|
المبدعه مايا مختار مع القراء
:besm8dg4: كيف حال الجميع اتمنى تكونوا فى أحسن حال الأخت العزيزه doll اوحت لنا بهذه الفكره الجميله و الأن ظهرت للنور و إن شاء الله بفضل جهودكم و تعاونكم تكون مثمره هى متألقه كنجمة فى السماء لكنها مع ذلك قريبه للقلب و تدخله من اوسع الأبواب عذبه المشاعر ... جريئه الأفكار ... ساخره ... كوميديه المبدعه التى طالما امتعتنا بنذف قلمها و موهبتها الفطريه ساحرة الكلمات و حابسة الأنفاس مايا مختار نسلط الضوء على كاتبتنا المحبوبه بأقلامكم انتم فانتم من تديروا اللقاء لقاء من القلب للقلب كل عضو او عضوه ترغب فى التعرف على مايا امامها الفرصه من حق كل واحد ثلاث اسئله حتى لا نرهق كاتبتنا بشرط ان لا تكون اسئله محرجه و مايا لها الحريه فى عدم الإجابه عن السؤال الذى تراه غير مناسبا لها اسم مايا مختار عنوان للإبداع و الرقى اترك لكم المايك و من هنا بدأ اللقاء و مدة اللقاء اسبوع من الأن تحياتى للجميع |
طبعا انت عارفه يا مايا انا مش هقدر اقاوم و عندى مش ثلاث اسئله لا ثلاثين سؤال هههههه لكن هحافظ على القواعد و هبدا بثلاث و لكن لى عوده بغيرهم هاهااااى بتحايل على القانون المهم نخش فى الجد السؤال الاول : مايا حاسه بأيه دلوقت و انت تحت الضوء ؟ سؤال خبيث مش كده :lWR04888: السؤال الثانى : أين مايا مختار من المطبخ ؟ السؤال الثالث : شخص اثر فى حياتك تأثير إيجابى و اخر كان له تأثير سلبى و ممكن متذكريش اسماء فقط اشيرى للشخص ؟ يا خساره خلصوا الثلاثه بسرعه لكن مسموح ارجع مره تانيه بثلاثه تانين ههههههههههه يعينى يا مايا هتفضلى تحت الضوء اسبوع فى الحر ده معلش هنشغل التكييف |
عجبتني الفكرة جدا ولازم نستغلها جدا من اجل التعرف عن قرب على العزيزة مايا محبوبة القراء
كيفك مايا ان شاء الله يا قلبنا تكوني بخير عندي بضع اساله هي يمكن تحتفظي بالاجابة يمكن تشاركينا ايها المهم مايا هل تؤمنين انه هنالك الهام ام الموهبة بالفطرة لاتحتاج لاي الهام؟؟ مايا هل يوجد او توجد امور خاصة تلهمك للكتابة وماهي؟؟ ماهو او ماهي الضروف التي تكتبين فيها روايتك وما هو الجو اللذي تحيطين نفسك به لدى بدأك بالكتابة؟؟ هههههه اكثرت عليك لكني اعشق هته الاسألة لاني اكتب واتمنى ان اعرف ضروف مبدعة مثلك في تلك اللحظات كيف تكون حسن الخلق مشرفتنا الغالية مشكووووورة كثير اسعدنا الموضوع |
اقتباس:
1_حاسة اكيد وانا تحت الضوء حاليا بالحر..علشانك انت يا بخيلة مش راضية تشغلى التكيييف..هههه..بجد..مكسووووفة جدا جدا..ومتلعثمة..لكن اكيد احساس جميل..وجديد..لانة نوع من انواع التقدير لعمل انتى بتقومى بة بمنتهى الحب والسعادة..على قدر الحب..تكون السعادة وقت التقدير... 2_ بالنسبة للشخص الذى أثر فى بالايجاب..هو هو نفس الشخص الذى اثر فى بالسلب..حاجة غريبة مش كدا..لكن دى الحقيقة..الاشخاص المؤثرين بحياتى كبرت امامهم..عاصرت معهم نمو شخصياتهم وتأثرها بالاحداث المختلفة فى الحياة..عندما كانت هناك بعض الصفات السلبية بهم تاثرت بها..وعندما تغيرت تلك الصفات عندما نضجوا نضجت معهم..وتغيرت..فالانسان كالاسفنجة وهو صغير يمتص كل ما حولة ويتلون كلون بيئتة..لكن الاكيد من أكثر الاشخاص الذين تأثرت بهم بالايجاب هو والدى..ووالدتى..وخالاتى الغاليات جدا على نفسى.. 3ـالمطبخ..أممم..مش عارفة..بيتهيألى انا نصنص..فى الحلويات فاشلة جدا..والطبخ العادى اعطى لنفسى سبعة من عشرة..بينى وبينك انا مش بحب شغل المطبخ..ابداا..هههه ميرسى يا هومى على اسئلتك اللى دمها خفيف زيك يا قلبى..مممووووةةةة |
اقتباس:
1ـ انا اؤمن بالموهبة فقط..لكن الالهام والدراسة ممكن يحولو الامر لحرفية..اى مجرد مهنة..حدث امامى هذا الموقف كثيرا..شعراء كتاب ممثلين ورسامين..من كان يملك الموهبة..ترين فى ابداعة الروح..ومن لا يملكها تجدين أبداعة كالرسم الهندسى بالقلم والمسطرة..بلا روح.. 2ـ ظروف الكتابة صعبة جدا..فى الغرفة مع الاولاد..التليفزيون والكرتون..ماما اخويا عمل..ماما اختى عملت..ماما احنا جعانين..ماما عطشان..وهلم جرا..فلكى ان تتخيلى..كيف يخرج فصل الرواية للنور بعد هذا العذاب المضنى..ههه 3ـ ما يلهمنى فى كتابتى..هى احلام يقظتى..انا دائما البطلة..احلم طوال الوقت..طوال عمرى كنت احلم بلا توقف..اتخيل المشاهد والمواقف..واكون البطلة..فأتخيل رد فعلى هنا كيف سيكون..وتولد السطور بعدها تباعا.. ميرسى يا جوجو على الاسئلة الجميلة ويااااارب اكون عرفت ارد كويس |
صباح الفل الرائعه مايا مبارك لك هذ التميز والى الامام
سين سؤال وبيستنا جيم جواب >>>>>>>>>>>>>>فيلسوفه من صغري 1- اذا كنت مشغوله بالبيت والاولاد وجت لك فكرة كيف تسجلينها هل تكتبيها بسرعه قبل لا تطير والا تعتمدي على الذاكره ؟؟ 2-هل تروادك فكرة كتابة القصص باللهجه المصريه تكون احداثها من عمق بيئتك؟؟ 3-ماهي الروايه التي قرأتيها ولا زالت تشدك لقراءتها مرة اخرى ومتى بدأتي بقراءة الروايات ؟؟>>>>>>>>>>>>>>>معليش السؤال الثالث متفرع الى اوب ولك مني كل الود وشكرا للرائعه حسن الخلق وهي اسم على مسمى:liilas::flowers2: |
اقتباس:
1ـ لما تجينى فكرة لو انا مش مشغولة..باروح اسجلها فى الكبيوتر..ولو بكلمة تفكرنى بيها بعد كدا..لكن لو مشغولة,,بأعتمد على الذاكرة وللأسف هى دلوقتى شخص لا يعتمد علية ابدا...ههههه 2ـبالنسبة لكتابة رواية من بيئتى المصرية..انا حايا مش بفكر فى كدا..لأنها هتكون كئيبة..علشان انا مش شايفة اة حاجة فى وطننا العربى الان تدعو للتفاؤل او السعادة..وللأسف الذى يصر على محاولاتى بالكتابة على هذا النمط..هو والدى..لانة غير مقتنع بما أفعلة..ودى نقطة خلاف بيننا... 3ـلو على القراءة عموما..بدأتها وانا فى الصف الخامس الابتدائى..لأن والدى عندة مكتبة رائعة بمنزلنا كانت بتجمعكل انواع الادب والثقافة..والروايات التى انتهى من قرائتها بسلاسل عبير واحلام..والاجنبية منها الغير مترجمة..لا اعود لقرائتها مرة اخرى..لان هناك دائما الجديد..لكن كنت اعيد قراءة زمان بعد الروايات الطويلة لأحسان عبد القدوس..لأنى من عاشقات قلمة.. اتمنى اكون رديت بشكل مقنع وكافى على اسئلتك اللطيفة ميرسى ام رنا على ذوقك واهتمامك |
http://dc03.arabsh.com/i/01648/rr2wsl00up9s.gif
كاتبتي المفضلة.. ..اسألني لخمة حبتين.. :Welcome Pills4: 1- اول حاجة كتبتيها كانت اية رواية او خواطر او اية. 2- العوامل التى ساعدك في كاتبة الرواية الاولى وهل كانت المحاولة الاولى قابلة للنشر ولا خبيتيها.. لان بصراحة انا عندي افكار كتيرة بس للاسف مرعوبة اني اخطها على الورق. 3- رواية اسيرة الشيطان نجد فيها احداث تاريخية كيف جاءة الفكرة لذالك وهل سمهت حقيقية.. 4- عند كتابة الرواية تكون عندك فكرة عن المكان والشخصيات ولا الافكار تتوالى عندك مع الكتابة.. :8_4_134: مع كل الحب عسوووولة |
اقتباس:
1ـ اول حاجة كتبتها كانت خواطر وكان عمرى11 سنة..وبعدين الخواطر تقدمت واصبحت بدايات شعرية..ثم تطورت لتصبح قصائد..تخللها لبعض المحاولات البسيطة لكتابة الروايات..والتى كنت أجمع فيها بين الخيال والواقع..واخيرا قرب الجامعة..كنت شاعرة جيدة جدا..بشهادة العديدين.. 2ـ العوامل التى ساعدتنى فى الرواية الاولى..هى مخزون سنين طويلة من الافكار والخيالات..كما اشرت من قبل..احب احلام اليقظة كثيرا..كنت أحخيانا اتخيل نفسى محاربة..مفكرة..سباحة..كل ما اتمنى خوض تجربتة أتخيلة وابنى معة حكايات واشخاص..المحاولة الاولى كانت معروضة لاقاربى وصديقاتى فقط..لأننى لم اكن خضت غمار النت بعد...هههه..لدى صديقات مقربالت جدا..يساهمن فى مشورتى.. 3_ الرواية بتبدأ بمشهد..فكرة مجنونة تخطر لى..وبعدها تتوالى التفاصيل والمشاهد..رغم انها احيانا تكون صعبة الامساك..كما أنا الان أشعر فى كتابة الفصل الاخير بثقل كبير واحباط..احاول الخروج منة بشتى الطرق.. لو لديك الرغبة بالكتابة..الخطوة الاولى هى البدء والمحاولة..وان كنت تملكين الموهبة..فلا تقلقى يا عزيزتى..لنها يا لولو ستفرض نفسها بالقوة ان كانت موجودة... 4ـ بالنسبة للحقائق التاريخية..سمهيت اكيد موجودة فى التاريخ..لكن الاسم غير مؤكد..وبقية الحقائق التاريخية الخاصة بالجزائر وبالما دى مايوركا حقيقية..عدا فكة قصر الرياح..فالماركيز شخصية تاريخية شهيرة..وبنى بالفعل عدة قصور وقلاع..لكن قصر الرياح أضافة خاصة من بنات أفكارى... تسلمى على اسئلتك الحلوة..ويارب اكون أفدتك...:liilas::lol: |
احم احم انا جيت محدش يبص لى ما انا قلت انى راجعه تانى هاهااااااى اليكم الاسئله السؤال الاول : من من اولادك الكتاكيت بدأت عليه بوادر حب القراءه او موهبة مامته الهايله ؟ السؤال اتانى : توقعات القراء هل من الممكن ان تجعلك تغيرى شىء فى سير الاحداث الموضوعه مسبقا ؟ السؤال الثالث : من هى اهم شخصيه كتبتيها و خلبت لبك ؟ و من الشخصيه الى اتعبتك و دوختك فى صياغتها ؟ و دمتم و مش هوعد انها اخر مره <<< فيس خبيث |
اهلا مايا ازيك يارب تكونى بالف خير اسمحى اسالك ال3 اسئلة وهى يمكن تكون شخصية شوية بس براحتك عايزة تجوبى او لأ .
1- احنا عرفنا شعورك اية دلوقتى بعد ان اصبحت نجمة تضىء لنا فى سماء العشق والرومانسية. بس ايه شعور الناس اللى حواليك زى زوجك او اولادك او اخواتك اى اسرتك الكبيرة والصغيرة ؟ 2-[SIZE="4"]انت تزوجتى عن حب ولا عادى زواج صالونات ؟[/SIZE]3- انت بتحبى مين من الكتاب والادباء ؟ |
مساء الخير ..مايا
تستحقي كل الثناء والتقدير والتميز ماشاه الله عليك أسئلتي - الرواية حبيبتي كم تأخذ من وقت منك في كتابتها؟ - اذا كتبت رواية هل ترجعي الى قراءة بعض التفاصيل من كتب التاريخية و الجغرافية لتساعدك ؟ - كم مرة بدقيقي في مراجعة ما كتبتيه من فصول؟؟ أتمنى ماثقلت عليك حبيبتي..:flowers2: |
اقتباس:
جميل قوى انك انتى التى تدير الحوار,,دائما لى موجة واحدة...هههه:Welcome Pills4: 1ـ شوفى هو الجيل اليومين دول جيل سوسة..مايبانش علية..اعتقد انو جانو بنتى ..بتعطيش الجيم..يمكن عندها بداية بودار تميل للقراءة..لكن مودى..كروى شوية..هههه..بس لا استطيع الحكم الان..لأن البيئة التى تربيت فيها غير البيئة التى تعيشها جانو تماما..لان كان لى الحظ انى انشأ فى كنف والد مثقف..وفنان تشكيلى ذو حس مرهف وعالى جدا.. 2ـ المرة دى لأن الرواية كتبتها أثناء متابعة القراء..جعلتنى اقلل قليلا من قسوة البطل..لأن كنت راسماة اقسى من كدة..بس صدمة القراء جعلتنى اخفف من حدة تلك القسوة..وانا قصدت هذة المرة اتابع مع القراء الفصول اولا باول..لانى كنت متخوفة من شخصية البطل جدا..وكنت على حق..ههههه 3ـاروع الشحصيات النسائية من بنات أفكارى..للآن..كانت ماليكا..او كليو..لانها كانت جامحة وثائرة..والشخصيات الذكورية..بلا منازع..ماركيزى الساحر..لانة مميز ومختلف..وانا اعشق التميز والاختلاف..والشخصيتين كانو مرهقين جدا جدا فى كتابتهم.. يارب اكون نفعت فى الرد..هههه بحبك يا هومى انتى واسئلتك الجميلة اللى زيك...موةةةةةة |
اقتباس:
ـزوجى بيشجعنى والحمد للة على الاشياء التى تعطينى السعادة..رغم انة ليست لة ميول ادبية ابدا..ههه اخواتى وبنات خالاتى وصديقاتى من اوائل المشجعين لى من سنين طويلة..كانوا فى البداية متابعات لقصائدى واوائل نقادى..وبعدين فترة سكون طويلة بلا هوية..والان عدن ناقدات للروايات والخط الجديد..يعنى مغلباهم معايا على طول..لكن دوما متواجدات عند الحاجة..لهم دوما أعمق مشاعر حبى وامتنانى الى الابد... والدى هو المشكلة..لانة مثقف جدا..غير مقتنع بما أفعل..ويرةى ان لدى أمكانيات جيدة لاصًبح كاتبة على حق مهمومة بامور وطنها ومشاكلة..لكننى ارى ان حياتنا لا تحتمل جمود وواقعية اكثر مما هى فية..لذاهى نقطة خلاف للأسف بينى وبين والدى... اما والدتى فهى أرق واطيب انسانة فى هذا العالم..تساندنى ايما كانت رغبتى..طالما انى سعيدة..وهى من شجعتنى على العودة بعد غياب سنتين من التوقف.. 3ـانا تزوجت عن قصة حب كبيرة جدا..لانسان رائع..طيب وحنون وكريم....والحمد للة كنت محقة..مش هقدر افسر اكثر من كدا..ههههه ياريت تكون اجاباتى ارضت بعض من تساؤلاتك...اشكرك يا مانو على الاهتمام والاسئلة الجميلة زيك |
اقتباس:
ـ الرواية بتاخذ على الاقل..من شهرين ونصف الى ثلاثة..مش اقل من كدا ابدا.. 2ـ اكيد لما بأحتاج الى معلومة..اعود بسرعة للبحث كى اتاكد من الامر,,والنت الان سهل بشكل كبير جدا هذة المهمة.احيانا اضيف على المعلومة بعض من بنات أفكار بشرط الا تؤثر على الحقيقة التاريخية او العلمية الخاصة بها.. 3ـ انا أعيد قراءة الفصول والمقاطع على الاقل خمس مرات..لكى تخرج الى النور دون اى لحظة ندم..وبالرغم من هذا ..احيانا يصيبنى الاحباط لاكتشافى انة كان يمكننى اضافة شىء هنا او هناك..والفرصة قد فاتت...هههه..يعنى طماعة شوية.. اشكرك يا قمورة على الاسئلة الجميلة جدا..والرقيقة زيك...:liilas::Welcome Pills4: |
هاااى مااايا قبل ما ابدأ اسءلتى عايزة اوجه شكر كبير للاخت حسن الخلق لان هى اهتمت باللى انا طلبته كنت مكسوفة جدا ان محدش ايد فكرتى و حسيت انى طلبت حاجة سخيفة لان انا من النوع المندفع اللى فى قلبى على لسانى وبعد ما قريت اخر بارت نزل حسيت فعلا ان احنا مع موهبة محتاجة تسليط الضوء عليهاولازم نعرف ايه الظروف اللى ورا موهبتك ........ودلوقتى نبدآ الاستجواب.....الاول
هتعرف على مايا الانسانة انتى خريجة اى كلية او معهد؟؟؟ اهمية السؤال ربط الموهبة بالدراسة ولا هى موهبة من البيءة المحيطة فقط ؟؟؟؟.....التانى.. بقى لك اد ايه متجوزة وعمر ولادك كام و بتشتغلى ولا لأ ولو لا ليه ؟؟؟؟ التالت..وانتى فى المدرسة حد اكتشف موهبتك وشجعك لان اكيد موضوع التعبير كنتى بتخدى فيه عشرة على عشرةوكانت ايه هى الانشطة اللى كنتى مشتركة فيها؟؟؟ كفاية كدة خلصت الاسءلة اللى مسموح لى بيها بس رجع تانى .. اشمعنى ناس؟؟؟؟!!!!اتمنى مكنش ضايقتك .... سلااااااام |
اقتباس:
نورتينى دودو على صفحات فكرتك الجميلة اللى زادت من قدرى هنا فى القسم وشرفتنى .... لا كسوووف ولا حاجة..انا كمان كنت مترددة فى الموضوع دا لنفس السبب..حسيت انى ماعملتش حاجة تستاهل الاهتمام دا كلة...وحسيت انة مش عندى تجربة كبيرة فى الحياة لدرجة انى يسألنى حد وأجاوب..لكن انا مش عارفة أشكرك ازاى انتى وهومى على الفكرة الحلوة..والتقديمة الرائعة التى قدمتنى بها حبيبتى هومى.. نيجى للجابات...1ـانا خريجة جامعة قناة السويس ببورسعيد..حاصلة على بكالوريوس التجارة شعبة المحاسبة المالية...ههه..يعنى مالهاش دعوة بالموضوع خالص... طول عمرى كانت الدراسة شىء ثانوى فى حياتى..ماكنتش دودة مذاكرة زى كثيييير من صديقاتى وزميلاتى بالمدرسة..لكن كنت عاشقة للكتب الروائية..والمترجمة عن روايات عالمية..كنت مدمنة للقرائة..خلصت على ثلاثية نجيب محفوظ فى الصف الاول الاعدادى..وقرأت معظم رواياتة..كذلك أحسان عبد القدوس انا عاشقة لقلمة الرائع..ومكتبة والدى كان لها الفضل فى اتجاهى الى الادب..وبالاخص الشعر.. 2 ـ الموهبة عندى من البيئة المحيطة..لأن والدى فنان تشكيلى رائع ومثقف..ومتسع الافق لأقصى الحدود..كان يشوفنى أقرا رواية لنجيب محفوظ ايام المدرسة..ماما تزعق وتقوللى قومى ذاكرى وهو يشجعنى ويقوللى سيبك منها..اللى بتقرأية دا احسن من اى كتاب مدرسى..ههه..يعنى كنا عاملين احزاب فى البيت.. 3ـ انا احتفلت الامس بمرور عشر سنوات على زواجى..لا اعمل..ولدى ولد وبنت..ولا اعمل لأن مافيش شغل فى مصر ممكن الاقية..الشباب غلبان وانا ليس لدى طاقة كى احارب للحصول على وظيفة لن ترضينى نفسيا وماديا .. 4ـ وانا فى المدرسة لما كنت احب اجيب 9 من عشرة فى التعبير اجيب..ولما اكون مش عاجبنى الموضوع اجيب 6 او 7...حسب مزاجى..والمدرسة اكتشفت موهبتى بعد تحليلى فى مرة من المرت لشطر قصيدة..حللتة باختلاف كبير عن ما كان متوقع من الشطر..وصرحت بعدها انى اكتب الشعر..كما انى كنت نشتركة بفريق الموسيقى واعزف اورج واوكورديون..كان نشاطى المدرسى بيطغى دوما على اهتمامى بالدراسة..كنت شاطرة فى المدرسة..لكن ماكنتش بحب نوعية المواد التى ادرسها... تسلمى يا دودو ويارب ما اكونش ضيفة ثقيلة عليكى باااااااى |
السلام عليكم و رحمة الله مسااااء الانوار على الجميع مايا المره دى انا مظلومه الاسئله دى جتنى على الخاص من الاخت الخجوله و قالتلى اسألك لانها مش بتعرف تعبر و بتشكرك على الروايه من هنا لحد الصييين هى قالت كده انا مجرد رسول الاسئله - مايا اكلتك المفضله ايه ؟ - فنانك المفضل سواء فى التمثيل او الطرب ؟ و بتفضلى العربى و لا الاجنبى ؟ و ليه ؟ - بيت شعر بتحبيه و بتكرريه كثير ؟ و لا شكر و لا حاجه يا doll إقتراحك جميل و بصراحه احنا ما صدقنا و حطينا مايا على كرسى الأعتراف ههههه و يا عينى عليها انا حاسه انها قاعده على كرسى دكتور الاسنان ادخلى زى ما انت عايزه يا دوللى الحلوه بس كل مره برضه ثلاث اسئله و انا عن نفسى هدخل تانى :53: احنا طلبنا ثلاث اسئله فى المره لكن مفيش عدد محدد للمشاركات :LgN05096: <<< فيس النداله شغااال سلام حبيباتى و لى عوده :flowers2: |
اقتباس:
اشكرك لانك رسول المرة دى..ولأنك دائما جنبى ..ومعايا زعلانة منك يا خجول..لأنى كنت احب تيجى بنفسك علشان تسألينى..كان يهمنى جدا تواجدك هنا على صفحات اللقاء لأن دا بيشرفنى اكثر.. 1ـ واللة انا ماليش أكلة معينة مفضلة..لكن اعتقد انه لو هختار..امممم..هتكون المحشى..محشى الكرنب..وشربة الخضار.. 2ـ فنانى المفضل المصرى..للأسف ماليش..لكن أعتقد انى بميل شوية لياسر جلال..وأكيد بلا منازع..رشدى أباظة..الملك فى نظرى..الاجانب..هوهو البطل الموجود على غالف الرواية..جوليان ماكماهون..والممثلات الاجانب..ميريل ستريب..وجوليا روبرت..لكن المصريات يعنى..مفيش حد معين..بس بموت فى سهير البارونى..ههه..لأنها عبقرية... 3ـهما بيتين شعر كل واحد فى قصيدة..ودائما لا انساهم ابدا.. ـ اذا كان ذنبى أن حبك سيدى...فكل ليالى العاشقين ذنوب ـ كاننا خلقنا للنوى وكأننا...حرام على الايام ان نتجمعا.. ومطربتى المفضلة والاولى بلا منازع..والتى تسرى مع شريان دمى..وأتنفس أغنياتها مع أنفاسى..الرائعة فيروز... أشكرك على الاسئلة الحلوة..ونفسى تمرى مرة أخرى هنا..لكن بنفسك.. |
احلى سلام لاحلى مايا ......هاسأل سؤال..... اشمعنى قرايتك كانت لكتب رومانسية ؟؟؟!!! فين السياسة .. الدين ..التاريخ.. الكتب العلمية ؟؟ ولا كانوا ع الهامش؟؟!! سؤال كمان مكملتيش ليه فى كتابة الشعر؟؟؟ ازاى قادرة تكتبى و بأبداع وسط الجبلاية ؟؟ ولا هما عندهم احساس مرهف زيك وبيحسوا بيكى فبيقعدوا ساكتين؟؟ بتعملى ايه معاهم؟؟لازم تقولى لى الطريقة يمكن تنفع معايا!!! حد منهم بيسأل عن اللى بتكتبيه ؟؟ اخرررر سؤؤؤؤؤؤال.... شخصيات رواياتك ليها علاقة بحد نفسك يكون هو احد الشخصيات الى عايزة تقابليهم ولا كله خيال فى خيال؟؟؟!!! سلاااااام مؤقت....
|
اقتباس:
1ـ لكل انسان ميول..وانا كانت ميولى فى القراءة ..نحو الروايات عموما..فنجيب محفوظ واحسان عبد القدوس ويوسف السباعى وغيرهم لم يكتبوا فى الرومانسية فقط..بل كانت رواياتهم تجمع الجانب الانسانى وااجتماعى والسياسى والرومانسى..كان لى أيضا بعض قراءات متواضعة لكتب أنيس منصور..وبعض الكتب الدينية..لكن كنت اميل اكثر للروايات الطويلة..حتى القصص القصيرة لم تكن تستهوينى.. 2ـ ماكملتش فى الشعر لان الشعر بجد وحقيقى عامل زى جذوة النار..يجب ان تمديها بالحطب لكى تظل مشتعلةز.لكن انا تزوجت وارتبكت بحياتى الجديدة والحمل والاولاد والبيت..فجف النبع الذى كنت أستمد منة موهبتى..والا لم أعد قادرة على ذلك..ودا شىء بيزعجنى جدا وحزينة جدا بسببة..لكن ليس كل ما يتمناة المرء ينالة.. 3ـانا للأسف انسانة عصبية فوق الوصف..يعنى طول النهار بزعق لدرجة ان ماما خايفة على صحتى من العصبية..ههه..ودى حاجة موجودة فيا طول عمرى..علشان كدا بتلاقينى ازعق طول النهار..فالاولاد يسكتوا شوية اكتب انا..يرجعوا يزعقوا ويتشلقوا..أزعق انا وأتخانق وأسيب اللى فى ايدى..فلكى أن تتخيلى الجبلاية عاملة أزاى..مع اطفال أشقياء جدا..وام عصبية جدا جدا... هم مش بيسألونى انا بعمل اية..بس جانو فقط هى التى تعلم أنى اقوم بكتابة الروايات ونفسها تقرأها لكن انا بامنعها لأنها لسة صغيرة جدا.. 4ـ الشخصيات كلها بتكون محض خيال..لأنى لم اقابل اى من هذة النوعية..نحن فتيات العرب حياتنا ضيقة ومجتماعتنا أضيق..وتجربتنا فى الحياة ليست كبيرة وواسعة لهذة الدرجة حتى نقابل تلك النوعية من الاشخاص..لكن أكيد لما بأكتب..باضع شىء مما كنت أتمنى رؤيتة فى أشخاص من حولى... نورتينى يا دودو..وبتوحشينى دائما |
سلااااام كماااااان مرة كيفك و كيف الصغار ... ممكن اعرف برجك ايه؟؟و ايه الصفات الموجودة فى شخصيتك اللى انتى شايفاهامطابقة لصفات برجك؟؟ باااااى يا جميييييل
|
السلام عليكم اخبار الحلويين ؟ انا جيت ازيييك يا ميمى يا قمر انا معايا سؤالين كده صغيرين هههه السؤال الاول يلح على منذ فتره - شخصيه هند و احمد انت كنت عامله لهم المساحه دى فى القصه من الاول و لا كان احمد مجرد سائق مجنون حبيتين هيتوهم فى الصحراء و ينتهى دوره و ستظل هند مجرد اسم ؟؟ السؤال التانى : ايه الحاجه الى تخلى مايا تغضب و اقصد الغضب هنا بمعناه الحقيقى مش يعنى زعل على الماشى ؟ و ايه هو الاجراء الى تتخذيه عند الغضب الثوره ام الانطواء على النفس ؟ السؤال الثالث : دوما فى رواياتك يكون البطل رومانسى لكن بطريقته يعنى نقولا كان صريح من البدايه و جاك لم ينكر انجذابه لكليو و الان جوليانو رغم محاولته الانكار الا انه لم يقنعنا انه قاسى بل يقطر رومانسيه و رقه و السؤال الان الرجل الشرقى ممكن يكون رومانسى بالطريقه دى و لا هو رومانسى لكن بيخاف يعبر حتى لا يعتبر ضعيف ؟ و طبعا انا لا اعمم لكن فقط ابحث عن نظريه فى بالى و لذلك قلت الشرقى و لم انسبه لبلد معينه فلكل قاعده شواذ لكنى اتكلم بالعموم <<< يا لهووووووى كل ده سؤال ده طلع طويييل قوى يارب مكنش مزعجه يا ميمى سورى بس اعمل ايه بحبك :toot: اعذرونى يا جماعه بس فعلا انا عندى اسأله كتير و مش كل يوم الواحد يلاقى زى عقل مايا يتناقش معاه بليييز محدش يتضايق منى سلاااااااام يا حلوين :flowers2: |
اقتباس:
اولا أزيك يا قمر..انتى وحشانى جدا انا ياستى برج الحمل..مواليد 10|4 بيقولو ان البرج دا..قلووووق جدا..وخيالة واسع جدا..وعصبى والغريب ان دا بينطبق عليا..كمان بيقال انة يصفى بسرعة رغم انة كالبركان الثائر وقت الغضب..والعجيب ان دا بينطبق ايضا على رغم انى مش مؤمنة أوى بالحكاية دى..لكن كان عندى فضول اعرف يمكن انا فى ابرج بيقال انى مترددة شوية..لكن دا مش بينطبق عليا ابدا..لانى معروفة فى عائلتى بالمتسرعة المجنونة...طاقة حبتين...هههه يارب أكون جاوبت كويس نموووووووووة..بوسة للقمر |
اقتباس:
وربنا عالم القلوب فيها اية... 1ـ الرواية من البداية كان يجب ان أعوض خلالها اللقطات الحميمية المفقودة..والتى لم أعد أسمح لنفسى بها..فكان يجب أن اخلق أجواء جديدة..والكوميديا كانت مطلوبة هنا..احمد وهند كانوا موجودين من الاول فى الافكار..بس مش بالحضور الطاغى دا..انتو كان لكم الفضل فى زيادة مساحة الدور..كمان هند كانت هتظهر..بس مش بالكم دا... 2ـ ما يجعلنى أغضب حقا..اساءة انسان احبة الى..دا بيكون شىء رهييييب وبشع..لأن من أحبهم بأفعل المستحيل الا أجرحهم..والجرح يكون مؤلم جدا لى ان كان من من احبهم..حينها بأثور كالبركان..وماحدش بيقدر يهدئنى..لازم أهدأ بنفسى..ولكن قلبى بيصفى بسرعة..ماما كانت بتقول على عبيطة..علشان ازعل بسرعة واتصالح بسرعة...هههه مش بقولك طاقة... 3ـ يااااالهوووووى على جمال السؤال..ههههه أعمل فيكى اية..بمووووت فيكى...هههههه الرجل الشرقى على العموم..لو حيلتة بلا مشاكل..ممكن يكون أعظم عاشق فى الكون..لكن حياتنا جميعا لا تخلو من المشلكل..والضغوط..ودى الاسباب الرئيسية لقتل الرومانسية..ماتنسيش ان الروايات بتخلو من الهموم اللى بجد..المرض القاتل..ضيق ذات اليد..وغيرة...يعنى الرواية بتكون غلالة فضية تحوى بونبونى ..الرجل العربى فى رايي اروع العاشقين... أوعى تقولى بتزعجينى..انا بحب أتكلم معاكى أوى ..انت ودودو..ربنا يديم الحب والود بيننا..مووووووووة:friends: |
..بالنسبة للراجل الشرقى..مين اللى خانق مين..الست بالعيال و الطلبات ولاهو بديكتاتوريته اللى فاكرها رجولة..رايحة فين..لابسة كده ليه..متكلميش ده متعمليش .....كلام من دة كتير..ايه رأيك بصفتك امرأة شرقية متزوجة و ام..وبصفتك كاتبة رومانسيةمتألقة؟؟؟؟؟ ياريت تفكرى فى مناقشة القضية دى من خلال رواية رومانسية كوميدية مشوقة...لانها بتمس كل الفتيات الشرقيات العربيات..
|
اقتباس:
شفت الست اللى خانقة جوزها بالطلبات والطمع والتطلع وليس لديها اى حس رومانسى..كمان بتكون مش متجوزة عن حب..وجواز الصالونات منتشر جدا فى حياتنا..الجملة المشهورة العريس الجاهز من كلة... وشفت الراجل الخنيق..مش عاوز يخليها تنلبس اللى تحبة..رغم أنة محترم..وغيور لدرجة بشعة..يخليها تكرة عيشيتها..كمان واللة شفت راجل أنغصب على جوازة مش بيحب مراتة..وكمان مش بيحب يشوفها سعيدة من كتر غضبة من وضعة الغريب... كل دا موجود فى الواقع.. ومش هبالغ واقول ان الحب اهم حاجة فى الدنيا..لكنة مهم..حتى لو فية اختلافات فى طباع الزوجين..احيانا كتييييير الحب..بيسهل الامور ويوصل لحلول وسط.. وكمان شفت قلوب لعزيزات على انجرحت وانكسرت من ظروف الحياة الصعبة..أو اختلاف الطبقات الاجتماعية..ورفض الاهل..وبيظل الحزن القديم..موجود كشجن وذكريات..احيانا رأيت عيونهم الدامعة من مجرد ذكرى..وكانت تقطع نياط قلبى.. حبيبتى دودو..الحياة مليئة بالصعاب والحزن والالم..لكن احنا كعرب مسلمين..لكى ترتاح عقولنا الصغيرة المتواضعة..وقبل أى شىء..رحمة ربى..نقول..كل شىء فى الدنيا قسمة ونصيب.. رغم انى احيانا باشعر ان ذكاء المراة مهم جدا لكى تختار شريك حياتها المناسب..يسعنى لازم تكون لماحة..وتكشف اللى قدامها من كلمة يقولها... وفى النهاية اتمنى من قلبى الا ينجرح أى قلب رقيق من ظروف الحياة الصعبة.. |
السلام عليكم
الموضوع اعجبني وبدي اسئل مايا متى بدائتي في الكتابهوهل وجدتي تشجيع من الاهل لانه عندنا نحن العرب عيب البنت تتكلم عن الحب مايا انتي قدمتي لنا ثلاثة تحف من ابداعك فهل سبقها روايات ليست للعرض يعنى مخبئه بالادراج وتكون قديمه من بداياتك مايا ماتتنرفزي والالهام نازل والاولاد داخلين طالعين شيء بطلبات وشيء خصومات والله يعينك ويسخر لك زوجك واولادك لاننا نريد تحف كثيره |
اقتباس:
اسفة على التاخير فى الرد..لانى كنت مشغولة بأنهاء لرواية... 1ـ اكيد وجدت تشجيع من والدى ووالدتى..لأننى لا أتحدث فى الحب بطريقة فجة..ولكن احاول دوما أن اتحدث بطريقة سلسة ولا اتطرق لأمور غير لائقة..والحمد للة والدى كان من قراء قصائدى الشعرية التى تتحدث عن الحب..وكان سعيد بى جدا... 2ـ الروايات التى سبقتها لم تكن روايات بالمعنى المعروف..كانت مجرد خواطر وسطور مبهمة بلا هدف..اعتبر اولى محاولاتى الجدية هى هسمات مشتعلة..واحبها كثيرا جدا...لانها مليئة بالرومانسية الحالمة... 3ـ انا بأنترفز بجنووووون..وعصبية جدا جدا..لكن أهدأ بسرعة رغم انى اثور بسرعة..وربنا المعين بقا..هنعمل اية...ههههه اشكرك تمر هندى على اهتمامك وأسئلتك..دا شىء يشرفنى جدا انك عاوزة تقتربى من شخصيتى..على فكرة الصورة اسفل اسمك ولد..ارجو لو انتى بنت تعدليها..لأن العامرية 88..طلعت بنت وانا مكسوفة لانى كنت بأكلمها على انها ولد..اووووكى... تسلمى ...أو تسلم |
وأنا يامايا اموووووووووووووووووووووووووووت بالهمسات المشتعله ولاامل من قرائتها وأرجوا منك ان تألفين لنا روايه على طرازها
أما من ناحية الصوره فأنتي على حق أنا مو ذكر لكن بنتي الي سجلتني في المنتدى لمعرفتها بحبي للقراءه والقهر انها حطتني من كوريا ليه كوريا ماأدري شكلها معجبه بالممثل الكوري الذي انتحر من يومين وتصدقين ماأنتبهت انه فيه كوريا الا لما أسئلتني هبه عنها لاني أدخل المنتدى على طول أدور على روايه جديده |
عزيزتي مايا اشعر اني أعرفك من زمن مع أني بالصدفة قبل ثلاثة أيام دخلت و انا أشعر بفراغ داخلي لاجد روايتك في ليلة باردة و بدأت قراءتها فتأثرت بها و بدأت أبحث عن روايات اخرى لنفس الكاتبة لأجد نفسي أمام أسيرة الشيطان و بنفس الوقت همسات مشتعلة وها أعجز عن الوصف .......................
السؤال الأول: هل تشعرين أن الزواج قيد موهبتك أم صقلهاوهل كان الزواج على مستوى توقعاتك ؟ السؤال الثاني : هل تفتقدين إلى أبطال رواياتك بعد الانتهاء منها و تفكرين بعمل جزء أخر منها ؟ السؤال الثالث : ما هو أكثر شيء تندمين عليه في حياتك ؟ أعلم أني مزعجة ولكن اعلم أيضا أن لك صدر رحب يتسع لجميع معجبيك :D |
اقتباس:
ربنا يخلى البنوتة الحلوة..ويبارك فيها يااااارب انا فى الحقيقة ماليش فى الكورى خاااالص...هههه..حتى التركى من المسلسلات بيخنقنى..يمكن اكون متاخرة شوية عن الموضة بتاعة اليومين دول... جميل انو البنوتة تبقى صاحبة مامتها وتساعدها على ممارسة الهوايات التى تحبها..وكويس انك انتبهتى لموضوع النوه؟؟؟...هههه واضح انو دا منتشر فى المنتدى ماتقلقيش..كنت فاكرة انو فية رجال بيتابعوا الروايات واستعجب..اتضح انها غلطة مطبيعة...هههه انا اللى على نياتى...وعبيطة...هههه الرجل هو الرجل..مش ممكن يقترب من عش الدبابير ابدا وهو بكامل قواة العقلية مش كدة؟؟؟؟.....هههههه انا ىسفة يا قمر انى افتكرت ولد..والسماح يا اهل السماح الملاااااااح:toot::toot::toot: |
اقتباس:
على فكرة انا بحب فى ليلة باردة جدا جدا..لأن فيها فكرة مختلفة..وانا بحب الاختلاف..يمكن اكثر من همسات مشتعلة.. 1ـ للاسف الزواج فى البداية قيد موهبتى..لانة بيكون فى البداية صدمة شديدة..حياة جديدة ونمط جديديد ومسؤوليات..والزواج عمرة ما بيكون على مستوى توقعات اى امراة..خللى دا بينى وبينك..ههههه كل امراة لها صورة محددة بتتمناها فى من تحب..والصورة دى ببتضائل مع الوقت..وتتكيف مع الواقع حتى تجد الانسان الذى استطاع الاقتراب قليلا من الصورة الاصلية..حياتنا ليست رواية رومانسية وبالتالى عكس التوقعات الحالمة..اكن اكيد لو على حساباتى العقلية البحتة..نعم كان على مستوى توقعاتى..الواقعية..لأن زوجى والحمد للة اقترب من الصورة التى وضعتها..الصورة الوااااقعية!!! 2ـبفتقد أبطال رواياتى لدرجة الالم..بجد والة..لكن فكرة الاجزاء..انا ارى انها غير ناجحة بالمرة..لأن احلى حاجة فى الرواية انها تكون على مرة واحدة ويكون الابطال لسة بشعللة نار حبهم..لكن لما يتحولو لاسرة هتبقىرواية اسرية مش رومانسية..ههههه 3ـ اكثر شىء اندم علية فى حياتى..هو انى توقفت عن كتابة الشعر..وضاعت اشعارى الحبيبة فى النقل اللى عملتة ماما لاثاث المنزل وقت التوضيب..دا شىء بيحزننى فوق الوصف.. تسلمى على الاسئلة الحلوة والاهتمام الاحلى...ولا مزعجة ولا حاجة..انتى عسل |
اهلا مايا. هانحن عدنا نلتقى من جديد. ازيك وازى جانو و مودى على فكرة انا عندى مودى برضه (مودى و ميدو).....مايا انا عرفت ان اشعارك اللى انت كتبتيها زماااااان ضاعت السؤال بقا انت لية مش بترجعى تعيدى كتابتها مرة تانية وتجمعيها؟ وممكن اعرف انت بتحبى مين من الشعراء شكلك كدة بتحبى نزار قبانى وفاروق جويدة. وممكن ارخم عليك اكتر واطلب منك تنزلى اى قصيدة ليك او حتى جزء منها.
انت طبعا عارفة انا بحبك قد اية ومعجبة وفخورة بيك جدا علشان كدة عايزة الناس كلها تسمع وتعرف (مايا مختار) فبطلب منك انك تقدمى رواياتك لاى دار نشر تقوم بنشرها على نطاق اوسع او حتى تكتبى قصة فيلم سينمائى وتقدميها لشركة انتاج وانا متاكدة انه هيطلع فيلم يكسر الدنيا انا مش بهزر والله انا متاكدة انك لما هتكتبى حاجة هتبقا حلوة جدا لانك بجد بتملكى من الموهبة والابداع ما يؤهلك لذلك . اسفة على الاطالة والاسئلة قصدى الطلبات الكتير ة دى . |
اقتباس:
مودى وجانو الف حمد وشكر يا رب بخير..ربنا يباركلك فى مودى وميدو وتشوفيهم عرسان قمرين بالكوشة..ونكون احنا مكحكحين...هههه الاشعار التى ضاعت استحالة اقدر اكتبها تانى لان لكل قصيدة حالة خاصة بيها..وانا لم اعد قادرة على نظم اى شطر..حتى الجرس الموسيقى بين الشطوراصبح صعب عليا جدا..أسكتى يا منون ماتفكرينيش لحسن خلاص هعيط..خلينى ناسية احسن..هههه انا بحب جدا جدا نزار قبانى اكيد..ومحمود درويش بأعشق أشعارة..انما العجيب انو فاروق جويدة مش بميل الية قوى..مش عارفة لية..هو اكيد عبقرى ورائع..لكن انا مش من مريدية.. كمان فية شاعر صديق لوالدى..اسمة الدكتور سامح درويش..كمان بأعشق وبشدة قصائدة..واسلوبة فى الكتابة..ان شاء اللة لو عثرت على قصيدة قديمة لى سانزلها هنا لعيونك الحلوة... بالنسبة لدار النشر ياريت ايدى على كتفك..بس دا صعب..مش عارفة ممكن ينشروا لكاتبة مصرية ولا لا..كمان مش عارفة هيوافقو ينشروا بعد ما نزلتها فى المنتدى واصبحت مجانية للقراءة ولا لأ..على العموم ربنا يسهل ..انا كمان بحبك قوى يا مانو واللة..وانتى عارفة..وفخورة جدا انك من قارئاتى العزيزات وصديقاتى التى حالفنى الحظ بالتعرف اليهم هنا..ومين عارف الايام فيها..هههه..يمكن تلاقى فيلم انا اللى مالفاة..الاحلام ليس لها حدود او سقف... اشكرك حبيبتى انك افتكرتينى بالدعوة الحلوة دى..والاسئلة والطلبات التى اسعدتنى جدا..وورتنى انتى بتحبى كتاباتى اد اية..وخذى البوسة دى...موووووووووووووووووووووووة |
حسن الخلق شكراً ليكي يا قمر على اللفتة دي انتِ سكر ولفتاتك سكر زيك اما مايا دي مش ممكن دي ادمان الواحد عمره ما يزهق منها تدخل القلب بدون استئذان مايا الأسئلة جايه إجهزي :mo2: :7_5_129: _ أكتر شخصية شبهك في بطلاتك الثلاث أنا في رأيي هيت مش عارفة رأيك أنتِ ايه؟؟ _ ليان نيكولا وجاك " صح اسمه بطل ليلة بارة " وبالأخص ليان وجاك لأن كل واحد فيهم جواه اسرار كتير حسيت من خلالهم انك بتحبي علم النفس لو أه بتقرأي لمين في التخصص ده؟؟ _ سؤال عشان خاطر صاحبتك حبيبتك ومش هقول لحد ابداً الرواية الجاية فكرة صغنونة بس عنها او عشان انا طيبه وكل الناس بيقولوا عليا كده ههههههههههههه :lol: البطل لمحي بس عن عقدته بجد بحب رواياتك بسبب الموضوع ده بالإضافة للكوميديا الفظيعة التحفة وده مش غريب على بنوتة مصرية جميلة دمها شربات زيك:flowers2: بحبك في الله ويارب اكون خفيفة عليكِي بأسئلتي |
اقتباس:
1ـ هقولك سر بالنسبة لبطلاتى مش هتصدقية..انا مررت بمراحلهم الثلاثة...كنت فى البداية يقال عنى باردة وغرورة...ههههه..واللة زى لامار تمام...وبعدين بقيت ماليكا..ثائرة ولى وجهه نظرى وعنيدة بشدة...والان انا بمرحلة هيت..قادرة على الحب..لجميع من حولى..أرق قلبا وقالبا..الى حد كبييير اصبحت صبورة عن الاول..يعنى انا مررت بمراحل الثاثة شخصيات..مش هتصدقى كانو زمان بيقولو عليا غلسة ودمى تقيل اد اية..لكن واللة..انا بس ماكنتش اجتماعية..ولا أستطيع أقتحام الاشخاص...يعنى كنت مظلومة...ههههه 2ـ اعتمادى على بناء الشخصيات واللة مش ميل لعلم النفس..هو ميل للشخصيات المعقدة المختلفة..مش معنى معقدة انها مريضة نفسيا او لديها عقد عميقة..لانى مش بأتعمق أوى فى الموضوع..ولا يمكن بأتعمق وانا مش عارفة؟؟؟....هههه كل خبرتى فيها هى الخيال والملاحظة لمن حولى..الى جانب بعهض القراءات الخفيفة لمواد السلوكية بالجامعة اثناء الدراسة... 3ـ اتينا للأهم..شوفى البطلة المرة دى..الوانها مختلفة وجديدة..لم اتطرق اليها من قبل..وكمان هتكون هى حاملة العقدة..كشىء من التجديد..البطل ملامحة وبعض من سماتة فى أفكارى..ولم استقر بعد علية..لكن أعدك..فى الفصل الاول ببداية ولقاء غير عادى كما اعتدت منى.. كمان هيكون اسمها مفاجأة..مش قادرة اقول اكثر من كدا لأنى خايفة من سرقة افكارى..وكمان مش عاوزة اسبق الاحداث واحرق التفاصيل..خليها مفاجأة... تسلميلى يا قلبى على اسئلتك اللى زى العسل..اكيد زيك بتنقط عسل.. بموت فيكى ياطمطم |
السلام عليكم و رحمة الله شكرااااااااااااا جزيلاااااااااااا لكى مايا مختار على وقتك و مجهودك و صدرك الرحب اطلنا عليك لقد تم تمديد اللقاء بمناسبة انتهاء القصه فأتعبناك لكن استمتعنا معك و بكل اجوبتك الساحره و كانت الرفقه جميله و اللقاء ممتع شكرا لكل من شارك فى اللقاء و على الاسئله الحلوه ننتظرك يا مايا فى القصه الجديده ان شاء الله تحياتى لك حبيبتى اتمنى لك التوفيق :flowers2: |
| الساعة الآن 06:27 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية