|
اخطائنا في اللبس (شاركوني الرأي)
http://www.liillas.com/up3//uploads/...f4d505d565.jpg
السلام عليكم ورحمة الله وبركاتة اخباركم جميعا ؟؟اتمنى الجميع يكون بخير وسلامة شرايكم اليوم نتكلم عن اغلاطنا مدري اخطاءنا باللبس والي يناسبنا والي مايناسبنا انا بتكلم لكم عن بعض مشاهداتي : _بنت نحيفة (بمعنى اصح معصقله) لابسة اسوود والله دااايم اشوف كذا يعني البسي الوان تناسبك الوان تعطيك ايحاء بالامتلاء مو لوون ينحفك زيادة _بنت سمراء لابسة الوان فسفورية او الوان فاقعة والله مايناسبك البسي الوان تناسبك وتحلي لونك مثلا عندك اللون العسلي يجنن على السمراء اما لو تلبسه وحدة بيضاء يطفي لونها ويخليها كنها مريضة _اممممم كمان زحمة الاكسسوار في بنات الي يهديهم لما تشتري طقم اكسسوار لازم تلبسه كله رغم اني ماحب الطقوم مو لازم تلبسي الحلق والسلسال والاسورة مثلا لبستي حلق كبير وفخم الغي السلسال لبستي سلسال فخم الغي الحلق وهكذا ومثلا الحزام والسلسال مايمشي اختار ياهذا ياهذا _وفي نقطة اتوقع تكلموا عنها البنات قبل كذا عن الي تطقم الالوان الكسسوار مثل لون اللبس مثل الشنطة مثل الجزمة الله يكرمكم احس صارت هالحركة قرونة اعذورني على الكلمة بس لازم انسق واختار الوان ثانيه مو احكر نفسي بي لونيين مثلا الاصفر والاحمر او الاصفر والبنفسجي الازرق والاحمر وهكذا _وفي بنات تعتقد ان الملابس السبورت لازم تكون مثل الشباب ولازم تكون معربجة ولازم تلبس سلاسل ومدري ايش والله اكبر غلط احس شكلها يصير مزري بالنسبة لرايي انا ملغية هالنوع من اللبس من دولابي افضل شي احس للبنات الكلاسيكي احس قمة الذوق _بتكلم بعد عن المكياج لانه من مكملات الملابس مكياج الصباح وماادراك مامكياج الصباح بلاوي متلتله اشوفها على البنات بعز القوايل ومسوية عرس بعيونها والروج احممممممممممممر بكل مايعنيه هاللون من كلمة والعطر اعوذ بالله والله مو حلو يعجبك شكلها لو كانت سهرة بس جامعة مدري دوام وع مكياج الصباح لازم يكوون هادي يفتح النفس حطي كريم اساس لو كنتي مضطرة خفيف او كريم اولي مرة حلو هالكريم يغني عن الاساس وقلوس لونه هادي خفيف اوروج فاتح بناتي وكحل ومسكرة وخلصنا ولو كانت بشرتك ماشاء الله مايحتاج حطي قلوس وكحل وخلاص والله في بالي اشياء كثيرة بس طاروا المهم بنات يلا عطوني ارائكم وشاركوني |
اتفق معاك ف كثير
لبس اكسسوار كامل ملابس سبور وتقليد الشباب واكثر شي>>مكياج السهره في الجامعه مرّه رحت للجامعه..الله يستر تقولين في يوم زواجها..الكحل السايل والروج الاحمر والباس غريبه وفيه ناس عندنا مسوينها عاده وهي >> لمّن تتزوج الوحده لازم تحط كحل سايل حتى في الجامعه>>لو اموت ما حطيته في عز القايله دودي مشكووووووره حبيبتي>>فيس يرد على مواضيعك هالايام اول بأول هخهخ |
صادقه دودي صار اللبس هالايام مايتناسب مع المكان والزمان
الصبح وبالجامعات اكسسوارات ومكياج صارخ والوان وموديلات مزعجه وبالسهرات فساتين ناعمه والوانها هاديه غريب المفروض العكس او بالاصح فترة الصباح وبالجامعات بالاخص لازم في احترام للبس وانا اشوف النحيفه زي ماقلتي تلبس غوامق والسمينه فواتح ليش ماتلبس الوحده اللي يناسبها ويظهر مميزات جسمها بشكل يناسبها والاكسسوارات صارت الوانها حول مية لون في الاكسسوار الواحد لا والملابس تجي بعد مشجره بكل الالوان موضه مزعجه على العموم شاكره لك هالطرح الجميل الله يعطيك العافيه |
السلام عليكم ورحمة الله وبركاته هلا باختي ام شهد حلوه معسقله ولابسه اسود تخيلته على طول لا تلقينه بنطلون ضيق بعد
انا اتفق معك الا بالالوان موشرط ان السمراء مايناسبه الغامق انا اعرف وحده سمرا بس الالوان الغامقه عليه تجنن يمن تعارضينن وتقولين ماعنده سالف عندي كل وحده له الوان يناسبه وحسب بعد السمينه يمكن انسبله الغامق ينحف الوزن والعمر ولون البشره والوقت يحدد البس والون المناسب |
صحيح حكاية المكياج والألوان الفسفوريه جدا أشوفها ظاهره كمان في أخطاء في اللبس مثلا تجيكي وحده قربت من الخمسين سنه تسوي نفسها متبعه الموضه ولابسه فستان قصير يعني حركتات . ولا بنت لساعه دوبها طالعه من البيضه تلبس كعب وفستان طويل شوفني أنا كبيره . ولا سمينه وهذي بصراحه أشوفها في المدرسه لابسه بلوزه مخططه بالعرض يشيخه تريكي متنتي نفسك بزياده تحبي المخطط ألبسي مخطط بالطول . هذي بعض الأشياء اللي خطرت ببالي يسلموا حبيبتي ع الموضوع |
| الساعة الآن 11:55 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية