|
حافظ عهود الحب يومك تبيه / بقلم ملاذ الرووح
في بداية الروايه احببت ان تكون توضيح اول البارتات عن الشخصيات المهمه فيها لذالك نجد ان بدايتها بارده لاتحمل الاثاره او التشويق ..
وهي من واقعي اللذي اعيشه .. تنبيه ** ارجو عند وقت الصلاه ترك الروايه وادااااااااء الصلاااااااه اللهم قد بلغت اللهم فاشهد تعريف بابطال الروايه عائلة ابو خالد ابوخالد وزوجة ام خالد خالد 32سنه ضابط متزوج عنده بنت ليان وولد نايف وزوجته (ريم 25سنه) العنود28سنه البنت الكبيره مو متزوجه عبدالله 25 موظف في الجيش راكان 22 متوظف في الاتصالات سعود20 يدرس جامعه قسم هندسه وجود 10سنوات ** اخو ابو خالد الاوسط ابو نواف وزوجته او نواف نواف 16سنه يدرس بالثنويه ونجود 20 ثالث ثنوي تبي نسبه وعشان كذا عادتها ثاني وثالث<<وعساها تفلح نجلا 18سنه ثاني ثنوي سعود 14سنه بالمتوسط فيصل 10سنوات ********* ابو محمد وزوجته ام محمد محمد 16سنه كبر فيصل ولد عمه ساره 18سنه كبر نجلا نايف (سمي عمه الكبير ابو خالد)15سنه اكبر من ولد عمه سعود بتسع شهور غلا 13سنه فهد 10سنوات *** والبقيه سوف نعرفهم مع احداث الروايه البارت الاول ___________ الحب كله لوجمع عشر ذرة0000والي بقلبي لك ملايين ذرات احساسي لك كوكب تعدا المجرة0000فيه الفضا شيد لنفسه مجرات في منزل ابو خالد في احدى القرى القريبه من الرياض انتقل هو وعائلته لها بعد ان تقاعد من وظيفته في ارمكو جالس في مجلس الرجال وبحضور ابنائه واخوانه وعيالهم ابوخالد :ماكلمتو هاني يجي يصلح انور الدكه <<الدكه جلسه خارجيه راكان :دقيت عليه وقال طيب وماشفناه .. انت لادقيت عليه بسرعه يجي ابو نواف : اقول محد مخاويني انا وابومحمد بنروح لابو سعد عازمنا فالبر ابوخالد :ايه صح هو كلمني ونسيت ... بتخاويني ياراكان انت وسلطان ؟ ركان : اكيد ..سلطان : وانا بعد عبدالله التفت على ابوه :وانا ماتبيني اخاويك ؟؟ ابو خالد : ليه عشان ضغطي يرتفع !! عبدالله وهو مبتسم : افااا هذا الوجه يرفع الضغط <<ياشر على وجهه ابو خالد : ويرفع السكر بعد عبدالله : انابخاااويك حتى تعرف ان خوتي زينه <يقولها وهو مبتسم ــــــ في بيت ابو خالد ام خالد : ماصارت قهوه كل ذا تسوينها والل لو هو بعير!!؟ العنود: والله مانيب احر من الفرن ..يمه الا ابسئلتس امتس مرضعتس شطه دااايم وانتي مستعجله !<<تحك راسها بأستهبال وجود: يمه ترى خالتي الجازي دقت تبيس.. وازعجتني اكييد يمه عندها علم ! العنود :خخخخخخخخ حتى انتي تعرفين لاصار فيه اخبار وجود: ايه اعرف خااااااصه خالتي الجازي تدقدق كل شوووي لحد يسبقها بالاخبار خخخخ ام خالد: اقول وجود استحي على وجهتس تراها خالتس عيب هذا وانتي غاليه عندها تقولين هالكلام!! وجود: يمه انا حكيته عندتس انتي والعنود ماحكيته عند غريب !! ام خالد: حتى ولو الحكي ذا ماينقال ..فاهمه ؟؟ جود : ان شالله قامت العنود بعد ماتقهون تروح تشيك على الاب حقها وجود راحت للمجلس عند ابوها واخوانها ام خالد على التليفون مع قريبتها الجازي <<تصير بنت عم ام خالد وابو خالدفي نفس الوقت وفي البيت المجاور لهم ام نواف تكلم ام محمد ام نواف : بتروحين اليوم لاهلتس ؟؟ ام محمد: ايه اليوم اخوي فهاد جاي من الرياض هو واهله ..ليه ؟ ام نواف : ابد بروح لاهلي اليوم مكلمتني ام فواز (اخت ام نواف) تقول تعالي وقلت اشوف لكن يوم انتس بتروحين لاهلتس ماني جالسه بسير عليهم ام محمد: اقول كلمتس ام ناصر <جارتهم ام نواف: لا ..ليه مكلمتس ؟؟ ام محمد : ايه .. تقول انهم بيزينون بيتهم .. الظاهر بتزوج عيالها ام نواف : من بياخذ عيالها الواحد منتفخ تقولين بعير منترس من النعمه ويتبطح عندها !! ام محمد :ههههه الله يقطع شيطانتس .. لو تسمعتس بتزعل عليتس تصدقين عاد تقول ان بنات جماعتهم يبون عيالهم وميتات عليهم ام نواف : ايه صادزه حتى انهم يخطبون ولا خطبوا رفضوهم عشانهم يبونهم <<تطنز ام محمد خخخخخخخخ : هم عاد غير هذي ام الشيخ نااصر ام نواف : ايه الشيخ نااصر في الهياط ــــــــــــــــــــــ نرجع لبيت ابو خالد ريم تدخل عليهم جايه من بيت اهلها وتدنق على راس ام خالد تبوسها السلام عليكم ام خالد :وعليكم السلام ريم : يمه ترى امي تسلم عليتس هي وامي (موضي )<<موضي تصير عمت ريم بس مايقولون لها الا يمه ... وريم زوجت خالد وتقول لام زوجها يمه ام خالد : الله يسلمتس ويسلمهم من كل شر ..وشلون امتس موضي ؟ ريم :ابتسمت طيبه ماعليها بس والله ماقدرت اقعد زين كل شوي تقول روحي لاهلتس واللي يقهرني ماتقول لسعدى مثلي ولا تعبرها وانا من تشوفني اقعد روحي ..ابطيتي على اهلتس وتنشب لي !!!<<تقوله وهي تضحك العنودوهي جايه وسمعت الكلام : تدرين ليه ؟؟ ريم : ليه ؟؟ العنود: ماصدقو افتكو من خشتس <<تقوله وترقص حواجبها ريم : اقول عنيدااااااااان شكل ظهرتس يحكتس ! العنود: ليه فيني حساسيه يحكني !<<تستهبل ريم : لا مبطي عن الدلك اللي تخبرينه العنود: اما عاد اللي يشوفتس يقول اني كل شوي احد يدلكني <رافع حاجبها ريم : عنوووده صحيح اليوم دق جوالي برقم غريب شوفيه يمكن تعرفينه ؟ العنودبعد ماشافته:مااعرفه بس اللي يبيتس بيدق عليتس لاتقولين رجلتس تراني اعرفتس لاجاء عندتس علم ماتصبرين تحتكين ليييين يطلع خخخخخخخ ريم +وام خالد خخخخخخخخخ ام خالد : اليوم شفت في التلفزون سوالف يازينها في برنامج صباح الخير يااازين الكلام يحكون عن علاقة البنات بالامهات ويقولون قصص تعور والله تمنيت انكن واعيااات حتى تسمعن الله العنود تحك راسها بأستهبال: الحمدلله انتس ماقومتينا ام خالد : ماصار ذا نوم اخنزت جلودكن من الرقاد يأذن الظهر ما قمتن العنود+ريم+ وجود خخخخخخخخخ وجود : اقول بناااااااااات الظاهر امي غيرانه منكن انتو ترقدون وهي مسنتره لحالها بالصاله ام خالد : يازينتس ساكته ياوجودوووووه العنود : مافيه كيس ؟؟ ريم : ليه العنود : بعطيه وجود تلقط وجها وجود هه هه هه ضحكتيني دخل ابو خالد السلام عليكم الكل وعليكم السلام ابو خالد: العنود جيبي لي كاس ماء يابوتس العنود : ان شالله بعد ماجاء له الكاس دخل وراحت له ام خالد ريم : بنات ابوي فيه شىء ؟ العنود : لا .. ليه؟؟ ريم : مدري شكله متضايق ؟ العنود: بسم الله عليه ياختي انتي ماعندتس الا الفال الشين ؟ ريم : العنود انتي ركزتي في ابوي ؟ العنود : لا تعرفيني لاشفته جتني الرعده ريم: خخخخخخ اغرب بنت شفتها بحياتي انتي والا فيه وحده تستحي من ابوها مثلتس العنود: الشكوى لله ما اقدر اكون عاديه معه استحي وجود: اقول عنودوه يالرخميه <<تقصد رخمه لان وجود 24 ساعه مع الاولاد فلغتها ولد وقول رخميه تأنيث بالنسبه لها خخخخخخ تستحين من ابوي !!عشانه مادلعتس مثلي <<وتحرك حواجبها العنود : ما ابي دلعتس <<تحرك حواجبها ** بها الفتره طلع ابو خالد ونزل على طول حتى تعليق ماعلق عليهم واستغربو الوضع لانه متعودين يعلق عليهم بالطالعه والنازله انتظرو ام خالد تطلع لكن تاخرت ما طلعت راحو لها لقوها جالسه على طرف السريروسرحانه وجود ركضت عند امها يمه وش فيتس؟؟ ام خالد: مافيني شىء ..ليه ؟ العنود : ابد استغربنا تاخرتي علينا بالغرفه ام خالد: ابد مافيه شىء العنود : اجل يالله تعالي بالصاله ام خالد : يالله مشينا <طلعو لصاله وهم ساكتين الكل مستغرب تغير ام خالد لكن التزمو الصمت في المساء بعد ما ريم دخلت ترقد هي وعيالها والعنود دخلت غرفتها على النت كالعاده ووجود نومتها امها بعد ما لعبت مع اخوانها طلعت ام خالد وراحت وفتحت غرفة .....؟؟ البارت الثاني ـــــــــــــــــــــــــــــــــــــــ اللي بغيته ياهلى مابغيتوه.. واللي تبون النفس عيت تريده.. وان كان قلبي في هوى الغير هنتوه.. لعيش انا وياه دنيأ زهيده.. حبل الوصل بيني وبينه قطعتوه.. وأفعالكم هذي تراها عنيده.. ياشيب عيني يوم قلبي حرمتوه.. عزي لقلبن كل همن يزيده دخلت عليها لقتها كالعاده تطق طق بالنت العنود : هلا يمه وش فيتس ؟ كنت متوقعه تجين وتقولين وش اللي قلبتس ابوي مضايقه احد ؟؟ ام خالد : لا محد مضايق ابوتس العنود: اجل وراتس انتي واهو منتو طبيعيين من العصر ام خالد : انا وابوتس نفكر فيتس العنود : تفكرون فيني !!!!!! ليه ؟؟<<<<< مستغربه من امها وابوها ام خالد : ابوتس جاه اتصال من ماجد بن محمد ال ....تعرفينه ؟؟ العنود : ماجد ... ماجد ..<تفكر الاسم اظنه قد مر علي بس ناسيه المهم وش فيه ؟ ام خالد : هذا اللي بهذلتيه بالمسشفى يوم تنومتي من صدرتس وقت الكشف هاه تذكرتيه ؟ العنود : خخخخخخخخخخ ايه محد قاله يصير دكتور ويكشف على النسوان .. بعد راز خشته يبي اكشف عنده معصي <<تقوله وهي تضحك ام خالد : خطبتس العنود : بصدمه وشوووووو ام خالد : الرجال خطبتس وانتي مانتي صغيره على العرس الي مثلتس معها عيالها وهذي سنة الحياه العنود :بعد صمت ....يمه هذا من خارج العايله وانتي عارفه العادات والتقاليد؟؟ ام خالد: العادات والتقاليد اللي انتي تكلمين عنها ماتركناها لكن تبين لاجاء واحد من عيالنا نزوجك اياه وهو لا وظيفه ولا سنع عشان نتبع العادات والتقاليد؟ العنود : ولو يمه ما اقدر راح اكون بعيده عنكم ..اصلن صعب عقلي مو متقبل هالشىء<<تهز راسها بعد اقتناع ام خالد : ابوك سئل عنه والكل مدحه وهو عارف وضعك الصحي السابق وفوقها دين واخلاق ومن ناس معروفين .. العنود : يعني وافق <<<بخوووووووف ام خالد:لا ما وافق لان الامر راجع لتس انتي العنود : طيب انا مو موافقه ام خالد : ليه ؟ العنود: مو موافقه وخلاص ا م خالد : انتي فكري وبعدها استخيري والله يكتب لتس الخيره ويوم جت بتطلع مع الباب رجعت ام خالد: العنود العنود: هلا ام خالد: السالفه لاتطلع لاحد محد عرف فيها الا انا وانتي وابوتس وعمانتس بس حتى خالد والعيال ماقال ابوتس لهم لين ياخذ رايتس حتى مايضغطون عليتس العنود وهي متضاااااايقه : ان شالله وبصوت واطىء تكلم نفسها( من زين خشتي بعد اقولهم تراني انخطبت والله لو وجهي مغسول بمرق ) طلعت ام خالد لغرفتها لقت ابو خالد في الغرفه ابو خالد : هاه وش قالت ؟ ام خالد : تقول انها مو موافقه ابو خالد : ليه ؟ ام خالد: مو متوقعه انها تأخذ من برى العايله ابو خالد : طيب اللي جوها من العايله مايناسبونها !!تبي تاخذهم وهم مايناسبون ما ابي احكي في اعراضهم لكن مايناسبون ام خالد : انا قلت فكري واستخيري وان شوف بكره وش ربي كاتب ابوخالد : الله يكتب اللي فيه خير ******* في غرفة العنود بعد ماقالت لها امها الخبر عليها وهي في حال صعب فكره توديها وفكره تجيبها انا اتزوج واحد ما اعرفه !! هذا وانا ماعطيته وجه جا وخطب اجل لو متميلحه معه وش بيسوي ؟!! الحين انا بروح مع ناس مالي فيهم علاقه لا اهل وقرايب ولا معرفه يووه صعبه وحتى عاداتهم وتقاليدهم غير مدري وش سلمهم !! انا برفض وارتاح وش لي بعوار الراس افكر فيه شوي وفكرت بس انا عمري 28سنه مو صغيره على العرس ! واصلن من بيخطبني ؟ ابو غاده هاللي كل شوي وخاطبين والا اخوه اللي اصغر مني يبيني يالله راسي بنفجر من التفكيــــــــــر .. نامت بعد تعب من الفكير *** في غرفة ام خالد اللي ماكانت احسن من حال بنتها بالتفكير وخوف من قرارها وخوف عليها صارت تقلب على سريرها كل شوي بعد هدؤ وركود ابوخالد :سلطانه رقدتي ؟ ام خالد : ماجاني النوم ... وانت ليه مارقدت ؟ ابوخالد: اللي طير النوم عنتس طيره عني ام خالد: تفكر فيها ابوخالد: اكيد ام خالد: انت وش رايك بالموضوع ؟ ابو خالد : العنود مو صغيره على العرس واللي في عمرها معها عيالها والرجال مافيه شىء سليم من الخرابيط اللي منتشره وراعي صلاه ووظيفته زينه الكل يمدحه ما اعتقد ان فيه شىء يخليني ارفضه ام خالد: بتجبر العنود؟؟<<بصدمه ابو خالد: ما اجبرتها قبل على شىء حتى اجبرها الحين ! ام خالد: يعني انت مقنع انها تطلع من العايله !! ابو خالد: وش رايتس اخلي بنتي عندي حتى ارضي تقاليد اهلنا وعادتهم اوازوجها واحد من عيال اللي انتي خابرتهم يجي في الليل فاقد وفي النهار راقد؟؟ اللهم لاشماتهم ام خالد : اللي تشوفه انت ابوها واخبر بمصلحتها كل واحد منهم سرح في خياله وتفكيره مايدرون وش يصير بكره.. ....... في صباح اليوم الثاني ابو خالد : العيال ما قامو ؟ ام خالد: الا عبدالله نزل تحت للمجلس الرياجيل ..ليه؟ ابو خالد : ابي اقولهم حتى اشوف رايهم بالموضوع وبأكد عليهم محد يضغط على العنود بالذات عبد الله وخالد لاني عارف هالثنين بيقولن لا على طوووول وانتي اكدي عليهم بعد لا يحكون في الموضوع عندها زيـــــن؟؟ ام خالد :طيب .. تبي فطور ؟ ابو خالد : ايه وكلمي عبدالله خليه يجي ام خالد : طيب ...... في نفس الدور لكن في غرفه قريبه من الصاله ريم : خالد خالد.......... ريم تحرك خالد : خالد .. خلووودي .حبيبي قم خالد ........... ريم : خالد ابوي يبيك بسررررعه قم خالد فز مفزوع : هااااااااا ه ابوي وش يبي وش فيه ريم :خخخخخخخخ اكذب عليك قم تاخرت ومالقيت الا اني اقول كذا عشان تحس خالد: اقول ريمووووه تقلعي لا افرشتس ريم زعلت وقامت للغرفه الثانيه عند بنتها اللي تغير لها الخادمه وبتطلع ونايف اللي يلعب بالعضاضه حقته ليان : يمه بروح ليمه وابوي <<تقصد جدها وجدتها ريم : خلاص روحي لهم لا لبستي وانا بتسبح والحقتس ليان: يمه ابي فطور اندومي ريم : اندومي على الريق !! لا حبيبتي اشربي حليب مع كورن فليكس عشان تصيرين كبيره بسرعه ليان زعلانه وبصراااااااخ: ابي اندووووووووووووووومي ريم : يووووووه اقصري صوتس يالفضيحه دقت ريم على العنود .. العنود: هلا ريم : صباح الخير العنور : صباح النور ريم : الاخلاق وراها قافله على هالصبح ؟ العنود: ابد بس مارقدت زين ريم : ليه العنود : ابد بس تعرفين وحده من البنات افكر في سالفه لها واشغلت بالي ريم : اها ... اقول عنووده بنتس ازعجتني وابيتس تحكين عليها يمكن تطيعتس العنود : ليه وش عندها بعد هالمعصقله على هالصبح ريم : خخخخخ تبي تفطر اندومي العنود: امحق فطور .. تصدقين اشك في بنتس الظاهر ان في المستشفى غلطانين ومعطينتس بنت اندوسيه مهيب بنتس ريم : خخخخخخ الظاهر خوذي احكي عليها ليان : الووووو العنود : هلاااااا حبيبتي ليان: هلااااا عنوده العنود : حبيبتي تعالي عندي الغرفه بسررررعه يالله طيب ؟ ليان: طيب سكرت الخط وركضت لغرفة عمتها ........ عبدالله: يبه انت تقوله منصدقك ؟؟ ابو خالد : لا العب عليك <<معصب عبدالله :يبه ما اقصد بس مستغرب ماني مصدق انك موافق تزوجها لواحد مو من العايله !! ابو خالد : وش رايك يعني اخليها عندي وارفض ازوجها لرجال صاحي وعاقل حتى ارضي اللي حولي ؟ عبدالله : بس العنود مو من كبرها ابو خالد : ايه صغيره واكبر دليل انك تبي العرس وانت اصغر منها <<يحكي باستهزاء عبدالله : فيه فرق يبه .. جعلك تحيا يبه انا ماني رفض الزواج لكن ما ابي اختي تطلع ابوخالد : اللي جو لها من الجماعه مايناسبون .. اللي ماعنده وظيفه .. واللي متوظف وراتبه مايكفيه .. واللي راعي خرابيط .. واللي مطلق مرته بسبة اهله .. واللي اصغر منها وفوق كذا مومضبوط .. وش رايك ؟ عبدالله : اللي تشوفه يبه ابو خالد : لا تحكي عليها عن السالفه سمعت ؟؟ عبد الله : ابشر اللي تامر فيه .......... نزل خالد هو وامه لمجلس لان ابوه اتصل يبيه ريم راحت لغرفة العنود ريم : عنوده وش فيك ماطلعتي اليوم من حجرتس ؟ العنود : ابد بس كذا ريم وبنظرات تفحص : مادخل ردك مزاجي العنود بعصبيه: كيفك شىء راجع لك العنود خذت اللاب توب وقامت تدقدق فيه لكن البال مشغووول ...ريم لاحظت حركات العنود وقامت وتركها لحالها ابوخالد بعد ما اعلن الخبر لعياله اللي مذهولين باقناع والدهم الغير متوقع كونه من احد المعارضين لزواج من خارج العائله خاصه البنت الحين مقتنع بالفكره لدرجة انهم يحسون انه حلم صـــــــــــــــمــــــــــــت رهيـــــــــــب بالمجلس ــــــــــــــــــــــــــــــــــ يــــاللي بحنـــــانــــك تنتهـــي كـــل ا لأ و جــــا ع أ نت ا لو حيــــــــد بدنيتــــي شي ضــــــر و ر ي حبــــك ملكنــــي واستقـــر بين الأ ضــــــــــــلا ع وا نفــــاســـك ا لعــذبــه عبيـــر و عطــــــــو ر ي كل واحد يفكر راكان <<يفكر العنود بتروح ولواحد مو منا ! وشلون ! اصلن ماراح توافق العنود اعرفها ماراح تتركنا وتزوج واحد من بعيد لا عبدالله<< ابوي يبي يفشلنا بيزوجها لواحد مدري من وين طلع ...يووووووووه لو تزوجت العنود بها المتعوس وش بيكون وجهنا بين الناس هاااااااااه !!!؟؟ اصلن بيقولون وش عرفه فيها ؟؟ اكيد بيقولون كلام موهوب صحيح وبيحطون العنود في موضع شبهه خاصه وان العنود دخلتها للمستشفى كانت ترفض احد يعرف فيها الاخالتي .. واللي يقهر وش عنده راز خشته وخااطبه لو اني ما اعرف العنود لاقول متميلحه معه لكن اعرفها ما تعطي وجه ! خالد<< يعني العنود تاخذ من عائله غير عايلتنا ! لا اكيد ابوي يسوي هالحركه يبي يسحسسنا بالعنووود و الا ماراح يزوجها وعماني بيحكون عليه وبيقنعونه سعود << ما اصدق العنود تزوج وتاخذ من برى اهلنا ! وابوي موافق ومرحب بالفكره اي مرحب الامقتنع وينقصه موافقتها ..بس بصراحه هم من كبار العوايل يعني ماعليهم وفوقها دكتور ماشالله يعني وظيفه مشرفه موهب عيالنا هاللي يبطحون بالشوارع ومغير رازين خشومهم على الفاضي ..ولاهوب راعي خرابيط على كلامهم يعني كل شىء زين فيه ونرفضه عشانه مو من العايله ! حرام وماندري اللي زينين من العايله بيخطبونها او لا وفوقها العنود مالها علاقات حتى مع بنات العايله من كثر ما تقعد بالبيت محد يعرفها الا المقربين مرره ..الله يوفقها ان كان فيه خير لها قطع عليهم الصمت دخول اخوان ابو خالد السلام عليكم الكل : وعليكم السلام ابو نواف : وشلونكم ابوخالد : ماعلينا طيبين .. وشلونكم انتم ؟ ابو نواف :الحمدلله بخير ابو خالد: يستحق الحمد ابو محمد: اقول يابو خالد هاه وش تقول العنود صدمــــــــــــــــه قووووويه على عبدالله وخالد وراكان يعني عمانهم مقتنعين بالفكره يعني مافيه امل !!! ابو خالد : الى الان ما قالت شىء قلنا لها ابو نواف : يانايف البنت احكو عليها علموها ليه انت مقتنع فيه وقلها الرائي الاول والاخير لتس ..تراها الحين البنت تلقاها تفكر برفض بس كله تبي ترفض عشان العادات والتقاليد اللي اغلبها ان ماضرت ماسرت ابو خالد: وش دراك هذا اللي افكر فيه بس مانيب داخل عليها انا ابو نواف : بتخلي امها تدخل .. وهذا احسن وافضل البنت اقرب لامها ابو خالد : لا ما اقصد امها الكل تفاجىء و يتنظرون من اللي بيحكي على العنود د؟؟ ************* ابو محمد: من هاللي بيقنع العنود وانت مقتنع فيه ؟ ابو خالد: خالد خالد : وشووووو انا !!!!!!!! ابو خالد بنظرت غضب : ايه انت خالد : يبه خلني اقتنع انا بالاول عشان اقنعها ابو خالد :وهالكلام اللي قلناه من الصبح ما اقنعك ليه ان شالله خالد : انت تبي تزوج العنود من واحد من برى اهلنا وربعنا وحينا وحيانا ومانعرف عنه الا اسمه وانه دكتور !! وشلون تبيني اقنعها ؟ ابو خالد: الدكتور هاللي انت مستقله جب لي واحد من ربعك هاللي انت تبي اختك تقعد وماتدري هم بيخطبونها والا لا ابيه يكون مثله بالعقل ومهوب راعي سفريات والا راعي خرابيط وراعي صلاااااه ... العيال هم هاللي لاجيت من الخيل وامر البيت اتوضألصلاه لقيت هذا ويأشر (على عبدالله)هو والشباب حيك وحيانك متربعين يلعبون بلاستيشن والامام ينادي لصلاه لايركعونها الا بهواش وتاللي الليل مغير متجمعين على دخان وورقه ولا يروحون لبيوتهم الا الفجور !! يالله جب لي !! انتم تحكون كذا وانتم ماتدرون الواحد بس يتبع ياخاف من حكي الناس ......... اتحداهم يحكون عن العنود لاخذت ماجد محد بيفتح فمه واللي بيحكي يحكي لين يشبع اهم شىء عندي العنود وراحتهاوالباقين ما يهموني انتم عيال غير ماراح اشيل همكم لكن البنت غيييييييير مهيب مثل الولد خالد : يبه اللي تشوفه خلااااص انت بس لاتزعل عمرك واللي تبيه بيصير وان كان تبيني الحين اروح احكي عليهاابشر بس لاتضايق ابو خالد : اجل قم الحين واحتس عليها بدون ضغط منك او اجبار لا على الموافق ولا على الرفض قام خالد من ابوه وقام عبدالله وراه ابو خالد : وين ان شالله عبدالله بنبرة ضيق : بطلع ابوخالد : اسمع علم(ن) ياوصلك ويتعداك ان بس حسيت او عرفت ان احد فيكم مضايق العنود او قايلها من هاللي بروسكم بيصير لكم شىء ماتوقعونه (ويأشر بيد)فاااهمين ؟؟؟ سكووووووووت في المجلس في الصاله ام خالد وريم يطالعون بالتلفزون ريم: يمه ام خالد: هلا ريم : وش فيكم ماااش احسك انتي وابوي والعنود وحتى خالد الحين يوم رقى متضايقين ام خالد :يمتس ما فينا شىء ريم : يمه تخشين عني الى الان ماتعتبريني بنتس؟ ام خالد: الله يهديتس من قاله ؟ انا لو ما اعدتس مثل العنود ووجود ما خليتس تسكنين معي في نفس البيت ريم : طيب وشفيكم كلكم متضايقين ؟ ام خالد نزلت راسها والعبره خانقتها كانت خااايفه من هاليوم اللي تطلع منه العنود من بيت ابوها كانت ترفض اللي يتقدمون لها بحجة انها صغيره وكانت تخش عنها حتى ما تنبها لها الامور <<بالنسبه لها الا خالد طالع من غرفت العنود وشبه ابتسامه على وجهه وسلم وخذا فنجال وهو واقف وراح للمجلس |
البارت الثالث
ــــــــــــــــــــــــــــــــــــــــــ لمت نفسي ولامني وقتي معاك اشتكي من هم وبكي من الم ياخطاي إللي توافق مع خطاك لاسلم حبي ولاحبك سلم انت اعز الناس ماتجهل غلاك معتقد هالحب ياتي من عدم كل مامرو علي هذا وذاك كلهم لاشي وانت اللي أهم في المنزل المجاور بيت ابو نواف ام نواف : صدز انت تحتسي صدز والا تسذب علي؟؟ ....: قسم بالله انا كنت اسمعهم يقولونه ام نواف : انقلع الحين واياني واياك تقول لاحد انك علمتني سامع ؟؟ ...: طيب وراحت ام نواف بسررررررعه لتليفون دقت على صديقتها ام نواف: الووووووووو ام محمد: هلاااااااا ام نواف : كيف الحال؟ ام محمد: الحمدلله بخير ....وشلونتس؟ ام نواف : بخير ....اقول صلفه ام محمد(صلفه): هلااااا ام نواف : دريتي العنود بتعرس ام محمد : بصدمه وشوو ام نواف : لا وازيدتس سمعت انها بتاخذ اجنبي (يعني من غير القبيله) ام محمد: ومن هو اللي بتاخذه اكييييد واحد من ربعهم اللي بذيك الديره هي اللي تميلح عندهم يعني اني حليوووه مادرو انها عقرب رمل ام نواف : لااااااا هذا من الرياض وهو يشتغل في مستشفى ام محمد: وشو لاتقولين دكتور ؟ ام نواف : لا ماهقيت عنودوووه تاخذ دكتور هي وخشتها حدها بياع بالبقاله حقت المستشفى وبعدين من زين خشتها حتى تخلي الدكتور يخطبها !! ام محمد : انا ادري عنها هي والله ينخااااف منها سويكته وماتحتسي الا شووي وتسكت ام نواف : المهم لاجاتس خبر منا والا منا علميني ام محمد : خلااص تم ..يالله سلام ام نواف سلام. ــــــــــــــــــــــــــــــــــ بعد اسبوع دخل ابو خالد على العنود ابو خالد: عنود العنود: سم ابو خالد: بكره بتروحين انتي وامك و راكان او خالد للمسشفى حتى تحللين العنود منزله راسها ابو خالد : انا عارفه ان كل بنت لبيت رجلها خلاص والرجال مافيه عيب ان حكى مع الرياجيل زين منطوق وان نشدنا عنه مدحو فعله والعمر يمضي وانا اليوم معك وبكره الله اعلم العنودبخوف : بسم الله عليك جعل يومي قبل يومك ابوخالد: انا ماقلت هالكلام ابي منك خوف او تخضعين لرائيي ابيك تثقين ان هذا هو الي يصلح لتس العنود : ان شالله طلع ابو خالد من غرفة العنود اللي تحس غرفتها بااااااادره جااااااامده مشاعر تعصف بداخلها خووف من المستقبل .. رهبه من الموقف اللي بتكون فيه .. غربه مع بشر ماتعرف ولا احد منهم ـــــــــــ في احد احيا الرياض الرقيه رن جواله رد بهدوئه المعتاد وبصوته الجهوري ...: الووووو المتصل: السلام عليكم وعليكم السلام ورحمة الله وبركاته المتصل : ماجد؟ ماجد : نعم معك ماجد المتصل : وشلونك ؟ ماجد : بخير جعلك بخير ... من معي ؟ المتصل : معك خالد نايف ال .... ماجد : ياهلااااا بابو نايف خالد: هلااا بك .. وشلونك وكيف الوالد والاخوان ؟ ماجد : بخير ما عليهم الحمد لله وشلونك وشلون الوالد والاخوان ؟ خالد : طيبين طبت ماجد : الله يسلمك دوم ان شالله خالد : واياكم ...ماجد ابوي طلب مني ارد عليك اليوم نيابه عنه و..... ماجد اعصابه توتره بسبب سكوت خالد اللي طول ... خالد خالد :.......... ماجد هذا وش بلاه : خالد ...... ابو نايف ....خالد !! سكر الخط ماجد اكيــــــــد رفضوا مثل المره اللي طافت الله يعين .. شوي الا بصوت رجلين قرب منه التفت هلااااا حبيبتي نوف : هلا حبيبي شلونك ؟ ماجد: بخير دامك بخير نوف : ابي اصدقك بس ماااش في شىء يقول يابنت مجووود يضحك عليك ماجد : هههههههه حلووووه مجود بس لاتعودينها ماني اصغر عيالك تقولين مجود نوف : طيب ياحبيبي ممكن طلب ماجد: امري نوف : ممكن توديني بيت خالي سلطان بروح لهم ماجد : من عندهم ؟ نوف : ماعندهم احد ..بس بروح انا و هنوف لسوق ماجد : اسف مقدر نوف : تكفى ودنـــــ...<<رن جوال ماجد ماجد: هلااا ابو نايف خالد: هلابك ..اسمح لي يابو محمد انقطع الاتصال بس عندنا شايب مايشوف زين وبينزل من الدكه وماشاف الدرج وطاح وروعني عليه ونسيت الاتصال ماجد: سلامته مايشوف شر عساه ماتعور خالد: الله يسلمك ..ان شالله مافيه الا العافيه جروح بسيطه عقمناها وحطينا لزقات على ركبته المنزلطه وان شالله طيب ماعليه ماجد : عسى الله يتم عليه عافيته خالد : ماجد متى تبي الملكه ؟ ماجد منصدم : هااااه ...وشوووووو خالد يضحك : ماتبي خلاص اجل هوناااا مابه عرس ماجد يضحك: لا موهوب على كيفك خالد : متى تبيها تحلل ماجد: بكره تجي وتحلل خالد : غيرك اشطر بكره بتحلل لكن تجي يعني مستشفاك معصي <<يقولها وهو يضحك ماعندنا بنات تنشاف قبل الدخله ياحلووو ماجد : افااااااا يعني مافيه شوفه وخطبه و.. خالد : بس بس وش بقيت للعرس .. لااامافيه تعال وملكه وعطنا مقفاك ولا نشوفك الا يوم العرس فالليل خخخخخ ماجد :يووووووه عليكم عادات مغبره خالد : اقول ماجد ماتحس انك تسبنا دامنا على البر هونااااااااا <<مسوي نفسه معصب ماجد :خالد انا امزح والا فيه احد يسب العادات والتقاليد اللي تهببببببببل ومافيه مثلها خالد يسلك له : ولو اني احس ان فيها شىء ماش بس يالله بعديها .. خلاص ان شالله بكره تحلل ماجد : خلاص ان شالله خالد : يالله فمان الله ماجد : فمان الكريم سكر ماجد من خالد والفرحه مو سايعته التفت لنوف اللي تطالع فيه ودموعها تنزل لف لها نوووفه ليه تبكين ؟ من هي نوف ؟؟ ووش علاقها بماجد؟؟ البارت الرابع ــــــــــــــــــــــــــــــــــــــــ ذاكـ بس اللي لايمني جيتـــــــــه يلخبـــط كيانـــي ... اللي بنظره ينشــــف دمـ قلبي في وريدهـ ... قبل اشوفـــــــهـ اجمع له احلى القصـــآيد والمعانــــيـ ... وان لقيته ماعرفت اقولـــــه جمله مفيدهـ ... الف مرهـ ... قبله اعد القصيده من لسانـــي .. ولنعن ابوه ان جيت عنده قمت اخربط في القصديه نوف : ليه ابكي .. ماتدري ليه .. انت بتكون لوحده ثانيه وبتنساني ماجد: نوف من قال بنساك ؟ فيه احد ينسى عمره ؟ نوف : ايه وااااضح مره وبنربة( استهزاء ممزوجه بعبرتها )حتى انك ماصدقت انها وافقت عليك وتبي رضى اهلها ورضاها هذا وهي في بيت اهلها الشىء لاجت هنا تسحب علينا كلنا واولهم اناااااااوركضت لغرفتها ماجد نزل راسه يفكر ومتضايق هذي نوفه الغلا كله وشلون نساها وقعد يسولف وخذا راحته على الاخر ارخة جسمه يفكر بحل يرضي فيه نوف بعد نص ساعه دخلت ساره الكبيره عمرها 37سنه ومتزوجه + مها 30 سنه +عهود28 <<خوات ماجد السلام عليكم ماجد : وعليكم السلام ساره : كيفك؟ ماجد بضيق : الحمدلله ساره : وش فيك ماجد: خالد اخو العنود دق علي ساره تواسي اخوها : ماعليك ياماجد قلت البنات الف بنت تمناااااك بس انتي طلعها من راسك وابشر تلقاء الف وحده احسن منها خلاااص هذي ثاني مره يرفضونك ماجد :ومن قالك انهم رفضوا ساره : ليه هم ما رفضوو؟ ماجد: لا ما رفضوا وبكره بتجي تحلل من الديره خواته واااااااااااااو الف الف مبروووووووووك عهود : اقووول مجوووووود وانت زعلان ليش ؟ لايكون خايف من العين خخخخخخ ماجد : لا بس اللي ضايقني نوف ساره : نوف !! وشفيها ؟ ماجد: نوف متضايقه اني بتزوج وبتركها .. او متوقعها لو تزوجت بتركها وانساها ساره : ما عليك منها نوف توها صغيره بالبدايه ماراح تتقبل الامر بس بعدين بتخضع للواقع ماجد : الله يعين ـــــــــ نوف على سريرها حاطه واجهها على المخده وتبكي الغالي اغلى شخص بحياتها هو ابوها وعمها اقرب واحد لنفسها...سمعت طق على الباب بس ماردت شوي وطق الباب مره ثانيه ماردت شوي وانفتح الباب نوف سوت نفسها نايمه على بطنها ساره : نوفه حبيبتي وتمسح على ظهرها نوف :.... ساره وهي تحرك شعر نوف بخفه: نوفه حبيبتي انا عارفه انك تسمعيني وواعيه للي بقوله .. ماجد كبر والسنين اللي فاتت قعدتها مراعاه لشعورك ولتعلقك فيه مايبي اي شىء يضايقك وشال فكرة الزواج من راسه عشانك طول الفتره اللي طافت رغم انه من حقه انه يتزوج ولو ماكان يحبك ماراعى شعورك وقال ماعلي منها بس ابداء نفسك عن نفسه انتي الحين عمرك 14 سنه يعني كبيره وفاهمه وواعيه للي يصير ...لاتنسين ان ماجد عمره 35سنه يعني لو قعد اكثر من كذا الناس وش بتقول ؟ حبيبتي فكري في ماجد في ابوي اللي ينتظر هاليوم اكثر من ماجد نفسه وامي اللي تدعي وانتي تسمعينها ان ربي يطول عمرها لين تشوف عياله ؟ وقامت من طرف السرير الي كانت جالسه فيه وطلعت وسكرت عليها الباب مع تسكيرت الباب انفتحت جروح في قلب نوف يعني انا انانيه !! ليه ماتقولون احبه !!ولاابي وحده تجي وتضايقه وتبعده عني ورجعت تبكي اغلى ناسها ــــ في اليوم الثاني العصر ريم: يمه اللي مضايقتس ذاك اليوم هو خطبت العنود؟ ام خالد: ايه ريم : هذا انتو زوجتي خالد ما تضيقتي ام خالد: خالد ولدي وماخذ من ناسه واهله مهوب مثل العنود ريم : يمه اللي يشوفتس يقول هي ماخذه من خارج السعوديه كلها الرياض 45دقيقه وانتي عندها ام خالد : ولو يمه مهوب كل ما بغيتها شفتهاعليها مثل لاخذت من عيالنا ريم : يمه ماعليها العنود عندها خالتي بالرياض والعنود طيبه وبتقدر تكسب اهله ام خالد : ان شالله ... ـــــــــــــــ اااااه يالدينا عمرك مافرحتي لي ويوم جيت ابفرح عن اهلي بعدتيني الحين بكون زوجه لواحد ما اعرف منه الا اسمه! وش ذا الحاله ياربي استغفرالله وبعيش بمكان مقدر اشوف اهلي كل شوي ..يؤؤؤؤؤؤؤه راسي اوجعني من كثر التفكير طق الباب العنود : ادخلي ريم : السلام عليكم ياعروسه العنود : وعليكم السلام ريم : افا ورا الاخلاق قافله العنود : اسئلي نفسك ماقد مريتي بها الحاله ريم : الا لدرجة انه من كثر الضيقه اغمى علي بالمشغل وانا اسوي البروفه العنود : واااضح الضيقه وثالث يوم من الملكه بالاسواق تدوجين !! ريم : خخخخخخخخ اقول يالله يارب توريني فيك يوم العنود : اقول تقلعي ترا اخلاقي في طرف خشمي ريم : من طول خشمتس خخخخخخخخ العنود مسكة علبة المناديل وحذفتها فيها ريم : هيه لاتذبحين ورعي وتمسك بطنها العنود فتحت عيونها : حاااااااامل ريم : وش فيتس ان شالله العنود : اهبي والله لو ارنب استحي على وجهتس مالتس الا 4 سنين من اعرستي ريم : اقووول الله يحييني واشوف بعيني العنود : الشرهه على اللي يحتسي عليتس وريني مقفاتس ريم : هذا مقفاي بس ترا فستاني حق عرستس بسوي ظهره عاري وشرايتس <<تستهبل العنود: ياوالله الجلطه ابي اعرف رجلتس وشلون يسولف عليتس ريم : مثل كل الناس العنود : ايه طيب فااااارقي ريم : تضحك اقول عنوده ابوي ماقالك شىء؟ العنود: وشو عنه ريم :عن العرس موعده العنود : يؤؤؤؤ والله اللي وجهتس مغسول بمرق انا من التحليل ما طلعت له ولا قابلته الا مره وبالغلط عند الثلاجه اللي بالمطبخ الصغير اللي هنا (الاوفيس) وتمنيت ان الارض تنشق وتبلعني ريم وهي تضحك : والله ماعمري شفت وحده مثلتس العنود : قصدك قوية وجه مثلك ريم خخخخخخخخخخ بعديها لك ياعروسه العنود : يالليل الليل ريم وهي تضحك خلااااااص بطلع بطلع لايطق فيتس عرق ___ مر شهرونص على الاحداث *ماجد تملك العنود لكن بحكم تقاليد اهل العنود ماشافو بعض ولا حتى بينهم اتصالات لانها ممنوعه وتحدد الزواج بعد شهرين يعني بعد شهر من الان بطلب من ماجد نفسه *نوف وعلاقتها بماجد شبه مقطوعه حاول يتقرب هو منها لكن هي راافضه هالشىء * العنود وريم وام خالد وام سلمان (خالت العنود) بالاسواق ومعناه على التجهيز *ام نواف وام محمد لاجديد كل يوم نفس عاداتهم ساره وبنتها هنوف +عهود +مها بالاسواق لتجهيز فلة ماجد ولتجهيز لزواجه نوف لاجديد رافضه التسوق معهن كل يوم بحجه وقررن يشترون لها على ذوقهن بدون علمها واللي بيقيس هنوف لانها نفس المقاس * الكل خضع للامر والزواج الا عبدالله الى الان مو متقبل الفكره رغم انه يحاول يظهر العكس للكل حتى ما يزعل ابوه *** ام سلمان : اقول العنود احسن شىء سويتيه انتس بتجين عندي <<تحاول تقهر اختها العنود :.......... ام خالد : اقول هيفاء(ام سلمان) يمدحوووون السلامه ام سلمان : خخخخخخخ عنود امتس تغار عليتس مني العنود تطالع في امها : ليه قالو لتس نايف تغارين علي <<تقصد ابوها ام خالد : يووه الحين بيكبر راسها علي وتصدقتس وتحسب اني اغار عليها العنود : افا طايحه من عينتس !! ريم : افتحي الكيس العنود العنود : ليه ريم : حتى تلقطين خشتس العنود هه هه هه ماتضحك ا م سلمان : يالله ادخلن من هنا نبي نصلي ــــــــــ مرررت الا يام سريعه على العنود واهلها اللي انشغلو معها في تجهيزها بشكل يكون حلوووو لكن ماااجد كانت الايام عنده بطيئه يبي يتزوج... وفي نفس الوقت يبي يتخلص من التفكير وتخضع نوف لها الامر وترجع نوفه دلوعته الاوله ــــــــــــــ في يوم الزواج اللي اكتفو انه يكون عائلي اهل واقارب واصحاب العروس والعريس الحوش في صدر الحوش الكوشه مرفوعه ومن الجهتين للحوش طاولات وكل طاوله حولينها عدد من الكراسي ومفروشه الطاولات باللون البيج الفااااتح و عليها قطعه من من الحرير الذهبي مربعه و على الطااوله فوق القطعه الذهبيه منثور لؤلؤ بشكل عشوائي وفي الوسط فازه من الكرستال طويله مخروطيه فيها لنصها ماء ومحطوط فيها ورود بشكل مرتب وفي نهاية الفازه اكليل من الفل وحولينها فواحات على شكل اصداف مصغره ومعطره بروائح الفل والكراسي ملفوفه بقماش بيج ممسوك من الوسط بسيط ذهبي مزين بسلاسل من اللؤلؤ في وسط الصاله الممر قطع رخاميه بيجية الون متصله ببعض الى ان تصل الى ان الكوشه المزينه في بأحلى صوره اذهلت الحضور بذوق الراقي اللذي ابدع في تصميمها في غرفت العروس التوتر بادىء على ملامحها والام ليست اقل منها ريم تحاول ان تكون مصدر للقوه لكن قواها لم تسعفها وعبارتها لم تكف عن نزولها اكتفت بالصمت ام علي(عمت العنود ): حبيبتي وجود روحي العبي هناك مع البنات وجود : لا ابي اشوف العنود ام علي والعبره فيها : حبيبتي العنود بتشوفينها لازفوها روحي العبي معهن وجود اكتفت بالسكوت وانسحبت ام علي بطبيعتها المرحه دخلت تحاول ترسم البسمه على وجيه المتواجدات ريم والعنود وام خالد وام سلمان وام منصور (خالت العنود )و غاليه وغلا بنات ام منصور الكباروهم عايشين بالكويت ام عبدالله : السلام عليكم وعليكم السلام ام علي: بسم الله ماشالله والله يالعنود الرجال انتي ناويه تذبحينه اليوم العنود عيونها شوي وتطلع من الخوف ام سلمان : ليه وش فيه بسم عليه وش تذبحه؟!! ام علي : شوفي زينها بتهبل بالرجال من شكله وفستااانها الروووووعه ومكياجها النااعم العنود اراحت شوي بعد ما خوفتها عمتها ام سلمان : اقول ام علاوي عليتس اسلوب في التعبير يخلي الواحد ينتفض ام علي : والله هذا بعض مما عندك غاليه : احلى خاله وش هالتطور بعض مما لديكم خخخخخخ ام علي: اقول انتي وخشتس تطنزين علي !! غاليه : وانا اقدربس امزح عليج وهذا راسج ابوسه ام علي : لاتبوسين راسي ولا ابوس راستس ولدي ماني مزوجتس اياه <<ترقص حوااجبها غاليه : خخخخخخخخ افا اجل حبتي لراسج راحت بلوشي !!!<مزح رن جوال ريم ريم : الوووو ...: ريم ريم .: هلااااا ....: يالله بيدخل ماجد معي طلعو اللي عندتس ولا يبقى احد حتى يصورون وبعدها ينزفون ريم : طيب ان شالله ... نظارة فيهم قالت اطلعوا العيال بيجون مع الرجال حتى يصور العنود برد اطرافها ويدينها ترجف مسكت في امها ام خالد : العنود هذا رجلتس بيدخل خليني اطلع لايشوفني اكمامي شيفون العنود : يمه لاتتركيني انا خاايفه ام علي تحاول تخفف من توتر الموقف لانها عاارفه ان الحين بيعودون المكيااج مثل ماعادوه قبل كذا بسبة البكاء: اقول العنود بيجي رجلتس ومعه اخوانتس وكلنا مرينا بها الموقف ترااه احلى يوم بعمرك لاتخربينه بتوترك وتضايقين حالك وماله داعي للخوف الكبير اللي انتي مسويته ... حتى وجهتس تغير من سمعتي به هدي ماراح يكون الا الزين ام منصور : يمه (تقصد العنود)انا باخذ امتس منتس الحين ماضنتي بحاجتها عندتس وغمزت لها العنود وجها احمر وتنفسهاا سريع من التوتر طلعوووا اتصلت ريم على خالد تبلغه عن خروجهم شوي وانطق الباب ..راحت المصوره تفتح الباب العنود منزله راسها ماتدري من اللي دخل عليها بس سمعت صوت خطوات قرب منها ولماقرب الشخص وقف قدامها العنود لمحة طرف عبايه رفعت راسها والصدمه ^ ^ والصدمه ....... دخول شابه عليها وتناظر فيها الشابه : الحين انتي اللي خذيتي ماجد؟<<وتاشر باصبعها العنود ذهووووول من جرئة البنت وجمالهااا الخارق الشابه : هيـه انتي طرماء ؟ ماتحكين العنود بنظرات استحقار لها وملازم الصمت الشابه : بقولك كلمه ماجد لي انا ..سامعه انا وبس وانتي مجرد تسليه له العنود مكتفيه بالصمت ومن داخلها تغلي الا بدق الباب من جديد تغطت الشابه ودخل خالد وراكان وسلطان وماجد سلمو عليها باركو لها وصورو معها وطلعوا لين يخلصون تصوير العنود منزله راسها وماجد جبنها ماجد : مبروك العنود بصوت مرتجف يالله ينسمع: الله يبارك فيك اخذو صور وقامت المصوره تطالبهم بصور جرئيه شوي العنود تحرك راسها بالرفض للي تحس فيه بجرئه والمصوره اللبنانيه تضايقت منها : ياعروسه هيداء جوزك مافيا شيء لو طلبت منكون هاي الحركات ماجد ملتزم الصمت وعاجبه الوضع وجرئة اللبنانيه العنود بداخلها اهبي هالفاصخه تبي صور حسبي الله عليها تبيني على طول في الحضن تخسين ماعاد الا هي ! ماجد رفع الجوال ودق على خواته يجون يصورون معاهم بعد ماطلعو خواته طلبت المصوره كم صوره والعنود اشرت بلاااا والمصوره وقفت تنتظر من ماجد يتحرك ويجبرها على الحركات اللي طلبتها المصوره اما ماجد لأن المصوره تحب الحركات الجرئيه وشافت العنود عنيده والوقت طول عليهم فضل التدخل : لو سمحتي خلصينا اللبنانيه : ان شالله بس خليها تخف علينا شوي <<تقصد العنود العنود ترد في نفسها اخف عليتس شوي والا افصخ الحياء مثلتس!! صورو كم صوره وطلعت العنود لممر حتى تنزف سكرو الانوار .. اشعلو الشموع .. افتحو الانوار الصغيره اللي ملفوفه على الاشجار اللي بالحديقه وعلى اطراق سور الحوش وجهو الاضائه على جهت الباب الكبير ... انفتح ببطىء يعلن دخول العروس متوجهه للمنصه واشتغلت الزفه معلنه قدومها على الممر من صميم القلب قلت احلى القوافي اتفنن في حروف اروع قصيده للعروس اللي لابسه ثوب الزفافي العنود اللي بزينها صارت فريده اسمها العنود والاسم كافي لو صاغها الصايغ ضيع نشيده العنود عليها من الحسن والعفافي شيء كبير اكبر من اننا نجيده كامله ومكمله بكل الاوصافي مايزيدها الذهب لمعه هي تزيده وجهها كالبدر منور وصافي سبحان من خلا ملامحها فريده بشوفها تحقق كل الاطيافي والاحلام بشوفتها تصبح اكيده فيها جمال الكون بكل الاصنافي ياعسى ايامها دايم سعيده من شافها قال رحماك يامعافي اشهد انها بزينها صارت فريده من زينها شابت حروف القوافي مالوم قصيدي لو وقف وريده العنود بنت نايف بنت الاشرافي العنود غلاها بين القلب ووريده ومعرسنا ماجد قدره عالي ووافي ماجد بالشجاعه نظرته بعيده ماجد مثل الذهب ومعدنه صافي ماجد الطيب بقلبه دايم ربي يزيده ماجد قدره فوق روس الأكتافي الطيبه بقلب ماجد وربي اكيده وبختامها قلت احلى القوافي اتفنن في حروف اروع قصيدة للعروس اللي لابسه ثوب الزفافي ماجد اللي بزينها صارت وحيده +++++ تمشي العنود على زفتها بهدوء وبفستانها الاخاذ فستانها ابيض بدون اكمام ناااعم والطرحه الخليجيه الطويله فيه كرستالات مزينه الفستان متناثر بشكل مرتب والمسكه من ورود وفي وسطه الورود حبات من الكرستال مثل الفستان جلست على كرسيها وتحاول تخفي توترها و وارتباكها وخوفها تجمعو حولينا بنات اعمامها وبنت خالتها وخالاتها يحاولون يخففون عالتوتر بمزح وسوالف سريعه لكن العنود في عالم اخر تنتظر امها تجي لها ام خالد دخلت بعد مازفت بنتها حتى لاتاثرفيها ويخرب مكياج العنود اتصل خالد : بريم يعلن قدوم العريس دخل ابو خالد بهيبته وطوله وجذبيته وعياله وخوال العنود وعمها وكان في الوسط ماجد بشموخه ووسامته الجذابه وابتسامته الشفافه وبخطوات واثقه متجه لمكان العروس سلم عليها مره ثاني وجلس جنبها وقفت العنود تسلم على ابوها واخوانها وخوالها تحاول تمنع نزول دموعها بوجودهم معها وتخاف تفقدهم ببعدها عنهم .. اطلقت المطربه اهازيج الفرحه بصوتها العذب طلعو ابو خالد وعياله وخوالهم تاركين ماجد مع زوجته خوات ماجد من طلعو ابو خالد وعياله قاموا له يسلمون عليه ويباركون له ...: الف مبروك مااجد صبرت ونلت العنود تكهرب جسمها من الصوت رفعت راسها تطالع في صاحبة الصوت كانت الشابه نفسها ... وحاطه ميك اب اوفر ولثمه شفافه مبينه معالم وجهها العنود في وضع لاحسد عليه بنت ملكة جمال وقدامها وتسلم على زوجها وكأن الشابه تحاول تجبره على انه يسوي مقارنه بينها وبين العنود ماجد كان مبتسم لكن بداخله ينتظرها تطلع له ماشافها بينهم قلقان عليها هذي دلوعته و بنته اشر لعهود عهود : هلا ماجد : وين نوف ؟ عهود : مدري عنها معنا جالسه بنفس الطاوله ولما جيت انت تركتها فيها ماجد : جيبيها لي عهود : ماجد هذي بزر اتركها عنك تراك بتكبر راسها علينا الحين ..شف دلعك لها وش سوى تظن انك من ممتلكاتها تنهد ماجد وفضل السكوت ساره شافت وجه اخوها تغير راحت له قالت يالله انا بقول للمطربه تعلن خروجكم ماجد :طيب اعلنت المطربه خروجهم بزفة خ ــذها أمانه يا حفيـظ الأمـانات أغلى الغوالـي في يمينك أمانه تصـونها صـون الكـرام العفيفـات ولهـا فـ قلبـك قبـل بيتــك مكانه الجورهـ بدر السما بلسم الـذات إن قلــت ريـميهـ وإن قلـت دانـه من نورها تسفـر بلاد ومج ــرات فيهــا تح ــير لـي بـديــعٍ بيــانـه من شافها شاف الهنا والمسرات و طابت ليالي فرحته فـي زمـانه فيها الوفـا مايغيرهـ مــر الأوقـات علــى وفـاهـا الـوفــا زاد شــآنه مسـويه فـ القلـب مني علامـات وروحـي لها إذا تـريـد الضمـانـه أحلى عروسٍ من بنات الإمارات منــال يـا منصــور خذهــا أمـانه انزفت العنود لداخل الفيلا ودخلت غرفتها حتى تبدل فستانها الابيض الى فستان ابيض حريم ناااااعم جدآ مخصر على قد الجسم الظهر لين النصف باين ومحطوط على شكل اكس سلاس من الكرستال وفي الوسط بروش دائري ملتصقه في السلاسل ومن عند الساق فتحه لين الركبه لبست فستانها وعطرتها خالتها وساعدتها في فك الطرحه حتى ماتخرب التسريحه العنود : خاله وين امي ؟ ام سلمان وبدون ماتطالع في العنود :العنود امتس تبينها تترك ضيوفها وتقابلك ؟..عيب وش بيقولون الناس ؟ العنود وهي مو مقتنعه بها العذر هز راسها بايجاب لبست عبايتها وطرحها وسلمت على خالتها وضمتهاا وبكت وخالتها اللي ماقدرت تمسك نفسها شوي الا بدخلت ساره اخت ماجد ساره : العنود ماجد ينتظرك يالله العنود التفت لخالتها : خاله سلمي على امي وريم وجود ام سلمان : الله يسلمك طلعت ولما وصل عند الباب التفت تطالع بالبيت اللي كانت عايشه فيه وتنهدت وسمت برحمن وطلعت لقته موقف السياره عند الباب ينتظر فتحت الباب وركبت ..العنود بهمس : السلام عليكم ماجد : عليكم السلام سكوت قرر ماجد كسر الصمت ماجد : العنود العنود : هلا ماجد : شلونك؟ العنود : الحمدلله ماجد يضحك : طيب وانا مافيه شلونك ؟ العنود وش يحس به ذا !!:شلونك؟ ماجد : عال العال الحمدلله ورجعوا لسكو ت ___________ نرجع لمكان الحفل ام خالدموقفه مع الحضور وهي في عالم ثاني بنتها تزوجت وراحت بعيده عنها هي ماتعتبر العنود بنتها وبس العنود بنتها واختها وتؤمها اقرب شخص لها ام سلمان اللي موقفه مع اختها وتبي تكون جنبها بكل لحظه حتى ما تحس ان بنتها ابعدت عنها على الاقل اليوم او تخفف من توترهاوضيقها بشكل اصح ام منصور فهي مع شلت حريم جالسات يسولفن ويرقصن ويعلقن وخوات ماجد رقص وضحك ومبسوطات على الاخر لكن في احد الطاولات بنت جالسه لحالها مخنوق من الي يصير اقرب الناس لها صار فيه لها منافس فيه و هو فرحان فيها اكييييد اكييييد بينساني هذا اذا ما نساني خلااص نزلت راسها وانسابت دموعها على خدينها ماحست الا بيد على كتفها مسحت دمعها بسرعه والتفتت :خالتي !! الخاله(جواهر) : ايه خالتك نوف: خاله شفتي وش صار (وبصوت مبحوح من البكاء )شفتي زوج وخلاني نساني ياخاله نساني جواهر : ايه شفت ومن قال انه نساك انتي الغاليه مستحيل ينساك نوف تضحك بسخريه : يكفي انه ما سئل عني ولاحتى عبرني ها وهو ما عاش معها نساني الحين بيذكرني !! جواهر : محد يقدر ينسيه نوف الا اذا انتي عطيتيها مجال تفرد فيه ؟ نوف تمسح بقايا الدموع اللي على الخدين : وشلون جواهر : هذي خليها علي ومو وقتها الحين لاتنسين ان موقعنا مايسمح لنا وابتسمت لها *من هي جواهر ؟ ووش علاقتها بماجد ؟ * وش الخطه اللي بيدبرونها جواهر ونوف والعلاقه بينهم ؟؟ * العنود وماجد وش بيكون وضعهم ؟ البارت الخامس ــــــــــــــــــــــ احسب ان الرمش لاسلهم حنون اثر رمش العين ما ياوي لاحد يوم روح لي نظر عينه بهون فزّ له قلبي وصفقّ وارتعد لفّني مثل السحايب والمزون في عيوني برق وبقلبي رعد وصلو الفندق دخلو السويت اللي حجزوه تقدم ماجد وفتح باب الغرفه وحط شنطهم فيها وعلق البشت على الشماعه والتفت لقاها موقفه عند الباب راح لها مسك يدها بيدخلها وسحبت يدينها بسررررعه منه ضحك على حركتها التلقائيه ورجع يمسك بس المره هذي بشكل متملك له ودخل وجلسها على كرسي لنفرين ماجد : الى الان متوتره مني العنود منزله راسها ماجد رفع راسها من تحت فكها السفلي همس :ارفعي راسك العنود تحس بحراره بجسمه قربه منها انفاسه تلفح بوجها لمسته لوجها مسك يدينها وقال : انا بطلع الحين اجيب لنا عشاء على بال ماتبدلين العنود هزت راسها بالموافقه طلع منها وقامت تاخذ لها شور سريع ترخي به جسمها وتطفي حرارة جسمها بعد نص ساعه طق الباب وفتحت له لبست فستان ناعم ليلكي مخصر وطويل على جنب فتحه وحولين الفتحه دانتيل والظهر قصه دائريه وحولين القصه دانتيل وفكت شعرها النااعم والمقصوص طبقات الى نص الظهر <<يعني مغطي الفتحه ولبست صندل متوسط الارتفاع ماجد شافها قدامها شكلها ملفته تغيرت في نص ساعه شافته طول بالنظرنزلت راسها استوعب اللي يسويه : يالله نروح نتعشى جلسها على كرسي وجلس قريب منها وفتح الصحون و سما بالله اما العنود ماحركت شىء ماجد : العنود ليه ماتاكلين ؟الاكل ما اعجبك ؟ العنود بصوت واطي : لا ماني مشتهيه بالعافيه عليك ماجد : بس لازم تاكلين العنود بأبتسامه : ماعليه انا لا اشتهيت كليت ماجد قام من السفره : الحمدلله العنود بتسرع : شبعت !! ماجد : ايه الحمدلله ..اصلن ما احب اكل لحالي العنود في نفسها (اوووووه دقه من اولها ياماجد!! قامت شالت الاكل اللي على السفره ودخلته المطبخ وراحت تغسل يدينها بالحمام رجعت للغرفه لقته جالس على السرير ماجد : انتي مستعده العنود بخوف : هااا ماجد : منتي مصليه ؟؟ العنود براحه : الا بس البس عباتي وقامو وحط يده عليها ودعاء بدعاء الزواج المعروف وصلو جماعه ======= ـــــــــ |
ام خالد بعد ماراح منها المعازيم دخلت البيت بعد شالو الطاولات والكوشه والبوفيه
وغيره من امور الزواج صعدت فوق راحت لقسم غير قسمها وفتحت الغرفه تنهدت ودمعتها ذرفت فعت يدها تفتح النور شافت بجامها اللي كانت لابستها الظهر ما حست الا بدموع تنزل من عيونها بغزاره اكثر من قبل وشهقاتها طلع بنتها طلعت من عندهاوهي من جابتها ماقد ابعدت عنها ماحست الا بيد على كتفها التفتت خايفه لقت ابو خالد اللي ماكان احسن منها حال حاول يهدي الوضع وهو يبي من يهديه مسح على ظهرها وقال : ادعي الله يوفقها وهذي سنة الحياه ام خالد : الله يوفقها يارب الله يوفقها وعودت تبكي ضمها لصدره يبي يحسسها بوجوده معها في غرفه اخرى بنفس البيت سعود : راكان ركان : خير سعود : راكان العنود تزوجت اليوم عرسها بس مدري ليه احس انه حلم راكان تنهد : ياليته حلم سعود : تصدق اليوم يوم جينا بندخل مع ماجد سمعت صوت بكى ورا الجدار لفيت لقيتها وجود تبكي راكان : تبكي !!!!! سعود: ايه تقول ماتبي العنود تعرس راكان : ياحليلها حتى وجود تعرف سعود: تراها كبيره عمرها 10 سنين راكان التفت على سلطان : اقول لايكون تغار بس خخخخخ سعود : اما عاد اغار !!قووووويه خخخخخ ــــــــــــــــــــ في صباح اليوم الثاني تحرك في السرير لف لجهتها مد يده بطريقه يبي يلمسها ومايبين انه واعي مد يده لكن مالمس احد فتح عيونه شاف مكانها فااضي رفع راسه يدورها ماشافها بالغرفه التفت على دورة المياه لقى الباب مفتوح !! هذي وين راحت طلع يدورها بالسويت كله مالقاه وين راحت هالبلوووى وش السواااااااه وين رااااحت <<الافكار تودي وتجيب وين بدورها فيه ؟؟ حتى جوالها ما اعرفه ... والله الفشله انزل للوبي واسئلهم امس متزوج واليوم ادور حرمتي !! وش هالحظ النحس اقول مالي الااروح اغسل وابدل واطلع ادورها دخل بياخذ ملابسه من شنطته اللي بغرفت تبديل الملابس حتى يبدل ويغسل بيطلع يدورها دخل لغرفة تبديل الملابس حصلها فارشه سجادتها وتسنن ارتاااح سلمت حست فيه وراها سكرت سجادتها والتفت له بأبتسامه العنود : صباح الخير ماجد يرد لهااابتسامه : صباح النور .. مافيه شىء ثاني ؟ العنود : شىء ثاني ؟!<<ببلاهه ماجد يأشر على خده ويضحك العنود انصبغ وجها احمرررررونزلت راسها ماجد بنفس الابتسامه : انا ماقلت لك لا تنزلين راسك العنود بابتسمتها : ان شالله .. يالله حتى تفطر ماجد : افطر !! ليه وانتي ؟ العنود : اااااااا ..... امممممممم ماجد : افطرتي ؟ هزت راسها بلا ماجد : مو مشتهيه ؟ حركت راسه بأيه ماجد : خلاص لاتعبين نفسك ودخل يجهز له ملابس وخذا فوطته وراح للحمام العنود (ياربيه وش هالبلاوى ما اقدر اكل معه ماتعودت صعبه استحي وهو مايفهم اووووف وجلست تفكراقوله بفطر ..يووووه والله الفشله ...وان سكت ماراح يفطر والله النشبه اووووووف وش الحل ؟ شوي سمعت صوت الباب ينفتح شافته طالع ولا ف على وسطه فوطه وفوطه الثانيه على كتوفه ودخل لغرفة تبديل الملابس نزل راسه خجلانه من شكله شوي وطلع واتجه للكوميدينا يمشط شعره ويتعطر لبس شماغه ولف عليها بتروحين معي ؟ العنود طالعت فيه تبيه يكمل ماجد : بنزل باللوبي اشرب كوفي العنود : طيب بلبس واجيك بالصاله ماجد : اوكي انتظرك لا تتأخرين العنود : ان شالله وراحت بتبدل طلعت لها بنطلون ابيض وبلوزه فوشيا علاق ولبست تعليقه الماس وخاتمها وساعه فضيه الماس ورفعت شعرها شانيون بشكل مرتب ولبست صندل متوسط الطول فوشي حطت ليب قلوس وايلينر بوسط دخل عيونها ومسكراء وطلعت عليه ..شاف نعومت لبسها وشياكها اذهلته انحرجت من نضراته المتفحصه لها نزلت راسها ماجد : يالله البسي عبايتك بنطلع العنود لبستها بسرعه تبي تغطى بأي طريقه عن نظرته اللي احرجتها التفت له يالله ..طالعها وفطس ضحك العنود انقهرت من ضحكه خير ذا وش بلاه اول يتمقل واربكني والحين شاقه الضحكه خشته تلفت تدور وش اللي يضحك مالقت شىء !! ناظرت فيه بأستغراب :وش فيك تضحك ..فيني شىء غلط ؟؟ ماجد وهو كاتم الضحكه : لا بس الظاهر من الربكه قلبتي عباتك العنود تطالع في عباتها وهي منصدمه (ياوالله الحظ النحس ..يافضحي فضحااااااه من اولتها قلبت عباتي وش بيقول تستغيث )..عدلت عباتها ووجها احمر من الفشيله ماجد عرف انها انحرجت مسك يدهاا وطلعها من السويت دخلو بالاصنصير ونزلو للوبي تحت وطلعو من الفندق وراحو باتجاه المطاعم الكبيره دخلو المطعم جلسو على طاوله متقابلين وطق عليهم النادل حتى يستأذن بالدخول ويعطيهم المنيو اعطاء المنيو لماجد ومد ماجد المنيو الثاني لها ماجد : وش حابه تطلبين ؟ العنود : اي شىء ماجد : وش اي شىء ...ممكن لو سمحت تطلع ولما نتفق بطلبك <<يكلم النادل اللي انصاع لامر ماجد العنود : خلاص كبتشيون ماجد : والا كل ؟ العنود هزت كتوفها : اطلب لي مثلك ماجد شافها مستحيه منه ما حب يضغط عليها : خلا ص بطلب بطلب كرواسون بالجبن مع عصير اورنج انتي وش عصيرك اللي تبينه ؟ العنود : مثلك ماجد (شكلي بطول معها على بال ماتفك هالحياء ): على راحتك ــــــــــــــــــــــ قريب منهم في احد احياء الرياض الراقيه ام ماجد : نوووووووف نوف :هلا يمه ام ماجد: يمه ماجد ما دق عليك ؟ نوف بحزن : نساني يمه ام ماجد : الظاهر ما نساك لحالك نسانا كلنا عهود اللي سمعت الكلام : الحين الساعه ماجت عشر ونص وامس سهران ام ماجد : ايه جت المدافعه جت زينت العلوم عهود : ليه يمه وش سويت حتى تقولين زينت العلوم ؟؟ ام ماجد : ابد جبتي لي هالقرويه مدري وش عاجبتس فيها والله لا ملح ولا بياض وفوقها قرويه يكفيك موقع زواجهم احد يحط بحوووش !! غنم حتى يحطون بحوش الزواج!! عهود :يمه الله يهديتك الحين هذي زوجت ولدك والشىء الثاني قرويه عشانه عايشه بقريه ؟ لاتنسين كانت عايشه في الخبر وما جت للقريه الا من كم سنه الجمال مو مقياس والبنت جميله باخلاقها وصحيح هي مو بيضاء انها حنطيها بس السمار مو عيب والا تبين وحده بيضاء وملكت جمال لسانها طويل تقعد تراددك على الطالعه والنازله ؟ ام ماجد : هالبنت تمسكنت لين تمكنت منك ومن ولدي اللي من دخل عليها مارفع الجوال وقال بسئل عن امي ..قبل ما يتزوج وهو من يقوم يمرني ويحب راسي ويسلم علي ولا جت الساعه 10 دق علي الحين من امس مارفع السماعه ولا قال هم وصلو من الديره والا ماوصلو؟ عهود : امس كلمني وقال وينكم فيه ؟ قلت له احنا بالبوفيه ولا خلصنا بنطلع قال دقي علي لا وصلتوا ودقيت عليه .. ام ماجد : وانا وشبلاه ما يكلمني والا عشانه راضي عليك بعد ما جبتي له هالقرويه ؟ عهود : لاحول ولاقوة الا بالله يمه جوالك كميراء وانتي عارفه ان الكميرا ممنوع وقفلتيه وخليتيه بالسياره امس صح ؟ وشلون تبينه يدق وجهازك مقفل ومحطوط بالسياره ؟ ام ماجد : ولو هذا مايمنعه انه يدق ويسئل يكفي انه الحين الظهر وهو حتى ما دق نوف تضحك ومن داخلها تغلي : يمه مجود سحب علينا مع قرويته عهود بنظرت غضب في وجه نوف : اقول الله يعين العنود وماجد عليكم وقامت منهن ام ماجد : وشفيها ذي انهبلت تبيني ما اتشره على ولدي ؟ نوف : يمه ولدك راح مع حبيبة القلب ونسااك تعرفين وشلون نساااااك دق جوال ام ماجد لفت به لوجه نوف من اللي يدق ؟ نوف : زوج القرويه ام ماجد : الوووو ماجد : السلام عليكم ام ماجد: عليكم السلام ماجد : وشلون الغاليه ؟ ام ماجد : شفه عندك اسئلها تسئلني انا ؟؟ ماجد: انتي الغاليه ومافيه احد يساويك ام ماجد : ايه اضح حتى الجوال فضى شحنه من اتصالاتك <<تستهزىء ماجد حب يغير الموضوع : يمه ماعندك صوت قاعده لحالك ؟ ام ماجد : لا عندي الغاليه اللي ماتنساني لولقت غيري بديل <<تدق بالحكي ماجد هذا اول يوم اجل بعد شهر وش بتقول الله يعيني : يمه وين ابوي ؟ ام ماجد : مدري عنه داق علي تنشد عنه ؟ ماجد : لا داق ابي اسلم عليك واقول اني بسير عليكم العصر لان الساعه 7بنسافر ام ماجد : ايه صح نسيت انك ماراح تسير علينا الا وتستأذن منا مثل الغرب مو مثل اول يوم كان البيت بيتك ..حياااااك الله ماجد حز في نفسه كلام امه ماجد : يالله مع السلامه ام ماجد : مع السلامه العنود الي لاحظت تغير تعابير وجه ماجد من الاتصال واستنتجت ان امه مضايقته بالكلام ..الله يعينك ماجد حب يغير جو مزاجه ماجد: العنود العنود : سم ماجد : سم الله عدوك .. ماحكيتي لي عن نفسك ؟ العنود : وش تبيني اقول ماجد : اي شىء العنود حركت كتوفها :ما اعرف وش تبي اسئل وبرد عليك ماجد : طيب .. +++++++++ العصر نروح لاحد القرى المقاربه لمدينة الرياض ديرة العنود خالد : ليوووووونه ....ليووووووووونه ليان : لبيه خالد : تعالي تروحين معي للخيل ؟ وجود : خالد تكفى بروح معكم زهقت هناااااا ليان: بروح مع وجود وجود :وش قلت خالد تكفى ليان : خالد تكفى <<تقلد وجود خالد : قولي قسم انتي وخشتس مطيحه الميانه ويقلدها (خالد تكفى) ليان : شوف وجود تقول كذا ؟ خالد هذي وش بيعرفه عمه والا ابو !!والله الورطه ماتنشرح <<يحك راسه خالد : البسن حذيانكن وجود : كح كح كح غبره خالد : وشوووووو يتلفت وجود : حذياااااااان وينك عايش انت ؟الناس تقول جزمه وشوز وانت حذيان وزنوبه الله يخلف عليك ولا ضابط انت براسك يبيلك من يضبطك خالد : لا والله احلفي هيــــــــــــــن يا حمره <لقبها لانها بيضاء وخدودها حمر)..باخذ بنتي وانتي تقلعي دوري لتس احد يوديتس للخيل وجود : اقول خالد العصلا من بيقضبها <<تنقز حواجبها خالد : بنفرش زوليه ونقعد عليها هناك وبمر البقاله من هنا واخذ اكل حتى تلتهي فيه لين نرجع وجود : خخخخخخخخخخ عنز تلهيها بالشعير خالد :بعد تسبين انتي ووجهتس يالله مالتس معنا مكان وجود : الله يخلي لي حبيبي بكلمه ويرسل على سعود وانت خذ عنزك معك خخخخخخخخخخ خالد مسك يد بنته وطلع وهو يضحك ولما ركب السياره دق على الثابت وردت وجود :هااااا خالد : هويتي في اللي مانيب قايل يالله دقيقتين والثالثه بحرك وجود : هوااااااااا ام خالد وريم وام نواف وام محمد مجتمعات في بيت ام نواف ام نواف : اقول يا ام خالد العنود ماكلمتس اليوم ؟ ام خالد : الا دقت علي الصبح ام نواف : هاه وش تقول ؟ ام خالد : ابد طيبه وبخير ام نواف : عسى جربت العرس خخخخخخخ ام خالد : الله يوفقها ويوفق بنات المسلمين ريم : امين .. اشتقت لها ام محمد : كلنا كذا لا اعرسن خواتنا يو م تعرس منيره (اختها) قعدنا نبتسي عليها بس لاتلومنا منيره غييييييير مهيب مثل بنات جيلها ذا ام خالد وريم وام نواف يطالعونها مبققين عيونهم ام خالد : بنات هالجيل!!!!!!!!!! ام محمد : ايه بنات ذا الجيل ؟ ام خالد : ليه هي كم عمرها ؟ ام محمد : مدري بس مهيب كبيره انا وبعدي فهاد وهي بعد انا اكبر منها بأربع سنين وانا ناصفه الثلانثين (35) ريم خخخخخخخخخخخخخخخخخخ : تكفين تحتسين من صدقتس ؟؟ منيره 30 سنه يعني اكبر من العنود بسنتين ؟؟ ام خالد : لا ريم كبرتيها يمكنها كبر العنود <<بأستهزاء ام محمد بعصبيه : ليه ياحبيبتي من كبر منيره ؟؟ ام خالد : ام محمد اختس مدرسه لها كم سنه ؟ هي كانت مدرسة تاريخ وذا البنت باول متوسط <<تاشر على ريم ..والحين اختس اداريه وهالبنت عمرها 25 سنه هذا واختس اول ما درست كانت تدرس في الحفرقبل ما تنقل هنا احسبيها يأم محمد زين ام نواف رغم ان الوضع عاجبها في الرد اللي جاء لأم محمد الا انها لازم تثبت لها انها صديقتها الصدوق : اول الدراسه كانت مافيها جامعه معهد وتدرس على طول ومنيره خذت المعهد ودرس على طول هذا مهوب عذر ريم : انتي قلتيها يام نواف اووووول يعني مبطي ماقلتي تووو فيه فرق وترى يأم نواف الحق ماينزعل منه منيره مهيب حول العنود وش جاب العنود لمنيره !! ام نواف : ايه صح صح كملو سوالف الا ان ام محمد شايله على ام خالد وريم ـــــــــــــــــــــــ ماجد : الا بسئلك صدق ليه ما تخلين الدكتور يكشف عليك ؟؟ بصراحه اغرب حاله جتني انتي !! توقعت بعد ما سمعت من الدكتور اللي مسك حالتك بالبدايه ان الحين بتدخل على عجووووز ويدفونها بعربيه وبتورط معها وشلون اقنعها بالفحص بس انصدمت ان الي داخله على بنت العنود تضحك وهي منحرجه : ما احب احد يكشف علي لو من ما كان يكون ماجد : وانا زوجك يغمزلها العنود تصفق وجها <<يوه هذا مايستحي ماجد شافها مستحيه ضحك عليها وكملوا سوالف الى ان صلووالعصر بعد ماصلو العصر تمشوا شوي بالمجمع ماجد : يالله نطلع ونروح للفندق نروح نبدل وناخذ شنطنا ونروح لاهلي من طلعنا الصباح مع رجعنا للفندق العنود بأبتسامه : يالله وراحو للفندق في الطريق اتصل ماجد باخته ساره ساره: الووو ماجد : السلام عليكم ساره : هلااااااااا والله وعليكم السلاااااام ماجد : هلااااااااافيك .. وشلونك ؟ ساره : بخير وشلونك انت ؟ ماجد : الحمد لله بخير ساره تضحك : ها وشلون العرس ماجد هههههه : توني ما اقدر احكم الحين ساره : وشلون العروس ؟ ماجد يلتف عليها :ابد العروسه بخير ساره :دوم ان شالله ماجد : واياك ان شالله ..يا حلوووه بعد ربع ساعه اشوفك عند اهلي ساره : بتمرهم ؟ ماجد : ايه اكيد بمرهم بسلم عليهم وابغى اشوفك انتي وعيالك معهم ساره : ابشر ان شالله ماجد : يالله سلام ساره : سلام سكر الخط التفت للعنود وابتسم : هذي اختي ساره العنود : متزوجه ؟ مااجد : ايه وعندها هنوف 14 سنه و عبدالله 10 سنوات وماجد 4سنوات العنود : ماشالله .. الصغير مسمينه عليك؟ ماجدرافع حاجبه : ايه .. وليه ماتنطقين اسمه ؟ العنود : عادي قلتها كذا وتحرك كتوفها ماجد : محد قد قالك انك عنيده العنود تضحك واشرت براسها بالايجاب ماجد مع صوت ضحكتها الهاديه وصوتها المبحوح سرح فيه قطع عليهم رن الجوال ماجد : الوووو .....: السلام عليكم ماجد: هلااااا وغلاااااا وعليكم السلام ...: ههههههههه احلى النفسيه مع العرس عاليه ماجد: اذكر الله بعد اخااف تصكني عين وانا توني ماتهنيت ....: اي توك امس واليوم ما اكفاك ماجد :ههههههههه لا ما اكفاني ...: وينكم يقولون انكم بتجون ولا شفناكم ماجد : في الطريق ...: حياكم الله ماجد : ابقاكم الله وسكر الخط التفت لها وقال هذا خالد العنود: خالد اخوي ؟؟ ماجد ابتسم : لا اخوي انا العنود حركت راسها ــــــــــــــــــــــــــــــــــ في بيت ابو ماجد نوف : خاله اقولك بالطريق جايين جواهر: طيب ما عليك شوفي سوي اللي اقولك عليه نوف : ابشري جواهر : ........... فهمتي ؟ نوف : ايه فهمت جواهر: ولاطلعو دقي علي نوف : خاله ماراح تجين جواهر: وين اجي ... خليني هنا احسن عن القرويه اللي جابتها عهودوه نوف : خلاص ..باي جواهر : باي ـــــــــــــــــــــــ وصل عند الباب الكبير ودخل سيارته للحوش ماجد : العنود العنود : هلا ماجد : شفتي هذا البيت هذا بيتنا العنود فتحت فمها من الفخاامه الخاارجيه للبيت غير الحوش الكبير وقالت : هذا بعد نفس التصميم بيت اخوك هذا صح ؟؟<<لان البيتين بنفس السور ماجد : لا هذا بيت اهلي ..وخالد وتركي ماتزوجو العنود : الله يوفقهم ماجد : وانا العنود ابتسمت : الله يوفقك نزلو واتجهو لبيت اهل ماجد طلعت لهم عهود تمشي بسرعه عهود : ياهلاااااااا والله بالمعاريس مااجد : هلااااااا بك عهود : شلونكم ماجد : انا تمام والتفت للعنود العنود : بخير جعلتس به عهود : الله يسلمكم دوم ان شالله ... يالله تعالو والا بيلعن خيري خالد اني اخرتكم ماجد خخخخخخخ : بقوله انك تبين تطولين برى بس انا رفضت عهود شهقت ودقة صدرها : يالنصاااااااب ضحكو على ردت فعلها ودخلو ماجد : السلاااااااام عليكم الكل : وعليكم السلام .. ودخل جهت ابوه يسلم عليه وبعده امه وخواته واخوانه العنود : راحت لابوه وصافحته <ماتعودت عليه وراحت لامه وسلمت عليها وعلى بناتها وجلسوا الا بدخلت نوف عليهم نوف تطالع في ماجد وتطالع باللي جنب عهود ماجد : نوف ماراح تسلمين ؟ نوف : راحت له وهي ساكته العنود وقفت حتى تسلم على نوف لكن نوف راحت وجلست عند تركي العنود في وضع لاتحسد عليه فشلتها قدام الكل خالد يحاول يمشي الوضع خالد : اقول مجوووووود واشوفك سحبت علينا من امس ما ازعجتني يضحك ماجد : وش ابي فيك حتى ادق عليك من زين سوالفك هههههههههههه خالد : افاااااااااااا الحين من زين سوالفي هين الوعد قدام ههههههه ام ماجد بقهر: هو نسانا كلنا ياخالد وقفت عليك انت!!؟؟ خالد : يمه الله يهديك وش هالكلام ؟ ام ماجد : وانا ماقلت الا الصدق .. من امس مارفع السماعه علي هذا وهي توهااول يوم كذا اجل بعد شهر وش بيصير !! العنود اللي اصيبت بصدمه اذهلتها ..الحين امه زعلانه عليه مني ؟ ياربي وش هالورطه اللي دخلت نفسي فيها دق جوالها العنود : الووو ريم : السلام عليكم العنود وعليكم السلام ريم : وشلونتس ؟ العنود الحمدلله ريم : عندتس احد؟ العنود : ايه ريم :اجل يالله مع السلامه العنود : مع السلامه سكرت الخط والتفت لماجد اللي كان يراقبها ساره : ماجد انت قايل لهم بتجي ؟ ماجد : ايه ساره : اجل وين قهوتهم ووين حلويات ماشفنا شىء مها : ساره ماتلاحظين انك منتفخه هاليومين ؟ <<تستهبل ساره ترمش بسرعه : احم احم مو وقته لاتفشليني مها : ماعليه رجلك مهوب فيه ساره : بس بيوصله العلم وتأشر بحاجبها على ولدها ماجد مها : طيب لاجت الحلويات لا تبلعين فيها مراعات لجسمك اللي يرحم <<جسم ساره حلووو ومحافظه على شكلها ورشاقتها ساره : مها حبيبتي انتي شاريه شىء من حلالك مها ببرأه : لا ساره : اجل اسكتي خالد : لقطي لقطي مها : هه هه هه جت القهوه وقامت نوف تصبها صبت للكل ماعدا العنود عهود ماجد اللي لاحظو نوف وهي تعدي من قدام العنود وتعطيه لهنوف (بنت ساره ) عهود كانت بتقوم بس مسكتها العنود : عهود انا ما اشرب القهوه ارتاحي عهود :لا انا مرتاحه وبجيب الحين لك العنود : عهود انا ما اشربها عند رجال مهما كانوا وما اقدر ارفع برقعي كل شوي عيـب عهود : خلاص اجل تعالي داخل نتقهوى العنود : لاالله يرحم والديك خلينا هنا ام ماجد اللي مريخه اذنها وتسمع وش يدور : تصدقون سمعت بمفرقت الجماعات ولا شفتها الا اليوم !! العنود اللي انصدمت من قوة الكلمه وماحست بنفسها الا تناظر جهت ماجد اللي فاتح فمه من جرئة امه ابو ماجد اللي كان في بداية الجلسه ملتزم الصمت قرر يتكلم : انتي الحين اكتشفتي هالشىء ؟ انا مكتشفه من فوق 30 سنه ام ماجد بغيض: وش تقصد يامحمد ؟ ابو ماجد : اللي فهمتيه و(اشر بيده ) اقصري الشر يامره سامعه وانتي مثلها <<وكان يأشر على نوف التفت على ماجد وقاله : ماجد خذ اهلك يالله روحو الله يسهل عليكم واتصلو علينا لا وصلتو بالسلامه ان شالله قام ماجد وسلم على ابوه وامه وخواته وهنوف ويوم جت نوف صد عنها وسلم على تركي والعنود : سلمت على عهود ومها وساره وهنوف وعيال ساره عبدالله وماجد الصغير وام ماجد اللي ماقامت لها واضطرت تدنق لها و سلمت على ابو ماجد والعيال وطلعو ركبوا سيارت ماجد وكان معهم خالد اللي بيرجع بسيارة ماجد للبيت جلسو بالسياره ماجد يسوق وخالد جنبه والعنود بالكرسي اللي خلف ماجد ماجد وخالد مندمجين بالسوالف والعنود عيونها متجمعه فيها دموع من كلام ام ماجد اللي ماتقدر تفتح فمها عندهم واللي ماخفى على ماجد هالدموع اللي عكستها له المرايه الاماميه لسياره وصلو المطار نزلو خالد كان بينزل لكن ماجد رفض لانهم بيطولون وباقي على الرحله اكثر من ساعتين وانه يبي يتفرد بزوجته وخالد بيكون العذول بينهم <<طبعآ هذا كلام ماجد لخالد بمزح لكن ماجد كان يبغى يهدي وضع العنود بعد اللي شافه حطوالشنط على العربانه ووطلب من عامل يدفها ويلحقهم بها ماجد مسك العنود بيدها: يالله ندخل للكوفي ننتظر لين يعلنون عن رحلتنا العنود حركت راسها بالموافقه دخلو للكوافي وحاسب العامل واخذو العربانه عندهم ماجد : العنود العنود مقدمه الغطاء على عيونها حتى مايشوف عيونها :هلاا ماجد : انا عارف انك متضايقه من كلام امي وحركة نوف اليوم لك ونزل راسه مايدري وش يقول لها .. العنود : اكذب عليك لو قلت ماضايقتني امك بكلمتها موضايقتني الا جرحتني كلمتها قويه بحقي لكن عهود وساره ومها وابوك حسسوني بوقفتهم معي ماجد يحاول يخفف الوتر بمزح: وانا مالاحظتي من جهتي شىء العنود : لاحظت بس انت لو دافعت عني بتضايق منك لانها امك واكيد انها تقول هالكلام من حبها لك وغيرتها عليك ماجد رفع راسه وابتسم : الحمدلله انك لاحظتي ــــــــــــــــــــــــــ نوف : الوووووو جواهر: الوووو نوف : هلااااا خالتي جواهر : هلااااااا نيوفه نوف : خاله سويت اللي قلتي عليه بس ماقدرت اكمل جواهر بعصبيه : لييييييييه انا كنت عارفه انك ماتنفعين بشىء نوف : عمتي عهود ماخلتني اسوي شىء من اول حركه قالت هين شغلك لاطلعوا ولما طنشتها بالقهوه عمي خالد نظراته لي تحسين وده يقتلي ! حتى ابوي محمد هددني قدامها وخفت منهم جواهر تقهرها : اصلن انتي خوافه وماتنفعين خلها تاخذ ماجد منك احسن نوف بضعف : والله ياخالتي لوتشوفين وشلون يتطاير من عيون عمي خالد كان سويتي مثلي جوهره : يخسى خويلد ..هذا اللي ناقص نوف وهي منقهره : وازيدك ياخالتي عمي ماجد ما سلم علي يوم جو يوادعونا سلم عليهم كلهم الا انا سحب علي ياخاله <<وبكت جواهر : نوفه وش يبكيك عشانه ماسلم عليك اوعدك يانوفه اطير القرويه منه واخليه يرجع لك انتي دلوعته نوف : خلااااص ياخاله مافيه امل بعد اللي شفته طابت نفسي جواهر : وش شفتي نوف بضيق : ياخاله طول قعدتنا وعينه عليها مانزلها ويوم قامت امي تقول كلام فيها شفت بعيونه نظرت خوف عليها لاتضايق جواهر : ليه عمتي وش قالت ..يالبى والله قلبها عمتي نوف : اممممممم تقول انها مفرقت الجماعات وشىء زي كذا جوهره خخخخخخخخخ : ياحلوك ياعمتي اجل مفرقت الجماعات تعرف والله تحكي وتدق بالكلام نوف :ايه بس جت على راسها بالاخير ونالني من الحب جانب على قولتهم اقصد من السب جانب جواهر: ليه وش صار ؟ نوف :ابد بأختصار غسل شراعي انا واهي ابوي محمد جواهر : اوووووووف هذا البلا ابوك محمد ساكت ولاحكى ياويل من يعارضه نوف : كأنك معنا اليوم ساكت ولاحكي الا بزفتنا انا وامي جواهر : اقول نوفه جاني خط يالله واوعدك اطيرها بعد ماتجي بااااي نوف : باااي ـــــــــــــــــــــــــ ام خالد : ريم ريم : لبيه ام خالد : لبيتي في بيت الله حاجه ..ماكلمتس العنود هالعصر؟ ريم : الا يمه انا كلمتها وكانت مع رجلها وسكرت استحيت اسولف عليها ام خالد :انا مدري ليه قلبي قارصني عليها ريم : لاحول واقوة الابالله يمه كلمتها صوتها زين مافيه شىء ليه تحبين تضايقين عمرتس يمكن لانها اول مره تروح بدونتس ام خالد : هي قالت بدق عليك قبل لا اسافر والحين موعد رحلتهم ولا دقت ريم : يمه العنود تستحي ويمكن استحت تدق قدام رجلها ام خالد : الله يعين مدري ذا البنت وشلون بتعيش على هالحياء ريم : الحياء يزين البنت ام خالد : يزينها ايه بس بعض الاحيان ينوخذ حقها ومن الحياء ماتقدر ترده ريم : عنوده ماينخاف عليها ام خالد : الله يوفقها ريم : امين ــــــــــــــــــــــــــــــــــ في المطار اعلن رحلتهم المتوجه للبنان قام ماجد واشار الى احد عمال المطار يدف الشنط معهم مسك يدها اخذها لقسم الجوزات ...بعد ما قامو بالاجرائات واركبو الطياره وجلسو بالكراسي العنود : ماجد ماجد : هلاا العنود : ممكن اكلم امي؟ ماجد :الحين ممنوع ! العنود بصوت مبحوح : ااا خلاص ماجد تضايق لانها اول طلب : ارسلي الحين مسج انك بالطياره وماتقدرين تدقين ولا وصلنا هناك دقي عليهم منها تسمعين صوتهم ومنها تبلغينهم بوصولك العنود بصوت واطي : ان شالله .. مسكت الجوال وارسلت بسرعه لراكان وقالت فيه يبلغ امها عن الرساله الحين ــــــــــــــــــــ راكان في المجلس مع ابوه واخوانه وعيال عمانه خالد : اقول انت متى ناوي تفتح المشروع راكان : ياحبيبي وانت تبيني ادفع واحط كل دراهمي وحضرتك تجي نهاية كل شهر عطني الربح ؟؟ سعود خخخخخخخخخخخخ: راكان تحلم تحلم خالد يطلع قرش يا اخي هذا صويلح رقم 2 من البخل خخخخخخخخخخخخ(صويلح رجل بخييييل مايطلع الريال من شدة بخله) خالد : الله واكبر ياالكريم !! سعود يحرك ثوب احم احم انا اكرم منك يا صويلح هع خالد : وش مقياس الكرم عندك يا اخ سعود سعود: متى اخر مره عزمت الرياجيل على عشى يالقعيطي <<معناها بخيل خالد : مافيه مناسبه حتى اعزمهم والا بس فسقه عشان يقولون كريم عبدالله خخخخخخ: خالد الحين الخروف ب1000 ريال وصغير يعني قهر ادفع الف عشان يقولون كريم صح ياخالد خخخخخخخخخخخخخخخخ راكان حلوووووووووووو ه عبدالله خالد : حمدلله خبل والامهبول ادفع 1000 ريال على بطونهم <<يستهبل عبدالله : انا ادري ابو خالد يقاطعهم : اقول عبدالله شفت حصان حمدان ببيعه ؟؟ عبدالله : ايه مهبول حاده ب270 الف والله لو هو ارض !! ابو خالد :صدز عاد ؟!! عبدالله : والله هذا وهو مصاب حاده بها القيمه ابو خالد :الله يهديه ـــــــــــــــــــــــــ بالطياره المتجهه للبنان مرالمضيف عليهم السلام عليكم ماجد : عليكم السلام المضيف :محتاجين شىء اجيبه لكم ماجد : لا شكرآ راح المضيف ماجد : العنود العنود : هلا ماجد : نميتي ؟ العنود : لا ! ماجد : طيب تبغين تشربين شىء العنود : لاتسلم ماجد : الله يسلمك بعد مرور نصف ساعه اعلن الكابتن عن قرب وصولها لمطار بيروت وطالب بربط الاحزمه ربطو الاحزمه ..وهبطت الطائر في مطار بيروت ونزل الركاب من الطائره واتجهوا للمطار ماجد والعنود خذو العفش وخذو ليموزين واتجهو للفندق اللي حجزه ماجد من قبل |
نزلو عند الفندق ودخلو اللوبي وطلبو من عامل يحمل العفش لسويتهم اللي كان مكون
من صاله وغرفه ودورة مياه واوفيس صغير فتحوا الباب (شافت الصاله واسعه ولون الجدران بيج فاتح والكنب مشجر بين البيج والبني والذهبي وطاوله كبيره بالنص من زجاج اطرافها خشب بنتي في وسط الزجاج كرستالات وورد مجفف منثوره داخله ..وعلى طرف تلفزيون كبير نوعآ ما مثبت بالجدار وتحته قطعة خشب مثبته بالجدار ومحطوط عليها رسيفر وخلف الكنب نافذه كبيـــــــــره مطله على الشارع ومن الجهه الثانيه اوفيس اللي مفتوح على الصاله وخلفه ممر موصل لغرفة النوم المتوسطه عليها مفرش فخم عنابي وفيه رسومات خفيفه باللون البيج العنود اصيب بالذهول من الذوق في الفندق ماجد دخل العفشه عليها بالغرفه بعد ماحاسب العامل ماجد : ها ان شالله اعجبك العنود : ايه ذوق ابتسم ماجد : اكيد ذوقي انا <<يستهبل العنود هههههه ماجد وش اللي يضحك ؟ العنود : امممم ولا شىء <<استحت تقوله خراط بوجهه ماجد : طيب بأخذ شور على بال ماترتبين شنطك العنود : ليه وشنطك ؟ ماجد : انا بسويهم بنفسي متعود اسوي شنطي بالحالي العنود : على راحتك رفع شنطته وحطها على طرف السرير وحط شنطتها جنبها هي وقف تنتظره يأخذ اغراضه ماجد : وش فيك ماترتبين ملابسك ؟؟ العنود مرتبكه : ااااااا انتظرك تاخذ اغراضك حتى ارتب اغراضي ماجد :ماراح اطلع لين ترتبين اغراض * وش بيسوون نوف وجواهر ؟ * ام ماجد بتحسن علاقتها مع العنود؟ البارت السادس ــــــــــــــــــــــــــــــــــــــــ العنود انصدمت خير هذا يبي افتح شنطتي ويشوف ملابسي وانا اصفهم بالدرج والله اللزقه ماجد حس انه احرجها خذا فوطته وطلع .. رجع فتح الباب ارتبكت لانها فتحت الشنطه ماجد : عنود حبيت اذكرك اني زوجك يعني ماله داعي الحيااء هذا وسكر الباب وراه العنود وجها انصبغ بأحمر يااافضحي يعني عرف ليش مافتحت الشنطه وين اودي وجهي منه ورتبت ملابسها بشكل سريع حتى مايدخل عليها وهي تصفهم وطلعت فوطتها حقت الشعر وفوطت الجسم وبنطلون اسود وبلوزه حمراء علاق وفيها رسمه على شكل معين جهت البكن بالكرستال الاسود وطلعت ساعه جلد اسود من قوتشي مرصعه بالالماس وحلق ذهب ابيض صغير مع تعليقته نااعمه سلسله رقيقه وفيها حلقه مدوره بوسطها قلب حولينا فصوص من الفضه دخل ماجد بعد ماتحمم وكان لاف فوطه على وسطه والفوطه الثاني على كتوفه وينشفه شعره بطرفها خذت العنود ملابسها وجت بتطلع ماجد : العنود العنود : هلااا ماجد : بتلبسين بالحمام !! العنود نزلت راسها منحرجه من سؤال (ياربي هذا وش يحس به ): ايه ماجد : ليه خوذ الفوط والبسي هنا انا بروح لصاله بعد ما البس حتى اسئلهم عن القبله واطلب لنا عشاء خوذي راحتك العنود : ان شالله ودخلت تحمم ولما جت بتطلع استحت يشوفها بالفوطه قعدت تطل مع فتحت الباب لايشوفها ولما ماشفت رجله ممدوده عند التلفزيون طلعت قبل لايحس فيها وقفلت على نفسها الغرفه وقعدت تلبس شوي واندق عليها الباب ماجد العنود العنود : هلا ماجد : افتحي العنود :لحظه راحت تعدل وجها بسرعه كحل وسط العين وقلوس ومسكرا وفتحت الباب ماجد : خوذي الجوال دقي على اهلك بلغيهم انا وصلنا العنود : ان شالله ــــــــــــــــــــ رن جوالها ام خالد : الوووو العنود : هلاااااا يمه ام خالد : هلاااااا عنوووده وشلونتس يمه ؟ العنود : بخير يمه انتي وشلونتس وشلون ابوي والعيال وريم ووجود وليان ونيوفي ام خالد وصوتها مخنوق بالعبره : بخير انتي بشريني عنتس يابنتي العنود ودموعها تنزل :مشتاااااااااقه يمه لكم ام خالد : وانا والله مشتاقه لتس بس يابنتي هذي سنة الحياه العنود : يمه وين اخواني وابوي مااسم لهم حس عندتس ؟ ام خالد : ايه كلهم في المجلس تحت وانا رقيت ادور لابوتس ورقة الفاتوره بيسددها العنود : اها اجل سلمي عليهم وان شالله ادق عليهم ام خالد : الله يسلمتس ماوصيتس يمه على رجلتس تراه جنة ونارتس يابنتي العنود : ابشري يمه ام خالد : الله يحفظك مع السلامه العنود : والله يحفظك مع السلامه سكت العنود الخط وماتحملت قعدت تبكي اشتاقت لهم مشتااقه لاهلها اول مره تبعد عنهم اول مره تنام بعيد عنهم ماجد استغرب كل هذا كلام على الجوال ! هذا وهي توها تاركتهم امس !وقام يشوفها شافه حاطه وجهها على المخده وتبكي بصوت واطي تضايق من شكلها كسرت خاطره دق عليها الباب رفعت راسها : هلااا ماجد دخل وجلس جنبها مسك يدها وبيده الثانيه رفع راسها حاولت تقوام لايشوف عيونها وخشمها الاحمر بس ماقدرت حط عينه بعينها : انا عارف انك مشتاقه لاهلك وحاس بمشاعرك لكن هذي الدنيا لكن او عدك متى مابغيتي اهلك ويديتك لهم بس الحين لاتضايقن عمرك (وبداء يمسح دموعها اللي تنزل بيده ) هذي ايام شهر العسل وانا ماراح اقولك احلى ايامنا لان ايامنا الجايه ان شالله كلها بتكون حلوووه وابتسم ردت له الابتسامه وحركة راسها بالايجاب حط يده من ورا ظهرها وقال :يالله قومي نتعشاء تراني ميت من الجوع قامت معه ولما وصل الباب رجعت قالت : ااا ماجد وين القبله بصلي ؟ علمها اتجاه القبله وصلت وراحت له وحطو العشاء وقام يسولف لها عن حياته وشغله ويعلق على مقالبه هو الشباب وقدر ينسيها البكاء وشافها تتجاوب معه في تعليقاته وضحك وتعلق عليه بأشياء بسيطه قدر يكسر الحاجز اللي بينهم وهذا اللي كان شاغله ـــــــــــــــــــــ في اليوم الثاني صحت وخذت شاور واخذت جوالها ودقت على امها ام خالد : الووو العنود : السلام عليكم ام خالد : هلاااا وعليكم السلام العنود : وشلونكم ؟ ام خالد : طيبين نسئل عنك وشلونتس ؟ العنود : الحمدلله بخير ام خالد يستحق الحمد ..وشلون رجلتس ؟ العنود: الحمدلله طيب ام خالد : الحمدلله العنود سمعت صوت فتحت الباب : يمه ماجد قام سلمي على ابوي وعليهم كلهم ام خالد : الله يسلمك وسلمي على رجلتس العنود : الله يسلمك يبلغ ..مع السلامه ام خالد :مع السلامه سكرت الخط وراحت للغرفه بعد ما شافته دخل ياخذ شاور رتبت السرير و اشعلت الفواحه وفتحت الستاير وطلعت وعند الباب لقت بيدخل ابعد عنه ماجد : صباح الخير العنود : صباح النور ماجد : يالله اجهزيه بنطلع نفطر ونتمشى برى العنود : ان شالله ـــــــــــــــــــــــــ ام ماجد : هلااا بحبية قلبي وشلونك يمه جوهره : بخير ياعمه وشلونك انتي ؟ ام ماجد : بخير يوم شفتك جوهر: الله يسلمك ياعمتي ..تصدقين من يوم زواج ماجد وانا ابيك بس ماقدرت الا اليوم ام ماجد: ليه خير عسى ماشر يمه جوهره : عمه وش هالنسب يفشل قسم بالله يسئلوني وين زواج ولد عمتك الدكتور وانا مدري وش ارد وش اقول ..واللي تسئلني تقول اكيييد المزيون مايااخذ الا مزيونه مرته اكيد دكتوره مثله !! والله يعمه فهيت بينهم .. اقولهم ولد عمتي الدكتور ماخذ قرويه وشهادتها ثنويه ولا مافيها من الزين شىء سمراء وقرويه ولبس يفشل والعرس في حوش مثل الغنم !! ام ماجد اللي متضاايقه من البدايه من هالزواج ومعتبرته نزوه وتنتهي ام ماجد : جوهره يابنتي انتي عارفه ان هالزواج انا مو راضيه عليه من الاساس وانا ما ابي غيرك لولدي ماجد وانتي عارفه من يوم كنتو صغار وانا اقول ماجد لجوهره وجوهره لماجد وان شالله ماتطول عنده اكثر من شهور وطلاقها على يدي بس انتي اصبري جوهره : ياعمه انا ماجد خلاص شلته من بالي وماراح انتظره اول كن ارفض مثل ماتعرفين لاني له وهو لي على كلامكم لكن يوم خذا غيري تقاطعها ام ماجد :لالايابنتي انتي له وهو لك بس انتي اسمعي شوري جوهره (وهذا هو اللي تبيه): ان شالله ــــــــــــــــــــــ مرت الايام بسرررررعه على البعض وبطيئه على البعض الاخر واليوم موعد رجوع ماجد والعنود خالد :هابشرو عسى ان بسطتوا ماجد : ايه الحمد لله خالد: اجل تنصحني اعرس خخخخخخخ ماجد : شد حيلك واعرس خالد خخخخ : لا بنشدك بعد سنه وابيك تجاوب نفس الاجابه ماجد : ان شالله بجاوب نفسها خالد : العنود العنود : سم خالد : سم الله عدوك ... وشلون اخوي معك العنود استحت من سؤاله : ماعليه خالد :لو تشوفون البيت منقلب فوق تحت قول جايهم شخصيه هامه ماجد يطق خالد بكتفه : ليه ماملينا عينك ؟ خالد خخخخخخخ : انت لو شفت اللي انا شفته ما لمتني ماجد : ليه وش شفت خالدرافع حاجبه : ليه تبي عهود تكفخني ماجد خخخخخخخخ : اصلن بكلمها الحين واقولها وش هالحركات خالد شهق :هي انت تبيها تطردني اليوم وانام بالشارع خخخخخخخ وصلو البيت ونزلوو وسلمو على الموجودين ماعدا نوف ماسلموا عليها ماجد مر من جنبها ولا سلم عليها وهي جلست قبل ماتجيها العنود بعد السلام والترحيب وبعد ماتعشوا وراحوا الضيوف عنهم استأذنت العنود منهم تطلع ترتب شنطهم وتراح شوي وراحت لغرفتها لحقتها عهود عهود : عنوده العنود: هلااا عهود : بروح معك العنود : حياتس الله عهود: الله يحييك ..وقال لشغالات يرتبون الملابس بالدروج وعهود جلست وسط السرير العنود خذت فواحات واشعلتهن وحطتهم في الغرفه عهود : اووووووه راح اخوي فيها العنود : وش اخوك بسم الله عليه <<ماتدري وش السالفه دايخه من السفر عهود : رجلك العنود : رجلي وش فيه ؟ عهود : لا الظاهر مطولين على هالتناحه العنود ههههههه : لا انا متنحه دايمآ عهود: اجل الله يبشرك بالخير العنود : ليه عهود : لاني ورطت اخوي بوحده متنحه هههههههههه العنود مسكتها من بلوزتها : يالله قومي تقلعي بعد في حجرتي وتسبيني هههههههه عهود : اقول عنوده انبسطتوا بالسفره العنود : ايه الحمدلله مانقعد كل شوي طالعين نتمشى عهود : الحمدلله احلى مافي السفر التمشيات العنود : ايه صح .. دق الباب العنود : من ؟ ساره ومها : ندخل ضحكت ..تستذنون بالدخول على محلكم !!!!!!هذا مكانكم متى مابغيتو حياكم لكن لو كنت لحال اما مع رجلي لا هههههههههههههه<<تستهبل عهود :اصلن انا لاجاء اخوي بكون معه العنود : ابي اعرف امك متوحمه فيه على صمغ !! هههههههههههههههههههه ساره : ماخلصتوا ترتيب ؟ العنود : باقي اشياء بسيطه ارتبها بنفسي ماجد دخل عليهم :احم احم ماتلاحظون انكم لزقو بغرفتي وعند مرتي ؟ مها : خلاص بنطلع من غرفتك وبناخذ حرمتك <تحرك حواجبها عهود : صح تعجبيني مهاوي اول مره تشغلين مخك مها : ليه اول كان طافي !!<<تطنز ساره : اقول ماجد بكره العشاء عندنا عزمكم ابو عبدالله ماجد : لا بكره عندي مشوار ساره : وين توك واصل اليوم عهود : مسرع امداك حتى يصير عندك مشاوير ماجد : ايه بس بكره بودي العنود لاهلها تشوفهم العنود بفرحه : صدز بكره ماجد : ايه صدز بكره <<يقلدها ... ماتلاحظون اني عطيتكم وجه يالله لقوني عرض اكتافكم ابي انام من التعب عهود: خلاص بنطلع وناخذ عنوده معنا ماجد : لا عهود بدلع : ماجد تكفى ماجد : لا يعني لا .. وراح لكرسي وجلسه عليه وصار يفسخ شماغه وجزمته وجواربه ..العنود طلعي لي ملابس بأخذ شور العنود : ان شالله البنات طلعوا العنود جهزت له ملابسه وحطتهم على طرف السرير وراحت تطلع ملابسها حتى تاخذ شور بعد مايطلع وخذ جوالها ودقت على امها ام خالد :الوووو العنود : السلام عليكم ام خالد : عليكم السلام ياهلااااااااا العنود : هلا فيتس وشلونتس يمه ام خالد : بخير جعلتس به وشلونتس وشلون رجلتس العنود : الحمدلله كلنا طيبين ام خالد : ما مليتو من السفر خلصونا ماصارت العنودههههه : ليه يمه مشتاقه لي والا غيرانه ام خالد : لامانيب مشتاقه لتس <<تكابر العنود : ايه صدقتس بالحييييل ام خالد : متى عاد اخلصوا العنود ههههههههه : خلاص بكره ان شالله وانا عندتس ام خالد بفرحه : صدز ؟ العنود : ايه صدز ..سمعت صوت ماجد : مع مين تحكي ؟ العنود : مع امي ماجد ابتسم : سلمي على عمتي العنود ترد الابتسامه: الله يسلمك ..يمه ماجد يسلم عليتس ام خالد : الله يسلمك واياه من كل شر يالله يمتس مع السلامه العنود : مع السلامه خذت ملابسه ودخلت تاخذ شور ..شوي وطلعت كانت لابسه بجامه بيضاء حرير فيها ورود زهريه متوسطه الحجم وفاكه شعر المبلل بعد ما مشطته بالحمام العنود : ما نمت ؟ ماجد : انتظرك العنود وجها احمر : ليه فيك شىء ؟ ماجد : بس بسولف معتس شوي العنود ابتسمة وجلس جنب على السرير وماجد ط راسه على رجولها : عنوده انتي مبسوطه معي ؟ العنود : ليه تسئل ؟ ماجد : جاوبيني العنود : ايه مبسوطه معك .. وحطت يدها على شعره وصارت تحركه ...تدري ماجد احسك قريب من خواتك واحس الاخ لما يكون قريب من اخته يكون مهتم فيها بطريقه صح مو مثل اغلب الشباب اللي من يكبر يصدر اوامره يعني متسلط تحت مسمى الرجوله ماجد : ايه هن قريبات مني بس هذا بعد وفات اخوي فهد الله يرحمه العنود بخوف : انت لك اخو متوفي ؟ ماجد تنهد : ايه ابو نوف العنود :يعني نوف مو اختك؟؟<<بذهول ماجد :لا بنت اخوي يوم كان عمرها 3 سنوات راح ابوها وامها يشترون اثاث جديد لبيتهم وصار لهم حادث و توفو العنود : الله يرحمهم وهذا حال الدنيا ..اهاا عشان كذا نوف متعلقه فيك لانها تعتبرك ابوها صح ؟ ماجد : مدري عنها يمكن لاني كنت البي كل طلباتها العنود : كــــــنت ليه لاتكون تغيرت !! ماجد : لا ماتغيرت بس هي اللي اعتبرتني من ممتلكاتها العنود : ماجد البنت تكون قريبه من ابوها ولما تحس ان فيه احد يشاركه فيه خاصه لما تكون وحيدته تغاار عليه وتبداء تدافع عنه بكل الطرق اللي تخطر على بالها وانت بنتك تغار عليك ولاتنسى انها بسن مراهقه وهذا السن خطير ماجد : يعني وش تبيني اسوي ؟ العنود : مدري عنك بس لاتنسى انها بنتك ولازم تهتم فيها مهما كان وحاول تقربنا من بعض وانا بحاول معك وان شالله اقدر اكسبها ماجد ابتسم : لو اقولك ان النوم مجافيني لاني افكر بنوف والحين ارتحت العنود ترد الابتسامه : وماكنت ناوي تعلمني تحط بينا اسرار يعني <<وتميل راسها على جنب ماجد : لا مو كذا بس ما ابغاك تشيلين على نوف العنود : نوف مثلها مثل وجود عندي وصغيره ما ينزعل منها ماجد : الله يريحك بالك العنود : امين ويريح بالك العنود صحت خذت شاور وبدلت لبست تنوره سماويه وبلوزه ليمونيه واخذ شرشف (جلال سماوي )وحطته على الكوميدينا جت عند ما جد : ماجد ماجد :... حطت يدها على ظهره :ماجد ماجد : امممم االعنود : قوم تاخرت بالنوم ماجد : كم الساعه <<وهو مسكر عيونه العنود : تسع ونص ماجد : خليني انام لين 10 العنود: خلاص انا بنزل تحت واكلم البنات ماجد: لا اقعدي هنا العنود : طيب قوم والا رحت ماجد :طيب شوي قامت مسكها وين ؟ العنود : قلت لك بروح للبنات ماجد : وان وش قلت ؟ العنود : يالله اجل ادخل غسل على ما اجهز لك لبسك قام وخذا فوطته ودخل ياخذ شور طلع ولبس ونزلو سوى راح لصاله حقت بيت ابوماجد وافطرو كلهم سوى عدا العنود اللي رفضت تفطر بحجة انها مو مشتهيه وهي طاقها الجوع بس مستحيه من ابو زوجها استأذنت منهم وطلعت لبيتها تدور شىء تاكله قبل لايجي ماجدبعد صلاة الظهر طلعت من غرفتها اتصلت البنات وقالت يهم يجون عندها بالصاله وراحت للمطبخ تشوف وش فيه تحط لهم دخلو عليها مها وعهود بأبتسامه : السلااااااام عليكم العنود تردلها الابتسامه :وعليكم السلاااام ..شلونكم ؟ عهود : بخير ..مها تمام العنود : دوم ان شالله .. ليه ماجبتو نوفه معكم عهود : ماتبي خليها وش تبين فيها العنود : حرام عليك توها صغيره وبسن مراهقه ..هي معها جوال ؟ عهود: ايه ..ليه ؟ العنود : عطيني اياه عهود: وش تبين فيها تبين تفشلين عمرك ؟ العنود : عطيني وماعليك مني عهود : على راحتك رقمها ********* نوف : الووووو العنود ابعدت عن عهود ومها العنود : السلام عليكم نوف : وعليكم السلام العنود : كيفك نوف ؟ نوف : الحمد لله بخير.. من معي العنود : انا العنو د نوف بأندفاع : خير وش تبين بعد العنود : ابيك تجين عندي البنات كلنا وماناقصنا الا انتي نوف : ما ابي اجي ولاعاد اشوف رقمك في جوالي وسكرت الخط العنود (اهبي يالعوبا محد يتجمل فيها حسبي الله عليها فشلتني ) ورجعت لهم مها عرفت من وجه العنود ان نوف معطتها كلام مو زين عهود : وش ردت عليك الملسونه العنود : رفضت تجي وانا ماغصبتها عهود: قلت لك بس ماطعتيني العنود : وش اسوي ما ابيها تحقد علي وهي توها صغيره عهوود :لاتلومينها يالعنود ماجد كل شىء بالنسبه لها وفجأه لقت وحده تشاركها فيه او بالنسبه لها خذته منها العنود : مالومها لكن ما ابيها تكرهني وتبتعد عن ماجد بسببي مها : خلونا منها توها صغيره ومع الوقت بتعود على الوضع الجديد عهود : عنوده متى بتروحين لاهلك العنود تحرك كتوفها:مدري ليه انتو مانتو رايحين معنا؟ عهود : لا العنود مستغربه : ليه ؟ امي ماكلمتكم ؟ عهود : الا كلمت وابوك بعد كلم بس امي ماراح تروح وبنقعد معها العنود نزلت راسها متضايقه من حركت ام ماجد اللي تقهر مها لاحظت ضيقتها : عنوده مره ثانيه ان شالله تعرفين امي مره كبيره وتعبت من العزيمه اللي امس العنود اكتفت بهز راسها بالايجاب وكملو السوالف عادي ____ صارت الساعه 7 بعد الغرب ماجد :يالله نروح لاهلك ؟ العنود :محد رايح معنا ؟ ماجد : الا ابوي والعيال وامي والبنات العنود : لا خالتي والبنا مو رايحات ماجد: من قال ؟ العنود: البنات قالو لي ماجد : لا بيروحون ابوي قال لهم يروحون ومحد يقدر يعارضه العنود بفرح :صدز ماجد مستغرب : ايه .. ليه كل هالفرحه العنود : ابغى لادخلت لاهلي يكونون معي ابغى الحواجز والرسميات بينهم تخف ما ابغى الرابط بينهم يكون بس انا وانت ماجد ابتسم على تفكيرها : ان شالله يتحقق لك هالشىء العنود : يالله لانتخر عليهم ماجد مسك يد العنود : العنود تحملي امي واسلوبها انا عارف انها اليوم جرحتك بكلامها على الفطور امي قلبها طيب بس تحتاج منك اثبات وصبر العنود تأشر على عيونها : من عيوني وان شالله بحاول اكسبها هي ونوف ماجد :تسلم عيونك ونزلو وراحو لصالة البيت الكبير(بيت ابو ماجد) دخلووو السلااام عليكم وعليكم السلام ماجد : ماخلصتوا ؟ خالد : كلنا خالصين الا امك ام ماجد : انا خالصه بس انتظر حبيبتي تجي ماجد بأبتسامه : حبيبتك ساره تقول مروني لان بيتها بطريقنا ام ماجد : حبيبتي جوهره خالد : من!!!!!!!جوهره خير وش تروح معنا له ؟ ام ماجد : اولآ بتروح معي انا مو معك وبعدين لو ماراحت ما رحت العنود : ياخاله حياها الله جواهر دخلت عليهم وسبقها عطرها الفوااااااح السلام عليكم العنود التفت لصوت اللي سبق وسمعته انذهلت هذي هي اللي .... وامس ماجت بحجة انها مريضه وماتحرك من الفراش وشكلها غير ام ماجد : وعليكم السلاااااام ياهلااااااا والله بالغاليه جواهر بدلع : هلا فيك عمتي ..كيفك ؟ ام ماجد : بخير يوم شفك جواهر: يابعد عمري ياعمتي .. والتفت على ماجد وهي مطلعه نص وجهها بلثمتها الشفافه والميك اب الواضح : كيف ياو لد عمتي ؟ ماجد وهو منزل راسه : طيب ...يالله نمشي خالد : يالله انا بأخذ الحريم معي وانت خذ زوجتك ام ماجد : لاااااا التفتو كلهم عليها .. وكملت : انا وجوهره مع ماجد واذا القرويه بتركب معكم احسن لنا العنود حست ان الدنيا ظلمت بوجها من السب الي تسمعه وسندت يدها على الكنب تحاول تقاوم دوختها اللي جتها بسبب ارتفاع ضغطها من ام ماجد خالد : يمه اركبي انتي معهم لكن جوهره معي انا والبنات ام ماجد :جوهر معي فاهمين او لا ماجد اللي حس الجو تكهرب قطع عليهم : يالله خلصونا خلونا نروح ركب ماجد وجنبه امه وبالكرسي اللي وراه نطت جواهر وخلف ام ماجد العنود وتحركوا مرو على ساره وبلغوا تركي انهم طلعوا متجهين لديره حتى يطلع لهم هو وابوه من عند صديق ابو ماجد اللي رايحين له زياره بالمستشفى واتجهو لديره طول الطريق كانت ام ماجد تسولف على جواهر اللي ابدعت في الدلع والنعومه وريحة عطرها اللي فااااح في السياره ومدح ام ماجد لها ولتصرفاتها اللي كانت تقوم فيها يوم كانوا بشهر العسل العنود اللي ماخفاها هالحركات وش معناها التزمت الصمت وصلو لبيت العنود واسقبلوهم اهلها بترحيب حار وابتسامه وقلطوهم وضيفوهم لدرجة ان الوقت مر بسرررررررعه عليهم لكن على العنود ثقيــــــل وكئيب انكسرت فرحتها بشوفة اهلها بسبب ام زوجها البارت السابع ـــــــــــــــــــــ ام نواف : وش رايتس في بناتنا ؟ ام ماجد : اسئلي رجلها ام نواف :وانتي امه واللي مافيها خير لام رجلها مافيها خير لرجلها العنود اللي حاسه ان ام نواف تصطاد بالمويه العكره :اقول يمه وين عيال خالد ؟ ام خالد : فوق امهم مشغله لليان سبيستون حتى ماتزعجنا واما نيوفي فوق مع الخادمه العنود : اجل بقوم اشوفهم مشتاقه لهم ...وراحت داخل شوي ودق جوال العنود وماكانت فيه لانها خلت شنطتها عند الحريم جواهرقامت لانها اقرب وحده لشنطتها وفتحت شنطة العنود ومن شافته ماجد فرحت من داخلها وسوت نفسها ثقيله : الوووو ماجد : هلااا حبيبي يالله نمشي جواهر حبها برص : ماجد العنود مو هنا ماجد تفاجأ :من انتي ؟ جواهر: انا جواهر ماجد : وين العنود ؟ جواهر : داخل ماجد : طيب لاجت خليها تكلمني بسرعه جواهر : ان شالله سكرت الجوال وقعدت تقلب في الرسايل وتشوفها عهود ومها وساره وام خالد اللي يراقبن الوضع ويغلن من داخل على حركاتها وتفتيشها جوال العنود جت العنود ومعها ريم : السلام عليكم وعليكم السلام العنود اللي انصدمت من جوالها يوم شافته بيد جوهره العنود : جوهره في احد داق على جوالي جواهر :ايه ماجد العنود : طيب ممكن جوالي ؟ جواهر: ايه تفضلي اتصلت العنود بلغها ماجد يطلعون فتحت العنود باب السياره وركبت خلف ماجد ام ماجد : جواهر اركبي قدام جواهر : بس ياعمـــــ ام ماجد : يابنتي انا ابي اتمدد ورا وبح راسي على العنود عهود تدخلت وركبت قدام :مجود بركب معك والا بتطردني بأبتسامه ماجد اللي استانس من اخته اللي انقذت الموقف : حيااااك احسن من اللي ساكته ماتحكي ويرفع المرايه لها <<يقصد العنود ام ماجد : عهودوه طسي مع اخوك خالد عهود: وهذا اخوي ماجد ام ماجد : وين تركب جواهر ياحظي ؟ عهود : تركب مع خالد ام ماجد: انا قلت انا وجواهر سوى عهود : خلاص يمه تبين انزل بنزل بس لاتضايقين ورفعت جوالها ام ماجد : ومن تدقين عليه بعد ؟ عهود : ابي اركب مع ابوي ام ماجد : عهودووووووه ترا مو بصالحك عهود : جيت بركب مع ماجد طردتيني ومع ابو ي تهدديني !!<تستغبي ام ماجد : انطقي لاتروحين لا مع خالد ولاغيره عهود غمرت لماجد وماطاف على العنود الحركه وصار تدعي بقلبها لعهود من ركبو لين وصلو وماجد وعهود سوالف وتعليق على بعض ـــــــ دخل البيت وكان ملاحظ تغيرها من بعد ما امه صرخت عليه عليه وقالت القرويه ماجد : العنود العنود : هلاا ماجد : اسف على اللي قالته امي لك و.. العنود : لاتعتذر انت مالك دخل وخالتي ماعليه مصيري اثبت لها اني مثل بنتها ماجد : الله يقويك العنود : ويقويك ـــــــــ بعد مرور شهرين كانت ايام حلوووووووه على الكل ماعدا ام ماجد وجواهر خلال هالشهرين حاولت طول هالفتره انها تكسب نوف وجدتها لكن الجده ماتلقى منها الا الكلام الجارح والسب خاصه في الاوقات اللي يكونون في اعمالهم وتغط عليها و تحطمها وتهز ثقتها بنفسها نوف كل ما تقربت منها العنود وحست بتقبل نوف لها تهد جواهر كل هذا بأتصال منها او زياره ـــــــــــــ رن التليفوون ليليان (خادمة العنود): الووو ..: الووو ليليان ليليان : ايوه ...: وين ماما العنود ليليان:بابا ماما في غرفه ماجد: ما في فطور ؟ ليليان : لا مافيه ماجد : اوكي باي ليليان :باي في غرفة العنود اللي مصدعه من التفكير بسبب ام ماجد اللي فشلتها عند جاراتهم *ام ماجد كان دور تجميع الجيران عليها وكلمت العنود وقالتلها تسوي حلويات وفطاير للحريم ..العنود فرحت لانها اول مره تطلب منها ام ماجد طلب سوت 3 صواني حلا قهوه ونوعين فطاير ولما جو الحريم قامت عهود والعنود يباشرون عليهن واعجبهم حلااا من الاشكال المووجوده سئلت الجاره : اقول ام ماجد هالحلا يهبل من مسويه ام ماجد : هذا مسويته حبيبتي العنوداستانست من كلام ام ماجد وابتسامه واسعه على شفاتها الجاره : عهود والا العنود والا مها ؟ ام ماجد : اقولك حبيبتي يعني جواهر العنود انصدمت من ام ماجد!! وانقهرت من ابتسامة جواهر اللي حست انها انتصار عليها !! ـــــــــــــــــ قامت بتروح تغسل حتى تصلي صلاة الضحى شافت جوالها ينور رفعت العنود : الووو ماجد :هلااااا حبيبتي وشلون الصداع ؟ العنود : ذابحني ماجد :طيب يالله البسي عباتك وخلي (جوزيف ..السواق)يجيبك المستشفى العنود : ماجد انا متعوووده على هالصداع من قبل يجيني يأخذ كم يوم ويروح ماجد : شوفي بتجين والا اجيك اخذك ؟ العنود : شف خلني لين العصر ان ما خف رحت للمستشفى ماجد : بخليك واشوف اخرت هالصداع العنود : اسفه حبيبي بس ما احب المستشفيات ماجد : خلاص .. يالله يااكلمك بعدين وحط جوالك عام العنود : ان شالله حبيبي ..استودعتك الله اللذي لاتضيع ودائعه وسكرت الخط العنود وش بيطلع لهم سبب الصداع امك اللي كل يوم تسم بدني والا بنت اخوها اللي كل شوي ناطه لنا بلبس الله يسترنا بستره والا خوفي على حياتي اللي مهدده بالفشل وهي في بدايتها ..ااااااااه ياماجد لوتدري اني تعلقت فيك وفرحتي باحلى خبر ناقصه بسبب امك الله يهديها .. ـــــ |
رجع من الدوام صعد الدرج يدورها كالعاده شاف التلفزيون يشتغل وهي متمدده على الكنبه راح لها قرب منها باسها
صحت مفجوعه ..وابتسمت : انت وصلت ؟ ماجد: لا الى الان هههههههه العنود : يالله حبيبي اجهز لك ملابسك وتاخذ شاور قبل الغداء ماجد : اوكي راحت وجهزت ملابسه و نزلت تحت وطلبت من ليليان تجهز الغداء نزل للغدا شافها حاطه يديها على الطاوله ومنزله راسها عليها ماجد : وش فيك ؟ العنود بأبتسامه مسطنعه : ابد سلامتك مافيني شىء انتظرك وخذا صحنه وجلست يتغدا واما هي ماكلت الاشىء خفيف حتى ماتلفت انتباهه لاحظ سرحانها وقلة اكلها وسكت ما يبغى يضغط عليها قاموا من الغدا وغسلو وصعدو الدرج ونزل فجأه العنود :ماجد وش فيك ؟ ماجد : نسيت جوالي على الطاوله العنود : تعال انا بجيبه ماجد: لاخلااص نزلت ..راح لطاوله وحصل جواله خذاه وحطه بجيبه ولف بيطلع سمع ليليان تناديه ليليان : بابا ماجد: نعم ليليان : The lady lost in the awareness of the most usual lately, especially after what has your mother Bahbatha for the women today lost consciousness twice Please, Keep them, they need you in this period. بالعربي. ان السيده تفقد في الاونه الاخيره الوعي بكثره خاصه بعد ما قامت والدتك باحباطها امام النساء فاليوم فقدت الوعي مرتان ارجوك حافظ عليها فهي بحاجتك في هذه الفتره . ماجد : What did her mom get so frustrated??وماذا فعلت امي لها حتى تصاب بالاحباط؟؟ ليليان : I have had your mother Bdaot friends here and asked them to make some sweets and pastries and asked her happy your mother and horses to this opportunity, to prove her love, but it dashed hopes of the spectrum when one of her friends asked for one Alatabqat Of his own making? She said that the baby is received and has commissioned The old lady Anoud joy to the remark, said she Jewels!! It's shocking to everyone and Mazad of the piece is received and winning smile irrepressible lips and your mother and Jewels بالعربي <<لقد قامت والدتك بدعوت صديقاتها الى هنا وطلبت منها صنع بعض من الحلويات والمعجنات واسعدها طلب والدتك وخيل اليها ان هذا فرصه لها كي تثبت لها انها تحبها ولكن خابت امالها وذالك عندما سئلت احد صديقاتها عن احد الاطبقات من صنعه ؟ فقالت ان حبيبتي اللتي قامت بصنعه فأبتسمت السيده العنود فرحه بهذا التصريح فقالت انها جواهر !!صدمها الامر امام الكل ومازاد من ذالك ابتسامة النصر اللتي ارتسمت شفاه والدتك وجواهر ماجد بأندهاش من حركات امه : Well for one Atakbri Booze بالعربي <<حسنآ لاتخبري احدآ بذالك وطلع من المطبخ وصعد لغرفتهم حصلها قاعده على السرير وابتسمت العنود :كل هذا تجيب الجوال ينشك في امرك ماجد بأبتسامه : ايه تعرفين ارد على المعجبات عنود شهقت وتطق صدها : هذا الناقص تكلم نسوان غير محارمك !! ماجد يضحك : طيب والمريضات <<مستانس بالغيره عليه عنود: المريضات كان لهن حركات نص كم جعلهن ما ... ماجديقاطها بس بس لاتدعين عليهن انا اصلن ما افكر فيهن ولا ابيهن كلهن عنوده : اشوى على بالي كان ما اقعد عندك هنا دقيقه ماجد : اووووف ما عندك وقت !! عنود : ايه اجل تبيني اشوفك مع وحده غير ي وافتح لك يديني واقول شبيك لبيك!! ماجد : تغارين علي ؟<<يستهبل عنود : لا ما اغار <<تقهره ــــــــــــــــــ نوف : خالتي ماصارت وش بيني اسوي يعني ؟ جواهر : خلاااص نوف ابيك الحين هاليومين تحاولين تقربين من القرويه نوف بدهشه : وشووو تبيني اتقرب منها اناااا!! جواهر : ايه فتره لين اسوي اللي براسي نوف : وشو اللي براسك جواهر :كل شىء بوقت حلووو بس سوي اللي قلت لك عليه نوف : ان شالله من الحين بسويه جواهر : احسن بعد ــــــــــ العصر دخل من المسجد يناديها العنووووووووود يالعنوووووووود عنوووووده العنود طلعت له بسرعه وقلق : هلاا فيك شىء ماجد : يالله البسي عباتك العنود: ليه وين بتوديني ماجد: اذا بتحققين بيروح علينا الوقت وما طلعنا العنود: خلااص ثواني البس عباتي واجيك راحت بسرعه لغرفة العبي خذت عبايتها وشنطتها وغيرت صندلها ومر على الصاله اللي كانت فيها خذت جوالها وطلعت لقته ينتظرها بالسياره فتحت الباب وركبت سلااام ياحلوووو ماجد : وعليكم السلام ياحلوووووه العنود تضحك : يعني تردها لي ماجد:اممممم وش اسوي اجاملك حتى ماتزعلين العنود : اها يقالك الحين جاملت وزينتها !! ماجد ههههههههه : والله انك بنظري احلى وحده العنود استحت منه وغيرت السالفه: الا وين بنروح؟ ماجد : الحين تشوفين العنود: الاصحيح ليه ماخليتنا ناخذ خالتي والبنات معنا حتى يغيرون جووو ماجد: من قل اني ابيهم العنود فتحت عيونها فيه: فيه احد مايبي اهله ماجد: اقصد هالمشوار ما ابي غيرك فيه العنود بشك : ماجد وين بنروح ؟ ماجد : بنروح للمستشفى العنود بسرعه : ليه ماجد : بشوف راسك وش سالفته العنود بضيق: الحمدلله انا طيبه تكفى ماجد رجعني ماجد : ماقطعت هالدرب عشان ارجع سكتووووووالى وصلو المستشفى حاولت العنود انه يرجعها لكن هو معند الا يتأكد من اللي في باله دخلو للمستشفى واعطوهم الكرت وجلسو في الانتظار العنود بقسم النساء وماجد بقسم الرجال بعد ما مرت ثلث ساعه عليهم سمعت الممرضه تنادي عليها اتصلت فيه وقلت انهم نادوها وبتدخل عليهم وبتعلمه لاطلعت وهو رفض الا يكون معها وقالها انتظريني عند باب غرفت الدكتوره السلام عليكم الدكتوره :وعليكم السلام ماجد : كيفك دكتوره داليا ؟ رفعت راسها من الملف اللي بيدها وتفجأت: اهلن اهلن دكتور ماجد الحمدلله ..كيفك انتا ان شالله منيح ؟ ماجد : الحمدلله منيح والتفت على العنود وقال بس اللي مو منيح زوجتي دكتوره داليا: ليش شوبها ان شالله خير ماجد :يالله قولي وش فيك العنود : ااااا اعاني من صداع مستمر . دكتوره داليا : بس هيك ؟ ماجد يطالعها يبغاها تتكلم بس هي ماتكلمت واكتفت بهز راسها بالايجاب ماجد : ومعها اغماء متكررر وقلة اكل العنود انذهلت منه وش عرفه اكييييد ليلياننوووووه معلمته اوريتس يالاخباريه نزلت راسها منحرجه منه طلبت منها داليا تصعد على السرير للفحص وطلبت منها تحاليل وقالت بعد نص ساعه تطلع النتيجه اذا مستعجلين ماجد:ايه يفضل اعطت الاوراق الممرضه وبلغتها ورحو قسم تحليل الدم .. واخذو تحليل منها وتوجهوا لقسم الانتظار مقابل غرفة التحليل وبعد مرور نص ساعه اخذت الممرضه الورقه وتوجهت فيها لغرفة الدكتوره وبغلتهم انها وصلت الدكتوره الورقه ..طلع ومسكها معه وبلغوا الممرضه انهم يبون يعرفون نتيجة التحليل .. دخلووو عليها السلام عليكم دكتوره دليا بأبتسامه : وعليكم السلام ماجد : بشري دكتوره دليا : الف مبروووك مثل ماتوقعت ماجد والابتسامه شاقه وجهه: الله يبارك فيك خذو العلاج وسمعو التوصيات والعنود ساكته ماجد بضيقه من العنود: العنود انتي متضااايقه انك بتصيرين ام ؟ العنود بسرعه : لا بالعكس فرحانه وهذا الشىء بيقربنا من بعض اكثر بس.. ماجد: بس وشووو العنود :خلااص ولا شىء المهم بتبلغ اهلك بالخبر ماجد مستغرب من حركاتها وقرر يسايرها لين تجي وتعترف بنفسها له :ايه اكيد ببلغهم اكيد بيفرحون لنا العنود :تدري على كثر مافرحت بالخبر خايفه منه ماجد بخوف : ليه العنود: اخاف تسحب علي ههههههه ماجد : انتي الاصل العنود : ياخووفي هههه ــــــــــــــ ام ماجد : اكيد راحت به تبي تشتري لها ولاهلها خلاقين بعد ماذاقت العز مها : لاحول ولاقوة الا بالله ..يمه البنت شايفه خير انت ليه تقولين كذا عنها تراها بحسبت بنتك ام ماجد: تخسي هذا التاقص تساوين روسكم بها عهود: هي زوجت ماجد وام عياله ان شالله ام ماجد: لا ان شالله بيطلقها قبل تجيب من عيال تربطنا بها القراوى وش بيقولون النا س علينا خوال عيال ماجد قراوى !! عهود: اصلن الناس لو تكلموا بتكلمون بغير عنود واهلها ماراح يلقون عليهم شىء واذا بيقولون وش قليلة الادب اللي لثمتها ماتعطي وجها وعباتها مفتوحه وتحتها تنوره قصيره تبين سيقانها لامشت بالشارع !!وعطرها اللي يشمونه من بعد؟؟ ام ماجد: هاللي تكلمين عنها القرويه ماتسوى اظفرها !! عهود : القرويه على قولتك حشمت نفسها واهلها وزوجها واهلها لكن غيرها ضاربه باهلها والسمعه بالجدار والله لاحشمت لانفسها ولا اهلها ولا خافت من ربها ام ماجد: اقول اسكتي غاسله عقولكم القرويه عهود:قصدك كسبتنا دخل عليهم ماجد بها اللحظه والابتسامه على وجهه السلام عليكم وعليكم السلام عهوووووود : وش سر الابتسااااامه مجووووود ماجد: اولآ اسمي ماجد وماني اصغر عيالك تقولين لي مجود عهود: طيب وثانيآ ناظر في امه وقرب لين لصق فيها وقال : ثانيآ الغاليه اللي جنبي بعد كم شهر بيجي لها حفيد ام ماجد انصدمت من الخبر كانت تتمنى تشوف عيال ماجد لكن مو من العنود البنات مها والعنود يصارخون ويباركون لخووهم نوف اللي كانت مستمعه من البدايه مو احسن حال من جدتها عهود ومهاقاموا بسرعه : بنروح نبارك للعنود طلعوا ورجعت مها نوف تروحين معنا نوف خطرت ببالها توصيات خالتها وقال ايه وراحت معهم استغربو ا منها بس قالو خضعت خلاص دخلو على العنود عهود : عنووووووده العنود : هلاااااا والله عهود لفت على مها : اقول اليوم الترحيب حار على غير العاده صح <<تستهبل مها : ايه الظاهر من الفرحه فصلت هههههههه العنود : الشهره على اللي ارحب فيكن والا انتو وجه ترحيب عهود: مو كنها سبتنا ؟ مها : الا الظاهر ..وش رايك نزعل ؟؟ عهود : لاحرام نزعل هالفتره بنعديها لها عشـ العنود : اقول طولتوها وهي قصيره ارحبووووا داخل يالله اقلطوا واخر مره اقلطكم مهاااا: افااااا طرده العنود : ههههههههههههه والله انتي شكلتس تبين الطرده من اليوم وانتي تدورينها!! ههههههههههههههه مها : مدر ي عنك العنود : اقصد دبلتو تسبد بالاستذان لاجيتوا ادخلو بيتكم عااااااااادي تراني ما احب الرسميات و لمحت نوف وراهن هلااااا نوفه معكم ماقلتو لي نوف : هلا العنود: كيفك حبيبتي ؟ نوف : بخير ..م مبروك العنود حست انها متضايقه من الخبر : الله يبارك فيك .. تعالوو حياكم وجلسو سوالف وضحك لين اذان المغرب عهود : نوف ذاكرتي بكره عليك امتحان رياضيات ومقابلتنا نوف : عمتي قلت لك اشرحي لي تهربين مني وانا ما اعرف شىء عهود :ما اعرف اشرح العنود : روحي جيبي كتابتس وانا بحاااول ما اضمن نفسي تراني احيااان تجيني دفاره وغالبآ تناحه ههههههههه عهود : هذا البلا من التناحه قامت نوف وجابت كتابها ودفترها وطلعت مها وعهود وجلست العنود تشرح لنوف اللي كانت متجاوبه معها بالشرح والاجابات رفعت السماعه ودقت على المطبخ ليليان :نعم العنود:سوي فطاير باللبنه والزعتر من اللي جبتهم مه شاي بالنعناع ياحلووه ليليان : اوكي ام خالد : ريم ريم : لبيه ام خالد : دقت عليتس ذا الليل عنود ريم : لا ليه ام خالد : لها كم يوم تشكي راسها حتى لادقت علي وشلونكم طيبين وتسكر ريم : بسم الله عليها ماتشوف شر ام خالد : الشر مايجيتس في هاللحظه دخل عليهم عبدالله : السلام عليكم وعليكم السلام عبدالله : وين الشله ؟(وجود +ليان +نايف) ام خالد : في الحوش يلعبون بالملاهي عبدالله : مالهم صوت غريبه !! ام خالد : ايه خالد مواعدهن ان لعبن بدون صوت وداهن لسوق عبدالله يضحك : عاد الثنتين والسوق مدمنات هذا وهن توهن صغار لاكبرن والله العالم بيسكنن في حدا الدكاكين ام خالد : بسم الله على بنياتي عبد الله : اقول يمه وشلون عنود ؟ ام خالد : ماعليها طيبه ليه وش عندك ؟ عبدالله : ابد سلامتس بس اسئل عنها ..الا هي متى كلمتس ؟ ام خالد : اليوم ..ليه ؟ عبدالله : بس مبطي عنها وانشدتس ام خالد : وراك ماتدق عليها والامستخسر الاتصال فيها لكن شلتك حلال عليهم!! عبدالله طلع جواله وقال وش رايتس نكلمها سوى ؟؟ ام خالد : كلمها انت ولاتقول انك عندي عبدالله : ابشري ..دق عليها العنود :هلاااااااااا وغلااااااا عبدالله : هلافيتس شلونتس ؟ العنود: بخير الحمدلله وشلونكم انتم وشلون ابوي وامي ؟ عبدالله : ماعلينا طيبين الحمدلله العنود : الحمدلله قام من عندهم عبدالله وهو يسولف على العنود ويعلق عليها بعدين قال :عنود انتي تعبانه ؟ العنود : لا ان شالله عبدالله : اجل وش عندتس العصر في المستشفى؟ العنود انصدمت وش عرفه ..: من قالك ؟ عبدالله :واحد من العيال اهله يبون المستشفى وسمع الممرضه وهي تنادي اسمتس وكلم ينشد يتأكد من الاسم .. ماقلتي وش موديتس ؟ العنود : الصداع اللي كل فتره يجيني عود علي بس هالمره بشكل اقوى من اول عبدالله : وش قالو؟ العنود: كالعاده نقص فيتامينات !! عبدالله : الحمدلله ..يالله ماتشوفين شر .. العنود ولاتشوفه ــــــــــــــــــــــ ماجد وخالد وتركي وابوهم وامهم بالصاله خالد : وش شعورك يوم قالو لك بتصير ابو ماجد يضحك على استهبال خالد بالاسئله ام ماجد :وش شعوره !!..المفروض يستحي على وجهه فشلنا ! تركي مستغرب : ليه يمه ؟ ام ماجد: بكره لا سئلو ولده من خوالك وش بيقول القراوى !! ماجد : يمه لين متى وانتي حاقده على العنود !؟ وبعدين القراوى هاللي تعيرينهم والله مازدنا عليهم بشىء اصل ومن كبار قبيلتهم وفوقها عندهم خير واضافه عليها معروفين .. وش تبين اكثر من كذا ؟ ام ماجد : الحين القرويه تدافع عنها مني ؟ ماجد : يمه انا اقول الحق ام ماجد تمسكن : ايه دافع عنها يكفي ذاك اليوم قدام الحريم فشلتني لو ان جواهر ماسوت الحلويات لي كان تفشلت ماجد : ايه تقصدين الحلويات اللي سوتها العنود والفطاير اللي سئلتك وحده عنهن قلتي جواهر ؟ ام ماجد منصدمه : هي توشيك علي ياولد بطني ماجد: هي ماتدري اني عارف بالسالفه الى الحين لانها ماقالتها لي كنت انتظرها تقولها بس ماقالتها لي ام ماجد بغضب :ليه بتطقني لاقالت لك ؟ ماجد بذهول : انا امد يدي عليك !! يمه انتي وش صاير لك تغيرتي من تزوجت وانتي تدورين المشاكل على العنود وعلي !يمه تراني تعبت خلاص مليت كل ماشفتي وجهي قمتي تسبين و تقولين كلام ماينقال قام من عندهم وطلع ابو ماجد : ها عرفتي من مفرق الجماعات الحين ؟؟ ام ماجد : وانت تسكت وتطلع في اخر شىء ! وبعيد عشان ادور مصلحت ولدي صرت مفرق جماعات !! ابوماجد : لاحرضتيه على مرته وشوهتيها عنده هذا موتفريق برايك ؟؟<<يناظرها بسخريه ام ماجد قامت منه وهي تحلطم عليه وعلى ولده وعهود ـــــــــ مرت 3 اسابيع عليهم *نوف قربت حيل من العنود اللي عطتها مجال *جواهر انقطعت اخبارها عنهم لكن على اتصال بنوف *ماجد اعتذر من امه في نفس ذاك اليوم وصار يتجنب المشاحنه معها * العنود فرحانه بحملها وبتدخل الشهر الرابع قريب والبقيه لاجديد ـــــــــ في مكتبه رن جواله شافه رقم مو مخزن عنده طنشه وكمل شغله اللي بين يدينه عاود الاتصال نفس الرقم طنشه دخل ليه عبدالمحسن سلاام ماجد وعليكم السلام عبد المحسن : وشلون شغلك اليوم ماجد : اليوم الحمدلله مافيه مرضى 6وخلصنا منهم عبدالمحسن : الحمدلله وشـــ <<دق جوال ماجد من جديد نفس الرقم عطاه مشغول عبدالمحسن : وش فيك ماترد ؟لايكون المدادم مزعلتك وتبي ترضيك >>ويحرك حواجبه ماجد يضحك : لا رقم ابلشني ومالي خلق ارد عليه وطلعوا للكوفي اللي بالمستشفى ـــــــــــــ بعد ساعتين برحل مثل ماتبي لكن على فكرهـ ظلمت لك واحد والله ماخانكـ يامن تعلمت منك الحب لاتكرهـ قلب عطاك الفرح في قمة أحزانكـ العنود بحجرتها جالسه على السرير وتقراء مجله شوي ودخل عليها وجه احمررررررر من الغضب العنود : ماجد وش فيك دفها وراح يفتح الدروج حقتها لقى شناط حقتها مرصوصه بالدرج وصار يطلعهن بعشوائيه ويفتشهن العنود بغضب هييييييييييه انت وش سالفتك ؟ ماجد : انطمي العنود بصـــــــدمه انا انطم !!! وجلست تحس رجولها مو قادره تشيلها فجأه طلع ضرف و قام يصرخ بصوت عالي وماحست الا بالكف على وجها انتي طاااااااااالق ياحقيره ..ياواطيه ..يا العنود بسسسسسسسس انت تسب وانا مدري وش لقيت حتى تسب ماجد يطنز : ماتدرين عن حبيب القلب ؟ ماتدرين وانتي معه بينكم مراسلات ومقابلات !!؟ ماتدرين شووووف ويطلعها من شنطتها ولا مواعيد غراميه بعد !ورماها بوجها ياحسافه الثقه اللي عطيتك اياها ... ابي اعرف اللي ببطنك مني او من الحبيب؟!! العنود منصدمه يشك فيني ؟!! يشك في ابوته !!؟ وقفت بثقه ودموعها تنزل وصرخت بسس يكفي انت عطيت نفسك مجال للكلام الحين جاء دوري ..خذت نفس ومسحت دموعه بظهر كفها بقوووه : اسمع احترم نفسك وانا مربيني اهلي احسن تربيه و انا ماراح ادافع عن نفسي تدري ليه لاني واثقه من نفسي وماتهمني لا انت ولا غيرك ..الشىء الاهم انت طلقتني ابي اثبات ورقتي والحين ودني اهلي وما ابي اشوفك حتى لو عرفت الحقيقه ولا تحاول تعتذر لاني بقولها لك وبوجهك الله لايبيحك ولا يحللك وجعل ربي ينصفني منك ومن اللي دبر الظرف ومحتواه ماجد يناظرها بأحتقار : يالله شيلي عفشك بوديك لاهلك وبيتي ما يدخله خاينات العنود : قل هالكلام للي حطت الصوره بشنطتي لاتقوله لي ماجد : محد يدخل عرفتك الا انا وانتي وخواتي ؟ من يحطها انا والاخواتي هاه؟ العنود : مدري اسئل نفسك يمكن تبيه انت عذر حتى نتطلق ماجد مستغرب : انتي صاحيه !! اجيب صورة رجال واشوهك عشان اطلقك!! العنود سكتت لان مالها حيل تقاوم عبراتها وفي حال يرثى لها تركها تجمع ملابسها وتجمع مابقى لها من كرامه تركها تندب حظها العااثر اللي ما اعدل لهاا مقهوره من اللي حط الظرف واللي زاده ثقته فيهاااا اللي ماصدق انه لقاء عليه شىء وين العهود وين الوعود وين الثقه كله كلام مع اول سالفه نساااااااه حتى ولده شك فيه حسبي الله على من ظلمني حسبي الله على من ظلمني عمر الزمن ماحقق لخاطري شي جعل العوض في مقبلات الليالي ان قلت ابي هذي رفض قال خذ ذي وان جيت ابيها قال هذا محالي اقبل عليه وعكسي الوقت مقفي ولاصرت مقفي صار يضحك قبالي واجلس بصال الشمس والناس في في وليا جلست بظل عجل وزالي تطويني حبالآ لشقى بالشقى طي دلو تمرجح بين واطي وعالي الوقت باليني وانا منه مبلي الوقت باليني وانا منه بالي ومرت حياتي كلها كي في كي ضايق وضايق واكذب ان قلت سالي بين الرجا والا رجا ميت حي لا كمل الناقص ولا هو صفالي وحاولت اخفف من حملي شوي لقيت حملي زاد من سوء فالي تبدل الميزان في وقتنا العي وقت تعيش به الرخوم بدلالي ياوقت ليه توثق القيد بيدي وترميني بجم المهالك لحالي ياوقت خذ حقك وخل الذي لي ياوقت ليه الغطرسه والتعالي مادري البلا فالوقت ولا البلى بي وين الرفيق الي يجاوب سؤالي |
البارت الثامن
ـــــــــــــــــــــ هــاك الــخــفــوق الـلي مـلـكـته تـوطـاه .. والـعن بـعـد يـا صـاحــبـي سـلـسـفـيـلـه!! أنـا تــرى قـلبـك نـزعـتـه مـن أقـصــاه .. ما أبـيـه قـلبـي دام عـدك خــلـيـلـه!! نادت للخادمه تنزل الشنط وتحطها بسيارة ماجد وطلعت من حجرتها وبيتها طلعت مكسووووره مجروحه ركبت السياره وتحركت تحمل شخصين انهدت حياتهم اسرع مماتصورو تعاهدو على الحب ووثقوه بطفل لكن بسبب ظرف طاااح اللي بنوه ونسوو اللي تواعدوه .... في الطريق ماسكه نفسها ماتبي تكون ضعيفه قدامها لكن دموعها ماساعدتها وصلت لبيت اهلها نزلت اغراضها وراح وتركها بعد ما جرحها ..تركها بعد ماسمعها كلام هز كل خليه في جسدها ..تركها بعد ما ذلها ..طعم الظلم مررر وما يحس فيه الا المظلوم .. دخلت على اهلها اللي تفاجؤ بوجودها فزو وش فيك ؟ سلمت عليهم واكتفت بكلمت بروح لغرفتي انا تعباانه ابو خالد : وش فيتس ؟ العنود بصوت مبحوح : انا تعباانه بروح لغرفتي وطلعت لحقها عبدالله وخالد وناداهم ابوخالد وقال لاحد يضغط عليها خلووووها لين تهداء ونسئلها رجعوا وكل واحد يفكر فيها عبدالله < هين ياماجد والله لو ادري ان دموع العنود بسبتك ما ارحمك لاطلع دموعك مثل العنود خالد <لاحول ولاقوة الا بالله ..الله يهديهم ام خالد اللي ماتحملت اكثر قامت لها دخلت عليها شافتها متمدده وتبكي جت جنبها وحطت يدها على ظهرها : عنود يمه وش فيتس ؟ العنود بصوت تعبان ومتقطع من كثر البكاء : تكفووووون يمه خلوني لحد يسئلني تكفوووووووون اللي فيني مكفيني وزاد بكاها ام خالد ماتحملت بكاء بنتها طلعت وهي تبكي ..تبكي بنتها اللي طلعت من بيتها فرحانه رجعت له مكسوره ..تبكي فرحتها اللي ماتعدت اشهر .. ـــــــــــ في اليوم الثاني بعد صلاة العصر ام ماجد: اقول من امس العصر القرويه ماشفتها ؟ عهود بقلبهاالله يعينها : ولا حتى انا مها : ولا انا نوف : حتى انا ماشفتها عهود بخوف : لايكون صاير فيها شىء وركضت لبيت ماجد ولحقوها مها ونوف عهود دخلت المطبخ : ليليان وين مدام العنود؟ ليليان : مافيه عهود ومها بخوف : وينها .. ليليان : هي روه امس في ليل كودي ملابس كلووو عهود : وشوووووو خذت ملابسها !! خذت الجوال ودقت على ماجد اللي كان نازل من الدرج عهود : انت هنا ..وين العنود؟ ماجد: وديتها بيت اهلها عهود : ليه ؟ ماجد : انتهى كل اللي بينا عهود ومها بصدمه:وشووووووووو عهود: ليه وش سوت ماجد : شىء مايخصكم طلعت عهود معصبه من رد اخوها ولحقتها مها نوف اللي تفاجأت بالخبر وتضاايقت في نفس الوقت انسحبت من قدامه بهدؤ طلع مايدري وين يروح لمن يشكي له من بيوقف معي من ؟ ااااااااه راسي ذبحني من التفكير كلامها ودعاها وحركاتها تقول انها مظلومه لكن اللي شفته غير يثبت انها على علاقه وين اروح لمن اشكي يااااااااااارب ساعدني ..بروح لها مافيه الاهي هي اللي بتسمعني هي اللي تفهمني هي اللي بتعلمني وحرك سيارتها بتجاه بيتها وصل لها ونزل طق الباب فتحت الخادمه وطلب منها تخليها تجي جت له وهي فرحااانه بجيته ساره : ياهلااااااااا والله تو مانور البيت وجلسووو ماجد :هلا فيك منور باهله ساره مستغربه: وش فيك ماجد وش مضايقك ؟؟ ماجد بصوت مخنوق : انا جاي لك ابي منك مساعده انا محتاج لاحد افضفض له تعبت تعبت خلاص مافيني حيل ساره : اقلقتني خير وش فيه ؟ ماجد : انا طلقت العنود ساره وقفت لاشعوريآ: وشوووووووو ماجد : انا ازعجني اتصال امس وقال لي ............ ساره : وانت صدقت المتصل؟ ماجد: شفت الظرف والصوره والاعتراف بالكتابه ساره : العنود وش ردها ؟ ماجد : تقول الله ياخذ حقها مني ولاطلعت الحقيقه لاتجيني ساره : مستحيل العنود تسوي هالحركات ماجد : ايه كلنا كنا مخدوعين فيها ..بس الحين عرفتها وما ابي اشوه صورتها قدام احد لانها كانت زوجتي بيوم واااااا! ساره : وشوووو؟؟ ماجد : مدري بس اللي في بطنها من ا ساره بعصبيه : بس بس حتى ولدك شكيت فيه ..انت خلاص حكمت عليها ليه جاي لي ؟ ماجد : انا ابغى رايك ؟ ساره: القاضي لاجاء يحكم يعطي مجال للمتهم يدافع عن نفسه حتى يقدر يثبت برائته لكن انت حكمت بدون ماتسمع الا لشيطان اللي براسك ماجد بقلة حيله : وش اسوي الحين ساره : مدري عنك انت اللي هديت حياتك عشان اتصال ماجد بأنفعال : مااااقدرت ياساره ماقدرت اشوف اثبات الخيانه واسكت ماحسيت بنفسي الا والكف بوجها ورميت عليها الطلاق ساره تنهدت بضيق: الله يهديك قم صل اذن المغرب وربك يحلها ماجد طلع بضييق اكبر مالقى الحل الي يبرد كبده طلع من اخته اللي بغى منها مساعده لكن زادت حيرته .. ـــــــــــــــــــ اليوم الثاني طلعت من غرفتها اللي احتضنتها يوم بليله رافضه اي شىء لاكلام ولا اكل ولاحتى شرب طلعت من غرفتها ماقدرت تقاوم الالم اللي يقطع احشائها وضيق التنفس الي تحس فيه طلعت بعد ما اشتد الالم طلعت حاول تمشي لكن الالم اسفل بطنها اجبرها تزحف على يدينها لعلها تسعفها بالوصول لاحد يساعدها حاولت تصرخ تبي احد يجي لها بس جفاف ريقها وضيقها ما ساعدها فماكان منها الا انها واصلت زحفها بايدين ضعيفه زحفت و زحفت الى ان وصلت باب الدرج حاولت لكن قواها ماساعدتها طاحت على الارض بعد اما انهد حيلها ... ودخلت في عالم اخر إن كان موتي يا بعد عمري يرضيك، قلي و باسأل خالق الكون موتي اهون علي من شرهتي و من تجافيك، من اكثر ما اكتم عبرتي انبح صوتي و إن جاك علم الموت تكفى بوصيك، بالله عليك موعد دفنتي لا يفوتي و آخر وصية جعل ربي يخليك، خل القرايب تجهل اسباب موتي ـــــــــــــ في حجرته يتذكر اخر كلام دار بينهم ..يذكر دموعها اللي تنزل بدون توقف تذكر صوت شهقاتها المقهوره ..تذكر تهديها ودعواتها القويه .. خاف يكون ظلمها ويعاقبه ربي بخواته او بنت اخوه بس تراجع واقنع نفسه انها تمثليه تمثلها حتى تبين لها انها بريئه مسك راسه من التعب والتفكير وماحس في نفسه الا وهو غاط في النوم رن جواله شاف طالع بالساعه اووووووووف نمت كل هالوقت ـــــــــــــ |
البارت التاسع
ــــــــــــــــــــــ حلمي خيـال وباالأمانـي تعشمـت عشمـت قلـبٍ ياكثـر ماتحـلـم غادي ولاكن مـن غبايـه تلعثمـت لا والله إلا كــل مـابـي تبـلـم ساكت رغم شوف القهر ماتكلمـت إلا ضميـر الجـرح فينـي تكـلـم ماالعن منٌ الأحساس لاكًسر الصمـت يرسي على جرح الألم .....لـو تألـم المشكلـه ماهـو بأنـي تحطـمـت المشكلـه باالـي ظـلـم ويتظـلـم ياسيـد جروحـي ترانـي تلملمـت وأبشـرك جـرح الخيانـه تلمـلـم شفني جبل ........ شفني ما تهدمت متني مع أريـاح الهبايـب تـأ قلـم ماهزنـي ثقـل الصخـر لـو تألمـت يكفـي صمـودي لا نخيتـه تـولـم كانك مـن دروس الخيانـه تعلمـت أنا الوفـا مـن طيـب قلبـي تعلـم في الرياض لكن مكان اخر في احد المستشفيات الدكتور :معها قولون عصبي حاد بسبب ضغط النفسي السىء اللي الواضح عليها انها متعرضه له عبدالله بنفاذ صبر : الحين وشلونها واللي في بطنها الدكتور : اعطينها ابر مهدئه و مثبتات للحمل لان نسبة الاجهاض عاليه بسبب سوء حالتها النفسيه وان شالله خير عبدالله بتسرع: الا سو العمليه وخلصنا ابو خالد بنفعال : عبدالله وصمت بعد ما قال عن حالتها ــــــــــــــــــــ دخلت عليها امها وشافتها غاطه في النوم وماحست بدخولها عليها بكت لما شافت انتفاخ حولين عيونها واحمراره والجلكوز بيدها وجهاز الضغط ريم : يمه لا تبكين هي الحمدلله الحين طيبه الدكتور طمنا ام خالد بصوت مخنوق : يابنتي عنود ماتهنت بفرحها عنود رجعت لنا مكسوره ومقهوره حسبي الله على من كان السبب حسبي الله على من كان السبب <<واطلقت العنان لعبراتها ريم ماتحملت الوضع قامت وضمت ام زوجها وما كان منها الا انها تبكي معها دخل خالد عليهم شاف حالتهم و بداخله يتحسب على ماجد اللي خلا اهله كذا وطلع تاركهم وراها طلع حاس نفسه عاجز يكفف دمعهم ويشيل همهم طلع مقهووووور من فعل ماجد حط اخته عند الباب ولاكلف على نفسه يدخل ويعتذر ويقول السبب طلع وهو يحاتي ابوه اللي من شاف العنود وحالته حاله خايف من السكر لايرتفع ومن الضغط ضرب بيده على الدركسون بقهر ااااااااااه ياماجد لو ان ابوي مامنعنا عنك والا والله مايفكك من يدي احد لعطيك درس مايتنساه حياتك كلها ـــــــــــ في غرفتها تبكي خاايفه من اللي صار حاسه نفسها انانيه تمنيت تنهدم حياته حتى يرجع لها وتحققت الامنيه لكن مارجع لها ابتعد عنها اكثر واكثر ابتعد عن الكل !! زوجته ماشفت منها الا كل خير جبت الشهاده وفاجئتني بحفله واهدتني ساعه روووعه حتى صديقاتي شفت في عيونهم الاعجاااب بساعه حتى حسيت انهم غارو مني بس انا وش اهديتها ؟؟ انا ما اهديتها لكن ساعدتهم على هدم بيتها وعلى طلاقها ..طلاقها!! والله ما استاهل والله ما استاهل غطت وجهها وصارت تبكي بصوت عالي عهود مرت من جنب غرفتها وسمعت صوت بكاها دخلت عليها مسرعه بخوف نوف وش فيك وفكت يدينها من وجهها وضمت لصدرها حبيبتي وش فيك؟ بسم الله عليك حطت يدها تحت فكها ورفعت راسها لفوق :نوف حبيبتي وش فيك ؟ وش مضايقك ؟ نوف بصوت مبحوح : مافيني شىء عهود تسايرها وتهديها : حبيبتي انا ماراح اضغط عليك لكن تأكدي انك غاليه علينا ونحبك ..وبنوقف معك لا احتجتينا.. احنا اهلك وتهمنينا واي شىء يضايقك يضايقنا ... نوف ماتحملت كلامها ورمت نفسها في حضن عمتها واطلقت شهقاتها معلنه الم جديد يحتويها الم يعصر قلبها الصغير.. الم حسسها بحقارت فعلها .. عهود اللي كانت تمسح على ظهرها وتحرك شعرها وتاركتهاعلى راحتها تطلع اللي بقلبها كاسره خاطرها تيتمت قبل ماتحس بطعم الحياه تيتمت قبل ما تحس بالام وحنانها والاب وعطفه..... الله يعينك يانوف حاولنا نعوضك عن النقص اللي تحسينه لكن ماقدرنا وماحست الا بدموعها تنزل على بنت اخوها اللي مازالت في حضن عمتها .. ـــــــــــــ طلعت من بيتها متضايقه على اخوها اللي دخلها يبي منها مساعده لكن صدته و اشغل نفسه بالعمل يأخذ دور غيره في المناوبات ..بيرهق نفسه ومحد بيتعب غيره تعب فوق تعبه .. طلعت وهي محتاره وش تقوله هي بنفسها ماتدري وين الصح ووين الغلط اطلقت زفراتها من ضيقها وصلت بيته دخلت فيه لقت ليلياان سئلتها عنه قالت لها انه مامن جاء من الدوام وهو بغرفته ويروح للمسجد ويرجع لغرفته وانها تحط له الاكل بس ماياكل زين حاولت فيه عهود ومها ومااكل تنهدت من اللي تسمعه وصعدت الدرج تحاتيه ماتدري وش تقول ياااااارب سهل علي اقناعه دقت الباب ماسمعت رد رجعت دقت الباب سمت صوته ما ابي اكل ليليان روحي فتحت الباب شافته بحاله يرثى لها فوق السرير ضام ركبه وحاط راسه عليهن قربت منه مسكت يده وتكلمت بصوت مخنوق ضايق من حالة اخوها الجسد موجود والروح ارحلت والزمن غدار لكني صبوور وعيني اللي من عنا الوقت إدمعت حزنها ياناس شيد له جسـور وحدي بدنيا بها روحي إطلعت فاقد الاحساس ماعندي شعور الهوى مابيه انا روحي شبعت وش يفيد الجبس لو كلي كسور ساره: ماجد ارفع راسك رفع راسه بعيون ذابله من الهم وجه شاحب من الالم بقلب انكسرت فرحته قبل ما يحس بأبوته رد بصوت مرهق : انهدم كل اللي بنيته ياساره انهدمت حياتي وهي تو ما ابتدت لاحظت انه مكسور من داخله والهم طاويه قربت عنده وضمته لصدها همست له بصوتها العذب رح لها اسئلها عن الحقيقه لاتقعد هنا تنتظر حل ماجد : اسئلها !!مايحتاج اسئلها هي انكرتها ! ساره : من يدخل غرفتكم حتى نقول انه يمكن يسوي هالشى القذر ماجد : انا وهي وانتوا (ساره +عهود +مها)من بيحطها منا لها !! ساره : طيب الرقم من هو بسمه ؟ ماجد : الرقم بدون اسم ومقفله جهازها ساره متفاجئه: يعني حرمه اللي كلمتك ؟؟ ماجد يقول السالفه وكانها يتذكرها بمراره : ايه ..تقول انها خايفه على سمعت خواتي من حركاتها لانها تشوفها كذا مره تطلع من البيت وهو يوصلها عند الباب بس هو بسيارته وهي بسيارتها والناس بيشكون في خواتك وبيقولون فيهم كلام يمس سمعتهم وانا ما ارضى لان الساكت عن الحق شيطان اخرس وقالت لي عن شكل الشنطه اللي لبستها في اليوماللي قابلته فيه يوم طلعت لموعدها واللي شالت الظرف فيها وانا كنت بالدوام واستغلت طلعتي لدوام ..من سمعت كلامها مدري وشلون وصلت للبيت حتى ماحسيت بنفسي الا وانا اعطيها كف ورميت عليها الطلاق غمض عيونه يحس بنار داخله حبه اللي مات في بداية حياته ..خيانة اقرب الناس له .. فرحته بطفله ماتت قبل يظهر على الدنيا.. ماجد تنهد بضييييق : ياساره احس بناار بصدري عجزت اطفيها فرحتي ماتهنيت فيها ساره ودموعها تنزل على شكل اخوها وتعابير وجهه الحزينه كانت تشوفه شامخ مايهتز كانت تحسه مداوي الناس لكن هو يبي من يداويه ساره بخوف: بسم الله عليك من الاااه ..مدري وش اقولك بس لاتظلم العنود لاتعطيها ورقتها لين تعرف الحقيقه ماجد هز راسه بالايجاب قامت سئلها وين بتروحين ؟ ساره بأبتسامه: بروح اجيب لك اكل ماجد نزل راسه : مو مشتهي ساره : اجل وشلون بتعرف الحقيقه ؟ اذا ماكليت ماراح تقدر تحرك ولا تفكر زين ماجد :لا اشتهيت كليت ساره : ماراح اطيعك بروح اخليهم يجهزون لك اكل على بال ماتأخذ شور وتطلع تاكل بالصاله ومدت يدها ومسكته ووقفته يالله ادخل على بال ما اجهز ملابسك ـــــــــــــــــــ |
ـــــــــــــــــــ
ابو ماجد في صالته مع خالد وتركي وام ماجد .. ام ماجد : اقول خالد مارحت لماجد تحكي عليه ؟ خالد : يمه ماجد تعبانه نفسيته خليه على راحته ام ماجد : رح له خله يجي لي الحين ابغااه وانا بخليه يرجع ماجد الاولي تركي بسرعه : وش بتقولين له ؟ ام ماجد : لاتلقف انت ..... خالد قم وخله يجي لي الحين تفهم ؟ تركي تفشل من رد امه وسكت منها ومقهور من ردها ابو ماجد : وش ناويه عليه ؟؟ ام ماجد بأبتسامه : الزعل مقدور نرضيه ابو ماجد : ايه وش ترضينه به بتروحين تطلبين من العنود ترجع له !!؟؟ ام ماجد بعصبيه : تخسي ترجع للبيت بعد ماتركته ابو ماجد بنفاذ صبر : اجل ؟ ام ماجد : بزوجه وحده احلى وارقى من القــ ابو ماجد قاطعها واشار باصبعه بوجهها : انتي تسكتين ولاتدخلين فاهمه ! والا بيصير شىء ماتمنينه انا سكت طول هالفتره رغم ان تعاملك مع بنت الناس شين لو هي بنتك مارضيتي لها تحملتك عشان زوجها تبي تجمل لكن انتي مافيك جماله وقام بغضب وطلع برى ورجع اسرع مما طلع : اسمعي لو عرفت او سمعت بسسس انك جايبه له سيره عن اللي براسك ماراح يحصل لك طيب فاهمه ؟؟ ام ماجد:... ابو ماجد بصراخ : فاااهمه ام ماجد بخوف : ايه ايه فاهمه ــــــــــــــــ فتحت عيونها بخفه تسمع اصوات حولينها تلفت تدور مصدر الصوت شافت امها وخالتها في طرف الغرفه ..تذكرت سبب دخلتها المستشفى العنود بصوت رايح من التعب وجفاف الريق: يمه ام خالد التفت تشوف مصدر صوت شافتها تطالع ناحيتهن بعيون ذبلاه فزت بسرعه لها هلايمه العنود : يمه وشقالو لتس عن ونزلت دمعها وحطت يدها على بطنها ام خالد مسكت يدها : يقولون كل شىء زين ام سلمان :مساء الخير العنود : مساء النور ام سلمان : وشلونتس الحين العنود : الحمدلله عايشه ام خالد : يستحق الحمد .. خليني اكلم ابوتس ابشره انتس وعيتي ام سلمان تحاول تغير من جو العنود : اقول عنوده تصدقين العنود :وشو ام سلمان : مدري انتي وخشتس تصيرين ام ..ماش مادخلت مخي <<تحك راسها باستهبال العنود ابتسمت على حركات خالتها اللي تسويها ام خالد تجاري اختها : اقول امه العنود وخالته وجود وش بيطلع شروخي << نوع من انواع الالعاب الناريه ابتسمت على التعليق عن اللي ببطنها ـــــــــــــــــــــ البارت العاشر ـــــــــــــــــــــــــــ قرر يدق عليها رفع الجوال يدور اسمها في الاسماء حصل اسمها (من بنات الحور) دق عليه الجوال حصله مغلق ..اعاد الاتصال من جديد ..توقع انه ردت فعل للي صار وقرر يأجل الاتصال الى وقت اخر وعلى الاقل يلقى طرف او اثبات على برائها دخلت عليه ساره : هاماجد ماصار شاور؟ ماجد : دقيت عليها ولقيت جوالها مسكر (تنهد).. اكيد انها زعلانه من اللي صار وقطعت اي اتصال بينا ساره : ماجد اتركها كم يوم حتى تهدا الامور وبعدين كلمها وتفاهم معها عطها مجال تدافع عن نفسها ماجد حرك راسه بالايجاب وقال بضيق : وهذا اللي بيصير ساره : يالله تعال الاكل جاهز قام وهو حامل هموم في صدره ونزل تحت بالصاله وجابت له ساره الاكل جلست معه تبي تشغله عن التفكير فيها قامت منه سئلها وين رايحه ؟ ساره بأبتسامه: دقيقه وراجعه حرك راسه بالايجاب اما هي راحت للمطبخ رفت السماعه اتصلت على عهود وقالت لها تجي هي ومها في بيت اخوها حتى يقدرن يغيرن من نفسيته ..ورجعت لماجد اللي ما حرك شىء في السفره غير الماء ساره : ماجد ليه ما اكلت ؟ ماجد : شبعت ساره :شعبت وان ماشرب الا ماء!! ماجد: انا قلت لك من البدايه مو مشتهي وقام بسرعه بيروح مسكته ساره : وين بتروح ماجد : بروح لغرفتي حاس اني هنا مخنوق عهود ومها ونوف : السلام عليكم وعليكم السلام ماجد : استأذن عهود تكتفت : وين ؟ مااجد يطالعها بأستغراب من طريقتها بالسؤال عهود :بتروح لغرفتك صح؟ بتهرب من واقعك وتعاود العزله ! الى متى وانت كذا ؟ قبل ماتتزوج كنت غير بتعاملك لا معنا ولا مع مرضاك اللي يدخلون عليك بحاله يثرى لها من سوء نفسيتهم لخطورة اللي يعانون منه و تتغير نفسيتهم بعد ماتعطيهم دافع معنوي لمواجهة الحياه و ان حياتهم بتستمر لو حافظو هم عليها وحافظو على صحة قلوبهم لكن الحين انت وينك من هالكلام والاباب النجار مخلع!! |
من اول مشكله اطلقت لنفسك الحكم بدون ماتأكد من الحقيقه ! شكيت في ولدك قبل ماتشوفه !رغم تقدر تعرف انك ابوه وانت عارف هالشىء كونك طبيب بفحص الدم بس تركتك فتره يمكن يرجع لك عقلك لكن ماشفت منك اي تقدم بالعكس تركت اللي اتصلت فيك تفرح عليك
ماجد يقاطعهاصراخ بسسسسسس (رفع يده بوجهها)انتي تدافعين عنها لانك انتي اللي اخترتيها ..تدافعين عنها ماتبين تحملين نفسك ذنب لطلاقها عهود: انا اعرفها زين ومستحيل تكون من النوعيه الواطيه اللي تكلم عليها العنود ماتخووون ولاهي حقيره حتى تفكر مثل هالتفكير الوسخ انت شف من يبي يهد حياتك شف من بيفرح بطلاقكم وانفصالكم ؟ ماجد بذهول : انتي وش تقصدين تشكين في امي ؟ عهود: امي ماتقدر تمشي كثير والدرج عالي عليها وانت عارف وامي صحيح ماتحبها لكن ماتفكر تفكير نذل مثل هذا ماجد : اجل من تقصدين ؟ عهود : انت واثق من الخادمه ليليان ؟ ماجد : ماقد شفت عليها شىء شين عهود : يعني لو احد طلب منها شىء بمقابل مادي رشوه يعني بتوافق ؟ ماجد : مدري !! تظنين احد معطيها ... عهود : انا ما ابي اظلمها لكن هي جايه هنا تبي فلوس ومو مسلمه ويمكن احد اعطاها مبلغ محترم وطلب منها هالشىء ماجد تحرك بسرعه ومسكته عهود : وين ؟ ماجد بقهر :بروح لها وياويلها لو اكتشفت انها سبب هدم بيتي عهود تأفف بنفاذ صبر: لحظه انت بترجع تعيد نفس الغلط ماجد : غلط !! عهود : ايه غلط ..انت الحين حكمت انها هي اللي حطت الظرف والصور وغيره قبل ما تتأكد ماجد بنفاذ صبر : وش تبيني اسوي احترت معك!! عهود : نبي نتأكد من الشك مو نجزم فيه ونحكم على الخادمه بشىء مو اكيد انا من البدايه قلت ما ابي نظلمها وهذي سهله بقولك وش نسوي .. نوف اللي تراقب الوضع وحاطه يدها بفمها وتقضم اظافرها بصمت خارجي لكن من داخلها في خوووف من انكشاف الحقيقه تكلم نفسها (وش بيصير وضعها !! وش بتكون نظرتهم لها !! ليليان بسفرونها لكن هي وش مصيرها!بيودونها دار ايتاام هاااه؟؟ الا اكييد هم قالو لو علمتيهم دار الايتام مكانك لالا وين مايسوونها عمي ماجد وابوي محمد مايسوونها بس انا خنتهم ايه انا خنتهم و انا نذله عمتي عهود تقوله ..بس انا انا ماسويت شىء ماسويت وبصوت طلع منها انا ماخنت ماخنت التفتوا علي مصدر الصوت مها : نوف حبيبتي وش فيك ؟ نوف ركضت وطلعت تركتهم مستغربين حركاتها قامت عهود بتلحقها ساره : عهود وين ؟ عهود : بروح اشوف نوف وارد لكم بسسسسس لحد يسوي شىء لين اجي ماجد : وانا وش يصبرني ؟ عهود: فيه شغله مهمه لازم اتاكد منها لاتسوون شىء طلعت عهود تركض انا ماخنت ؟انا ماخنت ؟؟ يعني نوف اللي حاطه الظرف ؟لالالا بس نوف ماتعرف لحركات هذي !! بس انا سمعتها تقولها متاكده انا ماخنت !! وصلت عند باب غرفة نوف دقت الباب صرخت بصوت بااكي اتركوووووني ما ابغى احد خلووووووني انا مو خااااااينه انا مو خااااينه والله انا مالي دخل هم هم حركت مقبض الباب لقته مقفل : نوف افتحي بسررعه الباب نوف بصراخ :لاااااااااااا ماراح افتح انتو (علت شقاتها)انتوووو بتودوني دار الايتااااااااام صح لاني سكت ماراح افتح ماابغى دار الايتاام عهووود اللي منصدمه من الكلام اللي تسمعه ومتأثره منه: نوف حبيبتي من قال هالكلام محد بيوديك دار الايتااام نوف بتسرع : الا هي هي قالت لي قالت ان علمتيهم ماراح يتحملونك وبيودونك دار الايتام عهود :طيب افتحي وانا اوعدك محد يوديك دار الايتام نوف بعناد وشهقات عاليه :لاااااا ماراح افتح عهود تركت نوف لين تهداء ورجعت لهم بخطى ثقيله رجعت لهم وهي متأثره بكلام نوف اللي سمعته وتلعن في نفسها اللي دخلو الفكره براسها تــدري وش اللي يجرح القلب جرحيــــن ويمـــد حبــــل الحـــزن فيـــك ويشــــــده انـــك تناظــر طفــل مـن غيـــر ابويــــن يمشــــي ودمعــــة سايــل فـــوق خــــــده منظــر صعيـب ويقســـم القلب قسميـــــن لا قــام يمســــح دمعـــــة بكــــف يـــــــده يمشـي ولا يــدري طريقــة علـى ويـــــن ليــن التعـــــب من كثـــر ماتــــاه هـــــده اثقـــل حـــروف يشيلـهـا فـيـــه حرفيــــن لا أب يــــــدري بــــــــه ولا أم تـــــــرده في خطوتــه رحلـــة ودمعـــة وسـكيـــــن وحــــــظ توســــد بالمــراســـي مـخـــــده جيــت اسألـة باللـه قـللــي ولــد ميـــن ؟؟ وبغــى يجــاوب واختنــق صــوت رده أنـــا يتيـــــم ومــا لدربــــي عنــاويــــــن وجــــزر الحـــزن فينــي يســـاوي لمـــده وطعــم الطفولــــة ما عرفتـه لهـا لحيــــن وثــوب السعــــادة صـــرت مانيـب قــــده ابكــي إلـــى من شفت غيــري سعيديــــن ليـــن البكــــــا فينــــي يوصـــــل لحـــده واقفـــى ورحت امسح دموعي من العيــن وعينـــــي تناظــــر دمعتـــه فـــوق خــده وهذا اللـــي يجـــرح القلــــب جرحيــــن ويمــد حبـــل الحــــزن غصـب ويشــــده * نوف واعترفها هل هو حقيقه او ردت فعل عكسيه من الخوف ؟؟ * من هم اللي تتكلم عنهم نوف؟؟ * وش ردت فعل ماجد ان عرف وتجاه نوف بالذات ؟؟ والعنود وش مصيرها ؟ |
البارت العاشر
ـــــــــــــــــــــــــــ قرر يدق عليها رفع الجوال يدور اسمها في الاسماء حصل اسمها (من بنات الحور) دق عليه الجوال حصله مغلق ..اعاد الاتصال من جديد ..توقع انه ردت فعل للي صار وقرر يأجل الاتصال الى وقت اخر وعلى الاقل يلقى طرف او اثبات على برائها دخلت عليه ساره : هاماجد ماصار شاور؟ ماجد : دقيت عليها ولقيت جوالها مسكر (تنهد).. اكيد انها زعلانه من اللي صار وقطعت اي اتصال بينا ساره : ماجد اتركها كم يوم حتى تهدا الامور وبعدين كلمها وتفاهم معها عطها مجال تدافع عن نفسها ماجد حرك راسه بالايجاب وقال بضيق : وهذا اللي بيصير ساره : يالله تعال الاكل جاهز قام وهو حامل هموم في صدره ونزل تحت بالصاله وجابت له ساره الاكل جلست معه تبي تشغله عن التفكير فيها قامت منه سئلها وين رايحه ؟ ساره بأبتسامه: دقيقه وراجعه حرك راسه بالايجاب اما هي راحت للمطبخ رفت السماعه اتصلت على عهود وقالت لها تجي هي ومها في بيت اخوها حتى يقدرن يغيرن من نفسيته ..ورجعت لماجد اللي ما حرك شىء في السفره غير الماء ساره : ماجد ليه ما اكلت ؟ ماجد : شبعت ساره :شعبت وان ماشرب الا ماء!! ماجد: انا قلت لك من البدايه مو مشتهي وقام بسرعه بيروح مسكته ساره : وين بتروح ماجد : بروح لغرفتي حاس اني هنا مخنوق عهود ومها ونوف : السلام عليكم وعليكم السلام ماجد : استأذن عهود تكتفت : وين ؟ مااجد يطالعها بأستغراب من طريقتها بالسؤال عهود :بتروح لغرفتك صح؟ بتهرب من واقعك وتعاود العزله ! الى متى وانت كذا ؟ قبل ماتتزوج كنت غير بتعاملك لا معنا ولا مع مرضاك اللي يدخلون عليك بحاله يثرى لها من سوء نفسيتهم لخطورة اللي يعانون منه و تتغير نفسيتهم بعد ماتعطيهم دافع معنوي لمواجهة الحياه و ان حياتهم بتستمر لو حافظو هم عليها وحافظو على صحة قلوبهم لكن الحين انت وينك من هالكلام والاباب النجار مخلع !! من اول مشكله اطلقت لنفسك الحكم بدون ماتأكد من الحقيقه ! شكيت في ولدك قبل ماتشوفه !رغم تقدر تعرف انك ابوه وانت عارف هالشىء كونك طبيب بفحص الدم بس تركتك فتره يمكن يرجع لك عقلك لكن ماشفت منك اي تقدم بالعكس تركت اللي اتصلت فيك تفرح عليك ماجد يقاطعهاصراخ بسسسسسس (رفع يده بوجهها)انتي تدافعين عنها لانك انتي اللي اخترتيها ..تدافعين عنها ماتبين تحملين نفسك ذنب لطلاقها عهود: انا اعرفها زين ومستحيل تكون من النوعيه الواطيه اللي تكلم عليها العنود ماتخووون ولاهي حقيره حتى تفكر مثل هالتفكير الوسخ انت شف من يبي يهد حياتك شف من بيفرح بطلاقكم وانفصالكم ؟ ماجد بذهول : انتي وش تقصدين تشكين في امي ؟ عهود: امي ماتقدر تمشي كثير والدرج عالي عليها وانت عارف وامي صحيح ماتحبها لكن ماتفكر تفكير نذل مثل هذا ماجد : اجل من تقصدين ؟ عهود : انت واثق من الخادمه ليليان ؟ ماجد : ماقد شفت عليها شىء شين عهود : يعني لو احد طلب منها شىء بمقابل مادي رشوه يعني بتوافق ؟ ماجد : مدري !! تظنين احد معطيها ... عهود : انا ما ابي اظلمها لكن هي جايه هنا تبي فلوس ومو مسلمه ويمكن احد اعطاها مبلغ محترم وطلب منها هالشىء ماجد تحرك بسرعه ومسكته عهود : وين ؟ ماجد بقهر :بروح لها وياويلها لو اكتشفت انها سبب هدم بيتي عهود تأفف بنفاذ صبر: لحظه انت بترجع تعيد نفس الغلط ماجد : غلط !! عهود : ايه غلط ..انت الحين حكمت انها هي اللي حطت الظرف والصور وغيره قبل ما تتأكد ماجد بنفاذ صبر : وش تبيني اسوي احترت معك!! عهود : نبي نتأكد من الشك مو نجزم فيه ونحكم على الخادمه بشىء مو اكيد انا من البدايه قلت ما ابي نظلمها وهذي سهله بقولك وش نسوي .. نوف اللي تراقب الوضع وحاطه يدها بفمها وتقضم اظافرها بصمت خارجي لكن من داخلها في خوووف من انكشاف الحقيقه تكلم نفسها (وش بيصير وضعها !! وش بتكون نظرتهم لها !! ليليان بسفرونها لكن هي وش مصيرها!بيودونها دار ايتاام هاااه؟؟ الا اكييد هم قالو لو علمتيهم دار الايتام مكانك لالا وين مايسوونها عمي ماجد وابوي محمد مايسوونها بس انا خنتهم ايه انا خنتهم و انا نذله عمتي عهود تقوله ..بس انا انا ماسويت شىء ماسويت وبصوت طلع منها انا ماخنت ماخنت التفتوا علي مصدر الصوت مها : نوف حبيبتي وش فيك ؟ نوف ركضت وطلعت تركتهم مستغربين حركاتها قامت عهود بتلحقها ساره : عهود وين ؟ عهود : بروح اشوف نوف وارد لكم بسسسسس لحد يسوي شىء لين اجي ماجد : وانا وش يصبرني ؟ عهود: فيه شغله مهمه لازم اتاكد منها لاتسوون شىء طلعت عهود تركض انا ماخنت ؟انا ماخنت ؟؟ يعني نوف اللي حاطه الظرف ؟لالالا بس نوف ماتعرف لحركات هذي !! بس انا سمعتها تقولها متاكده انا ماخنت !! وصلت عند باب غرفة نوف دقت الباب صرخت بصوت بااكي اتركوووووني ما ابغى احد خلووووووني انا مو خااااااينه انا مو خااااينه والله انا مالي دخل هم هم حركت مقبض الباب لقته مقفل : نوف افتحي بسررعه الباب نوف بصراخ :لاااااااااااا ماراح افتح انتو (علت شقاتها)انتوووو بتودوني دار الايتااااااااام صح لاني سكت ماراح افتح ماابغى دار الايتاام عهووود اللي منصدمه من الكلام اللي تسمعه ومتأثره منه: نوف حبيبتي من قال هالكلام محد بيوديك دار الايتااام نوف بتسرع : الا هي هي قالت لي قالت ان علمتيهم ماراح يتحملونك وبيودونك دار الايتام عهود :طيب افتحي وانا اوعدك محد يوديك دار الايتام نوف بعناد وشهقات عاليه :لاااااا ماراح افتح عهود تركت نوف لين تهداء ورجعت لهم بخطى ثقيله رجعت لهم وهي متأثره بكلام نوف اللي سمعته وتلعن في نفسها اللي دخلو الفكره براسها تــدري وش اللي يجرح القلب جرحيــــن ويمـــد حبــــل الحـــزن فيـــك ويشــــــده انـــك تناظــر طفــل مـن غيـــر ابويــــن يمشــــي ودمعــــة سايــل فـــوق خــــــده منظــر صعيـب ويقســـم القلب قسميـــــن لا قــام يمســــح دمعـــــة بكــــف يـــــــده يمشـي ولا يــدري طريقــة علـى ويـــــن ليــن التعـــــب من كثـــر ماتــــاه هـــــده اثقـــل حـــروف يشيلـهـا فـيـــه حرفيــــن لا أب يــــــدري بــــــــه ولا أم تـــــــرده في خطوتــه رحلـــة ودمعـــة وسـكيـــــن وحــــــظ توســــد بالمــراســـي مـخـــــده جيــت اسألـة باللـه قـللــي ولــد ميـــن ؟؟ وبغــى يجــاوب واختنــق صــوت رده أنـــا يتيـــــم ومــا لدربــــي عنــاويــــــن وجــــزر الحـــزن فينــي يســـاوي لمـــده وطعــم الطفولــــة ما عرفتـه لهـا لحيــــن وثــوب السعــــادة صـــرت مانيـب قــــده ابكــي إلـــى من شفت غيــري سعيديــــن ليـــن البكــــــا فينــــي يوصـــــل لحـــده واقفـــى ورحت امسح دموعي من العيــن وعينـــــي تناظــــر دمعتـــه فـــوق خــده وهذا اللـــي يجـــرح القلــــب جرحيــــن ويمــد حبـــل الحــــزن غصـب ويشــــده |
البارت الحادي عشر
ــــــــــــــــــــــــــــــــ قابلتها صدفه بمستوصف القمـــــه .. . . بالعين راعيتها لحظه وترعانـــي شميت انا عطرها ويابخت من شمه.. . . يدوخ ويسكر ولو ماهو بشرباني قمت اتذكر زمان فات والمـــــــــــه . . . . لاعاده الله نصيب يوم ودانــــــي هلت دموع العيون ولابقى همـــــه.. . . من ماجرا لي نسيت آلام الاسناني معها اخوها رفع كفه على فمـــــــه.. . . كنه يقول الله الستار ياقانـــــــــي نفس الملامح ويشبه دمها دمــــــه.. . . سبحان رب خلقهم دعج الاعياني يدري بحبي وتدري امه وعمـــــــه . . . . حال القدر بيننا والحب سلطانـــي يبكي ويمسح دموع عيونه بكمــــه .. .. يبكي على شانها ويبكي على شاني والله يالولا الحيا والدين لاضمـــــــه . . . . واسمعه شهقه من قلب شفقانــــــــي والحب بلوى ومنه الناس مهتمــــه . . . . وش حيلتي والغضي دمي وشرياني جسمي يروح ويجي والقب من يمه . . . . القلب عنده يبيه ولايبي ثانـــــــــي اقسم بربي وانا لي مذهب وذمـــــه.. .. لاعيش احبه ولو حبه علي جاني شربت كاس الهوى ورويت من سمه .. .. مامت ورتحت ولاهو بللي احياني اضحك مع الناس والاحزان منضمـــه .. .. كني سعيد وانا مبلي بالاحزانـــي عندي وصيه وتالي الهرج يايمـــــــه .. .. الموت حق على القاصي مع الداني وان صرت فوق النعش والناس ملتمه.. .. مرو على بيتها وتشوف جثماني قول لها الموت زم صويحبك زمــــــه .. .. مامات حبك ولو هو بالنعش فانـــي شلناه الى المقبره وادعي له القمـه.. .. خوذي ثوابه وجوده له بالاحساني يالله يالمقتدر ياكاشف الغمــــــــــــه. . . . تفرج لمن حالته دوم بنقصانــــــــي ماجد بتسرع : تاخرتي كل ذا تراضين نوف عهود رفعت نظرها لهم و دموعها في محاجر عيونها قالت لهم ببرود موليليان اللي حطت الظرف ماجد: وشووووووو ساره : من اللي حطه اجل مها بتسرع : انتي عرفتي اللي حطه ؟ حركت عهود راسها بالايجاب مهابهمس : نوف صح؟ رفعت نظرها لماجد تفكر وش بتكون ردت فعله لاعرف بالحقيقه ؟ وش بيكون وضع نوف عنده ؟ يوم ماسلمت على العنود سوا فيها نفس الحركه الحين وش بيكون رده بعد مايعرف ان نوف ساكته عن الحقيقه ماجد بنفاذ صبر: ماخلصتي من مطالع وجهي عهود : ااا امممم بقول لكم بس اسمعوني للاخير ماجد بسرعه : يالله خلصيني عهود : اذا بتسمعني وانت على هالحال ماراح اتكلم ماجد يتأفف:شكلنا مطولين عهود : اذا بتسمعوني بهدوء لين اخلص كلامي راح اعلمكم ماجد : اصلن عرفت ما يحتاج نوف هي اللي سوت الحركه وقام بسرعه عهود بسرعه اكبر : نوف ضحيه مثلها العنود ماجد وساره ومها بنفس الوقت :ضحيه! عهود : ايه ضحيه .. نوف عارفه من اللي حط الظرف ..لكن موهي .. نوف تعرف اللي حط الظرف لكن مو هي اللي حطته ..اللي حطه مهددها ان اكتشفوا انها تعرف الحقيقه ماراح نتحملها ونحطها بدار ايتام !! وشوووووو ..هاااااااه ...<<تعليقاتهم عهود : هذا استنتاجي من ردود نوف وبكاها فز ماجد بغيض وطلع بسرعه ساره لحقته تبي توقفه لكن ما قدرت عليه اما عهود بكت بسبب حالت بنت اخوها وضيقها واستغلال برائتها ــــــــــــــــــ في غرفتها تنتظر دخول اهلها عليها التفت لخالتها اللي ترافقها من الصباح الى المساء العنود: خاله ام سلمان: هلااا العنود : اهلي تاخروو ام سلمان :الغايب عذره معه العنود : الله يجعله خير ام سلمان : امين العنود : خاله ماقالك الدكتور اذا وافق يطلعني ؟ ام سلمان : ليه انتي قلتي له ؟ العنود : ايه امس يوم فحصتني الممرضه وتبلغه بنتيجة الفحص قلت له ابغى اطلع وسفهني (طنشني ) ام سلمان: مقدي فيتس >>(احسن) دابله تسبده العنود متفاجئه : ليه ام سلمان : الحين هو دكتور ومعنده يفحصك وتخلين ممرضه تفحصك !! العنود تضحك : خاله استحي والله ما اقدر ام سلمان تطنز: تراه شابع من خشتس العنود : كيفه اهم شىء ما يكشف علي وانا واعيه هههههه ام سلمان : والله المتخلفه العنود بأبتسامه : متخلفه متخلفه الشكوى لله ــــــــــــــــــــ ــــــــــــــــــــ خرج من بيته مقهور حطم حياته بسبب كذبه ضيع زوجته وشك في ولده ما يدري وين يروح اروح للعنود اراضيها ؟؟ !لا لا وش اقول؟ اقول العنود عرفت الحقيقه ! دخل لبيت ابوه فتح الباب مايشوف احد قدامه صعد الدرج ام ماجد : مااااجد انت هنااااا تعال ابيك بسرررعه ماجد بتعصيب : موفاضيه يمه لك الحين امه : ترفع صوتك علي !! هذا جزاي ! ماجد بضيق نزل الدرج ونزل على راس امه وباسه : يمه جعل والديك بالجنه انا ما اعرف وش يطلع مني الحين سامحيني ام ماجد تمثل الزعل : الله يسامح الجميع .. رح كمل شغلك خلااص مو ب لازم ماجد جلس جنبها وحط يده من خلف ظهرها : لا يالغاليه ما فيه اهم منك انتي اساس البيت امري وش تبي وانا مستعد باللي اقدر عليه ام ماجد بأبتسامه : ابغاك ترجع ماجد حبيبي ولدي ولد صيته اللي كلن تمناه لبنتها ابيك تحقق امنيتي من يوم كنت صغير وانا اتمناها حققها قبل ما اموت ياولدي طلبتك يابوي طلبتك . ماجد : ابشري اللي امرين فيه ام ماجد : ابيك تاخذ جواهر ماجد فز بسرعه وبضيق : زواج ماراح اتزوج كل شىء الا الزواج خلاص انا تزوجت وحده ولغيرها ماراح اكون ولو تحبيني مثل ماتقولين لاعاد تجيبين لي سيرتها هنا ام ماجد : بس انا من وانتو صغار اقول انكم لبعض والبنت كانت ترفض الخطاب لان محيرتها لك ماجد: هذا غلطتكم من تخططون على كيفكم وترسمون حياتنا على كيفكم وتبونا نعيشها بطريقه اللي انتوا حاطينها ..غلط يمه غلط انتي اللي حطيتي عندها امل فيني ا نا ما افكر فيها ولاعمري فكرت فيها ولا راح افكر فيها .. ام ماجد بحده : اسمع تبي رضاي تزوج جواهر ..سمعت ؟ وبنظرة تهديد وتأشر بأصبعها :اسمع بعد اياني واياك تقول لاحد اني اجبرتك عليها فاااهم ؟؟ ماجد التفت منصدم من اللي سمعه امه تحاول تضغط عليه وتهدده!!!! صعد بخطىء مثقله كان جاي يبغى يتأكد من نوف حتى يرجع زوجته وام ولده لكن دخل في سالفه جديده سالفه مالها حل الا الزواج !! وهذا مستحييييييل اسويه مستحيل اكون زوج لجواهر جواهر !! دق الباب وماسمع رد دق ثانيه وماسمع رد حاول يفتحه لكن مافتح قام يناديها : نووف افتحي ..نوف انا عرفت كل شىء ..نوف افتحي ماسمع صوتها صار يضرب باقوى وما رد احد عليه عهود ومها وساره دخلو على امهم اللي جالسه بصالتها السلام عليكم ام ماجد : وعليكم السلام سمعو صوووت من الدرج التفتوا لصوت شافوه يركض بسرعه وصوت خطاويه السريعه شايلها بين يدينه ويصرخ افتحووووو البااااب افتحوا البااب ركضن يفتحن له الباب وطلع وبسرررررعه راح لسياره حاول يفتحها لكن مقفله صار يصاااااااارخ جوزييييييييييييف جوزززززيف وصار يدور مايدري وين يحطها جته عهود تركض وتحاول تلبس طرحتها صرخ فيها طلعي المفتاح من جيبي بسررررررعه دخلت يدها طلعت المفتااح بيدين مرتجفه و فتحت الباب وركضت للباب الخلفي من الجهه الثاني وجلست حط راس نوف في حظنها وتحاول تصحيها تطبطب على وجهها نووف حبيبي قومي نووووف محد راح يوديك دار الايتاااااام نوووووف قومي نووووف ضمتها لصدرها خايفه تضيع من بين يدينها فتح باب السياره يطلعها منهم شالها وصار يركض فيها بالممرات يبغى يوصل لجهة الطواري جته ممرضه وطلبت منه يحطها على السرير وطلب بسرعه الدكتور يجي والتفت لها كان يبغى يصحيها لكن انصدم من شكلها نوف يطلع من فمها فقاعات !! زمن قاسي بشر أقسى قلوب مابها إحساس زمن حلـل قتـل طفله وطفـل لاهي في بيتـه زمن فيه الوفا كلمه تخط بـأبيـض القرطاس زمن لـوشاف دموعي يسمعني زغاريـته طلع يركض يبغى يشوف الدكتور المناوب شاف الممرضه اللي دخلتهم ركض له وسحبه بيده بسرررررعه تكفى بسرررعه دخل عليها الدكتور طلب منهم الخروج للفحص عهود تبكي ويتردد في بالها كلامها وشهقاتها بتودوني دار الايتااام .... انا خاينه سكرت عهود عيونها وصارت دموعها تنزل بغزاره طلع لهم الدكتور قامو هادكتور ؟ الدكتور البنت تعاني انهيارعصبي بسبب سماع لاخبار سيئه او محزنه او مفاجئه !! وانا مستغرب بنت في بداية حياتها تعاني من الانهيار العصبي !! وهذا دليل على تعرض بنتكم لضغوط نفسيه مزمنه !! البنت اعطينها مهدئ وراح ينقلونها لغرفه تنويم راح وتركهم خلف ..تركهم يستوعبون الكلام اللي قاله بنتكم تعاني من ضغوط نفسيه !! معها انهيار عصبي !! جتهم الممرضه وقطعت حبل افكارهم : من فضلك روح سجل اوراق دخلوها للمستشفى حرك راسه بالموافقه والتفت جهة عهود انتي بترافقين معها ؟ عهود : ايه اكيد وانت بترجع والا بتروــ يقاطعها بوقع الاوراق وارجع لك بسرعه كشيخٍ حائرٍ أبصرت يوماً .. صغيراً قد جَفَا الدنيا ونَاحا تُغالب عينَه العبراتُ حرَّى ... يناغي الدمعَ قد نَسِيَ المِرَاحا فأبصرني وفي عينيه برقٌ ... فشقَّ الهمُّ قلبي واستباحا فقلت ومقلتي سكبت دموعي ... رويدك يا صغيرُ دعِ النُّواحا فقال : أنا (يتيمٌ) ؛قلتُ :كلا... فعينُ اليتم من فقد الصلاحا فخالَطَتِ ابتسامتُه دموعاً... ظَنَنْتُ الحزن قد ولّى وراحا فقال وقد تلعثم في سؤالٍ : ... أيا عماه أرجوك السماحا صغار الحي نادوني يتيما..... وكل القوم قد عافوا امتداحا أحقاً لن يعود أبي، فمن ذا ؟! ... يسليني ؛ لمن أشكو الجراحا ؟! وهذا الهم شيبني صغيرا... أناجي الدمع أرتشف الجراحا وكل الأمنيات غدت سرابا مع الأحلام تصطحب الرياحا *** *** *** تذكرت اليتيم وما حباه ... إله الكون من خيرٍ متاحا فقلت مغالبا حزني، وقلبي .... كواه الحزن ممتشقا رماحا بُنيَّ كفاكَ ألهبْتَ الحنايا... بهمٍّ قد حَوَى حتى البِطَاحا بُني.. بُني لا تحزن فإنّا ... لك الأحباب فلترجُ الفلاحا لك الأصحاب فلنمضِ سويا ... نعيد المجد نرتقب الصباحا فغالبْ يا حبيب القلب هما .... وسلِّ النفس وامنحها المزاحا فودعني يكشر عن ثنايا وسر النفس قد بان ولاحا وأطرق ماشيا يدعو : إلهي ... وودعني بدمع واستراحا |
لبارت الثاني عشر
ـــــــــــ عوّد علي بدافي الصوت "لاأموت"... عطني حنان الصوت لو ما "تجيني" ياليت ماأسمع غير صوتك ولا" صوت" صوتك يحرك كل "الإحساس فيني" وش ينفعك "لا جتك" روحي "في تابوت" قالوا"توفّى"ومطلبه كان>صوتك>!! في قريه تبعد عن الرياض ديرة العنود ام نواف جالسه وماسكه التليفون وابصبع يدها الثانيه تفر سلك السماعه ومندمجه بالكلام (اقصد الحش ): ايه اكيد مطلقها والا وش خلاها تتعب بلاها العوووابه الله يمنعنا من الشين قهرها وكسر خشمها ومن حر ماتونس ماقدرت شايلينها متمدده بين يدينهم جعل مهيب بنت لي ام محمد : انا سمعت انها زعلانه !! وزعلها عند ام رجلها يقولونه ام نواف : مدري مدري والله بس انا سمعت انها مطلقه يوم طردت امه من البيت والرجال مارضاها في امه ام محمد : مير وجه يستاهل الطرده والا وحده رافعتن خشمها على الناس هي وخشتها المتعفطه !! ام نواف ههههههههه حبيبتي هذا الرياااااال يخلي الناس كذا .......اقول تدرين وش ابي الحين ؟؟ ام محمد : هاااه وش تبين ؟؟ ام نواف : ابي اشوف خشت ام خالد خخخخخخخخ ام محمد : ايه والله حتى انا دااابله تسبدي اجل تقول لاختي انها كبيره !! ام نواف (وبقلبها بدينا في الخور): تعرفين النسوان عاد يكبرين غيرهن ويصغرن عمارهن ________________ ننسى هوى من لايبينا محبين ننسى غلاه وباقي الود نمحاه ننسى هوى من باق عهد المحبين ناقض عهود الحب لابد ننساه نعلن جفاه ومن غرامه متبرين فراق حبه عزة النفس ورضاه خالد : يالله خلصي شيلي اغراض العنود وانا بروح اسجل اوراق خروجها ريم : اصلن كلها مرتبه ومحطوطه بالشنطه خالد : يالله اجل اقعدن لين اوقع اوراق العنود واجي اخذكن العنود بسرعه : لا تكفى خالد ما ابي اقعد ماصدقت عطوني خروج تبيني اقعد طقت تسبدي من المستشفى خالد : الحين اللي خلاتس تصبرين ايام عجزانه لاتصبرين 5 دقايق ! العنود بضعف : ايه زهقت حاسه نفسي مقيده ابي اطلع ريم اللي كانت تراقب الوضع اشرت لخالد يتركها على راحتها خالد : يالله اجل انا بسبقكن وانتن الحقني بشوي شوي ريم : ان شالله العنود بعد ما سمعت الموافقه ارتاحت وعلى شفاتها شبه ابتسامه ــــــــــــــــــــ ساره ومها طلعوا من البيت للمستشفى حتى يلحقون عهود وماجد دخلو للمستشفى واتجهو لقسم الطواري ساره : لوسمحت اخوي نوف فهد محمد ال .. وين موظف الرسبشن :لحظه اختي .. وصار يدقدق بالكمبيوتر ..اختي الاسم هذا مو عندنا !! ساره : اخوي البنت توهم ناقلينها !!..تاكد مره ثانيه الله يعافيك!! الموظف :ابشري ........رجع يدقد من جديد ...رفع راسه اختي الاسم الي ذكرتيه مو عندنا !! مهااا ودموعها تنزل وبصوت فيه العبره: ساره وين راحوو لايكون صار لهم حادث لايردون ولاهم في المستشفى!! ساره بخوف : فال الله ولا فالك بسم الله عليهم ..خذت جوالها ودقت على ماجد ونفس الشىء مغلق بقلق مها مسكر يارب احفظهم يارب ومشت طالعه من المستشفى ماتدري وين بتروح دق جوالها رفعت بيدين ترجف من الخوف شافت المتصل ردت بسرعه وماقدرت تحمل بكت وبصوت متقطع وخوف :عهود وينكم؟؟ عهود : بالمستشفى وش فيكم ؟؟ ساره بأنفعال : كذابه انا بالمستشفى عهود بعصبيه : انا في مستشفى ال ... ساره براحه : يعني انتو طيبين مافيكم شىء ؟؟ عهود : الحمدلله طيبين والحين بيرقون نوف لغرفتها وانا طلعت اكلمكم من قدام المستشفى لان فيه عوازل و ينقطع الارسال مقدر اطول ونوف طيبه وبخير لاتخافون شوي تعب ساره : خلاص خلاص حنا مسافة الطريق عهود : ساره كلمو امي وبلغوها اكيد الحين قلقانه انا مقدر اطول ساره: ان شالله عهود : يالله سلام ساره : سلام ـــــــــــــــــــــــــــــــــــــــــــ انهى توقيع اوراق دخول نوف للمستشفى واتجه للبوابه يبغى يطمن اهله عليها دق على ساره : الووو ساره : هلا ماجد كيف نوف الحين ؟ ماجد :الحمد لله بخير ساره : الحمدلله ..طيب وش قالو فيها ؟ ماجد بضيق : انهيار عصبي ساره بخوف :ياويلي على بنتي وخنقتها العبره مهاا وهي تبكي وخااايفه من اللي بتسمعه : ساره وش فيها نوف تكفين وشفيها ؟ ساره وهي تبكي: انهـيارعصبي مها بشهقه الصدمه الجمتها وصارت تخيل شكل نوف قدامها ماجد بضيييق :لاحول ولاقوة الا بالله .البنت الحين طيبه وبخير ليش تبكين ؟ ماسمع رد سكر الخط ورجع بيدخل لنوف .. في الوقت نفسه خالد والعنود وريم طالعين من عند بوابة المستشفى خالد : ايه طالعين ايه وهي معي ماجد الصوت موغريب عليه رفع راسه شاف خالد يكلم مومنتبه له وشافها شاف العنود ورا خالد متسنده على زوجت خالت فتح عيونه ووقف يناظرها مايدري وش يسوي ..اختلطت بداخله مشاعر ماعرفها وبالنظر تابعها لين اختفت عن ناظره ..غمض عيونه بألم يعتصرقلبه .. مـــــــــــا تقبلت الفراق .. وما لــيدي فيه حيله آآآآآآه لو أن الظروف المقبله تكشف قدرهـــــا.. لو يعرف الشخص منا .. وش مع الغيب بيجيله كان جنبنــــا المشاكل من قبل يوقع ضررهـــا.. مــــا هقيت الليله إلا جابت الفرقــــا طويلــــه ليــن صارت ليله أمس بعيني أطول من شهرهـا .. والعذاب إللي يذوب بعين من يفقد خليلـــــه عندي أكبر من عذاب العين لو تفقد نظرهـــــا .. |
البارت الثالث عشر ــــــــــــــــــــــــــــــ مـــــــــــا تقبلت الفراق .. وما لــيدي فيه حيله آآآآآآه لو أن الظروف المقبله تكشف قدرهـــــا.. لو يعرف الشخص منا .. وش مع الغيب بيجيله كان جنبنــــا المشاكل من قبل يوقع ضررهـــا.. مــــا هقيت الليله إلا جابت الفرقــــا طويلــــه ليــن صارت ليله أمس بعيني أطول من شهرهـا .. والعذاب إللي يذوب بعين من يفقد خليلـــــه عندي أكبر من عذاب العين لو تفقد نظرهـــــا تمنى يركض لها يقول لها اسسف غلط عليك وجرحتك..سامحني ..سكر عيونه بألم التقاها بعد الغياب ..مشتاق لها لكن ظروفه تمنعه .. فجأه تذكر واستوعب اللي شااافه قدامه العنود شكلها تعباااانه وش فيهااااااا !! لايكون اجهضت !!لالا مو معقوله اصلن بيقولون لي لو حصل وليه يقولون لك ؟انت رميت بنتهم عند الباب ولاسئلت فيها ..بس حتى ولو انا زوجها ! ..زوجها لا انا طلقتها ..طلقتها ..سكر عيونه بقهرررر من نفسه ودخل يحمل هموم مايدري وشلون يحلها ..ام غضبانه عليه تبيه يحقق لها امنيه صعبه عليه ..وامنيته اللي يبي يحققها وصعبه عليه ..وبنته اللي تبي من يهتم فيها وهو يبغى من يهم فيه .تنهد بضيق ودخل عليهن الغرفه ــــــــــــــــــــــــــ ام خالد في بيتها تجهز غرفت العنود تحت حتى تنام فيها ومنشغله بترتيبها سمعت صوت خلفها التفت فرحانه لكن انصدمت كانت تظن العنود هي اللي دخلت ام محمد وام نواف : السلام عليكم ام خالد : هلا عليكم السلام ..يامرحبا حياكم في المجلس ام نواف : لالا خلينا هنا عشان لاجت العنود ماتجبر نفسها عشانا وتوجع ظهرها وهي توها بكريه وتستحي الضعيفه ام محمد : اي صادزه ام نواف مناب اجناب هذا محلنا ام خالد : اي والله محلكم مايحتاج بروح اوصي على القهوه ام نواف تطالع في ام خالد لين ابعدت همس بأذن ام محمد: شوفي شوفي هذا وهي جايتهم مطلقه وعشانها على ظهرها جابو لها هالغرفه !! اجل لو ولدت وهي ماطلقت وش كانو بيسوون !! ام محمد منقهره : هه يمكن يبنون لها قسم كامل هههههههههه ام نواف :خخخخخخخ الظاهر فيهم فسقه مالها سنع والا العنود وسوادها احد يتحملها لا وبعد عوباااا ام محمد بضحك :تصدقين بغيت اضحك يوم قلتي العنود تستحي الضعيفه بس مسكت نفسي على اخر شىء خخخخخخخخخخ ام نواف بلامبالاه : وش اسوي خليني اطيرهم بالعجه هالوجيه ما ينفع فيها الاكذا امدحيهم يصدقوووون ام محمد تلمس طرف السرير اقول خشبه قوي شكله مهوب وطني ؟ ام نواف : تبين ام خالد تشتري وطني مثلنا !! هذي والهيااط والوطني بيفشلها مع رفيقاتها ولاهو قد مقامها <<بسخريه ام محمد : اسكتي لاتجيبين العيد جت جت ام نواف :الا اقول حبيبتي ام خالد متى الغاليه تجي ؟ ام خالد : في الطريق الله يسهل عليهم ام نواف وام محمد :امييين ـــــــــــــــــــــ دخلت عليهم ساره ومها واتجهت ساره لنوف اللي نايمه ولاتدري عن اللي حولها باست راسها وخنقتها العبره على حال بنت اخوها اليتيمه رفعت راسها : عهود ماصحت من طاحت ؟ عهود : لا ..بس الدكتور معطيها مهدئات ساره : يالبى قلبها تيتمت في صغرها وانهارت وهي صغيره مها اللي ماوقفت دمعتها على بنت اخوها تقربت منها مسكت يدها : نوف حبيبتي تسمعني ؟ نوف .. عهود : مها ماراح تسمعك لان تأثير العلاج ما انتهى ناظرت فيه جالس جنب الشباك سرحان من دخل ماتكلم ..شكله متضايق بس ماوده يقول حركة راسها لساره تشوفه .. التفتت عليه وراحت بخطوات ثابته له وجلست جنبه حطت يدها على كتفه ..التفت لها بسرعه وخوف : فيكم شىء ؟؟؟؟ ساره : انت اللي وش فيك ؟ تنهد بضيق ورفع راسه جهت النافذه : مافيني شىء ساره نزلت يدها من كتفه ولفت وجهه بهدؤ لها ..كلمتها ؟؟ ماجد :من هي ؟ ساره : العنود ماجد بسرحان : لا ساره : اجل وش فيك ؟ ماجد : شفتها ساره : هااااااه!! ماجد : شفتها طالعه من المستشفى هي واخوها خالد وزوجته بس ما انتبهو لي خالد مندمج مع الجوال واما العنود كانت متسنده على زوجت اخوها شكلها تعبانه ..نزل راسه بضيقه شكلها اجهضت ياساره اجهضت يعني كل شىء في حياتي انهدم .. ساره منصدمه من اللي تسمعه وماتدري وشلون تخفف على اخوها اللي الضربات صارت متتابعه .....بعد صمت كلمتها ؟؟ ماجد بخنقه : اقولك ماشافتني ... مالي وجه اقابلها وش اقوولها اسف شكيت فيك ؟؟ والا اقول مالي ذنب انا ضحيه ؟؟هه قالتها العنود لاعرفت الحقيقه لاتجيني ..عرفت الحقيقه بس مقدر اجيها مقدر حطت يدينه على وجهه مالي وجه اقابلها او اقابل احد من اهلها .. وما اقدر انساها ساره انا متعلق فيها انا احس نفسي تايه في شىء ناقصني .. انصدمت لما سمعت الكلام و كنت اطلع الشناط وانا في داخلي اتمنى ما القاه مابي القاء الشنطه اللي فيها الظرف ومازاد ضيق الا الكلام اللي مكتوب خلف الصوره لها وحاط التاريخ واليوم وقبلها كلمت ذكريات !!هه عرفو يخططون صح ..عرفو يحطمون حياتي عرفو يستغلون اللي بيني وبين العنود كان حب متبادل وواضح للكل عرفو يستغلون اللي بينا واشعلو الغيره في صدري ووثقوها بأثبات الخيانه.. آآآآآآآخ بس لو اعرف من هم؟ لو بغيت أصد عنك ماقويت وإن بغيت افارقك قلبي خفق من يقول اني على هجرك نويت قله ان قلبي بحبك محترق وقله اني في محبتك اعتليت رافع الهامه على حد الشفق وقله اني في بحر حبك رسيت فوق مجداف الهوى قلبي غرق ـــــــــــــــــــــــــــــــــــ دخلت بيت اهلها بهدؤ اشتاقت لبيت اهلها توقعت بيكونون فارشين بالحوش كعادهم !بس مالقتهم اشتاقه لضحكاتهم وتعليقاتهم .. تذكرت موقف وارتسمت على شفايفها ابتسامه تذكرت وهي صغيره كانو يفرشون زوليه كبيره ويحطون الفرش جنب بعض الجده والعنود وخالد وعبدالله وفي يوم نمنا وكانت جدتي معنا نايمه اما عمتي سهرانه هي وام نواف (بحكم ان سور بيتنا واحد والفلل جنب بعض )وجاء عمتي النوم صعدت الدرج حق الفلا ودخلت للبيت وللفله باب من الجهه المقابله لعمتي طبعآ الشغاله كانت تنام هناك بعد ماتفتح الباب كله وتفرش فراشها عنده اذا كان ابوي مو فيه ..المهم دخلت عمتي فجأه شافت زولين موقفين قريب من بعض ولابس لبس ابيض ركضت لامها :يمه يمه الشغاله التسلبه جايبه سلقها(سلقها يعني سلوقي وبما انه زولين قالت سلقها وهو نوع من انوع الكلاب تقصد انها مدخله رجال ) هنا ويمكن معلمتهم ان ما عندنا رياجيل بسلامتهم جدتي خذت لها عجرا <<ماعندها تفاهم الجده انا كنت نايمه بس صوت عمتي واضح وبما اني بطله بلعت العافيه وقعدت انتفض تحت البطانيه واعضها نتفت شوي منهااماالباقين كيفهم ما اهتميت اهم شىء ان الحرامي مايسرقني <<تفكيري خذت جدتي العجرا وقالت ادخلي عليهم وهاوووشيهم خليهم يطلعون علي وانا بصكهم بالعجراء ..عمتي ماصدقت احد وصاها وراحت وهي تنتفض وقامت تقول كلمات وهي خايفه ..هووو.. هيييه ..وجع ..ماش الزولين ماتحركو اخر شىء قالت مالي الا اصيح حتى ينحاشون وصعقت بصوتها اللي ينقال عنه (ياحظ الاصمخ اللي مايسمع )فجأه الشغاله انقزت والازوال اختفت وينهم ؟؟ وينهم ؟؟ وبعد ما دققت العمه وشغلت مخه اكتشفت ان الازوال هي ركب الشغاله والشرشف حقها ابيض وعاكسه عليهم الاضائه القمراء ... مشت العنود بعد ماتذكرت الموقف بأتجاه الصاله وسمعت اصوات في قلبها تقول الله يعيني على التسحيب (تقصد كثرت الاسئله حتى يعرفون وش السوالف ..تسحيب الكلام) السلام عليكم ام نواف بفزه :هلاااااااااا وغلاااااااااا وعليكم السلااااام ماتشوفين شر يالغاليه بسم الله عليك اااااااااااكيييييد عين اكيييييييد عين بس ان شالله بروح اجيب لتس ماء وزيت مقرىء فيه العنود : هلافيتس الله يسلمتس ما يحتاج اللي فيني نساااه (وحام) تعرفين تسبدي ماتقبل العيشه مايحتاج انتي خبره ماشالله الله يحفظهم لتس وسلمت على ام محمد اللي سلامها اقل من سلام ام نواف ام محمد : حمدلله على سلامتس العنود : الله يسلمتس ... امي وينها ؟ ام نواف : ابوتس كلمها مدري وش بغى منها وراحت فوق العنود : اها بروح اسلم عليها دقايق ام نواف تمسكها بأهتمام : انتي مهبوله ؟؟تبين ورعتس يطيح ؟ العنود بأبتسامه : الدرج مريح وبعدين ماراح يضره لورقيت اسلم على امي ام نواف :حتى ولو تبيني اقلق عليتس مانيب مرتاحه لارقيتي فوق ام خالد بفرحه : لاترقين انا جيت مايحتاج وشلونتس الحين ؟ العنود مبتسمه واسرعت بأتجاه امها: الحمدلله بخير ام محمد : غريبه رجلتس خلاتس عندنا ؟ العنود اللي انقبض قلبها من السؤال حاولت تخفي التوتر اللي بداء عليها : انا في بداية الحمل وتعرفن الوحده نسو والدرج صعوده ونزوله يأثر علي وفوقها مقدر اجبره يرقد معي تحت استاحش بالحالي وقلت بروح عند اهلي لين يفرجها الله ام نواف :لين تولدين العنود تضحك وتبين الوضع عادي : ليه ماتبيني؟!! ام نواف : لا والله ابرك الساعات لكن مابه رجال يصبر عن مرته لين تولد! العنود : خير ان شالله والتفتت لامها وين ليونه وجوجو ونيوفي؟؟ ام خالد : نايف فوق اما رقيه وسبيكه راحن مع سعود يجيب شعير للخيل العنود بشوق :مشتاقه لهم حيييييل ام خالد تضحك : بعد شوي بسمع كلمت تقلعووو من خشتي العنود ههههههههه هذي لازم ــــــــــــــــــــ ساره طلعت من المستشفى متضايقه على حال اخوها المصايب تحذف عليه من كل جهه تنهدت بقهر كاسر خاطرها هو اللي كان يمسح دمعها ويوقف معها بمحنتها دعت له من قلب الله يعينك ياخوي ويفرج همك يااااااااارب دخلت بيتها لقته جالس ينتظرها سلطان : اخيرآ شرفتي ؟؟ ساره : سلطان انا تعبانه اذا فيك حيل لتطنز مالي خلق انا له سلطان بستهزاء :لييه لايكون حااامل <<لان ساره تعاني من ضعف شديد واطفالها كلهم انابيب ساره بقهررر: ايه حامله هم بنت اخوي تعرف بنت اخوي نووف يعني بنت اختك تعبانه وكنت عندها بالمستشفى فيه اي استهزاءثاني ؟؟ سلطان ببرود : وهي وشفيها ؟ ساره : تعبانه لقوها مغمي عليها بغرفتها ..والمستشفى نومها سلطان :الله واكبر اغمي عليها وسويتو هالزوبعه ...لكن اكيد المستشفى اهلي ؟؟ مو اللي مستشفى اللي يشتغلون فيه اخوك واختك ساره مستغربه :وش عرفك ؟ سلطان : تقولين اغمي عليها معناها اهلي يبون فلوس ..ولو كان حكومي طلعوها بساعتها ساره طيب عن اذنك بروح تبي شىء قبل لا اصعد فوق ؟ سلطان : متى بتطلع نوف بكره صح ؟ ساره: مدري سلطان : موب توك تقولين اغماء ؟ ساره : قلت اغمي عليها لكن ماادري وش سبب الاغماء وما اعرف انا في الطب اسئل ماجد هو اختصاصه هالامور ..وبعدين ليه هالحرص كله ؟؟ سلطان ابغى نروح لعمي نخطب ساره بخووف: تخطب لمن ؟ سلطان : اخطب لاخوي عبدالرحمن انتي عارفه ان ابوي الله يرحمه موصيني عليه ساره : ايه وبتروح انت وعمتك تخطبون <<عمته زوجت ابوه وام جواهر وعبدالرحمن وسالم . سلطان : ايه وانتي بعد ساره مستغربه لانها تعرف ان عمته ماتطيقها لاهي ولاسلطان بس وقت المصالح تبيهم : اناااااااااا!!!!!!!! سلطان : ايه انتي والا تبين ندخل على ابوك نخطب بدونك ساره بروعه : تدخل على ابوي !!!!! وش دخل ابوي ؟؟ سلطان : ليه ماتعرفين ان من يوم حنا صغار ان مها لعبدرحمن وعبدالرحمن لمها ساره : هذا انت قلتها حناااا صغااااار سلطان بعصبيه : تعالي انتي وش شايفه نفسك عليه ؟ ساره بقهر: انا ماشفت نفسي لكن انت اللي شف وش بتسوي بتزوج اخوك اللى 24ساعه فاااقد اختي يا اخي حرااام عليك سلطان : عبدالرحمن ترك اللي كان يسويه ساره : هذا تقوله لغيري وللي مايعرفونه سلطان فقد اعصابه ومسكها بيدينه الثنتين من عند عضودها بقوووووووه اسمعي لو عرفت انك فتحتي فمك بحررررف وااحد وقلتي شىء عن اخوي عبدالرحمن ياااااااااويلك مني فاااااااهمه ؟؟؟.......وعادها بصراخ فااااهمه ؟ ساره بخوف : فاهمه فاهمه ..بس ابوي وخالد مسافرين لجده عندهم اجتماع لشركه واطلقت يدينها منه وركضت وهي تبكي لغرفة عيالها من القهر حسبي الله عليكم حسبي الله عليكم يبات الحزن فـي داخلي مجبـور .....واناظر الحلم البعيد بعين مكسورة الملم شتات الحرف بأوراق وحبـور ......واجمع مآسي هالشعر وسطوره بالحشى طفـلٍ من الضيــم مقهور ......والمحاني من جور الايام ممطورة افتح شابيبك الالم واطالـع السـور ........ياكيف ابوصل مبتغاي وشعوره اضحك ونصيبي من الليالـي جور ....وانثر آهات صدري بنفس ٍذعورة الحزن ثوبٍ على المتـن مـزرور ....والصبر وش يفيد لا طالت شهوره زرعت اماني العمر عرق و جذور .........وحصدت نهاية احلام مقهورة تعال يافتات الفرح واجمع المنثور ......تعال وربي هالمينا جفّت بحوره |
البارت الرابع عشر ــــــــــــ توني حسبت حســاب بعدك وفرقاك توني دريت إنــي بـــدونك ولاشـــيء خليـتـنـي مابيــن طيــفــك وذكرااااك عذبـت حـــالي ليـش ماتــرفق شوي إرجــع ولو تــآمـر على الـــروح تفداك إرجــع تراني شفت موتي وأنــا حي !! طلع من المستشفى يفكر وش يسوي وشلون يرد العنود له ؟..تردد يكلمها او لا قرر يكلمها دور اسمها ودق عليها هي منسدحه تطالع بالتلفزيون رن الجوال وردت بسرعه بدون ماتنتبه للاسم متوقعه انها خالتها لانها قالت شوي وادق عليك العنود : الووو ماجد بشوق : السلام عليكم العنود قلبها دق بسرررعه ورفعت الجوال تشوف الاسم غمضت عيونها من الضيق مابي سؤالك عني اليوم ماابغاه ومابي قلبك دام هذي خطاويك عفت الهوى بعد ماشفت دنياه عفت الليالي كلها في تجافيك ببكي ندم ببكي وله والم فرقاه واكتب قصيدة حزن كلها فيك وحبك صعب على القلب ينساه لكن عزت النفس اجبرتني اخليك ضيعت قلب(ن)هايم فيك ذكراه وحب(ن)رفعك لازم انه يوطيك ماجد بعد صمت دقائق : العنود وشلونك؟ العنود بعد تردد ردت عليه بضعف :عرفت الحقيقه ؟ ماجد :ماعرفتها ولا ابي اعرفها ابيك انتي العنود بسخريه :هه ايه واضح ..انا قلت لك كلمه من قبل واعيدها الحين لاعرفت الحقيقه لاتجيني ..ورجاء ارسل ورقتــ ماجد يقاطعها عنوده عنوده اسمعيني بقولك انـ ..سكرت الخط في وجهه تهند بقهر كان يتمنى تسمعه كان يبغى يقولها انه مشتاق لها وانه فقدها سكر عيونه بندم امنتك الله يابعد كل غاااالي..., أمنتك الله واحفظ حبنا زين..! بعدك ترا ماعاد شي بقالي...، ماعاد باقي لي سوى دمعة العين..! ما أنساك لو يمشون حولي عيالي...، ببقى أذكرك لو راحت سنين وسنين..! اما العنود تنهد و ضمت جوالها مشتاااااقه له تبي تعرف وش سوى بعد ماطلعت منه ..حس بفقدانها ؟..والا نساها ؟؟.. لا لو كان نساني مادق علي هو قال انه يبيني !..بس هو شك فيني ..ظلمني ..مد يده علي تذكرت بها اللحظه الكف اللي تلقته منه لاشعوريآ رفعت يدها على خدها تحسس مكان الكف سكرت عيونها وبكت ..بكت قهر الظلم ..وفراق الغالي ..وجرحها الكبير .. ..حطت وجهها على المخده واطلقت لدمعها العنان ــــــــــــــ في الرياض وحالها ليس بأفضل من حال ابطالنا هنا تبكي قسوة الزوج وجبروته ..وتبكي حظ اختهاالعاثر .. وش بتسوي وش الحل ؟ ان تدخلت يمكن يحرمها من عيالها وان سكتت راح تحرم اختهاالسعاده !! خيارين احلاهما مررررر ـــــــــ في المستشفى في احد الغرف عهود جالسه على الكرسي تطالع بالتلفزون وحاطه رجولها على الطاوله المقابله سمعت نوف تناديها بصوت مبحوح متقطع :عمه التفت لها بفرحه واسرعت لها :نوفه وشلونك حبيبتي ؟ نوف هزت راسها بالايجاب :من جابني هنا ؟ عهود :ماجد نوف من سمعت اسمه حست بغصه سكرت عيونها بقوه ونزلت دموعها قهر من نفسها ..هي ساعدتهم يخونونه وهو عالجها .. عهود تمسح دموع نوف :نوف حنا عرفنا كل شىء حتى ماجد عرف نوف بنظرات خووف من اللي تسمعه ومن مصيرها اللي متوقعته وكملت عهود :ماجد عارف ان مالك دخل في السالفه واللوم مو عليك عليهم هم <<طبعآ عهود تقوله بناء على الكلام اللي سمعته انها ماخانت بس هم هم حتى تخلي نوف تعترف نوف وعيونه مغرقه دموع : وش سوى فيهم ؟ عهود : منهو وفي من نوف بسرعه : عمي ماجد في خالتي جواهر وخادمتها مارسيل وخالي سالم ؟ عهود : ماسوى شىء الى الان لانه خايف عليك و متضايق من اللي صار لك عهود تطالع في نوف اللي صدت بوجهها للجهه الثانيه وتبكي ( تبكي اللي جرحته واهتم فيها )تناظر ها بنظر ت رحمه وعطف لها صغيره لعبو بعقلها واستغلو حبها له وتعلقها فيه .. ــــــــــ في حجرته قاعد على طرف السرير وساند ظهره عليه يفكر فيها وش بيصير لها هو واجه الي عارضو الزواج ورفضوه عاندهم زوجها لشخص اللي كان شايفه الانسب لها حجروها (حيرو عليها)و وقف بوجيهم الحين بنته رجعت له مكسووووره بسبته .. شااف اليوم بنظرتها الم رغم انها تبتسم تتصنع القوه مثل كل مره لكن بداخلها هشه ..(يكلم نفس) لو اني مخلي العيال يعطونه درس بأسلوبه اللي يفهم فيه كان عرف وشلون يكسر العنود ايه اسلوبه جلف ماعنده ذوق تركها عند الباب حتى الحشيمه ماحشمني وانا في مقام عمه !!لانزل ولا تعذر ولا غيره .... هيييييين ياماجد الوعد قدام اعلمك درس ماعلمتك اياه الحياه ..ان ماخليتك تجي وتطلب رضاها ما اكون نايف ـــــــــــــــ في مكان ليس بقريب في احد احياء الرياض الراقيه في بيت كساه الظلمه بعد الفرح اصبح هااادىء لدرجة الخوووف بعد انا كان بيت يصدر ضجيج ضحكات الفرح شخص جالس في غرفته المظلمه الا من اضاءة الابجوره ينظر الى الجهه المجاوره له على السرير مكانها اللذي احتواها يتذكر الايام اللتي جمعتهم .. تذكر في يوم دخل عليها تعبان من العمل كانت تنتظره شافته تعبان اسرعت له حمدلله على السلامه ماجد : الله يسلمك ... مسكت يده تعال شكلك تعباان من الشغل تعال اجلس شوي ريح جسمك ماجد : ايه بقووووووه اليوم كان فيه عمليه ومن الساعه 8 الى الساعه 2 ونص في غرفت العمليات العنود : وشلون المريض ماجد : طيب الحمدلله العنود: الله ياجرك على جهدك يارب ماجد : امين وجلست قدامه تسولف وتعلق على الاحداث اللي صارت لها اليوم ذاك كله تذكر سالفه ابتسم عليها قالت خالتي كلمتني بعد ماطلعت من الدوام الساعه 7 وقالت خلي ليليان تجي تساعد شغالتي بغسل الزوالي (الفرش)وقلت ابشري وراحت ليليان قمت 9 ما لقيت احد توقعت ليليان الى الان ماخلصت وانتظرت وطقني الجوووووع وقلت بروح اسوي فطوري الضعيفه بيجي حليها مهدود واروح من العجله واغسل القلايه واحطها على الغاز واطلع البيض وافقشه واحطه بصحن واحركه وحط الزيت بسرررررعه ورحت اطلع جيك العصير واحطه جنب القلاس وارجع احط البيض على القلايه وانتظر البيض يستوي !! وشبلاه اليوم شافني جوعانه ومصخها البيض ! نزلت راسي وكان الصدمه اني ماشغلت الغااز <<شفت اني اعجبك في الطبخ شقرديه وتحرك حواجبها كان يجي من الدوام شايل هموم من حالات تدمع لها العين وقصص تقشعر منها الابدان لكن ما ان يدخل عليها الا وترتسم على شفتيه الابتسامه العذبه خطرت على باله فكره اخذ جواله وكتب خذني على قد تفكيري وسامحني يكفيني اللي مضى من وقتي القاسي أبيك لا خانت الأيام تسندني وأبيك ذخر الليالي لا ضعف باسي أمنتك الله تكفى لا تضيعني وأنت وضميرك تصرف يابعد راسي بالجهه الثانيه منسدحه وحاطه يدها على بطنهاوتفكر باللي في بطنها كيف بيعيش بعيد عن ابوه ؟ انا بعوضه عنه وباللي اقدر عليه وابوي ماراح يقصر والعياال اكيد ..بس وشلون اصرف عليه ؟ انا مادرست جامعه .. وابوي لو اموت مو مخليني اخذ من الشؤون الاجتماعيه لاني مطلقه .. ومستحيل كل مابغيت شىء لي ولولدي مديت يدي اشحذه ياربيه فرجها من عندك .. تنهدت حسبي على من شتتونا رن جهازها معلن رساله العنود : رساله اكيد يبون التسديد هالامتصاصات محد يرسلي الاهم و (ماجد) قامت من السرير لطاوله اللي كان عليها الجهاز يشحن فتحتها قرت الرساله ... وعادت قرايتها ثانيه ..هه بنفسها بكل سهوله اسامحك؟ ليه لعبه ؟ اسامحك على كفك والا شكك والا اتهامك والا على السب اللي سميت فيه بدني !.. لها الدرجه متوقع ارجع !! بعييييييده عليك بعيده ارسلت له هديت عرش الحب بيديك .. تبيعنا واليوم تبكي علينا .. ذاب الحنين بعين قلب يراعيك .. مثلك على النسيان والله قوينا .. أبحفظ عزة النفس ما أبيك .. بالناس نلقى من نبيه ويبينا سمع صوت الرساله اللي فاقد امل انه يسمع ارتسمت على شفاه قرا الرساله اختفت الابتساامه ..نسيتي نسيتي يالعنود الحب ..وبتتزوجين غيري !! وين الحب الي تقولينه ؟!! ماقدر يصبر اكثر حس انه مخنوووق لااااازم يكلمها رفع السماعه دق لكن ماردت ..رجع يدق مره ثانيه لقاه مسكر!! الى هالدرجه كرهتيني !! مسك راسه اللي حس انه بينفجر من القهر وش الحل ؟ الله وأكبر × يازمن × وشلون قلبي [ما أستراح ] ( العيب فيني ) ياترى ولا ( العيوب من الزمن ) اللي بغيته مالفى ..وأقفـا على دربه وراح .! واللي رفضته مارحل يضحك وانا عيوني بكن .! لاصار " حظي مركبه " تبقى المصيبه .. ! بالرياح ! تجري " الرياح العاصفه " في عكس ..ماتمشي السفن الـهـم أصبح لي ..( وطن ) والجرح أصبح لي .. ( وشاح ) وياجرح ماعاد أحتمل مامدام لأهمومي وطن أحس بظلوعي قفص والطير مكسور الجناح وأحس .. بعيوني .. دمع مسجون .. في داخل جفن والليل قرب ينتهي ويزول في وقت الصباح وانا وليلي نكتفي بس المواجــع ما اكتفن ماعاد لأسراري بلد والحزن دمرها وباح ولاعاد فيني أبتسم وأخفي همومي والحزن نوف وعيونه مغرقه دموع : وش سوى فيهم ؟ عهود : منهو وفي من نوف بسرعه : عمي ماجد في خالتي جواهر وخادمتها مارسيل وخالي سالم ؟ عهود : ماسوى شىء الى الان لانه خايف عليك و متضايق من اللي صار لك عهود تطالع في نوف اللي صدت بوجهها للجهه الثانيه وتبكي ( تبكي اللي جرحته واهتم فيها )تناظر ها بنظر ت رحمه وعطف لها صغيره لعبو بعقلها واستغلو حبها له وتعلقها فيه .. ــــــــــ في حجرته قاعد على طرف السرير وساند ظهره عليه يفكر فيها وش بيصير لها هو واجه الي عارضو الزواج ورفضوه عاندهم زوجها لشخص اللي كان شايفه الانسب لها حجروها (حيرو عليها)و وقف بوجيهم الحين بنته رجعت له مكسووووره بسبته .. شااف اليوم بنظرتها الم رغم انها تبتسم تتصنع القوه مثل كل مره لكن بداخلها هشه ..(يكلم نفس) لو اني مخلي العيال يعطونه درس بأسلوبه اللي يفهم فيه كان عرف وشلون يكسر العنود ايه اسلوبه جلف ماعنده ذوق تركها عند الباب حتى الحشيمه ماحشمني وانا في مقام عمه !!لانزل ولا تعذر ولا غيره .... هيييييين ياماجد الوعد قدام اعلمك درس ماعلمتك اياه الحياه ..ان ماخليتك تجي وتطلب رضاها ما اكون نايف ـــــــــــــــ في مكان ليس بقريب في احد احياء الرياض الراقيه في بيت كساه الظلمه بعد الفرح اصبح هااادىء لدرجة الخوووف بعد انا كان بيت يصدر ضجيج ضحكات الفرح شخص جالس في غرفته المظلمه الا من اضاءة الابجوره ينظر الى الجهه المجاوره له على السرير مكانها اللذي احتواها يتذكر الايام اللتي جمعتهم .. تذكر في يوم دخل عليها تعبان من العمل كانت تنتظره شافته تعبان اسرعت له حمدلله على السلامه ماجد : الله يسلمك ... مسكت يده تعال شكلك تعباان من الشغل تعال اجلس شوي ريح جسمك ماجد : ايه بقووووووه اليوم كان فيه عمليه ومن الساعه 8 الى الساعه 2 ونص في غرفت العمليات العنود : وشلون المريض ماجد : طيب الحمدلله العنود: الله ياجرك على جهدك يارب ماجد : امين وجلست قدامه تسولف وتعلق على الاحداث اللي صارت لها اليوم ذاك كله تذكر سالفه ابتسم عليها قالت خالتي كلمتني بعد ماطلعت من الدوام الساعه 7 وقالت خلي ليليان تجي تساعد شغالتي بغسل الزوالي (الفرش)وقلت ابشري وراحت ليليان قمت 9 ما لقيت احد توقعت ليليان الى الان ماخلصت وانتظرت وطقني الجوووووع وقلت بروح اسوي فطوري الضعيفه بيجي حليها مهدود واروح من العجله واغسل القلايه واحطها على الغاز واطلع البيض وافقشه واحطه بصحن واحركه وحط الزيت بسرررررعه ورحت اطلع جيك العصير واحطه جنب القلاس وارجع احط البيض على القلايه وانتظر البيض يستوي !! وشبلاه اليوم شافني جوعانه ومصخها البيض ! نزلت راسي وكان الصدمه اني ماشغلت الغااز <<شفت اني اعجبك في الطبخ شقرديه وتحرك حواجبها كان يجي من الدوام شايل هموم من حالات تدمع لها العين وقصص تقشعر منها الابدان لكن ما ان يدخل عليها الا وترتسم على شفتيه الابتسامه العذبه خطرت على باله فكره اخذ جواله وكتب خذني على قد تفكيري وسامحني يكفيني اللي مضى من وقتي القاسي أبيك لا خانت الأيام تسندني وأبيك ذخر الليالي لا ضعف باسي أمنتك الله تكفى لا تضيعني وأنت وضميرك تصرف يابعد راسي بالجهه الثانيه منسدحه وحاطه يدها على بطنهاوتفكر باللي في بطنها كيف بيعيش بعيد عن ابوه ؟ انا بعوضه عنه وباللي اقدر عليه وابوي ماراح يقصر والعياال اكيد ..بس وشلون اصرف عليه ؟ انا مادرست جامعه .. وابوي لو اموت مو مخليني اخذ من الشؤون الاجتماعيه لاني مطلقه .. ومستحيل كل مابغيت شىء لي ولولدي مديت يدي اشحذه ياربيه فرجها من عندك .. تنهدت حسبي على من شتتونا رن جهازها معلن رساله العنود : رساله اكيد يبون التسديد هالامتصاصات محد يرسلي الاهم و (ماجد) قامت من السرير لطاوله اللي كان عليها الجهاز يشحن فتحتها قرت الرساله ... وعادت قرايتها ثانيه ..هه بنفسها بكل سهوله اسامحك؟ ليه لعبه ؟ اسامحك على كفك والا شكك والا اتهامك والا على السب اللي سميت فيه بدني !.. لها الدرجه متوقع ارجع !! بعييييييده عليك بعيده ارسلت له هديت عرش الحب بيديك .. تبيعنا واليوم تبكي علينا .. ذاب الحنين بعين قلب يراعيك .. مثلك على النسيان والله قوينا .. أبحفظ عزة النفس ما أبيك .. بالناس نلقى من نبيه ويبينا سمع صوت الرساله اللي فاقد امل انه يسمع ارتسمت على شفاه قرا الرساله اختفت الابتساامه ..نسيتي نسيتي يالعنود الحب ..وبتتزوجين غيري !! وين الحب الي تقولينه ؟!! ماقدر يصبر اكثر حس انه مخنوووق لااااازم يكلمها رفع السماعه دق لكن ماردت ..رجع يدق مره ثانيه لقاه مسكر!! الى هالدرجه كرهتيني !! مسك راسه اللي حس انه بينفجر من القهر وش الحل ؟ الله وأكبر × يازمن × وشلون قلبي [ما أستراح ] ( العيب فيني ) ياترى ولا ( العيوب من الزمن ) اللي بغيته مالفى ..وأقفـا على دربه وراح .! واللي رفضته مارحل يضحك وانا عيوني بكن .! لاصار " حظي مركبه " تبقى المصيبه .. ! بالرياح ! تجري " الرياح العاصفه " في عكس ..ماتمشي السفن الـهـم أصبح لي ..( وطن ) والجرح أصبح لي .. ( وشاح ) وياجرح ماعاد أحتمل مامدام لأهمومي وطن أحس بظلوعي قفص والطير مكسور الجناح وأحس .. بعيوني .. دمع مسجون .. في داخل جفن والليل قرب ينتهي ويزول في وقت الصباح وانا وليلي نكتفي بس المواجــع ما اكتفن ماعاد لأسراري بلد والحزن دمرها وباح ولاعاد فيني أبتسم وأخفي همومي والحزن |
البارت الخامس عشر ـــــــــــــــــــــــــــــــــــــــ لاعاد ترجاني ولاني براجيـــــــــــك .. والكل منا جعل دربه سلامـــــــــــه لاعاد اسولف بك ولاجيب طاريــــك .. وانشهد ان بعض المعرفه ندامــــــه قلبي من اول يودك ويغليـــــــــــــك .. وعن خلق الله ترفعت هامـــــــــــــه واليوم عذال الهوى شرعوا فيـــــك .. حطوا على عينك سواد الغمامـه لا تحسبني في قصيدي انا اجيــــــك .. عن حبنا اللي راح واقفى غرامــــه حبك تحطم وانتهى بين اياديـــــــك .. قصر الغرام اللي بنيته هدامـــــــــه مرت يومان على الاحداث السابقه هناك من تجرع قسوة البعد و اصبح اسيرآ لهمومه احساس الانهزاميه يحاصره واللهفه على اللقيا تجتاح مشاعره وهناك من ذاق مرارة الظلم و الاحساس بالضعف والمذله والهوان رغم تكاتف من حولها الى ان هناك احساسآ يخالجها انها عاله على اهلها وهناك من اجبرت على السكوت حتى لاتشتت ابنائها ولم تجد وسيله اخرى سوى الدعاء لاختها سلطان كلم عمته وطلب منها تروح لحالها حتى تفاتح ام ماجد بالموضوع بدون وجود احد ـــــــــــ ام ماجد : ياهلاااا ومرحبااا ام عبدالرحمن : هلااا فيك شلونك يا صيته ؟ ام ماجد : بخير وشلونك انتي ؟ ام عبدالرحمن : الحمدلله طيبه ام ماجد : دوم ان شالله ام عبدالرحمن : ياام ماجد اليوم انا جايه نوثق كلامنا ونحقق وصية المرحوم ابو سلطان اخوك ونزوج مها لعبدالرحمن وش قلتي ؟ ام ماجد: ياختي انتي قلتيها وصيه يعني لااازم تنفذ ام عبدالرحمن : انا عارفة انك مره تعرفين بالدين والاصول عشان كذا ماكنت خايفه ان مها تروح لغير عبدالرحمن ام ماجد بنفخه : الله يجزاك خير الحمدلله انا اطبق شرع الله ام عبدالرحمن : اجل انا بروح ابشر عبدالرحمن ام ماجد بفرحه : ايه روحي وانا بروح ابشر مها ــــــــــــــــ عهود : نوفه يالله اشربي العصير هذا حتى تصحصحين لان الاسبوع الجاي بترجعين للمدرسه <<تحرك حواجبها تقهرها نوف بقهر: عمه الدكتور قال ريحوها صح ؟ عهود : ايه قال ريحوها ماقال غيبوها نوف مبوزه : وانتي محد يقدر عليك عهود تطق صدرها : انا عهود مو حيالله نوف : هذا البلاا خخخخخخخخ عهود وهي تضحك : اقول اشربيه لا اكبه على راستس على قولت العنود ..............بعد فتر بسيطه من الصمت عهود :اشتقت لها نوف بضيق : تدرين احس اني فاقدتها عهود تطالعها مستغربه : انتي فاقده العنود؟ نوف تحرك كتوفها : حتى انا نفسي مدري ليه جاني هالاحساس رغم اني ما احبها عهود رفعها حاجبها : ماتحبينها وفاقتدها اشرحيها لي ؟؟ نوف : مدري يمكن تعودت عليها ! عهود : كل شىء جايز .......وش رايك نكلمها ؟؟ نوف بروعه : هاااه لالالا انا لا عهود : خلاص انا بكلمها رفعت جوالها ودقت بالجهه الثانيه العنود جالسه تقهوى مع امها وام نواف وام محمد وريم ام محمد : ام ناصر يقولون تخطب لولدها ام نواف تضحك : خاطب بنت المنار وام ناصر مهايطه عندهم تقول عندي فله بالرياض وولدي طلبوه بأرامكو وعيا عشاني خخخخخخ ام محمد خخخخخخخخخ: مهبوله هالمره اجل طلبو ولدها في ارامكوو العنود: يمه خالي كلمني اليوم بيجون بالاجازه هنااا يقول ياويلتس لو جيناتس وانحشتي عاد انا دقيت صدري قلت لاا خاالي افا عليك تعالو انتم بس قبل لا اغير رائيي ام محمد تبي تقهرها : ليه اجل انتي ماتطلقتي ؟ صدمه اذبلت الابتسامه في وجيه الموجودات ريم تحاول تلاحق الموقف : طلاق ليه من قاله ؟ والا كل ماسيرت وحده على اهلها طلقتوها ؟هذا انتي يام محمد تروحين باليومين والثلاثه لا اهلتس والا انتي غير؟؟ ام محمد : سمعنا انها تطلقت لانها طردت امه من البيت ؟ العنود بدهشه وتأشر على صدرها: انا اطرد امه من البيت وليه شافتني يام محمد ناقصه ؟ والا مهبوله ؟ اطرد حرمه كبيره من بيت ولدها ..صحيح هو بيتي لكن بيت ولدها ومالي حق اطردها من بيتها..اما الناس ياكثر مايحتسون وكذبهم اكثر من صدزهم ..(وبسخريه )هه المفروض بدال ماتسمعين لحتسي فلانه وفلنتانه ان مادفعتي عني مارضيتي بسمع الاذى فيني يام محمد ..وين الا هل دام الواحد مايدافع عن اهله ؟ والا بس اهل مجاملات قدام الناس !! خنقتها العبره وسكتت حتى ماتبين ضعفها.... و دق جوالها شافته عهود مشتاقه لها ردت بسرعه تبي توضح لهم ان علاقتها زينه : الوووووو عهود: السلام عليكم العنود : وعليكم السلام عهود: شلونك؟ وكيف الاهل ؟ العنود : الحمدلله بخير ..انتم شلونكم وشلون نوفه عهود : الحمدلله كلنا بخير ..حتى نوف تقول انها فاقدتك العنود قامت من عندهم حتى تاخذراحتها بالكلام ـــــــــ نزل من سيارته طق الباب عبدالله قام من مكانه بعد ماسمع الدق وبصوت : ارحب اقلط وطلع بيستقبل الضيف شافه قدامه وااقف تطاير الشرار من عيونه وهو يصك على اسنانه لك وجه تجي ؟ ماجد بفشله : السلام عليكم عبدالله : الله لايسلم فيك مدق ابره ماجد بقهر مكبوت : عمي وينه ؟ عبدالله بسخريه : هه عمك !! عمك وانت وصلت عند باب ولاقلت اسلم ؟ عمك اللي رجعت بنته له مادارت سنتها ؟ ماجد بضيق : انت ماتعرف شىء فلاتحكم من الظاهر عبدالله : مارجعتها ورجعت لبيتك بدون ماتدخل او حتى تعذر؟ ماجد بنفاذ صبر: ابغى عمي عبدالله : ابوي مهوب فيه ماجد : والعنود عبدالله : وشوووو العنود !!.. لايكون تبي بس ترجعها !! تحلم تعرف معنا تحلم !! تحلم ماجد بقهر : العنود زوجتي وعلى ذمتي الى الان والا ناسي ؟ عبدالله : كاااانت زوجتك والحين بتطلقها وانت ماتشوف الدرب ماجد بغيض: انا مالي تفاهم معك انا مع ابوك اتفاهم عبدالله : رح لابوي طلع ماجد من البيت اللي كان متأمل يشوفها فيه ــــــــــــــــــــــــ مها في غرفتها تمشط شعرها بعد ماخذت شاور اندق عليها الباب وراحت تفحته ابتسمت هلا يمه غريبه وش عندك صاعده الدرج كان كلمتيني اجيك ام ماجد وبأبتسامه واااسعه : لا حبيبتي انتي اللي نجيك ياعروستنا مها مو مستوعبه :هاااه عروستنا !! ام ماجد: ايه عروستنا واحلى عروس بعد .. اليوم جات خالتك ام عبدالرحمن تخطبك لولدها عبدالرحمن وانا قلت موافقه مها منصدمه : وافقتي ؟ ام ماجد بجديه : ايه وافقت وانتي موافقه اكيييد لانها وصية اخوي الله يرحمه وانا ما ابغاه يتضايق في قبره مها :انتي تعرفين ان عبدالرحمن يشرب ؟ ام ماجد : ايه كان يشرب بس الحين ربي هداه مها بذهول : هداه من قال ؟ عبدالرحمن لازال يشرب وعلى وضعه ماتغير ام ماجد بعصبيه: هذا دورك انتي غيريه وخليه يترك الشراب مها متفاجئه : انتي تبيني اغير واحد له فوق عشر سنوات يشرب !!... واحد السم يمشي في دمه ؟ ام ماجد : هذي وصية اخوي فاهمه وصيه ؟ مها بضعف : يعني انا اكون ضحيه عشان الوصيه وينهدم مستقبلي عشان ميت ..بعبره مخنوقه انتي عارفه وش قاعده تسوين او تقررين ؟ انتي حكمتي على بالشقى واذوق العنا مع واحد عايش على تقاعد ابوه واجار العماره اللي يتقاسمونها كل سنه هو واخوانه !! يعني شىء مايسد جوعه هو !! ام ماجد بحده : جعلك الجوع وكسر الضلوع الحين اقولك زواج ووصيه تقولين جوع وفلوس !! انتي مهبوله ؟ اكيد منتي صاحيه ..لكن اسمعي انا وافقت وعطيت كلمتي وبقول لابوك انك موافقه وتبينه مهاقاطعتها بضعف بس انا مو موافقه ولا ابيه ..ما ابيه يمه ما ابيه ام ماجد بنفاذ صبر : قولي كذا قدام ابوك وارفضيه او حسسيهم بس انك ماتبينه في هاللحظه انسي اني اكون امك فاهمه انسي ..انا بنتي ماتطلع عن شوري لاني اخبر بمصلحتها مها حالها يصعب وصفه ..دموعها تنزل بغزاره ..قلب ملاه الحزن وكساه اليأس ..احلامها تحطمت .. قرارها المصيري مجبره عليه .. يا زمان العجايب وش بعد ما ظهر كل ما قلت هانت جد علمٍ جديد إن حكينا ندمنا..! وإن سكتنا قهر..! بين قلبٍ عطيب وبين راس عنيد |
البارت السادس عشر ـــــــــــــــــــــــــــ آثر آلألم في سكره آلموت قآسي مآهآلني مثله وآنآ آنسآن حسآس جآبوآ كفن آبيض مقآسه مقآسي وآلقوآ به آلجسم آلمحنط مع آلرآس ابو ماجد : انتي مهبوله والا تهيبلين ؟ ام ماجد بعصبيه : وش ذا الكلام ؟ ابو ماجد : مدري عنك تقولين مها تاخذ عبدالرحمن ووصيه وهي تبيه وهويبيها وش تخربطين انا ابي اعرف انتي في عقلك شىء ام ماجد منقهره: انت من اليوم وانت تسب ليه ؟ بنتك تحبه وهو يحبها وشفيها لاتزوجو ؟ ابو ماجد : انتي تعرفين عبدالرحمن وش يخربط ؟ ام ماجد : كاااااااااان والحين عقل ابو ماجد : من قال انه عقل ؟ ام ماجد : سلطان وداه مستشفى الامل وتعالج والحين مافيه الا العافيه ابو ماجد : حتى ولو ..مامعه وظيفه وشهادته متوسط ليلي بعد ..!! ام ماجد : الله واكبر يوم ان ماجد خذا العنود ماقلت هالشىء ؟ ابو ماجد : فيه فرق ماجد ماخذ وحده هو يصرف عليها مهوب العكس ..اما عبدالرحمن بنتك بتصرف عليه وهو بيتبطح بالبيت مثل النسوان ام ماجد : هي راضيه .. انت تعرف ربك دام البنت راضيه لاتوقف بنصيبها وترى بنتك مهيب صغيره الحين بتدخل 31سنه وهي مقابلتني ابوماجد : وصلت 31 يعني خلاص تعرس حتى لو واحد فاقد عقله ؟ ابغى اعرف انتي وشلون تفكرين ؟ ام ماجد : افكر بالعقل ابو ماجد : والله العقل الفااضي ام ماجد :متى تبي الملكه ؟ ابو ماجد فتح عيونه : حسبي الله عليك من مره الحين هالكلام مافاد فيك ؟ ام ماجد :ليه انت بترفض؟ ابو ماجد : وش رايك؟ ام ماجد بحنيه تستعطفه : وصيت اخوي ..ومها الضعيفه اللي تحب تبي تكسر قلبها؟ هي دايم مهضوم حقها ويوم فرحت بتكسره ؟ كان على الوظيفه وظفه عندك بالشركه وخله تحت عينك منها يجيه راتب ومنها تفرح مها بها الخبر ابو ماجد يصير خير ــــــــــــــــــــــ العنود :نيوف تعال هنا وتأشر بيدينها ليان :لاا انا انا ..وركضت لحضنها ريم : وجع ليانووووه بتعورين عمتس العنود : بسم الله عليها من الوجع ليان فاتحه فمها وتدور براسها ريم : وش تدورين ؟ ليان : وين عمتس العنود ههههههه حليها ريموه ريم : هذي عمتس <<وتاشر على العنود ليان تهز راسها بالنفي :هذي عنود العنود تبوسها : ياحبي لتس ريم : بدا الفلم التركي ههههههههه ـــــــــــــــــــ خالد : صدز عاد عبدالله : قسم بالله راز خشته وجااي لا ويقول (ويقلد صوت ماجد)العنود زوجتي وعلى ذمتي الى الان والا ناسي ؟ خالد : هههههههههه عند خشمه عبدالله : تصدق عاد انه قال انت ماتدري عن الظروف فلاتحكم من الخارج خالد : وش الظروف طيب ؟ عبدالله : مدري بس حسيت من كلامه فيه شىء ومهوب هين خالد : تدري من بيعلمك ؟ عبدالله : لاتقول العنود صعب تحفررررررررر والعنود ماتعلمك خالد : نحاول وش ورانا انفتح عليهم الباب ودخل ابو خالد ابو خالد : السلام عليكم وعليكم السلام خلف (القهوجي ) : عمي تبي قهوه ؟ ابو خالد : لا بس سو قهوه بيجونا ضيوف خالد وعبدالله : ضيوف ! ابو خالد : ايه ماجد عبدالله : كلمك ؟ ابو خالد : ايه كلمني وقال انه جاء ومالقاني عبدالله : ايه صح جانا هنا يبغاك وقلت مهوب فيه قال ابي العنود وعييت ابو خالد : بيجي الحين ومالكم كلمه انا هنااااا واللي مايقدر يمسك نفسه (وبنظره لعبدالله ) يطلع ..انا اللي اتفاهم معه عبدالله : ليه يبه لايكون ناوي ترجع له العنود ؟ ابو خالد : بتعرف بعد شوي ـــــــــــــــــــ خالد : انت وينك فيه الحين ؟ ماجد : بالديره عندهم خالد : ماقابلت ابوها ماجد : رحت له البيت ومالقيته وقابلت عبدالله وقال انه طالع خالد : والعنود ماجد : ماخلاني اشوفها ويطالب بطلاقها خالد : وشووووووو مهبول ذا ؟ ماجد : اللي سويته مهوب سهل عليه خالد: طيب بترجع والا وش بتسوي ؟ ماجد : لااا كلمت ابوها وقلت ابغى اقابلك ..وقال تعال البيت خالد : طيب رح له ماجد : اكيد بروح ..سلام خالد :سلام ــــــــــــــــــ يا قلب لا تشره اذا الناس عافوك لا تشتكي وتقول محد(ن) بغاني وش ترتجي منهم اذا هم تناسوك وش ترتجي من كل قلب أناني أغتالوا آمالك وبالحيل ذلوك وتصرخ تبي ما فات يرجع ثواني!! في غرفتها متضايقه من اللي بيصير لها حكمت امها عليها بالشقى حتى ترضي ام عبدالرحمن ( لها علاقات مع الطبقه المخمليه و لها مكانه بينهم رغم ان اوضاعها الماديه عاديه لكن تعد نفسها من هالطبقه وام ماجد بغى تكون معها في علاقاتها ) مها تندب حظها اللي بيجمعها مع انسان غير متزن ولا سوي .. طق الباب عليها مها تمسح دموعها: من ؟ عهود: انا مها : ادخلي عهود : حلوه ذي وشلون ادخل وانتي مقفله الباب يالذكيه ؟ مها قامت وفتحت الباب وبسرعه لفت عهود اللي انتبهت للحركه:مها وش فيك ؟ مها : مافيني شىء عهود: مها اعرفك زين وحركاتك من العصر وانتي متغيره ..وش فيك ؟ مها : قلت لك مافيني شىء عهود : على راحتك ماراح اجبرك تقولين .. وطلعت منها وهي مستغربه حركاتها .. لكن بسرعه شال الافكار من بالها لانها توقعت ان وحده المدرسات غلطت عليها واستغلت ضعف شخصية اختها ــــــــــ أطرد ورى الأوهام ضامـي وملهـوف واغفي على كـف الرجـى والتمنـي كني سجين بسلسـل المـوت مكتـوف يبكـي أسـى وجـروح قلبـه تونـي وشو بقالـه غيـر دمعـات وحـروف اوجهٍ مـن الماضـي وقلـبٍ يحنـي دخل عليهم السلام عليكم وعليكم السلام ماجد : وشلونك ؟ ابو خالد : بخير ماجد منحرج :عمي آآآ ممكن نتكلم لحالنا ؟ عبدالله بأندفاع : ليه شايفنا مبزره عندك وتبي تصرفنا ؟ والا الموضوع مايهمنا ولا يخصنا ؟ ماجد منزل راسه مغتاااض من اسلوب عبدالله :انا طلبته حتى اقدر اخذ راحتي بالكلام واقدر اقول الاسباب واشرحها بدون ما احد يقاطعني وبالذات انت ابو خالد : خلاص تعال للمجلس الداخلي وقامو للمجلس الداخلي ماجد منحرج منزل راسه يفرك يدينه بعشوائيه من توتره:آآ عمي انا عارف انك متضايق مني ومعك حق بس انا .. انا انحطيت في موقف لا احسد عليه معك ومع العنود حتى مع نفسي .. خلافي مع العنود بسبب غلطه مني ..انا انخدعت .. انخدعت بكذبه لفقوها و قالو شف الادله والاثباتات على ان العنود غلطانه والخدعه للاسف قدرو يفبركونها و يخلوني اشوف البراهين بعيني ماقدرت اتحمل ان العنود تسوي شىء مثل كذا ماقدرت اتحمل اللي شفته ماقدرت صعب صعب !.. جبتها هنا وانا ما احس بنفسي القهر والغيض اعمى عيوني والحقد ملا صدري ..عشت كم يوم وانا في حاله الله اعلم فيها بسبب خدعه !!..خدعه طبقوها علينا حتى... حتى (بغصه) ننفصل انا والعنود ...وفعلآ قدرو يوصلون للي يبونه ..انا عارف اني اتخبط بالحكي معك .. انا عرفت الحقيقه (رفع نظره لابو خالد) وعارف انك شايل علي بس انا جاي وعشمي فيك تسامحني وارجع زوجتي لي ولبيتها ..انا ابي العنود وشاريها الى الان ومالي غناه عنها طلبتك ياعمي وقام بيحب راس ابو خالد ابو خالد فز بسرعه وحط يده بصدر ماجد وبعصبيه:وانت بس قلت اسف سامحني وغيره من الكلام وتبيني ارجع لك بنتي ؟ ليه وش شايفني ؟انا ماني الضلع القصير اللي ادنى من رقااه ..(اشر بيده )اسمع بنتي مالك نصيب فيها انت خذيتها من هنا على انك تصونها و تحشمها لكن وش سويت ؟ من اول سالفه جيت وحطيتها عند الباب حتى الاعتذار مني او من امها واخوانها لا اعتذرت ولا حشمتنا !! وليته لشىء يسوى !! تسذبو عليك وانت على طول تصدق !! وجاي الحين بكل بسطه ابيها ! اسمع زيييييين مالك عندنا مره . ماجد بضيق وقلة حيله : عمي انا ابي زوجتي ابي ارجعها ..انامستعد اسوي اللي تبونه بس ترجع لي العنود . ابوخالد : اللي نبيه ورقتها ماجد بضعف : ورقتها وانا !!.. انا ابي زوجتي ابو خالد :ماعندي لك مره ماجد سكره عيونه يضيييق و اتجه للباب التفت جهة ابو خالدوالدمع في محاجر عيونه : عمي انا غلطت واعترف بغلطتي وندماااان والله ندمااااااان .... (تغيرت نبرته والعبره خنقته ) لكن بسئلك لو كان خالد في نفس موقفي وش بيكون فعلك ؟ ترضى زوجته تكون بعيده عنه وهو في حاجتها ويبيها ؟ ترضى ولده يعيش بعيد عنكم وعن ابوه ؟ ابو خالد : لوكان سوى سواتك يقديه مايجيه .. انت ماتثق بمرتك وشلون تبيني اثق فيك ؟ تبيني ارجعها لواحد قدرو يتسذبون عليه وصدقهم على زوجته ؟ اللي فهمته من سالفتك هاللي تغطغطها (تكتمها) انهم شكوك في مرتك وصدقها وهذي علوم النسوان فلانه قالت وفلانه سوت حتسيهن هاللي مايخلص .. والرجال مايرخي اذنه لنسوان !! ماجد : لااا يا عمي مو كذا .. نزل راسه ..تكفى ياعمي لاتضغط علي مقدر ..قدر وضعي ياعمي سالفه مقدر اقولها نزل راسه ..فتح الباب وطلع من المجلس ومن البيت بكبره جاء على امل يرجع وهي بجنبه ويرجع لبيته الحياه لكن رجع بأمال محطمه ونفس كسيره وهموم مثقله لصدره حاس نفسه مخنوووق فتح ازرة ثوبه وركب سيارته واتجه لبيت يحمل هموم ... قلب ينزف الم .. احلام تهاوت لسراب يانفس مالك امــل بالضيق ملـزومـه اصبحت صفحــة الــم والكـل يقـرانـي الظـاهـر ان الفـرح يومي قبـل يـومـه وجايز يكـون الفـرح صـد وتـنــاسـانـي الليل صارت همــومي تعشق هـمــومه والحـزن من كـثر ما خـاويـتـه اغـلانــي تعبت اخـلـي همـووم القلب مــكــتومه خلاص صـبـري نـفـذ مـن لـوعـة احـزاني |
البارت السابع عشر ـــــــــــــــــــــــــــــــــــــــــــــ ــــ ماشكيت من الوله بين المحاني ماجزعت من الفراق وكبر غله ماتحس أنك فقدت إنسان غالي مايمل القرب منك ولا تمله كان تذكرني مع الخلوه ثواني أنت في بالي ترى العمر كله العنود : ريموووه خليه على سليمان الجبيلان ريم بعناد : لا بشوف المسلسل التركي العنود : اما عاد هذا الناقص تتابعين هالماصخين ريم ترفع حاجب : انتي جلفه خليهم يعلمونتس الرومنسيه العنود تسلهم بعيونها بأستهبال : انا اقطرررر رومنسيه ريم خخخخخخخخ: كثري منها العنود: ليه افااا طايحه من عينتس اشوف ؟ ريم : الا اخبرتس ما يحتاج العنود بشهقه : اهبي تنكر !! ريم :خخخخخخخ اقول الجبيلان ابشرتس خلص خليني اوريتس الرومنسيه العنود : اقول ريمو ه لاتحطين على هالشهب اللي مافيهم من الملح شعره دق جوال العنود ونطت ليان وردت : الووووووووو ليااان ليان : لبيه وين العنود ؟ ليان : هنا عطيني العنود ليان : تيب العنود : الوووو ماجد : السلام عليكم العنود ( قلبها يدق بسرعه ): وعليكم السلام ماجد : اذا عندك احد اطلعي لحالك العنود بعناد: ليه ماجد بضيق : العنود مو وقت عنادك بسرعه العنود (خايفه وتكابر) : مافيه شىء بينا مهم ماجد(بنبره ضعيفه) : وحياتنا مو مهمه !؟ واللي في بطنك مو مهم ؟! والا هذولا موبينا ؟؟ العنود : كل شىء انتهى ماجد بألم: بكل سهوله تقولين انتهى ريم قامت بعد ماعرفت انه ماجد حتى تخلي العنود على راحتها العنود: ايه انتهى والا بعد تبيني ارجع لك واذوق الكف والسب والاهانه من جديد ؟ ماجد : عنوده انا غلطت غلطت انا اسف العنود: اسف !! بكل بساطه تدق وتقول اسف ! ..اسف على وش ؟ على الاهانه والذل والا الكف والاعلى وش ؟ تحملت امك ومذلتها وسبها لي عشانك .. تحملت نوف وغطرستها عشانك .. تحملت نظرات جواهر وحركاتها عشانك ..قلي وش حصلت منك ؟ وش؟ حصلت كف ..كف بسبة كذبه !!(نزلت راسها وغمضت عيونها وضغط يدها على الارض وبسخريه ) هه الا بسئلك من اللي سوى الحركه ؟ ماجد : مدري .. مدري ..من هم ولا يهموني اهم شىء انتي انا ابيك العنود (ودموعها بدت تشق طريقها على خدها): مايهمونك !! صح ما الومك مايهمونك ماشكوك بخواتك والا كان تفاهمك معهم غير واهتميت تعرف منهم ! ماجد : انتي تهميني انتي زوجتـ العنود قاطعته بسرعه : طليقتك ماجد بصوت مخنوق : لا انتي زوجتي وماراح اطلقك عنود انا محتاج لك العنود بحده : ليه نسيت وش قلت يوم تشك فيني وش قلت ؟ ماجد : في لحظه غضب والطلاق بها الحاله مايجوز العنود (ببرود ظاهري عكس البركان الي بداخلها ) : خلاص اجل بكره رح للمحكمه وانت مرووووووووق وطلق ماجد منصدم : عنود انتي من جدك تتكلمين ؟ خلااااص ماعاد لي بقلبك مكان ؟نسيتي اللي بينا بسهوله !! العنود (تصك على اسنانها وبقهر):انا نسيته مثل مانسيته انت !! ماجد بسرعه : مانسيته مانسيته والله مانسيته واكبر دليل جيتي اليوم لبيتكم ابي ارجعك لي ولبيتك العنود : بيت طلعت منه مطردوده ما ارجع له ...لاعاد تدق علي وارسل ورقتي واللي بينا انتهى ماجد:العنود ..سكرت الخط ماجد بضيق خلاص مافيه امل ضغط على جهاز الجوال بقوووووووه من القهر بيده وش الحل ..ابوها رافض وهي معنده بضعف يدعي ربه ياااااااااارب فرجها من عندك .. جيتك مثل طفل(ن) له أيام محروم عن حضن أمه أبعدته المقادير وجيتك مثل عود(ن) له أيام مهموم وده يلاقي بأخر الوقت تقديــر وجيتك حضن عاشق وهايم ومغروم وده يضمك لين تصبح على خير متى تحس إن الهوى شي مقسوم من قسمة الخالق على خلقه يصير ومتى تحس إني لك أطيح وأقوم وأتعب على شانك وأقدرك وآغير ــــــــــ العنود ماكانت احسن حال من ماجد لكن كرامتها فوق كل اعتبار ..سالت دموعها ملعنه عن حزنها والم بين حناياها مطلقها قبل يدور حولها .. اطلقت اهات وزفرات من قلب محروق عن حياه ما استمرت بسبب خدعه .. انسدحت على سريرها وتركت عبراتها تخط طريقها ..دمعة الم ..دمعة ندم .. جرح صعب ان يلتئم اصدق دموع اشوفها دمعة فراق من الهدب للارض طاحت حزينه ..! قبل يتفارق بالهوى اثنين عشاق .. في ساحة التوديع قبل السفينه .. ماعاد تجمعهم مراسيل واوراق ! وكلن بلا خله يكمل سنينه !! ـ ـــــــــــ رن جواله وهو في يده ماله نفس يرد على احد شاف المتصل عرف انه يحاتيه الووو خالد : هلاااا هااا بشر ؟ ماجد بضيق : وش ابشرك فيه عن ابوها اللي ما عنده نيه يرجعها لي والا عنها هي اللي رافضه خالد متضايق من ضيقة اخوه: ماعليه هونها وتهون يعني اللي خلقها ماخلق غيرها؟و(بقهر) طعني وتزوج وهذا بيقهرها ويخليها تحسف هي وابوها ماجد : ماراح اتزوج شيل هالفكره من راسك مستحيل اتزوج انا ماقدرت احافظ عليها تبيني اظلم غيرها بعد!! خالد : طيب انت وينك فيه الحين ؟ ماجد : داخل الرياض خالد : بتروح للبيت على طول ماجد يتنهد: ايه مالي خلق اشوف احد خالد: طيب لاوصلت دق علي ماجد : طيب خالد : سلام ماجد : سلام ـــــــــــــــــــــ سكر الخط من اخوه وهو ضااايق صدره عليه حاس بضيقته بس مافي يده حل .. رفع السماعه ودق : السلام عليكم :وعليكم السلام خالد : يبه وينك فيه ؟ ابو ماجد : في البيت خالد : منت طالع ؟ ابو ماجد: لا مانيب طالع خالد :طيب بجيك ابغاك لحالك ابو ماجد : بخوف فيك شىء؟ خالد : لا مافيني شىء بس بسولف عليك ابو ماجد : خلاص تعال في مكتبي خالد : ابشر .يالله سلام ابو ماجد: وعليكم السلام ــــــــــــــــــــــــــــ رفع جواله وارسل رساله وش هالكون بعدك علمني وش يكون؟؟ وش هالدنيا بدونك غير صمت وسكون! الصبح شاحب!والليل تملاه الظنون! والزوايا موحشه!(فاقد قلب حنون) عادي كل هالناس عندي يروحون او يجون الا انت غير الناس روحتك عني ماتهون" اعلن جهازها وصلو رساله كانت حاسه انه بيرسل او يدق رفعتها وقرتها وارسلت له : لا تعتذر القلب ما يشفع لك خطية .. طابت النفس سيرتك وزاد قهرها .. قلبي المجروح ما عاد يردلك التحية .. روحي العليلة منك تأخذ حذرها .. ماصدق ان جهازه اعلن وصولها كان عارف ان فيها رد جاف وفتحه وانصدم بالرد القاسي ..طابت النفس ..!! طابت نفسك مني ! غمض عيونه و ارخى جسمه على السرير وسرح بفكره .. لحظة غضب اعمت بصيرتي خسرت فيها اعز ناسي .. والحين قاعد اخسر الباقين امي اللي ماتتكلم معي حتى اخضع لطلبها .. ونوف اللي من طلعت من المستشفى ماشفتها ...فز من مكانه بسرعه وطلع وصار ينزل الدرج بسرعه كبيره وصل لباب بيته الرئيسي فتحه لقاه قدامه واقف بشموخه المعتاد سلم عليه وباس راسه :هلاااا مرحبا اقلط حياك ودخله ودخل معه .. ابو ماجد :وشلونك يابوي ؟ ماجد : الحمدلله عايش ابو ماجد : يستحق الحمد ياولدي .. رحت لها ؟ ماجدنزل راسه و بغصه : ايه رفض ابوها ابو ماجد : طيب بنروح بكره لهم انا وانت وش رايك ؟ ماجد بأبتسامة يأس : يبه جعل عمرك طويل هم رافضين ومصرين على قرارهم ابو ماجد بهدوئه المعتاد : انا بروح بكره لهم و انا اعرف اقنع ابو خالد . ماجد حس بأمل وبفرحه قام وحب راس ابوه : الله يخليك لنا ابوماجد والفرحه في وجه على حركات ولده اللي من سمع بالخبر وهو حاس باامل دخل قلبه وخوف لاينصدم ـــــــــــــــــــــــــــــــــــ رفعت السماعه ودقت على اختها هنوف : الوووو مها : السلام عليكم هنوف : وعليكم السلام هلااااااا وغلااااااااا بالخاله مها : هلافيك حبيبتي كيفك؟ هنوف : الحمدلله بخير ..كيفك انتي؟ مها: الحمدلله وكيف امك وابوك واخوانك هنوف : طيبين مها :حبيبتي عطيني امك هنوف : ان شالله .. رحت ركض و بلغتها ان خالتها على الخط ساره: هلااا مها مها : هلافيك شلونك؟ ساره : الحمدلله شلونك انتي ؟ مها بضيق : تسئليني عن حالي وانتي عارف ؟ ساره بغصه : حاولت يامها والله بس مابايدي حيله لكن ابوي واخوانك بيرفضون مها بسخريه : هه مااقدر ابوي سئلني اليوم الصبح وقال فكري واستخيري .. وقلت انا موافقه و........ ماقدرت تكمل خنقتها العبره حاسه نفسها مهانه من امها وسكرت الخط ساره ماكانت في حال افضل من حال اختها تتمنى لها الزوج الكفؤ لكن حكم القوي! على كف القدر نمشي ولا ندري عن المكتوب عبارة كنت أرددها صدق من صاغ معناها مشينا دون لا ندري وشربـنا من بـلاهـا كـوب وهـذي حال الـدنـيـا رمـتـنـا مـا رمـيـنـاهـا تضحكنا تبكـيـنـا تـمـشـيـنـا على المـطـلوب على كف القـدر نـمـشـي دروب ما رميناها من الكاسب من الخاسر من الفايز من المغلوب مع الأيام تـحـصـدنـا وحـنـا ما حصـدنـاهـا وأنا واحد من الآلاف أعيش بعالمي مرعوب أحس الأرض مهزوزة من أدناها لا أقصاها نظرت الناس من حولي وكم بالناس هو منكوب حوادث هزه الوجـدان أجـل بالعـيـن شفناها ألا يا عـمـري الفاني ألا يا حـقـي الـمـسـلـوب متى عـيـنـي بليل الياس لـذيـذ النوم يهـنـاها متى يحـالفـنـي الحظ ويصحح وضعـي المـقـلـوب يعـدل قسـوة الأيام وغلطة ما ارتـكـبـنـاهـا ــــــــــ اليوم الثاني مجتمعين على الفطور كل العائله وهذا افتقدوه من زمان ..كانت سوالف وتعليقات وضحك على بعضهم .. ابو ماجد بأبتسامه : ماجد ها ياولدي متى تبغى نمشي ؟ ماجد يستهبل : لوهو على كيفي الحين هههههههه خالد: مستعجل الولد زين ما مسكك الخط امس خخخخخخخ ماجد : ايه انت وش عليك متربع هنا ولا يهمك ام ماجد تدخلت : انتو وش تحكون عنه ؟ خالد : ماجد بيروح هو وابوي يراضون العنود ام ماجد بعصبيه : هاااااااه وش تقول ؟؟ يراضونها ؟؟ ليه ؟بعد مع شينها قوايت عينها !! بتروحون تجيبون لي وحده راعيت مغازل في بيتي ؟ والله لو جــ ابو ماجد يقاطعها بعصبيه هيييييييييه انتي وينك عايشه فيه انتي ؟ طبعآ موفاضيه مغير حاطه عباتك على راسك من عزيمه لعزيمه وفلانه عندها زوارت بنتها وفلانه عندها عرس ولدها وفلانه عندها تمايم وفلانه ولدها منكسر وغيره وغيره مغير من بيت لبيت ماتدرين وش يصير في بيتك ! العنود مالها دخل اللي حطت الصور شغالت جويهر وسويلم الرخمه ماجد اللي انصدم من اللي سمعه جواهر وسالم !! ام ماجد بدفاااع : كذذب جواهر ماتسوي هالحركات وبعدين متى دخلت جواهر بيتكم ؟؟هااااه والا تعرفون تحذفون على الناس مصايبكم وتبلونهم ؟ عهود بهدؤ: يمه ماتبليناها .. نوف كانت معهم قالو لها كلمي ليليان وخليها تنظف معك غرفتك من جديد حتى تأخرونها وماتشوف مارسيل .. نوف سوت اللي قالوه لها .. و جواهر استغلت حب نوف لماجد وتعلقها فيه وقالت لو طبقتي هالسالفه ماجد بيكره العنود ويطلقها ويرجع لك ونوف تظن ان جواهر مهتمه فيها او عشان خاطرها سوت هالحركه ماتدري انها استغلت حب نوف لصالحها .. ومارسيل دخلت ولبست ملابس نوم للعنود وكانت تصورها جواهر بها الملابس في غرفت العنود نفسها وكانت الصور ماتطلع الا الجسم واللبس لان الوجه ماراح يقدرون يحرفون فيه طبعآ كذا صوره بملابس العنود الخاصه والتحميض ما ياخذ ساعه والبركه في سالم اللي كان مخفي بطريقه متقنه لابس نظاره شمسيه وطاق لطمه حتى مايبان انه سالم ومأجر سياره غير سيارته حتى لاعطى على مارسيل الكيس وصورته جواهر بها اللقطه توضح السياره وما يعرفونها اكيد هالسياره.. لا ومارسيل عليها عباية العنود (عباية العنود سااده مافيها الون او تطريز بعكس عبي جواهر )وشنطها حتى يثبتون الجريمه صح !!طبعآ مرسيل وجواهر دخلو علينا عاادي ذاك اليوم وسوالف لين يجيب سالم الصور وهي محمضه .. واذكرك بكلام جواهر يوم كانت مهتمه لجيت العنود ذاك اليوم واجبرتيها على الجيه رغم انها تعبانه بس حتى ترضين جواهر واستغلت هالفرصه مارسيل وراحت تحط الصور بالمكان اللي اتفقوا عليه فوق يوم كانو يصورون !وطلعو من بيتنا اتصلو عليك من شريحه بدون اسم ماجد اللي منذهل من التخطيط ..الحين هذا كله ليه يسوونه ؟؟ وش سوت العنود لهم !!وقف بسرعه لا شعوريآ ونااظر بأمه بعصبيه :وتبغيني اخطبها !! تبيني اخطب وحده تتهم عرضي؟ !! كل شىء الا اني ادخل وحده تخووون بيتي واعطيها اسمي ! ابو ماجد بعصبيه: ومن قال اني بزوجك غير العنود ؟ ماجد بتوتر ::هاااااااه ابوماجد : من قاااااااااااااال لك انك بتتزو غير العنود ماجد بتردد : امي قالت لي بتبراء منك لو ماتزوجت جواهر وكنت مستغرب اصرارها عليهارغم انها تشوف مافيها من المميزات اللي يجذب ..امي تبيني اخذ وحده شايفينها اخواني ومومحتشمه ..وحده لو خذيتها ما راح احس انها لي اناااا !! الكل شايفها وعارفها وشبعانين منها وفوقها لاتخاف ولاتستحي عارضه عمرها بشكل ملفت للانتباه مو لجمالها لا لوقاحتها وجرائتها وماخافت لا على عرضها ولبسها فاصخ وعباه شفافه وعطر فواح ماليه وجهها بالمكياج وترجع باخر االليل وشلون تبيني اخليها تحمل اسمي وهي ماحافظت على اسم ابوهاا وسمعتها !!استغفرالله ام ماجد بغييييض: انت تحمد ربك ان وافقت عليك !! وبعدين تعال انت الحين كل هالبلاوي في جواهر؟؟ والا عشانك منقهر انها اجمل من القرويه ؟؟ ماجد : القرويه اللي تكلمين عنها ماتسوى جواهر اضفرها تدرين ليه ؟ اللي تقولين عنها قرويه انا اشوفها اجمل وحده بالنسبه لي والجمال مهوب مقياااس انا اهم شىء جمال روحها واخلاقها وسمعتها ما ابغى وحده عارضه جمالها على نص الرياض وشبعانين منه انا بغي وحده لاحملت اسمي ماتدنسه وحده لاطلعت من البيت اضمن اني تركت البيت في امان .. ابو ماجد بحقد : هذا اهم شىء السمعه لاراحت من البنت ماللبنت قيمه و البنت بفعلها الشين تحمل اهلها عارها ام ماجد بقهررر: ليه تحب هالقرويه هاااه هي ساحرتك اكيد انت وولدك وعهودوه ابو ماجد بسخريه : طيب يالذكيه سحرتني ليه اجل ما سحرتك معي ؟؟وسحرت ذي معي(واشر لنوف) والا انتو ماتنسحرون !! اقول اعقلي يامره وولدك بيرجع ان شالله مرته اليوم وان عرفت انك مأذيتها او جارحتها انتي وذي بيصير لكم شىء ماتمنونه فهمتوووووووو!!؟؟ نوف انسحبت من الجلسه بهدوء وخايفه احد ينتبه لها وصعدت لغرفتها وكمل ابو ماجد كلامه بعصبيه : اقول ياصيته شكل الكلام ماينفع معك علمتك وقلت لا تدخلين في ماجد واهله ورحتي تسوين حركات ناقصه انتي ماتستحي على وجهك ؟ عجوز وش كبرك وتهدمين بيت ولدك ؟ ومافاد فيك تعصين امري !!!!!!! ماجد يحاول يهدي الوضع : يبه الله يهديك وسع صدرك ابو ماجد : امك من زمااااان وانا اعدل فيها ولا تغيرت ..امك مالها شخصيه تحركها ام عبدالرحمن وبنتها على كيفهن وهي عندي تنفض ريشها على العنود وعليكم قلت لاتدخلين في ماجد واهله ومافاد فيها ام ماجد بزعل : يامحمد انت ماتبيني خلااااص طلقني؟؟ ياسنين عمري كفايه حـزن ياسنينـي خلاص راح الذي يستاهـل احزانـك لمي جروحك وكفي الدمع ياعيني ردي لزهـرة حياتـي بـاقـي الـوانـك وش ذكرك بالهوى الي كـان ناسينـي والحزن ليه هوبدا في يـووم عنوانـك |
البارت الثامن عشر ـــــــــــــــــــــــــــــ الضيق ماهو بالسعه والمساحه الضيق لا ضاقت بك قلوب وأرواح والبعد عن ما تكره النفس راحه من لا توده فارقه يوم ترتاح والكبر لله والتكبر بجاحه والوقت نصه جد والباقي مزاح والصوت حشمه وارتفاعه وقاحه كذاب من قال انطح صياح بصياح ابو ماجد رجع ظهره وتكتف وبسخريه : وين بتروحين !لبيت العنود !!اولأم عبدالرحمن اللي بتفرح بالخبر عليك وبتطردك من بيتها ! ام ماجد بغيض : العنود مالها بيت وهذاك بيت ماجد وام عبدالرحمن عاقل وماتسويها وبعدين ليش اطلع من بيتي ؟ انت اللي تطلع ! ابو ماجد يحرك راسه بسخريه : ليش تقولين ذا بيتي ؟؟ وذاك بيت ماجد ؟؟ليه ماتقولين بيت العنود والا على راسك ريشه حتى يصير ذا بيتك !! عهود ومها اللي يشوفون ويسمعون الكلام الحادبين امهم وابوهم مها بصوت خاايفه ينفجر عليها وعبره مخنوقه :يبه طلبتك تكفى خلاااااص ماله داعي هالكلام يبه ابوس راسك لاتطلقون تكفى يبه ورجعت للبكى وعهود اللي حالها ما يقل عن اختها ركضت لابوها وباست راسه ودموعها تنزل وبصوت مبحوح من البكى :المره ذي بس وماراح تعيدها ان شالله طلبتك يبه لاتطلق امي ابو ماجد :اسمعي انا بعديها عشان بناتك هالمره بس ان عرفت انك غلطانه على العنود والا محاشرتها بيصير شىء تندمين عليه قام من مكانه واتجه لغرفته ..ماااجد ماجد : هلاا .. سم ابو ماجد : بعد صلاة العصر بنمشي لهم .. ماجد : ابشر . ــــــــــــــــ بعد صلاة العصر في بيت ابو العنود ام خالد : اقول وش رايك نتخاوى لسوق ياابو خالد ابوخالد :رايتس مهوب زين ام خالد : افااااااا ليه هذا وانا اقول مبطين ماخويتك ؟ العنود تتدخل : امي صادزه مبطين ماخويناك ابو خالد : كملت انتي وبنتس اجل رحنا وطي ام خالد : يامال اللقاف وانتي وش ينططتس معنا العنود بستهبال : اجسركم ابوخالد : ياوالله اللي ماعزيتينا العنود تضحك : افاااااا طايحه من عينك ! ام خالد : اما انتي غاسلين يدينا منتس رن جوال ابو خالد :الوووو السلام عليكم ابو خالد : وعليكم السلام وشلونك يابو خالد؟ ابو خالد :بخير جعلك بخير ..وشلونك ؟ بخير الحمدلله ..شكلك ماعرفتني ؟ ابو خالد : لاوالله ماعرفتك .. انا محمد ابو ماجد ابو خالد : مرحبااا مرحبااا ابو ماجد : والمرحب باقي وشلونك وشلون جماعتك ابو خالد : ماعليهم طيبين وبخير وشلونكم انتم ؟ ابو ماجد : بخير جعلك به ابو خالد : الله يجعله ابو ماجد : يابو خالد انت في البيت ؟ ابو خالد : ايه ابو ماجد : اجل انا الحين مقبل عليكم مسير عليك ابوخالد : يامرحبا يابو ماجد حياك الله العنود اللي كانت تسمع المكالمه ومن سمعت اسمه قلبها يدق بسررررعه ابو ماجد : ابقاك الله ..يالله مع السلامه ابوخالد : مع السلامه التفت عليهاوقال محمد جاي واكيد بيحكي في الموضوع نفسه .. رفع السماعه ودق ..الووووو .هلاااا خلف زين القهوه بيجون ضيوف وشف محلك زين ــــــــــــــــــــــ في غرفتها تسترجع اللي سمعته من الكلام يعني خالتي استغلت حبي لعمي عشان تتزوجه هي !! يعني ماتحبني مثل ماتقول وانها مهتمه فيني وبتطير عنود حتى عمي يكون لي وكلامها كله كذب في كذب لي ؟ وانا من غبائي صدقت انها تحبني وخايفه علي !! طلعت تبيه لنفسها .. هيييييين ياجواهر ان ما خليتك تحسفين على كذبك علي ما اكون نوف ـــــــــــــــــ عهود : مها لك كم يوم وانتي منتي طبيعيه وش فيك ؟ مها ببرود : ليه ماقالت لك امي ؟ عهود: وشووو مها : بتزوج عهود ببلاهه : هااااه وش قلتي ؟ مها : بتزوج عبدالرحمن ولد خالي عهود وقفت مفزوعه : انتي بكامل قواك العقليه !! تزوجين واحد فاقد24ساعه ؟؟ مها بيأس : نصيبي عهود : نصيبك !! ليه توافقين وانتي تقدرين ترفضين؟ مها : لاتنسين انها وصية خالي والوصيه لازم نقوم بها ونطبقها عهود :اها وصيه !!..واحد يشرب ولا يصلي وفوقها بدون وظيفه يعني مافيه اي اثبات الا في اوراقه الثبوتيه ان مسلم لكن واقعه يثبت العكس يسكر ولايصلي وش تطبقين الوصيه له!والا بس استغلو ضعف شخصيتك واجبروك عليه ؟ مها بخوف لاتنكشف وتبرا منها امها: محد اجبرني على شىء عهود بنظر شك : محد اجبرك!! على العموم انتي عقلك براسك تعرفين خلااصك ـــــــــ ابو ماجد :يابو خالد موقفك هذا ماراح انساه ومثل ماقلت اول ما جيت لك هنا العنود ما اعدها الا من بناتي ويوم السالفه ماكنت حاضر والاوالله ماتجيك ودمعتها على خدتها انت هنا ابوها وهناك انا في محلك ابو خالد : يابو ماجد انت في محل الروح واللي سواه ماجد انت عارف انه مهوب زين ابو ماجد : اهم شىء انك رضيت وقبلت جيتي ومارجعتني خايب ابو خالد : انت عارف مكانتك عندي لكن رائيي مايلغي شور العنود ان وافقت ترجع والا تقعد عندي ابو ماجد : انا بدق عليها واخليها تجينا هنا ونسئلها رفع الجوال ودق :الوووو العنود بحياء : هلااااا ابو ماجد : السلام عليكم العنود قلبهايدق بسرعه : وعليكم السلام ابو ماجد : وشلونك يابنتي ؟ العنود : بخير ياعمي شلونك انت ؟ ابو ماجد : تعالي لي في المجلس الداخلي وتعرفين وشلوني انتظرك العنود : ان شالله .. مستحيه من عمها ومحتاره وش تسوي راحت لدولابها وبدلت لبسها لبست تنوره جنز فاتح وتيشرت ليلكي ولبست شرشف ليلكي وصندل واطي ورتبت شكلها ولبست برقعها وطلعت للمجلس الداخلي طقت الباب ابو خالد : عنود ادخلي يا ابوتس العنود بخطوات هادئه : السلام عليكم وعليكم السلام باست راس عمها : وشلونك ياعمي ؟ ابو ماجد : بشوفتك صرت بخير العنود : عساه دوم ان شالله ابو ماجد :تعالي اجلسي ( واشر لها جنبه) .. ياعنود انا جاي لك وابغاك ترجعين لرجلك انا عارف انه مخطىء بحقك والغلط راكبه بس كلنا نخطي ومافينا المعصوم العنود غمضت عيونها بقوووه تخااف من العبره تخنقها :آآحم عمي جيتك على راسي من فوق ولو تطلب روحي ما بخلت بها عليك لكن غلطت ولدك مهيب هينه حتى اسمح وارجع (سكتت شوي وتنهدت ) عمي ولدك رفع يده علي بدون ما يسمعني ولدك حكم علي حتى ماعطاني مجال ادافع عن نفسي ..تلفظ على الفاظ ماترضاها بنت تنقال عليها .. اسمح لي ياعمي مقدر نفسي ماتقبل الاهانه ابو ماجد بصوته الهادىء: يخسى يابوك اللي يهينك ..وحقك باخذه لك منه ومن جواهر ومن سالم العنود تطالعه مستغربه : جواهر وسالم ؟؟ ابو ماجد : هم اللي حطو الصور في غرفتك ..وهي اللي كلمت ماجد العنود : الحمدلله اللي اظهر الحق .. ابو ماجد : طلبتك يابنتي ترجعين لماجد ..ماجد شاريك ويبيك وواعدك مايمد يده عليك ولا يشك فيك ..هو جاي نادم على الي سواه فيك ..والله ما اعدك الا مثل عهود ومها وساره غلاتك من غلاتهن ولو اني ما اعزك ماجيتك من الرياض ارضيك العنود منزله راسها بأسف: الله يعز مقدارك ياعمي واسـ ابو ماجد يقاطعها بسرعه (حط يده على يدها): يابنتي طلبتك لاترديني هالمره وامسحيها في وجهي وانا باخذ حقك منهم طلبتك العنود رفعت راسها وعيونها متجمع الدموع فيها شافت عمها يناظر فيها بنظرت رجاء والتفت جهت ابوها اللي ملتزم الصمت تبيه يشور عليها حس بشعورها ابو خالد : عنود ان جلستي هذا بيت ابوك بيتك لك صدر البيت وان رجعتي رجعت مع ابوك لبيت رجلك .. العنود تكفف دمعها : انت وش رايك ؟ ابو خالد : انا ما لي راي الراي رايك انتي ؟ العنود : خير ان شالله ................ .............. ................ .......... ابو خالد : انا ما لي راي الراي رايك انتي ؟ العنود : خير ان شالله ................ .............. ................ .......... (تنهدت) موافقه ابو ماجد فز بسرعه وباس راسها هذا العشم يابوي ماخيبتي ظني رفع الجوال واتصل بماجد وقال يجيه بالمجلس طلع من المجلس الخارجي وهو خايف ينصدم بعد ما رفضوه اكثر من مره دق الباب ماجد :السلام عليكم عليكم السلام ابو ماجد: تعال واستسمح من عمك وبنته ماجد وابتسامه على وجهه وبخطوا ت سريعه را ح لابوه وباس راسه وباس يده الله يخليك الله لنا يخليك لنا وراح وباس راس عمه اسف ياعمي انااخطيت انا اسف طلبتك اعذرني انا حسبت ولدك واوعدك مااعيدها ياعمي ابو خالد بنظرا ت تهديد : انا المره ذي بعديها لك حشمه ومعزه ومقدريه لدخلت ابوك وجيته عندي ودخلته بيتي لكن والله لو جتني مره ثانيــ ماجد بتسرع : لالالا خلاااا ص هي مره وماعاد اعيدها ضحكو على حركته السريعه لف لها شافها جالسه على الكرسي وتمسح بقايا دموعها حز بداخله ظلمها وجرحها وهانها مشى لين وصل جنبها دنق وباس راسها انا اسف غلطت عليك وغلط مهوب سهل ومعك حق ان ماسامحتيني لكن انا جاي واطلب رضاك واوعدك قدام ابوي وعمي ما اغلط عليك واي طلب تبينه انا حاضر العنود وقفت : انا ان رجعت رجعت عشان عمي مارجعت عشانك كلمتها كانت قويه عليه لكن فرحته برجعتها خلته يتناسى الي سمعه مشت متجهه لخارج المجلس لحقها ومسكها من يدها سحبتها بسرعه ماجد بنبرت ندم : عنود اسف العنود طالعت فيه وكملت طريقها رفع صوته يالله ننتظرك جهزي اغراضك بسرعه التفت له : وشوووو ....اروح معكم !؟ ماجد : ماراح اروح بدونك العنود : بس انا ماراح اروح معك اليوم ماجد مشى لها لين صار قبالها يتأملها وبصوت هادىء : ماراح اروح بدونك ماصدقت ترضين علي تبين اخليك مستحيل ..يالله عنوده روحي جهزي اغراضك حتى نمشي ـــــــــــــــ ام ماجد في بيتها تغلي من القهر (راح يرضي القرويه آآآخ منها وبيطلقني عشااانها آآآآآآخ يالقهر قدرت عليهم وشلون اقدر اخليها تنقلع من هنا بدون ماترجع وشلوووون !؟ (وتفرك يدينها ببعض من الحره ) وش اسوي حتى اجمع ماجد بزوجته؟!<<تقصد جواهر رفعت السماعه ودقت على جواهر:الوووو جواهر : هلااا عمتي ام ماجد : كيفك ياحبيبتي ؟ جواهر بمكر : عمتي انا آآآانا متضايقه اممممممم مقدر اخبي عليك اكثر من كذا ام ماجد بخوف : وش فيك ؟ جواهر : اخو صديقتي خطبني وانا قررت اقبل فيه هو دكتوراه في ادارت الاعمال وعنده خير ماشالله وانـ تقطعها ام ماجد : وش تقولين انتي مخطوبه لماجد والا نسيتي ؟؟ جواهر بقهر : ياعمتي ياحبيبتي انتي تقولين كذا لكن مافيه شىء يثبت لاخطبه رسميه ولاعقد ولاشىء .. وياعمتي انا موصغيره على الزواج والعمر يركض والخطاب اذا تقدمو الحين لي بعدين ماراح يتقدمون لي .. ام ماجد تفكر في كلام جواهر .. ام ماجد : شوفي عندي حل يخلي ماجد يخطبك بسرعه ويكره القرويه فيه جواهر : وشووو ام ماجد : اسمعي بس ما ابي احد غيرنا يعرف بها الشىء جواهر : ابشري ام ماجد بدت في شرح ...... ـــــــــــ ام محمد : انتي شفتيهم ؟ ام نواف : ايه شفتهم مع الدريشه وهو يحط االشنط حقتها بالسياره ياكثر شنطها ولا7شنط تقولين شاده من بيتها !!والله لو احلف انها مالبست خلاقينها اللي فيها بس بعض النسوان فسقانات يكثرن من الخلاقين ياذاك نعرف بالموضه الله لايعاقبنا! ام محمد : يوووه 7شناط و ش فيها هالشنط! ام نواف : انتي ماتسمعين النسوان وش طايحات فيه ؟ ام محمد ببلاه : وش فيه ؟ ام نواف : عدي معي ..شنطه للحذيان وشنطه للهدوم وشنطه لملابس النوم وشنطه لدخون والاطياب وشنطه للكريمات (بستهزاء)عااد عنودوه على كثر التلطيخ مافاد هذا سوادها ام محمد خخخخخخخخخ الله يقطلع بليستس يا ام نواف ام نواف : وشنطه للمكياج ..شوفي عقلهن وش صغره مهبولات اجل كحل وحمره شنطه لحاله ومن التطور شارين الالوان اللي تحطها فوق عيونها تقولين كراسة والترتر طاحناته حتى ينثرنه على صدوره وتحت جحانهن <<القلتر ام محمد : ياكرهي لها الالوان الوحده تخطط عيونها تقول احد لكمها بقس في عينها ولا حطنه يسلهمن وما يحتسن على احد يحسبنه زين والزين مفارقهن وعيونهن تلامع تقول قطوه ام نواف : انتي شفتي ؟! الا ماقلت لتس ذاك اليوم راحت وحده لعرس المعيض وشافت ذيك البنت الطرقا تقول يازينها زينها وهي بعد التسلبه عارفه انها زينه مغير توزع ابتسامت تقولين البقره الضاحكه تقول وانا افتح فمي فيها مغير اراقبها دق جوالها وردت عليه وصاب البنت خفه مغير تكركر على غير سنع وشوي يوم هجدت وعيونها تقولين خافت من شىء والا احد روعها ..تقول انا عاد هنا تركت اللي يرقصن واقعد اراقبها شوي الا البنت تسنها تبي تشوف شىء مدري مافهمته بس قلبي نغزني منها وتدخل في غرفه حقت الخدامات وانا الحقها ووراها وعشان ماتشك فيني قمت انشد بعض الشغالات والورعان ماشفتو لي ورع لابس ثوب وطاقيه عمره 3 سنين وانا مغير ارقبها وشفتها وهي تدخل على غرفت الاكل وانا اويق عليها (اطل عليها )يأختس تقول ياشيفت الشر ياوالله البنات اللي مايستحن ياقطع وجهي من هالجيل التالي ام محمد بشغف : وش شافت ياختس ؟ ام نواف تطق صدرها وتمسك راسها : تكفين ياختس جعل البني اللي مايستحن ينقطعن حسبي الله عليها تقول لابستن ثوبن مزلط يدينها ظاهر ه ونحرها بين حتى صدرها ماغطت منه الا شين هين شوي ويطلع صدرها وموقفه تحتسي على رجال ولا قااضبه طرف من شعرها تسنها تقوله تراني اعرف اتدلع (مير مالت عليها هي ووجها اللي مغسول بمرق ) ام محمد : تهباااا جعلها تنقطع هي وبنتن مثلها ..يافضحها فضحهااا اهبي (تطق جسمها بسم الله علي جسمي قشطني من اللي سمعته )..الاماقالت لتس من هي يا ام نواف ؟ ام نواف : الا قالت هذي بنت المناحي والرجال طلال ال عبيد يقولون عاشقها؟ ام محمد : اكيد عاشقها تقولين شايفتهم متقابلين يالله ان تسترنا البني ماعااد يستحن ولايخافن من احد واهبببن ــــــــــــــ جواهر : والله ياعمه اثاريك تعرفين تخططين ولا على مستوى عالي ام ماجد: ايه اعرف ليه وش قالو لك ما اعرف جواهر : اللي قالو لي ما علموني انك عندك خبره وذكاء خارق مثل كذا اتاريهم قللو من قدراتك وماعطوك حقك من المدح ام ماجد بنفخه : يغاارون ياحبيبتي جواهر : اكيد غيرانات ام ماجد : المهم ياحبيبتي من بكره سوي اللي قلت لك عليه حتى تفارق بسرعه جواهر : من عيوني اليوم بجهز الاغراض يا احلى عمه ـــــــــــ الساعه 10 ونص بالليل وقفوا عند باب الفله ونزلو دخل ابوه لبيته واهو اتجه لها بأبتسامه مسكها بيدها سحبت يدها منه ماجد مستغرب : ليه تسحبين يدك ؟ العنود : انا رجعت بس حشمه ومعزه لعمي ولاتفكر بشىء غير كذا ماجد :كيف يعني ؟ العنود صاكه على اسنانها : رجعتي لك مظهر قدام الكل مظهررر ماجد : يعني انتي ما سامحتيني ؟ العنود رافعه حاجبها: اسامحك !! ليه اللي سويته سهل حتى ارضى بسهوله ذي!؟ ماجد بضيق : طيب قولي لي وش بيرضيك وانا مستعد انفذه بس ترضين عني العنود:مرضيني كااايد ماجد : وانا اقدر على الكايد العنود : جواهر بيتي يتعذرها هي واخوها .. امك تحترمني قدام الكل ماجد بصدمه : عنود وش تقولين امي تحترمك !!!؟؟ العنود : ايه تحترمني .. لاتلفظ علي بالفاظ شينه قدام احد ولاتجرحني ولاتهيني ..ما ابي منها الا الحشيمه مثل ماحشمتها ما ابغها تغلط علي .. انا تحملت بالبدايه عشانك لكن للاسف مابين بعينك كل هذا ..والحين خلاص مالاحظت ان الطيب ينفع .. ماجد بذهول : انا ماني مصدق انك العنود !! العنود : ليه مو مصدق ؟ ماجد :العنود ماكانت تفكر بها الطريقه ! العنود : قصدك العنود كانت مسالمه والحين قاسيه ...على العموم الانسان بطبيعته ياخذ خبرات من مجاله اللي هو فيه انا خذيت خبره من حياتي اللي عشتها بما ان الطيبه ماتنفع هنا بستعمل نفس الاسلوب القساوه ماجد تعالي معي داخل وبعدين احكي على كيفك دخلو البيت وسمعت صوتها جت تركض لها فرحاااااااانه اهلييييييين العنود بأبتسامه : اهلييييين كيفك ليليان ؟ ليليان :كويسه انتي كيفك ؟ االعنود : كويسه ليليان : ليه تسوي كدا ؟ العنود تضحك : عشان اشوف تحبيني والا لا ليليان : هههههههههه لاتسوي كدا مره تاني العنود تستهبل : ليه ما اسوي مره ثانيه ليليان :بيت موهلو انتي مافيه العنود : امممممممم افكر ههههه ليليان ههههههههه خلاص بكره انا بسوي بارتي عشان حبيبتي فيه العنود :ثنكيو حبيبتي انا ما ابغى بارتي لاني تعبانه الحين طيب خليها بعدين طيب ياحلوووه .. حبيبتي الشنط شوفيها بالسياره نزليها ليليان :اوكي يا حلووه ـــــــــــ ابو ماجد : ايه وافقت تجي بعد ماطلبتها يالله وافقت ام ماجد : بعد القرويه تمنن برجعها تحب يدها وجه وقفى ان ولدي رجعها ابو ماجد معصب : انتي الظاهر انك ماتفهمين والا وش قصتك ؟ ام ماجد :ليه وانا صادقه ولدي دكتور والف وحده تمناه وهي قرويه وشايفه نفسها بعد وشو ليه ياحظي على البياض اللي يلق والا على الوجه الملاك والا على العيشه المرفهه!؟ ابو ماجد بغيض: والله ولدك دكتور مو معناته انه ملاك ومو معناته ان الناس تقوله سم ولبيه ماعلى راسه ريشه والناس تعرف بمضمونها مو بوظايفها..والعنود مو بيضاء لكن قلبها ابيض من قلبك والجمال جمال الروح.. اما عيشتهم والله ماعليهم قاصر فله من احسن مايكون وخدم وحشم وش بعد تبين ؟ والاعشانهم سكنو في ديرتهم ولازم يسكنون في الرياض حتى تقتنعين ؟ ام ماجد بقهر : الحين ذا القرويه قلبها ابيض من قلبي ؟ ابو ماجد بنفاذ صبر : الحين ليه كل شوي تقولين قرويه هاااه متى بتخلصين من هالكلمه لاتنسين وين كنتي عايشه فيه ياصيته ام ماجد تلوي بوزها: عودنا على طيري يلي !!؟؟وبعدين حياة اول غير عن الحين ابو ماجد : لاتدخلين في العنوود واياني واياك اسمعك تقولين هالكلام لها او في قفاها واضح ؟ وقام وتركها وهي تتوعدها هييييين اتركها هي اللي بتتركنا وعلى يديني ان شالله ــــــــــــــــــــ ماجد : عنود وش كنتي تقصدين بكلامك ؟ العنود تمددت على السرير وتغطي نفسها :اي كلام ؟ ماجد :القساوه العنود صدت وعطته ظهرها: ايه ..تعامل امك وحركتك معي كلها وش تدل عليه ؟ حب ! والا غلااا !! اممممم يمكن ذوق ؟!...(تنهدت ) شف انت وش شعور انسان ينسب وينجرح بدون سبب وهالانسان يتحمل هالشعور كله حتى ما يضايق اللي يحبه وبدال مايلقى من حبيبه ضمه تحسسه بالحب وتضمد جروحه او يد تمسكه وتخليه يحس بوقفته معه يلقى كف وسيل من السب والجروح و الاهانه بدون سبب سكرت عيونها كانها تتذكر ذاك اليوم بمرارت لحظاته كان جالس على طرف السرير ومعطيها ظهره ومن سمع اخر الكلام حس بجرحه لها تمنى يقدر يضمها ويعتذر لها تمنى يقدر يمحي الجرح اللي سببه لها صد جهتها شافها تحاول تكتم شهقاتها ماقدر يجلس اكثر طلع وترك لها الغرفه يمكن يحس بالراحه ويخليها تطلع اللي بقلبها .. طلع من غرفته وراح لمكتبه فتحه النافذه يبي يحس بالهواء حاس نفسه ضااايقه من اللي سمعه فرح برجعتها لبيته لكن فرحته ماطالت لانها رجعت له بقلب مجروح بقلب شايل عليه .. اسهر طوال الليـل صاحـي ولا انـام اكـف سيـف الهـم وارجـع واسلـه احيـان اقـول العمـر باقـي لـقـدام واحيـان اقـول العمـر ضيعـت جله مليت انـا اشكـي للدفاتـر والاقـلام مليت من هـم ٍ سنـا الظلـم ظلـه ـــــــــ اليوم الثاني الصباح قام من نومه واخذ شاور ولبس ونزل يفطر مع ابوه واخوانه السلام عليكم الكل وعليكم السلام عهود : حمدلله على سلامتها ماجد : الله يسلمك ام ماجد : وينها ست الحسن ماقامت ولاجت تسلم ؟ والا زعلانه بعد ماجد : يمه البنت نايمه لاتنسين انها تتعب من المسافات ومارجعنا الامتأخر امس ام ماجد: اي متأخر وانتو 10وانتم عندي . ابوماجد : اقول اخلصو من الفطور لو قابلتو امكم ماراح تخلص . ماجد مااصدق سمع كلمة ابوه قام وباس راس ابوه وامه واتجه للباب ورجع لهم من جديد اقول يبه عندك بكره شغل ؟؟ ابو ماجد : لا ليه ؟ ماجد : وش رايك نروح للاستراحه من زماااان ما طلعناا ابو ماجد : على راحتكم ماعندي مانع التفت ماجد على الباقين : هاه وش رايكم ؟؟ عهود : احد يطوف الاستراحه ؟ ماجد : اجل خلاص بكره بعد ما اطلع من الشغل نروح الاستراحه ..يالله سلام ــــــــــ السلام عليكم وعليكم السلام ماكلمتس العنود؟ ام خالد : لاماكلمت اليوم ابو خالد : الله يعين ام خالد : امين .. انت ماتبيها ترجع ؟ ابو خالد : انا ما ابي رجلها يستهين فيها وكل شوي جايبها زعلانه ام خالد : اقول انت عرفت سبب زعلهم ؟ ابو خالد : ايه قاله ابو ماجد البارح لي وقام يتعذر الرجال من اللي صار ام خالد : وولده ماقال شىء ابو خالد : ولده ماجلس معنا قعد في المجلس الخارجي مع خالد وسعود وركان . ام خالد : الله يهديه ويسخره لها ابو خالد :امين ياحضها تدعون لها وانا محد معبرنا صح جوجو ؟ جوجو: صح ام خالد : ندعيلكم كلكم بس كنا نسولف فيهاا ودعينا لها سعود : اجل الله عطاكم حشووووو فيني وادعولي ابو خالد يقاطعه: الا مارحت تشوف الخيل اليوم ؟ سعود : مريت عليهم يوم جيت من الجامعه يبون علاجات حقت الخيل وفيتامينات قلت اكتبهن وبكره امر الجنادريه وانا جاي واجيبهن وهو عاد ماصدق تقول موصى من قلب مابقى شىء ماكتبه .. السلام عليكم الكل وعليكم السلام ركان :وشلونكم ؟ الحمدلله بخير ابو خالد : هاه مريتها ؟ وعطيها الاغراض؟ ركان : ايه مريتها وطيبه ماعليها وتسلم عليكم ابو خالد :الله يسلمها ويسلمكم من كل شر ..ماقالت لك شىء ركان : لا ـــــــــــــــ رجع من الدوام جاي لها حتى يبلغها عن الروحه بنفسه يبغى يتقرب منها دخل ماشافها بالصاله صعد الدور الثاني ماحصلها بالصاله توقع انها بالغرفه دخل لكن ماحصلها ..(يكلم نفسه) وين بتروح ؟ البيت الثاني ماراح تروح له معقوله راحت تسلم على امي ؟!!لا ماراح تسويها بعد اللي سمعته امس ما اظن .. رفع السماعه ودق تحويلة المطبخ .. ليليان : ايوه ماجد : ليليان وين مدام ؟ سكر بعد ماقالت له مكانها وراح لها وهو مستغرب اللي تسويه فتح باب القسم التفت عليه وهي حاطه يدينها ورا ظهرها .. ماجد : ليه تنظفين القسم ؟ العنود : بجي فيه ماجد يحاول يكتم غيضه: وشوووو تجين فيه انتي من صدقك تكلمين ! وغرفتنا وش فيها ان شالله ؟ العنود ببروده : ذيك غرفتك انت وهذي بتكون غرفتي ماجد : اها يعني لأني فيها بتطلعين كل ذا كره لي لدرجة انك موطايقه تكون الغرفه مشتركه !ياخساره ماتوقعت ان اللي كان بينا ينقلب لدرجه انك ماتطيقيني جنبك ! العنود : وش خسارته ؟ خسارت الثقه اللي هدمتها ! والا خسارت الحب اللي هزيته ! والاخسارت العلاقه اللي ماتت! ماجد :ماتت !!...... زواجنا مات بالنسبه لك ؟!!! العنود : ايه مات ماجد رافع حاجبه : ليه وش صار بعد .. امس وانتي راجعه معي ماقلتي هالكلام اليوم وش غيرك وش غيرك ؟ العنود : محد غيرني ..وقعدتي عندك مؤقته حشمه لجيت ابوك ماجد بعصبيه :لا مو على كيفك ....وش غيرك ؟ صحيح ماكنتي راضيه لكن ما فكرتي تسوين هالحركه الا لسبب وش هالسبب ؟ العنود ببروده : مافيه سبب ماجد : شوفي بقول شىء لك نومه هناااا ماراح تنامين واااضح والشىء الثاني بكره انا عازم اهلي بالاستراحه بعد ما ارجع من العمل راح نطلع للاستراحه كلمت (علم <حارس الاستراحه) ينظفها اليوم شوفي انتي وش محتاجين وناقص حتى نروح نجيبه انا وانتي بعد صلاة المغرب من السوق . عنود بهمس: يصير خير ـــــــــــ السلام عليكم ام ماجد : هلاااااوغلااااااا وعليكم السلام جواهر : هلا فيكي ياحبيبتي شلونك ؟ ام ماجد : انا بخير شلونك انتي ؟ جواهر : الحمدلله بخير ...ها عمتي وشرايك صح كذا؟ ام ماجد : ايه صح ..بس باقي الثاني حتى تكتمل جواهر : افا عليك عمتي طبقت الشغله على كيف كيفك . ام ماجد : اجل ان شالله الشهر الجاي او اللي بعده زواجك انتي ومها سوى بنفس اليوم جواهر : عمتي يعني مها خلااص بتاخذ عبدالرحمن ام ماجد: ايه اكيد والا وين بتحصل احسن من ولد خالها جواهر تنهد بفرحه :الله يسمع منك وتذلف القرويه واخذ ماجد ام ماجد : راح الكثير ومابقى الا القليل هانت ـــــــــــــــــ عهود : بتروحين معي ؟ نوف بتردد :خايفه عهود : من ايش؟ نوف : من اللي صار عهود : عنود ماتدري محد جاب سيرتك وانتي مالك ذنب .. نوف :طيب مها : وين بتروحون ؟ عهود : احلى طلعتي من قوقعتك مها : هه هه هه بايخه ماتضحك عهود : طيب لاتزعلين بنروح لعنود تجين معنا ؟ مها : وامي ؟ عهود : امي عندها بنتها مو في حاجتك مها : بنتها !! عهود بتقهرها : حماتك مها : جعلها الحمى هي واخوانها نوف بضيق :لها الدرجه تكرهين خوالي عهود ترقع : هي ماتكرهم بس تكره تصرفاتهم نوف تهز راسها بالايجاب ــــــــــــ جالسه بالصاله تفكر باللي صار حاسه انها في دوامه من التفكير خايفه يسهين بكرامتها وخايفه لايروح من يدها .. احم احم نحن هنااااااااااا العنود بأبتسامه : هلاااااا وغلاااااااا عهود : هلافيك شخبارك ؟ العنود : الحمدلله بخير ..شخباركم انتو عهود: طيبون مها : بخير نوف ماردت ساكته العنود : وشفيك مها شكلتس ماش بتس شىء؟ مها تحاول تخفي حزنها : لا سلامتك العنود : الله يسلمك ... جلسو سوالف وضحك لين اذن المغرب وراحو للبيت وراحت العنود تصلي دخل بعد الصلاه وشافها سرحانه وماسكه راسها تدلكه من الالم ..السلام عليكم العنود : عليكم السلام جلس جنبها وبعد يدينها عن راسها : راسك يعورك العنود وقفت : ايه مصدعه شوي ..تبي شىء ماجد بطفش : ايه ابي اسولف معك فيها شىء ؟ العنود بضيق: انا مصدعه مررره ماجد وقف و بعصبيه :هيييه انتي شفتيني ادور رضاك قمتي تغلين.. اسمعي انا طاقتي خلصت (وصار يصفق بيدينه )وصبري نفذ ماعاد عندي صبر يعني كان لك نيه تطولين بزعلك طووووووووولي لكن ماراح ارضيك واضح والغرفه اللي نقلتي اعراضك فيه قفلتها ومفتاحها عندي وبتنامين بغرفتنا مثل امس . العنود بقهر : اولآ انا لي اسم مو تقول لي هيييه ... ثانيآ لاتصارخ علي وانت جيت وشفتني امسك راسي من الصداع يعني قبل ما تقول ابغى اسولف واضح يعني مصدعه من قبل ..ثالثآ: بنام بنفس الغرفه موخوف من حركاتك بس اختك ساره بتجي عندنا 15يوم لان زوجها عنده انتداب لجده 15 يوم وخايفه تجلس لحالها قلت تعالي عندنا ووافقت ..وياليت تعطي ليليان المفتاح حتى تبخرها لاختك هي وعيالها ..وصعدت فوق تاركته وراها يفكر باللي صار انا يووووووووووه وش هالحظ كل ماقلت بعد وضعي يتأزم اكثر !!اوووووووف اما العنود (انا وش فيني عليه ؟ لاشفته صرخت عليه وان غاب عني اشتقت له ! بيتركني مر ه ثانيه بسبة خبالي وتاخذه جويهر هي وخشتها) ــــــــــــــــــــــــــــــــــــــ اليوم الثاني الصباح قام من نومه واخذ شاور ولبس ونزل يفطر مع ابوه واخوانه السلام عليكم الكل وعليكم السلام عهود : حمدلله على سلامتها ماجد : الله يسلمك ام ماجد : وينها ست الحسن ماقامت ولاجت تسلم ؟ والا زعلانه بعد ماجد : يمه البنت نايمه لاتنسين انها تتعب من المسافات ومارجعنا الامتأخر امس ام ماجد: اي متأخر وانتو 10وانتم عندي . ابوماجد : اقول اخلصو من الفطور لو قابلتو امكم ماراح تخلص . ماجد مااصدق سمع كلمة ابوه قام وباس راس ابوه وامه واتجه للباب ورجع لهم من جديد اقول يبه عندك بكره شغل ؟؟ ابو ماجد : لا ليه ؟ ماجد : وش رايك نروح للاستراحه من زماااان ما طلعناا ابو ماجد : على راحتكم ماعندي مانع التفت ماجد على الباقين : هاه وش رايكم ؟؟ عهود : احد يطوف الاستراحه ؟ ماجد : اجل خلاص بكره بعد ما اطلع من الشغل نروح الاستراحه ..يالله سلام ــــــــــ السلام عليكم وعليكم السلام ماكلمتس العنود؟ ام خالد : لاماكلمت اليوم ابو خالد : الله يعين ام خالد : امين .. انت ماتبيها ترجع ؟ ابو خالد : انا ما ابي رجلها يستهين فيها وكل شوي جايبها زعلانه ام خالد : اقول انت عرفت سبب زعلهم ؟ ابو خالد : ايه قاله ابو ماجد البارح لي وقام يتعذر الرجال من اللي صار ام خالد : وولده ماقال شىء ابو خالد : ولده ماجلس معنا قعد في المجلس الخارجي مع خالد وسعود وركان . ام خالد : الله يهديه ويسخره لها ابو خالد :امين ياحضها تدعون لها وانا محد معبرنا صح جوجو ؟ جوجو: صح ام خالد : ندعيلكم كلكم بس كنا نسولف فيهاا ودعينا لها سعود : اجل الله عطاكم حشووووو فيني وادعولي ابو خالد يقاطعه: الا مارحت تشوف الخيل اليوم ؟ سعود : مريت عليهم يوم جيت من الجامعه يبون علاجات حقت الخيل وفيتامينات قلت اكتبهن وبكره امر الجنادريه وانا جاي واجيبهن وهو عاد ماصدق تقول موصى من قلب مابقى شىء ماكتبه .. السلام عليكم الكل وعليكم السلام ركان :وشلونكم ؟ الحمدلله بخير ابو خالد : هاه مريتها ؟ وعطيها الاغراض؟ ركان : ايه مريتها وطيبه ماعليها وتسلم عليكم ابو خالد :الله يسلمها ويسلمكم من كل شر ..ماقالت لك شىء ركان : لا ـــــــــــــــ رجع من الدوام جاي لها حتى يبلغها عن الروحه بنفسه يبغى يتقرب منها دخل ماشافها بالصاله صعد الدور الثاني ماحصلها بالصاله توقع انها بالغرفه دخل لكن ماحصلها ..(يكلم نفسه) وين بتروح ؟ البيت الثاني ماراح تروح له معقوله راحت تسلم على امي ؟!!لا ماراح تسويها بعد اللي سمعته امس ما اظن .. رفع السماعه ودق تحويلة المطبخ .. ليليان : ايوه ماجد : ليليان وين مدام ؟ سكر بعد ماقالت له مكانها وراح لها وهو مستغرب اللي تسويه فتح باب القسم التفت عليه وهي حاطه يدينها ورا ظهرها .. ماجد : ليه تنظفين القسم ؟ العنود : بجي فيه ماجد يحاول يكتم غيضه: وشوووو تجين فيه انتي من صدقك تكلمين ! وغرفتنا وش فيها ان شالله ؟ العنود ببروده : ذيك غرفتك انت وهذي بتكون غرفتي ماجد : اها يعني لأني فيها بتطلعين كل ذا كره لي لدرجة انك موطايقه تكون الغرفه مشتركه !ياخساره ماتوقعت ان اللي كان بينا ينقلب لدرجه انك ماتطيقيني جنبك ! العنود : وش خسارته ؟ خسارت الثقه اللي هدمتها ! والا خسارت الحب اللي هزيته ! والاخسارت العلاقه اللي ماتت! ماجد :ماتت !!...... زواجنا مات بالنسبه لك ؟!!! العنود : ايه مات ماجد رافع حاجبه : ليه وش صار بعد .. امس وانتي راجعه معي ماقلتي هالكلام اليوم وش غيرك وش غيرك ؟ العنود : محد غيرني ..وقعدتي عندك مؤقته حشمه لجيت ابوك ماجد بعصبيه :لا مو على كيفك ....وش غيرك ؟ صحيح ماكنتي راضيه لكن ما فكرتي تسوين هالحركه الا لسبب وش هالسبب ؟ العنود ببروده : مافيه سبب ماجد : شوفي بقول شىء لك نومه هناااا ماراح تنامين واااضح والشىء الثاني بكره انا عازم اهلي بالاستراحه بعد ما ارجع من العمل راح نطلع للاستراحه كلمت (علم <حارس الاستراحه) ينظفها اليوم شوفي انتي وش محتاجين وناقص حتى نروح نجيبه انا وانتي بعد صلاة المغرب من السوق . عنود بهمس: يصير خير ـــــــــــ السلام عليكم ام ماجد : هلاااااوغلااااااا وعليكم السلام جواهر : هلا فيكي ياحبيبتي شلونك ؟ ام ماجد : انا بخير شلونك انتي ؟ جواهر : الحمدلله بخير ...ها عمتي وشرايك صح كذا؟ ام ماجد : ايه صح ..بس باقي الثاني حتى تكتمل جواهر : افا عليك عمتي طبقت الشغله على كيف كيفك . ام ماجد : اجل ان شالله الشهر الجاي او اللي بعده زواجك انتي ومها سوى بنفس اليوم جواهر : عمتي يعني مها خلااص بتاخذ عبدالرحمن ام ماجد: ايه اكيد والا وين بتحصل احسن من ولد خالها جواهر تنهد بفرحه :الله يسمع منك وتذلف القرويه واخذ ماجد ام ماجد : راح الكثير ومابقى الا القليل هانت ـــــــــــــــــ عهود : بتروحين معي ؟ نوف بتردد :خايفه عهود : من ايش؟ نوف : من اللي صار عهود : عنود ماتدري محد جاب سيرتك وانتي مالك ذنب .. نوف :طيب مها : وين بتروحون ؟ عهود : احلى طلعتي من قوقعتك مها : هه هه هه بايخه ماتضحك عهود : طيب لاتزعلين بنروح لعنود تجين معنا ؟ مها : وامي ؟ عهود : امي عندها بنتها مو في حاجتك مها : بنتها !! عهود بتقهرها : حماتك مها : جعلها الحمى هي واخوانها نوف بضيق :لها الدرجه تكرهين خوالي عهود ترقع : هي ماتكرهم بس تكره تصرفاتهم نوف تهز راسها بالايجاب ــــــــــــ جالسه بالصاله تفكر باللي صار حاسه انها في دوامه من التفكير خايفه يسهين بكرامتها وخايفه لايروح من يدها .. احم احم نحن هنااااااااااا العنود بأبتسامه : هلاااااا وغلاااااااا عهود : هلافيك شخبارك ؟ العنود : الحمدلله بخير ..شخباركم انتو عهود: طيبون مها : بخير نوف ماردت ساكته العنود : وشفيك مها شكلتس ماش بتس شىء؟ مها تحاول تخفي حزنها : لا سلامتك العنود : الله يسلمك ... جلسو سوالف وضحك لين اذن المغرب وراحو للبيت وراحت العنود تصلي دخل بعد الصلاه وشافها سرحانه وماسكه راسها تدلكه من الالم ..السلام عليكم العنود : عليكم السلام جلس جنبها وبعد يدينها عن راسها : راسك يعورك العنود وقفت : ايه مصدعه شوي ..تبي شىء ماجد بطفش : ايه ابي اسولف معك فيها شىء ؟ العنود بضيق: انا مصدعه مررره ماجد وقف و بعصبيه :هيييه انتي شفتيني ادور رضاك قمتي تغلين.. اسمعي انا طاقتي خلصت (وصار يصفق بيدينه )وصبري نفذ ماعاد عندي صبر يعني كان لك نيه تطولين بزعلك طووووووووولي لكن ماراح ارضيك واضح والغرفه اللي نقلتي اعراضك فيه قفلتها ومفتاحها عندي وبتنامين بغرفتنا مثل امس . العنود بقهر : اولآ انا لي اسم مو تقول لي هيييه ... ثانيآ لاتصارخ علي وانت جيت وشفتني امسك راسي من الصداع يعني قبل ما تقول ابغى اسولف واضح يعني مصدعه من قبل ..ثالثآ: بنام بنفس الغرفه موخوف من حركاتك بس اختك ساره بتجي عندنا 15يوم لان زوجها عنده انتداب لجده 15 يوم وخايفه تجلس لحالها قلت تعالي عندنا ووافقت ..وياليت تعطي ليليان المفتاح حتى تبخرها لاختك هي وعيالها ..وصعدت فوق تاركته وراها يفكر باللي صار انا يووووووووووه وش هالحظ كل ماقلت بعد وضعي يتأزم اكثر !!اوووووووف اما العنود (انا وش فيني عليه ؟ لاشفته صرخت عليه وان غاب عني اشتقت له ! بيتركني مر ه ثانيه بسبة خبالي وتاخذه جويهر هي وخشتها) ــــــــــــــــــــــــــــــــــــــ سعود : انت تكلم صدز والا تخربط راكان : اقولك شفت المنظر قدامي سعود بذهول : مدري احس نفسي قاعد اسمع سالفه خياليه ما اتوقع فيه اشياء كذا وهنا بالذات !! راكان : قسم بالله الواحد يتحمدلله على النعمه اللي هو فيها لوين وصل التفكير عندنا !! سعود : طيب انت متاكد مافيه شىء غير اللي شفته؟ راكان : ماشفت شىء غيره سعود : مدري وشلون قدرت تشوفه ومسكت اعصابك لو اني مكانك كان ماقعد ت مكاني ركان : بالبدايه كنت مفهي ومطير عيوني باللي اشوفه لكن يوم فكرت انا لو اطلع راح اخرب كل شىء خلني كذا واتصلت باابوثامر وعلمته وهو ماقصر سعود : فيه احد يعرف باللي شفته ؟؟ راكان : ايه ..قلت للعنود سعود بعصبيه : وانت مهبول يوم تقول للعنود ؟ يا اخي انت ما تفكر ؟؟ راكان تنرفز: وشرايك ؟ من اللي بيعلمنا هاه ؟ وبعدين خفت انها تطلع ماكان عندي حل ثاني ! سعود : الله يستر راكان : تصدق افكررر من اليوم لو اني جبت العنود كان ارتحت عبدالله : ليه وش فيها العنود ؟ التفتو جهت عبدالله اللي دخل معهم عرض بالسالفه ..!! سعود يضيع الموضوع : ابد اخوك موسوس كنه اياك اثرت عليه بعقليتك المتحجره عبدالله بستخفاف : مخلي لك العقليه المتفتحه ..وش فيها العنود ؟ راكان: اليوم مريتها اعطيها اغراضها اللي نستها وتمنيت اني اجيبها في بيتها بلحالها احسها بتطفش وتزهق عشان كذا متضايق اني ماجبتها عبدالله بأرتياح : اشوى احسب ان ولد امه مضايقها بعد سعود :ولد امه على قولتك يصير رجلها يعني مالنا دخل بينهم لين تجي وتشكي او نشوف شىء بعيونا عبدالله متنرفز : اوووووووه سعودوه بديت تعرف تصف علوم وخبره بعد في النصايح !! سعود وهو رافع حاجبه: اقول الله يهديك ويشرح صدرك .. ـــــــــــــــــــــ اقول انتي اليوم ابدي باللي اتفقنا عليه.. جواهر : ابشري الحين بطبقها يالله سلام لاحلى عمه قامت وباست راس عمتها (ادعيلي)واتجهت للباب وهي تعدل غطاها صدمت في ساره : آآآه جواهر : اسفه ساره ما كنت منتبهه ساره مطيره عيونها منبهته جواهر تحرك يدها قدامها : ساره حبيبي شفيك ؟ ساره تحاول تستوعب :انتي جواهر بنت خالي عبدالله ؟؟ جواهر وفيها الضحكه : ايه انا ليه ياقلبي فيه شىء ؟ ساره : هاااااااه .. بس مستغرب اللي اشوفه واللي اسمعه مو من عوايدك!!آآآآآآ اقصد ...<<بتحاول ترقع جواهر بأبتسامه : ايه ياساره كلن يتغير وانا بشر اكيد اغلط بس الحمدلله تلاحقت عمري قبل لحظة الموت ..(وبنبره حزينه ) ياساره الدنيا فانيه تخيلي وحده كانت تنصحني من صديقاتي ووان مطنشتها ولاشفتها ضاق خلقني من نصايحها بس هي مايأست ..تخيلي وهي على فراشها طلبتني ودعت لي حتى ارجع لطريق الصواب والحمدلله .. الله يثبتني ادعيلي تكفيين ادعيلي (صارت تمسح دموها ) ساره شافته ضمت وصارت تبكي معها وتدعي لها بالثبات والهدايه : جواهر المفروض تسلكين هالطريق من قبل ياقلبي هو الصح هذا اتباع لدين وحمايه لك من الشر . جواهر تحرك راسها بالايجاب وفي داخلها(يالليل الليل جتنا الناصحه) جواهر : حبيبتي انا لازم الحين اطلع عندي كم شغله لازم اسويه اخاف من بغتت الموت .. ساره : الله يحفظك ويكملك وييسر عليك طلعت وهي راسمه على وجهها ابتسامة نصر وتقول ساره وكسبناها باقي الثانين الله يعين ــــــــــــــــــــ سمعو صوت الجرس ... راحت الخادمه تفتح الباب : مين انتي ؟ جواهر : وين مدام ؟ ليليان : فوق .. ليش شنو يبي ؟ جواهر : اووووخس حتى فلبينو يحقق معي اقول تقلعي نادي العنود ليليان بغضب : اوكي بس انا آسفه مافي خلي ادخل انتي البيت لازم مدام عنود تقول حقي خلي يدخل جواهر (عشتووووو حتى القرويه تحكم ) : طيب روحي قولي لها صعدت ليليان الدرج وهي تحلطم ..دقت الباب العنود : مين ؟ ليليان : مدام في تهت مس جواهر يبي كلام سوى سوى انتي ! العنود (وش تبي ذي بعد ناقصني بعد بلاااوي ) :طيب ماجد دخل عليها : وش فيك ؟ العنود : بنت خالك هنا تحت تبي تقابلني ..واعتقد عندك علم جاي من برى ماجد : انا كنت بمكتبي يعني بالغرفه اللي جنبك ولما سمعت صوتك جيت اشوف شالسالفه ؟ العنود : اها <<مو مصدقه .. الحين ذي وش الحل معها ؟ ماجد : تبين اطردها من البيت الحين ؟ العنود :وش رايك ؟ ماجد : تعالي معي مسك يدها وسحبتها بقوه وناظرت فيها بعصبيه العنود : سبق وقلت لاتلمسني ماجد قفلت معه: امشي وخلصينا انتي وحركاتك الضايعه العنود طالعت فيه بنظرات وسفهته ونزل تحت ومسكت ليليان معها فتح الباب الخارجي شاف وحده محشمه عباية راس وقفاز وجونتي مايبان منها شىء ..رجع على ورى ولف وجهه واعتذر منها جواهر : السلام عليكم ماجد والعنود : متفاجئين باللي سمعوه صوت جواهر !! ماجد : انتي جواهر؟ جواهر بنعومتها : ايه يااخوي انا جواهر(بنبرة ضعف وحزن ) ..اناآآ جايه اطلب منكم تصفحون عن زلاتي انا غلطت عليكم ..كنت لاهيه بالدنيا وناسيه الاخره .. عنود انا اسف اني جرحتك وكذبت عليك وظلمتك (وقامت تبكي ).. العنود ببرود: ايه وغيره جواهر (قطع ذالوجه هذي اللي كنت خايفه منه القرويه ماتصدقني ): عنود الله رحوم بعباده يغفر زلات وكباير وحنا عبيده لانرحم ضعف المخطي ولانصفح عنه الخطيه ؟ عنود انا عارفه اللي سويته موب سهل بس انا طامعه في كرمك وطيب اصلك (وبصوت باكي ) سامحيني سامحيني تكفين العنود : من متى نويتي التوبه ؟ جواهر : انا لي يمكن اسبوع ونص العنود (ايه هين ): جواهر بيتي يتعذرك لاعاد اشوفك عندي . جواهر تصك على اسنانها : ابشري ان شالله بس سامحيني العنود : اطلبي من الله الغفران والتوبه جواهر : وانتي سامحتيني ؟ العنود : انا هههههه ..(صدت وعطتها ظهرها ومشت لداخل )ليليان لاطلعت جواهر سكري الباب واعطتهم ظهرها ودخلت لصاله جواهر : بصوت حزيين الله يهديك يالعنود ..(تسمع ماجد اللي كان جالس عند المدخل في حالة ذهول من اللي يسمعه مابين مصدق ومكذب ) طلعت من عندهم وهي تغلي غلي وتسب وتشتم في العنود اللي مادخلت رضت عليها وصارت تتوعدها بالايام الجايه ــــــــــــــــ خالد : اقول ترووك تركي : تروك بعينك وش شايفني اصغر عيالك خالد : خخخخ ولا يهمك تركي بسئلك تركي : خير خالد : افا وش هالنفس الخايسه ..المهم زوجة ماجد من جت ماشفتها هنا؟ تركي : لا ماشفتها واظنها ماجت لبيتنا خالد : الى الان زعلانه ؟ تركي : مدري بس اللي اتوقعه مارضت على امك خالد : اوووه والله موب سهله اللي زعلانه على امي الى الان تركي :لاتنسى ان امك ماقصرت فيها كل ماشافتها عطتها من هالكلام اللي يرفع الضغط ويجيب السكر ام ماجد الى سمعت الكلام دخلت عليهم : القرويه محظوظه لقت زوج يقول لها يدهينه لاتنكتين وماغير يدافع عنها وابوه مثله واخته بعد وختمها تريكي بعد غااااسله مخكم هالقرويه زيييين خالد اللي حاس انه ورط تركي: ليه انتي وش تنادينها لاشفتيها ؟ حتى تجيك وتدور رضاك؟ كل ماشفتيها قلتي قرويه وسوداء ومدري وش من السب اللي لو احد قاله لوحده من بناتك مارضيتيه ام ماجد بعصبيه : انطم تقارن خواتك بذي اللي مدري وش عليه حابها اخوك ؟! تركي : اقول وش على راس بناتك ؟ وش الفرق بينهن وبين العنود؟ ام ماجد بغضب: اكل تبن انت ولا كلمه تقان خواتك بها العله تركي : خلاص لاتعصبين هدي هدي ـــــــــــــــــ ابو ماجد : وش قلت ؟ ماجد : يبه انت عارف ان عبدالرحمن الى الان على وضعه ماتغير ابو ماجد : امك تقول ان سلطان دخله المستشفى وتعالج ماجد : هو دخل المستشفى صح لكن طلع ماكمل يومين هرب منها ورجع لشلته ماتعالج ابو ماجد :يعني الى الان يشرب !!وامك تبيه ياخذ اختك !! واختك تحبه !! ماجد منصدم :مها تحب عبدالرحمن !ما اصدق مها ماتواطن سيرته لا جت كيف تحبه !! ابو ماجد : بس هي قالت انها موافقه وتبيه وقالت لامك انها تحبه !وانت تعرف ان مها حساااسه وابغاها تفرح وما ابيها تتضايق ما ابي اكسر خاطرها خااصه انها دايمآ تحصل تجريح من اللي حولينها لانها ماتزوجت ..(تنهد )روح تفاهم معها اقنعها انه مايناسبها بس لاتضغط عليها ماجد : ان شالله بكره اتفاهم معها لاينا من الاستراحه تكون مروقه ومغيره جوو ابو ماجد على راحتك ـــــــــــــــــ راكان : الوووو العنود : هلا وغلااا راكان : وشلونتس ياكروش العنود تضحك : حرام عليك توني ماصار لي كرش من الحين الله يعين اجل لاوصلت التاسع وش بتقول !! راكان بستهبال : بقول وبكل فخر يالدراااام (برميل) العنود : بعد مع شينك قوايت عينك يعلمني وش بيقول يالله لاعاد تدق علي راكان خخخخخخخ:لاتزعلين وانا اقر ازعل عنوده العنود : ايه شااطر خلك سنع كذا راكان : انا اصلن سنع من جابتني امي العنود : بس بس راسي عورني من الارانب اللي تجيبها راكان خخخخخخ: ارانب !!الا هذا الصدز العنود:ايــــــــــه مررره راكان بجديه : عنود ماصار شىء عقب امس ؟ العنود وقلبها مقبوض : ماصار شىء ..بس مدري ليه حااسه بالخوف حاسه فيه بلوى بتنزل علي !! راكان يحاول يهدىء الوضع : انتي موسوسه لو كان بيصيري شىء من اللي في بالك كان امس مارقدتي ونقزتي من البيت بعد اللي صار.! العنود : ايه هذا اللي مطمني ولان ابو ثامر قال لك الحل ..بس انا خايفه مقدر قلبي ياكلني راكان : موصاير الا الخير بس انتي هدىء ـــــــــــــــــــــــــــــ جهزو اغراضهم اللي بيحتاجونها وارسلوها مع السواقين جوزيف +ريفو +وعلم اللي ينتظرهم بالاستراحه رجع ماجد من العمل وتحمم وبدل ملابسه وعنود قاعده على طرف السرير تنتظره حتى يطلعون الاستراحه بعد مالبس وجهز التفت جهت العنود ماجد : عنود العنود رفعت راسها : هلااا ماجد قرب وجلس جنبهاوبهدوء :عنود اسمعيني زين انا ابيك وماعندي استعداد ابعد عنك اكثر من الايام اللي طافت (حط يده على يدها ومسكها بقوه شوي حتى ماتسحب يدها كالعاده وبيده الثانيه لف وجهها جهته وناظر بعيونها )اعترفت لك اني نادم على اللي صار ..عنود انا بطلب منك طلب خلينا نفتح صفحه جديده انا بحاجه لوجودك معي وانتي بعد بحاجتي لك ..(وكمل بأبتسامه عذبه) حبيبتي الطلعه هذي ابغاها تكون بدايه جديده لنا........... عنود ردي وقولي انك موافقه ........... رفع يدها وباسها احبك مهما زعلتي تبقين غاليه وراح اثبت لك اني قد كلمتي .. قام وطلع منها وهي تفكر في كلامه اللي سمعته يالله وش هالموقف (اطلقت زفرات ضيق) وش السواه ! يارب فرجها من عندك يااااااار ب . طلعت من غرفتها وهي محتاره ..تحبه لكن اللي سواه موسهل (تكلم نفسها) بس اعتذر خلاص وش يسوي اكثر من كذا ؟ يعني وش ابيه يسوي حتى يثبت انه ناااادم ..؟ يهاوش امه !!! والله لو اني مهبوله !! يكفي نظراته وهو يعتذر طريقة كلامه كلها تثبت انه ناااادم ..!! يعني اخليه واسفهه حتى تاخذه جواهر مني وانا رافعه خشمي عليه !! لالالا اصلن ماجد مستحيل يفكر فيها بعد اللي صار بس هي التزمت ! يووووووووه وش الحل اوووووووف(حطت يدينها على راسها وصار تضغط عليه) انا تعبت وانا بعيده عنه حاولت ارسم في وجهي البسمه لكن في داخلي حزن والم لو خذا جواهر وافترقنا و بسوي !!!(فتحت عيونها بقوه وحطت يدها على قلبها ) بمووووووووت اكيد بموت مقدر اتخيله مع احد غيري انا متعلقه فيه .. اووووووووووووووف محتاااااااااااااره .. ركب ماجد سيارته وشي انفتح الباب وجلست جنبه العنود التفت لها (بأبتسامه )هااا فكرتي بكلامي ؟ العنود طالعت في عيونه : ايه ماجد وفي عيونه لهفه : نبداء صفحه جديده العنود تبلع ريقها : آآآآ انا موافقه بس ماجد بأبتسامه واسعه وفرحه : بس وشو قولي العنود بتردد : اخاف... اخاف انصدم ماجد (بضيق من كلمتها): اوعدك ماتشوفين مني الا كل اللي يفرحك بس وقفي معي (ورفع وحط كفها بكفه) العنود حركة راسها بخفه بالموافقه ماجد بعد ماشاف حركتها حس ان الدنيا مو سايعته من الفرح رفع الجوال و دق على خواته يركبون معهم بالسياره حتى يحسون معه بالفرحه .. لكن ماركب معه الا عهود ونوف .. بعد ما ركبو التفتت عهود على نوف عهود : اقول نوف وش صار في امتحان النحو ؟ نوف : ماشي حالي عنود : دامها قالت ماشي حالي اجل ابشرتس جابت العيد بصحونه عهود +ماجد خخخخخخخخ نوف : ليه تقولين كذا ! عنود : لانه سمعتها قبل كذا وكانت العلامات على الحفه نوف : والله صعب وما احد يقدر يفهمني محد فاضي لي عنود : جيبي الشىء اللي مو فاهمته لي وانا اشرحه لتس . عهود تستهبل: كم يتاخذين على الحصه يا ابله عنود عنود : اممممممم خليني احسبها زين حتى اضمن راتب ممتاز ماجد :نوف الله يعينك دام محظوظه ومبروكه اتفقو عليك طفرتي نوف : هووونت ما ابي احد يدرسني وفلوسي محد ياخذها عنود : بل عليتس كل ذا بخل !! عهود : بخل وبس الا جلده زطيه ! ماجد (يدافع ): حدكم كل شىء الا نوف مو بخيل بس التبذير مامنه خير خخخخخخخ اما بالسياره الثانيه ابو ماجد وام ماجد وتركي ومها والسوالف اغلبها عن الشباب والنصايح السياره الثالثه كانت ساره راكبه مع خالد وعيالها عبدالله وماجد وهنوف واما سوالفهم عن عمل خالد والامور اللي تحصل لهم بالعمل السياره الرابعه اللي فيها سواق ساره والخادمات معه ـــــــــــــــ وصلو للاستراحه نزلو العيال ركضو للملاهي ابو ماجد راح وتركهم مشغول باتصالاته اما الباقين دخلو بالمجلس تركي : من زمان ماجينا الاستراحه ام ماجد : ايه اول كل اسبوع والثاني هنا الحين لا تغيرت الاحول ماحنا الاولين تغيرنا العنود اللي حاسه انا دقه التفت جهت ماجد اللي جالس جنبها حط يده على كفها وضغط عليها بخفيف . جت ليليان شايله الحلويات و خادمة ساره تلحقها بالقهوه وحطوها بالفرشه بالارض حتى يتجمعون تحت دخل ابو ماجد : السلام عليكم وعليكم السلام جلس بالارض وبدو سوالف وضحك وتعليقات على بعض عهود تصارخ : لاااااااااا تكفى خلوووووود لاتعلم علي والله تمسكها العنود علي العنود طيرت عيونها: افاااااا انا امسكها عليك (التفتت على خالد بهدوء ) خالد وش سوت قول لي ؟ عهود : خلووووووووووود تكفي واللي يسلم عمرك عنود : حبيبتي وش خلوود !! وش كبره قدامتس تقولين خلود استحي على وجهتس ! خالد : صح العنود معها حق العنود بنفخه تستهبل :ايه اناعارفه (وتحك راسها من من فوق الجلال ) بس قل لي وش عهود مسويه ؟ خالد خخخخخخخخخ : انتي وش سالفة الحكه معك ؟ العنود تستعبط: الله يسلمك هذا طبع فيني لا بغيت اعرف خبر او سالفه تجيني هالحاله !! خخخخخخخخخ ماجد : اجل يبي لك علاج ! العنود : ليه علاج علموني بالخبر وتنتهي مايحتاج خساير علاجات وغيره نوف : اوووووووو خساير خخخخخخ من البخيل الحين هاااااااه العنود ترفع يدينها : اكيد مو انا خخخخخخخخخخخخخخ بعد ماتقهوو طلعو الحريم يجهزون عدت الشوي والاكل اما الرجال وام ماجد راحو لدكه . كانو في المجلس مثل بيت الشعر (خيمه )قدام المجلس دكه وهي مثل سور مصغر يحطون تكايات فيه ويجلسون فيه المجلس والدكه على ارضيه مرتفعه مثل التل وقدامها مسطح اخضر (ملعب ) على جهة اليسار للمجلس هذا المبنى اللي مكون من غرفة طعام وغرفتين لتبديل ولنوم وخلف هذا المبنى بركة سباحه وبجنبها صاله من زجاج تكشف اللي بالبركه وجنبها دورة مياه وغرفة لتبديل الملابس وخلف الصاله مطبخ ومقابل البركه ملاهي مصغره .. البنات بعد ماخلصو راحو لدكه السلام عليكم الرجال : وعليكم السلام هنوف : خالي خلونا نلعب خالد : وش تبين تلعبين يالبزر ! هنوف : مدري بس انتو تجون من البيت وتجلسون هنا فلوووووووها تركي : طيب عندك لعبه والا بس كذا هنوف : اممممم طيب فكرو معي عنود : وش رايكم تلعبون طايره عهود : ايه حلووه انقسمو على فريقين تركي وخالد ونوف ومها ماجد وهنوف وعبدالله وعهود عنود : ساره روحي طامري معهم ساره تضحك : تخيلي عاد شكلي وانا اطامر العنود : عادي والله بالنسبه لي اسويها برمضان اجمع عيال اعمامي وبناتهم واخواني والعب معهم حتى امي تنقد علي بس شافت مافيني رجاء غسلت يدها مني ساره وهي تضحك : انا اعرف الشيطاين برمضان تهجد وانتي العكس !! العنود ههههه : وش اسوي كنت اخاف اسمن برمضان عشان كذا كنت اجمعهم واطامر معهم احرك جسمي حتى ما اسمن .. نوف اللي دخلت عرض وش تلعبين طيب معهم ؟ العنود : اما طائره او مويه ثلج عاد لا لعبناها بسبة خفت الوزن عندي مسويه حفريات بالحوش <<تطنز ساره هههههههه : وانا اقول وش في بيتهم الارضيه مو مستويه !! نوف خخخخخخخخ :اثاريه من ركضك العنود تحك راسها بستهبال : اقول ساره الحين ذي عساها مو فتانه تروح تفضحني عند اخوتس هو واختس (شهقت )كل شىء الا عهود لاتعرف (التفتت جهة نوف )نوف حبيبتي تراني اخرط عليك حتى تضحكون والا انا ما اتحرك من مكاني (تسلهم بعيونها) ساره ونوف خخخخخخخخخخخ بعد ماتعشو وانبسطو بالطلعه اللي من زماااااا ن كانو بحاجتها ماجد كان اكثر واحد فرحان بالطلعه والعنود كانت فرحانه بس الخوف من المجهول يطاردها تخاف تنصدم بواقع مر نوف اللي حاسه نفسها متقبله ومايله لها أساير الوقت وأثر الوقت متحدي يطرح ويجرح ونار الموت مشبوبه لا واعساها سحابة صيف وتعدي الهاجس اللي يلوف القلب ويلوبه أموت وأرحل وقدرك مانقص عندي والعمر محدود والأيام محسوبه ـــــــــــــــــــ |
البارت التاسع عشر ــــــــــــــــــــــــ ما كل عين تذرف الدمع بأحزان وما كل من يضحك يعيش بسعاده كم واحد دمعة على الخد هتان من زود همه يذرف الدمع عاده يحاول انه يبتسم قدر الامكان ويضحك ونار الحزن تحرق فؤاده في بيت ابو ماجد في غرفت مها مها: انا موافقه عليه ماجد : بعد اللي سمعتيه موافقه !! انتي ماكنتي تطيقينه وش غيرك ؟ مها : كنت يعني قبل لكن الحين موافقه عليه ماجد : استخيري يامها مها : استخرت ومواااافقه الله يهديك وش فيك ياماجد ليه ماتبيني افرحكم بزواجي ؟ ماجد: تتزوجين هذا اللي اتمناه واكيد بيفرحني بس من انسان يقدرك يهتم فيك يحميك ثقه مو م واحد مايقدر يحمي نفسه ولايهتم فيها ولايقدر يصلب طوله اغلب الوقت !واحد ماهمه الا انه يشرب بسسس مها : ماعليه انا بتزوجه وبغير من اطباعه وش يدريك يمكن ربي يهديه على يديني ماجد : وانتي تضحين بنفسك عشان تهدينه !! انتي قاعده تحرقين نفسك على حساب غيرك مها( بضعف وصوت مبحوح ): طلبتك ياماجد خلني اتزوج واقنع ابوي وخالد .. انا موافقه لاتوقفون في طريقي انا كنت انفذ كل اللي تطلبونه وتامرونه انا بس ابي تحققون هالطلب لي وتوافقون تكفى طلبتك قام ماجد منها وهو منصدم من حال اخته ..انتي اكيد فيك شىء والا وحده ماينقصها شىء مال وجمال وعايشه بأحسن حال تتزوج واحد حتى تعدله ماااادخلت عقلي يامها ما اقتعنت (ويأشر لراسه) مها والدمع ينزل : اذا انت تبغى اللي يفرحني وافق و قل لهم يوافقون ماجد اول مره اطلبك ماجدالتفت و قرب منها ومسك وجهها بين كفوفه وارفعه لوجهه : انتي ليه تبينه ؟ ليه قولي لي ؟ مها بنظرات كسيره ودمعاتغزيره وصوت هامس : طلبتك وافق تنهد وتركها وهو متضايق لحال اخته تبكي عشان عبدالرحمن !!!!عبدالرحمن اللي كانت تكرهه !!طلع تايه في خطاويه مايدري وين يروح من بيعطيه حل وشور ... اما مها (بكت من ضعفها بكت قهر ساكن بين ضلوعها بكت حظها العاثر تمنت تكون قويه مثل عهود وتكون لها شخصيه مستقله مثل العنود ..اطلقت زفرات حزن واهااات الم دمعات تغسل جفونها وتسيل خدها .. الحزن/ حالة تجي وتروح من دون صوت ! والفرح / دايم يجي ويروح في بلبله ،! بعض البشر / يختنق ويموت بس بسكوت والبعض حزنه ليا منه حكاه يقتله ! ـــــــــــــ راح لابوه وهو مايدري يصدق اللي سمعه !! مها تبي عبدالرحمن !!الى الان مو مصدق حاس نفسه بحلم دخل المجلس على ابوه .. السلام عليكم ابو ماجد: وعليكم السلام ماجد : يبه انا توني جاي من مها............. ( تنهد بضيق )....و هي تبيه ومصره على رائيها ابو ماجد بضيق : هذا اللي انا كنت خايف منه ..مدري احس البنت فيها بلااا ماجد : حتى انا مدري حاولت فيها بس هي تبيه وتبيكم تقتنعون عن نفسي ماني مقتنع ماني مقتنع (ويدق صدره) ابوماجد: ولا انا مو مقتنع ماجد طير عيونه : يعني بترفضه ابوماجد :انا لو على كيفي كان رفضته من اول ماسمعت الخبر بس انا خااايف على مها ..مها حساااااسه ومالها شخصيه وفوقها ما ابي شىء يضايقها وما ابي اكسرها وانت عارف وضعها من بعد اللي صار لها انكسرت وانا ما ابغى اكسرها ماجد : وش الحل ؟ ابو ماجد : خل سلطان يجي هو واخوه وبعدين نشوف ماجد : ابشر ـــــــــــــــــــــ عصر اليوم الثاني : نجلا :تجين عندي والااجيتس ؟ ساره : خلاص تعالي انا قلت لامي بنروح للمجمع عشان الاتفاق نجلا: خالتي وافقت ؟ ساره : افا عليتس اقنعتها اليوم قعدت عند راسها لين وافقت نجلا: اجل ابروح اتجهز واعلم قليلة الحلا نجودوه(نجود) ساره : لا بتعجبها الطلعه خاصه انها بتحقق امنيتها نجلا : وش هالامنيه الشينه !! الناس تمنى تشوف خشش زينه وهي بتشوف الشين كله ساره :ههههههههه خليها تبرد تسبدها العوض والا الحريمه ......يالله بسرعه حتى يمدي نروح لاتنشب امتس في حلوقنا وتفر راس امي علينا نجلا : هذا البلااا تصدقين بنات خالتي منيره يشكووووون منها يقولون تدخل في حياتهن ويقولون خلوها تفكنا من تدخلها في امورهن الشخصيه تخيلي خالي بدر وداهن الملاهي والاسواق قامت تدعي وتحوب عليهن تقول انتن سلق ماتنعطن وجه من العصر وانتن بالسوقه والملاهي خلصتن فلوس بدر انتن وجيهكن قويه مغسوله بمرق ومن هالحكي قسم بالله فشلتنااا ساره :ايه عاد امتس غير لانها ماراحت معهم والريال مايطلع منها الا بطلعت الرووح نجلا :اما الريال مايطلع الا الصوره طاقه اللطمه من الغبره تبطي ماتطلعها وتموت فيه حتى فلوسي اللي عطانيها عمي نايف يوم يفوز قبل امس بسباق الخيل خذتها ساره (شهقت ):خذتها !! نجلا بزفره : ايه قالت عطيني الفلوس والا ياويلتس ساره : وانتي يالغبيه عطتيها على طول كشش عليتس مير وجه يستاهل..نجودوه عطتها ؟؟ نجلا : لاماعطتها قالت عمي قال هاتس يانجود لتس ماقال لامتس ساره : خخخخخخخ تعجبني نجلا : ايه بس طلعت امي الفلوس من عيونها ذاك اليوم امي تكلم الدكان طلبت مقاضي البيت قالت يمه ابي ببسيه قولي ليه وتسكر امي التلفون قالت انتي عندتس فلوستس اكلتس منها واللي هنا بفلوسي وانتي لحالتس وانا لحالنا ساره : يؤؤؤؤؤ امتس والصلخ اللي يشوفها يقول تكد عليكم من حلالها !! نجلا : اقول يالله لاتجي بعد تحرمنا من السوقه تراني اعرفها تنشب وتغث ــــــــــــــــــــ السلام عليكم العنود : وعليكم السلام ماجد: وشلونكم اليوم ؟ العنود : بخير ..وشلون الشغل اليوم ؟ ماجد : اليوم الشغل الحمدلله زين العنود :مضايقك شىء ؟ ماجد بضيق : مها مصره تبغى عبدالرحمن العنود فتحت عيونها : بتوافقون ؟!! ماجد : مدري عن ابوي وش يفكر فيه بس بيقابل اليوم سلطان واخوه العنود : انت ماتدري وين الخيره فيه ولاتضايق ابوك ماجد بزعل: الخيره تاخذ عبدالرحمن !! انتي من صدقك تحكين !! العنود : انا ماقلت تاخذه بس انت ماتدري يمكن يعتدل على يدها ؟ ماجد بعصبيه : هذا انتي قلتيها يمكن يمكن مو اكيد العنود : انت معصب الحين هدي الوضع اختك عندك الى الان شف وش اللي خلا اختك توافق عليه ماجد : انتي وش تقصدين ؟ العنود : انا ما اقصد شىء معين لكن اختك ليه وافقت ترتبط فيه رغم انه موب كفؤ! ماجد : يعني لعب عليها بحب وغيره !! العنود: اختك موب راعيت حركات كذا وانت عارف هالشىء .. ماجد بنفاذ صبر : يووووووه انتي كلامك بالقطاره العنود : هد اعصابك وماراح يصير الا الخير..بروح اجهز القهوه ماجد : انا بروح لابوي ـــــــــــــــــــ سلطان : عبدالرحمن شف الحين بندخل عليهم اياني واياك تحكي فاااهم عبدالرحمن : ليه اطرم !! والامانيب رجال حتى احكي معكم !!؟ سلطان : لو كنت رجال كان تركت ذا البلا اللي تلتحه كل ليله وتصدم بذا الجدران من الفلاحه عبدالرحمن : اقول انت جاي تخطب لي والا تسبني !!؟ سلطان : والله لو ان ابوي ما وصاني عليك وان ربي ما يسئلني عنك والله لا اتبراء منك ولا ابتلي في بنت الناس بسبتك عبدالرحمن : الحين تحمد ربها انا خاطبها عجوز قدها بتصك الاربعين ما اعرست وبعد تمن علينا !! سلطان بعصبيه : اقوووووول شكل السالفه بتطول اسمع زييييييين لا تحكي ولا شىء فاااااهم ترا ان حكيت جبت العيد وطردوك واحلم احد يزوجك عبدالرحمن : الا بعد يحبون يدهم وجه وقفى انا ماخذ بنتهم العانس سلطان : يالليل هذا بيجيب لي الجلطه يا اخي انت فهمت وش اقول لك ؟ لاتحدني اقوم واكفخك عبدالرحمن (يحط يدينه عند وجه لحمايته ) : خلاص ابشر اللي تبيه يصير نزلو من السياره .. ــــــــــــــ سمعو الجرس واتجه خالد للباب سلطان : السلام عليكم خالد : هلاااااا وعليكم السلام سلطان : وشلونك ؟ خالد : بخير وشلونك انت؟ سلطان : الحمدلله خالد : سمعنا انك بتروح لجده ؟ سلطان : ايه كنت بروح امس بس الحجوزات فل مافيه الا يوم الاحد خالد : اقلط حياكم قلطهم لداخل المجلس واستقبلهم ماجد وابوه وبعد السؤال عن الاحوال سلطان : عمي انت عارف ان جيتنا نبي بنتك مها لولدك عبدالرحمن على سنة الله ورسوله ابو ماجد : عبدالرحمن وش يشتغل او وشلون بيصرف عليها ؟ عبدالرحمن : انا عندي العماره اللي وارثها من ابوي تجيب لي كل سنه خير ابو ماجد : بس ياولدي قعدت الرجال في البيت مهيب حلوووه في حقه البيت لنسوان عبدالرحمن يصرف : ان شالله بدور وظيفه ابو ماجد : انا عندي لك وظيفه عبدالرحمن (والله النشبه): وش الوظيفه ياعمي ابو ماجد : انت ماعندك شهاده لكن بدخل في قسم الارشيف عندي بالشركه سلطان بسرررعه قبل لا يحكي اخوه : وهو مواااافق ياعمي عبدالرحمن دق سلطان بكوعه (وبصوت واطي انا اشتغل بالارشيف هذا الناقص ) ابو ماجد : وش قلت ياعبدالرحمن اشوف الشغله ما اعجبتك ؟ عبدالرحمن وهو يشق ابتسامه على وجهه: موافق ياعمي انا حسبت ولدك واكيد الشىء اللي تشوفه بصالحي هو الصح . ابو ماجد : خلاص اجل الله يقدم اللي فيه الخير عبدالرحمن :طيب مها موافقه على العرس ؟ ابو ماجد :مها موافقه مبروك عبدالرحمن وسلطان نطو يباركون لبعض ولعمهم فرحانين اما بالجهه الثانيه كان فيه شخصين ملتزمين الصمت مجبرين اختهم تروح لشخص مايناسبها كل واحد بداخله يغلي حقد وغل وقهر من اللي يصير قطع عليهم حبل افكارهم سلطان مبروووووك ماجد با ابتسامه باهته الله يبارك فيك خالد ببروده: الله يبارك فيك ـــــــــــــــــــــــــ مها في غرفتها من سمعت الجرس وهي تدعي ربها ان الله يبعده عن طريقها يصرفه عنها ...تعبت من التفكير ضاقت بها نفسها حاااسه انها مخنوووق من اللي يصير كرهت عنجهية امها وتسلطها واستغلالها كرهت ضعفها وخوفها جلست على الارض طوقت ركبها بايدينها ونزلت راسها عليها تركت لمدامعها تجري على خدها يمكن يخف الالم ..يمكن اصحى ويكون حلم ... ودي ابكي لين مايبقى دموع ودي اشكي لين مايبقى كلام من جروح صارت بقلبي تلوع ومن هموم احرمت عيني المنام انطفت في دنيتي كل الشموع والهنا مايوم في دنياي دام ان شكيت الحال محدن لي سموع وان سكت الناس زادوني ملام ــــــــــــــــــــــــــــــــــــــــــــــ دخل عليها وهو موحاس بالدنيا من الفرحه شافها قدامه وعيونها كلها لوم وعتب طالعها وهو حاس بنظراتها : ماراح تقولين مبروك ؟ ساره : على وشوو؟ سلطان بأبتسامه ونظره متفحصه : مها وافقة على عبدالرحمن ساره سكرت عيونها تحاول تستوعب اللي تسمعهفتحتها ببطء : انت من صدق تكلم وافقوا؟؟ سلطان رافع حاجبه وبسخريه : ليه هالمواضيع فيها كذب ؟؟ ساره حاسه الدنيا ضاقت بعيونها مشت بخطى مثقله مصدوومه من اللي تسمعه معقوله ! ابوي وافق !ابوي !! ماني مصدقه !!!!!!!!!! ياربي وش صارفينا وش صار ! دخلت غرفة هنوف وسكرت الباب واسند ظهرها عليه وصارت تنزل بشوي شوي للارض هنوف مفزوعه : يمه يمه وش فيك ؟ ساره بصوت مخنوق ودمع يذرف: مها مها هنوف ودموعها تنزل : وشفيها خالتي ؟ ساره : بتتزوج وغطت وجهها هنوف طيرت عيونها مستغربه: طيب واذا بتتزوج كل الحريم يتزوجون وش فيها !!؟؟ ساره وهي تبكي : بتتزوج عــ (وسكتت غضمت عيونه بقووووه ...*بنفسها* وش اقول لك اقولك عمك السكران !والا اقول عمك راعي الخادمات !!!!! وش اقول ياربي ..اااااااااه خليها في القلب تجرح لاتطلع لبرا وتفضح ـــــــــــــــــــــــــــــــــ يبا ماتحس انك تسرعت واعطيت عبدالرحمن الموافقه ؟ ابو ماجد: ياولدي البنت تحبه وانا ما ابي اكسر نفسها مها مغلوب امرها دوم ونفسي اشوف الفرحه بعيونها ما ابغى اكسر خاطرها وهي تبيه وانت عارف مها منطويه من بعد الحادثه اللي صارت . خالد : انا اللي مستغرب البنت تغيرت 180 درجه اول لاجت سيرته تكرهه ما تطيقه والحين تبيه !شىء يحط العقل بالكف ماجد : واللي مستغرب اكثر انها تطلب انكم توافقون !! لو كنت ما اعرف مها كان شكيت بجهه ثانيه بس مها اعرفها موب راعية حركات كذا ! تدري يبا احسن شىء انك وظفته عندك بالشركه وتحت عينك منها يعرف نفسه مراقب ومنها يحاول يثبت وجوده ان كاان عنده احساس اصلن ابو ماجد : تمنيت ازوج بناتي من احسن الشباب لكن مها حظها الله يزينه آآآآآمين ـــــــــــ ام خالد : خلاص انا بتصل في اختك واشوف وش رايها ؟ عبدالله : ايه اتصلي واليوم مهوب تطولين ام خالد : ابشر بس قم عني تراك ازعجتني راسي يلج من بربرتك عبدالله : سلامت راستس تبين اجيب لتس بندول ؟ ام خالد : الله يسلمك لا شوي ويهون عبدالله : خلاص اجل انا بطلع تأمرين على شىء ؟ ام خالد : سلامت عمرك عبدالله : الله يسلمك ..التفت لامه : يمه تراني بروح لشايب اتمصلح معه لا ينشب فيني ويهون وغمز لها ههههههههه ام خالد : ايه تراه يدور هالايام احد يزعله عبدالله طير عيونه : وانا عاد القراده مسويه معي صدااااقه قويه ام خالد ههههههه اجل الحق عليه لايزعل وتخرب كل السالفه عبدالله : طيران ههههههه ـــــــــــــــ هيييييييييييي انتن يالخبلات تدرون وش صار يالغبيات ؟ نجلاببروده : وش صار ياالمنتفخه ؟ نجود بسخريه : نعم يالعنز خييييير وش عندتس ساره بقلق : ما الومكن ماتدرن وش صار ؟ نجلا(بنفس شينه) : يالليل ما اطولك انتي بتحسين والا اذلفي عن وجهي مغير مادريتو مادريتو خير وش عندتس نجود تلفت على اختها نجلا : هذا طبيع سويره تحب تسوي عندها علم وعندي قب وخبر وهي ما عندها ماعند جدتي ساره بزعل : اقووووول اسمعي اسمعي يا نجيدوووه امس مارحنا للمجمع ؟عشان نشوف اللي خبري خبرتس ؟ نجود : ايه ساره : اليوم رحت مع امي لسوق تبي اغراض البيت ورحت معها نجود تقاطعها : اكييييييييييد لازم تروحين انتي عشان تقدرين تخمين لتس بلعه والا انتي بتطوفين الزريط مايصير ماتصيرين سويره ساره بحقد : خيييييييييير انا في وين وانتي في وين ؟ نجلا : ساره كملي ماعليتس من المهبوله ذي وتأشر على نجود ساره : المهم شافوني وانا نازله من السياره والحقونااا لين باب بيتناااا نجود مطيره عيونها : وانتي يالبقره وش عرفهم انه انّا اللي نكلمهم ومواعيدينهم بالمجمع وهم اصلن ماشافونا؟؟ ساره : اسمعي يالبقره بما ان امس رحنا المجمع حضرتس رديتي على الجوال وهم كانو بمحل الجوالات اللي جنب المحل اللي كنتي فيه وطلعتي من الباب وانت تسولفين مريتي من جنب باب المحل وسمعو صوتس فخلوو رفيقهم يكمل بربره معتس وتبعونا ليييييييين ركبنا السياره ولان رفيقهم بالمجمع(اللي تبربرين معه) متأخر ماقدرو يلحقونا بالسياره وش سوو ؟؟؟؟؟؟؟؟ لطشو رقم السياره واليوم شافوها والحقوووني !! نجود بروووووعه : كذااااااااااااااااااااااااابه ساره : والله انا خااااااااااايفه وش الدبره ؟!! نجلا ترفع يدينها : انا مالي دخل فيكن ساره تستهزئي : قولي قسم !! كلنا سوى نجود تلطم وجهاااا: الحين وش نسوي !؟ ساره : ابشرتس بعد يقول عرفت انتو من ! انتي ياشوق بنت وقال اسم ابوي بس اريام بنت عمك صح ؟ و رغد بنت من؟؟ وكمل يتطنز هو ووخشته اممممم شوق واريام ورغد اساميكن اللي اخترتوها تهبببببببببببل نجود بصدمه : وش قلتي عساتس ماخرتي اللي تعرفينه ساره : لاااااا وين انا من قال اسم ابوي وانا طاقتني الرعده ركبي قامت تصافق تقولي محطوطه على خط 220 .. والله لو يدري ابوي والا عماني والا يوووووووووووه عبدالله وخالد وراكان موووووتنااااااااااا حلاااااااااال عند هذولا نجلا تدق صدرها : قالته العنود لنا بس ما طعنا قالت انتن شايلات جوال حتى اذا احتجتو شىء تتصلون بس لا تنسون ان فيه شباب يستغلون الجوالات بالاتصالات ويغرونهم بالكلااااااام وا ابوانكم عطوكم الجوالات واثقين فيكم وبتربيتهم لاتضيعونها اما انتي يانجود وش ردتس لها ؟؟قلتي لها قلتي اكيد ان شالله الاموب ان شالله الاو اثقين ان ماراح نكلم مثل بنات اللي اهلهم ماربوهم !!!!!!!! تحسفتي على كلمة ان شالله وربي عاقبناااا ساره : اناا خااااااايفه لو درا ابوي والا عماني والا عيال عمي نااايف والله عبدالله بالذات يطحناااااااااا طحن نجلا : بسسس تراني خلااااااص ماعاد اقدر استحمل نجود :بعد صمت : شوفن بنحط الجوالات على الصامت اغلب الوقت حتى ما احد ينتبه لا رن الجوال ومنها لا دقو علينا وسئلو نقول غلطانين اما هم مانرد عليهم ونخليها لاطلعنا بدروجنا حتى ماننكشف ساره : بس كذا بننكشف بسهوله خاصه امتس تحب تفتش وتدور على الزلات وحب الاستطلاع لو مشتغله في الجمارك اصرف لها تمنيت ارحل لعالم عليه الفاتحه تقرا... ورفض موتي يواجهني بوجه القادم المخفي... ياترى شفتو جسد ميت ورفض يستقبله قبره... انا هذي معاناتي واظن اللي مضى يكفي..! ــــــــــــــــــــــــــــ |
البارت العشرون ـــــــــــــــــــــــــ ماكل من يضحـك بوجهـك يحبـك تضحك اوجيه اقوام وقلوبهـا سـود كم ضاحكٍ قدمك اليـا غبـت سبـك لو يعجبك هرجه اليا صرت موجـود ترك الردي علاج روحـك وطبـك وملايمـه ذلـه وشرهـه ومنـقـود طبع الـردي وقـت الشدايـد يكبـك مثل السحاب اللي بلا بـرق ورعـود وخـل اعتمـادك واتكالـك بربـك واحرص على رفقة هل الطيب والجود الووووو السلام عليكم العنود : هلاااا وعليكم السلام ام خالد : وشلونتس ؟ العنود : الحمدلله ازقح وشلونتس انتي وابوي والعيال ؟ ام خالد : كلنا طيبين وبخير العنود : الحمدلله دوم يارب ام خالد : امين واياتس ..وشلون رجلتس واهله عساهم طيبين ان شالله العنود : الحمدلله طيبين طاب حظك وفالك يارب ام خالد : امين يارب ومن يقول .. عنوده عبدالله ناوي على العرس ومحتاره من البنت اللي تناسبه وعمتس ام علي اشغلتني تقول ياخذون بنات عمهم عيالتس وانا ما ابيهن العنود بزعل : عمتي وش دخلها هي وراها متشتغل خطابه اصرف يلبق لها !!ام خالد بحده : عنود هذي عمتس احترميها عنود : يمه انا ماقلت شىء بس ماتلاحظين ان عمتي تدخل فينا هي خايفه نخطب بنتها ويوافق خالي وهي ماتقدر تقول لا عشانك وعشان ابوي عشان كذا تزحلق اخواني عن طريق بنتها ام خالد : من قال لتس ؟ العنود : وااضحه ماتبي فيها ذكاء وهي تظن ان واحد من عيالتس يفكر في بنتها وهي تبي تقلد اختها في كل شىء وش ماسوت اختها تبي مثلها ام خالد : وش دخل اختها ؟ عنود : يمه عمتي ام بندر ترز بناتها عند عيال عمهن سعد تبي رهف ياخذها ولد سعد الكبير عمتي ام علي تبي بنتها ياخذها ولد سعد الثاني تقلد اختها ام خالد :وانتي وش دراتس ؟ عنود : عمي كم مره تحتسي انا بنتي بياخذونها من عيالنا اللي بالرياض لانها عايشه غير ومدلعه وكنها تقول تعالو واخطبو يا عيال سعد حتى بنتها مريضه من حركة امها ام خالد : بلاه موبزين في حقها تعرض بنتها على الناس !!! عنود هههههههههه: لامهوب عشان كذا ام خالد مستغرب : اجل وشوعشانه ؟ عنود : بنتها خايفه سعود ياخذ غيرها ام خالد :سعود اخوتس العنود: ايه هي تبي سعود وحتى هو يبيها والكل عارف بها الشىء ام خالد :اقول انتي خبله تجيبين حتسي شين العنود : يمه انتي تحسبينه كلام وكذب بس هذا الصدز انا البنت قالته لي وولدتس مره يحتسي لي عن سيارتهاول ما اشتراها له ابوي وقال انهم باركو له ومن ضمنهم وحده ماصرح بأسمها مايدري انها قد قالت لي انها باركت له بالسياره . ام خالد : ياعزتي لي من هالجيل اللي لايستحون ويفضحون ..و(بزعل )اقول اخوتس عبدالله من تشوفين تناسبه ؟ عنود : يمه انا من زمااان وانا نفسي بـ وديان بنت خالتي ام منصور ام خالد : بس يمه بنت خالتس حياتهم غير عن حياتنا العنود : يمه البنت عاقل وراكده والخير الحمدلله ماعلينا قصور وانا يهمني طيب البنت ما ابي عوبا تجي وتقعد تلاسن يمين ويسار وتنقل اختك قالت امك قالت ابوك واخوك ام خالد : ايه انا بعد ابي كذا بس لاتنسين البنت مدلعه وعايشه في الكويت العنود : وش عاد لاكانت عايشه في الكويت!هذي اختها خذت ولد عمها وهو ساكن عندنا ؟ ام خالد : اهل لكن هو ساكن بالرياض العنود : على هواتس انا قلت اللي احسها بتعيش معنا . ام خالد : مدري انا بكلم ابوتس واخوانتس واشوف . العنود : ايه احسن ام خالد : يالله ماتشوفين شر ان شالله العنود : ولاتشوفينه ــــــــــــــ ماسكه تليفون وتسولف والله كاسره خاطري من فتره وهي ماتطلع من غرفتها ساره : لاتلومينها تزوجت واحد ماكانت تمناه لعدوتها عهود : طيب ليه وافقت محد غاصبها!!! ساره : اتوقع عشان الوصيه عهود : وصيه !! ترمي نفسها بالنار عشان وصيه ! ساره : انا هذا اللي اتوقعه <<مطوله في توقعاتك وتحاليلك انتي واختك ؟؟ التفتت سار مفزوعه : سلطان سلطان والشرار يتطاير من عيونه : ايه سلطان ماخلصتي تحليل وتوقعات !! ساره بهمس: عهود يالله سلطان عندي مع السلامه <<ما انتظر رد اختها سكرت بسرعه التلفون سلطان يطالعها من فوق لتحت وهو يصك على اسنانه : اسمعي يامدام اليوم بروح لجده جهزي شنطتي بسرعه ساره بهمس : حصلت حجز!! سلطان : لا بروح بالسياره مع واحد من الربع ساره : ان شالله الحين اجهزها .. وبعد تردد اقول سلطان سلطان وهو يقلب بالقنوات : خييير ساره : انا بروح انام عند ماجد سلطان التفت لها ويصك على اسنانه : حتى تفرين روسهم ويغيرون رايهم في عبدالرحمن !!!!!!!! ساره بخوف : لالالا والله ما ادخل بس انا خايفه انا هنا لحالي مع عيالي سلطان بسخريه : انتي تخوفين بلد بحالها ..بكلم سالم يجي عندك ساره : سلطان انت من جدك تكلم !!تبغى سالم يجي عندنا ! سلطان بملل: خلاااص طسي لاهلك (والفت لها واشر باصبعه في وجهها)بس ياويلك لو غيرو اهلك رايهم في عبدالرحمن فاهمه ؟ ساره : ابوي عطاك كلمه وما اظن يثنيها سلطان : هذا احسن شىء في عمي ساره طالعت فيه وهي رافعه حاجبها : بسسس !! (خزها بقوه ) خـ خــ خلاااص بروح اهز شنطتك احسن لي سلطان : واحسن لي بعد ــــــــ خوذي هذا ورشي بالغرفه منه وحطي المعمول في الغرفه ليليان : فرشا حقي سرير سوي غير ؟ العنود : ايه خوذي اللي في الكبت البيج والغرفه الثانيه حطي الاحمر ليليان : بس مفرش كلووو انتي جديد !! العنود :احسن جديد انا ابغاك تحطين الجديد ليليان : بعدين انتي وين سوي بدل فرشا سرير ؟؟ العنود : ليه سوق مسكر !! ومفرش اول فيه اسوي تبديل ليليان : سوري العنود بهدوء: ليليان مدام ساره وبيبي كلو يجي هنا هذااا بيت مدام ساره سيم سيم اناااا طيب انا مايبي مشكل وجنجان ليليان : اوكي سوري مدام كان فيه اشخاص يسمعون الكلام اللي دار بينهم وما انتبهو لها دخلت عليهم السلام عليكم التفتو لجهة الصوت العنود بأبتسامه : هلااا وعليكم السلام نوف : انا جيت لك ابغى تشرحين لي بالنحو والرياضيات العنود : ابشري تعالي بالصاله راحو لصاله ..اجلسي .. يالله وريني وش اللي تبغين اشرحه لتس ؟ نوف : المعادلات س وص العنود : بسيطه هذي مايحتاج يالله نبداء ـــــــــــــ جواهر : اووووووووف زهقت من البيت طقت كبدي ام عبدالرحمن : تحملي من بغى الدح ماقال اح جواهر : يمه خلااااااااص مافيني صبر الحين لي اسبوعين وانا مغير معتكفه بها البيت كله على اساس يبين في عيون مجود ولا بااان ماتحرك اصلن حتى شغل ام يوسف ما غير حالهم!! ام عبدالرحمن : انا قلت لك اتركيه عنك وتزوجي بندر بس انتي مصره تبين ولد عمتك وام يوسف شغلها قديم قد قلت لك ماينفعكم بس انتي عنيده جواهر : يمه كم مره قلت لك انا ابيه عنااااااااد بس عناااد في القرويه وعهودوه بس تمدحه صديقة عمتي صيته ام عبدالرحمن : عمتك صيته ماتدري وين ربي حاشرها تنفخ نفسها في الجمعات وترز خشمها ولاتعرف تصرف في ابسط الامور ..اما بندر عنده خير يغرقك فيه يالخبله كل فتره يسافر والبنات ميتات عليه وانتي تبين واحد مايهتم فيك ولا عطاك وجه جواهر : يووووووووه يمه انا ما احب ماجد بس (وتصك على اسنانها)ابي اكسر خشم عهود والقرويه ابغاه يتزوجني ويشوف الفرق بيني وبين القرويه واحسسه انه كان غلطاااااااان لما تبع نصيحة اخته وام يوسف بصبر عليها شهر ان ماتغير شىء غيرتها ورحت لبركيه ام عبدالرحمن : انتي الحكي معك ضااايع بقوم احسن لي من مقابلك جواهر تحرك يدها بلا مبالاه ـــــــــــ في مجلس ابو خالد جالسين يتناقشون عن زواج عبدالله ابو خالد :خلاص اللي تبونه انا مالي دخل في الموضوع هذا انتي وولدتس عبدالله : انت الخير والبركه اذا انت مالك دخل في الموضوع اجل من له دخل ؟ ابو خالد: ايه يازين حتسيك هالحين كله عشان العرس ! عبدالله يضحك : والله ماقلت الا الصدز ابو خالد : اهلها منا وفينا وعارفينهم وعاقل على كلام امك واختك وثقيله هذا اهم شىء وانت وش رايك عبدالله : عنود من مبطي وهي تقول انها داخله مزاجها وانا خايف تكون مدلعه مررره وتقعد تنشب لي كل شوي بدلعها وانا كل شىء الا الدلع فيني حساسيه منه ابو خالد : البنات اغلبهن دلوعات وانت تبي لك وحده جلفه !! عبدالله يضحك : لا بس ما ابيها مدلعه لحد المصاخه ام خالد: هذا يعتمد عليك انت تقدر تخفف من دلعها وتخليها تعامل بطبيعتها بدون زياده والمره طبيعتها فيها هالشىء والخيل من خيالها والفرس من ركابها عبدالله : يعني مدلعه !!!!!! ام خالد : ايه مدلعه ودلال واخلاق بسس مؤدبه وماتحكي ابو خالد : اهم شىء الحكي يكفيناا اللي عندنا فلانه قالت وفلانه سوت ام خالد: الله يهدينا واياهن عبدالله : امين ام خالد تقوم :يالله انا بدخل للبيت تبون شىء! ابو خالد : سوي لي كبتشينو ام خالد : ابشر ــــــ مليكه نزلي شنطة عبدالله وماجد تحت ...هنوووووووف اخلصي كل هالوقت تشيلين ماصارت ترى لانقصك شىء وماخذيناه مو من بعد البيت هنوف مبوزه : يمــــــــــــه ليه انتي تعصبين هالايام كثير تكفين فكي العقده ساره :اقول امشي قدامي لاحط حرتي فيك هنوف ترفع يدينها : لا خلاص كيفك على راحتك الحين اطلع شنطتي راحت لغرفتها وشالت شنطتها وهي من داخلها فرحاااااااانه ومبسوطه بتكون مع تؤمها الروحي نوف واخيرآ من زماااان ما نامو سوى بغرفه وحده <<<سمعت صراخ امها تناديها نطت من الخوف : جيت جيت ساره : انتي يبي لك يومين على ماتحركين ياالامبراطوره هنوف تدق صدرها : اكييييد امبراطوره مو انا بنت سلطان ساره بسخريه : انعم واكرم هنوف : رووووق ياحلووووووو الزعل مو لايق لك ساره مسكتها من يدها ولفتها : انزلي الدرج انتي ماتنعطين وجه هنوف وهي تنزل الدرج : يمه حبيبتي لاتعصبين والله امزح معك ساره :طيب خلصيني ترا تاخرنا على خالك هنوف : ابشري ماجد يصاارخ يمه يمه تاخرتووووووووو يالله ابغى اروووووووح بسرعه عبدالله : انت مطيح عندهم مايمديك تشتاق لهم ماجد : انا ابي اقعد عندهم بس امي تقول لا هنوف : حبيبي لان امي عارفه انك ماتنعطى وجه ساره تدقها بكتفها : حتى انتي ماتنعطين وجه لو اعطيك وجه راح اليوم وانتي تسولفين عبدالله : خخخخخخخخخخخ لقطي وجهك هنوف مبوزه : يمه هالايام صايره كبريت ماجد : احسسسسسسسن خلي امي تسكتك هنوف: عشتووووووا حتى انت قاطعها ساره اقوووووووول خلصوني اطلعووووو ـــــــــــــــ واضح الشرح لك ؟ نوف : ايه واضح عنود : طيب فيه شىء مو مفهوم لك غير هالدروس ؟ نوف : لا العنود : خلاص اجل بكره ابغى اشوف الدرجه الكامله في الورقه نوف : اما الكامله صعب العنود رافعه حاجبها : ليه مو توك تقولين واضح نوف : ايه بس وقت الامتحان غير العنود : ليه غير نوف ......... العنود : نوف اناسمعت انك كنتي ممتاااااااازه ومن الاوئل لكن من دخلتي االمتوسط قل مستواك ؟ فيه احد مضايقك ؟ نوف (تطالع بالفراغ )........... العنود بحركه خفيفه على ظهر نوف ارتاعت من اللمس و رجعت للواقع :بسم الله عليتس كل هذا سرحان نوف تغير الموضوع : عمتي ساره بتجي عندكم والا عندنا العنود اللي عرفت : بتجي هنا (وابتسمت ) وبمنع هنوف تروح عندك نوف طيرت عيونها :ليه العنود تقهرها : عناد فيك نوف تحرك حواجبها : ماتقدرين هنوف اللي دخلت عرض حطت يدينها على خصورها : وش نوف تبين فزعه ساره : السلام عليكم نوف والعنود: وعليكم السلام ساره : وش السالفه ؟ العنود : ساره انتي متأكده يوم تولدين بنتك مالخبطو متاكده ساره تساير العنود : والله تصدقين انا شاكه من زمان بس سكت تعودت عليها هنوف (شهقت ) : تعودتي علي !!!!يعني ماتحبيني !! نوف: خخخخخخخ والله الفاضيه وتقلدها (ماتحبيني) هنوف : ايه يهمني اكيد نوف تحرك يدها بلا مبالاه لكلامها العنود تغمز لساره : اقول ساره هنوف بتنام هنااااا طيب ساره : اكيييييد نوف بزعل : لاااااتكفين عمه لا تسوين فينا كذا العنود تحرك حواجبها : شفتي اقدر هنوف : يمه حرام عليك ساره : العنود وش رايك انتي اللي على كيفك ؟ جاهم صوت اجل اغسلو يدينكم عااااد عنود والنذاله الكل هههههههههههههههههههه عنود : اقول عن الغلط عهودوه عهود : اولآ اسمي عهود واذا سمحتي قولي لي الدكتوره عهود عنود رفعت راسها فوق وقامت تلفت ساره : وش تدورين ؟ عنود : احنا في مستشفى ؟ ساره مستغربه : وش فيك ؟ عنود : مدري عن اختك وتقلد عهود(الدكتوره عهود) هههههههههههههههه ـــــــــــــــــ جواهر :صدق عاد خزنه : جد والله تقول ما يعطينا وجه جواهر : هههههههههههه احسن خزنه : مالت عليه على وشو شايف نفسه جواهر : هي حدك هذا زوج المستقبل خزنه (تكش على السماعه ): ايه لاخطبك قولي له زوج جواهر : قلت لك امه خطبتني وانا موافقه بس ننتظر لين تولد حرمته خزنه : خلاااااااااص من زينه رافع خشمه حتى خالتي سعاد تقول يالله يحكي علينا جواهر بخبث : خزووون حبيبتي انا بسوي بارتي مصغر لي انا وانتي وخالتك سعاد واعزم معنا كذا وحده من الشله بالبيت وش رايك؟ خزنه : انا بجي ماعندي مانع بس خالتي سعاد ما اظن دجاجه تحب تنام بدري جواهر : اوكي اخليها بعد المغرب خزنه : بشوف وارد لك جواهر : خزووون تكفيييييين ابي اتعرف عليها حتى اعرف اخبار زوجي المستقبلي خزنه : اوكي ولا يهمك ــــــــــــــــــــ رن التليفون ... الووووو ام ماجد : الووووو العنود : هلاخاله ام ماجد : العنود تعالي عندي بعد شوي بيجون حريم وابغاك تكونين حاضره العنود (مستغربه ) : هااااااااه .....ابشري ان شالله <<سكرت السماعه ومستغربه خالتي تبيني احضر عندها حريم !!!! وش السالفه ؟ لا اكيد فيه مصيبه جااايه بالطريق والا صيته تنازل وتخليني اجتمع مع شلتها !! ياخبر بفلوس بعد شوي ببلاش ..قامت وصعدت لغرفتها اخذت شاور سريع وبدلت ملابسها لبست جلابيه سوداء فيها تطريز خفيف على الاكمام بالون التركواز والفوشي وعند الياقه والصدر وكرستالات خفيفه منثوره على التطريز وصندل واطي تركواز وسوت ميك اب خفيف ناعم ولبست شال وجلال صلاه عليه وبرقعها (حتى مايشوفونها السواقين بحكم ان البيوت مفتوحه على بعض واذا دخلو اخوان زوجها تلبس جلال الصلاه) سلمت على خالتها وعهود ومها وشوي ضرب الجرس راحت مها لغرفتها وعهود فتحت الباب العنود بينها وبين نفسها من هاللي تكلمني وتعزمني عشان اكون حاضره !!اكيد هذي مو مهمه والا ماكان عزمتني افشلها على قولتها قرويه !! عهود جت جنبها ووطت رجلها حتى تنبها الحرمه دخلت العنوود : آآآح وجــ ... هلاااا وقامت تسلم وترحب بالحرمه عهود (كتمت ضحكتها ) وراحت تجيب القهوه ام عبدالرحمن : مبطيه عنك يا صيته من زمان ماشفتك قطعتي فينا ام ماجد : وش اسوي عرفين مشاغل هالعيال يكبرون وتكبر مشاكلهم ام عبدالرحمن (تطالع بالعنود): ايه هذا اللي يجيب الغرب لبيته يجيبون له المشاكل والا قطعه من الثوب ماتخون به العنود (في نفسه خييييير وشدخلها ذي حاشره خشمها تبين الفكه مني عشان بنتس مير حامض على بوزتس واهبييييييي انا اخون يالعنز الجبرا) ام ماجد : وش اسوي يا اختي والله النصيب ام عبدالرحمن : بس المفروض عقب اللي انسمع ماعاد تدخلون الغرب بيتكم هذي سمعه وعار مو شي سهل ! العنود (وهي تغلي من داخل وتصك على اسنانها): اللهم طولك يارووووح ام عبدالرحمن اللي ماصدقت سمعت العنود حتى ترد عليها :بعد مع شينك قوايت عينك تنافخين علينا !! عشان الناس عرفو سواد وجهك وفضايحك يالقرويه العنود وقفت بغيييييض : هييييييييي انتي بسسسسسسسسس عاااد ماصارت حشمتس لكن انتي منتيب وجه حشيمه (رفعت يدها بوجها) اسمعي انا لاتهمني لا انتي ولا عشره من امثالتس فاااااااهمه انا بنت ابووووووي تعجزون سمعتي تعجزووووون انتي وامثالتس من رديين العقول تحكون فيني بشىء ان حكوا فيني بوجهي او حكوا بي من وراي مالقوا غير البياض اللي قهر سود الظنـون هيبتي حتى فغيابي تحشـم النفـس بقفـاي والله اني مرعبتهـم يزعلـون ويقعـدون ..!! واضح اللي قلته ؟؟ وعلمآ ياصلتس ويتعداتس انا ماحد يقدر يشوهني ولا يعذربني لاني امشي عدددل وانا اتبع شرع ربي وحافظه كرامت اهلي وسمعتهم لا انتي ولا امثالتس تطولونها وقامت وتركت لهن المجلس وهي منقهر من اللي سمعته عهود اللي دخلت وسمعت نص السالفه حطت القهوه وهي مقهوره من ام عبدالرحمن وقامت تصب لهن ام عبدالرحمن وجها انصفق من اللي تسمعه سبتها واهانتها وفشلتهااا ام ماجد اللي صدمتها ماتقل عن ام عبدالرحمن صار تطالع في بنتها اللي تناظرها بنظرات (ندم وقهر على اللي صار في حق العنود) ام عبدالرحمن : انتي سمعتي بأذنك تسبني في بيتك يام ماجد في بيتك ياصيته !!! انا على اخر الزمن انسب ومن القرويه !!! ام ماجد : امسحيها في وجهي يا م عبدالرحمن مالك الا الحشيمه والكرامه ولك مني اليوم اغسل شراعها لك عهود اللي مطيره عيونها فيهن ( طقني وبكا سبقني واشتكى ) بعد ماهدت ام عبدالرحمن .. ام عبدالرحمن :اقول وش تطلبون يا ام ماجد مهر وشبكه وغيره لبنتكم ام ماجد : هذي بنتكم وما لنا طلبات عهود : اختي تسكن ببيت لحالها ام ماجد : عهوووود انكتمي عهود :لا ماراح انكتم هذي حيات اختي ام عبدالرحمن : لا مها بتسكن عندي انا ابيها معي عهود : اجل وشو له جايه وانتي تقولين طلباتكم ومع اول طلب رفضتي ؟؟ ام عبدالرحمن : اقصد المهر والشبكه عهود: الله يعينك يامها ام عبدالرحمن : ليه حتى انتي بتاخذين سالم عهود وبصدمه : وشوووووووو يخسى ماعاد الا هي اذا سويلم الخبل !! ام ماجد : انكتمي سالم موب خبل هذا ولد خالك عهود تكتف : ايه موب خبل واكبر دليل انه مع اخته في سوالف النسوان !! ـــــــــــــــــــــــ |
البارت الواحد والعشرون ــــــــــــــــــــــــــــــــــــــــــــــــ افتـرقتــوا مو هــذا اللي تبــونـــه ليـه طيـب كل واحـــد فـي ألـــم ماتـعبتــوا من شعـــور تكتـمونـــه ولا هيـــة مســألة عـــزه بأثـــم يــامــا قلنـا أتــركوا الكبر وجنونه المحبــه والثــــقه فيـــها أهـــم والامانـــه فى الــفؤاد ومن يصــونه شـئ طبيـعـى للعــلاقه لو تتــم ان بغيتــوا أرجعــوا لذكــرى حنونه واستــفيدوا درس من يــوم نــدم هي انتي وش فيك مصبيه داخله لاسلام ولا كلام ؟ العنود : ساره انتي عارفه من هناك ؟ ساره : ايه عشان كذا مارحت مالي خلق اقابلها العنود وهي تصك على اسنانه : ما الومك ساره : ليه وش قالت لك ؟ العنود بسخريه : هه هي وامك بعد !!هذا القهر امك !! ساره طيرت عيونها : امي وش فيها العنود :............. ساره : اعذري امي يالعنود امي متعلقه في زوجت اخوها ومالها شخصيه عندها العنود بطنازه : خايفه تشوها عند الطبقه الراقيه اللي لها فيهن علاقات وامك تبي تدخل معهن ساره : وش دراك؟ العنود : مانيب غبيه ..لكن تحلم امك تعرفهن عليها لانها عااارفه ان هذا اللي تبيه امك وهي ماتبيه يصير حتى تضمن زواج عبدالرحمن وسالم من خواتك ساره شهقت :سالم من قاله لك ؟ العنود : تذكرين زواج اخت مرام (زوجت عبدالمحسن صديق ماجد ) رحت انا وعهود للمغاسل ودخلت عهود لدورة المياه (تكرمين) شافتها وحده ما اعرفها بس من صديقات جواهر قالت هذي اللي دخلت خطيبة سالم واختها خطيبة عبدالرحمن اخوان جواهر ساره بعصبيه :ماشالله عليهم حابكينها سووووووووى عهود االلي دخلت عرض وش اللي حابكينها سوى ؟؟ ساره :......... عهود بغللل : ايه امه اليوم تقوله (وبطنازه ) قواطي ببسي عندها عنود : وش قلتي ؟ عهود: قلت يخسي الخبل ساره شهق : انتي خبله !!!!!!! عهود : وش رايك يعني اقول تم عمتي موافقه اخذ ولدك المصون سويلم !!! هههههههههههههههههههههههه العنود : احسن تعجبيني ساره : والله انتن ينخاااف منكن العنود : انتي ينخاف عليك .. ياحبيبتي اذا لم تكن ذئبآ اكلتك الذئاب (تحرك حواجبها ...عهود :كفك عنوده ههههههههههههههههه سار تحرك راسها موب عاجبها حالهن عهود : سمعتو اخر خبر ساره +و العنود : وشوووو عهود بضيق : بعد شهر زواج مها اتفقت امي وام عبدالرحمن العنود :صدز والا تمزحين ؟؟ عهود : والله صدز لا وامه تقول حاجزين استراحه ذبحتنا الفنادق بنسوي تغيير عن صديقاتها العنود : استراحه ؟؟ تغيير ؟ ذي مهبوله الله يعين مها عليها آآآآآمين ـــــــــــــــــــــــــــــ رفع راسه من الملف اللي بين يدينه ..:Nurse Linda go in the next patient <<بالعربي ممرضه ليندا ادخلي المريض التالي الممرضه ليندا:No patients <<لايوجد مرضى ماجد رفع يدينه يحرك شعره : الحمدلله .. رفع يده وشاف ساعته اووف انتهت المناوبه من ثلث ساعه قام من خلف طاولته وفتحته شنطته وحط فيها ادواته الخاصه وطلع من غرفته متجه لبوابه الخارجيه ..كان فيه ناس تنتظر مروره وهو مو منتبه للي يراقبونه هيييييي شوفيه اخيرآ طلع ممرضه سعاد : مالت عليك ابغى اعرف وش شايفه فيه زين مغرور وثقيل دممممم ممرضه اماني : اقول من زينك انتي الحين دكتور ماجد مو زين يالنصاابه سعاد : هو من ناحية زين هو مزيون لكن مغرووووور اماني (تنهد): ما الومه مزيون ودكتور ياحظ زوجته به سعاد : زوجته تصديقين يقولون انها اقل من عاديه وخاطب عليها اماني طيرت عيونها : قولي والله سعاد بروعه : وش فيك اماني : من قال لك ؟ سعاد : خاطب بنت عمه وبنت عمه تصير صديقة بنت اختي خزنه اماني : اجل مصدرك موثوق سعاد : هذا اللي قالت لي خزنه اماني تفرك يدينها : حلووووووووو سعاد : وشو الحلوووووو اماني :هااااااااه ولاشىء ــــــــــــــــــ نزل من سيارته وهو تعبان من الشغل والمرضى بالمستشفى فتح الباب سمع اصوات الضحك والتعليقات ارتسمت البسمه على شفاته دخل عليهم السلام عليكم الكل : وعليكم السلام هنوف نطت وحظنته : هلااااااااا خالوووووو ماجد وهو يضربها براسها على خفيف : انتي متى بتعقلين هاااه هنوف بوزت : الحين ناطه لك وارحب فيك وتفشلني نوف ههههههههه احسسسسسسسن اثقلي يالمطيوره ماجد طالعها :عشانها حظنتني و رحبت فيني صار ت مطيوره !! نوف ببروده : ما احب هالحركات تحسسني انها بزره ماجد: ليه الضم والبوس محكور للاطفال!! نوف : محد يسوي هالحركات الا الا طفال الكل مستغرب من تفكير نوف .. ماجد حب يقطع الصمت اللي ساد عليهم : وين مهاوي ما اشوفها معكم ؟ ساره : مها عند امي رفضت تجي ماجد : طيب ليه ماقعدتو عندها لين تنام امي وتجون كلكم ؟ عهود : امي رفضت ان مها تجي معنا هنااا . ماجد : ليه ؟ عهود : تهز كتوفها .. وفي نفس الوقت امي صرفتنا ماتبينا نقعد عندها ماجد يحرك راسه بأسف على حال اخته وتصرفات امه ..(زفر بضيق ) خلاص انا بروح اخذ شور وارجع نتعشى سوى هنوف: خالووووووو ماجد يبتسم : قولي وش عندك هنوف تحك خشمها : امممم صديقتي مسويه بارتي بكره في استراحتهم بمناسبة عيد ميلادها وعزمتني انا ونوف ومعنا بنات كثييييييير من المدرسه والعزومه بعد المغرب الى 12 بالليل وفيها بنات ناس هاااي ودي جي وش قلت ؟ ماجد : فيها امهات وحريم كبار والا بس بنات ؟؟ هنوف : لا الدعوه يمنع اصطحاب الامهات والشغالات والاطفال خخخخخ ماجد : فكري انتي زيييين بطلبك وردي لي !! نوف : ليه وش فيه طلبها ؟ عادي صديقتنا وعزمتنا مافيها شىء ماجد الفت لخواته وزوجته : فهموهن بطريقتكم هنوف تكتف : اووووووووف بغينا خالي عون صار علينا فرعون العنود : من متى تعرفون البنت ؟ هنوف: من 3اسابيع تقريبآ العنود : طيب 3 اسابيع تعتقدين مده كافيه انك تعرفين اخلاق البنت ؟ هنوف بملل: ترا انتو مكبرين السوالف على الفاضي هذي ابوها بطراااااااان الفلوس كثييييييره وش تبي منا يعني ؟ العنود : هنوف البنت مايهتمون الناس لفلوسها وانا ما اقصد انها تصادقك عشان فلوس اهلك هنوف رفعه حاجب :اجل وش تصادقني له عهود تكلم العنود : اقول هذول والله لو تحكين من هنا لين بكره ما ينفع فيهن ولا يفهمن عندهن الناس غلط وهن صح نوف بحده : وانتو عندكم انكم انتو داااااايم صح وحنا غلطانين!! العنود :احنا مانقول انكم غلطانين لكن وحده توكم متعرفين عليها وعزيمه في استراااحه مو في بيت حتى نحااااول نبلعها وفوقها بدون كباااار ..نفرض شغلتو الدي جي وقعدتو تصارخون وضحك والاستراحه اللي بجنبكم شباب شافوكم بنات ولحالكم وش بتسوون ؟؟ هنوف التفتت جهة نوف : اقول عودنا على فرضآ!!!!!! ساره التفت جهة هنوف وصفقتها كف : تعلمي الاحتراااااااااام وهذي خالتك وروحه مافيه فاااااااااااهمه هنوف حطت يدها على خدها ودموعها تنزل وركضت لبيت جدها عهود والعنود ونوف انصدمو من حركة ساره العنود : ساره انتي وش سويتي ؟ ساره بعصبيه : تكفين العنود مالي خلق بنتي وقلة ادبها عليك وش تبين اقولها برافووو العنود : انا ماقلت قولي برافو بس ماتعالجين الغلط بغلط ! ساره بضيق : وش تبيني اسوي ؟ العنود : لاتنسين بنتك بسن مراهقه اقربي منها ياختي ما اشوفك معها قريبه هذي بنتك ترا بتدور على غيرك ! نوف قامت منهن بعد ماسمعت اول التعليقات ولحقت في هنو ف اللي حاطه وجهها على المخده وتبكي حرارت الكف اللي خذته من امها فتحت الباب عليها شافتها تبكي حطت يدها على ظهرها هنوف قومي لاتبكين اصلن الحفله احساسي انها ماراح تكون حلوووه يكفي فيها دينا و انتصار وعهد هنوف : انا احب عهد ومتواعده معها نتقابل هناك نوف : هذي البويه ما احبهاااا ما ارتاح لها نظرتها تحسينها شينه هنوف : بس انا احبها حتى هي تقول لي انا احبك نوف : انا ماارتاح لها احسها وسخه هنوف : عشانها بويه ؟؟ نوف : لا مو عشانها بويه هنوف حبت تحرج نوف : نوف فيه احد يعرف انك ايموو نوف ببروده : لا ولا يهموني عرفو او لا (تحرك كتوفها بعدم مبالاه) ــــــــــــــــ ـــــــــــــــ ابشرك ياصديقتي العزيزه باحلى خبر ؟ جواهر وهي متمدده على السرير على بطنها : وشووووووووو خزنه : عمتي سعاد وافقت على البارتي بعد ماطلعت عيوني وانا اترجاها لين قلت لها انك قريبت الدكتور جواهر بغيره : لاوالله تبغى تقرب منه عن طريقي ؟؟؟؟؟؟؟؟؟؟!! خزنه خخخخخخخخخ خالتي سعاد ماتواطنه تقول مغرووور وشايف حاله بس تقول يمكن تستفيد من علاقتها معك حتى تكونيني واسطه عنده جواهر براحه : ايه على بالي .. (صارت تحرك خصل شعرها بدلع ) آآآآه ياخزوني متى يجي اليوم اللي اتدلع على مجودي واحكه مثل الخاتم في يدي بدال اللي عندها خزنه : هااااااااانت راح الكثير ومابقى الا القليل جواهر : خلاااااص اجل بكره بعد المغرب تعالو انا بجهز البارتي خزون : اوووكي بااااااي جواهر : باي ــــــــــــــــــــــــ انتي الخسرانه هذي بنتك لو ماقربتي منها غيرك بيقرب ويكون الاقرب ويستغل جهل البنيه ساره تحط يده تحت حنكها (فكها) : انتي تحكين من فراااااغ لانك ماجربتي المراهقات مرهقات متعبات يمللوون الوحده العنود : تدرين اكثر مشاكل بسبب بعد الام والابو عنهن ؟!! ساره : يعني تبغيني اقابلها و اقول شبيك هنوف انا بين ايديك !!!!!! العنود : انا قلت اقربي منها (تنهد ) ياساره الحين البنت ينخااف عليها اكثر الوقت تغير والبنات الحين متفتحات بشكل كبيييير اقرب لك الحين شوفي لبس بنتك ولبس نوف ساره : وش فيه لبسهن ؟ عهود : ليه مالاحظتي شىء في لبسهن ؟ ساره ببروده : لااا العنود تهز راسها (بعدم رضى ) تلفت لعهود : قولي لها ساره طالع فيهن : اخلصن ترا ما احب هالحركات عهود : نوف لبسها اغلبه اسود من دخلت المتوسط بالذات هالسنه صح ؟وتحط سلاسل واشياء غريبه صح ؟ ساره : ايه عهود : هذا وش يسمونه ؟ ساره بعصبيه : وانا وش يدريني عنها (شهقت ودقت صدرها) لا يكون هذا حداد وحزن على امها وابوها !!!!!! العنود تضرب راسها : ياويل امتس عهود : هههههههههههههههه اما عليك تفكيير شىء ساره : هييييييييي اخلصن عهود : هذي الحركات اسمها ايمو ساره : ايمو..ايمو وشو هذا الايمو!! اول مره اسمع فيه العنود : الايمو هذي ظاهر نزلت مثل الموضه والبنات هبن فيها ومن ضمنهن نوف وهن لبس اسود ويدخلن احيان زهري معه وتقص شعرها بشكل معين وتحط كحل بعيونها اسود وسلاسل واساور من هاللبس اللي يكون ضاااااااق جسمها او العكس تلبس ملابس وسيعه وتحط على يدينها اغطيها عند كفها هنا (المعصم)وبعضهم يشققون جلودهم بالامواس او اي اله حاده حتى يعبرون عن كئابتهم و كره للحياه وعايشين منعزلين عن العالم عايشين في حزن وتشائم وضيق وصمت وخجل وخوف ومن كثر التشاؤم يضخمون الاشياء البسيطه في حياتهم ساره وهي مطيره عيونها : هذا كله في نويفه ؟؟؟؟؟؟؟ عهود : اوووووووه هذي وشلون تفهم !! ياساره هذي صفة الايمو ونوف تقلدهم يعني هي تسوي حركاتهم هذا بيجيب لها اكتئااااااااااب فوق انطوائيتها اللي هي فيها العنود : الحين رجلتس مسافر بسلامته لجده عندتس 15 يوم الله لايهينتس هزي طولتس وتقربي من بناتس ساره : ياقرد حظي انا في وحده صرت بثنتين !!!!! عهود : انا ما يواطنن لي كلمه لاني على قولتهن معقده !! العنود خخخخخخخ انتي معقده اول مره ادري عهود :ايه بالنسبه لهن ولجواهر اللي اطلقت على هالاسم الاحترافي العنود : اما انا ما لي قابليه على تسبودهن لاني خطفت خالهن منهن !! ساره : احلفن تبون تدخلوني شهار اكيييييييد ..حسبي الله على بليسكم ذولي الوحده منهم ترد ولاتستحي من احد بتخلوني 15 يوم معهن والله لانجن ماجد اللي ينزل من الدرج : من اللي يجنونك ؟ ساره :هنوف ونوف ماجد : وش فيهن ؟ ــــــــــــــــــــــــــــــ رابطه راسها وقاعده بالصاله وعندها كرتون بندول فتح الباب وشافه ماسكه راسه المربوط استغرب :يمه فيك شىء ام ماجد : رااااااااسي مصدع بينفجر من العوار تركي : يالله اوديك المستشفى ام ماجد : لاااااااااا خل اخوك يجي الحييييين تركي ببلاه : من خالد والا ماجد ام ماجد : لا مااجد بسررررررعه تركي : خلاااااص الحين ادق عليه بس لاتعصبين رفع جواله ودق .... الوووو تركي : هلا ماجد وينك فيه ؟ ماجد : في البيت ليه ؟ تركي : تعال امي تعبااانه وتبيك تجي ماجد فز بخوف : تعبانه وش فيها تركي : رابطه راسها وتشكي منه ماجد : يالله انا جاااي ساره وعهود والعنود يطالعو في ماجد وهو يركض لحقوووه دخل على امه يركض يمه وش فيك ؟ ام ماجد :آآآآآآآآه تكفى ياماجد الحق على امك راااسي بينفجرررر ماجد : بسم الله عليك ارتاحي الله يهداك ام ماجد : وين ارتاح وعندك هالملسوووونه فشلتني فشلتني قدام المره (تمسك راسها ) ماجد : ملسونه وفشلتك !! من هي ؟؟ ام ماجد وهي تبكي : مرتك فيه احد غيرهااا ماجد منصدم : العنود !!!! وش سوت ؟ ام ماجد : سبت ام عبدالرحمن وغلطت عليها وعلي وحتى يدها رفعتها مابقى شىء مرتك ماعاد تحشم احد حى انا ما احشمتني عهود اللي منصدمه من كذب امها تطالع في وساره اللي ماكانت اقل صدمها منها ام ماجد : تواصل بكاها و بقولك شىء حتى تعرف انها ساااحرتك هي وانت تقول حب وهذا سحرر انا شفتها وهي تحطه ماجد وعيونها مطيرها : سحر والعنود!! ام ماجد : ايه ..رح لعتبت باب بيتكم وتلقى عن يمين العتبه طوبه حمرا مكسوره ارفع الطوبه واحفر تحتها تلقى صره فيها العمل اللي حطته لك (وتدق صدرها ) ياويلي عليك سحرتك هالعقرب سحرتك حتى امك نستك اياها ما الومك السحر وتمسك راسها انا كنت ساااكته بسسس خلااااص الحين ما اقدر فشلتني عند ام عبدالرحمن طردها من بيتي (وبصوت باكي ) فشلتني وكسرت كلمتي عند المره الحين وش بتقول علي يافضحك ياصيته يافضحك العنود اللي توها تدخل لان حركتها ثقيل بسبب الحمل رن في بالها سحر !! من اللي مسحور ؟؟...طالعت في الموجودين اللي كانت الانظار متجهه لها وشافت ام ماجد تطالعها والشرار يتطاير من عيونها ام ماجد : لك وجه جااااايه لبيتي بعد تكملين علي انا بعد العنود ببلاهه : سمعت انك تعبانه وجيت اتطمن ام ماجد : لاتفرحين ما مت الى الان العنود : متي !! ليه افرح بموتك !! وش هالكلام الله يهداتس!! ام ماجد بقهررر: اسمعي يالساااااحره انا علمت ولدي عن سحرك ومكانه وبخليه الحين يطلقك لاني ما اقدر اتحمل ساحره في بيتي العنود متفاجئه :ساحره (وتأشر لنفسها) انااا ساحره!!!!! ام ماجد بخبث : ايه انتي ولا تمثلين دور الضعيفه تراه مايلبق لك العنود تصك على اسنانها : اناااااا ماني ضعيفه ولاني ساحره وهذا مخليته لاهل العقول السقيمه ام ماجد تشهق : سمعت سمعت وش تقول تسبني قدام عينك وانت ساكت ماجد بعصبيه : العنوووووووود انكتمي وطسي للبيت العنود بسخريه : هه انا قلت السحر مخليته لاهل العقول السقيمه ليه انتي شاكه بعمرتس !!!!!!!!!!! وطلعت وخلتهم في حالت ذهول من اللي يسمعونه ..طلعت وهي منقهره من ام ماجد اللي تتهمها بالسحر ونظرات ماجد اللي مانفت اللي يسمعه .. ماجد واقف مصدوم من امه وحركاتها واللي سمعه معقووووووله العنود تسحرني ؟!! لا ماتسويها ..ليه ماتسويها؟ خاصه وان العنود تغار من جواهر وماتطيق امي عشان تضمني ما اطالع لغيرها تسحرني!! ايه ...لا بس العنود ما يوصل تفكيرها لسحر ...(مسك راسه حاسه بينفجر من الضغط والتفكير جلس على الكنب وهو يفكر وش الحل ) ام ماجد اللي تراقبه قطعت عليه التفكيير : بنبرة حزن مو مصدق امك ؟ مصدق الحيه الرقطاء !! قالت لك كلمتين نسيت فيهن امك آآآآآآآآآه ياحظي كبرتك وربيتك عشان تكون سندي في الحياه لكن (وبصوت مخنوق وشهقات من البكاء )طلعت سند لها هي حتى الحقيقه منت مصدقها (مسحت دموعها ) لكن قم انا اوريك مكان السحر قم معي تعال وانا اوريك اياه ..تحركت ام ماجد مشت وتهي تعكز على عكازها ومرت على غرفت العبي خذت عبايتها هي والبنات وطلعووو وكلهم يلحقونها فتحت الباب الرئيسي واتجهت لباب بيت ماجد الخارجي نزلت وشالت الطوبه الحمرا وحفرت بيدها لين طلعت صره مربوطه والتفت لهم وهي تحس بداخلها بنشوة نصر طالعت في وجوه المتواجدين اللي كانت تظهر على ملامحهم اثار الصدمه .. ماجد شد من قبضة كفه ووغمض عيونه وصك على اسنانه بغيييييييض : انا تسحرني انااااااماني مصدق مو مقعوووووووول عنودووووووووه ........ هييييييييييييين ان ما ادبتك ما اكون ولد ابوي دخل لبيت وهو ودمه فاااااير من العصبيه فتح باب الغرفه بقووووه لقاها جالسه على الكنبه وتقراء جريده بيدها قرب منها ومسكها مع عضودها بقوه ووقفها قدامه العنود تناظر وشافت بنظراته الغضب تملكها خوووف من نظراها اللي تحس انها تحرقها قطع عليها كلماته .. اللي نزلت عليها مثل الصواعق ماجد وهو صاك على اسنانه وضاغط بقوته على عضودها : انا تسحريني اناااااا وش سويت لك حتى تسحريني ؟؟ هاااااااه ليه ؟مانتي واثقه فيني ؟ لها الدرجه السحر والخرابيط ها تعتقدين بتقربك مني ؟؟(وبسخريه ) بقولك شىء انتي الحين ماعدتي تهميني وااضح ماعاد لك مكانه بقلبي بعد هالحركه اللي سويتيها انسي اني زوجك (وفك يدينها )..بسسسسسس هاااااا بقولك شىء روح لبيت اهلك مافيه تدرين ليه ؟ (بأبتسامه حتى يقهرها ) لين تولدين واخذ ولدي عندي مايشرفني ولدي والابنتي امهم تربيهم وتعودهم على السحر والشعوذه ! العنود اللي فاتحه عيونها ودمعها ينزل بدون توقف مصدومه من الي تسمعه بصوت متذبذب : آ آ انا اسحرك!! انت من جدك تكلم ! انت مصدق اني اسحرك !(هزت راسها ورفعت يدها تمسك راسها ) لا اكيد هذا حلم حلم ماجد يصفق بيدينه بسخريه: برااااافو برافووووو تعرفين تمثلين دور الضحيه .. العنود بستغراب : امثل !! ماجد : هيييييي فكينا مازهقتي من قناع الضحيه والبرائه !؟؟ خلااااااااص كل شىء انكشف وبااااااااان العنود تحاول تسترد قوتها وتدافع عن كرامتها: الاقنعه هذا عندكم انتم يمكن تستخدمونه في حياتكم انتم حتى تعرفون تعاملون مع اشباهكم اللي لهم وجهين ماجد : بسسسسسسس بعد ترادديني العنود تطالعه بقوه : ايــــــــــــه ارد ليه وش ناقصني ما ارد عليك ؟؟؟ انا مانيب ساحره ولا هدامت بيوت ولاني من اصحاب الاقنعه (وكملت بسخريه ) هه هه تدري ان امك سوت خير بها فينا لانها كشفت حقيقتك عندي اووووه اقصد قناعك عندي عرفت انك شكاااك انااااااااني مالك كلمه وخاين اما امك ماراح احكي فيها مو خوف منك لكن لانك بتعرف معدنها لاعرفت الحقيقه ماجد بغيض : انكتمي امي اشرف منك يالسااحره وماتقدرين تقولين فيها شىء لان ماعندك شىء فيها وهي اللي كشفت حقيقتك لنا العنود رافعه حاجبها تحاول تكون قويه قدامه : احفظ حتسيك زيييييين لاعرفت الحقيقه تذكره فااهم ..واللي في بطني مالك حكم عليه لاجاء جده من سفره هو اللي له الحكم فيه ؟ ماجد : ليه مو انا ابوه ؟؟؟ والا بتمثلين عليه والا اممممممممم ساحرته اظن مثلي ؟ العنود بعصبيه : خييييييييييير كل كلمه والثانيه ساحرته ساحرته لو بسحر كان بسحر امك هاللي كل شوي ناطه لي بمشكله وتدور علي الزله ماجد متنرفز : هيييييي انتي تكلمي عن امي باحترام العنود : المحترم يفرض على لناس احترامه ماجد : وش تقصدين ؟؟ امي موب محترمه يعني ؟؟ العنود صدت عنه وراحت بتجاه الباب مسكها من ذراعها وضغط عليها :لما احكي عليك لاتسفهيني فاااااااااهمه وامي محترمه غصبن عنك وعن اللي خلفوك العنود ببرود تفك يده : الله يهنيك بركتها طلعت وتركتها يستوعب اللي صااار منقهر من ردودها ..حاس نفسه في دوامه ...لحظه لحظه هي قالت انا خاااين !! وش سويت حتى تقول خااين ؟؟ انا مالي كلمه !!ليه قالت هالكلمه !؟ إن حكوا فيني بوجهي او حكوا بي من وراي مالقوا غير البياض اللي قهر سود الظنون هيبتي حتى فغيابي تحشم النفس بقفاي والله اني مرعبتهم يزعلون ويقعدون ! نبشوا مامن خطيه بس انا ادرى بخطاي عيبي اني ماعرفت اساير الغير واخون! عيبي اني ما أمن ولا أذل أحد بعطاي وعيبهم ان الذيابه تعجز تدك الحصون برجي العاجي بنيته بالشرف حتى هواي لو بحب احب لكن ماازل ولااهون مايدير الراس مدح ولا رقصت لكل ناي الثقل ماهو تطبع طبع والكل يشهدون لاذكرت ابوي وامي وعالم الجهر وخفاي هانت الدنيا بعيني لانعيم , ويحزنون وش ابي بالكون كله باكر بيقرا عزاي اما في وسط الجريده ولا في دمع العيون إي وربي ماشقيت بضيقتي لكن شقاي لانزلت فقبري اول ليلةٍ وش راح يكون ! |
البارت الثاني والعشرون
ـــــــــــــــــــــــــــــــــــــــــــــــ سلمت قلبي لشخصك كنت بك واثق لين إكتشفت إنها من أكبر أغلاطي الله ياماصعب الغلطه على الحاذق صدمه عظيمه تسبب هم وإحباطي تخفي نوايا الغدر في وجهك الشارق يابحر ما فيك لا مركب ولا شاطي هذا وأنـا قبل أعرفك أسعف الغارق وأشوف نفسي مشيت في دربك الواطي ازعجني باتصالاته والله انا خااااايفه ننكشف ؟ نجود : لاتردين عليه وانتي يالدلخه ما تصبرين لسانتس فيه حكه لازم تبربرين ؟ ساره :اقول انتي كل كلمه والثانيه تسبيني خيييييير تراه يرسل رسايل تهديد يقول ردي والا والله لاعلم عبدالله ؟ نجود شهقت : ياويلي يبي يذبحناااا هذا ساره : ان عبدالله مشهور بالوسط الشبابي هنا بسبب اعصااااااااابه الناريه وان عرف اقل شىء يتوطانا بالموتر (السياره) نجود (تشهق ): هذا بلا ابوك ياعقاب نجلا تدخل عرض بنات شوفن شوفن ؟ وععععععععععععععع ياكلبه نجلا : والله هو اللي ارسله لي الله ياخذه هو ورسالته نجود: امسحيه بسرعه كلللللب ساره : الله يقرفه على الرساله نجود : وصخ مثل مقطعه الله لايوفقه نجلا تطالعهن من فوق لتحت : نسيتو انهم كانو يرسلونه لنا من قبل والا الحين وععععع وقبل تطنزن !! نجود: جب امسحيه هذا اللي حصلناه رسايل وصخه و سمعتنا بتصير على كل لسان ــــــــــــــــــ ام ماجد دخلت بيتها وعلى وجهها ابتسامة انتصااااااار ..(اطلقت زفرات فرح ) اخيرآ بيطلقها بنفرح ابكلم جواهر افرحها باحلى خبر اتجهت بخطوات نصر مستعينه بعكازها رفعت سماعت التليفون ودقت عى جواهر الوووو ام ماجد : هلاااا جواهر هلا بمرت ولدي جواهر اللي حس قلبها يدق بسرعه : هلا عمه فيه شىء ام ماجد تضحك : ليه يامرة ولدي ؟ جواهر : مدري ياعمه اول مره تقولين يامرة ولدي ام ماجد : وش ابشرك فيه العنود طااااار ت جواهر بفرح : هاه ماتت القرويه ام ماجد : لا ما ماتت بس ماجد راح يطلقها جواهر بخيبة امل : راح يطلق يعني ماطلق ام ماجد : يابنت اصبر هو الحين عندها وانا متأكد 100%بيطلقها جواهر : ليه وش سوت ؟ ام ماجد تضحك : تذكرين يوم نروح لام يوسف ؟ جواهر : ايه ام ماجد : مو قالت سحر مرشوش والا عمل والا سقو قلنا مرشوش ؟ جواهر : ايه ام ماجد : اليوم شفت شيخ يفك السحر وكان فيه ورق وشف الشغلات اللي محطوطه فيه المهم تذكرت ام يوسف قلت لواروح لام يوسف بتلهط مني 7000 مثل الاول ولافااد قمت خذيت لي قماش وسويت له مثل الحشوه من شعر راسي اللي يتساقط و قصيت اظافري و خذيت ورقه قلت لشغاله تكتب اسم ماجد والعنود فيها وتوزع الحروف وتحط ارقام ومربعات ونجوم في الورقه نفسها وخيطت القماش مثل الصره وحفرت حفره اليوم وحطيتها فيه بعد ماراحت امك مني حلفت لاخذ بثارها من القرويه وجاني ماجد وقعدت ابكي واسوي حركات اني كشفتها انها ساحرتك وطلعت الصره قدام ماجد ومن شافها وهو واصله معه ههههههههههههههههههههه ودخل عليها الحين تلقينه خلها تذلف لاهلها هههههههههههههههههههه جواهر بفرح : فكه تعيشششششش عمتي احلى وربي انك رووووووووعه الله يخليك لي يا احلى واغلى عمه بالدنيا قسم تخطيط عليك ياعمه والا ربع بوش بعد احداث يوم سيئه على البعض قاتله للفرح عنود وماجد وساره ومها وعهود وفرحه للبعض الاخر احساس بنشوة الانتصار وتجديد الامل عند جواهر وعمتها وامها ــــــــــــــــــــــــــــــــــــــ في اليوم الثاني الله يبارك فيتس ام منصور : ولدي وماخذ بنتي هذا اللي اتمناه ام خالد : الله يتمم لهم على خير يارب انا بسكر يام منصور وابشر نايف وعياله ام منصور : يالله مع السلامه ام خالد : مع السلامه ..سكرت من اختها وهي فرحانه بالخبر نزلت للمجلس السلام عليكم ابو خالد وعياله وعبدالله وراكان وسلطان <<خالد ساكن بجده بسبب عمله عليكم السلام ام خالد : مبرووووووك ابو عابد عبدالله وابتسامه على وجهه : وافقووو ام خالد : ايه تعالت الضحكات والتبريكات رفعت جوالها ودقت على خالد : الووو خالد : مرحبااااااااااا والله ام خالد: والمرحب باقي وشلونك ياولدي ؟ خالد : بخير جعلتس بخير ابشرك ابعرسسسس لولش لوووووووووووووولي <<عبدالله يصارخ باستهبال خالد يضحك : يمه ولدتس وش فيه الظاهر مخه ان لحس مع العرس كل يوم بيعرس ام خالد : ايه اليوم علمونا بموافقة وديان خالد بفرح : الف الف مبرووووووووك ريم لقطت الجوال : يمه وشلونتس وش فيه تباركون؟ ام خالد تضحك : ريم متى بتعقلين انتي ؟ ريم تضحك : يمه تكفين وش تباركون فيه ؟ ام خالد : عبدالله وافقت عليه وديان ريم تصارخ : صدز الف الف مبرووووووك اخيرآ بيطلق العزوبيه خالد يكلم ريم بس فجرتي اذني روحي وراتس علمه بالشر كانها مثلتس خذا منها الجوال : الووو يمه ام خالد : لبيه خالد : لبيتي حاجه لبيت الله ابوي وابوعاد عندتس ؟ ام خالد : لاطلعت منهم بالمجلس دق عليهم خالد : ان شالله يالله ماتشوفين شر ان شالله ام خالد : ولاتشوفه اما ريم حاطه يدينها على خصورها : خير تقول علمه بالشر ليه ؟؟ خالد : وانا صادز اجل فيه وحده تخم التليفون من رجلها ؟؟ ريم : عادي رجلي ويكلم امي مافيها شىء خالد : الله يسامح امي اللي بلتني فيتس ريم طيرت عيونها : انا بلووووى ليان ببرائه : انتي امي ريم تلتفت على بنتها : تدرين ياليونه ان احسن حاجه من اعرست وجودتس انتي واخوتس بحياتي <<تقهر خالد خالد : ليونه تدرين وش اشين شىء فيتس ان هذي امتس ريم مسكت المخاد الصغير اللي على الكنب وصارت تحذفها على خالد وهي تقول : انا اشين شيء هيين اوريك ريم :ليه ماقلت لهم ان حنا بنمشي بعد شوي ؟؟ خالد: خليها مفاجئه بيطلع لها طعم وما ابيهم يحاتونا خاصه الدرب طويل ريم : اها ــــــــــــــــــــ رن التليفوووون .. رفعته لانها جنبه : الووووو جواهر (تكش عليها قطع ): السلام عليكم ورحمة الله وبركاته ساره : وعليكم السلام هلااا جواهر جواهر بتصنع : هلاااا ياقلبي كيفك حبيبتي ؟ ساره : بخير كيفك انتي ؟ جواهر : دوم قلبو الحمدلله طيبه ..يادنيتي عمتي عندك ؟ ساره : لحظه بحول اتصالك عليها جواهر :مشكوره حياتي <<حولت الاتصال الوووو جواهر : هلااااااااااا وغلاااااا بالعقل المدبر ام ماجد اللي ارتسمت على شفاتها البسمه : هلااااااافيك يا عيون وقلب المدبره جواهر : هاااااااا بشري ذلفت لاهلها ؟؟ ام ماجد بخيبة امل : لاااا يقول لا ولدت تنقلع وبياخذ هو ولده يربيه جواهر بعصبيه : وش يبي فيه يخليها تنقلع هي وايااااااه ام ماجد : هااااااانت يا مرت ولدي راح الكثير ومابقى الا القليل كلها شهرين وتفارق لبيت اهلها جواهر بأحباط : عمه اخااااف خطتك فشلت وتنكشف والله انقهر عاااااااد ام ماجد : فال الله ولافالك ماحد يعرف باللي سويته غيرك جواهر : طيب ليه ننتظر لين ولد خلاص يتزوج وهي عنده حتى يكسر ها وقبل لاننكشف سكرت فمها تداري شهقه لاتطلع من فمهااا وتنكشف انها سمعت الكلام كلللله سكرت الخط بهدؤ منصدمه من امها امي هي اللي مسويه السحر امي !!! ما اصدق وين وصل تفكير امي لوووووووين حراااام عليها حرااااااام وش اسوي يالله وش هالورطه ............ اخااااف اعلم ماجد ويكره امي اكيد بيكرهاااااوانا هذا ما ابيه يووووووووووه وان سكت بيطلق العنود وبيظلمها حرااااااااااام ياربي وش هالبلاوي اللي تحذف علي من كل جهه اووووووووف حاسه نفسها في دوامه من الافكاررر ابوي لو عرف ممكن يزعل على ماجد ..ولو عرف ان امي وراء كل السالفه (شهقت بيطلقها ) وان سكت ماجد بيبطلق العنود ياربي وش هالمصبيه .. ــــــــــــــــــ نزل ابو نواف من الدرج وعلى وجهه ابتسامه ام نواف : وش اللي موسع صدرك ومخليك مبسوط ابو نواف : عبدالله بعرس ام نواف وهي فراحانه : من خطب نجود ؟ ابو نواف : ياليت بس خطب بنت خالته اللي في الكويت ام نواف بقهر : الحين تارك بناتك ورايح للكويت ابو نواف بزعل : وش تبيني اسوي اقول خذ بنتي مالك الا هي ! ام نواف : كلن يقول عيال نايف بياخذون بنات عمهم ابو نواف : هذا من كلامتس انتي والا ماسمعته ومالمحو لشىء ام نواف بخبث:اصلن نايف هو وعياله مايهتمون فيك انت واخوك وانتم تدورون رضاهم ابو نواف :ليه وش سوو حتى تقولين هالكلام ؟؟ ام نوا ف : شفه يعطي الناس يمينا ويسارنا العطايا والهدايا كله حتى يقولون كريم وانتم عيالكم ماشفتوا منه ريال ابو نواف : ماحنا بحاجت عطاياه ولو اعتزت له مهو مقصر وياليت تنكتمين قبل ما اخلي هالدله توقع على راستس وطلع ـــــــــــــــــــــ ـــــــــــــــــــ ضامه رجولها وسانده راسها على ركبها شايله هموم .. حددو مصيري حدد يوم الوفاه آآآآآآآه يايمه ذبحتيني بقرارك ذبحيني بتوديني للمشنقه بيديك ..حكمتي على باالاعدام .....مسحت بطراف اصابعها دمعه نزلت حاره حزن على مصيرها اللي اختاروه غصب عنها مجبره عليه ..تذكرت احلامها وامانيها قبل تمنت تزوج انسان اخلاقه عاليه ملتزم حتى يكون سند لها يعوضها فراق توئمها ..تذكر توئمها (منال)كانت معها مثل ظلها محد يفرق بينهم من الشبه و تذكرت ذاك اليوم اللي انحرمت من نصفها الثاني كان عمرها 18 فرحانات بيودعن مقاعد الدراسه رجعو للبيت بعد اخر يوم امتحان وهن مبسوطات قررو يسهرون حتى يعوضن ايام التعب والسهر بالدراسه تجمعن هن وعهود وسهرن لين الفجر كانو سهرانات على احد الافلام الهنديه لان منال تحبها وشكولاتات وببسي وخلصو السهربعد صلاة الفجر كل وحده كانت تقول لثانيه وش بتدخل منال كانت تبغى تدخل طب ومها تبغى تكون معلمة رياضيات .. صحو على الساعه 2 الظهر ماعادا منال مها : منال قومي يالله صليت الظهر قومي صلي حتى نفطر سوى ......اوووووه منالوووووووه قومي نومك صاير ثقيل كله من الامتحانات (تحركها ) لكن منال ماتحرك ..دققت في ملامحها شافت كانت ناايمه حط راسها جهت القلب تبغى تسمع دقات القلب نزلت للارض وانسابت مدامعها بغزاره خوف من الحقيقه المره حقيقه رافضتها اطلقت صرخاتها معلنه حزن خوووف رعب من فقدان روحها فقدان نصفها الثاني كسا دنياها الظلام ما حست في نفسها الا في غرفه يغلب ليها اللون الابيض حركت يدها شافت المغذي لفت راسها للجهه الثانيه شافت وحده بعبايتها ضامه رجولها ودافنه وجها بين ركبها ..بصوت مبحوح متقطع مـنال منال رفعت راسها بسرعه وعيونها حمراء منفخه حبيبي مهاااا كيفك الحين ؟؟ مها : ساره وين منال (لفت براسها للجهه الثانيه تدورها حوليها منال ماتتركها ماشافتها نزلت دموووعها ) وين منال ؟ ساره (عجزت عن النطق ثقل لسانها دموعها خانتها عبرت لها عن حقيقه مره ) مناال : بصرااااااخ : تكفييييييين ساره لا تقولين منااال تركتني امووووووت ابي مناااااااال جيبو مناااال ساره ضغط الجرس وحاولت تسيط على مهااا وانفعالها ..جو الممرضات اعطوها ابره مهدئه ... صحيت على واقع مر اليم قالو لي الخبر ماتت منال ماتت بسبب هبوط حاد في الدوره الدمويه ..نزلت دموعها على الذكرى المره وتعالت شهقتها وبصوت واضح (فقدتك يامنال ليش تركيني وتروحين فقدتك آآآآآآآآآه لينتي مت معك وارتحت ) ماحست الا باليد اللي تطبطب على كتفها التفت بخوف عهود عهود ودمعها في محاجرها : ايه عهود تبين تتركينا يامها مايكفي فهد ومنال حتى انتي !؟ وجلست مقابلها على السرير مها مسح دموعها : فقدتها ياعهود فقدتها مشتااقه لها حاسه اني بدونها ضايعه عهود ضمتها لصدرها :وحنا وين رحنا ليه ماتشاركينا معك في همومك ليه مبتعده عنااا ؟ مهامابين شهقاتها وبكاها : محد كان يعرف باسراري الا هي محد كان معي الا هي ومن بعد موتها انكسرت ياعهود انكسرت حاسه نفسي جسد بدون روح ..محد مهتم فيني كلكم تدارون نوف لانها يتيمه حى ماتحس بالنقص لكن انا محد اهتم فيني انا نقصني نصفي لثاني نقصني تعرفين شنو يعني نصفي الثاني (غطت وجها بيدينها وبكت ) عهود تمسح على شعرها وهي ضامتها : لاتقولين كذا حنا معك ياقلبي لاتقولين كذا ياصاحبي .. لاتحرث الجرح بالهون ! ياصاحبي .. لاتزوّد الطين .... بلّه ! شفني امتليت آلام واوهام .. وطعون يا][ خوك ][.. ماني ناقص اليوم ... علّه !! ياليتها هي سالفة جرح .... وتهون !! أو هو خطا أحباب .. وآقول زلّة !! البارحة كان الوصل : يد ! وعيون !! واليوم درب الوصل .. محد ٍ يدله !! في بيت جواهر قدام المرايه تعدل كلها لا بسه تنوره بيضاء قصيره لفوق الركبه وعليها بلوزه تركوز علاق وجزمه (تكرمون ) تركواز ربط لنص الساق رفعت شعرها شنيون ونزل منه خصل ولبست ساعه الماس سير ابيض من مجموعه جنيفر لوبيز حطت عطرها المفضل ديور ونزلت تشوف الترتيبات للبارتي المصغر اللي ما عزمت احد فيه غير خزنه وخالتها دخلت الصاله اللي يغلب عليها الطابع الكلاسيكي ..سمعت نغمة جوالها : هلاااخزوني وينكم ؟ خزنه : افتحي الباب جواهر : اوكي راحت للباب تفتحه وترحب بضيوفها وبعد السلام والاحوال ..امممم سمعت انك تشتغلين مع خطيبي ياسعاد ؟ سعاد : ايه اشتغل معه جواهر : سعاااد انا خجلااانه منك سعاد : ليه ؟ جواهر بتصنع الحياء : ابغى اطلب منك خدمه؟ سعاد متفاجئه : خدمه ومني اناااا!! جواهر : ايه ولا احد يقدر عليها الا انتي سعاد : لو كنت اقدر ابشري بعيوني جواهر تضحك : تسلمين ياقلبي ـــــــــــــــــــ نزل من سيارته وتعبااان من العمل وضغوطه مرهق دخل البيت حس براحه في بيته اللي له فتره تاركه دخل الصاله عليهم وبأبتسامه :السلام عليكم ام ماجد تبلع ريقها : و عليكم السلام قامو البنات وتركي يسلمون على ابوه قاطعهم خالد : وانا ماراح تسلمون علي تراني مسافر معه ههههههههههههه وسلمو على بعض وبعد السؤال عن احاولهم وحالهم ابو ماجد : وش فيكم مجتمعين بدون العنود ؟ ارتبكو من سؤاله ووجهو انظارهم لام ماجد ام ماجد تحاول تكون طبيعيه : آ تو كانت هنا وطلعت تعرف حامل وماتقدر تطول بالجلسه ابو ماجد حس من نظرات البنات بشىء : الله يهون عليها ويقومها بالسلامه الكل ماعدا ام ماجد: امين عهود : يبا تبي اكل اجهز لك عشاء ؟ ابو ماجد : لا يابوك بطلع اتروش وانام ماكل بالطياره ..يالله سلام الكل : مع السلامه ساره : اوووف بغى يطيح قلبي من سؤال ابوي خالد : ليه ؟؟ ساره اللي نست وجوده وخافت : هاااااا خالد : وش السالفه انتو ارتبكتو من سؤال ابوي عن العنود وكان وااضح عليكم ام ماجد وهي تصك على اسنانها : لاتجيب لي سيرت الساحره خالد مستغرب : الساحره !! تركي : تخيل حاطه سحر لماجد عند باب بيتهم خالد رافع حاجبه : حمدلله والشكر بدو يضحكون عليك النسوان بخرابيطهن تركي : خالد لاتطنز لانك ماشفته وامي تطلعه من الارض قدامنا خالد : اهاااا ( وببروده) يمه وش عرفك بالسحر ومكانه ؟؟ ام ماجد اللي تفاجئة بسؤال خالد : ذاك اليوم رحت ابتعذر لها عن اللي صار مهما يكون هذي مرت ولدي مرت الغالي وشفتها تطلع وهي تركض بسرررعه وفتحت الباب وصارت تلفت كأنه تشوف اذا فيه احد او لا وطلعت من الباب الكبير وانا طلعت مع الباب حقنا اطل معه شفتها تحرك بالارض ويوم راحت رحت لمكانه وخفت اطلعه ورجعت وانا متضااايقه من حركها هذا وهو يحبها وانتو بعد هذا جزاتكم انها تسحر اخوكم ..كن حااسه كنت حااسه انها راعية اطباب خالد تضيق من اللي سمعه قام وتركهم ورجع : ماجد طلقها ؟؟ عهود : لا ماطلقها يقول لين تولد واطلقها واخذ ولدي ما ابي ساحره تربيه ساره حست بتأنيب الضمير تسمع اتهاماتهم للعنود وهي عارفه برائتها ظلمتها امها وجواهر وخايفه تنهد علاقة امها بأبوها مسكت راسها حاسه انه بينفجر من التفكير ـــــــــــــــ الجسد موجود والروح أرحلت !! والزمن غدار لكني صبور .. عيني الي من عنا الوقت ادمعت .. حزنها ياخوي شيد له جسور .. وحدي بدنيا بها روحي اطلعت .. فاقد الاحساس ماعنده شعور ! الهوى مابيه انا روحي اشبعت .. وش يفيد الجرح لو كلي كسور ؟ العنود متمدده على السرير من امس مانامت زين حاسه انها مخنوق دموعها تنزل بدون توقف وراسها مصدع من كثر البكاء والتفكير ..انا ياماجد تقول عني سااحره !! توقعت كل شىء الا هالاتهاام (غمضت عيونها وطاح دمعها من محاجرها ) آآآه الجرح منك ياماجد ما اتحمله ..هين ان ماخليتك تحفي وتطلب رضاي ما اكون العنود بنت نايف وانا بنت ابوي ..وعد لاخذ حقي منك ومن اللي اتهمني اولها اتهام الخيانه والحين سحر !! الله لايوفقك يام ماجد بحق السميع العليم الله يوريني فيك يوم .. قطع عليها تفكيرها اتصال من صديقتها وتؤم روحها مرام (زوجت عبدالمحسن ) السلام عليكم العنود بصوت رايح من البكي : هلا وعليكم السلام مرام بخوووف : عنوده وش فيك وش صاير ؟ العنود : تكفين يامرام ما اقدر اتحمل اكثر من كذا مرام : ليه وش فيك ؟ العنود : تخيلي ام ماجد تتهمني بالسحر مرار شهقت وتطق صدرها : اعوذبالله هي مهبوله العنود : واللي يقهر يامرام مثبته التهمه بالادله مرام : وشلون العنود : ........ مرام : حسبي الله ونعم الوكيل فيها العنود : تكفين والله تعباااااانه حاسه نفسي مخنوووق بموت من القهر ظلمني حسبي الله عليها مرام : وماجد وش رده ؟ العنود بسخريه : هه وش رده ؟ مصدق اللي شافه ويقول ماراح اطلقك لين تولدين واخذ ولدي مايشرفني تربيه ساا....واجهشت بالبكاء مرام اللي بكت مع صديقتها : العنود ما عليك منهم الله بيظهر الحق مايرضى بالظلم العنود : والنعم بالله مرام : طيب ياقلبي اليوم وش قال في موعدك ؟ العنود : اجلته لبكره ماكان لي نفس اروح مرام : خلاص ياقلبي انا بمرك واروح معك للمستشفى سوى العنود : ياقلبي مايحتاج تعبين حالك انا معي ليليان مرام : مري علي فاااهمه بروووح معك ليليان شغالتك لكن انا اختك العنود : يابعد عمري اي والله اختي خلاص ان شالله الساعه 9ونص بمرك مرام : اوكي ياحبي يالله مع السلامه ولاتضايقين من عجوز النار العنود : عجز حيلها قولي امين مرام : هههههههههه يمه منك يالعنود دعاويك تخووف العنود : من حرمااونس (من قو ة الالم اللي سببته) ـــــــــــــــــــــــــــــ سمعتي اللي انا سمعت ؟ هنوف : ايه سمعت بصراحه ماكان باين عليها انها تسوي سحر نوف : مدري بس ما اصدق ان فيه سحر احس انه خرافات هنوف : بس امي صيته تقول طلعته نوف : ايه سمعت .. بس انا افكر بالبيبي هنوف : البيبي عشانهم بيبعدونه عن امه نوف وهي تطالع مع الشباك : ايه راح يكون محتاج لام اكثر من ابوه خاصه اذاكانت بنت هنوف : ليه راح تشيله امي صيته وخالتي عهود وخالتي مها بيساعدونها نوف بصوت ضعيف : بس الام غير هنوف : نوف عشان ماعندك ام تقولين كذا ؟ نوف سكتت ودمعها في محاجر عيونه شدت من قبضها على الستاره :انا حاسه بشعوره اذا عاش بدون امه ..محد بيهتم فيه كثر امه نزلت راسها خلاااص هنوف غيري الموضوع هنوف تطالعها وهي حاسه بحزن ناحية نوف ـــــــــــــــ دخل غرفته بهدوء ماله خلق هواش شافها منسدحه على ظهرها وتطال بالسقف ماحست بوجوده صار يراقبها كان يشوف دمعها ينزل بدون توقف حس بالذنب تجاهها لكن بسرعه ابعد هالاحساس واقنع نفسه انه شاف السحر بعينه واقنع نفسه ان هذي دموع التماسيح .. قطع عليهم حبل افكارهم رنة جوال ماجد: الوووو خالد : هلااا ماجد ماجد اتجه لكرسي موجود في جانب الغرفه وجلس : هلا خالد كيفك ؟ خالد : الحمدلله بخير وانت كيفك ؟ ماجد : مبسوووووط (قالها وهو يناظر في العنود اللي مسحت دموعها وعطته ظهرها خالد : صدق اللي سمعته ؟ ماجد :ايه صدق خالد : طيب وش قرر ت ماجد وهو يناظر جهة العنود: انتظر لين تولد واخلي زوجتي الثانيه هي اللي تربيه العنود رفعت يدها وحطتها على فمها لاتطلع شهقتها وغمضت عيونه بضييييييق والم نزلت دموعها بغزاره خالد متفاجىء : وش تقووول ؟ ماجد : اللي سمعته بخلي امي تخطب لي خلال هالاسبوع الحرمه اللي تشوفها مناسبه لي هالمره بخليها على ذوق امي خالد : انت منصدقك والاتمزح ؟؟ ماجد : في هالامور مافيها مزح ... انت متى وصلت مع ابوي خالد : من ساعتين ماجد : بتنام الحين خالد : ايه ..يالله اشوفك بكره مع السلامه ماجد : مع السلامه سكر منه وعينه مانزلت من عليها يفكر بقراره هو صح انه ياخذ ولده منها ويتزوج عليها .. والا يأجل لين تولد ويتزوج ..اخذ فطوته ودخل ياخذ شاور ..طلع بعد ما خلص لقا محلها فاضي .. ـــــــ جالسه على كرسيها وحاطه راسها بين بيدينها محتاره وش تسوي ان سكت انظلمت العنود وان حكيت تطلقت امي انا بين نارين ..قطع عليها افكارها طق الباب راحت له فتحت الباب : العنوووود العنود : ايه انا جيت حاسه نفسي مخنوقه ساره : ادخلي ادخلي وراحت وصبت لعنود قلاس ماء اشربي العنود : مشكوره ياساره ساره :العفوو ياقلبي العنود وتناظر بساره : ساره انتي (بعبره مخنوقه ) مصدقه اللي صار ؟ ساره متأثره بالعنود : لا مااا اشك في اخلاقك يالعنود العنود بضيق : اكيييد ساره :ايه انا واثقه فيك بس مابيدي حل ! العنود : اهم شىء انااا مايهمني الا الثقه وان شالله ربي بيظهر الحقيقه لو بعد حين ساره : ان شالله العنود : ممكن اطلب منك طلب ؟ ساره : امري العنود تحط يدها على بطنها : انا ابغى اروح لاهلي واولد عندهم وولدي يكون معي ما ابي احد يربيه غيري ما ابي جواهر تولاه ساره متفاجئه : جواهر وشمعنى جواهر !! العنود مابين شهقاتها :ماجد يقول بيتزوج وخلال هالاسبوع بيخطب والحرمه هي اللي تختاره امه وانتي عارفه ان امك تبي جواهر لماجد وقال ان زوجتي بتربي ولدي يعني جواهر (ورجعت للبكاء بحراره ) وجواهر ماتواطني وشلون تربيه او تربي بنتي .. ماجد يعاقبني بقسوه على جريمه انا ماسويتها والله ما سويتها والله والله ودفت راسها على سرير ساره بكت بحراره قسوة الظلم قسوة الالم وحرمان الامومه .. ساره ماكانت احسن حال منها تمسح على ظهرها : خلاص عنود محد بياخذ ولدك والا بنتك منك محد والله ماياخذونه منك والله العنود قامت بسرعه بعيون اذبلها كثر البكاء : انا بكره عندي موعد وبرجع اخذ اغراضي وبكلم اخوي سعود لاراح لاهلي يمرني واروح معه ساره : انتي مهبوله تبين جواهر تاخذه منك ؟؟ العنود : انا مايهمني خلااااااااااااص طابت نفسي من اخوتس اخوتس انااااااني شكاك خااااااااين اخلف وعده لي ولابوي وابوه قال توبه ما اشك فيها لكن ما ماوفاء صدق كلام امك و ماتاكد من الحقيقه .. هو يعرف ان امه ماتحبني وجواهر مثلها ليه مايكونون هن الثنتين مسويات هالحركه فيني حتى يفرقونا عن بــ بعض .... ساره : وش فيك عنود ليش سكتي ؟ العنود تذكرت شىء : راكان ساره : راكان اخوك ؟ العنود : ايه اخوي تذكرين او ماجيت من اهلي مع عمي وماجد ؟ ساره : ايه العنود : راكان كان جايب لي اغراض و قالي انه شاف حرمه تكب مااء عند العتبه حقت بيتنا يقول الحرمه شكلها مريب تلفت وما انتبهت لي لاني كنت موقف السياره قبل ماتجي واكلم بالجوال وانا فيها وكلم صديق له بالهيئه وعلمه عنها وعلمه وش يسوي ساره اللي منصدمه من اللي تسمعه : آآآآآ خوك عرفها ؟ العنود : لا ماعرفها ساره ارتاحت : خلااص انا بقنعه بس رووحه لااااااااا سامعه لاااا العنود رفعت الجوال ودقت على راكان راكان : هلااااا والله العنود : هلا بك وشلونك ؟ راكان : بخير وشلونتس انتي ؟ العنود : طيبه طبت وطاب حظك وفالك راكان : واياتس ان شالله العنود : وشلون اهلي ؟ راكان : بخير ماعليه يزقحون العنود :دوم ان شالله ..اقول راكان تذكر يوم تجيني وتشوف حرمه عند باب البيت اللي تقول نثرت شىء على العتبه ؟؟ راكان : ايه ليه ؟ العنود : المره ماشفتها حفرت وحطت شىء حول العتبه ؟؟ راكان : لا ماسوت شىء ليه العنود ترقع : هاه بصراحه وسوست راكان :هههههههه لا خلاص ابطلنا مفعوله بس اهم شىء التحصين حتى يحميكم ربي العنود : الله يحمينا يارب ــــــــــــــــ دخلو البيت بهدوء شافوو نور المجلس مولع فتح الباب بابتسامه :السلام عليكم الكل : وعليكم السلام خالد : يسلم على ابوه وامه واخوانه وشلونكم ؟ ابو خالد : بخير.. يامرحبااااا يامرحبا ليان تضحك :يبه انا جينا هناااا سلطان يستهبل : صدز جيتوو ليان ببرائه : والله جينا ريم : وهي تجلس ونايف مع ام خالد : وشلونك يبه ؟ ابو خالد : بخير يابوي وشلونك انتي ؟ ريم : الحمدلله بشوفتكم ..وشلونك يمه ؟ ام خالد : طيبه طاب حالك ريم : وحالك يارب ..وشلونك ياعريس عبدالله يسلهم بعيونه ويسوي نفسه مستحي : بخير الله يسلمك ههههههههههههههههههههههه ابو خالد : هذا وهي خطبه يسوي كذا الشىء لا اعرس عبدالله : لا اعرست ما اعرفكم ولا تعرفوني ههههههههههههه خالد : اهب يالنذل عبدالله : ليه وش ابي فيكم عرس واعرست خلااص حلا عاد اقابلكم ريم تشهق : ياويلي ياعبدالله يعني ماتبينا الا قبل العرس عبدالله : وش حاجتي فيكم بعد العرس اصلن ابو خالد : زين انك علمتنا من الحين اجل قم بالعرس كله من الي عبدالله طارت عيونه : لالالا نيوفي ياحبيبي انت صدقتي امزززح والا انا اقدر استغني عنكم حتى من حبي لكم ناوي اسمي اول ولد نايف عليك ويقوم يحب راس ابوه ابو خالد : نيوفي !! اصغر عيالك انا!! عبدالله يخبط راسه :جيت ابكحلها عميتها ..ادلعك يالغالي خالد : ابوووووك يالمصلحه ههههههههههههههههههههههه عبدالله : خالد بدون فتنه بيني وبين الحلو هذا ام خالد تقاطعهم : الا وش عندكم جايين هنا ؟؟ خالد : نقلوني لرياض ابو خالد بفرح :صدز خالد : ايه نقلوني واداوم من بكره بالرياض ابوخالد : مبروووك ياولدي الله يجعلك تبارك بها خالد : الله يبارك فيك وبعمرك يارب ـــــــــــــــــــــــ هذي وين راحت ؟ عسى ماتسوي في نفسها شىء ؟؟ هاه ايه اللي سحرت مو بعيده تنتحر خااصه بعد ما قلت اني بتزوج وهذا اللي سحرتني عشانه !! لالا ما اتوقع تنتحر وييين والله لو وش ..خلني اقوم احسن لي ادورها ـــــــ في الصاله للجناح تكلم اختها :عهود اقولك سمعتهم بأذني يحكن الثنتين ومعترفات .. عهود : وش الحل طيب اخاف نعلم بالحقيقه تطلق امي واخاف نسكت تتطلق العنود ساره بحزن : عهود والله لو شفتيها وهي تبكي وخايفه على جنينها ان تكبين تكسر الخاطر مظلومه وبياخذون جنينها منها والله حراااااااام عهود بهمس : ام ظالمه ياساره ظالمه حتى في سردها للكلام اللي حصل بين ام عبدالرحمن وعنود زادت شىء كثير تقول رفعت يدها بوجه امي وماصار .. ساره : وش نسوي ؟ اعلم والا اسكت ؟ بس حراااااااام والله حراااااااام عهود : وش رايك نعلم ماجد بالسالفه ونقوله بس مايعلم ابوي حتى ما يطلق امي ؟؟ ساره : فكررررررره صح خلاص بكره لاجاء الظهر فترت غداء نعلمه عهود : زين تصبحين على خير ساره :وانتي من اهل الخير ــــــــــــــ طلع من قسمه مالقاها بصاله راح لقسم ساره دق الباب ساره بصوت واطي : من ؟ ماجد : اناا ساره بسرعه : ماجد وش فيك ؟ ماجد : العنود اختفت مالقيتها ساره : ليه تهمك ؟ ماجد : وشو له هالسؤال هذا وقته ؟؟ ساره : ايه وقته ماجد : لاهي ماتهمني بس اللي في بطنها يهمني ساره : يهمك وانت بتاخذه من حظن امك وتحطه مع عدوتها !! ماجد : من قال اني بحطه مع جواهر ؟ ساره : ليه ماقلت انك بتتزوج اللي تبيها امي ؟؟ ماجد ابتسم : الا قلته ساره : امي تبي جواهر وانت عارف وبعدين وش له هالابتسامه ماجد : انا ماراح اتزوج بس اقول كذا عشان اقهرها بعد اللي سوته ساره : تقهرها !!!!!! تلعب باعصابها وتقول اقهرها !! بكره في فترت الغداء ابغاك في موضوع مهمممممم مرررره ماجد : وشوووو ساره : الحين ماينفع الوقت مايساعد و(اشرت له انها ماتقدر تتكلم في وجود العنود) ماجد : خلاص يالله تصبحين على خير ساره : وانت من اهل الخير ـــــــــــــــــ عرفت الناس والدنيا وطريقي وعرفت ان الهوى كذب وأماني! خذاني الشوق والحب الحقيقي لذاك اللي عقب وده جفاني! نساني للأسف في عز ضيقي وأنا في غمرة جراحي أعاني! لقيته في هوا غيري غريق تنكر من هواي ومن حناني!!! في صباح اليوم الثاني صحت وهي حاس انها مجهده راحت لغرفتها وخذت شاور سريع وبدلت رفعت السماعه : جوزيف شغل سياره..ونزلت بهدوئها المعتاد مع الدرج :ليليان ليليان : نعم العنود : انابروح مستشفى اذا صحت ماما ساره حطي لها فطور طيب واذا قالت وين العنود قولي مستشفى موعد ليليان : طيب مدام راحت لدرج العبي وخذت عبايتها ولبستها وطلعت وركبت السياره وبلغت جوزيف روح بيت مدام مرام ..دقت على مرام الوووو العنود : صباح الخير مرام : صباح النور العنود : يالله اطلعي انا عند الباب مرام : اوكي ثواني واكون عند ك <سكرو الجوالات جت مرام وركبت السياره وباست العنود شلون اختي اليوم العنود بأبتسامه باهته : الحمدلله عايشه مرام : لاتيأسين وانا اختك ربي مايرضى بالظلم العنود : والنعم بالله صمت عم ارجاء السياره عنود اللي تفكر بحالها اللي وصلت فيه م زوجها ونهايتها القاسيه والاتهامات الباطله اللي وجهت لهاا حاسه بغصه بحلقها مرام اللي تفكر بحال صديقتها وعيونها اللي واضح عليها الحزن واثار البكاء وصلن المستشفى .. دخلت على الطبيبه بعد الفحص ابلغتهم ان الجنين صحته ممتازه واعطتها بعض الفيتامين والحديد ..طلعو من عندها اتجهو لصيدليه شد انتباهها صوت نسااائي فيه غنج : دكتور ماااجد التفتت وكانت الصدمه قوويه عليها ماجد يتكلم مع ممرضه سعوديه والممرضه تمد له هديه واخذها منهااا وسط ابتسامه من ماجد وضحكات رنانه من الممرضه وقفت مصدومه من اللي تشوفه يخوون مع الممرضات يضحك علي طول الفتره اللي طافت مرام رجعت لها : هي انا ظنيتك تتبعيني لين وصلــ..التفتت للجهه اللي تناظره العنود شهقت بصوت عالي سمعو الشهقه العاليه التفتو ا لها اللي حوليهم ماجد منصدم أقولها لك وأنـا متمكن وواثق إبعد وفـــارق أنا ما أكرر أغلاطي سلمت قلبي لشخصك كنت بك واثق لين إكتشفت إنها من أكبر أغلاطي |
البارت الثالث والعشرون ـــــــــــــــــــــــــــــــــــــــــــــــــ .. اتجه لها بخطوات ثقيله وهو يبلع ريقه : آ العنود انتي فاهمه الموضوع غلط <مرام ابتعدت عنهم في هاللحظه العنود بعصبيه : بس بس ما ابي اسمع خلاااااااااااااص كفااااايه ماجد : يمسكها قصري صوتك العنود تصك على اسنانها : طلقني طلقني اكررررررهك خااااااااااين اكرهك ماجد مسكها ودخلها مكتبه : العنود اسمعيني ا العنود قاطعه بعصبيه : وش اسمع ؟ مايحتاج شفتك وانت تضحك والهديه بيدك مايحتاج تكذب على نفسك وعلي اصلن مالنا عيشه مع بعض ماجد : انتي فاهمه الموضوع غلط العنود : لاتفهمني ولا افهمك (وبنظره حزن ) انا وانت مانصلح لبعض مانصلح تدري ليه (وهي تفرك كفوفها ببعض ) انت تتهمني بالسحر وانا مالي فيه وفوقها تخوني ومع زميلاتك بالعمل ممرضات ممرضه !!..صدمه كلامها ونظرت الحزن في عيونها جلس وغمض عيونه وحط راسه بين يدينه .. ماجد :العنود انا بفهمك السالفه بس اسمعيني للاخير ..رفع راسه و فتح عيونه وينها ...ضرب بيده من القهر على الطاوله شاف الهديه قدامه رماها على الارض بكل قوته اوووووووووووووووف ظلـمني صاحبي اكــبر ظليمه ظلمني دون قدر ودون شيمه ظلمني وصرت انا بالظلم راضي ولو هو مرتكب اعظم جريمه اما العنود طلعت من غرفته وهي مطعونه في الصميم ..يخوني مع ممرضه !! ضحكت بسخريه على تفكيرها اصلن هو بيطلقني ليه اهتم حاولت تقوي نفسها بها الكلام لكن سرعان ماتلاشت القوه وهي تتذكر ابتسامته وضحكاتها ...طلعت وهي حاسه ان قلبها مجروح جرح يصعب علاجه ..ركبت السياره بدون ولاكلمه ارخت راسها على الكرسي وووجهت نظرها لنافذه ...امامرام تراقبها وعاجزه تهديها تناظر الحزن اللي احتواها بين اتهامات وخيانه تكلم نفسها (وش اقولك يالعنود موقف لاتحسدين عليه الله يعينك ويصبر قلبك ليت بيدي اساعدك ) عرفت ابكي من الفرحة عرفت اضحك من الاحزان عرفت ان الدموع ارحم واصدق من يواسيني عرفت الانتظار اصعب عرفت ان الوعد خوان عرفت ان العيون اللي فرقتنا جت تبكيني ــــــــــــــ في مكان اخر بالرياض جالسه على كرسيها فرحانه بالانجاز اللي سوته حاسه بالفرح الحين ضربتين كملت عليها ضحك : الحين وريني يالقرويه وش بتسوين ساحره ورجلك يخونك .. قطع عليها جوالها ردت بغنجها : الوووووو : كيف الحب ؟ جواهر : ههههههههههه تمام مبسوطه :دوووم ياقلبي جواهر : يدوم نبضك حبيبي شخبارك ؟ :تمام خااااصه اني قرب اخلص الجامعه اخيرآ جواهر : الف الف مبروووووووك ياحبيبي مابغيت : الله يبارك فيك وش اسوي تعرفين ضغوط عملي اخرتني بالجامعه شوي جواهر : امممممم اهم شىء ان شالله في بارتي بها المناسبه الحلوووه : اكيـــــــــد لازم وعشان كذا كلمتك جواهر : امر يالغالي : بعد بكره عازم القروب في استراحتنا بمناسبة اخر كورس لي بالجامعه وانتي من اول المدعوين خااصه ان لنا فتره ماشفنا بعض جواهر بغنج :اممممممم او كي بس من بيجي من البنات ؟ :مدري انتي اول وحده اكلمها وبكلم الباقيات جواهر : اوووووكي والف مبروك تستاهل يالغالي : الله يبارك فيك يا حبيبتي ننتظرك لاتتأخرين باي جواهر : باي ـــــــــــــــــــ خارج مدينة الرياض في احد القرى اقووولك لاتتدخل كيفهم انت ماتفهم ؟؟ :وشلون ما افهم هذولا يبون يوطون روسنا بالتراب ؟؟ ريم بعصبيه: وانت وش دخلك لاتدخل راشد (اخو ريم): وشلون وش دخلني انتي ناااسيه وش ابوهن وش يصير لنااا ريم : انا عااارفه بس مالكم دخل انتم بتجيبون لنا مشااكل راشد : انا جاي اقابل عبدالله والا خالد والا ركان او حتى ابوهن ريم بصرااخ : لاااااااااا انت ماتفهم والله ان يموتونهن راشد : موتت كلب احسسن حتى ما يدقدقن بالجوالات مع الشباب فشلووووونا الله ياخذهن ريم : اسمع انا بحلها وعد راشد: وشلون ؟؟ ريم : بكلم العنود وهي تصرف راشد : كلميها وردي لي وش بتسووي ريم : طيب <سكرت منها وهي شاايله هم ياربي وش اقول لها يوه والله البلشه اقولها بنات اعمامك يكلمن!! ياشينها ياااااااااااارب وش الدبره دقت على العنود بيدين ترجف من الخوف من المشكله اللي طاحت فيها العنود : الوو ريم : هلا العنود العنود : هلا ريم وشلونك ؟ ريم : مو بخير العنود : ليه عشان خالد صارعندنا بالرياض؟ ريم : لا وهذي وظيفته والرياض عند اهل وجماعته احسن لنا ولا جده اللي مافيها من ربعنا احد العنود : ايه احسن ..بتاخذون شقه والا بتسكنون في بيت ابوي ؟ ريم : لا بناخذ دور وابوي البيت يرد له فلوس تسد شىء من اللزوم العنود : ايه صح ريم : العنود ابغاك بسالفه العنود : وش عندك ريم بتردد:آ عنوده .. العنود :مطوله ؟!! ريم : لا بس ..اووووووووف ..عنود نجود وساره ونجلا العنود بخوف : وش فيهن ؟ ريم تبلع ريقها : لهن علاقات مع شباب العنود بروعه : هااااااااااااااااه وش تقولين ؟؟ ريم : العنود هدي لاتضايقين ..انا كلمني راشد يقول بيعلم العيال عليهن حتى يكفخونهن العنود ......... ريم : العنود انتي معي العنود وصوتها مبحوح : ايه معتس ريم : وش اسوي مالقيت الا انتي العنود : قولي لراشد لايروح لابوي واخواني تكفين لايجيهم عبدالله فيه ضغط وانا خاايفه عليه لاعرف يرتفع ضغطه تكفيين لايقربون اخواني وابوي ريم : قلته يالعنود بس مصر ولا هون الا يوم قلت بعلم العنود العنود :خلاص انا احتمال اكون عندكم خلال هاليومين وابتصرف ريم : خلاص ..اسفه يالعنود بس ماعندي احد اقوله غيرك العنود : لا عادي ريوم ريم : يالله مع السلامه العنود : مع السلامه ياربي وش هالمصايب اللي تحذف علي من كل جهه يارب استغفرالله العلي العظيم قامت من كرسيها وراحت لتليفون : ليليان جيبي شنطه حقي سفر ليليان : اوكي ـــــــــ في احد الغرف القريبه من العنود ..كانت جالسه تفكر في حال اخوها واللي يصير له وش بيكون ردت فعله لاعرف ان امي اللي حاطه السحر له ؟ بيكره امي اكيد !؟ والله راسي بينبط من كثرالتفكيير بها السالفه <قطع عليها دخول نوف اللي سانده عليها هنوف ساره فزت بخوف: وش فيها هنوف ؟ نوف : ياعمه هنوف عليها حراره قلت اتصلي ورفضت لين نرجع سوى ساره تحط يدها على راس هنوف : بسم الله عليك يمه هنوف هنوف بصوت هامس :هلا ساره : قومي بدلي ونروح المستشفى هنوف بخوف : لا مستشفى ابر لالالا شوي وتخف الحرار ساره : قومي حبيبتي ماراح يعطونك ابر يعطونك خافض للحراره يالله هنوف : لا يمه تكفييين ما ابغى اروح عجزانه طلعت ساره ونزلت للمطبخ وخذت طاسه وحطت فيها ماء وصعدت لقسم العنود دقت الباب العنود : مين ؟ ساره : انا العنود قامت وفتحت الباب : ساره خير فيتس شىء؟ ساره : عندك فوط صغيره العنود : فوط صغيره !! ساره : ايه هنوف عليها حراره وماتبي المستشفى خايفه من الابر وبحط لها كمادات العنود : ايه فيه الحين اجيبهم تعالي وفتحت درج للمناشف وطلعت سله جديده من المناشف المرصوص صغيره خوذي هذي ساره : تسلمين الله يسلمك وراحت بسرعه ساره لبنتها لقتها مبدله ملابسها ونوف عندها ..:من بدل لها نوف : انا ساعدتها بالتبديل ساره : يابعد عمري ..روحي بديلي انتي بعد وتغدي نوف : بروح ابدل واجي ما ابي غداء ماردت ساره عليها ماكانت منتبهه لها وش تقول كل تفكيره بحرارة بنتها بعد ربع ساعه دخلت عليهم العنود :هاه ساره وشلون هنوف ؟ ساره : الحراره مانزلت وهنوف عنيده ماتبي المستشفى العنود :هنوف حبيبتي قوومي اشرب الدواء ساره : وش دواه العنود : خافض للحراره ارسل جوزيف لصيدليه وجابه ..يالله قومي هنوف والا ترى بنشيلك ووديك المستشفى يدقونك ابره هنوف : لالالا كل شىء الا الابره العنود: خلاص اجل قومي واشربي الدواء ..قامت وشربت الدواء وحطو عليها كمادات وبعد نص ساعه بدت تنزل الحراره من الهنوف .. جابو الغداء فوق في غرفة ساره حتى تاكل معهم هنوف وتغدو .. دخلت عليهم عهود : ايا الخونه تغدون بدوني ؟ العنود : ليه مكلوفين بتس عهود : يمه منك وانتي الرد عندك زاهب العنود : اذكري الله لا يتعطل مخي بعد عهود : ترا عيني بارده العنود : لالا اذكري الله عهود : خلاص بذكر الله واتفل الكل وععععععععععع ههههههههههههههههههههههههه العنود : يو عاد اما تصكيني بعينك والا تسمميني بتفالك من جرف لدحديره واستمرت جلستهم ضحك وتعليقات .. عهود : بنات وش رايكم يوم الاربعاء بعد بكره نروح مزرعتنا اللي على طريق الخرج وننام هناك الويك اند ساره : فكره حلووووه نوف وهنوف :يس ايه تكفين خلينا نروح عهود تطالع العنود:وش رايك ؟ العنود : انا ماراح اروح معكم ساره وعهود : ليه ؟ العنود : انا بروح بكره لاهلي عهود : ليه فيهم شىء العنود : اهلي مافيهم الا العافيه وانتي عارفه ليش بروح عهود : انتي بحركتك هذي كأنك تثبتين للكل ان السالفه صحيحه العنود : الشخص اللي كنت اتمناه يوقف معي بالذات حتى اثبت الحقيقه هو اول من واجهني واطلق الحكم علي (سكتت شوي حتى قدر تقاوم العبره )صدق فيني ..مادافع عني .. تعرفين ان اسوء شىء بالحياه انك تتهم وانت مظلوم والاتهام يكون من اقرب الناس لك يكون اقسى وامر.. قامت عن اذنكم عندي اشغال اجهزها طلعت من عندهم خايفه تخونها دموعها اسرعت لغرفتها سكرت الباب وجلست بالارض حطت يدها على فمها تكتم شهقاتها ..بعد ماحست انها ارتاحت قامت من مكانها وتفاجئة باللي كان يراقبها صدت بسرعه بتطلع منه لكن يده كانت اسرع ما ألومك عالخيانه ماهو مستغرب عليك لأن حبك كان زيف وأصدق إحساسك قذر ولا أقول انك ذبحت القلب وأشواقه بيديك ولا أبي لك قول كلمه بعد فعلك ؟تعتذر!؟ انت قصدك إني ابكي؟؟ لا ترى بدري عليك دمع عيني ما تحدّر لأجل من يبدي غدر!! حسبي الله في جروحي والحسيب الله عليك هو حسيبي في هموم أهلكتني بالقهر ماجد: بتروحين ؟ العنود وهي تخلص من يده : فكني مالك شغل فيني ماجد : بس انا زوجك العنود : وانا ما ابيك طلقني تسمع طلقني ماجد : انا بطلقك بس لين تولدين قرب فمه عند اذنها لين تولدين فاهمه العنود : انت تقول ولدي ماتربيه ساحره وانا اقول ولدي ما يربيه خاين ماجد وهو معصب : انا مووو خااااااااااين تفهمين او لا العنود : وانا موساحره تفهم والا لا ؟؟ ماجد : كذاااااابه قطع عليهم صوت لااا العنود مو كذابه ..التفتو جهة الباب اللي انفتح ماجد : ساره !! ساره : ايه ساره ...العنود مو كذابه .. ماجد بسخريه: شكلها سحرتك انتي بعد العنود :اجل ليه ماسحرتك مثلي مره ثانيه ؟ ساره : السحر حاطته امي لك ماجد الجمته الصدمه عن الكلام العنود طيرت عيونها: امك !! ساره نزلت راسها : ايه امي كان بأتفاق بينها وبين جواهر العنود مصدومه ام تسحر ولدهااااااا :ماني مصدقه فيه ام تسحر ولدها ساره والعبره خنقتها : العنود انا متفشله من امي وحركتها معك بس انتي عارفه امي مالها شخصيه عند ام عبدالرحمن بس وش اسوي ماجد مومصدق: يعني امي اللي حاطه لي السحر ياساره ؟؟ انتي متأكده ؟؟ ساره : ايه انا سمعتها وهي تحكي مع جواهر عن السالفه واعترف امي ان الخطه من تدبيرها هي العنود وقفت تنهدت : الحمدلله اللي اظهر الحق وسمعته قبل ما اطلع من البيت رغم ان الحقيقه ظهرت الا انها ماتفرحني بالعكس .. ساره وماجد ظهرت عليهم اثار الدهشه من كلام العنود العنود مستغربه : ليه تطالعوني كذا وش متوقعين مني ؟؟ اقول برئيه واطامر عندكم واقول برجع ؟؟ خلاااااااااااص ظهرت حقيقتي عند الشخص اللي كنت اتمناه اول واحد يوقف معي ويدافع عني ..تمنيته مايصدق فيني ..هو كان اقرب الناس لي ..لكنه اول من صدق من حكو في !!انا اعطيته الامان لكن خاااان تعرفين ياساره خااان وش معناها ؟ يخونك زوجك يلعب بمشاعرك و. قطع عليها : بسسسسسس انا ماخنتك والله ماخنتك ليه ماتفهمين العنود : ماخنت وانت تضحك معها وتاخذ منها الهديه ؟ ساره : من هذي العنود بسخريه :لقيته مع عشيقته الممرضه ماجد بعصبيه : مو عشيقتي افهمي قبل تحكمين العنود:افهم !!انا شايفتك معها والابتسامه والسوالف والهديه اللي خذيتها ..(بسخريه ) الا صحيح الهديه وينها؟عساها اعجبتك؟ ساره اللي تتابع اللي يصير قدامها وهي في حالة ذهول :ماجد تخون؟ ماجد بضيق : ساره انتي صدقتي كلامها ؟ العنود : ليه انا كذبت احلف انك اليوم ماكنت تحكي مع ممرضه ولاعطتك هديه ماجد : الا صح بس مو مثل ما انتي فاهمه العنود : خلاص ما ابي افهم شىء ولا يهمني كيفك المهم طلاقي . ــــــــــــــــــــ عبدالله : يمه متى تبين نروح لرياض تشترين اغراضكم حقت الشبكه حتى نودي المهر ام خالد : مدري والله خل اخوك لين يلقى له دور ونروح هناك يومين نقضي اغراضكم عبدالله : خلاص على راحتكم سلطان اللي كان يطالع التلفزيون لف راسه لهم : سبحان الله يوم عرس خالد وانت هذي خرابيط حريم انتم تفقسونه النسوان ماينعطن وجه ويوم جاء عرسك غير !! راكان : سلطاااااان وش هالكلام هذي وديان موحيالله (ويحرك حواجبه) عبدالله : اقول اكل تبن انت واياه ام خالد : عبدالله وش هالكلام احشمني قاعده عندك عبدالله : محشومه يايمه بس ماتسمعينهم ام خالد : يتعيرون عليك وانت ياولدي ضو مشتبه على طول تعصب ـــــــــــ لقيت دور في حي .. 4 غرف وصاله ومجلسين ومقلط بمنافعهن ومطبخ ريم : حلوووو بكم الايجار ؟ خالد : الايجار ب40 على دفعتين ريم : يوووه غالي خالد : عندك حل ثاني ؟ ريم : والله مدري شف راي ابوي خالد : لو اقول لابوي قال طلع المستاجرين من البيت واسكنه وانا ما ابغى هالشىء ريم : اجل وش بتقول لابوي لو سئلك عن الايجار خالد : بقول لقيته واعجبني واعلمه مواصفاته اما الايجار بقول زين ماراح اعلمه به ريم : احسن البيت يجيب مدخول لابوي زين وساد حاجته وحاجات الخيل خالد : ايه ..حتى عبدالله يقوله ..يالله ريوم مع السلامه ريم : مع السلامه ـــــــــــــــ هنوف :خاله يعني خالتي العنود بتتطلق ؟ عهود: فال الله ولا فالك من قال ؟ هنو ف : خاله نعرف ان خالتي العنود زعلانه مع خالي ماجد عشانها ساحرته عهود: من قال ان العنود ساحرته ؟ هنوف : سمعنا امي صيته وهي تقوله لخالي ماجد عهود : ماشالله عليكم تجسسون علينا نوف : عمه ماتجسسنا لكن صوت صراخ امي صيته كان عالي وفجعتنا وطلعنا من غرفتي وسمعناها وحنا عند الدرج تقول الكلام عهود :هذا كلام اكبر منكم لادخلون فيه وياويلكم اسمع بس انكم حكيتو السالفه لاحد فاهمين ؟؟ نوف : ليه خايفه ان الناس تعرف انها ساحره ؟ عهود تصك على اسنانها : عنود مو ساحره الساحره خالتك فاهمه نوف طيرت عيونها : جواهر عهود : عرفتي الحين ..يالله وياويلكم اسمع احد قايل السالفه ــــــــــ في غرفه قريبه منهم جالسه تراقبه من سمع بالخبر وهو ساكت منزل راسه تبغاه يتكلم يفيض لايكتم بداخله خايفه لا يصير له شىء رفعت يدها تحرك شعره بخفه وبصوت خافت :ماجد .. لاتضايق من امي امي تحبــ قاطعها :بسسسسس خلاااااااص ياساره لاتكملين امي ماتحبني امي انانيه ماتحب الا نفسها تدور مصلحتها ...رفع راسه وطالع في الفراغ اللي قدامه ..العنود بتتركني ياساره بتتركني والفضل يرجع لامي ..وانا الغبي اللي اصدقها استاهل اللي يصير لي ..هي قالت لي انها بريئها بس ماصدقت ..تمديت في تجريحها واهانتها .. ساره كانت تراقبه تشوف ودموعه في محاجر عيونه وهو يقاومها لاتنزل قدامها راحمه حال اخوها حطت يدها على يده وضغط عليها :كل شىء راح يتصلح بأذن الله ماجد بيأس : تظنين العنود راح ترجع لي ؟ ساره خانتها دموعها : ايه راح ترجع لك ماجد : انا وعدتها ما اضايقها وعدتها ما اشك فيها بسسس ماوفيت بالوعد ياساره ساره : خلاص انا بروح اقنعها ماجد يحرك راسه بالايجاب طلعت من عنده وسكرت عليه باب غرفته حتى يخلي نفسه .. اما هو انساب دمعه على خديه اطلق لها العنان حتى يفيض مافي نفسه من القهر من افعال امه والحزن على حاله وحال زوجته والكره لنفسه حتى شك في زوجته ... حالة فُراق ~ و هم / و دمعة / و ضيقة ! مكسور" قلبيـے "مات بإول شبابه ~ و الله ، غيابهـ ماني قادر أطيقهـ الله " اييسر لا أموت .. بـ غيابهـ ! ودي بـ قربهـ بس !بعده حقيقهـ شلون بـ أنكر / هم أو قسوة عذابهـ ! و دي بشوفهـ حتى !لو بس دقيقهـ ودي أشم عطره / و ألمس ثيابهـ ! القلب / حاير ..و المشاعر حريقهـ الحال من بعده ، هموم و كآبهـ ~ يا من " يعلمني .. لـ وصلهـ طريقهـ ؟ يا من" يوصل .. قلبيـے لعند بابهـ ؟ ــــــــــ طلعت من عنده تدورها مرت على الصاله ماحصلتها توقعت تحصلها عند البنات فتحت الباب عهود: وش في شكلك كذا ساره وهي تمسح وجها : ماجد تعبان عهود بخوف : وش فيه ..وخري عني ساره مسكتها : لاتروحين له خليه يجلس لحاله عهود بعصبيه : انتي مهبوله تعبان وتخلينه ساره :ايه تعبان بعد ماعرف الحقيقه .. عهود : قلتيها له ؟ ساره : ايه قلتها ..ويالتني ماقلتها عهود :ليه تقولين كذا ساره : العنود من عرفت وهي مصره اكثر من اول على الطلاق عهود :كنت متوقعه هالشىء ساره : متوقعته !! عهود : ايه متوقعته ..العنود كرمتها انجرحت ..امك ماقصرت فيها كل ماشافته غسل شراعها تحملت بنت الناس لين طفح كيلها ..واخوك بدال مايقول ماقصرتي مايصدق يشم خبر قبل مايتأكد يصدقه ويبداء في تلقينها اشد الشتايم والسب ..هي بشر تحملت بمافيه الكفايه لها طااقه ..مارعو مشاعرها حتى ماخافو عليها وعلى اللي في بطنها .. ساره :حرام والله انه تعبان من اللي صار عهود : تكفين اله يرحم والديك هوتعبان وهي وينها ؟؟ والاعشانه اخوك فكرتي فيه وهي مافكرتي فيها ؟؟ تدرين ربي يحب هالبنت والدليل ربي يكشف التهم اللي توجه لها بسرعه .. ساره : انت مع ماجد والا مع العنود ؟ عهود : انا مع الحق ساره وكأنها تتذكر : يوه انا ادورها ومالقيتها عهود :تلقينها بغرفتها ساره : لااا من زمان طلعت من غرفتها عهود : اجل وين راحت ...يالله ندورها لاتسوي بنفسها شىء طلعو من الغرفه ويدورونها ماحصلوها بالدور الفوقي نزلو يدورونها بعد مادوروها في الدور التحتي كله مالقوها .. عهود : وين راحت تعتقدون؟ ساره : ياربي وين اختفت .. ماجد (الصغير ولد ساره ): يمه بروح اسبح بالمسبح ساره : لا لاتسبح بذا الحر تمرض علي بعد ماجد : تكفين يمه بس شوي ساره بعصبيه : ماني فاضيه لك رح عن وجهي لا احط حرتي فيك ماجد وهو يبكي : ليش تهاوشني ماسويت شىء عهود رحمته راحت له وضمته : حبيبي الحين احنا مشغولين وتروح تسبح لحالك ماتخاف ماعندك احد يسبح معك ماجد ببرائه : لا خالتي العنود عندي الكل : العنود ماجد بخوف دفن وجهه بحضن عهود عهود : حبيبي ماجد العنود عند المسبح ماجد بصوت واطىء : ايه ركضوا جهت المسبح لقوها جالسه قريب منه تطالع في الفراغ لكن عقلها مو معها قربو منها ماحست في وجودهم عندها ...حس بيد على كتفها التفت بأبتسامه مصطنعه : هلااا انتو جيتو عهود : حرام عليك خوفتينا العنود : ليه وش سويت ؟ هنوف : نحفت 10كيلو بسببك العنود :هههههه اجل اختفيتي انتي كلك على بعض 10 كيلو ساره : ليه ماقلتي انك بتجين هنا ؟ العنود : اسئلو اللي جابني هنا ساره : ومن اللي جابك ؟ العنود : ولدك مجود هنوف : اخوي رومنسي حديقه مصغره وبوسطها مسبح منظر خيال نوف : سبحان الله عكس اخته تماااااام خاليه من الرومنسيه هنوف تطق نوف :جب انتي عاد ياللي مقطعتك الرومنسيه عهود : الرومنسيه معدومه عندكم انتو الثنتين العنود : الله واكبر ياللي تقطرين رومنسيه انتي هههههههههههههههههههه عهود : عنودوه لاتفشليني مره ثانيه والاترى بيجيك شىء ماتتمنينه العنود ترفع يدينها :تووووبه خلاص ماعاد اتعودها هنوف : يالخوافه العنود تغمز لها وتساسرها بصوت مسموع : اصلن من قال اني خايفه بس ما ابيها تنجلد مني وتحطم عهود : هااااااااااااااااااه العنود تستهبل :بلعت ريقها ابد سلامتس تعالي بحب خشمتس نوف : يابطللله ههههههههههههههههههههههه ــــــــــ [/color] [color="black"] يفز دمعي وأقهره داخل العين أخاف عذالي يقولوا هزيمه لا والذي والف قلوب المحبين ماحدرت دمعات عيني ظليمه أنا بكيت من الوفاء والوفاء دين لأجل الوليف وذكريات حميمه كان لاف منشفه على خصره وينشف شعره ..رن جواله هلااااا :هلافيك وينك فيه خالد : ماجد فيك شىء ؟ ماجد : ابغى اشوفك انت بالبيت ؟ خالد : ايه خير وش فيه ماجد : خلاص اطلع عند سيارتي خالد : ثواني البس فتح كبت وطلع له ثوب وشماغ لبس ملابسه وتعطر وطلع لقاء اخوه سابقه في السياره فتح الباب الجانبي سلم على اخوه خالد : ماجد وش فيك؟ ماجد : بقولك بس خلنا نروح لمكان بعيد عن هنا حرك سيارته واتجه لستار بوكس بالفيصليه دخلو المكان وجلسو على طاوله طلبو لهم قهوه خالد كان ينظر ماجد يتكلم لكن اخوه التزم الصمت خالد : ماجد قل لي وانا اخوك وش فيك ماجد بضيق : انت عارف من حط السحر؟ خالد : انا ما اعرف بس كلامكم اللي قلتوه ان العنود هي اللي حاطته ماجد حرك راسه بالنفي : العنود مظلومه خالد بفرح : طيب ليش متضايق مهوب هذا اللي تبيه ؟ ماجد : امي اللي حطت السحر خالد وقف بسرعه وطاح الكرسي في المكان ماجد : اجلس اجلس فضحتنا خالد عدل الكرسي : انت وش تقول ؟؟ ماجد : امي هي اللي حطته خالد يشد من قبضة كفه بقوه : من اللي يقوله ماجد : ساره سمعتها وهي تعترف لجواهر ان خطتهن نجحت والتدبير من راس امي خالد والدم يفور بداخله : جواهر الكلبه مع امي ..ياليت لي حكم على جواهروالله لطقها طق ماذاق احد ماجد:وامك بتطقها ؟ خالد : امي هذي انانيه ماهمها الا انها تكون مع الطبقه المخمليه كأنها ناقصه عنهن !! ماجد : حاس نفسي مخنوق منها ما ابغى اقابلها خالد : وش هالكلام ياماجد تقول كذا عن امك ماجد بقهر : امي ! امي هدمت حياتي ..امي حرمتني افرح ببكري ..امي استغلت طاعتي وثقتي فيها وشوهت صورت زوجتي ..امي كسرتني خالد كسرتني عارف وش معنا كلامي ..العنود عرفت الحقيقه وياليتها ماعرفت خالد : ليه ؟ ماجد : تبغى الطلاق ومصره عليه ..خالد ان عارف انها غاليه عندي وفقدانها يعني فقدان روحي ..خالد انا كنت اقولها انا بخليك تقعدين لين تولدين واخذ الي في بطنك وانا ما اقصد هالكلام انا مااقدر اعيش بدونها وكنت اقول باخذ اللي في بطنك حتى تتنازل عن الطلاق وتكون قريبه مني حتى لو تزوج غيرها .. اناعارف انها انانيه مني بس والله مقدر مقدر ..اليوم بعد ماقالت انها تبغى الطلاق تخيلتها تكون مع انسان غير حسيت نفسي بمووووت مااقدر اتخيلها مع احد غيري (نزلت دموعه وغطاء وجهه بكفوفه ) خالد متفاجىء :ماجد تبكي عشان مره ؟! ماجد وهو يمسح وجهه: المره اللي انت تقصدها ملكتني بطيبها واحتوتني بحنانها وانا جازيتها بالذل والاهانه ..انتهت حياتي معها ياخالد انتهت ــــــــــــــــــــ جالسه في صالتها تابع التلفزيون :كاااااااات <<الخادمه كات: نعم ام ماجد : نعامه ترفسك جيبي لي عصير طماط كات : تيب شفت بنتها تزل مع الدرج .. ام ماجد : طلعتي من قبرك وتنازلتي مها بضيق : يمه تراني مالي خلق هواش ام ماجد تطنز : وش لك خلق فيه يا عين امك ؟ مها : يمه اذا بتواصلين على الهواش والتطنز علميني اطلع ام ماجد : تدرين كم باقي على عرسك ؟ مها : مايهمني ام ماجد تسفها :باقي 27يوم وانتي ماجهزتي شىء مها : البركه فيك انتي اللي اخترتيه ووافقتي عليه كملي جميلك ام ماجد بعصبيه : تمهزين فيني ؟ مها : وليه اتمهزاء انا قلت الحقيقه انتي اخترتيه وانتي اللي وافقتي عليه !! ام ماجد : انقلعي عن وجهي واليوم بعد صلاة العشاء اذلفي انتي وخواتك لسوق جهزي نفسك فاهمه مها : ايه صح خواتي وينهم ام ماجد : عند الساحره يودعونها مها ببلاهه : وشوو ام ماجد : عند عنودوه يودعونها مها بخوف : وش فيها ام ماجد : اظن ماجد طلقها مها ماكملت امها كلمتهاالاواسرعت جهت بيت العنود .. ـــــــــ في قريه قريبه من الرياض تقهوي مدي فنجالتس ام نواف : اقول يام خالد عبدالله وراكم خطبتوله من الكويت قلّو بنات السعوديه ؟ ام خالد : النصيب يأم نواف ام نواف : اي والله صادزه .. ام خالد : وين ام محمد؟ ام نواف : مدري عنها ياقل حلاها يأختس ذاك اليوم يضحكون عليها البنات راحت لعرس بنت خالها مساعد ويقولون قامت تصب وتباشر بدال القهوجيات ههههههههههه ام خالد : تقصدين ام محمد ام نواف : ايه فشلتنا .. ام خالد : وين البنات ما اشوفهن ؟ ام نواف : داخل راقدات جعلهن مايقومن ام خالد : لاحول ولاقوة الابالله ..ياقو دعاك ام نواف :نجو د تسلبه تخمد النهار وتسهر الليل اما ذيك هلامه (خامله) من صكتها ام محمد بالعين وهي ما تنفع حتى نفسها ام خالد : الله يشفيها عالجيها القرايه زينه ام نواف : كل ماجيت اوديها نشبت في حلقي ام محمد انا منضوله وانا محسود من بينظلها هي وجلده الحرش كنه جلد ضب ام خالد : الله يعين ـــــــــــــــــــــــــ دخلت عليهم بسرعه وين العنود ساره : فوق في غرفتها دخلت تاخذ شور مها تبلع ريقها : ماجد طلقها ساره : لا ماطلقها مها زفرت براحه : الحمدلله خفت انه يطلقها واتجهت للكرسي ساره : بس هي طالبه الطلاق مها شهقت : يعني صحيح اللي قالته امي ؟ ساره : وش قالت امك مها : انكم توادعونها لان ماجد بيطلقها دخل عليهم في هاللحظه ماجد : السلام عليكم وعليكم السلام مها قامت وسلمت على اخوها لها كم يوم ماشافته منعزله ماجد : وشلونك ؟ مها : بخير ماجد : محتاجه شىء ؟ مها : سلامت عمرك ماجد : يالله عن اذنكم بطلع ارتاح شوي صعد لغرفته وهو يفكر بقدر ادخل البيت وهي مو فيه ؟ نفض هالافكار من راسه اصلن ماراح اطلقها ..طلاقها يعني موتي فتح باب الغرفه .. شنط مسكره عند الباب هذي شنطها !! عطورها مو على الكومدينا .. سمع حركه لف شافها طالعه من غرفة تبديل الملابس والمنشفه على شعرها لابسه بلوزه بيضاء وعليها فستان حمل علاق ابيض مشجر بزهر ولابسه صندل واطي زهر مرت من جنبه طلعت المشط من شنطها وجلست تسرح شعرها وهو يراقبها ..خلصت لفت شعرها وفتحت الباب وسحبت الشنطه بتطلعها سحب يدها لكن بسرعه نفضت يدها منه .. ماجد : لها الدرجه كرهتيني حتى يديك ماتبينها تلمس يدي ؟ العنود :......... ماجد : آسف انا اخطيت في حقك انـ العنود : لاتعتذر خلااص انتهى وقت الاعتذر لفت بتطلع من الغرفه خايفه تضعف ويخونها قلبها ..مسكها لفها ورفع راسها له : ليه تهربين مني انا احبك والله احبك العنود سكرت عيونها وابعدت يده عن حنكها : حبك جاء في الوقت الضايع خلاص ماله قيمه اعترافك الحين ماجد : ليه ماله قيمه ..ليه تتركيني وانا احبك ..مستعد اسوي اللي تطلبينه مني .. العنود : انا عندي طلب واحد ماجد : انا مواافق عليه الا الطلاق هذاللي ما اقدر عليه العنود : وانا ما ابي غير الطلاق ماجد : وانااا؟ العنود : وش فيك ؟ ماجد : انا تتركيني وين حبك لي وين الكلام اللي كنتي تقولينه قبل ؟ العنود : ايه اتركك ..وحبي اللي تقول عليه كان ايام ثقتك فيني اللي انت وعدتني انك ماتشك فيني وواعدت ابوك وابوي ماتضايقني ولاتزعلني لكن وين وعدك وين ؟؟!!تحاسبني على حبك اللي انت ذبحته بيديك انت قتلته بشكك وامك بخططها وكذبها ! وش توقع تعطوني الجروح وابادلكم الحب ؟! تعطوني طعنات الغدر واعطيكم الثقه والوفاء ؟! ..حنا دخلنا بالمعروف خلنا ننفصل بمعروف بدون شوشره وغيرها ماجد كان يطالعها وهي تكلم ويحس كلامها يحرقه من داخل : طيب ممكن طلب العنود : وشو ؟ ماجد : اجلسي هنا لين تولدين وانا اوديك لاهلك العنود : اسفه ..لو انتظرت لين الولاد بتكون 5 شهور وانا برقبتك وهذا انا ما ابيه ماجد :5شهور!!!!!!! العنود : ايه شهرين اللي باقيه و3شهور العده وانا ما ابي .. ماجد متفاجىء من تفكيرها: لها الدرجه تكرهيني العنود ........... ماجد رجع على ورا ولف جهت السرير وقعد على طرف السرير ..حط يديه على فمه (لها الدرجه كرهتني لها الدرجه ماعاد لي مكان بقلبها طيب انا وش سويت حتى تكرهني كذا العده تبي تختصرها كل هذا كره لي بس انا استاهل انا عطيتهم المجال يتدخلون بحياتي ويشككوني باخلاقها بس خلاص وش استفيد الحين آآآه ...) أي محبه وأي عشره وأي حنان؟؟ وأي شوق اللي انت تتكلم عليه؟؟ يعني واثق ان باقي ك مكان؟؟ وإن قلبي يرد لو ترتجيه؟؟ قلبي اللي غلطته حبك وصان لو يصافح قلبك كنت اقطع له ايديه اي محبه بعد مافات الأوان؟؟ اي حنان اللي تبي تعوضني فيه؟؟ وين كنت يوم انا احتجتلك زمان؟؟ وين حبك يوم انا ميت عليك؟؟ روح للي لأجله بعت الحب زمان بس لاتنسى تسلملي عليه!!! |
البارت الرابع والعشرون ـــــــــــــــــــــــــــــــــــــ رفعت راسي للسماء ماهو غرور اداري دمعه في غيابك عذبتني اما هي طلعت وطلبت من ليليان تحط شنطها بغرفة الضيوف ساره : وش هذا ؟ العنود : شنطي وشو يعني ..هلااا بمهاوي اخيرآ طلعتي مها :تضم العنود ليه بتتركينا ليه وبتدت تبكي العنود تحاول تمنع دموعها وتمسح على راس مها :انا بترك البيت لكن نقدر نتواصل بالجوال .. عهود : تعتقدين الجوال يكفي ؟؟ العنود :واذا جيت الرياض كلمتكم وانتواعد بمكان خاصه ان خالد نقل هنا يعني كل اسبوع والثاني ناطه هنا ساره بحزن: بعد مانكون يوميآ نشوفك تصير كل فتره مره ؟ العنود تحرك كوفها: هذا قدرنا الدنيا تجمع وتفرق مها تمسح دموعها : طيب اقدر اطلب منك طلب ؟ العنود :اذا اقدر عليه امري بس ما يكون تراجع عن الانفصال لانه هذا الامر مفروغ منه مها : لا مو هذا الطلب بس اذا بتوعديني انك تنفذينه قلته العنود : وعد انفذه مها : انا زواجي بعد 27 يوم صح العنود : صح مها : اجلسي هنا لين تحضرين زواجي العنود : بـ مها حطت يدها على فم العنود: انتي قلتي وعد لاتخلفين وعدك كلها 27 يوم ماتقدرين تحملينها عشان خاطري لها الدرجه تبين الفكه منا العنود تفك يد مها : مها انتي تعرفين انكم غاليات على قلبي وموهذا سبب اللي يخليني اترككم وحتى اثبت لك اني عند وعدي وانكم غاليات على قلبي موافقه احضر زواجك . عهود نطت وباست مها : اول مره استفيد منك هههههههههه ساره : هههههههههه وانا بعد ــــــــــــــــــ بعد صلاة العشاء طلبت منهن مها يروحن معها السوق لبسن العبي وطلعن لسوق يجهزن لمها دخلن احد المجمعات الكبير وصارن يدورن في المحلات العنود : وش رايكم بها الفستان ؟ عهود : رووووووووعه ساره : خطييييير مها : يهبل العنود : اوكي اجل اخذه واخلص من الحين (الفستان اخضر عشبي خيوط والصدر كرستال سوارافيسكي منثور بشكل خفيف وفيه شريطه ذهبيه )..كم السعر ؟ البائع : 3800ريال بعد الخصم العنود : طيب حطه بكيس دقيقه واجي ساره : وين رايحه العنود : ثواني واجي ..طلعت العنود حتى تسحب من الصراف الالي فتحت المحفظه تطلع الكرت صدمت في وحده : اسف اختي ما كنت منتبهه الحرمه : لاعادي اختي ..الاصوت رجولي خلف الحرمه حبيبتي عسى ما تعورتي ؟ الحرمه لاحبيبي زوج الحرمه :يالله حبيبتي رفعت راسها العنود تستوعب الصوت اللي سمعته صدمها هذا !!!! وش جابه هنااااااا ؟ ماحست الا باليد اللي على كتفها هي انتي وش فيك واقفه هنااا يالخبله فشلتينا العنود : هااه ايه اسفه ساره : يالله ناخذ الفستان العنود : هاااه طيب بسحب لحظه ساره سحبت يد العنود: تعالي انا بعطيك العنود : ساره تكفين اذا كذا ماراح اخذه شوفي الصرافه قدامي ساره : خلاص على راحتك راحت العنود لصرافه وهي تفكر بها المصيبه ... وش اسوي اسكت ؟؟والا اقولها ..بس حرام اهدم بيتها !! بس الكلب يخونها حسبي الله على بليسه زوجته ملاك ..قطع عليها صوت ساره مطوله .؟ العنود : هااه لا دقيقه ودخلت الكرت بالاله وتحط الرقم الشخصي ساره : لاحشى موب طبيعيه العنود التفتت عليها تطالعها (بلاتس ماتدرين وش يصير من وراتس الله يعينتس ..حسبي الله عليه ..ياعزتي لتس لاعرفتي ..اهب ياوجهه تسذوب وخاين الرخمه )ساره : مضيعه شىء في وجههي ؟ العنود بربكه :آآآآآآ انتظر الفلوس ساره : سلامت نظرك الفلوس طلعت العنود لفت خذتهن وراحو للمحل واخذن الفستان وبعد فرو شوي واطلعن لان العنود تعبت من المشي . العنود : مهااا همزي رجيلاتي انتي السبب بالدوجه بالسوقه مها : احلفي عاد عهود : صح انا مع العنود ولا خلصتي منها همزي رجيلاتي تراني تعبت مثلها مها : قولي قسم ساره : وانا لاتخلين رجيلاتي مها : كملت هههههههههههههههههه جتهم الهنوف ونوف وتعشو سوى .. الهنوف رفضت امها انها تنام عند نوف حتى لاترجع لها الحراره من جديد والعنود طلبت من نوف انها تنام عندها لانها تخاف تنام تحت بغرفة الضيوف لحالها عهود طلعت تشوف ماجد بعد ماقالت الخادمه ان ماطلب العشاء دقت الباب ماجد : من ؟ عهود فتح الباب : انااا ماجد : فيكم شىء ؟ عهود :ليه ماتعشيت ؟ ماجد : مالي نفس عهود : بس هذا موزين لك خاصه وانك ماكليت شىء من الصبح ماجد : نفسي منسده عن الاكل عهود ميلة راسها وبدلع : واللي يفتح نفس على الاكل بخبر حلووو ماجد بفرح : العنود هونت عن الطلاق عهود كسر خاطرها اخوها شافت لهفته على زوجته : لا موكذا بس هذا فرصه انك تتقرب ماجد بخيبة امل : ظنيت انها اقتنعت وهونت عهود : مها طلبتها انها تقعد لين تحضر زواجها يعني بتجلس 27يوم انت تحرك في هالايام اثبت تمسكك فيها وتقرب منها . ماجد :تعتقدين بترجع لي عهود : انا واثقه بقدرتك في اقناعها ماجد: ان شالله عهود : اجل اجيب عشاك ؟ حتى تروووق لان بعد بكره بنروح للمزرعه وتغمزله ماجد :المزرعه ؟ عهود : ايه بكره عندنا دوامات ونجهز لمهاوي لكن الاربعاء والخميس بيكون السوق والشوارع زحمممه فضلنا نغير جو ونبغى نروح المزرعه ماجد : قلتو لابوي ؟ عهود : لا الى الان لان ابوي ماشفته اليوم رحت الدوام وهو سابقني لشرركه ورجعت وهو مارجع يقول عنده وفد من اليابان وعشاء عمل ماراح يرجع الا على 11 بالليل تقريبآ ماجد : خلاص انا بقول له عهود تغمزله : كله عشان اللي بالي بالك ماجد يضربها بخفها :بلاهبال وقومي جيبي العشاء عهود تأشر على عيونها : من عيوني ماجد : تسلم عيونك ــــــــــــــــــــ اليوم الثاني العنود : نوفه ..نوفه نوف : امممم العنود : نوف يالله حبيبتي لاتتاخرين على المدرسه نوف : طيب شوي بس العنود : يالله قومي على ما اروح اغسل واصلي نوف : طيب العنود : راحت تصلي ومرت على ليليان حتى تعلمها تجهزي فطور البنات ورجعت لنوف اللي لقتها ناايمه ..نوف والله ان ماقمتي رشيت عليتس جركل ماء قومي الساعه ست ونص وانتي ما قمتي نوف رمت اللحاف بضيق :اووووف اكره المدرسه العنود : اكرهيها بس المهم تنجحين وتخلصين منها نوف تحك راسها :بغيب اليوم مالي خلق العنود : لا ياحلوه بتدرسين ..يالله بسرعه على الحمام غسلي تحركت نوف وهي تأفف وتحلطم على المدرسه والمدرسات العنود طلعت لصاله لقت ساره جالسه عندها عبدالله اللي فاتح عين ومغمض الثانيه من النعاااس العنود : صباح الخير ساره : صباح النور ..وين بنتك العنود تضحك : هناك تغسل وتدعي وتهاوش على المدرسه والمدرسات ساره تضحك : اما الثانيه فوق مشغله الاستشوار على راسها !! العنود : ليه رايحه لعرس هي !والله الفاضيه لها خلق استشوار ساره : هالبنات يتزينون تقولين رايحات عرس اساور وساعات و تخرم اذنها اكثر من مره العنود : ماوقفت على الاذن حتى الخده واللسان يخرمونه والبطن واهبن البطن ماسلم من الحلق يركبن فيه والا من بيشوف يومهن يخرمنه !! هنوف : حتى لا لبست بلوزه وطلع بطنها يشوفون الفص ساره تمسك راسها : سلمي اول وبعدين احكي الهنوف : السلام عليكم الكل : وعليكم السلام الهنوف :وين نوف نوف : جيت ..السلام عليكم الكل : وعليكم السلام العنود : افطرن يالله الهنوف : مالي خلق نوف : ولا انا ساره : يالله اوديكم بروح اللبس عباتي العنود : فتحت شنطتها ومدت فلوس للبنات هنوف : وش هذي ؟؟ العنود : وش ينعني فلوس ماعندكم فسحه ؟ هنوف : لا بتعطينا امي العنود : خوذي انتي واياه انا وساره واحد خذوها ومدت لعبدالله الفلوس واخذها قام وباس العنود : مشكوره خاله العنود : العفو حبيبي ــــــــــــــــــــــــ الساعه 10 الصباح في بيت ابو خالد صباح الخير ام خالد : صباح النور ريم: وشلونتس يمه ام خالد : بخير الحمد لله ريم : افطرتي ؟ ام خالد : لا ريم : اجل بروح اخلي روبيكا تحط الفطور ام خالد : طيب <<بعد ماجابو الفطور ريم : يمه خالد حصل دور بحي .. ام خالد : عساه زين ريم : خالد يقول زين ام خالد: عساه مو غالي ريم ارتبكت :مدري اسئلي خالد ام خالد : الله يكتب لكم الخيره ريم : امين ..كلمني من شوي يقول قال لابوي وبيروح العصر يكتب العقد وبكره نروح كلنا ونأثثه ام خالد : الله لايعوقكم بشر يارب ريم : امين ــــــــــ في الصاله لحالها راحت ساره لامها بعد ما افطرت معها رن التليفون : الوووو مرام : صباح الخير العنود : صباح النور هلا وغلا مرام : هلااا فيك ماشالله اليوم الاخلاق عال العنود: الحمدلله على كل حال ..وش اسوي قاعده اوهم نفسي واللي حولي ان الاوضاع عاديه عندي وانو مافيني شىء لان الدنيا ماتسوى ضيقتي ..بس والله تعبت احس نفسي اضغط على نفسي وارهقتها مرام : حاولي تطلعين اللي بصدرك لاتكتمين العنود : تنهد الله يعين ... مرام :وش صار عليك ؟ العنود ببرود:ماقلت لتس عرفنا من اللي حط السحر مرام : كذااااااااابه العنود : والله صدز..اللي حطته امه مرام بصرخه : لا لا جد عااااد؟؟ العنود : وجععع لعدوتس فجرتي طبلت اذني ...هذا الموضوع ماينمزح فيه مرام : بالله قولي وش دارك العنود : ساره سمعتها وهي تعترف لجواهر بنت اخوها مرام : وعععععع قطع جواهر بالسالفه العنود : ههههههه هذا اللي هامك مرام : تخسي اهتم منها العنود : اعصابك لاتقطعين علينا مرام : وش قال زوجك العنود حست بغصه وهي تسمع سؤال مرام: اعتذر مرام بقهر : هييييييييييي انتي تبين اجيك اكفخك الحين العنود بروعه: وش فيتس ؟؟؟؟؟ مرام تقلدها : اعتذر ..(وتكمل بعصبيه ) ياأختي اجاباتك مختصره مرررره ابغى اعرف وش قال وش قلتي؟ العنود : انا انسانه ما احفظ الكلام انساه بس هو حاول يعتذر ويتقرب مني حتى ترجع الامور لمجاريهاااا لكن انا رفضت مرام : وليه رفضتي ياحظي ؟! تعتقدين ان الرجال بيبوس راسك ورجليك حتى ترجعين له ؟؟ حبيبتي اصحي زوجك الف وحده تمناه مركز وظيفه مرموقه سكن مستقل وفوقها وسيييييم وازيدك البنات في بيوت اهلهن كثر الهم على القلب ويتمنون العرس وانتي رافعه خشمك العنود : الله يهنيه ..(زفرت بضيق)اكتفيت يامرام مسبه ومهونه مابقى كلمه توجع التسبد الا واحرقني بها ..كان حب حياتي من كثر ما احبه صرت احسه مثل النفس لي وجوده عندي يعني حياتي وبعده عني الموت ..لكن وش سوى يامرام وش سوى مالقيت منه الاالعذاب والهوان ..حتى صار يتلذذ بتعذيبي ...مرام حسي بشعوري قدري وضعي مرام انا صرت معه جسد بدون روح ..وفوق هذا يخوون يامرام يخون وانا ماتوقعته كذا ..آآآآآآآآه يامرام اللي يده في الماء مو مثل اللي يده في النار ...جعلتس ماتجربين ياختس وضعي .. مرام : اسفه يالعنود بس ما ابغاك تبعدين وتتركين للكلبه طريق له العنود: تهنى فيه يامرام ماعاد يهمني لاهو ولا هي مرام : انتي تكذبين على كل الناس الا اناا هالكلام مو من قلبك العنود:من قلبي والا من وراه وش تفرق كله واحد مرام : لا تفرق ..حرام عليك تحطمين قلبك وقلبه وتعيشين اللي في بطنك بعذاب بعد عن والده واهله العنود : بيعيش مع امه وبين جده وخواله مرام :تظمنين اخوانك ماتغيرهم زواجاتهم لاتزوجو ؟ العنود : في ذاك الوقت يمديني اقولك ..مرام بقولك شىء من امس وهو شاغل بالي مرام : وشو العنود:امس رحنا لسوق نقضي لمها ولقيت لفستان ورحت اسحب من الصرافه حتى ادفع فلوس صدمت في حرمه اعتذرت منها شدني صوت الرجال اللي يقولها حبيبتي ومدري وش قاال من الصدمه ماعرفت اجمع مرام شهقت : منهوووو العنود: سلطان مرام : سلطاااان رجل ساره ؟؟ العنود :ايه مرام : هو موتقولين مسافر لجده15يوم؟؟ العنود : يقول كذا بس امس شفته ويقولها حبيبتي شدني صوته مرام :عرفك ؟؟ العنود :لا ماعرفني لانه مايشوف الا حبيبته على قولته مرام :ياقلبي عليك ياساره وش سوت ؟ العنود: ماتدري مرام:ماقلتي لها؟؟ العنود: اقول لها ؟؟ليه اخرب بيتها مالي دخل عاد امها تدور علي الزله تبينها تقول شف تهدم بيت اختك وتقعد تفر راسه وراس ابوه واخوانه لالا مالي دخل كيفهم مرام : بس حرام تخلينها ماتدري باللي يصير حولينها العنود: وحرام بعد اهدم استقرار حياتها ـــــــــــ انفتح الباب واتجه الانظار للي دخل : السلام عليكم الكل : وعليكم السلام ام ماجد : وش عندك جاي بدري مهوب من عوايدك؟ ابوماجد وهو يحط شماغه على الطاوله ويتمدد على الكنبه :اسف ثاني مره باخذ منك تصريح بالاذن والطلعه من الشركه !! ام ماجد تلوي بوزها :تمهزاء بي هذا وانا خايفه لاتكون تعبان ابوماجد: اما خايفه ياكبرها عند الله ام ماجد: ليه مانت ابو عيالي ورجلي ابوماجد:يوم اني ابوعيالك ورجلك ليش تخالفين كلامي ام ماجد تبلع ريقها :وش وش سويت .؟ ابوماجد:ماتدرين وش سويتي ؟؟ الحين تحددين عرس مها وانا اخر من يعلم ليه وش انا هنا ؟؟ ولا حاطينها باستراحه بعد ؟ الاستراحه تفشششششششل قدامها زريبة غنم وبقر مثل اللي اختارنها اسمعي (ويأشر على زوجته ) بنتي من هنا على وحده من صالات او فنادق الرياض مو زريبه والا استراحه وااااااضح والا كلن يروح في حاله ام ماجد: بس انت عارف ان احاولهم الماديه موب ذاك الزود ابو ماجد: ليه يعرسون وهم موب قد العرس؟ ام ماجد:انت تبي تخرب العرس ؟ ابو ماجد: مافيه احد يحب يخرب عرس بنته بس في نفس الوقت ما ابي افشلها ام ماجد:خلاص بقول لهم يغيرون الاستراحه ابوماجد:يحطونها بفندق او صاله واااضح غيره لااااا ام ماجد: خلاص بقول لهم ابو ماجد: ساره ساره:لبيه ابوماجد:وين العنود من جيت ماشفتها ساره : في بيتها اكلمها تجي حتى هي تسئل عنك ابو ماجد: ايه كلميها اما ام ماجد تخز ساره وتناظره بنظرات تهديد ووعيد لها ـــــــــــــــــــ يا اخي انت ماتفهم خلاص لاعاد تدق علي انا مالي في الحركات :علينا نجوووود انا اعرف انك تكلمين مسعود ومسفر وعبيد وانا ماتبيني ؟؟ نجود : الله يأخذك انت على مسعود ومسفر وعبيد ياخي انا خلصت من هالدرب اتركوني :لا مو معقوووله اتركك كل هذا زعل عقب ماعرفتي ان ابوي وولد عم ابوك نجود: اسمع يامشعل انت تعرف انك من يومك صغير وانت تحب اختي نجلا صح وكانو يقولون مشعل لنجلا ونجلا لمشعل يوم كبرتو جعلكم الماحي اختي اشتاقت تسم صوتك وهذا اللي خلانا ندق عليك تدققت حنوتسك انت و نجلا مشعل : نجوووووووود لاتدعين جعلتس الدعوه اللي تخرق جنبتس ..كنت احبها لكن الحين اكرها عقب ما قامت تكلم نجوود: وهي بعد كرهتك عقب ماسمعناك وانت سكران مشعل : يعني وحد بوحده ؟ نجود: مشعل لاعاد تدق على جوالاتنا مشعل : اسمعي ان ما ارسلت رقم جوالتس بأسمتس ما اكون مشعل ولد ابوي نجود:مشعل انت مهبووووووول تبي تفضحني عند الناس مشعل : اجل كلميني نجود: تصرف : امي جت يالله <سكرت ياربي وش هالورطه انا وين دخلت نفسي بها المشكله ياويلي ويلااااااااه الله ياخذك يامشعل ــــــــــــــــــ السلام عليكم ابو ماجد: قام وهو شاق الابتسامه : هلاو الله وغلااا وعليكم السلام العنود: وشلونك ياعمي ؟ ابو ماجد: الحين تماام بشوفتك يالغاليه ساره : لي الله من اليوم عندك ولا تلهفت علي هالكثر ابو ماجد : كلكم غالين بس العنود مبطي عنها ساره : ايه الشكوى لله العنود : ياكبر اللي تغار كبراه ساره : ايه ما الومك الترحيب لك مو لي ياحظي هههههههههههههههههههه ساره : اقول يالغالي بكره نبغى نروح للمزرعه ونبات فيها خميس وجمعه ام ماجد: واختك من يقضي لها ساره: الخميس والجمعه زحمممممه وانتي عارفه شوارع الرياض في هالايام ابو ماجد: خلاص على راحتكم العنود : يالله انا بروح بس ترا اليوم العصر بفرش بالحوش عند البركه وبسوي القهوه تعال مسويتها عشانك مو عشان سويره ساره : سويره بعينك طسي يالله العنود : انتظرك لاتاخر ترا ماراح اصبها لهم قبل لاتجي ام ماجد: قدرك قهوجيه ابو ماجد بعصبيه : صيتتتتتته العنود : عمي روق ..التفتت جهت ام ماجد .. اذا كنت قهوجيه مهوب عيب على الاقل القهوجيه تأخذ شقاها بيمناها ومن عرق جببينها هذا شرف لهالامدت لناس تشحذ ولا سرقت ولا تاجرت بحرام ..البلا في الناس اللي ترفع خشمها على غيرها وتشوف الناس ولاشىء عندها !وهي مهوب احسن منهم بشىء بالعكس هم اثبتو وجودهم بين الناس وفي مجتمعهم بعكس الناس المتكبره اللي مثل البلونه منفوخه من برا بس فارغه من داخل!! التفت لعمهاوبأبتسامه :انتظرك لا تتأخر.. طلعت وتركت لهم المكان ابو ماجد: احسسسسسسن يالبلونه عرفت اسمك انك فاارغه من داخل مالك عقل تفكرين فيه ام ماجد تسن سنونها من الفشيله والغضب ماعرفت ترد ترد عليها بس بداخلها توعد ـــــــــــــــــ خزووووونه تكفيين بمر عليك نروح نشتري لبس حلو يلوق بالبارتي خزنه : خييييييير وش قلتي نشتري !!؟ جواهر : ايه وش فيك ! خزنه : جوجو صحيح انا صديقتك ايه بس طلعات مع شباب لا ياحلوووه هذي فيها قطع ارقاب عندنا جواهر : حتى عندنا بس انا اروح بدون ما اقولهم اني طالعه مع وليد اقول صحباتي خزنه : هذا انتي انااا لاااااااا لو شم خبر اخوي فهيد اني بسس مريت جنب استراحة شباب الساطوره تفصل راسي عن جسمي اقل شىء عنده جواهر : وفيهدان وش بيدريه؟؟...وبعدين والله فلللللللله رقص وضحك وبنات وشباب ياختي هنااا تعقييييييد تجيك كئابه وحاله نفسيه اما هناااااك (بصوت رااايق ) تحسين انك خارج حدود الظلام والكئابه تحسين انك في باريس او لندن يعني جنـــــــــــه شىء والله لو تجربين ماتندمين خزون طيعيني واتشوفين خزنه : ايه لو اطيعك بشوف الموت بعيوني على يد فهيدان اللي يجمركنا الساعه 10 نكون في البيت 10 ودقيقه وحده زياده ياويلناا فتشوفينا مسنترين من الساعه 9 بالبيت من الخوف جواهر : كرهتيني في الخايس اخوك خزنه : من قالك نحبه اصلن من نشوفه نحس انا نشوف ابليس قدامنا جواهر : يعني ماراح تروحين معي خزنه : لا مقدر جوجو بليز على تزعلين مني جواهر : كيفك انتي الخسرانه خلي خوفك من فهيدان ينفعك. ــــــــــــــ طالعه من بيت عمها وهي عندها انا قدرت تكسر شوكت ام ماجد ..تحكي مع نفسها(وجع اهببببب ياوجها عجوز النار لعنبو بليسها ذي متى بتركد مغير ناشب في حلقي جعله ينشب العود في زورها شااااب راسها وكيدها يزود آآآآآخ ياعزتي والله لعمي اللي متحملها كل هالسنين ما الومه لاجاه ضغط وسكر وقرحه !! ذي مقابلها يجيب التكه وشلون قدر يصبر بيدخل ان شالله مع بوابة الصاابرين اللي مصبر على شينت الحلايا كيد العجز كللللللله فيها)... قطع عليها صوت البنات اللي جو من المدرسه وضحكاتهن هنوف: الهبله (الابله) تعطينا واجبات من قلب تقولين ذابحين ابوها نوف بلا مبالاه: اكيد رجلها كافخها وحطت حرتها فينا العنود : ياكثر الحش يا ان المدرسات اللي يدرسنكم رحمتهن هنووف بسم الله : من وين طلعتي ؟ العنود : من تحت الارض ههههههههه هنوف : لاجدمن وين العنود : كنت جايه من بيت عمي اسلم عليه واخرن عني ادخل عن الشمس من زود البياض عندي اتنقع فيها بعد ههههههههههههه هنوف : خاله وين امي ؟ العنود وهي تدف الباب : في بيت جدتس هنوف : اها العنود : يالله بدلو حتى تنزلون وتتغدون ان شالله العنود التفت رافعه حاجبها مسغربه نوف وهي تضحك ليش تناظرينا كذا ؟ العنود: وش العقل اليوم اللي نازل عليكن ؟ اكيد اليوم عليكم قران هههههههههههههههههههههههه هنوف : لا بس اليوم غايبات مدرستين عندنا وفليناها العنود : اها ..يالله تراني ابغاكم اليوم تدخلن المطبخ نوف : ليه ؟ العنود : عندي قهوة عمي ومانستغني عن مجهوداتكم هنوف :لا انا ما احب الطبخ العنود :مو لازم تحبينه لكن تعلميه ولاتعلمتيه بتحبينه وهو سهل نوف ترفع يدينها : انا اغسول يدينكم مني العنود : الا بدخلكم قبلي يالله بسررررعه بدلو وتعالو ساره : وش السالفه ؟ العنود : ابشرك اخيرآ بدخل الحلوات المطبخ يتعلمن الطبخ ساره : ياخوفي انتي اللي تطبخين وهن يزرطن هنوف : هههههههههههههه صح وهذا اللي بيصير هههههههههههههههه ـــــــــــــــــ خارج الرياض في احدى القرى القريبه منها ليه يمه ماقالت لتس العنود؟ ام خالد : لا ماقالت ..ليه هي تعرف ؟ ريم : ايه انا علمتها بعد ماكلمني راشد يتوعد فيهن ام خالد : تكفين ياريم خلاااااااص انا ماعاد اتحمل راسي احسه يدور ريم بخوف : يمه بجيب لتس بندول ..قامت تركض وهي تسب وتلعن في نفسها ليه قلت لامي وامي حساسه ..يمه خوذي هذا بندول ومااء ام خالد : ريم تكفين لحد يدري باللي صار هذولا بناتنا عرضنا ياريم خوات خالد مهما يكون ريم : اكيد يمه لاتوصين ان احد يدري مني . ..........يمه العنود قالت بتجي هاليومين ولاجت غريبه ؟ ام خالد متفاجئه : متى قالته ووش يجيبها ؟ ريم : قالته يوم اكلمه ذاك اليوم مدري بس قالت بجي ماحددت السبب ام خالد : دقي لي عليها بكلمها في الجهه الثانيه العنود حاطه الجوال بالصاله وهي بالمطبخ تسوي حلويات وفطاير مع البنات وساره وليليان ماتدري عن الجوال ام خالد : ماترد !؟ غريبه مو من عوايدها ريم : يمكن حاطته على الصامت ومقيله (نومة الظهر) ام خالد : يمكن ولو انها مو من عوايدها ريم : لا من حملت وهي كيس نوم ـــــــــــ السلام عليكم الكل عليكم السلام ليليان : بابا تبي غداء ؟ دخل كانت مقابلته ومعطيته ظهرها تحاول تشغل نفسها بتقطيع صينية الحلا اللي قدامها سمعت صوته ماحبت تلتفت وتشوفه تبي تكسر الشوق اللي بداخلها وتبلد الحب حتى يتبلد ويموت تصارع مشاعراللهفه لشوفته ماحست الا باليد اللي تلتف عليها فزت حست بكهرباء تسري بجسمها من حركته تذكرت كلماته اللي مثل السم سمعها ابعدت عنه .. ماجد يكلم نفسه(شفتها معطتني ظهرها سلمت وهي كأنها ماتسمعني حتى مدري ردت السلام او لا(تنهد) ..شفتها وكأني من زمااااان ماشفتها ..مشتاق لها ولضحكاتها وهبالها ..وحشني صوتها المبحوح وعذوبة كلامها ..تقدمت منها وانا كلي شوق لها قربت ولفيت يدي عليها كأني اقول انتي لي مو لحد غيري ..بس هي ماتحملت قربي ابعدتني عنها كانها مقروصه حسيت بخيبة امل آآآه لوهو بيدي واقدر اصلح اللي سويته كسرت قلبها ..طلعت من المطبخ وانا حاس الدنيا ضاقت علي على اتساعها ..صعدت لغرفتي اللي صارت مكاني هي ومكتبي في الوقت اللي اداري فيه همي الحالي ..قرر يبدل وينزل يحاول يقرب قام بسرعه يبدل ساره : العنود وش فيك ؟ العنود ........ ساره : العنووووووووووود العنود : هاااااااا وش بلاتس تصيحين ؟ ساره : من اليوم اناديك وانتي ولا على بالك العنود : ماسمعتك هنوف : اللي ماخذ عقلك يتهنى به ساره التفتت جهت بنتها : يالله فووووووووق ذاكرن دروسكن ان شالله ساره مسكت يد العنود وراحو لصاله : اجلسي ساره : العنود ماجد شاريك العنود : وانا بعت ساره : بتخسرين العنود : اخسره ولا اخسر كرامتي :كرامتي من كرامتك العنود تلفت جهت الصوت : ذاك اول لكن الحين لااااا انت اهنت كرامتي وانا ما انهان ماجد :ماعاش منهو يهينك ..العنود انا غلطت وعارف ان جرحي لك كبير بس قلبك اكبر العنود: ان كان قلبي كبير تراه ضاق من كثر تجريحك ماجد : ابداويه العنود : انت داه ماجد : اوعدك اخذ حقك العنود:تخذ حقي من من ؟ من امك ؟ من جواهر ؟ ومنك انت؟..انت وعدتني قبل تذكر والا اذكرك ؟..تذكر يوم وعدك ماتشك ولاتغلط علي وين الوفاء بالوعد والعهود ؟.....(زفرت بضيق) انا انهت من امك ومنك وانا ما ارضى بالاهااانه انهنت في حبك وانا حر ماانهان والحر مايرجع لشخص يهينه والله احبك حب والقلب ماخان حافظ عهود الحب يومك تبيه بس للاسف مااقدر على حب خوان يمشي يشيل اسمي وباكر يهينه ماجد : قلبك ماعاد يشفع لي خطيه ؟ العنود : لو قلبي خان فيني ولو حسيت انه خاني وشفع لك خطاك دسته قبل يرضى عليك ماجد: لها الدرجه ماتبين قربي العنود : البعد عنك وعن امك غنيمه ماجد : واللي في بطنك ؟ العنود : بيبقى معي ومتى مابغيته اتصل على ابوي او احد من اخواني وتعال شفه ماجد : وانا العنود : انت ! انت رح لامك خلها تختار لك ولاتاخذ الا اللي هي تبيها حتى ماتذوق اللي ذقته منك ومن امك كان يحس كلاماتها مثل السكاكين بصدره .. جلس بهدؤ وفي داخله بركان .. العنود حست انها بردت شىء من الغل اللي بداخلها وردت له جزء من الجرح اللي سواها فيها ... سكتوا الى ان اعلنت من منابر المساجد اذان العصر ..قامو لصلاه لحقته ساره : ماجد ..ماجد لف عليها بدون ولا كلمه مسكت يده لاتتاخر ابوي بيجي بعد الصلاه هنا هي عزمته على القهوه طير عيونه فيها : عرف ؟ ساره وهي تحرك راسها :لا ماجد ارتاح : خلاص يصير خير ـــــــــــ يمه اليوم بروح السوق ؟ ام عبدالرحمن : وش الطاري على خبري بتعقلين لين تعرسين ؟ جواهر : يمه الظاهر مطولين على بال مايطلقها يقول لين تولد ام عبدالرحمن : خلاص راح الكثير ومابقى الا القليل جواهر: اووووه يمه انا جيتك اقولك حتى ماتاخذين السايق اذا عندك طلعه خلي وحده من صديقاتك تمر عليك ام عبدالرحمن : وش تبين بالسوق ؟ جواهر: وحده من صديقاتي بتخرج من الجامعه هالكورس ام عبدالرحمن : الله يوفقها جواهر : امين ..يالله ياحلوووه يدك على القرووووش ام عبدالرحمن : قروش !!!!!خير روحي مناك ماعندي قروش جواهر : يمه حرام عليك البنات كلهن بنات عززززززز وهااااااي ومناصب مرموقه تبين اجي وسطهن مثل بنات الفقر!!يمه ام عبدالرحمن : لاتروحين حتى ماتصيرين مثل بنات الفقر جواهر : افا يمه هذا وانا قلت بكشخ عشان مشاعل تشوفني واعجبها وتخطبني لخالها يزيد صاحب شركات (اليزيد للاستيراد والتصدير) ام عبدالرحمن : هي بتجي ؟ جواهر : اكيييييييد مو العزومه حقت صديقتها الروح بروح ام عبدالرحمن : اجل بعطيك 2000 ولا اعرستي بالتاجر رديهم لي فاهمه ؟ جواهر (بقلبها ياحليلك يايمه مايطلع القرش منك الا تضمنين رجوعه من بخلك ماتدرين اني رايحه لمكان غير اللي قلته اكيد بتذبحيني ) ام عبدالرحمن : جواهر وصمخ جواهر : هلاا..هاه ..ايه برده بس عساني اعجبهم ام عبدالرحمن: الله الله باللبس الزين وتغمز جواهر : لاتوصين ــــــــــ كذاب لو قلت انا ما ابيك كذاب كلى على بعضى اتوة بغيابك عبدالله بس خلااااص المويه طلعت على برى من نطك بالمسبح عبالله : يمه من الزهق ما معي احد ساره : مولازم تسبح تعال هنا عبدالله : لاسوالفكم ماتعجبني ساره: وش اسوي لك يعني اقولك اخر سياره نزلت والا شريط سوني والا مباريات المنتخب ؟ هههههههههههههه <<قطع عليهم بصوته جبتوا القهوه والا لااا العنود: ياهلاااااا ومرحبااااااااا ارحبببببب اقلط لا ماجبتها انتظرك تجي حتى اجيبها الحين اجيبها تعرف اخاف يقضن عليها ذولي واروح اسوي ثانيه عهود : ايه الخساير مهيب زينه العنود كفتس : شاطره صح تعجبيني عهود تطالع في ابوها : ابووووك يالبخل العنود تستهبل : حبيبتي الحرص وااااااجب وهذا اسمه حرص مو بخل نوف : يعني تدلعين البخل بالحرص العنود تحك راسها بستهبال: البخيل مايفرط بالريال وانا شوفي الخير قدامكم وتطالع بعمها( وتسلهم بعيونها بعبط )في بخيل يخسر مقاضي ب298ريال و75هلله الله لايخسر عهود: اهببببببببي يالبخيله حاسبه حتى الهللات هههههههههههههههههههههههه كملو القعده بسوالف وضحك دخلو عليهم ماجد وخالد ودخل خالد بستهبالاه وتعليقاته لكن 2 اكتفو بالصمت .. *دخلت عليهم وكان خالد معي كنت اسمع تعليقاتها وانا امشي وضحكتها ذكرتني بأيامنا سوى اشتقت لسوالفها وضحكتها دخلت و عيني جت بعينها ولهت عليها لكن نزلت بسرعه عيونها كنت احس بعيونها شوق وعتب ...آه تمنيت ارتمي بحضنها واقول اسف على جرحي وتقصيري اسف على كل الالم اللي سببته لك ..اسف على كل دمعة حزن وضيق نزلت بسبتي ...لكن ماباليد حيله *شفته دخل مع اخوه خالد جت العين بالعين حسيت قلبي بيطلع من مكانه وان اللي حولي يسمعونه من قوو نبضه ..نزلت راسي قبل لاتفضحني عيوني ..سمعت صوته وهو يسلم احس بشىء يتحرك بداخلي خفت ارفع راسي وتخوني عيوني ..يكفي انه حولي هذا شىء مدري بس احسه حلوووو ..خفت انجرف لقلبي ومشاعري ذكرت نفسي بسواياه وطعونه خيانته كرهت نفسي وشلون اقدر احب انسان يخوني ويهيني لااا لازم اطلعه قلبي مو مكانه قلبي حبه وهو خانه .. بعد صلاة العشاء قررو الحريم يروحون لسوق ويشترون اغراض لطلعتهم بكره وفي نفس الوقت يشترون اشياء بسيطه لزواج مها هنوف ونوف حاولو يروحون معهم بس عهود وساره رفضن بحجة ايام مدرسه ومالهن حاجه هنوف طلبت من امها تشتريلها لبس لطلعه وماراح تاخذ اي شىء هاليومين الاجديد <<حتى تجبر امها تشتري لها *رجعت من السوق مهدود حيلها تمثل قدامهم الرضى بالنصيب وهي بداخلها تنكوي ترسم البسم على شفاتها حتى مايشيل احد همها واعدت عهود تكون قويه وتثبت وجودها لكن بداخلها ضعيفه حاولت تشكتي وتقول ما ابيه امي اجبرتني عليه تراجعت وخافت من الفكره ان شكيـــت الحال محدن لي سموع.. وان سكت الناس زادوني ملام.. طاااال صبري والزمن عيا يطووع والرجا بلي عيونه ماتنام..!! ـــــــــــــ |
البارت الخامس والعشرون ـــــــــــــ ما نشدت الشمس عن حزن الغياب علمتنا الشمس نرضى بالرحيل مساء الخير ام عبدالرحمن : هلا مساء النور ام ماجد: وشلونك ياختي ؟ ام عبدالرحمن : بخير وشلونك انتي ؟ ام ماجد: طيبه ..ام عبدالرحمن ام عبدالرحمن : هلااا ام ماجد بتردد :آ ..والله ياختك انا متفشله منكم بس وش اسوي ام عبدالرحمن (خافت ان مها غيرت رايها): خير وشوو ام ماجد : محمد يقول مافيه عرس باستراحه مها تزوج يابصاله والا فندق ام عبدالرحمن : بس انتي عارفه بالحال اخوك مات وهو طفران وعليه ديون ام ماجد : ايه عارفه ..بس محمد يقول يا يسوي عرسها بفندق والا صاله والا يطلق بنتي ماتزوج في استراحات ام عبدالرحمن : خلااص يا ام ماجد اللي تبونه اليوم اروح ادور فندق وعسانا نحصل هالشهر حجز ام ماجد: ان شالله بتحصلون ـــــــــــــــــــ طلعو لسوق بعد ماصلن العشاء توزعو ساره والعنود بجهه وعهود ومها بجهه العنود : ساره شوووفي الله رووووووووووعه ساره : ايه يهبل بس ذا حق بنات مو حوامل العنود : طيب وانا عارفه بناخذ لنوف وهنوف ساره : فاضيه خليهن هدومهن ضيقت عليهن العنود: ساره انا نوف بدت تقبلني بحياتها وتقرب مني خاصه هالفتره وانا ما ابي اخسرها ساره : وش الفايده وانتي بعد اقل من شهر بتتركينها تعلقينها فيك مثلنا وتروحين وتتركينها العنود : ساره نوف محتاجه لأم.. اليوم وهنوف تطلب منك تشترينها كانت تراقب حركاتكم وردود افعالكم ..احس بعيونه لهفه تكون مثل الهنوف تطلب من امها اللي تبيه بدون حواجز وقيود ساره اللي ضاقت بعد الكلام : يالبى قلبها ..هي ماتعطينا مجال نقرب منها العنود :انا بدخل اشتري لنوف <دخلت اشترت برومدا بيضاء وتشيرت كت سماوي فيه كرستالات فضيه خفيفه عند الصدر وشوز سبورت ابيض في خطين على الجنب سماوي وكاب ابيض طبعآ ساره شرت نفس الشىء لهنوف طلعو من المحل وصارويدورون على باقي المحلات دخلو على محل مسوي تخفيض ساره : هيييييييي عنود مسوي تخيفض تلقين البضاعه الحلوه طارت مابقى الا البقايا اللي عايفينها العنود : شوفي هذاك ؟ ساره : الشورت العنود : ايه الزيتي حلووو صح ساره ببلاهه : وين بتودين بطنك ؟ العنود : مو لي لنوف ساره : حمدلله انتي خبله خلاص لبسه تكفيهن العنود : انا عجبتني واحلا مافيها التخفيض ب29ريال ساره : احلفي العنود : شوفي ...اممممممم شوفي التيشرت الاصفر ذا حلو عليه ساره : الله يعيني اووووف طلعي للعله بنتي مثل ماتشترين لبنتك العنود : هههههههههه ياويلك لوتسمعك وانتي تقولين بنتك كان تزطك ساره : موهي الا عمتها ههههههههههه العنود ميلت فمها : وععععععع لاتعكرين خلقي طلعو من المحل بعد ماخذو اللبس وفرو بالسوق لين جت الساعه 10 وربع طلعو منه السوق رجعو للبيت وعظامهن متفككه من الدوجه بالاسواق عهود : اووووووووووووف هذا وحنا بس ساعتين هالتعب الشىء لو نروح من العصر مها : رجليني احس ما اقدر احركها اكثر العنود: الحمدلله اني برتاح خلااااااص الا اذا تبون اولد قبل وقتي خوذوني ساره : الله واكبر كل شوي قاعده فشلتينا بيقولون وش هالعجوز العنود : الحمدلله واثقه من نفسي ماعلي منهم ولايهزون شعره مني عهود : انا جوعااااااااااانه يــــــــماااااااااااااااااااااااه نطت العنود في حضن ساره :يممممممممه عهود ومها وساره وهنوف ونوف ماقدرو يمسكون انفسهم هههههههههههههههههه العنود منقهره : وجع لعدوتس خرشتيني (خوفتيني ) احسب صار مصيبه قلبي طاح في بطني من الروعه عهود : آ هههههههههههههههههههههههههه ياربي شىء بطني ههههههههههههههه ااااااه حسافه لوكنت مصورته وربي تفطسين ضحك ههههههههه (تقلد العنود) ولايهزون شعر مني وين هالكلام العنود مسكت علبة المنديل وحذفته على عهود : لعنبو بليسها احسبه جرس الانذار من قو الصياح ههههههههههههههههه مها وهي تضحك : على ثقلك يوم خفتي مافيه اسرع منك نطيتي في حضن ساره اشوى ماتكسرت رجولها العنودوهيمسح على ساره اللي تأن من رجولها : لا ماعليها خفيفه انا ما اكسر بس رضوض شىء على خفيف ههههههههههههههههه طلبو العشاء وتعشو ومخلا العشاء من بعض التعليقات والضحك هنوف ونوف اعجبهم اللبس كثييييير ــــــــــــــــــ في مدرسة هنوف ونوف : هنوووووف وين نوف ؟ هنوف : بالفصل :طيب عندها احد؟ هنوف : لا ماعندها احد روحي عندها بروح اشتري لي ولها فسحه وارجع لكم :اوكي :هااااي نوف نوف : اهلين :نوف شفيك متغيره علينا مو مثل اول ؟ نوف : هديل انا ماتغيرت هديل: كيف ماتغيرتي انتي اغلب جلستك مع هنوف مو معنا بالقروب فقدناك نوف :هديل عمتي رافضت اني اجلس مع غير هنوف هديل : وانتي مالك شخصيه الكل يتحكم فيك ؟ نوف : لي شخصيه بس عمتي اكيد تبغى مصلحتي هديل بخبث : نوووو ياحلووووه تبغى مصلحة بنتها تخليك تكونين معها مثل البودي قادر او ظلها اممممممم يمكن مستغله انك يتيمه ماعندك احد يهتم فيك انتي مهتمه اكثر شىء في بنتها ..(نوف اللي سمعت الكلام وحسته صحيح عمتها اهم شىء عندها بنتها ) وهديل اللي شافت معالم التأثر على وجه نوف كملت : نوف انا اسفه بس حراااام هذا شىء لازم اوضحه لك محد يحبك ويهتم فيك شوفي شكل الهنوف بس تتكلم امي وابوي لو كانت تحبك كان ساوتك بالهنوف خاصه وانتو دايمآ مع بعض نوف سكتت وطلعت من الفصل تمشي بالاسياب وتتذكر كلام هديل اللي لامسها ..(آه ياليت امي وابو عايشين كان ماصار هذا حالي ) الايالرب ساعدني ترى درب التعاسـه طال تعبت وتعبت اقدامـي دروب الهم تمشيـها عرفت الحزن من صغـري عـرفت أني فقيـر الحال غريب وكــل هالدنيــا علي ضاقت اراضيها فقدت امـي فقدت ابــوي ولالــي عزوتن ورجـال قهـر ابكي قهر اشكـي حياتـي صرت مأبيهـا يتيــم وقسمتــي اعيــش بليــا عم وبليـاخـال يتيــم وقصتــي قصـه من أولهــا لتـاليهـا شربت اليأس واصبحت فحياتي فاقد الآمــال وعنــدي المـوت ارحـم لي من الدنيـا وبلاويهـا تعبــت اصبــر تعبت اسهـر وحظـي بين ربعــي مال اعانــي من ردى حظي وروحــي من يسليهـا احس المجتمــع يرفض وجـودي واطلــب الترحــال ونظــرات البشـر تقتــل طمــوحي وأنكــوي فيهـا احس اني بلاقيمــه شكيــت الذل والاهمــال وحيــد ودنيتـي قفـره علــي تظلــم لياليهـا .. انا والله محتـاجاً لكــم ياطيبيـن الفال ابــي حباً يعوظنــي عـن أيامــي ومأسيهــا .. تعالــوا بددو خــوفي وخلــوا عطفكــم شلال ابروي ظـامي جروحاً بشوفتــكـم وداويهــا .. تعالــوا ومسـحوا دمعـاً على خـدود اليتامــى سال تعالـوا وسألـوا كل اليتامــى عــن امانيهــا ... العنود :من شوي كنت اسمع صوتك مسرع رقدتي ..لفت العنود بتطلع وقفها صوت نوف نوف وبصوت مكتوم وهي لازالت معطيه ظهراها للعنود : انتي مره قلتي لي انا وهنوف الايمو هذولا عندهم حاله نفسيه ويعبرون بطريقه متخلفه غلط وشرحتي لي .. طيب اذا كانت عمتك تستغلك حتى تكونين مرافقه لبنتها هذا ما يعتبر انانيه ؟ مثل الحاله النفسيه ؟ العنود (اللي فهمت انها تقصد ساره):بشوف عمتي اذا كانت صحيح مثل ماتقولين او لا ... فيه عمات يحبون بنات اخوانهن مثل بناتهم مثل عماتك ..عهود تموت فيك لكن قدامك ماتحب تبين كذا لك تخاف انك تضعفين مع كثر الدلال وتصيرين مالك شخصيه وتتكلم معك على انك كبيره تبغاك تكونين مستقله بشخصيتك وواثقه من نفسك..عمتك مها :حنونه عليك ويمكن بالغلا عندها محد يوصل مثل غلاك بس ماتعبر لك لان طبيعتها خجوله ..ساره تحبك مثل هنوف لك انتي لكن انتي ماتعطينها مجال تعاملك مثل بنتها .. نوف بصرخه : لاااااا هي تحب بنتها اكثر هي قالت لي لاتمشين مع شلتك لانهم ايمو وفيهم حاله نفسيه والبنت العاقل ماتسوي هالحركات وغيره من الكلام اللي صدقتها فيه لكن الحقيقه غير هي تبغاني حتى اكون مع بنتها مثل ظلها مثل الحرس الشخصي لها عشانــي .. العنود : عشانك وشوو؟ نوف غطت نفسها باللحاف :عشاني يتيمه تستغلني عشان ماعندي احد العنود اللي انعصر قلبها من هالكلام قامت وجلست جنبها :يتيمه تعتقدين عمتك ساره تفكر هالتفكير نوف رفعت اللحاف ودمعها ينزل : هم يقولون كذا العنود : من اللي يقوله ؟ نوف : هديل صديقتي العنود : صديقتك !! تعتقدين صديقتك لو كانت تحبك بتحرضك على عمتك ؟ صديقتك لو كانت تحبك كان ما تبعت الايمو وشوهن نفسها وشكلها حتى تتبع ناس متخلفه ..رفعت العنود يدها وصارت تمسح دموع نوف ..نوف اللي يحبك يعلمك على الشىء الصح اللي يكون في صالحك مو الخطأ وعمتك ساره تحبك وتتمنى تكون قريبه منك بس انتي ماتعطين احد مجال يقرب منك حاطه حواجز نوف ببرائه : وش اسوي طيب العنود مسكت يدها : اول شىء عاملي معهم مثل اي بنت مع اهلها ..انتي حاطه نفسك غريبه بينهم ..تعالي معي وبقولك ـــــــــــ الساعه 1 بالليل في احد الاستراحات في الرياض اغاني صاخبه اضاءه خافته اكواب من مشروب الهوى ..جمعتهم متعة الحرام ..لبس فاحش رقص على انغام الموسيقى ..صدح صوت ياهوووووووووووووووووووه وش رايكم نرقص سلوووووو؟ البنات والفرحه العاارمه واااااااااااو ..تصفيق حااااااااااار لاعجابهم بالفكره الشباب والضحكات الرنانه طربآ لقرب النواعم شغلت الاغنيه الهادئه بالحانها اخذ اغلب الشباب النواعم فمنهم من احتواها بين ذراعيه ومنهم من تمنعت بالقرب الشديد ولم تمانع باوضع الكف بالكف واليد على الظهر المهم ان تكون دون عناق<<فرقت !! من بين هؤلا شابه لبست فستان ذهبي قصيريكاد يصل الى ركبتيها عاري الاكتاف بيخيوط فيه بعض الكرستال المنثور بشكل متقن لفتت الانتباه بحضورها اسدلت شعرها البني اللذي انساب على اكتافيها وارتد حذاء ذهبي بخيوط وذو ارتفاع عالي ابرز قامتها وليد : انا طلبت ارقص سلو حتى اكون بقربك يالغاليه جواهر بغنجها :هههههههه موافقه ماراح اردك عشان الحفله لك استمرت الحفله على هذا الحال بين مجون ولهو ياشباااااااااااااب جبت لكم فلم شىء تبون سهره ولا في الاحلام ؟؟ البنات لاااااااااا مانبي فلم :بس هذا فلم ولاقد شفتوه الى الان مانزل بالسوق هاااا شباب <<الشباب عارفين المقصد يالله كل واحد بمكانه اغلب الشباب كل واحد جنب رفيقته شغل الفلم وبدت تعلو وجوه البنات حمرة الخجل مايحمله الفلم من امور تخدش الحياء كانت هناك تعليقات من الشباب على بعض اللقطات اللتي نترفع عن وصفها وذكرها ظهرت لقطاتت متتاليه شدت انباههم الكل يراقب المشاهد بشغف <فاتحين عيونهم وافوامهم(مفهين) ........ فجئه يوووووووه هذا وقته من اللي فصله واحد لابس ثوب وشماغ : اناااااااااااااااااااااااااا فصلته في احد عنده اعتراض ؟؟ وليد وهو معصب : ايـــــــــــــه انا ومن انت حتى تسوي كذا :بتعرف من انااا والحين ولا واحد يتحرك من هنااا لان الاستراحه محاصره وليد : انت ياهووووووه ماتعرف من انا ؟؟ : ماتهمني من تكون وليد : معك وليد بن فهد ال .... : ياضابط انت واياه تعالو شيلو هالخمه اللي هنا ولا تخلوون واحد منهم يفلت منهم وليد : هييييييييييي احترم نفسك انا ماينقالي خمه : انكتم قبل ما افرشك هنا انت اللي مفروض تحترم نفسك واسمع تراها موصله هنا ( وياشر لخشمه ) مقوميني من نومي عشان اجي واشوفك في هالمرقص وفوق ذا تنافخ استح على وجهك انت واياه الواحد رجال بشنبات وقاعد لي مع بنات !! وبصرااخ ياااااااااااااااالله قدامي في المكتب : يالله جيبو اول شىء البنات ولبسوهن عبي افتح محضر وش اساميكن ؟ تكفى استر علينا الله يرحم والديك ويستر عرضك ..ابوي بيذبحني لو عرف ...تكفى خطيبي بيطلقني <<توسلات من مختلف البنات التزم الصمت ...بعد فتره خلصتن ؟ يالله قولن اساميكن الموال الاول ماراح ينفعكم ايمان عبدالخالق ال .. 22سنه سلوى ناصر ال...28سنه فاطمه محمد ال ...21سنه جواهر عبدالله ال ..24سنه انصدم (جواهر اخت سلطان)؟؟ فاتن فواز ال ....19سنه .... اتصل على اولياء امورهن وبلغهم بالحضور .. سمع صوت خارج غرفته يا عسكررري العسكري : سم طال عمك؟ : وش هالازعااج ؟ العسكري : واحد يبغى يقابلك ويقول انه شخصيه مهمه : ماقال وش اسمه ؟ العسكري : يقول انه والد وليد اللي تم القبض عليه في الاستراحه مع الشباب والبنات : ايه عرفت خله يدخل العسكر : امرك طال عمرك <<دقايق ودخل رجل في منتصف الخمسينات ذو قامه عاليه السلام عليكم : وعليكم السلام ابو وليد : ممكن اعرف ليه ولدي مسجون؟؟ : ولدك مسجون لانه في مسوي استراحته مكان ل***** ابو ليد : اصصصصصصص انت مهبول قصر حسك لحد يسمعك ولدي مايسوي هالحركات واااااسمع (رفع يده بوجه الضابط )علمآ ياصلك ويتعداك ولدي يطلع الحين والا وديتك ورا الشمس الضابط : اعلى مافي خيلك اركبه فاااااهم وولد ك بيبات بالسجن ولا تحدني احذفك معه انا محترم سنك بسسس ابو وليد : انت يا..... الا وش اسمك ؟؟ الضابط : اسمي خالد نايف ال ........ وورني شطارتك ابو وليد : انت ابوك نايف ال ....؟؟ خالد: ايه ابوي فيه شىء ثاني ابو وليد : ماتسويها ياولد نايف كانك على ابوك خالد: انا طالع عليه وابوي كان يفرق بين وظيفته وعلاقاته خارج العمل ابو وليد : بس هذا ولدي وما ابي يكون سجله فيه شىء خالد : والله يا ابو وليد تحطون الحبل على الغارب للعيال والبنات ولا غلطو تجون تنافخون وتهاوشون وتضيعووووووون مفاتيح افوامكم وماترضون انهم يعاقبون ليه يومك ماتتابعه ؟؟ليه ماتعرف مع من يمشي ووين يروح ؟ والا بس مشاريع وصفقات والواسطات والمناصب تطلعكم من المصايب ؟ ابو وليد : والله اسمح لي ياولدنايف انا غلطت عليك لكن لاتلومني من القهر على حال ولدي خالد : مسموح يا ابو وليد لكن طلعه من هنا مقدر لين تتم الاجرائات والتحقيق مع الكل ـــــــــــــ |
البارت السادس والعشرون ــــــــــــــــــــــــــــــــــــــــــــــــــ ــ امسح بمنديل الصبر دمعة اليأس واسخر من احداث الزمن بابتسامه صباح اليوم الثاني بالمزرعه عائله ابو ماجد الكل جالسين حولين السفره على الفطور تركي :يبه لو نشتري حصان وفرس ونحطهم هنا بالمزرعه موحلوو عبدالله هنوف ونوف اللي اعجبتهم الفكره : اييييه الله حلووووه ام ماجد : الا ياشين الفكره من بيقعد يهتم فيهن ماعندنا عماال كفايه يهتمون بالخيل الا اذا بتجيبون نااايف ال .. (وتناظر في العنود)يشتغل عندكم وتعطونه المقسوووووم العنود تمثل البرود وهي في داخلها بركان:نايف تاج راستس ومهوب بحاجت دراهمتس خليها تنفعتس في الفشخره الكذابه ...<قطع عليها صوت الجوال خذته وراحت ترد عليه ابو ماجد :احسسسسسسسسن خله فيك ماينفع معك الا كذا .. انتي وش سالفتك متى بتخلين حركات الخبال ذي ؟ لعنبو بليسك النسوان يكبر ويهجدن وانتي تكبرين ويزود شرك ؟ ام ماجد تسفه ابو ماجد و تطالع في ما بغيض :ياحضي بولدي الرجااااااااااال يعرف يشكم مرته ويدافع عن امه !!! ماجد :انتي اللي تغلطين عليها وش ادافع عنك فيه تهينين ابوها قدامها وتبين ادافع عنك !!!! ابو ماجد : لعنبو بليسك من مره الحين تغلطين عليها وتبين من يدافع عنتس انتي لسانك يلوط اذانك مايحتاج محامي لك انتي مره مافيك رجاء ولاينفع فيك التوعد .. ساره : يبه الله يهديك لاتعصب عشان صحتك ابو ماجد : هذي بتذبحني كم مره قلت لها لاتعرض العنود ومافيها فايده والله لو جدار ماجد قام ولحق العنود يشوفها ..سمع نوف وهنوف : وين العنود ؟ نوف : ماجت ماجد (وين راحت ذي )سمع صوتها قرب من الباب اما ام ماااجد (تغلي بداخلها راح يراضيها ويدور رضاها وانا القا التهزئ من ابوه ما اهتم ولا دافع عني وهي يدافع عنها ويلحقهاااا اخخخخخخخخ يالقهر انا اللي ربيت ولغيري صفيت !! العنود : تكفى لاااا شوف اي صرفه حرام عليك عشان خاطر عبدالله واهله .. العنود : انت اذا تقدر لاتهاون عرف هذا شىء يمس موب سهل ... العنود :اناعارفه بس حتى ولو فيه ناس بيطولهم الاذى وانا ما ابيه يطولهم .. ماجد (يفكر من اللي بيطولهم الاذى وش الشىء اللي يمس !!ومن تترجى ؟ وش السالفه ؟ انا لازم اعرف) العنود : لا موبجده هنا ... العنود : والله هنا كلهم يظنون انه بجده بس انا شفته مع حرمه بالسوق اظنها زوجته وانا مدري .. العنود : لااااحرام لاتعم ياخالد لاتعم خالد :.... العنود : انا كنت بالسوق ورحت لصرافه صدمة بحرمه وانا مو منتبهه زوج الحرمه صوته ماكان غريب علي رفعت راسي طلع سلطان ومن كلامه معها (استحت العنود تقوله انه يقولها حبيبتي قدام اخوها ) يدل على انه زوجها خالد :.... العنود : اهلي ماقلت لهم وش اقول رجل بنتكم معرس عليها ويكذب عليكم بالرياض !! ومرته توقع لو قلته لها بترضى بخيانته لها !!بتطلب الطلاق صحيح ساره مايسوى اظفرها بس ما ابي عيالها يتشردون والا ياخذهم منها مهما يكون هذي ام .. ماجد (اللي يسمع السالفه ومذهول سلطان متزوج ! وموبجده .!يكذب علينا !..فتح الباب ودخل عليها جلس على السرير والعنود اللي فتحت عيونها خايفه يكون سمع الكلام اللي دار بينها وبين اخوها .. خالد: ... العنود : هلا خالد انا الحين مشغوله اكلمك بعدين خالد : .. العنود : مع السلامه ماجد : اللي تكلمينه اخوك خالد العنود وهي تعدل برقعها :هاااه .. ايه ماجد :ليه لبستي برقعك ؟ العنود :بطلع للحديقه الجو حلووو ماجد : يالله بنطلع سوى فيه موضوع مهم ابغاك فيه نزلو وهي تفكر يارب عساه ماسمع كلامي ...يووووه الحين بسبب هوشه بينهم انا مقروووووده اوووووووووف والا وش ملقفني اعلم خالد باللي شفت بطقاق اللي يطق سليطين واخته جلسو في الحديقه ماجد :وش كان خالد يبي فيك ؟ العنود :موضوع بيبني وبينه ماجد :العنود انا سمعت الكلام (العنود طالعت فيه )كمل ماكنت اتجسس بس صوتك ارتفع وتقولين عبدالله واهله العنود : يومك سمعت ليش اعيد لك نفس الكلام ؟! ماجد : مو وقته يالعنود تكفين ريحيني انتي تتكلمين من وسع العنود :................ ماجد : العنود وش سالفتك الحين انتظرك تحكين السالفه وسافهتني شكلك مرتاحه بالشىء اللي ينرفزني العنود : تظن اني كذا !!! ماجد :شوفي من متى وانا اسئلك عن السالفه والى الان مارديتي علي !! العنود : اها ...(تنهدت وبتردد ) بقولك السالفه بس رجااء لاتدري امك بالسالفه بالذاااات ماجد : شمعنى امي ؟؟ العنود : لان امك بتشطح بخيالها بعيييد وتألف سالفه علي وانا مو ناقصه تأليف سوالف جديده ماجد : طيب بس خلصيني قولي السالفه العنود(خييير وش سالفته ذا اشتغل عند ابوه حتى ينفخ علي ) :..............<<علمته بالسالفه ماجد محط راسه بين كفيه : يعني هي الحين بالسجن !؟ العنود : ايه ..بس لحد يعرف عشان عيال ساره ونوف. ماجد مستغرب:بعد كل اللي سوته فيك تسترين عليها العنود : وضعها الحين مافيه نصر لي عليها لكن يهز هنوف ونوف وعبدالله لانهم واعين الحين للي يصير حوليهم ويمكن يأثر على نفسيتهم بين زملائهم في المدرسه وهذا انا ما ابيه ماجد : خالد وش سوى ؟ العنود : طلبت منه ان القضيه ما يستلمها احد غيره حتى ما تنفضح وتنشهر ماجد : وسلطان انااتفاهم معه العنود : لاتستعجل بقرارتك كالعاااااده تأكد ............... ............................ ............... بعد صمت ماجد رفع نظره لها: وانتي ماغيرتي قرارك ؟ العنود وقفت : الموضوع شكله بيروح لسالفه ثانيه خلصنا منها ماجد مسك يدها يبيها تجلس بالغصب ـــــــــــــــــ في عصر في بيت ام محمد ام خالد : وين بناتكم ؟ ام نواف : وراتس من اليوم تبينهن ؟ ام خالد : لاجن عرفتن <<على دخلت البنات سلااااااام ...هاااااااي ..مساء الخير ام نواف : جعلكن تنقطعن ورا سلامكن هاللون ماتسلمن مثل خلق الله ساره: يووووه ياخاله انتي ليش كذا معقده نجلا بفرحه : دريتو بنت جيران طفله اللي اعرست من 5شهور تطلقت ؟ ام نواف : صدز وش السبب؟ نجلا : يقولون ان ولد جيرانهم اللي هي عاشقته رجع من امريكا ام نواف : ايه انا داااريه هالبنت دايم توايق عن البيبان (تطل ) ام محمد : ايه عساها بس ماحملت والا بتخرب السالفه هههههههههههههههههههه ام خالد: خلصتن من تطنزكن ام نواف (يالعنبات ذا الخشه جت الفلفسه مدري وش تحس به ذا العجوز الرشما):ايه يام خالد وش تبين بالبنات ام خالد : وين جوالاتكن ؟؟ نجود : انا بالبيت نجلا: وانا بعد ساره تبلع ريقها : فوو ق ام خالد : ايه ..التفتت جهة ام نواف وام محمد الجوالات تسحب من بناتكم نجود : خييييييييير !! ام خالد بعصبيه من قلة ادبها: اكلي تبن فاهمه لتس وجه بعد نجود : خييير ليه تسكتيني وش شايفتني ؟؟ ام خالد :اقسم بالله ان ماسكتي لا الطتس بها البياله ياشينة العلوووم بعد من زين علومتس تلوسنين اللي مثلتس وتسوي سواياتس المفروض ماتطلع من حجرتها !! ام نواف بخوف: ليه يام خالد ؟ ام خالد : يأم نواف البنات معطاتهن الحريه اللي المفروض ماتعطى الا لصاحيات والا بناتكن المفروض مايعطن ام محمد : ليه يأم خالد وش فيتس قمتي تخورين بالحتسي ؟ ام خالد: انا ما اخور بنتس هي واللي معها اسئليهن وش الارقام اللي بجوالاتهن ؟؟ ام محمد : ارقاااااااام !!؟؟ ام خالد : ايه بناتكم لهم علاقات مع شباب واتصالات بينهم ام نواف :وشوووو انتي من صدزتس تحتسين ومن قالتس ؟؟ ساره : يمه ذي تبي تشوهنا ام خالد : اقطعي واخسي بعد مع شينتس قواية عينتس ام محمدببلاهه : يام خالد انتي تحتسين وانتي صادزه ؟ ام خالد : هذي مافيها لعب هذي سمعه وعار ..واللي قالي كان ناوي يعلم عيالي يقول بقولهم حتى يذبحونهن ام نواف وهي تغلي : منهووو؟ ام خالد : ماراح اعلمكم لاني ما ابي كلام بينكم وتصير هوشه وتكبر السالفه اكثر <<ام خالد عارفه ان ام نواف عوباء وممكن تلاسن مع الرجال عادي ام نواف اللي تحس ان الصدمه كبيره ماتحملت قامت على بنتها وكفختها بعد ما تأكد منها عن حقيقة الموضوع وكسرت الشريحه بضروسها اما ام محمد : قامت وصفقت بنتها كف وسحبت الجهاز منها واعطته اخوها ورمت الشريحه <<واتفقوا ما يعلمون الرجال ــــــــــــ واللي بينا بكل سهوله تتركينه العنود : تركته انت قبل ما اتركه ماجد : ماتركته العنود : بس شككت فيه ماجد : غيرتي اعمتني العنود : انت جرحتني ماجد :مستعد اداوي جرحك العنود : انت علته .. بعد فتره طويــــــــــــــــــــــــله صمت ماجد حط يده على كف العنود وقبض كفها : من هنا لين يوم زواج مها فكري وانا مستعد اسوي اللي تطلبينه ان كان الوصل ......او الانفصال قام منها ابتعد عنها روح عسى ربى يسهل خطاويك وتصفى لك الدنيا وتمشى على رضاك بالهون ياعمرى على عيون مغليك لاتجرح عيون بـــكت يوم فرقاك ــــــــــــــــ وش رايكم اليوم جلسه شوووووي على كيف كيفكم؟ عهود : بشرط حضرت اللي تشوي ؟ خالد : وانتي معين عهود: لااا انا ما يصير المس الطبخ او اجي قريب من النار خالد بسخريه : يااااي عشان بشرتك !! عهود تجاريه : يس تعرف انا حساسه وبشرتي حساسه وما ابغى اعدمها بقربي من النار ! خالد : صدق ان البنات مايعاااااات عهود: والرجال جلفين تركي : خالد اجل منتب معرس !! ام ماجد: من بتقبل فيه ؟ خالد : وهو يحصل لها تاخذني ! هنوف : احللللللللى يالواثق خالد: افا عليك اعجبك ام ماجد : مالت عليك ماجد : يمه الله يخديك ماصارت ام ماجد : انت تنفخ علي ؟؟ ماجد : انا ما انفخ عليك محشومه لكن ماتلاحظين انك صرتي ماتحسبين لنااامدري وش شايفتنا بزران الى الان عندك !! ام ماجد : يعني وش تبغاني اسوي ؟؟هذا اخر تربيتي خالد :رجعنا على طيري ياللي ام ماجد : وجعوووووووه ان شالله متى بتحشمني انت ؟ خالد التفت لعهود روحي نزلي ملابسي بسررررعه ماجد : خاااااااالد اقعد خالد : مانيب قااعد انا جاااي بوسع صدري لكن جاني ضيقه ماجد قام ومسك يد اخوه وسحبه : تعال اتجهو للحديقه مسطحها اخضررر في اخر الحديقه غرفه زجاجيه داخلها مسبح ساقتهم اقدامهم للمسبح وهم في حديث وجدال عن حركات امهم ..بعد شد اعصاب قدر ماجد انه يقنع خالد مايجادل امه في اي كلام ويتجنب اي حديث معها رجعو بعد مابلغوهم بالعشاء وين العنود ؟ ام ماجد : لو اني الغايبه عن الاكل ماسئلت عني ! ماجد : وين العنود؟ عهود : داخل هي ونوف مايبون العشاء خالد : اها عشان كذا حطيتونا سوى هنوف : سوا والا موبايلي هه هه هه تركي : عارفه انها بايخه ليه تقولينها ؟؟ هنوف : اجرب طريقتك بالتنكيت خالد: هههههه حجري له تركي : طيب اوريك ياهنوووف ان ماخليتك تحسفين هنوف : الحلو هناا مو بحاجتكم تركي : من هالحلو اللي امه داعيه عليه ؟؟ هنوف :ابوي محمد ابوماجد : ابشري هنوف : يااااحبي لك والله تركي : ايه هذا اللي خلا الشايب مايرفض طلباتك ابو ماجد : انا شايب !! تركي : من قال ؟ خالد: جبت العيد خخخخخخخخـ ــــــــــــــــــــــ اليوم الثاني ام سعدون دخلي علي جواهر عبدالله ام سعدون : ابشر طال عمرك <بعد مرور 10 دقايق دخلت ياكلبه ياحقيره يـ....... بسسسسسسسسسسسسسسسسسسسسسس انت وش شايفني هنا؟؟ماني مالي عينك يومك تسب وتشتم ؟ جواهر وهي تداري نفسها خلف ام سعدون : تكفى يا حضرت الضابط لا يمد يده علي لاتخليني معه بيذبحني خالد : انطمي ..سالم انت جيت حتى تتعهد وتستلمهااا لكن ياويلك ان لمستها او تعرضت لهااا انت عااارف اني اقدر اوصلك زييين سالم : بس هذي نزلت وجهنا بالارض خالد : محد يعرف بالسالفه انا تكتمت على الوضع وكنت حريص انه ماحد يعرف فيه سالم : الله يجزاك خير والله مدري وين اودي وجهي منك مستحي من فعل الوصخه خالد بعصبيه : خلاااااص كل شوي تهاوش ترى بخليها ترجع مكانها اللي كانت فيه حتى اضمن انك ماتعرض لها وعاد هنا مقدر امسك السنت الناس جواهر تفكر هالوجه قد مر علي من ؟؟ ياربي والله قد شفت احد يشبهه ..والله شكله رزه طول وجسم رياضي هيبه ملامحه جميله رغم ان حااده مملوح وجذاب رغم انه برونزي اللون <قطع عليها حبل افكارها هيييي امشي الله لايبارك فيك وبأخت مثلك قطعتي وجهي (دفها لين السياره )والله لاعلم سلطان عليك واخليه يدفنك ياكلبه يالواطيه ركبت السياره جواهر بتوسل : تكفى سالم لايدري سلطان ولا امي تكفى انا طلبتك انت لاني عارفتك قلبك طيب مو مثل سلطان خبيث ونجس سالم : اقطعي ماانجس من سواتك سواه جواهر: سالم تكفى واللي يرحم والديك تكفى سالم : وش انتي مهبوله اسكت على فضيحه جواهر: انت سمعت الضابط وش يقول سالم : واللي معك بالحفله من بيسكتهم جواهر : ماراح يقولون شىء تكفى واعطيك اللي تبي سالم : ما ابي منك شىء وسلطان ببلغه جواهر : ماتبي فلوسي من نصيبي من عمارت ابوي ؟ سالم : بس اللي اعرفه انك شريتي فيه جواهر : لااا عندي 33الف جامعتهن تبيهن بس تسكت ولا احد يعرف بالسالفه سالم : لاااا بعلم جواهر :خلاص علم ماراح تستفيد شىء لو علمت الا هوشه وطق من سلطان واكيد بيسبك انت وعبدالرحمن وامي يمكن تروح فيها لكن لو سكت الفلوس بالبنك تشتري اللي تحبببه ومحد يدري وبدون مشاكل فكر زين سالم (وش بستفيد صح لا علمت سلطان الا بيكفخني معها !! واحط 33 الف بالبنك هاه لا ان عرف سلطان بيذبحني وش بيدريه ؟ اصلن محد يعرف وذاك الوقت اكون خذيت الفلوس وبطاقاق التفت على جواهر : وامي ؟؟ جواهر : امي مانقولها بقولها اني نمت عند صديقتي وابوها مسافر وخفت ارجع بوقت متأخر ويشكون الناس فيني سالم يطالعها بحقد : وانتي كل شىء عندك له حل شكلك دايم تسوينها ؟؟ جواهر فزعت : لالالالالالا والله اول مره اسويها بس امس من التفكير مالقيت الا هالحل سالم : اليوم تنزل الحساب فلوسك والا والله لا اعلم عليك واولهم عمتي جواهر : ان شالله (ياخبثك اشوى اني ماقلت ان لي بالبنك ضعف اللي عطيتك وزود كان لهطتهم وذليتني بس اعرفك مثل امي ماتهتمون الا بالفلوس والمظاهر ) ـــــــــــــــــــــــــــــــــــــ بعد مارجعوا الى الرياض من مرزعتهم خالد تعال لي في غرفتي ؟ خالد: وش فيك ؟ ماجد: تعال واقولك <<بعد 10 دقايق خالد :خير وش عندك مقلقني تعال تعال ؟ ماجد: سلطان متزوج خالد :حمدلله والشكر ماجبت شىء جديد ماجد: ياغبي انا اقصد غير اختك خالد: هااااااااه ماجد :وش رايك؟ خالد: من جدك تكلم ووشدراك؟ ماجد: ..............<<قال له السالفه خالد: ايا الخايب الحين مسافر شغل وهو مبلط في الرياض مع مره !! ماجد : وش الدبره ؟ خالد : مدري وش رايك ؟ ماجد : بواجهه بس ما ابي اجيب سيرت العنود وابغاك معي خالد : ابد انا معك بس متى ؟ ماجد :الحين خالد : انت الحين وشلون بتفاهم معه ؟انت كذا بتكافخ معه ماجد : منقهر منه ليه يكذب الرجال لابغى يعرس عادي الشرع محلل له اربع ما اقول شىء وليه مايبلغ ساره !! ها القهر والا العرس بالطقاق ماهمني بس فعلته كأنه مسوي جريمه وماا اهتم لمشاعر ساره لو احد صدمها بالخبر خالد : طيب روق الحين ..انا بكلمه وبخليه يقابلنا بعد المغرب ماجد : خلاص ــــــــــــــــــــــ اهلن يا ابوعاابد كيف الحال ؟ عبدالله : هلا مشعل بخير الله يسلمك مشعل : ابو عاابد ابغاك بسالفه ؟ عبدالله : امر حايك اقلط الحين مشعل : لاااا ما ابغى اقلط بروح بسرعه عندي شغله عبدالله : على هواك مشعل : ابو عابد شف هالرقم تعرفه ؟؟ عبدالله : لا ليه ؟ مشعل : تأكد شف الرقم زيين عبدالله : لا والله ياخوك ..ليه ؟ مشعل : هذولا بنات يكلمن الشباب عطوني رقمهن عبدالله يقاااطع : بسس ما ادااني هالسوالف انا مالي فيها بنات واتصالات مشعل : ليه بعد ماتملكت كرهت هالحركات!! عبدالله : مشعل انا من قبل وانا ما احب هالحركات .. مشعل : اجل لوتعرف من هالبنات وش تسوي عبدالله وقف : مايهمني من يكونن بصرحه احسب عندك سالفه جاي مسافه وبالاخير طلع ارقام بنات !! مشعل : اذا نجود وساره ونجلا مايهمنك من بيهمك عبدالله اللي حس برعشه : وش قلت ؟؟ مشعل :اقوووووووووول اذا نجود وساره ونجلا مايهمنك من بيهمك عبدالله واعصاب جسمه تكهربت : وشفيهن ذيلن ؟ مشعل وابتسامة نصر :هذا رقم وحده فيهن عبدالله شد على قبضة يده وصار يضرب مشعل عددة لكمات حس مشعل ان اسنانه طاحت من قو اللكمات وبصراخ صار يتلفظ الفاظ من القهر(تخسي يالكلــ .. الله يلعــ..ورفعه وخلاه مقابله وهو شااد بقووه على قبضة ثوبه من الياقه اقسم باللي رفع سبع سماوات ان سمعت بس انك موزع ارقامهن والا اساميهن والا جايب لهن سيره بالباااطل والله مايحول بيني وبينك الا المووووووووت فاهم الموووووووووووووووووووووت يا كلــ ..) مشعل وهو يأن خلاااااااااااااااااااااااااص الله يلعـــــ انت واياهن لكن تراهن يكلمن غيري امسكهن قبل تمد يدك علي اسئلهن مسعود (ركله عبدالله ببطنه :قلت لك لاتجيب سيرتهن فااهم؟ ـــــــــــــــــــــــــــ وش عرفكم اني في الرياض ؟ ماجد : مالك دخل سلطان:وشلون مالي دخل ماجد: ايه مالك دخل سلطان : طيب وش عندك ماجد : ساره ماتعرف انك هنا بالرياض ؟ سلطان :لا ماتعرف وانا ما ابيها تعرف ماجد: ليه ؟ سلطان : بس ماجد: انت هنا وين ساكن ؟ سلطان : بشقه مع واحد من الربع ماجد يحرك الملعقه بالكوفي : واحد من الربع والا وحده سلطان بغضب : ماجد انت وش تخربط ماجد: حبيبتك اللي كنت معها في مجمع ال ......لاتقول كذب وخراط كل شىء كاشفينه فلا تكذب لانك بتكذب على نفسك سلطان بنظرات مشتته وارتباك : هذي زوجتي ماجد : من متى متزوجها سلطان : من 5شهور وزواجنا سري ماجد : سري !... سلطان : ايه سري ..ساره ماراح تقبل يكون لها شريكه وبتطلب الطلاق ماجد: من حقها تطلبه مثل ماهو من حقها انها تعرف ان عندك زوجه غيرها سلطان : وعيالي ماجد : هذا تتفقون عليه انت واياها سلطان : يعني افهم انك بتبلغها ماجد : انت اللي بتبلغها سلطان : وانا ماراح ابلغها لانها بتطلب الطلاق ماجد: بتبلغها ولو طلبت بتطلقها بطييييييب سلطان : وش تقصد ؟ ماجد : انت بين خيارين انك تعلمها بزواجك او تطلق زوجتك السريه سلطان : اطلق زوجتي انت صاحي ؟؟ ماجد : وش رايك ؟؟واحد لو انه صااحي ماتزوج زواج سررررري وش خايف منه ؟؟ وفوقها حرام عشان ايش؟ سلطان : اختك ماتجيب نماء (اطفال) ماجد : وهنوف وعبدالله وماجد من وين ؟؟ سلطان :انا ابغى اطفال ماجد : كذاااب القصد منه المتعه والا لو انك تدور على النما على قولك تزوجت علني مهوب خشاشه كنك مسوي جريمه ...وش قلت ؟؟ سلطان زفر بضيق :بفكر وارد عليك ماجد : انتظر اتصالك بكره تبلغني قرارك اما تبلغها او ابلغها انا وتطلق سلطان : ماعمري شفت واحد مستعجل على طلاق اخته كثرك ماجد: وش الحل ربي بلاني بواحد طايح بالنسوان وزواج المسيار !! تعتقد ذا كفوا يفتحون بيوت !؟ فكر بهنوف واخوانها لا اكتشفو ان ابوهم يتزوج مسيار حتى يرضي نفسه !! بيتفخرون فيه؟؟ <<<تحركو ماجد وخالد اللي كان مستمع للكلام فقط ــــــــــــــــــــــ مرت الايام سريعه ..ام عبدالرحمن حصلت صاله وتاريخها كان مقارب لتاريخهم الاول بس زياده 4 ايام .. سلطان راح لماجد وطلب منه يكتم الامر عن ساره وزوجته اللي كانت طلقها حفاظآ على بيته وعياله وشراكته مع ابو ماجد !! عبدالله تملك وحدد الزواج بالصيفيه يعني بعد 5شهور .. نوف صارت قريبه حيل من العنود خاصه بعد حادثة هديل و صارو ينامون سوى بنفس الغرفه والسرير هذا خلاهم يتقربون اكثر واكثر ******اليوم زواج مها ******* |
البارت السابع والعشرون ـــــــــــــــــــــــــــــــــــ ******اليوم زواج مها ******* ساره :الزفه بيشغلونها الحين يالله تعالي حتى تنزفين مها اللي حاسه انها تنزف لقبرها تمشي معهم مسيره مو مخيره سكرو الاضاءه وجهو النور جهت الممر أقبلت تمشي ومشيتها كنه الخيل ... ترفل وابوها بالمعزه حماها مثل المطر شفافة كنها سهيل ... أو وَجْنَةْ القمرا بعالي سماها مزيونةٍ فيها النواعس مظاليل ... كن الليالي ماخذه من مساها شفَّافةْ الخدّين في غنجها تميل ... كن النسايم ميّلتها معاها وجناتها تشبه ورود الأكاليل ... ورده نديَّه والبنفسج شذاها دانه ثمينه ما لها من مواصيل ... تسبي العقول ونايفٍ مستواها وصلت للكوشه وهي تحس نفسها مخنوقه ماعاد فيه امل صارت لعبدالرحمن ناظرت جهت امها اللي راسمه الابتسامه العريضه بفرح ..لفت نظرها لطاوله قريبه من الكوشه شافت خواتها متغطيات معهم نوف والهنوف .. تمنت تقوم من مكانها وتروح لهن تقول ما ابي اتركم امي اجبرتني عليها قطع عليها اعلانهم دخلت العريس ..دخل هو وابو ماجد وخالد وتركي وقفت ضمت ابوها ماتحملت كاابرت بمافيه الكفايه جتها ساره : مها وش فيك ؟ اكيد هذا التوتر ياقلبي ..خلاص امسكي نفسك الحين نخليكم تطلعون مها حركت راسها بالموافقه اعلنو خروج العروس والعريس خواتها ماقدرو يتحملون طلعو بعد ما بكو وداعها ومن ضمنه العنود رجعو للبيت عهود رفضت تنام ببيبت ابوها ونامت مع نوف والعنود في الغرفه ــــــــــــــــــــــ انا واضح معاك من البدايه أحسب ان الزمن على الكيف جاني جروحك للأسف جت من ورايه وحظي اللي رفعني لك رمانــي اليوم الثاني اليوم الموعود نزل من فوق شافها بالصاله هي واخته ونوف يضحكون ويعلقون على اشكال بعض يوم الزواج ماجد: السلام عليكم الكل : وعليكم السلام ماجد : وشلون العرس البارح نوف : لو تشوف خالي شوي ويركض من السرعه ههههههههههه عهود : يفششل بصراحه *كنت اناظرها انتظرها تتكلم لكن التزمت السكوت كأنها تعاندني حاولت اعلق و ادخل في حوارت مختلفه لكن هي كأنها ماتسمع ..كنت ابي اعرف او اجس نبضها وش قرارها بدون ماتصرح خفت التصريح يذبحني ان كان الرفض ..شهر وانا احاول اتقرب منها مالقيت منها الا الصد والهجران ..رجعت لواقعي يوم قالت عهود من بيوديهم المطار حتى يسافرون لجده (عبدالرحمن ماعنده ماده حتى يسافرللخارج )قلت انا وياليتني ماقلته آآآآآآآآآآه العنود : متى رحلتهم؟ عهود : 6المغرب العنود : بيمديك تجي وتوديهم؟ ماجد : اجي !! العنود : ايه تجي والا نسيت !؟ ماجد :مانسيت بس ظنيت انك غيرتي رايك . العنود : ماغيرته ولا راح اغيره ماجد حرك راسه بالموافقه وقام *قمت منها بعد ما اعلنت موتي ايه موتي بعدها عني بالنسبه لي موت مافيه احد يعيش بدون روحه وانا روحي بتروح مني ...مدري وين قادتني رجولي ماحسيت الا وانا واقف عند بابه دقيت بابه ودخلني حسيت نفسي بحاجه لحضنه يحتويني يخفف عني هو الوحيد اللي الجأله في ضيقي حطيت راسي بحضنه بكيت ايه بكيت صحيح ان الرجال عيب تنزل دمعته لكن انا اللي احس فيه اكبر من اني اقدر امنع دموعي حسيت نفسي محتاج لها الشىء قلت له وانا تغلبني العبره انا خسرت حياتي يبه خسرتها ..طالعني بنظرات متفاجىء وهو كأنه يبيني اكمل قلت له يبه العنود تبي الطلاق ومصره عليه حاولت امنعها لكن ماقدرت انا السبب يبه انا غلطت في حقها وغلطه موسهله واعتذرت لكن ماقبلت عذري ..يبه حياتي بدونها يعني موتي انا ما اقدر اعيش بدونها طلبتك يبه سو اي شىء يمنع طلاقنا رجعت ادفن وجهي بحضنه وملامح وجه ابوي كان باين عليها اثار الدهشه ..ما الومه وعدته احافظ عليها بس خنت وعدي آآآآآآآه ليت الايام ترجع والله لاصلح غلطتي .. ـــــــــــ دخل وهو ثاااير ويسب ويشتم ويصفق بالباب ام خالد : بسم الله علي وش فيك انت صااحي ؟ عبدالله : الكلــــــــــــ معهن جوالات ؟؟ ام خالد مرتاعه : يويلي منهن ؟؟ عبدالله : نجوودوه ونجيلا وسويره ام خالد : لا ماعندهن عبدالله : الا عندهن ويكلمن شباااااب الله يلعــــــــــ... ام خالد : ياولدي اذكر الله البنات سحبت جوالاتهن من مبطي عبدالله :وانتي وش دراتس ؟؟ ام خالد : انا عرفت ومن درن امهاتهن بالسوالف سحبنها والبنات خلاااااص قدهن تافلات العافيه عبدالله وهو يضرب قبضة يده في كف يده الثانيه : ااااااااااه ليت لي سلطه عليهن والله لاكفخهن لين الوحده منهن تقرط في الارض بس اااااخ ماباليد حيله ام خالد : الله يهديك يارب عبدالله :من متى سالفتهن الخسيسات الله يجعلهن ال... ام خالد : انت وراك تدعي تقول عجوز وخذ شونها (مصروفها من الشؤن الاجتماعيه) عبدالله : بلاي القهر الشباب يحكون فيهن ويتغامزون ويتهامزون وين اودي وجهي ام خالد : هذولي ورعات طايشات عبدالله : جعلهن الصرع يومهن ورعات وراهم يعطونهن الجوالات ـــــــــ ابو ماجد : انت وعدت انك تنفذ رغبتها ماجد :ايه ابوماجد : خلاص نفذ ماجد يطالع ابوه بنظرات رجاء ابو ماجد : ما اقدر اتدخل انت وعدتها والا بتخلف بعد وعدك ماجد غمض عيونه بالم وندم مسح وجهه وقام بثقل : بروح انفذ وعدي ابو ماجد اللي يراقب ولده وقلبه يعتصر حزن على شكل ولده وهمه بس مابيده حيله *طلعت من ابوي وانا جيت له ابي منه عون لي بس طلعت وانا زايده همومي دخلت عليهم قلت لها تجهز راحت وطلعت شنطها واغراضها وحطتهم بالسياره وانا صعدت لغرفتي غرفتي اللي فقدت الحياه من تركتها فتحت الدرج لقيتها ناسيه البوم صور زواجنا وشريط الفيديو خليته على الاقل فيه شىء عندي منها ..نزلت لقيتها مع عهود ونوف يبكون قلت لها يالله انتظرك بالسياره طلعت لحقتني بعد ماسلمت على ابوي ووادعته ركبت جنبي تحركنا من بيتنا لين وصلنا قرية اهلها كنا ملتزمين الصمت طول الطريق السياره مافيها صوت غير صوت النفس قربت من بيت اهلها احس نفسي خلاص موقادر امثل القوه اكثر انفجرت مسكت يدها طلبتها تسامحني وتصفح زلتي نزلت دموعي غصب عني ماقدرت امنعها حاولت وحاولت لكن ردها لي اخرسني عن الكلام . قلب ذبحته بالغدر صار ينساك والنفس عافت من عذابك وعدها أنا الذي تلعب بقلبه وخلاك وأنا الذي عنك المواجع حشدها باحرق بقايا مابقا من خطاياك واطوي صروح بالحشا تعتقدها نزلت ونزلت انا بعدها بشوي سلمت على ابوها وامها وطلعت من عندهم وتارك روحي عندهم ..كنت افكر في كلامها اللي قالته النفس عافتني !!تعتقد اني العب بقلبها !!ذبحتها غدر بس انا ماغدرت فيهااا والله ماغدرت ! ياخــذك ..يا دمعــةٍ طاحــت على خد المواجــه ما عرفتي تصبــرين اليــن ما عينــه تروح ؟ و الله اني ما قصدت بدمعــتي يا قلــب حاجه بس فاجأني بغلاهْ ..و صممت عيني تبوح.! *دخلت بيت اهلي وانافيني الضيقه احبه بس هو جرحني ماقدرت اتحمل قسوته وظلمه لي شفت دموعه و حزنه وضعفه ولهفه على رجعتي له كنت بهون عن قراري بس تذكرت نظرته لي وهو يقول ساحره تذكرت يده يوم رفعها في وجهي ويقول راعيت اطباب ..سلمت على اهلي وقعدت معهم شوي وقمت منهم تعذرت لهم بالتعب وانا تعبي نفسي دااخلي مو جسدي آآآآه ياماجد شف اخر الشك وش سوى فينا كل منا في طريق.. ــــــــ ام ماجد : كلوووووووووووووليش هذا يوم السعد هذا اول الخير من عقب عرس مهاوي كلوووووووووووووووووليش عهود ونوف نزلو من الدرج يركضون عهود : يمه وش السالفه ؟ ام ماجد وابتساامه واااسعه :اخيرآ ذلفت مرت اخوك النسره ذلفت نوف : وكل هذا عشان العنود راحت ! ام ماجد: ليه مو هذا اللي تبينه ؟ نوف : كنت ما ابيها اول لكن الحين ابيها ترجع ام ماجد: ام الاطباب سحرتك عهود : يمه اذكرك ؟؟ ام ماجد : انتي تنطمين تراني مقهووووووره منك والا جايك سالم ورفضتيه؟؟من بيخطبك ياحظي وانتي محد يشوفك من مرضاك للبيت ؟ عهود : آسفه ماعرف انه سالم ام ماجد: تطنزين انتي مع وجهك عهود : ابغى اعرف انتي امي والا ام سالم ؟ !! سالم راعي كاس تبين تزوجيني لراعي مخدرات ! ام ماجد : تزوجيه وعقليه عهود : اعقله !!!! اقول بروح غرفتي قبل انجلط ام ماجد: تقلعي ماشفت منك يالعوباء خير.......هييييييييييييييه بقولك ان ماخذيتيه لا انتي بنتي ولا انا امتك لين يوم الدين !! عهود:اذا تبين كذا على راحتك اهم شىء راحتك لكن اذبح عمري وارضي غيري في شىء لايقبله لا عقل ولادين ولا منطق انا ما ابيه ام ماجد : انتي وش تهذرين على راسي عهود: انا وسويلم الرخمه مانصلح لبعض ام ماجد وطت وفصخت جزمتها تكرمون ورمتها على عهود اللي هربت لغرفتها ـــــــــــــ *دخلت علينا وجهها كان باين عليه الحزن حاولت تخفيها بتعليقاتها اللي تحاول ترسم البسمه على وجيهنا كان جنبها يناظر سوالفها ونظرته فيها الم وضعف اعتذرت منا وهي تعذر بالطرق والتعب عليها لكن مو هذا السبب الحقيقي هي تبي تبتعد عنا حتى تخلا بنفسها اعرفها هذي طبيعتها من زمان قامت منا وحركتها ثقيله ..اما ماجد ما انتظر بعدها سلم وطلع بسرعه كانه خايف من شىء او هروب مدري بس اسغربت حركته هو بالعاده ثقيل بتعامله وحركاته راكد .. اللي حولي كل واحد يظن بشىء اللي يقول زعلانانين واللي يقول لا العنود يمكن هذا شهرها واللي يقول يمكن عند ماجد انتداب في مكان كلن يعطي تبرير من عقله ازعجوني قلت بنبرتي المعتاده حتى اسكتهم :العنود هذا بيتها جت زعلانه والاغيره انتم مالكم كلمه عليها وانا حي واياني واياكم احد يروح يحشر مناخره في اللي ماله فيه ان حكت عليكم زين وان ماحكت احترمو رغبتها ولاتجبرونها سكتوا وشفت على ملامحهم الرضى بكلامي الا عبدالله اللي مايطيق ماجد لانه الى الان مازال متسمم بأفكار شيبانا الاولين وان زوجنا اخته من خارج القبيله !! ــــــــــــــــ * دخلت غرفتي وانا اتذكر ايامي فيها تذكرت سهراتي ان وريم تذكرت اخر مره جيت هنااا من تقريبآمن ثلاث شهور كنت ممنوعه اصعد لغرفتي ..التفت جهت طاولتي هذا لاب توبي في مكانه شكل محد استخدمه !فتحت نافذه على الجهه الغربيه اتابع غروب الشمس يحسسني بالكئابه والهروب مدري لكن مو مثل الليل خاصه لرفعت بصري لسماء وشفت على صفحتها نجوم تزينها ببريقها والقمر في تمامه يالله هذا منظره رووووعه بالنسبه لي رجعت لواقعي بعد ماحسيت بلفحات هواء بارده على وجهي سكرت النافذه وتمددت على سريري آه ظهري عورني من طول الوقفه لفيت الجهه الثانيه ..اطلقت زفرات تنهيد مديت يدي اتحسس المكان اللي جنبي كان ينام جنبي ويحكي عن مرضاه خاصه كبار السن اللي يكونون وصلو لسن التخريف والهذيان لانهم يكسرون خاطره مايقدرون يشكون بمرضهم في احد الايام جاء ومره متضايق قال لي عن عجوز مسنه يدفونها بعربيه اللي يدفها حفيدها ومعه امه اما العجوز فكانت تصدر صوت من فمهاا بشكل شبه متواصل من الانين كانها بتقول شىء سئلت زوجة ولدها عن هالحاله الغريبه ردت علي ان الاطباء يقولون هذا طريقتها بالعبير ولما كنت احط السماعه عليها او المسها توقف عن اصدار الصوت !..و بعد شوي ترجع لنفس الصوت ..غمضت عيوني ورجعت اتذكروش قال لي اليوم قال انه يحبني ويبيني ماحسيت بنفسي الاو انا اضم يدي اللي مسكها لصدري قطع على الجوال افكاري رفعت شفت اسمه ترددت ..:الووووو ماجد:......... العنود :ماجد ماجد بصوت ضعيف : لبيه العنود بضيقه : فيك شىء ماجد : اشتقت لك .. العنود..... ماجد : متى بتحنين علي وترجعين العنود : ماجد خلصنا من هالموال ماجد بعد صمت : اكلمك بعدين انا تعبان الحين ..(سكرت الخط ما انتظرت منها اي رد خفت تقول لي لاعاد تدق ) سكر الجوال وهو حاس نفسه تايه راح لبيت ابوه ودخل غرفته القديمه (دخلت غرفتي وارتميت على سريري حسيت نفسي غريب وانا في غرفتي رفعت نظري لسقف وانا اتذكر ايامي معها غمضت عيوني وانا مافي نوم بس ابغى اهرب بخيالي من واقعي المر ماحسيت بنفسي الا وانا غاط في النوم .. ماجاء على بالــــي خطاك انت بالذات لاتعتذر كافي يجي منك اكثر مات الغــــرام اللي لك بداخلي مات معاد ينفعك العذر لو تعذر مقـدر خلاص اتحمـــــل اليوم غلطات مكذب عليك انا بديت اتغير بسكات انا جيتك وابروح بسكات ببعـــد وقول هذا مقــــدر قصرت وسواتك معي ماهي سوات هذامع اني فيك ماكنـــــت أقصر طوفــــت لك مره ومره ومرات صبرت بس اليـوم ماظنـــــي اصبر واليوم انا نـــــادم على كل مافات لاتعتـذر مدام عذرك تأخر هذا جزاي اعطـــــي و لااقول لك هات انا اللي استاهل يجـــــي منك اكثر ــــــــــــــ بعد كم يوم في جده بأحدى الشقق عطيني فلوووووووس ؟ :مامعي من اليو اقولك مامعي :مهيووووووو عطيني فلوس قبل اكفختس الشقه يبي راعيها الاجاار مها : انت الرجال مو انا وانا من وين لي فلوس عبدالرحمن:لا والله جبتي شىء جديد انا عاااااارف اني الرجال والمره السنعه هي اللي تساعد رجلها في المصاريف مها :وانا من وين اساعدك ؟؟ عبدالرحمن : اسحبي من الصرافه انتي مدرسه ويجيك راتب وش كثره مها : بس الصرافه مو معي عبدالرحمن بصراخ : وشووووووووووانتي وش تقولين مها تغطي وجها : الصرافه مع خالد خذاها مني عبدالرحمن وهو يصك على اسنانه : وش يبي منها خوووويلد ؟ مها : يقول بيجددها لانها قربت تنتهي عبدالرحمن : ها قربت تنتهي وعلى حظي خذاها خويلد هييين اوريك مها : وش بتسوي ؟؟ عبدالرحمن : اكلي تبن لك وجه تحكين <<قطع عليهم صوت جوالها مها : الوووو :هلاا كيفك؟ مها : من ؟ :انا واحد ضايقه في دنياه وابغى استشيرك مها اللي فتحت عيونها وردت برتبااك : غــ لــ ط اان :تكفيييييييين اسمعي سالفتي مها سكر الخط وهي تنتفض عبدالرحمن : من هاللي يتصل ؟ مها بخوف تبلع ريقها : غلـ طان عبدالرحمن والشرار يطاير من عيونه : غلطان والا ولهاان ؟ مها : وشووو عببدالرحمن : وجعوووو هااتي الجوال انتي اصلن منتي ثقه يكون معتس جوال سحب الجوال منها مها : انت وش تسوي ؟ عبدالرحمن : ببيع جوالك واسدد الشقه عساه يجيب قيمتها مها : حرام عليك جهازي جديد وابغاه عبدالرحمن : عشان تكلمين الولهان ياكلـــــــ والا غيره مها : وش ولهانه انا ما اكلم الا خواتي عبدالرحمن : كذااااااااااااااابه واللي من شوي مها : واحد غلطاااااااااان <<دق جوالها مره ثانيه عبدالرحمن : اظنه العاشق الولها من جديد يكلم !؟ مها : انت الحين تكذب الكذبه وتصدقها عبدالرحمن : اقطعي ولا اسمع لك صوت بعد تقولين تكذب (رفع يده ومسكها مع شعرها جوالك هذا انسيه فاهمه انسيه با ابيعه وان عرفت انك قايله لاحد بنسفك عن وجه الارض فاهمه مها وهي ماسكه قبضة يده اللي على شعرها وهي تبكي بصمت :آآآي خلااص ماراح اقول بس اتركني دفها بقوه وصقع وجها بالكنبه اللي قدامها وتركها وطلع ..تركها تنثر الدمع ..(الله يسامحك يمه الله يسامحك ) ـــــــــــــــــــ ام ماجد : انت صاير تنام هنا؟ ماجد : ايه ام ماجد : خلااص وانا امك العوض في البيوت ماجد بنرفزه : ما ابي عوض فيها وياليت تشيليني من بالك ام ماجد: راعية الاطباب قدرت عليك ماجد رفع حاجبه بأستغرب : انتي الحين مصدقه كلامك ...ماله داعي ننبش اللي فات يكفي اللي حصل بأسبابه ام ماجد : ايه ما الومك تبكبكت عندك وقالت مظلوووومه اتهمتني وصدقتها واكيد جابت كات(الخااادمه) لكم بعد ما ارشتها فلوووس ونسفتها بنت بليس على امك ياواحسافه تربيتي وشيلي لك آآآخ انا اربي وغيري له الغلا والحشيمه ماجد اللي فاتح عيونه : كااااات وش هالكلام اللي تخربطينه !!...اصلن انتي اللي علمتي على نفسك واعترفتي بلسانك وانتي تحكين مع شينة الحلايا جويهر وكل شىء دار بينكم انسمع ..فماله داعي تتهمين غيرك لاكات والعنوووود ام ماجد: من اللي سمعني ؟ ماجد :ليه وش بتسوين فيه ؟ ام ماجد : ابيه يواجهني ويقول هالكلام قدامي <<<<انا اللي سمعتك ام ماجد : انت !!!! خالد : ايه اناااا سمعت كل الكلام ولا تجحدين لاني سامعه من طقطق الى السلام عليكم واعترااااااافك صريح ام ماجد :تجسس على ياخالد انا امك خالد : امي الحين تقولين امك !!!وينك يوم تتهمين مرت ولـــــــــدك ياأم ماجد بالسحر والاطباب بالبااااطل ؟؟وينك يوم تجبرين مها على الزواج من عبدالرحمن وتهددينها انك تبرين منها !!؟ وين عن ساره اللي جتك تشكي من ام عبدالرحمن ظلمها وقفتي مع ام عبدالرحمن ضد بنتك كلللله عشان تعرفك على شلت الانس زوجة الملياردير عساف وؤجل الاعمال التاجر صالح وغيرهم من الطبقه الاستقراطيه او المخمليه اللي تشوفين نفسك اقل منهن !! ماجد منصدم : مجبره مها على عبدالرحمن ؟؟؟؟؟؟؟؟ ام ماجد بعصبيه : انت تلااااااايط من جيت وانت تقول رادو مشتغل على راسي ..ايه ابيغى اكون معهن خلني اشوف وشلون عايشين هالناس بشوف نفسي اول حياتي وانا مقابلتكم لارحت ولاجيت واخر حياتي بتحرموني ؟؟ خالد : الله واكبر اللي يسمعك يقول ماتطلع يمه انتي من جدك تكلمين وين هالكلام يوم تركي تشنج علينا من الحراره وانتي وين كنتي فيه ؟؟؟ هاه ؟؟ اذكرك كنتي في عرس بنت رفيقتك فطوم !! ووين كنتي يوم يوم انكسرت يد عهود بنتك انكسرت يدها بالصباح ومنومه بالمستشفى وانتي بالليل رايحه لجمعت شلتك ومحذرتنا لحد يعرف بكسر عهود اليوم حتى محد ينقد عليك يعني عارفه انه عيب وغلط بس ماتقدرين تتركينهن !! ماجد : خلاااص ياخالد خالد : وش اسوي شىء مايطاق كل ماشافتنا عادت هالكلام لنا اناربيت وانا حملت وانا سهرت وانا حرمت نفسي لذيذ النوم وانتم مصاخين كل الحريم يسون كذا لكن هي بصيغه مبااااااااالغه وفوق هذا ماتعترف حنا غلط وهي صح هدمت بيتك ومها الحين مثلك وبتكمل علينا يالباقين ام ماجد تصفق بقهر : وانت يومك تعرف هالعلوم ما تعلمت احترام امك !؟ خالد : امي على عيني وعلى راسي لكن اذا امي غلطانه ما اطيعها في غلطها صح !! ام ماجد : انا ماغلطت انا ادور مصلحتكم خالد : مصلحتناااااااا!! اي مصلحه تزوجين بنتك واحد مايدري عن هوى داره !!واحد من اول اسبوع باع جوالها حتى يسدد ايجار شقته !!مصلحه تحرمين ولدك من زوجته وولده !!...تدرين وش اللي استفدته من نصايحك انا ننجح بدراستنا رغم انها حوافزك لاتخلو على قولتهم من كلمات ويقلد صوتهاحركتها اللي كانت تسويها (ها ياعيالي انجحو ارفعو راسي قداااام ام سند وخلوني لاقالو نجحو اقول ايه ممتازين ولا رحت عند ام صقر قلت وانا مفتخره انكم تنجحون وتجيبون دراجات زينه حتى اعلمها ان عيالها فاشلين وعيالي ناجحين !! واخليها تحسف انها ماعزمتني على حفلة خطوبة بنتها لاسويت حفلة نجاحكم وماعزمتها !!! ام ماجد : ايه اجل عااازمه كل الجيران ومخليتني ابي اقهرها مثل ماتقهرني خالد بقل حيله يلتفت على ماجد : استلم مااااااافيه امل امك راسها يااااااابس(وصار يضرب كف بكف ) <<تركهم وطلع منقهر من تصرف امه ماجد : انتي اجبرتي مها على العرس بعد الرحمن !!!!!!!؟ ام ماجد : ايه هي وصيه لاتنسى!! ماجد : وصيه يمه انتي تكلمين من صدقك الحين انتو يالكبار تقولون فلان لفلانه تعتبرونها وصيه ؟؟ انتي ليــــه سويتي كذا ؟؟ ام ماجد بنرفزه : لاااااااا تعال طقني انت واخوك ؟؟ ماجد قام وباس اسها : محشومه .<تركها وطلع ــــــــــــــــــ ـــــــــ العنود : ماشالله الله يهدي ام نواف وام محمد وبناتهن ريم : ذيل الكلب عمره مايعتدل العنود : ليه ؟ ريم : لاتغرك المظاهر والله كنت مثلك توقعتهن يعقلن بعد اللي صار العنود : هذا هن وش حليلهن ريم : ديكور العنود : اعوذ بالله ريم : اعوذ بالله هذا اللي شوه المسلمين حسبي الله عليهم العنود : الله يهديهم .. ريم : آمين ام خالد:قومن البسن بنروح نشتري دفع عبدالله العنود : الحيييين !! ام خالد : الحين بنروح ونمرح بالرياض العنود : اذا رحت الرياض بمرح في بيتي <<تحرك حواجبها ريم : معصيييي تبين ذا والله مايحصل العنود : لاتحلفين ريم : والله مايحصل ـــــــــــ بعد مرور ثلاث اسابيع ** ــــــــــــــ |
البارت الثامن والعشرون ـــــــــــــــــــــــــــــــــــــــــــــــ لبست عباتها وطلعت ركبت سيارتها وقالت لسايق عن المكان الي تروح له وهي تتوعد وتتعهد اناااا تقولون لي كذااا وصلت للبيت نزلت بخطى ثقيله دخلت البيت بدون ماتطق لانها مسويه مفاجئه حلووووه اليوم انا جااايه اعلن عن خطبتي لماجد اخيرآ بحقق حلمي واجمع شمل جواهر بماجد تنفست بعمق وشقت ابتسامه واسعه راضيه بقرارها اللي تخطط له من زماااان الحين بكسر خشمك يالقرويه يالمعفنه اجل اناااا صيته تقولين عني بلونه !!!؟انا بلووونه ؟؟ هيييييييين الحين اعلمك من الفارغه من جوى ...صعدت درجات المدخل الخارجي فتحت الباب ..شد انتبهها صوت الصرخاااااات المتتاليه والانييييييين تحركت بسرعه بعرجتها بغت تطيح اكثر من مره بسم الله سلمها شافت منظر يهز النفس من داخل مها في الزاويه وتنضرب من عبدالرحمن ووجها مو واضح من الدم وجواهر بصوتها المرتفع : طقهااااا الكلبه تكلمه انا سامعتها تغزل فيه ماتشوفها رفضتك بالبدايه ماتبيك عشان حبيب القلب مها بصوتها الباكي :حرام عليك انا ما سويت اللي قلتي عليه جتها ضربه على بطنها من عبدالرحمن صرخت بصوت مرتفع من شدة الالم آآآآآآآآآآآي ..ماتحملت امها تشوفها بها المنظر بسسسسسسسسسسس انت واياها حرام عليكم ذبحتو بنتي حسبي الله عليكم جواهر والتحريض المستمر: عمتي بنتك بتفضحنا تكلم عبدالرحمن وهو يصك على اسنانه : الواطيه وتحب و.. ام ماجد : اكل تبن انت وايا اختك مها ماتسويها بنتي واعرفها مالك شغل طلعت جوالها واتصلت بخالد وقالت له يجي بسرررعه لبيت خاله جواهر : انتي الحين مكلمه خالد عشان يعرف بفضيحة بنتك ؟؟ بيذبحها لو عرف ام ماجد : مها يمه يعورك شىء مها بصوت متقطع ودموع تنزل :يمـــ ـــــه لا تتــــ ـــركيـــ ـني ام ماجد :ماراح اتركك رجلي على رجلك عبدالرحمن :تكتف مرتي ماتطلع من بيتي بدون شوري وانا ماني موافق تطلع وان عتبت باب البيت احش رجولها مر وقت عليهم ومها تتلوى من الالم وتأن وام ماجد تحاول تهدي فيهاااا وهي تبكي من منظر بنتها المزري حس ان خالد تأخر عليها والوقت يضيع عليها خاص بعد هدؤ مها دق جوال ام ماجد :هلا يمه تعال لي في المقلط انا فيه تعااااال بسرعه خالد: امي تقول تعال بسررعه شكل فيه بلوى دخلووو وشافو مها والدم ينزل من فمها ومغطي جزء كبير من وجها ركضو جهتها رفعوها ماجد حاول يوقف الدم بتسكير الجرح مسك شماغه وصار يقطعه اجزاء خالد : من سوى كذا فيها يمه ؟ عبدالرحمن : انااااااااا خالدانقهر من عجرفت وغرور ووقاحت عبدالرحمن : ماحس الا لكمه سددها على عبدالرحمن وابتدت بينهم مناوشات من الطق جواهر اللي طلعت تلبس عباتها بعد ما قالت ام ماجد لولدها انها بالمقلط ولازم يدخلون لهم انها بالمقلط رجعت شافت خالد فوق عبدالرحمن ويطقه دفته جواهر حتى يطيح قام عبدالرحمن وصارفوق خالد وصار يوجه له ضربات متتاليه حاول خالد يبعده مس ماقدر بثقله جالس عليه اما ام ماجد اللي شافت حركة جواهر جت بتسوي نفسها لكن جواهر دفتها على ظهرها وطاحت ماجد اللي كان معطي الهوشه ظهر ويقطع شماغه لاكتر من قطعه يربط فيها راس اختها ويدها اللي تقول انها ماتحس فيها كانها مخدره من قو الضرب ولانه خايف على اخته من كثرت النزيف صار يسكر الجروح بشماغه خايف من كثرالنزيف يأثر على اخته لكن صرخت امه وخالد خلته يلتفت عليهم قومها وانهال على عبدالرحمن بالضربات متتاليه باليد ين شافته جواهر حاولت تهرب لكن خالد كان اسرع منهامسكه ونزل عليها ضرب مثل ماضربو اخته ودفت امه ..بعد ماصار جواهر تأن من الالم هي وعبدالرحمن قام ماجد وبصوت جهوري :اسمع بكره تكون في المحكمه تطلق اختي فاهم ؟؟ عبدالرحمن : لااااا انا ابيها ماجد : الساعه تسع تكون هناك ان ماشفتك فيه تأكد اني اقدر اخذ ورقتها غصب بس بعد ما تكون سيرتك على كل لسان عبدالرحمن : واختك بعد بتكون سيرتها على كل لسان مها بخوف: ماجد لاتصدقه كذاب اخته مو انااا جواهر وهي تبكي وتأن من الالم :يالكذااااابه انا اصلن ماانزل لها المستوى ماجد : صح انتي مستواك استراحات وشباب وافلام خلاعه جواهر الجمتها الصدمه وماكانت صدمت خالد وامه اقل منها عبدالرحمن : انكتم في بيتي وتسب اختي واتتهمها بعرضها ماجد: انا ما اتهمها اسئلها عن وليدبن فهد واستراحته اللي داهمتهم فيها الشرطه واللي طلعها اخوك سالم نزل وشال اخته بين يديه وامها قال لخالد يسندها نادا الشعاله وغطها بالعبايه ونومها بالسياره بالمرتبه الخلفيه وركب وراح للمستشفى اما خالد خذا امها وراح بها للبيت في المستشفى بعد التحاليل والاشاعه اثبتت النتايج ان عندها كسر باليد ..وكدمات ورضوض متفرقه بالجسم ـــــــــ اما في قريه قريبه من الرياض في غرفتها تحس بالالم يضربها يشتد في بطنها ويخف ثواني ويعاود الشده طلعت من غرفتها وهي خاايفه تكون اعراضها ام خالد : وين بتروحين ؟ العنود: بروح امشي بالحوش ام خالد : تونسين شىء ؟ العنود : لا مافيني الا العافيه ام خالد : الحمدلله نزلت بخطوات ثقيله مشت مسافه لابأس بها زاد الالم ماعاد فيها تحمل اكثر قالت للخادمه تنادي امها العنود: يمه انا بروح المستشفى ام خالد ببلاهه : ليه العنود :يمه انا تعبانه بكت ام خالد خذت جوالها دقت على وبلغته ابو خالد : البسو عبيكن انا بوديكم لرياض لبسن العبي خذو شنطة العنود اللي مجهزينها واتجهو لاحد مستشفيات الرياض ــــــــــــ تعااااااااالي ياكلـ.. وش اللي سمعته ؟؟ جواهر : انت تصدقهم وتكذبني انا اختك هم يردووون عليك بنفس طريقتك حتى يشككونك في عبدالرحمن : جواهر بلاااا كذب انا اعرفك واعرف ماجد جواهر تبكي : لا ماتعرفه زيين عشانك كشفت اخته يبغى يقلب السالفه علي عبدالرحمن :هين اوريك يالملعـــ.. تتهم اختي بعرضها ان خليتك تندم ما اكون ولد عبدالله .. ــــــــــــــــ السلام عليكم ام ماجد : هلا وعليكم السلام ابو ماجد : ماجد وشلون اختك الحين ؟ ماجد: بخير ابو ماجد مسك شماغه وصعد فوق يالله تصبحون على خير الكل : وانت من اهله ام ماجد: متى بطلع اختك ماجد : بعد كم يوم ...الا انتي وش موديك لبيتهم ؟ ام ماجد بتلعثم : هاه ..اشوف اختك ماجد بحزم : وش موديك لهم ؟؟ ام ماجد : تبي الصراحه رايحه اخطب لك جواهر ماجد : حلووووووو تخطبين لي اقصد تدبسيني بالعرس ام ماجد : كنت احسبها انسب وحده لك بدال هالقرويه ماجد : اسمعي انا سكوتي كل هالمده كان احترام لك ما ابي ارفع صوتي عليك وكنت ابغاك تفهمين لكن شكلي بصرح انا غير العنود ماراح اخذ وابشرك العنود رافضتني يمه رفضتني والبركه في تخطيطاتك ..عمري ما تخيلت ان فيه ام تكره سعادت ولدها كثرك ام ماجد : انااا اكره سعادتك !! ماجد : اجل وش تسمين حركاتك !؟ حب ! ام ماجد : عشاني ادور مصلحتك قلت اكره سعادتك ماجد : سعادتي مع الانسانه اللي انا ارتاح معها ام ماجد : الحين القرويه اللي مو من مستوانا تقول سعادتك معها ماجد :وش قياسك على المستوى ؟؟قبيله ؟؟تراهم مثلنامن قبيله معروفه ...واذا على الماده عندهم خير ام ماجد بقرف:الحين تساوينا بذولا ماجد :ذولا اللي تكلمين عنهم عندهم على كثر خيرهم ماتكبرووو مثل غيرهم طفران ومتكبر !! ام ماجد بقهر: عرفو من يناسبون محامي عنهم وعن بنتهم ماجد : الحين يوم قلت الحقيقه صرت محااامي ؟!!!!!! بعدين ليه تسوين فيها كذاا ام ماجد : مااطيقهااااااااا اكرهها ماتليق لنااااا ماجد :وش فينا زوووود !!!!!!!!!!!...انا شكلي مطول وماراح تقتنعين الا اللي براسك! ـــــــــــــــــــ بعد 13ساعه هذا اني حيه ما متي ؟؟ مها مفزوعه : انت وش جابك :جاي اتطمن عليك مها : تطمن علي والا ..(سكتت خافت من نظراته) :والا وشو مها :..... :اسمعي الشيخ يقول بعد اسبوع تعالووو يبغاني افكراذا اطلقك او لا وانا ما ابغااااه وانتي بعد ماتبغينه فاااهمه وش اقصد مها ببلاهه : لا عبدالرحمن يصك على اسنانه :اسمعي يالغبيـــه اقنعي اهلك وبالذات مجيدوخويلد انك ماتبغين الطلااااق و(رفع اصبعه بوجها)الا ياويلك مني انتي واخوانك مها بخوف : وش بتسوي ؟ عبدالرحمن :اقدر ادبس فيهم تهم تدخلهم السجن كم سنه (ورفع ظهر كفه وصار يحركه عند خشمه ) مها فتحت عيونها بقوه : بتتهمهم بالمخدرات عبدالرحمن : هذا اقل شىء اسويه <<تركها وهي في حالة ذهول ممزوجه بخوف عبدالرحمن بيدخلهم السجن يمكن يسويها ويفقدون وظايفهم خاصه خالد اللي وظيفته حساسه ..عبدالرحمن ما استبد عليه شىء وقح وحرامي ومدمن كلها فيه .... وشلونك الحين مهاوي ؟ مها :هاااا .. الحمدلله ماجد :وش فيك ؟ مها : لا ولا شىء ماجد : قالك الدكتور انك بتجلسين هنا كم يوم مها: الله يعيني ماجد : خلاص انا بروح اقول لهم يحطونك بغرفه خاصه حتى مايخلون معك احد بالغرفه يضايقك مها : لاا ماجد..خلني هنا لو احد جااء يسليني لا ازهق لحالي اللي طلعت من شوي والله حسيت بعدها بالملل وانا ماقعدت معها الا ساعه ونص ماجد : على راحتك ــــــــــــــــ في احد غرف المستشفى اعلنت صرخات قدوم مولود جديد وقفت ام خالد تنتظر احد يطلع عليها من الغرفه طلعت ممرضه الف مبروووك ولد ام خالد: طيب العنود وشلونها الممرض : العنود طيبه شوي ويطلعونها..الحمدلله على سلامتها ام خالد بفرحه :الله يسلمك ..رفعت جوالها ودقت على ابو خالد ابو خالد : هلاا ام خالد : ابشرك جابت ولد وهي طيبه ابو خالد : الحمدلله الله يصلحه..سكر منها ورفع الجوال على ماجد ماجد :هلااااا ابو خالد :السلام عليكم ماجد : وعليكم السلام هلاا عمي شلونك ابو خالد : بخير شلونك انت ؟ ماجد : الحمدلله ابو خالد : انت وينك فيه ؟ ماجد : في المستشفى ليه فيه شىء ابو خالد : مبروك ماجالك ماجد :...... ابو خالد : الوووو ماجد :العنود ولدت ؟ ابو خالد: ايه جابت ولد ماجد بفرحه : وينها فيه ابو خالد : والده يعني وين بتكون في المستشفى ماجد يضحك : ايه اقصد اي مستشفى ابو خالد : في مستشفاك اللي تشتغل فيها ماجد : انا الحين فيها بجي لكم ابو خالد :مع السلامه ماجد : مع السلامه ماجد اتصل في ابوه وبشره وفي امه وساره ..راح بسرررعه لغرفة مها حتى يبلغها بالخبر فرحت له وباركت له كانت عهود عندها اللي قامت تنطنط من الفرح طلع من عندهن وهو بداخله شوووق للقياها راح لرسبشن سئل عن غرفتهااللي بلغوه ان رقم الغرفه 434 راح لها طق الباب محد رد عليه فتحه شافها نايمه قرب منها باس راسها فتحت عيونها بخفه بصوت مبحوح العنود : ماجد! ماجد : لبيه سكرت عيونها وصدت للجهه الثانيه ..طلع و كلم خالد وبلغه بالخبر فرح وبارك له استغرب من برود مااجد خالد : ليه ما احس انك فرحان ماجد : خالد البنت خلاص رافضتني رافضتني ..(سكت وبعد فتره تنهد وكمل كلام) خلاص الزواج مو غصيبه وسكر الخط *من بلغني ابوها بالخبر مدري حسيت بشعور غريب ما اقدر اوصفه بس حلووو وجديد علي ..قلت يمكن الحين تحن وترجعلي رحت ابشر ابوي وخالدوخواتي وامي اللي ماتوقعتها تفرح لي كانت تدعي لي !!رحت وسئلت عن غرفتها رحت لها وانا ولهاااااااااان عليها دقيت الباب محد رد دخلت بهدؤ عليها كانت عليها معالم التعب واضحه وطيت نفسي وبست راسها فتحت عيونها ببطء نادت علي قلت لبيه من قلتها سكرت عيونها كانها ماتبي تصدق وجودي جنبها كارهتني كارهتني وانا احبهااا الا اموت فيها ساقتني اقدامي لغرفة مدير المستشفى وطلبت اذن بالخروج وماعارض ركبت سيارتي مدري وين اروح ..خالد اللي بلغته بالخبر استغرب برودي قلته فرحتي بولدي ما اكتملت امه كارهتني وتبي فرقاي ياخالد فرااااق ماتبيني وانا ماراح اجبرها تعيش معي وماحسيت الا بدموي تنزل مدري هو شعور الضعف والا الوحده او الخساره ومدري بس اللي اعرفه اني صرت مهزوز تحطمت احلامي وامالي كان عندي امل لكن الحين خلاص يأست ... ــــــــــــــــــ ــــــــــــــــــ اليوم الثاني من يشبه ؟؟ ام خالد : توووه نتفه مابانت ملامحه ريم :يجننن بسم الله عليه راكان : يشبه ابوه صح ابو خالد: توه طراس وانتم تشبهونه العنود ترفع حاجبها: طرااس !؟ لاتكون سبه ذي انا مدري !! ابو خالد :طراس سبه هههههههههههه انطق الباب عليهم ابو خالد : من ؟ ابو ماجد : انا محمد ابو خالد : تفضل ادخل حياك دخل ابو ماجد ومعه باقة ورد ابو ماجد: السلام عليكم الكل : وعليكم السلام ابو ماجد: وشلونكم ؟ ابو خالد: بخير جعلك به ..على البركه الرجال ابوماجد: الله يبارك في عمركم تقدم جهت العنود اللي نزلت من سريرها وتحركة شوي عشان تسلم عليه ابو ماجد : وشلونك ؟ العنود : الحمدلله بخير ..وشلونك انت ؟ ابو ماجد : بخير ..التفت جهت المولود ..:الولد ما استخول (ماطلع على خواله من ناحية الشبه ) ابو خالد : لااا ماغدا لنا انتو تاكد و لايكونون مضيعين في الورع بس ابو ماجد : تهقى والله مدري لاغدا لخواله اظنه بيطلع لعمه خالد خالد اخو العنود : ياوالله النشبه ان طلع لخالد ابو ماجد : نشبه وبس الا قل اللهم سكنهم مساكنهم ههههههههه وبدأ ابو ماجد وابو خالد وخالد باحاديث جانبيه ــــــــــــ ماشفت ولدك ؟ ماجد يحرك براسه لا ساره : ليه ؟ ماجد : ما ابي اتعلق فيه ساره : تعلق فيه!! ماجد: امس جيت امه وصدت عني ماتبيني ...زفر ياساره ماتنجبر نفسآ على نفس مها : بتطلقها؟؟ ماجد : ايه خلاص دام هي راغبه خالد: احسن شىء قررته عهود: انه يطلق ؟! خالد : ايه له فتره وهو يتردد عليها يبها تلين لكن مالانت لمتى تبونه ينزل نفسه اكثر من كذا ؟ عهود : انه يجمع شمل عايلته يصير تنزيل لنفسه !! انه يرجع حرمته لبيتها تنزيل لنفس !!انتو وشلون تفكرون ؟ خالد: انتي اللي وشلون تفكرين احسبي كم له من زعلو ومن متى وهو يراضيها ؟ ماتعتقدين المده كافيه ! عهود : ولو لاتنسى اللي سواه فيها مو شوي ! خالد: هو غلط واعتذر وش تبين اكثر من كذا ؟ عهود: لاتنسى انه غلط نفس الغلط قبل واعتذر وواعدها مايعيدها وعادها ! خالد : ابي اعرف انتي معها والا معه ؟؟ عهود: انا لاقلت الحق صرت معها يعني برايك؟ خالد : يوووووه انتي الحكي معك ضايع عهود:الامالك حجه علي كان يسمعهم وهو شايل هموم على قلبه (هي قريبه مني بس مقدر اشوفها رغم جفاها والله مشتاق لها حتى ولدي ابغى اشوفه ..) عهود: ماجد مشيناااا ماجد : وين ؟ عهود : بروح اشوف ولد اخوي ماجد : روحي عهود : وانت ؟ ماجد : لا انا مانيب رايح عهود تمسك من يده : ماراح اروح الا معك وبنروح لعنود ونهنيها ونشوف ولدك وحطت يدها على فمه ماراح اسمع منك اي اعتراض وبتروح معي بالطيب ــــــــــــ السلام عليكم مها وساره : وعليكم السلام نوف : حمدلله على السلامه مها: الله يسلمك تركي : كيفك الحين ؟ مها : الحمدلله بخير هنوف : متى بتطلعين يعني مها : خلال هاليومين نوف : الحمدلله ..وين عمتي عهود؟ ساره: راحت تشوف الصغير تركي:يالنذاله فيهااا قلت لاتروحين الا وانا معك (ويقلدها كلامها) ابشر ولا يهمك ساره :ولا يهمك اروح انا وانت هنوف : وانا بروح تكفين بشوفه التفتت ساره جهة نوف : وانتي نوف ماتبين تشوفينه؟ نوف :لا طالعت ساره في مها اللي شكو انها غيره هنوف : مزعجتني مشتاقه لعنود ويوم جت هنا ماتبين تروحين لها ؟ نوف :عنود مو ولدها ساره :بنروح للعنود وبنشوف ولدها نوف :خلاص بروح معكم ــــــــــــــ خلني داخل حدودك واجبر بخاطر زمانــــــــي ... اكذب في باقي وعودك واصدق بلحظه سعيــــــــده انتشلني من برودك لو تولع بالمحانــــــــي ... عطني احساس بوجودك وخذ كل اللي تريــــــــده تكفا وإلى من قلت تكفا بيع خلق الله عشانــــــــي ... لاتضيع من يديني فرصه العمر الوحيــــــــده جيت مابيك تحقرني جيت ابيك تعز شانــــــــي ... جيت ابي فزعه ضلوعك من مشاعرك البليــــــــده يعلم الله شفت منك ومن غيابك ماكفانــــــــي ... كان ماتقدر تخفف هم قلبي تكفا لاتزيــــــــده شافهم طالعين من عنده سلم عليهم :وين بتروحون ؟ ابو خالد: عرفنا انك جيت قلنانفضي لك الجوووو ماجد يبتسم وبداخله (ماتدري وش فينا والا لو تدري وش بينا ماخليتني ادخل) عهود اللي دخلت وسلمت عليها قاعده تناظر بالبيبي :عنود الحين كرشك وش كبره وماطلع منه الاها الصغون !! العنود:هالصغنون شفت الموت بسبته السلام عليكم عهود والعنود :وعليكم السلام عهود :تعال شف باكورة انتاجك من يشبه ؟ لاتقول لي حرام بتحطم !! ماجد اللي قرب من العنود وصار جنبها بالسرير :وهو يحصل لك انك تشبهينه عهود: يوووه وش هالثقه وعععععععع اشبه ولدك من زينه انا احلى شف (رفعت البيبي وحطت وجها بجنب وجه البيبي ؟ العنود :نزليه لاينفهق تكفين عهود : خوذيه اصلن تحمدي ربك اني شلته من زينه(قامت وحطته بحضن العنود وغمزت لماجد وطلعت) العنود : هيييييي انتي وين رايحه عهود : بروح عندي شغله وبجي اشوف المفعوص ..طلعت ماجد قام من مكانه وجلس قبالها : العنود... ولدنا بحجتنا وانا بحاجتك جنبي العنود : لا ياماجد انت بحاجة غيري مو بحاجتي ... ماجداكتفيت خلاص انا عودت نفسي اعيش بدونك (رفعت ولدها وحطتها بحضانته) ماجد :وانا مقدر حاولت اضغط على نفسي حتى اريحك مني لاني عارف ان وجودي بحياتك سبب لتعاستك ..(زفر بضيق)حاولت ابتعد عن هنا كل شىء فكرت فيه حتى ترتاحين لكن خانتني قوتي انااحببببك لدرجة اني اكره اي مكان يذكرني بفقدانك غرفتي بيتي كل شىء تركته كل شىء العنود حسي فيني اناتعبت مافيني حيل اكثر من كذا والله تعبت انا بحاجة وقفتك معي ...عنود اذا عندك شروط اوطلبات حتى ترجعين انا مستعد انفذها كلها ولا اعارضك بأي شرط مد يده ومسك يدها اقبلي عذري العنود وهي تحاول تصيطر على نبرة صوتها :انت اناني فكرت بنفسك والحين رجعت لي ..توقع اني بقولك موافقه ؟ ماجد يضغط عليها : مقدر على بعدك العنود صدت للجهه الثانيه وزفرت بضيق: ماااايهمني اللي تقوله لانك قد سمعتني اياه قبل وقبلت عذرك وش سويت هاااااااااه قلي وش سويت هه ببساطه شكيت فيني اسحرك ماجد :مايهمك !! ..(وبنبره حاده )..انتي تفرحين بتعذيبي صح ؟ ..انتي تلذذين بصدك لي ؟!!..هذا جزاي اني اعترف لك بحبي !!....طالعها مقهور منها حاس انها تستلذ بصده ... (وبحزن)للاسف ماتوقعتك كذا العنود تطالع فيه (ذا وش سالفته بعد يشك اني استانس بتعذيبه ياناااااااس ذا وين عقله ابي اعرف وشلون دخل طب ذا !!!!!!!!! هذا بيطري ويخب عليه بعد !!!) اندق الباب عليهم ..السلام عليكم العنود وماجد :وعليكم السلام ساره :وشلونك عنوده والصغير كيفه ؟ العنود : بخير الحمدلله هنوف بسرعه راحت للسرير الطفل :ياناس صغنون ساره : الناس يسلمون ويتحمدون بالسلامه وانتي مختصره من الرجه الدرب هنوف : اوووووبس <<راحت تسلم على العنود وتحمدلها بالسلامه العنود سوت نفسها ماشافت نوف: وين نوف ومها ماشفتهم ؟ ساره :نوف معنا وينها ؟ نوف اللي كانت تراقب هنوف ومعها الطفل بيدها : السلام عليكم العنود : هلاا وعليكم السلام ..كيفك نوفه ؟ نوف : بخير ....(وبتردد)مبروك العنود : الله يبارك فيك ..هنوف جيبي حبيبتي الولد ..هنوف جابته وحطته بيدين العنود ..العنود مدته لنوف نوف : وش اسوي فيه ؟ العنود : وش تسوين فيه شيليه ؟ نوف : ما اعرف اشيل ! العنود :بسيطه (وعلمتها كيف تشيل البيبي )شفتي كيف سهل نوف وعلى وجهها ابتسامه : وش بتسمونه ؟ العنود ناظرت بماجد اللي تكلم : ابوي يقول امه تسميه العنود : عمي قال كذا !!!!!!!!! ماجد : ايه العنود :ليه ؟ ماجد : مدري بس هو قال محد يسميه غيرامه العنود: اها هنوف : احللللللللللللى دوري لك اسم حلوووو ومطور مثل وائل والا باسل العنود: هذا اسمه معروف ساره : معروف !! العنود: ايه معروف ( محمد ) على عمي *ياناس هالمره وشلون تفكر!!!!!؟؟...خافت على عيال ساره وتكتمت على عمتهم رغم انها ذاقت منها الويل واي وحده في مكانها كان نشرت وفرحت بخبر مثل كذا حتى تشفي غليلها فيها ..وتكتمت على خلافي معها وسببه عن اهلها حتى ما يصير خلاف بيني وبين اهلها ويضيع ولدي بينا حافظت على كلامنا بتسميت اول مولود لى اسم ابوي ان كان ولد اما ان كان بنت بتسميها جنى رغم انها كانت تقدر تستغل الموقف وتحط اي اسم حتى تغيضني ..ماعرفت وشلون تفكر !! مطول اخينا في سرحانك ؟؟ ماجد : من متى وانت هنا ؟ تركي : من زماااان سلمت باركت وسولفت وقدني بروح وانت سرحان كل هذا عشان صرت ابو مايسوى!!! ماجد: يازينك ساكت تركي : افااا الاخلاق وراها قافله ؟ ماجد قام وتركهم تركي : وش فيه ذا ؟؟ ــــــــــــــــ عهود بتردد : مها بسئلك مها : وشو عهود :امي اللي اجبرتك تزوجين عبدالرحمن صح مها : من قال لك عهود : محد قالي بس شكيت من حركتها مها : حركتها !! عهود : ايه تستغل طاعتك لها مها : وشلون يعني عهود : بتبراء منك لو ماصار الللي ببالها مها بأبتسامه يأسه : ايه الله يهديها عهود : لانهاقالت لي هالكلام وفكرت معناها انتي ما اجبرك عليه الا كذا لانك تكرهينه وكنت اشوفك تبكين وبنظرتك اشوف الحزن والهم حتى خالد قلت له مها بدهشه : قلتي لخالد ؟؟ عهود :ايه قلت له شكل امي اجبرت مها بها الطريقه عشان كذا عادت نفس الاسلوب لي مها : اها ... الحمدلله انك ماطعتيها والا كان انتي جنبي هنا مكفخه مثلي ـــــــــــــــ مرامووووه ووجع انا متنقع في الحر وحضرتك مادخلتي بوابة المستشفى !! مرام : يوووووووه محسن انت وش فيك دايم معصب انا عند البوابه بس مدري وش بلااهم واحد طااااااااير بين السماء والارض من سرعته شفته داخل عليك خليته يدخل قبلنا لايصدمنا ...الووووووووووو محسن وينك محسن ؟؟ وش سالفته ذا انقطع الخط من اليوم ابربر على عمري قسم بالله هالرجال عليهم سفه يخلي الوحده تلقط خشتها السواق : مااما في سوي حادث هنااا مرام : بسم الله علينا ياربيه الله يلطف ياااارب السواق : شوفي في باب هنااا مرام : الله يعينه كل يوم حوادث السيارات ذبحت الناس شف السرعه وش سوت طاير جعلها تطير عيونه وصدم السواق : ماما انتي شنو كلام مرام : بعد هذا الناقص اسولف عليك يانقرش السواق : نعم مرام : وشو نعم السواق : انتي يقول نقرش !! مرام : ايه ..نقرش روح للبيت السواق : ان شالله ـــــــــــــ البارت التاسع والعشرون ـــــــــــــــــــــــــــــــــــــــــــ يالله خلونا نطلع حتى ترتاح العنود العنود : ساره والله مرتاحه بالعكس لارحتو طفشت ساره : جتى ولو بنروح بعد نشوف مها العنود : مها وش فيهااا ؟ ساره : ليه ماقال لك ماجد ؟ العنود : لا خير وش فيها مها ساره : زوجها ضربها العنود : لاحول ولاقوة الا بالله وشلونها الحين ؟ ساره : منومه هنا وهي الحمدلله طيبه رضوض وكسر باليد العنود: اهبببب ياوجهه مهاااا عاد ماتغثي ولا تغلط حتى يطقها جعلها تطقق حنوتسه ساره : الشكوى لله راح ماجد يبي طلاقها قال الشيخ خذ اسبوع مهله ورفض اي نقاش العنود : ايه الله يعين وعوضها ربي بابرك منه ساره : آآآآمين يارب ــــــــ خزوووون وينك ماعاد اشوفك ولاتتصلين يالقاطعه خزنه : والله انشغلت مع جدتي عندنا من جتها الجلطه وحنا نتناوب ليها انا وخواتي وخالتي سعاد جواهر : ابي اعرف جدتك كل هذا وهي عارفه ان جدتك تعبان ويوم مات جتها الجلطه هي خزنه : استغفري ربي لايعاقبك جواهر : بنتحر لو جتني جلطه بخليهم يذبحوني ولا اعيش معذبه خزنه : انتي مهبوله ..يالله جواهر جدتي جاء وقت احممها واغير لها مع امي جواهر : تحممينها وتغيرين لها !!! خزنه : ايه جواهر : وععععععععع قرف اغسل لها واغير لها وعععع خزنه انقهرت من كلمات جواهر وسكرت الخط بوجها ـــــــــــــــــــ بسررررررعه جهزو غرفة العملياااااااااات :ماننتظر الدكتور طلعت يجي من بيته ؟ 2 : اذا انتظرنا بيروح من بين يدينا لااازم نوقف نزيفه 3: انا كلمت وقال بيتحمم ويجي 2: يتحمم !!!!!!!! 3 : هو قال كذا : عاد دكتور طلعت هذا باااااااااااااااارد 2: دكتور ايااااااااااااااااد بسرعه جهز غرفة العمليات وجهز الطاقم الطبي الحاله مستعجله ماتتحمل انتظاااااااااااااا ر اياد : اوكي بكلم لك هلاّ دكتور عصام ودكتوره داليا وبنكون بعد 10 دقايق في غرفة العمليات الكبرى 2: بسرررررررعه ...بسرعه ساعدوني بتجهيزه .. ــــــــــــــــ السلام عليكم العنود : هلااااااوغلاااااااا مرام : مبرووووووك اخيرآ مابغيتي ههههه العنود: الله يبارك فيك مرام : وشلونك ؟ العنود : الحمدلله بخير مرام : جربتي الامومه خخخخخخخخ العنود : يؤؤؤؤ مووووووووووت مرام : ايه على قولت اختي تهاني ياكذبكن يالنسوان تصايحن وبعد سنه تعيدن نفس السالفه ماتتوبن خخخخخخخخخخخخ العنود : الحمدلله واحد وما ابي غيره مرام : ماغيرتي رايك ؟ العنود : ولا راح اغيره مرام : وولدك العنود:ماعليه ماراح يحس بالنقص بحاول اعوضه عن ابوه مرام : هذ ا ولد لاصار شاب وش بتسوين بتلبسينه برقع وتقولين اقعد معي ؟ العنود :ياحبتس لنكد مرام : وانتي ياحبتس لتهرب العنود : وشلون عيالتس ؟ مرام : ابد ماعليهم طيبووون يوم جيت بطلع نشب لي فارس يمه بروح معك قلت وين قال لخالتي عنود قلت ليه تبي المستشفى تسكر ويطرد ابوك من وظيفته ؟ العنود : يووه حسبي الله على بليستس ليه تقولين كذا مرام : وانا صادقه والله ان يدخل في كل الغرفه ويجنن المرضى ويزيد صخونتهم بحركاته العنود : ياويلتس من الله مرام : ليه ياويلي !! تدرين مكلم جده يقوله يبه ابي منك هديه قال وش ؟ قال عيال الحاره متوعدين فيني بيطقوني وانا لحالي مالي احد يفزع معي ابغاا كلب يكون معي حتى يعض اللي يقرب جهتي !!!!!! العنود: ههههههههههههههه والله فله ولدتس مرام : اي فله اليوم الثاني جده ارسل لنا كلب !!قسم بالله بغيت انحااش يوم دخله علي العنود: ههههههههههههه حلوه تنحاشين مرام :اي ولله انحاش مدخله علينا في المجلس شايبنا يحسب نفسه جايب ضيف !! العنود: وربي شايبكم فلللللله ذا ــــــــــــــــــــــــــــــ :انت دخلته العمليات بدون حضور اهله ؟؟وتوقيعهم هذا فيه مسؤوليه 2:ماعليه انا اتحملهاا :انت متوتر وش فيك كذا بيروح المريض بدال ماتعالجه 2:وين ياقي الطاقم وش فيهم تأخروووووووووو :دكتور انت وش فيك ماصار لنا ربع ساعه ترى 2: لا راح المريض من بين ايدينااا وش بستفيد :هذا راح يكون يومه 2:انت ماعندك احساس هذا تووه ماله يوم من فرح بمولوده ولدلده بحاجته وانت عاادي عندك :غيره ايتام ام واب وش الفرق 2: اسككككككت دخل عليهم الطاقم الطبي اسفين على التاخير يالله ندخل ــــــــــــــــــ بعد مرور الوقت مرام ترفع يدها : تأخر محسن العنود : ليه زهقتي مني ؟ مرام : عنود من الساعه 5وانا مقابلتك والحين تسع ونص ومحسن قايل لي شوي وبنطلع ومناوبته تنتهي 7 والحين شوفي كم ؟ العنود : يمكن انشغل مرام :يمكن يوم جيت هنا واحد طاااااير بين السماء والارض مدري وش سالفته وادخل حتى ينزلني نقرش عند بوابة الزياره الا الناس مكتضه الظاهر انه صدم له احد العنود : الله يهديه يارب ويعافي المصدوم مرام : آآآآآآآآمين يارب الله يعين اهله العنود : امين يارب هذا السرعه والعجله الشباب الحين كل شىء يبونه بسرعه مرام : يوووووه ذا وش سالفته مايرد علي ..الا صحيح متى بتطلعين العنود : بكره بطلع مرام :غريبه يقعدونك يومين !! العنود:حتى انا مستغربه العاده اليوم الثاني مرام : يمكن من احم احم تغمز لها العنود: ما اتوقع ..وبعدين وش بيستفيد مرام تسلهم بيعونها :يكون قريب منك العنود:تفكيرك بعيييد مرام :مخليه لك القريب لك ..اقول بدق على نقرش يجي ارحم من انتظار محسن ــــــــــــ طلع من غرفة العمليات وهو اعصابه تاااالفه راح لمكتبه ورفع جواله 41مكالمه يووه نسيت انها هنااااا اووووووووف الحين وش اقولها و7مكالمات بين خالد وتركي ؟ هم اكيد مشغول بالهم على اخوهم وش بقول لهم !! الووو هلاااا خالد خالد: هلا محسن وشلونك ؟ محسن : بخير خالد : ماجد عندك محسن : هاه .. ايه عندي خالد : اووف ليه مسكر جواله ذبحنا نصل يا اخي قلبه ذا بارد وندق على المسشفى يقولون طلع وماجاء لنا يكلمنا طيب يطمنااا هـ محسن يقاطعه : خالد ماجد تعباااان خالد بخوف : وشووو محسن : ماجد صار له حادث اليوم العصر وتوني طلعت من غرفت العمليات كان معه نزيف داخلي بالبطن وكسر بالكتف والحمدلله قدرنا على النزيف والكسر وهو الحمدلله بخير خالد بعصبيه : لييييييه ماقلت لي محسن : اصلن من شفت الحادث قدامي ماعرفت وش اسوي الشىء اللي اسعفني عقلي اجمع القروب الطبي وادخله غرفت العمليات بعد ما اثبتت الفحوصات انه يعاني من نزيف وكسر خالد : وهو وينه الحين ؟ محسن : في غرفة العنايه خالد : العناايه انت مو تقول انه طيب ؟؟ محسن : الا بس العنايه حتى نتطمن اكثر خالد : انا جاااي بشوفه ...سكر بدون ما ينتظر رده ونزل يركض مع الدرج ابو ماجد: خالد هاااه عرفت وينه فيه ؟ ام ماجد : اكيد مبلط عند حبيبة القلب خالد وهو يطالع في امه : صحيح ولدك بالمستشفى لكن هو بالعنااااااايه صار له حادث حرمتيه من زوجته والحين الحادث ماتدرين يمكن يحرمه من زوجته وولده ابو ماجد : انت وش تقول ؟؟ خالد : انا بروح له تروح معي ؟ ابو ماجد ما قال شىء مشى بخطوات سريعه كأنه رافض الكلام اللي سمعه او مو مصدق طلع وصقع الباب وراه ام ماجد الجمتها الصدمه عن الكلام ..(ماجد في العنايه..حادث ..انا حرمته !! انا احرمه !! خالد يكذب اصلن يبغى يسوي هالحركه حتى اصدقه ..ايه ايه هذي تمثيييل حتى اصدق الكذبه ) ــــــــــــــ بكره متى بتطلع العنود ؟ ام خالد : الصباح على الساعه 10 بعد ماتشوفها الدكتوره وتشوف الولد يطلعونها ابو خالد : الله يطلعهم من كل شر ام خالد : آمين ابو خالد : بتروحن من هنا على الديره والا بتقعدن هنا كم يوم ام خالد: لا وش يقعدنا يكفي جوجو اللي غابته من الايام بسبة قعدتنا هنا ابو خالد: على راحتكم .. ام علي كلمتني البارح تبارك بولد العنود وتقول ش بتسمونه ؟ قلت لها انشدي امه واهله ولدهم ..قالت : وانت ؟ قالت مالي دخل ولدي وهو ولدي ماسميت عياله ماتدخلت فيه اسمي ورع العرب !!!قالت الحين ولد العنود صار ولد العرب والله لاحرشها عليك ههههههههه ام خالد : يووووووووووه اجل العنود بتزعل وتطنقر علينا من بيرضيهااااا !! ابو خالد: هذا عاد العنود لاسيرت عنزها عليها خلااص محد يحتسي عليها ام خالد : لا عاد هذي مقارنه بين عيالها وعيال خالد ياوالله الورطه ههههههههه ابو خالد : افزعي معي ام خالد: ايه وتنكبني وتطلع منها مثل كل مره ــــــــــــــ دخلو بسرعه لداخل المستشفى وقفهم سيكيورتي : وين يا اخ انت واياه ؟ خالد : انا اخو الدكتور ماجد وهذا وابوي بلغونا بحالته وجينا نشوفه السيكيورتي : عذرآ ما اعرفكم تفضلو من هنا لين تحصلون اللفت على اليد اليمين اصعددو لدور الرابع وهم يبلغونكم اي غرفه *بعد ما قلت لامي ان ماجد بالعنايه ارتحت شوي مدري يمكن اكون قسيت عليها يمكن اكون ضايقتهايمكن اكون فرغت جزء من الغضب اللي فيني عليها بس لاني حاس انها السبب في اللي يصير لماجد رغم ان له شخصيه ومستقل بذاته وقوي في اتخاذ قرارته الا انه عند امي وابوي ينسى او يتناسى هالشخصيه يخاف يحز او يضايق احد منهم لو قال له كلمه وغلط عليهم فعود نفسه ان امي وابوي مايقول لهم شىء بصراحه احسده على هالشخصيه انا مقدر عليها مقدر حاولت لكن ماقدرت امي تقهرني بحركاتها احسها مراهقه في اخرالستين تسوي حركات اصغر من سنها جواهر تلعب في عقلها آآآآآآخ ياليت امي ما سوت في ماجد اللي سوته بسببها هو الحين طايح بالمستشفى بعد ماوصف لنا السيكيورتي عن مكان ماجد صعدت لدور الرابع وسئلت عن غرفته قالو غرفه رقم 3 خليت ابوي يدخل قبلي وقعدت اطالعه من خلف الزجاج بعد 5دقايق طلعو ابوي ودخلتها شفت شكله وهو ممدد مدري وش اقول حسيت اني لحالي مالي عضيد ..ماجد قدامي بلا حول ولاقوه جهاز النبض واسلاك مركبه من كل جهه الضغط والاكسجين والقلب الشاش مغطي راسه وملتف على كتفه آه تمنيت اكون مكانه بس هو يقوم تمنيت يرجع لزوجته وولده ويفرح بلمتهم حوله ..حطيت يدي على جبهته وصرت اردد الدعاء على راسه حاس العبره خانقتني كان يتمنى ترجع له زوجته بعد ماتولد كان اغلب كلامه عنهم كان عنده امل ترجع بعد ماتولد حتى من كثر ماهو متيم فيها صاريتعهد لي اذا صار هالشىء ماراح يصدق اي شىء يسمعه او يشكك في العنود واخلاقها يقول :انا سمعت في العنود وخسرتها لكن لو رجعت لي عهد علي ما اسمع وش يقولون بس ترجع لي ياخالد ادع لي ادع لي ماحسيت الا بدمع حار ينزل حزن على حاله اللي وصل له ..دخلت علي ممرضه وطلبت مني الخروج شافت دموعي اللي حاولت اداريها قالت انه محتاج الدعاء منكم خاصه وان اصابة راسه شديده التفت عليها بقوه قلت وانا ماني مصدق اصابة راسه ؟؟الممرضه ارتعبت شكلها من نظرتي او مدري وشو منه بس الممرضه صارت تخبط بالكلام بعدين قلت وانا صاك على اسناني وش فيه اخوي ؟؟قالت وبتردد : ان الضربه اللي بالراس كانت قويه لانه ارتفاعه بعد الصدمه وارتطامه بالرصيف كان قوي وهذا سبب له غيبوبه ..مدري حسيت الدينا تدورررر فيني ولا حسيت بنفسي بعدها ..بعد ماصحيت لقيت نفسي ممدد وحاطين فيني جلكوز وشفت محسن عند راسي خانتني دموعي تذكرت ماجد كان يقول محسن اخوي ماجابته امي وتؤم روحي كان يحكي لي عن مواقفهم سوى تذكرته ماقدر اقاوم دموعي حسيت نفسي اشوف ماجد قدامي .. ـــــــــــــــــ . يأم محمد اقولتس البارح سمعتها وانا في الحوش تقول لعيالها عمانكم مافيهم خير ماخذين حلال جدكم ونسوانهم محرشينهم !! ام محمد : يويلي ام خالد صاحيه وراكده ماتجيب هالعلوم ام نوا ف : اقول الله يرحم ابوتس وامتس انتي لارحتي لديردتكم وجلست معها ماعلى لسانها الا صلفه شايفه ابوهااا تسنه امير وابو ها رخمه وصلفه نقالت حتسي ماتسمى علم (ماتكتم خبر) ام محمد شهقت ابوي رخمه تعقب وتخسى ام نواف : انتي ماسمعتي شىء تخيلي تقول ان نايف لولاه ما كان اخوانه رياجيل !! ام محمد: ياويلي مهيب صاحيه راسها فيه فري ام نواف : انا اظنه كذا والا فيه وحده تسب حماها؟؟ والا تسب ابو حماتها صلن مافيها خير تحتسي في حماتها اللي وجهن مبارك ماتغثي ام محمد : هذيلن النسوان اللي مافيهن غبطه والله لاوريتس فيهااا يام نواف ام نواف :لا يالخبله تحبطين اعمالتس بالهواش والدعااء عليها اسفهيهاا ــــــــــــــــــ يمه وش فيك لي ساعه فوق راسك وسافهتني ؟ ام ماجد : هاه وشووو؟ عهود : خالد وينه مالقو ماجد تأخر غريبه مو عوايده ولا قال انه اليوم عنده مناوبه ! ام ماجد : ماجد في المستشفى عهود : الحمدلله توقعت مستلم المناوبه عن احد الله يعينه ام ماجد تطالعها وعهود تقلب بالقنوات متردده تقول لها او لاا..لو قلت لها ماراح تصبر بتروح المستشفى وان سكت بيعلمونها بكره التفتت عهود : يمه الى الان زعلانه مني ام ماجد : زعلانه !! عهود :عشان رفضت سويلم ام ماجد وكأن احد ذكرها : لك وجه بعد فرحانه انك مزعلتني قومي فارقي عن وجهي عهود : يمه تك وش حليلك ليتني ماذكرتك سمعو ا الباب ينفتح دخل ابو ماجد وعلاملامحه اثار الحزن ركضت له عهود : يبه وش فيك طالع ف ام ماجد اللي تنتظر منه اي خبر عن ولدها ..عهود : يبه ليه تطلع في امي كذا فيكم شىء وش فيكم قولولي .. دخل خالد بخطوات ثقيله وهو حااس بتعب قوي حاس رجوله رخوه وجسمه ثقيل حاس انه قايم بمجهود كبير تعب هاد حيله سلم عليهم بصوت هامس وصار يصعد الدرج بثقل ويشد قبضة على الدربزين لا يطيح او تخونه قوته عهود: خالد انتم وش فيكم ؟ خالد كمل طريقه وابو ماجد لحقه كانت تراقبهم بنظراتها تنتظر خبر يبرد كبدها لكن نظرات ابو ماجد كانت تحرقها نظراته لها الف معنى ومعنى صرخت بصوتها : ولدي وش فيه حسووووووووو فيني علموني عن ولدي وش صار عليه انا هنا انتظر منكم خبر علموني عنه محد فيكم رفع السماعه وقال صيته تحاتيه بالبيت وقلقانه عليه رحتو تطمنتوا عليه وانا هنا بين الجدران افكر فيه انتم ماعندكم احساااااس ماعنــ.. خالد: ماعندنا احساس !! ليه وش سوينا !؟ رحنا نشوفه وانتي هنا ماتحركتي معنا ..ولدك بين الحياه والموت اصابته خطيره الضربه اللي في راسه قويه وياعالم يصحى منها او لااااا..وياليت ماتكلمين عن الاحاسيس والمشاعر لانها اشك انك تحسين فينااااا احساسك ومشاعرك لغيرنا والا حنااا ولا شىء في حياتك .. ابو ماجد : تفاهمي معك مو هذا وقته لاقام ماجد ان شالله بالسلامه راح انفذ اللي ماسويته من 38سنه خلاص يكفيني قعدتي لين كبرو عيالك وماعندي صغار حتى اخاف عليهم ويكفيني اللي صار ولدي بسبتك بالعنايه (صوته خانقته العبره ) ماعندي استعداد افقد عيالي واحد ورا الثاني بسبتك ..صوت ارتطام على الارض قوي ركضوا جهت الصوت ... كل مالعين إذرفت دمع يسيل قلت هاتي دمع ثاني يغسله مابكى يوم الفراق إلا الأصيل دمعت المخلص تجي مستعجله لاطراله صاحبه يوم الرحيل شق جيبه عبرته ماتمهله إن شكى من هم قالوله ذليل وإن كتم همه بجوفه يقتله ـــــــــــ اليوم الثاني هاه خلصت نمشي ترا تسبدي طقت من المستشفى. ريم :قولي قسم بعد مستعجله تبي الديره عشان تفتكين منااا صح اعترفي؟ العنود تضحك :لا بس المستشفى تجيب لي التكه الله يعين اللي لهم سنين هنا ريم : آمين ..ماقلت لتس (تحرك حواجبها ) العنود: وشووووو ريم : احم احم اخوي بيعرس ابو غاده العنود : صدز الف الف مبرووووك ريم : الله يبارك فيتس العنود : ريم صدز اخوتس تعالج من اللي يتعطاه ؟؟ ريم : ايه امي تقوله العنود : ريم امانه لاتبلون بنت النااس بولدكم كانه ماتعالج حرااام يكفي فيه ضحيه وحده مشتته بين امها وابوهااا ريم : امها الغلطانه والا تحمد ربها هي اللي مثلها تحب يدها وجه وقفى من جت عندنا وهي زاااينه سمنت كلن يقوله وقبل لاتعرس كانت تقول بعيرصي (ضاطور ) من الدق العنود :لاحول ولاقوة الا بالله ..ريم صحيح هو اخوك بس خليك واقعيه واحد امه تحرشه على مرته ! واختس سعدى تحرش امك شوفيها سوت وشوفيها فعلت حتى في لبس بنتها تقلدها وتقول تقلدني ..ريم انا ام غاده تشكي لي منكم وكلامها يطلع صح ..وفوقها اخوك راعي حشيش ريم : كذب يالعنود كذب ..هي تقول كذا حتى مايتزوج غيرها العنود : هي كانت تجي بس ماعمرها قالت انه يتعاااطى نهااائي لانه ابو غااده زوجها وابو بنتها وماكانت تبي اي شىء يجرح غااده حتى وهي عارفه ان كل النااس عارفين ..وعلى فكره اللي قاله عبدالله يقول جاني وهو فاقد وكان يصارخ طعني طعني بصرااخ وكنت اشوف دم ورحت معه واسئله منهووو اشار لبيت وصدقته من العجله يقول ورحت مستعجل بكفخ والتفت على رفيقي يقصد اخوك اللي مطقوق شفته يترنح وما كان في وضعه يقول كأن احد مصحيني من الغفله يقول طقيت اللطمه وانحشت قبل لا احد يشوفني ويقول عبدالله يسكر ويحشش لانه مع اخوك ريم : العنود تبيني اقول ان اخوي يسوي هالحركات العنود : انا ما اقول قوليها لكن اكبر غلط انكم تزوجون ولدكم قبل ماتعالجونه حتى ترضونه وتبلون بنت الناس يكفي غاده .. ريم : العنود والله قلته لهم بس امي وسعدى يسكتني العنود : اكيد بيسكتونتس لانتس تعلمين بالحقيقه اللي هن رافضاتها ومو مقتنعات فيها ريم :وش اسوي طيب العنود : مدري بس تذكري ان لتس بنت وترى الايام دواره ..اتعضي من ام نواف وام محمد اللي كانو يتهمن بنات الناس وهن في بيوتهن ربي رده لهن في بناتهم يالله اخلصن لو اعطيكن وقت ماسكتن !! العنود :بسم الله علي انت من وين طلعت ؟؟ عبدالله : من وين بطلع من الباب اخلصن يالله عقب الشين خلوتس تطلعين معي العنود : ليه ؟ عبدالله : يقولون ابو الطفل لازم هو اللي يسجل ويبربس لتس اوراقتس العنود : ايه الحمدلله انك خلصت ـــــــــــــــ عهود انتي من جيتي وانتي هنا واقفه روحي افطري عهود : مالي نفس ساره : ماجد بحاجه لدعاك مو بكاك عهود: ساره ابي ادخل عليه ساره : انتي مهبوله يكفي اللي صار عهود (بعبرتها امخنوق ): الدكتور يقول بيقعد كذا طول عمره ساره اللي نزلت دموعها : بيعيش في غيبوبه عهود اطلقت العنان لدمعها : ليتني مكانه وهو يقوم بالسلامه ساره : استغفري الله قطع عليهم اصوات ركض ممرضات دخلو غرفته اصوت كلمات وتعليقات كانت تصل الى مسامعهن طلعت ممرضه بسرعه كبيره تركض الى احدى الغرف سمعو صوت جهاز القلب اعلن صوت توقف النبض اطلقت عهود صرخه افقدتها الوعي ساره تراقب الوضع بخوف رافضه تقبل الحقيقه امام عينها انزو ت بين احد الكراسي الموجوده امام الغرفه .. احس كني فاقده كل ذاتـــي ....مدري وش الي بعدها يحتريـني من غاب الي حضوره غناتـــي...وانا ادري ان اقصى المواجع تبيني حاولت الملم بالقصايد شتاتــي..اثر القصايد همها محتوينـــي وشلون ابهرب من بعض ذكرياتي...دامه جميع الذكريات وحنيــني من قبل ما البس برقعي او عباتي ...وغلاه لابس نبضة القلب فيـني كنت افتخر قدام كل البناتـي ...واقول هذا الي ابيه ويبـــيني وكان الغرور بداخلي من صفاتي...وكان الجنون بدنيته يعترينــي واليوم والله راس مال سكاتـي...نظرة وداع ساكنه وسط عينـي اعيش فيها مابقى من حياتــي...ماهمني من ذنبها وش يجينــي لابد ما يوم يجي به وياتـــي ..ويشوف بعيونه سوايا سنيــني ــــــــــــــــــــــــ |
البارت الثلاثون والاخير ..
ــــــــــــــــــــــــــــــــــــ هلااااااا والله بأم محمد العنود : هلا فيك سعود : ولدتس ذا نتفه مدري وشلون تقضبونه العنود : يجيك وتمصلح عندي تبيني ازوجه من بناتك معصي من الحين اقولها سعود : ليه قالو لتس ابي بناتي هاللي مابعد لقيت امهن تجيهن حاله نفسيه العنود : حاله نفسيه من ابوهن ما الومهن راكان اللي دخل عرض: احلى سكتيه هههههههههه..حمدلله على السلامه يأم محمد العنود : الله يسلمك سعود : يثقل لساني مقدر اقول لها ام محمد عنيد ويخب عليها العنود تنفص عيونها : خير سعودوه وش يخب سعود: هههههه عنيد اتشت معها العنود : اقول بدخل قبل لايرتفع ضغطي ..دخلت للبيت وهي تفكر غريبه امي وينها هي وجوجو مو بالعاده ... جوجو: هلاااااااا والله بالحامل والمحمول العنود : بسم الله علي من وين طلعتي جوجو : من الدرج من وين طلعت العنود : وين امي ؟ جوجو: امي فوق تسوي لتس اكل العنود : يووووه ما ابي خليها تنزل والا رقيت عليها جوجو : خير ترقين الحين امي وابوي من ولدتي وهم كل يوم وهم بالسوقه يجهزون سرير ورعتس ومفرشتس وانتي تقولين بطس فوق !! العنود مطيره عيونها : تعالي سطريني احسن !! ـــــــــــ فتحت عيونها ببطء تناظر حولها تشوف وجيه كساها الحزن تبغى تسئلهم عن اللي صار هو حقيقه او حلم خافت تسمع شىء هي ماتبيه ترددت حركت فمها بصوت هامس يكاد ينسمع وفك يرتجف ودموعها تنزل بغزاره : مـ مـ اجد و شلـ وونه ؟ ابوماجد يمسح على راسها : يبوي انتي وشلونك ؟ حركة راسها بالايجاب : ماجد ابو ماجد : الحمدلله طيب الحين عهود : هوو حي ابو ماجد : ايه الحمدلله عهود صارت تبكي : احمد ك يارب بشوفه وابعدت عنها الشرشف مسكها ابوها :يابوي ماتحركين من هنا انتي تعباانه عهود تحرك راسها بالنفي : لا لا انا طيبه بروح اشوف ماجد مشتاقه له ابو ماجد :بتروحين له ان شالله بس ارتااحي عهود : ارتاح لاشفته فكت الجلكوز من يدها ولبست عباتها وطلعت بسرعه وهي فرحانه بالخبر .. *اول ماسمعت جهاز توقف القلب حسيت قلبي توقف انا شعور صعب ان اخوي واقرب اخواني واغلاهم افقده كأني فقدت روحي ..ماعرفت وش صار بعد ماصرخت بصوتي رافضه اني اصدق ان جهاز القلب توقف نبضه ..يعني اخوي مات مات على انها صغيره حيل هالكلمه الا انها قاااسيه في معناها خاصه لما يكون الشخص غااالي على قلبك مره ..فتحت عيوني ناظرت في وجيه اللي حولي كلهم كانت ملامحهم حزينه ترددت اسئل عنه لكن بعد ماسئلت قال ابوي انه طيب مدري اضحك او ابكي تخالطت علي المشاعر كنت بين مصدقه ومكذبه قمت ورحت له بسرعه قرب من غرفته شفت ممرضه معه بالغرفه وحوليه الاجهزه دعيت من كل قلبي يكون يومي قبل يومه ويشفيه ربي لنا التفت على اللي جنبي شفت مهاا سئلتها وش صار بعد مافقدت الوعي قالت لي ان الطبيب دخل عليه وحط عليه جهاز الصدمات الكهربائيه حتى يرجع النبض والحمدلله رجع بعد ثاني محاوله وسئلتها عن ساره قالت انها طيبه بعد ما اعطوها مهدئات رجعت اتمعن في ماجد شفت ملامحه كاسيها الجمود صرت ادعي بداخلي ربي يشفيه لنا ولا يحرمنا وقفته وسطنا .. ــــــــــــــ *بعد ماسمعت اللي صار لماجد خفت ايه خفت افقده خفت انحرم منه تذكرت شعوره وهو محروم من زوجته وانحرم الحين من زوجته وولده كنت اقول صح اللي يسويه وانا عارف ان لها مكانه غير بقلبه لكن ماكنت احس بشعوره ايه مكنت احس بشعوره هو يمكن حب زوج لزوجت لكن انا اخو لاخوه عضيده عرفت الحين ليه كان متردد ورافض انه يترك روحه عرفت حسيت باللي كان يحس فيه رغم ان احساسي له هو سندي واخوي واقرب شخص لي لكن هو تؤم روحه زوجته ام ولده كأن يردد لي هالكلمات بس كنت غبي ما اعرف ما افهم ما استوعبتها ما عرفتها الا بعد ماصار اللي صار قادتني رجولي لبيتنا كنت رايح لها بقولها اللي صار لقيتها جالسه على سجدتها تدعيله بالشفاء انحنيت لها وحبيت راسها سئلتها سؤال غبي قلت تحبينه ؟ردت على ودمعها ينزل بغزاره هذا ولدي قطعه مني وشلون ما احبه قلت لها حققي امنيته بالحياااه حققيها طالعة في وهي عارفه وش بقول وقالت لو اعرف ان هذا بيشفيه ماتردد لحظه عشان اسويه مسكت يدها ورفعتها قلت بنحاول وان شالله ربي يقومها بالسلامه حوطتني امي بيديها وصارت تبكي بصوت وتردد كلمات انا السبب اناحرمته من فرحته ..انا ما اصلح اكون ام ..انا قسيت عليه ومن هالكلام حسيت ان امي ضعيفه بس استغلو ضعف شخصيتها ..مسكتها وقلت يالله نروح ونجيبها الحين ناظرت فيني وقالت بيأس بترضى بع اللي سويته فيها ؟قلت لها وانا شاك بكلامي بس احاول قد ما اقدر ارفع من معنويات امي ايه بترضى ..طلعنا من بيتنا بسرعه وكانت امي طول الطريق تدعي ان العنود ماتردنا .. ـــــــــــــــــــ بس خلاااص من اليوم وانا اشرب قهو احترقت تسبدي ام نواف :سلامة تسبدتس العنود : الله يسلمتس ام نواف : الا العنود وش جاب لتس رجلتس هديه يوم ولدتي ؟ العنود: عندي احلى واكبر هديه محمد ام محمد : تعرفين تهربين من النشده بطريقه زينه العنود : ما اتهرب اقول الصدز ام محمد : تلتفت على ام خالد اقو ام خالد من اللي خلى ابو محمد رجال ؟ ام خالد مستغربه : وشووو ام محمد : سمعت انتس تنافخين وتقولين ان ابو محمد ماخلاه رجال الا ناايف رجلتس ؟ ام خالد :ام محمد انتي تعرفيني وتعرفين اللي وصل لتس الحتسي ؟ ام محمد : وحده قالته لي ام نواف تبلع ريقها : استهدو بالله وراكن تحبطن اعمالكن بها الخرابيط كل وحده تعرف رجلها ام خالد : لا لحظه انا عارفه من اللي نقلت لتس الخبر بس ماراح اقول منهي بس بقولتس كلمه مبطيه من زمااااااان نقولها (من حتسالك حتسا فيك ) انتي ذكيه يأم محمد وتعرفين ام نواف : نطت وقالت وش تقصدين العنود هههههههههههههههههههه : اللي في بطنه ريح مايستريح ام نواف : انتي تلايطي ام خالد :انا ماقلت انتي بس انتي علمتي على عمرتس .. ام نواف : انا ماقلت شىء ام محمد : تسذبين انتي اللي قلتي لي كل هالكلام ام خالد: ام نواف انا قلته ؟؟ ام نواف بتردد : ايه قلتيه ام خالد : متى يأم نواف ؟ ادخلتس على الله متى قلته ؟؟ والله لو ماعلمتي بالصدق ان اعلم انا واقلب عاليها واطيها وانتي تعرفيني ام نواف تكتف : يعني وش بتسوين ؟ ام خالد : بعلم نايف وبخليه يجمع اخوانه وانا بقول الكلام اللي انتي قلتيه وام محمد معي تقول اللي قلتيه لها .. وبنشوف وش رد الرياجيل ؟؟ ام نواف : تدخلون الرياجيل بحتسي الحريم ؟؟ ام خالد: الحين صارحتسي؟؟توشين حماتي علي وتقوليني كلام ماقلته ؟ وفوقها تدعين الدين ؟ انتي ماتخاافين من ربتس ؟ استحي على وجتس مره وش كبرتس تنقلين الحتسي من وحده لثانيه وتزودين وتألفين والله ماحصل لبناتس الا من سبة لسانتس الله ..اتقي الله ام نواف تنفض ثوبها :انا متقيه الله من قبل لا اشوفتس العنود : اللي يعرف الله مايوشين بين الناس ولا يفرق الاخوان عن بعضهم كلهم حسد وغل وحقد انتي تجين لنا بحتسي ماشلناه ولا قلنا قالت وقالت لكن تقومين منا وتنسبين الكلام اللي انتي قلتيه علينااا .. العنووووود العنووود العنود : هلا سعود سعود : تعاااااالي والبسي جلالتس وبرقعتس العنود : ليه ؟ سعود : خالد حماتس يبيتس برا العنود اللي قلبها يرقع من الخوف * كنت اهاوش من القهر من حركات ام نواف تحكي عندنا في ام محمد وتسبها ولا جت صارت مثل اختها واغلى بعد تقهرني هالحركه احس انها خبيثه ليه تسوي كذا وقطع علي سعود وفاجئني يوم قال خالد يبيس لبست برقعي وجلالي وطلعت له وانا اقول انه ماجاب ورقتي يبي فرقااي بسرعه طردتها من بالي قلت مو هذا اللي انا ابغاااه كم مره جاني بس انا رفضت ويوم صار الصدق تضايقت شفته واقف عند باب المجلس وعبدالله واقف جنبه وشفت حرمه عند الباب متكيه بعصاها استغرب ام ماجد هنااا !! وش عندهااا !!ضحكت بداخلي من السخريه هه ايه ترمي ورقت الطلاق بوجهي فرحانه بالنصر اللي صار لها تقدمت وانا حاسه رجولي رخوه سلمت عليهم وانا انتظر القرار فاجئني خالد بطلبه اني اروح معهم ناظرت فيه وانا مستغربه يعني مو جايين يعطوني ورقتي !؟قلت له وانا اتقطع في داخلي خالد انت عارف قراري قبل ماتجي صح خالد: بس هالمره غير العنود : لا مو غير انا مصره على رائيي خالد : عشان ماجد العنود من سمعت اسمه ونبرت صوت خالد حسيت قلبي يرقع بقوووه مدري ليه : ولا عشان ولد ماجد رجعت بدخل حتى ماتخوني دموعي ونبرة صوتي صعدت الدرج بدخل البيت واناسابحه بخيالي وافكاري بماجد رجعت على واقعي ابغى اتاكد من اللي سمعته التفت بسرعه قلت : وشوووو ام ماجد : ماجد تعباااااان وفي العنااايه حسيت الدنيا تدور فيني غمضت عيوني وجلست على ركبي بسرعه قلت لها: انتي وش تقولين جاء لي عبدالله يركض بسرعه مسكني : العنود انتي طيبه رفعت نظري له وانا حاسه نفسي في دوامه ماكن مصدقه اللي اسمعه ولا ابغى اصدقه:ماجد وينه ؟ ضمني عبدالله لصدره وقال لي بنبره هاديه بنروح نشوفه حركة راسي بالموافقه وانا موحاسه بنفسي لبست عباتي بسرعه وطلعت مع عبدالله بسيارته حسيت ان المسافه طووووووووويله مره دخلت عليه شفت الاجهزه حوليه موصله حطيت يدي على فمي امنع شهقتي مسكت يده البارده وصرت احرك اصابع يدي في كفه حاولت اناديه بصوتي العادي لكن عبرتي غلبتني بسته من فوق اللفه اللي على راسه همست بصوت مبحوح اشتقت لك حيل كنت انتظر منه حركه او شىء يثبت لي انه حس فيني بوجودي لكن للاسف دخلت علي الممرضه وطلعت منه وانا تعبانه اكثر شفت خواته كلهن عند الباب ينتظرون مني بشاره انه تحرك وحس فيني لكن ماكان مني الا اني ارتمي في حضن اخوي اللي مسكني وصار يمسح على ظهري يهديني ..آه كنت احسب الفرقا هينه لكن الحين يصعب فراق الغالي مستعده ارجع له ومن هالحظه بس يعيش ارتفع صوتي وانا ابكي ابي عبدالله يطمني بس عبدالله ماكان احسن مني صار يضمني بقوه ويقول بهمس ادعي له اادعي له .. توني حسبت حســاب بعدك وفرقاك توني دريت إنــي بـــدونك ولاشـــيء خليـتـنـي مابيــن طيــفــك وذكرااااك عذبـت حـــالي ليـش ماتــرفق شوي إرجــع ولو تــآمـر على الـــروح تفداك إرجــع تراني شفت موتي وأنــا حي !! ــــــــــــــــ * شفت الحزن والضيقه بعيون اخوه اء لنا في بيتنا صحيح انا ما احب ماجد لكن ما اكرهه انا كره زواجه من العنود ..يمكن اكون غلطان بتفكير ويمكن اكون متخلف لاني اتبع العادات والتقاليد لكن هذا اللي تعودنا عليه من حنا صغار وهم يقولون البنت بس لعيال عمها حتى القبيله ما ياخذن منها الا اللي يكونون نفس الفخذ تربيت على هالشىء وكبرت عليه تشبعت من هالكلام فجأه اختي تضرب هي وابوي بالعادات والتقاليد عرض الحايط قهرني هالشىء نفرني من ماجد لكن عمري ماكرهته لكن اليوم بعد اللي شفته تمنيته يعيش لزوجته وولده شفت اخوه وهو يحاول يداري نفسه حتى ماتنزل دموعه ولهفة ابوه على سماع خبر يسره من العنود شفت العنود تقبل بخطوا ثقيله ارتمت بين يديني في حضن كانت تبي مني كلمات تهديها بس انا ماقدرت ماقدرت دموعها وصوتها الباكي ونظراتهم ولهفتهم على اي خبر منها عنه اضعفني قوتي اللي متعود تبخرت مع هالمشاعر والوضع اللي انا فيه صوتها وهي تبكي وتبي مني عزم لها ماقدرت لساني ثقل وصوتي ما اسعفني مع نظرات اللي حولي ودمع المتجمع في محاجرها وشهقات البعض منهن اللي اطلق العبره وانين البكاء حسيت صوتي مايساعد ولساني ثقل حركت شفايفي قلت بصوت خافت ادعي له ادعي له .. ــــــــــــــ * طلبو مني اروح للبيت وارجع لجاء وقت الزياره الثانيه رفضت وقعدت في وحده من الغرف القريبه منه كانت فاضيه ودخلتنا فيها عهود انا وساره ومها ونوف والهنوف نوف كان متشبثه فيني بقوه وتقول لا تخلينا عمي بحاجتك كن اطالع فيها وانا ما اشوفها زين من الدموع كنت بفتح فمي بقولها انا بعد بحاجته بس حسيت بعبره تحنقني خفت اطلع صوت وازيد عليهم اللي هم فيه بلعت عبرتي وضميت البنت لصدري وحاولت اهديها ..مر علينا الوقت ببطء الساعه كأنها ماصدقت جاء وقت الزياره رحت بسرعه لغرفته فتح الباب بهدوء كأني خفت اصحيه قربت منه وشفت صدره مكشوف والغرفه بارده رفعت الشرشف عليه وغطيته حتى احاول ادفيه قربت من راسه وقلت له كلام كان يقوله لي لاصحى قبلي رحت اعيد نفس الكلام له قلت له انا ومحمد ولدك ننتظرك تقوم لنا بالسلامه حطيت يدي على خده وجلست اتحسسه همست له ولهت عليك مشتاقه اسمع صوتك ..تدري وش جابني هنا امك ..ايه امك هي اللي طلبت مني ارجع لك تقول لي ماراح تتدخل بحياتنا وعدتني انها ماعاد تتدخل فينا بس انت اصحى ..ماقدرت اكمل عبرتي غلبتني وصوتي تهدج من البكاء لست شوي وبعدها كملت كلامي ..ماجد انا بحاجتك فتح عيونك شفني جنبك مو كنت تقول انك بحاجتي جنبك شفني جنبك ماجد اصحى شوفني هنااا طلعت منه بسرعه ماقدرت اقعد خفت تفلت اعصابي واحركه ويصير فيه شىء لاقدر الله طلعت منه وانا تعباااانه حاسه نفسي قايمه بمجهود كبير جاء عبدالله لي وقال كلام مدري وشو بس جلسني وشفته دخل غرفة ماجد شوي وطلع نزل لي اشوف شفايفه تحرك بس مدري وش يقول ما اسمعه احس فيه اصوات بس ما اشوف احد حتى عبدالله اختفى ماصرت اشوف حسيت بظلااام ..ليت الوجع بعروق قلبي ولافيك وليت التعب غلطان ساهي ولاجاك لو الشفا بضلوع صدري لاداويك الله من شرالمقادير يحميك والله يحفظك ياحبي ويرعاك ــــــ اليوم الثاني حمدلله على السلامه العنود تناظر حولينها رفعت راسها :آخ راسي ..الله يسلمك ..ريم الساعه كم ؟ ريم : الساعه تسع ونص العنود :وشلون ماجد اليوم ؟ ريم : في رجاء الله العنود بضيقه : من رجاء الله ماخيب رجاه ..تحركت بتقوم من السرير ريم : هييي انتي وين قايمه مهبوله ناظري بيدتس العنود : ليه حاطين فيني مغذي وش صار لي امس ؟؟ * كسرت خاطري العنود ماتدري باللي يحصل حولها حتى اللي صار لها امس ماتذكر وش صار!البارح طول ليلها وهي تناديه وتهمس بأسمه آه يالعنود الله يصبر قلبتس بعد صمت قلت لها امس تعبت ودختي عليهم ماتذكرين قالت اذكر قلت من دختي شالتس عبدالله وحطتس في غرفة الكشف وقالت الدكتور انتس تعرضتي لانفعال وجسمك منهك وتعبان لانتس ماتغذيتي زين وانتي نفاس هذا خلاتس تفقدين الوعي حطولتس مغذي وكلم عبدالله على خالد وعلمه وجيت عندتس سئلت عن عيالي قلت ابوهم عندهم والخادمه وقلت لها ان امي وابوي ومحمد بيجون عندنا.. ــــــــــــــــ انت من جدك تكلم ؟؟ : ليه هذا فيه مزح ؟ /من متى صار هالكلااام : امس الساعه 12 في الليل /لاحول ولاقوة الا بالله ..وش بتسوون ؟ :بروح لهم اخته من دخل المستشفى وهي عندهم هي والعيال / الله يعينهم :آمين ..بتروحين معي يأم عبدالرحمن ام عبدالرحمن : لااامو الحين بعدين.. : على راحك بس الحين بحاجه لوقفتك معهم ام عبدالرحمن : ماعاد باقي الا انت ياسلطان تعلمني الواجب !! سلطان : انا اذكرك ياام عبدالرحمن السلام سلطان وام عبدالرحمن : عليكم السلام عبدالرحمن : يمه برقد ساعه وبعدها قوميني عنده شغله مهمه ام عبدالرحمن : ان شالله صعد بسرعه لغرفته ورفع جواله يتصل :اوووووف هالزفت وينه من امس وانا ادور لابغيت مالقيته وان مابغيت نط بخلقتي ..سمع صوت ضحك ..هذي جواهر خبله تضحك لحالها !!ههههه يمكن خزنه عندها بروح اشوفها ..تسحب بهدوء لغرفة جواهر جواهر وهي تضحك : لا ياعمري .... جواهر : اممممم صعبه ........... جواهر : حبيبي الحين ما اقدر ... جواهر : انا عارفه انهم مشغولين عني مع عمتي بس حتى ولو انا ما احب احد يلقى علي غلطه ......... جواهر : حبيبي وليد تشك في غلاتك عندي ؟ ... جواهر وهي تضحك :يابعد عمري انت خلاص اليوم ارد لك متى اقابلك .آآآآآآآآآآآآآآآآه هاتيه يالحقيره يالووواطيه الووووووووووووووووووياكلــ ياابن الكلـ.. رد علي رمى الجوال على الجدار بأقوى ما عنده تقولين ماجد يكذب هاااااااااه يكذب انا اوريك الحين مسكه من شعرها يركلها من جنبها وهي تتلوى وتطلق صرخات دخل سلطان وامه عليهم ابعده خلني عليها ابذبحهاااااااااا ياسلطان السااااااااافله الواطيه الحقيييييره تكلم من ورانا تكلم سلطان ارخى يديه يسمع كلام عبدالرحمن اللي نزل عليه مثل الصدمه : انت وش تقول ؟ عبدالرحمن والشرار يتطاير من عيونه : الملعــــ.. تكلم تعرف وش معنى تكلم يعني تخونااااااااااا لاقينها في استراحه مع شباااااااااب والحين تكلمه تواااااعده التفت سلطان بقوه وصار يضربها ويركلها ويطلق اسوء الكلمات شهقات متتابعه اعلنتهاام عبدالرحمن سقطت على اثارها ــــــــــــــــ ضغط الجرس ريم انتي : وش فيتس تطقين الجرس ؟ العنود : بروووح زهقت الحين الظهر وانا مازرت ماجد ريم : بس الزياره ممنوعه عليه العنود فزت : انتي وش تقولين ريم : الزياره ممنوعه عليه العنود ودموعها تنزل: ليه تعبااان ؟ ريم .... العنود وهي تبكي : ليه ماقلتي لي انه تعباااان لييييه دخلت الممرضه : ايوه يالعنود العنود : تعالي فكي المغذي الممرضه :لسى ماخلص العنود : تفكينه والا نتقته ؟؟ الممرضه : وشوووو ريم : فكيه لها والا بطلعه بالقوووه الممرضه : خلااااص هدي العنود بعصبيه : اذا فكيتيه يالبااااااااارده بهدىء الممرضه بسرعه راحت وشالت المغذي من يدها ..قلت بصوت الله يعين ماجد عليك طالعتها العنود وقامت لبست عباتها بسرعه وراح لغرفة العنايه وريم تلحقها يارب هذي وحده توها والد بتذبح نفسها بها الطريقه * من قالت لي ريم ان ماجد تعبان عجزت امسك نفسي حاسه انه بحاجتي تذكرت كلامه لي وهو يقول انا بحاجتك لاتتركين بس ماطعته كابرت عشان كرامتي ما ابي اخسرها لكن الحين قاعده اخسر زوجي وابو لدي اخسر الغالي مشيت له شفت اهله عند الباب اللي واقف وساند ظهره على الجدار واللي جالسه على الكرسي و محاوطه يدينها براسها واللي جالس بزاويه ومقرب ركبه لصدره ومحاوطها بيدينه ومرخي راسه على ركبه شفت عمي يطلع من غرفته اسرعت له بسئله عن حالته لكن سبقتني دمعته حسيت قلبي بطلع من مكانه من قوو الرجف فيه طلبت منهم ادخل عليه قبلهم ماعارضو كانو مستسلمين لرغبتي دخلت عليه كان وجهه اصفر ذابل قربت منه وسلمت عليه دخلت يدي ببكفه وصرت احركها مثل كل مره اجيه فيها همست له ماجد حنا في حاجتك انا وولدك ..كنت اعبر له عن حبي وشوق له ..قلت له اني بدونك اضيع لاتتركني وحيده محمد ولدنا بحاجتك محد راح يربيه غيرك ..سمت صوت الجهاااز حق القلب نطت الممرضه اللي كانت معي بالغرفه وانا ماشفتها وطلعت تركض اربكتني تعلق في يده خفت انه يتركني جاء الدكتور وطلب مني الخروج ماقدرت رجولي ماشالتني اصلن ما احس فيها بس احس نفسي بردااااانه جرتي ممرضه وطلعتني برى وجلست مثل البلهاء كانو كلهم يطلون مع النافذه الزجاجيه واسمع همهمتهم وبكاهم وانا ماقدرت رافض اقبل فكرت اني اعيش بدونه مستحيل اصلن اعيش بدونه اطلقت صرخات متتابعه لااااا لاااااااا .. ــــــــــــــــــ انت وش تصير لك المريضه ؟ عبدالرحمن : امي وش فيها الدكتور : المريضه مصابه بجلطه عبدالرحمن انربط لسانه من الصدمه سلطان : وشلون حالتها الحين الدكتور : الحمدلله الحين وضعها مستقر مضطرين نحطها بالملاحظه كم يوم حتى تستقر حالتها اكثر ..لكن الجلطه اثرت على النطق والحركه .. سلطان : لاحل ولاقوة الابالله عبدالرحمن : يعني بتموت امي ؟ الدكتور : لا ان شالله بس في غرفة الملاحظه لمتابعة حالتها وللاطمئنان اكثر عليها ـــــــــــــــ ماحسيت الا بطبطبه على خدي العنود وكان صوت عهود تصحيني تبغاني اقوم قمت مفزوعه واردد اسم ماجد قالت لي انه صحى ماتكلم انا مدري وش حسيت فيه حسيت اطرافي بارده و حسيت نفسي مدري اضحك من الفرحه والا ابكي منها بس اللي عرفته اني حمدت ربي وشكرته قمت بروح له حاولت تمنعني عهود بس ما قدرت ابغى اشوفه وهو متعاافي دخلت عليه سلمت عليه وقلت له حمدلله على السلامه حسيت او تهيألي انه ابتسم مدري من الفرحه اظن صرت موسوسه آه يارب تمم لي شفاه وعافه لي الظاهر اني طلعت صوت وانا ادعي لان يده جت على يدي اللي كنت متكيه عليها وانا اكلمه بأذنه فرحت بها الحركه حسيت روحي رجعت لي ..طلعت من عنده وانا فرحاااانه حيل باللي صار بعد ما انتكست حسيت روحي بموت لو فقدته بس الحمدلله اللي رد الغالي لي الحمدلله ماحسيت الابشخص ارتمى في حضني طالعت فيه لقيتها نوف تبكي وتتكلم مافهمت وش تقول كلامها كان ملخبط حطيت يدي على فمها وقلت لها خلاااص لا تبكين هو الحين بخير ..رفعت راسها وقالت هو حس بوجودك جنبه لاتتركينه مره ثانيه كفايه اللي صارله من قال لي هالكلمه حسيت نفسي انانيه فكرت في نفسي ونسيته فكرت بكرامتي وجرحته خليته رفعت راسها خلاص ماراح اتركه وعد ماراح اتركه رجعت ضمتني وهي تبكي ..ياربي ارحم حالي ــــــــ اليوم الثاني اسمعي يالكلـــ ابغا منك رقم الكلـــــــ وليدوه الحين جواهر : ما اعرفه ؟ عبدالرحمن : لا ماتعرفينه شكل اللي جاك امس ما اكفاك جواهر بخوووف : لالالالالالالالا اعرفه اعرفه وبعطيك رقمه بس لاتطقني عبدالرحمن : بسرعه قوليه قبل ما اذبحك يالوسخه جواهر :********** عبدالرحمن : وش اسمه جواهر : وليد فهد ال .. عبدالرحمن : حافظته وحافظه اسمه تفل عليه وطلع (تكرمون) <<دق على وليد السلام عليكم وليد: وعليكم السلام عبدالرحمن : الاخ وليد؟ وليد: نعم عبدالرحمن : اخوي فيه موضوع مهم ابغاك فيه وليد: من انت عبدالرحمن : انا اخو جواهر وليد : من جواهر عبدالرحمن : ماتعرف جواهر !! وليد تقصد : جوجو ؟ عبدالرحمن يصك على اسنانه بعد يدلعها : ايه جوجو وليد : وخير يا اخو جوجو عبدالرحمن :الخير بوجهك انت عارف و ابي وليد : كم تبي ؟؟ عبدالرحمن : كم ابي ؟؟ وليد : ايه كم تبي وتفكوني انت واختك عبدالرحمن : تزوجها وليد : تخسسسي عبدالرحمن بغضب : تخسي انت وليد :هييييييي انت مهبووول ماتعرف من انا وبعدين تبين اتزوج اختك اانت عبدالرحمن : وش فيها اختي عشان حبتك حب شريف وليد يضحك : حب شريف !! لا ياحبيبي هي حابه غيري اقصد على علاقه مع غيري تبغاني اخذ وحده مستعمله !! وحده قد شبعو منها غيري !!وحده تكون ام عيالي !!لاااااا عبدالرحمن بعصبيه : انطم اختي اشرف منك يالنذل وليد بسخريه : هه رح اسئلها من شافها بالاستلراحه ووش كانت لابسه ؟ امي عيالي مايشوفها احد غيري ولا يلمسها غيري امي عيالي ماتخون اهلها هذي خانتكم بأظمن ماتخوني لا تزوجتها !! .......اقول انت ضيعتي وقتي في شىء فاضي <وسكر الخط عبدالرحمن صفق بالجوال على الجدار ومسكها من شعرها هذا جزاك يالخاااينه الواطي يقول من خانت اهلها ما امنها على بيتي ما الوووومه الومك انتي يالسافله وركلها برجله وطلع رجع وقال بصوت حاد : اسمعي يا السافله امي بيطلعونها بعد اسبوع ان استمر وضعها كذا لكن محد راح يقوم فيها غيرك فاهمه !! ـــــــــــــ قمت اليوم وانا حاسه بنشاط مو طبيعي بعد زيارتي الاخيره امس الساعه 8 كنت بقعد لين يمر الطبيب الساعه تسع بس رفضو لاني نفاس وتعبانه رجعت وانا كان نفسي اجلس اكثر .. تحممت بسرعه وحممت حبيبي وبدلت له ملابسه واعطيته الرضعه ولفيته بالمهاد ونومته بسريره شفت امي جايه مشتطه ضحكت على شكلها وهي تأفف من الرياض تقول يجيب التكه مو مثل الديره الباب فاتح وهذا داخل وذا طالع مو هنا الجار ما يجي جاره الا برسميه والوحده مرتكزه وتحطي من طرف خشمها من التطور ..سئلتها وش فيتس يمه ؟ قالت انتي وشلون اصبرتي هنا الحين ريم لها فوق الشهر وجارتها ماجتها الامرتين !! يوه امحق ..قلت يمه كلن يدور راحته ..وكملت يمه انا بروح للمستشفى اشوف ماجد ماعارضت افطرت ورحت حتى امي زارته معي مدري وش خلاها تروح معي هالمره رغم انها ماتروح الا مع ابوي ومن وصلت غرفة العنايه فتحت الباب شفت ممرضه تلف الاسلاك حقت القلب قالت الممرضه متى وقت الوفاه قالت من نصف ساعه حركت نظري له شفته ممدد ومغطى بالشرشف تجمدت من المصيبه اللي سمعتها مااات خلاااص وقفت في مكاني وانا مو حاسه بنفسي نظري بس في اتجاهه هو كان نفسي ارتمي في حضنه وابكي واقوله يرجع لي بس رجولي ما اسعفتي ما احس فيهاا نهائي .. * تأخرت العنود داخل موبالعاده طليت مع النافذه شفتها موقفها جاامده طالعت في ماجد وشفت اللي ماكنت اتمناااااه قعدت ابكي ماعرفت وش اسوي رفعت الجوال وانا متردده دقيت على خالد بلغته بالخبر ابغاه يكون معي خفت ابلغ نايف ويرتفع السكر معه والا الضغط شوي وشفت السرير العنود شايلينها الممرضات وحطوها على سرير ماتحملت منظرها بكيت حال بنتي ترملت صغيره حتى حسيت ان حنجرتي تجرحت دق علي خالد وعلمته بالغرفه جالنا شافها متمدده حسيت من ملامحه الضيقه اللي تحتويه .. *بلغتني امي بالخبر صدمتني فيه امس كنت عنده مافيه الا العااافيه والدكتور يقول حالته متحسنه كثير وانهم بيطلعونه اليوم من العنايه لكن ماتوقعت انهم يطلعونه ميت !اسرعت من مكتبي للمستشفى صرت اركض في ممراتها مثل التايه كلمتها وبلغتني وين مكانهم جيتها شفت العنود متمدده تذكرت ولدها اللي مافرح فيه ابوه ..تذكرت ضحكها امس وتعليقها على عيالي وولدها كانت تحكي امس اغلب الوقت فيه وماعلى لسانه الا هو ليت في يديني حل مابخلت به عليتس . ــــــــ هذولا وينهم ادق على الثابت مايردون والجوال مسكره جوالها عهود : ايه تسكره لادخلت المستشفى عشان العنايه خالد: طيب معناها انها هنااا عهود : بس ماجت لي فتره ادق ومسكر ! تركي : يمكن فضى شحنه ؟ ماجد : دقي طيب على ريم او عمتي عهود : عمتك ما اعرف رقمها ماجد :طيب ريم عهود : لحظه اظن ريم عندي ...اووف ما لقيته شكله طار من جهازي بعد ماغيرته خالد : انا معي رقم رجلها ماجد : وساكت الى الان؟! ياخي دق عليه خالد : طيب هد اعصابك الحين ادق عليه ..رفع جواله يدور رقم ابونايف من بين الارقاام في الجهه الثانيه خالد اخو العنود يطالع بالجوال رفعه وهو يتحرك بيطلع من غرفة العنود لاتسمعه : هلاا خالد :السلام عليكم ابو نايف : وعليكم السلام خالد : ابونايف فيك شىء ؟ ابونايف (ذا شكله مايدري عن اخوه ياوالله الورطه ):هاه لا مافيني شىء خالد : صوتك مهوب طبيعي ابونايف : لا مافيني شىء بس يتهيأ لك ماجد اللي من سمع ان فيهم شىء مد يده : عطنيه بكلمه خالد : ابونايف خذ ماجد يبي يكلمك ابو نايف : هااه ماجد:الووو خاااالد ابونايف : مااجد ؟ ماجد : وش فيك ؟ ابونايف : انت وينك فيه ؟ ماجد : في المستشفى ويني فيه يعني ابونايف :بس اليوم جتك العنود و... ماجد : ايه طلعوني اليوم الصباح الساعه 8 من العنايه ابو نايف : الحمدلله كم رقم غرفتك ؟ ماجد : انا بالدور الرابع غرفه 411 ابو نايف : ان شالله شوي ونكون عندك ماجد : حياكم الله ــــــــ *دخلت من الفرحه عشان ابلغ العنود بالخبر شفت امي تبكي على حال بنتها نزلت وحبيت راسها وبلغت بالخبر حسيتها ماصدقتني بس حلفت لها اني مكلمه وبقوم العنود نروح له قربت من سرير العنود وصرت انادي عليها العنود .. العنود ..ماكنت اسمع اي رد منها صرت اطبطب على خدها بخفها وانا اناديها ابغاا تصحى وابشرها بالخبر فتحت عيونها بخفه .. * سمعت صوت كأنه انتشلني من بير عميق كان ينادي بأسمي فتحت عيوني وانا اتمعن بالوجه اللي قدامي قالي العنود ماجد كلم يبيس فتحت عيوني بقوه ابغى اصدقه ناظرت في امي شفتها تبكي وتحرك راسها كأنها تثبت لي ان كلامه صحيح رجعت اناظر في وجهه وكان راسم على وجهه احلى ابتسامه قال انا بروح لماجد بتروحين معي ؟ فتحت فمي بقوله يعني ماجد حي ما مــا.. وسكت ماقدرت اكملها خفت يكون حلم حرك راسه وقال ماجد ينتظرك هم طلعوه من العنايه واللي شفتيه مريض ثاني جاء مكانه وتوفى قمت بسرعه وخليتهم يفكون المغذي ولبست عباتي وانا متلهفه على شوفته رحنا بسرعه لغرفته دق خالد الباب ورد علينا تركي شفتهم طلعو ا كلهم حتى البنات كانو فيه اللي ماشفتهم معهم عمي وعمتي !..دخلت عليه بعد ماسلمت عليهم وطالعت فيه وانا حاسه بطير من الوناسه ماجد قدام وحي رحت له و.... ــــــــــــ اليوم مريت على ام عبدالرحمن بصراحه تكسر الخاطر ساره : ضعيفه المسكينه مها : الله يعينها عهود: بنتها ماشفتها من يوم دخلت المفروض تكون مرافقه معها ساره: ماتدرين عن الظروف هنوف : خاله بترجعين لعمي عبدالرحمن بعد مرض جدتي ؟ مها : لاماراح ارجع له ـــــــــــــــ *بعد ثلاث اشهر من الاحداث * *رجوع العنود لماجد كان له اثر كبير في حيات نوف اللي طلبت منها العنود انها تسكن معها في نفس البيت * مها خلعت عبدالرحمن حتى ترتاح رغم محاولاته بأرجاعها * عهود لاجديد ف حياتها * سلطان &ساره .لاجديد ف حياتهم * ام ماجد بعد قرار ابوماجد طلب منه ماجد انه يتراجع عن قراره وبعد محاولات اقتنع بس بشرط ماتعرض للعنود ووافقت * ام نواف وام محمد (ادعو لهم من قلوبكم ان ربي يهديهن لانهن سببن مشاكل بين الاخوان لكن الحمدلله الى الان مافرقوهم وجعلهم مايتفرقون .. نعاني من تحريض ام نواف المستمر وتأليفها الكاذب ومن امثالها فعلآ فئه الله يعينا عليها ..) * جواهر ونها يتها تمقتت او تمسخرت بحال جدت خزنه رفيقتها .واتهمت عرض العنود ..ونهايتها هي تشيل وتغسل امها في البيت بعد ماسحب الجوال منها ومنعت من الطلعه الا مع امها للمستشفى ! *خالد اجل زواجه بعد مرض اخوه .. تــــــــمت * الروايه من الواقع .. اظطررت للاستجال في اخر البارتات بناء على طلبكم حتى انهي الروايه قبل الامتحانات .. ملاذ الرووح * |
| الساعة الآن 04:10 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية