|
ضاعت حياتي بلحظه للكاتبه ReRez
بسم الله الرحمن الرحيم [COLOR="Sienna"] قوه بنات COLOR]هاي أول مشاركه لي هني بالمنتدى أتمنى ألقى تفاعل لهاي الروايه هذي القصه صار لوحده من رفيجات الكاتبه وايد مأثره فقالت أنها بتكتبها ( طبعا فيها وايد اشياء راح ازيدها بس فكرتها واكثر المواقف صارت صج )[/ وطبعا وأهم شي // القصه منقوله للكاتبه : ReRez .. و ماتحلل اي وحده تنقل روايتها وماتذكر اسمها هالرواية اهداء الى M (( بطلة القصه وبسميها روان )) وبقولج اذا بهالدنيا في ناس مرتاحين تره نسبتهم قليله ونسبة 90 % ناس عندهم هموم ..بس الشاطر اللي يعرف يتعايش معاها .. و ماعلينا الا انقول الف حمدلله على كل حال .. نبدي ... ------------------------------------ أي حوارات بالانجليزي لا تدققون عليها لأن انا تخصصي كمبيوتر مو انجليزي بس الانجليزي لغة احبها لا اكثر ولا اقل وتره كتبت الترجمه حق اللي مايعرف انجليزي بس عاد لاتظحكون .. لأن الحوارات الانجليزيه لو حولناها عربي تطلع تظحك يللا نبدي ... ** البارت الأول ** - بريطانيا : جامعة كامبريدج- ( ممر من ممرات الجامعة ) بدر : زين كلمي امج قوليلها تسوي مقدمات حق ابوج وبالعطله بحيل الله نروح الكويت واطلبج منهم ونرجع اهني نكمل الدراسه واحنا متزوجين وبشقتنا وتطلعين من مغثة السكن روان : لا بدر والله لو قلت حق امي او حتى لمحت لها بتحط في بالها اشياء انا في غنى عنها .. خل نرجع وانت قول شفتني اهني وخطبتني عادي .. مابي المح لها (Matt) : ( يركض ياي لهم ) wait Bad I wanna talk to you //مات : لحظه باد انطر بكلمك// بدر : why do you insists on make me a bad person for thousand time .. my name is Bader , not bad //بدر : انت ليش مصر انك تطلعني انسان سيء؟؟ للمرة الألف اسمي بدر مو باد// روان : ( تظحك ) قاعد يدلعك اشفيك (Matt) : come on , Bad //مات : يللا عاد باد// بدر : If you know the meaning of your name in my language you will be miserable //بدر: بس لو عرفت معنى اسمك عندنا جان صرت تعيس// روان : ( تظحك ) اي والله مسكين من اول ما انولد مات (Matt) : please talk in English //مات : تكلمي انجليزي لو سمحتي// بدر : My fiancee talk in any language she want .. Ok //بدر : خطيبتي تتكلم بأي لغة تبيها فاهم؟؟// (Matt) : ok .. ok I'll talk to you latter //مات : خلاص خلاص أكملك بعدين// ( راح وخلاهم ) روان : مسكين كسر خاطري جان خليته يقول اللي يبيه اول بدر : خيولي .. يكلمج بهالاسلوب وتبيني اظحك معاه؟؟ روان : ماقال شي مسكين بدر : بلى قال .. وبعدين مابيه يطيح الميانه تره احنا عرب وانغار روان : ( تبتسم ) زين دام غيره ماقدر اقول شي .. الحين لازم اروح محاضرتي اشوفك بالبريك بدر : روانووو .. لا تعطين الشباب ويه أي احد يسألج سؤال قولي ماعرف كسلانه مادرست زين؟؟ روان : ( تظحك ) زين و خل يقولون العرب نحس .. جنه احنا ناقصين تعليقاتهم يللا باي ( تدخل الكلاس ) ( -روان- بنت حلوه عمرها 24 شعرها اسود لي جتفها حنطاويه وعيونها كبار وحلوين لونهم عسلي .. تدرس طب وهذي ثالث سنه لها بالجامعه.. -بدر- شاب عمره 26 هم حنطاوي بس اهي افتح منه .. حنجه فيه شقه (مقسوم) مخليه ملامحه احلى ودايما لحيته ديرتي بس يحددها .. هذي هم ثالث سنة له وبنفس تخصص روان وتعرف عليها بالبدايه لمدة سنة كان زميلها بعدين صار يحس بغيره اذا احد قرب منها وكلمها حتى لو عن الدراسه .. فاعترف لها ان يحبها واهي بعد كانت تحس انها تحبه بس قالتله ماتقدر تخون ثقة اهلها واذا يبيها خل يخطبها ) - بالقاعه روان كل شوي تطالع الساعه ملت من المحاضره – روان : ( بقلبها ) يللا باقي شوي وتخلص المحاضره بطلع لاعت جبدي (Dr David) : Tomorrow I want to see a summary for chapter 6 .. I don’t accept any excuses //د . ديفيد : باجر أبي منكم ملخص للفصل السادس .. وما اقبل أي عذر// ( خلصت المحاضره اطلعت من القاعه ولقت بدر ينطرها ) روان : مابغى يخلص قرقه .. قطيعه اشكثر اكره هالدكتور بدر : ( يبتسم ) وانتي كله بس تتحلطمين .. اشفيه بعد اشسوه روان : يقرق قرقه موطبيعيه والماده تلوع الجبد وهم يبينا نقرى فصل كامل يمكن 200 اورقه ونسلمه التلخيص باجر .. جنه ماعندي الا مادته بدر : ( يظحك ) اهم شي انج ماخذه راحتج وتتكلمين كويتي وطايحه حش بالدكتور لو يفهمونج جان افصلوج روان : اسم الله علي .. ان شاءالله عدويني بدر : آمييين وعسى كل واحد يكرهج يموت روان : لا حرام مساكين خلاص خل نسامحهم بدر : ( يظحك ) فديت قلبج الطيب روان : ( تبتسم ) بروح اكلم امي وعدتها ادق اليوم بدر : بيي معاج بسمع شتقولون روان : بكلمها بغرفة النت مايرضون تسوي ازعاج بدر : لا ماراح اسوي شي بس بقعد عاجل واسمع روان : اي عفيه خلك خوش ولد بدر : ان شاءالله ( راحو غرفة النت بالجامعه ودقت على اهلها ) روان : ( تأشر حق بدر وتبتسم ) قعد يرن ام مشاري : الو؟ روان : الو .. هلا يمه .. هلا حبيبتي .. اشتقت لج وايد ام مشاري : هلا روونتي حبيبتي اشلونج يمه اشلون الدراسه معاج ؟؟ روان : ( عيونها دمعت بس ماسكه بجيتها ) اشتقت لكم كلكم .. اشلون ابوي؟؟ اشلون منول ومشيري والعسل فروس والله ولهت عليهم كلهم ام مشاري : والله الحمدلله كلهم بخير منول كانت تبي تكلمج بس اهي نايمه الحين .. وفروس صار يمشي روان : صج؟؟؟ متى؟؟ ام مشاري : من جم يوم يحليله روان : ( بجت ) والله ودي اشوفه بدر : ( يعطيها كلينكس ) ام مشاري : يمه لاتبجين كلها جم شهر وتصير عطلتج وتشوفينه ان شاءالله روان : زين ابوي ومشيري وينهم؟ ام مشاري : مشيري بعد نايم وراهم مدارس .. و ابوج بالحمام بس يطلع يكلمج روان : ماقدر اطول .. بس بوسيلي الكل وخصوصا ابوي قوليله اني ولهانه عليه وايد .. يللا انا لازم اروح عندي محاضرات ام مشاري : مع السلامه حبيبتي موفقه يمه ( روان قامت وطلع معاها بدر ) روان : ( دموعها تنزل موقادره توقفهم ) والله ولهت عليهم حيل متى اتصير العطله بدر : حياتي انتي بس تكلمين اهلج تبجين يعني للحين ماتعودتي ؟؟ روان : ( تمسح دموعها ) لا ماتعودت وماعتقد بتعود .. بدر : افا.. انا معاج واتقولين ماعتقد بتعود ؟؟ روان : ( ساكته ) بدر : خلاص ماباقي شي عالعطله و ان شاءالله بتروحين وتشوفينهم ونرجع اهني متزوجين و اصيرلج زوجج واهلج وكل شي روان : ( تبتسم ) ان شاءالله ---- - بالكويت – ام مشاري : توه سكرته منها عندها محاضرات وماقدرت تطول اكثر .. بس اتسلم عليك وايد وتبوسك ( اقعدت تبجي ) ابو مشاري : زين اشفيج تبجين؟؟ البنت فيها شي ؟؟ ام مشاري : لا مافيها شي الله يحميها .. بس بجت اتقول اولهت علينا .. شكلها تعبت من الغربه ابو مشاري : ميخالف اهي قدها دام قررت تروح وتصير دكتوره خليها تتحمل الغربه وترجع رافعه راسنا.. متى ايي هاليوم عشان اخذ شهادتها واحطها بعين اخوي أخليه يسكت ام مشاري : واهو للحين معارض ابو مشاري : عارض ولا طق راسه بالطوف .. اخاف برد عليه .. البنت بنتي وسفرتها وانا واثق انها بترد رافعه راسي بشهادتها .. ما ارد على احد حتى لو كان اخوي العود ام مشاري : انا بعد خواتي اشكثر كلموني بس طنشتهم .. خايفه على هالبنت من عيونهم ابو مشاري : ماعليج منهم .. الله يوفقها يارب ويسهل دربها ام مشاري : آمين يارب ------ - بريطانيا : جامعة كامبردج- ( اليوم الثاني ) بدر : ها اشلون التلخيص ؟ روان : طلّع عييني .. شوفهم اشلون صايرين؟؟ والله مانمت الا جم ساعه بدر : ( يطالع عينها ) مافيهم شي حلوين روان : ( تبتسم ) وين حلوين لونهم احمر يفشلون بدر : مافيهم شي .. زين عطيني اشوف تلخيصج؟؟ روان : لا مابي يفشل بدر : وانتي كل شي عندج يفشل؟؟!! روان : ( تظحك واتطوف السالفه ) وناسه الحين محاضرة التشريح بدر : الله يعيني بتزوج مجرمه روان : بدور اشفيك ؟؟ عيل اشلون بصير دكتوره خلني اقوي قلبي بدر : عيل شربي (ماونتن ديو) أسهل؟؟ روان : شكو؟ بدر : ماتعرفينه؟؟ ماونتن ديو أوي البك؟؟؟ روان : ( تظحك ) اييي عرفته شخبااري منزمان ماشفت الدعاية بدر : ( يظحك ) زين زين امشي ولاتظحكين بصوت عالي مابي احد يسمع ظحكتج روان : ( تظحك ) زين بدر : هي منصجي والله قصري صوتج وانتي تظحكين روان : ( تحبس ظحكتها ) اوكي بدر : أهم شي انج معاي بهالمحاضرة عشان اذا طحت غشيان تسويلي قبلة الحياة روان : ( تطقه على جتفه ) ويعه شنو قبلة الحياة .. وبعدين المفروض انا اللي اطيح غشيانه مو انت بدر : لا والله؟؟ انتي اللي حدج مستانسه انج بتروحين تشرحين بني آدم حشى ريال روان : بدر عااد حرام عليك بدر : ( يظحك ) اتغشمر معاج حياتي .. ادري كلج رقه و أنوثه.. فديتج - دشو القاعه و اقعدت الدكتوره تعلمهم اشلون يشقون صدر جثة متبرعين فيها من الهند- (Dr Helena) : Be careful when you cut the skin .. your hand must be strong and gentle at the same time .. like this .. who wants to try //د.هيلينا : ديرو بالكم وانتو تشقون الجلد .. ايدكم لازم تكون قويه وبنفس الوقت رقيقة .. بهالطريقة .. منو يبي يجرب؟// روان : I do .. please //روان : انا لو سمحتي// بدر : ( يبتسم ويطالعها ماسكه المشرط وبتشق صدر الجثه ) روان : ( طالعت بدر وابتسمت ) بسم الله ( بهاللحظه انطق باب القاعه ودش بروفيسور من الادراه ) (Professor Peter) : Hi ms Browne can I talk to miss al rashed? // بروفيسور بيتر : اهلا سيدة براون .. ممكن اكلم الآنسة الراشد؟// - ملاحظه : بره ينادون الناس بأسماء عايلتهم مو باسمهم الأول- (Dr Helena) : Sure no problem.. you can go miss al rashed //د. هيلينا : اكيد ممكن .. تقدرين تروحين آنسة الراشد// روان : ( اتطالع بدر ) Ok بدر : ( يبتسم لها ) لاتحاتين شي روحي Good luck.. // بالتوفيق// بدر كان يطمنها بس بنفس الوقت مستغرب ليش ناداها البروفيسور بدر : ( بقلبه ) ان شاءالله خير ---- - بمكتب رئيس الشؤون الطلابيه و النفسيه ( البروفيسور بيتر)- (Professor Peter) : Have a seat please // البروفيسور بيتر : تفضلي لو سمحتي// روان : ( تقعد وقلبها يرقع ) Is there something wrong? // روان : في شي صاير؟// (Professor Peter) : Am afraid there is // بروفيسور بيتر : اي للأسف // روان : ( اتطالعه و موقادره تقول شي ) (Professor Peter) : miss al rashed I have bad news // بروفيسور بيتر : آنسة الراشد عندي اخبار سيئة// -------------------------------------- |
اتمنى تعجبكم القصه تابعوني .. و ان شاءالله بنزل بارت كل يوم لاتحرموني من ابداع اقلامكم |
وين ردودكم ؟؟؟؟؟؟؟؟؟؟ بنات إذا ما عجبتكم الروايه قولوا لي |
بالتوفيق دايما ان شاء الله...
بداية الروايه روووووووعه ... انتظر التكمله... |
** البارت الثاني **
- بمستشفى يم حرم الجامعة- روان : ( تحس انها ماتقدر ترفع راسها ) لااا أكيد يجذب .. طلعوني من اهني بدر : ( يمسك ايدها ) عطوج مخدر هدي نفسج روان : ( تبجي واهي مغمضه ) بدر انت ماسمعته شنو قال بدر : ( متقطع قلبه عليها ) حياتي الله يخليج هدي نفسج روان : ( نامت واهي اتدمع ) بدر : ( يطالع الممرضة ) الممرضة : Don’t worry she will be ok //الممرضة : لا تحاتي راح تصير زينه// بدر : ( قعد يمها ماسك ايدها ويمسح على شعرها ) والله ماتستاهلين اللي صارلج اللهم لا اعتراض بدر : ( دمعت عينه ومسحهم بسرعه ) الله يكون بعونج الممرضة : sir you must leave now .. she won't wake up until 6 hour //الممرضة : لو سمحت يا سيد لازم تروح الحين اهي ماراح تقوم الا بعد 6 ساعات// بدر : ( تذكر ان عنده امتحان ) ok .. I'll come later .. please call me if she woke up //بدر : اوكي .. راح ارجع بعدين .. عفيه دقي علي اذا قامت ( سجل لها الرقم على اورقه وعطاها اياها )// --- ( بدر يمشي بالجامعة و يتذكر اللي صار توه ) ( كان يحاتي روان لأن طول فترة المحاضرة كان منشغل باله واهي ماردت فراح يدورها بمكتب البروفيسور بس مالقاها اهناك سأل عنها البروفيسور وبكتب الحوار بالعربي ) بدر : السلام بروفيسور .. بغيت اسألك عن الآنسه روان ما ارجعت المحاضرة ماتدري وين راحت؟ البروفيسور بيتر : تفضل اقعد لو سمحت بدر : ( حس ان في شي صاير وقلبه مو مطمنه ) خير؟ البروفيسور : من شوي اوصلتني اخبار سيئة من الكويت .. وبكل أسف اقولك امها وابوها توفو بحادث سيارة بدر : ( منصدم ) اشلون؟؟ متى؟ البروفيسور : ما ادري متى صار هالشي بس اول ما كلموني رحت بنفسي وطلبتها وقلت لها الخبر بدر : زين وينها الحين ؟؟ البروفيسور : للأسف انهارت ووديناها المستشفى التابعة للجامعة بدر : ( قام ) شكرا بروفيسور البروفيسور : لحظه .. في شي ماقدرت اقوله لها .. انهارت قبل لا اكمل بدر : ( يهز راسه مو مصدق ) بعد اكو شي أكثر من جذي؟؟ البروفيسور : للأسف كان معاهم طفل وحالته خطره .. واخوانها الصغار بحالة نفسية صعبة بدر : ( يحك لحيته من التوتر ) اوكي مشكور انا لازم امشي ---- دش بدر الامتحان وكان مو قادر يركز فيه .. حل أي كلام وسلم الورقة وطلع رايح حق منار .. أول ماوصل لقى الممرضة توها طالعة من غرفتها الممرضة : she's still sleeping sir // الممرضة : اهي للحين نايمه // بدر : ( حقرها ودش الغرفه ) قعد يم روان و مسك ايدها بدر : الله يرحمهم و يصبرج تم قاعد يمها لين قامت روان : ( افتحت عينها ) انا وين؟ بدر : ( ماسك ايدها ) انتي بالمستشفى روان : ( اتطالعه وماكو بويهها أي تعبير ) اشكثر صارلي اهني؟ بدر : حوالي 5 ساعات روان : ( قامت ) ودني بحجز تذكره بدر : ( منصدم لأنها تتكلم بهدوء ويبي يواسيها بس خايف تنهار ) اوكي بس اكلم الدكتور اول نطري شوي روان : مابي انطر اذا ماتبي اتيي معاي كيفك انا رايحه ( اطلعت من الغرفه ) بدر : ( لحقها ) خلاص مشينا ( ركب معاها تاكسي وراحو مكتب حجز تذاكر ) روان : ( تكلم الموظف ) I want a ticket to Kuwait .. on any air lines.. It is important to get there as soon as possible // روان : ابي تذكره حق الكويت على أي خطوط جوية .. المهم اوصل اهناك بأسرع وقت ممكن // بدر : Make it tow tickets // بدر : خلها تذكرتين // روان : No.. just one please // روان : لا لو سمحت بس تذكرة وحده// بدر : روان خليني ارجع معاج روان : لا برجع بروحي .. انت خلك اهني الامتحانات قربت .. واغلب المحاضرات عملية .. وماراح تستفيد لو رجعت معاي لأني ماراح اطلع من البيت بدر : ميخالف راضي اروح معاج عالاقل اسبوع وارجع روان : ( اسكتت ) الموظف : ok now one or two tickets?? // الموظف : المهم الحين تذكره وحده ولا ثنتين؟؟ // بدر : two please // بدر : ثنتين لو سمحت // الموظف : ok.. let me check .. the flight will be tomorrow at 4 pm //الموظف : اوكي .. خل اشوف ( يشوف الشاشة يدور لهم اقرب وقت ) .. الرحله بتكون باجر الساعه 4 مساءً // روان : ( طالعت بدر بعصبيه ) بدر : ( حط ايده على ايدها عشان تهدى ) please check a gain if there is a flight today or tomorrow morning.. //بدر : لو سمحت شوف مره ثانيه اذا في رحله اليوم او باجر الصبح// الموظف : am sorry sir this is the earliest flight to Kuwait // الموظف : آسف يا سيد بس هذي ابجر رحله للكويت // بدر : ok thanks // بدر : اوكي مشكور .. ( دفع الحساب وخذه التذاكر ) // - بالتاكسي كانت روان ساكته طول الطريج وبدر خايف عليها لأنها مابجت من أول ماقامت من الصدمه – بدر : روان ؟؟ ..... ردي علي حبيبتي روان : ( تطالعه ) بدر : انا اليوم ماراح اخليج بروحج لاتروحين السكن تعالي معاي روان : لا مابي بروح ارتب اغراضي وارتاح ورانا سفر باجر بدر : الرحله الساعه 4 العصر عندج وقت وايد .. والصبح انا بروح الجامعه اخذ اجازه عرضية لنا روان : اخذلك بروحك .. انا ماراح ارجع بدر : ( مسك ايدها ) لا كلها كورس بتوقفين قيدج وترجعين لا تتخلين عن حلمج .. ابوج وامج الله يرحمهم كانو يبونج تصيرين دكتوره روان : ( اسحبت ايدها منه وخزته ) لا تتكلم عن امي وابوي بدر : ( انصدم من نظرتها واسلوبها ) روان عمري .. انا بدر روان : أدري و لا تتكلم عنهم ( اوصلو عند البيت اللي ساكن فيه بدر – بيت عيوزه مأجر عندها غرفه وحمام - ) بدر : يللا نزلي معاي روان : قلتلك بروح السكن بدر : حياتي نزلي عشان خاطري ماقدر اخليج بروحج روان : ( بصراخ ) وليش ماتخليني بروحي شايفني ينيت ولا قاعده انتف بشعري ؟؟؟ بدر : والله اللي شايفه اقوى من اللي قلتيه .. نزلي معاي يللا روان : ( بصوت عالي ) مابي انزل خلاص عاد فكني بدر : ( نزل من السياره وراح صوب بابها وبطله ونزلها غصب ) روان : ( تصرخ ) هد ايدي ماتفهم ؟؟ ماابي اروح معاك مو غصب بدر دفع حساب التاكسي وماسكها وقعدها على كرسي خشب – بو شخصين – موجود عند البيت بدر : ( يهز روان من جتفها ) اللي انتي فيه موطبيعي .. روان لا تخشين بقلبج طلعي اللي فيه ابجي صرخي بس لا تسكتين .. هالشي راح يأذيج اكثر روان : ( بصوت هادي ) هدني بدر : ماراح اهدج روان : بدر هدني بدر : حبيبتي .. روان : ( اتصرخ عليه واتدز ايده ) لاتقول حبيبتي .. ماني حبيبتك وبرجع الكويت ولا اتيي معاي خلك اهني ادرس كمل تخرج لا تلحقني .. انا خلاص حياتي صارت حق اخواني من اليوم انساني فاهم؟؟؟ بدر : لا ماراح اخليج بنطرج وبتزوجج وبنرجع اهني واخليج تكملين و.. روان : ( تسكر اذنها ) خلااااص اسكت من اليوم كل شي تغير وروح بطريجك وخلني بدر : ادري انج تقولين جذي من الصدمه مقدر الوضع اللي انتي فيه روان : أي وضع؟ مافيني شي .. ليش تتكلم جني مينونه؟؟ بدر : ( صرخ عليها ) اشفيج اصحي .. امج وابوج ماتو .. لا تتصرفين جنج روبوت طلعي مشاعرج روان : ( ويهها بدى يتغير لونه وصار احمر بس مابجت ) بقوم اروح السكن بدر : ( مسك ايدها ) ماراح تروحين بدر : ( بصوت هادي ) روان اللي انتي فيه مو قوه انتي بصدمه الحين وراح يأثر عليج هالشي بعدين.. واخوانج محتاجين لج مايبونج تنهارين عليهم فجأه .. طلعي اللي بقلبج والله بترتاحين .. لاتشيلين كل هالحمل وتكبتينه داخلج روان : ( قاعده تطالعه و بدت عيونها تغورق وحنجها يرجف ) بدر : ( قلبه يعوره عليها .. قربها منه جان تلمه وتقعد تبجي حييل ) روان : امس كلمتها .. امس قالتلي بتشوفني بالعطله .. ( تشاهق ودافنه ويهها بصدره ) بدر : ( يمسح على شعرها ) الله يرحمهم روان : ليش ماكلمت ابوي .. ماقدرت انطر جم ثانيه ليش؟؟ بدر : مثواهم الجنه ان شاءالله .. روان : ( تشاهق وغصب ينفهم كلامها ) اشلون عاليهال .. امهم وابوهم راحو منو عندهم الحين .. لازم اكون عندهم بدر : باجر بتكوينين عندهم وانا ماراح اخليج روان : ( تبجي وتلمه حيل ) أحبك بدر بدر : ( يمسح على شعرها ) ابجي لين ترتاحين ( تمت تبجي مده على صدره واهم قاعدين عالكرسي لين هدت شوي ) بدر : نطريني شوي ماراح اطول روان : وين رايح؟ بدر : ثواني وراجع والله ما اتأخر - راح البيت وطلب من العيوز اللي ساكن عندها تخليه يدخل روان وشرح لها حالتها وان اهلها متوفين وقالتله يدخلها- ( بدر راح حق روان وقالها تقوم معاه ودشو البيت رحبت فيها العيوز وقالت لها تروح الغرفه مع بدر وبتييب لها شوربه تهدي اعصابها ) روان دشت الغرفه ومبين انها متردده بدر : ارتاحي اهني انا راح انام بره بالصاله روان : لا خلك معاي شوي بدر : ( ابتسم لها ) اوكي - اقعدت عالسرير وقعد يمها شوي ودشت العيوز ومعاها شوربه وبحط الحوار بالعربي – العيوز : تفضلي حبيبتي روان : مشكوره خالتي .. العيوز : ( تكلم بدر ) السرير فيه مخده وحده خل اييبلك ثانيه بدر : لا انا راح انام بالصاله العيوز : اشفيك؟؟ نام عندها الريال لازم ما يخلي البنت واهي محتاجته؟؟ بدر : ( ابتسم لها ) لا بس عاداتنا غير .. اذا مو متزوجين ما ننام في نفس الغرفه العيوز : اوكي اللي تشوفونه أستأذن الحين .. وبحطلك اللي تحتاجه بالصاله ( اطلعت وخلتهم ) بدر : شربي شوربتج روان : ( اشربت شوي بعدين حطتها عالميز يمها ) اشراح اسوي؟؟ بدر : راح تروحين توقفين مع اخوانج روان : ( اتحس ودها تنفجر من البجي ) راسي يعورني ودي انام شوي بدر : نامي انا بقوم اول ماتغفين روان : لا عفيه محتاجه اكون بروحي شوي .. وبعدها بنام لأني وايد تعبانه بدر : اوكي انا اهني بالصالة يمج .. أي شي محتاجته ناديني روان : اوكي - طلع وسكر الباب وراه واهي انسدحت واقعدت تبجي بصوت عالي وتتذكر المره الأخيره اللي كلمت فيها امها و اشلون كانت اتسولف وماكان فيها أي شي سبحان الله – ( بدر بالصاله يسمعها تبجي وده يروح لها بس بيحترم رغبتها وبيخليها اتطلع اللي بقلبها كله لين تنام ) مر وقت طويل واهو يسمعها وكانت تسكت شوي وترد تبجي فتره لين اسكتت مده طويله راح الغرفه بطل الباب شوي شوي لقاها نايمه بدر : ( بقلبه ) تمنيت اني ريلج بهاللحظه عشان تفرغين كل هالدموع على صدري لين تنامين .. ( سكر عليها الليت وطلع نام عالقنفه ) بعد ساعتين تقريبا سمع صوت روان تصارخ وتنادي امها.. قام بسرعه وبطل عليها الباب بدر : ( قعد يمها ومسح على شعرها ) اهدي حبيبتي كاني يمج لا تخافين روان : ( دزت ايده واهي تبجي ) مابيك ابي اهلي .. ردلي امي وابوي بدر : ( مسكها يبي يلمها ) الله يرحمهم روان : ( دزته ) اطلع بره خلني بروحي ابي امووت ما اتخيل حياتي من غيرهم بدر : لا تقولين جذي .. اخوانج صغار ومحتاجينج روان : ماقدر والله صعب ماقدر بدر : بلى تقدرين ( دشت العيوزه وبطلت الليت عليهم – بكتب بالكويتي - ) العيوز : اشفيكم قعدتوني من النوم بدر : آسفين .. بس نفسيتها تعبانه واحلمت بكوابيس العيوز : قلتلك لا تخليها بدر : روحي نامي راح ابقى معاها وماراح نزعجج العيوز : اي لو سمحت لأن عندي اشغال الصبح واحتاج انام وقت كافي بدر : تصبحين على خير ( اطلعت وخلتهم ) روان : ( تمسح دموعها ) خلاص روح نام بدر : ماراح اطلع الا اذا نمتي ( روان ماحبت اتجادله لأنها تعبانه نفسيا .. انسدحت وعطته ظهرها وتم قاعد على طرف السرير يشوفها تبجي بصوت واطي وموعارف يواسيها عدل .. وتمت تبجي لين نامت جان يروح الصاله ) - الصبح الساعه 10 قام بدر وبسرعه راح الغرفه عشان يقعد روان بس لقاها قايمه وتوها طالعه من الحمام ومبين عليها انها باجيه – بدر : صباح الخير .. انا بس اغسل واطلع نمشي على طول اوكي؟ روان : اوكي ( بدر راح الحمام – عزكم الله – و اول ماخلص طلع معاها واركبو تاكسي ) بدر : بوصلج السكن شيلي كل أغراضج كل شي تحتاجينه اخذيه معاج .. عندج جنطه كبيره؟ روان : اي عندي بدر : اوكي .. شيلي كل شي تحتاجينه واخذيلج شور عشان تصحصحين .. وانا بروح الجامعه اخذ اجازه عرضيه وارجعلج روان : ( اسكتت ماردت عليه ) - وصلها السكن وراح الجامعه .. انزلت دشت غرفتها وماكان في احد غيرها اقعدت عالسرير وطلعت صور امها وابوها من الدرج واقعدت تلمهم وتبجي مثل اليهال – روان : ليش اثنينهم .. ليش ما عاش واحد فيهم عالأقل .. اشلون بربي اخواني من بعدكم .. اشلون ؟؟ يارب اصحى يارب اكون قاعده احلم روان : ( تبجي وتطق ويهها ) ابي اقووم خلااااص تعبت يارب يكون كااابوس ماقدر افقدكم اثنينكم صعبه يارب رجعلياهم ( دشت عليها بنت من اللي بالسكن وشافتها مهستره وتبجي جان تروح تركض وتنادي وحده من الاداره اللي بالسكن واسمها مس آرثر واهي مره طيبه حيل – بكتب الحوار بالكويتي - ) مس آرثر : ( اركضت حق روان وامسكت ايدها ) حبيبتي روان اهدي اهدي .. روان : ( تصرخ ) خليني بروحي طلعو بره مس آرثر : ( لمتها غصب ) سمعت الخبر من ادارة الجامعه امس وبلغتهم انج مارجعتي السكن كنت خايفه عليج .. الحمدلله انج بخير روان : ( مادزتها ولمتها حيل واهي تبجي ) امي وابوي ماتو ماراح اشوفهم .. اشلون بربي اخواني الصغار .. انا خايفه ماراح اقدر اعيش بدونهم مس آرثر : تقدرين روان .. عرفتج 3 سنين .. و بذكائج وقوتج صدقيني بتقدرين .. وهذي الدنيا تاخذ منا وتعوضنا بعدين روان : بشنو راح تعوضني عن امي وابوي؟؟ في شي تقدر تعطيني اياه وينسيني اياهم؟ مس آرثر : ( تمسح على شعر روان ) اهدي حبيبتي .. الحين انسدحي ارتاحي بقوم اييبلج حبوب مهدئة روان : لا ماقدر بسبح و بشيل اغراضي لأني بعد شوي بسافر مس آرثر : خلاص انا اساعدج انتي روحي اخذي شور ريحي اعصابج روان : شكرا ( خلتها و دشت تسبح ) - تمت روان فترة تحت الماي الدافي تبجي بدون صوت وتتذكر امها وابوها .. سبحان الله محد يدري متى يومه – ------------------------------------------- |
** البارت الثالث **
اطلعت روان من الحمام لقت جنطة السفر عالسرير مبطله وفيها كل ملابسها اللي كانت بالكبت .. خذت منها نفنوف اسود ( لي تحت الركبه وجمه لي الكوع ) والبست صندل اسود ونشفت شعرها بالفوطه ومشطته وسوته عنقوص ( ذيل حصان ) اقعدت اتلم الاغراض اللي احتمال تنكسر ومن بينهم صورة أهلها و لفتهم بقطعة خام وحطتهم داخل هاند باق صغيره .. شوي جان ينطق الباب ودشت رفيجتها بالسكن واهي بحرينيه اسمها منى .. منى : جاهزه ؟؟ بدر تحت ناطرج يقول استعيلي عشان تلحقون عالقطار روان : ( اوقفت اتطالع الغرفه وحست انها اختنقت اكثر ) منى .. أي شي من اغراضي تركته اهني اخذيه لج منى : لا بخشهم لج وان شاءالله بترجعين روان : ( اتطالع منى بحزن ) لا ماراح ارجع .. منى انا خلاص حياتي الحين حق اخواني مالهم غيري من بعد الله منى : ( عيونها دمعت ماقدرت تمسك نفسها ) يعني ماراح اشوفج مره ثانيه ( روان شافت دموع منى ماقدرت تسيطر على نفسها وخصوصا انها كانت ماسكه دموعها غصب ) منى : ( لمتها حيل ) مادري شقولج ... ادري كلمة عظم الله أجرج ماتهوّن عليج بس الله يصبرج روان : ( وخرت عنها ) شدي حيلج لا تتكيسلين منى : ربي يوفقج .. عطيني اساعدج بالشنط روان : لا ماكو الا الهاند باق والجنطه العوده بخلي الفراش يشيلها .. سلمي عالكل قوليلهم راح اوله عليهم .. ( لمتها حيل ) مع السلامه ( اطلعت من الغرفه و نادت فراش يشيل معاها الجنطه .. وراحت حق بدر ودخلو الجنطه بالتاكسي ومشو ) بدر : عسى مانسيتي شي روان : مو مهم .. ما احتاج شي بدر : انا بعدين اشوف اذا ناسيه شي اييبه لج اذا رجعت بالعطله روان : ( اسكتت ) بدر : الحين بنروح بالقطار اسرع شي حق مطار لندن روان : ( ساكته ) بدر : روان معاي؟ روان : اي معاك بدر : يبتي جوازج اهم شي ؟ روان : اي ( اوصلو المحطة واحجزو تذاكر واركبو القطار وكانت روان طول الطريج ساكته وبعد ساعه الا ربع اوصلو لندن وبعدين اركبو تاكسي وصلهم لي المطار ) بعد ما خلصوا سوالف الشحن اقعدوا بكوفي شوب و ياب لها قهوه .. بدر : تفضلي شربي روان : ( خذته منه ) مشكور بدر : يللا كلها نص ساعه ونركب الطياره روان : ( ساكته وتشرب قهوتها ) بدر : ( وده يقولها عن اخوها الصغير بس خايف عليها ) روان .. روان : ( طالعته ) بدر : ادري الشي اللي بقوله مو وقته بس انا أتمنى اكون واقف يمج أكثر.. روان : اشلون يعني مافهمت ؟؟ بدر : بخطبج من عمج روان : ( طالعت بدر واهي منصدمه ) من صجك؟؟ بدر : ادري مو وقته بس .. روان : ( بعصبيه ) انت اشفيك امي وابوي ميتين وتتكلم عن خطبه؟؟ بدر : اللي قصدته اني مابي اخليج بروحج ودي اقوف يمج حتى وانتي بين اهلج .. مابيج تنهارين يم اخوانج الصغار ومابيج تضعفين وماقدر اكون عندج واخفف عنج روان : بدر امي وابوي توهم متوفين حتى لو قصدك انك توقف معاي هم مايصير اتييب طاري خطبه بجذي وقت بدر : ( حط ايده على ايدها ) آسف حقج علي بس اهدي شوي .. ( روان اسحبت ايدها واقعدت اتطالع الناس اللي بالمطار ومبين عليها انها شوي وتبجي ) ( شوي جان يسمعون نداء حق ركاب رحلتهم وقاموا دشو الطياره.. و بعد فترة طارو ) بدر : كلمتي احد من اهلج عشان يستقبلونج بالمطار ؟ روان : لا بدر : زين وين بتروحين اذا وصلنا ؟ روان : بيتنا بدر : يمكن ماتلقين احد روان : ( اسكتت ) بدر : أول مانوصل المطار كلمي عمج او أي احد عشان تشوفين وين اخوانج روان : ( سندت راسها عالكرسي وغمضت عينها ) خلاص بدر الرحله طويله وانا تعبانه بنام بدر : اوكي .. ارتاحي ( تمت مغمضه عيونها مده لين غفت .. وبدر بعد نام .. بعدين قامو وقعد يسولف معاها واهي اترد عليه كلمة ورد غطاها ) - طولت رحلتهم 6 ساعات ونص تقريبا وانزلت الطياره مطار الكويت – روان : جم الساعه الحين بتوقيت الكويت؟ بدر : ( يطالع ساعته ) ثنتين الا ربع روان : ( بقلبها ) الوقت متأخر وماقلت حق احد اني بوصل اليوم - انزلو من الطياره – بدر : بتدقين على عمج؟ روان : ماعرف رقم بيتهم بدر : اشبتسوين؟ اخاف تروحين بيتكم ماتلقين احد روان : بدق على فجر - فجر هذي بنت خالة روان وحييل يحبون بعض من واهم صغار متعلقين ببعض – بدر : اوكي ان شاءالله ترد عليج ( راحوا عند تلفون عمومي بالمطار ودقت على فجر جان ترد عليها ) روان : الو فجر؟ فجر : منو؟ روان : انا روان فجر : ( مو مصدقه ) روان؟؟؟ انتي وين ؟ روان : ( صوتها بدى يتغير بس تحاول ماتبجي ) بالمطار .. توني واصله فجر : حياتي خليج مكانج الحين اقعد ابوي وانمرج روان : لا مايحتاي بس قوليلي وين اخواني عشان اعرف وين اروح فجر : عند عمج حمد روان : زين انا مادل بيتهم عدل و.. فجر : روان الوقت متأخر واكيد نايمين .. خلينا انمرج ماراح اطول دقي علي كل شوي عشان اذا قربت تطلعين عند البوابه روان : اوكي فجر : يللا باي ( سكرت التلفون ) -- بدر : ها اشصار؟ روان : الحين اتيي مع ابوها ياخذوني بدر : ( خذاها عند كافيه ) تعالي قعدي شوي بقولج شي مهم روان : ( اقعدت ) بدر : ( مسك ايدها وضغط عليها ) انتي راح تسمعين الموضوع منهم واخاف تنهارين يم اخوانج والحاله اللي اهم فيها ماتسمح ولازم يشوفونج قويه عشان يتخطون اللي اهم فيه روان : ( قاعده ترجف ) بدر الله يخليك قولي شنو صار بعد؟؟ بدر : فروس كان معاهم بالسياره و.. روان : ( اشهقت وحطت ايدها على حلجها ) مات؟؟ بدر : ( يهديها ) لا بعيد الشر عنه .. بس اهو بالمستشفى وقلت لازم يكون عندج خبر عشـ.. روان : ( انزلت ادموعها ) وليش ماقلتلي اول مادريت ؟ بدر : ماكنت بزيد عليج همج روان : ومتأكد ان بخير ؟ بدر : ان شاءالله يكون بخير روان : ( سندت اكواعها عالطاوله وامسكت راسها واقعدت تبجي من غير صوت ) انا خلاص تعبت ماقدر اتحمل اكثر بدر : حياتي خلاص اهدي الله يخليج روان : ( امسحت دموعها وقامت ) بروح الحمام - خلصت من الحمام واطلعت دقت على فجر قالت لها انهم قراب وخل تطلع بره لهم – روان : يللا بدر انا رايحه .. دير بالك على نفسك .. ماكان له داعي اتيي معاي .. لأنك ماراح تشوفني بدر : ميخالف المهم اكون يمج مو بعيد روان : ( تطالعه وفيها غصه ) الله يوفقك .. دير بالك على نفسك وعلى دراستك بدر : راح ايي واخذج بالوقت المناسب روان : ( طالعته وماعلقت عاللي قاله ) بدر : دقي على رقمي الكويتي باخذه من اخوي اول ما اوصل البيت .. عفيه طمنيني انج بخير .. ناطرج روان : احاول .. مع السلامه - اطلعت وماسلمت عليه عدل ولحقها الهندي يدز جنطتها وبدر تم واقف يطالعها– ( اول ماشافتها فجر طالعه من باب المطار انزلت من السياره واركضت لها و لمتها ) فجر : عظم الله اجرج حبيبتي روان : اجرنا واجرج ان شاءالله - اركبوا السياره – ابو محمد : هلا يبه .. عظم الله اجرج والحمدلله عالسلامه روان : الله يسلمك اجرنا واجرك .. عمي أقدر اشوف فراس الحين ؟ ابو محمد : لا يبه مايصير باجر تشوفينه ان شاءالله .. روان : اشلونه؟ ابو محمد : ان شاءالله بخير روان : ( تبلع ريجها ) ومشاري ومنال ؟ ابو محمد : الله يعينهم .. قاعدين عند عمج حمد روان : تقدر اتوديني لهم؟ ابو محمد : انا اقول رجعي معانا البيت ارتاحي وباجر اتروحين لهم روان : يمكن مو قادرين ينامون .. ودني لهم الله يخليك ابو محمد : ( يطالع فجر عشان تقول شي ) فجر : ( لفت عليها ) روان حياتي عفيه خليج اليوم عندي وباجر بتشوفينهم .. والوقت متأخر الحين روان : ( اسكتت اتخاف لو تكلمت اكثر تبجي ) ---- اوصلو البيت اول مادشت ولا تلمها خالتها وتقعد تبجي جان تبجي روان معاها ابو محمد : ام محمد بدل لا تهدين البنت زدتي عليها ام محمد : يعني اللي راحت مو اختي؟؟ ابو محمد : انا لله وانا اليه راجعون .. ( يطالع فجر ) فهمي امج ( دش غرفته وسكر الباب ) فجر : يمه بنروح الغرفه عن اذنج ام محمد : لا خليها معاي فيها ريحة الغالية فجر : يمه؟؟!! روان : ( ميته بجي ولمت خالتها ) الله يرحمهم - بعد فتره هدت شوي واصعدت مع فجر الغرفه – فجر : ( طلعت لها بيجاما ) يللا بدلي وعقب نامي عالسرير انا افرشلي عالأرض روان : لا نامي يمي سريرج كبير فجر : ( ابتسمت ) اوكي ( روان بدلت ملابسها وانسدحت ويت فجر يمها وتلحفت ) روان : ( متردده ) ماتدرين اشلون صار الحادث فجر : لا روان : احس انج تدرين وماتبين تقولين فجر : ( ارتبكت ) لا مادري .. وخلاص نامي الحين ( روان اسكتت وفجر غمضت عينها ) روان : فجر؟ فجر : ( طالعتها ) هلا روان : ماقدر انام .. عفيه قوليلي اللي صار فجر : ( ماتدري شتقولها ) خلاص روان الله يرحمهم ليش تبين تعورين قلبج؟ ماراح اقول شي وبنام ( عطتها ظهر ) روان : فجر امانه قوليلي .. عالاقل اشلون صار الحادث وين كانو رايحين فجر : ( وهي ماعطيتها ظهر ) شنو بتستفيدين غير عوار القلب؟؟ مابي اقول شي روان : ( اتحس انها مختنقه ) عيل بسأل خالتي فجر : ( لفت عليها ) لا خلاص بقولج روان : ( ساكته تسمعها ) فجر : اللي اعرفه ان توهم وصلو منال ومشاري حق مدارسهم .. ومادري اشلون حدتهم شاحنه وانقلبت السياره من فوق روان : ( انزلت ادموعها ) وفراس؟ فجر : لقوه بكرسي اليهال واشوه رابطين له الحزام بس متعور والحين بالمستشفى ان شاءالله يتشافى روان : ( تبجي من غير صوت ) واشسوو حق اللي دعمهم فجر : اسجنوه روان : ( عطتها ظهر واقعدت تبجي ) ماراح اقدر اربيهم بروحي فجر : ( انزلت ادموعها ) الله بيكون معاج تحملي .. نامي الحين الله يفرجها روان : آمين .. ( اقعدت عالسرير وامسحت دموعها ) اقدر اتكلم بتلفونج شوي؟ فجر : بتكلمين بدر؟ - روان مسولفه كل شي حق فجر حتى واهي بره كانت تشبك مسنجر وتكلمها – روان : اي اهو رجع معاي و بقوله اني بخير فجر : ( عطتها التلفون ) هاج - خذته منها و دقت على بدر وقالتله انها عند فجر وباجر اتشوف اخوانها تم يسولف معاها شوي وسكر التلفون - روان : ( ردت لها التلفون ) تصبحين على خير فجر : وانتي من اهله ---- اليوم الثاني روان قامت الساعه 11 الظهر لقت فجر للحين نايمه روان : فجر قومي انا بروح الحين فجر : ( قامت ) صباح الخير روان : عفيه انا بروح اغسل وابيج اتطلعيلي عباية من اللي عندج فجر : اوكي - راحت روان غسلت وارجعت لقت فجر مطلعتلها عباية البسبتها وعدلت شعرها – فجر : احنا مسوين عزا امج الله يرحمها في بيت خالتي فاطمة ماتيين؟ روان : لا ... كافي علي العزا اللي عند عمي .. ولازم اكون يم اخواني فجر : ييبيهم معاج عيشو عندنا روان : لا ماراح اهد بيتنا واخواني راح يرجعون البيت معاي فجر : بروحكم؟؟ روان : اي .. ويللا عفيه بسرعه قولي حق ابوج خل يوديني فجر : اوكي - راحت روان مع ريل خالتها ابو محمد ووصلها لي بيت عمها – ( روان حست قلبها بيوقف وريلها ماتشيلها خايفه تنزل وتشوف اخوانها بجذي موقف ) ابو محمد : توكلي على الله يابنيتي قولي اللهم لا سهل الا ماجعلته سهلا وانت تجعل الحزن اذا شئت سهلا روان : ( رددت اللي قاله وانزلت ) مشكور عمي مع السلامه --- دشت البيت لقت حريم ماتعرفهم قاعدين مع ( ام جاسم ) – مرت عمها حمد – اول ماشافتها قامت لها وسلمت عليها ببرود كعادتها .. ام جاسم دايما ماتحب احد ولا تحب اتخالط الناس كله بعالم بروحها روان : ( اتطالع الموجودين ) السلام .. عمتي وين اخواني؟؟ ام جاسم : فوق .. ثاني غرفه عاليمين روان : عن اذنكم .. ( خلتهم واصعدت ) - طقت الباب ودشت لقت منال منسدحه عالسرير ومشاري قاعد يمها أول ماشافوها قامو واركضو لها – (( منال 12 سنه , مشاري 9 سنين , فراس سنه وشهرين )) روان : ( لمتهم وماقدرت تمسك نفسها واقعدت تبجي وتبوسهم ) اشتقت لكم وايد الحمدلله انكم بخير منال : ( تبجي بصوت عالي ) روان لا تخلينا ماعندنا احد امي وابوي ماتو روان : ( تلمهم اكثر ) كاني رجعت و ماراح اخليكم مشاري : ( يبجي ) امي وابوي صج ماراح يرجعون كلش؟؟ روان : ( اسكتت ماعرفت شتقوله ماتبي تكسر بخاطره ) منال : اي ماراح يرجعون جم مره اقولك مشاري : ( زاد بجي ) روان صج ؟؟ روان : ( ادموعها تنزل ) منال خلاص حبيبتي لا تضايقينه منال : ( تبجي وتصرخ ) وليش مانقوله الصج ؟؟ امي وابوي ماتو وفروس بعد راح يموت روان : الله يحفظه لا تقولين جذي منال : بلى انا سمعت عمي يقول حق خالتي ( ام جاسم ) ان فروس حالته خطره ويمكن مايعيش روان : ( تعض شفتها ودموعها تنزل ) لا اذا كلنا دعيناله راح يصير زين صدقوني مشاري : انا بدعي بعد حق امي وابوي عشان يرجعون منال : ( دزت مشاري ) انت غبي؟؟ اقولك ماتو اللي يموت مايرجع مشاري : ( مات من البجي وراح قط نفسه عالسرير ) روان : ( اتطالعهم و موعارفه تهديهم اهي بروحها يبيلها احد يهديها ) - تمت معاهم مده لين نامو من التعب وبعدين صلت العصر وانزلت حق العزا- عقب العزا رجع عمها مع ولده جاسم ( العم حمد مطوع – لحيته طويله – و جاسم عمره 23 سنه ) ابو جاسم : ( سلم على روان ) عظم الله اجرج صبري ان الله مع الصابرين روان : ( ويهها اصفر وعيونها حمر من البجي ) اللهم لا اعتراض ابو جاسم : الحمدلله على كل حال روان : عمي .. تقدر توديني اشوف فراس؟ ابو جاسم : اي اكيد .. يللا نمشي عيل --- - اوصلوا المستشفى وراحوا عند وحدة العناية المركزة كان في جام يفصل المرضى عن الناس ومن اهني يقدرون الاهل يشوفون المريض - روان شافت فراس كان وايد صغير بالنسبة لحجم السرير وفي انابيب طالعه من خشمه وراسه ملفوف.. اول ماشافت هالمنظر اقعدت تبجي وتحط ايدها عالجام ابو جاسم : لا تحاتين ادعيله بس والله راح ينجيه روان : بس جسمه صغير مايتحمل اللي صار ابو جاسم : مافي شي بعيد عن ربج اذا اراد شيئا فإنما يقول له كن فيكون روان : ونعم بالله .. يارب شافيه .. والله اني تعبت مابي افقده اهو بعد .. يارب رده لنا سالم ابو جاسم : آمين ( خذا قرآن وقعد يقرا بترتيل وروان قاعده تدعي حق فراس وحق امها وابوها بالرحمه ) - مر الدكتور من يمهم وقفته روان و اسألته عن حالة فراس – الدكتور : احنا سوينا اللي علينا والباجي على الله سبحانه .. خليكم مستعدين حق أي شي .. ومالكم الا الدعاء ------------------------------------------------ |
** البارت الرابع **
- روان ارجعت بيت عمها لقت اخوانها للحين نايمين – روان : ( اتطالعهم واهم نايمين ) يارب صبرني عشانهم - انطق باب الغرفه – روان : تفضل ابو جاسم : يبه روان تقدرين تنزلين الصاله في موضوع بكلمج فيه روان : اي اكيد كاني لاحقتك - لحفت اخوانها عدل وانزلت حق عمها – ابو جاسم : قعدي روان : ( اقعدت يمه وقلبها يرقع صارت اتخاف من هالمواقف ) ابو جاسم : يبه البقى براسكم .. انتو الحين بروحكم مالكم ولي الا انا لازم تقعدون عندي من اليوم ورايح روان : ( منصدمه ) بس يا عمي بيتنا موجود و.. ابو جاسم : بيتكم راح يتم مثل ما اهو .. واذا تبينه ينباع راح ابيعه واحط فلوسه بحسابكم روان : ( اتطالعه مصدومه من كلامه ) عمي العفو بس اشقاعد تقول؟؟ مافهمت ابو جاسم : يعني انتي قرري بخصوص البيت يا نبيعه او تأجرينه أو تخلينه مثل ما اهو .. بس عيشتكم راح تكون بهالبيت من اليوم ورايح روان : ( تهز راسها ) لا .. آسفه بس راح نرجع بيتنا ابو جاسم : ادري انتي الحين بصدمه وماتقدرين تستوعبين فكرة انتقالكم بس هذا اللي لازم يصير .. انتي شابه واخوانج صغار ماتقدرين تعيلينهم بروحج روان : لا عمي اقدر .. واسمحلي اقول هالشي بس احنا نرتاح اكثر ببيتنا ابو جاسم : افا عليج يابنتي هذا بيت عمج .. يعني اعتبريه بيتكم ( روان اسكتت حست بغصه اتخاف تبجي لو تناقشت معاه اكثر ) ابو جاسم : باجر اخذج بيتكم تشوفين شنو تبين من اهناك وبنقله لكم روان : ( طالعته وعيونها غورقت ) عن اذنك ( خلته وراحت الغرفه ) - دشت الغرفه وانسدحت يم اخوانها وحطت ايدها عليهم واقعدت تبجي بس تحاول تقصر صوتها عشان لا يسمعونها - ( مشاري تقلب جان تمسح دموعها بسرعه ) مشاري : ( يبطل عينه ) روان؟؟ روان : هلا حبيبي مشاري : رحتي شفتي فروس؟ روان : اي مشاري : متى يرجع البيت؟ روان : أول مايصير زين .. ولا تخاف راح يطيب ان شاءالله مشاري : بس منول .. روان : منو اكبر ؟ انا ولا منول ؟ مشاري : انتي روان : خلاص انا اكبر وانا اقول ان راح يطيب ويرجع مشاري : ( يبتسم ) انا اصدقج انتي لأنج كبيره روان : ( استانست لأنها شافت ابتسامته ) عفيه عالشاطر يللا خل انقوم منال عشان تقدر تنام بالليل مشاري : انا بقعدها .. ( يهز جتف منال ) منول .. منووول قومي يللا منال : ( تفرك عينها ) اشتبي؟ روان : قومي يللا قعدي معانا منال : ( تطالعها ) مابي خلوني بنام ماحب اقعد روان : يللا قومي عشان تقدرين تنامين بالليل منال : مابي خليني على كيفي روان : يللا قومي عفيه حبيبتي انتي منال : متى نرجع بيتنا؟ روان : يمكن باجر منال : برجع اليوم .. ماحب اقعد اهني مشاري : انا بعد برجع البيت روان : ( تبتسم ) زين روحو غسلو ويهكم وبدلو ملابسكم واشوف شيصير - راحو اليهال وتمت روان قاعده بالغرفه اتفكر شتقول حق عمها .. خلصو اليهال ودشو الغرفه بدلو ملابسهم وانزلوا تحت مع روان – روان : عمي .. احنا قررنا نرجع البيت ابو جاسم : ماخلصنا من هالموضوع؟؟ روان : بس عمي كلنا ودنا نرجع ابو جاسم : ماقدر اخليكم بروحكم ام جاسم : لا عادي كل يوم طل عليهم ومافيهم الا العافيه ( طبعا اهي قالتها لأن ماتبي احد يسكن عندها ) ابو جاسم : بس يا ام جاسم اشلون بنت بروحها تعيش اهناك ومعاها يهال؟ ام جاسم : عادي شنو بيصير لهم يعني؟ وعندهم فلوس تعيشهم ابو جاسم : ( يكلم روان ) اي صج المحامي يبي يقعد معاج بخصوص الورث روان : ( حست شي يعصر قلبها ) مو جنه تو الناس على هالشي؟ ابو جاسم : كل ما خلصنا اسرع كل ماكان احسن روان : ( اسكتت ) وامسكت ايد اخوانها وراحت اقعدت يمهم عالقنفه - بعد فترة حطو العشى قامو عشان يتعشون معاهم – منال : روان مابي اكل مو يوعانه عادي اروح الغرفه؟ روان : لا مو عادي .. قعدي معانا واكلي منال : بس انا مو يوعانه روان : ميخالف حبيبتي شوي اكلي وروحي زين؟ منال : ( اقعدت واهي معصبه ) ( روان ماتشتهي الاكل بس اقعدت عشان اخوانها واهم ياكلون دش جاسم البيت ) ام جاسم : هلا يمه اقعد اكلك لقمه جاسم : لا يمه الحمدلله كليت بره ابو جاسم : شكل الشله اللي تمشي معاها شله فاسده اتوقع ماصليت العشى ام جاسم : لاتكلمه جذي جدام الغرب روان : ( غصب ابلعت لقمتها حست ان كلمة ام جاسم قويه ) جاسم : لا يبه ابشرك صليت الحمدلله .. يللا استأذنكم بروح انام ( راح غرفته ) روان : عمي .. بنروح بعد شوي بيتنا ابو جاسم : خلاص روان وايد تحنين قلت راح تعيشون اهني وهذا اخر كلام ( منال اتطالع روان وشوي وتبجي ) روان : آسفه عمي بس نبي نروح ابو جاسم : شنو يعني؟؟ ما اتدخل فيكم ؟؟ روان : لا العفو ماقصدت ام جاسم : خلاص اشفيك بو جاسم خلهم دام هذي رغبتهم كيفهم ابو جاسم : انا بوديكم اليوم .. بس راح ارد افتح معاج هالموضوع .. ماراح اخليكم تعيشون بروحكم ----- ( بعد العشى خذوا خدامتهم وراحوا مع عمهم ووصلهم و نزل معاهم البيت ) ابو جاسم : ( عطاها المفاتيح) قفلي عليكم الباب واي شي يصير لا سمح الله دقي علي ( عطاها كرت الشغل وفيه رقمه ) روان : مشكور عمي ابو جاسم : باجر العصر امركم عشان نروح حق فراس روان : تقدر تمر عليه الحين يمكن صار شي يديد ابو جاسم : اذا صار شي وصيت الدكتور يكلمني .. اهو حاليا بغيبوبه والله يقومه منها بالسلامه روان : آمين يارب .. ابو جاسم : يللا انا ماشي تبين شي؟ روان : لا مشكور ماقصرت ( طلع وخلاهم ) روان : ( اتطالع البيت وحست بغصه اصحاب البيت راحو ومابقى غيرهم ) منال : روان انا بنام بغرفة امي وابوي مشاري : انا بعد روان : انا بعد راح انام معاكم فيها ( منال ومشاري اركضو راحو غرفة امهم وابوهم ) خيرية ( الخدامه ) : ماما بابا واجد زين .. انتي بعد واجد زين .. شنو سوي سبحان الله ( يعني قصدها تواسيها ) روان : ( عيونها غورقت ) الحمدلله على كل حال .. انتي روحي نامي مابي شي - اقعدت بالصاله ودقت على بدر من تلفون البيت – روان : الو بدر : الو ؟؟ روان؟ روان : اي اشلونك بدر بدر : حبيبتي انا بخير انتي اشلونج ؟؟ اشوه انج دقيتي كنت احاتيج روان : الحمدلله انا بخير .. كنت عند عمي توني راده بيتنا بدر : بروحكم؟ روان : اي بدر : زين اشلون اليهال .. واشلون فروس؟ روان : اليهال الحمدلله بخير .. يبجون بين فتره وفتره بس الحمدلله زينين .. وفروس بغيبوبه وتحت رحمة الله بدر : أي مستشفى؟ باجر بزوره ( روان عطته اسم المستشفى وين موجود اهو بالظبط ) روان : انا بعد صلاة العصر بروحله مع عمي بدر : خلاص اشوفج اهناك باجر .. روان : ( ساكته ) بدر : زين انتي اشلونج؟؟ روان : ( تتنهد ) ضاق صدري اكثر من دشيت البيت ماله طعم بدونهم بدر : ادري حبيبتي .. الله يرحمهم ( مشاري دش عليها واهو يبجي ) روان : ( نزلت السماعه ) مشيري اشفيك؟؟ مشاري : ( يبجي ) منول اتقولي حتى بالمدرسه اذا نجحنا وصارت حفله الكل راح اييون امه و ابوه الا احنا روان : ( تكلم بدر ) الو.. انا لازم اروح الحين مع السلامه بدر : روان .. انتي قويه تصرفي معاهم عدل حاولي تنسينهم روان : ( دمعت عينها ) مع السلامه - سكرت الخط ولمت مشاري – روان : الله يخليك لا تبجي .. حبيبي امي وابوي يزعلون اذا بجيت مشاري : بس اهم ماتو اشلون يدرون؟؟ روان : بلى يدرون .. ويزعلون اذا بجيت .. لا تبجي مشاري : انتي بعد قاعده تبجين روان : ( تمسح دموعها ) انا بجيت لأنك قاعد تبجي .. وانا ماحب اشوفك تبجي مشاري : منول قاعده تبجي بعد روان : امش انسكتها ( راحت مع مشاري ودشو الغرفه على منال ) روان : منال حبيبتي ميخالف اكلمج شوي؟ منال : ( دافنه راسها بالمخده ) مابي خليني بروحي روان : مشاري يا بطل .. ميخالف تروح شوي الصاله اتطالع تلفزيون ؟ مشاري : زين .. ( راح ) روان : ( تمسح على شعر اختها ) حبيبتي منوله قومي شوي خل اكلمج منال : مابي مابي طلعي بره روان : امي وابوي مايعجبهم اللي تسوينه منال : ( لفت عليها وطالعتها ) روان : اللي يموت يبي الناس تتذكره وتبتسم ما يحبون الناس يبجون عليهم واذا تذكرناهم وبجينا لازم نحاول نلهي نفسنا بأي شي عشان لا نبجي وايد عليهم موزين منال : ( تبجي وتطالعها ) روان : وبعدين ياعمري مايصير تقولين حق مشاري كلام يبجيه اكثر .. احنا خواته الكبار .. لازم نصير اقوياء عشان اهو بعد يصير قوي مثلنا منال : بس امي وابوي ماتو وراح اشتاق لهم .. ومنو راح يدرسنا اذا عندنا امتحان؟ روان : انا منال : ( تمسح دموعها ) اتعرفين؟؟ روان : ( تبتسم ) اي اعرف انا شاطره كنت بالمدرسه وراح اخليكم الأوائل منال : زين منو يشتريلنا ملابس؟ روان : هم انا منال : اتعرفين تسوين مثل اكل امي ؟ روان : لا .. بس كلنا راح اندش المطبخ ونحاول منال : بس هم راح اشتاق لهم وايد روان : ( لمتها ) ادري ياقلبي محد يقدر يعوضنا عنهم .. بس لازم مانبجي وايد عشان نقدر نعيش عدل منال : بس انا مابي اعيش روان : ( وخرتها عنها واتطالعها مصدومه ) لا منول لا حبيبتي لاتقولين جذي استغفرالله الله مايرضى منال : ( لمتها حيل واقعدت تبجي وروان تقرا عليها لين نامت ) - اطلعلت من الغرفه لقت مشاري نايم عالقنفه – روان : مشاري حبيبي قوم نام داخل تعال ( مشاري قام واهو شبه نايم ودته لي السرير ونام على طول ) - روان انسدحت بينهم و غمضت عيونها وتمت تقرى جم سورة حافظتها واهي اتدمع لين نامت – اليوم الثاني قامو تريقو جدام التلفزيون وحاطين قناة فيها رسوم متحركه و روان كل شوي تعلق على شخصيه من اللي بالتلفزيون وتخليهم يظحكون .. خلتهم يطالعون واقعدت يم التلفون ودقت على فجر روان : الو.. فجر نايمه؟ فجر : لا لا قاعده .. اشلونج الحين؟ اشلون اليهال؟ روان : الحمدلله زينين .. بغيتج تكلمين عمي يشوفلي مدرب يعلمني اسوق كلها شهر ويردون يداومون لازم اسوق فجر : اخذيلج سايق احسن روان : شنو آخذ سايق بروحي بالبيت مو ناقصه كلام عمي .. انا ماقلتله اني بسوق خايفه من تعليقاته فجر : اهو شكو مايخليج تسوقين؟ روان : مادري ماسألته ومابي اسأله .. كلمي ابوج شوفي شيقول فجر : زين تعالي عندنا اليوم روان : خلاص بعد صلاة العصر اقط اليهال عندكم واروح المستشفى وبعدين ارجع.. يعقوب موجود عشان يلعب مع مشاري ؟ فجر : اي موجود روان : اوكي خلاص عيل اشوفج اليوم .. مع السلامه - سكرته منها ودقت على بدر – روان : الو بدر : ( رد عالتلفون واهو مغمض ) الو؟؟ روان : نايم؟؟ بدر : اي روان : خلاص عيل اخليك بدر : باي ( سكر التلفون ) - روان تمت اتطالع السماعه بعدين رجعتها مكانها كله جذي بدر يرد عالتلفون واهو نايم من غير لا يحس – --- بعد صلاة العصر يالهم عمهم بو جاسم وقعد بالصاله معاهم ابو جاسم : يللا خل اوديهم بيتنا ونروح المستشفى حق فراس روان : عمي خل انوديهم عند خالتي احسن منها يلعبون مع يعقوب اهو كبر مشاري ابو جاسم : عيل نتوكل على الله - كلهم راحو معاه حتى الخدامه ووصلهم لي بيت خالتهم وانزلوا بس روان تمت مع عمها وراحو المستشفى – روان : ( تسأل الدكتور ) اشلونه اليوم؟؟ الدكتور : نفس حالته داش غيبوبه والله معاه ان شاءالله روان : ( اسكتت واقعدت اتطالع فراس من الجام ) يارب ارحمه برحمتك - واهم بيطلعون لفت ويهها لقت بدر واقف بعيد ويبتسم لها ارتبكت لأن عمها يمها – ( روان ارتاحت لأنها شافت بدر وحست انه مو متخلي عنها ) - بالطريج – ابو جاسم : يبه يمكن مو وقته اقولج هالكلام .. بس مثل ما انتي شايفه الموت ايي فجأه ومحد يدري بالمكتوب عدل ولا لأ؟ روان : ( تحس بغصه ) عدل ابو جاسم : يعني انتي باجر اذا الله خذا امانته بعد عمر طويل ان شاءالله .. مو راح تتحاسبين عالحجاب؟ ( روان اتطالع عمها مصدومه كلش ماتوقعت اييب طاري هالسالفه بجذي وقت ) ------------------------------------------------ |
** البارت الخامس **
ابو جاسم : يعني انتي باجر اذا الله خذا امانته بعد عمر طويل ان شاءالله .. مو راح تتحاسبين عالحجاب؟ ( روان اتطالع عمها مصدومه كلش ماتوقعت اييب طاري هالسالفه بجذي وقت ) روان : ( ساكته ) ابو جاسم : يابنيتي انا ادري ان مو وقته اقولج هالكلام .. بس مثل ما انتي شايفه محد ضامن عمره ولأني احبج واخاف عليج بقولج خلي اللي صار فرصه لج عشان تتوبين وتتحجبين .. انتي فكري بكلامي عدل والله يهديج ان شاءالله روان : ( ساكته ماردت عليه وقاعده تشوف الشارع ) - اوصلو عند بيت خالة روان – ابو جاسم : يللا نزلي نادي اخوانج روان : لا عمي بقعد عندهم ابو جاسم : يا يبه مايصير تنامين اهناك والبيت في ريال غريب روان : لا بس بقعد عندهم وبعدين تردني فجر أو ابوها ابو جاسم : وهذي فجر جم عمرها؟ روان : 23 ابو جاسم : زين يبه ريل خالتج مو محرم لج .. مايصير تردين معاه بروحكم روان : بتكون معانا فجر ابو جاسم : ( يبتسم ) وفجر محرم يعني؟ روان : ( حست بعصبيه بس ماسكه نفسها ) عمي الله يخليك خلاص انا تعبانه ابو جاسم : روحي يبه الله يهديج حق طريج الصلاح والهدايه ( روان انزلت من السياره حتى ماقالت مع السلامه ) --- أول مادشت البيت شافت منظر خلاها تبتسم وتنسى اللي صار مع عمها .. لقت منال ومشاري ويعقوب يلعبون بليستيشن بالصاله ويمهم قاعد محمد ( 14 سنه ) روان : اهليين بالحلوين قام محمد سلم عليها : عظم الله اجركم روان : اجرنا واجرك حبيبي مشكور مشاري : ( مندمج باللعب مع يعقوب ) روان مابي ارووح تو الناااس روان : كمل لعب ماراح نروح الحين منال : ها اشلون فروس؟ روان : زين الحمدلله منال : يعني راح يقوم؟؟ روان : ان شاءالله راح يقوم منال : ( ابتسمت ) يارب يقوم لأني ولهت عليه وايد روان : كلنا ولهنا عليه .. محمد وين خالتي؟ محمد : تصلي تبين اشوفها لج؟ روان : لا لا خلها .. زين فجوره فوق؟؟ محمد : اي بدارها روان : اوكي انا رايحه اشوفها - اصعدت فوق طقت الباب 3 طقات ودشت – فجر : ( قاعده عالنت أول ماشافت روان هدته وقامت لها وسلمت عليها ) اهليين حبيبتي روان : ها اشغلتج عن شي فجر : اشهالملاقه؟ تدرين ان ماكو شي اهم منج روان : ( تبتسم ) تسلمين فجر : ها اشلون فراس؟ روان : نفس ما اهو .. ان شاءالله يتحسن فجر : امين روان : فجور ممكن شوي تلفونج؟ فجر : انتي تاخذينه و من غير استئذان بعد ( عطتها اياه ) روان : وايد مدلعتني اليوم ( دقت على بدر ) روان : الو بدر : هلا حياتي هلا قلبي هلا بدنيتي كلها .. بسكره وادق حرام رصيد البنت .. باي روان : ( تبتسم وناطرته يدق ) فجر : شنو ليش سكره مشغول؟ روان : ( رن التلفون ) لا كاهو دق بس يقول فشله رصيدج فجر : شكو عادي .. بس يحليله جنتل روان : ( ابتسمت وردت على بدر ) مشكور بدر لأنك كنت يمي بالمستشفى بدر : شنو هذي مشكور بدر .. جني واحد من الشارع روان : ليش شكو بدر : المهم ماعلينا .. تره اول مارحتوا انا قعدت شوي عند فروس ورجعت روان : ماتدري اشكثر ريحتني شوفتك بدر: وانا بعد ارتحت من شفتج .. زين روّون اقدر اييبلج خط وجهاز واحطهم عند باب بيتكم وانتي تاخذينه؟ روان : لا ماله داعي .. اكلمك من تلفون البيت بدر : لا له داعي يعني شوفي الحين قاعدين نتكلم بتلفون البنت بالله احتاجته مو حلوه يعني روان : اصلا انا لازم اسكره الحين .. بقعد معاها قبل لا ارجع البيت فجر : لا عااد نامي عندي روان : لا لا بنرجع البيت فجر : ( تعلي صوتها ) اقول بدر اقنعها خل تنام عندي وتره مشاري ومنال مستانسين اهني وكلش مابجو بدر : اي حبي نامي عندهم بعد هم عشان اليهال ترتاح نفسيتهم روان : لا مادري .. بدر : شوفي شيصير وقوليلي روان : اوكي اخليك الحين .. مع السلامه بدر: احبج باي ( سكر التلفون ) فجر : ها بتنامين عندي ؟ روان : ( ساكته ضايق خلقها ) فجر : يعني روّون قعدتج بالبيت بروحكم احسن؟؟ تكفين مو كله تبجون اهناك؟ والله اهني ماشفت اخوانج يبجون بالعكس مستانسين روان : خالتي مابجت جدامهم فجر : ( تظحك ) ابوي زفها يوم بجت جدامج وبس الحين من شافت اليهال يابت لهم بوظه وحركات وتره حرام هذيله يهال خليهم يستانسون .. يللا عاااد ناامي عندي روان : عمي مايرضى فجر : واي قطيعه شكو اهو فيج اخاف انتي بنته عشان يتحكم جذي روان : لا بس لأن عمي الكبير وبحسبة ابوي فجر : أي حسبه أي خرابيط .. صراحه يغث ماله شغل وراح تنامين روان : ( دمعت عينها ) فجر : حبيبتي اشفيج الحين؟؟ روان : فجر انا شايله هم بصدري والله احاول ما اطلعه بس جد تعبانه وقاعده اجامل الناس عشان ما ابجي .. وايي عمي يزيدها علي ويكلمني بمواضيع مو وقتها فجر : مالج شغل فيه لا تبجين واذا تبين ابوي يدق ويكلمه اشرايج روان : ( تبجي ) مو بس هالسالفه مضايقتني .. تخيلي يعني هذا وقت مناسب انه يقولي ليش مو متحجبه وتحجبي والله يهديج طريج الصلاح جني ماشيه مفصخه فجر : هذا عمج .. جد جد نوكمنت ( لاتعليق ) موطبيييعي .. زين قلنا مطوع بس عاد تكلم بالوقت المناسب مو بهالظروف روان : ( تبجي ) فجر : لا جد باط جبدي صبري ( راحت بتطلع من الغرفه ) روان : فجر وين رايحه تعالي لاتقولين حق احد حلفتج فجر : اي ليش؟؟ خلي ابوي يكلمه والله لاتخافين بس يفهمه ان نفسيتج تعبانه ومايصير يكلمج جذي روان : لا عفيه خليه .. وخلاص بنام عندكم مو شرط اقوله فجر : اي احسن لا تعطينه ويه يتمادى اكثر روان : ( توقف جدام المنظره تعدل شكلها وتمسح دموعها ) امشي ننزل تحت نقعد معاهم فجر : يللا بس لحظه خل اطفي اللاب توب ( طفته وانزلت معاها ) - بيت العم حمد ( ابو جاسم ) – ابو جاسم : والله هالعيال مسؤولية كبيره وخصوصا روان .. اهلها خربوها وصعب اعيد تربيتها بهالعمر ام جاسم : اشفيها؟ ابو جاسم : يعني البنت اكبرت واخوي الله يرحمه معودها عالاستقلاليه وان كل شي عادي .. حجاب مو محجبها وسفر بره مخليها تروح من غير محرم وتخالط الاجانب يعني وايد اشياء غلط كان راضي عنها ام جاسم : والله انا اشوف هالبنت راسها يابس وماراح تسمعك لو نصحتها ابو جاسم : انا اليوم كلمتها عن الحجاب وبعد فتره برد اكلمها بس خل يمر وقت عالوفاة ام جاسم : زين انا مو معاك انها تعيش اهني .. صراحه اهم بنات مابي اتحمل مسؤوليتهم عندي وحده والله ستر عليها و اطلعت من مسؤوليتنا مالي خلق اتحمل بنات غيري بعد - ابو جاسم عنده غير جاسم بنت اسمها ( هلا ) عمرها 27 واهي تزوجت بحريني وساكنه بالبحرين بس تزورهم وقت العطل – ابو جاسم : ادري انهم مسؤولية كبيره بس اخوي مات والحين انا مكان ابوهم وماراح اخليهم يعيشون بروحهم من غير رقيب و مادري اشلون بيتربون وخصوصا منال كلها سنتين وتصير بفترة مراهقه ام جاسم : زين خل يعيشون عند وحده من خالاتهم ابو جاسم : انتي من صجج ؟؟ اخليهم يعيشون مع رياييل غرب ؟ ام جاسم : ( عصبت وقامت ) بروح اسوي عشى --- - بيت ابو محمد عالعشى – مشاري : صج صج راح انام عند يعقوب؟ روان : اي حبيبي صج .. ها منول مستانسه انتي بعد؟ منال : عادي روان : عادي ؟؟ يعني مو مستانسه ؟ منال : مادري ( تشرب شوربتها ) ام محمد : بلى منوله حلوه وتستانس تنام عند خالتها ( روان ضاق خلقها حست ان منال موقادره تطلع من الحزن اللي اهي فيه ) - بعد العشى اقعدوا كلهم تحت يسولفون واليهال كملوا لعب بليستيشن لين داخوا وراح مشاري مع يعقوب ينامون .. و روان ومنال اصعدوا مع فجر غرفتها – فجر : ( تفرش حق منال بالأرض ) وهذا فراش منووول روان : تبين تنامين فوق يم فجور وانا انام تحت؟ منال : لا انا بنام تحت روان : اوكي فجر : ( سكرت الليتات وخلت ليت واحد مبطل صارت الاضاءه خفيفه ) ( منال انسدحت وتلحفت و روان وفجر انسدحوا عالسرير وقاعدين يتكلمون بصوت واطي ماتسمعه منال ) روان : شسوي؟؟ احسها وايد متضايقه فجر : ميخالف مع الوقت بتصير احسن روان : اهي مشتاقه لهم .. والله فجر انا بعد اشتقت لهم وايد ودي لو بس يرجعون يوم واحد وانام على صدر امي وألم ابوي .. منزمان مالميتهم فجر : أدري والله حاسه فيج .. الله يصبركم ( انزلت دموع روان جان تعطي فجر ظهرها وتتلحف .. شوي جان يسمعون بجي منال ) روان : ( امسحت ادموعها وراحت لها ) منول حبيبتي اشفيج منال : ( تبجي ) نامي يمي فجر : روّون تعالي انتي معاها اهني انا انام تحت روان : ( عيونها مدمعه ) مشكوره فجور ( ناموا عالسرير وتلحفو وروان قاعده تهديها ) روان : ( دموعها تنزل مو قادره تمسكم ) خلاص قلبي لا تبجين والله ما اتحمل اشوفج جذي منال : ( تبجي ومغطيه راسها ماترد عليها ) روان : عفيه منول اترجاج لاتبجين - تمت منال تبجي مده طويله لين هدت وعقبها بنص ساعه غفت – روان : ( تمسك راسها ) والله راسي بينفجر ماتحمل خلاص فجر : زين قصري صوتج لاتقوم روان : انا بروح اطل على مشاري لايكون قاعد يبجي اهو بعد فجر : خليج انا اشوفه ( راحتله وبعد دقيقه ارجعت ) فجر: نايمين يحليلهم روان : الحمدلله فجر : ( سكرت الليت وصار ظلمه عدل وراحت فراشها اللي بالارض ) يللا نامي الحين ولا تفكرين وايد باجر وراج روحه حق فروس روان : زين فجر باجر من الصبح ابيج تودينا البيت فجر : اوكي روان : تصبحين على خير فجر : وانتي من اهله - اليوم الثاني قامو الساعه 10 ووصلتهم فجر بيتهم وبعد صلاة العصر خذاهم عمها وقط اليهال مع الخدامه عند خالتها و راحت تشوف فراس وكان على نفس حالته .. وشافت بدر اهناك .. وكانت كل ماتشوفه اتحس براحه .. وتكرر هالروتين كل يوم لين صار وقت رجعة بدر حق بريطانيا – - بيت روان – ( روان تكلم بدر بالتلفون ) بدر : حياتي الله يخليج لاتبجين .. تره اهون وما اروح روان : ( تبجي ) لا بدر كافي انك طوفت عليك محاضرات مهمة بدر : والله لو تبين اوقف قيدي اوقفه بس ماشوفج بهالحاله روان : لا والله مايرضيني انك تتأخر .. عشاني روح ودير بالك على نفسك بدر : وانتي بعد ديري بالج واول ماتشترين تلفون عطيني الرقم وكل يوم دشي النت .. انا الحين رايح المطار.. راح اشتاقلج روان : الله معاك .. مع السلامه ( سكرت الخط واقعدت تبجي مده بعدين دقت على فجر ) روان : ( ميته بجي ) فجر تعاليلي بسرعه فجر : اشفيج؟؟ اليهال فيهم شي؟ روان : لا بس تعالي ابيج توديني المطار فجر : بدر مسافر اليوم؟ روان : اي واحس خلاص الحين ماقدر اتصرف بروحي فجر : تعوذي من ابليس كاني يايتج باي ( دشت الخدامه على روان لقتها تبجي ) خيريه : لا هبيبتي لا تبجين مايصير مشيري ومنول شوف انتي يبجي موزين روان : وينهم الحين؟ خيريه : فوق روان : ( تسمح دموعها ) قوليلهم يلبسون وانتي بعد لبسي بتروحون بيت خالتي خيريه : اوكي - بعد شوي اوصلت فجر و ودت اليهال بيتهم وراحت مع روان المطار – ( بالطريج ) فجر : تره يبين شكلج كنتي ميته من البجي المفروض ماتخلينهم يلاحظون انج باجيه روان : فجر والله مادري شاللي احس فيه الحين .. احس مختنقه زياده عن قبل اهو كان مخفف علي الحين شسوي والله وجوده يمي كان ماعطيني قوه والحين بيروح فجر : زين متى يرجع ؟ روان : بعد 3 شهور تقريبا فجر : بتمر بسرعه لاتحاتين روان : احس فقدت الكل .. امي وابوي والحين بدر.. كنت متعوده يكون يمي على طول فجر : خلاص رايح يدرس مو رايح يجاهد .. بيرجع لج لا تبجين - اوصلوا المطار وانزلوا – روان : عطيني تلفونج ( خذته ودقت على بدر ) بدر : الو ؟ روان : بدر انا بالمطار بدر : صج؟؟ روان : اي بشوفك قبل لا تروح بدر : حياتي والله ونستيني تعالي صوب ستار بكس روان : اوكي - راحت ستار بكس لقته واقف بيده هاند باق – فجر : زين انا انطرج اهني انتي روحي روان : اوكي ( راحت له اقعدت معاه على طاوله ) بدر : ( مسك ايدها ) الحمدلله اني شفتج قبل لا اروح روان : ( انزلت ادموعها ) بدر : روّون لا تخليني اهون عن السفرة .. والله ماعندي مانع اكشت بالدنيا كلها بس ماشوف دموعج روان : ( تمسح دموعها ) خلاص ماراح ابجي .. راح اشتاق لك بدر : كل يوم راح تشوفيني بالكام روان : مايكفي بدر : كلها 3 اشهر بالكثير وراح ايي واخطبج روان : لا ماقدر .. اهلي توهم متوفين بدر : انطرج لو طول العمر روان : ( اضغطت على ايده حيل ) دير بالك على نفسك بدر : يللا روحي البنت ناطرتج وانا بعد لازم اروح تأخرت روان : الله معاك توصل بالسلامه ( مشى معاها لي المكان اللي يختمون فيه عالجواز ) بدر : يللا عمري .. شدي حيلج ابي روان القويه ماحب روان اللي كله تبجي .. انا حبيبتي عن الف ريال وتحب اتشرّح الناس روان : ( اضحكت واهي تبجي ) أحبك .. مع السلامه بدر : اموت فيج .. باي ( راح وروان تمت واقفه اتطالعه واهو يمشي ) = لحظة وداعك آه يا لحظة وداعك ياهي صعبه بالحيل صعبه = = وانا الي ابي قربك وابي قلبك وابي بدنيتي تبقى معي تبقى = = نسيت اني اعشقك ولا تنسى اني بفقدك = = لحظة وداعك ياهي صعبه بالحيل صعبه = |
** البارت السادس **
بعد ما ارجعوا من المطار كانت حالة روان النفسية وايد تعبانه وكل شوي تبجي بس جدام اخوانها تبين انها طبيعيه على قد ماتقدر .. بس اللي ريحها انها كانت تكلمه كل يوم عالنت وشرت تلفون وكل يوم بينهم مسجات قبل لاتنام .. - بعد شهر من سفرة بدر ( في بيت روان ) – روان : واخيييييييييرا طلع الليسن ماني مصدقه فجر : ( تظحك ) يللا شعليج كلها جم يوم وتاخذين السياره - فجر حلوه بيضه عمرها 23 اصغر من روان بسنه جسمها متناسق شعرها لي نص ظهرها .. متحجبه بس تحب تكشخ - روان : ابوج يهبل .. والله ماقصر معاي ساعدني وطلـّع الليسن بسرعه وراح معاي الوكاله يعني جد مادري اشلون اشكره فجر : يبه اشفيج عادي ماسوه شي روان : ماتدرين اشكثر محتاجه السياره اليهال راح يداومون بعد جم يوم وفروس لازم كل يوم اروحله فجر : زين متى تفترين فيني الكويت ؟؟ روان : والله فجور جميلج ماراح انساه كنتي كل يوم اتيين تاخذين اليهال بيتكم وبعدين تردينهم فجر : اي اصلا كنت اسوي جذي عشان توديني مشاويري لمدة شهر تعويض عن البانزين روان : ( تظحك ) اي خلاص صار فجر : زين متى بتقولين حق عمج ؟؟ روان : والله مادري كل ما ابي اقوله ينربط الساني فجر : واي روّون اتبطين جبدي طلعتي حيل خوافه روان : شكو خوافه؟؟ بس ماحب اسمع تعليقاته مشاري : ( دش عليهم الصاله ) روااان شوفي يعقووب ماخذ مني شريط Hulk ومايبي يرده فجر : هلك هذا الرجل الأخضر ؟؟ مشاري : ( معصب ) اي ويقول ما ارده لك روان : مشاري حبيبي انتو ربع عادي ياخذه يلعب فيه و يرجعله لك مشاري : ( يهز راسه ) لا مابي خل يرده فجر : خلاص خله عنده الحين بس لاتخاف ماراح اخليه يركب معاي السياره اذا مارجعه لك مشاري : زين ( بيطلع من الصاله ) روان : ( تمسكه ) لحظه تعال وين منال ؟ مشاري : معانا فوق روان : زين يللا روح بس لا تتهاوشون انت ويعقوب تره بعدين كلش ما ايي بيتنا مشاري : لا انا ما اتهاوش معاه حيل بس اصرخ عليه روان : ولا حتى اتصرخ عليه لعبوا مع بعض مابي اسمع هواش تره صج صج بعدين ما ايي بيتنا مره ثانيه مشاري : زيين خلاص ماقوله شي ( راح وخلاهم ) فجر : اي قوليلي اشلون اليهال الحين ؟ روان : والله اللي مصعبتها علي منال .. بعد عمري كل يوم بالليل تبجي ومشاري اذا شافها هم يقعد يبجي يبي امي وابوي فجر : الله عطانا نعمة النسيان مع الأيام بيسكتون روان : يارب فجر : زين اشلون بدر ؟ روان : ( تبتسم ) يهبل يحليله .. بدو اختبارات عملية وامتحانات الله يعينه فجر : اشتقتي حق الجامعه؟ روان : اي والله وايد فجر : زين اذا خذيتي بدر ان شاءالله ليش ماترجعين تكملين ؟ روان : فجر يعني تبيني اهد اخواني؟ فجر : ( ساكته ) روان : ( عيونها دمعت ) بدر ماراح يخلص دراسته الا بعد 3 سنين تقريبا اشلون اقدر أتزوجه ونسافر بره .. واخواني؟؟ امهم وابوهم راحو وهم انا اروح واخليهم؟؟ وفراس اللي للحين بغيبوبه .. صعبه فجر صعبه فجر : زين اشراح تسوين ؟ قلتي حق بدر انج ماتقدرين تتزوجينه؟ روان : لا .. انا ودي انطره يخلص دراسته ويرجع اهني وساعتها اقدر اتزوجه فجر : الله كريم ( انطق جرس الباب وراحت خيريه تبطله وطلع اللي ياي اهو عمها بو جاسم ) ابو جاسم : السلام عليكم فجر و روان : وعليكم السلام فجر : ( قامت ) يللا عيل انا اروح تأخرت ابو جاسم : لا يبه انا اروح خليكم اخذو راحتكم فجر : لا عمي صج تأخرت لازم ارجع البيت روان : خيريه نادي يعقوب قوليله فجر بتروح خيريه : اوكي - بعد ماراحت فجر - ابو جاسم : ها يبه اشلونكم محتاجين شي ؟؟ روان : لا عمي مو محتاجين أي شي الحمدلله ابو جاسم : يبه حبيبتي لي متى تخليني احاتيكم خلاص مايصير لازم تسكنون عندي عشان قلبي يتطمن عليكم روان : عمي الله يخليك والله جذي مرتاحين الحمدلله .. ولاتحاتينه ماراح يصير لنا شي ان شاءالله ابو جاسم : بس يابنتي مثل ما انتي شايفه انا صاير دوامه كل يوم ياي ماخذج ورايحين المستشفى واليهال بيداومون وباخذهم كل يوم حق الدوامات روان : ( تبلع ريجها ) عمي في شي بقولك اياه ابو جاسم : خير يبه؟؟ روان : عمي انا .. ابو جاسم : اشفيج ؟؟ تكلمي صاير شي؟ روان : عمي انا تدربت عالسياقه وخذت الليسن وبعد جم يوم استلم السياره ابو جاسم : ( يطالعها واهو مصدوم ) ومتى صار كل هذا؟؟ واشلون؟ روان : ساعدني عمي بو محمد و .. ابو جاسم : ( يقاطعها ) وهذا بو محمد ؟؟ عمج خالج عشان يساعدج؟؟ روان : اهو ريل خالتي واشفيها لو ساعدني ابو جاسم : ( معصب ) وانا وين رحت؟؟؟ روان : عمي ماصار شي اهو كان عنده واسطه ومشى الموضوع بسرعه ابو جاسم : وانا وين رحت؟؟ ليش ما قلتيلي عالاقل ؟؟ مو كل يوم اشوفج ؟؟ ليش ماعطيتيني خبر ؟؟ روان : ( ساكته ) ابو جاسم : وهذي السياره شنو دفعتيلها كاش ولا اشسالفتها؟؟ روان : ( بصوت واطي ) اي كيشتها ابو جاسم : ( صرخ حيل ) تتصرفين بالفلوس ومن غير حتى ماتشاوريني ؟؟؟ هذا بو محمد يخليج تسحبين جم ألف ومن غير علمي ؟؟ روان : ( انصدمت من اصراخه وعصبت ) عمي الفلوس فلوسي شنو يعني لو سحبت منها حق سياره ؟؟ انا محتاجتها حيل ابو جاسم : لا مو فلوسج بس .. تحتج في يتامى وقصّر .. ماتتصرفين بالفلوس على كيفج .. مني ورايح اتقوليلي قبل لا تسحبين جذي مبلغ مفهوم؟؟ ( روان عيونها دمعت كلش ماتخيلت ان بيصير جذي وعمها بتجرأ يصرخ عليها بهالطريقه ) ( منال ومشاري اركضو حق روان ولموها واهم يبجون ) روان : لا حبايبي لاتبجون ماصار شي ؟؟ مشاري : ( يبجي ويكلم عمه واهو يصارخ ) ليش تصرخ على روان ؟؟ روان : لا مشاري عيب حبيبي لا تصرخ مشاري : بس اهو صرخ عليج ابو جاسم : هالشي لازم احط له حد .. حتى تربية اليهال لازم يمسكها احد يعرف معنى التربيه عدل روان : ( اتطالعه مصدومه وقربت اخوانها يمها ) شنو تقصد ؟ ابو جاسم : يللا فمان الله ( طلع وخلاهم ) --- - بعد هالسالفه بجم يوم روان استلمت سيارتها ( التيما لونها اسود ) و اليهال ردو المدرسه – روان : ( بالطريج خذتهم من مدارسهم ) ها اشلون المدرسه اليوم؟ مشاري : زينه روان : وانتي منول ؟ منال : زينه احسن من البيت روان : زيين اشراايكم اليوم ناخذ فجر ويعقوب و انروح المركز العلمي؟؟ مشاري : ( حده استانس قام من مكانه ) صج ؟؟ روان : اقعد ولا ماكو روحه مشاري : زين منال : اندش السينما ولا بس صوب السمج؟ روان : انتي تقررين واحنا انسوي كل شي تبينه منال : ( ابتسمت ) متى انروح؟ روان : بس ارجع من المستشفى تكونون جاهزين سيده انروح - ارجعوا البيت تغدوا وناموا وروان راحت اتشوف فراس – روان : دكتور يعني ماتدرون متى ممكن يصحى؟؟ الدكتور : انا قلت حق ابو جاسم هالكلام وارد اعيده لج .. ماكو شي بعيد عن ربج .. بس اللي شايفينه ان اهو داش بغيبوبه نتيجة الضربه اللي صارت براسه .. والله الشافي روان : زين حالته الحين مستقره ؟؟ الدكتور : اي الحمدلله روان : الحمدلله .. مشكور دكتور الدكتور : العفو .. ماسويت شي ( اطلعت من المستشفى بسرعه ماكانت تبي تواجه عمها من عقب ذاك اليوم ) روان : ( دقت على بيتهم ) الو .. خيريه عفيه قومي اليهال خل يلبسون وقوليلهم روان يايه بالطريج .. وانتي بعد لبسي بنطلع .. يللا مع السلامه ( دقت على فجر ) روان : الو فجور .. لاتقولين لأ .. بنروح الاكواريوم ونبيكم اتيوون معانا انتي ويعقوب فجر : وااي روّون مالي خلق بكمل نومتي نعسانه .. حتى المغرب للحين ما أذن روان : فجور حرام عليج خل اونس هاليهال والله صارلهم أكثر من شهر ماشافو يوم حلو .. يللا عاااد عفيه قومي عشان خاطري فجر : زين زين قمت لاتحنين .. انتي بتمريني ؟ روان : اي لأنج ما ركبتي معاي ولا مره من سقت فجر : صراحه خايفه على عمري روان : ( تظحك ) زين اقول قومي عااد تره والله ازعل عليج فجر : ( تظحك ) لا اذا زعلتي راح اموت روان : فجوووور عااد قومي بلا مصاخه فجر : يللا والله قمت خل اقول حق يعقوب يلبس.. باي - راحو المركز العلمي ودشو الآي ماكس ( سينما ثري دي داخل المركز العلمي ) .. وبعدها دشو الاكواريوم – مشاري : روّووون تعالي شوفي التمساح اشلون يخز يخررع روان : ( تظحك ) قصر صوتك فضحتني يعقوب : اي والله اشكبره يقدر يبلعك بلقمه وحده فجر : الحمدلله والشكر طاع شيتخليون روان : ( تظحك ) يحليلهم مستانسين منال : يللا امشو من اهني بشووف القرش روان : اي يللا امشو مشاري : لا نطري انا قاعد اخزه واطق الجام وللحين ماتحرك منال : يعني التمساح بيخاف منك وينحاش؟؟ امش خلاص عاد والله نروح عنك مشاري : لا شكله مو صجي اخاف يقصون علينا منال : يااربي .. مشاري انت انسان غبي روان : ( تظحك ) منول اشفيج عليه .. يللا امشوا لانروح عنكم يعقوب : يللا بسبقك حق القرش مشاري : انطرني لحظه ( لحقه ) روان : منول اسبقونا واحنا لاحقينكم منال : زين ( راحت ورا الصبيان ) فجر : روان مو ملاحظه ان منول قاعده تتصرف تصرفات كبار .. صارت ماتعجبها سوالف اليهال روان : ( تظحك ) اي شكلها راح تكبر .. الله يعيني ( رن تلفون روان رنة مسج ) فجر : اكيد بدر روان : ( تقرا المسج وتظحك ) اي بدر .. يقول ديري بالج واذا واحد خزج قوليلي عشان اكسره فجر : حشى سوبرمان مو بدر .. ايي من اخر الدنيا ويكسره ويرجع روان : ( تظحك ) بدزله على قولة فجر حشى سوبر مان مو بدر ( اكتبت المسج ودزته شوي يالها رد منه ) روان : يقول قوليلها انا عن عشر سوبرمانات فجر : ( تظحك ) هذا واهو دارس بره يقول سوبرمانات عفس ابو الانجليزي روان : لا تتطنزين عليه فجر : يمه منج اللي لقى احبابه نسى اصاحبه يعني ؟ روان : مممم تقدرين تقولين فجر : امبيه لا مو طبيعيه اشكره يعني قطيتيها بويهي روان : ( تظحك ) لا والله اتغشمر معااج اثنينكم نفس المستوى - خلصو من الاكواريوم وتعشو وودت فجر ويعقوب .. وارجعو البيت – ثاني يوم العصر روان راحت المستشفى اتشوف فراس عقب اطلعت مرت على فجر اقعدت عندها شوي وكانت ناسيه تلفونها بالسياره و اهي راجعه شافته الا تلقى 7 مسد كول من بيتهم خافت ودقت بس محد يشيله أول مادشت الفريج انصدمت بسيارتين مطافي وسيارة اسعاف وسيارة شرطه عند بيتهم حست ان الدم كله نزل بريلها – روان : ( انزلت من السياره وريلها غصب شايلتها اسألت الشرطي ) شنو صار ؟؟ الشرطي : انتي ساكنه اهني؟ روان : اي الشرطي : لا تخافين ماكو شي بس أي احد يتصل عالثلاث سبعات تطلع الاسعاف والمطافي والشرطه احتياط .. تفضلي ماكو الا الخير ( دشت البيت لقت داخل اثنين من المطافي معاهم عمها بو جاسم ) ابو جاسم : جزاكم الله خير .. تعبناكم معانا الشاب : لا اشدعوه ماسوينا الا الواجب والحمدلله على سلامته ( اطلعو من البيت ) ابو جاسم : انتي وين كنتي ومخليه اليهال بروحهم ؟ روان : اشصار ؟؟ ابو جاسم : جاوبيني اول على سؤالي ؟؟ روان : لا اول بعرف اشصار اشفيهم اخواني صارلهم شي؟؟ ابو جاسم : ودام خايفه عليهم لهالدرجه ليش ماقعدتي عندهم ؟؟ وين رحتي وخليتيهم ؟ روان : كنت عند فراس بعدين مريت شوي قعدت عند فجر ماطولت ويـ.. ابو جاسم : ( يصرخ ) حضرتج رحتي تستانسين و اخوج صارله ساعتين مقفول عليه باب الحمام .. والخدامه اتقول دقت عليج لين اعيزت وماتردين عليها اخر شي اتصلت على المطافي وبطلو الباب لأن كان يبجي وخايف روان : ( منصدمه ) اشلون انقفل عليه؟؟ ابو جاسم : ( يصرخ ) الحين هذا اهو المهم ؟؟ اخترب القفل وماتبطل جذي من ربج .. الله سبحانه حط هالحادث عشان يبين لج انج مو قد المسؤوليه والعيال من اليوم يرجعون معاي البيت روان : لا اليهال بيتمون عندي ابو جاسم : لا .. وانتي بعد راح اتيين معاي روان : لا هذا بيتنا وماراح نطلع منه ابو جاسم : يعني تبين واحد من اليهال يموت يالله تحسين ان لازم يكونون بين ام وابو يديرون بالهم عليهم ؟؟ روان : انا امهم وابوهم ابو جاسم : اي فعلا وايد واضح انج امهم وابوهم روان : عمي بكل بيت ممكن يصير اي شي والحمدلله الله ستر ماصار شي جايد ابو جاسم : وتبين تنطرين لين يصير شي قوي ؟؟ روان انا اتكلم عربي ولا هندي؟؟ اليهال يحتاجون رعاية بين عايله .. اخت وحده وبعمر الشباب ماتسويلهم شي روان : اذا كان هذا سببك خلاص نسكن عند خالتي حصه ابو جاسم : لا خالتج عندها صبيان وواحد منهم بعمر مراهقه والثاني جم سنه ويبلغ ومنال بنت المفروض تخافين عليها روان : عمي بس هذيله اعيال خالتها ابو جاسم : لأ يعني لأ .. منال راح تكبر واللي اهناك مراهق ماقدر اخليها تعيش عندهم وحتى ريل خالتج مو محرم لكم .. خلاص كلمه وحده ماكو غيرها راح تعيشون عندي روان : ( تتكلم بعصبيه و عيونها مدمعه ) بس حتى انت عندك شاب نفس الشي يعني ابو جاسم : انا فكرت فيها .. وقلت منعا للحرج بخليه يملج عليج وتتزوجون بعد سنه روان : ( منصدمه ) نعم؟؟ ابو جاسم : عموما هالموضوع مو وقته الحين .. اليهال بيرجعون معاي اليوم واذا انتي ماتبين اتيين كيفج بس اهم قصّر وانتي ماتعرفين مصلحتهم كثري -------------------------------------------------------- |
** البارت السابع **
ابو جاسم : عموما هالموضوع مو وقته الحين .. اليهال بيرجعون معاي اليوم واذا انتي ماتبين اتيين كيفج بس اهم قصّر وانتي ماتعرفين مصلحتهم كثري روان : عمي انت من صجك؟؟ ابو جاسم : خيريه .. خيريه خيريه : نام بابا ؟؟ ابو جاسم : روحي نادي اليهال ( روان واقفه مو قادره تتكلم بس دموعها تنزل من القهر ) خيريه : ( اتطالع روان ) بابا .. ابو جاسم : خيريه روحي نادي العيال بسرعه خيريه : ( معصبه ) بابا .. مشاري منول واجد يبجي والحين نايم حرام مسكينه خلي نايم ابو جاسم : زين خلاص روحي الحين خيريه : ( خلتهم واطلعت ) ابو جاسم : ( تنهد ) اعوذ بالله منك يا ابليس .. يبه روان قعدي خل اكلمج روان : ( امسحت ادموعها واقعدت ) ابو جاسم : ( قعد يمها ) روان أدري انج حاطه في بالج اني واحد ظالم .. بس مثل ما انتي شايفه انا ريال ملتزم واخاف ربي وعمري ماظلمت احد .. يايبه تره تربية اليهال وخصوصا بهالعمر مو شي سهل عشان جذي انا طلبتج اكثر من مره انكم تعيشون عندي بس انتي رافضه هالشي .. و انا صرخت عليج من الموقف اللي شفته .. ماتدرين اشكثر خفت يوم لقيت الاسعاف والمطافي عند بابكم .. يبه انا مابيج تزعلين مني انا عمج واخاف عليكم وكل اللي ابيه انكم تعيشون عندي واليهال يتربون ويكبرون تحت عيني روان : ( تنزل دموعها ) ادري بس .. ( بجت و ماقدرت تكمل ) ابو جاسم : ( حط ايده على جتفها ) تعوذي من ابليس وسمي بالرحمن واذا غلطت بحقج فوالله من خوفي عليكم روان : ( تمسح دموعها ) عمي انت تبي تاخذنا بيتكم وتزوجني جاسم وانا مابي هالشي ابو جاسم : ( يبتسم ويشد لحيته ) يبه يعني انتي شايفه لحيتي هذي تركيب؟؟ روان : ( تطالعه مو فاهمه ) ابو جاسم : انا ريال مطوع واخاف ربي وادري ان الزواج من غير موافقتج مايجوز شرعا .. يمكن قلت اللي قلته بلحظة غضب بس ماكان قصدي اني بزوجج ولدي غصب .. كل اللي قصدته ان اهو ولد عمج و انتي بنت مسيرج بتتزوجين .. فقلت لو تتزوجتو راح يكون احسن لي ولج.. منها انتي تكونين مع اخوانج بنفس البيت ومنها آنا اتطمن عليج.. وتره جاسم قلبه طيب .. انتي فكري بالموضوع وانا ماراح اجبرج على شي انتي ماتبينه روان : ( ارتاحت من كلامه ) مشكور عمي .. بس ميخالف تعطيني آخر فرصه وتخليني اعيش اهني مع اخواني ؟؟ ابو جاسم : لا روان .. دام انا موجود ماله أي داعي ان تعيشون بروحكم .. باجر بتعيشون عندي .. ولاتصعبينها علي اكثر بارك الله فيج روان : ( اسكتت ) ابو جاسم : يللا خطاكم السو .. فمان الله .. روان : مع السلامه ( أول ماراح العم اصعدت روان فوق لقت مشاري ومنال نايمين باستهم وراحت غرفتها ودقت على فجر ) روان : الو .. فجر ماتقدرين اتيين عندي؟ فجر : لا الوقت تأخر ماقدر.. ليش صاير شي؟؟ روان : لا بس ضايق خلقي فجر : روّون صوتج متغير .. قوليلي اشصاير؟؟ روان : عمي .. يبينا نسكن عنده من باجر فجر : شوفي انا ادري ان هالشي مضايقج .. بس امس ابوي تكلم بهالموضوع وصح كلامهم مايصير بنت تعيش بروحها بالبيت ومعاها يهال صعبه تره .. تعالي عيشي عندنا روان : عمي مو راضي .. وباجر لازم انروح بيته فجر : والله عمج حيل نحيس شيصير لو خلاج تسكنين عندنا روان : خلاص فجر .. انا بسكره الحين .. انتي شابكه؟ فجر : لا بنام روان : اوكي انا بشبك عشان اكلم بدر .. باي فجر : مع السلامه - دشت روان النت لقت بدر شابك حاطه Away – روان : بدر موجود؟؟ بدر : هلاا حيااااااااااااااتييييييي .. زيين شبكتي والله قاعد ادرس ومخليه away ناطرج اتدشين روان : باجر عندك امتحان؟ بدر : شفوي بس روان : زين عيل افصل وادرس بدر : صارلي 3 ساعات ناطرج عشان تقوليلي افصل وادرس؟ روان : شسوي اخاف مايمديك تدرس بدر : خلي عنج هالموضوع وقوليلي شخبارج مع اليهال؟ روان : الحمدلله أحسن من قبل بدر : زين وفروس؟ روان : نفس ما اهو بدر : الله يقومه بالسلامه روان : ان شاءالله .. بدر ولهت عليك وايد بدر : و انا اكثر حياتي هانت مابقى شي و اكون عندج بالعطله روان : صار شي اليوم وبقولك اياه بدر : عسى خير؟ - روان قالتله عن اللي صار مع مشاري و ان عمها يبيها تسكن عنده بس مايابت طاري جاسم - بدر : بصراحه بعد اللي صار لاتزعلين مني .. بس انا اتطمن عليكم اكثر اذا سكنتي عنده روان : بس انا ما آخذ راحتي اهناك .. وبيجبرني على وايد اشياء بدر : قصدج الحجاب؟ روان : هذا واحد من الأسباب بدر : يعني انتي مو مقتنعه ان الحجاب ستر ؟ روان : بلى بس مادري ماحب يتحكم فيني بدر : روان قلبي هذا عمج وماجبرج على شي يضرج بالعكس تره هالشي حق مصلحتج والله روان : ادري بس هم خايفه من العيشه اهناك والسبه مرت عمي كلش ماتحبنا خايفه تقول كلمة تجرح اليهال بدر : لا تخافين ان شاءالله ماكو الا كل خير ( وتمت تسولف مع بدر مده طويله لين تعبت وافصلت عشان تنام ) - اليوم الثاني بعد الغدى – روان : مشاري .. منال اسمعوني عدل بقولكم شي ومابي بجي زين منال ومشاري : زين روان : من اليوم بنسكن عند عمي حمد منال : ( انصدمت ) ليش؟؟ ماابي روان : حبيبتي منول عمي امس كان وايد معصب من اللي صار حق مشاري وخايف علينا ومايبي نعيش بروحنا .. عشان جذي بنعيش عنده منال : ( اتصرخ على مشاري ) كله منك .. لو ماحبست نفسك بالحمام جان ماصار هالشي مشاري : ( يصرخ ) انا شكو؟؟ اهو بروحه انقفل روان : خلاص .. لاتصرخون .. واليوم راح انروح .. خلو خيريه تساعدكم بالملابس منال : انا ماراح اروح معاكم روان : منال الله يخليج لا تسوين جذي فيني .. خلينا انروح من غير مشاكل منال : ماحب اسكن عند عمي روان : انا راح اكون معاكم و ماراح اخليكم بروحكم منال : ( اسكتت ) واصعدت فوق - خذوا جنطتين فيهم ملابسهم وبعض الأشياء المهمه وراحو بالطريج حق بيت عمها – ( رن تلفون روان ) روان : الو .. هلا عمي .. اي احنا بالطريج .. شوي ونوصل .. مع السلامه ( سكرت التلفون ) مشاري : روان ؟؟ الحين خلاص راح انعيش عندهم على طول؟ روان : اي حبيبي مشاري : وعادي كل يوم نطلع ؟ ولا لازم نقعد بالبيت؟؟ روان : ( تبتسم ) اكيد عادي واذا تبي بعد كل يوم انروح حق بيت خالتي هم عادي مشاري : ( يبتسم ) منول شفتي عادي منال : ( ساكته ) - اوصلوا بيت العم بو جاسم ودشوا - ابو جاسم : هلا بعيالي هلا يبه حياكم الله روان : الله يحييك عمي .. اشلونج خالتي ام جاسم : هلا ابو جاسم : ( يكلم اليهال ) ها يبه اشلونكم مع المدرسه؟ منال ومشاري : الحمدلله ابو جاسم : الحمدلله .. اذا طافتكم دروس قولولي انا اييب لكم مدرسين مشاري : روان درستنا كل اللي طاف ابو جاسم : بارك الله فيج يا بنيتي روان : تسلم عمي مشاري : عمي انا ابي غرفه بروحي ابو جاسم : ( يظحك ) اي انت لك غرفه خاصه فيك.. ومنال وروان مع بعض مشاري : صج ؟؟ وين داري بشوفها ابو جاسم : ام جاسم وديهم يشوفون غرفهم ام جاسم : خل يروحون بروحهم يدلون الغرفه اللي كانو فيها اهي راح تكون حق البنات واللي يمها حق مشاري ابو جاسم : ميخالف قومي معاهم احسن ( قامت ام جاسم معاهم ودتهم غرفهم وروان حست بضيق لأن هذا اول يوم وجذي عاملتهم الله يستر من الياي ) |
** البارت الثامن **
ابو جاسم : ميخالف قومي معاهم احسن ( قامت ام جاسم معاهم ودتهم غرفهم وروان حست بضيق لأن هذا اول يوم وجذي عاملتهم الله يستر من الياي ) ام جاسم : هذي غرفة مشاري مشاري : خيريه حطي جنطتي اهني ام جاسم : ( اطلعت ودشت الغرفه يمها الحقوها البنات ) وهذي غرفتكم انتي ومنال .. ( خلتهم وانزلت تحت ) - روان دشت غرفتها اهي و منال وخيريه يت وراهم شايله جنطة ملابسهم .. الغرفه كان فيها سرير واحد بس كبير - منال : ( اتطالع روان ) ابي سرير بروحي روان : ( تبتسم لها ) بقول حق عمي واذا تبين غرفتج كلها اييبها اهني هم راح اقوله منال : لا .. غرفتي لا تجيسونها لأن راح نرجع اهناك على يوم روان : ( اتطالع اختها ومنصدمه من ردها اتحس انها وايد اكبر من عمرها ) خلاص انييب لج سرير واحطه بهالزاويه .. اوكي؟؟ منال : اوكي روان : زين الكبت مشترك بينا عادي ؟ منال : اي عادي روان : خيريه عفيه دخلي ملابسنا بالكبت .. ملابس البيت سفطيهم وملابس الطلعه تتعلق خيريه : اوكي روان : انا بروح ارتب ملابس مشاري - راحت حق مشاري دشت عليه لقته مبطل جنطته ويطلع الملابس – روان : شتسوي؟؟ خلهم عنك انا ارتبهم بالكبت مشاري : لا بس بشوف خيريه حطت بنطلوني الجيشي ولا نسيناه ؟ روان : عادي اذا موموجود انييبه يوم ثاني مشاري : ( رفع راسه وطالعها واهو معصب ) لا .. ابيه الحين هذا كان آخر شي ابوي شراه لي روان : ( حست بنغزه قويه بقلبها ) حبيبي خلاص اقعد عالسرير وخلني ادوره لو مالقيناه باجر من الصبح اروح اييبه لك مشاري : زين ( قام قعد عالسرير ) روان : ( قاعده اتدور بالجنطه وقلبها معورها من اللي قاله ) لقييته مو هذا اهو؟؟؟ مشاري : ( نزل من السرير وخذاه منها واهو مستانس ) ايي هذا روان : خلاص خله اهني وروح حق منال انا بحط ملابسك بالكبت مشاري : خليه فوق عشان بلبسه اذا طلعنا روان : زين روح الحين ( طلع مشاري من الغرفه وتمت روان ترتب الملابس وتتذكر امها وابوها وعينها مليانه دموع ) يا حلو الايام لو ترجع على كيفـــــــي ما كان قلبي شكى فرقا مواليفـــــــــه كانوا بقربي ولا يحتاجون تكليفـــــــــي واليوم راحوا ودمعي صعب توقيفــــه من عقب الاحباب مكسورة مجاديفــي غرقان والموج يلعب بي على كيفــــه ( واهي ترتب الملابس دش مشاري عليها جان تمسح دموعها قبل لا يشوفها ) مشاري : روان ماخلصتي ؟؟ منال نامت وآنا نعست ابي انام روان : زين نام شوي وانا بروح حق فروس مشاري : اوكي روان : لا تجيس شي بعدين خيريه تكمل اللي بقى .. واذا قمت قول حق منول تدرس وانا اذا ييت اشوف شنو عندك واجبات اوكي؟ مشاري : اوكي - اطلعت لقت خيريه بويهها – روان : منول نايمه ؟ خيريه : اي نامت وانا خلاص سويت ملابس كله روان : زين انا بروح المستشفى حق فروس انتي كملي سوي ملابس مشاري و لا تخلين اليهال ينامون وايد .. قعديهم قبل أذان المغرب خيريه : ساعه 5 زين؟ روان : اي زين - راحت غرفتها البست جينز وبلوزه وسوت شعرها عنقوص وخذت جنطتها .. انزلت تحت لقت جاسم وام جاسم – روان : ( شافت جاسم ارتبكت تذكرت كلام عمها ) السلام .. اشلونك جاسم جاسم : هلا والله روان اشلونج انتي؟ واشلون اخوانج ؟ روان : الحمدلله .. واخواني بخير واهم نايمين الحين ام جاسم : شكلج طالعه؟؟ روان : اي بروح اشوف فراس جاسم : اي انا وابوي مرينا عليه الصبح الله يقومه بالسلامه روان : تسلم مشكور .. يللا عن اذنكم ( اطلعت ) ام جاسم : ابوك لو شافها طالعه بهالشكل جان تضايق حيل مسكين وايد تعبان بسبة هالبنت جاسم : يمه ميخالف تره توه متوفين اهلها خل يصبر عليها مايصير بيوم وليله يبي يغير كل شي تعودت عليه ام جاسم : بس اهي تعودت عالغلط واهلها كانو سامحين لها بهالشي بس احنى مانرضى بالغلط جاسم : انا ماقلت شي بس عالأقل عطوهم وقت ينسون.. بعدين خل يكلمها بهالمواضيع على راحته ام جاسم : اوووه عطوهم وقت وعطوهم وقت مادري ليمتى بنصبر عليهم ( وتمت تتحلطم ) جاسم : استغفرالله .. انا قايم انام ام جاسم : اي روح انت بعد وخلني بروحي .. هذا اللي فالح فيه --- - بالسياره روان دقت على فجر – روان : انتي كل ما ادق عليج نايمه ؟؟ فجر : يعني انتي اتدقين العصر طبيعي الناس نايمه وبعدين انا اداوم وارد تعبانه مو مثلج بطاله روان : ( تضايقت من كلمتها ) انجبرت عالبطاله .. ويللا أخليج كملي نومتج فجر : روان والله ماقصدت شي لاتزعلين تره والله انا نايمه ومخرفه روان : لا عادي حبيبتي ماقلتي شي .. مع السلامه فجر : اكيد مازعلتي؟؟ روان : اي اكيد فجر : زين اشوه .. يللا عيل مع السلامه روان : باي واهي عند الاشاره دزت حق بدر مسج اكتب فيه : " انا رايحه اشوف فراس دعواتك لي .. وان شاءالله يكون الامتحان سهل موفق يارب " - اول مادزته الا اللي وراها يطق هرن حيييل عشان تمشي – روان : اشدعوه عليك راح تموت .. ماصارلها ثانيه شبت خضره - بعد شوي وصلها مسج من بدر مكتوب فيه - " nothing is IMPOSSIBLE ..cuz impossible it self says I 'M POSSIBLE " // ماقدر اترجمه لأن معناه احلى واهو انجليزي .. بس حق اللي مايعرف انجليزي معناه باختصار ( ماكو شي مستحيل ) // روان : ( قرت المسج وابتسمت ) الله يحفظك لي - اوصلت المستشفى وانزلت راحت حق فراس تمت مده واقفه اتطالعه وقلبها معورها وتدعيله – الدكتور : اشلونج اخت روان روان : ( فزت لأن ما كانت تدري ان واقف وراها ) بسم الله الدكتور : آسف ماكنت قاصد اخرعج روان : لا عادي بس انا كنت سرحانه ومانتبهت الدكتور : الله يلوم اللي يلومج .. لا تخافين على فراس اهو ياهل والأطفال احباب الله .. وان شاءالله يرجع لكم وتشوفينه يراكض جدامج روان : آمين يارب .. مشكور دكتور والله كلامك ريحني الدكتور : ( يبتسم ) والله اني كل يوم امر عليه اول واحد واشوف اذا صار بحالته تغيير او لأ - الدكتور طويل و تقريبا بآخر الثلاثينات شعره كثيف اسود – روان : ( انحرجت من نظراته ) تسلم يعطيك العافيه الدكتور : الله يعافيج ماسوينا الا الواجب .. تبين قهوه شي ؟ روان : ( ارتبكت ) لا لا مابي شي مشكور الدكتور : ( يطالعها ويبتسم ) زين عيل انا اخليج اشوفج باجر ان شاءالله روان : مع السلامه ( أول ما راح الدكتور روان بسرعه طلعت تلفونها ودزت حق بدر هالمسج ) " بدر تره الدكتور يطالعني بنظرات غريبه وقالي تبين قهوه ؟ ان بعض الظن اثم بس انا مارتحت حق نظراته " - اول مادزته تحسفت - روان : ( بقلبها ) ياربي الحين اكدر خاطره عالفاضي .. زين ماقدرت انطر لين يشبك عالاقل؟؟ - شوي رن تلفونها وكان بدر روان انصدمت لأن داق بالعاده يدز مسج .. راحت الممر ودرت عليه – روان : الو بدر : ( معصب ) وينج الحين ؟ روان : بالمستشفى بدر : ووين الدكتور الزفـ.. روان : والله راح وماصار شي اشفيك معصب بدر : روان لاتعطينه ويه زين؟؟ وان تمادى معاج قوليلي موتسكتين و بالعطله اذا ييت ادشله المستشفى وربي اكسره روان : زين خلاص بدر ماصار شي بدر : يللا اذا خلصتي وشفتي فراس طلعي ماله داعي تقعدين بروحج روان : اوكي الحين امشي بدر : زين يللا باي روان : باي ( تمت مده اتطالع الشاشه مصدومه ) روان : ( بقلبها ) اشهالمسج اللي دزيته؟؟ اهو أي شي ينقال ؟؟ والله ساعات احس اني سخيفه - اطلعت من المستشفى جان اتدق عليها فجر – روان : الو فجر : روان حبي تعالييلي روان : لا ماقدر بروح ادرس اليهال فجر : اخاف زعلانه وماتبين اتيين روان : لا اشدعوه والله ما ازعل منج بس صج بدرسهم فجر : زين قعدي عندي شوووي و روحي .. ضايق خلقي والله روان : زين و آنا اقدر على حنتج؟ فجر : ( تظحك ) لا طبعا ماتقدرين .. يللا ناطرتج .. باااي روان : باي - اوصلت عند بيت خالتها وانزلت – يعقوب : وين مشاااري ؟؟ ليش مايبتيه معاج ؟ روان : لأن كان راد من المدرسه تعبان ونام يعقوب : اوووففففففف ام محمد : يعقوب عيب شنو اوف؟؟ روان : ( تبتسم ) ياهل خليه .. انا بصعد حق فجور ام محمد : اي حبيبتي روحي ( راحت اصعدت و دشت غرفة فجر ) فجر : ( قامت سلمت عليها ) ولهت عليج والله روان : انا بعد وتره عندي سوالف اقولها لج فجر : قعدي بس خل اقولهم اييبون عصير وارجع روان : لا لا عفيه مابي وماراح اطول قعدي بسولفلج فجر : زين يللا سولفي ( اقعدت جدامها عالسرير وتربعت ) روان : عمي خطبني حق جاسم فجر : شنووو؟؟؟!!! روان : اي امس كلمني بهالموضوع فجر : وليش انا مادري ؟؟ روان : امس صارت السالفه وكاني قاعده اقولها لج فجر : لا يعني ليش مادريت امس أول ماصارت روان : فجر عاد اشفيج لا تطلعين من الموضوع و خليني اكمل فجر : زين زين كملي واشقلتيله ؟ روان : قلتله مابي جـ.. فجر : ( قاطعتها ) و اشرد عليج؟؟ روان : ( عصبت ) اي خليني اتكلم ماصارت سالفه قطعتيها الف مره فجر : اي شسوي مو مني والله انصدمت كملي خلاص بسكت روان : شوفي بكمل واذا قاطعتيني والله اروح زين ؟؟ فجر : زين كملي والله ماراح اتكلم ( حطت ايدها على حلجها ) روان : قلتله مابي جان يقول فكري بالموضوع واحسن لج عشان تكونين يم اخوانج وهم انا اتطمن عليج لأن جاسم طيب وقام يمدح فيه ( فجر حاطه ايد على حلجها وايدها الثانيه ارفعتها جنها تستأذن عشان تتكلم ) روان : فجر عااد وتكلمي والله اني منقهره مالي خلق ملاقتج فجر : اي اشدراني خفت اتكلم اتقولين قاطعتج .. لا بس يعني جد مافهمت اذا تزوجتي بدر اليهال بيتمون عند عمج ؟ روان : اي هذا اللي فهمته فجر : زين عادي .. اهو يعني لو مو متوفين اهلج الله يرحمهم وانتي تزوجتي هم كنتي راح تطلعين بيت بروحج روان : بس في فرق .. اهني بيكونون عند عمي ومرته .. وانا ماقدر اخليهم فجر : عيل اشبتسوين ؟؟ روان : مادري مابي افكر بشي وبنطر بدر يخلص دراسته بعد 3 سنين والله كريم فجر : زين قلتي حق بدر هالسالفه ؟ روان : منصجج ؟؟ ماقدر اقول لو شنو .. قلتله عن الدكتور انه يطالعني بنظرات غريبه دق وصرخ علي وحسيته حيل منقهر فاشلون اقوله ان عمي يبيني حق ولده وانا عايشه معاهم بنفس بيت ؟؟ فجر : زين وانتي شكو اتقوليله عن نظرات الدكتور صج لقافه روان : اي والله اعترف اني ملقوفه بس مادري شاللي خلاني اقوله .. زين فجور والله تأخرت وراي تدريس لازم اروح الحين فجر : اوكي امشي اوصلج لي الباب روان : يللا ( راحت و اوصلت بيت عمها ) روان : السلام عليكم ابو جاسم : وعليكم السلام ورحمة الله وبركاته .. يبه قعدي شوي بكلمج روان : ( اقعدت ) هلا عمي ابو جاسم : يبه انا اهني بحسبة ابوج يعني اذا بتروحين مكان عطيني خبر روان : اي انا قلت حق خالتي اني بروح المستشفى صح خالتي ؟ ام جاسم : اي ابو جاسم : يعني انتي طول هالوقت عند فراس ؟؟ روان : لا قعدت عند خالتي شوي ابو جاسم : اي مو لازم تعطيني خبر اول ؟ عالأقل يكون عندي علم اذا لا قدر الله صار شي صح يبه ؟؟ روان : ( تضايقت من كلامه بس ماكانت تبي النقاش يطول ) اي صح ابو جاسم : وعندي معاج موضوع ثاني واتمنى تتقبلينه وماتتضايقين ( روان اتطالع ام جاسم ماحبت يكلمها واهي جودها ) ابو جاسم : ( فهم نظرة روان ) قومي معاي الصاله الثانيه ام جاسم : وليش يعني ؟؟ ابو جاسم : ( عطى ام جاسم نظره معناها ميخالف عشان خاطري ) شوي بس ماراح نطول ( راحت معاه روان واقعدت يمه ) ابو جاسم : انا فتحت معاج هالموضوع من قبل والحين بفتحه مره ثانيه .. يبه انتي كبيره ماشاءالله وصرتي عروس والحجاب فرض مو سنـّه وانا والله لأني احبج قاعد اقولج تحجبي .. مايصير أي ريال يشوف شعرج الا محارمج وريلج اذا تزوجتي ان شاءالله روان : ( ساكته ) ابو جاسم : تدرين كل واحد يشوف شعرج وتعجبينه تاخذين اثمه فوق اثمج ؟؟ روان : ( ساكته وتلعب بأظافرها ماتدري شترد عليه ) ابو جاسم : وهم عشان اختج .. ابيها تشوفج قدوه لها وتقلدج روان : ان شاءالله راح اتحجب قريب ابو جاسم : بارك الله فيج ريحتيني روان : عمي انا الحين لازم اروح ادرس اليهال ابو جاسم : روحي درسيهم واذا احتجتي شي قوليلي ( يبتسم لها ) تره انا جامعي روان : مشكور عمي .. عن اذنك ( قامت وخلته اصعدت فوق حق اخوانها ) روان : ( تحاول ماتبين لهم انها متضايقه ) اهليين بالحلويين ها بديتو دراسه ومانطرتوني؟ منال : انتي تأخرتي .. وماعندي شي بس حفظ 10 آيات وحفظتهم و ناطرتج اتسمعينلي روان : وانت مشاري؟ مشاري : عندي واجب حساب و عربي روان : وانتو للحين اتسمونه حساب ؟ منال : لا انا اقول رياضيات روان : ( تبتسم ) اي احسن من حساب مشاري : زين شالفرق ؟ ليش احسن؟ روان : مادري انا احس حساب كلمة قديمه.. المهم ماعلينا يللا اول خل اسمّع حق منول بعدين ادرسك زين ؟ مشاري : اروح داري ؟؟ روان : لا اقعد اهني لين اخلص منها وادرسك مشاري : زين ( خلصت درستهم وعقب اقعدت تسولف معاهم ) خيريه : ( دشت عليهم ) روان بابا يقول انتي مشاري منال كله ينزل تحت منال : انا مالي خلق انزل روان : ميخالف حبيبتي عشان خاطري امشي نقعد معاهم منال : شنو اهو غصب ؟ روان : لا ماقلت غصب .. قاعده اقولج عشان خاطري منال : زين ( انزلو تحت اقعدو مع ام جاسم وابو جاسم ) مشاري : عمي ابي تلفزيون بداري ابو جاسم : ليش يبه ؟ مشاري : عشان العب بليستيشن .. في بيتنا كان عندي تلفزيون بداري ابو جاسم : حااضر احطلك تلفزيون بدارك .. وانتي منول تبين شي يبه ؟ منال : اي ابي سرير ابو جاسم : السرير انا مفكر فيه منزمان ومن باجر بيكون عندج روان : تسلم علي ابو جاسم : الله يسلمج .. انتي بعد أي شي محتاجته قولي روان : لا مابي شي تسلم - دش جاسم البيت – جاسم : السلام عليكم ابو جاسم : هلا يبه وعليكم السلام ورحمة الله جاسم : ( طالع روان ) اشلونج روان ؟ روان : الحمدلله جاسم : دوم ان شاءالله .. انا رايح الغرفه عن اذنكم ام جاسم : لا يمه وين اقعد بعد شوي بنحط العشى ابو جاسم : لا خليه يروح يرتاح اكيد متعشي جاسم : ( طالع ابوه ) اي الحمدلله متعشي .. تصبحون على خير ام جاسم : وانت من اهله يمه .. ( لفت على بوجاسم ) ليش جذي قلت افرض مو ماكل ؟؟ ولا عشان روان اهني ماتبيه يقعد تره ماراح يصير شي كلنا قاعدين .. عاد لا تصير متشدد وايد ابو جاسم : خلاص نتفاهم بعدين العيال موجودين ماله داعي هالحجي ( رن تلفون ابو جاسم ) ابو جاسم : الو ؟؟ ( قام وقف ) اي اي عرفتك هلا دكتور خير اشصار ؟ روان : ( قلبها قام يرقع وتطالع عمها واهي خايفه ) ------------------------------------------------------ |
** البارت التاسع **
( رن تلفون ابو جاسم ) ابو جاسم : الو ؟؟ ( قام وقف ) اي اي عرفتك هلا دكتور خير اشصار ؟ روان : ( قلبها قام يرقع وتطالع عمها واهي خايفه ) ابو جاسم : اي خلاص مسافة الطريج اكون عندك .. مع السلامه ( سكر التلفون ) روان : ( دموعها معلقه بعينها من الخوف ) ها عمي بشر ؟؟ ابو جاسم : اللي فهمته من كلامه ان فراس صحى روان : ( انزلت ادموعها واقعدت عالقنفه واهي تظحك ) الحمدلله يارب الف حمد وشكر لك مشاري : ( يكلم منال ) شفتي قلتلج راح يقوم منال : ( تبتسم ) اي صح قلتلي روان : ( تمد ايدها حق اخوانها ) تعالو ( مشاري ومنال اقعدو واحد يمينها وواحد يسارها ولموها ) روان : قولوا الحمدلله مشاري : الحمدلله بس ليش تبجين تره قام روان : ادري حبيبي.. ابجي من الوناسه يللا تعشو ونامو انا وعمي رايحين انشوفه مشاري : لا بننطركم اتييبونه بنشوفه روان : لا حبيبي مايطلع اليوم باجر بعد المدرسه اخذكم تشوفونه زين؟ منال ومشاري : زين روان : ( قامت ) تعشوا وناموا .. تصبحون على خير .. يللا عمي ابو جاسم : ( يطالع ملابسها – جينز وبلوزه – وده يتكلم بس ماحب يخرب وناستها ) توكلنا على الله - بالطريج كانت تحمد ربها وحدها مستانسه مو عارفه شتسوي – روان : عمي ؟؟ اهو صج قال ان صحى ؟؟ ولا بس تحرك ؟ ابو جاسم : قالي فراس طلع من غيبوبته .. طبعا بفضل الله سبحانه روان : الحمدلله يارب - اوصلوا المستشفى وانزلوا شافوا الدكتور – الدكتور : ( يبتسم ) الف حمدلله على سلامته ابو جاسم : الله يسلمك روان : الله يسلمك يارب.. زين اكيد قام ؟؟ الدكتور : اي اكيد .. أول شي حرك ايده وريله بعدين فتح عينه وبجى ونقلناه غرفه بس طبعا تحت الملاحظه بس تقدرون تشوفونه تعالوا معاي ( راحوا مع الدكتور ودشو الغرفه كان فراس عالسرير يحن – يبجي بس مو حيل - وموصل بيده الدريب ) روان : ( شافته جان تبجي وتروح تبوسه على راسه وعلى ايده ) حيااتي ياقلبي انت.. الف حمد وشكر لك يارب فراس : ( يبجي ) ماما روان : ( ماتت من البجي زياده ) الله يرحمها .. انا ماما حبيبي انت الدكتور : هدي نفسج اخت روان مافيه الا العافيه كلها اسبوع وبيرجع معاكم البيت ابو جاسم : ( ماعجبه يكون الدكتور موجود وروان تبجي جذي ) مشكور دكتور ماقصرت تقدر تخلينا مع فراس شوي ؟ الدكتور : اي اي اكيد .. عن اذنكم والحمدلله على سلامته ابو جاسم : الله يسلمك اذنك معاك - فراس بس يبجي وروان تبوسه وتحاول تسكته – ابو جاسم : اتوقع مو عارفج .. لأن ماشافج وايد كنتي مشغوله بدراستج وماتيين الا بالسنه مرتين أو ثلاث روان : اي ادري بس راح يعرفني وماراح اخليه كلش مره ثانيه ابو جاسم : الحمدلله الله نقذه روان : الحمدلله ( تمت قاعده عند فراس واهو كل شوي يحن متملل .. وبعد فترة نام واقعدوا عنده لين تأخر الوقت ) ابو جاسم : يللا نمشي ؟ روان : لا بقعد عنده لي باجر ابو جاسم : لا يبه قومي معاي نرجع البيت روان : عمي يمكن يقوم ويبجي مايلقى احد يمه ؟ ابو جاسم : في دكاتره وممرضات لا تخافين عليه روان : بس اهو مو ولدهم واذا قام ماراح يهدون شغلهم ويقعدون عنده .. و يمكن يخلونه يبجي بروحه .. وبعدين اهو ياهل لازم يقعد احد من اهله عنده ابو جاسم : تعوذي من ابليس وقومي معاي اخوانج اهناك محتاجينج روان : اخواني نايمين وباجر انت ودهم المدرسه بطريجك .. عمي والله ماقدر اخليه بروحه ابو جاسم : وانا بعد ماقدر اخليج بروحج اهني روان : خلاص اقعد معاي انا ماني رايحه ابو جاسم : ( يتنهد ) يارب صبرك روان : عمي ماراح اخليه بروحه .. عفيه افهمني وخلني على راحتي ابو جاسم : خلاص امشي وانا اقول حق جاسم يقعد عنده روان : لا انا بقعد عنده اليوم ابو جاسم : خلاص تمي عنده الليله بس باجر اخلي جاسم مكانج زين؟ روان : ( اتطالع فراس واهو نايم ) اوكي ابو جاسم : لحظه اكلم الدكتور وارجع - طلع راح حق الدكتور – ابو جاسم : دكتور عبدالله .. مافي مشاكل اذا احد نام عند فراس عدل ؟ الدكتور : اي اكيد عادي ماكو أي مشاكل بس لازم شخص واحد مو اكثر ابو جاسم : مشكور يعطيك الف عافيه مع السلامه - راح حق روان – ابو جاسم : خلاص انا رايح ديري بالج على نفسج أي شي يصير دقي علي روان : ان شاءالله ( طلع عمها جان تروح حق الممرضات اللي بره اطلبت منهم مخده وغطى عشان تنام عالقنفه اللي يم سرير فراس .. وردت الغرفه شوي جان اييبون لها اللي اطلبته ) - اقعدت وسندت ظهرها عالمخده وطلعت التلفون دزت حق بدر هالمسج - " بدر باركلي فراس صحى وانا الحين نايمه عنده ماقدر اشبك مايبت اللاب توب معاي " - شوي يالها هالرد – " الف الف حمدلله على سلامته .. بس انتي نايمه بروحج ؟ " - ردت عليه – " اي :× " - رن تلفونها وطبعا بدر – روان : الو ؟ بدر : تدرين ان هالشي مايرضيني وهم سويتيه ؟؟ روان : ( مقصره صوتها عشان لا يقوم فراس ) شسوي يعني ؟ اهو ياهل يعني اذا قام ومالقى احد يمه.. بدر : شنو مايلقى احد يمه اهو بمستشفى المريخ ؟؟؟ روان لا تيننيني وهذا الزفـ.. موجود ؟؟ روان : مادري بس اتوقع راح ( انطق الباب ودش الدكتور ماغيره صاحبنا الحلو ) الدكتور : قوه روان محتاجه شي ؟ ( روان شافته اخترعت وماردت عليه خافت بدر يطلع من التلفون ويطقها ) بدر : منو هذا ؟؟؟ الدكتور : روان ؟؟ سامعتني؟؟ بدر : روان اكلمج منو هذا روان : ( نزلت السماعه ) هلا دكتور .. لا مشكور مابي شي الدكتور : اشغلتج عن شي ؟؟ روان : لا بس كنت اتكلم مع بنت خالتي الدكتور : ( يبتسم ) خلاص عيل اخليج أي شي تحتاجينه تره انا موجود بس سألي عني روان : ( ودها تبجي لأن بدر عالخط ) تسلم ما احتاج شي ان شاءالله الدكتور : ان شاءالله تحتاجين شي .. عشان نكسب شوفتج .. مع السلامه روان : مـ ـع السـلامـ ـه ( راح الدكتور جان تحط السماعه على اذنها لقت بدر يصارخ ) بدر : اقولج عطيني اكلمه ماتسمعين ؟؟ روان : بدر لا تصرخ .. وبعدين خلاص والله راح بدر : شكو اتقوليله اكلم بنت خالتي ؟؟ اترقعين ليش ؟؟؟ خايفه على مشاعره يعني؟؟ روان : بدر والله مادري بس ماعرفت شقول و.. بدر : شنو ماعرفت شقول ؟؟ اخاف معجبه فيه وتبينه ؟؟ قولي اذا تبينه عشان اخليج وامشي تره عادي مايهمني روان : ( انصدمت ) بدر اشهالحجي انت اشقاعد تقول ؟ بدر : اشدراني عنج ؟؟ واخر شي طوّل يسولف معاج مادري اشقال انتي بعدتي التلفون عشان ما اسمع صح ؟ روان : لا ماقال شي مهم بس يتطمن على فراس بدر : روانووو لا تجذبين تره اعرفج لي جذبتي روان : بدر خلاص عاد لازم اسكره الحين بدر : ليش ؟؟ بتروحيله ؟؟ روان : ( اتصرخ ) بدر اشفييك؟؟؟ بدر : واتصرخين بعد ؟؟ ماشي روان يللا اخليج معاه ( سكر الخط بويهها ) ( روان انصدمت منه بدل لا يكلمها عدل ويهنيها بقومة فراس بالسلامه قاعد يصرخ عليها بهالطريقة ؟ ) - تمت اتدزله مسجات بس اهو حاقرها و بالليل عالساعه ثنتين تقريبا كانت منسدحه عالقنفه تحاول تنام مو قادره – ( امسكت تلفونها ودقت على فجر ) روان : ردي عفيه ردي فجر : الو ؟؟ روان : فجر قاعده ؟ فجر : اي كنت بالحمام توني داشه الغرفه .. اشفيج ؟ روان : أول شي فراس صحى فجر : صج ؟؟!!! الف حمدلله على سلامته خل اروح ابشر امي وادق عليج روان : لا عفيه لحظه خل اقولج اللي صار اول فجر : شنو فيه ؟؟ طلع فاقد الذاكره ؟؟ روان : فجووور ؟؟ انتي ولا عمرج صرتي جد ؟؟ فجر : لا والله من صجي وايد اسمع يقومون من الغيبوبه فاقدين الذاكره روان : فجر يعني جد مادري شقولج اهنيج عالمخ اللي عندج فجر : روّون عن الطنازه زيين روان : ( متضايقه ) زين فجر بكلمج بموضوع مضايقني فجر : شنو صاير قولي؟ روان : انا الحين نايمه عند فراس بالمستشفى .. ودق بدر كان يكلمني جان يدش الدكتور ومادري اشصار المهم عصب بدر حيل وآخر شي سكر الخط بويهي وادزله مسجات مايرد فجر : اهو اشفيه جذي وايد حار روان : اي اصلا حتى بره كان مطلع روحي كل ما كلمت احد زفني جدامهم بدر : الله يعيينج عليه روان : زين شسوي؟ اهو حاط في باله اني قاعده اكلم الدكتور الحين فجر : تبيني اشوف اذا شابك اكلمه ؟ روان : اي عفيه قوليله اني والله احبه واموت فيه ولا راح اطالع غيره كلش .. وقوليله بعد اني قاعده بروحي وماعندي احد وافكر فيه بكل ثانيه فجر : اقول روان اشرايج تكتبين لي مشاعرج مسج لأن جذي ماراح احفظ روان : فجر عااد لا تذبحيني والله اني متضايقه فجر : زين زين دزيلي ايميله مسج روان : اوكي .. بس عفيه ناطرتج قوليلي شيصير فجر : اوكي .. باي ( سكرته منها ودزت لها الايميل Dr.bader_***@hotmail.com ) --- - بغرفة ابو جاسم – ابو جاسم : كانت مستانسه ماقدرت اضيق خلقها ام جاسم : اذا انت تبيها اتعيش اهني خلها تمشي مثل ما انت تبي مو كيفها تكسر كلمتك متى مابغت ابو جاسم : اهي ماكسرت كلمتي انا اللي سمحت لها تنام عند اخوها .. وبعدين كافي اللي شافوه لازم اخف عليهم شوي ام جاسم : انت ماسويت شي غلط واهي لازم تمشي على طريقتنا ابو جاسم : خلاص انا قلت لها من باجر جاسم اللي راح ينام عند فراس ام جاسم : وولدي اشعرفه منصجك انت ؟ ابو جاسم : لي متى بتعاملين الولد على انه ياهل ؟؟ لو متزوج جان منزمان عنده عيال ام جاسم : اي لو تزوج ساعتها يصير خير .. الحين اشعرفه يعتني بياهل بالمستشفى ابو جاسم : استغفرالله يارب .. خليني انام باجر عندي دوام تصبحين على خير ام جاسم : من يو بيتنا اعفسونا .. لا وبعد بيي ياهل يترس البيت صراخ ابو جاسم : هذيله يتامى اتعرفين شنو يتامى ؟؟ ام جاسم : وانا اشسويت عذبتهم ؟؟ طقيتهم ؟؟ ابو جاسم : ( حقرها وعطاها ظهر ونام ) -- - بيت فجر – ( فجر ضافت بدر واستقبل الاضافه وكان حاطه Busy – مشغول – بس قررت اتدش وتكلمه ) // ملاحظة الحركات اللي بالحوار :| :S :$ .. الخ.. اذا ماعرفتوها حطوها بالمسنجر شوفو شيطلع لكم Fjo0oOo0o : السلام .. اشلونك بدر Dr.Bader : هلا منو معاي ؟ Fjo0oOo0o : انا فجر بنت خالة روان Dr.Bader : اهلين فجر .. اشلونج ؟ Fjo0oOo0o : تمام الحمدلله .. انت اشلونك Dr.Bader : بخير الله يسلمج .. ها طرشتج روان ؟ Fjo0oOo0o : بصراحه اي .. وتره والله حالتها تكسر الخاطر يعني انت تخيل فقدت امها وابوها بنفس اليوم .. وكانت بغربه وتخلت عن دراستها وحلمها ويت تربي اخوانها وواحد منهم كان بين الحياة والموت .. وهم فوق هذا انت تصرخ عليها وتزعل منها ؟ Dr.Bader : بل بل بل كاتبه قصيده انتي؟ نطري خل اقراها Fjo0oOo0o : :s Dr.Bader : والله ادري انها تكسر الخاطر بس ماتحملت اسمع الدكتور يكلمها وادري انها عاجبته ويوم سألها منو تكلم قالت بنت خالتي ؟؟؟ شكو تبررله اساسا؟؟ Fjo0oOo0o : :| اهو شكو يسألها منو تكلم ؟؟ Dr.Bader : اشدراني عنه الخسيس وتبيني ما اعصب ؟؟ Fjo0oOo0o : والله مادري اشهالملقوف قطيعه .. زين تره اهي تحبك وايد وعطتني جم شغله ووصتني اعطيك اياهم وصراحه ثقلو على مسنجري اخذهم فكني منهم ... هاك (L) (L) (L) (L) (L) (F) (F) (F) (F) (F) (F) Dr.Bader : اكيد اهي قالت عطيه جذي ؟؟ Fjo0oOo0o : اي و قالت بعد اشياء اكثر بس انا استحي اقولهم :$ Dr.Bader : هههههههه زين زين خلاص سامحتها والحين بدز لها مسج رصيدي خلص ماقدر ادق Fjo0oOo0o : ونااسه ثااانكس .. يللا عيل سي يووو لييييييتر << تره حتى انا اعرف انجليزي مو شرط الواحد يسافر بره عشان يصير مثقف (H) Dr.Bader : ههههههه اي ماشاءالله عليج خطيره .. يللا عيل عن اذنج ادز مسج حق الحب Fjo0oOo0o : :$ اووكي .. الى اللقاء Dr.Bader : Bye --- - عند روان – وصل لها مسج بطلته كان من فجر " تمت العملية بنجاح نطري بيدزلج مسج بعد شوي مايقدر يدق لأن ماعنده رصيد .. بس عاد هااا ابي الحلاوه " - ابتسمت روان وتمت اتطالع الشاشه ناطره مسج بدر بعد 10 دقايق وصل لها مسج – " أحبج يا احلى ماخلق ربي .. مهما سويتي تراج غالية وادري ماتطالعين غيري .. بوسيلي فرفر << دلع فروس الخاص .. اذا ينقفل باب الغرفه قفليه يكون احسن .. أحببببج نوم العوافي " - ابتسمت واهي تقرا اللي كتبه وباست الشاشه ودزت هالمسج – " احبك يالغالي .. تصبح على خير " - بعد مادزته قامت تشوف فروس كان نايم باسته على راسه وردت مكانها انسدحت ونامت – ( بعد حوالي ساعه ونص حست بحركه بالغرفه افتحت عينها ولا تطالع الدكتور واقف يم سرير فراس ويطالعها أول ماشافها افتحت عينها ابتسم لها ) -------------------------------------------------- |
** البارت العاشر **
( بعد حوالي ساعه ونص حست بحركه بالغرفه افتحت عينها ولا تطالع الدكتور واقف يم سرير فراس ويطالعها أول ماشافها افتحت عينها ابتسم لها ) روان : ( شافته فزت من مكانها واقعدت عدل ) خير دكتور؟ الدكتور : ( يبتسم لها ) لا خير بس دشيت اتطمن على فروس الحلو عسى مازعجتج؟؟ روان : ( تعدل شعرها ) لا خذ راحتك الدكتور : أقول روان .. اقصد اخت روان روان : ( مرتبكه ) هلا الدكتور : انا تعودت على شوفتكم انتي والاستاذ بو جاسم .. يعني ماودي تقطعون الزياره وبنفس الوقت استانست لأن فروس قام لكم بالسلامه روان : ( تفكر ببدر ) الف حمدلله انه قام وهذا اهم شي الدكتور : اي اكيد طبعا كلنا فرحنا بقومته روان : زين الحين اهو فيه شي ؟ الدكتور : لا لا ابد .. بس حبيت اتطمن عليه بنفسي ومنها اشوف اذا محتاجه شي روان : لا دكتور مو محتاجه أي شي .. بس ودي انام شوي الدكتور : ( يبتسم ) يعني اطلع ؟؟ روان : ( ودها اتقوله اي اطلع بس ماتعرف تحرج احد ) لا مو قصدي بس يعني اخاف يقوم بعد شوي وانا جد والله تعبانه و.. الدكتور : خير في شي يعورج ؟ روان : ( اتطالعه مصدومه ) لا مافيني شي بس تعبانه يعني دايخه بناام الدكتور : اشوه عبالي مريضه .. يللا عيل اخليج ترتاحين تصبحين على خير روان : وانت من اهله ( طلع وخلاها واقعدت اتفكر اتقول حق بدر او لأ ) روان : ماله داعي اقوله صاير وايد عصبي هالأيام ( قامت اوقفت عند سرير فراس وقاعده تلمس خده بيدها .. باست راسه ) - فراس ابيض طالع على امه الله يرحمه وشعره نااعم بس حاليا محلقينه عشان الحادث فصاير اقرع - ( تمت شوي واقفه تطالعه عقب ردت عالقنفه نامت بس نومها متقطع وكل شوي تقوم ) عالساعه 7 الصبح قامت وراحت الحمام اللي بالغرفه - عزكم الله - وغسلت ويهها وبطلت شعرها عشان تعدله جان تسمع بجي فراس و اطلعلته بسرعه ) روان : حيااتي لا تبجي عمري انت فرووسي انا رواان فراس : ( يبجي ويمد لها ايده ) مااامااا روان : ( تمسك ايده عشان لا يحركها و يعوره الدريب ) حيااتي لا تبجي خلااااص فراس : ( ميت بجي وويهه صاير احمممر ) روان : ( موعارفه شتسوي طقت الجرس عشان اتيي الممرضه ) حياتي اشفييك ؟؟ - شوي الا يدش الدكتور معاه ممرضه هنديه – الدكتور : ( يطالع روان اول مره يشوفها مبطله شعرها بالعاده كله لامته عنقوص ) صباح الخير روان : ( حطت شعرها وره اذنها ) دكتور شوفه ليش يبجي هالكثر؟ الدكتور : ( يمسك ايد فراس ) هاا فروس تبي نغير حفاضه ؟؟ ( يكلم الممرضه ) change diaper // غيري الحفاضه // الممرضه : اوكي فراس : ( يبجي ) مااامااا ( الدكتور راح زاوية الغرفه و معاه روان ) روان : زين دكتور متى يصير نعطيه حليب مايصير يتم جذي عالدريب الدكتور : من باجر نبدي نخليه ياكل روان : شكله مل من السرير مايصير يقوم ؟ الدكتور : لا نطري عليه ميخالف .. كلها اسبوع يرجع معاكم البيت ولو اني بفقدكم .. عاد تدرين اني خذيت هالشفت بس عشان اكون يم فروس اذا احتاج شي ؟ روان : ( ارتبكت ) تسلم ماقصرت - انطق الباب ودش جاسم – جاسم : ( شاف الدكتور راحله ومد ايده سلم عليه ) اشلونك دكتور عساك طيب؟ الدكتور : اهلين اخ جاسم انت شخبارك ؟ جاسم : الحمدلله بخير اشلونج روان ؟ روان : ( ترد شعرها ورا اذنها ) الحمدلله عن اذنكم ( دشت الحمام ) جاسم : ( راح عند فراس ) هلااا بالبطل الصغيير .. ها دكتور اشلونه اليوم ؟ فراس : ( يحن ويرفع ايده ) الدكتور : الحمدلله طلع من منطقة الخطر وبعد جم يوم يرد مثل قبل واحسن جاسم : الحمدلله ( روان اطلعت من الحمام لامه شعرها عدل – عنقوص- ) جاسم : روحي البيت ارتاحي وتعالي شوفيه العصر ابوي راح اييب اليهال من المدرسه .. و الليله انا راح انام عنده روان : بس اخاف يحتاج شي جاسم : لا تحاتين كلنا عنده الدكتور : انا بعد لازم استأذن شفتي خلص ارجع بالليل ان شاءالله .. عن اذنكم جاسم : يعطيك العافيه اذنك معاك روان : اليهال راحو المدرسه ؟ جاسم : اي انا وديتهم وييت روان : تسلم ماقصرت عطلتك عن دوامك جاسم : الله يسلمج.. لا عادي أخذت اجازه روان : ( تلمس ايد فراس جان يمسك اصبعها ) حيااتي انت ( ارفعت ايدها وباست ايده ) جاسم : الحمدلله على سلامته روان : الله يسلمك جاسم : يللا روحي ارتاحي روان : لا بنطر عمي .. انا ماييت بسيارتي جاسم : خلاص امشي اوصلج وارجع روان : ( بصوت عالي شوي ) لا جاسم : ( سكت ) روان : ( انحرجت ) لأن مابي اخليه بروحه جاسم : ميخالف مسافة الطريج بس اوديج البيت وارجع روان : ( اسكتت مده تفكر ) اوكي جاسم : يللا عيل روان : ( باست راس فراس ) حياتي لاتبجي عفيه عالشاطر .. راح ارجع العصر فراس : ( ساكت يطالعها وحاط ايده بحلجه ) ( روان خذت جنطتها وراحت مع جاسم ووصت الممرضه تقعد عنده ) - بالطريج – روان : جاسم والله منحرجه منك تعبناك معانه جاسم : ( عينه عالطريج ) لا اشدعوه انتو عيال عمي ولكم حق علي روان : ( اسكتت ) - تمو طول الطريج ساكتين لين اوصلت البيت – روان : مشكور .. أي شي يصير دق عالبيت قول حق خيريه تقعدني اوكي؟ جاسم : ان شاءالله .. مع السلامه ( دشت روان البيت كان هادي .. راحت غرفتها وبدلت ملابسها وانسدحت دزت حق بدر مسج ) " حياتي انا رجعت البيت وحيل تعبانه والعصر بروح حق فروس " - اول مادزت المسج حطت راسها عالمخده ونامت .. الظهر ارجعوا اليهال من المدرسه ودشوا الغرفه يقعدونها – مشاري : روّوووون قوومي خل نروح حق فرووس بشووفه منال : قوومي يللا بنروحله خلصيينا بسج نووم روان : ( حطت ايدها على عينها ) خلووني اناام راح اوديكم العصر طلعوا بره مشاري : ( يسحب ايدها ) لا قوومي الحيين روان : ( معصبه ) مشيريووه وخر خلاص عاد منال : والله اذا ماقمتي الحين بنزعل عليج للأبد روان : ( افتحت عينها طالعتهم ) زين خلاص شوي خلوني وانا بعد الغدى اوديكم زين ؟ منال ومشاري : زيين ( روان امسكت تلفونها شافت 4 مسجات من بدر و أول واحد فيهم كان بعد مادزت له المسج ب 9 دقايق ) - افتحت المسجات – 1 - " الحمدلله عالسلامه .. ها الدكتور كلمج امس " 2- " ليش ماتردين ؟؟ قالج شي ؟؟ قوليلي والله ماراح اعصب " 3- " شنو يعني بتقنعيني انج نايمه ؟؟ ماصار على مسجج جم دقيقه اشلون فجأه نمتي ؟ " 4- " ماشي روان كثري من هالحركات " ( روان قرت المسجات وحدها تنرفزت ) روان : يااربي اشفيه هذا صاير جذي منال : ( تبدل ملابس المدرسه ) منو ؟؟ روان : انتي اهني؟ منال : اي .. منو اللي اشفيه صاير جذي روان : ماكو شي لبسي ونزلي تحت شوي وايي وراكم منال : اوكي ( البست ملابسها وانزلت ) ( روان معصبه حيل ودزت حق بدر هالمسج ) " بدر اشفيك؟؟ اشصاير لك بالظبط؟؟ احسك وايد متغير .. والمفروض انك توقف تواسيني مو تزيدها علي .. وانا والله العظيم من دزيتلك المسج نمت من التعب ماقمت الا الحين " ( قامت غسلت و بدلت ملابسها وانزلت ) ام جاسم : ( بنفسيه ) اهلين وسهلين روان : هلا خالتي مشاري : ها متى انروح ؟؟ روان : نتغدى اول بعدين انروح ام جاسم : ( تتحلطم بصوت واطي ) أي مو بيتنا فندق حق الاكل والنوم روان : ( طالعتها بس ماتكلمت ) ام جاسم : خير؟ روان : ( ابتسمت واهي منقهره وطالعت اخوانها ) ها عندكم واجبات ؟ منال : اصلا باجر عطله مشاري : اي باجر عطله مابي ادرس روان : خلاص اوكي ( دش عمهم وسلم عليهم وراح بدل ورجع عشان يتغدون ) - عالغدى – روان : عمي بعد الغدى على طول بنروح انا واليهال حق فروس ام جاسم : اي والله روحو خلو وليدي يرجع يرتاح مسكين من الفير اهو اهناك ابو جاسم : خليه ميخالف ريال ام جاسم : أكيد ريال بس عاد لازم يرتاح روان : منول .. مشاري اول ماتخلصون تروحون تسبحون عشان نمشي مشاري : لاااا مالي خلق اسبح روان : مايصير لازم تسبح مشاري : عميييي كلمهااا ابو جاسم : خلاص يبه .. لازم تسبحون سمعوا الكلام مشاري : زين ام جاسم : ( تعد القفاش – الملاعق – وتنادي خدامتها ) راانيي رااانيي راني : نام مدام ؟؟ ام جاسم : هذي سلة القفاش كلها ؟؟ راني : يس مدام ام جاسم : قفاشي ناقصين ابو جاسم : مو وقته الحين خلينا ناكل بعدين يصير خير ام جاسم : لااا واخلي خيريه تبوقني واسكت ؟؟؟؟ روان : ( اتطالع ام جاسم ) وليش يعني خيريه ؟؟ ام جاسم : لأن راني عندي من سنين ولا مره انباق شي روان : بس اهي ماتاخذ شي مو لها وعمرها ماباقت ام جاسم : يعني افهم ان القفاش طارو ؟؟؟ ابو جاسم : يا مره ان بعض الظن اثم ام جاسم : بعض الظن .. وانا ما ظلمت احد يتلنا خادمه يديده والقفاش انقصت شنو يعني ؟؟ انت فسرها منال : ( معصبه ) بس خيريه ماتبوق ام جاسم : شفت يابوجاسم ؟؟؟ هذي الصغيره ماخذه اختها قدوه .. طبعا اذا الكبيره تقل ادبها نشره عاليهال ؟؟؟ روان : منول مشاري يللا قوموا سبحوا مشاري : قام على طول وركض فوق منال : ( قطت القفشه عالطاوله وقامت ) ام جاسم : شايف ؟؟؟ شايف اشلون قطت القفشه ؟؟ صج مو متربيه روان : خالتي ما اسمحلج ابو جاسم : لا يبه روان عيب هذي حسبة امج روان : ( فيها غصه ماسكه دموعها غصب ) الحمدلله شبعت ( قامت واصعدت فوق ) - دشت الغرفه لقت منال تبجي – روان : ( راحت يمها ولمتها وانزلت دموعها ) خلاص حياتي لا تبجين منال : انا مابي اعيش اهني روان : ميخالف انا معاج لا تبجين عفيه منال : ( تبجي ) زين دام ماتحبنه ليش نقعد عندها ؟؟ روان : لأن عمي مسؤول عنه ولازم نقعد عنده منال : وانتي راح تروحين و تخلينه ؟؟؟ روان : ( امسحت دموعها ) أكيد لأ .. منو قالج هالشي منال : محد قالي روان : زين يللا عمري غسلي ويهج وسبحي انا شوي وارجع بشوفج خالصه اوكي؟؟ منال : اوكي ( اطلعت راحت حق مشاري ) روان : ها للحين قاعد ماسبحت ؟؟ مشاري : ( منزل راسه ) الحين اقوم روان : مشاري اشفيك ؟؟ مشاري : مافيني شي روان : لا تزعل تره خالتي طيبه بس اهي تحب قفاشها وايد عشان جذي ازعلت وعصبت مشاري : ( يطالعها ) ليش تحبهم وايد ؟ روان : ( تظحك ) انت مو تحب اشرطة البليستيشن ؟ مشاري : اي روان : اهي تحب القفاش مشاري : ( يظحك ) زين اقولج شي بس موتعصبين ؟ روان : قول ( مشاري قام راح تحت السرير طلع طاسه فيها قفشه ) روان : ( انصدمت ) مشاري ؟؟؟ وليش ماتكلمت ؟ مشاري : خفت منها .. كانت تصرخ حيل روان : يعني ماسمعتها اتقول ان خيريه بواقه ؟؟ ليش ماقلت شي ؟ مشاري : ( ساكت منزل راسه ) روان : و شنو هالطاسه .. شنو كنت تاكل ؟ مشاري : امس بالليل يعت نزلت حطيتلي شوربه روان : ليش انتو ماتعشيتو امس ؟ مشاري : بلى بس لأن انتي مو موجوده ماكلينا وايد بس شوي وقمنا روان : ( لمته ) خلاص حبيبي هالمره سامحتك .. بس هذي آخر مره تسكت وتخلينا نتهم احد ثاني زين ؟؟ مشاري : لاتقولين لها اني انا خذيت القفشه اخاف تطقني روان : محد يقدر يطقك دام انا موجوده .. يللا روح اسبح انا انزّل الأغراض تحت مشاري : زين - انزلت تحت بيدها الطاسه والقفشه وراحت بالصاله كانو قاعدين عمها ومرته – روان : مشاري امس كان يوعان وحطله شوربه ابو جاسم : ( يكلم ام جاسم ) شفتي ان بعض الظن اثم استغفري الحين ام جاسم : وليش ما تكلم ؟؟ روان : كان خايف لأنج كنتي تصارخين .. وعفيه لا تكلمونه عن هالموضوع ابو جاسم : لا تحاتين يبه .. روحوا الحين و انا بعد صلاة العصر ايي المستشفى روان : اوكي .. عن اذنكم - اصعدت فوق لقت من بدر هالمسج – " انا الحين بفترة امتحانات وراسي كله مصدع .. مالي خلق نجره .. بس هالدكتور لو كلمج زفيه وحتى لو طالعج مجرد نظره قوليله رجاءا لا تطالع .. خليه يحس انج رافضه هالشي .. مو تقعدين تتبوسمين ماشي؟ " - ردت عليه – " ان شاءالله " - خلصو سباحه والبسوا ملابسهم وراحو المستشفى دشوا الغرفه لقو جاسم ماسك بيده سياره لعبه ويحركها عالسرير وفراس يطالعه وحاط ايده بحلجه – روان : السلام عليكم جاسم : هلا وعليكم السلام ( مشاري ومنال اركضوا راحو حق فراس ) مشاري : ( يظحك ) اشفيه صار اقرع ؟ منال : لأن راسه تعور شالوا الشعر صح روان ؟ روان : اي صح عشان يخيطون راسه فارس : ( يمد ايده لهم ويخربط - حجي يهال مو مفهوم - ) مشاري : اغووو .. اغوووو فرووس روان : ( تظحك ) لاعبوه شوي شوي لا تحركون ايده وايد منال : تعوره الابره ؟ ( تقصد الدريب ) روان : اذا حركتو ايده تعوره .. ( التفتت على جاسم ) جاسم والله مادري شقولك تعبناك معانا جاسم : اشفيج روان احنا اهل روان : تسلم ماقصرت والله .. خلاص انت روح البيت الحين جاسم : زين تبون شي اييبه معاي بالليل وانا ياي؟ روان : لا سلامتك مشكور جاسم : الله يسلمج ..( يكلم اليهال ) مع السلام شباب .. ( مسك ايد فراس ) مع السلامه يابطل .. يللا عن اذنكم روان : الله معاك - مر اسبوع وكانت روان كل يوم اتمر المستشفى والدكتور يطالعها بنظرات ويعطيها ابتسامات واهي تصد عنه وكل ما يسألها بدر عن الدكتور اتقول ماتشوفه الا نادر – الدكتور : ديرو بالكم عليه تراه غالي ابو جاسم : مشكور دكتور ماقصرت والله روان : ( شايله فراس ) مشكور دكتور الدكتور : ماسوينا الا الواجب .. وفروس يستاهل - اطلعو من المستشفى وردوه البيت واليهال استانسو فيه حتى خيريه شالته وقامت اتبوسه – ( بالليل روان نومت اليهال واشبكت اتكلم بدر ) RaWo0o0N : بدر مشغول؟؟ Dr.Bader : هلا روان .. كنت ادرس بس خليته باخذ بريك معاج .. اشلون فراس عسى ماتعبج ؟ RaWo0o0N : بلى تعبني شوي يحليله .. الحين نايم Dr.Bader : زين وهذاك كلمج ؟ قالج شي قبل لا تروحين ؟ RaWo0o0N : لا Dr.Bader : روان اكيد ؟ RaWo0o0N : اي اكيد .. فجور دشت اشبكها معانا ؟؟ Dr.Bader : اوكي (( ضافت فجر معاهم )) RaWo0o0N : اهلييييين فجّووو اشلوونج Fjo0oOo0o : هلا بحبيييبتييي ولهت علييييييج تعاليلي باجر وييبي اقرع مقيرع معاج Dr.Bader : هلا فجر وعليكم السلام ورحمة الله وبركاته Fjo0oOo0o : امبيه فشله :$ :$ .. السلااام عليكم Dr.Bader : لا تو الناس RaWo0o0N : لا تحرجها تره بسرعه تبجي Dr.Bader : والله ماكو بالدنيا شخص بجاي كثرج انتي RaWo0o0N : ههههههههه Fjo0oOo0o : زين صج صج روّون تعاليلي باجر RaWo0o0N : أول خل استأذن :$ :$ Fjo0oOo0o : عشتوو .. يللا استأذني اشوف Dr.Bader : (H) RaWo0o0N : بدوووري .. اقدر اروح حق فجر المسكينه باجر؟ Dr.Bader : مممممممم ... لا حبيبتي ماتقدرين Fjo0oOo0o : ليييييييييييييش اشهالنحاااسه ؟؟ Dr.Bader : جذي مزاجي يقووول ماتروح RaWo0o0N : خلاص دام مزاجه قرر .. انا ماقدر اقول شي Fjo0oOo0o : وييع مليقيييييين .. صج الطيور على اشكالها تقع Dr.Bader : يللا خلووني ادرس .. باي .. وروانوو ماكو روحه هذي تخربج علي Fjo0oOo0o : انا اخربها ؟؟؟ @@ Dr.Bader : اي اي .. ياما تحت السواهي دوااهي RaWo0o0N : ههههههههههه لا عاد حرام مسكينه والله Fjo0oOo0o : لا اصلا حتى لو الحين قال روحي انا مابيج تيين خلاص Dr.Bader : ومن قال اصلا بخليها تروحلج .. يللا باي وراي امتحان (( طلع من المحادثه )) Fjo0oOo0o : من صجه هذا ؟؟ RaWo0o0N : لا يتغشمر :× بس يبي يطفرج Fjo0oOo0o : موصاحي RaWo0o0N : فجور انا لازم افصل فروس يبجي باي Fjo0oOo0o : باي .. الله يعينج ماما روان - اليوم الثاني – ابو جاسم : يبه روان تعالي معاي شوي بكلمج روان : ان شاءالله عمي .. خيريه ديري بالج على فروس خليه يلعب بالتركيب بس شوفي لا يتعور خيريه : اوكي ( راحت روان مع عمها بالصاله الصغيره واهي تقول بقلبها اكيد موضوع الحجاب ) ابو جاسم : يبه انتي الحين ماشاءالله عمرج 24 يعني مره كبيره .. والبنات من عمر 17 قاعدين يتزوجون واييبون عيال روان : ( ساكته ) ابو جاسم : يبه انا صج ابيج حق ولدي وكنت اتمنى انج توافقين .. بس انتي مارديتلي خبر .. وكلمني امس الدكتور عبدالله وخطبج مني روان : ( طالعته منصدمه ) منو؟ ابو جاسم : الدكتور عبدالله .. دكتور فراس روان : ( ساكته بس اتطالعه ) ابو جاسم : مابي اسمع رد الحين .. ومثل ماعطيتج فرصه اتفكرين بجاسم .. الحين بعطيج فرصه اتفكرين بالدكتور عبدالله .. وشوفي شنو اصلح لج وقوليلي .. تره يبه انتي كبرتي و السنين تركض تبين يصير عمرج 30 وانتي للحين ماتزوجتي ؟ روان : عمي .. اصلا ماصار على وفاة امي وابوي الا جم شهر اشلون بفكر بالزواج ؟ ابو جاسم : محد قال ان العرس قريب بس عالاقل اعرف رايج .. فكري يبه ورديلي خبر بارك الله فيج روان : مايحتاي افكر ابو جاسم : بلى .. اخذيلج 3 ايام فكري عدل ومن كل النواحي وبعدين بسمع ردج ( قام ) يللا انا اخليج الحين --------------------------------------------------- |
** البارت الحادي عشر **
روان : عمي .. اصلا ماصار على وفاة امي وابوي الا جم شهر اشلون بفكر بالزواج ؟ ابو جاسم : محد قال ان العرس قريب بس عالاقل اعرف رايج .. فكري يبه ورديلي خبر بارك الله فيج روان : مايحتاي افكر ابو جاسم : بلى .. اخذيلج 3 ايام فكري عدل ومن كل النواحي وبعدين بسمع ردج ( قام ) يللا انا اخليج الحين ( طلع من البيت ) ( راحت روان حق خيريه واليهال بالصاله ) روان : ( اتحس انها مختنقه ) خيريه حبيبتي لبسي فروس بنروح بيت خالتي حصه مشاري : بنروح حق يعقوووب؟؟ روان : اي حبايبي قوموا لبسوا يللا ( منال ومشاري قامو اصعدو فوق وروان اقعدت بالصاله دقت على فجر من تلفون البيت ) فجر : الو ؟ روان : فجر انتي بالبيت ؟ فجر : اي اشفيج ؟ روان : انا بييلج فجر : شنو سمحلج عنتر زمانه ؟ روان : فجر مو وقت غشمرتج .. عندي موضوع بكلمج فيه لاتطلعين فجر : قاعده وين اطلع ياحسره روان : يللا باي ( سكرت التلفون ) ام جاسم : ( توها داشه الصالة ) من كنتي تكلمين؟؟ روان : فجر بنت خالتي .. الحين بنروح لها وقاعده اشوف اذا اهي بالبيت او لأ ام جاسم : اي روحولها استانسوا احسن لكم روان : ( تطالعها تدري انها تبي الفكه منهم ) خالتي قولي حق عمي اني رحت و ماراح اطول ( خلتها واصعدت فوق ) - اوصلوا بيت فجر – ام محمد : حيااا الله اعيالي الحلوين روان : ( سلمت عليها وباستها واهي شايله فراس ) الله يحييج خالتي ام محمد : ( سلمت عاليهال ) حيااااتي فروووسي عطينياه روان : ( عطتها فراس ) هاج يعقوب : مشااااري زين انك ييت يبت شريط مصارعه WF اليديد حددده رهييييب مشاري : الللله امش نلعبه ( راحو مع بعض ) روان : منول روحي معاهم انا بصعد حق فجر منال : بصعد معاج روان : شوي قعدي معاهم بعدين تعالي اوكي؟ منال : اوكي ( راحت غرفة يعقوب ) روان : خالتي انا صاعده اذا تعبج فروس خلي خيريه اتييبه لي ام محمد : لااا فرووسي عسل مايتعـّب خالته روان : ( تبتسم ) خيريه خليج اهني عند فروس خيريه : اوكي ( اصعدت روان حق فجر وكانت قاعده عالنت ) روان : السلام عليكم فجر : ( قامت لها وسلمت عليها ) وعليكم السلام .. ها طلعتي مو مستأذنه من بدر ؟؟ روان : اي مامداني اقوله فجر : اي ادري لأن كاهو شابك وسأل عنج قلتله انج يايتني بالطريج عاد قال انج مو قايلتله روان : وشكو قلتيله اني يايه بالطريج ؟ فجر : اشدراني انج موقايله روان : زين خل اكلمه بايميلج دامج شابكه فجر : اوكي ( اقعدت روان وجدامها الجهاز واهي متضايقه ) Fjo0oOo0o : قوه بدر .. انا روان Dr.Bader : روان؟ Fjo0oOo0o : اي Dr.Bader : انا مو امس قلتلج ماكو روحه ؟؟؟ ليش صايره تعاندين ؟ Fjo0oOo0o : بدر انت يوم قلت ماكو روحه مبين انك كنت تتغشمر .. وماعندي رصيد عشان ادزلك مسج Dr.Bader : زين حياتي خلاص مسامحج .. و لاتزعلين علي اذا عصبت .. والله مو مني من الامتحانات جد اتعبت نفسيتي Fjo0oOo0o : أدري حياتي الله يكون بعونك Dr.Bader : يعني انتي قبل كنتي يمي وكل شي صعب نسهله مع بعض وندرس مع بعض .. الحين احس اني فاقدج واعصابي تفلت مني حتى عالدكاتره Fjo0oOo0o : لا بدر امانه شد حيلك .. ابيك ترجعلي دكتور ومو أي دكتور جراح بعد Dr.Bader : وانتي معاي ان شاءالله .. لأن برجع بخطبج وبالعطله الكبيره بعد 6 اشهر نملج وترجعين معاي Fjo0oOo0o : نتفاهم بهالموضوع بعدين .. الحين بقعد مع فجر Dr.Bader : اوكي قلبي .. انا بعد لازم افصل مع السلامه Fjo0oOo0o : مع السلامه حياتي --- روان : فجور طلعي من المسنجر لأني بكلمج بموضوع مهم فجر : اوكي ( لفت اللاب توب عليها وسكرته ) طفيته بكبره يللا قولي اسمعج روان : خطبني الدكتور عبدالله فجر : ( انصدمت ) والله؟؟ روان : اي والله فجر : وانتي كل يوم خاطبج واحد ؟؟ زين انا ليش حظي واقف ؟ روان : فجر هذا وقته تنكتين ؟؟ فجر : والله ما انكت منصجي بس يللا ماعلينا قلتي حق بدر ؟ روان : لا اخاف فجر : من شنو روان : صاير وايد عصبي وادري راح يصرخ ويتنرفز وهم مابي اعفس مزاجه واهو بأيام امتحانات فجر : يعني بتسكتين ؟ روان : اي لأني راح ارفض وليش اضايقه عالفاضي ؟ فجر : روان يعني فرضا ماخذاج .. انتي جذي قاعده تضيعين نصيبج روان : ( ساكته ) فجر : زين اذا يه بالعطله خل يملج عليج ويرد يكمل دراسته روان : اي مابقى شي وايي باقي شهرين وساعتها بقوله نملج ويرد يكمل وبعد ال3 سنين نسوي العرس وما اضطر اسافر فجر : الله يوفقكم ان شاءالله روان : فجوور مو تقوليله شي بالغلط فجر : لا منصجج .. اصلا انا ماسولف معاه اهو بس يدش يسأل عنج ويسكت كله حاطه Away روان : ( تبتسم ) اي اهو ولا عمره حطه متصل - دشت منال – فجر : منوول اشلووونج تعالي سلمي علي منال : ( سلمت عليها ) زينه الحمدلله روان : ها لعبـّوج معاهم ؟ منال : ماحب العب مصارعه فجر : ( تلم منال ) فديييت البنااات روان : ( تظحك ) زين فروس عند خالتي ؟ منال : اي حاطتله دفتر و الوان وقاعد يلون فجر : وااي حدي ولهت عليه بنزل اعضه وارجع روان : هيي حرام عليج توه طالع من المستشفى فجر : كيفي بعضه واقطـّع خدوده بعد ( اطلعت من الغرفه ) روان : ( قامت وراها ) هيي يالمجلوبه والله اذا عضيتيه اذبحج - انزلوا تحت واقعدوا شوي بعدين ارجعوا بيت عمهم – ( بالليل روان شافت عمها قاعد بالصاله بروحه راحت اقعدت يمه ) روان : السلام اشلونك عمي ابو جاسم : هلا ببنيتي .. ها يبه خير فيج شي ؟ روان : اي عمي بخصوص موضوع الزواج انا قررت ابو جاسم : يبه انا قلتلج اخذي وقتج وفكري مابيج تستعيلين روان : ميخالف عمي .. فكرت عدل ومابي اتزوج حاليا ابو جاسم : انا ماراح اردله خبر الحين يمكن تغيرين رايج روان : لا عمي ردله خبر قوله اني مابي اتزوج ابو جاسم : على راحتج روان : ( قامت ) تصبح على خير ابو جاسم : وانتي من اهله -- - بعد شهرين – ( بالليل روان قاعده بغرفتها جان تسمع صوت ام جاسم تتكلم بصراخ ) روان : منول خليج اهني مع فراس اذا قام ناديني منال : روّون لاتروحين خليها تصرخ مالنا شغل فيها روان : ميخالف حبيبتي نطريني شوي وارجع - انزلت تحت لقت خيريه واقفه جدام ام جاسم وابو جاسم – ابو جاسم : عيب تعلين صوتج على جذي موضوع .. انا عمهم ومسؤول عنهم ام جاسم : بس هم مايصير نصرف عليهم بكل شي.. عندهم خير ماشاءالله بعد مايصير فلوسهم تنخش وفلوسنا تنقط بالهبل عليهم روان : اشفيكم ؟؟ اشصاير؟ خيريه : انا قول حق بابا مافي.. ابو جاسم : خلاص خيريه روحي نامي تأخر الوقت روان : لا لحظه خيريه .. عفوا عمي بس بعرف شاللي صار ؟ ابو جاسم : ماكو شي يابنيتي سوء تفاهم وانحل روحي نامي ام جاسم : ( ساكته ومنفسه ) روان : خيريه اشفيكم ؟؟ ابو جاسم : ( يطالع مرته ) لا حول ولا قوة الا بالله العلي العظيم والله فشلتيني مع اعيال اخوي ام جاسم : انا ماقلت شي غلط روان : خيريه تعالي معاي شوي خيريه : اوكي ( راحو مع بعض المطبخ ) روان : شنو صار ؟؟ خيريه : انا قول حق بابا هفاض هليب شوية فيه.. بعدين ماما سوي جنجال واجد ( تقصد ان الحليب والحفاضات باقي شوي ويخلصون ) روان : ( عصبت ) وليش ماقلتيلي انا ؟؟ خيريه : روان انتي واجد تعبان كله منول مشاري فروس يبجي حرام انتي والله مسكين روان : ( معصبه ) ميخالف أي شي عن اخواني قوليلي انا مو عمي زين؟؟ خيريه : جين روان : يللا روحي نامي ( اطلعت وراحت الصاله ) روان : عمي انا موصيتها أي شي يحتاجونه اخواني تقولي بس الظاهر نست .. والحفاض والحليب انا راح اييبهم لا تشيل هم ابو جاسم : لا روان اشهالكلام هذيله عيالي انا بعد وخالتج تره ماقصدت ومن باجر الاغراض بيكونون عندج روان : لا عمي مشكور انا اللي راح اشتريهم ام جاسم : ( قامت ) تصبحون على خير ابو جاسم : استغفرالله العظيم من كل ذنب عظيم .. يبه روان روحي نامي حصل خير روان : تصبح على خير ( اصعدت فوق وخلته ) منال : ها اشصار ؟ روان : ماكو شي نامي وراج مدرسه تصبحين على خير منال : وانتي من اهله ( روان غطت راسها واقعدت تبجي من غير صوت ) روان : ( بقلبها ) الله يرحمكم .. لو كنتوا موجودين ماجان حسينه بالمذله .. الله يصبرني --- - بعد 3 ايام – ( يوم وصول بدر من السفر ) - روان تكلم فجر بالتلفون – روان : ماني قادره اصدق بدر شوي ويصير بالكويت احس قلبي راح يوقف من الوناسه فجر : وليش ما تستقبلينه بالمطار روان : اهله بيكونون اهناك حسافه بس باجر راح اقط اليهال عندج واروح اشوفه فجر : شايفتني حضانه ؟؟ روان : و احلى حضانه بعد فجر : يممه منج ومن كلامج المعسول .. زين زين ييبيهم راح أأجـّل طلعاتي عشانهم روان : الله والطلعات مادري الأخت سيدة أعمال فجر : ايي ان شاءالله واشهر سيدة اعمال بعد ( فجر تدرس ادارة اعمال ) روان : كاهو دق باي ( ردت على بدر ) الو؟ بدر : ها من تكلمين ؟ روان : ( تظحك ) أول شي الف الف الف الف الف حمدلله على السلامه نورت الكويت توك واصل ؟؟ بدر : اي والله تووني الحين وصلت حتى اهلي للحين ماشفتهم .. والله ياني ولهان عليج حييييييل روان : انا اكثر والله ودي الحين ايي اشوفك بدر : لحظه شوي كاهم يو ( تسمعه يكلم اهله ) اهليييين بسام الله يسلمك يارب اشلون امي والله ولهت عليكم كلكم .. هلااا بوجراااح اشلون الكتاكيت والله لهم وحشه بدر : ( يكلم روان ) انا ادق بعدين مع السلامه روان : مع السلامه حياتي ( سكرت التلفون ) - بالليل – بدر : روان عمري باجر بتغدى معاج روان : ماقدر شقول حق عمي ؟ خلها بالليل احسن اودي اليهال بيت خالتي واشوفك بدر : اوكي عاد شيصبرني روان : ( تظحك ) اصبر نطرت كل هالايام ماتنطر زياده يوم واحد ؟ بدر : اصلا لو يصير جان الحين ييت عندج روان : وين اتيي عندي؟ بدر : بالمكان اللي انتي فيه الحين روان : مايصير منول وفروس نايمين بدر : لا مانطلع صوت بس نسولف بالعيون روان : ( تظحك ) زين نام نام ادري السفره تعبتك بدر : تره حطي في بالج اني خاطبج خاطبج مالي شغل مو تقولين لأ روان : ( تضايقت ) باجر نتفاهم بهالموضوع بدر : لا ماكو تفاهم تفاهمنا خلاص واخوانج ماينخاف عليهم عمج خوش ريال ويتأمنون عنده .. وكل عطله بتشوفينهم روان : باجر نتفاهم نام الحين بدر : قلتلج خلاص سكرنا الموضوع واتفقنا ماكو تفاهم .. يللا تصبحين على خير عمري روان : وانت من اهله .. باي بدر : باي ( سكر التلفون ) روان : ( دمعت عينها وحاطه التلفون على صدرها ) والله خايفه انك ماتفهمني - اليوم الثاني روان ودت اخوانها عند فجر وقالت لهم عندها شغل بالسوق تخلص وترجع لهم – ( اوصلت عند المكان اللي اتفقوا عليه اهي وبدر واسفطت يم سيارته واركبت معاه ) روان : ( شافته وعينها دمعت من الوناسه ) الف حمدلله على سلامتك بدر : ( يبتسم ) جذي من بعيد لي بعيد ؟؟ ماتبين تلميني يعني ؟ روان : ( قطت عمرها عليه واقعدت تبجي ) ولهت عليك حيل بدر : ( لامها ) عمري بس لا تبجين فديت قلبج روان : والله كنت اعد الأيام عد عشان اشوفك يمي بدر : ( وخر عنها ومسح دموعها ) مابي اشوف هالدموع كاني يمج خلاص عاد ظحكي روان : ( تظحك ) ها شنو يبتلي ؟ بدر : يبتلج نفسي مو كافي ؟؟ روان : ( تظحك ) أكييد كاافي بدر : لالا صج يبتلج هدية ( مد ايده وره وطلـّع جيس أحمر ) تفضلي حبيبتي روان : ( تبتسم بس ماخذته ) والله جد شوفتك تكفي بدر : ( يظحك ) يللا عاد اخذيه وعن الدلع ( روان تبي تشوف شنو داخله بس مسك ايدها ) بدر : خليه شوفيه بالبيت لاحقه عليه .. سولفي معاي والله ولهان عليج روان : ( تبتسم ) اي انا بكلمك عن موضوع الملجه بدر : لا هالسالفه خلصنا منها .. سولفيلي عن عيشتج مع عمكم - روان تضايقت لأن موراضي يسمعها بس طوفت السالفه واقعدت معاه ساعتين تقريبا – روان : يللا قلبي لازم امشي وايد تأخرت بدر : بس انا ماشبعت من شوفتج روان : ادري والله انا بعد بس شسوي لازم اروح بدر : باجر بشوفج روان : خلاص احاول بدر : لا ماكو احاول وراح أشوفج روان : اوكي يللا لازم اروح مع السلامه - في بيت فجر - فجر : خل اشووف شنو يابلج روان : لا بشوفه بروحي بعدين فجر : عيل ليش نزلتيه معاج ؟ روان : بس عشان احرّج فجر : ويع يالمليقه يللا عاد خل اشووف روان : اوكي ( طلعت الأغراض اللي بالجيس جان تشوف شي شالته وايدها ترجف ) ------------------------------------------------------- |
** البارت الثاني عشر **
- في بيت فجر - فجر : خل اشووف شنو يابلج روان : لا بشوفه بروحي بعدين فجر : عيل ليش نزلتيه معاج ؟ روان : بس عشان احرّج فجر : ويع يالمليقه يللا عاد خل اشووف روان : اوكي ( طلعت الأغراض اللي بالجيس جان تشوف شي شالته وايدها ترجف ) فجر : ( اسحبته من ايدها ) اشوووووووووووف روان : ( معصبه ) فجور عطينياه وعن السخافه فجر : ( بطلة العلبة ) الله يهبل روّون - كان بالعلبة خاتم ذهب ابيض وفيه الماس شوي مو وايد بس كان ناعم وحلو - روان : ( خذته منها واقعدت اتطالعه وقلبها يرقع ) ليش؟!! ( فجر قاعده اتطالع باقي الأغراض اللي طلعتهم روان من الجيس .. كان في دبدوب صغير وظرف ) فجر : ( خذت الظرف وورتها كلام مكتوب عليه من وره ) واااي روّوون .. بدر عليه حركات اجانب حده يونـّس ( روان شافت اللي مكتوب عالظرف "Marry Me" // تزوجيني // ) روان : ( متضايقه ) بس اهو ماعطاني فرصه اشرحله .. انا ماقدر اهد اخواني و أسافر معاه لو شيصير فجر : ( ماسكه الظرف ) زين راح اتبطلينه ولا ابطله واقرى اللي فيه ؟؟ روان : ( خذته منها وردته بالجيس اهو والدبدوب والعلبه ) لا انا بقراه بروحي بالبيت فجر : اشدعوه انا فجوور حبيبتج .. يللا عاد بشوف شنو كاتبلج روان : ( متضايقه ) خلاص فجر انا بمشي الحين فجر : زين خلاص بس قوليلي شيصير معاج روان : اوكي ( انزلو تحت ) روان : خيريه شيلي أغراض فروس .. منول مشيري لبسوا جواتيكم بنمشي ام محمد : لا تمشون والله ماشبعت من شوفتكم روان : خالتي والله تأخر الوقت لازم نمشي مشاري : لاااا عفيه رواان مابي اروح روان : مشاري البس بسرعه ولا تعاند مشاري : زين باجر عطله خليني انام اهني يعقوب : اي اي عفيه خليييييه روان : لا .. يللا مشينا مشاري : خااالتي قوليلهاا ام محمد : روان خليه انا ابيه ينام عندي فجر : لا تحاتينه انا كل شوي اطل عليهم وخلي منوله العسل تنام عندي بعد منال : لا انا بروح مع روان روان : يللا عيل مع السلامه - بالطريج وصل حق روان مسج – " بخليج على راحتج لين القى الرد اللي يريحني ويريحج وتذكري أحبج for ever // للأبد // " روان : ( بقلبها ) والله اني احبك أكثر - بيت ابو جاسم – ام جاسم : شوف الساعه 10 ونص متى ناويه اتشرّف يعني ؟؟ جاسم : يمه اهي ترتاح نفسيتها عند خالتها خليها على راحتها ام جاسم : انت وابوك راح تيننوني .. ماتفهمون انها بنت والجيران تتكلم .. وبصراحه انا مالي خلق عوار راس بروحهم مو عيالي جاسم : خلاص يمه هدي نفسج موزين انتي فيج ضغط - دشت روان معاها منال وخيريه شايله فروس نايم - روان : السلام عليكم ام جاسم : وعليكم السلااام .. مسكين هالياهل معذبينه بالسهر والله منحقه يتعب الوقت تأخر واهو بره البيت روان : ( ضايق خلقها ومالها خلق شي ) خيريه عطيني فروس و روحي نامي خيريه : لا روان انتي في كيس .. انا ودي فروس فوق روان : لا عادي عطينياه ( شالت فراس وبيدها الجيس ) يللا تصبحون على خير جاسم : وانتو من اهله ام جاسم : لحظه وين اخوكم ؟ منال : ( بنفسيه ) نايم عند خاالتي ام جاسم : استأذنتوا من عمكم اول ؟؟ روان : لا والله ما استأذنت عن اذنكم الياهل نايم ( اصعدت فوق ) ام جاسم : اتشوف قلة الأدب ؟؟ وخصوصا الصغيره تقلد اختها مال اقص السانها عشان تتأدب جاسم : يمه ليش حاطه دوبج بدوب هالمساكين ؟؟ -- - بعد مانامت منال اقعدت روان عالسرير وطلـّعت الظرف من الجيس وبطلته .. كان هذا المكتوب بالرساله – " أحبج حب ما اقدر اعاند فيه احساسي .. لقيت الحب شي أكبر من اني آخذ انفاسي .. روان تدرين اشكثر احبج .. وافقي وراح اكون اسعد انسان من حبيبج الأول والأخير : Bader " ---- ( روان تقرا الرساله وعيونها مدمعه خذت التلفون ودقت عليه ) بدر : الو ؟؟ ها عمري قوليها روان : أول اسمعنـ.. بدر : لا مابي اسمع الا كلمة وحده قوليها يللا روان : بدر انا موافقه بس اول لازم اقولك شي بدر : زين قولي يللا اسمعج روان : ما اقدر اتكلم الحين بدر : خلاص نامي وباجر اشوفج ونتكلم اوكي؟ روان : تصبح على خير بدر : وانتي من اهله .. احبج باي ( سكر الخط ) ( روان قامت من مكانها وراحت انسدحت يم منال ) روان : ( باست منال على خدها ) ماراح اتخلى عنكم ( غمضت عيونها وادموعها تنزل وبعد مده نامت ) - اليوم الثاني روان خذت اخوانها وقطتهم عند خالتها وراحت اتشوف بدر – روان : الو .. كاني ثواني عندك بدر : اوكي انا سافط بنفس المكان روان : اي اشوفك كاني الحين اسفط يمك ( اسفطت يمه وانزلت اصعدت معاه ) بدر : ( يبتسم لها ومسك ايدها وباسها ) اشلونج يا قمر روان : ( تبتسم بضيق ) بدر عندي وايد كلام بقوله واتمنى انك تفهمني وماتتضايق مني بدر : ( حرك السيارة ) ولو اني بغيت اسمع كلمها وحده بس ميخالف بسمعج روان : وين رايحين ؟ ليش تحركت ؟ بدر : بوديج مطعم كباين اتسولفين على راحتج روان : أخاف احد يشوفني بدر : لا تخافين محد يروح هالمطعم - اوصلو عند مطعم صيني بحولـّي وانزلو اقعدو بكبينه – بدر : اشتاكلين ؟؟ روان : لا مابي شي بدر : زين عصير ؟ روان : اوكي عصير بدر : ( طلب عصير وراح الجرسون ) يللا قولي اللي عندج اسمعج روان : (طلعت علبة الخاتم من جنطتها وحطتها عالطاوله ) بدر : ( يطالعها واهو ساكت ) روان : بدر انت تدري اني ابي اكون على طول يمك وودي نتزوج اليوم قبل باجر .. بس هم تدري ان اخواني ماعندهم احد غيري وماقدر اسافر واخليهم بدر : بس انا ماقلت الحين ... قلت عالأقل اخطبج الحين وبالعطله اللي بعد هذي نملج وانسافر .. يكون مار عالوفاة تقريبا سنه .. وبعدين انتي بنفسج قلتي ان عمج طيب فلا اتحاتينهم و صدقيني كل عطله اييبج لهم روان : ( منزله راسها اتطالع العلبه اللي بيدها ) ماقدر اخليهم بدر : يعني ماراح نتزوج ؟ روان : ( طالعته ) بلى .. بس نملج عالأقل وبعدها اتكمل دراستك وعقب 3 سنين ان شاءالله تكون خالص واتيي ونصير بنفس البيت بدر : أول شي خل اصحح معلوماتج .. دراستي اتخلص بعد 3 سنين .. بس الدورات الميدانية تاخذ هم سنه زياده .. يعني اشلون انا كل هالوقت بره ومخلي مرتي اهني ؟؟ روان : بدر افهمني والله ماقدر اخليهم بروحهم بدر : وانا ماقدر اخلي مرتي كل هالسنين روان : اتشوفني بالعطله بدر : ( معصب ) ماقدر روان اشلون اخلي مرتي واروح مادري شيصير لج .. انا جذي واحس بموت واي واحد يطالعج انفجر بمكاني ولا اقدر اسوي شي .. بعد بتكونين مرتي وهم اخليج ومادري شيصير؟؟ روان : شنو يعني ممكن يصير ؟؟ بدر : أي شي مثل الزفـ.. الدكتور اللي طالعج .. وهم انتي الحين عايشه مع شاب بنفس البيت .. عبالج هالشي مو مأذيني ؟؟؟ بس اتشوفيني اسكت لأن ما باليد حيله .. بس اذا تزوجتج لازم آخذج معاي ( دش الجرسون وحط العصير وكان بيطلع بس وقفه بدر ) بدر : لحظه ( دفع الحساب وقام ) يللا مشينا روان : ( قامت معاه وتحس انها مخنوقه ) - بالسياره – روان : بدر انت الحين ليش مكبر السالفه ؟؟؟ والله العظيم ابيك بس ماقدر اسافر ماقدر بدر : ( يصرخ بصوت عالي ) و آنا بعد ماقدر اخلي مرتي بديره ثانيه .. يعني خلاص ماكو زواج ولا ملجة روان : ( خافت من صراخه وتكلمت بصوت هادي ) انا بنطرك لين تخلص بدر : لا تنطرين كيفج و تزوجي اول واحد يخطبج روان : ( دمعت عينها ) بدر انا انخطبت ورفضت بدر : ( لف عليها وقعد يخزها وويهه مبين حييل معصب ) شنو؟؟ روان : بدر ديربالك وطالع الطريج عفيه بدر : ( يصرخ ) ردي علي ؟؟ روان : ( خافت واسكتت ) بدر : ( وقف سيارته يم سيارتها وطالعها ) عيدي اللي قلتيه ؟ روان : ( بصوت واطي حيل ) خطبني الدكتور ورفضت عشـ.. بدر : ( يصرخ ) علـّي صوتج ما اسمع روان : بدر لا تصرخ الله يخليك بدر : ( ياخذ نسم عشان يهدى ) عيدي اللي قلتيه روان : خطبني الدكتور تقريبا من شهرين وماقلتلك خفت اتعصب .. بس والله رفضته عشانك بدر : وليش ماقلتيلي ؟؟ روان : لأن كان عندك امتحانات فاينل ومابغيـ.. بدر : ( يقاطعها بصراخ ) انا مو طوفه انا ريال أي شي يصير كان المفروض اتقوليلي روان : ( ادموعها معلقه بعينها واتطالعه مصدومه ) بس انا رفضته والله بدر ابيك ومستعده انطرك لو بعد 10 سنين بدر : ( حيل معصب بس يتكلم بصوت هادي ) شوفي يابنت الناس .. اهي كلمة وحده يا نملج وتسافرين معاي بعد 6 اشهر او خلاص الله يوفقج تزوجي اللي تبين روان : ( طاحت دموعها ) بدر بدر : ( لاف ويهه عنها ويطالع الشارع ) انا قلت اللي عندي روان : ( حطت ايدها على ايده ) الله يخليك لا تخيرني بينكم .. الله يخليك اترجاك بدر : نزلي يللا بمشي روان : بدر طالعني الله يخليك بدر : ( ما طالعها ) نزلي سيارتج خلصيني روان : والله احبك لا تسوي فيني جذي بدر : ( يصرخ ) اقولج نزلي ( روان حطت علبة الخاتم على الطبلون واهي تبجي وانزلت ) - اول ما انزلت مشى .. اركبت سيارتها وماشغلتها كانت حاطه راسها عالسكان و ميته بجي – " عشان الحب واللي بيني وبينك عشان الحب عشان ايامي وسنينك ابيك تراجع احساسك وتنسى جروحي و ألامك حرام ان بهذا البعد تضيع ايامي ويامك ادري البعد اثر فيك وتدري البعد ذابحني حبيبي الله يخليك ابي ترجع تريحني عشان الحب واللي بيني وبينك انا ترجاك لاتنسى ليالي الحب وسنيني وحاول لجل حبي لك انك ماتخليني عشان الحب واللي بيني وبينك " اهداء مع اللحن حيل يعور القلب |
** البارت الثالث عشر **
( تمت روان نص ساعه تبجي بالسياره واتدق عليه بس مايرد .. ماكانت عارفه شتقوله بس ودها تسمع صوته ) - حطت التلفون على حضنها وشغلت السيارة ومشت رايحه بيت خالتها واهي ميته بجي - ( اوصلت بيت خالتها وامسحت دموعها ودقت على فجر ) روان : ( بصوت مبحوح ) فجر خليهم يطلعون انا بره فجر : نزلي ليش تنطرين بره روان : ماقدر خليهم يطلعون فجر : روان اشفيج ؟؟ صوتج مو عاجبني .. نزلي قوليلي اشصار روان : ( تبجي ) فجر والله تعبانه ماقدر انزل فجر : خلاص انا الحين بييلج اقعد معاج لين يطلعون روان : اوكي باي ( سكرت التلفون ) -- - بيت فجر – فجر : ( حاطه على بجامتها عباية امها ولابسه ملفع ) خيريه جهزي الاغراض وقولي حق منول ومشاري يطلعون روان بره ام محمد : وانتي وين على الله ؟؟ و شنو هاللبس ؟؟ فجر : بطلع اكلم روان بموضوع ام محمد : واهي ليش ماتنزل ؟ فجر : مالها خلق خو مو غصب تنزل .. يللا بروح لها ام محمد : خيريه عطيني فروس وروحي قولي حق اليهال ان روان بره خيريه : ( عطتها فراس وكان حاط ايده بحلجه ) اوكي ام محمد : ( توخر ايده ) وانت كله ايدك بحلجك -- - بسيارة روان - فجر : خلاص حبيبتي اهدي تلقينه معصب بس راح يرجع مثل قبل واحسن روان : ( ميته بجي ) فجر ماشفتيه اشلون يكلمني .. قالي روحي موفقه فجر : زين نزلي نامي عندي روان : يبيني اهدهم وارجع معاه ماقدر اسويها .. ماقدر فجر : انا راح اكلمه اذا شبك .. مسحي ادموعج ونزلي معاي روان : ( تمسح دموعها ) ماقدر فجر : بلى تقدرين .. بعدين انكلم عمج لا تحاتين شي روان : فجر قلت ماقدر خلاص فجر : روان لا تعاندين .. شوفي الحالة اللي انتي فيها اشلون تروحين اهناك ومرت عمج راح تغثج زياده انتي مو ناقصه روان : ( ردت تبجي ) ماتدرين اشكثر محتاجه امي وابوي فجر : ( دمعت عينها ) خلاص روان الله يخليج لا تسوين جذي بنفسج يللا نزلي حبيبتي انتي - روان وفجر شافو اليهال يايين من بعيد جان يمسحون دموعهم – مشاري : ( طق دريشه روان و بطلتها له ) روّوون عفيه عفيه عففففففففيه خليني انام بعد اليوووم باجر عطله روان : ( بصوت مخنوق ) اصعد حبيبي مشاري : ماراح اصعد خليني انام ( منال وخيريه وفراس اركبو وره ) منال : خلاص عاد لاتصير ياهل واصعد مشاري : انتي مالج شغل اهي اختي الكبيره مو انتي منال : تكلم معاي عدل فاهم فجر : بس خلاص لا تتهاوشون .. ( تطالع روان ) روّون قلبي نزلي نامي عندي روان : ( بصوت واطي ) ماقدر مشاري : ( يصرخ ) امي كانت تخليني انام على كيفي .. ماحبج انتي نحيسه وكل شي احبه ماتخليني اسويه حتى بيتنا طلعتيني منه غصب ( كان كلام مشاري مثل القشه التي قصمت ظهر البعير , يعني بمعنى ثاني ان روان كانت غصب ماسكه نفسها وكلام مشاري خلاها تنهار ) فجر : خلاص روان عفيه هدي نفسج روان : ( ميته بجي ) خلاص خليهم عندج انا باخذ فراس و اروح مشاري : ( مصدوم ) خلاص روان والله انتي مو نحيسه .. لاتبجين منال : اشفيج روان ؟ روان : ( امسحت ادموعها واسكتت شوي عشان تهدى ) مافيني شي حبيبتي نزلي مع مشاري باجر آخذكم منال : لأ انا بروح معاج فجر : روان خلاص عاد نزلي معاي روان : اوكي ( طفت السياره ) يللا نزلوا - انزلو كلهم ومشاري مسك ايد روان – مشاري : والله العظيم انتي مو نحيسه بس كنت معصب وقلت جذي روان : ( بصوت هادي ) خلاص حبيبي مافيني شي الحين منال : ( امسكت ايد روان الثانيه ) تره هذا غبي مايقصد اللي قاله مشاري : اي اي انا غبي والله فجر : خلاص عاد لا تأذونها - بيت ابو جاسم – ام جاسم : شوف هذي حالتهم مايردون البيت الا متأخر ابو جاسم : خلاص والله تعبت من حنتج ام جاسم : و انت اشدراك انها عند خالتها ؟ ابو جاسم : اتقي الله يا مره اشهالحجي؟ ام جاسم : زين خلك جذي ياغافلين لكم الله -- - غرفة فجر – روان : اخاف يصر على رايه شسوي ؟ فجر : لا ان شاءالله راح يرجع لا تحاتين ( رن تلفون روان جان يفز قلبها وامسكته بسرعه وشافت الشاشة وطلع اللي داق عليها عمها حمد ) روان : ( متضايقه ) هذا عمي .. ومالي خلق ارد عليه فجر : ردي قوليله انج بتنامين عندي روان : ( ساكته اتطالع الشاشه ) فجر : يللا ردي قبل لا يتسكر روان : ( ردت ) الو .. وعليكم السلام هلا عمي ابو جاسم : هلا روان .. ها متى اتيون ؟ روان : عمي انا واليهال بنـّام اليوم اهني ابو جاسم : لا يا حبيبتي ردوا البيت مايجوز تنامين من غير محرم ( روان اخنقتها العبره وماقدرت تتكلم بس أشرت حق فجر ان مو راضي ) فجر : ( اسحبت منها التلفون ) الو .. السلام عمي انا فجر ابو جاسم : هلا يبه فجر اشلونكم؟ فجر : الحمدلله بخير .. بس الصراحه روان تعبانه نفسيتها وحيل متضايقه .. خلها اليوم تنام عندي وباجر ان شاءالله ترجع ابو جاسم : ليش عسى ماشر اشفيها ؟ فجر : ماشر عمي .. بس شوي نفسيتها تعبانه بعد تدري اللي صارلهم موشويه ابو جاسم : خلاص عطينياها ومشكوره يبه فجر : ( عطت روان التلفون ) هاج وتره كل شي تمام روان : ( خذت التلفون ) الو ؟ ابو جاسم : خلاص روان ناموا اليوم وباجر ترجعون ماشي يبه ؟ روان : اوكي عمي ابو جاسم : يللا مع السلامه روان : مع السلامه ( سكرت التلفون ) فجر : اشرايج فيني ؟؟ تره يسموني فجر طوارئ روان : ( تبتسم ) وتقدر فجر طوارئ تنقذني بموقف ثاني؟ فجر : اكيد تقدر نطري بس خل يشبك واذا ماشبك انا ادق عليه حتى لو من تلفون الفرع واخليه يرجع --- منال : خالتي؟؟ ام محمد : هلا يمه؟ منال : فروس قبل لا يسوي حادث كان يمشي الحين كله قاعد او يحبي .. يعني ماراح يرد يمشي مثل قبل؟ ام محمد : بلى حبيبتي بس لأن كان مده نايم فياخذ وقت وان شاءالله بيرد يمشي منال : متى يعني؟ ام محمد : مادري بس قريب ان شاءالله مشاري : اذا مشى يصير شيطان خلوه جذي احسن ام محمد : لا حبيبي مشاري مايصير تقول جذي هذا اخوك منال : ماشي انا اقول حق روان انك قلت جذي اخليها تزعل عليك مره ثانيه مشاري : خلاص والله كنت اتغشمر لا تقولين لها الله يخليج منال : تعطيني مصروفك لمدة اسبوع وما اقول ام محمد : ( تظحك ) يحليلكم والله جني اشوف توم و جيري كله نجره -- - اليوم الثاني – ( روان واخوانها ارجعوا البيت ) ام جاسم : ( بطنازه ) تو مااانور البيت اهلا وسهلا روان : ( شايله فراس ) السلام عليكم ابو جاسم : وعليكم السلام ورحمة الله .. ها يبه اشلونج الحين؟ روان : الحمدلله بخير ابو جاسم : تعالوا قعدوا يمي يبه ( راحوا اقعدوا يمه ) ابو جاسم : يبه تره انا مو غريب عنكم انا عمكم واحبكم مثل ما احب جاسم وهلا فراس : ( مسك لحية عمه ) داااد دااا روان : ( تمسك ايد فراس ) لا ماما عيب فراس : ايب روان : ( تظحك ) اي ماما عيب (مشاري ومنال قاعدين يظحكون على فراس ) ابو جاسم : اي جذي يبه وروني ظحكتكم ماتدرون اشكثر ارتاح اذا شفتها روان : الله يخليك لنا ان شاءالله ابو جاسم : ان شاءالله ويخليكم سالمين من كل شر - بعد 3 اسابيع – باللليل روان كانت اتدز مسجات حق بدر واتدق عليه وكان محول مغلق لأن المسجات كانت توصل فيبين ان محول ( بعد فتره وصل لها مسج ) روان : ( واهي تبطله ) يارب يكون من بدر - المسج - " روان والله اني تعبت و فكرت فيها وايد ولقيت اني مستحيل اخليج 4 سنين بعيده عن عيني " - ردت عليه – " الله يخليك رد علي بكلمك وغلاة اللي بينا اترد علي " ( دق عليها ) روان : الو ؟؟ بدر : ( صوته تعبان ) هلا روان روان : ( بجت ) ماكنت متخيله اني راح اسمع صوتك .. امانه بدر لا تخليني والله احبك بدر : ماقدر انا خليتج جم شهر حسيت عقلي بيطير وانتي بديره ثانيه .. بعد ماكنتي قريبه مني وكل يوم اشوفج والله صعبه اخليج ومادري شيصير ومحد ضامن عمره وماقدر اعلقج كل هالسنين روان : انا مستعده انطر لو العمر كله مايهمني بدر : بس انا يمهني .. روان انتي اللي كنتي ماسكتني عن اشياء وايد حتى ربعي اللي اهناك والله قاطعتهم عشانج والسبه سوالفهم .. و ماقدر اكون اهناك وقلبي اهني راح اتعب اكثر روان : بس انا راح انطرك بدر : روان بقعد معاج سنه وقرري فيها اتيين معاي بعدها او خلاص الله يوفقج روان : ( تبجي ) بدر انا ماراح اخليهم واسافر بدر : زين لو خذتج بعد 4 سنين وقلت نبي نسافر عندي شغل بره او بنسافر سياحه لمدة 3 اشهر نفتر العالم او أي شي من اللي خططنه له شيكون ردج ؟ روان : ماقدر اخليهم بدر : خلاص عيل الله يوفقج بدر : ( ميته بجي ) بدر لا تتخلى عني الله يخليك انا محتاجتك بدر : وانا بعد محتاجج .. ابيج تمسكيني .. مو تخليني بروحي بره اخاف اسوي أي شي تعتبرينه خيانه لج وهم بنفس الوقت ماقدر اخليج اهني ومادري شيصير 4 سنين تره مو شويه.. وبغض النظر عن كل هذا انتي قاعده اتقولين حتى لو تزوجنا ماراح نطلع بره الكويت ؟؟ روان : اي ماقدر اخليهم افهمني الله يخليك بدر : ( يتنفس بعصبيه ) خلاص روان أحسن شي كل واحد يشوف حياته والله يوفقج روان : بدر لا تقول جذي اترجاك بدر : تره اخوانج عند عمهم مو قاطتهم بالشارع .. فكري بكلامي ورديلي خبر قبل لا اسافر مع السلامه ( سكر الخط ) - روان لمت مخدتها واقعدت تبجي مثل اليهال – ~~~~~~~~~~~~~~~~~~~ كلن له الله لو تخليت عني محدن يموت يا صاحبي قبل يومه مادام قلبك جرح قلبي و طعني ما اشره على إنسان بعدك و ألومه كل المصايب دلن طريقي وجني و الحزن أرسل لي باقي همومه من كثر همي أحس الهم مني لاغآب هم ٍ يجي هم يعلن قدومه شمت كل عدآي وخيبت ظني والقلب حطمت به باقي عزومه تعآل شوف اليآس حلّ وسكنـّي والجسم مايقوى يرفع هدومه ~~~~~~~~~~~~~~~~~ - منال دشت عليها وشافتها جذي – منال : ( اقعدت يمها عالسرير ) روان اشفيج؟ روان : ( تمت دافنها راسها بالمخده بس امسكت بجيتها ) مافيني شي حياتي روحي لعبي تحت منال : ( اتنعم على شعر روان ) صارلج جم يوم تبجين حتى بالليل اسمعج تبجين .. اشفيج اشتقتي حق امي وابوي ؟ روان : ( ردت تبجي وقامت لمتها ) مافيني شي بس البجي حزات يريح منال : ( صوتها بدى يتغير جنها بتبجي ) انا ادري ان خالتي ام جاسم اهي السبب .. روان خلينا نرجع بيتنا روان : ( امسحت دموعها ) مانقدر - دش مشاري يركض – مشاري : والله العظييييييم تعالوا معاي تشوفون شي حلو تحت روان : ( تبتسم ) شنو والله العظيم تعالوا معاي ؟ منال : اي والله جنك هندي روان : ( امسحت دموعها عدل و امسكت ايد منال ومشاري ) يللا ننزل ( انزلوا لقو فروس واقف وماسك ريل خيريه ) خيريه : توه يمشي شويه شويه روان : ( اقعدت على اركبها ومدت ايدها واهي مبتسمه حيل ) فروسي تعال حبيبي فروس : ( مشي 4 خطوات ) مااماا واان (وبغى يطيح جان تمسكه ) روان : ( لمته وماتت بجي ) حياتي انت مشاري : روان ليش تبجين؟؟ روان : لأني احبكم تعالوا ( مدت ايدها لهم ) ( مشاري ومنال اقعدوا يمها ولموها وبحضنها فراس ) روان : والله ماراح اخليكم .. انتوا دنيتي كلها - ارفعت راسها شافت جاسم واقف يطالعها ويبتسم – جاسم : الله يخليج لهم ويخليهم لج ---------------------------------------------------------- |
** البارت الرابع عشر **
- ارفعت راسها شافت جاسم واقف يطالعها ويبتسم – جاسم : الله يخليج لهم ويخليهم لج روان : ( تمسح دموعها ) تسلم جاسم جاسم : ها اشفيكم قاعدين عالأرض ؟ مشاري : فروس مشى جاسم : ( شال فراس من حضن روان ) عفيه عالبطل فراس : ( يظحك ويمسك خشم جاسم ) جاسم : عجبه خشمي لأن وايد صغير ( يتطنز طبعا ) - جاسم طويل و عريض بس ضعيف .. اسمراني شعره اسود كثيف .. عيونه بنية خشمة نوعا ً ما اعظمته كبيره ( نوعا ً ما ) مو حيل يعني و مو مخرب عليه .. يعني اهو كله على بعضه لا باس فيه – روان : ( ابتسمت وقامت اقعدت عالقنفه ) جاسم : ( قعد يمها وبيده فراس ) روان انا ما احصلتلي فرصة اقعد معاج واكلمج .. بس الحين بسألج سؤال وابيج تجاوبين عليه بكل صراحه .. امي مضايقتج صح ؟ روان : ( اتطالع منال ومشاري قاعدين عند التلفزيون ) لا ماضايقتني جاسم : روان آنا قلت ابيج تكونين صريحة معاي .. كلنا ندري انها مضايقتج وادري انج بجيتي بسبتها .. بس والله اهي انسانه طيبه من الداخل بس مادري اشفيها روان : لا عادي ماصار شي يستاهل جاسم : امي وابوي مو اهني ؟ روان : لا طالعين --- - بيت ابو محمد – ( فجر قاعده مع اهلها يتعشون جان يرن تلفونها ) فجر : ( طالعت الرقم بس ماعرفته حطته ميوت ) الحمدلله انا شبعت ابو محمد : يبه خلي عنج التلفون وكملي عشاج محمد : واصلا شكو يايبه التلفون معاج عالطاوله ؟ فجر : روان متضايقه و أي وقت اتدق علي لازم ارد عليها ابو محمد : زين كملي عشاج بعدين دقي عليها فجر : اوكي ام محمد : اي والله هالبنت وايد تكسر الخاطر .. الله يكون بعونها حست بالشقى واهي للحين ماتزوجت ابو محمد : افا اشقصدج ؟ ام محمد : لا والله حشى ماقصدت اني بشقى .. بس اقصد مسؤوليه واعيال وتربيه وتدريس كل هذا حسته مره وحده حتى قبل لا تتزوج وتحمل ابو محمد : الله يكون بعونها ويصبرها ام محمد : والله لو محمد كبير جان زوجتها اياه عشان اتطمن عليها محمد : زين ما انفع حق منال ؟ ام محمد : وييي .. هذي السـ.. فجر : ( انصدمت ) حموود استح على ويهك البنت ياهل ويع لوعت جبدي ابو محمد : مسكين اشقال وبعدين بينهم سنتين عادي يكبرون ويتزوجون ام محمد : اي والله هذي الساعه المباركه تكبر وانزوجكم مالك شغل باختك ( رن تلفون فجر نفس الرقم اللي قبل شوي ) فجر : ( قامت ) يللا الحمدلله .. لازم ارد عليها ---- - بيت ابو جاسم – جاسم : زين انا بطلب شنو تبون عشى ؟ فراس : ( يقط نفسه على روان ) ماما وااان روان : ( خذته من جاسم ) لا تسلم مانبي شي سلامتك جاسم : ( جنه ماسمعها ) مشاري منول ؟؟ شنو تبون من المطعم مشاري : أي مطعم ؟ جاسم : شنو تبي تتشرط يعني ؟؟ يبه مطعم فلافل وبطاط مشاري : عندهم نقانق ؟ جاسم : اي عندهم مشاري : زين ابي ثنتين مع كجب وجبن ومايونيز جاسم : وانتي منول؟ منال : مثله جاسم : ( يكلم فراس ) وانت ؟ روان : ( تبتسم ) لا هذا طلبه خاص سيريلاك وحليب جاسم : زين وانتي ؟ روان : لا ما اشتهي تسلم جاسم : يللا عاد طلبي عشان اخوانج ( روان قاعده تفكر ببدر ومتضايقه لانها تدري ان مايرضى تسولف مع جاسم ) روان : ( اوقفت ) لا مشكور مابي .. بصعد اغير حق فراس عن اذنك ( اصعدت وخلته بالصاله مع اليهال ) --- - غرفة فجر – فجر : لا ماعرفتك منو معاي ؟ بدر : معاج بدر فجر : ( انصدمت ) هلا بدر اشلونك ؟ بدر : تعبان فجر : تره ما اسمعك عدل عندك هوا او شي مادري بدر : اي انا عالبحر الحين رايح السياره فجر : اوكي بدر : ( ركب السياره ) اي فجر فجر : هلا بدر : انا قبل شوي مكلم روان مادري قالتلج او لأ فجر : لا والله ماقالتلي بدر : فجر انا اللي سويته صح او غلط فجر : تبي الصراحه ؟ بدر : اكيد فجر : اللي سويته حيل غلط .. اشلون تتخلى عنها واهي محتاجتك ؟ بدر : محد راح يفهمني .. بس انا ما اتحمل تبعد عني يوم واحد اشلون تبوني اخليها 4 سنين ومادري شيصير لها وبعدين 4 سنين تره عمر ومابي اعلقها كل هذا من غير زواج فجر : عادي اهي راضيه و كلمها كل يوم بالنت و بالتلفون بس مو تهدها بدر : صعب علي انا احترق من داخل اذا شفت احد يكلمها هذي واهي يم عيني اشلون اخليها واسافر كل هالمده ومادري شيصير ؟؟ فجر : ليش مو واثق فيها ؟ بدر : مو سالفة ثقه بس صعبه علي .. واذا ماتبي نتزوج خلال سنه خلاص خل اشوف حياتي و اهي اتشوف حياتها فجر : زين عيل ليش داق ؟ اذا مو ناوي تحل المسأله بدر : داق اسألج سؤال عشان اتأكد اللي سويته صج ولا غلط فجر : شنو بتسأل بدر : لو خليتها 4 سنين ورجعت وتزوجتها ورحنا سكنه بشقه .. اخوانها وين بتخليهم ؟ فجر : عند عمها اصلا اهو قايل لها انهم راح يكبرون تحت عينه بدر : متأكده انها بتوافق اتخليهم ؟ فجر : اي اكيد بعد شتسوي مو معقوله تسكنهم معاكم بشقتكم بدر : اوكي الحين اكلمها مشكوره فجر : العفو .. مع السلامه --- ( روان نومت فراس وانسدحت يمه جان يرن تلفونها ) روان : ( قلبها يرقع وردت على طول ) الو ؟؟ بدر : اشلونج روان روان : ( عيونها دمعت ) ولا شي من بعدك بدر : روان لو فرضت اني بتحمل اعيش بروحي وبعيد عنج كل هالوقت .. ورجعتلج وتزوجنا .. فكرتي وين بيكونون اخوانج ؟ روان : معاي بدر : بشقتنا يعني ؟ روان : لا في بيتنا اللي خليناه بدر : يعني اسكن ببيت مرتي ؟ روان : اي عادي بدر : اول شي مو عادي عندي .. ثاني شي تتوقعين عمج بيخليهم عندج؟ روان : ( بجت ) اذا ماعطاني اياهم مستعده ارفع عليه قضيه بس لا تخليني بدر : متأكده ؟ روان : اي والله متأكده بس الله يخليك لا تخليني انا ماقدر اعيش بدونك بدر : اوكي ماراح اخليج روان : ( تظحك وتبجي بنفس الوقت ) صج ؟؟ بدر : اي صج .. وتره عقب باجر مسافر روان : اقدر اشوفك قبل لا تروح ؟ بدر : ( متضايق ) لا باجر مشغول مع الاهل روان : ولا حتى 10 دقايق ؟ بدر : احاول يللا مع السلامه ( سكر الخط ) ( روان لمت تلفونها واهي تبجي ماتدري من الوناسه ولا من الضيق ) ---- - ثاني يوم – ( روان داقه على فجر ) روان : بروح الحين اشوفه .. ماتدرين اشكثر ولهت فجر : ادري والله ادري والحمدلله رجعتوا حق بعض روان : ( تظحك ) زين الحضانه تستقبل يهال اليوم ؟ فجر : وانا اقدر اقول لأ ؟؟ والله ابتلشت فيكم انتو الاثنين روان : حياتي فجر ماتدرين اشكثر وجودج يمي مهون علي فجر : ( تظحك ) بس عاد اخجلتي شعوري .. ييبيهم ناطرتهم وخصووصا فروس المتروس روان : فجور قولي اشاءالله فجر : ماشاءالله لا اله الا الله زين جذي ؟؟ روان : فجور اخليج الحين .. بدر خط ثاني -- بدر : ها متى تطلعين ؟؟ روان : ( تبتسم ) الحين اقطهم واطلع بدر : اوكي روان : ماسألتني منو اكلم ؟؟ بدر : مايهم يللا ناطرج بنفس المكان ( سكر التلفون ) ( روان انصدمت من اسلوبه بس طوفت ) - قطت اخوانها واسفطت يمه وانزلت اركبت سيارته – روان : ( طالعته وامسكت ايده ) الله لا يحرمني منك بدر : ( مبين انه متضايق ) اشلونج ؟ واشلون اخوانج روان : بدر اشفيك متغير علي بدر : لا ماكو شي بس مستعيل شوي مسويلي عشى وبييون الربع روان : متى طيارتك ؟ بدر : الفير روان : راح اشتاق لك بدر : ( ساكت ) روان : راح تشتاق لي ؟؟ بدر : اي روان : احبك بدر : يللا روحي تأخرت روان : ( حست بغصه ودها تلمه وتبجي ) بدر بدر : ( عينه عالسكان ) هلا روان : ( قربت يمه تبي تلمه ) لمني قبل لا تروح بدر : ( طالعها مده بعدين لمها ثواني ووخر عنها ) روان : ماعجبتني هاللمه بدر : روان انا مستعيل روحي يللا روان : اوكي توصل بالسلامه ( باست ايده وانزلت وادموعها بعينها ) --- - بعد شهر .. في بيت فجر – روان : ( تبجي ) تعبت فجر والله تعبت مايكلمني عدل ومايشبك واذا دزيت 10 مسجات يرد عليهم بمسج واحد ويكتب انا مشغول .. ليش جذي يعاملني ؟؟ فجر : مادري عنه .. حتى انا ما اشوفه يشبك .. خلاص اهدي روان لي متى بتمين على هالحال روان : لين يردلي بدر اللي عرفته فجر : بدر هذا غير .. هذا يبيج تسافرين معاه وتهدين اللي وراج ودونج روان : بس انا ماقدر اهد كل شي واروح معاه فجر : ادري بس خلاص حبيبتي هدي نفسج روان : ( تمسح دموعها ) يللا لازم امشي فجر : تو الناس روان : اليهال بروحهم بالبيت وماحب اخليهم مع مرت عمي فجر : اوكي مع السلامه ---- - غرفة روان - ( روان مقعده يمها فراس وماعطيته دفتر وقلم ) - امسكت تلفونها و دزت حق بدر مسج - " بدر الله يخليك اترجاك اتقولي اخبارك اشفيك شاللي مغيرك علي " ( دق عليها ) روان : الو ؟؟ بدر : ( صوته معصب ومتضايق ) روان بتكلم وانتي بس اسمعيني لا تقاطعيني روان : اوكي بدر : انا تعبت وماني متحمل هالوضع .. امس كنت سهران عند ربعي ماغيرهم اللي منعتيني عنهم .. سهرت عندهم عشان ما افكر فيج .. حاولت امنع نفسي بس ماقدرت كنت ابي الهي عمري بأي شي حتى لو بالخراب روان : ( دموعها تنزل ) بدر يعني انت .. بدر : ( يصرخ ) قلتلج لا تقاطعيني .. مالج شغل شنو صار اهناك .. أي شي صار فهو بسبتج انتي .. و حسافه طلعت رخيص عندج لهالدرجه روان : ( بجت ) بدر انت اشقاعد تقول ؟؟ تراهم يتامى و مالهم غيري بدر : ( يصرخ ) اوووووه .. شنو مالهم غيري جم مره افهمج انهم عند عمهم يخاف عليهم مثل مايخاف على عياله روان : ( تبجي زياده ) بس انت وعدتني ماتتخلى عني بدر : اي صح وعدتج بهالشي .. وراح اتم معاج بس نكون ربع تسألين عني اسأل عنج ناخذ اخبار بعض بس لا اكثر ولا اقل روان : اشلون يعني ربع ؟؟ بدر : يعني اسوي اللي ابيه وسوي اللي تبينه .. ومتى ماتبين تكلميني راح اكون موجود روان : ( اسكتت من الصدمه بس دموعها تنزل على خدها ) بدر : سامعتني ؟ روان : تتوقع اقدر اكون صديقتك بعد ماكنت حبيبتك ؟؟ بدر : ( متضايق ) اي تقدرين روان : ( امسحت دموعها ) لا ما اقدر .. خلاص موفق يابدر بدر : متأكده ؟؟ روان : اي والله موفق دير بالك على نفسك بدر : اوكي موفقه انتي بعد .. مع السلامه ( سكر الخط ) ( روان اتطالع التلفون ودموعها معلقه بعينها بس امسحتهم وخذت نفس عشان ماتبجي ) فراس : ( قط راسه على حضنها ) ماما وااني روان : ( شالته وباسته ) من اليوم بعيش غير .. بعيش لكم وبس .. بدر مات خلاص --------------------- ابا عز الدموع الي غشت خدي عقب فرقاك واداوي نزف جرح سال دمه من شرايني واعز النفس عن حبك مادام اني عجزت القاك تعبت من الصبر واتعبت من كثر السهر عيني تعبت استعطفك وارجيك وامشي في سبيل ارضاك وتلعب بي على كيفك تبعدني وتدنيني تحملتك وانا صابر وادور لك عذر لخطاك ولكن مانفع صبري معك واليوم يكفيني خلاص اليوم قررت انسحب من دنيتك واسلاك ابا ارحل منك فد لو صاح لي صوتك يناديني ابرحل للبعيد اللي ينسيني اسى ذكراك وابترك كل شي منك لا شفته يبكيني |
** البارت الخامس عشر **
- مر عاللي صار شهرين ودشوا سنه يديدة و روان الحمدلله تحجبت – - غرفة فجر - روان : اتشوفينه عالنت ؟؟ فجر : لا والله مايدش روان : ( تبتسم ابتسامة حزن ) اتوقع مسويلنا بلوك ودليت فجر : ( متضايقه على حال روان ) مادري يمكن روان : كل يوم اقول اليوم راح يدق بس مايدق .. واللي مو قادره اصدقه اشلون اندش سنه يديده مايدزلي حتى مسج فجر : خلاص روان انسيه روان : يارب انساه لأن اهو تخلى عني ومايستاهل اني افكر فيه فجر : يمكن يرجع بعد جم يوم روان : واذا رجع راح يرجع متغير ( نزلت راسها ) وادري ان سوه اشياء ماترضيني اهناك فجر : خانج يعني ؟ روان : اي فجر : ماتوقع روان : بلى انا اتوقع منه كل شي الحين فجر : ( اتطوف السالفه ) اتصدقين حلو عليج الملفع روان : ( تبتسم ) عاد احس اني مو متعوده عليه كلش فجر : اي صج ماقلتيلي عمج شنو كانت ردة فعله يوم تحجبتي ؟ روان : استانس وايد وقعد يمدح فيني اشكثر آخر شي ختمها بجملة الفال حق العباية ان شاءالله فجر : ( تظحك ) عمج مايغشمر كل شي يبيه مره وحده روان : ( تبتسم ) بس طيب - مشاري دش عليهم وماسك فراس من ايده - مشاري : فراس يبيج روان : تعال ماما ( فراس مشي لين وصل لها جان تشيله وتقعده بحضنها ) فجر : فرووس قول فجووره فراس : ( ساكت يطالعها ) فجر : ( بصوت عالي ) اقولك قول فجووره لا اعصب فراس : ( بجى ولم روان ) مااماا واان روان : فجور اشفيج خرعتيه حرام تره عمره سنه ونص فجر : اي كبير المفروض يتكلم عدل حتى اسمي ماسمعته يقوله روان : ( قامت واهي شايلته ) بس ماما هذي خايسه ماراح نقعد معاها فجر : تعالي وين رايحه روان : باجر امتحان منول الفاينل لازم اراجع معاها قبل لا تنام فجر : ( تتغشمر ) اوكي سلمي على ام جاسم وبوسيلياها روان : اي خير .. يللا باي --- - بيت ابو جاسم – ( روان واخوانها توهم داشين البيت ) ام جاسم : ( تتكلم بالتلفون ) والله ولهت على شوفتج كنا علساس انيي عندكم بس الحين ماكو لا سفره ولا هم يحزنون ام جاسم : شنسوي يعني ابوج مايرضى يخليهم بروحهم ..مادري عاد شبيصير لهم لو خلاهم روان : ( تضايقت من اللي اسمعته ) السلام ام جاسم : شرفت .. اهلين وعليكم السلام روان : خيريه خليج مع فروس يللا منول امشي اراجعلج قبل العشى ( اصعدو فوق ) مشاري : ( لحقهم ) نطروني بيي معاكم منال : انت عطلت اشتبي يعني روان : عادي خليه ماراح يطلـّع صوت --- - غرفة فجر – ( فجر قاعده شابكه ولا يدش بدر المسنجر .. انصدمت و سيده دشت عليه قبل لا يفصل ) Fjo0oOo0o : السلام قوه بدر Good Bye Beautiful Days : هلا فجر Fjo0oOo0o : اشلونك ؟ Good Bye Beautiful Days : الحمدلله بخير اشلونج انتي Fjo0oOo0o : انا بعد بخير ( سكت مده ماتكلم ) Fjo0oOo0o : ماودك تسأل عن احد ؟ Good Bye Beautiful Days : انا مشغول لازم افصل الحين Fjo0oOo0o : لحظه انطر شوي Good Bye Beautiful Days : هلا ؟ Fjo0oOo0o : شاللي صارلك ليش جذي تخليت عنها فجأه ؟ Good Bye Beautiful Days : ممكن ماتكلميني عن هالموضوع ؟ Fjo0oOo0o : لا مو ممكن .. اهي تعبانه والسبب انت ليش جذي سويت فيها؟ Good Bye Beautiful Days : لأني احبها Fjo0oOo0o : اشلون فهمني Good Bye Beautiful Days : انا ما اتحمل اتكون بديره ثانيه واعرف نفسي كل يوم بخليها تكره عيشتها من كثر ما اتهاوش معاها عالطلعه والرده ما اتحمل اخليها كل هالوقت بعيده عن عيني .. وبعدين جذي احسن لي ولها اهي ماتبي تتركهم حتى بشهر العسل قالتها لي ما اسافر واخليهم .. اتسمين هذا زواج ؟ Fjo0oOo0o : انت اناني تدري Good Bye Beautiful Days : لو كنت اناني جان علقتها معاي 4 سنين و آخر شي اهي بنفسها تكتشف ان ماكو بينا نصيب Fjo0oOo0o : انا مستغربه منك ماصدق انك كنت تحبها بيوم Good Bye Beautiful Days : وللحين احبها .. بس والله هديتها عشان مصلحتها .. ما اتحمل اكون بالمرتبه الثانيه ويزيد اهمالها لي عشان اخوانها و اخاف اذا خذيتها يمكن من غير قصد اعصب عليهم واهم مالهم أي ذنب Fjo0oOo0o : زين لو اخطبوها شيكون موقفك ؟ Good Bye Beautiful Days : الله يوفقها يارب Fjo0oOo0o : صراحه مادري شقولك صدمتني Good Bye Beautiful Days : مع السلامه ( طلع من المسنجر ) - بالليل – ( رن تلفون روان فز قلبها شافت الشاشه ولا المتصل فجر ) روان : الو هلا فجر فجر : ( ضايق خلقها ) اشلونج روان روان : زينه اشفيج ؟ فجر : مافيني شي ضاق خلقي ودي اسلوف معاج روان : اكيد ماكو شي ؟ ماشبك ؟ فجر : ( ساكته ) روان : اشقالج ؟ فجر : ولا شي ناموا اليهال ؟ روان : اي ولا تطوفين السالفه اشقال ؟ فجر : قال مابي اضيع من عمرها 4 سنين عالفاضي وآخر شي احنا مو حق بعض روان : ( حست بغصه ) ماقالج ليش احنا مو حق بعض ؟ فجر : قال لأن اخوانج راح يكونون المرتبه الاولى وراح تتنازلين عن وايد اشياء عشانهم روان : ( ساكته ) فجر : روان اذا يه نصيب زين لا تفكرين فيه وافقي على طول روان : اوكي الحين بنام تصبحين على خير فجر : روان الله هالحزه بالسمى الدنيا .. ادعي وراح ترتاحين روان : ان شاءالله مشكوره فجر : مع السلامه روان : باي ( سكرت الخط وتمت اتفكر باللي صار لها وعينها اتدمع على فرقى كل اللي حبتهم .. امها , ابوها , وبدر ) --- - ثاني يوم – ( روان خذت منال من المدرسه ) روان : مبروووك ها شنو شعورج وانتي معطله ؟؟ منال : ( ساكته ) روان : اشفيج ؟؟ ماقدمتي عدل ؟ منال : ( ماترد عليها ) روان : منول اشفيج حبيبتي ؟؟ منال : مافيني شي روان : اشلون الامتحان ؟ منال : زين روان : عيل اشفيج متضايقه ؟ منال : ( لفت عليها واهي معصبه ) مافيني شي روان : اوكي على راحتج - اوصلوا البيت وانزلوا – مشاري : ( ركض حق منال ) وناااسه عطلتي الحين نلعب بليستيشن لي الصبح منال : ( ماردت عليه ) مشاري : منول قاعد اكلمج روان : مشاري خلاص خلها ( منال اصعدت فوق وخلتهم ) مشاري : اشفيها ؟ روان : يمكن الامتحان صعب اقعد انت اهني انا بصعد اكلمها --- - الساعه 4 العصر بيت فجر – روان : ( عيونها اتدمع ) تخيلي ماعرفت اتصرف قاعده تبجي وتصارخ علي تبي امي .. ماقلت لها غير كلمة انا معاج لا تبجين شنو بتسويلها هالكلمه ؟؟ بتردلها امي ؟؟ فجر : ميخالف هالشي يتعـّب نفسيتنا احنا الكبار فاشلون عالياهل ؟ روان : و الممرضه اللي بالمدرسه اتقولها لا تبجين اصلا امج راح تستانس ان بنتها صارت عروسه فجر : الله يعينها يارب ميخالف لأن شي يديد عليها اكيد بتحس بحاجه حق خالتي الله يرحمها لا تحاتين فتره وتعدي روان : حتى مشاري و فراس كلهم راح يحتاجونهم .. فجر والله تعبت ماعرف اتصرف معاهم فجر : زين الحين ليش خليتيها بروحها ؟ روان : خليتها نايمه وييت اقعد عندج شوي احس مختنقه - رن تلفون روان – روان : ( تمسح دموعها ) البيت داقين .. الو ؟ ام جاسم : ( معصبه ) وينج انتي ؟ روان : عند خالتي خير اشصاير ؟ ام جاسم : تعالي شوفي اختج ينت واقعدت قاعده اتصارخ علي قليلة الادب روان : ( ايدها ترجف من العصبيه ) لا تكلمينها كاني يايه ( سكرت التلفون ) فجر : شنو صار ؟ روان : ( غصب ماسكه البجيه ) مادري مادري لازم امشي اكلمج بعدين فجر : طمنيني عاد روان : اوكي --- - بيت ابو جاسم – ( روان اوصلت البيت وانزلت لقت ام جاسم قاعده بالصاله مع ابو جاسم ) روان : خير اشصار ؟ ابو جاسم : ماكو الا الخير ان شاءالله ام جاسم : ( معصبه ) شنو ماكو الا الخير ؟ اتقل ادبها علي واهي ياهل الله يعين لو اكبرت شتسوي روان : اشصار احد يفهمني ؟ ام جاسم : اكلمها تحقرني ويوم زفيتها عشان ترد علي مثل الأوادم كلتني قليلة الادب .. اتقول انتي مو امي عشان تتدخلين فينا .. بعد مابقى غير الحشرات تنطق ابو جاسم : استغفرالله اشهالكلام خلاص تعوذي من ابليس ( روان خلتهم واصعدت فوق دشت الغرفه لقت منال لامه صورة امها وقاعده تبجي ) روان : ( دموعها بعينها ) حياتي منول لا تسوين جذي والله موزين منال : ( تبجي ) روان الله يخليج ابي ارجع بيتنا روان : ( حست بنغزه بقلبها ) زين لا تبجين حبيبتي منال : ابي ارجع اهم يكرهونه ليش نقعد اهني روان : محد يكرهنا حبيبتي بس اهي شوي .. منال : ( اتصرخ وميته بجي ) بلى تكرهني قالت قطيعه تقطع الساعه اللي ييتو فيها عندي .. الله يخليج ابي ارجع البيييت روان : ( تمسح دموعها ) اوكي خلاص والله اوعدج راح نرجع انسدحي ارتاحي .. انا بكلم عمي وارجع - انزلت تحت – روان : عمي ممكن اكلمك شوي ام جاسم : تكلمي اهني ماكو اسرار في بيتي ابو جاسم : ( يصرخ ) خلاص عاد بس سكتي شوي ( قام ) تعالي معاي روان ( روان راحت معاه واقعدوا بروحهم بالصاله الثانيه ) روان : عمي ..( اسكتت ) ابو جاسم : قولي يبه اشفيج ؟ روان : عمي جاسم للحين يبي يتزوجني ؟ ----------------------------------------------------------- |
** البارت السادس عشر **
روان : عمي ..( اسكتت ) ابو جاسم : قولي يبه اشفيج ؟ روان : عمي جاسم للحين يبي يتزوجني ؟ ابو جاسم : روان يا بنيتي لا اتخلين اللي صار يأثر على قرارج روان : لا عمي خالتي مالها شغل آنا منزمان فكرت بس مالقيت الوقت المناسب عشان اقولك ابو جاسم : انتي متأكده انج فكرتي عدل ؟؟ روان : اي فكرت .. بس عندي سؤال و اعذرني على هالكلمة بس اتمنى تجاوبني عليه بصراحه ابو جاسم : ان شاءالله يللا سألي روان : الزواج هذا قرارك ؟ ولا قرار جاسم بعد ؟ ابو جاسم : آنا اللي شرت عليه بالبدايه .. قلتله اشرايج بروان وقالي والنعم فيها بس طلب مني اخليج على راحتج لين توافقين بروحج من غير ضغط روان : ( ودها تبجي بس ماسكه نفسها ) و آنا الحين موافقه ابو جاسم : بس انا حاس انج وافقتي نتيجة الظروف اللي مريتي فيها و ابيج اتفكرين عدل مره ثانيه روان : عمي والله اني موافقه وبرضاي ابو جاسم : خلاص انا اقول حق جاسم اذا وصل روان : بس مابي عرس لأن .. ابو جاسم : ادري يابنيتي .. الله يوفقج يارب ويسهل دربج ويعوضج عن كل اللي مريتي فيه بجنة الفردوس ان شاءالله روان : آمين ( ماقدرت تتكلم اكثر ) عن اذنك عمي - روان اصعدت فوق لقت منال قاعده عالسرير واتطالع البوم فيه صورهم اهي ومشاري كانو مسافرين مصر مع امهم وابوهم – روان : ( اقعدت يمها ) اشلونج الحين ؟ منال : ( ماشالت عينها من الالبوم ) متى انرد البيت ؟ روان : قريب ان شاءالله منال : ( طالعت روان ) آنا ابي ارد اليوم روان : ميخالف منول عمري تحملي شوي بس خل تخلص العطله منال : ( بصوت عالي ) شنو ؟؟ والله مو كيفكم ابي ارجع البيت او وديني حق خالتي حصه اذا ماتبين ترجعين روان : زين سمعيني واهدي شوي .. آنا ابي ارجع بس عمي مايرضى يخلينا بروحنا عشان جذي بيي جاسم معانا بس مو الحين بعد العطله منال : وليش ايي معانا؟ روان : لأن عمي مايبي يخلينا بروحنا ماتذكرين شنو صار حق مشاري ؟ منال : و راح تتزوجينه ؟ روان : ( ماتوقعت تسألها هالسؤال ) اي .. بس لا تحاتين انتو اهم شي بدنيتي ومحد ياخذني منكم منال : ( انسدحت وحطت راسها على فخذ روان ) روان : ( تنعم على شعر منال ) صدقيني والله ماراح اخلي خالتي ام جاسم تزعجكم وبكون معاكم على طول عشان لا تقولكم شي منال : ( غمضت عينها ) روان : وين الصبيان منال : نايمين منال : فروس وين نايم ؟ روان : بغرفة مشاري وخيريه عنده روان : زين انتي بعد كملي نومتج منال : اوكي بس لا تخليني انام وايد ماحب نومة العصر روان : خلاص نامي الحين عشان بعد المغرب بنروح حق خالتي منال : اوكي ( روان خلتها نايمه وراحت اقعدت على سريرها وامسكت تلفونها تقرا المسجات ودموعها تنزل على كل مسج تشوفه ) روان : ( بقلبها ) آنا ليش اسوي جذي بعمري خلاص الله يوفقه ويوفقني ( امسحت ادموعها وراحت عالمسجات الصادره والمرسله سوت عليهم Mark all // تحديد الكل // واضغطت على مسح وحست بعوار بقلبها ) - بعد ساعه دشت عليها خيريه – خيريه : روان ؟؟ روان ؟؟ روان : ( متغطيه وملحفه راسها ) نعم ؟ خيريه : بابا قول نادي روان روان : اوكي الحين انزل ( امسحت ادموعها وقامت غسلت ويهها وعدلت شكلها والبست ملفع وانزلت لقت جاسم قاعد مع عمها بالصاله ) روان : ( حست قلبها مقموت ) السلام عليكم ابو جاسم وجاسم : وعليكم السلام ابو جاسم : يبه انا قلت حق جاسم انج وافقتي واهو بيكلمج شوي اذا ممكن روان : ( اسكتت ) ابو جاسم : آنا اخليكم الحين عشان تقدرون تتناقشون على راحتكم عن اذنكم ( قام وخلاهم بروحهم ) جاسم : تفضلي ليش واقفه روان : ( اقعدت بعيد عنه ) جاسم : ابوي قالي انج موافقه وبرضاج بس انا حاب اتأكد منج روان : اي والله محد ضغط علي جاسم : ولا حتى ظروفج ؟ روان : لا وماكو شي اثر على قراري .. بس في جم شغله ماقلتها حق عمي جاسم : قولي كل اللي بقلبج روان : الملجه بعد العطله مو الحين جاسم : اللي تشوفينه روان : و ... ( اسكتت ) جاسم : قولي كل اللي تبين و لا تترددين روان : ابي نسكن في بيتنا مع اخواني جاسم : ( سكت مده ) روان خليج صريحة معاي .. انتي وافقتي بس عشان تطلعين من اهني صح ؟ روان : لا مو صح .. واعذرني على هالكلمة بس لو ابي ارجع البيت ومعاي اخواني اقدر ارجع بأكثر من طريقه جاسم : اوكي راح نعيش في بيتكم .. بعد في شي ودج تقولينه ؟ روان : اي بس اخاف ماتفهمني بس لازم اقوله لك جاسم : قلتلج لا تخلين شي بقلبج انا مابيج تتسرعين وباجر تندمين لا سمح الله .. فطلعي كل اللي بخاطرج و انا اسمعج روان : ( متضايقه ) اخواني اهم حياتي كلها مابي احد يزعلهم او .. جاسم : ( يقاطعها ) اخوانج اهم اعيال عمي وبحطهم على راسي روان : ( فيها بجيه ) تسلم يارب جاسم : في شي بعد ؟ روان : لا جاسم : ولا تحاتين امي تره طيبه بس تبي اللي يسايسها يللا عن اذنج ( خلاها وقام ) - بيت فجر – ( روان توها داشه مع اخوانها ) ام محمد : اهليين بالغااليين حياكم روان : ( تبتسم ) الله يحييج يعقوب : ( قام ركض حق مشاري ) اهليين ميشوو مشاري : هيي شنو ميشو شايف شعري اصفر ؟ ام محمد : شوي شوي يمه لا تتهاوشون روان : خالتي ممكن اتيين معاي غرفة فجر بكلمج بموضوع ام محمد : اي اكيد حبيبتي .. يعقووبوو مو تضايقهم يعقوب : لا يمه رايحين نلعب روان : منول حبيبتي روحي معاهم منال : اوكي روان : خيريه انتي بعد روحي معاهم بس ديري بالج على فروس لا يتعور خيريه : اوكي ( اصعدوا دشوا غرفة فجر ) فجر : ( كالعاده قامت من النت عشان تسلم ) ماقلتيلي انج بتيين اشلوونج روان : الحمدلله زينه فجر : ها يمه اشفيج يايه؟ ام محمد : شنو يعني طاردتني من دارج ؟ فجر : لا يمه اشدعوه بس قاعده اسأل روان : آنا ناديت خالتي عشان بكلمكم بموضوع فجر : زين ثواني خل افصل ام محمد : الله يستر عليج من هالنت 24 ساعه مجابلته فجر : يمه اشدعوه عاد والله اني اشبك من العصر لي الساعه 10 بالليل بس روان : ( متضايقه ناطرتهم يخلصون عشان تتكلم ) ام محمد : زين بس بس خل اسمع بنيتي روّونه شنو بتقول روان : ( من غير مقدمات ) جاسم خطبني وانا وافقت فجر : ( منصدمه اتطالعها وماقالت أي تعليق ) ام محمد : صج ؟؟؟ ( لمتها واقعدت تبجي ) يا بعد عمري يا حياتي انتي الف مبرووك والله فرحتي فيج مثل فرحتي بفجر لو ياها النصيب وتزوجت روان : ( لامه خالتها ودموعها تنزل ) الله يبارك فيج ام محمد : ( وخرت عنها ) ليش تبجين يمه ؟ عسى مو مغصوبه بس ؟ روان : ( تمسح دموعها ) لا خالتي مو مغصوبه والله .. بس كلامج ذكرني بأمي وابوي الله يرحم ام محمد : ( بدت مناحه ) آآخ يا حبيبتي يا سعاد كانت تنطر هاليوم وتتحسر عليه و كانت كله اتقول اخاف تنشغل بدراستها وما اشوفها عروس ( حطت ايدها على عينها واقعدت تبجي ) ( روان حطت ايدها على جتف خالتها وادموعها تنزل بدل لا يواسونها اهي اللي قاعده اتواسي خالتها ) فجر : يمـّه خلاص عاد البنت مو ناقصه كانت تبي تفرحج الا تقلبينها عزا ام محمد : اي شسوي تذكرت اختي الله يرحمها ويغمد روحها الجنه يارب روان : ( تمسح دموعها ) الله يرحمها ويرحم ابوي فجر و ام محمد : آمين ام محمد : وهذا جاسم جم عمره خبري فيه كبر فجر روان : ( متضايقه ) اي عمره 23 داش ال 24 ام محمد : عادي يمه ياما حريم تزوجوا رياييل اصغر منهم ب6 سنين وهم مستانسين ولله الحمد روان : ( ودها تبجي من كثر الهموم اللي خاشتها بقلبها ) اي صح ام محمد : زين آخر مره اسألج اكيد انتي موافقه ؟ يعني اذا مو موافقه محد يقدر يجبرج روان : ( تبتسم لها ) اي خالتي انا خذيت وقت كافي افكر فيه ووافقت بس ماراح نملج الا بعد العطله ام محمد : اي جذي يكون مر عالوفاة تقريبا سنه.. والله الايام تركض ركض سبحان الله روان : خالتي في شي بعد ودي اقوله لج ام محمد : خير يمه ؟ روان : ( قالت لها عن منال ) بس لا تكلمينها صايره بسرعه تعصب بس حبيت اقولج ام محمد : ( تبتسم ) يحليلها بنيتي ( قامت ) باخذها واطلع لازم اونسها احنا قبل كانو امهاتنا يعطونا فلوس و هدايا عشان يرفعون معنوياتنا كنا نستاانس روان : عفيه خالتي اذا ماودها تطلع خليها على راحتها ام محمد : لا ماعليج اهي تحب خالتها وراح تروح معاي باخذها اهي واليهال بعد وبخليكم بروحكم عادي؟ ولا تخافون ؟؟ فجر : ( تظحك ) شيخوفنا ؟ بناتج يخوفون ديره ام محمد : يمه منج والله بس انتي اللي تخوفين ديره روان مسكينه تهبل ذربه فجر : بديينا تفرقه روان : ( تبتسم ) خالتي بتاخذين فروس ؟ ام محمد : اي وباخذ خدامته معاه روان : بس خل تتأكد انها حاطتله كل شي يحتاجه بالجنطه لأنها مرات تنسى ام محمد : ان شاءالله .. يللا اخليكم سولفوا على راحتكم ( اطلعت من الغرفه ) فجر : مبروك حبيبتي والله انج تستاهلين كل خير بس وين راح تعيشون بعدين ؟ روان : راح نرجع بيتنا فجر : يعني انتي ماوافقتي الا عشان ترجعون صح ؟ روان : ( معصبه ) لا وافقت عشان وايد اسباب ومنها اني انسى بدر فجر : زين خلاص اهدي ماقصدت ازعلج روان : ( دموعها انزلت ) حاولت انساه بس ماقدرت عاد يارب اقدر انساه بهالطريقه ومنها نرجع البيت ويرتاحون اخواني فجر : خلاص ان شاءالله راح تحبين جاسم وينسيج بدر واهله روان : ان شاءالله -- - غرفة ابو جاسم – ابو جاسم : ( يصرخ ) خلاص بس مابي اسمع منج أي كلمه ام جاسم : بس هذا ولدي انا بعد .. وباخذله على ذوقي مو كيفك تتصرف بروحك ابو جاسم : سمعيني عدل ولدج ريال واهو يبي ياخذ بنت عمه واهي وافقت وخلاص راح يتم كل شي.. و هالموضوع تسكر اهني و اذا تبطل بره هالغرفه أو قلتي حق روان او اخوانها أي شي يضايقهم والله ماراح يصير خير وانا ماحلف بالله جذب ام جاسم : تهددني يا بو جاسم ؟ ابو جاسم : اي نعم قاعد اهددج وتذكري اني حلفت ( طلع وخلاها ) --- - غرفة فجر – روان : ( منسدحه على سرير فجر ) خايفه من ردة فعل خالتي ام جاسم فجر : ( قاعده يمها ) مالج شغل فيها اهم شي راح تسكنون بعيد عنها روان : تدرين .. ودي اتقطيني بنص البر واصرخ حيييل لين ارتاح بعدين ارجع فجر : اوكي متى ماتبين قوليلي والله اوديج روان : ( تبتسم بحزن ) تخيلي فجر : اي والله منصجي اوديج واقعد بالسياره اشغل اغاني وانتي بره صرخي على كيفج روان : احب هالطبع فيج فجر : أي طبع؟ روان : تاخذين كل شي ضحك .. ما تأزمين الأمور فجر : اي شنسوي الدنيا يبيلها جذي روان : صح كلامج - دشوا عليهم مشاري ويعقوب – فجر : ( اتصرخ ) ويعه انت معاه انا اشقلت عن الباب ها مشاري : والله انا مالي شغل اهو اللي بطله فجر : تبي اقوم لك الحين ؟ ماتعرف اتطق الباب يعني روان : فجر اشفيج قلبتي جني عطيتج عين فجر : لا بس عشان يتأدب لأن كذا مره داش علي وانا ابدل يعقوب : ماشفت شي والله روان : خلاص عاد فجر بروحي مصدعه لا تزيدينها علي بصراخج .. ها حبايبي وين رحتو ؟ مشاري : رحنا لاند مارك ( سنتر بوينت حاليا ) واستانسنا وايد شرينا العاب روان : ( اقعدت )عسى ما خذيت كل شي مشاري : لا بس كل واحد خذه لعبه وحده روان : ومنول وين ؟ مشاري : تحت قاعده تجرب لعبتها .. وآنا شريت همر ريموت كنترول تعالي شوفيني العب فيه بالحوش يعقوب : و آنا خذيت دبابه ريموت روان : وفروس؟ مشاري : شريناله كره اتطلع صوت روان : يللا عيل بس البس ملفعي و انزل معاكم فجر : منصجج ؟؟ خل يولون كنا انسولف روان : الله والسوالف عاد كله عوار قلب امشي خل ننزل احسن لنا فجر : اوكي -- - بعد شهر – ( ام جاسم من درت ان جاسم بياخذ روان واهي ماتكلمها حتى السلام ماترده عليها ) جاسم : يمه يعني شالغلط اللي سويته عشان تنفسين علي؟ ام جاسم : ليش تسمع كلام ابوك وتعصي كلامي جاسم : يمه انا ماعصيت كلامج بس البنت زينه وطيبه ليش ما تحبينها ؟ ام جاسم : مادري من صارت هوشات بين ابوك و اخوه الله يرحمه بسبتها صرت ما اتقبلهم جاسم : زين اذا ابوي عادي يكلمهم انتي ليش للحين شايله النفس؟ ام جاسم : ابوك ينسى الاهانات انا ماقدر انساها ولا انسى عمك يوم يقوله جدامنا كلنا بنتي اللي تتكلم عنها راح ترجع دكتوره احسن منك ومن كل فرد بعايلتك .. هذا واهو الكبير جذي يكلمه ولا حشم لحيته جاسم : يمه اللي فات مات خلاص وبعدين انا ولدج المفروض تدعيلي بالتوفيق ام جاسم : وانا اقدر ما ادعيلك ؟؟ يمه والله كل يوم قبل لا انام ادعي انك تكون مرتاح جاسم : ( باس راسها ) ربي يطولنا بعمرج ان شاءالله ام جاسم : ويطول بعمرك يارب .. زين يمه لا تنسى اليوم هلا توصل الساعه 7 اخذها من المطار جاسم : اي ذاكر لا تحاتين --- - غرفة فجر – ( فجر قاعده عالنت جان يدش بدر ) Good Bye Beautiful Days : قوه Fjo0oOo0o : (( معصبه وماودها ترد عليه )) هلا بدر Good Bye Beautiful Days : بغيت اسألج عن روان .. اشلونها الحين ؟ ان شاءالله احسن؟ Fjo0oOo0o : و ليش تسأل Good Bye Beautiful Days : فجر ردي علي لو سمحتي مابي اكثر من اني اسمع اخبارها من بعيد لي بعيد Fjo0oOo0o : عيل اسمع Good Bye Beautiful Days : ؟؟ Fjo0oOo0o : روان خطبها ولد عمها ووافقت والملجه الشهر الياي Good Bye Beautiful Days : ...........(( ماكو أي رد ))............ Fjo0oOo0o : وينك ؟ ماتبي تقول شي ؟ ماتبي تقول الله يوفقها مثل ماقلتها من قبل ؟ (( تم تسجيل خروج Good Bye Beautiful Days )) ----------------------------------------------------------- |
** البارت السابع عشر **
- بريطانيا : غرفة بدر – ( بدر قاعد عالسرير واللاب توب جدامه ) Fjo0oOo0o : روان خطبها ولد عمها ووافقت والملجه الشهر الياي ( بدر حس الدنيا ظلمت عنده ماقدر يشوف الشاشه حاول يكتب بس ايده كانت ترجف ) Fjo0oOo0o : وينك ؟ ماتبي تقول شي ؟ ماتبي تقول الله يوفقها مثل ماقلتها من قبل ؟ ( بدر طلع من المسنجر و تم مده ساكت ويتنفس بعصبيه وبعدين دز اللاب توب عالأرض ) بدر : ( بصراخ ) ليييييش بهالسرعه جنج ماصدقتي اني تركتج لييش ( مسك طاولة الادراج اللي يم سريره وحذفها عالطوف ) - يت العيوز تركض ودشت عليه ( بكتب بالكويتي ) – العيوز : اشفيك ؟؟ هد نفسك يا ولدي بدر : ( يصرخ ) راااحت حق غيري العيوز : تقصد حبيبتك ؟ بدر : ايي راحت خلاااص العيوز : قولي شالسالفه يمكن اقدر اساعدكم بدر : ( خلاها وطلع من البيت ) -------- - غرفة روان – ( روان قاعده عالسرير وحاطه بيد فراس سياره لعبه قاعد يلعب فيها ) منال : روان ؟ روان : هلا حبيبتي منال : تدرين متى آخر مره شفت هلا ؟ روان : متى منال : يمكن من 3 سنين روان : ماكانت اتيي الكويت بالعطل ؟ منال : مادري بس جنه عمي وخالتي اهمه اللي كانو يسافرون لها روان : ( ساكته ) منال : متى راح توصل روان : بعد شوي منال : اخاف تطلع نفس خالتي ام جاسم روان : لا تحاتين ان شاءالله مايصير الا كل خير فراس : ( يعطي روان السياره ) اتـّيييي روان : لااا مايفجونها هذي يسوون فيها جذي ( تمشـّي السياره عالسرير ) فراس : ( يحن ) اتـّيييهااا روان : لااا ماما مايصير منال : اهي سياره شنو نفج فيها ( مشاري دش الغرفه واهو يركض ) مشاري : روّوون روّووون يت هلا شفتها وسلمت عليها بس ماتذكرتها اهي تقول تذكرني روان : الحين انبدل وننزل روح انت وناد خيريه مشاري : اوكي ( راح ) روان : منول حبيبتي يللا امشي نلبس عشان انشوفها منال : لازم ننزل؟ روان : اي حبيبتي توها يت وماشفناها منزمان اكيد لازم ننزل منال : ابي ابطل شعري مابي اسويه عنقوص روان : اوكي بس ييبيلي شباصات لايقه عاللي بتلبسينه وتعالي اسويه لج قبل لا ننزل - دشت خيريه – خيريه : نام روان ؟ روان : خيريه حبيبتي اخذي فراس غيريله ولبسيه شي حلو مو مال بيت خيريه : اوكي ( شالت فراس وراحت ) روان : يللا فشله انا بلبس عالسريع وانتي بعد لا تتأخرين خل اسوي شعرج وننزل منال : اوكي --- - بيت فجر – ( فجر متضايقه وتحاتي بدر .. واندمت لأنها قالتله ) و دزتله هالمسجات اوف لاين Fjo0oOo0o : بدر آنا ماقصدت اصدمك بهالطريقه بس كنت معصبه لأنك رحت وخليتها Fjo0oOo0o : و تره اهي نفسيتها تعبانه وكانت تبي تنساك وغير جذي اخوانها مايبون يقعدون عند مرت عمهم فاضطرت توافق على جاسم عشان يقدرون يرجعون بيتهم واهو ولد عمها يعني بيخاف الله فيها وفي اليهال Fjo0oOo0o : بدر انت بنفسك قلت الله يوفقها وكنت قايل انك ماراح تقدر تسعدها لو تحبها ادعيلها ولا تأذي نفسك ودير بالك على دراستك .. مع السلامه -- ( امسكت تلفونها ودقت على روان ) فجر : ( متضايقه ) الو روان ؟ روان : هلا فجر .. منول عطيني الشباصه فجر : بكلمج شوي وخري عن اليهال ؟ روان : واي منول اشكثر تتحركين شنو بتروحين الحمام ؟ فجر : الوو؟؟ روان قاعده اكلمج روان : فجور حبيبتي اكلمج بعدين يت هلا من السفر لازم ننزل انسلم عليها فجر : اوكي مع السلامه ( سكرت الخط ) فجر : ( بقلبها ) الحمدلله انها لاهيه خلاص ليش اضايقها --- ( روان البست جينز وجاكيت حلو ناعم لونه اسود في شك سلفر وحطت مكياج رمادي خفيف والبست ملفعها وشالت فراس وانزلت مع منال ومشاري ) - دشت الصاله كان فيها عمها ومرته واعيالهم جاسم وهلا – روان : السلام عليكم ابو جاسم وجاسم : وعليكم السلام ورحمة الله هلا : ( اوقفت اتسلم على روان ) وعليكم السلام اشلونج روان وعظم الله اجرج ولو انها متأخره بس اعذريني امنعتني الظروف اني ايي واعزيكم روان : لا عادي ( هلا اقعدت عالقنقه واقعدت يمها روان واخوانها ) هلا : ( تقرص خد فراس عالخفيف ) اهليين بالحلو .. شسمه ؟ روان : فراس هلا : اعذريني ماعرفت اسمه بس تدرين بعد منزمان مو يايه الكويت روان : ( تبتسم ) اي ادري والحمدلله على سلامتج هلا : ( اتكلم مشاري ) انت سلمت عليك خالصين منك ( اتطالع منال ) بس في عروسه حلوه ماسلمت عليها روان : منول حبيبتي قومي سلمي عليها منال : ( قامت سلمت على هلا ) هلا : اشلونج شخبارج ؟ منال : الحمدلله زينه هلا : يحلوج والله ( روان ابتسمت لأنها حست ان هلا غير عن امها .. واول مارفعت راسها لقت جاسم يطالعها جان تختفي ابتسامتها ولفت ويهها على فراس ) -- - بريطانيا – بدر : ( عيونه حمر ) خلاص يعني راحت حق غيري فواز : ( صديق بدر – سعودي - ) بدر هد حالك مايصير تعمل كذا بدر : ( بصوت مخنوق ) ادري اني قلت لها تتزوج وتنساني بس صعبه اتخيل ان احد يكلمها فاشلون لو لمسها ؟؟ فواز : بدر انت بنفسك قلت انها لازم تشوف حياتها بدر : ( يصرخ وعيونه حمر ) اي ماكانت راح تعيش بسعاده معاي .. كنت ابي افتر العالم معاها ابيها اتكون 24 ساعه معااي وانكون بروحنا فاهم علي ؟؟ فواز : فاهم بس هد حالك بدر : والله لو تزوجتها راح تكرهني .. لأني ماراح اتحمل انها تقيد حريتنا واخاف تفلت اعصابي عليها او على اخوانها فواز : عارف بدر : ( يصرخ ) لا مو عارف انا كنت اقدر اعلقها معاي 4 سنين وكل هذا من عمرها.. بس والله ماكنت راح اتحمل عيشه جذي فواز : بدر خلاص ادعيلها الله يسعدها .. اللي تعمله بحالك ماراح يفيد بدر : ( دموعه معلقه بعينه مايبيها تطيح جدام رفيجه ) خلاص فواز خلني بروحي شوي فواز : انا راح اخليك الحين بس بعد شوي بجيك ونروح شقه مسعود تهدي حالك وتفرفش معنا وتنسى الدنيا .. ماشي؟ بدر : اوكي بس خلني الحين فواز : اعتبر نفسك في بيتك انا طالع وراجعلك بعدين .. مع السلامه ( طلع ) --- - بيت ابو جاسم عالعشى – هلا : متى تملجون ؟ روان : ( بغت اتغص باللقمه ) جاسم : ان شاءالله بداية الشهر الياي هلا : زين اشوه راح اكون اهني .. بس مابقى شي من الحين لازم اتسوق اشوف لبس حلو روان : بس ماراح نسوي حفله هلا : ولا حتى حفلة صغيره من غير اغاني يعني عشى وكوشه وبس ؟ روان : ( ودها تصرخ عليها بس امسكت نفسها وتكلمت بهدوء ) لا ام جاسم : وعليا عليك يا وليدي .. الله يعوضك يمه جاسم : عادي مو مشكله .. هلوي انا اوعدج اذا سوينا استقبال او أي شي بطيرلج بنفسي واييبج من البحرين عشان تحضرينها هلا : بعد عمري جسوم تستاهل كل خير ومبين على روان انها خوش بنت روان : ( ساكته وماكو بويهها أي تعبير ) فراس : ( قعد يبجي ) ابيي تاات هلا : وي فدييته شيقول ؟ منال : يبي بطاط هلا : ( عطته بطاطه ) هاك حيااتي انت فراس : ( خذاها منها وقعد ياكلها ) هلا : ( تكلم جاسم ) دام ماكو عرس وبس ملجة وتاخذها عندك .. عيل المفروض تعطونها المهر من الحين حق الزهاب روان : ( حست بعوار بقلبها ) جاسم : ( يبتسم ) أي اكيد باجر يكونون عندها روان : ( قامت وشالت فراس ) عن اذنكم لازم انومه ابو جاسم : اذنج معاج يبه --- - بيت فجر – ( فجر رايحه راده تحاتي بدر حست انها اصدمته وخايفه يصير شي وتكون اهي السبب .. رن تلفونها جان تمسكه بسرعه وردت عليه ) فجر : هلا روان روان : ها فجر كنتي داقه اشبغيتي فجر : اشلون بنت عمج ؟ روان : زينه الحمدلله فجر : الحمدلله .. زين انتي اشلونج ؟ روان : متضايقه حيل احس ان روحي بتطلع فجر : روان تعوذي من ابليس .. وان شاءالله جاسم يقدر ينسيج بدر روان : ( صوتها بدى يتغير ) ادزله مسج اقوله اني راح اتزوج ؟ فجر : ( اسكتت ماتدري شتقول ) روان : الو ؟ فجر : معاج روان : ها ادزله مسج ؟ فجر : انا قلتله روان : قلتيله ؟!! فجر : اي دش المسنجر وسأل عنج وقلتله روان : ( دموعها بعينها ) واشقال ؟ فجر : ماقال شي طلع من المسنجر روان : ( تبجي ) الحين اشراح يسوي ؟؟ والله خايفه عليه ابي ادق اتطمن ماقدر اخليه جذي فجر : روان اشفيج ؟؟ خلاص راح تتزوجين واهو بنفسه قالج الله يوفقج بعد ليش تفتحين عليج ابواب صعبه تتسكر روان : ( ميته بجي ) بس ماقدر لازم اتطمن عليه فجر : روان حبيبتي بس عاد اخوانج مو ناقصين لا يسمعونج روان : خلاص تعبت والله ماني قادره اتحمل فجر : حاولي تنامين وان شاءالله مايصير الا كل خير روان : اوكي تصبحين على خير ( سكرته وتمت تبجي مده لين نامت ) ---- - بريطانيا – ( بدر وفواز بشقه مسعود وفي 4 شباب غيرهم وطبعا مايحتاي اذكر شنو في بعد بس ان الجو مو حلو ) فواز : بدر خلاص اليوم ابيك تفرفش و تنسى كل شي بدر : ( قاعد عالقنفه وساكت مارد عليه ) فواز : شوف اللي حواليك انت بس أشر وهم يجونك بدر : فواز اسكت عني شوي فواز : اوكي على هواك ( قام من يمه وأشر حق وحده انها تروح تقعد عنده ) ( يت اقعدت يمه وحطت ايدها على فخذه ) البنت ( طبعا أشك ) : ( بدلع ) hiiii //هاااي // بدر : ( طالعها مده واهو ساكت ) البنت : ( قربت يمه ) why do you seem so sad ? // ليش مبين عليك انك وايد متضايق ؟// بدر : ( دزها وصرخ عليها ) go away b** :x // وخري عن ويهي ...// ( الكل التفت عليه جان يخليهم ويطلع ولحقه فواز ) فواز : بدر ايش فيك؟ حاول تنساها خلاص بدر : ( يصرخ ) فواز رجاءا خلني بروحي فواز : لا والله ما اخليك اروح معك وين ماتروح ( بدر تم طول هاليوم يتمشى ومعاه فواز ) --- - بعد اسبوعين – هلا : ( مقعده فراس على حضنها ) تره امي طيبه والله انتي جربي قعدي معاها وكلميها وبتشوفين روان : ( تبتسم بضيق ) كلمتها وايد بس دايما تعطيني نفس ردة الفعل هلا : ميخالف باجر لي صرتي جنتها بتحبج روان : بس انا اتوقع العكس بتكثر المشاكل اذا صرت جنتها هلا : لا تحاتين انا اهني وبعرف اشلون اطلع طيبتها اللي دافنتها عنج روان : ان شاءالله فراس : ( يغني ويصفق ) ماما منها ديا هلا : ( باسته ) يختي علييه يهبل روان : ( تبتسم ) تره قاعد يغنيلج ماما زمنها جيه هلا : ( تظحك ) يحليله .. زين روان ماباقي شي وتملجين ما اشوفج تروحين الصالون تسوين برامج عروس روان : ( تضايقت ) ماله داعي هلا : شنو ؟؟ اشلون ماله داعي انتي عروس ولا تنسين اخوي المعرس لازم تتكشخين له روان : اي بس ماله داعي برامج هلا : لا بلى له داعي لازم اتسوين مغربي و برامج العروس ماكو وقت اصلا المفروض منزمان باديه بهالشغلات روان : ( تضايقت حيل ) خلاص هلا خليني على راحتي هلا : اشفيج روان ؟؟ تره اخوي يستاهل هالاشياء روان : ( اسكتت ) هلا : من باجر باخذج معاي مو كيفج تقولين لأ .. وبنفتر السوق مايصير ماشريتي الا بدل طلعه .. ( تبتسم ) تره الزواج يبيله اكثر من جذي فراس : ( بجى ) روان : ( خذت فراس منها ) آسفه بس لازم اروح اغيرله ( اصعدت فوق ) هلا : والله هالبنت فيها شي مو طبيعي ---- - قبل الملجة بيوم – ( روان ودت اخوانها عند خالتها وراحت المكان اللي متعوده يتلاقون فيه اهي وبدر ) - اسفطت واقعدت نص ساعه تبجي حييل وتشاهق .. بعدين خذت تلفونها وماقدرت ماتدز هالمسج – " اذا للحين مانسيتني حاول تنساني .. وانا بعد اوعدك بنساك .. باجر ملجتي .. ادعيلي بالتوفيق " ( بعد شوي دق عليها جان ترد ) بدر : ( صوته مخنوق مبين باجي ) والله اني احبج وما اتحمل فكرة ان غيري بيلمسج ودي اذبحه قبل لا يلمس منج اشعره روان : ( بصراخ واهي تبجي ) مو انت اللي تركتني وقلت الله يوفقج ؟ مو انت اللي طلبت اني اشوف حياتي ؟ عيل اشتبي الحين ليش اتقولي هالكلام ؟ بدر : والله اني احبج بس لو خذيتج ماراح اريحج بالعكس راح اتعبج معاي .. وماقدر اعلقج من غير زواج .. ( يصرخ وصوته يتغير جنه يبجي ) وهم ماني قادر اتخيل انج بتروحين حق غيري روان والله احبج حاولت اطلعج من بالي حاولت اخربط عشان انسى بس ماقدرت والله ماقربت من أي بنت انتي الوحيده اللي افكر فيها روان : ( ميته بجي ) خلاص بدر لا تحاتيني جاسم راح يخاف علي وعلى اخواني وهذا اهم شي عندي .. موفق ( سكرته بويهه ) ( وقطت التلفون عالكشن اللي يمها واقعدت تبجي وقلبها محترق ودق بدر يمكن 4 مرات بس ماردت عليه .. بعدين دزلها هالمسج ) " الله يوفقج يا احلى شي بدنيتي " ( قرت المسج واقعدت تبجي من قلب بعدين انزلت بطلت الباب اللي وره وخذت الجيس اللي عطاها اياه بدر كان في دبدوب ورساله وحطته على الرصيف وردت اركبت السياره ) ( أول ماحطته R ارجعت شوي جان توقف وارفعت السايد وصرخت بحرقه واهي تبجي .. بعدين انزلت خذت الجيس وارجعت بيت خالتها ) --- - بيت ابو محمد – ( روان دشت الصاله كانت عيونها حمر ومبين انها باجيه ) ام محمد : ( مخترعه ) اشفيج حبيبتي ؟ عسى ماشر روان : لا خالتي مافيني شي رايحه حق فجر عن اذنج ام محمد : لا ماكو عن اذنج انا صاعده معاج بعرف اشفيج ؟ ( دشو غرفه فجر ) فجر: ( اول ماشافت قامت لها وماعرفت شتقول لأن امها موجوده ) روان اشفيج ؟؟ ام محمد : مادري هذا اللي بعرفه اشفيج يمه قعدي ارتاحي ( اقعدت عالسرير وروان اقعدت يمها ) روان : خالتي مافيني شي بس شوي متضايقه ام محمد : باجر ملجتج لازم اتكونين اسعد بنت اشفيج يمه قوليلي شاللي مضايقج ؟ روان : ( ردت تبجي ) كنت ابي امي وابوي يكونون موجودين بهاليوم ام محمد : ( لمت روان ) الله يرحمهم .. انا اهني و اعتبريني امج واي شي تبينه انا ماراح اقصر معاج روان : الله يخليج لنا خالتي ام محمد : بس يمه لا تبجين متأكده ان جاسم بيرتاح معاج وبتحبينه صدقيني روان : ( انسدحت على ريل خالتها ) ان شاءالله فجر : ( تمسح على جتف روان ) بس عاد قطعتي قلبي والله كل شي بيصير احسن صدقيني ام محمد : انا عادتج بنتي وبقولج جم نصيحه اسمعيهم عدل روان : ( ساكته تسمعها وادموعها تنزل ) ام محمد : يمه جاسم راح يكون ريلج عاشريه بالمعروف شوفي اللي يحبه وسويه واذا لقيتيه مستانس لا تكشرين بويهه لأن وقت مايكون فرحان مايبي شي ينكد عليه واذا كان متضايق لا تضحكين بس خليج يمه واسأليه عن اللي فيه وحاولي تخففين عنه ولازم ماتعصينه بأي شي حتى لو هالشي انتي تشوفينه بسيط .. وهالله هالله بأسرار بيتج يمه لا تطلعينها حق أي احد ولا حتى حق فجر ادري اشكثر انتو قراب من بعض بس اسرار البيت مايصير تطلع بره .. واهم شي انج تشوفيه أول واحد بعينج بعد الله سبحانه وتعالى .. لازم ترفعينه فووق وماتنزلينه للأرض روان : ( ماقدرت تسمع اكثر ماتت من البجي ) ام محمد : لا يمه تعوذي من ابليس ( و اقعدت تقرا عليها قرآن لين هدت ) |
** البارت الثامن عشر **
- بالليل بغرفة روان – ( روان منسدحه ومغمضه عينها ودموعها تنزل ) روان : ( بصوت واطي ) يارب سهل علي وخلني أنساه .. يارب خله يعيش مرتاح ويتوفق بدراسته - اليوم الثاني – ( روان مانامت الا الساعه 6 الصبح وكانت طول الوقت تبجي وتدعي ) - هلا دشت الغرفه – هلا : روان .. روان قوومي ( تهزها ) .. والله آنا يوم ملجتي فزيت مع أذان الفير وانتي للحين نايمه؟؟ روان : ( تبطل عينها وغصب تستوعب ) اشتبين؟ هلا : شنو اللي اشتبين ؟؟ اليوم زواجج يا حلوة روان : ( انقمت قلبها ) جم الساعه الحين ؟ هلا : الساعه 10 يللا قومي ( تغمز لها وتبتسم ) وراج سباحه وتسنع وتزقرت روان : بس تو الناس هلا : شنو تو الناس يللا قومي وراج شغل واايد و تراه اخوي الوحيد وانتي فاهمه شقصد روان : ( ساكته ) هلا : هذا سكوت مستحى ؟ ولا شي ثاني ؟ روان : ( اتطالعها ) خلاص كاني قمت وحرام اليهال نايمين لا نقعدهم هلا : ( تقصر صوتها ) زين انا بروح وأي شي تحتاجينه قوليلي روان : ( قامت ) اوكي -- - بيت ابو محمد – ام محمد : يارب توفقها وترزقها بالعيال الصالحين يارب آمين .. وانتي بعد اذا يالج نصيب زين خل انزوجج فجر : لا انا مابي اتزوج بكمل دراستي ام محمد : اي هذا آخر كورس لج فجر : لا بكمل ماجستير ومابي اتزوج ام محمد : لا والله ؟؟ يبتج عشان تقعدين على جبدي ؟ فجر : شنو يعني يبتيني بس عشان اتزوج وافرّخ ؟ ام محمد : فجور عدلي اسلوبج وانتي تكلميني عيب عليج فجر : ( بعصبيه ) وانا اشقلت الحين ام محمد : شوف ؟؟ وهم تصرخين ؟ فجر : ( شوي وتبجي ) يمه الله يخليج لا تزعلين والله مادري اشفيني احس مختنقه واي شي يعصبني ام محمد : ( طيبه ونست بسرعه ) ادري يا يمه مبين عليج انج مو على بعضج .. كل هذا عشان روان بتتزوج اليوم ؟ فجر : اخاف ماترتاح بزواجها ام محمد : وليش تقولين جذي اهي شاكيتلج من جاسم ان ممكن يكون موزين؟ فجر : لا .. بس انا خايفه عليها ام محمد : ادعيلها بالتوفيق ولا تقبسين عليها بضيقتج اللي مالها داعي فجر : الله يوفقها -- ( روان خلصت سباحه واقعدت تستشور شعرها وفيها بجيه بس كل شوي تحاول تفكر بشي ثاني عشان ما تبجي ) - رن تلفونها بسرعه طفت الاستشوار وقلبها يرقع خايفه يكون بدر بس اطلعت فجر اهي اللي داقه – فجر : الو قوه حبيبتي اشلونج؟ روان : الحمدلله بخير فجر : ( صوتها مقموت ) شدي حيلج ادري انج قويه وقدها وربي يوفقج روان : ( دموعها انزلت ) فجر انا خايفه فجر : من شنو؟ روان : خايفه اني ما انسى بدر واني اتعذب كل يوم فجر : حبيبتي والله حاسه فيج بس الزواج ينسيج صدقيني روان : ان شاءالله فجر : ( شوي وتبجي ) اوكي اخليج الحين .. اكيد مشغوله مع السلامه روان : مع السلامه ( سكرت التلفون ) منال : ( اقعدت ) صباح الخير روان : ( امسحت دموعها من غير ماتشوفها ) هلا صح النوم منال : بتروحين مكان ؟ روان : ( اسكتت مده ) .... ملجتي اليوم منال : اليوم في عرس ؟ روان : لا بس نملج ماكو عرس منال : ( ماكو أي تعبير ) زين بقوم اغسل ( اطلعت وخلتها بالغرفه ) -- - بعد الغدى – ( الكل قاعد بالصاله ماعدا ام جاسم كانت بغرفتها ) ابو جاسم : يبه اليوم تملجون ماعندج شي تبين تقولينه لنا ؟ روان : ( متضايقه ) ابي نسكن في بيتنا ويكونون معاي اليهال ابو جاسم : اليهال احسن لهم لو اقعدو عندي روان : ( انصدمت وطالعت جاسم ) جاسم : ( ابتسم لها ) لا يبه انا كلمتك من قبل بهالموضوع وقلت ان ماعندك مانع لاتغير رايك الحين ابو جاسم : خلاص على خير روان : تسلم عمي .. مشكور جاسم ابو جاسم : العفو يبه .. تبين شي بعد ؟ روان : لا مابي شي جاسم : جهزتوا اغراضكم ؟ روان : اي بس باقي جم شغله هلا : ( اتلاعب فراس ) قول جب ابو جاسم : هلا اشهالتعليم ؟ هلا : ( تظحك ) عادي كل اليهال يقولون جذي جاسم : عيل الله له حكمه ان مارزقج للحين هلا : ( انقلب ويهها وراحت الظحكه ) الحمدلله على كل حال روان : ( طالعت جاسم متضايقه منه بس ماقالتله شي ) عندي شغل فوق عن اذنكم ( قامت وخلتهم ) --- - بعد صلاة العشى وعقب ماراح الملاج – ام جاسم : ( اتيبب ) الف الف الف مبروك جاسم : ( يبوس راسها ويبتسم ) الله يخليج لنا يارب .. عاد ماتوقعتج بتفرحين لي ام جاسم : اشلون ما افرحلك وانت وحيدي هلا : ( تبوس اخوها ) اول شي مبروك منك المال ومنها العيال .. ( اتطالع امها ) ثاني شي شنو وحيدي ؟ عيل انا بنت منو ؟ ام جاسم : ( تظحك ) يمه انا قصدت ولدي صبيي الوحيد هلا : اهااا .. اوكي الحين استوعبت ابو جاسم : يبه تره روان واخوانها يتامى مايحتاي اوصيك عليهم جاسم : بعيوني يبه هلا : مو ناوي تصعد حق العروس ؟ جاسم : لا قوليلها تنزل بنتمشى بالسياره ونرجع هلا : شنو نرجع؟ وين قاعدين ؟!! ابروحك مو مسوي عرس .. آنا اقولك اخذها ورحوا وين ماتروحون وقعدوا جم يوم .. وانا ادير بالي عاليهال جاسم : انتي الحين روحي ناديها تره وايد قرقتي هلا : اي يحقلك معرس مانقدر انقول شي -- - غرفة روان – منال : ( تسمع يباب ام جاسم ) الحين يعني تزوجتوا ؟ روان : ( ماسكه نفسها ماتبي تبجي ) اي منال : ( راحت لمت اختها ) مبروك - دشت هلا – هلا : مبروووك يا عرووسه روان : الله يبارك فيج هلا : ( معصبه ) معقوله للحين مو جاهزه ولا متكشخه ؟؟ ريلج ناطرج تحت بياخذج روان : ( منصدمه ) وين بياخذني ؟ هلا : روان اشفيج ؟ توكم مالجين واشدراني وين بياخذج روان : اذا ماراح نرجع ما اروح معاه مكان ماقدر اخلي اخواني هلا : ( بعصبيه ) روان اشدعوه عليج !! مخليتهم بالغابه انتي ؟ وبعدين عيب اللي تقولينه انتي توج متزوجه والمفروض تتصرفين بطريقه احسن من جذي روان : بس .. هلا ( قاطعتها بنفسيه ) لا تبسبسين ويللا جهزي اخوي ناطرج تحت ( اطلعت وخلتها ) منال : اشفيها جذي كلمتج ؟ روان : ( بضيق ) ماكو شي حبيبتي منال : بس كانت تصرخ عليج روان : خلاص قلتلج ماكو شي .. انا بلبس الحين واطلع مع جاسم ديري بالج على اخوانج منال : اوكي - دش مشاري - مشاري : شنو صاير ؟ روان : ماصار شي روح كمل لعب فروس وخيريه بغرفتك ؟ مشاري : اي روان : خلاص روح لهم مشاري : اوكي ( طلع ) -- ( روان البست جينز و قميص حلو ناعم والبست ملفع مناسب وخذت جنطتها وانزلت ) - اول مادشت الصاله – روان : السلام عليكم جاسم : ( وقف ) وعليكم السلام .. ( سلم عليها خد بخد ) مبروك روان : ( حست ريلها ترجف ) الله يبارك فيك جاسم : يللا عيل احنا ماشين عن اذنكم ام جاسم : خذ راحتك يمه الله معاك -- - اركبو السياره – جاسم : ( قعد يطالع روان ) مبروك حبيبتي روان : ( اسمعت حبيبتي انقمت صدرها ) جاسم : اشفيج روان ؟ روان : لا ماكو شي جاسم : ( شغل السياره ومشى ) بنتمشى بعدين نتعشى اشرايج ؟ روان : ( ساكته ماقالت ولا حرف ) جاسم : روان معاي؟ روان : هلا ؟ شنو قلت جاسم : سرحانه بشنو ؟ روان : لا ماكو شي جاسم : اقول الحين بنتمشى بعدين نتعشى اوكي؟ روان : اليوم راح نروح بيتنا صح ؟ جاسم : لا يمكن باجر روان : اوكي -- ( تمو يتمشون مده واهو ماسك ايدها بعدين راحوا مطعم عالبحر ) جاسم : ليش ماتاكلين روان : مادري ماشتهي جاسم : اكلي شوي عالاقل روان : ( كلت شوي وهدت الصحن ) جاسم : انتي مرتبكه ولا متضايقه ؟ روان : ( ابتسمت عشان لا تضايقه ) لا مافيني شي بس افكر بأمي كنت ابيها معاي بهاليوم جاسم : ( ابتسم لها وحط ايده على ايدها ) الله يرحمهم برحمته - اطلعوا من المطعم وردو البيت – ( أول مادشو البيت ) هلا : مو منصجك ؟؟!! جاسم : ( يظحك ) اشفيج ؟ هلا : رادين مبجر ؟ لا انت مو طبيعي جاسم : روان تعبانه ماقدرنا نطول هلا : زين شكو رادين اهني روحو ارتاحو ببيتكم روان : باجر انروح ان شاءالله هلا : اوكي موفقين يارب روان : انا صاعده اشوف اخواني ( راحت ) جاسم : و انا رايح ابدل عن اذنكم ( خلاهم وراح غرفته ) هلا : يمه شنو هذي مو طبيعيه ؟ خلته واصعدت ام جاسم : وتلوميني اذا ماحبيتها هلا : زين وين ينامون ؟ ام جاسم : بغرفته بعد وين هلا : يحلييله جسوم والله وتزوج ام جاسم : الله يهنيه هلا : آمين -- روان : ( قاعده مع اخوانها بغرفتها ) باجر نرجع بيتنا ( منال ومشاري استانسو ولموها ) روان : ( تظحك ارتاحت وايد لأنها اقدرت اتونسهم ) بس راح اضيق خلقكم واقولكم ان المدرسه الاسبوع الياي منال : عادي احسن من البيت مشاري : لا والله البيت احلى روان : ( تمت اتسولف معاهم مده وماحست بالوقت ) فراس : ( قاعد يفرك عينه ويحن ) روان : ( اتطالع الساعه ) الساعه 12 وللحين مانومت فروس وانتو بعد متى تنامون يعني ؟ منال : اي والله حدي دايخه لأن انتي اليوم قعدتيني الصبح والسبه استشوارج مشاري : عادي العب شوي بليستيشن بعدين انام ؟ روان : لا مو عادي ويللا روح نام بعد شوي واطل عليك اذا مو نايم يويلك مشاري : زين قمت خلاص ( قام راح غرفته ) منال : ( انسدحت ) تصبحين على خير روان : ( اتسوي حق فراس حليبه ) وانتي من اهله فراس : ( يبجي ) اتييني منال : سكتييه بناام روان : ( عطته وقعد يشرب ) الحين ينام - بعد نص ساعه واهي منسدحه يم فراس – روان : ( بقلبها ) يارب ادري اللي اسويه غلط بس مو قادره اروحله - شوي دشت هلا – هلا : ( بصوت واطي ) روان قاعده روان : اي كنت انوم فراس هلا : تعالي معاي شوي روان : اوكي ( قامت اطلعت معاها ) هلا : روان جاسم يسأل عنج وناطرج بغرفته روان : ( قلبها يرقع ) بس فراس نايم ماقدر اخليه هلا : عن الدلع خلاص انا انام يمه روان : لا انا رايحه اكلمه بقوله اني بنام عند اخواني اليوم هلا : ( طالعتها مده بنظره غريبه ) انتي فيج شي مو طبيعي روان : شنو يعني فيني ؟ هلا : انتي ادرى روان : مافيني شي بس مرتبكه شوي هلا : لا ترتبكين هذا ريلج ولا تحاتين اخوانج تكشخي وروحيله روان : ( فيها بجيه ) اوكي ( خلتها ودشت الغرفه ) - بطلت الليت واقعدت تبجي بس على قد ماتقدر مقصره صوتها عشان لا تقعـّد اخوانها – ( راحت بطلت كبتها وخذت الدبدوب واقعدت تلمه ) روان : والله احبك بس خلاص انا مو لك ..مشتاق له ميت عليه .. ..وينه بعد عمري ابيه .. ..بحكي له عن كل الي صار .. ..عن غيبته ليل ونهار .. ..وبلهفتي بحظن ايديه .. ..وين بعد عمري ابيه .. ردت الدبدوب وامسحت دموعها وراحت البست قميص محتشم والبست فوقه روب طويل و وخلت شعرها مبطل لي جتفها وعدلت شكلها حطت مكياج خفيف – كحل مسكرا وقلوس – ( بعد مهما يكون هذا ريلها وماتروحله بويه اصفر ) .. خذت تلفونها وباست الشاشه ( كانت متعوده تسوي جذي بعد ماتكلم بدر ) .. طفته ( مغلق ) وحطته بدرج الكبت واطلعت .. لقت هلا بره هلا : اي جذي اشحلاتج ( لمتها ) والله اني عادتج اختي بس مرات اتنرفز ومادري شقول سامحيني.. ولا تحاتين فروس راح انام عنده روان : ( قاعده ترجف ) اوكي هلا : ( امسكت ايدها ) اشفيج ترجفين لا تخافين سمي بسم الله وروحي حق ريلج روان : اوكي عن اذنج ( خلتها وراحت غرفة جاسم – بنفس الدور - ) - اوقفت مده عند الباب ماتبي اتدش .. وكان ودها ترجع بس تعوذت من ابليس وسمت بسم الله وطقت الباب – = اسف حبيبي سامحني واعتذر = = يشهد الله اني من بعدك بكيت = = بكيت من همي وضيقي والقهر = = ليتني ما عرفتك ولا بك التقيت = = ليت يوم شفتك غضيت النظر = جاسم : منو ؟ روان : ( بصوت يرجف ) آنا روان جاسم : ( قام بطل الباب وكان لابس شورت قصير ) روان : ( شافته قلبها قام يرقع ونزلت راسها ) جاسم : ( يبتسم ووخر عن طريجها عشان تدش ) حياج روان : ( دشت الغرفه وريلها ترجف ) جاسم : ( سكر الباب ومسك ايدها وقعدها يمه عالسرير ) قعدي شوي بكلمج روان : ( اقعدت والدموع متعلقه بعينها ) جاسم : ( رفع راسها من حنجها ) طالعيني .. ليش هالدموع ؟ خايفه مني ؟ روان : ( ارمشت جان تطيح دموعها على خدها ) جاسم : ( يمسح دموعها بيده وباس راسها ) لا تخافين روان : ( صوت نسمها عالي كانت تحاول تسيطر على اعصابها وماتبجي ) جاسم : اشفيج روان ؟ روان : مابي جاسم : شنو اللي ماتبينه ؟ روان : مابيك تسوي شي جاسم : ( ابتسم ) خلاص ماراح اجيسج لين تهدين اوكي ؟ روان : ( اتهز راسها – اوكي - ) جاسم : (سكر الليت وانسدح ) زين ماتبين تنامين ؟ روان : ( انسدحت بعيد عنه على طرف السرير ) بلى - مرت نص ساعه و روان وجاسم عالفراش اثنينهم ومو قادرين ينامون وقاعدين يفكرون روان وقتها قاعده تفكر ببدر وودها تبجي بس مو قادره .. وجاسم قاعد يفكر بروان وشلون يحاول يكسبها ومايضيق خلقها .. التفت عليها وقرب منها – روان : ( ترجع لي وره ) جاسم مابي الله يخليك جاسم : ( مسكها و باس راسها وخدها ) اهدي شوي ( غمضت عينها وتحاول ترضى بالي قاعد يصير .. قرب منها جاسم اكثر وباسها بس ماتجاوبت معاه .. رفع راسه وطالعها ) جاسم : حبيبتي انا ريلج الحين ( روان فجأه اقعدت تبجي واهو منصدم يطالعها ) جاسم : خلاص والله انا آسف نامي ماراح يصير شي ( وخر عنها وعطاها ظهره واهي هدت وغمضت عينها وتمت تبجي من غير صوت لين نامت ) --- - ثاني يوم الصبح - هلا : جاسم .. جاسم قووم ( اتطق الباب حيل ) قوم جاسم ابوي ناطرك -- ( روان نايمه على طرف السرير أول ما سمعت صوت الباب ينطق فزت طالعت جاسم لقته نايم على بطنه وايدينه تحت المخده ) روان : ( اقعدت وتلحفت عدل ) جاسم .. جاسم جاسم : ( يرد واهو نايم ) همممم روان : ( تحط شعرها وره اذنها ) جاسم قوم جاسم : ( نايم مايرد ) روان : ( تهزه من جتفه عالخفيف ) جاسم قوم هلا تناديك ( جاسم انزعج لأنها تهزه ولأن الباب ينطق بقوه ) جاسم : ( بعصبيه ) هاااا هااا روان : ( اخترعت ) لا بس هلا تناديك جاسم : ( يصرخ على هلا ) زييين خلاص كسرتي الباب قمت روان : ( اتطالعه مصدومه ولا مره شافته جذي يصرخ ) جاسم : ( استوعب انها يمه ) آسف بس اذا قمت من النوم اكون متنرفز شوي روان : لا عادي جاسم : ( يبتسم لها ) صباح الخير روان : صباح النور ( جاسم قرب منها جان ترجع جسمها لي وره ) جاسم : ( تنرفز ) تره مابي شي بس كنت بصبح عليج ببوسة خد واقوم اروح المحكمه عشان عقد الزواج روان : ( ساكته ) جاسم : ( قام ) كملي نومتج ( راح دش حمام الغرفه – عزكم الله – وسكر الباب بقوه و روان تمت قاعده مكانها وخذت المخده ولمتها ) |
** البارت التاسع عشر **
( جاسم قرب منها جان ترجـّع جسمها لي وره ) جاسم : ( تنرفز ) تره مابي شي بس كنت بصبح عليج ببوسة خد واقوم اروح المحكمه عشان عقد الزواج روان : ( ساكته ) جاسم : ( قام ) كملي نومتج ( راح دش حمام الغرفه – عزكم الله – وسكر الباب بقوه و روان تمت قاعده مكانها وخذت المخده ولمتها ) بعد فتره طلع واهي نفس مكانها ماكلمها ولا قال شي بس صلى ولبس دشداشته واهي قاعده عالسرير متلحفه واتطالعه واهو يلبس الغتره جاسم : ماراح تردين تنامين ؟ روان : لا بقوم اغسل بعدين اطل على فراس جاسم : ( كمل يلبس غترته ) اليوم بالليل في عندنا عشى رياييل بالدوانية وهم انتو عندكم عشى حريم ماقالت لج هلا ؟ روان : بلى جاسم : نادي خالاتج واللي يعز عليج روان : اوكي جاسم : ( خلص لبس و حط شوية دهن عود بيده فركهم ببعض ومسح على ارقبته ) يللا انا ماشي تبين شي ؟ روان : لا تسلم جاسم : مع السلامه ( خلاها وطلع ) ( أول ماطلع قامت اسبحت و راحت غرفتها لقت اخوانها نايمين .. بطلت الكبت خذت تلفونها افتحته وخذت الدبدوب و انسدحت يم فراس وغمضت عينها بترد تنام ) - شوي دشت هلا - هلا : روان ؟ روان : ( توها بتغفى جان تقوم ) هلا ( هلا ) هلا : بتردين تنامين ؟ روان : يعني قلت شوي انام لي الظهر هلا : ( ابتسمت ) امس مانمتي صح ؟ روان : ( حست ان هلا تقصد بسؤالها شي ثاني بس سوت روحها مافهمت ) بلى نمت الحمدلله هند : ( قامت ) اوكي عيل اخليج روان : ( ردت غمضت عينها ولمت الدبدوب ) ( نص ساعه جان يرن تلفونها وقعدها من النوم ) روان : الو ؟ فجر : هلا حبيبتي روّون ولهت عليج اشلونج ؟ روان : الحمدلله بخير فجر : ها قعدتج من النوم ؟ روان : اي فجر : اوكي بخليج تنامين بس تره امي اليوم عازمتكم عالغدى انتي وجاسم روان : اليوم ؟ فجر : اي اليوم عطيه خبر ها روان : وانتو بالليل معزومين عالعشى عندنا فجر : اوكي اقول حق امي .. وانتي لا تنسين تقولين حق جاسم روان : اوكي باي ( سكرت التلفون ودزت حق جاسم مسج ) " السلام قوه جاسم .. خالتي حصه اتقول اليوم الغدى عندها مادري يناسبك او لأ ؟ " ( شوي جان يدق ) روان : الو جاسم : هلا روان .. كنت اتمنى اشوفج داقه بدل المسج روان : ( ساكته ) جاسم : عموما خالتج الحين بحسبة المرحومه امج .. فأكيد بعتبرها عمتي وما ارفض عزيمتها روان : تسلم جاسم : يللا انا الحين بالمحكمه أي شي تبينه دقي ماحب سوالف مسجات روان : اوكي جاسم : يللا ديري بالج مع السلامه روان : باي ( نامت ساعه وقامت الظهر قعدت اليهال وقالت لهم يبدلون وخلت خيريه تاخذ فراس وتلبسه ) - البست و انزلت الصاله لقت ام جاسم وهلا – روان : السلام عليكم ام جاسم : وعليكم السلام زين شفناج روان : ( ساكته ماردت ) هلا : ( تغير الموضوع ) ها شكلج طالعه ؟ روان : اي بنروح انا وجاسم واليهال بيت خالتي عازمتنا عالغدى ام جاسم : وليش ماعطيتوني خبر عشان ماحسب حسابكم ؟ روان : مادري خالتي انا الصبح دريت و.. ام جاسم : ( تقاطعها ) شنو الصبح دريت انتي عبالج انتو واحد ولا اثنين ؟ انتو خمسه وكلكم بتروحون كل هالأكل وين بوديه يعني ؟ هلا : يمه حصل خير عادي اشفيج ام جاسم : شنو عادي كل شي عندكم عادي ( قامت واهي تتحلطم ) هلا : ميخالف روّون طوفيلها تره ماتقصد روان : ( تبتسم ) لا عادي ماصار شي هلا : ها اشلون امس ؟ كل شي تمام ؟ روان : ( ماعرفت شترد ) الحمدلله هلا : ( ابتسمت ) الحمدلله ( دش جاسم ) جاسم : السلام عليكم روان وهلا : وعليكم السلام جاسم : ( قعد يم روان ) ها متى نروح ؟ روان : الحين بس يخلصون لبس جاسم : على خير .. زين امي وابوي وين ؟ هلا : امي بدارها وابوي للحين مايه جاسم : خل اقولها اني بتغدى بره هلا : لا ماله داعي تونا قلنالها .. روحوا اخذوا راحتكم ( انزلو اليهال مع الخدامه ) جاسم : ( وقف ) يللا عيل مشينا --- - بيت ابو محمد – فجر : شنو هذا يمااا .. ماقدر على المحاشي بمووت حطيلي بصحن تصبيره ام محمد : فجور طلعي من المطبخ و روحي شوفي يعقوب شنو لابس لا يفشلنا فجر : يمه اشكبره شكو نشوف شنو لابس ام محمد : ابي مره وحده اقولج شي وتسمعين الكلام .. خل اروح ابدل قبل لا اييون فجر : اي يمه روحي فشله تقعدين بدراعه فيها ريحة طباخ ام محمد : فجوور تراج طالعه من بطني اعرفج عدل .. تبيني اطلع عشان تحطين لج اكل بس يللا جدامي روحي بدلي انتي بعد فجر : فديتها كله جاكتني .. يللا صج صج بروح البس ( راحت غرفتها ) - بعد فترة اوصلوا جاسم وروان واليهال - ابو محمد : اهليين جاسم وعليكم السلام ( يسلمون على بعض خد بخد ) ام محمد : هلا وليدي اشلونك جاسم : ( يبتسم ) الحمدلله بخير اشلونكم انتو ام محمد : بخير دامكم بخير حياكم ( اقعدوا بالصاله .. روان اقعدت يم فجر واليهال راحوا غرفة يعقوب ) ام محمد : خيريه خلاص خلي فروس عندي وروحي مع اليهال خيريه : اوكي ( راحت ) فجر : ( مقصره صوتها ) اشلونج ؟ روان : زينه فجر : اشون الزواج روان : ( طالعتها مده واسكتت ) فجر : اشفيج ؟ روان : ماكو شي بس مالي خلق ارد عليج فجر : ( تحاول تلطف الجو ) اشهالنفسيه لا يكون حملتي ؟ روان : ( تخزها ) فجر اشفيج بالظبط ابو محمد : ها يبه روان اشلونج ؟ روان : الحمدلله بخير ابو محمد : مبين على جاسم خوش ريال تتهنون ان شاءالله جاسم : ( يبتسم ) تسلم عمي روان : ( قاعده تطالع جاسم اول ما طالعها بسرعه لفت ويهها ) - بعد الغدى روان اصعدت فوق مع فجر – فجر : يللا سولفيلي روان : اذا قصدج شنو صار فخل اختصر عليج واقولج ماصار شي فجر : صج ؟؟!! روان : اي والله ماصار شي فجر : ليش؟ روان : ( عصبت ) وتسألين ليش؟ فجر : ادري روان بس خلاص انتي تزوجتي مايصير جذي و جاسم ريلج يعني .. روان : ( تقاطعها ) ادري ريلي بس والله ماقدرت حاولت بس كل شوي بدر ايي على بالي وماقدر اسوي شي احس اني اخونه فجر : ( انصدمت ) اتخونينه ؟؟؟!! انتي جذي قاعده تخونين جاسم حتى لو تفكرين ببدر مجرد تفكير هم يعتبر خيانه روان : ( دمعت عينها ) ادري بس والله موبيدي كل ما اشوف جاسم يطري علي بدر واقعد اقارن بينهم وادري ان هالشي غلط بس مادري شسوي فجر : تقارنين!! روان : ( دموعها انزلت واهي معصبه ) اي اقارن .. اقارن بالشكل و بالعمر فجر : اذا تبين تقارنين بشي قارني ان جاسم خذاج وعزج ورضى فيج وبخوانج وان بدر ماسواها روان : خلاص فجر سكري هالموضوع فجر : لا ماراح اسكره قاعده تقارنين بالعمر ومادري شنو وبدر اساسا حتى ما... روان : ( قاطعتها ) أي اكيد اقارن بالعمر انتي تدرين ان طول عمري اتمنى آخذ واحد اكبر مني مو آنا اكبر منه فجر : الريال بتصرفاته مو بعمره روان : لو خطبج واحد اصغر منج توافقين ؟؟ فجر : ( ساكته ) روان : ردي علي ليش ساكته ؟ فجر : اي اذا زين ارضى ليش لأ روان : والله انج جذابه واعرفج عدل ماكنتي راح ترضين فجر : والله روان اللي سويتيه اهو الصح وتره مبين ان على جاسم انه ريال طيب واللي تسوينه فيه والله حرام روان : ( زادت بجي ) فجر انا تعبت حرام عليج والله ماقدر اتحمل كل هذا احس اني مضغوطه لا تزيدين علي فجر : ( اكسرت خاطرها ) روان آنا كل اللي قصدته انج تعطين جاسم فرصه عشان تحبينه كل مايطري بدر على بالج فكري بشي ثاني .. خلاص عاد روّون لاتبجين روان : ( تمسح دموعها وتسكت شوي ) .... اهو كلمج ؟ فجر : روان اشفيج ؟؟ خلاص لاتتكلمين عنه انسيه انتي الحين متزوجه روان : اذا كلمج سلمي عليه وطمنيني فجر : اذا كلمني ماراح اقولج ولا ابيج تكلميني عنه لأن اللي قاعده تسوينه غلط - دشت منال – منال : روان جاسم يقول يللا بنمشي روان : خلاص الحين انزل منال : اوكي ( اطلعت ) فجر : عدلي شكلج الكحل صاير عفيسه روان : ( اوقفت عند المنظره وعدلت مكياجها ) يللا انا رايحه فجر : ( سلمت عليها ) ديري بالج ولا تفكرين بشي غير بيتج روان : ( ماعلقت على جملتها ) اليوم مو ماتييون فجر : أي اكيد راح انيي روان : اوكي باي فجر : مع السلامه - أول ماراحت روان فجر اقعدت بطلت اللاب توب لقت بدر اون لاين – Good Bye Beautiful Days : السلام Fjo0oOo0o : هلا بدر Good Bye Beautiful Days : ها يت عندج ؟ Fjo0oOo0o : اي توها راحت Good Bye Beautiful Days : واشلونها ؟ Fjo0oOo0o : الحمدلله بخير Good Bye Beautiful Days : اكيد ؟ Fjo0oOo0o : اي اكيد Good Bye Beautiful Days : فجر والله ماني قادر اتحمل ودي اسمع صوتها واقولها اني اهني Fjo0oOo0o : لا يويلك حرام عليك لا تعذبها اكثر الحين اهي متزوجه لا تسوي جذي Good Bye Beautiful Days : زين عالاقل بدز لها ايميل اتطمن عليها Fjo0oOo0o : ماتشوف ايميلات ولا تبطل النت .. فلا تتعب عمرك وخلاص خلها انت مو قلت لها اتشوف حياتها اشتبي الحين Good Bye Beautiful Days : والله تعبان فجر حسي فيني ودي ادزلها أي شي اتطمن عليها عالأقل Fjo0oOo0o : خلاص انا طمنتك عليها واهي بخير عفيه بدر لا تسوي جذي حرام عليك خلها تتعود على حياتها اليديده Good Bye Beautiful Days : خلاص اوكي --- - بيت ابو جاسم – ( عزيمة العشى ) ( روان كانت لابسه نفنوف طويل علاق وحيل ناعم لونه ذهبي على نحاسي ومسويه شعرها استشوار ومن فوق بف خفيف مع تاج نحاسي بسييط .. و حاطه مكياج برونزي ناعم .. كان شكلها وايد حلو) ام علي : ( رفيجة ام جاسم ) ماشاءالله جنتج تهبل يستاهل جاسم ام محمد : اي الله يهني ولدي ام علي : اذا عندها اخت تره حجزتها من الحين حق عليوي ام محمد : ( تظحك ) شنو ناويه اتزوجينه مره ثانيه - فجر يت مع اهلها وثنتين من بنات خالتها فاطمه ( حريم كبار ) مع اعيالهم ويو بعد ثنتين من رفيجات روان اللي تعرفهم من ايام الثانويه و اقعدوا يمها وظحكوها حست ان اليوم حلو ومافكرت بشي وبعدين تعشو ومشو الناس – هلا : الرياييل للحين بالدوانيه والساعه 11 تأخر الوقت ما اتوقع بتروحون بيتكم اليوم روان : مادري اهو قال اليوم .. خل اروح ابدل واكلمه هلا : اوكي ( روان اصعدت فوق لقت خيريه منومه فراس ومنال مبدله ملابسها ومنسدحه ) روان : منول لا تنامين بدق على جاسم اشوف انروح بيتنا ولا لأ منال : اوكي روان : ( دقت على جاسم ) الو ؟ جاسم : الو هلا روان : اقول جاسم اليوم بنروح بيتنا ؟ جاسم : لا باجر بعد الغدى احسن لأن الوقت تأخر ومشاري كاهو يمي ومبين عليه نعسان روان : اوكي خلاص جاسم : روان روان : هلا جاسم : لا تبدلين بشوف شكلج روان : ( ساكته ) جاسم : زين ؟ روان : اوكي جاسم : يللا باي ربع ساعه واصعد ( روان سكرت التلفون وقلبها يرقع ودها تبدل وتنام قبل لا يرجع ) منال : ها اشقال ؟ انام ولا انطر ؟ روان : لا نامي باجر بعد الغدى نمشي منال : ( تلحفت وغمضت عينها ) اوكي روان : خيريه حطي فراشج اهني بالارض عشان اذا قام فروس تشوفينه لأني ماراح انام اهني خيريه : اوكي ( راحت اتييب فراشها ) ( تمت روان قاعده وخايفه وماودها تروح تقوم بس بتتعوذ من ابليس وتروح .. خذت ملابسها وطفت جهازها مغلق وحطته بالدرج وراحت غرفة جاسم ) - تمت قاعده بالغرفه وكل ما تتذكر بدر تخنقها العبره وتفكر بشي ثاني .. بعد شوي دش جاسم – ( أول مادش طالعها وقعد يبتسم واهو بعيد ) جاسم : اشوف قومي اوقفي روان : ( قامت اوقفت وريلها ترجف ) جاسم : ( مشى لين صار جدامها ومسك ايدها وباسها ) طالعه وايد حلوه روان : ( ساكته ) ( جاسم قرب منها يبي يبوسها جان ترجع لي وره ) جاسم : ( بصوت هادي ) اشفيج روان ؟ روان : ( بدت ترجف ) مافيني شي جاسم : زين يللا بدلي روان : اوكي ( راحت خذت ملابسها وبتدخل الحمام – عزكم الله - ) جاسم : وين ؟ روان : ببدل جاسم : بدلي اهني ماراح اشوف روان : لا لأني بغسل بعد و.. جاسم : لا تغسلين عاجبني مكياجج روان : اوكي ابدل وارجع ( دشت الحمام ) ( جاسم ابتسم وفصخ دشداشته وانسدح .. روان اطلعت من الحمام لابسه قميص طويل علاق وكانت حييل مرتبكه ومتضايقه ) جاسم : ( يبتسم لها ويطق عالسرير يمه ) تعالي روان : ( انسدحت بس بعيده عنه ) جاسم : ( انسدح على جنب ورفع جسمه شوي وسند راسه على ايده وقعد يطالعها ) روان روان : ( طالعته وقلبها يدق بسرعه ) هلا جاسم : تدرين انج قمر روان : ( لفت ويهها وطالعت السقف ) جاسم : سولفي روان : عن شنو ؟ جاسم : عن العشى اليوم منو يه وشنو صار روان : ( للحين اتطالع السقف ) يو رفيجاتي وفجر وبنات خالتي الكبار و.. جاسم : ( قاطعها وقعد يطالع فوق ) لحظه شنو فيه روان : ( طالعته ) شنو؟ جاسم : مادري انتي قاعده اتطالعين السقف قلت يمكن فيه شي متعلق روان : ( اظحكت ) لا مافي شي جاسم : اتهبل ظحكتج و نادر اشوفها روان : ( اسكتت وتمت اتطالعه ) ( قرب منها باسها جان اتدزه عالخفيف من صدره بس كمل وماوخر لين هدت وتجاوبت معاه .. بعد 5 دقايق دزته عنها حيل ) روان : ( بصوت عالي ) وخر خلاااص مابي ( قامت اقعدت وتلحفت عدل ) ( جاسم حقرها قرب منها جان تدزه ) روان : ( اقعدت تبجي ) اقولك وخر عني مابي ماابي جاسم : ( يطالعها وحييل تنرفز ) انتي مرتي شنو مابي روان : مابي خلاص الله يخليك جاسم : ( يكلمها بهدوء ) روان انتي مو صغيره يعني اتعرفين ان هذا شي لازم يصير روان : مو مستعده حاليا خلاص خلني على راحتي جاسم : ( معصب ) شنو اخليج على راحتج انتي اصلا مو ناويه تستعدين روان : بلى بس مو الحين الله يخليك عطني وقت جاسم : لي متى يعني ؟ روان : مادري الله يخليك خلني جم يوم والله اوعدك اني راح اصير احسن جاسم : ( ساكت يطالعها مده بعدين انسدح مكانه وعطاها ظهر ) ( روان تمت تبجي بصوت واطي لأنها موقادره ترضيه ) - اليوم الثاني بعد الغدى ارجعو بيتهم وكان اليوم اللي قبله مخلين الخدامه تنظفه وتسنعه – ( منال ومشاري حيل استانسو وكل واحد راح غرفته يركض ) روان : شفتهم اشلون مستانسين جاسم : ( للحين منفس من سالفة امس ) اي ( روان اصعدت معاه غرفتها وكانت كبيره ( ماستر مع حمام ) و فيها سرير بونفرين ) روان : هذي غرفتي .. اقصد غرفتنا جاسم : راح انغير اثاثها لأن شكله بناتـّي وايد روان : ( ابتسمت ) اوكي -- - مر اسبوع اليهال ردو المدرسه وجاسم كل يوم يعطيها ظهره وينام وماحاول يقرب منها – ( بالليل جاسم واليهال قاعدين بالصاله يطالعون تلفزيون وروان بالمطبخ ) جاسم : ( ينادي ) خيريه خيريه خيريه : ( يت ) نام بابا جاسم : ( عطاها فراس ) روحي نوميه ونامي خلاص خيريه : اوكي جاسم : ها شباب ماتبون تنامون ؟ باجر مدرسه مشاري : لاااا .. خل انشوف الفلم معاك جاسم : باجر راح اقعدك مبجر مو تقوولي خلني انام تره اسويلك ضربتي الساحقه مشاري : ( يظحك ) اشلون ورني جاسم : تبي تشوف متأكد ؟ مشاري : اي متأكد جاسم : ( نط على مشاري وقعد يسوي روحه ياكل كرشته ) مشاري : ( ميت ظحك ) خلاااص خلاااص والله راح اسويها على نفسي هدني خلااااص جاسم : تستسلم ؟؟؟؟ منال : ( تطالعهم وتظحك ) اي صج خله الحين يسوي شي يفشل اهو كله جذي جاسم : ( وخر عنه ) لا يحوشك يبخر الصاله بعدين ( مشاري ومنال اقعدو يظحون بعدين راحو ينامون ) ( قام جاسم راح حق روان بالمطبخ لقاها واقفه اتطالع كبت الصحون .. راح وراها وحط ايده على بطنها و لمها وقعد يشم شعرها من وره روان بغت اتوخر بس ماخلاها ) جاسم : لا تتحركين خلينا شوي جذي روان : جاسم هدني اليهال بالصاله جاسم : ( بصوت هادي ) اليهال نامو .. ( باس راسها من وره وارقبتها ولمها اكثر ) روان : ( ماقدرت تتحمل بتوخر عنه بس ماهدها ) جاسم هدني جاسم : ( هدها وتم يطالعها بس نظراته كانت تخوف و غير عن كل مره ) روان : انا مو قلتلك خلني على راحتي ؟ جاسم : ( يصرخ ) انتي ليش وافقتي عالزواج اذا ماكنتي قده هاا ؟ روان : جاسم انا .. جاسم : ( يصرخ واهو مقهور ) انتي ثلج مافيج مشاعر لا والله انتي ابرد بعد لأن حتى الثلجه لو مسكناها تذوب ( طلع من البيت وخلاها واقفه ودموعها تنزل ) - روان راحت غرفتها ودقت على فجر وقالتلها عن اللي صار – فجر : والله مادري شقولج .. انتي وايد غلطتي بحقه حاول يعطيج فرصه ومايقرب منج بس هم نفس الشي ماصار منج أي تغيير روان : ( تبجي ) فجر ماقدر والله كل مايلمسني احس ان بدر موجود ويطالعنا فجر : خلاص عاد ذبحتينا ببدر انتي الحين تزوجتي جاسم لا تييبين طاري بدر لا تخونين ريلج روان فهمي عاد روان : ( تبجي ) والله نفسيتي تعبانه حتى البيت تعبني زياده كل شي يذكرني فيهم حتى المواعين كل شي فجر : تعوذي من ابليس وروحي نامي الله كريم تنحل الامور ان شاءالله روان : ان شاءالله .. اوكي اخليج الحين باي فجر : باي -- ( راحت غرفتها وانسدحت اتحاول تنام مو قادره لين أذن الفير قامت صلت ودعت ربها ان يريحها من اللي اهي فيه ويقدرها ترضي زوجها خلصت صلاة و اقعدت عالسرير تحاتي جاسم .. خذت التلفون ودقت عليه ) جاسم : ( باسلوب ناشف ) نعم ؟؟ روان : ( بصوت واطي ) وينك ؟ جاسم : موجود اشبغيتي ؟ روان : بغيتك ترجع البيت جاسم : ليش يعني ؟ عشان احرسكم انتي واخوانج ؟ روان : ( تضايقت من كلمته بس اعذرته ) لا عشان اكلمك جاسم : كلميني الحين سامعج روان : لا ابيك اتيي جاسم : ( سكت ) روان : جاسم ؟ جاسم : هلا روان : ناطرتك جاسم : نص ساعه وايي |
** البارت العشرون **
روان : جاسم ؟ جاسم : هلا روان : ناطرتك جاسم : نص ساعه وايي (( روان سكرت التلفون ودموعها انزلت على خدها .. راحت الحمام – عزكم الله – و تسبحت عالسريع كانت تبجي تحت الماي بس قررت ان من اليوم بتعدل حياتها ( وياكثر ماتقول هالجمله ) .. اطلعت من الحمام نشفت شعرها بالفوطه و حطت كريمات وعطر و تكشخت ( كحل ومسكرا وجلوس وردي ) بطلت درج كبتها وطلعت قميص أبيض البسته وراحت اقعدت عالسرير ومخليه شعرها مبطل واهو رطب ( مبلل شوي ) بس شكلها كان وايد حلو )) - واهي ناطرته حست ان قلبها بيوقف كانت وايد مرتبكه وتفرك ايدها عشان توقف الرجفه وطبعا طول هالوقت ماقدرت اتشيل بدر من بالها واسرحت واهي تتذكر عيونه ابتسامته حنجه المقسوم .. لحيته الديرتي كل شي تذكرته بهاللحظه وجنها تشوفه جدامها .. خذت نفس طويل عشان لا تبجي .. بهالوقت دش جاسم – ( أول ماشافها حس وده يروح لها ويلمها وينسى كل اللي سوته بحقه .. بس مسك نفسه و راح قعد جدامها عالسرير ) جاسم : روان انا مابي تسوين هالشي عشان خاطري وبس .. انا ابيه طالع من اهني ( أشر على صدرها ) اذا الشي ماطلع من الخاطر مابيه روان : ( طالعته ودموعها بعينها حست ان كسر خاطرها وانها وايد اغلطت بحقه ) جاسم : ليش ماتقوليلي شنو فيج تره صارت تطري على بالي اشياء ماودي افكر فيها ريحيني وقوليلي بشنو تفكرين ؟ روان : ( نزلت راسها ) اخاف اني ما اسعدك جاسم : بس انا متأكد انج بتسعديني روان : ( طالعته ) جاسم : ( مسك ايدها وباسها ) تدرين اني احبج ؟ روان : ( حست الكلمه عورت قلبها زياده ودها تحس بهالشي ناحيته بس موقادره ) جاسم : ( يبتسم ) ومتأكد انج راح تحبيني لأني انحب روان : ( ابتسمت بضيق ) جاسم : ( باس راسها وابتسم ) الحين نامي ومتى ما استعديتي عدل سويلي نفس اللي سويتيه الحين ( قعد يطالع ارقبتها وجتفها بعدين قام يبدل ) ( قلب روان قعد يدق بسرعه واهي تطالعه يبدل ملابسه.. تم عالشورت وسكر الليت وانسدح يمها ) جاسم : ( مد ايده عشان تنسدح عليها ) تعالي يمي ( انسدحت على ايده ولمها وغمض عينه ) روان : ( متردده حيل بس خافت لو هدها اليوم على راحتها تصعب عليها الامور اكثر ) جاسم ؟ جاسم : هلا حبيبتي روان : ( كانت ترجف حيل بس حطت ايدها وره ظهره ولمته ) جاسم : ( حس بشعور حلو و ماوده تهده .. باس راسها ولمها ) نامي حياتي روان : ( بصوت واطي ) مابي انام جاسم : أكيد ؟ روان : اي اكيد ( نزل راسه وباسها وتجاوبت معاه وخر عنها يبي يشوف اذا راح ترجع لي وره او لأ بس ما بعدت عنه بالعكس كانت حاطه ايدها على ظهره ) --- - غرفة فجر – ( الساعه 6 الصبح .. رن تلفونها وقعدها من النوم ) فجر : ( اتطالع الرقم وغصب استوعبت ان هذا رقم بدر ردت عليه ) الو ؟ بدر : ( صوته تعبان ) قعدتج من النوم؟ فجر : وعليكم السلام اي قعدتني من النوم وليش داق انا مو قلتلك اذا بتسأل عنها اسأل بالمسنجر وبس؟ بدر : فجر وصلت عند بيتها ورجعت قوليلي شسوي احس اني راح اين فجر : ( صحصحت و اقعدت عالسرير ) شنو؟؟؟ لا صج انت ينيت وخلصت بدر : اي ينيت احس قلبي يتقطع وانا اتخيلها بيد غيري والله ودي اذبحه فجر : بدر اشفيك انت اللي هديتها بدر : ( يصارخ ) مو داق عليج عشان تعيدين لي هالاسطوانه ادري اني هديتها والحين بموت من الغيره فجر : زين لا تصرخ اهدى شوي بدر : مابي اهدى ابي اشوفها واكلمها لو مره وحده بس عفيه فجر قوليلها اني بالكويت يمكن ترضى تشوفني آخر مره بس فجر : ( منصدمه مو عارفه شتقول ) ماني عارفه شقولك والله انربط الساني انت انسان غريب بدر : اذا ماراح تساعديني انا راح ادق عليها او ادز لها مسج فجر : تبي تخرب بيتها يعني ؟ بدر : لا مابي اخرب بيتها والله ابيها تعيش مرتاحه ومتهنيه بس ودي اكلمها لو مره وحده بس فجر : ماراح يصير هالشي لأنها الحين متزوجه .. و لو سمحت لا تدق عليها .. واذا للحين تحبها لا تخرب حياتها كافي اللي شافته منك - ام فجر دشت عليها الغرفه – ام محمد : انتي تكلمين منو من صباح الله خير صوتج واصل لي الممر فجر : خلاص روان انتي نامي واذا قمتي انكمل سوالف .. باي ( سكرت التلفون بويه بدر ) ام محمد : اشفيها روان ؟ فجر : قامت تصلي ودقت تسولف والحين بترد اتنام .. زين انتي اشقعدج ؟ ام محمد : تذكرت ان يعقوب عنده علوم اليوم وموصينه اييب البالطو الابيض رحت اجهزه له قبل لا يروح المدرسه ويتوهق فجر : اوكي عيل انا برد انام .. اذا قاعده الساعه 8 قعديني لأن محاضرتي الساعه 10 ام محمد : وانتي كله تاخذين ساعتين تتزهبين قبل المحاضره حشى رايحه عرس مو كليه ( خلتها واطلعت ) فجر : ( تمت اتطالع التلفون واهي خايفه من بدر ) الله يستر لا يخرب عليها ---- - غرفة روان وجاسم – ( روان منسدحه على جنب وجاسم لامها ومنسدح وراها ) جاسم : ( بصوت هادي ) نامي حياتي .. انا بعد شوي اودي اليهال المدرسه لا تحاتين شي روان : ( مغمضه عينها تتذكر و ادموعها تنزل ) - بريطانيا : جامعة كامبريدج – ( درس الاسعافات الأوليه .. بكتب الحوارات بالكويتي ) الدكتور ديفد : تعالي روان شوي ( روان قامت راحت حق الدكتور و طالعت بدر واهي تبتسم ) الدكتور : عطيني ظهرج بليز روان : ( لفت عطته ظهر ) الدكتور : لاحظوا معاي كلكم لو الشخص غاص وكان يختنق .. تروحون وراه بهالطريقه وتحطون ايدكم تحت الصدر مباشره ( كتـّف ايده وحطهم تحت صدر روان ) روان : ( خافت من بدر ماحطت عينها بعينه ) بدر : ( وقف وراح حق الدكتور ) دكتور لو سمحت الدكتور : ( هد روان ) نعم ؟ اشبغيت ؟ بدر : ( مسك ايد روان وكلمها بالكويتي ) روحي قعدي مكانج يعني ماقدرتي اتقوليله لأ ؟ الدكتور : تكلم بلغة افهمها شاللي قاعد يصير اهني؟ روان : ( انحرجت من الموجودين وردت مكانها واهي معصبه من غيرة بدر ) بدر: دكتور انا آسف بس اهي خطيبتي وبديرتي مايصير احد يمسكها بهالطريقه الا زوجها .. تقدر تكمل الشرح علي آنا --- - عند روان وجاسم - روان : ( فجأه ماتت بجي ماقدرت تمسك اعصابها اكثر ) جاسم : ( فتح عينه ولفها عليها ) اشفيج اشصاير ؟ ( روان تمت تبجي بصوت عالي مثل اليهال واهو يحاول يهديها ) جاسم : اشفيج فهميني ؟ في شي يعورج ؟ تبين اوديج الطبيب ؟ روان : ( تبجي وتهز راسها - لأ - ) جاسم : زين فهميني اشفيج ؟ روان : ( لمته وادفنت راسها بصدره واهي تبجي ) تذكرت امي حسيت اني محتاجتها جاسم : ( لمها ) ادري ياعمري ادري انج فاقده وجودها خصوصا بهالوقت .. بس انا راح اصيرلج كل اهلج لا تبجين خلاص عاد روان : ( تمت تبجي مده لين هدت ) جاسم : ( باس يبهتها ) لا تبجين خلاص .. ( يبتسم ) الحين صرتي مره عيب تبجين روان : ( ردت تبجي وتشاهق ) جاسم : ( لمها اكثر واهو يظحك ) آسف عمري كنت اتغشمر معاج والله .. بس عاد خلاص اهدي - انطق عليهم الباب – خيريه : بابا .. مشاري منول يلبس خلاص متى ودي مدرسه ؟ جاسم : ( يعلي صوته ) كاني قايم الحين اوديهم جاسم : ( يطالع روان ويمسح دموعها ) روّونه خلاص عشاني لا تبجين رايح اغسل واوديهم واذا رجعت ابي اشوفج نايمه اوكي؟ ومابي دموع زين ؟ روان : اوكي جاسم : ( باسها بوسه سريعه على خشمها وقام واهو يبتسم ) الساعه 7 الا ثلث والله أخرناهم وايد ( خلاها ودش الحمام ) |
** البارت الحادي والعشرون **
جاسم : ( يطالع روان ويمسح دموعها ) روّونه خلاص عشاني لا تبجين رايح اغسل واوديهم واذا رجعت ابي اشوفج نايمه اوكي؟ ومابي دموع زين ؟ روان : اوكي جاسم : ( باسها بوسه سريعه على خشمها وقام واهو يبتسم ) الساعه 7 الا ثلث والله أخرناهم وايد ( خلاها ودش الحمام ) - أول مادش الحمام قامت البست وردت انسدحت وغمضت ودها تنام وماتفكر بأي شي – ( طلع جاسم من الحمام ) جاسم : ( راح يمها وباس خدها ) أحبج ( روان افتحت عينها طالعته وابتسمت ) جاسم : ( قاعد يلبس ) حياتي لا تسبحين نامي زين ؟ روان : لا بسبح جاسم : لا ماتسبحين بروح اوديهم وارجع ابيج بكلمة راس روان : ( صار ويهها احمر ) تونا متكلمين وبعدين انت قلت نامي جاسم : اي نامي ساعتين واقعدج ابي اكلمج مره ثانيه روان : ( اسكتت ) - خيريه اتطق الباب – خيريه : روااان متى ودي مشاري منول مدرسه جاسم : زيييين خلاص روحي .. ( يكلم روان ) هذي على طول بتناديج روان ؟ انتي الحين معزبتها لازم تقولج مدام او ماما روان : لا متعوده عليها منزمان تناديني باسمي جاسم : على راحتج يللا انا ماشي ( طلع من الغرفه ) ( روان غمضت عينها واقعدت تقرى آية الكرسي والمعوذات وتحاول ما تفكر بأي شي .. وتمت تقرى مده لين نامت ) --- - جاسم وصل اليهال المدرسه وراح بيت اهله - ( دش لقى هلا بالصاله ) جاسم : السلااام عليكم هلا : اهليين اخووي حبيبي اقعد قولي شمسوي مع مرتك جاسم : ( قعد يمها ) اول شي شمقعدج من الصبح ؟ هلا : دق علي حسن وقالي جم كلمه حلوه طيرو النوم من عيوني .. عاد قعدت اشوف تلفزيون جاسم : اكيد كلام حلو؟ .. ولا تهاوشتو ؟ هلا : ( تبتسم ) حسن مايطلع كلامه الحلو الا مرتين بالسنه على الحد الأقصى جاسم : الله يهديه ويوفقج معاه هلا : ( تسوي روحها مو متضايقه ) زين خلك مني وقولي اشلون الزواج معاك ؟ جاسم : ( يبتسم ) وايد حلو هلا : تتهنون ان شاءالله .. شوف متى ماتبون تتخلصون من اليهال قطو علي فروس والباجي ودوهم بيت خالتهم جاسم : خوش فكره لأن خاطري اروح الشاليه معاها هلا : اي والله روحوا استانسو جاسم : زين انا ياي اتريق عندكم بس وين امي ؟ ما اشوفها هلا : الحين تقوم ونتريق --- - كلية العلوم – ( فجر قاعده مع رفيجاتها وكل شوي يرن تلفونها وماترد عليه .. بعدين حطته سايلنت ) عنود : ها فجور ؟ اشعندج ليش ماتردين عاللي يدق صارله ساعه واهو يحن حني عليه شوي فجر : هذي بنت عمي كلش مالي خلقها اكيد تبي تطلع معاي مريم : فجر حطي عينج بعيني .. اعرفج اذا جذبتي فجر : اوو عاد ذبحتوني بسكم حنه والله اني ما اكلم عنود : زين ليش عصبتي ؟ وبعدين اشفيها لو كلمتي عادي حلو الحب فجر : لا ويع مادري شالحلو فيه كله بجي وفراق - وصل حق فجر مسج بطلته وقرته – " فجر دقي علي ضروري " فجر : ( قامت )عن اذنكم بنات عنود : ( تكلم مريم ) شفتي ايدي هذي والله اقطعها من عرجها اذا ماكانت تكلم مريم : الحمدلله والشكر وشكو ماتقول شنو بناكله يعني ؟ --- - بعيد عنهم – فجر : ( متنرفزه ) بدر انا مو قلتلك لاتدق ؟ اليوم الصبح بغيت اتسويلي سالفه مع امي والحين مع رفيجاتي بدر : كنت عند بيتها وشفت الحقير طالع مع اليهال يوديهم المدرسه .. والله كان ودي ادعمه فجر : بدر !! اشفيك خلاص البنت تزوجت مومنحقك تسوي جذي بدر : خليها تكلمني فجر : لا بدر : ( يصارخ ) خليها تكلمني لا والله امسكه واطلع حرة الدنيا كلها فيه فجر : ( خافت ) بدر اهدى شوي الله يخيك .. خلاص انا اكلمها بس هدي نفسك بدر : ناطرج اترديلي خبر ( سكر التلفون بويهها ) --- - غرفة روان – ( دش جاسم لقى روان نايمه وخر الغطى وانسدح وراها وتلحف .. قعد يلمها ويبوس خدها وارقبتها وجتفها ) روان : ( افتحت عينها ) جاسم خلاص جاسم : ( يبوس جتفها ) احبج روان : ( ودها تقوم بس ماسكها ) ( لفها عليه وقعد يبوسها ....... ) - بعد ربع ساعه رن تلفونها – جاسم : خليه يولي روان : اوكي - تم التلفون كل جم دقيقه يرن – جاسم : وخر عنها ردي عليه او خلاص طفيه روان : ( اقعدت وخذت تلفونها ) هذي فجر جاسم : ردي عليها صرفيها روان : اوكي ( ردت عليها ) الو .. هلا فجر فجر : في احد يمج ؟ روان : اي الحمدلله انتي اشلونج فجر : زين عفيه ضروري اكلمج اول مايروح دقي علي روان : خلاص اكلمج بعدين اوكي ؟ .. باي ( سكرت التلفون ) جاسم : ( خذه تلفونها وطفاه مغلق وقرب منها حطه عالميز وراها وقعد يطالعها واهو يبتسم ) جذي احسن --- - كلية العلوم – فجر : ماقدرت اكلمها كان موجود يمها بدر : الله ياخذ عمره .. خلاص انا اتصرف مشكوره ( سكر التلفون ) فجر : ( بقلبها ) الله يستر --- - غرفة روان – روان : جاسم انا لازم اقوم .. بسبح جاسم : ( عيونه حمر من التعب والنعس ) واليهال ؟ روان : انا راح اييبهم انت نام جاسم : اي والله احس خلاص بموت من النعس روان : خلاص عيل هدني خل اقوم جاسم : ( وخر ايده عنها ) يللا قومي افراج روان : ( تبتسم ) خذت روبها من يم السرير والبسته وقامت - اسبحت وخلصت لقت جاسم بسابع نومه .. بدلت ملابسها واطلعت من الغرفه – فراس : ماما وان روان : ( شالته ولمته ) حيااتي ولهت علييك فراس : وله عليك روان : ( باسته ) عمري انت .. خيريه مشكوره ادري تعبتج وايد تشوفين فروس وتسوين الغدى لو انتي ماكو مادري جان اشسويت خيريه : ميكالف روان .. انا عرف انتي توه في زوج لازم مشغول روان : ( تبتسم ) شنو سويتيلنا ؟ خيريه : برياني دياي روان : ريحته تهبل واصله لي اهني خيريه : مو بس ريهه طعم بعد واجد حلو روان : ( تظحك ) اي ادري كل شي تسوينه حلو ماشاءالله ( اقعدت مع فراس بالصاله لين صار موعد طلعة اخونها من المدرسه ) روان : ( تنادي ) خيريه خيريه : نام روان روان : خيريه انا بروح اييب اليهال من المدرسه شوفي فروس فراس : ( شافها بتطلع لحقها واهو يبجي ) ماما واان انا رووح روان : تبي تروح معاي ؟ زين خلاص لاتبجي باخذك معاي ( شالته ) يللا خيريه مع السلامه ( اطلعت من البيت ) - بيت ام محمد – ام محمد : يمه فجر اشفيج ؟ فجر : مافيني شي ام محمد : اشلون مافيج شي وانتي من ييتي من الكليه وحالتج مو عاجبتني فجر : لا ماكو شي بس ضايق خلقي ام محمد : من شنو ؟ فجر : ماكو شي والله ( قامت وخلتها ) - دشت دارها اتدق على روان وكله يطلعلها مغلق – فجر : قلبي بيوقف وهذي مادري وينها --- - بالطريج رادين من المدرسه – روان : اشفيج منول ؟ منال : ماكو شي روان : اشفيج حبيبتي منال : قلتلج ماكو شي روان : استغفرالله يارب مشاري : ( قاعد يلعب فراس ) هذا فروس ياب البيضه سلقها وقشرها وكلاها فراس : ( قاعد على كرسي اليهال ويضحك ) روان : منول قوليلي اشصاير اعرفج اذا كنتي متضايقه منال : ( بعصبيه ) انتي تغيرتي علينا روان : انا ؟؟ متى تغيرت عليكم منال : من تزوجتي وانتي ماتقعدين معانا وايد وكله مع جاسم روان : ( منصدمه ) انا ؟؟؟؟ منال : اي اي انتي وامس ماطليتي علينا قبل لا ننام ولا شفتينه الصبح قبل لا نداوم وخليتينا نتأخر وماهمج .. وايد تغيرتي روان : حرام عليج بس اليوم صار هالشي .. يمكن لأني مانمت الا الصبح منال : مابي اسمع خلاص .. ( اقعدت اتطالع الشارع ) ( روان تضايقت حيل بس اعذرتها لأنها تمر بمرحلة انتقاليه بين الطفوله والمراهقه لازم تتحمل اطباعها ) --- - اوصلت البيت مع اليهال دشت الغرفه بدلت ملابسها البست نفنوف بيت وراحت تقعد جاسم – روان : ( تهزه شوي شوي ) جاسم ؟ .. جاسم ؟ جاسم : همممم روان : ماتتغدى جاسم : ( يكلمها واهو مغمض ) لا خليني انام روان : اوكي ( خلته واطلعت ) - وصت خيريه تحط الغدى وخذت فراس تبدل ملابسه .. خلصت واقعدو عالغدى - مشاري : اليوم استاذ الرياضيات مسك فهد رفيجتي وطقه كف والله من قوة الكف طاح فهد عالارض جان يقول حق الاستاذ يا حيوان منال : احلف ؟ مشاري : والله العظيم منال : واشسوه الاستاذ ؟ مشاري : قعد يصارخ وبغه يطقه مره ثانيه بس فهد طلع وراح حق الوكيل روان : والله لو طقك جان رحتله نتفته ( تمت اتسولف و لهت معاهم بعدين درستهم وخلتهم ينامون العصر.. واقعدت بالصاله بطلت تلفونها .. ولا توصل لها 5 مسجات .. اربعه من فجر تطلب منها اتدق عليها اول ماتبطل الجهاز .. وواحد كان مكتوب فيه جذي " اشلونج روان ؟ انا فاطمة بدر .. جيكي على ايميلاتج " ( أول ماقرت المسج حست الدنيا تفتر فيها .. وبسرعه دقت على فجر ) روان : الو فجر : انتي وينج والله قلبي بغى يوقف ليش طولتي ؟ من الصبح ناطره روان : اشقالج ؟ فجر : اهو كلمج ؟ روان : ( صوتها يرجف ) لا بس داز مسج يقولي شوفي ايميلاتج فجر : والله ين رسمي روان : اشقالج ؟ فجر : يقول يبي يكلمج مره وحده عالاقل .. بس روان لا تردين عليه عفيه والله حرام انتي متزوجه الحين روان : ( دموعها انزلت ) بروح اشوف الايميل باي ( سكرته بويهها ) -- قامت دشت الغرفه خذت لابتوبها وانزلت الصاله بطلته وايدها ترجف وقلبها يدق بسرعه .. اشبكت ودشت عالايميلات لقت آخر واحد من بدر افتحته والدموع معلقه بعينها .. كان هذا المكتوب بالايميل --- وش مسوي مع غيري .. وش الدنيا في قربه قول ياروحي انت متهني .. ولابشوقي لي مشغول انا مازلت افكر فيك .. واموت فحبك وطاريك ولكن هذي اطباعي .. اخبي الحزن بي ماقول رجعت اسأل غصب عني .. جبرني الشوق واعذرني انا ماقدر على قلبي .. عجزت القى لوفاه حلول أمانه ان جيت في بالك .. تطمن قلبي عن حالك على الذكرى انا عايش .. وكيف انساك مو معقول مابي اكثر من انج تضغطين عالرابط وتسمعينها عدل واذا للحين لي معزه بقلبج كلميني روان ادري انج تزوجتي وربي يهنيج بحياتج .. بس انا حيل مشتاقلج ودي اسمع صوتج عالأقل لو مره وحده الله يخليج طلبتج لا ترديني ) ---- ( روان قرت الايميل واسمعت الاغنية و دموعها تنزل على خدها وموقادره توقفهم ) روان : ( بقلبها ) ليش يابدر .. ليش الحين .. ليش؟ لو طاوعت انا نفسي و سلمت لك قلبي بيديك تقدر ترد امسي و عمري اللي ضيعته عليك ياحبي قولي ليش تمر في غفلة اشواقي و انا بربيع العمر تتساقط اوراقي خايف على روحي من صحوة جروحي ليش تاخذ العمر و تجي وش باقي عندي ترتجي جا الفرح من عاشق منك انجرح آه يالفرح معذور و الله يالفرح ---- ردت عليه بهالايميل واهي ميته بجي .. " سامحني بس ماعاد ينفع هالشي .. الله يوفقك ولا تحاتيني انا بخير " ( سكرت الصفحه وقامت واهي تبجي راحت الحمام – عزكم الله - ) - نص ساعه اقعدت تبجي وعقب ماهدت غسلت ويهها و اطلعت – دشت الصاله لقت جاسم قاعد عاللاب توب وعيونه عالشاشه .. شافته حست الدنيا تفتر وريلها ترجف .. جاسم حس فيها جان يرفع راسه ويطالعها |
** البارت الثاني والعشرون **
- نص ساعه اقعدت تبجي وعقب ماهدت غسلت ويهها و اطلعت – دشت الصاله لقت جاسم قاعد عاللاب توب وعيونه عالشاشه .. شافته حست الدنيا تفتر وريلها ترجف .. جاسم حس فيها جان يرفع راسه ويطالعها جاسم : ( أشر عالقنفه ) تعالي قعدي يمي روان : ( خايفه ) اشفيك؟ جاسم : تعالي يمي اشفيج واقفه بعيد روان : ( غصب تمشي وراحت يمه بس تمت واقفه ) جاسم : ( يطالعها ) روان اشفيج ؟ قعدي روان : ( اقعدت يمه وعينها عالارض مو قادره اتشوف اللي قاعد يشوفه ) جاسم : ( يأشر عالشاشه ) عطيني رايج أيهو أحلى ؟ روان : ( ارفعت راسها وشافت الشاشه ولا يطلع موقع السينما سينسكيب .. طالعت جاسم وتحس ودها تبجي ) جاسم : ( يبتسم ) ها أي فلم أحسن؟ انا محتار بين هالأثنين روان : ( للحين تحس ريلها ترجف ) مادري كيفك اثنينهم زينين جاسم : يعني اختار على ذوقي ؟ روان : اي جاسم : زين .. بختار الساعه 7 ونص .. ونودي اليهال بيت خالتج اوكي؟ روان : اوكي جاسم : اشفيج ماودج تروحين ؟ روان : ( تبتسم ) لا لا عادي جاسم : اكيد ؟ روان : اي اكيد جاسم : ( حوطها بيده وخله راسها على جتفه ) دام اكيد عيل خل نختار فلم مع بعض مابي اختاره بروحي .. بعدين يطلع مو حلو وتقطينها براسي روان : ( بقلبها ) آسفه والله ماتستاهل اللي اسويه فيك ---- - بيت ابو جاسم – ام جاسم : يمه اشفيه حسن معاج ؟ هلا : ( ساكته ) ام جاسم : انا امج حبيبتي قوليلي اشفيج ؟ ادري انج يايه من البحرين وانتي زعلانه بس ليش شالسبب ؟ هلا : يمه حسن بيتزوج علي ام جاسم : ( مصدومه ) شنو !!!؟؟ هلا : ( عيونها اتدمع ) اي يبي عيال وانا ماقدر اعطيه اللي يبيه ام جاسم : ( معصبه ) الله ياخذه هلا : يمه لا تدعين عليه هالشي منحقه ام جاسم : زين انتو مو سافرتو تتعالجون ؟ ليش ماينطر يمكن تحملين هلا : ماكو فايده .. وخلاص قرر يتزوج ام جاسم : ( ساكته متضايقه ) هلا : يمه خلاص حياتنا صارت كلها نجره وهواش .. صاير يكرهني لأني ما اييب عيال .. خلاص خليه يتزوج كيفه ام جاسم : واهو قاعد يدق عشان يبيج ترجعين ؟ هلا : اي بس انا ما اتحمل اكون يمه واهو متزوج .. ابي اتطلق ام جاسم : ( انصدمت ) شنو؟؟!! هلا : ( دموعها انزلت ) اي يمه ابي اتطلق خلاص والله ماقدر اتحمل ام جاسم : يمه تعوذي من ابليس وخليج مع ريلج هلا : لا مابي خلاص و لا تجبروني ارجع .. انا ييت اهني عشان ارتاح لا تضغطون علي ام جاسم : الله يهديج وترجعين حق بيتج ريلج هلا : خلاص يمه مابي اتكلم بهالموضوع ( قامت وخلتها ) --- - بيت روان وجاسم – روان : ( صوتها يرجف ) فجر ماقدر اعلي صوتي بس تخيلي كان قاعد عاللاب توب والله حسيت اني بغيت اطيح غشيانه .. شسوي لو كان شايف شي ؟؟ فجر : اهدي خلاص الحمدلله ماصار شي .. وبعدين افرضي على يوم طلب الباس وورد .. عفيه روان مسحي كل الايميلات وانا راح اكلمه واقوله لا يخرب حياتج روان : خلاص الحين لازم اروح ابدل بنقط اليهال عندكم اوكي؟ فجر : اوكي روان : باي ( سكرت الخط ) - راحت حق منال – روان : يللا حبيبتي منول بدلي ملابسج بنقطكم انتي واليهال بيت خالتي حصه منال : وانتي ماراح تيين معانا ؟ روان : لأ .. انا بطلع مع جاسم منال : اوكي انا مابي اروح خلوني اهني روان : منول عمري ميخالف شوي ماراح اطول وارجع اخذكم منال : اهناك كله صبيان وفجر كله عالنت محد يقعد معاي روان : قعدي مع خالتي .. و والله ماراح اطول وعد منال : ( معصبه ) شنو اهو غصب يعني ؟ مابي اروح .. روحو وخلونا اهني مع خيريه روان : لا مايصير منال : بلى يصير روان : ( بصراخ ) خلاص منال لا تيننيني قومي لبسي لا تأخريني ( خلتها واطلعت ) منال : ( قامت وسكرت باب غرفتها حيل ) روان : ( واقفه عند الباب ) لا تتأخرين ربع ساعه كوني تحت جاسم : اشفيكم ليش اصواتكم عالية ؟ روان : منال ماتبي تروح بيت خالتي جاسم : وخري شوي ( يطق الباب ) منوله بطلي الباب منال : ( تبجي ) اشتبون الحين ؟ خلاص راح البس جاسم : انتي بطلي شوي منال : ( بطلت الباب وويها احمر ورموشها مبلله ) نعم ؟ جاسم : ( يطالع روان ) ممكن تخلينا على انفراد ؟ روان : على شنو ؟ جاسم : ( يظحك ) على انفراد .. تره انا مثقف اعجبج روان : ( تبتسم ) اوكي اخليكم رايحه اشوف الثاني جهز ولا للحين قاعد عالبليستيشن ( خلتهم وراحت ) جاسم : ( يكلم منال ) تره احنا ماكنا بناخذج معانا لأن الفلم رعب قلت يمكن ماتنامين بالليل منال : بس انا مو صغيره عادي ماخاف جاسم : لا الفلم هذا حتى الرياييل يخافون منه .. المهم انا الحين قمت اشوف الافلام بالموقع جان القى واحد ثاني كوميدي .. عاد الحين بناخذج معانا منال : ( تغيرت ملامحهها ) بس روان ماتبيني ايي معاكم جاسم : اصلا اهي اللي اقترحت هالشي .. بس انا قلت لها الفلم رعب خليها تروح بيت خالتها احسن بس الحين راح نروح كوميدي ونبيج معانا منال : ( ابتسمت ) جاسم : يللا لبسي ناطرينج تحت منال : اوكي --- - بيت ابو محمد – فجر : ( تتكلم بالتلفون ) اللي سويته اكبر غلط .. ترضاها على مرتك؟ بدر : انا ماراح اتزوج فجر : لو نفرض انك تزوجت ترضى مرتك تكلم حبيبها اللي قبل ؟؟ بدر : انا ادري انها دزت الايميل من وره قلبها وادري انها راح اتدق علي بس انتي لو شوي تسكتين عنها .. والحين انا مشغول ماقدر اكلمج فجر : لا انت غلطان اهي ماتبي تكلمك ولا بتشوفك وانا ماراح اسكت عنها لأن اللي تسويه حرام واذا خربت حياتها شنو راح تستفيد ؟ بدر : فجر جد مشغول اخليج الحين اذا ممكن فجر : لو عندك شي اتقوله جان قلته بايميل وخلاص .. بس اللي تبي تسويه انك تعور قلبها وتخرب حياتها بدر : لا مابي اعور قلبها بس ابي اطلبها طلب واحد .. و بعدها بخليها على راحتها .. وانا اعرف اشلون اخليها تكلمني فجر : ( بعصبيه ) بدر انت ... معاي خط ثاني باي ( ردت على روان ) روان : الو احنا بره فجو الباب لهم فجر : اوكي .. روان ديري بالج اوكي روان : اوكي مع السلامه --- - عند روان – مشاري : ليش ماتنزل منال ؟ منال : كله صبيان اهني و انا بروح معاهم مشاري : وين بتروحون ؟ منال : بنروح .. روان : ( ماخلتها تكمل ) مشاري حبيبي يعقوب ناطرك بيلعب معاك ماتبي تروح له ؟ مشاري : بلى روان : يللا عيل انزل ودير بالك على اخوك احنا بنروح شوي السوق ونرجع مشاري : اوكي ( راح مع خيريه وفراس ) ---- - سيارة بدر – ( بدر واقف بعيد يطالع اليهال انزلو من السياره وروان وبدر ومنال مشو .. وقعد يلحقهم من بعيد ) بدر : ( ماسك السكان بعصبيه ) اذا الايميل مافاد اكيد شوفتي راح اتخليج تكلميني --- - اوصلوا الفنار وانزلوا .. اصعدوا فوق حق السينما – جاسم : ( حجز 3 تذاكر ) الفلم بعد ربع ساعه امشوا نقعد بالكافتريا روان : اوكي ( بدر كان وراهم بس ماشافته روان .. راح عند شباك التذاكر ) بدر : لو سمحت ابي حجز يم الجماعة اللي قبل شوي الموظف : ( طالعه ) اتعرف أي فلم بيدشون ؟ بدر : انت اللي تعرف .. توهم حاجزين عندك الموظف : بس اهم مكان عائلي مايصير بدر : زين انت بس ورني وين بيقعدون وخلاص انا اختار الموظف : انت تبي تشوف الفلم ولا شنو بالظبط ؟ بدر : ( معصب بس ماسك اعصابه ) انا بدفع فلوس وادش الفلم مو شغلك اذا بنتبه عليه او لأ الموظف : ( قصر الشر و سواله اللي يبيه ) ( روان ومنال اقعدو على طاوله ) جاسم : شنو تبون ؟ روان : انا ابي عصير برتقال بس جاسم : وانتي ؟ منال : ابي بوب كورن كاراميل وعصير جاسم : اوكي ( راح يشتريلهم ) منال : ( تبتسم ) جاسم طيب وايد روان : اي وايد منال : انا مستانسه ان ساكن عندنا ( روان ابتسمت لها .. واول ماشافت جدامها ولا تختفي ابتسامتها وقلبها اتحس ان راح يطلع من مكانه .. لقت بدر قاعد عالطاوله اللي جدامها وكان يطالعها و مبين عليه ان حيل معصب وعيونه صايره حمر ) روان : ( حست الدنيا ظلمت عندها وويهها تغير لونه ) يارب سترك منال : اشفيج ؟ روان : ( تحاول تكون طبيعيه ) لا ماكو شي منال : بلى فيج شي ( يه جاسم وقعد جدام روان ) جاسم : ها نقعد شوي اهني ولا اندش القاعه من الحين ؟ روان : ( ساكته وقلبها يرقع ) منال : مادري كيفكم جاسم : روان ؟ اشفيج ساكته روان : لا ماكو شي جاسم : انقوم اندش القاعه ؟ روان : اوكي جاسم : ( وقف ) يللا عيل قوموا روان : ( اوقفت جان تحس ان الدنيا تفتر ردت اقعدت مره ثانيه ) جاسم : ( حط الجياس عالطاوله ومسك ايدها ) اشفيج ؟؟ تعبانه ؟ روان : لأ بس دخت شوي جاسم : تبين نرجع البيت ؟ روان : ( طالعت منال ) لا لا مافيني شي كاني قمت جاسم : ( تم ماسك ايدها ومشوا مع بعض ) اذا تعبانه قوليلي تره نرجع عادي روان : ( ريلها ترجف مو شايلتها بس تحاول تمسك اعصابها ) لا بس شوي دخت لا تحاتي منال : ليش فجأه دختي ؟ روان : ( ماردت عليها بس قاعده تفكر ببدر وليش لاحقها ) - دشو القاعه اقعدت وبدر قعد يمهم بس بقسم الشباب وكان يفصل بينه وبين جاسم ممر .. لأن جاسم كان مختار انهم يقعدون عالطرف .. واهم قاعدين شافت تلفونها ولا فيه مسج ماكانت منتبهه عليه بطلته وايدها ترجف – ( المسج كان من بدر وهذا اللي مكتوب فيه ) " كنت اتمنى اني اكون مكانه .. بس الظروف كانت اقوى" ( روان اول ماقرت المسج امسحته على طول ) روان : ( تبتسم غصب ) يحليلها فجر جاسم : اشفيها ؟ روان : ( اتحاول تسيطر على نفسها ) ماعندها سالفه تسألني عن اسم الفلم جاسم : يحليلها روان : ( اكتبت حق فجر مسج وايدها ترجف ) " فجر .. بدر اهني بالسينما وانا وايد خايفه .. شسوي ؟ " ( روان دزته بس طلع لها لم يتم الارسال لأن السيرفس بالسينما كان طايح ) ----------------------------------------------- |
** البارت الثالث والعشرون **
روان : ( اكتبت حق فجر مسج وايدها ترجف ) " فجر .. بدر اهني بالسينما وانا وايد خايفه .. شسوي ؟ " ( روان دزته بس طلع لها لم يتم الارسال لأن السيرفس بالسينما كان طايح ) - صار تقريبا نص الفلم وروان على اعصابها خايفه ان بدر يسوي شي ويخرب عليها حياتها لأنها اتعرفه اذا غار يصير انسان ثاني – منال : ( ميته ظحك على لقطه بالفلم ) عجيب هالريال جاسم : اي حده خطير .. روان ؟ روان : ( واهي مرتبكه ) هلا ؟ جاسم : اشفيج .. مو عاجبج الفلم ؟ روان : بلا عاجبني بس احس شوي تعبانه جاسم : خلاص عيل خلينا نرجع البيت روان : مابي اخرب عليكم الفلم جاسم : لا تحاتين الفلم و الاسبوع الياي وعد اوديكم فلم احلى روان : بس منال .. جاسم : انا اكلمها جاسم : منول ؟ منال : ( مندمجه مع الفلم ) جاسم : ( يعلي صوته ) منوله منال : نعم ؟ جاسم : بنرجع البيت الحين ووعد الاسبوع الياي اعوضكم منال : ( اتطالع روان ) فكرتج صح ؟ روان : ( ساكته ) جاسم : منول مايصير تكلمين اختج جذي مهما كان اهي اكبر منج .. وتره روان تعبانه لازم نقدّر ظروفها منال : ( تفشلت من كلامه ) انا آسفه روان روان : لا حبيبتي عادي جاسم : يللا عيل قوموا ( قاموا ومرو من يم بدر .. روان ماحطت عينها بعينه كانت تمشي وقلبها يرقع وريلها زين شايلتها .. مو لأن اهو حبيبها اللي ضاع .. بس كانت خايفه يصير شي لأنها تعرف اطباع بدر ) - بدر قام ولحقهم – ( اطلعوا من قاعدة السينما جان تلفتفت وراها لقته لاحقهم .. تمت تتعوذ وتسمي بقلبها وحست ريلها ترجف ماتشيلها جان توقف ) روان : بروح الحمام جاسم : اوكي ناطرينج بالكفتريا روان : ( خلتهم ودشت الحمام ) - واهي بالحمام رن تلفونها قلبها بغى يوقف شافت الرقم .. اطلعت فجر اللي داقه – روان : ( شوي وتبجي ) فجر بدر اهني فجر : ادري توه وصلني مسجج .. صار شي جاسم لاحظ شي ؟ روان : لأ للحين بس انا خايفه اهم الحين بره وانا بالحمام اخاف اطلع والله خايفه حيل فجر : لا تخافين حبيبتي انا الحين اتصرف روان : ناطرتج دقي علي الله يخليج لا تطولين فجر : اوكي ( سكرت التلفون ) - روان تمت بالحمام – عزكم الله – ناطرتها اتدق عليها وتقولها ان بدر راح – --- - بدر واقف بعيد يطالع جاسم و منال قاعدين عالطاوله .. مسك تلفونه بيدق على روان بس ياله اتصال من فجر – بدر : ( سكر التلفون بويهها ) مو وقتج .. ( دق على روان ) روان : ( ردت على طول ) ها فجر اشصار ؟ بدر : انا بدر روان : ( حدها معصبه ومرتبكه ) اشتبي مني ؟؟!!! انا خلاص تزوجت ليش قاعد تلاحقني اشتبي ؟ بدر : اسمعيني ولا تصرخين روان : ( شوي وتبجي ) بدر اشفيك بالظبط ؟ خلاص اللي بينا انتهى .. الله يخليك روح بدر : لهالدرجه شوفتي ضايقتج ؟ روان انا للحين احبج و روان : لا تقول احبج مابي اسمعها منك مره ثانيه بدر : اذا رديتي البيت شبكي و كلميني ناطرج روان : ايميلي راح الغيه وخطي راح اغيره ومابي اكلمك .. بدر خلني اعيش حياتي مرتاحه بدر : ( معصب بس ماسك اعصابه ) جسوم جم عمره ؟ روان : بدر مابي مشاكل الله يخليك روح من اهني بدر : لا تخافين .. بعمري كله مافكرت اضرج .. يالج ريلج ( سكر التلفون ) --- ( روان بالحمام عدلت شكلها وحاولت تهدي اعصابها وسمت بالرحمن واطلعت لقت بويهها جاسم ) جاسم : تأخرتي خفت عليج روان : ما لاحظت اني تأخرت جاسم : نمشي ؟ روان : يللا ( واهم ماشيين طلع بدر جدامهم وطق جتفه بجتف جاسم حيل ) بدر : ( يعلي صوته ) ماتشوف ؟ جاسم : انا اللي ماشوف ؟ انت اللي داش فيني جنك عمَي - روان تمت ترجف بمكانها - بدر : هيي انت تكلم عدل لا اعرف اشلون اتصرف معاك جاسم : ( عطى روان سويج السياره ) اسبقوني انتوا روان : ( حدها خايفه ) لا عفيه تعال معانا بدر : ( واقف يطالع روان وويهها صاير احمر ) جاسم : ( بعصبيه ) تلقينها بالكافتريا روحو لاحقكم ( روان راحت حق منال خذها وانزلو تحت ) منال : وين جاسم ؟ روان : الحين يلحقنا منال : وين راح روان : خلاص قلتلج الحين يلحقنا --- جاسم : عامل الناس باحترام عشان يردون عليك بمثله بدر : اقول اذلف لا اطلع الحره فيك عدل جاسم : والله انت شكلك اهبل مو صاحي ( جاسم عطاه ظهر جان يمسكه بدر ولفه عليه وعطاه بكس قوي ) جاسم : ( حط ايده على شفايفه ثواني بعدين استوعب ) يا ولد الكـ.... :× ( راح بيطقه ولا اثنين من اللي يشتغلون اهناك – اللي يلبسون دشاديش – اوقفو بينهم وواحد مسك جاسم ) موظف1 : رجاءا طلعوا بره كملو سوالف اليهال بعيد عن اهني بدر : ( يطالع جاسم ) لا انا خلصت ماعندي شي بعد ( خلاهم ومشى رايح حق الباب ) جاسم : ( دز ايد الموظف ) وخر عني .. وانت يالحقير لو انك ريال ماتنحاش بدر : ( وقف شوي بعدين تمالك اعصابه و حقره ومشى ) جاسم : ( كان بيلحقه لأن للحين فيه حره .. بس الموظف مسكه ) موظف2 : خلاص صل عالنبي يا اخي .. انتو كبار وعيب اللي تسوونه جاسم : لو سمحت هدني بمشي موظف2 : اول هدي نفسك وتعوذ من بليس جاسم : اعوذ بالله من ابليس ( وخر ايد الموظف عنه ومشى ) --- - بالسياره روان ومنال ناطرين جاسم – روان : ( دقت على فجر ) كلمتيها ؟ فجر : لا مايرد روان : انا خايفه منال : ليش اشصار ؟ روان : خلاص فجر اكلمج بعدين اوكي ؟ فجر : اوكي روان : باي ( سكرت التلفون ) منال : قوليلي اشصاير انا مو ياهل الحين لا تخشين علي شي روان : ماكو شي منال : شنو ماكو شي انا حاسه ان في شي من اول مادشينا السينما.. ووين جاسم ليش تأخر علينا ؟ روان : ( اتصرخ ) خلاص سكتي عني و لاتحنين ماكو شي منال : ( ارجعت لي وره وعيونها دمعت ) روان : ( امسكت راسها وتمت تدعي بقلبها ان مايصير شي ) --- - بره مجمع الفنار – جاسم : اوقف يالحقير يعني ماتسمعني ؟ بدر : ( التفت عليه ) اقول امش احسلك .. لا تندم والله جاسم : ( بدون مقدمات عطاه بكس على حنجه ) يالخسيس تمد ايدك علي وتمشي تبيني اطوفها لك ؟ ( بدر مسك جاسم وقعد يطقه وينطق ) ( يو جم واحد من المصريين اللي يشتغلون بمطعم يم الفنار اللي يلبسون اصفر اذا تعرفونه .. مع جم واحد من الشباب واقعدو يفاككون بينهم ) بدر : يالواطي يالحقير .. والله لو مو هالناس جان خليتك انت والقار واحد جاسم : كل ... يا ولد الكـ.... متهجم علي جني بايق حلالك بدر : ( بصراخ ) اي بايق حلالي يال..... ( جاسم موفاهم شالسالفه ..توه بيرد ولا اييون الشرطه اللي دايما يوقفون عالزاويه بره المجمع ) شرطي 1 : اشفيكم اشصاير منو متهاوش جاسم : هالحقير تهدد علي من غير سبب بدر : ( واقف يطالعه وحيل معصب ) شرطي 1 : ( مسك بدر ) تعالو معاي المخفر بدر : ( بعصبيه ) هدني ماراح ماراح انحاش جاسم : اهلي بالسياره اوصلهم البيت والحقكم شرطي 2 : وين أي سياره ؟ جاسم : اهناك .. بس اوصلهم الحقكم المخفر شرطي2 : أول ورني وينهم ( جاسم مشى والشرطي لحقه .. والشرطي الثاني راح مع بدر الدوريه ) --- (وصل جاسم السياره ومعاه الشرطي وروان حدها خايفه وقاعده اتطالعهم يتكلمون بره ) منال : ( قربت يم روان ) روان شنو فيه ؟ روان : مادري الله يستر منال : ليش الشرطي يكلم جاسم ؟ روان : مادري منال الله يخليج شوي سكتي ( جاسم طلـّع بطاقته المدنيه وعطاها الشرطي وصعد السياره واهو ساكت وكانت شفايفه فيها دم و عينه شوي مورمه ) روان : ( اتطالعه واهي خايفه ) جاسم ؟ جاسم : ( طالعها بعصبيه وعيونه فيها شرار ) نعم ؟ روان : ( اسكتت و قلبها يرقع خايفه تسأله عن شي ) منال : انت تهاوشت ؟ جاسم : ( ساكت بس يتنفس بعصبيه ) منال : جاسم ؟ روان : ( بهدوء ) خلاص منال منال : ( ارجعت مكانها واسكتت ) --- - اوصلوا بيت خالتها ام محمد – جاسم : ( ساكت ماتكلم ) روان : ( واهي خايفه ) بنزل اناديهم جاسم : لا انتي قعدي .. منال روحي ناديهم روان : ( قلبها يرقع وتحس ودها تبجي بس مو قادره ) منال : ( اوكي ) انزلت من السياره جاسم : ( بصوت واطي ) كلمة وحده و مابي الكلام يطول روان : ( ساكته وتسمعه ) جاسم : انتي اتعرفين الزفـ.. اللي كان اهناك ؟ روان : ( بطلت عيونها وتمت اتطالعه ودموعها اللي كانت غصب ماسكتهم لا اراديا انزلو على خدها ) جاسم : ( بصراخ ) ردي علي ==================================== |
** البارت الرابع والعشرون **
جاسم : ( بصوت واطي ) كلمة وحده و مابي الكلام يطول روان : ( ساكته وتسمعه ) جاسم : انتي اتعرفين الزفـ.. اللي كان اهناك ؟ روان : ( بطلت عيونها وتمت اتطالعه ودموعها اللي كانت غصب ماسكتهم لا اراديا انزلو على خدها ) جاسم : ( بصراخ ) ردي علي روان : ( دموعها تنزل ) جاسم انت اشقاعد تقول ؟ جاسم : لا تردين على سؤالي بسؤال .. اتعرفينه ولا لأ ؟؟ روان : لأ ماعرفه جاسم : اكيد ؟ روان : ( دموعها تنزل وحنجها يرجف ) اي اكيد ماعرفه جاسم : ( بهدوء ) استغفرالله ( تم ساكت ماتكلم ) روان : ( كل ما تمسح دموعها ينزلون غيرهم ودها تبجي بصوت عالي بس ماسكه نفسها ) --- - بيت ابو جاسم – ام جاسم : هالولد مادري اشفيه ادق عليه وايد مرات مغلق ومرات مايرد ابو جاسم : خليه على راحته توه متزوج ام جاسم : ادري بس عاد شيصير لو رد علينا انا ماقلت خل يهدها ويعيش عندي .. بس بكلمه شوي هلا : اي انا بعد بكلمه قلتله يقط علي فروس بس كشت فيني ام جاسم : اشتبين بالحنه والبجي هلا : يهبل اسم الله عليه .. خل ادق على روان يمكن يخلونه عندي اليوم ابو جاسم : الله يرزقج بالعيال الصالحين .. اللهم آمين هلا : ( تضايقت وطالعت امها ) ام جاسم : آمين يارب هلا : يبه انا بكلمك بموضوع ام جاسم : خلاص هلا مو وقته ابو جاسم : خليها تتكلم .. اشصاير يبه ؟ --- - جاسم وصل روان واخوانها البيت – جاسم : ( طفى السياره وعطاها السويج – فيه مفتاح البيت - ) هاج بطلو الباب وخلي خيريه ترده لي بسرعه روان : ( بصوت واطي ) وانت ؟ جاسم : رايح شوي وارجع لا تنطروني ناموا روان : ( تبلع ريجها ) رايح المخفر ؟ جاسم : اي .. يللا نزلو روان : ( ايدها ترجف وغصب حطتها على ايد جاسم ) طمني جاسم : ( تم مده يطالعها وماكو أي تعبير بويهه ) يللا نزلو ( انزلوا كلهم بعدين خيريه رجعتله السويج وراح ) - بالبيت – روان : خيريه اليهال تعشو ؟ خيريه : اي كليتي بطاط و ناجيتس روان : اوكي عيل نومي فروس .. وانتو روحوا ناموا مشاري : انا مابي انام الحين روان : خلاص إلعب شوي بعدين نام اوكي ؟ مشاري : اوكي ( ركض صعد داره ) منال : وانا بعد مابي انام .. بنطر جاسم روان : ( طالعتها) قال لا تنطروني روحي نامي منال : لا انا بنطره ماشفتي ويهه مبين ان متهاوش بنطر لين اعرف شالسالفه وليش الشرطه خذت بطاقته ؟ روان : منول روحي نامي منال : ماراح انام روان : خلاص انا بصعد انام و بخليج اهني بروحج منال : اوكي انا بنطره اهني ( اقعدت بالصاله ) ( روان خلتها واصعدت واهي حيل خايفه من اللي ممكن يصير.. اول ما اصعدت غرفتها بجت و دقت على فجر ) روان : ( تبجي ) فجر الله يخليج حاولي تعرفين اشصار فجر : اهدي روان والله قاعده ادق عليه ودزيت اكثر من 5 مسجات مايرد علي روان : اشلوون الحين احس بموت والله .. ماشفتي نظرة جاسم اشلون كان يطالعني مادري بدر شنو قاله بالظبط فجر : لا ماتوقع بدر يسويها ويقوله .. اهو اللي قال الله يوفقج روان : ( زادت بجي ) عيل ليش لاحقني اذا مو ناوي يخرب علي .. انا قاعده احاول انساه حرام عليه ليش يسوي جذي ليش يبي يكرهني فيه فجر : اهدي حبيبتي خلاص لا تحاتين ان شاءالله مايصير الا الخير .. روحي توضي وصلي العشى وادعي وانا بحاول لين يرد علي روان : ماراح يرد عليج اهم الحين بالمخفر فجر : بالمخفر !!! اشدراج ؟ روان : ( واهي تشاهق ) مادري ماعرف شي بس اللي شفته ان الشرطي وصل جاسم لي السياره وخذه منه بطاقته واهو الحين راح المخفر .. اتوقع بدر اهناك فجر : ان شاءالله ماكو الا كل خير .. روحي صلي وادعي وانا بعد بدعيلج ويارب مايصير شي روان : اوكي مع السلامه ( روان سكرت التلفون وراحت بطلت الكبت وخذت الرساله مالت بدر اللي كاتبلها على ظرفها " تزوجيني " .. واقعدت اتشققها واهي ميته بجي ) روان : ( امسكت الأوراق المشققه ولمتهم ) خلاص رووح وخلني .. تعبتني وايد ماقدر اتحمل اكثر --- - بالمخفر – جاسم : لا ماراح اتنازل بدر : ولا انا المحقق : انا اقول فكروا عدل .. لأن صار تبادل ضرب بينكم .. و لو كان طرف واحد متضرر اهني السالفه تمشي اسرع .. بس انتوا الأثنين متضررين فراح تكبر السالفه وتطول جاسم : آسف ماراح اتنازل لأن اهو اللي تهجم علي بالبدايه ومن غير سبب المحقق : أخ بدر ممكن تنطرنا بره شوي بدر : ( مارد عليه بس وقف وطلع من المكتب ) المحقق : يا اخ جاسم .. انت شفت ويهه مبين عليه آثار الهوشه مثلك .. وبعدين انتوا راح تروحون المستشفى اتطلعون تقرير انكم تعرضتو للضرب .. وانا اخذ اجراءاتي واحولها قضية واتطول القصه وهم فيها حق العام لأن انتو تهاوشتوا بالشارع.. و آخر شي وبعد طواله يطلع الحكم ويمكن فيها سجن .. يعني ماراح تستفيد شي .. آنا و الله مابي اضغط عليك اهي مجرد نصيحه اقولها حق الكل جاسم : ( ساكت ) المحقق : وبعدين انت مالك معرفه فيه على حسب مافهمت .. يعني خلاص خل السالفه تعدي وماراح تشوفه مره ثانيه ان شاءالله جاسم : اذا تنازل اهو انا اتنازل المحقق : خلاص انت انطرنا بره و الحين اناديه واكلمه ---- ( روان اطلعت من الحمام متضايقه ) روان : ( بقلبها ) حتى صلاة ماقدر اصلي الحين - اوقف وافعت ايدها – روان : يارب استر علي ولا تخلي بدر يخرب حياتي .. يارب يبتعد وينساني ويعيش حياته بعيد .. يارب خله يرجع حق دراسته ولا تخليه يتعرضلي .. يارب ارحمني برحمتك واعفو عني فإنه لا يغفر الذنوب الا انت - شوي رن تلفون روان راحتله بسرعه - --- - بيت ابو جاسم – ابو جاسم : تتطلقين !!! يبه هذا ابغض الحلال هلا : بس انا مابيه خلاص يبه الله يخليك لا تجبرني ارجع ابو جاسم : بس احنا طول عمرنا انشوف حسن يعاملج احسن معامله هلا : لا اصلا من مرت 4 سنين على زواجنا واهو تغير صار واحد ثاني كرهني لأني ما يبت له عيال ابو جاسم : لا ماكرهج .. اهو بس وده يكون عنده ولد يشيل اسمه ومافيها شي يا بنيتي .. الله حلله الزواج خليه يتزوج ويفرح بشوفة العيال بس لا تهدمين بيتج بيدج هلا : ( تتكلم وفيها غصه ) وانا يبه ؟؟!! ليش عادي عندكم احترق من داخلي واهو يروح حق غيري ؟ ليش ماتحسون بمشاعري انا ؟؟ .. آسفه يبه بس انا قررت ابي اتطلق ومابي ارجعله ابو جاسم : لا حول ولا قوة الا بالله العلي العظيم .. يبه فكري عدل قبل لا تقررين جذي قرار هلا : خلاص يبه لا تصعبها علي اكثر ابو جاسم : انا بدق عليه و اخليه ايي الكويت هلا : لأ يبه مابي ابو جاسم : انا بسمع منه مثل ماسمعت منج ( قام وطلع من الصاله عشان يدق عليه ) هلا : يمه كلميه انا مو ياهل وقررت هالقرار وانا مقتنعه مابي احد يغير رايي ام جاسم : ابوج يسوي جذي عشان مصلحتج هلا : ( تصارخ ) مابييييه كيفي مابيييه انا اللي بتعذب من عيشتي معاه واهو متزوج ولا انتو ؟؟ كيفي يمه كيفي ام جاسم : لا تصرخين ابوج ريال متدين وفاهم وماراح يظلمج اكيد .. بس اهو يبي يصلح بينكم هلا : مو كيفكم والله ماني راجعه واذا ماتبون تتحملون مطلقه عادي اعيش عند جاسم ام جاسم : هلا اشهالكلام !! --- - بالمخفر – المحقق : وقعوا على هالتعهد بدر : ( وقع وحط القلم عالطاوله ) جاسم : ( خذه القلم ووقع ) اقدر امشي الحين ؟ المحقق : اي توكلوا على الله واتمنى ان محد يتعرض للثاني حصل خير واللي فات مات جاسم : ( مد ايده حق المحقق ) مشكور يللا مع السلامه المحقق : ( يسلم عليه ) الله معاك - اطلعوا من المخفر وخزو بعض بعدين جاسم ركب سيارته وبدر تم واقف ناطر احد ياخذه – --- - غرفة روان – روان : لا مادق علي والله خايفه قلبي بيوقف وانا احاتي فجر : زين خليج طبيعيه و دقي عليه انتي روان : ماقدر والله انتي ماشفتي نظرته جنه يدري عن شي فجر : اي بس انتي نكرتي انج تعرفينه عشان جذي لازم اتدقين تتطمنين عليه روان : ماقدر والله اخاف .. لحظه وصلني مسج .... فجر : ها من منو ؟ روان : ( اقعدت تبجي ) فجر : الوو ؟؟ روان اشصار ؟ روان : المسج من بدر .. يقول والله احبج وماقدرت امسك نفسي وما اطقه بس لا تحاتين مامات فجر : وااي حده قاهرني ودي اذبحه .. روان من باجر رقمج يتغير روان : ( تبجي ) كنت بغيره بس الحين صعبه بهالوقت .. مابي اخلي جاسم يشك اكثر فجر : اي صح .. خلاص هدي نفسج دام دز مسج معناته اطلعو من المخفر .. و راح ادق اتهاوش معاه واذا مارد علي احط حرتي فيه بالمسجات روان : لا انا اللي بدق و اتهاوش معاه فجر : لا روان مايصير انتي متزوجه روان : خلاص فجر اللي قاعد يصير فوق طاقتي لازم اوقفه عند حده فجر : اوكي لا تطولين يمكن جاسم يرجع روان : اوكي باي ( سكرت التلفون وبإيد ترجف قاعده اتدق على بدر ) - رد عليها من أول رنه – بدر : الو؟ روان : ليش تسوي فيني جذي ؟ وليش مديت ايدك عليه اهو اشذنبه ؟!! بدر : لأني احبج .. وماتحمل انج تكونين حق غيري روان : ( تصرخ ) بس انت خليتني ورحت وقلتلي .. بدر : ( يقاطعها ويصرخ ) ادري ادري قلت الله يوفقج .. بس هم صعبه علي اشوفج مع احد ثاني روان : انت ماشفتني بالصدفه .. انت لاحقنا .. ليش بتخرب حياتي ليش ؟ ماكفاك اللي سويته فيني يوم تخليت عني ورحت ؟ بدر : لو خذيتج ماراح اتحمل هالظروف .. ماكنت راح اسعدج روان : ( اقعدت تبجي ) عيل خلاص اشتبي ؟؟!! خلني الله يخليك بدر لا تتعبني اكثر بدر : لا تبجين عمري خلاص والله بسوي اللي تبينه بس لا تبجين .. قوليلي انتي مرتاحه بحياتج ؟ روان : ( تشاهق ) اي قبل لا تخربها كنت مرتاحه بدر : انا ماخربتها .. واهو مادرى عن شي روان : ( زادت بجي ) بدر : خلاص حبيبتي لا تبجين والله انا اسف وماراح اتعرض لج كلش .. واذا يرضيج اني اسافر راح ارجع من باجر بس لي طلب اخير روان : ( بصوت مخنوق ) شنو ؟ بدر : طمنيني عليج من فترة لي فترة .. لو بالسنه مره بعيد ميلادج .. مابي اكثر من ايميل اتقوليلي فيه انج بخير .. او انج يبتي ولد وسميتيه بدر روان : ( تبجي اكثر ) خلاص بدر لا تذبحني ماقدر اسوي اللي تطلبه .. انا متزوجه الحين .. والله يخليك لا تدق ولا تدز لا مسج ولا حتى ايميل بدر : خلاص .. انا اسأل عنج من بعيد لي بعيد .. بس انتي لا تبجين روان : اوكي باي بدر : روان ؟ روان : ( ساكته ) بدر : قولي احبك بسمعها منج للمرة الأخيره روان : ( ردت تبجي ) بدر خلاص انت اشفيك ؟ انا متزوجه افهم بدر: خلاص .. من هالبجي عرفت اني للحين بقلبج .. وهالزفـ.. ماقدر ياخذ غلاتي روان : ( ودها تصرخ من القهر بس امسكت نفسها ) مع السلامه بدر بدر : مع السلامه ( روان امسحت هالاتصال من السجل وامسحت المسج واقعدت تبجي ) ليه يادمعي نزلت ؟! يقولون أصعب تحدي لابتسمت .. .. وإنت في عيني انوجدت .. يادموعي .. .. لاتهيني النفس أكثر .. ياجروحي .. .. لاتخلي الجرح أكبر .. ياعيوني .. .. لاتقولي ولاتعيدي .. كلمه وحده بإختصار .. لاتظهري فيها إنكسار .. ~فمان الله ياحبي الكبير ~ ~ هذي النهايه .. وإنت السبب باللي يصير ~ --- شوي ولا ينفتح عليها الباب .. قلبها بغى يوقف .. لفت ويهها ولا تلقى منال واقفه عند الباب وتطالعها ودموعها بعينها روان : ( تمسح دموعها ) اشفيج منول ؟ منال : انا سمعت كل شي روان : ( داخت وغضمت عينها من الصدمه ) شنو سمعتي ؟ منال : سمعت كل شي وعرفت ان اللي طق جاسم واحد كنتي تعرفينه روان : ( بطلت عينها وطالعتها وماعرفت شتقول ) منال : ( تبجي ) ليش سويتي جذي بجاسم حرام عليج .. والله انه طيب و مايستاهل روان : منول انتي بعدج صغيره ومو فاهمه شي منال : ( تصرخ ) بلى افهم مو ياهل .. واعرف وايد اشياء روان : ( قامت بتروح حق منال ) منال : لا اتيين يمي مابي اشوفج ( خلتها وراحت غرفتها ) روان : ( اقعدت عالأرض وغطت ويهها بيدها واقعدت تبجي ) ليش كل شوي تتعقد الامور اكثر والله تعبت ============================= |
** البارت الخامس والعشرون **
روان : ( قامت بتروح حق منال ) منال : لا اتيين يمي مابي اشوفج ( خلتها وراحت غرفتها ) روان : ( اقعدت عالأرض وغطت ويهها بيدها واقعدت تبجي ) ليش كل شوي تتعقد الامور اكثر والله تعبت - سيارة جاسم – ( جاسم قاعد يفتر بالشارع ومخلي جهازه سايلنت ) جاسم : ( يفكر ) ليش اتعبت فجأة ... وليش اهو تهجم علي من غير أي سبب ؟؟ ( سرح مده .. بعدين بطل عينه حيل جنه استوعب شي ) جاسم : قالي اي بقت حلالي ... ( طرد الفكره من باله ) استغفر الله يمكن يكون مجرد تعبير .. لأن اهو اصلا قال انه كان متضايق ويت السالفه فيني ( رد سرح يفكر ويفتر بالسياره بعدين راح دوانية ربعه ) ---- - غرفة فجر – ( تتكلم بالتلفون ) فجر : ( بنفسية ) اسمعك بدر : دام تسمعيني ليش ساكته وحاقرتني ؟ فجر : لأن كلامك مو عاجبني .. لاحقها بتخرب حياتها هذا اذا ماخربتها وخلصت بدر : خلاص فجر تكفين لاتزيدينها علي .. الله يعلم اشكثر قلبي محترق الحين فجر : ادري وحاسه فيك بس اللي سويته حيل غلط شنو تستفيد لو تطلقت ؟ حرام عليك خلها بحالها بدر : انا وعدتها اني راح اخليها بس اول بطلبج طلب فجر : ( كسر خاطرها ) اطلب بدر : خليني آخذ اخبارها منج ومابيج تخشين عني أي شي .. حتى لو كان شي موزين لا سمح الله فجر : اوكي .. بس اول اوعدني انك ماتتعرض لها ولا تدز لها شي بدر : خلاص .. وعد --- - غرفة روان – ( روان منسدحه وتحس انها تعبانه وايد .. وقاعده تحاتي اللي صار بس خايفه اتدق على جاسم .. شوي جان تسمع صوت فراس يبجي قامت راحت غرفته ) - دشت الغرفه راحت لي سريره – خيريه : ( كانت نايمه عالارض وقامت ) كلاس روان انا قوم روان : لا ردي نامي انا بنومه خيريه : اوكي ( انسدحت ولحفت راسها ) ( روان انسدحت يم فراس واقعدت اتدبخه لين رد نام .. باسته واطلعت من الغرفه ) - دشت غرفة منال .. لقتها منسدحه على ويهها وتبجي – روان : ( متردده ) منول ؟ منال : ( ويهها مدفون بالمخده ) طلعي بره روان : ( اقعدت يمها وحطت ايدها على جتفها ) ليش تبجين ؟ منال : ( قامت ودزت ايد روان ) وخري عني لا تمسكيني روان : ( تمت اتطالعها مو عارفه شتقول ) منال : وليش ما ابجي اذا اختي اطلعت جذي روان : ( دموعها اترست عينها ) اشلون يعني اطلعت جذي ؟ منال : اتخلين واحد يطق جاسم عيل ليش تزوجتيه مو حرام عليج ؟ روان : ( دموعها انزلت ) انا ماخليت احد يطق جاسم انا ... منال : ( تصرخ واتسكر اذنها ) لا تجذبين مابي اسمع شي روان : منال انتي صغيره و مو فاهمه شي الله يخليج لا تعبيني اكثر منال : ( وخرت ايدها عن اذنها واهي تصرخ ) مو صغيره عمري 13 الحين .. واعرف كل شي وسمعتج تكلمينه روان : منول حبيبتي لا تصرخين منال : ليش؟ خايفه يرجع جاسم ويسمعنا ؟ روان : ( امسكت راسها اتحس بتعب مو طبيعي ) نامي الحين .. باجر عندج مدرسه منال : ( انسدحت وعطتها ظهر ) روان : منول والله انتو عندي بالدنيا كلها منال : واضح روان : ( امسحت دموعها وقامت اطلعت بره ) --- - عند جاسم – راكان : جان دقيت علينا والله ننهيه من الدنيا جاسم : لا تخاف ماخليته راكان : ادري فيك سبع ماينخاف عليك بس هم لو ناديتنا .. ( دش واحد من ربعهم ) سالم : هلااا بالشباب الكل : هلا فيك سالم : ( يطالع جاسم ) جسووم .. اشفيه ويهك ؟؟ تهاوشت وانا مادري ؟؟ جاسم : حصل خير وعدت السالفه سكروا هالموضوع سالم : شنو سكروا عالموضوع .. لاااا مايمشي معاي هالحجي .. اتعرفني راعي مشاكل .. قولي شسمه ووالله باجر يكون بالرازي جاسم : خلاص السالفه انتهت سالم: على راحتك بس كنا بناخذلك حقك جاسم : ( بعصبيه ) شنو يعني شايفني ولد بالمتوسطه بتاخذلي حقي سالم: اي مافيها شي اذا.. راكان : ( يقاطعه ) خلاص شباب غيروا الموضوع لا ينقلب هوشه - بعد ساعتين – جاسم : يللا شباب انا ماشي سالم : الله معاك لا تقطع عاد جاسم : ان شاءالله .. يللا فمان الله الكل : مع السلامه --- - غرفة روان – ( روان منسدحه بالفراش وتحس بتعب والم ببطنها ) - تبطل الباب جان تغمض عينها وسوت نفسها نايمه – ( جاسم بدل ملابسه ولبس شورت وانسدح يمها وتم يطالعها ) جاسم : روان ؟ روان : ( بطلت عينها وطالعته وما قالت ولا كلمة ) جاسم : روان ريحيني انا تعبان روان : ( ساكته ) جاسم : ( بصوت هادي ) انتي تعرفينه ؟ روان : ( قلبها يرقع وتحس بتعب ) لأ جاسم : ( بقلبه ) اتمنى اتكونين صاجه روان : ( تبلع ريجها ) اشصار بالمخفر ؟ جاسم : ماصار شي وقعنا على تعهد وبس روان : ( تحاول تكون طبيعيه ) وليش تهاوش معاك ؟ جاسم : ( ابتسم بضيق ) مادري روان : ( غمضت عينها .. عشان لا تبجي ) جاسم : تعبانه ؟ روان : ( تهز راسها – اي - ) جاسم : شتحسين فيه ؟ روان : الم براسي وبطني جاسم : يتلج روان : اي جاسم : عشان جذي تعبتي بالسينما ؟ روان : ( دمعت عينها ) اي جاسم : ( قعد وقومها ولمها حيل ) آسف لأني شكيت فيج روان : ( اقعدت تبجي وتلمه ) جاسم : اششش خلاص لا تبجين ( باس راسها ) الله ياخذه الحقير روان : ( بجت زياده ) جاسم : لا تبجين عاد خلاص .. يللا نامي روان : ( انسدحت ) جاسم : ( انسدح يمها وخلاها تنام على زنده ) --- - ثاني يوم الصبح – ( روان قامت على صوت المنبه .. وكان جاسم نايم يمها ) ( تمت اتطالع ويهه وكان جفن عينه مزرق .. حست قلبها مقموت خلته نايم وقامت ) روان : ( بقلبها ) الحمدلله يارب .. الف حمد وشكر لك ( دشت الحمام – عزكم الله - .. بعدين خلصت وبدلت ملابسها والبست ملفع واطلعت من الغرفه ) روان : خيريه اليهال البسو ؟ خيريه : روان انا واجد تابان .. منول مايبي روح مدرسه كله سوي سرّخ سرّخ روان : خلاص روحي شوفي مشاري انا اروح اكلمها خيريه : اوكي ( راحت ) روان : يالله سترك ( راحت غرفة منال ) --- - بيت ابو محمد – فجر : ( نازله حق امها بالبجاما ) يمه زين لحقت عليج .. بسرعه بكلمج واروح البس محاضرتي الساعه 8 ام محمد : والله لو باديه موضوعج جان خلصتي .. تكلمي بسرعه بودي اليهال المدرسه فجر : اليوم بمر على روان بعد الكليه وبنطلع نتمشى ام محمد : انا ماعندي مانع .. بس اهي عندها ريل يمكن مايعجبه هالشي انا اقول روحي لها او خليها اهي اتيي عندج احسن من التمشي من غير هدف فجر : خلاص انا اكلمها واشوف على شنو نتفق .. بس يعني ماعندج مانع اني اطلع معاها بعد الكلية مو؟ انتي كلمي ابوي زين ام محمد : اوكي روحي لبسي لا تتأخرين فجر : ( باست خد امها ) احبج يا عسل ام محمد : ( رافعه ايدها تدعي ) يارب بلغني فيها عروس وام عيال فجر : ( تبتسم ) لا مابي الحين .. ( راحت اصعدت فوق ) --- - بيت روان – ( بغرفة منال ) روان : منال قومي لبسي لا يتاخر مشاري مسكين ماله ذنب .. قومي ياللا عفيه حبيبتي انتي منال : ( تصرخ ) اذا انتي اللي بتوصلينا المدرسه ماني رايحه روان : منال حرام عليج خلاص والله تعبتيني منال : يا جاسم يوديني او خلاص مابي اداوم كلش - دش مشاري – مشاري : اشلون يعني ؟ والله الوكيل كله يصارخ عاللي يتأخرون مابيه يزفني منال : روحوا اتنو انا ماني رايحه روان : ( بعصبيه ) خلاص منال قومي لبسي لا تيننيني ( دش جاسم عليهم ) جاسم : ( توه قاعد من النوم ) اشفيكم ؟ اشهالصراخ ؟ روان : ( خافت واقعدت اتطالع منال ) منال ماتبي تروح المدرسه جاسم : ليش منول ؟ منال : ( اتطالع روان ) ابيك انت اللي تودينا جاسم : وليش يعني ؟ منال : عندي اسبابي جاسم : ( يظحك ) وشنو اسبابج ؟ روان : ( داخت وغصب واقفه ) منال : حاليا مابي اقولهم |
** البارت السادس والعشرون **
منال : ( اتطالع روان ) ابيك انت اللي تودينا جاسم : وليش يعني ؟ منال : عندي اسبابي جاسم : ( يظحك ) وشنو اسبابج ؟ روان : ( داخت وغصب واقفه ) منال : حاليا مابي اقولهم ( روان قاعده اتطالع منال وعيونها دمعت جان تخليهم وتطلع من الغرفه ) جاسم : يللا زين لبسي بسرعه اخرتي اخوج رايح البس واديكم بس لا تتعودين تره بس اليوم بتساهل معاج - طلع وخلاهم – منال : ( اتصرخ على مشاري ) نعم ؟ اشتبي واقف ؟ ببدل اطلع بره -- جاسم : ( قاعد يبدل ) اشفيها اختج ؟ روان : ( حابسه دموعها ) مادري بس مزاجها معتفس .. خلها انت لا تسألها وايد جاسم : لا اهي بهالعمر تبي احد يسألها عشان تطلع اللي بقلبها روان : ( ساكته ) جاسم : يللا انا ماشي ( باسها بوسه سريعه ) اشتقتلج بس الظروف بتكون ضدي هالاسبوع روان : ( ابتسمت غصب ) جاسم : يللا مع السلامه روان : مع السلامه --- - بالسياره – جاسم : منول ليش مابغيتي روان توصلكم ؟ منال : ( ساكته ) جاسم : ماراح تقوليلي يعني ؟ منال : اسألها اهي جاسم : سألتها بس ماتدري ليش تصرفتي جذي منال : ( تضحك باستهزاء ) اي صح ماتدري جاسم : يللا عاد منول خليج خوش بنت وقوليلي منال : ماراح اقول شي جاسم : اوكي على راحتج ( رن تلفون جاسم ) جاسم : ( رد عالتلفون ) الو هلا يمه هلا بالغاليه ام جاسم : زين تذكرت ان عندك ام جاسم : يمه اشفيج !! امس متريق عندج ام جاسم : يعني ماشفتنا داقين وايد وينك ماترد؟ جاسم : صارت سالفه طويله امس .. المهم اشفيكم اشبغيتو ؟ ام جاسم : عندنا موضوع مهم و نبيك اتيي جاسم : خلاص بس اقط اليهال المدرسه امركم لا تتريقون عني ام جاسم : تودي اليهال المدرسه ؟؟؟ ليش انت سايق عند اللي خلفهم ؟ جاسم : خلاص اذا مريت عليكم نتكلم ام جاسم : زين هلا يمي اتسلم عليك واتقولك ييب فراس معاك جاسم : نايم الحين ماقدر اييبه ام جاسم : خلاص تعال انت بس لا تتأخر جاسم : اوكي مع السلامه .. ( سكر التلفون ) - كلية العلوم – فجر : الو روّون قاعده ؟ روان : اي فجر : طمنيني اشصار ؟ روان : الحمدلله ماصار شي فجر : الف حمدلله .. عيل اشفيه صوتج ؟ روان : نفسيتي وايد تعبانه .. منال درت عن بدر فجر : ( انصدمت ) شنوو!! روان : اسمعتني اكلمه امس ( اقعدت تبجي ) ادري انها راح تقول حق جاسم فجر : لا تبجين .. تعالو بيتنا اليوم وانا أكلمها روان : شنو بتقولين لها يعني ؟ ماكو فايده ماتترقع السالفه فجر : عالأقل احاول افهمها بطريقه زينه روان : لا لا خليها ان شاءالله بروحها تهدى وتنسى فجر : زين خل نطلع روان : لا مابي مالي خلق فجر : خلاص تعالوا بيتنا روان : لا لا انتي تعالي احسن فجر : اوكي .. بتغدى عندكم اذا مافيه مانع روان : اكيد ماكو مانع حياج فجر : خلاص روون ضحكي عاد والله حالتج مو عاجبتني .. ولا تحاتين منول ياهل ختولي ماتقدر تسوي شي روان : اوكي بروح اشوف فروس جنه قاعد يبجي .. مع السلامه فجر : مع السلامه --- - بيت ابو جاسم – جاسم : هلا حبيبتي فكري عدل قبل لا تاخذين جذي قرار ام جاسم : عيزنا واحنا انقولها هالشي ماكو فايده هلا : ( ساكته ) جاسم : وحسن متى ايي ؟ هلا : قال بيعطيني وقت طويل افكر فيه .. عباله بغير رايي جاسم : ان شاءالله تغيرين رايج -- - مر شهرين .. والعلاقه بين منال وروان بارده وبالغالب منال تكلم روان بقلة ادب .. وبدر رد بريطانيا - ( غرفة فجر ) - فجر قاعده تكلم بدر بالمسنجر – Fjo0oOo0o : ها اشلون الجو عندكم ؟ Good Bye Beautiful Days : بارد والله Fjo0oOo0o : وناسه Good Bye Beautiful Days : متى تتخرجين ان شاءالله ؟ Fjo0oOo0o : هالكورس يعني ماباقي شي Good Bye Beautiful Days : الله يوفقج Fjo0oOo0o : تسلم ويوفقك يارب Good Bye Beautiful Days : اشلون روان ؟ Fjo0oOo0o : زينه الحمدلله Good Bye Beautiful Days : الحمدلله Fjo0oOo0o : اقول بدر Good Bye Beautiful Days : هلا Fjo0oOo0o : ماودك تغير التوبك ؟ وتحط شي احلى ؟ Good Bye Beautiful Days : ليش مو عاجبج ؟ Fjo0oOo0o : مادري يعني خلاص feel happy Good Bye Beautiful Days : ههههههههه ماعرفتج وانتي تتكلمين انجليزي Fjo0oOo0o : اي اعجبك Good Bye Beautiful Days : خلاص والله ما اردج .. بغيره عشان خاطرج Fjo0oOo0o : يسلم خاطرك :> Feel happy : جذي اوكي ؟ Fjo0oOo0o : اي وايد اوكي تستاهل ورده (F) Feel happy : لا مابيها ريحتها مو حلوه Fjo0oOo0o : عيارتك Feel happy : والله ماكو عيار كثرج Fjo0oOo0o : Feel happy : خشي السانج لا اقصه Fjo0oOo0o : زين :× Feel happy : اي عفيه .. يللا انا رايح ادرس تامرين بشي ؟ Fjo0oOo0o : لا سلامتك بس بتشبك اليوم بالليل ؟ Feel happy : اي ان شاءالله Fjo0oOo0o : اوكي .. مع السلامه Feel happy : مع السلامه ( تم تسجيل خروج Feel happy ) - فجر حطت المسنجر Away ( بالخارج ) وانسدحت اتفكر – --- - العصر بغرفة روان وجاسم – ( روان توها طالعه من الحمام كانت سابحه وقاعده تمشط شعرها عند المنظره ) جاسم : ( كان منسدح قام لها ولمها من وره ) ولهان علييييييج .. قمت اكره المرض اللي يحوشكم روان : ( تظحك ) كلمة مرض اتحسسني ان حايشنا وباء والعياذ بالله جاسم : من صجج ؟ اكرهه اكثر من الوباء بعد روان : استغفر ربك عاد جاسم : ( لامها من وراها وقعد يبوس شعرها المبلل ) تمنعني منج اسبوع كامل و تتعبج وتصيرين نفسيه .. شنو الزين فيها ؟ روان : تره هالشي نعمه مايصير تقول جذي جاسم : على طاري النعمه ( وخر عنها ومسكها قعدها يمه عالسرير ) ماودج يصير عندنا احلى واغلى نعمه من الله ؟ روان : ( تضايقت ) جاسم قلتلك انا مو مستعده حاليا جاسم : ليش يعني ؟ انا خاطري بياهل روان : مادري احس ان فروس للحين صغير وبعدين مابي تو الناس جاسم : ( عصب ) فراس اخوج مو ولدج .. انا ابيلي ولد مابي اتم طول عمري اربي ولد عمي روان : يعني مضايقك انك تربي عيال عمك ؟ جاسم : اووو .. انتي كله تفسرين الكلام على كيفج ؟ روان : ( اسكتت ) جاسم : كملي شغلج خل انام ابرك ( انسدح وعطاها ظهر ) - بالليل في بيت ابو جاسم – ( كان عندهم جاسم وروان واخوانها ) هلا : ( اتلم فراس ) وااااي فدييييته ماولهت علي ؟؟ ماتحب ماما هلا ؟ روان : ( اتطالع هلا واهي مستغربه ) هلا : اي اشفيج اتطالعيني ؟ اصلا انتي بس تييبين ياهل انا خلاص آخذ هذا حقي روان : ( تبتسم ) هلا : اي صج لا تظحكين فراس : تيلي فووق هلا : تبي اشيلك فوق؟؟ فراس : ( يصفق ) فوووق هلا : ( تظحك .. وتحذفه فوق ) فرووسييي فوووووق فراس : ( يظحك ) بعد هلا : يا حلاااة وليدي الطماع .. تعال العبك مكان ثاني لا نزعجهم ( خلتهم وراحت ) ام جاسم : متى اتييبون لي حفيد ماصارت يعني ابو جاسم : استغفرالله كل شي بيد الله ام جاسم : ونعم بالله .. بس احساسي يقول ان روان ماتبي روان : ( اتطالع جاسم بطريقه جنها اتقوله ليش اتقول حق امك ) جاسم : لا يمه الله مو كاتب هالشي الحين ام جاسم : ان شاءالله تحمل روان : ( اسكتت واهي معصبه ) ابو جاسم : ان شاءالله ربي يكتب لكم الخير جاسم : آمين روان : تسلم عمي ام جاسم : اشوف يوم دعيتلج ماقلتيلي شي ابو جاسم : ( قام ) يبه روان تعالي معاي شوي روان : ( قامت ) ان شاءالله عمي - اطلعو راحو الصاله الصغيره – ام جاسم : ( تكلم جاسم ) ابوك بيذبحني كله يكلمها بروحهم اموت واعرف اشيبي منها جاسم : اسم الله عليج يالغاليه -- - بالصاله الصغيره – ابو جاسم : روان يا بنيتي ادري انج بنت فاهمه وعاقله وكلمتج قبل بهالموضوع وماشاءالله سمعتيه مني وطبقتيه بارك الله فيج روان : خير عمي؟ ابو جاسم : يبه اختج الحين مبين عليها انها اكبرت ماشاءالله مايصير تمشي من غير حجاب .. كلميها من اخت لاختها وخليها تتحجب روان : توها صغيره خل ننطر عليها تتخرج من المتوسطه عالأقل ابو جاسم : يبه مايجوز هالكلام .. دام انفتح لها كتاب يعني اهي مكلفه بهالشي من الحين .. مايصير انقول ننطر اليوم الفلاني .. محد ضامن عمره روان : ( اسكتت ) ابو جاسم : وبعدين انتي شايفه منال الله يحفظها طويله وشعرها حلو ويلفت الانتباه.. انتي كلميها بينج وبينها وان شاءالله تلبسه وتحبه لأن فيه ستر وبركه روان : خلاص راح اكلمها ابو جاسم : كلميها اليوم بارك الله فيج وباجر بشوف اشصار معاج روان : ان شاءالله --- - بعد ما ارجعو البيت – جاسم : ( للحين متضايق من روان ) انا رايح الدوانيه ويمكن اقعد لي الصبح .. لا تنطريني نامي باي منول ( طلع وخلاهم ) منال : باي ( منال قاعده عالقنفه بالصاله وبيدها كتاب الاجتماعيات ) روان : ( اقعدت يمها ) قاعده تدرسين ؟ منال : لا درست العصر بس قاعده اراجع .. لأن باجر عندنا امتحان قصير روان : تبين اساعدج ؟ منال : لأ روان : ( متردده ) زين منول .. اشرايج بالحجاب ؟ منال : ( اتقلب صفحات الكتاب ) ويع ماحبه روان : انا كنت مثلج بس يوم تحجبت حسيته حلو والله منال : شنو يعني تبيني اتحجب ؟ روان : ودي منال : انا ماودي روان : اي بس صدقيني راح تحبينه منال : ماراح اتحجب .. أو عالأقل بنطر لين اروح الجامعه مثلج بعدين اتحجب روان : منال الصراحه عمي يبي مصلحتنا و .. منال : يعني عمي اللي قالج هالشي ؟ روان : اي بس تره كل هذا عشان مصلحتج .. انتي انفتح لج كتاب و منال : لا تكلميني عن الصح والغلط روان : ( حيل تضايقت من كلمتها لأنها تدري شنو تقصد فيها ) منول حاولي تكلميني باسلوب احسن من جذي منال : مافيه شي اسلوبي .. وحجاب ماراح اتحجب واذا حاولتي تجبريني راح اقول حق جاسم اشياء كنت خاشتها بقلبي روان : ( بطلت عينها من الصدمه ) اشتقصدين ؟؟ منال : ( خذت كتابها وقامت ) انتي ادرى ( خلتها واصعدت فوق ) روان : ( منصدمه وتمت قاعده مكانها تستوعب اللي صار ) |
** البارت السابع والعشرون **
منال : مافيه شي اسلوبي .. وحجاب ماراح اتحجب واذا حاولتي تجبريني راح اقول حق جاسم اشياء كنت خاشتها بقلبي روان : ( بطلت عينها من الصدمه ) اشتقصدين ؟؟ منال : ( خذت كتابها وقامت ) انتي ادرى ( خلتها واصعدت فوق ) روان : ( منصدمه وتمت قاعده مكانها تستوعب اللي صار ) - بعد 10 دقايق اصعدت فوق وراحت غرفة منال – روان : ( تتكلم واهي مخنوقه ) تهدديني يا منال؟؟!!! انا اللي تخليت عن دنيتي كلها عشان خاطركم .. اتعامليني بهالطريقه ؟ نسيتي اني اكبر منج ؟ منال : يعني الكبيره عادي تغلط والصغيره المفروض تسكت وتطوّف؟؟ روان : ( اقعدت يمها عالسرير ) منال انتي بعدج صغيره على هالسوالف بس بقولج .. انا هالشاب كنت اعرفه بالجامعه .. وكان بيخطبني بس توفو اهلي الله يرحمهم واضطريت ارجع و اخلي كل شي وراي .. وتزوجت جاسم وكل هذا عشانكم منال : تره جاسم يسواه ألف مره روان : ( تنرفزت ) وشكو هذا باللي قلته ؟ منال : ( معصبه ) اللي اعرفه ان بسبتج جاسم انطق .. واهو مسكين طيب ويعاملنا احسن من معاملتج لنا روان : انا قصرت عليكم بشي ؟ منال : ممكن تطلعين لأني بنام ؟ روان : ( عصبت وغصب ماسكه نفسها ) شوفي منول انا بخليج الحين بس ان سمعتج اتكلميني بقلة ادب مره ثانيه والله ماتلومين الا نفسج منال : ( بطنازه ) شنو يعني بتطقيني ؟؟!! روان : اي اذا تماديتي معاي اكثر راح اضطر امد ايدي عليج منال : ادري انتي تكرهينـّا لأن احنا اللي خربنا حياتج ( روان حست بحرقه بقلبها و بغت تتكلم بس ماعرفت شترد .. جان تخليها وتطلع ) --- - غرفة فجر .. عالمسنجر .. - Fjo0oOo0o : اشلون دراستك حق الامتحان ؟ Feel happy : والله درست وايد بس على الله الدكتور يحلم بيدة يدته Fjo0oOo0o : شنو يعني ؟؟ مافهمت Feel happy : الدكتور يستخف دمه .. يقول اذا حلمت بيدة يدتي راح أسهل عليكم الامتحان Fjo0oOo0o : واااي يا ملاقته Feel happy : اوف من قلب Fjo0oOo0o : عندي فلم رعب ودي اشوفه بس متردده Feel happy : ليش Fjo0oOo0o : مادري خايفه Feel happy : هههههههههه الحمدلله والشكر Fjo0oOo0o : اشفيك ليش ؟ Feel happy : ميعني بالله من جابرج اتشوفينه Fjo0oOo0o : لا انت ماتدري انا بسرعه اخاف ومرات بعد ما اشوف الفلم اقعد شهر كامل ما انام بالظلمه كله مبطله الليت بس مادري ليش احب اشوف الرعب Feel happy : والله انج فلم .. يعني دام انتي خوافه اشلج بالرعب خليج عالكوميدي وبس .. حتى الاكشن موزين عليج Fjo0oOo0o : ههههههههههههه اشدعوه حرام عليك عاد مو لهالدرجه ( رن تلفون فجر وكانت المتصله روان ) Fjo0oOo0o : برب شوي داقين علي Feel happy : ومنو يدق عليج هالحزه ؟ الوقت متأخر Fjo0oOo0o : وحده من رفيجاتي عندنا امتحان باجر واكيد بتسأل سؤال.. المهم برب Feel happy : تيت -- فجر : الو هلا روّون روان : قاعده ؟ فجر : اي روان : ضايق خلقي وايد فجر : اشصار بعد ؟ روان : منال اوصلت فيها الدرجه انها تهددني فجر : نعم نعم نعم ؟؟!!!!! هددتج ؟؟ روان : اي والله تهدد انها بتقول حق جاسم اللي تعرفه فجر : زين ليش ؟؟!! روان : اقولج بعدين اذا شفتج فجر : خلاص اوكي باجر ايي عندج واتقوليلي روان : اوكي اخليج الحين فجر : روان .. لاتحاتين شي روان : اوكي باي فجر : مع السلامه ( سكرت الخط ) - ردت حق المسنجر – Fjo0oOo0o : باك Feel happy : احلى ولكم .. ها خلصتي من رفييييييييييجتج ؟؟ Fjo0oOo0o : وليش جذي ماد الكلمه ؟؟ جنك مو مصدق ؟ Feel happy : مادري احساسي يقول Fjo0oOo0o : لا احساسك غلط .. وانا ما اكلم Feel happy : احسلج --- - الساعه 5 الفير – ( جاسم دش الغرفه لقى روان توها خلصت صلاة ) جاسم : ( يبدل ملابسه واهو ساكت ) روان : ( انسدحت ) اشلونك جاسم : تمام روان : دوم يارب جاسم : ( انسدح وعطاها ظهر ) روان : زعلان مني ؟ جاسم : اي روان : واذا قلتلك آسفه جاسم : ( لف عليها ) يعني بتسوين اللي ابيه ؟ روان : ( اسكتت مده ) فكرت بكلامك ولقيت ان معاك حق جاسم : يعني راح اتييبيلي ياهل ؟ روان : ( ابتسمت وماردت عليه ) جاسم : ( يبتسم ) فديت هالابتسامه ( قرب منها ... ) --- - العصر .. بيت ابو محمد – فجر : ( لابسه وبتطلع ) يمه بروح حق روان ام محمد : روحي يمه بس لا تتأخرين فجر : ان شاءالله ( باستها واطلعت ) ( بالطريج رن تلفون فجر – رقم خارجي - ) فجر : مكالمه ؟؟ منو يدق علي من بره ؟ فجر : ( ردت ) الو ؟ بدر : الو اشلونج فجر ؟ فجر : منو ؟ بدر : اشفيج مخترعه ؟ انا بدر فجر : ( منصدمه لأن داق ) هلا بدر اشلونك ؟ بدر : هلا فيج .. شكلج طالعه ؟ فجر : اي والله رايحه حق روان بدر : ( سكت ) فجر : الو ؟ بدر : معاج .. كنت متضايق وماشفتج شابكه قلت بدق فجر : اشفيك ليش متضايق ؟ بدر : يعني .. غربه و ضيقة خلق .. وطلعات الربع ماقمت اتقبلها فجر : ليش ؟ بدر : يعني ونساتهم بالخرابيط وبس فجر : عيل خلك بالبيت لا تطلع بدر : هذا اللي مسويه بس ضاق خلقي .. وقمت افكر بروان وايد بس انا وعدتها ما ادز لها شي فجر : اي زين تسوي .. وخلاص بدر لازم تنساها وتعيش حياتك بدر : والله الغربه شينه فجر : اي والله .. الله يعينك ( اوصلت بيت روان و طفت السياره بس تمت قاعده داخلها وتسولف مع بدر تقريبا 10 دقايق ) بدر : مشكوره انج سمعتيني وخليتيني اطلـّع ربع اللي فيني فجر : الحين كل هذا بس الربع ؟؟ بدر : اي والله يمكن اقل بعد فجر : خلاص عيل متى ماتبي دق أو اشبك وطلـّع كل اللي داخلك بدر : اذا رجعتي البيت تقدرين تشبكين فجر : اي ماراح اطول ساعتين بالكثير وارجع بدر : اوكي عيل ناطرج فجر : دير بالك على نفسك بدر : وانتي بعد ديري بالج على نفسج وعلى كل شخص يعز عليج فجر : ( افهمت قصده ) بدير بالي عليها لا تحاتي .. مع السلامه - سكرت التلفون من بدر ودقت على روان – فجر : الو روان انا عند الباب روان : اوكي كاني نازلتلج -- - بطلت لها الباب – روان : ( لمت فجر ) ولهت عليج وايد فجر : انا اكثر والله .. جاسم موجود ؟ روان : لا رايح بيتهم فيه اجتماع عائلي فجر : حق شنو بالله ؟؟ روان : انسولف بالحوش يعني ؟ فجر : اي الشمس بديعه بس ييبي حب وخل نفرش اهني ونقعد روان : اقول دشي لا اخليج اهني وادخل انام ( دشو الصاله ) روان : امشي نصعد غرفتي احسن فجر : وين اخوانج ؟ روان : نايمين فجر : احسن لأني لو شفت منال اتوقع جان عطيتها كف روان : ( تنهدت ) الله يعيني عليها --- - بيت ابو جاسم – ( وصل حسن من البحرين ) - بالصاله قاعدين ابو جاسم وجاسم وحسن – ابو جاسم : انا ناديتك عشان اصلح بينكم لأن الطلاق ابغض الحلال ومحد يبيه حق اعياله حسن : عمي انا معاك بهالحجي بس اهي مو راضيه تسمعني جاسم : انا ماقدر اقولك لا تتزوج عليها لأن هذا حقك .. بس اهي مايرضيها هالشي حسن : ادري يا جاسم بس شاسوي ؟ انا ابّي اعيال يشيلون اسمي ابو جاسم : واذا تزوجت راح تعدل بينهم ؟ حسن : اكيد عمي و ماراح اقصر عليها بأي شي ابو جاسم : عيل انا رايح اناديها ( دشت هلا عليهم ) هلا : مايحتاي يبه .. اهو يعرف شنو بقول ابو جاسم : تعوذي من ابليس يا بنيتي وقعدي كلمي ريلج .. انا وجاسم بنطلع ونخليكم تاخذون راحتكم هلا : ( ساكته ) - جاسم وابو جاسم اطلعو وخلوهم – حسن : قعدي اشفيج واقفه ؟ هلا : ( اقعدت ) حسن : هلا تدرين اني ماقدر اعيش من غيرج .. بس شاسوي والله ودي اشوف اعيالي وامي ودها تشوفهم قبل لا تموت هلا : ( ساكته وعيونها دمعت ) حسن : ( مسك ايدها ) هلا : ( اسحبت ايدها منه ) روح تزوج وييبلها حفيد .. بس انا ماراح ارجع معاك وهذا اخر راي عندي حسن : والله ماراح اقصر عليج بشي .. اهي بس عشان تييب لي عيال وانتي بتمـّين على طول الغالية هلا : ( دموعها انزلت ) آسفه بس والله ماقدر حسن : انا رايح انام بفندق اسبوع واتمنى تفكرين عدل بهالوقت هلا : لا حسن .. روح عفيه مابي افكر اكثر من جذي حسن : متأكده ؟ هلا : اي حسن : خلاص عيل ( باس راسها ) تحملي بروحج // بالكويتي يعني ديري بالج على نفسج // هلا : ان شاءالله - خلاها وطلع - --- - غرفة روان – فجر : بسألج سؤال جاوبيني بصراحه روان : اوكي سألي فجر : بدر شنو بالنسبه لج الحين ؟ روان : ( تضايقت شوي ) ماضي وقطيته وراي من آخر مكالمه بينا فجر : وجاسم ؟ روان : ( تبتسم ) جني بديت احبه فجر : ( استانست ) صج ؟؟!!! روان : اي الحمدلله فجر : حبيتيه عدل عدل ؟؟ روان : اعزه حييل بس احس ان توني بديت احبه فجر : الله يخليكم حق بعض روان : آمين بس انا خايفه من منال فجر : اشلون هددتج هالحيوانه ؟ روان : عمي قالي اقولها تتحجب .. ويوم قلتلها قالتلي مابي واذا اجبرتيني راح اقول اللي اعرفه حق جاسم فجر : ( معصبه ) ماعطيتيها طراق يسويلها مسح ذاكره ؟ روان : فجر جم مره اقولج اذا كنت متضايقه لا تتغشمرين معاي فجر : والله ما اتغشمر كان المفروض اتطقينها عشان لا تتمادى اكثر روان : انا هددتها بهالشي وادري اللي سويته غلط ماكان المفروض اقولها جذي فجر : لا عيل المفروض اتخلينها تتمادى وتقل ادبها وباجر تطقج بعد روان : لو انتي مكاني شتسوين .. غير الطق طبعا فجر : أول بقولج شي بس مابي اخوفج روان : شنو ؟ فجر : عمر المراهقه حيل صعب .. ومو ضامنين السانها خصوصا لو حاولتي تفرضين سلطتج عليها .. حتى لو بعد جم سنه روان : اشلون يعني فجر : يعني لا سمح الله لو صار أي شي بعد سنه او سنتين .. مثلا كلمت صبي او اغلطت أي غلط وزفيتيها وحاولتي تمنعينها يمكن تمسكج من الايد اللي تعورج وتهددج انها تقول حق جاسم وبهالطريقه تخليج ساكته وماتقدرين تمنعينها من أي شي روان : ( خافت ) لا لا ماتوقع منول تسوي جذي فجر : اذا اهي من هالعمر تجرأت وهددتج .. تبين باجر لي راهقت عدل بتسكت وتخليج تتحكمين فيها ؟ روان : زين يعني شسوي ؟ فجر : لو كنت مكانج اقول حق جاسم وما اخليها تمسك علي أي شي روان : ( انصدمت ) اقوله ؟؟؟!!! فجر : اي قوليله عيل تخلينها تلعب بأعصابج متى مابغت ؟ روان : اشلون اقوله اخاف يطلقني ؟ فجر : انتي ييبيها بطريقه عدله .. بس المهم انها تطلع منج مو من غيرج روان : مادري خايفه والله فجر : روّون اختج حتى لو اعتذرت لج الحين .. صدقيني باجر لي بغت اتمشي اللي براسها بتتذكر انها ماسكه عليج ممسك .. فكري عدل بكلامي وسوي اللي يريحج .. انا تأخرت لازم اروح روان : تو الناس فجر : لا والله لازم اروح اييلج وقت ثاني روان : لحظه بعطيج شي فجر : شنو ؟ روان : ( راحت بطلت الكبت وطلعت الدبدوب اللي عطاها اياه بدر ) فجر : ( اتطالعها ) روان : اخذيه سوي فيه اللي تبين مابي اخليه عندي فجر : ( خذته منها ) احسلج روان : اوكي خل اوصلج تحت ( قامت اتوصلها لي الباب ) -- - بيت ابو جاسم – ( هلا اصعدت فوق واهي تبجي ) ام جاسم : ( توها طالعه من غرفتها ) اشصار وين حسن ؟؟ ابو جاسم : راح ام جاسم : وهلا ؟ ابو جاسم : حسن قال انها مارضت ترجع معاه وبيدز لها اورقة طلاقها مثل ما اطلبت ام جاسم : ( اشهقت ) بروح اشوفها جاسم : يمه الحين نفسيتها تعبانه لحد يكلمها بهالموضوع الله يكون بعونها ام جاسم : ( اقعدت تبجي ) عين حاشتج يا بنيتي ولا انتي اشناقصج عن اللي يخلفون ابو جاسم : قولي الحمدلله على كل حال .. غيرها حالهم اسوء --- - فجر اوصلت بيتها واصعدت غرفتها واشبكت .. بس مالقت بدر شابك .. انطرته لي الليل يالله شبك .. على طول دشت عليه - Fjo0oOo0o : وينك ماشبكت ؟؟؟ نطرتك وايد Feel happy : كان ضايق خلقي رحت اتمشى Fjo0oOo0o : عسى ارتحت ؟ Feel happy : يعني .. مو وايد Fjo0oOo0o : لا لا اليوم انا قاعده معاك لي الصبح وبخليك اتفضفضلي وانا اسمعك Feel happy : اسمعك ؟؟ يعني نغزه عشان افتح المايك ؟ Fjo0oOo0o : ههههههههههههههه لا والله ماقصدت بس بطله ماقول لأ Feel happy : انتي بعد بطليه Fjo0oOo0o : اوكي ( افتحوا المايك واقعدو يسولفون.. و فجر اضحكت وايد لأن اسلوب بدر كان يونس ودمه خفيف ) - مرت ساعتين كاملين و بدر فصل لأن يبي ينام .. و اهي سكرت اللاب توب ونزلته عالارض – ( انسدحت تفكر ودموعها انزلت ) فجر : ادري انه كان حبيبج بس مادري شاللي صايرلي .. صعبه اصارحج .. وبنفس الوقت مو حابه اخش عنج اني حبيـــــــته -------------------------------------------------------- |
** البارت الثامن والعشرون **
- غرفة روان - ( روان قاعده عالسرير و تحاتي اشلون تفاتح جاسم بالموضوع .. النطره تعبت اعصابها اكثر .. امسكت التلفون ودقت على جاسم ) روان : الو جاسم : هلا حبيبتي روان : وينك ؟ جاسم : راد البيت بالطريج ليش؟ روان : لا بس اسأل جاسم : اوكي عيل مع السلامه روان : باي - سكرت الخط منه ودقت على فجر .. بعد رابع رنه ردت عليها – روان : الو فجر : ( صوتها متضايق ) هلا روان روان : نايمه ؟ فجر : لا قاعده روان : صوتج مبين جني قعدتج من النوم فجر : لا مونايمه بس منسدحه روان : فجور والله حدي خايفه اهو ياي بالطريج احس ماراح اقدر اصارحه بشي فجر : مادري انا اقول لازم تقوليله تعوذي من ابليس وكلميه تطلع منج احسن من انها تطلع من منال روان : ( حدها متضايقه ) اوكي خلاص عيل اخليج تنامين ادعيلي فجر : موفقه يارب روان : مع السلامه ( سكرت التلفون و قاعده تدعي ان كل شي يمر على خير ) --- - غرفة فجر – ( بعد ماسكرت التلفون من روان تمت اتطالع الشاشه ) فجر : اشلون اقولج .. ياترى راح تفهميني ؟ - حطت التلفون تحت المخده و امسكت الدب و حطته على بطنها واهي منسدحه – فجر : ( تكلم الدب ) وانت ؟ تعتقد بدر مرتاح لي ؟ ولا بس يكلمني لأني اذكره بروان ؟ .. ( اقلبت على جنب و نومت الدبدوب يمها وتمت اتفكر ) --- - جاسم وصل البيت ودش الغرفه – روان : ( اول ماشافته قلبها بدى يرقع ) جاسم : ها ليش مانمتي ؟ روان : ناطرتك جاسم : ( ابتسم بضيق ودش الحمام – عزكم الله - ) - روان كانت حيل مرتبكه مو عارفه اشلون تبدي معاه الموضوع .. جاسم طلع من الحمام .. بدل ملابسه وقعد يمها – جاسم : تعشيتي ؟ روان : اي الحمدلله وانت ؟ جاسم : بالعافيه .. وانا بعد تعشيت روان : ( ودها تقوله عشان ترتاح بس متردده ) جاسم : ( ساكت ومبين عليه ان وايد متضايق ) روان : جاسم اشفيك ؟ جاسم : هلا راح تتطلق روان : ( اشهقت ) يعني ما اتفقو ؟ جاسم : لا اهي مصره على الطلاق وماتبي ترجع معاه روان : لا حول ولا قوة الا بالله .. مسكينه جاسم : تعتقدين اهي معاها حق باللي سوته ؟ روان : مادري عن ظروفها .. بس لو انا مكانها ما اتخلى عن ريلي جاسم : ( تم مده يطالعها بعدين لمها ) تدرين على قد ما كنت متضايق احس الحين اني وايد مرتاح روان : ( واهو لامها ) دوم يارب بس ليش ؟ جاسم : ( وخر عنها وباس راسها ) لأنج صرتي من نصيبي .. ( باس ايدها ) و لأني احبج روان : ( ابتسمت وماحبت اتضيق خلقه واتقوله عن بدر بهالوقت ) جاسم : روان ؟ روان : هلا جاسم : مرتاحه معاي ؟ روان : ليش تسأل هالسؤال ؟ جاسم : سألته لأني وايد اشوف الحزن بعينج روان : لا .. يتراوالك جاسم : يعني مرتاحه معاي ؟ روان : ( تبتسم ) اي اكيد جاسم : وغير الراحه شتحسين ناحيتي روان : ( ابتسمت ) كل شي زين جاسم : ابي اسمع قولي روان : شقول جاسم : يللا عاد روان قولي شتحسين ناحيتي روان : ( اول مره اتقولها ) احبك جاسم : ( حده استانس ) حلفي روان : ( تبتسم ) خلاص عاد جاسم : تستحين مني ؟ روان : ( ساكته ) --- - ثاني يوم كان الغدى ببيت ابو جاسم – - بعد الغدى – جاسم : اشلون هلا الحين .. صعدتولها غداها ؟ ام جاسم : موراضيه تاكل والله خايفه عليها روان : ( قامت ) بصعد اشوفها ام جاسم : وين وين ؟؟ قعدي لا تصعدين مالها خلق احد جاسم : يمه خليها تروح يمكن هالشي يريح هلا ام جاسم : لا لا مايريحها روان : ( اقعدت واهي متضايقه ) جاسم : فروس تعال فراس : ( ياله ووقف جدامه ) جاسم : روان اخذي فروس و روحيلها .. اكيد راح تستانس روان : ( اتطالع ام جاسم ) ام جاسم : ( ساكته ما قالت شي ) جاسم : ( يبتسم حق روان ) روحي يللا - قامت روان خذت فراس واصعدت فوق .. طقت باب غرفة هلا ودشت – هلا : ( منسدحه وماعطيتهم ظهر ) قلت مابي غدى طلعو بره روان : ( أشرت حق فراس عشان يروح لها ) فراس : ( صعد السرير وباس هلا على جتفها ) هلا : ( لفت عليه ) حياااااتي انت ( لمته حييل جان تقعد تبجي ) روان : ( اقعدت يمها ) هلا حبيبتي هدي نفسج ان شاءالله مايصير الا كل خير فراس : ( بجى معاها ) روان : شوفي بجى لأنج قاعده تبجين هلا : ( تسمح دموعها وتبتسم ) خلاص حياتي فروس شوف مافيني شي فراس : ( وقف بجي ولمها ) ماما هلااا حبيبي هلا : والله انت اللي حبيبي روان : ( تظحك ) هلا : اذا حملتي ان شاءالله راح اخذ فروس يعيش اهني اوكي ؟ روان : ( تبتسم ) اكيييد لأ طبعااا .. هذا حياتي كلها هلا : ( اسكتت و ويهها تضايق ) روان : ( انصدمت لأن كان عبالها ان هلا تتغشمر ) فراس : ( يمد ايده بويه هلا ) تووفي عوّنـّي هلا : ( شافت ايده كان فيها جرح .. باستها ) منو عورك ؟؟؟ فراس : ( يأشر عالباب ) تاح مناك روان : توه طايح بالحوش هلا : ( تبوس ايده مره ثانيه ) حياتي انت - منال دشت عليهم – منال : روان عمي يبيج روان : ( تكلم هلا ) اخليه عندج؟ هلا : اي روان : ( قامت اطلعت من الغرفه ومنال اطلعت معاها ) منال : تعالي شوي الغرفه بكلمج روان : ( راحت معاها غرفتهم اللي قبل ) اشفيج ؟ منال : عمي سألني عن الحجاب قلتله انا وروان اتفقنا اني ما اتحجب الحين روان : ( طالعتها منصدمه ) بس انا ما اتفقت معاج على شي منال : ( بنظره لها معنى ) بلى اتفقنا وخلصنا نسيتي ؟؟ روان : ( امسكت منال من زندها حيل ) منول لا تحطين راسج براسي منال : ( بعصبيه ) هديني مو على كيفج تمسكيني جذي روان : ( من الحره اللي فيها زادت الضغط على زند منال ) تعدلي مع اللي اكبر منج لا والله اعلم اصابعي على ويهج فاهمه ؟؟ منال : ( دزت ايد روان وردت عليها بطنازه ) ماتقدرين فاهمه ؟؟ روان : ( لا شعوريا ) عطتها طراق منال : ( انصدمت واقعدت اتطالعها ودموعها انزلت ) روان : ( تضايقت لأنها طقتها ) منال انتي حديتيني اني .. منال : ( خلتها واطلعت ) روان : ( اطلعت وراها ) لحظه منول منال : ( اركضت تحت ) --- - غرفة فجر – Fjo0oOo0o : انت مو بالجامعه ؟ Feel happy : لا اليوم ماعندي الا الصبح Fjo0oOo0o : اي اشوه راحه Feel happy : راحه ولا تعاله ؟؟ Fjo0oOo0o : هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههه يالسخيييييييف Feel happy : دام اني سخيف ليش بتموتين من الظحك ؟ Fjo0oOo0o : هههههههههه لأن سخافتك اتهبل Feel happy : لا لا لا لا جنج قاعده تغازليني Fjo0oOo0o : :$ :$ ما غازلتك Feel happy : اي ديري بالج تره ما ارضى Fjo0oOo0o : زين :$ Feel happy : اي خليج خوش بنت Fjo0oOo0o : انا خوش بنت :$ Feel happy : زين خلاص لا تحطيلي هالويه Fjo0oOo0o : ليش ؟ :$ Feel happy : شوف ؟؟ ردت حطته Fjo0oOo0o : :× Feel happy : يللا روحي نامي اعرفج ماتطوفين نومة العصر Fjo0oOo0o : اي شسوي اهضـّم اكل الغدى Feel happy : هههههههههههه يللا روحي هضمي عيل Fjo0oOo0o : C u tonight :> // اشوفك بالليل // Feel happy : ان شاءالله Fjo0oOo0o : يللا سي يو Feel happy : باي --- ( سكرت اللاب توب واهي مبتسمه حطته عالارض وامسكت الدبدوب ولمته وانسدحت ) فجر : والله احبك --- - بيت ابو جاسم – (منال قاعده تبجي بالصاله ) ابو جاسم : اشفيج تبجين ؟ منال : مافيني شي جاسم ودني البيت جاسم : اول قوليلي اشصاير وليش خدج جذي من طاقج ؟ منال : ( باصراخ ) مابي اقول شي ودني البيت ام جاسم : ( معصبه ) قصري صوتج .. يبيلج قص السان منال : ( زادت بجي ) ابي اروح بيتنا الله يخليك ودني - انزلت روان ومعاها فراس – روان : جاسم ممكن نمشي ؟ جاسم : اوكي ابو جاسم : اشصاير يبه ؟ روان : ماكو شي عمي لا تحاتي ابو جاسم : اشلون ماكو شي والبنت نازله ميته بجي وخدها احمر روان : ( اسكتت ) جاسم : خلاص يبه لازم نمشي الحين .. ( ينادي ) مشاري مشاري مشاري : ( دش الصاله ) نعم ؟ جاسم : بنروح البيت يللا امش مشاري : لاااا قاعدين نلعب مصارعه الله يخليك بقعد روان : ( بعصبيه ) مشاري امش خلصني مشاري : ( خزها مده بعدين راح معاهم ) جاسم : يللا مع السلامه ( اطلعو من البيت ) - بالسياره – جاسم : اشفيكم ؟؟ روان : ( ساكته ) منال : ( تبجي وتشاهق ) جاسم : ( معصب ) احد يرد علي ويقولي اشصاير ؟؟ منال : ( زادت بجي ) مشاري : ( حط ايده على جتف منال ) اشفيج منال ؟ منال : ( عصبت ودزت ايده ) لا تمسكني و مابي احد يكلمني مشاري : اشفيها ؟ جاسم : ( يطالع روان ) نوصل البيت ونقعد مع بعض ونعرف اشفيها ============================= |
** البارت التاسع والعشرون **
جاسم : ( معصب ) احد يرد علي ويقولي اشصاير ؟؟ منال : ( زادت بجي ) مشاري : ( حط ايده على جتف منال ) اشفيج منال ؟ منال : ( عصبت ودزت ايده ) لا تمسكني و مابي احد يكلمني مشاري : اشفيها ؟ جاسم : ( يطالع روان ) نوصل البيت ونقعد مع بعض ونعرف اشفيها - كملوا طريجهم و الكل ساكت وبعد مده منال وقفت بجي - ( رن تلفون روان وكانت اللي داقه خالتها حصه ) روان : ( ردت عليها وصوتها متضايق ) الو هلا خالتي ام محمد : هلا حبيبتي هلا بالغالية .. وينج يمه ماتسألين عن خالتج صارلي مده ماشفتج روان : والله ادري اني مقصره بس لهيت شوي تدرين بعد اليهال عندهم امتحانات ام محمد : اي والله صاجه .. اذا فضيتي مري علي عاد مو تطولين روان : ( اسكتت شوي قاعده تفكر ) ام محمد : الو ؟ روان روان : خالتي انتي فاضيه الحين ؟ ام محمد : بتيون ؟ روان : يعني اذا فاضيه ام محمد : لا تسألين هالسؤال البيت بيتكم حياكم الله ناطرتكم روان : الله يحييج .. مع السلامه خالتي ( سكرت التلفون ولفت على جاسم ) روان : جاسم ؟ ممكن تودينا بيت خالتي ؟ مشاري : ( مستانس ) بنروح حق يعقوب !! جاسم : ( يكلم روان ) اول انروح البيت نتفاهم عاللي صار روان : بس آنا محتاجه اروحلها الحين واهي ناطرتنا جاسم : ( بعصبيه ) وانا شنو طرطور عندكم تتهاوشون وتوصل لي الطق وانا مادري شالموضوع ؟؟ روان : ( لفت على منال طالعتها ) منال : ( عطتها نظره بعدين لفت ويهها على الدريشه ) روان : وعد اقولك اذا رجعنا .. بس الحين بنروح حق خالتي .. واذا ماتقدر اتوصلنا خلاص ودنا البيت وانا آخذ السياره واروح جاسم : ( مارد عليها وغيـّر طريجه رايح بيت خالتها ) - اوصلوا عند بيت خالتها – روان : خيريه نزلي مع اليهال انا لاحقتكم بعد شوي خيريه : اوكي ( انزلوا كلهم ماعدا منال ) روان : منال انتي بعد نزلي منال : ( طالعتها مده بس ماردت عليها ) جاسم : ( بهدوء ) منول نزلي منال : برجع معاك البيت جاسم : نزلي شوي وترجعون البيت ماراح تطولون منال : مابي انزل و برجع البيت روان : ( اتطالع جاسم وحدها متضايقه من تصرف منال ) جاسم : منول عشان خاطري نزلي يللا عفيه عالشاطره سمعي الكلام منال : ( بجت وعلت صوتها ) خلاص عاد لا تعاملوني جني ياهل تره بس مليت جاسم : ( استغرب من ردة فعلها ) افا منول اشفيج اشقلت الحين عشان تبجين ؟ منال : ( انزلت من السياره واهي تبجي وماردت عليه ) جاسم : ( يطالع روان ) ماراح تقوليلي اشصار ؟ روان : ( متضايقه ) منال تمر بمرحله صعبه و بسرعه تعصب وصاير السانها طويل وتراددني وايد .. فماتحملت ومديت ايدي عليها جاسم : ( مسك ايدها ) انا ادري ان فترة المراهقه صعبه .. بس حاولي تتحملينها انتي اختها العوده روان : ( اسكتت ) جاسم : زين انتي قوليلي اللي صار عشان احل الموضوع روان : ( ودها تبجي ) وعد اقولك اذا رجعنا خل انزل الحين .. محتاجه اقعد مع خالتي شوي جاسم : اوكي حبيبتي .. ديري بالج روان : مع السلامه ( انزلت من السياره ) - دشت البيت لقت خالتها قاعده بالصاله تلاعب فراس وخيريه قاعده عالارض – ام محمد : ( بتقوم اتسلم عليها ) هلا حبيبتي روان روان : ( حطت ايدها على جتفها ) خليج قاعده خالتي ( سلمت عليها واقعدت يمها ) ام محمد : ها اشلونج حبيبتي .. واشلون ريلج روان : ( مبين انها متضايقه ) الحمدلله ام محمد : خير يمه اشفيكم ؟ روان : وين منال ؟ ام محمد : اركضت فوق حتى ماسلمت علي شكلها مستعيله تبي الحمام روان : وفجر وين ؟ ام محمد : نايمه قعدتها وايد بس ماقامت صايره تسهر لي الفير وتنام جم ساعه وتقوم حق الدوام .. وبعد الغدى تنام لي الليل بتينني هالبنت .. كل صلواتها جمع استغفرالله روان : ( ساكته ومبين على ويهها الضيق ) ام محمد : يمه اذا خاطرج تكلمينها بموضوع روحي قعديها روان : لا خالتي بكلمج انتي ام محمد : خير يمه ؟ روان : ميخالف نقعد بمكان بروحنا مابي احد يدش علينا ام محمد : اي اكيد تعالي داري عمج طالع روان : خيريه خليج مع فراس خيريه : اوكي - روان قامت معاها ودشوا الغرفة وسكروا عليهم الباب .. و اقعدوا عالسرير – ام محمد : حبيبتي قبل لا تقولين شي تره اسرار ريلج لازم ماتطلع يعني على قد ماتقدرين حاولي تخلينها بقلبج روان : الموضوع مو بس يخص جاسم .. وانا ماقدر اخشه بقلبي اكثر من جذي ( دموعها انزلت ) ام محمد : خير يمه اشفيج ليش تبجين ؟ جاسم سوالج شي ؟ روان : ( اقعدت تبجي ) خالتي انا تعبانه ام محمد : اشصار روان لا تخرعيني ؟؟ روان : ( واهي تبجي ) خالتي وانا ببريطانيا كان في واحد اهناك يدرس معاي وكان يحبني و بيخطبني ام محمد : ( انصدمت ) كنتي تحبين واحد ؟ روان : ( زادت بجي ) اي .. و كان بيخطبني والله .. بس امي وابوي توفوا واتزوجه و ارجع معاه عشان نكمل دراستنا ام محمد : ( شوي معصبه ) زين اهدي شوي خل نعرف نتكلم روان : ( امسحت دموعها ) خالتي والله ماسوينا شي غلط .. بس كان يحبني ويبيني بالحلال .. بس ماقدرت اتزوجه ماقدرت اهدهم واسافر معاه ام محمد : وعقب ماتزوجتي جاسم اشصار ؟ رجع اهني ؟ روان : ( انزلت ادموعها مره ثانيه جان تمسحهم ) اي رجع وشافني مع جاسم بالسينما وتهاوش معاه ام محمد : ( اشهقت حطت ايدها صدرها ) وجاسم اشسوالج ؟؟!! روان : مايدري منو هذا .. عباله واحد غريب مادرى انه يعرفني ام محمد : حسبي الله عليه زين ماخرب بينكم روان : ( اقعدت تبجي ) ام محمد : ( بعصبيه ) شنو يعني انتي ندمانه على زواجج وتبين تتطلقين وترجعين حق ذاك ؟؟؟ روان : لا خالتي انتي مو فاهمه شي ام محمد : عيل فهميني اسمعج روان : ( تمسح دموعها ) بعد الهوشه .. ردينا البيت و جاسم طلع .. جان ذاك يدق علي ام محمد : ( حطت ايدها على خدها ) لا يكون رديتي عليه !!! روان : اي خالتي رديت عشان اقوله يتركني بحالي .. و يروح بنصيبه و مايسويلي مشاكل مع ريلي ام محمد : ( معصبه ) غلطانه المفروض ماتردين عليه روان : ( انزلت دموعها ) بس انا رديت واسمعتنا منال ام محمد : وي وي وي .. واشصار ؟ روان : ( اقعدت تبجي وتشاهق ) من يومها واهي تهددني .. أي شي اقوله لها تهدنني انها تقول حق جاسم .. خالتي والله اني تركته وقطعت كل شي يربطني فيه وتخليت عن دراستي عشان اخواني .. الحين على كل شي تهددني .. عمي يقولها تحجبي تهدد لو حجبتها تقول حق جاسم خالتي والله تعبت ماقدر اتحمل اكثر ( حطت ايدها على ويهها واقعدت تبجي جنها ياهل ) ام محمد : ( تهز راسها ) لا حول ولا قوة الا بالله ... لا حول ولا قوة الا بالله روان : ( تمت تبجي ) ام محمد : والحين هذا للحين يدق عليج ؟ روان : ( تهز راسها – لأ - ) ام محمد : الحمدلله روان : ( عقب ماهدت شوي ) خالتي انا كنت بعترف حق جاسم بس ... ام محمد : ( تقاطعها ) لا ديري بالج تسوينها .. اكبر غلط اذا قلتي حق زوجج انج كنتي تعرفين واحد قبله روان : بس منال ... ام محمد : منال خليني انا اكلمها روحي يمه ناديها لي .. وخلاص لا تبجين .. انتي غلطتي يوم حبيتي بس الحين اللي صار صار و اتمنى انج تحافظين على ريلج روان : ان شاءالله .. ( لمت خالتها مده وباست خدها وقامت ) - اطلعت من الغرفه نادت منال وقالت لها ان خالتها تبيها .. و اصعدت فوق حق فجر – ( دشت غرفتها لقتها نايمه ) روان : ( بطلت الليت و اقعدت يمها عالسرير ) فجر .. فجر قومي فجر : خلوني انااام روان : ( تهزها ) فجر قومي .. قلت حق خالتي عن بدر فجر : ( اسمعت اسم بدر افتحت عينها ) شنو ؟ روان : قلت حق خالتي عن بدر فجر : ( قامت اقعدت ) ليش اتقوليلها ؟؟؟ روان : لأني ماقمت اتحمل تهديدات اكثر من منال .. لازم تتصرف خالتي معاها فجر : وليش ماقلتي حق جاسم مو اتفقنا انج تقوليله ؟؟!!! روان : ماقدرت حاولت اقوله بس ماعرفت اشلون افتح السالفه .. ويوم دقت علي خالتي قلت احسن حل اني اقولها يمكن تقدر اتساعدني من غير ما اضطر اقوله فجر : بس ماكان المفروض امي تدري عن هالشي روان : فجر انا مادري شنو ردة فعل جاسم لو عرف يمكن يطلقني .. والحمدلله احس ارتحت لأني قلت لها فجر : تتوقعين بينحل الموضوع ؟؟ وماترد منال بعد سنه او سنتين وتفضحج عنده ؟؟ روان : خل انشوف خالتي شنو تسوي الحين و بعـ.. فجر : ( قامت من الفراش – بعصبيه - ) انا حيل متضايقه لأن امي درت عن بدر الحين شتقول عني ؟؟ اكيد بتشك اني اكلم شباب انا بعد .. بروح الحمام ( اطلعت من الغرفه ) ( روان تمت قاعده عالسرير واهي متضايقه من ردة فعل فجر .. لفت ويهها شوي صوب المخده جان تشوف الدبدوب اللي عطاها اياه بدر .. خذته واقعدت اتطالعه ) روان : ( بقلبها ) ودي اعرف اشلون الدراسه معاك صارت صعبه اكثر من قبل ولا ماشي حالها ودي اعرف كل اخبارك بس خلاص لازم انسى كل شي يتعلق فيك - دشت فجر وشافتها ماسكه الدبدوب – فجر : للحين تفكرين فيه ؟ مو قلتي انج حبيتي جاسم ؟ روان : ( حطت الدب عالسرير وابتسمت ) اي حبيته فجر : ( تسندت عالكبت ) ماكان لازم امي تدري روان : والحين درت .. وان شاءالله تقدر تسوي شي فجر : ( اسكتت ) - دشت خيريه – خيريه : روان ماما يبي تحت روان : ( قامت ) اتيين معاي ؟ فجر : لا روان : ( ابتسمت لها ) تره ماقلتلها انج تدرين .. اذا كلمتج قولي ان ماعندج علم بشي ( اطلعت وخلتها ) - انزلت الصاله لقت خالتها جنها باجيه رموشها مبلله – روان : خير خالتي اشصار ؟ ام محمد : ( ابتسمت ) دشيلها الغرفه ناطرتج روان : شنو قلتيلها ؟ ام محمد : قلتلها اشكثر انتي اخت طيبه و اشكثر ضحيتي وذكرتها بأشياء وايد كانت ناسيتها .. روحي يمه روان : ( شوي وتبجي ) اوكي ( راحت ) - دشت الغرفه لقت منال قاعده عالسرير – منال : ( قامت وادموعها تنزل ) روان انا ...( اسكتت ) روان : ( يت يمها ) منال : ( لمت روان حيل واقعدت تبجي ) آسفه والله ادري اني تعبتج وادري اني غلطانه بس مادري اشفيني ومادري ليش عاملتج بهالطريقه .. الله يخليج سامحيني روان : ( انزلت دموعها ) منول انتي اختي الوحيده ماكان ودي يصير بينا جذي منال : ( و اهي لامتها ) ادري ان مالج ذنب باللي صار حق جاسم .. سامحيني روان : ( وخرت عنها و مسحت دموعها ) خلاص لا تبجين من اليوم بنفتح صفحة يديده منال : قبل لا نفتحها بتعترفلج بشي روان : شنو منال : تره ماكنت راح اقول حق جاسم أي شي .. بس مادري ليش كنت اتصرف جذي روان : يعني كنتي تقصين علي ؟ منال : ( تهز راسها – اي - ) روان : ( لمت اختها ) عليج شطانة بنات الله يستر منج منال : احبج روان روان : وانا بعد احبج - بعد فتره اطلعوا من الغرفه واقعدوا بالصاله مع خالتهم اضحكوا واستانسوا وفجر كانت معاهم .. بعدين يه جاسم خذاهم وراحوا – - بالسياره – جاسم : اشوف النفسيه احسن ؟ روان : ( تبتسم ) اي وايد جاسم : وانتي منول اشلونج منال : ( تبتسم ) زينه جاسم : الحمدلله - بعد ما اوصلوا البيت – ( بغرفة روان وجاسم ) جاسم : قعدي وقوليلي شنو صار عشان طقيتيها واشلون تغيرت نفسيتكم من رحتوا بيت خالتج ؟ روان : ( اقعدت يمه وابتسمت لأنها مرتاحه ان كل شي تعدل ) عمي اللي اهو ابوك يبي منول تتحجب واهي مو راضيه وقامت تقل ادبها علي ولا شعوريا طقيتها .. وخالتي حبيبتي كلمتها وفهمتها ان اللي تسويه غلط واعتذرت مني وكل شي صار تمام جاسم : ( حوطها بيده وباس راسها ) الحمدلله تستاهلين كل خير .. وابوي انا بكلمه واقوله يصبر شوي لين بروحها تقتنع روان : ( حاطه راسها على جتفه ) تسلم يارب |
** البارت الثلاثون والأخيــــــــــــر **
- بعد شهرين – ( غرفة فجر ) Foog el sa7ab : واخييييييرا تخرجت باركلي Feel happy : الف مبرووك عشان جذي طرتي فوق السحاب ؟؟ Foog el sa7ab : ههههه اي عشان جذي وعشان اسباب ثانيه بعد Feel happy : شنو اهي ؟؟ Foog el sa7ab : مابي اقولهم .. Feel happy : كيفج Foog el sa7ab : يللا الفال لك وان شاءالله ترجع لنا دكتور اد الدنيا Feel happy : اي عشان أعالجج اذا سويتي حادث وصار فيج عاهه Foog el sa7ab : اسم الله علي .. ان شاءالله عدويني :@ Feel happy : هههههه ليش عصبتي قاعد اتغشمر معاج Foog el sa7ab : :> ادري مو من قلبك Feel happy : اي والله مو من قلبي Foog el sa7ab : بدر ؟ Feel happy : هلا Foog el sa7ab : اذا انا مت تزعل ؟ Feel happy : اي والله وايد ازعل Foog el sa7ab : ليش ؟ Feel happy : بعدين أقزر وقتي بالمسنجر على منو بالله ؟ Foog el sa7ab : لا والله ؟؟؟؟؟ :| Feel happy : هههههههههههههه اشفيج انصدمتي ؟ Foog el sa7ab : لا بدر عاد صج صج تزعل ولا لأ Feel happy : اشهالسؤال الغبي ؟ اي والله اكيد ازعل .. لو قطوة تقعد معاي وقت طويل بعدين تموت ازعل عليها Foog el sa7ab : مره اتقول اقزرها عليج ومره اتقول لو قطوه ماتت ازعل .. انت كلش ماكو اسلوب :@ Feel happy : اوكي يا ام الاسلوب انتي تخرجتي الحين بس انا للحين طالب .. وبروح ادرس Foog el sa7ab : اوكي روح موفق Feel happy : باي Foog el sa7ab : مع السلامه - افصلت من النت جان يرن تلفونها وردت عليه – فجر : الو هلا روّون روان : مبروووووك الف مبروك اليوم كان آخر امتحان مو؟ فجر : اييي واخيييرا تخرجت روان : اي الحمدلله .. الفال حق الوظيفه فجر : آمين .. اقول روّون روان : هلا فجر : تقدرين اتيين بيتنا اليوم ؟ روان : اي اقدر بس ليش اشفيج ؟ فجر : بكلمج بموضوع روان : اوكي خلاص اييلج بعد صلاة المغرب فجر : اوكي ناطرتج روان : يللا عيل اخليج الحين باي فجر : باي ( سكرت التلفون ) فجر : ( بقلبها ) خلاص ماقدر اخش بقلبي اكثر لازم اقولج --- - بيت روان بالصاله – جاسم : ها اشفيها ؟ روان : تبيني اروحلها اليوم .. ممكن ؟ جاسم : ( يبتسم ) بعد استأذني مره ثانيه و خل افكر بالموضوع روان : ( تظحك ) يللا عاد جاسم .. اروح ولا ماروح ؟ جاسم : زين اول مو قلنا نروح انحلل اذا حامل او لأ روان : تره ماتأخرت الا اسبوع بسم الله انطر شوي مو الحين احلل جاسم : زين ولا حتى التست اللي بالبيت ؟ روان : لا مابي .. و خلاص وعد بعد اسبوع اروح معاك العياده زين ؟ جاسم : ( يبتسم ) كله اتمشي اللي براسها ( قلب القنوات وحط مباراة وقعد يشوف ) -- - بعد المغرب روان واليهال اطلعوا من البيت و راحوا بيت خالتهم – ( بعد ماسلمت عالكل اصعدت فوق حق فجر ) - دشت الغرفه – روان : السلااااام عليكم فجر : اهليين وعليكم السلام روان : مبرووووك اقولها لج للمره الثانيه فيس تو فيس .. وهاج هالهديه ( عطتها جيس صغير لونه ازرق مزين ومكتوب عليه happy graduation // تخرج سعيد // فجر : ( خذت الجيس منها واقعدت عالسرير ) الله مكشختني ( بطلت الجيس لقت برواز حلو في صورتها وصورة روان مع بعض كانو مصورينها منزمان بالمدينه الترفيهيه ) فجر : ( تظحك ) هالصوره قديمه للحين عندج ؟ طاع اشكالنا روان : ( اقعدت يمها ) اي بس تونس صح فجر : اي وايد .. ( حطت البرواز عالميز يم السرير ولفت اتطالع روان ) روان : اشفيج ؟ فجر : ( اسكتت ) روان : اشفيج فجور ؟ فجر : روان في شي بقوله لج منزمان بس كل ما ابي افتح الموضوع اخاف من ردة فعلج روان : اشفيج ؟ اشصاير ؟ فجر : مابي اقولج مقدمات بدش بالموضوع على طول روان : يللا دشي بالموضوع اسمعج فجر : ( ابلعت ريجها وقاعده اتطالع الارض ) انا احب بدر روان : ( اول ما اسمعت هالجمله حست جنها انطعنت بقلبها وماقدرت اتقول ولا كلمه تمت ساكته واتطالع فجر ) فجر : ( ارفعت راسها وطالعت روان ) روان انتي الحين متزوجه وتحبين ريلج وانا كنت كل يوم اكلم بدر بالمسنجر واقوله اخبارج اول بأول وقمنا انسولف وايد ومادري احس اني حبيته و ماقدر يمر يوم ما اشوفه فيه اون لاين .. و ماقدرت اخش عنج هالشي اكثر من جذي روان : ( قلبها قعد يدق بسرعه وحست الدنيا تفتر فيها .. وابتسمت غصب ) الله يوفقكم فجر : ( ابتسمت مو مصدقه ) صج ؟؟ روان : اي صج .. موفقه تستاهلين كل خير .. بدر خوش واحد فجر : ( لمت روان ) الحمدلله والله كنت خايفه انج تتضايقين روان : ( واهي مبتسمه ) لا عادي فجر : حبيبتي انتي - رن تلفون روان .. كانت هلا – روان : ( ردت على طول ) الو .. هلا ( هلا ) هلا : ها اشلون فروس ولهت عليه ماتيون اليوم روان : والله مادري هلا : خلاص متى مافضيتو ييبيه ابي اشوفه روان : اوكي هلا : يللا باي ( سكرت الخط ) روان : ( تسوي روحها للحين تكلمها ) الحين ؟ اوكي كاني يايتج باي فجر : ها اشتبي ؟ روان : ( ايدها ترجف بس اتحاول تسيطر على نفسها ) مادري اتقول تبيني ضروري .. اقدر اخلي اليهال عندكم فجر : اي اكيد روان : يللا عيل انا لازم امشي فجر : بوصلج تحت روان : لا لا مايحتاي .. باي ( خلتها واطلعت بسرعه ) - بالسياره – ( روان ماقدرت تمسك اعصابها اكثر واقعدت تبجي مثل اليهال تبجي وتشاهق ) روان : ( واهي تبجي .. اقعدت تصارخ ) مالقيتي الا بدر ؟؟ ليش يعني مافي بالكون غيره ؟؟ .. بدر كان كل حياتي .. اشلون قدرتي تحبينه ؟؟ - راحت اسفطت سيارتها عند الفرع يم بيتهم واقعدت تبجي بجي وحست ان روحها بتطلع من كثر مابجت – روان : ( بقلبها ) ادري اني تزوجت واحب جاسم الحين .. بس مايصير اللي تسوينه اشلون بعد ماكان حبيبي يصير حبيبج و يمكن يتزوجج صعبه يا فجر صعبه .. ليش استسهلتيها ~~خلــونـي ابكـي وأتركوني لحآلي مادام ما بالكون واحد فهمنـي ~~ ~~حتى الصديق اللي على الروح غالي أعز كل الناس جار وظلمني ~~ ~~الله ما أحدٍ يشغله ضيق حالـي أبكي قهر مظلوم محدٍ رحمني ~~ ~~وش عاد دام كل شيٍ جرالـي ولمن أبشكي دام محدٍ فهمني ~~ ---- - بعد اسبوع – ( روان قاعده عالغدى مع جاسم واخوانها جان يرن تلفونها ) روان : ( طالعت الشاشه جان تحطه ميوت ) جاسم : منو داق ؟ روان : فجر جاسم : وليش ماتردين عليها ؟ لاحظت صارلج مده ماتكلمينها روان : مادري مالي خلق جاسم : شكله عطوكم عين روان : يمكن جاسم : زين عملي احسابج تره مو ناسي واليوم بنروح انحلل روان : اوكي منال : ( رافعه ايدها تدعي ) يارب يارب يارب تطلع بنت روان : ومنو قالج اني حامل ؟ منال : احساسي يقول .. ويارب تكون بنت جاسم : كل شي من الله حلو بس اهم شي الحين نعرف اذا حامل او لأ مشاري : اي نبي بنت .. عندنا ولد صغير بس ماعندنا بنت روان : ( تبتسم ) ان شاءالله خير -- - بعد المغرب قطوا اليهال بيت خالتهم حصه وراحو عيادة بالجابريه وحللت واطلعت حامل صارلها 5 اسابيع – ( بالسياره ) جاسم : ( ماسك ايد روان ويبوسها ) الف مبروك ماتدرين اشكثر مستانس روان : ( تبتسم ) انا بعد مستانسه الحمدلله جاسم : احبج روان : وانا بعد احبك جاسم : خل ادق على امي ابشرها روان : انا اقول انروح لهم احسن جاسم : خوش فكره .. ماراح تبشرين خالتج ؟ روان : بلى الحين ادق عليها ( خذت التلفون و دقت على خالتها ) ام محمد : الو هلا حبيبتي روان : خالتي باركيلي ام محمد : ( مستانسه ) صج؟؟؟ الف الف مبروك بأي شهر الحين ؟ روان : ( تظحك ) اشدراج خالتي ؟ ام محمد : يعني رايحه العياده و قلتي باركيلي شنو بيكون يعني روان : اي صح شكله الحمل يخلي الواحد غبي ام محمد : ويي بعدج ماشفتي شي .. بالشهر الاول الحين ؟ روان : خمس اسابيع ام محمد : الله يثبته ويجعله من الذرية الصالحة يارب روان : تسلمين خالتي ام محمد : كبرتيني والله .. بصير يده كله منج .. الفال حق فجور ان شاءالله روان : ( اسمعت اسم فجر حست بنغزه بقلبها ) خالتي احنا بنروح بيت عمي بالليل انمر اليهال اوكي؟ ام محمد : بشرتي فجر ؟ روان : لا انتي قوليلها ام محمد : اوكي روان : مع السلامه ( سكرت الخط ) -- - بيت ام محمد – ام محمد : ( تنادي ) يا عيال ... مشاري منال ( يت لها منال ) منال : هلا خالتي ؟ ام محمد : اختج اطلعت حامل منال : صج!! وناسه الحمدلله ام محمد : الحمدلله .. خل اروح اقول حق فجر منال : وانا بقول حق الصبيان ( اركضت حق غرفة يعقوب ) - ام محمد دشت غرفة فجر لقتها عاللاب توب شابكه – ام محمد : خلي هالعله عنج شوي واسمعيني بقولج خبر يهبل فجر : ( قاعده تكتب بالمسنجر ) زين لحظة شوي يمه ام محمد : اقولج هديه يابنت ماتسمعيني ؟ فجر : ( هدته ) كا هديته اشفيج ؟ ام محمد : روّون حامل فجر : ( انصدمت ) صج !! وليش ماقالتلي ؟؟ ام محمد : قالتلي اقولج .. يمكن مارديتي عليها فجر : ( طالعت تلفونها مالقت ولا مسد كول من روان ) لا مو داقه ام محمد : مادري يمكن الشبكه فيها شي وماقدرت اتدق عليج الله أعلم .. يحلييلها بتصير ام فجر : الله يوفقها - اطلعت ام محمد من الغرفه .. وفجر دقت على روان 3 مرات بس ماردت عليها .. جان اتدز لها هالمسج – " الف مبروك الحمل .. كنت اتمنى اسمع الخبر منج مو من احد ثاني " - حطت التلفون يمها وردت عالمسنجر اتسولف مع بدر وبالها مع روان – --- - بيت ابو جاسم – ام جاسم : ( اتيبب ) واخييييييرا بيصير عندي حفيد هلا : ( تضايقت من كلمة امها ) اي والله .. واخيرا .. موفقين يارب ام جاسم : ( اتطالع بنتها ) عمري هلا لا تتضايقين يمه والله ماقصدت شي هلا : ( ابتسمت ) ادري يمه .. يللا كا ان شاءالله بتشوفين حفيدج .. شنو بتسمونه ؟ جاسم : اذا ولد أحمد على اسم عمي المرحوم الكل : الله يرحمه ان شاءالله جاسم : واذا بنت نادية على اسم المرحومه مرت عمي ام جاسم : وليش مو على اسمي ؟ روان : ( ساكته اتطالع جاسم ) جاسم : البنت الثانيه وعد اسميها على اسمج ام جاسم : اي قص علي بكلمتين تدري بسرعه ارضى جاسم : ( يبوس راس امه ) فديت قلبج الطيب -- - بعد اسبوعين – ( رن تلفون روان وكانت اللي داقه فجر.. روان حاولت ترد عليها بس كان اييها شعور غريب كل ما حاولت اترد تحس قلبها مقموت وماتقدر اتكلمها .. اتحس ان اللي سوته فيها شي كبير .. رن التلفون مره ثانيه وهم كانت فجر ) روان : ( ردت عليها ) الو هلا فجر فجر : ( بعصبيه ) انتي وينج ؟؟ ادق وايد وادز مسجات وماتردين علي روان : كنت مشغوله هاليومين فجر : هاليومين ؟؟ صارلي بالاسابيع وانا ادق روان : فجر انشغلت خلاص عاد ماصار شي فجر : قولي الصج .. تعامليني جذي لأني اكلم بدر واحبه صح ؟ روان : مايهمني فجر : بلى يهمج .. جان قلتيلي منزمان ؟؟ ليش تقولين الله يوفقج بعدين تعامليني بهالطريقه ؟ روان : مافيني شي وخلاص فجر الحين انا مشغوله فجر : اوكي على راحتج روان : باي ( سكرت الخط وتمت اتطالع الشاشه وعيونها دمعت ) --- - بالليل روان راحت اتزور خالتها حصه اقعدت تحت بالصاله وما اصعدت فوق – ( انزلت فجر ) فجر : اهلين روان .. ماصعدتي فوق روان : قاعده مع خالتي فجر : اها روان : ( اسكتت ) ام محمد : اشفيكم انتو الثنتين حالتكم مو عاجبتني ؟ روان : ( تبتسم ) مافينا شي خالتي فجر : اي يمه مافينا شي ( اقعدت يم امها عالقنفه ) ( روان اتطالع فجر وتحس بغصه ) روان : ( بقلبها ) اشوفج اتذكر بدر اللي غصب قاعده احاول انساه فجر : ( بقلبها ) شاللي وصلنا لي اهني ؟ انا غلطت لأني حبيت شخص صار ماضي بالنسبه لج ؟ - روان اقعدت تسولف مع خالتها وتلون مع فراس بدفتر التلوين بعدين مشت البيت – --- - غرفة فجر – Foog el sa7ab : بدر .. انا شنو بالنسبه لك ؟ Feel happy : ليش هالسؤال ؟ Foog el sa7ab : مادري خاطري اعرف Feel happy : صديقه غالية Foog el sa7ab : بس ؟ Feel happy : فجر انا ملاحظ انج متعلقه فيني .. وما انكر اني متعلق فيج .. بس المفروض مانطلع عن حدود الصداقه Foog el sa7ab : عشان روان ؟ Feel happy : عشان كل شي Foog el sa7ab : كل شي يعني روان عدل ؟ Feel happy : فجر مايصير تكون بينا علاقة حب وانتي بنت خالة وحده كانت بيوم من الايام حبيبتي ( فجر قرت هالجمله دموعها انزلت على خدها ) Feel happy : ؟؟؟؟ فجر معاي؟ Foog el sa7ab : اي معاك Feel happy : زعلتي من كلامي ؟ Foog el sa7ab : لا ليش ازعل Feel happy : فجر انا مابيج تحبيني خلينا اصدقاء وبس Foog el sa7ab : بس انا حبيتك وخلصت ( بدر أول شي سكت مده ومارد عليها ) Feel happy : من متى ؟ Foog el sa7ab : منزمان Feel happy : انا اعزج وايد بس ماقدر احبج Foog el sa7ab : للحين تحبها ؟ Feel happy : ماقدر اقص عليج واقول نسيتها Foog el sa7ab : اهي حامل الحين Feel happy : الله يوفقها ويسهل عليها ولادتها ويطلع ولدها بصحة وعافيه Foog el sa7ab : آمين Feel happy : زعلانه مني؟ Foog el sa7ab : لا .. زعلانه من نفسي Feel happy : ليش ؟ Foog el sa7ab : لأني قلت حق روان اني احبك .. والحين اهي ماتكلمني Feel happy : وليش قلتيلها ؟ Foog el sa7ab : لأني صج حبيتك Feel happy : فجر انتي تعودتي علي بس ماتوقع حبيتيني Foog el sa7ab : اوكي بدر الحين انا لازم افصل Feel happy : لا ماتفصلين قعدي خنسولف Foog el sa7ab : لا مابي تعبانه وبنام .. تصبح على خير Feel happy : لحظة فجور - افصلت من المسنجر وانسدحت واقعدت تبجي وتلم صورتها اهي وروان – - مر شهر تقريبا وروان كانت تكلم فجر بس مو مثل قبل يعني بالاسبوع مره يتكلمون مع بعض بالتلفون - - فجر دشت النت بعد مانقطعت عنه لمدة شهر – Feel happy : وينج كل هذا ماتشبكين ؟؟ Foog el sa7ab : مادري Feel happy : قلت عطتني بلوك ودليت Foog el sa7ab : لا ماعطيتك بس انشغلت وصرت مادش وايد Feel happy : بغيت ادق عليج بس خفت يزعجج هالشي Foog el sa7ab : اي اشوه انك مادقيت Feel happy : انا بعد اسبوع ايي الكويت .. وبغيت اقولج اني راح املج على بنت عمي وبعدها نرجع انسافر Foog el sa7ab : موفق Feel happy : فجور يللا عاد اشفيج ؟؟ ردي مثل قبل .. خلاص احنا ربع .. لا تسوين جذي عاد Foog el sa7ab : بدر انا بعطيك بلوك ودليت وقلت لازم اقولك اول Feel happy : يعني هالشي يرضيج ؟ Foog el sa7ab : اي وبعدين انت راح تتزوج .. خلاص ليش تخلي عندك بنات Feel happy : بس انتي مو أي وحده انا اعزج وابي انتم اصدقاء على طول Foog el sa7ab : لا انا ماقدر Feel happy : اوكي على راحتج Foog el sa7ab : يللا مع السلامه Feel happy : موفقه يارب - فجر عطت بدر بلوك ودليت واقعدت تبجي وتشاهق .. وكانت هذي آخر مره تكلم فيها بدر – ( من هاليوم صارت ماتبطل اللاب توب وايد .. كانت تبجي كل يوم مو بس على بدر .. كانت اكثر شي تبجي على روان اللي ماردت علاقتها فيها مثل قبل .. صار فيها شرخ ما يلتئم ) -------------- بالنهاية خل اتكلم عن الابطال منال : ( قلدت رفيجتها وتحجبت مثلها وكانت مستانسه عالحجاب وعمها وايد استانس ) هلا : ( بعد ماتطلقت صارت تنام في بيت جاسم وايد وتعلقت بفراس اكثر من قبل وصارت مثل امه الثانيه من بعد روان ) روان : ( يابت بنت وسمتها ناديه على اسم امها الله يرحمها والحين عمرها 6 اشهر – الله يخليها لها - ) جاسم : ( مستانس وايد بالبنوته ومسوي امها يادهينه لا تنكتين ) فجر : ( اخطبوها وايد بس كله تطلـّع فيهم عيوب وللحين ماتزوجت .. اشتغلت ومرتاحه بشغلها.. تكلم روان الحمدلله بس علاقتهم مو قوية مثل قبل ) ملاحظه : تعبت وانا احاول ارجّع العلاقه مثل ماكانت بس ماقدرت بدر : ( اللي سمعناه ان تزوج بنت عمه مريم وسافر معاها بريطانيا ) |
ررررررررررررررررررررررررررررررررروعة
|
| الساعة الآن 11:45 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية