|
ابي شوركم ياالاجواد؟
السلام عليكم
راح ادخل في الموضوع على طول خطا؟اناحابه اسال بموضوع يخص احدى قريباتي وهو بان زوجها يكلم بنات ولما تكتشف زوجته الامر يعتذر ويرجع يكررها لما جاء مره كشفته يكلم وحده تعرفهافلا قدرت تصبر اكثر فدخلت اهلها واهله في الموضوع والحمد لله انحل الموضوع موهذاالمهم المهم انه في ناس كثير لاموها لانها طلعت الموضوع برا بيتها ابي ردكم هل اللي سوته صح او |
هلا بك ام سندس
انا من وجهة نظري ان الستر مطلوب قال صلى الله عليه وسلم ( من ستر مسلم ستره الله يوم القيامه ) فما بالك بالزوج واعتقد ان التفاهم بين الازواج افضل من الفضائح بين الناس واظهار اسرار البيوت اممم اعتقد والله اعلم ان فيه بعض الازواج يمكن ينفصل عن زوجته لانه يعتبرها فضحته بين الاهل والاصدقاء وهو يمكن ينتقم لنفسه عن طريق الطلاق لذلك ارى الستر والمناصحه افضل طريقه لحل الخلافات بين الازواج هذا والله اعلم وجزاك الله خير اسعدك الرحمن |
اقتباس:
|
أنا مع أن بيت المرأة مملكتها تستطيع حل كل مشاكلها بداخله ومتى خرج الموضوع ( وإن حُلْ ) فيبقى في الصدور بقايا ؛؛ وخصوصا كهكذا موضوع حساس يستلزم الحكمه والصبر وإحتساب الأجر على الصبر؛؛ الستر له جوانب كثيرة وأثاراً أكثر وأجمل وأضمـن ؛؛ الله يهديه لها ويهديها له ؛؛ تقبيل مروري ؛؛ |
انا اوافقكم الراي بس الموضوع حصل وانتهى الله يهدي زوجها والي فهمته انهابالاول حاولت معاه بمفردها لكن لما تازم الوضوع اضطرت انها تدخل اهلهم وهذا افضل حل شافته اهي بالنسبه لها واهو الله يهديه ماتاب بعد كل مره تجكه فيها بعد اهو مصخها سترت عليه ومانفع يمكن لاتفشل يستحي على عينه وبعدين يتوب... الله يهديه ويسخره لزوجته وعياله اللهم امين .... |
انا بعد اقول نفس اخواني افضل ان تستر عليه وتحاول حل المشكله بينها وبينه
|
السلام عليكم شلونكم ام سندس صح ان الستر زين ، وان المره لو كانت للحين شاريه بيتها وزوجها ممكن تحل هالمشكله بدون مااحد يتدخل او يدري يس بالنسبه لموضوع قريبتج زوجها بااايعها يعني موهامه احد والدليل انه يكلم وحده تعرفها زوجته لوكان يبي الستر وما يبي فضايحه احد يدري عنها كان كلم وحده غريبه اذن في هالحاله المرة ما تنلام لما دخلت اهلها واهله يمكن بعدها يستحي على دمه ويتوب الله عليه |
البيوت اسرار والمواضيع داخل البيت ماتطلع نهائيا ولكن ممكن فيه اكثر من طريقه ممكن تهدد فيها زوجها كقول من دق باب الناس دقوا بابه.. دقه بدقه ولو زدت لزاد السقا.. كتخويف فقط لاغير
لكن هي نبهته وهو ما استجاب لجل كذا لازم يكون فيه رادع يوقفه الله يهديه ويرده لصوابه ويصلح بينهم |
السلام عليكم ورحمة الله وبركاته
موضوع لا حول ولاقوة الابالله تعاني منه كثير من المتزوجات وخصوص الي في بداية حياتهم انا لي وجه نظر اذا الموضوع بس مكالمات انا لو كنت مكانها اعمل نفسي ماني عارفه با الموضوع والزوج بيحاول انه يخفيه عني بأي طريقه يعني بيحجم مكالماته ومن بعيد لبعيد احاول انصحه لكن وش الفايده لما افضح واكبر الموضوع وادخل اطراف ثانيه بعدين يا ان الزوج بيصير يعاند ويتمادى او انه يتوب ويترك المكالمات لكن بعد ما ينفضح بين الاهل وتتوسع الدائره وانا وهو ننسى لكن الناس ما تنسى شوفو كل الكلام هذا نظري لأن الجمره ما تحرق الا رجل واطيه وانا لوكنت في مكانها ما اضمن ردت فعلي تسلمين صاحبة الموضوع |
| الساعة الآن 01:17 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية