**حلفت إن كان لي خاطر تسمى اسمها نورة**
نادي بالخطأ نوره و أنا ادري فيه يعشقها
و أسوي نفسي ما أسمع و أقول المُغني حضوره
و يحلف لي على المصحف بأن الصوره شققها
و أنا شفته بجيب البوك هناك يخبي الصوره
من الماضي رسايلها إلين اليوم ما احرقها
هداياها/ دفاترها/ عطرها/ ذكرى ممطوره
انا اسأل نفسي ابنفسي .. يحبها..؟ ليه طلقها؟
يخليني فْبابه ليه و هيّه تسكن قصوره
كفايه كل ما ينطق بإسمي راح ينطقها
كفاية كل ما نادى ب : سمها جيت مكسوره
كفايه من العمر أجمل سنيني صار يسرقها
كفايه جالس ابجنبي خيال ب : دنيا محظوره
تحبه روحي بقوه و اشوف انه يغرقها
إلى مني صرخت اليوم أنا يا نفس معذوره
يغربني عن الدنيا و همه دوم مشرقها
و أنا اللي بالغرام أفخر و أشوفن فيه مغروره
أخاف إن صدت وراحت يموت إن غاب بارقها
و أخاف إن ظلت ابدنياه أعيش العمر مقهوره
كفايه يوم جبت البنت وقالوا : روح وثقها
حلفت إن كان لي خاطر يسمي اسمها نوره

منقول

**حلفت إن كان لي خاطر تسمى اسمها نورة**
نادي بالخطأ نوره و أنا ادري فيه يعشقها

وهـ بس ..اكيد يعشقهاا يكفي ان اسمهاا
نوره ..

مشكوووره هاموره ..قصيده مؤثره ..