منتديات ليلاس

منتديات ليلاس (https://www.liilas.com/vb3/)
-   الأناشيد والآهات (https://www.liilas.com/vb3/f102/)
-   -   حصري نشيد يا حمدان (https://www.liilas.com/vb3/t143330.html)

غلا الشوق 28-06-10 05:00 PM

نشيد يا حمدان
 
وين انت يا حمدان امـك تناديـك ..... وراك ما تسمـع شكايـا وندايـا

يا مسندي قلبي على الدوم يطريـك.....ما غبت عن عيني وطيفك سمايـا

هذي ثلاث سنين والعيـن تبكيـك...... ما شفت زولك زاير يـا ضنايـا

تذكر حياتي يوم اشيلك واداريـك...... والاعبك دايـم وتمشـي ورايـا

ترقد على صوتي وحضني يدفيـك...... ما غيرك احدٍ ساكن فـي حشايـا

واليا مرضت اسهر بقربك واداريك .....ما ذوق طعم النوم صبح ومسايـا

ياما عطيتك من حنانـي وبعطيـك....... تكبر وتكبـر بالأمـل يـا منايـا

لكن خساره بعتني اليـوم وشفيـك .......واخلصت للزوجه وانا لي شقايـا

انا ادري انها قاسيـه مـا تخليـك...... قالت عجوزك مـا ابيهـا معايـا

خليتني وسط المصحه وانا ارجيك....... هذا جزا المعروف وهذا جزايـا

يـا ليتنـي خدامـة بيـن اياديـك .......من شان اشوفك كل يوم برضايـا

مشكور يا ولدي وتشكر مساعيـك....... وادعـي لـك الله دايـم بالهدايـا

حمدان يا حمـدان امـك توصيـك....... اخاف من تلحق تشوف الوصايـا

اوصيت دكتور المصحه بيعطيـك....... رسالتي واحروفهـا مـن بكايـا

وان مت لا تبخل علـي بدعاويـك........ واطلب لي الغفران وهذا رجايـا

وامطر تراب القبر بدموع عينيـك...... ما عـاد ينفعـك النـدم والنعايـا


رقة مشاعر 28-06-10 08:50 PM

غلا الشوق

كلمات موجعه ..لا اوجع الله اما من اولادها

ترقد على صوتي وحضني يدفيـك...... ما غيرك احدٍ ساكن فـي حشايـا

واليا مرضت اسهر بقربك واداريك .....ما ذوق طعم النوم صبح ومسايـا

يسلم غلا الشوق على الكلمات ولو اتبعتها بكان رابط الانشوده لكان تمام التمام

ام زياد 28-06-10 11:41 PM

جزاك الله الف خير

مزاج 29-06-10 10:25 AM

من جدك حصري الله يهديك بس يااخيتي
النشيد ذا صار له أكثر من سنتين

مزاج 29-06-10 10:36 AM

وبكل الاحوال جزاك الله خير


الساعة الآن 10:16 PM.

Powered by vBulletin® Version 3.8.11
Copyright ©2000 - 2019, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية