|
هوووووووو وشذا الحتسي تعالي عشوقه اوشوشلتس بذنتس تدرين ولله ان ردتس ماقريته الا يوم قلتي اني اقصدتس بكلامي رحت ادور ردتس اشوف هل هو ينطبق على الكلام اللي قلته ولقيت كلامي يمين وكلامتس شمال مدري وشاللي يخليتس تشكين اني اقصدت
على العموم الكلام هو اللي قالته لتس ضمضم انا ولله خذتني العزه بالاثم وماحبيت احد يجرح ضمضم وهي ماقصرت معنا روايه رائعه وانضباط اروع وشنبي اكثر جعلنا مانخلا منها مشكوره ضضم عن الكلام اللي قلتيه بحقي حمرت خديداتي من الحياء جعلني مذوق حزنتس ايه تعالي انتي وشخلاتس تشكين بعمرتس وانتي ماقلتي كلام يجرح بالعكس انتي طالبتي بحق لتس ومابغيتي الا تلفتين انتباه ضمضم اقول اعترفي اكيد مسويه خطا واللي على راسوه بطح وانتي مثل اللي يكاد المريبو يقول خذوني وبعدين تعالي لاتقولين لاتدخلين بضمضم شوفوني اقولها اللي يرشها بماء ارشه بدم <<<فيس يمزح معتس عشان ترضين طاح الحطب عشوقه ترا انا كذا امزح بدفاشه مامنا زعل اهو اصبعتس الصغير صحيب ضمضم مهيب علينا مدري خلاص المستخبي بان وعناد هو عساف ولا وشلون الشبه الا كانتس بتقولين ولدهم الضايع جسار ولا ياسر او يمكن ريان عد هذا كلام ثاني اعترفي اعترفي خلاص معاد فيها محايل |
هلا وغلا ضمنى بارت لا يقل عن البارتات السابقه روعه
عناد والله حسيت انه ماله داعى انه يفتح موضوع ياسر وحضوره لها باهالليله بالذات اولها بداء بانه يغار وانه شديد بالغيره كله تلميح حتى يوصل لياسر وملوك هالضعيفه ما تدرى عن القصد بس رحمتها من سواله المباشر لها عن ياسر وردها بيكون هو الى بيتوقف عليه مشوار حياتهم لانه ماراح ينسى الموضوع ويمشيه على خير جسار والله خفت يضعف مع هالحيه الى مافيها خير بس الحمد الله سفهها وراح وتركها والله جسار يقول حكم منها رده على ياسر وانه اذا عنده شى يوصله للشرطه مو يجلس يهدد فيه وانه مو هو الى يغطى افعاله حتى لو كان بينهم نسب كلام ام جسار لسطام يثبت ان عناد اخو رهف وام جسار شافت رهف بالزواج وشافت الشبه بينها وبين عناد وقالت لسطام يعنى اتوقع سطام قايل لم جسار ان ام عناد ماتت وهو اخذ عناد وجابه لام جسار والحين ام جسار تحاول تبين لسطام ان الام عايشه وجابت رهف الى تشبه عناد مقالت جسار روعه وجبتيها على الوتر لانه قبل كم يوم جالسين نعلق على هالموضوع وكيف انها تبكى على كلب بيموت بعد 18 سنه الله يحيينا وكيف انها تتدلع عليه وتهزائه وتمشى كلامها عليه ولا كائنه رجال قدامها للاسف برنامج سخيف والى اسخف منه الى دفعوا عليه المبالغ عشان يطلع فلك حامل واكيد هى الى بتجيب له الولد الى يستنه بعد البنات والله يعين مناهل ومناير على بتال خاصه انه طالع من فلك متضايق وبيحط حرته بحريمه يعطيك الف عافيه على الابداع الدائما باذن الله وكل عام وانت بالف خير ونشوفك بعد العيد على خير |
هلا والله بالنوفي تصدقين والله مادري وش جاني يوم قريت ردك قعدت اقرا ردي عشريييين مره واقرا ردود البنات على البارت برضه مافيه احد قال شي على ضمضم قلت شكلها تقصدني والنفسيه هاليومين لك عليها الله يعين
عاد ترى اختك في الله حسسسساسسسسسه حيل والله واراعي شعور الناس ماودي اجرح احد تسلمين والله يالنوفي تراني اقرا ردودك دايم وتعجبني وتقرين ماخلف السطور ماشاء الله عليك واذا على ضمضم كلنا والله ندافع عنها وعن قلمها لانها مبدعه وملتزمه معنا واخلاقها عاليه اقولها بدون مجامله واللي يميزها اكثر متابعه لردود القراء وتناقش معهم القصه الله يحفظها ويبارك فيها ويشفي والدتها يارب على العموم حصل خير والله لايجيب الزعل ياقمر يالله عاد ادعيلي انا مسافره بكره لامي مثلي مثل ضمضم وان شاءالله مافبه بارت لين ارجع ههههه |
يعطيك العافية على البارت
اكثر شي شدني مقاة جسار عن برنامج هو وهي بصراحة البرنامج عمري ماشفت كنت اسمع عنه بس لكن الاسبوع اللي راح شفت حلقته لاول مرة وصعقت مما رايت بصراحة برنامج مخل بالآداب انا ما اعرف ليش نزل مستوى القناة لهذي الدراجة على الأقل يراعون دينا والخصوصية الواجبة بين اي زوجين بصراحة البرنامج يقهر ومالازم ينسكت عنه .. جزاك الله كل خير على ذكر الموضوع الخطير والذي اكثر متابعيه من الصغار والمراهقين للاسف .. |
يالله عـ أبداعك حلوتـــــــــ" ضمني بين الاهداب"ــــــــــي.. جزء رائع كروعة من كتبته .. كل عام وانتٍ يخير وصحه وسلامه وسعاده يـــارب .. وانتظر الجاي بفارغ الصبر .. والله يعين على الاحداث الجايه حاسه انها كلها حماس .. ...... ملوك وعناد .. الف مبروك ويارب احلى زوجين و يارب تعيشون بسعاده .. اشوى أن ردت فعل عماد كانت كذا عـ بالي راح تلعب الغيره دورها وتعمل العمايل في هالليله .. بس الحمد الله مرة عـ خير والله يستر من الجاي .. يعني كان لازم تقول لها عن حظور ياسر العرس !! ملوك وربي رحمتها وكأني اسمع دقات قلبها من كثر الخوف والخجل.. ويارب يستر من الجاي مع اني مطمنه من يوم قاموا يصلون ... ...... جسار و سيوف .. ياربي من هالعله سيوف وياليت جسار ما سوى هالحركه مع ياسر وياليت كان داري عن النسره وس مسويه ومخبيه ...اها يالقهر ما فيه نهايه لها في البارت الجاي صرت اكره اقرى أي شيء عنها بس عاد وش اسوي لزوم اتابع وبدقه وبكل حرف حتى اعيش القصه .. وبعدين وش جابها العرس تقهر عاد ..بس برد حرتي فلوكه فيها وياليت كان طردتها من العرس بس بنت الاصول وما تسويها .. و ياليت تتفرغ لبناتها بدل هالدلع الكذاب عند جسار والخيانه اللي بعروقها من ناحية عناد.. ........ ريان وضي .. وحشوني ما فيه جديد .. وريان وشله الدقه لعناد يوم العرس ان ياسر طليق ملوك السابق .. وبعدين متى ناوي تريحنا من خوف المواجهه بين اهلك وزوجتك .. وبين انهم بيزوجونك بالغصب ..<<عاد هذا خوفي ويارب ما يطري عليهم ابد انهم يزوجونه .. عشان خاطر هاللي تحبك ضي .. ......... رهــــف .. وربي تحزن يالله عليك يا حلوتــــــ"ضمني بين الاهداب"ـــــي .. ابدعتي بوصف يوم شافت عناد والا الكلام اللي يحزن يوم تشبهه باخوها احمد .. يارب يكون اخوها عاد انا مصره الا انه اخوها ..<<فيس معند وربي تحزن اشوى امها ماحضرت والا كان صار بها شيء .. ......... ياسر .. والله ان الطيب فيك مزروع مو الخال مربيك يرحمه اللي خلقه .. تدرين حلوتــي أنه كبر بعيني يوم حط قدر كبير بس لنسب ملوك بعناد... ويم قال (يرفعونكمـ..لنا..) حسيته ماراح يسوي شيء لجسار مو خوف منه او أي شيء الا لخاطر ملوك اللي لو درت ماراح توافق أن اخو زوجها اللي سمعته من سمعت اخوه عناد اللي هو زوجها تتخرب وبيد مين بيد ياسر ... يالله خلاص أنا قفل عندي التفكير من اللي بيصير بين هالاثنين ... بس أحس ياسر مستحيل يخيب ظن خاله الله يرحمه ولا خالته ولا حتى ملوك و عمه بتال احس فيه خير يمكن كل شيء ضده هو السبب اللي قاعد يساعده على انه يحطم اللي حوله .. ........... فلك وبتال ... عاد كل الحوار اللي صار بين بتال وفلك يبكي .. يحبون بعض بس ليه يصير معهم كذا تفرقوا بعد ما اجتمعوا المره الاولي .. وبعدين رفع ضغطي بتال يوم اتهم فلك يوم قال لها : (ندمانه انك فشلتي في حياه ماهي لك مع حضن رجال ماهو انا..؟) يالله الجرح من الحبيب يوجع وبقوه ... اذا ناوي على الروحه وحاسب للغياب حساب...ابى اسال قبل لاتروح قلبى وين خليته .نويت تروح يالغالي ولا ادرى وش الاسباب...عطيتك قلبى ياقلبى يالتك بس داريته >>مدري البيت صح او لا ... (يامن على جسر الدموع تركتني انا لست ابكي منك بل ابكي عليك ماذا لو انك رفيق العمر قد اخبرتني ان انتهى امري لديك فجميع ما حدثتني ايام كنت تحبني قد بعته في لحظة وبعتني)<<متفاعله معاها .. يالله هناك عبارة قد تصف الموقف .. (وتعلن انسحابك من عالمهم وتترك جرح غير قابل أن يبرأ ...وفجاه يجمعكم القدر... وتراهم... من حولك ويجمعكم مكان واحد فتراودك تلك الذكريات... ويعاودك ألم ذلك الجرح وينزف دون توقف مااصعب ذالك الموقف ) يالله لماذا فعلت هذا يا بتال ...انثى احبتك وعاشت وتعيش عـ حبك وانت تقول : "ياخوفي يجيني يومـ آعاف فيه حبك..." وربي يساعدك يا فلوكه واصبري ويارب تنولين ومبروك الحمل ويارب هذا اللي بيغير لك حياتك عـ الاقل شيء من روح الحبيب .. ............ الله يستر ليصير لمناهل شيء عاد الا الطيوبه ياليته اللي شربته هالعقرب ام 44 لسان مناير بس الله المستعان والله يشفيها ... وياليت يطلق هالنسره مناير اللي بغت تموت الحرمه ولا مسويه فيها خبيره وطلع الشر وبعدها بتحملين وخرابيطها عقولت الظبي ماخذتها حقل تجارب ... ............. اما عامود جــــــــســــــار الــــــــــــراســـــــــــي وربي ابدعتي فيه ياحلوتـــــ"ضمني بين الاهداب"ــــــــي .. ماشاء الله كتابتك للروايه شيء ولقلم جسار الراســــي شيء أخر .. ماشاء الله تبارك الرحمن مبدعه أقل ما يقال عنك ... أنتظر القادم بفارغ الصبر غاليتي .. اهنئ قلمك بك فنعم ما تكتبين ...ضمني بين الاهداب ... ... |
| الساعة الآن 02:20 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية