منتديات ليلاس

منتديات ليلاس (https://www.liilas.com/vb3/)
-   القصص المكتمله (https://www.liilas.com/vb3/f717/)
-   -   زينة هي الموت و المنعوت و النجوى للكاتبه black widow (https://www.liilas.com/vb3/t145707.html)

بنت المطــر 17-04-11 02:05 PM

اسمحيلي ام نواف تليقفت بس حبيت اساعد

رد الكاتبه واعتذارها عند الجيران


السلام عليكم ورحمة الله وبركاته



سبحان الله .. انت تريد وانا اريد والله يفعل ما يريد ..

الكهربا طافيه بالمنطقه فماكو نت في بيتنا لأنه احنا وايرلس !!!! واللاب توب خلص شحنه !!!

شي غريب فعلاً سبحان الله الأيام اللي فاتت الكهربا ماشيه طبيعي !!! بس اليوم قدر الله انه تطفي !!!.... والله انه البارت كان على وشك النزول ..

بشوف متى الكهربا ترد .. علشان اقدر افتح لاب توبي وانزله

حدي متأزمه طول الليل سهرانه على التصحيح والمراجعه وحاشني احباط مو طبيعي من سالفة الكهربا كنت ابي اشوف ردود افعالكم على البارت .. بس قاعده اصبر روحي بأنه الخيره فيما اختاره الله ..

داشه من موبايلي ابلغكم واطلع ..جد اسفه بس مو بيدي



نوف بنت نايف 17-04-11 03:16 PM

يعطيك العافيه ام رنوش توني بحط الاقتباس

نوف بنت نايف 17-04-11 11:04 PM

كلام الكاتبه قبل البارت

لسلام عليكم ورحمة الله وبركاته .

البارت بإذن الله ألحيـــــــــن نازل ..

أهو عبــاره عن 200 صفحــــه بالورد ..فطـــــــــــــويــــــــــــــــــــل وااااااااااااااااايد وإجتهدت وتعبـــــت عليــــــــــــه وايد ..

وأنا أراجعه أمس مع أمي ..قالت لي : ليـــــــش ما تقطعيــــــنه ؟!! على بارتات لأنه وايد طويل !! :S_043:

قلـــت لهــــا : أبـــــــــــدا البنات نطروا وايد , ويستاهــــــــلون ..:S_004:

بنات البارت طويل , فكل وحده تقسمــــــه بالطريقه اللي تعجبـــها ..أتمنى إنكم تستمتعون بقراءته مثـل ما إستمتعت بكتابته ..

كلمه أخيـره قبـل لا ينزل البارت ..

حبايبي ..لأحد يرد عقـب ردي هذا إلا لما يشوف علامة إتنهاء البارت علشان ما تتقطع الأقسام

أحبكـــــــــــــم وايد ***68
***

نوف بنت نايف 17-04-11 11:08 PM

تفضلو البارت

اقتباس:

المشاركة الأصلية كتبت بواسطة bwidow (المشاركة 6497268)
البارت الثالث والعشرين
*** ان كـان جـدت جدايد حبنا أقدم ... ولاعـاش راسٍ على الدنيا يبكينا ***









الماضي :
فواز :


" يبـــا شلون أتزوج ؟!!! "
رد عليـــــــه أبوه بغضـــــــــــب " وشفيــــــــها إن تزوجـــــــت ؟!! "
هـــز راســه بتعـب .
هالموضوع دايماً ينطـــرح بينهـــــــم ..
أبوه مو فاهم إنه ما يبي يتزوج !!
وما يبي يحط روحــه بموقف يتقدم فيــه لوحـده وترفضه علشان مرضـــه ..
شلون راح يقـــدر يتزوج !!!!
النوبــات لازالت تجيـــــه , وبلحضات مفاجئــــــه !!
والدوا اللي ياخـــــذه قوي ..
قال لأبوه " يبــــا أنا ريـال مريض بالصــرع ..."
امســــــكه أبوه من كتفــــه وقال له " وإذا كنت مريض , ياما مرضى بالصـرع تزوجـــوا , إنت عندك خيـر والحمدلله ..ومتعلم , وخوش ريــال .."
وأضاف " وأدام إنك معجــــب في البنت فليش ما تتقدم لهـــا ..إهي إخت رفيــجك , وبتقــربك منــــه , وأهم ناس أياويد , أبوهـا عنده خيــر ..وإهي بنت نعمــه "
فواز لما ألحين ندمان إنه قال لأخوه زياد بلحظة ضعف إنه معجب بزينه !
وهالشي خلاه يتغشمر بالموضوع جدام أبوهم ..وأبوه ماصدق انه سمع بهالموضوع ومن يومها قام يلح عليه بمسألة الزواج .. وهو مو قادر يطلع السالفه من راس ابوه..
إبتســــــم فواز بســخريــه .." وهذا سبب أكبـر يخليـها ترفض , شتبي بواحد فيه الصرع ؟! "
ساد المكان لحظة صمت ظن فواز إنه أقنع أبوه ولكن فجأة قال أبوه " ما في داعي يعرفون ؟! "
شافـــــــــه فواز بصدمـــه وقال " يبــا شالكــــلام ؟! "
قال أبوه بقــوه " بس إنت تحبـها ..وراح تعوضـها عن كل شي !! "
هالفكره كانت مغـــريه وايد ..
إعجابه اللي تحول لحــب كان من أول مره لما شافهـا بالحديـقه واهو يزور صقـر ..
وبعديــن من سوالف أمـه عنهـا ..إلفتت إنتباهه ..أكثـر وأكثــر ..
لكن مع هذا فأهو كان رافض للفكره ..!

يوم العرس :


شلون سمــح لأبوه يقنــــــــــعه !!
اهو كان رافض , لكن أشهـــر من ضغط وحنة أبوه خلاه يستســــلم ..
تزوج ..!
تزوج بالخدعـــــــه !
خايف .. ومو بس خايف إلا مرعوب .
حاس بفقدان الأمل والثقــــه ..
التـــــــــوتر بـــلغ فيــــــــه مبلغ عالي ...
كان أبوه من وقت للثاني يساســـره , ويقــوله " شلونك ؟! "
وسؤاله هذا بروحه قاعد يزيد من توتره أكثر فأكثر..
وخلاه مايقدر يرد عليه !
لكن لما يشوف ربعــه يبتســــم , ويتظاهر , ويقول الكلام المناسب بالوقت المناسب.

أثناء شهـر العســل :
فواز:


مو قادر يقـــرب منهـــــا ..
خايف ...
ما يتجـــرأ !!
فرضــاً أصابته النـــــوبه أثناء محــاولته ..
القلق مو راضي يتــــــــــركه ..
شاف ( الكاربامازيبين ) علاجه الموصوف للصرع ..و اللي بيـــده !
تركه على الطاوله ..
يدري إنه زوجتـه قاعده تكــش منــه , وتستحي منـه ..فإهي كانت شاهده على نوبة الصرع بالليله الأولى معاها .., يحس بنظراتهـــا متوتره لما يطلعون مع بعض ..
ويدري إنهـا متوقعــه يتقرب منهـا ..
شافهــا قاعده على الفراش ..! وجهها صـايــر أحمـــر ..!
اهو متـــوتر أكثــر منهـا ..
قرب منهــــا ..وقعد على الفراش قربهــا ..
..............
لكن بعد لحظات إبتعــد , ما يقدر ..ما يقدر ...!!!
الخوف مسيطر عليـــه ..
قام من مكـــــــــــانه وطـــلع تاركهــا بروحها .
ما يقدر ..
ما يقـــدر ..
طلع برا الغـــــــــــرفه , واهو غاضب ..من نفســـــــــــه , ومن الوضع اللي اهو فيـــه ..!
شنو تفكـــر ألحيــن فيـــه يا ترى ..
شنو قاعده تقــول عن الريال اللي تزوجتــه ..
ريال ..!! هه ..
اهو يفضل الموت على إنه يعيش بهالحياة ..

زينه :


كانت خايفه موفاهمـه إذا هالشي طبيعي ولا لأ !!
إهي تدري إنه في شي لازم يصير بين الريال ومرته ..
لكن اللي قاعد يصير بينها وبين فواز مو مثل اللي شرحته لهـا منيره ..!
كانت خايفه ومتوتره !
ما تدري شنو الوضع بالضبط .

رجعتهم الكويت (الطياره ) :
فواز وزينه :


حاس بنظرتهــــا المتوجســــه ..!
أكيد راح تتوجس , زوجهــا ما قدر يقـرب منهـــا طوال فتــره الشهـــر ..
مو ريال كفايه إنه يصير زوجهـا بالفعـــل ..!
خايف مثـل الحريم من إنه يقرب منـها ..!
ما يقدر يحط عيـنه بعيـنهـا .
قدر يكسبــها من حيـث الصداقه !
فإهم يسولفون , ويتكلمون هذا بالصبح , من يجي الليـــل أثنيـــنهم يتوتــرون ..!
واهو يغضب ..
يدري إنها تتوقع منـه أشياء , اهو مو بس خايف ..مو قادر ..
لما وصــلوا ..للكويت كانوا قاعدين على مقاعد الطياره ..بعدهم ..
ما يقدر يظلمهــا أكثـر من جذي ..
فقال لهـا بهدوء " تبيـن ترجعيـن لأهلج ؟! "
كانت قاعده تشوف اللي قاعدين ينزلون ..من الطياره .
وبعدهـا نزلت عيـونهـا , وقالت " لأ خلنا نرتاح أول في شقتنا "
إلتفت عليــها فجأه منصدم ..!
ما توقع إنها تبي تستمـر معـاه ..!!
ليش تبي تستمـر معاه !
حاس بتوتر !!
صدمه !! شنو تفكر فيـه يا ترى ..
قالت بعدهـا " يـلا نـروح الكل نـزل "
كان يبي يتصـرف بعدم أنانيــه , ويقولهـا لأ روحــي حق أهلج ما أقدر أظلمج ..
لكن الجانب الأناني اللي تعلق بروحهــا طول هالفتره ..
ما قدر غير إنه يسكــــــت ..
فأهو طول عمره محـروم من الرفقــه ..
أمه وأبوه محاوطيــنه بصوره مبالغ فيــها ..وصلت لدرجة إنهم إخنقوه ..
ما كون صداقات إلا بالمرحله الثانويه ..
لكن الزواج شي ثاني ..فأهو معاها يقدر يتكلم عن كل شي ..!
كل شي ..!
وإستسلم لأنانيــته ..وسكت ..ورضى لوجودهـا بحيـاته ..

زينه :


كانت تدري إنه عطاها الخيـار يا أما تهرب من هالوضع ..يا أما تستمـر ..
بس إهي ما قدرت غير إنها تستمـر ..
أولاً لأنه كلام الناس راح يقطعـها ..فإهي توهـا راده من شهـر العسل ..شنو اللي بيخليها تتطلق من زوجهــا .
ثانياً لأنه فواز إنسان رائع هالشي إكتشفه خلال شهـر العســل ..ما تقدر تسوي فيـه جذي ..تدري إنه خدعهــا لكن ..من كلامه عن مرضه ..عن طفولته ..عن تصرفات أمه وأبوه اللي فيهـا حمايه زياده عن اللزوم ..ما قدرت غير إنها تتأثــر ..
ثالثاً إنها في البدايه ما كانت متقبلته وبنفس الوقت مستحيـه منـــه ..وخايفه إنه يفشلها لما تحوشه نوبة صرع .. ويشوفونه الناس ! الشي اللي غير نظرتها عن نفسـها فإهي كان تظن إنها خوش إنسانه , تنظر إلى الشخص نفسـه دون مرضه ..كانت تظن إنها إنسانه راقيـه ..لكن هالشي خلاها تكتشف أشياء عن نفسـها ما كانت عاجبتهـا ..
ما تقدر ترجع لبيت أهلــها ..
بإختصار ما تقدر !!
كاسر ظهـرها إنه يحبها , ما تقدر تتخلى عنـه ..

عند وصولهم للبيت :
فواز :


قعد مع أبوه ..بروحهم ..
هالشي اللي كان يتجنبـــه , فأهو ما يحب يقعد مع أبوه ..دايماً هالنوع من القعدات ..تسبب له خوف ..
لما قال أبوه بإبتسامه " شلونك مع الزواج ؟! "
وعلى طول حس بتوتر ..
وقال بطريقه مقتضبه " زين "
فأهو ما يقدر يقول شنو الموضوع !!
إبتسم أبوه بفخــر وقال " أنا قلت لك إن الزواج بيوافقك ..شلون زوجتـك معاك .؟! "
شاف الباب بضيق ..وده لو يقدر يهرب منـه ..
وبعدهـا قال بإختصار " تمام "
لما شاف وجه أبوه ..حس بالألم .. لو يدري أبوه إنه ولده ..
نزل راسـه بضيق ..
لما قال أبوه بفـرح " أنا قايـل لك .."
قام فواز بضيق من مكـانه , وقال " إعذرني يبـه , فأنا تعبان "
وصــله أبوه للبــاب واهو يقول " الحمدلله اللي بلغني فيــك ..والله يبلغني بعيالك ..! "

بعد عدة أيام :
زينه :


هل يا ترى تقول لمنيــره !!
تفهم منهــا الموضوع لأنها بدت تشك بنفســـها ..
بكل شي ..!
مو فاهمـه ليش مو قاعد يصير بينهم اللي يصير بين أي زوجيـن ..
تعوذت من إبليس ..
ما تقدر تتكلم ..
ما يصيــر تتكلــم ..
تتخيـل شنو نظرة منــيره بتكون عن ريــلها ..!
شنو بتقول !
أصلاً شنو بتقـول حق منيـره .
زوجي ما يشوفني جذابه كفـايه ..
يمكن لازم أهتم بروحـي أكثــر ..بس إهي مهتمه بروحهـا ..
وما تعرف شنو تسوي أكثـر .
بعدهـا بأشهـر :
لا اهو ولا زوجته يتكلمون عن الموضوع ..
فأهم يعيشونه كواقع ..!
ما يتطرقون له ..
وصار كل يوم بالنسبـه له عذاب يومي ..يحسسه بإنه شبه رجل ..!
طبعاً إنتقــل للغرفه الأخرى ..في الشقه ..
وكان شايل من باله فكرة الذهاب للدكتــور ..
شلون يروح للدكتـور ؟! ..وشنو يقوله ...!
يقول له أنا مو ريال !
صار لي أشهـر مو قادر أخلي زواجي حقيقه واقعه ..
مشاعره قاعده تقتله ..تذبحـه ..
مو كافي إنه مريض بالصرع ... بعد عاجــز ..
فرضاً الدكتور تكلم ..
فرضاً أحد شافني أدخـل حق هالعيادات المختصه بهالأشياء ..شنو بيكون موقفي ..
شنو بيقولون عني !!
المشكله إنه أبوه وأمه ذابحيـــنه ..كل يوم يسألون ( مرتك إحملت ؟! )
( ما في بيبي ياي بالطريج ؟! )
واللي يذبحه إنه زوجتـه كانت تبتسم بهدوء ..لهم ..

زينه :


لازم يتكلمون مع دكتــور !!
بس شلون تفاتح فواز بهالشي ..!
شلون تقوله عن رغبتها بإنهم يشوفون دكتور من غير لا تجرح كرامته ..
تبي تعيش حياتها كأي زوجيـن ..علشان تنجب أطفال ..وتفتك من نظرات وكلام الناس ..
إهي راضيه بوضعهـا ..!!!!
فإهي ما قط صارت مسؤوله عن أطفال وتخاف منهم ؟!!
ما تحس تقدر تعتني فيـهم ..! خاصه إن خذوا مرض أبوهم ..
أول ما خطرت هالفكره في بالها ..إنصدمت من نفسهــا , وقالت فواز إنسان ..طيب وخوش واحد ..! ويا بختهم الأطفال اللي لهم ابو مثله أو بنفس شخصيته .
لازم يروحون للطبيب ..!
بس إن فاتحت فواز بالموضوع شنو بيقول عنهــا ؟!!
يا رب ألهمني الحـل الصح ..
أهو ..والله العالم إن معاملته لها من أحسن ما يكون ..طيب وحنون وما تقدر تلقى مثــله بالدنيـا كلهـا !!
وبنفس الوقت جانب منهـا مو متصور إنه في أحد يتقرب لهـا بهالحميمه ..
فإهي نوعاً ما مرتاحه ...!
فتفكيـرها مو قادر يصور طبيعية الشي اللي المفروض يصير بينهم على الرغم من شرح منيره لهـا ..
هالخطوه المجهوله كلما تأخـرت تخاف منها أكثـر ..
وتحس أريح إنها تعيش من غيرها ..
والمشكله إنها قامت تحس بفواز كأنه طفــلها اللي لازم تحميــــه ..
لازم ما أحد يأذيــه ..
واللي يعذب أكثـر أنه يحبــها ..فحاسه بالإلتزام تجاهه ..فإهي ما راح تتخلى عنه مثل ما تخلى عنهـا اللي كانت تحبه ..!
وبعدين ليش تضحي براحة البال علشان مصير مجهول ..!

بعد فترة طويله :


يحس بالأمان من علاقة الصداقه اللي بينه وبين زينه !
فأهو مرتاح بهالعلاقه المجرده من أي ضغط ..
يحبهـــا , ويحس بحبـــها .. , مدللهــا بكل شي ..اهو يسافر ويرد معاها ..لأمريكا ..لأي مكــان ..ولعدة أشهــر .
إهي متفرغه له , وأهو متفرغ لهـا ..
لكن يحس إنها تنتظر منــه شي أكثـر ..
واهو ما يقدر يعطيهــا إياه !!
أهو عاجـز .. هالفكره تركزت بمخـــه أكثــر ..!
والضغط من الكل ذابحـــه ..
يكره اللي قاعديـن يسوونه أمـه وأبوه ..
رفع الملعقه لفمـــه ..
لما سمع أمـه تقول " زيــنه إنتي حامل ؟! "
وقف عمله ..
وبعدهـا كمـــل من غير تعليق ..
ولا رفع عيـونه عن الأكـل ..!
ردت زيــنه بقوه شديده " لأ خالتي ..مو حامل "
كل يوم قوتها قاعده تزيد , وتتكون من الهجوم اللي قاعد يوجـه لهـا ..
وأهو كلما زادت قوتها يضعف أكثر فأكثر وصار يختبئ خلف قوتها بالمواقف الشديده ..
ما رفع راسه لوجـه أمه لكن عرف إنه وجهها غمـره الإمتعاض ..
وسمع هالشي بصوتها لما قالت " شفتج تبعديــن اللحم هقيته يقلب جبدج "
ما أحد علق على هالكلام ..وأمه أضافت " مو كأنكم تأخرتوا ..مر كم شهـر على زواجكم !! "
ردت زيــنه " الله يكتب كل ما فيه خير وصالح "
فقد شهـيته ..
شلون راح تحمـــل ..!!

بشقتهم :

قالت له بقوه إكتسبتها من الظروف " فواز لازم نروح الطبيب ؟! "
هذي مو أول مره تطرح هالموضوع ..
وبدت تعرف إنه ألحين بتصيـر هستيريا ..ثم ندم و ترجي إنهـا ما تتركـــه ..
صـرخ عليـها " تبيني أروح للدكتور وأقوله أنا مو ريال عالجنـــــــــــي ؟!!!!!!! "
شافته بشفقــــه !! شتقوله..؟!! اشلون ترد على منطقه العوي؟!!
نفس الكلام كل مره يتكرر.. عيزت تقنع فيه وتفهمه إلا إنه على كل طيبته وحنيـــته مو فاهم إنه هذا مرض ويمكن معالجته ..مثل كل الأمراض ..
إهي ما عندهـا مانع تستمـــر معاه من غير ما يكون بينهم علاقه ..
فإهي راضيه ..خاصه إنها تدري بحبه لهـا !! فإهي مو عارفه أهمية هالشي ..غير بإنجاب الأطفال !!!
لكن تعبت من كلام الناس , ونظرات الإتهام ..
" فواز خلنـا نشــوف شنو المشكله ..أمك وأبوك كل يوم قاعدين يسألون ..إنخنقت من الموضوع .."
شافت رجفته العنيــــــــــفه خافت تستمــر لا تحوشه نوبة صرع تنهــي هالكلام ..
كان يحــاول يتكــلم عدة مرات ..
وإهي قالت بخوف " هد أعصابـ ..."
لكن قبـل ما تقول أي شي ..
طاح على الأرض ..وإهي قامت بســـرعه لقــــــــــــــربه ..
صارت خبيـــره بالتعامل مع نوباته ..اللي تصيبــه بعد ما يهمــل دواه , وبعد ما يعاني من إرهاق عاطفي ..!
بعد ما هدت النوبه ..بدت تكلــمه برقه ..
وتحاول تهديـــه ..
لما بعد فتره وعى ...كان على شفايفها إبتسامه ..وهي تكلمه ..
لما فجأه قال " ليش صابره علي ؟!! "
لأنك كاسر خاطري ..
لأنك طيب ..
لأنك حنون ..
والأهم
" لأنك تحبني "

بعد عدة أشهر من السكوت :
زيـنه :


ما تقدر تسكت أكثـر من جذي عن الموضوع .
ما تقدر تركن لراحتها أكثـــر ..
وما تقدر تقول لفواز روح لطبيب ..مالها خلق ردة فعله ..
فقررت إهي إنها تبحث عن رقم دكتور ممتاز ..وبعد ما حصلـته ..إتصلت بعد عدة أيام ..
الغريب إنها قامت تسوي كل شي بهالزواج , فإهي مصدر القوه فيـه ..
وما تقدر تسمح لشي يضعفهــا ..!
لازم تنجح بهالزواج , الموضوع صار مسألة حياة أو موت ..
ما راح تسمح حتى لنفسيـــة فواز اللي قاعده توصل للحضيض إنها تمنعهــا ..
رد الدكتور بهدوء " ألو "
حاسه بخجـــل شديد من الموضوع ..وما تدري شلون تفتح الموضوع ..
صوتهــا ما قادر يطلع ..
عضت على شفايفهـا ..
وبعدهـا قالت " السلام عليكم دكتور "
طبعاً اهو إنتظر منهـا إنها تكمــل بعد مارد عليـها لكن إهي سكتت , فقال الدكتور بهدوء " شلون أقدر أساعدج ؟! "
إيدها تشابكت بطريقه تلقائيه ..
وبعدها قالت " زوجـ...ـي ..زوجي ..أممم ..يعاني من مشكله !! "
ما تكلم الدكتور لأنه أكيـد إنه كل اللي يجوون له عندهم مشكله ..
فتابعت وإهي تحس بوجههـا أحمــر , لكن بثقه لأنه ما يقدر يشوف وجهـها ..
" زوجي ما يقدر يؤدي واجباته الزوجيـه "
لما طلعت المشكله إرتاحت وإنتظرت الرد ..!
قال لهـا بهدوء " هالمشكله جديده ولا .."
سمعت السؤال وبخجل ..
أجابت بصوت هامس " لأ "
صعب إنها تتكلم عن المشكله اللي تواجهـها ..!
فقال " من بداية الزواج ؟! "
هـزت راسها بالموافقه ..بعدين إستوعبت إنها تتكلم بالتليفون ..فقالت " إي .."
جه صــوت الدكتور الواثق " أخذي موعد مع العيـــاده .."
الفـــــــــزع بلغ فيهــا أوجــــــه ..
فإهي ما تتجرأ تتكلم مع فواز عن السالفه .!
خاصه إنه قاعدين يتجنبون الكلام فيـها صار لهم فتره ..!
ما كان في مشكـــله ..
فقالت " لأ ..دكتــــــــــور ما أقـــدر ..العيـــاده شي مستحيـــــل "
سكوت على الطرف الثاني ..بعدين صوته الواثق رد يقول " إختي هذي المسائل تحتاح لفحوصات , الدكتور ما يقدر يشخص الحاله جذي ...أدري إنه هالموضوع صعب بس لازم تواجهون الموضوع "
ما أحد يحس بهالموضوع إلا اللي قاعد يعيـــــشه ..
فقالت برجاء حار " دكتور أرجوك ..حاول تساعدني بالتليفون "
تنهــــــــــد الدكتور ..وبعدهـا قال " زوجج ؟! "
عضت شفايفهــا ..
وما ردت ..
فأجاب بإختصار " أه ما يبي يواجه المشكله "
هـزت راسهـا بالرفض ..
وبعدهـا استوعبت مره ثانيه إنه ماشافها وهي تهز راسها بالرفض فقالت " صار لنا فتره نتجنب الكلام عنها "
عقد الدكتور حاجبه ..!
وقال بإختصار " من متى متزوجـه ؟! "
حست بإحمرار خدهـا ..وكان واضح انها تحس بالاحراج لما قالت " كملنا السنـــه !! "
سكوت على الطرف الأخـر .
الدكتور مرت عليــه حالات مثـــل هذي ..
وحالات كثيــره , خاصه بالمجتمع العربي ..!
ما في إعتراف بهذي المشكله , فالزوج والزوجـه غالباً ما يرقصون حول هذي المشكله دون التطرق لهـا ..
الخجل المتجذر فيهم يخليهم صامتين ..لا يرغبون بالتطرق لهـا .. مما يزيد من تعقيدها ...
الى درجة قد تؤدي الى إنهاء الزواج !! مع إنه حل المشكله قد يكون بسيط !
وبعدهـا " ريلج يعاني من مرض معيـــن ؟! "
بدت ترتاح الهيبــه والخوف اللي كانوا في بداية المكالمه راحوا ..
أجابت بإختصار " إي يعاني من ..الصرع "
كانت بإنتظار الأجابه اللي جتهــا بثقـه وهدوء " شوفي لي علاجـه ؟! أسم الدوا شنو ؟! "
أخذت نفس عميق ودخلـت بهدوء غرفة فواز ..
بحثت بكل مكان وإهي تحس إنه اللي تقوم فيـه غلط ..لما لقت العلاج وقالت للدكتور .." أمم أسمه صعب "
قال الدكتور " إسمه الكاربامازيبين "
حاولت تقراه وبعدهـا قالت " إي هذا أهو "
قال الدكتور بهدوء " هذا العلاج يؤدي إلي إضعاف هرمونات الذكوره ..وبالتالي .."
شــرح لهــا الموضوع كلــه ..
طبعاً طول الوقت كان وجهها أحمــر , لكن كون الدكتور قاعد يشرح بلغه علميــه بسيطه ..هان الموضوع
وبعدهـا قال " لازم يبدل العلاج .. "
بس شلون !!
شلون تقوله هالشي , من غير لا تبين له إنهـا تكلمت مع الدكتور ..
قبـل لا تكمـــل قال أهو بإختصار " إضافه إلى أنه مريض الصرع يصير عنده غالباً حاجز نفسي ..خوف ..رهبه من إنه إن قرب من مرته راح تصيبه نوبه ..أو إنه أثناء إقترابه , ونتيجه لشحنة العواطف راح تهاجمه هالنوبه ..لازم يعرف إنه العديد من مرضى الصرع يعيشون حياتهم الزوجيه بصوره طبيعيه ومنتجــه .."
حطت الدوا داخل المكان اللي لقته فيــه ..
إهي تبي تعيش بطبيعيه بس خايفه ..مو بس أهو خايف ..!
لما أضاف الدكتور " أنصحكم بالقدوم لمراجعتي , ومراجعة الدكتور اللي يعالج ريلج من الصرع "
إنتهى الإتصال ..
نزلت لتحت عند خالتهــا ..مع إنها ما تبي تسوي هالشي ..
ما تدري شلون راح تفاتح زوجهـا عن العلاج من غير لا تهين كرامته ..!

بعد إسبوعين :


بعد تردد طويل بفتح الموضوع .. أخيرا فاتحته وقالت له كل اللي دار بينها وبين الطبيب .. لكنه لأول مره بعد مناقشه طويله بينهم و إصرارها على رايها ..فاجأها بأن قعد يبكي ..بحضنهــــا ..!
كأنه طفل صغير ..
بنواح شديد ..!
ويقول لهــا بإلحاح شديد" لا تتركيني "
فواز كان يدري إنه مقصـر بحقهـا كزوجـه , ويدري إنه هالشي إحتمال يخليها تمـــل وتتركـــــــــــه ..
بس ما يقدر يروح للطبيــب ..إهي مو فاهمه هالشي ..ما يقدر

بعد فتره استمرت ايام واسابيع :
فواز :


أبوه جاي لهم بشقتهم ..
وقاعد معاهم يسولف عن كل شي ..غريب صح !!
بس اهو عارف أبوه وراه سالفه ..
وصدق ظنـه لما أبوه قال " راشد الـ ...تعرفه ؟! "
رفع فواز عيونه ..
وقال بإختصار " إي "
زينه شافت زوجهـا ولاحظت الإحمرار , والسواد اللي تحت عينه !
نفسيته سيئه هالأيام , وإهي الملامه على هالشي ..
رد أبوه عبدالعزيز " مرته حامل " وأضاف " متى بنفــرح فيـكم ؟! "
زينه على طول تشنجــــت ..
بس قالت بجمود " الله كريم عمي "
لف عليــها فواز بنظره غريبــه وبعدها قال " ليش ما تقولين له ليش إنتي مو حامل ؟! "
إبتسمت زينه بتوتر وبفـزع قالت " ما فهمـ ..."
رد عيونه على أبوه واهو يقـول بإهمال و وقاحـه إهي ما إعتادتهـا منه " المشكله مني يبـه "
كان يبي يفتك من تدخل أمه وأبوه وحنتهم ...
شاف أبوه يتصلب ..وعيــونه تقسى ..
واهو يقـول " ما في داعي تخش مشكلتهـا عنـا ..الحب ما يعني إنك تتستر على مرتك "
زيـنه توسعت عيــونها بصدمــه !!
وقبل لا تقول أي شي ..
وقف فواز ..بنرفزه وبضيق صدر من كلمة أبوه " لا يبــــــــا العيــــــــــــــب مني أنا .."
كان واضح على أبوه عدم الإقتناع والتصديق ..وقال " اشدراك انتوا حللتوا وطلع العيب منك؟! وين التحليل خلني أشوفه.."
اهني صرخ فواز بضيق واختناق .. بعد ماحس انه أبوه مو عاتقه ..مو راضي يعدي الموضوع على خير .." بس يبا كافي اعتقني لوجه الله ذبحتني حرام عليك .. خل لي شوي مساحه اتنفس فيها..أ.."
قاطعه ابوه بصراخ ونرفزه " شالخرابيط اللي انته قاعد تقولها.. اشقاعد تهلوس وتصارخ عليه.. انت شارب لك شي..؟!! "
فجأه سكن كل شي بفواز كأنه إنسان منزوع الروح خلاص وصل لمرحلة فقد فيها احساسه بكل شي حتى بالأدمي اللي صفته انه ابوه وانه ممكن انه يذبحه بكلامه وقال بعدم اهتمام ولامراعاة " يبا زينه ليلحين بنت اذا مو مصدقني اخذوها وافحصوها"
سكنت الغرفه كلها ..
ما في صوت ..ما في نفس ..
زينه كانت مصعوقه !!
ابوه بانت عليه الصدمه ..وبعدين التقزز من هالموضوع ..!
وقال أبوه بعنــــــــــــف وعدم تصديق " شالخرابيــــــــــط ...أنا ولدي مو معقوله يصير جذي !! "
فواز شاف ملامح أبوه ودرسهــا عدل ..
وظل ساكت كأنه يشوف مسرحيه ..أو فيلم قصته مالها علاقه بحياته نهائيا..
بدى يهتـــز ..وزينه عرفت إنه توتر أعصــابه إن إستمر بتحوشه النوبه , وبيكره عمره بعديـــــن .
وقفت قربـــه ..ومسكت إيده بحنــان ..لكن نفض إيدهــــا وعطاها ظهره..
ابوه كان يشوف ولده , ويشوف مرة ولده ..واهو مصدوم يبي واحد منهم يتكلم
عبدالعزيز كان يظن مثـل مرته من اللي يسمعه من زينه إنها ما تبي أطفال ألحين , وخايفه على جسمهـا ومن هالكلام إنه العيب منهــا !!!
لكن على طول تمالك نفسه واستلم زمام الأمور..
والتفت بعصبيــه على زينه و رد عيــونه لولده وقال " منو دكتـورك ؟!! "
هـز فواز كتفــه وقال " ما عندي دكتور "
إلتفت مره ثانيه على زيـنه وقال لهــا بغضب كأنها غلطانه " إنتي شلون سكتي عن هالشي !! "
زيـنه ما عرفت شتقــول من المفاجأه ..
لما فواز قال بغضب " تبيـــــــــها تقولك عن شي خاص فيني وفيها !!! "
ردت عيـون عبدالعزيز لولده !
وقال بعنـــف " إنت لك عيـــــــــــن تتكــــــــــــــــــلم يا الـ (....) "
زينه شافت فواز يشحــب بسرعه وقفت بوجه عمـها عبدالعزيز علشان تحمي زوجهـا منه..
وقالت بقوه " عمي ما أسمح لك تتكـــلم معاه بهالطريقه "
عمهــا شافهــا بغضب ...ومسك ايده قبل لاترتفع وتطقها وطلع ..!
فواز بعد خروج أبوه .. تحــــــــــرك بسرعه , وطلع ..واهو ماخذ مفتاح السياره ..

المستشفى :


بعد خروج فواز من البيت ..حاشته نوبه صرع أثناء قيادته للسياره ..
ما أصيــب ..
لكن السيـاره كلهــا تحطمت ..!
كانت قاعده ورى بالسـيـاره اللي يقودها السايق ..واهو قاعد قربهـــا ..بعد خروجه من المستشفى..
وقالت بهدوء " خطاك السو فواز...الله عداك الشـر على تهورك.. "
كان يشوف الدريشـــــه وما رد عليها ...
إلتفتت عليـه وقالت بصـرامه " لو سمحت لا تسوق السياره مره ثانيــه "
إهي تدري إن السواقه ما تصلح حق مرضى الصرع اللي ما توقفت عنهم النوبات ..
وكذا مره كانت تطلب منــه واهو يعاند ..ويحس إنهم يبون ياخذون منه كل شي ..حتى السياره اللي يحس فيها بحريته وانها الوحيده اللي قادر انه يسيطرعليها !
ماكلف نفسه بالرد ولا حتى بالقاء نظره عليها..
حست بإنعدام الإحساس عنده ..فقالت بعنف يمكن تطلعه من اللي اهو فيه " أنا كنت بموت من الخوف عليــك .. إنت موياهل ..قيادتك للسياره فيها خطر عليـك وعلى الناس .. "
إهي بعد راح تتخلى عن قيادة السياره , علشان ما يحسن بالإهانه ..إنه مرته تسوق ..واهو ما يسوق !!
ظلوا فتره ساكتين بالسياره , بأخرهــا ..نزل راســه وبعدهــا قال بصوت غريب " كلام أبوي بين لي إني ظالمج معاي ..إذا تبين الطلاق ... "
شافت عيـــونه بشــفقه ..
ما تقدر تخليـــــــــه !! صوت بكاءه وترجيــــــه ذاك اليوم ..يخليها عاجزه عن هالشي ..
هـزت راســها " لأ " وأضافت " أبي نعيش حيـاتنا براحــه من التوتر اللي إنت عايش فيــه ..خلنا نروح للطبيـــب ؟! "
شد على ركبته ..
قال " ما أقدر أروح "
قالت بهدوء " خلنا نروح لأمريكا ..ونعالج هناك ؟! "
إلتفت عليـها فجأه وعيونه المعت بنور أمل جديد , كأنه ما خطرت في باله هالفكره من قبــل ..!

بعد فتره طويـــــــــله :
زيـنه :


من أسبوعين ردوا من أمريكا ..لأنه الدراسه راح تبدي قريباً .. وإهي لازم ترجع لدراستها اللي اجلتها هالمره بسبب العلاج..
سمعت صوت زوجهــا وراهــا " إنتي جميـــله "
هالكلمه دايماً يكررهـــا , على مسامعهـــا , وإهي ممتنــــه ..
أهو أكثر واحد يكرر هالكلمه ..
" حلت دنيــاك "
قامت واقفه من مكــانهــا ..
" بتصكيــن على الحريم كلهــم "
إبتســــــــمت له ..
وخذت حقيبـــتها ..
وقالت بشقاوة لصديقها " أدري " وكمــلت " بتطــلع اليوم ؟! "
إبتســـــــــم ..
نفسيــته متعدله ..أشوا فأهو صار له عشـرة أيام أو أقل ..واهو مو على بعضـه من رجعوا من أمريكا , كان كأنه مكتئب , دايماً بغرفته ..منعزل ..ما يكلمهــا !
تحس فيـــه غضب , وحـزن وألم ...شي ما يبي يشاركهــا فيه ..
بس ألحين إبتسامته دلتهــا على تعدل نفسيتـــه , وأهم بأمريكــا كان كل شي تمام ..خاصه بعد ما قاموا يروحــون للطبيـــــــب ..
بدى يتقبـــل نفســـه !!
بدى يفهـــــــم !!
الدكتور قال لهم إنه كل شي يبي له وقت ..العياده اللي قاعدين يراجعونهـا بأمريكا ..كانت مريحه ! بس ألحين ردوا لأنه الدكتور عطاهم الأساسيات والمراجعه قريباً ..تتمنى ما ينتكس عليها من ناحية النفسـيه , فعلى كلام الدكتور النفسيـه لها تأثير قوي على كل شي .
رد عليـها " إي بطلع شويه ..وبرجع "
كانت بتمـــر قربــه ..
لما مسكــها وطبع قبــله على خدهــا ..
وقال " مع السلامه "
إبتسمت وإطلعت ..ما تبي تتأخر عن الإستقبال وعن منيــره !!

الحاضر :
صقر :


مستحيـــــــل ...!!!!
مستحيـــــــــل ...!!!!
مو معقـــــول ..
إشــــــــــــــلون ..!!!
كان يفكـــــــــــر بصدمــــــــه ..
كانت مستلقيــــــــــــه بقـــــــــربه , مغطيــه ويهها بالمخده ..
واهو مستلقي يشوف السقف .. مصعوق ..!
مو معقـــــــــــــول !!!
مستحيــــــــل ..
هـز راسـه بعدم فهـــم ..!
شلون ..!
إهي ..
مستحيـــــــــــــل ..
رد هز راسـه بعدم فهـــم شديد ..
خرعه ..
صدمـــــــــه ..
عقــله المنطقي , والمرتب مو فاهـــــــــــــــم !!
شلـــــــــــــــون !!!!!
صوت أفكاره قاعد يخــترق إذنــــه وقلبه وعقله وروحه وكل خلاياه..قاعد يقطعـــــــــه ..
يذبحـــــــــــــــه ..
مو قادر يقعد بهالمكان ..
قام من مكـــــــــــــانه بســــــــــرعه .
توجــــــــــه لملابسه المرميـــــــــه على الأرض ..
خذاهـــا , ولبســـــــــــــها بعجـــــــله ..!
لازم يطـــلع ..
لازم يطلع ..
إيده كانت قاعده ترجف ..
فتح البــــاب .., وسكـــره ..مرر إيده على شعــره ..واهو ينـــزل الدرج ..
إهي ..بس ..
فتح باب الشـــاليــــه ..
الدنيـا لما ألحيــن ظلمـــه ..!
راح للبــــــــــــحر ..
وقف للحظـــات , أخذ نفـس عميق ..
بس فيـه عدم إستقـــــــــرار داخلي ..
جنــــــــــون قاعد يعتمر داخله , مو مخليـه يثبت مكــانه ..
مو راضي بمجــــــــــــرد الوقوف ..
بحـــــــث بعيـــــنه على طول الشـاطيء ..
تحرك على طول بعد ما وجــــــــــد ضالتــــــــــــه ..!!!
تأكد من وجــود المفتـــاح ..
فصـخ نعالــــه ..وبكــــــــل جنــــــــــون ..
دز الجت السكي لداخــــــــــــل البحـر ..ركب الأله ..
شغـــــــــــــلها ..وإنطــــــــــــــــلق ..بصـــوت عالي مختــــــــــــرق للسكــــــــــــــون !!
قادهــــــــــا بأســـــــــــرع ما يمكــــــــــن لأبعــد مكــان ..!
الهـــــــــــوا , ورذاذ المـــــــــــاي يضـرب بوجهه ..!
مستحـــــــــــــيل ...!
إهي كانت متزوجــــــــــه !!
متزوجــــــــه لسنتيــــــــــــن ..كانت متزوجـــــــــــه ..!
أهو متأكــــــــــــد !!
أهو يــــــــــدري إنها كانت متزوجـه !!!
أهو تعذب لأنها كانت متزوجـــه ..!!!!!
شلون ..
زااااااااااااد من سـرعه الجت سكي ..
لكن اليوم كل شي منطقي طار من عقـــــــــــــــله ..
ما في منطق ..
معاها ما في شي إسمــه منطق ..!
إهي ..
إهي عـــذرا !!
إهي أرض ما إنمســــــــــت من قبــــــــــــــل !!!
بس ..
إهي كانت متزوجـــــــــه ..!!!!
بس الواقع غــــــــير ..الواقع يقـــــــــــــول إنه ..أهو ...أهو ..صقــــر ..أول واحـــــــــــــد !!!!!!!
شلون ...
الماي اللي كانت يضرب بوجهه ما كان له أثـر بتبريــد حرارة أفكاره ..!
غليــان فكــري وعقــلي كان بداخــــــــــــله ..
وصــل لمكــان كان يحيـــــــــــــطه البحـــــر فيـه من كــــــــل جانب ..
بطئ من سـرعتـــه ..
أهو متأكد إنها كانت متزوجــه ..!
كانت متزوجه فواز !!!!
صديقـــه ..
فواز !!
صـــــــــــرخ فجــــــــــــأه ..
" شــــــــــــــــــــــــــــــــــــــــلون ؟!!! "
وحس براحـــه غريبــــــــه من الصراخ بأفكـــاره ..
خاصه إنه الصدى هو الشي الوحيـد اللي كان يرد عليـه ..
" أنـــــــــــــــــــــــــــــــا مو فـــــــــــــــــــــــــــــــــاهـــــــــــــــــــــــم ؟!! "
سكــــــــــــــــــت شويـــــــــــــه , وبعدهــــــــــا صـــــــــــرخ صرخه عميقــــــــــــــه قويـــــــــــه يطلع فيــــــــــــــــــــــها كل اللي فيـــــــــــــــــه ..صــــــرخه من غيــــر كلام ..
الصراخ إستنفـذ الطاقه الباقيـــه ..عنده ..
والسرعه مالت الجت سكي ..بطأت أكثــر ..
لما وقف ..
وبدى الجت سكي يتْهَدّهد بأمواج الميـــاه ..
وبدى يقـول بهمـس لنفســه " فواز ..فواز ما لمسهـا "
غمض عيـــــنه ..
" ما لمســهـــا "
سنتيــن مالمسهـــــــــــا !!
وأنا أول واحد بحيــــــــــاتها ..!
ليش , وشلون صار جذي مو عارف ؟!
قلبـــه قاعد ينبض بقســــــــــوه داخل قلبــــــــــه ..صدمه فظيـــــــعه ..
يعني إهي ..
إهي له ما قط صارت لغيــــره .
أنفاسه لما ألحين مو مضبوطـــه ..تخرج بطريقه قويه ..
إبتســــــــــم بصدمـــه وعدم إستعيـــاب ..
هالشي يفسـر وايد أشيــاء ..!
يفســر خجــلها ..ترددهـــا..خوفهـــــا ..رجفتهــــــــا ..إحتياجهــــا للوقــــــــــت علشان تتعود ؟!!!!
غمض عيــــــــــــنه ..
وحــرك الجت سكي وقـــــــــــاده بســــــــــــــرعه ..ورذاذ الماء يحوش ويهه مره ثانيـــــه ..
طبيعي تحتاج للوقت ..
وطبيعي تخاف لأنها تدري إنه متوقع منها إنها عارفه شنو راح يسوي !!
ليش ما قالت لي ؟!!
ليش ما قالت لي علشان أتفهــم تصـرفها أكثـــر ؟!! ليش ما قالت لي علشان أراعيـــــــــــــها أكثــــر ؟!!!
ليش خلتني أتعذب وإهي عارفه إني ميت من الغيره من زوجهـــا السابق ؟!
قاعده تخش وايد أشيــاء عنــــــه ..
واهو قاعد يكتشــــــــــفها وحده ورى وحده ..
شنو خاشـــــــه بعد ؟!!
هالواقع قاعد يغير المنطق ..كل إكتشافاته الحاليه قاعده تغير أفكـــار ..وأشياء كانت ثابته بمخــــه ..
قاعده تصدمــه واهو اللي ظن إنه عارف كل شي عنهـــا , عارف دواخل زينه , وخوارجهــا ..كل شي ..
توه إكتشف إنه كل جنونه ..غيــــرته ..مالها أساس ..بالوقت الحالي ..!
كل العذاب اللي مروا فيــه أثنيــنهم ما كان له أي قيمـــــــــه ..
بس ..
بس ليش صبـــرت عليـــه !! ليش سكتت وفواز ..
ما كان متصــور هالفكـــره ..مستحيــــــــله هالفكره بالنسبـه له ..مو معقــــوله ..
عقــــد حاجبــــــه ..
رفع راســـــــــــــــــه للسمــــــــــا ..
ليش صبـرت ؟!!
تحــب فواز ؟!! معقـــــوله ؟!!!
ما تقدر تتخلى عنـــــــه ؟!! حتى لو كان ما يقدر يكون الزوج المناسب لها ؟!!
هـز راســــه بضـــيق ..رد لهالأفكـار السيـئه ..وهذا مو بصالح مستقبلــــهم ..وغلط ..
إهي تحـــبه وإعترفت بهالشي ..
إعترفت بأجرأ , وأجمــــــل طريقه تخيـــلها بحيــاته ..
تذكر كلماتها له من أعلى الدرج ..صدقهـــا ..حرارتهـا بالإعتراف ..
عيـــل ليش صبــــرت عليـــــــــــه ؟!!!
( والبــــــــــلا إني ما قدرت أحب فواز بيـــــــــوم ..فواز اللي كان يحبني ..)
تأنيب الضمـــير..شفقه ؟!!
فواز يحبهــا وإهي ما تحبـــه ..علشان جذي ..صبرت ..
مو مهـــــم !
ولا شـــــــــــــي مهـــــــم غير إنها زوجتــــه ..وتحبـــــــــه ..
زينه ..
ورده قاعده تتفتح على إيده ..بأجمــــــــــل وأحلى العطـــــــــــور ..
إبتســــــــم بسعاده ..
جو السعاده غامــــــره ..وطرى على باله فواز ..
ووإختفت إبتسامة السعاده , وصار بدالهــا إبتسامة حــــــــزن ..
ألحين بس يقـــدر يفكـــر بفواز من غير ذاك الغضب الجارف ..من غير الغيره المحرقه الجنونيه ..
من غير لا يحس بالغثيـــــــــان ..والألم ..
ما يقدر ينسى إنها كانت بيوم من الأيام زوجتـه وهالشي بحد ذاتـه مثير للغيـره ..
لكن هون على نفسه إنها ما قط صارت زوجـــه فعليه لهالريـــــــــال ..!
ألحين يقدر يفكر مره ثانيه بفواز كصديق ..!
وبدى يحس بالندم وأهو يسترجع أخر لقاء بينهم ..
كان يتجنب بذيك الأيام فواز , واهو متأكد إنه هالشي واضح للكــــل ..
بس العذاب شي لا يطاق ..كلما شافه كان يحس كأنه سكين تنغرس بصدره !!
فكان يقصر الشـر ويبتعد عن فواز ..فإن جا فواز لمكان اهو فيه كان يقعد فتره بسيطه وبعدهـا يروح .. بس فواز مع زوجتـه ما كانوا يقعدون لفتره طويله بالكويت ..!
قاد الجت سكي بســــــــــــرعه أكبـــــــــــــــر ..
كانوا يسافرون من وقت للثاني لأمريكا ..! واهو يواجهه أيامه بالعذاب ..والألم ..والغيره ..والجرح ..
وكان يغرق روحـــه بالشغــــل وسبحان الله بعد زواجهـا كان الخير يجي له من كل صوب ..
الله إرزقــــــــه رزق ما قط شافه بحيـــاته .
ربي كريم إن أغلق باب فتح أبواب ..! سبحانه ..

زيـــنه :


كانت قاعده تبجي كأنه قلبــــــــــــها قاعد يتقطـــــــــــع ..
لأنه فعلاً قلبـها كان قاعد يتقطع بأعماقهـا ..!
أفتحت الميـــاه وخلتـه يطيـــــــــــح على راســـــــها ..تبي تغســل كل أثر له عن جسمهــا , تبي تطهـر ذاكرتها من غبائها وإستسلامهــا الغبي له ..!
شــلون إستسلمت له ..
عقب ما كان قايـــل لها إنه ما يبيــــــــــها ..!!!
شنو ....ما عندهـا إحترام لنفســــــــــها ..
قال لها بالحرف الواحد أنا ما أبيج ؟!!! وألحين إستسلمت له ..
إهيء إهيء إهيء
واهو حتى ما يحبـــــــــها ؟!
وعيـــــــــنه على وحده من البنـــــــــات ؟!
يبي يتزوج غيــرها , وقال لها هالشي ..!!
غبيـــــــــــــه ..!!!!
أه ه ه ه ه ه ه
دموعهــا إختلطت مع الميـاه اللي طاحت على ويهها ..أفركت جسمهــــا ..
حاولت تتمالك نفسـها بس إعجــزت ..
صار بينهم أكثـر شي حميمي معقــوله يصير بين ريـال ومـــرأه ..بأسوأ فتره ..!
ألحين عرف إنه ماكان في أحد لامسهــا من قبــــل !
أكيـــــــــــد عرف !!
شنو في باله ألحيــن إنها مو جذابه ...؟!!
إنهـا مو حـــلوه بصــوره كافيـــــــــــه ..!!
ألحين عرف إنه مثـل ما أهو ما يبيهـا حتى فواز ما كان يبيــها ؟!
لأ إنتي ما وثقتي بجمالج إلا من فواز !! فواز كان يبيج ..بس اهو كان مريض !!
إهيء إهيء إهيء
آآآآآآآآآآآآآآآآآآآ
إحــراج الموقف مخليـــــــــــها تكره روحهــــــا ..
شلون راح تحط عينــها بعيــــنه عقب ما عرف اللي عرفه ؟!
شلون راح تعيش معاه واهو قايل لها ما يبيــها وإهي إستسلمت له..
إستسلمت وما إمنعتـــــــــه من شي ..
حتى أهو كاره نفــسه لأنه ..لأنه خذاهـا ..
طلع من أول ما ...
إهيء إهيء
ما تقدر تستحمـل تقعد بالحمــام بروحهـا ..
خذت الفــوطـــه ..
وطلعت للغــــــــرفه البــــارده ..
فتحت جنطتــها وخذت أقرب قميص نوم ..لبســـــــــــته ..
وشعــــرها كله ماي ..
ما تبي تقعــد إهني مثـل الغبيه لما يرد للغـــرفه , ويشوفهــا علشان ما يظنهـا قاعده تنطـره ..!
وتبي أحد يضمهــــــا ..
تحتاج للحنـــــــــان..
تبي أمهــــــا ..
بدت تشهــــــــق ببكــــاء ..
طلعت من غرفتها ..وراحت للأم الوحيــده اللي تعـــرفهــــا ..
إفتحت باب غرفة منيـــره ..وشعــرها كان مبلل ظهـرها وقميصــها من الأعلى ..
شافت منيـره نايمــه قربت بخطوات متردده ..للفــراش ..وقعدت بقــرب منيـره وإهي تقـــول " يمــه "
منيره نومهـا خفيف ..ففتحـــت عيــنها على طول ..
لكن بعدم إستيعاب ..
قالت زيــنه بيأس " يمـــه يصير أنام بحضنج ؟! "
زينه قالت هالكلمه وإهي عارفه معنــاها ...( يمه ) ما قط صارت منيره أي شي غير أمهـا وإهي تحتــاجهـا اليوم أكثـر يوم بحيــاتها ..!
منيره وسعــــــت لزيـــنه بالفــراش الكبيــر وأفتحت لها اللحـاف ..وقالت بنعاس " تعالي حبيبتي "
دايماً لما تنتاب زيـنه وهي صغيـره الكوابيس كانت تلجأ لفـراش أبوهـا ومنـيره وتنام بحضنهم..
واللي صار اليوم أقل ما يقال عنهـ كابوس ..
لما شافت هالترحيــب من منيــره , إنســدحت يمها..
وسحـــبت منيره اللحــاف وغطت بنتـها الصغيره كليـاً ..! وضمتهــا بحضنهــا .
مع إنه في جزء من عقلها الواعي ..تساءل عن سبب وجود زين عندهـا ..إلا إنها غمضت عيونهـــا وإهي تقول بصوت ناعس " زيـنه شعـرج رطب ..راح تمرضيـــن "
قربـــت زيـــنه من منيـــره , تبي الحنـــان ..
واللي منيـــره مستعــده تعطيــه بسعـة صــدر ..
دموعهـا كانت لا تزال تنــاسب على وجههــــــــــا !! لكن حنـان منيـره قاعد يحميــــها ..من الإنهـيار ..
يا رب خلــه يرد للديـــــــــره , ما أٌقدر أستحمــل أشــوفه ..
يا رب ...!

بعد فتره :
صقـر :


وصـــل للشاطي , نزل من الجت سكي وهو يركض..!
بعد شعـره الرطب عن وجهه ..
حان موعد صلاة الفجـــــــــــر , فأهو سمع الأذان الأولي وهذا اللي دفعـــــــــه للرجوع .. , وأهو لازم يغتســـل ..
ولازم يشـــــــــوفهـــا ؟!!
الصدمه خلته عاجـز عن الكلام ..
لكن ألحين لازم يتكلم ..
سعيــــــــــــــد !
يبي يحضـــنها , يضمهــــــــا ..يعبــر عن فــــــــــرحه فيــــــــها ..
يبي يعرف إن كانت عرفت بحبه لهــا ولا لأ ..!
راح يسوي كل شي يقدر عليه علشان ما تلمس الدموع عيــونهــا !!
بس مو ألحين يبيـن لها أي شي ..وراه صلاة ..
صعد الدرج ..
وشاف منيــره تطلع من الحمـام اللي بقــرب غرفتهــا ..
قال لها بإبتسامه سعيده " صباح الخيـــــر "
منيــره ...اللي كانت قايمــه علشان تتوضأ قبــل الصلاة ..
شافته بغضــب ..
وبعدهــا قالت بكل جديـه " ما أعتقد إنه صباح خير من وجه زيــنه "
تباطأت خطواته اللي كانت متوجــهه لغرفتــــه ..
ووقف مكــانه ..
وبعدهـا إلتفت على أمـــه ..
وقال بإستفسار " ويه زيــن ؟!! "
ما كان فاهم شدخـل زيـنه بالموضوع ؟!! وما يدري شنو معناة هالتنقيــز ؟!!
معقوله أمه إدخلت غرفتهم وشافت حالة زيـنه ..
لما وصلت أفكاره لهالشي ..
قال ببرود وجديه " ليش إنتي كلمتي زيـنه ؟! "
منيــره مو مصـــــــــدقه برود ولدهــــا ..
البنت منهــاره , واهو يتكلم بهالطريقه ..
" مرتك يت لغرفتي تبجي وإهي ألحين نايمه "
توتـــــــــر ..
تبجي..!!! ليش..؟!!!!
اهو مو شاطــــــر إلا بإنه يبكيــــــــها !! الظاهر هذي موهبـــه !!!
راحت لغرفة أمه ..شكـــــــــــو تروح لها ؟!
عندهـــــــم وايد أشياء يتفاهمون عليهــا وهذي راحت لغرفة امه ..
كلما قال خلاص زانت ..شاف الوضع قاعد يشــــــــــين ..
على طول تحــرك وبكل صرامــه لغرفة منيـــره .
راح يطلع مرته من ذيك الغرفه , وياخذها لغرفتـــه ..ولو شالهـــا على كتفـــــــه ..
لكن قبــل ما يدخـل إنمدت إيد قبــاله ..تمنعــه من الدخول للغرفه ..
وسمع صوت منيــره يقول بصرامه " ويـن رايح؟! "
وقف مكــانه وما بعد إيد أمه ولا عمل أي شي ..وقال بكل إحترام " رايح أخذ مرتي " ولف وجهه صوب وجـه أمـه " لازم نحل الوضع بنفســنا "
إهي لما قامت للصلاة وشافت زينه عندها ..وإكتشفت إنه اللي صار مو حلم وأنه فعلا زينه نايمه عندها وبفراشها
حست بغضب عارم على ولدها ...
فقالت له " ما راح تاخذ احد "
صقر شعت عيونه بالسواد الغاضب ..
لكن ظل على إحترامه ...
وقال " إهي شقالت لج بالضبط ؟! "
وهذا اللي مخلي منيره تعصب ..حست كأنها بعدم تدخلها زادت من شدة الوضع
قالت بصرامه " إهي ما قالت شي "
اكيد ما راح تقول ؟!
فاللي صار غير قابل للتفسيــر ؟!
شتقول لمنيـره ؟! هذي أول ليلـه لنـا مع بعض ..؟!
وإي على فكره كنت أبجي ..لأنها أول ليله لي بشكل عام ؟!
اهو نفســه ما يقدر يقـــول شالموضوع !!
شي غير قابل للشـرح ..
وبهاللحظه قالت منيره بحزم " لكن إنت هالليــله ما راح تاخذ أحد ..ولا راح تجـبرها على شي إهي ما تبيـه ..أدامهـا يتني راح تقضي باجي ليلتهــا عندي "
بان على وجهه العناد , مايبي يخليـــــــــها مو ألحيــــــــن ..
والظاهر إنه منيــره لاحظت هالشي !
فقالت بهدوء " إهي يت لي على أساس إني أمها ..مو مرة أبوهـا أو خالتها أم ريلها...فلا تحرمهــا من هالشي "
المشكله إنه ما يبيــها تروح لأحد غيره !! مو بس جذي ما يبيها تروح لأحد وتبين إنه بينهم مشاكل !
لكن لما قالتهـا منيـره بهالطريقه ما كان يملك إلا إنه يوافقهـا فأهو ما يبي يحرمهـا من ( أمهـا ) .
يدري انه لما ياخذها الحين من غرفة أمه بيشكل هالشي ضغط عليــها ..خاصه انه يدري إنه قاعد يفرض وجوده عليها بقوه ..
فإهي من أمس قاعده تتجنبه , و مو قادره تفلت منه ..لأنه مو قاعد يسمح لها ..!
ولما صار الليـل صار بينهم اللي صار ..
يمكن ألحين زينه تحتاج لمساحـه تفكـر فيـها من غير ضغط ..!
لأنه اللي صار مو هيـن بالنسبـه لهـا , أول مره يكونون لبعض ..وما صار هالشي إلا بفترة اشتداد الخلافات بينهم..
مع هذا كان جانب منـه يبي يسحبها له ..تنهــد لازم يضغط على هالجانب اللي يبي يفرض عليها كل شي ..!
إبتعد عن الباب ..
قال بهدوء " ماشي ..أنا بروح أسبح وراي صلاة "
وتحــرك مبتعــد .. واهو يعاند الجانب اللي يقـول أصـر على رايـك وإطلب مرتك ..!

الصباح :
فيصل :


قال فيصل بهدوء " يعني هو مواضب على الصلاة في المسجد ؟! "
بإنتظار رد أمام مسجد المنطقه اللي يسكن فيـها أهل جراح ..!
فيصل إختار يصلي الفجر إهني هالمره , وينتظر إلى الإشراق ..
وكان الأمام جالس يسبح ..ويقرأ القرأن ..
لما فضى المسجد إقترب وسأل الأمام عن جراح ..!
قال الشيخ الكبيــر " من صغرته وأبوه يجيبـــه للمسـجد , نحسبــه على خير ولا نزكي على الله أحد , أبوه واهو من خيرة رجال المنطقه "
كلهم نفس الجواب ..
جراح رجال والنعم فيـــه ..!
محتـار ..محتار !
يحس كأنه وجه لولوه الحزين , خاصه بعد يوم العرس قاعد يلاحقـــه بشكل مو طبيعي ..
هذي مسؤوليه كبيره عليـه ..
ولازم يأديهـا على أكمـل وجه ..
قال فيصل بنفس الهدوء " ما شفته يصلي اليوم ! "
الأمام اللي كان يسبح ..سبحان الله ..سبحان الله
رد عليه " يروحون الشاليه كل نهاية اسبوع "
هــز فيصل راسه بفهـــم !
فأهو يذكر إنه عندهم شاليه ..!
قال فيصل " يا شيخ أهو خاطب بنتي , وأنا ماني عارف ..؟! "
وهز راســه بحيــره ..فأهو وده يقول للشيخ إنه كان في الريال شي قول لي ..!
بس الشيخ للتو مادح جراح ..
فما يدري شلون يعبر عن رايه من غيرلا يهين الشيخ ..
الأمام لما سمع هالكلمه إبتسم بهدوء وقال " قال رسول الله صلى الله عليه وسلم ( إذا خطب إليكم من ترضون دينه وخلقه ، فزوجوه . إلا تفعلوا تكن فتنة في الأرض وفساد عريض ) "
وأضاف " وصل إستخاره , والله يعيــنك إن شاء الله "
فيصل إكتفى بالإبتسام ..
وإنصــرف ..!
فأهو عارف هالحديث ..وعارف صلاة الأستخاره ..!
الله يعيــــــن ..

منيره :


" ما راح تطلعيــــن ؟! "
شافت بنت زوجهــا المستلقيـه على الفراش ..
إهي لما ألحين متفاجأه إنه زينه قالت لهـا (يمه ) , قلبــها فاض بذيك اللحظــه وألحين من الرغبه بالحمــايه ..
فهالصغيره ما إعرفت أم غيرها ..!
زيــنه شدت على اللحـاف ..وقالت بصوت متعب " لأ أحس إني مريضه "
مريضه من التفكير ..مو من شعرها اللي كان رطب ..
ما كانت تتصور تطلع وتشــوفه ..
عقب اللي صار أمس بينهم ..!
منحــرجه .. متألمه ...إنه صار اللي صار بينهم بهاللحظه ..من حياتهم ..
قالت منيره برقه " ما تبين تقولين لي شصاير بينكم ؟! "
يا ليت تقدر تقول حق أحد ..!
بس ما تقدر ..
هالشي بينها وبينه ..
طول الوقت بينه وبينهـــــا .. ما تبي أي أحد يدخـل بينهم ..
هــزت زينه راسهـا بالرفض ..!
منيره شافت زيـنه وإهي متأكده إذا زينه ما قالت لها فأكيـد صقـر ما راح يقول .
الغريب إنه زينه بقمة الضيق ..على عكس صقر اللي كان مبتسم ومستانس .!
قالت بصرامه " تدرين إنج تقدرين تقولين لي صح ؟! "
تدري ..إهي ما لجأت لمنيـره إلا لأنها تدري إنها راح تحميــها ..!
خشـــــــت ويهها أكثـــر تحت اللحـــاف ..
منيـره كان ودهـا تسحب اللحاف , وتشوف ويه زينه ! معورها قلبها من هالسالفه ..
زيـنه فجأه مسحت الفكره الأولى ..
تحتاج تتكلم ..!
الغيره بتذبحها من مجرد التفكير إنه يبي يتزوج غيرها ..
وبمجرد التفكير إنها صارت له ..بهالوقت شي يذبحهـا ..!
زيـنه قالت بصوره مفاجئـه " أنا تعبانـــه منـــه "
زمت منيـره شفايفهــا بضيق من هالوضع ..!
ولدهــــا !!
إهي طول عمرهـا تقول الله يعين اللي بتاخذ صقـر ..فما بالك بإنسانه مثـل زيـنه رقيقه وناعمه ..
إهي كانت تظن إنه زيـنه تغيرت بفترة زواجهـا السابقه .. لكن الظاهر مع صقـر ما تقدر غير إنها تكون نفسهـــا الرقيقه ..
وطبعاً لأنها تعرف ولدهـا ..هزت راسهـا بضيق ..
وقالت " ليش شنو سوى ؟! "
زينه بعد ما قالت إنها تعبانه من صقـر ..
تضايقت ..
خلاص ما راح تتكلـــم ..!
لازم تصير قويه ..فإهي راح تتطلق أكيد إن تزوج غيرها ..
بس ما راح تقول هالشي لمنيره !
كشـفت عن وجهها من تحت اللحاف وشافت منيـره بقوه , وإهي تقول لهـا " منـ خالتي ليش تطلقتي ..من ..من أبوه ؟! "
منيـــره إختــرعت ..
معقـــوله وصل الموضوع بينهم للطــــــلاق ..!
كانت بتقول ليش السؤال ؟! تبين تتطلقيــن ؟! ...
لكن بنفس الوقت ما كانت تبي تبين ردة فعل قويه ..
بس ويهها كان هادي وصارم !!
وأجابت على السؤال بهدوء " لأنه طقنـــــي ..هذا الشي من بين أشياء وايد ..بس هذا الأهم "
نست مشكلتها بصوره مؤقته ..
طق !!
منيره تعرضت لهالنوع من الإهانه ..!!
لهالنوع ..
رجفت ..ما تتصور إنها بيوم راح تنضرب !! وما تدري شنو ردة فعلها إن صار لها هالشي ..
زينه تذكرت الكلام اللي إنقال بالحديقه , أثناء المواجهه اللي صارت بين الأثنين بين ناصر وبين منيره ..
ولأنها ما تدري إن كانت تقدر تتكلم عن الموضوع ..قالت بصوت هامس " لأنه يشك فيـج ؟! "
الشك ..
اللي وصل له ناصر كان أكثـر من شك ..كان درجه من درجات الجنون ..
منيـره كانت تقدر تمتنع عن الكلام عن الموضوع ..لكن زينه كانت شاهده على كلام ناصر لهـا ..!!
فقالت بهدوء " إي كان يشك فيني "
زينه شافت منيــــــره ..
في أحد يقدر يشك بنقاء وشرف ..وطهارة منيــره ..
الواحد بس يشوف عيونهــا ..
بس يقعد معاها للحظات ويدري شكثر الإنسانه اللي جدامه نظيفـــه ..وراقيـــه ..
هـزت راسهـا بإستغراب " شلون ؟! شلون أحد يقدر يشك بإنسانه مثــلج ؟! "
إبتسمت منيـره وبألم قالت " بكل بساطه ..إذا عطيتيه سبب للشك بيشك .."
زينه شافت منيره ..
وإهي مو مستوعبه ..
مو معقـول ..منيره ..شتقصد ..
قالت منيــره بكل صرامه " بس يعلم الله إني ما قط خنتــــه ولا فكرت أخونه "
ما كانت زينه تحتاج لهالتأكيـــد ..
كانت واثقه بهالشي ..
وأضافت منيـره " كانت بدايتنــا ... غلط "
زينه كانت تدري إنها حتى لو سألت ..شنو الموضوع ما راح تعرف ..!
فسكتت ..
وردت لمشكلــتها مع زوجهــا ..! الطلاق صعب !
بس الأصعب منه إنها تظل على ذمته واهو يحب غيرها !
لما سمعت صوت منيره يقول لهـا " ليش تبين الطلاق ؟! شصاير بينكم ؟! "
فكرت منيــره بولدهـا ..فإهي تدري إنه ولدهــا متملك لأقصى درجــه ..
وإنه زيـنه وإن بغت الطلاق فولدهـا ما راح يعطيهــا هالشي ..!
إلا إن وصل الموضوع للمحكمـه ..
وإهني إنعقدت حواجبهـــا ..!
زينه تمنت لو تقدر ترد تحــت اللحاف , وتغطي روحهــا .. وتنخش عن العالم كله ..
كانت تدري إن وجهها إنغزى باللون الأحمر ..وإهي تتذكر بالتفصيــــــــل شنو صار بينهم ..!
تنهدت .. إهي ما توقعت إنه بداية زواجهـم بتكون حلوه ..فماضيهم مؤلم ومزعج ...!
يا ليت أقدر على الطلاق .. بس ثلاث سنين ... بدونه وايد ..
وايد ..
سنتين منهم وإهي متزوجـه , و وحده بروحهــا ..
فما بالك العمر كله ..
..
قالت بنبره مستسلمه " ما أبي الطلاق "
على الأقل مو ألحين !!
منيـره بهاللحظـه كانت راح تتنهــد براحــه ..
وراح تصـرخ وتقول الحمدلله ..
لكنها تمالكت نفســـها !! ما تصورت شنو ممكن تسوي إذا كانت زينه فعلاً تبي الطلاق ..
قالت بهدوء " عيل شفيج ؟!! "
ما يحبني !
يبي يتزوج علي !
بعدت شعـرها عن ويهها وبعدهـا قالت إكذبت " ولا شي , أنا صايره حساسه "
منيره شافتها بعدم إقتناع ..
بس زينه كانت قاعده تعاند ..
ما راح تتكلم عن إهانتهــا !! عن تفكيره إنه يتزوج غيرها وعن إنها إستسلمت ...
ما تدري شبتسوي !! بس إهي راح تكتشف هالشي بروحهـا !!
فجأه منيره كأنها إستوعبت شنو المشكــــله !
قالت بهدوء " ما راح إيقولهـا ببساطه ! "
زينه ما فهمــــت !!
وشافت وجه منيــــــــــره !!
كررت منيره " ما راح يقولهــا .. اهو صعب ..ما يتكلم بسهوله "
زينه كانت تدري إنه الكلام عن صقر ..
بس منيره عن شنو قاعده تتكلم !!!
عن الأسف ..
عن التبرير ..
عن الكلام ..
شنو اهو الصعب على صقر بالضبط ..
فقالت بهدوء " خالتي مو فاهمـ .."
منيره كانت قاعده تتكلم عن كلمة أحبج ! تدري إنه ولدهـا يحب زينه بس ما راح يقول ..وتحس إن هالشي أهو اللي مأزم زينه !
إنطق الباب , منيره قالت بهدوء و ويهها بويهه زينه .." منـــــو ؟! "
زيــنه إنسدحــت على الفراش ..بتفكيــــر ..
" منيـ ...يمــه ممكن أدخــل "
فزت زيـنه على طول قاعده على الفراش كأنها مقروصه ..وأشــرت براسهـــا بالرفض ..
لكن قبل ما تنطـــق منيـــره ..
دخــل صقـر ..
على طول عيــــــــنها الوجـله إنتقلت لوجهه ..
وعلى طول وجهها صــــــــــــار قمـــــــــــــه بالإحمرار ..
كانت تبي تنخش بحضن منيــره ..بأي مكان ..ما تبي تشــــــــــوفه ..!
كان قاعد يشـوفهـا بعيــون صارمــه ..
منيـره لما شافت تعابيـر زيــنه ..قامت ووقفت بينه وبينها بطريقه دفاعيه صارمه وقالت " ما أظن إني قلت لك إدخـل "
ما شال ولا لحظــه عيـونه عن وجه مـــــرته ..
اللي كانت تحاول جاهده إنها تنخش ورا جسم منيــره الواقف قباله ..
رد عيـونه لمنيره ..لما إختفى وجه زوجتــه ..
لازم يكلمهــــا !!
مو معقــول ينمنع عن زوجتــه بهالطريقه !!!!
قال بهدوء " ضروري أتكلم مع زوجتي ..الفجر خليتهـا على راحتهــا ..بس ألحين ضروري نتكـــلم "
زينه كانت بس تحاول تنخش ورى جسم منيــره ..
وتقول بقلبهــا يا رب خله يروح ..يا رب ..!
ما أبي أتكلم معاه ..!
منيـره قالت بهدوء " صقـر خلهـا على راحتهــا .. بعديـن كلمـها إذا تبي "
اهو محتاج يتكلم مع مرته ..
وبكل صراحه تأجيـل الكلام معاها يدري إنه راح يخلي المواضيع أصعب ..
فعمــــل خدعــــه بسيطه علشان يجر المنخشه من جحــرهـــا ..ويتمنى إنها تنجح ..
فقال بصرامه " منيره أنا نفذت كلامج اليوم الصبح .. "
إسمعت إسمهــا على لسانه وحست بداخلهــا شي يتقطع ..!
بس اهو ما كان متعود فأول ما إنتبه قال بهدوء " يمــه أكيد ألحين إهي قالت لج شصاير .."
شدد على الكلمه الأخيره ...تــوه بيكمـــل ..
زينه بغى يزر عقلـــها ...تخيلت منيـره تدري !!
مجرد الفكره تذبحهــا !!
فقاطعت الكلام بأنفاس مقطوعه وبصوت منخفض " ما قلت "
بمعنى ثاني , كانت تقول لصقر لا تتكلم ..لا تقول شي أنا ما قلت ..
وإبتعدت عن منيــره , ووقفت ..وإهي تقول برجفـه بسيطه بإيدهــا " ما قلت شي حق خالتي ..وما ودي أكلمـــك لو سمحت إطلع "
منيـره كانت واقفه بينهم ..ومو عارفه شتسوي ؟!!
صقـر قبالها , وزيــنه وراهـــا ..
صقر شاف زينه الواقفه ورى أمه ..هالتأجــيل الماصخ مالها , واللي ما له داعي ..!
لو إهي متكلمه معاه من أمس جان حلوا المسائل قبل ما تتعقد أكثـر وأكثـر بعد ما صار اللي صار ..
صقـر قال بصرامته المعتاده " أمس ما كنتي تبين تتكلميــن , واليوم ما تبيـــن تتكلمـــين ..لي متى راح نأجل الكلام عن مشاكلنــا ..لما يصير عندنـا أول بيبي "
وجهها صار أكثر إحمراراً من قبـــل !!!
لأنها تدري ألحين إنه فعلاً إحتمال إنه تكون حامل !! وهالشي مو مستبعد !!
ألم بداخلهــا كبيـــر منــــــه وجــــــــــرح ..
اهو اللي صعب مشاكلهــم مو إهي !!
أهو ..
فقالت بعصبيــــــه " شنو تتوقع مني عقب الكلام اللي قلته عني .. الكلام اللي قلتـــــــه مو هيـــن !!! "
منيــره قالت فجأه بهدوء " تعوذوا من ..."
صقـر شاف منيــره , لكن رد عيـونه على زيــنه ..
إنقطــــــع كلامهــا فجأه بكلام زيــنه " أنا أصلاً مو فاهمــه شلون تجرأت تيي لغرفتي أمس ..وإنت عارف إني ما كنت أبي أشوفك , ولا كنت أبي أكلمـــــك .."
أختنقت أخر كلمـــــه ..
و ويهها الأحمر تحســـــــــه إحترق ..!
لأنه اللي اصار أمس جارحهــا حيــل !!
ما كانت تبيـــــــه يصير بهالطريـقــه ..
صقـر كان كاره تصرفهـا اللي يوحي على إنه اللي صار أمس غلطه ..
اللي صار أمس كان المفروض يصير ..ولو صار من زمان جان ما تمشكــلوا كل هالمشاكل اللي بينهم !!
اللي صار أمس كان تتويج لزواجهم وإهي مو من حقهـا إنها تمنعـه من هالفرحه بكلامهـا وتصرفاتها مهما كان ظنهـا باللي صار .!
قال صقــر بجديـــه " زيــن أنا ما راح أعتذر عن ييتي لغرفتج !! لا تتوقعيــن مني إعتذار "
منيــره ما كانت فاهمه عدل عن شنو قاعدين يتكلمون ..
بس زيـــنه كانت فاهمـــه , وفاهمـــــــــه عدل !!
وصقر فاهم ..
كان قاعد يقولها إنه ماراح يعتذر عن اللي صار بينهـــم !!
ويهها إزداد إحمــرار , وبعدت عيــنها عن عيــنه من الإحراج !!
إهي ما تبيه يعتذر عن اللي صار أمس ..ولا تبيه ما يعتذر .. ما تدري شنو تبي منـه بالضبط .
يمكن تبيـه يعتذر على التوقيت ..!
منيره حســــــت بتوتر زيـنه أكثــر وأكثـر ..
منيــره قالت بصرامه " خلاص صقـــر ..خلصنــا .. مو ألحيــن "
صقــر كانت عيــنه على مــرته , اللي بدت تتجنــــــب النظر له عقب كلمته الأخيـره ..وقال " لأ ..بس بقـول كلمـه إضافيــــه قبل ما أطلع وأخليها تفكـر على راحتها .." رد ركز نظره على زيـنه " بين كلامي الأولي واللي تحسينه جرحج وبين هاللحظه صارت وايد أشياء إنتي عارفه فيها ..تحتاج إنه إحنا نتكلم فيها وإنتي تدرين "
كان بيطـــلع ..عقـــب كلمتـــه ..أهو بالواقع ما كان يبي يتركهـا تفكــر ..!
مل صبـره من هالتصرفات , لكن وجود منيـره معاهم مخليه متحفظ لأنه مو ممكن يتكلم ومنيره موجوده .!
زينه كانت تبي يكون لهـا الكلمه الأخيــره , أهو جرحهـا وأحرجهـا بما فيه الكفايه ..
قالت بقســـوه " وإن كنت ما أبي أتكــلم .. وإن كنت إنت وقسوتك ما تناسبوني ..شلون ؟! .. وإن كنت أبي أتطلق ..شالحـــــــــل ؟!!!!! "
منيره إلتفتت على زيــنه بتعجب , مو توهـا أنكرت رغبتهـا بالطلاق !!!!.
بس زينه كانت عينها مثبته على زوجهـا ..
مثبته عليـه بغضب ..!
إلتفت عليـها عقـب كلمتهـا وقال ببرود قارص " الحـل إنج تصبريــــن !! مو أنا وياج عارفيــن شكثــر إنتي صبــوره ! على الأقل ألحين بتكونين صابره على ريال تحبـيــنه ! لأنه ما في طلاق "
طلع ورقع الباب ..كان متنرفز من روحــه أكثـر مما أهو متنرفز منــها ...!
كان المفروض يتعامل معاها بحنيـه أكثـــر !!
لكن من أول ما بدت تتخشش ورى منيــــره , وبينت إنها ندمانه على اللي صار بينهــم حس كأنه أحد غرس سكيـنه بقلبــه ..
كان يتمنى لو كل شي إنصـلح بينهم !
سمع الباب يتبطـــل وسمع صرختهـا على ظهــره " ما أحبـــــك "
كان واقف على راس الدرج لما لف عليـها وشافهــا واقفه عند باب دار أمـــه .
إبتســــــــم لها إبتسامه مغتصـبــه .. " تعلمــــــــي عيــــل !! لأنه طلاق ماراح أطلق "
ونزل الدرج بســرعه ..!
أهو يدري ومتأكد إنها تحبـــــــه ..هالمغروره حتى ما تبيــه يتهنى بالكلمه ..
كل كلمه والثانيـه قالت له ما أحبك ..أكرهـــك ..
الحمــدلله إنه لما ألحين ذكرى إعلانهــا للحب بمخــــه ..
بدى يخاطب نفســـــه ..صبرت سنتيـــن وإهي متزوجته , ما تقدر تصبـر عليها ألحين ..!
اهو يدري ..و واثق من حبها كثر ثقته بإنه إسمه صقر !
زينه شافته ينزل بغيــظ ..
قال تعلمي ..تعلمي ..
يبيني أتعلم أحبـــه !!
وأهو واثق إنها تحبــه ..
رقعت الباب وراهــا , ولفت بغيظ وصارت بويهها منيــره ..
اللي كانت تشوف المشهد برفعة حاجب !!
وقالت بهدوء " حل المشاكل ما يكون بهالطريقه ! "
زيـنه بعدت ويهها ..
ما تبي تتكــلم معاه !!
خايفه !!
جنون بس ما تظن إنها تقدر تستحمــل كلمه من كلماته اللي مثل النصل ..تنغرز بقلبهـا !
ما تبي تسمع عن شكثر إهي تبي فلوسه , ولا عن رغبته بالزواج ..
ولا عن شي .!
وأضافت منيـره " يكون بالكلام والنقاش الهادي العقلاني ..بالأخذ والعطا .. بالتنازل علشان يمشي المركب ..بالزواج مو كل شي ينوخذ بالكلام ..وعزة النفس "
ودهــا لو تقدر تتناقش معاه , وتاخذ وتعطي بس إهي مجـروحــه ..
تنازلت وايد له ..
تنازلت لما إعترفت بحبها , تنازلت لما قعدت بعد ما طردهــا ..
مو كافي ..
تكتفت وقالت بألم " أنا تنازلت وايد "
هـزت منيـره راسهــا بالنفي " زينه لا تحسبين إنتي جم مره تنازلتي ..أكيد صقر عنده أشياء يحس روحـه تنازل فيها ! خفوا شويه على نفسكم ..لا تطبع المركب فيكم "
رجف قلب زينه من هالكلمه ..
بس ظل داخلها عنيــد , ما راح تروح له ..وتتكلم معاه ..!
تحتاج وقت ..

لولوه :


نور خلاص تزوجــت ..
البيت كله أظلـــم !!
رجفت لما تخيلت إنها راح تقعد بروحهــا من غير إختهــا !
راح تفقدهــا ..
بس إهي أكيد ما راح تفقدني ..إهي عندهـا زوجهـا .
وانا راح أٌقعد ..إهني ..مع أمي وأبوي ..وبس ..!





يتبــــــــــــع ...


نوف بنت نايف 17-04-11 11:13 PM

[Q ]
[COLOR="Red "]التــــــابع ...[/COLOR]








من كم يوم مضوا ( ليلة عرس نور ) :


إختهــا قاعده تدخــل بالصاله بكل هيبة ..وشموخ العروس ..

هب السعد هبايبه الأرياحِ ...يا شاريه العباد والصلاحِ
يا نور يا علج والسعاده فالج .. وهبوب ريحج من ولي العالِ .
هب السعد هبايبه الأرياحِ ..يا شاريه العباد والصلاحِ
وشبهت نور والصباح حين إنجلا .
ولا القمر بو أربعه وأثمان .
هب السعد هبايبه الأرياح .. يا شاريه العباد والصلاحِ .
يا مهرة عند الأجواد ربوها .. بيت رفيع ومركز عالي .
هب السعد هبايبه الأرياح .. يا شاريه العباد والصلاحِ .
حافظي على أخوانج يا النور جمله ..عوضتهم بالواحد الوحدانِ
هب السعد هبايبه الأرياح .. يا شاريه العباد والصلاحِ
شبهتها غرتها هوى سهيل بازج .. قطن يديد ما هوا الميزانِ
هب السعد هبايبه الأرياح .. يا شاريه العباد والصلاح

ما قدرت غير إنها تنسى زعلهم ..وتتأثـــر ..
أختهــا الصغيره قاعده تتزوج ..!
وعلشان ما تبجي جدام أختهـا وتشوفهــا , طلعت للحمــام ..كانت قاعده تعدل مكياجهـا ..وحاولت تتمالك نفســــها ..!
لما دخــلوا حرمتيـــن ..
الأولى قالت " ما شاء الله تبارك الرحمـن العروســـه ملح الدنيــا "
الثانيــه " إي ما شاء الله , حتى المعرس يقولون عنه حــلو "
إبتسمــــت الأولى ..
وبعدهـا قالت " حتى أمهـا ما شاء الله جميله "
قالت الثانيـه " إي ما كأنهـا أمهـا كأنها إختهـا "
عقدت الأولى حاجبهـا وقالت " العروسه عندهـا خوات "
هـزت المرأه الثانيه راسهـا وإهي تقـول " إي كأني سمعت إنه عندهـا إخت وحده ..أكبــر منهـا بوايد..! كأنهم قالوا لي إنها طافت سن الزواج ! "
قالت المرأه الأولى " ليش العروسه جم عمرهـا ؟! "
إطلعت بهاللحظه لولوه من الحمـام ..!
طافت سن الزواج !!
يعني عانس !

الحاضر :
لولوه :


ما أحد يدري إنه إبراهيم يحبـها ..
أهو واعدهــا إنه بيتقدم لهـا , وحزتهــا لما إيي ..راح تبيــن لهم من اللي عدت سن الزواج !!!!

صقـر :


الهوا حلو ..!
ما يشابه مزاجه ..لي متى يعني بيظلون جذي ..!!
المفروض كل شي يكون محلول ..
شنو ناقصهم ..؟!
الحب موجود من الطرفين !!!!
طق على الحاجز الموجود بالبرنده بقوه ..
من مساعه يقول لروحـه إصبـر , وأهو مو قادر يصبر أكثر ..
بدا يحس إنها تبي منه أشياء وايد يلقى صعوبه بإنه يسويهــا ..!
فأهو ما يتصور روحـه يروح لهـا ويقـول ( ترى على فكره أنا أحبج !!! )
أو يروح يتكلم وبس ..! يكره الكلام !!
وبالحالات اللي يضطر فيـها للكلام , يحس مايعرف يعبر عن روحـه بطريقه سليمـه ..!

بنفس الوقت :
رزان :


" هههههههههههههههههههههه "
كانت محاوطه جسم فجـر بقوه ..!
وقالت بصوت عالي " أســرع "
وفجـر ماخذه راحتهــا بالجت سكي ! ..طبعاً أثنينهم لابسين ملابس السباحه الإسلاميه الواسعه , والساتره ..مع الحجاب !
وماخذين راحتهم خاصه إنه الشباب مو موجوديـــــن ..
كانت فجـــر قاعده تتوجـــــه , للشاطئ .., ولما قربت ..
جت موجــه , وبسرعة الجت سكي الكبيـــــــــــره , قلــــــــــــبتهم بطريقـــــــــه مفاجئـــه ..
خلت البنات اللي كانوا قاعدين على الشاطئ يصـــــــــرخون ..!
صقر اللي كان على البرنده البعيــده عن تجمـــع البنات , لف وجهه لجهتهم ..لكنه بعديــن تجاهــلهم ..ظناً منه إنه الصراخ طبيعي ..حماس بنات ..! خاصه إنه مو قاعد يشوف شي من مكــانه ..!
فجـــر ..بعد ما غمـــرها الماي قدرت تطـــــــلع بصعوبــه ..!!
وراحت للجت ..وأقلبــــــــــته ..
بعديـــــــن إستوعبت إنه رزان مو موجـوده !!!
بدت تتلفت ..
ما كان للبنـــــــــت أثـــــــــــــر ..!
أصـــــــــــرخت " رزان "
البنــــــات كانوا ساكتين بعدما شافوا فجــر تطــلع ..
لكن لما صرخــــت إختـــرعوا ..
وردوا يصــــــرخون ..
"وين رزان ؟! "
" إشصايـــــــر ؟!! "
" أبيــــــــــــه "
وإهني صقــــــــــر حس لما سمع صرختهم بنبرة الخوف ..
فنـــــــــزل بســرعه ..
و زيـــنه اللي كانت قاعده تنــزل الدرج بالشاليه علشان تتريق ..طلعت من البرنده لجهــــة البحـــر ..!!!
شافت صقـــــــر يركض لجهة البنــات , وتصــروعـــت ..!
وراحت وراه ..! صراخ البنات كان عباره عن تعبير للخوف ..
حتى منيـره اللي كانت تتريق إطلعت للبرنده ..بس ما لحقتهم ...!
فجر كانت قاعده تنادي رزان ..وتبحث عنهــا بعيونهــــا ..
وبدى خيالها يصور لهـا أسوأ الصور ..إنه البنت ماتت , ولا صار لهــا شي ..
بهاللحظه طلعت فيها رزان للأعلى كأنها قاعده تقاوم , وقدرت تاخذ نفس وبعدهــا ردت إنزلت ..
فأهم طاحوا بمكان عميق .. غزير الماي ..لكن قرب اليال ..!
صقـر وصــل للبنـــــــات , وقال بقســــــــــــوه " شصايــــــــــــــر ؟!! شالـ ..."
إلتفتت لما سمع صــرخة فجــــــــــر ..
وإستوعــــــــــــب اللي صار ..
خاصه إنه رزان قاعده تطلع وترد تنــــــزل بالبحـــر ..
صقــر على طول فصخ نعاله ..وطب بإهدومه ..
رزان كانت خايفــــــــه , فإهي قادره تطلع للأعلى , تحس روحهـــا تغرق ..!
بتمـــــــــــوت هذا كان إحساسهــــا ..!
مر شريط حيــاتها كله جدامهــا من الخوف ..
كانت تبي تصـــــــــرخ بس ما يمديـها تتكلم إلا تنـزل تحت الماي ..
فجـــــــر كانت متعلقه على الجت سكي , وخايفه تقـــــــــرب من رزان ..
مو عارفه شنو تســـــــــوي ..
قاعده تضعف ..
فكانت تبجي ..وتصـــــــرخ .. رزان تعرف تسبح , ما تدري ليش مو قاعده تسبح ..!
حتى البنات اللي كانوا على اليال كانوا خايفين ..! وقفوا مكـــــــــانهم بخــوف ..!
زيـــنه كانت جامده ..كانت تشوف حبيبهــــــــا اللي طب وحســـــت بتموت من الخرعــــه ..
كانت بتطب وراه ..! لما شافته يطب , ويسبح بكل قوه وسرعه ..
صقـر لما قـــــــرب من مكــــــــــان رزان غاص للأسفـــل , وطلعهـــا ..للأعلى ..واهو ماسكها من جهة ظهــرها , علشان ما تقاومــــه , وتحاول تتعلق فيــه , ويغرقون أثنيـــــــــــنهم ..
فجـــــر كانت قاعده تبجي لما ألحيــــن ومتعلقه على الجت سكي ..
الكل اللي كان على اليال كان قاعد يراقب المشهــد ..
لما وصـل صقـر للجهــه اللي فيها الماي رق ..على طول شالهــــا ..
ونقــلها على اليال ..وحطهـا على الأرض ..
دانه اللي كان عندهــا خبره بالإسعافات الأوليــه على طول قربت من صديقتهـــا ..
وعملت الأسعافات الأوليه ..واللي أدت إلى خروج الماي من فم رزان ..وإهي تكح ..
والكل إرتاح ..وتنفس الصعداء ..
صقـر شاف دانــه , وقال بحرص " ناخذها الطبيب ؟!! "
هـزت راسهـا بالإيجاب , وإهي تقــول " أظن أحسن علشان نتأكد ..! "
وأضافت " لازم نقول لأهلــها ؟! "
إهني قالت رزان بصوت مخنوق " ما له داعي "
زيــنه كانت تشـــــــــوف تبادل الكلام وإهي تحس بداخلهــــا غضب ..!
بعد ما إنتهى الخطـــــر اللي كان مهدد حياة رزان , بغت تمــــــــــوت من الغيره ..!
خاصه إنه رزان كانت بحضن صقــر , وخاصه وإهي تشــوف حرص وقلق صقـر ..!
تدري إن تفكيــــــــــرها مو منطقي , وإنه كان لازم يشيلهــا علشان ينقذهـــا ..!
بس مو قادره تتحكـــــــــــم بالغيـــره اللي بداخلــها ..!
خاصه وإهي تسمعــه يصر ياخذ رزان للمستشفى وإهي ترفض ..
شالحركات !! ويـــــــــــــع شالدلع والمصاخه شنو مافي داعي تروح الطبيب ؟!!..ولا اهو.. يعني أنا البطــــــــل !! إللي لازم ينقذهـــــــــــا ..الكل يعرف يسبح ..
ولا السالفه طقت بمزاجه !!
طبعاً ما يقدر يترك حبيبة القلب تعاني ..!
ما قدر يتمالك نفســــه ..
رمى روحـه رمي بالبحـــــــــر ..!
صقـر رد إلتفت على البحـــر من غير إنتباه لزينه ..
كان حاس بالغضب من إهمالهم ..
كان المفروض يلبسون سترة النجاة ..!
وصــرخ بفجـر اللي لما ألحين بالبحـــــــــر " فجــــــــــــر ..شــــــــــــلونج ؟! "
وكمـــــــــل يصرخ " تحتاجين مساعده "
فجر كانت خلال هالفتره قدرت تركب على الجت .. لكن بعدهــا ترجف من اللي صار..
بس ردت " لا ما أحتاج ..كاني ألحين راح أرد "
إلتفت وإنتبه لمــــــــــــــرته ..
اللي كانت تشــــــــوفه بنظــره غاضبـــه ..
وغيـــــظ ..
هالأيام هالنظرات دايماً تكون من نصيبـــــه ..!
بالله شنو سوى ألحين .. ما سوى شي ..!
طبعاً ألحين أكيـد لقت لهـا شي جديد علشان تعصب ..
عطته ظهــــرها ..وتركته وإهي رايحـــه للشاليــه ..!
يا سلام ..
أكيد في شي جديد ألحين على القائمه ..!
وأهو مشى تارك نعاله على الرمل ..
لكن ببطء وبهدوء ..
فأهو يبي يروح للشالـيــــه .. يسبح , ويغير ملابســـه ..!
وهالمره أهو اللي ماله خلق يتكلــــــــم ..
لما وصــلوا للشــاليه ..كانت منيـــره واقفه لما ألحين بقلق ..وقالت " شصايــر ؟! "
وشافت هدوم ولدهــــا المبلله بالميــاه ..وقالت " ليش هدومك كلهـا ماي ؟! "
توه صقـر بيتكلم
لما قالت زيــنه " لأنه صقــر رمى روحــه بالبحــر , لما رزان بغت تغرق ! "
كانت قاعده تتكــلم كأنها قاعده تتطنـــز !!
الشي اللي إستفـــــــــز صـقـــر لأقصى درجــــــــه ..
منيــــــــره ما إنتبهـــــــت , وقالت بخوف " وإشلونهــــــا البنت ؟!!! بشـــــــــر عنهــــا ؟!! "
توه بيتكلم للمره الثانيــه لما تدخــلت للمـــره الثانيـــه زيـــنه وقالت بنفس النبــره " لا ما فيها إلا العافيـــه بفضــل مجهودات صقـــر اللي أنقــــــــذ رزان .."
منيــره ما كانت منتبـــــــــهه للهجة زينه , لأنه ما كان في بالهــا إلا إنها تتطمـــــــــن على بنت جيرانهم بالشــاليه , واللي يعدونهــــا وحده من بناتهم ..!
خذت لفتهـــــــا , وإهي تقول " لازم أتطمـــــن عليهـــا , علويه أكيـد ألحين مخترعه على بنتهـــا "
ما كانت قاعده توجـه هالكلام لأحد , وأطلعت ..
لما طلعت قال صقــر بصوت بارد " هالأسلوب الإستفزازي .. عدليـــــــه "
زيـــنه كانت ميــــــــته من الغيــــــــــره !!
مو منطقيــــــــــه تدري ..!
وتدري إنه هالتصرف كان لازم يســـــــويه , بس ما تقدر تقول هالشي لقلبهــــا ..
اللي كان ميــــــــت من الحره.
فإهي مو ناسيه إنه كان يبي يتزوج ذيج بيوم من الأيام ..وإحتمال لما ألحين يبي يتزوجهــا !
يمكن علشان جذي صقر ما كان قادر يوقف مكانه , كان لازم ينقذهـــا ..!
تكتفـــــــت وقالت ببرود " مو عاجبــك إسلوبي ..يمكن تبيني أقلد لك أسلوب رزان ؟!! "
صقــر كان متــوجــه للدري .
وقال ببرود " زيـنه خلاص لا تعورين قلبي بخرابيطج !! "
إحتـــــــــــــرت إنه قال لهـــا زيــــــــــنه ..!
فأهو طول عمره يقولها زيــن !
حتى بعد ما قالت له لا تقولي كان يقولهـا زيــن ..!
ولا علشان حبيبة القلب صارت إهي ألحين زيــنه ..!
شافته يصعـــــــد ..
إهي ما قدرت غيــر إنها تلحقـــه ..
شافته يدخــل غرفتها ..اللي ناموا فيها أمس ..
وإهي دخــلت وراه ..
وقالت بغيظ " قلبـــك اللي فيــــــــــه رزان ؟!! "
ردت تقـــــــــول له قلبــك اللي فيه رزان !!!!!
يا هالرزان اللي امدششتها بكل حرف !!
ما له خلق خرابيط !! وعوار قلب ودلع ماصخ !!
قال بكل جمود " ما راح تفكيـــــــــني من هالطاري !! "
كره إسم هالرزان ..
حس إن سمع إسمهــا مره ثانيه.. بيزوع ..
كل اهدومــــــه ماي , وتوه عامل مجهـــــــود بالبحـــر .., عطته نظره إستفزازيه ..وألحين قاعده تنرفزه بأسلوبهـــا ..
فصخ بلوزتــــــه ..
وإهي صدت على طول , ويهـــا أحمـــــــر ..
بس ردت عليه بنبـره إستفزازيه " ليش مو إنت تحب هالطاري ؟!!!! "
هذي اللي تبي تطلعه من طوره ..
إلتفت عليـــها وقال بنرفـــــــــزه " مو إنتي توج تقولين ما تبيــــن تتكلميـــــــن معاي ...ألحين حلا لج الكلام ..!! "
إهي تدري بهالشي ..
غيــــــــرتها مو مخليتهـــــــا قادره تسكــــــــــــت ..
قالت ببرود " أكيــــــــــد .. يحلا الكلام أدامه عن رزان "
رزان مره ثانيـــــــــــــه ..
الأسم بالوقت الحالي صار وقعه على إذنه مثـــل وقع صرير الأظافر على الحائط ..!
رفع إيده بعصبيـــــــــــه , وقال " قسم بالله إن قلتي إسمهــا مره ثانيه ما راح يحصل لج طيــــــــــب "
دخــل الحمـــــــام وإهي معطيــته ظهــرها ..
الباب كان مفتوح ..
وسمعت صوت الماي مال السبـــوح ..
و زيـــــــــنه تكتــــــــــــــفت وإهي تغــــــــرز أظافرهـــــــاا بزندهـــــا ..
ما كانت تدري شصاير فيهــــــــا ..!
كانت مستفـــــــزه لأقصى درجـــه ..
وعارفه إنها مو منطقيـــه , ومع هذا مو قادره توقف ..
حارتها رزان ..
حارتهــا ..
وقالت " ليش ما ترضى عليـــــــــها ؟!! "
يحس كأنه يقــــــــولها يميـــــــــــن ..تقوله شمال ..
يقولهـــا فوق ..تقــــــــــوله تحت ..
طلع من الحمام , بعد ما إغتســل بطريقه سريعه ..كان حاط فوطه حول خصره ..
وهو ينشف راسه بالفوطه الثانيه
مر جدامها ..
وما قدرت تمنع نفسها من إنها تشوف جمال جسمه الرياضي ..
إحمــــــــــــر وجهها حيـــل , و وخـــرت عينهـــــا عنه ..
وقال بنرفزه " اللهم طولــــــــــج يا روح "
زيــنه هالكلمــــــــه إستفزتهــــــــا أكثــــر !!
خاصه إنه بان عليــــــــه التنـــــــــرفز !
طبعاً معاي لازم يتنــرفز .!!
طلع تي شيرت ..و بنطلون تريننج , وقال بجمود " يــلا خلصي , قولي اللي عندج ؟!!! قولي أنا غلطت بشنو بالضبط إهني !!! إني طبيت البحـر وساعدتها ولا في سبب ثاني !! "
ما لفت عليــــــــــه ..
بس النبــــــره اللي بصوته دلت على الغضب البارد ..
لكن إهي ما كانت بوضع يسمح بمرعاة هالشي ..
بداخلها كانت تتوقع إنه ألحيــن بيقول لها ترى بأخطبهــا ..!
" إنت اللي قول !! ما عندك خبــر تقــوله ..أدامنـا واقفيـــن ..يـــلا قول !! "
شافته يمـر جدامهــا للمنظــــره ..
صقـر اللي كان يوعظ نفسـه بالصبر ..كان صعب عليــه ألحين مع هالإستفزاز !
واللي منرفــزه إنها ما كانت حتى تحاول تتكلم معاه , وألحين ..
قال ببرود " إنتي اللي قاعده تحاولين تستفزيني من صباح الله خيـر ..فخلصيني عندج شي قوليـه , ما عندج خلينا نتكلم عن مواضيع اهم أدام شكلج ودج تتكلمين !! "
شافته وقالت بتعالي " أدري إنك تبي تخطبهـــا ..! "
ويهه كان مصدوم !! شالطاري يخطب رزان !!
بعدهــا إبتســم بسخـــريه ..
إن ما ردهـا شي له , بتردهــا الغيره ..
وأضافت بعصبيـــه " أنا أدري إنك تحبــها "
بدت تخربط ..! مل من هالكلام ..
شافهـا وقال بكل صرامه " أنا قلت لج إنها بحسبـة بنات خالتي ..لا تدخلينها بحياتنا غصب "
تذكرت كلام أبوهـا إنه صقـر يحب وحده ..
قالت بعصبيـــه " ليش إهي مو بحيـاتنا ..ولا لما ألحيــن مو راضي عليـك أبوها السلطان ..وما راح يزوجـــــك من بنته ست الحسن والجمـال ؟!!! عقب ما أنقذتها من الغرق ..يا الفارس المغوار ؟! "
طريقتهــا بعرض فكـــرتها , خلته يعصب ..ويقول " خلاص ..أنا ما أدري إنتي من وين لج هالأفكار ...؟!! أنا ما غلطت لما أنقذتهــا ؟!..و رديــــت عليج وقلت لج إنها بحسبة بنات خالاتي ..خلااااااااااص إنتهيــــــــنا "
الجـــــــــــو كان متـــــــــوتر ..
ردت عليــه بعصبيــــه .." لاااا ما إنتهيـ ....."
لما سمعوا صـوت طفـله خايفه " عمي صقـر ..."
إلتفتوا أثنينهم بتفاجأ..وشافوا الطفله الصغيره اللي إدخلت عليـهم ..
تغيرت ملامحــــــــــه بقدرة قادر ..
وقال فجأه بكل رقة الدنيـــا " داليـــــــا شمقعدج ألحيـــــــن ؟!! "
أهو يدري إنه هذا مو وقت قعدتها بالصبح ! يبلهم ساعه ولا ساعتين ..
زينه كانت بعدهـا ترجف من اللي صار من لحظات ..تحس مو مستوعبــه اللي قاعد يصير حولهـا بصوره مناسبه ..
صقــر ترك زيـــنه واقفــــه , وأكمــل طريجـه لداليــا و ونزل لمستواها ..
وإبتســـــم للطفله بحنان ..
وقال لها برقه ..بعد ما رفع إيده وداعب خدهــا " إشفيـــج حبــوبه ؟! "
زيــنه رق قلبها لما سمعت هالنبره مره ثانيــه , ولما سمعت كلمة التحبب ..!
دايما ً تتفاجأ من قدرة صقر على التواصـل مع الأطفـال ..
من حنــانه ..وصـبره وسعة باله ..
إهي ما عندهـا هالقدره ..فإهي خجـوله معاهم , وما تعرف تتعامل ..
يا رب شكثـر تتمنى تشوف هالتصرف لهـا ..! خل يعتبرها طفله ..للحظه بس ..
لما طاحت نظــرتها على داليـا حست بالشفقــــه تتفجـــــــر داخلـــــــها لدرجـات ما كانت تتخيلــــــــــها ....
البنت كانت ضامـــه لعبــتها بقــوه لصدرهـــا ..!
وتشـوف صقـر بنظــرات مثيـره للشفقـــه !!
قالت داليـا بصوت منخفض " نوسه ما تبي تنام ؟! "
صقـر كان يعرف إنه نوسـه إسم العروسه اللي بيـد داليــا ..!
وكان متيـــقن إنه داليـا كانت قاعده تتكلم عن نفسـها !
وقال بإهتمام حنون " ليش نوســه ما تبي تنام ؟! "
زيـنه كانت تشوف المشهد كأنها مسحــوره !
وتنقـل عيـنها بين ظهـر زوجهـا وبين وجـه الطفـله المعبـــر .
لما سمعت صوت الطفـله يقـول " لأنها تبجي ..وايد ..حيـــــــل "
زيـنه على هالكلمه عقدت حاجبـــها !!
وصقـر حس بالقلق , لكن ما حاول يبين هالشي ..
وقال بهدوء " أفااااااااااااااا وليش نوسـه تبجي ؟! "
نزلت داليـــا عيونهـــا ..وشـفايها كانت ترجــف ..
وقالت " نوســه تقول تبي بابا إبراهيـــم "
زيــنه عقـب هالكلمــــــــه اخــــــــذت نفــس عميق أقرب للشهـقه ..
وعيـونهــــــا غورقت بالدموع التلقائيـــــــه ..!
الشفقـــــــه على الطفلتيـــــــــن غمر قلبـــها ..
وعطت صقــر والبنت ظهــرها قبل ما تبجي جدام الطفــله الصغيره ..!
وأول ما عطتهم ظهـرها نزلوا دموعهــا رحمه على الطفله المحـرومـه من أبوهـا ..
والأب اللي قاعد يتعالج بالخـارج ..!
صقـر عقب ما قالت داليـا هالكلمــــه , ما عرف شيقــــول !!
تأثـــــــــر بشـــــــــــده ..!
ما كان يظن إنه هذا اللي راح تقـوله هالطفـله الصغيره ..!
إلتفت على اللعــــبه اللي كانت بيدهـــا وبدى يداعب اللعبه كأنها طفله حقيقيه ..ما كان قادر يقـول شي ..
بعدها رد عيــونه على الطفـله الصغيره وقال " بابا إبراهيم مشغـــول ..بس اهو يحب نوســه ويحبج ويحب دلال ..و اهو ولهــــــــــان عليكــــم "
شال الطفــــله وقال بحــب " إشرايج ألحيــن نشـرب عصــير ..وبالليـــل أنا وإنتي ودلال نتصـل على بابا إبراهيم "
قالت بهمـس " ونوســـه ؟! "
إبتســــم وقال بهدوء " ونوســه بعد "
حاوطت رقبـة صقــر بإيدهــا وحطت راسهـــا على كتفــــه ..
تحــرك صقـر , ولما مر بقــرب زوجتــه قال لظهـر زوجتـه بصوت جدي " بعديـن نتكلم عن كل شي ..لما تبرديــن وأنا أبرد .."
هـزت راسهـا من غير كـــلام .
ما كانت تقدر تتكـــلم لأنها تدري إنها راح تبجي ..تأثــرت حيــــل ..
لأنها عارفه الأب وقيمتـــه , يا رب إحفظ لهم أبوهـــم ..
من اللي إسمعتـــه وتعــــرفه وإهي واثقــه ومتأكده منه ...البنت تلقى عزهـا عند أبوهـا ..لا مات أبوهـا ..
وما حبت تكمـل الفكره ..
كلمة هالطفله الصغيره البريئه مؤلمـــــه بالحيـل !
وذكـــرتها بحـاجتــها لأبوهـا ..مع كل اللي سواه إلا يظـل أبوهـا الحبيــب , اللي ما راح يحبـها أحد مثـله .

وقت الغروب :
زينــــــــــه :


لجأت لمكــــــــــانهــا السري ..
متسنـــــــده على الطوفه البعيــــده ..تتأمـــــــــل الغروب !!
المايــه بدت تيــــي ..وإهي قاعده تشــوفهـا تجي ..
بس بعد اللي صار حست روحهــا مستنفده ..طاقتهــا ..عزمــها ..كل شي
كلمـــا تتذكــــــــــر شلون قفز للبحــــر علشان ينقذ حبيبتـــــــــه تحس بغليــــان ..
يمكــــــــن إهي مو منطقيــــــــــه , حاشهـــا جزء من الجنـــون !!
لكن منظـر ذيك الحرمه بين ذراعيـــه ..تخليهــا ..!
تخليــها تحترق بنيران جنونيه ..
بس خــــــلاص ما تبيـــــــــه , تبي تقعــــــد عند منيــــره ..
ولا شمعنـــــــــــــه رزان !!!
شمعنــــه رزان اللي تصيــــــــــر لهــــا مواقف جذي معاه ..
مواقف رومانسيــــــــــه ..كأنه بالأفلام !!
مره دعمتـــه وطاحت على الأرض ..واهو حاول يساعدهـا .
ومره إغرقت ..
ومره وقفت تضحك معاه !!
لو إهي جان ما صار شي من هذا لهـــــــا ..!
كل شي يصير لرزان ولصقــر , كأنهم ثنائي ..
أنا مرته !!!! أنا المفروض أغرق وأهو ينقذني ..!
لما وصلت لهالفكره ..اضحكت على روحها بسخريه.. وتعوذت من إبليس
إكتئاب ويأس وحــزن غامـــر روحــهــا ..
إتحس كأنه هالغروب اللي قدامهــا يعبر عن غروب روحهـــا ..
تعبــانه منـــــــــه ..
فأهو قاعد يستفــزهــا وهي ما تبي تتكــلم معاه ..
ما لهـا خلق ..
تحس نفسـها مستنزفـــــــــــه ..من محاولتهـا الظهـور بعدم إهتمامهـا ..
سمعت تطقطق على الخشب اللي إهي متسنده عليه بظهـــرهـا ..
فـزت للحظـــه ..
بعدها إسترخى جسمهـــا ..
عيــونها بدت تركز على الفتحه الأماميـــــه ...تنتظر تشوف القادم ....
ثواني مرت ..
لما ظهـــر أمـــامهــــا ...صعــــد ..وإهي شافته يصعد ..!
صقر كانت تدري إنه أهو ..
ما توقعت غيره ..
شافته بتعابير مسترخيه ..
الجو العام يدعو للإسترخاء ..
مرهقــــه ..هالصفـه ملازمه لها من أول ما إنتقلت لبيــته ..
صقــر تأمــــل زوجتــه اللي متسنــــــــــــده على الحيطه البعيده ..ما جا لهــا إلا بعد ما هدى ..فأهو كان يدري إنها إهني من أول ما جت ..! لكن ما كان يقدر يتفاهــم معـاها من غير لا ينرفز عليـها ..كان غاضب منهـا , وإهي غاضبه ..
وصارت وايد أشياء بينهم ..وتراكمت ..
قال بصـوت جامد " أظن هديتي ...ألحين نقـدر نتفاهــــم "
ردت عيــونها لوجهه وعلى تعابيـــرهــا إسترخاء مو طبيعي ..
غلطان ..
وخرت عيـنها عنـه .
قالت بصوت منخفـض " ما طلع كل اللي بقلبي "
إبتسم إبتســامه جانبيـــه ..!
وقال بصوت صارم " بس علشان نكون واضحين مع بعض .. أنا ما قط تقدمت لهـا ..ما أدري منو قايل لج هالكلام , بس اللي قايل هالشي جذاب "
ما تبي تتكلم عن هالموضوع !
ما صدقت تسترخي شويه ..
تبي تبجي من التعب !! بجي الإرهاق ..
غريب شلون بعد الإنفجار أثنينهم قاعدين يتناقشون بهدوء ..
بس مع هذا قالت بكل صراحه " إهي قالت !! "
تفاجأ وبان هالشي على ويهه
بانت على ويهه الصدمه , وإهي شافت هالشي ..
صقر ما توقع إنه رزان البنت اللي يعرفونها من الصغر على إنها خجوله ..تقول هالكلام !
غريب ليش تكذب !!!
حس بغضب شديد من هالوقاحه ..ما كان ناقصه تصرفات مراهقـــه !!
وبعدهـا قال بهدوء وبثقـه " يمكن فهمتيها غلط ..أو كانت قاعده تتغشمــر "
لأنه ما يتصور إنه في وحده تطلع كلام مثـل هذا !!
وما في سبب يخليها تكذب ..ولا في.. ؟!!
زينه كانت تشوف ويهه , لكن ما في أي ردة فعل ..
قالت زينه لما سكت " لأ أنا فاهمتهــا صح "
بدت تحس إنه إحتمال تكون رزان كاذبه !!
هــز راسه بعدم إهتمام ..وقال بهدوء وثقـــه " ما أدري شنو بينج وبينهـا علشان تقول هالكلام , بس أنا ما قط تقدمـت لهـا , وإذا تقدمت لهـا ما راح أستحي إني أقول ..فهالشي مو عيب ولا حرام ..حتى لو على قولتج إنرفضت !! "
وخــرت ويهها عنـه ..
تدري إنه ما راح يستحي إن كان متقدم !!
فليش قاعد ينكــر !
بس إهي تذكر شكثر أهو كان معجب في رزان !!
قالت بصوت غريب " إنت كنت معجب فيـها "
لما ألحين هالشي اللي كان من سنين تذكره ..! هالشي اللي يتمنى إنه يمحيـه من ذاكرته ..
ما كان يبي يتناقش بهالسالفه !!
قال بهدوء " كان ..بس إعجاب عادي ..يمر فيـه أي واحد ..لما كبرت نسيــته "
وأضاف " ما راح أتزوجهـا , ولا راح أتقدم لهـــا ..ولا أبيهـــا ...إرتحتي ؟! "
غطت ويهها بإيدهــــــــــا ..
رزان لهـا مليون عذر للكذب ! فأهم ما يواطنون بعض من زمان !
الثقه اللي قاعد يتكـــلم فيــها ..خلتها تصدقه ..ودهــا لو تسجل كلامه وتسمعه حق الخايسه اللي إسمها رزان ..
بس يعني ألحين لازم تفكر بالبنات الباجي ..!
منو اللي راح يتزوجهـا ؟!!
بس على الأقل إطلعت رزان منهـــا ؟!
يا رب شنو هالعذاب معاه !!! شنو هذا ؟!
قال فجأه وبنبره غريبه " أنا كنت متقدم حق وحده أول , وإنرفضت من أبوهـا ..تبين تعرفيــــن منـــو ؟! "
إرفعت راسهــا بطريقه مفاجـئه ..
وقلبهـــــا يطق بتـــــــوتر وخــوف ..هالبنت أكيد اللي كان قايل لها عنهـا أبوهــا ..
منو هذي اللي خلت صقر يتقدم لهــا !!
قالت بمحاولة الظهور بمظهـر القويه " إهي وحده من البنات الموجوديـن ألحين بالشـاليـه ؟! "
هز راسـه بالنفي ..وقال " تبيـني أقولج منــو ؟! "
إهي ما تبي تسمـــــــع الأسم علشان ما تذبح هالإنسانه ..
فقالت " وحده من بنــات عمك ..أو من بنات عماتك ؟؟!!! "
هــز راســه بالنفــي ..
خــــذت نفــس عمــــــــــيق ..!
قال بهدوء " ألحيـــــــن أقـــــولج إسمهـــا ؟!!! "
ما تبي تعـــرف ..
ما تبي تعــــــرف أدامهــــــا مو من هذيــــــــــله فخــلاص معناتهـا إنه ما يشوفهــا ..
ومعنــاتها إنه الخطبـه ما كانت عن حــــب ..
وهذا اهم شي ..
وكلامه معنــاته إنه مو خجـل يتكلم عن إنه خطب , وإنرد ..وهالشي يعزز من صحة كلامه ..
هـزت راســـها بالنفــــــي ..
وقالت " لأ " وأضافــــــت " لأ ما أبي أعـــــــــرف ..ما أبي أعرف هذي اللي كنت خاطبهـــا "
أهو أساساً كانت متردد يقـولهــا !!
متردد يقولهـا إنه أبوهـا أهو اللي ردهـــــــم ..
ما يبي يخــرب شكـــل أبوهــا , مو علشان خالد ..!
علشانهــا إهي ..!
يدري إنهـا راح تنهـار إن عرفت عن أبوهـا !!
أبوهــــا حرمهــا وحرمــــه من إنهم يكونون شريكيـــن بهالحيـاة ..
خلق بينهم مشاكل ..وعذبهــــــــم .
مو لشي غير إنه ما كان متصور إنه واحد مثــله ولد ناصر ..يتزوج من بنتـــه !!
إهي كانت تحبـــه بذاك الوقــت وألحيــــن , كانت تعشــقه , وكان يعشقهــــا , يا ترى إن عرفت إن الخلاف ذاك اليوم كان بسبب الرفض شنو بيكون ردة فعلها ..
الجنون اللي أصابه ذاك اليوم واللي خلاهـا تهــرب منـه للزواج من رجل ثاني ..كان بسبب إنه أبوهـا حرمهم من فرصة العمر ..
يا ترى شلون راح تكون نفسيــتها ..
أبوهـا بذاك الوقت ..كان يعاقبــه و ويعاقبــها.
لكن الله ردهـــــــــم لبعــض , الله كاتبهم لبعض ..!
يكره خالد من زمان ..وإكـــــــــــــــرهه أكثر , من أول ما عرف إنه زيـــــــــنه كانت تحبـــــــه , ومع هذا إرفضه , وزوجهــــــــــا من غيره ..
إن إطلبت مره ثانيـه تعرف اهو لمنـو تقدم راح يقـولهـا ؟! بيجاوب ..ويمكن ما يجاوب ..بيترك هذا للزمــن ..
قال بهدوء " خلاص ما راح نتكلم بهالموضوع "
زيــنه توترت فجــأه ..بعد ما إنتهوا من هالموضوع , وشافته لما ألحين واقف ..!
ليش واقف لما ألحين معاها !!
وتوترت أكثـر لما إستوعبت المواضيـع الثانيـه اللي بينهم ..!
ما تبي تتكــلم ..
وما راح تتكلم عن إنه الأول بحيـاتهـا ..ولا عن إستسلامهــا له..
ما راح تقول ولا شي !
الرعب غمـرهــا ..لما شافته يدخــل لمكــانها السري ..
وقالت " خلاص أوكي مصدقتك ..خلني بروحي لو سمحت "
ما رد عليهــا ..أهو تركهـا المده الكافيـه لهم ..
زيـنه كانت تشوف وجــوده بداخل هالمكان الخاص فيـها ..وبهالتصرف ..ما راح ترد تشــوف هالمكان خاص فيـــها ..
ما تبي يرتبط هالمكان فيــه !!
وفي جروحـــه ..
وبكلامــــــــــــه القاسي ..
الألم خانقــــها منــــــه ....!
وقالت بصوت ميــــت ويآئس " لا تدخــــــــــــل ..."
لكن دخـــــــــــل وفرض روحــــه على مكـــــــــــانها الخاص ..شافته بنظرة يأس ...
أضافت " روح ...إطـــــــــــلع من مكـــــــاني "
صقر ما رد عليــــها ودخــل أكثـــر ...
وتســـــــــند على الحائط الجانبي ..بحيث يسد عليـها طريق الهـــرب إن كانت تبي تهرب ..
ووجهه مقابل جهة البحــر , فإهي ما تشوف إلا شعـــره ..
صقـر اليوم الفجـــر مكتشـــف شي له وقـــــــع القنبـــله عليــــه !!
وإهي طول اليوم قاعده تتجنبــــــــه ..ومو راضيه تسمعه ..! تهــــربهـــا منــــه قاعد ينــــرفزه ..
خلاص المفروض ألحين يكونون على احسـن وجـه ..!
تغاضى عن الأسلوب ..و راح يتغاضى عن وايد أشيـاء ..مثل إنها تزوجت رفيـجه ..وإنها كانت مستعده تستمـر معاه ..
قبل لا يتناقشون بهالموضوع مره ثانيه ..
قال بهدوء "طلعتي حرتــــــــــج وألحيــن صار وقت التفاهـــم "
إهي ما تبي تتفاهــم على شي ..
خايفــــــــــه منـــه ..
وشلون أصلاً تسامحــــــه ..؟!! على كل اللي سواه ..!
لكن ما تقدر تروح , حتى وإن كانت تبي ..!!!
صقـر صار بدايـة الغروب ..
يالله شكثـــــــــر المكـــــــــــان حـــــــلووووو ..
يساعد على الإستــرخاء ..
قالت بعصبيــه يائســـــه " شتبي منـــــــــــي ؟!!! ما كفــــــــــاك اللي سويـــــــته , تبي تكســـرني ...تبي تحطمنــــــي أكثـــــر ؟!!!! خلاص خذيت كل شي منــــــــــي ..كل شي ...خلاص إتركني لحـــــــالي .."
كان قاعد يسمــــــــــع ..!
سكـــــــت ..!
كانت بتسكـــــت عقب كلمتهـا الأخيـره لكن أضافت خاصه بعد ماحست إنه قاعد يسمعـــها .. وإنه قاعد ينصــت لهــا ..
أضافت الكلام اللي قاعد يقرقع بقلبــهـا ..
فأضــافت " شنو تبي منــــــــي أكثـــــر ..حتى الشي اللي ما تبيـــــــه خذيـــته علشان تكســـ...ـرني ..خذيته عقـب ما قلت ما تبيــــــــني .."
إلتفـــــــــــت عليــــــها بصوره سريعــه ..
وحط عيــنه بعيــونها ..سالفة إنه ما يبيـــها طالت أكثــر من اللازم ..
وقال بكل إسترخاء وهدوء " أنا أبيــــــــج ..."
سكتت للحظــــه ..!
تشـــوفه بعدها كــرهت روحهــــــــا ليش تسكـــــــت ؟!
ليش قاعده تسمــــــح له يسيطر عليها بكلامه !
قاطعتـــه بعصبيـــــــه " شنو عبالك إني فقــــــــــدت ذاكـــــــــرتي ؟!! إنت قلت ما أبيج ...إنت ..."
هدوءه..
وطول باله تجاه إستفزازهـا !!!
كان قمه بالجديه والإسترخاء ...
صقـر كان يبي يوصـل لشي معاها ..هالكلمه الغبيه اللي قالها علشان ينتقم ..! علشان يجــرحهـا ألحين بدى ينال ثمارهــــا !!!
رد بإسترخاء متظاهر " ما في داعي تذكريـني ..أنا ذاكـــر "
وجهها على طول صـار أحمــر ..
لأنهـا بعد ما نســت لما سلمت روحهــا له ..واهو رفض اللي عرضته !!
ولا نســـــــت إنه خذاهـــا اليوم وإنها إستسلمت حتى وعقــب كلمــته ..
حست نفسـها كأنهـا أداة ..لأنه قايـل لها سابقاً إنه ما يبيــها .
هالشي يجــــــــرح ..يذبح ..
أضاف صقـر " وذاكر شنو صار ذاك اليوم الظهــر لما ييت من الكراج لمرتي ..وتفاجأت إنهــا تشــوف ألـبـ ..."
هالشي بعد ما تبي تذكـــره كلش ..
هالشي اللي خرب عليــها كل شي ..تبي تنسى غلطتها الغبيه ..
قاطعتــــه " لا تكمــــــل ..أنا حاولت أفســر لك ...." وأضافت بويه شاحب " أنا حاولت أفســر بس إنت ما تسمـــع ...وبعديـــن فواز ..فواز ..ما صار زوجـ .."
فجأه إستوعبت شنو كانت تبي تقـول ..وإخجــلت تكمــل ..
أستحـــــــــت ..
وفجأه إستوعبت إهو شلون عرف إنه فــواز ما قط لمسهــا ..و زاد خجـلها
قال لهــا بصــــــرامه قاسيـــه " حتى لو ما لمســــــــــج فأنا ما أبيج تنطقيـــن بإسمـــه .."
ويهها إشتعـــــــــــل من كلامه الفظ ..
ما يعرف يختار كلام يراعي فيـه خجـلها ..( حتى لو ما لمسج )
أما اهو فأضاف " فأنا ما نسيـت إنج إخترتيـه من بد الناس ..وكنتي تبين تقضين معاه حيـاتج "
خجـلها خــلاها تسكت ..مثل ما يفعل الخجل عاده ..
أصمتــــها إحــراجهــا ..
إهي معصبــه عليـــه , وقدر يكــتم غضبــها بالخجــــل ...
وبعدهـا قال بكل جديـه " ولا تنســين إني ما دريت إنه لمسج إلا أمس بالليـــل ..أنا ما كنت أعرف الغيب..تصوري صدمتي لما عرفت إنه زوجــتي الأرمـــــله ..."
خجـــــــــــلها بغى يخنقــــــــها ..
ما تدري شنو بيقــــــــول أكثـــر ..
لكنــه مستحيـــل ..مستحيــــــل ...!!!
إختيـــاره للكــــلام ..يغيظ...!
قاطعتــــــــــه بإحـراج " خــلاص لا تكمـــل ...وصلت فكـــرتك "
وبعدهـــا صدت عنـــه ..
وإهي تغمض عيــنها بخجــل فظيــع ..
بس ردت لها قســـوته ..! كلمة ...ما أبيج !! تعبــــانه منه ...
صقر شاف تغيير ملامحهــــــــا ..من الخجـــــــل ..للألم ..ما يدري بشنو فكــرت ..؟!
لكن أهو يدري إنه كان مثـل الدب المجــروح اللي كلما تكلمت معاه هب فيهـــا
صد وشاف منظر البحـــر ..المايه قربت وايد ...صوت الأمواج الجميــل ..
وايد أشيـاء إنقالت لأنه كان مجنون من الغيره ..
ألحين لما يتذكـرها يحس إنه له عذر ..بس بدى يحس بقوتها ..
قال بكل هدوء " ذاك اليوم كنت غيــــــــــــــران ..وأنا لما أغار ..هه ..إنتي شفتي أثـر غيرتي على ظهـري ..شفتي شنو سوت بظهـــري ..ذاك اليوم كنت حاس إنه هالزواج راح ينجـــح , إنه كل شي راح يصـــير تمام ..ذاك اليوم ..كنت حاس إني متزوج ..وسعيـــــــد ...فلما شفتج تشوفيــن الألبوم بغيت أجــــــــــن ..حسيــــــــــت ... "
سكـــــت فأهو مو متعـــود إنه يتكـــلم عن أحاسيســـــــــه ..
لكن يدري إنه لازم يكمــل ..
لأنها قالت وعبرت عن مشاعرها .. تستاهل منه هالإعلان ..
إهي كانت جامده تسمع كلامه ..ما تدري تقاطعـــــــه وتقــوله كفايه ..
ما في مجـال للإنقاذ ولا تسكــــــــت ..
" ما أبي أسمع ..."
قاطعهـــــــا بقوه واهو يقول بصرامه " لازم تسمعيــن علشان تفهميـــــن اللي صار .. أنا مو من عادتي أشرح تصرفاتي ..وهالشي صعب علي ..فلا تقاطعيني وخليني أخلص "
إسكتت زيــــنه لأنها فعلاً تحس بالفضول تسمـــع ..
تنهــــــــد صقــر ..و أضاف .." حسيـــت مثــل اللي إنحذف من أعلى جبــــــــل ..لأسفـــــــــل الأرض ..هه .."
بدى يطق راســـه بالخشــب اللي وراه واهو يذكر إحســاسه ذاك اليوم ..
وأضاف " فواز كان مثـل الطيف الأسود اللي كاتم على نفســــي ..دايماً موجود بالظـــل ..دايماً كنت أتساءل عن علاقتج معاه ..سبب إختيارج له .. ليش فضلتيـه علي ..ولما قررت أتجاوز هالشي .."
أختارته لأنه اهو اللي تقدم بذاك الوقت , وأبوها كان فرحان فيه , وإهي كانت تبي تعوض أبوها عن الفشله اللي فشلته إياها وفشلت روحها لما ركضت ورى صقر جدام الكل..
هـــز كتفــــه وعيـونه على الأمواج البعيده..
وساد الصمت فتره ..!
وبعدهـا أضاف بصـوت فيـــه عمق " كأني أنخدعت مره ثانيــــه ..وعلى طول فكرت إنج.. تحبيــنه ..رحتي تشــــــوفين صورته .. إشتقتي له ..هذا اللي جا في بالي ..."
زينه كانت تشــوفه مبهـــــــــــــوره ..
قاعد يتكـــلم معاها ..
قاعد يقــــــول ..
قاعد يبرر تصرفاته ..
وكمــــل " وتصير هذي المره الثانيــه اللي تتخليـــن فيها عني ..علشانه ..علشان رفيـــجي "
غمض عيــــــــــنه ..
كان يتجـــنب النظر لهـــا ..علشان يدري إن شافهــا ما راح يتكـــلم ..
أما زيـــنه ..فما كانت متصــوره ..
ولا بأشد أحلامهــــــــــا إنه هالأفكــار كانت تمـــر بعقــــــــــــــــله ..
أفكـــاره لو مرت للحظــه بعقـــلها ..كانت راح تجـــــــــن من الحــرّه ..
أضاف " فحاولت أثأر لكرامتي بالطريقه الوحيــده اللي أعرفهــا .. كلامي .." وكمــل " ذاك اليوم كان من أسوأ أيام حيــاتي .. جربي ...بثانيــــه ...تطيحين من قمه الأمل لحضيض اليأس ..رديــت للبيـــت وقت الفجـــر تعبان ...ومتوقع خلو البيت ..وتفاجأت فيج تنطــريني ..وما كان مني لما شفتج إلا إني أرد أبيـــــــــج وبقـــــــــــوه مع كل اللي ســــــــويتيه .. ولأني أدري إني ما كنت أقدر أقاومــــج ..وعلشان أدافع عن نفســــــــي وعن كرامتي ..جرحت كرامتــــج ..وقلت إني ما أبيـــج .. "
كانت تسمع تفاصيل ذاك اليوم المؤلم ..
واهو أضاف " أقولهــا بلساني ..وكل شي فيني يرد كذاب ..إنت تبيـــها بكل ما فيـــك ..وأنا أسف على هالشي "
إلتفت عليــها وإلتقت عيـونهم ..
وكمـل " لما قلتي لي ..عن حبــــــــج .. "
حســـــــت بالخـجــل من ذكرى إعترافهـــا ..من إعلانهـــــــا بكل صراحـــــه بالحب والعشق ..
عن إعلانهـا إنها كانت مخلصه له قلبيـاً طول الفتره الماضيــه ..
وإشلون كان واقف مو مصدق شي من كـــلامهــا ..
قال بحــــــــزم " لا تستحــــــــــين من هالكلمه ..هالكــــــــــــلمه ردت إرفعتني من أعماق اليأس ..إلى أعلى قمة الأمل ..خلتي أؤمن إنه هالزواج راح ينجــــــح "
النبــــــــــره ..
النبـــــــــــره الصادقــــــــــه ..خلتهــا ترفع راسهــــا ..
تأثــــــــــرت من قوة نظـــــــــــرته , ومن صدقــها ..
بس هالشي ما يمنـع خجـلهـا من إنهـا إعترفت بحب من طرف واحد ..
وقالت بهدوء " ما كنت أظن إنك مصدق ؟!! "
هــز كتفــــه ..
وقال " كنت مصدق ..بس منصــدم ! "
ليش قاعد يقـــول جذي ...خايفه !!
تخاف منــــه !! ..
مع كل كلامــه ما قال ولا كلمة حب ..
ما تدري تأمن له ..ولا ما تقدر ..
قالت بخشيه " ليش قاعد تقولي هالكلام ؟! "
ما يصدق إنه بيقول هالكلمــه اللي قالهـا مليون مره ..
ضحك بخفــه ..لأنه حاس هالكلمه صارت نكته !!
بس أهو دايماً يقصدهـا , بكل لحظـــه لما يقولهـا .
وألحين أكثـر مره ..
لكن قال " لأني أبي هالزواج ينجح "
تذكرت نظــرته لهــا ..
إتهـاماته القاسيــه عن حبـها للفلـوس .
وقالت " شلون ينجح وأنا تزوجــتك علشان فلــوسك ؟! "
إنصدمـــت لما شافت على وجهه تعبيــر أقرب ما يكون للخجـل , واهو يقـول " وإنتي بينـــتي لي إني غلطــان ..قلت لج أنا مصدق "
ما تنكـــر إنه قلـبهـا رفرف إنه ما قام يظن فيـها هالظن البشــــــــع ..
لكن شافته بنظره جامده !!
يبي هالزواج ينجح , ويبيهـــــــا تصدقـــــه ...وأهو يبي يتزوج علــيهـــا !!
"ما راح ينجح هالزواج "
بعد اللي قاله لهـا , وما تبي تحــاول ..
شنو تنطـــــــــــر منه أكثـــر ..؟!
قال لها عن أحاسيسه , وأفكاره ..واهو ما غلط بشي لما خلاها زوجــته بالفعل مو بس بالورق..
تبي تعاقبـه على هالشي يعني !!
عقــد حاجبــه بغضب ..
لكن حاول يسترخي " راح ينجح إذا إحنا نبي هالشي"
ما يفهــــــم إنها ما راح تقــبل فيــــــه ..
قالت " ما راح أحاول وأتنافس مع زوجتك الثانيــه "
تنهـــــــــد !!
هذا إهي السالفــــه !!
إبتســــــــــم , وتبخـــر الغضب ..
وإحساس السعاده اللي كان يحاول يكتمــه من أول ما إكتشف إنها ما كانت لغيـره من قبــل ..
روح المرح إشتعلت فيــــه !
زينه شافت إبتســـــــــامته وتعســـرت ...
قال لهــا بمرح " يمكن كان المفروض أوضح لج بطريقه أكثر مباشره .. ما راح أتزوج من وحده ثانيـــه..هذي كلمه ثانيه قلتهـا بوقت غضب .." شافهــا وقال بكل بساطه وبمزح " وحده بس تكفيني ..ويالله أقدر أخلص من مشاكلهــا "
تجمدت بمكـــــــــــانها ..!
ما تصدق إنه قاعد يشوفها بويه متسامح ..ما كأنه معيشـــــــها على أعصــابهـا وبعمق الألم طول الأيام اللي فاتت ..
وألحين بكل بســـــــــاطه يقـــــــول إنه ما فكر يتزوج وحده ثانيــــــــه ..!
هالأستفزازي ..الخايــــــــــــس ..
كان يدري إنه ما راح يتزوج بس مخليــــــها على أعصــابهــا ..
فجأة إنفجــرت بالبكــاء ..
حرام عليــــــــــه هالإستفزازي ..
حرام عليــــــــــه !!
ما تصدق إنه كل هالمعاناة والتوتر , وقعدتهـــا على أعصــابهـــا ..وأخر شي حضـرته ما كان يبي يتزوج !!
غطت ويهها بإيدهــــا ..
أهو أختفـــــــــت إبتســامته على طول !!
ورد توتــــــــــره بشـــــــــده ..! مو بس توتر ..إختـــرع ..
بكاهـــــا كان مفاجئ !! و ذكره بذاك اليوم اللي تقدم لهـا فيـه على الشاطئ .
اهو عنده موهبـه خاصه بهالموضوع الظاهر ..كله يبكيـها !! من كثر ما بكاها مو قادر يعدهم..!
وعلى طول قـــرب , مســـــــــــك ذراعهــا وشدهــا لصدره ..
طبعاً قاومـــت لثانيـــه ..
بس بعدهـا إستسلمت .!! لأنهــــــــا تعبــانه !!
قال بصدمـه " ليش ؟! ليش ؟! "
آآآآآآآآآآآآآ ..
" تعـ..ـبت منـــ آآآآآآآ ــك "
تنهــــــــد ..
يدري إنه أحيـاناً يكون قاسي عليــها !
ضمهـــــا أكثــر لصدره ..
ومرر إيده على كتفهـــا بمواساة ..!
وقال بهمس ومواساة " أدري ..أدري "
إهي ما كانت تسمع غير صوت بكاهـا ..!
بس تعبت منــــــــه !!
" حرام عليـــــ آآآآآآآ ـــك ..حــــ..ـرام ..أذيتني "
كانت لما ألحين خاشــه ويهها بإيدها ..وأهو ضامهــــا !
تقطع قلبــــــــه عليـها ..
خاصه بعد ما عرف إنهـا تحبــــه , يدري إنه ألمهـا منـه مضاعف ..
اهو ما كان يبي يســــــــوي فيـها جذي ..
" آآآآآآآآآآآآآ ما تسـ..ـتعـ..ـمل من الكـ..ـلام ...إلا أقـ..ـساه ..ما تستعمل آآآآآآ من التصـ..ـرفات الا أكثـر شي يـ..ـجرحني .."
ما قدرت تكمـــــــل , وإجتاحتـها نوبة بكاء ثانيــــه .
تألم ..لما يشوف نفسه من وجهة نظرها يكره روحـه !!
أهو يدري إنه قاسي معـاها ..!!
بس اهو طبعــه جذي !
يضرب اللي يجــــــرحه بكل قســوه ..بالكلام ..بالتصرفات !
ضمهـــا بقوه لصدره ..طفلتــــــه ..أكثر وحده شحذ عليــها لسانــــه ..وبين قدرته بالتحطيم ..
كان قاعد يقول لهـا بين كلمه والثانيه بصوت في مواساة " أدري .."
"صح "
"معاج حق "
" أممم أه ه ه ه ه آآآآآآآآآآآ ..إهيء آآآآآآآآآآآآآآآآ "
احبك ..أعشقك ..ما إكتفت بهالهدايــا ..
عطتـــه أغلى وأثمن هديـــه ممكن ياخذهـا رجل من المرأه اللي يحبهــا .
ويدري إنه صعب بالتعبيــر عن مشاعــره !
فيــــــه عيوب الدنيـا كلهــا ..
لكن يعشقـــها , يعشقهـــــــــــا بجنون .
يعشقـــــــــــها أكثــر من قدرته على التعبيــــــر ..
صوت بكاهــــــا قاعد يذبحـــه , يا رب !!!
تحول البكاء لشهقـــات متعبــــــه !!
إستقــرت بحضـــنه ..
وبعدت إيدهـا عن وجهها ..
أجمــل منظـــر كان قبــالهــــا ..
السما لونهــا أحمــر وبرتقالي ..والشمس قاعد تودعهــــــــــم ..
والمايــــــــه وصــلت لي المكــان اللي اهـــــــــم فيه..!
الجـــــــو لطيف ..فيه لسعة بروده ..
لكن إهي بحضــــــــنه ..دايمـاً تنتهي بإنهـا تكون بحضنـــه !
وحــاولت تبتعـــد بتعـــــــب ..
لكن صقـــر ضمهـــا أكثــر ..وإهي تعــبانه مالها خلق حتى تقاوم ..
تنهـــــــد ..
رفع إيده , ومســــك وجهها ..ورفعــــه عند صدره ..
حاولت تقــاوم ..
ما تبي يشوف وجهها وأثار الدموع ..
لكن إيده كانت قمه بالإصرار ..رفع راســها له ..لكن عينها عاندت وظلت تشوف الأسفــل متجنبــــــــه عيونه ..
مسح بإبهــامه أثار الدموع ..
زمن إنه يخبي اللي في قلبـه واللي بعقـــله لازم يروح !!
ضغط على نفســــــــه ..!
على تردده المعتاد ..!
وقال بهدوء مناسب لهالجـو " أنا أدري إني قاسي بإختيار الكلام .. و أدري إنه تصرفاتي تكون قاسيه ..أدري إني إنسان صعب ..أدري إني كلي عيـــوب "
رفعت عيونها بتردد لعيــــونه ..
عيونه كانت تلمع بطريقه غريبه مبهــره لهــا ..
ما تصدق إنهــا قاعده تسمــــــع منه هالكلام ..!
وأضاف " إستحملي ينوني ..قسوتي .. غيرتي ..إستحمليني .."
شد على وجهها علشان يقدر الكلمـــه التاليــــــه , الإعتراف الأشد قـوه عليـــه .." لأني أحتاج إنه ننجح .."
غمض عيـــــــونه وغمضت عيـــــــــــونها ..
ونـزلت دمعــه ضاله من عيــن وحده من عيونها ..
مو مستوعبـــه إنه قاعد يقولهـا هالكلام !!
مو مصدقـه إنهـا قاعده تسمـع عن إحتيــاجه لهــا !!
مو مصدقـه إنها قاعده تسمعــه يعترف بهالإحتياج ..
داعب أنفــــــه بأنفهــــــا !!
كرر الكلمه اللي كان يجد صعوبه في إنه يقولهـا ..وقال " أحتـــــــــاجـ..ـج "
إلتقى معــــــــــاهــــــــــــا ..وإهي ما إبعدتـــــــه ..
هالشي إيجابي ..صح ؟!!!!
بس بعد فتره وخـرت بخجــــل وحيـاء ..كان وده يمنـــعها .. بس بعدها إستوعب إنه المكان مع إنه صاد إلا إنه مو مناسب ..
وإهي نزلت عيــونها بإستحيـــاء ..
وما مر بعقله غير فكرة إنه يعشقهــــــــــــا ..
قال بهدوء " اللي يصير بينا طبيعي يصير بين أي زوجيــن "
وصدت أكثـر عن عيــونه ..
وأبعدت وجهها عنـــــــه ..وأهو سمح لهــا بهالشي ..
بس خلاص ما يقدر على بعدهــا ..
وقال بصرامه " أبي نفتح صفحه يديده "
زينه تقدر تصده !!
لكن وبعديــــن !!
شراح تستفيــد ؟!
إعتذر ..وندم ..وبرر .. وتكــــلم ..
مو هذا اللي إنتي تبينه يا زيــنه إنه يتكلم !! قال إنه يحتاجج ..عرى نفسه جدامج ..
بس ما قال لج أحبج ..ولا اعشقج مثل ما قلتي له ..
بس إنتي ما قلتي هالشي علشان يرد يقولج نفس الكلام إذا ما كان يحبج !
واهم شي إنه عيــنه مو على رزان , ولا يفكر يتزوج ؟!!
راحـــــــــــــه عميقــــــــــــه غمرتهــا لما إستوعب عقلهـــــــا هالحقائق !!
بس تذكرت وعدهـا لمنــال ..
عضت شفايفــها ..وإهي تحتاج لهالوقت ..تستوعب اللي قاعد يصيـر.. حيـاتها قاعده تسيــر بطريقه سريعــه غريبـــه ..!
إضافه لحاجتها إنها تتفهم عدم إعلانه للحب لهـا !!
رفعت عيونها له وقالت بصوت منخفض " انا متواعده مع البنات أنام معاهم بالشاليـه الرئيسي الليله ..فبنام معاهم الليله "
شافت الإحباط بوجهه ..وبعدهـــا الغضب ..فقالت بهدوء وثقـه " أحتاج لوقت علشان أستوعب اللي قاعد يصيــر بحيــاتي "
تحــرك من مكــانه , وعطاهــا ظهـــره !!
توه كان يقـول لنفســه عن الصبـــر ..
وألحين مو قادر يصبـر إنهـا تنام ليــله بعيــد عنه ..
قال " ماشي ..ماشي إخذي الوقت اللي تبيــنه "
واهو وده يقــــــــول ما أبي أعطيـج أي وقت ...!!!!
وقال بجمود " نزلي ألحيــــن من هالمكــان ..المايــه يت .."
ما تدري إن كان قرارهـا سليــم ولا لأ ..؟!

بعد فتره صلاة المغرب :
رزان :


كانت مستلقيـــه على القنفه قبال التليفزيون .
فعقب اللي صار اليوم الظهــر تحس مالها نفس تتحرك ..
تجربه مخيفه ..
ما قط هقت بيوم إنها بتخاف من البحـر ..
كان النفـــس قاعد ينقــــــــطع منهـــا ..شافت الموت بعيــــونها ..
لما حســت بذراع تحاوط جسمهـــا ..
خافـــــــت ..ما تدري متى فقدت الوعي ..
إفتحت عيونهـا و عرفت إنها كانت بذراع صقــــر ..
صار ويهها أحمـــــــــر !!
سمعت صوت أمهـا يقول " يا حـــــــــــــلاتج بالحجاب ..شالزين ..شالحلاة .. ..شلونج زينه ؟!! "
تفاجأت !
زيـــنه !!
إعتدلت بقعدتهــا ..وشافت الباب لما دخـلت زيــنه وإهي تقـول " حلت دنيـــاج خالتي ما قصرتي ..الحمدلله بخيــر إنتي شلونج ؟! "
ردت أمهـا الرد المناسب ..وبعدهـا قالت " يا ليت تشكرين صقـر على اللي سواه اليوم لرزان ..لو ما أهو ..."
زيــنه حطت إيدها على ذراع أم رزان وقالت بكل صرامه مخلوطه بحنان " ما عمل إلا الواجب .. المهم ألحين اشلون رزان ؟ "
إبتسمت أم رزان وأشرت على بنتهـا وقالت " كاهي رزان ..الحمدلله أحسن .. تفضلي وأنا بخليكم مع بعض "
رزان كانت قاعده تشوف اللي داخله عليـها وإهي حاسه إنه وراها شي , وتأكدت من هالموضوع ..
لما إلتقت عينهـا بعين زيـنه ..
اللي قربت كذا خطوه وقالت بجفاف " الحمدلله على السلامه "
ما توقعت رزان إن زينه بتيي علشان تتحمدلها بالسلامه بس ..
مع هذا ردت عليـها بهدوء " الله يسلمج " وكملــت " ما أظن إنج يايه تتحمديـن لي بالسلامه "
زينه تكره هالإنسانه ..
ما في مشاعر تقدر تعبر عن مدى كرهها للي أسمها رزان .
فإهي لما ألحين تذكر الكف اللي تلقته منهــا ..
وما نســـت الكذبه اللي خلتها تتعذب أيام ..!
فقالت بكل هدوء " معاج حق .." وشافتها بقوه وإهي تضيف " أنا يايه أقولج إني قلت حق صقر عن كلامج "
توسعــــــت عيون رزان بصدمـــــــه ..!
كان ممكن هالمنظر يثير شفقة زينه , بس إهي كانت ميته من الغيره لدرجـــه كاتمه على نفســـــــــــها ...!
وأضافت " وقال إنج كذابه ..ما تتصورين ردة فعله المصدومـه "
رزان لما كذبت كذبتها ماهقــــــــــت هالنتيجــــــــــه ..
وأكيد إنها ما تمنتهـــــــا ..!
كانت تتمنى لو تمــــــــــــوت ألحين وبهاللحظــــــــه !
حســــــــت كأنها مخنوقه من الإحراج ..فإهي ما قط تصورت لما كذبت إنه كذبتها راح توصل للريال نفســه , ويسمعهـــا ..
تخيلت شكلهـا ومنظــرها بعيــــــــونه ..!
حســت بحراره ..الإحراج بجسمهــــــا كله ..!
زينه كانت تشوف ردة فعل رزان بعيــن الرضا , إن كان عندهـا جزء من الشك إنه رزان كانت صادقه فإهي ألحين محت هالفكره كلياً ..!
فواضح إنه رزان ما كانت تتمنى إنه توصل لصقـر الكذبه .
قالت رزان بصوت مخنــوق وإهي بتبجي خاصه وإهي تشوف نظرة الإنتصار بعيـون زينـه " إنتي ..قليـــلة أدب ..إنتي ..طلعي بـــــــــــــرا ..طلعي من شاليهنا .. ماأبي أشوفج بالمره "
زينه كانت تدري إنه كثر الدق يفج اللحام ..وإنه أي ريال إن شاف وحده قاطه روحهــا عليـــه , وتحبـه وتسوي له حركات إحتمال يميــل لهـا , خاصه إن كان معجب فيـها بيوم من الأيام ..مثل حالة صقر و رزان ..!
يمكن الناس تشوف تصرفهـا قاسي ..
فإهي تفضل تكون قاسيـه على إنها تفقد زوجهـا على وحده مثـل رزان ..
قالت زينه بصرامه " أنا قليله أدب , ولا اللي تتلصق بريال ما يبيهـــا ..." أرفعت إيدهــا تسكت رزان وإهي تقـول بصرامه " راح أطلع , بس مو قبل لا تحطيـن في بالج إن ريلي خط أحمـــر ..إن قربتي منــه راح تندميـــــن .. اليوم صقـر بس اللي يدري عن كذبتج بس مستعده إنه الكل يدري ..أنا مينونه بهالسوالف ..تذكري هالشي "
تحــركت ..
و زيـنه طالعه شافت أم رزان عند باب الصاله , وقالت " توج يايه , مســـــــرع ..ما شربتي حتى عصيــر ؟!! "
زيــنه اللي كان قلبـها يطق من جنون فعـــلتها ..
إبتسمـــت بتوتر , وقالت " ما عليــــــــه خالتي ..وقت ثاني "
وطلعــــــــت من شاليه رزان ..!
تحس صوت قلبــها قاعد يطق بقســــــــــوه ..
بس على الأقل بينت موقفهــــا حق رزان ..وقد أعذر من أنذر ..! كيفهــا ..إهي اللي بدت الشر ..! شكوووو تكذب ..!
رزان كانت مصعوقه ..
وين تودي ويهها ..!
صقر يدري إنها كذبت وإنها تلصقت فيـــــه ..!
أبيـــــــه ما تقدر تقعد إهني ..
دخــلت أمهـا ..وعلى وجهها إبتسامه ..قالت رزان بلهفـــه وإهي على شفا البكاء " يمــه خلينا نرجع الكويت "
شافتها أمهـا بنظرة إستغراب ..! توهــا ما كان فيهــا شي ..
قالت بترجي .." يمـــه كارهه الشاليــــــــــه , عقب اللي صار الظهـــر كارهتــــــه حدي ..حاولت أعدي هالشي بس مو قادره حاسه إني مقموته ..وايد "
رزان مع الخيالات اللي تصورتهــا بعقلهـــا ..بدت تبكي ..الموقف شديـــــــد وقوي خاصه على بنت سنعه وتعرف الأصول مثلها !
والمشكله إنها إهي اللي حطت روحــها فيـــه .
رمـــــت روحهـا بحضن أمهـا , وإهي مو متصـوره نفسـها بالموقف اللي صار ..!
التعاطف بان على ملامح أمهـا الرقيقه ..
وقالت " يا حيــــــــاتي ..خلاص لا تبجيــــن ..إن شاء الله أقول لأبوج .. وأنا ومعاج نحدر للكويـــت "
كمــلت رزان بكا ..
خاصه إنها ما كذبت كذبتها إلا علشان تحر زينه ..فقط لا غير ..
ألحين شنو بيفكر فيها إنها راميه روحـها عليه وبتخرب عليه زواجه..

الليـــــــله :
شيلبا :


خلاص توصلت لقرار ..
راح تعيش عند ناصر , تبي تاخذ الجنسيه الكويتيه , وبعدها تطلب الطلاق ..!
وبعدهـا تقدر تجيب أمهـا , وأهلها ..!
بتكون وقتها كويتيه الجنسيه وما أحد يقدر يكلمهـا بطريقه مو زينه , أو يعاملها بأسلوب مو زين .
راح يصير حالها من حال أهل البلد ..
خاصه إنه صقر قال لها إنه راح يوقف معاها وما راح يخلي ناصر يطقهــا !



[COLOR="red"]يتبـــــــــــــع ... COLOR]
E]


الساعة الآن 01:15 PM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية