|
السكن مع أهل الزوج هل يؤثر على الاستقرار
حبيت اطرح عليكم قضيه او موضوع لاخذا ارائكن وانطباعااتكن الا وهو
السكن مع الزوج في بيت العائلة(بيت اهله) هل يؤثر على الاستقرار منذ سنوات مضت كان من الطبيعي أن تسكن الزوجه مع والدة زوجها في منزل واحد بل كانت تسعد الزوجة بهذا ويسود بينهما كل الود والحب والتعاون أما الآن فعادة ما تحلم العروس ببيت الزوجية المستقل الذي يضمها وحدها مع شريك حياتها لتكون هي صاحبة الأمر وآلاتي يرفض العيش في بيت العائله ينسقن وراء حلم الاستقلالية متذرعات بالمثل كن بعيداً تصبح حبيباً عزيزاتي هل تقبلن السكن في بيت عائلة زوجك؟؟ ام تفضلن الاستقلالية في بيت خاص لكِ؟؟ وان كان زوجك وحيد والديه واكبر عائلتة؟؟ماذا ستفعلين؟؟ لك أيها الزوج هل تفضل ان تسكن في بيت خاص لك وحدك وتستقل بحياتك بعيد عن امك وابوك واخوانك ام تفضل العيش في بيت العائلة واذا كنت وحيد والديك وزوجتك تريد الاستقلال بمنزلها الخاص ماذا ستفعل ؟؟ .بانتظار أرائكم حول السكن مع أهل الزوج ونواحيه السلبية والإجابية ?? |
السلام عليكم ورحمة الله وبركاته
موضوع رائع الكلام فيه يطول حتى في الماضي عزيزتي ام رنا ما اقصد الماضي لبعيد قبل 50سنه لا انا راح اتكلم عن فترة خليني اقول 25سنه مين الي عاشت مع اهل زوجها ولا عانت وشوفي مجالس حريمنا ما اقول الكبار جدتي وجدتك لا كل وحده تفتح لك سالفه لها اول ما لها اخر من المعاناه مع ام وزوجها وخواته واذا وجود زوجات اخوان زوجهاولا شفت مجلس الا نوقشت فيه ها القضيه طبعن دايم المتحدثه هي المظلومه انا ماراح اكون مثاليه واقول والله كما تدين تدان اكيد ان البنت ما تزوجت الا تبي تكون لها حياه مستقله ولا في قيود على حريتها ولبسها حتى اطفالها ما تقدر تتحكم بتصرفاتهم اذا هي مع عايله يعني لو بتنبه اطفالها لصح وغلط راح يكون فيه الف تفسير وتفسير متذرعات بالمثل كن بعيداً تصبح حبيباً هذا المثل انا اعشقه وجربته لقيته صحيح ترليون با الميه عزيزاتي هل تقبلن السكن في بيت عائلة زوجك؟؟ لا اقبل ولا ارضى ان اولادي يسكنون معي داخل بيتي بعد زواجهم أسأل الله انه ما يحرمني شوفتهم كل واحد في بيته مرتاح ام تفضلن الاستقلالية في بيت خاص لكِ؟؟ افضل الاستقلاليه في بيت خاص علشان التفت لزوجي واطفالي ولا تختلق لي مشاكل ما يصير شغلي الشاغل الا حلها وان كان زوجك وحيد والديه واكبر عائلتة؟؟ماذا ستفعلين؟؟ لكل قاعده شواذ اذا هو وحيد والديه برضى اكيد يعني يتعبون واخرتها اخذه على البارد المستريح لا اكيد بخاف الله فيهم وزعلهم الي بيشغلني وكل شي يصير لي اكيد اول ما يجي في بالي اني اخذت ولدهم منهم لكن اذا هم بغوني اكون في بيت مستقل راح ارحب با الفكره لكن ماتجي مني ام الزوج وابوه مامنهم شر وحتى لوحاولو يتدخلون بتكسبينهم بسهوله البلا يجيك من العوامل الخارجيه هي الي تأثر على حياتك لك أيها الزوج هل تفضل ان تسكن في بيت خاص لك وحدك وتستقل بحياتك بعيد عن امك وابوك واخوانك ام تفضل العيش في بيت العائلة واذا كنت وحيد والديك وزوجتك تريد الاستقلال بمنزلها الخاص ماذا ستفعل ؟؟ اناعندي اخوان متزوجين كلمتي دايم لأمي مثل ماتسوين في حريم عيالك يرجع لبناتك شوفي وش ترضين يجينا اتوقع مافي احد مايبي ياخذ راحته من زوج او زوجه لكن وحيد امه وابوه يعني اسلم حل انه يطلع بشقه مستقله داخل بيت العايله اذا كان في مشاكل والا جناح مع امه وابوه اعتقد كافي وامي وابوي شغاله تخدمهم تحت عيني وزوجتي اجباري ماهو بكيفها تراعيهم لو با الكلام يعني تنزل عليهم وتشوف وش يبون واذا هي متمسكه با الحياة معاي اكيد بتدور راحتي مثل ما ادور راحتها امي وابوي با البيت اكيد نور داخل بيتي .بانتظار أرائكم حول السكن مع أهل الزوج ونواحيه السلبية والإجابية ?? السلبيات اكثر من الايجابيات في رأيي الا في حالة وحيد والديه لأن وحيد والديه اكيد مالهم الا راحته وراحة زوجته مشكوره ام رنا على الطرح الرائع الي يطول فيه الشرح لأن كلن ينظر له من الزوايه الي تهمه |
شكرا لتس طيف الاحباب ماشاء الله عليتس رأي سديد
|
♪♪♪ السكن مع آهـل الزوج آكيد بيسبب مشآكل مهمـآ كآنت طيبتهم وحبهم لـ زوجة ولدهـم ، بس لآزم من المششآكل .. آذآ الآخوان في البيت يتطآقون وتصير بينهم مشآكل .. هذآ شي طبيعي ، نتيجة آختلآف رآي آو سوء فهم .. آنآ بـ آتكلم عن رآيي بهالشيء .. مآ تفرق معي كثير لو سكنت مع آهله آولحآلي .. لمـآ آتزوج ذيك السآعة بقرر لآنو قرآري بيكون على حسبه هو وحآلته المآديـة وعلى حسب علاقتي بـ آهله آكيد .. مثلآ لو كآن وحيد آهله آكيد مآرآح آبعده عنهم ، آمآ لو عنده آخوآن بنفس البيت مستحيل آرضى آسكن معهم .. لآ آنـآ بـ آخذ رآحتي ولآ هم بيرتآحون بعد .. برضو لو كآنت حآلته المآديـة على قده مآرآح آطآلبه بـ بيت لوحدنـآ لمـآ يتحسن وضعه ، آحسن مآ نبدآ حيآتنـآ بديون لفلآن وعلآن .. بس لو كآنت آمه قششرآ ولآ آبوه آقشر .. آكييييييد بـ آطلن منه نستقل ببيت لوحدنـآ ، تفآديــآ للمشآكل ولآني آذآ آحد دآس لي على طرف مهمـآ كآن يآويله:lol: .. ~ هذآ رآيي آنـآ .. ويعطيك آلف عآإفيــة آم رنووو عالموضوع .. مآننحرم منك يآرب =) .. ♪♪♪ |
مشكورة معزوفة حنين وبالفعل كلامك صحيح والله يرزقك باللي يسعدك وين ما كنتم
|
| الساعة الآن 04:45 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية