|
بعز الحزن تجي الضحكه
سلام يا عسل
اليوم طرى في بالي موضوع قلت احطه واشوف تفاعلكم سبحان الله ربي رحيم بعباده بعز مايكون الانسان حزين ومكتئب ربي يخفف عنه اما بموقف طريف يموت ضحك يصير قدامه او بكلمه غلط تنقاله ما هو وقتها فيبتسم وينغسل حزنه شوي ويسلى عن حزنه كل هذا من رحمة ربي راح احطلكم مواقف صارت معي في عزى امي وابوي الله يرحمهم كنا في العزى ومصدوميين وحزينين مرررره والا وحده من جارتنا تبي تخفف علي وتعزيني قالت لي مصابكم مصابنا وابوت (ابوك )ابونا وامت (امك) امنا قعدت اناظرها واحسبنها غلطانه وهي مستمرة بالكلام وهي تعيد نفس اللفظ ابوت وامت بالغصب مسكت نفسي لاضحك في نفس اليوم صديقتي :friends:الله يسعدها تقولي وهي تصبرني يقالها (( مصائب قومن عند قومن فوائد)) مدري وش دخل هالكلام ناظرتها وهات يضحك انا وياها الله يسعدها والا وحده من خواتي عطس ولدها وتبي تمسح خشمه الاهي ناطه ومسحت خشم مرت خالي لأن الولد كان بحضنها بصراحه كثير هي المواقف بس هذا اللي جى في بالي عاد اللي عندها مواقف زي كذا لا تبخل علينا به |
هلا ام رنا
مرة و حن بعزا خالتي كنا بعد الثلاث الايام حقت العزاء تقريبا خامس او سادس يوم بعد وفاة خالتي و كنا جالسين و هدوء و عندنا ولد خالتي صغير ( الله يرحمه توفى السنة اللي بعدها في حادث ) المهم الولد ذاك عسل و قاعد في حضن وحدة من بنات خالتي و اختها تبغا تدعيها بدون ماحد ينتبه لها المهم شلت نواة تمرة و رقعتها بها و البنت تحركت و جات النواة في راس ولد خالتي هههههههه يسلموو على الموضوع |
هلا بكك توري نورتي موضوعي
|
اممم موقف ياانودي..ايه لمن توفت جدتي غسلناها بالبيت حقنا طبعا اجتمعت العاائلة كلها ومنتظرين الفجر يأذن عشاان يصلو عليها بالحرم المهم دخل ولد عمتي>>كان برابع او خامس وينادي بأمه وهي موفاايقه ترد عليه كاانت تبكي>>جدتي تصير امها المهم وبعدين لمن محد عطااه وجه قال بأعلى صوته (طيب انا بمووت من الجوع والحين كلكم ابكوا علي) وطلع من الغرفه وفكييينا كلنا ضحك لأن بجد قالها بطريقه مضحكه حتى امه ضحكة عليه هههه الله يرحم موتانا وموتى المسلمين ياارب ام رنوو تسلمين حبيبتي ع الموضوع بالتوفيق الداائم |
هههههههههههههههههههههههههههههههههه كنت محتاجة اضحك جد |
| الساعة الآن 03:21 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية