منتديات ليلاس - تفضلوا على احلى لزانيا بتذوقونها بحياتكم

السلام عليكم ورحمة الله وبركاتة
كيف حالكم يابنات منتداي الغالي وحده وحده
اولا ابارك لكم الاختبارات واقول الله يوفقكم جميعا وينجحكم ويعديها على خير وفالكم النجاح ان شاء الله وهذا اهداء مني لكم عشان تدرون ان حنا معكم قلبا وقالبا وهذي الاكله لعيونكم الحلوة
اليوم سويت غدى يحبه قلوبكم واتمنى يحوز على اعجابكم وهي اللزانيا اكله سهله بالمره وماتاخذ وقت

نبدا بالمقادير اللحم
لحم مفروم
2بصله صغيره
حبه ماجي
يحمس اللحم مع زيت زيتون ويضاف له البصل ويقلب ثم يضاف له الماجي ونصف علبه صلصه وبهارات كمون وفلفل واي بهارات عندك ونقلبها الى ان يستوي ونسكرها وتكون بالشكل هذا

http://www.liillas.com/up3//uploads/...49f9d124ff.jpg

مقادير اللزانيا:
كرتون لزانيا
حبة ماجي
شوي زيت
مويه وملح
انا اجيب الصينية واصف اللزانيا فيها قبل ماسلقها عشان اشوف الكميه الي ابغاها وخليها طبقتين او 3 طبقات واجهز صينيه فيها مويه مغليه وماجي وشوي زيت وملح ثم اضيف 4حبات لزانيا او5 حبات عشان تستوي بسرعه وخليها تقريبا نصف ساعه او لين تشوفينها مستوية واشيلها واحط الباقي وهذا شكلها لماتستوي او تقرب تستوي

http://www.liillas.com/up3//uploads/...526b0cc36e.jpg

مقادير البشاميل:
3كاسات مويه
4ملاعق كبيرة حليب بودرة
ملعقة كبيرة نشا
3ملاعق كبيرة دقيق
مكعب ماجي
2ملعقةكبيرة جبن سايل
شريحة جبن تشدر او شرائح
تخلط في الخلاط جميعا ثم في قدر نضع ملعقة كبيرة زيت ونخليها تحمى ثم نسكب الخليط بالقدر ونقلبه الى ان يثقل قوامه دون اضافت الملح الى عند الحاجه وفلفل ابيض ان وجد
والله هذا البشاميل لايعلى عليه حتى بالمكرونه بالبشاميل وان شاء الله تدعون لي وهذي صورة مقربه له وشوفوا كيف شكله النهائي

http://www.liillas.com/up3//uploads/...d554100e92.jpg

الطريقة:
نحضر الصينية ونصف الطبقة الاولى ثم نوزع اللحمة المفرومه ثم البشاميل وجبنة مازوريلا ونرش شوي اريغانو عليها ثم الطبقة الثانيه واللحمة والبشاميل واخيرا الطبقة الاخيرة ثم نضع عليها البشاميل وجبنة المازورلا وتدخل الفرن من تحت ثم من فوق حتى تتحمر وتخرج من الفرن وتكون بالشكل هذا

http://www.liillas.com/up3//uploads/...fa13e9b3a7.jpg

وهاي قطعة عشان تشوفون سمكها

http://www.liillas.com/up3//uploads/...0f174d73b5.jpg

ومن جانب اخر
http://www.liillas.com/up3//uploads/...8fabee26dc.jpg

لاتفوتكم ولاتنسوني من دعواتكم وتقييمكم وردودكم الحلوة :55:وحده طماعه:lol:
وبالهناء والعافيه على قلوبكم:flowers2: