منتديات ليلاس - كأنك نويت اتذل هالراس أخطيت

صباح الورد .......تسلم ايدك ياعسل البارت يجنن احداثة تفتح النفس ليتك بعد كملتيها بأتفاق الرجال على خطبة نواف وموني وبكذا تقهري ام ماجد وتخربي نخططاتها

رغد وعمر وطلال

واو واخيرا بتجتمع رغد مع رجال غير عزيز وهالمرة بتعيش انوثتها بكل مافيها صح بالبداية ممكن تصاحبها بعض العقبات لانو مو ببساطة بتتعود على عمر وبتتقبله بس اتمنى تكون بدايتهم صحيحة هي وعمر كأي زوجين مثل ماكانت بينها وبين عزيز لانو بكذا بتتقرب مشاعرهم من بعض لو عاشو منفصلين مثل الاغراب مابتنكسر الحواجز بينهم وبعدين هم متزوجين زواج شرعي لازم يعيشوه بشكل صحيح من صالحهم وصالح عيال رغد

يكبرو وهم بين شخصين متفاهمين انا متأكدة انو شخصية عمر بتفرض الاحترام على رغد لانو ببساطة مابيقصر بحقها ولا بيكون جلف معاها دامها مع الحق وطلباتها مافيها اي شي غير مقبول

قبول رغد لعمر من صالحها قبل صالح عيالها دام طلال مهدد حياتها وسمعتها وغير كذا مخطط ام عزيز وبنتها ببناء حياة على حساب هدم حياة لسى ماابتدت ورغد اكتفت من العيشة بحياة شخص انفرضت عليه وهي انجبرت على هالزواج منه بدون مراعاة لمشاعرها وبالنهاية ترملت وهي عروس

وعمر نفس الشي احسه ماعاش سنين طويلة مع جمانة بحكم شغله وابتعاده بعض الاحيان احس انو بيكون بينه وبين رغد قصة عشق مختلفة وناضجة ورغد مشاعرها بتتغير بس بتكون جمانة وحب عمر لها حاجز الين هو يعبر لها عن مشاعره

متوقعة ماراح تعيش حياة هادئة وطلال يحوم حوالينها والله يستر منه الخوف انو يخرب سمعتها وعاد مها تنتظر منها الزلة علشان العيال بس واثقة انو عمر هو الي بيحميها ويوقف الكل وبكذا بتعرف رغد انو زواجها فعلا كان لصالحها لانها تحتاج رجل قوي ومتفهم بس هذا مايمنع غضب عمر من الموضوع مهما كان هي عرضه وشرفه حتى قبل ماتصير زوجته ..........متحمسة لاول لقاء يجمعهم لحالهم واحلى شي بالموضوع انو عمر عجل بالملكة والزواج بنفس الوقت بكذا بيقطع الامل على مها وامها اي مخطط لتخريب الموضوع

حنان وتركي

مااعتقد انو الطفل فيه شي بس الدكتورة غلطانة ياما ناس اعرفهم من قرايبي صارت لهم نفس المواقف بحملهم وانو الطف مشوه وراسه متضخم وغيره والمفاجأة يوم الولادة الطفل سليم وبصحة وعافية ...... حنان وتركي طيبين وقلوبهم نظيفة وعدم جزعهم من الي صار بيكون جزاهم من ربي كل خير وانا احساسي يقول انو بعد المعاناة الي عاشتها حنان وهي من مصيبة الى مصيبة بس دايم راضية وحامدة ربها مابتنفجع بطفلها وبتجيبه سليم وبتقر عينها هي وتركي فيه ...

دانية وفهد

تمنيت فهد يسأل دانية ليش سألته عن الخيانة ويعرف انو في مخططات تنحاك من وراه لتدمير زواجه من دانية واكيد بيعرف مين وياخذ اختياطاته الحين الامور تحسنت بس اتمنى من قلبي خطت مراموه هالمرة ماتنجح مثل مانجحت اول مرة يصير اي شي وماتصير هالخطة دايم لما اقراء مواقف برواية نفس هالمخططات اتمنى يصير شي غير متوقع يقلب الامور خصوصا سالفة فبركة الصور او نشر صور او اتصال من مجهول واتهام للبنت وتروح ضحية دايم هالامور نقراها والنتيجة وحدة اتمنى مرة اقراء شي يكون غير عن ماهو متوقع

مراموه مابتترك فهد الا اذا خربت حياتها هي اول ويمكن الي بتسويه من صالح دانية وفهد ويتخلص منهم ويتحرر من شرهم للابد حسوسة لاتنهي حياة فهد دام موتي عزيز اخوه ومازال الحزن بقلب امه وابوه لاتحرقي قلوبهم على ولدهم الثاني وخصوصا فهود شخصيته محبوبة

سلطان ومريم

اخيرا برد قلبي يوم حسيت بتحسن حال مريم والله الشي الي صار لصالحها هي انسانة من حقها تعيش مثل غيرها ودام ربي عطاها زوج يحبها ومتمسك فيها لاتفرط فيه لانها تستاهل تعيش وتصير ام بعد مثلها مثل كل بنات عمها وخواتها .......والعلاج بيكون اول طريق نجاج في حياتها وسلطان بيتمسك فيها وبيملك قلبها

لاتطولي علينا وخصوصا والاحداث بدت تحلى