منتديات ليلاس - طريقة عمل البوكيه في الصورة الفوتوغرافية

الموضوع اعجبني فاحببت ان انقلها لكم للاستفاده

ونشوف ابداعاتكم :-)

السلام عليكم ورحمة الله وبركاته
مساكم جوري || وصباحكم نرجس

اليوم بإذن الله الكل يستفيد من الدرس
وانا خصصت الدرس هذا للمبتدئين
وان شاء الله يكون فيه فايدة لو بسيطة

طبعا كثير منا لايملك الإمكانيات لاقتناء إضاءات الاستديو
والكثير منا كذلك لديه الإمكانيات لكن لايوجد لديه المكان اللي يضعها فيه
وكذلك الكثير لديه الإمكانيات ولديه المكان لكن مازال يرى في نفسه انه مبتدئ

طبعا الكثير منكم لاحظ في صوري الأخيرة اني استخدم البوكيه فيها
البوكيه ليس مركب على الصورة
لكن الواحد لو استمر في جعل الأشياء البسيطة من حولنا شي كبير راح يحس باانه انتج

كثير قالوا لي لو استخدمت يا سلطان الإضاءة البسيطة راح تصير صورك سيئة
يعني أنت لولا الله ثم إضاءة الأستديو لااصبحت ولا شي

طبعا كل شخص واحترم وجهة نظره
لكن باوضح ان الإنسان لو فكر واستغل تفكيره في الشي الصحيح راح ينتج

أنا في بداية تعلمي للتصوير واجهة صعوبات كثيرة من ناحية الإضاءة
لكن متابعتي خلتني أفكر في صنع أشياء بسيطة لكي تظهر لي صورة

طبعا نزلة درس قبل كذا للمبتدئين والطريقة الصحيحة لاستخدم الاضاءات البدائية في الصورة الفوتوغرافية
والحمد لله ان الدرس أصبح ناجح بشكل مبدئي للإخوة المبتدئين

واليوم راح انزل درس عمل البوكيه والخروج بصورة اقل مايقال عنها رااائعة
باستخدام الإضاءة البدائية بعيدا عن السوفت بوكس والامبريلا وغيره

الصور التوثيقية ليست بالدرجة المطلوبة
لكنها ستوضح كواليس كثيرة يجهلها البعض

أتمنى لكم متابعه جيده

( طريقة عمل البوكيه بأبسط الأدوات من الألف للياء )

المكونات المستخدمة في الصورة
ولا راح اذكرها لأني سأضعها بالتفصيل

http://g.abunawaf.com/2010/5/22/sultan/509002917.jpg

كثير من الاخوة والأخوات سألوني عن نوع ورق الزينة المستخدم في البوكيه
وهذي صورة له عن قرب علشان تصير لكم واضحة
شريتها من محل ابو ريالين وكان الكيس بريالين تقريبا وموجود منه كثير من الألوان
راح تتعب في التثبيت لكن بتنسى هم التعب بعد ماتشوف النتائج

http://g.abunawaf.com/2010/5/22/sultan/810284848.jpg

وهذي شكلها عن قرب وأنا أقوم بتثبيتها في الخلفية
وبالطبع كان اختياري للخلفية في الصورة هذي اسود
للتناسب مع الألوان
وكل شخص وذوقه في ترتيب العناصر والالوان اللي راح يستخدمها

http://g.abunawaf.com/2010/5/22/sultan/546672210.jpg

وهنا شكلها النهائي بعد التثبيت

http://g.abunawaf.com/2010/5/22/sultan/809288212.jpg

سويت في هالصورة تجربه على السريع
الجزء الأعلى للزينة لكنها خارج الفوكس
أعطتني الشكل هذا اللي هو البوكيه
لكن الجزء الأسفل كان داخل الفوكس وأعطاني شكله الحقيقي

http://g.abunawaf.com/2010/5/22/sultan/492732437.jpg

هذي الدبابيس اللي استخدمتها في تثبيت ورق الزينة على الخلفية
ومثل ماسبق وذكرت بان التثبيت متعب شوي
ولابد ان الشخص يوزع ورق الزينة بالشكل المطلوب ليعطينا بوكيه مرتب

http://g.abunawaf.com/2010/5/22/sultan/470240264.jpg

إذا كانت الإضاءة بدائيه
فلا بد من توفر الترايبود لكي تصبح الصورة ثابتة وغير مهزوزة
** ملاحظة
للأشخاص اللي راح يصورون بنفس الصورة
عليهم إغلاق مانع الاهتزاز في العدسة والكاميرا مثبته على الترايبود
لان مانع الاهتزاز يسبب اهتزاز خفيف في الصورة اذا كانت مثبته

http://g.abunawaf.com/2010/5/22/sultan/364030717.jpg

وهذا العنصر اللي راح يكون أساسي في الصورة
شامبو صانسليك بلون زهري

http://g.abunawaf.com/2010/5/22/sultan/152141637.jpg

وهذا رشاش الماء الخاص بالتصوير
لوضع قطرات على المنتج المراد تصويره

http://g.abunawaf.com/2010/5/22/sultan/136930108.jpg

أنا استخدمت في الصورة ريموت للكاميرا
لأجعل الصورة أكثر ثبات
والزملاء اللي مايتوفر عندهم ريموت
يستغنون عنه بالمؤقت الذاتي في الكاميرا

http://g.abunawaf.com/2010/5/22/sultan/560768754.jpg

هذي الخلفيات اللي كنت مستخدمها للأرضية
والخلفية للصورة سودا

http://g.abunawaf.com/2010/5/22/sultan/168771013.jpg

نجي الآن لأهم نقطة في الصورة
ألا وهي الإضاءة
طبعا لكل مبتدئ لابد يتوفر عنده النوع هذا من المصابيح
وخاصة اذا كان هاوي تصوير ستيل لايف او تصوير في المنزل بشكل عام
موجود النوع هذا عند اقرب محل متخصص في الكهرباء بسعر 12 ريال تقريبا للحبه الواحده
وانا موجودة عندي هذا النوع من سنه تقريبا

http://g.abunawaf.com/2010/5/22/sultan/237341472.jpg

ولكي يصبح التحكم بالإنارة سهل
لابد وجود توصيله كهربائية له
وهي موجودة عند الكهربائيين
ويعملها الكهربائي بشكل يدوي
وانا من وجهة نظري لو كان طول السلك 3 أمتار وأكثر راح تخدم بالكثير
وتكلفتها تقريبا الـ 30 ريال للسلك الواحد

http://g.abunawaf.com/2010/5/22/sultan/183381374.jpg

هنا كانت الخطوة الأخيرة وهي طريقة توزيع الإضاءة
طبعا الإضاءة الموجودة على الطاولة انا صورتها في المكان هذا علشان ماتحرق لي السجادة
لكن لما جاء وقت التصوير بعدتها مسافة متر الا ربع علشان ماتعطيني إضاءة حادة
واستخدمت في الجهة المقابلة عاكس فضي
والخلفية كان بالقرب منها مثل ما انتم شايفين إضاءة لإنارة البوكيه
وهذا كان الترتيب النهائي للصورة

http://g.abunawaf.com/2010/5/22/sultan/803356217.jpg

إعدادات الصورة

الكاميرا : canon 50D
العدسة : canon 50 1.8
فنحة العدسة : 3.5 مم ( كل ماقل الرقم كل ماتوسعت فتحة العدسة كل مازاد حجم البوكيه )
سرعة الغالق : 20/1 ثانية

وهذي هي النتيجة

http://g.abunawaf.com/2010/5/22/sultan/282.JPG

أتمنى أن ينال الدرس على إعجابكم
وأتمنى ان الكل يستفيد منه
وان شاء الله نشوف نتائجكم وإبداعاتكم

وهذي نتائج سابقه لي

http://g.abunawaf.com/2010/5/22/sultan/192.JPG

http://g.abunawaf.com/2010/5/22/sultan/278.jpg

http://g.abunawaf.com/2010/5/22/sultan/3931.JPG

http://g.abunawaf.com/2010/5/22/sultan/258.jpg

__________________