|
الزواج ام الدراسه
ماذا بعد ,,,
اي ميزان يرجح بعد الجامعه ,,, هل اتبع طموحي وارتقي بدراسه الماجستير وبعدهاأحقق ذاتي بالعمل الذي احبه ويرضيني ام ,,, بالزواج وحلم الاستقرار وفارس الاحلام وجنةٌ" صغيره فيها استقلالي وكياني شاركوني الحوار الجاد ما الاهم وما القرار الصائب مالذي يسبق من الطموح والزواج ,,, ماقراركم انتم شاركوني تفكيركم |
السلام عليكم الله يعطيك العافيه انك تركتينا نشاركك التفكير ورح أتكلم عن وجهة نظري الشخصيه واللي لو كنت مكانك رح اسويها لأن ~حب لأخيك ماتحبه لنفسك~ أنا عن نفسي اشوف ان الوحده تكمل دراستها بدون التفكير بشي ألين يجيها ابن الحلال طيب السمعه والاخلاق..تستخير وتتوكل على رب العالمين وتوافق بمعنى..ان الوحده ما توقف الزواج عشان الدراسة انا رح امشي معاك للأخر.. ألحين أخذتي الماجستير..بعدها الدكتوراه..بعدها توظفتي.. وتدرجتي بالوظيفه لأعلى المراتب..وصارت مكانتك الاجتماعيه مرتفعه ماشاء الله.. طيب وبعد هذا كله وين رح توصلي له؟؟ دراسه ودرستي وظيفه وتوظفتي اعلى المناصب وتوليتي السؤال وين وصلتي بالنهايه؟؟!! رح تشوفي وجهك بالمرايه رح تلاقي تجاعيد العمر حفرت طريقها بوجهك وانتي لا زوج ولا عيال ولا مملكه صغيره انتي الملكه عليها لا عشتي إحساس الزوجه المسؤوله من زوج هي تجلس في البيت معززة مكرمه وهو يسعى لتحقيق طلباتها ولا عشتي إحساس الأمومه اللي انا اعتبره احلى إحساس بالدنيا وهو الداعم لك على الحياة وهمومها لاشفتي ضحكت ولدك او بنتك تنسين الدنيا ومافيها صدقيني مافي أحلى من هالاحساس أنا ماقولك من ألحين اتركي الدراسه واجلسي بالبيت انتظري فارس الاحلاام لكن لاتوقفي نصيبك بقول(انا ابغى اكمل دراستي) وأخيرا اقولك الزواج بالنسبه لي اهم من الماجستير والدكتوراه وفي نهايه الامر ربي يكتب اللي فيه الخير ان شاء الله سواء دراسة او زواج . السموحه كان ثقلت عليك بالكلام الله يعطيك العافيه يارب ويسهل طريقك وطريقنا ياارب . |
أنا من وجهة نظري الشخصيه
أنو الزواج مهم وبزواج يكتمل نص الدين أما الماجستير والدكوتوراه مارح تكمل نص ديني أحنا مصيرنا الموت فالزواج نكسب منه أجر كثير وخير كثير الماجستير نكسب منه إثبات وجودنا في الحياه زيادة دخل في الحياه ولمن أموت أيش بعده لو لسه ماجا النصيب مافي مشكله مارح أحط يدي على خدي وأستناه بالعكس حكمل دراستي بس لو جاء حختار الزواج وببساطه عشان الأخره عشان لمن أموت ألاقي شي الاقي ثمرة زواجي تفيدني لقول الرسول إذا مات ابن آدم انقطع عمله وذكر منها ولد صالح يدعوا له . أنا ماأقول أنو الدراسه مو مهمه بالعكس مهمه فإذا زوجك وافق تكملي دراستك كملي بالعكس لأن العمل برضو له أجر كبير قال تعالى (( إنما يخشى الله من عباده العلماء)) يسلموا حبيبتي ع الموضوع وأرجو اني ماأكون ثقلت علكي |
السلام عليكم ورحمه الله و بركاته غاليتي روزي بالنسبه لي ماراح تفرق و لا اساسا بفكر اني اختار لو جاني الزوج الصالح و استخرت رب العباد ماعتقد فيها شي لو بكمل دراستي الماجيستر و الدكتوراه و اللي تقول بتنشغل بس بدايه الزواج لين ما تتاقلم مع الوضع اللي هي فيه الموضوع كله يبي له حسبه صح بحيث توفق بين زوجها و بيتها و دراستها( وياقلبي ياروزي انتي تعرفي اختي الكبيره هذا هي حامل و قاعده تحضر الماجيستير و تشتغل و سعيده بحياتها ) و لي تقول صعب تسمحي هي اللي ما عرفت تنظم وقتها في كثير يتزوجوو من هم بالثانويه و يكملوو دراستهم ولو سالتيهم بتقول البدايه صعبه شوي بس الحين عادي .. عزيزتي روزي الموضوع مايبي له تفكير لو انتي استخرتي و ارتحتي لشخص نفسه وحابه تكملي وقبل كل شي سالتيه هل بيوافق اذا وافق خير و بركه و اذا لا صدقيني بيكون اناني و الله يرزقك باللي احسن منه يسلموو ياقلبي عى الموضووع الرائع |
مراحب ... لما قريت العنوان قبل التفاصيل كانت اجابتي انه الدراسه هي الاهم الزواج لاحقين عليه ... بس اذا الموضوع تعدا وصل لدراسات العاليا لا افضل ان البنت تتزوج واذا سمح لها ضرفها بعد الزواج بالدراسات العليا اوكي مافي مانع من انها ترضي طموحها... وهذا رايي باختصار ... |
تسلم لي كل من مرت وسيرت على حديث نفسي وبالي
اسعدكن الله واثابكن اسعدني مروكن ^_^ لبى بنات ليلاس الفزعات والله دمتن بود ^_^ |
روووزي أهلين وحشتيني يابنت << خارج النص :) شوفي رووزي حبيبتي والله لو جاك ولد الحلال ع قولهم استخيري وتوكلي ع الله بس أما ترفضي كل من تقدم لك عشان دراستك أبد ماأيد هالشيء تعرفي إحدى استاذاتي رفضت بحجة انها تكمل دراستها واكملتها ماجستير دكتوراه وأخذت إجازة في الفتيا وبعد هذا كله تزوجت وندمت تقول لنا ياطالباتي لو جاك النصيب وولد الحلال الصالح لا تعملون مثلي عشان الدراسة يعني بجد شوو ينفع لو راح العمر وعجزتِ وإنتِ ماعندك لا زوج ولا أولاد يسندونك << هذريت كثير مو ههههههه بس أقول لك الزبدة توكلي ع الله وبعد ماتصبحي في مملكتك الصغيرة كملي دراسة راح تقدري توفقي بين دراسة وبين بيت وزوج :) |
انا من راي الزواج بس مايتعارض مع تكملة الدراسة لانو نحن في زمن صعبة المعيشة والشهادة كمان ضرورية من اجل المستقبل في حال جاءها عريس كويس واستخارت الله وارتاحت اليه مافي شيء بيمنع انو تتزوج وتكفي دراستها الفتاة اذا بعدها لسع ماخلصت الدراسة لانو الشخص المناسب والفرصة الكويسة مادوما متوفرة هههههههه هذا راي لانو مافي احلى من ان تكون لك اسرة خاصة فيك من زوج محب لاطفال يملو عليك الدنيا ومافيها ربي يسعد الجميع ودمتي بخير ياعسل |
اقتباس:
وانا معاك بكل كلمه قلتيهاا ..>>مافيه تصويت ..فيس محشش على الصبح خخخخ اصلا لو تشوفي اغلب العوانس بسبب هالدراسه .. الله يوفق الجميع >>فيس ماله خلق يتكلم ..السموحه |
حبيبتي روزي المشكلة الي بتواجهك كانت بتواجهني لاني كنت ايام الجامعة برفض الارتباط لانه الدراسه كانت من اول اولوياتي وبعد ما تخرجت كنت بفكر اني ااجل فكرة الزواج لحتى اكمل الماستر بس بعدين صرت افكر انه انا بدي انسان يشاركني حياتي وطموحاتي ويساندني بايامي واهديه نجاحاتي بنظري البنت لازم تفكر بالزواج وتاسيس بيت وعائلة بعد ما تتخرج من الجامعة وتاخذ شهادة الباكالوريوس بس قبل هيك ما بفضل انها ترتبط لانها بتتغلب كتير واخيرا اختي الي كاتبه ربنا بدو يصير وكل اشي نصيب تقبلي مروري بنت الاردن |
السلام عليكم..
بالاول فكرت ان الموضوع يخص الجامعه وان البنت تكمل الجامعه قبل زواجها وهالشي صراحه انا معه..بس ان الموضوع يخص الدراسات العليااا.. ما ادري صراحه هالشي تحدده البنت نفسها لانها بتكون اعرف بقدراتها.. بالنسبه لي الشهاده الجاامعيه اهم شي والماجستير والدكتوراه هذي مثل مايقولون كماليات.. يعني لو خلصت البنت من دراستها الجامعيه بعمر 22 وعلى طول كلمت ماجستير ونقول بعد يبي له سنتين والا ثلاث وبعدها دكتوراه الا عمرها في الثلاثين وفاتها الكثير وخصووصاا الاموومه اللي يمدحونها..ههههههه يعني لو لقت الوحده الزوج الطيب صاحب الدين والاخلاق تتزوجه وممكن انها تكمل حلمها معه وبعض الازواج يكون هو الداافع الاول لزوجته بانها تكمل بتشجيعه لها.. بالتووفيق للجميع.. |
| الساعة الآن 12:23 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية