منتديات ليلاس - يااارب, طال بي درب المآسي

السلام عليكم ورحمة الله وبركاته

ترجل يا وجع حتى يطيح في حضرتك عمري
مدام اني عجزت املك لحافي مع قفل بابي
اموت بلا سبب ادري خطا غيري خطاي.. ادري
واروح بلا تعب وارجع .. يفز الكل لعتابي
واصيح وعبرتي منا وضوئي وطهري وعطري
واصلي ركعتين لوجه ربي واقفل اهدابي
و أنام آخر طموحاتي عشاي ونومتي بدري
وارفرف لي جناح ابيض يغازل زهوة ثيابي
وأسافر من سحاب لنجم .. لمجد واوصل لفجري
وادور عن جسد لوما رضيته بس يرضا بي
و أوكل للكريم اللي خلقني خالقي امري
و أصلي ركعتين الفجر قربه وافتح كتابي
حلمت اني وحلمت اني وحلمت..وينتهي صبري
واقوم البس صفا قلبي وضحكتي وفيض ترحابي
و أروح استقبل الدنيا تضيق ويتسع صدري
اضيع وتاسع لغيري وأبكي وهذي اسبابي
انا همي خذا نصفي ونصفي هم من صغري
يا ربي طال بي درب المآسي وأتلف اعصابي
يا ربي من ترك حقد السنين رماح في خصري
تحده لو على حده تراخى ونوخ ركابي
أثور وطيبتي تبقى اذا شب اكثري عذري
انا مثل الزهر طيب...وانا ادرى الناس بشعابي
أشيل ولا ثقل حلمي.. أشيل! وينحني ظهري
دخيلك ما على غيرك .. شفاي وعزمي وزهابي
يحسدوني على ابسط طموحاتي وهي جسري
لعالم يحتمل.. حلمي.. فضولي.. صدقي..اسهابي
هلي وأثر القرابه زيف..لا يرفع ولا يثرى
هلي .. لاو حسافه .. كلمة ما عضها نابي
مشيته والطريق اللي خبرته مو على خبري
هلي والفين كيف؟ شلون؟ غدوا هم أول اجنابي
انا من عادتي حفظ الكرامة وان خلص عمري
عزاي اني اموت وطيبة الدنيا على بابي