|
دقايق والكيكه كانت محطوطه على طاوله متحركة وجنبها سيف مذهب هالكيكه حجزها سالم بنفسه لان ليالي ياما كانت تتمنى تقص معه كيكه كذا بسيف ويرقص معها بالسيف بعدها بس تجري الرياح بما لا تشتهي السفن ما قصتها ليالي لا قصتها شوق محمد ( يوقف قدام الكيكه) : الله أطول منك ما توصلين يالقزمه تبغين احد يشيلك ههههههههههههههههه شوق : اسكت يالناقه محمد : ناقه تبرك عليك يالشوك شوق : شوك بعينك سمر ( توقف وتعطيه السيف) : بلا حركات بزران اقطع الكيكه ترى الكيكه قدامك ما هي شوق محمد : مرات أنحول ما اضمن نفسي هههههههههههههههه سمر ( تكتم ضحكتها وتمثل العصبيه) : بصفقك وتضبط عيونك محمد : لا لا تضبط يدك والقبر يا خالتي من حملتي صرتي عصبيه سمر : أي البركة فيك وفي كلامك يالله امسك السيف وشوق بتحط يدها فوق يدك شوق : ووووع ألمسه محمد : ميت على لمستك تخسي تلمس يدي يدها وصخه شوق ( تناظر ليدها وببراءة) : والله غسلتها محمد : صدقت الطفلة ههههههههههههههههههههههه خوله : محمد بس ترى رفعت ضغطها مي : ما تسوى علينا عروس هذا لو صدق ايش تسوي فيها تطلع لها الشيب محمد : هي صدقت مالي دخل يالله يالله بنقص الكيكه ونطلع سمر : يكون أحسن حطوا أيديهم على السيف محمد أخر السيف وشوق أوله عشان ما يمسكون أيدين بعض وتبدأ الهوشه حطت لهم نجود في صحن نجود : كل واحد يقطع قطعه ويحطها في فم الثاني شوق : ووووع مي : شوق بالشوكه حبيبتي محمد : هي بزر ما تعرف راح تطيح الكيكه على ثوبي والبشت شوق : بزر أنا اعرف أحسن منك أنت اللي راح تغلط وتطيح على فستاني محمد : من زينك وزين فستانك خلصي على عطيني وياويلك لو وسختي ثوبي شوق ( عصبت وهي تعض على شفتها أخذت صحن الكيكه من نجود ) : طيب محمد : خلصي صدق طفله شوق ( عصبت وهي تتنفس بسرعة) : طفله ها ميثه : شوق إذا ما تبغين خلاص لا تعملينها سمر : محمد وربي حسابك بعدين هين كنت أظن انك رجال صرت طفل تسوي كذا فيها وهي ساكته محمد : محد قال توافق أنا قلت ما أبغى شوك بس ايش أسوي ما لقيتوا غيرها ووووع شوق : شوك طيب ( رمت الشوكة على الأرض وأخذت قطعت الكيكه كلها ودفتها لوجه محمد بقوه وهي تمسحها بوجه بعصبيه ) شوووووووف الطفلة الكل ( شهق بصدمه ) : شووووووق شوق ( لطخت وجه محمد بالكيكه وبعصبيه) : تستاااااااااااااااااهل محمد ( يناظر لها ويناظر لهم ولملابس اللي تلطخت بالكيك وبعصبيه مسح وجهه كله كريمه وبقايا كيك ) : رااااااااح اذبببببببحك ياااااااااااا حيووووووووووووووووااااااااااانه شوق هربت لجدتها أم بندر وهي واثقة أن محمد ما راح يسوي لها شيء بحضور جدتها ومحمد مسكته أمه وخوله وسمر وجدته أم فهد يهدونه واهو يحلف ما يخليها قدرت أمه تطلعه من الصالة بمساعدة مي واهو يحاول يبعدهم عنه ويذبح شوق اللي تمد له لسانها وهي تلحس أصابعها وتحره وتضحك سمر اللي جلست بصدمه على الكرسي من فعل شوق وناظرت حولها حمدت ربها أن أكثر الناس اتجهوا للبوفيه وفجاه تذكرت وجه محمد كله كيك وكريمه وجلست تضحك والكل شاركها بالضحك بـــــــــعـــــــد 6 ســــــنــــــــوات ...... أمس كان أول يوم لعيد الفطر قضوه في الرياض بين مهنئين ومباركين وعلى حسب اتفاقهم أن اليوم الثاني بيكون بالمزرعة تجتمع العائلة فيه وتعيد 3 أيام بالمزرعة وكحالهم كل سنه من يشوفون بعض شوق ومحمد يتهاوشون ويعصبون على بعض لدرجه يتماسكون بس محمد من صار عمره 13 سنه كف يده عنها لان أبوه نبهه أن كبر وصار رجال عيب يقرب لها أو يلمسها لو حتى عصب بس محمد مرات ينسى أن كبر وهي كبرت بعد ويمسك يدها ولا يمسك حنكها ويضغط عليه من عصبيته وبسبب طولت لسانها ومرات يمسك شعرها من قهره لأسلوبها السيء وقلت احترامها له عكس باقي الشباب اللي ما تتطاول عليهم وتتجنب الكلام معهم بس من تشوفه تقوم شياطينها وهو تصحى جنونه وتبدأ الهوشه بينهم محمد ( بعصبيه ) : انقللللللللللللعي دااااااااااااخل شوق ( بعصبيه) : أنت ايش دخلك كيفي محمد ( اشر بعصبيه) : الرجال بكل مكان ادخلي يا شوق لا أذبحك شوق : روح زين مسوي انك رجال محمد ( عصبت وقرب لها) : رجال غصبن عليك وبعدين ليه مو لابسه جلال وش هالطرحه اللي ما تستر شعرك رغد ( تهمس لشوق وهي متغطيه) : عيب عليك ادخلي قلت لك ما تسمعين شوق : مالك دخل بسوي رجال علي أنا كيفي قلت لأبوي ووافق محمد : عدلي طرحتك ياااااااااااا زفت شوق ( تبلع ريقها وابتعدت للخلف) : ما راح أعدلها بابا راضي ايش دخلك محمد : للحين طفله يشوفك أبوك وأنتي بقره صار عمرها 15 سنه يعني اللي كبرت ما هو يحطون الطرحة يتغطون شوق : أنت لا اخوي ولا أبوي ولا تقرب لي عشان تقول أتغطى ولا لا محمد : يا صبر ايووووووووب فواز ( يناظر لمحمد ويأشر له) : اتركها يا ولد البنت لسانها طويل محمد ( يأشر له) : أقص لسانها والله عيب تطلع كذا الشباب كلهم يناظرون لها رغد ( تهمس لشوق) : هذا فواز شوق : أي سبحان الله كيف هم أصحاب محمد عصبي ونفسيه وشايف نفسه وفواز طيب ومحترم ومتواضع أبوي كله يمدحه رغد : ماشاء الله كبير شوق : أي تراه اكبر منك بسنه عمره ألحين داخل 18 أخر سنه له رغد : وأنا باقي سنه بس اطلع ايش عنده هو طول بعرض ما شاء الله وأنا ضعيفة مره وقصيره شوي شوق ( تبتسم بخبث وبهمس) : شكلك دققتي فيه ناظرتيه من تحت لفوق رغد ( استحت وضربتها بعصبيه على كتفها) : جب هالسوالف عيب بس لمحته شوق : ههههههههههههههههههههههه محمد ( ألتفت لها لما شافها تضحك بعصبيه ) : قصصصصص يقص لساااااااانك ( قرب منها ومسك يدها وسحبها خلفه ) اقسم بالله يا بنت بندر لأربيك الغلط ما هو فيك أنتي غاسل يدي منك الغلط في أبوك اللي مدللك شوق ( تحاول تفك يدها وعيونها تدمع) : يالناااااااااااقه وربي لو ما تركت يدي لأقول لأبوي طلال ( بصوت عالي ) : ربيهاااااااااااااااااااااا احمد ( يصفق) : عاااااااااااااش أبو صااااااااااااااااااالح شوق ( ألتفت له بعصبيه) : اكلللللللل تبن لا أربيك أنت واهووووووووو محمد ( شد على يدها واهو يوقفها بعصبيه) : وش قلتي شوق ( خافت ودمعة عيونها ) : والله اعلم أبوي عليك رغد ( تقرب لهم وهي خايفه ومستحيه) : تكفه يا أبو صالح اتركها تراها بعدها صغيره وعمي بندر ما راح يرضى عيب بحقه كذا تمسك بنته محمد ( ابتعد عنها وصر على ضروسه) : انقلعي داخل لو شفتك بدون غطاء يا شوك يا ويلك شوق : مالك دخـ....... محمد ( حط أصبعه قدام فمه وخزها) : كلمه ثانيه أدفنك في مكانك وترى أبوك ما يقول لي شيء بيقول زين تعمل فيها اقصري من صوتك ولسانك هذا يعلي علي أقصه تراني محمد بن صالح شوق : طيب ( ابتعدت ولما حست أن مسافة أمان بصوت عالي ) بالطقااااااااااااااااااااق فيك و غطاء ما راح ألبس (بدلع ومدت لسانها ) وأعلى ما في خيلك اركبه ( قلت صوته وهي تقله ) تراني محمد بن صالح يااااااااااااعمي لا قمت ولا قعدت أنا شيختك شوق بنت بندر بن عبدالله الـ....... محمد ( عصب حط يده على شماغه ومسك ثوبه يجري لها ) : يالحيووووووانه شوق ( شافته هربت لداخل البيت وهي ميته ضحك ) : هههههههههههههههههههههههههههه الكل ( يضحك ) : هههههههههههههههههههههههههههههههه محمد ( خزهم بعصبيه) : أشوف واحد فاتح فهمه والله ادفنه بمكانه ( ناظر للبيت وفي نفسه) هين يالزفته أم لسانين الكل ( سكت واهم يصدون عنه كاتمين الضحكه والسبب الخوف من عصبيته) : ...................... فواز ( قرب له واشر له واهو يبتسم) : عصبتك محمد ( يأشر له بعصبيه) : كثير من أشوفها شياطين الدنيا تمر قدامي خاطري اذبحها فواز ( ابتسم أكثر واشر له) : من بين البنات ما أشوفك تكره مثلها وتتهاوش معها ليه هي بالذات محمد ( عقد حواجبه واشر له) : ليه تسأل هو مجرد ثار بينا للحين ما خلصناه والحيوانه كل مره تكون النهاية لصالحها فواز ( اشر له) : تغلب عليها واكسرها محمد ( بحماس اشر) : كيف تكفه قولي فواز( اشر له ) : قول لأبوها وخله يعاتبها على كذا لو تقول لأبوها انك كنت بتضربها راح يعذرك أنت ناسي بندر ما يحب احد يقرب لبنته ويزعل منك دايم بسبب أسلوبك معها محمد ( اشر له) : صح كيف نسيت بكلم بندر وأخليه يلبسها غطاء غصب عنها ومن اليوم راح تلبس ما هو بس طرحه على شعرها لا راح تلبس نقاب وكذا أفوز أنا فواز ( اشر له) : أي محمد ( اشر له): امش للمجلس بسوي نفسي الطيب المهتم ببنت عمه واللي ما يحب احد يطالع محارمه وأنا لو علي اذبحها لو يشنقوني فواز ( اشر له) : خطير شوق دخلت الصالة اللي جالسين فيها الحريم ومعها رغد اللي تقرصها في زندها معصبه عليها وعلى طولت لسانها شوق : اااخ رغوده بس رغد ( بعصبيه) : أنتي لمتى كذا شوق : وناسه هههههههههههههههه رغد : كان بيضربك شوق : يخسي أقول تعالي عند سويره جالسه لوحدها ( اتجهت لساره وجلست جنبها) فاتك ساره : وش رغد : المجنونة تهاوشت مع محمد ساره ( شهقت وناظرت لشوق) : متى تبطلين حركاتك ذي شوق : ليتك طلعتي معنا وشفتي وجهه ههههههههههههه ساره : أنا شفته لما وصلنا كان ينزل الأغراض مع أبوه ما شاء الله متغير عن أخر مره شوق : مالت عليه تقولين كتلة عضلات تمشي طالع اكبر من كل الشباب ساره : سمعت مره سعد يقول لأبوي بشترك بنادي رياضي مع محمد فواز قال أبوي لو طلعت ناجح أشركك شوق : صراحة أخر مره شفته من سنه لما طلعنا للمزرعة واليوم تفاجئت صاير اكبر من فواز رغد : ولا خفتي شوق : أبدا مع أني والله ارجف بس وناسه لما يعصب يصير وجهه احمر وتقولين ثور هايج البنات : هههههههههههههههههههههههههههههه رغد ( أشرت للخدامة) : جيبي 3 عصير وقطع كيك ( ناظرت لشوق) ما يهنا لها لين تعصبه حتى لو بين الشباب قليلة الحياء ساره : وتبغين اطلع معك والله قلت أن ورآك شيء لما قلتي بنطلع شوق : لا لا لا والله طلعت لان جدتي قالت عمتي مي بالطريق رغد : تطلعين بدون جلال لا والطرحة أي كلام على شعرك شوق : مشتاقه ههههههههههههه ساره : عمتي عايشه تأشر لك شوق : اوك بشوفها لا احد يشرب عصيري ( تركتهم وراحت لجدتها وجلست على ركبتها قدامها ) أمريني أم بندر ( بهمس وهي تقرصها من فخذها) : وش مطلعك بدون جلال شوق : ااااااح شنو أم بندر ( صرت على ضروسها) : كم مره قايله لك انك منتي بزر كبرتي وصرتي حرمه شوق : من قال أم بندر : أبوك اتصل علي ترى زعل عليك يقول كيف تطلعين كذا على الشباب شوق : من قال له أم بندر : محمد الله يجزاه الخير يخاف على محارمه وقال أن بنت عمه عيب يناظرون كذا فيها شوق ( عصبت ) : ياكل تبن ايش دخله أم بندر : تبن تاكلينه يا قليلة الحياء فوق مهو خايف عليك تسبين فيه شوق : اكرهه أم بندر : عيب عليك وربي متى تكبرين كل مره تحطين راسك براس محمد تراه رجال يعني لو يذبحك محد يقول شيء شوق : كل مره يزعل أبوي والسبب اهو ولا رايح له مسوي نفسه الشهم أم بندر : أنتي تسمعين ايش أقول لو طلعتي مع الباب بدون جلال يا ويلك شوق : طيب ( بوزت وهي تصد) في شيء ثاني ولا ارجع للبنات أم بندر : روحي وعمتك مي لو وصلت بتدخل لوحدها ترى تعرف الباب شوق : زين ( قامت ورجعت للبنات وهي تتحلطم ) الله ياخذك ساره : من شوق : محمد الزفت رايح لأبوي ومفتن علي ومسوي نفسه الشهم اللي يخاف على محارمه وقايل أني طالعه بدون جلال ساره ورغد : هههههههههههههههههههههههههههههههه شوق ( تأخذ العصير من الخدامة) : ما أبغى كيك وانتم لا تضحكون رغد : عمرك 15 وقريب بتدخلين 16 ولا ينفع فيك كل ما كبرتي زاد عنادك عليه شوق : لان يقهرني ما هو احمد وحمد ما يتعرضون لي وهم نفسه توأمه اهو ايش يبغى يعنني ساره : والله أني أخاف من محمد هذا أكثر من خوفي من احد أنتي كيف تواجهينه رغد : لو طلعتي معنا كان شفتي اللي صار ساره : اطلع مجنونه أنا عشان سعد وسعود يبلغون أبوي ثم يقصم ظهري ولا يعلقني عند باب البيت من كبرت كل شيء محسوب علي نظرتي ضحكتي حركتي ما عدت الطفلة أم 8 سنوات صرت مثل ما يقول أبوي امرأة 17 شوق : أبوك يكبرك فديت أبوي معتبرني طفله للحين رغد : بعد اللي صار اليوم صدقيني أبوك عرف انك حرمه والفضل لمحمد هههههههههه شوق : جب لا تذكرين اسمه ( حطت العصير على طاوله وجرت للباب بحماس ) عــــــمـــــتــــــي مي ( تنزل نقابها وتضمها ) : قلب عمتك شوق ( تضمها بقوه) : وحشششششششتيني مي : وأنتي أكثر( ابتعدت ورفعت عبايتها وهي تنزل الطرحة على كتوفها) يا دوبه صايره قمر والله وكبرنا يا شوق شوق : طالعه لعمتي أكيد أصير قمر مي ( تقرص خدها) : لبى اللسان الحلو الحمد لله أني ما جذبتك بالقصر طولك ما شاء الله شوق : وين حسن واحمد مي : ألحين يجون أبوهم أخذهم للمجلس يسلمون على جدانهم والعمام خليني اسلم وبعدها اسولف لك شوق : اوك مي ( ابتعدت وهي تقرب لامها وتضمها وتسلم ) : شلونك يمه أم بندر : بخير أنتي شلونك وشلون رجلك مي : بخير وندعي لك ( سلمت على الكل ونزلت عبايتها وهي تضبط شكلها وتجلس جنب سمر) وحشتيني يا أم سلطان سمر : وأنتي أكثر يا أم حسن عذاري : والله مولايق أم وأم عليكم الكل : ههههههههههههههههههههههههههههههه مي : أي والله كبرنا وصرنا أمهات وللحين تصرفاتنا طفوليه سمر : تجلسين هنا ولا مثل دايم يوم يومين ويخطفك عبدالله مي : لا بجلس أسبوع ميثه : صدق مي : أي بأذن الله هذا إذا ما نام عبدالله وصحى مغير رأيه سلمى : لا تطلعين له بالحلم ولا يغير رأيه الكل : هههههههههههههههههههههههههههههه مي ( تتلفت حولها) : صدق وين وضحه ليالي ( تتقهوى) : ناسيه عرس ولد خالي مساعد بعد بكره أمس المغرب راحت لهم مي : يووه نسيت طيب ليه راحت بدري سمر : وين بدري ترى متاخره بعدين لا تنسين محد يقوم بالعرس غير هي العنود على راس شهرها مي : هي عندها محمد بس فرح : لا عندها محمد 6 سنوات وعندها عامر عمره سنتين وهي حامل عسى ربي يرزقها بالبنت حالفه تسميها وضحه مي : الله يقومها بالسلامة طيب صراحة تكسر خاطري وضحه الطريق طويل لهم ما يبغون ينتقلون قريب سمر ( تأكل قطعة حلى) : سمعت راح ينتقلون فرح : للحين مجرد رأي بس جدتي رافضه مي : جدتك تغيرت بعد وفاة جدك فرح : كثير قلبي يعورني لما أشوفها صار له سنتين متوفي الله يرحمه وللحين تذكره صارت اهدأ قبل كانت تموت في رفع ضغط وضحه وفهد حتى اذكر ثاني يوم من صباحة عرسهم قفلت على وضحه البيت بعد ما كذبت على فهد وصحته وقالت جدك يبغاك لان بيمشي للقريه ويسلم عليك فهد ناسي كلام خالي بيجلسون أسبوع بالرياض وطلع مسكين وجدتي دخلت الملحق ووضحه فيه قفلت عليها ولما رجع فهد رفضت تفتح له مي : وبعدين فرح : فهد قال وش يرضيك وتتركين لي زوجتي قالت مثل طقمها تجيب لي وحرام تورط الطقم غالي كثير شوي ويبكي ما صدق يتنعم بقرب وضحه وجدتي خربت عليه هذاك اليوم ضحكنا ضحك طول اليوم جالس يتحلطم قالوا له أن بتمل وتفتح الباب بس جدتي عنيده حلفت وبعد صلاة العشاء اضطر فهد يشتري طقم مثله بعد ما الكل عطاه وربي ميته ضحك كل ما أتذكر طلبه لهم قال أنا معرس لا وراي ولا قدامي تكفون كل واحد يعطيني يطر والكل عطاه شرى طقم غالي وبعدها جدتي رضت وأخذته وفتحت الباب قالت مالت عليك وعليها الكل : هههههههههههههههههههههه فرح : بس بعد جدي ما عادت تهتم وقليل كلامها إلا بذكر الله سبحانه وذكر جدي الله يرحمه مي : شفت حب بس حب مثلهم لا لما اسمع من ميثه كيف تطريه وتذكره أقول يارب رحمتك فرح : مرات تنسى أن متوفي تقول لخالي روح لأبوك وقوله أني ماني زعلانه منه خله ينام بحجرته وربي تكسر خاطري مي : هذا الحب ولا بلاش الله يرحمه خوله ( تاكل قطعة بسبوسه) : مي ما حملتي يعني ولدك كبير 3 سنوات مي : وش جالسه مع عبدالله انتي خوله : ليه مي ( تبتسم ) : تضنين ليه وافق اجيكم ولا اجلس أسبوع بعد الجوهره : لا تقولين تشرط عليك مي : كالعاده الكل : هههههههههههههههههههههه عهد : بالله وش هالمره مي : أني احمل خوله : وعساك حامل مي : لا طبعا بدري بعدين تضنين لو انا حامل عبدالله يرضى اسافر وبطياره كمان سمر : تكفوووون هذي طفلته وربي افكر عيالك كيف ما يغارون منك مي : يغارون ههههههههههههههههه خوله : ما تتركين حركاتك اكبري صاروا عيالك اثنين والثالث بالطريق بأذن الله وللحين طفله مي ( تبتسم وهي ترفع خشمها وتمثل الغرور) : باباتي عبدالله راضي وش دخلكم ( مدت لسانها) يمه يالغيره سمر ( ضربتها على كتفها بعصبيه) : أكلي تبن المهم اسمعي وخلي باباتك عبدالله بالمجلس ترى لمى تسلم عليك هي وقرودها مي : شخباري لمى بشريني عنها لها 3 سنوات ما شفتها حتى لما جت الرياض أخر مره ما قدرت اجيكم لان عبدالله سافر سمر : بخير مي : كم صار عندها اذكر جابت ولد بعدها صارت مشاكل بالحمل عندها تتعالج سمر : للحين عندها ولد عمره 4 سنوات وتتعالج أيييي أبشرك هناء أنخطبت وراح يكون عرسها هنا لان رجلها بالسعوديه مي : كبرت سمر : وش كبرت دخلت على سن 19 سنه وخالي يقول على السنة هذي راح يستقر بالرياض ويترك السلك الدبلوماسي لولده عمر بيسكن هو وزوجته وعياله عبدالكريم 5سنوات و نوف 3 سنوات والصغير محمد سنه مرشح يكون سفير مي : والله زمن قبل كنا بس بنات والحين صرنا أمهات عذاري : قبل كنا غير والحين غير في منا من ولد وفي منا من مات الله يرحم اللي ماتوا ويطول عمر من بقى يارب مي : صدق ما تزوجت رغد للحين عذاري : أبدا رافضه والعمر يمشي وهي للحين الخوف مسيطر عليها ميثه : مو تعالجت عذاري : إلا تعالجت بس تعرفين صدمه الاولى يبقى اثرها بس سمعت من سليمان ان في واحد متقدم لها يمدحه ويقول بحاول تقتنع سمر : ما اعتقد عذاري ( تبتسم ) : اظن هالمره بتقتنع خصوصا لما تعرف ان عنده طفلين أيتام منى : مشاري يمدحه بعد وقايل لي ان هالطفلين بيكونون السبب في موافقه رغد سلمى : كيف منى : راح نجيبهم لبيتنا على اساس ابوهم مسافر ونعود رغد على وجودهم حولها لين تتمسك فيهم وكذا ما تقدر تفارقهم وتوافق سمر : مسكينه تحب الاطفال لدرجه درست ثانويه مره ثانيه وقدمت على رياض اطفال مدرسه وتخرجت ما شاء الله عذاري : شوفيها لما تتكلم عنهم وكيف يكونون حولها وتفرح فيهم مي : يعني بنسمع خبر زواجها اخيرا منى : بحاله وحده لو ملاك بنتي وافقت عليه مي : وش دخلها منى : ناسيه ان رغد امها هي تقولي لي ماما 1 ولرغد ماما 2 عشان تفرق بينا مالها خلق تنطق اسمائنا الكل : هههههههههههههههههههههههههههههههههههههههه رغد ( تهمس لساره وشوق) : تضنون بيجي وقت نجلس كذا زيهم ونتذكر أيام الطفوله وعيالنا حولنا ساره : الله لو تصير ونجلس نهاوش هذا اجلس عن أخوك وهذا عيب كذا ماما شوق : ووع انتم صدق فاضيات زواج وعيال يا بنات عيشوا حياتكم رغد : حبيبتي لما يجي النصيب ما تقدرين تردينه شوق : قلتي النصيب وبدري على النصيب بالنسبة لي أبغى أكمل دراستي هنا وبعدها أسافر برا ساره : برا ليه شوق : أفكر ادرس يا طب يا هندسه وااي روعه الدكتورة شوق بندر عبدالله الـ.. شيء رغد : دكتورة بيطريه شوق : تخسين عساه رجلك ساره ورغد : هههههههههههههههههههههههه شوق ( تفتح أيديها بفرح ) : حسوووووووني حسن ( ابتسم واهو يجري لها ويفتح أيديه ) : شوشو شوق ( تضمه وتبوسه ) : وحشتني حسن : أنتي اتتر ساره ( تقرص خده ) : يا حلو اتتر شوق ( تأشر على ساره ) : تعرف هذي حسن ( بخجل) : أي ثاره شوق ( أشرت لرغد) : وهذي حسن : ر اممم ر فيها راء مدري سنو شوق : رغد حسن : اييييي رغد رغد : يعرفنا شوق : أي كل ما يجي لنا اسولف عندكم ولما رحت لهم أخر عطله واسولف معكم يسألني شاطر حسوني طيب وين احمد حسن : عند بابا شوق : سلم على يمه عايشه وعلى عماتك وجداتك وتعال حسن ( ينزل) : طيب بس لا تلوحين شوق : ما ألوح ( ابتسمت وكتفت أيديها وهي تناظر له يسلم على الكل والكل فرحان فيه ) أموت فيه عمري وروحي هو رغد : ما تحبين أخوانك مثله شوق : أخواني أحبهم وما أحس أنهم من أم وأنا من أم أمي الجوهره ما تفرق بينا أخواني روحي بس حسن ولد عمتي مي حاله خاصة ساره : عشان كذا تروحين لهم بالعطله مرات أفكر كيف أبوك يرضى شوق : لان عمي عبدالله يحبني كثير ويعتبرني بنت له يطلب من بابا ولا يقدر يرفضه أروح أسبوعين أو شهر شيء بجده رغد : قبل كانت عائلتنا صغيره وكلنا بالرياض بس ألحين صرنا لا عائلتنا كبيره وفي من فينا بالرياض وجده وكل مناسبة نجتمع الحمد لله شوق : شوفي كنا بس 3 بنات بعائلتنا ساره ورغد والعسل شوق ساره : شوفي تمدح نفسها شوق : كيفي ههههههههههههههههههههه رغد : ألحين صار غير أنا كنت الوحيدة في بيتنا الدلوعة ألحين صار عيال خالد اخوي وميثه .. إبراهيم و أمل وميثه حامل ألحين ماشاء الله بالشهر الرابع وعيال فهد ووضحه .. حنون وجنون صاروا 6 سنوات وبعدها فيصل والصغير اللي بالمهاد عمره 3 شهور متعب سماه على اعز أصحابه متعب طبعا بعد ما تراضوا وصارت صلحه بينهم بعد زعل طويل والحين يقول لوضحه أبي ولد ولا بنت تقول ايش ما تشبع 4 قال أبي فريق كوره وهي تجلس تبكي تصدقه لان ما تحب تزعله ويجلس يضحك عليها صايره حساسه بعد عيالها الله يرحم أيام زمان لما كانت تعانده شوق : يضرب الحب شو بيزل |
البنات : ههههههههههههههههههههههههه ساره : بالنسبة لي احسد سعود وسعد لما يصير البيت إزعاج يطلعون مع أصحابهم أما أنا اجلس بين واء وويء وبين أمي حصه وعمتي عمشه وبين أخواني وخواتي وتعرفون شنو مشكلة بيتنا واللي أفكر أفاتح أبوي بهذا الموضوع شوق ورغد : شنو ساره : موضوعة النسل بين أمي وعمتي تحدي من تحمل وحده الثانية شهر وهي حامل والبلا هم يحملون وأنا اربي يعني شوفي أنا صار عمري 17 وبعدي سعد وسعود ناصر صار عمره سنه وأوراد و أنفال وبعدهم حملوا وصار عندنا ماشاء الله عبدالمجيد وبعد عبدالوهاب والحين كل وحده معها بحضنها مرام والثانية مازن عمرهم سنه ويفكرن يحملن بعد عاد خلاص لازم أتدخل بكره نأجر لنا باص إذا بنروح مكان ماشاء الله بيحسدونا الناس صرنا 10 وما يشبعن أي ما هو سويره تربي خدامه صايره شوق ورغد : هههههههههههههههههههههههههههههه شوق : ما شاء الله عائله إلا منتخب هههههههههههههه ساره : اضحكي والله أن الحريم مهبل مع احترامي يعني عمتي وأمي بس خلاص أبوي لازم يدخل والله لو اضطريت لأرفع كتاب تظلم لجدي سعد يتدخل ويحدد النسل البنات : هههههههههههههههههههههه شوق : أنا أحسن منكم فديت أخواني عايشه وعبدالله وماجد كتاكيت ما يقولون شيء ونعم التربية عيال بندر ثقل وهدوء وحلاتهم .. عايشه يا حلوها لو شفتوها في لبس المدرسة أول سنه وشرايطها يمه تهبل طالعه على أختها وعبدالله هذا عثل البيت ومجودي ماله سنه بس يعني بيتنا ما فيه إزعاج إلا بحاله وحده لما تجينا عمتي مي من جده ونجتمع بالبيت عيال عمتي مي.. حسن و أحمد وعيال ميثه وخالد إبراهيم وأمل .. عيال عمتي خوله .. عاد هذولا حاله خاصة شياطين شاقين الأرض وطالعين و دانه و علياء سنتين شفتي سلطان هذا إحنا مسمينه سلطان نمبر 2 مثلكم عارفين عيال العم سلطان كلهم مسمين عيالهم سلطان عشان كذا نفرق بينهم سلطان ولد سيف اسمه سلطان ون وولد ضاري سلطان 2 ولان عبدالرحمن أخر ولد اسمه سلطان صار سلطان نمبر 3 عائلة سلاطين مسمينهم لما يجتمعون تصير بلاوي وربي جدتي عايشه يرتفع ضغطها منهم والظاهر اليوم بيرتفع ضغطهم والسبب هم ساره : مثل حالنا لما نجتمع في بيت جدي سعد عائلة وليد كلهم وكمان عائلة عمي محمد وفرح .. بنتهم عاليه وكمان ورد والحين معها جاسم بيصير له سنه يا قلبي عليه لما يخطي خطوه ويطيح خاطري أكله و عيال عمي ناصر .. ليالي الكبيرة سماها على اسم عمتي ليالي والحين هاجر حامل بأخر شهر ترى كل شوي نقول راح تولد راح تولد ويطلع إنذار كاذب ونجي عند عيال عمتي ليالي شوفوا ترى صدق لما يدخلون عيالها الكل يهدأ ولا صوت بالبيت عصاااااااااااااااابه رغد : ليه عادي ساره : هذولا تربيه سالم ولد إبراهيم ولد أختك عيال عمتي ليالي .. ناصر الكبير ومعه أخته هذيك أنا تذكرني بعمتها وسميتها سمر بس لسانها أطول منها تخوف حتى الصغير أنا مسميته العضاض عبداللطيف اسمه لازم يكون شرير ما هو لطيف ما يليق عليه رغد ( تأشر وتبتسم ) : شوفي بنت سمر كيف تبكي غيرانه من أخوها تبغى تبعده عن حضنها ساره : تبعده اهو جاء لسمر .. بعد عذاب من بعد ما ولدت بنتها يارا وعمرها صار 6سنوات تأخرت بالحمل بسبب نفسيتها والاكتئاب اللي صابها بالنفاس وبعد 3 سنوات حملت بسلطان نمبر 3 شوق : أي اذكر عمتي خوله كل تسولف عن سمر لما تأخر حملها وكيف تعبت وكله تبكي لما ترجع من بيت أهلها تقول كل الأطفال لهم إخوان وخوات وبنتي لوحدها تجلس عيال إبراهيم وسلمى مع بعض ... التوأم سالم و فهد و بندر ومنال يمه يجننون لما يطلعون للمدرسه كلهم طقم إلا منال تختلف كثير هاديه وحياويه عكس اختها انا سميتها المسترجله يا اخي عمرها 6 سنوات لأن الخاله سلمى حملت بسرعه بس لما تشوفينها تقول عمرها 10 نسخه من سالم اخوها مصغره دفشه وشريره ومشكلجيه وكله ترجع من المدرسه متهاوشه هذا اول ابتدائي كذا اجل لو توصل الثانويه وش تسوي ولا المشكله الاسم ما يركب عليها مسمينها ابرار صراحه لو مسمينها اشرار أحسن أشوف خاله سلمى تقول بأخر حملي ما ألومها الظاهر تبغى ترجع تربي أشرار مره ثانيه وتفهمها ان جيناتها أنثويه مو ذكوريه تركيبه غلط استغفر الله الكل : ههههههههههههههههههههههههه شوق ( تكمل لهم وهي تشرب العصير) : وبعد عيال نجود وصالح .. التوأم ومن ضمنهم الكريه جدا جدا محمد اللي عمره 17 واهو عقله عقل بزر وبعد إبراهيم و راشد والحين هي حامل تتمنى بنت وسبحان الله كلهم عيال يمكن على كلام الجدة أم إبراهيم نسلها كله عيال عشان كذا أشوف الدفش محمد ما يعرف يتعامل مع البنات ما ألومه كله شباب وعيال فيصل وعهد .. بسم الله عليهم فهد والتوأم لما ولمار وسلطان وبتول .. عيالهم مؤدبين كثير يعني رقه وحلات سبحان الله يجلسون بهدوء تمارا و احمد ولده دايم بجنب أخته وعلى ما سمعت يمكن ينقل جده ويستقر فيها طبعا بعد وفاة أم بتول وأبوها الله يرحمهم ما صارت تهتم غير بعيالها وسلطان اللي يفكر يستقر عند جماعته وبين عيال عمهم بطلب من جدته اللي ما يرد لها طلب وخصوصا مرضها بالفترة اللي فاتت زاد ومنى ومشاري .. الله عطاهم طلال صح ما هو ولدهم بس معتبرينه ولدهم عمره صار 14 سنه تقريبا وملاك قمرهم وملاكهم ولان الطبيب منعها تجيب أولاد قبل لا يمر 5 سنوات على عمليتها هي ألحين حامل بشهرها السادس الله يقومها بالسلامة تذكرت شغله بملاك مسمينها الزعلانه رغد : ليه عاد شوق : عشان كله تبكي وتبوز تقول ليه عمي محمد وعمتي سناء .. عندهم بدر وبنت فاطمه وبعد عنده زهره عمرها سنه وتقول عمتي سهام وعادل .. عندهم غلا وهذي دايم تقهر ملاك تقول حره أنا عندي أخوان وأنتي لا وتجلس ملاك تبكي تقول لها عندي عبدالله وعندها منى هذي صديقة ملاك تكره غلا وتقول كيف تصير أختك الحلوة منى وهنا غلا تعصب وتاخذ منى وتحرمها تلعب من ملاك وتجلس ملاك تبكي ما عندي أخوان بس طلال كبير ما يلعب معي عشان كذا منى تحاول تحمل والطبيب يؤجل لين مرت سنوات وسمح لها بعد ما تأكد أنها بخير ورغد اللي كل مره اسمع عنها ولا اعرفها اسمع عن إنسانه رافضه تتزوج وكله يقولون من فقدت ولدها من سنوات وهي تقول ما أبغى من الدنيا غير بنتي ملاك وللحين على حالها جدتي عايشه دايم تقول الله يرزقها ويخطبها من يستاهلها وعمتي خوله تقول هي رفضت كل من يتقدم لها ومنى تقول رغد بعد تجربه فقدان ولدها تخاف تكرر وألحين سمعنا ان في مشروع زواج قريب لها الله يتمم لها وعذاري وسليمان .. الله رزقهم بخالد و إيمان عمرها وهي حامل لها شهرين كانت تظن راح يتأخر حملها مثل بنتها إيمان ولا فكرت تاخذ موانع هذا طبعا ترى كلام عمتي خوله لامي وأنا ارمي الأذن بس استمع ساره وشوق ورغد : هههههههههههههههههههههههههه شوق ( حطت رجل على رجل وتتابع سمر تفك الهوشه بين بنتها وولدها) : تعرفون أرحم عائلة السلاطين رغد : من عائلة سلاطين شوق : أشهر من نار على علم سلطان 1 وسلطان 2 وسلطان 3 عائلة سلطان بن سيف سلطان الـ.. تعرفون احمد الله أن سحر .. ما جابت ولد وسمته مثلهم يصير مربع ما شاء الله عندها عيسى ومن سنه أعرس وعنده ولد واحد سماه على أبوه حمد وعندها كمان ود تزوجت قبل أخوها بثلاث سنوات وعندها ولد اسمه عدنان وهي حامل بشهرها الخامس ووجدان العسل صار عمرها 12 سنه في أصغر من وجدان بنت بعد اسمها نجد بعدها وقفت عن الحمال وبشاير ..عندها خوله وعندها أحلام وولد اسمه محمد وسيف أبو سلطان نمبر ون .. عنده هاجر ماشاء الله مع بنوتتها لولو سميت عمتها ليالي و فجر مسافرة مع زوجها يحضر دكتوراه تجيهم بالعطل مع ولدها هادي عم وبنت اسمها مريم والتوأم سلطان وسلمان عمرهم صار 13 بعمري تقريبا و عندها بعد أسيل وكمان فطفوط خالد عشان كذا أقول الحمد لله أن كمل هرم مملكة الجد سلطان رغد وساره : هههههههههههههههههههههههههههههههههههههه رغد : ما كرهتيها بعد عرس سالم وليالي اقصد سمر شوق : لا لما اذكر عصبيتها بهذاك اليوم اضحك كنت شيطانه ساره : يعني تعترفين شوق : يس البنات : هههههههههههههههههههههههههه مي ( بصوت عالي) : شوقي شوق : لبيه مي : تعالي معاي هديه لك شوق ( ناظرت الكل وأشرت لنفسها) : أنا ( وقفت واتجهت لها ) من منو مي ( تفتح شنطتها وتطلع كيس) : من عمك عبدالله يقول ترى ما نسى وعده لك بهديه حلوه شوق ( تفتح العلبة وابتسمت بسعادة) : جوااااااال مي : أي ويقول ترى صور لك كل شيء طلبتي شوق : صدق الجوهره : صور وش مي : صور أهل عبدالله تعرفين شوق ما ينرد لها طلب شوق : فديتك وفديت عمي عبدالله ما نسى مي : أي وترى يقول اعتبري موضوع سفرتك لجده تمت أنتي لك سنتين ما جيتي لها والكل مشتاق لك حتى جدتك أم احمد شوق : ربي لا يحرمني منكم أم بندر : وش له مي : أبدا قالت تبغى تسافر وأنا بكلم بندر تجي عندي فتره بس تخلص المدرسة شوق ( رجعت وجلست بين ساره ورغد) : بخليكم تشوفون صور عائلتي الثالثة رغد : عائله الثالثة شوق : أي أنا عندي 3 عوائل أهل أبوي وأهل أمي وأخر عائله أهل جده صرت منهم لما اخذوا عمتي مي رغد : لازم تحشرين نفسك معهم وش هاللزقه ساره : هههههههههههههههههههههههه شوق : جب أنتي أصلا لما أروح هناك جدتي أم احمد تقول أنتي حفيدتي ساره : زين ما تكتب نفسها معهم بالورث رغد : حلوه ههههههههههههههههه شوق : وربي سخيفات شنو أسوي إذا الكل يحبني حرررره رغد : صدق شوق ما تشتاقين لامك وإخوانك شوق : اشتاق بس ما أروح كثير يعني لو زرتها اخذ 3 أيام بالكثير أسبوع هي ما تجلس معي كثير تلهي مع أخواني ولا تزور أهل زوجها يعني زيارة وبس المهم خلونا من هالسوالف وشوفوا الصور ساره : صور من شوق : قلت لعمي عبدالله يصور لي كل العائلة أنا اجيهم بس ما اعرف من هذا ومن هذا أو هذا ولد من وهذا ولد من وانحرج اسأل وصار لي سنتين ما سافرت لهم لان الفترة اللي فاتت كانت درجاتي نهاية السنة تفشل بابا يرفض أروح أو أسافر عقاب لي عشان كذا قررت اشد حيلي هذي السنة أبغى أسافر مليت وقال أبوي اختاري وين قلت أبغى جده وافق و مره اسولف مع عمه مي وقلت ما اعرفهم يعني اللي كبر واللي ولد واللي تغير فقال عمي عبدالله بعرفك على كل واحد واسمه أنا أقول لهم كلهم عمي بس في اثنين لا دايم يعصبون علي هههههههههههههههههه رغد : نشوف يالله شوق : هذا عمي عبدالله وعياله اعرفهم طبعا وهذا أخوه احمد .. يوسف و ياسر وهذي دينا و هذا العم عامر .. عنده سعود و فارس والعمة سعاد.. هذا ترى صورة رجلها قالي عيب أصورها ووع ما هو حلو ترى عمتي أحلى ساره : أشوف ( ناظرت ) يعني مملوح ساره : سعاد أروع المهم .. آيه صار عمرها 18 ماشاء الله عروس ترى ملك عليها ولد عمها وقريب راح تتزوجه شوفي ذي نواره اللي اسولف لكم عنها بعمري ترى أصحاب كثير ودايم نسوي مقالب بعمها معاذ وصاحبه فيصل تموت ضحك ياربي اشتقت لها وهذا طلال وهذا عبدالله الصغير بعد ما جابت عبدالله رفضت تحمل لان بنتها على وجه زواج استحت بس زوجها اجبرها وقال لو ما حملتي راح أتزوج وتمم الله لها حملت وجابت هذا له سنه عبدالعزيز ساره : اكره سوالف إجبار على حمل الحرمه ولا يهددها بالزواج منها رغد : لما أشوف خواتي ولا حريم أخواني يوم يجيهم الطلق وربي يرتجف جسمي يقولون يشوفون الموت الرجال ما يحسون شوق : عشان كذا ما أبغى أتزوج كل شيء يحكمني فيه ساره : أقول كملي لو ندخل بنقاش تتغلبين علينا تقولين عمرك 30 سنه ما هو 15 شوق : اذكري الله هههههههههههه ساره : ذاكرته قبل أشوف وجهك كملي شوق : طيب هذا معاذ ساره : يمه يجنن شوق : ما عليك العيار مضبط نفسه ههههههههههههههههه ساره : بسم الله وربي يجنن كم عمره شوق : داخل 18 سنه وتراه ما هو متزوج ولا خاطب إذا تحبين يعني نرشحك له ساره ( بعصبيه تضربها على كتفها) : يااااااحيوانه عيب شوق : ههههههههههههههه رغد : وربي لو تسمعك أمك عايشه لتعلقك من لسانك شوق : سوالفي بس عندكم وعندها أصير المؤدبة اسمعن هذا العم احمد .. متزوج ريما أخت عبدالله عندهم بس ولد واحد يجنن اسمه إسماعيل ريما بعد ولادتها فيه صابها مضاعفات وصار الحمل شوي صعب وهي تتعالج عمر ولدها 5 سنوات ومنيره .. ما سمعت أنها تزوجت ترفض كل المتقدمين تبغى تكمل دكتوراه صار عمرها فوق 25 سنه وهي ولا مهتمه بالزواج المهم تكون الدكتورة منيرة سعود الـ.. وعيال العمة هيا ... هذا عمي حسين ...عنده حرمه لسانها طويل كله تغلط على عمتي مي وعمتي تسكت احترام ومره أنا تهاوشت معها وعمتي زعلت مني بس ما سكت رحت لعمي حسين وقلت له أن عمتي مي تتضايق من زوجته وان بكت بسبب كلامها وقلت له ايش قالت ساعتها ما كنت افهم معنى كلامها بس لما كبرت فهمت و طلقها ساره : طلقها شوق : أي والله طلقها حتى بكت وكانت تبغى تضربني تقول أنتي السبب بطلاقي الله لا يوفقك عساك للموت وعمي حسين قال اخسر زوجه بدل منها ألف زوجه ولا اخسر عائلتي وولد عمي عشان حرمه رغد : بسم الله عليك صدق حرمه شريرة طيب راحت شوق : أي وتزوج وحده ثانيه اخذ زينه أخت عمي احمد قال بنت عمي أولى فيني تربي عيالي وبنت عاقله وكان عنده من حرمته الأولى حمود وأسماء عايشين مع أمه في بيتها وزينه جاب منها توأم بنات وئام ووداد عمرهم سنتين وعمي حسن ... زينة الشباب أموت فيه بعد عمي عبدالله يجي في المرتبة الثانية كنت ابكي أبغى احضر زفافه على وداد بنت عمه ولا قدرت عشان الدراسة كنت طفله يوم تزوج ولما عرف أني أحبه كذا حلف أن الله رزقه يسمي بنته على اسمي بس الله رزقه بعيال عبدالله و عابد والحين حامل وداد يقول لو بنت هي شوق سميتك يارب تجيب بنت ساره : ما قالت يارب تقول بالسلامة يارب بنت من زين اسمك شوق : أكلي تبن أزين منك اااااااي شوفي بوريك المغرور اللي ما احد مثله طبعا بنظره وبنظر صديقه معاذ اللي لما يمشي يقول يا ارض أنهدي ما عليك قدي فيصل ( طلعت صورته ) خايس مسوي سكسوكه ههههههههههههههه رغد : يحق له هذا منين جاب الجمال كله ساره : قلت معاذ مزيون بس هذا أزين شوق : لو يسمعك يتشقق هههههههههههههههه ساره : بعمر معاذ شوق : أي ما بينهم شهر لما انولدوا تقولين التوأم المختلف حمار كله يضربني ويمسك أذني يقول قولي عمي فيصل أقول تبطي وربي ابكي منه واعلم عمي عبدالله عليه وعلى معاذ ويعاقبهم وأنا اضحك عمت عينك أقول له عمتي ساره : محد يسلم من لسانك أنتي أكلتي الولد ساره ورغد وشوق : ههههههههههههههههههههههههههههه شوق ( ابتسمت وباست الجوال ) : هذي جدتي أم احمد فديتها دايم تتصل علي وتوصيني بالصلاة والدعاء وتدعي لي دايم أحبها الله يشفيها ما تقدر توقف السكري اثر عليها كثير رغد : حلوه ابتسامتها شوق : كلها حلوه وسوالفها حلوه دايم تذكر الله والرسول صلى الله عليها رغد وساره : صلى الله عليه وسلم ساره : طيب ايش صار على هديل ومزون للحين تقولين لهم خالاتي شوق : و بكره هم خوات أمي الجوهره يعني خالاتي مشتاقه لهم هديل مع زوجها مدللها وشايلها من الأرض شيل ومن جابت عيالها عايد وزايد وعمرهم 4 سنوات وهو يطلبها تحمل وتجيب بنت خاطره بألماسه وهديل ما ترد له طلب وبأذن الله بيرزقها مزون واحمد للحين يتعالجون الله يرزقهم مع أن اسمع جدتي أم الجوهره مرات تبكي لان مزون تعبانه نفسيا كل مره تفشل الحمل بس الأمل بالله كبير ساره ورغد : ونعم بالله شوق ( سكرت الجوال وحطت رجل على رجل وهي تناظر الكل ) : تضنون بتكون لنا حياه مثلهم ساره ( تبتسم) : يا عالم بنعيش لين نشوف عيالنا كذا حولنا رغد : السنوات تمر شوق : السنوات تمر ومحد عارف ايش تخبي له وإحنا مو عارفين ايش تخبي لنا أو نصيب كل وحده فينا وين ساره وشوق ورغد ( ناظرن بعض وابتسمن وبصوت واحد بهمس) : نصيب كل وحده فينا وين ومع من نـــصـــيـــب كـــل وحـــده فـــيـــنـــا ويـــن ومـــع مـــن نــصــيــب كــل وحــده فــيــنــا ويــن ومــع مــن نـصـيـب كـل وحـده فـيـنـا ويـن ومـع مـن نصيب كل وحده فينا وين ومع من انتهت ياتري بنشوف نصيب شوق ورغد وساره مع من ولا بتكون مجهول لنا ا ا ا ا ا ا v ا ا ا ا ا ا v ا ا ا ا ا ا v ا ا ا ا ا ا v ا ا ا ا ا ا v ا ا ا ا ا ا v أكيد يبقى مجهول لا تنتظرون تعرفون نصيبهم انتهت قصتي وانتهى معها نصيب ساره ورغد وشوق مع من ووين بيكون همسه لكل قرائي : ~ اقسم بالله خنقتني العبره وأحس بغصه اني اودعكم اليوم بختام روايتي الثانيه سامحوني لو قصرت بس وربي دمعتي وربي خانتني ونزلت وداعكم صعب مع السلامة ^_^ |
لي باك بملفات التحميل
>> جاري الرفع |
رد: يدري إن أسباب ضعفي نظرته يدري إني ما أقاوم ضحكته ، للكاتبة : ساكبت العود ..
شكرا الرواية جميلة جدا
|
رد: يدري إن أسباب ضعفي نظرته يدري إني ما أقاوم ضحكته ، للكاتبة : ساكبت العود ..
يسلموووووووووو على الرواية الجميلة
|
| الساعة الآن 05:52 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية