|
الصعود للأسفل / للكاتبة : سامية المقام ..
الســـلآإم عليكم ورحمـة الله وبركـآإته .. كيفكم آل ليلآس ..؟ كل عــآإم وآنتم بخير ْ~> نفس الفيس اللي بيظل يهني لين العيد :friends: .. جبت لكم روآإيـة آتمنـى تعجبكم .. ما آطووول آترككم مع البدآإيــة ^_^ .. ----------------------- ( :flowers2: ) --- |
,, الصعود للاسفل ,, للكاتبه : سامية المقام عندما يجتمع الحب والعشق في قلب الانسان والكذب والخيانه في قلب نفس الانسان عندما تختلط المفاهيم ويختلط العدو بالصديق والرفيق بالزميل والوفي بالخائن والكلب بالذيب عندما يختلط الحب والكره والقسوة والحنان عندما تحب انسانا على قدر كرهك له وتصدق معه على قدر كذبك عليه عندما تحول أطباعك وتغير شخصيتك من أجل أشخاص عندما تبدأ الحياة تبنض بغلطاتك مع كل نبضة ينبض بها قلبك هنا تكون بداية قصتي ((الصعود للاسفل)) في أحد أحياء الدولة ، حي غير عن كل الأحياء حي تجولت فيه وعشت فيه ودخلت في كل بيت فيه وعرفت كل قصة تسكنه ،حي يتكون من خمس بيوت كل بيت ماله اي علاقة بالبيت الي حذاله لا صلة دم ولا صلة صداقة ولا حتى يعرفون حقوق الجار، كل بيت يسكنه أشخاص وكل بيت فيه حكايه بس كل حكايه تختلف من بيت لبيت يشتركون في الحي يشتركون في الجنس البشري بس يختلفون بقصص كل بيت منهم . أول بيت بيت مهجور كل إلي أعرفه عنه أنه بيت بوسالم من فيه ماحد يعرف ؟ من يسكنه بعد ما أعرف ؟ شو وصفه بيت كبير أوراق الشير الصفر تغطي كل البيت . البيت الثاني ساكن فيه شيبه وولد في بداية العشرين من فترة لثانيه اشوف سايير عند بيتهم وناس داخلين وطالعين لكن هالبيت شو علاقة سكانه ببعضهم ما أعرف ؟ الشيبه كان يقول أن كان عنده ولد ومات بس من هالشاب وليش ساكن وياه وشو سالفتهم يمكن تعرفون بعدين ؟ وبيتين أشبه أنهم بيت واحد، بيتين بحوطة وحدة اكتشفت بعدين أن لأخوان واحد اسمه بوخالد والثاني بوعبدالله أخيراَ في صلة قرابه في هالحي أما البيت الأخير لشخص يسمونه هزاع ساكن مع حرمته وولده ما جد شفتهم يطلعون مع بعض كيف ما كنت أعرف ؟ على فكرة الكلام على لساني يمكن يكون غامض بس أنا مجرد راوي ..أوصف الي أشوفه واسمعه ؟ البيت الأول ا.......................ثاني................... الثالث................. الرابع............... الخامس مهجور............................ بوخالد................. بوعبدالرحمن........ الشيبه .........هزاع ........................................أم خالد..................... حصة............... الشاب............. فطيم ........................................خالد...... ......................... شما................................ سالم .........................عايشة ........................عبدالرحمن ........................راشد الجزء الأول ******* تبسم للألم تكفى ترى جرح الزمن غدار وحذاري تذرف الدمعة لو إن النفس مجروحة ********** بيت هزاع فطيم يالسة في صالة البيت وأنا أطالع برنامج عن الأسر الناجحة وكيف تربي الابن العنيد بدايه اسمي فاطمه ملقبه بفطيم عمري 26 متزوجة من سنتين من ولد عمي هزاع وعندي ولد اسمه سالم ، لحظة لحظة لا يروح فكركم بعيد يوم قلت ولد عمي يعني لا تظنون قصة حب ودنيا وخربطان وعشاق ولا تظنون القصة التقليديه بنت العم مالها الا ولد العم وأني مجبورة لان السالفة غير تقريبا ، السالفة الله يسلمكم انه أول حفيد وأنا أول حفيدة قرروا انا لبعض وخطبني ما عارضت ولا وافقت وأعتقد ان حاله هزاع نفس الشي يعني بكل بساطه عادي حياتنا عادي ،لا أحبه موت ولا أكره الحياة بنسبالنا وحسب ما نحن متفقين مجرد قطار يوم يوقف القطار يموت الانسان ودام نحن موجودين على هالقطار يعني مستمرين بالحياة ملزومين نظل مع بعض يعني نحن راكبين قررت محطة القطارات ان لازم نكون مع بعض كل واحد حياته غير كل واحد فينا له اهتماماته كل واحد عايش حياته مثل ما يبى يعني بالاختصار نحن غير والاجزاء الياية بتبين لكم . قطع علي حبل افكاري صوت الباب وهو يتسكر دخل واحد بكل كبرياء وشموخ انسان عريض طويل مافي انسان يقدر يمر من عنده وما يصد صوبه ،ويه فيه هيبه غير طبيعيه بس للأسف هالهيبه ما كانت تجذبني لاني ما صديت صوبه حتى هزاع :مساء الخير فطيم :مساء النور تجدم ويلس على القنفة الي عندي وهو يتساند عليها فطيم :يت عندي اليوم وحدة اسمها نورة طالعني بعدم اهتمام :وشو تبا فطيم :تقول أنها كانت زوجتك وأنك طلقتها تنهد بعدم اهميه :وشو يعني ترا هاي مهب أول مرة تيج وحدة أنا مستغرب ما يتوبون يون ونه يهددوني بنخبر حرمتك يا جماعه سيرو زين مرة ثانيه لو حد ياج اطرديه انا بيتي ما ابغي هالاشكال تدخله طالعته وقلت بلهجة استفزازية :بس هذيل حريمك هزاع :حريمي برع البيت ولفترة محدودة بس يعني طويله العمر بالدس انتي الي جدام الناس يعني مرة ثانيه خافي على سمعه ريلج فطيم : وليش انت ما تخاف على سمعتك هزاع :أقول ليش تغارين عليه شفته يطالعني بنظره استفزازيه : أكيد لاء هزاع وأنا أقول وين الجماد يحس عويت بوزي وأنا أصد الصوب الثاني ابتسم وهو يقول :فديتج يا أحلى قطعه اثاث في البيت قام من جدامي وراح هزاع غرفته وأنا أطالعه بنظرة استهزاء وبعدها هزيت راسي بعدم مبالاة يمكن تستغربون بس يا جماعه ما أعرف ليش الوضع عندي عادي يتزوج شو اسوي به يعني ، يعق رمسات ما أحس بها . بيت بوعبدالرحمن عبدالرحمن دخلت البيت وأنا ضايج راشد ولد عمي ما يرد عليه ما اعرف بلاه متنيحس هذا وأنا أبغيه يطرش لي البروجكت الي بنعرضه باجر أنا حمار مالقيت في الكلاس اتشارك الا وياه هالكسول أوف منه أول ما دخلت شفت شما أختي يالسة ومنسدحة على القنفه ويالسة تاكل جبس وترمس بالتلفون عقدت حياتي وطالعت الساعه الساعه 10 بليل ترمس من هاي تجدمت وأنا معصب عبدالرحمن :ايه أنتي ترمسين من هالوقت طالعتني بطرف عينها :عواش عبدالرحمن :لاء والله وما تحلى الرمسة ويا بنت عمج الا بليل يلا صكوا انتو مب ثنويه ما اشوفكم تدرسون اخاف الا ترسبون بس يلا يلا صكي وسيري ارقدي باجر دوام شما :أوووووف عبدالرحمن زين زين سمعتها تقول : أوكي تعرفين بعد يا ولي امري شو اسوي يلا يلا اشوفج باجر في المدرسة تابعت مشيتي لين غرفتي فوق شما أختي الصغيرة عمرها 18 هي السنة ثنويه عامة لاحظت أن بما أن محد في البيت غيري انا وهي وابويه وايد متاثره بتصرفاتي حتى تقلدني بكل شي باليلسة وبطريقة الكلام تحرك ايدها وايد حتى تتعطر بنفس عطوري، العطور الرجاليه غريبه هالبنت احسها عن ميه ريال وهالشي مريحني جزئيا بس مستغرب من تصرفاتها الي تقلدني بها بكل شي الله يستر عليها ، هيه صح نسيت ارمس عن عمري انا عبدالرحمن 22 سنة ادرس هندسة بالجامعه ويا ولد عمي الي بنفس عمري وبنفس تخصصي حتى عايشة بنت عمي تقريبا ويا اختي نفس الشي واظني ناوين يدرسون نفس الشي غيرت ثيابي ونزلت تحت اشوفها، شفتها يالسة بمكانها الفرق الوحيد ان مصكرة التلفون عبدالرحمن :ما عندكم انتو امتحانات ولا شي شما وهي اطالع تلفزيون : لاء عبدالرحمن :طالعيني لما ارمسج وشعنه طالعتني وهي تضحك :ما ادري باجر بسأل المس اخويه يقول شعنه ما تعطينا امتحانات عبدالرحمن :يالسة تستخفين دمج بعد حركت راسها بعنى يا ربي منك وهي تتنهد :شو تبغي عبدالرحمن عبدالرحمن :ابغيج تسيرين ترقدين قامت من جدامي بترقد ناديتها وهي طالعه :شمو شما :نعم عبدالرحمن : اشوف حجرتج كلها عطور رجاليه شو سالفتج انتي شفتها تطالعني بقلق :شو بتكون سالفتي عبدالرحمن :وليش خفتي شما : ما خفت فجأة عفدت من مكاني وأنا فاج عيني شو ها الي في ايدج حرف منو هذا شمو شما : بسم الله شفيك حرفي بلاك عبدالرحمن طالعتها بنرفزة: زين سيري سيري ارقدي انقهرت كيف ما فرقت انا قمت اخورها يعني هذا حرفها بس الظاهر ان خوفي زايد بس لازم اخاف يعني محد وراها في البيت الا انا، ابويه ريال عود ولازم اشد والا بتروح فيها ، متى تتزوج مثل حصة وبفتك من هالصداع والخوف الي مسببتنه ليه ، يالله الله يستر عليها . بيت خارج الحي بيت حصة يالسة في حديقة البيت وأنا أحس أن الجو بدا يبرد معن الدنيا صيف بس الظاهر البروده الي تسري في جسمي هي الي بردتني طالعت الساعه وأنا اتنهد 3 ونص وما يرد على التلفون بعد زين يا مبارك الحق على الي يلس ويترياك مب منك، يا ربي تأخر وايد، شوي وشفت باب الحوي ينفتح وشفت في ويه مبارك ابتسامه دخل البيت وقال هو يتوجه صوبي :صدق ما يستحي الي مسهرنج لين الحين اطالعته وأنا اخزه :زين يوم انه يعرف فجأة سمعت ضحكته الي رنت في أذني شفته شوي ويا يلس عندي ولوا على جتفي وهو يقربني صوبه :آسف فضى الجرج كنت ناوي ادق لج قمت من مكاني :أنا مليت الصراحة ،، مليت من كثر تبريراتك الي ما قمت ابلعها قمت من مكاني وأنا رايحة عنه تعبت كل يوم يقولي نفس التفسير لو يهمه جان جرج التلفون ولا ما تأخر شو هالربع الي ما يسهرون الا لتالي الليل ما عليهم دوامات ولا اهل ولا بيت يسالون عنه ربعه الظاهر مستهترين شراته مبارك تيبست مكاني يوم سمعت كلمة مليت ما أعرف شو تقصد وصرت ما أفهم كلامها ،،أكيد قصدها أنه ملت مني ومن الحياة ويايه أكيد بتمل ولا شو تبا بواحد مثلي ما قدرت تيب منه عيال غمضت عيوني بألم فكرة أني ما اقدر ايب عيال تسببلي الم فضيع واذا تعالجت نسبه النجاح بتكون 10 % ألمتني وخلت علاقتي بها وايد حساسه أو بالاصح أنا الي قمت اتحسس منها أو الحساسيات هاي موجودة بيني وبين نفسي تنهدت وقمت من مكاني وأنا ادخل البيت شفتها فويهي كنها توها بتطلع حصة : وينك تحيرت قتلها وأنا اقفل باب الصالة بالمفتاح وخايف لا تشوف عيني : ياني تلفون بعدها استوعبت شو هالجذبه الغبيه كيف ياني تلفون وأنا تلفوني ما فيه جرج صديت شفتها اطالعني :ياك تلفون اطالعتها وأنا متوهق شو اقول الحين : لاء .. قصدي هيه .. يا ربي الي هو شفتها تجدمت صوبي وهي تبتسم وطبعت بوسة هاديه على ويهي : مبارك ليش ما تعرف تجذب صديت صوبها : أنا.. (بس ما وحالي أكلم كلامي لانها حطت صبعها على ثمي ) حصة : أنت حبيبي .. مب وقته يا حصة خليني اقول الي عندي لا تخربطيني ) طالعتها مرة ثانيه :حصة ايل ابغي اقوله أني أنا ردت حطت ايدها على ثمي حصة : تحبني ابتسمت وانا أطالعها : خلا نروح نرقد أنتي ما منج فايدة شفتها تبتسم وهالمرة هي الي لوت على جتفي ونحن ماشين غريبه يا حصة انتي .. أنا ما احبج بس انا اموت فيج انتي الوفيه انتي الغاليه أنتي كل شي بحياتي بيت بو عبدالرحمن شما فتحت عيني شوي شوي وطالعت الساعه كانت ست وربع رديت غمضتهم لحظة لحظة شو السالفه ست وربع نقزت مرة وحدة يا جماعه في هالبيت ما يعترفون بشي اسمه مدرسة مب جني طالبه في مرحلة الثنويه شو ناوين عليه روحي يالله يالله قمت من مكاني ورحت اسبح على السريع ،، ولبست مريول المدرسة طالعته بألم وقهر :متى بفتك منك يا ربي .. متى بتخلص هالسنة طالعت عمري بالمنظرة وانا اربط شعري زيل حصان وادخله تحت المريول اوف متى بيخليني ابويه اقص شعري ونه حلاة البنت بشعرها ماشي مخرب عليه استايلي الا هالشعر الطويل يبت شيلتي ولفيتها على السريع ورشيت عطري الرجالي المفضل وشليت شنطتي الي مرسوم عليها واحد فاج حلجه يصارخ نزلت تحت سرعه سرعه شفت ابويه يالس يتريق بسته على راسه :صبحك الله بالخير ابويه بوعبدالرحمن :صبحج الله بالنور والسرور يا بنتي ، تعالي تريقي شما :شو ما يا الدريول اكيد العاش مأخرتنه بوعبدالرحمن :بيوصل على شو مستعيله .. وأنتي عوذ بالله من شنطتج متى ناويه تغيرينها شما : يصير خير ابويه .. يصير خير اسمع صوت هرن قمت مسرعه وأنا اشرب العصير على السريع واحطه على الطاولة بوعبدالرحمن : يلسي يلسي ما بيطيرون شما :برايه ابويه ..يلا فداعته سمعت ابويه يقول من بعيد الله يحفظج ، يالله يا ابويه كيف اغير هالشنطه وهي تعبر عني تعبر عن الي في داخلي تعبر عن شخصيتي على فكره لا تفكرون وايد فيني وتحتارون باختصار انا سبورتيه او مثل ما يقولون بويه ليش وكيف بسبب رساله رسالة شو الايام بتعرفكم ... انتهى الجزء الأول |
الجــــــــــــــــــزء الثاني
أشكيك للزمن؟ ماتهون تركتني ورحت؟ والله تمون ماينصفني منك غير رب الكون شما مشيت سرعه سرعه وفتحت باب السيارة وأنا أحط الشنطة واركب :سلامن عليج بنت عمي عواش:هلا هلا نور المكان شما :أوف يالله تنهدت وأنا أعدل شنطتي : ما أصدق أن باجر اخر يوم دوام وبعده امتحانات من الحين أقولج آخر يوم عندي عرس انا،، تعالي عندي عواش وهي ترفع واحد من حياتها وتطالعني بنص عين :وليش ان شاء الله دوم أنا الي أي شمعنى شما :لان بيتنا محد فيه عواش : وبيتنا محد فيه شما :فيه راشد عواش:وأنتو عندكم عبدالرحمن شما قلتلها باستخفاف : و عندكم خالد عواش :يالله يا الجذب خالد مسافر شما :حتى ولو ترا مجموع اخوانج اثنين وأنا مجموع اخواني الشباب واحد يعني تعالي واسكتي شما :أوف منج زين شفتها تصد الصوب الثاني واطالع برع :اليوم بي عندكم بنشتغل على التقرير باجر آخر يوم دوام وزين المس راضيه ان مجموعتنا مب مسلمه التقرير لين الحين طالعتها :خلاص تعالي عندي العصر عواش وهي تتأفف :زين زين .. بي عندكم شفتها مرة وحدة ابتسمت وصدت صوبي :رمست منصور امس رفعت ايدي لفوق وقلت وأنا كلي أمل أن يستجاب دعائي :يالله قولي آمين يزخونج وأنتي ترمسينه يا مسوده الويه عسب تتأدبين بس ما وحالي أكمل الا واشوف عواش شهقت وكفختني على ظهري بالقو : بسم الله علي .. الله وأكبر عليج وقالتلي وهي تمد بالرمسة :شمووووووووووووو تراه يحبني طالعتها باستخفاف :والله زين قلتيلي لانها معلومه يديدة .. ما أقول الا مالت عليج يا الغبيه .. متى بتحسين بس ان يالس يلعب مهرة :بسج رقي الفاظج شوي ... ولد حشا ابتسمت بغياظ وقلت لها : هيه عيل شو طالعتني بطرف عينها وصدت الصوب الثاني وصديت أنا بعد الصوب الثاني في انتظار اوصل المدرسة ،عايشة غير عني بكل شي يعني لما نتمشى ما يخصنا ببعض ، انا امشي سرعه سرعه وهي شوي شوي أنا اعطي في الويه وهي تخاف تجرح أنا ما أحب سوالف الحب وهي شرات غيرها من البنات يعني باختصار ثنائي مختلف بس شو نسوي مبتلشين ببعض شفتها صدت صوبي كنها ذكرت شي وقالت وهي تبتسم : تدرين شي مفاجأة حلوة ما اهتمت وتميت اطالع برع الدريشة وقلت لها بدون لا اصد : شو عواش :خالد بيرد من السفر قريب ، يمكن أول ما نخلص امتحانات وبيكون هو خلص دراسته بعد طالعتها بعدم اهتمام: وشو يعني طالعتني بعين مصطنعه فيها البراءة : بس يعني قلت اخبرج ، أكيد يوم بيرد أمي بتفكر تخطبله ، وإذا ما خاب ظني ، ورددت وهي ترفع حياتها : اذا ما خاب يعني تعرفين العين على منو شما :عواش عواش: شو شما : ممن تسكتين شفتها تبتسم وتصد الصوب الثاني :كيفج ما بقى الا طاري أخوها تذكره الحين في الصبح عسب يتنكد علي الصبح أنا روحي اتجنب اشوفه او حتى اسمع صوته ويوم اي في الاجازات اروح بيت قوم يدو عسب لا يشوفني ، هيه بيت عمي بو خالد يتكون من ثلاث أشخاص أكبرهم خالد الي يدرس برع يعني عمره بحدود 23 او 24 ما أعرف ولا يهمني والثاني راشد ويا عبدالرحمن أخويه وعواش عرفتوها توأم روحي غمضت عيني وأنا أتذكر كلمات لين الحين ترن في بالي وحافظتنهم كتبتهم بيوم من الأيام كرهتك وكرهت الحب وطاريه أنت يلي لجلك بعت أنا ذاتي بعد الحب والسهر وأنا أجاريه بعتني برخيص وأنت الي كنت غالي تنهدت ونزلت المدرسة وأنا أتأفف من الدوام وطاريه متى بيخلص هاليوم الكئيب ...؟؟؟ بيت الشيبه الشاب أووووووووووووف قلتها وأنا يالس على الدجه الي برع البيت ،وينه هالشيبه المخرف نايم لين الحين طالعت ساعتي :خيبه سبع ونص يالله هالبيت صار صعب الحياة فيها وخاصة ويا هالشيبه المخرف ناسي ان غيره في البيت شو متى بيقوم؟؟ فجأة سمعت صوت مفاتيح وهي تفتح الباب قمت من على الدجه وأنا أربع ايدي : صباح الخير ما بغيت الشيبه : سلطون شو تسوي هني سلطان: شو أسوي يعني دام أنك خرفت ونسيت أن في غيرك في هالبيت وقافل الباب مشيت وتخطيته وأنا رايح فوق سمعته يقو : مسود الويه من وين ياي الصبح وقفت مكاني وأنا اتنهد : من متى بعد قمت تسأل، خلك في حالك أحسن مشيت عنه وأنا رايح فوق فتحت باب غرفتي وشغلت المكيف وانسدحت على الشبريه وغمضت عيني أبغي أرقد يا ناس تعبان من السهر ناقصني صدعه راس هالشيبه بعد الشيبه حسبي الله عليك من ولد جانك مب مريحني عنبو يني مب انسان سهر طول الليل ونوم طول النهار يا ربي الله يصبرني عليه بس الله يرحمك يا ولدي أنت الوحيد الي كنت بار بين أخوانك وأنت الي رحت وظلوا هم،الي ما يسألون عني الا في الشهر مرة ونه يجتمعون شو هالاجتماع الي في الشهر مرة يكون خليت لي هالعلة، لو مب ولدك جان طاردنه من زمان بس ؟؟كيف أطرده وهو ولدك يا ناصر كيف؟؟ الله يرحمك بس أنت وحرمتك شمسة هالولد غريب، أمه هالحنونه وأبوه ناصر البار وطالع جذا الله يهديه و لا يريحني منه ومن بلاويه يلست على الكرسي وزقرت على بشكاري بوناصر : محمووووود ، محموووووود أبويه أيبلي الريوق محد غيرك نافعني ولا هالتعبان ما منه فايده محمود :زين بابا بوناصر :الله يعين ويستر علينا بس شوي سمعت التلفون يرن منو داق من الصبح بعد يالله خير تساندت على عكازي وقمت وأنا أمشي شوي شوي بو ناصر :ألووووووو بو خليفه (بو شمسة) : السلام عليكم بوناصر :هلا هلا ومرحبا هلا وغلا بو خليفه بوخليفه : هلا والله بحميد وين وين دنياك لا تتخبر عن حد ولا شياته وقاطع الدنيا بوناصر:شو نسوي يا أبوك من سلمت الشركة لمحمد وحمد وأنا يالس في البيت ما قمت أقدر للسيرات والييات ريلي ما قامت تشلي بوخليفه :فيك البركه توك الا شباب قلت وأنا اتنهد :اي شباب أنا من بعد المرحومة ما تم فيه حال بوخليفه :الله يرحمها ، وينه ولدنا سلطان ما اي عندنا ولا يتخبر، اهله هني يسألون عنه؟ بوناصر ( سلطان هذا أنا يالس وياه ما اشوفه انتو بتشوفونه ) : نايم والله تعرف ينام الصبح ويسهر بليل شرات الينانوة بوخليفه :هي هاي حال الدنيا شباب هالايام ما ينعرف لهم الا يدرس هو ولا ودر الدراسة بعد بوناصر :يقول يدرس العصر ما ادريبه أنا جانه يجذب ولا صادق بوخليفه : لاء صادق ان شاء الله ما عليك منه ان شاء الله فيه الخير بو ناصر قلت في خاطري هذا وين بي منه الخير هذا ما اي منه الا المصايب وعوار الراس) وكملوا بوخليفه وبوناصر سوالفهم عن سلطان وعن الشركة وأحوال السوق في إحدى الدوائر الحكومية مبارك يلست بيأس على الكرسي وانا أطالع الملفات المكوده على الطاولة :يالله مليت من كثر الشغل شفت علي الي وياي في نفس المكتب رفع عينه يطالعني :هي ترا من زود ما اشتغلت اشوف الملفات على حالهن مبارك :ههههههههههه شسوي ملان ومب طايق اشتغل شوي وسمعت صوت حد يدق الباب وسمعت صوت أنوثي يسلم ،هالصوت الي أكره أحلام :السلام عليكم قلت مع علي بنفس الوقت :وعليكم السلام شفت علي يطالعني بنظرات خبيثة وهو يبتسم ابتسامته الي ما تعيبني :هلا هلا أحلام مرحبا بج تفضلي مطيت واحد من الملفات الي جدامي وفريته جدامي وأنا أتأفف بصوت عالي يمكن تسمعه، هالانسانه متى بتحس أني معرس جد ما تستحي حسيت احمر ويها من حركتي زين بعد حست، يالله ليت تفارجين بعد يت صوب مكتبي :شحالك مبارك قلت وأنا أطالع الملف مب متفيج أرفع راسي وأشوف ويها :الحمدالله سمعت صوت علي يتحنحن : وقال :الا أنتي شحالج أحلام أحلام :حمدالله تمام علي :اقربي اقربي تفضلي ايلسي شو تشربين عازمينج ترانا أحلام :لا مستعيله بروح مكتبي مريت اسلم بس علي :فيج الخير بس توج ما لحقتي تنورينا حتى رفعت عيني وأنا أطالع علي باستخفاف :برايها الحرمه مستعيله لا تعزم عليها طالعني علي وهو فاج عينه وقالت أحلام وهي رايحه :خلاص بمر عليكم خلاف أول ما طلعت رفعت راسي لعلي وأنا أعيب عليه: توج يالسة ما نورتينا ، علي :ههههههههههههههههه ، أغطي عليك تراك ما تستحي شو اسوي مضطر اغطي عليك مبارك :لا تغطي ولا شي ، أصلا حركاتها مالها معنى أنا ريال معرس ماله داعي كل شوي ونطت عندي علي :صدق والله ، العمى الحب شو بيذل رفعت عيني وأنا أطالعه : سخيف يا خي سمعت ضحكاته ترن في أذني طنشته وشليت مبايلي وكتبت مسج : أحبج موت وطرشته لحصه، شوي شفت تم تسليمه الوفيه ما اعرف ليش كل ما اتكلم لو من ورا خاطري أو اسلم على احلام احس اني اخون حصة آه يا حصة لو تدرين بس بغلاتج ما وحالي أطري اسمها الا وأنا أسمع تلفوني يرن والوفيه تنور شاشتي ابتسمت : مرحبا الساع قمت من المكتب وطلعت عسب أخذ راحتي حصة :مرحبتين بحبي ، صباحك ورد، شحالك تسندت على الايدار الي وراي ونسيت أني في الدوام وأنا واقف في الممر ويمكن اي حد يمر يسمعني : بخير ناقصتني شوفتج بس شفتها تضحك ليش تضحك هالغبيه انا ارمس جد تتحراني اجاملها شو ؟ حصة : ان شاء الله دوم مبارك : ان شاء الله دوم شو ؟ اكون بخير ولا تنقصني شوفتج حصة :أكيد يعني مب الثانيه، المهم مبارك :المهم حصة :الله يسلمك شكلك ناسي متى بتمر علي عقدت حياتي مستغرب : امر عليج ليش سمعت حصة تصرخ :توقعت والله أوووووف منك بس ابتسمت وأنا ابعد التلفون شوي عن اذني : زين زين شو فيج، نسيت شو السالفه، واعدنج بطلعه يعني ؟ حصة : لاء مب طلعه ، موعدنا عند الدكتور اعتفس ويهي وعصبت صراحة ما عندج سالفه مبارك :والحين داقه عسب جذا حصة :هيه ، يلا أنا جاهزة أترياك مبارك :دام جاهزة هاذوه الدرب سيري منو ما سكنج ، وجان من جداي مرخصه فديتج صكرت التلفون في ويها هالانسانه ما تحس شو، كل ما انسى تذكرني بالسالفه، اي دكتور واي خربطان اذا برع يقولون نسبه النجاح 10 بالميه الي هني بيعالجون من هالعشرة والله صعب علي اروح وأنا العوق مني أنا الريال كيف ما تفهم هاي جد نرفزتني وعصبتني وأنا يالس وني بتغزل فيها شفتها ادق مرة ثانيه رديت صكرت في ويها وغلقت تلفوني، خلاص حصة أنا ريال ما ايب عيال تبيني جيه ما تبين خلاص بفج راسج شله هالمغثة كلها غمصت عيني بعصبيه ورديت المبايل في جيبي وتوجهت لمكتبي بيت هزاع هزاع صكيت باب السيارة بعصبيه، أووووف كارفيني كراف بهالشغل الله يهديك يا أبويه حاط دوبه من دوبي كل ما قالوا شي قال روحوا لهزاع بيحلها، ما أعرف منو هزاع دخلت البيت وأنا أشوف البيت هادي الظاهر فطيم محد أحسن، أريح من الصدعه، دخلت وأنا أتوجه للصاله عقيت عمري على القنفه وغمضت عيني وأنا اتنهد هالبيت دومه مرتب عمري ما دخلته ولقيته وصخ صح الخدامه الي تنظف بس بعد ربه البيت يعني لها دور ، عندنا ولد عمره سنه في قمه نشاطه بس بعد لازم كل شي يظل مرتب، فطيم جذا حياتها ماشيه على الساعه. حسيت بخطوات صغيره تتقرب صوبي فجيت عيني وأنا ارسم ابتسامه ، صراحة كنت انتظر فطيم تروح عسب يفضى لنا الجو فتحت ايدي : سالم حبيبي تعال عند بابا شفته يركض صوبي شليته وأنا ابتسم ضميته لي بالقو من يومين ما شفته، قمت ابوسه وهو يضحك اخر شي يلس في حظني وطالعني بعيون بريئة : بابا هزاع :عيون بابا قلب بابا ابتسمت له وأنا أروح ريحته يمكن اكون زوج فاشل بس متأكد أني ابو زين، يالله في حد يقاوم هالنظرات من كائن يكون ولده طالعته وقتله وأنا رافع واحد من حياتي : راش من عطر أمك مالحقت أطريها الا و أنا أشوفها نازلة من الدري بخطواتها الرقيقه عمري ما شفتها تركض ولا تصرخ امشيه عمرها على نظام كأنه الضحك بصوت عالي ولا الصريخ ممنوعين عليها كل شي عندها ببرود وهدوء مرتبه لابعد حدود حتى أمايه الي كان يضرب فيها المثل، ما كانت مرتبه مثلها، مرتبه في لبسها في شكلها في كل شي كل شي مرتب له في حياتها، الا زواجها مني هالشي الي ما كانت مرتبه له الظاهر . يلست على الكرسي الي عندي فطيم :هزاع قتلها وأنا ابتسم ويا سالم وألاعبه :هممم فطيم : كنت أبغي أقولك أني حامل صديت صوبها وأنا اتصنع اني متفاجئ ولهجتي كلها استهزاء : له له يا بنت الحلال ، لا تقولين تصدقين ما اصدق ،، مبروك غناتي ألف مبروك صديت مرة ثانيه صوب سالم :أخيراَ تفيجتي تخبريني ، من سنة بطنج منتفخ مب حمار أشوف ، إلا صدق أي شهر شفت ويه فطيم اعتفس وكنه مب عايبنها رمستي : كنت اتريا الحمل يثبت بعدين بخبرك هزاع : بس أنا ريلج مب غريب تنهدت :ايهي علينا والحين قتلك شو صار يعني نزلت سالم من ايدي وحطيته في الارض :سلامتج ما استوى شي هزاع :أنا اليوم ما برد البيت بسير الشقه طالعتني بعينها الباردة :عند حرمتك قتلها وأنا أطالعها باستخفاف :هيه حرمتي اليديده فطيم :وهذيل ما يخلصون كل يوم وطالع بوحدة قلت لها باستخفاف : لاء ما يخلصون ، المهم الحين لا تتريني طالعتني بطرف عينها : هههه ومتى تريتك طالعتها وأنا ابتسم :والله أنج غريبه ،المهم قتلج انا لو حد دق ابويه ولا حد من اخواني دبري عمرج قولي اي شي صدت اطالع التلفزيون :يعني تباني اجذب شرات دوم هزاع :هيه فطيم : زين خلاص روح وأنت مطمن مشيت عنها وأنا طالع من البيت متوجه لشقتي الي محد يدري عنها الا أنا وستري وغطاي فطيم . استراليا خالد يلست على الكرسي وأنا صاف الاوراق جدامي يالله بدينا امتحانات وبدا التعب زين ان هذا آخر امتحان في حياتي بعد لو شو ما بدرس خلاص بكالريوس وبس انا هذا طموحي انفج الباب صديت شفت محمد اربيعي وشريكي في الشقه داخل محمد : شو تذاكر طالعت الاوراق :هيه ، محمد : زين زين ما بقى شي هانت شفته يا ويلس على الشبريه: أنا مرة من برد البلاد باخذ سنة راحة في البيت طالعته وأنا ابتسم: لاء والله سنة عاد ، محمد :هيه سنة مب حرام على الي استحملته هني دراسة وغربه وكرف ومجابلتك ابتسمت وطالعته وأنا رافع حياتي : مجابلتي مسود الويه احمد ربك محصل حد ترمسه بعد محمد:هههههههههه حد ، مليت منك ياخي والله مليت خالد :زين زين سير الحين ابغي اخلص وايد باقي لي شفته يقوم وهو يتافف ابتسمت، اكيد هو باجله وايد، ونه يغير جو ياي غرفتي هذي حالته ايام الامتحانات تغير الجو اي غرفتي شفته يسكر الباب وهو يقول محمد :الله يعينها على النكد الي داعين عليها وبتجابلك 24 ساعه، لازم تذكرني يعني ان باجر امتحان دفر الباب وراه ههههه عجيب هالانسان الحين الامتحان عليك عليك انا شلي انا روحي يالس اذاكر، تذكرت تعليقه الي بتاخذني؟ ابتسمت صراحة من برد البلاد بخلي امي تدوري حرمه ابغي اعرس ابغي حد يدلعني يا ناس مليت هني من كلمة اخدم نفسك بنفسك فجأة تذكرت، شما ليكون يقولون لي شما، لو شو والله ،أنا بشرط أول أي وحدة الا شما ابتسمت عليها احيدها صغيرونه بس تصدقون حلو يوم انسان يحبك وانت ما تكنله اي شعور يا جماعه تحس بعمرك شي، قدرت تخلي شخص يحبك من قلبه شعور كبير بالانجاز، يعني لما حد يعترف لك شي كبير، مسكينه يا شما متأكد اذا ما ابصم بالعشرة لين الحين تحبني وميته بعد واشك اني كل ما ارد البلاد تلصق في الدريشة تشوفني بما اني يوم اروح بيتهم ما اشوفها، أكيد أنا محد يعرفني وما يحبني ؟ اذا وحدة شافتني بالشارع تظل تفكر فيني، كيف وحدة مثل بنت عمي؟ مراهقه ،حلو والله تحس ان صوتك يثير احساس حد طلتك تخربط حد ، آه اخاف الا مصدق عمري ، شو رايكم أنتو ؟؟؟ عواش دخلت بيت عمي الظهر ، كانت الساعه ثلاث ونص ، شفت محد فيه توجهت فوق صوب غرفه شما، ما دقيت الباب فجيته على طول و أول شي طاحت عيني عليه شما نايمة ،شهقت هالانسانه متى بتحس بالمسؤوليه رحت صوبها :شمووووو ، شمو ويهد قومي شما :هممممم عواش :شو بعد يلا ورانا تقرير، العصر انا ورايه شغل مب فاضيه لج يلا قومي شفتها تفتح عينها وهي تتنهد :أنا برقد هذو اللاب سويه ما بيطيح نصج الا تقرير عواش : وانا يايه بيتكم عسب ايلس روحي، قومي بنسويه سوا ولا انا بسويه بس يلسي وياي شفتها تطالعني باستخفاف :من بعد بيتنا الا يران ترا ، وبعدين انا دوم ارقد الظهر وما اقدر ما ارقد، جان تبين حد يلس وياج دوري عبدالرحمن وقوليله اختك تقول سو بدالها، يلسي وياه وسوي شفتها تبتسم وتغطي ويها باللحاف نقزت عليها وأنا اسحب اللحاف : تتمصخرين مسوده الويه يلا قومي ، عبدالرحمن ونه، بترياج في الصالة بجتلج لو تأخرتي طلعت من غرفتها وأنا معصبه انسانه مافيها حس بالمسؤوليه ويها برئ بشكل يا ناس؟ كيف؟ وليش مسويه جيه بعمرها ؟ ما أدري ؟ابغي اعرف هالبراءة وهالجمال وبويه مب حرام ؟ تاففت وشفت الصالة الي فوق خاليه حركت رقبتي بحركة دائرية لاني احسها تيبست، لفت نظري التلفون ، الجو هادي ومحد في البيت غير شما والتلفون عندي آه وقته تقربت منه بسرعه ودقيت على الارقام الي حافظتنها بصم :ألو منصور :مرحبتين عواش:هلا والله بس ما وحالي اكمل الا وانا اشوف شما واقفه جدامي وطالعني :منو تكلمين ؟؟؟؟ تنهت بارتياح وقتلها :تحريت حد، رديت ارمس في التلفون : ارمسك خلاف صديت صوبها وقلت بصوت عالي واستخفاف فيها :منو اكلم يعني،أكيد حبيبي منصور بس شفت فجأة شما فجت عينها وتطالع وراي بخوف ، والظاهر في شي وراي، صديت ورا وليتني ما صديت لاني شفت عبدالرحمن وراشد واقفين يطالعونا ؟؟؟أو بالاخص يطالعوني ؟؟ سامية المقام |
للتذكير فقط: البيت الاول ::بوخالد ،أم خالد ،خالد ، راشد، عواش البيت الثاني :بوعبدالرحمن:عبدالرحمن ،حصة، شما البيت الثالث:الشيبه (بوناصر) ،الشاب (سلطان) البيت الرابع:مهجور البيت الخامس:هزاع ،فطيم ، ولدهم (سالم) الجــــــــــــــــــــــــــــــزء الثالث خيبت ظني فيك يازين وش ياك تبعت ناسٍ خربوا لك معانيك لولاك تسوى الهند والسند وأملاك تسرى وملك الروم ماعضني فيك واليوم أنا ماعدت صوبك ولاباك لأنك نسيت العهد الله يجازيك والله لو برخيص باعوك ماباك لأني كرهتك يوم زلت خطاويك دور شراتك فالهوى يمشي وياك لأني عزيز النفس ماعدت هاويك بدلت أنا غيرك وأسكنت ميراك بو يادلٍ مطلوق وعضني فيك مايفيد لو تصفق يمينك بيسراك لو بتمنى ماتفيدك مناويك لو بتشكى عند هذا وهذاك بتهل عبراتك أنا مول مابغيك صديت ورا وليتني ما صديت لاني شفت عبدالرحمن وراشد واقفين يطالعونا ؟؟؟أو بالاخص يطالعوني ؟؟ تصنمت مكاني وأنا اشهق وأغطي ايدي على ثمي ما عرفت شو أسوي يلست أطالع راشد الي أحسه مصدوم وواقف مكانه ما يعرف شو يسوي يا ناس تعرفون معنى خيبه الظن ، تعرفون يوم انسان تعطيه ماي عيونك ويخونك ولا يخيب ظنك فيه ، تعرفون الحرمه الي تعيش 50 سنة مع ريال ،طول عمرها تقريبا وأي آخر العمر يخونها ، تعرفون النظرة الأسف الي بتكون بعينها نظرة خويه راشد كانت أقسى وأكثر أسف منها قامت أنفاسي تزيد، لين الحين واقف مكانه يطالعني ومصدوم، ما أعرف كيف كانت ردة فعل عبدالرحمن ولا شما لاني ما صديت عليهم، بس راشد عيني كانت عليه هو وبس. شفته يرفع راسه ويطالعني بنظرات مثل السم كنه يالس يستوعب شو الي صار فجأة شفته مثل الاسد انقض علي وسحبني من ايدي ويرني وأنا مب حاسة بشي حتى صوتي ما كان يطلع ، عيني بس الي كانت تدمع وبدون حاسية شما حركت عيني وأنا استوعب شو مستوي لحظة هذا راشد الي سحبها حركت راسي اطالع عبدالرحمن الي يطالعني ، لحظة لحظة شو اسوي وين اروح بحركة تلقائية شليت بعمري وتوجهت للدري على اساس اروح بيت عمي ، بس ما وحالي الا ايد عبدالرحمن تمسكني من ايدي بقوة ، طالعته باستغراب بمعنى مب وقتك شو تبا عبدالرحمن :حو وين سايرة طالعته مستغربه منه بلاه هالانسان ما شاف الي صار:بسير بيت عمي لاحظته يطالعني بعيون فيها لوم ليش هالنظرة الحين مب وقتها دزني من ايدي وعقني على القنفة الي وراي :قري مكانج ماشي سيرة ونه بسير فجأة وقف جدامي ورفع صبعه في ويهي وهو شبه يهددني : ماشي سيرة فاهمه وما يخصج بهالسالفه مول ، طالعته مستغربه :شو عبدالرحمن صارخ علي :شو هو الي شو؟؟ روحي ادرسي، ذاكري روووووحي، ما ابغي اشوف ويهج فجيت عيني بلاه فجأة نقزت على صراخه :رووووووووووووووووووووحي قمت من مكاني سريع وتوجهت لغرفتي وصكيت الباب وراي، مسكت راسي يا ربي شو يالس يستوي الحين كيف اقدر ايلس وانا ما اعرف شو بيصير بعواش يا ربي قمت امشي في الحجرة مثل التايه التايه الي في الصحرا، الي يركض يدور الماي قبل لا يموت بس انا ما اعرف على شو ادور يا ربي فجأة صرخت بغيييييييييييييييض :آآآآآآآآآآآآآآآآآآآآآآآآآآآآآآآآآآآآآآآآآآآآه شو اسوي شفت اللاب مفتوح :ماشي الا التقرير خلا اسوي التقرير، ابغي ابعد عن عيني عواش توجهت للاب وبديت اسوي التقرير ما اعرف كيف خلص بعشر دقايق اسرع تقرير في حياتي سويته شليت اللاب ورحت اوصله بالطابعه ويلست اشوف الاوراق وهي تنطبع ياربي شو بيصير فيها شو بيسوون بها ، بيجتلونها ، بيزغدونها شو بيسووون؟؟؟؟ حركت راسي ابغي اطرد هالافكار ، ما اعرف؟ ما اعرف؟ شفت باب غرفتي ينفتح ويدخل عبدالرحمن هذا وقته الحين طالعني بعين كنه يراقب كل حركه اسويها : شو تسوين طالعته بقهر ما اعرف اوصف نظرتي له كيف كانت ، كانت مثل نظره انسانه يتيمه ودها تاكل وهو مانعنها من الاكل، ولا انسان مشتاق لاهله وفجأة ينخطف، ولا تايه توه بيوصل للبيت بس يطلعله شرطي مرور يقوله ممنوع المرور شما :اطبع اوراق الاحياء شو بسوي يعني برقص طالعني وأنا احس طالعة من عينه براكين : ارمسي عدل ، ايبي الاوراق اشوفهم طالعته متفاجأة ومستنكرة شو هاي عدم ثقة، شليت الاوراق ومديته له وأنا معصبه يلس يتصفحهم، بعدين فرهم في ويهي تعرفون هالشعور يا ناس يفر الاوراق بويهي بلاه هذا اليوم طالعني بنظره المحقق الي جدامه مجرم : منو منصور بلعت ريجي بخوف بدا عاد، وقلت وأنا اقطع في الرمسة :السالفة انتو فاهمينها بالغلط ، هاي ربيعتنا اسمها مريم بس هي شوي دفشة والكل يزقرها منصور ،عادي يعني وهالوحش ما صدق ومطها ترا اقولك خليني اروح افهمه شفت عبدالرحمن يطالعني بعين ما فهمتها :قمتي تجذبين بعد بلعت ريجي وقلت بصوت مبحوح :شو اتجدم صوبي وعوا ايدي ورا ظهري صارخت بألم :أنا دقيت ورد علي ريال ولا ربيعتكم مريم (قالها وهو يرص اكثر على ايدي ) مأجرة تلفونها على شباب شما :لاءا لاء السالفه مب جي عبدالرحمن :شو السالفه عيل طالعته بترجي :هد ايدي اول، فج ايدي شوي وبعد قتله وأنا ابلع ريجي اخاف يضربني اي وقت :أنا ما يخصني السالفه ما تخصني روح تخبر عايشة السالفه ما تخصني يوم بتخصني بقولها لكن السالفه ما تخصني كيف ارمس عن سالفه شخص غيري مسكني من ويهي وقال وهو يرص على فجي ويرمس من ورا أسنانه : لاء والله ، يا حافظة الاسرار، يا وفيه ، بترمسين ولا شو آه بموت من الألم شو هذا ما يحس ناوي يكسر فجي آسفه يا عايشة بس والله ما استحمل هالألم قتله بسرعه وأنا ابغي افتتك من ايده :أـخو ربيعتنا هذا الي اعرفه وخلاص ما اعرف شي ثاني طالعني بعين كلها شك وقال :ايبي تلفونج استغربت من طلبه بس رضخت له ويبت التلفون وناولته :دوك طالعني بعينه الي بتاكلني شوي وما خذ التلفون الظاهر كان اختبار ،بس رد عوا ايدي ورا ظهري بلاه هذا ناوي علي شو :شوفي شمو ما بقولج يا ويلج بس والله، والله لو دريت ان لج في هالسوالف والله وأنا احلف لج لخليج ولا ما بخليج عايشة فاهمه، وأنا يالس احلف بربي لو حاولتي (وشدد على كلمته ) بس حاولتي او عرفت انج حاولتي ترمسين حد ولا حد يرمسج بتشوفين شي بعمرج ما شفته بعد جملته المطوله دزني بالقو على الشبريه وطلع من الغرفه ويلي الله يعيني الحين شو بيسوي فيني هالانسان الفضيع أوووووووووووووووف تأففت وأنا أفكر بعواش يا ربي عليج يا عواش يا ربي عليج ، الله يعينج ابغي ايييج ، بس شو اسوي ما باليد حيله، تنهدت وأنا احس رجفة قامت تسري بجسمي كله ما أصعب أن تبكي بلا دموع ما أصعب أن تذهب بلا رجوع ما أصعب أن تشعر بالضيق وكأن المكان من حولك يضيق عواش ما كنت أحس بشي غير بايد راشد وهي ترص على ايدي وتسحبني سحاب لين بيتنا أول ما انفج الباب طحت على الارض شفته طالعني بقسوة ومطني من شعري وقام يسحبني لين فوق تعرفون الموت يمكن كان اهون من العذاب هذا، ما كنت اقدر اصيح أو اصرخ ما كنت اقدر اسوي شي ،الا امسح دموعي الي تنزل بغزارة على ويهي، حسيت بالم من سحبه لي ألم شديد جني سخله ويالس يقودها شفت أمي أول ما شافته يت عندنا وهي تصرخ ما كنت اسمع اي شي ، شفتها تحاول تفجني من ايده بس كنت في حالة ما اشوف ولا اسمع، مصدومة، ميته من الالم، لين وصلنا غرفتي فتح الباب وعقني على الشبريه يت امي ولوت علي وهي تصرخ شفته واقف عند الباب كنه متوهق ما يعرف شو يسوي كيف يبدأ بالضرب شفته يتلفت يمين يسار شرات المينون يدور اي شي فجأة صديت وين ما كان يطالع شفته توجه للجزام الي كان على الكرسي وشله ويا انقض علي شرات ما ينقض الاسد على فريسته يضربني ويضربني ما كنت أحس الا بضربه الحزام ورفستاته المتواليه عليه حسيت روحي بتطلع ما اظن تم عرج صاحي يومها اسمع امي تصارخ تقول هدها وهو مثل المينون يضرب ويضرب ومب حاس، فجأة شفت الحزام ما قام يصلخ ظهري انتبهت رفعت راسي شفت ابويه ماسكنه دخيلكم لاء شفته يدفر راشد برع الغرفه وهو يقول بو خالد :بسك شفيك تخبلت بلاك على البنيه ذبحتها شفت راشد يطالعني بقهر وهو يقول وزعيقه واصل لين غرفتي :هاي بنتكم الي ما حشمتنا بين العربان يالسة تحب وتنحب ، آآآآآآآآآآآآآآه يا القهر شفته يحرك ايده بحسره وقهر :بنتكم ترمس شباب ، وانا الي اعيب على بنات الناس ثاري عندي بلوة في البيت ومب داري مب اعرف كيف صار ويه ابويه لحظتها بس شفته وقف مكانه وراشد رايح وراد في الصالة من القهر ما عرفت شو صار بعدها لاني ما حسيت بعمري حسيت رحت لعالم ثاني . راشد آآآآآآآآآآآآآآآآه يا القهر ميت من القهر اجتلها اصفعها، ايب سجين اغرسه في صدرها ، ما يطفي لهيبي هاي آخر الثقة ، أنا قايل من قبل البنات محد يعطيهم ويه والا هاي الفصعونه تسود ويهنا ولا تحشم حد زين يا عواش زين ، لحظة التلفون نقزت من مكاني ورحت حجرتها فجيت الباب شفتها نايمة وامي لاويه عليها قلت بقهر :ماتت ولا بعدها شفت امي تطالعني بلوم وهي تصيح :بسم الله عليها خاف ربك فيها هاي اختك طالعتها بقهر وقلت بصريخ :علها تموت وتفكنا رحت صوب تلفونها وشليته :وهالتلفون تحلم فيه رحت صوب الشبريه شفت اللاب شليته بعد راشد :من اليوم ورايح بنتج هاي ما تطلع من البيت، من غرفتها ما ابغيها تطلع ماابغي اشوف ويها لاني عادي اذا شفت ويها اشوه، تسمعون قوليلها يوم بتقوم ، واذا دريت انها رمست هالحيوان الي تعرفه ما تلوم الا نفسها بجتلها وبجتله بيوم واحد طلعت وصفقت الباب وراي ودخلت الغرفه فجيت لسته المبايل عندها ادور رقمه بس للاسف كل الارقام كانت ارقام بنات او ارقام الاهل شليت المبايل وفريته على الايدار بالقو . تأففت وانا أطالع ايدي لين الحين ما شبعت من ضربها يا ناس لحظة،؟؟؟ كاشف بيت عمي نقزت من مكاني وأنا أتوجه لبيت عمي ما اعرف كيف؟؟ المهم وصلت، فجيت باب الصالة وطلعت فوق بدون لا هود ولا هدا ما يهمني الحين كل الي يهمني رقم هالحيوان الي قدر يقص على أختي ما صدقت شفت التلفون توجهت له ودقيت على إعادة الرقم شفت طلعلي رقم 000000 عقدت حياتي مستغرب يمكن هو متصل يلست اطالع في الارقام الي داقة بس سمعت صوت وراي يقولي :شو ادور التفت شفت عبدالرحمن يطالعني باستغراب قتله بغيض: أدور رقم غريب في كاشفكم أكيد رقمه بيكون سمعته يقول ببرود عصاب :لا تحاول مسحت رقمه فتحت عيني شو يقول هذا توجهت له ومسكته من كندورته وقتله وأنا أرص على أسناني :شو شفته يطالعني :اهدا راشد ، شو تبا بالرقم مسكته من رقبته وانا أبغي ازقده :شو أبغي بالرقم ، شو برايك شفته يسحب ايدي ويبتعد :اسمع أنت معصب الحين اهدا، لا تسوي شي تندم عليه عقب ، الريال ومسحت رقمه وخلاص انسى تعرفه ، ليش تفضح عمرك ، اعقل اذا محد يعرف اليوم باجر الكل بيعرف اذا رمسته سرت له ومسكته مرة ثانيه من كندورته بغيظ :هذا الي يهمك محد يعرف ، ما يهمك أني اجتله طالعته بقهر واستحقار وهديت كندورته وطلعت من بيت عمي يدري اني برد ابغي الرقم ومسحه شو اسوي فيه هذا اجتله اشويه اطعنه شو اسوي فيه آخ منك يا عبدالرحمن . مبارك يالس في غرفه الطعام اتغدا روحي وينها هاي لين الحين ما يت رفعت الساعه اطالعها :خيبه 4 صارت شوي سمعت صوت الباب ينفتح،و سمعت صوت في الصالة، اكيد يت !!! توجهت صوبي ووقفت جدامي وهي تحط ايدها على خصرها، رفعت واحد من حياتي اطالعها وانا انقد عليها هالحركة ، هالحركة لي أنا يا حصيص؟؟ زين ماعلي !! :اسمع عاد ترجيت الدكتور ساعه عسب يرضى يأجل الموعد ، أجله الاسبوع الياي لو قلت لي ما بتسير ، تشوفني أنا صدق بزعل عليك ، لا تخق تتحراني ما اروم ازعل ، تراني اعرف ازعل احذرك قالتها وهي ترص على عيونها بتهديد لي ابتسمت على أسلوبها يايه تهددني يعني ؟؟ حصة:في علاج بناخذه ،آخر مرة هاي لو ما نفع خلاص بنسى السالفه أوكي وبعدها يلست على الارض جدامي كان راسها عن ركبتي بما اني يالس على الكرسي، ضمت ايديها لبعض وقالتلي وهي ترصص عينها :أرجوك مبارك مبارك :زين عن حركات الهنود ، واذا ما نفع العلاج حصة :لا ترمسيني 3 تيام رفعت واحد من حياتي :لاء والله ، ابتسمت :زين اسبوع طالعتها بنص عين:شهر شفتها فجت عينها :خيبه شهر قتلها وأنا أقوم: تبين شهر ما تبين بهواج ابتسمت وركضت وراي:أوكي راضيه لوت على ايدي بالقو :فديتك مبارك مبارك :هيه وبعد الشهر تنسين هالسالفه مول ضربتني على ايدي بخفه :زين لا تفاول أنا متفائلة خير مبارك:زين بنشوف |
حصة وقف مبارك فجأة صد صوبي وطالعني بنظرات ما عرفت شو معناها ؟أو شو تفسيرها فجأة ابتسم وحضن ويهي بايدينه و قربني منه أو انا انجذبت صوبه كان شرات المغناطيس شفته يقرب ثمه من أذني كم صارلنا متزوجين ثلاث سنين ،أو أكثر شوي، بس حسيت أني ذبت في مكاني ودقات قلبي قامت تزيد همسلي: ما تعرفين قلبي كيف يعورني أنج مب قادرة تيبين عيال بسبتي ، بس ما باليد حيله رفع راسه : لو خيروني بين اني اعيش وتظلين حزينه ،أو أموت وتكونين سعيدة بختار الموت عسب سعادتج ، سعادتج شي كبير بالنسبالي ، وادري سعادتج بالعيال ، بس شفت عينه تدمع بألم :آسف ما قدرت أحقق لج حلمج ،سامحيني يا حصة ما أعرف كم مر من الوقت ونحن واقفين نطالع بعض ودمعه صادقة تنزل من عينه ،راقبت الدمعه لين ما طاحت على الأرض وخيت تحت ومسحت الدمعه بكل حنان وهي على الارض ،حسيت مبارك فيها احساسه فيها ، كله حسيته طاح في هالدمعه ، حسيت بيدين مبارك وهي تلمس اطراف صبوعي وترتفع بخفه على ايدي لين ما وصلت لجتوفي رص على جتوفي ورفعني وخلاني اجابله طالعت بعينه هالانسان كيف حساس؟ يا ربي ، رمست بصوت مبحوح : سعادتي هني وياك سواء بالعيال ولا لاء، وتعرف مافي شي في الدنيا عندي يسواك شفته يقرب ويه لي بس نزلت راسي ،رفع راسي بصبوعه :أحبج نزلت راسي وطحت في حظنه ما ودي اودر هالحظن ، يالله كيف دافي ؟؟؟ ، الله يحفظه هالانسان ،أحبه بجنون ،ما انكر أبغي عيال بس هو الاهم ،هو كل شي بالنسبه لي ، بس ظنكم أنا بتم كل شي بحياته ؟؟؟؟؟؟ انا اللي عاشقه خلٍ عشق غيـري بـلا تقديـر ... تمنيتـه وهـو ناسـي واحسـب انــه تمنـانـي ~~ شما طلعت من الحمام وأنا شعري بعده مبلل ولابسة بجاما ، رحت يلست على شبريتي لحظة ليش ما اتصل فيها ،أخاف راشد يشل ويهزبني ناقصة أنا بعد، تلفت اطالع ساعتي كانت سبع المغرب امممم خلا اساله مرة ثانيه طلعت من الغرفه ورحت صوب غرفته دقيت الباب شفته يالس علىالكرسي وجدامه اوراق ومساطر وقلاما ويرسم وحالته لله ، جدمت صوبه وانا ابتسم شفته يطالعني بعين مكتوب فيها (لا تعليق ) :حماني عبدالرحمن :نعم شما:عادي الحين اروح طالعني بعين باردة :قتلج لاء ورد يطالع الاوراق شما:ليش قام من مكانه معصب :حوووو ، لا تعورين راسي قتلج لاء ،يوم بيهدى الوضع روحي حرجت منه يعني لو مثلا راشد جان سار اشمعنى أنا ما يخليني :بس هاي بنت عمي بسير اطمن عليها تقرب مني وتكلم بصوت اطي بس نظرته لي زيغتني :أنتي تفهمين الرمسة ولا لاء رفعت أكمام قميص بجامتي :شوف عبدالرحمن لا تخليني اتعامل وياك باسلوب ثاني شفته بطالعني باستخفاف :اي اسلوب شما : Man to man عبدالرحمن وهو يخزني :حو بتطلعين ولا ناويه على عمرج عويت بوزي وطلعت من غرفته ، أوف ماشي حريات في هالبيت، لحظة التلفون يرن ركضت صوب التلفون بس تحطمت يوم شفت رقم بيت حصيص اختي (مرت مبارك) رديت وأنا أتافف:ألوووووووووو حصة:شما هلا والله شحالج حبيبتي شما :زينه حصة:بلاج حشا ، داقه اطمن عليج شما:تطمن عليج العافيه حصة :ربي يعافيج تمت حصة أختي تسولف وياي وتسالني عن امتحاناتي ما عندهم الا شو الدراسة والامتحانات؟؟ لكن حالي انا من داخل محد يتخبر عنه !!!!، ما علينا مب مهم اي شي الحين، المهم عواش خيبه شو بيكونون مسوين فيها يعني ، ليكون تي باجر بدون ريل ، ولا بدون ايد لاء ، لاء مب لهدرجة يعني!!!!!!! كانت بتخوني دمعه وبتنزل من خوفي على بنت عمي وربيعتي المفضله بس بعدها تذكرت أني مثل الرياييل والرياييل دمعتهم ما تنزل على أي شي تنهدت وأنا أقوي عمري،يــــــــــــــا رب ؟؟؟؟ كملت سوالف ويا حصة أختي ( زوجه مبارك) ………………………………………………………………………. اليوم الثاني شما ما صدقت متى وصلت البيت اليوم عواش ما داومت بسير عندهم، جني مسويه سالفه وايد حق عبدالرحمن شو بسوي يعني، إذا قالي شي بخبر أبويه وين يبا ونه لا تسيرين بيت عمج، بسير يعني بسير ،نزلت تحت وطالعت محد في البيت رحت صوب غرفه أبويه الي تحت لانه ما يروم يطلع وينزل من على الدري رحت له وفتحت الباب شفته منسدح على الشبريه أول ما شافني ابتسم :شميم تعالي حبيبتي دخلت بس راسي وقتله :لاء ابويه ييت اقولك بسير بيت عمي خمس دقايق وبرد دخيلك ابويه شفته ابتسم :ذاك بيتج سيري ابتسمت صدق بيت عمي بيتي وبيتنا بيت عمي فكرة حلوة، لو قالي عبدالرحمن وين كنتي بقوله في البيت صكرت الباب شوي شوي ورحت أول ما دخلت بيت عمي شفت راشد وعمي ومرت عمي يالسين في الصالة ، لاء لاء وين بنشرد دخلت :السلام عليكم شفت عمي يبتسم :دشي بنتي رحت صوبه وبسته على راسه :شحالك شيخنا عمي :بخير شما:شحالج عمو مرت عمي :هلا شما ، بخير ها شو الدوام استغربت :اي دوام مرت عمي :المدرسة ليش مب دوام :في هاي صدقتي دوام ودوام مأرف بعد ، اليوم آخر يوم، الاسبوع الياي امتحانات قلت هالجملة عسب عمي يعرف ان امتحانات ويخلي عواش تسير قلتلهم وانا اسير فوق:خلاص بشوف عواش انا رحت فوق وأنا الاحظ راشد ما طالعني ولا صد صوبي ابدن احسن وقفت عند باب حجرتها تبون الصدق خفت ادخل ، تعرفون، الواحد الي يبلغونه ان في ميت ولازم يتعرف عليه ويودونه لغرفه الي كلها موتى ويفتحون الثلاجة ويقولون له مستعد ، نكشف عن ويهه عسب تتعرف عليه هذا كان شعوري خايفه اتعرف عليها خايفه اشوفها شو سو بها يا رب ما دريت ان دعائي جذا مستجاب جان دعيت بشي زين، أوف كله مني، فتحت الباب شوي شوي شفت عواش يالس وهي لامة ريلها لحظنها ودافنه راسها في ريلها أول ما فتحت الباب رفعت راسها تطالعني ، يا ناس شلال ولا نهر ولا بحيرة ولا محيط من الحزن في عينها وقفت مكاني متجمده ، يا رب صبرني هذي عواش ، عواش ربيعتي بلاها تجدمت منها شفتها تبتسم لي بس شو ابتسامه مليانه ، لاء ؟ تنبع ، بعد لاء ، تفيض ، يمكن ؟ تفيض ألم وحزن ابتسامه من القلب بس كلها حزن تقربت شوي شوي :عواش فديتج منو سوا بج جي رفعت عينها طالعتني :أنا سويت بعمري عضيت على شفايفي متألمة : شو سوا راشد رفعت اكمام ايدها وراوتني علامه ، تشوفين هالعلامة هاي معلمة في كل جسمي فتحت عيني مصدومة :شو عواش: تعرفون ضربني بشو ، بحزام يا شما تخيلي طالعتها بقهر وأنا مستنكرة الوحشيه الي راشد بها :عمي عرف هزت راسها بمعنى هي :ما قال شي ،دخل بليل عليه وطالعني بنظره وبعدها حطت ايدها على ويها قلت لها بعصبيه :عطاج كف عواش وهي تبتسم: الا كف واحد فتحت عيني :شو ها ، شفتها تبتسم شفيها ليكون تخبلت :عواش عواش : هممم شما:شفيج عواش:ما عورني ضربهم تصدقين طالعتها بأسف نزلت راسي بس سمعتها تقول :كلمته الصبح رفعت عيني مستغربه وكملت هي : دقيت له من تلفون امي بدون لا حد يدري تدرين شو قالي عواش:قالي لا تيبين لي المشاكل ، روحي يا بنت الناس انا من طريج وأنتي من طريج قتلها بسرعه :قتلج من زمان انه يجذب ما صدقتيني شفتها يتها لوعه وشوي وبترجع بسرعه راحت للحمام ولحقتها فجيت عيني :شوها ترجعين دم ابتسمت :ما عليج بيروح بس من الترفيس الي رفسني اياه امس راشد قلت بقهر :أنا اليوم بدق للشرطة ياخذونه اخوج ،ما يصير جذا طالعتني بابتسامه وهي تعض على شفايفها من الألم الي تحس فيه : ماعليج ، ربج ،عسب اصحى من الجذب تساندت على ايدي :الحين بنسى كل شي ، بركز على نفسي ، نفسي الي ما صنتها ، شميم دعائج مستجاب رفعت عيني لها : والله ما كنت ادري جان دعيت لعمري بشي زين، مب الي دعيته شفتها تضحك بالخفيف لازم اغير مودها هي تبى تنسى وزين صحت من الحلم الي فيه :والحين شو عواش:شو ماشي ، أهلي بينسون مع الايام ، بس هذا شاورت على قلبها: شو بينسيه طالعتها :باجر بيخطبج غيره ، واول ما بتشوفينه (وطحت على الشبريه وأنا ابتسم ) بتطيحين جذا علىويهج طالعتني بعينها : هذا في الافلام مب الحقيقه طالعتها : حاولي تنسين عواش حاولي ، الاسبوع الياي امتحانات ، طالعتني :اذا قالولي لا تسيرين شما :بسوي عمليه اختطاف وبشلج ، ولا جد بدق للبث المباشر وبقول ما مخلينج تدرسين بفضح بيتكم فضيحة لا صارت ولا استوت بتشوفين والله طالعتني بعينها :لا تحلفين ، مب غجر جذا عاد طالعتها وأنا ابغي اغير مودها :ما اعرف شو بيسون بج بعد الثنويه اتخيل اي واحد يخطبج يزوجونج اياه ، اتخيل واحد متين ما يدخل من الباب طالعتني بحزن ورسمت ابتسامه: ما عاد يهمني شما قلتها: ولا عبدالرحمن يدق على صدره ويقول هاي بنت عمي ( نقزت لحظتها ولويت عليها ):الله بتين بيتنا ابتسمت :هذا من سابع المستحيلات عبدالرحمن اخويه طالعتها بنص عين :زين خليني احلم وخذتنا السوالف ادري انها ما نست وصعب تنسى بسهولة بس مع الوقت بتنسى، وايد مثلها وشافوا أمر من جذا نسوا كيف عواش؟قلت بأمل ان شاء الله تنسى ، الايام بداوي جرحها شرات ما داوت جرحي ،جرحي الي كان أمر وأقسى . بيت هزاع فطيم فتحت عيني شوي شوي شفت صوت من الصالة يا ربي شو صاير فتحت ليت الابجورة الي عندي الساعه اربع الفير ، شوي لاحظت باب الغرفه انفتح ودخل هزاع وهو حاط الغترة على جتفه والعقال على شعره وعقمه مفتوحه وحالته لله دخل وهو يرفع ايده يسلم :السلااااااااااااااااااااااام عليييييييييييييييييييييج وطاح على الارض فتحت عيني وقمت من مكاني وانا متنرفزة وواصل حدي من هالانسان الي ما يحس ولا فيه ذره اخلاق :حووووو أنت يا االزفت أنا ما قتلك يوم بتشرب هالسم لا تي عندي طالعني بعينه متافف :أوووووه منو انتي :انا شيختك منو أنا ، هزاع ، (رفعت ايدي لفوق واان ادعي ) حسبي الله ، بس شو اقول مبتليه فيك ،هي أنت ناوي عليه شو بترفع لي السكر وبتيب لي الضغط أوف منك ومن أرفك سير اسبح ، سييييييييييييييييييييير ، ذبحتني ريحتك طالعني بهبل : اقول ،خليني ارقد وطاح على الارض مرة ثانيه هذا الي ما يفهم هذا الي بيذبحني اوف منه كم مرة قايلتله لا تي البيت سكران، روحي ما اروم وتعبانه ، نزلت لين عنده ودزيته من جتفه بالقو :انت ،هي أنت ، يا بليد يلي ما فيك احساس انت ، ليكون حد شافك تدش البيت جذا ناوي تفضحني في الفريج بعد آآآآآآآآآه رد علي قمت ادزه بالقو : قوم قوم ، يالله ، مسكته من ايده وقمت احاول اشله وأنا احسه ثجيل واروحي حامل وثجيله شفته يقوم ويمشي وياي بس هدني وراح انسدح على الشبريه :هي وين تبي وين بترقد ناوي تذبحني ويا ريحه هالسم هزاع قوم قوم فتح عين وحدة وطالعني :شو تبين انتي ، عورتي راسي تراج مطيته من كندورته وقلت وانا اسحبه :قوم قوم يا بليد قووووووووووووووم قام وقف وطالعني ببلاهه:شو تبين سحبته لين الحمام ووقفته عند البانيو :ادخل هني واشرت على البانيو :ادخل هني ادخل خلصني طالعني مرة ثانيه وهو يتفحصني من فوق لتحت :ما شاء الله حرمه طيبه ، حرمه منو أنتي؟ رفعت صبعي فويه وأنا اشر عليه :بالله عليك انت يسمونك بعد ريل ، تنعد من الرياييل ادخل هني شفته يدش البانيو وينام فيه وهو لاوي على غترته :أخاف تموت عليه ولا جان خليتك ترقد هني فتحت الماي وخليته على الرشاش عسب ينرش على ويه، شفته فتح عينه شوي شوي بعدها صرخ :ايييييييه فطيم بلاج :أنت الي بلاك أنا ما قايلتلك يوم بتشرب هالسم لا تي عندي صك الماي وطالعني بعصبيه قتله :دخيلك دخيلك بموت من هالنظرات ، أنت هي تتحرا هاي شقتك هناك تستعرض عضلاتك مب عندي ، لفيت عنه ورحت سمعت صوته :زين ايبي ثيابي ،حشا مب حرمه ذيبه طالعته بطرف عيني فتحت باب الحمام وطلعت رحت شليت فوطته الي كانت في الكبت ورديت فتحت الباب بالقو وفريت الفوطة في ويه وصكيت الباب ناقصة فضايح انا، روحي يالله يالله ، هذا ما يتعلم اوف منه ومن أرفه ، رفعلي الضغط، تم هناك لازم تشرفنا بالييه يعني ،كنت مرتاحه عكر مزاجي رحت صوب الشبريه وانسدحت وأنا اتأفف صكرت ليت الابجورة وغمضت عيني عسب ارقد هزاع طلعت من الحمام وأنا منعنش ،حشا كلتني ما يسوى علي ،خربت علي المزاج الي كنت مسونه شسوي ما احس بعمري يوم اشرب ،رحت صوب الليت فتحته بس سمعت صرختها :خيبه بلاج بطلع ثيابي هاي الحرمة الي ناشبتلي في البلعوم حشا رحت صوب الكبت وفتحته طلعت ثيابي توجهت للتواليت يلست انشف شعري بالفوطة شفت انعكاسها في المنظرة قامت من النوم ويلست على الشبريه وهي ترصص عينها وتأفف :وبعدين وياك ، الساعه اربع ابغي ارقد طالعتها من المنظرة ، بدون لا اصد:شو اسوي يعني ما امشط شعري فجت لي عينها: الله والشعر حاسب عليه بس ابتسمت عليها هالحرمة بتذبحني بس شو اقول شي مقابل شي مريحتني ولا تعور راسي ومخلتني على هواي وساترة علي لازم اتحملها، شي مقابل شي فريت المشط وبالغلط يا قريب عطري وطاح العطر وطاح العطر الي عنده يعني اعتفس التواليت قمت وأنا افر الفوطة على الشبريه لحظتها قامت فطيم متوجه صوبي شرات البركان وقفت وأنا ارفع ايدي مستسلم :ها ها ، شفتها وقفت مكانها تطالعني :كملت رمستي :اتري انزين بقفل الباب تخيلي سالم اي ويشوفج جذا يايه صوبي ،كلي لج لا تحاتين ابتسمت وطالعتني :هزاع يوز عني ضحكت عليها ويلست اراقبها شلت الفوطة وودتها سله الغسيل ويلست تعدل العطور الي لعوزوا الطاولة بتموت لو شي مب مرتب هالانسانه ساندت جتف واحد على الايدار، كنت عندها ومجابلنها وربعت ايدي :اي شهر فطيم ما صدت حتى صوبي :الرابع :وتقولين اتريا الحمل يثبت بعدين بقولك وانتي في الرابع شفتها صدت صوبي :أولا مب فارقة وياك لو اقولك في الشهر التاسع حتى ، ثانيا في سلة غسيل كم بلقط وراك ، ثالثا ، مب كل يوم بعدل التواليت عسب حضرتك مخربنه تعلم الترتيب هدتني وراحت على الشبريه وسحبت اللحاف وغطت حتى راسها :حو وين بترقدين انا يوعان ما رفعت اللحاف عن ويها حتى :سولك شي وكله رحت صوبها وسحبت اللحاف :فطيم ،قومي يوعان يلست على الشبريه وطالعتني :هزاع انا حامل خاف ربك فيني هزاع :لاء والله ،أنا ميت من اليوع شو اسوي يعني فطيم:روح لحرمتك الثانيه هزاع :وين الدنيا فير يلا سويلي الا خمس دقايق اي شي قامت من الشبريه وهي تطالعني بنص عين :الحين هالدرب كله ماشي ولا مطعم توقف عنده هزاع :ما كنت حاس اني يوعان يوم صحيت حسيت،منو قالج تصحيني يت بتطلع من الغرفة :وين وين ، البسي روب شي بتطلعين جيه فطيم:منو يعني برع هزاع : حتى ولو ، اغار عليج من عيوني ابتسمت لها بغياظ يت شلت الروب بقهر وراحت ضحكت عليها نزلت وراها في الدري :تدرين فطيم الي يشوفج يقول هني الدنيا بس يوم تصدين شوي وتبين الكرشه يخترب كل شي شفتها ما صدت علي وكملت مشيها وهي تبتسم، لاء تبتسم وياي يعني راضيه علي اليوم فطيم يلست على طرف القنفه وتساندت اتريا الاكل شوي والا هي داخله وفي ايدها صينيه حطتها جدامي هزاع:شو ها فطيم :شو شو ها ، شو تباني اطبخ بليل هذا الي حصلته، كل وانت ساكت عويت بوزي :زين زين يلسي ، ما تسوي شي زين في حياتها يلست فطيم عندي بس في اخر القنفة ومدت ريلها على القنفة بين اخر ريلها والمكان الي انا يالس فيه يعني تقريبا لو قستوه بالمسطرة 20cm يلست أكل :شخبار بيت ابوج فطيم:ما ادري ما سرت لهم من يومين طالعتها بطرف عيني :ليش فطيم : مالي مزاج ، يلتمون كلهم وانا تعبانه ما فيني على الحشرة هزاع:يعني تعترفين اليلسة في بيتي اريح دزتني بالخفيف بريل وحدة :كل كل الله يهديك وهي تبتسم فطيم:من وين ياي هزاع :من عند الشباب فطيم:عيل قتلي بتسير الشقه طالعتها :وين اسير هناك ، حشرتني الي ماخذنها، ذبحتني مليون سؤال تسأل شفتها صدت الصوب الثاني بدون اهتمام وشلت المجلة :تتخبر عنج ، تصدقين تغار علي منج شفتها صدت لي وطالعتني بعدم اهتمام واضح ويفيض من عيونها :ليش هزاع: ما ادريبها قتلها وانا ابتسم :تسألني منو احلى انا ولا حرمتك الاولى سمعت ضحكة فطيم يعني تعرف انها احلى ما رأت عيني ومصدقة عمرها بعد عسب جذا ما تغار ما سألتني حتى شو جاوبت هزاع:خفت عاد اقولها ان حرمتي الثانيه احلى من حرمتي الاولى ابتسمت فطيم هالمرة وطالعتني :ليش ، أنا من عندي معطتنج الجرين لايت قول اي شي طالعتها :توج معطتني على القول قبل الجرين لاين كان على الفعل عسب جذا ما رمت اقول ، تعرفين بعد، اخونج انا في العلن لكن في السر، لاء ما ارضى عليج !!!!! طالعتني بابتسامه :هزاع هزاع : عيوني فطيم:خلصت اكل ابغي اشل عسب ارقد هزاع:هي خلاص بسني حمدالله قامت من جدامي صراحة ما قاومت شعرها مطيت خصله منه فطيم:ايييييييه ناوي تعقني هزاع: برايه بطيحين في حظني أمان لا تحاتين ،متى بتقصين شعرج ينرفزني فطيم:وليش اقصه هزاع:لان انا ما احبه قصيه طالعتني بعين كلها غرور :ومن متى يهمني رايك شلت الصينيه وراحت من جدامي تبون الصدق ضحكت عليها ، لا تسالون كيف؟؟؟ ، وليش ؟؟؟؟عايشين جيه ، نحن متفاهمين جيه ، أنا روحي ما اعرف ليش بس متفاهمين !!!!!! شما فجيت باب السيارة وركبت وانا شاقه حلجي الي احسه بينبط من كثر الوناسه شفت عواش يالسة تترياني ركبت السيارة وصكيت الباب لويت عليها بالقو عواش:آآآآآآآآآآه شميم خففي شوي دخيلج طالعتها :آه ما اصدق اخر يوم واخر امتحان اجازة له له ما روم ما اروم شفتها تضحك مسكت ويها بدفاشة وقربته بستها بوسه قويه شفطت ويها كله أظن؟؟ عواش:بسج حشا تخبلتي هديتها وطالعت جدام :آآآآآآآآآآآآآآآآآآآآه خلصت تصدقين هالشي هههههههههههههههههههههههههههههههههههههههههههههههه طالعتني بطرف عينها كملت ولا سويت لها سالفه :اسمعي انتي، لا تسويلي سوالف اليوم بتين عندي بنسهر لين الفير . عواش:ما بيرضون شما :منو ما بيرضى انا برمس عمي عواش:ابويه لين الحين زعلان علي شما:ما عليج عمي طيب بينسى عواش:اخوج عبدالرحمن في البيت شما:وعبدالرحمن شله بنطرشه بيتكم يرقد عواش:حرام عليج شما:ما عليج من عبدالرحمن أول ما توصلين جهزي ثيابج بسبح وبغير ثيابي وباخذج من بيتكم من الظهر، هزت راسها :بنشوف شما :أنتي بس خلج فوق واتري صفارتي وغمزت لها وبعدها نزلي أول ما طلعت من الحمام لبست على السريع وشليت شيلتي البيضة لحظة شو هالشيله فيها وردي منو شارنها كيف وصلت حجرتي وردي آخ شو ألوان البنات هاي بعد ، يا ربي فريتها على الارض منو يابها ورحت صوب الكبت خذت شيله بيضة مرسوم عليها بالازرق شرات لون كندورتي طلعت من غرفتي ورحت غرفه عبدالرحمن هذا راقد متى يطلع من البيت هالانسان بيتوتي بشكل مب مقدر نعمه انه ريال سرت صوبه ودزيته شفته نقز وفتح عينه:شفيج طالعته مستغربه:ماشي اقومك فجلي عينه وطالعني:جذا تقومين الناس ، بتخبرج متى بتغدين شرات بنات الناس رقيقه شوي عويت بوزي :انا مب بنت شفته اطالعني :هي انتي جنس ثاني ما جد شفت مثله :مب مهم اسمع عواش بترقد عندي اليوم رد انخمد :وخير :شو خير سير ارقد اي مكان عسب يخلونها قام وهو رافع حواجبه ويطالعني باستخفاف :شو فديتج بطلعيني من البيت عسب عواش وشعنه ما بيخلونها انا شلي ؟ شما:عبدالرحمن ، عشان خاطري عبدالرحمن:وين اسير ان شاء الله شما:انا روحي في البيت وملانه ويوم بيخلون بنت عمي تي تخرب علي طالعني كني كسرت خاطره :زين برقد في الغرفه الي تحت شما:بشوف اذا رضى عمي شفته يبتسم باستهزاء بلاه هذا بعد سرت بيت عمي وفجيت باب الصالة شفت عمي يالس روحه رفعت ايدي اسلم شرات الشباب وقلت بصوت عالي خشن شوي:مرحبا باليالسين ، سلام عليك بو خالد شفت عمي يضحك رحت صوبه وما طالعت منو في الصالة لانه كان جدامي ويالس روحه يلست جدامه حتى ما اعرف من نحاستي ليش ما بسته على راسه هاليوم :شحالك بوخالد:تمام الله يعافيج يلست مجابلتنه لانه يالس على الارض اضطريت ايلس على الارض عند ريله الممدودة مسكت ريله ويلست اهمزهن :عمي فديتك طالبتنك قول تم سمعت ضحكته:وانا اقول شكلها البنت عندها شي قتله وانا احرك ايدي :خلك من سالفة بنت ،اعتبرني ريال يالس جدامك ، ريال لريال يعني ، وطلبتك بترده بوخالد:لاء كملت وانا ابتسم :عمي اليوم اخر يوم وانت ما تبا تخرب علي وناستي خل عواش تبات عندنا اليوم ،انا عشان خاطرك قردنت عبدالرحمن الي محد يروم يقردنه ورضى يرقد تحت يعني بنكون روحنا ما عندك حجه بوخالد:بس يا شما شليت ريله ورفعتها لين ثمي وبستها شفت عمي يضحك:زين زين نزلي ريولي ما اقهر برايه برايه عشان خاطرج بس ابتسمت له وغمزت بعيني :فديتك قلت انا لعواش عمي في الجيب لا تحاتين شفته يبتسم لي قمت انا صفرت بصوت عالي وانا اطالع صوب الدري:اظهر وبان عليك الامان شفت عواش نازلة وفي ايدها جنطة صغيرونه ابتسمت لها بس سمعت صوت من وراي يقول :هاي جنطة ليوم واحد ولا لسبوع لحظة هالصوت الكريه مألوف ، كني أعرفه ، لاء لاءا مب غريب، هذا صوته ؟؟؟ ويه النحس !! مافي غيره ؟؟ صديت ورا وشفت خالد ولد عمي يالس على الكرسي الي وراي ويبتسم لي ابتسامه ناعمة بس مول ما بلعتها رفعت واحد من حياتي؟؟؟؟ هذا متى يا ؟؟؟؟؟؟ لحظة، هنا مفروض توقف وتفهم~~ أنك تموت ولا تثير إهتمامي ~~ سامية المقام مقتطفات من البارت الياي : هالبيت منو بيسكنه ،،غريبه ؟؟ أنا وحدة تستانس كل يوم ساعه ست وربع وقت ما تطلع من البيت وتموت مليون مرة الساعه ثنتين ونص وقت ما ترده |
الــــــــجزء الرابع لا تظن مالي شموخ وكبرياء.. من حياتي تمسحك جرة قلم بيت بو خالد شما لحظة هالصوت الكريه مألوف ، كني أعرفه ، لاء لاءا مب غريب، هذا صوته ؟؟؟ ويه النحس !! مافي غيره ؟؟ صديت ورا وشفت خالد ولد عمي يالس على الكرسي الي وراي ويبتسم لي ابتسامه ناعمة بس مول ما بلعتها رفعت واحد من حياتي؟؟؟؟ هذا متى يا ؟؟؟؟؟؟ طالعته باستهزاء وشفت ابتسامته تتوسع وفتحت عيني لان ويهه ، يقول مسكينه ثرج ميته فيني ، مصدق عمره وايد ترا ولد عمي حبيت أغيضه أكثر طالعته بعدم اهتمام :هلا خالد حمدالله على السلامة ، يلا عواش سرينا مجهزة لج حفله اليوم شفته فتح عينه كنه ما توقع أني حتى ما انتظر رده مسكت ايد عواش وسحبتها : يلا سي يو ، مشكور عمي انردلك أياها في الأفراح خالد : في عرسي أبغيج تردينها طالعته بطرف عيني : هيه أكيد ، إذا ما بردها في عرسك بردها في عرس منو شفته استغرب ردي ،جنه راد وايد بالقو ، ليكون يتحراني لين الحين أحبه ، لا فديتك كان حب مراهقه وراح ، طار مع الريح ، وطيرت معاه ذاتي أول ما دخلنا البيت ورحنا حجرتي صديت بغيض على عويش :أنت كيف ما تقولين لي أن أخوج يا ،مب أنا ما أي بيتكم يوم أي عويش :فديتج خلاص رد من السفر ، يعني بتشوفينه دوووووووووووووووم شما :وليش تقولينها كني ميته عسب اشوفه عويش : لاء بس مستغربه ليش مقهورة وتكرهينه هالكثر ، بعدين هو ما يهمج طنشيه ، وأنا ما كنت أدري أنه ياي اليوم يوم رديت من الامتحان شفته طالعتها بغيض : زين عويش ، مب مشكلة ، درى عن سالفتج عايشة تمت تطالعني بعين حايرة :لاء ، ما أظن سلم عليه عادي اليوم ، بس يمكن يخبرونه ، يا ويلي لو خبروه يا شما بيجتلني كله ولا خالد ما يرحم شما :لاء احسه ما بيقول شي عايشة :كيف أنا اخته ، محد يرضاها على أخته شما :خالد أحسه عادي ما يحس أصلا مسكين مافيه دم عسب يحس عايشة :ليكون بعدج تحبينه ، اعترفي شميم شما:شووووووووووو يزول ، صح أخوج بس بعد ما أحبه ولا شي ، بعدين أنا الراييل كلهم عندي عادي ، انا فديتج شراتهم حالي من حالهم ، هم رياييل وأنا مثلهم شبه ريال طالعتني بطرف عينها كأن كلامي مب عايبنها بس مب مهم عندي ، المهم أنا مقتنعه بالي اسويه ، لاء أشوف واحد واتخبل ، ولا يعجبوني أصلا ، عايشة حياتي ومستانسة لا حب لا وجع قلب !!! بيت بو سلطان سلطان بلعت ريجي وأنا لايعه جبدي أبغي أصكر :انزين حبيبتي ارمسج خلاف يدي يزقرني ، يلا فداعته سلطان :أوووووووف ما بغوا لاعت جبدي منهم ومن أرفهم ، من بنت لبنت وكل وحدة أخس عن الثانيه حتى ريجي نشفوه ، احس عمري عطشان أبغي ماي قمت من مكاني بملل وأول ما فتحت باب حجرتي شفت يدي يالس في الصالة بو ناصر ( يدي ) :أنت مسود الويه وقفت وأنا أتافف بدا هالشيبه : نعم بوناصر :نعامه ترفسك في بطنك قول آمين سلطان : وعلها قبل لا ترفسني تكون مخلصه عليك شفته قام من مكانه وياي عندي :صدق مضيع المذهب ، ما منك فايده ،أنت شو ، ما عنك جامعه ما عندك شغل غاديلي شرا الحريمات سلطان :لا حووووووووووول ، وانت شو تبا بي ، محاظرتي المغرب بسير بعد شوي ، بعدين تعال أنت شلك مشيت عنه :أوف منك متى الله بياخذك وبيرحني منك ، عنبو ما عفتها هالدنيا بسك يا بويه بسك بوناصر :خس الله بليسك جانك أدعي عليه ، ومنو بيجابلك اذا أنا رحت سلطان :هههههههههه جنك وايد متوبل فيه ومتعب عمرك ،( شاورتله بايدي )روح عنا زين بوناصر :أنت على منو ظاهر ابوك ما كان جذا ولا أمك سلطان : ابويه مات وما لحقت عليه وما شفته ، ولا ادري به ، وأمي بلاها بعد بعدين تباني أغدي شرات حرمه ولو يعني أمي ، ما تخيل تبغيني اصيرلك شرات أمي بوناصر :هاي أمك اقطعها هالرمسة يا مسود الويه جنك أنت الي يدي مب أنا ، يلي ما فيك مذهب أنت آخر شي بتذبحني ، ولا بذبحك ولا أنت وين ؟منو يروم عليك بتجتلني ، ولا بيهمك بعد سلطان : دخيلك تعرف يدي فاقد الشي لا يعطيه وأنا فقدت الحنان وفقدت أمي وفقدت أبويه وربيت طول عمريه يتيم ، واليتيم لو ما كان مثلي ينداس في هالدنيا عسب جي أنا ذيب بوناصر :ذيب أنت الا قطو ، والقطو بعد مب شراتك عويت بوزي ورحت أنا ما عندي سالفه واقف ارمسه بعد عنبو عور لي راسي هالقد يهذرب شيبه ما ينلام هالشياب كيف يحبون الحياة ميتين عليها طلعت ووقفت عند باب البيت هالبيت منو بيسكنه ،غريبة ؟ هالبيت مهجور من يوم انبنا صارله عشر سنين يمكن ولاء منظفينه ، يلامع من بعيد ، أنا كيف ما انتبهت يوم يعدلونه ويغيرون البيبان ، ولا أنا كل ما أرد يكون ليل ما أشوف شي مشيت صوب البيت وشفت باب الحوي مفتوح دخلت البيت و شفت وحدة لابسة جنز وقميص وشيله بيت فوقها ومعطتني ظهرها هالبشاكير مدلعينهم ، كل وحدة وراصه بعمرها جنها هذيج ، ويوم تصد الله لا يراويكم الويه ، ناقصين نحن ما عندهم غير يخبلون بالدريوليه ، ويلي ليكون تخبل بمحمود بشكارنا ، لاء والله ومنو بيطبخ لنا بعدين ومنو بيودي يدي وبيبه ليكون بعدين بيحن على راسي سلطان :ايييييييه أنتي اقولج بيت منو هذا ، وليش ما تصدين شكلها طمه والله ،أقول منو ارباب مال أنتي ، ايهي بلاج متصنمه ، بشاكير آخر زمن إذا هاي بشكارتهم كيف هل البيت عيل ، انتي يا الصخله حووووووو ميري شو اسمج ردي عنبوج منو بياكلج ، ليكون كومار واقف فوق يطالعج وخايفة عويت بوزي ورحت عنها رديت البيت هاي بشكارتهم ما يندرى بها كيف ، منو بيسكنه هالبيت ، عنهم بنات حلوين ، اممممم اتوقع بس دام سكنوا ببيت كان مهجور أكيد بناتهم يزيغون ؟؟ ما علينا منهم بسير أريح شوي قبل الجامعه ؟ البيت المهجور شمسة هذا صدق ما يستحي ولا يخيل الحين أنا اشبه البشاكير وحتى لو ما صديت المفروض من ظهري يعرف أني مواطنه ، أنا ميري ركضت داخل بسرعة ورحت على طول على اول منظرة في ويهي : آه هالويه محلاه ،صدق ما يستحي هذا الي ما بيخليني أرقد بليل من الغصة أنا الحين بشكارة أوووووف يا ربي منو هذا ، وشو يايبنه لاء صراحة فريج يبشر بالخير الله يعينا أنا من ودرت بيتنا الي كنا ساكنين فيه وأنا مب مسترقعه ، الله يهديج يا أمي يوم يبتينا لهذا البيت طلعت الصالة وشفت اختيه أسما وولدها بطي يالسين في الصالة وامي شمسة :ميرة ميرة :استحي على ويهج أنا أمج مسوده الويه ابتسمت لها بغصة :أمايه ،ذاك البيت ليش بعتيه نبغي نرد له ميرة :والله فديتج أبوج قبل لا يموت كان مديون ومضطرين نبيع بيت واحد عسب نسدد ديونه شمسة :وليش ذاك البيت ، ليش مب هذا البيت ميرة :شووووووووووووووو ، تبيني ابيع البيت الي بنيته من ورث أبويه والي فيه ريحته شمسة :بيت أبوج فيه ريحته مب البيت الي بنيته من ورثه ميرة :قطعيها هالرمسة ، هذا البيت غاوي شو فيه شمسة :مب غاوي وحتى اليران ما نعرفهم ميرة :وابوكم شو تبونهم اليران ، أنتي بس لو تودرين عندج هالخبال ، وتغدين حرمه وايد أحسن لج بدشين 20 ولين الحين مب عايبتني عويت بوزي وطالعت اسما الي تطالعنا وساكته :وانتي أخت اسما ما عندج شي تقولينه أسما :وأنا شلي بطي : ماما بنبات هني اسما :لا فديتك أبوك بي بعد شوي صح اسمي شمسة عمري 20 سنه أدري بالجامعه اكونت أو بالعربي محاسبة ما باقلي شي واتخرج وهذي أختي أسما متزوجه من ولد عمي بدر وولدها بطي عمره تقريبا 5 سنوات يعني تقدرون تقولون ياهل لحظة هالولد منو ، شو سالفته شو يبغي من حياته ، امممم يا ترى أي بيت بيتهم خلا اشوف رحت فوق وغيرت ثيابي ولبست جلابيه أخاف ريل اسوم أي أي وقت نزلت تحت وأنا البس شيله بيت ميرة :وين سايرة أنتي شمسة :بتمشى بالحوي ، بطي حبيبي تعال وياي شفت بطي ياي ، فديته بستخدمه كسلاح عسب أعرف أي بيت بيتهم فتحت باب الحوي شوي شوي عسب أمايه ما تسمعني وتسوي لي سالفه بس فيني فضول أحس بموت وأعرف منو هذا الي ما يستحي على ويهه ، طالعت البيوت ، أي بيت بيته ،صعب يا ناس أعرف ،شوي شفت سيارة تطلع من البيت الي حذالنا شفت بطي يصرخ بفرح :هذي سيارة بابا وتوجه بسرعه للشارع ايه يا الغبي هذي مب بابا تعال بس ما وحالي لاني شفت السيارة وقفت والظاهر أن الي فيها نزل أو فتح الجامه ما أعرف انخشيت ورا باب البيت عسب اسمع :حوووو أنت مسود الويه وين ياي تركض عسب تطلع جدامي وادعمك وبتلش ، يلا زول بيتكم فتحت عيني عنبو منو هذا الي ما يخيل ولا يستحي ولا فيه ذرة رحمه ،لحظة هذا صوته توني بطلع بس سمعت صوت : سلطوووووون أنت شو فيك هذا الا ياهل صدق ما تخيل ، زول زول من هني سمعت صوت سيارته تروح ، مالت عليه صدق ، بس عرفت أكثر من الي ابغي اعرفه البيت الي حذالنا بيتهم واسمه سلطان ما يستاهل هالاسم الحلو صدق ما يستحي طلعت بسرعه وطالعت ويه ولد أختي بطوي شفت بطوي يصيح وواحد شيبه يمسح على راسه الظاهر هذا يارنا ، خلا اسوي علاقات من الحين أول ما شافني الشيبه انصدم وتم يستغفر ويتعوذ من ابليس وقفت مكاني منصدمه بلاه أنا والله حلوة اشفيهم ، ليكون شكلي فيه شي ،أخوف يعني طالعني بطي وقال :خالووووووووووو ، واحد صرخ عليه بعدها ارتاح ويه الشيبه بشكل غريب نسيت أنا في الفريج وأنا في الشارع وعيب عليه أوقف ولا اطلع برع البيت وبوقايه بيت بعد ، تجدمت صوب الشيبه وفجأة ابتسم : هلا بنتي هذا ولدكم طالعته وأنا اتصنع ابتسامه توه يستغفر شكلي بلغي خططي ويا هالعايله : هي عمي تونا منتقلين بوناصر : هيه زين زين تستاهلون عاد هالبيت مبناي من زمان ، توكم الا يتوا ، ماعلي بالبركه عليكم ابتسمت له بصدق هالمرة هالشيبه غريب ويه في لمحه غريبه :الله يبارك في عمرك عمي ، اسمحلنا غثيناك ، يلا بطي خلا نروح بوناصر :لاء فديتج : لا غثيتوني ولا شي بالعكس شوفه هالولد ريحتني وايد كأنه ولدي ابتسمت له :تسلم يلا عن أذنك مسكت ايد بطي ويايه بروح بس سمعته يقولي :الا بنتي ما قلتيلي بنت منو أنتي عاد صديت صوبه :أنا بنت حميد محمد ال... ردت الصدمه الي كانت في ويه أول ما شافني :أنتي بنت ميرة ، يعني أنا ما كنت أتخيل استغربت يعرف أمي من وين وشو يتخيل :تعرف أمي شفته توتر : هيه ، أعرف خالج هادف كنا ربع أيام أول وكان من أعز ربعي شمسة ابتسمت له : عاد عمي ما قلتلي اسمك عسب اخبر امايه بوناصر: حميد غانم ال... ابتسمت له ودخلت البيت ليش اول ما شافني استغرب وليش طرا أمي دامه يعرف خالي واربيعه ليش ما قالي يقربلج هادف وليش ما طرا أبويه هالريال غريب يعني أنا يوم أشوف صور أمي أيام شبابها نسخة مني ، عسب جذا كان يستغفر أول ما شافني ليش أمي شو كانت أيام شبابها مثلا أم دويس ، عوذ بالله شو هالافكار ، بس صراحة غريب شكله ، وسلطان منو يكون ولده ، شكله بوناصر مب شيبه ذاك الزود ولا هو شاب يعني بس ما شاء الله عليه لولا هالعكازة يعني جان مافي أحلى منه أظني أحلى شيبه في الفريج ، إذا هو شيبه جيه ويهه كيف يوم كان شباب معقوله أمايه كانت تحبه ، وتوايق عليه من الدريشة ، أوف شو هالافكار ؟؟ رحت فوق غرفتي خفت أقول لامي يسلم عليج ما خفت من هالهزبه ، لاني ظهرت برع البيت خفت لاء اسمع شي انصدم منه ؟؟ |
بليل بيت بوعبدالرحمن عبدالرحمن دخلت البيت متأخر شوي اليوم عايشة بترقد عندنا وأنا وين برقد برقد على الشبريه الي تحت أووووف منج يا شما ويا طلباتج الي ما تيب الا ويع الراس ، طلعت فوق عسب ابدل ثيابي وايب اغراضي وانزل لتحت بنشوف أخرتها هالليلة أول ما طلعت فوق شفت عويش بنت عمي وشمو كل وحدة منسدحة على قنفه وجدامهم الطاولة كلها حلويات وأكل ويطالعون فلم أف ويا هالاحراجات :احم صدوا لي وعويش بسرعه لبست وقايتها وعدلت يلستها بس شميم على حالها ما تستحي هالبنت ، طالعتني بطرف عين :حمني جنك بتنام تحت :ادري ياي أخذ أغراضي ، شحالج عويش عواش:بخير دخلت غرفتي ورحت صوب الشبريه بس سمعت باب غرفتي ينصك بالقو وكأن حد هجم على الغرفه ، ما صديت لاني أدري شميم شما :ايه ياخي حاتسب قبل لا تي ، البنت ربك مب لابسة شي على راسها طالعتها بطرف عيني:ياخي هاي شو بعد ، أنتي متى بتغدين شرات بنات الناس ، وبعدين ياي أخذ أغراضي ممنوع كافي برقد تحت كلمة ثانيه أنتي وبنت عمج بطردكم من البيت شفتها يايه صوبي بس توجهت للحمام (عزكم الله ) وصكرت الباب في ويها ناقص ويع راس أنا ،أول ما طلعت شفتها واقفه وهي مربعه أيدها ورافع ريل وحدة على الايدار عبدالرحمن :انتي شو ، ليش جيه واقفه شما :خلك مني متى بتنزل سكت عنها وطنشتها هاي يبالها جيه لبست جلابيتي وهي بعدها واقفه عنبو هالبنت كيف حنانه شليت تلفوني واللاب ونزلت تحت شما :شل أغراضك لباجر بعد ، عسب ما ترد تطلع عبدالرحمن :ليش انتو يالسين الفير كل وحدة منكم بتنخمد بعدين من حلاتها بنت عمج ميت عسب اشوفها بس شما :من عينك مبين أنك تجذب ، تحبها ها عبدالرحمن :هههههههههههههههههههههههههههههههههههههههه ، والله وغلاتج لاء ، معزتها من معزتج بس أكيد أنتي أكثر شوي طالعتني بطرف عينها هديتها ورحت ،عواش ما تعني لي شي غير بنت عمي وأختي لا أكثر. شما ولا يسوي شي في حياته احبه يا ربي منه هالانسان طلعت برع وشفت عواش مندمجه تطالع التلفزيون شما :وانتي متى بتحسين بالمسؤوليه ها عواش:شو شما : متى بتغدين حرمه سنعه تخبلين الناس ، الحين لو أنتي أول ما دخل عبدالرحمن قمتي وعزمتيه على الأكل ووجبتيه ، مب جان شافج بنظره غير نظرة الاخوه هاي عواش:شميم عبدالرحمن أخويه ، لا تحاولين بعدين أنا ليش أجدم جدامه هذا بيته وأنا الضيفه شما: عيل أنا يوم أي بيتكم ، اجدم جدام عمي لو حتى أنتو مضيفيني عواش:هههههههههه ، لان ذاك أنتي من داخلج تعتبرينه بيتج شما :تهبين مسوده الويه ، مستقويه ويا أخوج ها ، عن التلميحات السخيفه لايج كف يعدل ويهج عواش:ههههههههههه ، وليش مغتاضه شما:ماشي كملي الفلم أحسلج ما بقى غير هذا لو آخر واحد والله ، ما بحلف بس صدق شو ماشي غيره في السيارة مبارك مبارك:أووووووووف يعني وبعدين وياج منو أنتي شو تبين المتصله :أنا وحدة تستانس كل يوم ساعه ست وربع وقت ما تطلع من البيت وتموت مليون مرة ساعه ثنتين ونص وقت ما ترده ؟ مبارك : لاء والله وانتي شلج ، بعديييييييييين لحظة شو عرفج بالوقت الي اظهر به من البيت والي ارده المتصله :ترا أقولك أعرف كل شي عنك ، أنا أحبك مبارك من زمان ، مب من يوم ولا يومين ، حرام عليك حس فيني مبارك :أنا ريال معرس وجلبي ويهج احسن وآخر مرة ادقين فاهمه المتصله وهي :دخيلك لا تروح لها أحس أموت مبارك : منو هي المتصله :حصة حرمتك ، لا تروح لها اموت لما افكر بس أنك يالس عندها مبارك:وأنتي من وين تعرفين حرمتي المتصلة وهي تصيح :قتلك أعرف كل شي عنك مبارك:شوفي لا تيلسين تصيحين لي ،أنتي من أي بلوة طالعه لي آخر مرة تتصلين وحرمتي ما يخصج بها المتصله : لحظة مبارك ،أنا آمنه مبارك :ومنو آمنه يعني آمنه :اسمي ، لو حبيت تعرفه مبارك :لاء ما احب سكرت التلفون في ويها وغلقته ، الحين من ساعه يالس في السيارة ولا رايم أنزل منها ولا رايم أدش البيت بسبتها مخيستني ونه أحبك ، هاي من وين طالعه لي بعد حبج برص نزلت من السيارة ودخلت البيت اول ما شفت حصة رحت عندها وأنا اعق غترتي وعقالي وأحط راسي في حظنها : اشتقت لج حصة : هههههه ، هي عشان جيه يالس ساعه في السيارة ما تنزل ، شو كنت تسوي ما بغيت أقول لحصة ما ابغي احرجها او اضايجها مبارك :ما عليج واحد من ربعي داق وذيه مب راضي يسكر حصة :هيه غمضت عيوني وهي تمسح على راسي من تمسك هالانسانه شعري يني رقاد حصة :تعشيت مبارك :همممم حصة :مبارك رقدت شو ، اقولك تعشيت مبارك: لاء حصة : ليش مبارك :بتعشى وياج حصة :بس أنا تعشيت فتحت عيوني : يا الخاينه حصة:هههههههههههه شعرفني فيك الوقت متاخر وأنت خطك مشغول قلت أكيد تعشيت عند ربعك ابتسمت :هيه تعشيت بس قلت ما بكسر خاطرج بتعشى وياج ، بس الظاهر راحت ايام ما تتعشين الا يوم أي حصة:هههههههه هذي السوالف خلها للمعاريس اليداد ، أنا وأنت خلاص صارلنا كم سنه يعني خلص الدلع مبارك:هيه اظهري على حقيقتج ، خلاص ها ضامتني أني مت فيج وما اروم استغنى عنج الحين بطلعين الويه الثاني حصة :هههههههههه شليت راسي من حظنها وطالعتها : انسير فوق أنا ابغي ارقد ، يا ويلج لو قلتيلي سير ارقد أنا بتم حصة:هههههههههه لاء بي وياك مبارك :يلا اشلج حصة :هيه مبارك:وين اروم بتكسرين ظهري حصة :ليش تعرض خدماتك عيل ، يلا شلني مبارك :ههههههههه بالغصب شو ما بشلج امشي يلا برطمت ووقفت نص الطريج :ههههههههه زين يا بوج رحت عندها وشليتها قفطت :هههههههه وليش قافطه بعد ، انتي الي تبين حصة :وني مستحيه اشفيك أنت مستوي دفش مبارك :ههههههههه أوكي أول ما وصلنا عند الغرفه مبارك :فجي الباب دخلنا ورحت فيها صوب الدريشة :يلا فجي الدريشة بعقج حصة :ما اظهر منها مبارك:ههههههههه فديت قلبج أنا حطيتها على الشبريه ورحت صوب الكبت اظهر ثيابي حصة : مبارك ثيابك على الشبريه شو تظهر مبارك:اوه كيف ما شفتهم حصة :من شفتي طار عقلك أكيد مبارك :هههههههههههههههههههه غمزت لها : يا واثق أنت دخلت اتغسل و أول ما طلعت شفت حصة يالسة على طرف الشبريه وتفكر ، حتى ما حست بي وأنا اتقرب صوبها شوي والا رفعت راسها اطالعتني بحنان :دخيلج كلا ولا هالنظرة ، تذبحني ترا ابتسمت لي ، يلست عندها ويلست العب بدبلتها الي في ايدها : شي شاغل بالج حصة :لاء مبارك:عيل ، شو يخليج تفكرين حصة :ماشي افكر فيك مبارك:فيني وليش تفكرين أنا يالس عندج حصة : امممم مبارك ، بتاخذ العلاج صح تنهدت وطالعتها :يعني هذا الي شاغل بالج هزت لي راسها يعني هيه : ومستحيه تسالين ليش حصة :ما ابغي اطري الموضوع وايد وأنت ما تحبه مبارك :قصدج ما تبغين تجرحيني حصة :لاء مبارك مبارك:حصيص ، الي تبينه بسويه ، من عيوني شفت ابتسامتها :بس اشوف هالابتسامه ، صح أن هالطاري يذبحني من داخل بس هاي حصيص ما ابغي احسسها بالنقص او شي ناقصنها ، ابغي افرحها باي طريقة حصة : صدق مبارك:أكيد صدق حصة :مب تمل ، العلاج بيطول شوي قربت ايدها صوب ثمي وبستها :دام يريحج حاظرين ابتسمت لي بفرح ، اتمنى يا حصة أن هالعلاج ينجح لان لو ما نجح يمكن انتي تنسين بس انا صعب ، صعب أنسى ، بموت مليون مرة وكل يوم وأخاف هالشي يبعدني عنج ؟؟ الله يعينا اليوم الثاني بيت بو عبدالرحمن شما طالعت حصة بملل وأنا منقهرة من اسألتها الي عورت ليه راسي شما :حصيص مبارك متى بي يشلج حصة :لاء والله ما يخصج انا بتم عندكم اليوم شو يعورج ما رديتي على سؤالي شما :أي سؤال مليون سؤال سالتني أي سؤال منهم حصة :كل ما أي اشوفج لامة شعرج ولا مرة سويتي به حركه ولا مرة فتحتيه شما :مالي مزاج طويل ويعور راسي حصة :زين ليش دوم لابسة هالبناطلين الواسعه وهالقمصان ، بتخبرج شو تلبسين لبس عبدالرحمن أنتي شو هالقميص الشبابي طالعت قميصي مستغربه :حووووووو بلاه هالقميص حلو ، بعدين في البيت البس الي يريحني حصة :زين البسي بس لبس بناتي شما :انا جيه ذوقي صعب شوي حصة :وكله هالالوان الباهته والسوده ، مافي في المحل الي تاخذين منه شي غير تجربت مني وشاورت على راسي : شو هالكاب بتخبرج وشو هالهيكل العظمي الي عليه شما : حصيييييييييييييييص طفرتيني حصة :حياتج مب عايبتني ، أسلوبج وايد شبابي يمكن عسب يالسة ويا عبدالرحمن ، بعدين تكشخي في البيت ، خاطري ييوم ادش أشوفج لابسة لون وردي احمر هالألوان الي تفتح النفس ، فجي شعرج حطي جحال على الاقل تعودي تكونين دايما مرتبه شما :وأنا الحين مب مرتبه تراني لابسة وكاشخة ، بعدين البس جلابيات روحي شوفي كبتي كله جلابيات اصلا حصة: جلابياتج شراتج ، وذوقهم مول ما يعبني شما :حصيص المهم يعبني أنا ،وانا هذا استايلي حصة : وتنانير شما :أووووووووف أنا وحدة ما احب التنانير حصة :زين بهواج ، باجر يوم بتيلسين بيت ريلج ايلسي جيه مبهدله اوكي شما :شو شو شووووووووووو ، أي ريل حبيبتي ، لا ريل ولا غيره ، انا بدرس ما ابغي اعرس جيه تتحريني شراتج حصة :وبلاني أنا شما :حياتج فاضيه محدوده دراستج كلها على الفاضي حصة :انا روحي ما ابغي اشتغل شما:شوفي عمرج وقسم بالله ، تفكيرج محدود ، في ذمتج شو تفكرين فيه شو البس وين اروح اليوم ، مبارك شو بياكل ، مبارك متى بي ، مبارك شو يبغي ، مبارك ليش زعلان ، تفكيرج محدود مستواه يعني في حدود بيتج مب منج تراج ربه بيت فاضيه طالعتني بنص عين : زين بنشوفج انتي شما :لا تشوفيني ولا شي ، ما بعرس اصلا ، بعدين بلاني مرتبه شعري رابطتنه ذيل حصان وقميصي غاوي وحتى برمودتي غاويه يلا مناك حصة:مرتب بس مب بناتي شما:روحي ويا البنات أنتي حصة : زين زين ، فكينا ، شو سويتي بامتحاناتج شما: عادي شرات دوم ، شوفي بعطيج تقرير مفصل عسب لا تقولين اختي شميم ما تقول ، أنا خلصت وردينا البيت ، ارتحت شوي سرت بيت عمي ، سلمت عليه ، يبت عويش عسب ترقد عندنا ، سولفنا ، مسوين حفله ، اونه نرفه عن عمرها ،آخر شي اليوم الظهر سارت بيتهم وبس هذا باختصار كل الي سويته بحياتي هاليومين حصة :زين عمي من زمان ما سلمت عليه خلا نروح له شما :شو لاء لاء فديتج روحي روحج حصة:ليش شما:امس رايحة عندهم انا ، شو كل يوم حصة:دومج طايحة في بيتهم شو تغير شما :تغيرت وايد أشياء أولهم أن خالد رد من السفر حصة : وشو يعني شخصه خالد شما :استحي اروح وين اروح وارز بويهي وهو هناك حصة :ترا دوم تروحين وراشد هناك شما :راشد غير متعوده عليه دوم اشوفه ، وهذا عود وانا استحي منه ، أصلا ، بعدين مب متعوده عليه وما بسير ، روحي روحج طالعتني بنص عين:يلا يلا عن الدلع غيري ثيابج ونزلي اووووووف منج يا حصيص لو رفضت بتشك فيني اختي واعرفها امري لله لبست جلابيه خضرا عسب لا تقول لون كئيب ، ولفيت وقايتي البيضة عليها ورود خضر أووووف شو هالورود الكريهه حركات بنات نزلت تحت شفتها لابسة عابتها حصة :يلا سرينا أول ما دخلنا بيت عمي شما:حصيص روحي انتي داخل بشرب ماي وبييج طالعتني مستغربه :زين لا تتأخرين شما :وين هذوه المطبخ راحت وانتهزت الفرصة رحت صوب الجاراجات صراحة ابغي اتاكد انه محد ،لو سيارته هني ما بدخل تولي حصيص شو وين تبا اجابل ويه خالد وقفت على طرف ووايجت اشوف السيايير الموجوده بس آآآآآآآآآآآآآآخ راسي شو هالدبه منو فرها على راسي صديت ورا شفت خالد :خخخخخخخ اوه السموحه بنت عمي تحريت حراميه فتحت عيني :شو خالد :شو تسوين توايجين على شو وقف عندي وطالع صوب السيايير :هيه تتأكدين اذا انا موجود ولا لاء ، شميم بعدج حاطه أمل عليه طالعته بقهر هذا مصدق عمره :شووووووو خالد:ههههههههه كم مرة بقولج انتي شرات أختي ، صدق الحب بلوة ، يلا سيري دااخل فتحت عيني وثمي هذا شو ادوسه في بطنه خالد : شو بلاج تترين كلمه حلوة ، زين يلا غناتي سيري ، بس جيه بتعلقين عمرج بآمال حسيت بغيض مب طبيعي وأنا اشوف عيونه ، فجيت غرشه الماي ورشيت الماي كله على ويه خالد بس بعد ما سمعت شهقت خالد استوعبت أنا شو سويت ؟؟؟؟؟؟؟؟؟؟؟ والله لو تبعد فلا همني رضاك واسمع كلامي زين دام أنت هادي ما كنت شي وشلون أزعل لفرقاك عادي وجودك كان .. وان رحت عادي جائز أكون أول تعاطفت وياك .. لكن فبالي كان تركك وكادي لا تنفعل لا تثور لا تبرر خطاك ما ينفع الغرقان مد الأيادي امممممم شو ظنكم رد فعل خالد لشما ؟ فطيم وهزاع وينهم ؟ سلطان شو آخرته ؟ وبوناصر من وين يعرف ميرة أم شمسة ؟ مبارك وآمنه .؟؟؟ لويييييين ؟؟؟؟ |
الجزء الخـــــــــــامس انا نفسيه وغروري يتسلى ويفنى من اقترب ودلعي جمر غلا من المسه احترق شما طالعت ويه خالد الي كل شوي وتتغير ملامحه فجأة و بدون سابق انذار دزني بالقوة صوب الايدار ومسكني من فجي فتحت عيني :هيه أنت تخبلت قالي بقهر :اعتذري :شو لو تموت والله ، هدني : مب هادنج لين تعتذرين ، ولا بتمين جيه لين تمويتن فجأة طالعت وراه كأن حد يا :اوييييييه ، عمي الحقني شفته ابتعد عني بسرعه : ركضت منه وأنا متوجه صوب بيتنها ، تولي حصيص ويولون كلهم أنا هالبيت ما بدشه دام هالوحش فيه توبه ، يلست أركض ، كل الي كان همني أروح قبل لا تنزل دمعه من عيني جدام هالسخيف قالي بصوت عالي وهو واقف مكانه :أنزين يا شميييييييييييم ، والله يالس احسبلج اياهم وبردلج اياهن ، بس بشي ما تتوقعينه هذا آخر شي سمعته ما اهتميت لتهديده ساعتها ، لاني شفت عمري يالسة في حجرتي قفلت الباب وتساندت عليه وأنا اتنفس بصوت عالي يا ربي مينون مب صاحي ياي يضربني بعد ، قاومت عمري أني ما أصيح لو يموت جدمي الحين والله ما أصيحه ، أنا بعد براويك يا خالد رحت الحمام (عزكم الله ) بسرعه وقمت ارش ماي على ويهي الي أحمر كنت أرش الماي بسرعه لدرجة أنا شعري من جدام نصه خاس ماي ما اهتميت رديت شعري لورا ونزلت تحت ، فتحت التلفزيون وكانوا حاطين فلم (؟؟؟؟ ) ، فلم كله حروب وجتل وقطع عسب جيه طالعته ، شوي والا حصة داشة عندي أوووووف ناقصين حنه طالعتها بطرف عيني : حصة :ليش ما يتي عمي سأل عنج :ماشي تذكرت أن حاطين هالفلم وييت ، بعدين أنا 24 ساعه في بيتهم يعني لا تحاتين أشوف عمي أكثر من أبويه ، حصة :هيه صح ، خالد قالي اسلم عليج نقزت وطالعتها بعين مصدومه :شو قالج حصة :ما قال شي ، قالي سلمي على شما ما شفناها من زمان تنهدت ويلست مكاني ، زين ما علقت حصيص علي وأنا مصدومه ، ما احيدها ، بس أحسن فكه من صدعه الراس ، مسوي عمره ، برئ ومب مسوي شي ، هذا الخبييييييييييييييييييث ، يا ربي كيف هالانسان خبييييييييييييييييييييث احدى الشقق هزاع طالعت دانه وهي تتمشى جدامي بدلع ، يالله ما نروم نحن ، هاي هي حرمتيه اليديدة دانه :حبيبي ، احطلك عشا ابتسمت بحنان :لاء غناتي تعالي ايلسي عندي أنا محتاج حنان تصدقين شفتها ابتسمت بفرح ( يا ربي مشكلة اليهال ، ههههههههههه ،الحين ا انا عمريه 27 تقريبا وماخذ هاي قوم 18 ، يمكن تفكيرنا مب متقارب ، بس يلا تقزر ، في الاخير حرمه تراها ) ابتسمت وأنا احط راسي على جتفها :تدرين أنا ما ارتاح الا لما اي عندج هني طالعتني بمكر :ليش حرمتك مب مريحتنك هزاع:هههههههههههههههههه ، بلى ، وايد مريحتني شو تبين بها تطرينها ، هي ولا مستهمه بج وأنتي كل شوي وطريتيها لي دانه :خلاص تم عنديه على طول هزاع :يصير خير ، شفتها تقوم جدامي بدلع وراحت المطبخ تحط لنا العشا ، كيف دلوعه هالانسانه هاي شكلي ما بطلقها بخليها ما اروم استغنى عنها سمعت رنه تلفوني ، اووووف منوهادم اللذات داق الحين شفت رقم البيت محد غيرها ويه النحس : :ها ليش داقه مب تبين راحه مني ترا أنا ريحتج شو تبين بعد فطيم:هلا والله بو سالم عويت بوزي أوووووووووووف :اييييييييييييهي منو بعد عندج فطيم : بخير ربي يسلمك ، الا الغالي عمي ياي يتعشا عندنا هزاع :ابويه الله يهديه بس ، يالس عندج الحين فطيم : هي ، قتله بنتعشى قال نترياك هزاع :فطييييييييييييييم عاد أنا في الشقه عند دانه ، أبغي ارتاح من الشغل شوي وياي الشقه شو يبني عندكم الحين فطيم : حاولت أقوم سالم ما رضى ابتسمت قصدها ابويه مب راضي يتعشى بدوني تشفيرات ونه ) هزاع :انزين عزمي عليه فطيم: شو اسوي يعني ، هزاع : أي شي قوليله اني بتاخر عند ربعي وتعشي وياه فطيم: هذا ولدك راسه يابس هزاع :هههههههه عنلاتج تقولين لابويه جيه فطيم:عسب تحس وأنت ما تحس هزاع :زين زين فاهم تشفيراتج عرفت انه يالس عندج ومب رايمه تقولين شي فاهم عليج والله ، اسمعي أنا شوي وبيكم فطيم :زين الغالي نترياك هزاع : فداعته فطيم : ربي يحفظك هزاع :كل يوم خلا ابويه أي دام بتصيرين جيه اليفه فطيم : اوكي هزاع :لاء والله ههههههههههه ينفع الحين اسبج ما بترومين تردين فطيم :خلاص مع السلامه وصكرت في ويهي ، يا ربي من هالبرود ، يلا شو نسوي بنخرب السهره اليوم رحت صوب دانه وشفتها يالسه تحط العشا ، كسرت خاطريه هزاع :دندون دانه : نعم حبيبي طالعتها متوهق :بسير انا البيت شوي حطت ايدها على خصرها :ليش ما شبعت منها هزاع :لاء قلبي مب جيه السالفه ، بس ابويه هنااك دانه :وأنا طالعتها متنرفز :شو اسوي اقطع عمريه ، بييج بليل خلاص لا تحشرينه هديتها ورحت صوب الباب شفتها تركض ورايه ، هالحريم ما يون الا بالعين الحمره الا فطيم لا حمرا ولا صفرا ولا حتى خضرا تي وياها دانه :بترياك حبيبي هزاع ابتسمت لها : اوكي وخلي عشاج بنتعشاه بليل ابتسمت لي بفرح ، بستها على راسها وظهرت ، يالله شوفوا الفرق وحدة تحسسك أنك ملك في الكون والثانيه ؟؟؟ ما اعرف شو اوصفها ؟؟ بس أحسن أنا مرتاح جيه سمعت تلفوني يرن ..... فطيم !!! ما برد عليها ادري ان ابويه يالس يحن عليها عسب تتصل فيني أول ما وصلت البيت شفت في الصالة أبويه وسالم وفطيم هزاع :السلام عليكم ، هلا والله توه ما نور البيت بو هزاع:مرحبا مرحبا ، وعليكم السلام والرحمه رحت لابويه وبسته على راسه بو هزاع : هزاع كيف تطلع وتخلي حرمتك روحها بليل و هي روحها وحليلها حامل ، ربك تبغي شي رحت يلست عند فطيم:لا ما عليها شر وأنا شوي وبرد ما عليك ، يلا وين العشا بوهزاع:توه الناس ، نحن تعشينا فجيت عيني وطالعت فطيم :شووووووووووووو بوهزاع :ولدك قام من النوم ، يقول يوعان عسب جيه قلت لفطيم خلاص نتعشى طالعته مستغرب :شو تقول ابويه وليش يايبيني انا عيل ،شحقة ما قلتولي عسب لا ارد بوهزاع:شو بعد ليش يايبينك ، تراك بترد بسك ايلس في البيت ، يلا أنا اترخص منكم طالعت فطيم بغيض شفتها مب مهتمه شوي والا قام ابويه من مكانه قمت وياه:وين ابويه استريح ، توه الناس بوهزاع:لاء أنا قلت أمر عليكم شوي هزاع : وين ما يلست ايلس ايلس ، ما تهنينا بك بوهزاع :مرة ثانيه بني أنا والعيوز هزاع :والله البيت بيتكم االغالي وصلت ابويه لين الباب ورديت الصالة وانا أنافخ من القهر شفت فطيم منسدحة ومادة ريلها على القنفه أول ما شافتني فطيم:هزاع زيد المكيف مت من الحر ، ما اقهر هزاع:علج تموتين من الحر والغيض يوم واحد ، جان دقيتي واذا مستخسرة طرشي مسج على الاقل ، خليتني أهد هالفقيرة واي بسرعه طالعتني بعدم اهتمام وقالت باستهزاء بي :دقيت لك بس أنت ما رديت شو اسوي اجتل عمريه لك ، شوف عاد لا تحشرني هذوه عمي سار يلا روح عندها لا تعور ليه راسي هزاع :شو مضايجتنج يلستي وايد يعني فطيم:هيه الاصراحة أبغي الفكه ، بسك ، يلا سير عندها ،عنبو وذا ما تخلي حد يرتاح هزاع:زين أنا ما بسير يالس على قلبج ،أدريبها يلستي مضايجتج فطيم:والله فديتك مب يالس على راسي صدت ويها الصوب الثاني ودقت على الرموت تفتح التلفزيون هاي الي بترفع لي الضغط اليوم ، ما وراها الا الغم ، سمعت مبايلي يرن طلعته من مخباي شفت دانه تتصل صديت صوب فطيم شفتها حتى ما كلفت عمرها تصد صوبيه رديت عليها هزاع:هلا دانه دانه:شو حبيبي قريب اسخن الأكل هزاع : لا فديتج ما بي اليوم دانه :شو عيبتك اليلسة عندها هزاع:حوووووووو لا تيلسين تعورين ليه راسيه ، هي وايد حلوة اليلسة عنها ثرها تصبحني وتمسيني بكلام حلو روحي عنا زين دانه : هزاع أنا أغار ، خاف ربك فيني هزاع: ما عندج سالفه يوم بتغارين من فطيم ، هاي البارده شفتها صدت علي واطالعتني ببرود ما صديت لها وكملت كلامي كني مب مهتم هزاع:يلا مع السلامه يمكن أييييج باجر سكرت في ويها ما ترييت تقول مع السلامه حتى فطيم :وأنا شو يخصني ، ادخلني في رمستك ويا حرمتك هزاع : انت اصلا خصج بشو في هالدنيا ، تهتمين لحد غير عمرج فطيم:دخييييييييييلك أنت الي مسكت ، البنت تصيح تباك ، سير لها ليش يالس هنا هزاع : مب ساير ، أبغي أتم عندج طالعتني ببرود وصدت صوب التلفزيون تنهدت هاي مب غريبه هاي فوق الغرابه :سالم حبيبي تعال عندي شفته يتقرب صوبيه مبتسم ، يالله لويت عليه بالقو من اضمه لصدري أنسى هموم الدنيا كلها شو يعنيلي هالانسان كل دنياي أكثر يمكن ، : مب تغديلي يوم تكبر بارد شرات أمج ، آه من أمك بس ، يلا فديتك نسير نرقد طالعني وهو يبتسم أدري مب فاهم علي فطيم :توه قايم من النوم طالعتها : ماعلي ابغيه يرقد وياي فطيم : زين خذه بس لو قام بليل أنت بتسهر وياه هزاع : خلاص ما نبا نرقد حشا ................................... تمت أطالع تلفزيون ورحت أنا فوق غيرت ثيابي ورقدت لباجر .؟؟؟؟؟؟؟ حتى ما فكرت فيني أني رقدت دون عشا ؟؟؟؟؟ ثاني يوم الصبح لا تعلمني اشلون احبك لاني حبيتك ~ ~ علمني اشلوب القاك لاني احتاج لك ~ ~ شمسة أوووووووووووف ويا هالجامعه الي ما بتخلص متى بتخرج وبفتك من ويع الراس هذا والمصايب هذي ،نزلت تحت شفت أمي يالسة بستها على خذها :صباح الخير أمايه ميرة :صباح النور فديتج شمسة :شو تامريني بشي بروح أنا ميرة :تعالي اتريقي شمسة :لا ما اشتهي اليوم مول ميرة :زين اشربي شي على الاقل شليت كوب وصبيت فيه جاي ، شربته على السريع :يلا فداعته بروح الغاليه طلعت الحوي ........ وين موقف السيارة هالدريول ؟؟؟ يا ربي منه رحت برع البيت شفت السيارة واقفه وبما أني ما اركب بالسيت الي ورا الدريول رحت الصوب الثاني عسب اركب هناك ، فجيت الباب شفته مقفول أووووووف منه هالغبي وينه ، السيارة اصلا مب شغاله كيف ما انتبهت شوي شفت سيارة يايه من اخر الشارع ، أووووووووووف وين اشرد الحين ماشي مجال صديت صوب سيارتنا وجني مجابلتنها وعطيت ظهري للشارع شوي شفت السيارة وقفت وجنه حد نزل الجامه أويييييييييييه ليكون بيخطفني توني بصد اشوف منو سمعت راعي السيارة يقول : السلام عليكم لحظة هذا صوت سلطووووووووون ، أي سلطون أنا الثانيه جيه اصغر عيالي ، قصدي صوت سلطان ولد يرانا ، من وين ياي الصبح صديت صوبه بشوي شوي شفت ابتسامته توسعت لما صديت سلطان :السلام عليكم كيف الحال طالعته باستغراب :نعم أخويه في شي سلطان : لا بغيت اسالكم أنتو ساكنين هالبيت ودي ارد البيت لاني وقفتي وياه بكبرها غلط ومنقود بس شو اسوي شي يجذبني لهالانسان ابتسامته ، ويه ، ويه بالضبط مثل يده الي شفته امس لمحه غريبه في ويوهم شمسة :هيه نعم مشيت عنه بروح داخل شفته نزل من السيارة بسرعه :لحظة وقفت وصديت له مستغربه سلطان :أقول اختي ، بغيت أقولج شي شفته متوهق كنه مب عارف شو يقول شو يبا مني هذا شمسة:نعم سلطان : امس ولدكم كان يلعب برع وزين ما صدمته ، انا نزلت له وفهمته ان غلط ، بس ليت تاخذون بالكم منه شو لحظة شو يقول نزل وفهمه مب جنه أمس هزبه وصرخ عليه يا الجذاب هيه يالس يجذب عليه طالعته :مشكور رحت عنه داخل وينه هالدريول الغبي وقفت داخل طالعت أيدي بلاها ايدي ترتجف يا ناس يا عالم شوفيه قمت اخاف من عمريه ، شو هالمشاعر الي تندفع بقوه لهالانسان منو هذا ، وليش يجذب ؟؟؟ ليكون ناوي يقص عليه ؟؟ من وين اخذها منه ولا من يده الي عق عليه امس كم قنبله وما خلاني ارقد طول الليل من التفكير ؟؟؟ يا رب ارحمني ؟؟؟ سلطان يالله هالمزيونه يارتنا ، انا طول عمريه أقول شكلي بحب شرات زمان أول ، ما تحب غير بنت اليران ههههههه أي حب أنا الحين ويه حب بس صراحه عجيبه هاي كيف يقنصونها ، هاي يبالها قناص شاطر ، شكلها صعبه بس وين كل صعب يسهل جدام سلطان ، أنا سلطان مذوب العذارى دخلت بالسيارة البيت شفت يدي يالس في الحوي ياله هالانسان ما يتعب من قومه الصبح نزلت من السيارة :شو الامييييييييييييييييير حميد ما يروم يتريق الا بالحديقة وسط الشير وهو يسمع زقزقة العصافير شفته طنشني ابتسمت له رحت صوبه :يدي بو ناصر :نعم ، خيييييييييييير ، شي مصيبه مسونها ياي تقولها ، احيدك ما ترمسني الصبح يلست على الكرسي وطالعته وأنا مطنش رمسته :هالبيت الي حذالنا الي كانوا ساكنين به الجن شفته شرق :عوذ بالله منك ومن رمستك أي جن واي خرابيط محد جن غيرك سلطان :المهم ، سكنوه ناس ، وطيروا الجن ، تدري يدي عندهم مزايييين شفته طالعني بعصبيه :أنت شو ما تحشم ، خل شمسة في حالها سلطان :لحظة شو قلت شمسة ها ، من وين تعرف اسمها لاء لاء شكلك ناوي تقنص عليهم ثرك مب هين شو تبابها أنت هاي صغيرونه عليك ، أنا يوم بقردنها بخليها تكلم امها لك ، تناسبك الام من سنك أظني شفت يدي طالعني وما علق بوناصر : سلطان ، شوف أنا كل الي تسويه ومب قايلك شي لكن ناوي تقص على هاليتيمه لاء صراحة انصدمت مب الا انصدمت تغير ويهي ، يتيمه ، يعني شراتي ، يمكن حسيت لأول مرة بالشفقة لها بس شو اقول ما ابغي ابين ليدي أني ضعيف أو حسيت بشي ، بس اسمحلي يدي هالبنت حطيتها في بالي وهي الصيده اليديدة لي ، ناوي عليها ، لو يتيمه ما يخصنيه بوناصر :بعدين أنا متاكد أن ميرة مربيه عيالها عدل طالعته مستغرب :وأنت من وين تعرفهم ، مب الا شمسة وميرة ودنيا شعرفك بهن بوناصر : جيه ثووووووور ما اعرف الخلق طنشته ما ابغي افتح هالموضوع ضايجني يدي صراحة طالعته :دومك يايب لي المغثة شفته طالعني بعدم اهتمام :تريق طالعت الريوق : هذا ريوق شياب بعدين شعنه يايبين لك الخبز بالعدد عنبو بلاه محمود بوناصر :والله الشيخ أنت مب ويانا ما تتريق ولا تتغدا ولا تتعشى وياي ، أنا قتله حطلي كم خبزة أنا الا روحي تفججت على الكرسي لاني حسيت بويع في ظهري :زين أنا أبغي خبز يوعان كيف تباني اتريق بوناصر :محمود ، وينه هذا سلطان :طالع يمكن أنت مطرشنه مكان بوناصر :اظني مطرشنه ، هيه تذكرت ، ماعلي سير المطبخ وحط لك الي تباه سلطان:شووووووووووو ، وأنت ليش مب مخلي حد يخدمنا غيره ، كل هالبيزات الي عندك تتريا شو بعد شو باقي من عمرك باجر بتموت وعمامي بيورثون كل شي طالعني بعيون ما عرفت افسرها لحظتها شفته شد ايده على العكاز وقام بصعوبه وراح صوب المطبخ ساير يشرب ماي يمكن يبرد على عمره أوووووووف منه يايب لي مغثه غمضت عيني ، امممممم يعني اسمها شمسة مثل اسم امايه زين كم رقمها ، شو ايميلها من وين بعرف امممم شوي والا قطع علي افكاري رمسة يدي : سلطون صديت له : خييييييييير بوناصر :هذوه الخبز يبت لك كل طالعته مستغرب ليش معبل على عمره هذا باجر اذا طاح ومرض منو بيبتلش به غيري من كثر ما عمامي يسألون شليت الخبز ويلست اتريق وأجلت شوي سالفه شمسه لين ما اشوف لها صرفه ؟؟؟ خالد طالعت ساعتي يا ربي صارت 11 جان الحين رحت ورديت أنا الغبي رحت أبغي اقدم أوراقي اليوم عسب الوظيفه بس يوم وصلت اكتشفت أني ناسي أوراقي الشخصيه في البيت يعني قومه الصبح راحت على الفاضي جان قمت عشر وتوني طالع مب نفس الشي ، أوووووووف من غبائي ، نزلت على الدري بسرعه أبغي اروح بس وقفت لما سمعت اسمي يتردد على لسان عواش وهي ترمس في التلفون عواش:والله شميم ، خالد محد صدقيني هاي خامس مرة تسألين ... شو .. لا محد ... شو بعد يني ويطلعلج ما تعرفين من وين ... حرام عليج ........... راح يقدم أوراقه من الصبح ما بيرد الحين يلا تعالي ... نحن بنسير نسوي فحص الجامعه ... اقولج والله أنه محد ساير من الصبح ..... وين اروح غرفته اتأكد أنا متأكدة ..... بلاج أنتي جيه عنبو ما ياكل خالد والله ما ياكل ... يلا اترياج اها يعني ما تبغي تي شميم لاني هني لاء صراحة ، وايد ماخذة مقلب بعمرها قلنا حلوة بس الحلوات وايد ، شو تخاف اتخبل عليها مشكلة اليهال ، لين الحين ما نسيت الي سوته بيه البارحه ، زين يا بنت أبوج أنا براويج ،وقفت ثواني اتأكد فيهم أن شميم طلعت من بيتهم ونزلت بعدها من الدري شفت عواش نقزت من الروع يوم شافتني عواش:خالد أنت متى رديت خالد: توني طالعتني وراحت عند التلفون : حوووووووو لا تعبين عمرج رايح أنا وبعدين شميم لين ما تي بكون رحت مافي داعي تخلينها تسبج سبتين رحت عنها وأنا أحسها جنه حد صب عليها ماي بارد ،مستغربه من وين عرفت زين يا شميم مسويه لج راس ثرج فجيت باب الصالة وأول ما فتحته شفت وحدة جدامي بعباتها وشليتها الي لافتنها بطريقة أول مرة أشوفها ، هاي الموضه اليديدة في البلاد شو .، ولابسة نظارة ابتسمت بويها وشفتها ردت لورا متروعه شما :عوذ بالله من أي قبر ظاهر شفتها بنظرة حالمه : من قبر حبج ، ترا الي يحبج مصيره القبر طالعتني وقالت بدفاشة :زين خوز عن ويهي بطوف رفعت حياتي لها :له له ، واذا ما خزت من ويهج شفتها ترفع أكمامها كنها واحد من الشباب وتشاور لي بمعنى كش يلا شما :بتقوم ولا ارويك ويهي الثاني شليت النظارة الي على ويهي وابتسمت :شميم ما اصدق ماركة نظارتج شرات ماركة نظارتي شليت النظارة من ويها شفتها انصدمت وطالعتني بغيض :ايييييييييه رد نظارتي يلست اتأمل نظارتها :ما تحسين أن هالماركة شبابيه شوي ، بس والله كل شي لايق عليك يا حلو غمزت لها وشفتها فجت عينها : ما تستحي شو ، يالس تغازلني وأنا بنت عمك فجيت عيني مستغرب : يالله يا شميم كيف تفهمين الامور وين أغازلج الله يهديج ، ثرج أنتي الا كل شي من صوبي تتحرينه اعجاب ماعليه ، ما ارومج اللوم على قلبج الي حبني شو نسوي به بعد شفتها حرجت :ايب نظارتي و زول عن ويهي خالد :تصدقين لو أن نظارتي مب يديدة جان قلت شفتيني لابسنها ،وشريتي شراتها بس اللون مختلف ، تنويه عسب محد يحس شفتها تتأفف قمت تنفست بالقو كني اروح شي : شو هالريحة ، راشة بعد نفس عطريه هههههههههه بلاج شميم وايد ذايبه وأنا ما أدري ، بعدين تعالي اذا النظارة شبابيه محد بيلاحظ أنج تقلديني بس نفس عطري ورجالي كل حد بيلاحظ شما :شوف عاد أنا صبري نفذ ابتسمت لها : صبري نفذ واليوم ثارت براكين *** مظلوم انا وباكر بتحل دعواتي شما :زين عيل اسمع عسى من بعدها ما تسمع*** اسمع دعا من صار قلبه حصاتي ادعي عسى من ناضرك ما تشوف *** وتطحن بك الايام طحن الرحاتي وعساك عوق منه ما عاد تبرى *** عوق تشافق له قلوب العداتي ويالله عسى يحتار فيك المداوين *** تبى الممات ولا يجيك المماتي ويالله عسى كف الندامه تعض *** تندم يوم انه يفوت الفواتي وتبكي دم يسيل من مقلة العين *** وتحتار امك عن عناك وتحاتي عسى ما تلاقي من له القلب تهدي *** وان هو حصل ادعي عساك الشتاتي طالعتها بعين مفتوحه :خييييييييييييييييييبه تخيب عدووووووووووووج بعدها ابتسمت لها باستهزاء : ما الومج شليت نظارتها ولبستها :شو شميم ، حلوة عليه شما :ارف خالد:اكيد عيل حلوة وشليت نظارتي ولبستها شميم انصدمت ولو أن النظارة شمسيه بس تبين أنها مصدومه فجأة فاجتني حركه شما ، مسكتني من كندورتي بالقو جنه الي جدامي عبدالرحمن مب شما طالعت كندورتي الي ماسكتني منها بصدمه وشفت ويها بس انصدمت أن شي دموع في ويها ؟؟؟؟؟؟؟؟؟ بعد ما صارت دموعي في انهمالي في النهايه جيت ارسل هالخطاب اشكرك من قلب عنده كنت غالي ابتعد ارجوك يكفيني عذاب سامية المقام |
الجــــــــــــــزء الــــسادس أخطيت يوم أني طلبتك حنانك لاصرت فاقد شي وشلون تعطيه مهما نطق لي بالمشاعر لسانك شي بدون احساس ماأقتنع فيه احساسك المصنوع خنته وخانك جاملتني به وأنت تجهل معانيه مني نصيحه تنفعك في زمانك إلا شعورك لا تبيعه ولاتشتريه بيت بوخالد شما طالعت ويه خالد بقهر ، خلاص عاد زودها كله ولا مشاعري يالس يلعب بي بعد ، والقهرأن انسان فاهمنك غلط ومب معطنك فرصة تعبر شو أنت ؟ أنا ما أحبك ما تفهم طالعني وهو مبهم صرخت من القهر ودموعي تسيل واحس رعشة تسري في جسمي كله :أنا ما أحبك ، تفهم ، ارمسك تفهم هز لي راسه بمعنى هيه وهو بعده فاتح حلجه وعينه ويطالعني باستغراب وصدمه ، شليت ايدي عن كندورته وطالعته باشمئزاز : آخر مرة تعايرني ، لان الي في بالك ماله اي اساس مب موجود فجأة تغيرت ملامحه صارت ملامح ما تنفهم على الاقل بالنسبالي هذيج اللحظة ما فهمتها قرب ايده وشل النظاره عن ويهي ، قاله بقهر :بعدددددددددد شفته ابتسم ومسح دموعي بأصابعه ورد لبسني النظارة وراح كانت ثواني ، لحظات حتى الصدمه ما ارتسمت على ويهي وما استوعبت الي صار الا بعد ما راح لحظة راح يا نااااااااااااااس ، كيف يلمسني بإي حق ، لحظة ،راح وشل معااااااااه نظارتي ولبسني نظارته ، رااااااااااح وخلا قلبي يزداد حقد عليه ليش ، ليش لما شافني ما سلم عادي وراد حاله حال راشد ، ليش متعمد يعذبني ، ليش ؟؟؟؟؟؟؟؟ دخلت الصالة وشفت عواش يالسة وأول ما طالعتني فجت عينها عواش: شميييييييم ، وصلتي ، مب جنج تأخرتي رحت ويلست على القنفه بيلستي المعتاده ، يلسة شباب تقريبا ، وطالعتها من ورا النظارة ؟ : ليش تبيني أيييييييييج من وقت ؟ شو مستوي عندكم ؟ عواش: ها ولا شي ، ما وصل الدريول ، حشا مب مشوار صديت عنها ويلست اطالع جدامي من تحت النظارة بتركيز مع أن ما كان في شي جدامي شفت عواش تقرب ويها مني شوي شوي بلاها هاي بعد صديت عليها بغيييييييييض : خيييييييييييييييييييير عواش:شمييييم ، هاي نظارة خالد شما:خبتين عليج ولا اخوج فوقج عواش:ههههههههه شو ياب نظارته عليج طالعتها بطرف عيني دون لا اصد : بتسكتين ولا بيج كف شرات الي يا لاخوج قبل شوي عواش:ههههههههههههههههه عطيتي خالد كف ، ما أصدق ، يقولون ما الحب الا للحبيب الاولي ، ما عليج لا تضايجين عمرج خالد بياخذها على أساس ضرب الحبيب زي الزبيب قمت من مكاني مصخوها هالعايله ، شوي والا مسكت ايدي عواش:خلاص خلاص يلسي توبه ما برمس سكت عنها ، ما اروم اشل النظاره من ويهي ، اخاف عواش تلاحظ أني صحت وتيلس تحن تبا تعرف السالفه ، مضطره استحمل نظارة هالخبيث على ويهي ، آآآآآآآآآه امري لله مضطرة استحمله شوي لين ما يعرس ويفكنا بعدها بيستحي يقول شي جدام حرمته ، كل الرياييل جيه دياي جدام حريمهم ؟؟؟؟؟؟؟؟؟؟؟؟؟؟؟؟؟؟مالت عليه بس !!!!!!!!!! في السيارة مبارك طالعت مبايلي ، خيبه خمسه مكالمات لم يرد عليها 4 من رقم غريب والخامس من حصيص ، رقم منو هذا يمكن في شي مهم ، ليكون حد من الشباب فيه شي دقيت اعاده اتصال للرقم الغريب مبارك:ألووو :هلا والله لحظة هذا مب صوت الي دقت أمس والله ما عندي سالفه أدق :هذي أنتي ، من أي رقم داقه اليوم بعد ، تحريت شي والله صكيت التلفون في ويها ، هاي الي ناويه تبلشني ويا حصيص صدق يوم قال حمود أخويه وحليله ، البنات هالايام ما يستحن مول ، ما اعرف من وين طالعه هاي صكرت عنها ودقيت لحصيص ، اووووف عكرت مزاجي مبارك:الو حصة :هلا وغلا ، أهلا وسهلا ، هلا بروحي ، هلا بعمري ، هلا بشيخ الشباب ، هلا بقلب حصة ابتسمت رغم أني كنت معصب قبل شوي : هلا حصيص ، جاهزة حبيبي حصة :شفيك مبارك مبارك:ماشي يلا جهزي عمرج بمر عليج بتروح لدكتورج حصة : مبارك لو متضايج ماله حايه لحظة وين راح تفكيرها هاي ، مب مضايق عسب بنروح للدكتور ،أووووف شو اقولها وحدة تحبني وتغار عليه وتصيح وادق علي وأنا رديت عليها وسمعتها امس لو أنتو تعتبرونها شي بسيط أنها دقت وكلمتني وقالت تحبني وهالخرابيط وانا صكرت في ويها أنا اعتبره شي كبير خاصه اذا كانت الانسانه الي مرتبط فيها حصيص هاي الوفيه ، كيف جيه أحس خنتها مبارك:بجتلج والله ، كيف تفكرين حصيص ، قتلها بمزح : يلا جلدي ماما لو تاخرتي بروح عنج حصة: يلا رايحه اتجهز مبارك:زين يلا بنسير مشوار بعدين سمعت صوتها مب مصدقة :والله وين مبارك:ههههه يا حبج للطلعات ، بعدين يا الفضوليه يلا خمس دقايق وأنا عندج صكرت حصيص ، ابتسمت وشفت مبايلي فيه 3 مسجات (( دخيلك بقولك بس شي واحد )) (( رد علي الله يخليك ، ليش تلفونك مشغول تكلمها )) (( مبارك بس خمس دقايق )) لا حول هاي يايه تحاسبني على حلالي ، ما أعرف أرد عليها واشوف شو تبا ولا أطبها ، اممممممممم خلا تحترق شو بتسوي يعني ، بس شو هالشي الي تباني فيه ما حسيت بعمري الا وأنا أدق الارقام بس قبل لا ادق على اتصال مسحتهم ،ولا الكون كله يخليني أخون حصة شليت المبايل وكتبت مسج (( شوفي يا بنت الناس ، لا ادقين )) بس لحظة شو هالمسج البارد مب لازم مسج شوي جامد عسب لا ادق أوووووف مسحت المسج وشفتها تتصل ، شكلي ما بخلص من هالانسانه رديت عليها مبارك :ألووووووو آمنه :هلا مبارك ، شحالك مبارك رفعت واحد من حياتي : سمعي شيختنا مب وقت شحالي وحالج قولي شو عندج عسب اقولج شو عندي وتصكرين آمنه : زين بس دخيلك اسمعني لين الآخر مبارك :زين يلا ارمسي اسمعج آمنه : أنت تحب حرمتك شوف أنت كيف تحب حرمتك وما تقدر تعيش بدونها أنا أحبك نفس الشي والله نفس الشي وأكثر بشوي شوف نفسك وقارن بحالي ما بغمضك ما بتحس بمعاناتي أنا ما ابغي منك شي والله ما ابغي اعتبرني أختك ما يخصك أنا شو اعتبرك سمعتها مستغرب : ومن وين يايبه كل هالحب من وين تعرفيني ولا مرمستني عسب تحبيني جيه لا تقوليلي من أول نظره آمنه :من أول مرة شفتك في حياتي ، ما بقولك الحين متى مع الايام بتعرف بس أنا حاولت انتحر بليله عرسك مبارك: شوووووووووو آمنه :والله ما جذب عليك مبارك: الحين شو المطلوب مني تنتحرين ولا غيره هذا شي بينج وبين ربج أنا ما يخصني اذا أنتي ما عندج ايمان ، ومب متربيه أنا شلي ، بعدين أنا منو بالله عليج الا انسان وأنتي من صوتج شكلج صغيره شو تبين فيني دوري انسان بيبادلج هالشعور ليش تبني اعلقج آمنه:أنا نصيبي جيه دخيلك أنا جيه راحتي مبارك : مب عارف شو المطلوب مني الحين ؟ آمنه : ولا شي بس اتصل فيك اخذ اخبارك بين كل فتره وفتره ما بزعجك بس بطمن عليك مبارك : زين أوكي آمنه :مشكور مبارك وايد مشكور سمعت صوتها تصيح :ماله داعي للصياح الحين اسمحيلي فداعته آمنه :الله يحفظك صكرت التلفون مستغرب كيف رضيت كيف قتلها دقيلي ، بس غمضتني شو هالحب الي تحبني ياه معقوله هالانسانه من وين تعرفني أنا هاي ابغي اعرف شو سالفتها ، أيام بس اذا جافيتها ورمستها باسلوب خايس بتغير رايها ، بس اذا ما رضيت بتزعجني بتلفوناتها عسب جيه خلا أكون حليم شوي وافتك من هالعله الي ما أعرف من وين طلعت لي ؟؟؟؟؟؟ بنشوف أخرتها وياج يا آمنه ؟؟؟ في السيارة شما شما :لحظة لحظة ، فراااااااس وقف عند بيتنا هني بنزل عواش:يلا عاد ، دلاعه مستويه ابويه قام يسأل ليش ما تين عندنا شما:أنتي جب ما يخصج ، مب مستحيه تسأل بعد ، أقول الي يباني يني ، تبيني تعالي عندنا مب كل مرة بي عندكم فجيت الباب ونزلت من السيارة شوي والا شفت عواش نزلت وراي ودخلنا بيتنا قالتلي بصوت واطي :أول مرة أشوف بويه تخاف من الابره صديت عليها :دخيييييييييييلج وقفي علي صوتج شوي خلا اذا في حد في البيت يسمع طالعتني مبتسمه : يلا انزين سيري داخل بسير بيتنا شما:لاء والله ليش نازله عيل جان نزلتني عند باب بيتكم عواش:عسب خاطرج دخلت غمزت لها:بعد شوي عبدالرحمن بي تعالي عواش:شمييييييييييم عبدالرحمن أخويييييييييييييييييييييييه ، عن النغزات عويت بوزي:زييييين روحي بيتكم انجلعي من جدامي دام ما تبين اخويه أنا ما اباج شفتها تضحك وراحت مسوده الويه دخلت الصاله شفت عبدالرحمن يالس ومعطني ظهره يطالع تلفزيون تجدمت صوبه : ليش بعد هالكاب في البيت ما صد عليه رحت صوب القنفات وانسدحت على قنفه :رفعت كم عباتي : تصدق الابره لين الحين تعورني حشا اول مرة سستر ايدها جيه ثــ.. .. ثــ خالد :ثجيله قصدج بلاج بلمتي فتحت عيني هذا خالد كيف ما نتبهت أن خالد الي يالس مب عبدالرحمن نزلت كم عبادتي وعدلت شيلتي وشليت النظاره من ويهي :أنت خالد مبتسم : هيه أنا ، ليش شليتي نظارتي كانت لايقة عليج عويت بوزي وطالعته باستخفاف :مب هذا بيتكم ، البيت الثاني ، ونظارتك ما باها وفريتها على الطاوله قام خالد وشلها ورد لبسني اياها وأنا اطالع هاللئيم باستغراب شما :حوووووووو ، وايد ماخذ راحتك خالد : مب مشكلة ، تراج حرمتي ليش ما اخذ راحتي فجيت عيني وثارت فيني براكين نسيت النظاره الي على ويهي ونسيت ابتسامته اللئيمه وقتله باندفاع شما :شو اقووووووووووووووولك زوووووووووووول احسلك ابتسم باستخفاف : شما قبل كم سنه ، تذكرين رسالتج الي طرشتيها لي مع عواش وتذكرين كيف حرقتها جدام عينج ، تذكرين شو كنتي كاتبه فيها ولد عمي ما اعرف شو اقول بس بصراحة أحبك ههههههههههههههههههه خالد: الحين يعني عسب حرقت الرساله جدامج وابتسمت ، حاقده عليه ويايه تقنعيني أنج نسيتني ، لا لاء ما اروم اصدق جذبج قمت من مكاني :حووووووووو أنت مصدق عمرك وايد ترا ، اسمع لو مافي ريال في الدنيا أنت آخر من بفكر فيه خالد: هيه اقول يلسي يلسي ، مب ميت عليج أنا قمت من مكاني ورحت عنه فوق هذا سخيف وياي يستخف دمه هني شوي وانا طالعه الدري سمعت صوت عبدالرحمن يرحب به ويقوله اسمحلنا على التأخير هيه ياي عند عبدالرحمن يعني اشوة فكه من ويه السبال خلا يظهر من بيتنا ما ابغي اشوف ويه لاء ونه حرمتي شو سالفته هذا نظرته تقولي كني كاشفنج بس هو شو كاشف فيني أنا متأكدة أن مشاعري له من زمان انمحت وبالنسبالي مجرد ولد عم شو الشي الي ماسكنه عليه هالانسان ؟؟ يلا الايام بتبين ؟؟؟ رحت حجرتي وفريت نظارته على الطاولة ، كنت ناويه اكسرها بس بعدين قلت بكسرها جدامه السبال ؟ عند باب بيت بوناصر سلطان طالعت ساعتي أوووووف الساعه ثنتين خيبه يا الحر أووووف صارلي خمس دقايق اترياها متى تي هاي رحت صوب سيارتي ووقفت عندها أووووف متى بتي هاي بعد ، بلشتنا بلشة وياها شوي والا لمحت سيارتهم يايه ، هذي مافي غير هالفرصة ، لازم أستغلها وقفت وطالعتها وهي تنزل ، يا ربي شو اسوي عسب تنتبه أني ابغي اكلمها مسكت تلفوني وحطيت السماعه على اذني: اسمع ......ابغييييييك ضروري دخيلك اتصل ، 050:!!!!!!! الرقم مب صعب ، مرة ثانيه 050:!!!!!!! :دخييييييلك شامس الموضوع ضروري خست اليوم اترياك في الشمس شفتها دخلت داخل يا ربي ان شاء الله فهمت عاد تنهدت ودخلت بيتنا ؟؟ أول ما حدرت شفت يدي يالس : مسود الويه سلطان:نعم يدي: عمامك بيون اليوم سلطان:ايييييييييهييييييييييي شو يبهم بعد بو ناصر:عيالي ويايين سلطان: مع حريمهم بوناصر:هذيل حريم عمك شو حريمهم بعد سلطان: الحين رد مب وقته بوناصر:هيه ويا عماتك سلطان:شووووووووووووو عماتي أي عمات ما احيد ابويه عنه خوات وحريم عيالك يهبن عماتي ونه عماتك ، اسمع أنا برقد فوق يا ويلك لو قلت لهم أني فوق فاهم رحت عنه ناقص أنا ؟؟ ناقص عوار راس وخقة حريمهم عنبو روحي مب متفيج اجامل حد ؟؟ سرت فوق وأنا اطالع مبايلي وابتسم متى بدق هاي ؟؟ شمسة ركضت لغرفتي وأنا ارتجف رقمه علم في بالي شو سالفته هذا شو يبا مني شو يبا ، ليش قصدني ليش قال شامس ، زين يمكن أنا ظالمتنه وربيعه اسمه شامس زين ليش يعلي صوته ، ليش كان يطالعني ، نظرته غريبه شو فيه غير هذا الانسان ،شو يبا مني بالضبط أنا عمري ما خنت هلي وكل تفكيري أني بحب الانسان الي برتبط فيه والحين شو يبا مني هذا ، وليش واقف في الشمس ، ليش لحظة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ قال خست اليوم اترياك ، لو ربييعه ليش ما بيكلمه الا تحت الشمس ليش ؟ يعني مثلا ماشي ارسال داخل بيتهم مستحيل ، مستحيل أكيد في ، أووووووووف ، بشو يباني ؟؟ أنا ما اقدر أدقله لو شو ما أقدر أدقله ، ما اقدر ، بس يمكن يباني بموضوع ضروري ، وشو هالموضوع الضروري هو ما قال يباني أنا يالسة اتهيأ ، وافكر بالي اباه ، أنا اليوم العصر بسأل أمي عنهم أبغي أعرف منو هذيل ، وشو سالفتهم ويانا ، اليد مثلا كان يحب أمي ورفضته وياي حفيده ينتقم مني الحين ، بس أنا شو يخصني ، لو امي ما بغت يده ، صدق أنا مخي كبير وتخيلاتي واسعه شو هالخرابيط الي يالسة أقولها ما أصدق ما اصدق أن هالانسان هالويه البرئ ممكن يخون ممكن يجذب ممكن يلعب شكله كتكوت ، بس داخله شو شو يا رب ، الله وحده يعلم ؟؟؟ ما أدري ، ان شاء الله ما اتهور وادق له ؟ في الشارع هزاع طالعت الشارع بضيج أوووووووووف ويا هالزحمة الي مب راضيه تخلص ، تذكرت فطيم ، شو السالفه بلاها فطيم اليوم ؟ وقفت عن الاشارة الحمرا وتذكرت لما اتصلت فيها هزاع:الوووووووو فطيم:عله هزاع:خيبه بلاج فطيم: شو تبا هزاع: أقول يمكن أتغدى في شقتي فطيم:انقلع وصكت التلفون في ويهي غريبه دومها فطيم مزاجها بارد ليش حسيتها اليوم مقهورة يا ناس أول مرة احس هالانسانه منفعله ومقهورة عسب جيه خايف ليكون تخبلت ، شو تتخبل من وين بحصل وحدة شراتها بعدين وحدة مريحتني ليكون قامت تغار وتحس شرات باقي الحريم آآآآآآآآآآآه شو هالورطه تغار يعني تحاسبني يعني بروح وطي يا ربي أنا كنت مرتاح واحمد ربي كل يوم على هالحرمه الي مرتاح وياها وبارده الحين عرفت قدر برودها الي كنت اتشكى منه واحذر شر الحليم اذا غضب ، بس شو الي مخلنها محرجه جيه دخيلج فطيم دخيلج أي شي ولا تصيرين شرات باقي الحريم يا رب لا تغيرها عليه لا تغيرها عليه يا رب ، خلها جيه بارده بلعت ريجي لما حسيت عمري في الجاراج وصلت أووووووف نزلت من السيارة ودخلت البيت وأول ما دخلت انصدمت من الي شفته معقوله هاي الي جدامي فطيم ، خييييييييييييييييبه شو مستوي ؟؟؟ حركت بعيني على الصاله شفتها منعفسه وسالم يالس يلعب بمخدات الي على القنفات وعاقنهم كلهم تحت وياكل كافي وموصخ عمره وفطيم يالسه فوق ولا لها مزاج لحد شكلها ومب مفتكره بالمكان ولا بسالم ، غريبه قلت بلهجه مستغربه جني بقره شايفه حريجه وأنا فاج عيني و بصوت عالي : لاء دخيلكم لا تقولون ،وش هالذي عيني تشوفه ، في حلم أنا ولا في علم ، لاء ما اصدق بيتنا هذا لاء لاء ، داخل بيت غلط الظاهر ، يا ناس هذا بيت فطيم ، فطيم كيف يالسة والمخدات على الارض ولا المصيبه كلها سالم موصخ عمره ويالسه عادي ، يالله كبيرة عند ربج أنتي فطيم لاء لاء ما اصدق شو صاير في الدنيا ، ههههههههههههههههههههههههههههههه ، شو الحاله النفسيه ووسواس النظافه بعدها ما ظهرت ، زيران النظامه الي عندج بعدهم شفتها طالعتني وجنه براكين تفور من عينها غمضت عينها واستغفرت وصدت الصوب الثاني فجيت عيني : شو هذا معصبه خير شو مستوي في البلاد ، قمتي تحسين يعني شرات باقي الناس ، وتنفعلين وتعصبين رحت صوبها بسرعه ومسكت ايدها وقربتها من عيني: الحين بتقنعيني أن هالوريد فيه دم يعني فيج دم شرات الناس وتحسين وتعصبين يعني مب بارده سحبت ايدها بقوه وطالعتني : أنت شو ما تحس مافيك احساس ما يايبلي الا ويع الراس ، عنبوك سير شوف الريايييييييييل واتعلم ، ثلاث وشددت الكلمه وقالت بغيض : ثلاثـــــــــــــــــــــــــــــــــه يايني اليوم البيت عشان حرمه، ولا حرمه ما تسوى وانت آآآآآآآآآآآآآآآآآه منك ومن أرفك فجيت عيني : شوووووووووو أي رياييييييييييييييييل طالعتني بغيض : تخيل تخيل هزاع ، حارب ، ونصووووووور وابويه حتى ابويه تنهدت براحه وتساندت على القنفه :دخيلج حارب أخوج والثاني أبوج وناصر عمج وعمي مب يعني أنه بسنا تقولين نصوووووور متى بتعقلين انتي ، ووينه ليش ما قربتي بهم ما تريوا لين الغدا فطيم : شوووووووووو تباني اقرب بهم بعد عويت بوزي :خير شو مستوي فطيم بغيض وألم وقهر : تخيل شو يايين يبون ، تخيل ثلاثه يا هزاع استلموني هزاع:ههههههههه فطيم ، صح ثلاثه بس متأكد غسلتيهم غساااااااااال ،فطيم ما اعرف لسانج أنا فطيم:طالعتني بقهر : اسمع ادق الحين لحارب وتقوله حرمتي ما بتروح وياكم هزاع:شوووووووو ، لا ابويه انا ما يخصني بينج وبين اخوج ، طلعيني من هالمواضيع بعدين ابوج في السالفه يعني تبين عمي يزعل عليه فطيم : مب مهم هزاع : فطيم أنا ريال شاري مخي طلعيني من هالسالفه اوكي قامت جدامي بغيض وهي تحط ايدها على خصرها :لاء والله هي 3 يايييييين يدافعون عنها وأنا مب محصله واحد سوتلي بيدها مالت عليك فجيت عيني اطالعها :ههههههههههههههه زين قوليلي شو السالفه يلست بغيض :كل السالفه يبوني اعتذرمن حرمه ناصر ولا شوف ناصر يايب ابويه وحارب عسب شو ما اقوله لاء أنا الحين اسير لين بيتها واعتذر منها هالطيطاره هزاع:ههههههههههههههههههههههههههههههههههههههههههههه ههههههههه ، فطيم شو هالتشبيهات دخيلج ، ونه طيطارة هاي حرمه عمنا عيب عليج فطيم:روح عنا زين هزاع:لش أنتي شو مسويه ، شو قايله لها فطيم:أنا مب قايله لها شي هي تعق رمسه والي يدق الباب يلقى الجواب هزاع: يعني السالفه كلها من ورا حرييييييييييم ، زين انتي خليج اعقل منها وروحي صدقيني بتكبرين بعين الكل فطيم : لو تموت جدامي ما اعتذر منها ، هاي يايه تخق علي أنا هزع قتلها وأنا افج عيني : شوووووووو لاء لاء كيف تخق عليج أنتي ام الخقه كلها ما عنها سالفه تخق علييييييج جييييييه هيه منو أنتي فطييييييييم والاجر على الله طالعتني بقهرو نقعت من الضحك عليها فطيم:قول كلمه خير أو اسكت هزاع ابتسمت : زين شو تبين اسوي فطيم :ادق لحارب وتقوله انا ما ابغي حرمتي تروح ، ودام ريل بنتهم الي شورها عنده ما رضى محد يقدر يقولي روحي وأنت من راضي هزاع لويت على جتفها وقربتها مني : زين يا ام سالم هاي كل السالفه ،أنا الحين بدق لحارب وبقول أني مب راضي تروحين بيت ناصر تعتذرين لحرمته مستانسه جيه شفتها تشققت : هيه هزاع : كله ولا زعلج عاد ، أنتي الغاليه ،أنتي الساس ،أنتي أم العيال ،أنتي ستري وغطاي وغمزت لها شليت تلفوني ودقيت على الارقام وانا أطالعها مبتسم هزاع:ألوووووووووووووووو مرحبا الساااااااااااااع ، هلا حارب .......... شو هالكلام الي سمعته ........لاء لاء أنا زعلان بالقو بعد ..... كيف تون لين البيت وتعبون عماركم ............جان دقيتوا تلفون واحد وأنا بكبري بيييييييييييب فطيم لين عندكم ............. جيه أنا ما اعرفها فطيم اعرفها ويا لسانها الطويل ..........لاء لاء وحليلها حرمه ناصر محشومه تلاقيها هي الي بدت وتحرشت فيها .............شو انا بيبها تعتذر لها غصبن عنها بعد .......... هيه كله ولا حرمه ناصر .......... ما حسيت الا بفطيم ماسكتني من رقبتي وقالت بغيض :هزااااااااااااااااااااااااع لا تظن إني بصدك محتسب لا وربي الكون ما اتبع ثراك لا تحرا عاد به رد وعتب إنتهى كل شي وانهيته معااااك~~ |
الــــبارت الــــسابع آآآه منك منقهر ولا بقا عندي صبر لا تبرر لي خطاك ما أبي أسمع عذر روح انساني خلاص وقول فرقنا القدر بيت هزاع هزاع ما حسيت الا بفطيم ماسكتني من رقبتي وقالت بغيض :هزااااااااااااااااااااااااع هزاع:هههههههههههههههه اجذب عليج ما دقيت والله ها شوفي راويتها التلفون وشفتها تطالعني بقهر ، شوي شوي قامت تهدا نقعت من الضحك :ههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههه شفتها ابتعدت وطالعتني مستغربه بس أنا ما قدرت طالعت ويها الي والع من الغيض وفيه علامات استفهام كنها تقول شو يضحك الحين بعد الي سويته بس أنا طحت على الارض من الضحك شوي والا اعتدلت في يلستي :احم احم هههههه فطيم طالعتني مستغربه : احلف ما دقيت هزاع:هههههههههه والله ما دقيت ناولتها التلفون: ها شوفي فطيم وهي مب مصدقه وتطالع التلفون : يعني ما قتله الكلام ايل سمعته صح يالله فطيم بتموت لو حد هان كرامتها لو شوي كيف خقاقه هالانسانه هزاع: هدي فطيم ما دقيت شفتها قامت تتنفس بقوه كنها تبا تكتم الغيض يلست على طرف القنفه وطالعتني بقهر :وهذا وقته تستخف دمك ، حسيت قلبي وقف هزاع:خخخخخخ سلامه قلبج لا شو يوقف يعني تموتين وين بحصل حرمه شراتج بعدين فطيم: الحين دق ، يلا خلصني بس لو قتله هالكلام بييب السجين وبغرسه في بطنك هزاع:ههههههه زين زين خففي من هالكلام العنيف أخاف ولدي ولا بنتي الي في بطنج يطلع عنيف طالعتني بغيض مكتوم ابتسمت على ويها ودقيت لحارب هالمرة صدق فطيم طالعت ويه هالانسان كيف بارد وما فيه احساس وقته الحين يستخف دمه وانا حالتي لله ونه ظريف مالت عليه ولا دمه شفته يدق للارقام قرب التلفون لي يراويني مكتوب حارب هزاع:ألو مرحبا لساع ، هلا وغلا حارب ، شو ياييين عندنا اليوم ؟؟............ هيه ما تريتوا للغدا ...... المهم مب هذا موضوعنا .... شوف حارب ناصر غالي عندي وعمي ولو فطيم غلطت عليه هو جان صدقني ما برضى بس أنها غلطت على حرمته وتودونها لين هناك طالعته شو يقول هذا غرصته من ايدي وقلت بصوت خفيف : ما غلطت طالعتني وهو يهز راسه ويبتسم : ماعلي حارب هاي سوالف حريم وصارت بين الحريم ماله داعي نحن ندخل فيها ...... أنت على عيني وييتك على عيني بس اسمحولي حرمتي ما بتروح ...... أبغي اصلح بينهم بس ليش ما حرمه ناصر هي الي تي هزيت له راسي موافقه على كلامه : صح ليش هي ما تي شفته يضحك : خلاص حارب غير هالرمسة ما عندي ........ واستسمح من عمي .......... يلا فداعته طالعني : لو زعلوا عليه أهلج بهواج فطيم : خلا يزعلون شو تبا بهم هزيت راسي :الله يعينج الحين لو سرتي مب جان فكيتنا من لسانهم فطيم:أنا اسير لهاي ولو تموت جدامي ما اعتذر لها طالعني بمكر :عاد فطيم كل شي وله مقابل في هالدنيا ، صح رصصت عيني وقلت باستهزاء :ادري ، بتطلب مقابل قول شو تبا هزاع: ابغي اسافر ، ويا حرمتي دندون جيه يعني سفره خفيفه قبل رمضان فطيم : هذوه الدرب ربي يحفظك هزاع : زين ترا انا قلت لو ابويه يعني قال عنج وانتي حامل فطيم: ما عليك ما بقول لحد أنك مسافر هزاع :فديتج ويقولون لي كيف عايش وياج تراج ملاك تعرفين شو ملااااااااااك كيف مريحتني أنتي فطيم: غريبه احيدك تسافر قبل ولادتي ، اذا سافرت الحين موعد ولادتي بتكون هني هزاع: لاء هالمرة بحضر ولادتج ، المرة الي فاتت سافرت فيها ، هالمرة عندي حل بغلق تلفوني ، عسب مب كل شوي حد يدق ويتصل ويبارك وذا حشا ، بس بتم مشكلة وحدة ، أنتي فطيم : لا تخاف من صوبي ما ابغي شي هزاع: لاء أي عندكم اسلم عليج كل يومين فجيت عيني :شووووووو وليش كل يومين ما يحتاي أنا بقولهم أنك يييييت بس دخيلك فكني شفته ابتسم براحه وطرشلي بوسه في الهوا ورا ح طالعته وهو يروح ، خلا يسافر مب مهم عنديه ، المهم أنه سوا الي ابغيه ، وما بعتذر منها ، يالله كيف اكرها هالانسانه مسويه عمرها ملاك وهي من هناك الشيطان بكبره ، عوذ بالله ؟؟؟ الساعه : 4 الظهر سيارة مبارك حصة كيف يهنالك منام وأنت ظالم في الغرام بعت حبي يا حرام من بعد عشرة عمر~~ طالعت ويه مبارك الجامد وشفته كيف راص على السكان شفيه اليوم مب طبيعي حصة : حبيبي صد عليه مستغرب :همممم ، فيج شي حصة : لاء بس اشوفك ساكت ابتسم لي بحنان : اريحج من صوتي الا تعالي ، بلاه هالدكتور ما عيبني مول حصة : مافي غيره فج عينه : يالله مافي غيره ، كيف يعني ماشي حريم أنا ما ابغي دكتور ريال حصة: هذا الي عنده العلاج لحالتنا شفته تنهد وسكت مديت ايدي ورصيت على ايده : وين بتوديني طالعني مستغرب : ليش وين كنت واعدنج فجيت عيني : بروووووووووووك مبارك :هههههههههههه ، بنسير نتغدا برع بما أن حضرتج يلستينا عند الدكتور صارلنا 3 ساعات ابتسمت له : زين ، أصلا ما اشتهي ارد البيت ،أصلا مب يوعانه ما ابغي اكل بس برايه بيلس وياك أنت كل رن مبايلي في هاللحظة فما رد عليه مبارك طلعت مبايلي من الشنطه وابتسمت : توأم روحي مبارك : لا اله الا الله رديت بسرعه : هلا وغلا بغناتي صد عليه مبارك يطالعني وكأن الوضع مب عايبنه ، ومب سوء حظي أن نحن عند الاشاره فربع ايده ويلس يطالعني حصة : هلا فديتج ، بخير الحمدالله شحالج أنتي توأم روحي : بخير يعلج الخير ، وينج بعدها فج الثلاجة الي في النص وطلع ماي وياي يشربه حصة : أنا ويا مبارك ،الا صح أموووون ما وحالي اكمل الكلمه الا مبارك غص حصة : بسم الله حبيبي اشفيك بلع ريجه وطالعني : كح كح ها ماشي ، يلا قريب بنوصل رمسيها خلاف حصة :موني سمعتيه آمنه : هيه ريلج هذا ، الله يعينج بس حصة :هههههههههه حرام عليج شفت مبارك يطالعني بطرف عينه كنه عرف أني أرمس عنه آمنه : يلا ارمسج خلاف حصة : فداعته حبيبتي آمنه : الله يحفظج شوي والا بمبارك مبركن السيارة طالعت المكان : مبارك ، يايبنا البحر ابتسم لي : هيه ، يلا نزلي حصة : في هالحر مبارك : هيه شعرفج في الرومنسيه هالايام الرومنسيه ، تقول كلام حلو وأنت تعرق حصة : ههههههههه دخيلك أنت فجيت باب السيارة ونزلت : مبارك شو بتاكل هني مبارك : ما باكل شي ، باكل رمل شالراي حصة :هههههههههه تسوي خير ، ما قتلي انك تحب الرمل ، جان ما تعبت عمري كل يوم وطبخت ، يبتلك رمل طالعني بطرف عينه ومسكني من ايدي وسحبني صوبه : اييييييييييييه وين تبا مبارك : شو وين ابا حرمتي تمشيت وياه وهو لاوي على جتفي حسيت شوي بخجل صح المكان ما فيه حد ونادر ما تلاقي حد يمشي خاصه أن ظهر وحر بس بعد نحن في مكان مفتوح وممكن أي حد يمر رحنا صوب البحر ويلسنا على الرمل شفت مبارك يطالع البحر ، شفتو نظره الانسان المهموم ، هاي كانت نظرته ، بس ليش ؟؟ ما أعرف ؟؟ مبارك : هالبحر بشو يذكرج ابتسمت وهالمرة تقربت منه ونسيت حياي وحطيت راسي على جتفه : امممممم فيك ، تراك شراته غدار صد عليه وقال بجديه : أنا مب غدار أنا احبج استغربت رده فعله الجديه وايد وطالعته مستغربه : امزح وياك حبيبي ابتسم لي ورد طالع البحر نظرته غريبه ما فهمتها مبارك روح وانساني خلاص وقول فرقنا القدر~~ ياما دللتلك دلال واعتبرت أنك مثال ~~ طالعت البحر وأنا مضايج ، ليكون هاي آمنه تلعب على الحبلين ليكون قالت لحصة ، يا ربي مب ممكن تكون هاي ربيعتها آمنه وحصة مطرشتنها تختبرني عيل ليش تقولي غدار بنفس اليوم الي كلمتني فيه آمنه ووافقت تكلمني كل فتره وتاخذ اخباري ، يا ربي ارحمني ما اعرف الي اسويه صح ولا غلط ، يمكن شفقت عليها ، بس الانسان الي بيفكر مجرد تفكير يخرب بيني وبين حصة عادي مب الا احرق قلبه عادي اخد قلبه على الارض وادوسه بالسيارة رايح ياي هاي حصيص هاي الغناه حطيت راسي على راسها الي متساند على جتفي : حر حصيص حصة : ههههههه أنت يايبنا مبارك :يايبنج عسب اقولج كلام حلو عند البحر ، عسب تخقين أن ريلج رومنسي شلت راسها ويلست جدامي وتربعت : مبارك عاد بليل ايبني وفي قمر والجو شوي حلو ، مب الحين مبارك :هههههههههههههه ، اوكي بنيلس لين بليل لين ما يطلع القمر عسب اقولج كلام حلو ، شرايج ابتسمت لي بمتعه وطالعتني : صدق لين بليل ، بنتعب قلتلها بحماس :أنا ما بتعب ابتسمت لي بدلع وصدت صوب البحر : آآآآآآآآآآآآه دخيلج كله ولا هالدلع لا تخليني اتهور حصة : هههههههههههههههههههه يت حصة وقعدت حذالي بغيت اصد لها بس سمعت تلفوني يرن لما طلعته من مخباي شفت رقم آمنه حطيته صامت وحطيته بمخباي شوي والا وصلني مسج فتحت المسج (( لاء والله ليش حطيته صامت ، ولا عشان يالس وياها ، ماعلي البحر وايد حلو وياها )) طالعت المسج مستغرب يعني هي هني تشوفني تلفت حولي مافي حد غيرنا رديت طالعت البحر ، لحظة ليكون في وحدة من السيايييير وهالمسج شو ان شاء الله ، تهديد ، ولا تحاسبني ولا شو ، منو هاي بتخبركم ، ياي تحاسبني على شو على حلالي ، زين ماعيل يا آمنه أنا براويج ، لحظة حصة ما قالت لربيعتها آمنه انا في البحر يعني مب حصة الي مطرشتنها يعني هاي مب ربيعتها ، يعني السالفه الي قالتها صدق هاي تحبني ، حبها برص ان شاء الله صديت صوب حصيص ، يا ترى أي سيارة هي الحين تقربت من حصة بسرعه وطبعت بوسه طويله على خدها ، شفت ويه حصة ينكمش حصة : ايه مبارك ، شو تسوي تخبلت مبارك : هههههههههه بلاج الا بوسه بريئة ان شاء الله شافت لويت على جتف حصيص وابتسمت : خلا العواذل يموتون حصيص طالعتني حصة مستغربه : مبارك أي عواذل مبارك : ماعليج سمعت صوت المسج وابتسمت الصراحة طلعت مني ضحكه خفيفه وخلت حصة تطالعني باستغراب استانست تأكدت أنها شافت شليت مبايلي وفتحت المسج (( لا تخليني انزل اجتلها الحين ))طالعت المسج صراحة حرجت طرشت مسج لها (( لو تموتييييييييييييييييييييييييييييييين جان فيج خير ولا في أمج خير انزلي أشوف )) طالعت حصيص : قومي غناتي شرايج نسبح حصة :شو أي نسبح ن تباني انزل بالعباه مبارك : لاء عيل بشو بتنزلين ، شو تتحرين ريلج ، يلا قومي لا تخليني افرج في البحر حصة : مبارك عاد ، اليوم شفيك تخبلت مبارك :هيه من زمان متخبل أنا طالعتها وبحركه سريعه طبعت بوسه على يبهتا وخدها اليمين وخدها اليسار دزتني حصة من صدري : حوووووووووو بلاك مبارك نحن مب في البيت مبارك : هههههههههههههههههههههههههه ، حصيص يلا نروح البيت ، بردج بليل حصة : قلت بتم لين بليل ما يخصني مبارك : هههههههههههه زين خلاص برايج بنتم ولا تزعلين مديت ريلي على الرمل يومنا اليوم طويل ، ما نروم نكسر بخاطر الشيخة حصة طلعت مبايلي من مخباي وغلقته ويلست اسولف ويا حصيص وأنا اتأمل الليل يطلع بسرعه عسب تشوف القمر ونرد ؟؟؟؟؟؟؟؟؟؟؟؟؟ بيت ميرة شمسة انجلبت الصوب الثاني وأنا اتافف أوووووووف ويا هالنوم الي مجافني اليوم ، معني راده من الدوام هلكانه أبغي ارقد ، الله يسامحك يا سلطان صديت صوب الساعه الي على الطاولة الي عند الشبريه أووووووف 5 ونص قمت من الشبريه ورحت اتغسل ، اممممممممم طالعت ويهي في المنظره وايد اشبه أمي يعني ، لو أن شعري أنا اسود فحمي وشعر أمي مايل للبني الفاتح لكنا توأم ، طبعا مع فارق السن الواضح نزلت تحت وشفت أمي يالسة تطالع تلفزيون رحت يلست عندها وصبيت لعمري جاي حمر يلست وحطيت ريل على ريل ، لازم أكون واثقة من عمري لما ارمسها عسب لا تشك شمسة : أمايه يسلم عليج ريال صدت صوبي : ريال منو هالريال شمسة : يارنا ميرة: يالله مداج تتعرفين على اليران ، بعدين مسوده الويه شو مودنج عند الريال شمسه : لاء ريال عود شافني ذاك اليوم وسلم عليه وتعرفين سولف شوي تعرفين حركات الشياب عوت بوزها وطالعتني بطرف عينها : الله يسلمه طالعتها وأنا اركز على ملامح ويها : يقول يعرفج ، وسلم عليج سلامن كثير ، حتى أول ما شافني تحراني أنتي صدت لي بدون اهتمام : ومنو هالريال ، ما قال اسمه ركزت كثر ماتتخيلون ، تعرفون الي سهران طول الليل يذاكر وثاني يوم يقولون هذا امتحانك ما بتعيد السؤال غير مره وحدة كيف يركز ويسمع السؤال بكل حواسه أنا ركزت كل حواسي النظريه والحسيه والسمعيه حتى اللمسيه كانت شغاله وقلت لامي شمسة: حميد غانم ال.......... شفت ويه امي تغير وبلعت ريجها وطالعتني مستغربه : منو قلتي اسمه عدت الاسم وأنا هالمرة مصدومه كل شكوكي في محلها كان بينهم شي قلت وانا اصد الصوب الثاني بعتب : حميد غانم ال... شفت أمي طالعتني : وشو وداج عنده ،آخر مرة تروحين صوبه فاهمه شمسه : ليش وحليله ريال طيب ، بعدين هو ما عنده حد في البيت ميرة : حرمته بالبيت وما ابغي تعرفج ولا تسمع اسمج ما فيني انا على عوار الراس اخر عمري انصدمت لاء انصعقت من كلامها : أمايه حرمته ماتت ارتاحي طالعتني كنها متلومه أول مرة في حياتي أشوف أم جيه متلومه من بنتها ، الا في حياتي ما ظني بشوف ، غريبه ، هاي أمايه ميرة معقوله ، دخيلك يا ربي لا تصدمني في أمي شمسة : كان خطيبج ميرة :شوووووووووووو ، لاء ما كان خطيبي كملت أمي الرمسة : شمسه ، هالسالفه ما ابغيها تنطرى في بيتي فاهمه ، لا هالسالفه ، ولا اسم ولا سيرة هالريال ، واذا فكرتي مجرد تفكير أنج تروحين عنده ، هيه لا تطالعيني جيه أعرفج ، بحش ريولج حش أنتي مب صغيره الحين اعقلي ، قامت أمي من مكانها راقبتها الفرق بيت امي وهالريال الي هو بوناصر كبير يعني أظن لما كانت أمي 10 يمكن كان هو 25 خلا نحسب 25-10يساوي فرق 15 سنه نقول عرس بوناصر وهو 15 وياب ولد ولما ولده صار عمره 15 سنه صار عمر بوناصر 30 وعمر امي 15 لما ولده 20 امايه بتكون أكيد 20 يعني قد ولده اذا ولده ابو سلطان من عمر امي اكيد بيكون له ولد من عمري ودام انه عرس قبل امي اكيد ولده بيكون اكبر مني بكم سنه وهو سلطان يعني جيه السالفه اوكي عمره 35 أمايه 20 أمي قالتلي أول واحد خطبها كانت في العشرينات يعني هو مافي غيره هو 35 وهي 20 هاي السالفه شفتوا شو فايده دراستي الجامعه ادرس محاسبه على الفاضي ، هههههه ويت شو يضحك أنا توني مستغثه ، خلا افكر شوي شو سالفتهم كانوا يحبون بعض واهلها رفضوه لانه كبير ، ولا لانه متزوج ، ولا هو كان يحبها وهي تشوفه مثل ابوها ، يا ربي راسي مفتر بس تأكدوا دوم الي في بالي يكون صح فثقوا بكلامي توقعاتي صح تساندت على الكرسي : اممممممممم سلطان ، شو سالفته سلطان ليش عايش ويا يده ، امه وابوه وين عايشين داخل بس ما جد شفت حد ، ولا سمعت حس حد أنا شكلي يبالي يلسة مطوله ويا امي لو ما رضت ترمس ماشي غير بوناصر وهي بهواها يا ترمس يا بضطر ارضي فضولي بأني اساله ؟؟؟؟؟ تنهدت وطالعت الصاله الي فاضيه مافيها حد ؟؟؟؟الله يعني فضولي وين بيوصلني ؟؟؟ بيت بو ناصر سلطان قمت من النوم وأنا أحس عمريه مصدع أووووف الساعه كم ؟؟؟ شفت الساعه الي حذالي ست ونص ، محاظرتي مب جنها ثمان ونص ايهي قمت وأنا متنرفز لحظة هذيل راحوا ولا بعدهم تجدمت قبل لا اسوي أي شي وفتحت الباب وقربت صوب الدري سمعت اصوات شو هذيل ما يحسون ، شو هالزيارة الثجيله وايد طولوا ما يدانون يدي ولا يون الا في الشهر مرة بس يوم يوووووون شو يوديهم اففففف منهم لحظة شمسه رحت صوب المبايل شفت في مسكول بس لما فتحت شفت من رقم تلفون يدي شو هالحركات بعد ليش داق ، عسب انزل لهم فاضي هذا بعد رحت الحمام عزكم الله وتسبحت ، طلعت وأنا انشف ويهي بالفوده رحت مرة ثانيه صوب المبايل على وعسى تكون دقت بهالوقت بس للأسف مافي شي ، ماعلي يا شمسه تتغلين ونج ، أن ما خليتج ادقين بعدين وتحترقين وتنتظرين أني ارد زود عن الي يالس انتظرج فيه تنهدت ورحت اغير ثيابي ، منو بيكون تحت الحين عمي حمد وعمي حميد وحريمهم وعيالهم بس كأنهم وايييييييييديييييييييييين كأنهم الا اكيييييييد وايديييييييييين عوذ بالله من هالناس ما تستحي ، الزياره ساعه كم تامين هذيل ليكون ناوين يباتون بعد ؟؟؟؟؟؟؟ تعصمت بغترتي وشليت لابتوبي ونزلت تحت أول ما وصلت الصاله شفت الانظار كلها يت صوبي سلطان : السلام عليكم الكل : وعليكم السلاام رحت صوب يدي وبسته على راسه على الاقل جدامهم سلمت على عمامي بالمثل ويلست على القنفه مب خوفن منهم والله ، لكن عسب ما يزيدن بالرمسه عليه ، وخاصه حريمهن ، عسب يشوفني زين لان لو ما كنت زين مع يدي وعمامي يفرحن هالشي وانا اسمحولي ما اعرف اسوي شي افرح فيه حد عسب جيه بكون زين ويا يدي على الاقل جدامهن يلست على القنفه سمعت يدي : الله يرضى عليك ، بتروح الجامعه صديت عليه : هيه بروح بعد شوي حرمه عمي حميد : قومي مويز صبي لولد عمج جاي ولا قهوة طالعتها باستخفاف هذا بيتنا اظني ، صديت صوب مويز الي يقولون عنها شفتها يالسة عندي الظاهر أني يلست على القنفه ومب منتبه منو يالس فيها صديت صوبها : ليت تصبين جاي موزه : ان شاء الله قامت صبت لي جاي وناولتني وردت مكانها ، استغربت ليش محمره عنبو ليكون تستحي مني صديت الصوب الثاني وأنا اعوي بوزي مرت عمي حميد : أي جامعه انت سلطان طالعتها هاي محد غيرها الفضوليه شو تبا فيني مليون سؤال بتسأل أم المناكر : جامعه الــ؟؟؟؟ طالعتني باستهزاء : هيه حرمه عمي حميد : حذال جامعتكم موزة : موزة : هيه امايه صديت صوب موزة : ليش أي جامعه انتي موزة : زايد حرمه عمي حميد : وبعدك هندسة ولا غيرت قلت وأنا احط الجاي على الطاولة الي جدامي : لا بعدني ادرس هندسة قمت من مكاني : استرخصكم أنا عيل بوناصر : زين الله يحفظك طلعت وانا ابتسم ، بالعاده نفاد ينفدك ، محترم يدي يوم يوووون وهاي الفضوليه شو تبى بي هالقد اساله ، ولا ونه غيرت تخصصي عنبو كل الناس الحين يدرسون هندسه مستكثره عليه ليش ادرس صدق حريم شو تبين انتي ادرس ببيزات يدي مب بيزات ابوج ، ويدي الا فتره وبعدها بيروح و بتحوشون على كل شي ، مستعيله على شو هاي ؟؟ يالله تعيني ؟؟ ابتسمت باستهزاء مستكثره عليه اأمن عمريه بشهاده بعد ، يالله كيف حسودين وما يبولي الخير ، شو هالعالم ؟؟؟ الساعه 7:50 مساءاَ على البحر مبارك حسيت بايد حصيص سرحت شوي في البحر ، بعد ما رديت من صلاة المغرب الي صليتها في المسيد الي حذال البحر ، والظاهر سرحت وايد مب شوي حصة : ههههههههههههه مبارك نمت شو يلست عدل في مكاني بما أني ميلسنها مكان بعيد شوي ما كان فيه ناس وايديدن معن الناس بدوا يون بس الجهه الثانيه والي يمر في حاله محد يصد لحد هالايام يعني لو مب حصيص وياي جان رقدت ومحد قالي ليش راقد ، الا جان يو وقالولي تشوه المنظر العام ؟؟ ابتسمت وشفت حصيص : ساعه كم حصة : ثمان صديت صوبها : خافي ربج فيني عنبو حصة : ما انتبهت انها بدت تظلم طالعت المكان : هيه والله صديت للسما وقلت بسرعه : هذووووووه القمر ، حصيص انا أحبج ، يلا قومي نروح البيت حصة : هههههههههههه مبارك وايد عليك هذا الي قدرت عليه مبارك : حصة عيزت عنبو من العصر يلا ، سرينا قمت وشفتها يالسه تطالعني حصة : يالسين كل هذا وتقولي نروح خلا نتعشا هني فجيت عيني : لاء والله ، حصيص تعبت طالع من الدوام ويلسه عند الدكتور ويلسه وياج تشوفين القمر ، بعد شوي بيأذن العشا حصة : هذوه المسيد روح صل شرات العصر والمغرب صليت ورديت مبارك : العصر والمغرب رديت لان قمرج ما ظهر الحين شفتيه ، شفتها عوت بوزها وقامت رفعت واحد من حياتي : بعد مب عايبنج حرم مبارك ، يلا يلا ابتسمت في داخلي على حصيص ، بس وقفت نص الطريج وصديت صوبها شفتها طالعتني مستغربه مبارك : شوفي القمر ،انتي أحلى منه حصة : ههههههه تحاول تقول كلام حلو ابتسمت لها : شو بلاه كلامي ما يا جدام عينج ميلسنج لين ما تشوفين القمر وقتلج هالكلمتين ، ما بيظهر مني زود في هالمود ، وهالجو أووووف هلاك ابتسمت لي ومشت ومشيت وياها رايحين البيت صراحة بصلي العشا وبرقد ما اقدر ، تعبت اليوم ، هلكت الا ؟؟؟ بيت بو عبدالرحمن شما يلست وأنا حاطه ريل على ريل وجدامي صحن فيه فراخ ومج ( كوب كبير ) متروس بيبسي ، كيف لا تسألون هذا المج مخصصتنه للاشياء البارده ما حسيت الا بواحد يدفر ريلي بايده ويمشي شما : حوووووووو عبدالرحمن عبدالرحمن : مليون مرة اقولج نزلي ريلج ، شو واحد من الشباب انتي شما : أـووووووووف كملت الفلم الي اطالعه وأنا ساكته لو رديت بيسوي لي سالفه شفته يطالعني بتدقيق ، يا ربي بيبدا الحين عبدالرحمن : مضاربه ويا عواش ابتسمت وصديت له : أشوفك تسأل عنها طالعني باستغراب : ما سألت عنها شما : عيل عبدالرحمن :اسأل عنج انتي ، ما تروحين بيتهم الحين طالعته وقتله بتهور : ولا بروح طالعني مستغرب : ليش شو اقولك الحين اخ منك يا لساني لازم ترمس :آآآآآآآه ماشي بس دوم أنا الي اسير خلا هي تي طاللعني باستهزاء : سوالف يهال يعني طالعته بمكر : ليش ، انا ابغي اضبطك فج عينه وقالي وهو يسوي عمره متفاجئ : له له ، وليش بشو بتضبطيني طنشت مصخرته وغمزت له : ويا عواش شفته طالعني بضيج وقال : شمييييييييم ،أنتي صاحيه شما : بلاها عواش عبدالرحمن : أي وحدة الا عواش طالعته وأنا معقده حياتي : لاء والله عبدالرحمن : أنا من قبل اشوفها اختي ، والحين بعد ما عرفت انها كانت ترمس واحد مستحيييييييييييييييل طالعته مستغربه : بس هاي بنت عمك وهي صغيره ومالها ذنب عبدالرحمن : وانا شو ذنبي اخذ وحدة كانت ترمس طالعته مستغربه : واذا تزوجت أي وحدة شو يظمن لك أنها ما كانت ترمس عبدالرحمن : على الاقل ما اعرف انها ترمس ، واذا رمست قبل انا ما كنت اعرف وشي وانتهى ، بس هاي عرفت وجدامي انها ترمس بتم طول عمري بشك بها ، بعدين أنتي كيف تحقينها عليه أنا أخوج استغربت وايد وضجت بعد من رمسة عبدالرحمن كيف يفكر بعواش ، عواش مب مثل ما متصور شما : لاء والله عبدالرحمن : شما البنت ما تباني ولا انا اباها انتي معورة راسج ليش شما : لا تخاذها ، ما اقولك خذها ، بس ليش تفكر فيها جيه عبدالرحمن : ما افكر فيها اصلا ، عادي حالها حال أي وحدة شما : كيف أي وحدة هاي بنت عمك عبدالرحمن : بنت عمي عندها أخوان أنا ماعلي منها ،أنا علي منج انتي وحصيص وبس طالعته : شو هالانانيه عبدالرحمن : وشو يخصه الانانيه بالله عليج شما : يعني عبدالرحمن : ما يخصه ، أنتي ما يخصج هاي حياتي انا ما ادخلت بحياتج ، ولا حصة يوم خطبها مبارك ما ادخلت ، هاي الحياة الزوجيه كل واحد ونفسه يعني تخص الشخص الي بيرتبط وبس شما : ولو حد خطبها بتفرح لها عبدالرحمن: اكيد هاي بنت عمي ، اكيد بفرح لها على الاقل شوي حسسني بالراحه انه ما بيدخل ولا بيقولي تزوجي ، وأنه لو حد خطب عواش ما بيقول شي ، بس بعد ضايجني بكلامه عن عويش ، وسكت عنه ما ابغي يزيد عبدالرحمن دايما يشوف عمره أن هو الصح ما احب ادخل وياه في مناقشات مالها اول من تالي واعور راسي على الفاضي شليت وقايتي : أنا رايحه بيت عمي ابتسم لي : مسرع ما حنيتي ، عنبو توج ما بتروحين ما اقدر ما ابتسم لعبدالرحمن يوم يبتسم لي عبدالرحمن وايد طيب وحنون ويخاف علينا وايد بس بعد يقهر ويا افكاره الغريبه العجيبه الي ما اعرف من وين يهل علي بها رحت بيت عمي لحظتها نسيت خالد وان ممكن يكون هناك رمسه عبدالرحمن عن عويش خلتني ابغي اروح ، اشوفها ، عويش اعز ربعي في النهايه وبنت عمي ، واختي الي ما يابتها امي يابتها مرت عمي هههههههه أول ما دخلت بيت عمي شفت البيت فاضي الظاهر طالعين عمي ومرته ، وراشد كالعاده محد نادر ما اشوفه نسيت لحظتها خالد ولا طرا في بالي ما اعرف ليش ركبت للدري متوجه لغرفه عواش ولما وصلت لنصه سمعت صوت من ورا ينادي وقفت مكاني اسمع : شهااااااااااب وقفت مكاني منو شهاب ، اوييييه ليكون حد ويشوفني مب ناقصة ، هذا مب صوت خالد : شهاب شفيك تصنمت وقفت مكاني بلا هذا خالد صديت ورا وشفت خالد واقف اخر الدري وقفت مكاني اطالعه خالد : بلاك يا ريال ما ترد طالعته مستغربه شو فيه هذا تخبل صديت ورا اتأكد اذا في حد وراي بس ما كان في حد طالعته وأنا مستغربه خالد : هيه أنت أقصدك أنت تتلفت ادور منو خيبه ليكون تخبل : خالد أنا شما خالد : شما ، شهاب كله واحد ولا شرايج بنت عمي طالعته مستغربه شو يقصد ، لحظة كأني فهمت قصده ؟؟؟؟ ما عرفت شو اقول : أنت ما يخصك خالد :أنا ما يخصني ، بس عبدالرحمن وابوج يخصهم طالعته مستغربه صدق نذل ياي يهددني ، بس مافي فايده الحين ، الكره في ملعبه : شوفي حرم خالد فجيت عيني :شوووووووووووو خالد: يا حرم خالد ، يا عبدالرحمن وابوج يدرون ؟؟؟؟ اختاري عاد !!!!!!!! كشفتك وانتهى كل شي بعد ما تنفع أعذارك ~~ |
الــجزء الثامن * !! صدمتني فيك !! باللي سويته من ثواني .. { يعني اش قصدك } تبي تخليني منك اعاني .. بيت بو عبدالرحمن شما يلست على الشبريه وربعت ريلي ، لين الحين مب مستوعبه الي قاله خالد حسيت برجفه في ايدي بعدها انتقلت الرجفه لكل جسمي ، قاومت دمعه في عيني تبا تنزل بس للأسف نزلت غمضت عيني وأنا أذكر الموقف خالد: يا حرم خالد ، يا عبدالرحمن وابوج يدرون ؟؟؟؟ اختاري عاد !!!!!!!! طالعته مب مستوعبه : بشو يدرون خالد : بالي فيج ، ما يندرى بويه بس ولا لج سوالف بعد شما : شو أنت ما تستحي على ويهك شو يالس تقول ، أي سوالف تجدم مني وطالعني بغضب : شو أي سوالف شوفي فديتج اذا هلج مدمغين وما يدرون تراني عارف كل سوالفكم أنتو البويات فاهمه ما شفت جدامي لحظتها وركضت من جدامه بس ما وحالي الا بايد تمسكني : خالد : اليوم شو الخميس ، الخميس الياي ابغي اسمع ردج ، جان ردج لاء نفس اللحظة بخلي عبدالرحمن وابوج يدرون بسوالفج ، وجان ردج هيه أنا بس الي بدري ، قالي باستهزاء : وشوفي عاد لو لاء ، شو بيصير فيج ، ما اظن لو قتلهم زوجوني اياها بياخذون رايج ، يعني في الحالتين بتاخذيني بس الفرق أن بتنفضحين جدام الكل ، عاد أنتي بهواج تبين الكل يعرف ولا حبيب قلبج خالد بس هد ايدي بعد هالكلام الجارح والتهديد الصريح ، صديت عنه و توجهت لبيتنا وأنا يائسة مصدومه غضبانه كاره عمري كل شي تقدرون تقولون ، ودخلت غرفتي ياربي شو أسوي لو عبدالرحمن عرف ، شو بيسوي فيني ، معقوله يجتلني ، أكيد ، وأبويه ، شو بيصير فيه ، كيف بستر على عمريه بأني أوافق أخذه بس كيف أخذه ،أخذ خالد خالد الي بسببه تخليت عن أنوثتي بسبب رفضه لحبي ، والحين يباني أوافق عليه ، بعد ما غرست كرهه في قلبي ، بعد ما صار ما يعنيلي ، لاء دخيلكم ، انا حالفه ما أخذه ولو شو ما باخذه ، وبشوف أخرتها وياك يا خالد ، لازم أمسك عليه شي قبل يوم الخميس عسب يوم الخميس أهدده بهالشي بس شو ، شو يا شما ؟ ومن وين بتيبينه هالشي الي بمسكه على خالد من وين ؟؟ لحظة عويش مافي غير عويش ؟؟ رحت بسرعه صوب مبايلي ودقيت لعواش بنت عمي مثل المينونه :ألو عواش:هلا وغلا شميم شما : مب وقته سمعي عواش أي وقت خالد بيطلع من بيتكم دقيلي على طول أبغي أي عندكم ضروري دخيلج عواش: شو السالفه شميم شما : سوي الي قتلج عليه وصكيت التلفون في ويها مب وقتها تسأل، أ رحت الحمام وغسلت ويهي وطالعت ويهي ،أنا ريال ومافي شي بياثر عليه ولين يوم الخميس وايد أشياء بتتغير ، وبنشوف يا خالد ، يا أنا يا أنت .؟.؟ دام تام برع فتره طويله لا حسيب ولا رقيب أكيد له قصة ولا قصتين الا قولي قصص حب يا رب يطلع متزوج وعنده عيال ، يا رب أوووووووووف كيف أفكر وليش ما قال لاهله ، اذا متزوج ، ليش ؟؟ امممم ماعلي بنشوف آخرتها ؟ وان شاء الله أنا الي بكسب في هالحرب يا خالد أنا مب أنت بنشوف آخرتها وياك ثاني يوم الجمعه بيت ميره شمسه يا ربي اليوم ماشي دوام ما بشوف سلطان ، امممممممم ساعه كم الحين خيبه مسرع ما صارت 3 ونص وبعدين يعني أبغي اشوفه ، امممم ، رقمه انحفر في راسي بس ما أقدر ، ما أقدر اتصل فيه لو شو ما صار ما بتصل ، أنا بنت ناس وعمري ما فكرت بهالطريقه ، بس هالانسان غير ، هالانسان أحسه وفي ، أحسه برئ ،ما أتوقع أن هالويه يعرف بنات أو يرمس بنات أتوقعه صادق ، حساس ، رومنسي ، يعني مثل ما أبغيه هذا هو فارس أحلامي مافي غيره ، شو أسوي الحين أسير بيتهم يعني ، يا ربي ارحمني ،،، امممم أمي ما قالتلي سالفتها ويا هالريال بوناصر ، مافي غير اخليه يخطب أمي ويتزوجها ويون يسكنون بيتنا ، عسب أقدر أشوف سلطان ويكون قريب ، لحظة وين سار تفكيري كيف أرضى ،أمايه تتزوج ،أمي أنا ، ويا ريال غير أبويه ، غير الانسان ايل طول عمريه أشوفه ، بس كيف ، كم أقبلها ما أقدر الصراحه ، بس لحظة ما فكرت في شي أمايه مب انسانه مالها احساس ، ليش هالانانيه ايل فينا ، بس منو الي قال أن بوناصر يباها وأنه خاطبنها قبل وأنه كان يحبها كلها تفسيرات وتبريرات من عندي ممكن كان ربيع أخوها وبس ، شو الي خلاني أفكر هالتفكير الامور بدت تتعقد ، الحين كيف أشوفه اسير بيتهم وني ازور بوناصر ، بس ليش ازوره هذا يارنا مب من اهلي مافي غيره بطي امممممممممممممم طالعت أختي أسما : أسما بطي وين راح أسما :أظني في الغرفه الثانيه ليش شمسه : لاء بس اسأل قمت من مكاني بسرعه وشفت أمي في ويهي ميره : وين سايره شمسه : ها ولا مكان هني ادور بطي مشت عني أمي ورحت الغرفه الثانيه وين بطي وين راح هذا بعد شمسه :بطوووووووي بطي : نعم خالو شمسه : وين كرتك بطي : كرتي في الحوي ، ليش شمسه : مب ناوي تلعب بها بطي : الحين حر ، بعدين ليش خالو شمسة :قوم بنلعب بها بطي : الحين شمسه : هيه الحين هز راسه بطي بالموافقه وطلعنا برع ،اووووووف الساعه 3 ونص تقدرون تتخيلون الحر والجو والشمس ، وخاصة بيوم الجمعه بس مافي غير هالحل عسب أشوف سلطان فر عليه بطي الكره و مسكتها بايدي بطي : خالو بالريل مب الايد شميه : كيفي أنا بكون حارس مسكت الكره : بطي تعال أوقف هني وقفته على اساس أن وراه يكون الايدار الي يفصل بينا وبين بيت بوناصر وفريت الكره وابتسمت لما صبت الهدف وطاحت الكره في بيتهم شمسه : اوييييييييييه ههههههههههههههه ضحكت في داخلي على ويه بطي المصدوم بطي : خالو كرتي طارت شمسه : ماعليه الحين بنسير بنيبها من البيت الثاني بطي : انا بيبها وبي شمسه ":شو لاء لاء انا بي وياك بيت بوناصر سلطان آآآآآآآآآآآآآآآآآآخ عنبو ، رااااااااااااااااااااااااااسي ، عثره ، منو عق هالكره سمعت ضحكة من التلفون : شو حبيبي منو عق عليك الكره لحظة منو هاي يالسة تضحك علي سلطان:أقول قلبي أكلمج خلاف وصكرت التلفون في ويها عنبو مب باقي الا هاي حطيت ايدي على راسي ويلست افرك المكان الي طاحت عليه الكره :آخ عنبو مب فره مره على راسي قاصدينها اشك والله اني مقصود طالعت :لحظة هذا بيت شمسه ، ماشي الا ولدهم عنلاته من صبي خلا اشوفه جان ما لعنت خيره سمعت جرس الباب يدق رحت للباب وأنا محرج خربوا عليه مكالمتي ويا ربيعتي وهاي يديدة بعد ، أنا براويكم مسودين الويه فجيت الباب وأنا محرج بس ، زالت كل عصبيتي أول ما شفت ويه شمسه ، يلست أطالعها إلا قولوا أتأملها لابسة مخوره ووقايه بيت ويايه بيتنا ، امممم جنها ماخذه راحتها بزياده ، بالحل مسموحه دام عيني الي بتتمتع وبتشوف خلا برايه ، ابتسمت لها ابتسامه شقت ويهي سلطان : مرحبا الساع هلا والله قربوا سمعت حس الولد يقول بنقمه : خالو هذا نازعني ذاك اليوم قفط ويهي الحين تخطيطي كله هذا بي يخربه آخر شي طنشته ويلست أطلع ويه شمسه الي حسيته احمر شمسه :أخويه كرتنا طاحت عندكم ممكن تعطينا اياها طالعتها مبهم ما سمعت الي قالته كنت مشغول اتامل ملامح ويها : ها شفتها احمرت زود : كرتنا هزيت راسي : هيه هاي كرتكم الي طاحت على راسي شمسه : آسفه والله ما كان قصديه ابتسمت لها عيبني الوضع وبغيت ازيد بالرمسه عسب ترمس : بالحل مب مشكله ، والحين شو تبون الكره يعني طالعتني بمعنى شو تشوف أنت : هيه أخويه لو سمحت سلطان :اسمي سلطان ، لو تناديني باسمي أحسن شفتها فجت عينها وطالعتني سمعت حس الياهل : نحن نبا الكره أوووووووووف وياه هذا شو يبا نزلت لمستواه :وانت شو اسمك الياهل : بطي سلطان : وخالتك شو اسمها بطي : ليش لاحظت أنها ساكته ما شفت ويها ، ما ادري مصدومه مستانسه مستغربه متصنمه ما أعرف شو سالفتها حسيت بصوت يدي بوناصر : سلطان من عند الباب سلطان : امممممم يرانا شفت يدي ياي بسرعه وطالعني بنظره ما عيبتني مول : قوم أنت مرحبا مرحبا بنتي شحالج فجيت عيني شو يقول هذا خرف شو قوم أنت ما ابغي اخرب صورتي جدام شمسه ولا جان رديت عليه شمسه : هلا عمي اسمحلنا طاحت كرتنا في بيتكم وينا ناخذها بوناصر : البيت بيتج الغاليه ، قربي قربي رحت بعيد عسب يدي ما يلاحظ رحت صوب سيارتي وفجيت الباب وظهرت قلم ورحت صوب كرتهم الي طاحت على راسي وكتبت ايميلي ، ما فاد الرقم بس الايميل اكيد بيفيد بتزيغ ادق على رقمي عسب لا اعرف رقمها ، بس الايميل ممكن تسوي أي ايميل وتضيفني عليه ابتسمت وأنا اشوف يدي واقف وياها برع ، ابتسمت واستانست على خططي ومخي الي بيطيحها طيحه ؟؟؟؟؟؟ شمسه قلت في خاطري بخوف أمـــــــــــــايه ، شو هالبلشة الي ابتلشت فيها والله لو تدري أمايه ولا اسوم بتستوي لي مصيبه لا صارت ولا استوت ، بلعت ريجي خلصت من سلطان طلعلي هالشيبه وين اقرب الحين بوناصر : اقربي داخل فديتج أنتي من غريبه نحن اهل شمسه : لا عمي مرة ثانيه ان شاء الله شفت سلطان قرب وفي ايده الكره ناولني اياها : سلطان : هاي كرتكم هزيت راسي بمعنى هي وشليتها بسرعه شمسه : مشكورين ، عن أذنكم مسكت ايد بطي ومشيت به بسرعه صوب بيتنا أول ما دخلت البيت :اوووووووووف ما بغينا بطي : خالو ، منو هذيل صديت صوبه أنا كيف نسيته شمسه : بطي مب تقول لحد أن الكره طاحت بيت اليران بطي : ليش خالو شمسه : ما باهم يضحكون عليه ويقولون ما اعرف اشوت بطي : زين خالو ما بقول ابتسمت له براحه يا ربي انا كيف سرت بيتهم ، شو سويت في حياتي أنا طالعت الكره بابتسامه : يعني ما طحتي الا على راسه حرام عليج عورتيه شفت بطي يطالعني مستغرب : خالو تكلمين الكره هههههههههههه ابتسمت على عمريه : لاء لحظة شو هذا شو مكتوب على الكره ، شفت ايميل ، هذا اكيد ايميله يعني الي كنت افكر فيه صح الرقم كان لي والحين الايميل بعد لي بس شو يبا مني انا قلت ما بتصل فيه ، بس ما يمنع أني اضيفه واشوف شو يبا ، بس مب جني بصغر في عينه لاء لاء شو اضيفه ما يصير ما بضيفه ولا برمسه كيف فكرت اصلا طالعت الايميل امممم رحت بسرعه صوب المطبخ وفجيت الماي وغسلت الكره عسب محد يلاحظ الايميل وخاصة أنها كره بطي يعني عادي ابوه ولا امه يشوفون ودخلت البيت أول شي سويته رحت لغرفتي على طول وفجيت الدفتر الي اكتب فيه خواطري وفتحت الصفحة وكتبت فيها الايميل وحتى الرقم الي سمعته أمس وكتبت اسم سلطان اممممممممم ما عرفت ليش بس كتبت في الدفتر للذكرى لا غير ابتسمت وصكرت الدفتر وأنا ما اعرف كم بقاوم وشو بسوي وبشو بفكر ؟؟؟ |
بيت هزاع فطيم من ساعه وأنا أسمع صوت التلفون يرن ومحد يشل يا ربي رحت للتلفون وشفت في الكاشف رقم هزاع رديت فطيم : ألو هزاع : هذا بيتي متأكدين ، تحريت داق بيت حد ثاني ، وينكم متوا شو ، وانتي الشيخة نتريا منو ترد علينا ، داقين لمنو بتخبرج عويت بوزي يا كثر ما يتحرطم فطيم: نعم شو تبا هزاع : الليله بسافر كنت بي اسلم عليكم بس ماشي وقت فطيم : مسرع ما حجزت ، مب مشكله ، هذوه الدرب هزاع : أكيد أنتي مب مشكله عندج ، داق أبغي اكلم سالم عطيني اياه فطيم : سالم وين يعرف يتكلم ، كلمتين ويا الله يالله هزاع : زين حطي التلفون على أذنه عسب أسمه لو حرف ولا نصخه فطيم : راقد هزاع :زييييييييييييييييييين خلاص هونت ، المهم تبين شي فطيم : لاء سمعت حس أنوثي عنده ، هاي أكيد حرمته اليديده وسمعته يقول : لاء حبيبي لا تحطين لي هالجاكيت ما ابغيه ، دندون حطي الي تبينه هزاع : المهم فطيم خلاص أنا بسافر أوكي فطيم : زين ، درب السلامه سمعته يقول بصوت واطي : فطيم تنهدت بنفاذ صبر : نعم هزاع : سمعتيها شو تقول فطيم : لاء ، سمعتك أنت هزاع : ما تبين اقولج شو قالتلي فطيم : لاء هزاع : براحتج قلت يمكن حاسه بفضول ، بس أنتي ممسوحه هالكلمه من قاموسج المهم مع السلامه فطيم: مع السلامه صكيت عنه تعالوا نسيت اساله وين بيسافر ومتى بيرد ، والله يرد متى ما يبا اعور راسيه ليش ، رحت لغرفتي عسب اغير ثيابي بروح عند ربيعتي اليوم ؟؟؟؟؟؟ بيت مبارك 5:30 عصرا مبارك يا دافي الصوت غطيني باهدابك ودي رموشك تظللني وتحميني اسكن فؤادي وافتح للهوى بابك اروي خفوقي و تربع في شراييني شفت حصة تقوم وهي مستانسه مبارك : زين حصيص مستانسه هالقد بس عسب بوديج بيت ابوج تبين فرقاي شو حصة : ههههههههه لاء بس جد ، أنت أي مكان ما بتكون فيه وياي ساعه لين ما ترضى توديني مبارك : زين روحي تلبسي سريع أنا بترياج في السيارة راحت ورحت أنا للسيارة شغلتها ويلست فيها اتريا ، حصيص ونه قتلها بسرعه بتنقعني ساعه أعرفها حصيص امممممممممممممممم سمعت صوت تلفوني يرن شليته وشفت رقم آمنه شو تبا هاي صكيت التلفون في ويها بس ما وحالي الا وانا اسمع ياني مسج فجيته ((مبارك أنت وعدتني ، والريال يكون عند كلمته )) تصدقون أول ما قريت اخر كلمه الريال عند كلمته رن تلفوني كنها مؤقته متى بيوصلني المسج وبوصل اخرته رديت عليها مبارك : نعم آمنه : هلا بهالصوت رفعت حياتي مستغرب : شو آمنه : هلا بك شحالك عويت بوزي : زين شحالج أنتي آمنه : طيبه طاب حالك مبارك : اطمنتي عليه ، يلا صكري آمنه : زين قلنا اعتبرني اختك يعني ارمس ما تبا تعرف عني شي مبارك : لاء صراحة ما ابغي آمنه : اسميه امنه ،عمريه 24 سنه متخرجه من تخصص موارد بشريه ، مبارك : ما يهمني آمنه : زين حنطاويه ، عيوني سود ، وشعريه اسود بعد ، وطويله بس لا تخاف اقصر منك مبارك : لاء والله آمنه : بلا هيه والله ابتسمت بالخفيف : آمنه شو تبين آمنه : ابغي ارمسك مبارك : وتراج رمستيني ، يلا صكري حرمتي بتي الحين آمنه بغيض : تخاف منها رفعت واحد من حياتي : هيه أخاف منها ، شو يعورج انتي آمنه : ادري تغايضني ، الي مثلك ما يعرف يخاف فتحت عيني باستغراب : الي مثلي آمنه : الي عندهم هالشخصيه الجتاله ، أنت تذكرني تعرف بشو مبارك : بشو آمنه : تذكرني بالنخله فجيت عيني باستنكار : شوووووووووووووووووووو آمنه : شموخك شراتها مرتفع عن كل شي مبارك : ههههههههههههههههه تبون الصراحه عيبتني رمستها مب لانها مب بنت لانها مدح لي ،انتفخت، يعني أنا مطيح البنات جيه ، وهالشي الي صغرها في عيني وشفت أني شي كبير اسوي الي ابغيه فيها بس لمجرد أنها تحبني آمنه : ان شاء الله دوم هالضحكة مبارك : سمعي انا بصكر وصكرت التلفون في ويها ، ما حسيتوا هالاحساس عسب جيه مب مقدرين احساس ان انسان يموت فيك يعشقك ، يمكن غرور يمكن محبه نفس بزياده ما اعرف شو من احساس ركبني بس شفقت عليها ، احاسيسي كلها تجاه حصة ، حصة الوفيه ، ومب يالس اخونها الحين بس لين ما ابعد آمنه واخليها تشليني من بالها ؟؟ انفج الباب ودشت حصة ابتسمت لها حصة :تاخرت عليك مبارك : وايد ابتسمت : يلا سرينا مديت ايدي ومسكت ايدها قربها وبستها تميت ماسك ايدها وقلت لها بحنان :أحبج حصيص ابتسمت لي ابتسامه حنونه و حركت السيارة بوديها بيت ابوها ، هالانسانه كيف تعنيلي يا ربي ، ان شاء الله افتك من آمنه باسرع وقت ؟؟؟؟؟ شما وهان الهوى وذبلت زهوره أقولها ودمعي هدولي بنساك يامن شفت جوره أبعد ولو زالت شجوني يلست عند تلفون البيت وحطيت حذاله مبايلي ويلست اطالعهم شما : يلا حد منكم يرن سريع اووووووووف شو ميلسنه هالقد في البيت يلا متى بيسير ، لحظة مب باجر الصبح دوامه ، يعني ما بيكون موجود ، شو يصبرني لين باجر أنا يا ربي ، شو هالحاله ، اممممممممم سمعت رنه تلفون البيت ما شفت الرقم رديت على طول شما : هلا : مرحبا الساع هلا بالعروس شما : سم يسمك قول آمين شو تبا داق خالد : شو ابغي داق ابغي عبدالرحمن ، بس صراحه ما توقعت خلي التلفون يرن متخبله تسمعين صوتي لهدرجه شما : شووووووووو خالد : هههههههههههههههههه لحظة؟؟؟ خلا أكون أوكيه وياه الحين الكره بملعبه ؟؟ شما : خالد أنت في البيت ، اذا في البيت عطني عواش خالد : لاء مب في البيت ، عند سيارتي ، بطلع الحين دقيلها على مبايلها ، المهم مب متصل اسمع صوتج العذب وين عبدالرحمن عرفت الي ابغي اعرفه ، الحين خلا يولي شما : وأنا شو يعرفني ، زووووووول وصكيت في ويهه ما يهمني خلا يولي المهم اسوي الي ابغيه ، اليوم مافي غير اليوم ، هالحظة شليت بعمري وشليت شيلتي ونزلت تحت بسرعه ، هيه هاي هي اللحظة الحاسمه ابتسمت براحه وسرت على طول بيت عمي شفت مرت عمي وعمي يالسين تحت بما أن بيت عمي غرفه عمي وحرمته تحت لأن ما يروم عمي يصعد على الدري ، فبجيه باخذ راحتي ،أول مرة أعرف الفايده من أن غرفتهم تحت سلمت عليهم على السريع حتى استغربوا سلامي ، بالعاده ايلس أسولف ، بس ماشي وقت ، ورحت بسرعه غرفه عواش فجيتها بدفاشه : عوااااااااااااااااش نقزت في مكانها وطالعتني : شميم دقي الباب روعتني شما :أنتي فاضيه ( قتلها وأنا اشدها من ايدها ) يلا قومي سريع قامت وياي : بلاج وين شما : شو وين ، غرفه خالد وقفت مكانها مرة وحدة : شوووووووووووووو ، شو نسوي غرفته صديت لها وين ايلس افهم هالغبيه الحين : شو شو نسوي ، ابغي افتش غرفته ادور شي عواش: شميم شو تبين بخالد انتي شما : حساب جديم بصفيه وقفت وقالتلي بخوف : شميم أنا ما يخصني لا ادخليني هذيه غرفه خالد روحي روحج أنا ما يخصني مول شما :شو من ربيعه أنتي بتخبرج عواش : شما تعرفين أنا ما استجري افتش غرفه خالد ، أنتي جان وايد قويه هذوه الدرب ، ما يخصنيه راحت يلست على الشبريه ، وفجأة انرسم الرعب على ويها : اوييييييه ، شميم دخيلج لا تفتشين اذا عرف شو بيسوي بج انتي مب ناقصه ابعدي عن خالد احسن لج ولي انا بعد فجيت عيني : أنتي شو تخرفين ، ما تعرفين بالمصايب تراج عواتش : أي مصايب شما :ايهي ، أنتي سالفتج سالفه ، مب مخلصه أنا وياج شكلي اليوم بروح روحي شفتها لحقتني ومسكتني : زين شميم لحظة لحظة صديت لها وانا اربع ايدي : ما بتين وياي شو تبين بعد عواش : اكيد ما بي بس اتري بشوفلج المكان ،أخاف راشد في غرفته شما :راشد محد فجت عينها : بعد مخططه وشايفه مسرح الجريمه هديتها ورحت غرفه خالد مول مب وقتها الحين شفتها يلست في الصاله الي فوق ادريبها عواش خوافه ما بتدخل تفتش الغرفه مب مشكله أول ما دخلت شفت على طاولته صوره له ، مالت على هالشيفه ، ما تستاهل هالويه ، هزيت راسي لو ما اخاف يعرف أني دخلت الغرفه ، بقصها له ، ولا ليش اخاف خلا يعرف تراني بهدده بالي بلاقيه في غرفته قصيت الصوره وفريتها على الارض ، مب الزباله خلا يشوفها ويستانس بعمره هالخبيث رحت أول شي صوب مكتبه فجيت الادراج ويلست ادور اووووووف مافي شي كلها اوراق عمل شو يعني ما بلاقي شي ادينه به شو السالفه ، ييتي يت على الفاضي رحت صوب الكبت وفتحته وشفت صندوق عود تحت أول ما فجيته شفت عطور واوراق وصور بس للأسف كانت صور خالد كلها ويا شباب تنهدت بضيج وشفت كتاب في الصندوق ، بعد مثقف ويقرى ييت احط الكتاب مرة ثانيه في الصندوق بس طاح منه صور ابتسمت وانا اشوف صور خالد ويا وحدة والصراحة زادت ابتسامتي لما شفت عشر صور وكل صورة البنت الي فيها تختلف عن الثانيه في اجنبيات وفي عربيات وفي خليجيات مب مهم المهم حريم شليت الصور بسرعه و رديت الاغراض في الصندوق ودخلت الصندوق بس أول ما وقفت بطلع شفت خالد واقف وهو مربع ايده ويطالعني وهو معقد حياته ؟؟؟ تنصدمت قولوا تجمدت قولوا مت ، كل هالكلمات انرسمت على ويهي لحظتها ،أخ منج يا عويش زين نوهي ادري انها لو شافته وانا داخل غرفته ، بتموت مكانها من الخوف ، بس بعد مب تموتين على طول يعني تشهدي على الاقل خليني احس ، اعرف ، مب يطب جيه شفته صكر الباب وقفله وحط المفتاح في مخباه فجيت عيني أطالعه ايييييييييه وين يبا هذا شما : خالد فج الباب راح ويلس على الشبريه وطالعني بطرف عينه : لاء صرخي ، ابغي ابويه وامايه تحت يسمعون صريخج ، وأنج في حجرتي كنت خايفه مصدومه بروده عجيبه تسري بجسمي قلت بصوت اقرب للهمس شما : خالد لا تيب لك ولي المشاكل بطل الباب خالد :أنا ابغي ايب المشاكل ابغي يقولون انج كنتي بحجرتي وأنا وياج شما :شوووووووووووو، تخبلت أنت خالد : جيه أحسن بيزوجونا اسرع شما : خالد عن الخبال خالد : شو يايه ادورين ، عيبوج الصور االي عندج ، لا تخافين ما بشلهم حلال عليج فجيت عيني يعني شافني بلعت ريجي ومديت ايدي : دوك ما باهم بس خلني أطلع خالد : شو دخول الحمام زي خروجه شما : شو تبا خالد : ابغي يسمعون صريخج عسب ابويه أي ويشوفج في غرفتي طالعته باحتقار صدق نذل هذا ولد عم بالله عليكم رحت صوب الباب وأنا اشوفه يبتسم اول ما مسكت قبضه الباب ، لحظة لو سويت الي يبغيه شو بيقولون واحد من الاثنين يا أن انا وياه على علاقه ، يا إنه مينون وشافني في غرفته وما قدر يتحكم بعمره وحاول يعتدي .. ما قدرت أكمل الفكره حسيت راسي افتر ، صراحة الاثنين اخس من بعض خلا اتفاهم وياه احسن ، يا ربي أنا معتبره عمري ريال وما ازيغ وما اصيح هذا يبا يخرب عليه كل تخطيطاتي واستيالي وكل شي ، ما بجذب عليكم خفت منه من نظراته ما كانت نظراته عاديه كانت شيطانه كلها تحدي وغرور قام من الشبريه وراح صوب مكتبته خالد : يلسي يلسي ، رحت ويلست على الشبريه وأنا اطالعه بخوف شفته يبتسم لي بمتعه كنه ياهل ويالس يلعب لعبه ووايد عايبتنه هاللعبه طلع كيمرا من درجه ، الظاهر في صور في الكيمرا يبغي يراويني اياها بس الي فكرت فيه ما كان في في محله شل الكيمرا وتم يصور ، طالعته مستغربه ، لحظة شو يالس يصور ، فجيت عيني هذا جنه يالس يصور...... يصورنــــــــــــــــــــــــــــــــــــــــــي شما :ايييييييييييييييييييييييه ، شو تسوي خالد : شميم وايد حلوة أنتي في الصور ، طالعيني شوي اشوف فجيت عيني اطالعه مصدومه بس هو ما كان مصدوم كان يصور يمكن ما حسبت ست ، ولا سبع ولا ثمان صور صورني خالد : تصدقين عاد أي حد يشوف الصور يعرف أنها في حجرتي وأنج يالسه في حجرتي ، وهالكيمرا الكل يعرف أنها كيمرتي طالعته أحاول استوعب الموضوع لين الحين مصدومه ومن كثر الصدمه ما عندي رده فعل ، شوفوا النذل يهددني شفتوا جيه يا ناس أنا عن نفسي ما شفت حسيت بخوف برجفه وطالعته مصدومه وحسيت بدمعه بتنزل من عيني قريب يا وقف حذالي ما كنت مستوعبه لين الحين الي يالس يصير ، بأنه هددني وأني يالسه في غرفته الحين ، وقافل الباب ومب راضي يفتح يبا ازاعج عسب يشكون فينا ، وصورني في غرفته ، كل هالاشياء كانت تدور في بالي ، لحظة يبا يهددني بالصور عنده الصور ما اقدر انكر أنها صوري واني في غرفته شوفوا النذل وقفت اطالعه مستغربه ابتسم وطبع بوسه على خدي فجيت عيني وحسيت أني بموت أو بطيح في مكاني مب لانه باسني والله عادي عندي هالبوسه الا بوسه ، تعرفون ليش بغيت اطيح مكاني لان توقيت الي يتني فيها البوسه نفس التوقيت الي دق فيها على زر الكيمرا ؟؟؟ يعني الصورة الاخيره كانت وهو يبوسني ؟؟؟ يا للأسف شوهت صورة رسمتها لك في عيوني ~~ كنت النظر ضيه ونوره غالي وقدرك ما يهوني ~~ |
الــجزء التاسع ~~ رسمتك صوره في بالي ولكنها خيال افكار ابيك تحقق الصوره وتغير كل رسماتي بيت بوخالد خالد حسيت بايدها على صدري وهي تدفني بكل قوتها ، ابتسمت الا ضحكت على ويها المتفاجئ والمصدوم ، الا مرعوب ، والرعبه بتاكله : ههههههههه في ذمتج شميم شرايج في هالصورة ، امممممم تبين اطرشها اليوم ولا باجر لعبدالرحمن ؟؟ فجت عينها وطالعتني وهي مصدومه أكثر : شميم شوي شوي على عينج بلاج طالعت للأرض كأنها يالسه تفكر : هههههههههه مب وقت تفكير الحين رفعت عينها وطالعتني باحتقرار ، صراحه لولا كرامتها جان خرت عند ريلي تترجاني ، ماعلي يا شميم مسوتلج راس ، وطلعتي راعيه علوم ، دواج عنديه طالعتني باحتقار واضح وهذا الي ولع النار فيني من الغيض، بس بنطوفها لج اليوم، لأنج مصدومه : شو تبا خالد : ههههههههههههههههههههههههههه ، قبل كنت ابا اخطبج، وكنت اتريا رايج اذا وافقتي اوكي، اذا رفضتي بخبر عبدالرحمن أنج بويه ، بس الحين لاء طالعتني بفرحه : صدق غيرت رايك خالد : ههههههههههه لاء ما غيرت راي ردت نظرتها الحايرة والمصدومه : شو عيل خالد: الحين ابغي اخطبج ، وبخطبج بس ما اتريى رايج شما :كيف خالد : قبل كان في احتمال ترفضين بس الحين ، جان فيج خير ارفضي شما طالعته باحتقار لعبها صح ، الحين ما بجرأ ارفض لأن صوري عنده وبيهددني بهن ، وحتى صوره هو ، لو خذتهن ما بقدر اطلعهن لأنه بيظهر صوري وياه ، ولو ظهرتهم ما أظن بتأثر عليهم وايد ، خاصة وأنه ريال ، اممممممممم وأنا شو يعني الحين مافي مجال الا أوافق قلت باندفاع : خسي أخذك تفهم خالد : هههههههههههههههههههههههههههههههههههههه ، ومنو قالج أن بيكون لج راي نفخت من الغيض الي فيني : يعني ما عندي لين الخميس افكر خالد : امممممممممم حتى ثانيه ما عندج تفكرين شما : واذا وافقت بترد بتمسح صوريه ، بعدين تعال شو يضمني ما تنسخهم ترا كيمرتك وممكن تسوي فيها أي شي خالد : غناتي واذا تزوجنا ، بيكون شي طبيعي عندي صورج شما :أنت نذل تدري خالد: أكيد أدري شما : يعني موافقتي على العرس ما تضمن لي أنك ما بترمس عنيه خالد: ههههههههههه مستغرب منج أنا شميم كيف ارمس ، بتكونين حرمتي طالعني بمكر نظراته ابدن ما حركت شي فيني ، حسيته ذبح كل شي ، قبل لما كنت أحبه ذبح فيني كل احساس يحسننني بأنوثتي ، والحين بعد ما نزعت حبه من قلبي واعتبرته ولد عمي بس ياي اليوم ينزع حتى هالصفه ،الحين هالانسان بالنسبالي ولا شي ؟؟ لا ولد عمي ولا الانسان الي حبيته ، ببساطه ولا شي ؟؟؟ خالد : بشو تفكرين ،أدري من داخلج مستانسه بس تعاشين شما : شوووووووووووو ، مستانسه على شو على خيبتك خالد: هههههههههههههههههههههههههههههههههههههههههههههههههه ههههههههه شما باحتقار : شو يضحك الحين خالد : سلامتج ، هيه صح لا تترين اخطبج الاسبوع الياي شما : لا دخيلك ميته اترياك تخطبني خالد : هههههههههههههههه ليش عيونج تقول انج مستانسه هالانسان بيرفع ضغطي شو فاكر نفسه ، والله مب مستانسه ، والله مب مستانسه يالسه احلف بعد طالعته باستنكار خالد : عاد أنا ضمنت الموافقه ، يوم بيدق براسي بخطبج أوكيييييييه رفعت حياتي مستنكره هالتصرف يعني ان شاء الله انا بتم جيه ، ما اعرف متى بيدق براسه وبيخطبني ، بتم بخوف أنه يخبر عبدالرحمن عنيه ، ليش يا ربي خليت مصيري بيد هالانسان خالد: شميم أبغي ارقد رفعت عيني وطالعته باشمئزاز : شو تباني ارقدك خالد : خخخخخخخخخخخخ هيه من اليوم ورايح ،عدي عمرج حرمتي توقعي اطلب منج أي شي فجيت عيني مصدومه من وقاحته ، شفته ابتسم لي وقام فصخ كندورته وعلقها على المعلاق شما : ايييييييييييييييه وين تبا خالد : ههههههههههههه شفيج تيك ات ايزي ، احيدج ريال شما : انت شو تبا فيني خالد : ابغيج بالحلال قمت من الشبريه متروعه وشفته ضحك بصوت عالي ويا مط الفراش وانسدح وغمض عينه شفته مصدومه : ايييييييييييه وين المفتاح بطلع فج عينه وطالعني بنظره حنونه مب لايقه عليه هالنظره موووووول خالد : شميم المفتاح في الكندوره وأنا جدامج فصختها ، ولا شوفتي صدق تنسيج الدنيا طنشت تعليقه ما همني رحت لكندورته وأنا أطالعه اخاف أي صوبي هالانسان عادي عنده كل شي شليت المفتاح وفتحت الباب وطلعت ما انتبهت ، اذا في حد في الصاله الي فوق ولا لاء ، كل الي همني لحظتها اشرد من هالانسان ولحسن حظي ما كان فيه حد ، لحظة عويش وين رحت لغرفتها وشفتها منسدحه على الشبريه وفي حظنها اللاب صراحه فارت فيني البراكين طالعتني ببتسامه : ها شميم خلصتي شغلج شما : لاء والله فجأ ة انجلب ويها : أقولج جان ما لقيتي الي ادورين عليه تعالي باجر ،أخاف خالد أخويه أي الحين طالعتها باستنكار يعني ما تعرف ، اخبرها ، لاء شو بيكون موقفي جدامها أنا القويه ، البويه أخاااااااااااااااااااف مستحيل شما : ليش وين سرتي عويش : رحت اسبح ، شميم دخيلج انسي السالفه الي تبينها مب كل يوم بيفضى لج الجو ابتسمت باستهزاء : خلاص نسيت هديتها ورحت بيتنا سمعتها تناديني بس طنشتها ، مب وقتها الحين عويش ، ميته من القهر من هالانسان البلييييييييييييييييييييد ، شفتوا يا ناس ولد عم جيه يهددني بعد ، صدق قوي عين ، ولا على البال يهدد بعين قويه ، تربيه برع تراه ، متبري من اصله ، وبعدين تراه يقول بويه شو يبا فيني ، شو يبا مني مب فاهمه مول ،أنا ما اقدر اتزوج ريال كيف وأنا ريال ؟ دخلت بيتنا وانا راسي داير باجر نتايج الثنويه وأنا مول مب متفيجه هالانسان خلاني اكره كل شي ،أول ما دخلت البيت شفت ابويه وعبدالرحمن ومبارك وحصة أختي مب وقتهم هذيل بعد طنشتهم دخلت سلمت على السريع ورحت غرفتي ، لو يلست ما بترحمني حصيص من الاسئلة ، رحت فوق على أمل باجر يكون أفضل من اليوم !!!!!!!!! بعد أسبــــــــــــــوع تقريباَ الساعه خمس العصر بيت ميره شمسه طالعت الدفتر الي جدامي بتأمل صارلي اسبوع وأنا أتأمل الايميل والرقم ، ما أعرف شو الي يجذبني تجاه هالانسان ، شو الشي الي فيه الغير ، شو الشي الي ممكن يخليني ابيع ثقة هلي عسبه ، حاله حال أي شخص في الشارع ، ممكن أشوفه حلو لفترة وأنسى شكله ، ليش شكله مب راضي ينمحي من بالي ، مع أنـــي شايفه وايد حلوين وبعد ثواني أنسى شكلهم ، ليش هذا مب قادرة أنساه ، ليش ، دخيلك يا ربـــي؟؟؟ تنهدت وطالعت الايميل ، لو ضفته وسألته يحب ولا لاء ؟؟ وين يدرس وايد أشياء ممكن أعرفها بس أكيد هو ما بيعرفني كم بنت أضيفه في اليوم الواحد ؟؟ مافي إلا أسوي إيميل يديد ، اضيفه فيه ورمسه واشوف شو طينته لو طلع مغازلجي امسحه من بالي ، هيه عسب بالي يرتاح ويطمن ويقتنع أن حاله حال غيره من الشباب ، ولو طلع صدق يحبني ؟؟ وكيف بيحبني ليش هو من وين يعرفني ، زين حب من أول نظره ، شو هالخرابيط ؟؟؟ حسيت بعصرة في بطني واضطربات ، ما اعرف خوف من هالخطوه ، لاء شو أضيفه ما يوز ، يا ربي مب قادره افكر مول خلاص بتوكل وبسوي ايميل يديد ، و المغازلجي يبين لو طلع مغازلجي حاله حال غيره على طول بسوي له بلوك ودليت امممممممممممم شو ممكن أسوي طردت كل هالافكار من بالي وفتحت صفحة الهوتميل وقررت اسوي ايميل يديد بس لحظة شو بسميه اممممممم بنت ميره ، هو ما يعرف اسم أمــــــــــــايه ولا لاء ممكن يكون سمعه من يده ، بس ما أظن يده يطري امايه جدامه ولا جدام ابوه وأمــه أمممممممممم خلا اغير ، خلا اسميه باسم غير اسميه عسب مول ما يشك اممممم عليا حلو خلاص بخليه العليا خلصت الاجراءات وفتحت المسن ودخلت بهالايميل شفته فاضي بما أن محد مضيوف عنديه غيرت الصورة وغيرت النك لــــــــــــ ((في داخلي قـــــــــــلـــــــب طفله )) حسيت برجفه في ايدي بس اتجاهلتها وسويت له اد الحين بيبن شو طينتك يا سلطان ما وحالي الا ثواني وأشوف ++ لا تــــــــــــغرك ضحكتي ولا أسلوبـــــــــي أعرف أعزاز النفوس من الرديه ++ اممممممممممم هذا سلطان ، يا ربي سويت تسجيل خروج على طول ، يا ربي ما يبعد عنديه شي ، حسيته قريب كأنه قدامي قمت من مكاني وفريت اللاب بعيد عني ، اوييييييييه خايفه ليكون عرفني ، بس كيف يعرفني هالايميل يديد وما يعرفه ، ومر اسبوع من عطاني الايميل لو مغازلجي بتكون مليون وحدة معطنها الايميل ، ولو يحبني بيكون ينتظرني وما بيرضى بهالاضافه الي بتيله من بنت ، يا ربي شو اسوي رحت صوب اللاب ورديت فتحته ،أول ما سجلت دخول شفته حطا بزي رفعت حياتي طالعت الساعه مرت نص ساعه يمكن وما رمسني ، الظاهر البنات عنده وايدات مب فاضي ما أعرف ليش حسيت بشي يلدغني في قلبي ، وحسيت بألم في قلبي يمكن هاي الغيره بس ، لحظة على منو أغار يا ربي مب قادره استوعب هالانسان شو الي يالس يسويه فيني قررت ابدى ، بس اليوم آخر يوم ارمسه فيه ((في داخلي قـــــــــــلـــــــب طفله )) السلام عليكم شو اقولكم يمكن مر خمس دقايق وبعدها رد شو سالفته هذا ++ لا تــــــــــــغرك ضحكتي ولا أسلوبـــــــــي أعرف أعزاز النفوس من الرديه ++ وعليكم السلام والرحمه ((في داخلي قـــــــــــلـــــــب طفله )) سلطان ++ لا تــــــــــــغرك ضحكتي ولا أسلوبـــــــــي أعرف أعزاز النفوس من الرديه ++ هيه نعم يا ربي شو اقول له الحين شو هالورطه ++ لا تــــــــــــغرك ضحكتي ولا أسلوبـــــــــي أعرف أعزاز النفوس من الرديه ++ شكلج مغلطه ((في داخلي قـــــــــــلـــــــب طفله )) لاء ++ لا تــــــــــــغرك ضحكتي ولا أسلوبـــــــــي أعرف أعزاز النفوس من الرديه ++ منو معاي ((في داخلي قـــــــــــلـــــــب طفله )) عليا ++ لا تــــــــــــغرك ضحكتي ولا أسلوبـــــــــي أعرف أعزاز النفوس من الرديه ++ مرحبا بج أختيه ، من وين يايبه ايميلي رفعت حياتي مستغربه ظلمته وايد ، شوفوا كيف محترم ((في داخلي قـــــــــــلـــــــب طفله )) بالغلط ++ لا تــــــــــــغرك ضحكتي ولا أسلوبـــــــــي أعرف أعزاز النفوس من الرديه ++ زين شوفي الشيخه ، خلنا حلوين من البدايه ، لو أدورين حبيب اسمحيلي ترا القلب مليان ، ولو ادورين أخو حاظرين للطيبين ((في داخلي قـــــــــــلـــــــب طفله )) تحب منو ++ لا تــــــــــــغرك ضحكتي ولا أسلوبـــــــــي أعرف أعزاز النفوس من الرديه ++ وحدة من شفتها سرقت كل تفكيري والحين تفكيري كله عندها ((في داخلي قـــــــــــلـــــــب طفله )) زين اعتبرني أختك ، تحب منو وحدة قريبه ولا بعيده ++ لا تــــــــــــغرك ضحكتي ولا أسلوبـــــــــي أعرف أعزاز النفوس من الرديه ++ دامج ما تعرفيني منو أنا وما تعرفينها منو هي بصراحه ، بنت يرانا فجيت عيني شووووووووووووو يحبني أنــــــــــــــــــــــــــــــــــــا ؟؟؟؟؟؟؟؟؟؟؟؟؟؟؟؟؟؟؟؟ بيت بوناصر سلطان هههههههههههههههههههههههههههههههههههههههههههههههههه ههههههههههههه اتخيل شكلها وهي تقرى هالجمله ، هههههههه ماعلي يا شمسه مسويه ايميل باسم ثاني ، على منو على سلطان أنا خبره في البنات بتين تعلميني ، ما تدرين أن هالايميل مافيه الا شباب وأنا عطيتج اياه عسب لو ضفتيني اعرفج وافرقج واعاملج باسلوب خاص لين ما طيحين ، مسكينه تتحريني هين ، لو عطيتج الايميل الي فيه بنات ما بعرفج لأن ميه وحدة تضيفني ههههههههههههههههههههههههههههههههه ، اصلا الغبيه الظاهر اول مرة ترمس واحد يعني واحد بيقول اذا يحب ولا لاء لبنيه ، وحتى لو محترم هذا شي خاص ، ههههههههههههه مشكله غشيمه ، وهذا الحلو تجذب بهواك رفعت حياتي وضحكت لما شفت ردها ((في داخلي قـــــــــــلـــــــب طفله )) برب شوي ++ لا تــــــــــــغرك ضحكتي ولا أسلوبـــــــــي أعرف أعزاز النفوس من الرديه ++ تيك يور تايم سيستر هههههههههههههههههههههههههههههههههههههههههههههههههه ههههه والله وطحتي يا شمسه ومحد سمى عليج يايه تتحديني أنــــــــــــا أنـــــــــــــــا سلطان الي معذب قلوب البنات ، يايه تعلميني ، فديتج ، أنــــــا اعرف كل بنت شو تحتاج وألبي النقص الي عندها ، يعني خبره ، عندي خبره كل بنت كيف اطيح وأنتي الي استصعبتج في البدايه ، بس بطيحين مب على سلطان يا بنت ابوج ، اتريا بفارغ الصبر اليوم الي تعترفين فيه أنج شمسه ههههههههههههههه ابتسمت لما شفتها ردت صراحة تحمست ((في داخلي قـــــــــــلـــــــب طفله )) باك ++ لا تــــــــــــغرك ضحكتي ولا أسلوبـــــــــي أعرف أعزاز النفوس من الرديه ++ ولكم ((في داخلي قـــــــــــلـــــــب طفله )) كم عمرك سلطان هيه الحين يالها اكيد فضول تبا تعرف كل شي عنيه ++ لا تــــــــــــغرك ضحكتي ولا أسلوبـــــــــي أعرف أعزاز النفوس من الرديه ++ 22 وانتي ((في داخلي قـــــــــــلـــــــب طفله )) العمر كله تقريبا ، 20 ++ لا تــــــــــــغرك ضحكتي ولا أسلوبـــــــــي أعرف أعزاز النفوس من الرديه ++ العمر كله ((في داخلي قـــــــــــلـــــــب طفله )) شو تدرس ++ لا تــــــــــــغرك ضحكتي ولا أسلوبـــــــــي أعرف أعزاز النفوس من الرديه ++ هندسه وأنتي ((في داخلي قـــــــــــلـــــــب طفله )) محاسبه ، اسمحلي أنا بطلع الحين ++ لا تــــــــــــغرك ضحكتي ولا أسلوبـــــــــي أعرف أعزاز النفوس من الرديه ++ وين توه الناس ((في داخلي قـــــــــــلـــــــب طفله )) ماعلي اسمحلي ++ لا تــــــــــــغرك ضحكتي ولا أسلوبـــــــــي أعرف أعزاز النفوس من الرديه ++ بالحل ربي يحفظج شفتها طلعت ابتسمت وأنا اشوفها طالعه صكرت اللاب بكبره ورحت صكرت الليتات ابغي اعيش الجو وافكر وتكتك عدل لها ، شكلها صيده صعبه شوي ، بس كل غزال سريع يباله صياد ادهى واسرع غمضت عيني بس ما وحالي اتهنى بأفكاري إلا بدخله يدي الغرفه واشوفه فج الليت ، فجيت عيني وطالعته مستنكر هالتصرف سلطان : شفييييييييييك بتموت ليكون ، جان بتموت دخيلك روح تشهد في غرفتك ما فينا يقولون جتلتك بوناصر : مسود الويه متى بتتعلم الرمسه انت سلطان : زين لا تعورلي راسي اظهر برع ابغي ارقد شفته يفج عينه : مب منك من الي ياي عندك ، محمود مسوي جباب جان تبا تاكل ، انزل تحت سلطان : سم يسم محمود وأنت وياه ويفكني منكم بيوم واحد شفته طلع ودفر الباب وراه ، بيكسر الباب قلت بصوت عالي : عـــــــــــــــــــــــــــــــله ما خلاني أتهنى بافكاري ابتسمت وأنا اتخيل شكل شمسه الحين ، اكيد غارقه باحلامها ، تفكر فيني شي اكيد ههههههههههههههههههههههههههه الله يعينها ، بعد أنا ، قولها احب وحدة ،تقولها بنت اليران مرة وحدة هههههههههههههههههههههههه المسكينه جان ما تتخبل اليوم ، والله وعرفت تلعبها يا سلطان ؟؟؟ ثرك مب هين ؟؟؟ |
بيت بوعبدالرحمن شما طالعت مبايلي فيه مس كول من رقم غريب طنشته يمكن حد داق بالغلط رد رن من نفس الرقم الظاهر حد مغلط طنشته ورحت صوب المنظره امشط شعريه ، طالعت شعري مصره اقصه ، ابغي اروح الصالون واقصه بس اخاف ارد البيت انقصب ، بعدين هذيه حصة شعرها لنص ظهرها محد قالها شي ، وكل يوم قاصتنه اشمعنى ، بس أنا ما ابغي مثل شعر حصة ابغي شعر بوي شرات شعر عبدالرحمن شرات شعر راشد جذا يعني تذكرت خالد وع عله تعله ما ابغي شرات شعره ، بعد كم يوم بروح ويا عواش نجهز للجامعه ما باقي شي ، صح ما باركتولي نجحت في الثنويه يبت 91.8 وعواش يابت 89.7 طول عمريه شاطره ما شاء الله عليه ، تف تف ما شاء الله عن الحسد ابتسمت وانا أطالع عمريه ياالله لو بس هالويه يكبر شوي مب احب الويه الصغير الرقيق احسه يليق للبنات مب لي فجيت الكبت وطلعت جنز وتي شيرت لاعت جبدي بالكندورة منو بي بيتنا ونه عبدالرحمن (( لبسي محتشم حد من عيال عمج بي )) منو من عيال عمي ، راشد عادي وخالد عله تعله سم يسمه ما اداني اطري اسمه ينط عندي العرج اووووووووف منه ومن ارفه هالنذل لبست السلاسل الي متعوده البسها في ايدي شوي استايلها سبورتي سمعت تلفوني يرن هالمره الثالثه رحت له وشفت نفس الرقم يمكن وحدة من البنات رديت شما :ألــــــــــــــو : أموااااااااااااااااااااااااااااااااااااااااااااااا اااااااااااااااااااااااااااااااااااااااااااح بعدت المبايل عن اذني ومسحت خذي الي كنت حاطه المبايل عليه شما : ســـــــــــــــــــــــــــــــــــــــــــــــــ ـــــــــــــــــم : ههههههههههههههههههههههههه ، بلاج هديه النجاح لحرمتي شما : ومنو حرمتك ان شا ءالله خالد : أنتي بعد منو شما : انت من وين يايب رقمي ؟ خالد : حلمت فيه بليل ، الا تعالي ليش ما تيين بيتنا ، غرفتي مفتقتنج شما : عسب انت فيه ، ملوع جبدي مكرهني في بيت عمي ، ما بترد استراليا والله تريحنا من صدعتك خالد : ليش تحبين تتعذبين ، أدري لما اسافر وابعد تتعذبين ؟ شما :أنت ما تفهم أنـــــــــــــا مـــــــــــــا أحـــــــــــــــبك ، مــ ..ــا أ....حـــ .... ــبـــ .....ـــك خالد : لا تحاولين تحبيني من عينج مبين عليج ، مكتوب في عينج خالد حبيب قلبي شما : يا ربي شو تبا الحين داق شو من مصايب بعد عندك خالد : ابغي اقولج ليش ماتين بيتنا عواش شو ذنبها شما : لاء والله خالد : هههههههههه سمعي ، سمعت عواش تقول بدشون بزنس شما : أنت ما يخصك خالد : لا فديتج أنا بهواي الي اقوله تدرسينه جان عندج راي ثاني صورج باجر بتوصل شما :وانت داق لجي ، خالد : هههههههههههه لاء داش انصحج ليش ما تدرسين تخصص افضل من البزنس يعني البزنس كل حد يدشه شما بنفاذ صبر : احبه ارتحت خالد: زين شكثر تحبينه شرات ما تحبيني ولا أقل شوي شما : ومنو قالك أحبك ، تعال أنا مسوتلك سالفه وايد صكرت التلفون في ويه رفع ضغطي ، الله يرفع ضغطه يا ربي من هالانسان البلييييييييييييييد ما فيه احساس ماعلي استحملت ، ما فيه مشاعر بعد ماعلي استحملت ، نذل وخبيث ماعلي ما قلت شي ، بس يهدد بنت عمه ما اقدر اصدق شو من خبييييييييييييييييييييث ، شو طينته هذا ؟؟؟؟؟ قلت وأنا اعيب عليه : وقت ما ابغي بخطبج مالت عليييييييييك يا هالويه في القهوة مبارك شليت تلفوني من جيبي وانا ابتسم على تعليقات اربيعي حمود ما خلا حد في حاله أول ما شليته رن صديت شفت آمنه تتصل صكرت التلفون في ويها ودقيت لحصه حصة : مرحبا قمت من مكاني ورحت شوي بعيد : هلا والله ، ها حبيبي خلصتي حصة : هيه ، بتمر عليه الحين ، الدكتور يبا يشوفك مبارك : شو يبا بعد ، بعدين هالدكتور ليش فاتح عيادته العصر قاهرني الصراحه سمعتها تقول بدلع : مــــــــــبارك مبارك : آآآآآآآآآآه ثواني وأنا عندكم ، لو بيرمس شرات المرة الي فاتت بصفعه حصة : ههههههه زين ماعلي تعال أنت بس ، انا مستانسه اليوم مبارك : ان شاء الله دوم ليش حصة : ما أعرف مبارك: هههههههههه اوكي ثواني وأنا عندج حصة : ربي يحفظك لا تسرع مبارك : من عيوني صكرت عن حصة واستأذنت من ربعي وركبت السيارة أول ما ركبت سمعت رنه التلفون ، يا هالآمنه الي مطفرتني في حياتي أنا شكلي بنهي علاقتي فيها طفرتني ، يا انهي علاقتي فيها يا أقول لحصة عنها أتم جيه ما اقدر الصراحة رديت على التلفون :ألو آمنه : مرحبا مبارك : هلا بج آمنه : هلا مبارك شحالك شو مسوي مبارك : بخير آمنه : الا وينك مبارك :شو آمنه : اطمن عليك مبارك تنهدت بنفاذ صبر : الصبح كنت في الدوام والعصر راقد وقبل شوي في القهوة والحين بالسيارة اطمنتي آمنه : هيه ، كم تسوق فجيت عيني متنرفز على اسألتها واهتمامها الزايد لأن ماله داعي الصراحه : ثمانين آمنه : مسرع بعد أنا بدالك ما بطوف الاربعين مبارك : ههههههه هذا أنتي آمنه : خفف الشارع مب امان ، بعدين هذا شارع داخلي أنت مسرع وايد يعني مبارك : لاء مب مسرع آمنه : تصدق اليوم قمت من النوم رحت الدوام ورديت رقدت الظهر شراتك ، والعصر رحت الجمعيه ومن ييت وأنا في البيت رفعت واحد من حياتي : ما سألتج وين كنتي آمنه : مبارك عاد أنت مب أخويه ، مب لازم تحافظ علي غمضت عيني بضيج شو بليت عمري أنا مبارك : زين آمنه :اليوم انخطبت ابتسمت بفرح : والله مبروووووووووووووووووك ما بغيتي يا بنت الحلال خلاص الحين عندج ريلج واعتقيني آمنه : رفضته حسيت بخيبه أمل ويأس وتأففت مب مخلصين منها مبارك : ليش آمنه : صراحه مب مثلك مبارك : هههههههههه زين مب لازم مثليه بالضبط آمنه :يا أنت يا واحد مثلك غير جيه ما ابغي مبارك : مثلي كيف بالشكل آمنه : ما يهمنيه الشكل صح أنك جميل ، بس أنا حبيت صفاتك قبل شكلك ، أنيق مرتب طويل عريض مبارك : أنت يالسه توصفين شكليه مب صفاتي بعدين شعرفج مرتب آمنه :أعرف كل شي عنك مبارك ، الي يحب يسأل ، والي يسأل ما يضيع مبارك : زين انا بصكر الحين وصلت يلا فداعته آمنه : ربي يحفظك صكرت عنها صراحه هالانسانه غريبه الا وايد غريبه تعرف عنيه كل شي كيف ومن وين تعرف عنيه كل هالمعلومات ؟؟ ما أعرف أحسها خبيثة احيانا ، وتغمضني أحيانا احسها على نياتها ما أعرف ما أعرف ؟؟؟ يا رب تستر عليه وتعيني ؟؟؟ إحدى الشقق هزاع تجلبت على الشبريه بقهر ،أووووووووووووووووف من هالحرمه طالعتها بطرف عيني : وبعدين وياج أنتي ، حشرتيني تراج ، اليوم رادين من السفر وييت ارتاح شوي ومب مخلتني وبعدين يعني ويا هالفطيم الي كل شوي وطريتيها ،أنا راد من السفر تعبان وابغي ارقد مب فاضي لحنتج دانه : هزاع شليت اللحاف من ويهي ويلست : دانه غناتي شوفيج حنانه شو تبين يلست عندي بدلع : اغار عليك قلت بأرف وعصبيه : من فطيم عاد من فطيييييييييييييييييم ، شوفي غناتي فطيم بنت عمي وأم عيالي وبس أوكي ارتاحي ، بعدين انا مول ما تهنيت بهالسفره من كثر حنتج ما كنت ادري انج حنانه جيه تقربت مني ولصقت عندي وحظنت ايدي وقالت لي : حرام عليك ما تهنيت ابتسمت غصبن عني : بلا انا دام وياج مرتاح بس دخيلج شلي فطيم من بالج دانه : اليوم بتسير عندها تنهدت : أنتي شو تتحرين نيلس هناك نتبادل كلام حلو ، يا ربي منج يا دانه اعقلي بعدين ساعه كم الحين دانه : ثمان ونص هزاع : يمديلي اتغسل واروح اشتقت لسالم دانه: لسالم بس تنهدت بضيج : دانه صارلنا اسبوع مسافرين ، جد فطيم اتصلت قالتلي شحالك ، جد دقت سألت عنج ولا غارت منج ، بعدين هاي اخر مرة تطرينها ، انتي ما تعرفيني انا مسولج سالفه بزياده ، مول لا ادخلينها بينا فاهمه تنهدت بضيج وبعدين ويا هالدانه شكلها بتخلينا افنقشها قامت ما تريحني قامت تيبلي الكآبه ما عندها غير الحنه وويع الراس ،وأنا ماخذ هالشقه للراحه وتغير الجو مب لويع الراس آه منهم هالحريم محد مرضني غيرهم وقفت و طالعتها : تدرين أنا اذا طريتج جدامها ما تصد صوبي وانتي معوره راسج ، وتدرين بعد انا ارتاح هناك اكثر من هني لان هناك ما تعور ليه راسي فطيم كافيه خيرها شرها ، وانتي هني معورة راسي وتحنين اربع وعشرين ساعه شفت ويها بهت هديتها ولبست كندورتي وشفتها تتجدم صوبي وتعقم الكندوره تنهدت وصديت الصوب الثاني ولا حرمه من حريمي قبل كانت تطري فطيم الا اذا طلقتهن يروحن ونه يواشون عليه عندها ، الا هاي شكلها وايد طولت عنديه عسب جيه ، بس شو اسوي ما اروم استغنى عنها بديت ارتاح عندها تفهمني على الطاير صديت صوبها وشفتها تطالعني صراحه ما قاومت ما ابتسم في ويها دانه بصوت ممدود أقرب للمياعه : هــــــــــــــــــزاع هزاع : عيونه دانه : تحبني هزاع : ههههههههه شرايج لوت على ايدي ومشينا الصاله ،: وين غترتي دانه : ابغي اقولك شي هزاع : لبيه يلسنا على القنفه يوم اقولكم ساحرتني هالانسانه دانه بابتسامه : اشتقت لسالم ولدك ابتسمت على طاري سالم : هيه اشتقت له ، ما تتصورين كيف دانه : انا خاطري بعد بياهل جيه اشتاق له واحن له واستانس على طاريه فجيت عيني اطالعها ، استنكرت طلبها :شووووووووووووووووووو دانه : هزاع ، انا خاطريه بياهل بعد قمت من مكاني بعصبيه : دانه ليكون ما تاخذين موانع قامت ووقفت جدامي وقالتلي بعصبيه : بلى ، بس مليت مليت من الموانع ، ابغي ياهل انا هزاع هزاع : شوفي عاد هالسوالف شليها من بالج ، انا مب ماخذنج عسب تكودين ليه عيال دانه : شوووووووو يعني انا تقص عليه هزاع : شوفي انتي دلوعه ، انتي الغاليه ، انتي الحب ، شو تبين باليهال ما أكفيج أنا دانه : لاء والله ماخذني عسب هالسوالف ، وماخذ بنت عمك للعيال هزاع : هيه ، عيل شو تتحرين ، بيب عيال من كل حرمه باخذها تبين اكودهم جيه دانه: هزاع ، انا ما يخصنيه تباني بدون موانع طالعتها باستهزاء زادت عن حدها :شوفي عاد عن الهذربان الي ماله معنى ، يالس اقولج اياها انا ، شلي هالافكار من بالج جان تبيني دانه:أنا من حقي افرح ، انت عندك ولد والثاني في الطريج ، ولا حلال على فطيم وحرام عليه هزاع :يادي فطييييييييييييييييييييييييييييييييييييييييييييييم وسنييييييييييييييييين فطييييييييييم ، هذا يزاتي عازنج دانه : وبشو عازني هزاع : مخلنج الحب ومخلنها ام العيال دانه : لا فديتك عازنها هي ، ام العيال الاساس الي مالك بد منها ، بس انا اتبدل بمليون وحده هديتها ومشيت صراحه عورت راسي دانه :هذا وانا احبك مودرني عسب الي يبا غيرك وقفت مكاني لحظة لحظة شو يالسه تقول هاي صديت صوبها اطالعها مصدوم : شو قلتلي طالعتني بخوف بلعت ريجها وقالت : ماشي هزاع : لا قولي عيدي بلعت ريجها بس هالمرة بصعوبه : ما قلت شي هزاع رحت صوبها وعويت ايدها : ارمسي شو قلتي دانه : قلت الي يبا غيرك رصصت عيوني وقلت وانا ارص على اسناني : ومنو هذا الي يبا غيري دانه: حرمتك عويت ايدها اكثر : وانتي من وين تعرفين فطيم ، فطيم ما ترابع اشكالج من وين يالسه تفتين دانه وهي تصيح وتصرخ : واضح من رمستك عنها ، يعني ما تغار عليك ولا تحبك ولا تبغيك وتبغي الفكاك منك شو يعني اكيد حد غيرك في بالها ما حسيت بعمريه الا وانا اصفعها كف على ويها ، حسيت كبريائي كله انهار يالسه تطعني في شرفي شو يالسه تقول هاي طالعتها وانا امط شعرها دانه :آآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآه طنشت صراخها وقلت بعصبيه : حووووووووووووووو شكليه عطيتج اكبر من حجمج اشوف طلع لج لسان وقمتي ترمسين ، تتحرين فطيم وصخة شراتج ، سمعي انتي طااااااااااااالق فاهمه طاااااااااااااااااالق طااااااااااااااااااااالق ما ابغي اشوفج في هالبيت مرة ثانيه ، باجر برد الشقه لو شفتج ولا شفت غرض يخصج ما تلومين إلا نفسج فاهمه دانه : حرام عليك هزاع أنا أحبك ،آآآآآآآآآآآآآآآآآآآه هد شعريه هزاع : حبيني هذوه الدرب بعد يومين في وحدة غيرج بتكون في هالشقه ، قلتيها تراج تتبدلين مليون وحدة غيرج تبغي تسمعيييييييييييييييييييييين هزت لي راسها وويها متروس دموع وتصيح بألم ، دزيتها على القنفه وطلعت وأنا مشمئز منها عزيناها ودلعناها ما قلنا شي ، لكن تطعني في شرفي لاء ، مب حباَ في فطيم بس في النهايه فطيم حرمتي وأنا ريال ما ارضاها لو ما تحبني تراني ما احبها لو ما تغليني تراني ما اغليها لو تعتبرني عابر سبيل في حياتها والتقينا سوا في السفر انا اعتبرها نفس الشي ، لكن تحط حد في بالها لاء والف لاء مب فطيم لو منو ما كنت ما بخليها مستحيل اصلا مستحييييييييييييييييييييييييييييييييييييييييل ركبت سيارتي وانا احس عمري ضايج عنلاتها الخايسة خربت مزاجي ، امبونها نكديه ومب ويه وناسه وحب ، انا اتزوج اغير جو واحب وهاي يايه تعكر مزاجي بس لحظة كلامها في شي من الصحه ليش فطيم ما تغار عليه ، كل انسان وله طبيعته يعني هي تعتبرني زوجها وبس ، مب كل واحد متزوج يموت في زوجته ، ووايد حريم رياييلهم متزوجين عليهم وعادي نو بروبلم ، بس فطيم لاء لاء فطيم ما تسويها بنت عمي واعرفها ، ما تحبنيه متأكد بس حد غيري لاء رصيت على السكان وانا احس الافكار توديني وتيبني الله ياخذج يا دانه عساه اليوم اخر يوم في عمرج نكدتيني وركبتي الوسواس براسيه وصلت البيت كانت تسع بالضبط دخلت الصاله وشفت المكان فاضي ، كان سالم يالس ويطالع توم وجيري أول ما شافني نقز صوبي ما اقولكم يوم لويت عليه كيف انزاح كل الي على صدري وهالشي الي خفف عليه شوي الا ريحني : حبيبي بابا كبرت في هالاسبوع ابتسم وطالعني : ههههههههههههه متى بترمس انت مب جنك طولت سالم : بابا نزلته ورحت يلست وياه حطيته في حظني ويلست اطالع وياه بس لحظة ذكرت فطيم ، اليوم ما بيعدي على خير احس ، تنهدت وصديت صوب الدري شفتها نازله منه من اطريها هالحرمه تطلع جدامي شرات القطو ، طريت القط يا ينط رفعت واحد من حياتي باستنكار شعرها بني شفتها تبتسم نص ابتسامه مستغثره الابتسامه عليه بعد : هزاع ، حمدالله على السلامه متى يت هزاع : اليوم يت عندي ومدت ايدها ، فجيت عيني مستغرب ،تمد ايدها لي ، بعدها ابتسمت في داخلي لما استوعبت مدت ايدها لسالم مب لي سالم : مابا هزاع: خليه يالس شو تبين به فطيم : وقت رقاده هزاع: برايه خله اليوم يسهر ويا ابوه فطيم : والله فديتك ابوه سفراته ويياته وايد اذا جيه بنخرب نظامه تنهدت وطالعتها كأنها تنغزني هزاع : ماله داعي تنكدين مزاجي ولا تعقين رمساتج المعهوده لاني مضايج اليوم صخت عني ويلست تحايل سالم عسب يقوم يا ناس حتى ما سألت ليش مضايج شو هالبرود ، هذوه انا بارد ، بس يوم تضايج اسألها شو فيها ، وحليلي أنا طلع قلبي طيب وايد قام وياها سالم وراحت وياه مرت فتره من الوقت يمكن ساعه بعدها قمت من مكاني ورحت فوق عندهم أكيد دخل سالم يرقد وقفت عند الباب شفتها لابسة قميص نوم قطني ويالسه جدام المنظره تسحي شعرها تساندت على الباب وربعت ايدي ويلست اراقبها هزاع : مداج تغيرين ثيابج رمست بدون لا تصد لي : اول ما طلعت فوق غيرت ، ما اروم البس شي ثجيل ، رفعت حياتي باستهزاء : ليش فطيم : شو ليش حامل تراني هزاع : أي شهر انتي فطيم عوت بوزها وطالعتني : قريب بدش السابع هزاع : عيل مب مبين عليج ويهج ما تغير صدت علي متفاجئة :وأنت شو الحين ياي تحسدني ابتسمت وسكت عنها هزاع : انتي صابغه شعرج فطيم : هيه ، بس لحظة شو ها صرخت مرة وحدة : فطيييييييييم قاصة شعرج طالعتني بطرف عينها : هيه قاصتنه على طوله ، بلاك هزاع : وبأمر منو ان شاء الله فطيم : بأمري أنا ، والله شعريه وانا حره فيه ، قصيته على طوله كنوع من التغير ، وبعدين تعال أنت شلك رفعت حياتي مستنكر ردها هاي فطيم ما يهمها حد : ادري على طوله مبين انه ما قصر بس متغير شكله فطيم : احسن جيه ، بعدين مب انت دوم تحن قصيه هزاع : لاء والله ، حلفي أنت بس، كل شي اقولج ما تسويلي فيه سالفه ولا تردين يت على هالسالفه وسمعتي رمستي ، شوفوا الحرمه المطيعه طنشت رمستي تبون الصراحه ، ما اقدر اقولكم البني احلى من الاسود عليها ، ولا الاسود كان احلى من البني عليها ، كله حلو يا ناس والله كله حلو ، كله عذاب ولايق عليها ، كيف حلوة هالانسانه ؟؟؟ رحت ويلست على على طرف الشبريه بحيت اكون وراها على طول ورا الكرسي الصغير الي يالسه عليه وتطالع عمرها وتسحي شعرها ،شوي واإلا طلعت مثل رش ويلست ترش على ويها هزاع : شو هذا فطيم : ماي ورد هزاع : والله ليت تهتمين فيني نص الاهتمام الي تهتمينه لعمرج طالعتني من المنظره وقالت : شو هزاع قمنا نتشكى هزاع : ليش مالي حق عوت بوزها وطلعت الكريم ويلست تفرك ايدها : اقول لو تبا حنان وحب روح لحرمتك الثانيه مب ياي عنديه قلتها وأنا مركز على المنظره اترصد رده فعلها : طلقتها تبون الصدق ابتسمت فطيم قالت بابتسامه حسيتها لئيمه : هزاع ، وليش مضايج ما احيدك وايد يعني تهتم يوم اطلق ، شكلها معذبتنك هاي فجيت عيني : هيه تصدقين معذبتني بحبها شفتوا حرمه جيه يا ناس ما اصدق زادت ابتسامتها وضحكت ، هيه لا تستغربون ضحكت هزاع : فطيم ما استغربتي يعني فطيم :لاء و شو الغريب دومك تتزوج وتطلق عادي ، وهاي شو ، بتي عندي تتشكى بعد وتواشي عليك هزاع : جان يت طرديها من عند الباب فطيم : هيه الظاهر حاط عينك على غيرها عسب جيه وحليلها ما تهنت توكم يايين من السفر طالعتها باستخفاف : فطيييييييييييييييم يا ربي طبيعتها تزيد شكوكي ، الله ياخذج يا دندون كنت مرتاح انا عايش ومستقر ، ما احب فطيم اعترف ومشاعري تجاها بارده بعد اعترف ، ما اشتاق لها ما احن لها مجرد ام عيالي ومصر تكون هيه بس ام عيالي لانها بنت عمي مب لشي ، لكن تقولون حد غيري في بالها ، عادي اجتلها مب حباَ فيها انتقاماَ لشرفي شفتها قامت من قدامي وراحت الصاله ، عقيت عمريه على الشبريه وأنا مستغرب من عمريه كيف افكر في فطيم جيه ، كيف ؟؟؟ مستحيل فطيم تخوني مش حباَ فيني بس فطيم متربيه وبنت ناس ، ولا ممكن تحط حد بالها ؟؟ قمت من مكاني ورحت الصالة الي فوق شفتها يالسه ومشغله التلفزيون الظاهر مسلسلها بيبدى الحين رحت ووقفت على راسها طالعتني : شفيك هزاع اليوم ، رايح راد وراي شعندك عورتلي راسي عويت بوزي وطنشت رمستها : فطيم ممكن اسألج سؤال ؟ فطيم : حسب السؤال ؟ صراحه ردها مول ما عيبني : كيف يعني حسب السؤال ؟ فطيم : يعني حسب السؤال ؟؟ رحت ويلست عنها وسحبت الريموت من ايدها ودقيت على الزر عسب يصكر التلفزيون طالعتني مستغربه هزاع : فطيم الموضوع مهم شفتها تنهدت وهي اطالعني بعدم اهتمام ، تصدقون لو كانت النظره نقيسها بالميه جان شفتوا 1 % الاهتمام الي في عينها تجاه سؤالي !!!!!!!!!!!! فطيم : خير قول شو عندك ؟؟ هزاع :فــــــــطيم أنتي تحبيني ؟؟؟؟ حيرتني واحترت .. وش هي نواياك كل ما نسيتك جيت تعلن خضوعك~~ عجزت افهم بالهوى كيف مبداك طبعك غريب ونادر الناس نوعك~~ |
الـــجزء العاشر تبغي الحقيقه سرني ردك سرني سحرك سرني ظلمك ~~ بيت هزاع هزاع طالعتها مستنكر ردها ورافع واحد من حياتي : (( سؤال سخييييييييييييييييييف )) شفتها أطالعني ببرود بس مع شويه عصبيه واستهزاء : هيه نعم شو هالسؤال السخيف الي يالس تلاحقني من الصبح عسبه ، شوف هزاع في هالدنيا مافي شي اسمه حب وأنا صراحه ما أمن أن في شي اسمه حب طالعتها وأنا مستغرب ، تبون الصراحه ارتحت يعني مافي حد في بالها وهذا المهم ، ما همني حبها : كيف فطيم : هزاع الحب راح ، الحب هيه كان موجود على أيام قيس أيام عنتر مهب الحين ، الحين الحياة تمشي بدون حب ، الحين مافي شي اسمه حب ، الي يمشي ورا الحب يضيع تبون الصراحه ابتسمت وتشققت ابتسامتي ، فديتج يا فطيم ، حمدالله ، طالعتها وقلت وأنا مب مصدق ومستانس : زين فطيم يعني مافي حب ما تعترفين به انتي فطيم : هيه نعم مافي حب ، نحب عيالنا لانهم عيالنا ونحب اهلنا لانهم اهلنا يعني مافي سبب ثاني للحب ، والحب الي أنته تقصده اسمحلي ما اعترف فيه ولا هو موجود ، انت الحين بالله عليك تتزوج كل يوم واطلق لقيت الحب الي ادور عنه تبون الصراحه طالعتها باعجاب : لاء ما لقيته بس مش لانه مب موجود ، لاني ما ادوره ، ادور اهتمام ما ادور حب فطيم: ويوم أنك تلاقي الاهتمام عند وحده منهن ليش اطلقها هزاع : لاني أمل منها وادور غيرها فطيم: شفت كيف يعني مافي حب لو تكن لهم معزة شويه جان ما طلقتهن ، الحين أنا ليش مخلني على ذمتك طالعتها بس ما وحالي اجاوب لانها جاوبت فطيم :أنا بقولك لاني بنت عمك ومحد بيرضى تطلقني ، وغير هذا أني المصدر الوحيد للعيال عندك ، حريمك ما تروم تيب منهن العيال عسب ، لما يكبرون عيالك يقولون ولد فلانه وفلان ويتشرفون بهن ، يعني فقط لغرض بعيد كل البعد عن الحب ، قولي وين الحب .؟ صراحه تبون الصراحه كلامها صح ،مافي حب ، تبون الصدق أنا وهالانسانه متفقين كل الاتفاق ، ما يهمني تحبني لاني ما احبها ، المهم عنديه محد في بالها ،حتى لو ما كنت في بالها ما يهمنيه ، المهم محد مول ،ارتحت و ابتسمت وطالعتها : تصدقين وأنا مستغرب أن في حريم مب شراتج وأنج غير عن الحريم ، ثرهن الحريم سخيفات ، غيرة وشك وما أعرف شو ، فديتج فطيييييييييييييم تعرفين شكثر ريحتني طالعتني مستغربه هزاع : فطيم فديت قلبج ، تقربت منها وطبعت بوسه طويله على خدها وبعدها طالعت ويها تبون الصدق بوستي ما حركت ساكن فيها ، زادت ابتسامتي هههههههههههههههههههههههه قمت عنها ، وشفت أول ما صديت عنها شغلت التلفزيون وكملت مسلسلها ما همنيه تبون الصراحه هالكلام كله ، كل الي اهتميت به أن محد في بالها وكلام دانه طلع خرط ، الحين مب وقت التفكير بفطيم وكلامها ، الحين وقت التفكير بمنو بتكون حرمتي ، صراحه رمضان قريب وأنا مب مستعد اتم بليا حرمه ادلعني فيه ؟؟؟ رحت غيرت ثيابي وعلى طول غمضت عيني ورقدت ما وحالي ارقد لاني حسيت مرت ثواني بس وسمعت رنه المنبه ، خيبه متى صار الصبح فجيت عيني وطالت المنبه شفته ست ونص الصبح أووووووووف مب وقته ، قمت يلست على الشبريه متعايز أقوم صديت شفت فطيم نايمه ،تصدقون ما اعرف كيف نايمه وشعرها مرتب ؟؟؟؟ هزيت راسي وقمت على طول تسبحت وتلسبت وغيرت ثيابي وركبت سيارتي متوجه للدوام ؟؟؟؟؟ أول ما دخلت الشركه رحت صوب مكتبي ، شفت السكرتير يالس هزاع : صباح الخير السكرتير : اهلين صباح النور أستاذ هزاع هزاع : محمود أول ما تي هنوف طرشها صوب مكتبي السكرتير : ان شاء لله أستاذ رحت المكتب ويلست على الكرسي تبون الصدق تساند عليه ويلست أفكر ، هاي مافي غيرها الهنوف بنت حلوة ومناسبه لسني يعني الفرق تقدرون تقولون 3 سنين ، هذي هي البنيه المناسبه مافي غيرها ابتسمت وأنا أتخيل رده فعلها ، تعالوا لو رفضت ما وحالي أكمل كلامي الا بحد يدق الباب هزاع : ادخل الهنوف : السلام عليكم ، طلبتني أستاذ هزاع هزاع : هيه نعم اقربي تبون الصدق ابتسامتها حلوة ، ما أعرف ليش احس بها تستحي مني هههههههههه أحسن بعد جذا أفضل شفتها يلست جدامي هزاع : هنوف أبغي اكلمج في موضوع حساس شوي الهنوف : تفضل أستاذ هزاع : اممممممممممم أنا ، أول شي انا ابغي رايج اذا وافقتي بتجدم خطوه ،أنا ابغي اطلب ايدج على سنه الله ورسوله ، يعني ابغيج حليله شفتها رفعت راسها و طالعتني ، هالمرة المستحى راح وشفت نظره ثانيه أول مرة أشوف هالنظرة في بنت غير فطيم ، نظره الكبرياء والكرامه ، : وأنا أظن مب من الشارع عندي أهل تقدر تكلم أهلي شفتها قامت من جدامي الهنوف : لو ما في شي ثاني اسمحلي بروح هزاع : تفضلي شفتها قامت ورقعت الباب وراها ، خيييييييييييييييييييييييييييبة ، هاي قوم عندي اهل ، وانا بنت ناس اممممممممممم هاي كيف الحين ، هاي يبالها اسير بيتهم واخطبها ، يلا الله ييسر الأمور ، الي فيه الخير الله يجدمه ؟؟ شكلج يا الهنوف بتكونين حرمتي قريب ؟؟؟ دشيتي مزاجي تبين الصراحه وبالقو بعد ؟؟؟ بيت ميرة شمسه حطيت ايدي على خدي يحب بنت اليران ، يا ناس مب مصدقه ما تعرفون كلماته شو سوت فيني ، غريبين نحن البنات دايما َ أقول الشباب لعابين وما يحبون حد ويقصون على البنات وأنصح ربيعاتي ، بس واحد يقولج كلمه أحبك تتغير كل المفاهيم والمبادئ عندج وتغيرين رايج وتنسين حتى شو كنتي تفكرين فيه ، كلمه أحبج كيف لخبطت كياني بس هو ما قال احبج قال يحب شمسه وأنا منو ؟؟؟ أنـــــــــــــــــــــــــــا ، يا ربي ابتسمت وأنا اقوم ايب اللاب تبون الصراحه أحس ابغي ارمسه ما أعرف ليش ،احساس غريب ينتابني يا ربي فجيت المسن بس انصدمت انه مب داخل ، الساعه خمس العصر ليش مب داش غيرت نكي على طول أنا ربي جعل فيني سوات السيف بو حدين .. صـديق للــصـديـق وعلة للي يعاديني قمت من مكاني وأنا مخليه المسن شغال رحت للدريشة اطالع صوب بيت اليران ليت يبين عندي جاراجهم واشوف سيارته موجوده ولا ؟ يا ربي موجود ولا، سمعت صوت المسن نقزت مافي غيره هالايميل مافي حد غيره ابتسمت ويلست تبون الصدق نسيت عمريه فرحت إلا تشققت إلا ابتسمت إلا كل المفاهيم تلخبطت عنديه، ونسيت شمسه نسيت عمريه ونسيت كل شي من شفته يقولي إزعل وعاند وإضرب براسك اللوح…ومن ماي البحر إشرب بكل إندفاعه يا مرحباااااااا الساااااااااااااع هلا وغلا يا مرحبا أنا ربي جعل فيني سوات السيف بو حدين .. صـديق للــصـديـق وعلة للي يعاديني هلا والله شحالك سلطان إزعل وعاند وإضرب براسك اللوح…ومن ماي البحر إشرب بكل إندفاعه طيب طاب حالج ، شحالج أنتي خيتو أنا ربي جعل فيني سوات السيف بو حدين .. صـديق للــصـديـق وعلة للي يعاديني حمدالله بخير تمينا ربع ساعه ساكتين حسيت أني يالسه أتأمل نكه ما أعرف شو يسوي هالوقت هل هو يالس يتأمل بعد النك ، يا ربي لو عرف أني شمسه شو بيسوي إزعل وعاند وإضرب براسك اللوح…ومن ماي البحر إشرب بكل إندفاعه عليا طالعته مستغربه منو عليا ، هيه صح أنا قايلتله اسميه عليا أنا ربي جعل فيني سوات السيف بو حدين .. صـديق للــصـديـق وعلة للي يعاديني نعم إزعل وعاند وإضرب براسك اللوح…ومن ماي البحر إشرب بكل إندفاعه الله ينعم عليج ، ها شو يومج أنا ربي جعل فيني سوات السيف بو حدين .. صـديق للــصـديـق وعلة للي يعاديني حمدالله ،وأنت إزعل وعاند وإضرب براسك اللوح…ومن ماي البحر إشرب بكل إندفاعه مب لين هناك !! أنا ربي جعل فيني سوات السيف بو حدين .. صـديق للــصـديـق وعلة للي يعاديني ليش إزعل وعاند وإضرب براسك اللوح…ومن ماي البحر إشرب بكل إندفاعه تصدقين الدكتور معاند ويايه مب راضي يزيدني ،أقوله حط لي في الماده بي بلس ونه بي وايد عليك أنا ربي جعل فيني سوات السيف بو حدين .. صـديق للــصـديـق وعلة للي يعاديني لاء والله وليش وايد عليك إزعل وعاند وإضرب براسك اللوح…ومن ماي البحر إشرب بكل إندفاعه هههههههههههههه شفتي عاد أنا ربي جعل فيني سوات السيف بو حدين .. صـديق للــصـديـق وعلة للي يعاديني ما شاء الله عليك ،افهم من كلامك أنك شطور إزعل وعاند وإضرب براسك اللوح…ومن ماي البحر إشرب بكل إندفاعه ههههههههههههه يعني مب لين هناك ، امشي الحال وتمينا نسولف تبون الصراحه مول ما حسيت بالوقت ما أذكر حتى متى صكرت المسن ، الساعه تسع بليل ولا عشر ما أذكر ، ؟؟؟؟؟؟؟؟ أول يوم دراسي شما طالعت ويهي بتمعن في المنظره يا ربي ، بلاها كل يوم بشرتي تصير أرق ما ابغي ،اوووووووووف منها طلعت لي تي شيرت وجنز وطلعت اساور سبورت ، بما ان الموضه الحين هالاساور السبورت محد ملاحظ أني غير ، بس البنات أكيد يعرفن من لفه الشيله من العباة من الصندل خالد هالخبييييييييييييث كيف عرف ما أعرف ؟؟ الله ياخذه وأفتك منه يا رب ؟؟ هالانسان كيف نذل ، ولد عم جيه ، حسيت باضطربات في معدتي لما تذكرت أن صوري عنده تقدرون تقولون خوف ، يا ربي منه اوووووووووووووووووووف كملت لبسي وركبت السيارة ويا بنت عمي متوجهين للكليه بما أن هذا أول يوم دوام ومب عارفين شي ؟؟؟ أول ما وقفنا كنت أنا وعويش واقفين رواحنا وشي بنات مب بس زحمه الا مووووووت حسيت بعواش توشوشني عواش: شميم هههههه شوفي هذيل صديت لهن ، و شفت شويه بنات دلوعات لبست نظارتي او بالاصح نظاره خالد ولد عمي النحس ،سراق سرق نظارتي وصديت الصوب الثاني : شويه حشاكل عواش: ههههههههههههه مب عارفه يطالعونج معجبين بنظاره خالد جنه ههههههههه صديت صوبها بدون لا انزل النظاره : ايييييييه لا تذكريني ، قولي لاخوج اليوم يرد نظارتي عواش: في ذمتج طالعي مب جنهم يطالعونج ، بروح بعيد عنج عن يفهمون غلط ههههههههههههههههههههههه صديت صوبها : بييييييييييييج كف ترا ، صخي ووقفي مكانج عواش: اليوم لين آخر هاليوم متأكده بيون يسألون عنج ، معجبات من أول يوم يا شميم قويه تراج شما : أنتي فايقه أنا ما عندي هالسوالف عواش: بويه محترمه تراج شما : ههههههههه شفتي عاد عواش : طالعي كيف يطالعونج بياكلونج والله شما :أنتي الحين ليش معورة راسج عواش: شو بلاج شما : خليهم عنج ، خلا يولون عواش: ههههههههههههههه ، تعرفين شميم أنتي بويه غريبه ، بويه تحب ولد عمها صديت صوبها متنرفزة : ناقصتنج أنا ويا سخافتج الصبح ، طالعه على أخووووووووج هالغلس عواش: ههههههههه شفيج امزح شما : بلا هالمزح السخيف مب يايني من وراكم الا ويع الراس ، بيتكم بكبره مافيه حد غير رشود وعمي وعمو ولا الباقي مالت عليكم عواش طالعتني : ومنو الباقي انا وخلود شما : اقول صخي لا اجتلج الحين جدام البنات ، وارتكب جريمه قتل في أول مسيرتي العلميه عواش: ههههههه اوكي بنسكت سكتت عني عواش فايقه أنا لويع راسها ويا اخوها كل شوي وذكرتني به ، ما يسوى على الواحد ، مثل اخوها ويا هالويه مزحهم ثجييييييييييييل ؟؟؟؟؟؟؟؟؟؟؟؟ مبارك غريبه آمنه ما دقت اليوم ، لوعت جبدي هالبنت صار شهر ادق تاخذ أخباري وبعدها أصك الخط في ويها غريبه شو تبا مني ما ملت هالجفا كله ما أثر فيها ، ما وحالي الا اشوف تلفوني يدق برقمها رديت عليها وأنا ابتسم مبارك : ههههههههههه توني اطريج آمنه بدلع : لاء والله مبارك :أقول ما دقيتي اليوم آمنه : دخيلك وايد تسولف وياي يوم ادق يعني مبارك : أنتي تبين تعذبين عمرج أنا شلي آمنه : مبارك صارلنا شهر تقريبا كل ما دقيت رمستني بهالاسلوب ولا صكرت في ويهي ولا طنشتني وما رديت مبارك : ما عندي غيره آمنه : والله راضيه بس عطني شويه ويه استغربت منها كيف صبورة هالانسانه قلت باستغراب وبصوت واطي أقرب للوم : ما مليتي آمنه ردت عليه بهمس ، ذكرني بصوت حصة أيام ملجتنا لما كانت تستحي مني والصوت ما يظهر : ولا بمل مبارك الي يحب ما يمل مبارك : هذوه أنا أحب بس لو ما بادلني الطرف الثاني المحبه ممكن امل وانسحب آمنه : عيل انت ما تحب ، يمكن تستلطف يمكن ملزوم ، يمكن العشرة لازمتنك أو أي شي ثاني تميت افكر بكلامها شو قصدها أنا ما أحب حصة ، بس لحظة شي ثاني ، يعني عسب حصة استحملتني وبغتني بدون عيال ،أحبها ، لاء ، مستحيل انا أحب حصة كأنسانه أحبها كزوجه أحبها كصديقه أحبها كرفيقه أحبها ، ما بتخربين يا آمنه لا تحاولين ابدن ما بتخربين حصة عندي شي كبير ، شي وايد كبير تبين الصراحه ما اعرف بغيت أصكر عنها : حــــــــصة ردت بسرعه وبقهر واضح :أنا آمنه مبارك مبارك : سمحيلي ، تلخبطت كنت بقولج آمنه : بتقول لمنو حصة ولا آمنه مبارك : حو ، قلنالج بالغلط كلتينا آمنه : مبارك لو سمحت يعني مبارك : زين المهم ، أنا بسكر عنج آمنه بترجي : قبل لا تسكر أبغي أقولك شي مبارك : نعم آمنه : قول تم قبل مبارك : اذا أقدر آمنه : لا تقدر صدقني مبارك : شو هو آمنه : قول مبارك : تم ، شو هو آمنه : أبغي أشوفك مبارك :شوووووووووووووو آمنه : حرام عليك مبارك ما ياك فضول تشوفني يعني مبار : امممممم ، بلى بس ما يصير آمنه : ليش ما يصير مبارك : نحن ما كنا متفقين جيه تاخذين اخباري وبس آمنه : زين شو بتخسر أنت ريال ما بيأثر عليك تبون الصراحه حسيت بفضول أشوف شكل هالانسانه ، الي مستحملتني هالقد ، غريبه كيف صبوره ، كيف تحبني ، كيف مجنونه بي مبارك :اوكي آمنه : خلاص أي مطعم نتلاقى مبارك :شووووووووووووو ، لا لاء مب جيه عاد ، خذتي ويه أشوف ، يعني شوفه على الماشي آمنه : اممممممم السينما مبارك : ما بسير أقعد آمنه : شوف أنا ما بقدر أمر في سنتر عسب تشوفني والكل يلاحظ ، ويرمسون عليه أني مواعدتنك لان بيبن من نظراتي مبارك أنت ما تعرف شوفتك شو تسوي فيني ، سو مبارك : هههههههههه سو آمنه بابتسامه : هيه سو بنسير السينما بتشوفني وبيكون ظلام وفمحد من الناس بيلاحظ ، وغير جيه بننشغل بالفلم وبعدين نص الفلم بروح ما عليك مبارك : اممممممممم آمنه: يلا عاد قلت تم تراك مبارك : خلاص تم آمنه : بشوف العروض وبدق لك مبارك : شوفي العصر ولا المغرب آمنه : من عيوني يا عيوني ، خلاص ثواني وبيوصلك مسج ، باجر ولا اليوم مبارك : باجر صكرت عنها حسيتها طايرة من الوناسه يمكن حسيت بشوي عصرة بقلبي معقوله أخون حصة ، أنا مب يالس أخونها أنا يالس أجبر بخاطر آمنه ، ومنو آمنه ، بتخبركم ؟؟؟؟ يا ربي ما أعرف كل الي أعرفه أن فيني فضول أشوف هالانسانه ، وبالقو بعد ؟؟؟ شوي والا ياني مسج (( باجر الساعه سبع المغرب أوكيه في ؟؟؟؟؟ )) لحظة باجر ، ما قالت كيف بعرفها ، ولا صح هيه تعرفني ما علينا بشوف وحده تتطالعني بعينها مب مشكله .. الله يعينا باجر !!!!!!!!!!!!!!!!!!!!!!!! |
سلطان ابتسمت وأنا أشووووووووووووف تعليق شمسه على نك نيمي شمسه : أنـا ياحاسدي المسكين بعيد العيب عن ذاتي صدق مول مب شي مب لايق عليك تحسب انك تمشيها عليا وتضحك بي على قولتك اسف ،انا لو بس ابنوي فيكـ نيه لادخلك البحر واطلعكـ ناشف ليش يعني أنـا ياحاسدي المسكين بعيد العيب عن ذاتي أحسك طيب مب يعني تنتقم وجيه تحسب انك تمشيها عليا وتضحك بي على قولتك اسف ،انا لو بس ابنوي فيكـ نيه لادخلك البحر واطلعكـ ناشف هههههههههههههههههههههههههههههههههههههههههههههههههه هههههههههه أنـا ياحاسدي المسكين بعيد العيب عن ذاتي ليش تضحك تحسب انك تمشيها عليا وتضحك بي على قولتك اسف ،انا لو بس ابنوي فيكـ نيه لادخلك البحر واطلعكـ ناشف ماشي ، بس أنـا ياحاسدي المسكين بعيد العيب عن ذاتي بس شو تحسب انك تمشيها عليا وتضحك بي على قولتك اسف ،انا لو بس ابنوي فيكـ نيه لادخلك البحر واطلعكـ ناشف بس مب أطيب عن قلبج أنـا ياحاسدي المسكين بعيد العيب عن ذاتي ^_^ تحسب انك تمشيها عليا وتضحك بي على قولتك اسف ،انا لو بس ابنوي فيكـ نيه لادخلك البحر واطلعكـ ناشف أقول عليا أنـا ياحاسدي المسكين بعيد العيب عن ذاتي نعم تحسب انك تمشيها عليا وتضحك بي على قولتك اسف ،انا لو بس ابنوي فيكـ نيه لادخلك البحر واطلعكـ ناشف أنا بطلع محاظرتي بعد ساعه ونص يمديلي اتلبس واروح أنـا ياحاسدي المسكين بعيد العيب عن ذاتي بالتوفيق تحسب انك تمشيها عليا وتضحك بي على قولتك اسف ،انا لو بس ابنوي فيكـ نيه لادخلك البحر واطلعكـ ناشف يلا فداعته أنـا ياحاسدي المسكين بعيد العيب عن ذاتي ربي يحفظك ، لا تسرع تحسب انك تمشيها عليا وتضحك بي على قولتك اسف ،انا لو بس ابنوي فيكـ نيه لادخلك البحر واطلعكـ ناشف من عيوني صكرت المسن وأنا ابتسم ، كيف غبيه هالانسانه ، ههههههههههههههه ، يا ربي متى بتعترف ليه أنها شمسه ، تعبت أخاف أغلط وناديها بشمسه ويتخرب كل الي سويته بشهر ، يعنب تقدرون تقولون صارت مدمنه هيروين ، وأنا الهيروين الي اذا ما رمسته كل يوم راسها وعيونها وريلها وايدها ما يتم شي ما يعورها ، ضمنتها بالقو بعد ، بس أتريا تعترف ،لين الحين أحس بعدها ما تعلقت لدرجة الموت فيني يعني، متعلقة بس ممكن تتخلى لو عرفت أني أجذب عليها ، ماأعرف ليش أبغيها تكون ربيعتي يعني ادقلي ترمسني شرات باقي البنات يعني مب جيه على الناشف ، أنا إذا وحده عيبني جيه ، أحبها ادلعني ، وهذي لين الحين حتى كلمه حلوة ما قالت لي ولا تخليني أقول ، مرة غلطت وقلت حبيبتي كلتني بقشوري ، صعبه هالبنت ، معقده بزياده ، يبالها شويه وقت بس على طاري البنات منحرم من البنات الي عندي بالمسن مده شهر ما أدش ايميلي الثاني ، كله أدش هالايميل الي فيه شمسه وللأسف فيه بس شباب ، يعني ماشي مجال أرمس غيرها ، أبغي أقولها ضيفيني على ذاك الايميل عسب استغل الوضع وارمس كذا وحده بنفس الوقت ، بس أخاف اخربط وأخرب كل شي وهذي بعدها ما طاحت ، يلا الي عندي بالفون يسدوني لاني وحدة صراحه أمل ما أقدر ؟؟؟؟ اممممممممممم متى بي اليوم الي بتطلب فيه رقمي ساعتها بفنقرها من المسن وبرمسها بالفون وبدش بالايميل الثاني الي فيه غيرها ، يالله تعينا ؟؟؟ قمت من مكاني ورحت أغير ثيابي عسب أسير الجامعه ، ماأعرف ليش ابتسمت ، مب بس ابتسمت إلا ضحكت مستانس أتخيل شكل يدي لو عرف أني أكلم بنت اليران هههههههههههههههههههههههههههههههه ، يمكن ايييييه شي وبيموت ، صراحه بضرب عصفورين بحجر واحد افتكيت من يدي وكسبت وحدة حلوة أتسلى وياها ؟؟؟ شما يلست ويا عواش على الكراسي الي عند الباب الرئيسي للكليه وأنا ملانه : اييييييييييييييييه متى بي الدريول ، تعبت بروح أرقد طالعتني عواش بزيغه : ما أدري شما : شفيج زايغه عواش : ها ، ولا شي راقبت ريولها الي ما هدت من يلسنا شما : شفيها ريلج ، بسج لا تهزينها طالعتني بنفس العيون الزايغه طنشتها شفيها هاي مب فايقه لها شفت تلفوني يرن ، لو أخوها خالد بجتله وبجتل أخته الي يالسة تهز ريلها من الصبح عورت راسي طالعت الرقم عبدالرحمن شما :ألووووووووو عبدالرحمن :اقول شي عرض الساعه سبع بتروح اتشققت ببتسامه عريضة : هيه بروووووووووح شفت عبدالرحمن صخ وبعدها رمس : شما شما : هيه نعم عبدالرحمن : وبلاج ترمسين جيه شما : كيف جيه يعني عبدالرحمن : داق لراشد ، مب لج توسعت ابتسامتي: وصوتي شرات صوت راشد عبدالرحمن : ترا هالألوووووووووووو ، زيغتني، والله تروعت قلت بلاه رشود شما :شووووووووووووووووو يعني صوتي رقيق عبدالرحمن :شو تقولين أنتي ، وين أنتي أصلا شما : في الكليه عبدالرحمن : هيه داومتوا شما : يقولون عبدالرحمن : زين أقولج شما : نعم عبدالرحمن : محد يعني يغلط في تلفونج ، ذلتينا مية سؤال يلا جلبي ويهج شما : عبدالرحمن لحظة عبدالرحمن : خيييييييييييييييييير شما : وين بتروحون عبدالرحمن : السينما ، سؤال ثاني اختنا شما : بتودوني وياكم عبدالرحمن : ان شاء الله مرة ثانيه يوم بفضى عويت بوزي : عيل ما بتفضى عبدالرحمن : شمو لا تعورين راسي صكي يلا فداعته شما :اقووووووووووول عبدالرحمن:خييييييييييييييييييييييييييييييييييييييي يييييييييير شما : بصوت واطي وصوت ماكر شوي : عويش عندي عبدالرحمن : ايييييييييييييهي ، يلا انا مسولج سالفه وصك التلفون في ويهي طالعت التلفون بلاه هذا ما يستحمل كلمه ، انقهرت منه ونسني أول شي أن صوتي شرات راشد، يعني ، شرات صوت ريال ، يعني صرت تقريبا ريال بصفه ثانيه ^_^ صديت صوب عواش حتى ما انتبهت شو يالسة ارمس ويا عبدالرحمن بالها مشغول ، طالعتها مستغربه شما : بلاج أنتي بلعت ريجها ماشي فجأة صدت عليه : شمو هذي آمنه أخت منصووووووووور شما : عله تعلها هي واخوها وصديت صوبها وأنا أطالعها بتهديد ، يا ويلج لو سرتي عندها ولا سلمتي عليها عواش: لا تخافين مب هبله شما : هيه جان ما كفاج تكفيخ رشود ،أنا بسدحج وبكفخج هنيه عواش: بس يا أمي ، استوي بنوته شوي شما : ما ابغي بلاه هالدريول بتصل له صدت لي زايغه : اييييييه لا ادقين توني داقه شوي والا رن تلفونها : يلا هذوه وصل أكيد يلا طلعنا أنا وهي طبعا ، الي يشوفنا يقول شو ركب هالاثنين مع بعض مشينا الشمس حرقتني لبست نظارة هالزفت خالد على عيوني ، انا اليوم بسير اخذلي نظارة شمسيه ، دام هذا خذا نظارتي، عنلاته ان شاء الله ، مب طايقه أحط نظارته على ويهي بس شو نقول وقفت صوب المظلات وأنا اشوف السيايير صديت صوب شما : وين السيارة شاورت بعينها : هذيه فجيت عيني مصدومه وأتمنى الي اشوفه مب صح : شووووووووووووووووووو ، هاي سيارة النحس اخوج مب الدريول عواش : تلاقين الدريول ما حصل سيارة وعطاه سيارته شما قلت لها بعصبيه واستهزاء :شوووووووووووووو بتفهميني أن أخوج هالزطي بيعطي الدريول السيارة ، روحي شوفي من في السيارة وتعالي عواش بيأس : شميم يلا بنتأخر شمس ، خلا نروح شعليج من في السيارة شما رفعت حياتي : يعني أخووووووووووووووج صح ، لو الموت ما أركب روحي يلا شوفي منو عواش بتوتر : يمكن راشد شما قلت بغيض : ان شاء الله راشد لان لو اخوج خالد بشوتج أنتي وياه عوت بوزها وراحت صوب السيارة فجت الباب و شفتها ترمس الي يسوق ، صراحه ضاربني فضول ، ما أدري منو في السيارة ومنو الي يسوق ، صدت صوبي وهي عاويه بوزها ردت يت صوبي عواش : يلا شميم شما قلت بشك : منو ،هالنحس صح عواش : شو تبين به طنشيه لين ما نوصل شما :شو أركب وياه يولي جيه ما تم حد في البلاد ،أركب في بيكب ولا اركب وياه عواش: ههههههه مب وقتج شميم حر يلا قومي شما تلصقت بالكرسي الي يالسة عليه : شوووووووووو، ولي أنتي واخوج ، ونه قومي ما بقوم عواش: منو بيوصلج شما : بتصل بأبوي ولا عبدالرحمن ، ولا حتى الدريول ، وهالدريول النحس وينه عواش : يلا عاد بيتأخرون عليج شو بيلسج ، والدريول محد مطرشينه ما اعرف وين شما : بتصل بحصيص تيني مع مبارك، المهم أخووووووووج ما اركب وياه عواش: الحين تركبين ويا مبارك ولا تركبين مع خالد شما :شو ياب لياب اصلا وين مبارك وين خالد راحت بيأس صوب السيارة ، وحمدت ربي ،المهم يروحون ما همني اتم روحي أي حد يني ،بس لو تمت بتم تحن على راسي وروحي مصدعه من الصبح شفتها فجت الباب وتمت واقفه ما دشت يعني رايحه ترمس هالنحس شو يالسة تقول له ، عنلاتج عواش مول ما تنفعين ردت يت عندي وقالت بشويه خوف الا قولوا الخوف طالع من عينها تحيدونها عواش كيف خوافه : شميم خالد يقول تعالي بكرامتج لييييييج الحين يخليج في ثانيه تركبين السيارة وأنتي تركضين فجيت عيني الوقح جدام عواش بعد شما :شوووووووو قوليله جان فيك خير جرب عواش : ايه شميم شو تقولين انتي يلا تعوذي من الابليس وتعالي دزيتها بايدي ومشيت صوب سيارته هاي خوافه فجيت الباب : أقووووول لو فيييييييك خير جرب شفته ابتسم : يلا شميم غناتي في وحدة يطلع لها تركب ويا الي تحبه وتقول لاء شفت عواش واقفة ورا وتتنافض من الزيغه هاي بجتلها شو يخوف الحين الرمسة لي انا ،طالعته بطرف عيني : ايييييييييه انت زول تعرف ولا ألم عليك الناس وأقول يبا يخطفني ، أصلا كيف مدخلينك أنت عسب أول يوم ها ماعلي براويك زادت ابتسامته : بقولهم ياي اخذ اختي يلا مشي ، بعدين لايقه عليج نظارتي ( وغمز لي بعينه ) فجيت عيني : مالت عليك ولا نظارتك خالد : يلا ركبي ركبي ،لا افضحج جدام البنات اشوف بنات يالسات تحت المظله شما باستهزاء : اكيد بتشوف البنات أنت عينك ما تي الا على البنات خالد : هههههههههههههههههههههههههههههه فديت الي يغارون انا فديتهم طالعته باحتقار من ورا النظارة ، ليته شاف نظرتي عاد ، ودرته ورحت يلست على الكراسي هذا سخيف شكله وايد بيطول ، شفت عواش ركبت جدام ، شوي والا تحركت السيارة حمدالله يلا روحوا ، قرب السيارة عندي ونزل الجامه وقال بصوت عالي كل البنات الي يالسات تحت المظلات صدوا له ، خالد : شمييييييييييم غناتي يلا تعالي ركبي مستحيه تركبين وياي شو فجيت عيني شو يسوي حسيت الكل يطالعني خالد : يلا عاد قلبي لا تخليني اتريا وايد ، قلنا زعلانه مب جيه عاد بلعت ريجي هذا شو يبا ، يبا يفضحني في الكليه وأنا توني أول يوم ، انقهرت منه الصراحه ومشيت بسرعه وانا خايفه حد يسمعه ومتوترة ورحت صوب السيارة وفجيت باب عواش وطالعتها بغيض وتكلمت من ورا أسناني شما : عواش روحي ركبي ورا أخوج هذا دواه عندي سمعته يضحك بصوت عالي : ههههههههههههههههههههههههههههههههههههههههههههههههه ، عواش دخيلج روحي اركبي ورا نزلت عواش وأنا احسها مصدومه ومب مستوعبه ، مسكينه ما شافت نذاله اخوها بس مب وقت عواش، ركبت أنا وصكيت الباب بالقو خالد : كسرتي الباب شما : عقبال ما ينكسر راعي السيارة والباب بعد ، يلا تحرك بسرعه تحرك خالد : ههههههههههههههههه لاء ما بتحرك شو بتسوين فجيت عيني وطالعته بعصبيه :أنت اييييييييييييييييييه شو تتحرى عمرك شفته ما رد عليه واكتفى بابتسامه وحرك السيارة كنت أنتظر نطلع من هالمكان للشارع العام ،و أول ما طلعنا من المدينه الجامعيه كنت ميته من الغيض ومقهورة من هالانسان البارد الي مافيه ذره احساس ويبا يفضحني بعد رفعت أكمام عباتي ، ومديت ايدي بحركه بعيده كل البعد عن التفكير أن هالانسان يالس يسوق ومسكت كندورته من جدام شما : أنت اييييييييييييييييه شو الي سويته طالعني وهو مب مهتم لايدي الي على كندورته ، كأنه توقع هالحركه ، ومبتسم ابتسامه خايسة : هههههههههههههههههه هيدي هيدي يا أمي ،أنا أسوق شما : علك العوق ما سمعت حس عواش أكيد متجمده ورا ومتصنمه من الموقف وميته خوف أعرفها عواش حتى ما صديت لها لاني كنت مشغولة ويا هالسخيف خالد بنظره مكاره : والله فديتج مب عايبنج ايييييبج هذوه الدرب فجي الباب ودوري لج تكسي شما : هئ هئ هئ ضحكتني ويا دمك وقف السيارة احسن لك لان هذا الي بسويه عواش بصوت كله خوف : ايييييييييه شميم شفيج شما : وقف أقولك خالد : شوفي يا القويه ، الرياييل ما ينتظرون يسمحون لهم الي في راسهم يسوونه ، نصيحه يعني اذا بغيتي تصيرين شراتنا ،لا تترين اوقف السيارة ، على طول فجي الباب وعقي عمرج في الشارع ، بعدين مب ناقص يقولون خلا بنت عمه تركب تكسي وهو وياها ، خلا يقولون بنت عمه ما استحملت شوفته وانتحرت هههههههههههههه خيييييييييييييييييييييييبه هالدرجة نذل يباني أموت يعني ، يعني مهما كان خالد ما أتوقع توصل فيه لهدرجة ، توقعت أنه بس يستفزني عسب جيه حاولت ابين له أن ما يهزني شي وعادي اعق عمريه شما فجيت عيني: شو شو تتحراني خايفه يعني خالد : لاء مب خايفه بس طلب أخير اتري لين نطلع لشارع الامارات عسب اتأكد أن اذا فجيتي الباب تموتين شفت شهقه عواش ورا عواش: خالد حرام عليك شميم ما عليج منه خالد: هههههههههههههههههههه ادريبها خوافه ، يلا فجي الباب عواش: خالد أنت ما تعرف شميم دخيلك صديت للباب توقعت يكون مقفول مثلا عسب جيه وايد واثق بس للأسف شفته مب مقفول يعني لو فجيته الحين ، وكنت قريبه وهو مسرع عادي انعق نص الشارع ؟؟؟؟ صديت وطالعته باحتقرار وقلت لعواش وانا عيوني له : عواش جان مت قولي لابويه وعبدالرحمن وحصيص ، أن وشاورت بصبعي وأنا اشوفه باحتقار ، هذا السبب في موتي خلا ياخذون الثار منه خالد : ههههههههههههههههههههههههههههه يا راعيه الثار انتي يلا يلا فارجي فجي الباب وعقي عمرج فجيت عيني هذا من صدقه شفته يزيد السرعه شو يبا يخوفني ، صراحه ما أجذب عليكم بيني وبينكم هيه خايفه ، يلست أفكر كرامتي ولا حياتي كرامتي ولا حياتي كرامتي ولا حياتي كرامتي ولا حياتي الحياة بدون كرامه ما تسوى خلاص شويه كسور بتصيبني بس أراويه أني قدها هالسبال ، بس لو مت ، الرياييل مفروض ما يخافون بلاني أنا ، يتحداني ونه بنصحج لو بتصيرين مثلنا ، يعطي نصايح ريال غصبن عن عينك ما حسيت الا به وهو يصد صوبي ويرفع واحد من حياته استوعبت أظاهر كنت افكر وأنا بعدني أطالعه ، ما أعرف ما انتبهت شو صار بينهم ، كانت عواش ترمس وتتحرطم ما سمعتها كنت أبغي أسوي بس الي في بالي شما :زييييييييييييين يا خالد تشهدت في قلبي وصديت للمقبض مرة ثانيه بعد مش مقفول ،مديت ايدي ، وغمضت عيني وحطيت ايدي على مقبض الباب وما حسيت بعمريه إلا وأنا أفج باب السيارة ؟؟؟؟؟؟؟ آخر شي سمعته كان صوت عواش وهي تصرخ باسمي ؟؟؟؟؟؟؟؟؟؟؟؟ جرحتني لجل حبك بالأمس واليوم ما همك جروحي ~~ قتلتني في خافقي بلا همس وجاي تكمل جروحي ~~ |
الجزء الحادي عشر~~ تشهدت في قلبي وصديت للمقبض مرة ثانيه بعد مش مقفول ،مديت ايدي ، وغمضت عيني آخر شي سمعته كان صوت عواش وهي تصرخ باسمي ؟؟؟؟؟؟؟؟؟؟؟؟ غمضت عيني ما أعرف وين رحت ،أو وين كنت لحظتها كل الي كنت اسمعه ضحكه انسان سخيف تتعالى و تتعالى، فجيت عيوني شوي شوي وشفت أني بعدني ماسكه قبضة الباب وأحاول افتحه بس لحظة الباب ما ينفتح رديت غمضت عيني متجاهلة الاصوات وفتحتها مرة ثانيه للتاكيد ، فجيت عيني على كبرها وأنا اسمع صوت خالد وهو يضحك عواش : حمدالله حرام عليك خالد وقفت قلبي هالمرة عيوني كانت منصدمه لحظة هالسخيف ليش يضحك ،صديت له وطالعته باستنكار خالد :ههههههههههههههههههههههه شفيج بعدج ما متي ،لا تحاولين ، دريت اني بركب يهال وياي عسب جيه خليت الباب ينفتح من برع بس فجيت عيني وطالعته تبون الصدق مستانسة من داخلي اني بعدني حيه ومقهورة بنفس الوقت من هالانسان السخيف الي يالسة اطيح بمواقف معاه فعلا بايخه سكت عنه وتجاهلت تعليقاته مب لاني ما اقدر عليه بس يلست افكر بعمري كيف كنت بفج الباب لو ما كان قافل الباب عسب ما ينفتح من داخل جان طحت بالشارع يعني تقريبا محاولة انتحار ، خيبه شو بيقولون عندي انتحرت أنا روحي مشبوها اكمل على عمريه بعد يا ربي فعلا غبيه هالانسان كيف يستفزني ركزت على الشارع جدام وانا مربعه ايدي وطنشت خالد لحظتها خالد : فديتج شميم تتوقعين اخليج تعقين عمرج وانا منو بيتم عندي لاء لاء ما استحمل سكت عنه يسخف دمه جدام عويش ، بليل بتاكلني عويش عسب تعرف شو السالفه يا ربي منه؟؟ ومن دمه الثجيل خالد : عواش بنت عمج هاي فنتك كيف مرابعتنها انتي بتخبرج صديت عليه هالمرة ما اقدر استحمل سخافته وقله ذوقه : تصدق انك سخيف وممكن تسكت لانك ازعجتني خالد : ههههههههههههههههههههههه هذا الطرار ويتشرط بنوصلها البيت ويالسة تتامر بعد عنبو صدق الي استحوا ماتوا عواش: بس خالد خف عليها صديت لوا وطالعت عويش بنظره خطيرة اقرب لانها تكون تهديد شفتها بلعت ريجها وطالعتني بعيونها بمعنى شفيج سكت عنها ورديت صديت جدام صد لي خالد : عويش يا ربي كيف تستحملين هالنظرات في ذمتج مب نظراتها خطيره ولا هوجن في زمانه صديت صوبه باحتقار : انت بتسكت ولا ادفنك هني خالد : هههههههههههههههههههههههههههههههههههههههههههههههه هني تدفنيني ، وين بالسيارة ما احيد حد مدفون بالسيارة صديت صوبه باستخفاف مبالغ : ياااااااااااااااااااا ربي منك ومن ثجل دمك خالد : ههههههههههههههههههههههه سكت عنه صح ما وقف تعليقات سخيفه بس سكت عنه صراحه مول مب متفيجه ارد عليه هالسخييييييييييييييييييييييييييييييف ما صدقت متى وقف عند باب بيتنا وابتسم لي شما : شو تتريا انزل فج الباب خالد :هههههههههههه تحت امرج شيختنا تامرين امر من عيوني يا عيوني شما : علهم العمى خالد : حرام عليج بتحرمينهم من جمالج فجيت عيني وصارخت : بتفتح الباب ولا شووووووووووووو ابتسم ابتسامه بايخه ونزل من السيارة اول ما نزل صديت لعواش ورا شفتها متصنمه واطالعني مصدومه: مستانسة على اخوج ها ، دواج عندي تقولين الدريول عوتش: شميييييييييييم انا شو يخصنيه انفج الباب ووقف على طول عند الباب بحيث ما اقدر انزل صديت صوبه مستنكره هالحركه طنشته ونزلت ودزيته بنص صدره وروحت بيتنا اظني لو حد شافني بيجتلوني هلي ،بس دواه هالسخيف فعلا قمه في السخافه وقله الذوق والادب ما اعرف متى وصلت غرفتي تغسلت وغيرت ثيابي ونمت طنشته مب مهم عنديه المهم اريح راسي الي احسه مفتر ؟؟؟؟ عند بيت ميره 3:50 شمسه أول ما دخلت الفريج شفت سيارة سلطان عند بيتهم وهو واقف عند الباب يرمس بالتلفون ويا منو يرمس هذا هالقد، يا ربي ما تفصل بينا الا شويه امتار ومب قادره اوصله ابتسمت اول ما وقف الدريول عند بيتنا نزلت من السيارة وتعمدت امشي بشوي شوي خلا ابرد فواده مسكين متولع فيني ما يدري ان عليا هي شمسه مب مشكله المهم انا مرتاحه وارمسه يا ربي متى بتجمعني وياه شفته لما شافني وقف وابتسم خيبه لا تبتسم جيه عاد عن حد يلاحظ ابتسمت ومشيت داخل عنه دخلت بيتنا وركضت على طول لغرفتي سمعت حس امايه من تحت : شمسه ما بتتغدين ما صديت وكملت طريجي بسرعه وقلت لها وانا اركض لغرفتي : متغديه في الجامعه امايه بروح ارقد تعبانه اول ما دخلت الغرفه تشققت يا ربي ان شاء الله يدش على طول شغلت اللاب وفجيت المسن بس خاب ظني لما شفته مب داخل حطيت سأعود حالا ورحت اتغسل واغير ثيابي ورديت يلست على الشبريه حطيت ايدي على خدي يا ربي متى بيدخل يسلت اتعبث بنكي خليته .. .. الفرح كله ساكن بقلبي .. شوي والا شفت داخل ^^ يا قلبي خفف نبضاتك ^^ يا ربي شو قصده من هالجمله أكيد لما شافني توه قلبه زادت نبضاته ، يا ربي كيف احب هالانسان ،لحظة شو اقول يالسة انا كيف احبه ما اصدق الي يلسة اقوله وما اصدق الي يالسة اسويه كيف ارمسه متاكده لو عرف اني شمسه بطيح من عينه لا لاء انا لازم اقطع علاقتي به يا ربي احس ما اقدر ، بحاول وبشوف اتوقع ما اقدر اوووووووووووف ما أدري ما أدري لما شفته فتح محادثة نسيت كل شي حتى رمستي الي قلتها توه .. الفرح كله ساكن بقلبي .. هلا وغلا يا مرحبا ^^ يا قلبي خفف نبضاتك ^^ هلا بج زود علومج يا حلوة .. الفرح كله ساكن بقلبي .. دام شفتك بخير ، انت شحالك ^^ يا قلبي خفف نبضاتك ^^ آآآآآآآآآآآآآآآآآآآه لا تتخبرين عن حالي دام شفت القلب حالي يسر ويطفح من المسره تعرفون احساسي طرت الا قولوا حلقت الا قولوا الي تبونه المهم ما كنت موجوده على هالكوكب كنت على كوكب ثاني .. الفرح كله ساكن بقلبي .. صدق شفتها ^^ يا قلبي خفف نبضاتك ^^ آآآآآآآآآآآآآآآآآآآآآه يا عليا الا ما شفتها قولي طحت طيحه ، قلبي وجبدي وروحي وحتى الرئة عندي ما تشتغل جيمت لي كل أجهزتي .. الفرح كله ساكن بقلبي .. هههههههههههههههههههههههههههههههههههههههههههه .. الفرح كله ساكن بقلبي .. سلطان ^^ يا قلبي خفف نبضاتك ^^ نعم .. الفرح كله ساكن بقلبي .. ممكن سؤال لو هو يخصك يعني ^^ يا قلبي خفف نبضاتك ^^ أكيد ممكن تسالين بس مب اكيد اجاوب حسب السؤال ، اسألي وبشوف .. الفرح كله ساكن بقلبي .. ليش تحب هالبنت هالقد ^^ يا قلبي خفف نبضاتك ^^ امممممممم ما اعرف ، روحي ما اعرف اذا احبها ولا لاء كل الي اعرفه اني يوم اشوفها يفز قلبي وبليل افكر فيها واخيس في الحر الظهر عسب بس اشوفها وبليل اتخيلها يعني ما اعرف .. الفرح كله ساكن بقلبي .. كل هذا معقووووووووووووله ؟؟؟ ^^ يا قلبي خفف نبضاتك ^^ أنا لو حبيت اعطي كل ما املك، وانا ريال ما املك شي غير قلبي وشعوري ابتسمت تبون الصدق كيف هالانسان حساس وبرئ ابداَ مب مثل شباب هالايام الي يتسلون ،كيف يحبني ، عمري ما بلاقي انسان يحبني لهدرجة معقوله في شاب جذا ، ما اصدق ويحب منو يحبني انا ، كيف الحياة يا رب ؟؟؟ الله يجعله من نصيبي كله صوب وطيبته صوب ومعاملته الحلوة ويا الناس بصوب وحتى يده مع أن يده ريال عود بس عايش وياه ومستحملنه وشايلنه شل ، اكيد وايد يحترم يده مبين عليه انسان محترم كيف الناس المحترمين ينعرفون ؟؟؟؟؟؟؟؟؟؟؟؟؟؟؟؟؟؟؟؟؟؟ شفت نكه ^^ يا قلبي خفف نبضاتك ^^ شو وين رحتي .. الفرح كله ساكن بقلبي .. لاء هني بس سرحت فيك ^^ يا قلبي خفف نبضاتك ^^ صدق وبشو سرحتي .. الفرح كله ساكن بقلبي .. حياتك قريبه من حياتي ^^ يا قلبي خفف نبضاتك ^^ امممممممممم هذا يسمونه توأم الروح كل انسان له توأم روحه يرتاح له يشاركه همومه يشاركه هواياته نشاطاته ممكن يكون صديق وممكن يكون صديقه .. الفرح كله ساكن بقلبي .. لاء والله وانا شو ^^ يا قلبي خفف نبضاتك ^^ امممممممممم ما اعرف انتي كل شي .. الفرح كله ساكن بقلبي .. كل شي ^^ يا قلبي خفف نبضاتك ^^ هيه نعم كل شي ما اعرف شو احس به تجاهج ولا شو شعوري لج كل الي اعرفه انج كل شي روحي مب عارف انتي شو بالنسبالي ابتسمت لو حبني ونسا شمسه الي حبها من اول نظرة ، بعترف له اني شمسه بنت يرانهم لاني بكون متاكده ساعتها انه حبني لشخصيتي حبني لاني انا شمسه مب لانه شاف شكليه وعيبته ولا لاني حلوة يا ربي بكون كل شي بالنسبه له ، البنت الي حب شكلها والي حب شخصيتها حسيت براحه غير طبيعيه غير السالفه سلطان وتم يسولف عن الجامعه ربعه حياته تقريبا قمت اعرف وايد اشياء عنه بحكم انه معتبرني شرات ربعه كملنا سوالف وما اذكر كم صار الوقت ؟؟؟؟؟؟ بيت هزاع هزاع دخلت البيت متعكر مزاجي ، هاي الهنوف شكلها بتورطني وبتكشفني على آخر شي ، كيف اشرحلها كيف بيكون زواجنا؟؟؟ انا قلت لها بخطبج قالت عندي اهل!!! كيف لو قلت بالسر وما ابغي منج عيال كيف بتتفهم الموضوع ولو ردتني شو بيكون موقفي جدامها ، وشو يضمني ما تخبر ابويه ولا عمي ولا حد من خواني ولا أخوان فطيم ، تبون الصراحه من ناحيه فطيم مب خايف ادري فطيم ما بترد عليهم بس بعد ؟؟؟ يا ربي تعين ؟؟؟ ركبت الدري وشليت الغترة والعقال الي على راسي وحطيها على جتفي ، اول ما وصلت قريب الباب شفت الليت شغال غريبه طالعت ساعتي 2 ونص بليل !!! معقوله فطيم لين الحين واعيه يا الله كيف تخلي عمرها واعيه ما حاتت بشرتها الي بتتجعد من السهر هههههههههههههههههههههههههههه كيف هالانسانه !!!!! فجيت الباب وشفت الغرفه فاضيه الظاهر تسبح رحت وعقيت عمريه على الشبريه احس بتعب شديد تبون الصدق ما اعرف بشو حسيت ؟؟؟ مثل وخزة في عيني يلست افركها بايدي آه الظاهر رمش دخل فيها رحت للتواليت ويلست اطالع عيوني هذي الرمشة وين واصله؟؟ للجفن الي تحت يلا اظهري طلعتها من عيني اول ما صديت شفت فطيم واقفه في ويهي مررت عيني عليها شفتها لابسة قميص نوم وشعرها مبلل ومنثور وراها بشكل مرتب شو مشطتنه وهي تسبح هههههههههههههههههههه لحظة اطالعني بعصبيه وحاطه ايدها على خصرها شو السالفة ؟؟ رفعت واحد من حياتي شو هالوقفه يعني ، شو سويت بعد ما مداني توني ياي ؟؟ فطيم : مب قايله لك يوم بتشرب هالسم لا تي عندي طالعتها مستنكر كلامها وقلت وانا ارصص عيوني ولهجتي كلها استهزاء : مب شارب فطيم : لا عمية انا ما اشوف عيونك الي محمره هزاع : شو كل واحد عيونه محمره شارب رحت عنها وعقيت عمريه على الشبريه تبون الصراحه مب فايج لها هزت راسها بلا مبالاة وراحت يلست جدام المنظره تحط كريماتها المعتاده قمت من مكاني ورحت صوب الكبت طلعت فوطي وثيابي ورحت اسبح هاي ما منها فايدة ولا قالت بعد من وين ياي ولا شو دنياك عنبو حتى شو اخبارك ؟؟؟؟ من الصبح طالع ؟؟؟ سبحت وغيرت ثيابي وطلعت طبعا كانت نايمه ومصكرة كل الليات وانا ما اعرف اشتغل بالظلام رحت فتحت الليت اول ما فتحته سمعت صرخه : صك اللييييييييييييييييييت طنشتها هاي جذا يبالها ، الواحد يطنشها ، يلست انشف شعريه وعقيت الفوطة على الارض قصداَ ، ادريبها ما تقهر شي طايح وبتقوم من مكانها ، فعلا قامت بس بدون لا ترمس هالمرة مب مثل دوم تتحرطم شلت الفوطة بهدوء وراحت ودتها وقفت عن باب غرفة تبديل الملابس وانا مربع ايدي ، شوي والا ظهرت حتى ما صدت صوبي مسكتها من ايدها شفتها وقفت وصدت علي اتصنعت نظرة بريئة وقلت لها : فطيم انا تعبان طالعتني وهي تتصنع نفس النظرة البريئة بس لهجتها مايلة للاستهزاء : فديتك غناتي تصدق انا بعد تعبانه ، تعبت منك عويت بوزي : عاد كيفج تعبتي ولا لاء ، انا ما يخصنيه انا ريال ومفروض تريحيني تشيلين همي شفتها ابتسمت باستهزاء : هههههههههههههههههههههههه هيه عاد الحين انت مطلق الي يدلعونك وياي عنديه ، سير دور غيرها لا تعور ليه راسي ابتسمت لها : فديتج كيف فاهمتني ابغي ارمسج بهالموضوع سحبت ايدها وراحت عني : اي موضوع رحت وراها : موضوع زواجي راحت ويلست على الشبريه ولحفت عمرها عدل : هذوه الدرب مرخوص هزاع : ههههههههههههه ما ابغي اذن فطيم : عيل رحت ويلست على الشبريه ولصقت فيها وربعت ايدي : فطيم الموضوع سيريس فطيم: ههههههههههههه زين شو هالموضوع السيريس هزاع : هاي غير صدت صوبي : كيف غير ، بعدين ابعد شوي الدنيا حر طالعتها بطرف عيني: بهواي والله ، كيفج انتي ،حر ونه انتي وين والرمنسيه وين فطيم: المهم خلص ابغي ارقد هزاع : الي ابغي اخذها ،غير هالمره وحدة شراتج صدت لي بنظره استصغار : شو فديتك ، شراتي ، ومنو هاي الي شراتي ابتسمت كله ولا تجيس فطيم تولع ، دايما تشوف عمرها احسن من الناس عسب جيه دايما تشوف حريمي على اساس اقل منها يمكن لهذا السبب ما تغار مب مهم، المهم ما تغار هزاع : الهنوف تنهدت : زين ما ابغي اعرف اسمها ، خذها دام شراتي احسن بعد عسب مول ما تي عندي عندك نسخة مني هناك هزاع : ههههههههههههههههه تبين الفكة شو ، لاء الغاليه مب مثلج بالشكل شو ياب لياب ما سالت منو احلى يعني تعرف الجواب هالانسانه شو من جليد ، تبون الصدق فطيم احلى الله يعينها على غرورها هالانسانه فطيم : عيل هزاع : تبغي زواج زواج فطيم فجت عينها : شوووووووووووو ، شو قلت أول مرة تتنرفز في سالفه تخص حريمي شو صاير يا ناس هزاع : هيه فطيم : لاء فديتك تبا تفضحني على اخر عمري تبا الي ما يسوى والي يسوى يرمس عليه عويت بوزي : هذا الي همج ان محد يرمس عليج مب مهمة راحتي ، على العموم مب جذا قصديه ما بنخبر حد شرات دوم محد من الاهل بيعرف ومحد بيرمس عليج ارتاحي ، فطيم : عيل تزوجها هزاع : فطيم ما اعرف يعني حسيتها جيه اهلي وما اعرف اشو هزاع : لو قتلها شروطي ما اظن توافق فطيم ببرود: دور غيرها هزاع : شو ادور غيرها داشة خاطريه فطيم ابتسمت : ههههههه زين استحمل عيل طالعتها : انتي شو صنم رفعت حياتها : ليش هزاع : سلامتج ، انا عندي خطه اوكي فطيم : هزاع انا ما يخصني بحريمك دخيلك هزاع : ارمس منو يعني محد يعرف بهالسالفه غيرج بعدين السالفه تخصج فطيم : قول هزاع : بنعرس فتره جيه ، شرات دوم ، مثل ويا دانة وغيرها ، المشكلة هاي ما اعرف احسها غير ما اظن ترضى جيه بدون عيال طالعتني بنظره بارده : هاي شكلها مب هينه ، ما علينا خلاص شو المشكلة تبا عيال منها فجيت عيني :شو يعني ابا عيال ، اكيد لاء فطيم : وهي تتأفف شو تبا عيل هزاع : يعني ، انا قلت نتزوج و لو صار وحملت اخليها تعق شرايج فجت عينها وطالعتني :شو تبا تجتل روح ومنو ولدك انت تخبلت شو طالعتها بنرفزة : اسمها اجهاض مب جتل فطيم : انت شو ما فيك احساس ما يوز حرام هزاع : خلاص عيل ماشي الا الحل الثاني فطيم بشك : وشو الحل الثاني هزاع : اخليها حامل واتريا لين تربي وبعدها اشل الياهل وايبه هني عندج فجت عينها وطالعتني وقالت بصوت ممدود : هيييييييييييييه شوووووووووووو فديتك لاء طبعا هزاع :فطيم لييييييييييييييش فطيم : شو لا فطيم ولا غيره شو بفج لك ملجأ انا هني لعيالك لا الغالي اسمحلي مب مستعده وبعدين شو بنقول للناس لاقطينه هزاع : بنقول اي شي فطيم : والله الغالي انا مب مكلفه اربي عيالك هزاع : فطيم انتي قلبج كبير فطيم : لاء كبير ولا شي فطيم : بعدين كيف تباني اشارك وياك في هالسالفه لو تموت جدامي هزاع ما اسويها تنهدت : ليش يعني فطيم : يعني لان هذا ولدها كيف تبا تحرم ام من ضناها انت شو ما فيك احساس هزاع : دخيلج انتي يا ام الاحساس مقطعه فطيم : لا مقطه ولا غيره انا مب مستعدة احرم ياهل من امه ، غير البنيه ولا دورلك حل ما يشملني شفتها انسدحت وانجلبت الصوب الثاني : صكر الليت برقد تنهدت في خاطري هالانسانه مول مب متعاونه ، شو يعني لو ربته انا هالبنت داشة خاطري واباها لازم افهمها شروطي، وان ما رضت اسمحولي ما باخذها ما فيني انكشف جدام الكل اخر شي بعد هالسنين كلها قمت وصكرت الليت ورحت لصالة افكر في حل في هالموضوع ؟؟؟؟؟؟؟ ثاني يوم 7:30 المغرب بيت مبارك مبارك وقفت جدام المنظره أطالع عمريه اليوم بشوف آمنه بشوف هالانسانه الي تحبني وتبا تجتل عمرها عشاني يا ربي شو الي قاعد اسويه حصة كيف تهون عليه حصيص ، ابغي اشوفها احس بفضول تجاه هالانسانه يا ناس ، وبعدها بحاول اقطع علاقتي بها صراحه زودتها ما صارت يعني كل يوم واتصلت وكل يوم وكلمتها اظني هذي خيانه كبيرة لحصيص ، لو عرفت حصة شو بيكون موقفي وهي الي وقفت وياي ولا تخلت عني ولا لحظة يا ربي تستر عليه لين ما انهي هالسالفه ما حسيت الا بحد يلوي عليه من وراي انتبهت لعمري وابتسمت لما شفت ويه حصة بالمنظره حصة :شو على وين حسيت بعصرة بقلبي مبارك : امممم السينما شفتها عقدت حياتها وابتعدت عني وراحت يلست على الشبريه : غريبه يعني من زمان ما رحت السينما شو يابها على بالك مبارك : منزلين فلم والشباب يمدحونه قلت اسير طالعتني بطرف عينها : وكل هالكشخة للسينما بلعت ريجي صدق لما يقولون الحرمه تحس في حياتها حصيص ما علقت عليه ولا الظاهر ان اليوم زدتها طالعت عمريه بالمنظره وانا اعدل غترتي من جدام واطالع انعكاس حصة في المنظره : شو هاي غيره يعني حصة : تقدر تقول مبارك : عيل شليها من بالج لانج مينونه لو بتغارين عليه رفعت حياتها باستغراب : ليش انت مزيون ووايدات حاطين العين عليك هالمرة صديت صوبها وطالعتها بجديه : بس انا عيني على وحدة بس شفتها ابتسمت وسكتت رحت عندها : انا بطلع تبين شي حصة : هيه لا تطلع عقدت حياتي : ليش حصة: ما اعرف لا تطلع احس قلبي يعورني فجيت عيني ونزلت لمستواها : يعورج شفيه اوديج المستشفى يسوون له فحص ابتسمت لي: لاء مب جيه يعني مبارك : عيل شو حصة : مب عوار يعني يستلزم العلاج ، عوار حسي عرفت مبارك : لاء ما عرفت كيف حسي حصة: يعني مثلاَ اتوقع شي مب زين بيصير ابتسمت : ما بيصير الا الي ربج كاتبنه حصة : مبارك عاد مبارك : خلاص روحي البسي بنطلع انا وانتي حصة : صدق مبارك : هيه حصة : وربعك الي يتريونك مبارك : يزولون ابتسمت لها تبون الصدق ما اعرف بشو حسيت لحظتها وشو الي خلاني اسوي الي سويته بس كل الي اعرفه ان هاي حصيص وما اقدر اسوي اي شي لو هي في الموضوع، ودام قلب الحرمه دليلها ولو ما تدري اني كنت بروح اشوف آمنه بس مجرد طلعتي مسببه لها ألم مستعد مب اخلي امنه تزول مستعد اخلي الدنيا كلها تزول طلعت تلفوني من مخباي وطرشت مسج ((انا ما بقدر اي )) عرفت انها بتتصل ولا بطرش مسجات عسب جيه غلقت تلفوني واترييت حصة لين ما تي عسب نروح ؟؟؟؟؟؟؟؟ شوي والا لبست عباتها ويت : بننزل من السيارة طالعتها : لاء ما بننزل ، تبين تنزلين حصة : بهواك طالعتها بنظرات ماكرة شوي : انا ودي ما نطلع حصة باصرار : لاء بنطلع مبارك : ههههههههههههههههههه يلا انزين تعالي تجدمت مني ولوت على ايدي ما اعرف ليش حسيت مسكت ايدي بتملك كأنها تقول انت لي ملكي ، مع أن هالاحساس المفروض الريال يحسسه للحرمه ، ما اعرف ليش هالمرة حصيص حسستني هالاحساس يمكن لاني احسن بالذنب تجاها وكل شوي اذكر عمري اني لها ومفروض ما اخونها ، ما وعيت الا على بوسه طويله على خدي حصة : وايد تسرح تراك قربت ويهي منها ولصقت بويها : دام انتي قربي عقلي وقلبي وكل جوارحي في الباي باي حصة : ههههههههههههههه تحبني مبارك طالعتها باشمئزاز مصطنع : لاء حصة : جذاب من عيونك مبارك : هههههههههههههههههه يلا امشي اول ما ركبنا السيارة صديت صوبها وسحبت ايدها : حصيص اياج يوم تغارين عليه لان محد بقدر ياخذني منج فاهمه ، ادري مفروض اقولج انتي ملكي بس انا اقولج مب بس انتي ملكي انا بعد ملكج وانتي شيختي واميرتي وغلاتي وكل شي ابتسمت ابتسامه حنونه و حركت السيارة وانا ناوي امشي حصيص اليوم ؟؟؟ سنتر من السناتر عبدالرحمن ابتسمت وانا اشوف البنت الي يالسة مجابلتني على الكوفي والي زاد ابتسامتي انها طالعتني بنظره وحشيه هههههههه خيبه ، ما ابتسمت لاني معجب بها بس ما اعرف ذكرتني بشميم اختي ، نفس لفة الشيله نفس العباة نفس اليلسة وحتى ريلها لابسة نفس استايل النعال عزكم الله الي تلبسهم شما صديت الصوب الثاني وسمعت تلفون شفت البنت شلت تلفونها وقامت وهي رايحه مرت من عندي ما اعرف ليش تهيأ لي ريال مار من عندي شو هالمشيه ولا عطر رجالي لما اقولكم شميم اختي كوبي بيست ، الفرق الوحيد الويه وين ويه شميم ووين ويه هذي ويه شميم برئ ورقيق وويه هالبنت مايل للخشونه وحتى نظراتها الله يعين شو السالفه الحين يعني استايل البنات جيه شو لفه الشيله هاي ، موضه ولا شو؟؟ ما انتهت الا على تعليق اربيعي حارث الي يا ويلس ومب حاسس فيه : حارث : الي ماخذ عقلك عبدالرحمن : ههههههههههههه هلا حارث متى ييت حارث : من زمان انت الي مب حاسس بعمرك عدالرحمن : وين الباقين عيل حارث : في الدرب عبدالرحمن : هيه الله يحفظهم سمعت ضحكة رجوليه شوي لما صديت والا نفس البنت ما اعرف ليش رديت ابتسمت انتبهت على تعليق حارث حارث : ما تنفع لك زادت ابتسامتي : هههههههههههه فهمتني غلط تراك حرك حياته : لاء يعني لو عيبتك واشك يعني انها عيبتك ما فيها شي حلو بس بعد لا تحاول ما تنفعك ما همني تعليقه لان الي في باله ما كان في بالي ما صديت صوبها لانها بنت ولا صديت صوبها لانها عيبتني ولا شي من هالقبيل بس مجرد ذكرت شميم اختي بس تعليقه غريب : تعال ليش يعني ما تنفعني حارث : لانها ريال عبدالرحمن : هههههههههههههههههههههههههههههههه خس الله بليسك حرام عليك صخ عن تسمعك وتكون جرحت مشاعرها شفته نقع من الضحك لدرجة ان كل الي كانوا يالسين صدوا لنا طالعته مستغرب : خسك الله فضحتنا بلاك حارث : عبدالرحمن ههههههههههههههههههههه شو اجرح مشاعرها هاي بويه عبدالرحمن :شو حارث : بويه يعني مستريله عبدالرحمن : حروث لا تحط في ذمتك روحها ذمتك مب مستحمله حرام عليك حارث : عبدالرحمن حبيب قلبي لا تحاول انا عندي خبره من اشوف البنت من بعيد اعرف عبدالرحمن : وانت شعرفك حارث : انا دارس وياهن بس عاد الي برع غير عن الي هني عبدالرحمن هزيت راسي : الله يعينك انت ويا سوء ظنك حارث : شوف شوف شوف هاليلسة مب يلسة شباب ، عبدالرحمن انت وين عايش معقوله ما تعرف اذا بويه ولا لاء الحين اليهال يعرفون وين تبا طالعته وانا احس بداخلي خوف ما اعرف شو مصدره صديت للبنت وانا اسمع رمسته حارث :شوف بعطيك مفاتيح بتساعدك طول حياتك عسب تعرف انها بويه ولا لاء صديت صوبه اطالعه باستنكار حارث : هههههههههههههههههههههههههههههههههههههههه فجأة ذكرت شما لحظة انا لما شفتها ذكرت شما صديت صوبه بسرعه : حارث كيف تعرف انها بويه حارث : شو تحب وحدة وشاك بها طالعته باستخفاف : مب وقتك ارمس حارث : الله يسلمك وايد اشياء مثلا العباة تلاقيها مايلة لدزاين كناديرنا ولاء شي بنات يسوون ختم بعد ، امم شو بعد ما تلاقيها تلبس كعب ولا غيره دوم مسصطح ومب اي مسصطح يعني المايل للصنادل الشبابيه ، غير جيه لفه الوقايه تقول تضارب ودايما شعرهم قصير بما ان عندنا في بنات شعرهم طويل ممكن تشوف بويه شعرها طويل عبدالرحمن : حارث انت متاكد حارث : مية بالمية يا ربي شو يقول هذا شو الي يالس اسمعه حارث : هيه غير جيه شو يا ربي ، هيه دايما ما يبون يعرسون وشو بعد لسانهم طويل يرمسون شرات الشباب ويضحكون شرات الشباب وقفتهم تصرفاتهم حركاتهم يعني ،حتى الاساور الي يلبسونها شبابيه فجيت عيني وطالعته بتوتر وانا ابلع ريجي : حارث انت شو تقول الناس اذواق يمكن هي ذوقها جيه حارث : يبين وهي ما تلاقيها تلبس كنادير ولا تنانير الاغلب جنزات وجيه اقولك ترا وايد تسال ليش يا الله شو يقول هذا ، كيف انا غبي ، كيف ما لاحظت كيييييييييييييييييف انا ويييييييييييييييين كنت كيف ما لاحظت كيف كنت غبي شــــــــــمـــــا ، قمت من مكاني بسرعه حارث : وين ودرته قولوا طنشته ما اعرف شو الي ابغيه ركبت سيارتي وانا احس نيران شاعلة بيوفي والشياطين كلها ركبتني ، وانا تتردد في بالي جمله شما بويـــــــــــــــــــــــــــــــــــــــــــــــ ـــــه ؟؟؟؟؟ يا للأسف شوهت صوره رسمتها لك في عيوني كنت النظر ضيه ونوره غالي وقدرك ما يهوني ~~ |
الجزء الثاني عشر ~~ عبدالرحمن طول الطريق وانا تتردد في بالي كلمه وحدة شما بويه معقوله اختي انا، اختي شما ، لاء لاء؟؟؟ يمكن ملخبط ؟؟؟انا شو يعرفني يا جماعه؟؟؟؟ كيف شو يعرفني كل الي قاله حارث في اختي شما كله ,آه لو يطلع هالكلام صح بجتلج يا شميم هاي اخرتها هاي اخر الثقة الي معطنج اياها ، هاي اخرتها ، بس مهما كان هاي يتيمه ، حتى ولو ما يبرر الي سوته ، وقفت السيارة عند البيت وانا متردد انزل ولا لاء تبون الصدق حسيت بنار شاعله فيني بس مقيد ما اعرف ليش كني ثور هايج بس مربوط بسلاسل بكل اتجاه ما يعرف شو يسوي او شو يقول/، شو اقول لها تبون الصدق استحي كيف افاتحها بهالموضوع كيف نزلت من سيارتي ودخلت البيت اول شي توجهت لغرفتها فجيت الباب شفتها نقزت وطالعتني شما : حشااااااااااا حد يدش جذا سكت عنها ورحت صوبها : شميم ابغيج بموضوع شما : مب فاضيه عندي اسايمنت تعال بعدين فجيت عيني : تستهبلين شما :" قول عبدالرحمن : شما انا عرفت كل شي ، كل شي شفتها بلعت ريجها بخوف ، كأن الي جدامي مب شما ، شما عمرها ما تخاف، هاي اول مرة اشوف هالنظرة في عينها ، ومني انا رفعت عيني وطالعتنها بنظره تحدي : شوفي شميم انا ما بقولج ليش وكيف وشو السبب ، قوليلي من متى انتي جيه شفتها بلعت ريجها وفجت عينها اكثر ، هالشي الي اكد شكوكي كنت ناوي اتاكد وشكلي تاكدت شما : شو قصدك عبدالرحمن بهدوء : شما انا اخوج وصدقيني تهمني مصلحتج قوليلي انا ابغي اساعدج ابغيج تردين شرات قبل قوليلي ، من متى انتي جيه شما : بخوف مب فاهمه شو تقصد عبدالرحمن عبدالرحمن بعصبيه : شميييييييييييييييييييييييييم بلعت ريجها وهي تقول لي : من ثلاث سنين تقريبا او اكثر بشوي فجيت عيني يعني شكوكي صح حسيت بالنيران تاكلني ليش خنتي الثقة لييييييييييش فجيت عيني وقتلها بشك وبصوت مبحوح : من ثلاث سنين وانتي بويه هزت راسها بمعنى هيه ما اعرف شو الي صار لحظتها بس ما حسيت بعمري الا وانا اصفعها كف اطيرها الصوب الثاني : قلت بصوت عالي وبقهر واستصغار لها : ثلاث سنين يا شما ، ثلااااااااااااااث حرام عليج ، لييييييييييييييييييش لييييييييييييييييش وانا معطنج الثقة ليش ، ليش وانا اخوج الي احاول اكون لج الام والاخت والاخو والربيعه ليش؟؟؟ ليتهم قالولي انج متي ولا قالولي عن سواتج شفتها ماسكه ويها مكان الضربه وتصيح بألم : آآآآآآآآآآآآآآآآآآآآآآآه منج اه، ليش نزلتيني بين الناس وانا طول عمري مرفوع ليش يا شميم لييييييييييش ، هذي اخرتها اخر الثقة الي عطيتج اياها ، بس الشرهه مب عليج الشره على أختج الي لاهيه ورا ريلها الشرهه عليها ناسيه ان عندها اهل ، قلت بقهر " الشرهه مب عليج ، رفعت راسي وقلت بتهديد بس انا براويج شو بيصير فيج ، انا براويييييييييييييج طالعتها باستصغار وطلعت من الغرفه وانا ادفر الباب تبون الصدق حسيت عمري مخنوق حسيت فيني غبنه كيف الواحد لما ينطعن بعرضه؟ كيف احساس الألم مر تذكرت راشد وعواش ، الحين حسيت بشما لما تقولي خذ عواش ، شرات لو خطبت عواش ؟؟ كيف كنت بريحهم ؟؟، انا الحين اتمنى اي حد يخطب شما ان شاء الله البيدار بعطيه اياها صارت هم ، البنت هم ، بس هاي شو هاي لاهي ولد ولا هي بنت آه شو اسوي شو اسوي بالمصيبه الي انا فيها شو اسوي فجأة طرا في بالي سوالف البويات والحبيبيات فجيت عيني ونقزت من مكاني بسرعه قمت ورحت غرفتها شفتها متصنمه مكانها بعدها يالسة تصيح على الكف رحت صوبها وانا اعوي ايدها ورا ظهرها ما همتني صرخاتها المتألمه : شميم شو من سوالف عندج غيرها خري قولي شفتها تطالعني بالألم : عبدالرحمن والله ماشي ما عندي غيرهم والله ، حرام عليك ايدي طالعتها باستصغار : وقهر: كيف اقدر اصدقج قوليلي ، عطيني سبب يخليني اصدقج بعد هاليوم بلعت ريجها وهي تصيح وتقول برمسة مقطعه : والله عبدالرحمن والله انا يالسة احلف لك ، ان ما عندي حتى انا سبورتيه بلبسي اشبه البويات مب بالتصرفات صدقني عبدالرحمن عبدالرحمن : قالوا للحرامي احلف قال ياك الفرج ، دفرتها على الكرسي ورحت صوب الشبريه وانا ماسك راسي : الحين كيف ، كيف ؟؟؟؟؟؟؟؟؟؟، الي انكسر ما يتصلح كيف اصلحج كيييييييييييييف ، سودتي ويهي وحرقتي قلبي، الله يحرق قلبج شرات ما حرقتي قلبي شفت صوت صياحها تعالى ومعاه تعالت نبره صوتي انا بعد : ما صحتي عيل قبل على اسم ابوج ما صحتي علي انا ما صحتي على عمرج ما صحتي من الخوف ، عنبوج مستريله ملعونه عند ربج كل هذا ما اثر عليج ، انتي شو من انسانه شوووووووووووووووووووووووو شو اسوي لج مب عارف شو اقولج بعد مب عارف مب عارف والله هزيت راسي بيأس وسرت صوب غرفتي وانا افكر بهالمصيبه لازم اكلم حصيص عسب تكلمها ، انا ما اعرف بهالسوالف ومهما كان انا ريال لازم هالبنت تتعدل لازم ولا بيصير بها شي الله يعلم شو ، عادي اجتلها وارتاح من هالهم كله ؟؟؟؟ الساعه 7: 30 بيت بوناصر سلطان مديت ايدي وانا احسها متيبسة ، آه تعبت من كثر ما اكتب بالمسن تعبت يا ناس ، هاي متى بتفكني وبتعترف ،صراحة عندي فكرة وناوي اليوم اسويها متاكد بيخليها تخر طالعت المسن القلب ما يهوى بس انجبر وهواك (شمسة ) سلطان ليش سكت لا تغرك ضحكتني بعض الوجيه اهينها ببتسامه |(سلطان ) ماشي علاي مافيني شي افكر فيج شمسة : فيني انا سلطان : هيه فيج شمسة : ليش وينها عيل بنت يرانكم سلطان : ما ادري ، انا اعرفج انتي ما اعرفها هي ، ارمسج انتي ما ارمسها هي ما اعرف شو شعوري تجاهج ما اعرف شمسة :سلطان شو يالس تقول سلطان : عليا ما اعرف الي اسويه صح ولا غلط بس اشتاق ارمسج اضايج لما ما ادشين اون لاين احس اني اميل لج ما اعتبرج مجرد صديقة واخت ما اعرف شو اعتبرج لما اطري اسمج ابتسم ، شمسة : سلطان سلطان : برب عليا شمسة : لا اصبر سلطان \ سلطان : برب دخيلج مب قادر شوي وبرد شمسة : تيت حسيت ريجي نشف يمكن جذبت وايد، حشا منها تعبتني يا ناس هاي متى بتعترف ؟؟؟مب عارف متى يا ناس تعبت الصراحه تعبت تنهدت وقمت من مكاني كأنه خلصوا البنات ما تم الا هي في الارض حشا ما ارمس غيرها ، محد يرمسني غيرها ، مب مخلتني ادش المسن الثاني ، خطتي مول فاشلة ، عنبو شو تبا اكثر من جيه متولعه ومخلصة شو تبا ، لوعت جبدي طلعت من غرفتي ونزلت على الدري عسب اروح المطبخ شفت يدي يرمس بالتلفون ومعطني ظهره طنشته بس وانا على الدري سمعت اسمي فوقفت مستغرب يرمس منو عني بوناصر : هيه يام سلطان هيه يا اختي تدرين انا مالي غيرج ، انتي اختي الوحيده وهو يتيم ما عنده حد عقدت حياتي شو ليكون بيسوي جمعيه لي شحقة يتيم شو هالكلمة ليكون خسر ملايينه بوناصر : ابغيج ادورين له حرمه سنعه ، حرمه راعيه واجب طيبه وحنونه تعوضه عن الحنان الي فقده تعرفين هذا يتيم ام ابغيه يحس بالحنان بلعت ريجي ما اعرف ليش حسيت بالاهانه كله ولا انه يرمس عني بصفته منو هو شو يخصه بوناصر : انا ابغي ارتاح واطمن عليه قبل لا اموت ما ابغي اموت وماله حد مب كافي انتي عله على قلبي واتريا الفكاك منك تيبلي عله ثانيه بعد ، حسبي الله عليك يوم انك تبا تغثني بوناصر: لاء بنات عمه ما ينفعن ما ينفعن حريم عمامه ما يتياوزن وياه ، هذا بعد مب المسكين الي في حاله وما يرد لحد، بتخترب حياته شله فيهم ، دوريله بعيد، البعاد احسن لا نعرفهم ولا يعرفونا بوناصر : خلاص عيل لا تنسين يلا فديتج فداعه الرحمن ، ربي يحفظج اول ما صكر التلفون رحت صوبه : انت اييييييييييييه بصفتك منو تبا تخطبلي قال بعدم مبالاة : بصفتي يدك سلطان : والخيبتين منو يدي يعني ، ومنو قالك اني بعرس ها بوناصر : أنا حسيت سلطان : خل احساسك حقك ما ينفعني مول فاهم واياني واياك تنسى عمرك وتتدخل في حدودي يالس اقولك تراني ، ما تعرفني انت، انا لو جلبت لاجلب البيت على راسك ، عبنو انا مب مصدق متى تموت عسب افتك منك تبا تيبلي عله ثانيه بوناصر : انت شو من انسان انا الي مربنك سلطان : هيه ترا هذا العوق انت مربني وطالع عليك نسخه منك تشوفني انا كيف هذا كله منك من تربيتك انا نسخه منك طالع عليك بوناصر : لاء مب نسخة مني انا دلعتك وايد عسب جذا سلطان : دلعتني ليش؟؟ انت ما عرفت تربيني اصلا ؟ ترا اقولك الي مثلك ما يعرف يربي ، لو عرفت جان طلع خير في عيالك الي عاقينك ويتريون موتك عسب يورثون ياي هني تسوي عليه دور الابو روح عنا زييييييييييييييييييييييييييين رحت عنه وانا ادري كلامي طعنه جرحه سوا البلاوي فيه بس احس عسب لا يدخل بشئوني وينسى عمره ينسى نفسه رحت فوق لهالبلوة ، الي مب عارف متى بفتك منها قمت امل صراحه ابغي انوع ابغي شي يديد رحت فوق سلطان: باك شمسة : ولكم سلطان : عليا صراحة بكل صراحه انا معجب فيج وانتهى الموضوع يلا فكينا اعترفي وفكينا من هاللوعه ، طفرتني شفتها طولت مسكينه يمكن اغمى عليها ولا شي شمسة : صراحه سلطان ابغي اقولك شي سلطان : امري يلا بتقول بتفكني شمية : انا بعد احبك تعرفون خيبه الامل الي في كل الدنيا انرسمت على ويهي ، لا تقولين يا بنت الحلال ، تحبيني ، انتي تحبيني ، ليش لاء قلبي بيوقف فكينا زين شمسة : وابغي اقولك شي بعد فجيت عيني وانا ابتسم على الرد الي يا بعده شمسة : ترا انا مب عليا ، انا شمسة ، شمسة بنت يرانكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الساعه تسع بليل بيت مبارك ردينا البيت انا وحصة ، يلا كيف احس عمري مشتاق لهالانسانه تذكرت امنه ، ما اعرف ليش ضحكت باستمتاع وانا احس انها حرقت تلفوني وهو مغلق شي بداخلي يقولي افتح التلفون وحرام تعذب البنت رن تلفون حصة غريبه حصة راحت تغير ثيابها شو ياب مبايلها على الطاولة الظاهر ناستنه وما شلته وياها تساندت على القنفه منو متصل بها ، وانا شلي صدق فضولي لين هني وبس عاد ،حصة حرمتي وانا واثق فيها وهاي خصوصياتها شو بدخل بربعها بعد ابتسمت وانا اشوفها مقبله صوبي ، عليت صوتي : مقبلة تمشي ويتبعها الفضول زادت ابتسامتها : منو يتصل مبارك: ما ادري : تعالي عندي شو تبين بالتلفون وقفت جدامي وهي معطتني ظهرها وشاله المبايل تشوف منو داق مديت ايدي وسحبت كندورتها سمعت صرختها وهي اطيح على القنفه عندي مبارك : هههههههههههههههههههه يلا مول خفيفة ريح اطيرج ابتسمت وقربت مني وهي تلوي على ايدي وتحط راسها على جتفي ، بدوري ساندت براسي على راسها الي على جتفي حصة بلغة ممدودة : مبارك اه حسيت قلبي طاح الا ذاب شليت راسي وطالعتها بنظرة تأمل : عيوني حصة : في هالشهر يمكن اذا نجح العلاج احمل تبون الصدق تعكر مزاجي كيف متفائلة هالانسانه ، واذا ما نجح اذا النجاح صعب ، الدكتور يقول انه وايد صعب ما ابغي اخرب وناستج يا حصيص ادري ما بينجح مضطر ابتسم وابين اني عادي ولو اني اتعذب من داخل ابتسمت لها : ان شاء الله لو الله كتب لنا حصة : ان شاء الله بينا ، ما تعرف لو حملت شو بيصير فيني بتخبل مبارك مبارك : لا فديتج لا تحملين عيل دام السالفه جذا حصة وهي تضربني على كتفي بالخفيف : حرام عليك مبارك رفعت حياتي بتكبر وهزيت راسي ورديت سانته على راسها حصيص : مبارك مضايجة وايد اليوم ما اعرف ليش شليت ايدي ولويت على جتفها وانا اقربها اكثر مني : ليش حصة : ما ادري مبارك : ماعليج روحي توضي وصلي ركعتين وان شاء الله خير ابتسمت لي وقامت من مكانها رايحة تسوي الي قلتلها عليه ؟؟؟ فجيت مبايلي اول ما راحت وانا اشوف الرسايل تنهل علي وكلها من امنة تلومني اني ما رحت السينما ؟؟؟؟ فطيم سمعت تلفون البيت يرن قمت من الشبريه ورحت الصالة و رديت الدنيا ظلام ما اشوف الرقم فطيم : الو حارب : هلا ام سالم نايمة شو فطيم : حارب خير شو مستوي الساعه ثلاث الفير حارب : زين انا قريب من عندج ثواني وبيييج فطيم : الحين حارب : هيه شوي ياينج في شي ضروري فطيم : حد فيه شي حارب : محد فيه شي ثواني وانا عندج صكرت التلفون وانا مستغربه رحت اغير ثيابي والبس جلابية ، غريبه شو يبا حارب الساعه 3 الفير ليكون حد فيه شي بعدين تعالوا هزاع وين حسبي الله عليك من ريل شو بقول لحارب ما ادري عن ريلي ما ييني منك الا المصايب ليكون عرف بسالفله هالعلة الي بيتزوجها وياي يخبرني آه بنفضح بنفضح ، هزاع بجتله اليوم بجتله تغسلت وغيرت ثيابي ونزلت تحت ، الله يعيني ، الله يعيني يا ناس خلصوا البنات الحلوات ما بقى الا هاي ، مليون وحدة غيرها بترضى تتزوج شرات دوم لازم هاي الي بتفضحنا ، حسبي الله عليك شو موقفي جدام الناس راضيه وعادي عندي ، هو عادي عندي يولي بس عاد يفضحني لاء تنهدت وانا يالسة في الصالة شوي والا رن التلفون هذا اكيد حارب عسب افتح له الباب ، رجت فتحت له الباب وانا اسوي عمري طبيعيه وما اعرف عن زواج هزاع كل الي كان في بالي لحظتها انه عرف وياي يخبرني بس ما رام يتريا لين باجر قربته داخل: هلا حارب نور البيت حارب : منور فيج فطيم : شو مستوي يا هالموضوع الضروري خوفتني حارب : فطيم صراحة انتي انسانه مؤمنه قاطعته : حد فيه شي ابوي امي اخواني خواتي حد فيه شي قاطعني : لاءلا تخافين محد فيه شي بس فطيم بخوف : بس شو نزل راسه بحزن : هزاع فجيت عيني يايتني البلوة من وراه عله تعله سويت عمري عاديه كاني ما اعرف عن زواجه : شفيه حارب : مسوي حادث تبون الصدق كأن حد صب عليه ماي بارد مسكين هزاع ما يستاهل تذكرت ولدي سالم لحظتها تيبست مكاني وقلت بصوت اقرب للهمس : صارله شي رد بسرعه وكأنه يبا يهديني : لا فطيم الحمدالله بخير مافيه الا كسر بايده اليمين كل شي فيه زين تنهدت براحه : الحمدالله شفته يبلع ريجه : بس في شي لازم تعرفينه طالعته باستغرب : شو حارب : هزاع فقد الذاكرة انتهى البارت |
الجزء الثالث عشر أنا ضايق وبالي ضايق وجوي ضايق ضيقِ كايد نفسي ملت وروحي ولت وعيني هلت دمع وايد~~ الساعه 8:00 الصبح إحدى المستشفيات تنهدت بضيج وانا يالسة على هالكرسي الي مول مب مريح لي خاصة وانا حامل ، شفت ويه هزاع وهو نايم لين الحين ما شافني يمكن لما يشوفني يذكرني وترد له ذاكرته ، تذكرت امس كيف حسيت بان صبوا عليه ماي بارده ما كان خوف على هزاع قد ما كان خوف على حياتي وياه ، انسان ما يذكر اي شي كيف بفهمه كيف كيف بفهمه على اسلوب حياتنا ، كيف بحسسه اني ما اكن له اي شعور ، ولا هو يكن لي اذا الانسان الي ما يعرفنا يستغرب ان في ناس جذا ، كيف انسان فاقد الذاكرة بيرضى على نفسه تذكرت كيف ييت بليل وشفتهم يصيحون وكيف يترجوني اني اساعده ان ترد له الذاكرة ، حارب اخويه قالي ذكريه كل حياته وذكرياته وياج ، مسكين يا حارب الموضوع وايد صعب لان بينا ماشي ذكريات انتبهت على هزاع يفج عينه شوي شوي طالعني باستغراب بلعت ريجي بخوف وابتسمت : صباح الخير ، حمدالله على السلامه طالعني بنظرة شككتني بعمري ما كانت استغراب كانت نظرة ثانيه ما فهمتها نظرة من نظرات هزاع الي ما كنت اهتم لها ولا افكر اعرف شو معناها لانه ما كان يهمني ، ولا الحين يهمني لا تفهمون غلط ، بس هو فاقد الذاكرة ، ليكون ما نساني ، الحين الي يفقد الذاكرة ينسى كل شي بس يذكر الاساسيات يعني كل شي في المخ له مركز يمكن ينسى الاشخاص بس يذكر معاني الكلمات يذكر الحروف سبحان الله سمعت صوته : انتي فطيم فجيت عيني وطالعته : هزاع تذكرني طالعني باستغراب وهو يعقد حياته وبصوت تعبان ومبحوح : لاء بلعت ريجي ليش مب مصدقتنك يمكن انا وسواسيه وايد : عيل كيف عرفت اسمي عدل يلسته بتعب وببطء وقال وهو يتساند وبنفس الصوت المبحوح التعبان : قالولي اني متزوج وعندي عيال وان حرمتي اسمها فطيم وانها بتي توقعت انتي يعني طالعته باستغراب وتنهدت :هيه تغيرت نظراته صارت تفحص تدرون ما ادري ليش توترت من نظراته حسيتها تتفحصني اول مرة يشوفني هزاع بهالنظرات توترت وبديت اعصب بس تذكرت انه فاقد الذاكرة ومب قصده شي طالعني باعجاب استغربت منه : انتي حرمتي كم عندنا عيال شكلي بطول وياه طالعته بعدم اهتمام وببرود تعودت اشوفه بهالنظرة ما اقدر اغيرها : واحد اسمه سالم وانا الحين حامل ابتسم لي : انا كنت متزوج وحدة شراتج عقدت حياتي بعصبيه : شراتي طالعني بابتسامه : انتي وايد حلوة ، كيف خذتج يعني كيف تزوجنا عن حب طالعته باستغراب وبداخلي ضحكة : لاء زواج تقليدي هز راسه :مع ابتسامه : تقليدي منج انتي اشك قولي الصدق يكن اذكر بلعت ريجي : هزاع نحن غير قالي بتعب وصوت مبحوح وهو ينعس عينه : اكيد غير ، انا مب مصدق ان كان عندي حرمه بجمالج تنهدت وانا ابتسم له بالغصب خله يرتاح بعدين بفهمه كيف زواجنا شكله ناسي كل شي شفته استسلم للنوم ورد يرقد ما ادري كيف رد يرقد توه قايم من النوم لحق ؟؟؟ مليت امرر على قلبـي جراحاتـي اوراقي مبعثره والوقـت يغرينـي اخاف اطيح بمتاهه مـن متاهاتـي مدري انا الصح ولا الصح مخطيني مدري اناالعله اللي تزيـد علاتـي محتاج اناظر لنفسي وامنع ايدينـي عن طرف عيني وهذي هي معاناتي 9:30 الصبح بيت بوناصر سلطان قمت من النوم مفزوع وانا تعرق حشا شو هالحلم ، حسبي الله عليك يا يدي يوم انك مب مهني حتى باحلامي تنهدت وانا احس بعمري مضايج امس لما اعترفت لي شمسة وانا احس عمري عايفنها طلعت من المسن وما بررت ليش ما اعرف احساس غريب يايني مب عارف شو مصدره كل الي اعرفه ان هالانسانه طلعت من خاطري ليش وكيف ما اعرف ؟؟؟ سمعت تلفوني يرن رحت صوبه شفت اتصال من عمي ، طنشته مب فايق صراحة عندي محاظرة الصبح هالكورس غير كل كلاساتي الصبح كنت معدل وقتي عسب ارمس شمسة بليل لانها ما تكون موجوده الصبح بس خلاص عفتها رحت تغسلت وتلبست وشليت كتبي ولابتوبي نزلت تحت وانا نازل شفت يدي يالس يتريق طنشته مول مب فايق له كارهنه من هالحلم الي حلمته بوناصر : سلطان تعال تريق عطيته ظهري وطلعت مب فايق له ركبت سيارتي حتى ما تريتها تحر من امس احس بشي مب طبيعي مب عارف شو هو حركت السيارة وطلعت من البيت وانا طالع شفت شمسة واقفه شو هالشي الي خلاني اوقف السيارة وانزل الجامه لها ما اعرف لا تسألوني؟ سلطان : شمسة تعالي ركبي فجت عينها : سلطان تخبلت روح لا يطلع الدريول الحين ولا حد يشوفنا روح شفت الخوف كله بعيونها عويت بوزي : ابغي اكلمج طالعتني بخوف وهي تصدد : روح دخيلك بدش المسن الليلة تنهدت : ابغيج تكلميني مهب مسن شفتها خايفه : سلطان بيطلع الدريول الحين دخيلك الي تباه بس روح رفعت الجامه وحركت السيارة وانا رايح الجامعه يوم شفتها حسيت بغصة بقلبي ما اعرف شو مصدرها لازم اقولها اني عفتها ، بس كيف جيه اقولها في الويه وشو يعني انا دوم اقول للبنات ولا يهمني ، يمكن عسب هاي يتيمه كاسرة خاطري ما اعرف كل الي اعرفه اني بديت اتضايج منها من رمستها من شوفتها ، وبنفس الوقت لما اشوفها ما اقاوم ما اوقف بس وافقت ترمسني يعني يمكن كانت تباني اروح عسب جيه قالت بس اذا وافقت ترمسني بتوافق تطلع وياي ، وتوافق على اي بطلبه منها ؟ ما اتوقع شمسه تردني بأي شي وخاصة انها واثقة فيني غريبه هالشمسة غبيه بشكل ، كيف علقتها وياي ، هاي من معارف يدي وصلت الجامعه نزلت وانا مطنش السالفه ابتسمت وانا اشوف زميله لي هي زميله بالنسبالي بس مش عارف انا شو بنسبالها وايد تهتم بي ابتسمت باستهزاء وانا رايح ،البنات كلهم نفس الشي مافي وحدة غير مافي ؟؟؟؟ الساعه 4:00 العصر بيت هزاع فطيم دخلنا البيت انا وهزاع وانا منحرجة من نظراته متى بفهمه وبفتك، المشكلة انه مريض ما اقدر اقول اي كلمه تجرح مشاعره مراعتنه لكن لو زودها بفهمه ما اقدر دخلنا البيت ورحت يلست في الصاله وقف بنص الصالة مستغرب : ما بترويني البيت شو سويت انا ناسيه انه فاقد الذاكرة يلست اشاور له : هنا الصاله والغرفه الي داخل غرفه الطعام و انت طالع في مجلس الحريم والصوب الثاني مجلس الرياييل في مطبخ تحضيري بهالجهه وشاورت له بايدي وفوق في 4 غرف غرفتنا وغرفه سالم و2 فاضيات شفته طالعني وكانه يبغي يسال سؤال : وين ولدنا : الحين بنزله سمعت صوته : ماله داعي انا بي وياج ركب وياي الدري ونحن على الدري مسك ايدي استغربت حركته صديت له شفته يبتسم ما قدرت الا ارسم على ويهي المستغرب ابتسامه غبيه شو هالورطة رحنا فوق اول ما رحنا غرفه سالم كان نايم في الغرفه طالعه من بعيد فطيم : اقومه لك هزاع: لاء خليه راقد طلعنا من الغرفه : احطلك شي تاكله هزاع : ما كل بالمستشفى ، شو بتسوين فطيم : ماشي بيلس هز راسه ونزل الصاله تنهدت براحه لما راح عني ، يا ربي حتى شهر عسلي كان كل واحد بصوب ما كان يلصق جيه غيرت ثيابي ولبست ثياب اخف روحي حرانه وتعبانه من يلسة المستشفى نزلت تحت اول ما نزلت شفته يالس في الصالة ويجلب بالقنوات ، غريب كيف يعرف يشغل التلفزيون كيف فاقد الذاكرة عيل ؟؟؟ بس انا اشوف في المسلسلات يشغلون ويسولفون ويقرون بعد اعوذ بالله من الشيطان صراحه بغيت اتحاشاه لفيت عسب اطلع فوق بس سمعت صوته هزا : فطيم تعال يلسي ابغي اسولف وياج ييت وقفت عند القنفه البعيده بس شاور لي اي عنده ، تعرفون الشلل صابني هذيج اللحظة من الصدمه ، يا ربي من هالانسان لا وهو صاحي مريحني ولا وهو مريض مريحني بلعت ريجي بتوتر ورحت يلست عنده مسك ايدي ويلس يلعب باصابعي وانا عيوني تراقب صبوعي بس عيونه هو ما كانت على صبوعي كانت على ويهي ما اعرف تم توتر بالدنيا ، ما ياني لحظتها هزاع بصوت مبحوح : رمسيي عني كيف كنت وياج كيف كنت ويا اهلي كيف كنت ويا الناس زاد عندي التوتر ولاول مرة في حياتي تسمعونها في حياتي احس نبضاتي قامت تزيد من يلسة هزاع عندي ما عرفت ارمس ويلست اقطع بالرمسة : كــ..كنــ...ت عا..د..عادي شفت ويه قام يتقرب من ويهي صديت الصوب الثاني بس هو تجاهلني وتم يقترب مني اكثر تنهدت وقمت من مكاني فجأة /: شفته يالس يطالعني باستغراب : فطيم شفيج طالعته بتوتر : هزاع ، انا يايه من المستشفى وتعبانه طالعني ببتسامه حنونة ، ابتسامه حنونة اول مرة يبتسمها لي هزاع في حياته : روحي ريحي ما ابغي ارقد ابغي اقوله وارتاح من الي فيني بس ما باليد حيله خلاص خله يرتاح شوي وبعدها يصير خير ؟؟؟؟؟؟؟؟؟؟؟؟؟؟ رحت غرفتي ارقد عل وعسى انسى هالمصيبه الي على راسي الساعه 7:30 المغرب بيت مبارك انا الوافي وهو الجافي حظي صافي وجرحه زايد انا ضايق وبالي ضايق انا ضايق والله ضايق مبارك طلعت من الغرفه وانا نازل الصاله شال بايدي كوب فيه نسكفي ، هالايام حصة وايد متغيره ومستويه عصبيه بزيادة يمكن لانها توقعت تحمل والعلاج ينجح وما حملت ، شو اقولج بس يا حصيص انا عارف ان العلاج ما بينجح بس ما ابغي اضايجج نزلت تحت وانا اراقبها مضايجة ويالسة تفر بالقنوات بدون هدف تساندت على الباب وقلتلها وانا اشرب النسكافي : بتروحين بيت ابوج اليوم بعد رمست بدون لا تصد لي : هيه رفعت حياتي : غريبه زياراتج لبيت اهلج زادن ما احيدج تروحين كل يوم طالعتني بدون نفس أٌقولكم يا ناس حصيص متغيره : بطلع ويا شميم مبارك : وين بتروحون حصيص: السوق مبارك : كثرانه روحاتج وياها حصيص بعصبيه مالها داعي : اختي وتبغيني اروح وياها اردها يعني مبارك : وليش هالاسلوب حصيص تتنهد : مبارك دخيلك الي فيني مكفيني شو قصدها اكيد سالفه الحمل ولا في سالفه ثانيه شاغله بالها هي هاليومين روحاتها لبيت ابوها زادت يمكن قاموا يوزونها علي ، لاء جان من زمان سووها ، يا ربي رحت يلست على القنفه : حصيص مبارك : نعم مبارك : بنطلع نتعشى سوا شرايج حصة : ما اقدر يمكن اطول بالسوق مبارك : لحظة ساعه كم الحين سبع ونص شو يوديكم روحكم الحين حصة : عبدالرحمن ويانا مبارك : وليش ما تظهرون العصر حصة : لانهم يردون من الجامعه تعبانين يبون يرقدون شوي مبارك : وشو هالمشاوير الي لازم عبدالرحمن وانتي ويا شميم ، ليكون اختج انخطبت وتتتزهب حصة : لو انخطبت بقولك مبارك : ما اعرف يمكن عادتني غريب حصة : اووووووووووف مبارك تراك مستوي حنان فجيت عيني : انا حصة : هيه انت قامت من جدامي وراحت الغرفه الظاهر بتلبس ما كلفت عمري اسال متى بيونج بهواهم لاء ، هيه واخوانها يتوالفون بس شو مستوي في بيتهم اخر مرة يا عبدالرحمن هنا ما كان طبيعي ويلسو يسولفون روحهم وما اعرف اشو السالفه ؟؟ يمكن يسولفون عني ، لاء لاء ، شو هالوسواس رن مبايلي في اللحظة تبون الصدق استانست ان آمنه مب لشي لا تفهموني غلط بس عسب اسولف ويا حد ؟؟؟ مبارك : هلا والله تعرفين متى ادقين قمت من مكاني وظهرت برع الصاله : لاء والله احلف زعلانه منك مبارك : افا ليش آمنه : خليتني اترياك على امل تيني مبارك : بس انا قتلج ما بي آمنه : شو اسوي تريتك مبارك : ماعلي اسمحيلنا آمنه : لاء ماشي مسموح ابغيك تعوضني وهالمرة المكان الي انا اختاره ابغيها رضوة مبارك : ههههههههههههههههههههههههه اوكي بلعت ريجي وفجيت عيني وانا اشوف خصيص طالعه من باب الصاله اعتدلت بوقفتي : اقول لحظة شوي آمنه : اوكي شاورتلي حصة من بعيد انها بتروح وصلوا ، وانا بدوري هزيت راسي لها موافق اول ما طلعت كملت كلامي مبارك : المهم متى آمنه : بعد يومين مبارك : خليها اخر الاسبوع آمنه : في مطعم مبارك : شوووووووو لاء لاء تخيلي حد يشوفنا آمنه : انا عادي عندي مبارك : بس انا مب عادي عندي آمنه : تخاف من حرمتك مبارك : مب جذا آمنه : عيل مبارك : خلاص براحتج بس اخر الاسبوع آمنه /: اوكي وكملنا سوالفنا وانا مب حاسس بالوقت مرة اضايج لما اذكر حصة ومرة استانس على سوالف امنه المهم مر الوقت ونحن نسولف ؟؟؟؟ الساعه 10 :30 بليل بيت بوعبدالرحمن شما وصلت غرفتي وفريت الاجياس على الارض ، انا انسانه ما احب طلعات السوق ، ولا بعد اشتري شي ما احبه ولا استايلي ، طالعت النعال (عزكم الله الي في ريلي ) وع وردي فريته بعيد وفصخت عباتي يلست على الشبريه حصة ذبحتني بالاسئلة ، كل الي قلته لها اني قلدت البنات ما اقدر اقول اني كنت احب خالد وردي ، آخ منه هالخالد ساس المصايب انا براويه فريت الاجياس على صوب استحي اروح الكليه والله استحي ، كيف غيرت استايلي ، بس مب بكيفي ، عقوا كل لبسي السبورتي مضطرة البس الملابس الي اشتريها ويا حصيص اوووووووووووف يا الارف يلست على الشبريه وبعدها قمت طالعت عمري في المنظرة جنز وقميص وردي وتنورة قصيرة وردي على ابيض أخ شو الوان الدلع هاي شو هالالوان شكلي بنت فجيت ش شفته كول وصل لين قبل ركبتي بشوي الحين احلم بعد ينقص ، شليت شباطة ورفعت نص شعري على فوق وحطيتها ، رحت يلست على الشبريه احس بيوع انا الغبيه كابرت اوني زعلانه من عبدالرحمن لانه مد ايده عليه ، وهو ما صدق من قلت ما ابغي عشا ما عبرني اخ كله ولا اسلوبه الزفت وياي ، والحين وين سار اونه بسير راس الخيمه ويا ربعي بنبات هناك ويقولون ليش تستون بويات ترا من التفرقه بين البنت والولد الحين لو اقولهم طالعه بليل بدون عبدالرحمن بيشوتوني ،وهو بيروح راس الخيمه ومحد قاله شي طلعت من الغرفه ونزلت تحت المطبخ التحضيري طلعت الاندومي الجاهز وفجيت العلبه وحطيت شويه ماي يلا تسد اليوع يلست على الطاوله باكل بس لحظة عن يرجع عبدالرحمن ويشوفني ، بيطنز في داخله شليت الاندومي ورحت فوق غرفتي يلست على الارض ويلست اكل ابويه وين شكله رقد سمعت دق على الباب صراحه وقف قلبي عبدالرحمن بيشوف الاندومي بس ما وحالي ادسه الا والباب ينفج فجيت عيني اطالع منو شفت خالد يوايج تنهدت براحه : انت تحريت عبدالرحمن لحظة رديت فجيت عيني وقمت وقفت بسرعه : انت شو ياي تسوي في غرفتي شفته ابتسم : وصكر الباب وراه ببرود وانا قلبي وقف : ماشي ياي غرفه حرمتي فجيت عيني : يا وقحاتك ياخي ، انت شو ما تسحي وين عايشين نحن، اظهر اظهر برع ، فجيت عيني بخوف :عن اي عبدالرحمن شو بيرحمني مب كافي مصايب الي يتني من وراك شفته يفج عينه باستهزاء : خيبه كبيره عند ربج اي مصايب ، تعالي شو تاكلين شفته يا ويلس على الشبريه وشل الاندومي من ايدي ويلس ياكل : حرمه طول عرض اندومي ، قلت بشوفج تعشين غوزي رحت صوبه : اييييييييييييه اطلع برع انت صدق ما تسحي خالد بلا مبالاه : اقول روحي روحي قفلي الباب عن حد يدش نسيت اقفله شما : شووووووووووووووووووووووو تعودت على تقفيل الباب اشوف اطلع لا اصرخ وافضحك خالد : ههههههههههههه زين يلا بقولهم انج فاجتلي الباب ويايبتني ولما سمعتي صوت خفتي وصرختي وتبليتي عليه ، عيل اي ريال بي غرفه وحدة شو هالشجاعه الا اذا انتي شجعتيه فجيت عيني : يا نذالتك انت ولد عم انت خالد : هههههههههههههههههه اقفلي الباب لا تقولين بعدين ما نصحتج عبدالرحمن بعده ما سار بلعت ريجي وانا احس بنفضة في جسمي كله رحت للباب سريع وقفلته مب خايفه من هالكائن الي عندي خايفه من عبدالرحمن يدش ، خالد اهون من عبدالرحمن شفته يطالعني بنظرات تأمل ما عيبتني بس مبين انها مصطنعه : اقول بنت عمي عيل يوم تختلين بنفسج جي حالج بنت طالعته باحتقار : ولك ويه ترمس على هالسالفه خالد باستهزاء : اوف اوف اوف ليش شو مستوي بنت عمي شما : ليش انت تعرف بنت عمك ، اقول قوم قوم انقلع برع غرفتي خالد : هذا وانا ياي اراضيج يقولون عبدالرحمن معطنج كف مطيرنج الصوب الثاني فجيت عيني : ومنو الي يقول خالد : شو الفريج كله يرمس على هالسالفه ههههههههههههههههههههه فجيت عيني بقهر : مب وقت مصخرتك ، انجلع برع غرفتي خالد : متعودة على التكفيخ مب متعودة حد يعطيج حنان شما : خل الحنان لك ، بعدين تعترف انك قلت لعبدلرحمن خالد : هههههههههههه لاء والله في هاي ما اعترف لاني ما قلتله شما : واحد وصخ مثلك ما حشم بنت عمه ما يتاخذ على رمسته خالد : ههههههههههههه عدال يا النظيفه انتي ، وانتي شو الي نظفج مب انتي الي بعتي ثقة اهلج واستويتي بويه ، متساوين نحن غناتي شما : غناتك في عينك خالد : خلاص مدام خالد متساوين شما : هيه صح ذكرتني قبل كنت تهددني تقول لعبدالرحمن الحين عبدالرحمن عرف انسى السالفه خالد : امممممممممممممممم وصورج فجيت عيني كيف نسيت السالفه خالد : خلي صورج على صوب ، تبين عبدالرحمن يقول انج ما تبتي وبعدج بويه ، عيل في وحده عاقله تردني ، بعدين انتي تراج بعدج بويه عيل واحد وسيم شراتي يالس مجابلنج وكلمة حلوة ما قلتي مستحيل تكونين من البنات طالعته باستهزاء : يا ثقتك ياخي ما وحالي اكمل جملتي الا وانا اسمع صوت الباب يدق عبدالرحمن : شما فجي الباب ، صوت شو عندج ؟؟؟؟؟؟؟؟؟؟؟؟؟ كنت اظنك غير والله كنت اظنك خير والله ~~ انتهى البارت |
الجزء الرابع عشر ~~ احترت وش موقعك في حياتي عابر سبيل ولا مصدر ذكرياتي ~~ بلعت ريجي بخوف وقلت بهمس : كله منك رد علي بنفس الصوت الهامس : شفتي كيف حمدالله انج قفلتي الباب ، دوم اسمعي رمستي فجيت عيني هذا الي بيذبحني شو يالس يفكر ولا على البال، يا برود اعصاب هالانسان ويا سخافته وقله ادبه ، بلعت ريجي مرة ثانيه بصعوبه وانا اسمع صوت عبدالرحمن : شمييييم فجي الباب خالد بابتسامه خفيفه وبصوت هامس: يلا فجي الباب طالعته بعصبيه : وانت عبدالرحمن : شمييييييييييم رديت عليه : عبدالرحمن اغير ثيابي اتريا بفج الباب عبدالرحمن : كل هذا تغيرين ثيابج طالعت هالبارد ببرود وقتله بتوتر : انخش انخش اي مكان يلا فكني شفته ضحك على الخفيف و تصنع نفس نبرتي الخايفه وبصوت خفيف : وين انخش في الكبت ولا تحت السرير ولا شرايج في البانيو الي في حمامج شفته بخوف : يبتها روح الحمام بسرعه خالد : ليش انزين فديتج فجي الباب انا بقوله انا نحن نحب بعض قتله بصوت خفيف من ورا اسناني : حبك برص يا خي يريته من ايده وشفته يضحك بس بصوت خفيف ودخلته الحمام (عزكم الله ) وصكيت الباب رحت بسرعه وفجيت الباب شفت عبدالرحمن مربع ايده وطالعني من فوق لتحت باحتقار : عيل ما غيرتي ثيابج شما بخوف: ها، امممممممم ترا ،.... ترا فتحت لك عبدالرحمن : عيل شو سويتي بكل هالوقت كنتي ترمسين تلفون طالعته بخوف وانا فاجه عيني : لاء والله ما كنت ارمس حتى ايبلك التلفون تشوف عبدالرحمن : تعرفين يا شميم لو اعرف انج بعدج على سواياج ما تلومين الا نفسج طالعته بخوف انت وين وانا وين : ان شاء الله راح من جدامي لغرفته وقفت عند الباب ليكون ما بيروح راس الخيمه وهالي عندي بالغرفه وين اوديه ، ليكون يقولي يرقد هنا بجتله ؟؟ خيبه كيف ياي غرفتي ؟؟ عدلت وقفتي وتصلبت اول ما شفت عبدالرحمن شال شنطة صغيره ونازل تحت الظاهر بيروح راس الخيمه تنهدت وانا اتنفس براحه ودخلت الغرفه الحين بفضى لهالبلوة الي عندي اول ما صكرت الباب وقفلته شفت خالد يالس على الشبريه عقدت حياتي : انت متى طلعت خالد : اول ما قلتي لعبدالرحمن والله ما رمست فجيت عيني : انت شو مافيك دم ياخي استح شوي خالد : يزاتي ياي اطمن طالعته باحتقار : يلا يلا انقلع من حجرتي خالد : يزاتي سترت عليج واحد غير جان فضحج جدام اخوج فجيت عيني : يا وقاحتك انت شو ، بعدين تعال شو عندك بتفضني به فج عينه وهو يتصنع الاستغراب : مدخله واحد حجرتج بليل وتقولين شو مسويه ، افا بنت عمي شما : خالد اتقي شري خالد : هههههههههههههههههههههههههههههههههههههههههههههههههه هههههههه خالد : على فكرة حمامج غاوي بغيت اخذ شور وين فوطتج شما : يلا.......... انا عاطتنك ويه زياده روح بيتكم اسبح خالد : ليش الي لج لي وهناك وهني واحد المهم انا وانتي سوا وغمز لي بعينه حطيت ايدي على خصري وتنهدت : خالد لو سمحت اطلع انا ما اعرف شو تبا مني طالعني بنظرة تحدي :ابا ازوج شما : هذو الدرب فديتك روح تزوج خالد : يلا بيب سيارتي وبدور اي ملاج بس وين بنلاقي حد بليل فجيت عيني : ومنو قاص عليك وقالك اني اباااااااااااااااااااااااك انا ما ادانيك ياخي افهم ؟؟؟ خالد : تراج نسايه الصور الي عندي حسيت اني بصيح : انت شو موضوعك يعني مب ناوي تعتقني خالد : اقول غناتي طالعته باستهزاء خالد : سويلي درب بسير بيتنا : بارد تراك سويتلي مصيبه وبتروح بيتكم اسمع خلصني فكني جان شفتك هني مرة ثانيه ولا جدامي بحش ريلك حش خالد : هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههه تم يضحك بصوت عالي ولفترة طويله لدرجة ان عينه دمعت هزتني ضحكته ورعتني وايد حسيته واثق. شو يبا مني هالانسان؟؟؟؟؟؟ لما بغيته صدني والحين ياي شو يبا شو هدفه؟؟؟ خالد باستهزاء: شميم تصبحين على خير غناتي انا رايح يلا رقدي وقفلي بابج اخاف بليل قلبي يشتاق لج وبالي يقترح اي ازورج اطمن عليج فجيت عيني اتخيل انا راقدة ويدش؟؟؟؟؟؟ هذا قمت اتوقع منه كل شي طالعته بطرف عيني : بقفل البيبان كلها اصلا خالد : ههههههههههههههههههههههههههههههههههههههههههههه طالعته باستنكار قمت اكره هالانسان شفته ياي بيطلع صديت الصوب الثاني اترياه يطله ما صديت صوبه ما اداني اطالع ويه بعد بس نقزت لما شفته يطبع بوسه على راسي فجيت عيني وطالعته بس سكت لما شفت نظرته نظرة هاديه وحنونه وغريبه ما اعرف ليش ما قدرت انطق : خالد : انا رايح تصبحين على خير راح وخلاني مصدومه مب فاهمه هالانسان شو يبا بس بعد مهما كان الي يباه ما قامت تفرق عندي لانه بكبره ما قام يفرق عندي ؟؟؟ الساعه 2:30 بليل فطيم حاولت اغمض عيني بس ماقدرت صارلي ساعتين اتجلب في الفراش قمت منزعجة ولبست روبي وطلعت شوي شوي الصاله متى برمس هزاع كيف انا وهو كنا ، اصلا كيف بشرحله الوضع؟؟؟؟؟ وضعنا كان صعب كيف اقوله ، مب قادره اتحمل قربه ولا نظراته انا مب متعودة على جيه يا ناس ما اطيق قربه ريحه عطره ، هو بكبره طول عمري اتعامل وياه على اساس انه زوجي وابو ولدي وولد عمي وبس حتى هالمفاهيم مب كامله, يعني زوجي مش كزوج يعني كل واحد له حياته ، حياة الشراكة هاي مب عايبتني انا باجر لازم ارمسه تمددت على القنفه شوي وغمضت عيني يمكن يني رقاد بعيد عن هزاع ، غمصت عيني بهدوء بس وانا متمدده ومسترخيه شميت ريحه عطر هزاع فجيت عيني ونقزت في مكاني لما شفته يالس على ركبه عندي يطالع ويهي بتأمل بلعت ريجي : انت قايم هزاع : انا ما ياني رقاد وانتي بعيده طالعته بتوتر : هزاع زين انك قمت انا احس عمري مضايجه ابا ارمس وياك شفته ابتسم لي ويا يلس عندي :امري ...........انتي تامرين غمضت عيني وانا احاول اجمع افكاري كيف ابدا هزاع يعاملني شرات اثنين حبايب ونحن عمرنا ما كنا جيه حتى في شهر العسل كان كل واحد بروحه فجيت عيني وانا اشوفه حظن ايدي بكفه قالي بهمس : انتي مب بردانه ما عرفت اتكلم توترت كانت عيني على ايدي الي حاظنها بكفه ، ايده دافيه وانا ايدي كانت بارده وترتجف تميت ساكته فتره طويله يمكن نص ساعه والغريب ان هو ما تكلم بعد رفعت عيني وشفته يطالعني بحنان دخيلك بلا هالنظرات اليديدة علي :هزاع طالعني ": شو فطيم قولي الي تبينه فطيم : المشكلة ما اعرف شو اقول هزاع: اقول انا عيل رفعت عيني وطالعته مستغربه : انت تعرف شو الي ابغي اقوله هز راسه : هيه فطيم : شو الي ابغي اقوله تنهد بس طالعني بنظرة حنونه : فطيم انا ما الومج ولا حد يقدر يلومج انا ما ابغي اضغط عليج ، ولا ابغيج تكونين متضايجه طالعته باستغراب عن شو يرمس هذا هزاع : انا ادري ان تعيشين ويا ريال ناسي كل شي حتى كل الاشياء الي بينكم ، الحياة وياه صعبة ، وانتي مب مجبورة طالعته باستغراب : انت شو يالس تقول هزاع : بالاخير هذي حياتنا يعني انا وانتي نقرر كيف نقضيها ، اذا انتي تبين تنفصلين عني عسب فقدت الذاكرة انا ابغي راحتج وصدقيني انا مسامحنج لان معاج حق انا وضعي صار صعب طالعته باستنكار لكلامه : طبعا ما ابغي انفصل عنك ، مستحيل افكر اصلا شفته يبتسم : تحبيني فطيم طالعته باستغراب شو هالسؤال السخيف سالني مرة اياه وهو بذاكرته بس لحظة توني استوعب ليش السؤال يا ؟ هو توقع من ردي اني ما اقدر اطلق لاني احبه ، بس انا الصراحه كان قصدي اني ما اقدر اطلق منه لانه ولد عمي ومحد بيرضى بعدين ما ابغي الناس ترمس عني بس استحيت من نفسي لما سمعت رده اضطريت اجامله : اكيد انت ريلي تبون الصدق انا ما احب هزاع ذاك الحب بس ما اكره ولا اتمنى له الشر في الاخير هو ولد عمي ما بقول احبه اعزه فقط كولد عم وكابو لولدي بس مش كزوج ما اعرف نحن جيه لا تظنون اني احبه انا اعزه وبس بحكم العشرة الي بينا هزاع : شو كان مضايجنج فطيم : ماشي صديت الصوب الثاني شفت هزاع يقرب ويحط راسه في حظني طالعته بتوتر : ابتسم لي نظراته توترني وتنرفزني : هزاع روح ارقد انت تعبان هزاع : وانتي فطيم : انا بيلس شوي هزاع : خلاص بنيلس سوا طالعته بتوتر: انا مضايجه شوي عسب جيه بيلس شوي وبروح ارقد روح انت طالعني بنظرة ما فهمتها : شو مضايجنج طالعته شو اقولك قربك مضايجني وضعي اليديد وكيف بوصلك حياتنا مضايجني شو اقول لك ، هزاع : تبينا نطلع تتمشين شوي فجيت عيني : الحين الساعه 2:30 هزاع : وشو يعني تغيرين جو فعلا انا مضايجة وابغي اطلع : بس سالم هزاع : بنشله ويانا فطيم : بس الوقت متاخر هزاع : برايه، انا ما ادل عاد ناسي كل الشوارع بلففج شوي وبردج يلا روحي لبسي عباتج وانا بشل سالم فطيم : بتقومه هزاع : لاء بخليه نايم بس ويانا في السيارة عسب نطمن عليه مهب روحه هزيت راسي له موافقه صديت بروح فوق بس مسك ايدي وشدني صوبه حسيت قلبي وقف لما شفت عمري في حظنه هزاع بصوت هامس : فطيم مشكور طالعته بتوتر : على شو هزاع: على أنج واقفة وياي ابتسمت بتوتر وقمت من حظنه بسرعه: هذا واجبي انا بروح اغير ثيابي تبون الصدق كنت ابغي اشرد رحت فوق و انا اتنفس بالقو ،غيرت ثيابي ولبست عباتي وشيلتي ونزلت تحت شفت هزاع يالس يتأمل ويه سالم الي نايم في حظنه نظرته ما تغيرت لسالم ما اعرف شو شعوره وهو ما يذكر حتى ولده احس به شعور صعب وايد تجدمت صوبه ما اعرف شو كان يفكر لدرجة انه ما انتبه لوجودي فطيم: هزاع رفع راسه وطالعني مستغرب: روعتيني ما كنت منتبه خلصتي فطيم: هيه قام بابتسامه : يلا سرينا مشيت وراه وانا اتصنع ابتسامه غبيه زايدة ابتساماته نظرته غربيه نظرة انسان مهموم ليش احس ان هزاع هو نفسه الاولي بس الصفات متغيره يا رب متى بترد له الذاكرة وبفتك من هالوضع الي انا فيه ركبت السيارة وتساندت رحت بتفكيري لبعيد لبعدين، لبعد شهر او شهرين بعد ما ترد له الذاكرة كيف بعامله بشفقه مثل الحين كيف بقدر ارد شرات قبل صديت صوبه شفته يسوق بس تفكيره في عالم ثاني كيف انسان مركز بالسواقه ويفكر بمكان ثاني اذا كان يمشي وهو سرحان ووصل اكيد حافظ الطريج ومتعود يمشي عليه بس هزاع فاقد الذاكرة يا ربي سبحان الله ، الظاهر التعامل وياه صعب وايد يذكر الكلمات الحروف وكل شي ناسي بس حياته واسمه وذكرياته ليته نسى الحروف والمعاني وتذكر حياته وياي كانت المهمه اسهل ، لان تذكره بشي تعرفه افضل من انك تذكر انسان بشي انت نفسك ما تعرفه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ سلطان الساعه 7:30 الصبح قمت من الفراش متضايج من امس وانا اتجلب واحس في شي على صدري شو هو ما اعرف المهم شي مكبوت فيني تذكرت اني دخلت المسن بليل وحطيت رقمي وقلت اول ما تشوفين الرسالة اتصلي شوفيني متضايج شمسة مب اول بنت واخر بنت اسوي فيها جيه يمكن كلامها اثر فيني اوووووووووووووووووف يا ويع الراس يابيلي ويع الراس هالبنات عثره تعثرهم كلهم قمت اكرهم متى بحصل وحدة شراتي يمكن شمسة طيبه وغبيه بزيادة ما اعرف ليش ترددت كنت ناوي اطلب منها تطلع وياي ما اعرف ليش اعترفت لها ؟؟؟؟؟؟؟؟؟؟؟؟؟؟ يمكن ما حبيت استغلها لانها غبيه ؟؟ لا تقولون طيبه ؟ الطيب في هالوقت غبي !!! كيف لو كان يتيم وكل واحد يبا ينهشه؟ شليت فوطتي ورحت اسبح ما اعرف ليش اول ما نزل الماي على راسي تذكرت لما اتصلت فيني شفت المبايل ، امممممممممم ارد ما ارد اكيد هاي هي هذا رقمها رقم غريب اوووووووووف خلا ارد وافتك سلطان: ألو سلطان :ألوووووووووووو داقة تسكتين ابغيج ضروري شمسة : تعرف اني شمسة يعني سلطان : هيه شمسة بتوتر : سلطان الي نسويه غلط لو مب واثقة فيك ما بتصل قول الي تباه وبصكر انا ما اقدر اخون اهلي اكثر من جيه سلطان: سمعي شمسة : نعم سلطان : غمضت عيني بضيج كيف اقولها قلت بسرعه وبصوت قاسي: سمعي يا بنت الناس انا ما ابغي اضرج انا جذبت عليج انا ما احبج ولاشي مجرد بنت عبتني حبيت استغلها بس احتراما انج من معارفنا وانج طيبه ...................... سكت شوي وتنهدت : وانج يتيمه ما اقدر اجذب عليج اكثر من جي انسيني انا ما انفع لج صكيت التلفون في ويها وفريته بعيد بس ما وحاله الا ثواني وشفت رقمها في مبايلي احترت ارد ولا لاء توقعت تسبني عسب جيه قلت خلا ارد عليها تفرغ الغضب الي بها وبعدها ترتاح وتشلني من بالها بس للاسف ليتني ما رديت سلطان : ألو شمية بصوت مليان حزن ، وندم ، بصوت انسان يصيح من القهر : انت بعد اسمعني يمكن انا كنت السبب لاني خنت ثقة اهلي بس تعرف مب ندمانه على شي الا على غبائي كيف صدقت انسان شراتك ، (زاد صياحها )انسان تافه جذاب كل الي همه يثبت لعمره انه ينحب وكل البنات تحبه انسان ضعييييييييييييييييف ومريض بعد ،شوف انت اذا تباني انساك مرة فانا اباك تنساني مليون تفهم مليوووووووووووووووووووووووووون وتنسى اسمي وكل شي ، انا فعلا غلطانه اني حبيتك ما ابغي ادعي عليك تعرف ليش لان دعوة المظلوم مستجاب( زاد صياحها اكثر ): وانا مظلومه وانت ظالمني الله يسامحك صكرت التلفون في ويهي غلقته وفريته على الشبريه لحظتها وحطيت راسي ورقدت صكيت ماي الرشاش وطلعت رحت انشف شعري محتاج حد يكلمني الحين بس منو ما اعرف طالعت ساعتي انتبهت انها سبع ونص انا شو مقومني من وقت شو بسوي ، يا رب اليوم شكله وايد طويل بنزل تحت عند يدي على الاقل يمكن انسى سالفة هالبنت الي من عرفتها ما شفت الخير نزلت تحت البيت كئيب وهادي على خير العادة بهالوقت يكون يدي يتريق نزلت تحت ويلست ناديت على محمود البشكار شفته شوي وياني سلطان : اقولك ايب ريوق ياب الريوق وحطه جدامي يلست اتريق وخلصت ريوقي طالعت ساعتي صارت ثمان وثلث وينه يدي ليكون فيه شي ليكووووووووون مات وابتلي ناقص انا هالشيبه بعد سلطان : محمووووووووووووووووووووووووود يا الزفت محمووووووووووووود يا يربع : اجي اجي سلطان : وين يدي محمود : مستشفى طالعته مستغرب : عنده موعد شو غريبه ليش ما رحت وياه وين يدبر عمره روحه محمود : لا هو في نوم هناك طالعته : نووووووووووم عند منو محمود : هو نوم في مستشفى امس تعبان روحي مستشفى فجيت عيني اكثر: ومنو عنده محمود : هو قول انا روح بيت مشان انت روحك سلطان : هو شيبه مخرف وانت شو حمار ولا اشو هادنه روحه الحين لو صاير به شي منو المسؤول ها رحت حجرتي بسرعه وشليت السويج وعلى طول على المستشفى ما اعرف ليش حسيت اني بفقده الانسان الوحيد الي متحملني بفقده وين بروح بسكن روحي بدون حس ، غبي ما يتعلم شو متعبنه شو يفكر مب عارف بس عمرك سبعين سنه وما اعرف خمسين سنه فكر بعمرك شو تبا تفكر بالدنيا وصلت المستشفى ونزلت الرسبشن ودلوني على غرفته دخلت شفته نايم الظاهر معطينه منوم ، شفت عمامي الاثنين عنده واقفين الظاهر توهم يايين يطمنون عليه ، يايين يطمنون عليه عسب يقولون نحن ينا مالنا حايه ني عقب جيه متعبين عماركم وايد عليكم؟؟؟؟؟؟؟؟؟؟؟؟؟؟ دخلت سلمت عليهم : السلام عليكم بس استغربت يوم محد منهم رد عليه طالعوني من فوق لتحت وطلعوا ، بلاهم هذيل ، النرس تقول يدي ما قام من امس يعني ما قالهم شي عني ، ليش يطالعوني جيه ؟؟ خلهم لاء وايد سائل انا عاد ؟ الي مب عايبنه هذوه الدرب؟ طنشتهم و رحت يلست على الكرسي الي عنده ولظاهر اني نمت ما يلست ؟؟؟ الساعه 10 : 30 الصبح شما سنتر من السناتر مشيت ورا حصة وانا متضايجة قالتلي بنقص شعري استانست ودنيا بس لما رحنا الصالون خلتهم يسوون لي قذله بس وخلت ورا شعري طويل ليش احس شكلي صار شرات هالسخيفات اوووووووووووووووووووف ما ادري كيف برد البيت وبفصخ شيلتي جان ما ايلس متحجبة بالبيت شرات برع بعد طالعتها : بس حصيص اليوم ما رحت الكليه بسبتج انا مضايجة رديني البيت ليش يايين هنا صدت لي: عازمتنج انا على الريوق عسب جذا ياييين هنا شما بقهر منها : انا متريقة ما ابغي ريوقج وقفت بنص الطريج : شميم انا وايد مستانسة اليوم تعرفين اي شي في خاطرج قوليه بسويلج اياه طالعتها باستغراب : شووووووووو حصة : بقولج شي ولا اقول بعدين بعدين بخلي غناتي يعرف قبل عويت بوزي لها : يلا يلا خلصينا نبا نرد ابتسمت : انا مشتهيه شليز خلا ناكل شي وبعدين تنهدت يلا فكينا مشت وياي ورحنا صوب شليز حصة : تبين برع ولا الكبينات دخل شما : لاء خلينا برع نشوف الناس على الاقل حصة : بعواج اي شي اليوم بهواج ابتسمت لحصيص شفيها اليوم مستانسة لما خلصنا اكل حاسبت حصيص وطلعنا وقفت بنص الطريج وصديت لحصيص بويه مصدوم : حصيص نسيت مبايلي حصة ببتسامه : برايه حبيبتي بنرد طالعتها مستغربه : حصيص فيج شي حصة ": لاء اقولج مستانسه ههههه طالعتها بشك ليكون تخبلت ، هو المفروض انا اتخبل مب هي ،خالد من صوب وعبدلرحمن من صوب وحصة من صوب وعويش الغبيه من صوب بس حصيص مستويه طيبه اليوم ردينا فوق اول ما وصلنا للطاولة الي نحن كنا يالسين عليها شفت مبايلي بعده على الطاولة ابتسمت بفرح كله ولا هالفون عزيز عليه بس ماتت ابتسامتي لما شفت شخص مب غريب عليه يطلع من الكبينه الي جدامنا مع وحدة حسيت نبضات قلبي ازدادت ومت من الخوف صديت لحصيص شفتها واقفه متصنمه ، ما اعرف ليش حسيت انا السبب صديت لمبارك وويه المصدوم وقفت مكاني ساكته بدون لا اقول شي حصة طالعت مبارك وهوطالع من الكبينه ويا وحدة في البدايه ابتسمت على عمري كيف اتخيل انا؟؟؟؟؟؟؟؟؟؟؟ مستحيل يكون مبارك بس تجمعت الدموع في عيني وانا اشوف ان عيني ما تخوني وان مبارك هو الي جدامي صديت للبنت الي وياه ساعتها حسيت بطعنه كبيره في قلبي تعرفون الانسان لما يموت مرة افضل من لما يموت مرتين فكيف لو كان يموت مش مية مرة متين مرة تجدمت منه وقلت بصوت واطي وبالكاد يطلع من الصدمه : ما لقيت الا اعز ربعي حسيت ملامح مبارك تغيرت وزاد استغرابه وصد لها باحتقار : لاء طالعها جيه انت مب احسن صد لي مرة ثانيه بعيون متالمه غمض عينه بألم وما حذب عليكم ان الدموع تجمعت في عينه لحظتها ما صديت لامنه اعز ربعي ولا شفت ملامحها طالعته بنظرة احتقار وقلت وانا دمعتي تخوني وتنهمل بغزارة على ويهي : يمكن خسرت اليوم شخصين كانوا غالين وايد علي ، على العموم مبروك عليكم تتهنون مع بعض ابتسمت من بين دموعي /: انا ربي عوضني بشي ثاني صديت صوب مبارك : هذي اخر مرة اشوفك فيها ما ابغي اشوفك مرة ثانيه بعد صديت بروح عنه بس وقفت مرة ثانيه وصديت له شفت ويه متالم والدموع تارسة عينه خلاص جذبك ما قمت اصدقه : عسب ما ينكتب عليه اثم بس احب اقولك دام هاي اخر مرة تشوفني فيها ، أنـــــــــا حامل يا مبارك انتهى البارت |
الجزء الخامس عشر ~~ الله يرحم ماضي الوقت وياك كان الوله زايد بقلبك عشاني واليوم مدري ياهوى البال وش جاك مات الوله بداخلك او نساني حسبي على اللى غرك اليوم واغواك هذا جزى حبي وشوقي وحناني طالعت الساعه كانت تقريبا خمس العصر تساندت وأنا اتأفف ونفس الوقت ريولي ترتجف ومتوترة ، صوت صياح حصة طالع من حجرتها أخاف عبدالرحمن يرجع أي وقت ، ويسمع، وأخاف اروح اهديها تزيد ، كل الي سويته من ينا البيت بعد ما شافت مبارك أني يلست في الصالة الي فوق حتى ما فصخت عباتي ولا شيلتي رديت راسي على ورى وتساندت على القنفة ما ادري شو اقول مخي مش قادر يستوعب معقوله مبارك يخون حصة مبارك الي يموت عليها وليش يخونها يمكن لانها للحين ما حملت الرياييل جيه لو الحرمه ما حملت على طول يدورون غيرها اووووووووووف وانا شو عرفني ان السبب من حصيص يمكن منه هو صراحة ما يخصني ولا اعور راسي ؟؟؟؟؟؟؟؟؟؟؟؟؟ كله مني انا الغبيه نسيت مبايلي لو ما نسيته ما صار الي صار ، الله يسامحني شو هالبلوة الي سويتها قمت من مكاني ورحت صوب غرفه حصيص دقيت على الباب بحذر وشوي شوي : حصيص فجي الباب ما ردت عليه ما كنت اسمع الا صوت صياح وآهات أخاف يصير فيها شي شليت مبايلي ونزلت تحت ما فيني انا روحي المصايب عليه تي مصيبه حصة بعد الله يسامحج يا حصة ما لقيتي تعزميني الا باليوم الي فيه ريلج مواعد وصلت المطبخ ، فجيت باب الثلاجة ، ابغي اطلع ماي لي ، سمعت صوت يكلمني ؟؟ بس لاني وايد بالي مشغول في حصة ،ما صديت ولا انتبهت، ولا حتى سمعت منو يكلمني؟؟؟ مشيت ورحت يلست على الدجة وانا مضايجة من عمري احس ان انا السبب بكل الي صار بس معقولة ،يا مبارك من بين كل هالناس تظهر خاين ما اصدق ان هاي اخلاقج ؟؟؟؟؟؟ سمعت اسأله ترن في داخلي ، صراحة كنت ابغي افضفض لاي حد ، حتى لو لنفسي :شفيج شميم : انا سويت شي مب زين : شو سويتي :آه خليت حصة ترد المطعم : كيف : مبارك في المطعم كان ويا وحدة غيرها : مبااااااااااارك ما توقعتها منك : وانتي شو يخصج انتي مالج ذنب هم كيفهم : بس انا الي خليتها ترد وتشوفه ولا جان ما شافته اصلا : اممممم ومنو يدري بهالسالفه ان مبارك يخون حصة : انا وحصة : الله يعين لو عبدالرحمن عرف شو بيكون موقفه رفعت حياتي مستنكرة ، هل الكلام مستحيل نفسي تقوله لي ، مستحيل نفسي تخوني ، انتبهت لنفسي ووين يالسة ، ومنو يالسة ارمسه ، وشو يالسة اقول ما شفت الا خالد يالس حذالي على الدجة ويطالعني بابتسامه نذله ساعتها عرفت ان مش نفسي الي كانت تسأل هذا خالد حسيت باحساس غريب يصعب عليه اوصفه، حسيت نبضاتي عميقة وما تندق ، ونفسي مش قادر يطلع وغيض الدنيا كله تجمع في مكان او صندوق كبير موجود الحين في صدري وخانقني كأنه ياثوم يالس على صدري طالعت خالد بنظرة مستغربه ودمعه نازلة من عيني : لهدرجة خسيس انت يا خالد شفت ابتسامته زادت : هيه واكثر حرك راسه باستفهام : يعني لو عبدالرحمن عرف شو بيكون موقفه طالعته بنظرة عمري ما توقعت اطالع فيها خالد نظرة انكسار بس هالمرة الموضوع ما يخصني يخص حصيص : دخيلك خالد لو عبدالرحمن عرف بيجلب الدنيا وما بيخلي حصة ترد له خالد : وانا شو يخصني لا ترد له شما: هيه حامل منه خالد : ليش هي مش اول ولا اخر حرمه تكون حامل وتبا تنفصل عن ريلها ، يتريا لين ما تولد وبعدها يطلقها طالعته وانا اعقد حياتي مش مصدقة نفسي: في انسان نفسك خالد : هيه ،أنتي شما : انت مشكلتك معايه مش مع حصة خالد : دام انفصالها يضايقج أنا أول واحد بسعى فيه طالعته مستغربة : ليش كل هذا ، أنت أذتني قبل مش أنا الي أذيتك ؟؟؟؟؟؟ ابتسم ابتسامه لئيمة وهداني في نص حيرتي وراح عني وانا في صدمه وخوف من الي بيسويه خالد؟؟؟؟؟؟؟؟؟؟؟؟؟؟؟ مبارك كنت اسوق بلا هدف كرهت امنه واليوم الي اتصلت فيني ،، آه يا حصيص شو اقولج مجتول من داخلي ، مطعون منج ولا ظالم وجارحنج ولا فرحان ان بيكون عندي ولد منج كل هالاحاسيس يالسة تحوط فيني ، بعضها يزداد عسب الثاني يبطئ وبعضها يبطئ عسب الثاني يزيد تلعب بي الاحساسيس لعب ، يمكن زليت ،ما اقول خنت بس تبيعني بكل سهولة جيه تقولين اخر مرة اشوفك شي كبير يا حصة ما اسامحج عليه جان نسيتي كل سنيني وكل حياتي وكل عمري وكل مابينا لجل لحظة مش انتي حصة الي بعت قبل كل الحريم عشانها مش انتي الي وقفت وياي وقت ما كنت مكسور معقولة الانسان لما يحب حد بجنون يقدر في لحظة لان الشخص الثاني غلط يمحيه من حياته ولو كانت خيانه؟؟؟؟؟ وايدين يقولون اسامح على كل شي الا الخيانه وشو الخيانه ؟؟؟؟؟؟؟؟؟؟؟؟؟؟؟؟ تراني انسان اذا غلطت خلاص اتنسي امتحي ، يكون مالي وجود عيل ليش الام والابو يسامحون لانهم امك وابوك وحصيص ، انا شو كنت بالنسبه لحصيص ؟؟؟؟ هالسؤال الحين يدور في بالي كنت زوج وحبيب ولا زوج وبعدين مجرد انسان ضعيف شفقه عليه لا أكثر كل هالاسئلة كانت تدور في بالي وانا رايح بيت عمي بوحصة المستشفى سلطان طالعت يدي وهو ياكل عشاه مهب جن العشا من وقت وايد الساعه سبع المغرب سمعت صوته :سلطان ولدي تعال كل شي عويت بوزي : ما اشتهي بوسلطان :لا تتبطر على النعمه وتعال سلطان :لا حوووووووووووووول الله قلنالك ما نبا ، مش كافي يالسين وياك فكنا من حشرتك شفته هز راسه بدون لا يرمس شي شوي والا دخلت (انا اناديها امايه ) بس هي اخت يدي اوف بتستوي الزحمة الحين اول ما دخلت شلت الدنيا على راسها اخت يدي : مرحبا باخويه يامرحبا بالغالي السموحة السموحة منك توني ادري عين وصابتك توك الا باول شبابك عنبو يا الحسد الي في الناس ما عتقوك عقدت حياتي مستهزأ في خاطري اي اول شبابه الا على حافة القبر بس متمسك بالهوا بالقو ، ههههههههه شديد يدي حبيت اهدهم على راحتهم واطلع شوي طلعت وانا طالع ما اعرف ليش طرت في بالي شمسة ابتسمت بخقة ما اعرف على شو ورحت يلست في الاستراحة الي برع تعالو انا نسيت اسال يدي شو سالفه عمامي زعلانين ؟؟ ولا خلهم يولون ؟؟؟ مر الوقت بسرعه شفيها هاي طولت عنده عنبو شو هالزيارة الثجيله مشيت متوجه عندهم فتحت الباب بس وقفت وانا اسمع يدي يقول بصوت عالي وصارم بوناصر : لاء لاء يا ام سالم كله ولا بنت ميرة ، شمسة ما تنساب سلطان ولا تناسبنا ام : عشان امها انسى امها يا بوناصر بوناصر :لو عقلي حاول ينسى قلبي مستحيل ينسى وقفت مكاني وانا مصدوم من الي يالس اسمه ،، ببساطة كلمتين كانن يدورن في بالي لحظتها ( شو السالفة )؟؟؟؟؟؟؟؟ مبارك وقفت عند بيت عمي أخاف انزل ويكونون كلهم هني كيف بكلمها كيف بتفاهم وياها فجأة تذكرت عبدالرحمن ، عاد عبدالرحمن مول ما عنده اسلوب في التفاهم اذا قالتله وشافني بيروغني من البيت ؟؟؟؟؟؟؟؟؟ ليت ما يدخلون بينا بس ؟؟؟ بعدين ليش يدخلون هاي حرمتي انا؟؟؟؟؟ وانا حر بها !!!! شجعت عمري ودقيت الجرس دخلت باب الصالة شفت محد يالس تحت ناديت : هوووووووووووود يا اهل البيت بس محد رد عليه تنهدت هالوقت محد يروم يساعدني الا شما هي تعرف بالسالفه وتعرف شو صار بحصيص ناديت البشكارة وقلتلها تروح تزقر شما ما وحالي الا ثواني واشوف شما جدامي وهي فاجة عينها شما : حصيص تصيح من الصبح قلت بألم وأنا أنزل راسي : من الصبح شما : هيه وكله منك طالعتها باستنكار : مني تجاهلت شما ، شما الا ياهل انا ما باخذ على رمستها مبارك : حد عرف شفت ويها تغير مبارك : حد عرف قالت بخوف : لاء طالعتها بشك : متأكدة شما : هيه متأكدة مبارك : خليج هني انا بروحلها فوق ، شفتها هزت راسها ويلست على القنفة : بدوري رحت متوجه فوق كيف ارمسها بلسان انسان ظالم ولا مظلوم ولا كيف ، اهم شي شاغل بالي الحين انها ترد وياي ما ابغي اخليها دقيقة هني لو اهلها عرفوا عمر السالفه ما بتنحل بينا ؟؟ دقيت على الباب بالخفيف :محد رد عليه وما كان في صوت لحد داخل صراحة خفت ليكون استوى بها شي ، شما تقول تصيح ، بس انا ما اسمع صوت ما بغيت ارمس وتسمع صوتي ما بتفتح الباب ، دقيت بالباب بالقو سمعت ردها من ورا : شما خليني روحي رديت دقيت الباب : هالمرة سمعت صرخة : قتلج خليني بروحي دقيت الباب باقوى ما عندي اكيد الحين بتتنرفز وبتي بتفتح الباب ، وفعلا توقعاتي ما خابت فجت الباب بس انصدمت لما شافتني وانا انصدمت بدوري حصة، محمرة وويها متغير لونه حتى عيونها منتفخة من الصياح يت بتصك الباب بس ايدي كان اقوى دزيت الباب ودخلت وصكيته ورايه طالعتني وقالت بصوت فيه غبنه : اطلع برع مبارك :حصة لا تظلميني انا احبج صاحت وهي تقول بصوت عالي :أنت جذااااااااااااااااااااب أطلع ما ابغي اشوفك طالعتها بقهر : انا جذاب ، انا الي طول عمري شالنج في عيوني واخاف عليج من الهوا استويت جذاب صاحت حصة : ولك ويه ترمس اطــ..... ما كملت رمستها لانها انهارت من الصياح رحت لعندها وانا قلبي بيوقف من الخوف عليها قربت صوبها وانا الوي عليها كانت مثل الطير الجريح الي يجرح، يشرمخ ،يصرخ، ويتألم بس انا كنت لامنها بقوة لصدري رغم ضرباتها القوية الي حسيتها بتكسر بهم قفصي الصدري ، بس لو انكسر ما بيصير فيني شي ،لان انكسر بايد حصة والي داخله اسم حصة مهما كان شعورها تجاهي ، ولو اني مش متاكد منه ، بس متاكد من شعوري انا ؟ استسلمت بحظني ولو اني احس ان حياتي ويا حصة الي يايه بتكون صعبه وايد ووايد بعد ، دام هدت يلست افكر كيف او شو الشي الي لازم اسويه واخليها تنجبر ترد البيت ؟ فجأة يت في بالي فكرة ، سامحيني يا حصيص ما عندي الا هالشي يرجعج البيت ؟؟؟؟ بيت هزاع فطيم تعدلت في يلستي وانا مضايجة من يلسة هزاع عنبو لاصقة لصقة فيني والمشكلة اني كنت يالسة على اخر القنفة ويا يلست حذالي /، تنفست بالقو بس ما وحالي اكمل نفسي الا هزاع صاد صوبي مبتسم بادلته وحدة من ابتساماتي الغبيه الي زادن هالايام هزاع: شفيج فطيم فطيم : ماشي قرب مني زود فجيت عيني مستنكرة الرمنسيه الزايدة الي مش متعودة عليها دفن راسه في صدري حسيت بشي ثجيل على صدري صراحة ما كنت مرتاحة مول تنهدت بضيج بس هو شكله كان مرتاح وايد رفع عيونه يطالعني : شكثر أحبج فطيم فجيت عيني هو صابته الضربه على الذاكرة اخاف مركز الاحساس بعد راح تلخبطت احساسيسه اول مرة احس دقات قلبي زادن مش من المحبه يعني ،بس خوف صابني شو بسوي به هذا وهو يتحراني احبه واعشقه ونحن شرات باقي الناس شفته يبتسم : هدي على عمرج انا اسمع دقات قلبج اخاف يصير بج شي بلعت ريجي وانا اطالعه نعس عيونه وبتسم بطريقه غيرت ملامح ويه كله حتى لاول مرةفي حياتي ادري ان هزاع عنده غمازة ما اعرف شو الشي الي خلاني امد ايدي صوب ويه اتلمس الغمازة بس لما قربت ايدي راحت الضحكة وتمت مكانها ملامح رقيقه مع ابتسامه حسيت على عمري وشليت ايدي بسرعه بطريقة خلت هزاع يعقد حياته مستغرب : هزاع وهو يبتسم : لا تحاولين ما بسأل شو فيج ، مليون مرة سألتج ما جاوبتني والحين يالسة تنغزيني عسب اسألج ما ادري شو الشي الي خلاني ابتسم على تعليقه مع ان تعليق سخيف مسك ايدي وحطاها على ويه سمعت همساته : فطيم أنا قتلج أحبك بس انتي ما رديتي عليه طالعته تبون الصدق كنت ادور في داخلي على اجابه بس للاسف ما لقيتها ، ما عندي أي اجابة ما حسيت بعمري الا وأنا أقوله : ما أدري شفت ردة فعله كانت عنيفة قام من عندي بسرعه وطالعني وقال باستهزاء ممزوج باستخفاف : ما تدرين ، غمضت عيني احس اني متلخبطة حضن ويهي بكفوفه بعنف وقربه منه : تحبيني ولا لاء؟ على صوته اعلى وقالي وهو يرص على ضروسه : تحبين واحد غيري ؟؟؟؟ رفضت غيرك وانت بالحب مالنت~~ ياقرد حظي يوم غيرك رفضتـه~~ |
الجزء الســـــــــادس عشر ~~ ودي أكون قربك ودي أسمع صوتك ودي أرتمي بحضنك ودي أشبك يدي بيدك ودي أنسيك كل همك ماودي أجرحك ماودي أزعلك ماودي أخدعك ماودي أخونك ماودي أعيش بدونك وربي بعمري وحياتي وروحي أصونك بس؟ حبني كثر ما أنا أحبك؟ سلطان تبون الصدق وقفت متصنم مكاني ، عمري ما توقعت أن أهل شمسة لهم سوابق ويا منو يدي !!!!!!!!!!!!! معقوله أمها كانت ترمس يدي وين راح مخي انا انتبهت على عمري وطلعت من غرفه يدي ما سمعت الحوار كله ،أخر اللي سمعته كلام يدي أن هالبنت ما تناسبنا ما أعرف شو هالشي الي علقني بها زود وزود تبون الصدق دشت مخي الحين انا الي ابغيها بس مش مثل ما تتصورون ابغيها لهدف في نفسي هدف أني أعرف شو سالفه يدي طالعت حرمه طالعه من غرفه يدي تبتسم لي عقدت حياتي منو هاي ، فجأة تذكرت أن هاي أخت يدي ضربت راسي على الخفيف وين راح مخي انا ابتسمت على عمري ودخلت عند يدي هالمرة شفته ما طالع صوبي الظاهر انه سرح بأفكاره وذكرياته يا ترى شو كانت علاقتهم ، بس كلام وغزل ولا ، ليكون كان متزوجنها هيه متزوجنها بالسر صحيت على أحلامي وين راح مخي انا معقوله اتكلم على حرمه عودة بهذا الكلام طالعت يدي وأنا عيوني مصرة على شي واحد قلت وانا ارصص عيوني ومركز وكلي انتباه على ملامح يدي :يدي أنا أبغي أخطب شمسة بنت يرانا بيت بوعبدالرحمن حصة وش لي بديره مابها من اثق فيه ديره رديه كلها انذال وانجاس حتى اعز الناس خاب الامل فيه دامه رضيلي الدمع في كل مجلاس مدري وش اللي لي زماني مخبيه انا الوحيد اللي مشي درب الاتعاس في كل ليله اطلب الموت راجيه شليت راسي من حضن مبارك وأنا مشمئزة منه طالعته وقلت له بتهديد : هاي اخر مرة تحاول تشوفني طلقني مبارك شفت مبارك طالعني بس بابتسامه وهدوء غريبين على انسان حنون مثل مبارك أو مثل ما كنت متصورتنه : حصيص انتي حامل ما يوز أطلقج قلت بصوت عالي وبصريخ : لازم أطلقني، ما اطييييييييييييييييييييييييييييييييييقك مبارك بهدوء : وولدي الي في بطنج طالعته باشمئزاز وبصوووووووووت عالي: مش محتاج لك مبارك :بس انا محتاج له ، لو تبين تطلقين ما بغصبج تعيشين وياي مهما كان انا عندي كرامه يا حصيص ، صح أحبج بس سمحيلي ما اقهر اعيش ويا وحدة ما تباني ، بس اعرفي من تولدين وتخلص فترة الرضاعه باخذ الولد منج فجيت عيني مش مصدقة هالانسان الي جدامي مبارك :أنت معقوله الانسان الي حبيته ، خاين وجذاب وفوق هذا كله قلبك قاسي ابتسم لي ابتسامه غبيه : مقبوله منج يا حصيص ، يلا شلي اغراضج نروح بيتنا ، مالج يلسة في هالبيت فجيت حلجي ابغي اصرخ عليه بس ما وحالي لانه حط صبوعه على ثمي وقالي بصوت واطي : اترياج وهو مركز عينه على عيني ودرني وانا فاجة عيني وراح بس وقف عند باب الغرفه وصد لي وقال بكل هدوء : اذا تبين ولدج يتم عندج ، لا تتهورين وتكونين عنيدة هدني وراح بعد ما زرع في قلبي صدمه وحيرة وشك في هالانسان الي جدامي معقوله أنت يا مبارك جيه قلبي مش قادر يستوعب انك انت الانسان الي سكنك ولمك داخله ، وعقلي مش قادر يستوعب أنك ترد لي الاحسان بهالطريقة كيف تفكر يا مبارك ، وبشو تفكر شي وايد محيرني ، اتمنى جوابه ما يكون صدمه بالنسبالي ؟؟؟ بس انا اعرف كيف اخليك تكرهني ، وادور كيف انك تطلقني بيت هزاع فطيم تميت منصدمه مكاني وأنا اشوف هزاع يروح من جدامي تنهدت بالقو ، هالسؤال لين الحين مش لاقيه اجابته ، غمضت عيني كلام هزاع جرحني ، شو يعني تفكرين بواحد غيري أحس هذا اتهام صريح صريح وايد بعد لي كانت دموعي تنزل ما اعرف شو هالشي الي وايد جرحني مع ان لو قاله هزاع قبل لا يفقد الذاكرة كان ما هز شعره مني كيف يتهمني جيه ما تشوفونها قويه ، ولا انا يتهيأ لي اليوم لازم اقوله كل شي ، هالوضع صعب عليه استحمله ومش قادرة استحمله رحت غرفتي غسلت ويهي بالماي وخذت نفس قوي لازم اكلم هزاع وين راح وأنا امشي سمعت صرخة هزت البيت كله بما فيهم انا فجيت عيني هاي صرخة هزااااااااااااااااااااااع بما اني ثجيله لاني حامل نزلت باسرع ما اقدر لما وصلت عنده انصدمت من شكله الي خرسان دم طالعته وأنا فاجة عيني شفته صرخ بصرخه خلتني استغرب زيادة : حووووووووووووو ايبيلي شي ما تشوفيني فطيم : طالعته بشك هذا اسلوب هزاع قبل لا يفقد الذاكرة وقلت بصوت متقطع : هـــــــــزاع،أنت هزاع بصريخ :انا شو ؟؟؟؟؟؟؟؟؟؟؟ لا وانا صاحي مريحتني ولا وانا تعبان روحي ايبلي ثلج ما تشوفين راسي منطر تميت مصدومه قام من الارض وهو راسه كله دم وراح يدور شي يوقف الدم تميت مكاني اتنفس بالقو : ليكون هزاع ردت له الذاكرة ، والي صار بينا هالفترة الي كان فيها فاقد الذاكرة ؟؟؟؟ لحظة الدكتورة قالت لي احتمال كبير أنه ينساه تنهدت براحه مع ابتسامه فرح غيرت كل ملامح ويهي ، الحمدالله لك يا رب ؟؟؟ بس لحظة كيف ردت له الذاكرة ، لو ما شفت الدم بعيني كنت بقول انه كان يمثل انه فاقد الذاكرة بس الحين تأكدت أنه فعلا كان فاقد الذاكرة ولا يدري بالي سواه ؟؟ المستشفى سلطان طالعت ملامح ويه يدي كيف تتغير ابتسمت باستهزاء ثرها امج مش سهله يا شمسة تم يدي مصدوم ولا نطق بكلمه كل هالمدة طالعته بعيون اشبه بعيون الذيب الماكر : ها يدي شو فيك مش انت تباني اعرس هذوه انا ريحتك هالبنت داشة خاطريه وابغيها بوناصر: هالبنت لاء شفت يدي مرتبك وتعبان : وليش لاء بوناصر : ما تناسبك سلطان :وليش ما تناسبني بوناصر : هالبنيه طيبه وخلوقه وانا اشوفك ما تستاهلها سلطان : هههههههههههههههههههههههههههههههههههههههههههههههههه هههه بوناصر : شو يضحك سلطان قلت له بغباء : يدي كل واحد يبغي الزين دام اني خربان لازم اخذ وحدة رديه شراتي باخذ وحدة احسن مني بوناصر : لهدرجة البنت داشة خاطرك ابتسمت : هيه يدي وايد قمت من عنده وانا اطالعه باستهزاء : انا ساير البيت بسبح وبرد لك توقعتك تبتسم تفرح ، بس دامك مش رايدنها خلاص انسى رمستي طلعت من غرفه يدي مبتسم : ههههههههههههههههههههههههههههههه ونه داشة خاطرك ثرك رومنسي يدي ههههههههههههههههههههههههههههههههههههه ليكون معذبينك قبل ، ابتسمت بالقو اتخيل يدي يحب هههههههههههههه ركبت سيارتي وتذكرت ملامح ويه : هههههههههههه الحين تاكدت ان هالحرمه تعنيلك خلاص ما يحتاي الحين تأكدت من شي جان شمسه قبل ظاهرة من خاطري الحين ممسوحة ما باقي الا اخذ وحدة امها كانت راعيه سوالف ابتسمت وانا رايح بس لحظة نسيت شي شليت تلفوني وطرشت مسج والله يا شمسة ، ظهرت علاقتنا جديمه جديمه وايد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ابتسمت وانا اتخيل ويها لما تقرى المسج بيت بوعبدالرحمن شما تنهدت بداخلي اروح ولا ما اروح اروح لا ما اروح اروح لا ما اروح يا ربي اروح ولا ما اروح هالخالد يايبلي المصايب ما ادري شو يفكر فيه الحين لازم اروح اشوفه واساله شو الي في باله هالوقت طالعت ساعتي سبع المغرب دام عبدالرحمن ما رد يعني راشد بعد ما رد وياه محد فوق غير خالد وعواش عواش طمه ما علينا منها بس خالد يا مصايبك يا خالد ، مش ناوي تعتقني تنهدت وانا اشل شيلتي شفت لونها البنفسج وجلابيتي البنفسيه حشا رايحة اشجع انا اوووووووووف من هالألوان المؤرفة حسيت دقات قلبي تتزايد بس ماعلي عشانج يا حصيص ، مستعدة اسوي اي شي بس خالد ما يدخل دخلت بيت عمي وركضت فوق ابغي اخلص هالموضوع وياه بسرعه فجيت باب غرفته بهمجيه وانا معصبه بس ماتت العصبيه وتغيرت ملامحي حسيت دقات قلبي تزداد حسيت اني بموت قريب وأنا أشوف خالد وراشد وعبدالرحمن أخويه يطالعوني مستغربين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
الجزء السابع عشر سلطان طالعت يدي بنظرة مصدومة :يدي أنت شو تقول ،أنت ترمس جد بوناصر : هيه ارمس جد شفت يدي يبتسم بحنان : حققت لك الي في بالك طالعته وأنا ابلع ريجي : يدي انا كنت امزح ، انا بعدني ادرس ، مش مستعد اعرس الحين اول مرة في حياتي كلها ما اقدر اتكلم واو احس اني خايف وجدام منو يدي الي ما اسويله حساب : يدي انا ما اباها طالعني يدي بصدمه : كيف ما تباها سلطان: ما ابغيها ، خلاص يدي ، انا كنت بوناصر : سلطان شوفيك ما تعرف شو تبا ، ارمس شو تبا بالضبط حسيت اني تايه وراسي مفتر ومب عارف ابغي اي حجة : يدي انا شفتك مهتم بهم وقلت امم آه حطيت ايدي على راسي مثل التايه : قلت يمكن انت خاطرك تزوج وحاط عينك على الام عقد حياته يدي : انا ما قلت اني ابغي اتزوج شفت يدي الموضوع عادي عنده صرت مثل التايه وين اشرد من هالورطة بوناصر : على العموم امها قالت ليدتك فجيت عيني متفاجأ : اي يده بوناصر : أم المرحومه امك حطيت ايدي على راسي متأفف : اوووووووووووووف حتى هاي عرفت سلطان: قلت بعزيمة وانا ارصص عيني : يدي انا هاي ما ابغيها انتهى الكلام ، كيف تباني اخطب وحدة امها راعيه سوابق ووياك ما حسيت الا بكف يني ويطيرني الصوب الثاني ، شفت ملامح يدي مستغرب ومش قادر استوعب ان هالقوة كله فيه حطيت ايدي على ويهي مكان الضربه ما اعرف ليش ما قدرت اسوي اي شي بوناصر بعيون يطاير منهم الشرار : اي سوابق ، هالحرمه ما بينها وبيني شي كل الي بينا انها كانت اخت ربيعي وخطبتها ، وردتني لاني كنت عود ومتزوج ما بينا شي غير هذا فاهم ، ولو وافقوا بتاخذها غصبن عنك ، انا تساهلت وياك وايد لكن تلعب ببنت يتيمه لاء، امها قالت ليدتك ان في غيرك خاطبنها ، وهم بيشاورون البنت بين الاثنين ، وودي انها ما تختارك ، لان ما تستاهلها سكت عن يدي وتذكرت شمسه كيف بتزوج هالانسانه فجأة طرا في بالي المسج الي طرشته ضربت ايدي على راسي بالقو صدق اني غبي شمسة راحت عني امي بعد ما قالتلي عن الاثنين الي خطبوني زادت صدمتي ان سلطان واحد منهم رحت لمبايلي بسرعه وشليته وفجيت المسج الي طرشه *طلع قدرج مش مثل ما انتي معطتنه * وايد تأملت هلجمله وما فهمتها اخر شي وصلت لاستنتاج ان يستهزأ بي ويقولي ان قدري واطي بس خطوبته لي اليوم وضحت قصده اكيد اكتشف انه يغليني مثل ما اغليه طول هالايام الي مضت وانا احس مفتقدتنه مشتاقه له ، للأسف انا احبه حتى وايد فكرت اذا تزوجت كيف بتعامل يا ريلي الثاني وانا كلي اعشق هالانسان تميت افكر وافكر بس الحين ماعندي حل ثاني لازم اوافق عليه ، لازم ولا بتم طول عمري ندمانه اني رفضته بحاول قدر ما اقدر عسب لو ودرني بعدين ، ما اكون مضايجة لاني سويت كل الي اقدر عليه بس هو ما بادلني رحت غيرت ثيابي عسب ارقد وانا ابتسم لاني ناويه بعد يومين اقول لامي اني اخترت سلطان مبارك دخلت البيت راد من الدوام وانا زهقان ومضايج شفت حصة يالسة يالسة في الصالة طنشتها ورحت الغرفه مليت من هالحصة على كثر ما احبها واترجاها وكل شوي اذل عمري لها ومش مسوتلي اي اعتبار غيرت ثيابي ورحت الصاله وقفت جدامها : شو الغدا تكلمت بدون لا تصد : ماشي غدا محد طبخ رفعت حياتي : وليش الخدامه ما طبخت حصة : نسيت اقولها هديتها ورحت غيرت ثيابي وطلعت لاحظت تبعتني عيونها وانا طالع ابتسمت يعني هالاسلوب الي بينفع وياج ها غلطقت تلفوني ورحت لاقرب مطعم تغديت ورديت البيت اول ما دخلت شفتها يالسة عند القنفه الي قريبه من الدريشة ، شكلها كانت توايج وتطالعني ابتسمت بداخلي ومشيت بدون لا اصد لها غيرت ثيابي ورقدت في سابع نومه ما ادري كم مر من الوقت بس شفت حصة يالسة تقومني بدفاشة فجيت عيني حصة : قوووووووووووووووووووم فزيت مرة وحدة : شو فيج شي حصة: لاء ، انا يوعانه ابغي اتغدا طالعتها وانا رافع حياتي ورديت عقيت عمري على الشبريه مبارك : سويلج اي شي انا تعبان برقد حصة : والياهل الي في بطني منو ابوه مش انت ، مب لازم يتغذى جلبت الصوب الثاني : انا ما قتلج قولي للخدامة لا تطبخين غدا لمحتها عضت شفايفها ، يعني هي الي قالت للخدامه انا حطيت بس توقع بس الظاهر ، السالفه صح قمت يلست وطالعتها بعينها : مستعد اسامحج على كل العذاب الي تعذبينه لي بس ردي حصة الاوليه حصة : وانت شو الي يردك مبارك الاولي الي ما يخون طالعتها بألم معقوله حصة قلبها يسود علي انا مبارك جيه : شليت اللحاف عني قمت بدون لا اصد صوبها حتى ولبست كندورتي : شو تبين غدا حصة : ما ابغي انسدت نفسي طالعتها وهي تطلع من الغرفه ما اقدر اخليها يوعانه بس لو دلعتها وايد بتركب على راسي ، هذوه اليوم طنشتها شوي ويت عندي خلاص من اليوم ورايح بطنشج يا حصيص وبشوف شو اخرتها وياج هزاع دخلت البيت مر اسبوع على ولادة فطيم اليوم بيظهرونها اول ما دخلت الصالة فجيت عيني : عوذ بالله من الشيطان الرجيم ، جن ولا انس فطيم: انس فجيت عيني ورحت صوبها مسكت ايدها ويلست اتفحص حطيت ايدي الثانيه على ويها شعرها مطيته سمعت صرختها : اييييييييييي بلاك تخبلت فج عينه: لا دام هاي رمستج انتي فطيم ، شو يايبنج انتي ها رفعت حياتها : هذا بيتي اي اي وقت ابغيه هزاع: ليش ما رحتي بيت ابوج فطيم: ما ابغي هزاع: شو السالفه بهواج يعني طالعتني باستهزاء : بهوا منو عيل هزاع: شووووووووووو ، يلا يلا انا قايل باخذ رست منج اسبوعين شو يايبنج ، انا ابغي اسوي ريلاكس بسير اخطب قريب اول مرة فطيم تصد صوبي لما اقول بعرس بس ما علقت سكتت هزاع لعبت بحياتي : بلاج ابتسمت : لاء بس احسب كم صارلي والدة ومتى بتسير تخطب هزاع ابتسمت باستمتاع : شو فطيم شو تغير طالعتني بنظرة باردة مثل الي عودتني عليها : ماشي انا تعبانه لا تعور راسي هزاع: والي والدة وتعبانه مش تروح تريح بيت امها صرخت مرة وحدة: ايهي انا بتم هني ما بروح هناك فاهم فجيت عيني انا بعد : ها فطيم: اووووووووووف انت شو من البشر ، روح اجلب ويهك ما ابغي اشوفك طالعتها : وين الولد فطيم: راقد هزاع: خافي ربج كم يوم عمره شو يابتنه هني منو بيهتم به فطيم: هاي مش اول مرة اولد ما ابغي حد هزاع شكلها متضاربه وياهن : هيه قولي شو صاير فطيم: ما صاير شي بس بيت ابويه لازم استحمل ناس انا مش مضطرة استحملهن هني احسن هزاع: هي هني عند حبيب القلب غمزت لها بعيني ابتسمت وهي تهز راسها : هههههههههههه وقسم بالله توج والدة لحقتي تضاربين طالعتني بعصبيه : شو تبا انت الحين هزاع : ماشي ، ليش نازلة تحت فطيم: عطشانه ابغي اشرب شي ، لما نزلت تعبت درب ما اروم اصعد الحين عسب جيه يلست شوي طالعتها : وكم خذا منج نازلة ساعه طالعتني بطرف عينها : هزاع ابتسمت لها ومديت ايدي وشليتها فطيم: اييييييه طالعتها بطرف عيني : بلاج بترومين تركبين الدري يعني ، بعدين نزلي الغرفه الي تحت تعب عليج رايجة ورادة غمزت لها : جان علي بنزل وياج طالعتني بطرف عينها وسكتت ركبت الدري بشويش ما فيني اعقها بتاكلني ، هاي فطيم غريبه ما تسوي لاي شخص حساب الي براسها عيل ما صارلها اسبوع وردت هني ، الله يعيني عليها هاي التعامل وياها جهاد خالد رحت لابويه وانا متردد ، مش عارف وين ريلي بتوصلني ، وهل الي اسويه صح ولا غلط بلعت ريجي وطالعته : ابويه طالعني باستغراب : خير خالد: ابغي ارمسك بموضوع بوخالد: خير يا ولدي بلعت ريجي وانا اترقب ردة فعله خالد:أنا ابغي اخطب بنت عمي شما |
الجزء الثامن عشر ~~ خالد شفت ويه ابويه تغير خالد: شفيك أبويه بوخالد: البنت صغيرة عليك عقدت حياتي : كيف يعني صغيرة بوخالد: توها 18 وانت تقريبا 26 خالد: لين ما تتخرج بتكون 22 بوخالد: وانت بتكون 31 قمت من مكاني متنرفز: ماشي فرق وايد بوخالد: يعني بينها وبين راشد الفرق اقل ثلاث سنين يمكن او اربع ، بس وياك الفرق كبير ست سنين قمت من مكاني متنرفز: يعني انت حاط عينك عليها لراشد بوخالد: ما حطيت في بالي انك رايدنها ما حسينا الا بدخله راشد علينا صديت صوبه بحقد حتى هو طالعني وهو يرفع حياته ويسأل ابويه بعيونه ( شوفيه ) بوخالد: تعال راشد طالعت ابويه بعصبيه عمري ما طالعته بهالنظرة : مافي داعي انا حاط عيني عليها وانتهى الموضوع يا راشد بهدوء ويلس بوخالد: راشد اخوك يبغي يخطب شما شفت نظرات راشد متفاجأة : تأكدت لحظتها ان راشد حاطنها في باله سكت للحظة وبعدها سمعت صوت رشد راشد: خالد بيعرس بوخالد: هيه ويبغي شما طالعني وبعلامه استفهام : شمو ، قصدكم شمو قلت وانا اشاور بأيدي بصوب بيت عمي بوخالد: هيه بنت عمك راشد : زين الحين تخبروني ولا تشاوروني بوخالد : نشاورك صديت صوب ابويه مستغرب كيف يعني نشاوره منو هو راشد: ليش مش المفروض تشاورون البنت بوخالد: نحن نشاورك اذا انت كان لك خاطر بها فجأة ضحك راشد: لاء طبعا شما شرات اختي حسيت مثل ثلج انحط على صدري : يعني انت موافق طالعني وهو رافع حياته : اشوفك متعذب طالعتنه وطالعت عمري شو هالنرفزة الي مالها معنى ، شو السالفه ؟ انفج الباب ودخلت وحدة بهمجيه : السلام عليكم لما صدينا كانت شما فجت حلجها ما توقعت ان كلنا موجودين سمعت ضحكة ابويه وراشد يطالعونها مسكينه انحرجت ظنت يضحكون على دخلتها المفاجئة ما تدري انهم يضحكون لانا كنا نطريها قمت من مكاني وانا ابتسم وطلعت برع الصالة ضحكاتهم ضايجتني اول ما طلعت برع الصالة حسيت مثل العصرة في قلبي اول مرة احس بهالاحساس ، دقيت على صدري بالخفيف وقلت وانا ابتسم : شفيك اعقل اعقل الساعه 5:00 العصر بيت هزاع فطيم رحت اشوف الياهل اول ما طاحت عيني عليه ملامحه هزاع ، غريبه سالم كان فيه شوي مني بس هذا ابدن كله هزاع تنهدت وأنا اذكر هزاع الي بيعرس قريب أول مرة في حياتي احس مثل عصرة في قلبي ، من شدتها غمضت عيني وصرخت على الخفيف شو فيني ، يا ربي شوفيني انتبهت الباب انفتح ودش هزاع ما صديت صوبه وهو بدوره ما تكلم ولا شي كل الي سواه شل فوطته وراح يسبح حطيت الياهل في منزه ، وسرت اشوف عمري في المنظرة ، شفيني ، يت ربي ليش تغيرت صفعت عمري كم كف خفيف اصحي شفيج طلع هزاع من الحمام وغير ثيابه نشف شعره على السريع وفر الفوطة في ويهي وظهر فجيت عيني وانا أطالعه اشفيه هذا ؟؟؟ بيت مبارك حصة طلعت من الغرفه ورحت الصالة شفت مبارك يجلب بالقنوات اول ما طلعت رحت يلست على القنفة الي عنده بس ما عطاني اي سالفه تذكرت امس بليل لما كنت نايمه في الصالة يا بليل متاخر وشلني ووداني الغرفه ، تبون الصدق بيني وبينكم ، ما كنت نايمه بس ما بغيت اقوم اشتقت لمبارك بس ما اقدر اسامحه ما اقدر بس شو فيه اليوم ، حتى ما عبرني ، ولا قالي شي يا ربي ؟؟؟؟؟؟؟؟؟؟؟؟؟؟؟؟؟؟؟ قمت من مكاني عله وعسى ينتبه وخطفت من جدام التلفزون بس حتى ما صد علي بلعت ريجي بقهر ورحت المطبخ سويت لي نسكافي اعدل مزاجي وفكرت في حياتي مع مبارك ، يمكن الايام تخلي كل شي يرد طبيعي وتصلح اخطائه بس الحين مش مستعدة اسامحه ابدا َ ولا أقدر بعد تنهدت وشليت كوبي ورحت الصالة يلست نفس المكان ، بعد ما صد صوبي تنرفزت تبون الصدق شفيه ؟؟ عليه ؟؟ احيد ما يضيع فرصة الا يعتذر مني ؟؟ صديت صوبه : أنا بروح بيت ابويه باجر الصبح ما صد عليه حتى : بهواج طالعته بنرفزة زين صد عليه على الاقل قلت بعصبيه : مش ناوي تي ، ابويه يسأل عنك ؟؟ شل الرموت ويلس يبدل القنوات ، حتى هالمرة ما صد عليه : انا الصبح عندي دوام اتري العصر عيل وسكت عني ما اعرف كم مر من الوقت شفت الساعه استوت ثمان بليل انا كنت يالسة ومقهورة وهو ولا على البال ومندمج ولا بدت مباراة يعني احلم الحين يصد صوبي ولا يرمس حصة: عندي موعد يوم الخميس ، الصبح ، مش ناوي تي بعد ، الدوام اهم صد صوبي هالمرة بس وهو يبتسم : حصيص الي تبينه بسويه لا تعصبين غناتي هديته وقمت عنده تبون الصدق ارتحت شوي انه صد صوبي لاحظت بعد ما ردت هز راسه وهو يتنهد ما همني ، المهم صد ؟؟؟ ثاني يوم الساعه 7:00 الصبح شما سرت بيت عمي بروح الجامعه ويا عواش كالعادة بس هالمرة انا بروح بيتهم ان شاء الله ما اشوف ويه النحس اول ما وصلت بيتهم يا رب ما اشوفه اول ما فتحت باب الصالة ولا هو في ويهي ، حتى هو انصدم مسكين اول مرة اشوف خالد ينصدم ، دوم هو الي يصدم الناس نزل راسه وراح عني تعرفون شو استوى فيني ، فجيت عيني وابيض ويهي من الصدمه لا الريال فيه شي حمدالله يا ربي فكه من شيفته دخلت الصالة شفت عواش يالسة اول ما شافتني ابتسمت شما: ها اخوج مخرف فيه شي زادت ابتسامتها : لاء ليش شما: اسال اول ما يلست يت عندي عواش ولوت عليه بالقو فجيت عيني : شفيج عواش بابتسامه : ماشي شما: علج انتي واخوج فيكم شي اليوم ، مسوين لي شي انا متاكدة عواش: ىهههههههههههههههههههههههههههه خلج انتي ، ودتني الافكار ويابتني دامه ساكت هذا الهدوء الي قبل العاصفه يا رب ما يكون ناوي على شي هالمرة ، مول ما فيني على مصايبه تنهدت : متى بي هالدريول ، لاعت جبدي اتريا انا عواش: ما ادري قمت من مكاني : بروح المطبخ انا عطشت عواش: الماي هني شعنه تروحين طالعتها بطرف عيني : انا ابغي اسير شو عندج طلعت من الصالة شفت سيارة خالد موجودة وين سار عيل هذا الظاهر انه في السيارة يرمس تلفون رحت صوب السيارة أول ما وصلت نزل الجامه خالد وهو يبتسم من ورا نظارته خالد: مرحبا الساع رفعت واحد من حياتي : وطالعته بتهديد وقلت : اسمع هالحركات ما تمر عليه جان ناوي على شي قول نزل النظارة عن ويه بصبعه وطالعني بنص عين : خير انسة شما ، ما فهمت شعندج شما: ما علقت ولا قلت شي يعني اليوم على غير عوايدك ، والله يا خالد لو ناوي على شي يا ويلك ابتسم : انتي دايما جيه ظانه فيني ظن السوء لبس نظارته : روحي روحي الله يهديج خالد: ولا اقول ركبي بوصلج الجامعه طالعته بنظرة احتقار وسرت عنه اشرب ماي دخلت المطبخ وشليت جلاس عسب اصب به ماي اول ما حطيت الجلاس على ثمي ما حسيت الا بخالد يسحب القلاص فجيت عيني وطالعته وهو يبتسم : انا ما كنت ناوي العوزج بس انتي يبتي لعمرج شل القلاص وصب الماي في ويهي فجيت عيني اطالعه وانا متيبسه مكاني بعدني مصدومه من الي صار ابتسم وراح : عسب ما تطالعيني بهالنظرة مرة ثانيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ فطيم كنت يالسة في الصالة ياني هزاع هزاع: مرحبا الساع طالعته بنظرة باردة شرات دوم هزاع: ويلي على هالنظرات فطيم ، انا باجر عرسي رفعت راسي طالعته بصدمه : ما اسرعك طالعني بنظرة : شو اسوي ما اقهر اعيش بدون عرس هدني وراح تجاهلته وشليت الرموت اطالع اشغل التلفزيون فجأة حسيت بمثل ماي على ايدي نزلت راسي تحت وشفت مثل دمعه على ايدي حطيت ايدي وانا خايفه اتلمس ويهي الي كان غرقان دموع انصدمت ؟؟ والي زاد صدمتي اني لما رفعت راسي شفت هزاع واقف وهو متساند على الايدار ومربع ايده ويطالعني بنظرة مش مفهومة ؟؟؟؟؟؟؟؟؟؟ |
الجزء التاسع عشر ~~ كشفتك وانتهى كل شي بعد ما تنفع أعذارك فطيم مسحت دموعي على السريع وانا اطالع هزاع باستغراب هزاع: شو دش في عينج حركت راسي الصوب الثاني : ما ادري ابغيه يروح ، ما اقدر اخليه يشوف عيوني تدمع ، بس عيني ليش تدمع وانا ما فيني شي ، انا حتى مش حاسة بشي هزاع : كنت اناوي اعذبج زود ، بس اكتشفت ان ما تهونين علي صديت صوبه متفاجأة بس هو صد عني وراح الغرفة طنشته هزاع ، طول عمره يعق رمس ، هذوه الدرب تنهدت وقمت اغسل ويهي بس بعدها تذكرت نظراته ، كلماته شو قصده من هالموضوع ركبت فوق وشفت الغرفة هدوء والليات مسكرة والغرفه باردة ، متى لحق ينام سكت عنه وييت بسكر الباب بس تميت في الغرفه وسكرت الباب ، اول ما تسكر الباب رن مبايله مد ايده من تحت اللحاف ياخذ المبايل وهو ما يدري اني في الغرفه دخل التلفون لعند اذنه الي تحت اللحاف وتم يرمس ، : هلا بو محمود ، لاء لاء ما بجدد ايجار الشقه ، ما ابغيها ، اوكي ، لا مسموح اجرها لحد ثلني ، ما عندي اغارض فيها ، من زمان شال اغراضي ، اوكي الشيخ ، نشوفك عيل ، اوكي فداعته مد ايده يرد مبايله ، بس مبايله طاح على الارض فقام من نومته ويا يشله ، شافني واقفة شكله انصدم بس طنشني وشل المبايل وحطاه على الطاولة فطيم: عيل بتغير الشقه هزاع: لاء صد الصوب الثاني وتلحف بالكامل باللحاف ما ادري ليش ابتسمت ، رحت ويلست على الشبريه وراه فطيم: هزاع عيل وين بتعرس هزاع : بيبها هني فجيت عيني : شوووووووووو فديتك قام هزاع ويلس وهو يربع ايده : هيه بيبها هني ، طالعني بتحدي : عندج مانع فجيت عيني : اكيد عندي مانع هزاع : تم حوالي عشر دقايق يطالعني ساكت طالعته بنظرة تحدي : وبعدين ، ما بترمس ابتسم نص ابتاسمه : مش ويه رمنسيه ، كنسلت العرس ما بعرس ، ارتاحي رفعت حياتي بتكبر: وليش ارتاح من قالك مهتمه ابتسم وهو يطالعني بنظرة تكبر: الغيره بتطير من عينج فجيت عيني وانا اطالعه : قول الي تباه ابتسم : اكيد اقول الي اباه طنشته وقمت من عنده بس سحب ايدي بالقو : ايييييييييييييييييييه ، انت شارب شي فطيم: وانا اقول من زمان ما دردحت بهالسم ابتسم : هيه فطيم ، ابغي اقولج شي هزاع: ولا اقول خليها بعدين ، طنشته وقمت عنه هالانسان سخيف بيت مبارك الساعه 5: 00 العصر حصة طالعت مبارك وهو توه ياي من برع من طلع الصبح ، الدوام يخلص الساعه 3 ساعتين وين كان يا ربي بذبحه هالانسان مستوي بارد بشكل رحت الغرفه شفته يفصخ كندوره ويعلقها ، وشل فودتة شكله بيسبح حصة: من وين ياي طالعني باستهبال: ها حصة: من وين ياي مبارك: احيد ما يهمج هداني وراح يسبح يلست على الشبريه وانا متنرفزة بلااااااااه هذا حسيت اعصابي بتفلت حطيت ايدي على بطني ، ما ابغي اعصب على الاقل على شانه ما وحالي الا مبارك طالع وهو لاف على خصره الفودة شليت ايدي عند بطني وهو راح يلبس وبعدها يا يلس على ريوله تحت ، حط ايده على بطني وهو يبتسم : كم كمل طالعته بنظرة عاديه ما فيها معنى : شهر ونص زادت ابتسامته : يا ربي ، الله يحفظه قام من على ريوله وراح عني ، حتى ما فكر فيني سأل عن ولده وراح ، شفيه مبارك مبارك طلعت من الغرفه وانا ابتسم شفت حصة يت وراي على طول ، سكت عنها ورحت الصالة مبارك: حطيلي غدا حصة: ليش ما تغديت برع مبارك: لاء حصة بنظرات شك : عيل وين كنت طالعني : ايبي غدا بقولج شفتها هدتني وراحت صوب المطبخ زادت ابتسامي هالانسانه فضولية مستويه ما لحقت قولي خمس دقايق انحط الغدا طالعتها : سخنتيه ولا ؟ طالعتني بنظرة تحدي : مب بارد عسب اسخنه طالعته بعصبيه: شو مش بارد ، الساعه خمس اكيد برد روحي سخنيه شلت الصينيه بعصبيه وراحت صوب المطبخ مرة ثانيه اول ما راحت ابتسمت بالقو يت بعد ربع ساعه وانا اشوف الدخان طالع من العيش رحت صوب طاولة الطعام : خيبه تبين تحرقيني ييت يلست على الطاولة طالعتها بنظره غبيه: شو فديتج ما بتغرفيلي طالعتني بنفاذ صبر ويلست تغرفلي : انتي متغديه ردت : لاء : ليش ما يهنالج الاكل بدوني طالعتني بطرف عينها : لاء ، بس فيني لوعه وما اشتهي رفعت حياتي : الولد طالع على ابوه ، طالعتني : هيه ثنيناتهم ملوعين جبدي مبارك: هههههههههههههههههههههههههههههههههههههههههههههه سكت عنها حطت لي الاكل ، قبل لا ابدا اكل سحبت ايدي اليمين بالقو حصة : ما تاكل قولي اول وين كنت ابتسمت اكثر: خيبه حصيص من متى انتي فضوليه حصة: بتقول ولا اعق الاكل مبارك: سويت حادث ، تاخرت لان كنت اتريا الشرطي اي يخطط الحادث تغيرت ملامح ويها وشلت ايدها طالعت صوبها : وغمزت بعيني : اغرفلج حصة: ما ابغي مبارك: عشاني طالعتني بنص عين : الحين مول ما باكل لو عشانك مبارك: ههههههههههه ،/ عشان الي في بطنج شوي بس تنهدت وقامت تغرف لها ادريبها يوعانه بس تكابر سكت عنها شوي شوي روحها بتنسى وبترد شرات قبل الايام بداويها سلطان دخلت الغرفه وانا زهقان طالعت ساعتي خييييييييييييييييييبه سبع رحت فجيت اللاب ، بس ما وحالي الا يدي دخل الغرفه تافف : خييييييييير بوناصر: الناس ردوا علينا خبر سلطان: زين خلا الخبر عندك ما ابغي اعرفه بوناصر: بهواك ، تراهم موافقين ما صديت صوب يدي : زين بوناصر: دامنا على البر قول لو غيرت رايك فجيت المسن وشغلته : ما يحتاي سو الي يريحك طلع يدي من الغرفه وكملت سوالفي وانا مش مهتم ، لو مش شمسة غيرها ، اكيد يوم من الايام بخطب الي يبونها هم ، فشو الفرق ترا الا حرمه طنشت السالفه ، ما اعرف ليش هذيج اللحظة ، يمكن هذا الي يسمونه القسمه والنصيب وكل واحد ياخذ نصيبه سكت عن السالفه مش مهتم صراحه سمعت صوت من تحت قمت من على اللاب وفجيت الباب شوي شوي وقفت من فوق الدري وانا اسمع عمامي الاثنين واقفين ويصرخون على يدي تميت واقف مكاني ، اسمع شو الي يقولون عمي حمد : ما يصير يا بويه انت جذا ظلمتنا بوناصر : انا ما ظلمتكم عمي حميد : تكتب نص املاك لهالولد الفاشل ، ونحن الاثنين نتقاسم النص بوناصر : والله هاي املاكي وانا حر بها ، وولد ناصر مب غريب هذا ولدي ، وهو الي عايش وياي ، وبعدين مش فاشل عمي حمد : وهالبيت ، هالبيت كم يسوى كاتبنه باسمه خاف ربك بوناصر : اظن انتو عندكم من الحلال الي يكفيكم ، وهو ما عنده غير الي انا كتبته باسمه وهالبيت تراه عايش به عمي حميد : هالبيت من حقنا كلنا بوناصر : انا بعدني ما مت ، عسب تتقاسمون البيت والحلال ، زين مني عطيت كل واحد منكم نصيبه عمي حميد: هذا مش نصيبنا نحن نصيبنا زود بوناصر : انا حر باملاكي ، وغير جيه هالولد ماله الا هالبيت من بعد عيني ، بطلعونه من البيت وبتبيعونه ، وهة مرتبي في هالبيت عمي حمد: اظن هو بعد ولد اخونا ، ولو طلعناه من هالبيت بيكون عنده حلال يروم يشتري اي بيت ولو ما عيبه بيوتنا مفتوحه بوناصر: هو ما بيسكن عندكم ، اخليه يضيع يعني عمي حميد: بس جيه ظلم ، انا ما ارضى ابويه بوناصر: هاي اخر رمسة عندي اذا مش عايبنكم ، هذوه الباب طالعوه عمامي بنظرة انكسار وطلعو يدي كاتب هالبيت باسمي ، ونص املاكه ، ومنو طلب منه هالشي تنهدت بقهر منه ورحت غرفتي وانا معصب شما يالسة على اللاب مشغله برنامج اكسل ابغي ارسم رسم بياني الهومورك الي علي شوي والا انفتح الباب بهمجيه ما صديت ادريبه عبدالرحمن يا على طول صوب اللاب عبدالرحمن : شو تسوين سحب اللاب صوبه يشوف طتالعته وانا فاجه عيني : اييييييييييه شو تبا عندي هومورك رديت سحبت اللاب وطنشته عبدالرحمن بتهديد : انتي شو اخر اخبارج ها ، ليكون بعدج تنهدت : اول مرة اشوف حد يسال عن اخبار حد جيه ، بعدين انت ما ترمسني شو يايبنك هني عبدالرحمن : مب بهواج، اي اي وقت ابغي فاهمه سكت عنه وطنشته يا ويلس: سمعيني عدل شما: خير عبدالرحمن : صدي برمسج صديت صوبه : نعم امر اخويه عبدالرحمن : في واحد خطبج ، ريال زين وما ينعاب فجيت عيني : نعم نعم ، ما يوز عبدالرحمن ، شمعنى حصيص خليتوها تقول هيه او لاء وانا بتزوجوني غصب ما يخصني ما ابغي عبدالرحمن صرخ مرة وحدة : خلا اخلص رمستي ، منو طرا الحين سالفه الغصب ، بعدين فديتج حصيص ما كانت مستريله طالعته بقهر : وبعدين كمل عبدالرحمن: لو غصبتج محد يلومني ، انا ابغي احافظ عليج عبدالرحمن : بعدين اعرفي منو هو اول طالعته بقهر وانا شوي وبصيح : اوووووووووووووووووووف عبدالرحمن : خالد ولد عمي شما: شو شو شو خلا ينقلع احسن له ما باقي الا هذا فج عينه عبدالرحمن : بتوافقين غصبن عنج فاهمه ، لو قلتي لابويه انج ما تبينه ، ما بتلومين الا نفسج ، بقوله عن سواد ويهج فاهمه ولا لاء سكت عنه وانا اطالعه بقهر طلع من الغرفه انا براويك يا خالد الزفت رحت بيت عمي على السريع وانا مضايجة طالعت الساعه ثمان سلمت على عمي وحرمه عمي تحت ورحت فوق ، هو خاطبيني الحين مفروض ما اروح بيتهم بس طنشت انا براويك يا الزفت رحت وني بروح عند عويش بس رحت غرفه خالد شفته راقد على الشبريه وتلحف بالكامل ، هيه ما ينلام مرتاح السبال رحت صوبه بعصبيه : انت يا السبال باي حق تخطبني ها سحبت اللحاف عن ويه : ارمسك انا بس انصدمت وانا اشوف الي راقد مش خالد ، راشد ولد عمي طالعته وانا فاجه عيني ، واشوفه يطالعني مستغرب ؟؟؟؟؟؟؟؟؟؟؟؟؟؟؟؟ |
الجزء العشرين~~ راشد : شما رديت خطويتين لورا وانا منصدمه شفته يقوم من الشبريه وهو يفرك عينه : اوبس انا كنت اشتغل في غرفه خالد وشكلي رقدت بعدها طالعني بطرف عينه: خالد طالع لو ادورينه بلعت ريجي قام بهدوء وطلع من غرفه خالد وراح صوب حجرته : رحت يلست في الصالة الي فوق وانا خايفة شو بيفكر عني الحين راشد شو بيقول اوووووووووووووووف منك يا خالد محد موهقني غيرك شوي والا انفج الباب وطلع راشد من الغرفه وهو يبتسم بمكر: هيه وجواب لسؤالج ما ادري ليش خطبج بس الي ادريه انه متولع للموت رد دخل راشد الغرفه وانا فجيت عيني ، شو مبين لهم انه متولع فيني ، بعدين شو يالس يفكر راشد ان انا وخالد نحب بعض آخ منك يا خالد صدق انك ؟؟؟؟؟؟؟؟؟؟؟؟؟؟ اووووووووووووف شو اسوي في دنياي لازم ابين موقفي لراشد بس شو اسوي رحت صوب غرفه راشد ودقيت الباب على الخفيف سمعت صوته :ادخل فجيت الباب بس ما دخلت تميت واقفة عند الباب : طالعني راشد باستغراب : شفيج شما شما: راشد لا تفهمني غلط راشد: كيف شما: انا رحت عسب ابتسم راشد: لاء تخافين ما بخبر عبدالرحمن ورد يطالع اللاب بتوب الي جدامه شما: مب جيه قال راشد وهو مركز باللابتوب الي جدامه: بس انتي شو تسوين رايحة غرفته بلعت ريجي راشد: ترا خالد اخوي وانا واثق فيه ، بس اذكروا ان الشيطان ما مات مت في مكاني ، حسيت ويهي استوى احمر ، تعرفون النار تعرفون لونها ، احس ويهي صار اشد من لونها مهب من المستحى ، من التفكير الي بيفكره فيني راشد ، احس بسواد الويه ، احس اني سودت ويهي صد صوبي راشد هالمرة : هاي نصيحة مني كاخو لج بلعت ريجي : راشد انا ما بيني وبين خالد شي طالعني بطرف عينه: وليش مستحيه ، انا اعرف شو بينكم والكل هني عرف ،بين من عصبيه خالد الي مالها لزوم لما ابويه قال انج صغيره عليه عقدت حياتي مستغربه راشد: يعني ماله داعي طالعته وانا منصدمه: شو راشد وهو يبتسم : سلامتج طلعت من غرفته وانا مصدومه واول ما طلعت شفت خالد راكب على الدري شافني اصكر باب غرفه راشد وشفت مثل نيران طالعه من عيونه ، شفيه هذا بعد بس شو الكلام الي يقوله راشد متولع خالد متولع فيني انا ليش ومتى وكيف ؟؟؟؟؟؟؟؟؟؟؟؟؟؟؟؟ اسميييييييييه جذاااااااااااااااااااااااااااااب هالانسان ؟؟؟؟؟؟؟؟؟؟ خالد بعصبيه: شو تسوين عند راشد عويت بوزي : ما يخصك تجاهلته ورحت عنه بس اول ما خطفت من عنده ما حسيت الا وهو اير ايدي بالقو خالد والشرار طالع من عينه: انتي ارمسج انا ،شو تسوين في غرفه راشد طالعته منصدمه: هد ايدي خالد وهو يرص اكثر: قتلج شو تسوين سمعت صوت عمي من تحت والظاهر خالد بعد سمعه لانه هد ايدي على السريع هديته ورحت لبيتنا وانا منصدمه من دفاشة هالانسان ومن عوار الي في ايدي من رصه صبوعه عليهم حشا مهب انسان الساعه 8:00 مساءا بيت هزاع فطيم يلست في الصالة افرفر في القنوات من الضيج ، لايعه جبدي شوي والا دخل البيت هزاع طنشته وصديت الصوب الثاني يا ويلس حذالي هزاع وهو يطلع مبايله وسويجة من جيبه ويحطهم على الطاولة الي في الصالة : باجر بنروح بين حارب ، حرمته مسويه عزيمة طالعته بطرف عيني : شو المناسبه هزاع: بدون مناسبه جيه فطيم: انا ما بسير هزاع: شو فطيم: انا ما بسير هزاع وهو يطالعني بطرف عينه: كلهم بيكونون هناك بينتبهون انج محد فطيم: انا توني والده ما اقدر طالعني هزاع بطرف عينه: بهواج عويت بوزي وصديت الصوب الثاني هزاع وهو يصد صوبي : بس ما يوز فطيم لازم تسيرين بتفشليني فطيم: وانت متى يهمك رمسة هاي عنك خلا تزول لاء فج عينه وطالعني : قولي انتي متى يهمج ،انا يهمني رمسة الاهل ، انتي ما يهمج فطيم: لو ما يهمني جان ما استحملتك دقيقة شفته ابتسم : ههههههههههههههههههه في ذمتج مستحملتني عسب الاهل ، مهب لانج ميته في هواي صديت صوبه متفاجا يمكن ثارت مشاعري لفترة بس الحين ردت شرات قبل باردة طالعته باستخفاف من رمسته : مصدق عمرك تراك ابتسم وقام من عندي رايح الغرفه ، مستخف وايد هذا شما الساعه تسع بليل تنهدت باجر اليمعه يعني اجازة ، حمدالله فكة ، اممممممممممممممم شو عندي يا ربي طالعت شعري ، ودي اقصه يبته على طرف وسويت عقص خفيف على ينب طالعت ويهي ، تذكرت قبل لما كنت بويه تبون الصدق ، ابتسمت حسيت كنت ياهل ما مر وقت طويل بس ما اعرف الحين مرتاحة اكثر يمكن قبل كنت منقهرة من رفض خالد لي وحسيت اني ابغي اقهر عمري ما اعرف شو الي خلاني اسوي الي سويته بس الحين مرتاحة وايد ابتسمت ورحت صوب الشبريه ، شكلي برقد من وقت ابغي اشغل فلم كوري وايلس اطالع اممممممممممممممممم شو اسوي نزلت تحت ابغي اسوي لي بوب كورن رحت المطبخ طلعت من الكبت كيسة البوب كورن طلعتها وحطيتها في الميكرويف حسيت بحد ير عقصي اول ما صديت كان خالد فجيت عيني : انت شو تسوي عبدالرحمن في البيت ابتسم : توه طلع عويت بوزي : زين اجلب ويهك انا مب لابسة شيله وصديت عنه الصوب الثاني خالد وهو يبتسم: عادي حلال صديت صوبه متفاجاة: قسم بالله انت ما تستحي ، حرام ما يوز خالد : انتي تعرفين الحرام صديت عنه الصوب الثاني احس ابغي اكفخه طراااااااااااااااااااااااااااااااااق تنهدت بالقو : اجلب ويهك والله ما اطيق اشوفه خالد: شو اسوي انا اموت يوم اشوف ويهج صديت صوبه على طول: هيه على هالطاري انت شو قايل لراشد ، شو قايل لبيتكم بعدين تعااااااااااااااااااااااااااال تعال مسكته من كندورته وشفت ابتسامته تزيد هالانسان مب طبيعي : انت كييييييييييييييييف تخطبني ها ابتسم : من هناك متخبلة وطايرة من الوناسة ان حبيبج خاطبنج ، وجدامي دفشة ليش بتخبرج شما : انت اييييييييييييييييييييييييييييييييييييييييييييييييه شديت ايدي على كندورته: انا مادة ايدي عليك ما فيك غيره ، اكرهني ، روح قولهم انك ما تباني خالد : وهو يبتسم : ماعلي انا مرتاح شما: والشو الراحة في هالشي خالد : انج تلمسيني شليت ايدي بسرعه وع منك ابتسم هالمرة هو مسكني من كندورتي مثل ما مسكته قبل شوي خالد : شفيج مصدومه شفتي الاحساس لما حد بيضربك ، اظني انتي مجربتنه وايد بلعت ريجي وانا اشوفه ساحبني من قميصي من جدام بالقو سحبني بالقو وقال وهو يحط صبعه على راسي : حطي عقلج في راسج ، اوكي ، اتريا موافقتج والا ما تلومين الا نفسج هد قميصي من ايده وقرب ايده بالخفيف يعدل قميصي خالد وهو يبتسم : تصبحين على خير خالد : هيه بدق لج بليل ردي علي فجيت عيني وانا اطالعه خالد : باي يا حلو فجيت عيني وطالعته مستغربه وقح رديت للبوب كورن هذا بيخبلني آخر شي الساعه 3:00 الفير فطيم دشيت الغرفه يا ربي هالياهل متعبني ، دخلت الغرفه وانا احس الغرفه بارده رحت ابغي اغير ثيابي بس شوي والا انفتح باب الحمام تروعت وصديت شفت هزاع طالع وهو متسبح فجيت عيني : متسبح ثلاث الفير فيك زيران شو طالعني بطرف عينه : حسيت حر رحت اسبح فجيت عيني : انت صاحي ابتسم : الي ياخذ وحدة شراتج وين يتم صاحي فطيم: فالح في التطنيز بس ، روح جابل ولدك قال وهو يبتسم : اي واحد فيهم فطيم : الي مسمنه بهواك هزاع: هييييييييييييييييييييه مروان ، ترا شي سالم ومروان وشي في الطريج بعد طالعته بطرف عيني : في عينك احلم هزاع: هههههههههههههههههههههههههههههههههههه زين ماعلي ، اقول صكري الليت انا باجر عرسي صديت صوبه : شو هزاع: باجر عرسي صد عيني الصوب الثاني وانا اشوفه مستانس صكيت الليت وغيرت ثيابي ، ورحت ارقد ، مع اني متاكدة ان النوم بيجافيني اليوم الجمعه حصة : الساعه 10 الصبح لازم اوعيه على الصلاة اممممممممممممم وانا شو يخصني لا يقوم شعلي اوووووووووووووف منه رحت صوب الغرفه شفته قايم ويلبس هديته ورحت يلست في الصالة احس لايعه جبدي وفيني دوخه تنهدت براحة انه قام ما فيني اوعيه اخاف يتحراني ميته عليه وبس ابغي اكلمه شوي والا اشوفه يالس جدامي على الارض مبارك: عقميني حصيص طالعته وقلت في خاطري يا وقاحتك يرمسني جني عادي وياه ولا جنا مضاربين مبارك: عقميني ما قمتي تسمعين ، وينها الشغاله فجيت عيني : شو تبا بها مبارك: وين المبخر بلعت ريجي ومديت ايدي على السريع اعقم كندورته ما ادري ليش لما طرا الشغاله يا في بالي انه بيطلب منها تعقمه بجتله والله شوي شفت الشغاله يايه ويايبه وياها المبخر شليته منها على السريع ورحت صوب الغرفه شفته بعده يلبس ساعته طالعته : بتطلع الحين مبارك: هيه ما برد بعد الصلاة معزوم على الغذا قلت بفضول : منو عازمنك مبارك: اممممممممم ربيعتي فجيت عيني : شوووووووووووو آمنه شفته يبتسم : لاء غيرها طالعته وانا متصنمه مكاني يا شل مني المبخر وبخر عمره روحه وانا بعدني مصدومه غرق عمره بالعطر وراح عني ركضت وراه : مبااارك وقف وصد صوبي : ترمس جد ابتسم : انتي ما تغديني شو اسوي ، عزموني ما اعرف شو الي خلاني اقول بسرعه : خلا لا تروح وانا بغديك عضيت على شفايفي على السريع شو هذا الي يالسة اقوله ابتسم ووسحب ايدي وقربها منه وباسها على السريع : من عيوني راح عني ، مب جني انا زعلانه ، شو الي خلاني اركض وراه اسميني غبيه تنهدت لمحت في تلفوني مس كول من امنه : هاي شو تبا مش مستحيه داقة لي ، اكيد تتضارب خلا تزووووووووول لاء حسيت بكره فضيع ناحيتها وناحيه مبارك في هاللحظة بس بسرعه راح عني احساس الكره لمبارك وزاد احساس التملك ، زين يا امنه بنشوف مبارك لمنو ؟؟؟؟؟؟؟؟؟؟؟؟؟؟؟؟؟؟؟؟؟؟؟ 3:00 العصر سلطان يالس اتغدى في امان الله كافي خيري شري مب شرات دوم دخل يدي الصالة بوناصر: خبرت هلك سلطان : ههههههههههههه بوناصر: شفيك تضحك سلطان: ضحكتني اي اهل ، امي وابويه رايحين ، يوم بي يومي وبروح وراهم بخبرهم الي تباه ، والا تعال انت شكلك بتروح قبلي خل الي تبا تقوله وقولهم اياه بوناصر: يتنهد : يوم بموت بيكون ما عندك اهل ، بس انا ببني لك عايله قبل لا اموت طالعت صوبه باهتمام: يا ريال طالعني يدي بطرف عينه ويا يلس لى الطاولة: خبر يدك ويدتك انت بتخطب سلطان: بخبرهم انت غاصبني على هالعرس بوناصر: والله انت الي ييت عندي تصيح تباها نسيت عمرك ولا شو صديت صوبه : انا الحين كنت اصيح ، ولا انت المهم ما علينا بوناصر: متى بتملجون سلطان: لا حول الي تباه فكني من هالسالفه بس شفت يدي يبتسم ويروح تنهدت بضيج وكملت اكلي بعصبيه ، نسيت ارمسه على سالفه هالبيت بس مب مشكلة ، يصير خير بعدين الساعه 7:00 المغرب فطيم احس مثل وخز في صدري يا ربي ما ادري عرس ولا بعده اممممممممممممممم عرس بعده عرس بعده عرس بعده اووووووووووف منك ما وحالي الا اسمع صوب باب ينفتح دخل هزاع ويا حرمه وياه متغطيه طالعته وانا اشوفه يتجدم صوبي بثقة وهو يبتسم : فطيم ، ابغي اعرفج على حرمتي شاور على الحرمه الي وياه: هاي حرمتي الي بتسكن ويانا ؟؟؟؟؟؟؟؟؟؟؟؟ |
الجزء الواحد وعشرون نقزت من مكاني بسرعه ، كنت اتنفس بالقو يا صوبي هزاع هزاع: فطيم شفيج كنت تحلمين شو تنفست بالقو وحسيت عمري اعرق طالعته بصدمه : وينها طالعني هزاع مستغرب وباهتمام مصطنع كانه يتطنز عليه : منو هيه فجيت عيني : الي يبتها هني ابتسم هزاع بخبث : ابويه الساعه استوت اربع العصر ونحن لين الحين مش متغدين روحي حطي غدا احسن بدل لا يالسة تحلمين بكوابيس فيني بلعت ريجي وان اتذكر الحلم كان الوقت المغرب بس الحين الوقت العصر تنهدت وتعوذت من ابليس رحت فوق وانا احس بعمري تعبانه شليت فوطتي ورحت اسبح وانا ناسيه ان هزاع لين الحين ما تغدا حصة الساعه 5: 00 يلست اطالع ويه مبارك وهو مندمج بالتلفزيون ومش معبرني ، من متى يهتم للتلفزيون وايد هو حسيت بالغيره حتى من التلفزيون احس بشي بداخلي يالس يولع ، احساس باللوعه غريب ، تعرفون لما تكونون مضايجين بلا سبب ، وحاسين بلوعه ، وودكم تسوون شي مش عارفين شو تنفس بالقو وانا ابغي اهدي عمري صد صوبي هالمرة مبارك مبارك : حصيص شفيج حصة: ما ادري تعبانه تغيرت ملامح مبارك كليا الشي الي ريحني وايد مب شوي قام مبارك ويا عندي مسك ايدي وهو يقربني صوبه : شفيج تعبانه اوديج المستشفى ما اعرف شو الشي الي خلاني انسى كل شي ، كبريائي زعلي خيانته لي حتى جفاه واقول بصوت مكسور : انا تعبانه مبارك ، اغار احس بموت من الغيره طالعني مستغرب: من شو تغارين حسيت ان فيني غبنه اغار عليك من كل شي كل شي ، حتى من التلفزيون ، من الهوا ، من امنه ، من الحريم من كل حد كل حد فجأة انهرت بالصياح وحسيت مبارك يقربني منه زود بدوري دفنت راسي بحظنه ويلست اصيييييح، لفترة ما حسبتها مبارك تبون الصدق حبيت احساس حصة بالغيره علي حتى لو كانت تتعذب المهم تعرف بقدري اممممممممممممم لو طمنتها ان مافي حد في قلبي غيرها بترد بعد يومين تزعل وكل كلمه وبتزعل لازم اخليها تحرم تزعل طالعتها بحنان ياهل حصيص يا ربي هالانسانه كيف طيبه مسحت على راسها على خفيف شوي قامت من حضني وطالعتني حصة: مبارك انت تحبني يلست اطالعها ما توقعت هالسؤال مسكت ايدها : حبيبي انتي تعبانه روحي ارتاحي تغيرت ملامحها خصة: مبارك انت تحبني تميت اطالعها لفترة طويله وانا ساكت الشي الي خلاها تطالعني باستحقار وتقوم من عندي على طول تنهدت وطلعت مبايلي وانا اشوف مسج امنه ما مرت خمس دقايق الا وحصة طالعه من الغرفه طالعتني بتحدي ، حصة : قول لحبيبتك ان انت لي فاهم فجيت عيني مصدوم من حصة راحت عندي حصة وابتسمت انا هالحرمه رسمي خبلة ؟؟؟؟؟؟؟؟؟؟؟؟؟؟؟؟ سلطان ابتسمت وانا اكلم نورة بنت متعرف عليها الحين شوي وانفج الباب ودش يدي وقال وهو يعلي صوته : ملجتك الخميس فجيت عيني اطالعه تجاهلت الي ارمسها وتجاهلت كل شي وصكرت التلفون في ويها وطالعت يدي بملامح مصدومه : بهالسرعه ابتسم يدي : اي خميس ما اعرف تنهدت براحه وطالعته : صاحي انت ابتسم لي : تحبها طالعته وانا ارفع واحد من حياتي : منو هي بوناصر : الي بغيتها عويت بوزي: هيه تصدق متولع بــــ فجأة طرا في بالي سالفه البيت طالعته باستفزاز: تعال منو قالك اني ابغي صدقة طالعني يدي باستغراب : صدقة شو طالعته بعصبيه وقلت باستهزاء : يقولون موزع على عيالك بيزات ، وعاطني انا همجة عودة ، ليش فقير قالولك طالعني يدي : عمامك قالولك سلطان: طبعا لا بوناصر: هذا حلالك سلطان: انا ما ابغي منك شي ، ما ابغي من اي حد شي وخصوصا انت بوناصر: انا يدك ومربنك يعني حسبه ابوووووووووووك سلطان: وانا يتيم ما عندي ابو ، خل بيزاتك لك بوناصر: انا ابغي اريحك سلطان قلت بعصبيه وانا اطالعه : تعرف تبا تريحني صدق هز راسه بوناصر : اكيد ، شو تباه قولي وانا بسويه ، تبا بيزات بعطيك ، البنت الي تباها خطبتها لك ، شو الشي الي تباه وبيرحك قولي قمت من مكاني وقلت بعصبيه : ابغي افتك منك ، ابغيييييييييييييييييييك تفكني ، تموت وتريحني ، بس انا طفرت منك ، ذا عيالك عاقينك ولا يسالون انا شو مكلفني استحملك هديته وقمت وانا اشل سويجي هالانسان فضولي وايد ، بس طفرت ، طفح الكيل منه طفح مب طايق اشوف ويه ، الله ياخذه ويرحني منه شما طالعت الساعه خمس اممممممممممممممممممممممم ملانه شو اسوي شوي سمعت مبايلي يدق رقم غريب ، بس لما دققت فيه وعععععععععععععععععععع هذا رقم خالد فريت التلفون بعيد ، روح عنا زين طفرني هذا تنهدت وقمت من مكاني رحت فوق بس تذكرت خالد يا ربي ، خلا ايب مبايلي فوق اخاف عبدالرحمن يشوف الرقم اووووووووووووف شي انسان نذل جيه ما اظن في نزلت تحت وشليت مبايلي شفت متصل 3 مرات ومطرش مسج فجيت المسج (( ردي بالزين لا اي عندج )) فتحت عيني هذا يسوي اي شي والله اوووووووووف امري لله اول ما قلت بدق له رن التلفون : نعم خالد: يوم التلفون عندج ليش ما تردييييييييييييييييييين هااااااااااااااا شما: وانت شلك كيفي خالد: عبدالرحمن رايح ويا راشد بيطولون لي ما يون تعالي عندنا ابغيييييييييج في شغله شما : شووووووووووووووووووو ، انت اييييييييييييه تتحراني عبدتك ولا شو خالد: هههههههههههه لا ما اتحراج انتي خدامتي وعبدتي والجاريه مالتي ، وكل شي خمس دقايق ابغي اشوفج هني فاهمه فجيت عيني مصدومه من وقاحه هالانسان اووووووووووووووووف منه يرفع الضغط تنهدت روح ول ما بسير رحت اغفل شوي بس ما وحالي او بالاصح ما قدرت قمت من على السرير على السريع رحت غيرت ثيابي ولبست شيلتي ورحت بيت عمي وانا ادعي ربي، يفكني من هالخالد ، علة تعله اول ما دخلت بيت عمي حسيت اني مثل الحراميه رحت فوق على السريع بدون لا حد يحس فيني اول ما قربت من غرفه خالد سمعت صوت باب مت في مكاني حسيت اني متجمدة حتى ما صديت بس سمعت حس عويش عواش: شما صديت صوبها اطالعها براحه طالعتني باستغراب وهي ترفع واحد من حياتي : شميييييييم شو تسوين رايحة لخالد طالعتها باستهزاء : مالت عليه لا تطرينه شوي وبيج شفتها عقدت حياتها باستغراب وراحت غرفتها ( يوم اقول هالانسانه باردة تناسب عبدالرحمن ، اووووووووووف منه ، هو جبريت يبا حد بارد جيه بس عويش باردة لدرجة تقهر ) تذكرت اني واقفه عند غرفه هالسخيف فجيت الباب بعنف ودشيت شفته مبتسم وهو يرفع واحد من حياته حطيت ايدي على خصري : نعم خيييييييييييييييييييييير ابتسم : تعالي انزين عويت بوزي ودشيت : شعندك خالد: عطاني خمس اوراق مكتوبه بخطه : شوفي هالاوراق اطبعيهم على ملف ورد وطرشيهم لي على الايميل ، باجر لازم في الدوام ادخلهم في السيستم ، مش متفيج اطبعهم طالعته بطرف عيني : نعم رفعت حياته مستغرب: نعم الله عليج يلا سريع طالعته بصدمه وانا احس بهاللحظة بتنسد كل شرايني وبتيني جلطة من هالانسان تنهدت بضيج : وقلت بصوت واطي ومعصب بنفس الوقت : ما بطبع حطيت الاوراق على طاولته وعطيته ظهري بروح: سمعت صوت الكريه: زين لا تطبعين الحين بطرش صورج لعبدالرحمن صديت صوبه مصدومه: تسويها طالعني بعيون خبيثة: وليش ما اسويها ، شو الشي الزين الي سويتيه لي عسب اخذ بخاطرج طالعته بقهر وانا احس عمري بصيح خالد: مب امس تقولين تراج سبيتني ومديتي ايدج كذا مرة وتقلين ادبج هاللحظة والله احس قلبي بيوقف من الغيض آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآه طالعته وشليت الملف ورحت عنده كنت ناويه اروح عند عويش بس الحين لو شفتها عادي ارفسها في بطنها لان هالكائن اخوها تنهدت بضيج وبالقو رحت غرفتي حطيت الملف وطالعت الساعه توها خمس رحت غسلت ويهي في الحمام وصرخت بصوت عالي تنهدت ويلست اتنفس بالقو رشيت ويهي بالماي كذا مرة يا ربي احساس غريب فيني ، احساس ان قلبي عادي يوقف في اي لحظة من القهر والله خايفه يصيبني هبوط من هالانسان غمضت عيني وفجيت ملف ورد ويلست اطبع ما اعرف كيف خلصت بنص ساعه يمكن لان ما كنت اسوي شي في هاللحظات غير اني اطبع اول ما خلصت يت بصكر الورد عسب يتسيف الملف ما اعرف كيف دقيت على نو الظاهر عقلي مش وياي وتسكر الملف بدون لا ينحفظ فجيت عيني مصدومه وانا اطالع اللاب الساعه 5:00 لعصر بيت هزاع فطيم طلعت من الحمام وانا حاطه فوطة على راسي شفت هزاع يالس على الشبريه وهو معصب استغربت بس طنشته ورحت صوب المنظره شليت الفوطة ويلست انشف شعري من الماي بعد ما سبحت طالعني بعيون معصبه لاحظت نظراته من المنظرة انه عادي يضربني شفيه هذا شليت المشط ويلست اسحي شعري على الخفيف لاحظته انه بعده على يلسته ويطالعني بقهر مش طبيعي تبون الصدق خفت على يستوي به شي يرتفع الضغط عنده ولا شي طالعته بنظرة باردة : شفيك هزاع قام بلا مبالاة وقرب صوبي : يوم بتخلصين من شغلج حطي غدا انا للحين مش متغدي استغربت : يوم يت من الصلاة طالعني بطرف عينه : تراج كنتي نايمه وتحلمين ، قلت يوم بتقومين ما بزعجج بس ما عندي سالفه دفر الباب وراح عني تنهدت هالهزاع الله يعيني عليه قمت من مكاني ورحت احط له غدا تعالو مش اليوم عرسه امممممممممممممممممممممممممممممممم اول ما حطيت له الغدا قلت وانا يالسة عنده في الطاوله : هزاع بس ما صد صوبي وتم ياكل رد عليه ": اليهال كلوا فطيم: هيه ، هزاع زقرتك اظني هزاع : خير فطيم: اليوم عرسك رفعت راسه هالمرة: دوم انا الي اقولج وتنسين ولا تعبرين ، على العموم ارتاحي لاء ما بعرس ، موضة جديمه تعرس على حرمتك عسب تفتك منها ، الحين اجتلها وريح عمرك ابتسمت على تعليقه وكملت اكلي قام من على الطاولة وراح يغسل ايده بدوري لميت الصحون وناديت الشغاله تشلهم شما طالعت الكمبيوتر وانا احس دمي يفووووووووووور خااااااااااااااااااااااااااااااااااااااااااااااااا اااااااااااااااااااااااااااالد بذبحك شليت الاوراق ولبست وقايتي معصبه ورحت بيت عمي حسيت بصفعه لو قالي اطبعي مرة ثانيه فجيت الباب بالقو وصرخت : خااااااااااااااااالد والله لو تموت ما بطبع وللمرة الثانيه اشوف ويه راشد منصدم وهو يالس على الارض ويا خالد الي طالعني وهو يعقد حياته حسيت هالمرة خلاص ان شما ذابت وما عاد لها وجود |
الجزء الثاني والعشرين شما طالعت ويه راشد وهو مصدوم من هالهجوم بس التفت لما سمعت ضحكة خالد السخيفه خالد: ههههههههههه زين انتي الي اصريتي تطبعين الاوراق انا شلي ، حطيهم على الطاولة رفع راشد حياته وهو يحرك عيونه محتار بينا : اي اوراق خالد وهو يصد صوبه: اوارق لشغل راشد: باستغراب يطالعني : وشما الي تبرعت تطبعهم بلعت ريجي وانا اطالعه خالد: يا ريال قلتلها اوراق شغلي بخلصهم حلفت عليه كنت لحظتها منفجرة من جذب خالد بس مستحيه من راشد وما اقدر انطق اي كلمه زاد استغراب راشد وقال بلهجة استهزاء: لاااااااااااااااه ، رفع حياته وطالعني : راعيه واجب شما ، عيل نيلس بالساعات انا وعبدالرحمن في بيتكم حتى ما تضيفينا ، روحنا نضيف عمرنا بلعت ريجي وكرهت خالد لحظتها بالقو خالد: هود ابويه تتحرا الناس سوا راشد : هيه والله الدنيا واسطات ، زين والله جيه عيل انا بخطب بعد ، وبعق كل البروجكات والاوراق والشغل على خطيبتي ، خالد وهو يبتسم ويطالعني : مش كل الخطيبات شرات شما راشد : بعد قمنا نحب ونعشق ونغازل بعض جدام الناس حسيت خلاص لو تميت هني بموت بواحد من الاثنين ، يا من كلام خالد الجذاب يا من تنغيزات راشد لي ودرتهم هم الاثنين ومشيت بسرعه دفرت باب غرفه خالد بالقو وسمعت صوت ضحكاتهم العاليه ، راشد يضحك لانه يظن اني مستحيه ، بس خاااااااااااااااااااااااااااالد آآآآآآآآآآآآآآآآآآآآآآآآآه منه هالانسان يضحك لانه يدري بي احترق من القهر رحت غرفه عويش وفجيت الباب بدون ما ادقه شفتها نقزت : بسم الله خيبه رحت صوب عواش وزغتها من رقبتها : بجتلج طالعتني مصدومه : اييييييييييييييه حسيتها بتختنق فهديتها تمت تكح : كح أح ،،،شو فيييييييييييييج تخبلتي طالعتها بقهر : بجتله اخوج وقسم بالله تاففت بالقو طالعتها بقهر: تراني سايرة بيتنا برقد اوووووووووووووف منكم في هالبيت عله طالعتني مصدومه بس انا هديتها وعلى طول رحت غرفتي ما فكرت بشي ولا سويت شي كل الي سويته فجيت المكيف وسحبت الرقاد ودفنت عمري تحته وغطييييييييييييييييييييت كل ويهي حصة يلست في غرفتي وانا ميته من القهر اخاف يستوي شي في الي في بطني بموت يا ناس يكلمها احسه لين الحين يكلمها شو يعني متعلق بها يحبها يخوني آآآآآآآآآآآآآآآآآآآآآآآآآه راسي بينفجر قمت من على الشبريه ورحت صوب الكبت اغير ثيابي ملانه منه مليييييييييييييييييييت والله غيرت ثيابي ولبست عباتي ودقيت لعبدالرحمن اخويه حصة: مرحبا عبدالرحمن: هلا وغلا حصة: وينك عبدالرحمن : طالع ، خير تماريني بشي غناتي حصة: هيه تعال ودني بيت ابو عبدالرحمن: اوب اوب اوب ، شو زعلانه ويا ريلج حصة: رديت ببرود : لاء عبدالرحمن: عيل حصة: بي شوي وبرد بليل عبدالرحمن: هيييييييييييييييييييه ، ووينه ريلج غريبه يعني تنازل لحد انه يوصلج ، احيد يموت علينا لو رحتي ويا غيره تنهدت ذاك اول يا اخوي: : مبارك ياي من الدوام وتعبان عبدالرحمن: بشك: تعبان لاعت جبدي من اسئلة عبدالرحمن: عبدالرحمن خلاص لا تي عبدالرحمن : هههههههههههههههههههههههه بهواج ، يلا يلاي اجهزي شوي وانا عندج ، تراني قريب بيتكم ما وحالي الا شوي ودخل مبارك الغرفه استغرب اني لابسة " على وين طنشته : بس حسيته حرج : حووووووووووووو على وين ارمسج انا حصة: طالعه مبارك" : يا سلام وبدون شوري طنشته ورن تلفوني كان عبدالرحمن توقعت انه وصل رديت على تلفون : الو ، هلا حبيبي ما اعرف شو استوي في مبارك لحظتها ، خفت لا يفكر بشي ثاني ويجتلني : اوكي عبدالرحمن انا يايه ، فداعته طالعني مبارك والشرار يطاير من عينه: ها اخوج طالعته باشمئزاز : هيه اكيد اخويه ، ولا كلن يرى الناس بعين طبعه حسيت به زاد غيض :انا رايحة بيت ابوي برد بليل ودرته ورحت بس لما وصلت لاول الباب قلت له بدون لا اصد : هذا شوي شكيت واحترقت جيه ، عيل انا شو حالي وانا متأكدة حسيت مبارك بهت ما صديت عنه وكملت طريجي رايحة لسيارة عبدالرحمن ركبت السيارة لاحظت عبدالرحمن حس بشي او بالاصح من تعبير ويهي بين اني متضاربه ويا عبدالرحمن لاني لما ازعل منه او ازعله يبهت ويهي وتتغير كل ملامحي طالعني بشك وقال: امممممممم بعدها سكت وطالع جدام وكمل طريجه لبيت ابويه الظاهر ان عبدالرحمن ما حب يتدخل ، وكمل طريجة لبيت ابوي وهو ساكت بس لو عرف ان مبارك يخوني ما اظن بيكون بالهدوء ، الظاهر يظن انه سوء فهم عادي يحصل بين اي ريال وزوجته تنهدت وسكت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بيت هزاع المكتب هزاع طالعت الاوراق الي جدامي بتعب آآآآآآآآآآآآآآآآآآآآآآآآآآآآآآآآآآه تعبت شليت ملف ويلست اقراه ما اعرف ليش حسيت ان فيني رقاد يا ربي صكرت الملف الي جدامي وحطيت راسي على الطاولة ما اعرف الحين ساعه كم بس انا ماكل غداي متاخر ومن بعد الغدا يلست اشتغل واحس بعمري الحين ابغي ارقد ما اعرف ساعه كم صارت الظاهر المغرب غمضت عيني وغفلت شوي فجأة وانا في عز رقادي سمعت صرخة فزيت مرة وحدة وقمت اطلع اشوف شو في رحت الصاله شفت فطيم تبتسم ويا سالم وفحظنها مروان طالعتهم بقهر: منو صارخ فطيم:سالم طالعتها وانا خلاص معصب وصل حدي من هالحرمه خلاص تعبت من هالانسانه من غلطاتها : خيييييييييييييييييييييييير حد مات عندكم ، صرخت مرة وحدة في ويها : انتي شو ما فيج احساس طالعتني باستغرب وهي تبهت : الحين انت شلك ، بعدين انا شو يخصني سالم الي صرخ طالعتها بقهر : فطييييييييييييييييييييييييييم بذبحج تعرفين ،اول مرة اشوف حد مافيه احساس جييييييييييييييييه ودرتها ورحت فوق هالانسانه ميئوس منها يبالها علاج نفسي رحت الغرفه انا براويج رحت الغرفه شغلت المكيف طالعت اغراض فطيم الي على الطاولة وعقيتهم كلهم على الارض وفجيت الكبت وعقيت نص ثيابها على الارض فجيت كبتي انا بعد وعقيت نص ثيابي على الارض طالعت المنظر باستمتاع اتخيل ويهج يا المرتبه يوم بتشوفين هالمنظر ابتسمت ورحت عقيت عمري على الشبريه آه احس عظمي يعورني الظاهر اني بزجم او بتيني حمى بس الاعراض زالت لما تذكرت ان فطيم بتي بليل تعبانه من اليهال تبا ترقد وبتشوف هالمنظر هي ما يها رقاد في مكان مش مرتب اذا شافت جيه ههههههههههههههههههههههههههههههههه زين يا فطيم ان ما عذبتج مثل ما تعذبيني شما ما اعرف كم الساعه بس لين الحين ما صارت تسع بليل هالشي الي متاكدة منه حسيت بازعاج في الغرفه بس طنشت توقعت عبدالرحمن ولا حصيص لانها المغرب كانت هنا فجيت عيني شوي شوي لمحت كندورة تاكدت ان عبدالرحمن كملت رقادي وانا مطنشه بس ما مر خمس دقايق الا واحس مثل شلال ماي بارد ينهال علي فزيت من الرقاد وانا اتنفس بالقو شفت المنحوس خالد واقف وفي ايده طشت ما اعرف من وين يايبنه فجيت عيني مصدومه اطالعه : انت تخبلت خالد وهو يبتسم بخبث : لاء وانتي ما تخبلتي يوم رديتي شي طلبته طالعته وانا فاجه عيني : انت مش طبيعي والله خالد: مب ياي تحللين شخصيتي ، سمعي فر الملف في ويهي وانا زادت صدمتي هالانسان شو هذا انسان اصلا ولا كائن ثاني خالد: اطبعيهم وطرشيهم بليل على الايميل سار صوب شنطتي خالد: وين تحطين قلامج فجيت عيني جني قطوه اطالعه مش مستوعبه انه موجود شما: بتخبرك شو تتحرا الغرفه غرفتك ، اظهر برع لا اصرخ واجلب البيت عليك ابتسم باستمتاع : يلا صرخي ابغي اسمع هالصوت العندليب مت من الغيض وقلت له بقهر: انت شوووووووووووووووووووووووووووو ما تخاف ابتسم : تعرفين الي يعرفج لازم ينسى الخوف ولا بتاكلينه لانج متوحشه سكت عنه لفترة وبعدها قلت باستهزاء : يا الظريف ابتسم وطلع من شنطتي قلم شل اي دفتر وقطع ورقة منه كتب ايميله فيه وفره في ويهي هدني وراح وهو طالع قال وهو داير ظهره : طرشي اليوم بليل فاهمه حسيت نيران شاعله فيني بموت من الغيض والله هذا منو يتحرى عمره بتخبركم بعدين كيف يدش ويطلع من بيتنا جيه معقوله محد يزخه شو هذا ساااااااااااااااااااااااااااااااااااحر الساعه 11:00 الشارع سلطان كنت في الطريج راد البيت احس عمري هلكان ميت من التعب من ظهرت الظهر وانا لين الحين ما رديت البيت حسبي الله عليك يا يدي يوم انك مش مهني اول ما لفيت لفة بيتنا خفف سرعتي كنت في اول السكة امشي ببطء مش معقول انتهبت عند بيت شمسة الدريول وقف مش جدام بيتهم جدام البيت الي مجابلنهم دحيت بريك خلا يدخلون بيتهم ما فيني بركنت عند اول بيت في السكه شفت الدريول نزل ونزلت من ورا ام شمسة شالة اجياس في ايدها ودخلوا البيت ما اعرف شو الشي الي خلاني اعتقد انهم رايحين يتشرون للملجة حسيت مثل قهر مش طبيعي طلعت السيارة من الباركن عند البيت الي وقفت عنده وسرعت مرة وحدة من القهر لبيتنا بس مرة وحدة ظهرت جدام السيارة بنت الظاهر ان شمسة كانت في السيارة وعندها شي ما نزلت والحين نزلت اول ما شفتها دقيت هرن بكل قوتي عسب تخوز لاني مسرع بس هي من الخوف تصنمت مكانها اووووووووووووووووووووووووووووووووووووووووووووووووف دحييييييييييييييييييييييييييييييييييييييت بكرييييييييييييييييييييييييييييييييييييييييييييييي ييك بكل قوتي بس ما ادري اذا وقفت السيارة ولا طيرت شمسة ؟؟؟؟؟ |
الجزء الثالث والعشرون أنت أول انسان أعشقه في حياتي والحين تبغي الصدق ما عدت الأول تميت دقيقة مغمض عيني ما ابغي افتحها واعرف شو صار بشمسه مافيني هالجرأة ممكن اصارخ ممكن اضارب بس اجتل انسان ما اقدر فتحت عيني شوي شوي ودقات قلبي تزيد وانا احس ريولي انشلن شفت شمسة واقفة مصدومه جدام السيارة فجيت عيني وركزت يعني ما طارت قدرت اوقف السيارة تنهدت براحه وفتحت الباب ونزلت بسرعه شفتها مصدومه : شمسة طالعتني وهي بعدها مصدومه شو هالوهقة انا روحي حالتي حالة بعد قاصرني هاي حطيت ايدي على جتفها ، اهزها ادري ما يوز بس شو اسوي ابغي اتاكد أن البنت حيه سلطان: شمسة فجأة استوعبت الي صار وطالعتني واول ما شافت ويهي بعدت خطوتين واحمرت عقدت حياتي : بلاج شمسة ، صارلج شي شمسة بابتسامه خجولة: لاء تنهدت براحه : اووووووووف حمدالله بغى قلبي يوقف فجأة احمر ويها بالقو وشردت من جدامي طالعت حركتها باستنكار صدق سخيفه الحين شو الشي الي يخليها تحمر وتخضر انا قلبي وقف خفت لا تموت وابتلش وتحقيقات وسالفه وهي شو تظن ليكون خوفا عليها تنهدت بضيج شو هالبلشة الي ابتلشت بها يا ربي ، الظاهر على عمايلي بيدي ببتلش بهالسالفه الساعه 11:00 المسا بيت هزاع فطيم ركبت الدري وانا منهد حيلي ما صدقت رقدت العيال كل الي ابغي اسويه الحين احط راسي وارقد حسيت هدوء الطابق الي فوق اكيد هزاع نام حمدالله نوم هالانسان عبادة دخلت الغرفه شوي شوي كانت باردة ومظلمة كنت بفج الليت بس قلت دام هزاع نايم ما بزعجه دخلت شوي شوي وبنص الطريج حسيت ان في شي تحتي ليكون هذا نايم وطايح على الارض وخيت وحسيت مثل ثياب كان قميص هزاع هالانسان ما يعيز مليون مرة اقوله عق ثيابك في سلة الغسيل يعقهم على الارض معتمد ان انا بشل اغراضه اووووووووووووووف منه بس لما يت بقوم حسيت بانه مش قميص واحد استغربت غمضت عيني يا رب الي افكر فيه غلط تنفست ورحت بسرعه لصوب الليت اول ما شغلته تميت فترة مبهته بالاغراض الي على الارض صرخت بصوت عالي مرة وحدة : هزاااااااااااااااااااااااااااااااااااااااع فز من مكانه بطريقة ، طالعني مصدوم بس لما شاف الي على الارض تغيرت ملامح ويه واكتفى بابتسامه ورد سحب اللحاف وغطى ويه ونام فجيت عيني : يا وقاحتك يا خي رحت صوبه بسرعه وسحبت اللحاف: حوووووووووووووووو انت طالعني وهو بعده راقد : نعم فطيم: منو عاق الثياب هاي كلها ابتسم بفخر : انا طالعته بقهر: شوووووووووووو ومنو بيرتبهم ابتسم بنفس الابتسامه : طبعا انتي تنهدت بالقو حسيت بموت في داخلي نيران شاعله فيني وكاتمتنهم فيني : هزاع زادت ابتسامته: عيون هزاع طالعته بقهر: انا ابغي ارقد ابتسم : ارقدي انزين طالعته بحقد : بدون ابتساماتك السخيفه كيف ارقد بمكان مثل هذا هزاع : دام انج مرتبه وايد ؟، نظفي المكان بعدين ارقدي تصبحين على خير حبيبي باسني على خدي ورد دفن عمره باللحاف طالعته بقهر يا ربي بموت منه هالانسان اووووووووووووووووووووووووووووووووووووووف طالعت الغرفه تنهدت ثلاث مرات والنار الي داخلي ما طفت احترت شو اسوي اخر شي قمت ويلست الم اغراضه واحطهم في الكبت بدون ترتيب ، ابغي ادخلهم الكبت واصكه ما ابغي اشوف شي على الارض المهم ما اشوف شي مش مرتب الي داخل الكبت برتبه باجر بس الليله عسب اروم ارقد ما خذت مني السالفه ساعه لين ما لميتهم من الارض وفريتهم في الكبت بعد ما حطيت كل الاغراض صكيت الكبت فجأة تخيلت شكل الثياب الي مش مرتبه بغيت اصيييييييييييح ما بيني رقاد متاكدة شفت عطوري وكل اغراضي على الارض بعد هاللحظةحسيت خلاص فطيم القويه بتصيح وبتنهار طالعتهم : ما نزلت دموعي بس الا صحت من القهر والظاهر صوت صياحي كان مسموع لدرجة ان هزاع قام من السرير ويا صوبي مستغرب هزاع: فطيم شفيج تنهدت ومسحت دموعي : انت تسكت ما ابغي اشوفك طالعني مصدوم : فطيم شفيج رحت شليت مخدتي الي ما اقدر ارقد الا عليها وطلعت من الغرفه بدور غرفه ثانيه ارقد فيها اليوم بس لحقني هزاع : فطيم وين رايحة فجيت المكيف في الغرفه وحطيت مخدتي شفته يا وقف عند الباب وهو مجسف ايده : فطيم تعالي ارقدي انا برتب الاغراض فطيم: ما ابغي ارقد هناك اجلب ويهك طالعني : زين ليش كنتي تصيحين طالعته بعصبيه: ما يخصك هزاع: فطييييييييييييييييييييييم قومي انا برتبهم فطيم: ترتيبك مثل ويهك انا فهييج الغرفه ما بيني رقاد برقد هني طالعتني باستغرب ورفع حياته : بهواج راح عني عله مش يايبلي الا المصايب تنهدت وقمت ابغي اصكر الليت عسب ارقد بس شفت هزاع داش بمخدته وراح انسدح على الشبريه وتلحف وغمض عينه انصدمت من حركته بس ما عطيتها اي اهتمام صكرت الليت ورحت ارقد لاني ميته من النوم الساعه 6:00 الصبح شما فتحت عيني شوي شوي وانا احس في صوت مزعج لما انتبهت كان مبايلي يرن شليته بدون مبالاه وقلت وانا مغمضه عيني بصوت كله نوم: ألووووووووو : صباح الورد فجيت عيني مرة وحدة: نعم : خخخخخخخخخخخخ حو صباح الخير فجيت عيني استوعب الي اسمعه: منو : شو ما شفتي الرقم عويت بوزي : خيييييييييير شو من مصايب وراك بعد خالد: ههههههههه حشا توج قايمة من النوم ، تعطيني ايحاء مسبق عن حياتنا بعدين شما: اي حياة اجلب ويهك بالزين صكيت التلفون في ويه هذا صدق انسان فاضي طالعت مبايلي الساعه ست حشا مش بني آدم مش كائن حي اصلا رد يتصل اوووووووووووف ويا هالبلشة رديت على التلفون : نعم خالد: حو بلاه تلفونج قطع شما: ما قطع انا صكرته انت شو تبا انا ابغي ارقد خالد : ابغي عصير قومي ايبيلي عصير شما: شووووووووووووووووو تخبلت خالد: هيه تخبلت شما : انت شو فيك شعندك خالد : عندي دوام وما ابغي اتاخر صرخت عليه مرة وحدة : يا خي لو عندك دوام وقايم من وقت لازم تقوم الكل وياك ليش هالنحاسة خالد: بصوت رقيق: شميييييييييييييييم غناتي شما: عله خالد: تعل عدويني خمس دقايق اترياج في حوينا تعالي ويا عصيرج هاي كانت اخر كلمه قالها قبل لا يصكر التلفون في ويهي فجيت عيني وانا اطالعه شووووووووووووووووووووووووووو تخبل هذا مينون شو اووووووووووووووووووووووووووووووووف من هالعلة قمت من مكاني بسرعه وانا اتافف رحت تغسلت وغيرت ثيابي وانا اتافف ونزلت تحت الساعه ست ما اظن حد قايم غير البشاكير اخاف البشاكير الي يفضحوني آآآآآآآآآآآآآآآآآآآآآآآآآآآآآآآآآه بموت رحت المطبخ وشليت اول علبه عصير جدامي وصبيته في القلاص شليته جيه فكرت احطه في الصينيه بس بعدين قلت ولمنو لخلووووووووووووووووووووووود ما يستاهل احشم منو هذا روحه ما فيه حشيمه اول ما طلعت من باب مطبخنا شفته متفيزر في الحوي رحت صوبه ومديت ايدي بالعصير: دوووووووووك طالعتني لثنواني بهبل: شو ها طالعته: سم شو ها يعني عصير خالد: عصير شو طالعت القلاص : ما ادري ما جيكت على العلبه بس مبين من لونه انه برتقال رفع حياته : ومنو قالج اني اشرب عصير برتقال شما : منو قالك اني متفيجة اسال عنك عسب حد يقولي شو الي تشربه وشو الي ما تشربه ابتسم ومسك ايدي ويرني صوب المطبخ فجيت عيني وانا اشوف عمري مسحوبه شما: اييييييييييييييييه اول ما وصلنا المطبخ شما: خالد عن حد من البشاكير اي ويشوفك ماسك ايدي هدني هد ايدي وهو يبتسم خالد : روحي فجي الثلاجة وصبي عصير غيره انا ما اشرب برتقال تاففت ورحت للثلاجة فجيتها وصديت صوبه : تبا جوافه خالد : كل شي من ايدك حلو يا حلو شما : عيل اشرب برتقال خالد : برتقال عاد ما اطيقه تاففت منه هالانسان فاضي ويتحرى الناس مثله صبيت له ومديت ايدي شل العصير ويلس يشرب يت بطلع خالد طالعتها وهي بتطلع : اوب اوب على وين اتري حبيبي سمعتها تتأفف: خير \\ ابتسمت : اتري سويلي شي اكله ترضين ريلج يروح الدوام يوعان طالعتني بقهر زادت ابتسامتي طالعتها بحنان وانا اشوفها مش عارفه شو تسوي فيني تجتلني ولا تذبحني ولا شو راحت ويت بتفتح الثلاجة بس انا وقفت وراها صدت صوبي : خير ابتسمت وانا اقرب منها : الخير بويهج ما حسيت الا وهي تدزني بعيد تحولت ابتسامتي لضحكة: شما وهي فاجة عينها: حوووووووو تخبلت خالد: انتي ما ادري شو حاطتلي بالعصير طالعتني بصدمه: ما حطيت شي حبيت استهبل عليها : عيل احس بعمري مثل دايخ ومش عارف شو ابغي افكر باشياء مش زينه فجت عينها : شووووووووووووو هالمرة ما رمت امسك عمري من الضحك : شميم طالعتني : انت صاحي طالعتها بعيون ما فيها اي ملامح : تعالي اشربي العصير اخاف الا حاطلتلي سم فيران طالعتني باستغراب برئ مش من عوايد شميم بس الظاهر صدقت ان العصير فيه شي: والله ما حطيت شي خالد: تعالي اشربي عيل طالعتني بقهر: انت تتمصخر علي مديت ايدي لها بالقلاص : دوج شما: ما احب هالعصير ابتسمت : زين لا تشربين تعالي شربيني فجت عينها : احلم ابتسمت : ليش احلم والله شميم وانا يالس احلف لو ما شربتيني لاطرش صورج لاخوج ولا ليش اطرشهم بروح بيتكم وبراويه الحين شفتها تبلع ريجها من الخوف زادت ابتسامتي شلت العصير بقهر وقربته من ثمي رديت خطوتين ورا: خيييييييييييييييييبه شميم هههههههههههههه شوي شوي طالعتني بقهر بس ما نطقت قربت العصير من ثمي ويلست تشربني بعد ما خلص العصير حطته على الطاولة شما بقرف:في شي بعد ابتسمت : لاء كانت بتطلع بس انتبهت شي في ايدها سحبت ايدها شما : اييييييييه طالعتها بعصبيه : شوووووووووو خالد : شو هذا جرح مسكت ايدهاوقربتها من ويهي عسب اشوف شو الي في ايدها عدل كان مثل جرح : شو جرحج جيه شما: الباب فجيت عيني : الباب يسوي كل هالجرح الغزير شما: شو غزير بعد اختار مصطلحات تليق صدق اجنبي خالد: هههههههههههه قربت ايدها من ثمي وبست مكان الجرح بس مرة وحدة سمعت صوت يصرخ بعصبيه بس مش صرخة شما لما صديت على باب المطبخ شفت عبدالرحمن واقف يطالعنا والنار طالعه من عينه ؟؟؟؟؟؟ |
الجزء الاخير البارت الاول خالد طالعت ويه عبدالرحمن المنصدم رفع حياته عبدالرحمن وهو يقول : يا سلام من نبرة صوته حسيت الموضوع ما بيعدي على خير ما خفت على عمري خفت على شما تهجم عبدالرحمن مثل الطلقة صوبنا وقفت في ويهه ولا كنه دفرني دفره طيرني سحب شما مثل التيس رحت صوبه: عبدالرحمن :وقف عبدالرحمن برمسك، هيه مالها ذنب بس عبدالرحمن كان مثل الذيب الطليق محد يروم يلحقه دفرني بالقو هالمرة وطحت على ينب وسحب شما والغريب انها ما تنصخت ولا كلمه اخاف قلبها وقف هالانسانه طالعت الوضع الي انا فيه انا طايح على الارض وعبدالرحمن وين شو يسوي بشما الحين سرت وراه بسرعه رحت بيت عمي وتوجهت لغرفه شما وانا اسمع صريخ شما الظاهر يضربها لما دخلت شفت عبدالرحمن يضرب شما بالعقال رحت صوبه وبسرعه مسكت ايده ووقفت في ويه : عبدالرحمن تخبلت وقف طالعني والشرار يطاير من عينه: انت شو لك ويه ياي صرخ علي ومسكني من كندورني : انت ، انت حسابك بعدين مش هني انقلع من ويهي وقفت في ويه : عبدالرحمن وطالعته بنفس نظرته : خلاص انا بملج بها باجر جان تبا بس ودرها هيه مالها ذنب تجاهل كلامي ووكمل ضربه وقفت في ويه وشليت العقال شفته طالعتي بنظرات عصبيه فجأة انهد عليه انا حاولت امسك ايده وبعد محاولات كثيرة خاصة وانه هايج وبعد ما حصلت كم بوكس وكم ضربه مسكت ايده وطالعته : عبدالرحمن بس طالعني وهو معصب: واقف بهالوضع ما اختي وبس خالد" : قتلج بنملج باجر جان تبا بس خلاص وقف فجأة وطالعني باحتقار وشكله هدا شوي او ارتاح لما ضربنا عبدالرحمن: مب ملجة عرس طالعته بموافقة: الي تبا بس فجأة يا صوب شما : لاء مب كيفكم وهي تصيح صديت صوبها عبدالرحمن بصرخة : انتي جـــــــــــــــــــــــــــــــــــــــــــــــــ ــــب ، اخر شي اسمع صوتج الشهر الياي عرسكم هزيت راسي موافق عبدالرحمن : زين ومتى بترمس ابوك خالد : اي وقت تبا عبدالرحمن : دام مسودين الويه اليوم ترمسه اليوم خالد: خلاص اهدى انت بس هدا شوي شفت ان مالي داعي اوقف هديتهم ورحت وانا افكر كيف بقنع ابويه نعرس وكنت بنفس اللحظة احاتي شميم يالله ما يكون سو بها شي لما طلعت تنهدت ولحظتها بس حسيت اني احب شمة واني سبب كل المصايب لها هزاع انجلبت الصوب الثاني شفت فطيم مش موجودة الظاهر قامت مديت ايدي على الطاولة الي عندي اشوف مبايلي بس تذكرت ان هاي مب غرفتنا انا اقول ليش ظهري يعورني ثرني مش متعود على هالمكان قمت من الشبريه ورحت صوب غرفتي الاصليه شفت فطيم يالسة ترتب الثياب ابتسمت لها ما اعرف ليش رحت صوبها وبستها على خدها تفاجأت من الحركة وحتى انصدمت هزاع: صباح الورد يا احلى ورد عمزت لها ورحت اسبح ابتسمت وانا اتذكر ويها خيبه ، غريب قبل لما كنت اسويلها ما تتاثر اشمعنى الحين تفاجات وانصدمت وشوي وبتصيح يمكن قامت تحبني ههههههههههههههههههههههه كل شي مش متوقع في الدنيا تتوقعه عند فطيم خلصت سبوحي ورحت لبست ثيابي تذكرت فطيم ما اعرف شو فيني ضربت راسي بايدي بالقو رحت الصالة شفتها يالسة تطالع تلفزيون طالعتني فطيم: ما بداوم شو طالعتها بنظرات تذوب: لاء حد يودر القمر ويروح فطيم: اي قمر هزاع: انتي فطيم: عن المصاخة مزاجي ما يسمح هههههههههههههههههههههههههههههههههههههههههههه شفتوا حرمة جيه يا ناس رحت صوبها وحطيت راسي في حظنها : انا ما شبعت رقاد والله طالعتني باستغراب : وليش تحلف هزاع : لانج ما تصدقيني فظيم: تعرف انك جذاب يعني هزاع : فطيم أحبج شفت ملامح ويها تغيرت ابتسمت عليها وعدت مرة ثانيه هزاع: فطيم احبج شفتها دزت راس ي من حظنها وقامت راحت فوق ابتسمت وهي سايرة وحليلج فطيم مكشوفه تقصين على هالكون كله الا علي خلاص عرفت متى تحبين ومتى تكرهين صرتي تخصصي يعني كتاب مفتوح جدامي اقرا منه اي وقت واي شي سلطان دخلت الببت الحين ما اعرف ليش حسيت روحي مضايج الاسبوع الياي ملجتي على شمسة احس الامور تلخبطت وطاحت على راسي يا لله ما اغرف شو السالفه ولا شو الي يصير آهه في لحظة تذكرت حالتي لا ام ولا ابو والحين زوجة احس مثل امر ثجيل على قلبي ما اعرف شو الي خلاني ما اتكلم شو الي خلاني ما اقول لاء ما ابغيه شو الي ربط لساني شوووووووووووووووووووووووووووووووووو حسيت بكره لذاتي وحسيت في لحظة بكره للحياة غميت عيني وانا يالس في الصلة على القنفه وحظنت راسي بايدي ولأول مرة في حياتي يمكن عيني ذرفت دمعه ما اعرف شو سببها ؟؟؟؟؟ |
الجزء الأخير البارت الثاني سلطان حسيت بايد على جتفي في هاللحظة كنت محتاج لهالايد رفعت راسي شفت يدي واقف على راسي مستغرب بوناصر : سلطان طالعته وانا ابلع ريجي خايف يلاحظ الدمعه الي على ويهي بس سبقني ومسح الدمعه الي على ويهي سكت عنه ما استغربت دومه يدي الوحيد الي يحن عليه ولو قسيت عليه تنهدت ويلس عندي بوناصر: من شو خايف يا ولدي طالعته بعصبيه: من الورطة الي ورطتني بها طالعني بنظرة باردة : وليش ما قلت لاء ما تبا ليش تميت ساكت طالعته باستغراب كاني تايه في صحرا يدور اجابه ومش ملاقيها ومتاكد ان مالها اجابه سلطان: ما ادري بوناصر: لانها نصيبك رفعت راسي اطالعه بوناصر : الزواج شي مكتوب مافي شي يقدر يجدمه ولا شي يقدر ياخره ، ونصيب في انسان الكل يوافق عليه وتكون مقتنع به وقبل لا ترتبطون رسمي يخترب كل شي ، وفي انسان الكل يرفضة والكل ما يتوقع انك ترتبط به وفي لحظة كل شي يتسهل وترتبط به ، تعرف ليش لانه نصيبك والظاهر يا ولدي ان شمسة نصيبك سلطان : بس انا ما ابغي شمسة ما اقدر اتقبلها بوناصر: باجر لما بتشوفها وبتعيش وياها بتحبها سلطان تنهدت في خاطري: كيف احب وحدة مش رايدنها بوناصر: ليش كل الي عايشين ويا بعض ومتزوجين يحبون بعض طالعته باستغراب: تبون الصدق الجواب محير : بس بالفعل مش كل الي متزوجين يحبون بعض سكت عنه بوناصر: ما جاوبتي سلطان: لاء بوناصر: خلاص عيل الزمن بيخليك تحبها ، مثل ما الزمن يقرب قلوب ويبعد قلوب اهم شي تروح لها بقلب مفتوح وصدقني بتحبها بس لو رحت وان كاره فكرة انها زوجتك عمرك ما بتتقبلها تنهدت وهزيت راسي لاول مرة اقول: ان شاء الله حطا ايده على جتفي : انا بروح ارقد الحين هزيت راسي له راح يدي وانا خذتني ذكرياتي غمضت عيني ويلست اتذكر طفولتي الويه الوحيد الي كان موجود يبتسم لي هو يدي فترة مراهقتي ومصايبي وخوفي كلها كنت اتوجه بها ليدي وفترة شبابي وعصياني وتمردي كلها كانت على ايدي الانسان الي طول عمره يمسك ايدي لما امدها حتى بعد ما تمردت عليه والحين انا غرقان الانسان الوحيد الي مسك ايدي هو يدي تنهدت وقمت من مكاني بروح ارقد وبشوف شو بصير وياج ياا شمسة شما يلست في غرفتي الي قصرت ما افارقها ، علاقاتي ويا كل اهل البيت انقطعت كل الي اسويه اروح الكليه الصبح وارد البيت ارقد واطلع ويا حصة نتجهز لعرسي الي باقي له 3 اسابيه حسيت به مثل الطلقة حصة هالكتني تقول مافي وقت كيف بتعرسين تذكرت ويها قبل اسبوع لما قالت بعد شهر العرس تنهدت بضيج مش فارقة وياي والله كله واحد خالد آه منه هالخالد حبه قبل كان عذاب والحين كره بعد عذاب على كل الي سواه ما اقدر اقول الا الله يسامحه ظلمني وياه بس تذكرت كيف وقف في ويه عبدالرحمن لو واحد غيره جان خلا عبدالرحمن يظربني في هالشي اشكره بس في الباقي لاء عبدالرحمن قاطعني مقاطعه نهائية الاول لما كنت بويه وعلاقتي معاه متوترة الحين علاقتي به انقطعت حتى لو شافني داشة البيت وهو في الصالة يطلع ولا يروح غرفته آآآآآآآآآآآآآآآآآآآآآآآه الله يسامحك يا خالد ما يندرى شو الي ناوي عليه تنهدت بضيج طالعت الاجياس الي مكوده على الارض ما تهنيت بحياتي خلصت مدرسة عرست كم عمري انا 19 منو تعرس الحين 19 وايد صغيره انا لو عندي بنت ما بزوجها 19 بس شو نقول رحت سكرت الليت وغمضت عيني ونمت وانا ما فيني فضول اعرف بعد 3 اسابيع كيف بتكون حياتي ثاني يوم بليل شمسة يلست الميلس بكامل كشختي بفستاني البيج والبني وبتسريحتي ومكياجي ما صدقت ان قالولي روحي الميلس سلطان بيشوفج تبون الصدق تخبلت آآآآآآآآآآآآآه سلطان هالانسان بسعده على قد ما اقدر شوي سمعت صوت رفعت راسي واول ما شفت سلطان ابتسمت تبون الصدق نزل راسه الظاهر استحى ما اعرف ليش مش مستحيه ومتحمسة احب هالانسان لدرجة نستني الحيا شمسة: اقرب سلطان رفع راسه وطالعني الظاهر عيبه شكلي لانه تم فترة واقف عن الباب بعدها رد نزل راسه ودخل ابتسمت اكثر وقف جدامي وطالعني بس هالمرة ابتسم: مبروك عليج نزلت راسي : الله يبارك فيك يلس على الكرسي الي حذالي حتى ما سلم علي مش مشكلة شكله مستحي مني سلطان: ييت اسلم عليج الحين بروح ، مافي داعي اعطيج رقمي لان رقمي عندج ابتسمت : اكيد طالعني باستغراب: مستانسة قلت له بوناسة: وااااااااااااااااااااااااااااااااااااااااااااااااا اااااااايد فج عينه باستغراب كانه يقول هاي خبله انا الله شو وهقني بس ابتسمت له قام: خلاص انا استأذن اشوفج خلاف ابتسمت له : اوكي براحتج وقف عن الباب : مع السلامة شمسة: ربي يحفظج ، سلطان وقف وصد صوبي شمسة: دير بالك على عمرك طالعني بنظرة ما فهمتها رحت صوبه وطبعت بوسة على خده وشردت من جدامي احترت كيف صار تعبير ويه لاني رحت قبل لا اشوف |
الجزء الأخير البارت الثالث سلطان طالعتها وهي تروح من جدامي جيه شرات الطيف الي يمر استغربت جرأتها الزايدة شفيها هاي شو مشربينها قبل لا تيني عوذ بالله هاي شكلها بتلصق فيني لصقة ما بتفج رحت لسيارتي بس ما اعرف شو الشي الي خلاني ابتسم اول ما ركبت السيارة حطيت ايدي على خدي وابتسمت باستهزاء هالمرة بس استهزاء من عمري مهب من شمسة حركت السيارة وتميت احرك السيارة مش عارف وين اروح .... الساعه 2:00 بليل شما لا تمر ليلة الا والوحدة الظالمة في قلبي تصفعني على وجهي وتمر فجأة ... تنهدت وانا احس راسي داير كل يوم وانا احسب كم باقي على عرسي الصراحة ما باقي الا اسابيع وايام معدودة مش متأهلة نفسيا أني أتزوج ومش متأهلة نفسيا أني ارتبط بانسان وتكون له عليه حقوق والشي الأمر مش متأهله أن الانسان الي بيشاركني كل حياتي بيكون خالد خالد الي أثر علي في حياتي بشكل ما تتصورونه خالد إلي حرك مشاعري البريئة وأنا في أول مراهقتي خالد الي جتل مشاعري وراح ولا سأل خالد الي رد والي استفزني والي ما ضيع لحظة الا وقهرني ولا خالد الي هددني وذلني وآخر شي الي ياب لي مصيبه كبيرة على راسي ويا عبدالرحمن عبدالرحمن الي حتى ما لحقت علاقتي تتحسن فيه بعد ما اكتشف اني لفترة كنت بويه تنهدت وتذكرت هذيج الايام كيف كنت غبيه ما افهم والمصايب كلها يت اخر شي على راسي انا انا انا روحي ،،،، عواش حتى ما اشوفها كل ما تتصل ما ارد عليها اذكر هالنحس بها كم شخصيه لك يا خالد وبكم شخصيه ذبحتني اي شخصيه من شخصياتك تشفع لك وتخليني احبك في نظري للأسف ولا وحدة رحت صوب الاجياس الي مكودة وقمت اطلعهم واحطهم في الشنط تنهدت وتذكرت المثل الي دوم كان يقوله ابويه لو ما طاعك الزمان ، طيعه سلطان دخلت البيت على الساعه 2 بليل يمكن شفت تلفوني يرن استغربت ان شمسة غريبه ليكون غيرت رايها ابتسمت تكون والله سوت خير رديت عليها : شمسة : السلام عليكم سلطان: عويت بوزي : ها شمسة : سلطان حرام عليك تونا مالجين وها شو خليت لبعدين رفعت حياتي وايد جريئة هالبنت شمسة : كنت ابغي اطن عليك شفت سيارتك توها داشة البيت ما عندك كليه باجر سلطان: كلاساتي العصر شمسة: ساعة كم سلطان: خمس في شي بعد ابغي ارقد تعبان شمسة: سلامتك تصبح على خير حبيبي رفعت حياتي وصكيت في ويها قمت اخاف منها هالانسانه متى لحقت تتعود وتاخذ ويه علي جيه ليش في عالمي عشق لأن الحب ممنوع علي روحي تذوب وتنتهي رويداَ رويداَ~~ مبارك قمت على المنبه لصلاة الفير رحت تغسلت وتيددت ولبست كندورتي اول ما طلعت من الحمام عزكم الله شفت حصة يالسة على الشبريه وهي متلحفة طنشتها ورحت اغير ثيابي سمعتها تزقرني بس ما صديت صوبها : مبارك طالعتها من المنظرة وانا امشط شعري حصة: احس بدوخة صديت بسرعه صوبها مبارك : شو حصة: احس تعبانه ما اعرف شو فيني وفجأة صاحت رحت صوبها ويلست على الشبريه: زين ليش تصحين حبيبي ما فيج شي قومي اوديج المستشفى ما ابغي مبارك : كيف ما تبغين قومي حصة : ما ابغي تم هني وين بتروح رفعت حياتي : ها هذا الي مضايج بج يعني ، بروح اصلي وين بروح الفير شفت ملامحها تغيرت والظاهر توها تنتبه ان الوقت الفير وان شي صلاة معلومات حصيص متلخبطة عيل لما قامت وشافتني بطلع شكت وسوت هالتمثيليه ابتسمت لها وقمت من عندها حصة: بترد بعد الصلاة ولا بتروح مكان مبارك : لا تحاتين برد عندج طالعتها وانا ابتسم وطلعت وانا اهز راسي الله يعينا عليج يا حصيص ثره الجفا ياب فايدة وياج اول ما طلعت من المسيد حسيت براحه ولو حياتي ويا حصيص متلخبطة بس ان شاء الله تتعدل الامور دخلت البيت واول ما دخلت الغرفه شفت حصيص يالسة على الشبريه وفي ايدها مبايلي استنكرت تصرفها بس طنشتها ورحت افصخ كندورتي سمعتها تقول : ليش ما ترد عليها مطرشة لك مسجات شحقة مجافنها ولا عندك مبايل ثاني لها ما صديت صوبها ولا رديت عليها رحت صوب الشبريه وسحبت اللحاف وعقيت بعمري حصة : أكلمك أنا سحبت اللحاف وغطيت عمري بالكامل حصة: مبارك قمت من مكاني وانا اطالعها : خير حصة : وين مبايلك الي ترد عليها فيه مبارك : مش هنا خاشنه عنج اوكي فكيني رديت عقيت عمري على الشبريه بس فتحت عيني بعصبيه وأنا اشوف حصة عصبت وفرت مبايلي بكل قوتها على االايدار |
الجزء الأخير البارت الاخير مبارك حصة : وين مبايلك الي ترد عليها فيه مبارك : مش هنا خاشنه عنج اوكي فكيني رديت عقيت عمري على الشبريه بس فتحت عيني بعصبيه وأنا اشوف حصة عصبت وفرت مبايلي بكل قوتها على االايدار نشيت بعصبيه وانا احس الشرار يطاير من عيني وبدون حاسيه مسكت حصة من جتوفها بقوة وصارخت باعلى صوتي : انتي تخبلتي ولا شو زودتيها وايد طالعتني والدموع ترست ويها كنت لحظتها مش حاسس ولا مذكر انها حامل ولا مذكر انها حصيص كان ودي اصفعها طراق على ويها حصة: طلقني وروح عندها رصيت اكثر على جتوفها وقلت وانا بعدني معصب وبصراخ : من عيوني ، انا روحي بطلقج بدون لا تقولين، هالحياة وياج صارت ما تنطاااااااااااااق دفرتها على الشبريه وقمت سمعت صياحها يعلى بس تجاهلته لحظتها رحت لبست كندورتي وياي بظهر حصة وهي تصيح وتصارخ : كل هذا عشانها ، لهدرجة تحبها نسيت اني صبرت وياك ، نسيت اني عشت وياك يوم ما كنت تقدر تيب عيال والحين عسب صحيت وبتروح مع غيري وقفت وصديت صوبها هالمرة وقفت لان بالفعل حصيص جرحتني طالعتها وهي تصيح وقلت بصوت مهب عالي بس مهب منخفض صوت واضح وفيه كثير من الندم : عمري ما حبيت غيرج ، وعمري ما فكرت في غيرج ، حتى لما خنتج كنت اتعذب وما كان ودي ، بس أنتي يا حصة الحين شليتي كل هالحب من قلبي وجرحتيني جرحتني جرح غزير دموعج كلها ما اداويه طالعتها وانا اتحسف على كل شي : انا طالع الحين ويوم برد ما ابغي اشوفج في بيتي لفيت عنها وطلعت من البيت ركبت السيارة وتنهدت من بين كل هالناس ما توقعت هالكلام منج يا حصيص ، انتي الحنونه ، انتي الي عديتج امي واختي وحبيبتي وصديقتي وزوجتي حتى لو خنت تراني اعتذرت مية مرة بس مش راضيه تفهمين وفوق هذا كله تعقين عليه هالكلام شغلت السيارة وحركتها يلست امشي يلا هدي حتى النوم طار من عيوني اخر شي قررت اروح البحر الساعه 5:00 الفير بيت مبارك حصة طالعت المبايل الي متناثر على الارض حاسة مش قادرة اتنفس من الصياح قمت من مكاني ورحت الحمام اغسل ويهي ، اخاف اعق هالياهل من الصياح بالفعل مش قادرة اتنفس رحت فتحت الدريشة اشم شوي هوا لان نفسي توقف غمضت عيني ومشيت دموعي كل هذا عشانها هالقد تحبها يا مبارك رحت ويلست على الارض عند المبايل المتناثر خلاص كل شي بينا انتهى ، انت الي حكمت عليه بالاعدام رحت صوب الشنطة وحطيتها على الشبريه ويلست احط كل ثيابي فيها شو اقول لاهلي اقولهم مبارك يعرف غيري ولا شو اقول يا رب الهمني الصبر تنهدت وكملت حط ثيابي انا هالانسان خلاص ما اقدر استحمله خلا تشبع به اول ما خلصت حط ثيابي اتصلت على عبدالرحمن بعد مدة طويلة رد وصوته كله نوم عبدالرحمن: الووووووو حصة كان صوتي يقطع لاني صايحة قبل شوي: الو حسيت به فز : حصيص شفيج حد فيه شي مبارك فيه شي حصة: لاء بس تعال خذني عبدالرحمن: شووووووووووووووووووووووو حصة: ما تفهم تعال خذني وصكيت التلفون في ويه ناقصة انا طالعت تلفون مبارك الي على الارض وصديت الصوب الثاني ما قدرت اقاوم دموعي ما اطيح كل شي في حياتي ينبض باسمه ما اقدر انكر هالشي بس مبارك طعني وبالقو بعد تنهدت ويلست تحت اتريا عبدالرحمن ، فكرت شو بقول لاهلي شو بقول لابوي وعبدالرحمن الي الحين بيدخل وبيسأل مية سؤال هذا لو عرفوا انا مضاربين بس لو عرفوا انه طردني وما يباني شو بيدور في راسهم تنهدت و حسيت ان المصايب في طريجها لي بس الشي الوحيد الي يخفف عليه هو أنت حطيت ايدي على بطني بحنان ، متى بتنولد انا متأكدة لما بتي بنسى ابوك وحبيبته والكل الكل عشانك ما يندرى أنت ولد ولا بنت يا رب ارحمني شوي والا انفتح باب الصالة ظنيت مبارك رفعت راسي بس لاحظت انه عبدالرحمن ما وحالي اقول شي عبدالرحمن: ليش باب حويكم مفتوح سكت عنه اكيد طلع ولا تذكر اني موجودة قام ما يحس بوجودي بعد تنهدت قرب عبدالرحمن وشكله متنرفز بس ماسك اعصابه مبهدل لابس كندورة وعقمها مفتوحة وحالته لله يا ويلس على القنفه : وين مبارك رفعت راسي اطالعه ما اعرف ليش حسيت للحظة أن مبارك ولا شي بالنسبالي فكانت نظراتي باردة استغربت هالتغير في المشاعر بس ما تكلمت حصة بصوت مبحوح وويه كله حزن وعيون باردة ما تحمل اي مشاعر: اغراضي فوق ايب الشنطة عسب نروح تم عبدالرحمن في مكانه : حصيص اني حرمه عاقل ، يعني اتصلي فيني وهذا شي غريب، قلت يمكن لبنت متضايجة وانا اخوها الوحيد وسندها بس تطلعين من البيت،لاء حسيت بلوعه مش مستحمله ولا كلمة : بتوديني الحين ولا اشوف غيرك تنهدت : حصيص مهب القصة جيه القصة ان الحرمه ما تطلع من بيت ريلها ، ما اعرف شو بينكم بس دام مبارك مهب في البيت يعني الجو متوتر صدقيني يوم بيرد بيتغير كل شي اهدي انتي بس صرخت في ويهه مرة وحدة: وبعدييييييييييييين يعني بتوديني بيت ابويه ولا شو الحين شفته فتح عيونه: حصيص اوديج وين انتي حرمه معرسة ، قمت من مكاني: انا هالانسان ما ابغيه ما ابغي اعيش وياه ما اقدر تنهد عبدالرحمن : انتي الحين معصبه قمت من مكاني وانا رايحة فوق: بتيب الاغراض ولا ايبهم انا شفته تنرفز صدق بس كالعادة سكت احتراما اني اكبر طالعني وهي يخزني، بنظرات الشرار يتطاير منها ،وراح فوق وهو ينافخ ايييب الشنط طول الطريج في السيارة تم ساكت لين ما وصلنا البيت خلا الشنطة عند باب البيت ما عبرته ورحت فوق غرفتي ابغي ارقد ودي ارقد واقوم واشوف الزمن تغير الناس تغيروا ودي انسى انسى كل شي مبارك والعذاب الي انا فيه وكل شي السيارة عبدالرحمن يالس في السيارة عند بيت حصة طالعت ساعتي وانا انافخ صارت الساعه تسع الصبح وين هذا لين الحين ما يا الشكوك تروح وتيني شفيهم شو صاير بينهم احيد يحبون بعض انا ما صدقت شميم بتتزوج تي هاي بعد وتخرب كل شي تي تيلس على قلبي مرة ثانيه وايلس احاتي انا ربي ما رزقني غير خوات البنت ثجيلهعلى أهلها اوووووووووووووف هادة بيت ريلها ، شو هالمصيبه شو بيقولون الناس ولا شكلها مب ناويه على خير تبا تتطلق ونه اي طلاق وهي حامل الناس ما تم فيهم عقل شوي والا لمحت سيارة مبارك يايه من اول الفريج اول ما وصل وقف سيارته ويا بيدخل البيت خيبه ما انتبه اني موجود شو من مصايب مسويه للريال يا حصيص وليش ما يكون هو الغلطان لاء ما اعتقد احيده يموت عليها نزلت من السيارة ووقفت عن باب بيتهم ، دقيت الجرس شوي وفتح كان لابس كندورة بس عقمها مفتوحه وشعره ملخبط يعني مبهدل الريال ابتسم في ويهي : هلا بوعوف عبدالرحمن : هلا بك عادي ادخل ابتسم : اكيد البيت بيتك اقرب دخلت البيت ليكون ما يدري أن حصة ظاهرة من البيت ظاهرة من بيت ريلها دون لا يدري بعد اوووووووووووووووووووووووووووووف اول ما دخلنا الصالة صد صوبي : شو تشرب طالعته : انا مش غريب ومب ياي اشرب يا ابغيك في موضوع هز راسه ورحنا الصاله ما قالي ازقر لك حصة يعني يدري بها انها مش موجودة طالعته بعيون المحقق وهو طالعني بعيون عاديه كنه مجرم محترف وصعب اطلع الحقيقه منه ابتسم : شو عبدالرحمن الموضوع مب هين مب رايم ترمس عبدالرحمن : تنهدت شو صاير بينكم طالعني : ما صاير شي عبدالرحمن: شوف مبارك انا ادري كل زوجين يصير بينهم مشاكل ومحد يدريبها غيرهم بس، مبارك: بس شو عبدالرحمن: انا ما ابغيك تضايج لان حصة مبارك : انا مش مضايج عبدالرحمن : انت تدري ان حصة هدت البيت مبارك: هيه استغربت بروده عبدالرحمن : مبارك انت ريال عاقل لو حصيص ، حصيص مهما كانت حرمه ما ابغيك تحط في خاطرك ، هيه كم يوم وبترد روحها وجان ما ردت انا بردها بس انا ما ابغيك تاخذ موقف طالعني: عبدالرحمن انا وحصة متفقين انا اترياها تربي وبنتطلق حسيت قلبي وقف لحظتها : شو مبارك : نحن حاولنا نعيش مع بعض بس ما نقدر وقفت بس هالمرة ما كنت اتكلم بهدوء كنت اتكلم بعصبيه : انت شو تقول انت اكيد تخبلت والياهل الي بينكم ، وبعدين بعد كل هالسنين تقولي انكم ما اتفقتو ، لو قلت هالكلمة اول سنة من زواجكم يمكن اصدق لكن الحين بعد كل هالعشرة تنهد مبارك : عبدالرحمن هاي حياتنا عبدالرحمن : لاء مب حياتكم ليش هالانانيه ما فكرت في ولدك الي ياي في الطريج فجأة حسيت ان هالاسلوب ما بفيد تنهدت عبدالرحمن : لو حصيص قايله لك شي ولا غلطانه في حقك قول طالعني : حصة ما لها ذنب نحن متفقين صديت صوبه وبدون تفكير: انا بديت اشك ، مبارك حصة مسويه شي هالمرة وقف بعصبيه وصد صوبي وقال بتهديد: عبدالرحمن، هاي اخر مرة اسمح لك ترمس بهالطريقه ، هالشك ماله معنى اثنين وما اتفقوا لازم يكون في سبب طالعته وهو رايح صوب غرفته : انا عندي دوام البيت بيتك طالعته مب مصدق عيوني شو هاي طردة باحترام طلعت من البيت وانا بعدني احس مفول منه بس من رده ، شكيت وتأكدت ان مب هو السبب ، شي جايد بينه وبين حصيص واكيد حصيص السبب ، عيل شو الشي الي يخلي ريال ما يبغي حرمته ركبت سيارتي رايح للبيت وانا مب عارف شو مصايب مسويه حصيص سلطان الساعه 10:00 وقفت جدام المنظرة اتعصم فجأة رن مبايلي توقعت شمسة بدون لا اصد للتلفون عسب جيه طنشته رحت اشل اغراضي شفت المبايل بعده يرن وشفت مكتوب شمسة يوم اقولكم متاكد انها هيه رديت: ألو شمسة: السلام عليكم سلطان باستهزاء : عليكم السلام هلا والله يا مرحبا اشتقتيلي ها من سنة مب مكلمتني جنج شمسة : سلطان ليش جاف جيه انت سلطان: خمسين مرة في اليوم تتصلين شو تبيني اشتاق لج خفي علي ابغي احس شو يعني تشتاق والله مب حاسس شمسة: سلطان نحن ما كملنا اسبوع مالجين شو هالاسلوب سلطان: ترا اذا اسبوع جيه بعد سنة شو بتسوين فيني شمسة: قول الي تباه انا مشتاقه لك ما يهمني، المهم اسمع صوتك لو كنت تذمني سكت ما رديت عليها نزلت تحت ما كنت ارمس ولا كلمة بس كنت حاط التلفون على اذني اسمع شو تقول شمسة: اليوم تذكرتك في الجامعه ما اعرف ليش ، عسب جيه اتصلت ركبت سيارتي وحطيت اغراضي ورا ييت اشغل السيارة شمسة: بتطلع اسمع صوت سيارتك طنشتها شمسة: شو تسوي انت الحين ،ونك ما تبغيني اسمع صوتك ابتسمت تبون الصدق شمسة: مب مهم المهم اسمع نصخك سلطان بابتسامه: هالشي ما اقدر اوقفه لو وقفته بموت ردت عليه بسرعه : بسم الله عليك سلطان شو هالفال سلطان زادت ابتسامتي ما اعرف شو الشي الي يخليني ابتسم ويا هالانسانه المزعجة شمسة: سليطين سلطان: هههههههههههههههههههههههههههههه والله العظيم ، شمسة انا ابغي اسوق وانتي معطلتني شمسة: تراك تسوق بايد وحدة على العموم لو مضايج ركب سماعات رفعت واحد من حياتي : وانتي شعرفج شمسة: تشك اني اقدر اعرف تنهدت: لاء طبعا اي شي عني ممكن تعرفينه ما اشك ابدن شمسة : مفروض تستانس هذا دليل محبه سلطان: وايد تحبيني ها شمسة: هيه زود ما انت تحبني سلطان : متأكدة أني احبج شمسة: ليش خطبتني عيل سلطان: جابريني شمسة: انت يجبرونك مستحيل ما اعرف ليش هالشي ونسني ، يمكن حسيت به انه اطراء سلطان: تعرفين يعني ان ما تمشي علي اي كلمة شمسة: هالشي يعجبني فيك سلطان: اني متمرد شمسة: كل شي فيك حلو سلطان: انتي تبين تخبليني شمسة: هههههههه ، تريقت سلطان : شبعت شمسة: من سمعت صوتي سلطان: هيه شمسة: دام انا الي من سمعت صوتي شبعت شو معناته مهب حب سكت عنها هاي مب صايحة شكلها تبا تخبلني وياها شمسة: انا عندي كلاس بدقلك خلاف ، سلطان: اوك شمسة : دير بالك على عمرك وربي يحفظك صكرت التلفون في ويهي ما عطتني فرصة ارد غريبه هالبنت كانت غير قبل وياي ، شفيها تخبلت مرة وحدة ، شو الي ناويه عليه تبا تصيدني مثلا تنهدت وكملت سواقه ما اعرف بس تخليني ابتسم صدق لما تسولف |
حصة فتحت عيني على صوت صراخ ما اعرف شو مصدره بس كل الي اعرفه انه صوت عبدالرحمن وهالشي متاكدة منه اول ما طلعت من الغرفه شفت شما واقفه على الدري تسمع صدت لي شما : حصيص شو تسوين روحي ارتاحي حصة: شو مستوي شما: ما عليج بس سمعت اسمي فقربت اسمع واشوف شو صاير تحت شفت عبدالرحمن وابويه وشكله ابويه معصب من عبدالرحمن بو حصة : شفيك انت الحين عبدالرحمن : ابويه اشوف السالفه عادي عندك اقول الريال مب رايدنها يقول بيطلقها ما ادري شو من سواد ويه مسويه حسيت مثل طنعه في قلبي بس تميت صامدة ووقفت بو عبدالرحمن : يمكن كان معصب بعدين هاي حياتهم وانا ما ابغي ادخل فج عيونه عبدالرحمن: ابويه بنتك قريب بتتطلق وتقولي ما بدخل محد مخربنهم الا هالدلع بو عبدالرحمن : خلاص يوم بيهدون كل شي بيرد طبيعي لا تنسى ان حصة حامل عبدالرحمن : لاء بالله ، هالبيت مش طبيعي معقوله هالكلام الي اسمعه يت عندي شما : حصيص روحي ارتاحي ما عليج عبدالرحمن كلامه جيه ما يقصد شي رديت لغرفتي وقفت شما عند الباب : انتو بتتطلقون طالعتها بعيون باردة ما اعرف كل مشاعري متجمدة هذي الساعه : هيه ، انا اسفه سويت هالفلم قبل عرسج مفروض اعطيج صورة حلوة عن العرس بس ما عليج خالد ريال زين سكتت وطالعتني بنظرة غريبه ما اعرف لش حسيت ان زواجها او خالد شي مش هامنها بس قطع تفكيري ردها: عسب سالفه المطعم سكت عنها: عسب وايد اشياء شما: اذا غلط خلاص ما تسامحينه ، ليش جيه تسوين استغربت كلامها: شما مول مب متفيقه شما: مبارك يحبج رديت عليها بسرعه : مبارك طردني من البيت استغربت وفجت عينها :طردج حصة: هذا الي تمدحينه ، شما اطلعي وصكي الباب وراج مول مب قادره اسمع شي ما اعرف كيف قلت هالكلمة ما كنت ابغي حد يعرف ان كرامتي انهانت ومن منو من مبارك والحين شو آه بس عبدالرحمن طالعت ابويه بقهر ، استفزني ببروده بس ما اقدر اقول شي يظل ابويه سكت وييت بطلع بس شفت خالد في ويهي ما انتبهت لشي ولا لابوي وقلت : وانت بعد شو ياي تسوي هني طالعني باستغراب : شو سمعت ابويه : خالد ابويه اقرب ما عليك منه هذا اليوم مب صاحي دخل خالد وهو يبتسم لي ونه : ما علي عبدالرحمن يقول الي يباه غالي ما نقدر نقوله شي طالعته باستهزاء شوي والا دخل راشد : مرحبا الساااااااااااااااااااااااع بالعم ابتسم ابويه له : هلا والله سلم على ابويه ويلس عندي راشد: شو ما تبين الحبيب ولا مشغول، اختك الي بتعرس مب انت طالعته بطرف عيني : مشغول شوي راشد وهو يبتسم : بزي ها صديت الصوب الثاني راشد مول ما يعرف شي ما يعرف عن سالفه خالد ولا يعرف عن اي سالفه اوووووووووووف مب فايق لتعليقاته شوي قام ابويه وطلع وتمينا نحن الثلاثه راشد: وينها العروس عيل صديت صوبه معصب وصد خالد بنفس الوقت بمعنى اسكت طالعته بقهر : هيه يايين حق العروس يعني راشد بابتسامه عبيطة: انا لاء ياي عشانك بس خالد اكيد ياي حق العروس بسرعه رد خالد : ما عليك منه ، الرمسة هاي من عنده تعرفه ربيعك ثجيل دم وينكت بوقت ماله داعي راشد باستغراب : حشا بلاكم متكهربين جيه صديت الصوب الثاني رن تلفون راشد لحظتها وطلع يرد برع خالد : عبدالرحمن بغيت ارمسك بموضوع مهم : ما بينا مواضيع انا اتريا تعرسون وافتك منكم خالد: بس هاي اظل اختك وانا ولد عمك بتم جيه عبدالرحمن صديت صوبه : تعرف انك ياي ترمس في الوقت الغلط تنهد خالد وكان بيغي يقول شي بس دخل راشد لحظتها راشد: قوم بنطلع طالعته : مب متفيج راشد: قوم مشوار ضروري يلا ، خلود بتي خالد : لاء طالعته عيل : نحن بنسير يلا روح بيتكم طالعني راشد : عبدالرحمن بلاك عبدالرحمن : هالبيت فيه بنات وانا بطلع وابويه طالع شو يسوي ييلس طالعني خالد بضيج : كنت بطلع يلا اسمحولي صديت صوب راشد شفت ويه تغير حسيت به تضايج من تصرفي بس سكت طول الطريج تم ساكت لين ما وقفنا عند الاشارة رمس راشد : حصة يايه عندكم صديت صوبه متفاجأ :شووووووووووووو راشد: حصة يايه عندكم عبدالرحمن بشك : وانت شو عرفك راشد : يعني تصرفاتك وعصبيتك الي ما لها معنى ، تاكد ان في شي ، مرة ثانيه لما بتعصب من شي امسك عمرك مهب اطلع حرتك في كل حد انا اعرفك وممكن استحمك بس خالد ما اظن يستحمل ما اهتميت بسالفه خالد ولا اي شي لحظتها كل الي كنت ابغيه ، اني اعرف كيف عرف بالسالفه : راشد شعرفك بالسالفه صد صوبي: شفت شنطة عن الباب ، اكيد مب شنطتك لانها حمرا وانت تكره هاللون ، وما اظن شما من الحين بتحط اغراضها توقعت حصة تنهدت وصديت الصوب الثاني فعلا انا خليت شنطة حصة عند الباب : مليت منهم اووووووووووووف راشد : وليش هذا كله ، ليش تدخل في حياتهم صديت صوبه : الحين لما اختك بتي من بيت ريلها ما بتدخل راشد: يمكن عندها اسباب عبدالرحمن : اسباب شو الي تخلي الوحدة تهد بيت ريلها راشد : يمكن بينهم شي ما تروم تعرف اي شي يصير بين اثنين عبدالرحمن : انا متاكد انها هيه السبب راشد : وليش ما يكون هو عبدالرحمن : ما يسويها مبارك مستحيل يأذي حصيص شفته ابتسم باستهزاء وكمل سواقه : بلاك صد صوبي: ماشي ليش عبدالرحمن: ليش هالابتسامه طالعني بعبط : اي ابتسامه عصبت صدق : رشود لما قلت مبارك ابتسمت بابتسامه غريبه شو السالفه انت تعرف شي تنهد : اسمع انا بقولك شي بس ما ابغي حد يعرف اني خبرتك طالعته بغيض :انت تعرف شي ومب قايلي راشد : لا حول هذا بعدني ما قلت ، هيه كنت اعرف وساكت ما ابغي اخرب بيت حد بس الحين كلامك استفزني وبغيت ارد عبدالرحمن طالعته بشك : قول راشد : انا مرة شفت مبارك ويا وحده طلعته : وشو يعني يمكن وحدة من هله طالعني بنص عين : الحين انا ما اعرف افرق اذا كانت من هله ولا لاء طالعته بلا مبالاه : ما اعتقد وحصة كيف بتعرف راشد : شفت حصة وشما نفس اليوم بالسنتر ، ما اعرف اذا شافوه هم لاني رحت بعيد طالعته : شميم معاها كانت طالعني : الناس في شو وانت في شو طالعته : لحظة في نفس المول راشد : بس ما اظني هالسالفه هي السبب لانها جديمه ، يعني لو عسب هالسالفه جان من زمان ودرت البيت مهب الحين صديت الصوب الثاني : ما ادري ، ما ادري راشد : تعرف شو لا تدخل احسن خلهم يحلون مشاكلهم روحهم سكت عن راشد بس تذكرت شميم ، السالفه كلها عند شميم صديت صوبه : رشود ردي البيت طالعني : شو بتسوي عبدالرحمن: ردني البيت بالاول تافف راشد : عسب جيه ما احب اقولك شي اوووووووووووووف منك الساعه 11:00 بيت هزاع هزاع نزلت تحت ويلست في الصالة طالعت فوق الساعه 11 هاي وين تنهدت حتى اليهال ما اشوفهم قمت ابغي اطلع من البيت شفت فطيم طالعه من غرفه تحت هزاع رفعت واحد من حياتي : وين كنتي فطيم: عند اليهال هزاع : في هالغرفه ليش مب الغرفه الي صوب الثاني كنا مسوينا للعبهم فطيم طنشتني وراحت يلست : كانت استفزني تصرفها حتى ما صدت صوبي وهي تتكلم رحت يلست عندها على القنفة مسكت ايدها وانا مركز في عيونها : لبيه يا صوت لفا في آخر الليل ، نور ظلام ما فارقني سواده رفعت حياتها : نحن في النهار مب الليل شارب شي عويت بوزي : انتي شو مشكلتج ، شو مرضج يعني سحبت ايدها وما عبرتني : هزاع : شرايج فطيم اعرس استغربت انها بسرعه صدت صوبي : انت ما تبت ها طالعتها مستغرب : شو تأففت : سو الي تباه، بس لا تي بعدين تشتكي هنا هزاع : يعني فطيم بعصبيه : يعني تزوج قامت من مكانها وراحت صوب غرفه لعب اليهال استغربت ردها ليش شو صارلي قبل يعني ما احيد ، فجأة سمعت صوت صرخة فطيم قمت من مكاني بسرعه صوب غرفه اليهال شفت فطيم مدوخة وطايحة على الارض عبدالرحمن دخلت البيت معصب ، شميم تعرف كل شي وما تخبر انا براويج يا شميم انتي الزين ما اي وياج اووووووووووووووووووووووف منج بكبرج مصايب ركبت على الدري وانا مسرع ما فكرت باي شي اول ما وصلت عند بابها فتحته على طول حتى بدون لا ادق بس انصدمت اني شفت عويش موجودة وقفت شميم مرة وحدة وهي تحط ايدها على خصرها : شو هذا الحين ان شاء الله ، اخر شي قمت ادش بدون لا ادق الباب طالعتها بعيون كلها غيض شما بصريخ وبلهجة مستفزة : هيييييييييييييييييييييييييه ، قول انك معصب من سالفه حصيص وياي تطلع الحرة فيني ، تراك تعودت من تعصب من شي تي هني ، يلا تعال عطني كم كف عسب ترتاح ، هيه لا تستحي من عويش عويش تعرف كل شي صديت صوب عويش شفتها فاجة عينها تطالع شما بقهر شما : هيه قلتلها كل شي عنك ، حتى انك تحبها وتموت فيها ومب قادر تقول صديت صوب شما بعصبيه : شووووووووووووو ، انا احب هاي شما : شفيك ، تستحي عويش: بس شما طلعت عويش من الغرفه وشكلها على وشك تصيح صديت صوبها بس ما اكتفيت رحت صوبها ومسكتها من ايدها بالقو : شو هالي قلتيه ها مسودة الويه طالعتني بقوه عين : مب انت دبستني بخالد نفس الشي بدبسك بعويش بس فرق والله عويش احسن من خالد شديت اكثر على ايدها: حسابج بعدين فريتها على صوب بالقو نزلت بسرعه ورا عويش ما ابغي تفهم غلط كانت بالفعل تصيح عبدالرحمن : عويش ، وقفت وصدت صوبي عبدالرحمن : شما اعصابها تعبانه وتقول وايد كلام ماله معنى اسمحيلها عواش: ادري ، وشما ما قالتلي شي ، كانت تبا تقهرك ، بس انا طول عمري عادتنك اخويه وضايجني ردك طالعتها باستغراب هدتني وراحت توني استوعب الي قتله :شوووو ،أنا أحب هاي تنهدت بضيج انتبهت انها راحت رحت وراها عبدالرحمن : عويش انا جد آسف بس وقفت لما شفتها وقفت وخالد كان واقف جدامها ما اعرف شو هالحظ الي حاطني بهالموقف وجدام خالد بلعت ريجي وانا اشوف خالد رفع واحد من حياته : شو مستوي ردت عويش بسرعه : ماشي بس شما نفسيتها تعبانه وتعق رمسة على الكل ، فعبدالرحمن سمعها وياي يعتذر عنها تغير ويه خالد وهالشي ريحني لانه اقتنع بالسالفه خالد : ما علي اعذروها اكيد متوترة راحت عويش والتفت ابغي اروح بس ما حسيت الا بخالد يمسك ايدي التفت له خالد : لازم نتكلم تنهدت ورحت وياه ، يمكن غلطته كبيرة وما اقدر اسامحه عليها ، خاصة ان البنت اختي بس في النهايه لازم الين دام انه بيصير ريل اختي ، ودام بيصلح غلطته بس شما مستحيل الين وياها الحين ، حسابها طويل وعسير هزاع وقفت في الممر اتريا الدكتور يطلع من عندها ، شو سبب هالدوخة معقوله فطيم حامل لاء ما اعتقد طلع الدكتور على طويل الدكتور : الحمدالله على سلامه المدام هزاع : خير دكتور شو صاير ، شو فيها الدكتور : ما فيها شي بس هبوط حاد في الدم طالعته مستغرب : شو الدكتور : ضغطها هلأ 90 ما اعرف لما اغمى عليها كم كان ، بس هالشي خطير هزاع : وشو السبب الدكتور : ممكن يكون سببه مرض لا سمح الله ، او سوء تغذيه ، او يمكن شي مزعج هزاع : الشي المزعج يرفع الضغط ما ينزله الدكتور ابتسم : كل شي يصير تنهدت الدكتور : نحن بنسوي فحص واذا ما فيها شي يعني هو مجرد هبوط في الدم ، الحين عطيناها جلوكوز وان شاء الله خير هزيت راسي ودخلت عنها شفتها نايمة تقربت ويلست على طرف الشبريه نحن كنا نتكلم عن عرسي اخر شي معقول هالسبب الي سوالها كل هذا فتحت عينها ابتسمت لها : انتي مب نايمه قامت ويلست على الشبريه : شو قال الدكتور طالعتها بعبط : قال يمكن حامل فجت عينها : شووووووووووووووو ابتسمت : شفيج ،مبروك مسكتني من كندورتي بالقو : انت تخبلت شو ابتسمت : امزح هدت الكندورة : ركزت بعينها وبنظرة صادقة : لا تسوين جي مرة ثانيه ما صدت لي حتى : لا تجذب مرة ثانيه وما بسوي جيه : خوفتني عليج رفعت عيونها وطالعتني وبصوت هامس هالمرة : شو هزاع : لا تسوين جيه مرة ثانيه خوفتيني عليج تمت تطالعني بنظرة مصدومه بس انا كنت منجذب لعيونها ، في الاخير ابتسمت وقمت من مكاني : بيسوون شويه فحوصات وبيطلعونج هديتها وطلعت من الغرفه : خلا ترتاح لين ما يسون لها الفحوصات يلست في الاستراحة برع ، كان ودي لو كانت حامل يالله الله يعطينا الساعه 10:00 بليل شما كنت يالسة في الغرفه اتأملها بملل لو فكرت بتفكير حسابي يقولون باقي 10 تيام على عرسي اندق باب ودخلت منه حصة وهي تبتسم بس ويها كان شاحب ومبين عليها تعبانه وايد ما أعرف هل هو تعب نفسي ولا تعب من الحمل يت يلست على الشبريه وهي تبتسم : شو تتاملين غرفتج ابتسمت باستهزاء : افكر شو يترياني ابتسمت بحنان : كل خير ان شاء الله طالعتني وانا احس بعيونها كلام كثير حصة: انا اعرف انج خايفه ومضايجة وتفكرين بوايد اشياء ، بس ابغيج تتوكلين على الله وتهدين نفسج شوي ، خالد ريال زين طالعتها بعيون حايرة (للأسف ما تعرفين شي يا حصيص ): وتذكري انه ما بييظلمج لانج غاليه عنده وشكله يحبج وايد : هذوه مبارك تراه يحبج عضيت على شفايفي ما اعرف كيف طلعت مني هالكلمة صدق اني غبيه بس هيه اكتفت بابتسامه صادقة مليانه حزن : انا وضعي غير حصة : شما انا يايه ارمسج في شي ثاني طالعتها وانا مضايجة: في شو حصة: ابغي اكلمج عنج مب عني ، شما انتي الحين قريب بتعرسين ادري انج صغيره والمسؤوليه كبيرة ، بس خلاص ودري عنج السوالف الي مالها معنى والي سويتيها انسي كل شي ، تذكري انج انسانه مسؤولة عن شخص بيكون ريلج وبيكون كل دنيتج وباجر بيونج عيال وبتكونين أم لازم تكونين أم صالحة شما: أنا ابغي اكمل دراستي وابغي اشتغل انا مش شراتج ابتسمت : زين الدراسة ما يخصها ، تفاهمي ويا خالد بعدين هذا شي بينكم ، بعدين ما اعتقد خالد يعارض شما: لاء من الحين لازم يعرف شروطي ابتسمت: هذا مش موضوعي ، دراستج ، انا يايه ارمسج كيف تكونين زوجة تنهدت ويلست اسمع كلام حصة وأنا في بالي شي واحد الاول اكلم خالد ، والثاني عبدالرحمن مر الوقت وطلعت حصة بعد ما ساعدتني بترتيب الغرفه ، أتمنى لو اقدر اسوي شي واخليها تتصالح ويا مبارك نسيت الي صار ويا عبدالرحمن الظهر كليا وما اعرف كيف ما طرا في بالي وطلعت من الغرفه رايحة غرفته وانا اتنهد دقيت الباب بشويش رد عبدالرحمن: دشي حصيص اكيد متوقع حصة لان انا مستحيل ايه ونحن مضاربين بس دخلت بدون لا اتكلم شفته نايم على الشبريه وحاط ايد على ويه بحيث انه مغطي عيونه بايده اول ما حس بوجودي شل ايده ويوم شافني فز من مكانه تفاجأ شوي: شما نزلت راسي وانا عيوني تدمع : عبدالرحمن انا آسفه سكت عبدالرحمن تجدمت صوبه : انت لين متى بتم زعلان مني رفعت راسي اطالعه شفته يطالعني وهو مب عارف كيف يتصرف في لمحه حنيه وكأني كاسرة خاطرة وفي لمحة عصبيه اني خنت ثقته في الاخير يتم عبدالرحمن طيب وايد ويعزني وايد مد ايده وحطاها على جتفي وسحبني صوبه : حصل خير بس لا تصيحين بس انا تميت اصيح وحظنته بالقو: انا آسفه تنهد عبدالرحمن: خلاص سامحتج لا تصيحين جيه كنت أدري انه يحس بالذنب لاني بعرس بهالسرعه بسببه عسب جيه غفر لي بسرعه ابتعدت عنه شوي مسح بايده على راسي: لا تضايجين عمرج ابتسم : أنتي عروس لازم تبتسمين ابتسمت بالغصب ما طرا في بالي خالد لحظتها ابتسمت لابتسامه عبدالرحمن شفت عبدالرحمن تذكر شي : ما بقولج عن سالفه عويش انتهت السالفه الحين ، تنهد : بس ابغي اعرف شو سالفه حصيص طالعته : سالفه جديمه مالها معنى ، عبدالرحمن : عيل ليش يت الحين دامها سالفه جديمه شما: ما اعرف ، ليش يت الحين ما اعرف بس اذا السالفه الاوليه تراها جديمه ومر عليها وايد ما اعتقد هالسبب الخلاف بينهم تم عبدالرحمن يطالعني بحيره بعدها مسح على راسي وابتسم : خلصتي اغراضج نزلت راسي : يعني عبدالرحمن ابتسم بحنان : استعجلي ما باقي شي حط ايده على جتفي ورص عليها : يلا روحي ارقدي ريحي عمرج ابتسمت له ونزلت راسي حسيت ثجل طاح من قلبي كم يسوى الانسان يكون متصالح ويا الناس الي يحبهم لو مب سالفه خالد جان أنا أسعد إنسانه بهالدنيا خالد بأجل سالفته شوي |
يوم عرس شما بيت هزاع هزاع دخلت البيت وكانت الساعه سبع المغرب شفت فطيم يالسة تجدمت منها ويلست حذالها مسكت ايدها وشفت انها ما صدت صوبي قلت بصوت وأنا أشدد على الرمسة : فطيييييييييييم صدت صوبي وهي معقدة حياتها : نعم ابتسمت بعبط وهديت ايدها : ماشي ، أقول يرانها عندهم عرس فطيم: هيه هزاع : عزموج فطيم: طرشوا كرت ، ما اعرفهم عشان يعزموني هزاع: عنبو يرانا الباب حذال الباب ما تعرفينهم فطيم صدت الصوب الثاني : لاء ما اعرفهم هزيت براسي وصديت صوبها : بتسيرين فطيم: وليش أسير أقولك ما أعرفهم ولا يعرفوني ، طرشوا كرت من باب الذوق ناس يعرفون المذهب وانتهت السالفه ابتسمت : وفي عرس عيالنا بتطرشين كرت لهم فطيم طالعتني باستغراب : هيه بطرش كرت طنشتها ورحت فوق بس تذكرت شي لمتى بتم خاشنه صديت براسي على ورا بس : فطيم رفعت عيونها صوبي وهي تأفف : نعم هزاع : في حرمه سنعه تتأفف في ويه ريلها ، طويله العمر ، بغيت اخبرج شي ، شكراَ على حسن تعاونكم عقدت حياتها : شو ابتسمت : فطيم انا ..اممممممممممم بقول شي وبروح فوق وليت ما تلحقيني زادت استغراب: شو مسوي بعد ابتسمت بخبث: فطيم ما كنت فاقد الذاكرة كنت العب عليج زادت اتساع ابتسامتي مع زيادة اتساع فتحة عينها ورحت فوق ادري عادي تجلب البيت على راسي اليوم بس طنشت دخلت الغرفه وشليت فودة ورحت اسبح وأنا ابتسم باستمتاع عليها : يا ترى شو تسوي الحين ، هههههههههههههه طلعت من الحمام عزكم الله شفتها يالسه على الشبريه ونيران شاعله فيها ما اعرف خجل ولا ضيج ولا قهر ولا شو ، المهم شي حريجة ونار والعه فيها طنشتها ورحت البس ثيابي تجدمت صوبي وتوها بتتكلم بس انا حطيت صبعي على ثمها : اشششششششش ولا كلمة ، روحي حطي العشا يوعان وابغي اتعشا ويا العيال فجت عينها ويت بتقول : هزــ بس رديت حطيت صبعي على شفايفها : قلت ولا كلمة ماشي كلام شي تطبيق بس تقربت منها شوي شوي لين ما لصقت في الكبت وقفت جدامها وقلت بصوت خفيف: ما ابغي اذكر شي ، ولا ابغيج تذكرين شي ، ابغي نبدأ من أول ويديد ، أدري بدايتنا غلط وحياتنا كانت غلط ويمكن انا السبب ، بس انتي لج دور ، انتي ما اعترضتي ، هذيج الفترة اكتشفت ان لج معزة في قلبي ما عرفت شو هي وان لج قيمه عندي ، ما اعرف كيف يت ، يمكن من الوقت الي قضيته وياج ، المهم لج شي عندي وانا مستحيل افرط فيج ابتسمت على ملامح ويها الي مفزوعه من الي تسمعه هزاع: لا تخافين زواج وما بتزوج عليج ، وشرب ومن زمان ما شربت وتعودت على تركه الحين ، وييتي للبيت وهذوه اي من وقت وعشا وبتعشاه وياكم ، يالس اطور تراني: ابتسمت لها ، فطيم : هزاع شو الي تقوله تقربت منها اكثر وقربت ويهي من رقبتها وبعدها تقربت من اذنها وقلت بهمس :أحبج لاحظت أن أنفاسها بدت تزيد وبدت تتوتر مهما كانت فطيم جليد ، لابد للجليد يذوب لو لامست شي دافي فطيم: هزاع انا بروح احط العشا مسكت كتوفها بالخفيف وركزت عيوني بعيونها : متى بتعترفين فطيم: بشو هزاع: بانج تحبيني ابتسمت ابتسامه من ابتساماتها المغرورة ، : يوم بي الوقت المناسب وراحت عني ابتسمت عليها ، والله انها تحبني ، بس ما بتقولها على طول لو قالتها بشك انها فطيم الشخصيه الي عرفتوها ، الغرور الي فيها بيمنعها بس في تجاوب كبير وياي نزلت تحت وأنا ناوي ابدأ حياة يديدة كزوج وكرب لهالأسرة الساعه 1:00 ليلاَ في إحدى غرف الفندق شما أنفاسي بدت تزيد متوترة من الكائن الي وياي ما اذكر اي شي كل الي اذكره اني على الساعه عشر ونص زفوني في القاعه و11 وشي دخل خالد باسني على راسي وقال مبروك وغير جيه لو مب كندورته والناس الي تسلم عليه جان قلت انه مب موجود بس جيه أحسن ،أحسن وايد سلم علي عبدالرحمن ، الي استغربته : أنه قالي عقبالي معقوله عبدالرحمن وافق يعرس بس بياخذ منو ، معقوله عويش لاحظت انه وايد كان يلتفت لما دخل يسلم عليه وبس ودعتني حصيص الي لين الحين بيت ابويه فجأة تذكرت بشو يالسة افكر ، الليله ، مفروض اهم ليلة في حياتي فجأة سرت رجفة في جسمي وين راح هذا مالت عليه قمت وأنا اشل الفستان دامه ظهر خلا اقفل الباب وارقد عيل شو بتريى اسمع سخافاته ، اكره مشيت شوي شوي متبهدله بهالفستان وهالطرحة ما اعرف شو هالشعور الي فيني ، مافيني ولا ذرة مستحى مش مستحيه منه بس شوي خايفه وفيني قهر ابغي اجتله اووووووووووف ما صدقت وصلت عند الباب مسكت قبضة الباب عسب اصكره شفته وقف جدام الباب طالعت ويه المبتسم ابتسامه تلوع الجبد : على وين رفعت حواجبي : أنت شلك خالد: ههههههههههههههههه هيه والله انا شلي ، انا الا ولد اليران رفعت واحد من حواجبي: هيه الحين انت متزوجني عسب جيه ، هذا غرضك رفع حواجبه وبخبث : شو غرضي من وجهة نظرج طالعته باسمئزاز: تستفزني صراحة من قلت هالكلمة نقع من الضحك لدرجة ان ضحكته استفزتني وايد صديت عنه ورحت صوب التسريحة ابغي افج هالشعر بس هو استمر بالضحك لدرجة أنا كنت بصيح ، ما اعرف على شو ناوي للحظة ادارك نفسه وتحنحن وقرب صوب السرير شل الغترة والعقال من على راسه وحطاهم بشل مرتب على السرير بدأ يفج عقب كندورته بس انا كنت اراقبه من منظرة التسريحة: شو تسوي انت طالعني بنظرة يقول عنها حنونة بس انا ما اثق ان قصده جيه لاني ما اعرف نواياه وقال : ضايجوني قلت افتحهم لا تحاتين ورديت عليه بسرعه وبانفعال : لا فديتك مافي شي احاتيه لان ما في شي بيصير شل جشك ورروح الغرفه الثانيه رفع حواجبه مستغرب بس طنش كلامي وقرب صوبي :تبغيني اساعدك ، شو يفجج هالشعر سكت عنه زادت ابتسامته : لا تستحين ، شقا اساعدج تنهدت :ما يحتاي بفجه روحي يلست افجج التسريحة وهو يراقبني ويطالعني بنظرة مش فاهمتنها ، يا ناس هاي نظرة الانسان المشفق بس ليش هالنظرة وهو السبب بكل شي ما صدقت انه شعري كله انفج رفعت عيني شفته يطالعني وهي يتأمل ويهي سكت عنه ما باليد حيلة محسوب عليه زوج اوووووووووووووووف قمت شوي شوي من على الكرسي وقام هو: اساعدج ، هالفستان وايد ثجيل ليش ماخذتنه طالعته باستهزاء: عشان عرسك زادت ابتسامته: والله ، فيج الخير تقرب مني وانا حسيت اني تجمدت في مكاني وايد صارت لي مواقف ويا خالد بس مب شرات هالموقف انا واقفه بفستان العرس الأبيض وهو وياي وفي غرفه روحنا ومحد ويانا ومقفول علينا الباب ، حتى لما كان اي غرفتي كنت مطمنة أن الغرفه في بيتنا بس هالغرفه كيف الشردة منها تقرب ومسك ويهي بالخفيف: وقال بهمس:أنا آسف ويهج صغير ، يذكرني كل شوي أن عمرج 19 ، ما كان ودي نعرس وانتي صغيره جيه أدري ظلمتج بس أنتي أدرى بالظروف طالعته باحتقار : ومنو قالك اني كنت ابغي اعرس واخذك طنش كلامي: تعشيتي صديت الصوب الثاني: هيه شل ايده من على ويهي خالد :أنا بروح اسبح تأففت ، حتى اليوم بيسويلي مشاكل ما اعرف رحت شليت فوطتي واغراضي ورحت اسبح اول ما خلصت تذكرت اني ما قفلت الباب ليكون بطلع بشوفه في ويهي آآآآآآآآآآآآه يا غبائي لبست قميص نوم الي خذته حصة لهالمناسبة التعيسة اووووووووووووف منج ومن ذوقج يا حصيص قميص نوم جيه عاري حشا طالعت عمري شقا بظهر الحين اووووووووووووف ، فجيت الباب شوي شوي شفته جدامي منسدح على الشبريه ولاء المصيبه يالس ومتلحف بعد وين شخصيتي القويه وين راحت وين شما الي كانت بويه بلاني اتنافض جيه رحت ويلست على التسريحة انشف شعري حمدت ربي ان شعري طويل يعني لين ما ينشف بياخذ وقت بيكون رقد اول مرة احس انه هالشعر له فايدة صد صوبي: يا سلام متى ناويه تين طالعته مستغربه : وين رفع حياته وقال وهو يبتسم وبصوت هادي وحنون : وييييييييين يعني ، هني عندي بلعت ريجي وقلت وأنا اتعلثم : خالد نحن لازم نتفاهم زادت ابتسامته : ادري بس مش اليوم صديت صوبه وقلت بترجي: لا الييييييييييييييوم بتسم : انتي من شو خايفه ، ليش ما تبين تين حذالي حسيت اني بصيح وبديت ارتجف: خلا نتفاهم طالعني بنفاذ صبر: قتلج بنتفاهم بس مش الللية صديت صوبه وقلت وانا ارتجف: وليش الليلة لاء خالد: وهو يتنهد : لان الليلة ليلة عرسنا شما: ولو شفته قام من الشبريه وتجدم صوبي زادت ملامح الرعب على ويهي يا ويلس على ركبه وصار في نفس مستواي: حصيص خلصتي من شعرج هزيت راسي بمعنى هيه ابتسم بحنان بس لحظتها انا كنت خايفه وايد مسك ايدي وقام : يلا قومي وياي شما: ما بقوم طالعني وهو يبتسم : شما حبيبي مب وقته العناد يلا قومي وياي تأففت وقمت وانا ساكته هد ايدي ما اعرف ليش مسكت ايده لايدي كانت مهدتني كيف ، الحين زاد الخوف راح وصكر الليت وصرت ما اشوف شي تنهدت ورحت للسرير ولحقني هو الساعه 10:30 الصبح خالد فجيت عيني شوي شوي ،اول ما فجيتها شفت مخدة بالقو يايه صوبي صكيت عيني ورديت فجيتهم سمعت صرختها : قوووووووووووم تنهدت وقمت من السريربتكاسل ، طالعت شما واقفه في الغرفه وهي معصبه استغربت: شفيج شما وهي معصبه وشوي وبتصيح : شو هو الي شفيني انت شو سويت فيني انت هدمتني فجيت عيني اطالعها: هالبنيه مب صاحيه انا مش عارف كيف بتعامل وياها لا حول تحسسني جني اعرفها امس مهب زوجتي طنشتها ورديت عقيت راسي على الشبريه لاحظت انها قامت تصيح ، ابتسمت وانا نايم توها تستوعب الي صار امس الله يعيني عليها ، شو هالحرمه قلت وانا مغمض عيني ونايم وصوت صياحها في أذني : شميم صخت لحظتها خالد: الساعه كم الحين ما اعرف شو الشي الكبير الي قلته لانها انفجرت بالصياح فجيت عيني شوي شوي وشفتها قامت وراحت صالة الجناح تصيح تسوي خير طالعت مبايلي الساعه عشر ونص لازم اقوم طيارتنا على 3 قمت ورحت اسبح لبست كندورتي وطلعت للصاله شفتها لابسة مغربي وفالة شعرها ولاء حاطة مكياج وتصيح امرها غريب هالبنت تجدمت صوبها بس هيه كانت مطنشتني كلياَ وطبعت بوسة على خدها: صباحية مباركة يا العروس تنهدت في وسط الصياح ، حسيت بها ياهل ، تقربت صوبها وقلت بحنان : انا شو يخصني الحين ليش تحسسيني اني انا السبب فجت عينها وصدت صوبي : يا وقاحتك ياخي ابتسمت وقلت لها: الحين قمتي من النوم وكشختي ولبستي وتعدلتني كل هذا لشو ، دامج مب طايقتني طالعتني وعيونها مليانه دموع بس وقفت من الصياح شكلها الحين ردت شميم الي تضارب وترد الكلمة بكلمة وتذكرت هيه كيف : عسب حصيص رفعت حواجبي: شو شما: حصيص محلفتني اسوي جيه مب لسواد عيونك رفعت حواجبي: اها قومي لبسي عباتج خلا ننزل نتريق لان بعد شوي بنطلع ورانا طيارة طالعتني بتأمل مليان استغراب ابتسمت : شفيج قالت بصوت واطي كله شك :أنت مينون نقعت من الضحك على صوتها ونبرتها : هههههههههههههههههههههههههههههههههه ليش شما: وين نروح ، انا وانت خالد: بنروح شي يسمونه ، شهر العسل طالعتني بقهر وراحت ابتسمت لها وهي رايحة هالبنت ، عذاب مرت ساعه يمكن وما ظهرت دخلت الغرفه شفتها لابسة جنز وقميص طويل لونه وردي كان عاري من فوق شوي بس ما علقت دامها بتلبس عليه عباه ، وما ابغي انفرها مني من اول يوم باخذها شوي شوي لين ما تطيع كل شوري وتصير ما تستغنى عني كانت اصك الشنطة رحت وقفت وراها ولويت على خصرها : تبين مساعدة تجمدت مكانها ، بالعادة لما كنت اتقرب احس بها تعصب الحين احس بها تجيم تتجمد ، يمكن لاني صرت زوجها ما اعرف كنت لاوي على خصرها وويهي حذال ويها ، طبعت بوسة على خذها توترت : بس قالت : والحين شو تبا ابتسمت : ابغي احسسج باهتمامي شما: حسيت ممكن تقوم الحين خالد : اكيد شما تنهدت وسحبت الشنطة سحبت الشنطة من ايدها وشليت شنطتي : يلا توكلنا\\\ طول الطريج كنت ساكت وهي كانت فايرة من القهر ،احس برودي جيه يذبحها بس شو اقول انا روحي تايه شفتها صدت صوب الدريشة وهي تنتهد مسكت ايدها ورصيت عليها وتميت ماسكنها لين ما وصلنا المطار الساعه 3:30 الظهر سلطان قمت من النوم وطالعت الساعه 3 ونص حشا ، متأخر الوقت ،يا ربي اممممممم حتى ما صليت الظهر ، قمت تغسلت وغيرت ثيابي وفرشت سيادتي عسب اصلي اول ما خلصت صلاة حسيت باليوع ، غريبه يدي ما قومني عسب الغدا ، اليوم السبت احيده من تسع يقومني ليكون فيه شي فجيت الباب توني بطلع لفت انتباهي صوت ياي من تحت مب غريب رفعت واحد من حياتي ، هاي شو تسوي هني وقفت على اول الدري اوايج شفت شمسة يالسة تقص فواكه ليدي فجيت عيني على وسعهن مهب وايد ماخذة ويه نزلت من على الدري أول ما شافتني قامت وقفت وهي تبتسم لاحظت نظرات يدي متوجه صوبي ، فبادلتها الابتسامه سلطان: شمسة اول ما شافتني زادت ابتسامتها : عزمت روحي على الغدا بس لما ييت لقيتك نايم ، فقلت ليدي لا يقومك تجدمت صوبها ، ما عرفت كيف بسلم عليها وخاصة يدي يراقبني فاكتفيت اني مديت ايدي ومدت ايدها تسلم عليه ابتسمت ويلست شفت يدي قام من مكانه بوناصر: خذوا راحتكم اترخص انا شمسة : وين عمي يالس رفعت حياتي جنه بيتها تعزم بعد بوناصر: لا بنيتي بروح حجرتي شمسة: اليلسة ما تحلى الا وياك بوناصر: ههههه ماعلي تعبان بريح وانتي مب غريبه انتي الحين راعيه هالبيت ابتسمت ليدي : ربي يسلمك ، الله يخليك البيت هذا بيتك وانت راعيه ، ودام بتريح مسموح الغالي فجيت عيني اطالعها مستغرب ابتسم يدي وراح صديت صوبها وانا اطالعها بنص عين : حطيتي يدي في جيبج اشوف رفعت واحد من حياتها وهي تبتسم بمكر : شقصدك سلطان : فاهمه قصدي يا المكارة شمسة: ههههههههه ، يدك ريال طيب وانا اعتبره شرات ابويه مافي قلبي شي ومب مكارة ابتسمت باستهزاء: ادري مافي قلبج شي مب زين ، بس يعني قصيتي عليه بلسانج شمسة: كل حد يميل للكلام الحلو الا انت ابتسمت باستهزاء لحظتها ياني مسج طلعت مبايلي من جيبي شفت شمسة يت ولصقت حذالي صديت صوبها: شو تبين ابتسمت ببرائة : ولاشي رفعت حياتي : تبين تعرفين المسج من منو هزت راسها بمعنى نعم سلطان: لاء والله انا في حياتي ما سالت ياينج المسج من منو وتكلمين منو شمسة: انا واثقه فيك بس ما اعرف قلبي نغزني من هالمسج قلت اطمن صديت صوبها: هيه مب لازم يكون بينا ثقه شفت ابتسامتها توسعت وطبعت بوسة على خدي وبعدت شوي عقدت حياتي مستغرب من هالتقلب يمكن على الجملة الي قلتها ، شو اسوي خلاص طاح الفاس بالراس ، خلاص الحين انتي حرمتي ، وانا ريلج وجيه جيه تراني بتزوج ، انتي احسن من غيرج على الاقل مهتمه فيني واداريني ، ومهما سويت ما تزعلين مني هالشي الي مخليني اعيش ويا يدي انه يتحملني انا طبيعتي جيه انسان صعب مزاجي ، ما اقدر اغير من طبعي بس الحياة جيه الناس يتغاضون عن اشياء مب الزينة في الناس الي يحبونهم عسب يقدرون يعيشون ، مب كل المتزوجين يموتون في بعض في محبه قليله ، ومع الزمن تصير العشرة والعيال الي ما تفرقهم تنهدت وانا اطالعها طالعتني بدلع: تفكر فيني ابتسمت : هيه ، شمسة: عيل قوم خلا نطلع رفعت حياتي: وين شمسة: نتمشى شرات الناس الي تملج ، يطلعون يدورون مهب بس تلفونات، هاي احلى فترة من الزواج صدقني بتندم انك ضيعتها سلطان: هههههههههههههههههههههه ، ناويه تعيشيني بجحيم بعد العرس شمسة: لاء ، ابتسمت بتعاطف وياها: خلاص يلا قومي نطلع فجت عينها مب مصدقة : صدق سلطان: هيه صدق يلا قومي بنطلع ابتسمت وقامت بحماس وقمت انا بعد بنشوف بنستغل هالفترة ، اندم بعدين اني استغليها ، افضل ما اندم على اني ما استغليتها دام شمسة بتحترم يدي وتحبني وتعزني لهدرجة هي انسب وحدة تدير هالبيت وانسب وحدة لحياتي ، مضطر اعترف بهالشي لنفسي |
في الطيارة شما صديت صوبه وشفته يالس في الطيارة وهو ساكت شو الشي الي يونس وايد الحين مطنشني شوي ويهتم فيني شوي ومعتبرني جني حرمته صد صوبي وهو يبتسم: تبين شي طالعته بقهر: انت ناوي تذبحني عقد حياته وهو يطالعني : شو شما: شو موضوعك خالد: ماشي شما: يا سلااااااااااااااااااااام انت ،أنا مب عارفه اوصفك مب عارفه اعبر ابتسم : قولي كل الي في خاطرج شما: خالد انا مب فاهمتنك ، يعني امس عرسنا ، وعادي ولا جنك مسوي شي وجنك معرس حالك حال الناس والحين ترمسني على أساس اني حرمتك ، وفوق هذا تعاملني زين ، شو تبا توصل له خالد: بقولج شي شما: قووووووووووووول ، علك ما تقول زادت ابتسامته: أنا ريلج صح طالعته وانا اصغر عيني وبعيون حقودة خالد: صح كلامي ولا لاء قلت وانا انافخ من الغيض: صح خالد: امس عرسنا ولا لاء شما: هيه امس العله خالد: ههههه خلاص شي طبيعي اني اعاملج شرات زوجتي ، بتم لين متى اعاملج على اساس انج صغيره وبنت عمي ، الحين انتي حرمتي ومسؤوله وبعد فترة بتكونين ام عيال يعني انسي كل الي فات وخلينا نبدأ من يديد شما: شو هو الي انسي كل الي فات ، بكل هالبساطة صد صوبي بس نظرته تحدي هالمرة: هيه بكل بساطة شما: انا عرست بسبتك جبروني على العرس بسبتك ، قبل صرت بويه بسبتك خالد: لانج كنتي تحبيني وهذوه أنا الحين ريلج وحلالج ، ونفس الوقت حبج الاول شو تبين زود ، ربي معطنج كل الي تبينه فجيت عيني : والله لو مب في الطيارة جان جتلتك خالد: شما انتي الحين حرمه معرسة ويالسة تكلمين ريلج راعي الفاظج ، قبل كنت اسكت لج بس الحين لاء فجيت عيني من القهر المشكلة نار شاعله في داخلي ومب قادرة اتكلم هذا اكبر مصيبه شما: اسمع خالد : كلي آذان صاغيه شما: خالد خالد وهو ينعس عينه : عيون خالد شما: انت ليش تزوجتني ابتسم وصد الصوب الثاني مسكته من فجه وسحبت ويه صوبي شما: ارمسك انا عصب من حركتي بس تمالك اعصابه بس لهجته كانت معصبه وكان يرمس وهو صاك على اسنانه /: شو تفرقين انتي عن غيرج ، مليون بنت ممكن ترمسني ليش كنت ارمسج انتي بالذات ، ليش كنت العوزج انتي بالذات ، وانتي ما كنتي معبرتني، ومليون وحدة غيرج لو رمستها كانت بترد عليه بريق حلو ، ليش خاطرت وكنت اي بيتكم ، شو موقفي لو عمي شافني عندج ولا عبدالرحمن ، بخاطر بدون شي بدون سبب ، ليش كنت اتريا عبدالرحمن وعمي يظهرون واتعنى ،ويوم شافني عبدالرحمن وياج ليش اتزوجج ، هذا زواج يعني مستقبل يعني عايله يعني حياة طويلة ، طول العمر بدون سبب ، عبدالرحمن ما كلمني طنشني لو كنت ما ابغيج ليش بهتم بج ها ردي سكتي اشوف طالعته مفجوعة من كلامه : انت شو تقول خالد : اقول اني احبج لو انتي غبيه وما تفهمين تلميحاتي ، ممكن الحين تنسين كل الي فات ، انا صراحة ما اقدر اولع شموع واترس الغرفه ورد وايلس على ركبي جدامج واقول احبج غناتي سامحيني ، اقولج اياها جيه في ويهج انسي الي فات بنبدأ من اول ويديد صديت عنه الصوب الثاني وانا ابغي اداري اي دمعه انها ما تنزل من عيني :يوم حبيته صدني ، ولما زرعت كرهه في قلبي ياي بكل هالسهولة يعلن لي عن حبه ، غريبه هالدنيا تميت طول الرحلة وانا ساكته أما خالد فكان مب هو الانسان الي كان يتكلم عن مشاعره بكل صراحة قبل شوي غمض عيونه واستسلم لنوم عميق ولا وهو حاط راسه على جتفي تنهدت وانا ارد راسي على ورا ويا هالريال كل شي بالغصب ما اعرف كيف بتكون حياتي وياه بس الكتاب باين من عنوانه غمضت عيوني ويلست افكر ، ما اجذب عليكم تفكيري كله راح لهالانسان الي نايم عندي اتذكر مواقفي وياه وكل الي صار بينا قبل الزواج بعد شهر حصة طالعت بطني الي بدا يكبر امممممممممم ، مر شهر وحتى مبارك ما كلف عمره يرفع التلفون ويسأل عني كلن لاهي في حياته شميم ردت من شهر العسل ومن ويه خالد وايد مستانس ، وهي الله يعلم ويها ما يوحي بشي ، بس الي تقوله انها مستانسة وياه ، هاي الحياة تمر جيه وعبدالرحمن اخويه فاجأ الكل لما قال انه يبا عويش ما اعرف شو سبب هالتغيير المفاجأ عمره ما لمح انه يبغي يتزوج الشي الي زاد استغرابي ان شما وايد استانست كأن كان بينهم قصة حب جارفه واما راشد ولد عمي لما سألته قال أنه بعده صغير على العرس بيعيش حياته كلن لاهي بدنياه وكل واحد ملتهي بشغله ، تميت انا وحيدة في بيت ابويه كل يوم يمر شرات الي قبله وشرات الي عقبه ما اعرف افكر اتصل فيه ، اشتقت له وايد ، بس كرامتي ما تسمح لي حتى ما فكر يسأل عني لحظة بروح البيت وبقول اني يايه اخذ غرض لي طالعت الساعه 2 ، يعني توه ياي من الدوام ،هذا هو الوقت المناسب رحت غيرت ثيابي ولبست عباتي رحت للمنظرة ويهي باهت والتعب مبين عليه حطيت كريم اغطي شوي وجحال فكرت اكشخ عسب ما يحس اني تعبانه في بعده حطيت روج وردي فاتح وتأكدت ان شكلي حلو ومرتب طلعت من البيت ركبت ويا الدريول ورحت بيتي ، قصدي بيتي سابقا أول ما وصلت قلت للدرويل يروح ما اعرف ليش شفت سيارته يعني هو موجود اكيد رقد فجيت الباب ودشيت اول ما دخلت الصالة شفته يالس على القنفه وجدامه غداه والظاهر شاري من برع ويطالع تلفزيون صد صوب الباب وتفاجأ لما شافني تجدمت صوبه وانا ساكته عقد حياته ووقف : حصة ، غريبه رفعت حياتي : شو ما بتقولي تفضلي ابتسم: البيت بيتج سكت عنه ورحت يلست على القنفه : مبارك طالعني بنظرة حنونة ، ما بجذب مبين على ويه التعب والسواد الي تحت عيونه مغير وايد من شكله كانه طول الليل سهران : تغديتي حصة قلت بنبرة استهزاء: يهمك ابتسم: احاتي ولدي ما احاتيج استفزني رده : لاء زين مبارك: بغسل ايدي وبييج شل غداه ووداه المطبخ وراح غسل ايده تأملت البيت الي صاير زبالة ، شكله ودا البشكارة بيت ابوه ، الظاهر ما يلس في البيت بس اي آخر الليل ،اكيد يسهر وياها ، شوي وتجدم ويا جلس على القنفه الي حذالي صد عليه : انا كنت ناوي اتصل فيج اليوم سبحان الله ، روحج يتي رفعت حياتي : وايد مهتم فيني ، شهر عاقني بيت ابويه ولا تسأل والحين تقولي كنت بتصل فيج مبارك طنشني وكمل كلامه كان صوته هادي كأنه واثق من كل شي يقوله وهالشي الي فور اعصابي ووترني زيادة: كنت ابغي اعرف متى معطينج موعد الولادة طالعته وقلت بتهور: عشان تحددون موعد عرسكم عقد حياته وطالعني: عرس منو حصة : عرسك انت وآمنة ابتسم : ما عطوج موعد فارت الدنيا فيني ونسيت اني زعلانه وقفت وطالعته : يعني صح بتاخذها عليه ، انت شو مافيك احساس تبا تذبحني استغرب: حصة انا ما قلت باخذها انتي الي يالسة تقولين طالعته باحتقار ورديت يلست : على العموم ما يهمني طالعني بنظرة غريبه ما فهمتها وبعدها ركز في عيوني: ليش يايه عندج شي طالعته باستغراب مصنطنع: توك تقول البيت بيتي مبارك مارد عليه اكتفى بنظرات باردة قام من مكانه : انا رايح ارقد راد من الدوام تعبان فجيت عيني : جيه تستقبل ضيوفك ما صد صوبي: انتي مش ضيفه ، انتي راعيه البيت راح عني ، هالريال مستوي غريب مب مبارك الي حبيته ولا جني موجودة اووووووووووووف منه فصخت عباتي وشيلتي ويلست ابدل في هالقنوات ما ادري كم مر من الوقت بس تميت يالسة طالعت الصالة بملل بنظف المكان ، هذا الشي الي بيخلي الوقت يمر بسرعه تميت اعدل المخدات وارتب الطاولة شفت اكواب شاي ، هاي من متى هني اكيد صار لهم اسبووووووووووع شليتهم ووديتهم المطبخ لما دخلت الصالة شفت الساعه صارت 6 ونص اكيد الحين بيقوم من النوم رحت ويلست في الصالة اول ما طلع من الغرفه طالعني بنظرة عاديه كأنه توقع اني بكون موجودة يا ويلس على القنفة: ليش رتبتي المكان مب تعب عليج رفعت حياتي: وايد اهمك رد ابتسم : قتلج احاتي الي في بطنج مب انتي فجيت عيني وقمت وقفت : قوم ودني بيت ابوي ما سمعت ولا صوت منه صديت شفته يالس على القنفه ولا معبرني وشل ريموت التلفزيون عسب يبدل طالعته بقهر : ما تسمعني شو رفع واحد من حياته وقالي بخقه: الي يابج هني خلا يردج انا ما اشتغل دريول عندج فجيت عيني كنت اموت في داخلي على جفاه وعلى اسلوبه الجاف وياي بس في الاخير رضخت وسرت صوب شنطتي اتصل في الدريول من مسكت الشنطة شفته قام بسرعه وسحبني عنده قلت بانكسار وبصوت مخنوق : قوم عني بس هو حظني بالقو تميت اضربه على صدره وانا اصيح : هدني بس هو استمر يحظني لين ما رضخت له وحطيت راسي على حظنه وانا اصيح همس في أذني : حاولت وايد اني ابتعد عنج بس ما قدرت ، كل هالايام الي فاتت كنت عايش بعذاب ، انا احبج انتي ، انتي وبس رفعت راسي وقلت وانا اصيح بصوت واطي : وآمنه ابتسم : غبيه آمنه منو ، انا احبج انتي ، اتزوج هاي عليج ، مد ايده ومسح دموعي وهو يبتسم : لما شفتج اليوم قلبي فز من مكانه بس خفت تلاحظين عسب جيه كنت جاف وياج ، بس انتي جرحتني حصة: انا اغار عليك عض على شفايفه :أدري ، بس تأكدي محد في قلبي غيرج حصة: بتخليني اروح بيت هلي مبارك: ليش انا مينون هالمرة ماشي روحه بتمين عندي على طول حتى لو ما تبين غصبن عنج ابتسمت له وحطيت راسي في حظنه لا تقولون ليش سامحتيه وليش سامحج وكيف نسيتي وخانج ببساطة أحبه وما اقدر اقول شي لو شو ما غلط بظل أحبه بيت بوخالد خالد دخلت الغرفه الساعه كانت ست ونص المغرب شفت شما راقدة ، هالبنت فيها شي ، وايد قامت ترقد ، ليكون حامل امممم، ابتسمت وانا اشوفها نايمة ، صح ما تعطيني ريج حلو وايد وما نست للحين بس الايام تنسيها الي صار وين قبل ووين الحين تذكرت شهر العسل ، كانت تضاربني على كل شي واحيانا تكون مطيعه كل شي فيها حلو ويجذنبي لها يلست على طرف الشبريه وحطيت ايدي على ويها اتلمسه فجت عينها خالد :آسف قومتج قامت ويلست على الشبريه: عادي ، ما كنت نايمه متسطحة بس رفعت واحد من حياتي: هيه ابدن ما كنتي نايمة طالعتني بطرف عينها ابتسمت لها قامت من الشبريه وراحت تتغسل وانا قمت ورحت ايلس حذال التلفزيون شوي طلعت ويلست عندي شما: خالد صديت صوبها شما: ابغي اقولك شي ابتسمت : اخيرا بتعترفين رفعت واحد من حياتها : بشو تقربت منها وغمزت بعيني بشو بعد : بحبج لي ابتسمت والشي الي زاد استغرابي: لا عقدت حياتي : شو لاء طالعتني بعيون صادقة : انتي مهما كان ولد عمي واكيد لك مكانه في قلبي ركزت في عيونها وقلت : بس انا ما ابغي هالمكانه الي في قلبج تعرفين اني ابغي شي ثاني تنهدت : خالد ، انت جرحتني مستحيل اسامحك على طول طالعتها : يا سلام ، خلاص شما صكي هالسالفه صديت الصوب الثاني شما: خالد خالد : اووووووووووف قتلج صكي السالفه قمت من مكاني ورحت وقفت عند الدريشة استغربت انها لحقتني ما احيدها تحاتي زعلي صديت لها : نعم ابتسمت: غمض عيونك رفعت حياتي: شو شما: غمض عيونك غمضت عيني وما كنت مركز بس سمعت صوتها يقول شما:أحبك فجيت عيني : شو شما : أحبك ارتحت فجيت عيني وحلجي :صدق ابتسمت : تعرف ليش خالد: اكيد لاني مهتم بج كل هالفترة مستحيل حد يلاقي هالاهتمام ويتم ميبس راسه شما: ههههههههههه لاء طالعتها : باستغراب: شو شما: لاني حامل ، ولانك ابو الي في بطني قررت احبك فجيت عيني على وسعهن : انتي حامل شما : هيه خالد : هههههههههه اوكي مب مشكلة حبيني لهالسبب ، المهم تحبيني ابتسمت هالمرة بمستحى : انا طول عمري احبك ، بس قصيت على عمري في فترة وسويت عمري مش مهتمه بك ، بس حبك ساكن فيني من اول ما انولدت فجييت عيني بس هي طبعت بوسة على جبيني وخدي اليمين وراحت ابتسمت وانا اعض على شفايفي ولحقتها تمت بقلم سامية المقام في النهايه :أحب أوجه باقة شكر لكل من تابع القصة سواء رد عليها او ما رد وطنشها ، شاكرة كل شخص قرى لو حرف من قصتي ، شرفني مروركم واسمحولي لو بدر مني تقصير في هالقصة ، وايد تحيرت عليكم وفي بارتات ما نزلت في مواعيدها وانغلقت القصة كذا مرة ، الظروف كانت أقوى مني في النهايه الله يوفق الجميع ويسر أموره همسة : أتمنى أشوف ردودكم ورايكم في القصة بما أن هذا البارت الأخير أختكم في الله سامية المقام |
^_^ .. قرآإءه ممتعـة للجميع .. ----------------------- ( :flowers2: ) --- |
جزاكي الله خيرا - جميلة هالرواية
ورمضان كريم |
اقتباس:
♪♪♪ مرورك الآجمل .. نووووو^_^ووورتي قلبووووووو .. ♪♪♪ |
قصه رهيبه
اعجبتني حن'ووووووو تسلمين عالنقل المميز |
اقتباس:
يسسسسسسسسسسسلللمك ربي نوووفي .. لاعدمت هالطللللللللة يارب .. نوو^_^وورتي .. ----------------------- [ εïз ] --- |
روووووعه القصه
يسلموو على النقل ويسلملي ذوووقك باختياارك للقصص |
روايه جميله شكرا ع النقل المتميز
|
اقتباس:
♪♪♪ يسسسللللممك ربي .. نوووو^_^وووورتي .. ♪♪♪ |
اقتباس:
♪♪♪ العفو .. نوووو^_^وووورتي .. ♪♪♪ |
رد: الصعود للأسفل / للكاتبة : سامية المقام ..
يعطيك العافيه [emoji7]
|
رد: الصعود للأسفل / للكاتبة : سامية المقام ..
تسلم ايدك حبيبتي ووفقك الله
رواية جميله ورائعه |
| الساعة الآن 02:34 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية