منتديات ليلاس

منتديات ليلاس (https://www.liilas.com/vb3/)
-   الشعر والشعراء (https://www.liilas.com/vb3/f14/)
-   -   يگلمني عن جروحه .. وأنا من سبِّته / مجروح ! (https://www.liilas.com/vb3/t140478.html)

بوح قلم 01-05-10 07:54 PM

يگلمني عن جروحه .. وأنا من سبِّته / مجروح !
 
يگلمني عن جروحه .. وأنا من سبِّته / مجروح !
يسولف لي عن (أحبابه) وأسولف (عنَّه) لـ حاله ..


أحس في دمعة عيونه , وتطلع من بگاه الروووح ,
وإذا يفرح مع غيري . . . بگى " قلبي " و / هنَّاله .


ياليت آنا معاه اللي رگبنا في [ سفينة نوح ]
محد يقدر يفرقنا لا : عمِّي .. و لا : خاله


رسمته في قلم ناشف علىــآ قطعة خشب من لوح
و تهيألي يحاگيني !! ويبيني أرسم إظلالـه


تحرَّگ طيفه الدايم . ولَعَب في حسبتي بجْموح .
يحب الخيل , و , أشعاري .. عشانه صاروا خيَّالـه


وصار بـ عيني ( الأجمل ) مع إنَّ شوي هو / مملوح ,
ولا غيره مــلا عيني و قلبي بس يصفالــه


ذبــ (ح) ـنـي قلبي الساگت ! ... متى قلبي عليه يبوح ؟؟
أحبه و ماعرف إني أحبـه , وأعشق وصاله


گتمت , وهذا من طبعي , وتمنيت " الغلا " مفضوح
ببيِّن له ولا أقدر !! مع إنِّي جالس قباله


أخاف إنّه بعد مُدَّه يطير ... ومن إيديني يروح !
هو نعــ م ــة من فضل ربي , ويقولوا : النعمـة زوَّالـه


لي قلبٍ من گثـر حُبه على : فراش التعب : مطروح ,
لا هو " ميت "..ولا " عايش " .! ووالله إن مـااات أشوا له


وحبي من طرف واحد , غلا صادق بدون مزوح
وإذا هو طـآإأح ؟ قداامـي .. نزلَّـه / قلبي / و : شــاله .!!


شگـالي و كنت له أسمع . . . وقلبي دوم له / مفتوح
يطمِّني عن " أخباره " , وشنهي آخر أعمالـه


وإذا شفته خطـآإأ بـ حقي بدون أعذار ؟ .. هو مسموح ,
في نياته ولا يدري .! وطيبة قلبه همَّالـه .


في جياته ...... . يروح الهم , ويبدِّل ( دمعتي ) بـ فروح
تمنيت البشر مثله . . . وگـل من حولي أمثاله .!


من الله حُبه في قلبي حشى مالي ترى مصلوح ,
عسى يگبــر و يذگـرني ويسمِّي بـ " إسمي " : إعيالـه

وجه الصباح 01-05-10 11:25 PM

يگلمني عن جروحه .. وأنا من سبِّته / مجروح !
يسولف لي عن (أحبابه) وأسولف (عنَّه) لـ حاله ..


أحس في دمعة عيونه , وتطلع من بگاه الروووح ,
وإذا يفرح مع غيري . . . بگى " قلبي " و / هنَّاله .


ياليت آنا معاه اللي رگبنا في [ سفينة نوح ]
محد يقدر يفرقنا لا : عمِّي .. و لا : خاله


الحب من طرف واحد مؤلم جدااا
الله لايحط احد في مثل هالمواقف
والله يبعد الالم والمعاناة عن الجميع
والله يجمع كل حبيب مع حبيبه .
بوووحه اختيار ونقل موفق يالغلا
الله يعطيج العافيه وتسلمين
تحياااااااااتي
وجه الصباح /اللبؤة

بوح قلم 02-05-10 06:20 AM

اميين

تسلمين عالمرور الرائع حبيبتي

حياج الله

استقالة قلب 02-05-10 02:13 PM

تسلمى بوح صحيح مابيقدر يفرق بينكم لا عمه ولاخاله بس امه تقدر هاهاها انا عم بمزح

بوح قلم 02-05-10 06:33 PM

تعالي نسينا امه<< فيس قرر يحطها وياعمه وخاله

تسلمين فديتج


الساعة الآن 08:11 PM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية