منتديات ليلاس - قصة مشاوير الزمن للكاتبة تاج راسكم

منتديات ليلاس (https://www.liilas.com/vb3/)

- القصص المكتمله (https://www.liilas.com/vb3/f717/)

- - قصة مشاوير الزمن للكاتبة تاج راسكم (https://www.liilas.com/vb3/t146400.html)

قصة مشاوير الزمن للكاتبة تاج راسكم

بسم الله الرحمن الرحيم

قصة مشاوير الزمن للكاتبة تاج راسكم

السلااام علييكمـ ..

القصهـ اللي راح تقرونها من تأليفي ..

وهااذي اول مره اكتب فيها قصهـ ..
فأعذرووني على اسلووبي المتووااضع ..

اممم وحبيت اقول ان اغلب احداث القصه مقتبستها من مواآآقف .. واحدااث حقيقيه ..

اتمنى تقولونلي رايكم بصراحه .. ومره ثانيه سووري على الاسلووب المتوااضع ..

نبذه عن عدد من شخصيات القصه :

· الزين بنت عمرها 17 سنه .. وايد حلوه .. ملامحها مب عربيه على الرغم من اصلها البدوي .. اهي الوحيده اللي غير عن باقي خواتها .. بيضه .. طولها 165 .. شعرها اشقر طوويل .. عيونها عسليه وساع .. بس اللي فيها انهاا واايد ضعيفه ..

· محمد : اخو الزين عمره 23 سنه .. شايل شغل ابوه .. ويدرس في نفس الوقت .. وهو شاب طموح وخلوق .. مزيون .. اسمر وشعره اسود شوي طويل .. واااايد طويل .. وشوي عريض ..

· فهد : توأم الزين .. على الرغم من انه وزين توأم الا ان طبايعهم وشكلهم غير .. فهد شكله مقبول نوعا ما .. عكس اخته اللي الكل يشهد بجمالها ..

· دانه : اخت الزين عمرها سنتين ونص .. مع أنها حنطيه .. بس عيونها زيتيه وشعرها بني فاتح .. واهي اصغر عيال فاضل بن عبدالعزيز

· عبدالله : 9 سنوات .. بس كلامه وتصرفاته تعطيك انه اكبر من سنه .. بحكم اختلاطه ودايم مع اخوانه الكبار .. مملوح وحلو

· هنوف : عمرها 11 سنه .. هاديه وراكده وايد .. تشبه عبدالله ..

· مريم & عايشه : اعز رفيجتين عند الزين .. وواايد قراب لهاا .. نقدر انقول انهم روح وحده..

· مريم : امها استراليه .. وايد حبوبه وطيبه .. بس عصبيه .. ومزااجيه ..

· عايشه : طيوبه وعلى نياتها .. وتحب اتساعد الكل .. خلوقه ومأدبه .. شكلها يبين انها اصغر من عمرها بوايد ..

· ناصر : ولد عم الزين .. عمره 25 سنه .. اكبر عيال خالد بن عبدالعزيز .. رومنسي زياده عن اللزوم ..
__________________

الجزء الاول ..

<( الفصل الاول )>

" الصداقهـ كنز .. مايعرف قيمتهـ .. الا من فقده "

الزين داشه الصف واهي تتثاوب : آآه .. السلام عليكم

بنات الصف : وعليكم السلام

عايشة تركض للزين : هلا هلا .. مرحب الساع حيالله من يانا.. توه مانور الصف.. زينوو طالعي " تصك الليتات والمكيفات "نورج شلون طفا الكهربا ..

الزين بطلت عيونها : خخخ .. شعندج اليوووم اكيد مصلحه .. عارفتج يالدبه ..

عايشه : محد دب غير حموود أخووج ..

مريم نقزت : سمعت اسم ذكر .. أي حموود ؟

الزين : شنووو حموود ؟يلعب وياكم في الشارع .. الشيخ محمد لو سمحتوا ..

عايشه وهي ميوده قلبهاا : آآخ فديته رآعي الرنج يهبل .. والله كلش مايطيح عليه اخوج ..

مريم شهقت : راعي الرنج أخوووووج ؟

الزين : أي اخوي .. وانتي الثانيه شلون قاعده تتفدينه جدامي .. وشله مايطيح عليه انه آخوي ؟

عايشه : لأنه حلوو .. ملامحه ملامح عرب

مريم : أي يبين انه بدوي مو انتي .. يزعم بدويه وانتي شقره

الزين عصبت : وشفيهم الشقر ؟ .. يحصلكم اصلا .. فديتني وفديت كل الشقر

عايشه وهي تضحڪ على الزين وتمسڪهآآ : تبين اقولج شفيهم .. اشڪالهم جنهم سورين او لبنانين .. يالسوريه

مريم : ههههههههههههههههه

الزين وهي تڪفخ عووش على رااسهآآ : عوواشي والله ترا ماحاجيج انتي اتعرفين ماحب احد يقول جذي .. جوفي شلوون مريوم تضحڪ علي .. ذلفوا زين خله حمود ينفعڪم ..

عايشه وهي تلم الزين : اويه عليج رفيجتي .. شنو حمود خله يولي .. اهم شيء زيووونه الحلووه ..

الزين : انزين خلصوني .. شسالفتكم ؟

عايشه : اييي صح .. شسوي انتي نسيتيني السالفه من زود ماتهذرين ..

الزين : الله واكبر عليكم .. الحين اناا اللي اهذر !! من اللي يايب طاري حمود انا ولا انتو ؟

عايشه : انزين ماعليناا .. السالفه ومافيها ان احنا متوهقين ..

مريم وهي تلمهآآ من الصووب الثآآني : أيي زينووو ربعج محتاجينج .. =(

الزين وهي آآطآآلعهم بطررف عينهآآ وڪآآنهآآ عآآرف شيبوون منهآآ : هاا شصاير بعد ؟ من مات ؟

عايشه وهي تضرربهآآ على يدهآآ : وييه شدخل .. فال الله ولا فالج محد مات .. بس ابيج تغششيني مادرست حق الڪيميا ..

الزين وهي آدزهم وتتخصرر لهم : شدعوه انا اللي دارسه ..

مريم وهي تقعد على الطآآوله وآطآآلع الزيين بنظرره : انتي ڪله اتقولين جذي في ڪل ماده وآخر شي اتحصلين علامه ڪامله .. يلااا يبي طاولتج خليها يمناا ..

الجرس رن وقطع سوالفهم ..

المعلمه دشت : السلام عليكم ورحمة الله وبركاته ..

الزين ماتواطن هالمعلمه في عيشة الله : افففف هاذي ماتعطل .. الجرس للحين يرن ..

مريم : مره ثانيه بنقولهم يحطونه سايلنت هههه

الزين تدلدغ عايشه : عووش واللي يخليج ضحكي عن خاطرها ..

المعلمه :انتون الي ورا بسكم هدره ويش صاير عنبو ماتتعبون من كفر الهدره

عايشه تتطنز : معلمه والله آني قاعده ساكته واهما يهدرووون .. لوعوا شبدي

الصف كله ضحك

المعلمه عصبت على استهبال عايشه : عايشه عن المسخره قعدي وانتين ساكته .. بنات يلا رتبوا طاولاتكم حق الامتحان ..

خلص الأمتحان والبنات ماقصروا .. غشوا غش ..

الزين طالعه مستانسه لان الامتحان كان سهل .. راحت عند عايشه ومريم : هاا سويتوا اوكي ؟

مريم & عايشه : قصدج انتي سويتي اوكي ؟ .. اجوبتنا من عندج روحي جيكي اجابتنا اذا صح ولا لا ..

الزين : امممم اذا نقلتوا كلشي من ورقتيي عيل علامه كامله انشالله ..

يات لهم كوثر (( عبقرينو )) : شسالفة المعلمه حاطه نماذج هالمره

مريم & عايشه منصدمين : شششش .. شنووووووووو ؟

الزين تبي تخفف من على ربعها : كوكو مايصير نماذج شفييج هاي امتحان شهرري مو منتصف ..

كوثر وهي ترفع نظارتها وتهز راسها : امبله انا متأكده .. ورقتي انا غير عن ورقة حنون وغير عن ورقة فطووم ..

الزين ميته من الضحك : مريووم اما انتي وعوش انا اضمن انكم بتحصلون علامه كامله لا وبعد مع مرتبة الشرف ..

مريم & عايشه حدهم مطنقرين ..

مريم وهي متنرفزه : انا ارويها هذي بنت غلوووم

الزين تضحك على رفيجتها : شبسوين يعني بتنقصينها علامات

عايشه : اففف ياربي شسويت في حياتي عشان استااهل هالعقاب ..

كوثر عطتهم نظره : والله محد قالكم اتغشوون .. من عشنا فليس مناا

مريم عصبت على كوثر : جنج واايد تتفلسفين .. يلا يلا يبه رووحي درسي .. برزي روحج من الحين ودرسي حق امتحان الشهر الياي ..

كوثر طنشت ولا جنها تسمع : عن اذنكم بروح اسوي البروجكت مال الانج

الزين : اففف مأسااه بنات العلمي ..

عايشه للحين معصبه من الامتحان : احنا المفرووض تجاري أو ادبي

مريم : ألا انسجه وملابس .. اووه يلاا خلاص سكتوا لا تتحجون عن أي شي يتعلق بالمدرسه ..

الزين : خووش مانتحجى عن المدرسه .. واحنا في وين يعني ؟ في السيف ؟

عايشه : ههههههااي .. حلوه بس لا تعيدينها

مريم : خخخ .. انزين خلونا نسالف عن أي شي ثاني .. لأن انا مقرره اخذ اليووم اخذه برريك , مانبي نركز في الدرس

الزين : خخخ .. اصلا شنو اليديد .. احنا ولا مره ركزنا في درس كل الاياام ماخذينها بريك ..

عايشه : هه هه هه .. ويهج عااد .. انزين نسوولف عن شنوو

مريم تلفت صوب الزين واطالعها بنظرة خبث : ايي .. زيون شخبار نصور الحلو ؟

الزين تحااول تغير السالفه: بيي سمعووا هالنقطه .. ترا درس اليوم واايد مهم

مريم وهي تضحك على محاولة رفيجتها الفاشله لتغير الموضوع : لا تتشردين

عايشه : أي .. لا تتشردين .. تحجي ؟

الزين ويهه صار احمر : افف انتوو حميير .. ماابي اتحجى عنه

عايشه: وييه ,, ليش شصاير؟

الزين : حدي متفشله منه -_- .. امس عمامي كلهم تحت ويا عيالهم .. وانا ماكنت ادري انهم تحت .. وحزتها كنت متهاوشه مع فهود .. ابيه يطلع وياي عشان اشتري لي ثياب وهو مو راضي وقاعد يتطنز علي .. ويتناحس معاي .. نزلت وانا اصيح وانا اصرخ واقول يبه طالع فهوود ذبحني طلعلي قرون .. مارفعت عيني الا اشووف الريايل قدامي .. سيده ركضت ابي اروح فوق .. .. ومادري شلون تحنقلت وطحت عالارض .. وتميت اصيح جني ياهل

مريم & عايشه يتخيلون الموقف ومو قادرين يمسكون نفسهم من الضحك

المعلمة انتبهت على ضحك البنات : بنااآآت على شو عم تضحكوا ؟ مافي شي بيضحك .. يلا انقلوا اللي عالسبوره

الزين تضحك وواصلت السالفه بصوت منخفض : بعدين نزلت تحت وقعدت في الحديقه .. يالي ولد عمي الصغير تميت اقوله اويه عليك نصوري احبك .. وانا العب معاه .. وناصر كان طالع وسمعني .. واكيد الحين عباله اني تعمدت اقول اناادي يوسفو بأسمه .. والله اعلم شنو قاعد يقول عني بينه وبين نفسه ..

مريم : بلل .. احرااج ..

عايشه : أي صح احراااج من قلب .. لو بدالج اتبرى من روحي .. يعني انا ابي افهم شدخل اسم يوسف في ناصر ؟ حتى مافي حرف واحد مثل الشي ..

الزين : هههههههههههه تف عليج .. شدرااني اناا .. غبيه شسووي ..

مريم وهي تضحك : انزين تدرون انا شصار فيني ...

الزين وعايشه : شصار فيج ؟

مريم : امس كنت ويا أخووي رايحين حق امي وابوي المطعم .. لأن كان عيدميلاد جواهر ,تحن حنه تبي نسوي لها عيدميلاد .. اهما كلهم كانو اهناك .. الا انا و اخوي .. وصلنا المطعم .. طلعو مخلصين الأكل.. واانا رايح خاطري في الكيكه .. كان باقي شوي .. الا اقول حق امي ابي كيكه .. بس مابي العوز رروحي .. ابوي قالي اخذيها وياج البيت .. قتله لا فشيله انا شكبرني اطلع شايله صحن كيك في يدي .. جني متخرعه .. قالي اذا شلتيه بعطيج 20 .. قتله اووكي .. خذت الصحن وكنت طالعه .. قبل لا اطلع ابوي ياا عندي يقولي بصوت عالي : لو سمحتي انتي لهدرجه بخيله تبين تاخذين صحن كيك وياج ؟ والناس كلهم سمعوا وقعدوا يضحكون مادروا انه ابوي .. وانا ويهي تغير صار ألوان من كثر الفشيله

الزين وعايشه : ههههههههههههههههههههه

مريم : من فشيلتي قطيت الصحن عالارض وطلعت بسرعه .. بس على الفشيله اللي فشلني ايااهاا .. يووم رديت البيت خليت ابوي يعطيني 60 بدال ال20

الزين : هههههههههههه عالحركه اللي سواها مفروض يعطيج سياره

عايشه : ههههههههههه بس الموقف اللي انحطيتي فيه حده يفشل.. اكثر من موقف زينووه ..

مريم واهي تضحك : يلاا عالاقل استفدت شي .. مو مثل بعض النااس انفضحوا ..

عايشه تبي تحر زينوه : أي الحين نوويصر اكيد عرف انج تحبينه ..

الزين : اهئ اهئ .. اففف بكقخكم لا تذكرووني ..

معلمة الفيزيا : بناات تجهزوا وجهزوا اغراضكم .. باقي شوي ويطق الجرس .. ولا تنسون تحلون تمارين الوحده ..

مريم بطلت عيوونهاا وهي تناظر في الساعه: آه الحين بيطق الجرس !! ولا جنه درسنا شي ..

الزين : اكيد يالذكيه .. طول الوقت نسولف .. اوف كورس مابتحسين بالوقت ..

مريم : أي صج خخخ .. جنه الا حصص فراغ ..

عايشه : خخخ .. يلا انزين لبسوا دفافكم الحين بيرن الجرس ..

ترررررررن ..

رن الجرس الكل يتراكضوون صوب البوابه يبون يطلعون من وقت .. على الرغم من انهم في آخر سنه الثانوي .. بس تصرفاتهم للحين جنهم يهال في ابتدائي ..
__________________

الجزء الاول ..

<( الفصل الثاني )>
بعد انتهاء الدوام المدرسي .. الزين خذها السايق من المدرسه ..

اول ماوصلت البيت دشت الصاله وهي تركض ..

الزين : السلام عليكم ..

الكل : وعليكم السلااام

راحت الزين لامها وباستها على راسها : شلوونج يالغاليه ؟

ام محمد : بخير الحمدالله انتي شلوونج ؟

الزين وهي ميوده بطنها : والله مييته من اليووع .. قوليلي شنو غدانا اليوم ؟

ام محمد : مسويه لكم مجبوس لحم ..

الزين : يــمــه .. تدرين اني ماحب العيش ..

بو محمد : يبه الحين اللي يسمعج اتحجين مايقول بنت عرب .. في احد مايحب العيش ..

الزين وهي ماده بوزها : أي أنـــا ..

فهد يبي يقهر الزين : يبه انت مو عارف .. هاذي طخة الفاست فوود .. يعني تبي باستا أو مقلي أو مشوي ..

الزين واهي زعلانه : اسكت انت ماحااجيك

فهد يستهبل : افااا .. لييش ؟ يهياج قلبج تزعلين على أخوج الغالي وتوأمج ؟

الزين : أي .. جفت امس تميت تتناحس وياي .. خليتني انزل جدام الريايل ببجامه وانا اصيح

فهد يحط ريل على ريل يبي ينرفز الزين : محد قالج اتبمبعين جنج وحده من اللي في دعايات الجبن هههههاااي ..

دانه : تيينوو .. فهووت اقول انتي بقييه .. " زينو .. فهود يقول انتي بقره"

فهد ميت من الضحك ..

فهد : دانووووه وييين البقرره ؟

دانه اتأشر عالزين : اكاوووه ( كاهي )

الزين عصبت اطالع فهد والشرار يطلع من عيونها .. بس قررت تسكت احترام لابوها ..

بو محمد وهو يكلم فهد : عيب عليك شهالكلام اللي قاعد تعلم اختك الصغيره ..

فهد : يبه آسف ..

بومحمد وهو ملتفت ناحية الزين : يبه مره ثانيه حطي بالج وسئلي اذا في احد قبل لا تنزلين .. وثاني شي حتى لو شنوو صاير لا تعليين صووتج..

الزين : يبه والله اناا ماعلي صوتي .. بس فهوود هالمره نرفزني.. اذا اخووي مايي وياي عشان اشتري الاشيا اللي احتاجها من عيل اللي مفروض ايي وياي؟ وثاني شي عباله اني للحين ياهل يتناحس وياي > اطالعه واهيه مستحمقه حدها ودها تكفخه < ويخررعني بالقطوه اللي عنده

بو محمد : فهد هاذي اختك انت الحين مو صغير هاي بدال لا تكون سند لها .. يبه لازم تتحمل فيها .. وبسكم من الهواش والمناحس انتو مو يهال الحين ..

فهد وهو يبتسم حق ابوه : انشاءالله يبه .. مايصير خاطرك الا الطيب ..

بو محمد : انزين وين محمد .. الغدى بيبرد ؟

دانه تمسك ثوب ابوها عشان يشوفهاا : بابا حمووتي قالي اقولك عنته شغل ..

بو محمد تضايق شوي : لا حول ولا قوة الا بالله .. الله يهداك يا ولدي شغل حتى حزت الغدى .. انزين فهد روح ناد هنوف وعبدالله

فهد قام من مكانه وهو يتحلطم بصوت واطي .. كله فهد فهد . اففف مآآدري زيوون آم كشه شفآآيدتهآآ في الحيآآه .

بومحمد سمع فهد يتحلطم .. فر ويهه ناحية ولده وهو معصب : شقلت ؟

فهد ارتبك : هاا .. لا لا .. ولاشي ..

حطوا الغدى .. الكل كان ياكل الا الزين .. أكتفت بالسلطه .. والعصير ..

عبدالله لاحظ ان الزين مو قاعده تاكل : الزين .. أكلي .. عيب تقعدين وانتي موو قاعده تاكلين .. شنو يعني مو عاجبتج النعمه اللي الله ماعطنا اياها ؟

الزين عصبت لانها تحس عبدالله واايد يتكلم جنه اكبر من سنه ويتدخل في اشيا ماله دخل فيها : عبدالله .. اكل وانت ساكت ماعليك مني ..

عبدالله بلامباله : كيفج ..

الززين عصبت ازيد : ادري أن .. " قبل لا تخلص كلام فهد عطاها نظره انها تسكت "

فهد يبي يفتح أي سالفه ويا ابوه : امممم .. يبه .. شخبار الشغل ؟

بو محمد : الحمدالله ماشيي الحال ..

فهد استغرب : يبه قبل كم يوم أسمع محمد يتكلم في التلفون ويا بوعبدالعزيز ,, واستنتجت من كلامه ان عندكم مشاكل بالشغل ..

بو محمد يحاول قد مايقدر يجنب اهله ان يعرفون بمشاكل الشغل : والله يايبه ماعرف شنو اقولك .. بإذن الله بتنحل

أم محمد : دانه ,, هنوف ,, عبدالله ,, يلاا شبعتوا ؟

عبدالله : أي الحمدالله ..تسلم يدج يأم محمد ..

أم محمد : بالعافيه ..

هنووف : خووش طبخه يمه .. تسلم يدج ..

أم محمد : الله يسلمج حبيبتي ,, بالعافيه ..

دانه : مامييي نمنم يميي .. أسلم ددج ((يمه الاكل حلو .. تسلم يدج ))

أم محمد : فديتهاا بنتي الصغنونه .. الله يسلمج يالحلوه .. يلاا عيل كلكم رحوا فوق غرفكم ..

دانه : اووتيي ماما ككووو (( اوكي ماما ثنكيو ))

الكل يضحك على كلام دانه ..

فهد : هههههههه ياعمري عالحجي الانجليزي ..

دانه طقت فهد على ريله بالعدال : تب انت .. انا ماحاجيتك " تقلد الزين "

ام محمد : دانه عيب قولي آسفه لأخووج ..

دانه راحت عند فهد وباسته : توولي فهووتي (( سوري فهودي ))

ام محمد :يلا هنوف اخذي اختج ووديها فوق .. وعبدالله انت بعد روح غرفتك ..

عبدالله : ان شالله ..

الكل تموا ساكتين لين ما راحوا اليهال فوق ..

ام محمد : الحين اليهال محد .. قولي شفيك يالغالي قلبي مادري ليش مو مرتاح .. وحاسه ان السالفه وايد عوده

فهد : يبه انا المفروض اوقف وياك واساعدك في الشغل حالي من حال محمد .. انا بهد الدراسه وبشتغل معاك في الشركه

الزين حبست ضحكتها في هالموقف ..

بو محمد : فهد .. انت آخر سنه الحين .. خلص المدرسه بعدين تعال اشتغل وياي وادرس في نفس الوقت .. بس الحين سالفة انك اتهد المدرسه شيلها من بالك ..

فهد مو عاجبه الكلام : يبه بس انت محتاجني .. ولازم اوقف وياك

بومحمد : اخوك وياي مب مقصر .. انت كلها سنه وتكون وياي ليش مستعيل ؟

الزين تبي توري ابوها انها بعد تبي توقف وياه : والله يبه لو اانا اقدر جان يت واشتغلت وياك

بومحمد : لايبه .. مارضاها عليج .. انتي تشتغلين وسط الريايل والهنود .. اللي يسوى واللي مايسوى يكلمج .. لا يابنتي انتي مكانج معززه مكرمه في البيت .. احنا شغلنا كلش ماينفع حق نسوان ..

الزين : ادري يبه .. بس بعد كان ودي اساعدك .. انزين يبه .. يعني انت معترض على سالفة الشغل ؟

بومحمد : أي .. لأن انتي مو قاصرج شي .. مافي ابو يرضى بنته تختلط ويا الريايل

الزين حست جنه احد يصب عليها ماي بارد !! : يبه .. يعني هلون معناته انك مابترضى اني ادرس في الجامعه ؟

بومحمد : لا يايبه انا ماقول جذي انا اللي اقوله درسي وسوي اللي تبينه اهم شي تحافظين على اخلاقج .. وماتختلطين بالريايل .. يعني كل اللي ابيه انج اذا بتدرسين في الجامعه .. تدرسين في جامعة للبنات بس ..

الزين في قلبها أي جامعه اللي فيها بس بنات ؟ : فديتك يبه .. انشالله بصير دكتوره وأرفع راسك ..

بو محمد : دكتوره مره وحده ؟

الزين تبي تمهد لابوها سالفة الاختلاط في الجامعه : أي يبه .. انت تدري اني شاطره وميولي كلها صوب الطب .. وكليات الطب بذات مافي منها كليات للبنات بس .. واهو صحيح الشغل بعد بيكون فيه نوع من الاختلاط بس هاذي زمنا يا يبه ..و انت طبعا مابترضى اتخلى عن حلم حياتي عشان اقعد في البيت اشتغل واطبخ ؟ انا بصير الدكتوره الزين بنت فاضل بن عبدالعزيز اللي ...

" الزين ماخلصت كلامها الا تقاطعها امها .."

ام محمد : بومحمد انت لحد الحين ماقتلي شصاير ..

بو محمد بضيق : السالفه ومافيها يالغاليه .. انا عندنا نقص في العمال .. لأن واحد يشتغل عندي راح كلم العمال .. واقنعهم يطلعون من الشركه بحجة ان احنا مانعطيهم حقوقهم ..

فهد عصب وبطل عيونه : شنوو ؟ أي حقوق ؟ معاشاتهم احسن من معاشات اللي يشتغلون في الحكومه .. اجازات وتعطيهم ومو مقصر عليهم في شي .. شنو يبون ازيد من جذي ..

بومحمد وهو يتنهد : يطالبون ان نزيد بعد رواتبهم .. المشكله الكبيره مو بس النقص اللي عندنا بالعمال .. المشكله الاكبر ان كل الفلووس اللي كنت اطرش الهندي يحطها في حساب الشركه .. كان ياخذهم والحين اهو شارد ولا بعارف شلون اوصله . . والشغل واايد متراكم علينا .. ومو عارفين شنسوي .. بس الحمدالله بوعبدالعزيز واقف وياي .. وانشاءالله وضع الشركه بيتعدل لما اول يدخل شريك وياي ..

الزين : بس يبه مايصير جذي .. يصير شريك وياك وانت اللي مأسس الشركه وواقف عليها .. ايي اهو يتشارك وياك عالجاهز

بومحمد : مو عالجاهز .. لاتنسين المشاكل اللي عندنا مو سهله .. يعني اذا بو عبدالعزيز اذا مادخل وياي شريك .. الشركه بتنكسر ..

واهو مو طالب الا نسبه بسيط بالنسبه حق اللي بيسويه .. 25% بس !!

الزين : بس يبه ؟ يعني ان تعتبر 25% مو وايد

بومحمد : بالنسبه حق الديون والقروض اللي علينا .. والمشاكل اللي بتنحل بشراكته اكيد مو وايد ..

الزين مو قادر تستحمل تسمع ازيد : اوكي انا استأذن ..

بومحمد : وين يبه ؟ قعدي ويانا شوي

الزين : ودي يالغالي بس تعرف .. ابي اروح ادرس باجر علي امتحان وايد مهم .. تامرون بشي ..

الكل : سلامتج ..

بومحمد : الله يوفقج يابنتي .. درسي عدل ..

راحت الزين غرفتها وتركت امها وابوها واخوها على نقاشهم ..

الزين بطلت الكتاب .. بس ماكانت قادره تستوعب ..

صكت الكتاب وخذت التلفون واتصلت في بنت عمها ساره .. ساره عمرها 19 سنه .. واهي والزين وايد قراب من بعض ..

التلفون يرن بس محد يشيل .. تمت تتصل ورا بعض اكثر من 6 مرات ..

ناصر سمع التلفون يرن .. ماعرف من اللي متصل .. لأن اخته مسيفه الزين باسم " قطوتي "

ناصر : قطوتي ؟ والله ساروه بعد فنتق .. خله اشيل بقولها ان ساره محد ..

الزين : ألووو .. تتكلم واهي تصيح .. سارووه بمووت تخيلي ابوي عنده مشاكل وايد في الشغل.. وانا مجابله الكتاب ابي ادرس مو قادره كل ما ايي ابطل الكتاب اتذكر اللي صار ويا اخوج .. اكيد عرف الحين اني احبه اففففف .. ياربي شهالبلااوي اللي انا فيها

ناصر في حالة ذهوول تاام هاذي اكيد الزين

الزين استغربت من سكوت ساره : سارووووه وينننج ؟

ناصر : احم .. السلام عليكم

الزين في قلبها صوت من ذي .. ليكون طاقة الرقم غلط : ووو عليك ..م السلام .. مسامحه اخووي الرقم غلط

ناصر تكلم بسرعه قبل لا تسكر الزين الخط : لاااااااا نطري .. زين انا ناصر ولدعمج

الزين ترتجف (( شسويت انا مو كفايه موقف امس الحين بعد درى اني احبه .. شنو هالقهر .. امس يمكن جذب روحه والحين تأكد )) تكلمت بصوت واطي : مسامحه نصوري !! (( بعد نصووري شفيني اناا !! )) قصدي ناصر ..

ناصر استانس : لا الكلمه القبليه احلى

الزين مو عارفه شنو تقول : آسفه ماكنت ادري ان التلفون عندك .. بس اعتقد ان المفروض ماتشيل تلفون اختك وتحترم خصوصيتها

ناصر : مسامحه وحقج علي يابنت العم ..

ناصر : الزين ..

الزين : نعم ؟

ناصر : قولي تم ؟

الزين (( شيبي ذي الحين :s)) : ليش ؟

ناصر : انتي قولي ؟

الزين : تم .. آمر ؟

ناصر : ابي اكلمج اليوم عندي كلام ابي اقوله لج .. لا ترديني

الزين : كلام شنو ؟ اذا عندك شي قوله الحين ؟

ناصر : انا الحين مستعيل بس عندي شي ضروري لازم تعرفينه ومايحتمل يتأجل .. وبصراحه ماقدر اوصله مع ساره .. ممكن اكلمج عقب شوي ؟؟

الزين ودموعها على خدها بسبب الموقف اللي انحطت فيه " اكيد بيقولي اني حسبت اخته وهالكلام ياربي شهالورطه "

ناصر ينطر رد من الزين ..

ناصر : هااا شقلتي ؟

الزين (( شنو اقوله الحين ؟؟)) : اممم

ناصر : شقلتي

الزين قالت لا شعورياً : اوو,اووكي

ناصر : انزين عيل اكلمج عقب نص ساعه ..

الزين تروح عند المنظره .. توها مستوعبه اللي صار .. بيي شسووي .. آآه ياربي شنوو بيقول ؟ اكيد بيقولي اعتبرج مثل اختي .. اففف شهالموقف السخيف اللي انحطيت فيه .. ليش تميت اتحجى مفروض انطر لين ماسمع صوت ساروووه .. انزين شنوو الحين بيقول عني لاني رضيت اني احاجيه .. الحين عباله اني اكلم صبيااان .. ياربي شسووي.. الزين راحت وقعدت عالسرير .. تفكر لين ماصارت الساعه 6 ونص .. ساعه مرت وينك ياناصر ؟ تقولي نص ساعه والحين ساعه مرت والتلفون مارن .. شكلك مابتتصل خير شر .. خله اقوم اصلي المغرب وأنام ابرك لي ..
__________________

الجزء الاول

<(الفصل الثالث )>

" خآآيف اكوون احلمـ واصحى على وااقع مرير "

الزين تعبت وهي تنتظر ناصر .. صلت ونامت .. واثناء ماهي كانت نايمه رن تلفونهاا ..

الزين ترد بدون لا تشوف من متصل : آلووو

ناصر " شسالفه ليش صوتها هلون صاير " ..

الزين بصوت خفيف وناااعم : آلووو .. من ؟

ناصر " مايدري شنو اللي صار فيه من يوم ماسمع صوتها " ..

الزين بصوت شوي أقوى : تحجي من انتي ترا والله بصك التلفون ؟

ناصر بسرعه رد : لاااااا .. لا تصكين التلفون انا ناصر

الزين عبالها تحلم .. تكلمت وهي ماتدري باللي تقوله : نصووري .. سنه لين ماتصلت .. انا من اول ماصكيته وانا انطرك لين ماتعبت ونمت ..

ناصر " فديتج بنت عمي " : مسامحه الغاليه .. سويت حادث واضطريت اروح المرور ..

الزين سمعت كلمة حادث قحصت من الرقاد : شنووو ؟ حاادث ؟ من سووه حادث ؟

ناصر " فهم انها كانت نايمه وتوها قاعده من النوم " : انا سويت حادث وريلي انكسرت .. ونقلوني بالاسعاف للمستشفى وكنت بموت

الزين بعفويه تامه : اسمله عليك بعيد الشر عنك .. فيني ولا فيك .. نصووري.. تكفى قولي شلونك الحين ؟

ناصر استاانس من كلام بنت عمه : ياحلوو كلامج .. اناا تماام دام اني اسمع هالصوت الحلوو

الزين استحت وويها صار احمر : اوكي اخليك انا يلامع السلامه

نااصر خاف انها تسكر الخط : نطررري .. ويين يبه ؟

الزين : عدل كلامك بعدين حاجني ..

ناصر : حقج علي .. آسف

الزين ساكته

ناصر : آسف

الزين للحين ساكته

ناصر : قتلج آسف

الزين : انزين خلاص سامحتك .. انزين قولي شسالفة الحادث ؟عسا ماتعورت ؟

ناصر : واحد داعمني .. وماعنده ليسن .. فصارت سالفه عوده واضطرينا انروح المرور ..

وواصل وهو يضحك لا بس يدي انكسرت ..

الزين بعصبيه مصطنعه : توك قايل ريلك انكسرت وبغيت اتموت والحين صارت يدك ؟ .. تقص علي يعني ؟

ناصر : ههههههههههههههه .. ابي اشوف تخافين علي ولا لا

الزين تكابر : لا ماخاف عليك .. عادي يعني ..

ناصر : اكيد ؟

الزين تبي تضيع السالفه : انزين قولي الحين شنو اللي تبي تقوله بسرعه ؟

ناصر : شفيج مستعييله ؟

الزين : أي صج انك ولد عمي .. بس مو معناته اني عادي اكلمك في التلفون

ناصر : اهاا

الزين : لا تطولها وهي قصيره اخلص قولي وشتبي ؟

ناصر : امممممم ..

الزين : انطق !

ناصر : امممم .. زيوون تتذكرين يوم كنا صغار شلون اليهال يعيبون علي .. لان دايما العب وياج ؟ لاني كنت ما اختلط ويا الصبيان ؟ كنا لين نلعب لعبه لازم اخليج تلعبين وياي ؟ تذكرين لين كان احد من اليهال يعيب عليج اتين اتصيحين وتقولين لي ؟ تذكرين شلون كنت اروح ادافع عنج ؟ تتذكرين لما تتهاوشين ويا فهد اشلون اتيين عندي عشان ارووح ازفه ؟

الزين " الحمدالله مو بس انا اللي اذكر هالاشيا انت بعد طلعت تتذكرهم " : أييي .. بس مافهمت شنواللي تبي تقوله ؟

ناصر بصوت منخقض : اللي ابي اقوله اني من ذاك الوقت لي ما الحين .. "سكت شوي ومره وحده صرخ: وقال " احـــبـــج

الزين مو عارفه شنو ترد .. هل ترد عليه بنفس الكلمه .. ولا تصك التلفون في ويهه .. ولااا شنوو

ناصر : وينج ؟

الزين : اهاا .. اوكي ناصر تامر بشي ؟

ناصر استغرب من ردة فعلها : شفيج ؟ قلت شي زعلج ؟

الزين : لا ابد .. بس

قاطعها ناصر : تدرين والله امس يوم مانزلتي بالبجامه جدامناا .. تدرين شنو صار فيني .. احس بمووت من القهر لأن اخوااني جافوج

الزين : ماكنت ادري انكم تحت ..

ناصر : ادري انج ماكنتي تدرين .. بس بعد مو معناته تنزلين بالبجامه بدون لا تنتبهين .. ماتعرفين شلون كنت منقهر والكل شافج وانتي جذي .. انا فهد ومحمد مابيهم يشوفونج جذي االاا اخوااني ..

الزين : انشالله ..

ناصر بصوت حنون : وقت ماطحتي كان ودي ايي وشيلج .. و امسح دمووعج ،، ويوم شفتج في هالموقف .. تدرين شنو تذكرت ؟

الزين : شنو ؟

ناصر : تذكرتج يوم كنتي صغيره .. كنت جذي دلوعه وحساسه .. على اقل شي تصيحين

الزين عصبت : انا موو دلووعه ولا بحساسه .. عادي .. اسمع صوتي شلون "خشنت صوتها " : هلاا هلاا بو الشباب

ناصر وهو يضحك : والله لو شسوين في روحج صوتج مايتغير ..

ناصر : زيوووون اناا احبج ..

الزيين وهي متردده .. ماتبي تنطق بالكلمه تحسها عيب وغلط انها تقولها .. قررت ماتقولها .. لكن قلبها نطق بدل عنها : انا بعد احبك ..

قالت الكلمه وهي مستغربه من رووحهاا .. شلون ياتها الجرأه وتقولها جذي ؟

ناصر حس بترردد الزين : زينوو لا تتوقعين اني العب بمشاعرج او شي .. انتي بنت عمي .. وانا على استعداد اروح باجر واخطبج

الزين ماتحب تسمع أي موضوع يتعلق بالزواج .. : ناصر انا مابرضى .. انا توني صغيره ابي اخلص جامعه بعدين افكر في الموضوع

ناصر بنبره جاده : وانا اتم جذي ؟ اهوون عليج ؟

الزين : اللي يحب ينتظر ..

ناصر : زيوونه حبيب " الزين ماخلت له مجال يكمل الكلمه .. "

الزين بعصبيه : لو سمحت انا كلمتك .. بس ابد مابسمحلك اتمادى الى هاذي الحد وتبدى تقولي هالكلام ..

ناصر تفشل : اناا آسف بس غصباً عني ..

الزين للحين معصبه : اوكي بس لو سمحت لا تكررها ..

ناصر : زيوون ابي اتقدم لج ..

الزين : ناصر .. والله ماقدر ابي ادرس ابي اخلص دراستي ..

ناصر: وانا مابوقف حاجز بينج وبين احلامج وطموحاتج .. بس كل اللي ابيه وعد انج ترفضين أي احد غيري .. واول ماتخلصين جامعه اخطبج .. ها شقلتي ؟

الزين : اللي الله كاتبه بيصير

ناصر : اكيد .. بس بعد ابي وعد .. توعديني ؟

الزين بصوت منخفص : ايي .. اوعدك

ناصر : اممممم .. انزين قوليلي ليش كنتي متضايقه ؟ .. ترا يوم ماكنتي ميوده يوسفو .. دريت انج تخربطتي في الاسامي وكنت كلش شايل من بالي فكرة انج تحبيني بس انتي فضحتي روحج قبل شوي ..

الزين تكابر : اممم اناا ماعتبره حب .. تقدر تقول اعجااب لا اكثر

ناصر عصب : لا امبله حب .

الزين بزعل : شفييك عصبت علي ؟

ناصر : لاا بس جذي تخليني اشك في حبج لي ..امممم . انزين قوليلي شسالفه .. ليش كنتي متضايقه ؟

الزين : لا ابد .. بس تعرف حاسه ابوي مو مقتنع بسالفة الشغل عقب ماتخرج من الجامعه

ناصر : وليش تشغلين ؟ انا ابيج تقعدين في البيت تربين متعب وحمد وريم

الزين بطلت عيونها :شنووو ليش اشتغل هااي سؤال يعني ..ويييت دقيقه جنك قلت متعب وحمد وريم من ذلين ؟

ناصر يضحك: عيالناا

الزين استحت : ناصر انا بصك التلفون .. باي

ناصر : وقفي بقوولج

الزين : نعم

ناصر : احبج ..

الزين وهي متفشله : افف والله يبيلك تكفخ ..

انزين نااصر يلاا باي .. صكت الخط

ناصر ميت من الضحك على بنت عمه .. حاس نفسه في عالم ثاني .. اخيراً اكتشف ان الانسانه اللي كان يحبها من يوم ماكان عمرها 4 سنوات اتحبه واتبادله نفس المشاعر .. ناصر يكلم نفسه : الله عليك يابووحمد .. من قدك .. آآخ انا في حلم ولا شنووو .. معقوووله ؟ ناصر تم سهران لي اليوم الثاني يخطط حق مستقبله مع الزين ..

اما الززين فكانت مو عارفه شسووي .. مشاعرها ممزوجه بين الفرح والحزن .. فرحانه لانها اكتشتف ان ولد عمها يبادلها مثل المشاعر .. وزعلانه لانها حست انها سوت شي غلط يوم ماكلمت ناصر بالتلفوون .. تمت اتفكر ومو عارفه تكلم من .. اخر شي قررت تتصل حق مريم وتخبرها باللي صار ..

تلفوون مريم .. اصحاابي ياعز وسند ياروح ماتعرف جسد الود يجمعنا سوا ..

مريم " اوووه زيووونتي تتصل فديتهاا " .. مريم شالت التلفون ...

الزين : آلووو .. فينك ياجميل ؟

مريم : انا هناا ياختي .. قوليلي اخبارك ايه .. مش من عوايدك تتصلين هالحزه ؟

الزين : بلل .. مش من عوايدك تتصلين وهالحزه ؟ .. اما انتي تصلحين تصيرين مصريه

مريم : جب جب زين ,, اناا شدراني في لغتهم .. عبالج انتي يالمصريه

الزين : مريوووم والله بتتكفخين .. بسكم تعبت من كثر ماتحطون علي جنسيات شسووي في روحي انتحر ..

مريم : أي خله يخف عدد بنات الصف .. يمكن المعلمات بعدين يراعونا في الدرجات

الزين : شنووو .. اسمله علي عدويني انشالله

مريم : انا عرفت من قصدج عن عدوينج .. اكيد حنان ..

الزين : خخ ... صج اني اكرها بس بعد ماتمنى لها الموت

مريم : ياعيني عالطيبه .. آخ يذبحني احساسج المرهف ..

الزين : ويهج عااد .. رفيجتي سمعي انزين شصار ..

مريم : هاا قولي ؟

الزين وهو تتذكر ولد عمهااا : آآآآخ رفييييجتيي ماتدرييين شنو فيني..

مريم تضحك اول مره اجوف الزين تتكلم جذي : قولي شفيج ؟

الزين : مريوووم كلمت نصووري ..

مريم : عاشووا زيوون اختربت .. يلا الحين تنضمين رسمياً لشلة الدمار ..

الزين تضحك : ويهج عااد .. مريوووم خايفه .. احس جني وحده مو زينه ..

مريم : كلش ماعندج سالفه .. شنو وحده مو زينه .. عيل البناات اللي مايخلون شي مايسونه شيقولون عن روحهم ..

الزين : افففففف ماادري ماادري ..

مريم : انزين قوليلي شلون حاجيتيه .. face 2 face ؟

الزين " انا في التلفون وحالتي حاله .. الا بعد فيس 2 فيس .. جان شبيصير فيني " : نوو .. كنت متصله حق ساروه بنت عمي وكنت حدي مضايقه .. اهو شاله وانا مادري .. وتميت اصيح واخربط حجي .. وقلت ان اكا اخوج بعد درى اني احبه ..

مريم : هههههههههههههه ..

الزين : مريوومه تضحكين .. انتي ماجفتي شلوون كنت منحرجه

مريم : محد قالج تستاهلين ..

الزين : ههههههههههه جب زين

مريم : انزين اهوو شقال ؟

الزين : قالي بيحاجييني عقب شوي وتميت انطره وقص علي وقالي مسوي حادث .. المهم من هالسالفه كلها انه يحبني ..

مريم : ياعيني عالحب .. ماحطالج اغنية عبدالحليم حافظ بعد

الزين : ههههههههههههه لااا شدخل .. انزين قوليلي شخبار سعد ؟

مريم : سكتي رفيجتي .. احبه .. ماعمري حسيت جذي .. احس واايد اشيا تغيرت فيني

الزين : اويه عليهم اللي يحبون ..

مريم استحت : بس عاااد ::

الزين وهي تضحك : جوفي مريوم انتي تعرفين ااني ضد سالفة الحب وهالعفسه قبل لا تصير سالفة نصور .. وخصوصاً اذا كان واحد من االانترنت ..

مريم : بس اهو من جات او شي .. اهو من المنتدى وانتي جفتي شلون اسلوبه

الزين : نطري ماخلصت كلامي .. بس يوم جفت انج هديتي سوالف البويات والخربطه وتغيرتي بسبته ماقدرت اقولج شي .. الله يووفقج وياه حبيبتي انشالله تتزوجوون وتيبون فهوود

مريم : ايي بنزوجه حق بنتج ..

الزين : ريم ..

مريم استغربت : من ذي ؟

الزين : هههههههههههههه امس نصووري قالي انه بنتنا اسمها ريم ..

مريم استانست : الاااي في اغنيه عن ريم وفهد ..

الزين : ايي خلنا نحطها في عرسهم .. خخخ اللي يسمعنا يقول كلش الحين عندنا عيال

الزين تسمع صوت ام مريم ..

Mariam your father gonna be here soon) )مريم ابوج ترى ياي)
مريم : ok..

مريم : خخخ .. انا لازم اروح ابوي الحين بيي .. بروح اتجهز ..

الزين : اووووكي حبيبتي .. تحملي في روحج

مريم : وانتي بعد يلا مع السلامهـ ..

الزين سكرت التلفوون وقامت صلت العشاا ودرست شووي .. وسيده ناامت ..

اماا ناصر فكاآآن من زوود فرحته مو قادر ينااآآم .. يفكر في اللي صار .. ويخطط لحياآآته المستقبليه مع بنت عمه وحبيبته وزوجته المستقبليه بأذن الله

هاليوووم كاان أحلى يوم في حياة كل من الزين وناصر .. حسوا فيه ان الحياة ابتسمت لهم .. اخيراً اكتشف كل منهم ان حبه للثاني ماكان حب من طرف واحد .. الا حب من طرفين .. ومو أي حب .. حب بجنوون وشغف .. بس ياترى هالحب راح يستمر ؟ ولا في عقبات بتوقف في طريجهم ؟

.. نهاية الفصل الاول ..
__________________

الفصل الثاني

<( الجزء الاول )>

|| آآه من دنياا .. تخليكـ تبتسمـ دقاآآيق .. وتبكيكـ دهرر ..||

صار الصبح .. وابتدى يوم يديد .. الزين راحت للمدرسه .. وهاليوم بذات مااكاان فيه راآآحه .. مثل ماهوو معتااآآد في حال تخصص أي شخص بالمسار العملي .. طوول الصبح دراسه .. حتى الفسحه انحرموا البنات منها بحكمـ ان معلمه قررت تعطيهم امتحان مفاجئ ..
طافت 5 حصص واخيراً الحصه السادسه قبل الاخيره ..
الحصه اللي الكل كان ينتظرها على احر من الجمر .. لانها كانت الحصه الوحيده اللي البنات يستانسون فيها .. ويبذلون فيها مجهود عضلي بدال المجهود الفكري اللي انهكهم واتعبهم ...

المعلمه خلتهم يلعبون كرة قدم هالمره بنااء على طلب البناات .. والصف تقسم لفريقين الفريق الأول اللي كان الكابتن عايشه وكان يضم بنات وايد من بينهم الزين .. الفريق الثاني الكابتن حنان .. والفريق كان يضم مريم ..
مريم تتحلطم : حنوون مابي فريقج ابي اروح فريق عايشه ..
حنان : نعم ؟ هيي .. سمعي انتي مو انا اللي ميته ابيج في فريقي .. اصلا لو علي انا جان شلتج انتي وربعج هالميهل خير شر من الدنيا ..
مريم " مستغربه اهي تدري ان حنان تكره الزين بس ماتوقعت انها تكرهم اهما بعد " : شنوو ؟
حنان واهي تمشي بعيد عن مريم : المعلمه اختارت هالتقسيمه وانا مابيدي شي .. المهم روحي انقلعي الحين وسخني حق اللعب ..
مريم بالعدال : مالت عليج
حنان بصوت عالي : سمعتج ..
مريم بصوت اعلى : صج ؟ بشري اختج ..
مريم راحت عند عايشه والززين .. وقررت انها ما اتقولهم اللي صار لان اتعرفهم نهم ببيتضايقيون خصوصا الزين بتم اتفكر في السالفه جمن يوم ولا بتنساهاا ..
مريم ادزهم : هييي انتو بتجوفون ان مارحتوا فيها .. ب***بكم 10 – 0
عايشه تضحك : انزين على جم ؟
مريم : على أي شي .. اذا انتو اللي خسرتوا طلبوا أي شي ..
الزين : كلمة نسواان مااتنفع ..
مريم وهي ترفع الكلر مال القميص وترفع مريولها : افا عليج ..كلمة بويات
عايشه & الزين : ههههههههههه اووكي بنجووف

اثنااء اللعب .. الكره عند الزين حنان اتحاول تاخذ الكره من عندها .. مو قادره .. حنان سبت الزين سبه قوويه !!..
الزين اول ماسمعت الكلمه وقفت ,, حنان خذت الكره واهي تقول : روح فتني عند المعلمه او المااما .. يا دلوعة الماما ..
الزين تضايقت من قلب .. لانها على الرغم من خفة دمها وروحها المرحه .. اهي حساسه لابعد حد .. وتتضايق من اقل كلمه تنقال لها .. استأذنت من المعلمه اتروح للمشرفه ..
واول ماوصلت لغرفة المشرفه هاله ماتت من الصياح .. المشرفه نطرت لي: زين ,, زين يلا عاد قولي شفييج
الزين : لا أبد بس تعبانه ابي ارووح البيت
المشرفه : انزين قوليلي شنو فيج بالضبط
الزين : راسي يعورني ابي اروح ارتااح ..
المشرفه : انزين روحي يبي اغراضج وانا بتصل على بيتكم ..

راحت الزين الصاله الرياضيه تاخذ اغراضها .. كانت المباره خلصت في ذاك الوقت والنتيجه 3-2 لصالح فريق عايشه ..
واهي تاخذ اغراضها ياتها حنان ودزتها .. الزين خلتها تولي
حنان : بتلكووو .. رحتي قلتي حق مامييي ولا حق داداي ؟
الزين ماسكه دموعها وتتصنع القوه : يقولون الحقران يقطع المصران ..
حنان : ههههااي .. مسويه روحج بنت عرب روحي يبه ردي ديرتج .. يالجلف ..
الزين طنقرت من قلب بس قررت تتجاهلها ..
حنان اتقهرت لان الزين ماترد عليها .. راحت نادت البنات وكلهم ياوو حق الزين تجمعوا حولها وكل وحده اتقط عليها كلمه ..
الزين على الرغم من طيبتها وضحكها وغمشرتها ..الا انها حساسه لاقصى درجه .. أي كلمه تجرحها ..
في ذيج اللحظه الزين راسها دار بسبب الموقف اللي اهي فيه .. تحااول اتطووف من بينهم مو قادره ..
راحت جريب من وحده من البنات اللي واقفين : لو سمحتي ابي اطووف ؟
البنت : طووفي انا شكاري
البنات بتجمعهم حولها مو مخلين حق زين مكان اطوف منه .. الزين دزت وحده منهم بالعدال وطلعت ..
البنات حق البنيه اللي دزتها الزين : وييي مرووي تسبحي ووععع شبسوين بتمين لي الهده جذي .. الله يعينج
الزين تمشي والدموع متيمعه في عيونها ..
مريم وعايشه شافووا الزين تمشي ومبين عليها زعلانه .. راحوا لها ..
مريم : زيووونه .. حبيبتي شفييج ؟ من مزعلج ؟
عايشه : اكيد نصوور ..
الزين بعصبيه : كلش مالي خلق لكم .. برووح الحين حمود اخوي بيي ياخذني
عايشه تبي تخلي الزين تضحك : الاااي حموود ريلي ..
الزين : هههههههه يالعله ..
مريم : ويهج ريلي انا ومابياخذ غيري
عايشه : روحي انتي خلج ويا هندي البراده مالج ..
مريم : سعد هندي براده ويييهج ..
الزين : بس عاد والله لين رحت البيت تهاوشوا ..
مريم : زيوون مو صح حموود يطييح انه يكون ريلي ..
عايشه : نعم على كيفج انتي
الزين : لا ريلج ولا ريلها .. اصلا لو جافكم بيكره النسوان وبيقرر يتم عزوبي ههههههههههه
مريم : جفتي شلوون نعرف نضحكج ونسيج .. يلا الحين قوليلنا شفييج
الزين : حنان سبتني يوم كنا في المباره
عايشه : سبتج شقال يعني ؟
الزين : سبتني
مريم : انزين شنو السبه بالضبط ..
الزين : لا استحي .. حدها قوويه
عايشه عصبت من قلب : جليلة الحيا اناا اروويج فيها
مريم : انا ماكنت بقولكم .. بس امساعه اتقولي لو علي شلتج انتي وربعج من الدنيا
الزين : انا ماخلت كلمه ماقطتها علي .. وتقولي يزعم بنت عرب .. ويمعت ربعها كلهم يتطنزون علي ..
عايشه : ماينسكت عنهاا .. لازم انكلم احد
الزين : لا واللي يخليج كلها اسبوعين وتبدي الامتحانات النهائيه .. مانبي على آخر السنه نسوي مشاكل ..
مريم : بس واايد مصختهاا ..
صوت المكرفون .: الرجاء من الزين فاضل بن عبدالعزيز التوجه الى الأشراف ..
مريم : انزين عشانها اهي بتروحين وتخلينا =(
الزين : فديتكم انتوو .. شسووي تعبانه والله ..
عايشه : انزين انا بوصلج للاشراف
مريم: عوواش علينا معلمه danger !! من صجج انتي ؟ هاي كله عشان حموود
عايشه : ويييهج .. والله لاا .. بس عندي سالفه ابي اقولها حق الزين
مريم : وانا ؟
عايشه : اللي قتلج امساعه
مريم : اييي .. اوكي
الزين : شسالفه ؟
عايشه : الحين بقولج ..
مريم راحت للصف .. بقت الزين وعايشه .. واهما يتمشوون للاداره
الزين : قوليلي الحين شصاير
عايشه : انا قلت حق مريم اني بسوي فيج مقلب ..
الزين : بسس ..؟
عايشه : زيوون اناا خايفه على مريوم واايد من ذي اللي تكلمه .. انا ماانكر انه غيرها للأحسن .. بس احسه يلعب عليها
الزين : حرام عليج .. كلش لااء .. انتي ماتجوفين اشلون اسلوبه .. صدقيني حده مأدب ومحترم
عايشه : يا زين اهي تعرفه من الانترنت .. قط مره سمعتي وحده تعرفت على واحد من الانترنت وطلع زين .. اكيد يمثل يسوي روحه مادب جدام الكل .. ولا شلون بيسوي اللي في راسه ..
الزين : إن بعض الظن أثم ..
عايشه : اهي رفيجتي وانا خايفه عليها ..
تموا ساكتين لين ماصلوا الاشراف ..
عايشه باست الزين : تحملي في رووحج وانشوفج باجر انشاالله ..
الزين : انتي بعد .. ان شاء الله ..
الزين من العيله راحت بسرعه عند البوابه ونست شنطتهااا ..
عايشه " بيي زيوون نست الشنطه " : زيوووون .. زيووووون
محمد : الزين .. وحده تناديكـ .. شوفيها وشتبي ؟
الزين : ماسمعت شي .. يتروالك ..
عايشه ركضت عند البوابه ناسيه ان الحارس موجود ومحمد اخو زين موجود ..
عايشه : زيوون نسيتي شنطتج .. جوفي خليتني اركض لي وين .. الحين تدفعين لي تعويض عن الضرر المادي والمعنوي ..
محمد ضحك والتفت عليها .. عايشه ماحطت بالها ان محمد واقف ..
محمد كان قاعد يتأملها " هالبنت ملامحها وايد بريئه .. وكلامها يدل على انها وايد عفويه .. أستغفر الله .. شلي قاعد اقوله انا ..
الله يخليها لاهلها .. "
محمد بأبتسامه : الزين يلا مشيناا
الزين : هههههههه فديتج .. شكراً
عايشه توها انتبهت على محمد وسيده ركضت لانها مو لابسه حججابها
الزين : بييي مسكينه شكلها ماحطت بالها عليك
محمد : يلا امشي ..

عايشه كانت تركض .. لي ماوصلت للصف .. " ترا اخوها شكله احلى من جريب " .. هههههههههههه مريووم ان درت اني شفته بتذبحني لاني ماخذتها وياي ..
دشت الصف : السلاام عليكم
المعلمه باستهزاء : وعليكم السلام ... توو الناس ..
عايشه : مسامحه معلمه بس كان عندي شغله ضروريه اسويها
المعلمه : اتفضلي .. بس ناقصه 5 درجات من المشاركه
عايشه ماحبت اتروي المعلمه انها مهتمه ..
عايشه قعدت بدون مبالاه ..
المعلمه : سمعتي؟
عايشه وهي تبتسم: مشكووره معلمه يعطيج العافيه
الصف كله ضحكوا ..
المعلمه عصبت : تستهبلين .. يلاا روحي عند المشرفه ياقليلة الادب
عايشه : ان شالله ..
راحت غرفة الاشراف : مشرفه .. المعلمه اتقول بتنقصني 5 درجات وقالتلي قليلة ادب
المشرفه : شرط معلمه سهى ؟
عايشه " بلل .. سيده عرفت .. شكله ماتم حد ماشتكى عليها " : اييي ..
المشرفه : لا ماعليج منها .. انا بكلمها .. والحين يلا روحي الصف
عايشه : اوكي

في السياره ..
محمد : زيوون
الزين : هلااا
محمد : من هاذي البنت اللي يات تعطيج الشنطه ؟
الزين : عايشه رفيجتي
محمد : شنو طبايعها ذي ؟
الزين : مافهمت قصدك ..
محمد : يعني شلون اخلاقها ؟
الزين : واايد مأدبه وخلووقه .. بس ليش كل هالاسئله ؟
محمد ساكت يفكر في عايشه ..
الزين : محمد ؟ محمد ؟
محمد : نعم ؟
الزين : ماجاوبتني ؟
محمد : هاا .. حراام اطمن على اختي واشوف شلون اخلاق اللي تمشي وياهم
الزين : اهاا .. لا موو حرام بس استغربت ..
محمد : اممم .. زيوون ..
الزين : هلاا
محمد : اقوولج شي ؟
الزين : قووول
محمد : بصراحه رفيجتج وايد عجبتني
الزين عصبت : محمد ترى عايشه بالذات مالها في الحركات .. يعني اهي بس حجي ان هاي حلو وهاي فن .. بس سالفة اتحاجي احد شيلها من بالك
محمد : ليش اهي قالت عن من حلو ؟
الزين "والله عووش بتكفخني " : هههههههههههههههههههههه ولاا احد ماعلييك مني
محمد بفضوول : زيووون تحجي
الزين : لا ذاك اليووم شافتك يوم تاخذني من المدرسه .. اتقول انك حلو يبين عليك ولد عرب .. مو انا اللي شكلي سوريه
محمد استانس : ههههههههههههههههههه .. احم احم ..
الزين : خشمك .. انزين قولي شالمقصد من انها عجبتك ..
محمد : افكر اني اخطبها .. الصراحه عجبتني حيل .. وباين عليها مأدبة ومحترمة
الزين : الااي يعني رفيجتي بتصير زوجة اخوووي .. ونااسه ..
اممممم بس بيتهم ماظن يوافقوون الحين
محمد : لييش ؟
الزين : لانها للحين في المدرسة
محمد : لاا انا بنطر لين تخلصون المدرسه .. وتطلع نتايجكم .. بعدين بإذن الله بتقدم لها ..
الزين : محمد .. اناا اللي ابي اعرفه شنوو اللي خلاك تقرر تخطبهاا ..
محمد : ماادري .. عجبتني .. ضحكتهاا بروحها تسحر الوااحد ..
الزين : امممم .. شكلك حبيتها من اول نظره ..
محمد مايبي يتكلم في مواضيع جذي جدام اخته : بس زيوون ... عييب .. المهم .. انتي لاتبينين لها أي شي ..
الزين : اييي افاا عليييك ..
تلفوون محمد يرررن ..
محمد : هاي ناصر ولد عمي مو من عوايده يتصل ...
الزين فز قلبها يوم ماسمعت اسم نااصر ..
محمد : آلوو ..
ناصر : هلاا محمد شلونك ؟
محمد : والله ماشي الحال .. وانت شلونك ؟
ناصر : محمد ابووك تعباان واايد .. والحين اهو في الطريج للمستشفى ..
محمد : شنوووو ؟ ابووي تعباان .. من شنو ؟ ومن اللي وداه ؟
الزين صرخت : محمد ابووووي شفييه
ناصر : والله ماعرف .. كل اللي اعرفه انه طاح في الشغل والعمال اتصلوا في ابوي وخبرووه .. وابوي وداه المستشفى ..
محمد : اوكي معلييه .. اناا الحين ياي ..
الزين ميته من الخووف : محممد شفييه ابوي
محمد مايبي يخرع اخته : مافيه الا كل خير انشالله .. يقولون شوي تعبان ..
الزين : اكييد ارتفع عليه الضغط ..
محمد : ماادري ..
الزين : الادويه ماياكلهم .. وشغلكم كله ضغط ومشاكل شلوون ماتبيه يتعب
محمد استغرب : وانتي شدراج عن المشاكل اللي عندنا في الشغل ؟
الزين : افف مو وقتك يلاا مش بسررعه
محمد عصب بسبب الاسلوب اللي حاجته الزين فيه .. بس عذرها لانها خايفه على ابوهاا ..
__________________