
هياااا وسعووود احسهااااا هياااا غباااءهاا بيوديهاا في ستييين دااهييه ...بس بعد المكاالمه تخوووووف ....لاا يكوون متزوووج عليهااا وخاالص ....بس هو يقوول مااتزووج عليهاا ....اووووف هذوولي الاثنييين بدوو يلخبطووني فيصل والعنوود الحمدلله على سلاامته وقرت عيينك يالعنووود برجعته.... سعوووود عاااجبتني شخصييته مررره ... منتظريننك في الباارت الجااي على خييير ... |
مشكوررررررررررره اختي ريماس اتمنى تكون عجبتش روايتي البسيطه ان شاء الله الفصل الخامس والسادس فيه احداث كثيره ومره ثانيه اشكر مرورك |
السلام عليكم كل عام وانتم بخير ... وعساكم من العايدين الفايزين حبيت انزل الفصل الخامس ... قراءة ممتعه الفصل الخامس : وفي ساعات الليل الأخيره ومع بداية تباشير الصباح الساعة الآن الثالثه صباحاً على مدينتنا الدوحة سكوووون تام الأ من بعض الهمهمات التي تعلن استيقاظ البشر للأستعداد للصلاة الفجر ... لحظات وسمع صوت يتعالى من بين لحظات السكون مااجمل هذا الصوت تشعر به وكأنه يتغلغل في أعماقك لتستكين به الأنفس إنه صوت نداء الاذان لتمتلىء القلوب بالاطمئنان ويعم الصوت ارجاء المكان يا لروعه هذا الجمال فيتعالى ويتعالى ويتعالى النداء حي على الصلاه .. حي على الصلاة لتهدى كل نفس وليستيقظ كل نائماً ليلبي نداء ربه0 لاإلـه إلا الله مـحمد رسـول الله ... يـاعيال قـومـوا يالله الصلاة .. سـلطان .. يالله إلـحق عـلى الصلاه .. نـــايف .. يــالله يابــوك قـــوم تــعوذ مـن بـــليس وصــل .. يالله انا بسبقكم على المسجد .. ومــر بوسلطان عـلى بناته يــقيمهم للصلاه لــقى بـــــدور لـــين الــــحين ســـهرانه .. صبحك الله بالخير .. يبه .. صبحش الله بالأمن والأمان وطاعة الرحمن .. لين الحين سهرانه ايه يبه علشان اقومكم .. نخلص بسرعه علشان نمشي دام حنا في البراد قبل لاترتفع حرارة الجو .. ههههههههه الله يصلحش كـل ذا حرص على الســفره .. يالله قــيمي خوانش وخواتش انا رايح .. راحت بدور لأمها في المطبخ لقتها تسوي القهوه والشاهي علشان في الطريق يتقهوون منها ومجهزة فطاير بعد للطريق ... هاااااه يمه خلصت تبيني أساعدش لا مشكوره انا خالصه انتي قيمي خواتش خليهم يخلصون علينا نبي نمشي مع بعض ولانبيهم يتأخرون بسببنا ... ان شاء الله يمه .... وراحت تقيم اخوانها وخواتها يصلون ويخلصون ويجهزون للسفر ... ............................................................ ............................... وفي بيت سلطان السوري معلنه حالة الطوارئ ... وين فرشاة شعري ماشفتيها ونعالي الصندل وينهي ... يووووووووووووه ياربي يمه وين جوازي شفتيه السوري ومرض صجيتينا بصياحش من صبح كل هل الدوحة درو ان ساره بنت سلطان بتسافر ... مسببه ازعاج من الصبح ... وانت ويش اللي لقفك ياشينك ... رجاءاً لا تخرب مزاجي من الصبح .. شيوخ شفتي جوازي ... شيخه : تلقينه في الكمودينو اللي تحت مع باقي جوزاتنا ... ادري فيش لو اتكلت عليش عزة الله ضاعت الجوازات ... ساره : زين عباتي وصندلي الأسود وينه .. شيخه : حضرت جنابش منزلتها من الليل علشان على قولتش ماتتعطلين سيده على الباب . دخلت امهم عليهم هااااااااه خلصتوا والا مطولين مابقى شيء يابنات العنود : يمه انا خالصه وجهزت لكم دلال القهوه والشاهي وجهزت السندويشات والفطاير علشان في الطريق تاكلون منها ... هند : بعدي بنتي كامله والكامل الله ... فهد وزايد : من يشهد للعروسه ... أكيد أمها .. شيخه : ايه والله ماكنا نسوي شي كل شي العنود .. ماكنه عندش ثنتين أقصد وحدة مثلها سنعه ... اللي هي شيخه بنت سلطان .. ساره : هيييييييييه وجع نسيتيني .. ماكني أختش . شيخه : اسمحيلي من قل نفعتش المفروض مانذكرش .. محسوبه بالإسم أخت والا شغل البيت غاسلين يدينا منش .. زايد : ولايهمش بكره اتولاها لش واخليها ست بيت عـــدله شيخه : ماظنتي مامن وراها فايده ... فهد : اقول يمه ابوي وينه خلص ... هند : ايه خلص يلله خلونا ننزل علشان نحرك ترانا تأخرنا ... العيال والبنات يلله ...... ............................................................ .......................... في بيت العمه منيره : ماتبين تسافرين ياامش وتغيرين جو لش ولعيالش ياهيا ... الله يرضى عليش لاتحرمينهم مساكين من يوم دروا وهم طايرين من الفرحه لاتخلينها في خاطرهم لا يمه مالي خاطر بالسفر وبعدين دوامي يمكن يردون علي و يقبلوني ويقولون باشري العمل اذا تبين تروحين روحي وانا مابه خوف علي عندي عيالي والخدم في البيت ولاني بزر .. ينخاف عليها والحمد لله الديره آمااااان ... بس مايجوز كلن بيسافر حتى رجلش معهم يمكن مايرضى بقعدتش بروحش ماله شغل فيني ... كلها ايام وكلن يروح بحال سبيله .. يابنتي تعبتي قلبي معش .. خلاص انا بقعد هونت معادني برايحه مكان يايمه مايصير كذا ... ماردت عليها امها . يمه .. يمه .. ماتبين تكلميني ... خلاص بااسافرمعكم ولاتزعلين بجهز العيال والشناط تبيني اجهز لش شنطتش يمه ... لا بس اعملي حسابش ترى اللي بيودينا هو سعود ولاتناقشيني زياده ليش يايمه تبين ترخصيني اكثر ... ويش ارخصش ... الظاهر اني ماعرفت اربي ياهويا خليتش فتره قلت لين تهدا وتعقل بس الظاهر فسرتي سكوتي شيء ثاني .. والحين خلصيني قومي اجهزي ولاعاد اسمع خرابيطش مره ثانيه .. ان شاء الله يمه بجهز نفسي وعيالي ... وراحت لغرفتها ............................................................ ........................ تجمعت كل السيارات عند بيت عمهم نايف بدو يتوزعون في السيارات وكان ترتيبها بالشكل هذا ....... سيارة نايف كان فيها ( نايف وولده فيصل يسوق فيه ومعه امه وخواته مها ومنى ووصايف ) سيارة مشعل فيها ( مشعل وسلطان يسوق فيه ومعه امه وخواته الجازي وحصه ووبدور ) سيارة سلطان فيها ( سلطان وولده محمد يسوق فيه وامه وخواته العنود وشيخه وساره ) سيارة تركي معه زوجته وعياله وسيارة سعود مع عمته وزوجته وعياله وآخر سيارة هي سيارة العيال فيها ( زايد وناصر وفهد ونايف ومشعل وعبد الله ) طبعا سعود ولد سلطان ماسافر معهم بيلحقهم عقب ... وتحركت السيارات ... في سيارة العيال الطبلون واصل حده ولأجواء عندهم آآآآآآآآخر وناسه زايد يسوق وناصر جنبه ومعلين على الأغاني والجماعه اللي ورى مستنزليين على اغنية ... هبت رياح الصيف وتغير الجو وانا وليفي مايداني سمومه كنت احسبن شمس الضحى ياسيدي نو ريان عوده زايدن بالنعومه ويغنون مندمجين معها طبعاً الحبايب مواصلين من أمس ومقيمين العبط ... ناصر يشوف سيارة عمه سلطان يكبس لهم على اساس يخفف شوي من السرعه وزايد يضحك .... شوف ياناصر شوف الشيبه يكبس لنا يبينا نخفف اعرفه ابوي وذي حركاته وقام يخفف علشان ابوه . ............................................................ ......................... وفي سيارة نايف بن سعود فيصل كان قاعد يسوق بابوه وامه وخواته وراه اللي يسولف واللي راقد واللي يتناقر كل العاده ... فيصل يسوق وهو فاسخ الغتره سمع مها تكلمه التفت لها ... مها : فيصل فديتك ياخوي شغل سي دي حمد العامري تكفى الله يخليك وصايف وهي منعسه شوي : لالالا لا يافيصل لاتشغله الناس يصبحون ويستغفرون ربهم وهي طالعه لي باغاني .. اقول اتركك منها تبي تركبك ذنوب مها : اقول يالبزر ممكن تسكتين احسن لش لااسكتش بذا السندويشه بحلقش فيصل : اقول خلصنا يابنات ترا ماراح اشغل شي لحد مانخرج من الجوازات وقبضت طريق الامارات فأحسن لكم تسكتون وتريحون اعصابكم ... منى : اقول ياخوي يافيصل مامعك بنادول احس راسي بينفجر فيصل : بسم الله عليش سلامتش الحين المحطة اللي قدامنا بوقف عندها وباخذ لش بنادول .. تصبري بس شوي ام سعود : تعالي انسدحي على رجلي اهمز راسش شوي لين نوصل المحطة منى : لايالغاليه بتحمل شوي مابقى عليها شي قربنا منها مها : انا بااهمزها يمه كم منى عندي ... آآآآآآآآه يمه ليتش وقفتي على منى بدل علة الأكباد وصايف وصايف : تراني اسمعش .. بس ماراح ارد عليش ............................................................ ......................... وفي سيارة سعود بن نايف عمته منيره قاعده جنبه وقاعده تصب له القهوه وتسولف معه وهو يسولف معها وطول ماهم يسولفون هيا ملتزمه الصمت ومرقده الريم في حظنها ومحمد على رجلها والخدامه جنبها وجالس جنبها ولدها نايف ... وطول الطريق سعود ماشال عينه من المرايه الاماميه للسياره يبي يلمح هيا والا عينها تجي في عينه .... منيره : هيا يابنيتي قربي حرارة الفطاير خلي سعود يفطر منها هيا : ان شاء الله يمه .... سمي يمه منيره : قربيها لسعود .. يدي مشغوله بالدلال هيا كانت متردده ماتبي تقربها علشان ماتشوفه للحين شايله في خاطرها عليه ومانست ضربه لها .. وجرحه لها بكلامه .. هيا : يمه الريم في حظني ولاابي اتحرك بعدين بتقوم ولاهي بساكته علي .. اخذيها انتي .. سعود : أأأأفاااااااااااااا ماتبين تريقيني من يدش الحلوه ؟؟؟ هيا : بيحلى ريوقك من يدين امي يكفي انها مسويته علشانك .. ضحك سعود على حركة هيا بينه وبين نفسه وحس انه فقدها حيل واشتاق لها وقرر انه يصلح الامور من بينهم ويمكن تكون السفره ذي فاتحة خير عليهم .. ............................................................ .......................... اما في سيارة مشعل بن سعود الأجواء ساكنه البنات راقدين ومافيه حد صاحي الا مشعل وفاطمه وولدهم سلطان ... سلطان : يمه ولاهنتي صبي لي قهوه ذبحني النعاس ابوسلطان : قومك سهرتك البارحه انت وعيال عمك .. سلطان : تدري يبه جلست شباب ولعب ورقه وسوالف وضحك وماحسينا بالوقت فاطمه : سم ياسلطان .. الله يهداكم تدرون وراكم غبشه ليش مارقدتو بدري شوي سلطان : تطمني يام سلطان .. شفتي القهوه ذي بتصحصحني عدل .. هذي قهوتش لايعلى عليها تسلم يدن سوتها فاطمه : الله يسلمك ياولدي .. يابوسلطان مد فنجانك خل اقهويك ابو سلطان : تسلمين .. ماعندكم شي يوكل .. فاطمه : الافيه ويش بغيت اللي تبيه موجود ... سم يابوسلطان ابو سلطان : سم الله عدوش .. تسلم يدش ............................................................ ............................ وفي سيارة العم سلطان اللي كان يسوقها محمد ولده وسلطان قاعد يسولف ويتقهوى من القهوه اللي مسويتها العنود ويفطر من الفطاير والسندويشات ساره تمللت من الجلسه وزهقت التفتت على خواتها لقتهم في سابع نومه وهي الوحيده اللي ماجاها نوم نطت من مكانها لين وصلت محمد ... ساره : محمد فديتك شغل شريط الوسمي محمد : معليه بشغله بس ماهوب ذا الحين ساره : وليه ان شاء الله محمد : السوري فديتش الحين بشغله اذا مسكنا الخط ساره : زين تمللت ... ويش اسوي محمد : سوي مثل خواتش ارقدي ساره : مافيني نوم ... محمد : سكر عيونش وبيجيش النوم .. وخلاص لاتصجيني وخليني اسوق بنفسي راسي مصدع ساره : آآآآآآسفين ازعجناك ... ماااااابه حد تعصبون عليه الا انا .. ابوسلطان : يابنيتي يالسوري .. الناس الحين الصبح تونا ماامداش تضيقين حتى ماوصلنا للمراكز ... خلاص قالش بيشغله عقب ...... لاتسوينها سالفه وتزعلين وانتي لوماكنت غاليه ماسافرنا علشانش .. ساره : تقوم وتحب راس ابوه وراس محمد فديتكم يارب يخليكم لي ............................................................ .............................. وبدأت مسيرة السيارات تجتاز مناطق الدوحة البعيده عن عاصمتها اللي هي برا البلاد في ساعات الشروق الأولى ولم تكد الساعة تصل السادسة والنصف حتى وصلوا الى مركز سلوى وتم تقديم الجوازات وبذلك تم خروجهم من المراكز القطريه للدخول الى المملكة العربية السعودية الشقيقه وبعد الإنتهاء من الإجراءات بدأوا طريقهم الى الإمارات العربيه المتحدة .... ............................................................ ............................ في سيارة العيال زايد يشوف من المرايه مشعل وفهد ونايف وعبد الله راحوا في سابع نومه حب يستنذل فيهم التفت يكلم ناصر جنبه ... نويصر : شوف ... شوف العيال اشكالهم تحفه كل واحد منهم غادي له شخير ونخير تبيني اروعهم شوي ... ناصر: الله يخسك يازيود ويش بتسوي بهم ... خاف ربك فيهم خلهم راقدين خصوصا عقب سهرتنا البارحه زايد : تبي تعرف ويش باسوي بهم اربط حزامك ... وثبت نفسك ان ما رجيتهم لك مسك زايد بريك قووووووووووووي وبحكم انه كان سايق بسرعه يوم مسك بريك طير العيال وخبصهم لأنهم كانو راقدين ولاهم متمسكين وشوفو الدعاوي والسب اللي على اصوله وزايد وناصر ميتين من الضحك على اشكالهم طيروا النومه منهم عدل ... ( انذال صح ) .... وبعد ان قطعوا مسافة لأبأس بها كانت الساعه تشير إلى السابعه والنصف توقفوا عند أحد المحطات للإستراحة قليلاً من عناء السفر ... ............................................................ ........................... زايد نازل في المطعم اللي في المحطة معه ناصر علشان يشربون كوفي علشان يصحصحون وهم قاعدين ينتظرون جاء لهم مشعل وفهد ونايف وعبد الله وأخلاقهم قافله على حركة زايد ... اول ماجلسوا زايد ماقدر يمسك نفسه قام يضحك يوم تذكر اشكالهم وهم طايحين على بعض ... مشعل : ههههههههههههه مايضحك انت ووجهك مستانس الله لايبارك في عدوك فهد : شووووي وفر لك الحمد لله والشكر المفروض ابوي مايسلمك السياره لين تركز شوي .. خضيهنت بطونا الله ياخذ عدوك .. نايف : ضحكت بلا سن ... وووجع ... فهد سكت اخوك لاادوس في بطنه عبد الله : آآآآآآآآآآآآآه يا رقبتي ... ههههههههه مااعتقد فيه شي يضحك زايد وناصر ماوقفو ضحك واستفزوا العيال وهم حيل شايلين عليهم عبدالله وسلال يضرب بطنك انت واياه اعنبوكم بغيتوا تمصعون رقابنا والله لواني راكب مع ابي وفيصل ابرك لي الف مره من مقابل وجيهكم ... بس حنا فيها بااركب معهم اذا مشوا ذا الحين ... مشعل : لاتشيل هم عقب اللي سواه فينا يحلم اقبضه الموتر ... تعال افطر وانا اللي بسوق بكم عبد الله : اكيد ... مشعل وفهد ونايف : اكيدين ............................................................ ............................. يا طويل العمر مثل ماقلت لك فيه تلاعب كبير في حسابات الشركه وبعدين فيه مناقصات كل ماحاولنا ندخل فيها نلاقي شركة بو عبد الله ماخذتها انا اشك ان له جواسيس في الشركه .. الله يهداك ياعبد المحسن .. كل هذا يصير وتوك تتكلم سامحني ياسعود بس انا بلغت ولد عمك سعود عن شكوكي وقالي ابلغك علشان تقدرون تتصرفون عدل ... ومثل ماتعرف يد وحده ماتصفق بس اللي لازم نعرفه الحين من هم الجواسيس .. سعود : خلهم علي وانا بكشفهم ماابي اظلم حد واقطع رزقه قطع الأعناق ولا قطع الأرزاق ياعبد المحسن ... خلني لين اتأكد وعقبها بتصرف ... عبد المحسن : تآآآآمر طال عمرك وانا بأبطل عيوني عدل وبأوصلك الأخبار أول بأول . سعود : خلاص وعلشان مانحسسهم بشيء خل الأمور تمشي عادي وأنا بسافر الأمارات على أساس انهم يحسون إن الساحه خلت لهم عبد المحسن : تروح وترجع بالسلامه سعود : الله يسلمك ............................................................ ........................... وعند المحطة وفي سيارة سعود بن نايف وهم واقفين عند كافتيريا علشان يشترون قهوه للسعود طلبت منه عمته منيره يقربها من استراحة الحمامات وقربها ونزلت ويوم بغت هيا تنزل من السياره قفل سعود بابها حاولت تفتحه ماقدرت وبعدين إلتفتت على سعود تكلمه ...... هيا : وبعدين معك ياسعود بطل الباب لي ابي انزل سعود : خلينا نتكلم ياهيا انا خليتش تفكرين وتهدين بس كل ماجيت ابي اشوفش رفضتي هيا : قلنا اللي نبيه ياسعود مااعتقد ان فيه كلام ثاني سعود : ياهيا الكلام اللي نقال كان في لحظة غضب وماينشره عليه هيا : ياسعود الله يخليك انا ماصدقت اكون نفسي من جديد وانت لا تنتظرني الله يسهل عليك ياولد خالي سعود : ويش تقصدين بذا الكلام ... مافهمت هيا : يعني ياولد خالي انت رجال وماتنرد شوف لك بنت الحلال اللي تسعدك سعود : والله وانتي ويش هيا : النصيب وقف بينا خلاص احنا من البدايه ارتباطنا كان غلطة والحين انا قاعده اصلحها .. سعود : ماشاء الله يامدام وشلون بتصلحينها برايش هيا : عن الطنازة ياسعود ... والحل ان حنا نتطلق سعود : زييييييييين وإذا قلت لش ماني مطلق وبخليش معلقه لاني ماابي رجال يربي عيالي هيا : مايهمني ياسعود حتى العرس ماعاد لي خاطر فيه سعود : بااعتبر ان الكلام اللي صاربينا ماكنه صار وحرك سعود بعد ماركبت عمته وكانت الأجواء بالسياره متوتره وماريحت منيره وهي اللي كانت متعمده تتأخر شوي تبيهم يتكلون مع بعض يمكن تتراضى النفوس ..... ............................................................ ................ في سيارة سلطان السوري مقيمه العبط وقاعده تترقص على أغاني الوسمي ومحمد وابوه يضحكون عليها وهلى هبالها وهم واقفين عند الكفتيريا ومحمد ياخذ طلباتهم .. ساره تكلم محمد بهمس : الله يسلم قلبك ابي انزل الجمعيه اللي في المحطة تكفى محمد : لاوين تنزلين المحطه كلها رياجيل فضيحه قولي ويش تبين وانا باانزل اجيبه لش ساره احترت فما كان قدامها إلا ابوها مسكت شيلتها ورمتها على أبوها انا طالبتك يابوسعود ان تقول تم سلطان : ضحك على السوري ... تم وانا ابو السوري ساره ابي انزل مع محمد الجمعيه ابي اغراض ومحمد يمكن مايعرفها تكفى يبه سلطان خلاص انزل معها يامحمد ونزل محمد معها وقرب يهمس لها كبر امورش سويتيها ودخلتي الشيبه يله انزلي بسرعه اخلصي علي بسرعه لايشوفونش اخوانش والله ان يقصبونش تعرفينهم ماعندهم دلع ... ساره : زيييييييييييييين مايسوى علينا طلعت نزلتي ذي من عيوني وبعدين انا ابوي سامح لي اخوانك ويش خصهم ... محمد : السوري عيب ذا الكلام مهما كان ذولا أخوانش الكبار وشورش عندهم ساره : خلاص ولا تزعل بآخذ أغراضي بسرعه وبنرجع بسرعه ............................................................ .......................... عند المساء كان سعود يزور بيت خاله بو فارس يالله انك تحيي سعود وينك ياولدي ماعاد حدِ شافك هقوتي إنك نسيتنا سعود : والله ياخالي إنكم على بالي بس تعرف مشاغلي كثرت ويالله القى لي وقت بوفارس : فارس قم ياولد خلهم يجيبون القهوه وخلهم يجهزون عشاء سعود سعود : خيرك سابق ياخالي لاتكلف على روحك انا جاي اتقهوى وعقب بااسافر للأمارات الحق هلي ... بوفارس : حلفت عليك تعشى عندي يابوك من زمان ماشفناك ومانشوفك الا سرقه سعود : ولايهمك ولا اخليها في خاطرك قم يافارس وتوصى فيني بالعشى الزين وانا اخوك .... فارس : تم وعلى ذا الخشم ... كم مره بيجينا سعود وقام فارس لداخل البيت اما ابوه التفت على سعود وقاله : سعود ياولدي بغيتك بكلمه سعود : سم ياخالي ... آآآآآآآآمر بوفارس : مايامر عليك ظالم ياولدي ... بس بغيتك في سالفه ولاابي فارس يدري اني قلت لك شي ... سعود : تآآآآمر واللي بتقوله بينا ... ويش السالفه بوفارس : فارس ياولدي ياسعود سعود : ويش بلاه ياخالي بوفارس : طلعوه تقاعد ياولدي ... وكاسر خاطري ماخلى مكان ماقدم عليهم وماحد منهم رد عليه وحالته حاله ويوم شفت حالته كذا قلت له ليش ماتروح لسعود يمكن يتوسط لك عند ابوه واعمامه لكنه عيا يقولك شي مستحي منك سعود : ويش يستحي مني ذا شيء جديد .. ماهقيتها منه انت ماعليك منه وخله علي انا بااتفاهم معه بعدين .... دخل عليهم فارس يقول لهم يقلطون للعشى وقاموا كلهم وبعد العشاء طلع سعود منهم عقب ماسلم عليهم ... (ملاحظة: يمكن بتتسألون من هم عائلة بوفارس ... بوفارس خال سعود اخو امه الكبير وعمره 55 سنه وزوجته ميثه عمرها 50 سنه وعنده من الأولاد فارس 30 سنه وعلي 28 سنه وبنت وحده هي وضحه عمرها 24 سنه ) ............................................................ .......................... في الجمعية عند ساره ومحمد ...... محمد قد اخلصي علي ... اعنبوا دارش مهاجره انتي ماخليتي شيء ماخذتيه ساره : ياحبيبي هذي ماهيب لي وبس هذي للشله كامله محمد : المهم اعجلي علي لا يدخلون اخوانش علينا ترى فهيدان مايتفاهم ساره : فهيدان وفهيدان ... زيييييييييييين خلصت امش يله انت حاسب وانا بآآآآآروح السياره .. محمد خذ الأغراض منها وراح يحاسب وساره توها طالعه من باب الجمعيه الأ في وجهها أخوها زايد توه داخل من الباب وتفاجأ بها .. زايد : السوري ويش اللي منزلش هنا . ساره : هاااااااااااه لا بس انا نازله مع محمد اخوي ومستأذنه من أبوي . زايد : زيين خلصتي ... يلله امشي للسياره لااحد يشوفش .. ولاعاد اشوفك متعودتها مره ثانيه ساره : زيين ماني بمتعودتها بس لاتعصب ... مشت خطوتين والتفت عليه اقول زيود شرايك اخاويك واوسع صدرك ... هااااااااه ويش قلت . زايد وهو رافع حاجبه : لا والله والعيال اللي معي وين اوديهم . ساره عادي عيال عمي يعني مابه حد غريب .. وبعدين خابريني وخابرتهم حافظين خشتي وحافظه خشتهم . زايد : تدرين الشرهه علي معطيش وجه آخذ واعطي معش قومي انقلعي لاذا العقال يلعب على ظهرش .. ساره : لالالالالالا ولا عقال ولاهم يحزنون اروح بكرامتي احسن لي ... آآآآآآآآف مشكلة التخلف . راحت منه وهو قاعد يضحك على هبالها وعبطها ويقول في خاطره (البنيه ذي مهيب صاحيه ) ..... ودخل للجمعيه يشتري لأخوياه الأغراض اللي يبونها .. ............................................................ ............................... في الدوحه الساعه الحين ثنتين الظهر ... في مجلس تنتشر فيه رائحة العود والمقهوين يدورون بين المعازيم بدلال القهوه يصبونها عليهم واللي يوزع التمر واللي يصب الشاهي والمعازيم هم ضيوف ابو عبد الله اللي هو حمود بن عبد الله بن سالم وهو منافس كبير لشركة عيال آل سعود ... نبذه عنه : ابو عبد الله رجل اعمال كبير هامور من هوامير البورصه من اكبر المنافسين ذمته واسعه مايهمه شيء غير نفسه ولا عليه من الباقي يحب الفوز دايماً مايهمه كيف بس اللي دايماً ينافسه في السوق هي شركات آل سعود علشان كذا ناشر جواسيسه في شركاتهم يوصلونه بأخبارهم علشان يقدر يضاربهم في السوق طبعا متزوج من بنت عمه موضي وهي مره متدينه ومايعجبها تصرفات زوجها وتحاول قد ماتقدر تربي عيالها على الخوف من رب العباد وطاعة نبيه بس لللأسف ولدها عبد الله طلع يشبه ابوه في قسوته وظلمه كانت دايماً تدعي له بالهدايه لأنه وحيدها اللي طلعت به من الدنيا ... عبد الله : عمره 28 سنه توه متخرج من جامعة الطيران طويل حنطاوي البشره عيونه عسليه شعره بني غامق ظالم قاسي اناني مثل ابوه . نرجع لمجلس ابو عبد الله الذي لايخلو من الحش والذم والقيل والقال في فلان وعلان وكانوا يتكلمون عن بوعبد الله وولده وانه انسان طايش واللي مثله المفروض يكون عنده عيال شوي ودخل عليهم بوعبد الله يقلطهم للغداء ............................................................ ......................... وفي الساعه الثانيه والنصف ظهراً وصل موكب سيارات العائله الى مدينه دبي التي تسرق الأضواء بمبانيهاومجمعاتها وناطحاتها العاليه تسر النظر وكأنك في مدينه خياليه ... وبعد لحظات بدأت عملية البحث عن شقق فندقيه للسكن طلباً للراحه من عناء السفر ليجددوا نشاطهم حتى يتمكنوا من الطواف في دبي لزيارة مجمعاتها ومراكزها الترفيهيه وأسواقها الشعبيه ... وتم الحجز في أحد العمارات للشقق الفندقيه كل عائله مع بعض والعيال توزعوا على مجموعتين .... طبعاً كل الشقق عباره عن غرفتين وحمامين وصاله ومطبخ وكان توزيعهم كالتالي : 1- شقة العم نايف مع زوجته نوره وبناتها كانت شقتهم في الدور الثاني 2- شقة العم مشعل مع زوجته وبناته شقة العم سلطان مع زوجته وبناته وشقتهم في الدور الثالث 3- شقه للعمه منيره وهيا بنتها شقتها كانت في الدور الثاني 4- شقه لتركي وزوجته وبناته في نفس الدور اللي فيه اهله اما بالنسبه للشقق العيال كانت في الدور الرابع بس انه مالقوا حجز جنب بعض 5- شقة العيال الأولى وفيها ( زايد وناصر ومشعل وأكيد التنائي فهد ونايف ) 6- شقة العيال الثانيه وفيها ( محمد وسلطان وعبد الله وسعود بن نايف ) ............................................................ .................... في شقة العمه منيره : هيا تسبح عيالها من بعد السفر علشان ترقدهم شوي يريحون وهي بعد تريح لها شوي اما بالنسبه للعمه منيره فكانت قاعده في الصاله تنتظر سعود اللي كان يدخل الشناط للشقه .. منيره : ياجعل ربي يكبر حظك يعطيك العافيه يابونايف سعود : الله يعافيش يمه وين تبيني احطهم منيره : خلها منك وحطها في الصاله .. وتعال قابلني خلني اقهويك سعود : تسلمين يمه بس ماهوب ذا الحين خليها بعدين بروح اسبح واريح شوي .. منيره : خلاص وانا امك روح ارتاح لك شوي تعبت من الصبح صالبن روحك وانت تسوق بنا الله يحفظك لعويلك ويحنن قلب بنتي ويهديها سعود مبتسم وهو يلمح هيا من بعيد داخله وحده من الغرف ويطول صوته ايه يايمه ذي الدعاوي الزينه كثري لي منها ... منيره تضحك عليه وهي فاهمه حركاته ... ............................................................ ..................... في شقة تركي وخلود : تركي منسدح عل الكنبه اللي في الصاله ومغمض عيونه يريح شوي دخلت عليه خلود عقب مارقدت بناتها وجلست على الكنبه اللي مقابلته ... خلود : تركي روح ارقد داخل جعلني افداك دامك تعبان كذا تركي : لامافيني رقاد بس اريح عيوني من وجع راسي ... قومي تعالي همزيه قامت خلود تدلك راسه لين ماحسته ارتاح شوي وشافته رقد قامت وغطته ودخلت المطبخ تسوي لها قهوة . ............................................................ ..................... في شقة العم مشعل .. سكوووووووووووون تام لأن الكل يرتاح من تعب السفر والطريق الطويل وشوي ... فيه صوت بسيط يطلع من غرفة البنات اللي لين ألحين مارقدوا بس منسدحين على أسرتهم الجازي وحصه على سرير وبدور بروحها قاعدين يسولفون ويخططون ويختاروووون الأماكن اللي بيزورونها .. ............................................................ ........................ وفي شقة العيال ( زايد – ناصر – مشعل – فهد – نايف ) اللي راقد واللي يسبح واللي ينطر دوره مثل زايد .. زايد : مشعل أخلص علينا تراك بتذوب علينا من كثر السبوح مشعل بصوت عالي من داخل الحمام : روح للحمام الثاني .. انت تعرفني مااعرف اتسبح بسرعه يومنك مستعجل ليه مادخلت قبلي دامك ماتقدر تنطرني . زايد : الحمام الثاني فيه نايف توه داخل .. اخلص علي مشعل : زييييين اصبر شوي عطني دقايق بس ولا تقعد تبربر علي زايد : امرنا لله ننتظر ونشوف آخرتها .... دخل زايد الصاله وخذ الرموت وشغل التلفزيزن وقام ينتقل بين المحطات شوي ويدخل عليه ناصر وهو ينشف راسه بالفوطه .. ناصر : زيوووود ماسبحت لين الحين زايد : لا الحبيب ناقع في الحمام تقول عمره ماسبح في حياته ناصر : يعني ماتعرفه دايم يتأخر في الحمام اخوك موسوس بالنظافه.. دخل عليهم نايف يسألهم من الموسوس .. زايد : مشيعيل .. هااااه يالحبيب خلصت والا فيه حد يبي الحمام نايف : لا مافيه بس ياعيال اخلصوا خلونا ننزل تحت نتغدى تراني ميت جوع .. التفتوا عليه زايد وناصر وتكلم زايد وهو رايح للحمام هااااااااااه الله يعينا جانا بوبطين يدور العيشه تصدق ياولد انت آفــــــه على رجلين مهوب توك ماكل .. نايف : اعوذ بالله قل لاإله إلا الله ياولد ترا عينك حاره ويمسكه قل ماشاء الله تبارك الله وقعد ناشب له لين مسكه زايد وهو يضحك خلاص تفو ماشاء الله نايف : الله يقرفك انقلع مني ... ناصر وزايد يضحكون عليه ودخل زايد الحمام يتسبح .. ............................................................ ....................... في سيارة فارس اللي كان يوصل سعود للمطار كانوا يتناقشون في موضوع تقاعده ... فارس مايبي يحرج سعود في انه يتوسط له علشان ماينحرج في اعمامه وسعود يقنعه انا الموضوع عادي ومافيه إحراج بس هو حساس بزياده وقعد وراه لين ماحس انه بدا يتقبل الموضوع وذكر له انه بيكون عون له في الشركه لأنه حاس انه فيه تلاعب قاعد يصير ويبي يكشفه وبيخليه عين له في الشركه ... سعود : هااااااااااه يافارس ويش قلت .. يااخوي انا محتاجك ولااقدر أأمن حد غيرك . فارس : أكيد يا سعود يعني ماهي حركه منك علشان تقنعني . سعود : الأثنين ابيك لأني عارف خبرتك عدل وبعد لأني محتاج واحد يدخل من بينهم يوصل لي علومهم .... ياولد لاتطولها وهي قصيره ... قول تم فارس : خلاص تمممممممم ياسعود وبعد ماوصله للمطار ودعوا بعض واتفقوا على اللقاء بعد ثلاث اسابيع . ............................................................ ....................... شقة العم سلطان : البنات كانوا متمددين على الكنبات اللي في الصاله دخلت عليهم العنود بدلال القهوه والشاهي وصحن حلى مسويته وقعدت معهم يسولفون لأن امهم وابوهم راحو يرقدون يريحون لهم شوي شيوخ تمدح في حلى العنود : الله روووووووعه منين متعلمته العنود : من الانترنت فيه وصفات حلوه شيوخ : ياحظك يافيصل ربحتنت مره .. بتبيض وجهك عند الرياجيل العنود : ليه هو ماخذني علشان بطنه شيوخ : لا علشان هدب العين يانور العين العنود : وجع شيوخ تكلمي عدل شيوخ : خلاص سكتنا ... بس تدرين والله لوان الأخ فيصل حدد زواجكم كان جهزناش من هنا العنود: وبعدين معش ... ليش ماتقولين لسلطان علشان يعجل بعرسكم دامش مستعجله على العرس . شيوخ : تصدقين معش حق يله بااروح اكلم مرة عمي احدد عرسي شرايش . العنود تمسكها : وجع والله انش فاصخه الحياء مره وحده اعنبوش اركدي شيوخ :ههههههههههههههههههههههههه والله انش مخفه ينلعب عليش بسرعه . وبعده لاحظوا سكوت السوري قامت شيوخ جنبها ونقزتها .. نقزت السوري : مرض ... مرض ... حفرتي خاصرتي ويش تبين الحين شيوخ : وين وصلتي سرحانه ومنتي معنا السوري : ابد معكم بس احاتي شوي العنود : السوري فديتش ويش اللي تحاتينه السوري : ابوي ... ماتلاحظون انه ماهو بالعاده ... يعني دايم تعبان وحيله شوي حتى السفر معاده مثل اول فيه .. العنود : عادي ضغط الشغل بين عليه الحين السوري : تهقين انه تعب عادي شيوخ : ايه ولا تحطين في بالش ... المهم ويش قررتوا العنود : في شنو شيوخ : في الطلعه للمجمعات السوري : انا رايي خلوها بكره احسن قد كلن مريح وفيه شده للدواره والفرفره شيوخ والعنود : خلاص بعد احسن علشانهم الحين محد متفيق لنا بكره احسن . ............................................................ ................. محمد وهو قاعد مع العيال في شقتهم ضحك وسوالف ولعب ورق وشاهي يعني ماخذين راحتهم على الآخر شوي ويرن جواله ... وقف لعب ورد : هلا والله ... طيب طاب حالك ... لاوالله وصلنا الساعه ثنتين ونص .. ايه الحمد لله كلنا بخير ... ابووووي طيب الحمد لله ... وين ... زين الحمد لله على السلامه ... خلاص عطني نص ساعه بالكثير وانا عندك .. يالله فمان الله .. وسكر واخذ غترته وعقاله ومفاتيح سيارته واستئذن منهم بيروح يجيب سعود توه واصل في مطار دبي قام فيصل بيروح معه . ............................................................ ....................... رن تلفون الشقه .... جات مها علشان ترد عليه مها : آآآآآآلــــو السوري : السلام عليكم مهوي مها : عليكم السلام .... من السورررررررري .. عاش من سمع صوتش السوري : عاشت ايامكم .. شخباركم وشلون منى ووصايف مها : طيبين وانتي وشلون اللي عندش .. السوري : المهم لاتنسيني اللي بااقوله لش ... مها : ويش عندش السوري : ترانا بنرتاح اليوم وبنروح بكره المجمعات شرايكم مها : خلاص تم .. عادي عندي متى ماقلتوا امشي مشيت السوري : عجل بلغي اللي عندش يالله سلمي على امي نوررررره مها مع السلامه . بعد المكالمه دخلت مهوي عند امها وقالت لها عن اتفاقهم قالت لها امها على خير ان شاء الله . ............................................................ ........................ وفي الطريق لمطار دبي محمد وفيصل قاعدين يسولفون عن ايام فيصل في امريكا ومواقفه اللي صارت له هناك .. محمد : هههههههههه الله يرجك ياولد كل ذا يطلع منك .. حرام عليك توثمت في ذا المسيكين طلال فيصل : ههههههههه ايه والله كل ماسويت شيء طاح فيها بس ماحد مهونها علي إلا هو محمد : ويش علومه ذا الحين فيصل : الحمد لله وظفه عمه في الشركه عنده مثل منت عارف تخصصه مطلوب محمد : لين الحين تكلمه فيصل : توني مكلمه البارحه محمد : ياحليله الله يوفقه الحين دامه لقى الوظيفه مابقى له إلا ان الله يرزقه بالزوجه الصالحه فيصل : تدري ويش كان يقولي ... محمد : ويش كان يقول فيصل : كان يقول ليتك ماكنت متملك على بنت عمك كان زوجتك اختي علشان كل يوم مطيح عندكم محمد : لا يالحبيب انت مكتوب عليك حقوق الحفظ بإسم العنود بنت سلطان فديت قلبها فيصل : إيه والله فديييييييييييتهاااا محمد : وجع احشمني تتغزل فيها قدامي فيصل : مرتيييييي وكيفي .... كفايه انكم ماخليتوني اشوفها محمد : لا يالحبيب الشوووفه بعد العرس فيصل : قريب ان شاااااااااااااااااااااااء الله وبشوفها غصب عن خشمك محمد : هههههههههههههههههههههه يالله انزل خلنا نشوف سعود داخل امش يالمغرم الولهان . ............................................................ .............................. نهاية الفصل الخامس ......... |
عجبتني عنوان الرواية كثير
واعتبريني من المتابعات لك على طول حتى لو بدون ردوود بس ياريت يكون في تحديد لايام تنزيل البارت |
تسلمين اختي غلاالروح وان شاء الله احدد وقت تنزيل الفصول |
اختي الغالية الله يعطيك العافية رواعة
الابطال اعجبني شخصية سعودوفيصل وعنودوسويرة حددي موعدتنزيل البارتات انامدمنةروايات قطرية |
مشكورررة ياعسل على الرواية الحلوة وننتظر المزيد |
السلام عليكم الروايه جدا جميله وممتعه وحبيت اعرف اذا فيه بارت الليله اولا
|
تسلمين اختي عواصف الشتاء على مرورك |
كلك ذوق اختي سنديان
|
اشكرلك مرورك اختي غلاها ابوها وان شاء الله تستمتعين في باقي الفصول وللأسف ما اقدر انزل فصل اليوم |
بااااارت بدااايه الاكشناااات
هياا وسعووووود صرااحه اعجبني طووله باااله معهااا وماا خذ على كلاامهاا في الطلاااق ....وانشااء الله السفره هذى تكووون فااتحت خيير علييهم ...وسعووود وه بسسس ....فدييييته انشااااء الله تكشف ميين اللي يتجسس عليييك .... غلاااكم....منتظريين الباارت القااادم على خيييييير ..... |
تسلمين اختي نورتي قصتي .. كلك ذوق وان شاء الله مااتأخر في تنزيل باقي الفصول * |
غلاكم عنوان قصتك جذبني واسلوبك سلس وشخصياتك مقنعه احلى شي الاجواء العائليه وترابطهم واصلي ابداعك وانا مستمره معك ان شاء الله
|
تسلمين اختي شبيهة امي لاهنتي ومرحبا بك عزيزة وغاليه يسعدني مرورك على قصتي واعتز بردك .. وان شاء الله ماانحرم حضورك اختك غلاكم |
السلام عليكم اخواتي العضوات مساكم الله بالخير اليوم حبيت انزل لكم الفصل السادس قراءة ممتعه الفصل السادس : في صباح اليوم التالي العايله مجتمعين عند العمه منيره يفطرون عندها وهيا قاعده تقهوي خوالها نايف ومشعل وسلطان وامها ونسوان خوالها قاعدين يتقهوون وينتظرون العيال يودونهم هم وبناتهم لسوق نايف وسوالف تجر سوالف ابونايف حب يفاتح اخوه سلطان بخصوص تحديد وقت عرس العنود وفيصل ... ابونايف يكلم سلطان : إلا ياسلطان وشرايك نحدد عرس عيالنا . سلطان : اللي تشوفه ياخوي انت فصل وحنا نلبس نايف : تسلم عجل العرس ان شاء الله عقب رجعتك بالسلامه يعني في عطلة الربيع ويش قلت سلطان : على خير ان شاء الله شوي ودخل عليهم سعود بن نايف وسعود بن سلطان وناصر زايد يصبحون عليهم ... اول واحد دخل عليهم سعود بن نايف علشان يشوف هيا متغطيه والا .. اول مادخل لقاها لابسه جلالها من غير برقعها بلغها بدخلت العيال علشان تغطي وجهها .. العيال سلموا وقعدوا ومدت هيا الدلال لأمها وهي قامت تدخل داخل .. سعود تكلم : هااااااااه وين قررتوا تروحون اليوم يمه .. ردت نوره : والله ياولدي حنا ودنا بنايف سعود : من بيروح منكم نوره : حنا والبنات كلهم .. قاطعتها منيره انا وهيا ماحنا برايحين سعود : وليه يمه ماتبين تروحين منيره : والله ياولدي مالي حاجه بعدين ياولدي انا راعيه ضغط ومااقدر على الحر وانا امك سعود : زين هيا ليه ماتروح فيها شيء منيره : ماادري عنها روح اسألها بنفسك .. استأذن منهم وراح لها يسألها عن سبب رفضها وهو في داخله حره عليها يحسها مصختها ولازم يخلص من موضوعهم ويحط النقاط على الحروف دخل غرفتها لقاها جالسه على طرف السرير وتغطي الريم .. اول مادخل عليها كان حاس انه من حرته عليها وده يخنقها بسبب القهر اللي شافه منها بس اول ماوصل غرفتها وقف عند بابها منصدم من شكلها كانت هيا مختلفه عن هيا اللي عرفها سنين عمره احلوت حيل شعرها تغير لونه صار كستنائي موشح بخصال من الون الذهبي وكان جسمها ضاعف عن آخر مره شافها فيها وعليها جلابيه مغربيه زيتيه فيها زيج ذهبي كان شكلها رووووووووعه حست عليه اول ماشافته ارتبكت وانحرجت من نظراته لها وما حست بنفسها إلا وهي ماسكه جلالها ومغطيه فيه شعرها استغرب تصرفها وابتسم بسخريه لها : شفيش تغطيتي يامدام نسيتي انش حلالي ياحلوه وألا الشهرين اللي افترقنا فيه نسوش ياهانم .. هيا : مانسيت بس ارتبكت من دخلتك علي نعم بغيت شي والتهت باي شيء قدامها تتهرب من نظراته اللي اربكتها سعود : عمتي تقول ماتبين تروحين ممكن اعرف ليه هيا : مالي حاجه وبعدين بنتي بتلعوزني ومافيه حد عندها إلا امي .. وامي عاجزه من نفسها ابليها بالريم . سعود : مالش عذر الريم وخوانها يروحون معنا وإذا على قولتش بتلعوزش عندش خواتي مااعتقد انهم بيعيون مايمسكونها يله خلي منش تصرفات البزارين وجهزي نفسش قاطعته هيا : ياسعود انا ماني هاويه الروحه قاطعها وهو يقرب منها ويمسكها لين صارت قريبه منه حيل ولاحظت عرق برقبته دليل انه ماسك نفسه حيل لايعصب زود عليها وانها استفزته كثير : شوفي ياهيا ترانا مصخناها بزياده عطيتش فرص كثيره تعقلين فيها بس الظاهر فسرتي سكوتي ورضوخي لطلباتش انصياع مني لكن لاوانا ولد ابوي اسمعيني يابنت الناس تراني زهقت انا ماانكر اني المفروض ماامد يدي عليش بس انتي استفزيتيني ياهيا وقهرتيني لما شكيتي فيني بالسوء وانا الحين احلف لش اني ماني ردي ولايمكن انزل نفسي للمستوى ذا وبالنسبه للمكالمه كانت من واحد معي في الشركة وتعرفينه زين عبد المحسن وكان يبيني لموضوع خاص فينا وبشغلنا .. والحين يابنت الناس إذا عادش تبيني فأنا ابيش ولا ابي عيالنا يتلتهون بينا والقرار الحين صار بيدش تبين ترجعين معززة مكرمة العين اوسع لش من الحاجب وألا وتوه بيتكلم حطت يدها على فمه وردت عليه : لاتقولها ياسعود انا مالي غيرك في ذا الدنيا .. برجع لبيتي ولك سامحني ياسعود واللي يسلم روحك سامحني على شكي فيك بس تعرف إبليس اعوذ الله منه وسعود من فرحته لمها له : يالله ويش كثر انا مشتاق لش .. ولجلسلتنا حنا وعيالنا حولنا والحين جهزي نفسش تروحين مع النسوان للسوق وحب خدها يله بااروووووووح اتريق خلصي نفسش ... انطرش تحت وطلع منها سعود وهي تبتسم وفي خاطرها تقول يارب يخليك لي ولعيالك ............................................................ ...................... طلع سعود من عند هيا والإبتسامه شاقه وجهه ومرتاح انهم تصالحوا مع بعض واول مادخل الصاله مالقى فيها إلا ابوه واعمامه اللي ملتهين بالسوالف مع اختهم منيره والنسوان راحوا يتجهزون للسوق ومابقى إلا العيال زايد وناصر وسعود بن سلطان جلس سعود جنب سعود بن سلطان واول ماقعد استلموه زايد وناصر وقطعوه تقطيع لأنهم شافوه وهو داخل عند هيا وشافو شكله يوم طلع فقاموا الثنين يتناقزون بالكلام بينهم وبين بعض ومثل مانقول ( واسمعي ياجاره ) ....... زايد : اقول نويصر سبحان مغيرالأحوال داخل بحال وطالع بحال ناصر : هييييييييييييه .. بلاك يازيود ماجربت الحب الله يذوقك إياه زايد : بس تدري يانويصر حسافه توك داخل اسد لللأسف طلعت من داخل قطيوه مياااااااااااااو سعود بن نايف : تلايط انت وإياه ماعاد إلا البزارين يتكلمون .. زايد وهو يلتفت على ناصر : كنه غلط فينا لااااااااااااااا ذي كبيره قم نسنعه سعود بن نايف : والله من دق الباب لقى الجواب عجل واحد كافي خيره شره تنطون عليه ليه زايد : معليش ربنا يسمحك .. المهم هاااااه اربهم رضوعليك وبيرحمونك من عيشة العزابيه اللي مثل حالاتنا سعود :ههههههههه والله محد قالك ماتعرس .. زايد : لا يالحبيب انا احب اكون حر لامره تنشب لي ولابزر خلني اشبع من عزوبيتي بعدين لاحقين على العرس وألا انت وشرايك ويلتفت على نلصر جنبه .. ناصر يرد عليه : تكلم عن نفسك يالحبيب انا لو لقيت بنت الحلال تقبضت فيها لين يزوجوني إياها .. سعود بن سلطان : ههههههههه نكبك خويك يازيود زايد : صدق انك مالك خاتمه .. انقلع خل بنت الحلال تنفعك انقلع ويرفس ناصر برجله سعود بن سلطان وسعود يضحكون عليهم التفت سعود بن ناصر على سعود بن نايف : شفت شلون الله حط حيلهم بينهم .. ايه صح نسيت اقولك شيء ياسعود سعود بن نايف : ويش بغيت سعود بن سلطان : عبد المحسن قالي عن شكوكم واللأوضاع في الشركه سعود بن نايف : هيييييه ياسعود الموضوع ذا شاغلني فوق ماتتصور وبسبته بغيت أخرب بيتي .. ولا اقدر اقول لأبوي وعماني لأني لين ألحين مامسكت شيء عليهم بس إلي متأكد منه ان السالفه كلها من تدبير ابو عبد الله .. الله لايبارك فيه انسان طماع حقود سعود بن سلطان : زيييييين انا عندي لك شور تعرف فارس ولد خالي صالح .. سعود بن نايف : اييييييه ياحليله ويش علومه سعود بن سلطان : علوم الخير... اول امس كنت متعشي عند خالي صالح وقالي ان ولده فارس طلعوه تقاعد مبكر وانه ماخلى مكان إلا وقدم عليهم عاد انا شرت عليه نوظفه عندنا في الشركه ونستفيد من خبرته وبنفس الوقت يكون عين لنا في الشركه ... هاااااااااه ويش قلت سعود بن نايف : مدامك ضامنه خلاص خله يقدم اوراقه وشهاداته كلها ووظيفته عندنا بإذن الله سعود بن سلطان : تسلم يابونايف وهذا العشم فيك دايما .. ووافق سعود بن سلطان على انه يخاويهم لسوق نايف هو وزايد وسعود بن نايف مع ناصر ... ............................................................ ..................... في سوق نايف التهوا النسوان والبنات بالمعروضات التي تباع هناك ولكن سرعان ماتمكن التعب من البنات خاصه بسبب حرارة الجو الحاره واشعة السمش الحاميه فوق رووسهم ... لدرجة ان البنات كانوا يشترون علب الماء ويكبونها فوق رووسهم تبرد عليهم من حرارة الجو التي لاتطاق . مها تتأفف : والله لواني داريه ان الجو حرررررررر كذا ماعتبت باب شقتنا .. ويش اللي حادني بقومة الصبح والشمس اللي طبخت مخي العنود : ياربي ويش ذا الحررررررررر لاهوب ... يالله انك تجيررررنا من نار جهنم .. السوري وهي تتعنز على بدور وهم قاعدين هم والبنات على رصيف الشارع والله لواني فاقشه بيضه فوق راااااااااااااااااسي كان نضجت واستوت .. تلتفت عليها وصايف : ههههههه لاتنسين اذا استوت تعطيني إياها تراني ماافطرت لين الحين على قومتي من الصبح .. مها وهي تلتفت عليها : وخروووووووووا خلوني احذفها بنعالي يالدبه من اللي ماكل له سندويشتين يالدبه قبل مانطلع .. هاااااااااااااه تكلمي ولا مالش لسان .. وصايف : هاااااااااااااااااااذي لاتحسبينها صغار يالله انها تشبع مها : علشان كذا كنش بعير اللي يشوفش مايقول انش على سنش منى : خلصنا يابنات شرايكم نروح المجمع اللي قدامنا اظن اسمه المنال فيه اشياء حلوه وبالمره اللي يبي يتريق يتريق واللي يبي يتبرد يتبرد العنود : فديت قلبش والله وجبتيها منى : علشان تعرفين حماتش السنعه ... الجازي : خلاص انطروني ثواني باااااااروح اعلم امي ونروح داخل ولما جاتهم الجازي توجهوا الى داخل المجمع وصعدوا إلى الطابق الأخير علشان يفطرون فوق واختاروووووووووا البنات طاولتين لصقوها ببعض وجلسوا عليه طبعا السوري والعنود كانوا توهم مايتغطون بس شيال وعبايات ومكانهم كان مواجهه للطاوله اللي وراهم وكان فيه شباب جالسين يفطرون في حالهم والسوري كانت تعبانه حيل الظاهر ضاربتها الشمس ولاهي مع البنات وكانت مسنده راسها على يدها وتنطر ريوقها يجي ماوعت إلا بفلاش كاميرا في وجهها هي من الروعه مسكة شيلتها بطريقه مضحكه علشان تغطي وجهها من فلاش الكاميرا تحسب حد مصورها حركتها هذي مافاتت شاب من الشباب اللي على الطاوله اللي وراهم ماحسوا البنات إلا بضحكته اللي رجت المكان رج وخوياه اللي معه ماعرفوا يش بلى خويهم وهو يحاول يمسك نفسه ماقدر آخرتها فتح كلر ثوبه يبي النسم عقب الضحك وانسدح على الطاوله يغطي وجهه وهو يضحك السوووووووووووووووري هنا دورووووووووووها ماتت من الفشيله والإحراج وخنقتها العبره والبنات يحاولون يهدونها وهم ماسكين ضحكتهم علشان مايفشلونها اما بدور ومها فماقدروا يمسكون أنفسهم قعدوووووا يضحكون لين الله شاف لهم السوري مسكت أختها العنود وقالت لها امشي معي معادني ابغي ريوووووق بارووووح اركب السياره عند سعود وزايد والعنود تحاول تهدي فيها وآآآآآآخرتها قامت تبكي من الفشيله وراحت معها العنود على أساس توصلها للسياره العيال كانوا قاعدين في السياره اللي هم اخوانهم السوري فتحت الباب ودخلت وسكته وماسمعوا إلا بكاها خوانها تروعوا التفت سعود على العنود يسألها عن السالفه وعلمته باللي صار سعود نزل من كرسي السواق وركب مع السوري ورا وقعد يطيب خاطرها يبي يراضيها وقعد يلمه في حضنه ويقوله اذا سكتي وديتش اي مكان تبينه ... طبعا سعود عارف عوق اخته بمجرد ماقالها انه بيوديها اي مكان سكتت بس كانت تشاهق بالخفيف زايد حب يضحكها قعد يعلق عليها وينرفزها لحد ماحس انها تناست الموقف البايخ اللي انحطت فيها ... ............................................................ ....................... في الدوحه الساعه الآن الثانيه ظهرا وفي مجلس لايخلو من المؤامرات والمكائد اللي كل هدفها شركة آل سعود كان ابو عبد الله مجتمع مع اعوانه حمود وسالم اللي حاطهم عيون له في شركة آل سعود ... ابوعبد الله وهو جالس بكل كبر وغرور : هاااااااه ياحمود عسى جيتكم ذي فيها شيء من العلوم الزينه حمود : ايه طال عمرك .. انا مااجيب لك إلا كل خير ياعمي ابوعبد الله : عرفت شيء عن صفقتهم الجديده سالم : ايه ياعمي وهذا الملف فيه نسخ من العرض اللي هم حاطينه تفضل ابوعبد الله يتصفح الملف وعقب سكره وحطه جنبه ... واعطى حمود وسالم نظره : انتم متأكدين من العرض اللي مقدمينه ترى والله لاألقاكم لاعبين علي لأطلع روحكم حمود : أفااااااااااااا ياعمي تشك فينا بعد ذا السنين كلها سالم : ياعمي لحم اكتافنا من خيرك شلون نخونك ابوعبد الله : اللي علمكم الخيانه اول مره يعلمكم إياها ثاني مره بس انا غير انا لحمي مر فااااااااااااااهمين حمود وسالم : فااااااااااهمين ياعمي ابوعبدالله وهو يامر على صبي القهوه يصب له قهوه ويشربها : إلا ويش أخبار عيال آل سعود سالم : آل سعود ماهم في الدوحه سافروا يتونسون في الإمارات طال عمرك ابوعبد الله : هاااااااااااااااااااا زين وبعد مافيه شيء جديد صاير حمود : سلطان ياعمي ابوعبد الله : ويش فيه حمود : مريض وبيسفرونه بعد رجعته من الإمارات للهند يعالجونه فيها ابوعبد الله : ويش عــوقــــه سالم : القلب الله يشافينا ابوعبد الله في نفسه الله لايقومك ياسلطان ويفكني منك ومن اخوانك وعيالكم ووقف ابوعبدالله دليل على ان المقابله انتهت شفني انت وياه فتحوا عيونكم واذونكم ماابي لاشارده ولاوارده تمر في شركتهم إلا وتوصلني يالله انااترخص بااااروح وتوه بيمشي لداخل بيته وقفه سالم وبثه شكوكه وخوفه من سعود ولد سلطان وطمنه ابوعبد الله انه مايقدر يسوس لهم شيء دامهم في حمايته . ............................................................ ..................... نهاية الفصل السادس |
قصه رائعه من بدايتها
راح اعلق على هالبارت واهم شي رجعت هيا لسعود حلو انهم تصافو وياسلام تم تحديد زواج العنود وفيصل اتوقع ان سعود بن سلطان في هالسفره بيصير له اكشن مع وحده من بنات عمه بعد اتوقع ال سعود يغيرون من اسعار المناقصه ويخربون مخطط ابو عبد الله غلاكم تسلممين يا عسل على البارت الحلو ذا |
تسلمين ام رنا شرفتي متصفحي لاأخفيك بأنني عندما نزلت الروايه وشفتها اول مانزلتها فقيره بردودها احبطت وفكرت في اني اوقف عن تنزيل الفصول بس الحمد لله اخواتي العضوات ماقصروا بتشجيعهم لي واليوم مرورك أثلج صدري تقبلي ودي سعدت بحضورك وان شاء الله مانحرم وجودش اختك غلاكم |
مساكم الله بالخير اعضاء منتدى ليلاس اليوم ان شاء الله راح انزل الفصل السابع تمتعوا بقراءته الفصل السابع : في شقة نايف بن سعود الرياجيل كلهم مجتمعين هناك وموصين على العشاء من برا لهم وللنسوان اللي مجتمعين في شقة العمه منيره وكانوا كبار العايله جالسين يتكلمون في امور شركتهم وعن مشاريعهم وتوسعاتهم اللي ناوين يضيفونها في الشركه وكانوا يتشاورون مع العيال ( سعود بن نايف – وسعود بن سلطان – محمد – تركي – سلطان ) وكان كل واحد يقدم اقتراح يشوف انه ممكن يفيد الشركه ومن بين سوالفهم التفت نايف على ولد اخوه سلطان سعود : اقول ياسعود وشرايك تتنتقل لشركتنا بدال منت مبعد عنا سعود : الله يهداك ياعمي وين مبعد عنكم كل مابغيتوني لقيتوني محضرعندكم نايف : داري وانا عمك انك ماتقصر بس يابوك ودي بقربك في الشركه سعود : ليش ياعمي انت تشوف محاميكم مقصر معكم نايف : لاوالله انه رجال اجودي ماحدن مثله بس انا ابيك انت لأنك منا وفينا وتعاونون سوا سعود : ولايهمك ياعمي بداوم عندكم ثلاثة ايام وفي مكتبي ثلاثة ايام هاااااااه وشرايك نايف : وهو عقب رايك راي شورك وهداية الله سعود : تسلم ياعمي ... وبعدين عندي لكم موضوع حبيت اناقشكم فيه نايف : قول وانا عمك .. محتاج شيء سعود : لا فديت قلبك الخير واجد .. الموضوع ومافيه اني حبيت اوظف فارس ولد خالي صالح عندنا في الشركه نايف : ايه زين ويش فيها يستاهل ولد صالح طيب من اصل طيب سعود : الطيب من اصلك ياعمي علشان كذا قلت اشاوركم وآخذ رايكم نايف : ياولدي ياسعود قد قلتها لك من قبل انت فصل وحنا نلبس وحنا واثقين فيك وانا عمك والتفت على ولد فيصل : فيصل فيصل : لبيه يبه .. نايف : ترانا حددنا عرسك انت وبنت عمك فيصل : شورك وهداية الله .. متى بيكون نايف : عقب رجعتنا اناوعمك من سفرته وهو بخير وسلامه يعني في عطلة الربيع فيصل : على خير ان شاء الله وكانوا العيال منتبهين للكلام اللي يدور سلطان يوم شافهم حددوا عرس فيصل تشجع وكلم عمه سلطان : اقول ياعمي العم سلطان : سم ويش بغيت سلطان بن مشعل : ماابغي إلا سلامتك بس دامنكم حددتوا عرس فيصل ليش مايكون عرسي معه انا والحمد لله منعم علي ربي بفضله وإذا بنتك تبي تسكن بروحها انا عندي بيت مأجره والمستأجرين اللي فيه قربوا يطلعون بااعدله ونسكنه هااااااااااااه ويش قلت ياعمي العم سلطان : والله انا ماعندي مانع ودامك تقول انك مجهز امورك خلاص تم العم مشعل : ابرك واسعد وبدل الفرحه صارت فرحتين والفال لعيالنا الباقين وهو يلتفت على باقي العيال وجات عينه في عين زايد رد عليه زايد : انا توالناس علي متى ما نويت اعرست عندك العيال الباقين زوجوهم ويوم سمعوا العيال كلام زايد اختلفوا منهم اللي مأيده ومنهم اللي سوا سوات زايد اما سعود بن سلطان فكان يسمع للكلام اللي يدور حوله بدون ما يتدخل قطع عليهم نقاشهم سعود بن نايف : ليش ماتزوجون سعود وهو أكبر الحاضرين ... رد عليه سعود : قريب ان شاء الله بس الحين خلوني على صوب لحد مااقول لكم زوجوني وفي شقة العمه منيره وهم جالسين سوالف وضحك على موقف السوري اللي فضحتها وصايف عندهم والسوري بتموت من قهرها عليها وقاعده تتحلف فيها تردها لها وشوي جابوا سيره عرس العنود وقعدوا ويش بيسوون له ومن وين بيسوقوووون للعنود والبنات استلموا العنود قطعوها وهي من الفشيله وجهها صاير احمر منحرجه منهم واكثر وحده استلمتها اختها شيوخ : اقول العنود بسم الله الرحمن الرحيم انتي متزوجه جني .. تونا كنا نتكلم عن تحديد عرش اثاري الشيخ مخطط من ذو مبطي .. الحين جاتش الفرصه سوقي على راحتش من هنا ولما نروح السعوديه ولما نرجع الدوحه كملي من هناك .. العنود مفتشله وتتكلم بهمس : خلاص ياشيوخ خلينا نتكلم بعدين احس كلهم يشوفوني والله من يوم ماعلمتني امي وانا ميته من الإحراج والله اني ماكنت بجي بس امي الله يهداها قالت لي امشي كلنا مجتمعين ولاهي بعدله قعدتي بروحي .. شيخه بضحك : يافديت اللي يستحون العنود : وجع خلاص .. مصيرش يوم استلمش فيها عدل جعلني اشوفه قريب علشان تحسين باحساسي شيوخ وهي تتوجه للقبله : آآآآآآآآآآآآآآمين يارب العالمين سليطين يحدد عرسنا ويفكني من العنوسه ومن السوري انتي بتروحين وتخليني وبتقعد لي علة الاكباد السوري بروحنا كنا توم وجيري في البيت بس وجودش مهونها علي شوي السوري تسمعهم : اسم الله علي منش ترى فيش خيرش وتلتفت على البنات اللي قاعدين حولها : ياخواتي تبين للعالم انها اجوديه وماحد مثلها وان القطوه تاكل عشاها وهي عقرب لسانها يلوط اذانيها والبنات يضحكون عليها الجازي : شوفي هي فيها خيرها وانتي ماتقصرين كنش اللي عندنا بدور تلتفت عليها : ياربي على الغيره انتو محترين مني انا والسوري مها تنط لهم : ويش هو علشانه من الأدب الزايد عن حده والأ المنفعه اللي من وراكم ماكنكم المثل اللي يقول حطني وتلقاني بمكاني وصايف : لا انتي اللي ذابحه العالم بالمنفعه الزايده ماكنا منى هي اللي مع امي في كل شيء ولا انتي مامن وراش نفعه مها تحاكي البنات حولها : بنات فيه صوت تسمعونه .. البنات : لاماسمعنا ويش هو الصوت ... مها : ماادري بس صوت مزعج مصدره مخلوق عجيب احتاروا العلماء فيه هقوتي سموه وصايف البنات هنا ماتوا ضحك على تشبيهات مها اما وصايف احترت من مها وردت عليها : هههههههههه تستظرفين دمش ... المخلوق انتي واشكالش وكملوا سوالف لين ماقطع عليهم سوالفهم رنين جوال فاطمه وكان ابو سلطان مكلمها على اساس تبلغ اللي عندها بعرس سلطان وشيخه وانه تحدد مع عرس فيصل والعنود .. فاطمه تسمع للكلام وتعابير وجهها تتغير مع المكالمه وفي نهاية المكالمه : زين على بركة الله وتسكر من المكالمه وتلتفت على الموجودين معها في الصاله والبنات كلهم فضول يبون يعرفون ويش السالفه وبدت تتكلم : اقول ياهند ترى سلطان ولدي غار من ولد عمه وطلب عمه انه يعرس مع فيصل ويقول انه جاهز وماعليه قصور وشرايش .. هند تفاجأت بالخبر وابتسمت وقالت : انا ماعندي مانع ابركها من ساعه الخوات يعرسون سوا والفال لبناتنا ان شاء الله ... البنات انحرجوا من الموقف اما شيخه فاانصدمت كانت ماخذه السالفه مزحه وضحك وصارت جد هنا دوروها البنات ضحكوا عليها واستلموها الجازي : ههههههههه وين اللي كانت تتطلب من شوي .. وترد مها : شيوخ وين لسانش مستقويه على ذا الضعيفه العنود وتلتفت على العنود : الله خذ لش النصف منها عندش اياها .. هيا : ياعمري من مين نزلت الذرابه ذي عليش خلود : حياء العرايس .. تدرون ماكنت اتخيل شيوخ تستحي شيخه : وجع ويش شايفتني البنات هنا ضحكوا والسوري قالت : ايه هذي شيوخ اللي نعرفها مايليق عليش السحا بدور تكلم السوري : الحين خواتش الثنتين بيعرسون وبتقعدين بروحش ماراح تشتاقين لهم السوري : العنود بشتاق لها لأنها حنونه فديت قلبها لكن ذي وهي تأشر على شيخه فاااااااااااااممكن اشتاق لها شوي شيخه : لا ااااااااااااا انا اللي ميته عليش وتمسكها تكفين امانه تشتاقين لي وتفك يدها انقلعي بس ماابيش تشتاقين بالعكس بارتاح من صجتش وبعد شوي وصل العشاء وقاموا النسوان يتعشون وبكذا انتهى اليوم على اخبارحلوه ونست العيله . ........................................................... تقبلوا ودي اختكم غلاكم |
السلااام عليييكم
الحمدلله هياااا ماابغت ترجع ....اييه خلييك كذاا يااامرره تسنعي سعووود بن سلطاان والله انه شيييييي ...بس متى رااح انشوووفه وهو يحب البنااات ...صراااحه حلوووه جمعتهم ... تقبلي مروووري ..... |
اقتباس:
تسلمين اختي ريماس وان شاء الله تعجبش الاحداث الجايه اشكر لكي مرورك اختك غلاكم |
السلام عليكم عدت اليكم بفصل قصير عسى ان ينال رضاكم قراءة ممتعه الفصل الثامن : في اليوم التالي الكل اجتمع للذهاب الى حديقة وندرلاند وفاءاً لوعد سعود للسوري والأخيره كانت مستانسه حدها وتجهزت هي وخواتها وبنات عمانها سعود كان مودي خواته وخوانه معه اما عيال عمه الباقين فكل واحد ودا خواته معه وتركي وخلود معهم بناتهم وولد هيا نايف موديته خالته مع بناتها يتونس ويلعب وصلوا وندرلاند وطافوا فيها وماخلوا لعبه مالعبوها البنات والعيال سوا والسوري وبدور كانوا كاشفين طبعا مايغطون وجيههم وكلوا شعر البنات واخذوا لهم الذره المشويه وكانوا مستانسين آخر وناسه وسعود والعيال وتركي معهم وعيونهم عليهم لايضيعون من زحمة الناس وكانت الحديقة خلط يعني عوائل وبنات وشباب المهم تأخر الوقت وسعود قام يعلن لهم انه خلاص قرب وقت طلعتهم بس تعرفون السوري قامت تترجى فيه : فديتك ياسعود آخر لعبه بنلعبها وبنروح .. من متى وحنا ننطرها .. خلاص قرب دورنا الله يخليك ياسعود سعود : زيييييين آخ لعبه وعقبها بنرجع البيت سمعتيني والتفت على العيال زايد وناصر وفهد ونايف ومشعل وعبد الله يكلمهم خلكم معهم وحنا بننطركم عند البوابه والتفت على السوري ترآهااااااااا آخر لعبه وتوه بيمشيىشاف السوري تكلم وحده من البنات تبيها تلعب بس شاف البنت تتكلم بس من مكانه ماقدر يسمعهم ويش يقولون قام دعا السوري : ساره فيه شيء من تكلمين السوري : اكلم منى ابيها تلعب وتقول ماتبي لأن فلوسها قصرت ومهوي معها الفلوس الباقيه بس مها دخلت هي والبنات والعيال قبلنا للعبه وكنت بلحقهم انا ومنى على اساس يحجزون لنا مكان بس منى غيرت رايها يوم شافت الفلوس قاصره وانا ماعندي خلصت فلوسي .. سعود وهويفتح بوكه ويعطي السوري الفلوس لمنى قامت منى انحرجت وبغت تردها : تسلم ياسعود بس خلاص ماني مشتهيه العب مايحتاج تدفع لي سعود : أفااااااااااااا مابينا سحا ترديني يامنى منى : لا ماعااااااااش من يردك بس قاطعها سعود : لابس ولا غيره يله روحي العبي مع خواتش منى : ان شاء الله وشافت سعود وهو يمشي مبتعد عنهم والتفتت على السوري معصبه عليها : الله يفشلش زييين كذا احرجتيني السوري : عااااااادي سعود ماحد يستحي منه فديته يلله امشي منى : امشي كله من مهوي الدبه دخلت وخلتني وراها . اللعبه اللي بيلعبونها كانت عباره عن صحن كبير مدور يجلسون الناس على اطرافه وهو يدور بقوه والموجودين داخل كانوا يتمسكون بالحواجز اللي برا علشان يثبتون نفسهم كان الكل جالس وملتزم مكانه ماعدا بعض الشباب اللي كانوا واقفين في الوسط وماكانوا مثبتين نفسهم فطبيعي انهم يطيحون على الناس اللي جالسه وكانوا الشباب واقفين قدام البنات مها ومنى والجازي والبنات الباقين متوزعين في اللعبه مع العيال .. الشباب اللي كانوا واقفين ماكانوا متمسكين بشيء علشان كذا طاحوا على البنات اللي من الخوف تراوحت ردات فعلهم منى لأنها خجوله وهاديه كانت رد فعلها انها دفتها على الارض من صدمتها بطيحته اما مها فكانت ردة فعلها عنيفه شوي اضربت الشاب بالشنطه على راسه اما الجازي فتداركت نية الشاب ووخرت عنه وخلته يطيح تحت رجلها طبعا حركة الشباب مافاتت العيال زايد و ناصر – فهد ونايف – مشعل وعبد الله اللي كانوا ينطرون اللعبه تخلص علشان يسنعون الشباب بمجرد ماوقفت اللعبه زايد وناصر كانوا اول الناس النازليين وبنطرون الشباب ينزلون واول مانزل واحد منهم تلقاه زايد ببكس كسر له خشمه والثاني كان جاي يبي يدافع عن خويه مسكه ناصر ونزلوا خوياهم الباقين مشعل وفهد ونايف كان معطلتهم الزحمه من الطلعه بسرعه قاموا نطو سور اللعبه وصار الإشتباك بينهم وبين الشباب .. البنات خافوا يوم شافوا المضاربه وحاولوا يهدون اخوانهم اللي ماكانوا يسمعون والتموا الناس متفرجين على الضرب منى والسوري وبدور ووصايف كانوا يبكون خوف على اخوانهم اما مها والجازي والعنود وشيخه فكانوا مرتبكين مايعرفون ويش يسوون .. منى : مها كلمي حد خلي يجي يفكهم بيذبحون بعض .. كلمي اخوي سعود وترد عليها الجازي : لااااااااا انا بااكلم سلطان قاطعتها العنود : مجنونه انتي واياها تبون تخوفونهم وبعدين سعود في الشقه وسلطان شري مايتفاهم تعنينهم وحنا عندنا سعود وتركي انا بكلمهم وكلمة العنود سعود وعلمته بالسالفه اول مادرا اخذ تركي ودخلوا داخل وشافوا تجمع الناس والبنات يبكون ويتنافضون من الخوف التفت على تركي : تركي كلم سلطان خله يجي ووصلوا البنات للشقه وانا بااتصرف بحل المشكله ودخل بين الناس يكلم اخوانه زايد وفهد ومشعل وحاول يفكهم من العيال ماردو عليه والتفت على عيال عمه ناصر ونايف وعبد الله كلمهم ماسمعوه من حشرة الناس شوي وسمعوا صفارات سيارات الشرطة اللي جات والقت القبض عليهم هم واللي متضاربين عليهم واخذوا سعود معهم وقامت الشرطه بفض الناس من حولهم ..... انتهى الفصل الثامن ... ماهو مصير العيال هل هو السجن ام سيستطيع سعود التدخل لصالحهم ؟ كل هالأحداث بتكون في الفصل التاسع ........... انتظرونااااااااااااااااا ............................................................ ............................... |
السلام عليكم اخواتي العزيزات ان شاء الله راح انزل الفصل التاسع والعاشر يوم الأحد بإذنه تعالى فلا تبخلوا علي بردودكم التي تثلج صدري وتعزز قدرتي على الكتابه اكثر تقبلواااااااااا مودتي اختكم غلاكم |
السلام عليكم اخواتي اعضاء ليلاس ومثل ماوعدت راح انزل الفصلين التاسع والعاشر وآسفه على التأخير قراءة ممتعه الفصل التاسع : وفي شقة العم نايف .. نايف واخوانه وعيالهم قاعدين على اعصابهم وينطرون مكالمة سعود علشان يطمنهم على العيال .. سلطان بن مشعل وقف : انا بآروح اشوفهم رد عليه سعود بن نايف : اقعد مكانك مالك حاجة تروح .. سلطان : وليش مااروح عجل عاجبتك حالتنا كذا مانعرف شيء .. سعود : سعود هناك وبيعلمنا بكل شيء بس اقعد وهدي شوي .. العصبيه ماراح تفيدنا بشيء .. ماتشوف ابوك وشلون حالته ... التفت سلطان على ابوه لقاه قاعد وماسك مسباحهه يستغفر فيه والتوتر والقلق بادي عليه وشاف عمانه وكانت حالتهم ماتقل من التوتر من حالة ابوه ومحمد رايح جاي في الشقه وعينه على تلفونه وياما دخله في مخباه وطلعه اما حالة النسوان وهم ينتظرون سعود يريحهم ويهدي بالهم ونوره وهند اكثر شيء خايفين منه عيالهم ناصر وزايد لأنهم عسكريين وخايفين يأثر عليهم في المستقبل في شغلهم والبنات مقطعين اعمارهم من الصياح عليهم اكثر وحده صابره وتصبر اللي حولها هي فاطمه والعمه منيره : يابنات مافيهم الا العافيه وبيطلعون ان شاء الله .. وفي مركز الشرطه سعود قاعد ينطر الضابط اما العيال فكانوا محبوسين في النظاره لين يشوفون ويش بيسووووون فيهم .. العسكري : تفضل خوييه الضابط يترياك داخل قام سعود ودخل على الضابط : السلام عليكم اخوي .. الضابط : وعليكم السلام ... آمر خوييه سعود : مايآمر عليك ظالم بس انا جاي مع العيال اللي قبضتوا عليهم في وندرلاند الضابط : هيييه العيال المتواقعين هناك .. سعود : نعم حضرة الضابط الضابط : ومالمطلوب منيه سعود : الله يسلمك حبيت اعرف شنو الأجراء المتبع في حالتهم الضابط : اخوووووووي اسمك بالخير سعود : معاك سعود بن سلطان الضابط : والنعم بك .. اخوووويه سعود مثل منت عارف المضاربه ماهي حل حتى لو ان الشباب اهم اللي استفزوهم سعود : معك حق بس تدري ياحضرة الضابط الواحد لما يثور لعرضه والشباب بعد ماقصروا الضابط : والله يااخوي انت تعرف احنا احينه حابسينهم وبنشوف المحكمه بشو تآمر سعود : زين مانقدر نحل المسأله ودياً مثل منت عارف حنا من الدوحه وجايين هنا سياحه يعني حنا بكره راجعين الضابط : والله كانك قدرت خير وبركه .. احينه بأستدعي الشباب ونشوف سعود : تسلم اخوووووي ماتقصر وامر الضابط بإستدعاء الشباب وتركهم مع سعود على اساس يتفاهم معهم وبعد تفاوضات وافقوا على الحل السلمي اللي بيحفظهم من السجن مثل مابين لهم سعود وبعدها تم خروج الشباب والعيال بعد دفع الكفاله وتوقيعهم على عدم التعرض لبعض ... سعود كلم محمد اخوه وبلغه بآخر المستجدات وانه قدر يطلعهم وطلب منه انه يجي بالسياره علشان يوصل العيال معه . وفي الطريق الى الشقه سعود قعد يكلم العيال ويأنبهم خاصه اخوه زايد وناصر : والحين لوان الرجال ماطلع فيه خير وقبل انحل المسأله ودياً كان خستوا في الحبوس رد عليه زايد : عادي عندي اهم شيء ابرد خاطري في ملعون الوالدين رد ناصر : ههههه والله انك اقديهنت فيهم كسرت خشمه جاوبه زايد : ههههه ايه والله بس انه ماهوب هين يده ثقيله بس تعرفون شيء اختك بعد ماقصرت فيه ضربته بشنطتها على راسه وهويلتفت على ناصر انتبه سعود لكلامهم : اي وحده فيهم منى ... رد مشعل : لاااااااااا هذي قامت تبكي روعها الرجال يوم طاح عليها سعود وهو يسوق يوم سمع كلام اخوه قام يمسك السكان ويرص عليه من حرته وتابع مشعل هذي الله يسلمك مها اللي بتكون مرتي مشاء الله عليها طلعة ذيبه ناصر التفت عليه : ماشاء الله تخطب على كيفك من متى الخطبه بالله مشعل : عقب ماشفت سنعها كبرت في عيني وبافاتح عمي يخلينا نملك ناصر : هذا انت قلتها يعني لين الحين ماصارت وبعدين يمكن مااوافق عليك مشعل : اقلب وجهك منا لين آخذ رايك .... ناصر والعيال قاموا يضحكون على مشعل طبعا اشكالهم عقب الضرب تحفه كلو واحد منهم وجهه صاير لوحه اما عبدالله فكان يتوجع بصمت من يده لين ماحس انه خلاص ماعاد يقدر يتحمل اكثر التفت على اخوه ناصر : احس اني باارجع من وجع يدي ماعاد اقدر ودوني المستشفى.. ناصر : سعود عبدالله مستوجع من يده مر المستشفى سعود : لاتخليه يحرك يده يمكن كسر وحول طريقه للمستشفى وعاين الدكتور عبد الله وسوا له اشعه وطلع في يده كسر لفوها له ورجعوا العيال للشقه والأهل يوم شافوا عيالهم طلعوا تطمنوا وارتاحت قلوبهم وعزموا على السفربكره لمكه مثل مااتفقوا ... نهاية الفصل التاسع ....... ............................................................ .................. |
يتبع .... الفصل العاشر : بدأت العائلة رحلتها وانتهت من الإجراءات الروتينيه من مركز سلوى وواصلوا طريقهم الى الهفوف ارتاحوا هناك وواصلوا طريقهم الين ماوصلو الرياض خذوا لهم شقق هناك يرتاحون فيها ويقعدون يومين فيها وعقب بيحركون للطائف ومكه مدينه الرياض جميله بمبانيها وطرقها السريعه ومجمعاتها الرائعه مثل المملكة والفيصليه وصحاري اللي البنات استانسوا فيها وتسوقوا منها وتمشوا في حدايقها وملاهيهها وبعد ماارتاحوا فيها واصلوا رحلتهم للطائف ومروا في الطريق بالوديان والبيوت اللي مبنيه فوق الجبال نايف يكلم ولده فيصل : شوف يافيصل البيوت فوق الجبل والله اني مااقوى على السكن فوق .. فيصل يضحك على خوف ابوه من الاماكن العاليه وكان منظر الجبال رووووووووعه سبحان الخالق واستأجرت العائله فلتين جنب بعض على اساس يرتاحون فيها ويحرمون فيها وبعدين توجهوا لمسجد الميقات ومن بعده الى اطهر ارض مكه المكرمه وحجزوا في ابراج مكه وحطوا سياراتهم في المواقف ونزلوا يعتمرون اول مادخلوا مكه اصابتهم الرهبه والسكينه لملقى الكعبه الشريفه واتموا مناسك العمره وبعدها قعدوا يصلون صلاة الظهر وبعدها العصر وشربوا من ماء زمزم وبعدها رجعوا للفندق يرتاحون ويفكون احراماتهم ... بعد الراحه أذن لصلاة المغرب فقام رجال العايله مع النسوان الكبار ونزلوا للحرم للصلاه وجلسوا يسبحون ويقرون القرآن ويهللون ساعات بسيطة .. وصلوا صلاة العشاء وبعدها توجهوا للفندق ... في شقة بوسلطان فاطمه تقيم بناتها لصلاة العشاء ولا وحده منهم قامت من التعب اللي تعبوه اليوم .. فاطمه : يــــابـنات قوموا الله يصلحكم .. يـــابـنات قوموا .. ترى رقادكم ذا الحين رقاد مرررررررض ... يعني ماتسمعوني ... معلييييييييه اوريكم ذا الحين وراحت وخذت غرشة ماء ورشتها على البنات ومن برودته البنات نطوا من فرشهم متروعين .. بدور : يوووووووووه يمه حرام عليش ... زييين كذا سبحتينا الجازي وهي تتنافض من برودة التكييف ومع الماء البارد قام فكها يرجف : يمه حرام عليش والله اني ميته برررررررررد اما حصه فقامت ومسحت وجهها : وقامت وحبة راس امها ودخلت الحمام تتوضأ ............................................................ ....................... هيا تقيم سعود اللي راقد ولاهو حاس بشيء من التعب ... هيا وهي تهز سعود : سعود يله قوم بسك رقاد .. سعوووود قامت خذت بنتها الريم وحطتها عند ابوها الريم ماقصرت قامت تمسك شعر ابوها وتبوسه اذته لحد ماقام من النوم وشافها قدامها وقعد على فراشه : مرحبااااااا والله بالريم حبيبة قلب ابوها وخذها وحطها في حضنه وقام يحبب فيها ... جاتهم هيا : والله ماحد قدر عليك غيرها وان صار لي ساعة كامله اقومك ماقمت لي سعود : تحطيني حالش حال الزينه اللي عندي وقام يحبها على خدودها هيا : شكلك بتخليني اغار من بنتي اذا هي الحين كذا وانت طاير فيها اذا كبرت بيطيح كرتي سعود وهو يمسك يدها ويحبها : انت الأصل وهي الفرع وانا ان حبيتها لأنها قطعه منش وبعدين ويش ذا الزين كله .. وقعد يقصد فيها ويتأملها بكامل زينها ... يـاقـمر قلبي مع اللي يشبهك وصفة قمر اللــــي نورك ساطع من وجنتينه والجبين بو عيون في هدبهن طارش الموت الحمر يرتجف معلوق قلبي لاخزرني بطرف عين والشفايا صاغها الرحمان فـي لــون الجمر وان تبسّم بـيـّن اللـــي كنــّه الــدر الثميـن هيا انحرجت من غزله فيها وقامت تفكر بتصرفات سعود من عقب رجعتهم لبعض تغير حيل معها قام يحسسها بقيمتها في حياته وانها غاليه عنده ويحسسها بجمالها اللي اهملته سنين .. وحست انها بغت تهدم حياتهم بسبب تافهه والحين تحمد ربها على طول بال سعود وحكمته عكسها اللي تسبقها عاطفتها .. وصحت من شرودها على سعود يقول لها : اقول شرايش عقب مانرجع الدوحة نسافر بروحنا نجدد شهر عسلنا وبكذا نفتح صفحه جديده نعرف فيها بعض من جد وجديد هااااااااه ويش قلتي هيا : ماعندي مانع اللي تبيه بس مانبي نطول خلها اسبوع اواثنين علشان الدوام بيبدا وما اقدر اخليه سعود : ايه الدوام وسكت شوي هنا هيا تكلمت : سعود تكفى ماابيك تتراجع عن موافقتك لي على الدوام رد عليها سعود : انا ماعندي مانع بس انتي مقتنعه بالدوام انا كنت اظنها مسألة عناد من عندش قاطعته هيا : لاياسعود الفتره اللي افتقنا فيها خلتني اقعد بيني وبين نفسي وافكروصدقني اني مقتنعه بالدوام مااااااابي ارجع هيا الأوليه انسانه مهمشه ابي احس ان لي كياني اللي فقدته بس الظاهر الزعل اللي صار بينا صحاني لأمور كثيره كنت غافله عنها سعود : خلاااااااااااص تم وعلى ذا الخشم بعد آآآآآآآآآمري ياام نايف ويش تبين بعد هيا : تسلم فديت قلبك يالغالي ... سعووووووود سامحني ان كاني اخطيت في حقك كثير بس والله العظيم اني احبك وماااااابي شيء يفرقنا انا مالي غيرك انت وعيالي دنيتي كلها وانا بعدكم امووووووووت سعود يلمها لصدره : مسموحه ياقلب سعود ونور عينه واحنا مالنا غيرش انتي نور البيت ياام نايف . هيا : يله قوووووووم العشاء بيحطونه الحين سعود وهو يقوم والريم متعلقه فيه زيييييييين بس اخذي ذا النتفه وخليني ادخل الحمام . ............................................................ ....................... في سويت تركي خلود تحاتي بنتها نورررررره كانت تعبانه وحرارتها مرتفعه ونوبة الربوووو زادت عليها وتتنفس بصعوبه قعدت خلووود تحط لها كمادات بارده تبي حرارتها تخف شووووووي بس مافيه فايده الحراره مانزلت والبنت قامت تختنق فما كان منها إلا انها تدق على تركي اللي كان طالع يتعشى مع الرياجيل ... خلود : آآآآآآآلوووووووو تركي سعود : هلااااااااا خلود انا سعود تركي قام يغسل تبين شيء خلود : هلاااا ومرحبا سعود ولا عليك أمر خل تركي يجيني النووووري حرارتها مرتفعه ومااعرف ويش اسوووووي بها معها أزمة ربوووووو وماعندي حد يوديني للمستشفى البنت قامت تختنق .. تكفى ياسعود خله يــعّجل علي سعود : لاتخافين الحين بااكلم مشعل في الشقه وبخليه يوديكم انتي ومعش وحده من البنات خلود : الله يسلمك بس خله يجي بسرعه سعود : انتم اجهزوا وهو بيجيكم وبنلحقكم انا وتركي للمستشفى ............................................................ ................... في سويت سلطان بن سعود البنات مجتمعات هناك وقاعدين يسولفوون ويخططون علشان عرس شيخة والعنود وشنوبيسووووون فيه وعن الأغراض اللي تنقصهم ووين بيفصلوووون ثياب العرس واي قاعه بيسووووون العرس فيها وعن افكارهم لزفة البنات وهم جالسين يخططون رن جوال العنود وكان جنب منى وبما أن جوال منى والعنود متشابهين ردت منى على المكالمه : آآآآآآآآآآلو استغرب سعود الصوت وظن انه مغلط بس رد : آآآآآآآآآآآلو السلام عليكم منى ماعرفته وظنته واحد مغلط فردت بنبره حاده شوووووي : نعم سعود : لو سمحتي اختي هذا رقم العنود منى : لااااااااوالله تستظرف دمك تراهااااااااا حركه قديمه .. اقول سكر الله يرضى عليك ولاعاد تزعجني وسكرت التليفون سعود : بس انااااااااااااوما سمع الأ تووووووووووووووووووت .. الــــــ سكرت التليفون رجع يتصل مره ثانيه ورجع الخط ينفصل الحركه هاااااااااااذي عصبت بسعوووووووود فما مكان منه إلا انه يتصل بأخته شيخه : آآآآآآآآآآآآآآآلو هلا سعود .. تليفونها عندها ... لاااااااااااا مارن ... شنوووووو بس هذا هو قدامي ولاسمعناه يرن .. تدري صبر شوي العنود سعود يقول وينش من جوالش .. العنود تشوف تليفونها استغربت : يا بنات هذا جوال من التفتوا البنات عليها منى شافت الجوال اللي معها وشافت خلفيته وكانت صورة عمها سلطان وضحكت : جوالش عندي يالعنود ظنيته جوالي .. علشان كذا اللي متصل كان يبيش خذت العنود الجوال وهي تقول لشيخه : هاذا هو جوالي كان عند منى ظنته جوالها شيوخ وهي تكلم سعوووووود : هههههههههه الجوال كان عند منى هي اللي ردت عليك ظنته جوالها اللي يشبه جوال العنود عسااااااااها ماجابت العيد معك سعود : لااااااااااااا اسمعيني خلي العنود تتجهز وتروح مع مشعل لخلود يبون يودون النوري بنت تركي للمستشفى يله اعجلي وقولي لها يله مع السلامه شيوخ قالت للعنود اللي قامت تتجهز والتفتت شيوخ على منى : الحين يابنت الحلال مالقيتي تطيحين إلا في المارد سعوووووووود ... منى تسأل شيخه : لا يكون هو المتصل على الجوووووووال شيخه : ايه هووووووو ويش هببتي معه منى استحت يوم تذكرت كلامها وانها سكرت التلفون في وجهه وقالت للبنات اللي استلموها تخويف مها : ياويلش مالقيتي إلا المارد تناشبينه السوري : مااااااااااااارد يطلع لش من بين جنوبش قولي آآآآآآآآآآمين الحين اخي فديته غدا مااااااااارد مها : هاااااااااااااه نطت لي الجنيه .. بدور : جنيه تنطط على راسش مها : كملت الجنيه الثانيه نطت لي بعد وصايف : تستاهلين وتلتفت على بنات عمها تراها ماعندها اسلوب هي قصدها المرعب سعود الجازي : يعني انش رقعتي شوي ... حرام عليكم والله ان سعووووووود ماشاء الله عليه مزيوووووووووون وله هيبه وشخصيته قويه علشان كذا انتم تشوفونه يروع السووووووري : يالبا والله قلبه اخوي رزه استخسر البنات فيه لين الحين ماانخلقت اللي تكمله مها : مااااااااااااااااااايسوى علينا هييه انتي تسوووووووين دعايه لأخيش فكينا وبعدين تراكم كلتم اختي مايسوى عليها وبعدين هااااااااااااااااذي منى جنة ربي يحلمون النسوان يجيبون مثلها فديتها وتلم اختها اللي ابتسمت من دفاعها لها وكملوا سهرتهم ضحك وناسه . ............................................................ ......................... في سيارة تركي اللي كان يسووووووووق بسرعه يبي يوصل للمستشفى بسرعه وكان سعووووووود معه يهديه : ياابن الحلال خفف السرعه مافيها إلا العافيه ان شاء الله تركي : قلبي يحاتيها ... سعووووووود : لاتخاف كلمت مشعل قبل شووووي وقال لي انهم عطوها خافض للحراره وبيركبون عليها البخاخ وبعون الله تكون بخيررررررر تركي : آآآآآآآآآآآمين يارب العالمين تكسر خاطري من أزمات الربو اللي تجيها سعوووووود : ياخوووووووي هذا ابتلاء وربك اذا اراد اختبار عبده اختبره تركي : والنعم بالله ... ............................................................ ............................ العيال في سويتهم جالسين متسدحين علشانهم بكره بيغبشون للدوحه وكانوا جالسين يسولفون ويتذكرون هدتهم مع الشباب في وندرلاند ويعلقون على أشكالهم في ذاك الوقت وأكثر واحد ضحكوا عليه عبود يوم طاح عليه مشعل واثنين من الشباب وتسببوا بكسر يده .. زايد وهو منسدح : الله لايبارك في عيال الذين شوهوا وجهي عدل الناس اليوم مستغربين من وجهي اللي ملون تلوين ناصر : ايه وانت صادق شفت الرجال اللي واقف جنبك مسكين ماسك نفسه لايضحك الله يقطع بليسك خوفته بوجهك تلقاه يقول ويش اللي طيحني جنبه شكله اقشر مبين على وجهه زايد : لا اسم الله عليك روح شف الظل اللي انت حاطه تحت عينك وردي وبنفسجي مستانس انت ووجهك تعلق علي ياعمي رووووووح العب هناك مشعل : هم ماقصروا فينا وحنا بع ماحنا بهينين بعد ويلتفت على نايف حت انت ماتوقعتك قوي يالنتفه ويلتفت على اخوانه وعيال عمه والله لوانكم شايفينه كان فطستوا ضحك على شكله خلى العيال كلهم وما ناشب إلا واحد ٍاطول منه بس امووووووووووووت واعرف شلون قدرت تنزله لمستواك .. نايف كان منقهر منه لأن مسألة الطول دايماً تضايقه فرد عليه : ياحبيبي اصغر مابه الجنيه وبعدين انا ماني بقصير طولي معتدل عجل تبيني بعير كبرك .. وكملوا سهرتهم بالطنازة والإستهبال على بعض ... ............................................................ ................... في ساعات الفجر الأولى صحت العائله للإستعداد للعوده للدوحة ... في شقة تركي تركي قايم يتوضأ مر على غرفة بناته لقاهم راقدين ولقى خلود راقدة على طرف سرير النوري كانت سهرانه تعطيها دواهااااااا قرب جنبها ولمس كتفها يصحيها بشويش : خلود ... خلود ... قووووومي صلي الفجر .. قووووووومي يالله فديتش خلود صحت وشافته قدامها واستعدلت في جلستها : صباح الخير .. تركي : صباح النور ... هاااااااه عسى الحراره خفت عنها خلود : ايه الحمد لله نزلت شوي .. كم الساعة معك تركي : الساعة اربع ونص الفجر يله قوووووووووومي صلي وخلينا نتجهز علشان نمشي خلود وهي تقوم : ان شاء الله ............................................................ ..................... في الحرم المكي الشريف الشيبان يصلون معهم سعود بن نايف وسعود بن سلطان وتركي ومحمد وسلطان يوم خلصوا صلاة التفت العم نايف عليهم : وين العيال الباقين ليش ماقيمتوهم للصلاة رد محمد : والله ياعمي طاحت حلوقنا وحنا نقيمهم انا وسعود وسلطان العم نايف : معليه انا اوريكم فيهم .. كله ولا الصلاه مااتهاون فيها وطلعوا من الحرم متوجهين للشقه العم نايف سابقهم والعيال الباقين وراه سلطان يهمس لمحمد وسعود بن سلطان : عز الله راحوا فيها سعود : خله وياهم علشان يحرمون السهر مره ثانيه محمد : شوف عيني للعصى اللي في يده بتلعب على ظهورهم ذا الساعه ..الحمد لله سويت فيني خير ياسعود يوم كبيت الماء على راسي والا لواني راقد ذا الحين كان قعدت ارقص من عصى عمي .. وصلوا لشقة العيال ودخل عليهم عمهم نايف وهو ماسك عصاته اللي ماتفارقه وقعد يقيم العيال وهم لا حياة لمن تنادي ماحد رد عليه .. العم نايف : ياعيال .... ياعيال ..... زييييييييين ومسك عصاته ولشط زايد وناصر اللي كانوا راقدين جنب بعض لشطهم لشطه خلتهم يتناقزون مايدرون ويش السالفه ... زايد : آآآآآآآآآآآآآآآح بسم الله الرحمن الرحيم .... بس بس خلاص قمت ... ويوم شاف عمه : تكفى ياعمي خلاص والله اني قمت اما ناصر يوم شاف ابووووووووه فز وقام ينقز من رجل لرجل يتفادى ضرب ابووووووووه له : يايبه خلاص قمنا ..... لاعاد تضرب فشيله رياجيل ويش طولنا ننضرب كن حن بزران ..... العم نايف : مادامكم رياجيل مثل ماتقولون وين الصلاه يله فز انت وياه للصلاه ..قوموا فزوا والتفت على فهد ومشعل ونايف وجاهم ماجا زايد وناصر وترقصوا عدل على نغم عصات العم نايف ... نايف وهو يلتف بالبطانيه علشان يخفف حراره العصى : تكفى ياعمي انا سميك والله اني قمت خلاص قمت وقاموووووووا العيال للصلاه اما بالنسبه لعبد الله فيوم سمع صوت صياحهم من الضرب خاف يجيه ماجاهم فقام للصلاه بسرعه .. يكفي عليه كسر يده وخاف من ابووووووه اللي عند الصلاه مايتهاون ابدا وممكن يكسر يده الثانيه فقام اشرف .... وبدأت مسيرتهم للعوده إلى دوحة الخير ... لتنتظرهم مواقف واحداث منها المفرح ومنها المحزن لننتظر ونرى.............. نهاية الفصل العاشر ........ ............................................................ ................. |
السلاام عليكم بااارت جمييل
هياا وسعوود الحياااه بينهم صااارت احسن ...وانشاء الله ماافي شى نغص عليهم سعوود بن سلطاان معقووله رااح تحب منى ...انشوووف الشباااب الحمدلله على السلاااامه ....ولا عااد تعااودوونهاااا البنااات ماافي احلى من الجمعه ياااسلااام لو اني معكم غلااكم ...منتظريينك على خيييير |
اقتباس:
تسلمين اختي مرورك اسعدني و تابعينا وان شاء الله بتعجبك الاحداث الجايه |
السلام عليكم راح انزل الفصل الحادي عشر قراءة ممتعه الفصل الحادي عشر في بيت يسكن فيه اصحاب النفوس البغيضة التي تكيد المكائد للإطاحة بالناس الأبرياء امثال عائلة آل سعود لمكاسب دنيويه مصيرها الزوال .. ابو عبد الله جالس في صالة بيته الداخليه وقدامه اوراق الصفقه اللي جابوها له جواسيسه دخل عليه ولده عبد الله توه جاااااااااي من رحلة قام بها : السلام عليكم الوالد مبكر اليوم ماهي بالعاده ابوعبد الله : حياالله ولدي الغالي .. الحمد لله على السلامه .. شخبار رحلتك عبد الله : تمااااااااام كالعادة من بلد لبلد ابوعبد الله : يابوك ماتخلي عنك السفر وتجي معي في الشركة انا تعبت من الحمل برووووووووووحي عبد الله : لاواللي يسلمك خلني كذا طير حر ماابي اتقيد بالشركة ومتى ماصار عندي وقت جيت وساعدتك هااااااااااااه ويش قلت ابو عبد الله : خلاص ياااااابوك مثل مابغيت ورجع للأوراق اللي معه عبدالله قام يتلفت وسأل ابوه : اقول إلا الوالده وين مااشوفها ماهي بالعاده ابوعبدالله وعينه على الأوراق : ماتعرف امك تلقاه رايحه للندوه مثل عادتها عبدالله : هااااااااااه وهو جالس سمع صوت باب الصاله وشاف امه تدخل قام لها وحب راسها : هلا والله بالغاليه وينش ماشفناش اليوم موضي : حبيت الكعبه ياولدي .. ابد ياولدي كنت عند جارتنا عندها ندوه دينيه قلت خل اروووووح احضرها عبدالله : الله يقويش ان شاء الله موضي وهي تتأمل في ولدها انتبه لها عبدالله : شفيش يمه فيه شيء بوجهي موضي : لاياولدي تبارك الرحمن زين وهيبه وطول اسم الله عليك بس ليتك تطيعني وتخليني ادور لك على بنيت حلال قاطعها عبدالله : يمه تووووووالناس على الشقااااااا ومتى ماحسيت نفسي مستعد للخطوه هذي جيت وقلت لش زوجيني وشوي ويصيح تليفونه شاف الرقم وقااااام من الجلسة علشان يرد في غرفته فوووووق ... عبد الله : هلااااااااااااااااا والله ياعمري هي : عبدالله حبيبي شلونك .. اشتقت لك وينك عبد الله : والله كنت مسافر في رحله وتوني واصل هي : سلامة الاسفار ياقلبي ........ هاااااااااه حياتي متى بشوفك عبد الله : خليها بكره حدي تعبان وميت ابي ارقد لين اشبع هي : عجل اخليك ترتااااااااح نوووووووووم العوافي ............................................................ .......................... في بيت سلطان بن سعود ... السوري والبنات خواتها قاعدين يبكون يوم دروا بمرض ابوهم وبسفره للخارج علشان يسوي العمليه ... والعيال يحاولون يهدونهم ويهونون الموضوع لهم السوري وهي تبكي : انا قلت لكم قلبي ناغزني بس ماصدقتوني اااااااااقولكم انا اشوفه يتعب بسرعه ... العنود : زييين ليش مايسويها هنا على الأقل بيكون قريب منا ... سعود : يالعنود احنا ماخذين له موعد احسن دكتور واخصائي يعني مثل هالعمليات هينه عنده انتوا الله يهداكم كبرتوا السالفه ابووووووووي بخير وماعليه شر ان شاء الله ... شيخه : تكفى ياسعود انا بااااسافر معكم تكفى الله يخليك ...... نطوا السوري والعنود : ايه تكفى ياسعود خلنا نروووووح معكم ... زايد بعصبيه : وين تروحون ودراستكم وامي من يقعد عندها ... السوري : عااااااااادي تروح معنا فهد : يابنات مايصير كذا ابوووووووووي هو بنفسه حدد اللي بيروحون معه السوري : ماعلي منكم انا بااكلمه ..... وقامت تبكي انا ابي اروووووووووح معه والعيال ماعرفوا شلون يقنعونهم قام كل واحد فيهم يلتفت على الثاني يبغي مساعدته عليهم قام تركي وقرب من خواته وكلمهم : يابنات انا عندي راي واتمنى تسمعونه للآخر ... رفع راسه لخوانه وبعدها تكلم : شوفوا حنا بنخليهم يسبقونا ويسوون الفحوصات الازمه واذا كانت العمليه بسيطه خليناهم يسووووونها هناك واذا قالوا لهم ان العمليه معقده شوووووووي انا بنفسي بااحجز لي ولكم مع امي وبنلحقهم ...هاااااااااااه ويش قلتوا ... العنود : خلاص يااخوي دامك وعدتنا انا بنتظر اما السوري وشيخه ماكانوا مقتنعين كانوا حاسين انه يسكتهم ... شيخة والسوري : انت تقولها صادق والا بس تسكتنا لين يسافرون ومانقدر نروح معهم ... العيال هنا عصبوا وقاموا يصايحون على البنات وسعود كان ساكت من البدايه بس حس انه لازم يتدخل : بس انتي ويااااااه لاعاد به قدر وحشيمه كل واحد منكم يرد على الثاني .. اخوانه وخواته سكتوا بعد زقرته : اسمعني انت وياه مالكم حق تعصبون عليهم واخوانهم الكبار موجودين والتفت على البنات : وانتي وياااااااها ماتستحون تكذبون اخوكم تركي خلاص هو قال لو جد جديد علينا بيوديكم مع اني ماني مقتنع روحتكم اساسا قاطعته شيخه بعصبيه : ااااااايه انت شعليك اصلاً انت ماتحبه ولو هو على كيفك وتوووووووهااااااااا بتكمل ماوعت الا بكف من سعووووووووووود على وجهاااا قطع باقي كلامها ورد عليه بغضب مكبوت : جعل لسانش القطع انا اتمنى مووووت ابووووووي انا ياشيخه ليش مااااااهوب ابوي مثلكم ... شيخه اللي من الصدمه ردت عليه : ايييه ماتحبه تكرهه علشانه فضل ااااااامي على ااااامك المتخلفه تكرهه علشانه قربنا وبعدك انا اصلا مااحسك اخوووووووو وبعدين سكتت من الصدمه على الكلام اللي قالته لسعووووووود والعيال الباقين كانوا منصدمين من رد شيخه على اخووووووووهم العود اللي كاااااااان لهم كلهم ابوووووووو ثاني ولاعمرهم احتاجوه الا ولقووووووه اول الناس معهم .. زايد ومشعل وفهد كانت ردة فعلهم عنيفه شوووووووي ويوم جااااااااااا زايد بيضربها مسكه محمد : خلهاااااااااااا يازايد خلهاااااااااااااا اللي جااااااااااهاااااااااا اليوم يكفيها والتفتوا يشوفون ردة فعل سعووووود الساكت اللي ماكان منه الا انه تحرك للباب بيطلع وتوووووه ماسك الباب الا السوري ماسكه يده : سعووووود ماعليك منها لاتشره عليه الله يخليك لاتزعل منها تراها تحبك وتموت عليك بس من الخوووف على ابووووي قالت اللي قالته بس صدقني والله انها ماتقصد وجات العنود : سعووووووود ماعليك من كلام ذا السفيه ... سعووووود التفت على العيال وقال لهم عن موعد السفر وانه رتب اموووووورهم وطلع من البيت وصدمته كبيره وجرحه عميق من كلااااااااام شيخه وقام يتسائل بينه وبين نفسه معقووووووووله اخوانه الباقين تفكيرهم مثل تفكيرها والأصعب هل هو في داخله يتمنى موووووت ابوه علشااااااان يجازيه بهجره له ولهاااااااا معقوووووله .. ............................................................ ......................... في غرفة زايد منسدح على سريره ويفكر بكلام شيخه ... ويتسائل بينه وبين نفسه ليش شيخه قالت اللي قالته لسعوووووود .. صحيح ان سعووووود منعزل شوي وساكن بروحه وحاز في خاطره طلاق ابووووووووي لأمه بس مستحيل يحقد عليه .... اوووووووووووف اعوذ بالله منك ياابليس .. ............................................................ ......................... ضــــايق ولـو انــي مــع النــاس مـــــزاح مــاودي ابــدي ضيــقة الصـدر وآبـــــوح امـوت مـاصحت بـ جروح الزمن مذبـوح اخـــاف مـــايــدري عــن الضيق ممـلوح اقـــــاوم جـــراح "ن" وتـتـعبني جــراح وابـني مــن الآمـــال لـ ايــامي صــروح واقــــول راح الــــهم والــــهم مـــــاراح ولا ادري من هموم الزمن وين بـ آآروح وان لاح دمــع العـيـن بــ الـعيـن ماطـاح وان طـــاح فــ افـهمها مـع طلعة الروح في احد الكوفيات سعود جالس وهموم الدنيا على راسه ومازال موقف اخته شيوخ يتردد في باله اكثر من مره ....... ودخل الكافيه فارس اقرب انسان لسعوووود صديقه وكاتم اسراره .. قام يتلفت يدور سعود لين لقاه وقرب منه وشافه سرحان ولاهو بصوبه ... فارس : السلام عليكم الحمد لله على السلامه متى وصلتوا سعود يقوم ويسلم على فارس : هلا فارس ... الله يسلمك وصلنا امس الظهر وشخبارك شلونك مع الدوام اربك مرتااااااااااااح .. فارس : الحمد لله مرتااااااااااااح الله يجزاك خير مستحيل انسى معروفك سعووووود : ويش ذا الكلام معروف مامعروف احنا اخوان ومابينا ذا السوالف فارس : سعوووووووود فيك شيء سعود : مافيني شيء فارس : علي اناااااااااا ياااااااسعود ... ويش اللي مضايقك علمني يااخوووووي سعود :ااااااااااااااااااااااه يافارس فارس : لذي الدرجه مافيه شيء في الدنيا تزعل على شانه وتحرق قلبك عليه سعووووود : فارس قد عشت مع شخص وتربى قدام عينك ومع الايام اكتشفت انك ماعرفته فارس : يجوزززززز ليش ويش اللي صاير سعود طلع مافي قلبه لأخو دنيته وبثه حزنه والوجع اللي داخله سنين وصدمته من اخته وخوفه وشكه انه يكون شعووووووووور اخوانه مثلها تكلم .. وتكلم لحد ماتعب من كثر الكلام .. وقعد ينتظر تعليق فارس على اللي قاله فارس : يااااااااخوي لاتشره عليها وعلى كلام انقال في لحظة غضب .. الحين بتلقاها تاكل في نفسها من الندم على اللي قالته سعود : صدقني يافارس ممكن اكون شلت في خاطري سنين من ابوووووي لأنه ترك امي بعد ماجابت محمد بس مستحيل احقد عليه واتمنى موته هذا ماهوب طبعي يااااااااااااااخوي ... ممكن اكون جاااااااااااااف شوي ولااعرف اعبرعن شعوري بس هذا مايعطيها الحق تشك فيني بالشكل ذا ... ماتتصور يافارس حسستني اني خسيس ونذل .. فارس : محشوووووووووووم ياااخوي انت اعز من الصفات ذي خلها للأيام وربك يحلها ولاتزعل عليها ولاهو من كبر سنينها سعوووووود : بالعكس انا احبهم كلهم ولو استوجع حد منهم حسيت بالوجعه في قلبي ... فارس : المهم اترك عنك الموضوع الله يخس بليسك خليتني محلل نفسي ويش اخبار سفرتكم عساكم استانستوا فيها ... وبدا سعود يتكلم مع فارس عن السفره والمواقف اللي طاحوا العيال فيها ... وفارس يضحك ويتخيل اشكالهم وسعوووود يضحك من ضحكه وحس ان فارس قدر يشيل شوي من همه ويخفف عنه .. ............................................................ ........................... الجازي تحاااااااااول تهدي شيخه اللي تكلمها منهاره والكلام مايطلع منها عدل بسبب شهقاتها اللي تتابع ... شيخه : والله العظيم اني مااقصد اللي قلته .. بس مااادري ليش طلع الكلام مني ماتتخيلين شلون انا ندمانه والمشكله ان اللي معي في البيت مايكلموني حتى ابوووووووي يوم درى عصب علي ... الجازي الله يخليش علميني ويش اسوووي الجازي : الحين هدي يابنت الحلال وخلينا نفكر سوااااااا ... زييين ليش ماتكلمينه شيخه : مالي وجه عقب السواه اللي سويتها الجازي : انا رايي انش تتأسفين منه وسعوووووووود قلبه كبير بيسامحش شيخه وهي تبكي : انتي ماشفتي نظرته لي حسيتها طعنه في قلبي ... الجازي : بعد انتي الله يهداش ذا كلام ينقال شيخه : زييييين ويش السوااااااااااااااه الحين حتى السوري والعنود زعلانين علي وامي ماخلت كلمه ماقالتها الجازي : خليها كم يوم لين تهدأ الامور وبعدين يحلها الف حلال ............................................................ ..................... في بيت مشعل بن سعود ... العيال كانوا متجمعين هناك وسهرانين والجو آخر وناسه والوقت متأخر والعيال لعب ورقه واللي داخل النت يسولف المهم نايف وفهد ومشعل وناصر وزايد يلعبون ورقه اما فيصل فاجالس على النت يكلم رفيقه طلال ومعه سلطان ومحمد ... زايد يسوي حركه لناصر يبيه يكشف اوراق نايف جنبه وكل واحد منهم يتفنن باانواع الحركات والباقين مثل الاطرش بالزفه ولاهم حاسين بالبساط اللي بينسحب من تحتهم ... بعد ماانكشفت اوراق نايف قط زايد والعيال الباقين اوراقهم واللي فاز طبعا كالعاده زايد .... فهد يسأل نايف عن دفتر محاضراته : اقول نيوف كتبت المحاضره اليوم نايف : ايه كتبتها ليش ويش عندك فهد : خبرك تأخرت اليوم الصبح وفاتني الكلام اللي قاله الدكتور بداية المحاضره نايف : والمطلوب مني الحين اعطيك دفتري تنقل منه ... صح فهد : ماشاء الله عليك يابا العريف ... صح يله اخلص علي قووووووم جيبها لي نااااااايف : كم تدفع ... خبرك الزمن ذا غدا زمن مااااااااادي ولازم أأمن نفسي وانا اخوك ... اكل العيش ياابني فهد : تراني عطيتك وجه بزياده قوم احسن لك من زين خطك تقول نمل مصطفين على سطر ...... اقوم اخلص علي نااااايف وهو يقوم : زييييييين هذا انا قايم بس تراها آخر مره ناصر : أفااااااااااااا يانايف تخليه يتأمر عليك ... لاااااااااا ماهقيتها منك مشعل : اشتغل السوسه ويش عليك منهم اعووووووووووذ بالله زايد : يااخي انت ويش اللي حارقك هو طرح وجهة نظر فقط لاغير وشوووي ويصيح جواله ورد عليه وطلع الشغل طالبينه واستئذن منهم وطلع وهنا مشعل التفت على ناصر : هااااااااااااااااه قعدت بروحك معنا ياعيال ويش انسوي به راح حليفه ونقدر عليه ذا الحين .. ناصر : ياحبيبي انا ماني ضعيف لكم وياويل اللي بيقرب صوبي سلطان اللي كان مندمج بالسوالف مع طلال وعيال عمه التفت لهم : ياعيال تراكم ازعجتونا وما خليتونا نسمع الرجال .. قربوا العيال الباقين من الكاميرا .. ناصر : هلااااااااااااا ابو الشباب كيف الحال طلال : يسرك الحال يانويصر .. اخبارك وين خويك منك ناصر : استدعوه للشغل تعرف حنا مصخناها بالإجازه اللي خذناها والحين يطلعونها من عيونا مشعل يقرب : شلونك ياطلول ويش الأحوال عندكم يمدحون الجو عندكم طلال : ننشد عنك وشلونك يامشعل .. الجووووووو عندنا جناااااااااان اخبارك مع السيارات عندي لك شراي للجمس اللي عندك وبالثمن اللي تبيه مشعل : انا مااااااااااااااابي ابيع ماشريته وانا نااااااااااوي ابيعه وقعدوا يسولفون ويمزحون لين كل واحد توكل على بيته ............................................................ ................... وجااااااااااااااا يوم سفر العم سلطان مع عياله سعود ومشعل والعم نايف وكان الودااااااااااع مؤثر خوفا من فقد الاب الغالي والصدر الحنون والسند الذي يستند عليه الجميع ... وطلعوا من البيت بعد السلام والتمنيات بعودة الوالد الغالي بصحة وسلامه ومحمد وتركي كانوا هم اللي يوصلون المسافرين في سيارتين للمطار وفي صالة المطار سمعوا الشباب لتوصيات العم نايف وسعود بخصوص الشركة وحرصوا عليهم ضرورة الاتصال في حالة حدوث امرِ جلل ........ لحظات نودي على رحلتهم المتوجهه الى الهند .. ............................................................ ........................... في الشركة وفي مكتب اخبث ثنائي عض اليد التي اطعمته وساعدته وجازت هذه اليد بالقطع والخيانه ... حمود : سالم شفت الموظف الجديد سالم : ايييه فارس ويش فيه حمود : احس ماابلعه .. شايف نفسه علينا مدري على ايش سالم : ايه وانت الصادق هذا توه متوظف وشكل بياكل الجو علينا حمود : ماعليك منه دايما الموظفين الجدد فيهم طموح زايد في البدايه بس سالم : تدري ياحمود عندي احساس ان فارس ذا بيكون عون كبير لنا حمود : مافهمت قصدك سالم : اقصد بدال ماانكون اثنين نكون ثلاثه وبعدين انا احسه داهيه حمود : ماااااااادري مستحيل اامن له لحد مااجربه واشوف سالم : خل عينك عليه وراقبه واذا حسيته شريف بزياده وراعي مثاليات فارغه اتركك منه اماااااااااااا حمود : اما اذا لقيته يموت على الفلوس ويحب المنفعة لنفسه نضمه لنا وابو عبد الله مايقصر سالم : هذا انت قلتها والحين امش قدامي نتقصى الاخبار حمود : امش قدامي وانا وراك ............................................................ .................. في بيت سعود بن نايف ... هيا توهاااااااااا راجعة من الدوام على طول نزلت عباتها ودخلت المطبخ تجهز غداء سعود بسرعه واول ماخلصت طلعت لغرفتها تااااااخذ لها شاور سريع وطلعت ونشفت شعرها وحطت ميك آب خفيف ولبست جلابيه حلوووووووووه ورديه ونزلت تحضر الغداء وتحطه في الصاله وهي في المطبخ منشغله ومعطيه ظهرها للباب ماحست الا ببوسه على راسها وخدها وصوت سعود اللي خلاها تنقز من مكانها : ااااااااحلى ريحة ويش طابخه لنا اليوم ياقلب سعود هيا : بسم الله خووووووفتني ياسعود بغى يوقف قلبي سعود : سلامت قلبي هااااااااااه ويش طابخه اليوم هيا : كل شي يحبه قلبك انت الحين روح بدل ثيابك وتشطف وانزل تلقاه محطوط في الصاله سعود: تااااااااااااااااامرين امر يالغاليه ............................................................ ......................... تركي توه داخل البيت حسه هااااااااادي بزياده ماسمع حس بناته وخلود استغرب دخل المطبخ لقى الخدامه سيتاااا سألها : وين مااااااااماااااااا خلود وين بنات سيتاااااا: بنات خلاااااااص اكل سليب ... تركي : زييييين وماااماااااااا خلود سيتااا: ماماااااااا خلود يجي من شغل تعبااااااااااااان يجلس داخل رووووووووم تركي : شنوووووو خلووووووود تعبانه وطلع للطابق الثاني يشوف خلووووود ويش فيها .. دخل الغرفه لقاهاااااااااظلمه ولقى خلوووووود راقده ومنطويه قرب منها : خلووووووووووود ولمس جبهتها خلووووووووود فيش شيء يوجعش شيء خلووووود : ااااااااااه تركي متى جيت تركي : توني واصل واستفقدتش وقالت لي الخدامه انش تعبانه ... ويش اللي يوجعش خلووووود : تعبانه شوي وحاولت تقوم : تبي غداك مسكها تركي : خليش مكانش انا بخلي الخدامه تحط غداي خلووووود : لا انا الحين احسن وبعدين انا ميته من الجوووووع من الصبح كل ماحطيت شي رجعته الظاهر رجع لي وجع المعده ... يله بااقووووم اجهز الغداء وبالمره نتغدا سوااااااااا تركي : برااااااااااااايش يالغاليه بس اليوم بنروح المستشفى علشان يعطونش دواء للوجع اللي معش ............................................................ ....................... في بيت مشعل بن سعووووود النسوان مجتمعات هناك ومعهم البنات لأن بوسلطان مسووووي عزيمه لجارهم الجديد وعازمه علشان يتعرفوووووون على بعض والنسوان يعرفون بعض .... في المطبخ فاطمه واختها نووووووووره مع بناتهم في المطبخ يجهزون للعشى والبنات قاعدين يتحلطمون من ريحة البصل والامهات قاعدين جنب قدر الطبخ اللي يطبخون فيه اللحم ووزعوا المهام على البنات اللي تقطع اللحم واللي تسوي الحلو واللي تغسل المواعين واللي تجهز القهوة والشاهي واللي تسوي الحشو للحم واللي خلوها تجهز المشروبات البارده مها وهي تقطع البصل وعيونها تدمع من حرارة البصل : حرااااااااام عليكم والله لواني ادري انكم بدخلوني المطبخ وانا كاشخه ماجيتكم بدري ... حرام عليكم ماعاد شفت قدامي الجازي وهي تجهز الحشو : لاتقعدين تحنين علينا وخلصي البصل اللي عندش محتاجته بسررررررررعه اعجلي علي منى وحصه قاعدين يتفنون في الحلويات وكل وحدة تساعد الثانيه بدور خلوووووووووهاااااااا تجهز القهوة والشاهي وتحطهم في الدلال اما وصايف فخلوها تغسل المواعين مع الخدامات علشان يخلصون بسرعه وما يقعد المطبخ وصخ وصاااااااااااااايف : حراااااااااااااام عليكم اصابيعي تشققت من الغسيل زين عندكم خدامات ليش مخليني اغسل معهم ... نوووووووووره : خلكم من الحنه واعجلوووووووووا علينا قبل لاتفضحونااااا قدام الناس ومن غير هذرة زايده فااااااااطمه : الحين هذا جزانااااااااااااا نبيكم تغدون نسواااااان ولاتفضحونا عند رياجيلكم مها : اصلا قبل لااوافق على العرس اهم شرط من شروطي اني ماادخل المطبخ بدووووووور : وانا والله ماادخل بيته الا ماتكون الخدامه قدامي منى : دام ذا كلامكم احسن له يتزوج الخدامه عجل ليش ماااااااااااخذش زينه في البيت الجازي : بنات ذا الوقت الحين جرحنا احساسكم المرهف يوم دخلناكم المطبخ الله يرحم حالي اللي كل يوووووووووووم مع امي في المطبخ وحصه بعد ماسلمت بس باقي ست الحسن بدوووووووووور بدوووور : غصب عنش ست الحسن .. ورجعت تكمل شغلها وصايف غسلت آآآآآآآآآآخر صحن وقعدت على كرسي : ااااااااااااااه يارجيلي والله انها توجعني من وقفتي ... وتلتفت عليها مها : وصووووووووف تعالي ساعديني وتو وصايف بتتكلم الا انفجرت ضحك وانسدحت على طاولة المطبخ وتضرب الطاوله بيدها البنات والامهات مادرواااااا ويش سالفتها .. مها : ضحكتي بلا سنون وجع ويش انا قايله الجازي : وصاااااااااااااايف شفيش وجع تكلمي ووصايف ماقدرت تتكلم وقامت تأشر لحد ماشافوا على من تأشر على مها ويوم شااااااااااااافوها البنات ضحكوا على اللي ضحك ووصااااااااايف ... هذي مها كانت الاخت كاشخه وحاطة مكياج والكحل راسمته رسم ومن الدموع اللي ذرفتهاااااااااااااا من البصل اللي كانت تقطعه والكحل سال وخرب مكياج عيونها .. مها : وجع ان شاء الله ليش تضحكون فيه شيء في وجهي يضحك ... خلاص وفروا لكم حق بكره ... الجازي قربت منها ولفتها على صينيه علشان تقدر تشوف سبب ضحكهم عليها مها : بسم الله الرحمن الرحيم ... حسبي الله على عدوينكم زيييين كذا ليش ماقلتوا لي الحين لازم اروح اغسل وجهي وحط ميك آب جديد .. والتفتت على امها وخالتها : زين كذا كله من البصل الله يسامحكم كان عطيتوني شغله ثانيه وخليتوا الجازي ولا حصه يقطعونه بإعتبارهم ماهم حاطين ميك آب وشوي سمعوا جرس الباب .. مها اختبصت : ياويلي ويش السواه الحين العرب جاااو وانا شكلي كذا .. الجازي : شوفي بنطلع انا وياش من ورى البيت وبندخل من الباب اللي يودي للدرج الطابق الثاني وبكذا ماراح تواجهينهم .. مها : لا اخاف حد يطلع بوجهينا من اخوانش حصه : اصلاً نادر مايجون من ورى البيت مها : يعني اروح وانا متطمنه مافيه حد بيطلع في وجهي الجازي خلينا نروح وخلصينا بسرعه و بااخلي الخدامه تفتح الباب للضيوف وفي نفس الوقت عند الباب كان زايد جايب هله لبيت عمه وكان معصب على خواته لانهم متاخرين وكان ينزل الاكل اللي جايبينه عند الباب وفي عز عصبيته ماشاف بقعة الطين اللي قدامه اللي وصخت ثوبه من تحت ... هنا احتر زياده لانه ماعنده وقت يروح لبيتهم مره ثانيه : استانستوا ذا الحين يله ادخلوا داخل بااكلم سلطان والا نايف يطلع لي ... كــلم زايد سلطان يطلع له عند باب بيتهم ... طلع سلطان وشاف زايد متوهق بثوبه : هلا سلطان تكفى دبرني ثوبي توصخ من الطين اللي قدام بيتكم ومافيه مجال اني اروح البيت وارجع عطني واحد من ثيابك البسهم سلطان : زين امش اوصلك غرفتي ... مسكه زايد : ياابن الحلال وين بتوديني تبيني امر قدام النسوان كذا سلطان : بنروح من ورى البيت فيه درج يوصل للطابق الثاني زايد : يله مشينا ... ووصلوا للدرج الخلفي قال سلطان لزايد : اطلع الدرج اول غرفه على ايدك اليسار خلها وروح للي عقبها زايد يمسكه : وييييييييين بتروح اخاف اصادف حد من خواتك قدامي سلطان : مافيه حد قدامك توني مكلم امي والبنات كلهم عندها في المطبخ يعني تطمن مابه حد حولك وراح سلطان وخلى زايد يركب الدرج بروحه .. طلع زايد الدرج ودخل الغرفه اللي وصفها سلطان له وفي نفس الوقت مها كانت تتسبح في حمام الجازي اما الجازي كانت توها متسبحه علشان تطير ريحة الطبخ منها وقاعده تتمكيج قدام المرايه وعقب ماتأكدت عدل من مكياجها راحت تدور الولاعه في غرفتها علشان تولع لها فحم تدخن شعرها ولقته وقعدت تدخن شعرها وملابسها وخلت شعرها مفتوح وطلعت من الغرفه وفي نفس الوقت زايد كان طالع عقب ماتسبح من الطين ولبس من ثياب سلطان لأنهم نفس المقاس تقريباً وهوطالع وحاط غترته على كتفه شاف قدامه وحده ماانتبهت لوجوده كانت طالعه من وحده من الغرف وهي ماره في الممر وتعدل في شعرها ولبسها .. والاخت ماهي حاسه بالعيون اللي تشوفها زايد من الصدمه والربكه ماعرف وين يروح والاخت اللي قدامه قاعده ومعطيته ظهرها وكانت تكلم مها داخل الغرفه : مهوي تراني خليت لش الفحم انا بانزل لامي وخواتي وبااشوف الضيوف جااااااااااااااااو والا لا والتفتت بتنزل تحت للصاله شافت واحد قدامها ارتبكت وتوهقت تبي شيء يغطي وجهها وجسمها ماعرفت ويش تسوي غطت وجهها بيديها الثنتين زايد حركتها ضحكته ومر من جنبها وهو منزل راسه ونزل من الدرج اللي جااااااا منه اما الجازي يوم حست انها بروحها بطلت اصابع يدها وشافت زايد رايح من زمان بسرعه نزلت تحت كأن فيه حد لاحقها وما وقفت الا عند صالة النسوان وشافت هناك مرت عمها هند وبناتها قاعدين في الصاله وقفت تهدي شوي من ربكتها ودخلت تسلم عليهم . في مجلس الرياجيل ابوسلطان قاعد هو وعياله يتنظرون وصول ضيوفهم شوي دخل عليهم زايد سلم على عمه وعياله وجلس جنب خويه ناصروكان طول وقته ماهوب صوبه قاعد يتخيل البنت اللي شافها ويقول في خاطره اكيد انها وحده من بنات عمي مشعل بس من ... ناصر : يالحبيب ... يالاخو هيييييييه لا منت بصوبي زيود وين وصلت انتبه له زايد : معك .. معك .. ناصر وهو يشوفه : واضح معي زييييين ويش كنت اقول لك قبل شوي زايد : عن .. ايييييييييييه عن شغلك اليوم صح ناصر : لاااااااااااااااا شفت انك منت بصوبي .. زيود ويش بلاك منت طبيعي زايد : شوف لأنك خويي بااقولك ... بس لاحد يدري فهمت وقاله عن الموقف اللي صار له لحد ماشاف وحده من البنات ... يوم شفتها قدامي يانويصر ماعرفت ويش اسوي وقفنا ثنينا مانعرف ويش نسوي ... اعتقد انها وحده من بنات عمي مشعل ... سبحان اللي خلقها قاطعه ناصر : حدك يازايد الا ذي يااخووووي ماهوب انت اللي يغدر ببيت عمه ياولد عمي هذي عرضك يااخوي ترضى لواني او اي واحد من عيال عمك يوصف لك حد من خواتك زايد : لا مااسمح بس انت فهمتني غلط ماهوب زايد اللي يغدر وما يصون عرضه انا قصدي شريف ... هي بنت عمي وانا اولى بها بس ليتني عرفتها هي من من خواتها ... وقعد زايد يفكر بالعيون اللي سرقت قلبه ولسان حاله يقول : يابنت صوني نظره العين ليا **** رمح النظر يجرح سمو المبادي سحر العيون بلحظها لي تهيا **** تستاثمين بلحظ عينك وكادي كم من رزين بسبته مات حيا **** ضيّع دليله بالحضر والبوادي وشوي رن جرس البيت معلناً حضور ابو راشد .. العم مشعل : مرحبا مرحبا ببو راشد حياك اقلط ودخل ابو راشد معه عياله راشد وسعد وولده الصغير اللي بسن عبد الله خالد وقام العيال وسلموا على ضيفهم وقام نايف وفهد يقهووون الرياجيل اما بالنسبه للنسوان البنات عقب شغلهم في المطبخ راحوا يتسبحوووون ويغيرون لبسهم علشان النسوان ووصلووووووو ونزلوا يرحبون بأم راشد وبناتها عهود ولولوه ويعطون امهاتهم فرصه يتجهزون لهم وقاموا البنات يرحبون بضيوفهم ويصبون القهوه والشاهي ويدورون بالحلويات عليهم وبعدها بشوي دخلت فاطمه واختها نوووووره وسلموا على ام راشد وبناتها وقعدوا يسولفون وسوالف تجر سوالف والبنات مستانسين ببنات ام راشد لخفة دمهم وسوالفهم اللي ماتنمل وبعدين قامت فاطمة مع بناتها يحضرووووون عشا الرياجيل ويشرفون على كل شيءودخل سلطان ونايف للمطبخ يااااااااااخذون العشا للمجلس الخارجي وحطوه على السفره وقلطوا الرياجيل عليه ..... والنسوان قلطوهم على المطعم علشان يتعشوووووون وام راشد وبناتها استانسوا من حسن تجهيزهم وام راشد يوم شافت البنات كل وحده تقول الزود عندي فكرت ان تكون وحده منهم لراشد ولدهاااااا ... وانتهت العزيمة على امل اللقاء في بيت ام راشد للتوثيق الروابط اكثر وطول ماهم في السياره وهي تمدح في البنات ومثل مايقول المثل ( واسمعي ياجاره ) وراشد اللي كان يسوق بهم يضحك بينه وبين نفسه على حركات امه اللي ماوقفت محاولاتها لتزويجه ............................................................ ........................ نهاية الفصل الحادي عشر |
يعطيس العا فيه غلاكم سعود بن سلطان جرحه من اخته كبير بس اعتقد اذا تسامحت منه بيرضا بس بيبقى بنفسه شي
ابو سعود االله يشفيه ويخليه لعياله واخوانه زايد والجازي عسى بس لا راح يخطب ما يطلب غيرها من خواتها غلاكم شكرا لس |
اقتباس:
الله يعافيك اختي الفاضله سعدت بتواجدك طولتي بغيبتك لكن الحمد لله على رجعتك لنا اما بالنسبة لسعود فشيء طبيعي ان قلبه ابيض واكيد بيسامحها لكن هو اكيد يبي يعلمها درس انها ماتحكم بسرعه ولا تخلي مشاعرها تسييرها ..... تقبلي ودي غلاكم |
السلام عليكم ورحمة الله وبركاته اليوم راح انزل الفصل الثاني عشر قراءة ممتعه الفصل الثاني عشر : في الهند في مدينة "بنغلور" الجميله بطقسها الجميل المعتدل وغيومها الملبده والامطار التي تتساقط بشكل متقطع من نافذة فندق GRAND INN HOTEL سعود قاعد يشوف الجو من برى ويلتفت لأبووووه : يبه تشوف المطر الجو يجنن والمدينه حلوه بس لوان حنا جيناها للسياحه مهوب للعلاج .. انت ويش انت مسووووووووي الحين عقب الأدويه اللي عطاك اياها الدكتور العم سلطان : الحمد لله طيب .. كنت متوقع بماانه عندي شريانين متسكرين انه لازمني جراحه بس ربك ستر والله فكني منها ... سعوووووود : الحمد لله الدكتور طمني وقال ان علاجك مايستدعي جراحه كل اللي عليك تخلص كورس علاجك وتسووووي فحوصاتك مره ثانيه وعقبها نرجع للدوحه سلطان : ان شاء الله ... الا عمك نايف واخوك مشعل وينه مااسمع لهم حس سعوووووود : عمي الله يسلمك طالع مع دليلنا السياحي شندران ومشعل متبرع يسووووي غدانا اليوم وطاردني من المطبخ يقول مايبي حد يساعده العم سلطان : مشيعيل هو اللي بيسوي غدانا عزت الله رقدنا اليوم في المستشفى سعوووووود : ههههههههههههه انت تقوله مره وانا اقولها مليوووووووون وسمعوا صوت مشعل من وراهم : سمعتكم لكن مالكم بد ماكلينه .. ماكلينه وشرط ان تتحسفون على كلامكم وشوي ودخل عليهم العم نايف معه شندران وشايلين اكياس فيها خضره وفاكهه العم نايف : السلام عليكم ... وشلونك اليوم ياسلطان .. ان شاء الله احسن سلطان : لا وين كنا ووين وصلنا ... الحمد لله على العافيه ياخووووووي العم نايف : الحمد لله والله انها روحي رجعت لي يوم اني شفتك بعافيه سلطان : وين كنت يااخوي العم نايف : ابد كنت مع شندران نتمشى ونتسوق من سوقهم ماشاء الله جوهم ياخذ العقل وعزمت خويي على غداكم وتوه بيتكلم شم ريحة شيء يحترق ياعيال فيه شيء يحترق وماامداه يتكلم الا ومشعل وسعوووووود ناطين للمطبخ ومشعل يصيح : احترقت طبختي ... الحق ياولد ويوم وصلوا لقوا الكبسه اللي طابخها محترقه من تحت وطفوا النار بسرعه التفت سعوووووود على اخوه : وطبخي وطبخي ... مستانس انت ووجهك معلي على حرارة الغاز ويخليه ويقعد عندنا .... امش .. امش قدامي خلنا نروح نتغدا برا والا نجيب غدا نتغداه بدال غداك يالشيف مشعل وطلعوا العيال لعمهم وابوهم ... سلطان اول من تكلم : هااااااااه ويش صار سعووووود : ربي رحمنا من طبيخ مشعل ... كبسته احترقت نايف : الحمد لله انها جات على كذا ياولدي ولااحترقنا ... روحوا جيبوا لنا غداء من برى مشعل وهو يلتفت على سعود : ماااااااااادري ليش احسكم مستانسين لأنكم منتم ماكلين كبستي سعووووووووود : امش خلصني خلنا نجيب الغداء واول ماوصلوا للباب سمعوا عمهم يقول لأخوووووووه : الحمد لله الله فكنا والا كنا اليوم منومين متسممين من غدا مشعل ... سمعه سعود ومشعل اللي التفت على عمه : حرام عليك ياعمي كذا تكسر بخاطري وطلعوا متوجهين للمطعم علشان يجيبون الغداء لهم ............................................................ ............................. في شركة آل سعود كان فيه اجتماع منعقد وكان فيه العم مشعل وولده سلطان وسعود بن نايف ومحمد وتركي عيال سلطان ومحاميهم عبد المحسن والمحاسبين وبعض موظفين الشركة ومنهم حمود وسالم وطبعا ماراح ننسى فارس .. شركة ال سعود لسمعتها الطيبه والمشهود لها تقبل عليها العديد من الشركات لشراء بضائعهم ولسرعتهم في استيرادها من الدول المصنعه لها ... وبدا الاجتماع يترأسه العم مشعل ... العم مشعل : ياعبد المحسن ويش صار على البضاعة اللي استوردناها عبد المحسن : الحمد لله وصلت وتأكدت من سلامة المواد وحطيناها في المخازن حقت الشركة العم مشعل : ياولدي ياسعود بلغ شركة آل سعد بوصول البضاعة وعلمهم متى يبون يستلمونها وحاول انهم ماينزلون في اسعارهم مثل مااتفقوا معنا وماوصيك ياولدي خذهم بالسياسه وانا عمك سعود : تآآآآآآآآآآمر ياعمي تبي شيء ثاني والا اقوم الحين اخلص شغلي العم مشعل : مايااااااامر عليك عدو توكل ياولدي الله يحفظك سعود : عجل ارخصوا لي ... العم مشعل : والحين احنا جايتنا عروض من شركات كبيره ويمكن يرسلون مندوبين لهم قريب وانا اخترت تركي وفارس يكونون في استقبالهم وتعريفهم بانتاجات شركتنا ... والحين ياحمود جهزت الاوراق المطلوبه منك ياولدي حمود : ايه ياعمي ... سم طال عمرك .. وعطى الاوراق للعم مشعل يتصفحها العم مشعل : هااااااااااااه ياعيال مافيه اخبار عن المناقصه سالم : لا ياعمي بس انا سمعت انهم بيحددون اللي بياخذها يوم الخميس الجاي العم مشعل : على خير ان شاء الله .. اهم شيء ماحد يدري بالمبلغ اللي احنا طارحينه محمد : تطمن ياعمي ان شاء الله المناقصه من نصيبنا العم مشعل : آآآآآآآمين ياولدي ان ربي مايضيع تعبنا وجهدنا عليها .. ياعيال انتم ماتدرون انها صفقة العمر حطينا كل شي فيها سالم وحمود يلتفتون على بعض والتفتوا على العم مشعل وكانوا حاسين بالذنب على اللي بيسوووونه وخلص الاجتماع وطلعوا الموظفين كلن راح لمكتبه .. ............................................................ ........................ عبد الله حبيبي يله قوووووووووم ماشبعت من النوم ... يله عاااااااااااااد قوووووم عبد الله : حبيبتي خليني شوي خمس دقايق بس لااااااااااا ولا دقيقه قووووووووم انت وعدتني نتمشى ماصارت رحلات كل ماجيتني اشوفك تعبان يله حبيبي عبد الله قام من النوم وعدل وضعيته لها : خلاااااااااااص هذا انا قمت ولاتزعلين كم روضه عندي روضه : ايه العب علي بكم كلمه عبد الله : افاااااااااااااا ياروضه انا العب عليش روضه : يعني تحبني عبد الله : اكيد ولا ماتزوجتش روضه : ايه بس متزوجني بالسر كنك مفتشل مني عبد الله : وبعدين انا قلت لش ليه وبعدين زواجنا بيظل كذا لفتره لين ماتتحسن الاوضاع وابوووووووووي يربح الصفقه اللي يبيها روضه : اكيد ولا لأني يتيمه مالي حد الا خالي وانت تدري به اكثر مني يعني مالي سند استند عليه لوجارت علي الايام عبد الله وهو ماسك يدها يقربها لحضنه : وانا ياروضه ماني سند لش ماهقيتها منش روضه : عبد الله انت الاب والاخ والزوج والصديق تكفى ياعبد الله لاتكسرني لو حسيت نفسك ماتبيني قول لي ولا تخليني انجرح اكثر واللي يسلمك وقامت تبكي ودمعها بلل فالينة عبد الله اللي لمها لحضنه اكثر يهديها ويطيب خاطرها .. عبد الله بينه وبين نفسه راحم روضه ووضعها كان ماخذها يوم عرضها عليه خالها الطماع وشفق عليه تزوجها لانه مايضمن خالها ومع الوقت حس انه تعلق فيها يحسها شيء طاهر يذكره بطهر امه اللي مادنسته عمايل ابوووووه وعمايله يحس انه مع روضه انسان ثاني غير عبد الله اللي زرع ابوووووووه فيه حب الذات والطمع واللعب باعراض خلق الله .. يا بنـت أنا ماني كذا وظنونـك تكّـذب عليـك كلّي عيـوب وماقوت تخجلني ظنونك وأتـوب أكذب عليك ودوم أخونك وألبس الأبيض وأجيك وأعشق معك ألفيـن وجه ويمتلي صدري قلـوب أحلى الكـلام أقول لك لو قلته البـارح لذيـك ياقف على شفاهـي معك مراهـقِِ صبِ لعـوب أكـذب ولا أدري ليه أكذب أعشقـك ما أرتجيـك أخاف من صدق الحقيقة في الهروب من الهروب والله أحبـك وأعشقـك وأعرف زمان اني أبيـك لكنهـا هـذي الحيـاة اتعلمـت منا الـذنـوب العيـن عجزت تعتقـك القلـب عيّـى يشتريـك في السجن خيّال وفي في الصدر رجـّال كـذوب هذي الحقيقة ما يجي في الكـون أطهر من يديك وانا الذي أنقض وضـوء الغيم والما والهبـوب أنقل عيوبي فوق متني وانت لك عيبـك شريـك وباكر تبسـم لي وجـيه لك يعبسها الشحـوب يا طاهـره حنا كذا المظهـر يكـذب عليـك يمكن يجي يوم أخجل من ظنونك وأتـوب ............................................................ ........................ في مكتب ابو عبد الله وهو جالس جااااااااه اتصال من حمود وقال له من مضمون اجتماعهم وبعد ماسكر منه قعد بو عبد الله بينه وبين نفسه يفكر كيف يكسر عائلة آل سعود فكر وفكر ليييييييين لقاهاااااااا ... الحين انا ليش مااخليهم ياخذون المناقصه وعقب ما توصل ويحطونها في مخازنهم احرق قلبهم عليها مثل ماحرقوا قلبي على ( منيره ) والله اني جبتها صح ... استانسوا ياعيال سعود ان مابكيتكم ددددددددم مااكون زيد بن سلطان ... ............................................................ .......................... في جامعة قطر شيخة والجازي عندهم بريك وقعدواااااااااا في النشاط الطلابي وشوي وجاتهم روضه وهي زميله لهم تعرفوا عليها في وحدة من المحاضرات روضه : السلام عليكم شلونكم بنات شيخه : الحمد لله انتي شلونك ... اخبار محاضراتك روضه : زييييينه بس فيه ماااااااده مااااااااخذتها عند دكتور غثيث يحاسب على ادق الاموووووووور الجازي : ياكثرهم في الجامعه ... وفي الامتحان تشوفين التقادير ياجيد يامقبول روضه : هههههههه قلتيها الله المستعان متى نفتك من هم هالجامعه شيخه : الحمد لله انا باقي لي سنه واخلص منها الجازي : الظاهر بنعفن انا وانتي في الجامعه ... انا باقي لي سنه ونص وانتي ياروضه روضه : مثلش ... احسن علشان كل وحده تواسي الثانيه الجازي : انا كان تخرجت مع شيوخ بس فيه ماده رسبت فيها ولاعااااااد طرحوها يمكن يطرحونها السنه الجايه .. شيخه : خلصيني انتي وياااااااااااها تراني ميته جوووووع وماعندي الا نص ساعه بريك قبل محاضرتي وشتبون تااااااكلون روضه : خلوووهااااااااا علي هالمره انا الجازي : لاااااااا فشيله نعزمش ونخليش تدفعين شيخه : خلصيني انتي وياااااااااهاااااااا ماعاد بقى وقت والا والله لآكلكم الجازي : وجع خلاص انا وروضه بنجيب لش شيء تطفحينه ... ضعفه على كثر اللي تااااااااكله مايبين فيها نتفه روضه : حراااااااام عليش قولي لاإله الا الله .... ويله قدامي ومشوا الثنتين وخلو شيخة تنطرهم وفي طاوله جنب طاولة شيوخ كلها بنات وبويات تكلمت وحده منهم : شوووووووووفوا ياربي عليها تجنن خاطري اتعرف عليهاااااااا وحدة من البنات : التفتت على شيخه يووووووووووه مالقيتي الاشيخه بنت سلطان احلمي هذي ماتحب السوالف ذي وتفشل ومغرووووووره البنت البويه : اجيبهاااااااااا مثل ماجبت غيرهااااااااااا تتحدوني الشله اللي معها : نتحداش والله انها بتفشلش وقامت وقربت من طاولة شيخه : لو سمحتي الشيخه ممكن كرسي شيخه : لاااااااااا ختي محجوز حق وحده راحت تجيب غداها البنت : اوكيه فرصه سعيده يااااااااااااااحلوه وماراح تكون الاخيره وراحت وجلست مكانها وقعدت مقابله شيخه وتراقبها وتعطيها نظرات وشيخه تشوفهااااااا وتقول في خاطرهااااااااا مصدقه نفسها ذا البزر الحمد لله والشكر ووصل الأكل وتغدوووووووووو البنات وبعدها قااااااااامت كل وحده تروح لمحاضرتها ... ............................................................ .............................. مع الايام التعب زاد على خلوووووووود واخرتها راحت مع اختها هيا للمستشفى تسوووووي تحاليل واكتشفت انها حامل وهذا الخبر فرحهاااااااا كثير وتمنت يكون اللي في بطنها ولد ومن فرحتهااااااااااا كلمت تركي تبشره بحمالها خلووووووووود : هلاااااااا تركي شلونك تركي : طيب انتي ويش سويتي الحين جاتش هياااااااا خلووووووود : تونااااااااااااا راجعين من المستشفى تتوقع ايش فيني تركي : اكيد فقر دم من قل الاكل اللي تااااااكلين خلووووووووود : لاماهوب فقر دم طلعت حااااااااااامل مبروك يابوسلطان تركي : قولي والله الحمد لله ... الحمد لله واشكر فضله ونعمته الحين ريحي عمرش ولاتتعبين نفسش يالله ياحياتي عندي شغله اخلصها واجيش خلووووووود : مع السلااااااااااااااااااامه ربي يحفظك لي ............................................................ ........................... في مواقف الجامعه شيوخ تنطر السياره اللي تأخرت عليها وجااااااتها البويه شلونك شيخه تبيني اوصلش مع دريولي شيخه في نفسها اففففففففف لزقه ذا البنت تسلمين بس انا ماااااااروح مع نااااااااس غرب الحين السياره بتجي لاتكلفين على نفسش وشوي وجات الجااااااااااااااازي : شيخه للحين مارحتي شيخه : الظاهر السياره متعطله والعيال كلما كلمت واحد منهم لقيته في الدوام الجااااااااااااااازي : زييييين ويش تنتطرين امشي اوصلش شيخه : من اللي جاااايش الجااااااااازي : سلطان بسرعه تراه يعصب اذا نقعته شيخه : لااااااا خلاص بنطر السياره لين تجي الجاااااااااازي : بلا مصاخه قوووووومي وبعدين ترااااااه زوجش يعني مهوب غريب شيخه : لااااااا استحي خلاص انتي اطلعي قبل لايعصب عليش وطلعت الجاااااااازي وركبت السياره وتلقاااااااااهااااااا سلطان بعصبيه : سنه لين تطلعين الجااااااازي : والله التأخير ماهوب مني من مرتك سلطان : شفيها شيخه الجاااااااااااازي : مالقت حد يوديها وقعدت اقنعها نوصلها رفضت منحرجه منك سلطان : بلااااااااا دلع يمكن تنقع هناك ولاااااااا حد يجيبها اشووووووف دقي عليهاااااااااا بااكلمها واتصلت الجااااااااازي وعطت السماعه سلطان . شيخه : مااسرع ماشتقتي لي .. سلطان : الووووووووو شيخه شلونش شيخه : من معي سلطان : انا سلطان اسمعيني عدل لش خمس دقايق وتطلعين لي لأدخل عليش ذا الحين واجرش من يدش شيخه : بس سلطان : ولا بس ولاغيره انا انتظرش بسرعه ولا تتأخرين علينا وسكر منها شيخه بسرعه لبست نقابها وعباتها وطلعت وركبت ورى وسلمت بصوت يالله ينسمع سلطان : الناس تسلم داخله لش على يهووووووود شيخه وفيه الصيحه من الفشيله : قلت السلام عليكم سلطان : وعليكم السلام وشلونش شيخه . شيخه : الحمد لله طيبه وسكتت ومشى سلطان بالسياره علشان يوصل البنات ............................................................ .......................... في وقت متأخر في شركة آل سعود سكوووووووون تااااااااام في داخل ممرات الشركة الا من مكتب حمود وسالم اللي جالسين معهم محاسب من محاسبين الشركة يحاااااااولون يقنعونه باللعب بالحسابات واقتصاص جزء من راس المال لحسابهم الخاااااااااص ... المحاسب اللي اختااااااااروه عرفوااااااا شلون يجيبونه بعد ما تقصواااااااا عن حياته ولقوووووه انسان حالته الماديه تعبانه وزوجته طالبه منه الطلاااااااق وعليه ديون كثيره ماهوب عارف شلوووون يسددهااااا وغير كذا بنتها محتاااااااجه عمليه تسويهاااااااااا برى ... فقعدوااااااااا يلعبوووووون برااااااااسه لحد مااااااااكسبوه في صفهم ... جابر : وهذه الاوراق جاهزه بس ماهوب ناقصها الاتوقيع العم مشعل حمود : متأكد ان ماراح يشك بالمبلغ الموجود في الخزنه جابر : ويش اللي بيعرفه اناااااااا اللي اروح البنك واصرف الشيكات واستلم الفلوس وبعدين انا عقب ماااصرف للموظفين شيكاتهم يبقى من المبلغ فلووووس ماحد يدري عنها سالم : حلوووووووووو بنقسمهاااااا بيناااااااا ولامن شااااااااااف ولامن درى جااااابر : خلااااااااااص صار البدايه بنبدأ بمبالغ بسيطه علشاااااااااااااان مانلفت الانظاااااااااار لناااااااااااا حمود : زيييييين خلنا نلعب قبل لايجي سعووووووووود ولين نجمع المبلغ اللي نبيه من فلوووووووس آل سعووووود نختفي عن النظر فتره معينه لين مايضرب العم عبد الله ضربتها سالم : وبيلتهون مع الخساير ومع الشركات اللي تطالبهم ولااااااااا حد بيفكر يدورنااااااااا جااااااابر : بس بكذا بيشكووووووون لو اختفيناااااااا فجأة وبيربطون كل شيء بإختفاءنا انا اقول وحده وحده يعني بعد فتره انت ياحمود والا انت ياسالم تدورون لكم عذر وتتركون الشركه قبل لاتتدهور الامور وانا بااقعد فيها لان مستحيل يشكوووووون فيني سالم : والله فكره بس خلناااااااا نفكر ونبلغك حمود : احناااااااا الحين من السرقااااااااات اللي قبل جمعنا مبلغ لابااااااااااس فيه يبي لنا كم من الف ونقدر نسوي اللي نبي سالم : اقول ماسمعتوا شيء عن العم سلطان واللي معه ماكنهم طولواااااا برااااا حمود : صار لهم شهر ويمكن يطولون وفي صالحنااااااا لو طولواااااا اكثر جاااااااابر : لاااااااازم نتحرك اسرع انا سمعت انهم بيرجعون يمكن بعد اسبوعين حمود وسالم : ان شاااااااااء الله قبله وحناااااااا طالعين من الشركه ............................................................ ........................... بعد الشهر بأسبوع : في بنغلور مشعل وسعود في سيارات التك توك وابوهم وعمهم في سياره ثانيه راجعين بعد ماتطمنوا على حالة العم سلطان وهم في الطريق حبوا يستكشفون مدينة بنغلور وكان الجو غيم ومطر والمناظر من حولهم جميله الحدائق الجميلة والاشجار الخضراء الالوان مشاهم شندران ليعرفهم بالمعالم في بلاده توجهوا للأسواق التي على الرغم من تواضعها إلا ان لها طابع خاص يعود لطرازها القديم قااااااااام سعود ومشعل يشترون تذكارات بسيطة لأخواتهم وأخوانهم وبعد ماخلوا مكان مازارووووووووه وصلهم شندران على مطعم تغدوااااااا فيه وبعده راااحوااا لفندقهم علشان يريحون فيه وطبعا طول الطريق كان العم نايف يونسهم بسوالفه وتعليقاته وكان يقول لهم : والله ياعيال ماهي بشينه لو اعرست وخذت لي وحده نجدد شبابنا معها .. رد عليه مشعل : افااااااااا ماهقيتها ياعمي تلعب من وراء خالتي نورررررره لكن قالووووهااااااا ان غاب القط فألعب يااااااااااا ضربه عمه نايف : يالهيس اناااااااااااا فااااااااااااار احشم عمك مشعل وهو يحب عمه : محشوووووووووووم ياابو سعود بس امزح معك خلاااااااص شرايك متى مانويت انك تعرس دور لي وحده ثانيه معك ويفضل تكون ام وبنتها ، سلطان : من جدكم انت وايااااااااااه ، سعوووود ماعليك منهم يبه خلهم اصلأ مشعل بيكره عمي نايف بالعرس لاااااااا وبعد يبون يغدون نسباااااااء العم نايف وهو يلتفت على اخوه وولده سعود : انتم اطلعوووووا منها وحنا بنتفاهم وبنتصااااااااافاااااااااا مـــن دونـكـم ويـلـتـفـت الــــعم نــــايــف عــلى مشعل: خلاااااااااص بااااااوصي شندران يدور لنا ام وبنتها انا آآآآآآخذ البنت وانت تبتلش بأاااااااامها ... مشعل : لاااااااوالله انت تتزوج البنيه وتقط لي العجوز .... بس تدري عااااااااااادي علشان اصير عمك واقعد لك عدل ان ماجننتك العم نايف : عجل دام فيهاااااااااااااا نشبه هونااااااااااا ولا اخليك تشيخ علي بزر ويغدي عمي سعووووووود : خلك مع الخير والبركه ببنت فيصل اللي ظفرهااااااااا ماتوصله مره العم ناااااااايف : وانت صااااااااادق مايوصل غلااااااااااااها حد مشعل : واااااااااااااااضح بدليل انك تبي تعرس عليها بس خلنااااااااا نوصل الدوحه بس ان مانكبتك مااااااااكون مشعل العم نايف : صدق انك نجيس ويش بتستفيد من اللي بتسويه مشعل : كذااااااا طاري على بالي النذاله ولاتخااااااااف ترى خوانك لاااااحقينك ابي اسوي تجربه على نسوانكم هل بيصبروووون على المره الثانيه ولاااااااااا لااااااااا سلطان : مشيعيل فكنااااااااا من شرك لااهون من السعي في موووووضوعك وانت ادرى به .. اعقل احسن لك والا والله ان تشووووووف نط مشعل من مكانه ويحب راس ابوووووووه : لااااااااااا تكفى تكفى الا موضوعي لاتأجله ... خلااااااااص عقلت ولاني بقايل شيء سعووووود : ههههههههههه تستاهل عرف ابوي من وين يمسكك الحين اتحدااااك تهدد العم نايف : شف شف الولد من كلمة ركدت ... اقول يااااااااخوي ويش الموضوع علشااااان اذله مثل ماااااااااذلني من شووووووووي ملعون الصير ينفش ريشه علي انااااااااا سلطان : سالفه بعدين ااااااااقول لك ايااااااااااااااهااااااااا ووصلو لفندقهم ونزلوا يريحون علشانهم بيواصلون تجوالهم في الليل بعد ماطمنهم الدكتور على سلامة سلطان وحددوااااااااا سفرتهم للدوحه بعد بكره بعد ماقضوا شهر من مواعيد وكورس علااااااااج لحد ماتطمن الاستشاري من سلامته وصرح له بالسفر ... ............................................................ ........................ في بيت العم سلطان رن تليفون البيت والسوري كانت منسدحة على الكنب اتابع لها فيلم ومرت عليها شيخة : ماتسمعين التليفون عندش يرن السوري : اسمعه بس مالي مزاج ارد ردي انتي شيخة : آآآآآآآآآآآلو سعود بن سلطان : السلام عليكم ... شيخة شلونك شيخة يوم سمعت صوت اخووووووووووووهااااا سعود خنقتها العبره وحست بشوقهااااااااا له وظلمه له في تفكيرهاااااااااا وردت بصوت مرتجف : هلا سعود شلونك وشلون ابوي والربوع اللي عندك سعود حس برجفة صوتها قام مشى معها في الكلام لأنه ماحب يحرجها مع انه لين الحين مجروح منها بس مهما كان هذي اخته : الحمد لله انا بخير وابووووي يسرش حاله .. حالة قلبه مستقره وعمي ومشعل بخير ويسلمون عليكم السوري يوم سمعت شيخة تكلم سعود نطت من مكانها تبي تكلمه وكانت تتصارع مع شيوخ على السماعه وشيخة متمسكة بها : زين متى نااااااااوين ترجعون ان شاء الله . سعوووووووود : بعد بكره بنوصل الساعه اربع العصر خلي واحد من العيال يستقبلنااااااا هناك شيخة : على خير ... سعود : تاااااااامرين بشيء شيخه : سلامتك سعود : مع السلامه شيخة : الله يسلمك وسكرت السماعه والتفتت على السوري اللي عصبت عليها ليش ماعطيتيني إياه شيخة : كان مستعجل وبعدين انتي كل يوم تكلمينه ماااااااشبعتي السوري : لااااااااما شبعت زين متى قالوا بيجون شيخة : بعد بكره السوري وهي قايمة : عجل بااااااااااروح اعلم امي ............................................................ .......................... في شركة آل سعود في ساعة متأخره حمود وسالم قاعدين ينهون آخر مخطط لهم بعد ماسحبوا من الشركة في فترة غياب سعود بن سلطان اللي يحتاجونه من راس مال وكانت سرقاتهم بسيطة طبعا بالتعاون مع محاسب الشركه فكانوا يصرفون رواتب الموظفين بمبالغ غير اللي كتفق عليها وكان الموظفين لما يتساءلون عن السبب لنزول رواتبهم ناقصة كان المحاسب مفهمهم على انه في ازمة في الشركة لأنهم داخلين في مناقصة كبيره واحتاجوااااااا راس ماااااااااااال كبير وانهم بمجرد حصولهم هلى الصفقه وبيعهم للمواد الموجوده بالمخازن راااااااح يعوضهم ابو سلطان برواتب مضاعفة وبما انه جابر كان محاسب الشركة ومعروف عنه انه انسان دين ويخاف ربه صدقوا كلاااااااااااامه وحتى يوم قال لهم تقدرون تسألون ابو سلطان مع انه هذا الموضوع راح يحرجه ... رفضوا انهم يسألونه على اساس مصداقية كلام جابر بإعتباره محاسب الشركة وكل الأمور الماليه تمشي من تحت يده .... سالم : الحين حنا جمعنا راس مال يغطي مشروعنا وزياده ونقدر نبتدي فيه حمود : وغير كذا الصفقه واوراقها في يد ابو عبد الله واحنا مالنا في حرب الكبار جابر : متى حددتوا السفر .. انا قلبي قارصني وميت من الخوف سالم : لاتقعد تخوفني انت الثاني تراني ماني ناقصك حمود : لاتخافون سفرنا بيكون بكره بس لااااااااازم مايكون غيابنا مع بعض علشان مانلفت الشك فينااااااااااااا جابر : انا عندي عذر في اني مااكون موجود بكره بنتي عندها موعد بكره وبااكون معها سالم : وانا العم مشعل معطيني شغله اخلصها برى الشركة يعني مابقى الا انت حمود : خلاااااااااااااص تم انا سهل اني استأذن وبكذا ماراح يشكون بشيء وطلعوا الثلاثه متوجهين لمواقف سياراتهم ومروا بالحارس الليلي محمود حمود : شف يامحمود احنا خلصنا المستندات اللي يبيهااااااااا العم مشعل محمود : خلاص يااستاز حمود .. حمود : شوف يامحمود لاتقول لحد عن جلستنا المتأخرة في الشركة ترى العم مشعل ان درى بيعصب ويمكن يفنشك من وظيفتك محمود : لا مش حااقول حااااااااقه يابيه انا مسدقت لقيت الوظيفة دي اكل العيش مر حمود : المهم هذا انا قلت لك لأن حنا نشتغل شغله مهمه وسرية والعم مشعل مايبي احد يدري بها ... يالله تصبح على خير يامحمود محمود : وانت من اهله يابيه واطمن انا حاقفل بوقي ومش حتكلم خالص وركب جابر سيارته ومشى في طريقه اما حمود فاركب مع سالم يوصله معه وهم في الطريق .. سالم : حمود ماادري ليش حااااااااس انهم بيصيونا حمود : لاتخاف ارقد وآمن شلون بيصيدون وكل الادله تدين جااااااااااابر سالم التفت على حمود : والله انك داهيه بتحطها في راس ذا المسكين حمود : يااخوي ياسالم الدنيا فرص وحظوظ وجابر حظه كذا وهذا نصيبه سالم : ياخوفي انك تنكبني مثله لكن شوف انا ماني مثل ذا الضعيف انا لحمي مر يعني علي وعلى اعدائي حمود : كل تبن بس قلت لك انا وانت وضعنا غيروبعدين كمل اشوف وصلني بيتي ولاتنسى الوعد اليوم طيارتنا الفجر لاتنسى سالم : مسكين ياجابر ماحد بيروح فيها الا انت حتى وقت الطياره عطيته اياها غلط ............................................................ ............................. الجازي وهي تكلم شيخة وتنقل منها المحاضره اللي فاتتها لأنها حضرتها متأخره والدكتور طردها منها : ايه كملي يعني ماعطاكم نوتات عن نوع الأسئله شيخة : بلى بصورها لش وباعطيك اياها اذا جيتونا لعشى ابوي وعمي وخواني الجااااااازي : على خير ... اقول شيوخ باااااااقول لش شيء بس احلفي ماتقولين لحد شيخة : الله يخسش شكله موضوع خطير ... تطمني انا سرش وغطاش يالله قولي الجااااااازي : تذكرين يوم عزيمة ابوراشد شيخة : ايه اذكر ويش فيهااااااااا ..... لاااااااااااتقولين ام راشد خطبتش لولدهاااااا الجازي : لاااااااا ماخطبتني لولدها بس صار لي موقف ذاك اليوم لااحسد عليه وكلما تذكرته احس بإحراج شيخة : ههههههههههه وشنو موقفش الجاااااااازي : شيوخ ووجع انا لين الحين ماقلت شيء وانت تضحكين من الحين عجل لو قلت لش ويش بتسوين شيخه : خلاااااااااااص توبه يالله قولي قامت الجازي وقالت الموقف كامل لها من يومها في المطبخ مع البنات لحد ماطلعت هي ومها لغرفتها لغاية ماشافها زايد شيخة : الله يخس بليسش اناااااااااا اقول اخوي ماهوب صويحي ذا الايام سرحاااان اثاريه شايفش علقتي قلب اخوي الفقير وخليتيه يتولع بش الجازي : وجع شيوخ ويش يتولع بي شيخة : زين هو ماعرف من انتي الجازي : لاااااااا ماعرفني متى علمه بي وانا تغيرت كثير خابرني دبه والحبوب ماليه وجهي وكااااااااااااان دايم يهزأني اذا شافني شيخة :ههههههههههههههه ايه تذكرت .. تذكرين يوم شافني انا وياش في الشارع وحنا راجعين من الدكان لعن خيرنا خلانا نحرم الطلعه الا اذا كان غايب الجازي : هههههههههههه والله انها ايام حلوه شيخة : مسكين يازايد لو انك تدري بس ... والله بتكون صدمة له وكملواااااااا وسوالف وذكريات عن طفولتهم والمواقف اللي صارت لكل وحدة منهم وقعدوووووووووووا يضحكون عليهاااااااااااااا ............................................................ .................... نهاية الفصل الثاني عشر |
السلام عليكم ورحمة الله وبركاته مساء الخير اخواتي الاعضاء وجمعه مباركة علينا وعليكم وكلها لحظات ويدخل علينا عام جديد ان شاء الله يكون عام خير لأمة محمد اسمحولي على التأخير لظروف خارجة عن إرادتي لكن مايصير خاطركم الا طيب اليوم راح انزل لكم الفصل الثاني عشر ويوم الاثنين بنزل الفصل الثالث عشر اتمنى ان ينال رضاكم قراءة ممتعه الفصل الثالث عشر : في صباااااح يوم جديد الروتين اليومي هو نفسه المعارك اليوميه للبنات قبل روحتهم لمدارسهم وجامعتهم .. ونتركهم شوي ونروح لمدرسة اصايل وفي ساحة المدرسه أصايل تأخرت بقومتها علشان كذا طافها الطابور الصباحي وبدايه الحصه الأولى وتوها داخله من بوابة المدرسة دخلت الساحة الداخلية وقعدت تفصخ عباتها وترتب شكلها الأخت مااااااخذه راحتها على الآخر وشوي وتسمع صوت المشرفه فوزيه تدعيها بصوت عالي .. المشرفه فوزيه : هيه يابنت ليش متأخره حضرتش أصايل : ياالله صباح خير ويش اللي بيفكني من صجتها على راسي من الصبح المشرفه فوزيه : شنوتقولين ليش موطيه صوتش ماتقولين لي ليش متأخره على المدرسه أصايل : آسفه مالقيت حد يوديني علشان كذا مرت علي بنت عمي الله يجزاها خير ولين وصلتها مدرستها على طول جيت وتدرين بشوارع الدوحة زحمة من الصبح المشرفه فوزيه : خلصيني بلا هذره زايده وبسرعه شلي شنطتش وعلى صفش اصايل وهي تحط شنطتها على كتفها : حااااااضر وهذا انا رايحة وفي مدرسة ساره بنت سلطان طبعاً متأخره كالعاده وأول مادخلت لمدرستها توجهت سيده للحمامات علشان تعدل شكلها وترتب شعرها وطلعت من الحمام تبي تروح صفها ماحست إلا بيد تمسك كتفها وتوها السوري بتتكلم شافت اللي ماسكتها هي بدور بنت عمها مشعل . السوري : ومرض خضيتي بطني احسبها المشرفه صادتني بدور : مادام انش خايفه ليه تتأخرين وتسوين فيها رويس السوري : كيفي عاجزة من طابورنا الطويل مافيني شده عليه بدور : انتي الحمد لله متى غدا فيش شدة شيء امشي قدامي على الصف ترى علينا ابله صفيه وانتي خابرتها زين السوري : يالله صباح خير حد يتصبح بالفيزياء من الصبح بدور : لاااااا وازيدش من الشعر بيت تراها علينا اولى ثانيه السوري : علومش كنها وجهش انقلعي على صفش وشلت شنطتها ودخلت الصف . ............................................................ ................... وفي الجامعه محمد يوصل شيخة للمواقف ونزلت ودخلت حمام المواقف تفصخ نقابها وتلم شعرها وشوي ودخلت عليها فاطمة البنت البويه واول ماشافت شيوخ قربت منها : هلاااااااا والله شلونش شيخه شيخه : الحمد لله وتوها بتطلع وقفت قدامها البنت : وين وين توني ماشبعت من شوفتش شيخة وهي توخرها : تشتاق لش العافيه بس تأخرت على محاضرتي فاطمه : معليه ياحلوووووووووه يحق لك بس وراش لين ماتطيحين طلعت شيخة ولقت في وجهها الجازي توها جايه ومشوا مع بعض لمحاضرتهم الجازي : شيوخ انتي ويش تبين من ذا الأشكال ذي شيخة : ويش دراني عنها هي كل ماشافتني قامت تتلزق وتسولف وانا كذا مره وضحت لها انه مهوب مرحب بها بس لاحياة لمن تنادي خليها تولي الجازي : ماادري نظراتها ماتريحني تحسينها راعية سوالف شيخة : ماعلينا منها المهم ترى بعد يومين بيوصل ابوي واخواني وعمي من السفر الجازي : زييييين الحمد لله وعمي احسن الحين شيخة : سعود يقول انه لوماكان بخير ماكان رجعوا الجازي : ايه صح على طاري سعوووووود ويش سويتي معه تأسفتي منه شيخه : لااااااااا لين الحين بس كذا مره رديت عليه وكل ماجيت اتأسف منه ألقى أسلوبه جااااااااف معي علشان كذا ترددت خفت يفشلني الجازي : مااعتقد سعود بيتصرف ذا التصرف سعود أكبر من كذا بس انتي تشجعي وحاولي شيخة : اكيد ماتتصورين شلون اشتقت له وماوعوا إلا بروضه تقاطع حديثهم : السلام عليكم .. شلونكم شيخة والجازي : الحمد لله بخير انتي وشلونك روضه : بخير انتوا شسويتوا بإمتحان أمس شيخة : الحمد لله قدمت زين الجازي : أكيد ماكله الكتب أكل روضه : حرام عليش إذكري ربش ترى تجي من حبيب الجازي :هههههههه ماشاء الله يله امشوا لا يشحوتنا الدكتور بروحه أخلاقه قافله الظاهر المدام ماتكلمه من يوم جاااااااا للدوحة شيخة وروضه : ههههههههه الله يخس ابليسش ............................................................ .................... وفي شركة آل سعود بدأ حمود وسالم بتنفيذ باقي الخطط للخروج من الشركة نهائياً بدون مايلفتون الشكوك لهم .. لأنهم خلال الشهرين ارتكبوا اغلاط كثيره وتسببوا في مشاكل كثيره بينهم وبين موظفين الشركة وكل هدفهم ان مشعل او واحد من العيال يتسبب في فصلهم علشان يكون الطرد منهم ويطلعون هم المساكين ومع كثرة المشاكل والأخطاء اللي كلفت الشركة مبالغ كبيره فاض الكيل بالعم مشعل على آخر مشكله صارت بين حمود وواحد من الموظفين القديرين في الشركة لأن العم مشعل كان مكلف حمود مع سيف موظف من موظفين الشركة على توثيق العهود بين شركتهم والشركة الأجنبية وكان المفروض يرسلون لهم بالفاكس والعم مشعل وصى سيف بالمهمه واول ماطلعوا حمود تبرع يرسله لكنه ماارسل شيء وتسبب بضياع فرصة كبيره للشركة .. العم مشعل طلب حضور حمود وسيف ويوم واجههم كل واحد قام يتهم الثاني ووصل الأمر بينهم للضرب وهذا الشيء خلى العم مشعل يعصب ويكتب فيهم لفت نظر وعصب سيف على القرار الظالم في حقه ورفض يوقع هو وحمود على لفت النظر وتطورت المشكله من بينهم ودخل سالم في السالفه كشاهد مع حمود بإعتباره حاضر معهم في المكتب يوم تبرع حمود بإرسال الفاكس وشهد ضد سيف وهنا تدخل سعود بن نايف : ياعمي سيف مشهود بخبرته ومستحيل يطلع منه ذا الاهمال وهنا قاطعه حمود : شتقصد يااستاذ سعود اني انا المهمل الله يسامحك سعود : انا ماقصدت شيء بس سيف معنا من زماااااااان يمكن نسيت بدون قصد منك اخ حمود حمود : لااااامانسيت وهذا هو سالم شاهد سعود : سالم انت شهدت انت متأكد من ان حمود ارسل الفاكس سالم : ايه استاذ سعود متأكد سيف : خااااااااف ربك يالظالم وين كنت منا اصلاً ماكااااااان موجود معنا والله يأستاذ سعود انه قال لي انا بآرسله وانا صدقته قاطعه حمود : خاف ربك ياسيف تتبلى علي انا ويش سويت لك الله فوقك ياظالم سالم : ياسيف ياخوي تعوذ من ابليس يمكنك نسيت اذا نسيت قول بس لاتبتلي حمود سيف : شب انت .. انت اللي خاف ربك تشهد زور سالم : الله يسامحك ياااااااخوي لكن يجي منك أكثر وبدت الاصوات تتعالى لحد ماقاطعهم العم مشعل : خلاااااااااااا ص انت وايااااااااه احترموا وجودي كلكم .. انا باااااااااأعطي كل واحد منك لفت نظر علشااااااان اكون عااااااادل معكم وانت ياسالم انت متأكد من شهادتك لاتظلم حد كذب سالم وتظاهر انه انجرح من كلااااااااام مشعل : الله يسامحك ياعمي رجال ويش طولي تكذبني اذا منت مصدقني خلني اتوكل في شركة طالبتني بالإسم وانا كنت متردد اقبل علشاني كنت بينكم بس دامكم تظنوني كذاب افضل اقدم استقالتي وطلع سالم من المكتب وحاول العم مشعل يمنعه وقفه سعود : ماعليك منه انت ماغلطت عليه هو يبيها من الله علشان يوافق على الوظيفه والتفت على سيف وحمود وانتم تعالوا وقعوا على لفت النظر سيف قرب ووقع اما حمود قام يصارخ : ان مستحيل اوقع لأني ماغلطت بشيء غير يغلط وانا اتحمل اخطاء غيري سعود : حالك حاله كلكم راكبكم الغلط وقع وخلصني حمود : آسف ماراح اوقع سعود : تتحدى سلطتنا ياحمود شف سيف وقع وهو ماسوى شيء غير انه اعتمد عليك حمود : يعني انت تصدقه وتكذبني ويلتفت على العم مشعل اللي كان ساكت ويراقب وانتي ياعمي ليش ساكت عاجبك كلااااااااام ولد اخوك سعود : تكلم مع عمي بإحترام حمود : انت استاذ ماحد كلمك العم مشعل : حمود مافيه داعي للمشاكل ووقع حالك حال سيف انت منت احسن منه حمود : آسف وانا اخيرك اذا خليتني اوقع انا افضل الإستقاله ولاانه نقطه سوداء تنحط في ملفي العم مشعل يلتفت على سعود : اسمحلي ياحمود ياتوقع ياتتوكل حمود : مشكورين يجي منكم اكثر الحين تكون الإستقاله عندكم ومستحقاتي عندكم ماابيها وطلع من المكتب علشان يكتب الاستقاله وعقبها قدمها لهم وطلع طلعته النهائيه من الشركة ولحق زميله سالم العم مشعل : الله يهداه حمود على قوات راسه سعود : ماعليك منه هذا واحد شايف نفسه على شنو ماادري والتفت على سيف وانت ياسيف مافيه داعي للفت النظر وهذا هو قدامك شقيته لأنك ماعارضت على سلطة الشركة مع انك منت مخطي سيف : والله يااستاذ سعود اني متأكد من كلاااااااامي ولا كذبت بحرف واحد فيه العم مشعل : خلاااااااااااص ياولدي وسامحنا ياابوك انت تعرف القانون قانون سيف قام وحب راس العم مشعل : حشى ياعمي انت ابونا كلنا وانت بحسبة الوالد يله اترخص منكم العم مشعل يلتفت على سعود : هاااااااااه ويش علوم الربوع متى بتوصل طيارتهم سعود : كلمت ابوي ويقول انهم عندنا بعد يومين على خير العم مشعل : على خير ان شاء الله وانت ياولدي ويش اخبارك مع هيا سعود : الحمد لله احس انه عقب المشاكل اللي صارت بينا كل واحد منا راجع حساباته انت تعرف ان ابوي وابوها فرضوهااااا علي فرض لكن كل شيء تغير عقب المشكله والحين حنا سمن على عسل العم مشعل : توصى فيها ياولدي تراااااااهاااااااا يتيمه سعود : يعمي ويش ذا الكلاااااااام انا ابوها واخوها وزوجها وكل شيء بإذن الله ............................................................ .......................... في بيت تركي خلود في شهرها الخامس توهاااااااا راجعه من الدوام ودخلت البيت لقت تركي وبناتها قدامها جالسين في الصاله وجلست على الكنب وهي ميته تعب حتى عباتها عليها تركي شافها قام وجلس جنبها : خلود حبيبتي تعبانه خلود : ميته ظهري يوجعني من قعدة الكرسي تركي : زييييييين ليش ماتاااااخذين اجازة لحد ماتولدين لأن شكل حمالك ذا متعبك اكثر من حمالك بالبنات خلود : خلااااااااص فديتك قدمت اجازة مفتوحه والمدير وافق لي عليهااااااا لأني على قولته مجتهده وعمري ماخذت اجازات كثيره اااااااه وسندت راسها على الكنب وراها تركي : مد يده ومسك راسها وسدحها على رجله علشان ترتاح عدل خلود : تغديتوا والا لين الحين تركي : ماهنالي اتغدا وانت منتي بحولي خلود وهي تقوم : خلااااااااص ثواني ابدل وانزل لكم وتلتفت على بناتها منيره ونوره : يابنات تغديتوا منيره ونوره : ايه يمه الحمد لله ورجعوا يشوفون التلفزيون طلعت بدلت لبس وجلست على سريرها ترتاح شوي تباطااااااها تركي وطلع لها ولقااااااهااااااا منسدحة قرب منها : خلود فديتش قومي تغدي معي وبعدين قيلي شوي وقامت تتغدى معه وهم جالسين خلود تعلم تركي على موعدها بكره عن الدكتوره : تركي بتوديني بكره عندي تلفزيون تركي : اكيد بااوديش بس متى الموعد خلود : الساعة تسع الصبح تركي : جهزي نفسش وانا بااوصلش ............................................................ ........................ في المساء زايد عازمه ناصر على العشى برى البيت يبون يغيرون جو عقب الدوام اللي مسكهم مسكه عدله وكانوا يتعشون في مطعم فرايديز في فيلاجيو وهم قاعدين يسولفون لفت انتباههم طاوله جنبهم وشافوا فيها البنت اللي شافوها من قبل مع شلتها وكانوا قاعدين واصوات ضحكهم واصله الدنيا ومسببين فوضى ولاهم حاشمين احد من الموجودين قامت وحده من الموجودات في شلة لبنت تنقز على زايد وتتحرش فيه وهو ولاهو جايب خبرها وناصر ميت ضحك على زايد وثقله اللي نزل فجأة من السماء : يااااعمري على الثقل وين ايام زمان الله يرحم الحال زايد : اسكت مني تراك دابل كبدي انت والعله اللي قدامي اعنبوهااااا تشوفني مسفهها ولا هونت كل مالها تتمادى ناصر : منك حد قالك تغزل من البدايه هذا انت يوم بغيت تتوب ماخلوك البنات زايد : انا الحين ماعلي منهم ابي اعرف من من بنات عمي اللي شفتها اخاف اخطب وحده وتطلع ماهيب اللي شفتها ناصر : انا اخبران بنات عمي ثلاث الجازي وحصه وبدور يمكنها الاولى زايد : لااااااااا انا اخبرالجويزي من اول طبه ووجها كله حب شباب والشعر اعوذ بالله ليفه لكن اللي شفتها غير مافيها شبهه بالمره من الجويزي ناصر : لعنبو دارك تقولي ماشفتها الا لمحه وانت بققت عيونك وماخليت شيء ماشفته ياعمي روح قال لمحتها زايد : انطم بس وشوف الطلب ليش تأخر انا تضايقت من اللي جنبك وقام ناصر وخلى زايد جالس يتعبث بجواله وقامت البنت من مكانها وقربت من طاولته : لو سمحت اخوي ممكن الصوص اللي عندك زايد : يتراوالي المطعم حاط على كل طاوله غرشة الصوص هذا فأكرميني وروحي من قدامي لأني ماني فاضي لك البنت : مالت من متى الهدايه ان شاء الله مالت عليك ماعندك ذوق ورجعت لطاولتها مع جيت ناصر : شعندها الحلوة جايه عندك زايد : رازه وجهها قال شنو ابي الصوص اللي على الطاوله حركات قديمه نااااصر : وانت ويش قلت لهااااااااا زايد : كل ان المطعم حاطه على كل طاوله وتضف وجهها من قدامي ناصر فقع من الضحك ودرى ان زايد جاااااااااااد في كلااااااامه وانه بيترك عنه المغازل ووصل طلبهم وقعدوا يتعشون وبعدها تمشواااااا لحد ماتوكل واحد منهم على بيته .. ............................................................ ........................ يابوي اكتب فيك مــن الشعرابيات ..... يحلى فيــــــك اجمل واحلى قصيده عساك دايم مني قــريب المسافات ..... لاجلك تهون المسافه لوهي بعيده لاغبت عني عسى ماطول الغيبات ..... ونشوفك كل يوم واعـــــوام مديده دوم على البال ياعــــزيز الصفات ..... كل خطوه فيـــك صح ورايك سديده غيبتك تزيـــد مــن الحـــب عبرات ..... وانتظر كل يـــوم منك اخبار جديده غـــالي ابن غـــالي من غير لفات ..... الله يديمك على المحبه ايام سعيده ارجــــوك لا تبتعد وتزيل كل زلات ..... عن الغالي الي احبه ويامر وازيده وكان يوم وصول الغوالي الى ارض الوطن وكان بإستقبالهم سلطان وتركي ومحمد وكانوا ينتظرون في المطار وعند بوابة القادمين واول ماشافوهم كانت فرحتهم كبيره لرؤية الوالد الغالي عائداً لهم في كامل الصحة والعافيه عاد لينير بيتاً انطفئ نوره لغياب سراجه المنير واساسه الذي يرتكز عليه وكان اللقاء بين الأبناء والوالد محمل بالأشواق .. تركي ومحمد فرحتهم كبيره وقااااااموا يسلمون عليه ويحبون راسه وايده ويسلمون على عمهم وعلى سعود ومشعل وطلعوا من المطار متوجهين لبيت العم سلطااااااااااان وماهي الا سويعات حتى وصلوا للبيت ونزلوا يسلمون على اللي داخل البيت ... اول من دخل كان محمد : هيه يااهل البيت الجماعة وصلوا وينكم وشوي سمع اصوات البنات اللي تعالت وصوت خالته هند : هلا يمه يامحمد وينهم محمد : هم الحين في مجلس الرياجيل عند عماني والعيال المهم هاذي اغراض ابوي ومشعل وخلي البنات يجهزون القهوة والشاهي وانا بأدخل ابوي عليكم علشان يسلم على البنات .... دخلت هند على بناتها وبنات عمهم والنسوان الكبار السوري وشيوخ والعنود اول ماشافوا امهم راحوا لها .. السوري : يمه وين ابوي ليش مادخل علينا نبي نسلم عليه هند : بيجي بعد شوي هو الحين عنده رياجيل بالمجلس يتحمدون له بالسلامه شيخة : زين على الأقل يقرب صوب المقلط وحنا بنروح له والله اني مشتاقه له حيل هند : معليه اللي صبركم ذا الشهرين بيصبركم ربع والا نص ساعه .. يمه يالعنود قومي سوي القهوة والشاهي عندنا رياجيل في المجلس يله ياشيخة انتي وساره قوموا ساعدوا اختكم ... يالله يمه البنات : ان شاء الله يمه دخلت هند صالة النسوان وقربت جنب الدلال تبي تقهوي نورة وفاطمه حلفت عليها فاطمه : والله ماتصبينها قومي يالجازي قهوينا الجازي : تم ماطلبتي شيء يمه عنش ياخالتي اجلسي وانا بأقهويكم هند : جعل ربي يصلحش ويرزقش بالرجل الصالح قولي آآآآآآمين الجازي تذكرت زايد وانحرجت وقامت تقهوي النسوان والبنات الباقين قاعدين يسولفون وينطرون دخلة عمهم سلطان عليهم علشان يسلمون عليه .. شيوخ في المطبخ على اعصابها تحاتي شلون يتسلم على اخوها سعود وتتسامح منه جات على بالها فكره انها تطرش مسج له وتشوف هل بيرد عليها والا لا وبدون ماتضيع دقيقه كتبت رساله وطرشت له .... في مجلس الرياجيل اللي كان فيه سلطان وعياله واخوانه وعيالهم وصديق اخوه مشعل بوراشد وعياله وفارس وابوه .. سعود كان جالس مع فارس ويسولفون رن تليفونه برنة مسج وفتحه : لـــــو قـسى كــل هــالـعـالـم ادري بـقــلبــك حـــــنــــون بــــــس لـــو قـــسى قــلبـك ويـــن بـكـل هـالـعالم اروح رد عليها سعود بمسج : أنا معك في مجلس الضيق مركاك وسبحة يمينك تلتهيبي إليا ضقت شيخة يوم جاها المسج كنها ملكت الدنيا ومافيها وكتبت له مسج والعبرة خانقتها وطرشته له : صـحيح رســالـة مـنك تـفرحـني لـــــكــن صــــوتــك يـــــريــحــني وشــــوفــتك تـــــســوى أغـــلى مـــــا عـــنــدي طـلـبـتـك يـاسـعـود لاتـردني تـعـال لـي انـا فـي الـمـطـبخ مـشتـاقـه اسـلـم عـلـيـك تـــكـفى لاتـردني سعود قام من مكانه واستأذن من فارس بحجة انه يبي يجيب شغله من داخل البيت وراح صوب المطبخ الخارجي وتنحنح بصوت علشان ينبه اللي داخل وشيخه اول ماسمعت صوته ردت عليه : حياك ياسعود مابه حد غريب تعال فديتك واول مادخل سعود ماحس الا باللي حضنته بقوه وقامت تبكي وتتأسف منه على موقفها البايخ معه وانه من عقب اللي سوته وهي حاسه بتأنيب الضمير والأسف والندم كا ياكلهاااااا بكت لحد ماحست انه صدرها بيتقطع من كثر البكاااااااا وسعود كان حاضنها بقوة ويهديها : تعوذي من ابليس ياشيخه .. تعوذي منه وانا اخوش وحنا اخوان المفروض بكلاااااااااااام انقال في لحظة غضب ورفع وجهها له وقعد يمسح دموعها ويحب راسها : انتي تدرين انش غاليه عندي مثل خواتي الباقين كلكم غاليين علي ومااحب احزن وحده فيكم يله خليني اشوف الوجه الحلو يله اشوف فديت الوجه الصبوح انا يله غسلي وجهش وادعي لي خواتي ابي اسلم عليهم مدام انا موجود يله فديتش ... وراحت تدعيهم وماسمع الا صيحة العنود اللي نطت عليه وشلها سعود ونزلها وهي قامت تحب راسه ووجهه وتتحمد له بالسلامه ودخلت العنود وسلمت عليه وتحمدت له بالسلامه وجلس يسولف معه شوي ودخل عليهم زايد : وانا اقووووووووول سعود وينه اثاريك عندهم يلله معي يالحبيب ابوي يبيك امش وخل عنك ذا الماصخات شيوخ والسوري .. شيخه هين يازايد وانا اللي عندي لك شيء حلو بيفرحك لكن جزاء لك على كلمتك ماني بقايله شيء . زايد : مااعتقد انه فيه شيء من وراش يونس ويفرح انتي والثانيه السوري : لاااااا هزلت صرت مهزله لكل من هب ودب لكن بما ان سعودي راح اطلع احسن لي دام نوركم طلع ويش يقعدني معكم وطلعت وخلت شيخة مع زايد اللي التفت عليها : شفيش تشوفيني كذا شيخة وهي مبتسمة : مافيه شيء يحليك يازيود والله وطحت طيحة سنعه زايد : ويش طيحته انتي الثانية شيخة : غزالك الشارد ياقلبي .. تحسب ماحد يدري بك زايد : قصري حسش يالخبله ويش وويش غزالي وما غزالي شيخة: علينا ماعليه استعبط وانا باذكرك بعدين يله وخر وانت تعرف وين تلقاني ماقلت لك مصيرك محتاجني وطلعت وهي تقول : يابو عيون هدبهـا سـود لا تذبح النـاس بعيونـك تذبح بنجل وبيض خـدود عجزت اوصفك وش لونك زايد جمد من الصدمه شيوخ اخته تدري بالبنت اللي شافها واكيد تعرفها وجااااااا بيلحق عليها لقاها دخلت الصالة عند النسوان بعده رجع للمجلس وبينه وبين نفسه ( لاااازم اكلم شيوخ العلوم كلها عندهاااااااا واخيراً بعرفها واذا الله كاتبها لي طلبتها وتملكنا علشان اضمن ماتروح لغيري ) ... يالله شلون تغيرت يازايد وين اللي يبي الحرية ويعشق عزوبيته عز الله انها غيرتني لاخلت ليلي ليل ولانهاري نهار حتى البنات من عقبها ولا شيء آآآآآه متى بتمر الدقايق علشان اعرفها من تكون انا ماني متأكد منهي من بنات عمي .. ويش سويتي بي يابنت الناس لخبطتيني لخبطة : والله احبك حب ما حبه انسااان .. حبك سكن بالروح غير حياتي حوول حياتي من بعد ظلمه الوان .. صرت اعشقك واهاب بعدك واحاتي حبك يا غالي ما توازبه الاثمان .. متربعن وسط الخفوق وتباتي شوفك لقلبي في عنا الوقت عنوان .. فيه السعاده والفرح يا غناتي من قبل اعرفك كني للحزن خلقان .. عايش بهالدنيا اصارع مماتي مكن بعد قربك صرت انا انسان فرحان .. عشت بسعاده وانمحت ذكرياتي صارت حياتي ما بها ضيم واحزان ..وانت السبب يااغلا واعز امنياتي انا لشوفك يا بعدي دوم ولهان ..والله احبك يا ااغلا كل البناتي ربي يخلينا لبعض دوم خلان ..ياروح روحي يا بعد كل حياتي ............................................................ .......................... عند مجلس الرياجيل سلطان واخوانه وعيالهم ومعهم ابوراشد وعياله اللي جاي يتحمد لهم بسلامة سلطان ورجوعه بالسلامة وكانت الجلسه حلوة لاتخلو من رائحة العود اللي عطرت المكان والعيال اللي يصبون القهوة على ضيوفهم وسوالف الشيبان الكبار ومن بين السوالف سمعوا صوت ابو راشد يتنحنح ابو راشد : اقول يابو سعود عشاك القابله عندي سلطان : تسلم يابو راشد لاتكلف على روحك كني ماكله ابو راشد : انا طالبك ان تقول تم ولاتردني سلطان : تم وانا اخوك بس مثل ماتعرف انا الحين متبع حميه عقب العلاج والدكتور قايل لي اخفف من الدسم ابو راشد : عجل بأعزمك في مزرعتي ويش قولك سلطان : تم ولا يصير خاطرك إلا طيب ووين مكان مزرعتكم ابو راشد : في الشمال مكان زوين ويونس الخاطر سلطان يلتفت على اخوانه وعياله : هاااااااااه ويش قولكم في مزرعة بوراشد نايف : حد يعيف شوف المزارع كلنا موافقين وان شاء الله مايردنا شر بس خلونا نجهز نفسنا خلوهاااااااا الأسبوع الجاي ويش رايكم بوراشد : خلاص الوعد الأسبوع الجاي ان شاء الله وتم الإتفاق على الأسبوع الجاي وبعد ماطلع بوراشد وهله دخل سلطان لبيته يسلم على زوجته وبناته وبنات اخوانه وأول مادخل سلطان تنحنح : ياولد البنات اول ماسمعوا صوتها فزوا له واستقبلوه بالأحضان اللي اشتاقت لضمته وريحته الحلوه وبدى موال البكاء من الفرحة بشوفته راجع سالم وبصحة وعافيه سلطان كان متأثر كثير وبدأ يضحك على بناته : يابنات الحمد لله انا بخير الحين شوفوني مافيني إلا العافيه .. السوري .. شيوخ .. افااااااا والله عليكم هذا انا قدامكم ويلتفت على العنود ويحاول يهديها .. عنوووووووودي لاعاااااااااد تبكين أفااااااااا والله عليكم هذا وانا قدامكم الجازي وخواتها تقدموا من عمهم يبون يسلمون عليه انتبه لهم سلطان : مرحبااااااااا والله بالجازي شلونش يابنيتي الجازي : الحمد لله حنا بخير الحمد لله على سلامتك اشتقنا لك سلطان : تشتاق لك العافيه انا الحمد لله طيب ذا الحين .. حصه قربي فديتش حصة تقرب وتحب راس عمها : الحمد لله على السلامة خارج من الشر سلطان : الله يسلم قلبش .. وصايف وبدور كل وحده تدز الثانيه تبي تسلم قبل الثانيه وصايف : وخري يالدبه خليني اسلم بدور : لااااااااااا انا بسلم على عمي اول وصايف : وخري لاااااااااااااااتخافين بيزوجش واحد من عياله بدور : وجع ويش بيقول عمي عني سلطان : ماعليك منها تمزح معك وقربت مها تبي تسلم على عمها سلطان وأول ماشافها رحب وهلل فيها وتذكر رغبة ولده مشعل فيها : مرحبااااااا ببنتي مها هلااااا والله بمرتنا مها منحرجه وهي تحب راسه : الحمد لله على سلامتك يايبه .. بشرني عنك احسن الحين سلطان : الحمد لله بخير جعلش بخير وبعد ماسلم على البنات قرب من نسوان اخوانه يسلم عليهم وبعدهااااااااا قعد شوي معهم وعقب ترخص منهم علشان يريح شوي وطلعت معه هند تجهز له فراشه .. واول مادخلواااااااااا غرفتهم التفت سلطان على هند : شلونش ياعيون سلطان وقلبه اللي ينبض بداخله هند : الحمد يوم شفتك رجعت لي رجعت روحي اللي سافرت معك يوم رحت وبرجعتك ردت لي سلطان : جعل ربي يسلم لي روحك هند : سلطان انت احسن الحين يعني مايوجعك شيء سلطان : بلى يوجعني هند : اسم الله عليك وين وجعك سلطان وهو يأشر على قلبه : هنا وجعي تدرين ليه هند : ليه سلطان : من كثر حبك اللي ساكنه هند منحرجه من كلاااااااااام سلطان : الله يقطع بليسك روعتني احسب فيك شيء سلطان وهو يحب راسها : انا الحين باارقد اريح لي شوي قيميني لصلاة العصر ونزلت هند لضيوفها تحت .. واول ماانزلت لقت منيره وبناتها توهم جااااااااايين يبون يلحقون على سلطان قبل لايروح مكان منيره : تستاهلين سلاااااااااامة سلطان ياهند هند : الله يسلمك تستاهلين سلامته منيره : الله يسلمك هاااااااااااا اربــه احسن الحين ياهند هند : ايه الحمد لله اللي رده لي ولعياله سالم وشوي ودخل عليهم العيال سعود بن سلطان ومشعل يسلمون على خواتهم وعلى امهم وعمتهم سعود اول ماقرب من الصاله سمع صوت البنات فقام ينحنح علشان يتغطون منه ودخلوا وسلموا على هند وعمته منيره ونسوان عمه وسلموا على بنات عمانهم وقعدوا شوي يتقهوون وبعدها كل واحد طلع يريح شوي وسمعوا صوت سعود بن نايف يتنحنح يبي يدخل عليهم وهومتنفذ وحالته حاله : ياولد والبنات قاموا ودخلوا الصاله الثانيه ودخل يسلم على امه وعمته ونسوان عمه وبعدها دعا هيا تساعده في المطبخ وراحت معه واول مادخلوا سعود : شوفي لي قدر كبير علشان نحط الخروف اللي جايبه فيه وراحت للخدامات تدور عندهم القدر وجابته له وهي ساده خشمها من ريحة سعود لأنه جاااااااااااي من عند سوق الغنم وريحته ريحة غنم وسعود كان يحط الخروف في القدر ورفع عينه لقاها ساده خشمها قرب منها : شعندش ساده خشمش هيا : اف ريحتك خايسه بسرعه اخلص وروح تسبح سعود : مايصيراروح وانا ماسلمت على حبيبتي هيا امريتي الجوديه وهو يقرب منها هيا وهي تبعد عنه : سعود الله يخليك ماني ناقصك سوالف البطاله انت تدري اني مااحب الريحه الخايسه واني بااقعد ارجع لين تطيح كبدي فوقف مكانك احسن لك سعود وهويقرب : وان ما وقفت ويش بتسوين يعني الحين انا مشتاق لش وانت تسدين خشمش مني ومسكه وضمها ضمة قويه ودس وجهها في صدره وهي تحاول تدز فيه ماقدرت عليه وأخرتها حبها سعود على خدودها وفكها وهي على طول راحت للمغسله ترجع بقوة من الريحة اللي غطتها سعود كان يضحك عليها وكان يدري من قبل انها ماتستحمل الروايح الشينه بس ذالمره غير حسها تعبانه حيل قرب منها وهي وخرت عنه : حرام عليك باااااااموت من وجع كبدي اطلع غير ثيابك وانا بااشوف وحده من البنات آخذ منها ثياب وعقب بااطلع للعالم بس انت روح الله يرحم والديك . وطلع منها وهي دعت العنود تعطيها ثيابب من عندها علشان تغير ثيابها اللي اتلفها سعود بريحته والعنود تضحك على سوالف ولد عمها مع هيا .... ............................................................ ....................... وفي مطار الدوحة الساعة الثامنه والنصف مساءاً كان حمود ينتظر طيارته المتوجهه لمصر وشوي سمع صوت النداء على الطائره المتوجهه للقاهره توجه مع المسافرين لركوب الباص بعد ماخلص اجرائته وركب الطياره وبعدها اقلعت الطائره تاركه ورائها ارض الوطن وحمود يشوف ارض الدوحة وهي تصغر قدام عيونه : مع السلامه يالدوحه بس حكم القدر مالنا تصريف فيه هييييييييه الله يعينك ياجابر على اللي بيجيك بس مافيه غيرك نقط السالفه براسه علشان نبعد عنا الشبهه سالم وسبقني بيوم وانا الحين لاحقه وبنعيش عيشة الملوك بعد كل شيء نهبناه واذا فقدوا الفلوس بنكون بعيدين عنهم والله انك فنان ياحمود خلهم يتورطون ويحلون مشاكلهم بنفسهم . ............................................................ ........................... وفي مخازن شركة آل سعود الحارس محمود اللي كان قاعد في غرفته سمع صوت صفارة الإنذار تعلن عن حريق صاب المخازن ومحمود من الخوف راح وكلم الدفاع المدني وماهي إلا دقائق معدوده وسمع اصوات صافرات الدفاع المدني .. تابعوني في الفصل الرابع عشر علشان نشوف شنو صار على المخازن البضاعة اللي في المخازن حرقتها النار ومن اللي سبب الحريق هل هو قضاء وقدر والا لبو عبدالله وحمود وسالم دور فيه ؟ ............................................................ ......................... نهاية الفصل الثالث عشر |
السلااااااااام عليكم ورحمة الله وبركاته الفصل الرابع عشر قراءة ممتعه الفصل الرابع عشر : في مجلس سلطان بن سعود الناس معزومين في بيته على عشاء مشويه سعود بن نايف في بيت عمه وعازم كل جماعتهم واصحابهم وكل من يعز عليهم في بيت عمه سلطان والعيال قاعدين يصبون القهوة لضيوفهم وبعد دقايق معدوده دخل عليهم بوراشد وعياله بوراشد : السلاااااااااااااااااااام عليكم سلطان وخوانه : وعليكم السلاااااااااااااااام حياك يابوراشد تعال اقعد جنبي : وشلونك يابو راشد عساك بخير بوراشد : بخير الله يسلمك بشرني عنك عساك طيب سلطان : طيب طاب حالك .. وشلونك يابوك ياراشد رد عليه راشد : الحمد لله ياعمي مانشكي من باس وبعد لحظاااااااات دخل فاااااااااااااارس وابوه : السلااااااااااااااام عليكم سعود بن سلطان فز من مكانه ورحب بخاله وولد خاله وصديقه : وعليكم السلاااااام ياخالي شلونك وشلون العيال بوفارس : بخير جعلك بخير وانت ويش علومك طمني عن ابوك سعود : الحمد لله على كل حال الحين هو احسن عن اول تفضل يبه اجلس اقهويك والتفت على فارس وسلموا على بعض وقعدوا جنب بعض يسولفون فارس : وشلونك احسن الحين عقب ماتطمنت على الوالد سعود : ايه الحمد لله ارتحت كنت احاتيه لكن عقب سفرتنا طمني الدكتور على وضعه وقالي تجنبوا التوتر العالي والعصبيه الزايده فارس : خلوه يرتاح شوي قبل لايرجع للشركة سعود : إلا على طاري الشركه هاااااااااه بشر ويش العلوم فارس : والله الأوضاع شوي متوتره في الشركة وكله من روس الفتن حمود وسالم سعود : ويش فيهم مسوين شيء ماادري عنه تكلم فارس : من يومين صارت سالفه ....... وقعد فارس يعلم سعود بالسالفه اللي صارت في الشركة وموقف حمود وسالم منها واستقالتهم سعود : خلهم الله لايردهم ولا ولهم وجه بعد يحددون من يقعد ومن يطلع ماخذين مقلب في نفسهم فارس : وانت الصادق ماتصدق شلون ارتحت منهم سعود : خلااااااااااص راحوا وراح شرهم معهم بس حبيت اتأكد التلاعبات مستمره والا وقفت فارس : انا كنت اراقبهم من بعيد واحسهم هدوا اللعب شوي المشكة مافيه شيء يثبت عليهم ولا اعتقد امداهم يسون شيء ومثل ماتعرف صارت سالفة الشركة وعصبوا وطلعوا من الشركة ولاااا اسمع حمود ويش يقول الشركات يتقاطون عليه لخبرته سعود : اهم شيء الحين انهم طلعوا من غير خساير كبيره للشركة .. وانت ويش علومك منت بناوي تتزوج فارس : والله ودي عندك وحده تزوجني إياااااااااها انا بصراحة كنت حاط وحده من خواتك بس سبقوني عليهم عيال عمك مابقى الا الصغيرة شرايك انتظرهااا وتزوجوني ايااااااااااهاااااااا سعود يضرب كتف فارس : لااااااا يالحبيب الا بنتي ماني مزوجها ذا الحين فارس : زيييييين وانت منت بناوي تراك منت بصغير اللي مثلك عنده عيال سعود : لاتخاااااااف ياخوي انا ماني ناسك مصيري متزوج بس خلني اخلص من عرس خواتي ومشاكل الشركة وارتبط بالأنسانه اللي ارتحت لها فارس : منت بهين حاااااااط وحده في بالك وانا ماااااااااأدري سعود : ولا أنت بداري الا عند ملكتي ... وكملوا سوالف زايد وناصر قاعدين مع العيال عقب ماقهوو الرياجيل قاعدين يعلقون على حالة زايد صاير هاااااااادي ولاهو بخويهم الاولي وكانوا ينقزون عليه وهو مطنش لهم وشوي سمعوا صوت سعود بن نايف : فهد والا انت يازايد قم جب لنا من مطبخكم العشى والحلى اللي مسوينه النسوان يله قوم انت واخوانك ناصر يدف زايد : ماتسمع الرجال يكلمك قوم اخلص طلع زايد وفهد ومشعل للمطبخ الخارجي يجيبون العشى ويحطونه في مجلس الرياجيل مشعل وفهد تعاونوا على العشى وخلوا زايد يجيب السلطات وفي نفس اللحظة كانت شيخة داخله للمطبخ معها الجازي وكانوا مشغولاااااااات بالسوالف وماانتبهوا على زايد يحسبونه طلع مع باقي العيال عقب ماشلوااااااااا العشاء اما زايد عقب ماسمع اصواتهم توهق وماعرف وين يروح دخل المخزن الصغيرالموجود في المطبخ وتوارى ورى الباب المفتوح وفي ظلااااااام المخزن شافهاااااااااا تكحلت عيونه بشوفتها وهي غافله عنه ماتدري به ... شيخة : يابنت الحلال امشي مااااااااابه حد زايد والعيال طلعوا خذوا العشاء ومشوا للمجلس يلللللللله تعالي خليني ارويش الحلى اللي مسويته تعرفين امي حبت تعلمني الطبخ تقول ماتبيني افشلها عند بيت زوجي اللي هم انتوااااااا الجازي : يله روينا يالفالحه مع اني متأكدة ان العنود فديت قلبها هي ست البيت شيوخ : هين يالجويزي عجل اناويش اطلع الجاااااازي : هههههههههه خدامتها شيوخ : والله فيش ان كاني خليتش تذوقين حلاااااااااااي الجازي وهي تقرب منها وتحبها : خلاااااااااص وهااااااااذي بوسه ولاتزعلين يله رويني انجازش .. وبعدووووووو ا وراحوا للثلاجة وخذوا الحلى وجااااااابوا معه الصحون والملاعق ودخلواااااااااا للصاله وخلوااااااااا زايد منصدم طلعت البنت اللي حبها وتمناها من يوم شافها هي الجازي بنت عمه مشعل .. يااااااااااااااالله شلون تغيرت ذا البنت شلون كانت وشلون صارت الله يخسك يازيود الحين البنت تلقاااااااااااها كارهتك على اللي سويته فيها وهي صغيره .. خل اروح اودي السلطة للرياجيل وعقب لكل حادث حديث . ............................................................ ...................... وفي المجلس وبينما كانوا يتعشون صاااااااااح تليفون سعود بن نايف وشاف الرقم طلع رقم الحارس محمود رد عليه : آآآآآآآآآآآآآو هلااااااااا محمود الحارس محمود : الوووووووووو الحقنا ياسعت البيه المخازن بتتحرق سعود نط من مكانه وبعد عن العشاء علشان ماحد ينتبه له بس فيه نظرااااااااات ماكانت غافله عنه وعن ردة فعله وقام وراه ... سعود : زيييييييين طلبت الدفاع المدني يامحمود محمود : ايووووووووه يابيه بس ارجوك تعال بسرعه انا مش عارف اعمل ايه سعوووووووود : خلااااااااااااااص انا جاااااااااااااي الحين وسكر سعود بن نايف وتوه بيطلع لسيارته لقى سعود بن سلطان وتركي وفارس قدامه يسألونه ويش السالفه قالهم ان مخازن الشركة تحترق والدفاع المدني يطفونها ومحمود متوهق ماهوب عارف ويش يسوي علشان كذا كلمه وهو الحين طالع لهم .. سعود وتركي قالوا انهم بيروحون معه سعود بن سلطان : لا ياتركي انت وفارس خلكم علشان ابوي واعمامي مايحسون بشيء وتصرفوا عااااااااادي وانا باأروح مع سعود وإذا سألوكم عنا قلو لهم خوي لنا تعبان واخوه كلمنا انه يبينا ورحنا له . تركي : بس لازم اروح معكم فارس وهو يمسك تركي : خلااااااااص ياتركي خلهم يتصرفون واذا صار شيء رحنا لهم سعود بن نايف يلتفت على سعود ولد عمه : يله خلنا نمشي مانبي نتأخر على الرجال وتوهم بيمشون مسك تركي ذراع اخوه : تكفى طمنا عليكم سعود بن سلطان : لاااااااااتخاف تطمن وطلعوا بسيارة سعود بن نايف وكان يسوق بسرعه علشااااااااان يوصلون للمخازن بسرعه واول ماوصلوا شافوا الحارس محمود يكلم ضابط ويشرح له اللي صار وكان يتكلم والتفت وشاف عيال آل سعود وراح لهم : الحمد لله انا كنت خايف مااعرفش اعمل ايه سعود بن سلطان : هدي يامحمود هدي وخلنا نعرف السالفه وشوي وتقدم منهم الضابط : السلام عليكم اخوي سعود بن نايف : معك سعود ولد نايف وهذا ولد عمي ومحامي شركتنا سعود بن سلطان . الضابط : هلا والله اخوي معكم الضابط غانم .. والله مثل ماانتم عارفين وصلنا بلااااااااغ عن حريق في مخازنكم سعود بن نايف : زين ماعرفتواااااااا اسباب الحريق سعود بن سلطان : هل هي قضاء وقدر والا من فعل فاعل الضابط غانم : يااااااااخوي الحين شوفت عينك اخوانا في الدفاع المدني قاعدين يطفون الحريق وبعدها لكل حادث حديث وقعدوا يشوفون الدفاع المدني وهو يطفي الحريق ... وبعد ساعات تم السيطره عليها واطفائها وبعدها بدأت التحقيقات في اسباب الحريق وبعد مداولات كثيره توصلوا إلى ان اسبابه كان ناتج عن سيجاره .. وهنا الحارس محمود ارتبك لأنه كان عازم واحد من اصحابه وكان يتمشى معه يتفقدون المخازن والظاهر انه نسى يطفي سيجارته وهي اللي سببت هذا كله .. وبعدها الضابط غانم كلمهم : الحمد لله على كل حال ومافيه اصابات والحريق قدرنا نسيطر عليه قبل لايحرق بضاعتكم كامله وطلعتوا بأقل خساره ممكنه سعود بن نايف : الحمد لله على كل حال سعود بن سلطان : الحمد لله خسارتنا ولله الحمد هينه ونقدر عليها بإذن الله والمره الثانيه راح نتأكد من قوانين الأمن والسلامه والتفت على محمود اللي خاف من نظرته : وانت يامحمود خلك تتعض من اللي صار والمره الثانيه مانبيك تدخن جنب المخازن فاهم محمود : اكيد ياباشا انا بعد النهرده حبطل دخان الضابط غانم : الحين احنا تفقدنا كل شيء وبكره راح نكمل باقي الإجراءات وانت اخ سعود تعال لنا علشان نكمل الإجراءات اللازمة يله مع السلامه سعود بن نايف : تسلم اخوي غانم ماتقصر الضابط غانم : ماسوينا الا الواجب يله اسمحوا لي سعود بن سلطان : الله يحفظك مشكور وبكره نتقابل وبعد ماراح الضابط منهم التفت سعود بن نايف على سعود بن سلطان : والحين ويش السواه وين بنحط البضاعة المخازن واحترقت ويبي لنا وقت لين نرممها سعود بن سلطان : تطمن ووسع صدرك ياخوي الحمد لله انها جات على المخازن ومامست البضاعه اللي بالملايين .. وبعدين ماتضيق الاماتفرج انا عندي خوي يأجر مخازنه للشركات باأكلمه واسـتأجر منه مخزنين للبضاعه لين وقت تسليمها واتصل سعود بن سلطان على رفيقه وهنا استغل سعود بن نايف الوقت علشان يكلم تركي يطمنهم .. سعود : الو هلاااااااا تركي تركي : هلااااااا سعود هاااااااه طمنا ويش سالفة الحريق والمخازن عساااااااااها مااحترقت سعود : لا المخازن الحمد لله ربك لطف بنا ومااحترقت كلها جزء بسيط منها وتلاحقوها اهم شيء البضاعة ماوصلها الحريق والا كان توهقنا مع الشركات اللي متعاقدين معاها تركي : الحمد لله زين ماعرفتوا ويش سبب الحريق اكيد له اسباب سعود : بلى عرفنا طلع انها سيجاره ومحمود اعترف بذنبه وقال انه يمكن نساها يوم كان يدخن تركي : مجنون ذا والا خبل اربك سنعته عدل حسبي الله عليه بغى يضيعنا سعود : جاااااااه اللي كفااااااااه خضينا بطنه اللي جااااااااااه بيخليه يحرم ماعاد يمسك سيجاره المهم ابيك تعلم الشيبان ولاتروعهم ترى الامور سهالات تركي : لاتخاف ترانا علمناهم وهذه عمي نايف معك يبي يتطمن عليكم سعود : آلـو يبه .. العم نايف : هلا سعود هاااااااااااه بشر وانا ابوك طمني سعود : لاتطمن الـمال الـحلال عمره مايضيع العم نايف : جعل ربي يطمن قلبك مثل ماطمنت قلبي والخساير ياولـدي يـا سـعود اربها ماهيب كبيره سعود : لا الحمد لله ماهيب كبيره والبضاعة ماجاها شيء والحين سعود اقترح علي نخزنهم في مخازن واحد من خوياه يأجر مخازنه العم نايف : ياجعل ربي يكبر حظك ياولدي ياسعود ويفتحها عليك ويفرحك باللي تبيه سعود : الله واكبر الحين انا اللي متصل ومتعني وانت قاعد تدعي لسعود ولد عمي الله يسامحك يبه ماكني ولدك وبكرك العم نايف : هههههههه اشتغلت الغيره .. خلاااااااااااص ولايهمك جعل ربي يكبر حظك ويفرحك بعيالك قول آآآآآآآآآآآمين سعود : آآآآآآآآآآآآآآمين يارب العالمين يالله يبه انا الحين اترخص منك بااروح لسعود العم نايف : الله يحفظكم وسكر سعود من ابوه وراح يشوف سعود ويش سـوى ............................................................ ............... وفي مجلس سلطان بن سعود العم نايف بلغهم بالأخبار الطيبه وطمنهم على ان الخساير بسيطه وان سعود بن سلطان اجر لهم مخزن من مخازن خويه وبعد ما تطمنوا بعد سماعهم الاخبار الطيبة من العم نايف كملوا سهرتهم عادي سوالف عن مواقفهم في بنغلور شـوي مشـعل قام من مكانه وقرب من أبوه سلطان : يبه تكفى كلمه الحين العم سلطان : ويش بلااااااااك مطيور كذا اصبر شوي مشعل : يبه تكفى كلمه ماعاد فيني صبر كلما قلت لك كلمه قلت بعدين العم سلطان : زيـن زيـن خلاااااااااص هذا انا بكلمه اثقل شوي لاتغدي خفيف مشـعل : يبه الله يهداك اكثر من كذا ثقل تبيني انفجر عليكم العم سلطان : لاحول ولاقوة الا بالله والتفت على اخوه نايف وتحنحن : اقول يانايف بغيتك في سالفه نايف : آمر ياخوي باللي تبيه سلطان : والله يـاخـوي ومثل منت عارف الواحد يشتري النسب وانا يااخوك ودي بنسبك واشتريه ... شرايك بولك مشعل نايف : مشعل مثل ماقلت ولدي وتربيت يدي رجال سنافي مصلي ومافيه مثله وما شاء الله عليه قابظ وظيفته سلطان : عجل مادامه مثل ماتقول بغينا بنتك مها لولدي مشعل وشرايك نايف : انا يااخوك ماعندي مانع بس تدري لازم اشاورها وآخذ برايها سلطان: على خير متى ماخذت رايها رد علينا وكملوا سهرتهم ومافيها شيء جديد غير تحسر زايد على نفسه ليه ماتجرأ وطلب الجازي مثل ماطلب مشعل مها ... ............................................................ ............... في بيت عبد الله وفي مجلسه بالذات قاعد سهران مع ربعه واصدقائه السوء مصادقهم من فترة طويله كانوا جالسين يلعبون ورق وماخذتهم السوالف والضحك ... عبد الله : ألعب بس ألعب مسوي لي فيها فاهم مرزوق : معليه ألحين بتشوف اللعب على أصوله ذا الحين .. الا ياعبد الله ويش اخبار ابوك عبد الله : لااااااااااهي مع حلاله وشريكاته والصفقات اللي يسويها مرزوق : يااخوك ماتكلمه لي يوظفني عنده تراني مليت من قعدة البيت وما خليت مكان ماقدمت أوراقي عنده ولاردوا علي مسعود : ويش لك بالشغل والشقاء .. أقعد مكانك لين يجيك رزقك وبعدين أهلك ماهم بعاجزين من مصاريفك . مرزوق : بس ياخوك حنا كثار وخواتي لهم مصاريفهم بعد وراتب الوالد التقاعدي يالله انه يكفينا الدنيا صارت ضـو وكل يوم يزيدون في الاسعار . مسعود : بكره يتزوجون ويفكونك من شرهم ولا يمكن تستفيد من وراهم بعد الحين المهور صارت موضة دارجة في ذا الوقت كلما زدت فيها استفدت اكثر وانت عندك ماشاء الله سته ماهوب مثلي ماعندي الا فطوم اللي عاله قلبي معها عبد الله : ايه ياحليلها فطوم ويش آخر أخبارها عادها في الجامعه والا تخرجت مسعود : لاعادها مقطنة فيها ولا اظن انها بتتخرج بسرعة الاخت لاعبة لعبتها في الجامعه ومسويه لي فيها فـتـوة . مرزوق : هههههههههه ياحليلها تذكرون يوم تطلع معنا وهي لابسه ثياب اخوها الصغير وتتهاوش وع ولد راعي البقاله كسرت سنه المسكين عبد الله : وانت الصادق غلى قد مانرزل فيها ونلعن خيرها لكنها لاصقه فينا وويش كانت مسميه عمرها بعد مسعود : فـهد عبد الله : هههههه ايه فهد والله ايام بس تصدق مااحسها بنيه احسها ولد والله لواني منك كان وديتها يسووون لها عمليه ويقلبونها ولد مسعود : يااخي من قل الاخوان اللي عندي تبيني اقلب فطوم ولد اااااايـه ذكرتني تراها تسلم عليك وتراها تعرف زوجتك شافتها مرافقه بنات آل سعود عبد الله هنا تنبه لشيء كان غافل عنه : لـيش زوجتي مرافقه بناتهم مسعود : إيـــه واختي فطــوم ميته قهر من وحدة منهم ماتعطيها وجه وشوووووي رن تليفون مرزوق : آآآآآآلـــــو هلاااااااااااا خلااااااااااص يبه جااااااااايكم ... جااااااااايكم في الطريق وترخص منهم وطلع وفضى المكان الا من عبد الله ومسعووووود عبد الله : يـاحليلها مـاخذه عزة نفس أهلها .... زيــن يــامسعود عطني رقم اختك فطوم ابغي اكلمها واوصيها عليها توصيه خاااااااااصة مسعود : لــيش ويــش لـك في البنيه ياعبد الله عبد الله : أنا أكره عيال آل سعود كره عمرك ماتتصوره من يومني صغير ولا أحب غرورهم وأكثر اثنين ماأطيقهم هو سلطان بن مشعل وولد عمه سعود بن سلطان . مسعود : الله يستر منك جعلني مااصير لك عدو شكلك ناااااااااوي لهم على نيه شينه عبد الله : لابس قرصة إذن علشان أكسر غرورهم الزايد وآخذ حق ابووووووي منهم مناشبينه في تجارته ورزقه مسعود : زيـــن ويــش دخل اختي فطوم بالسالفه ليش ماتستدرج البنت عن طريق زوجتك ماهيب رفيقتها عبد الله : لاااااااااا بعدين بتشك فيني وانا بيني وبينك ماأبي ادخلها في السالفه عشان كذا اختك اصلح وحده للمهمة هاااااذي محتاج لها توصلي معلومات عن بنتهم علشان احدد الوقت اللي اضرب فيه ضربتي واوجع فيها سعود وسلطان مسعود : ياخطير تصدق خوفتني منك تدري شلون يبه هااااااااك الرقم وفكني وبعدها كملوا لعبهم لين نص الليل . ............................................................ ......................... وفي نفس الوقت في بيت نايف بن سعود وعقب مارجعوا من سهرتهم عند بيت سلطان بن سعود العيال والبنات كانوا جالسين في الصاله ويلعبون لعبة جلاد وحرامي لعبة ناصر المفضله علشانه يموت في الضرب وكون فريق مع اخوانه فيصل وعبد اللع ومها ووصايف وكان الجو آخر وناسة واللعب كان بحماسة شديده . ناصر : يالله يافيصل طلع الحرامي صار لك ساعة فيصل : اصبر انت الثاني انا شاك في حدا الثنتين يالدبه مهوي والا ام لسان وصايف . عبد الله : خلصنا زهقتنا قول يامها والا وصايف والثنتين لأول مرة في التاريخ يتفقون ويسوون تحالف نسائي ضد اخوانهم لأنهم خايفين من ضرب ناصر اللي مايقتنع بالضرب بمسطره لا يلشطهم بالعصى ( الاخ دموي بزياده ) مها : يــا الله ماصارت يــافصيل خلصنا ذبحني النعاس وصايف : بسرعه اعجل علينا قبل لاتط علي امي تراهاااااااا تتحلف فيني علشاني غايبة اليوم ان جات وشافتني سهرانه بتلعن خيري عبد الله : احسن تستاهلين وراش مدرسة وقاعدة سهرانه لين الحين مااكتفيتي تعهدات كاتبتها من بداية السنه لين الله شاف لك وصايف : اكرمني بسكاتك بس بسم الله عليك كنك الحين موظف ماكنك تلميذ مثلي يعني حالك حالك حالي وبعدين تراه ماهوب من زين ملفك تراه اسود مثلي والا نسيت وتبيني اذكرك ( تذكره بالأشرطة اللي يستعيرها من خويه في المدرسه ) هنا عبد الله خااااااف لاتفضحه قدام اخوانه قام يرقع لوصايف ناصر وفيصل يوم شافوا اخوهم بلع لسانه وماقام يراددها كعادته استغربوا ناصر : افااااااااا ياعبود الحين وصايف تسكتك وين لسانك فيصل : هههههههه قطعته له وصايف يوم انا اقول لكم البنت ينخاف منها وماتخلي حقها ابد ولا مدلعه من الشيبه ولا يداني حد يقولها شيء وصايف : لاااااااازم ياحبيب يحبني انا آخر العنقود وبعدين انا وصايف موحيل الله المهم خلصونا تراكم مصختوها مها : ياللع يافيصل تراني ماعاد قمت اشوف من النعاس ذبحني فيصل : زيــن بقول الحرامي هـــــــــــو هـــو هـو مهوي الدبة وصايف هنا نقزت : هههههههههههههههاي غلط انا الحرامي يعني ماصدتني يالله الله يعينك على الضرب بس عادي جلدك جلد تمسااااااااح ماراح تحس بشيء ماهوب مثلنا تجرح خدنا الريشه يالله تصبحون على خير وقامت هي ومهوي معها وهم في نص الطرق سمعوا فيصل يترجى ناصر : نويصر انا اخوك الكبير عيب عليك تضربني خلااااااااص الحين ماحد منهم موجود إلشط الكنبة وانا بأصيح ولا حد بداري هنا وصايف قاطعتهم : لاو الله يعني انا ومهوي تضربونا وهو لا ليش على راسه ريشه والله مااتحرك لين تضربه قدامي والا والله لااصيح وافضحكم واجيب العيد لكم تراكم مثلي يعني لو شافكم الوالد سهرانين لين الحين ويش بيقول ناصر : بسم الله الرحمن الرحيم كلتنا خلااااااااص صكي حلقش وباأضربه قدامش يله شوفي وقام يلشط بفيصل من الحره على وصايف السوسه وفيصل يترقص من الضرب : آآآآآآآآآآح بس بس الله يخسك قطعت يديني وانا اقول وشبلااااااااها البنت كلتنا أثاريها من حــر مافيها يالله انقلعي اخمدي لابارك الله فيش وفيه لكن انا الحمار اللي بيلعب معكم مره ثانيه وصايف : لاتلعب معنا العب مع عنوووووووودي فيصل : فديتها تبيني العبها لعبكم الخشن لاياعمري يالله تصبحون على خير . وكل واحد فيهم راح يكمل نومته . ............................................................ .............................. في غرفة العم نايف ونورة .... نايف يعلم نورة بخطبة مشعل ولد اخوه لمها بنتهم وياخذ رايها في الموضوع نوره : والله يانايف انا ماعندي مانع ومشعل والنعم فيه وبعدين بتروح عند هند جنة ربي نايف : وانا ماعندي مانع بس حبيت اشاورش علشان تاخذين رايهااااااااا نوره : ولايهمك بكره افاتحها بالموضوع وكانو يتكلمون وماحسوا بوصايف وهي عند باب الغرفه اللي سمعت كل شيء وبعدت عن غرفتهم وراحت تكمل نومتها . ............................................................ ......................... نهاية الفصل الرابع عشر تقبلوااااااااااااااااااا مروري غلاااااااااااااكم |
واصلي غلا ترى انتظرس
و لا تطولين بين الاجزاء وبتلقين تفاعل اكثر صدقيني نجي لجزء اليوم حلوة علاقه عيال العم ببعض والحمد لله ربي ستر على بضاعتهم ما راحت كلها من الحريق و الله يستر من عبد الله والمسترجله فهد وياترى منهي اللي ارتاح لها سعود ؟؟ |
اقتباس:
ياهلاااااااااا والله بااختي الفاضلة لاهنتي على المرور الغالي على قلبي |
السلام عليكم ورحمة الله وبركاته اخواتي الاعضاء والعضوات اليوم راح انزل الفصل الخامس عشر الفصل الخامس عشر : في بيت تركي بن سعود .. تركي جالس في الصالة يوقع على بعض الاوراق للشغل وكان الوقت متأخر وما حس إلا ببنته نورة جاية عنده للصالة انتبه عليها ودعاها تجلس في حضنه تركي : نواري حبيبتي شفيش ليش قمتي نورة : يبه تعبانه وماعرفت ارقد بروحي تركي لمها له أكثر على صدره يبي يرقدها وشوي وحس بنجلاااااااااء داخله عليه تدور بنتها : هي عندك خوفتني مادريت وين راحت ذا البنت تركي : لاتخافين جات عندي وبعدين تراهااااااااا محمومة شوي خذيها معش وعطيها دواها قبل لاتتعب زيادة علينا خلود جات تبي تشيل بنتها لقتها راقده ومتمسكة بثوب ابوها وماتبي تفكه خلود : وبعدين البنت ماسكتك تركي : ضحك فديتها خليها انا بأوديها وانتي تعالي معي علشان تشربينها دواااااااها وبعد شوي رجع تركي يكمل شغله وجاته خلود بعد مأعطت بنتها الدواء وجلست جنبه : ويش ذا ياتركي شغل حتى في البيت تركي : اسمحيلي بس هذي شوية اوراق بخلصها وبأقوم ارقد قومي ارتاحي انتي ولاتنسين انش حامل ولازم تريحين يأم سلطان خلود : عاااااادي بأقعد أوانسك شوي وبعدين شيدريك ان اللي في بطني ولد يمكن تطلع بنت تركي : لا إن شاء الله ولد هالمره ولو ماطلع ولد تزوجت عليش وحدة تجيب لي ولد يقولها وهو يمزح يبي يغيضها شوي خلود عصبت : سوووووووووها وشوف ويش اللي بيصيبك تركي ضحك على غيرتها الواضحة : قام وقعد جنبها وحب راسها ولمها لصدره بقوة وكأنه يبي يدخلها داخل ضلوعه وقال لها : ولا انخلقت اللي تشارك خلود بنت محمد في قلب تركي لأنش متربعه عليه ولووقفت عن حبش ياخلود تأكدي اني بأكون تحت التراب هذا هو اللي بيوقف حبك موتي خلود : اسم الله عليك يومي قبلك ياتركي والحين يالله قوم ارتاح ماصارت شغل في الشركة وفي البيت أشغالك ماتخلص ياتركي . تركي وهويسكر الملف اللي بيده : هااااااااه ولايصير خاطرش الا طيب يله خلينا ننام . ............................................................ .............................. في اليوم الثاني وفي بيت مشعل بن سعود تحديدا على الفطور الكل جالس يفطر مشعل وزوجته فاطمة وعياله أكبرهم سلطان وأصغرهم بدور كان الصمت سيد الجلسة لحد ما قطعه سلطان : اقول يبه ألحين عمي سلطان رجع بالسلامة وصحته ولله الحمد زينه والمخازن وتطمنا عليها ماهوب المفروض الحين نحدد موعد الزواج ترى طالت السالفه يبه مشعل : وانت صادق ياسلطان خلاص حدد اليوم اللي تبيه وأنا بأشاور اخواني سلطان : أنا اقول بعد اسبوعين بتكون اجازة الربيع ليش ما نخلي العرس فيها مشعل : على خير بأكلم أعمامك وأتفق معهم هنا نايف اشتغلت عنده اللقافه التفت على الجازي : ويش بلااااااااه أخوش مطيور كل شوي فتح لنا سيرة العرس الجازي : لاتتطنز عليه بكره بنشوفك ويش بتسوي نايف : لا ياحبيبتي في حالتي ماني بمستشيركم بتشوفونها داخله عليكم هي وعيالي فديتهم هنا نطت حصه : والله ومن تعيسة الحظ اللي بتاخذك عزة الله أمها داعية عليها نايف : ياربي على اللقافه ... ماتقولين لي ويش اللي دخلش حد كلمش ياهانم حصة : لابس أنا حبيت أبدي رايي نايف وهو يقوم يبي يلحق على فهد علشان يروحون سوى : ما ابغي رايش احتفظي فيه لنفسك ويالله اقلبي وجهش وراي جامعه وطلع وخلاااااااااهم وقف سلطان يكلم خواته : بعطيكم فرصة لحد مأشغل السيارة ان ماشفت حداكم حركت وخليتها وهنا كل وحده قامت تسابق الثانيه يدورون عبيهم لأنهم عارفين سلطان ومزاجه .. ............................................................ ............................... وفي بيت سلطان بن سعود ... السوري كالعاده ساحبة على المدرسة راقدة وما تقوم إلا بطلعة الروح وشيخة اختها هلكت تقوم فيها وهي عمك أطرش . شيخة : سارة قومي تأخرت على المدرسة سارة : يوووووووووه خليني ابي ارقد شيخة وهي تجر بطانية سارة : مافيه قومي احسن لش تسهرين طول الليل وإذا جاء الصبح تعيين ماتبين تقومين سارة وهي تفتح عيونه : مالش خص شيخة : والله يالسوري لاماتقومين لأكلم سعود أخليه يسنعش وأعلمه بغيابش سارة سمعت اسم سعود قامت وفيها حرة على شيخة : زيييييين هذا انا قمت أوف ماتخلي الواحد يتهنى وراحت وهي تتحلطم وشيخة دخلت غرفتها تكمل لبسها علشان بتروح لجامعتها العنود تحت تفطر مع امها وابوها واخوانها كلهم ماعدا سعود وتركي سلطان : ياهند تراني كلمت اخوي نايف امس عن مشعل ومها هند : خير ماسويت ياسلطان مها بنتي ماشاء الله عليها جمال وأخلاق وتربية نورة والنعم فيها مشعل : هاااااااااااه شرايش يمه في ذا الأخبار الزينه هند : جعل ربي يكتبها من نصيبك ياولدي وعقبال ماأفرح بخوانك الباقين والتفتت على محمد : وانت يمه متى بتفرحني محمد : يمه افرحي بمشعل اول شيء وبعدين يصير خير يله اترخص وقام وحب روووسهم وطلع سلطان التفت على بنته العنود : يابنتي جهزي نفسش انت واختش ترى في أي وقت ممكن يحددون عرسكم يابنيتي العنود بطبعها سحاوي استحت من كلام ابوهاااااااا وردت عليه : ان شاء الله مثل ماتبي والحين بأقوم اشوف البنات يعجلون على العيال وطلعت بسرعه مشعل وفهد : هههههههههه احرجتها يبه حرام عليك ماخليتها تكمل فطورهاااااااا سلطان : فديت العنود سحاوية مثل أمهااااااااا سارة وهي نازلة : لاوالله يعني انا فاصخة الحياء لأن شيوخ من زمان فاصخة الحياء سلطان يهمس لهند : ويش اللي بيفكني من لسان السوري انتي متأكدة انها بنتنا هند : هههههههه ايه متأكدة بس لسانها ماهوب لنا ماأدري طالع على من ماأدري . سارة وهي تحب راس ابوها : الله يسامحك يبه تشك اني ماني بنتك شوفني عدل ماغير جدتي هيا الله يرحمها كلهم يقولون اني نسختها الصغيره . فهد : يالله على ذا البنت تموت لو مامدحت نفسها مشعل : أنت تشوف مغترة ماأدري على شنو ساره : اللي مايطول العنب حامض عنه يقول وقعدت تفطر معهم ونزلت شيخة وعباتها في يدها : يلله واحد منكم يوصلني للجامعه زايد راقد ولاقام لي مشعل : خلي فهد يوصلك لأنه على طريقك أنا بأوصل ساره واروح للشركة وطلعوا جميع اللي للمدرسة واللي للجامعه واللي لشغله .. ............................................................ ................ في بيت ابو راشد صديق مشعل بن سعود ... وأم راشد مازالت ورى ولدها راشد تبي تزوجه وحدة من بنات مشعل وأكثر وحدة تتمناها ومرتاحه لها هي الجازي راشد : يايمه الله يرضى عليش أنا ما أفكر بالزواج ألحين أم راشد : حرام عليك اللي مثلك قد عيالهم قدامهم تكفى ياأمك لاتحرمني شوفة عيالك راشد تنهد وقام يحب راس أمه : خلااااااص يايمه ربحت ذا المره بس يمكن أهلها ما يوافقون علي وألا يمكنها مخطوبة لواحد من عيال عمها أم راشد : لا أنا تأكدت من كل شيء ماحد متكلم عليها وبعدين أنت ولد صديق أبوها وما أعتقد مشعل أبوها بيرد أبوك . راشد وهو قايم : على خير يمه سوي اللي تبينه أنا تعبت من الموضوع نفسه يلله انا طالع عندي دوام في المستشفى وبعدها بمر على عيادتي تآمرين على شيء . أم راشد : جعل ربي يسهل دربك ويفرحك مثل فرحتني اليوم وطلع راشد وخلى أمه في الصاله تخطط لعرسه مع خواته عهود ولولوه . عهود : عمرها 25 سنه موظفه بالبلدية ، لولوه : عمرها 20 سنه أولى جامعه ............................................................ ........................... وفي بيت نايف بن سعود نورة تقوم بناتها وخاصة وصايف علشان تلحق على المدرسة نورة : وصايف قومي تأخرت على المدرسة وصايف : ماني برايحة اليوم تعبانه نورة : قومش سهرتش البارحة تحسبيني ماأدري عنكم وصايف : زيين عجل خليني أكمل نومتي تكفين يمه نوره : وامتحانش اليوم تبينه يفوتش وصايف : يمه تكفين ماراجعت له نورة : قومي احسن لش دام النفس طيبة عليش قامت وصايف من النوم معصبة علشانها كانت تبي تسحب على المدرسة نورة شافتها قامت طلعت من الغرفة ووصايف تلتفت على مها راقدة جنبها ومحتره منها علشانها بتداوم ومهوي فاااااااااااخه رقاد ومن الحره خذت المخده وحذفتها على مهوي وظربت كوب الماء اللي على الطاولة بينهم وطاح على مهوي وبللها مها قامت من النوم متروعه من برودة الماء عليها : بسم الله ويش ذا والتفتت على وصايف : وجع ليش تكبين الماء علي الحمد لله والشكر قولي لي الحين ويش استفدت وصايف : اهم شيء اني خربت رقدتش .. عجل انا يقوموني من صبح وانتي راقده مها : والله انا خلصت مدرستي من زمن جدي اذا ماتبين تداومين فنشي احسن لش وصايف : لا والله علشان اصير مثلش آسفه انا خاطري اكمل للجامعه على خير ان شاء الله مها : زييين قومي خلصي علينا وخليني اروح ابدل ثيابي لابارك الله فيش يالخايسه خربتي رقدتي ............................................................ ................................ في بيت جابر محاسب الشركة اللي اتفق مع سالم وحمود على انه يتغيب قبل سفرهم مدة بسيطة علشان مايشكون فيهم بالشركة ويتحجج بمرض بنته رغد كان جالس يحاول انه يتصل بحمود او سالم لكن الاجابه على اتصالاته دايما ان الهاتف مغلق هنا بدى الشك والخوف يدخل قلبه وخاف من ردة فعل عيال آل سعود لما يكتشفون المبلغ المسروق من خزينة الشركة اللي هو مسؤل عنها وأكيد أول الشكوك بتكون صوبه لأن مفاتيحها عنده .. قامت الافكار تاخذخ وتجيبه لايكون حمود وسالم يحطون السالفه كلها براسه وقعد يفكر يحاول شلووووون يطلع نفسه من السالفه وآخرتها وصل لحل مؤقت وهو السفر لين تبرد السالفه وعقب بيحاول يتصل على حمود وسالم .. ............................................................ ...................... في شركة آل سعود الموظفين اليوم المفروض يستلمون رواتبهم ومحاسب الشركة لين الحين ماحول رواتبهم لحساباتهم وبـــدو يعصبون وقامت أصواتهم تترتفع .. والله حاله مايصير كذا كلما كلمت البنك يقول لين الحين ماجاهم شيء ويرد الثاني : مهوب انت يااخوي حتى انا ويمكن تكون حالتنا كلنا رد الثالث : زيييييييين ليش كذا كل مره جابر ينزلهم في وقتها ليش هالمره من بين الجموع كان فارس يراقب الوضع ويتسائل في نفسه جابر معروف عنه الالتزام ليش هالمره تأخر برواتب الموظفين .. واللي استغربه اكثر تليفونه المسكر . وشوي وسمعوا صوت سعود بن نايف ومعه تركي ومشعل وهم مستغربين من تجمع الموظفين وتجمهرهم عند باب المحاسبة في الشركة وسألهم سعود عن سبب تجمعهم وردوا بأن المحاسب تأخر عن تحويل رواتبهم وهم مضغوطين ومحتاجينها وصار لهم اسبوع والمحاسب جابر مآآآآآآآخذ اجازة علشان بنته ولين الحين مارجع منها ولانزل رواتبهم قبل لاياخذ اجازته .. سعود رد عليهم : ياجماعة الله يرضى عليكم ماتضيق الابإذن الله تفرج وجابر معذور المسكين ملتهي ببنته جعل ربي يشفيها وكلكم عارفين غلاوة الضنى واذا على رواتبكم انا الحين بحولها لكم ولا يصير خاطركم الا طيب . وقدر سعود بحكمته يمتص غضب الموظفين والتفت على تركي : اسمعني ياتركي ان راح اعتمد عليك انت ومحمد بهذا الموضوع واذا حولتها بلغني تركي : طيب بس محمد الحين وينه مشعل : علمي به في البيت وعقب طلع قال عنده شغل وبيرجع عقب على الشركة تركي : عجل بأخلي مشعل يساعدني مع رواتبهم سعود : على خير ............................................................ ........................... ام راشد كلمت فاطمة علشان تأكد عليهم عزومتهم في مزرعتهم وقالت لها تبلغ الباقين . واتفقوا على يوم الجمعه الجاية انهم يجتمعون في مزرعة ابو راشد في الشمال ............................................................ .......................... في الشركة تركي مصدوم حساب الشركة صفر ولافيه فلس وطلع من مكتبه لمكتب سعود وفتح بابه : الحق ياسعود حساب الشركة صفر ويش العمل سعود قام من مكانه : ويش تقول صفر متأكد تركي : شايفني العب معك وتبي تتأكد تعال شف وقعد على مكتب سعود ودخل للحساب وسعود انصدم سعود : مايصير انا معطي جابر الفلوس وقلت له يحطه في الحساب ويحولها لرواتب الموظفين تركي : متى ذا الكلام سعود : قبل رجعت ابوك وابوي بيومين تركي : كلم سعود واكيد بساعدنا ............................................................ ............................. سالم ماقدر انه يلحق حمود فراح لبو عبد الله وطلب منه يوظفه عندهم وابو عبد الله وظفه عنده مر الوقت وسالم ماسمع اخبار حمود فحب يتصل عليه ولقى تليفونه مسكر قال في نفسه اكيد مسكره علشان جابر مايكلمه وبعد فتره اكيد حمود بيتصل فيه .. سالم تأقلم بسرعة في شركة بوعبد الله وقدر يفهم الشغل بسرعه وابوعبد الله استانس منه كثير وحطه يده اليمين في الشركة . ............................................................ ............................. سعود بن نايف علم سعود بكل شيء صار لحد اللي صارلهم اليوم وكان يتكلم هو وتركي وسعود يسمعهم ولا علق بشيء وعقب ماخلصوا كلامهم قال سعود بن نايف : وهذا هو اللي صار والحين الرياجيل اللي برى ويس اسوي بهم وكل واحد منهم متعشم يشوف راتبه نازل سعود بن سلطان : زيين كلمتوا جابر تركي : ماذي المشكله الاخ مسكر تليفونه ويوم طرشنا مندوب الشركة لبيته يسأل عنه لقاه مسافرمع هله للبحرين عند اهل مرته سعود بن سلطان : زيييين الحين انا بأقول لكم ويش تسوون رواتب الموظفين تسددونها لهم من حساب الشركة الثاني اللي حاطينه للطوارئ واعتقد فيه اللي بيكفيهم ويزيد اما جابر فأنا ماني مرتاح لسفرته ذي خلوه علي اهم شيء لايوصل الشيبان شيء من اللي صار وانا راح اتكفل بهم .. سعود : الله يسلمك ياسعود من توتري الزايد وتركي بعد وترني زياده ونسينا الحساب الثاني ... بس اللي قاهرني ليش الحين فيه شيء ماهوب طبيعي اول شيء المخازن تحترق والحين الحساب مسحوب كله ماادري بس انا ماني متطمن تركي : ليش منت متطمن ماتقولون ان الشرطة سجلت حريق المخازن على انه اهمال من محمود والا فيه شيء انا ماأدري عنه سعود بن سلطان : لا مافيه شيء المهم قالها وهويقوم مثل ماوصيتكم يله اترخص عندي شغل مع السلامة . ............................................................ ............................ بعد اسبوع العايله تجمعت في مزرعة ابو راشد اللي استقبلهم احسن استقبال وكانت مزرعته كبيرة ومزروعه نخل وفيها بركة سباحة وكان مجلس الرياجيل من طابقين منه المجالس وغرف النوم لضيوفه وفي وسط المزرعه كان فيه فيلا في الوسط صغيرة للنسوان وعند بابها كانت ام راشد تستقبل ضيوفها وترح بهم ام راشد : ياهلاااااا ومرحبا تو مانورت مزرعتنا فاطمة : بنورش يأم راشد نورة : شلونش يأم راشد ام راشد : طيبة يومني شفتكم هند : ماشاء الله مزرعتكم تجنن وتشرح الصدر يأم راشد أم راشد : تسلمين يأم تركي وعادني بأمشيكم فيها هند : تسلمين يأم راشد ام راشد تسلم على البنات : حياكم يابنات ادخلوا المكان مافيه حد من الرياجيل كلهم في قسمهم يعني ماحد حولكم اخذوا راحتكم ودلتهم على الغرفة الخاصة فيهم الفيلا فيها ست غرف واربع حمامات وصالتين ومطبخ كبير والبنات توزعوا فيها بالترتيب هذا الغرفة الاولى : العنود + شيخة + الجازي + مها الغرفة الثانيه : سارة + بدور + حصه + منى الغرفة الثالثه : نورة وفاطمة الغرفة الرابعة : هند ومنيره الغرفة الخامسة : هيا وشيخة اما الغرفة الاخيره فكانت غرفة ام راشد مع بناتها وكل وحدة دخلت تريح شوي في غرفتها واتفقوا يجتمعون بعدين اما ساره فكانت خططها غير هي وبدور ووصايف كانوا يبون يشوفون اسطبلاااااات الخيل اللي يشارك بها بوراشد سارة : يله بدور تكفين امشي خلينا نشوف الخيل بدور : لااااااا والله ان شافني سلطان لايحش رجولي سارة : وين بيشوفش هو من صوب مجالس الرياجيل يعني وينه منا تكفين بدور : هاااااااااا لاوالله اخاف حصة : شرايكم نروح انا ومنى معكم بما انا أكبر منكم وصايف : ياسلااااااام ليش على راسكم ريشة حصة : نطت الخبلة .. اسمعيني انا قصدي بيشوفنا كبار معكم يالبزران منى : بس انا ماني رايحة معكم المكان بعيد وبعدين قريب من المجالس ويش بيكون ردة فعلنا لو طلع واحد من عيالهم قدامنا سارة : ياربي عليكم علينا عبينا وشيالنا مافيها شيء وكثر ماحنت سارة وافقوا البنات على الروحة معهم .. وهم طالعين شافوا ام راشد في الصالة قاعدة هي وأمهاتهم ويوم شافوهم طالعين سألوهم : على وين سارة : يمة بنروح نشوف الخيل هند : مالكم حاجة ام راشد : حرام عليش يأم تركي خليهم ماحد قدامهم والعيال ما يروحون صوبها واجد هند تلتفت على نورة وفاطمة ومنيرة وكلهم وافقوا لها واخيرا سمحت لهم ووصتهم بالشيال .. وطلعوااااااااا يتمشون ويضحكون ويسولفون سارة وبدور ووصايف مع بعض ومنى وحصة مع بعض وطبعا سارة هي اللي في الطليعة تسابقهم على شوفة الخيل ومشى يتفرجون على المزرعة لحد ماوصلوا الى اسطبلات الخيل ووقفوا عند السور يشوفونها وقعدو فترة معينه لحد ماملت منى وقالت لهم يرجعون معها لكنهم مانتبهوا لها والتفتت تكلم حصة اللي تصور ساره وبدور ومعهم الخيل : حصه يله خلينا نرجع زهقت وبعدين انا خايفة حصه : اصبري منى شوي تو الناس منى : خلصوني والله قلبي قارصني ماااااااأدري ليش حاسة فيه شيء بيصير ساره : يووووووووووووه تراش أزعجتينا كل شوي امشوا نرجع ياأختي روحي بروحش وإذا خلصنا لحقناش منى يئست منهم ومشت عنهم وهي في نص الطريق طلع في وجهها اثنين عرفت واحد منهم وكان سعود بن نايف ومعه راشد اللي كانوا طالعين من المجالس وشكلهم توهم جايين من المجالس ورايحيين للإسطبلات . راشد يوم شاف البنت اللي جايه صوبهم عرف انها ماهي من خواته وعلى طول صد عنها التصرف هذا استغربه سعود اللي على طول التفت يبي يشوف من وشاااااااافها ( هذي منى ويش اللي جايبها هنا هين انا اوريش ؟) قرب منها ونسى نفسه مسكها بقوة من يدها وسحبها له وهو يهزها : ويش اللي مطلعش هنا تكلمي انتي ماتستحين . منى خافت من ردة فعله اللي تشوفها منه المعروف عن سعود انه مايفقد اعصابه بسهوله وتكلمت تبررموقفها : انااااااا كنت جاية ومعي البنات وساره اختك ورحنا للإسطبلات وانا قلت لهم خلونا نرجع بس ماطاوعوني سعود : ساره معكم بعد هين اوريكم وجرها معه وهي ميته خوف وتوهم ماشيين ماسمعوا الا صيحة البنات هنا سعود فك يد منى وقام يركض لمصدر الصوت اللي جاي من صوب اسطبلات الخيل . من مصدر الصوت ؟ موقف سعود من البنات شنو بيكون ؟ ............................................................ ......................... نهاية الفصل الخامس العاشر .. |
لاااا كملي تكفين وش صار بالاسطبل من صرخت اتوقع ساره هاج عليها حصان
سعود اتوقع بيشرشحهم بالكلام موقفه من منـــى طبيعي هي اللي ارتاح لها اعتقد موقف المحاسب الزفت اللي ساعد سالم وحمود معقوله للان ما شكم انهم في ورطه من فعل فاعل لا تطولين علينا انتظرس بفارغ الصبر غلاا ياليت تحددين يوم لتنزيل الاجزاء |
اقتباس:
ياهلااااااااا والله بااختي ام رنااااااااا وان شاء الله بتلاقين اجابات على اسئلتك في الباتات القادمة لاهنتي يالغلااااااا على مرورك العطر الذي يسعدني .. غلااااااااكم |
السلام عليكم ورحمة الله وبركاته اخواتي العضوات اليوم سأنزل البارت السادس عشر قراءة ممتعه واتمنى ماتحرموني من ارائكم وتصويتكم التي سيتوقف عليهااااااااا قراري لاهنتوااااااااااااااا الفصل السادس عشر : أول ما وصـل سعود لـلأسطبلات لقى ساره اخته طايحة وتصيح ماسكة رجلها والبنات كلما حاولوا يحركونها صاحت زيادة قرب منهم وسألهم : شفيها ليش تصيح . وصايف : ساره كانت تبي تركب على ظهر الخيل بس الحصان ثار وطيحها سعود قرب من اخته وقام يتفحص ساقها وكلما لمسها صاحت وهو يسأله يبي يتأكد اذا كانت مكـسوره . سـعود : تحسين بوجع هناااااااا ساره وهي تبكي : آآآآآآآآي ياسعود توجعني مـا أقـدر احركها سـعود كـلم اخـوه محمد : آلــووووووو محمد اسمعني ولاتخلي اللي حولك يحسووووون بشيء تــعال لي عند اسـطبل الخيل ومعك السياره ابيك تقربها لي محمد : ليش عسى مـاشر سـعود : مـا شر ان شاء الله بس ساره طاحت وشكل رجلها مكسوره محمد : خلااااااااص جاييك الحين والتفت سـعود عـلى البنات وزقرهم زقره خلاااااااهم يتنافضون منه : وأنتم حسابكم بعدين والحين كل وحده تذلف من قدامي وعلموااااااااا خالتي هند بساره ولاتروعونها وقولوا لها انا بأكلمها . وراحوااااااااا البنات وخلوااا ساره مع سـعود اللي قال لها : اللحين ماتقولين لي ويش استفدتي ذا الحين طالعه ومطلعه معش ذا البنات ولامستحى لو أن حد من عيال ابو راشد كان قدامكم ويش كان سويتو ساره : حرام عليك ياسعود اللي فيني مكفيني وبعدها بشوي جاهم محمد متروع على اخته : هاااااااه ياسعود ويش فيهاااااااا سـعود : افتح لي باب السياره قالها وهويشيل ساره الظاهر رجلها مكسوره وكلم وحده من البنات يجيبون عباتها بسرعه بوديها للمستشفى محمد : تبيني اروح معك سـعود : حياك بس لاتـعلم ابوي علشان مايتروع محمد : خلاااااااص انطروني ثواني وبأكلم العنود تجيب لي عباة ساره وشيلتها ............................................................ ............................. في شقة عبد الله عبدالله يكلم فطووووووم : هاااااااااه فطووووووووم فهمتي المطلوب فطوووووم :ايه بس تراني ماارضى عليها هذي الحبيبه عبد الله : الله يلوع كبدش الحبيبه فطووووووووم : عبود لاتغلط تراني ساكته لك واجد عبد الله : عبود في عينش اسمعيني عدل انا اعرف عيال آل سعود وبناتهم ومستحيل بنتهم بتوافق باللي تبينه منها واذا حبيتي تتأكدين جربي تتمادين معها وشوفي ويش بتسوي فيش وبعدين بيكون لكل حادث حديث يالطيبة يالله مع السلامة ............................................................ ......................... في فيلااااااا المزرعة هند تكلم سـعود : هاااااااه يمه طمني ويش سوو بها سـعود : ياخالتي صوروا رجلها ولقوا كسر والحين هم يجبسونها لاتحاتين كلها ساعة وحنا بإذن الله عندكم هند : كسر مره وحده الله يعين سـعود : ياخالتي لاتخافين ترى بسرعه ينجبر وخليها تتعلم علشان مره ثانيه ماعاد تركب خيل وهي ماتعرف ............................................................ ............................. وفي مجلس ابو راشد العم سلطان سكر من محمد اللي طمنه على ساره والتفت عليه اخوووووه نايف : هاااااااااه تطمن الحين وارتاح بالك العم سلطان : ايه الحمد لله والشكر لله تطمنت بس قلبي يوجعني عليها نايف : يااخوي الكسور تجبر مع الايام وخلها تعتبر ذا البنت ويش اللي مركبها الحصان وهي عمرها ماركبته ابو راشد : يانايف يااخوووووي قد الله وماشاء فعل المهم انكم تطمنتوا عليها .. تستاهلون سلامتها يا سلطان وشوي ودخل عليهم سعد يقلطهم للغذاء وقاموا معه وعقب الغذاء كل واحد انشغل بشيء اللي راح يرقد واللي جلس يلعب ورق واللي يتابع التلفزيون واللي طلع للأسطبل مع راشد . ............................................................ .............................. ثاني يوووووووم في المزرعة ام راشد قايمة من الصبح في المطبخ مع خدامتها وبناتها يجهزون الفطور لضيوفهم ... ونوره وفاطمة جالسين في الصاله ووصوا العنود والجازي يقومون يشوفون ام راشد اذا تبي مساعده يساعدونها العنود والجازي : صبااااااااح الخير خالتي ام راشد ام راشد : وعليكم السلااااااام ورحمة الله وبركاته ويش ذا الصباح البارك العنود : مبارك بوجهك خالتي تآمرين بشيء .. تبينا نساعدك أم راشد : لافديت قلبكم كل شيء خالص وزاهب قوموا تريقوا انتي والجازي فديتها الجازي : تسلمين خالتي بس انا مااتريق الحين مااشتهي شيء بس بآخذ لي كوب ماي راسي مصدع وابي آكل بنادول ام راشد : اسم الله عليك تبين شيء ترى ولدي راشد دكتور بأقوله يعطيني حبوب لك الجازي استحت : لاياخالتي انا خذت من امي بنادول وهي كافيه عهود تهمس لأمها : يمه شبلاش احرجتي البنت خفي عليها شوي والتفتت على البنات يله يابنات الفطور في الصاله . ............................................................ ..................... في مجلس الرياجيل العيال مشعل وفهد ونايف وزايد وناصر راقدين في المجلس وازعجهم صوت جواااااااال واحد منهم يرن والعيال مطنشينه بس ماوقف رنينه وهنا مشعل قام يصحصح : آآآآآآآآآآوف .. اللي ذا تليفونه يرد عليه ازعجنا وماخلانا ننام يووووووووووه حد يحطه صامت ويفكنا ناصر قام من النوم وشا فتليفون زايد هو اللي يرن فحركه يبي يقومه : زايد زيوووووووود قوم تليفونك يرن زايد قام وخذ تليفونه : آآآآآآآآآلو هلااااااا زيييييييين الحين جايييكم عطوني ساعه بالكثير ناصر : وين رايح زايد وهو يقوم : الضابط طالبني يقول عندهم مداهمة ناصر : زييييييين ليش ماقلت له انك في اجازة .. حتى بإجازتك ماترتاح زايد وهو يغسل وجهه : أن تعرف ان شغلنا مافيه اجازات وطلع يغير ثيابه وحرك على طول ............................................................ ........................... على سفرة الفطوووووووور أم راشد كل شوي تمد الجازي بالاكل وتقرب الفطور منها والبنت من تصرفات ام راشد انحرجت والكل لاحظ اهتمام ام راشد الزايد بالجازي . شيخة وهي تهمس للعنود : شسالفة ام راشد مع الجازي ماكن على السفره الا هي العنود : مـاادري بس والله زودتها بحركاتها شووووووووفي الجازي مسكينه ماتهنت بريوقها فاطمة حست ببنتها وحبت تلهي ام راشد عنها : اقول ام راشد متى بتفرجينا في مزرعتكم ام راشد : عقب مانفطر ابشروووووووا باللي يسركم والتهت ام راشد بالسوالف مع فاطمة والنسوان الكبار واعتقت الجازي اللي على طول خلصت فطورها بسرعه وقامت ولحقتها شيخة وفي الصالة الثانية ساره قاعده ووصايف ترسم وتكتب على ساقها ومللت ساره اللي موجعتها رجلها ولا رقدت منها ساره : يووووووووووه ياوصايف خلااااااص فكيني تراني ماني طايقه نفسي اليوم وصايف : أمـانه وحده بعد بدور : خليها وصايف وقومي عنها خليها تفطر وصايف : خلصنا وقعدت تاكل معهم ومع منى وحصة ساره : وصايف قربي لي الجاااااااام وصايف : فيش يديش ساره : وجع ادري عندي يدين بس بعيد قربيه لي وصايف : زييييين وتخليني اكمل كتابه بدور قامت وقربت الجام لساره : اخذي ياساره ولامذلة وصاااااااااايف حصة وهي تفطر شافت منى هادية وماهي بالعاده قربت منها وكلمتها : منى شفيش ساكته منى : مافيني شي عادي حصه : لا فيش شيء تدرين قومي معي انا افطرت خلااااص وقام الثنتين للغرفه وجلسواااااااا وهنا منى قامت تبكي وخافت حصة عليهااا: منى ليه تبكين حياتي شفيش منى : اول مره حد يزقرني ويمسكني بقوة لدرجة حسيت كتفي بتنفك حصه : تقصدين سعووووووو منى : ايه انا اخاااااااااف منه اول مره اشوفه عصبي كذا شوفي ويش سواااااا فيني ورفعت كمها عن ذراعها حصه تروعت من البقعه الزرقاء على ذراع منى : هذا من مسكته منى : ايــه تدرين اول مره حد يوجعني كذا حتى اخواني وابــوي ماقد مره ضربوني حصه : جعل يـــده الكسر منى : حرااااااااام لاتدعين الله يسامحه .. احنا غلطنا يوم رحنا وهو منصدم يوم شافني قدامه وقدام ولد ابو راشد ... الحين بأحااااااول قد مااقدر اني اتحااااااشاه ............................................................ .......................... في مساء اخر ليله لهم في المزرعه الكل مجتمع بـــرى وقاعدين يشووووون ويلعبون ويسولفون وكانت الجلسه آخر وناسه طبعا الرياجيل صادين عنهم وهم اللي يشوووون ويجيبونه لهم وهالمره كان الدور على فيصل يودي لهم الشووووووووي وتوه بيقوم نط له مشعل : على وين يانور العين فيصل : كل تبن بس برووووووح اودي الشوي داخل مشعل : عين خير انا بأوديه فيصل : صدق انك نحيس خلني يمكن اشوف الغلااااااا واكحل عيوني مشعل : يالحبيب ماكنك قمت تخورهااااااا فيصل : والله يامشيعيل ان ماخليتني ادخل لأغسل مخ مها واخليها ترفضك مشعل : خلااااااااااااص توبه توبه يالله قوم واذا تبيني ادعيها لك حااااااضر فيصل : كلم خالتي هند اول واستأذنها وفي جلسة النسواااااااان ردت هند على تليفونها : هلااااااا يمه مشعل شلون خلااااااااص بس لاتطول هذا حقه انه يشوفهااااااا يله الحين اطرشها لك هند تلتفت للعنود اللي لاهيه مع البنات وكانت لابسه بلوزة شتويه ولابسه شال اسود وحاطة مكياج خفيف هند : العنود حبيبتي روحي جيبي الشوووووي من مشعل العنود : زييييييييين يمة وقامت وشافها فيصل وهي جايه وقام يدعي ربي يحفظها تغيرت كثير واحلوت اكثر واول ماقربت ظنته مشعل ويوم عرفته انحرجت وجات بتروح وقفها فيصل : شلوووووونك يالعنود العنود : الحمد لله بخير فيصل زييييين شوفي ماردت عليه قرب منها وحط الصحن بين يديهاااااااااا وقال لها اكلي منه تراني شاويه ومتوصي في لك ياقلب فيصل العنود : انحرجت ومشت بسرعه عنه وفيصل قعد يشوف المكان اللي راحت له لين ماحس باللي يصيح في اذنه وطيره من مكانه متروع وشافه مشعل وناصر وخذ نعاله وحذفهم بها لابارك الله فيكم طيرتوني وخربتوا جويي ... انقله انت وياااااااااه مشعل وناصر ميتين ضحك على روعة فيصل ورجعوا مكانهم معه وكملواااااااااا سهرتهم عند النسوااااااان البنات متفننين بالسلطات وانواااااااااع الصوص للشوي وقاعدين يسولفوووووون ويعلقون على العنود وهي ميته من الاحراج وهم مستلمينها وخلود : ترد عليهم بنشوفكم بكره وبنقعد نضحك عليكم ونستلمكم بعد وكملوا وسوالفهم والعيال يلعبون من حولهم عيال سعود بن نايف وتركي ومت الجلسه بأحلى مايكون واليوم الثاني كلن رجع لبيته بعد مااكدواااااااا عزومتهم لأبو راشد لحضور عرس العيال الاسبوع الجاي يوم الخميس ... نهاية الفصل السادس عشر .... .................................................... |
تنقل للأرشيف
لتوقف الكاتبة .. .. .. |
| الساعة الآن 04:10 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية