|
هاجسي
الساعه السابعه
ماما حطيلي توم وجيري تيب ياقلبي هالحين ا حطلك بس اجلس اول يله شاطر جلست جنب حمودي وحضنته قعدت اتفرج معاه توم وجيري دايم يستجلب ذكريات ايام الطفوله دايما يسحبني معاه لعالم لن يرجع مهما تمنيته وراحت افكاري بعيد ............ الساعه السابعه والنصف ماما عندي درس مافهمته اليوم من المعلمه ممكن تشرحينه لي طيب حبيبتي جيبي كتابس وتعالي :ماما ترى بكرة علينا اختبار بنفس الدرس يله شرحته لس بس باقي اللي تحفظينه احفظي وتعالي اسمع لس ماما انا جوعانه لا حطيتو العشى نادوني : ان شاء الله يالله انا قايمه اجهز العشى لكم الساعه الثامنه والنصف :ماما ماما ياماما شوفي رنا ماتلعب معي سوني :رنو يمه ليش ما تلعبين مع اخوس :ماما يبي يلعب كورة وانا ابي العب قراند وانا مااحب الكورة اصلا :طيب العبي معه شوي اصلا انا بعد ربع ساعه بدخلكم تنامون يعني استغلو الوقت الثامنه والنصف :على سرايركم والشاطر اللي يقوم اول واحد بكرة لا تعبوني زي كل يوم :ماما بكرة بنروح عند جدي :اي حبايبي ان شاء الله :يعني بنشوف عماتنا وعيالهم بعد : ايه يله نامو ياحبايبي الساعه التاسعه والنصف جالسه اتفرج على فتافيت ........................ ترررررن تررررررن ترررررن :بسم الله ناظرت الساعه لقيتها تسع ونص من بيجي هالحزة يالله مسى خير ورحت وانا اركض يوه لا يكون ابو رنا ناسي مفتاحه لا ابو رنا عند ابوه وماهو وقت جيته وقفت عند الباب وحطيت اذني على الباب قلت ميييين تسمعت ما احد رد علي رفعت عيني على العين السحريه وشفت من بالباب علامات التعجب كلها نطت فوق راسي معقول اللي قاعده اشوفه مستحيل مستحيل وفتحت عيوني زياده وناظرت مرة ثانيه وهالمرة وانا مجمعه كل حواسي وانتباهي وتركيزي ياربي معقول اللي قاعده اشوفه ماني مصدقه وبيد ترجف وعيون تدمع وعقل بيطير وقلب متلهف فتحت الباب على كبره دخلوا علي ياناس يازين دخلتهم وحلوها يافرحتي فيهم والله حاسه ان قلبي بيوقف معقول ماني مصدقه واطير واضمه واشمه واضمه بأقوى ما عطاني الله ودي احطه جوات قلبي من كثر ما انا مشتاقه وولهانه عليه يازين ريحته عودة معتقه ماودي افكه بس بنفس الوقت ابي اطير لها حتى هي وحشتني وغيابها كان مرير ركضت لها وبوست يدينها وراسها وخدودها ياناس ياعالم والله الشوق ذبحني لها قعدت اصيح وانا بنفس الوقت اضحك صابتني حاله غريبه اناظرهم واقول والله مشتاقه لكم الله لا يحرمني منكم تكفون لا تخلوني ابيكم انا احتاجكم انا 14 سنه تغيبون عني 14 سنه وانا ادوركم ادورك يابوي ادورس يمه والله اني كل ما شفت جيب احمر قلت هذا جيب ابوي كل ماشميت دهن العود قلت هذي ريحة ابوي كل ماجى موسم الصيد قلت وينك يابوي ناظرت امي حبيبتي قلت لها تصدقين كل ماجت سالفه اقول رأيي بس ابدى بقولة على قولة امي وامي كانت تقول ومثل ماسوت امي ادور زولس بين الحريم مالقيته ادور سماحة وجهس ادور زين مجلستس ادورر حنانس ادور حيائتس كل من شافني قال ياسبحان الله تشبهين امتس ليتني اجي ربعتس وينكم عني يوم تخرجت وينكم عني يوم تزوجت تدري يابوي من تزوجت تزوجت ولد عمتي يمه بنتي ودها تشوفس دايم اسولف له عنس انتي وابوي ياابوي والله الشوق ذبحني لكم والله ماني مصدقه ترررررررررررن ترررررررررررررررن ترررررررررررن تررررررررررررررن ترررررررررن ترررررررررن تررررررررررررن قمت مفزوعه ورحت ادورهم دخلت غرف البيت كلها مالفيت احد الا عيالي نايمين وانا لحالي واكتشفت اني بحلم من احلامي الي دايماا تجيني كل ما اشتقت لهم انا ادري اني انا اللي شهدتهم وقت الحادث وادري انهم ماتو على يدي بس عندي امل اني بشوفهم الله يرحمكم وجلست ابكي كالعادة كل ما احلم فيهم احس الحلم حقيقي وانهم لازالوا عايشين وان بأحضنهم مرة ثانيه الله يجمعني فيكم بجنات النعيم الله يغفر لكم ويجعل مثواكم الجنه امييييييييييين |
الله يغفر لهم ويرحمهم
أم رنا كلامك مؤثر ...هاجسك صاب هدف عسى الله يجمعنا مع من نحب في جنة فيها ما لاعين رأت ولاأذن سمعت أبدعتي ام رنا بنثر هاجسك |
يالله ياربي جعل مثواهم الجنه يبون منك الدعوه والتصدق
وانازيك دايم ببالي وادي واتحلم به الله يحله ويبيحه الله يعطيك العافيه حبي |
الله يغفر لهم ويرحمهم
|
الله يغفر الهم و يرحمهم
|
صباح الخيرآت ام رنــــآآآ اسعدك ربي وكللك بالرضآآ...وفتح على روحك محبة الاخيــــآر... مـــآشـــآء الله اسلوب ومفردات جميله دائما يجبرنا الشوق لمن نحبهم لتخيلهم بقربنـــآ ومن شده الشوق يصبح الخيال كالحقيقه.. والغريب هنآ انك حتى بعد 14 سنه ما خف شوقك لهم او نقص عزيزتي ام رنــآ... لا تنسي الدعاء لهما بعد كل صلآة.. والتصدق عنهمآ بقدر استطاعتك واكرام اصحابهم ومن يحبون.. وكذلك صله الرحم اللهم ارحم والدي واغفر لهمآ .. واجعل قبرهما روضه من رياض الجنه ربي يحفظلك رنا واخوهآ ... وبانتظآر جديدك |
اقتباس:
|
اقتباس:
شكرا لك اختي وجزاك الله الجنه وجمعك بمن تحبين دنيا واخره:flowers2: |
[QUOTE=انثى ابكت القمر;2376217]الله يغفر لهم ويرحمهم[/QUOT
امييين جزاك الله الجنه ا ختي :flowers2: |
اقتباس:
|
اقتباس:
شكرا لك احب الليل على الدعوة الجميله وجزاك الله الجنه |
مرحبا ام رنـــــــا
رائعه هي الاحلام عندما تنتشلنا من واقع مرير هاجسك رغم المه الا انه اخذك لعالم الحلم واطفاء نار شوقك ولو قليلا يعجز الوصف ام رنا عن ما شعرت به وانا اقراء احرفك لله درك عزيزتي ورحم الله والديك واسكنهم عالي فردوسه |
الله يغفر لهم ويرحمهم
تسلمين حبيبتي |
ايش الابداع هذا يابنت والله قطعتي قلبي ليتني احلم فيهم ادعي الله كل ليله اني احلم فيهم قولي اميييييين
|
اقتباس:
|
الله يرحم اموات المسلمين جميعا ويغفر لهم ويجعل مثواهم الجنة
|
الله يرحمهم
ويجعل قبورهم روضة من رياض الجنه كل واحد منا له وقت معين عسى الله يحسن الخاتمه بجد روعتني القصه خصوص يوم قريت 14سنه |
قسماًبالله بكيت وخنقتني العبره
اللهم رب العرش العظيم باسمك العظيم اسألك الرحمة و المغفرة لوالدي و لوالدين المسلمين أجمعين الأموات و الأحياء آمييييييييييييين يارب العلمين |
اقتباس:
|
مسآء الشوق
أم رنو أولا الله يرحم أموآتنآ وأموات المسلمين حزنني المشهد الأخير كم هي صعبه أن تخيل و أن نحلم و أن نجد كل هذآ إلآ حلــــــم ! الله يرحمهم مره أخرى ننتظر جديدك ودي لك |
الله يرحمهم ويغفر لهم ياارب
رووووعه يعطيكي العاافيه ماننحرم |
اقتباس:
|
بجد قصتك اثرت فيني مره الله يرحمهم ويصبرك على على فراقهم اللهم امين يا رب العالمين
|
اقتباس:
|
| الساعة الآن 08:02 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية