|
واذا يعني تضايقنا ..~
{{ واذا يعني تضايقنا..؟ }} بنغير شي.؟ وإذا مات الزهر في اجمل حدايقنا بنغير شي.؟؟ واذا بهدومنا ضقنا.! بنغير شي..؟ كثير نمر في بعض الأحيان بضيقة بال.. زعل صاحب وحاجة مال شتيمة شخص مايعرفك..؟ وعتب قارئ..! ونزعل حيييل ونتضايق..؟ (واذا يعني تضايقنا..!) واذايعني تضايقنا واذايعني تضايقنا يعني تضايقنا..؟ هي الضيقة بتكون الحل..! اذا كانت شموس الوقت تحرقنا هي الضيقة بتكون الظل..!! إذا غابو جميع الناس وتفارقنا هي الضيقة بتكون الخِل.!! (وإذا يعني تضايقنا..!؟) واذايعني ضايقنا و اذا يعني تضايقنا يعني تضايقنا..! وكثير من التعب ذقنا وسهرنا الليل بيجي صبح ويفرقنا ونبكي سيل لين الدمع يغرقنا ولابه شخص في الدنيا بليا..هـم أحد ضايق..! سبب فاتورة النقال احد ضايق..! عشر سنين متزوج وربك مارزقه عيال احد ضايق..! لأنه البيت به صج وزحام اطفال احد ضايق..! من السكر..! واحد ضايق.! لأنه مامعاه ريال هموم أكثر من اللازم تخنقنا سؤال الحال..!!!!!!!! (وإذا يعني تضايقنا.؟) واذايعني تضايقنا واذا يعني تضايقنا يعني تضايقنا..! من اللاشي إلى اللاشي على اللاشي تخانقنا وندخل في نوايا الناس أظن فلان يقصدني..! أظن السيدة فلانة تسب الآنسة فلانة عشان العانسة فلانة (أظن ألناس هني بالحيل تكرهني..!) ترانا ناس فينا كذب. وغبي منهو يصدقنا.. ( وإذا يعني تفارقنا..!) . واذايعني تضايقنا واذا يعني تضايقنا يعني تضايقنا..! إذا راحوا وخلونا نسوا كل الكلام العذب بكونا وعرفنا بـ.يوم بأن كل الحكايه كذب ملونا وإذا خيم علينا الليل ما أشرقنا وإذا ضقنا وصار الحرف حبال في مشانقنا بعد هذا.؟ (وإذا يعني تضايقنا..!) . واذايعني تضايقنا واذا يعني تضايقنا يعني تضايقنا..! إذا هذا الزمن لبسك ثياب في يوم مو قدك بتحط أيدك على خدك وتبكي حيل إذا هذا البحر ضيق ولا يقدر يمدك بتحط إيدك على خدك وتبكي حيل إذا خدك طبع حزنه على يدك وعرفنا كل شي (وإذا يعني تضايقنا...!) واذايعني تضايقنا واذ يعني تضايقنا يعني تضايقنا..! وظفينا دروب النور وعتمنا المدن والدور ويتمنا شجر وزهور وكتمنا رقيق شعور وشتمنا علو السور عشان اشياء في الأتفه من الأتفه من الأشياء..! رجل خاين "ماهي دوم الرجال تخون..!" خيانة بنت "ماهي كل البنات تخون..!" (وإذا يعني تضايقنا..؟) واذايعني تضايقنا واذا يعني تضايقنا يعني تضايقنا..! ومشوا عنا كثير اصحاب وتفارقنا وشققنا الورق للريح بعض فرقا تكون الحل قبل نطيح بعض فرقا مثل جمره وحنا الشيح بعض فرقا كثير أكرم من التجريح بعض فرقا تجي جية دعا تسبيح وكثير أصحاب فارقنا ونسيناهم كأن كانت علاقتنا علاقت وقت..! مصالح وأنتهت .. يمكن قرابت دم أو جيران يمكن تشابه هم يمكن واللي يهم ماضقنا . (وإذا يعني تضايقنا..!) واذايعني تضايقناا واذا يعني تضايقنا يعني تضايقنا..! وطيرنا فراش النوم ومسحنا كل الوانه وإذا سيطر على جوك حزن ووجوم وبديت تفسر الأشياء على كيفك كثير اشياء غلط حولك وجوع الناس تعبانه قلق مدري طفش مدري تعب مدري قرف مدري ترف مدري من الناس زهقانه كثير أشياء تزهقنا (وإذا يعني تضايقنا..!) مما راق لي ..~ |
واذايعني تضايقنا واذا يعني تضايقنا يعني تضايقنا..!
إذا راحوا وخلونا نسوا كل الكلام العذب بكونا وعرفنا بـ.يوم بأن كل الحكايه كذب ملونا وإذا خيم علينا الليل ما أشرقنا وإذا ضقنا وصار الحرف حبال في مشانقنا بعد هذا.؟ (وإذا يعني تضايقنا..!) تسلمين اختيار موفق الله يعطيك العافيه |
واذايعني تضايقنا واذا يعني تضايقنا يعني تضايقنا..!
إذا راحوا وخلونا نسوا كل الكلام العذب بكونا وعرفنا بـ.يوم بأن كل الحكايه كذب ملونا وإذا خيم علينا الليل ما أشرقنا وإذا ضقنا وصار الحرف حبال في مشانقنا بعد هذا.؟ (وإذا يعني تضايقنا..!) ابداااااااااااااااااااااااااااااااع تسلمين حبيبتي |
السلام عليكم
كلمات رائعه وحقيقيه الله يعطيك العافيه يارب على الاختيار الموفق |
اقتباس:
حاولت أستقطع أجمل مقطع !! والله احترت .. كلهااا راااائعة ؛؛ تسلمين اختي على ذووقك الرائع ؛؛ دمتي بخير ؛؛ |
| الساعة الآن 06:04 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية