يا ريوف ياعلـّك بحالي تروفين ..بصوت الشاعر
السلام عليكم
اليوم جايبه لكم قصيده للشاعر فهد المفرج ..يحاكي بهاا ابنته الصغيره ريوف .. يا ريوف ياعلـّك بحالي تروفين =لاقلّ شوفي وانحنت بي عصـــايه يميـــن من نـزّل تبارك وياسين =انك قمر عمري وكوكب فضايه أدراك بالخاطر واعاملك باللين=وارجي عسى الله مايخيّب رجايه احب من حبك واعادي المعادين=وادعي لك الله بالســـتر والهدايه فقدتك البارح وجريت صوتين =هذي وهي ليله وعـــند انسبايه كله غلا ياويلي اثر الغلا شين=الله واســــاله لايبيــّن غــــــلايـه من حبها حبيت كل الصغيرين =صـــارت محبتهم بقلبي هوايــــه عودتك الممشى على شان تمشين=اشد بالثنتين واقصـــــــر خطايه وليا بكيتي قمت اهلل وتصغين =واحيان اغني لك واردد غنــــايه يضيق صدري لاسمعتك تونين=واجـــر صوتي من خـلاي بـخلايه وان جيت ابقفي عنك لدّيت بالعين=الــدرب قدامي واطــالع ورايــه رد الوفا ياريوف ماابيه ذالحين=ابيــه لي دارت عليــه رحــــايه ابيه لا منه غدا الليل ليلين=لا اشتدّت الايام واظلم سمـايه وابيه لامن صارت العشر ثنتين=اليا اتركوني عزوتي واقربايه وابيه لا عزّوك فيّ المعزين=تدعيــن رب البيت يغـفر خطــايه اليا كتب ربي افراق المحبين=ثم ادفنوني لابتــي واصدقايه توك صغيرة سنّ مانتيب تدرين=والعــالم الله وش تكــون النهايه اما التفتي لي وزين على زين=والا رميتينــي بــدار الرعـــــايه هذا الرابط للاستماع وحفظ الهدف بأسم http://www.5ymah.net/rm/ya-reof.ra اتمنى تنال اعجابكم .. |
طر القصيده
تسلمين قموورة |
قصيده رااائعه قمر لا خلا ولا عدم
ما اعتقد تعملها ريوف لان التربيه لها دور كبير في صقل عقلية وتفكير الاطفال وتنشاتهم بطريقه صحيحه الف شكر قمر برعاية الكريم |
اقتباس:
|
اقتباس:
شاكره لك مرورك .. |
الساعة الآن 10:00 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية