|
تعال ياسكر نبات العشق ياملح القصــيد
تعال ياسكر نبات العشق ياملح القصــيد
غيبتك لي مده وانا اغني على طاروقها قصيدة(ن) موالها تهتز له خظر الجريـــــد ترخي هماليل المزون اللي تلوح بروقها ماهي دراما اومسلسل تكتبه فجر السعيد مشاعر(ن) تليق بي وانت وغلاك تلوقهــا ناديت لك وانت القريب من المحاني والبعيد وسقت القدم والا لغيرك مستحيل اسوقهــا ومديت لك كف الرضا والعشق والعمر الزهيد ومدلـــلك مثل الرجــــال اللـي تدلـل نوقهــا واصبحت تسري وسط شرياني وترجع فاالوريد تقفي وتقبل وانت لي طعـــم الحيـــاه وذوقهـا ياراس مالي يوم مالي لاحساب ولارصيـــد فالبنك والاسهم نموت ولادخلنــــا سوقها تعال قربك عيد والبعد ضربه من حديـــــد يامن تشب النار بغيابي وانا اطى فوقها اشعلت بردي في دفاك وذابت امواج الجليد اللي شواطيها تحرا فيّتك وشــــــــــروقها وكتبت فيك اغلى القصيد يفيد والا مايفيد ابيات لاغنيتها تـــروق لي واروقـــهـــا ارجع والاابغى لك عذر من دون شرط ودون قيد يااول هوا نفسي وتاليهـــم وغاـــية شــــوقها احايل رفقتك والعمر ينقــــص مايـــــزيد سنين ادوّر رفقة اللي رفقته مابـــوقـها تعال وافعل ماتبي والله يفعل مايـــريد اترك كلام اللي على السيره تبل حلوقها |
تسلمين ياالغلا على الكلام العذب
والذوق مايجي منه الا كل حلو وذوق000000000000 |
بين سُكَّر نبات العِشْق ومِلْح القصيدْ.. ذابت قلوبنا معزوفة ما أجملها وما أطربها وأخفّها ظِلاًّ وأعْذبها مذاقاً بَوْح قلم.. مُبْدعةٌ كالعهد بك.. مُبْدعةٌ وجميلة سَلِمَ حَرْفُك وصَحَّ وجْدانُكِ ودُمْتِ بألفِ خَيْرٍ وعافية. |
اقتباس:
مرورج الحلو فديتج حياج الله |
اقتباس:
حياك الله |
| الساعة الآن 12:03 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية