ياحبيلك ياضمني لا والله مازعلت عليك والا ماكان رديت على الروايه مره ثانيه لو انا متاكده انك مطنشتني كنت عارفه انك مانتبهتي لها والا كان رديتي علي انا متاكده من هذا
بالعكس تراني ماني بزعول وش حليلي حبوبه مادري رد الاخت النوفي يوم تقول ماعليك من اللي يتصيدون اخطائك ماادري اذا كانت تقصدني يوم قلت انك مارديتي علي اتمنى انها ماتتسرع في الحكم على الناس انا بكل احترام نبهتها انك مارديتي علي ولو كانت مشاركتي تسمح كان ارسلتلك على الخاص وبعدين انا وجهت كلامي للكاتبه المبدعه ضمني فرجاء لا احد يرد عنها وبعدين انا ماانتقدت الروايه او الكاتبه اواسلوبي جارح طبعا هذا اذا كانت تقصدني اما اذا تقصد احد ثاني فهذا شي ثاني وانا من اشد المتابعين لك ولما يخط قلمك من ابداع حتى تلاحظين اني دايم متواجده واقرا كل الردود حتى ردودي تشجيعيه لك اتمنى تتقبلين كلامي بصدر رحب |
اقتباس:
تخجلين متصفحي برحيقك.., وانتي بصحه وسلآمه.., اقتباس:
مدري اقتباس:
الله يسلمك يا الغاليه الله يجزاك خير.. كلماتك اخجلتني..و...آخجلت متصفحي |
اقتباس:
فاهمه غلط انتي فديتك.. يا الغاليه النوفي ماكان قصدها كذا .. تعليقها كان على البارت الي قبل هذا لأنها ماعلقت عليه فـعلقت على الاثنين مع بعض في ردها وقصدها في كلامها رد على كلامي في بداية البارت الي قبل هذا..يعني قبل حتى ردك يا الغاليه ..ماكان قصدها احد معين كان بصفه عامه دعم لي ومحبه لي مو مقصدها ابداً احد معين الله يسلم لي قلبها الابيض وكلماتها العذبه..., با العكس قلبهـا آبيض ومو من النوع الي يتقصد في الكلام أبداً.. . . . وحياك ربي يشرفني والله محبتك..ودعمكـ لبعض العيون الله لآيخلانا.., |
مساء الورد ضمضم
بارت حلو وخفيف لكن ما يوصف الا بما خف وزنه وغلى ثمنه مقال جسار استوقفني بجد قبل كم يوم وحده من الاخوات كانت منزله موضوع عن برنامج هو وهي والبرنامج هذايعلم الله اني ما اعرفه ولاحرصت بيوم اني اشوفه لكن مر على مسمعي انه برنامج راح يعرض على التلفزيون ولا اهتميت واراد ربي بعد ان قريت موضوع البنات الي نزلوه اسأل اولادي احد يعرف البرنامج رد علي الي با الثانوي والله ماعرفه والي با المتوسط يقول سامعه من اصدقائه عن البرنامج قلت وش يتكلم عنه قال ياماما يتكلم عن هوشات اثنين مطلقين بيرجعون لبعض قلت عمرك شفته قال زملائي با الفصل يقولون عنه نسيت الموضوع مر علي كم يوم الي ان بنتي الي عمرها ثمان سنوات قالت ماما تعالي شوفي هي وهو قلت وش هو وهي كل شي جا في بالي الا البرنامج هذا انصعقت من الي اشوفه قلت رنو من متى تعرفينه قالت ماما مدري كل شوي يطلع قلت بسرعه غيري القناه المشكله تجادلني ماما انتظري بشوف حمدت ربي ان الي كان بيدي ساعتهاكوب بلاستيك ولاهو لا زجاج او شي حادوالا كان ذبحت بنتي بعد ماراحت السكره وجات الفكره قعدت اكلم بنتي عيب ماما وش هذا قالت ماما عادي هذي اسيل وجوزها والله مدري وش قلت لبنتي ساعتها اهم شي ان صكني صداع براسي والنتيجه لا حل غزو فكري من كل اتجاه اصلح الي في البيت يجيني الخراب من برا ويدكون ويهدمون بعقول الصغار والكبار والمشكله الحرب علينا من بني جلدتنا بنتي تقول ماما متزوجين وولدي يقول ماما هم مطلقين يعني عيالي ما يدرون وش اصلن البرنامج عنه يتكلم غير ان زوج وزجه من الشخصيات العامه الي الكل يعرفها كانت المشكله با السابق خوف من قصص غراميه تطيح بيد مراهقه او خوف ان اشرطة افلام اباحيه يجيبها مراهق من صديق سؤ والا باكت دخان مدعوس بمكان او اطفال ما دون العاشره جننهم توم وجيري بحركاتهم والا نخاف ان الولد يقلد سوبرمان >>وصارت لي كثير من اولادي هذي كلها مقدور عليها البنت والولد المراهقين تعرفين بوجيهم اذا عندهم شي مخبى وتقدرين تكتشفينه وتعالجين المشكله الاطفال تستعيضين عنها وتشغلينهم با اشرطه هادفه لكن الحين كبرت المشكل وصعب الحل هذا اذا ما استحال الجوال مصيبه شايلينها عيالنا حتى الكمبيوتر صار اهون منه على الاقل تقدرين تشوفين وش اولادك يتابعون حتى لو ماهو كل شي لكن يصير عندك فكره وانتي كل شوي ناطه بخشةواحد بيحسب حساب انك تراقبينه ولا انتي نا يمه على اذانك لكن الجوال ما اسمع الا ذيك النغمه البيغضه واذا سألت وقلت خيرمن قال عادي يمه اصدقائي هذي الكلمه الي يسكتوني فيها عيالي الي با المتوسط يبشرني انه يدخل النت من جواله والطامه الي قاعد يحاربنا فيها التلفزيون وحنا ما ندري هدم من تحت لتحت مثل ها البرنامج وغيره جسار يا صاحب القلم الحر انا تعبت ولا عاد عندي حل الا وضوء وسجاده واني استودع اولادي وبناتي الله من لاتضيع ودائعه مقالاتك متنفس نناقش فيه شي من حرقه بقلوبنا ما اقول الا لله درك يا ابو سطام يا صاحب القلم الناري انتي عارفه ضمضم حبي لكل شخصيات الروايه الا اثنين ؟؟؟؟؟؟؟؟ ما ردين كبدي وبكل بارت حتى لو تشوفين مني هجوم على واحد يجي بارت انحاز له بدون شعور جساراعجبني ردك على ياسر في مثل يقول لاتبوق ولا تخاف جسار وش ذنبه اذا ربي بلاه بضبعه مثل سيوف لا حياء ولا دين بهمس\وين..ماشتقت لجناحك...؟ يا حليلك يا سيوف ما بعد عرفتي ال الراسي عناد طاردتي وراه ولا نزل نفسه لك لو بكلمه وجسار صد على وجه لين يعرف انتي مخطيه والا مظلومه وقبله ابوهم الي ما يندرى وش وراه مكانك غلط مع ها العايله ولا رحمت الا بناتك ما تلعبين يا سيوف ياقو راسك لكن اخطيتي الهدف جايه تحرضين فلك الي على نياتها لكن دواتس طيحت الوجه فلك ياحبي لتس اجل خايفه ان سيوف تبي عناد لأحدمن طرفها الا حيه من تحت تبن.. تبي تخرب زواج الرجال.. آكيد انها كانت ناويه تزوجه في اخت .. والا.. قريبه لها.. الا تبيه لها قليلة الحيا مناير ياربي يامن يبرد قلبي فيها وله هديه تكفى بتال اذبحها وجب لي دمها اشربه فلك يمكن تهدى جنونها الا ماغير تدور دوخة الراس يا بنت الحلال عيشي يومك وارحمي الضعيف الي يمكن يترمل من ثنتين قريب بتال قل لمناير تبلع من علاج مناهل كود ترتاح منهن مره وحده اصبري فلك الصبر مفتاح الفرج وش يضر لو انتس يوم دريتي بحملك شريتي لك رضاعه ومدري وشو وفاجئتيه >>تضحكني ها الحركات احسها اسمج من مناير بس يالله نواكب التطور خلاص الحين يا فلك قلتي كل الي عندتس وحارق جوفتس خلاص ابدي حياه جديده مع بتال ولا عاد تعيدين وتزيدين ماتبين تخربين ليلة ملوك طقتس عين خربتي الدنيا مع بتال كل واحد منكم جاه ما كفاه وجرحك لبتال اليوم بتبطين تعالجينه يا شين العجله بدال هو ما يتراضتس الحين عاد انتي بتدورين رضاه رهف ماتنلامين والا الاموات يرجعون زين الي مسكتي عقلك ولا جبتي لتس مصيبه ومن كبر حظك جاب الله فلك في طريقك وهي توها باكيه على اخوهادم قدرت موقفك ولا كان له الف تفسير لا اجل حظتس بيجيب لتس شيخ ال العاجي ياسر مناير\هو مادرى بس ماراح يعارض..؟ مناير جاتس اعصار بتال طلع من عند فلك زعلان وجهزي حليب بيشربتس من الحوايج مناير مقاطعه\اول شي ياحبيبتي انا ماني بخبله..آنا صاحيه واصحى من غيري وياحبيبتي ها الحريم الي جالسه تذمين فيهمـ طبهم شعبي ومعروف ..وياما عالجو ناس... لا بالله منتي خبله انتي قاضي علا جتس ما بتس رجا ابد وصادقه يا ما عالجو ناس وبعد يا ما ذبحو ناس صباح ومسا يحذرون من ها الدجل لكن من يسمع مناير ودي ابرد قلبي فيتس لكن جايني تحذير من قوى عظمى يكفي بتال بتال ينطبق عليك قول الشاعر >يا ليلة سودا وحظن منيل ثلاث حريم ويدك والفلس عناد ياربي سترك ضاعت علومك ما عاد تجيب علمن متوجه ماغير العيون تبحلق والقلب يسولف واللسان قام يقط خيط وخيط \ماتوقعتك ماتلبسين طرحه..,والا هو بس تأكيد على معنى اسمك..! والله ضحكت على تعليقك مدري وش اقول تكلمت بحس شاعر والا رسام والا عاشق الله يرحم حالك ملوكه مشغل بالك يا بنت البراق هو انتي اعجبتي عناد والا لا والي حارقآقلبه علشانك وخلاتس ظهر لراسي عسى الله يعوضه اعجبني فيك ملوك ها النقطه الغيتي كل ما يتعلق بياسر ولا فيه الا عناد يملي العين والقلب لكن عناد من يقوا عليه اسم على مسمى يعني وش بيخفون عليك مافي نصيب انت ماراح تخرب حياتك سيوف شكوكك هي الي بتهدم بيتك ملوك زوجتك وخلاص ماعندتس شي وما عندتس شي وش عندها دعوةعجوزك جابتها لك ليتك تدري وش بقلبها ياسر قلبه شاب نيران عليها وهي ضانه النيه الشينه فيه يا طول ليلكم يا ابطال ضمضم متى يصبح الصبح الحمدلله ان صباجكم بعد العيد ننتظر الحياه الجديده لأبطالنا رهف وعناد مقابل ملوك وياسر ولو تم زواج رهف من ياسر وعناد فعلن هو عساف بنشوف وين ضمضم تودينا معكم ابدعتي ضمضم بكل كلمه وجمله كتبتيها وكل عام وانتي بخير وربي يحفظ الوالده وكل غواليك الي اكيد ان متا بعاتك وانا من ضمنهم |
اقتباس:
. . . ايه والله ياطول ليلهم وخاصة مناير=) خلينا مثل شهرزاد...والصبح بعد العيد*_>>كف من طيف على الطاير . |
الساعة الآن 12:09 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية