|
من يوميات عبير.....
اليوم الخميس..اجازه.
صحيت مفزوعه الساعه سبع وربع نسيانه انو اجازه...كان الجوال يرن وانا كنت احلم انو هذا المنبه للدوام..وااااااه من الخضه اللي جتني عا الصبح..لاحد يقول عادي انا كذا من ايام الدراسه اخاف من التأخير..مع اني معلمه.. بعد ماانتبهت انواختي الصغيره في سابع نومه والبيت هدووووووء..وبدا قلبي يرتااااح شوي شوي...حاااااااولت اشغل نفسي بشي بس ماكان ليه نفس مع الصبح اسوي شي...طبعا النوم طااااااااااااااااااار...طبعا الدماغ متبرمج على الدواااااااااااام....مالي الا ارسل للشله الكريمه من بنات خالاتي وعمي ونجتمع عند اي واحده منهم ...احنا جيش ماشاءالله.. وتم فعلا..وهما مجتمعين في بيت خالتي .. انا لسه مارحت ليهم استنا بابا يرجع من المسجد ونروح لهم..عااااااااارفه ان الجمعه بداات من العصر بس ماما ماقدرت ترووووووووح وبقيت معهااااالحد الان ... لي عودة ليومياتي او بعض الاشياء اللي ممكن تحصل واقدر ادونهااا سبحاااااان الله رغبه قويه اني افتح لي صفحه وادون فيهااا ليش ماادري..بس من زمان والرغبه هذي جواتي.... عبير جده:toot: |
اليوم الجمعه...ماكان فيه اي احداث
مميزه..بس كان انشغالنا انتظار مباراةالعميد مع والزعيم... طبعا بحكم انوبكره دواماااااااااات فممنوع الروحه والجيه...وحلاوةالنهائيات انك تتابعهاوحدمعاك...بس الله يخلي الموبايلات قامت بالواجب بعد كل هجمه اوفرصه عادكنا احنامجموعه وفينا مين هومع الاتي ومين هو مع الهلال...جهزت الجلسه وكانت معايا ماما اللي مااحلو الشغل ليها الا وقت المباراه..هههههه..الله يطول لي في عمرها واختي الصغيره اللي هي كمان احلوت الحواديت والكلام عن صديقاتها في هذا الوقت...طبعا انا ولاني معها لاني احب النهائيات بشكل هستيري.. والله ماخلصت المباراة الاوفيه حراااااااااره قويه بفمي ولساني مااقدر اتكلم ...ومن ايش؟ من الفصفص.......سبحان الله هواااااااايه واحس بطعم المباراه مع الفصفص والبيبسي وتمنيت انوبنت خالتي تكون معايه اواي احد منهم بس الوقت ماكان مناسب... مبرووووووووووك ليك ياأتي.... والله احس الشوارع برا بدأت تتحرك وزحمة السيارات بدأت....طبعا عارفين ايش السبب.. تصبحوعلى خير.... ....عبير جده... |
السلام عليكم عبير مدونه رائعه تحياتي لك بالتوفيق
ومبروك فوز الاتي |
اقتباس:
ومرورك هو الأروع والحلو كمان..والله يبارك فيك ....مره تانيه نورتيني ومشكوووووووره:flowers2: |
اليوم السبت...الساعه الحادية عشر مساء
طبعا اختكم عبير اليوم صاحيه من بدري ونشيطه ...لان بالعربي اليوم دوري في القهوه والحلا(لا تستغربو ازا قلت دوري انا وزميلاتي مسوين جدول والقهوه كل يوم على ثنتين وانا واحده منهم اليوم) طبعا موبايلي من الصبح ما وقف وكلو علشان خاطر يزكروني بالقهووووه...بعضهم اقول لهم يوووووووه نسيت..وبعضهم كبار شوي واستحي منهم واقول عيوني الثنتين... اليوم من الصبح واغلب البنات طالعين نازلين يوزعو في الحلويات علشان الاتي وفوزو امس... الله يبارك لهم تعبت شنطتي وجيوبي..والله يكتر من المناسبات...والله بعضهم الله يسعدهم مع انهم صغار بس كلامهم هو الحلا الله يسعدهم انتهى الدوام .... رجعنا البيت ونفس الروتين تقريبا.. مافيه شي جديد...جتني اختي تنطط عندي عندها اقتصاد وفيها خياطه غرز وطبعا مالها في الاشياء هذي وانا اقوم ليها بالمهمه هذي.. طبعا كتكوتة البيت وكل شي منها حلووو بحكم انها اصغرنا الله يخليها... قبل شويه كنت داخله متحمسه ابغى ادون بعد البارت اللي نزلته (انفاس قطر)ههههه طلعت وانا رايقه من الروايه وقفلتها وانتهيت ومريت على موضووووووع ام الشهد الله يسعدها(اكتبي اسمك واسم عائلتك وشوفي تسريحة شعرك) وعيونكم مااااتشوف الا النور من اللي طلعت لي......والتسريحه.. اي تسريحه..؟؟هذي كشه...هذي ليفه.....قولو عنها اي شي...... دعيت لأم الشهد من قلبي على الخمس دقايق اللي قضيناها مع موضوعهاااا.. طبعا ارسلت الموضوع لكتيرمن زميلاتي بس كل واحده تختار ليها واحده من زميلاتنا وترسلليها الصوره.... اشوفكم على خير ياحبايب ...وتصبحو على خير... ... عبير جده... |
| الساعة الآن 07:23 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية