معلومات هامة عن أورج pa800ex
بسم الله الرحمن الرحيمِ
إخواني وأصدقائي أنا وبعد دراسة عامة عن هذا الاورج وما اقصد أن أكرهكم بهذ الاورج لكن أريد ان أطلعكم على حقيقة هذا الأورج كلنا عرفنا أورج الفيجا وسمعنا بجمالية أيقاعاته وأصواته وأي حد كان يشتري أي كورج من فصيلة البي أي كان يدور اول شغلة على إيقاعات الفيجا طبعاً نزل مليون تحديث للفيجا مثل البلاس وال ex2 وex3 وex4 و النايت والماكسيما والإكستريم وبالنهاية كانت لعبة إستطاع وكيل الفيجا إقناع العازفين بها وهو أورج واحد فيجا لم يتغير فقط ستيكرات وحمايه للشاشة وبرنامج جديد ومقدمات جديدة هاي كانت لعبة الفيجا اليوم صار لازم يغير لأنو لو نزل فيجا 5 رح يصير مسلسل مكسيكي الفيجا وماله نهايه فحب يجدد ويخترع أورج يكون له إقبال عند العازفين وبنفس الوقت سهل فإختار ال 800 لأن له إقبال وكان المنافس دائماً للفيجا المعلومات اللتي لاتعرفونها عن أورج الكورج pa800ex 1_الاورج ليس له صلة بشركة الكورج وإنما أورج تقليد لل 800 العادي اللي لونه أزرق ولو تحبو تتأكدو إدخلو على الويب سايد للكورج ومارح تحصلوه موجود لأنو مش تابع لشركة الكورج أنما هو صنع خصيصاً لوكيل الفيجا وصنع بالصين وكتب عليه صناعة إيطالية 2_نفس سيستم الكورج السابق 800 مع بعض التعديلات ويقرأ كل ملفات ال 800 العادي ولا يمكن لل 800 العادي قرأة ملفات ال ex بسبب اللوك اللي عملوه بسيستيم الأورج 3_لو قارنا بين ال 800 العادي وبين ال 800ex من ناحية الهيكل التاتش والشاشة نلاحظ الفرق الكبير وبتقدرو تحكمو عليه بنفسكم رح نلاحظ قوة الشاشة والتاتش رائع والهيكل أقوى بال 800 العادي بينما 800ex رح تشوفو العكس الشاشة تحسها تجارية وكانك عم بتقارن بين الجوالات أول مانزلت ملونة وبين الجوالات الحديثة وهيكل ال 800 ex تحسه أخف بكثير من ال 800 العادي وحتى التاتش يفرق معكم 4_جربناصفاوة الصوت و ضغط ال 800 العادي على المسرح ولقيناه يعطينا كوالاتي صافي وجميل وتحس أنك عم تشتغل على أورج وأنت مستمتع بالكوالاتي اللي يخرجه ال 800 العادي اما ال 800ex جينا على الصخب وعلى الدستورشن اللي يضيع كل جمالية العازف وروحه اوكي أصواته حلوة وإيقاعاته حلوة لكن أرجعنا وكانك عم تشتغل على فيجا ماتحسه كورج 5_مافي شي مستحيل انو مانقدر نسحب أورج ال 800ex ونخلي ال 800 العادي أو ال2 اكس يقرأه مافي شي مستحيل في عدة طرق لكن المشكلة أنو يحتاج لوقت كبير وبال فاضي نقدر نسحب الكيتات وبعدين فينا نحول الإيقاعات لكن ياخذ مجهود كبير أسف للإطالة لكن إسمحولي يا أصدقائي أنا ما أقصد انو أكرهكم بالأورج بالعكس اورج سهل وحلو وجاهز وهذا للأسف اللي يبحث عنه كل عازف أنو يلاقي كل مايحتاجه جاهز من دون مايتعب بس حبيت أعطيكم بعض المعلومات اضن كثير مايعرفوها إسمحولي للإطالة |
حكيك صح اخ احمد بس الموضوع انو في كتير عازفين ما بتعرف تشتغل بلأورغ يعني اكتريتون بس بيعرفوو يطلعو على الحفله اما برمجه ما بيعرفوو لهيك بلاقوو انو الفيقا او البي اي 800اي اكس حلوو كونو جاهز بس حكيك صح انا عندي بي اي 800 اي اكس
بس انا براي الشخصي انو نحنا عنا كورج ليش لحتا نحط في فيقا يعني نروح نشرتي فيقا احسن صح الواحد جاب كورج منشان يعمل شي خاص في بس برجع بقلك مو كل الناس بتعرف تشتغل مشكور على الموضوع الحلوو |
اقتباس:
والكثير من العازفين كانو يشترو ال 800 العادي أو ال2 أكس ومايعرفو يشتغلو فيه يبيعوه فوراً وبخسارة مع العلم وأنا برأيي الشخصي أقوى اورجين نزلو لليوم ال 800 وال 2 أكس وأنك تصنع أورجك بإيدك مش صعب بس عليك بالصبر ومافي داعي الواحد للسرعة كيف ممكن تكون مميز عن غيرك أذا أنت عندك أي أكس وغيرك عندو نفس الأورج ونفس الأصوات ونفس الأيقاعات وغيرو وغيرو ألخ..... |
اهلا بد اخي احمد ومشكور على الموضوع بالنسبه للكورغ كلامك صحيح 100/100 اما بالنسبه للكيترون فالموضوع ليس بيد ايدي كنعان شركة الكيترون اوقفت تصنيع اصدارات ال xd3 و xd9 وهم الفيغا المتعارف عليه بيننا الاصدار الشرقي والاصدار التركي بمعني انها فقط تصنع قطع الغيار ولكن كاورغ كامل فقد اوقفت تصنيعه وهذا ما جعل ايدي يفتش على شركه معروفه ليكمل مسيرته ولكن للاسف كما قلت ان الكورغ الموجود حاليا والذي برمجه ايدي كنعان فهو صيني المصدر للاسف وايدي حاول انه يعمل اورغ من الفراغ ولكن السحر انقلب على الساحر والنتيجه انه الاورغ فشل فشلا ذريعا ولا اتمنى لايدي هذا المصير لانه صديق عزيز كما ارجوا ان يستطيع تدارك الامر لان ايدي كنعان مبرمج ناجح بالوسط الموسيقي شكرا لك على الموضوع الهادف |
يريث لو نزل هدا البرنامج علئ USB زي ايوب
|
السلام عليكم ورحنة الله وبركاته
اخي احمد بنسبة للكورغ لجديد بي اي 800 اي اكس ممكن اول واحد في العالم جابو انا وللامانه طلعت عليه حفله وحده وللعلم كانت حفلتي بند كامل والحمد لله انها ما اكنت ايقاعات اورغ ومن لما روحت كتبت موضوع عن الاورغ انه roland e40 الاصوات بتسيح من السماعات بشكل ملحوظ والباور بيهبط بسرعه من الاخر اشي بيخزي بس ما خطر ببالي انه يكون صيني لانه شريته من ناس معروفين في الوسط الفني وثقة بس اذا كلامك مزبوط انه الاورغ صيني بيكون هذول الجماعه نصابين وحراميه واستغلوا ثقة العالم فيهم على كلا الاورغ فاشل من لما اشتغلت عليه اكتشفت هسي والحمد لله اني بعته وخلصت منه من اولها ملاحظة: حتى انا نزلت على الاورغ برنامج بي اي 800 العادي وما عطاني كولتي صوت زي البي اي 800 العادي او البي اي 2 الموضوع في غلط كبير منهم |
اقتباس:
انا كل يوم بيتصلولي ناس من كل العالم وبيسألوني عن موضوع الأورج 800 أي أكس أنا ماشتريت الأورج بس شفته وعرفت شو سره أنا لا أشك بقدرات إيدي كنعان بالعكس مثل ماقلت أنو مبرمج ناجح على مستوى العالم مش بس على مستوى الوطن العربي لأنو بصراحة عرف شو نقطة ضعف العازفين وقواهم وخلصهم من هذا الضعف مقدمات وإيقاعات على يد أمهر عازفين وبجمالية رائعة خلى العازف يطلع حفلة وباله مطمن معه أورج يبيض الوجه أنا أهنيه على عمله الجبار لكن للأسف الأورج الجديد أنا أعتبره فشل وما رح يكون مثل نجاح الفيجا معه هذا اللي أقصده ومشكور مره ثانية أخي كمال |
اقتباس:
بالنسبة للي باعوك الأورج غلط أنك تقول أنهم نصبوك أو أستغلو الثقة أو أي شي لأنو أنت لما أشتريت الاورج أكيد شفته قبل لاتشتريه وسمعته يعني ما أشتريت سمك بالماي هذا كان نصيبك ممكن بعد ما أشتريته شفت شو الحلو فيه وشفت شو سيئاته ما ألومك بس قلتلك هذا نصيبك وربي يعوضك باللي تتمناه أنا أبيع برامج لل بي أي 800 وال 2 أكس وعرض فيديوهات كثيرة احياناً أبيع برنامج أتعرض لكلام من أشخاص ما ألومهم بس انا أقلهم انتو شفتو الفيديوهات وشفتو كل الشغل كامل ليش تدورو على أشياء مستحيل حد يفكر يحطها بالأورج وتقولو البرنامج مش كامل على سبيل المثال شخص أخذ مني برنامج لما سمعه وشافه عجبه بعد أسبوع أتصل فيي يقلي أنت ضحكت علي قلتله ليش قال في إيقاعا كثيرة ناقصة قلتله شو اللي ناقص قالي انا أريد المصمودي والسماعي الثقيل والسداسي وإيقاعات مغربية وتونسية ومدري كمان يريد أيقاعات لموشحات طيب هذا شو أقله هل أعتبر هكذا نصبت عليه اسف للإطالة ومشكور أخوي على مشاركتك |
الوقت كيفيل اي شي الله يوفق الناس
|
اقتباس:
انا موضوعي يختلف تماما انا لما جبت الاورغ كان لسه البرنامج مش كامل وانا لما بحكيلك انه انا اول واحد بيشتريه في العالم بكون صادق لانه الاورغ انا استلمته قبل صدوره ب 40 يوم واخذتو بدون قبرنامج اصلا لانه الاورغ كان مش جاهز وعلى الحكي الي سمعته منهم وبدون ذكر اسماء عملولي الاورغ اسطوره وكان عندي وقتها بي اي 2 وبيعوني البي اي 2 على اساس انه هذا الاورغ راح يكسر كل اسعار الاورغات هاهاهاههاه يعني البي اي 2 راح يصير ببلاش لانه هذا الاورغ راح يكسر كل اشي بطريقه وانا سالت عن المصنعيه وكان رد احد الشباب انه ايطالي يا باطل وانا قعد الاورغ عندي بدون برنامج فتره طويله وصارت مشاكل بيني وبينهم وابو محمد (كمال مرعي ) كان حاضر على الفلم من هون اخي احمد انا بقول عن نفسي انسان انتصب عليه غير هيك اخوي ابو حميد انا طلعت الاردن مرتين عشان الاورغ هذا اول مره حكولي كمان اسبوع فروحت على فلسطين ثاني مره لما استلمته بنفس الوقت الي انتصب عليه فيه كان سبب هشي انا شخصيا ليه لانه زي ما حكيتلك انا جبتو قبل كل الناس وقبل ما يجهز البرنامج بشي 40 يوم وما كانو بدهم يسلموني الاورغ اصلا المهم دار حوار كبير بيني وبين ابو محمد ( كمال مرعي ) وحكالي يا عماد لا تجيب الاورغ سعره عالي يومها اخذتو ب 3200 دولار غير مصاريف السفر والخ حكالي ابو محمد انه لا تجيب الاورغ السعر عالي وحرام هيك سعر ثاني اشي الاورغ مش مجرب لا تغامر وانا ما سمعت الكلام وجبته لاني بثق في العالم والي كنت احكي معها وبثق في شباب الكيترون بشكل عام يعني حسبتها وقلت اذا عملو من الفيغا الي هوه ولا اشي مع الكورغ عملو منه اورغ بيجنن فكيف من الكورغ نفسهاكيد راح يصير اشي يخوف الموضوع ثاني اشي شب من شباب الشركه حكالي انه فيك اضيف الي بدك اياه على الاورغ كونه كل السامبلرات الي فيه مو على الرام اصلا يعني كل شي فيه على الروم والرام فري الك هاهاهاهاهاهاهااه طلع كل الحكي كذب عشان هيك انا بقول انتصب عليه انتي موضوعك مختلف وحاشاك من النصب موضوع كبير اخي احمد وقصتة حزينه بس حبيت وضحلك ليه انا شبهتهم بنصابين لانهم استغلو ثقتي فيهم وانا كنت اتعامل معهم من زمان وكنت اخذ منهم فيغا بشكل كبير وكان يصرلي عليهم فلوس ويقعدن فتره زمنيه وما اسال وكل اشي الي عندهم محفوظ من هون انا بثق فيهم ومن دعايتهم انتصب عليه ملاحظه: اخي احمد موضوع النصب الي بحكي عنه مو بحق الاورغ يعني الموضوع موموضوع فلوس انا خسرت 3200 دولار مقابل خدمه خدمتها ل يحيى عيتاني وما سالت حتى ابو محمد مات من الضحك هاهاهاهاهاه يومها الموضوع مش موضوع فلوس صديقي احمد بس من الصعب عليك انك تكون بتوثق في انسان ويعطيك معلومات غلط عن شي وتشتريه ويطلع كل الكلام الي قالو ما في منه صعب وصعب جدا وان شاء الله ما بتجربها وقتها راح تحس قديش انتي ولا اشي لانك كنت تعتبر الانسان الي بتوثق فيه اشي واشي كبير وهو شايفك ولا اشي |
و لله حرام أنا بعت البأ2 و ام3 عشان أشتري 800 اكس و طلعت في الآخر بكورغ 500 شرقي خربولي بيتي الله وكيلي المهم اللي يحب يغامر يعمل مثلي و ياخد عبرة
|
شكرا لك اخي احمد على الرد وكلامي موجه لاخي عماد الله يعوض عليك يا حبيبي هههههههههههههههههههههههههههه وانا نصحتك يا حبي بس انت ما رديت ههههههههههههههههههههههههههههه اسالوني قبل ان تفقدوني يا اخوان يا حبيباتي هادول ناس تجار يعني ما بتفرق معاهم الكذب والصدق وللاسف الشركات الاجنبيه عندها مصداقيه اكثر منهم بمراحل الله يعوض على الجميع |
اقتباس:
ما أقولك أخوي غير الله يعوضك |
thank's my friends
|
والله يا جماعة انا حاولت اقنع نفسي في الاورج ومن كتر ما سمعت عنه ومن كتر ما قلي عليه عماد العاشق حاولت اقنع حالي فيه هههه بس ما زبطت معي .. بصراحة بشوف الفيديوهات تبعت الكورج اي اكس وبقارنها ببرامج الاستاز احمد خلف على الكورج بي اي 2 برو .. بيطلع معي انو الكورج 800 اي اكس ولا شيء بجانب ال 2 برو ولما صار موضوع حبيبنا عماد العاشق وقلي كزا كزا والباور والخ الخ ... رجعت اتفرج على الفيديوهات .. يا اخي الكوالتي تبعت الاصوات مو متل اصوات الكورج العااااااادي !!!! ما بعرف ما اقتنعت فيهم الاصوات حسيتو ياماها 1000 لما كان عندي هاها !!! انا بالنسبة الي الفيجا الاكستريم يلي معي اقوى من الكورج اي اكس الجديد وانا مرتاح عليه بصراحة كعازف ... وانا مقتنع تماما في الكورج بي اي 2 برو .. بجانب الفيقا بصراحة ... ما بدك اقوى من هيك !!! يعني اورجين ايقاعات .. واورج اصوات وازا بدك بس بتستخدم الكورج بي اي 2 برو بخبرة الانسان في الايقاعات برضو بيكون افضل بكتير من الاورج الجديد للعلم .. في شخص على الفيس بوك بعتلي رسالة قالي شو رايك في الكورج بي اي 800 اي اكس الجديد والله قلتلو نفس الكلام الي قلتو فوق وما اقنعته فيه .. قلتلو اشتري الكورج بي اي 2 برو افضلك بكتير وبتقدر تعمل فيه المستحيلات.. احتراماتي الك استاذ احمد خلف سمير |
كلامك صحيح اخوي احمد
والأورج فاشل فشل ذريع وانا استخدمته فتره بسيطه وطلعت عليه كذا حفله بصراحه جهاز افشلني كثير في الحفلات والحمد لله اني خلصت منه وبعته |
السلام عليكم
انا قريت كلامكم وسبب فشل الجهاز وامس انا طلعت حفله فيه واحد كان معه نفس الجهاز صراحه قمه بالروعه من ايقاعات عاليه المستوى واصوات وانا جالس استمتع بشغله ويجي في بالي الموضوع هذا وجالس اقول الي اشترو الجهاز وبعدها عرضوهـ للبيع ليه وش الاشياء الي تخليهم يبيعون الجهاز اوكي لو قلتو صيني طيب ظهرت عيوب بالجهاز اثناء العزف مثل ايقاف او شي ياليت تنورونا لاني امس اشوفه قام بالحفله كاااااامله بجميعها وياليت تفيدونا بعيووب الجهاز الي صارت مع العازفين وتقبلو تحياتي لكم |
korg pa800ex
اخواني الاورغ pa800ex ايطالي الصنع ورائع جدا الي سبع شهور بستعمله هو نفس الكورغ pa2x لكن متطور اكثر من ناحية الpower وعدد صفحات اليوزر والاستعمال الاسهل من ناحية السلم الشرقي ومشاهدة الاصوات والايقاعات في صفحه واحده وقريبا تعديلات جديده رائعه والشكر للسيد ايدي كنعان اللي سهل الاستعمال لهدا الاورغ واحترم رأيكم جميعا واسألو مجرب قبل التعليق
|
انا عني مااستخدمتـه
بس اسمع الشباب هينا يذكرونه ويوصفونه بشكل سيئ وهم اخبر مني فيه طبعا وفيه منهم ناس استخدمته وادرى فيه لكن انا كان في بالي الجهاز هذا انه سيئ بس يوم شفته قبل امس بحفله تغيرت نظرتي له وعجبني بس مازال كلام الشباب مخوفني وفيه منتديات اخرى مايسمعون بهذا الجهاز اتمنى من الاخوان يكتبون لنا سلبياته الي تواجههم عشان مااحد مننا يغلط نفس الغلطه وياخذه تحياتي لكـم .. |
korgpa800exاصلي 100%
صحيح انو برنامج الكورغpa800ex زي الفيغا بس حد يجاوب هل شركة الكورغ المحترمه بتسكت على تزوير الاورغ لو كان مش اصلي وانا بنزل لعند ايدي كنعان دايما وبشوفه لمل يراسل اكبر مهندسين شركة الكورغ عشان تطوير الاله لانه اخد الحق الحصري لهدا الاورغ انا ما بدافع عنو بس ما بحب ان ينظلم اللي اشتغل عشان الكل والاورغ بكل صراحه اللي مش عاجبه ما يشتريه وخاصه اللي بيقولو انهم ملوك البرامج وهم بصراحه مجمعين مكن كل وادي عصا عيب الكلام المهين
|
يا اخي الكريم يكفيك بأن الجهاز غير معترف فيه في اي دول العالم
بس في لبنان وسوريا يعني بالله تخيل انك شاري سياره صناعة سعودية مثلأ وتروح لدبي او البحرين تدور قطع غيار وماتحصل ولاهو معترف فيه تتوقع هذا الشي يدل على ان هالجهاز كويس ام سيئ وهو صنع مخصص يعني لو تروح تصلحه في دبي ماتقدر ولو تروح لأي شركة ثانية ماتقبل الجهـاز لانه ماهو معترف فيه اخي الكريم انا استخدمت الجهــاز والجهاز مثل ماذكر الأستاذ احمد خلف بأنه فيقا ماهو كورج وبصراحه كان لي اتصال مع اخي الأستاذ احمد خلف واخذت راية في الموضوع وقلت وش رايك في الجهـاز كا أداء فانصحني بما يرضية ضميره واتوقع النصايح هذي كلها لمصلحة العازف أو المشتري ولاكن للأسف لم استمع لكلام اخي احمد خلف وبعت جهازي pa2x عشان الكـلام الى وصلني بأنه جهـأز قوي وكويس انا الجهاز جلس معي شهرين واستخدمته والله العظيم انو في فرق كبير بينه وبين ال pa800 من كل النواحي الكيبورد والديزان والشاشة تحس ان ال pa800 جد ايطالي اب عن جد اما بنسبة لل pa800ex بصراحه انا استخدمته وبصراحه مااعجبني وتحسفت اني بعت pa2x عشان الـجهاز هذا الpa800ex في حاجة كويسة الا وهي الرام فيه امكانية انك توسعه الى 265 ولاكن بشكل عام هو يعتبر جهاز كويس ولاكن سعره مبالغ فيه جداً والجهــاز يجي منه ولاكن لايقارن بأي فئة من أجهزة pa من ناحية الأداء تحياتي |
اقتباس:
وأنا مش ملك للبرامج وأنا مجمع للبرامج وشكراً على ذوقك بس المنتدى والعالم بيعرف شو شغل أحمد خلف |
رد على المشاركه
يا اخوان ياريت نهدي اعصابنا شوي الموضوع نقاش ومش سجال كل واحد عنده حرية التعبير عن رايه والكلام موجه لاخي اياد اهلا بك بيننا بالنسبه لايدي كنعان فهو صديق واخ عزيز وقد تكلمت معه بخصوص هذا الاورغ الواضح انه يوجد خطا مصنعي ولكنه يحاول اصلاح هذا الخطا ولا ننكر اعمال ايدي السابقه ولن نسمح لاحد ان يهين او يوجده كلام للسيد ايدي كنعان لانه صديق عزيز وانما ايضا لا نقدر ان نمنع احد من ابداء رايه بالة دفع ثمنها من ماله اتمنى من الاخوه هدوء الاعصاب والنقاش الودي مع تحياتي لحضرتك وايضا تحياتي للاخ احمد |
Sara7 ya shabeb ana 3andee el pa-800ex hada elkeyboard mesh senee masnou3 be italy ana fate7t el keybaord w shefet el mother board w 3melet program la el ex w toule3 kteer ndeef bas tab3n el keyboard bado shgeel bas teshtree.
|
يا اخون الاورغ انا اسمعتو امبارح عند صديق الاورغ ايقاعاتو اقوى منايقاعات الفيقا والاصوات الشرقية فيه احسن من اصوات الفيقا
|
ما شاء الله انا بالاول صدقت بس سمعت الجهاز بعت اجهزتي لانو جهاز خطير جداجدا حلم اي عازف تحقق بهذا الاورج الاورج توب واصوات قمه بالنقاء وايقاعات لايف وقويه بدرجه عاليه جدا
|
انا استخدمت الاورغ والجهاز كثير بجنن وبور فيه قوي وانا عازف اورغ شعبي والاورغ كتير قوي للحفلات الشعبيه وانا بفضله على الفيقا وانا بقول زي ما ايدي حدث الفيقا من ex1 ,ex2,ex3,ex4,night.كمان pa800ex رح يجهز ليلبي جميع متطلبات العازفين
|
اللي مايعرف الصقر يشويه
|
هاهاهاهاهاهاهااهههاهاها
فعلا انكم موجعين روسكم بشي وانتو مش مجبورين عليه انا من اوائل الناس الي جابت هذا الاورغ وبصراحه ما عجبني بس برضو ممكن يعجب ناس كثير غيري اما انه صيني انا بشكك بهذا الكلام لانه كورغ مش سهله حتى يتم تزوير اورغ على اسمها كل ما هنالك انه الاورغ انطلب بمواصفات تجاريه بتحت زي تجار العرب بيروحو الصين وبيطلبو بضاعه بكولتي ضعيفه عشان يربحو فيها مبالغ كبيره وهذا الي صار في البي اي 800 اي اكس وهو فعلا ايطالي الصنع لكن بكولتي ياماها 1000 حسب طلب الزبون وهذه شركه معنيه تشتغل بدها مصاري وين بتستفيد بتروح اما بالنسبة للاخ اياد انت كلامك مزبوط 100% بتشوف ايدي كنعان بيحكي مع مبرمجين كورج وانت صادق وايدي كنعان كمان صادق بس والله يا خيه الاورغ ما بيشيل شغل الاورغ مواصفاتة جدا تجاريه والاصوات فيه كثير ضعيفه من ناحية كولتي وخامات صح اما اذا انت بتحكي عن الصوت المرتفع اي اورغ في العالم ممكن تخلي الصوت فيه يكون عالي بما انك بتستعين في جاهز صوت الموضوع موضوع كولتي صوت ونقاوه ورتابه الاورغ فاقد كل هذه المميزات انا عني افضل البي اي 2 اكثير وانا حاليا عندي البي اي 3 وجدا مرتاح عليه وبنفس الوقت البي اي 800 اي كس هوه اروغ جميل بس ما في وش مقارنه بينه وبين البي اي 2 او البي اي 3 وزي ما تفضل الاخ ابو محمد (كمال مرعي ) الموضوع نقاش وتقديم وجهات نظر مش اكثر احنا مش بساحة قتال كل واحد بيقول رايه واحنا جربنا كل الاورغات منها الي اقتنعنا فيه من وجهة نظرنا الشخصية طبعا ومنها الي ما اقتنعنا فيه وهذا اشي برضو من وجهة نظرنا وشكرا للجميع |
اقتباس:
الجهاز مثل باقي اجهزة الكورغ وبالنسبة للكوالتي اغلق الاكسترا باور الاكسترا باور كثير ناس يشغلوها وما يعرفوا انها تخلي الكوالتي تعبان كانك تسمع راديو الاكسترا باور حسب علمي ماهي الا تحفيظات ( اكولايزر ) حتى تظهر قوة الصوت لكن للاسف هالشي على حساب نقاوة الصوت الاكولايز هو التحكم بمعدل الصوت ( ضغط الصوت او تقويته ) وعاملين 4 تخزينات بدرجات متفاوتة تعطي قوة للصوت على حساب الكواليتي ولاحظ لما تفعل الاكسترا باور ادخل على جلوبال ثم اعدادات الصوت ثو اكولايزر تلاقي خيار الاكولايزر معطل انا شخصيا ما افعل الاكسترا باور وعامل وزنية اكولايزر من اعدادات الصوت والصوت طالع ممتاز وبكوالتي عالي وغريبة كثير ناس علقوا على خامات الـ pa800ex وماعلقوا على خامات pa3x مع انها سيئة :) |
طبعا هذا مايعني ان الاكسترا باور مالها فايدة
الاكسترا باور تستخدم في حال استخدام الجهاز بحفلات تعطي قوة للصوت والايقاعات بدون ضغط بالصوت مثل مانسمع بمعظم اجهزة الاورغات تفشل بالحفلات |
افضل اورغ بالعالم الي اي 800 اي اكس وبيدعم العازفين المنتدئين والي هم اصلا غير منتجين لبرامج بيجي على حسب الطلب وحسب الرغبه
غير هيم فيك تشغلو بالبيت لانه الو سماعات وعليه سستم صوت منزلي بيجنن |
اورغ خطير جدا صولو ويقاعات شهل للشرقيين 9 شهور استخدام اعطيه علىمه كامله بالاداء والكولتي والسهوله
|
اسمحو لي اخواني الاعزاء اقول وجهة نظر في هذا الموضوع
انا شريت الجهاز بي اي 800 وطبعآ قبل كذا سمعته بس شهادة حق والله الاورق بطل بطل وكل شي فيه روعه ومالقيت الاشياء السيئه الي ذكرها الاخوان وانا اشوف انو مايتقارن بالفيقا ابد ابد تحياتي للجميع |
رد: معلومات هامة عن أورج pa800ex
الكحلى افضل بكثير من الفضى من ناحية نقاوة الاصوات والايقاعات وقوة الباور.اضافة انو السامبلر فى الكحلى اوضح .بالاضافة انو الكحلى ايطالى اما الفضى صينى .والوزن الكحلى اثقل بكثير ,الفضي وال600 مثل الالعاب
|
رد: معلومات هامة عن أورج pa800ex
بالنسبة للكورج بى 800 اى اكس الابيض لايمث بصلة لشركة كورج .وانما هو اورج صينى ومكتوب عليه صنع بايطاليا عمله وبرمجه طبعا المبرمج ايدى كنعان وشركة كنعان واستعانو بموزعين ومبرمجين وعملو ايقاعات بلوكد جيد.والحقيقة ان ال 800ex بالاضافة لمشاكل السوفتوير .هناك مشاكل تركيب الايقاعات والبرمجة .ومشكلة الدستورشن والازعاج حيث ان على المسرح يصير الاورج زى الزفت ومزعج ويختلف عن سماعه فى البيت .ومشاكل الشاشة .والعديد من المشاكل .لذلك انصح الجميع شراء ال2x او ال800 العادى او 3x
|
الساعة الآن 11:56 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية