|
ماردت فعلكم؟؟
دخلت الام على ابنها الذي يبلغ السابعة عشر من عمره .. لتجده على شاشة الكومبيوتر … وكان ضوء الشاشة ينعكس على النافذة .. ورأته يرى ما أفزعها حقا .. وأثار كل مخاوفها
… رأته وهو يشاهد فلما إباحيا .. على شاشة الكومبيوتر … أرادت أن تصرخ في وجهه .. لكنها آثرت الإنسحاب .. خاصة أنها دخلت بشكل خافت .. لم يلاحظه هو … رجعت إلى فراشها .. فكّرت أن تخبر أباه .. ليتسلم مسوؤلية تأديب ابنه .. فكرت أن تقوم من فراشها وتقفل شاشة الكومبيوتر وتوبخه على فعلته وتعاقبه .. لكنها دعت الله أن يلهمها الصواب في الغد .. ونامت وهي تستعيذ بالله … وفي الصباح الباكر .. رأت إبنها يستعد للذهاب إلى المدرسة .. وكانا لوحدهما .. فوجدتها فرصه للحديث وسألته … فلان .. مارأيك في شخص جائع .. ماذا تراه يفعل حتى يشبع ؟؟؟ فأجابها – بشكل بديهي – .. يذهب إلى مطعم و يشتري شيئا ليأكله … فقالت له .. وإذا لم يكن معه مال لذلك … عندها صمت وكأنه فهم شيئا ما … فقالت له .. وإذا تناول فاتحا للشهية .. ماذا تقول عنه ؟؟؟ فأجابها بسرعة .. أكيد إنه مجنون .. فكيف يفتح شهيته لطعام .. هو ليس بحوزته … فقالت له .. أتراه مجنون يا بني ؟؟؟ أجابها .. بالتأكيد يا أمي .. فهو كالمجروح .. الذي يرش على جرحه ملحا … فابتسمت وأجابته .. أنت تفعل مثل هذا المجنون يا ولدي … فقال لها متعجبا .. أنا يا أمي !!! فقالت له .. نعم .. برؤيتك لما يفتح شهيتك للنساء … عندها صمت وأطرق برأسه خجلا … فقالت له .. بني بل أنت مجنونا أكثر منه .. فهو فتح شهيته لشئ ليس معه .. وإن كان تصرفه غير حكيم .. ولكنه ليس محرّم … أما أنت ففتحت شهيتك لما هو محرم .. ونسيت قوله تعالى : { قل للمؤمنين يغضوا من أبصارهم .. ويحفظوا فروجهم .. ذلك أزكى لهم } … عندها لمعت عينا ابنها بحزن .. وقال لها.. حقا يا أمي .. أنا أخطأت .. وإن عاودت لمثل ذلك .. فأنا مجنون أكثر منه .. بل وآثم أيضا .. أعدك بأني لن أكررها .. إنتهى … ـــــــــــــــــــــــــــــ * أخواني و أخواتي هذا الأسلوب لهذه الأم .. قد أعجبني .. وهو أسلوب تعليمي رائع .. فهل تجدونه مناسب أم لا ؟ وهل هناك من أسلوب آخر ناجع لهذا المرض العضال الذ ي بدأ يفتك في شباب هذه الأمة الاّ من رحم الله ؟ أتمنى التفاعل وإبداء الرأي ... الموضوع منقول للأمانه |
تصرف الام تصرف الجيد
لكنهل ينفع مع الكل اكيد لا لو وجدته ممكن تكون رده الفعل عنيفه لو كان موجود ويشاهد او امسح ماهو غير جيد من غير كلام تكون كرساله اني شاهدت ومسحت و تراها ما يجوز |
اقتباس:
|
السلام عليكم ورحمة الله وبركاته
مساء الورد طيف بصراحة تصرف فوق الجيد وابن موؤدب جد الشباب بين ال 12 و21 لديهم رغبة قوية بالاستكشاف وفضول كبير لاستكشاف الحياة ******** وللاسف الشديد الساحة مفتوحة بضع كلمات تكتب في موقع كوكل تفتح لك ابواب كثير في هذا المجال واذا ابنك ما غافلك وسوها اكيد عنده صديق راح يسولف اله يعني اذا سوينة روحنه متأكدين من اخلاق ابنائنا اسمحوا لي فنحن مغفلين ولاني ممرت بنقس الموقف جئت من السفر وشفت المواقع التي دخل عليها فوجدتها مواقع الله يستر عليها انتظرت نكون سوى وخبرته انو هذا حرام اولا وشيء لايفيد ثانيا وبعدها اقنعت والده بتسجيله في نادي رياضي لانها بكل تأكيد طاقة بحاجة الى تصريف للعلم ما خبرت ابوه بصراحة نربيهم تربية صحيحة نزرع في قلوبهم محبة الله والخوف منه والله اليستر سعدت بموضوعك همسة احبك الله عزيزتي وانتي ايضا اخت عزيزة وغالية على قلبي |
هلا وغلا ابلا اراده
تدرين ان رايك يهمني انا لو كنت مكان الأم والله العظيم ما اضمن وش راح يصير في ولدي احنا نوجه داخل البيت ونراقب المشكله فعلن خارج اسوار بيوتنا في كلمه دايم اقولها لعيالي من ملأ عينه من حرام ملأهم الله من جمر جهنم نسأل الله السلامه لعيالنا وعيال المسلمين |
يسعد لي مساء الورد الخجول...
.. موضوعك رائع... مشكله كبيره المراهقين...وخاصة اذا دخلو على ها الاشياء.. والمجال عندهم خصب في الشبكه العنكبوتيه... الام تصرفها سليم ...ماظن فيه اثنين يختلفون عليه.. لكن مثل ماقالت الغاليه فجر...ماينفع مع الكل... مادري بأعتقادي اسلوب الحوار معهم ماينفع...طبعاً..انا لأافتح باب للضرب..لأ.. لكن تصرف صارم...تتخذه بحق ها المراهق.. توقفه..هذا شي يغضب الله .. والشي المفروض ان جهاز الكمبيوتر مايكون خاص فيه وفي غرفته مهما كان... يكون بمكان مفتوح في البيت والاب والام يكون لهم فرصه مراقبته.. مثلاً الصاله.. مكان مفتوح والجميع يمرون من ها المكان..مافي مجال يدخل على هاالمواقع والعيون كلها تراقبه.. شي ثاني... المحفوظات...ترجع تسوي لها جرد..وتتابع بدقه المنتديات الي يدخلها وتنبه انه مايمسح شي.. واذا فكر يتذاكي ويمسح المواقع الي دخلها.. في طريقه ترجع جميع المحذوفات الي بجهاز حتى بعد الفرمته..يعني مافي مجال يحاول يتذاكي عليها.. هي بس تفهمه انه..مايدخل اشياء اساساًً ماراح تفيده.. و وتفهمه..انها اذكى منه..لئن المراهق يعتقد نفسه بعالم اخر..هو الاذكى والافضل..و..و..و هي توصل له المعلومه بشكل مبسط...انا مراقبتك..و..اي تصرف مو سليم راح ينزل عقاب صارم مني.. يبي لهم قوة شخصيه...وفرض سيطره..لكن مو السيطره المقيده لحرياتهم لا الي تساعدهم وتاخذ بيدهم... هذا راي..والراي قابل لنقد والمناقشه..لكن فن الحوار مع المراهقين ماينجح..لئنهم ..راح يظهرون الموافقه واخر شي..يرجعون لنفس الخطئ.. .. واخر..شي الدعاء..الدعاء... هو الي يصلح احوالهم..الله يصلح الجميع ..ويحفظهم .. .. دمتي يامتئلقه بطرح...مميز...كاتميزك بينا...:55: |
طيوفه الموضوع خطير تشكرين عليه فديييييييت البحارات المتميزات
فترة المراهقه محرجه على المراهق والمربي اللي هم الاهالي فهو بوده يثبت رجولته باي شكل لاصحابه كان يفعل كما فعل المراهق اللذي عرضتي مشكلته مشاهدة الافلام الاباحيه ,,,والام او الاب اللي ببعض الاحيان لا يستطيعون توجيه الابن للطريق الصحيح او لا يملكون لغة للحوار يتواصلون بها مع ابنهم دون ادنى جرح او احراج له بهالقصه نورتينا لطريقه تنبه الابن لغلطته وهو الذي يضع الحل بنفسه رااااااااااائعه طيوفه وجزاك الله الف خير ياغلاي |
مرحبا طيف
بصراحه موضوع معقد جداااااااا والله لايجعل اي ام تمر بذا الموقف الام اسلوبها بالنقاش ممتاز ونفع مع ولدها لاكن الشخصيات مختلفه للناس لا فيه مراهقين يكابرون بالغلط وعدم الاعتراف وفيه اللي يمشي الموضوع وتوبه ويرد على خطاءه مالها الا حل تستودعهم الله وبكل صلاه تدعي ربي يعصم سمعهم وابصارهم عن كل منكر *********** اتوقع رئي ضمني قريب من رئيي انه لازم اتخاذ موقف حازم بان اللاب يسحب من الشاب لفتره كعقاب ويكون الموضوع سري بينه هو والام ومايحتاج ياخذ احد خبر حتى الاب وبعدها يرجع بشروط ممكن يسجل بنادي مثل ما قالت ام احمد لان بهالعمر الطاقه يبي لها حرق والرياضه منافعها لا يستهان بها اخيرا يعطيك العافيه طيف وماقصرتي بروعه ماطرحتي لك بالغ تحياتي |
ممكن تكون ردة الفعل ذي حلوة أنا عجبتني الم لما خرجت من الغرفة وماحسسته انها شافته لكن كلامها معاه ما أعتقد يفيد وخصوصا مع ذا الجيل أقدر أقول انه جاراها لأنه يعرف انه اللي سواه غلط لكن حكاية انه مارح يستمر في ذا الشي ؟!! أشك .. علاج المدمن مو كلمتين تنقال له ولا حكم .. ومشاهدة الأفلام الاباحية إدمان الشخص يعرف الحكم لكن مايقدر يتحكم بنفسه يعني ممكن أنصح واتكلم وأوجه لكن يفيد ولا مايفيد هذا راجع للشخص ورغبته على عدم تكرار الفعل وقوة إرداته هذي وجهة نظري .. ويبقى الاختلاف في وجهات النظر أمرا لا يفسد للود قضية |
اقتباس:
اعجبن كلامك وانااتفق معك فلابد من المواجهه لا نهرب ولا نتهرب لابد ان نواجهه أبنائنا بان نحن على علم بما يشاهدونه ويقتنونه من صور وأفلام ومجلات !! تفادي الإصطدام لا يأتي إلا بنتيجه عكسية لابد ان نواجههم ونضع حد ما يشكل خطورة عليهم دينية وصحيه ولكن المواجهه العقلانيه وليست المواجهه بالعصى (والعقال )- لابد من نقل الجهاز الكمبيوتر إلى غرفة المعيشة لا نتركه في غرفهم الخاصة مغلقة الأبواب لاننانوفرله المكان والبيئه الفاسده التي لا يوجد عليه رقيب ولكن عندما يكون هو والجهاز أمام عينك هذا أفضل وأأمن لهم من مخاطر الخلوه اعرف وحده تقولي لازم اعطيهم الحريه اذا كان في الصاله وامامنا مانكبتهم 0000000000000بس ولدي دايم يقول فلانه تقول كلام غريب والفاض قبيحه وحركات 0 |
اقتباس:
واولادنا اصلن صارو اذكى منا بستعمال الأجهزه انا ضمضم تصدقين واحد من عيالي يقول يمه وش رايك انك تقولين لأبوي يشيل باب الغرفه مره وحده من كثر ماانا افاجئهم بدخولي عليهم وانا من فضل ربي حقيقه ما اخاف من متابعتهم لأشياء مخله بالدين لأن المهمه هذي مسؤلية زوجي انا اتعبني متابعتهم لسباق السيارات والتفحيط الي صار شغلهم الشاغل لأن المواقع الاباحيه زوجي عامل لها حضر مشكوره على المرور والتحليل الأروع |
اقتباس:
وماهو كل ام تقدر تمسك نفسها بعض امهات يمكن قبل تعاقبه تطيح مريضه من القهر كيف ضناها تجرئ وقدر يناظر ها المناظر الي تغضب الله ام توته خوذيها حكمه ان الضنى كل ما كبر كبر همه معاه مشكوره على مرورك الرائع |
اقتباس:
كلامك صحيح وفيه الي يخدع اهله ويسوي الي يطري في باله من وراهم قرأت مره لوحده في النت ان اولادها جربت كل الحلول الترغيب والترهيب معاهم لكن ما فادهم بشي نصحتها وحده من المتابعات قالت مالك الا القران لا تحرمين بيتك منه صباح مساء وحصني اولادك وهم نايمين لأن بالسن هذا مافيه الي ماهو معاه ضده لو كانو ا والديه انت لاروع نوف مشكوره على المرور |
موضوع راائعه اخت طيف ..وتصرف الام تصرف حكيم ..
بس اتوقع لو انا مكانهاا ماراح اندس بفراشي واخليه يكمل .. مافيني اصبر ..بس الاكيد اني راح اتفاهم معااه .. شاكره لك روعه الطرح ..وهالرد لعيون اغلى بحااره >>فيس الكابتن خخخ |
اقتباس:
هي فعلن تبقى وجهات نظر والبحث عن حلول تفيد الجميع اطفالك في بيتك انت تربيهم نفس التربيه وتتعامل معهم ماتجي شخصياتهم وحده ولا ردود افعالهم وحده صادقه ربما ناه يسايرني يبي بس يكتفي شر موقفي منه وسن المراهقه لازم ياخذ مجراه الطبيعي بيجي الغلط والصح فيه نسأل الله الهدايه لعيالنا وعيال المسلمين اشكر لك مرورك الرائع على الموضوع |
اقتباس:
شوفي مشكلتنا او غالبيتنا نبي على طول عيالنا صالحين ولا يغلطون ولا يجربون اجل كيف بيتعلم اذا انا يا امه او ابوه ما وجهته الطريق الصحيح والهادي الله سبحانه شفنا كثير امهات غير مسؤلات وتشوفينها تقولين هذي انسانه ضايعه لكن بالمقابل تشوفين اولادها قمه با لأدب والخلاق واحيان العكس تشوفين ام حريصه بجنون على اولادها ولا لها هم الا راحتهم وتوجيهم حريصه انها تخرج للمجتمع لبنه صالحه با المقابل اولادها لا ادب ولا اخلاق ولا حتى مستوى دراسي هي توافيق من الله والله لايضيع تعب اشكر لك ام البنين مرورك الغالي اصلح الله لنا ولك النيه والذريه |
اقتباس:
وانا مثلك والله مدري كيف بتغمض عيني يمكن اذا كنت بتصرف مثلها بنادي ولدي واقوله سكر الجهاز ونم وهذا طبعن من سابع المستحيلات با النسبه لشخصيتي وما نقول الا عسى ربي يهدي من عنده ويسخر قلوبنا واللسنتنا تدعي لهم با الصلاح والا حنا مافي يدنا الشق اكبر من الرقعه والفتن تتوالى علينا اشكر لك مرورك العذب |
السلاام عليكم.. * أخواني و أخواتي هذا الأسلوب لهذه الأم .. قد أعجبني .. وهو أسلوب تعليمي رائع .. فهل تجدونه مناسب أم لا ؟ أسلوب الأم جدا رائع وقدرت توصل لولدها اللي تبغاه بطريقه حلوه بس مو نافع مع الكل يعني في أولاد ماينفع معااهم كذا لآنها من يوم تقوله ((وانت مثل الجائع..الخ))رح يقوم الدنيا ولا يقعدها ..انتي تراقبيني..انتي مو واثقه فيني..ترضي ابوي يراقبك..بدل لاتراقبيني راقبي بناتك....الخ من الاعتراضات والاحتجاج على الأم وفي النهايه هي الغلطانه لآنها راقبته وبالطريقه ذي ضيّع الموضوع.. وبعدين رح يفقد الثقه بالبيت ورح يكون احرص من قبل يعني ممكن يناظر باللي يبغاه ويكون مجهز مقطع ديني بصفحه ثانيه من يوم يحس بحركه رح يغير الصفحه وممكن بعد يغير الوجه بدل لا يكون عاطي الباب ظهره بيصير يعطي الباب وجهه عشان ينتبه لو احد دخل عليه بخفة العيال الحين معاد هم زي زماان مساكين والقط ماكل عشاهم ألحين تلاقي ولد بعمر 7سنوات لكن عنده تفكير وعقل عن رجال بالأربعين ..نسأل الله السلامه.. وهل هناك من أسلوب آخر ناجح لهذا المرض العضال الذ ي بدأ يفتك في شباب هذه الأمة الاّ من رحم الله ؟ مو كل الشباب تنفع معاهم طريقه وحده يعني الوحده تشوف ولدها من أي نوع.. فيه شباب ماينفع معاهم إلا الضرب من الأب تلاقي بعدها تارك الشي هذا ع طول.. وفيه شباب ينفع معاهم الدق بالكلام..يعني تقول وهي تناظر فيه :سمعت شيخ يقول ان العين تزني وزناها النظر-وتحكي موقف معين عن الموضوع هذا-هو رح ينتبه ع التلميح هذا والنظره وممكن يجي يعتذر. فيه شباب ينفع معاهم العقاب..يعني تحرميه من الشي المتاح ليه وبعدها رح يبعد عن الشي هذا. وفيه شباب ينفع معاهم النصيحه والصوت الهادي والتذكير بعقاب الله وكيف يسمح لنفسه ينظر للأشياء هذي . وفيه اساليب كثيره وعديده لكن ع حسب الشاب يتم اختيار الطريقه المناسبه ليه. بالنهايه/: نسأل الله السلامة لأبنائنا وأبناء المسلمين.. اللهم اهدي شباب وبنات المسلمين.. اللهم اجعلهم من مقيمي الصلاة.. اللهم احفظهم بحفظك يارب العالمين.. اللهم اعطنا واعطهم خير الدنيا واكفنا شرها .. الحمد لله رب العالمين والصلاة والسلام ع خير المرسلين محمد عليه أفضل الصلاة واتم التسليم.. طيوفه.. تسلمين حبيبتي ع الطرح الرائع بالتوفيق الدائم |
هلا ومرحبا نودي
مناقشه رائعه اجدتي فيها من جميع النواحي اولادك في بتك كل واحد شخصيه مختلفه والمطلوب من الأب والأم التعامل مع كل ها النفسيات وخصوص الأم لأن الأم اكيد الجانب الاضعف والي تتقبل المناقشه لصح والغلط اكثر من الأب واحيان العواطف تلعب دور حتى لوفيه غلط ><ابد ما تقصد نفسها حرب علينا في بيوتنا من كل النواحي وغزو فكري رهيب نسأل الله السلامه والصلاح لعيالنا والمسلمين رائعة ومميزه نودي امتعني ردك |
| الساعة الآن 12:34 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية