كل الشعر قطره و شوقي بحرها
فزّ الخفوق وقلت يالله عسى خير
أثر الليالي عاد غايب قمرها مع شوفته نشوه و فزّه و تخدير و عيون خلاّن(ن) تعانق نظرها يفزّ له قلبي كما فزّة الطير و الرجل كن اللي تحتها غدرها يا صبح عمري يا صباح التباشير نوره ملا قلبي و روحي غمرها عقب الفراق اللي تعدّى المحاذير يبّس غصون القلب جافي دهرها ربّع بـروحي عقب ماهي معاسير سحابة(ن) هلّت بقلبي مطرها و اسقَى بها زرعة هوانا بتقدير غرسة غرام(ن) بالمحبه بذرها يا عاذلين العين والله مخاسير و اللي درَى عن حال عيني عذرها تشوم عيني عن جميع الغنادير و إن ناظرت عيني فوادي نهرها يا ناس احبه و المحبه مقادير هذا هوَى نفسي و هذا قدرها و الحب ماله يا اهل الحب تفسير قلبين و الله بالمحبه امرها لا جيت اصوّر حالة الحب تصوير و أرد عن حالي لخلّي خبرها لقيت وجدي فوق كل التعابير كل الشعر قطره و شوقي بحرها |
بوح قلم المتألقه يعطيكي العافيه ومشكوره يا طيبه كلمات رائعه جدا
يا ناس احبه و المحبه مقادير هذا هوَى نفسي و هذا قدرها و الحب ماله يا اهل الحب تفسير قلبين و الله بالمحبه امرها تقبلي مروري المتواضع ودمت بسعاده وهناء ولك الأحترام والتقدير |
العفو اخويه
تسلم عالمرور الغاوي حياك الله |
الساعة الآن 10:34 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية