غيبتك لو هي دقيقه تعتبر صده
00000الوقت عقبك سجن وغيابك سياجه
لاتعتذر لي ترا ماعاد بي شده
00000اعيدحكيا يكودالصدر مخراجه
دام يوصف بجود ابيك وبجده
00000شلون تبخل على المجروح بعلاجه
وشلون قاواك قلبك رده وصده
00000مع انه بين عليه الضعف والحاجه
ياقو قلبك برد يمينك وبرده
00000بخلت بمصافحه وارهيت باحراجه
لو ماسقا دمع عينه جرهدي خده
00000تراه يبكي وقلبه يلحق خلاجه
ولو شفته يمازحك تراه من جده
00000الضحك عن درب ضيق الصدر ماعاجه
غير الوله والغلا عليك وش حده
00000يادرب ليله ويامسراه ومسراجه
كنه يغرفك قبل يلقاك من مده
00000مع ان مابينك وبينه مواجه
هواك بدوا نووا للقلب بالشده
00000ورياض قلبي لشوف البدو محتاجه
والوصل بحرا متى انت بتسمح بمده
00000السيف صبري وبحرك شح بامواجه
وقصيدي اللي قريته واللي اعده
00000قليل لا يزعلك معناه واخراجه
وفراغ قلبي هواك ارهى على سده
00000ليتك تشوف الغلا وابراجه وعاجه
اقوا رياح العذل ماتقدر تهده
00000والا الجفا لو تنفس هدم ابراجه
تغانم الوصل لان البعد لابده
00000ياتيك يوم ثم ياخذك بادراجه
اللي لي انك تلين وتترك الشده
00000واللي لك اني ماسولف بك لهراجه
لاني بزعلان واللي نرتجي مده
00000ياباب قلبي وياقفله ومزلاجه
زعلك تغلي ومن تزعله من قده
00000مادام كلا يبي دربك ومنهاجه
غالي وتبخل علي وتطول الصده
00000الله يسامح غلاك ويلعن الحاجه