|
كبرياء جرح للكاتبه زاهي الكحل
مرحبا يا احلا اعضاء
اليوم جبت لكم قصه قطريه مرره اعجبتني للكاتبه زاهي الكحل اتمنى تعجبكم مثلي تفضلو مع اعذب تحياتي نوف الجزء آلآول ~ من قصـــة كبريآآآآء جــرح } ~ ~ كحال أي عائله في مجتمعاتنا الخليجيه اذا ماكان الكل ! الاغلبيــه بنت العم لولد عمها .. ولد عمها اولى بها من الغريب ومن هالمنطق بنيت عليه علاقات بعضها وصلت لمرحة الزواج وتعمقت وبعضها وقفت لنقطه معينه .. هالنقطه تشير الى ان هالعلاقه مستحيل تتم او ! ممكن تكون في عقبات لازم يتجاوزونها عشان تتم .. على هالمبدأ بنيت ( أساس ) القصه .. الجد بوعبدالرحمن شخصيه كبيره ولها هيبتها طبعا بما انه هو كبير العائله ولانه معروف بشخصيته الشديده والقاسيه تربطه علاقه أكثر من اخوه بشخص في عمره تقريبا اسمه حمد ( بو عبدالله ) شخصيته مشابهه جدا لشخصية بو عبدالرحمن .. لكن بوعبدالرحمن يتمتع بقساوه اكثر .. ومن كثر مايحبه ويعزه سمى ولده الثاني وحفيده الاول عليه ( حمد ) وبوعبدالله سمى ولده الوحيد ( عبدالله ) على رفيقة بوعبدالرحمن بوعبدالرحمن يحب دايما تواجد عياله وعيال عياله حوله دايما يحسهم هم سنده وقت ماايحتاجهم وبما انه صار كبير بالسن فأكيد قوته مب مثل قبل .. فكان بيته يتوسط بيوت عياله الكبار عبدالرحمن ( بوحمد ) وحمد ( بوعبدالله ) ومقابل بيته كان بيت ولده الصغير عبدالعزيز الله يرحمه ( بوسعود ) : . . . مثل ماكتبت لكم من البدايه من منطق بنت العم لولد عمها .. كانوا من وهم صغار يقولون ساره لسعود ولد عمها لحد ماكبروا وهم يسمعون هالجمله حب ساره لسعود كان حب فطري ومع تقدم عمرها بدت تحبه اكثر واكثر اما سعود فماكان يحمل بداخله أي مشاعر حب او كره لكنه كان يتمنى يجي اليوم الي ياخذها فيه يمكن بعد الزواج تتغير مشاعره ناحيتها ! في يوم كان الجو حلو توعى سعود على صوت امه الي كانت تقعده بكل حنان فتح عينه بنعاس شديد وهو يمسك يدها ويطبع بوسه على كفها من الداخل وهو يقول بصوت ماليه النعاس : صبحج الله بالخير ياوجه الخير ام سعود وهي تمسح بيدها الثانيه على خد سعود : صبحك الله بالنور حبيبي يلا قوم صارت الساعه 10 وانت خست في فراشك ابتسم سعود بتعب وقال: يلا دقايق وجايج يااني مشتهي ريوق من ايديج الحلوه .. ( وضم ايد امه الثنتين وطبع فيها بوسه خفيفه وقام من عالسرير ) وام سعود طلعت من الغرفه وهي تدعي له بالتوفيق مثل كل يوم صبح صوتها ينتشر فالبيت تدعي ان الله يحفظ لها ولدها الوحيد وبناتها الثنتين عيالها الي مايسون كنوز الارض كلها دخلت على غرفة الجازي بنتها الكبيره ووعتها .. وعقب مرت على مها لقتها واعيه دعتها للريوق .. وبعد دقايق معدوده الكل قدام طاولة الطعام .. مها وهي تلتفت ناحية الدريشه تلمح الجو : مممم شكله الجو اليوم رهيب شرايكم نطلع؟ الجازي: ياليت والله تمللت طول الاسبوع دوام دوام آآوف كرهت حيااتي ام سعود وهي تصب كوب الحليب وتمده للجازي: عجل انا شقول يابنتي الي طول الاسبوع في هالبيت حتى في عطلة الاسبوع سعود اخيرا تكلم .. قال وهو يقرب صحن الزيتون صوبه : انا اليوم بطلع مع الشباب البر تعرفون بدا موسم كشتات الشباب .. والا كان بطلعكم مها بترجي: نزييين تكفى طلعنا شوي وعقب روح لهم سعود: ماقدر مواعد واحد من الربع بمره خليها الاسبوع الجاي بوزت مها بضيق .. حتى الجازي تضايقت بس ماحبت تبين هالشي هي عارفه هالشي من امنياتهم ! عمت دقايق صمت عالكل .. واخيرا كسرت ام سعود حاجز الصمت وهي تقول : سعود يبه متى ناوي اخطب لك بنت عمك .. نزل سعود كوب الحليب الي بيده عالطاوله وهو يقول : مب الحين .. ام سعود: متى؟؟ عطني موعد؟ سعود: ماقدر احدد وقت يمه .. بس ان شاءالله قريب ام سعود: تبي البنت تروح من يدك؟ سعود بثقه زايده انها بتكون له قال : مب رايحه من يدي ! ام سعود: واذا تقدم لها حد؟ سعود بثقه أكبر قال : الله يوفقها .. الشوفه تتبع نصيبها سكتت ام سعود ومها والجازي كانوا يتابعون الحوار بعيونهم ! وقف سعود وهو يقوم: الحمدلله .. اخذ غترة المكويه والمتروسه نشا وحطوطه على كرسي بالصاله واخذ عقاله ابو الدناديش ووقفهم قدام المنظره وهو يضبط قحفيته ويلبس غترته وعقاله ويطلع من البيت ! : . . . بعد ماطلع سعود كان في حوار ثاني انفتح ! الجازي بصوت واطي عشان لايسمعها سعود .. : كان قلتي له عن الخطاب الي جايين حق ساروه ام سعود بضيق خفيف : هذي مهمة اهلها مب مهتي انا الي علي اجس نبضه اذا يبيها والا لا .. وشكله اخوج مايبيها البنت كبرت واكثروا خطاطيبها مها: يمكن مايبي يعرس الحين شفيها لو صبرت؟ الجازي : ومن قالج انها ماراح تنطر؟ صدقيني ساروه لو تنطر سعود عمرها كله هي مستعده تسويها .. بس جدي له تأثير قوي في هالسالفه ! ام سعود تضايقت ووقفت بتروح .. وقفتها مها: يمه ماتريقتي ام سعود بقهر بس تحاول ماتبين لبناتها : بس حبيبتي شبعت راحت للصاله الثانيه شغلت التلفزيون على الاخبار تشوف وهي تفكر .. وين بتلقى احسن من ساره لولدها وبنفس الوقت ماتقدر تخلي البنت تنطر وسعود مايبيها .. على طاولة الطعام كان الحدييث مستمر مها : شلون جدي له تأثير؟ الجازي : حبيبتي الي متقدم لها ولد عبدالله بن حمد .. الي امه كله عند بيت عمي حمد مها : نزين واذاا الجازي وهي تضربها بالخفيف: ياغبييه هذا جده حسبة اخو جدي يموت عليه ماتشوفينه مسمي عمي وولد عمي عليه؟ مها : نزين سعود اقرب له من ولد حمد مادري عبدالله هذا ! الجازي : ياغبيييه .. ماهو ااذا رفض حفييييد حمد راح تصير مشكله كبيييره بين عايلتنا وعايلتهم مها وهي توقف وتتخصصر وبغضب خفيف: ياسلااااااااااااااااااااام وهم مالقوا الا سعود اخوي يضحون فيه؟ الجازي: ماهم يالغبيه يبون ساروووه وساااروه الشيخه هي المفروض تكون زوجة اخوج مها: والي خاطبينها مالقوا الا ساروه؟؟؟ وجدي ممكن مايخسرهم لوقال البنت من زمان لولد عمها وبأمكانهم يختارون من بنات العايله الي تعجبهم غير ساروه الجازي ترفع حاجب: ليكون تبينه؟ ضربتها مها بالخفيف: وجع ان شاءالله شبيييي فييه اللوح مادري ليش كرهته ! الجازي: مايسوى عليييه هههههههه مها وهي تصد للجهه الثانيه: اهم ماعندي اخوي الوحيد ومشاعره وقفت الجازي وهي تتعدا مها وتربت على كتفها بالخفيف: اخوج لاهي بدنيته ومب راضي يتحرك ! ابتسمت وراحت وتركتها ... : . . . : . من جهه ثانيه وفي بيت من البيوت المقابل لبيتهم وتحديدا في بيت عمهم بوعبدالله .. كانت ساره تقعد بضيق وهي تسمع امها الي تقول : بلا دلع ساروه .. هذا راي ابوج وجدج وعمرنا محد قدر يرفض طلب لجدج بالذات ساره بحزن خفيف : ومالقيتوا الا انا تغصبوني اتزوج؟ ام عبدالله بنظرة تفحص: ساااروه ليكون تنتظرين سعود؟ ساره بتوتر : هاا .. توها بتكمل الا امها سبقتها وقالت : سعود نطرناه عالاقل يخطب رسمي ولاخطب ! وهذا معناته انه مايبيج أو انه مب مستعد للزواج الحين فلاتقعدين تعلقين نفسج بأمال وهي مقطوعه ! مقطوووعه مقطوعـــــــــه !! هالجمله تمت ترن بأذن ساره بصوت مزعج .. اهتزت شفتها السفليه كانت على وشك انها تبكي ! لكنها تماسكت وهي تسمع امها تقول : انا قلت حق ابوج انج موافقه وابوج بيبلغ جدج والجماعه عن هالشي فجهزي نفسج خلال هاليومين بتكون الملكه .. تركتها امها وهي تروح .. مسحت ساره دمعتها بطرف سبابتها دمعه كانت بتخونها وتنزل ! وهي تحس بضيق كبييير في صدرها وكأنه جبل كبير عليها مب قادره تنفس .. ( آآآخ ياسعود وينك؟ ليش تأخرت؟ مب المفروض اكون لك بشكل رسمي وقدام الكل؟؟ شلون شلووون اصير لواحد غيرك؟ وانا من اول مافتحت عيني على هالدنيا وانا اسمع ساره لسعود وسعود لساره .. على هالكلمات بنيت حياتي معاك بنيت حبي معاك حبي لك كان كل يوم يكبر كنت انتظر اليوم الي بكون فيه لك بشكل فعلي ورسمـي ! ليش ماجا هاليوم؟؟؟ ليش تأخرت ياسعود؟؟ ليــــش؟ ) : . . : . . : . كان هذا كله في يوم الجمعه .. مرت ليلة الجمعه ونهار السبت قضاهم سعود فالبر مع ربعه وسط جو ولا اروع .. وتمت فيها اخر الاتفاقات على خطبة ساره وحمد حفيد حمد الكبير ! وقرروا ان الملكه راح تكون يوم الأحد وهذا كله كان يصير دون علم سعود ! الي مثل مايقولون عنه خواته لاهي بدنيته ... مايدرون ان سعود في هاللحظات كان ييتمشى في شوارع الدوحه وهو يرسم في باله مخطط جديد لحياته نـــاوي يتقدم لساره بشكل رسمي بعد ماقدر يكون نفسه ويكون مستعد نفسيا بالمرتبه الاولى للزواج وانه يكون زوج للزوجه الي اختارها له القدر مع انه كان يتمنى طول ماكانت فكرة الزواج تراوده بأنه يختار الزوجه الي هو يختارها لنفسه بنفسه الي يرف لها قلبه .. لكنه كان متقبل لرغبة اهله .. : . . . : . : . فتحت الباب على امها الي كانت قاعده على سريرها وبيدها المسباح تسبح مها وهي تقرب بخطوات وتنط جنب امهها عالسرير وتحبها على راسها : شخباااارج يااغلى ام؟ ام سعود بنظره كلها حنان: بخير بشوفتكم ياعيني ضمتها مها: فديييتج ان شاءالله دوم يالغاليه ثواني ويسمعون طرقات عالباب .. وتدخل الجازي : مجتمعين من وراي؟ مها بعبط: يوووه لازم تخرب علينا اجتماعنا السري هذي .. الجازي وهي تقرب وتقعد جنب امها من الجهه الثانيه : مافي اجتماع يتم بدوني حبيبتي .. مها : اخسسس عالثقه ! الجازي وهي تكلم امها: شخبارها الغاليه؟ ام سعود بأبتسامه كلها ررضى : بخير حبيبتي .. الجازي تتميلح : دوووم مب يوم يالغاليه .. الا اقول فدييتيج ودينا السوق ام سعود: شحقه تروحين السوق؟ الجازي بترجي خفيف: ابي اشتري لي بدله حلوه البسها حق ملكة ساروه بنت عمي ام سعود : عندج احلى اللبس شتبين تشترين بعد توج جايه من السفر وطخيتي الي في اسواق دبي كله لبسي شي منهم الجازي وهي تشوف مها بنظرات بمعنى تكلمي !! قالت : بس يمه ماشريت شي حق مناسبه مثل هذي ام سعود وهي تقوم من عالسرير : ماله داعي روحة السوق وعندج ملابسج شحلوها الجازي : مم نزين بروح اخذ لي مكياج ! ام سعود: ولامكياج .. وفكيني من روحة السوق هذي طلعت وتركتهم بالغرفه التفت الجازي على مها ورمتها بالمخده : ماتكلمييين ياابو الهول مها : اتكلم وانا الحمدلله جاااهزه ومب محتاجه شي ! الجازي انقهرت منها :مالت عليج انتي اصلا مايهمج لو تروحين بخيشه عادي عندج مها بدلع مصطنع : ايييي الي احبه مب فبيت عمي عشان يشوفني ماوعت الا بمخده جايتها من الجازي الي حدها منقهره منها وقفت وهي تقول: مااالت عليج وعلى الي معطيج وجه .. صج ماتستحين آآوف طلعت من الغرفه هي الثانيه وتركتها تضحك بروحها .. : . . . . . في مكان ثاني وتحديدا فالبيت المقابل لهم كانت ساره بغرفتها خايفه ومتوتره من الحدث الكبير الي بيغير مسرى حياتها هي مب متقبله حمد كزوج لها ولكن الظروف جربتها توافق عليه وسط ضغط كبير من هلها بحجة " ان لاتفشلهم في عايلة حمد الكبير " الي تربطهم بهم علاقه كبيره بنوها حمد وعبدالله من ايام الشباب وهذا هم الحين شياب وعلاقتهم مازالت قويه مبنيه على الاحترام والاعتزاز والحب الكبير .. واخوه اكثر من صداقه الى حد الحميميه .. تنهدت بقهر : آآآه شسوي لك ياسعود قعدت انطرك تكون نفسك وطولت وانا انتظرك .. والظاهر انك مب حاطني فبالك ! عالاقل ابي اعرف رايك معترض على هالشي والا لا .. والا معقوله مادريت للحين؟؟؟ ابتسمت بأستهزاء ... مستحيل مادريت بس شكلك تبيها من الله ضمت مخدتها لنفسها وهي تتكي براسها على راس السرير وافكار توديها وافكار تجيبها .. . . : . نزلت الجازي ولقت امها بالصاله الي تحت عند قهوتها تتقهوى قربت منها وقعدت جنبها وهي تصب لها شاي وتناولها امها صينية الفطاير الموجوده .. ام سعود : اخوج اتصل فيه مايرد الجازي بلامبالاه : اكيد مع الشباب ولاهي بالسوالف ماسمع اتصالج او انه مايبي يرد لانهم معاه ام سعود وخوفها الي مب طبيعي على ولدها الوحيد وسط بنتين قالت : بيذبحني هالولد شكثر احاتيه الجازي: فديتج يمه ليش كل هالخوف عليه سعود رجال اسم الله عليج ماينخاف عليه ام سعود : نزين يرد علي يطمني عليه هذا كل الي ابيه الجازي : لاتحاتين يمه تراج وااجد تحاتينه على ولاشي ! سكتت ام سعود وهي تناول فنجالها المحطوط عالسفره قدامها .. نزلت مها بمرحها المعتاد : مييييته من الجوووع جزوي صبي لي شاااي صبت لها الجازي الشاي ومدته لها .. وسحب مها صينية الفطاير صوبها وتمت تاكل فيها والجازي تشوفها وتضحك عليها : يالمفجووعه مها: جب جب عقب مابلعتي جايه تطنزين علي الجازي وهي توقف برشاقه : الحمدلله محافظه على رشاقتي وانتي خلج كرشتج كل مالها وتكبر مها بعصبيه خفيفه : جزوووي وجع والله ان ماعندي كرش .. حرام اكل بعد ام سعود: بس يابنات تراكم اذيتوني بهدتكم راحت الجازي المطبخ تشغل نفسها بصحن حلا تجهزه للعشا .. : . . في منطقه خارج حدود الريان وتحديدا في الدفنه المنطقه الهاديه جدا .. نوره وهي تلف شيلتها بأحكام : يلا يمه انا جاهزه ام صالح : يلا حبيبتي عشان لانتأخر نوره : نزين يمه تكفين قلت لج قبل مانطلع نتعشا فالمطعم اوكي؟ ام صالح بحزم : وانا قلت لج لا مانبي نتأخر على ابوج واخوانج لانهم بيتعشون فالبيت بوزت نوره وركبت مع امها السياره وتوجهوا لفيلاجيو : . في فيـلاجيو كان سعود وربعه محمد و سلمان في ستار بكس محمد : من بيخاويني بكره الصناعيه؟ سلمان: شعندك؟ محمد: شعندي بعد بضبط الموتر ( يغمز له ) سعود: سلااامي عليك قدااام محمد: جهز عمرك من الصبح سلمان التفت على سعود : توك مضبط موترك سعود سعود: لازم اضبطه حق هالويك اند بعد كل الشباب بيجون هز سلمان راسه وهو يضحك : ياحااالتكم انتوا مع هالمواتر متى بتصيرون متفرجين مثلي؟ محمد: هه من سااابع المستحيلات اصير متفرج هالهوايه ماراح تنقطع مني الا لما اندفن سلمان: بعد عمر طويل بوجسووم ... المشكله هذي ماعاد هي بهوايه هذي تعدت مرحلة الهوايه ووصلت للأحتراف ! ابتسم محمد .. وسعود وهو يلف يشوف الناس الي تمشي رايحه جايه لفت نظره بنت فالعشرينات تكلم الي احذاها مره كبيره ويظهر انها امها وهي تأشر لها على محل سيفورا تبي تدخله قبل ماتطلع .. ابتسم سعود لاشعوريا ووقف : قوموا خلونا نتمشى شوي محمد : اييي والله ملل خل نتمشى نقز شوي هههههه سلمان: بعد هالهوايه ماراح تتوب عنها؟ محمد : هههههههه لا طبعا لما اتزوج راح اتوب عنها .. عشان المدام كل شي يهون ههههه اضحكوا الشباب الثلااث وكملوا سوالف وهم يتمشون مروا من قدام سيفورا ونفس البنت كانت طالعه هي وامها وبيدها كيس لممحت هالثلاث الشباب الي مروا وهي تكمل طريقها مع امها .. : . . . . : . نرد لمنطقة الريان وتحديدا في بيت عبدالرحمن بن حمد كانت نوف ترتب غرفتها وتبخرها وتعطرها .. انفتح الباب ودخل حمد بغرور وتعجرف القى عليها نظره وهو يتعداها ويفتح الكبت وراها نوف حست بشعور غريب .. بخوف غريب يكتسحها حست برعشه خفيفه بجسمها بصوته الي وصلها من الخلف .. وين غترتي الحمرا؟ قربت نوف من الدرج وسحبته لين ماانفتح وبانت الغتر الي كانت مسفطه بطريقه مرتبه جدا سحب حمد نفس وقال بصوت شوي عالي : اقولج غترتي الحمرا الي كانت هنا وينها؟ ( وكمل بسخريه ) ماقلت تعالي رويني شلون ترتيبج فالغتر ! تضايقت نوف قالت بضعف : مااعرف أي غترة تقصد ..... قاطعها صوته الغاضب وهو يصرخ فيها بصوت هزها هز ! وهو يقول : ياسلااااااااام يعني تعالي عفسي اغراضي وعقب قولي ماعرف أي وحده تقصد نوف بخوف: حمد لاتعصب دقيقه انا اطلع لك وحده مسكها حمد من يدها وهو يهزها بقوه ويقول : ان مديتي يدج على اغراضي مره ثانيه لاتلومين الا نفسج .. ( ودزها بقوه عالارض ) طلع من الغرفه والشرار يتطاير من عيونه .. داايما يدور اتفه الاسباب بس عشان يهاوشها ! يضايقها ينكد عليها .. ومرات توصل للضرب اذا كان متضايق او غاضب من شي ويفرغ غضبه فيها !! ونوف مستحمله .. وللحين صامده ! ومحد من اهلها يدري ان عن الي تعيشه كل يوم وكل ليله وكل ساعه .. وكل دقيـــقه ! شلون مايدرون وهو قدام الكل هو الملاك ! هو المدلل بما انه وحيد امه وابوه .. وحفيد جده الاول ! اول فرحته بأحفاده ومن شدة فرحته به رفض انهم يسمونه عليه وطلب انه يسميه على اعز انسان على قلبه أسمه حمد .. فسما حفيده الاول ( حمد ) وابنه الثاني ( بوعبدالله ) حمد : . . . . : . في الدفنـــه دخلت نوره وبيدها الاكياس وعلى طول على الدرج وقفت لما سمعت صوت ناصر اخوها الي كان بالصاله يشوف التلفزيون .. : خليتي شي بالسوق؟ نوره وهي تنزل الاكياس وتتسيخف بحركاتها كعاداتها العبيطه : آآآمممم لا باقي لي بكره الف الجهه الثانيه ناصر بأستهزاء : والله انتوا الحريم محد يقطكم بالسوق بروحكم ! تنسون اعماركم هه مشكلللله نوره وهي تتكف وترفع حاجب: ترى حتى الشباب بلشتيه ! محد يقطكم بمجمع الا وتقزون الرايحه والجايه الكاااشفه والمتغطيه وصلهم صوت امهم الي شايلها بيدها اكياس كارفور : بدال نجرتكم الي مالها اولي ولا تالي تعالوا ساعدوني قربت نوره من امها تشيل كم كيس وفز ناصر من مكانه واخذ باقي الاكياس من يد امه كلها ووداهم المطبخ .. ردت نوره اخذت اكياسها وراحت غرفتها فوق قفلت عليها الباب وتمت تقايس ملابسها الي شرتهم كانوا حلوييين عليها ابتسمت بفرحه كبيره وعقب لبست جينز مع تي شيرت وردي فاتح عليه صورت قلب بالجليتر الفوشي ... وفكت شعرها الناعم المدرج القصير وانزلت تحت على طول عالمطبخ لقت ناصر عند الطاوله الي عليها الاكياس ويطلع فالاكياااس .. نوره وهي تسحب كرسي وتقعد : نصوور شتسوي هههههه ناصر : بل بل بل صج صج ماخليتوا شي في كارفور نوره : آآآوف لو تشوف انا جاري وامي جاري ناصر وهو مبطل عيونه : ليش بتهاجرون يعني؟؟؟ والا قالوا لكم في وقت محدد ولازم تشترين اكبر كميه ممكنه؟ نوره : لا بس البيت ناقصه اشياء واجد ناصر وهو يسحب له كرسي بعد ويقعد عليه : شناقص بالله فهميني؟؟ شوفي راج ثلاجه شكبرها متروسه هذا غير الثلاجتين الي فالمطبخ الخارجي ابتسمت نوره: وانت بس على بالك ان الجميعه اكل وبس؟ والا ماعمرك رحت جمعيه؟ ابتسمت ناصر بأستهزاء : لاتصدقين ! بادلته نوره نفس الابتسامه : يبيلك روحه لها عشان تعرف شيبيعون فالجمعيه .. ماوعت الا بجموعة فووّط صغيره مربوطه مع بعض تجيها من ناصر الي اخذهم من وحده من الاكياس قدامه ورماها عليها وقال بضحكه : يبيعون هذي صح؟ قومي جيبي لي قلاص ماي بااارد وبلا ثقالة دم .. ناقصج انا ؟ اخذت نوره الفوط بيدها وهي تقول : نصور وعللللله تعلك ماني بجايبه لك ماي نزييييييين .. وقفت ورمت الفووّط عليه بقوه وهي تطلع من المطبخ تركض .. وناصر يلحقها ! طبعآ جزء تعريفي ومآآهي آلآآ آلبدآيه ~ بآنتظآر ردودكم علىآ آحر من آلجمر آختكم { زآآهي آلكحل ~ |
هلا بنت نايف
صدقيني راح اتابع الروايه لان انت اللي نقلتيها ---وانا وحده اثق بذوقج --واذا شفت اسمج في اي روايه عرفت انها مميزه انا والله للحين ماقريت الروايه --مع اني شفتها بالمنتدى الثاني بس ماحصلي الشرف وقريتها --وبما انها رواية قطريه فانا ابصم بالعشرةانها مميزة--مميزة --مميزة >> ياكثر قرقتي بس تقبلي مروري سارونة الحلوه من الكويت |
يالبى البايب ياسارونه
فديت روحك يالغلا والله انك عسل اخجلتيني بكلامك الحلووووو فيس مره مستحي اي فدييتك ان شاء الله تعجبك مثل ما اعجبتني انتظر ردك بفارغ الصبر |
السلام عليكم
هلا نوف ..قصه مشووووقه دام فيها طاري ولد العم >>^_* خخخخخ والاهم انها من نقلتس يالغاليه .. نجي للقصه ..المحور الاساسي في هالجزء هو سعود ..وسااره .. ياترى راح يتقبل سالفة خطبتهاا .. وبيقول الله يوفقهاا..؟؟ والا بتركبه شياطين الانس والجن وبيقول بنت عمي وانا أ ولى من الغريب ...؟؟؟؟ ترى احيانا يكون ولد العم مو متقبل بنت عمه بس من يسمع ان فيه احد حاط عينه عليهاا تحلى بعينه ..ويسوي فيهاا حرب وضرب ..وتحجييير وفي الاخير يطلع يحبهاا وهو مايدري عن هوى داره هههههه اتمنى اشوف ردة فعل سعود ..واحسااسي انه راح يسوي النون ومايعلمون بس في النهاايه ماراح يحصل على شي ..ويمكن نصيبه يكون عند نويراان ..اللي مادري من هي بنته الين الحين .. نوف ..مشكووووووووووووره يالغاليه على امتاعناا بهالقصه ..واللي أحس اننا بنستمتع معاتس فيهاا ..ألف شكر لتس .. بأنتظااارتس ..بس اتمنى اذا القصه كامله ماتطولين عليناا علشاان مايذوب الحمااس .. دمتي مبدعه دوماا في انتقااء القصص .. |
اقتباس:
حي الله قموره منوره الحته ياعسل القصه مكتمله عند الجيران وانا راح انزلها لكم على اجزاء بارتين يوميا لو فيه تفاعل لان تعرفين النقل من الجيران مره صعب مع اني ماخذه موافقه الكاتبه فلو تاخره في يوم اعرفو ان ظروفي كانت اقوى مني سعود وساره بتعرفين تفاصيل حكايتهم قريب والان بحاول انزل لكم الجزء الثاني |
فديت الناس الذوق
بنااااااات جد لاتطوفون القصه جوونااااااااان يعطيك العافيه يالحب على النقل اختيار موفق تقبلي مروووري حبوبه |
نوف نقل موفق
اكيد رهيبه باقراها |
اقتباس:
الذوق ذوقك يالغلا تسلمين على رئيك بالقصه وياهلا بك مليون واحلى مرور بنات اسمحو لي انقطع النت وتوني انزل الجزء فيس يحبكم |
آلـ ج ــزء آلثـآآآآني ~
~ مازلنـا في نفس اليوم سعود من طلعته مارجع للبيت كعادته يرجع متأخر والاوضاع ماشيه بشكل روتيني عالكل الا من ساره الي حابسه نفسها بغرفتها تحس ان لحظة اعدامها قربت الوقت كان يمشي بسرعه بالنسبه لها بسرعه صار الليل !!!؟ كنت متوقعه سعود يتصرف يتكلم يحتج !!!!!! لهالدرجه هو مايبييني؟؟؟ معقوله مادرى؟؟؟؟ شلون مايدري وامه وخواته يدرون هو دايما مع ابوي وجدي واخواني بالمجلس .. اكيد قالوا له بس ليش مااحتج؟؟ معقوله احتج ومحد عطاه مجال؟؟؟؟؟ والا لانهم حطوه امام الامر الواقع ماتكلم؟؟؟ تعبت من التفكير الوقت يمشي بسرعه قربت اللحظات الي بطلع فيها من الحياه وبدخل حياة جديده ... كانت هاللكمات والتساؤلات والافكار كلها تدور براس ساره سببت لها صدااع في راسها سالت دمعه من عينها وهي تمسحها بطرف صبعها السبابه .. وهي تقنع نفسها ان خلاص لازم تبتدي تتقبل وضعها الجديد وتنسى كل شي فات ! حطت راسها عالمخده في محاولة انها تنام ! : . . . : . : في بيت قريب منهم وبالضبط مقابل بيت جدها الي على يسار بيتهم وقفت سيارة سعود اللاند كروزر بحوش بيتهم .. وهو يطلب من السايق يسكر الباب وراه ودخل .. لقا امه بالصاله كعادتها الليليه تنتظر دخلة سعود عليها تطمن عليه وعقب تروح لدارها تنام .. كانت معاها الجازي .. دخل سعود وبيده قوطي بيبسي وسكر الباب وراه وهو يبتسم : السلام عليكم ام سعود براحه في صوتها: عليكم السلام .. هلا يمه تأخرت سعود وهو يحط البيبسي عالطاوله وينسدح على الكرسي الي عليه امهم ويحط راسه على فخذها وياخذ يدها يحطها على راسه عشان تمسح عليه .. قال : يمه كم مره قلت لج انا كبرت لاعاد تحاتيني صار عمري 25 سنه وانتي للحين تحاتيني كني بزر؟ ام سعود بنفس نبرة الحنان قالت : والله لو يصير عمرك 50 سنه اني بتم احاتيك كنك بزر .. انت قطعه مني شلون مااخاف عليك؟ سعود وهو ياخذ يد امه ويطبع في باطنها بوسه دافيه قال: فدييت اغلى ام انا .. فديتج لاعاد تحاتيني ام سعود وهي تضرب كتفه بالخفيف قالت: عجل لما اتصل فيك رد علي .. سعود وهو يبتسم: ان شاءالله من عيوني ... ( اخذ يد امه وحطها على راسه وكمل ) : يلا يمه دلكي راسي .. ( التفت على الجازي وقال) : شهالهدوء الي نزل فجأه عليج؟ الجازي وهي تحط رجل على رجل: ماعندي شي اقوله .. في هاللحظات كانت المها تنزل عتبات الدرج مثل الفراشه وهي تقول : هااا هاااا .. ليش ماقلتوا لي انكم مجتمعين اشاركم القعده؟ ام سعود: شوي شوي لاتطيحين تكسرين علينا مها وهي تقرب من امها وتقعد قدامها وتحط راسها في حظن امها وهي تدز راس سعود بشوي شوي عشان لايعصب عليها قالت: يمه دلكي لي راسي .. والا بس سعود الي يحصل عالدلع كله؟ سعود وهو يدز راسها بيده: ياشييييييييييين اللزقه مهوي .. عندج يوم كاامل تدلعي فيه على كيفج .. رد وحط راسه على فخذ امه .. ومها قامت قعدت عند الجازي .. وهي تكلمها صوت واطي قالت له امي عن شي؟ الجازي وهي تهز رجلها بتوتر: لا للحين ولاجبنا طاري كلش مها : تهقين يدري؟ الجازي: ليش اخوج يقول شي؟؟ كل العلوم فبطنه ولايقول لنا شي .. ويمكن مايدري مها : يمكن ! سكتـوا لما وصلهم صوت سعود الهادي جدا قال بدون مقدمات: يمه انا الحين صرت مستعد .. وقررت اتزوج ! ام سعود هلت عليها جملته مثل الهوا الي لفح وجهها بصدمه ! ماتوقعت ان سعود كان يفكر طول هالوقت في انه يتزوج؟ وش ممكن تقول له عن خطبة ساره .. هي كانت خايفه من هالمواجهه الي لابد منها شلون ممكن يتقبل الموضوع؟؟ بيكون عادي عنده نفس ماقال لها جملته ( الشوفه تتبع نصيبها) ويكون متقبل !!! والا بيثور وبيعصب هي تعرف ولدها اذا عصب مايعرف حد !!!! قالت وهي تلمح بناتها بنظره سريعه ويدها وقفت عن المسح على شعره : هذي السعه المباركه من بكره بدور لك البنت الي تناسبك .. سعود مازال راسه في حضن امه : يمه شفيج .. مب انتوا قلتوا من واحنا صغار ان انا لساره وهي لي؟ خلاص انا ماابي غيرها من زمااااااان و انا متخيلها تكون زوجه لي ابلعت ام سعود ريقها وقالت وهي تحاول تبين نبرة العتب بصوتها : قلت لك كون نفسك بسرعه استعد بسرعه خل نخطب البنت قبل لايسبقونك عليها الناس .. وانت كله معليه ومعليه وكل شي على الراحه لين ماطارت البنت من يدك اختفت ابتسامة سعود وابتدت ترتسم ملامح الغضب على ملامحه والجازي والمها يراقبون بخوف ودهم يشاركون فالحديث .. لكن خايفين لانهم عارفين سعود اذا عصب يخوف ! قعد سعود على حيله وهو يلتفت لأمه .. : يعني افهم من كلامج ان ساره تملكت؟ ام سعود بنفس النبره : بكره ملكتها .. وقف سعود بغضب وهو يقول : وحضراتكم تعرفون عن هالخطبه ولاحد قال لي؟؟؟؟ ام سعود وقفت بخوف على ولدها وقالت : شنقول لك؟؟ نقول البنت مخطوبه وان اهلها قربوه؟؟؟؟ الجازي استجمعت قواها ووقفت وقالت : شبتسوي يعني؟؟؟ بتقدر توقف قدام جدي وعمي؟؟؟؟ تنهدت سعود بغضب يحاول يسيطر على اعصابه الي ثارت .. : أي نعم بوقف ليش لا؟؟؟ ( بدا يعلى صوته بغضب ) سكوتكم كلكم عن هالشي يدل على رضاكم ... اخذ غترته الي كانت طايحه عالكرسي ورماها على كتفه وهو يطلع من الباب ويسكره بقوه ... فتح باب الحوش الكبير وشغل سيارته وطلع من البيت .. طلع وهو غاضب زعلااان من امه وخواته .. ليش اسكتوا؟؟ ليش ماقالوا لي؟؟؟ طلع يدور بشوارع الدوحه بدون هدف بس يبتعد من البيت يبتعد عن بيت جده وعمامه .. مايبي يرجع يحس انه مخنوق .. وفي باله الف فكـره وفكره .. ! : : . . . : . . : مرت الليله حزينـه على البعض ! سعيده عالبعض الاخر .. الي ينتظرون تطلع الشمس عشان يستعدون ليوم حافل وهم عائلة حمد بن عبدالله ( الي بيتزوج ساره ) كانت ام حمد فرحتها فرحه اليوم زواج ولدها الكبير اول فرحتها ولمكانتها في المجتمع لازم يكون الحفل كبير وعلى مستوى كانت امنه ( اخت حمد الوحيده ) شرت لها فستان راقي جدا من اجنر اسود انيق وراقي .. مع كامل اكسسواراتها ومستلزمات الكشخه جهزت كل شي ونزلت لقت امها محتشره تآمر الخدامات يعدون فواله كبيره بيودونها لبيت ساره وبيدها تلفونها بتكلم المطعم تأكد على حجز البوفيه وانهم يحطون الطاولات والكراسي بالوقت الي اتفقوا عليه لا يتأخرون ! ابتسمت امنه بفرحه وهي تقعد جنب امها : يمه ريحي نفسج .. ام المعرس اليوم الانظار بتكون عليها ام حمد : ولان الانظار بتكون عليها على قولتج لازم يكون كل شي مرتب وراقي ومثل ماهو مطلوب .. بعدين انا راحت علي سالفة الانظار اليوم الانظار كلها عليج .. ابتسمت امنه تحاول تخفي حزن خيم على قلبها من اثر هالجمله وقالت : حتى ولو مااقدر اخذ الانظار عنج ( غمزت لها ) دخل حمد البيت برزته وكشخته كان توه محلق ومضبط الزلف طالع شكله احلى بكثير وبيده ثوب جديد توه مطلعه من الخياط وكيسه فيها غتره وعقال جداد .. ونعال ( الله يعزكم ) جديده قربت ام حمد ببفرحه : هلا وغلا بمعرسنا شهالزين شهالزين امنه وهي تقرب منهم: فديته اخوي مزيون بتعذب قلب ساره من اليوم حمد بأبتسامه حلوه : طول عمري مزيون ماجبتي شي جديد؟ .. بعدين انا مب داخل عند ساره ام حمد: وليش ماتدخل؟؟؟ لازم تدخل ولدي وحيدي اب افرح فيك واصورك مع عروستك حمد : بلاها هالسيره يمه بتفرحين فيني ان شاءالله مب اليوم الملكه؟؟ واذاا عالتصوير بتصورينا احنا الاثنين ليلة عرسنا ام حمد: بتدخل وبتلبسها شبكتها بعد حمد ماحب يكسر بخاطر امه قال : ان شاءالله يصير خير .. الحين خلوني اروح اتسبح من عقب الحلاق واريح شوي لين العصر استعد ام حمد بفرحه: روح الله يوفقك ويهنيك ياحبيبي .. كل ولا المعرس يتعبونه : . . : : . في بيت ثاني في نفس الفريج كانت الاجواء العكس تماما .. ام سعود الي ماقدرت تنام الليل عدل كانت قاعده بالصاله قدامها القهوه والشاي ولاذاقت شي منها .. تحاتي ولدها الي طلع من امس ماتدري عنه لايرد على اتصالات ولا رجع ! فوق في غرفة الجازي الي كانت منسدحه عالسرير وقدامها اللاب توب ومها الي ساحبه الكرسي وقاعده عليها وهي ماده رجولها للسرير .. مها : والله قلبي معورني على سعوووود الجازي بحزن: أي والله لايرد على اتصالاتنا ولاشي خايفه عليه .. ماتوقعت بتكون هذي ردة فعله مها : تعبت وانا اتصل فيه واطرش له مسجات مايرد .. كل هذا عشان ساره؟؟ لهالدرجه يحبها؟ الجازي: اخوج ماكان يبين لنا طول هالفتره انه يحبها عشان كذا ردة فعله كانت اكبر من الي توقعناه !! مها: فديتها امي ماكلت شي من قامت تحاتيه الجازي وهي تسكر اللاب : قومي خل نروح لها تحت قاعده بروحها .. واحنا منثبرين هنا مها وهي تقوم: يلا تعالي ... انزلوا تحت لأمهم الي ما ان شافتهم حاولت انها تطلع من الجو الي هي فيه عشان لاتحسس بناتها بضيقتها لكنها فشلت ! قربت مها وهي تضمها : فديتج يمه .. اصبج لج فنجال قهوه؟ ام سعود بنبرة مليئه بالحزن : مااشتهي يمه الجازي وهي تقرب من الدلال وتصب فنجال وتمده لأمها : فديتج يالغاليه لاترديني! ابتسمت ام سعود واخذت الفنجال .. بدون تعليق وهي ترتشف منه بدون ماتتلذذ بطعم الهيل الي ماان صبت منه الجازي وبدا يفوح بالمكان حواليهم .. مها بمحاوله منها تغيير الجو : آآآآمممممم ياحلاة ريحة الهيل صبي لي فنجال جزوي الجازي وهي تصب لأختها : ياحبج للقهوه يالعجوز مها: هاتي بس .. لانج محرومه منها ماتعرفين شالسر الي فيها الجازي: الحمدلله الي الله ماعطاني حبها ! صمت يخيم عالمكان لمدة دقايق بعدها انطقت ام سعود : يمه بعد شوي بيأذن الظهر .. اسبحوا وصلوا وروحوا للصالون يالله لين تخلصون بسرعه من الزحمه ابيكم تكونون مع بنت عمكم بدري الجازي تشوف المها بنظرات قالت : نحضر المكله؟ ام سعود: أي تحضرونها شفيها مها : ووسعود؟؟ ام سعود بغصه: سعود بيزعل يومين وعقب بيرضى الجازي : وانتي يمه بتحضرين؟ ام سعود: لا اعتذري لي من مرت عمج مها: عجل انا مب رايحه والجازي: ولا انا ام سعود بحزم: بتروحون .. ماابي احد يحس بشي بعدين شذنبها ساره ماتشاركونها فرحتها؟ : . . : . . بعد صلاة الظهـر في شوارع الدوحه كان سعود يدور بسيارته وبيده كرك كان هذا ريوقه ! يحس بغصه .. تنهد اموت واعرف شالي براس جدي وعمي يوم قربوا هالي متقدم لها؟؟؟ آآآآآخ لو آعرف بس ! صفط بسيارته على جنب والافكار توديه وتجيبه .. . : . : . . . في بيت حمد بن عبدالله ( أبو ساره ) كانت الكوافيره تجهز ساره بعد مامكيجتها مكياج ناعم ألوانه هاديه تناسب الوان الفستان الفاتحه الي كانت مزيج بين الابيض والوردي والفستقي .. رفعت شعرها بتسريحه حلوه بخصل نازله بطريقه فوضويه وثبتت فيها كريستال فخم اضاف لمسة راقيه للتسريحه الحلوه .. بعد كم رشة سباريه : هيك خلصنا التفت ساره تشوف نفسها بالمرايه ابتسمت لاشعوريا : شكلي حلوو الكوافيره: بيعئد كتثير بتجنني .. يابختو العريس ابتسمت ساره بخجل .. تحس انها تنطعن كل ماتتذكر انها لغير سعود لمت الكوافيره عدتها وطلعت ودخلت نوف الي كانت متألقه بالفستان الاحمر قالت وهي تبدي رايحها بأعجاب شديد : واااو ساروه شكلج يجنن حصني نفسج ساره : تهقين بعجب حمد؟؟ نوف وهي تلف للجهه الثانيه وتعطي المرايه ظهره وتقابل ساره : تعجبينه وبس؟ الا بتذبحيييينه ابتسمت ساره بخجل بدون تعليق .. من جهه ثانيه في مجلس الرجاجيل الكبير والموجود في واجهة بيت جدهم ( عبدالله ) كان يجلس عبدالله ( الجد) وعياله عبدالرحمن ( بوحمد) وحمد ولده ( رجل نوف ) وحمد ( بوعبدالله ) وعياله عبدالله ( الكبير ) وسيف ( الصغير ) استعدادا لأستقبال حمد ( الجد ) وولده عبدالله وحفيده حمد ( الي بياخذ ساره ) بوعبدالرحمن ( الجد ) بنبرة ممزوجه بشوية غضب: وين سعود ماجا؟ عبدالرحمن (بوحمد زوج نوف ) : يمكن مايدري .. بوعبدالرحمن ( الجد ) شلووون بيدري وحنا مانشوفه؟؟ هالولد مادري متى بيعقل .. في هاللحظات كان سعود يدخل بيتهم ويفتح باب الصاله ويلقى امه الي للحين بالصاله ومن اول ماشافته فزت : سعود .. وينك يبه من امس احاتيك سعود يحاول مايحط عينه بعين امه : هذاني موجود قدامج مافيني الا الخير .. اسمحي لي بطلع فوق اسبح عندي شغله لازم اسويها ام سعود : انا انطرك تحت قبل ماتطلع ابي اكلمك .. راح سعود لغرفته سبح عالسريع وكشخ بثوب وغتره وعقال وطقم اجنر الجديد وتعطر بعطره الفاخر ينشم عن بعد 10 كيلو ! كان شكله بأختصار ( ينقال عنه معرس ) نزل عالدرج وهو يلمح امه الي تنتظره بالصاله وقف قدامها : آمري يمه وقفت ام سعود وفي قلبها احساس قوي ! قالت بنبرة ترجي : فديتك سعود لاتغضب جدك وعمانك منك سعود انصدم من هالجمله .. انصدم اكثر من الترجي قال بنبرة ممزوجه بغضب خفيف : خايفه على مشاعرهم؟ ام سعود بخوف كبير يتسلل لقلبها من هالنبره عارفه في شي بيصير قالت: ماهمتني مشاعرهم كل الي يهمني انت .. انت ياسعود سعود وهو يلف بيطلع قال: انا بروح احضر الملكه معاهم .. ( ابتسم بسخريه ) تعرفيييين جدي يحب ان كلنا نكون حواليه ! ام سعود بخوف : اذا ماتبي تحضر مب لازم ياسعود سعود: بس انا ابي احضر .. فمان الله طلع وترك امه وراه يعتصر قلبها عليه تحس بأنه هالهدوء هو الهدوء الي يسبق العاصفه ! العاصفه الي مرت نسمه من نسايمها امس ! تمت مكانها تدعي ربها ان مايصير الا كل خير .. وسعود يتقدم بخطوات كلها ثقه ويركب سيارته البنتلي .. عشان تكمل كشخته وهو يطلع من بيتهم ويوقف بسيارته قدام بيت جده وتحديدا مجلس الرجاجيل ... دخل المجلس وسلم وهو يلمح الموجودين .. محد غريب ! وصله صوت جده الغاضب : تو الناس؟ كان ماجيت ! لوهله بس .. حس سعود ان الملكه صارت وخلصت ! واختربت كل مخططاته حس بنفضة غضب تنفض جسمه بدون محد يلاحظ وهو يستجمع قواه وقال بنبرة عتب : والله محد قال لي ! عشان احضر هالمناسبه السعيده ! وقف الجد بغضب وقرب من سعود : ترادد ياسعيدان؟ سعود بغضب شديد يحاول قد مايقدر يحترم شيبات جده وابوه الي رباه .. ابو سعود توفى وسعود صغير عمره 5 سنوات والي تولى تربيته هو جده .. غرس فيه كل خصال العنند والقوه وعزة النفس .. واستمد سعود باقي خصال العصبيه والكبرياء وغيرها من جده لحد ماصار بشخصيته نسخه طبق الاصل من جده ! اما فالشكل فكان ياخذ شكل ابوه في كل شي .. قال من بين اسنانه : اولا اسمي سعوود مب سعيدان .. ثانيا البنت ابيها وانا احق بها واولى بها من الغريب بوعبدالرحمن بغضب: حمد ماهو بغريب حفيد حمد هو حفيدي ! سعود بغضب حاول قد مايدقر يكتمه لكن ماقدر قال : وانا حفيدك وولدك الي ربيته .. وانا اولى واقرب منه بوعبدالرحمن بحده: ماحلة لك البنت الا لما تقدم لها حمد؟؟؟ سعود بنفس النبره: البنت حاليه بعيني من زمااان وتعتبر لي .. وحمد تعدا علي وهذا مايجوز اخيرا تكلم بوعبدالله ( عم سعود وابو ساره ) : الكلام مايفيد يابوك لو انك صادق تبيها كان تقدمت لها قبل سعود يحاول قد مايقدر يكون متوازن : سباق هو الله يهديك عشان تقول قبل؟؟؟؟ انتوا كنتوا تقولون انها لي وانا مأمن على هالشي وقاعد انتظر الوقت الي يناسب واتقدم لها .. ( وبدون قصد لكن من شدة الغضب قال ) ودام انكم خونتوا فيني انا اقول البنت ابيها والملكه ماتتم !! بوعبدالرحمن بغضب شديد وهو يعلي على نبرة صوته وينتفض غيض : اخس واقطع ماعاد الا انت تقط كلام وماتثمنه ! شايفنا بزران كبرك ماتحترم شيباتي؟؟؟؟ لابارك الله فيك من ولد .. ياخسارة تربيتي فيك اطلع ... اطلع من مجلسي ولاعاد اشوفك فيه ولا عاد اشوفك معترض طريقي مابي اشوفك ... سحب سعود نفس بصعوبه وهو عاقد حواجبه وغاضب لو احد يلمسه انفجر في وجهه ... وطلع من المجلس ..... : . : . . : . في بيت بوعبدالله داخل الجازي والمها توهم داخلين الفله بس من الباب الخلفي لان الصاله انترست بالحريم والبنات وهم يبون يروحون لساره اول يشوفونها وعقب ينزلون ... فصخت مها عبايتها وشيلتها وطوت وهي ترتب شكلها قدام المرايه : يلا جزوي خلي علينا الجازي وهي تفتح ازرة عبايتها : يلا يلا ... طوت عبايتها هي الثانيه وعطتها مها ... مها وهي تبي تروح: بروح حق ساروه فوق لخلصتي تعالي لاتأخرين ... الجازي : وجع ان شاءالله انطري .... لكن مها مانطرتها وراحت بسرعه فوق ... بينما سيف كان توه يدخل من الباب الخلفي يبي ياخذ المدخن بعط ماطلب من الخدامه تشب لهم جمر وانصدم بهالملاك الي شافها .. كانت متألقه بفستان فيروزي راقي جدا بقصته الروعه وطريقة الشيفونات من نفس اللون كانت طايحه بطريقه انسيابيه على كتوفها مرورا من امام الصدر الى الخصر ليلتقون من في ورا مع الذيل ... وشعرها الكستنائي الي يوصل لنص ظهرها بالطريقه العجريه ولمسات الميك اب الخفيف ولون العدسات الي اضاف لمسه جماليه .. انبهر سيف من هذا كله ... والجازي ودها الارض تنشق وتبلعها ولا انه يشوفها بهالطريقه بعدها مارتبت شكلها من بعد العبايه ... ( أكيد شكلي يخرع وكشتي طايره من بعد العبايه والشيله ! ) آنتهى ~ في آنتظآآر ردودكم وتوقعآآآتكم آختكم { زآآهي آلكحل ~ |
اقتباس:
هلا وغلا فجوره منوره يالغلا اقرئيها واكيد راح تعجبك انتظر ردودك بشوق |
السلام عليكم
جزء رهييب بس قهرني سعود ليش ماسوى مثل غيره وحججر على بنت عمه .. والا هالطبع في البدو بس ؟؟؟ لو سعود ذكي راح لحمد المعرس وقاله على سالفته ..يمكن يتنازل له عنهاا >>فيس يقول هي بضااعه والا ايش ..خخخ نوف مشكوووره يالغاليه حلو سالفه جزئين كل يوم خلي جزء الصبح وجزء الليل ..>>فيس طمااع خخ بأنتظاارتس يالغلا .. |
اقتباس:
شفتي هالجد كيف يرفع الضغط انتظري سعود ورده فعله في الجزء القادم خلاص ولا تزعلين مضاد حيوي كل 12 ساعه جزء خخخخخخخخخ الله يبعد عنا المضادات وطاريهم فيس يكره الادويه |
احسبيني من المتابعات معك نوفه حبيبتي مبينه حلوة الروايه |
انا ضد ان ولد العم يحجر على بنت عمه لو يبغاها كان خطبها من بدري
عاد تصرف الجد سليم يوم مشى الامور وحتى ماتصير قطيعه بينه وبين صديقه ما دامهم خطبوا واعطو الموافقه سارة ايش شعورها لو تملك عليها ولد عمها بالقوة |
اقتباس:
هلا والله انج منوره يالغلا وتسعدني متابعتك دقائق والجزء الثالث ينزل |
اقتباس:
نورتينا يابنت برئيك والله ذا الساره ماتنظمن يمكن تطير من الفرحه خخخخخخخخخخخ بنسبه للحجر والله انها شئ مؤسف وما يمت لدين بشئ بس يضل عاده متعارف عليها عند البدو ونحترمه جدااااا |
آلـ ج ــزء آلـ ث ــآآآلث ~
~ طلع سعود من مجلس جده وشعور غريب يتسلل لجسده بكل وحشيه وألم ! شدد على قبضة يده في محاولة منه انه يخفف الغضب .. لكن ! شعوره بالغضب وصل لفوهته !!!! فتح باب سيارته وركب وشغلها وهو يبتعد بعيــد يبي يبعد عن هالمكان هالمكان الي انهانت كرامته فيه وانطرد !! فيه كانت مخططات عشان يسلبون منه الشخص الي بنى عليه مستقبل وحياه جديده !!! هو صحيح مايحبها لحد الجنون والعشق ! لكنه كان مايتخيل أي انسان غيرها يكون له !! وهـــي تكون لغيره هــي !! ضرب بيده بقوه عالسكان وهو يدور بشوارع الدوحه مثل التايه ! شعور غريب يجتمع فيه مزيج بين انكساار وكره .. وكبريــاءه الي ( حُطم ) ! : . . . : . في بيت حمد بن عبدالله عند الباب الخلفي للفيلا ! الجازي كانت ترجف بخوف ! هي مب اول مره تقابل فيها سيف لكنه أول مره تقابله بهالمنظر !!! كانت بأختصار ( فتنـه ) سيف عينه كانت مثبته عليها .. آسرته ! هو من زمان هايم بحبها , وهي تعرف بشعوره تجاهها لكن ماتعرف حجم الشعور هذا شلون؟؟ هي تحبه .. لالا هي تموت فيه لكنها كاتمه ! ماصرحت لأحد عن حبها الا لمهـا أختها ... التفت بتروح ووقفت لما حست بقبضة يده الدافيه تقبض على يدها ... وهمس بصوته الرجولي الي حرك احاسيسها : وين بتروحين؟؟؟ ارتعشت الجازي .. وحس برعشتها وهي تحاول تتخلص من قبضة يده وهمست بضعف : سيف والي يخليك خلني .. لاحد يشوفنا ويسوي لنا سالفه سيف برجاء : زين تكفين خليني اشوفج عدل ! من زماان ماشفتج لفي صوبي خليني اشبع منج سحبت الجازي يدها منه وهي تبععد عنه لحد ماغابت عن عينه وتنهد سيف بكل حب وهو يسند ظهره عالباب الي وراه .. : جيبوا المدخن بسرررعه ! . : : . . : تم بحمد الله الانتهاء من مراسيم الملكه وبدت الاصوات المهنيه تتعالى وهي تبارك وتدعي للزوجين بالتوفيق .. في مجلس الرجاجيل الكل التفت لحمد بفرحه ويبارك له .. وحمد يرد عليهم بكل فرحه اليوم محد قده !!! رن تلفونه ولما لمح اسم المتصل عرف انها امه وقف وطلع يكلمها .. سيف كان يقعد جنب عبدالله اخوه : اقول عبود .. سعود وين راح من اول ماجيت ماشفته !! عبدالله: اوووف طاافك نص عمرك عجل !! سعود جا وراح سيف وهو يحس بشي قال: شصاير؟ وقال عبدالله الي صار مع سعود بالتفصيل .. سيف بتأثر وبحزن .. مهما كان سعود ولد عمه واخوه واثنينهم قريب من بعض بكل شي ! : مايستاهل والله ليش جدي اطرده عبدالله: تبي الصدق !! جدي الله يسامحه يبالغ بشكل كبير من ناحية حمد رفيقه .. يعني يفرض علينا اشياء عشان ماتصير مشاكل بينهم !! سيف: بعد لاتلومه خوتهم عمر .. من وهم شباب مع بعض وتربطهم علاقه قويه .. تزوجوا وجابوا عيال وعيالهم جابوا عيال وكبار !! ماتبيه يحافظ على هالعلاقه ... بس بعد يحز فالخاطر الي سواه مع سعود سكت سيف شوي وهو يفكر !! لو ان الي صار لسعود وساره .. صار معاه هو والجازي شممكن يسوي ! بيموت ... أي أي بيموت هو يشرق بأسمها يموت في طاريها فكرة انها ممكن تكون لغيره بهالطريقه الظالمه تنحر فؤاده نحر !!! شلون لو كان هالشي صحيح ؟؟؟؟ تعوذ من ابليس وهو يبعد عالافكار عنه وقام وهو يطلع تلفونه واتصل في سعود ... وبعدة محاولات كلها فشلت .. لأن سعود مايرد على تلفونه ! : . : . . . : داخل عند الحريم ساره بعد مانزلت وسلمت على الكل ودخل حمد عشان خاطر امه لبسها شبكتها .. وصور معاها وراح وهو ميت من الاحراج وبنفس الوقت ميت من الوناسه على هالملاك آسرت قلبه ! كانت تقعد ومعاها بنات عمها المها والجازي اختها نوف .. يسولفون شوي ويعلقون عليها .. ساره كانت فرحانه لجيت بنات عمها .. لكن حزنت لان امهم ماجات آكيد عشان ولدها ماقدرت تجي .. معقوله منعها !!! شلون بيمنعها والبنات جاوا؟؟؟ شصاير .. شصاير آموت واعرف ... مها : الي ماخذ عئلك ابتسمت ساره بخجل: محد ماخذ عقلي غيرج مها وهي تغمز لها : علينا ساااروووه نوف وهي تقرص خدود مها : بسسسج احرجتي اختي من اول ماجيتي وانتي طايحه فيها تعليقات مها بضحكه : اموووت على شكلها لما تنحرج ... ساره بخجل: بس ذبحتيني احراج ههههه مها: وبتم احرجج لين تزوجين .. وتروحين بيت الي مايتسمى هذا !!! ( قالتها بكل عفويه بدون قصد ) الكل انتبه لهالكلمه .. ضربتها الجازي بكوعها بالخفيف ساره بدت دقات قلبها تعلى تحس انها قاعده على نااار في شي صاير بس محد راضي يقول !! نوف بضحكه تلطف الجو الي عم بالصمت من بعد جملة مها : الله يخسج مهووووي للحين ماتغيرتي ( كملت بضحكه ) : الحين ساروه بتزعل عليج بدال ماتقولين الشيخ حمد زوج المدام ساره هههههههههه الجازي تحاول تغطي على اختها : من قدهااا المداااام .. ليش ماتقولين الشيخه ساره بعد؟ نوف وهي تضحك : ولايهمج الا شيخة البنات ساره .. ابتسمت ساره .. وتموا يسولفون شوي وبعدها اطلعوا الجازي ومها وراحوا لبيتهم .. : . . . : : . . في بيت عبدالرحمن بن عبدالله قسم نوف وحمد دخلت نوف القسم لقت حمد بالصاله منسدح على الاريكه يشوف التلفزيون .. قال بنبره فيها شوي تطنز : تو الناس كان تأخرتي ! نوف بتوتر قربت وقعدت عالكرسي القريب منه : بعد ماراحوا الحريم قعدت شوي مع البنات كانوا مجتمعين حمد وهو يقعد على حيله : لاااا؟؟؟ ولاكأن وراج زوج منثبر فالبيت ينطرج؟ نوف بخوف من هالنبره الي كل مالها وتعلى : حـ ـمـد شفيك؟ حمد وهو يعلي صوته: شفيني ؟؟؟ عليتي قلبي بأهمالج مادري متى بتعقلين تركها وراح ... وتمت نوف مصدومه مكانها أعقل ؟؟؟ شسويت .. انا عليت قلبه !!!؟؟؟ متى اهملت فيه متى؟؟؟ آآآه لو يدري شكثر آحبه بس ولو يعطيني ربع الاهتمام الي انا اعطيه اياه كان عرف اني مااهملته : . : : . . . : في بيت بوسعود كانت ام سعود كالعاده بالصاله وقلبها يعتصر خوف على ولدها الي من طلع وهي متوقعه في ان مصيبه بتصير !! انفتح الباب وقفت بفرحه لعل وعسى يكون هذا سعود وبسرعه حست بخيبة امل وهي تسمع صوت كعوبهم وهم يدخلون ويسكرون الباب وراهم لمحوا البنات نظرة الامل في عين امهم وبعدها خيبة الامل !! قربوا واقعدوا حولها وحده على يمينها ووحده على يسارها مها بدلع وهي تحط راسها على كتف امها: شخبااارها الغاليه؟ ام سعود: قلبي بيوقف يابنات ارفعت مها راسها بخوف على امها والجازي وهي تقرب من امها اكثر وتحط يدها على صدرها بخوف : بسم الله على قلبج يايمه .. شفيج؟ ام سعود بنبره حزينه خانقتها العبره: اخوكم من طلع من عندي مايرد علي على اساس بيحضر الملكه وهذا هو الحين تأخر .. خايفه يابناتي خايفه يكون فيه شي مها حست بنغزه في قلبها .. وهي تقول بصعوبه: مافيه الا الخير ان شاءالله .. بس يمه تعرفين سعود كله يتأخر يعني مب شي غريب عليه ام سعود بحسره: بس هالمره غييير .. هو من درى عن خطبة ساره وهو مب طبيعي الجازي وهي تطلع تلفونها : بتصل فيه الحين ... ضغطت الجازي رقم سعود الي حافظته .. واضغط على السماعه الخضرا ووصلها صوت باب الصاله ينفتح .. ابتسمت بفرحه وهي تضغط عالسماعه الحمرا وقالت : هلا سعود توني كنت اتصل لك وقفت ام سعود وقربت منه وهي تضمه بكل قوتها : وين رحت ياسعود .. كذا تسوي فيني ماترد على اتصالاتي وانا كم مره احذرك؟؟؟ ماقدر استحمل اكثر بيوقف قلبي سعود وهو يضم امه: بسم الله على قلبج يمه .. الف مره قلت لج لاتحاتيني ام سعود : شلون مااحاتيك وانت اتصالي ماترد عليه؟ سعود: آسف يمه والله آسف .. تلفوني عالسايلنت وتوني منتبه له الحين وانا ادخل .. ام سعود : ياولدي انا مابي شي بس اتطمن عليك .. طبع سعود بوسه على جبين امه .. و وقعد معاها .. لين ماتطمنت عليه .. بعدها راحت تنام والتفت هو على خواته : رايحين الملكه؟ الجازي: أي سعود بغضب خفيف: ومخلين امي فالبيت؟؟؟ مها: قلنا لها قالت بتقعد عشان تشوفك سعود من بين اسنانه: مره ثانيه ان رحتوا مكان بدون امي احش رجيلكم حش سامعين الجازي بدون ماتعطي جملته أي اهتمام قالت : سعود شصاير؟ سعود بتوتر: شصار؟ الجازي: مادري يعني امي تقول انك حضرت الملكه سكت سعود في محاولة منه يسفههم !! لكن المها قالت ببراءه : واضح ان ساره مب راضيه جملتها نحرت سعود نحر .. مب راضيه بعد !!! وانا كنت اقول برضاها وافقت !!!! شهالتسلط الي عليهم .. ليش يفرضون رايهم بهالطريقه غمض سعود عينه بألم وهو يتخيل ... ممكن في يوم من الايام خواته يتعرضون لهالظلم !!! يبدون مصالحهم على هالشوفات الضعيفات !!! فتح عينه على صوت المها الي قالت بخوف: سعود شفيك؟؟ شي يعورك؟ سعود: حاس بصداع خفيف .. بروح فوق انام : . . : . . : . انتهى هاليوم جزء منه حزين وجزء منه فرحان حمد نام وهو قبل ماينام كانت ساره بصورتها الي انحفرت في بالها قدام عيونه .. كان منبهر بشكلها كيف كانت حلوه وهي مستحيه وموخيه نظرها للأرض .. ومافيه صبر متى يعرسون وتكون عنده يشوفها ومايمل منها !!! على عكسه ساره كانت تعيش نقيضين !! شعور غريب انضم لكل الاحاسيس الي تحس بها .. وهي تتذكر شكل حمد امس شلون كان رزه له هيبته كان وسيم بشكل مب طبيعي .. صحيح كانت مستحه ولاقدرت تشوفه عدل لكنه لمحته وانحفرت صورته في بالها .. بينما على النقيض من الجهه الثانيه كان سعود يحتل جزء كبير من تفكيرها .. لحد الحين ! تحس بأحساس ماتعرف شنهو مصدره .. بخوف .. خوف من وشو؟؟؟ ماتـدري لكنها خايفه خايفه منه؟؟؟ والا عليــه؟؟؟؟ نوف وحمد الزوجان الاغرب ! مثل كل ليله يتشاركون نفس السرير ! لكن كل واحد معطي الثاني ظهره .. الا من الليالي الاستثنائيه الجازي حطت راسها عالمخده وابتسامه حلوه انرسمت على محياها قال ماشبع مني؟؟ فديته وفديت عينه الي ماشبعت من شوفي ... مدت يدها ومسكت يدها تحسس مكان قبضة يده .. وفديت يده الي مسكتني بعد سحبت اللحاف عليها تغطي جسمها وهي تفكر فيه ! آخر شخص كان الشخص الاكثر والاكبر همـاً سعـود كان يتقلب على فراشه .. والنوم جافاه ! كان يرسم مخطط في باله وهو يمشي عليه فشل فالخطوه الاولى .. وبجداره ! ياترى يقدر ينجح في باقي الخطوات ... شايل هم امه وخواته الي مالهم غيره .. لازم يوقف قدام كل شخص ممكن انه يعرقل لهم !!! اخيرا استسلم للنوم بعد ماتعب من التفكير : . . . : . : : انتشرت اشعة الشمس الذهبيه في كل مكان تبث دفئها في برودة شهر ديسمبر .. صحى البعض والبعض االآخر مازال نايم ! لكن الكل كان ينتظر طلوع الشمس عشان يبدا مخططه ! توعى سعود بصعوبه على ازعاج المنبه .. طفاه وهو يشوف الساعه كانت 7 الصبح ضرب على راسه بالخفيف : فاتتني الصلاه ... استغفرالله بس قام توضى وصلى صلاته الي فاتته واخذ شور سريع لبس ونزل تحت لقى امه بالصاله ... بأبتسامه حلوه قرب منها وطبع على راسها بوسه : صبحج الله بالخير يالغاليه ام سعود : صبحك بالنور ورضى الرحمن ياحبيبي .. ماشاءالله اليوم صاحي بدري سعود : عندي اشغال لازم اخلصها بسرعه .. ام سعود : ماخلصت اجازتك؟؟ سعود بضيق بعد ماتذكر ان اجازته قربت تخلص وبيرجع يداوم مع جده وعمامه بالشركه قال : لا للحين ماخلصت على الاحد الجاي بداوم ان شاءالله ام سعود بأبتسامه : الله يوفقك ياولدي .. حياك تريق سعود وهو يقوم ويطبع بوسه على راسها : بسي يالغاليه فنجال قهوه والحمدلله .. بروح ماابي اتأخر ام سعود: ولو اني مابيك تطلع بدون ماتاكل لك شي .. لكن معليه كله عشان لاتأخر على اشغالك طلع سعود من البيت وكالعاده ام سعود ابتدت تدعي ان الله يوفقه وييسر اموره ويهديه .. ويصلح قلبه : . . . : . . : . في نفس الوقت في الدفنـه صالح وأبوه بما انهم عسكريين فهالشي طبيعي انهم بيطلعون لدوامتهم من الصبح بدري قبل الكل .. نوره للحين نايمه .. وناصر بغرفته نايم دخلت ام صالح على غرفة نوره تصحيها اول .. فتحت الليت والستاره اسمحت لأشعة الشمس تدخل وهي تفتح الدريشه وتوعي نوره : يلا نوره قومي لاتأخرين على محاضرتج نوره بتعب وهي بالكاد تفتح عينها من قوة الاضاءه : يمه حرام عليج طفي الليت عالاقل ام صالح بعصبيه خفيفه: ماني مطفيه الليت ويلا قومي بسرعه عن الدلع قامت نوره بملل من سريرها .. مستحيل ترد تنام لانها تدري ان امها مستحيل تطلع من الغرفه الا لما تشوفها قامت ! اطلعت امها من عندها ومرت غرفة ناصر فتحت الباب لقته نايم عالسرير بالعرض واللاب مفتوح جنبه .. هزت راسها بأسف على شكله .. وولعت الليت وفتحت الستاره والدريشه نفس ماسوت بنوره وسكرت اللاب وهي توعيه : ناصر ... يانااصر ناصر وهو يلف وجهه للجهه الثانيه ويعقد ملامحه من قوة الاضاءه الي على وجهه : همممم ام صالح وهي تهزه بالخفيف تدري نومه ثقيل مستحيل يقوم براحه : ناصر ... قوم يبه الساعه 7 الصبح بتأخر على محاضراتك ناصر خبر خير مايرد عليها .. ! تنهدت ام صالح : اانا كل يوم على هالموال؟؟؟؟ علت شوي على نبرة صوتها وهي تهزه بطريقه اقوى : نـــااصر ... نااااصر بتعب شدييييد فتح عينه وبصوت ماليه النعاس : شفيج يمه؟ ام صالح: شفيني عليت قلبي .. قوم يلا الساعه 7 ناصر بتعب وهو يلف راسه للجهه الثانيه : زين زين دقايق واقوم .. ام صالح وهي تقعد عالسرير : مافي لا دقااايق ولاغيرها قوم الحين لا ااجيب الماي البارد لك ناصر بضيق يرفع غطا اللحاف عنه : قمنا .. ماتخلون الواحد يرتاح شوي ام صالح وهي تتبعه بنظرها لين باب الحمام ( الله يكرمكم ) وهي معصبه عليه : وين ترتاح وانت مقابل الكمبيوتر ليل نهار ماكن وراك دراسه وشغل .. وصلها صوت باب الحمام يتسكر , طلعت من الغرفه تجهز لهم ريوقهم كعادتها .. ناصر ونوره عيالها الي لين الحين تشوفهم صغار بنظرها !! تحرص على انها هي الي توعيهم دايما .. لما يكون الريوق جاهز تسوي لهم سندويشات وتجهزها لهم ولما ينزلون يلقون كل شي جاهز بس ياكلون ويطلعون على دواماتهم .. كانت ام صالح على راس الطاوله .. دخلت عليها نوره طبعت بوسه على راسها : صبحج الله بالخير يمه .. ( سحبت كرسي على يمين امها واقعدت وهي تحط شنطتها وملفها عالكرسي الي جنبهـا ) ام صالح برضى : صبحج بالنور والسرور نواره .. دقايق ويشاركهم ناصر القعده وهو حاس انه مصدع بسبب انه مانام عدل ولانه كان سهران على النت طول الليل ! بعد ماتريقوا واخلصوا وقف ناصر : يلا لاتأخرين محاضرتي تبدا الساعه 8 بالضبط يادوب نوصل بدري نوره وهي تاخذ شنطتها وملفها : يلا يلا جايه ... وقفت لما سمعت امها تقول : متى بتطلعين؟ نوره : الساعه 2 الظهر يمه تكفين لاتأخرين مثل كل مره ! ترى حدي مانمت عدل امس وطلعت .. ام صالح : شفيهم هذول ماينامون الليل ووراهم دوامات ! الله على زمنا احنا الي مانعرف هالسهر وهالخرابيط الي طايحين فيها الحين ... قامت وراحت المطبخ ... : . . . : . . نرجع للريان وتحديدا في أحد المدارس المستقله الموجوده بالريان كانت نوف توها مخلصه حصتها وقاعده بمكتبها وعندها مجموعة اوراق عمل للطالبات تصححها دخلت عليها فاطمه زميلاتها بأبتسامها حلوه وهي تحط شنطتها على مكتبها .. وتفصخ عبايتها الفخمه وتعلقها وراها .. وتطلع المنظره من الدرج تتأكد من ان شكلها عدل .. ولفت لجة نوف الي بعد ماردت السلام ردت وحطت راسها في اوراقها تصححهم وتحط الملاحظات عليهم .. فاطمه : محد صوبنا اليوم رفعت نوف راسها بأبتسامه حلوه : اسمحي لي فطووم غير هالاوراق عندي ملفات لازم اصححهم اليوم وعقب اجمع الدرجات لان بكره لازم اوزع عليهم درجاتهم .. فاطمه وهي تقرب وتقععد عالكرسي مقابلها : تبين مساعده ؟؟؟ نوف وهي تمد لها الاوراق الي صححتهم : ياليت والله هاج هالاوراق صححتهم بس الي عليج تجميع الدرجات وتكتبين في هالورقه اسم الطالبه ودرجاتها جنبها وبكون شاكره لج فاطمه وهي تسحب قلم من عالمكتب : تامرين امر ... في هاللحظات رن تلفونها .. ارتسمت ابتسامه على محياها وقالت وهي توقف : دقيقه نوفوه برد عالاتصال وبجي اساعدج .. : . : . : . . : . في هالوقت على كورنيش الدوحه كان سعود بسيارته في مواقف الكورنيش .. وفارش الجريده على السكان قدامه وبيده كوب الكرك .. ! يدور عن اعلان معين ... قطـع عليه صوت التلفون ارتسمت ابتسامه خفيفه وهو يرد : هلااا حمود وصله صوت محمد الي كان يتكلم بصوت عالي كأنه في اخر الدنيا ! : سعووود وينك فيه؟ سعود بعد ماكشر بملامحه : ياخي بطيت اذني ! محمد: هااااااا؟؟؟ ماسمعك ترى ! سعود بعصبيه: ياخي التعن بسيارتك وكلمني بلا هالازعاج خرمت اذوني محمد وهو يركب سيارته ويسكر الباب ويتكلم بصوت عادي : ايييي كذا اوكي والله قبل شوي ازعاااج سعود وهو يتنهد: اخلص علي شتبي؟ محمد : شفييييك مخيس النفس سعود: حمووود ماني فاضي لك مشغول بتقول الي عندك والا سكرت الخط محمد: زين زييييين اوف كبريييييت اعوذ بالله .. انا وسلمانوه وباقي الشباب بنروح العنه اليوم وبنقعد فيها يومين وبنرجع بتخاوينا؟ سعود بعد تفكير بسيط: لااا مره ثانيه ان شاءالله مشغول هاليومين محمد بتفهم: زين خلاص اذا قدرت تجي مر علينا سعود: على خير : . : . : . : . : . بعد الغداء بيت عبدالله بن حمد ( الي ولده خطيب ساره ) بعد ماتغدوا راحوا بو حمد وام حمد لغرفتهم .. والجد حمد لغرفته وبقى حمد ( خطيب ساره ) وامنه اخته .. حمد : اموون امنه : عيوونها ابتسم حمد بعفويه : شخبار الدوام اليوم؟ امنه : الحمدلله تمام حمد بأحراج خفيف : آآآ بغيت اخذ رايج بموضوع آمنه وهي تستعدل بقعدتها وبعدها محافظه على ابتسامتها : انت تامر امر حمد بتوتر من الي بيطلبه : آآانا بغيت اخذ رقم ساره آمنه بصدمه خفيفه: بهالسرعه؟؟؟ توك متملك امس حمد : مب الحين ههههه يعني فالفتره الجايه .. حاب اتعرف عليها اكثر آمنه : وانت توقع اهلها بيرضون؟ حمد بعد تفكير بسيط : وليش مايرضون؟؟ مرتي وحلالي آمنه : أي بس هي للحين فبيت اهلها ومثل هالامور لازم تستأذن اهلها فيها واذا موافقين او لا تنهد حمد : كنت ابيج تتساعدين اخوج الصغير ضربته امنه بالخفيف على راسه: اخوي الصغير ماشاءالله عمره 27 مب محتاج مساعده .. وخل حركات المراهقه عنك حمد : زين انا مسويت غلط قاعد اطااالب بحقوقي ابتسمت امنه : أي مطالبه ياعم .. ههههههه كلمهم شبتخسر .. والا تدري جدي له تأثير كبير على جدها تقدر تخليه يتوسط لك ( غمزت له ) حمد بجديه : مابي ادخل جدي فالسالفه وانا ااذا بكلم راح اكلم ابوها او واحد من اخوانها ماله داعي العايله الكريمه كلها تدري امنه بأبتسامه حلوه: الله يوفقك ويهنيك ياحمد : . : . : : . : . : . العصـر بيت بوسعـود كان الجو ولا اروع .. ام سعود وسعود والجازي ومها فارشين المده في وسط حديقة البيت ومستمتعين بجو جميل ناسيم هوا خفيفه تهب عليهم .. تداعب خصل البنات الي شيالهم على كتوفهم .. مها وهي تدخل يدها شعرها تطيره اكثر مع الهوا : الجو يلعب بشعري ابتسمت الجازي : تكفييين ياراعية الشعر انتي مها بدخل تحرك شعرها : محترررره؟ الجازي : على وشو احتررر .. ( اخذت شعرها المربوط ذيل فرس على ورا وحطته قدام ع كتفها اليمين وهي تقول بدلع ) أعتقد شعري اطول من شعرج وأحلى بعد ام سعود : اييي قبل يوم كنت اسوي شعوركم كانت شطولها وااحلى من كذا ويوم كبرتوا انتوا خربتوها بهالقصات والاصباغ الجازي : مستحيل اصبغ شعري عاجبني لونه المها : يمه التغيير مطلوب ( وابتسمت لحد مابانت اسنانها ) هدوء لمدة ثواني معدوده ويكسر هالهدوء صوت سعود الي كان يشاركهم الجلسه بدون مايعلق ! واخيرا نطق : ابي اكلمكم في موضوع مهم .. وهالموضوع راح يغير مجرى حياتنا توقعآآآتكم شنو هآلموضوع المهم آلي بيغير مجرى حيآآتهم مثل مآقآل سعود ؟ ~ لآتحرموني من ردودكم وتوقعآآتكم آختكم { زآآآآهي آلكحل ~ |
يسلمووووووووووووووو نووووووووووووووف باااااارت حلوووو بتوقع انه سعووووود رح يغير اشياء كتيييييير من نمط حياته يمكن رح يستقل هوي و اهله بعيد عن بيت جده و يمكن يغير شغلو ابصر .....الله اعلم |
السلام عليكم ..
هلا بك نوف ..ياعيني على القصه كل مالهاا وتحلى اكثر اتوقع ان سعود بيهااجر هو وأمه وأخواته ..لكندى >>فيس طارت عيونه من الفكره قصدي يسافر لمدينه ثاانيه ..لانه الشي الوحيد اللي بيغير حيااته هو وأهله .. والاحتمال الاقرب انه يترك الشغل عند جده وأعماامه ويشتغل بمكان ثاني ..ويمكن الشي اللي كان يدور عليه بالجريده هو اعلان عن وظيفه ..او دوره ..او مادري >>فيس يقول كل شي وارد هههه.. والله هالسعود ماله حاجه قاهرني توه يوعى لنفسه ويفكر ببنت عمه .. بس الحين بعد ماتم كل شي اتمنى لسااره التوفيق مع هالحمد ..يمكن يكون اخيّر من سعود (وعسى ان تكرهوا شيئا وهو خير لكم ..) نوووووووووووف ..مشكوووره يالغاليه على التزامتس معاناا بتقديم المضااد في وقته خخخخخ بانتظااار الجرعه الجاايه .. |
مساؤك نقاء نوفا يعطيك العافيه على النقل
شكلها رووعه وكفايه انها ذوقك فيس يثق في ذوقك قراءت البدايه حلوه لي عوده بتعليق حالين فيس مشغووول العوده للمدارس |
اقتباس:
الله يسلم غاليك اش راح يعمل سعود راح تعرفيه في البارت الرابع انتظريه في تمام الحاديه عشر بتوقيت السعوديه :flowers2: |
اقتباس:
وعليكم السلام ورحمه الله وبركاته ياحي الله النوري حبيبة النوفي (ابد ماتقد ماما منوره ياعسل اماااااااا عاد كندى خخخخخخخخخخخخخخ شطحتي يامر واجد بس مافي شئ غريب على سعود واه ياقموره تونا بالبدايه والتطورات مو بس يتعجبك الا اكيد بتدوخك ابد ما تشوق القراء انتظري الجزء الرابع في تمام الحاديه عشر من مساء اليله فيس يلتزم ب وقت المضاد لاشكر على واجب يالغلا احنا ال ليلاس الالتزام شعارنا فيس يرفع رايه :liilas: |
اقتباس:
تسلمين الغاليه اخجلتي تواضعنا والله القصه مره اعجبتني شدي حيلك وتابعي معنا الله يعنك يارب ورجعنا للروتين وتدريس العيال فيس يعشق الويك اند والاجازات بانواعها في انتظارك لاتاخرين علينا |
آلـ ج ـزء آلـرآآبـ ع ~
~ نظرات ترقب كلها متجهه ناحية سعود الي قال وهو يسترجع الي صار من أسبوع في الملكه والي صار له لما داوم بالشركه : ابي اكلمكم في موضوع مهم .. وهالموضوع راح يغير مجرى حياتنا ام سعود : خير يمه شعندك؟ سعود وهو يوجه نظره لآمه ويقول : بنطلع من هالبيت ! ام سعود بصدمه : شنو؟ المها وعلامات التعجب حولها : وين بنروح؟؟ سعود سحب تنهيده .. يحس كأنه يتجرع اموااس والكلام يطلع منه ! ماوده هذا كله يصير بس مجبور .. قال بهدوء : لقيت فيلا حلوه وجديده للبيع فالدفنه قلت لصاحبها احتمال اخذها وابي اجيب الاهل يشوفونها .. وهو سمح لي ام سعود بعصبيه خفيفه : شتقول ياسعود نروح ونخلي عمامك وجدك؟ سعود بهدوء يخفي وراه غضب كبييير قال : احنا ماحنا بطالعين برا البلاد يالغاليه ! ام سعود بحزم: حتى ولو شتبي الناس تقول خذا امه وخواته وابتعد عن اهله؟؟؟ المها والجازي تتنقل نظراتهم لبعض ثم لامهم واخوهم .. نظرات كلها خوف من هالقرار المفاجى ء الجازي اخيرا نطقت : سعود شسالفه؟؟ في شي ؟؟؟؟ شلون نطلع بدون سبب؟؟ سعود بضيق يحاول يخفيه : السالفه اني عطيت الرجال كلمه وبكره بنروح نشوف البيت ... ( قام وتركهم ثلاثتهم على المده المفروشه في وسط حديقة بيتهم ) ركب سيارته وطلع من البيت ! ( للتوضيح ~ هالحدث صار بعد مامر اسبوع على الاحداث الاخيره ) : . : . . : . في البيت المقابل لبيتهم فيلا كبيره يسكنها شايب كبير وعجوز بس ! بيت الجد ( عبدالله ) كان قاعد بالصاله ومعاه زوجته ام عبدالرحمن يتقهون قهوة العصر وتاخذهم سوالفهم ومرات يسترجعون ايام الصبا ~ مع ابتسامه خفيفه تبرز فيها تجاعيد وجيهم الي كونتها السنين الطويله مابين الذكريات القديمه والاحداث الاخيره .. كلمات عتب من الجده ام عبدالرحمن على زوجها شلون يطاوعك قلبك تسوي كذا في سعود يتيم كسرت قلبه يابوعبدالرحمن بوعبدالرحمن بحزم : الله يعلم اني ماودي شي يمسه لكن ابيه يعرف شلون يتحاكى مع الرجاجيل ويحترمني ويحترم ابوانه ام عبدالرحمن بخوف على هالحفيد العنيد ! : وتطرده من الشركه تقطع رزقه؟ بوعبدالرحمن بنفس نبرة الهدوء الجديه : ماطردته كل الي قلته انه ينتقل من القسم الي انا فيه وكل هذا تأديب له .. وبما انه هو الي قرر يسحب اوراقه ويطلع خليه يعتمد على نفسه دلعناه كلنا وداريناه على انه اليتيم الي فقد ابوه في صغره والظاهر ان حنا افرطنا في تدليله ام عبدالرحمن : سعود توه صغيره و طايش يابوعبدالرحمن لاتخليه يتصرف بروحه بوعبدالرحمن بتطمن : شبيسوي يعني؟؟ بيشتغل في مكان ثاني خليه يشتغل يعتمد على نفسه الدلع الي كان محصله عندنا يداوم نص يوم ويغيب بالايام والراتب يمشي له ولاينقص منه شي ماراح يحصله في الاماكن الثانيه خليه يعتمد على نفسه ياام عبدالرحمن .. حنا يوم حنا كبره كانوا ابوانا جعلهم الجنه يحكونا حك عشان يطلع من ورانا الرزق الي نحصل من وراه لقمتنا .. وريال على ريال ياام عبدالرحمن يكبر الحمدلله بتعبنا كل هالخير الي حنا وعيالنا وعيال عيالنا فيه ام عبدالرحمن : الحمدلله الله لايغير علينا الحال يابوعبدالرحمن .. انا شوي وبروح لبيت ام سعود .. توها بتقوم الا ... دخلت عليهم بنتهم وضحى ومعاها بناتها الثلاث الصغار .. آكبر وحده فيهم عمرها 12 سنه ! هالمره دخلتها كانت غير علامات ضيق وحزن خيمت على ملامحها دنقت على راس ابوها وامها تسلم عليهم .. وبعد ماسلموا بناتها الثلاث انسحبوا من المكان على غرفتهم الي لما يجون بيت جدهم يتمون فيها بوعبدالرحمن بتسأل ونظرة تفحص : شحالج بنتي؟ وضحى تسحب تنهيده مشبعه بحزن قالت : ماظن حالي يسرك يبه ! بوعبدالرحمن وهو يستعدل في قعدته : افا وانا بوعبدالرحمن ~ شالي صاير لج؟ وضحى وبدت دموعها تهل : يبـه عيسى طلقني .. اكتسحت ملامح الغضب ملامح وجهه بدل ملامح الاستغراب والاستفهام ! وهو يقول بصوت حاول قد مايكون بأنه يكون قريب من الهدوء وهو كان متوقع رجعة بنته مطلقه في يوم من الايـام بسبب حالها الغير مستقر مع زوجها عيسى : والله يا ان عويس هو الخسران يابنت عبدالله : . : . . . : نرجع لأم سعود وبناتها بعد ماطلع سعود وترك هالثلاث وراه وعلامات استفهام حولهم ! ام سعود وهي تقوم بصعوبه : استخف هالولد بيجنني ... المها وهي تساعد امها توقف : هو ماشرح لنا شالسبب يمه يمكن سبب قوي الي مخليه يقرر هالقرار ! راحت امهم داخل وتموا الجازي ومها فالحديقه الجازي : صدقيني سبب قوي مخلي سعود يقرر هالقرار المها: امووت واعرف الجازي وهي تدقق بنقطه معينه : بنعرف ان شاءالله .. : . . : . . : بعد ماصلا المغرب قعد يدور بسيارته في شوارع الدوحه وهو معلي على صوت المسجل .. لكنه ماكان يسمعه ! لان في افكار اشغلته عن كل شي وهو يسترجع الي صار له يوم الاحد .. اول يوم يداومه بعد ماانتهت اجازته متعود كل يوم الصبح اول مايداوم الشركه يمر على مكتب جده يتقهوى معاه وعقب يروح على مكتبه ومرات يسوي زيارات على عيال عمه وبعض الشباب الي معاهم بالشركه ! دخل عالسكرتير انور الي وقف وهو يرحب : مرحبا استاز سعود بأبتسامه : صباااحووو انور انور بأبتسامه لطيفه: يسعد لي صباحك استاز سعود .. سعود للحين محافظ على ابتسامته وهو يفتح باب مكتب جده الفخم ويدخل ويسكره وراه .. لف من ورا المكتب عشان يقرب من جده ويطبع على راسه بوسه اول مادنق عليه وصلته يد جده الي حطها على صدر سعود وهو يدزه بالخفيف ويتصنع الغضب : امسك سلامك لك سعود تحولت ابتسامته لملامح مشبعه بالغضب ... شالي يصير لي !!! ؟؟؟؟ حاول قد مايقدر انه يكون طبيعي قال : شدعوه يبه ماتبي سلامي؟ بوعبدالرحمن وهو يفتح الملف الي قدامه : بتلقى اوراقك عند طلال بالطابق الثالث من اليوم ورايح بتداوم هناك سعود بصدمه : شنوووو؟؟؟؟ وليش تنزلتي تحت؟؟؟ بوعبدالرحمن : لاني قلت لك مابيك تعترض طريقي .. الي مايحترمني مابيه معاي بنفس القسم سعود فقد اعصابه يحس انه ينهان !!! قال بعصبيه : لا بعد كان عطيتني ملفي في يدي وقلت لي اطلع انت مطرود ! رفع بوعبدالرحمن نظره لسعود ونظرات يتطاير منها الشرار متبادله مابينهم !!! وبصوت غاضب : اقطع ولاكلمه .. الظاهر اني ماربيت لي رجال , اطلع من مكتبي ولا اشوف رقعة وجهك سحب سعود تنهيده قويه مشبعه بالالم .. وهو يطلع يجرجر وراه خيبة الامل انا انطرد من قسمه؟؟؟ ووين حطني الثالث؟؟؟ نزين ليش مب مع عيال عمي ليش يعاملني غير عنهم؟؟؟؟ شالي قلبه علي فجأه !!! مايسوى علينا خطبة حفيد حمد هذا !!!! تنهد وهو يضغط على زر اللفت وينفتح له .... قطع عليه هالافكار صوت تلفونه الي رن رد سعود : هلا سلمانوه سلمان : اهلن وينك؟ سعود وهو يوقف عند الاشاره : والله على شارع الكورنيش شنو الجو رهيييب سلمان : ياااخي تعال لنا المجلس الشباب مسويين بطولة السوني هنا ههههه وناقصنا جيتك سعود وهو يحرك بسيارته بعد ماشارت الاشاره الخضرا : هههههه يلا جايكم بس هاااا قول حق حمود يجهز نفسه ابي العب معاه قيم محترم سلمان: يلا عجل لاتبطي : . : . . . . : . في الدفنـه بيت بوصـالح كان الجو بارد وحلو لبست لها سكيني جينز مع توب ابيض قطعته متينه اكمامه طويله مع هاي نك وشعرها كالعاده فاتحته لانه قصير .. اخذت معاها وشاح احتياط لو بردت تلبسه واخذت لاب توبها وطلبت من الخدامه تسوي لها كوب كابتشينو تدفى فيه وراحت للحديقه ... غابت الشمس .. وزادت برودة الجو وهي مستمتعه حطت لاب توبها عالطاوله وسحبت كرسي وقعدت وهي تفتح اللاب والملف الي كان بيدها عشان تشتغل على بحثها , شوي وتجيب لها الخدامه كوب الكابتشينو وهي مندمجه بشغلها حست بوجود شخص قريب منها ارفعت راسها ابتسمت لما شافته : هلا هلا صلووح ضربها صالح بالخفيف على راسها: صلوح فعينج اصغر عيالج انا؟؟؟ ابتسمت نوره لحد مابان طقم ضروسها كامل وهي تقول : صلوح صـــلووووح لين مايجونك عيال بتم اناديك صلوح صالح: جربتي حد يرفسج؟؟؟ نوره وهي تتجاهل جملته : قولي شلون كان اللقاااء بين الحبيبين؟ ابتسم صالح بحب : فدييييييييتها وفديت طاريها الي يرد الروووح ... ( ونظر لنوره نظره وهو يكمل ) مب بعض النااااس شوفتهم تسد النفس نوره وهي تبعد شعرها بدلع وبغرور قالت : هه يحصلك لك وحده في جمالي؟؟؟ انت حدك ست الحسن والدلال لطوووف .. انا مادري شلون بكره بيكون انتاجكم اكيد شواذي؟ ضربها صالح على راسها وهو يتصنع العصبيه : محد شاذي غيرج انتي واكبر الشواذي الي بتاخذينه مستقبلا صج ماتستحين نوره بعد مابوزت من الضربه: صلوووووووح سببت لي ارتجاج فالمخ من كثر ماتضربني على راسي صالح وهو يقوم : احسن تستاااهلين عشان تعرفيييين تنتقين الفاظج لما تكلمين عن شيخة البنات لطيفه ... يالشــــــــــــــــــــاذي ( قالها وهو يرص على كل حر ) نوره وهي تشوف صالح يبتعد عنها بقهر قالت : محد شاااذي غيرك يالسبــــــــــــــال ( كانت تقلد طريقته) : . . : . : .. : فليل متأخر على الساعه 12 ونص رجع سعود للبيت وهو يتمنى ان مايلقى احد ينتظره ويفتح معاه الموضوع الي طرحه عليهم اليوم لان ماله خلق للنقاش !! دخل سعود وحمد ربه ان محد بالصاله سكر الباب وراه وطفى الليتات وماوعى الا بقبضة يد التفت بسرعه .. الا الجازي تقول له بضحكه : ههههه لحد يكفخني انا الجازي اختك سعود وهو يحط ايديه الثنتين في مخابي ثوبه .. : احمدي ربج ماجاج كف مني الجازي وهي تدخل يدها بين يده وجسمه وتسحبه للصاله الثانيه : شدعووه يعني من بيكون فالبيت غيرنا؟؟ سعود وهو يمشي معاها للصاله : بعد تعرفيني انا ماحب هالحركات الجازي : ههههه ادري فيك .. سعود : الا غريبه الوالده ماقعدت تنطرني اليوم ! الجازي وهي تضربه على كتفه بالخفيف: اشوفك تعودت سعود: تبين الصدق أي تعودت .. ( كمل بضحكه ) حلو الشعور لما حد ينتظرج ويحاتيج وكل شوي يتصل لج ابتسمت الجازي وقالت وهي تترك سعود وتقعد على الكرسي : بس امي ماخذه بخاطرها عليك .. عشان كذا انا تميت بدالها انتظرك سعود وهو يقعد عالكرسي الثاني ويشوفها بنظرات خلاها تشك بعمرها قال : تنطريني بدالها ها؟؟؟ والا تبين تعرفين ليش بنطلع من البيت؟ الجازي وهي تحط رجل على رجل وتلعب بأظافرها : آآآمممم تقدر تقول هيك وهيك سعود : اول قولي لي ليش امي زعلانه؟؟ الجازي : تقول شلون تسوي شي بدون شورها سعود : امي للحين تعاملني كأني بزر الجازي : شتقول سعود .. يعني عشانها تبيك تاخذ رايها في امور مثل هالامور صرت بزر؟؟ سعود وهو يحط رجل على رجل : انا تعمدت اقول لها بعد مااخلص كل شي .. لان لو بقول لها بالبدايه بتقول لا واحنا مانبي نطلع و.. و...و... ومن هالموال الي انتي عارفته .. فعشان كذا خلصت اموري وعقب قلت لكم وتأكدوا ان هالشي من صالحنا كلنا الجازي : شنو من صالحنا؟؟؟ تبعدنا عن اهلنا تقول من صالحنا؟ وشالي يخليك تضمن ان امي بتخليك تطلعها على كيفك؟؟؟ سعود بثقه: امي واعرفها .. اكيد تدور راحتي الجازي بحزم: وراحتك بعيد عن اهلك؟ سعود بثقه : الوصل وصل القلوب يالجازي انا مااقولج ان المكان والقرب ماله دور .. لكن شالفايده اذا بيتج جنب بيوتهم لكن مافي وصل؟؟؟ الجازي بثقه: هذا احنا واصلين معاهم والحمدلله .. زياراتنا لهم وزياراتهم لنا ماتوقف سعود بأستهزاء : هه لأنج ماتدري شالي بقلوبهم الجازي بنظرة تفحص: وشالي بقلوبهم؟؟ سعود وهو يوقف: اخلي الايام تبين لج الجازي وهي توقف وراه: وانا ابي اعرف منك سعود التفت لها وبنبرة غريبه: لاتستعجلين على شي !! كل شي جاي بالطريق الجازي للحظه حست بخوف من كلامه .. شالي يقصده بالضبط وشالي جاي بالطريق؟؟؟ قالت بتوتر : وش الي جاي بالطريق؟؟ سعود وهو بيروح فوق : انتي الظاهر بتسوين لي محضر استجواب الليله .. اانا تعبان وبنااام الحين بكره اقولج كل شي الجازي وهي تمسكه من يده : سعود تكفى قول لي في شي صاير؟؟؟ سعود : لا الجازي بثقه وخوف : والله ان الي صاير شي كبييييير سحب سعود يده من يدها وراح بدون مايرد عليها .. وترك الجازي وسط النااار تغلي الافكار تلتهمها بكل وحشيه .. شالي يقصده؟؟ شالي يقصده؟؟؟ حست بنفضه خفيفه وهي تتخيل .. ممكن الي صار حق ساروه يصير لي؟؟؟ لالا ... محد يقدر يتصرف ويتخذ قرار عني بكيفه انا لسيف وسيف لي .. : . . . : : . فتحت عينها على نغمة المسج الي اعلنت عن وصول رساله لتلفونها وهي تفتح عينها بتثااقل .. وتسحب تلوفنها من عالكومديناا وتفتح الرساله تشوفها صباحك أضحوكة طفل استقبلها بجنون الحب صباحك اشتياق العاشقين وصبر المغرمين صباحك حب برائحة الياسمين صباحك إني أحبك أحبك أكررها بالملايين ابتسمت على الرساله الحلوه شافت الرقم غريب ومميــز .. مميز جدا ! مااهتمت سكرت الموبايل وكملت نومها ~ : . . : . على عكس صباحها الحلو صبـاح اختها نوف .. الي قامت على صراخ حمد الي قال بغرور الزاايد وهو يعلي على نبرة صوته : انتي ماتشبعين نوم؟؟؟؟ نوف والنعاس غالبها : حمد والله تعبانه والي يرحم والديك خلني انام حمد بحزم شديد .. وبصيغة امر : طلعي لي ثوب وغترة بيضا والباقي اعتقد تعرفين شغلتج .. انا بسبح وبطلع بعد ربع ساعه كل شي جاهز رقع باب الحمام بقوه .. وكانت عالضربه كفيله في انها تقضي على النعاس الي كان يداعب عيون نوف الناعسه ... قامت بضيق وبملل لغرفة الملابس فتحت الكبت بتطلع له ثوب الا سمعت تلفون يرن ردت لغرفتهم .. شيكت على جوالها لكن مب هو الي يرن فعرفت ان هذا موبايل حمد .. ترددت ترد او لا !!!! لكن فالاخير قررت انها ماترد لان لو درى حمد بيعصب عليها وهي تعبانه ومالها خلق هواش ... جهزت له باقي اغراضه وردت للسرير قعد وهي تسحب غطا اللحاف عليها وتنتظر حمد الي طلع من الحمام وهو لاف الفوطه على خصره وشعره الطويل شوي مبلل جسمه رياضي طالع شكله عجيب .. ابتسمت نوف لشكله هي تحبه وتحب شكله هو بالنسبه لها كل شي وعندها يقين كبير ان كل مره بيرجع وبيكون اسلوبه احسن من قبل .. لكن كل شي يطلع عكس ماتوقع ووللحين هي عندها هالامل ان هاليوم جاي لامحال وتنتظره بفارغ الصبر ... لمح حمد ابتسامتها لكنه ماحب يعلق .. لان ماحس بولا شي !! لبس ثوبه ووقف قدام المرايا يسكر ازرته وقال وهو يشوفها بالمرايا : اشوفج ماقمتي تجهزين حق الدوام نوف بيدها اليمين ترفع شعرها لورا : تعبانه شوي طرشت مسج لنائبة المديره اعتذرت عن هاليوم .. ماعلق حمد اخذ تلفونه وهو يشيك عليه ولما شاف الاتصال الي جاه وهو يسبح ارتبك !!! : . . . : . بنفس الوقت ومن جهه ثانيه تحديدا في بيت ام سعود على طاولة الطعام كانوا الثلاث يتريقون ام سعود وسعود والجازي .. لان المها نايمه عندها محاضرات الظهر اخذت الجازي لها توست وتمسح عليه بالجبن وتحط عليه شرائح الخيار وتثنيها وتاكل منها وهي تاخذ لها عصير .. وعينها على سعود الي قال : ها يمه تروحون تشوفون البيت؟ ام سعود بحزم : لا تنهد سعود وهو يقول : ليش يمه؟؟ ام سعود: لاني ماني طالعه من هالبيت ياسعود سعود بضيق: يمه افهميني الله يرحم لي والديج ام سعود بعصبيه : مابي افهمك .. انا مادري شالي تخطط له الله يستر من هالافكار الي براسك ياسعود انسحبت من الجلسه وهي تتخطى خطوات بضيق وعتب نزلت الجازي الساندويتش الي بيدها وهي تلحق امها تعنز لها : يمه فديتج لاتعصبين ترى الموضوع مايستاهل يرتفع الضغط والسكر عشانه؟؟؟؟ ام سعود بعصبيه: بيجنني اخوج هذا .. بيذبحني سكتت لما حست ببوسه تنطبع على راسها من فوق وهو يضمها من ورا بحب ويرد يطبع بوسه مره ثانيه على راسها وقال بكل حب : جعل الموت ياخذني قبل اسويها واذبحج يمه ام سعود بهلع وهي تضربه على يده الي متحاوطتها : وجع شهالطاري ياسعيدان سعود وهو يضمها بقوه : ماعاش الي يضايق شيخة المزاااين ياام سعيدااان على قولتج لا اردايا ابتسمت ام سعود وهي تطبطب على يد سعود وتقول : فديتك يالغالي ربي يرضى عليك الجازي بذهول من هالمشهد الي صار قدامها .. : الظاهر محد ضايع فهالبيت غيري اناأاا!!!!! ( وكملت بعتب خفيف ) الحيييين انااااااا الي فزيييت على طول امسكج واواسيييج وكل الكلام يروح لسعيداااان؟؟؟ سعود وهو يهد امه ويمسك الجازي برقبتها بالخفيف : قسم بالله اذبببببببحج لاتقولين سعيدان اصغر عيالج؟؟؟ الجازي بخبث: وشمعنى امي تقول وحنا لاا؟؟؟ سعود : مااالج خص انا اتقبلها منها .. بس مااتقبلها منج , ان قلتيها مره ثانيه تشهدي على عمرج فاهمه؟؟؟؟؟ : . . . : على الساعه 10 الصبح كانت الجازي في غرفتها توها متسبحه وتمشط شعرهـا الي يوصل لي نهاية ظهرها بطريقة مدرجه مبينه كثافة شعرها بطريقه حلوه .. رن تلفونها على طول نطت عالسرير وهي تاخذه وترد بعد ماشافت الاسم : مرحباااا ومسهلاااا بشيخة المزااييين كلهم ساره بفرحه : مرحبتيييين يالشيخه انتي الجازي بحب : فديتج سوسو .. اخبارج؟ ساره : بخير ياقلبي .. انتي شخبارج شخبار مهاوي وامج؟؟؟ الجازي : كلنا بخير الحمدلله ونسأل عنج ساره بهدوءها المعتاد: فديتكم آآآمممم جزووي ممكن طلب؟ الجازي : تآآآمرين انتي ماتطلبين ساره: فدييت روحج حيااتي تروحين معاي السوق؟؟؟ نوف ماتقدر تقول بتطلع مع حمد وانا الصراحه ابي بنت معاي عشان اخذ رايها ومافي الا انتي .. وانتي ماشاءالله عليج ذويقه ابتسمت الجازي ابتسامه عريضه : لو عليي سوسو والله الحين البس عبايتي واجيج بس بشوف امي .. وسعود ماتدري ليش حست ساره بنغزه في قلبها من جابت طاريه .. لكنها تحاول قد ماتقدر تتجاهل هالشعور الي يجيها مع حضور اسمه !! قالت في محاوله ناجحه تخفي هالشي لايبين على صوتها وهي تقول : فديييتج انطرج شوي رايهم وردي علي اوكي؟؟؟ الجازي : اووكي تعالي متى بتروحين؟؟؟ ساره : بعد نص ساعه ! الجازي تحوس بوزها : آآآآم المهمه صعبه لكن معليه بحاول .. : . : : . في الدفنــه الساعه 10 ونص الصبح وقفت سيارة سعود قريب من الفيلا الي كان يبي ياخذها له هو واهله نزل من السياره وهو يسكر الباب وراه .. التفت يشوف نفسه في جامة السياره وهو يعدل غترته وبعد ماالقى نظره عالفيلا وهو متندم انه مب شاريها لان امه رفضت تطلع من البيت على سبب في نظرها هي مايستاهل !! وفي نظر سعود سبب قوي بما ان هالسبب جرح كبرياءه واهان كرامته بالنسبه له ! وكلن له نظرته .. تعداها ووقف عند باب الفيلا الي جنبها لمح سياره واقف عند باب البيت تشتغل بس مافيها احد !! رفع يده توه بيضغط على الجرس الا طلعت له وحده .. عليها عبايها وشيله مب متغطيه لكن ولاشعره تبين ولاقطرة ميك اب .. بشرة بيضا وصافيه وعيون عسليه محدده برموش كأنها سيوف مقوسه حواجب مرسومه بأتقان شفايف ورديه ممتليه .. نقل نظره لملامح وجهها بسرعه وهو يلمح نظرة الغضب الي ارتسمت على ملامحعا وزادت من حلاوتها وهي تقول : نعم الشيخ بغيت شي؟؟؟ سعود في خاطره .. ( بل شكلها ملسونه هذي !!! بس والله ملاك ) .. نزل نظره بعيد عنها وهو يقول بأدب : بغيت فيصل بن ناصر موجود؟؟ نوره : لامب موجود الحين .. سعود بصوته الهادي : طيب اذا جا قولي له سعود بن عبدالعزيز جا وماحصلك وماقدر اليوم امره لاني مشغول وان شاءالله بمره بكره بعد العصر ... سلااام لف وتركها وراه كانت تشوفه لين ماقرب من سيارته كان يمشي بشموخ رغم ان كبرياءه مجروح !! تحس ان كل العزه والكرامه مجتمعه فيه وبقوه .. رغم انه مطرود قدام عمامه وعيال عمامه من مجلسهم !!! لما حست على عمرها .. فتحت باب السياره وهي تركب .. نوره بضيق : اووووف وقته يعني امي تأخر !!!! بس زين انها تأخرت عشان لاتشوفني معاه وتشرشحني تشرشح .. : . . : . بعد ماحاولت الجازي مع امها والزمت عليها الا تستأذن من سعود الي بعد الشين وافق .. راحت بيت عمها بعد ماجهزت .. بعد مالمحها سيف وعلى طول اتصل في اخته يسألها عن سبب زيارة الجازي هالحزه ! وقالت له عن السوق .. وبعد اصراااار كبير منه وترجي انه هو الي يوديهم السوق ووعدهم ان يخليهم على راحتهم بدون مايحن عليهم يخلصون بسرعه .. وبما ان ساره تدري ان هذا كله عشان خاطر الجازي الي للحين ماتدري ان حبيب القلب هو الي متطوع انه يوديهم السوق ! نزلت هي وساره ولمحت مرت عمها بالصاله تحت تشوف التلفزيون وبيدها استكانة شاي الجازي : خالتي ماجهزتي ام عبدالله: لا خلاص دام سيف بيوديكم انا مالي حاجه التفت الجازي بسرعه وبصدمه لساره .. وساره بسرعه سحبتها : خلاص يمه مع السلااامه ... الجازي وساره بعد ماطلعوا عند الباب ... سحب الجازي يدها منها: فكيييني كسرتي يدي سااروه شهالدفاشه ساره: يلا لانتأخر على سيوووف والله عقب يحرم مايودينا الجازي : احسن لاني ماني رايحه معاه اصلا ساره بضيق: جزوووي عاااد الجازي: شهالمقلب الخايس الي حطيتيني فيه؟؟؟؟ ساره: والله العظيم مب مقلب ووالله ان امي كانت بتودينا بس كل شي تغير عقب وسيوووف حن علي الا هو الي يودينا ... ( وضربتها بكوعها بالخفيف وهي تغمز لها ) مالومه يبي يستغل الوقت بقربج الجازي بأحراج وضيق : متفيييقه ساروه انا مب رايحه امي وسعود بعد طلعة الروح وافقوا على اساس امج .. ان دروا شبيسوون فيني؟؟؟ ساره: انتي كذا تأخرينا لو تنطمين وتخلينا نروح ونرجع بسرعه ولامن شاف ولامن دري الجازي بقهر: ياسلاام؟؟؟ على بالج بيتكم في جزيره محد حوله؟؟؟؟ لا يمه الباب قدام الباب واشكررره بيلمحونا واحنا طالعين .. بليز ساروه مابي احط نفسي في موقف باايخ ساره : تكفين جزوي الحين من الي بتروح معاااي الجازي: اروح معاج اذا انتي صادقه وان امج الي بتودينا .. اذا امج تعبانه انا اخلي امي تودينا مافيها خلاف بس مع اخوج نو ويي قطع عليهم هالنقاش الحااد صوته الرجولي : مطولين الشيخات؟؟؟؟ ساره وهي تسحب الجازي من يدها: لاا ههههه يلا جااييين الجازي وهي تحاول تسحب يدها بدون لاينتبه لها سيف وتقول بصوت اشبه بالهمس : وجععع ان شاءالله تسحبيني مثل الخروف وقدام اخوج يـالـ ..... قاطعتها ساره وهي تقول : شسوي فيج ماتمشين الا بهالطريقه وفري اههواشج لعقب الشيخه ابي اخلص في وقت قياسي اركبوا السيـاره وسيف حواليه قلوب متناثره من زود ماهو مستانس رفع نظره للمنظره : وحده منكم تجي تركب قدام انا ماني بسواق ابوكم ! ساره بعبط: ليش ماقلت قبل مااركب؟؟؟ كيفك انا ماني راكبه قدام اذا تبي الجازي تقوم تقعد جنبك مدت الجازي يدها وقرصت ساره .. الي حبت صرختها وهي تضرب يد الجازي .. : والا اقول غيرت رايي بركب قدااام في ناس ناويين يشوهوني اليوم على سيف على المسجل وهو مستمتع بالجازي الي قاعده ورا ساره وهي تركب .. رن تلفونها !! شافت المتصل بنظره سريعه كان رقم وهو نفس الرقم الي جاتها منه رساله توترت وهي تدعس تلفونها بالشنطه .. ( شيبي هذا مرسل مسج والحين متصل ؟؟؟ ) لمحها سيف وهو يلف من عند زاوية بيتهم : ليش مارديتي؟؟؟ لآآتحرموني من ردودكم وتوقعآآتكم ~ آختكم { زآآهي آلكحل ~ |
السلام عليكم
ياااااي يانوف ..والله انتس صاادقه القصه كل مالهااوتحلى اكثر خخخخ تدرين الجزء اليوم تمنيت ادخل واكسر رااس حمد زوج نوف مادري على ايش شايف نفسه هالخاايس ولا شكله يامتزوج ياله سواابق واكيد اللي دقت عليه وحده بيطلع معاهاا ..كرهت هالحمد >>حساافه عليه الاسم بس .. سعود ..انا قايله من الجزء الاول انك بتكون من نصيب نوره ..بس كيف وامك معاارضه الطلعه ؟؟ الجاازي وسيف ..اتمنى ماينتقم سعود من عمامه في أخته الجاازي ويحرمهاا من سيف كنوع من رد الاعتباار ..ومثل مارفضتوني انا ارفض ولدكم >>فيس خاايف من الفكره نوف ..تشكرييييييييييييين على النقل الرائع ..يامشرفتنا الغاليه .. بانتظاار الجرعه التاليه صبااحا خخخخخ |
صباح النقاء والحب نوفا وصلت لكم حمدالله على سلامتي خخ
وسعوا وسعوا لاني بتحفكم بتوقعاتي فيني حقد دفين على شي اسمه ادم ويخون ياااااااااااكرهي لهم كلهم والله ها الحمد بط كبدي ورفع ظغطي على هاي الصبح اكيد له حركات لف ودوران زير نساء كمى يطلق نوفه نويف ياودي اكوفخك ياكرهي لحواء ذا حكمت مشاعرها فقط شبيهة القمر انا معك بنشن هجوم على حمد اممم سعود للحين ماني مقتنعه بتصرفاته تحسه طايش البنت قدامك طوال الوقت توها تزين بعينك ماش سويره ساره الله يوفقك فيس يستوعب حاجه موحمد خطيب ساره هو نفسه زوج نوف لالالالالالالالالالالالالالالالالالا وجع وجعتين وثلاث وجعات اذا كان هو معرس على ثانيه نوفا مشكوره حبيبتي |
فيس منسدح ضحك على توقعه نوفا غمضي عيونك ليه مافي ايقونة تعديل فيس ثاني يطالب تحطون
وضحت لي فجوره انه حمد ثاني |
اقتباس:
وعليكم السلام ورحمه الله صدقك والله قموره هالحمد يبي له تكسير راس بس من بيكسر راسه تتوقعين نوف فيس يسالك موقف سعود من العائله وهل بيحط حرته بسيف بنشوفه بالقادم |
اقتباس:
اقتباس:
ياهل الحمد اللي كرهناه كلنا معقول يكون له حكايه من نوع اخر اي صدقت اللي قالت لك انهم حمدين مو واحد الاول زوج نوف والثاني خطيب سارا تابعينا وشوفي باقي قصتهم الان بنزل جرعه المضاد هع هع هع |
آلـ ج ــزء آلـ خ ـــآآآمس ~ ~ في مكتب حمد بن عبدالرحمن ( زوج نوف ) توه مخلص من شغله اخذ الجريده الي على مكتبه وتم يقرا فيها لين مايخلص وقت الدوام الرسمي وصله مسج .. فتح تلفونه يشوفه وارتسمت ابتسامه حلوه على محياه .. وهو يضغط ارقام تلفون نوف الي كانت هي الثانيه في ساحة المدرسه مع مجموعة من المدرسات والمنسقات يعلقون الاعلام ويجهزن المدرسه بالكامل كل يوم جزء استعداد لليوم الوطني .. وتلفونها بمكتبها يرن ... ويرن .. ويــرن ! تنهد حمد بتنرفز ( شفيها هذي ماترد ! ) سكر الخط وكتب لها مسج ( انا اليوم برجع البيت متأخر لاتنطريني عالغدا ) وارسل المسج وهو يضغط ارقام تلفون ثاني وابتسامته الحلوه مافارقت محياه ... : . : . : قريب من بيوت ابطال قصتنا كانت سيارة سيف ومعاه ساره اخته والجازي بنت عمهم الي قاعده ورا وملتزمه الصمت الا من تعليقات خفيييفه جدا كل ماالتزم الامر انها ترد ! وقبل هالوقت بساعه ونص تقريبا لما اخذوا الجازي معاهم واطلعوا ورن تلفون ساره .. وسألها اخوها ليش ماترد .. كانت ساره توترت وخافت شتقول !!! اقوله رقم الصبح مطرش مسج والحين متصل وانا ماعرف هالرقم !!! شممكن يسوي فيني سيف !!!! خافت من ردة فعله .. قررت تقول : هذي وحده ملغه ان رديت عليها بروح السوق وبرجع وهي للحين ماسكرت ههههههه ضحك سيف وهو يعلق : عاد انتوا البناات تحبون الهذره .. ابتسمت الجازي على تعليقه من تحت النقاب ..... دخل سيف سيارته في بيت عمه ونزلت الجازي وهي ترقل خوف !!! لأنها لمحت سعود اخوها الي كان موقف سيارته في حوش البيت داخل ورايح يمشي متوجه لباب الصاله ولما حس بسياره تدخل البيت وعرف انها سيارة سيف ولد عمه وقف وهو يشوفها تنزل .. تنهد بغضب ! الجازي وهي تتخطى بخطوات لداخل البيت وقلبها يرقع بقوه ! سعود وهو يكلمها بهدوء ويأشر لسيف يوقف : دشي داخل .. وراح سعود يقرب من سيارة سيف الي نزل جامة السياره بأبتسامه : هلاااااا ولد العم .. عاش من شافك سعود وهو يقرب يسلم على سيف بدون مايعطي ساره أي اهتمام : هلا فيك .. عاشت ايامك سيف: وينك ياخي ماتنشاف سعود : موجود يالغالي بس شوي انشغلت .. ساره تسمع حوارهم وهي تنفس بطريقه غير انتظاميه .. لوهله بس ومن صوت سعود الي تعشقه حست بحزن بحزن عميييق خيم على قلبهـا .. تحس في صوته حزن ! ماتدري ليش حست هالاحساس .. شعور غريب دفعها للكلام و لااراديا التفت لجهتهم وهي تقول : شلونك سعود؟ سعود بدون مايلتفت لها وبصوت خالي من الاحاسيس : بخير الحمدلله .. سيف الي كان مشتط : خلاااص سعود الوعد اليوم ابتسم سعود وهو يبتعد عن السياره : خلاص انطرك انا ... ( واشر له بيده ) سلام : . . : تجمعت دموع بيعون ساره لكنها حاولت قد ماتقدر تخفيهم .. وتحس بقلبها انقبض .. شهالبرود .. شهالجفاف ماكلف نفسه حتى يسألني شخباري؟؟؟ وانا الي بموت واعرف اخباره!!!!! شتبين يعرف بأخبارج الحين؟ بعد ماصرتي على ذمة شخص ثاني؟؟؟ آآآه للحين احبه ومب قادره انساه ليش تركني لغيره.. ليييش؟؟ آآآه .. ياسعود آه منك !! رصت على شنطتها بيدها بقوه وكأنها تحاول تفرغ الشعور الصعب الي تحس به نزلت من السياره وهي تتجه لناحية البيت .. وبيدها اكياسها .. والباقي بيد سيف اخوها .. : . : : بعد ماراحوا سيف واخته توجه سعود لناحية البيت بخطوات غضب !!! سعود اصلا شخصيته عصبيه ومتهور .. !!! وفي ظل هالظروف الي صارت له صار يتنرفز من كل شي وبسرعه يعصب ويتضايق فتح باب الصاله وهو يدور الجازي بعيونه مالقاها .. لان الجازي اول مادخلت البيت راحت بسرعه لغرفتها وقفلت على عمرها الباب بخوف كبير هي عارفه اخوها عدل نظرته ونبرته لما قال لها دشي داخل تخفي وراها شي كبيييير ... وفـعـــلا!! هذا سعود يرقى الدرج يشقح درجتين درجتين لين ماوصل للطابق الثاني بسرعه وبخطوات كلها غضب كان متجهه لغرفة الجازي .. فتح الباب بقوه .. لكنه كان مقفول !! طق الباب .. هدووووء طق الباب مره ثانيه وهو يحاول يتكلم بهدوء : الجازي افتحي الباب انفتح الباب .. واتركته بنفتح لحد مابانت كلها لأخوها كانت خايفه قالت بخوف وهي ترجف: سعود والله العظيم اني ماكنت ادري ان سيف هو الي بيودينا .. ماتركها سعود تكمل جملتها وهو يسحبها من شعرها وهو يصرخ : ومتى دريتي انه هو الي موديكم ؟؟؟؟ يوم رديتي البيت؟؟؟؟؟ الجازي وهي تصرخ وتحاول تخلص من قبضة يدها : سعود تكفى قطعت شعري خلني افهمك ... سعود وهو يدخن من الغضب : مابي افهم شي .. بس مره ثانيه ماتكذبين علي الجازي وهي تبكي : تكفى سعود هدني .. في هاللحظات ام سعود الي كانت رايحه تجيب المها من الجامعه توها تدخل هي وبنتها المها البيت ووصلهم صوت صراخ الجازي وسعود وراحت المها تركض لفوق .. وام سعود تتخطى الدرج بخطوات ثقل تتبعها لفوق .. وهي تتم بخوف : لا اله الا الله شصاير لهم شايلين البيت .. مها يمه روحي لهم بسرعه لايذبح اختج مها بخفتها عدت الدرج وعدت الصاله الفوقيه وهي رايحه لغرفة الجازي وقربت من سعود اخوها وهي تمسكها في محاولة منها تفرقهم : سعووود شفيييكم؟؟؟ بتذحبها سعود وهو يتنفس بصعوبه وهو خلاص موصل حده من الغضب : والله ياجزوي ان كلمتيني مره ثانيه بتروحين مع ساره والا أي وحده من البنات ان اقطع ارقبتج تفهمين ؟؟؟ الجازي وهي تبكي : افهم افففففهم بس هدني ... دزها سعود بقوه على الارض وهو يقول : مره ثااااانيه ماتكذبين علي .. ( والتفت على مها وهو معصب ) الكلام لج ولها ترى ! واخيرا وصلت ام سعود بتعب : شفيك ياسعود؟؟ شالي صاير .. ( ولمحت الجازي عالارض تبكي والمها قريب منها ) شمسوي في اختك ياسعود؟ سعود بعصبيه وهو يطلع من الغرفه : تستاهل مايجيها ... : . : . . . في الدفنه وتحديدا في منطقة الابراج على كورنيش الدوحه في فندق من افخم الفنادق الموجوده في قطـر دبل يو الساعه 1 الظهـر مكان راقي جدا وموسيقى هاديه كان بهيبته وكشخته ووسامته .. وشخصيته الي فيها من الغرور والتعجرف .. ابتسامه حلوه مافارقت محياه ومقابله كانت زوجته ! الي بادلته نفس الابتسامه .. كان شكلها حلو ملامحها ناعمه كانوا يتبادلون نظرات الحب ووقت طويل مر عليهم .. من احلى الاوقات الي تجمعهم ببعض !! هم زوجين لكن مايقدرون يعيشون حياة الزوجين الطبيعيين لان الظروف اجبرتهم يكونون الزوجين الحبيبين والعاشقيـن لكن بعيد عن بعض ! بهمس وبحب قالت : حبيبي تبي تعرف شنو الخبر الحلو الي قلت لك بقولك عنه؟ يبادلها بهمس وبنفس الحب : آكيـد ياني متشوق اسمع اخبار حلوه ابتسمت برقه وهي تقول بخجل اكتسح ملامحها : قريب ان شاءالله بتصير ابو اتسعت ابتسامته بفرحه : انتي حامل؟؟؟ انا بصير ابو؟؟؟ ابتسمت فاطمه برقه : أي حمد شفيك .. ان شاءالله اذا الله ثبته بتصير ابو حمد بفرحه ماتنوصف : الله يثبته ان شاءالله .. ( فجأه وكأنه تذكر شي قال ) بس فاطمه وأهلي؟ فاطمه بضيق: لين متى بتخش عنهم هالموضوع ياحمد؟ : . . : في بيت عبدالرحمن بن عبدالله ( ابو حمد ) كانت نوف بالصاله بعد ماتغدت مع عمها ومرت عمها .. تنتظر حمد عمي يقول انه طلع بدري .. شالي اخره؟؟؟ آآآوف .. اخذت تلفونها كانت بتتصل عليه لكنها ترددت !! تخــاف تخاف يهاوشهـا وهو مطرش لها مسج مبلغها انه بيتأخر لكنها خايفه عليه ... تعبت من التفكير وتحس ان الوقت يمشي بطيء راحت لغرفتهم فوق .. انسدحت على الكرسي الي بصالة قسمهم في محاولة منها تريح جسمها لانها تعبت من الشغل في المدرسه والتجهيزات الي كانوا طول الوقت واقفين يرتبون وينسقون .. ومن شدة التعب غفت عينها .. ونــامــت ! : . : . : . في نفس هالوقت لكن في منطقة ثانيه الدفنــه في بيت بو صالح كلهم كانوا مجتمعين على الغدا .. ماعدا ناصر الي كان نايم ! بوصالح : الا وين ناصر؟ ام صالح : ناصر نايم بغررفته رايح الجامعه مواصل مانام وعلى طول رجع وحط راسه .. وبيقوم العصر يروح النادي بوصالح بحزم : يعني ماراح للشغل اليوم؟ ام صالح بحنان الام : وين يروح يابوصالح اقولك مانام الليل يادوب حضر محاضراته ورجع البيت بوصالح : مستهتر هالولد .. يوم انه مب قد دراسه وووظيفه شله يداوم دوامين ام صالح: كلها الا يوم يابوصالح لاتضغط عليه بوصالح: مب اول مره يسويها لكن شغله عندي لما يقوم ... هدووووووء عم عالمكان .. وكلن لهى بأكله ! وفجأه نوره تذكرت شي .. : يبه بوصالح: لبيه يبه نوره بأبتسامه : لبيت حاج .. اليوم الصبح جانا واحد عند باب البيت يسأل عنك بوصالح وكأنه عرف : قال لج اسمه سعود بن عبدالعزيز؟ نوره بأندهاش: اييي شدراك؟ ابتسم بوصالح: كلمته .. لاني لما خلصت شغلي لقيت اتصاله علي وقال لي انه مر البيت اليوم .. صالح : هذا الي بيشتري البيت ؟ بوصالح : أي نعم هذا هو .. نوره وهي تاكل من السلطه : ويقول بيمرك بكره بعد صللاة العصر يبه .. : . : . . نرجع لـنوف الي نامت على الكرسي من شدة التعب ! دخل حمد لمحها بالصاله نايمه .. قرب منها وهو يوعيها بالخفيف : نوف .. نــووف نوف بنعاس وبتعب فتحت عينها : هلا حمد .. ( وعلى طول قالت بأهتمام ) تغديت؟ ابتسم حمد ابتسامه خاليه من المشاعر وهو يقول : الحمدلله .. ليش نايمه هنا؟؟ تعبانه؟ نوف وهي تقعد عالكرسي وترتب شعرها بيدها : لا كنت انتظرك ( وابتسمت ابتسامه عذبه ) رد لها حمد الابتسامه وهو يقول : انا ماطلبت منج تنطريني يانوف ارتاحي .... كان عندي شوية اشغال لازم اخلصهم نوف ببراءه شفافه : سألت عمي عنك قال لي انك طلعت من الشركه مع نهاية الدوام ارتبك حمد لوهله .. وبدا يتسلل له الغضب وهو يقول بحزم : وليش تسألين عني بزر انا؟؟؟ قلت لج بتأخر يعني خلاص عندج خبر بهالشي ليش تسألين من وراي؟؟؟ توها بتكلم نوف بتبرر لعمرها ... لكنه قاطعها وهو يقول : بس لاتعورين راسي روحي انثبري في سريرج ونامي هناك ... لو مخليج نايمه هنا كان ابرك تعداها وهو يروح لغرفة الملابس يبدل .. وهو يتحلطم تنهدت نوف وهي تقعد عالسرير خلاص طار النوم .. وحمد بعد ماجهز وخلص طلع وهو يسر ازرة ثوبه ويلبس غترته وعقاله قدام المرايا .. لانه بيطلع يروح يقعد فالمجلس مع ابوه وجده وعمه .. : . . : : في غرفة ساره كانت قاعده تشوف اغراضها الي شرتهم مع الجازي .. ورن تلفونها شافت الرقم .. من نفس الرقم ! تنهدت بضيق : شيبي هذا؟؟؟ تركته يرن ويرن لين ماتسكر ! وبعد ثواني يوصلها صوت مسج .. فتحته (ساره ردي علي انا حمد) ورد يرن تلفونها .. وحست ساره برجفه مب طبيعيه في جسمها سحبت نفس طويل وهي تقول بهمس بالكاد ينسمع : آلــوو : . . . : . قبل هالوقت بساعه كان بوعبدالرحمن ( الجد ) قاعد ومعاه بنته وضحى بعد ماطلت على بناتها الي كانوا يدرسون بغرفتهم وبنتها الصغيره كانت تلعب بألعابها .. وضحى وهي تصب لأبوها من الشاي : سم يبه بوعبدالرحمن وهو ياخذ البياله : سم الله عدوج يابنتي .. وضحى وهي تصب لعمرها من الشاي قالت بتررد: يبه .. بوعبدالرحمن بنبره مريحه : لبيه وضحى : لبيت حاج طال عمرك في الطاعه .. بغيت اسألك لين متى بيتم سعود كذا؟ بوعبدالرحمن بنظرة بغضب خفيف : شفيه؟؟ هو اشتكى لج عن شي؟؟ وضحى بأبتسامه خفيفه: لاوالله مااشتكى لا هو ولاامه وخواته يوم كنت عندهم .. بس انا حاسه سعود فيه شي يبه بوعبدالرحمن بنبرة يحاول يبعد عنه افكار سودا بدت تقتحم تفكيره وهو يقول : سعود في راسه حب مابعد انطحن وانا الي بطحنها له .. عشان يعرف يتكلم مع من ويحترم من .. انا ماربيته عشان يرفع صوته علي ويراددني عيالي الي هم الحين شيبان ماحد منهم في يوم راددني يجيني هذا البزر ويرفع صوته علي؟؟ وضحى : صدقني سعود مايقصدها يمكن كان في لحظة غضب بس مايقصدها يبه .. فديتك يبه ارضى عليه مب هاين علينا كلكم تجتمعون في المجلس وناقصكم سعود ... كفايه يايبه ينقصكم وجود اخوي عبدالعزيز الله يرحمه .. ووجود سعود معاكم يعني وجود عبدالعزيز الله يرحمه انتفض جسد بوعبدالرحمن من طاري ولده عبدالعزيز الله يرحمه الي راح ضحية حادث بشع على خط الشمال وهو يتمتم بصوت هادي جدا : الله يرحمه ويوسع عليه قبره .. الله يحله محل الابرار : . . : : : في بيت ام سعود الساعه 4 ونص قبل اذان المغرب بشوي كانت ام سعود بالصاله التحتيه وبيدها المسباح تسبح وتستغفر ومعاها المها الي كانت تزين اظافرها بالمناكير الورديه الي اضافت ليدها لمحة جماليه وهي تطليهم بهدوء وانتباه شديد عشان يطلع شكلهم مرتب .. وصلتهم الجازي الي كانت حزينه على الي صار لها الصبح وبيدها كوب الكابتشينو وهي تقعد عالارض جنب امها وتحط راسها على كتفها ضمت ام سعود الجازي لها وهي تمسح عليها وتقول بحنان الام : للحين زعلانه ياجويزي؟؟ الجازي وبعدها مبوزه : يمه والله مب زعلانه .. ووالله اني ماكنت ادري ان سيف بيودينا لاتظنين اني بكذب عليج وعلى سعود ... ( شهقت وكملت ) .. بس سعود ماترك لي مجال افهمه طاح فيني تشوت ( ومدت البـوز ) ابتسمت ام سعود وهي تمسح على شعر الجازي : بعد اخوج وانقزت في وجهه الشياطين ماتعرفينه يعني؟؟ صدقيني مانتي بنايمه الليله الا ومطيب خاطرج : . : . رن تلفونها وقلبها شوي ويوقف من كثر ماهو يطق بقوه ! مسكت التلفون بيدها وهي ترتعش .. وقبل مايرن الرنه الاخيـره ردت بصوت اشبه بالهمس : آلــوو من الجهه الثانيه كان يحس بشعور غريب وفي نفس الوقت تضايق ليش ماترد عليه ! وقبل مايسكر وصله صوتهـا الهامس .. هالصوت بعث في نفسه شعور غريب تسللت ابتسامه لشفايفه وهو يرد عليها بصوت عذب : مرحبا والله اخيرا تكرمتي ورديتي علينا ( سكتت كان متوقع منها ردة فعل ! لكنها كانت ساكته .. تنهدت بالخفيف وهو يقول في خاطره .. شكلها حياويييه وشكلي بتعب لين تتعود علي .. ) كمل بنبرته الهاديه : شخبارج ساره؟ اسمها على لسانه له رنه خاصه ! هالرنه كفيله في انها تخلي كل عظمة في جسمها ترتعش .. انبعثت احاسيس غريبه في انحاء جسمها وهي تهمس بصوت هادي : بخير الله يسلمك .. ( سكتت شوي وكأنها متردده وعقب قالت ) حمد .. انت استأذنت اهلي؟؟؟ تنهد حمد بضيق .. كان فرحان لما نادت اسمه توقع تسأله عن اخباره .. وبسرعه تغيرت ملامح وجهه لما قالت له استأذنت من اهلي .. رد عليها بهدوء : لاتظنين اني بسوي شي من وراهم .. استأذنت من ابوج وهو الي عطاني رقمج .. ( سكت مره ثانيه كان ينتظر أي تعليق منها !! .. لكن كان يقابله على الناحيه الثانيه هدوء قاااتل ) انتبه لساعته وهو يقول : زين الي سمعت صوتج الحين انا استأذن بسكر الخط ابي الحق على الصلاه .. ولنا اتصال ثاني بعدين تامريني على شي؟ ساره بخجل : سلامتك انتهت المكالمـه : . : . : في الدفنه بيت فيصل بن ناصر ناصر توه مصحصح اخذ تلفونه يشوف كم الساعه وانصدم ! كانت الساعه 5 المغرب ضرب على راسه بالخفيف .. : راااااح علي الناااااادي لحوووول انا كم مره قايل لهم يقعدوني الساعه 4 الاربع .. كفايه امس مارحت بعد اليوم؟؟؟ قام من سريره متنرفز واخذ له شور سريع .. وعقب صلى العصر والمغرب الصلوات الي طاف وقتها واخذ تلفونه وسويك سيارته وهو يحذف غترته على كتفه وعقاله بيده .. ونزل تحت وهو متنرفز .. لقى امه واخته بالصاله الي كانت قاعده على اللاب .. وامها تشوف التلفزيون ناصر بضيق : يمه شلوووون كذا ماتقعدوني للنادي؟؟ كفايه امس مارحت واليوم بعد؟؟؟ ام صالح : لا اله الا الله شفيك نازل علينا وشياطين الدنيا متركزه على راسك؟؟؟ جيتك 3 ونص وكسرت الباب عليك ماقمت شسوي فيك بعد؟؟؟ نوره وهي تكمل على امها : تبي الناس يقعدونك لاتقفل الباب ياعيني ناصر الي كان متنرفز اصلا قال وهو يسكر لاب نوره بيده بقوه : انتي تعرفين تبلعين لسانج وتنطمين؟ نوره بعصبيه : لا مااعرف وليش تسكر لابي؟ ناصر بضيق: قسم بالله ان ماسكتي لا اخلي هالعقال يلعب على ظهرج نوره بقهر: يمه شوفييييييه ام صالح بعصبيه: بس خلاص انتوا ماتجتمعون الا وتهاوشون؟؟؟ عورتوا راسي ناصر الي كأنه يدور سبب عشان يهاوش : امسكي بنتج تبلع لسانها اذا الكبار تكلموا نوره بقهر : انت شفيك قايم هالحزه ومشوط ... ( وقفت وهي تاخذ لابها وتمر من قدامه وقالت بعصبيه) ياليتك ماقمت وفكيتنا من شرك .. : . . : . . : مر اليوم هادي جدا الكل عاش لحظات اليوم روتينيه مافيها أي حدث جديد .. لين بعد الساعه 11 الليل ابتدا الكل يدخل عالمه الخاص يهىء لنفسه اجواء النوم المها كانت من ساعه توها مخلصه من البحث الي صار لازم تسلمه للدكتوره بكره كانت تعبانه اخذت لها شور ولبست بجامتها الورديه وغاصت في فراشها وشعرها منثور حواليها واستسلمت للنوم .. اما الجازي فهي دخلت غرفتها وماودها تدخل ! متعوده من اول ماخذت اجازه تسهر في الصاله تحت مع امها لين تشوف سعود وعقب يروحون لغرفهم ووتتم الجازي تتابع مسلسلها لين يخلص وعقب تروح غرفتها وتنام .. اما اليوم فهي مضطره تسهر في غرفتها ! خايفه من مواجههة سعود تحس انه للحين في خاطرها يكمل عليها !! متملله حتى النت مالها خلق تشبك تسبحت ولبست بجامتها هي الثانيه وقعدت قدام المرايه تمشط شعرها ووصلها صوت طق عالباب تركت المشط وهي تلتفت لناحية الباب وتأذن للي وراه بالدخول .. كانت متوقعه امها ! لكن طلع سعود الي دخل وهو يبتسم ابتسامته الحلوه هالابتسامه بعثت شعور بالراحه في نفسها لكنها مازالت خايفه ! قعد سعود على طرف السرير مقابلها وهو ينزل غترته من على راسه ويحرك راسه عشان يبعثر شعره وعقب اشر لها تجي تقعد جنبه .. وقال بنبره خاصه: جويزي للحين زعلانه على اخوها؟ الجازي الي كانت قاعده جنبه ومبوزه .. قالت تتصنع الزعل : اييي زعلانه واااجد ابتسم سعود وهو يمد يده من ورا الجازي ويضمها له وهو يقول : والله مايهون علي انام وشيخة البنات زعلانه وهذاني جيت اراضيج .. ( وطبع بوسه على راسها ) وكأنه ضغط زر ! لان الجازي اطلقت العنان لدموعها تنزل بغزاره وهي تبكي بأحضان اخوها وكأنها مابكت من سنيييين طويله ! سعود عوره قلبه عليها .. رفع راسها بيده وهو يقول لها : افا يالجازي تبكين؟؟؟ عشان وشو؟؟؟ عشان الي صار اليوم؟؟؟ والله اني اسف انا اعرف انج اصيله ياالجازي واعرف ان سيف رجال والنعم فيه بس كلام الناس مايرحم .. وانا والله مابي احد يتكلم عنكم بسوء والي صار اليوم من زود حرصي الزاايد عليكم الجازي وهي تدفن وجهها في صدر اخوها وهي تقول بصوت مكتوب : ماكان قصدي اكذب عليك ياسعود بغيت اشرح لك ماكنت تبي تسمعني ابتسم سعود وهو يمسح على راسها : ادري اني عصبي بزياده ياجزووي هذا طبعي وانتوا تعرفوني .. ( وكمل بمزحه عشان يلطف الجو ) بعدين تراج بللتي ثوبي ! ترى محد بيغسله غيرج ! ارفعت الجازي وجهه له ودموع ماليه عينها وخشمها وخدودها صاروا حمر وهي تقول : عيوني لك لو تبيني اخدمك عمري كله انا حاضره ياسعود .. ( شددت على ضمتها له وهي تكمل ) انت الغالي ياسعود ابتسم سعود بفرحه من هالاطراء وقال: الله لايحرمني منكم .. نزين قومي غسلي وجهج وتعالي ابي اكلمج في موضوع مهم .. راحت الجازي بسرعه تغسل وجهها ونشفته بالفوطه ورتبت شعرها وطلعت تقعد جنب اخوها وهي تقول : شهالموضوع المهم الي تبي تكلمني فيه؟ سحب سعود تنهيده شبه طويله مشبعه بالالم والقهر .. وفز قلب الجازي معاها وهي تقول بخوف : سعود شفيك؟ سعود بحزن عميق ماقدر يخفيه : مقهور يالجازي .. الجازي كانت هذي المره الاولى الي تشوف فيها سعود بهالحزن كان شكله يعور القلب حتى نبرة صوته كانت تقطع القلب .. حست بقلبها ينقبض مدت ايديها الثنتين وهي تشدد على ايد سعود كأنها تمد من قوتها لها وهي تقول له : ماعاش الي يقهرك ياسعود .. شالي صاير بعد؟ سعود : تعبت من التفكير .. طول هالايام وانا اخطط وافكر كل مخططاتي تفشل الجازي : تفكر وتخطط حق شنو؟ سعود بضيق : وضعي الي انا فيه الحين ! .. الجازي تنهدت وهي تقول : سعود ليش تبينا نطلع من البيت؟ عشان ساره من نصيب غيرك؟ رفع سعود نظره لبعيد لمكان ثاني بالغرفه .. وعيونه فيها بريق خااص مشبع بالحزن وهو يقول بكل كبرياء : مب عشانها لو راحت بالطريقه الي ماتهين كرامتي كنت اول من يهنيهم ! بس انا انهنت قدامهم وانطردت حتى من شغلهم .. وصار لي كم يوم من طلعت ولا احد فكر يسأل عني ... الجازي بصدمه : انت انطردت من الشركه؟ ابتسم سعود بسخريه وهو يقول : طردني من قسمه نزلني لمكان تحتهم كلهم .. وانا عشان احافظ الي بقى من كرامتي طلعت من الشركه الجازي حزنت على اخوها .. قالت في محاوله منها تخفف عليه : نزين سعود هذا جدي وانت تعرفه عنيد وعصبي وكأنه عسكري على اتفه الامور يعاقب ! يعني مافي شي جديد .. سعود بغضب مغلف ببرود : يعاقبني على شنو؟؟؟ لاني استنكرت فعلهم فيني؟ الجازي في محاوله منها تهدي اخوها : تعوذ من ابليس ياسعود الظفر مايطلع من اللحم .. سعود بحزم وعينه في عين الجازي : ابيج تقنعين امي توافق على البيت ... وابيج تردين لي خبر موافقتها قبل مايأذن العصر وبعد ماانهى ججملته طلع على طول ! وترك الجازي الي تمت تشوف الفراغ قدامها وهي تقول بذهول : هذا مانسى سالفة البيت؟؟؟؟ : . . : . لآآتحرموني من ردودكم وتوقعآآآآتكم آختكم { زآآهي آلكحل ~ |
يسلمو عالبارت نـــــــــــــــــــــــــــــــــوف سعووووووووووووووووووود .......................مسكييييييييييييييييين أطع ألبي عليه شو هالئلب الئاسي يللي عند جده بس سعووود حنوووووون مع اخواته يا رب امه توافئ على انهم بنتئلوا من البيت احسن العب وحدك بتيجي راضي امممممممممممممممممممم حممممممممممد الدددددددددددددددددددددب جوزها لنوووف مسكينه ضحكته و بسمته لغيرها و هيي الها الله لا و كماااااااااااان متزوج عليها و بالسر يعدمه حاله ما ابلاه |
مساؤك نقاء نوفا مشكوره على الا لتزام ماقصرتي
حمد اه يالقهر المسيكينه تنتظرك واخر شي ردك زفت مثل وجهك قهر والله نويفه يالدلخه طوال ما انتي تركضين ودورين رضاه ماراح يطالع فيك فيس فاهم ادم صح عطيه طناش سعود ماش ياولد تركد مهما كان جدك يربيك نشوف وش بتسوي عقبهم |
آلـ ج ــء آلـ س ــآآدس ~ طلع سعود من عند الجازي وهو معلق آماله الاخيره عليها ! في انها تقنع امه توافق على انهم ينتقلون لبيت ثاني .. دخل غرفته وقفل الباب وراه بدل ملابسه واخذ فوطته ودخل ياخذ له شور متعود قبل ماينام واول ما يصحى من النوم ياخذ له شور .. طلع نشف شعره عدل وعقب صلى ركعتين وتمدد على سريره يرسم مخططاته لبكره ! : . : : . : اليوم الثاني الخميس الساعه 1 ونص الظهر .. كانت الجازي في غرفة امها تحاول تقنعها عشان خاطر سعود بس ! مع ان الجازي مب مقتنعه انهم يطلعون من هالبيت .. اولا عشان قريب من اهلهم وهم متعودين متى مابغوا يزورون بنات عمهم او جدتهم يروحون لهم بحكم قرب البيوت .. والسبب الثاني ويمكن الاهم بالنسبه لها ! هو انها كل يوم العصر وبحكم موقع غرفتها الاستراتيجي تشوف سيف وهو يطلع من بيتهم رايح لمجلس جده يكفي انها تشوفه كل يوم ! اذا انتقلوا لبيت ولمنطقه جديده شلون بتشوفه؟ الجازي : يمه اول مره ادري ان سعود ماله خاطر عندج ام سعود بحزم : له خاطر عندي ومايهون علي ارده بشي لكن طلبه هذا انا مااقدر اوافقه عليه الجازي : يعني يمه انتي عاجبج الوضع هذا؟ ام سعود : أي وضع؟؟؟ الحمدلله عايشين في بيت كبير ووسط اهلكم ولاقاصركم شي .. أي وضع الي مايعجبكم؟؟ الجازي قررت تلعب عالوتر الحساس : احنا عايشين والحمدلله مستانسين ولاعلينا قاصر مثل ماتقولين .. لكن سعود يايمه سعــود ام سعود : وش فيه؟ الجازي : سعود مقهور يايمه .. عايش بينهم كأنه منبوذ ام سعود بحزم : هو الي جايب هالشي لنفسه والا ليش يروح يهادهم في مجلسهم الجازي : يعني تبين الناس يتعدون عليه ويقربونهم وهو ساكت؟؟؟ يمكن هو يحبها ويبيها يمه ليش تقطون اللوم عليه وانه هو الغلطان ام سعود بحزم : لامايحبها لو يبيها كان تقدم لها يوم الح عليه .. الجازي بقهر : هو بنفسه قالج انه كان يكون نفسه مايبي يتقدم لها وهو ماكون نفسه ام سعود الي انطعنت وهي تذكر جملته لما قال لها انه صار مستعد للزواج ويبي ساره .. لكنها كابرت وهي تقول : شيكون نفسه شغل ويشتغل بيت وعنده ... الجازي : فوق الشغل والبيت نفسيته يايمه يمكن مب متقبل الزواج الحين ام سعود وقلبها ينطعن الف مره ( عشان ) سعود وهي تقول : ماقلت يتملكها وياخذها على طول عالاقل ملكه الجازي : يمه خلاص البنت راحت بنصيبها .. الحين سعود مطرود من مجلسهم ومن شركتهم وين تبينه يروح يعني؟ ام سعود بصدمه قويه قويــه قويـــــــــــــــه : . : . . : سعود كان بغرفته وهو يعرف ان الجازي الحين عند امه تقنعها دخلت عليه مها وبيدها اوراق .. مها بهدوء : سعود قاعد؟ سعود الي كان منسدح على ظهره وذراعه يغطي بها عينه قال بهدوء : قاعد ... شعندج مها : في عندي اوراق حق وحده من البنات الي معاي بالكلاس خذتها منها بطبعها وبردها لها سعود وذراعه مازالت تغطي عينه : والمطلوب؟ مها : المطلوب ياطويل العمر انك توديني لانها حاولت توصف لي بيتهم بس ماعرفت بخليك انت توديني وهي معاي عالخط توصفنا سعود : طيب بعد الصلاه بنطلع ... : : . : . . نرجع لأم سعود والجازي ام سعود كانت مصدومه ! حست بطعنات تطعن بأعماق أعماق قلبها .. كله ولاسعوود .. كله ولاسعود يكفي الي صار له .. ينطرد من الشركه؟ ينقطع رزقه؟؟ ام سعود بذهول ممزوج بغضب خفيف : ومن متى مطرود؟؟ ماقال شي وكل يوم الصبح يطلع من البيت بنفس وقت الدوام ومايرجع الا الظهر .. مالاحظنا عليه يالجازي الجازي وهي تخفي ابتسامتها .. لانها حست بأن راس امها بدا يلين ! : توني امس فليل دريت يمه .. يقول صار له ايام من انطرد ولا احد فيهم سأل عنه تنهدت ام سعود بقهر وهي تقول : خاشها في قلبك ياسعود ولاتبي تقول الجازي : يمه سعود مستحيل يقول لنا شي تعرفينه كتوم .. ودايما يكابر الشي الي خلاه يقول انه انطرد شي كايد يايمه ام سعود وهي تقوم من عالسرير بمساعدة الجازي : انا رايحه له الحين .. : . : . : : العصر الساعه 3 ونص نوره بغرفتها وبيدها تللفونها توصف مها على الجهه الثانيه مكان بيتهم .. ومها كل كلمه تقولها نوره كانت تنقلها لسعود الي كان متملل ويقول فخاطره : نشوف البنات ودلالتهم وين بيوصلونا .. ! مها : نوره في قدامي تقاطع الحين نوره : اخذيه يسار وعقب سييييده نوره وهي تأشر لخوها : روح يسار وعقب سيده ... سعود من هاللفه بدا يشك .. هذي ليكون بتودينا بيت فيصل بن ناصر؟ خل اشوف وين بتودينا .. كان يتبع تعليمات مها .. وابتسامته تتسع لانه كل مالهم ويقربون من البيت المقصود .. سعود في خاطره ( والله واختصرتي علي يامهوي انا عندي موعد مع ابوهم وانتي مع بنتهم .. خوش شي .. ابتسم وهو يذكر البنت الي صادفها عند باب بيتهم امس كانت فتنه .. وتمنى في خاطره ان هالبنت تكون هي رفيقة اخته .. مايدري ليش هالامنيه ! ) مها : هذا احنا قدام باب بيتكم نوره بأصرار : شووووفي ماتجين عند البيت وتروحين كذا لا حبيبتي انزلي تقهوي عندي مها بأحراج: فديييتج ماقدر اخوي معاي وهو عنده مشوار خليها مره ثانيه ... نوره بألحاح : كييييفج خليه يقطج ويخلص مشواره ويرجع لج .. سعود وهو يأشر لها .. مها : لحظه لحظه نوره شوي التفت لأخوها : نعم سعود؟ سعود بهدوء يخفي وراه انفعالات كثيره .. هالبيت الي قلت لج اني بجيه مواعد لي رجال خلاص حولي عندها وانا بدخل المجلس لما اتصل لج تطلعين على طول مها بفرحه : والله؟؟؟ ... ( وردت التلفون لأذنها ) نووره خلاص يلا بدخل لج الحين نوره بفرحه : حيااااج ... سكرت منها وهي ترتب شعرها قدام التسريحه عشان تنزل في نففس اللحظه سعود يدخل مجلس الرجاجيل ويصادف صالح وابوه .. ومها تطق باب الصاله .. الي انفتح ودخلت وهي تنزل غطوتها ولمحت واحد وسيم طويل اسمراني واقف ورا الباب .. ماقدر يشيل عينه عنها ارتبكت وحست انها انشلت لثواني بس بعدها استوعبت الوضع وردت شيلتها على وجهها وهي تقول بتوتر وبصوت بالكاد ينسمع : السلام عليكم ناصر الي كان ذايب لحظتها .. رد بعذوبه : عليكم السلام .. واشر لها بيدها : تفضلي وطلع من الباب وهو يطلع تلفونه ويتصل في نوره اخته .. الي قالت له انها تنزل الدرج الحين ... : : . : نرجع لمجلس الرجاجيل سعود وفنجال قهوه بيده : أي نعم ابوي عبدالعزيز بن عبدالله بوصالح بفرحه : الله يرحمه ابوك كان طيار سعود : أي .. انت تعرفه ياعمي؟ بوصالح بأبتسامه : وشلون ماعرفه ياولدي .. انا وابوك تخرجنا من نفس الكليه وبنفس الدفعه ورجعنا الدوحه مع بعض ابتسم سعود من الخاطر .. وهو يقول في خاطره ( صدق قطر صغيره ) صالح : ليش مادخلت العسكريه مثل ابوك ( وكمل بمزحه ) يمكن نكون انا وياك بنفس الدفعه بعد ههههه سعود ابتسم وقال : ابوي توفى انا كنت صغير والي رباني هو جدي .. كنت في ايام الاجازات اشتغل معاه في الشركه لحد ماتخرجت من الثانويه وعقب دخلت بشكل رسمي فيها .. يعني تقدر تقول ميولي كان اداري اكثر من عسكري .. ( ابتسم سعود بسخريه وهو يكمل بهدوء ) بس الحين انا لاعسكري ولاموظف اداري ! صالح بتأثر : ليش؟ سعود بأبتسامته الحلوه : اسباب احتفظ بها لنفسي .. صالح بأبتسامه : طيب مب ناوي تشتغل؟ سعود : أكيد .. هذا انا الحين قدمت اوراقي في اماكن كثيره والله كريم بوصالح اخيرا تكلم وقال : طيب .. انا اعرف واحد في شركة الـ ....... عطني اوراقك اقدمها له الاحد والاثنين انت مداوم عندهم سعود اتسعت ابتسامته : ماتقصر ياعمي .. جعل عمرك طويل في هاللحظات ناصر توه يدخل سلم على سعود بحراره ... وردوا لسوالفهم وهم يتعرفون على سعود وسعود يتعرف عليهم ... : . : : داخل عند البنات كانت نوره في قمة فرحتها : تصدقين ماتوقعتج بتنزلين ! مها : ليش نوره : آآآمممم لاننا مب ربع كلوز مع بعض .. ولابعد قلتي لي اخوج معاج كنت شايله من راسي هالشي ( وكملت بعياره ) بس تعرفين يعني من باب الذرابه والسنع اني اطلب منج هالطلب ضحكت مها بعذوبه وعقب قالت : حتى انا ماتوقعت بس اخوي قال لي انه بينزل للمجلس لانه مواعد رجال .. اكيد يعرف اخوج وقال لي لما يتصل علي اطلع له .. نوره وهي تمسك يد مها تقوم معها: ولين اخوج حضرته يتصل تعالي خلينا نلعب وي مها بدهشه : تكلمين جد انتي؟ نوره : اييييي امووت على هاللعبه كله العبها مع نصور اخوي .. مها بأحراج : بس انا ماعرف العب ترى .. نوره: بعلمج .. : : . اتفقوا بوصالح وسعود على كل شي وصار البيت بشكل رسمي بيت سعود بن عبدالعزيز .. الي كان فرحان لان الي يبيه صار .. بوصالح وهو يحط يده ورا ظهر سعود والثانيه يمدها قدامه وهو يقول : حياك ياسعود خلني اوريك البيت .. اطلعوا من بيت بوصالح وادخلوا في بيت سعود البيتين جنب بعض مايفصل بينهم الا طوفه ! كانت فيلا كبيره كبر بيت بوصالح .. فيها 3 صالات مفتوحه على بعض وغرفة طعام ومطبخ داخلي وغرفة ضيوف .. والطابق الثاني 5 غرف وحده رئيسيه وهي اكبرهم وتطلع على واجهة البيت والباقي احجامها حلوه ووسيعه وكل غرفه لها زاويه حلوه فالبيت .. بالاضافه لصاله تجمع هالغرف الخمس ودرج يربط الطابق الاول بالثاني .. حوش البيت كبير وفيه حديقه مب كبيره ولاصغيره كان حجمها اوكي .. وبركة سباحه ورا البيت .. ومطبخ خارجي بالاضافه لغرفة غسيل جانب البيت .. وآكيد مجلس رجاجيل بملحقاته في واجهة البيت مثل كل البيوت .. بعد هاللفه كلها على البيت ابتسم سعود وقال : عجبني البيت ماتوقعته بيكون بهالترتيب من الداخل ابتسم بوصالح : لما بنيته طلبت انهم يبنونه مثل نظام بيتي بالضبط .. بس الديزاين الخارجي شوي غير .. سعود : لا خوش ترتيب عمي .. ( مد سعود كفه لبوصالح ) ويشرفني اكون جارك بوصالح وكفه تحتضن كف سعود بود .. واليد الثانيه يربت بها على كتف سعود وهو يقول : يامرحبا ومسهلا فيك يابوعبدالعزيز .. ( وكمل بأبتسامه ودوده ) انا عارف انك بكره بتكون مشغول بالمسيره مع الشباب .. عشان كذا بقولك كرامتك يوم السبت عندي انت واهلك .. توه بيتكلم سعود .. الا قاطعه بو صالح وهو يقول بأصرار : والله ماتقول كلمه .. عيب عليك تردني وانا في مقام ابوك حس سعود بأحراج من هالطلب .. وطبع بوسه احترام على راس بو صالح وهو يقول : جعل عمرك طويل ياعمي .. والله يعز شانك ومقدارك .. ماعاش الي يرد لك طلب انا بس ماكنت ابي اكلف عليك بوصالح : عيب هالكلام ياسعود قدرك اكبر من كذا .. لكن هذي سلوم الرجاجيل .. : : . : من جهه ثانيه وفي مكانين مختلفين .. من ورا التلفون .. قلبين الاول هايم وعاشق .. وينبض بكل حب للطرف الثاني والثاني .. ينبض مرات قليله وعلى عبارات قليله .. ولكن الجانب الاكبر فيه كان بااااارد ... حمد الي كان بسيارته وسماعات البلوتوث في اذنه .. كان مستمتع وهو يسمع صوتها الخافت الهامس رغم تعليقاتها وكلامها كان قليل جدا ! اما ساره .. فالتوتر عندها ضرب التوب ! في كل مكالمه يجيها هالاحساس توتر ممزوج بلهفه ! عمر النقيضين مااجتمعوا ! حمد : مب ناويه تشتغلين؟ ساره بخجل : لا حمد بحب : تصدقين .. ابرك لج ولي عشان عقب تفضين لي انا بس ! ساره دقات قلبها بدت تعلى .. لدرجة انها صارت تحس ان حمد صار يسمعها ! كانت تقابله على الجهه الثانيه هدووء قاتل حمد الي يحاول يجرأها عليه : حبيبتي .... ساره بهمس بالكاااد ينسمع :هلا حمد بحالميه : مااقدر اصبر اكثر .. شرايج عرسنا يكون بعد شهر ونص بالكثيييير كانت جملته مثل الصفعه القويه على وجهها ! بعد شهر ونص .. وبالكثييير بعد؟ آآآه يمديني اتعود عليك؟؟ عشان تعجل بالعرس بهالطريقه؟ سكتت بدون تعليق رغم انها شوي وتنفجر .. حمد هدوء .. كان ينتظر أي ردة فعل منها لكنه حس بخيبة امل .. وقال وهو يدفع في نفسه الامل : آآآمممم يقولون السكوت علامة الرضى ! يعني انتي راضيه؟ ساره .. هدوووووء وهي شوي وتبكي .. حمد فسر سكوتها .. هو انها مستحيه لا اكثر ولا اقل .. قال: نزين حياتي .. اخليج الحين انا وصلت البيت اكلمج فليل أنتهت المكالمه : . : . : . من جهه ثانيه نوف كانت في الغرفه بروحها .. وافكار توديها وتجيبها حمد من اول ماتزوجته عنيد ومزاجي بشكل فضيع ! بس هاليومين صاير عنيد ومزاجي بزود ! وابتسمت مثل الي لمعت براسه فكره واخذت موبايلها وهي تضغط ارقام تلفونه الي حفظتها اكثر من رقمها ووصلها صوته الرجولي .. مزيج بغضب خفيف من خلف اسنونه وهو يقول : نعم .. ليش متصله الحين؟ انا قايل لج اني بروح لمكان العرضه والمكان كله رجاجيل حضرتج فاضيه متصله نوف بخوف وتوتر : اذا مشغول خلاص بسكر الحين مب مشكله حمد وهو يتنهد : اخلصي علي قولي شعندج؟؟؟ نوف الي قالت مب وقته اطلب طلبي هذا الحين دامه معصب .. قالت تعذر بأي شي وهي تقول بعذوبه : ماشي حبيبي .. بس اشتقت لك واتصلت ( حبيبي ) كلمه ناااااادر جدا ماسمعها من نوف ! على عكس فاطمه الي كانت دوم على لسانها ! ولها طعم خاص .. اما من نوف فهي طلعت مجرد كلمه والسلام بدون أي طعم ولا أي نغمه خاصه ولاحركت فيه شعره وحده ! رغم ان نوف قالتها وهي تدفع فيها كل احاسيسها وحبها له عشان توصل لقلبه .. والي ماتعرفه نوف ! ان قلبه كان في هاللحظه مثل الحجر .. ارتطمت فيه الكلمه وارجعت تلطم وجهها بصفعه قويه وهو يقول لها : تدرين انج قليلة ادب .. وماعندج سالفه وانا التافه الي رديت على اتصالج التافه هذا ! وسكر التلفون في وجهها وطاح التلفون من يدها وهي تدفن وجهها بالمخده تبكي بونين ويقهر .. وبحسره ! عمرها ماحست بطعم الحب ! ولا الكلمه الحلوه .. ولا بالغزل هو زوجها ولها حق في هذا كله واكثر .. لكن هو عمره كان الصامد الجامد الباااارد قدامها ! شنو هالمشاعر الجليديه؟ شنو هالقلب الي عليه؟ احبه .. ويصفعني؟؟ كل ماقربت منه .. بعدني عنه؟ شسوي .. شسوي ياارب شسوووي : . : . : : مر اليوم طوويل عالكل قصير على البعض منهم ! سعود وسيف وعبدالله وناصر وباقي شباب قصتنا .. كانوا فالكورنيش يشاركون باقي الشباب فرحتهم بهالاجواء الوطنيه .. الجد بوعبدالرحمن .. والجد بوعبدالله وعيالهم .. وبوصالح وصالح كانوا في العرضات يجهزون ويعدلون الامور الباقي استعدادا لبدء الاحتفالات بشكل رسمي بكره .. الجمعه الحريم كانوا في بيوتهم .. مها رجعت من نوره وهي ميته من الوناسه واندمجت معاها بشكل كبير واتفقوا ان يكونون متواصلين مع بعض .. خصوصا لما اعرفوا انهم بيصيرون جيران ... الجازي حاسه بضيقه اولا لان اجازتها اليوم الخميس خلصت ! والاحد بترد تداوم من جديد ... ثانينا لانهم بينتقلون لبيت ثاني .. وهالسبب ماراح يخليها تشوف سيف على طول ! الا نادرا ويمكن لا حتى !! ساره كانت متضايقه من موعد العرس ماتبيه يكون قريب .. لكن ماعندها حجه شتقول لهم ! مالها الا انها تتقبل الوضع .. نوف ! المجروحه ... بكت لين ماجفت دموعها .. وعقبها فكرت مالازم تضعف .. ولاتبين له انها ضعيفه .. هي تعشق حمد .. من قبل ماتزوجه وهي كانت هايمه فيه طوله جسمه .. سماره حتى وسامته كان جذاب بشكل غريب .. قررت انها تلعب بسلاح انوثتها الطاغيه بما انها تمتع بشعر كثيف مموج وطويل اسود وبشره صافيه بيضا .. وجسم انثوي بمعنى الكلمه ... : . : . : : دخل حمد الي كان متعب وهو يبحث بعيونه عن نوف فالصاله مالقاها .. سكر الباب وراه وقفله ولف بيدخل الغرفه وانصدم بالي يشوفه قدامه ... كانت نوف فاتنه بمعنى الكلمه في لبسها في شكلها في وقفتها في نظرتهـا !! لآول مره من خذاها حمد يحس بشعور غريب في داخله ! بدت مشاعره تحرك ؟ او ان شكلها اعجبه وبس؟ كح بتوتر وهو يقول : نوف شفيج؟ قربت منه نوف بكل رقه .. وهي تفتح ازرة ثوبه بنعومه وبغنج وهي تقول : مافيني شي .. بس وحشتني مووت حمد يحس انه بدا يعرق .. شناويه عليه هذي؟؟؟ لوهله بس حس بكهربا تسري بجسمه ليكون؟؟؟ ليكون درت اني متزوج وزوجتي حامل ؟؟؟ لالا مستحيل ... ماعتقد بتدري اكيد بتعفس علي حياتي شلوووون؟؟ وهي الهاديه عمري ماسمعتها تصرخ او تتذمر حتى ! توتـــر قال وهو يبتعد شوي عنها وبتوتر : شالطاري نوف؟؟ كل يوم عندج ماشوفج تقولين لي اشتقتي لي؟ نوف وهي تقرب من وراه وتضمه بحب وهي ملاحظه توتره وكانت مستمتعه : الي ماتعرفه ياحمد .. اني كل يوم اشتاق لك وكل ساعه وكل دقيقه كح حمد بأحراج وهو يحس بجسمها عليه مثل صفيحة ساخنه : انا بروح اسبح .. وانام حدي تعبان راح وتركها تضايقت نوف .. لو مهما سويت ماراح يتغير قالب الثلج هذا لكن معليه ان ماذوبته ماكون انا نوف بنت حمد .. : . : . : : اليوم الثاني الصبح الساعه 9 كان الجو ولا اروع غيم والارض مبلله من المطر الي كان ينزل طول الليل بشكل متواصل لين الفجر فتحت ساره دريشتها وهي تسمح للهوا يدخل لغرفتها وقعدت على سريرها تشوف المسجات الي ماشافتهم مسجات حلوه وصلتهـا من صديقاتها وبنات عمها واهلها لكن المسج الآحلى كان من عند حمد ( لو المطر يغسل حنيني وشوقي وقفت تحته من ضحى الامس لليوم صباح الحب ) ابتسامه شفافه ارتسمت على ملامحها وهي تحط تلفونها عالسرير وتطلع من الغرفه ~ : . . : قربت منه بهدوء وهي تحط اناملها الناعمه على كتفه تصحيه بخفه : حمد .. حـمد حمد بتعب : هممم نوف بحب وبصوت هامس : يلا ماباقي شي على الصلاه يادوب تسبح وتلبس فتح حمد عينه بثقل .. وهو يشوفها وقال بتعب وهو يرفع عنه غطا اللحاف : جهزي لي ثوب وغتره وعقال نوف الي محافظه على ابتسامتها : ان شاءالله .. ( وراحت قربت من الكبت وطلعت له فوطه وعطته اياها ) راحت فتحت كبت الثياب وطلعت له ثوب كحلي مع غتره حمرا وفتحت الدرج الي فيه اطقم الازره وطلعت له الطقم الي جابته له من فتره وجهزته له .. وراحت اطلبت من الخدامه تشب لها جمر وتجيبه لها فوق .. ورتبت نوف شكلها مع انه كان شكله مرتب اصلا بس دايما تحب تطلع قدام حمد بالصوره الحلوه عادت على القلوس مره ثانيه وقعدت على السرير .. وبعد دقايق يطلع حمد وهو لاف الفوطه على خصره وشعره مبلل لبس وجهز وقرب من التسريحه لقى نوف مجهزه له الطقم .. قال وهو يرده مكانه ويطلع طقم ثاني : هالطقم يناسب اكثر مع الثوب الكحلي .. ( هالطقم هديه من عند فاطمه ! ) ابتسمت نوف بعذوبه وهي تحط كسرت العود على المدخن وتخلي حمد يتدخن منه وعقب اطلعوا اثنينهم من الغرفه وتركت نوف المدخن في صالة الببت الفوقيه سلمت على عمها ومرت عمها واطلعوا حمد وابوه رايحين المسجد ام حمد : نوف يمه تعالي اقعدي نوف ببأبتسامه وهي تقرب منها : ان شاءالله .. : . : .. . في نفس الوقت في بيت ام سعود كانت توها مصحيه سعود الي اصلا كان قايم لانه مركب المنبه ومرت على مها لقتها ناشره اوراقها على السرير قاعده تنقل المحاضره الي طافتها ! سكرت الباب وانزلت تحت استقبلتها ريحة العود الاصيله الي بدت تنتشر فالبيت كله وهي تقول : ماشاءالله عليج يالجازي من الصبح وانتي ترتبين وتعطرين وتسوين الفواله الجازي بفرحه : يمه اليوم جمعه هاليوم غير عن باقي ايام الاسبوع ... يمه حياج قربي ذوقي هالسندويتشات الي سويتهم شوي الا سعود هو الثاني نازل وهو كاشخ بثوب ابيض وغتره بيضاء ومسباحه في يده كان شكله يشع نور .. ووسيم لأبعد حد طبع بوسه على راس امه : شخبار الغاليه ام سعود بحنان : بخير من تشوفك .. الجازي بعياره : انا ومهوي ليش دايما خارج الحسبه؟ سعود بغرور وهو يأشر لها بالمسباح الي بيده : منااك يلا .. تقارنون نفسكم فيني؟ مها وهي تنزل الدرج : لييييش حبيبي ليكون ناقصتنا يد والا رجل؟ سعود بضحكه : ناقصكم عقل الله يكملكم ام سعود : يبه ليش لابس ثوب ابيض الجو برا بارد عليك سعود : يمه بعد المطر الجو تحسينه مكتم .. مابي اكتم على روحي بثوب شتوي اذا العصر الجو صار بارد بلبس ثوب شتوي ام سعود : نزين يلا لاتفوتك الصلاه .. واليوم في غدا عند جدك رفع سعود عينه للجازي .. وعقب كمل بنبره خاصه : بصلي وعقب بروح معزوم انا وقام بدون مايسمع ردة فعلهم .. : : . : . في بيت عبدالرحمن ( بوحمد ) كانت نوف تفرك ايديها الثنتين ببعض حدها منحرجه وماعندها جواب على كلام ام حمد الي رمته مثل القنبله عليها ! حست بكهربا تسري بجسمها وبحراره قويه كأنها قاعده بفرن رغم برودة الجو حواليها ! ام حمد الي كانت تنتظر نوف تكلم .. لاحظت توترها خافت يكون في شي هم مايدرون عنه وهو الي تسبب بتأخير حمل نوف .. قالت ببراءه الكبار : يمه نوف انتوا فحصتوا؟ اثنينكم سليمين؟ نوف الي ماتعرف اصلا اذا اثنينهم سليمين والا لا ! لانهم مافحصوا .. ولأن حمد ماقرب منها نهائيا قالت بتوتر : يمه احنا متفقين مانبي عيال الحين ردها كان غير مقنع ! ام حمد حاولت انها تقتنع عشان ماتحرج نوف اكثر وهي تقول : كل الي ودي به اشوف عيالكم يابنتي انا ماعندي الا هالولد منى عيني اشوف عياله هالجمله طعنت جوف نوف لحد مانزف بغزاره ! حست بجبل انهد على راسها مره وحده .. ولما حست انها مب قادره تستحمل اكثر انسحبت بحجة انها بتروح تصلي .. : . : : . بعد الصلاه اطلعوا المصلين من المسجد لمح بوعبدالرحمن ( الجد ) سعود الي رايح لجهة سيارته بيركب .. من زمان ماشافه كانت اخر مره فالشركه حس بنغزه في قلبه .. وده يروح يضمه لانه اشتاق له كثير واشتاق لوجوده حوله مثل قبل .. اشتاق حتى لسوالفه معاه .. لكن كبرياءه ورجولته ماتسمح له ! وكمل طريقه مشي للبيت لان المسجد مب بعيد اما سيف لما شاف سعود راح له على طول : سعوود سعود وهو ينزل نظارته الشمسيه ويسلم على سيف : هلا سيف : اشوفك جاي بسيارتك شكلك بتروح مشوار عقب سعود : أي والله بروح مجلس حمود خويي هناك الربع كلهم بيتغدون سيف الي ناسي الي صار قال : يعني مب جاينا عالغدا اليوم؟ سعود بأبتسامه : لاطبعا هههه سيف ماحب يضغط عليه قال وهو يبتعد عنه : خلاص ماأخرك الوعد فالمسيره ( وغمز له ) سعود وهو يريوس بسيارته : قداااام يابوحمد : : . : . : . في مجلس محمد رفيق سعود كانت سياير الشباب كلهم صافه قدام المجلس وكلها كانت مجهزه ومعدلينها بأعلام وشعارات الدوله وصور الشيوخ كعادة الشباب في المسيره .. كلن يتفنن وقف سعود سيارته معاهم ودخل المجلس سلم عليهم كلهم .. وتوه بيقعد الا يدخل عليهم سلمان الي من دخل رجهم وهو يقول لهم : الناس تحتفل وانتوا منثبرين هناااا شتسوووون؟؟؟ ( وكمل بنبره مرحه ) يلا كل واحد يذلف لعرضة قبيلته والوعد الساعه 9 في الكورنيش سعود بعصبيه يخفي وراها ضحكه : توني جاي زين خلني اتقهوى سلمان وهو يمسك سعود يسحبه وياه : خل القهوه بعدين وتعال ورني سيارتك : . : : : . : . مر اليوم حلو على الكل لان الكل نسى فيه همومه واحزانه وشارك الباقي في فرحتهم .. ولبس الليل ثوبه الاسود .. بدا الجو يزيد برودته الكل انسدح على فراشه .. الي من شدة التعب ناموا على طول ! والي من شدة الهم ماقدروا ينامون الا بعد صراع مع الهم .. والبعض كان يحس بفرحه تغمر قلبه مها قبل ماتحط راسها على المخده كانت توها مختاره لها لبس حلو تلبسه بكره لانهم معزومين مع سعود اخوهم عند بوصالح فحبت انها تطلع حلوه لانهم خلاص وبشكل رسمي صاروا جيرانهم .. واكيد جيرانهم الي حاواليهم بيحضرون العشا وبيتعرفون عليهم .. نوره بشخصيتها المرحه والحلوه قدرت تدخل قلب المها بسرعه وانسجموا ثنتينهم مع بعض .. ابتسمت المها وهي تتذكر شكل الشاب الاسمراني بنظراته الحاده الي كان واقف عند الباب .. اكيد هذا اخوها .. ماشاءالله عليه جميييل وجذاااب .. من جهه ثانيه نوره كان حالها نفس حال المها .. ولامليون مره تطلع لها بدله وتردها عشان تكشخ بكره على قولتها اخر كشخه ! ماتدري ليش حست بهالاحساس الحلو .. هي فرحانه من الخاطر لهالجيره .. حطت راسها عالمخده وافكار حلوه تدور ببالها لحد مانامت ... ساره فرحانه ومب فرحانه ! فرحانه لانها تحس بحب حمد لها .. وهي تحاول انها تنسجم معاه .. ومب فرحانه لانها ماتبي العرس يكون قريب ! بس شتسوي ؟ ماباليد حيله وماعندها أي مبرر !! فقررت انها تتقبل هالامر وتهتم بنفسها يادوب يكفيها شهر ونص ! نوف رغم نزيف جرحها .. الا انها مازالت تكابر ! يشاركها عالسرير شخص فكره وعقله مب معاها ابد ! كان يفكر بوحده غيرها .. وهي ياغافلين لكم الله .. كل الي قدرت تسويه انها تلزق جنبه وهي تضمه من ورا .. وتحاول تنام ووصلها صوته البااارد مثل برودة الجو .. مع شوية غضب وهو يقول : وخري عني يانوف .. ماعرف انام واحد لاصق فيني ! سعود في هالليله كانت ليلة مختلفه عن كل الليالي الي قضاها فالفتره الي طافت ! لانه يشوف نور في هالليله .. من شدة فرحته بموافقة امه بعد مارجع من الكورنيش قضى وقته كله في ترتيب اغراضه استعداد للرحيل ! خلص جزء وجزء بيخلصه بكره .. نام وهو متشوق لبكره .. على عكسه كانت اخته الجازي الي فتحت بوكس صغير تحتفظ فيه داخله اوراق لها واقع خاص في قلبها .. ومن ضمنهم صورة لسيف ! محتفظه فيها هالصوره من سيف نفسه هو الي اهداها اياها بدووون مااحد يدري .. ضمت الصوره بأيديها وهي تتذكر الموقف الي جمعهم ايام ماكانت الجازي وساره في الثانويه يدرسون ( كان الجو ممطر الجازي وهي تشوف ساره الي بكل برود وهدوء تلبس عبايتها وشيلتها قالت لها بعصبيه : اقووول انا بروح السياره وانتي انثبري هني لين ماتخلصين تعالي ساره : صبر جزوووي الحين بخلص مافيج صبر انتي .. على وشو مستعجله تقابلين الدريول والخدامه بالسياره؟ الجازي وهي تروح عنها تتركها : تسبحت تحت المطر وحضرتج بالراحه تفتحين عبايتج وشيلتج ... وراحت الجازي بسرعه للسياره وركبت بدون ماتنتبه للي يسوق لحد ماوصلها صوته وهو يقول بحب ويعدل مراية السياره الاماميه : حياالله جويزي .. الجازي بأرتبارك : هلا هلا سيف ! سيف : شخبارج؟ الجازي بأحراج : بخير سيف : الا وينها سويره الجازي : الحين جايه سيف وهو يتحرقص مكانه لانه هو والجازي بروحهم قال: ياليت تأخر شوي بعد هنا الجازي ودها السياره تنقسم نصين ولاتكون معاه ! تمت ساكته وسيف مستمتع .. وهو يمد لها ظرف الجازي بتوتر: شنو هذا؟ سيف بضحكه: شتشوفين غير ظرف؟ .. اخذيه مدت الجازي يدها .. وكمل سيف: افتحيه فالبيت اوكي؟ الجازي وهي تدعس الظرف بشنطتها : اوكي ... ) ابتسمت الجازي على هالذكريات البريئه .. وهي تفتح الورقه الي كانت بالظرف مع الصوره وتتذكر الكلام الي كان بسيط جدا ويعبر عن حب سيف لها هالصوره علشان كل ماتشوفينها تذكرين اني معاج على طول واحبج على طول .. ابتسمت الجازي من الخاطر وحطت الورقه والصوره تحت مخدتها وهي تسحب غطا اللحاف عليها تحاول تنام .. : . . : اليوم الثاني السبت - الصبح يوم جديد .. وخطط جديده واحداث جديده .. بوصالح وام صالح كلن راح لجهه ! بوصالح راح يجيب الذبايح وام صالح راحت تشتري اغراض للعزيمه الكبيره .. وصالح راح يخلص بعض الشغلات اما الاثنين الباقيين فالبيت كانوا نايمين ! نوره قامت من ساعتين وناصر توه يقوم الحين .. اخذ له شاور منعش عشان يتنشط .. ونزل الصاله بتريننغ سبورت وكاب وهو يشوف نوره مندمجه فالتلفزيون قعد عالكرسي القريب منها وهو يقول : وين امي وابوي وصويلح؟ محد بغرفته نوره وعينها عالتلفزيون : انتشروا فالدوحه عشان يجيبون اغراض العزيمه ناصر وعيونه مبققه بتعجب : ثلاثتهم رايحين عشان الاغراض؟؟؟ اعنبوووا بيخلصون كل الي فالدوحه نوره بضحكه : واجد مشتطين صح؟ ابتسم ناصر وهو يقول: نورو بسألج .. من الحلوه الي امس جاتج؟ نوره بنص عين : اعجبتك؟ ناصر بأبتسامه عريضه لحد مابان طقم ضروسه كامل : اوووف عجيبه نوره بجديه مصطنعه : وحده من صديقاتي ناصر وده يكفخها : ادري صديقتج يعني بتكون وحده مضيعه؟؟ نوره بعبطها المعتاد وهي قاصده تنرفزه : يمكن وقف ناصر وهو متنرفز .. وقال وهو يطلع : اروح اخذ لي كم لفه عالبيت ابرك من الكلام معاج .. انتي الواحد ماياخذ منج لاحق ولاباطل طلع وهو يسكر الباب بقوه وراه .. فالوقت الي نوره ابتسمت بخبث وهي ترقص حواجبها وتقول : معلييييه يانصور ان مالعبت بأعصابك مثل ماكنت تسوي فيني قبل : : : . : : في بيت ام سعـود كانت مها بغرفتها تبي تقضي وقتها في ترتيب اغراضها ! طلعت شنطه كبيره وتمت ترتب ملابسها فيها .. لان من بكره بيبتدون ينقلون اغراضهم لبيتهم الجديد .. الجازي كانت بعدها نايمـه .. وام سعود بالصاله التحتيه تجري اتصاالاتها على اخوانها واهلها وسعود كان بقسمه ! عباره عن صاله فيها جلسه حلوه وتلفزيون .. وغرفة نوم بغرفة ملابس وحمام ( تكرمون ) كان منسدح على الكرسي يفرفر من قناة لقناه ومتملل .. وفي نفس الوقت مستانس لان من اليوم راح يبتدي حياه جديده راح يكون فيها هو المسؤل عن 3 اشخاص امه واخواته الثنتين بشكل أكبر عن قبل وراح يتحدى ويتحدى عشان يبين للكل انه قد المسؤليه وانه شخص قادر يعيش ويعيش اهله بدون مساعدة احد مثل ماكان يسوي جده قبل ! وصله صوت نغمة تلفونه الي كانت اغنيه شعبيه قديمه لمطرب قديم ... وهو يرد بعد ماشاف اسم المتصل : هلا وغلا واخيرا جينا عالبال؟ وضحى : على بالي دوم يالغالي .. شخبارك؟ سعود وهو يستعدل في قعدته: طيب من سمعت صوتج .. بشريني عنج؟ وضحى : بخير دامك بخير .. ياخي وحشتني ضحك سعود على اسلوب عمته المرح والمرن معاه وهو يقول : اتغلى وضحى بضحكه : من تغلى تخلى ياسعووود سعود بعياره: افاااا واهووون عليج؟ وضحى : لا والله ماتهون .. وعشان كذا اتصلت عليك ابي اقولك تعال لي ابتسم سعود وقال: بيت جدي؟ وضحى : أيه سعود ماكان يبي يبين لها شي عشان لاتحس .. مايدري ان وضحى تدري بكل شي واتصالها هذا كان محاوله منها تتقرب اكثر من سعود عشان يبوح لها ! .. قال : خليها مره ثانيه لاني مشغول اليوم وضحى مازالت مستمره في مرحها : شنو كلها الا نص ساعه مستكثرها علينا من وقتك الثمين سعود بحب: وقتي كله لج اصلا .. بس قاطعته عمته وهي تقول : عشان ابوي يعني؟ سعود انصدم !!!! يعني هي تدري .. ابتسم سعود بسخرييه وهو يقول اكيد هي والكل يدرون يعني لين متى بيخشون !!! والناس يلاحظون لاتصير غبي ياسعود !!! كمل بنبره هاديه جدا وهو يقول: ولا لج لوا وضحى حاولت انها تكون مرحه رغم انها حست بألم سعود وكبرياءه .. مستحيل يقول لها قالت : عجل يلا لاتبطي علي تراني مجهزه لك خوش سندويتشات وانا وامي ننتظرك بالصاله انهت المكالمه ورد سعود موبايله عالطاوله وهو يمسح على شعره : شهالبلشه!!! انا ماني ناقص اهانات جديده .. يشوفنا هالشيبه بعد ! وقف سعود وتم يدور بالغرفه محتاس .. ووقف قدام الدريشه الي تطل على بيوت جده وعمامه وبالصدفه انتبه ! ان سيارة جده مب موجوده .. اتسعت ابتسامة سعود وقال في خاطره .. استغل الفرصه اروح احب راس جدتي واسلم على عمتي قبل مايجي هالشيبه ويكبشنا ... لبس سعود ثوبه وغترته وعقاله وكالعاده بيده المسباح وباليد الثانيه تلفونه ونزل تحت بيروح لبيت جده ! : : : . . : : دخل سعود لبيت جده ولمح الي كانت واقفه معطيته ظهرها وتعدل الواير مفصول في رسيفر الدش كانت لابسه جلابيه فيروزيه حرير عليها تطريز ناعم جدا ذهبي شعرها الي يوصل لنص ظهرها كان مصبوغ بدرجات البني مع العسلي منسدل على ظهرها وعلى كتفها الايمين بما انها كانت مميله شوي لناحية اليمين .. ابتسم سعود وقال بأعجاب لعمته : اشك في نظر عويس يوم طلقج عمـ .... ضاعت الحروف وهو ينصدم بالي لفت لجهته وهي مصدومه ولمح بعيونها بريق غريب .. كان وسيم لأبعد حد .. لكنه نحف شوي ! تعشق طوله وجسمه .. عيونه نظرته كله على بعض رائع ! حتى نبرة صوته تعشقها ... بعد ماانتبهت لنفسها ارفعت شيلتها تغطي بها شعرها بحركه سريعه بس شعقبه ! عقب ماشافها وانصعق ! شلون اسلبوا منه هالجمال وعطوه لشخص غيره؟ بعد ماكان له؟ حس بألم كبير .. اشاح بوجهه عنها وهو يقول : وين عمتي وجدتي؟ ساره انجرحت من حركته وقالت بحزن : سعود ليش تعاملني كذا؟ سعود بحده : قلت لج وين عمتي وجدتي؟ ساره بحزن كبير : حرام عليك ياسعود ..انا اكلمك رد علي التفت لها سعود بنظرات يتطاير منها الشرار وهو يقول بحده : وانا اعتقد اني سألت ولازم انج تجاوبيني ساره بحزن : عمتي عند جدتي بغرفتها وبيجون التفت سعود بيطلع قال بحزم : انا ماقد اتأخر زياده .. بلغيههم اني جيت ومالقيت احد ساره وهي تنادي سعود .. : سعووود ... لكن سعود ماالتفت لها ولاحتى رد عليها راحت ساره بسرعه ووقفت بينه وبين الباب وهي تقول : انا اكلمك ياسعود .. دقيقه خلني اوضح لك موقفي سعود وهو يصد عنها مايبي يشوفها : اعتقد انج على ذمة رجال وعيب الي تسوينه .. وخري عن طريقي خليني اطلع ساره بقهر ودموعها بدت تملي عينها : سعود انا مالي ذنب بالي سووه كلهم والله مالي ذنب .. انا مثلك مغصوبه سعود بقهر لف ناحيتها وقال: مغصوبه؟؟؟ الصراحه ضحكتيني... كل شي صار برضاج ساره : والله ولاشي برضاي ياسعود انت تعرف جدي اذا حط شي براسه يصير يعني يصير .. والكل وقفوا معاه ضدي وش بيدي انا؟؟؟ وش بيدي؟ سعود وهو يتقطع مليون قطعه : بيدج اشياااء لكن انتي ماتبين تسوين شي ( وكمل بنبرة خاصه ) ولاتظنين اني بموت عشان اخذج ! في مليون وحده غيرج تسواج وتستاهلني ساره وهي بدت تبكي : بس انا للحين احبك ياسعود وحرام الي تسويه فيني سعود بحزم : وخري عن الباب ياساره وخليني اطلع ساره وهي تمسح دموعها بضعف : سعود تكفى سامحني .. في هاللحظات حست ساره بأحد يفتح الباب وابتعدت شوي عنه ودخل شخص واول ماطاحت عينه على سعود .. بدا الغضب يتسلل له وهو ينتفض غيض ويدخن بينما الجده ام عبدالرحمن وبنتها وضحى توهم يطلعون من الغرفه .. وعلى هالموقف لآتحرموني من ردودكم وتوقعـآآآتكم ~ آختكم ~ { زآآآهي آلكحل ~ |
لي عوده للردود
صباحا باذن الله قراءه ممتعه |
اقتباس:
الله يسلم قلبك شقتي كيف الجد قاسي وقال ايش بيربي ولد ولده فيس ماحب الجد ابد نوووووووووفياعيني عليها بسيمكن بيوم تصحى من غيبوبتها وترد اعتبارها والا اش رئيك انج انج منوره دائما وتابعي القادم هناك المزيد |
اقتباس:
هتونه منوره كالعاده يالغلا وصباحك طهر كقلبك الطاهر حمد ياحليله والكل مو طايه بس ماتشوفين تماديه اهم اسبابه سلبيه نوف تسعدني طلتك دوما فلا تحرميني وجودها |
مرحبآآ آلجزء آلسآبع وصل آتوقع فيه آخطآآء كثيره سآمحوني عليهآآ لآني مآدققت فيهآآ ~ آلـ ج ــزء آلـ س ــآآبع ~ ~ نزل من سيارته وهو متوجه لباب الصاله وفتحه .. وانصدم بالشخص الي شافه قدامه ! وبدت اعاصبه تشتد وهو ينتفض غيض ويدخن , كان يشوفهم اثنينهم بنظرات كلها غضب سعود اول ماشافه كره الساعه الي وافق انه يجي بيت جده وكره ساره بزياده لانها كانت السبب في تأخيره وماتركته يطلع من البيت قبل مايجي جده !!!!! الي كان رايح لمشوار بسيط ورجع خلال 10 دقايق التقت عيونه بعيون جده .. وشاف فيها نظرة الغضب .. وساره الي كانت دموعها بعيونها خافت من نظرات جدها الي كانت تشع شرار لهم ! وندمت انها اصلا جات من بيتهم لبيت جدها في هاليوم .. دخل بوعبدالرحمن وبصوت رجولي غاضب هز المكان هز وهو يقول : شتسوون هنا؟؟؟ ها؟؟؟؟ ( التفت لساره بغضب ) ماتكلمون؟؟؟؟ ( ورد التفت لسعود بغضب شديد ) انا ماقلت لك مابيك في مكاني؟؟؟؟ مابي اشوفك؟؟؟؟ شتسوي جاي؟؟؟؟ ( التفت لساره وهو وده يمسح فيها القاع وقال بعصبيه ) : والله لو حمد واحد من عيال عمج ان اخذج الحين بثيابج واقطج عنده ... ( وتوه بيكمل ) قاطعه سعود بحركته .. لما فتح الباب بيطلع .. ووقف لما حس بقبضة يد قويه تمسكه من عضده كان جده ماسكه بكل قوته وهو يدخله من جديد لداخل وهو يقول بغضب شديد : بعدني ماخلصت كلامي .. انت جاي تكسر كلمتي؟ سعود وهو مفول عليه .. لكنه كان يتعوذ من ابليس لان سعود بطبيعته شخص عصبي عصبي عصبيييي لاخر حد .. مثل جده !!!!! رفع ايده مسح فيها على وجهه وهي تنتفض من الغضب ... وقال بصوت يحاول يكون هادي : جيت اسلم على جدتي وعمتي قبل ماروح بوعبدالرحمن وهو يدز سعود من كتفه : يالي مايحفظك ... واقولك وقدامهم كلهم بيتي يتعذرك سعود الي بدا يفقد اعصابه مسك يد جده بقوه ونزلها تحت وقال وهو ويرص على اسنانه : انا بطلع بكرامتي .. ( وتنهد بغضب والكل ملاحظ ارتعاش ايديه وهو يكمل بنفس الطريقه راس على سنونه ) : وقبل مااطلع احب اقولكم ... انا من بكره بطلع لبيت جديد والبيت هذا انا واهلي متنازلين منه لكم وطلع من البيت وهو يرقع الباب بكل قوته .. لدرجة انه احدث دوي مزعج فالمكان ! وترك الكل مذهول وراه .. ساره راحت لأي غرفه فاضيه فوق تبكي .. والجده ام عبدالرحمن عظامها بردت ماعاد تقدر تشيلها قعدت على اقرب كرسي بمساعده وضحى .. الي كانت حاسه بذنب كبييييير هي السبب في الي صار لسعود الحين رغم انها ابدا ماكانت مخططه لهالشي كلش ! كل الي تبيه انها تتركه يفضفض لها .. لو هو حاب انه يفضفض وهي عقب بطريقتها بتحاول انها تحل المشكله عشان ماتتأزم بين الجد وحفيده ! اما بوعبدالرحمن كان مصدوم ومذهول من سعود واسلوبها معاه ! واصدمه اكثر بأنه بيطلع من المنطقه بنفسها ! حس بنغزات في قلبه حس بندم .. لانه ضيق عليه من جميع النواحي وكان قاسي معاه بشكل كبير ! لدرجة انه قرر يطلع من بيته ! سحب بوعبدالرحمن تنهيده مشبعه بالالم وهو يفتح الباب ويطلع بيروح لمجلس الرجاجيل مستحيل يبين لهم انه ندم ! كبريــاءه مايسمح له وياااهالكبرياء الي بهدل ناااااس كثيره .. : : . : . : نرجع لسعود الي طلع من بيت جده وهو حاس بضيقه مب طبيعيه هالوسيعه ضايقه به مازالت يده ترتعش من شدة الغضب لانه ماطلع طاقته احتراما لجده مهما كان اسلوبه معاه .. فهو مجبور انه يكتم ويكتم ويكــتم .. ركب سيارته وشغلها .. وعلى ماتسخن شوي السياره في برودة الجو .. حط يده على السكان واسند راسه عليها يحس بألم فضييييع في راسه في جسمه كله .. تعبــان ومقـهور .. حرك سيارته يدور بالشوارع بدون هدف .. تمنى في خاطره لو ان اليوم مافي عزيمه ..عشان لايقابل حد تمنى لو يقدر يعتذر .. بس مب حلوه في حقه ولافي حق بوصالح الي عزم الرجاجيل ومستعد بشكل كبير .. وقفت سيارته على شاطى الخليج الغربي نزل من سيارته وقعد قريب البحر .. وهو حاس بضيق كبيــر كبيــــر على صدره ! : . : : : . بعد صلاة المغرب في قسم نوف وحمد عبدالرحمن كان حمد توه راد من المسجد بيبدل وبيطلع لقى نوف الي كانت لابسه سكيني جينز مع توب ابيض بدون اكمام ورافعه شعرها بطريقه فوضويه نازله منه خصل وكانت ترتب ملابسها في الكبت .. اخذ له حمد ثوب جديد والبسه وهو يسكر ازرته قربت منه نوف بغنج كان هذا سلاحها في الفتره الاخيره وهي تقول له : حبيبي شرايك نطلع نتعشا برا اليوم؟ حمد وهو ياخذ غترته وعقاله : خليها مره ثانيه اليوم انا معزوم مع الشباب نوف تاخذ عطر من عالتسريحه وتعطره : نخليها بكره غدا تجي تاخذني من الدوام ونروح؟ حمد بهدوء: على خير ان شاءالله .. : . : . . . : في بيت بوعبدالرحمن ( الجد ) ساره صاحت لحد ماتنفخ وجهها .. تعبت .. تعبت حتى من البكي .. اسندت راسها لراس السرير وهي تدقق بنقطه معينه .. ودموعها تنزل بألم هي تحب سعود للحين ومب قادره تنساه وبنفس الوقت هي مرتبطه بشخص ثانني وهالشخص مب يحبها وبس ! الا يموت فيها غمضت عيونها ونزلت دمعه حاارقه وفي هاللحظات دخلت عمتها وضحى وبيدها ماي مدته لساره الي اشاحت بوجهها وهي تمسح دموعها : عمتي مابي شي فديتج وضحى وهي تلف وجه ساره صوبها : عشان خاطري اشربي ولو شوي شربت ساره عشان خاطر عمتها .. نزلت وضحى الماي عالطاوله وهي تقول لساره: حبيبتي .. ذبحتي عمرج بالصياح بس ساره : عمتي انا احب سعود وضحى بود: سعود انسيه .. انتي الحين زوجج حمد والمفروض مشاعرج هذي كلها تكون له هو وبس ساره والعبره خانقتها : حاولت احب حمد .. فشلت وبنفس الوقت مب قادره انسى سعود وضحى وهي تمسح على شعر ساره وتقول بحنان : لأنج حاطه سعود ببالج بس صدقيني لو حاولتي تنسين سعود .. على طول بتشوفين انج بتبتدين تحبين حمد ساره وهي تمسح دمعها بطرف سبابتها : بحاول وضحى بحب: لاتقولين بحاول .. انتي تقدرين وخلي موقف سعود القاسي معاج اليوم يكون سبب في انج تغيرين نظرتج له ابتسمت ساره من ورا الدموع وهي تضم عمتها بحب : فديتج عمتي والله انتي مثل النسمه الي تلطف علينا حياتنا : : . : : : . في غرفه ثانيه في نفس البيت تحديدا غرفة بو عبدالرحمن وام عبدالرحمن بعد ماصلوا العشاء وتعشوا ادخلوا لغرفتهم مثل كل الي بعرمهم ينامون بدري بعد العشاء عشان يقومون من الفجر وعليها لين الليل وهكذا ! كانت ام عبدالرحمن ضايقه بها الوسيعه عمرها مااشتكت ولاكانت تبكي قدام بوعبدالرحمن ولما صارت ماعاد تستحمل تخبي اكثر سالت دمعه من عينها وهي تمسح بطرف شيلتها .. وانتبه لها بوعبدالرحمن الي كان بيده مسباح ويسبح .. بوعبدالرحمن بود: افا يام عبدالرحمن تبكين؟ ام عبدالرحمن بصوت خانقته العبره : كافي علي غياب عبدالعزيز .. الحين يغيب عني ولده؟ ولده الي كل ماشوفه كني اشوف عبدالعزيز الله يرحمه بوعبدالرحمن بروحه متضايق لكن كبرياءه يمنعه من التنازل عن شي ! قال : يعني انتقل لبيت جديد خلاص ماتقدرين تشوفينه؟ بتشوفينه بتزورينهم وبيزورونج ام عبدالرحمن بعتب: وين يزوروني وانت السبب يابوعبدالرحمن .. وطردت اخوهم من مكانك ووسطكم ( بنبرة ترجي كملت ام عبدالرحمن ) يابوعبدالرحمن طلبتك لاتخليهم ينتقلون بوعبدالرحمن وهو ينتفض من هالطلبه وقال بنرفزه خفيفه:ام عبدالرحمن .. انا ماطردته من بيته عشان اروح اطلب منه يرد له .. هو الي بكيفه طلع وان بغى يرد العين اوسع له من المكان ... ( سحب غطا اللحاف عليه وهو يطفي الابجوره جنبه ويقول ) : تصبحين على خير : . : . : : في نفس الوقت في بيت بوصالح عند الحريم كان المكان مليان جيرانهم واهلهم كلهم احضروا العشاء كانت نوره مثل الاميره في طلعتها ببدله اوف وايت وشعرها القصير لي نص رقبتها مفتوح كانت حاطه أي لاينر من فوق العين برقه مع ماسكارا خفيفه وروج وردي فاتح وهي اوردي بيضا وبشرتها صافيه .. وابتسامه حلوه مافارقت محياها .. حتى المها والجازي كانوا كاشخين ببدل كشخه وميك اب خفيف لكن عليهم عبيهم .. المها شعرها من قبل كان قصير يوصل لنص ظهرها قصته اكثر صار لين كتوفها بطريقه مدرجه زادت من كثافته .. اما الجازي فهي كانت لامه شعرها ورافعه لفوق بكلبس وتركت خصل تنزل بطريقه فوضاويه حلوه ام سعود ارتاحت لام صالح وام صالح ارتاحت لام سعود كانوا مندمجين بالسوالف مع بعض وهم يتعرفون على بعض اكثر وكل وحده تسأل الثانيه كم بنت وولد عندها ومن هالاسئله .. عند الرجاجيل سعود قبل مايدخل المجلس قرر انه يرمي ورا ظهره كل الهموم والاحزان وهم يرسم ابتسامه على محياه عشان لايتضايق ولايبين على وجهه الضيق وفعلا قدر ببراعه يخفي ضيقته .. وهو مندمجه بالسوالف مع ناصر وصالح الي حبوه اكثر وبعد ماخلص العشاء وبدوا الناس يخفون اتصل سعود بأمه عشان يروحون ولما عرفت ام صالح انهم بيروحون اصرت الا تشوف سعود وتسلم عليه بما انه بيصير جارهم ام صالح : انا حسبة امه وابي اسلم عليه وابارك له بالبيت ام سعود وهي تضغط ارقام سعود : الحين اكلمه يجي سعود كان منحرج مايبي يدخل للحوش ! بس دخل لان امه وخواته تموا واقفين مع ام صالح بالحوش اما نوره فهي كانت داخل ولكنها كانت تطل من الدريشه تبي تشوف اخوهم ! وانصدمت لما شافته !!!!! : : . . : : تقدم سعود وهو منحرج وسلم على ام صالح الي فرحت من شافته وهي تتحفاه بشده ... وطلع هو وامه وخواته واركبوا السياره وتوجهوا لبيتهم ام سعود كانت قاعده قدام جنب ولدها ومها والجازي ورا .. مها والجازي كانوا مبسوطين حدهم على ام صالح ونوره حتى ام سعود ارتاحت كثير لام صالح .. سعود متشوق لردة فعلهم سألهم بأبتسامه : ها يمه بشري شلون لقيتيهم؟ ام سعود : لاماشاءالله خوش ناس ياسعود مها : يمه هذي نوروه رفيقتي الي قلت لج بودي لها اوراق ذيك المره ام سعود بأبتسامه: والله؟؟ ماشاءالله عليها سعود وهو ميت من الوناسه يبي يتأكد بس هي الي شافها او لا .. قال : كم بنت عندها؟ ام سعود ببراءة الكبار: بنت وحده بس الله يخليها لها بينما مها الي شوي وتنط قدام جنب امها واخوها قالت وهي تضربه على كتفه بالخفيف: وانت شتبي تعرف كم بنت عندها هااااااا؟ كح سعود بأحراج وهو يقول : مهوي وكسر ان شاءالله .. ان مديتي يدج علي مره ثانيه صدقيني اكسرها لج مها وهي ترد لمكانها عدل وتكمل بنبره خبيثه: لاتضيع السالفه وجاوبني سعود يتصنع الجديه: جيرانا ولازم نعرف عنهم بعد .. المها والجازي ورا كانوا يتغامزون ويتهامزون وهم يضحكون بعياره .. ويعلقون مابينهم وبين بعض بينما ام سعود كانت تشوف الطريق قدامها وسعود نسى الي حوله كلهم .. ورد لعالمه الخاص المجروح .. المنهان : . : : . : . اليوم الثاني الصبح الساعه 9 في احد المدارس المستقله بمنطقة الريان كانت نوف مثل كل مره انيقه بلبسها وكشختها .. ومعاها فاطمه الي كان مبين عليها تعبانه ومعهم خوله مدرسة عربي مجتمعين على طاوله صغيره عليها طبق فطاير وطبق حلو وكل وحده بيدها عصير في هاللحظه فاطمه كانت تحس بألم في راسها يسبب لها دوره ماكانت مع نوف وخوله الي اخذتهم السوالف وهم يضحكون ويعلقون على بعض وماوعوا الا براس فاطمه يخبط عالطاوله وقفت نوف بخوف : فطوووم خوله هي الثانيه تقرب منها تخبط وجها بالخفيف: فاطمه ... فــاطمه حبيبتي ردي علي نوف بحركه سريعه اخذت عباية فاطمه وقطتها على خوله وطلبت منها تلبسها اياها ... وراحت بسرعه للمديره تبلغها انهم بيودونها المستشفى وبسرعه انقلوها لسيارة خوله لانها تسوق وتوجهوا للمستشفى ونوف عند فاطمه تحاول تصحيها .. تذكرت نوف العطر فتحت شنطتها ورشت كم رشة عطر بيدها وشممتها فاطمه الي فاقت وهي تحس بألم في راسها وكانت مب مثبته لان الرؤيه عندها مضببه فاطمه بتعب : اتصلوا بحمد .. خوله وعينها عالطريق: من حمد هذا؟ نوف ببراءه: زوجها خوله بنهي: لالالا تحملي تتصلين فيه تخرعينه ... خلي الدكتور اول يشوفها عقب نتصل فيه نطمنه نوف : ومن قالج اني بتصل فيه اصلا .. : : . : : . : في شركة الجد ( بوعبدالرحمن ) كان عبدالله ( اخو نوف وساره ) بمكتبه يقرا الجريده .. دخل عليه سيف اخوه الي داااايما كل ماخلص شغله يروح ياخذ له لفه عالموظفين يدردرش معاهم وعقب يرجع لمكتبه .. سيف: شعندك بوعابد عبدالله وهو يقلب صفحات الجريده : قاعد اتصفح الجريده ماتشوف يعني سيف: ياخي ملل عبدالله : انت ابي اعرف دايما فاضي؟ سيف: على أي اساس حكمت؟ عبدالله: كل يوووم اشوف تلف عالموظفين .. خلهم يشتغلون شعليك انت سيف بغرور مصطنع: ياخي كيييفي حفيد صاحب الشركه .. وولد رئيس قسم المحاسبه .. يحق لي اسوي الي ابيه عبدالله وهو ينزل الجريده عالطاوله: اقول سيوف سيف بأهتمام: قوول عبدالله: الحب بتنتقل لبيت جديد وقف سيف وهو مصدوم : شنو؟؟؟ ومن قال لك عبدالله وهو يروح يسكر باب المكتب ويرجع على مكتبه : اليوم الصبح كنت عند جدي وابوي كان موجود وعمي عبدالرحمن يناقشون مشروع جديد .. الا جدي قال ان سعود امس قال له انه بينتقل لبيت جديد هو واهله سيف يحس ان قلبه توقف عن النبض ! كل مايقرب يبعدونها عنه !!!!! قال وهو يتنهد بألم: ووين بيروحون؟ عبدالله: علمي علمك سيف بقهر: شفيه جدي ماراح يرتاح الا لما يفرقنا؟ عبدالله بعصبيه خفيفه: احترم نفسك سيوف هذا جدك سيف وهو يوقف بقهر: جدي على عيني وراسي .. بس الي يسويه غلط غلللللط ياعبدالله .. اول شي اخلف بوعده لسعود وزوج ساروه غصبا عنها .. وطرد سعود من المجلس والشركه .. عبدالله : ماطرده من الشركه هو الي سحب اوراقه .. ويكون بعلمك ترى مكانه موجود للحين سيف بقهر: زين شالفايده نزل اوراقه تحت يعني طرده غير مباشره عبدالله: شالي حارق قلبك انت؟ سيف: شنو شالي حارق قلبي .. ترى احنا نتفكك واحنا ماندري ياعبدالله : . : . : : : الدكتوره بأبتسامه : دي ضربة شمس بلاش الخوف ده كلو فاطمه : والترجيع دكتوره .. احس امعائي تقطعت الدكتوره مازالت محافظه على ابتسامتها : دي فترة الوحام .. فتره وحتعدي ان شاءالله نوف وخوله اتسعت ابتسامتهم وهو يلتفتون لجهة فاطمه المنحرجه : فطوووم حامل ولاتقولين لنا؟؟؟ مبرووووك فاطمه بخجل: الله يبارك فيكم اطلعوا الزميلات الثلاث وتوجهوا لسيارة خوله وتوجهوا للمدرسه .. اخذت فاطمه تلفونها من شنطتها : بكلم حمد اقوله خوله بنبره خبيثه: ماله داعي تقولين لها الحين تخلينه يحاتيج لين يشوفج .. خليها لين مايشوفج كملت نوف بضحكه : أي صح فاطمه بخجل : لا لو ماقلت له الحين اذا درى عقب بيهزأني ... هو طلب مني اقول له كل شي ابتسمت نوف وهي تلف لجهة الشارع تشوف السياير وتقول فيها خاطرها ليتك ياحمد تهتم فيني مثل مافاطمه مهتم فيها زوجها .. ردة لأرض الواقع على ضحكة فاطمه الرقيقه وهي تقول : حبيبي خلاص ترى معاي صديقاتي استحي حمد على الجهه الثانيه : انا بطلع الحين من الشركه على طول عالبيت ها انطرج لاتأخرين فاطمه بأبتسامه حلوه : اوكي : : . . . : : في نفس الوقت كانت المها توها راده من الجامعه وقعدت ترتب مع امها باقي الاغراض عشان ينتقلون .. وسعود كان ينزل كل الشنط الي بالطابق الثاني لتحت .. عشان اول ماتجي سيارة نقل العفش تلقى الاغراض تحت جاهزه مجرد انهم ينقلونها فالشاحنه ويروحون .. المها وهي ميته من الوناسه: يممممه ماتخيلين لأي درجه انا مستانسه ام سعود: خير يابنتي .. عساه دوم ضمت المها امها بقوه: فدييييييييييييتج يمه ام سعود بعصبيه وهي تعدل برقعها: شوي شوي علي يابنتي خنقتيني .. روحي قولي للخدامه تجيب الصندوق الي فوق عشان نحط هالاغراض فيه .. وعقب روحي غرفتي وجيبي كيس الادويه معاج المها وهي تروح : ان شاءالله يمه ... ومرت من عند سعود الي كان يحط اخر شنطه عالارض وقالت بنبره خاصه: ايييييووووه اشتغل عطاها سعود نظره بدون مايرد عليها .. وانفتح باب الصاله ودخلت منه عجوز كبيره بالسن قرب منها سعود وطبع بوسة احترام على راسها وهو يقول بصوت جهور : يامرحبا .. يامرحبا بأم عبدالرحمن ام عبدالرحمن بترجي .. مسكت جيب ثوب سعود وهي تقول بصوت مخنوق: سعود فديتك .. لاتروح بعيد عني ضمها سعود بقوه وهو يقول: يمه الوصل فالقلوب .. رحت بعيد والا قريب انا بوصلج ام عبدالرحمن : انا اعرف انك ماتبي تجيني عشان جدك ياولدي .. بس والله مب هاين علي تروحون ولااشوفكم سعود : والله مايفرق بيني وبينج الا الموت يايمه .. لو كنت في اخر الدنيا بجيج مايهمني انطرد انهان انضرب ( وكمل بنبره فيها شوية رجا ) بس اعيش وسطهم مااقدر يمه .. ( رفعه ايديها الثنتين بأيديه وطبع عليهم بوسه ثانيه ) فديتج سامحيني .. ام عبدالرحمن ضمت سعود ودموعها نزلت : مسموح يالغالي .. بس تكفى طلبتك لاتقطعون بي .. ابي اشوفكم انت وخواتك .. انتوا عيال عبدالعزيز الغالي سعود وهو يشدد قبضته ليد جدته ويقول: ابشري .. ابشري يام عبدالرحمن لج مني اجيبهم لج كل اسبوع ولو بغيتي لو كل يوم بعد ( وكمل بنبره خاصه ) طلبتج يالغاليه .. امي وخواتي مايدرون بشي .. هم فرحانين بنقلتنا عشاني ام عبدالرحمن وهي تمسح دمعه بطرف شيلتها : ان شاءالله ياولدي .. انا جايه اسلم عليكم : . : : . : : في قسم نوف وحمد نوف رجعت من الدوام كالعاده قبل حمد سبحت ولبست تنوره سودا وتوب رملي هاي نك وخطت كحلتها .. وحطت روج وردي فاتح وطلعت عبايه فيها تطريز اسود نااعم مع شيلتها .. واتصلت بحمد تشوف هو طلع والا للحين .. وصلها صوته : هلا نوف ! نوف بغنج : هلا حبيبي .. طلعت من الدوام؟ حمد الي اصلا طلع بدري .. وراح لفاطمه قال: من زمااان طالع نوف: وينك ماجيت؟؟ حمد: عند واحد من الربع .. شتبين؟ نوف بضيق: انت وعدتني نطلع نتغدا اليوم حمد الي تذكر .. قال بملل : يووووه نسيت معليه اسمحي لي خليها عشا !! نوف ماحبت تبين له انها تضايقت قالت بمرح : يكون احسن بعد .. سكر حمد من نوف وهو يلعب بشعر فاطمه الي كانت حاطه راسها على صدره : حبيبي حمد بحب: عيووونه فاطمه بخجل: انا خربت عليك موعدك مع زوجتك؟ حمد بحب كبير: فديييت المؤدبين انا .. يعني شلون تبيني اخلي فططومتي التعبانه واروح اتغدا ؟؟؟ فاطمه : بس انت وعدتها حمد بهدوء وحب يمسح على شعرها: مايخالف اجلناها .. لعيونج فاطمه بدلع : اقول حمودي حمد : عيونه فاطمه : ماقلت لي شسمها زوجتك الاوليه؟ حمد الي بدا يتنرفز : اوهووو انا جاي عندج عشان تنكدين علي انتي بعد؟ قلت لج ماحب اجيب طاريها حتى فكينا من هالسيره ... : : : : : . : . . : في بيت حمد بن عبدالله ( ابو حمد زوج ساره ) كان حمد وامنه اخته بالصاله يسولفون عن عرس حمد وتخطيطاتهم .. بما ان حمد بلغ اهل ساره عن الموعد الي هو يبيه ووافقوا وابتدوا يستعدون ... حمد : ابيج تاخذينها معاج انتي وامي .. وخلوها تختار على ذوقها .. ابي كل شي فالعرس يكون على ذوقها امنه بعياره: شاك في ذوقنا الاخ؟ حمد بحب : لا .. بس اكيد ذوق ساره احلى امنه وهي تصفر بمرح : يوووه الاخ مغرم حمد : بمووت واخذها عندي يااموووون امنه وهي تضحك على اخوها : يااخي اركد شفيك؟؟ الي يسمعك يقول كنت محروم من العرس وفجأه قالوا له لك يلا تقدر تعرس ! اركد ياخي حمد : امون بلاااج ماتعرفين الحب شلون .. امنه الي حز في خاطرها كلامه قالت بضيق : اعرف .. مايحتاج تقول لي ( اشاحت بوجهها عنه ) حمد الي عرف انه جرح امنه قال : امون صدقيني ماقصد شي بس .... امنه بهدوء : لاعادي .. : : . . . . : مروا يومين على الاوضاع الاخيره سعود واهله استقروا في بيتهم الجديد .. ساره بدت تجهز لعرسها وتشغل نفسها عن التفكير بسعود ولا أي شي ثاني ممكن يضايقها نوف مازالت تعامل حمد بنفس الاسلوب الانثوي في محاوله منها تذيب هالجليد ! وحمد مرات يتأثر بغنجها ودلعها وملامسة جسدها له لكنه مازال متماسك ! وهو حاط شي واحد براسه نوف بنت عم وشريكة غرفه وبس ! بينما الحب والغزل والدلع كله لفاطمه الي ماتعرف ان نوف هي زوجة حمد ولانوف نفسها تعرف ان فاطمه هي زوجة حمد زوجها ولا انه بالاساس متزوج او لا !!!! الجازي بعد ماانتقلوا لبيت جديد استقالت من المدرسه الي هي فيها وقعدت فالبيت مع امها لانها اصلا متضايقه .. اشتاقت لسيف ! المها ونوره زادت علاقتهم ببعض اكثر وصاروا يشوفون بعض كل يوم يا فالبيت او فالجامعه ... سعود حاليا مرتاح مع انه كان متضايق لكن حس بأستقرار وهو اهم شي ... سيف كانت الوسيعه ضايقه به يومين يمر من قدام بيت عمه .. ويحس كأن البيت مهجور من سنييين مافيه حياه ... : : . . . : في بيت سعود في غرفة المها الساعه 1 الظهر كانت نوره ومعاها المها والجازي .. كلهم عليهم بجايم حتى نوره الي كانت لابسه بجامه تحت العبايه وفصخها اول مادخلت غرفة المها قامت الجازي : انا بروح اشوف الغدا نوره بعياره: ياختي زين حسيتوا .. تراني من زماااان جوعانه الجازي بضحكه: قلت بروح اشوف الغدا ماكلت بحط لج نوره : عاد انتي افهميها وجيبي لي شوي بصحن خليني اذوق الجازي وهي تطلع من الغرفه: مادريييت اجيب لج .. تبين تعالي ذوقي تحت نوره وهي تعلي صوتها عشان تسمعها الجازي : شهالنااااااااس الي ماتعرف السنع ضربتها المها بالخفيف وهي تقول: ماكنج تسبينا؟ نوره : اقولج مييييته جوووووع .. فدييييتج مهاوي قومي جيبي لي شي اكله المها بملل: اوووه نوروه انطري شوي وبنتغدا كلنا نوره : ومن قال اني بتغدا عندكم؟؟؟ انا بروح بيتنا بعد شوي بس ابي اذوق من غداكم في هاللحظات سعود كان توه راد من الدوام مالقى احد بالصاله رقى الدرج .. ووصله صوت صادر من غرفة المها ... قرب منها وفتح الباب على كبره .. وفي باله ان الي بالغرفه الجازي ومها ! وماتوقع يشوف الشخص الثاني !! هي نفسها الي شافها ذيك المره صورتها ماانمسحت من باله من هذيك اللحظه .. اخذت نوره بسرعه شيلتها وعبايتها تغطي نفسها .. وسعود مستمتع وهو يشوفها .. نوره اول ماشافته لاشعوريا قالت بصوت مسموع : وجع ان شاءالله .. مايعرف يطق الباب سعود الي سمعها عصب .. تماسك اعصابه وقال بهددوء وهو يتكتف : وانا شدراني ان في حد غريب في بيتنا هالحزه وطلع توجه لغرفته وهو حابس ضحكته .. لانه شاف تغغير ملامح وجهها ... نوره الي فتحت عينها عالاخر .. وقفت وهي تعدل شيلتها : قليل الادب اخوج .. قط علي خوش نغزه المها الي انحرجت قالت: فديتج نواري لاتضايقين هذا اسلوبه ... نوره بعصبيه خفيفه: والله اسلوبه يغيره لما يتكلم مع الناس ... لان مب كلن يستقبل اسلوبه السخيف .. المها : ان شاءالله ببلغه .. بس تكفين نواري لاتزعلين ( وكملت بنبره سريعه ) ننزل نتغدا؟ نوره وهي تاخذ موبايلها وتطلع من الغرفه : مابي اتغدا انسدت نفسي من وجه اللوح .. اكتمت المها ضحكتها .. على شكل نوره المفوله حدها وعلى تعليقها على سعود .. وصلتها مها لحد باب الصاله وارجعت ركيض على غرفة سعود الي كان منسدح بثوبه وغترته وعقاله عالسرير وباين عليه التعب .. وقال تتصنع الغضب: شلون تدرعم علينا بدون ماتطق الباب سعود بتعب: مهوي اذلفي عن وجههي حدي تعبان ومالي خلق كلام : . : : . : في بيت حمد بن عبدالله ( ابو ساره ) كان سيف بالصاله ومعاه ساره الي جايبه كتالوجين وتشوف الفساتين فيهم تختار لها فستان لعرسها .. وسيف يشوف التلفزيون وحاس بضيق كبير .. سمعت ساره امها تناديها تركت الكتالوج وراحت لها بينما سيف .. خطرت بباله فكره وهو ياخذ تلفون ساره اخته ويفتح قائمة الاسماء ويطلع الاسم الي يبيه ويخزن الرقم بتلفونه .. ويرد تلفونها لمكانه مثل ماكان .. ويرد ينسدح على الكرسي من جديد وهو يتعبث بتلفونه ويكتب مسج .. ويرسله : : . . . : : : الليل الساعه 9 في سوق واقف كانوا الشباب الثلاث مجتمعين تاخذهم السوالف .. محمد : حياكم بكره العنه سعود : قدااام .. مع اني بروح انقهر وارد بس بروح ابتسم محمد: ليش تنقهر؟ سعود: لاني مب قادر انام هناك مع الشباب .. والا نسيت اني خلاص صرت اداوم محمد : يبه مانسيت .. ولاحق عالمبيت هناك الويك اند جاي بالطريق ابتسم سعود .. بينما محمد وقف سلمان: على وين حمود؟ محمد: بروح اخذ لاب توبي من المحل وبروح البيت بحط راسي وبنااام تراني ماوصل من امس سعود: نوم العوافي يالغالي .. راح محمد وكح سلمان بأحراج .. وهو يرمي النقبله على راس سعود بغيت اختك على سنة الله ورسوله؟ سعود الي كان يشرب ماي .. كح سلمان بأحراج : صحه صحه .. مادريت ياخي ان نسبي بيخلي ترتبك كذا ضحك سعود .. وقال : على عيني وراسي سلوووم .. وهذي الساعه المباركه .. ولو علي انا مستعد ازوجك اياها الحين بس لازم نشوف رايها سلمان بأحراج: اكييد اكييييد .. سعود: بس ماقلت لي الكبيره والا الصغيره؟ سلمان : الكبيره طبعا سعود بهدوء : لا عاااد الكبيره محجوره لسيف ولد عمي .. سلمان كح بأحراج وعقب قال: خلاص خلاص الصغيره .. ههههههه سعود بأبتسامه : على خير ان شاءالله .. برد لك خبر بعد يومين ثلاث ان شاءالله سلمان : الوقت كله لكم يابوعبدالعزيز : : . : : : . اليوم الثاني الصبح الساعه 10 في جامعة قطر – مبنى العلوم كانوا المها ونوره بستار بوكس المها: ها بشري شسويتي فالامتحان؟ نوره : اوووف كان شوي صعب بس الحمدلله ان شاءالله بنجح وافتك من هالماده الدسمه المها: عقبااالي نوره : مهاااوي ردي معاي اليوم المها : لاوين امي بتجيني .. نوره : شنووو كلميها قولي لها لاتجي .. خلاص ترجعين معاي البيت جنب البيت ( غمزت لها ) مالج عذر ابتسمت المها واتصلت في امها وبلغتها انها بترد مع نوره ... وبعد نص ساعه نوره ومها يتوجهون لسيارة نوره على اساس ان الدريول والخدامه بيجون نوره لانها ماتغطى اصلا انتبهت لناصر اخوها الي كان لابسه نظارته الشمسيه وكاشخ بثوب وغتره وعقال .. وتوه طالع من جامعة البنين وقال بيمر نوره وهو راد البيت .. وواضح عليه انه متملل ! اما المها لانها كانت متغطيه ماانتبهت للشخص الي يسوق اركبت السياره ورا الي يسوق ونزلت الغطوه وهي تقول بملل : اوووف هوا طيرنا ناصر من سمع حس وحده ثانيه غير نوره اخته .. تيبس مكانه اما نوره اركبت وهي عاضه على شفايفها لانها تعرف بتلقى تهزيئه محترمه من المها .. المها ارفعت عينها بدون قصد للمنظره .. وشافت رجال بثوب وغتره وعقال .. ونظارات شمسيه انحرجتتتتت وتمت تسب نوره في خاطرها وهي ترد غطوتها على وجهها .. لآآتحرموني من ردودكم وتوقعآآتكم ~ آختكم { زآآهي آلكحل ~ |
السلام عليكم
هلا نووووووووف مشكووره على التزاامتس معاناا بالجرعاات في وقتهاا ..بس تدرين ماصار المضااد ينفع مرتين يقول الطبيب لو تاخذونه ثلاث مراات باليوم يكون احسن ..واذا خذتوا الجرعات كلهاا مرة وحده تطيبون على طووووووووووووول >>فيس متحمس يبغى يقرأ القصه مره وحده خخخخخخخخخ ماقهرني الا هالحمد زوج نوف ..ياخي اذا ماتبيهاا ليش مخليهاا على ذمتك ؟؟؟ رحمتهاا هالنوف قطعت قلبي وهي تتميلح لزوجهاا جعله الماحي على قولة نسوووووم >>فيس بيجيب كل شخصياات القصص اللي قراهاا هههههه والا هالسلماان من وين طلع لنااا ..انا حاطه ببالي مهاا لنااصر اخو نوره ..احساسي ان هالقصه ماراح تعدي على خييييييييييييير .. سعود ..مااااااااااااااااااالومك دام جدك قطع كل السبل في وجهك .. ساااااره ..انثبري وكلي ترااب ياقليلة الحياا الحين انتي بذمة رجاال وجاايه بكل قواة عين تقولين انا احبك ياسعود ..اصلا لو هو يحبتس كرهتس عقب هالكلاااام .. نووووووووووووووف مشكوووره على جودة النقل ..بانتظاار باقي الجرعاات .. |
اقتباس:
يامرحبا قمور وتكرم عيوووون عيونك بعد ماطلبتي تبون ثلاث جرعات نخليها ثلاث اما عاد تشربونه مرة وحد فاسمحي لي اخاف يصير لكم شي وين ذا الطبيب خل نبلغ عنه وزارة الصحه ونعلمه ان ارواح الناس مو لعبه (فيس عاش الدور بقوووووووووه) حمد ونوف هذولا لهم قصه من نوع ثاني انتظريهم بالقادم ههههههههههههه ياذا النسوم فديت الطاري والله الحماس ذابحني من بعد الشورت والفسفوري ودقت العود النشاز خخخخخخخخخخخخخخخخ سارا اوافقك على رئيك فيها دام الجرءه ذابحتها ليه ماتكلمت من قبل صراحه ابد ماعجبني تصرفها اللي لايمت للاحترام بصله العفو يالغلا ماسويت شئ يالغلا كوني دائما هنا وربي طلتك لها فرحه بالوجدان قل مثيلها |
مرحبا باغلا اعضاء
من بكره باذن المولى ننزل ثلاث اجزاء باليوم بس الله الله بالردود محبتكم نوف آلـ ج ــزء آلـ ث ــآمن ~ ~ مرت دقايق صمت في سيارة ناصر نوره خايفه من رد فعل المهـا ! شممكن تسوي اكيد بتعصب علي .. آآآوف والله اني مادريت ان هالعله هو الي بيجي .. ناصر كان في عالم جميل يحس بشعور لذييذ مع انه كان متملل شوي .. قبل مايركبون البنات معاه السياره ولانه عاااارف كالعاده بيصير بينه وبين نوره اخته مشادات كلاميه ! فكان حاس بملل وضيقه ولما اركبوا البنات .. وسمع حسها حس بفرحه تغمره اتسعت ابتسامته وهو متيبس مكانه وده يلتفت لورا يشوفها ! لكنه كان يحاول يصير راكد , وثقيـل قدامها ولانه عارف نوره اخته ممكن تفشله وهو مب ناقص يتفشل قدام المهـا وراه كانت المها ملتزمه الصمت وهي شوي وتموت من الاحراج .. " حسبيييي الله عليج يانوره , الي عاد يصدقج " وفجأه !!!! تذكرت المها سعود اخوها " آآآآآآآخ لو يشوفني شبيسوي فيني والله يقطعني تقطيييييع اذا الجاااااازي ومع سيف ولد عمي كفخها لين قالت بس انا شبيسوي فيني ؟؟؟؟؟ " حست المها بخوف كبير وهي تدعي طول الطريق انهم مايصادفون سعود وهي تنزل من سيارة ناصر والحمدلله .. وصلوا البيت ونزلت المها وعلى طوووول على بيتهم بدون ماتلتفت لنوره وناصر الي قدام بسيارته ودخل لبيتهم وهو مستغرب شفيها !! : : . : . . . : : في نفس الوقت في شركة الجد بوعبدالرحمن وتحديدا في مكتب سيف .. كان متملل وبنفس الوقت متضايق من ارسل المسج .. وهو كان ينتظر رد منها ! لكنه مافي رد .. حط ذراعه عالمكتب واسند راسه عليه , حاس بصداع شديد من كثر التفكير وقلة النوم في اليومين الي طافوا حتى الاكل ماصار يشتهيه .. وصله صوت عبدالله اخوه الي قعد عالكرسي وهو يقول بخوف: سيوف فيك شي؟ رفع سيف وجهه لعبدالله اخوه وقال: لا بس مانمت عدل البارح عبدالله: ليش؟ سيف: بس ارق .. ( وكمل بنبره هاديه ) شعندك جاي وانت الي ماتطلع من مكتبك وحضرتك تعاتبني ذاك اليوم اني اطلع زيارات من مكتبي والهي الموظفين عن اشغالهم ( ورفع حاجب واحد وهو يشوف عبدالله بنظره ) عبدالله بعياره : شفتك مامريتني قلت امرك اشوف اخوي فيه شي؟؟؟ مب عادته مايسوي زياراته اليوميه ضحك سيف وقال: والحين تطمنت علي؟ عبدالله : لا .. قوم استأذن ورد البيت ارقد .. شوف عيونك شلون حمممر سيف وهو يقوم من عالمكتب: وهذا الي بسويه اصلا .. : : . . . : في الدفنه تحديدا بيت سعود العصر سعود بغرفة المها الي كانت تمشط شعرها وسعود قاعد على الكرسي الي بالزاويه .. سعود بنبره هاديه : في واحد متقدم لج التفت المها بسرعه لجهة سعود .. وقالت بأستنكار: شنو؟ سعودبنظره ثاقبه : في واااحد متقدم لج المها بتوتر : من؟ سعود بهدوء : سلمان خويي .. وحاب يعرف رايج عشان يعطي اهله خبر في حال موافقتج .. وقبل ماتفكرين بالموضوع ابي اقولج ان سلمان خوش رجال والنعم فيه مصلي وصايم .. واخلاقه الكل يشيد فيها .. ويشتغل في جهه حكوميه ومب عشانه رفيقي اقول هالكلام لاتنسين انج اختي ومصلحتج تهمني ماراح اوافق على واحد مايستاهلج سلمان الف واحد يتمناه يناسبه ! ( وقف سعود وهو يكمل كلامه قبل مايطلع ) فكري بالموضوع زيين وردي لي خبر بعد يومين .. طلع سعود وسكر الباب وراه بينما مها نزلت المشط الي بيدها .. ولمت شعرها بكلبس وقعدت على سرريرها تفكر بكلام سعود .. وهي حاسه بشعور غريب .. في نفس البيت في غرفه ثانيه الجازي بغرفتها ترتبها ولما تعبت من الترتيب انسدحت على سريرها واخذت موبايلها ولقت 5 مسجات و3 اتصالات الاتصالات كانت وحده من امها واتصالين من زميلاتها سابقا بالشغل والمسجات .. 1 من رقم غريب .. ومميز والباقي من ربعها .. فتحت المسج الي من رغم غريب تشوفه ( مادريت .. ؟ البارحة عنّك سألت ! كل الأغاني .. والسنين ..كل الأماني .. والحنين ..حتى الزوايا .. ف/بيتنا ..وأوراق عاشت بك .. آنين .. مادريت .. ؟ كلهم بكوا ( كلهم ) عن ايامك حكوا .. عن كيف .. كنا مع بعض ..عن كيف .. كنا نجتمع .. .......................................عن ضحكنا .. * ..................................عن فرحنا ................................... عن نظراتنا ............................. عن سوالفنا آلبيت بدونكم صآير كنه بيت آشبآح ) استغربت الجازي من هالشخص الي مرسل المسج؟ هذا يعرف ان احنا انتقلنا .. والجازي ماعندها ربع مقربين لدرجة انهم يعرفون كل تحركاتها ! معقوله ساره؟؟؟ لالالا اصلا ساروه رقمها مخزن عندي وحتى لو هي اكيد بتقول لي انها طلعت رقم جديد هذا حد يعرفنا اكيد اكيد والا ليش كاتبين البيت بدونا بيت اشباح ... خل اشوف متى جايني المسج فتحت تفاصيل الرساله وشافت الوقت والتاريخ يدل على ان الرساله واصلتها من امس وهي ماشافتها !! استغربت الجازي وحطت تلفونها عالكومدينا , وطلعت تقعد مع اهلها ( بدون ماتحط في بالها ان هالشخص ممكن يكون سيف ! ) : . : : . : : . في نفس الوقت في بيت عبدالرحمن ( بوحمد زوج نوف ) كانت ام حمد بالصاله التحتيه عندها قهوتها وفوالتها .. لمحت حمد الي ينزل الدرج وحب راس امه وقعد جنبها يتقهوى معاها .. ام حمد وهي تحط كفها على كف حمد بحنان : يمه وين نوف؟ حمد : بالغرفه .. عندها اوراق عمل للطلاب لازم تجهزهم لبكره وقاعده تشتغل عليهم ام حمد : الله يعطيها الصحه والعافيه .. الا ماقلت لي ياولدي متى بتجيبون لي وليد العب عليه ابتسم حمد وقال: قريب ان شاءالله ام حمد ببراءه: لين متى قريب يمه .. اقول حق نوف ذيك المره تقول انتوا متفقين ماتبون عيال الحين .. ياولدي اذا انتوا اثنينكم سليمين هذي نعمة من رب العالمين ليش تأجلونها؟ كح حمد بأحراج .. وكسرت خاطره نوف الي اختلقت هالكذبه من عندها .. وقال : يمه قلت لج قريب ان شاءالله : : . . . . : ومن جهه ثانيه في بيت بوعبدالله ( ابو ساره ) كان عبدالله وامه وسيف وساره بالصاله عبدالله : يمه خلاص دام ان نور بتخرج هالكورس انا خلاص ابي احدد عرسي ام عبدالله بفرحه : هذي الساعه المباركه ياوليدي .. من بكره بدور على القاعات وبشوف لك خوش قاعه تسوي فيها عرسك عبدالله بأحراج : يمه شوفي نور تبي أي قاعه سيف بعياره : والله وجابوا راسك يابوعااابد عبدالله التفت لسيف وعطاه نظره .. وعقب قال بعياره : فدااااهااا بنت الخال .. ترى حتى بنت العم تجيب الراااس وابووووه ( وغمز له ) كح سيف بأحراج وقال بعياااره : فدااااااها بنت العم اضحكت ساره على خبال اخوانها .. وقالت : الله يعين نور والجازي عليكم التفت لها سيف بنص عين وقال: الله يعين حمد عليج انتي والله .. التفت عبدالله لأمه وكمل : ترى ابي العرس قريييييييب يمه .. يعني حدكم ححدكم شهرين ! ام عبدالله بذهول: شنو شهرييييين انت بعد .. الحين احنا مشتطين مع عرس ساره تقول لي شهرين لا حبيبي بعد 3 شهور اقل شي عبدالله مبقق عيونه : الله يمه .. شنو 3 شهور حرااام عليج ام عبدالله بأصرار: كيفففك .. شنو ماتبوني ارتاح انا بعد سيف وهو مبتسم ابتسامه عريضه : ترى حتى انا بتزوج يمه .. التفت ام عبدالله لسيف وهي مبققه عيونها فيه بصدمه ... وسيف كمل بنفس الابتسامه العريضه: اييي اييي لاتطالعيني كذا ... شنو يعني تزوجين عبود وبناااتج .. وانا سيووفج تبيني اتم اعزوبي؟؟؟ ام عبدالله وهي تحط يدها على راسها : الله واكبر عليك .. متى قلت بخليك تم اعزوبي؟ سيف : شوفي شلون طالعتيني يوم قلت بتزوج كني قايل اني بسوي جريمه ام عبدالله: هالولد العياااار ... بتزوج بس انطر سنه شهق سيف ووقف : شنوووووووووووووو سنننننننننننه؟؟؟؟؟؟ ام عبدالله: شفيكم ياعيال حمد هبيتوا بالعرس مره وحده .. ترى العرس مصاريف سيف: وانا حاضر ادفع لج كل المصاريف ام عبدالله : وغير المصاريف بلاوي ثانيه .. حجوازات ومراكض يمين وشمال وانتوا شعليكم بتجون بارده مبرده تقعدون عالكوشه مع حريمكم سيف بأبتسااامه عريضضضضه : بلاها المراكض والحجوزات .. انا واحد قنوع جدا سووا عشا للحريم وعشا للرجال واخذ عروستي ونسافر .. شفتي شلون انا قنوع يمه؟؟ عبدالله الي اعجبته الفكره قال يأيد سيف: أي والله بلاها الشكليات والخساير يمه ام عبدالله بذهول من تفكير عيالها : لالا مصختوها .. ماعندي الا انتوا الاثنين خلوني افرح بأعراسكم واجهز لها عبدالله الي طرت على باله فكره قال : عجل زوجينا بليله وحده سيف وهو يحب خشم اخوه قال: انا اشهد انك ذيييب .. تحريبها ياولد شهالفكره الجهنميه ساره الي كانت تتابع هالنقاش .. وتضحك على اخوانها وحركاتهم ام عبدالله وهي تقوم : بنشوف ... : : . . . : : فالدفنه بيت بوصالح نوره بالصاله التحتيه منسدحه عالكرسي ومندمجه مع التلفزيون فالحقيقه ماكانت مندمجه بشكل حقيقي لأن عينها كانت عالتلفزيون لكن عقلها كان سارح بعالم ثاني وهي حاسه بالخجل من موقفها البايخ مع سعود وشلون تجرأت وردت عليه بوقاحه .. وشلون هو كان وقح بأسلوبه معاها وهالشي الي خلاها تنرفز وفجأه !!!! نقزت وهي تقعد عالكرسي .. لما وصلها صوت صالح العالي : نورووووووووووه ووجع نوره وهي ترتب شعرها الي لما نقزت غطا وجهها وهي تقول بغضب: نعم .. خيييييير شفيك بطيت طبلة اذني؟؟؟ ماتعرف تكلم بصوت واطي كله صراااخ صالح وهو كاتم ضحكته على شكل نوره لما تخرعت : والله صار لي 5 دقايق اناديج وانتي حضرتج سافهتني نوره الي انحرجت لكن مابينت له .. تكتفت وهي تتصنع الغضب : خير شعندك صالح وهو يبتسم ابتسااامه عريييضه : قووومي البسي عبايتج وشيلتج بروح مشوار واحتاجج معاي نوره تحب هالاوامر .. لانها هنا تحب تستخدم اسلوب التذليل قالت وهي تلعب بخصلها من شعرها بأطراف اصابعه : آآآآمممم اول شي شنو هالامشوار؟؟ وليش محتاجني فيه؟ صالح : انتي قومي اجهزي وبعدين اقولج .. تكفين مافي وقت نوره وهي تحوس شفايفها يمين ويسار وتكمل بنفس الاسلوب : اول اعرف شنو هالمشوار الي لازم نخلصه بسرعه؟ صالح بقلة صبر: لاحول ولا قوة الا بالله ... قومي البسي بنروح نشتري هديه حق لطيفه .. ارتحتتي؟؟؟؟ يلا قومي اخلصي علي نوره الي اتسعت ابتسامتها الخبيثه: شنوووو تشتري حق السباله لطوووف .. وانا اروح معاك ببلاش؟؟؟ صالح الي فهم قصدها .. نفخ بقلة صبر وقال: بنشتري لج شي بعد امري ... ( كمل بنبرة ترجي ) يلا نوووره لاتأخريني نوره وهي تحط رجل على رجل : صبر للحين ماخلص الاتفااق .. تشتري لي بنفس ثمن الهديه الي بتشتريها حق لطوف صالح بأستنكار : نعم نعععععم .. ليش ليكون زوجتي وانا مادري؟ نوره وهي تلعب بشعرها : لا اختك .. ( وكملت وهي تقرب من صالح ) وبعد لاتنسى اني بروح وبخليك تختار على ذوقي صالح وهو يجاريها : أي اوكي اوكي .. يلا انا انطرج بالسياره طلع صالح وطيران نوره على غرفتها وابتسامه كبيره مرسومه على وجهها وبالطريق صادفت امها الي تطلع من غرفتها وهي تلبس عبايتها نوره وهي توقف : على ويييييين يمه؟؟ ام صالح: بروح عند ام سعود شوي وبجي .. بتجين؟ نوره : والله ودي بس ماقدر عندي مشوار مع ولدج المبجل صلووح ام صالح وهي تنزل الدرج بحذر: الله يحفظكم : : . : : . في مجلس الجد بوعبدالرحمن كان بوعبدالرحمن وعياله بوعبدالله ( ابو ساره ) وعبدالرحمن ( ابو حمد زوج نوف ) ومعاهم رجال من معارفهم .. وسيف بزاويه شوي بعيده عنهم وبيده تلفونه يتعبث فيه .. تذكر المسج الي طرشه للجازي .. مرت عليه اكثر 24 ساعه ماردت معقوله ماشافته؟؟؟ ويمكن شافته بس مااهتمت او ماتبي ترد ... اتسعت ابتسامة سيف بحب وهو يقول في خاطرها فدييييتها يانااس فتح رساله جديده وكتب مسج ( الجازي انا سيف اقدر اكلمج اليوم فليل؟ ) وارسله .. : . . . : الساعه 7 العشاء في الدوحه الكورنيش الغربي المكان المعروف بهدووءه كانت ايديهم متشابكه ببعض وهم يمشون على اطراف السيف وبررررد حلو ويتبادلون الهمسات وكلمات الحب مابينهم خجل فاطمه من عبارات حمد الرومانسيه والغزليه ومشاعر حمد المتدفقه بكل حب لهالمخلوقه الي معاه الي تحمل بأحشاءها ولده .. من جهه ثانيه قريب من هالمكان سيارة عبدالله ( اخو ساره ) ومعاه نور خطيبته ( طبعا هم متملكين ) بعد اصرار عبدالله الغريب ومحاولته مع اهله وبيت خاله ( اهل نور ) في انه يطلب من نور تطلع معاه ولو لساعه عالاقل حاب انه يتعرف عليها اكثر ويحتفظ بصورتها في باله لانه ماراح يقدر يشوفها عقب الا ليلة عرسهم وافقوا اهله بعد توصيات وتوصيات شديده واهل نور .. الي سمحوا لها تطلع مع ولد عمتها وزوجها بس بمرافقة اخوها فهد الي عمره 14 سنه وقف سيارة عبدالله قريب الكورنيش الغربي ونزلوا فهد ابتعد شوي عن عبدالله ونور عشان ياخذون راحتهم بالكلام ونور وعبدالله تموا قريب من السياره عبدالله بعياره: مابغى يخلينا اخوج شوي عللللللله كاتم علي نور بدلعها المعتاد : لاتقول عن اخوي عله عبدالله بعياره اكبر : الا عللله وعله وعلللله .. شوفي اهلج مطرشينه معانا مب عشان شي عشان يعد لنا الوقت .. ولا اختاروا الا هالفهود دقيق في كل شي نور وهي تضحك برقه وتقول بدلع : عبدالله .. ترى مارضى على اخوي عبدالله بحالميه .. : خليييييييه يولي .. وتكفين قولي اسمي مره ثانيه نور بخجل كبير : عبدالله .. عبدالله بحب : مااادري اشق ثوووبي .. والا اروح اطب فالبحر , ياااااااااخي عليج صوت يذوب صخر استحت نور ونزلت نظرها للارض بخجل .. واستمروا في كلامهم العذب وفهد لاهي بتلفونه على طرف وحمد وفاطمه مكملين مشيهم وايديهم الثنتين مشبوكه ببعض وماخذتهم السوالف والتعليقات على بعض .. بينما حمد كان مدمج في ضحكه رفع راسها لاا اراديا ولما ارفعه شاف سياره وعندها شخصين .. وواحد بروحه ارتبك !!! كان المكان شبه ظلام الا من اضاءات الابراج البعيده الخفيفه ! لان حمد مطفي ليت سيارته وعبدالله نفس الشي ... فلما حاول حمد يركز عرف هيئة عبدالله وطاااح قلبه في رجله شد على قبضة فاطمه وهو يقول لها بحزم : بسررررعه روحي السياره فاطمه بخوف: ليش؟ حمد التفت عليها بغضب: اقولج بسرعه روحي السياره وبعدين اقولج ... راحت فاطمه بخوف للسياره وحمد قعد عالسيف ( اونه ماشاف عبدالله ! ) بينما عبدالله ماانتبه له لانه مايبي يشوف غير نور ولاحتى نور الي ذوبها عبدالله بكلامه .. وغزله وخلاها تنسى كل شي حولها وتحوم بعالم خاص لها هي وعبدالله وبس .. لكن الشخص الي انتبه لحمد بروحه بس بدون ماينتبه لفاطمه ! لانه لما شاف حمد كان بعد ماراحت فاطمه للسياره كان فهد الي وقف وراح يقرب من عبدالله ونور عبدالله لما لمح فهد جاي صوب قال بضيق: جاااج العداد .. تلقينه شطب نص الوقت عشان يخرب علينا ضحكت نور من الخاطر على عبدالله .. وهي تلتفت لفهد الي لما قرب قال : عبدالله في واحد هناك ( واشر مكان حمد ) توني الحين انتبه له خلونا نغير مكانا .. يمكن يشوف نور والا شي عبدالله وهو يتلتف للناحيه الي اشر عليها فهد .. وقال : شنوو؟ احنا من اول مانزلنا ماكان في حد هو الي جا عقبنا هو الي يروح .. انا بروح اقوله يروح وبرجع لكم نور بخوف على عبدالله: لالا عبدالله خله .. عبدالله : بكلمه بس مب متهاوش معاه والا شي ... قرب عبدالله وقال بهدوء: يالطيب التفت حمد وسوا نفسه مبهور وهو يقول: اووه عبووود عبدالله وهو يضحك: حمد ههههه شخبارك حمد: وهو ينفض التراب عن ثوبه ويسلم على عبدالله : هلا والله ببوحمد بخير يسرك الحال.. انت بشرني عنك عبدالله: بخير الحمدلله .. شتسوي هناك؟ حمد ارتبك وقال : بس متملل جيت اشم هوا .. وانت؟ عبدالله بهدوء: مثلك هههه بس جايب معاي الاهل حمد بأحراج: عجل شكلي خربت عليكم .. انا بروح عبدالله بعياره : زين فهمت .. انا كنت جاي اقولك اصلا ضحك حمد وهو يبتعد عن عبدالله وعبدالله رد لنور وفهد : : . . . : : في نفس الوقت من جهه ثانيه بيت سعود وتحديدا بالمطبخ كانت الجازي بتسوي شاي ولما وصلها صوت المسج .. فتحت تلفونها تشوف من من وارتبكت لما شافت الرقم المميز الي جاها منه مسج امس !! فتحت المسج وانصدمت لما شافت الي كتبه سيف ! مشى بجسدها شعور غريب غرييييب مزيج بين الحب والخوف حب لانها عرفت قدرها عند سيف الي فقد وجودها حتى لو ماكان هو يشوفها بشكل يومي ! وخوف شلون اخذ الرقم؟ وليش يبي يكلمها فليل؟؟؟ والاهم لو احد درى بهالشي؟ شراح يصير لها ؟؟؟؟؟؟؟ بذلت جهد قوي وهي تضغط حرفين بس ! ( لا ) وارسلت المسج وايديها ترتجف وهي حاضنه التلفون ادري ان هالكلمه بتجرحك ياسيف بس ماقدر اكلمك .. انا خايفه من العواقب : : . . . : نرجع لسيف بمجلس جده بعد ماارسل المسج للجازي .. رد التلفون في جيبه واخذ الريموت وقعد يفرفر بالقنوات بملل .. وصار محد بالمجلس غيره هو وابوه الي كان مشغول بمكالمه خارجيه مهمه وبعد دقايق يوصله مسج اخذ تلفونه وهو يقول في خاطرها ياااارب يكون المسج من الجازي فتح التلفون وهو متيقن بأنه لو كان المسج من الجازي فهي اكيد بتوافق على انها تكلمه !! ولكنه انصدم لالا انصــــعــــق ! وهو يشوف الرد الي اطعنه بجوفه بكل وحشيه .. والم انخلع قلبه من مكانه لالا هذي اكيد مب الجازي الي ردت اكيد مهوي اعرف سوالفها .. مستحيل يكون هذا رد الجازي كتب مسج ثاني ( مهوي يالبزر ردي التلفون للجازي ابي اعرف ردها مب ردج يالملقوفه ) وارسله وعينه على شاشة التلفون ينتظر الرد الحيـــن !! دقابق ويوصله المسج ( انا الجازي وانا الي رديت عليك ) انصدم سيف .. معقـــوووله !! كتب لها ( انتي بكامل قواج العقليه؟ ) ردت الجازي بسرعه ( أي نعم انت ماتحل لي عشان اكلمك ووش تبيني اقول اذا دروا اهلي ؟ ) رد سيف بقهر ( ماراح يدروون ) ووصله مسجها الي نحره ( حتى ولو مابي استغفل اهلي ) رص سيف بيده بقوه عالتلفون وده لو يكسره ! قال وهو حده معصب : هييييين ياجويزي والتفت على ابوه الي انهى مكالمته ويقرا ملف بيده .. : يبـــــــه : : . : : . بالحياة بلازا عند صالح ونوره اطلعوا اثنينهم من باريس جاليري بكيستين من الحجم الكبير وحده هديه للطيفه .. والثاني هدية نوره الي اخذتها بالقوه لان صالح كان مخطط انه يلعب على نوره وياخذ لها شي بسيط وعادي لكنها حطته اما الامر الواقع واطلبت مثل ماطلبت للطيفه كان عباره عن ساعه من كفالي مع اسوارتها .. نيو كوليكشن وهالشي الي خلا صالح ينفجع بحركتها البايخه وماكان يقدر يرجعها لان المكان كالعاده زحمه وزحمه عند الكاشير .. طلع بطاقته الفيزا وهو يشوف نوره بنظرات .. عشان يدفع وخلاها تشيل الكيسين عقابا لها وقال وهو يوقف عند الباب : انثبري هنا .. بقرب السياره .. وبجي وقفت نوره تنتظر صالح يقرب سيارته عند الباب .. في نفس هاللحظات سعود يطلع من محل نظارات قطر متوجه للباب بيطلع من المجمع .. لمح وحده واقفه وعندها كيستين كبار لباريس جاليري بس مااهتم ولما صار قريب من الباب .. مايدري ليش التفت عشان يشوفها !!!!!! شعور خلاه يلتفت .. وانصدم لما شافها وارتسمت ابتسامه حلوه على محياه بعد ماقرب خطوتين وترك مسافه شبه كبيره بينهم وهو يقول: حد معاج؟ نوره لما شافته كشرت بوجهها ولفت للجهه الثانيه وقالت بخياس نفس : أي سعود مايحب اسلوبها فالكلام معاه .. رغم ان ماصار بينهم حوارات عشان يقيم اسلوبها لكن هالمواقف والاحتكاكات البسيطه بينهم كفيله في انها تعرفه على اسلوبها معاه !!!! تضايق من اسلوبها لكن في مكان عام .. ماحب انه يمصخها تراجع خطوتين ووقف عند كوشك قريب بحيث انه يكون مع نوره .. لانه ماحب يتركها بروحها عند الباب قدام الرايح والجاي ونوره الي مااهتمت له على بالها انه راح .. لمحت سيارة صالح توقف قدام الباب شلت الاكياس وطلعت ولما انتبه لها سعود .. طلع وراها ولما شاف صالح ارتاح .. وقال في خاطره: هذا شلون يخليها توقف بروحها هنا؟؟؟ وحده مثل القمر واقفه هنا عند الباب الرايح والجاي يشوفها يخليها !!!! ابتسم سعود على تشبيهه وكمل في خاطره ماكذبت والله انها مزيونه .. هذي حرام مايخلونها تغطى غصب تجذب عيون الناس لها ... قرب من صالح الي نزل له وسلموا على بعض وبعدها سعود راح لسيارته وصالح حرك بسيارته رادين للبيت : : . : : : : نرجع للدفنه بيت سعود المها تدور بغرفتها تعبت من التفكير تحس بخوف .. قالت لازم افض فض اطلع شوي يمكن ارتاح !! مافي الا الجازي طلعت من غرفتها وعلى طول على غرفة الجازي وطقت الباب ولما سمحت لها الجازي الي ماكان لها خلق تقابل احد دخلت .. وهي تبتسم الجازي وهي تسكر المجله الي بيدها وتحذفها على جنب : هلا مهوي المها وهي تسحب كرسي التسريحه وتقعد عليه : جزوي ابي اقولج عن موضوع موترني .. ومسبب لي قلق الجازي بأهتمام: خير؟ المها بتوتر ممزوج لخجل: في واحد متقدم لي من اخويا سعود اخوي الجازي الي في هاللحظه نست كل الضيقه ولاشعوريا نطت قريب من المها واحضنت ايديه بيدها وهي تصرخ بهستيريه : احلللفييي؟؟؟ تكفين مهوي ليكون تكذبين علي؟ المها الي ماتوقعت ردة فعل الجازي قالت بخوف: والله ليش اكذب عليج .. اقعدي خليني اكمل لج الجازي وهي تقعد : اسمحي لي مهاوي والله انفعلت مع الموضوع هههه فرحت لج ... كملي ! المها : بس اانا خايفه جزوي الجازي: من شنو ؟ المها: مادري يعني حاسه بضيقه كل ماافكر بالموضوع .. ومرات اقول توني صغيره الجازي: اعتقد هذا شعور طبيعي وجملتج الي قلتيها هذي كل وحده مستعده للزواج تقولها ( قالت جملتها وهي ترقص حواجبها وكملت ) بعدين عندج الي ابرك مني الله سبحانه وتعالى استخيري والي الله كاتبه لج بيصير المها : اذا متضايقه من الموضوع اعتقد واضح مايحتاج استخير ضربتها الجازي بالخفيف: هي انتي استغفري ربج .. حبيبتي ماتدرين هالشعور عشان شنو استخيري ماراح تخسرين شي والله يوفقج : : . . : : : نرجع لسيف الغاضب من تصرف الجازي الغير متوقع معاه والي ماحسب له حساب قال وهو يلتفت لأبوه : يبــه بوعبدالله : لبيه سيف بأحترام: لبيت حاج طال عمرك .. ( وكمل بأحراج ) يبه انا ... انا بغيت اتقدم للجازي بنت عمي بشكل رسمي بوعبدالله نزل الملف الي بيده والتفت لسيف بفرحه : صدق الي تقوله ياسيف سيف اتسعت ابتسامته: وهذا موضوع فيه مزح يبه الله يهداك بوعبدالله بفرحه كبيره : هذي الساعه المباركه يابوك سيف بأبتسامه اكبر : نخطبها رسمي بكره؟ ضحك بوعبدالله على ولده وقال : بلاك مستعجل يابوك؟ البنت مهب طايره وهي لك .. بس انا ذا اليومين مسافر دبي عشان المشروع الجديد ولما اجي ابشر بسعدك ابتسم سيف بود مع ان كان وده يتقدم لها عشان يكمل مخططه .. لكن الخطوه الاولى فشلت معليه ياجويزي شكلج ماتعرفين سيف عدل ! : : . . . . : في قسم حمد ونوف تأنقت نوف كعادتها ولكن في الفتره الاخيره صارت تأنق بشكل أكبر ومثير أكثر .. ومشت من قدام حمد متوجهه للكرسي الثاني تقعد عليه .. لمحها حمد الي من اول مايشوفها بهالشكل يحس بشعور غريب لكن مستحييييل يبين لها شي ! وهو بنفسه مستحيل يعترف حتى لنفسه ان مشاعره صارت تتحرك من يشوفها وهي مثيره من تقرب ناحيته بغنج .. ومن حتى ملامسة يدها ليده ! قعدت نوف عالكرسي وعقب وقفت بخفه بعد ماتذكرت انها لازم تكون قريب منه وقعدت عالكرسي جنبه .. جنبه بالضبط وحضنت ذراعه واسندت راسها على كتفه .. هالحركه حمد يحبها لما كانت فاطمه تسويها وانصدم ان نوف بنفسها تسوي هالحركه ؟؟؟ نشوف تاليتج يانوف نوف حست بتصلب يده بين احضانها لكنها مابينت له قالت بكل دلع : تسمح لي بكره الصبح اروح مع ساره اختي السوق؟ حمد بأنفعالات مغلفه بالهدوء : حدج ساعتين وترجعين .. تعرفيني انا ماحب دوارة الحريم بالسوق نوف وهي تطبع بوسه على كتفه بخفه : تسلم لي يالغالي في نفس اللحظه الي نوف طبعت بوستها على كتفه .. حمد حس بشعور غريييييييييييب غريب جدا .. صار ماعاد يستحمل اكثر ! انتزع يده منها .. وقال عشان مايتهور ويضمها شهالحركات الي تسوينها ؟ وقف وهو يتلفت يشوف وين حذف غترته سحبها ورماها على كتفه وطلع وشياطين الدنيا كله متركزه فوق راسه صار ماعاد يستحمل وجودها معاه كأنثى بمعنى الكلمه ! بدلعها بلبسها حتى بحركتها فالمكان صار يتعبه وبعد مارسم شخصيته معاها بكل جديه مستحيل يتراجع .. كان منخجل حتى من نفسه شلون بيرجع ويضمها ويعاملها كزوجه عقب هالفتره ! رغم ان الفتره بينهم مب طويله مجرد سنه ونص من تزوجوا ! ركب سيارته وطلع يدور ... بينما نوف المصدومه المجروحـــه لأبعد حد ! كانت في مكانها مذهوله شسويت انا عشان يعصب كذأ؟ عشان بوسه؟ لالا حمد مب طبيعي وانا تعبت معاه ... وليش تستسلمين؟؟ انتي اصريتي الا تذوبين قالب الثلج استمري !! يمكن بدا يذوب !! وقفت نوف وراحت سبحت ولبست بيجامه حريريه بنفسجيه نشفت شعرها وارفعت غطا اللحاف ونامت ماتبي تشوف حمد ! : : . . . : : في نفس الوقت من جهه ثانيه في الدفنه وتحديدا بيت سعود كانت المها بغرفتها تعبت من التفكير في هالموضوع الي اتعبها وموترها لأخر حد قررت في نفسها انا تعبت من التفكير وصليت الاستخاره .. وبعد مازلت افكر بنفس التوتر ليش اعور راسي؟؟؟ انا بقول لسعود اني مب مرتاحه وماله نصيب عندنا .. نطت على سريرها وسحبت غطا اللحاف عليها واستسلمت للنوم .. والجازي من جهه ثانيه بغرفتها على سريرها مسنده ظهرها لراس السرير ومغطيه رجولها باللحاف .. وتلفونهـا بيدها والندم يحاوطها بعنف ! وهي تشوف مسجات سيف واستغرابه منها ومن ردة فعلها .. وحز فخاطرها اكيد كنت قاسيه معاه شبيقول عني اكيد بيقول هذي ماتحبني ولو تبحني ماردت طلبي هذا يمكن كان يبي يقول لي شي مهم؟؟ وهالشي الي خلاها يطلب رقمي ويطلب يكلمني؟؟؟ اكيد .. اكيد يبي يقول شي مهم لان لو بيلعب بيتصل بدون مايرسل لي مسج يستأذني؟؟ آآآخ راسي عورني شسويت انا ؟؟؟ شكلي تسرعت بالرد عليه وانا يعني ماصرت حكيمة زماني الا فاللحظه الي سيف احتاجني فيها ياربي شسوي شسوووي شلون اعتذر منه اكيد الحين زعلان علي .. اتصل له؟؟؟ بكره جمعه واجازه وخيـر اكيد بيكون قاعد .. والا لالالالا .. فشيله اتصل له الحين حتى لو اجازه يمكن يكون نايم ! خل ابعث له مسج حتى المسج لا .. اخاف يفهمني غلط شسوي شـسووي ياارب .. اتصل له والي فيها فيها ضغطت على اسم سيف جــاري الاتصـــال وقبل ماتسكر الخط وصلها صوته الثقيل .. مشبع بالنوم آلــــووو لآآتحرموني من ردودكم وتوقعآآتكم ~ آختكم { زآآهي آلكحل ~ |
اولا تقبلي تواجدي في هذه الرائعه,,,, حبيت أطلع من قوقعة الصمت وأعبر عن هذا الابداع’’’’وحبيت بعد أشارك ببعض التوقعات الصغيره’’’والللي حكمني القهر فيها,,,, نبـــــــــــــــــــــــــدأ,,,, حمد(النذل)و نوف(الفاغره):السؤال أولا هل حمد يعرف ان زوجاته صاحبات أو لا,,,ان كان يعرف عزالله انه نذل بخساسه,,وان كان ما يعرف يجلس بمرتبة النذل مهو بعشانه أعرس لأ عشانه ظالم نوف معه وهي اللي متقطعه على خشته اللي تقطع الرزق من السماء,,,نوف بصراحه انها تكسر الخاطر وبقوه بس ما أدري متى بتفتح من هالعمى اللي فيها حلو منها انها أستخدمت انوثتها في جذب هالنذل لها’’’بس أتوقع ان حمد ما بيصبر أكثر وبما انه ملزم انه يجلس ببروده مع نوف فالاكيد ان ه بيخبر اهله عن زواجه خـــــــاصة انه قال قريب بتفرح امه بحفيدها’’’بس حرااااام عليه نوف,,,من ذلحين خنقتني العبره,,, سعودونوره:اولا حركه جدا ايجابيه من سعود انه سحب اوراقه ونقل من بيتهم بعد اللي صار هكذا الرجال وإلا فــ(لا),,,والله يسهل له باقي مخططاته....ونوره حلو منها صدها لسعود اللي شكلها بتجيب راسه من ذي الحركات,,,ننتظر المزيد من الاكشن,,, سيف والجازي:ليـــــــــــش !! تتصل عليه ياوالله انها كبرت بعيني لما رفضت اتصاله,,,كان خلته يتحقرص لين يعرف يدل الطريق الصح,,,بس شكل ذي المكالمه بتقلب ابو ابو هالخطبه وهالعلاقات من اساسها’’والله يستر حمد وفاطمه:هو زواجهم تم قبل زواج حمد بنوف (الله يزيدهم هناء وسعاده)واذا بعده مع علم فاطمه ان حمد متزوج من قبلها (الله ........مدري) حمد وساره: توقعت بالبدايه ان سعود يحجر على ساره وانهم بيطاوعونه بس الحين الله يسعد هالاثنين ويلين قلب ساره لحمد ويخليها تموت في دباديبه,,,,ولا يقلب حالهم الى حال اخر!!!!! عبدالله ونور:!!!!! ما بعد عرفنا عنها شي بس بدايه موفقه والله يهنيكم صالح ولطيفه: انا ما احب اسم لطيفه !!! ومتشائمه منه!!! والله يستر!! ناصر:!!!!!!!!!!!!!!!!!!!!! نــــ بنت نايفـ ـــــــــــــــــوف سلمت اناملك على الاختيار الرائع ونقل موفق ,,,ننتظرك |
مساء الحب نوفا رغم اني مشغوله لكن ماحبيت امر من غير ماارد على النوفي حبيبتي
امم حمد حاقده وبقوه وكل حسناتي راحت عليه لابارك الله في العدوو انصدمت سنه ونص عايشين مع بعض اخوان فيس منصدم نوف احترت معها مدري ايدها على الي تسويه انها تحافظ على بيتها وتتقرب له اكثر وتذيب الجليد وهو الصح والصواب عشان تنقذ حياتها او اني اقول لها تحفظ على كبريائها وتخليه وها الكلام غلط امم سيف طحت من عيني مسيكين الحب بهذلك وتضيع المذهب وتكلم بنت عمك وانت ماملكت عليها فيس يحرك راسه يمين ويسار موعاجبه حاله الجازي انتي كذا فيس يسوي لك اوكيشنات جدعه النوفي دمتي بكل الحب |
نووووووووووووووووف يسلمو عالبارت سووووووووووووووري كتييييييييييييير اني تاخرت بالرد بس النت كان فاصل يا ألبي هلأ ضريييييييييييب يخلع رأبتك يا حمد يا زوج التنتين جد انك واحد بدون اخلائ و لا ضمير عايش حياتك بالطول و العرض مع مرتك التانيه لا و كمان مرتك الاولى صاحبه مرتك التانيه جد انك بترفع الضغط امممممممممممممممممم نترك السيد زفت مع انه ما انشفى غليلي منه بس يللا نلحئ عاللي بعده سعووووووووووووووووووووود يا رجااااااااال كبرت بعيني اكتر و اكتر بس خفف من مواقفك مع نورة هادي التانيه اما ساره ما حبيتها بالمرة تصرفاتها مو تصرفات وحدة مزوجه و على زمه رجال امممممممممممممممم سيوف ابصر ايش ناويلها من نيه للجازي بنصبر و ينشوف يسلموووووووووووووووووووووووووووو |
نووووووووووووووووف ..ليتناا من حجناا سالمين ..وين الجرعاات اللي وعدتيناا فيهن والا خلصن ..لو جلسناا على جرعتين باليوم كاان أحسن >>فيس يقول هذي تالية الطمع ...
نووووووووووووووووف ..عسى ماشر يالغاليه ..طمنيناا عليك ..والجرعاات لاحقين عليهاا ..بانتظااارك يالغاليه ..>>فيس قلق على اخته .. |
السلام عليكم
اعذروني على التاخر بالاجزاء المنتدى ما فتح معي الا متاخر كان في مشكله وللان موعارفه سببها فالعذر والسموحه منكم حبايبي ولي عوده للردود في ما بعد واستلمو الثلاث اجزاء حقة الامس آلــ ج ـــزء آلــ ت ـــآآ ســ ع ~ ~ كان سيف نايم وازعجه صوت التلفون الي مستحيل يحطه عالسايلنت ! حتى اذا بينام .. مد يده من تحت غطا اللحاف واخذ التلفون ورد بدون مايشوف اسم المتصل قال بصوت ماليه النعاس .. ثقيــل : آآلــوو الجازي لما وصلها صوته التعبان .. حست برعشه خفيفه وجمدت الحروف على طرف لسانها .. وماقدرت تتكلم سيف الي كان ينتظر احد يرد عليه ماكان يسمع على الطرف الثاني الا انفاس بس ! قعد على حيله وهو يقول بغضب : آلو من معي؟ الجازي .. بصوت اشبه بالهمس .. بخوف بتوتر غريب قالت : سيف انا ... انا الجـازي سيف لما سمع الجازي .. فز قلبه وبدا يصحصح .. قال بهدووء : شعندج متصله؟ فيكم شي؟ الجازي الي حست بأحراج كبييييييييييييييير .. قالت: لا سيف الي كان ناوي يرد لها الصفعه : عجل ليش متصله؟؟؟ الجـازي : ....................... سيف وهو ماوده يقول هالكلام .. لكن قال : انا مااحل لج .. ليش تكلميني؟ ( سكت شوي وعقب كمل بنبره خاصه ) ليش استغفلتي اهلج؟ الجازي حست بكلامه كانها كفوف على وجهها !! شفيه هذا ؟؟؟ تماكلت اعصابها وقالت : تامرني بشي قبل مااقفل الخط؟ سيف الي شبت بداخله نار قال بهدوء : سلامتج سكرت الجازي على طول ورمت جوالها عالسرير جنبها بقهــــر انا الغلطااانه الي اتصلت فيه .. انا الغبيــه استــاهل استـــــــــــــــاااااااهـــــــل .. ومن جهه ثانيه سيف طار منه النـوم بدل وطلع يدور بسيـارته مر له كافتريا مفتوحه .. اخذ له كرك وقعد يدور بضيق كبير انا ليش عاملتها بهالقسوه الجازي ماتستاهل .. شكلي هوست عليها بس والله .. والله هالشي لمصلحتها مب هي كانت تقول ماتبي تستغفل اهلها واني مااحل لها وماتبيني اكلمها هذا انا ماكنت ابي اكلمها عشانها وعشان ماتستغفل اهلها مثل ماتقـول مع اني بمووووووووت واسمع صوتها ليش اتصلت؟؟؟ شكانت تبي؟؟؟؟ : : . . : : اليـوم الثاني الصبح الجازي وسيف اثنينهم نايمين .. لانهم ماناموا الليل كله فالتفكير المتعب توعت نوف بتعب لفت للجهه الثانيه .. تشوف اذا حمد نايم او لا ومالقته .. انصدمت يمكن قام يسبح؟؟ بس مكانه مرتب ولاكأن احد كان نايم فيه؟؟؟ راحت للحمام مالقت احد .. اطلعت للصاله مالقت احد سبحت هي بسرعه والبست .. واطلعت نزلت تحت لقت عمها ومرت عمها بالصاله حست بخوف .. حمد وين راح؟ سلمت عليهم وقعدت بهدوء ماكانت تبي تسألهم اذا شافوا حمد او لا .. اولا لانها مب حلوه بحقها قدامهم .. شلون ماتدري عن زوجها؟ ثانينـا لو فرضا صار له شي ماتبي تخرعهم .. تبي تتأكد اولا انسحبت من القعده بهدوء بحجة انها بتروح للمطبخ طلعت موبايلها واتصلت بحمد مــأيــرد !! بدت تتوتر .. ويزيد خوفها عليه هذا شسالفته شكله ماجا من امس .. لان مكانه مرتب ردت اتصلت مره ثانيه ولا احد رد .. : : . . . : : فالدفنه كان سعود بالصاله تحت يشوف التلفزيون بملل وامه بالمطبخ مع الخدامه الجازي نايمه المهـا توها مصحصحه .. وانزلت تحت سوت لها روتي توست وجبن وقلاص عصير وراحت عند سعود بالصاله .. سعود وهو يفرفر بالقنوات بملل : الجازي وينها هالجمعه ماتبين .. العاده كل جمعه تدور مثل الذبانه فالبيت تبخر وتسوي اصناف الاطباق المها وهي تشرب من العصير وتهز كتوفها : مادري عنها شكلها للحين ماقامت من النوم .. هــدوووء وبعد دقايق المهـا خلصت ريوقها نطت عالكرسي جنب سعود وقالت بخجل : سعود انا فكرت بالموضوع .. وفكرت عدل وان شاءالله ان جوابي مايضايقك سعود الي قصر على التلفزيون عشان يعطي اهتمامه كله للمها .. قال وهو عرف جوابها : مهما كان جوابج تأكدي انه ماراح يزعلني ولا راح يضايقني .. انا اعرف هذي حياه مب لعبه عشان نغصبج المها الي ارتاحت من كلام اخوها قالت بخجل : مافيه نصيب سعود بأبتسامه مريحه : الله يرزقج بالسنافي الي يستاهلج يابنت عبدالعزيز .. والله يوفق سلمان بالي تستاهله المها بهدوء ممزوج بخجل: آمين في هاللحظات الجازي تنزل من فوق لمحها سعود الي قال : صح النووم يالاميره النائمه .. الجازي بأبتسامه : تطنز سعوود سعود : هههه غريبه مب من عوايدج الجازي وهي تمسك راسها: شسوي راسي مصدع .. امس ماقدرت انام عدل سعود: الصراحه افتقدت حركة كل جمعه ! ابتسمت الجازي وشاركتهم القعده التفت المها لسعود بفرحه : سعوود تكفى طلبتك انتفض سعود من الطلب وقال : اطلبي عزج يابنت عبدالعزيز المها الي حبت هالاسلوب قالت: فدييييتك خلنا نزور جدتي وعمتي اليوم والله العظيم اشتقت لهم .. مب متعوده اقطعهم اسبوع سعود الي تذكر وعده لجدته .. قال بنبره هاديه: تامرين امر .. بعدهـا انتشروا ثلاثتهم فالبيت سعود راح لغرفته فوق يسبح ويستعد لصلاة الجمعه الجازي راحت لامها فالمطبخ اما المهـا .. راحت تكلم نوره عشان تعطيها خبر بجدولها اليوم .. وبالمره تقول لها عن الخطبه ! لانهم متفقين ان كل وحده تقول للثانيه كل شي : : . . : : غرفة نوف الي توتر ضرب عندها التوب ! كانت تتصل وحمد مايرد ! شفيه؟؟ شصااار له؟؟؟ ليش مايرد؟؟ مب من عوايده .. تمت تدور رايحه جايه بالغرفه مب عارفه شتسوي مرت ربع ساعه كانت الاصعب في حياتها عاشتها بكل مراره .. وخوف وترقب .. وتوتر واخيـرا رن تلفونها ردت على طول بدون ماتشوف الاسم بكل لهفه : ألـووو وصلها صوته .. الي بعث في روحها الطمأنينه : هلا نوف ! تنهدت نوف براحه : انت وينك حمد بتوتر: جاي بالطريق نوف بخوف: وين كنت امس؟ حمد بدا يتنرفز : نمت عند واحد من الربع طبعا نوف ماتقدر تقول له ليش مانمت بالبيت والا بتندم انها قالتها .. انهت مكالمتها مع حمد وجهزت له ثوب مع طقم جديد وغتره وعقـال .. وتكشخت هي الثانيه ورتبت شكلها وقعدت بالصاله تنتظر رجعته .. : : . . : : بعد صلاة الجمعه الكل مجتمع كعادتهم في بيت بوعبدالرحمن الجد بوعبدالله دخل يسلم على امه واخته وبناتها وزوجة اخوه قبل مايسافر رغم انه بيسافر سفره سريعه وبيرجع .. لكن بما انهم مجتمعين وهو لازم بيدخل يسلم على امه .. سلم عليهم وبعد الغدا راح والي وصله للمطار ولده عبدالله بعد توصيات بوعبدالله لعبدالله .. كالعاده عبدالله بأبتسامه : حفظت يبه والله حفظت التوصيات الي قبل كل سفره ههههه من جهه ثانيه في بيت بوعبدالرحمن كانت ساره تشارك اهلها القعده ورن تلفونها وشافت اسم حمد وطلعت للحديقه .. وردت بنبره هاديه: مرحبا حمد بحب: مرحبتين .. هلا وغلا ساره بخجل: هلا فيك حمد بحالميه: شخبارج حبيبتي؟ ساره بخجل: بخير وانت شخبارك؟ حمد وهو يتنهد بحب: بخير من سمعت حسج .. وينج؟ ساره : بيت جدي حمد بفرحه: والله؟؟؟ شلون اقدر اشوفج؟؟ ساره بصدمه : شنو تشوفني حمد: بشوفج كيفي مرتي وحلالي .. انا فبيت جدج الحين كان عازمنا عالغدا عنده ساره حست قلبها بيطلع من مكانه ردت بخجل : مايصير تشوفني حمد بأصرار : امبلا بشوفج .. انتي وين داخل ؟؟ ساره ببراءه: لا بالحوش حمد ابتسم مثل الي لمعت براسه فكره قال: عطييني ثواااني بس طلع من المجلس بيسوي نفسه بيجيب شي من سيارته .. الي كان موقفها على الناحيه الثانيه من الباب لعل وعسى يلمح ساره لو من بعيد حس بخيبة امل وهو يشوف الباب مسكر ! سكروه بعد ماطلعت سيارة بوعبدالله الي كان فيها هو وولده رايحين للمطار .. حمد بخيبة امل: لااا ساره الي ماتدري شالطبخه : شفيك؟ حمد: كنت ابي اشوفج بس الباب مسكر ابتسمت ساره وقال : قلت لك مايصير .. : : . . . : : من جهه ثانيه بالدفنه بنفس الوقت ناصر بحديقتهم بيتهم يسوي رياضه لمح نوره الي جايه تسحب .. وتخفي ابتسامه خبيثه وهي تسحب كرسي الطاوله وتقعد تشوف ناصر الي كان يمارس رياضته بكل خفه بحكم جسمه الرياضي ولياقته العاليه .. حطت نوره رجل على رجل وهي تقول بعياره : بسس انت اشوفك صار لك ساعه تناقز ناصر وهو يدور حول الطاوله وهو يهرول قاصد انه يلعوزها : شحاارج يالدبه .. صار لي ساعه .. صار لي ساعتين شي راجع لي نوره بنفس الاسلوب: صدقني مب محتره .. جسمي بدون رياضه رشيق اكل واشرب على كيفي ومحافظه على رشاقتي .. ( وكملت بنبره خاصه ) مب مثل بعض الناااس لولا الرياضه كان صك علينا بشحومه ضربها ناصر على راسها بالخفيف وقال: لساااانج الطويل يبيله قص .. نوره بعياره : يووووه دار راسي معاك .. تعال انثبر ابيك بموضوع ناصر بخبث: اهااااااااا انا اقول ليش جايه الاخت ؟؟ عشان عندج موضوع قولي قولي نوره بعند : ماعرف اقول وانت تدور على راسي مثل الذبانه ناصر سحب كرسي وقعد مقابلها : يلا تكلمي خلصينا نوره بخبث وهي تدقق بنظرته لها : المها جالها خطيب وقف ناصر بقوه وهو يحط ايديه على الطاوله بكل قوته ويقرب من نوره ويقول بغضب: شنوووووووووووووو؟؟ نوره الي تخرعت لكن مابينت له : اعصااابك شفييييك ناصر بقهر: انتي تكلمين جد؟؟ نوره تتصنع الجديه : يعني شنو امزح معاك مثلا؟؟؟ هالمواضيع مافيها مزح ناصر بقهر : وهي وافقت؟ نوره وهي تلعب بأظافرها : آآآمممم بصراحه مادري للحين ماردت عليهم .. بس اتوقع توافق ناصر : ليش؟ نوره : لانه رفيق اخوها ناصر الي فقد اعصابه قال وهو يقرب من نوره بتهديد : كلميهاااا وقولي لها .. ان وافقت عليه ياوييلهااا راح للبيت داخل وشياطين الدنيا متركزه على راسه يعني لو احد يلمسه .. يقب بوجهه من كثر ماهو معصببب ويدخن من الغضب .. وعلى طووول على غرفته اما نوره الي حست بخوف .. اوبيييه نصور عصب شبيسويييي معقوله يروح يخطبها من سعود؟؟؟ يااااي كان زييين والله مهوي تستاهل خوش بنت : : . . . . : : العصر بيت سعود المها والجازي اتصلوا بساره وخبروها انهم بيزورون جدتهم اليوم واطلبوا منها تجي هناك هي ونوف لانهم اشتاقوا لهم .. كانوا يستعدون وام سعود بغرفتها تاخذ عبايتها وتنزل تحت وسعود بغرفته كاشخ حده كان يكمل كشخته بكم رشة عطر وهو يضبط الكوبرا .. وينزل تحت بيده سويك سيارته واليد الثانيه فيها مسباحه وجواله اركبوا معاه اهله .. واطلعوا من البيت متوجهين للريان وخلال عشر دقايق هم فالريان تنهد سعود وهو يقرب سيارته من بيت جده وانزلوا امه وخواته والتفت ام سعود لسعود وقالت : يبه منت بنازل معنا؟ سعود بضيق: لا يمه انا بروح واذا خلصتوا اتصلوا لي وبجيكم ام سعود : سلم على جدتك وروح يبه سعود: بسلم عليها لما ارجع ان شاءالله .. وتوه سعود يريوس بسيارته الا لمح حمد عبدالرحمن ( زوج نوف ) الي كان يريوس هو الثانيه بسيارته بيطلع من بيتهم بيروح .. ولما شاف سعود وقف سيارته ونزل له وسعود نزل من سيارته وهو يسلم على ولد عمه بحراره : هلاااا بوعبدالرحمن حمد بأبتسامه حلوه : هلا فيك يابوعبدالعزيز .. شحالك؟ سعود : يسرك الحال يالغالي .. شحالك انت بشرني عنك حمد: بخير الله يسلمك .. ( واشر بيده حياك تعال تقهوى عندي ) سعود وهو يمسك عضد حمد : مره ثانيه يالغالي الحين انا بروح مواعد لي واحد حمد : طيب .. خلنا نشوف عاد ابتسم سعود : ان شاءالله قريب .. حمد توجه لسيارته وسعود نفس الشي وقبل ماكل واحد يركب سيارته وصلهم صوت المها الي طلعت بسرعه من البيت لعل وعسى تلحق على سعود وهي تقول بخوف كبير بطريقه هستيريه : سعوووود تعال بسرررعه جدي بيموووووووووت سعود الي ترك باب سيارته مفتوح وراح يركض لداخل وحمد نفس الشي .. دخل سعود وحمد وراه والمها مسكت يد سعود اخوها وراحت تركض وهو وراه لداخل دخل لقى جده مغمى عليه التفت على حمد وقال له بسرعه : حمد قرب سيارتي عند الباب وتعال لي عشان نشيله بسرعه نوديه للمستشفى حمد الي راح بسرعه وقرب سيارة سعود عند الباب الداخلي ورجع يدخل داخل وساعد سعود في انهم ينقلونه للسياره .. طبعا بما انه مغمى عليه بيكون جسمه اثقل بسرعه ودوه المستشفى .. : : . . . : : في طوارىء مستشفى حمد العام سعود وحمد قاعدين على كراسي بالممر والتوتر عندهم صك التوب .. حمد بتوتر : شفيه ... اليوم عالغدا ماكان فيه شي ومبسوط عالاخر يارب سترك يارب سترك سعود في محاوله منه يهدي حمد : استهدي بالله حمد .. يمكن هبوط فالضغط او السكر .. ان شاءالله شي بسيط في هاللحظات طلع لهم الدكتور ونطوا اثنينهم قدامه : بشر دكتور الدكتور بأبتسامه : ابشركم انه طيب وبخير .. ارتفاع دقات القلب عنده بالاضافه لهبوط الضغط وارتفاع السكر عنده وهالشي سبب له اغماء لانه ماكان قادر يستحمل الوضع .. عملنا له تخطيط عالقلب والحمدلله سليم ونسبة ارتفاع دقات القلب بسبب هبوط الضغط وارتفاع السكر .. بس لازم يتم تحت الملاحظه 48 ساعه سعود بفرحه : الحمدلله والشكر لك يارب .. الظاهر انه مااخذ حبوبه بشكل منتظم اليوم الدكتور : اكيد .. عطيناه الجرعات اللازمه عشان يستعدل الوضع وبعد مايستعدل تقدرون تدخلون عليه تشوفونه حمد: يعطيك العافيه دكتور ردوا سعود وحمد اماكنهم عالكراسي حط سعود يده بجيبه مالقى تلفونه .. : الظاهر اني نسيت تلفوني بالسياره ابتسم حمد : انا خليت سيارتي تشتغل ان شاءالله احد طفاها بس وبعد ربع ساعه وصلهم سيف الي كان معصب : والله انكم سخيفين سعود وحمد : ليش سيف: شوفوا تلفوناتكم صار لي ساعه اتصل عليكم ولا احد يرد سعود كاتم ضحكته : تلفوني مب معاي والله سيف وهو معصب : وين جدي .. ووش سوا؟ حمد : زين تكرمت وسألت عنه بعد سيف: تكفى حمد مالي خلقك .. سعود يبتسم: بخير لاتحاتي .. ( وقال له كل الي قاله لهم الدكتور .. وارتاح سيف وقعد معهم ) طلع سيف موبايله من جيبه واتصل اول شي بجدته يطمنها عن جده .. : : : . . . : في نفس الوقت من جهه ثانيه فالدفنـه نوره بغرفتها متملله فديت مهاوي وجزوي والله انهم يونسون هالكم ساعه الي هم فيها عند اهلهم كأنها سنييين والله الوقت ملل بدونـهم ماوعت الا بباب ينفتح وصوت امها يوصلها : نوره يمه انتي قاعده نوره وهي تبعد خصله عن وجهها : أي يمه .. ليش ام صالح: حسبتج نايمه جيت اوعيج .. الناس مغرب نوره : مانمت اصلا هههههه ام صالح: زين تروحين معاي بيت خالتج؟؟ نوره بخبث: من بيودينا يمه اكيد صلوح عشان الحب ام صالح بحزم: تحشمي يابنت واحترميني .. ماعليج من صالح ومرته .. بيودينا الدريول وبسرعه اجهزي وانزلي لي تحت قامت نوره بسرعه تلبس وهي حاطه فبالها الا تلعوز لطوف بنت خالتها وزوجة صالح الي للحين ماحدد متى موعد عرسه !! : : . . : : . بعد نص ساعه في المستشفى ! سعود وسيف وحمد على قعدتهم ولكن شاركهم هالمره عمهم الكبير بوحمد ( زوج نوف ) وعبدالله ولد عمهم ( اخو سيف ) انتبه سعود لساعته ووقف : انا استأذن بودي اهلي للبيت وبرجع العم عبدالرحمن ( بوحمد) : ياولدي لاتتعب عمرك تروح وترجع تعال له بكره ان شاءالله هو مافيه الا العافيه .. سعود وهو يب راسه عمه : ان شاءالله .. خلاص بكره الصبح انا هنا ان شاءالله سيف وقف : وانا بعد بروح معاك للبيت اطلعوا سيف وسعود كلن ركب سيارته وراح .. وقف سعود سيارته قدام بيت عمه بينما سيف لما عرف ان اهل سعود فبيت جده ماحب يجي فدخل بيتهم الملاصق لبيت جده .. دخل سعود بعد ماأذنوا له بالدخول وسلم على جدته الي ضمته بكل شوق ولهفه .. طبع على راسها بوسه : شحالج يالغاليه اربج بخير ام عبدالرحمن بصوت مخنوق: ناقصني شوفتك يالغالي .. رفع سعود كفيها بيده وطبع عليهم بوسه وقال : هذا انا عندج يالغاليه .. وماراح اقطعج لو شيصير ضمت ام عبدالرحمن بيأيديها يد سعود وهي تقول : ربي يحفظك ويحميك ويرضى عليك ياولدي .. كان الموقف مؤثر بالنسبه للجازي وخصوصا انها تمر بفتره صعبه مع سيف .. علاقه متوتره فلاشعوريا نزلت دمعه من عينها .. ومسحتها بسرعه عشان لاحد ينتبه وعقب يمسكونها حك يعلقون عليها .. عاد شبيفكها منهم؟؟ اما ساره الي لما قالوا سعود بيجي تعذرت بأنها تبي ماي وراحت المطبخ الداخلي على طول وفتحت الباب يادوب عين وحده تطلع منها تشوفه .. انا شسوي؟؟؟ على ذمة رجال وقاعده اراقب تحركاته .. : : . . : : : اليوم الثاني السبت الصبـــح الساعه 9 وقف سعود سيارته في مواقف المستشفى وجلس فيها لدقايق يفكر .. ياترى بيستقبلني والا لا؟؟؟ يمكن يفشلني قدام الرجاجيل اذا عنده رجاجيل طلع موبايله واتصل في سيف .. الي قال له محد الا جدته وامه واخته .. بند سيارته .. ونزل : : . . . : : وفي نفس الوقت وبعد حنة نوره المزعجه على مها .. كانت المها عند نوره قاعدين بالحديقه ومها تحكي سالفة الخطبه بالتفصيل الممل لنوره .. حتى عن احساسها وشعورها كيف .. في نفس هاللحظات كان ناصرتوه متسبح .. لبس وتعطر وكشخ حده .. ونزل تحت مالقى الا امه تكلم فالتلفون سألها عن نوره واشرت له انها فالحديقه .. طلع ناصر وهو مب حاط في باله يكلم نوره لانها مقهور منها مايدري ليش !! يمكن لانها انقلت له خبر يكدر .. ولما طلع من باب الصاله لمح نوره ومعاها وحده ثانيه !! لاشعوريا قلبه بدت تعلى دقاته .. وارتسمت ابتسامه حلوه على محياه وهو يشوفها .. وفجأه !!! تذكر الخطيب الي جاها وانها ممكن توافق عليه .. عوره قلبه .. ماراح اخليج تاخذين واحد غيري نوره انتبهت لناصر .. وبدا الخوف عندها يتصاعد خايفه لا يقول شي .. والا يسوي شي وتزعل المها لانها اولا قالت هالموضوع لأخوها ثانيا يمكن يضايقها كلامها !! نوره بتوتر : مهوي ترى ناصر اخوي طالع من الصاله المها توترت بخوف وحطت شيلتها على وجهها .. نوره وهي توقف : آآ دقيقه مهوي بشوف شيبي وبرجع لج .. وراحت نوره بسرعه لناصر اخوها ناصر بضيق نفس: شتبين .. اشرت لج؟؟ نوره وهي تضربه بالخفيف: شنو نصور تأشر لي واشر لك .. انا جيتك عشان اقولك لحد يسوي لنا فضيحه معتبره ناصر وهو يتكتف: ليييش شقالوا لج؟؟ قليل اصل؟ نوره وهي تتكتف بدلع : اخوي واعرفك مسكها ناصر من عضدها بغضب: احشمي وحسني اسلوبج معاي ماني اصغر عيالج نوره وهي تلتفت تشوف مها وترد تشوف اخوها قالت بصوت خفيف : زين هدني خلني اقول ألي جايه بقوله له هدها ناصر بقوه .. وهو يشوفها بغضب: قولي بسرعه لاني ابي اطلع نوره بخبث: كم المقابل؟ ناصر بعصبيه: المقابل كف على وجهج .. بتخلصين علي والا اروح نوره : اووف كبريييييت .. المها ردت الخطيب ... ( وارفعت ايديها ترقص بالطريقه المصريه وهي تقول بلهجه مصريه بحت ) وافرح ياعم كان رد ناصر عليها بأنه تعداها وهو يقرب من المها الي معطيته ظهرها ونوره تسحبها : وقف .. سحب ناصر ايديه منها وقال بحالميه : شخبارج المها؟ المها الي توترت بسبب قربه استعدلت بقعدتها وهي تقول بصوت خافت : بخير الله يسلمك وانت شخبارك؟ ناصر: بخير ربي يعافيج ويسلمج .. آآآ سعود موجود؟ المها بتوتر : لا والله طلع من الصبح بدري استأذن ناصر وراح وابتسامه كبيره مرسومه على وجهه .. فدييييييييتها ياناس وفديت صوتها .. : : . . . : : في ممرات المستشفى كان سعود يمشي .. والتوتر ضرب التوب عنده ! خايف من هالمواجهه .. هل جده متقبله والا للحين ؟ ولما وصلت لغرفة جده في جناح القمـه .. رفع يده وطق الباب .. وفي هاللحظه انفتح الباب وطلع حمد ( زوج ساره ) لآآآتحرموني من ردودكم وتوقعآآتكم ~ آختكم { زآآهي آلكحل ~ |
آلـ ج ـزء آلـ ع ــآشر ~
~ وقف حمد ( زوج ساره ) واستأذن بأنه بيروح بعد ماجا وسلم على بوعبدالرحمن الي كانوا عنده عبدالله وسيف احفاده .. فتح الباب في نفس اللحظه الي سعود كان يبي يطق الباب فيها .. وشاف سعود اتسعت ابتسامته والجد وسيف وعبدالله .. كانوا يراقبون حمد وسعود وهم متوقعين ان ممكن يصير شي ! لكن عكس توقعاتهم سعود رد بنفس الابتسامه لحمد وهو يسلم عليه بحراره واصر عليه يدخل لكنه استأذن وقال انه مشغول .. طلع حمد وسعود دخل ! اخذ نفس وهو يشوف جده الي كان باين عليه التعب , قرب منه وسلم عليه : الحمدلله على سلامتك يبه بوعبدالرحمن بهدوء : الله يسلمك .. ارتاح سعود لانه كان متوقع العكس .. ابتسم وهو يقول لجده : متى بيرخصونك؟ بوعبدالرحمن شبه ابتسامه : كان المفروض بكره .. لكني عييت دام اني الحمدلله بخير وعافيه قعدتي مالها لزمه .. وقف سعود وحب راس جده : عجل والله ان يستوي اللليله عشاك بوعبدالرحمن يبتسم بتعب: لاتكلف على نفسك يابوك سعود : لاكلافه ولا شي .. هذي العلوم الي علمتني عليها يالغالي ابتسم سيف وبادله عبدالله بنفس الابتسامه .. وتموا الشباب الثلاث يسولفون مع جدهم شوي .. سأل سعود عن جدته بأنه لما كلم سيف قال له ان جدته وامه واخته موجودين .. وقال له سيف انهم مع دخول حمد عليهم .. الي ماانتبه لساره الي شوي وتموت من الاحراج .. : : . . . : : العصـر وقت طلعة الجد من المستشفى .. وبنفس الوقت حمد ونوف , طالعين واخيـــرا تكرم حمد وعزمها على الغدا وبعد ماتغدوا واخلصوا طلبت نوف من حمد تشتري بعض الحاجات الي ناقصتها وسمح لها حمد .. راحوا اللاند مارك .. نوف مع انها لابسه نقاب وعبايتها وسيعه لكنها كانت ملفته .. لأن عيونها حلوه .. كانت تمشي وحمد جنبها خذت لها بعض الحاجات .. وتوهم بيطلعون الا مر عليها واحد من الشباب المغازلجيه .. هو كان يراقبها طول الوقت مستغفل حمد الي كان جنبها بهيبته ووسامته .. وطوله الفارع .. قال بصوت بحيث تسمع نوف الي ابد ماكانت منتبه لا له ولا لغيره ! وهو يعد رقمه لها بطريقه عشان تحفظها .. سمعته نوف لكن مالفت عليه .. وقلبها طاح برجلها من الخوف لما التفت حمد عليه .. ومسكه من جيبه بقوه وهو يهزه بعنف : ياقليل الادب ياخسيس .. ماربوك اهلك ماتتبع شوفات الناس؟ الشاب الي كان صغير شوي بالعمر ..قال بأسلوب منرفز : زين شفيك معصب اسفين ياخي .. هدني لوسمحت شدد حمد على قبضة يده بقوه وهو يصر على اسنانه ويقول : تكلم بأسلوب عدل مع الي اكبر منك يابابا .. بهدك مب عشان سواد عيونك .. عشان تعرف ان الي يتعرض لشوفات الناس مب كل مره يسلم ودزه بقوه لدرجة ان الشاب بخفة جسمه طاح الارض وهو يقوم وياخذ غترته وعقاله الي طاحوا وراح وهو يتحلطم على حمد .. التفت حمد على نوف وشياطين الدنيا متركزه فوق راسه : وانتي نزلي الغطوه على عيونج ويلا امشي قدامي نوف بخوف .. مشت قدامه وهو رايحين لمكان سيارتهم هي صحيح خافت وكانت متوقعه حمد يذبح الشاب لكنها فرحت من الداخل .. دام انه عصب على هالولد .. معناته يغار علي وطلب مني اغطي عيوني .. معناته ان عيوني حلوه فعينه .. : : . : : : تم العشاء الي سواه سعود على سلامة جده وفالحقيقه .. هو كان فوق السحاب من فرحته بأن جده رضى عليه حضروا كل الرجاجيل الي يعرفونهم وامتلى المكان حتى بوصالح وعياله احضروا عشان خاطر سعود الي عزمهم .. وقبل مايطلع سعود وقفه جده الي قال : لحظه التفت سعود بأبتسامه لجده .. وتفاجىء بجده يسحبه لأحظانه بقوه وهو يقول : سامحني ياولدي .. والله ان ماهنا لي النوم ولاذقت طعم الراحه من عقب ذاك اليوم .. انا غلطت ياولدي وحقك علي سعود ابتعد عن احظان جده بالراحه وهو ياخذ كف جده ويحبه ويقول بنبره مطمنه : والله ان مافي قلبي عليك شي يايبه .. ماله داعي هالكلام : : . : : : . دخل سعود سيارته في حوش بيته وتسكر الباب الاوتوماتيك وراه .. طفا سيارته وتم لثواني فيها يشوف المسجات بتلفونه في هاللحظه .. نوره كانت توها تطلع من عند المها وتلف شيلتها انتبهت للسياره لكن ماانتبهت اذا فيها حد او لا .. رن تلفونها وانتبه سعود وشافها كانت تطلع تلفونها من شنطتها وردت وهي تدور شوي كعادتها لما تكلم ! هلا يمه ... جااايه جايييه ... والله يمه طلعت انتي كذا تأخريني .......... طيب طيب ... اوكي لالا ... مادري عنه ولدج هذا ... يمه اذا جيت نتفاهم خليني اطلع من بيت العرب بس .. لاشعوريا ارتسمت ابتسامه على محيا سعود سكرت نوره وكملت طريقها بتطلع طاحت عينها على الشخص الي كان بالسياره .. الي بسرعه نزل نظره لتلفونه وهو يخفي ابتسامته نوره بدا الغضب عندها يتصاعد وهي تقرب من سيارته وتركت مسافه بينهم : انت ماتستحي؟ رفع سعود عينها لها وهو مصدوم من وقاحتها معاه .. وكملت نوره بغضب: ليش ماتنح نح عشان اعرف انك هنا سعود ببرود رغم انه يشتعل من الداخل : والله مادريت ان في حد فبيتنا لهالحزه ! عصبت نوره وقالت من بين اسنانها : هذي ثاني مره تقول هالجمله .. شتقصد؟؟ سعود وهو يهز كتوفه ببرود : مادري .. افهميها على كيفج نوره حست انها ودها تبكي من القهر .. لكن مستحيل تبكي قدامه ! قالت بغضب : تدري انك سخيف وقليل ادب .. سعود نرفزته جملتها لأقصى حد .. بس ماراح يستقوي على بنت .. تماسك اعصابه وفتح باب سيارته ونزل وقفلها وراه وراح لداخل البيت وهو يقول لها : لاتنسين تسكرين الباب وراج انقهرت نوره حدها .. وراحت وهي ترقع الباب بقوه وسعود ضحك لانه قدر ينرفزها .. رغم انه مفووول عليها كان وده يكفخها على وقاحتها معاه .. ياحلوها لعصبت ! : : . . . : : مر شهر و10 ايام على الاحداث الاخيره .. سعود قال لسلمان عن رفض اخته .. وسلمان كان متقبل الرد مهما كان وطمن سعود ان هالشي ماراح يأثر على صداقتهم ابدا !! والزواج قسمه ونصيب ... لما رجع بوعبدالله من السفر فاليوم الثاني سيف كان متحرقص يبي يروح يخطب بسرعه .. فاجأه ابوه .. الي قال انه من بكره بيسافر ولا راح يرجع الا قبل عرس ساره بيوم ! سفرة عمل طبعا ! تحطم سيف عالاخر .. كان بيموت ويرتبط بالجازي .. ماله الا الصبر ! عبدالله حدد عرسه وابتدوا يجهزون .. لانه بعد حوالي شهر من عرس ساره .. ساره كانت متوتره طول هالفتره مابين تجهيزاتها واستعدادها النفسي لتقبل حمد كزوج .. خلاص ابتدا العد التنازلي .. حمد زوجها على الجبهه الثانيه هو واهله استعداداتهم قايمه على قدم وساق وهو متشوق .. وكله لهفه لساره ! نوف وحمد العلاقه مابينهم بين مد وجزر ! حمد مع غنج نوف ودلعها وحركاتها .. بدت تتحرك مشاعره لكنه مازال مثل الصخر جااامد .. بعكس فاطمه الي كان بيذوب من حبه لها واي حركه منها تفتنه لأقصى حد .. طبعا الحين فاطمه صارت بالشهر الثالث .. المها وناصر محد فيهم يدري عن مشاعر الثاني ناحيته كل واحد فيهم .. هايم في حب الثاني ويستمتع بشوفة الثاني في المواقف الي تجمعهم ببعض .. ناصر وده يتقدم لها اليوم قبل بكره .. لكنه الحين هو وياها كورس تخرج فمافي الا لين يتخرجون عشان يقدر يتقدم لها .. سعود ونوره علاقتهم مثل ماهي عليه ولاشي تغير .. كل واحد فيهم صار يحب وجود الثاني رغم انهم مايقعدون مع بعض الا ويجرحون بعض بالكلام .. العلاقــه الاغرب فالقصه صح؟ : : . . : : اليـــوم يوم مميز في حياة اثنين هاليوم بيبتدون فيه حياه جديده .. بوضع جديد ساره وحمــد الكل محتشر والكل يستعد .. وكل شخص يحب يطلع حلو في هاليوم .. ساره ومعاها نوف اختها وامها .. فالقاعه عندهم الكوافيره تضبطهم .. والغرفه الثانيه فيها ام حمد ( زوج ساره ) وامنه بنتها بعد عندهم الكوافيره .. وام حمد كل شوي تلبس نقابها وتطلع تشيك على الترتيبات وكل شوي وترد داخل .. الجازي ومها .. وحتى نوره الي اعزموها هي وامها كانوا في بيتهم .. بغرفة الجازي .. كانوا توهم جايين من الصالون مسوين شعورهم وبما ان الجازي ماهره في التمكيج .. فهم سلموها وجيهم عشان تضع لمساتها السحريه بكل فن كأنها خبيرة مكياج ! نوره الي خلصت مكياج وشعر كانت تشوف الجازي تمكيج اختها المها .. نوره : يوووه نسيت فستااني فالبيت الجازي : انتي ابي اعرف كله تنسين؟؟؟ هذا وانا مذكرتج فيه نوره بضيق: شسوي من الربببشه مع اني كنت مجهزته المها: نزين لاتكثرين حكي وروحي جيبيه بسرعه الجازي: خلي الخدامه تجيبه اذا ماتبين تروحين نوره نطت : لاااااع الخدامه ماتدخل غرفتي .. ولاحتى غرفة نصور المها هنا وجهها ولع من سمعت طاريه .. التفت الجازي لها بضحكه : عشتووو عجل من الي يرتب غرفتج؟ انتي؟؟ هه ماظن انتي هذيك المره كلينكس طايح عالارض عجزانه تشيلينه نوره بضحكه : أي بس مب معناته غرفتي عفيسه .. لا حبيبتي انا ارتبها ويكون بعلمج كل شي اخذه ارده بمكانه مستحيل مستحيل اقط شي .. الجازي بعياره : ايه ايه صدقتج .. روحي جيبي الفستان وخلي الهذره منج وقفت نوره معصبه : جب جزوي .. انا الغلطانه اخذ واعطي معاج بالحكي وطلعت من الغرفه وهي تحط شيلتها على راسها وتخش شعرها على داخل .. وهي ناويه تتغطى ! مب عشان شي عشانها حاطه مكياج .. مايمديها تدخل شعرها الا سعود طالع من غرفته .. انصدم لما شافها هالمره غير ! خطت الكحل .. زاد من جمال عيونها الذباحه رسمة الحواجب بأتقان .. تحديد الشفايف بكل دقه ولون الروج الوردي زاد من حلاوتها اكثر واكثر نوره توترت .. وحست بحررررر شبيقول عني ... اوف اكيد تخرع .. سعود في خاطره ياربي شهالملاك !! آآآخ والله انها لعبت بي لعبه .. حس انه مب قادر يشيل عينه عنها وبصعوبه .. لف عنها بينزل الدرج وهو يقول : هلا هلا نوره نوره ودها الارض تنشق وتبلعها .. انحرجت .. ماتدري تنزل والا لا !! شبيقول ليش انزلت وراي ردت بسرعه لغرفة البنات لقت المها عالسرير وهي كاتمه ضحكتها والجازي واقفه قريب منها .. اونها بتضبط شكلها الكلي !!! وفالحقيقه الثنتين بعد ماطلعت نوره .. وسمعوا صوت باب غرفة سعود ينفتح راحوا يطلون من الباب يادوب بعين وحده بس ! وشافوا اللقاء كامل .. |
ولما جات نوره بتدخل الغرفه
بحركه سريعه الثنتين ردوا قعدت المها عالسرير والجازي واقفه عندها .. لما دخلت نوره القت نظره سريعه عليهم وهي تدور حول السرير تروح للجهه الثانيه ناحية تلفونها .. التفت المها عليها : وين فستانج ماجبتيه نوره بتوتر : آآ الحين بجيبه بس نسيت تلفوني الجازي بخبث: شلج بالتلفون كلها الا دقيقتين بتجيبين الفستان وبتجين نوره بضيق : اووه جزوي كيفي .. تلفوني وكيفي وانا مااستغنى عن تلفوني دقيقه وحده ابتسمت المها .. وضحكت الجازي التفت نوره لهم : على شنو تضحكون الجازي : ولا شي نوره وهي تقرب منهم : والله ان ماقلتوا اعفس شعوركم .. على شنو تضحكون المها بخبث: شخباار حبيب القلب؟؟ نوره بتوتر : من الجازي بخبث اكبر : علينا هالحركات نوير نوره خافت ليكون شافوها مع سعود من شوي .. سكتت وراحت تاخذ تلفونها بينما الجازي طلعت موبايلها واتصلت بسعود : هلا سعود نوره تحس يدها انشلت وهي تاخذ التلفون .. الجازي وهي تشوف نوره وتضحك : لالا بس بغيت اسألك .. شرايك في لمساتي العجيبه قبل شوي؟ سعود فهم قصدها ضحك وقال : هي عندج؟ الجازي : أي سعود حطي سبيكر بتكلم .. بس هااا انا ماعرف انج حاطه سبيكر اوكي؟ ضحكت الجازي وحطت عالسبيكر وهي تقول : نزين يلا قول لي شرايك؟ سعود بصوته الي يعذب نوره : والله ياجويزي .. الوجه الي انتي مختارته ساعد في ان لمساتج تكون سحريه وجميله .. يبيلج وجه مثل وجه مهوي تجربين عليه عشان نقدر نحكم نوره ولعت من الاحراج .. وفي نفس الوقت معصبه على الجازي كانت تشوفها بنظرات والمها انفجرت ضحك .. الجازي وهي تضحك : يوووه لاتسمعك مهوي تقوم علينا الحين كله ولاوجيها الحلو سعود : مافي مقارنه بينها وبين الجمال الي شفته قبل شوي ... بلاج ماتعرفين شسوت فيني نوره بدت تملى عيونها بالدموع .. في موقف محرج اكثر من كذا؟ وحدها مقهوره منهم هم الثلاثه .. اخذت موبايلها وطلعت والمها لحقتها والجازي انسدحت عالسرير تضحك .. وسعود يسألها شفيها؟ الجازي : طلعت معصبه من الغرفه .. سعود : جزوي بعدين اكلمج .. ( سكر سعود الخط بينه وبين الجازي .. وراح قعد على الجلسه الي على يمين مدخل باب الصاله اول ماتدخلون .. عشان يشوف نوره الي تنزل الدرج وهي معصبه ودموعها ماليه عينها وماتبي تبكي عشان لايخترب المكياج لانه عاجبها .. كانت تعدل شيلتها بأحكام على راسها وماسكه الطرف الثاني الي بتتغطا به والمها وراها تلحقها : النوري تكفين وقفي نوره بقهر : مهوي شتبين؟؟ بروح اجهز في بيتنا اريح لي ! المها وهي تلهث وراها : نزين وقفي خليني اكلمج .. وقفت نوره والتفت عليها : شتبين؟ روحي البسي واجهزي لاتأخرين المها برجااء حاد : تكفيييين نوره طلبتج .. لاتزعلين صدقيني مانقصد شي نوره شوي وتنفجر من الغضب: احلفي؟؟ ضحكم وحركاتكم الي مالها داعي ونظراتكم والنغزات .. وكملتوها بمكالمه من حضرة الشيخ اخوج لااا وعالسبيكر بعد ... ( سكتت نوره كأنها تحاول تخفي عبرتها الي وصلت لبلعومها وعقب كملت ) ترضين اسوي فيج نفس هالحركه السخيفه مع ناصر اخوي؟ المها ولعت من طاريه .. وقالت بأحراج : اعرفج ماتسوينها نوره وهي تلف للجهه الثانيه بتكمل طريقها تنزل اخر عتبتين .. وانصدمت لما شافت سعود الي كان واقف عند بداية الدرج .. وبما انها خلاص ماعاد تقدر تستحمل اكثر .. انفجرت في وجهه وهي تقول بغيض : وانت حضرتك ماتستحي؟ سعود بدا يتنرفز : الزمي حدودج الي قدامج رجال مب بزر من بزرانج نوره وهي خلاص مولعها حدها وبتفرغ غضب حركاتهم السخيفه كلها الحين في وجه سعود : لو الي قدامي رجال كان تنح نح عشان ننتبه له .. مب واقف ويتسمع حكي البنات ( قالت اخر كلمه وهي ترص على كل حروفها ) سعود انقهررررر لآخر حد .. كل شي ولاتجرح رجولته .. الي مقيده كان انها بنت ! ولو انها رجال كان مايرده منه الا الموت !!!! من تكون هذي عشان تجرح رجولتي بوقاحتها .. هذي حيالله بزر .. اصغر من مهوي حتى آآآخ بس آآآخ المشكله ان اهلها رجاجيل فيهم خير .. لكن هين اوريج يا ام لسانين .. عطاها سعود نظره استحقرت عمرها بها ! تداها وصعد لفوق لغرفتـه .. بينما نوره ولع وجهها احمر .. حست انها لحظه فقدت فيها الوعي .. والحين ردت انا شسويت؟؟ شســـووويييت اوبيه بيقول حق ابوي واخواني والله يقطعوني تقطيع .. ويمكن حتى مايخلوني اجي هنا عند البنات .. التفت نوره عشان تعتذر من المهـا لكن مالقتها ! لان المها راحت مع سعود تهديه الي واضح انه عصب حده .. تضايقت نوره .. وطلعت من البيت وراحت لبيتهم ... بينما عند سعود والمهـا وحتى الجازي الي سمعت الصراخ .. وجات لهم سعود قاعد عالكنب الي بجلسه بزاوية غررفته الكبيره .. كان يقلد تلفونه بيده بتوتر .. والمها والجازي واقفات جنب بعض قدامه الجازي : معليه سعود لاتضايق عمرك صدقني نوره قلبها ابيض وماتقصد تجرحك المها : أي والله صادقه الجازي .. وانا اتوقع انها بتأسف لان نوره ماتحب تزعل حد منها سحب سعود نفس عميق .. وقال بهدوء : حد قال لكم اني متضايق؟ توكلوا على الله ورحوا تجهزوا للعرس .. ومتى ماخلصتوا اتصلوا علي ! انا رايح للمجلس .. : : . : : : كانت ساره متوتره لأخر حد خلاص دقت ساعة الصفر ! قرت في هاللحظه كل الي حافظته من المعوذات وبعض السور القصيره بخوف ... ونوف اختها جنبها سمي بسم الله ساروه .. وتوكلي على الله تراج تأخرتي والموسيقى بدت انفتح الستار وبانت ساره .. بفستانها الفكتوري الكبير .. والفخم والرااقي بنفس الوقت واتجهت الاضواء وانظار الناس كلها لناحية الاميره الي طلعت كانت تمشي خطوات بخجل .. والمصوره تلتقط لها احلى الصور لحد ماوصلت للكوشه .. وابتدوا الناس يسلمون عليها ويهنونهـا والبنات يرقصون والي تصور معها .. كانت اجواء حلوه .. شوي شوي ارتسمت ابتسامة ساره وهي تشوف كل الي حولهـا فرحانين لها لفرحتهـا كانوا البنات متألقات نوف بفستان اسود راقي جدا وناعم اكمامه طويله .. وضيق ابرز معالهم جسممها الانثوي بكل دقه .. رافعه شعرها بشينيون .. ومثبته فيه كريستاله وحاطه ميك اب خفيف وروج احمر كانت بأختصار فتنـه .. آمنـه اخت المعرس اكيد بتكون حدها كاشخه كانت لابسه فستان عنابي قطعته مخمل هاي نك واكمامه طويله بعد .. لكن ظهرها يبين للنص .. وحوالي فتحة الظهر تطيرز عنابي فخم .. رافعه شعرها هي الثانيه ومنزله خصل صابغه شعرها كستنائي الجازي ماتقل عن اناقة نوف وامنه بشي كانت متأنقه بالفستان الكحلي ماسك عالصدر بدون اكمام وضيق لين تحت وعقب تبتدي القصات كان شعرها الي يوصل لنهاية ظهرها كله مسويته ويفي اسوود وهي بطبيعتها بيضا فكانت محط انظار الجميع .. المها كانت متأنقه بالنمري كان ماسك عالصدر نفسي الجازي لكن مع حمالات ضعيفه وضيق وفتحه عند الساق اليسرى .. وكل مامشت بانت رجلها لحد تحت الركبه بشوي وبان الصندل الذهبي الي كان ملفوف على ساقها شعرها الكستنائي كان مفتوح ممووج .. نوره اختارت اللون الي يناسب شخصيتها الفرحيه لبست فوشي كان هاي نك لكن بدون اكمام وضيق لين تحت وشعرها العسلي الي يوصل لنص رقبتها كان متكتكت حوالي وجهها بطريقه مخليتها كيوت .. اعلنوا عن وصول المعرس للقاعه جاي ياخذ عروسه ساره بدت تخاف ودقات قلبها تعلى ونوف عندها تحاول تضبط شكلها .. وبعدها تغطت وانزلت لان المعرس خلاص دخل القاعه ومعاه ابوه وعبدالله وسيف اخوان ساره .. الي سلموا عليها وباركوا لها وله واطلعـوا حمد كان منبهر من شكل ساره كانت مثل الملاك وهي لابسه الابيض .. في نفس الوقت ساره حاسه بحجمه الصغير والقصير قدام ضخامة جسم حمد الرياضي وطوله توترت بشده .. لحد ماقرر يطلع هو وعروسه من القاعه حظن كفها في كفه وهو حاس اليوم انه اسعد انسان بالدنيا طبعا تعليقات البنات على شكل ساره الخايفه والمتوتره .. ام حمد الي كانت حوله وهي فرحانه له لولدها الوحيد .. ساره كانت خايفه ومتوتره .. بعد ماراحوا المعاريس العرس استمر حاله حال كل الاعراس لحد ماابتدوا الناس يروحون .. اتصلت الجازي بسعود اخوها الي قال لهم لما يخلصون يتصلون فيه هو الي بيردهم البيت لكنه ماكان يرد .. الجازي: اوووهووو وقته مايرد حضرته المها: من الجازي: اخوج المها: ههههه شكله عطاها رقده وسفه لنا الرزيل الجازي : خليه يشبع نوم بتصل الحين براجو يجي ياخذنا توها بتتصل عليه الا رن تلفونها ردت : هلاااا بالي سافهنا سعود بصوت نعسان : يلا انا عند الباب بسسسرررعه اطلعوا لاني ابي اناااام الجازي بخوف: لالالا مب رايحين معاك اذا بتنام فالطريق مب بايعين ارواحنا سعود بعصبيه خفيفه: اطلعي وخلي الاستعباط عنج .. الجازي تلبس عبايتها : مهوي يلا سعود عند الباب قولي حق امي المها : امي راحت مع ام صالح .. كانت نوره بتروح بس انا ونوف مسكناها تقعد معنا الجازي وهي تشوف نوره الي في نهاية الصاله قاعده مع نوف وآمنه ويسولفون مع بعض : حسبي الله عليج يامهوي تدرين ان سعود هو الي بيردنا .. كفايه الي صار بينهم اليوم المها بتوتر : جزوووي نسيت والله توقعت الدريول .. اوبيه شبقول حقها الحين الجازي وهي تسحب نفس: محد بيودينا بداهيه غير تفهييج يالعله .. روحي قولي لها تلبس ( وكملت بتحذير ) لاتقولين لها سعود قولي السياره وبس .. رن تلفون الجازي وردت بسرعه: جايين جايين .. راحت المها بسرعه لنوره وقالت لها .. واطلعـوا .. طبعا ثلاثتهم متغطيات .. على طول فتحت الجازي الباب الي جنب السواق واركبت بينما نوره والمها اركبوا ورا .. ونوره تحلطم كالعاده وتنزل غطوتها لانها قاعده ورا السواق وظلام مستحيل يشوف وجهها : آآآوووف مااشوف عدل يالله وصلت السياره .. سعود الي كان نعسان صحصح لما سمع صوتها ... لالا موقفين اليوم معاها ماقدر بصراحه وامس صاير موقف بعد ياربي صبرني .. الجازي والمها هدوووء .. ينتظرون تعليق من سعود مثل ماتوقعوا لكنه كان ساكت حرك سيارته البنتلي ونوره الي للحين ماانتبهت للسواق لانها وراه لاحظت هدوء المها والجازي قالت وهي تحول بشنطتها وتفصخ اكسسواراتها وتحطهم بالشنطه : شفيكم ساكتين يالصمخاان الجازي : راسي صاير هالكبر من العرس ماي خلق اسولف نوره نوره بمرحها المعتاد .. : عاااد انا فيني رقصه ماحصلتش للحين الطرب ناشب في راسي .. ( كملت بنبرة امر ) يلا راجو شغل راديو يمكن نحصل اغنيه تطربنا سعود الي كان يبتسم وهو يسمع حسها .. اختفت ابتسامته مع راجو !! رااااجو عااااااااااد؟ مد يده يدخل السي دي الي وهو يبتسم والجازي لمحت ابتسامته .. نوره لما بانت لها اليد الي انمدت للمسجل .. وشافت الثوب وكبكات الثوب .. تجمع الدم كله براسها وتوترت لآقصى حد سكتت من الاحراج .. حتى خايفه تنسم عشان لاينسمع صوت نفسها ! ثاني موقف بنفس اليوم من تحت روس ريا وسكينه .. حسبي الله عليهم مايلقون الا هالمعقد يسوون لي مواقف معاه آآآووووف اخذت تلفونها واطبعت مسج حق المها ( هين يامهوي تسوين فيني مقلب سخيف مثل وجهج ) المها لما وصلها المسج ضحكت واطبعت مسج جديد وارسلته ( اعتبريها رد على حركتج السخيفه معاي وناصر ) نوره ( مالت عليج وعلى ردودج فوقج ) اشتغلت الاغنيه والكل ساكت .. لحد ماوصلوا لبيوتهم .. : : . . : : بعد مرور يومين ساره وحمد سافروا يقضون شهر العسل في جوله على اربع بلدان في اوروبا المحطه الاولى بتكون سويسرا وبعدها النمسا وعقب المانيا والمحطه الاخيره فرنسا .. وعقب يردون للدوحه الاوضاع في هاليومين مافيها أي شي جديد اليوم نوف عازمه صديقاتها عندها عليا وفاطمه وبدريه الي لبوا دعوتهـا .. فكانت تجهيزات نوف قايمه على قدم وساق كانت تساعد الخدامه هي تسوي طبق والخدامه تسوي طبق ولحد ماخلصت من طبقها .. راحت تسبح ولبست احلى طقم عندها بعد ماجففت شعرها ورتبته .. وخطت الكحل وحطت روج وردي فاتح كان شكلها ناعم وحلو .. يكفي ملامح نوف جميله .. رغم انها متزوجها لكنها دايما تلفت نظر الناس لها بجمالها بأنوثتها وبرقتها .. لكن ياسبحان الله ماقدرت تجذب انظار حمد لها !! من جهه ثانيه عند فاطمه الي اتصلت بحمد .. وقالت له انها بتزور صديقتها طبعا بدون ماتذكر الاسم .. ولان حمد متساهل معاها سمح لها .. بدون مايربط زيارة فاطمه لصديقتها وعزيمة نوف لصديقاتها !!! اخيرا وصلوا صديقات نوف اخذتهم السوالف والضحك .. كالعاده كل مايجتمعون ! : : . . : : في نفس الوقت من جهه ثانيه تحديدا بمجلس سعود كان سيف .. وابو بوعبدالله وعبدالله جايين يخطبون الجازي بشكل رسمي .. سعود طبعا فرح من الخاطر .. واستأذن منهم راح يقول للجازي طبعا شي معروف من زمان .. الجازي لسيف وسيف للجازي لكن من باب انه يعطيها خبر .. لان بوعبدالله قرر انهم مايطولون السالفه ولان راي الاثنين معروف من زمان .. فقرر ان بكره تتم الملكه .. الجازي اول ماقال لها سعود تمنت الارض تنشق وتبلعها من الاحراج واول مراح سعود راحت على طول على غرفتها وقفلت الباب .. وتمت تبكي شعور غريب تحس فيه خوف توتر .. حب وفرحه واخيرا حلمها تحقق .. بتصير زوجة سيف بتصير حليلته سيف بيصير لي؟؟؟ : : . : : حمد كان توه طالع من مجلس جده بيروح للبيت يبدل ويطلع بيروح عند ربعه .. طبعا يدري صديقات نوف عندها فمادخل من باب الصاله .. دخل من الباب الخلفي في نفس اللحظه .. كانت فاطمه توها متعشيه خلصت قامت تغسل يدها بالمغاسل وهالمغاسل قريبه من للباب الخلفي .. دخل حمد مع طلعة فاطمه من المغاسل |
انصدمت
وهو انصدم ! فاطمه بصدمه : حمد؟ حمد وهو يأشر لها : قصري صوتج لاتسمعج نوف .. بعدين اشرح لج كل شي فاطمه بدت عيونها تجمع فيها الدموع .. حمد برجا: تكفين فاطمه لاتفضحين السالفه .. خلينا نمهد لهم بشوي شوي .. اذا مب عشاني عشان الي ببطنج مسحت فاطمه عيونها وهي تقول بصوت مهزوز : طـ ـيـ ـ ـب في هاللحظه وصلهم صوت نوف الي تقول لفاطمه طبعا ماشافت حمد لانه اول ماسمع صوتها طلع وهو يلعن الساعه الي فكر يدخل فيها البيت ! نوف وهي تقرب من فاطمه : فطوم حبيبتي ماتعشيتي التفتت فاطمه لنوف بحزن : شبعت حبيبتي كثر الله خيرج .. نوف وهي تمسح على شعر فاطمه بحنان : شفيج حبيبتي متضايقه؟ فاطمه : لا تعبانه شوي .. بس ماعليج ( طلعت سويك سيارتها من شنطتها ) فديتج استأذن انا بروح نوف تشوف ساعتها: تو الناس فطووم فاطمه وخلاص تحس بيغمى عليها : تعبانه نوف والله .. فديتج اسمحي لي .. نوف وهي توصل فاطمه للباب : حبيبتي اخلي الدريول يوصلج؟ فاطمه : لاوين هههه بروح بروحي نوف: شكلج تعبانه واجد شلون بتسوقين؟ فاطمه : لاتحاتين حبيبتي اقدر اسوق ودعتها نوف وتركتها تروح وردت لربعهـا وهي مادري شالي صار من وراها .. بينما حمد على الجهه الثانيه طلع مصدوم من البيت شلووون شلووون يطلعون صديقات ! الله يالدنيا شلون بقول لنوف الصدمه بتكون اكبر آآآخ آآآآآآآخ صفط بسيارته على جنب بندها واسند راسه لورا والتفكير ذابحه .. : : . : : : كانت فاطمه تسوق وتفكيرها شارد كانت تبكي بقهر ياربي لاتعاقبني ماكان قصدي اني اخذ زوج صديقتي .. ياربي لاتعاقبني آآه يانوف ماكان قصدي اخذ زوجج منج المشكله انه يعاملني مثل الاميره وانا اعرف انه يعامل زوجته الثانيه الي ماكنت ادري انها نوف كأنها خدامه عنده مو زوجته .. ياربي شسويت آآآه آآآآآه ... بينما هي كانت تسوق وفي عوالمها وعيونها متروسه دموع .. ماانتبهت للسياره المسرعه والي اصدمت بسيارته بقوه : : . : . الليل رجع حمد البيت ولقى نوف كعادتها متأنقه له وعشانه ! كان يشوفها هالمره بأنها فاتنه لأقصى حد .. بدت تتحرك مشاعرك ياحمد؟ للأسف تحركت متآخر ومتآخر كثير .. !! حمد كان يشوفها هالمره غير عن كل مره قربت منه مثل كل مره وفتحت ازرة ثوبه وهي تاخذ غترته وتعلقها بأهتمام بالغ وردت تاخذ ساعته عشان تحطها بعلبتها فالدرج .. توها بتلف تعطيه ظهرها انصدمت بيده على خصرها ويلقها ناحيته وهو يقربها منه بشكل كبير لدرجة انها تحس بأنفاسه الحاره تلفح وجهها توترت نوف .. وبدا قلبها يرقع ارتعشت بخوف .. وحس حمد برعشتها حمد وهو يتقطع مليون قطعه ! شقاعد تسوي؟؟؟؟ تصلح الي سويته؟؟؟ وتظن انه بيتصلح؟؟؟ بذل حمد جهد كبير رغم الحزن والضيقه الي حس بها : آحبج نوف نوف بتوتر وهي ذايبه بين احضانه : وانا بعد احبك قضـوا ليلة رومانسيه لأبعد حد رغم خوف حمد وتوتره وضيقته من الجاي : : . . : : مرت الليله صعبه على ناس وحلوه على ناس .. صعبه على حمد وام واخوا فاطمه الي قضوا الليل عندها فالمستشفى .. وهي منومه حلوه على نوف الي قضت ليلة كانت تحلم بها ! كانت تتمناها كنت حاسه حمد بيلين .. شكلي مافكرت بهالفكره الا متأخر يابراءتج يانوف : : . . : : اليوم الثاني الساعه 10 الصبح اثنين توعوا .. ولقوا في تلفوناتهم اتصالات ! سعود وحمد حمد كانت جايته اتصالات من اخو فاطمه الصغير بالسن على طول فز وراح للصاله عشان مايزعج نوف واتصل فيه وهو خايف .. وبلغه اخوا فاطمه ان فاطمه صار لها حادث امس وانقلوها للمستشفى حمد حس بصاعقه تهل على راسه سحب تنهيده عميييييييقه مشبعه بالالم اخذ شور سريع وطلع ... اما سعود فكانت جايته اتصالات من ولد خالته متعب من السعوديه اول ماصحصح وتريق راح للحديقه واتصل فيه .. ووصله صوت متعب الهادي : هلا بوعبدالعزيز سعود بضحكه : آآآآوه شكلك مالك خلق والا ماقلت لي بوعزوز تنهد متعب بضيق: سعود تكفى ترى ماني ناقصك سعود: آفااا يابوسلطان وانا سعود وش فيك وش الي مضيق خلقك؟ سحب متعب نفس عميق وهو يرمي القنبله : ابوي يطلبك البيحه ياسعود انصدم سعود ووقف : شنوو؟ شلون ومتى؟ وقال متعب كل شي لسعود وقال له ان الدفن بعد صلاة العصر دخل سعود بسرعه دداخل وراح لأمه الي كانت بالصاله تشوف الاخبار عالجزيره قعد عندها بهدوء وقال : يمه .. ترى سلطان بن متعب عطاج عمره : : . : : دخل حمد على فاطمه الي كانت تعبااانه وباين عليها التعب واطلعوا امها واخوها شوي يتركون لحالهم .. حمد وهو يمسك يد فاطمه : الحمدلله على سلامتج .. والله بيعوضنا ببيبي جديد ان شاءالله سحبت فاطمه يدها منه بتعب : مابي ياهل منك ياحمد .. طلقني حمد انصدم قال بهدوء : فاطمه تعرفين اني احبج فاطمه: مابيك تحبني وانت زوج صديقتي قبل ماتزوجني ياحمد .. وانا اعرف انك ماتعاملها الا مثل الخدامه عندك حمد: صدقيني تغيرت معاملتي لها فاطمه بقهر: حتى ولو شعقبه.. عقب ماعرفت ان زوجي هو نفسه زوج صديقتي؟؟؟ طلقني ياحمد مابي اخرب على نوف اكثر من كذا كفايه اني الحين مب عارفه شقول لها .. ( ومسحت دمعه بطرف اصابعها .. وهي تبكي ) حمد حس ان قلبه انخلع من مكانه تنهد بضيق .. وهو يحس بهموم الدنيـا كلها على راسه .. لآآتحرموني من ردودكم وتوقعآآتكم ~ آختكم ~ { زآآهي آلكحل |
آلـ ج ـــزء آلـ ح ـآآدي ع ـــشر ~ ~ طلع حمد من عند فاطمه وهو حاس بضيق كبيـر مايبي يخسر فاطمـه لانه فعلا يحبهـا وبنفس الوقت حاس بذنب كبير من ناحية نـوف .. والي سواه فيها ! خصوصا انه لما صرح بمشاعره لها امس تجاهها .. بادلته بكل صدق .. بمشاعر عمره ماتوقع ان نوف تحتفظ فيهـا .. : : : . : . في بيت سعود بعد ماقال لأمـه اصرت ام سعود انها تروح لأختها توقف معاها في موقف مثل هذا وان سعود يحضر الدفـن مع عيال خالته .. سعود : بتروحون يمه يلا سيارتي واقفه فالحوش بس ببدل ثوبي هذا وباخذ لي ثوب جديد معي ام سعود بخوف : لاوين نروح طريق بر ياولدي .. اعرفك انت بتروح طاير عشان تلحق عالدفن المها : يمه انا مب رايحه ترى مع ان ودي اروح لخالتي التفت سعود لها بغضب : لا احلفي؟؟؟ وتبينا نقعد عشانج يعني؟؟ بتروحين غصب المها شوي وبتكبي : عندي امتحانات ياسعود .. وانا خلاص هذي اخر سنه لي مابي معدلي ينزل على اخر سنه الجازي : خلاص انتوا روحوا وانا بقعد معاها سعود بغضب : اقنعيتي الحين تصدقين ! المها ودموعها بعينها : امتحاناتي ياسعود واخر سنه تكفى لاتضيعها علي سكت سعود لوهله .. وطرت على بالـه فكره ! طلع من البيت على طول .. وراحت ام سعود لغرفتها تحط لها ملابس واغراض تكفيها لثلاث ايام في شنطة صغيره .. وتحط ادويتها الي تحتاجهـا .. : : . . : : الساعه 11 الظهــر سعود راح يحجز لهم وفالطريق وهو راد للبيت رن تلفونه ورد : هلا سيف سيف : هلا بونسب .. شخبارك سعود: بخير شخبارك انت سيف: شلون مااكون بخير وانا اشم ريحة الغالين فيك؟ ضحك سعود بهدوء : سيوف استعدل واحشمني يالبزر سيف: بزر فعينك ماكني اكبر منك ! سعود : ترى كلها الفرق الا شهر لو سنه شبتقول؟؟ سيف بعبط : ابوك هع هع سعود : اسخف اسخف .. اقول سكر سكر مالي خلقك ترى سيف : لاااااا لحظه .. احسبوا حساب المملك عالغدا لاني حلفت عليه يتغدى عندنا هههههههه سعود : حاسبين حسابه وحساب فريق كامل ! بس المهم اليوم تملك وبنفس الموعد الي حددناه سيف وهو متشقق من الوناسه : ان شاءالله ماطلبت شي خخخخخخ سعود يبتسم رغم ان باله مشغول بألف شغله .. وبنفس الوقت حزين للخبر الي سمعه اليوم : الله يوفقك يابوحمد سيف : وياك ياحلـو .. عقبالك سكر سيف من عند سعود وهو طاير من الفرحه رراح قال لأبوه وجده واخوه عبدالله عشان يحضرون الملكه .. وسعود رجع البيت بسرعه وطلب من المها تقول للخدامه تسوي القهوه والشاي بيرجع لها بعد شوي ياخذهم .. يوديهم المجلس وهو راح فوق بدل بسرعه واخذ بطاقة الجازي الي من اول ماقال لها سعود وهي تحس بشعور غريب خوف على فرح .. وقال لآمه طبعا الي اتسعت ابتسامتها رغم انها حزينه عشان اختها .. : : . . : : . بعيد عن الدوحـه والي يصير فيها نسافر لآوروبـا وتحديدا سويسـرا مع الزوجين الجدد حمد الهايم بحب ساره لآخر درجه وساره الي بدت تتحرك مشاعرها بشكل كبير بحب حمد الي مغرقها حب وغزل حمد نايم نوم عميق انسدحت ساره على الجهه الثانيه من السرير بخفـه .. وانفخت على شعر حمد بخفه حرك حمد يده كأنه يكش ذبانه عنه ! ابتسم ساره وردت اتفخت مره ثانيه كشر حمد بوجهها وهو يحرك راسه .. قربت من اذنـه .. وهمست بحب : حمد .. حمـد حمد مازال تحت تأثير النوم : همممم ساره بدلع : يلا قوم صار لي ساعه اصحي فيك منت راضي توعى فتح حمد عينه بتعب وابتسم بحب : مانمت الا متأخر كله بسبتج ساره وهي تقعد بدلع : انــا؟ حمد : أي ساره بخجل : ليش شسويت لك؟ حمد بحالميه وحب : طول الليل اشوف وجهج الي معذبني تعذيب شلون تبيني انام؟ ساره ولع وجهها من الاحراج .. توها بتقوم من عالسرير حست بقبضة يده الدافيه على معصمها .. وهو يطبع بوسه رقيقه في داخل يدها انحرجت ساره همس حمد بحب : آحــبـــــج : : . . . : : نرجع للدوحـه لبيت سعود تمت الملكـه بسرعه رغم الظروف الي فيها سعود ولانه بيسافر سفر طارىء الا انهـا تمت .. وصاروا سيف والجازي زوجيـن بشكل رسمي وقدام الكـل سيف سعادته من هاللحظـه ماتنوصف ! بأختصار كان اسعد شخص بالدنيـا والجازي من شدة فرحتها دخلت غرفتها وقفلت الباب على عمرهـا .. وهي تبكي بفرحه مب مصدقه سيف صار لي؟؟؟ فجأه تذكرت موقف التلفون الي صار بينهم وتضايقت فهمتك غلط ياسيف سامحنـي .. سـامحني في مجلس الرجاجيل بعد ماراح المملك .. سعود قال لهم انه بيسافر وسبب السفـر وبنفس الوقت خايف على البنات لانهم مايقدرون يروحون عشان امتحانات المهـا اقترح الجد اقتـراح .. كان هالاقتراح أحلى اقتراح سمعه سيف في حياته ! بوعبدالرحمن : سعود ياولدي .. دام انك بتسافر والشوفات خواتك محدن عندهم مايصير يقعدون بالبيت بروحهم .. انا اقول يابوك بما ان سيف والجازي املكوا نسوي عشاهم الليله ويدخل على مرته يقعد عندهم فالبيت لين ترجع وعقب هو وياها يسافرون سعود انصدم .. بينما سيف اتسعت ابتسامته بشكل كبيير لحد مابان طقم ضروسه كامل وهو يقول: انا قاااايل حق امي ماحب المخاسير سعود بتوتر : بس .. بوعبدالرحمن : هذا شوري ياولدي وانت على راحتك .. سعود : أي يبـه .. بس مادري شراي الجازي بوعبدالله : الجازي من يوم وقعت على ورقة الملكه صارت حليلة سيف ماعليها الا انها تنتظر الوقت المحدد للعرس والحين انتوا تمرون بظروف ماتسمح مافيها شي ااذا دخل عليها من الحين هم متزوجين .. سيف بأبتسامه : ولما نسافر انا وياها ونرجع راح اعوضها ونسوي عشا كبير لها اقتنع سعود بأرائهم وقال بهدوء : ماعقب رايكم راي .. ( وقف واشر لسيف يجي معاه ) وراحوا لداخل قعد سيف بمقعد جانبي مسكر عليه الباب ودخل سعود على الصاله الداخليه وطلب من المها تنادي الجازي .. : : . . . : : في غرفة نوف وحمـد كانت نـوف قاعده على السرير وبيدها تلفونـها تتصل في فاطمـه تشوفها ليش غايبه اليوم؟ خصوصا انها امس ماكانت متطمنه عن روحتهـا بروحها وباين عليهـا التعب لكن فاطمـه ماكانت ترد .. ! طلع حمد زوجها الي كان ياخذ له شور وهو لاف فوطه على خصره وفوطه صغيره بيده ينشف فيها شعره حمد : شفيج متضايقه؟ نوف : مادري اتصل في صديقتي ماترد علي ابي اطمن عليها امس تقول لي انها تعبانه .. حمد بتوتر دخل غرفة الملابس .. : : . . : : . نرجـع لبيت سعود نزلت الجازي لقت سعود اخوها بالصاله ينتظرها واول ماشافها وقف .. وقرب منها حبها على راسها وهو يقول : الف الف مبرووك يالجازي تستاهلين .. والله يوفقج ويهنيج الجازي بخجل: الله يبارك فيك .. عقبالك ان شاءالله نفرح فيك مسكها سعود من يدها وقال بأبتسامه هاديه : آمين .. تعالي معاي ولما قربـوا من باب المقعد الي داخله كان سيف قاعد وقف والتفت عليها وقال بهدوء : سيف صار زوجج خلاص .. وهو الحين داخل ( يأشر على الباب ) يبي يسلم عليج ويبارك لج .. الليله عشاه عند جدي وهو الي بيقعد عندج انتي ومهـوي فالبيت الجازي انصدمت انصـدمت !! شقاعد يقول هذا؟؟؟ تجمعت الدموع بعيونها وهي تشوف اخوها الي صدمها بكلامه معقـوله؟؟؟ مكتوب لي افرح فرحه ناقصه؟ قالت بصوت متقطع : وانت وامي؟ سعود بهدوء : انا وامي مسافرين لظرف طارىء كلها يومين ورادين .. وسيف وعدتي يسوي لج عشا كبير تعويض عن العرس .. واهم شي التوفيق يالجازي ( وكمل بنبرة رجا ) تكفين يالجازي لاتزعلين ولاتاخذين بخاطرج علي لاني رضيت بعشـاء ! والله اني ودي انكم تفرحون حالكم حال باقي البنات انتي والمهـا لكن الظروف اكبر من كل شي .. وانتي تعرفين امي لازم تكون مع خالتي في مثل هالموقف ... نزلت الجازي راسها للأرض تخفي دموعهـا .. فتح سعود الباب وسيف اول مانفتح الباب وقف على حيلـه .. والجازي كانت تنافض بخوف وبحزن في نفس الوقت وهي مدنعه راسها وعيونها متروسه دمـوع .. اول ماشافها سيف يحس ان قلبه بيوقف مع انها ماكانت متزينه ولاشي لكنها كانت ملكة جمل في نظره خجلها .. يفتنه ! لكنه ماكان يدري ان عيونها مليانه دموع لانها مدنعه ومايبين شي له .. سعود تركهم وانسحب راح يبدل ويجهز له اغراضه الي بيحتاجهم في هاليومين .. وعشان شوي يتركهم لحالهم قرب سيف من الجازي ورفع وجهها له .. وانصدم بالدموع بهمس قال : تبكين؟ رمشت الجازي لا اراديا وانزلت دمعه .. وشفايفها تهتز وهي تحاول تبعد نظرها عن سيف الي دمعتها نحرته نحر .. مسح دمعتها وضمها بكل قوته وهو يقول : افا يالجازي .. تبكين وانا حي؟؟ ( فلتها بالراحه وقال بعياره ) : والا فرحانه لاني صرت زوجج؟ في هاللحظات لمح سيف سعود الي جاي لناحيتهم ومعاه امه سيف بعياره : يوووه جانا اخوج العله يخرب علينـا قرب سعود بخبث منهم وقال بعياره : خلاااص سيوف توكل على الله فليل بتشوف مرتك سيف بعياره : انت بتسافر الحين تبيني اخليهم بنات بروحهم في بيت؟؟ سعود : لاتحاتي عمتي وضحى بتجيهم وبتقعد معاهم لين حضرتك تشرفهم فالليل .. توكل على الله ( قالها وهو يأشر بيده لسيف ) سيف وهو يمسك سعود قال بعياره : هاليد يبيلها قص .. اوف منك قطاع الارزاق .. ودعت الجازي وحتى اختها المهـا اخوهم وامهم وراحوا .. وسيف قعد فالمجلس الخارجي للرجاجيل .. لحد ماشاف عمته وضحى تدخل هي وبناتها البيت عشان تقعد مع الجازي والمهـا عاش دور رجال البيت الاخ سيف ! : : . . : : : فالطريق سعود كان يسوق بسرعه متوجه للمطـار .. ام سعود بخوف : ياولدي تركد لاتدعم بنا سعود وهو يطلع موبايله ويجري اتصال : يمه تأخرنا لازم نكون قبل الطياره بساعتين .. يعني المفروض 11 ونص احنا فالمطار والحين 12 ! ام سعود : يالله سترك .. كان حجزت على العصر سعود : يمه يادوب الحق على الدفن .. مع اني مااعتقد وفي هاللحظـات سعود اتصل بمحل للـورد وطلب باقة ورد كبيره بيضـاء بكرتهـا وطلب انهم يرسلونهـا لبيته حق الجازي عشان تفرح .. : : . . . : : نرجـع للبنـات نوره طبعا اول مادرت عن ملكة الجازي جاتهم على طـول .. خصوصا انها تشققت لما عرفت ان سعود مسافر فكـه منه المعقـد .. الجازي كانت قاعده وحواليها عمتهـا واختها المها ونوره وضحى : مافي وقت نروح السوق لين تدورين لج فستان واكسسواراته احنا يادوب نروح الصـالون تسوين شعرج وتمكيجين .. الجازي بضيق : كفايه ان مافي عرس ولاحتى تجهيزات .. بعد ماافرح بفستان جديد؟ نوره الي طرى على بالها شي قالت : جزوي عندي فستان جديد اخضر روعه للحين مالبسته يفداج الجازي بأحراج : فديتج نواري فستانج جديد حرام خليه لج نوره بضيق: جزوي شهالكلام عادي احنا خوات .. انتظريني بس بروح اجيبه عشان تقوسينه بيطلع عليج يجنن راحت نوره بسرعه تجيبه بينما المها قالت : نزين قومي غسلي شعرج خلينا نروح الصالون التفت عليها وضحى : وين تروحين انتي بعد .. روحي جهزي غرفة الجازي واخذي معاج عبير وساره بناتي خليهم يرتبون وياج المها وهي تروح : اووكي .. : : . . . : : نوف اول ماوصلها خبر ملكـة سيف اجرت اتصالاتها بسرعه واطلبت باقة ورد كبيره بأسم سيف واطلبت من الخدامات يجهزون اصناف الحلويات وطرشت الدريول يجيب عصاير فرش من المعصـره .. ونست فاطمه شوي لانها اشتطت حق اخوها راحت الصاله لقت امها قاعده .. نوف : يمه شفيج مالبستي؟ ام عبدالله : هالسيف اخوج بيجنني .. انا ماعندي الا ولدين وابي افرح بأعراسهم نوف وهي تضحك على امها : ليش يعني مب فرحانه لسيف اليوم؟ والا لازم عرس وطقطقه عشان تكتمل الفرحه ( تغمز لأمها بعياره ) .. وكملت : اذا على العرس والقاعه وغيرها بتفرحين ان شاءالله بعرس عبدالله ماباقي عليه الا 3 اسابيع في هاللحظات سيف ينزل الدرج وهو حده كاشخ نوف بفرحه : فديييت اخوي المعرس الحلو .. يابخت الجازي فيك سيف وهو ينفخ عمره ويقرب يحب امه على راسها : مبروك ياام المعرس ( وابتسم ابتسامه عريضه ) ام عبدالله تمسح دموعها بفرحه : مبروك ياحبيبي الله يوفقك ويهنيك نوف وهي تقرب تضم اخوها بفرحه : مبروك ياسيوف والله وكبرت وصرت معرس سيف وهو يدزها: وخري عني خربتي الكشخه .. عبدالله وهو يشاركهم القعده : اييي سويتها سيوف وتزوجت قبلي سيف وهو يقعد عالكرسي ويحط رجل على رجل : كان المخطط انا وياك في نفس الليله لكن الظروف غيرت كل شي عبدالله: تستاهل يابوحمد الله يوفقك : : . . . : : في بيت سعود الجازي وعمتها راحوا الصالوون ونوره والمها اقعدوا فالبيت يرتبون غرفة الجـازي .. غيروا كفر اللحاف وحطوا واحد جديد لقوه بالكبت عندهـا وعطروا الغرفه وبخروهـا .. بعد مااضافوا لها لمسات حلوه وغيروا فيها اشياء وصارت مرتبـه وحلوه .. واطلعـوا من الغرفه وراحوا كل وحده تاخذ لها شور وتلبس وتتعدل عشان خاطر الجـازي نوره راحت لبيتهم والمها راحت لغرفتهـا وعبير وساره بنات عمتها كانوا عندها بالغرفه بعد .. اطلعت المهـا وهي لافه الفوطـه على راسها واخذت الاستشـوار وطلبت من ساره بنت عمتها الصغيره تقعد عشان تجفف شعرها ولما خلصت منها عطته لعبير عشان تجفف شعرها هي الثانيـه واخذت المهـا الفير وفيرت شعر ساره بطريقه حلوه .. وعقب ثبتت فيه ورده صغيره تناسب عمرها والوان فستانها الاوف وايت الطفولي اما عبير ماحبت تسوي أي شي في شعرها غير انها تركته مفتوح ولبست فستانها الي يناسب سنـها بنت فالاعداديـه .. وتفرغت المهـا لعمرها وحطت لمسات خفيفه من المكياج مع ان مالها خاطر تكحل لكن هذا كله عشان خاطر الجازي وماتحس ان فرحتها ناقصه .. لحظات وتدخل عليها نوره الي جهزت بسرعه وجات لبيتهم وهي لابسه فستان احمر ناعم ومبطله شعرها ومب حاطه الا كحل من داخل العين مع مسكرا ! بدون بودره ولاشي لان بياض بشرة نوره وصفاءها يهيىء للناس انها حاطه بودره ! المها : شكلج يجنن نواري .. بس تعالي حطي من هالروج الاحمر وتصيرين واااو نوره بلا مبالاه : مب لازم .. انا زين مني حطيت كحل ! المها بعياره : يوم انج ماتعرفين تتمكيجين وتعيجزين حتى لاتخطين الكحله .. على وشو مطيحه قلب اخوي؟ نوره بدلع : الجمال الرباني ياعمري .. المها بضحكه : عشتوووو .. ( ارفعت يدها تشوف ساعتها ) اقول متى بتشرف العروس وعمتها؟ نوره بملل: تأخروا اوف .. : : . . . : : بعد صلاة المغرب ابتدوا الرجاجيل يجون لمجلس بوعبدالرحمن يهنون سيف ويباركون لـه الي كان كاشخ حده بثوب وغتره وعقال وطقم قلم وازره جداد .. الكل حضر له وعشانه .. اهله كلهم فرحانين له .. رغم ان ناقصهم وجود سعود لكن الظروف اجبرته مايحضر عرس اخته ! ومب أي اختي اخته الي قريبه منه سنا وشخصا ! الجازي لبست الفستان الاخضر كان على الطريقه الرومانيـه وراقي لأبعد حد .. الي يشوفه مايقول هذا ستايل نوره فاللبس ! يمكن عشان كذا مالبسته هي ! وسبحان الله كأنها شاريته للـجازي كان أخضر شيفـون الكتوف جهه عريانه وجهه لا نازل منها قطعه خضرا من نفس اللون تغطي جزء بسيط من الكتف الايسر مع حلقان ذهبيه تناسب درجة الاخضر الي لابسته ومكياجها كان ناعم جدا وروج برتقالي .. وتسريحه رومانيـه كان فعلا عروس كانت قمـه .. بصعوبه لقت مصوره تصورها الليله فكانت المصوره عندها هي والبنات الي جهزوا لها زاويه بصالة البيت عشان تقعد فيها بخلفيه حلوه للتصوير .. ماكانوا يبون يحسسونها انها عروس بدون عرس ! فعلا كانت تجهيزاتهم واستعدادات في ساعات قليله كأنها عرس مصغر .. مصغر لأبعد حد لكن شي بيبقى في ذكرى الجازي ومستحيل تنسى هاليوم بتفاصيله الصغيره .. صوروا معاها البنـات وعن خاطرها شغلوا المسجل وارقصـوا لها كانوا اهلها كلهم حاضرين وحتى ام صالح وبنتها يشاركون الجازي فرحتهـا الي ابتسمت ابتسامه صافيه لهالقلوب آحبكم آحبـــكم لولاكم ماكـان صار يومي هذا مميز دارت الجازي بعيونها عليهم كلهم كلهم كانوا لابسين وكاشخين رغم انهم كلش مااستعدوا لكن البسوا احلى الي عندهم كلن ابتسامته مرسومه على محياه .. بينمـا البنات كانوا يرقصون والفرحه شايلتهم نوف الي كانت قاعده على كرسي جنب مرت عمها وام زوجها حست بأن كبدها لايعه وانها تبي ترجع تعوذت من ابليس يمكن يتهىء لي !! ولما حست انها ماتقدر تستحمل اكثر راحت بسرعه لأقرب حمام واستفرغت فيه كل الي فبطنها وهي حاسه براسها يدور .. وبتعب شديد تعوذت من ابليس ياربي شفيني .. احس اني مب على بعضي .. ! : : . . . : : بعد ماراحوا الرجاجيل وفضى المجلس الا من الجد وعياله واحفاده قرروا انهم يزفون سيف لزوجتـه طلب عبدالله انه يكون السواق الي يسوق بالمعرس وحمد كان يسوق بجده وابوه وعمه وتوجهوا للدفنـه عبدالله علا على صوت المسجل كانت عرضة حماسيـه وهو يضحك على سيف الي وده يوقف السياره ويرزف من الفرحه وهو حده متحمس ويدق هرنات بعبط وسيف يضحك عليـه .. لحد ماوصلـوا لبيت سعود واتصلوا بنوف اختهم لكن ماكانت ترد اتصلوا بأمهم الي قالت للحريم يتغطون لان المعرس بيدخل ومعاه الرجاجيل والجازي بدت تنافض بشكل مرعب ! عمتها وضحى كانت عندها تهديها : الجازي حبيبتي شفيج تنافضين كذا الجازي بتوتر : خايفـه ضحكت وضحى : هههههه خايفه من وشو ترى سيف زوجج ! الجازي بخوف دنقت راسها للأرض لما حست بأن سيف والي معاه ادخلـوا البيت .. وبدت دموعها تملي عينها طبع سيف على بين عيونها بوسه وهو يقول بحب : مبروك يالغاليه ووقف جنبهـا وقرب جدها وعمانها يهنونها ويباركون لها بينما حمد وعبدالله ماادخلـوا عشان الجازي تاخذ راحتها ومايغطونها منهم .. وسيف الي كان ذاااااايب كان يشوف الجازي غير هالمره ! ياحلو الاخضر وراعية الاخضرررر ياناااااااس كان وده يقول هالجمله وهو يصرخ عشان الكل يسمعه شمسوي فيك العرس ياسيف؟؟ صوروا معاها جدها وعمانها واطلعـوا بعد ماسلموا عليها ووصوا سيف عليها وابتدا المكان يخلى .. نوف اول مادرت ان حمد برا على طول راحت معاه هي وعمها ومرت عمها .. تبي ترد البيت لانها تعبـانه .. وامها وجدتها ردوا مع بوعبدالله وبوعبدالرحمن للبيت .. المها بعد مافضى المكان حست ان وجودها ماله لزمه انسحبت واتركتهم اثنينهم بالصاله التحتيه التفت سيف على الجازي ورفع راسها ناحيته وقال بحب : تكفين لاتحرميني شوفة وجهج الجازي وشفتها السفليه ترتعش بخوف وتوتر : تكفى سيف لاتقرب مني انصدم سيف وهو يشوفها تنحره بهالجمله ! هذي صاحيه؟؟ والا استخفت؟؟؟ قال بغضب : ليكون شايفتني حيوان متوحش قدامج؟ الجازي بخوف : لالا .. سيف محشوم والله ماقصد .. اقصد خلني لين اتعود عليك سيف بقهر : شنو لين تعودين علي؟؟ وحضرتج لو ماتعودتي علي الا عقب عشرين سنه اقعد انطرج؟ الجازي شوي وبتكبي : سيف شفيك سيف بقهر : شنو شفيني؟؟؟ في عروس تقول لزوجها بليلة زواجهم لاتقرب مني وخلني لين اتعود عليك؟ الجازي وخانقتها العبره : ماقصد شي .. بس بروحي خايفه ومتوتره .. تكفى لاتضغط علي شافها سيف بنظرات قهر .. وعقب قال بحزم : ممكن اعرف وين غرفة سعود؟ الجازي بصدمه : ليش؟ اشاح سيف بوجهه عنها وهو يقول: بنام فيهـا .. بعد ليش؟ الجازي حست انها انجرحت من حركتـه لكن ماعلقت مشت قدامه تدله على غرفة سعود وهو وراها وشياطين الدنيـا متركزه على راسه .. تونـا فالحمد وتفرض اراءها علي بكره لتجرأت علي على قولتها شبتسوي؟؟؟ : : . . . : : اليـوم الثاني في سويسـرا .. ساره وحمد يعيشون احلى ايامهم حمد كل ماله ويحب ساره بشكل كبيـر ساره بدت تتحرك مشاعرها بشكل كبير ناحية حمد وصار وجوده في حياته ضروري ! كانوا يتمشون وايديهم مشبوكه ببعض كلامهم كله غزل وحب .. لحد مااوصلوا لكوفي شوب يتريقون فيـه وعقب يكملون جولتهم ساره برقه : ماكلمت سيوف ابارك له ( كملت بعياره ) كله منك امس ماخليتني اتصل فيه ابارك له حمد وهو يطلع موبايله ويتصل على سيف : شتبين فيه؟؟ لاحقه علي اذا رجعتي الدوحـه .. شوفيني الحين اتصل عليه خليني ازعجه الهيس شوي صباحية عرسه ساره بحزن : فديت قلبه سيف كان خاطري احضر عرسه .. حمد بعد ماوصله صوت سيف النعسان : هلاااا بالمعرس سيف وهو يعدل المخده تحت راسها قال بتعب : هلا هلا حمد شخبارك وشخبار الرضيعه حمد وهو يضحك : كلنا بخير شخبارك انت؟ مبروك يالغالي والله يوفقك سيف : الله يبارك فحياتك حمد .. خلاص باركت لي يلا اقلب وجهك ومابي اسمع صوتك الا لما ترجع الدوحه حمد بعياره : افااا يهون عليك؟ والا عشان خذيت الحب خلاص؟ سيف الي تذكر الي صار بينهم امس حز بخاطره وقال بعياره : ياخي ماتخلون الواحد يتهنىىىى شهالنااس .. بتسكر والا عادي احذف تلفوني من الدريشه افتك منه ! حمد : ههههههههههه زين زين هاك اختك تحن تبي تكلمك سيف بعياره : يوووه عاد الحين مب مسكره .. عطني اياها الله يعيني عليها ساره بدلع : سيوووف يالدب مبروووك .. كذا تسوي فينا تنطرني انا وحمد نسافر وتتزوج سيف بعياره : سفرتكم كانت من ضمن المخطط .. كيفي مابيكم تحضرون عرسي ساره بضحكه : فديتك وفديييتك سوالفك .. شخبار الجازي؟ سيف عوره قلبه .. وقال يتصنع الحالميه : آآآآآآه ياسويره طحتي عالعوق ساره : ههههههههه الله يهني سعيد بسعيده وينها هي عندك؟ سيف يحاول يصرفها : أي بس نايمه اتصلي بعدين يلا يلا ... ( وسكـر الخط في وجهها وقفل التلفون ورد ينام ) واول ماغمض عيونه تذكر انه الحين رجال البيت ! فز من نومه واخذ له شور سريـع .. وطلع نزل الصاله لقى المها بالصاله عليها عبايتها وشيلتها وبيدها كوب كرك واليد الثانيه فيها اوراق كانت تقراها سيف: صباح الخير المها الي انحرجت من وجود سيف معاها بروحهم بدون الجازي : هلا هلا سيف .. صباح النور سيف بأبتسامه : على وين؟ المها : بروح الجامعه عندي امتحان اليوم سيف وهو ررافع حاجب : مع من بتروحين؟ المها : مع جارتنا ام صالح وبنتها .. سيف وهو يتوجه لغرفة الطعام : اوكي .. متى ترجعين؟ المها " تحقيــق " .. : برجع بعد ساعتين دخل سيف الغرفه وتركهـا بينما في هاللحظات رن تلفونها واطلعت بسرعه تلحق على نوره وامـها .. : : . : . : . عند نـوف وحمد لما توعت نوف الصبح حست انها مب قادره تثبت الرؤويه قدامها من كثر ماهي كانت تعبانه وكبدها لايعه .. حست انها ماعاد تقدر تستحمل صحت حمد بصوت خانقته العبره : حمـ ــد قــ ــ ـ ـوم تكفـ ـ ـ ـى حمد الي فز من نومه بخوف عليها : ها .. شفيج نوف؟ شي يعورج؟ نوف وهي حاسها انها تعبانه حتى تكلم : ودني المستشفى .. تعبـ ــانه فز حمد على حيله بسرعه غسل وجهه ولبس عالسريع واخذ عباية نوف وشيلتها وساعدها تلبسهم واطلعوا بسرعه يوديها للمستشفى .. : : . . . : : : توعت الجازي ولبست وانزلت تحت .. لقت سيف بالصاله يشوف قناة الجزيره حست بأحراج كبيـر قربت منه وقعدت على الكرسي الثاني وقالت بهدوء : صبحك الله بالخير سيف الي كان قلبه شوي ويطلع من مكانه قال يتصنع البـرود : صباح النـور .. هلا سكتت الجازي وعم الهدوء على المكـان الا من صوت التلفزيون توها بتقوم الجازي الا وصلها صوت سيف الي قال ببرود : تطلعين تريقين؟ الجازي بتوتر : انت تريقت؟ سيف ببرود : أي ! الجازي بأبتسامه خفيفه : عجل بتريق بالبيت .. سيف وهو يرد يشوف التلفزيون قال ببرود اكبر : عشان نحسس المها ان احنا في شهر العسل ! الجازي كانت كلمته عليها مثل الرصاصه الي دخلت جوفها بقوه ! سحبت نفس وقالت بهدوء : الي يريحك وقف سيف ببرود وقال : خمس دقايق خلج جاهزه : : : . . : : ادخلـوا نوف وحمد على الدكتـوره الي بعد ماسوت لنوف فحوصـات طلبت منها تنتظر لحد ماتطلع نتيجة الفحوصـات قعدت نوف عالكرسي وباين عليها التعب .. لكن كلها لهفه وترقب لخبر يفرحهـا .. خبر كانت تنتظره من زمان اما حمـد ماكان حاط ببـاله ابدا نفس مانوف تفكر ! كان خايف من اشيـاء ثانيه كان يراقب الدكتـوره بحذر وهي تقـول : ................................. لآآتحرموني من ردودكم وتوقعآآتكم ~ آختكم { زآآهي آلكحل ~ |
لالالالالالالالا نوفا وقف قلبي
امم وش فيها نوف ماتوقع حمل امم |
السلام عليكم
هلا نووف ماعليه حبيبتي عاذرينك ام شي انك بخييييييييييير .. الاجزاء خطيييييييييييره واهم شي بالموضوع فاطمه وقرارهاا الطلاق من حمد .. زواج الجاازي ..الحمدلله والشكر الحين مالقوا حل الا زوااجهاا من سيف ..صحيح احناا نبغاهم يتزوجون بس مو بهالشكل ..كان جت عندهم عمتهم وضحى والا راحوا لبيت جدهم ..؟؟؟كلهاا يومين ..وراجعين ..ماراح احد يدفع ثمن هالزوااج الا الجاازي ..صعبه الوحده تتزوج وتجلس ببيت اهلهاا ..>>فيس منقهر ..وش هالحل الباايخ .. نوف ..معقوله حاامل ..؟؟؟والا فيهاا شي ثااني ..الله يستر .. نووووووووووووف ..مشكوووره يالغاليه على النقل اللي تعبنااك معاناا فيه .. بانتظاار باقي الاحداااث .. |
اقتباس:
ياهلا والله حياك الله ياحقيقه حلم منوره يالغلا ولبى قلب اللي خرجت من قوقعت الصمت ردك رهيب ودل على تمعنك بدواخل القصه الله يسلمك من كل شر يالغلا ولاتحرمينا تواجدك بين الصفحات |
اقتباس:
ياهلا وغلا هتونه انتي اللي حبيبة قلبي والله منوره ياغلا ولا تقطعين وتابعي القاددددم |
اقتباس:
لاياقلبي عادي الله يعينك ويعينا على ذا النت مع اني فقدتك وقلت جعل مانع انج خير يارب هههههههههههههه انج اضحك الله سنك وربي مت ضحك على حقدك انتي هتونه على ذا الحمد مسكين فيس بداء يكسر خاطره الله يسلمك من كل شر يالغلا وتابعي معنا القادم |
اقتباس:
شفتي ياقموره الطمع ش يسوي بغيتي كل الدواء مره وحده وبغت تفوتك جرعات امس الثلاث هع هع نوف وهل هي حامل او لا تابعي معي في اجزاء اليوم بنزلها كلها مره وحده |
هلــآآ وغلــآآ بالكل آسمحوآ لي لو مآقدرت آرد عليكم والله مفتشله آلجزء آليديد وصل آقولكم من آلحين فيه آحدآآث قويه آلـ ج ـــزء آلـ ث ــآآن ـي ع ــشر ~ ~ قعدت نوف عالكرسي وباين عليها التعب .. لكن كلها لهفه وترقب لخبر يفرحهـا .. خبر كانت تنتظره من زمان اما حمـد ماكان حاط ببـاله ابدا نفس مانوف تفكر ! كان خايف من اشيـاء ثانيه كان يراقب الدكتـوره بحذر وهي تقـول بأبتسامه : هذا فايروس منتشر قبلج جاتني حالتين من نفس الحاله .. راح اكتب لج علاج تستخدمينه لمدة خمس ايام وان شاءالله بتصيرين اوكي اختفت ابتسامة نوف الي كانت متوقعه انها تكون حامل ! وارتخت اعصاب حمد الي كانت مشدوده ! كان خايف ان الي في نوف شي كبيـر .. مثل التهابات وغيرهـا ! خصوصا وانه حاس بالذنب من ناحيتها ويحاول قد مايقدر يعوضها عن الي طاف .. وصار يخاف عليها من كل شي .. سبحانه مغير الاحـوال ! : : . . . : : على طريق جامعـة قطر الجازي وسيف توهم متريقين في الريتز اتصلت ساره بالمها بعد ماطلب منها سيف تتصل فيها وتقـول لها انهم جايين ياخذونها من الجامعه وعم الهدوء من جد وجديد على السيـاره الجازي بتموت من هدوء سيف ! وسيف بيموت منها مب قادر يستحمل وجودها قريب منه بدون لايتكلم معاها ولاحتى يلمسها ! هو مايبيها تجفل منه من البدايه كان ماسك عمره عشانها وبنفس الوقت متنرفز من اسلوبها معاه بالفتره الاخيره .. بالتلفون وكملتها امس في اول يوم لزواجهم وهي تطلب منه لايقرب منها ! قال بهدوء : الجازي مادري اذا سعود لحق يقولج او نسى ! ترى مهرج حطيته بحسابج من امس بعد ماعقدنا القران على طول .. واذا حابه تروحين السوق قولي لي الجازي ردة بنفس الهدوء : ان شاءالله .. : : . . . : : العصـر كان حمد يعدل غترته قدام المنظره ونوف على سريرها ماكانت تعبانه لدرجة انها تلازم السرير ! لكن اصرار حمد الغريب خلاها تلازم السرير غصب .. طبعا نوف استغربت المعامله الغريبه والحنان الي نزل فجأه على حمد لكنها كانت خايفه تسأل او تعلق ! ويهب بوجهها ويرجع مثل قبل وهي مب مصدقه ان حمد الشخص الي حبته من ايام طفولتها حب بريء طفولي واستمر لحد ماكبرت وصارت تعشقه ولما تزوجته طبعا زاد حبها له بشكل كبير حتى اسلوبه معاها ماقدر يأثر على حبها له .. كانت حاطه ببالها مثل حريم اول " المره الي فيها خير تصبر على زوجها " وهذي هي صبرت وقاعده تشوف نتايج صبرها .. بس يانوف رجاجيل اول مومثل الحين؟ انتي صبرتي صبر غريب ! .. وغفلتي عنه لدرجة انه كان ممكن يصير اب وانتي ماتدرين ! بعد ماضبط حمد الكوبرا التفت لها بأبتسامه وهو يقول : بروح المجلس الحين .. وانتي لاتحركين من مكانج أي شي تبينه تطلبن من الخدامه تسويه نوف برجا: بس حمد مافيني شي ليش اقعد عالسرير حمد بحنان : خايف عليج تتعبين كفايه امس طول اليوم مارتحتي دقيقه تجهزين حق ملكة اخوج وانتي تعبانه ابتسمت نوف برقه : امس وانا تعبانه كنت اقدر اتحرك واسوي كل شي اليوم صدقني مافيني الا العافيه ومع العلاج بصير احسن ان شاءالله .. وانت سمعت الدكتوره قالت هذا فايروس ومنتشر شي عادي حبيبي ( قالتها بخجل ) حمد اتسعت ابتسامته وقال بخبث : دام فيج حيل استعدي الليله ابي سهره ولا اروع انحرجت نوف ونزلت نظرها ليدها وهي تفرك اصابعها ببعض بخجل بينما حمد طلع وهو متشقق من الوناسه .. شلون ماكنت عارف قيمتج قبل يانوف؟ شــلووون؟؟؟ انا لازم اعوضج عن سنه ونص طافت .. ومن جهه ثانيه سيف كان في غرفة سعود منسدح عالسرير وحاط يده اليمين تحت راسه ويفكر شالحااال مع الجازي؟ شفيها متغيره وصايره ثقيله بزايده .. والجازي كانت بغرفتها هي الثانيه تبي تهرب من التفكير .. شافت باقات الورد الكبيره الي وصلتهـا من سعود وسيف ! امس كانت روعـه باقة سيف كانت حمرا وباقة سعود كانت بيضا كل باقه اكبر من الثانيـه ومليئه بالمشاعر والاحاسيس غير عن الثانيـه .. ابتسمت بحب وهي تشوفهم اخذت ورده من باقة سعود وورده من باقة سيف .. تشمهم وفتحت كبت الملابس وتمت تشوف لها لبس حلو تلبسه تحس انها عروس وبأول ايام عرسها .. الي حست انه غريب من جميع النواحي ! والمها بغرفتها بعد ماجات من الجامعه نامت وتوها توعى الحين بدلت بسرعه ولبست جلابيه لانها ماتقدر تلبس شي يبين معالم جسمها لان سيف موجود فالبيت اخذت لها شيله ولفتها على راسها بحكم بدون ماتطلع ولاشعره .. وطلعت بتروح الصاله التحتيه انزلت الجازي الي كانت لابسه تنوره سودا هاي ويست مع قميض سكري ساتان ستايل الستينات .. كانت لابسه حلقان شانيل اللولو وعلامة شانيل بالاسود تكحلت وحطت روج احمر ولمت شعرها على فوق ونزلت قذلتها القصيره كان شكلها روعه ابتسمت المها وهي تشوفها وتعلق : فديييت اختي جميييله جميييله الله يحفظها الجازي ارتسمت ابتسامه حلوه على محياها وهي تقول : مب احلى من مهاوي الشيخه .. ( قعدت عالكرسي جنب المها وقالت ) الا وين توأمج نوره؟ ضحكت المها برقه وهي تقول : خاااااااااامده يامال العااافيه ضحكت الجازي وراحت للمطبخ تطلب من الخدامه تجهز الفواله قبل ماينزل سيف .. لحقتها المها وبعياره قالت: في عروس ثاني يوم عرسها تدش المطبخ؟ الجازي بخجل خفيف: بس آمر الخدامه تجهز الفواله المها وهي رافعه حاجب ومنزله الثاني : قولي انج جيتي تشمرين عن سواعدج بتطبخين بس لاني جيت قلتي آآمر الخدامه .. ( كملت بخبث كبير وهي تقول ) حبيب القلب بعده ماتوعى؟؟ روحي قعديه : : . . : : بعد صلاة العشـاء سيف في غرفة سعود قدام المرايا يلبس غترته وعقاله وهو يلقى نظره سريعه على عطورات سعود ويتعطر بواحد منهم وطلع بعد مااخذ سويك سيارته لقى المها توها طالعه من غرفتها .. توتر سيف .. وببراعه قدر يخفي هالشي .. المها استغربت غريبه طالع من غرفة سعود ! طلع سيف من البيت بيروح لمجلس جده يسلم عليهم ويقعد معاهم شوي لين الليل ويرجع قال للبنات اذا بييروحون معاه او لا لكن ماقدروا لان المها عندها اخر امتحان بكره .. بتقعد تدرس له والجازي الي كانت متملله قعدت عند المها عشان ماتخليها بروحها فالبيت اخذت المها لها كوب كابتشينو ساااخن يدفيها واخذت ملمزتها وراحت قعدت عالطاوله في حديقة البيت وتدرس .. اما الجازي فهي من الملل راحت فوق رتبت غرفتها الي اصلا مرتبه وماتحتاج لترتيب ! وعقب دخلت غرفة سعود وقعدت ترتب اغراض سيف الي قدرت تميزها من اغراض سعود لان تعرف اغراض اخوها عدل بما انها هي الي دايما ترتب غرفته له .. : : . . . : : : في الرياض الساعه 9 ونص بعد ماخفوا المعزين شوي ومحد غريب غير اهل ابو متعب .. كان سعود بزاويه قاعد لحاله .. وحاس بتعب وارهاق تقريبا يومين مانام فيهم الا 4 ساعات ! كان يتمنى لو ان محد موجود كان حط راسه ونام وكفايه اليوم الثاني الصبح بيجون الناس الي ماقدرت تعزي اول وثاني يوم والناس توه واصلهم خبر .. في هاللحظه تذكر خواته امس كلش ماقدر يتصل فيهم اولا لانهم مشغولين اكيد وهو كان مشغول مع المعزين وماكان عنده وقت كلش انه يتصل فيهم .. اخذ تلفونه وكان بيتصل على الجازي ! بس قال اكيد الحين سيف عندها خل اتصل في مهوي .. اتصل ووصله صوت المهـا المره : هلا والله بأهل الرياااااض .. شدعوووه رحت الرياض ونسيتنا سعوود ابتسم سعود رغم التعب وقال : مانسيتكم دقيقه وحده ودوم على بالي والله .. بس انشغلت مع الرجاجيل والحين فضيت قلت اتصل فيكم اشوف شخباركم المها بعياره : لاتقول اتصلت في جزوي اول؟؟ ترى ازعل ضحك سعود بهدوء وكمل بعياره : تصدقين كنت بتصل بس تذكرت سيف العله اكيد عندها .. قلت ياحظي الي رماني على مهوي ! المها وهي تتصنع الزعل كملت بعياره : ايييييه لنا الله .. هذا وانا صديقة حبيبة القلب واقرب لها من جزوي تقول كذا .. ( كملت بعياره اكبر ) شكلي بقول حق نوره تهون عنك سعود الي فز قلبه مع طاريها ! قال بحزم يخفي وراه انفعالات كثيره : مهوي يالبزر .. احشميني مب بزر مثلج المها الي خافت لايقلب عليها قالت تحاول تضيع السالفه: آآ شخبار خالتي؟؟ سحب سعود نفس عميق وقال : بخيـر ان شاءالله .. شخبارج انتي والجازي؟؟ قاصركم شي؟ المها : الحمدلله لا قاصرنا شي ولاماشيات وسيف مب مقصر معانا .. ( وكملت ببراءه ) بس ليش هو ينام في غرفتك؟ سعود الي انصدم .. توقع انه ماسمعها عدل قال بهدوء : شقلتي؟ المها وهي تعيد بكل براءه : ليش سيف ينام في غرفتك؟ غمض سعود عيونه يحس بشعور غريب .. فيه انفعالات كثيره غضب .. استغراب .. صدمــه !! وقال بهدوء يحاول مايبين انفعالاته في صوته عشان لاتحس المها : هو ماينام فيها .. بس قال لي بيحط اغراضه فيها .. المها ببراءه اكبر : زين ليش ماحطهم مع الجازي بغرفتها؟ في مكان احنا مفضين الكبت .. سعود الي بدا يتنرفز من اسألتها قال : يمكن مايبي يضيق عليها .. بلاها هالاسئله يالمها .. سكتت المها خافت تكلم يعصب عليها .. بينما سعود تنهد وقال بضيق: انا مضطر اسكر الحين سلمي على الجازي .. : : . . : : . : بنفس الوقت سيف يدخل سيارته في حوش البيت .. ويدخل البيت وعلى طول راح لفوق .. غرفة سعود الي صارت غرفته بالوقت الحالي ! اول مافتح الباب لفحته ريحة الغرفه .. كانت حلوه مبين انها معطره ومبخـره .. ومرتبه بعد ! التفت يشوف شنطته الصغيره مالقاها في مكانها فتح الكبت لقى ثياب سعود معلقه .. فتح الباب الثاني لقى ثيابه معلقه وجنبه الغتر .. وملابسه الداخليه مصفطه بشكل مرتب في رف من رفوق الكبت الثاني الخاص بالملابس الداخليه اكيــد الجازي مرتبتهم ! تنهد بحب وطب عالسرير آآه متى بيلين راسج يالجازي .. بس انتظر اشاره منج عشان اغرقج بكلام الحب الي محتفظ فيه سنيييين وسنييييين عشان يجي اليوم الي اقوله لج .. المشكله انها جامده في معاملتها معاي وانا ماقدر الين عشان ماتنفر مني .. بس اتأكد من مشاعرها .. والله اهجم عليها واضمها على صدري ومااخليها تبتعد عني مره ثانيه من جهه ثانيه الجازي كانت على سريرها وبيدها تلفونها تقلب فيه كانت متوقعه مسج من ردة فعل سيف لما يشوف الغرفه مرتبه وملابسه مرتبه .. لكن حست بخيبة امل .. شلون بيطرش لي مسج وانا طول اليوم جنبه ولابمهتم فيني شفيه؟؟ شالي غيره؟؟ معقوله مغصوب علي؟؟ مستحيـل سيف يحبني من زمان وانا اعرف انه للحين يحبني.. بس ليش يعاملني كذا؟ استاهل الي يصير لي؟؟ استاهل جفاه لي؟؟ وصده عني؟؟ .. نامت الجازي على رجا مسج من سيف الي هو الثاني اخذ له شور ونام .. : : . . . . : : مر يوم ونص على الاحداث الاخيـره المها قدمت امتحانها الاخيـر وابتدت اجازة الربيـع سعود كان وده يرجع من ثالث خصوصا بعد ماقالت له المها بلقافتها عن سيف والجازي لكن من البدايه حجزه كان على رابع يوم والسبب ان مافي حجز ! يعني اليوم الساعه 7 العشـاء موعد عودتهم للدوحـه .. ساره وحمد في ربوع سويسرا علاقتهم كل مالها وتكبر ويندمجون مع بعض اكثر .. نوره كانت فاليومين الي راحوا متضايقه شوي ماتدري ليش ! يمكن عشان سعود مب موجود .. وماتقدر تشوفه !! خصوصا ان المها كانت تسولف لنوره عن بنات خالتها ( خوات متعب ) وانهم حلوات .. فحست نوره بشعور غريب يدفعها للغضب لكن ماحبت تبين ودايما تتصنع اللامبـالاه وهي من الداخل تحتتترق .. لكنها فرحت لما درت انهم بيوصلون الليله الدوحـه سيف والجازي علاقتهم مثل ماهم عليه كل واحد ينتظر الثاني يبادر ! حمد ونوف حب جديد مشاعر جديد .. ملتفه حولهم حمد بمشاعره الجديده تجاه نوف قدر يعيشها لحظات مستحيل تنساها .. ولانه وعد نفسه انه يعوض نوف عن سنه ونص طافت حجز تذكرتين سفر لهم على تركيـا شهر عسل تعويض عن الي طاف ! : : . . . : : : في مستشفى حمد الساعه 5 ونـص المغرب كانت نوف عند فاطمـه بروحهم في الغرفه نوف معورها قلبها على فاطمـه اولا لانها فقدت جنينها .. ثانينا على الاصابات الي بجسمها وباين عليها التعب بشكل كبير فاطمه تحاول تبتسم عشان نوف : حبيبتي كان ماكلفتي على نفسج وجيتي بروحج تعبانه نوف بأبتسامه فيها بريق خاص : تصدقين كنت متوقعه اكون حامل .. ( وكملت بلهفه ) ابي بيبي من حمد فطووم فاطمه تحس بطعنات في جوفها وهي تشوف لهفة نوف على البيبي وقالت بألم : توج صغيره والله بيرزقج ان شاءالله .. الله يرزقج بالذريه الصاله نوفي حبيبتي ( ودمعت عين فاطمه لا اراديا ) نوف وهي خايفه على فاطمه : فطوم حبيبتي شفيج شي يعورج؟ فاطمه وهي تمسح دمعتها : لا ماعليج لاتحاتيني .. الا ماقلتي لي ..... ( وكملوا السوالف الي تخص الحريم المتزوجات :P ( في نفس هاللحظه كان حمد ( زوج الثنتين ) ورا باب الغرفه ! توه بيحط يده عالباب الا رن تلفونه .. وابتعد شوي عن الباب يتكلم .. : : . . . : : في الدفنـه بيت سعـود المها اتصلت في نوره تجيها بحجة انها متملله وماتقدر تطلع عشان ماتخلي الجازي بروحها ونوره لبت الدعـوه وعلى طول جاتهم .. استأذنت الجازي بتروح تجهز اصناف الحلويات وبعض الاكلات الي يحبها سعود وامها وبنفس الوقت تشغل نفسها من التفكيـر خلاص لما يرجعون اهلها بتسافر مع سيف الي خلص اجراءات السفر وبيسافرون بكره فليل من هنـا بتبدي تتغير حياتها تطلع من بيت اهلها لبيت سيف .. لحياة سيف الي كانت تعرف مشاعره تجاهها قبل .. والحين تجهلها .. ومب عارفه حتى كيف ممكن تصرف معاه .. ارجعت لأرض الواقع لما وصلها صوت الصحن الي طاح وانكسر عالارض .. الخدامه بخوف : جازي سنو في؟ روهي روهي انا خمي الجازي مسحت على شعرها بتوتر .. وراحت للجهه الثاني تجهز المقادير ونوره مع المها بغرفتها سوالف كالعاده .. كل وحده تعطي الثانيه تقرير مفصل عن يومها شصار فيه : : . . . . : : : . : نرجع للمستشفى انهى حمد مكالمتـه ووقف قدام الباب وهو يسحب نفس كان ناوي يدخل يحاول في فاطمـه .. انها تشيل فكرة الطلاق من بالها بعد ماتركها يومين تهدا وداخل عند نوف وفاطمـه كانت نوف وجهها قلب الوان من الخجل وفاطمـه الي نست همومها كلها وفرحت لنوف وقالت : اليوم تروحين تاخذين تست الحمل من الصيدليه وتعلميني بالنتيجه بسرعه .. ان شاءالله تكونين حامل نوف وهي شوي بتنفجر من كثر ماصار وجهها احمر : اوكي وفي هـاللحظات انفتـح باب الغرفـــــــــــــه اتجهت انظار فاطمه ونوف للبـاب بينما حمد الي فتح الباب كان متوقع يشوف فاطمه وبس ! وانصـــدم انصـــــــــــدم وحس الدم تجمع براسه لدرجة ان عروق راسه صارت تنبض من تزاحم الدم فيها وهو يشـوف فاطمـه ونوف الي جنبها عالكرسي وهو يشوف ردة فعل الثنتين .................. : : . . . : : . : الساعه 6 الا ربـع سيف توه ماخذ له شور منعش لبس ثوبه وغترته وعقاله وكشخ للأخر .. يستعد لروحة المطار يستقبل سعود وامـه اخذ من العطر الي موجود قدامه ورش له كم رشة وهو يشوف نفسه بأعجاب التفت يدور تلفونه بعيونه ولقاه على الكومدينا اخذت حطه بمخباه واخذ سويك السياره نزل لقا الجازي بالصاله تشوف التلفزيون ووقفت اول مالمحت سيف ينزل قرب سيف منها وقال بهدوء : الجازي ولا عليج امر .. انا لميت اغراضي وملابس بشنطتي اخذيها وحطيها بغرفتج لين الليل .. وجهزي عمرج ترى الليله بنروح لبيتنا .. دام اهلج جاوا انا انتهت مهمتي في هذا البيت الجازي بهدوء : ان شاءالله .. ابتعد سيف بأبتسامه : يلا انا رايح المطار .. : : . . . . : : . لما انفتح الباب والتفت نوف وفاطمه لناحية الباب كل وحده فيهم انصدمت من الي قاعده تشوفه .. وبالذات نوف الي كانت مستبعده ان هالشخص يكون حمد بحجة ان " وش الي يجيبه لفاطمه؟" كانت تقول بنفسها .. ياربي انا صرت اشوف كل الناس حمد والا هذا حمد بنفسه؟؟ دمعت عينها وعينها معلقه في عينه الي هو الثاني كان يشوفها وحاس انه تبنج مب قادر يتحرك مب قادر يهرب من نظراتها .. كانت تنظر له بلوم بعتب بقهر بصدمه بأستغراااب بندم بغضب اهتزت شفتها السفليه وعيونها صارت غرقانه بدموع والتفت تشوف فاطمه الي كانت تشوفها ودموعها على خدها هنـا هنا بس تأكدت نوف ان الي تشوفه حقيقه وقفت بتعب كبيـر .. وحطت طرف شيلتها على وجهها واخذت شنطتها واطلعت حمد كان يشوفها وهي تمر من جنبه تطلع .. ترك الباب وراح يمشي وراها وهو يناديها : نـوف .. نوف لكن نوف ماكانت تبي تلتفت له وهي لحد الحين ماسكه عمرها طلعت موبايلها من الشنطه واتصلت بالسواق يقرب السياره .. لما سمعها حمد اتصل بالسواق وطلب منه يروح البيت ولما سمعته نوف التفت بقهر وقالت من بين اسنانها : بأي حق تطلب منه يروح؟ حمد الي كان يتلفت يشوف الناس حواليه : نوف اذكري الله .. ماني مخليج تروحين مع السواق بروحج قاطعته نوف بقهر: الخدامه تنتظرني هنا مب رايحه مع السواق بروحي حمد مسكها حمد بيدها بقوه وهو يقول برجا : تكفين خلينا نروح البيت ونتفاهم هناك .. شوفي الناس شلون يشوفونا سحبت نوف يدها من يده وقالت : همك الناس؟؟ اوكي .. ( اشاحت بوجهها عنه ) : : . . . . : : : في مطار الدوحـه الدولي ابتسم سيف لما لمح سعود وامه يقربون من البوابه وطلع من الباب الثانيه بسرعه عشان يروح لهم .. سلم على سعود وحب ام سعود على راسها .. الحمدلله على السلامه .. تو مانورت الدوحه سعود وام سعود : الله يسلمك .. ومنوره بأهلها اخذ سيف الشنط من يد سعود الي رفض يعطيهم سيف .. وقال له بعياره : لاتخاف مب سارق شي منهم .. زين عطني شنطة عمتي حذف سعود شنطته وشنطة امه على سيف : شيلهم ثنتينهم .. ام سعود وهي تضحك على خبال الشباب : ياولدي شوي شوي عليه سعود : ماعليج منه هذا يقدر يشيلني ويشيلج بعد سيف : انا اشيل عمتي يمكن .. اشيلك انت؟؟ مستحيييل عشان تفكك مفاصلي؟ سعود وهو يدز سيف من كتفه : لاتكثر حكي وقدامي عالسياره تعبان ابي احط راسي واناااام : : . . : : . . دخلت نوف غرفتها وهي حدها معصبه اخذت لها شنطه صغيره تلم فيها اغراضها الضروريه الي مستحيل تستنغي عنها مسكها حمد ولفها لناحيته : تكفين نوف خليني اوضح لج نوف الي كانت ماسكه اعصابها .. انفجرت في وجهه وهي تقول بقهر وهي تصرخ فيه وتضربه وتبتعد عنه : لاتمسكني .. ياحقييير ياحيوااان .. لاتقرب مني .. مابي اشوفك .. ولا ابي اسمع صوتك .. ولا ابيك تمسكني حمد تجاهل هذا كله وقرب منه وهو يقول برجا : تكفين نوف عطيني فرصه اشرح لج .. نوف وهي تصرخ فيه وتخبط صدره بكل قوتها وتبده عنها : مابي اعطيك فرصه .. عطيتك سنه ونص من عمري ياحقير .. اذا ماقدرت تثبت فيهم انك رجال بتثبت لي الحين انك رجال؟؟ ( سحبت يدها من بين ايديه وهي تبعد عنه وتكمل بغصب وبقهر ) .. انت مب رجال.. ولافيك ذرة رجوله ياخسارة ضيعت فرصتي مع واحد مثلك حمد كان ينطعن بكلاماتها اول مره يشوفها معصبه ! اول مره يدري ان نوف تملك هالكميه الكبيره من الجرأه على الهواش والصراخ .. عمره ماتوقع ان نوف ممكن تجرح ! نوف في نظره سابقا .. البارده الهاديه تشكلها على كيفك ! مستحيل ترفع صوتها مستحيل تستخدم الفاظ غير لائقه .. مستحيل تكون عصبيه لو مهما صار الي مايعرفه حمد ان نوف عندها قدره على التحمل .. والصبر وانها عاقله .. وشخصيتها الهاديه والرزينه تعكس تربية اهلها كانت نعمه وحمد ماقدر هالنعمه كان يظن ان هالانسانه خاليه من المشاعر خاليه من الاحاسيس حتى لما كانت تستخدم سلاح الانوثه ماكان يشوفها الا بنت وبس ! رغم انه كان ينلسع بلمساتها بهمسها ماتوقع في يوم يذوب وهو يسمع صوتها حتى ! يشتاق لها وبعنف وانها دايما تحتل تفكيره هالشعور مادام الا كم يوم بس وبسرعه انكشف حمد الشي الي ماتوقعه ولاحسب له حساب ان نوف تكشفه .. وتثور فيه وتعصب عليه وتضربه وتصرخ فيــه .. تجرحه تسبه تهين رجولته وهو مايهتم للهذا كله كل همه نوف نوف وبس مايبي يخسرها مثل ماخسر فاطمه ! قرب منه وضمها بقوه وهو يقول بقهر : نوف تكفين سامحيني .. واستري علي .. اوعدج انج تعيشين احلى عيشه ووالله لا اعوضج عن كل شي واعتبري من هاللحظه احنا زوجين جداد .. تكفين نوف مابي اخسرج .. ماقدر اعيش بدونج .. تكفين تكفين ( قالها وهو يشدد ضمته على نوف لما حس انها ممكن تنفلت من بين احضانه ) نوف بعد ماضمها حمد بكل قوته وهي تسمع صوته صولها من اعماق قلبه ووجهها مدفون في صدره حاولت تبتعد عنده لكن ماقدرت .. ماقدرت بكت بقـــهههر بوجــع بآلم كبيـــــــــــــــــر .. كبيــــــر مب قادره تستحمل .. بكت بين احضان حمد الشخص الي حبته وعشقته لحد الجنون .. وفي لحظات كرهته ! بكت في احضانه لانها ماتقدر تبتعد عنه بسبب ضمته القويه لها .. : : . . . . : : : في الدفنـه بيت سعــود بعد مارجعوا ام سعود وسعود وسلموا على المها والجازي وطبعا نوره راحت قبل مايرجعون .. وسيف بالمجلس الخارجي للرجاجيل دخل عليه سعود رغم انه تعبان .. والتفكير ذبحه خلاص مب قادر يستحمل قرب من سيف الي كان قاعد يشوف التلفزيون وحط سعود ايديه وحده على يمين سيف على الكرسي والثاني على يساره على الكرسي بعد وهو يقرب منه وعينه بعين سيف .. الي لما شاف قربه كذا ارتبك .. وقال : خير وش فيك سعود؟ سعود ومازالت عينه بعين سيف : امنتك بالله .. تجاوبني بصدق سيف وعينه مبققه : اجاوبك على وشو؟ سعود بنفس النظره الثاقبه : وش بينك وبين الجازي؟ بلع سيف ريقه بأرتباك وقال: وش بينا؟؟ مابينا الا العافيه .. ليش؟ سعود بتحذير : اكيــد؟ سيف وهو يدز سعود من كتوفه بخفه : اكيد .. وخر عني بس على بالي عندك شي سعود : عجل ليش تنام بغرفتي؟ سيف انصدممممم .. لوهله بس توقع ان الجازي الي قالت له .. لان مافكر فالمها وانها ممكن تقول بحكم انه مايشوفها دايما ! ارتبك وقال يخفي ارتباكه : آآ بس حطيت اغراضي فيها وكنت استخدم الحمام ( الله يعزكم ) سعود عقد حواجبه " حسبي الله على عليج يامهوي " قال وهو منحرج .. : آآآ نزيين ماوصيك على الجازي تراها غاليه .. ابتسم سيف براحه وقال : انت ماتوصيني على الجازي.. الجازي في عيوني الثنتين ياسعود ودامها عندي تطمن عليها ابتسم سعود وطبطب على كتف سيف وقال : هذا العشم فيك يابوحمد : : . . . . : : : نرجع لحمد ونوف الاوضاع كانت متوتره بشكل كبير بينهم اخذت نوف شنطتها بيدها بتطلع وقفها حمد الي قال واول مره نوف تشوف فيه هالنظره وتسمع هالنبره منه تكفين نوف تراجعي نوف وهي تسحب يدها : اذا خايف اني افضحك .. تطمن ماني من هالنوع .. ارقد وامن .. وابي ورقتي توصلني في اقرب وقت طلعت وتركت وراها حمد المحطم المكسور المجروح .. حمد بكرياءه وغروره وتعجرفه الحين ذليل ومكسور وخسران خسر الثنتين .. مايمديه يتهنى بنوف .. الا وخسرهـا آسمحوآ لي لو في آخطآآء آملآآئيه لآني مآدققت فيهم ~ آختكم { زآآهي آلكحل ~ |
آلــ ج ـزء آلـ ث ـآلـ ث ع ـشر ~ ~ طلعت نوف وتركت حمد وراها فالغرفه وهي تجرجر وراها همومها واحزانها الثقيله .. صعب انه تقدر تشيلهم كانت دموعها تسيل على خدها بألم وبحسره دموع حرارتها من حرارة القهر الي فيها لمحتها ام حمد المره الكبيره بالسن تتعب من الحركه الزايده كان اغلب وقتها تقضيه يافي بيت ( الجد بوعبدالرحمن ) او في بيتها في الصاله التحتيه تشوف التلفزيون شافت نوف الي كانت دموعها تنزل غصبا عنها مرت لاسلمت ولاتكلمت كل الي شافته دموع لوهله بس ام حمد طاح قلبها برجيلها قلبها نغزها ليكون حمد فيه شي؟ بثقل وتعب قدرت توصل لنوف : يابنتي وين بتروحين؟ وش فيج شالي صاير لكم؟ نوف وهي تحاول تصد عن ام حمد ماتبيها تشوف دموعها قالت وهي تفتح الباب بتطلع : يمه انا بروح بيت ابوي .. طلعت نوف وام حمد عظامها بردت وقعدت على اقرب كرسي ماعندها الا هالولد هو الي بقى لها كل الي كانت تجيبهم بعد حمد وهم 3 بنات ماكانوا يعيشون على طول يموتون وماعندها الا هالحمد هو وحيدها كل مايطلبه يجيه من وهو صغير اهله كلهم كانوا يدلعونه ويحبونه بما انه الحفيد الاول في العايله وهو وحيد امه وابوه الي ظلوا سنين وهم يعالجون لكن ربي ماكتب لهم من الذريه الا حمد كانوا يخافون عليه من كل شي .. عشان كذا ام حمد ماكانت تعامل نوف على انها زوجة ولدها وبس كانت تعاملها وتحبها مثل بنتها انصدمت نوف وحمد يتفرقون؟ نوف الي عمرها ماشافت لها دمعه ولااشتكت ولاتذمرت ولارفعت صوتها كانت البنت المطيعه الطيبه الخلوقه مثل النسمه اللطيفه فالبيت .. تطلع من البيت ودموعها على خدها؟ كانت صدمه قويه على ام حمد عظامها ماعاد تشيلها .. لكن خوفها على حمد جبرها تضغط على نفسها وتصعد الدرج عتبه عتبه لحد ماوصلت لغرفة حمد : : . . . : : في الدفنـه بيت سعود ام سعود والمهـا وسعود واقفين ومقابلهم عالناحيه الثانيه الجازي الي كانت لابسه عبايتها وشيلتها وبيدها شنطة اليد وجنبها سيف الي كان يعدل غترته وهو يبتسم : لاتوصين ياعمتي الجازي بعيوني ( قال الجمله وهو يشبك يده بيد الجازي .. الي ارتعشت من ايديه الدافيه وهو حس برعشتها ) ام سعود وهي تمسح دمعه بطرف شيلتها : امانتك ياسيف قبل ماتسافرون بكره تمر بها علي اسلم عليها واوادعها سيف وهو يقرب من ام سعود يحبها على راسها : ان شاءالله .. يلا نترخص الحين عن اذنكم راحوا سيف والجازي وسعود وامه والمها ادخلوا داخل سعود من زود ماهو تعبان انسدح على اقرب كرسي ام سعود وهي تقعد عالكرسي الثاني : شفيك يبه شي يعورك؟ سعود وهو متخدر : ميت من التعب ابي انااام المها وهي تشغل التلفزيون : زين روح نام في غرفتك سعود يالله يقدر يتكلم من كثر ماهو نعسان : شوي بريح وبقوم لغرفتي .. المها بلعانه علت على صوت التلفزيون .. سعود كان منزعج لكن ماكان يقدر يتكلم ماعاد فيه طاقه استسلم .. اما ام سعود فهي قامت واخذت الريموت من يد المها وبندت التلفزيون وقالت بعصبيه : شوفي التلفزيون في الصاله الي فوق .. المها وهي تحلطم قامت بتروح لفوق : كل شي عشان خاطر سعود لايزعل ام سعود وهي معصبه عليها: مهوي وقص يقص لسانج ابتسم سعود بتعب .. : : . . . : : . الساعه 8 ونص بيت بوعبدالله .. فاضي ام عبدالله رايحه لبيت اخوها بما ان البيت من عقب ماتزوجت ساره فضى عليها وبوعبدالله في المجلس كالعاده .. وعبدالله كان توه جاي من البحر دخل ياخذ له شور ويبدل ويروح للمجلس كان ينزل الدرج وهو يدندن وعايش جوه .. لمح باب الصاله ينفتح وتدخل نوف شوفتها افجعته ! كانت الدموع مغرقه وجهها وعيونها متورمه وبيدها شنطه صغيره غير شنطة اليـد نزل عبدالله الدرج بسرعه وهو يقرب منها بصدمه : نوف .. شفيج؟ نوف بدون سابق انذار رمت بنفسها في حضن اخوها وهي تشهق وتبكي بأنين يقطع القلب .. كأنها مابكت من السنين .. وكل ماله يعلى صوتها بشكل خلى قلب عبدالله ينصهر وهو مب عارف شالي فيها قال وهو يبلع ريقه بخوف على اخته : نوف تكفين تكلمي شفيج؟ حمد صاير له شي؟ ادفنت نوف وجها بصدر اخوها اكثر وهي ماسكه ثوبه بأيديها الثنتين بكل قوتها وهي تقول بصوت مكتوم : لا .. عبدالله : عجل شفيج؟ تكفين نوف تكلمي وحس عبدالله بأيد نوف ترتخي وكانت بتطيح عالارض لولا ان عبدالله قدر يمسكها بخفه .. جلسها على اقرب كرسي وقعد عبدالله على ركبه وهو ماسك ايديها الثنتين وهو خايف على اخته : نوف تكفين قولي لي شفيج .. ترى خوفتيني عليج : : . . . : . : بصعوبه وصلت ام حمد للدور الثاني ووقفت شوي تنظم انفاسها وعقب راحت لقسم حمد فتحت الباب وانقبض قلبها وهي تشوف حمد قاعد على كرسي بالصاله الي في قسمه وهو يسند راسه على كفوف ايديه الي تغطي وجهه وصامت صمت رهيب لاحركه ولا شي .. ام حمد قربت بخوف لولدها : حمد رفع حمد عينه لأمه الي كانت حمر لكن مافيها ولادمعه .. كان ماسك نفسه لايضعف مستحيل تنزل منه دمعه .. كبرياءه يمنعه من عينه تدمع ! حطت ام حمد ايديها على قلبها وقالت بخوف خانقتها العبره : يمه حمد شفيكم شصاير لكم؟ سحب حمد نفس عميق .. وهو يقول : مافينا شي يمه قعدت ام حمد جنب ولدها وحطت ايديها على كتفه : يمه فديتك امنتك بالله تقول لي شفيكم؟ صاير شي مب طبيعي نوف طلعت دمعتها على خدها .. وانت هنا حالك مايسر لاصديق ولاعدو رفع حمد راسه كأنه يحاول يخفي دمعه لاتخونه وتنزل وتكسر كبرياءه .. والتفت لأمه واخذ ايديها الثنتين وحبهم وقال بضعف : يمه انتي راضيه علي؟ ام حمد بحنان الام البالغ: يشهد الله علي اني راضيه عليك ياولدي دنيا واخره حمد بقهر : عجل ليش انحرمت من نوف يايمه؟ ام حمد وقلبها يتقطع مليون قطعه : مرتك وعندك هذي الفتره كلها محد احرمك منها ياولدي .. حمد بدا يتوتر .. وايديه ترتعش بشعور غريب وهو يرفع بها شعره لورا وهو يتمتم بتوتر : لا اله الا الله .. لا اله الا الله .. : . . : . . : : . بعد ماهدت نوف شوي قالت لعبدالله اخوها : انا ابي حمد يطلقني عبدالله بصدمه : شنو؟ ليش؟؟ نوف والعبره خانقتها : ابيه يطلقني وبس .. والسبب بيني وبينه في هاللحظات ادخلوا سيف والجازي البيت لمح سيف وجه نوف الوارم وانتفض قلبه بعنف والجازي انصدمت من منظر نوف وبدا قلبها يدق بقوه وبخوف .. قرب سيف من نوف : شفيج؟؟ ( التفت على عبدالله اخوه ) شفيها؟؟؟ نوف غطت وجهها بأيديها الثنتين وقعدت تتبكي .. قربت منها الجازي : حبيبتي نوف شفيج؟ عبدالله قام واخذ سيف واطلعوا للحوش .. سيف سحب يده بتوتر قال وهو متنرفز : ماتكلم؟ شفيها عبدالله وهو يرمي القنبله : نوف تبي تطلق ! سيف انصدم .. : تطلق؟ ليش؟ عبدالله بتوتر : مادري .. مادري ياسيف مارضت تقول دخل سيف داخل لنوف وقال بعصبيه : شسوا لج الحقير؟؟ ليش تبين تطلقين منه نوف بتوتر وخوف : ماراح اقول السبب لأحد .. تكفى سيف خل الموضوع ينتهي بهدوء سيف وبدا وجهه يولع من الغضب : والله العظيم .. لو اعرف ان حمد ماسج بشي صدقيني ادفنه بيدي وطلع من البيت وشياطين الدنيا كلها على راسها عبدالله لحق سيف ومسكه : سيف وقف وين رايح؟ سيف وهو يسحب يده وهو يصرخ بجنون في عبدالله : بروح اشوف شمهبب ولد عمك هذا .. الي نزل دمعة نوف وهو مايسوى دمعه من دموعها الغاليه عبدالله وهو يمسك سيف : يارجال اذكر الله .. يمكن موضوع بينهم ويبون ينفصلون بدون ماتصير بلبله ليش كل هالعصبيه ياسيف دزه سيف من كتوفه وهو يقول بقهر : يعني راضي بالي صار لأختك؟ عبدالله الي كان يبي يحل الموضوع بهدوء قال : ماارضى احد يمس نوف بشي .. بس قبل ماتثور كذا تركد خلنا نشوف شالموضوع سيف بقهر : يكفي دموعها ياعبدالله .. دموع نوف غاليه والي خلاها تبكي شي كايد .. عبدالله وهو يطلع موبايله : دقيقه سيف خلني اتصل فيه سيف وهو يسحب تلفون عبدالله : لاتتصل فيه ولا شي .. هذا يافي المجلس والا داخل بيتهم عبدالله هنا بدا يعصب : وليكون بتدخل بيتهم بعد؟ تنهد سيف بغضب وهو ياخذ طرف غترته ويرميه على كتفه الثاني وهو يلف للجهه الثاني وهو يدخن من الغيض .. لمح حمد الي كان توه طالع من بيتهم وراح له يركض وعبدالله وراه .. : : . . . : . داخل عند نوف والجازي الجازي اصرت على نوف انها تروح لغرفتها فوق ترتاح .. لان للحين امها وابوها مايدرون وقعدت الجازي عند نوف وهي ضامتها تمسح على شعرها بالخفيف وقلبها يتقطع على بنت عمها اول مره تشوفها بهالحال .. وبنفس الوقت خايفه على سيف شكله كان معصب خايفه لايتهور ويسوي شي يندمون عليه كلهم .. غصبا عنها انزلت دمعتها .. : : . . . : حمد كان متضايق ركب سيارته وريوس فيها بيطلع من البيت ولما انتبه له سيف جاله يركض وهو مايشوف قدامه الا حمد وقف حمد وهو يتعوذ من ابليس بينما سيف الي فتح باب سيارة حمد وسحبه من السياره وهو ماسكه من جيبه ويرصه على السياره بقوه وهو يصرخ فيه بغضب : شمسوي في اختي؟ غمض حمد عيونه .. مب ناقص حركات سيف ! وهزه سيف بعنف وهو يرصه عالسياره بقوه : ماتكلم .. عبدالله وهو يحاول يهدي سيف مسكه من ايديه وقال بحزم : سيييييف .. اذكرالله سيف ويده مازالت متشبصه بحمد وعينه على حمد الي يشع من شرار قال بحزم : ذاكرن الله قبل وجهه .. مسك حمد يد سيف وحاول يبعدها عنه : سيف مالي خلقك ودزه سيف بقوه على السياره وقال بقهر: يعني انا الي لي خلقك؟ شوف ياحمد .. عطيناك الغاليه عشان تزين حياتك وتحافظ عليها لكن ترد لبيتها ودمعتها على خدها .. هذا الي حنا مانرضاه ولاتظن ان نوف ماوراها رجاجيل .. ان كان الي صاير لها شي كايد والله مايردك مني الا الموت في هاللحظات وصلهم صوت مهزوز خانقته العبره .. : سيف ياولدي انا مالي من عقب الله غير ذا الولد طلبتك لاتضره كان هذا صوت ام حمد الي كانت حاضره الموقف كامل ودموعها انزلت على خدها وهي تشوف ولدها ينهان قدامها وهي مره كبيره بالسن وش بيدها عشان تردهم عنه؟ وولدها بنفسه همومه مثقلته وعاجز حتى لايرد الكلام عنه .. سيف الي استحى وبنفس الوقت عوره قلبه على ام حمد .. الي مالها ذنب ارتخت يده لحد ماترك حمد ورجع للبيت وهو مقهور .. بينما حمد الي كان يحس بصداع شديد ركب سيارته وقعد فيها وعبدالله قرب من عند ام حمد بأحراج وقال : السموحه يا ام حمد .. تعرفين سيف شاب طايش وهو من الحره الي فيه يقول هذا الكلام مستحيل يسويها والموضوع ان شاءالله بينحل بهداوه .. تركها عبدالله بيرجع لبيتهم ولما شافه حمد نزل من سيارته : عبدالله .. وقف عبدالله بدون مايلتفت لحمد .. حمد تنهد وقال : خلني اشرح لك موقفي التفت عبدالله بنظرات احتقار لحمد وقال : لاتظن لاني حاولت امنع سيف منك اني راضي على فعلك .. عندك شي تبي تقوله تعال وقوله قدام ابوي وابوك ( قالها وهو يأشر على حمد ) راح عبدالله وترك حمد وراه الي حس انه مقهـور لأخر درجه يكفيه متضايق عشان نوف مب ناقص يخسر اهله كلهم .. ركب سيارته وقعد يفكر شممكن يقول لهم؟ مستحيل يقول انه كان متزوج بالسر لان وقتها حتى ابوه بيقوم ضده .. ضرب السكان بأيده بقهر آآآخ آآآخ ندمان لاني ضيعت نفسي : . . . : : بعد مارجع سيف للبيت راح لغرفته على طول ماييبي يشوف احد نوف لما هدت شوي نامت تركتها الجازي وراحت لغرفتها ولقت سيف .. لاشعوريا دمعت عينها ورمت بنفسها في حضنه ضمها سيف لصدره وهو حاس بهموم الدنيا كلها على راسه .. بينما عبدالله ركب سيارته وطلع كان متضايق ومنقهر بنفس الوقت .. راح يجيب امه الي اطلبت منه يجيها يردها للبيت .. وهو حاط فباله انها ماتدري الا بكره عشان نوف ترتاح وتهدا شوي وتكون مستعده للي بيصير بكره ! ومرت هالليله صعبه على الكل اجواء متوتره ... ناس درت بالخير وناس للحين مادرت ياترى شبتكون ردود افعالهم !!؟ : . . . . : . الصبح الساعه 6 ونص توعى سعود على صوت امه توعيه : سعود قوم يمه الساعه صارت 6 ونص فتح سعود عينه بتعب شدييد وهو يشوف الصاله حواليه .. : انا نمت طول الليل هنا؟ ابتسمت ام سعود بحنان : قعدت عندك قلت يمكن تقوم بعدين تروح غرفتك تنام فيها ماقمت .. عقب نمت انا معك هنا بالصاله حبها سعود على راسها : بعد عمري يالغاليه .. صبحج الله بالخير ياوجه الخير ام سعود برضى: صبحك الله بالنور .. يالله يمه قوم البس واجهز عشان تروح لشغلك لاتأخر راح سعود لغرفته يجهز ويستعد للدوام .. وام سعود تجهز الفطور له .. بينما على الجهه الثانيه في الريـان بيت بوعبدالله كانوا بوعبدالله وام عبدالله وعبدالله يتريقون قبل ماكل واحد يروح لدوامه اخذ عبدالله قلاص الماي يشرب منه وعقب قال وهو يراقب نظرات امه وابوه : آآ ترى نوف فالبيت من امس ! ام عبدالله بصدمه : شنو؟ عبدالله برجا : تكفين يمه خليها ترتاح شوي وتهدا وبعدين تقول لج كل شي بوعبدالله ترك الي بيده وقال بغضب مكتوم : خير شالي صاير لها تترك بيتها وتجينا من البارح؟ تنهد عبدالله وقال : ماعرف شالي صاير بينها وبين حمد .. مارضت تقول لكنها كانت تصر على الطلاق ! حطت ام عبدالله يدها على قلبها وقالت بخوف : بنتي ماطلبت الطلاق الا من شي كايد قام بوعبدالله وهو يوجه كلامه لعبدالله : روح الشركه واستسمح لي من رؤساء الاقسام اليوم مافي اجتماع لاني ماني برايح وقف عبدالله وهو بيطلع قال : ان شاءالله .. وطلع من البيت بينما ام عبدالله انسدت نفسها من الاكل وهي تحاتي بنتها من امس في بيتي مادريت عنها؟ وبوعبدالله قاعد على كرسي بالصاله وهو يفكر في بنته .. شالي صار لها !؟ : . . . . : : : الساعه 9 وربع توعت نوره وهي تشوف تلفونها لقت مسج من المهـا ( اول ماتقومين اتصلي لي ) ابتسمت واتصلت عليها ووصلها صوت المها النعسان : آلوو نوره وهي تضحك : يوم انج خااااامده ليش كاتبه لي اول ماتقومين اتصلي لي؟ المها بتعب : ماتوقعت بتقومين من الصبح نوره : شايفتني نفسج انااام لي الظهر .. قومي حبيبتي غسلي وجهج وتعالي لي المها : تعالي لي انتي جزوي وسعود محد نوره الي نست ان الجازي خلاص تزوجت .. شهقت : ليش وينها؟؟ المها : شفيج يالمفهيه راحت مع زوجها نوره : نزين يلا لاتطولين علي وتعالي بسرعه .. غسلت وجهها وانزلت ببجامتها الي كانت عباره عن قطعتين ارضيتها سماويه وفيها غيوم وشمس .. تعكس روح نوره المشرقه حبت راس امها واقعدت كان ناصر اخوها مع امها يتقهوى ناصر وهو يحرك شعر نوره بيده : صايره كنج بزر مع هالشعر القصير .. خليه يطول حسسينا انج كبيره شوي شافته نوره بنظرات فيها غرور شوي وقالت : شالي حارك؟؟ ضحك ناصر وقال وهو يرمي غترته : لامحتر ولا شي ... صرخت نوره بضحكه وهي توقف وتأشر على راسه : قررررررررعععععععععتتتتتت؟ ضحك حمد وهو يشوف ملامحها المتعجبه وقال : ليش ليكون مب حلو؟ طلعت نوره موبايله تبي تصوره ونقز ناصر في وجهها : ياحيواانه نوره وهي تركض وهو وراها يبي يصيد التلفون .. : تكفى صور بس صوره .. والله شكلك عجييب ناصر وهو يركض وراها يتحلف فيها: والله ان صورتي اكسر تلفونج ام صالح الي عورها راسها من ازعاجهم : بس ياعياال ناصر : خليها تجيب التلفون والا كسرته لها نوره برجا: تكفى صوره .. بس صوره وحده ناصر : لاصوره ولاصورتين .. ووالله لو ادري انج مصورتني صدقيني اكسره نوره وهي تحط تلفونها في مخباتها : خلاص ماني مصوره .. آآآوف على بالك ميته على قرعتك رجع ناصر وقعد عالكرسي ورجعت نوره تقعد جنب امها وهي ماسكه ضحكتها .. عقب قالت بعياره : زين ماقلت لي عند أي حلاق محلق؟ عطاها ناصر نظره خلاها تحتقر عمرها .. كملت نوره بعياره : شفيك تشوفني كذا؟ آآآمممم نزين ليش محلق قرعه كان خففت بس ناصر وهو ياخذ كوب الكرك قدامه : تحديت مع واحد من الشباب .. اذا فاز يطلب الي يبيه وانفذه وفاز وماتوقعته بيطلب مني هالطلب ! نوره ماقدرت تمسك ضحكتها ضحكت بصوت عالي وهالشي نرفز ناصر الي ماكان يبي يحلق اصلا بس حكوه الشباب بالكلام .. لما رفض يحلق " أي مب قد الكلام .. يوم انك مب قد التحدي لي تحدى .. ومن هالكلام الي نرفزه وخلاه غصب يحلق " . : : : . . . بيت بوعبدالله قسم سيف الي كان عباره عن غرفة نوم بملحقاتها ( حمام تكرمون وغرفة ملابس ) وصاله .. توعى سيف اخذ تلفونه يشوف كم الساعه التفت وشاف الجازي الي كانت نايمه مثل الملاك وشعرها متناثر حولها ابتسم وهو يتأمل شكلها .. سبحان الي خلقج ! واتسعت ابتسامته اكثر لما تذكر .. انا والجازي نايمين مع بعض نفس الغرفه ونفس السرير ! من عقب ماكنت انا بغرفه وهي بغرفه .. سبحان الله قام من السرير بشوي شوي بدون مايزعجها عشان لاتقوم واخذ له شور سريع وطلع يمر نوف طق الباب ووصله صوت نوف الي كانت ضامها رجولها لنفسها وكان شكلها اليوم تعبان اكثر من امس وجهها الذبلان .. هالات سود حول عيونها عوره قلبه عليها قرب منها وحبها على راسها وهو يقول : صبحج الله بالخير نوف بصوت مبحوح من كثر مابكت تحاول تبتسم : صبحك الله بالنور .. هلا بمعرسنا ابتسم سيف ومسك يدها بيده واليد الثانيه مسح بها على شعرها الناعم وهو يقول بحنان : شسويتي الحين احسن؟ نوف حطت يدها الثانيه فوق يده وهي تقول : الحمدلله .. احسن تطمن حبيبي سيف الي كان متوتر من وضع نوف وفي نفس الوقت ماقدر يشفي غليله في حمد قال بهدوء : يعني تقدرين تقولين لي شمسوي حمد؟ في هاللحظه بوعبدالله وام عبدالله يدخلون الغرفه توترت نوف وسحبت يدها من سيف ووقفت تسلم على امها وابوها ووقف سيف وراها يسلم على امه وابوه .. بوعبدالله لما جاته نوف تسلم عليه .. ضمها لصده بقوه كأنه يبي يحميها من أي حد ممكن انه يضرها .. ولما حس بشهقة نوف بين احضانه الي كانت تقاوم الدمع وتحاول تكون قويـه قال بصوت بعث الطمأنينه في نفوس الموجودين كلهم واولهم نوف .. : اذا ماتبينه انا مستعد اخليه يطلقج اليوم قبل بكره .. بس اول تعلميني شالي صاير عشان اذا تكلمت قدامه وقدام ابوه وجدج اعرف وش اقول ( ورفع راسها يشوف ام عبدالله وولده وقال ) : ام عبدالله .. سيف .. خلونا انا ونوف بروحنا شوي طلع سيف وامه الي يتقطع قلبها على بنتها وقعد بوعبدالله وطلب من نوف تقعد جنبه عالسرير بعد مامسحت دموعها وقال بحنان : تكلمي يابنتي قولي الي بخاطرج نوف بصوت مبحوح : ابيه يطلقني وبس يايبه بوعبدالله بأبتسامه حنونه : مايصير يطلقج بدون سبب يبه .. ان ابغض الحلال عند الله الطلاق .. ترضين تبغضين ربج بدون سبب ! نوف بتوتر قالت : صارت مشكله بيني وبين حمد وماقدر اعيش معاه بوعبدالله يمسح على شعر نوف ويكمل بهدوء : زين شنهي هالمشكله يمكن نقدر نحلها بدون لانوصل للطلاق نوف بحزن ممزوج برجا : تكفى يبه لاتطلب مني اقولها .. ماقدر والله ماقدر من طلب نوف عرف بوعبدالله ان السالفه كايده وفي نفس الوقت هو فخور بأن نوف عاقله حتى وهي تبي تطلق رفضت انها تفضح حمد قال بهدوء وهو يقوم : خير ان شاءالله .. اليوم العصر بكلمهم : : . . . : : في الدفنـه بعد ماجهزت المها لفت شيلتها على راسها بأحكام وطلعت من بيتهم على طول يمين ادخلت في بيت بوصالح مازالت متغطيه لحد ماوصلت لباب الصاله نزلت غطوتها تركتب شيلتها وفي هاللحظات ناصر يطلع ! كان كاشخ بثوب وغتره وعقال ونظارات شمسيه وسماعات تلفونه وتلفونه بيده كان يغني وانصدم لما شافها قدامه .. اتسعت ابتسامته بشكل كبير وملحوظ المها الي توترت انشلت عن الحركه كان شكله مبهر .. هي تحبه وتموت فيه الا تعشقـه هي حبته من شكله اصلا ! قبل ماتعرف شخصيته من سوالف نوره طبعا .. ناصر حس انه لازم يبادر بالكلام قال بأبتسامه جذابه : صباح الخير المها مب قادره تكلم .. كانت تنفس بطريقه غير انتظاميه ردت بصوت بالكاد ينسمع : صباح النور ناصر مازال محافظ على ابتسامته: شخبارج مها؟ المها طاح قلبها برجيلها .. صارت تلفت ورا بتوتر وقالت وهي شوق وبتشق زاوية شيلتها من كثر ماكانت تحركها بأصابعها بتوتر كبير .. : بخيـر ناصر وهو يضحك : شفيج تلفتين ورا؟ المها بخوف : تكفى خلني ادخل عند نوره لايجي سعود ويشوفني هنا ناصر تسند على الباب وقال: واخوج بيدخل بيتنا؟ المها بأحراج قالت وهي تنزل نظرها للأرض : بيمر من قدام البيت ناصر في خاطره " ياحلوووها الي تستحي .. مب مثل الي عندنا لسانها يلوط اذاانها " .. قال بنبره خاصه : اسمحي لي اذا ضايقتج .. بس حبيت اسلم عليج وتفضلي ادخلي ( قالها وهو يبتعد عن الباب عشان تدخل المها ) طلع ناصر تلفونه وطرش مسج على نوره اختـه ( اخذي كورس في " اللباقه والادب " عندها ) ارسله وهو يتخيل شكل نوره لما تعصب .. ويضحك : . . . . : نرجـع لبيت بوعبدالله بعد ماطلع من عند بنته نزل للصاله التحتيه لقى سيف وامه قاعدين ام عبدالله : شقالت لك يابوعبدالله؟ بوعبدالله بهدوء : مارضت تقول لي شي ! سيف وهو يضرب بيده على فخذه : مصره على انها ماتقول .. لانها تدري اني بدفنه في مكانه لو غلط فيها التفت بوعبدالله بنظرات غضب لسيف : يكفي اني اخر واحد يدري بهالبيت .. وتبي تصرف بدون ماتتركني انا الي اتصرف بالموضوع؟ سيف قام وحب راس ابوه وقال: مااقصد يبه .. بس من الحره الي فيني الي يشوف نوف امس يقول هذا ضاربها ( سكت سيف فجأه كأنه يفكر وعقب قال ) : ليكون ضاربها بس واحنا ماندري !؟ بوعبدالله بحزم : ولد عبدالرحمن مايمد يده على حريم .. هذا تربية ابوي مثل مارباني واخواني وربي سعود ام عبدالله تحترق خوف على بنتها قالت : نزين انا بروح اسألها يمكن تقول لي بوعبدالله بهدوء : لا ياام عبدالله .. خلاص لاتضغطون عليها اكثر من كذا يكفيها الي فيها .. ودام انها ماهي راضيه تقول خلاص انا اروح اكلمهم اليوم ونشوف شيقول حمد .. والله يكتب الي فيه الخير للأثنين : : . . . . : في نفس الوقت فالدفنـه نوره اول ماوصلها مسج ناصر التفت تشوف المها بخبث .. المها بتوتر : خير شتشوفين؟ نوره وهي تاخذ خصله من شعرها تلعب بصبعها فيها : ولاشي معجبه ! سكتت المها .. واخذت نوره موبايلها واتصلت في ناصر وحطت عالسبيكر المها تشوفها : في من تتصلين وحاطه عالسبيكر بعد؟ ووصلهم صوت ناصر الي قال بعبط : مايمدييج تاخذين الكورس عشان تتصلين ترويني النتيجه ضحكت نوره وقالت وعينها بعين المها : انا متصله اعاتبك .. شهالمسج؟ المها حست بحر .. كأنها عرفت شسالفه ! ناصر بضحكه والي مايدري انه عالسبيكر .. قال : نبي نحس ان في انثى فالبيت .. انتي ماشفتيها شلون تكلم الصراحه انا مادري من وين تطلع الحروف بهالطريقه السحريه نوره بعياره : آآوووه شوي وبتكتب قصيده فيها ناصر بحب: تستااهل معلقه مب قصيده وبس المها انقهرت من نوره .. اشرت لها انها بتروح نوره وهي تكلم ناصر بسرعه : نصور اكلمك بعدين باي .. ( سكرت التلفون في وجهه ) وراحت تلحق المها : مهوي تكفين وقفي المها وعيونها متروسه دموع : عاجبتج الحركه السخيفه؟ تكتف نوره وقالت وهي رافعه حواجبها : اعتبريها رد على حركتج انتي واختج واخوج فيني ! اشاحت المها بوجهها عنها .. : بس حركتج هذي مقصوده نوره : يعني حركتكم الي مب مقصوده؟؟؟ هذيك كانت اتفاق بينكم انتوا الثلاثه .. حتى لما حطيتوا عالسبيكر كان حضرته يدري وقاعد يقط كلام بدون مايثمن ... عالاقل حركتي هذي ناصر مايدري فيها وهو قاعد يتكلم عنج من صدقه .. ناصر يحبج التفت المها بصدمه مب مصدقه الي تسمعه يحبني؟؟ ناصر يحبني؟ من متى؟ انا مااشوفه دايما ياسلام وانتي شلون تحبينه وماتشوفينه دايما !؟ مب شرط تشوفينه عشان تحبينه يمكن تشوفينه مره وتحبينه بكل صدق واخلاص ! ويمكن تشوفين مرات وماتحبينه .. معقوله؟ معقوله ناصر يبادلني نفس الشعور وانا مادري ؟؟ ارفعت المها عينها تشوف نوره الي كانت تشوفها وتبتسم وقال بتوتر : نوره زعلتي من كلامي؟ هزت نوره راسها بالنهي وقالت : لو زعلت كان ماجيتكم من عقب ذاك اليوم : : . . . : مرت الايام متوتره على البعض خصوصا بعد ماانتشر خبر نوف وحمد الكل تضايق لهم .. ابدا ماتوقعوا ان هالاثنين ممكن ينفصلون ! المها انولدت بروحها مشاعر جديده بعد ماتأكدت من مشاعر ناصر تجاهها .. اما ناصر فهو كل يوم يحبها اكثر وناوي يتقدم لها لما يخلص من الجامعه على خيـر .. سعود بعد زواج الجازي يحس بأنه ربع الحمل انزاح عن ظهره باقي المها تتزوج ويفرح لها ويرتاح لما يشوفها سعيده مع زوجها عشان عقب يتفرغ لنفسه ويفرح امه فيـه لكن هالايام الي غابهم عشان العزا اخرته عن شغله كثير لما رجع يداوم بعد الاجازه انهل عليه الشغل بشكل كبير وصار يطول بالدوام يرجع تعبان يادوب ياكل له شي وينام وعليها لين اليوم الثاني .. ابتعد شوي عن اهله ومعارفه وحتى ربعه بسبب هالشي اما نوره فهي حاسه بشوق كبير لسعود بتموت وتشوفـه .. لكنها .. مازالت تنكر هالشعور فيها ! سيف والجازي سافروا يقضون شهر العسل بدوا يندمجون مع بعض بشكل كبير ويعيشون احلى لحظت عمرهم .. ساره وحمد نفس الشي عايشين لحظات حلوه وقريب بيرجعون الدوحه .. وللحين ساره ماتدري عن موضوع اختها ! عبدالله يجهز لعرسـه .. وصالح بعد حدد عرسه وقاعد يجهز له مابين حجوزات للخيام والعرضه وغيرها .. حمد ونوف بوعبدالله كلهم حمد وابوه وحمد طبعا مايقدر يقول عن السبب دام ان نوف ماقالت انا مستحيل اقول ! كان حمد يطلب من عمه يحاول في نوف تتراجع عن قرارها وهي مصره وفجأه امها تذكرت شي .. وقالت لهم لازم نوف تسوي فحوصات يمكن تطلع حامل والا شي ! والحامل مايجوز يطلقها الا لما تولد .. فالبدايه نوف كانت خايفه تسوي رفضت .. لكن مع اصرار امها وعمتها وافقت وراحت .. وبعد يومين اطلعت النتيجه الي حطمتهـا للأخر ! نــوف حامل بالشهر الاول ! : . . . : : . بما ان سعود هالايام يتأخر في دوامه اطلبت المها من نوره تجيها لانها متملله اول مادخلت نوره لحوش بيتهم بتروح لباب الصاله ماوعت الا بماي ينرش في وجهها والمها تضحك عصبت نوره وراحت تلحقها : والله ماخليج يالدبه والمها تركض وتضحك على نوره .. وترش عليها ونوره تصرخ فيها معصبه .. وراحوا للحديقه شافت نوره هوز الماي ابتسمت بخبث وراحت له وفتحت الماي وحطت صبعها على بداية الهوز عشان يندفع الماي بشكل اكبر واقوى وسبحت المها الي استسلمت وهي تصرخ في نوره وتخش وجهها : نوررررررروووه يالحيواااااانه نوره وهي ميته ضحك : تستاهلين يالدبه .. عجل تستقبليني بالماي توني بدخل البيت ! وفجأه نطت المها وسحبت الهوز من نوره وسبحتها هي الثانيه نوره وهي مغمضه عيونها : مهووووووووي خيستي عباااااااااايتي المها ميته من الضحك : تستاااهلين عالاقل انا لما بديت برشاش ماي مب بهوز نطت عليها نوره وكل وحده تسحب الهوز وتسبح الثانيه فيه وتلطخت ثيابهم بالطين والماي وصارت وصخه واشكالهم وصخى من قلب .. بعد ماشبعوا لعب راحوا اقعدوا عالكراسي نوره كانت ترجف: حسبي الله عليج سبحتيني بالماي والجو بااارد المها بضحكه : انتي الي بديتي نوره وهي مبققه عيونها: انااا والا انتي؟ المها : انا رشاش صغير مايأثر نوره : ماقلتي لي كان خذت لي واحد المها وهي توقف : قومي قومي خلينا نسبح وندفى داخل لانمرض .. نوره وهي توقف : يلا راحوا داخل البيت من الباب الي ورا طبعا لقوا لهم كم كلمه من ام سعود الي عصبت عليهم لا يخيسون البيت اضحكوا وراحوا فوق .. في غرفة المها نوره وبيدها ملابس المها : وين وين؟؟ انا بتسبح قبلج المها : شنوووووو وتبيني اقعد كذا لين حضرتج تفركين؟ نوره : وتبيني اتم كذا انا بعد؟ المها: روحي غرفة جزوي والا امي .. نوره : لاجزوي يمكن سخانها مبند ومابي اتسبح بماي بارد المها : خلاص روحي حمام امي مستحيل تبند السخان نوره : روحي انتي وخليني انا اتسبح هنا اخاف اخوج يشوفني وهو جاي بالممر والا شي مالي خلقه المها : ماعرف اسبح الا بحمامي .. روحي اصلا سعود مايرجع البيت الا 9 ونص يعني باقي ساعتين لين يجي نوره وهي تلف بتطلع : زييين آووف منج ادخلت المها الحمام بينما نوره راحت على طول على غرفة ام سعود استانست لما شافت السخان مشتغل .. ادخلت الحمام .. في هاللحظات سعود يوقف سيارته في حوش البيت اسند راسه لكرسي السياره وهو حاس بصداع من امس مارقد الا ساعتين بس .. ثواني ونزل من سيارته دخل البيت لقى امه بالصاله تشوف التلفزيون سلم عليها بيروح فوق وقفته امه الي قالت : احط لك عشا يبه والا كلت لك شي؟ سعود بتعب يالله يقدر يوصل للدرج : كلت فالدوام مع واحد من الشباب يمه .. مابي شي ابي انام بس .. راح على طول لفوق دخل غرفته سكر الباب وراه وهو يفتح ازرة ثوبه ويحذف غترته .. طلع موبايله من مخباه وحطه على الجرج انسدح شوي على السرير يبي يريح جسمه من التصلب طول اليوم وهو يسمع صوت باب الحمام ينفتح .. طلعت نوره ( باب الحمام تكرمون يطل على غرفة الملابس اولا ) فوطتها على كتفها وشعرها مبلول وهي لابسه جلابية المهـا طلعت من غرفة الملابس حست بوجود احد عالسرير لفت ناحية اليمين .. طاحت الملابس من يدها وهي مصدومه في نفس الوقت سعود فتح حلقه وعيونه وهو يشوفها بصدمه .. انا بحلم والا علم !؟ لآتحرموني من ردودكم وتوقعآتكم ~ آختكم ~ {زآهي آلكحل ~ |
آلـ ج ــزء آلـرآبـ ع عـ ش ـر ~
~ انسدح سعود بتعب على سريره وهو يسمع صوت باب الحمام ( وانتوا بكرامه ) ينفتح .. مافي الا مهوي ! لان امي شفتها تحت .. بس غريبه مهوي بتستخدم حمامي؟ استغرب سعود وهو يلف براسه لجهة اليسار .. وقعد على حيله وهو مبقق عيونه مب مصدق الي يشوفه .. نـــوره !؟؟ قالها بصدمه ولاشعوريا وهو حاس انه يمكن يحلم ! نوره طاحت ملابسها من ايدها بصدمه .. دب بجسمها شعور غريب اهتزت شفتها السفليه وامتلت عيونها بالدموع ومع قعدت سعود دخلت لغرفة الملابس وهي تبكي .. رجيلها ماعاد تقدر تشيله اسندت براسها على الطوفه وراها بضعف و قالت بصوت مهزوز : لاتحرك من مكانك .. سعود بهدوء رغم استغرابه من وجود نوره في غرفته قال : عليج امان الله .. ماني متحرك من مكاني ! نوره بصوت خانقته العبره : ابي مها تجيني الحين سعود ماحب انه يتعدا السرير عشان لاتخاف اكثر ويمكن تسوي فضيحه .. تصرخ والا شي ويسمعونها ويجون قال بهدوء وهو مستغرب شالي دخلها لغرفته .. : من غير ماانادي المها .. ( اخذ غترته الي رماها على سريره اول ماجا .. ورماها قريب غرفة الملابس وقال وهو يصد للجهه الثانيه ) : مب لازم احد يدري , اخذي هذي الغتره غطي فيها عمرج واطلعي .. وانا بصد للجهه الثانيه .. ماني بشايفج واذا طلعتي سكري الباب عشان اعرف انج طلعتي ! تمت نوره في غرفة الملابس خايفه .. وتبكي وهي كاتمه صوتها عشان لايحس فيها وسعود عطا غرفة الملابس ظهره .. ينتظرها تطلع ! بعد ثواني .. طلت نوره براسها وشافته معطيها ظهره وكان مدنق براسه لتحت .. وهي تشوف ظهره الي باين ان سعود نحف كثير فالفتره الاخيره .. سحبت الغتره وحطتها على راسها واطلعت بسرعه ولما سكرت الباب .. انسدح سعود على ظهره وهو يتنهد ويبتسم والله اذبحتني .. طيرت النوم من عيني شهالبنت .. صاااااروخ : : . . . . . : كانت المها بغرفتها تنشف شعرهـا انفتح الباب بقوه ودخلت نوره وسكرت الباب وراها وغترة سعود طايحه على كتوفها .. : عطيني عبايه وشيله من عندج المها الي اصلا تخرعت من دخلة نوره بسرعه وقفت ولفت ناحيتها وشافت الغتره .. وشافت وجه نوره شكلها كانت تبكي .. سألتها بأستغراب: شفيه وجهج؟ نوره وعيونها متورمه من البكي وخشمها احمر وخدودها حمر قالت ببلاهه : شفيه؟ المها تشوفها بخبث : علينا هالحركااات .. بعدين هذي غترة من؟ نوره طاح قلبها برجيلها .. ياربي نسيت اخش الغتره شهالغبااء .. قالت وهي تمسك يد المها وتقعد عالسرير : مهاوي فديتج تكفين لاتفهميني غلط المها خافت وبدت دقات قلبها تعلى وهي تقول : ليش؟ نوره وهي مب قادره تحط عينها بعين المها : انتي لما قلتي لي ادخل غرفة امج اتسبح .. رحت للغرفه الي بالنص على اساس انها غرفة امج .. لان نظام بيتكم نفس نظام بيتنا بالضبط والغرفة الكبيره هي غرفة امي وابوي الي هي الغرفه الي بالنص .. دخلت بدون ماانتبه لشي على طول على الحمام واخذت لي شور .. ويوم طلعت ( وقفت شوي بدت عيونها تمتلي بالدموع ) لقيت اخوج سعود المها بصدمه : نزين كملي .. نوره خانقتها العبره : ماعرفت شسوي حسيت اني مااقدر اتحرك مهوي .. دخلت غرفة الملابس على طول وطلبت منه يناديج .. بس هو قال مب لازم احد يدري.. وحذف علي غترته هذي عشان اغطيها بها شعري واطلع المها وهي تشوف نوره بنص عين : كان يقدر يلف ويخليج تطلعين بدون مايحذف عليج الغتره نوره شب وجهها احمر قالت بتوتر : حتى ولو كنت بطلب شي اغطي فيه شعري .. المها مازالت تشوف نوره بخبث : زين تغطي بالفوطه .. مب من طول شعرج هالطول ( قالت وهي تأشر بمسافة الشبر ) ضربتها نوره على يدها بتوتر وقالت : هذا شعرج الي هالطول .. بعدين حزتها ماتقدرين تفكرين بشي .. دنقت نوره راسها كانت تقاوم دموعها لكن ماقدرت .. واخيرا انخرطت في البكااء .. ضمتها المها بخوف : نواري حبيبتي شفيج؟؟ سعود قايل لج؟ هزت نوره راسه بالنفي .. المها بخوف : عجل ليش تبكين؟ نوره من بين شهقاتها : شبيقول عني يامهوي .. بيقول ماتستحي دشت غرفتي واستخدمت حمامي المها وهي تحاول تهدي نوره : حبيبتي صدقيني ماراح يفكر بهالطريقه .. وعشان ترتاحين انا الحين بروح اجيب ملابسج الي حذفتيهم هناك .. وبشرح له الوضع ولايهمج : : . . . : : . من جهه ثانيـه غرفة حمد ( زوج نوف ) الساعه 12 نص الليل يتقلب على سريره كأنه يتقلب على صفيح ساخن ! جافاه النوم .. وماذاق للراحه طعم من عقب ماغادرت نوف هالمكان .. فقد حسها انفاسها حركتها عطرها همسها وجودها فالمكان ! غمض عيونه يتذكر الايام القليله الي عاشها من احلى ايام عمره مع نوف .. حتى هالراحه وهالسعاده عمره ماحس بها بهالحجم الكبير مع فاطمه ! بعد ماكل واحد فيهم صارح الثاني بمشاعره بدون حواجز .. كان يحس انه ملك الكون كله ونوف بين ايديه ضغط على راسه الي صدع من كثر التفكيـر اسبوعين ! اسبوعين يانوف لاشفتج ولاسمعت حسج؟ ماستحمل والله .. فجأه تذكر انها حامل ابتسم ابتسامه باهته يمكن هالولد بيكون سبب في ان نوف ترجع لي .. ياربي لاتعاقبني نوف كانت نعمه وانا ماقدرت هالنعمه .. ياربي لاتعاقبني حنن قلبها علي وردها لي يارب والله مب قادر اعيش بدونها حاس اني بموت .. بموت .. بتمـــوت؟؟ وينك عنها السنه والنص الي طافت من عمركم؟ وينك عنها لما كانت تموت وتسمع كلمه حلوه منك؟ معامله طيبه؟ تموت وتتخبي بين احضانك متى ماحست انها محتاجه لك .. انا والله احبها بس ماكتشفت هالشي الا متأخر ضغط حمد بشكل اكبر على راسه حاس بصداع قوي الافكار ضاغطه عليه وبقوه .. وقرر انه يقوم يتوضى ويصلي ركعتين يطلب فيهم ربه يساعده ويرد له نوف : . . . : . . اشرقت شمس يوم جديد وابعثت اشعتها الذهبيه في كل مكان .. معلنه عن بداية يوم جديد .. باقي 5 ايام على عرس عبدالله ولان الكل مشتط يجهز لهالعرس , نسوا سالفة نوف شوي ونوف بنفسها اشتطت تجهز مع امها .. لانها تبي تنسى وتطلع من الي هي فيه خصوصا انها حامل ولازم تحافظ على صحتها عشان جنينها .. كانت بالصاله ومعاها امها ام عبدالله وهي تاخذ استكانة الشاي : كلمني اليوم الي بيسوي الورد قال لي متى تبون اجيب الورد للقاعه .. قلت له 3 العصر يكون كل شي جاهز نوف وبيدها دفتره تشطب على بعض الحاجات الي خلصت وقالت وهي تشطب : يمه باقي راعي الاضاءه ندفع له باقي المبلغ .. ام عبدالله بتسأل : كم باقي عليه؟ نوف : باقي 3 الاف ريال ام عبدالله : الظرف الي فيه فلوس الي تخص امور القاعه بتلقينه في شنطتي .. بس ليش يابنتي تعطينه قبل مايركبهم؟ نوف: خلينا نفتك يمه من فاضي لهم ذاك الوقت يشيك عشان يعطيهم باقي المبلغ .. في هاللحظات دخل عليهم عبدالله وبيده اكياس : السلاام عليكم ام عبدالله : هلا وعليكم السلام .. هلا بالمعرس الغالي عدل عبدالله غترته وهو يشارك امه واخته الجلسه : هلا فيج ياام المعرس .. ( التفت على نوف بأبتسامه حنونه قال ) : حي الله نوفه ابتسمت نوف ابتسامه رقيقه : الله يحيك .. وش جايب معك؟ عبدالله : توني جايب ثيابي من الخياط ومريت سوق العلي خذيت لي غتر وعقل جديده وشخطت سيده صوب الستي خذت لي تميمه .. والشباب ماقصروا باقي الاكياس هذي كلها هدايا منهم .. في هاللحظه ينفتح باب الصاله وتدخل منه ساره الي رجعت للدوحه بدون ماتعطي اهلها خبر لانها كان المفروض تبقى اسبوعين زياده بس كفايه ماحضرت عرس سيف بعد ماتحضر عرس عبدالله؟ حننت على حمد الا ترد وحمد بدوره ماحب انه يمنعها لاتفرح بعرس اخوها وافق وقدم الحجز وارجعوا الدوحه قبل المده المحدده .. وقفت امها وهي تفتح ايديها لها تستقبلها بفرح متفاجئه من جيتها وساره تقدمت وضمت امها بقوه اشتاقت لها ولبيتهم ولاخوانها وابوها .. سلمت على عبدالله ونوف بدون ماتستغرب وجود نوف هالحزه في بيتهم ! ام عبدالله: يمه ماكان باقي لكم اسبوعين؟ ساره وهي مبتسمه : امبلا .. بس كنسلناهم وقدمنا الحجز عشان نحضر عرس عبدالله ( التفت تشوف اخوها بأبتسامه مشرقه ) عبدالله بعياره : مب عقب تجين انتي ورجلج تطلبون مني احجز لكم تذاكر تعويض ! ضحكت ساره وقالت وهي تغمز عيونها له : لاخلاص راحت علينا صرنا معاريس قدامى .. الحين انت وسيف .. الا على طاري سيف متى بيجي؟ عبدالله : بعد بكره ان شاءالله .. وين حمد ماجا معاج؟ ساره : نزلني وبيروح يسلم على اهله .. وبعد شوي بيجي ياخذني .. : : . . . . : الساعه 4 ونص العصر شارع النصـر كان سعود واقف بسيارته اللاند كروزر على جنب وبيده اليمين الكرك .. واليسار فيها تلفونه كان مشغول مع تلفونه ينتظر محمد خويه متواعد معاه يجيه هنا .. فجأه يسمع طرقات على جامة السياره رفع راسه شاف شاب تقريبا بنفس عمر سعود يبتسم له نزل سعود الجامه وهو يرد له الابتسامه .. : مرحبـا الشاب : هلا بالشيخ .. كيف الحال؟ ابتسم سعود ورد بهدوء : طيب الله يسلمك .. شحالك؟ الشاب بأبتسامه حلوه : الله يسلمك .. اخوي السياره للبيع؟ انحرج سعود .. كم مره ينعرض عليه هالسؤال ويرفض ! " مادري شالي ناشب بهم بسيارتي !!! " .. قال بهدوء وهو يرسم ابتسامه : والله ياخوي ولالك لوا .. سيارتي وابيها وقبلك جاووني كثير .. ورديتهم اسمح لي يالشيخ ابتسم الشاب وقال وهو يطلع كرت من جيبه : طيب الله يهنيك فيها ياخوي .. بس لو فكرت تبيعها هذا رقمي وبشتريها منك بالسعر الي تبيه اخذ سعود الكرت وحطه بجيبه وقال بأبتسامه : ابشـر .. سلم عليه الشاب وراح لحظات وينفتح الباب الي جنبه ويركب محمد : عسى ماطولت عليك؟ سعود بطنازه : لاا ابد !! .. نقعتني والله لو ماجيت كنت بحرك ! ابتسم محمد وقال وهو يلتفت ورا : نزين شوف .. تعرف بدر خويي؟؟ سعود بعياره : انت نص الدوحه ربعك .. كم بدر تعرف؟ هههههه ضحك محمد وقال : بدر الـ .... عرفته؟ ابتسم سعود : ايه ايه .. وش فيه؟ محمد : صار له اسبوووع يحن علي .. يقول خاطره في سيارتك شافه سعود بنظرات مافهم معناها وعقب قال .. : هالناس شعاجبهم في سيارتي؟؟ محمد وهو يغمز لسعود : سياره ستاندر مرفعه وهالاريل الي يوصل للسما .. تغييم كامل ومضبط الليتات حتى من داخل والله كأنها غرفة نوم تشهي للنوم فيها هههههه ضحك سعود وقال : زين كل واحد يهتم في سيارته .. يروح يضبطها ويحط له اريل ويطلع رخصه للتغيم غير الليتات والتواير وتصير احلى من سيارتي .. شالمشكله؟؟ محمد : عاد انت تعرف ربعنا اهل الدوحه كل شي يحبونه جاهز ... يعني لو بيعدل سيارته نفس سيارتك ويوصل سعرها مابين 15 الى 20 الف .. هو مستعد يحط 200 الف عشان يشتري سيارتك لانها اوردي جاهزه ومضبطه .. ضحك سعود : ههههه أي والله صدقت ياحمود محمد : ها شقلت؟ سعود : والله توه جايني واحد من شوي وقال اذا ببيعها اعطيه خبر لانه بيشتريها بالسعر الي نبيه محمد: افااا هذا وبدور يقول اني واسطته !!! ابتسم سعود : عاد مشكلتك جاي تكلمني متأخر .. سبقك الرجال محمد: عجل لاتبيعها ! سعود استغرب : ليش؟ محمد: لان بدور خاطره فيها خلها عندك احسن من ان ياخذها غيرك وبدور خاطرها فيها ويصير فالرجال شي ههههههه ضحك سعود : لا ان شاءالله مب صاير الا الخير .. بس بفكر بهالموضوع : . : . . : في فرنســا كان الجو بااارد الجازي لابسه بالطو طويل ولافه على شعرها شال صوف وقاعده بالبلكونه وبيدها كوب كابتشينو دااافي جاها سيف الي كان لابس بلوفر كحلي متين.. وتحته قميص ابيض مبين من فتحت البلوفر للرقبه .. وجينز وضم الجازي الي كانت معطيته ظهرها وهو يطبع بوسه على خدها .. هالبوسه كانت كفيله في انها تدفي الجازي ! بعثت شعور بالحراره في جسمها كاامل .. تحس بالدم بدا يتحرك بعروقها بشكل قوي ابتسمت بخجل وهي تشوف المنظر تحت البلكونه سيف بهمس : حبيبتي كم مره قلت لج لاتطلعين بالبلكونه بهالجو البارد .. الجازي بصوت هامس بالكاد ينسمع : الشتا مب طول السنه .. خلني استانس بالبرد مردنا بنرجع للدوحه واللواهيب ضحك سيف بهدوء وقال : الله الحين تذمرين من لواهيب الدوحه؟؟ انتي ماسمعتي الي يقول " باريس وهي باريس ماجابت الراس !! .. ويلي على الدوحه بذيك اللواهيب " .. وانتي قاعده تقولين ماردنا بنرجع للواهيب الدوحه؟؟ ضحكت الجازي برقه .. وهي بين احضان سيف وقالت : تدري اني مااقصد شي .. لاتقلب الموضوع علي ! .. ( سكتت لثواني وعقب قالت ) : على طاري الدوحه .. والله اشتقت لأهلي وودي اكلمهم .. سيف وهو يشدد ضمته للجازي : وانا مااشتقتي لي؟ انحرجت الجازي " شفيه اليوم رومانسيته بزياده ! ناوي علي الظاهر !!! " .. سكتت وماعلقت يكفي خدودها صارت حمر .. طلع سيف موبايله وهو يمده لها : اتصلي في امج وعقب عطيني اسلم عليها .. : . . . . . : : نرجع للدوحه بيت بوعبدالله تحديـدا بغرفة نوف الي في بيت اهلها .. الغرفه الي هجرتها نوف سنه ونص بَنت نوف فيها احلامها .. الورديه كانت تشوف مستقبلها .. مع حمد وحياتها .. وياه طلعت منها وهي اسعد انسانه بالدنيا لانها بتروح لحمد وهذي هي ارجعت لها وهي مجروحه .. جراحها تنزف تضم نوف الي تشتكي لجدرانها عن مساتها وصدمتها .. وجراحها النازفه كانت هي واختها قاعدين وقفت ساره بالصدمه : شتقولين؟؟ نوف بصوت مخنوق من العبره : الحياه قسمه ونصيب .. وكلن ياخذ نصيبه بهالدنيا لفت ساره تشوف اختها بعيون مليانه دموع : بس انتي توج صغيره .. تبين تطلقين؟؟ بعدين مافكرتي بالي ببطنج؟ نوف وهي تشبك ايديها ببعض بكل ضعف .. وتقاوم الدمع لاينزل قالت بحيره : صغيره والا كبيره نصيبي في هالدنيا خذيته .. ( حطت ايديها على بطنها تحسسه ) : والي في بطني ماراح انكر له ابوه .. بس ماراح اسمح لأحد ياخذه مني ساره وهي تشوف نوف الي باين عليها الضيق قالت : فكري فالموضوع زين عندج مهله لين تولدين بالسلامه يعني قدامج 8 شهور ! ابتسمت نوف بسخريه .. رغم حزنها العميق : وفيها تفكير؟ انا عايفه حمد ساره مصدومه من الي تقوله نوف .. هي اكثر انسانه تدري ان نوف تعشق حمد لحد الجنون وهي متأكده ان الي تقوله نوف عكس الي بداخلها !!! قالت بتوتر : زين شسالفه؟؟ ممكن اعرف؟ نوف اشاحت وجهها للجهه الثانيه : مستحيل .. شي بيني وبينه وانا وعدته محد بيدري فلحد يضغط علي هذي حياتي ياساره وخصوصياتي .. قربت ساره من اختها وضمتها : حبيبتي نوفي لاتضايقين عمرج .. والله يكتب لج الي فيه الخير يارب ابتعدت نوف عنها ومازالت يدها بيد اختها وهي تبتسم رغم جراحها العميقه وحزنها وهي ترد اختها : تطمني اختج صعب جور الوقت يغلبها ( وغمزت عينها ) ضحكت ساره وتموا يسولفون مع بعض شوي وعقب اتصل حمد بساره وبلغها انه عند الباب ينتظرها سلمت على اختها واطلعت لـه .. : . . . : . . |
مر باقي اليوم طبيعي وروتيني على الكل
ومرت من بعده الايام .. تزوج عبدالله واخيرا صارت نور له بشكل رسمي وقدام الكل .. يقدر يقعد معاها طول الوقت على كيفه لاحسيب ولارقيب .. وارجعـوا الجازي وسيف بعد ماقضوا ايام حلوه قربتهم من بعض كثير .. وقررت ام عبدالله تسوي عشاء كبير بعد عرس عبدالله للعروستين ( الجازي ونور ) الكل كان مستعد لهاليوم يمكن اكثر من العرس ! توتر شديد عند الجازي ونور وكل وحده بغرفتها عندها الكوافيره الجازي بما انها ماقدرت تلحق تلبس فستان ابيض لعرسها .. قررت انها تلبس اليوم فستان ابيض فكان فستانها اوف وايت كله قصات فرنسيه راقيه جدا .. ماسك على الصدر بدون اكمام ولاحمالات .. ورافعه شعرها بشينيون بتسريحه اوروبيه مع ورده طبيعيه اوف وايت مثبته في جهه زادت من حلاوة التسريحه وميك اب ناعم وردي .. ونقوش الحنا تزيين ايديها كانت عروس بدون طرحه وفستان كبير .. اما نور ( زوجة عبدالله ) فهي لبست فستان بنفسجي راقي جدا ضيق اكمامه طويله مع هاي نيك وفتحة للظهر ورافعه شعرها بشينيون مع بف خفيف وميك ناعم كانت متألقه هي الثانيه والبنات الباقي طبعا كانوا متألقات وكل وحده تقول الزود عندي .. كانت الجازي بجنبها نور العرايس خجلانات ابتدوا الناس يجون يسلمون ويباركون لهم والبنات قعدن يرقصن لهن شوي .. واندمجوا الجازي ونور للبنات الي كانوا يرقصون مع ابتسامه خجوله ارتسمت على وجيه الثنتين .. كانت اجواء حلوه .. بعدها قلطوا المعازيم على العشاء الي كان في حديقة البيت الكبيره .. وانتهـى اليوم والكل مبسوط .. : . . . . : : : بعد ماخلص العشاء وراحوا الناس كل وحده من العرايس راحت لغرفتها .. ولاوحده فيهم قررت تبدل الا لما يجي زوجها يشوفها كانت الجازي متوتره وهي تنتظر سيف الي كان في هاللحظات يصعد درج البيت .. ويقرب من باب قسمه وقبل مايدخل تذكر نوف ! احنا فرحانين ونوف بدارها متضايقه ! قرر انه يروح لها اول يشوفها شوي يقعد معاها عشان ماتحس ان كلن لاهي بنفسه وتاركها طق الباب واذنت له بالدخول .. ابتسم وهو يدخل وعلقت نوف بأبتسامه هاديه : لاتقول للحين مارحت للجازي؟ ضحك سيف وقال: شدراج؟ نوف : شكلك توك جاي من برا للحين بثوبك وغترتك وعقالك ههههه ضحك سيف وقال : بروح لها بس قلت اول امر نوفي اشوف شخبارها ابتسمت نوف بحب : فديتك ياسيف .. ياجعلني ماخلا منك ابتسم سيف وهو يحضن ايديها بكفه : ولامنج يالغاليه .. بشريني عنج؟ نوف برقه : الحمدلله ابشرك بأحسن حال ارتاح سيف لنبرة صوتها وقال بهدوء : عساه دوم يالغاليه .. ( وكمل بعياره ) نزين ماقلتي لي شلون كان شكل الجازي؟ ضحكت نوف وقالت : الكلام مايوصف شكلها .. روح شوفها بعينك سيف وهو يسوف نفسه هايم بالحب على طريقة الافلام : آآآآه ياقلبي احس اني مب قادر اروح للغرفه اخاف اشوفها ويصير فيني شي ضحكت نوف على حركات اخوها وعيارته .. وقالت : كيفك .. ترى بيفوتك شكلها بالفستان الابيض ( غمزت له ) نط سيف وهو واقف : الحين رايح لها .. يلا فمان الله ضحكت نوف وهي تشوف سيف يطلع من غرفتها .. وعيونها لمعت لمعه خاصه تخفي وراها احزان .. : . . . . : . اليوم الثاني الصبح الجمعه كان الجو بارد .. كانت نوره مستمتعه ببرودة الجو فتحت كبتها .. ولقت غترة سعود الي على طول من عقب ماصار الموقف وراحت لغرفة مها والمها راحت تجيب ملابس نوره من غرفة سعود .. فتحت شنطتها وحطت الغتره فيها !! ماتدري شالي خلاها تاخذ الغتره ! لكن كانت تبيها وبس .. ومن يومها.. ماتنام الا لما تشم فيها ريحة سعود .. وعطره الفاخر والقووي فيها .. مدت يدها واخذتها بين ايديها .. استنشقن ريحته منها كأنها تحاول تحتفظ بأكبر كميه ممكنه من ريحته لفتره طويله .. وفجأه رمتها بالكبت وسكرت الباب عليها شالي قاعده تسوينه يانوره؟؟؟ انتي شوفي شلون يعاملج بتعرفين انه مايستاهل حتى اهتمامج فيه .. فتحت الكبت الثاني واخذت لها جاكيت ولبسته عشان يدفيها وانزلت تحت .. مالقت احد بالصاله شغلت التلفزيون وقعدت وتذكرت المها : يووه نسيت تلفوني فوق .. التفت اخذت تلفون البيت واتصلت على بيت ام سعود ووصلها صوته الهادي : مرحبـا وسكت ينتظر رد .. لكنه كان يسمع انفاس على الجهه الثانيه .. ! تكلم سعود مره ثانيه : ام صالح؟ ( وهو متأكد 100% انها نوره مب ام صالح ) نوره بتوتر : المها موجوده؟ ضحك سعود كان يبي ينرفزها بس ! وفعلا تنرفزت نوره لكنها ماحبت تكلم .. وقال سعود الي اعجبه الوضع : اعتقد اني سألت وانا انتظر الجواب !! ووصله ردها الي كان عبارها عن انها سكرت الخط في وجهه !! ارتفعت درجة غضب سعود لأقصى حد وهو يتحلف فيها رقع السماعه بقوه .. هين يانويـّر الظاهر انج ماتعرفين سعود عدل عجل انا تسكر في وجهي هالبزر؟؟؟ من جهه ثانيه نوره عقب ماسكرت الخط بوجه سعود تمت لثواني تشوف التلفون .. متوتره شسويييت شسوييييت .. آآوف شبيقول عني الحين؟؟ كيفه شعلي منه يقول الي يقوله .. سخيف وقاعد يتمصخر علي انا اصلا الغلطانه الي متصله عالبيت .. آآوف منه قامت تسوي لها ريوق وهي معصبه عليه .. : . . . . . . : بعد صلاة الجمعه وبعد الاجواء الايمانيه .. تبتدي الاجواء العائليه .. يجتمعون كل العوائل كل عايله في بيت كبيرهم .. تجمعهم اجواء اسريه حميميه عاده حلوه ونتمنى انها ماتنقطـع كان سعود وامه واخته رايحين لبيت جدهم دخل سعود يسلم على جدته ولقى مرت عمه ( ام حمد زوج نوف ) وسلم عليها وعلى عمتـه وضحى .. اصرت جدته الا يتقهوى عندها ويقعد شوي معاها ياخذون علوم بعض .. في هاللحظات دخلت ساره مع امها ونوف سلمت ام عبدالله على سعود الي رد لها السلام .. وسلم على البنات بدون مايعطي ساره أي اهتمام مثل قبل ! لانه خلاص شالها من باله اما ساره فهي مازالت تحبه .. مستحيل تنساه بسرعه سلمت عليه بهدوء وجلست عند المها والجازي حال سعود مب عاجبها كل ماله وينحف اكثر .. شفيه؟؟ معقوله يحب؟ ابتسمت ساره على تفكيرها .. وانا شعلي منه صرت على ذمة رجال غيره يحب والا مايحب براحته .. مستحيل يقعد يعيش على ذكراي !! هذا اذا كان يحبني بالاول .. وماانتبهت لان سعود طلع .. تنهدت وهي تقول بخاطرها الله يوفقه يارب .. طلع سعود وراح لمجلس الرجاجيل يتغدون وبعد الغدا |
اخذ زاويه هو وسيف بما ان عبدالله سافر مع زوجته
وحمد ( زوج نوف ) من عقب الي صار وهو صاير منعزل سعود وراسه براس سيف : وين حمد؟ سيف كشر بوجهه : كنت مستانس وضايقتني ياخي .. قلعته جعله مايرجع سعود : افا ياسيف هذا وانا اقول انت العاقل .. شهالكلام؟ سيف : من القهر الي فيني عليه سعود: ولد عمك ولحمك ودمك .. مهما صار والظفر مايطلع من اللحم ! سيف بقهر : وهذا الي ذابحني ! .. ( تنهد ) بس مارده كل شي بينكشف اذا ماصلح غلطته صدقني بيموت على يدي ضحك سعود : ياخي هونها وتهون وان شاءالله مب صاير الا الخير .. سيف بهدوء : خير ان شاءالله سعود وهو يغير الموضوع : ماودك نقنص؟ اتسعت ابتسامة سيف وقال : والله ودي ونص ضحك سعود : من يوم الاحد تبتدي اجازتي اسبوعين .. والصراحه الجو ربيع وخير وودنا بالقنص كانك بتخاويني انا وحمود وسلمان سيف بعياره : والله تعرفني انا رجال متزوج .. مب مثلك اعزوبي لازم نشوف المدام شرايها ! سعود وهو يقرص عيونه في سيف وقال بنبرة خاصه : الجازي مهب معيه دامك معي .. ودامك بتروح معاي خلها تروح تقعد عند امي والمها سيف بعياره : شنوووو؟؟؟ تخليهم نسوان فالبيت بروحهم؟؟؟ سعود يشوفه بأستغراب وقال : ماعليهم شر كلها يومين وراد لهم ! جنبهم بوصالح واهله وجيرانا كلهم ماشاءالله .. والديره امان الحمدلله !!!! سيف بعياره اكبر : لالا مااقدر اخلي الجازي ببيت مع حريم بروحهم .. بروح اقعد عندهم ! سعود وهو يشوف سيف بنص عين : اشوف حلت لك سالفة رجال البيت؟؟؟ .. عن الحركات البايخه تبي تروح حياك ماتبي انثبر مكانك بدون ماتسوي لي فيها الرجال المحترم ضربه سيف على كتفه بالخفيف وهو يضحك : اصغر عيالك انا ههههه .. زين زين بروح .. سعود ابتسم وقال : زين جهز عمرك بكره بنحرك .. : . . . . . . : مر باقي اليوم طبيعي على الكل مثل باقي الايـام .. لين الليل بغرفة سيف والجـازي .. كانوا قاعدين بالجلسه الي في صالتهم التفت سيف على الجازي : جهزي لج اغراض حق يومين بوديج عند اهلج بكره الجازي بخوف : ليش؟؟ ضحك سيف لما شاف ملامح الخوف فيها وقال وهو يضمها له : مع اني ماقدر استغنى عن روحي وقلبي .. بس عشان اخوج العله الجازي وهي بأحضان سيف : شفيه اخوي؟ سيف: بيروح يقنص هو وشلته .. ويبيني اخاويهم ارفعت الجازي نظرها له وقالت : وانتي لازم تروح؟ سيف بعياره : شسوي فيه حن علي قلت عشانه والله ابتعدت الجازي عن احضان سيف وقالت وهي مبوزه : سيف .. تونا متزوجين ماكملنا شهر بتروح تقنص؟ ضحك سيف وقال : انا عطيت الرجال كلمه يالجازي .. وكلها يومين وبعدين حنا ماحن بطالعين برا البلاد تنهدت الجازي وقالت : براحتك .. تبيني اجهز شنطتك؟ ابتسم سيف : ماعليج امر .. وحطي فروتي خبرج الجو بارد ابتسمت الجازي وهي تقوم تجهز شنطة سيف : ان شاءالله .. : . . . : . . . : اليوم الي بعده الساعه 11 الظهـر كانت سيارة سعود بالحوش وهو يحمل فيها الاغراض الي بيحتاجونها هو وربعه ليومين .. ودخل سيف بسيارته .. وانزلت الجازي سلمت على اخوها وادخلت عند امها واختها وتموا سيف وسعود يحملون الاغراض .. التفت سعود وهو يلبس نظارته الشمسيه : سيوف خل سيارتك هنا في حوش البيت وحياك في سيارتي سيف : اغراضي فيها .. سعود: جيبهم يلا .. راح سيف يجيب اغراضه من سيارته .. وتموا يرتبون الاغراض ويحطونها بالسياره .. ويعلقون ثيابهم فيها من الداخل .. بدون مايحسون بالعيون الي كانت تراقبهم من البيت الي جنبهم .. وبعد مااخلصوا دخل سيف لداخل .. وسعود ركب سيارته وحرك لحد ماطلع خارج سور البيت ووقفها عند الباب ونزل .. في نفس اللحظه الي ناصر بيرجع فيها لبيتهم وقف سيارته واشر لسعود الي راح له وسلم عليه .. سعود وهو يسلم على ناصر بحراره : ويييييينك ياخي؟؟ ناصر : خبرك اجااازه ومفتل ههههه ضحك سعود وقال فرصه انه يتقرب من ناصر اكثر .. : دام انك في اجازه شرايك تخاوينا للبر يومين وبنعود فرح ناصر من الخاطر على هالعزيمه وقال : مب شين يابوعبدالعزيز .. متى بتمشون؟؟ سعود وهو يشوف ساعته : بنصلي الظهر وبنحرك ناصر : يعني ماباقي شي اخاف اخركم .. اسبقوني وبلحقكم عقب سعود وهو يبتعد عن سيارة ناصر ويأشر له يدخل : لا يارجال بننتظرك لاتبطي .. ابتسم ناصر وهو يدخل بسيارته للبيت وقال سعود : خلا عطي نص ساعه بس .. رجع سعود للبيت داخل وناصر وقف سيارته بالكراج .. وراح بسرعه لداخل عطا امه خبر وكلفها تخبر ابوه ! وهو مستعجل دخل على غرفة نوره الي كانت قاعده عند الدريشه وبيدها غترة سعود .. بس ناصر من العجله ماانتبه للغتره لانها اخفتها بسرعه وقال : نوره تعالي رتبي شنطتي بسرعه انا بدش اخذ لي شور سريع نوره مستغربه: وين بتروح؟ ناصر وهو يطلع من غرفتها : بروح البر يلا اخلصي بسرعه .. : . . . . . . : العصـر الساعه 4 غرفة حمد ( زوج نوف ) كان قاعد في صالته باين عليه الضيق .. حاله تغير من بعد نوف دخلت عليه امه الي كان قلبها يتقطع على حزن ولدها .. وهي تشوفه يذبل قدامها ومب عارفه شتسوي اجلست جنبه وحطت ايديها على فخذه وقالت بصوت حزين : ياولدي مب زين الي تسويه في روحك حمد وهو يضغط على راسه بألم : شتبيني اسوي يايمه؟ ام حمد بضعف: اطلع من هالغرفه وغير جو .. حمد بأبتسامه جانبيه : وطلعت وغيرت جو .. ! .. نفس الشي برد لهالغرفه .. لهالحبس ام حمد ودموعها تملي عيونها : ياولدي انت الي حابس نفسك بنفسك .. حمد بحيره وضيق كبير : انا حابس نفسي مع ذكرى نوف .. خسرت نوف مابي اخسر ذكراها ام حمد ودموعها تسيل على خدها قالت بصوت مخنوق : ماخسرتها ياولدي وان شاءالله فتره وبترجع لك .. اسند حمد براسه لوراها وهو يضغط بأيديه على عيونه بضعف وكأنه يحاول يخفي عيونها الي فعلت دمعت !!!! وهو يطلق الآه من آعماااق آعمااااق جوفه طلعت بكل حرقه والم وقهر وحسره .. ومعاها اطلعت روح ام حمد .. الي سحبت عمرها بعجز واطلعت من غرفته حطت عباتها على راسها وانزلت الدرج بشوي شوي وتوجهت لبيت بوعبدالله هالمره قررت انها تكلم كفايه تشوف ولدها يموت كل يوم قدامها وينطعن ويطعنها معاه كفايه هو وحيدها وهو فرحتها وهو عيونها الي تشوف بها .. لكن ! مثل ماراحت ردت لان محد في بيتهم .. ردت وهي مقهوره على ولدها هي ماتعرف شالسبب لكن مهما كان السبب هذا ضناها وبطبيعة الام بتوقف مع ولدها .. : . . . . : . في الشمـال قبل المغرب بشـوي .. مكان ممدود على مد البصر ولون السما برتقالي .. كان سعود يعشي طيره ( عقاب ) ومحمد يجمع صيدهم الي بيتعشون الليله وراح يعلقه .. وناصر يشب الضو وعنده سيف الي كان جاي العده معاه بيسوي كرك للشباب .. يدفيهم .. وسلمان كان يتوضى يستعد لصلاة المغرب .. خلص سعود من طيره لبسه برقعه وراح حطه مع طيور الشباب ( محمد وسلمان ) وشارك ناصر وسيف ومحمد القعده عند الضو كان الجو باااارد بشده وهو حول الضو يتدفون .. ابتسم سيف وهو يشوف سعود وقال : سمعنا ياحلو شي من القصايد الي حافظهم عطاه سعود نظره كان منحرج يجر بصوته شيله بوجود ناصر .. التفت ناصر لسعود وقال بأبتسامه حلوه : تشل ياولد؟ ابتسم سعود وقال بثقه: تحب تسمع؟ ابتسم ناصر وهو يهز راسه بالايجاب لسعود .. الي تنح نح عشان يبتدي يشل قصيده من أجمل القصايد الي يحبها ولها اثر كبير على نفسـه .. وبدون مايحس لقى نفسه يبتدي : الضيقة اللي دايمٍ تالي عصير .. .. وش حيلتي وأردها لا تجيني لا طال ظل العود حزة عشى الطير .. .. كنها على سجن الحديد تحديني يضيق صدري كل ما جات وأسير .. .. ولايخفف سوج رجلي حنيني لا حولنا مشراف ولا اقدر اطير .. .. يالله قمسة خير لا تبتليني وعقارب الساعة توقف عن السير .. .. ولاكن في الدوحة سواتي حزيني والعبره اللي تاصل الحلق وتحير .. .. يا قربها لو قيل لي يا عويني أمل شوف الناس ورد ومصادير .. .. واللي يقول اشفيك كنه يهجيني يعني على ما قيل من باب تصوير .. .. (لاحدٍ أبي قربه ولا أحدٍ يبيني) أروح أدور خط مابه دواوير .. .. وأدور اللي هادها تهتديني وآخذ مع الهاجوس سجة وتفكير .. .. وأراجع اللي فات بيني وبيني وأحسب ذنوبي وأدور التكفير .. .. عساي ما قصرت في والديني وعساي ما قارنت من ينفخ الكير .. .. واللي يحمل المسك جعله قريني ويطري علي يوم الحشر وأطلب مجير .. .. ما أعطى كتابي في شقيقة يميني ويطري علي صدقان كثر الدنانير .. .. اللي اتعاديني إلا كثر ديني وراعي الهروج اللي سوات المناشير .. .. أصد عنه وأدري انه يعنيني الله حسيبه يوم عرض القواوير .. .. والله حسبي من صواب مكيني وإلا طرالي واحد كانه اصغير .. .. أم أصغر بيومين ولا سنيني دريت وش قومي وعينت تفسير .. .. للضيقة اللي من زمن تعتليني حبه بصدري سالفة سر في بير .. .. وكن الفواد يقول هذا زبيني أشفق على علمٍ يجي منه من غير .. .. لا يسمع اللي سولفوا به ونيني يا كثرهم غيرهم ولكن خبر خير .. .. ما غير شوفه في الوجود يهنيني رايي كذا يا عاشقين الغنادير .. .. ماله على وجه البسيطه وزيني العام أجيهم من حساب المسايير .. .. واليوم حال عداي وينه وويني خطاي تعليق الأمل في المدابير .. .. الين راح وشفت حقري بعيني صبرٍ جميل وخابر إنه مقادير .. .. والله على تخفيف حزني عويني ذي حالتي لين اتغبا الشمس واصير .. .. معطى سراحي عقب مانا سجيني واذا امتلى جوف الشجر بالعصافير .. .. طلبت من رب العباد يهديني يعتقني المذن عقب ضيقة عصير .. .. اللي على سجن الفراق اتحديني الكل كان مندمج مع صوت سعود الي كانت فيه نبرة حزن جات مناسبه مع الشيله ناصر كان يهوجس بالمها الي تلت قلبه تل ! وسعود مكان في باله غير نوره .. رغم انه تضايق من تصرفها الاخير معاه بس كان يهدي عمره بجملة " بزر ماعليها شرهه .. بكره بتكبر وبتسنع " .. وانتبه على اصوات التصفير بأعجاب له ومحمد يصفق بعبط : ياخي فنااااااان صوتك دوخني خخخخخخ ابتسم سعود والتفت يشوف سلمان الي خلص من الوضي قبل مايبدا سعود ولكنه وقف يسمع الشيله وبعد ماخلص قال له : يعتقني المذن بعد ضيقة عصير؟ .. وانا بعتقك ذلحين ولف سلمان اتجاه القبله وبدا يتعالى صوته وهو يأذن اعلان عن دخول وقت صلاة المغرب .. وقاموا الشبيبه يتوضون وصفوا سيد وراه سلمان الي كان امامهم في الرحله .. : . . . . . : : اليوم الي بعده الصبح كان الجو ولا اروع .. صحوا الشباب بدري لقوا محمد الي صاحي قبلهم كلهم بوقت وراح يجيب لهم ريوق من مدينة الشمال نفسها ورجع لهم تريقوا الشباب وصحصحوا .. وقرروا كعادت كل الشباب لما يطلعون للبر يرفهون عن نفسهم شوي ماينفع يلعبون كوره لانهم شوي .. قالوا بيتحدون بعض ركب محمد سيارته وهو يلعن تحديه من بيكرب معي؟؟ قرب منه ناصر وركب معاه وسلمان قرر انه يكون الحكم .. وركب سيف سيارة سعود .. وركب سعود جنبـه .. وبعد ماعد لهم سلمان للثلاثه انطلقت السيارتين بأقصى سرعه بعد مايوصلون للمكان المحدد ويرجعون لسلمان مره ثانيه الي راح يركب فوق سيارته ويطلع الدربيل يشوفهم ! كان محمد يسوق بسرعه جنونيه يحس كأن السياره تطير عن الارض من سرعتها وسيف نفس الشي .. مستحيل يترك محمد يفوز عليه سعود الي كان يراقب الطريق : سيوف انتبه ياخي كسرتنا مع هالطريق كم مره ضرب راسي فوق ضحك سيف وقال : خويك حميدان ماسك الخط الزين وانا مابي اجي وراه سعود وهو يأشر لسيف : ياخي روح هناك يمكن ذاك الخط اهون من هذا فككت اعظامي ضحك سيف وهو يلف بسرعه للطريق الي اشر عليه سعود .. وفجـــأه ماحس سعود الا وهو يفتح عينه الرؤيه مب واضحه له وهو يشوف ناصر ومحمد قريب قدامه ونظرات الخوف بعيونهم .. سألهم وهو حاس بألم شديييييد مب قادر يستحمله : سيف وينه؟ .. هو بخير؟ التفت ناصر يشوف محمد .................... * آلقصيده لمحمد بن فطيس آلمري ~ لآتحرموني من ردودكم وتوقعآتكم ~ آختكم { زآآهي آلكحل ~ |
نووووووووووووووووووووف احداااااااااااث رهييييييييييييييييييييييبه كتيييييييييييييييييييير ثانكس يا ألبي عالبارت |
[COLOR="RoyalBlue"]
مســـــــــــــــــاء الخيرأأأأأأت,,,, بآآآآآآآآآآرتات كتييييير نايســـــــــــات’’’’ ..... حمد : تستاهل والله ما جاك ,,,عشان تعرف تلعبها صح مره ثانيه والله ماودتك رجولك للمستشفى الا شر أعمال وسوء نواياك,,, ياجعلك بذا الحال وأردى<<<<<< حاقده وبقوه فاطمه:أتوقع ما بتطول وبتتطلق...أعجبتيني لما طلبتي الطلاق من ذاك اللي ما يتسمى,,,لأنه يدل على سمو أخلقك والله يرزقك اللي يعزك ويحبك بينكم وعند خلق الله مهو بالسر مثل شين الحلايا... نوف: ياوالله انك بردتي قليبي بذاك النذل وياحلوك وانتي تغسلين شراعه ,,,وأرتفعتي بعيوني لما سكتي عنه وهو مايستاهل منك... عز الله انك بنت اجواد... بس ذا الحمل اللي جاء بالوسط ذكرتيني بنفسي لما رحت لأهلي مره وانا راسي وألف سيف الا واتطلق ولما حللت قالوا اني حامل فقالت أختي وهي ماخذه اخو زوجي (على وجهك على بيتك المغبر’’’ياوالله ان زوجك متحلف ان ينسيك اليوم اللي ولدتي فيه على طلبك للطلاق كخخخخخ).... بس ان شاء الله تتعدل أمورك مثلي وتسحبينه على وجهه,,,,والله انهم يستاهلون ذا الرجاجيل فقعوا كبودنا,,,بس احس لو يصير شي لسيف انه بيوقف جنبك وبتردين له بعد ما تشوفين معاملته اللي كأنها وجهك الزين... سيف : يالبى والله انه ذكرني بواحد من اخواني يدرس بأستراليا لما وصله اني زعلانه واطالب بالطلاق كلمني وهو يتوعد ابو الشباب ان يفرغ الرشاش في راسه لو كان غلط علي بكلمه او مد يده علي .... حلو انك تحس انك شي هع,,, بس الله يقومك بالسلامه شكله صاير عليك شي ربنا يخليك لجويزي ما فينا تنصرع علينا ولا تموت ,,, تكفووون كلش ما نبي أحزان,,كفـــــــــــــــــايه نوف وحزنها... الجازي: الله يخلي لك سيوفك ولا يحرمك منه ,,, <<<< قلبي يصرقع ناصر ومها : يبغى لك والله محاط بالعقال عشان دل البيوت من ابوابها ياللي ما تستحي,,, نعبوك والله ان يشوفكم سعيدان ان يكوفنكم ويحشركم بكيس واحد عشان تتريمسون على راحتكم ,,, عاد ياوجه أستح اذا تبي نوير تعلم من مهوي اللباقه فأنت تعلم من سعود علوم المرجله<<< خاقه بقوه مع سعود... سعود: أربه ما صار بسيارتك شي ,,, والله ان تكون عين وصابتها من ذولا اللي ما يذكرون الله ولا يصلون على نبيه,,, بس سلامتك الف سلامه وجعله في <<<< وشذا ما في القصه حد نحط الدعاوي الشينه عليه(لو ماتعدل الشيبه ولاكان مهو بشين نتدعى عليه)..بس متى بتقدم لأم لسانين وتخطبها ثم تقص لسانها على راحتك <<< تفداك نوير نوره: أي والله زيدي من طوالة لسانك وارفعي الضغط عند تاج راسك خليه يحلف ان شنبه مهو بعلى رجال ان ماجابك وقفل فمك بشطرطون,,, وعشان يعجل بلمتكم الحلوه <<<< عز الله انك بتروحين وطي مع ابو عزوز ساره وحمد: يختي خلاص أعقلي الى متى تراك على ذمة شيخ وانتي تنطلين بعيونك فيذاك,,, بس أحس ان أم حمد بتطلع قشراء وبتخرب عليكم رومانصيتكم الشفافه والله يستر وباقي الشخصيات الله يرعاهم ,,,, نــــــــ بنت نايـفــ! ـــــــــــــــــــــــــوف سلمتي ودمتي على النقل الرائع,,,[/COLOR] |
اقتباس:
منوره يالغلا وتعليق اكئر من رائع ويبرد القلب حمد وش بتسوي فيه نوف انتظريه بالقادم والله هالنويف طلعت مو ب قليله ابد وبتبرد حرتك ياحقيقهحلم افااااا ياذا العلم طلاق مره وحده الله يخليكم لبعض ويبعد طاري الطلاق والزعل عن عشكم واخوك ياربي يحفضه لك وزين نه باستراليا والا صارت علوم ساره وحمد هذولي لهم سالفه ثانيه بتعرفينها بالقادم انتظري اجزاء اليوم بعد قليل |
اقتباس:
العفو يالغاليه انتظري بارتات اليوم |
آلـ خ ــآمس ع ــشر ~ ~ كان محمد يسوق سيارته بسرعه وناصر كل شوي يتلفت يشوف سيارة سيف وسعود اذا قربوا منهم وهو يضحك مع محمد ويعلق عليهم .. وفجأه صرخ : وقـــــــف .. ( وهو يضرب على طبلون السياره ) خفف محمد سرعة سيارته وضرب بريك غبر المكان حولهم وفتح ناصر الباب وراح يركض ولحقه محمد الي ماكان عارف شسالفه .. وانتبه لسيارة سعود واقف !!!!!!!! لمح سلمان الي جاهم بسيارته من بعيد بسرعة البرق وراح بسرعه لهم .. فتح ناصر باب سيف وهو مصدوم من الي يشوفه كان ثوبه متروس دم وشموخ في وجهه رفع نظره يشوف سعود الي كان معطيه ظهره ويون بألم .. تقطع قلبه عليهم ووصله محمد الي راح للجهه الثانيه عند سعود شاف يون وهو مغمض عيونه ومبين انه مب في وعيه .. ضرب بيده كفوف خفيفه على خد سعود يحاول يصحيه : سعـود .. سعـــود فتح سعود عينه بألم وبتعب وهو يحاول يستوعب شالي صار؟؟ الرؤيه مب واضحه بالنسبه له .. نقل نظره من محمد لناصر الي كانوا يراقبونه ونظرات الخوف بعيونهم تذكر سيف .. لكنه مب قادر يتحرك من مكانه بذل جهد كبير عشان يقول : سيف وينه؟؟ .. هو بخير؟ التفت ناصر لمحمد بخوف .. ومحمد القى نظره سريعه على سيف الي ماكان شكله يسر وهو يقول بتوتر : بخير ان شاءالله .. ( التفت على ناصر وقال له ) : ولاعليك امر قرب سيارتي خلونا نفزع بهم للمستشفى راح ناصر في نفس اللحظه الي سلمان وصل فيها وجاهم بسرعه بخوف : عساهم بخير؟ محمد وهو يحط يده تحت ظهر سعود : خلوا اسألتكم هذي لعقب خلونا نوديهم المستشفى .. تعال ساعدني نشيل سعود للسياره غمض سعود عينه بألم وقال بصوت مكتوم : لاتحركني .. ودوا سيف المستشفى انا ماسمع صوته ( كمل بضعف ) تكون افزعوا به .. انا ساقي مكسوره والا كان فزعت به لاشعوريا دمعت عين محمد وهو يشوف صديق عمره صديق طفولته واخو دنيته .. بهالحال الي يقطع القلب سلمان وهو يستعجل الشباب : بنوديكم اثنينكم للمستشفى .. تحملنا سعود شوي بس لين ننقلك للسياره .. ( التفت لناصر الي كان بالسياره وقال له ) : ناصر افتح الباب .. من يقدر يتحمل ألم الكسر؟ وفي عز البرد؟؟ ساقه مكسوره ومكشوفه لهالبرد الي يكسر العظام .. ماكان يقدر يتحمل .. حاول وحاول يستحمل لكن ماقدر كان يتألم بدرجه محد يقدر يتصورها كانت تطلع منه ونات غصبا عنه تآلم وتآلم .. وهو بين ايدين سلمان ومحمد الي شالوه بحذر قد مايقدرون وقلوبهم تقطع وهم يسمعونه يون .. واول ماحطوا بالسياره قالوا لناصر يسبقهم على المستشفى .. ورجعوا لسيف عورتهم قلوبهم على منظره .. وشالوه اثنينهم وهم مايدرون اذا فيه كسور او لا لانه غايب عن الوعي .. حطوه بالسياره واركبوا وبسرعه راحوا للمستشفى .. : . . . . . : : في نفس الوقت في بيت بوعبدالله كانت نوف تمشى فالبيت تشم هوا تغير جو شوي .. رن تلفونها رنة مسج .. اخذت تلفونها من جيبها : خير ان شاءالله .. فتحت المسـج ارجعت لها الالام والاحزان من جديد .. اصلا هي ماراحت عشان ترجع لكن كانت نفسيته احسن قبل ماتقرا المسـج .. امتلت عيونها بالدموع وهي تقرا ( حبيبتي نوف حددي يوم ومكان اقدر اشوفج فيه ضروري ) كان المسج من فاطمه هالبنت الي مالها من بعد الله الا امها واخوها الصغير بالسن كانت هي شايله هم عائلتهم الصغيره على راسها درست واشتغلت عشان تكد عليهم .. ولما الله ارسل لها حمد الي شافها مره في دبي وانعجب فيها وكان غرضه شريف وحب انه يرتبط بها على سنة الله ورسوله .. وليش لا؟ هي محتاجه سند وظهر لها محتاجه الي يعينها على مصاريف هالعيله .. مره عجوز وولد صغير بالسن وفعلا لما تزوجها حمد شرا لها بيت وسكنوا امها واخوها معاها الي كانت سفراتهم دايما خارج البلاد لزيارة اهلهم واقاربهم في اغلب الاجازات .. بينما فاطمه كانت تتم عشان حمد ولانها مرتبطه فيه عاشت معاه احلى عيشه عوضها عن سنين الهم والتعب والكرف الي مرت عليها تحسن وضعهم المادي بكثير وبعد شهور قليله .. اجرت الفحوصات اللازمه وتبين انها حامل حامل بأحشائها ولد حمد الي فعلا حبته وولدها هي .. واخيرا بتصير ام؟ كانت فرحتها فرحه حتى امها واخوها فرحوا كثير لها فجأه .. يطلع حمد زوجها الي حبته .. وتعلم انه متزوج اصلا لكن كان يرفض انها تدخل بخصوصياته مثل ماكان يقول وهي كانت تحترم رغبته بهالشي .. يطلع زوج صديقتها؟؟ ومب أي صديقه صديقتها المقربه لها .. صدمتها كانت قويـه .. حست بتأنيب الضمير بشكل اكبر كفايه تدري انه متزوج وزوجته ماتدري عن زواجه .. بعد يطلع زوج صديقتها الي ماتدري انه متزوج صديقتها وحامل ببطنها ولده؟؟ تمنت لو انها عاشت الايام التعيسه ولا انها تزوجت حمد عشان لاتنحط بنفس الموقف الي انحطت فيه قدام نوف نوف الي الحين بعيد عن زوجها وممكن يخسرون بعض نوف الي حامل ببطنها ولد حمد الي كانت تمناه .. وهي اكثر وحده تعرف شكثر نوف كانت شفقانه على ولد او بنت من حمد ردت نوف تلفونها بجيبها ودموعها بدت تسيل على خدها بدون ماتوقف .. كانت بداية سيل من الاهات ماينتهي .. : . . . . . . : نرجع للشباب لما وصلوا للمستشفى كان سعود اغمى عليه لانه ماكان يقدر يستحمل الآلم القوي الي يحس به دخلوهم اثنينهم .. وتموا محمد وسلمان وناصر في الممر ينتظرون بكل توتر وخوف وهم يدعون ربهم ان الشباب يكونون بخير بالذات سيف الي لاقام ولا تحرك ! كان ناصر واقف جنب محمد الي قاعد عالكرسي وشكله مهموم ورن تلفون بجيب ناصر .. دخل يده بجيبه وطلعها كان تلفون سعود ! تذكر انه لما ينزل سعود مع الممرضين شاف تلفونه بجيبه واخذه وحطه بجيبه .. وشاف عل الشاشه " الاهل 2 يتصل بك " توتر ولف يشوف محمد الي ماكان مع العالم كان الهم ياكله وحاس بالذنب يأنه هو الي طلب انهم يتسابقون وسلمان قاعد بعيد عنهم وشكله خايف بعد .. ابتعد ناصر وهو يشوف شاشة التلفون يرد والا مايرد؟؟ ماوعى الا وهو يضغط على الزر .. وحط التلفون على اذنه بتوتر ووصله صوت المها المرح : هلا وغلا يابوعبدالعزيز .. اوحشتنا يالغاالي تصنم ناصر وهو يسمع هالصوت الي يعرفه عدل .. عوره قلبه عليها شبيقول لها لو عرفت انه مب سعود !! واكيد بتستغرب ان سعود مارد على تلفونه .. رد بهدوء رغم توتره : مرحبا المها استنكرت الصوت .. قالت بصوت خافت: سعود؟ ناصر وهو يلتفت ورا يشوف الشباب الي ابتعد عنهم قال بصوت واطي: آآ لا !! المها استغربت اكثر قالت بتوتر : طيب وين سعود؟ ناصر بتوتر : نايم !! المها الي مامشت عليها السالفه .. حست ان فيه شي وهالشخص مب راضي يقول لها قالت بتوتر : نايم هالحزه؟؟ ليكون تعبان؟ ناصر " شكلها مطوله هذي بالاستجواب " .. تنهد وقال : لاتعبان ولاشي بس امس طولنا بالسهره المها الي قلبها ناغزه تقول في شي صاير عكس الي يقوله هالشخص .. قالت وهي تسحب نفس : صوتك مايطمن .. وامنتك بالله تقول الصدق.. سعود فيه شي؟؟ غمض ناصر عيونه وهو يتذكر شكل سعود .. ويحس بطعنات تطعن في جوفه وهو يسمع نبرة المها الي كلها خوف .. وقال مافي الا يقول لها وعلى الله .. : المهـا اسمعيني امنتج محد يدري .. ابلعت المها ريقها بخوف " هذا شدراه ان اسمي المها؟؟؟؟؟ ليكون !!! " .. كمل ناصر كلامه : سعود ان شاءالله مافيه الا الخير .. صار حادث بسيط جبناه للمستشفى والحين هو نايم ( ماحب يقول لها التفاصيل بس قال جزء من الكذبه يكون صحيح .. احسن ! عشان تخف الصدمه ) شهقت المها بخوف : شنو؟؟؟ .... تكلم ناصر بسرعه عشان لاحد يسمعها وينتشر الخبر قبل مايتأكدون من كل شي .. وقال بتوتر : تكفين يالمها لحد يدري .. كتمت المها بكيتها .. وقالت بصوت متقطع مهزوز باكي : تكفى طمني عليه .. تكفى هذي بس هزت جسد ناصر من داخل .. بعنف ! وهو يسمعها تطلع من اعماق المها الي حزنت على اخوها .. وقال بصوت متوتر : ان شاءالله .. ومثل ماقلت لج يالمها لحد يدري .. انتهت المكالمه بين ناصر والمهـا تمت المها بغرفتها تبكي على حال اخوها .. بعيد عنهم ولايدرون شفيه وراح ناصر مع الشباب .. الي تمر عليهم لحظات الانتظـار طويلـه وصعبه .. : . . . . . : : . في بيت بوحمد ( زوج ساره ) قبل العشـاء بشوي .. كانت ساره بالصاله الي تحت ومعاها آمنه اخت حمد ويسولفون وهم يتقهون .. آمنه يوم بعد يوم تحب ساره اكثر وترتاح لها اكثر .. ولان ماعندها خوات كانت تشوف ان ساره هي اختها الي ماجابتها امهـا .. وساره تبادل آمنه نفس الشعور .. آمنه وهي تاخذ اسنكانة الشاي من على الطاوله : تصدقين ملل مب طبيعي ابتسمت ساره : استغرب انج ماتروحين مع امج لزياراتها لما تزور معارفها آمنه : حق الملل؟؟ انا من النوع الي يتملل بسرعه من هالامور .. لي عالمي الخاص والهادي الي يختلف عن عالم امي الي كله رسميات وزيارات ماتخلص ساره : تصدقين حلو ومب حلو !! .. حلو ان لج معارف وناس كثيره ومن طبقه راقيه بعد .. ومب حلو انج تتقيدين خصوصا بالمناسبات لازم توجبين الكل ابتسمت امنه واغمزت لساره : ماردج بتصيرين مثلها ترى !! .. لان معارف حمد كثير نفس ابوي وزوجاتهم من النوع الي يقدر ويوجب .. ابتسمت ساره وقالت بدلع : الي بيوجبني بوجبه حتى لو ماكانوا شخصيات مهمه بالمجتمع ! آمنه : صحيح .. بس بتعرفين انا وش اقصد بكلامي بعدين .. ابتسمت ساره لآمنه وقالت : بكره انتي ان شاءالله بتزوجين واحد نفس النوعيه .. وتصفين معانا ( وغمزت لها ) ابتسمت آمنه بمراره .. ولاحظت ساره لكن ماعلقت ! : . . . . . . : . غرب منطقة الابراج بالدوحه كان المكان جدا وقف سيارته .. ونزل منها بعد ماشغل سي دي لدايم السيف وقعد على الرمال البارده وعيونه تعانق البحر .. بكل آلم بكل حزن بكل انكسـار روحه مكسوره .. وش الي يجبر كسرها؟ امتلت عيونه بالدموع وهو يسمع صوت دايم السيف يردد قلبي اللي لواه مـن الصّواديـف لاوي جرّحته الليالـي والحظـوظ الرديّـه والله أني بوسط الناس كنّـي خَـلاوي من يلوم المفَارِق عقـب فرقـا خويّـه أشهد أن المفَارَق من عظيـم البـلاوي مير هذا نصيبك يـا العيـون الشقيّـه اتجَلّد واقول انّي علـى البعـد قـاوي والله أعلم بقلب(ن) فيه الأشواق حيّـه كيف راحت يا بوتركي حياتي شقـاوي وين درب السّعـاده والحيـاة الهنيّـه ليت لأهل الهوى والحب قاضي دعاوي كان أداعي عيون اللي فراقـه خطيّـه كنّي المبلي اللـي قطّعتـه المكـاوي كـل مـا جـظّ بالونّـات زادوه كيّـه كان يقاوم الدمع لاينزل ! حتى بينه وبين نفسه كبرياءه يمنعه !! بدون شعور اخذ موبايله من جيبه وطبع مسج وارسله لنوف ~ مايدري ليش سواها .. بعد يومين بيكملون شهر وهم بعاد عن بعض واول مره يسويها ويرسل مسج لها ! وهو حاط فباله انه يحط حدود للي قاعد يصير له .. ويبتدي مخططاته الجديده : . . . . . . : . كانت المها بغرفتها تبكي بصمت خايفه على اخوها .. سمعت صوت الباب ينطق .. مسحت دمعها بأصابعها النحيفه وقالت بصوت حاولت انه يكون طبيعي قد ماتقدر : من؟ الجازي الي ورا الباب : انا الجازي .. حياج تعالي تعشي انا وامي ننتظرج المها وهي تقوم من سريرها : شوي وبنزل .. راحت بسرعه للحمام وغسلت وجهها بالماي البارد ولما تأكدت بأن شكلها اوكي .. راحت فتحت باب الغرفه بتطلع ووقفت لما سمعت رنة مسج ! راحت بسرعه لتلفونها فتحته تشوف المسج من تلفون سعود لكن الي ارسله ناصر .. وبعد ماارسل المسج مسحه من تلفون سعود ! ( ابشرج سعود بخير وسهاله توه الدكتور مبشرنا ) لاشعوريا ماحست بأصابعها الا وهي تضغط ارقام تلفون سعود ووصلها صوته الهادي : هلا المها بصوت فرحه ممزوجه بحزن خفيف : الله يبشرك بالخير .. وينه ابي اكلمه اقدر؟؟ ابتسم ناصر بهدوء : مخدر ! المها حبت تأكدت من شكوكها قالت : انت سيف؟ ناصر بتوتر : آآ .. لا !! معاج ناصر فجأه بس حست المها ان كل شي بجسمها وقف عن الحركه لثواني !! بلعت ريقها وقالت بصوت مهزوز : هلا ... آسمح لي وترتك معاي .. بس ممكن اكلم سيف؟ ناصر غمض عيونه " لاحول ولاقوة الا بالله " .. تكلم سيف وهو يلقي القنبله : سيف حالته من حالة سعود بعد ! توترت المها .. وحست ان العبره خنقتها .. ماردت لكن تكلم ناصر الي قال برجا : تكفين المها لحد يدري .. ادري انه صعب عليج لكن خلينا نتأكد وانا بنفسي بقول لكم ردت عليه المها بصوت مهزوز : ان شاءالله .. : . . : . : : الساعه 9 ونص كانت في غرفتها الشبه مظلمه الا من اضاءة الابجوره الخفيفه .. على سريرها متغطيه باللحاف .. والدمع مافارق عينها .. وصلتها رنة مسج مدت يدها من تحت الغطا تشوف من هالي مرسل لها مسج !! ( ماكفاج الشهر الي قضيتيه بعيد عني؟ طلبتج ترجعيـن لي .. ) غمضت عيونها بألم وسالت دمعه كانت حايره بوسط محاجرها بكل قهر .. وهي ترص على التلفون بين اصابعها بقوه وانت ماكفاك الي سويته فيني؟ تبيني ارجع عشان تكمل على الباقي؟ اصلا انا ماعاد فيني شي عشان يكمل عليه نوف الاوليه ماتت .. حطيت ايديها تغطي بها وجهها تبكي بقهر بلوعة الحرمان والهجر هجرها حمد طول المده الي هي عنده واخرتها قهرها والحين يطلبها ترجع له !!؟؟ وش الي وراك ياحمد ؟ : . . . . : : . في طواري حمد الساعه 10 كانوا الشباب الثلاث عند سعود الي توعى وهو يشوف رجله المجبسه والمرفوعه لفوق شافهم ثلاثتهم واول شي قاله : وين سيف؟؟ ناصر وهو يحط يده على يد سعود : تطمن سيف بخير .. بس للحين مافاق غمض سعود عيونه كأنه يحاول يسترجع الي صار .. سيف وهو يسوق بسرعه : زين زين يالشايب ازعجتني بحنتك .. تقبض بس تراني بلف على الخط الي تقوله لف سيف بسرعه .. وصرخ فيه سعود نزله ماكانت كبيره لكنها كفيله في انها تقلب سياره مسرعه ! : شوي شوي ياسيف .. نزله نزله لكن سيف ماقدر يسيطر على السياره لانها مسرعه واخر شي كانوا يشوفونه الدنيا كانت تدور حواليهم مثل خطوط سريعه تمر قدامهم .. وقزاز يتكسر وصوت السياره وهي تصطدم بالارض وبالحصا لحد ماغابوا اثنينهم عن الوعي .. رجع سعود للواقع على صوت محمد : شي يعورك؟ هز سعود راسه بالنفي لمحمد .. ماكان يقدر يتكلم رغم الالم الي يحس به في جسمه كله اثر الضربات وساقه المكسوره .. ولانه مايبي يشغل بالهم معاه اكثر بذل جهد وهو يقول : تعبتكم معاي سلمان بأبتسامه : لاتعب ولاحاجه بس خفنا عليكم والحمدلله تطمنا عليكم .. سعود بتعب: روحوا ارتاحوا لاتضغطون على اعماركم ناصر : راحتنا هنا معاكم ياسعود .. الدكتور قال انه بيرخصك بكره وانا ماني طالع من المستشفى الا وانت معي ابتسم سعود بتعب وتكلم محمد الي قلبه بياكله من الهم بصوت مخنوق : سامحني ياسعود انا السبب في الي انتوا فيه سعود الي حاس بألم في راسه قال بتعب : هذا قدر ومكتوب يامحمد .. وقف محمد بضيق واستأذن منهم ماكان قادر يشوف سعود بالضعف الي هو فيه وبنفس الوقت يعرف ان سيف من اول ماصار لهم الحادث مافاق للحين ! طلع يمشي بممرات الطواري وهو يشوف الناس الرايحه والجايه .. وكلن حالته حاله لحد ماوصل للغرفه الي فيها سيف لقى الممرضه عنده تركب له المغذي وهو يشوف وجهه كله خدوش ورضوض .. طلعت الممرضه وقعد محمد عند سيف .. : . . . . . : مرت الليله طويله على الشباب فالمستشفى واهلهم مايدرون عنهم .. طبعا بما انهم بيقعدون يومين بالبر .. ماعدا المها الي كانت تدري .. وقلبها مب مرتاح تبي تشوف سعود وتطمن عليه بنفسها .. اشرقت الشمس ليوم جديد يوم ماندري شمخبي في ثناياه من احداث عساها تكون خير .. توعى محمد الي كان حاط راسه على السرير وهو قاعد عالكرسي يسمع صوت .. رفع راسه بتعب وهو مصدع وعيونه حمر .. كان سيف فتح عيونه وينادي محمد بصوت متعب .. اتسعت ابتسامة محمد وهو يقول بفرحه : سيف .. الحمدلله على السلامه سيف وهو يتألم الم شديد : الله يسلمك .. ( غمض عيونه بألم ) بلع محمد ريقه بخوف : شي يعورك؟ هز سيف راسه بتعب .. وطلع محمد ينادي أي دكتور يشوفه في طريقه غمض سيف عيونه بعد ماطلع محمد كأنه يحاول يسترجع الي صار .. لف سيف سيارته بسرعه ناحية الطريق الي قال له سعود عليه ووصله صوت سعود وهو يضرب الطبلون ويصرخ فيه .. ارتبك سيف وماعاد عرف شممكن يسوي يخفف السرعه والا يلف لجهه ثانيه؟؟؟ لكن ماكان في وقت للتفكير ياسيف !! لأن النزله كانت قريبه وماانتبه لها سعود الا بعد ماقربوا منها حولت السياره بشكل سريع وانقلبت قلبتين .. والحمدلله ان سيف وسعود وحتى ناصر ومحمد كانوا رابطين حزام الامان والا كان ممكن يموتون !! بعد التقلب وصوت القزاز المكسور وصوت السياره لما تضرب فالارض بقوه وفالحصا ووقفت ! كان سيف يسمع سعود يتآلم .. كان وده يقوم يساعده ! بس وين؟؟ يحس انه انشل عن الحركه وهو وصل لمرحلة مابعد الالم !!!!! من قوة الالم كان مايحس به .. مب قادر حتى يلتفت له يشوفه .. هذا كان اخر شي يذكره لان بعدها غاب عن الوعي !! رجع محمد ومعاه الدكتور دخل الدكتور وسأل سيف كم سؤال عن حالته وش يحس فيه وكذا .. وبعدها قال له الدكتـور .. انهم بينقلونه اليوم لغرفة فوق لان ماراح يرخصونه الا بعد 5 ايام او اسبوع ! لان طلع عنده 3 كسور .. كسر فاليد اليسرى وكسرين في القفص الصدري مكان ضربة السكان !! تضايق سيف .. بس حمد ربه انه جات على كذا ومب على شي اخطـر .. لاحظ محمد ضيق سيف قرب منه وقال : والله ياسيف ان الندم بياكلني .. ندمت اني طلبت منكم نتسابق قاطعه سيف بحزم رغم الالم الي يحس به : افا عليك يامحمد وش هالكلام؟ هذا الي ربك كاتبه لنا سواء تسابقنا معاك والا حتى لو كنا نمشي بروحنا .. ولاعاد تجيب هالطاري على لسانك والا ترى ازعل منك ابتسم محمد بضيق وقال : اهم شي انكم اسلوم يارجال ابتسم سيف بتعب : سعود شخباره؟؟ اربه بخير؟ محمد بصوت مطمن : لا ابشرك بصحه وعافيه .. ولما درا انك وعيت قال يبي يجيك بنفسه : . . . . : : عند سعود الدكتـور رخصه وكتب له معصار ياخذه من الصيدليه عشان يدهن مكان الشموخ من اثار القزاز الي منتشره في جسمه واكد عليه ان الكدمات الي بجسمه تأثير الضربات فتره وبتروح .. وكتب له موعد يراجعه عشان يشيك على ساقه .. كان ناصر معاه الي رفض انه يروح وهو بنفسه بيوصل سعود لبيتهم اما سلمان من بعد ماصلى الفجر استأذن وراح للبيت لان وجوده صار ماله داعي وقرر يجيهم بعدين .. اخذ سعود العكازات الي كان ماسكهم ناصر له عشان يتعكز عليهم سعود اليوم احسن من البارح .. صحيح يحس بألآم لكن احسن من البارح بكثير والحمدلله وطلع هو وناصر متوجهين لسيف وهو يتعكز على عكازاته بشوي شوي وناصر معاه .. : : . . . . . . : : قبل صلاة المغرب بشوي بيت سعود كانت ام سعود بالصاله .. تقهوى العصر والجازي بالمطبخ تجهز لهم الفطاير .. والمها ونوره قاعدين بزاويه من الصاله وحاطين روسهم ببعض وماخذتهم السوالف انفتح باب الصاله وارفعت ام سعود راسه تشوف من .. واول ماشافت كانت عكاز سعود اليمين فز قلبها ونطت عبرتها فبلعومها .. وهي تشوفه يدخل وهو يتعكز على عكازين كان يمشي بصعوبه لانه للحين ماتعود عليهم .. وقفت بتعب وهي تقرب منه ... ونوره والمها الي كانوا على طرف انصدموا من منظر سعود ! رغم ان المها عندها خبر بهالشي !! بس بعد مايهون عليها تشوفه بهالحال .. عدلت نوره شيلتها على شعرها .. وهي تضايقت من منظر سعود بس ماحبت تبين لهم شي راحت المها بسرعه لآخوها ابتسم سعود وهو يشوف امه .. حبها على راسها وقال بصوت هادي مرح : شفتيني قدامج مافيني الا العافيه ام سعود وعيونها مليانه دموع : أي عافيه الي تقول عنها وانا اشوفك تعكز على عصي .. ياولدي وش الي صار لك .. ليه ساقك وش فيها؟ رفع سعود نظره لاشعوريا للشخص الي قاعد في زاوية الصاله وكانت تشوفه بنظرات مافهم وش معناها .. وارتبك لما شافها لان ماانتبه لها اول مادخل .. صد عنها وقال وهو يرد يشوف امه واخته : بسيطه .. ساقي مكسوره ! شهقت المها برعب .. رغم انها تدري بس ماحبت تبين لهم وقالت : وبكل بساطه تقولها !! ابتسم سعود ابتسامه حلوه وقال بعياره : بتخلوني اطول وانا واقف على ساق وحده يعني؟ وخرت ام سعود عنه وهي تقول : لا ياولدي .. حياك تعال تقهوى عندي وقول لي وش الي صار لكم .. ( وفجأه كأنها تذكرت شي ولفت عليه بسرعه وقالت بخوف ) : واخوياك اربه ماصار لهم شي؟؟ هنا نوره تذكرت ناصر اخوها .. شهقت بخوف وقالت بدون شعور : ناصر صار له شي؟ التفت سعود لناحية الصوت العذب الي وصله .. اول مره يشوفها بهالحال !! كله معصبه ومكشره في وجهه .. ياحلو ملامحها وهي خايفه بس .. وتذكر الموقف الاخير الي صار بينهم تضايق اشاح بوجهه عنها .. وقال بهدوء وهو يشوف امه : لاتطمنوا مافيهم الا العافيه .. بس ... ( قالها وهو متوتر مب عارف كيف يقول لهم ) وفي هاللحظات وصله صوت الجازي الي جايه وبيدها صينية الفطاير .. : فديت هالطول انا .. وش فيك يالغالي عسى ماشر؟ ابتسم سعود وهو يلتفت لها : كله بسبة رجلج العله شهقت الجازي ونزلت الصينيه عالطاوله وهي تتذكر سيف .. قالت برعب : وسيف وينه؟ سعود كره الساعه الي قرر يجي فيها البيت ويواجههم .. بس مافي مفر من المواجهه ولابد انه هو بنفسه الي بينقل خبر سيف سواء الحين والا بعدين ! سحب نفس عميق مشبع بهم .. وقال وهو يدقق نظره فالجازي الي واقفه قدامه : سيف منووم فالمستشفى .. توها بتكلم .. طاح عكاز سعود ! لانه مد يده لشفايفها يمنعها من انها تصرخ او تشهق .. وقال بهدوء : اذكري الله .. والله العظيم انه بخير والدكتور بنفسه قايل لي .. بس بيخلونه عندهم كم يوم تحت الملاحظه لان فيه 3 كسور ! دمعت عين الجازي بصمت .. وانزلت تاخذ عكاز سعود الي طاح ومدته له .. وراحت لغرفتها فوق .. تضايق سعود وقعد على اقرب كرسي وتضايقت ام سعود وراحت قعدت عند ولدها اما نوره فهي قامت بتطلع .. الجو موتر في بيتهم وكفايه هي حاسه بضيقه من اول ماشفت سعود ماتدري ليش .. والمهـا راحت لأختها بعد ماطلعت نوره .. : : . . . . . : : بدا ينتشر خبر وجود سيف بالمستشفى هالشي ضايق امه وخواته وبالذات امه الي طلبت من عبدالله يوديها بس تطمن عليه .. راحت هي ونوف وفي نفس الوقت بعد ماصلى سعود المغرب حاول يصعد الدرج ماقدر .. التفت على المها : مهوي روحي نادي لي الجازي .. ماني قادر اصعد الدرج نطت المها تنادي الجازي الي من اول ماجاها الخبر وهي بغرفتها تصيح حاولت تتصل فيه لكن يعطيها مغلق ! لان خلص الجرج وهالشي خلاها تحاتي اكثر .. لما جاتها المها وقالت لها ان سعود يبيها .. قامت بسرعه غسلت وجها بماي بارد ولما تأكدت ان شكلها اوكي .. نزلت لقت سعود بالصاله عالكرسي عكازاته جنبه وهو مادر ساقه المكسوره وكان يشوفها وباين عليها اثر البكي .. قال بنظره خاصه : كنتي تبكين؟ تندقت الجازي راسها بدون ماترد عليه .. تنهد سعود بضيق .. وقال : روحي البسي عبايتج ارفعت الجازي راسها له بعيون ماليها الدموع وقالت بصوت اشبه للهمس : ليـش؟ سعود وقلبه معوره عليها قال : بوديج له ! مع ان اعرف الرجاجيل كلهم عنده .. الجازي بصوت مخنوق: بتسوق؟ ابتسم سعود بهدوء : لاطبعا ماقدر هه .. بخلي الدريول يسوق بنا !! مع اني ماااااااحب اروح معاه هههههه ابتسمت الجازي من ورا الدموع وقالت وهي بتروح لفوق : دقيقه البس وانزل لك .. : . . . . . : : في مستشفى حمد العـام انترس المكان بالرجاجيل الي يعرفون سيف وجده وابوه وعمامه .. كانت ام عبدالله تمشي ورا عبدالله ومعاها نوف كان حمد ( زوج نوف ) .. فالممر قاعد على كرسي جنب ابوه ولمح ام عبدالله والي معاها وهو عرفها من عيونها من ورا النقاب .. يعرف هالهيئه عدل ماغابت عن باله ولالحظـه .. فز قلبه وهو يشوفها يالله شكثر اشتقت لها !!! لاشعوريا ابتسم ابتسامه خفيفه .. لمحته نوف وشافت ابتسامته توترت اشاحت بنظرها عنه تبين يبعد عنها .. ماتبي تشوفه رغم انها مشتااقه له ! دخل عبدالله الغرفه وسمح لهم يدخلون وادخلت ام عبدالله ودمعت عيونها وهي تشوف ولدها بهالحاله .. : بسم الله عليك يمه .. ( قربت منه تسلم عليه ) سيف الي صارت حالته احسن بشوي .. بتسم بتعب وقال : فديتج يالغاليه ليش هالدموع؟ مافيني الا العافيه ام عبدالله بصوت يقطع القلب : وش الي سوا بك كذا؟ سيف بعياره : سيــارة سعووود شدعوه؟ كل واحد يقط اللوم عالثاني؟ كان هذا صوت سعود الي دخل بعكازاته ومعاه الجازي اخته .. الي من شافها سيف يحس انه صار بخير ! كان ناقصني شوفها بس .. فديت هالعيون انــا .. ارفعت الجازي نظرها تشوف سيف .. عورها قلبها عليه وتضايق عشانه دخلت سلمت على مرت عمها ونوف .. وسيف : الحمدلله على السلامه .. ( قالتها بصوت مخنوق ) مسكها سيف من يدها وقال بحب : الله يسلمج .. التفت ام عبدالله على سعود الي كان واقف عند الباب : بعد انت ياسعود؟؟ ابتسم سعود .. وقال بعياره : ولدججج الي مايعرف يسوق .. هذا خطر اخلي اختي معاه ! سيف بعياره اكبر : انا ماعرف اسوق؟؟ والا سيارتك المنتهيه !! ببراعه قدروا سيف وسعود يلطفون الجو ويبينون للكل انهم بخيـر .. رغم الالام الي يحسون بهـا .. استأذن سعود وطلع .. وتركهم لحالهم ياخذون راحهم مع سيف .. لقى كرسي فاضي جنب حمد وقعد : وين عمي وجدي؟؟ وعبدالله؟ حمد : جدي وابوي راحوا للبيت .. وعبدالله بالكافتريا تحت ومعاه عمي بوعبدالله هز سعود راسه .. واخذ تلفونه من جيبه .. كالعاده يلهي نفسه فيه وقت الانتظار .. اما حمد فهو راح في عالم ثاني وهو يفكر بالشخص الي داخل وفجأه تذكر وتضايق يالله .. حتى مسج ماردت علي .. شسوي ؟؟ انا لازم اكلمهـا .. : . . . . : : داخل بعد ماتطمنت ام عبدالله على ولدها سلمت عليه واطلعت هي ونوف ووعدته بكره من الصبح بتجيه وبتجيب له ريوق السندويشات الي يحبها .. وتمت الجازي عند سيف يدها بيده كأنها خايفه لايروح منها .. قالت بحزن كأنها تعاتبه : ليش تسوي بعمرك كذا؟ ماقلت لك لاتروح ماطعتني .. سيف : حبيبتي الجازي .. هذا قدر ومكتوب .. اذا الله كاتبه لي بيصير لي حتى لو مارحت وتميت عندج .. برطمت الجازي وهي نزلت نظرها لتحت .. ابتسم سيف بحب وهو يضغط بيده اليمين على ايديها الصغار بكفه .. وقال : خلاص عاد .. مايليق لج الزعل ياحلوه ابتسمت لجازي بخجل .. وقالت بهمس : اشتقت لك رفع سيف كفها وقربها من شفايفه وهو يشوفها بحب .. وطبع بوسه عليهم ملمس شفايفه على ظهر كفها خلى كل شي بجسمها يضطرب .. حست بحراره وولع وجهها احمر ضحك سيف وقال بحب : للحين تستحين مني؟ ابتسمت الجازي وقالت بهمس : لين بكره .. : . . . . . : اول مااطلعت ام عبدالله ونوف من غرفة سيف مالقوا الا حمد بس ! المكان الي كان متروس اول مادخلوا صار فاضي ! عبدالله وابوه يتعشون فالكافتريا تحت .. وسعود راح يجيب له ماي اما حمد ماكان يبي شي .. غير انه يشوف نوف ويحاول يكلمها !! ابتسم ووقف سلم ام عبدالله الي سلمت عليه بحفاوه .. وهو يشوف نوف ورا امها .. وعيونها الذبلانه تسرق النظر له من الفتره والثانيه ابتسم بحب .. وقال لام عبدالله : عمتي .. عندي طلب توافقين عليه؟ ام عبدالله بحنان : أمر ياوليدي .. ابتسم حمد بأحراج .. ورجع يشوف نوف وهو يركز النظر فيها : بغيت ارجع للبيت ومعاي ام عبدالرحمن بققت نوف عيونها بصدمه ! حمد تعمد انه يقول ام عبدالرحمن .. عشان ينبها على نقطة ان في ولد او بنت جاي بالطريق وش ذنبه ينولد وابوه بعيد عنه !! انصدمت نوف من هالكلمه .. ومن هالطلب الغريب .. ام عبدالله التفت تشوف ردة فعل نوف .. وردة تشوف حمد وقالت : والله ياولدي المره مرتك .. وللحين على ذمتك ومن حقك لو بغيت ترجعها .. بس ( التفت تشوف نوف وردة تشوف حمد من جديد ) .. بس مادري عنها اذا تبي ترجع لك .. كان رد نوف عليهم .. بكلمه وحده عشان تقطع الكلام وهي تشوف حمد بنظرات يشع منها الشرار : لا .. تضايق حمد .. لكنه ماحب يستسلم .. : نوف اتركينا نتفاهم الليله ! لفت نوف عنه : الليله؟؟ عندك الايام قدامك .. وان بغيت تكلمني تجيني بيت اهلي قدام ابوي واخواني وتطلب منهم تكلمني مب تجي وتطلب من الحريم في وقت الرجاجيل يكونون صادين فيه !! انصدم حمد من كلامها !! متى نوف صارت تجرح بالكلام؟؟ متى نوف صارت بهالقوه وهالجراءه؟؟؟ تعود عليها نوف الهاديه الحنونه عمره ماتوقع انها تكون بهالقوه .. حس بالكون حوله يضيق عليه .. قال وهو يركز النظر فيها : والله يابنت حمد اذا كان هذا الي تبينه عشان اقدر اكلمج واواجهج .. مب مشكله انا الحين انزل تحت لعمي ولعبدالله .. واقول لهم .. ( سكت وهو يشوفها بنظرات اشبه للتحدي .. والتفت نوف تشوفه بنفس النظرات ) * آلقصيدهـ للشآعر خآلد آلفيصل ~ لآآتحرموني من ردودكم وتوقعآتكم ~ آختكم { زآآهي آلكحل ~ |
آلـ ج ــزء آلـ س ـآدس ع ــشر ~
كانت نوف تشوف حمد بنظرات تحدي لحد ماتجمعت الدموع بعيونها .. وارمشت بسرعه عشان تخفيهم وهي تشيح بنظرها بعيد عن حمد ولمحت عبدالله الي جاي من بداية الممر وراحت له .. التفت ام عبدالله تشوف بنتها وهي منحرجه وردت تشوف حمد الي كان يتبع نوف بالنظر وقالت : معليه ياولدي اصبر عليها كم يوم بس وانا بحاول معها ابتسم حمد وهو يشوف ام عبدالله وقال بأدب : لج الوقت كله ياعمتي .. بس المهم ترد لي نوف راحت ام عبدالله في نفس الوقت الي رجع فيه سعود يتعكز على عكازاته .. وبيده غرشة ماي : حمـد التفت حمد .. وهو يشوف الغرشه الي رماها سعود عليه : يعني لو ماانتبهت لها عادي تضرب وجهي ابتسم سعود وهو يقعد : هههه تقدر تقول محتر من جمالك ياخي .. وودي اشوهك ههههههه ضحك حمد وقعد يسولف مع سعود شوي وعقب استأذن وراح للبيت وقعد سعود لحاله يفكر بالجازي الي داخل هذي طولت عند سيف !! وانا تعبان وابي انام .. توه بيتصل عليها الا انفتح الباب واطلعت الجازي وقف سعود : كان تأخرتي انحرجت الجازي .. وماردت ووصله صوت سيف من داخل الغرفه : انا ومرتي وكيفنا شالي حارق قلبك؟ ضحك سعود وقرب من الغرفه وهو يدخل راسه بس يطل على سيف وقال : لا اسمع صوتك يلعلع .. لا اكمل عليك بهالعكاز الي بيدي ( قالها وهو يرفع العكاز لسيف ) ضحك سيف وقال : ياشين العزابيه لي انشبو ضحك سعود وقال : حد بيمسي معك؟ سيف يتصنع الزعل : لا بروحي .. كلكم بتروحون وتخلوني .. حتى مرتي الي المفروض تكون معي بتاخذها انت مني الجازي انحرجت وهي تشوف سيف وسعود .. الي قال : اصطلب واغد رجال من تزوجت وانت منت بقادر تباعد مرتك .. فك عنها خلها شوي ترتاح منك سيف وهو يشوف الجازي بنظرات بعياره اكبر : جويزي مشتكيه عند اخوج؟ ابتسمت الجازي وقالت بخجل .. : لاوالله .. ابتسم سعود ورد يشوف سيف وقال : اسمع يالهذار .. ذالحين بنروح وبكره من الصبح انا عندك ان شاءالله تكلمت الجازي بسرعه : وانا بعد التفت سعود يشوفها .. ورد يشوف سيف الي قال : أي تكفين تعالي لي الصبح .. وجيبي لي ريوق والله مشتهي ريوق من ايدج الحلوه انحرجت الجازي وولع وجهـا .. وسعود حس فيها قال بحده لسيف : سيــف ! سيف بعياره وهو ملاحظ خجل الجازي : ياخي شفيك انت ناشب لي على كل كلمه؟؟ مرتي وحلالي وانت اخوها ماتغزلت فيها قدام احد غريب : . . . : : . . : الساعه 1 ونص الليل غرفة نوف كانت الاضاءه خافته .. قاعده على سريرها وقدامها البوم عرسها ! هالالبوم الي لين قبل ماتكشف حمد وهي كل يوم تشوفه وتسترجع ذكريات الليله الاولى في حياتهم كانت بفستانها الابيض مثل الملاك كانت قمه بمعنى الكلمـه .. وزاد جمالها جمال .. خجلها كانت مستحيه من حمد واقفه قدامه مثل الاميـره وبيدها المسكه وحمد بطوله الفارع ورزته .. ببشته الاسود .. كان ليلتها ملفت للنظر حتى لما دخل للقاعه ياخذ العروس كانوا البنات يشوفونه بأعجاب .. الي قالت يابختها فيه طول ورزه وجميل وشكله شخصيه .. والي قالت مالت على حظي مايجيب لي واحد مثله ! والي قالت ماشاءالله يليقون البعض .. هذول كيف بيجون عيالهم ؟؟ وغيرها من التعليقـات كان يتأمل شكلها .. لكن بدون أي احساس ! مب كره !! ولا حب !! بس كان معجب في شكلها .. ماكان يبيها ولافكر فيها كزوجه كان يتمنى يتزوج وحده مب من عائلتهم لكن اصرار جده بما انه اغلى احفاده عنده على انه ياخذ نوف الحفيده البنت الاولى له .. وبدون أي اعتراضات من حمد وافق وتمت كل الامور بسهاله .. وهذا هو في هاللحظه قدامها مايدري كم مر من الوقت وهو يشوفها !! ولاتدري هي كم مره من الوقت وهي تشوف اطراف ثوب حمد وبشته ! لكن المشاعر والاحاسيس عند الاثنين كانت متناقضه حمد كان عاجبه شكلها لا اكثر ولا اقل ونوف كان ودها تشوف الوجه الي حبته طول عمرها وكانت تمناه لها .. الشخص الي كانت معجبه بشخصيته ورزته وحتى كشخته ! لكن الخجل منعها .. شبيقول عني لو رفعت عيني في عينه؟ دمعت عينها وهي تشوف الصور وتتذكر كل موقف صار لها في هذيك الليله .. سحبت تنهيده مشبعه بالالم , وهي تتذكر شكله اليوم فالمستشفى كيف كان يشوفها بنظرات كلها رجاء .. يطلب منها ترجع معاه فجأه تذكرت مسج فاطمه وردت تقراه من جديد .. وطبعت لها مسج وارسلته حدت لها المكان والوقت وبيكون اللقاء الاول من بعد الي صار كله من بينهم هالمره كل وحده عارفه بالحقيقه .. وكتبت مسج ثاني للجازي وارسلته لها وحطت الالبوم بشنطته وحطته بالدرج .. وسحبت غطا اللحاف عليها في محاولة منها تنـام .. : . . . . . . . : في الدفنـه بيت سعـود سعود في هالحاله مايقدر يرقى الدرج .. طلب من البنات ينزلون له اغراضه الي يحتاجها لغرفة الضيوف الي تحت بيقعد فيها لين يفك الجبس او لين يتعود على الجبس على الاقل ! والبنات لبوا طلبه ونزلوا له كل اغراضه الي يبيها .. واعرضوا خدماتهم عليه لو احتاج شي يناديهم ويامر بس ! طبعا لان في هالحاله يحتاج الي يخدمه مرات وهو اخوهم الوحيد فكسر خاطرهم ههههه وسعود استانس قال في خاطره " خلني اتدلع شوي مب كل يوم بيجي دلع كذا " .. ابتسم وهو يقول للمها : مهوي قبل ماتروحين فوق .. ابيج تدهنين مكان الشموخ الي بجسمي المها : تامر امر .. بس وين الدوا؟ اشر لها سعود على الدرج الثاني .. وسعود فصخ ثوبه ماعليه الا فانيله وسروال بس وتمدد على السرير قربت المها وقعدت جنبه وهي مبتسمه : وين ادهن بالضبط رفع لها سعود فانيلته .. وشهقت المها وهي توقف برعب : شنو هذذذذا؟؟؟ كانت كدمه لونها ازرق على بنفسجي من القفص الصدري لحد قبل السر بشوي وهذا بسبب الضربه القويه الي جاته اثناء ماكانت السياره تقلب .. سعود ابتسم وقال : هذي كدمه شفيج تروعتي؟ المها وهي تشوفها برعب: ماقلت لنا عنها سعود وعلامة استفاهم على راسه : ههه ! خافت المها تدهنه وتعوره قالت بخوف : اخاف اعورك ابتسم سعود وقال : ماعليج عادي .. انتي اصلا ماراح تدهنين المنطقه كامله بس مكان الشموخ قربت المها وجلست جنبه من جديد .. واخذت عينه من الدوا وقعدت تدهن الاماكن الي فيها شموخ وكل ماتقرب صوب الكدمه سعود يغمض عينه .. يحس بألم بس مايبي يبين لها رغم انها كانت تدهنه بكل خفه عشان ماتعوره .. : . . . : : . . اليوم الثاني الصبـح الساعه 8 ونص ام عبدالله بالمطبخ تجهز ريوق لسيف من جميع الاصناف الي يحبها على الريـوق .. دخلت عليها نوف الي مانامت الا شوي بس ! حبت امها على راسها وصبحت عليها بالخير .. وبعدها سحبت كرسي واقعدت : شتسوي ام عبدالله بالمطبخ من الصبح؟ ام عبدالله وهي تلف على بنتها : اسوي ريوق حق سيف فديته .. توه مكلمني من شوي ابتسمت نوف : فديت قلبه .. شخباره؟ ام عبدالله : طيب الحمدلله تملل من القعده بروحه قلت له يلا بسوي ريوقك وبجيك اقعد عندك قبل لايجون الرجاجيل نوف : ليش عبدالله ماراح له ولا ابوي؟ ام عبدالله : بأشغالهم يابنتي .. بس يقول سعود بيجيه الصبح مع الجازي ابتسمت نوف .. : اساعدج يمه؟ ام عبدالله : لابنتي انتي ماسمعتي الدكتور شيقول لج لاتحركين واجد بالاشهر الاولى برطمت نوف بضيق .. ووصلها مسج فتحت تلفونها كان من الجازي .. الي ردت على مسج نوف مسج نوف ( مرحبا الجازي .. تقدرين تروحين معاي بكره مشوار؟ ) مسج الجازي ( مع اني كنت بروح لسيف بس ماقدرت لان سعود نايم خلاص بروح له العصر وبروح معاج ) ابتسمت نوف وارسلت لها رد ( فديتج عجل جهزي عمرج بعد شوي بطلع ) : . . . . . . . : دخلت ام سعود على سعود الي كان متوعي من ساعه الا ربع صلى صلاة الفجر الي طافته بوقت متأخر عنها ! ورد انسدح على السرير بملل .. حتى سواقه مب قادر اسوق .. شهالملل وابتسم لما شاف امه تدخل غرفته : يامرحبا بأم سعود ام سعود وهي تجلس على سريره جنبه : مرحبتين .. ( وحطت يدها على يده بحنان ) : يعورك شي؟ ابتسم سعود : لا الحمدلله .. وش هذا ؟؟ ( قالها وهو يأشر بعيونه على الي بيد امه ) ام سعود وهي تشوف الكاس الي بيدها وترد تشوف سعود : هذي يمه حلبه مع الحليب كشر سعود بملامحه وقال : وشهو له؟؟ مدت ام سعود له القلاص : مسويته لك .. يلا سم بالرحمن رفع سعود يده يبعد القلاص عنه : ولالج لوا يالغاليه .. بس ماحب خلطاتكم العجيبه الي تسوونها ام سعود بأصرار : من اليوم ورايح بتحبها لين يجبر كسرك .. هذي زينه للكسر ضحك سعود : يمه من قال؟؟ انتوا تصدقون هالخرابيط .. قاطعته ام سعود بأصرار : كل يوم بتشرب منها اذا مب نافعتك مهب ضارتك ياولدي .. يلا سم بالرحمن واشربها وانا بروح اجيب لك الريوق اخذ سعود القلاص من يد امه ومد يده الثانيه ومسكها : فديتج عندج بدال الخدامه ثنتين خليهم يتحركون وانتي اقعدي عندي .. ام سعود وهي تسحب يدها تقوم : بس ماعرف اعتمد عليهم ان مااشتغلت انا في بيتي مارتحت ابتسم سعود : الله يعطيج العافيه ياام سعود .. : . . . . : : فالسياره بعد مامرت نوف على الجازي ومعها الخدامه كانت الجازي جنب نوف الي كانت متوتره .. سألت الجازي مستغربه : وين بنروح؟ سحبت نوف نفس عميق وقالت بتوتر .. : بروح بيت صديقتي ! بلعت الجازي ريقها وقالت : وانا شيوديني ؟ نوف بضعف : ابي احد معاي الجازي دب بجسمها شعور الخوف وقالت بتوتر : شي صاير؟ نوف وهي تحاول تخفي دمعه اشاحت بوجهها للجهه الثانيه وقالت بصوت محشرج : شي بيني وبينها .. تكفين يالجازي مابي احد يدري بالهروحه , اخذتج معاي على اساس بنروح الصالون ! بلعت الجازي ريقها وصدت للجهه الثانيه وقالت بصوت متوتر قريب للهمس : ان شاءالله .. وبعد ربع ساعه يوقفون قدام فيلا حجمها حلو .. كان هذا بيت فاطمه واهلها البيت الي شراه حمد لها هي واهلها .. هالبيت الي ياما دخلته نوف وهي ماتدري ان حمد كان يدخله ! القت نظره سريعه عالبيت وهي واقف عند باب البيت الخارجي وارمشت بسرعه عشان تخفيه دمعه كانت بتتمرد وتنزل ! الا الضعف .. الا الانكسار يانوف التفت على الجازي الي داخل السياره وقالت لها : بتنزلين؟ الجازي : لا خذي راحتج معاها انا بنطرج .. سكرت نوف الباب بأيدين ترجف من زود ماهي متوتره هذي مب الامره الاولى الي تقابل فيها فاطمه بالعكس هذي صديقه وتشوفها يوميا .. بس هاللقاء غير غيــر عبرت الحوش الي كان على جوانبه حديقه صغيره كلها ورود ملونه ورقت عتبات الدرج لحد ماصار باب الصاله قدامهـا .. سحبت نفس عميق واستجمعت قواها .. وارفعت ايديها على الجرس وبعد ثواني معدوده انفتح الباب ! : : . . . : . : في المستشفى غرفة سيـف .. كانت امه عنده بعد ماتريق تقهويه .. وتسولف معاه استانس سيف وهو يسولف معاها .. وهو يذكر لها سوالفه ومواقفه وبروحه المرحه والكوميديه كان يرسم ابتسامه على محيا امه الي كانت فرحانه بالقعده مع ولدها .. سيف: الا على الطاري نوف وينها ماجات معاج؟ ام عبدالله : نوف قالت لي بتروح الصالون مع الجازي سيف يتصنع العصبيه : يعنننني الشيخه الجازي طرشت مسج تعتذر مب جايه عشان سعود نايم وتروح مع نوفوووه الصالون ! ابتسمت ام عبدالله وقالت وهي تغمز لولدها : لاحق عليها بتقعد عندد اذا طلعت من المستشفى .. المره رايحه تزين لك خلها على راحتها ابتسم سيف ابتسامه عريضه : فديييييت قلبها والله .. والله انها عاجبتني كذا مايحتاج تتعدل وتتزين ابتسمت ام عبدالله بحنان : الله ينهيكم ياوليدي .. يالله عقبال ماشوف عيالكم وافرح فيهم يارب رفع سيف ايديه المجبره والثانيه وهو يقـول : آميــــــــــن .. : . . . . : : . كان اللقاء بين الثنتين موجع وصعب عليهم احتمال نظراتهم لبعض .. ! نوف المكسـوره والمجروحه .. وفاطمـه الي خسرت كل شي .. وحياتها من البدايه ماعرفت طعم للأستقرار ! بلعت فاطمه ريقها بعيون مليانه دموع .. كان للحين اثار بسيطه جدا للكدمات في وجهها ابتعدت وفتحت الباب على كبره تسمح لنوف تدخل .. دخلت نوف .. وفصخت نقابها وطوته بيدها .. واجلست مع فاطمه على اقرب جلسه للباب .. معقـوله ! انا قاعده في هالبيت الي حمد شاريه لها !!؟؟؟ حست بشعور غريب يدفعها للبكي مستحيل ابكي ! مستحيل تنزل دمعتي .. قررت تبدا وتقطع الصمت الرهيب والثواني الاصعب الي مرت بين الثنتين قالت بهدوء مغلف بكبرياء : ممكن تقولين لي شنو الشي الي تبيني فيه؟ فاطمه تحس شي بداخلها انكسر .. وهي تسمع نبرة العتب في صوت نوف ! مستحيل تصدقني لو بقول لها ! سحبت نفس عميق وقالت وهي تركز بنظرها لنوف .. الي كانت تشوفها بنظرات خاليه من أي تعبير نوف اسمعيني للنهايه .. انتي اكثر وحده تعرف حياتي عدل وظروفي الصعبه .. لاابو ولااخو كبير اسند ظهري له وقت الحاجه ماوراي الا ام عجوز واخ صغير بالسن محتاج الي يسند ظهره عليه .. شلت حمل كبير على ظهري كنت اصرف واتحمل المسؤليه ولما الله ارسل حمد بطريقي ماقدرت ارفض .. ( سكتت شوي واهتزت شفتها وكملت ) .. شلون ارفض وانا كنت اشوفه الشخص الي بيعاوني ؟ ( دمعت عينها وقالت بصوت مخنوق ) : ادري بتقولين لي شلون ترضين تتزوجين واحد متزوج اصلا .. بقولج ظروفي الصعبه اجبرتي ارضى حتى بطريقة الزواج ! نوف كانت تشوفها وعيونها مليانه دموع لكنها مازالت صامته رغم انها تتقطع الف قطعه من الداخل .. كملت فاطمه بعد ماسحبت نفس متقطع من قوة عبرتها الي خنقتها .. : حتى لما كنتوا تقولون ليش ماعزمتينا على عرسج .. كنت اقول لكم ان كان عشاء وبين الاهل ( هزت راسها بضعف وبدت تبكي وهي تكمل ) كنت اكذب عليكم ! لاشعوريا سالت دمعة نوف على خدها .. على حال فاطمه كملت فاطمه حكيها وقالت بغصه : كنت اعرف انه يعامل زوجته الاولى بمعامله ماينقال عنها معاملة زوج لزوجته .. ( شهقت ) .. بس ماكنت عارفه ان هالانسانه هي انتي؟ ولاتظنين يانوف اني كنت مستانسه لهالشي كل مره كنت اسأله وكان يتنرفز من هالموضوع حتى لو كان مزاجه رايق يعصب علي ويسكر الموضوع ويحذرني ان هالشي من خصوصياته .. ( سكتت شوي ودنقت راسها كأنها تحاول تستجمع قواها عشان تقدر تكمل ) ونوف كانت مع كل كلمه تنطعن بجوفها الاف الطعنات ! آآآآه ياحمد .. آآآآآه ارفعت فاطمه راسها لنوف بعيون حمر والدمع مغرق وجهها .. وكملت بصوت مكتوم : وانتي عمرج ماجبتي لنا طاري زوجج ولاعن معاملتج .. فماحطيت في بالي ابد .. رغم اني كنت عارفه اسمه وانه من نفس العائله بس ابدا ابدا ماتوقعت يانوف .. صدقيني ماحطيت هالشي ببالي .. ( سحبت الكلينكس قريب عندها ومسحت دموعها وكملت وهي مازالت تبكي ) : لما كنا عندج وشفته هنا بس عرفت .. وتضايقت وتعبت وشوفة عينج صار لي الحادث بسبة هالشي ماكنت مركزه والسبب ان تفكيري كان مشوش .. مب مصدقه ان حمد الي كان زوج وان زوجته الي مارضى يقول لي اسمها هي انتي ! خسرت حتى ولدي بسبة هالشي .. ولدي الي مايمديني افرح به توها منفوخه فيه الروح ( حطيت ايديدها على وجهها تغطيهم وتبكي بألم ) ونوف هنا خلاص ماقدرت سالت دموع مثل السيل كلها ألم وقهر .. وحسره حطت ايديها على بطنها تحسس عليه .. مابي اخسرك مابي انت الوحيد الي اذا جيت على هالدنيا بتفرحني .. مابي اخسرك .. ارفعت نظرها لفاطمه الي قالت : والشي الاهم والي كنت ابيج عشانه هو ان حمد يحبج صدقيني .. ( مسحت دمعتها وكملت ) حمد لج كان ومازال لج .. لاتتسرعين وتخسرينه .. وش ذنب الي ببطنج ينولد بعيد عن ابوه؟ ارمشت نوف بألم وسالت دمعه .. حارقه : لو يحبني ماتزوج علي فاطمه بألم : يمكن خذاني كان يعطف علي على شان ظروفي ! اشاحت نوف بنظرها بألم : يحبني ؟؟ ويرضى علي اعيش على رجا كلمه حلوه منه؟ فاطمه كانت تحس بسكين تنغرس في جوفها قالت : لاتحكمين بدون ماتعرفين شنو رايه .. واجهيه يانوف بس حاولي ماتخسرينه وقفت نوف وهي تحس ان رجولها ثقيله على الوقفه .. وقالت بآلم : اعتقد اني سمعتج للنهايه والحين بروح ماقدر اتأخر .. اخذت شنطتها بتطلع ووقفت لما وصلها صوت فاطمه المخنوق : تكفين سامحيني يانوف التفت لها نوف بألم .. بعد ماشافتها بنظرات اشاحت بوجهها عنها تخفي دموعها الي ملت عينها وهي تلبس نقابها وهي طالعه من البيت ودموعها مثل السيل بدون ماتوقف .. فتحت الباب واركبت وكانت الجازي تراقبها خافت لما شافت الدموع قالت بخوف : نوف حبيبتي شفيج؟ سكتت نوف وماردت عليها .. وقالت الجازي للدريول يروح للبيت ... وطول الطريق تحاول مع نوف ونوف ماترد عليها .. كانت سرحانه ودموعها تنزل بكل الم .. : : . . . . . : : بعد صلاة المغرب بنص ساعه كان سعود بغرفته يلبس ثوبه رن تلفونه .. رد بترحيب : هلا حمود .. أي أي خالص .. وينك فيه الحين؟؟ ... ههههه انحديت عليك شسوي لكن معليه كلها شهر واشيل الجبس وبتشوف الي يخمس في وجهك بالسياره ههههههه ... لا قال لي بعد شهر ونص ... لالا ماعلي منه بشيله بعد شهر .. زين مني بعد بخليها شهر ! ... يلا نزين انت سكر خلني اخلص ... سكر الخط وراح يلبس غترته وعقاله .. وتعطـر ولبس طقم الازره مع القلم .. واخذ عكازاته يتعكز عليهم لانه طول الوقت كان ينط على ساق وحده وقف يشوف نفسه بالعكازات على المنظره : كشختي مالها حل .. بس لولا العكازات بس ! .. الله يسامحك ياسيوف على هالقلبه الي قلبتنا اياها زين ماانكسر شي ثاني بس .. كمل طريقه وهو يتعكز ويتحلطم على سيف .. وهو طالع من غرفته لمح المها الي جايه بالممر تضحك عليه : ههههه شفييييك تحطلم سعود : اتحلطم على رجل اختج الي كسرني .. تكتفت المها وهي تضحك : لا كلش يعني هو ماانكسر ! ضحك سعود : هو يده مب ساقه مثلي انا ابي امشي نفس الناس والله تمللت من العكازات .. ابتسمت المها : والمسكين ضلوعه متكسره مايقدر يقعد عدل احمد ربك جات على رجلك بس .. ضربها سعود على راسها بالخفيف عشان يطير شعرها وقال : الحمدلله على كل حال .. شعندج تمرين من قدام غرفتي اشك انج تبين تسوين شي .. المها : ولاشي بس اخذ جوله على البيت ( وابتسمت ) سعود بنظرات: اكيييد ؟ ابتسمت المها من نظراته وقالت : الصراحه كنت ابي اجي اسولف معاك متملله .. بس شكلك بتطلع سعود وهو يشوف تلفونه الي رن : أي والله هذا هو حمود جا .. ( رفع راسها لها وهو يبتسم ) روحي عندج توأمج الثاني ( قالها وهو يأشر على بيت بوصالح جارهم ) برطمت المها : مب فالبيت طالعين .. ضحك سعود وهو رايح : مالج الا البيت روحي ساعدي امي هههههه : . . . . . : : في اللاند مارك كانت ام صالح ونوره بنتها الي ماخلت محل مادشته وتقعد تدور فيه دواره على كل قطعه لازم تشيك وام صالح تتبعها .. وتعبت من الدواره .. صار لهم ساعه وهم يدورون .. اطلعوا من المحل وهم يمشون بالممر : يابنتي ماخلصتي؟ تعبت من الدواره عاد وراي الجمعيه ادور فيها بعد نوره بملل: يمه عااااد خليني اخلص انتي ماتجيبيني كل مابغيت السوق .. وابوي وصلوح محد فاضي فيهم لي ونصور على اتفه هوشه بينا يعصب علي ويردني للبيت .. وقفت ام صالح وقالت لها : تعالي معاي الجمعيه اول نخلص اغراض البيت اهم من خرابيطج .. وعقب اذا في وقت خليتج تسوقين ولو مافيه رجعنا وجينا يوم ثاني السوق مهب طاير نوره الي طرت على بالها فكره: ممم نزين شرايج انتي تروحين الجمعيه وانا اتسوق؟ ام صالح بحده : مافي تسوقين بروحج .. وامشي يلا قدامي نوره شوي وبتبكي : يمه عااد تكفين طلبتج .. بعدين شنو مافي ثقه يعني؟ ام صالح : فيه بس مابي احد يشوفج بروحج ويقول اهلها مهملينها بروحها نوره : نزين بتسوق فالمحلات الي مقابله الجمعيه شرايج؟ ام صالح تعرف ان لو قالت لها ماراح تخلص من حنة نوره .. وافقت وهي مب راضيه بس عشان لاتقعد تحن وتعكر مزاجها .. وكملوا طريقهم بدون لاينتبهون للعيـون الي كانت تراقبهم من بعيد .. دخلت ام صالح الجمعيه واخذت لها جاري وتمت تدور بين رفوق الجمعيه الكثيره تاخذ اغراض لبيتها .. ونوره راحت للمحلات القريبه من الجمعيه واول محل دخلته فيرجن .. كانت تدور فيه وعيونه تراقبها .. لحد ماوصلت لقسم الافلام وهي تشوفهم فلم فلم عشان الي يعجبها او تعرف الابطال الي يمثلون فيه تاخذه وتسهر احلى سهره مع المهـا .. كانت كل ماتاخذ فلم تشوفه تقول في خاطرها .. اكيد هذا بيعجب مهوي .. في نفس الوقت ونفس المكان في الكافيه المقابل للجمعيه ايضـا كانوا الشباب الثلاث مجتمعين .. سعود كان منحرج يدخل المجمع بعكازاته .. بس محمد وسلمان اصروا عليه يدخل ومايخرب عليهم الطلعه ومافيها شي واحد يتعكز على عكازاته وياكثر مانشوفهم في المجمعات .. سعود وهو يشوف الناس : والله كني شيبه ماد رجلي .. وحاط عصاتي جنبي ضحك محمد : انك شيبه اصلا التفت سعود له بضحكه : شابت ركبك .. توني بعز شبابي سلمان وهو يغير الموضوع لانه عارف ملاغة سعود ومحمد ممكن يقعدون لين بكره كل واحد يرد على الثاني : مارحنا لسيف اليوم مادري شخباره سعود: كنت العصر عنده الحمدلله طيب وبخير .. ويقول يمكن يرخصه الدكتور بكره اذا احسن نرجع لنوره طلعت من فيرن بكيسه فيها 3 افلام وحاسه بالشخص الي يمشي معها كأنه محرم لها .. ويقط عليها كلام توترت نوره شوي وبتبكي .. تلفتت برعب بدون ماترفع نظرها له .. وعقب كملت طريقه وهو يتبعها .. وهي تمشي بسرعه ماتدري وين تروح بس المهم تبتعد عن هالشخص .. ياربي ياااربي شنو هذااا .. شبسوي لو شفاتني امي بروحها مابغت تخليني قالت بصوت مهزوز بدون ماتلتفت له : روح عني ياقليل الادب .. ماني مثل قليلات الحيا الي تتبعهم ابتسم الشاب بخبث : اكيد مب مثلهم لانج احلى .. ياحلوه تضايقت نوره حست عبرتها نطت لبلعومها .. كان سعود يضح على تعليق سلمان .. رفع نظرها لااراديا وطاحت عينه عليها ! كانت تمر من قدام الكافيه وواحد جنبها مبين انه يكلمها .. !!!!! فار الدم في جسمه .. يحسه انه قاعد على نار تشب من تحته .. بدون مايتردد دقيقه قام وهو ياخذ العكاز ويمشي بصعوبه يتبعهم .. وهو يلعن الساعه الي صار له الحادث فيها وخلته يستعيق من ساقه ويمشي بصعوبه ... التفتوا سلمان ومحمد للجهه الي راح لها سعود وهم : شفيه هذا؟؟؟ هز محمد كتوفه وهز راسه .. مايدري ! ماكان يشوف قدامه الا نوره والشاب الي يمشي من جنبها .. شافهم راحوا يمين ابتعدوا عن الكافيه الي كان فيه .. وهو يتبعهم يحسهم بعيد عنه ومايفصله عنهم الا خطوات بس ! وقفت نوره وهي تصد للجهه الثانيه خلاص ماعاد تعرف شتسوي عشان تخلص من هالشاب .. وتجمد الدم بعروقها لما سمعت صوته يقول للشاب الي واقف : نعم اخوي ؟؟ في شي؟ ابتعد الشاب بسرعه عن انظارهم .. ونوره حست ان هذا يومها .. مالتفت ولاشي كانت دموعها تنزل بخوف .. لاشعوريا رفع سعود يده لها ولفه لناحيته وانصدم بمنظر دموعها .. وقال بغضب مكتوم : انتي ماتستحين على وجهج؟ رفعت نوره نظرها له .. وانصدمت لما شافت انه سعود .. من الرهبه قبل شوي ماقدرت تميز صوته .. قالت بصوت مكتوم : انا استحي قبل ماعرفك .. مالك حق تهاوشني عصب سعود وقرب منها وهو راس على ضروسه : دام اني اشوفج بالمجمع تستغفلين اهلج .. هنا يكون لي حق اهاوشج عصبت نوره وقالت بغضب : لاتغلط علي ! انا مااستغفل اهلي مثل ماحضرتك تقول هو الي كان يلاحقني سعود : وانتي طبعا مستانسه صح؟ تلفين فيه المجمع عشان الي مايشوف يشوف صح ! نزلت دموع نوره بقهر وقالت والعبره خانقتها: انت على أي اساس تبني كلامك ؟ سعود وهو يرص على ضروسه يكتم غضبه لايتهور : على اساس الي اشوفه .. ( كمل بنبره هاديه ) من مع جايه؟ اشاحت نوره بوجها عنه : مع امي .. تضايق سعود .. هذي للمره الثانيه يخلونها بروحها .. قال بهدوء يخفي وراه انفعالات كثيره : وينها عنج؟ التفت نوره له .. تحقققييييق اوف ... قالت بهدوء وهي تنزل الاكياس الي بيدها وتعدل شيلتها : بالجمعيه التفت سعود لأتجاه الجمعيه .. ورد يشوفها : زين امسحي ادموعج وروحي لها ولاعاد تمشي بروحج بالمجمعات ! بدون ماترد عليه نوره راحت للجمعيه .. قعد سعود على الكرسي وهو يحس ساقه بدا يرجع لها الالم خفيف .. بعد مابذل جهد كبير بدون مايحس بها .. وهو يشوف نوره رايحه لجهة الجمعيه .. لحد مااختفت عن انظاره .. توه بيقوم الا انتبه لكيستين ! طل فيهم كانت وحده لفيرجن فيها افلام .. والثاني لمانجو .. فيها بلوزتين .. ابتسم ونسى كل الي ضايقه واخذ الاكياس وراح لسيارة محمد في المواقف واتصل في سلمان ومحمد يجون عشان يروح للبيت .. : . . . . . . : في هاللحظه الجازي تدخل بيت اهلها بعد مانزلت نوف وقعدت عندها شوي .. ورتبت غرفتها لان احتمال سيف يرخصونه بكره .. كانت تعبانه ومهمومه من حال نوف .. في خاطرها تعرف شفيها وش سبب زيارتها لفاطمه في هالوقت ! هل لفاطمه علاقه بموضوع نوف وحمد؟ قعدت على اقرب كرسي وهي تغطي بيدها عيونها .. وتضغط على راسها بالخفيف وفزت متخرعه من المها الي قالت : شفيج؟ ابتسمت لما شافت الجازي تخرعت وقالت : شي يعورج جزوي؟ هزت راسها بتعب وقالت: لا .. بس اابي انام .. المها: تعشيتي بيت عمي والا اخلي الخدامه تحط لج عشا؟ الجازي وهي توقف بتعب: تعشيت بيت عمي .. بروح انا عشان اقوم الصبح الم اغراضي واروح البيت يمكن بكره يرخصون سيف.. ابتسمت المها وهي تشوف اختها تروح للدرج .. : بالسلامه ان شاءالله .. واخذت الريموت وشغلت التلفزيون وقعدت بملل ياحياااة الملل .. من دون النوري فديتها قررت في هاللحظه تتصل عليها .. رن التلفون ومحد يرد .. تمللت وانسدحت تشوف التلفزيون .. بملل : . . . . . : . لمحت نوره امها الي كانت عند قسم الاجبان وراحت لها .. يمه خلصتي؟ التفت ام صالح لها : يلا بس اخذ هالحليب .. ( انتبهت امها لها وقالت ) : وين اكياسج؟ توترت نوره وبلعت ريقها .. اوبيه وين نسيت اكياسي .. : آآ عطيتهم الدريول يوديهم السياره ام صالح : زين زين يلا دزي الجاري روحي عند الكاشير انا بروح اجيب جاري الخضرا .. فتحت نوره عيونها عالاخر: يمه كم جاري؟ ام صالح وهي تروح عنها: اثنين يلا بسرعه .. روحي قبل الزحمه راحت نوره للكاشير .. وجاتها امها بالجاري الثانيه حاسبوا واطلعوا : . . . . : : . رجع سعود للبيت وكالعاده لقى امـه فالصاله تنتظره .. حبها على راسها وبعد ماتطمنت عليه راحت تنام في غرفتها والمها الي قعدت على الكرسي بعد مادخل سعود انتبهت للأكياس .. واستغربت .. : تشتري من فيرجن اوكي .. بس مانجو؟ رفع سعود الاكياس بيده يشوفهم : وشو مانجو هذا؟ المها : هذا محل يبيع ملابس نسائيه .. ! ابتسم سعود ابتسامه خفيفه وقعد وسحب الطاوله ناحيته ومد ساقه المجبره عليها .. وحط الاكياس بحضنه : والله هذي الاكياس مب لي .. ( وابتسم ابتسامه عريضه ) المها بأستغراب : لمن؟ جزوي؟ سعود وهو يرمي عليها كيس مانجو : لا لنوره انصدمت المها وطلت فالكيس لقت بلوزتين .. وردت تشوف اخوها وهي مب فاهمه شي : شسالفه؟ شلون جاتك الاكياس دام انها لنوره؟ سعود وهو ياخذ الافلام من كيس فيرجن يقلبها بيده يشوفهم : شفتها باللاند كانت قاعده على الكرسي بالممر واكياسها جنبها .. ووشكلها تعبانه راحت بدون لاتنتبه لأكياسها ! المها : نزين لي مانديته وعطيتهم اياها .. سعود بعياره .. وببراعه قدر يخلي المها تصدقه: عاد تعرفيني لين اتعكز واروح بعكازاتي للأكياس هي راحت ماعاد شفتها قلت اجيبها اعطيج اياهم تودينهم لها .. ( وقف وهو ياخذ فلمين بيده ويحط الثالث بكيس ويعطيه المها ) انا بشوف هالاثنين شكلهم حلوين .. استسمحي لي منها ( ابتسم وراح لغرفته ) : : : . . . . . مرت الليله طويلـه على نوف الي ذبحها التفكير .. والهم ياكلها اكل لازم ارسي على قرار نهائي .. بلعت ريقها بمراره وغمضت عيونـها تحاول تنام .. وعلى الجازي الي استهمت من حال نوف وصار عندها فضول تكشف سر زيارة نوف لفاطمه وتحس ان هالشي مرتبط بسالفة طلبها للطلاق ! معقـوله يكون حمد خانها مع فاطمه؟؟؟ كشرت الجازي بملامحهـا لالا حمد رجال والنعم فيه ومستحيل يسويها .. وفاطمه بنت ناس وماعرف عنها الا كل خير تنهدت بتعب وغمضت عيونها وانا اشوف حالج مستهم يانوف وكل مالج وتضعفين زياده .. الله يكون بعونج بس : . . . . . . : اليوم الي بعده الظهـر بعد الغدا طلب بوعبدالله نوف تجيه عشان يكلمها بموضوعهـا وجاته نوف واشر لها تقعد جنبه وحط يده وراها وضمها لصدره بيد وحده .. وهو يقول بكل حنان : نوف انتي تعرفين الحين مر شهر من جيتينا صح؟ هزت نوف راسها بالايجـاب وهي مدنقه راسها لتحت .. وكمل بوعبدالله بهدوء : وتعرفين بعد ان في هالشهر حمد كم مره جانا وطلب انه يقابلج وكنتي ترفضين صح؟ بلعت نوف ريقها وقالت بهمس : أي يبـه ابتسم بوعبدالله .. ومسح بيده على كتوف نوف النحيل عشان يطمنهـأ وقال بهدوء : انا اعرف ان لج وقت طويل عشان متى ماتبين ترجعين ترجعين .. بس يابنتي حالج كل ماله ويسوء وهذا مهب مرضيني ولامرضي امج , نشوفج كل يوم تذبلين قدامنا وانتي الحين بذمتج الي ببطنج .. ( سكت شوي وعقب كمل ) .. انا جايج الحين ابي اعرف رايج .. البارح كلمني حمد وطلب يشوفج وعييت عشانج .. وقلت له انا بنفسي بكلمها .. ( كمل بنبره هاديه ) الرجال يحبج ويبيج .. ودام انه هو بنفسه يجيج ويطلبج يابنتي لاتكسرين قلبه ارفعت نوف عيونها لأبوها مليانه دموع .. يبه شتقول؟؟؟ حمد يكسر خاطرك .. وانا؟؟؟ انا مااكسرت خاطركم؟؟ حالي الي كل يوم يسوء مايكسر خاطركم؟؟؟؟ دنقت راسها تخفي دموعها وقالت بصوت مخنوق : الي تشوفـه يايبه .. دعوآتي بآلتوفيق لكل آلي يمتحنون وتهآنينآ لكل آلنآجحين آختكم ~ {زآآهل آلكحل ~ |
يسلـــــــــــمو على هالبارتات,,,, يا حبني لقطر وأهلها كثروا الغـــــالين فيها ’’’ حمد : ياوالله انك تستاهل الذبول والخذلان ياللي ما تستحي ولا تقدر’’ولا وش حلاتها نويف كانت عندك وانت اللي معيي منها ويوم ذلفت من وجهك حلت بعينك اللي حلال فيها الفقع بغرشة المويه ’’ هو صحيح انك بديت معها قبل تنكشف علومك بداية طيبه بس والله انه اوجعني قلبي لما كانت نويف تتذكر ليلة زواجكم وهي شاقة الخشه وانت قالب لوح,,, نوف : عوينش ياختي والله انش تقطعين القلب ,,, بس أرجعي واطبخيه على نار هاديه اللين تستوي لحمته اللي كأنها لحمة بعير ما تنضج الا غصب’’وأهلك لا تلومينهم هم يشوفونه كل يوم متبطح يبي يشوف وجهك الزين وانتي معييه وغير كذا ما قلتي لأحد عن سبب طلعتش من البيت وغير انهم ما يبون الا يشوفونك ببيت رجلك وغير عزك ما بيسعوون له,, فاطمه : شوفي بطبيعة الاناث انهم يحقدون على اللي تطمر على الزوجه الاولى ولا يتقبلون لها اي عذر مهما كان ,,, وانتي بأصفطش من التعليق اللي بيجر المسبه والشتيمه لأنش كسرتي خاطري بظروفش ووضعش بس ما بنتركش من الدعوات ان الله يرزقش باللي يسعدش ويعزش ودك طامره او مطموره,,, سعود : اولا الحمدلله على سلامتك يالشيخ ,,, بس تدري زين انك مكسور لأن لو منت بمكسور كان ذبحت ذاك الصايع اللي يطارد الغزال حقتك هو صح انه يستاهل من يمسح فيه الشارع حق المجمع بس نوير عوينها من الفضيحه,, وبعدين ليش عتبان على الغزال عشانها ما تجاوبت معك وسفهتك اذا سوت غير كذا بتقول والله انها بنت مش متربيه وإلين حن في علوم غير العلوم الله يهداك,,,:lol: نوره : لا جيتي مرة ثانيه تتسوقين وتتمشين فوحده من ثنتين يا رابطي مع العجوز ولا غطي خشتش اللي تسحب بالرجاجيل ’’’ على ان كذا ولا كذا مسحبين مسحبين بس عشان عين السيح حقش يرتاح ويتطمن قليبه الخضر’’ننتظر ردك عليه لما تدرين انه أخذ اكياسك وشل واحد من الافلام وبعدين فديتش كثري من طوالة لسانش خليه يجيبش على وجهش لأحضانه:friends: سيف : الحمدلله على سلامتك ,,,:dancingmonkeyff8: الجازي : قرت عينش بالحسام حقش ... وتكفين خليش ورى نوف وسالفتها مع الماخوذه ذيك الين تعرفين وش وراهم <<<< وحده عيت ترضى على حمد البقــــــــــــيه الباقيـــــــــه في رعاية المولى وحفظه,,, نـــــــــ بنت نايـفــ !ــــــــــــــــــــوف سلمتي لنا ودمتي كل الشكر موصول لكي ’’’’ |
اقتباس:
ردودك كلعاده تونس وتبرد خاطر يالغلا اعذريني على التاخير وهذي بارتات اليوم استلموهم |
آلـ ج ـزء آلـ س ـآبـ ع عـ ش ــر ~ ~ كانت ساره متضايقه ومأثر عليها كلام اسمـاء كثير للحين ماحملت .. ! ابتسم حمد بلطف وقال وهو يمسك يد ساره بحب : وليش زعلانه؟ رفعت ساره نظرها له بخجل : مب زعلانه طالعها حمد بنظرات وقال بحب : علينا يالسوري؟ ( ضمها لصدره وقال وهو يسند ذقنه على راسها بحب ) تونا في بداية حياتنا وقدامنا ان شاءالله سنين طويلـه .. بتفرحين بعيالنا بتربينهم وبتكبرينهم .. وبتدخلينهم المدرسه وان شاءالله بيطلعون فيهم خير ويرفعون الراس .. عدل كلامي والا لا؟ ( قالها وهو يهدها لكنه مازال ماسك يدها ) ابتسمت ساره بخجل وهزت راسها بالايجاب وقالت بصوت اشبه للهمس : كل الي تقوله صح ياحمد : : . . . . . : اليوم الثاني الساعه 5 و15 دقيقه الصبح سيلين كان الجو فيه بروده خفيفه .. برودة شهر مارس الخفيفه المها ونوره قاعدين قدام الشاليه مالهم فارشين لهم المده وهم يستمتعون بهالجو الحلو قبل ماتطلع الشمس .. وهم يسمعون امواج البحر الهاديه وكل وحده حاطه مثل شال مب ثقيل واجد ولاخفيف وكل وحده بيدها كوب كابتشينو تدفي به عمرهـا .. وهم يسولفون مع بعض نوره وتسللت راسها فكره شيطانيه : شوووفي ترى احنا جاين هنا 3 ايام بس ! وامس راح علينا يوم يعني باقي الحين يومين وفي هاليومين خلينا نفتتتتل طالعتها المها بأستغراب : نفتل شنسوي يعني؟ نوره : تعرفين شنو خاطري ااجر بطبطه ونلعب عليها ! ابوي يقول بكره بنروح بعيد عن الشاليه بس عند البحر وهنا بنتغدا بيكون مكان كبير كأنه بر يعني نقدر نلعب بالبطابط ( غمزت لها ) المها بخوف : تبين تلعبين بروحج العبي اما انا لا ! نوره بضيق: ليش مهوي المها: بس انتي قلتيها ابوج بيجي .. اخوانج بيجون يازيني رابكه البطبطه احفص فيها عشان يقطع رقبتي سعود تنرفزت نوره وقالت بضيق: اخوج هذا معقد ترى المها وهي تغيض نوره: ياحلو تعقيده .. فديييته بس ( وكملت وهي تشوف نوره بنظرات خاصه ) يابخت الي بتاخذه نوره وهي تضرب المها بالخفيف بكوعها : صدقيني امها داعيه عليها المها وهي توقف بعياره : الا داعيه لهااا وبليلة القدر بعد وقفت نوره وهي تعدل الشال على كتوفها وتمسك يد المها : امشي بس امشي خلينا نتمشى على البحر شوي قبل لايقوم المعقد ويطردنا ضحكت المها : ومن المعقد؟ نوره بأبتسامه عريضه: اخوج في غيره؟ ضربتها المها بعصبيه : محد معقد غيرج انتي .. ( ومسكتها بقوه من يدها وهي تسحبها معاها ) تعالي بس قالت معقد قالت ضحكت نوره وهي تروح مع المها وماانتبهوا للشخص الي كان مايفصل بينه وبينهم الا طوفه وحده بس ! وسمع حكيهم كله ابتسم وهو ينزل كوب الشاي الي بيده على الطاوله وهو يسند ظهره للكرسي قالت عن معقد؟؟ هين اوريهـا شلون المعقد يكون .. ماوعى الا ناصر توه مصحصح وجاي مانمت؟ ابتسم سعود: امبلا قمت صليت الفجر وقعدت عقب ماجاني نوم ناصر وهو يشوف البحر : نزين يلا سكوتر شافه سعود بنظرات رد ناصر وهو يضحك: شفيك تشوفني كذا؟ سعود وهو يأشر على ساقه الي ماده على الطاوله قدامه : ماتشوف ساقي مجبره؟ ضحك ناصر وقال : نزين ماراح يجيها الماي .. ( سكت شوي وقال ) تقدر تنزله؟ سعود وهو يشوف ساقه : والله مادري ماجربت خلاص يلا قدام يابوفيصل وين سكوترك؟ ناصر وهو يأشر عليه : هناك .. راح ناصر للسكوتر عشان ينزله في الماي وسعود ابتسم وهو يتخيل شكل نوره لما تعصب الحين ! واتصل في المهـا الي رن تلفونها ولا احد رد عليه لانها تركته داخل .. حط الموبايل على الطاوله .. وراح يمشي وهو شوي شوي يضغط على ساقه المجبره لانه يمشي بدون عكازات لحد ماشاف البنات من بعيد التفت يشوف ناصر ورد يشوف وكمل لقدام شوي .. لحد ماقطع نص المسافه وقال بصوت مسموع : المها وقفت المها تنفض ثوبها وجاته بسرعه : لبيه ابتسم سعود : لاعاد تطلعون في هالوقت برا ! يمكن حنا رقود والمكان متروس ناس وعزابيه وش بتستفيدين؟ سكتت المها .. وكمل سعود : يلا روحوا داخل المها بضيق: بس نبي نشوف الشروق التفت سعود لشاليهم وقال بهدوء : شوفي من داخل مايصير؟؟ سكتت المها وماردت عليه .. وكمل سعود بهدوء : يلا يامها انا وناصر بندخل البحر الحين ومب عدله ثنتينكم قدامنا ! هزت المها راسها وقالت بهدوء : اوكي .. وراحت لنوره وراح سعود لناصر وهو يخفي ابتسامته ويمشي بصعوبه .. المها : يلا نوره تعالي نروح لمكانا الي كنا فيه قبل شوي وقفت نوره تنفض ثوبها وتقرب من المها وعينها على ظهر سعود : ليش؟ المها وهي تلتفت تشوف سعود وترد تشوفها : سعود يقول لاتقعدون هنا عصبت نوره وقالت بقهر: ماقلت لج معقد ماصدقتيني .. مب بكيفه وكلمته ماراح تمشي علي ااذا انتي تبين تروحين داخل روحي انا ماني رايحه المها : اقعد مع من داخل؟؟؟ تعالي ولاتعاندين تسوين لنا سوالف يانوره نوره وهي ترد تقعد مكانها : قلت لج مب رايحه .. راحت المها تجلس على المده عالاقل هي بكذا سوت الي عليها ومب ناقصه هواش سعود هي تعرف انه اذا عصب عصب ! وقعدت نوره مكانها .. لف سعود قبل لايجي لناصر يشوف راحوا والا لا ! وانصدم ان نوره مازالت موجوده !! هذي تعاند يعني؟؟؟ اوكي انا اعرف شلون اكسر عنادها هذا ناصر وهو يحاول يشغل السكوتر : سعود وين عكازك؟ طالعه سعود مبقق عيونه : تبيني اشيل عكازاي وانا بوسط البحر؟ ضحك ناصر: لا يبه بس شلون بتجيني تبي تدوس على الجبس؟ سعود : مب دايس عليها بنط على رجل وحده لين اجيك ضحك ناصر على سعود وقال : لا والله ماتنط شوف المسافه الي بيني وبينك شطولها .... (التفت وشاف نوره اخته وصرخ يناديها التفت له نوره وهي تقول بخاطرها ( اكييييد المعقد قال له يقول لي .. ههه وردت وهي تقوم توقف : نعم اشر لها ناصر تجي .. استغربت نوره عدلت شيلتها وراحت لهم وهي تحاشى تشوف سعود وقفت بعيد وهي تقول بهدوء : نعم سعود كان معطيها ظهره .. اشر لها ناصر على الشاليه حقهم وقال بهدوء : روحي داخل اول غرفه على يمين تحت بتلقين فيها عكازات سعود جيبيها ولا عليج امر فتحت نوره عيونها عالاخر .. وراحت وهي مستغربه ! يعني مايقدر حضرته هو يروح يجيبها شاطر يقطع مسافات عشان يتأمر بس آآآوف يقهر دخلت الغرفه الي قال لها عنها ناصر لقت فيها سريرين سرير عليه غتره محذوفه وعكازات سعود وتلفونين والسرير الثاني عليه شنطه مفتوحه وفي كم تي شيرت محذوفين على السرير وتلفون اخذت العكازات وودتها لهم .. وابتعدت شوي عنهم ركب سعود السكوتر وناصر اخذ عكازاته ورماهم على سيف البحر .. وراح ركب السكوتر الثاني حقه وانطلقـوا .. اما نوره فهي بعد ماراحوا راحت على غرفة الشباب شدها شي فيها ! شي عادي بس جاها فضول ورغبه كبيييره في انها تشوف التلفونين الي كانوا على السرير الي كان عليه عكاز سعود وواضح انها لسعود لانها تعرف اجهزة اخوهـا مسكت تلفون واحد وتمت تقلبه فيها يدها متردده ! ودها تستكشفه وفي نفس الوقت خايفه ! وماتبي تتطفل على خصوصيات الناس سحبت نفس عميق وهي تلفت حولها مثل الحرامي الي خايف احد يكشفه .. وفي اللحظات الاخيره تراجعت وهي ترمي التلفون مكانه واطلعت وهي تنفض راسها من الافكار الغريبه الي سيطرت عليها .. من متى اتكشف على خصوصيات الناس؟ ومن متى هو يهمني عشان استكشف تلفونه ! يعني ليش تبين تستكشفين تلفونه؟؟ خايفه تكون عنده علاقات ! باللعنه ! وانا شعلي منه مايهمني وبدال الوحده عشر .. بكيفه اخذتها الافكار توديها وتجيبها وارفعت عينها وهي تشهق بقوه من المنظـر الي شافته !!!! : . . . . : : كان ناصر مستانس وهو يأشر لسعود من بعيد وسعود نفس الشي مستمتع بهالهوايه المحببه عند اغلب الشباب الله يكفيهم شرهـا وعيون المها تراقبهم من بعيـد وابتسامه حلوه مرسومه على شفايفها كان سعود مسرع ويحاول يثبت عدل عشان لا يأثر الماي على الجبس وناصر كان جايه مسرع من بعيد ابتسم سعود بتحدي وهو رايح لناحيته كل واحد فيهم حاط في باله ان الطرف الثاني بيلف ! عشان كذا كان كل واحد فيهم مسرع سرعه جنونيه وهو ينتظر اللحظه الي بيلف فيها الطرف الثاني انتبه ناصر وسعود نفس الشي وبشكل سريع ان ولاواحد لف وفي نفس اللحظه وفي اللحظه الاخيره لفـوا ! ومن قوة اللفه طاحوا في البحر ! وقفت المها وهي تشهق بخوف وتطلع تركض لبرا وهي تنادي : سعـــود .. ( بأعلى صوتها ) ونوره من جهه ثانيه كانت طالعه من شاليه الشباب والافكار تدور براسها وصدمها المنظر الي شافته سعود وناصر طاحوا في البحر ! شهقت وهي تحط يدها على فمها وتجمع الدموع بعيونها مب عارفه شتسوي ! راحت بسرعه لداخل واي احد تشوفه قدامها ابوها او صالح بتقول له يروح يشوف الشباب ! لقت صالح كان توه ينزل الدرج وتوه مصحصح صرخت فيه وهي تناديه بخوف : الحق ياصالح سعود وناصر اغرقوا انصدم صالح وقال : شنوو؟؟؟ نوره وهي تأشر ناحية البحر: طاحوا في البحر ياصالح .. روح شوفهم راح صالح بسرعه لناحية البحر ولقا سعود وناصر قريب من السيف سعود متساند على ناصر يعاونه في المشي .. وشكله يتألم لان الماي اثر على الجبس وراح بسرعه لهم : سلامات شصاير لكم؟ ناصر : ماصار الا الخير ان شاءالله .. ( التفت على سعود ) خلني اوديك المستشفى سعود وهو يهز راسه بالرفض : لا ياناصر مايحتاج بس ودني الغرفه الله لايهينك .. صالح بخوف : ساقك تعورك سعود؟ سعود وهو يكتم الالم : لا بس ارتاح شوي يخف الالم .. وداه ناصر لغرفته .. انسدح وهو يحس انه راسه يدور وبيغمى عليه ! دخل ناصر ياخذ له شور وصالح راح يجيب لهم ريوق يتريقونه بعد ماطمن نوره انهم بخير وان الوضع عادي ومحد فيهم صار له شي ! وراحت نوره لقت المها تنطرها على نار وقالت لها انهم بخير واتفقوا كلهم ان امهاتهم وابو صالح مايدرون بشي .. مر اليوم بشكل طبيعي كل من سأل عن سعود قالوا راقد ! .. الشباب فسروا هالشي انه مانام طول الليل عشان كذا طول بالنومه .. وفالحقيقه هو اغمى عليه : : . . . . . : : الساعه 7 ونص في بيت بو حمد ( زوج ساره ) كانت تنزل الدرج وهي تعدل كم عبايتها الوسيع والمطرز باللون الرملي تطريز راقي وفخم جدا كانت انيقه لاخر درجه .. بتروح مع ام حمد تأدي واجباته كسيده مهمه في المجتمع .. وصلت لآخر درجه .. انفتح الباب ودخلت بكل غرور وهي تتمخطر بمشيتها سلمت على عمتها ( ام حمد ) ووقفت من بعيد تشوف ساره بغرور وقالت بدلع : ماتبين تسلمين علي سوسو؟ والا تبيني اجيج؟ بلعت ساره ريقها بقرف منها ومن دلعها .. وقربت منها تسلم عليها وهي مب طايقتها .. واجلست وهي تقول بخاطرها هذي شمجيبها الحين؟ ام حمد وهي تكلم ساره : ساره يمه .. حمد جا والا بعده؟ ساره وهي تعدل شيلتها: جاي بالطريق .. ( ماكملت جملتها الا وتلفونها يرن ) ردت بسرعه : مرحبا حمد .. ان شاءالله .. يلا جايينك .. سكرت الخط منه ولفت لعمتها : حمد جا اسماء وهي حاطه رجل على رجل وتلعب بطرف شعرها : عمتي وين بتروحون؟ ام حمد بأبتسامه حلوه : بنروح نسلم على ام خليفه .. ونبارك لها على الحفيد الاول لها اسماء بدلع مالغ: صج سهوم بنتها ربت؟؟ شجابت؟ ام حمد: جابت ولد ماشاءالله لفت اسماء بنظرات خاصه لساره .. وبنبره خاصه قالت : صج ؟؟ عقبال ماتبشرينا بولد حمد طالعتها ساره بنظرات كلها صدمه .. شتبي هذي بالضبط؟ ارفعت ام حمد ايديها تدعي : الله يسمع منج يابنتي .. ويرزقه بالذريه الصالحه .. يلا يمه بتروحين لنوف فوق؟ اسماء وهي توقف ترتب شعرها وتروح لناحية الدرج : أي عمتي .. الله يحفظكم : : . . . . . قعدت على طرف السرير وهي ماده البوز زعلانه ضحك سيف على شكلها وهي زعلانه .. وقال : حتى وانتي زعلانه تهبلين ! صدت عنه الجازي .. : احر ماعندي ابرد ماعندك سيف وهو يقرب منها: ياحياااتي يالجازي .. انتي واجب عليج تطيعني الجازي لفت عليه ودموعها بعيونها : لا ماشاءالله .. وانتوا ماتعرفون هالامور الا اذا كان الوضع من صالحكم اشر سيف عليها وهو يقول : هااا قلتيها الوضع من صالحي ! يعني انا من مصلحتي امنعج لاتروحين لمت الجازي شعرها بيدها توديه لورا وهدته وقالت بقهر : شنو من مصلحتي ومصلحتك سيف ؟ بعدين انا ماقلت لك بنام عندهم بس ابي اروح استانس شوي معاهم .. والله خاطر اروح معاهم سيف وهو يقعد عالكرسي مقابلها : الجازي .. حطي فبالج انتي وحده متزوجه الحين الامور هذي الي انا خاطري اقعد مع البنات خاطري اسهر خاطري مادري شنو .. الي كنتي تسوينها ايام ماكنتي عند اهلج بنت ! تغير لما تكونين زوجه لان هنا المسؤليه تكبر انتي مسؤله من زوج وله حقوق عليج .. وواجب عليج تطيعيني ( سكت شوي يشوف ردة فعل الجازي ! .. وكمل ) انا مابي امنعج من اهلج متى مابغيتيتهم انا مستعد اوديج لهم .. بس الشي الي خلاني امنع هو ... ( سكت شوي يحوس شفايفه وهو يشوف الجازي بنظرات يخفي وراها ضحكه مكتومه .. ووقف وراح فتح درج وطلع منه تذاكر وحطها قدامها وقال بهدوء يراقب فيه ملامح الجازي ) بكره طيارتنا على لبنان فتحت الجازي عينها مصدومه .. : لبنان؟ ابتسم سيف ابتسامه عريضه : أي الجازي ابتسمت : وش مناسبة السفره ابتسم سيف بخبث وقال لها : ماتحتاج مناسبه .. بس اعجبتني ايام شهر العسل وقلت نكررها ! شهر عسل جديد شرايج؟ ههههههه استحت الجازي وانقلب وجهها الوان من الاحراج وقالت بخجل : ماقلت لي قبل عشان اجهز شناطنا ضحك سيف وقال : جهزيها عندج وقت من الحين لين بكره .. وقف بيطلع وتذكر شي ولف ناحيتها وقال بأبتسامه حلوه : على فكره .. ترى بنمر على اهل سيلين عشان تسلمين عليهم قبل مانروح المطار ! .. يعني جهزي عمرج عشان يمدينا نروح سيلين قبل تعرفين الطريق طريق سفر ههههه لاشعوريا نطت عليه الجازي وهالحركه الي ماتوقعها سيف والي فرحته كثييييييير .. وضمها بكل قوه ناحيته : : . . . . : : : كانت بغرفتهـا وبيدها كم ثوب لحمد تعلقهم في الكبت الي بالغرفه دخل حمد .. وابتسم لما شافها تعلق ثيابه بالكبت .. قرب منها وضمها من ورا وهو يحط يده على بطنها بالخفيف : شخبار حمني وامه؟؟ وقفت نوف عن الحركه لثواني ولاحظ حمد هالشي .. لكنها كملت تعلق الثوب الي بيدها وعقب انسحبت من بين ايديه بهدوء وهي تقول بصوت خالي من أي احساس : الحمدلله بخيـر .. غمض حمد عيونه يستجرع الالم .. وسحب نفس عميق وقال وهو يقرب منها ويلعب بطرف شعرها : وحشتيني ياحياتي كانت تحاول تحاشاه قد ماتقدر ... لمت شعرفها بكلبس صغير وراحت لغرفة الملابس وسكرت الباب وراها وهي تسند راسها على الباب وتغمض عيونها بقوه تلجم دمعه كانت بتخونها وتنزل مستحيل تنزل دموعي .. مستحيل ! عقب الاهانه والمعامله السيئه جاي يتغزل؟ عقب ماسفهته من بعد ماكنت مستعده اعطيه عمري كله؟ جاي لي؟؟ آآآآه ياحمد .. آآآه فتحت الكبت وطلعت لها بجامه ولبستها وشافت نفسها فالمنظره تأكدت من ان شكلها عادي راحت ارفعت طرف غطا اللحاف .. وادخلت فيه .. وقبل ماتحط راسها على المخده سبقتها دمعه متمرده خانتها ونزلت بكل ألم .. وهي تسحب غطا اللحاف عليها وتكتم آلآمهـا في جوفها .. : : . . . : : : في سيلين الساعه 1 ونص الليل كان بوصالح وعياله يشوون قدام الشاليه بوصالح وبيده قطعة كرتون يهف بها على الشوي : ناصر ماقام سعود للحين؟ ناصر وهو مستغرب نومة سعود هالمره صايره ثقيله : لا والله يبه .. للحين صالح: ليكون الرجال ساقه متعبته وهو ولا قال شي ! ناصر : ماعتقد لو بتعوره بيقول .. بوصالح : ساقه مجبره وداخل البحر اكيد الماي بيأثر عليها ناصر بخوف : لا ان شاءالله .. مافيه الا العافيه .. يمكن لانه كان مواصل من امس سحبها رقده ! بوصالح وهو ينزل الكرتونه الي بيده : انا بروح اقيمه .. وبجي راح بوصالح وهو خايف على سعود لايكون يحس بشي وهو ولا قال ! فتح الغرفه بهدوء .. وانصدم لما سمع صوت ونين خفيف بالكاد ينسمع ! فالبدايه كذب مسامعه .. قرب من سعود الصوت يطلع منه !!! شغل الليت وقرب من سعود بهدوء وهو يحط يده عليه يوعيه : سعود .. سعود سعود تحت تأثير السخونه القويه ماكان في وعيه : آآ ... بوصالح مسك جبهة سعود وحس بها حاره .. ووجهه معرق شوي نشفه له وراح لعياله : صالح وناصر واحد يشغل السياره والثاني يجي يعاوني اشيل سعود انقله للسياره ناصر بخوف وهو ينزل الصحن من يده : شفيه؟ بوصالح: الرجال عليه حراره وقاعد يهاذي من قوة السخونه راح ناصر يركض لداخل عند سعود وراح صالح يجيب السياره .. ووقف لما سمع ابوه يقول : بس ها لحد من الحريم يدري اوكي؟ دخل ناصر قرب من سعود يحاول يوعيه : سعود .. سعــود مد يده يطبطب على خده بالخفيف عشان يحس فيه .. فتح سعود عينه بتعب شديييد مب قادر حتى يفتحها على الاخر .. ورد يغمض مره ثانيه : . . . . . . . : في نفس اللحظه وتحديدا في مطـار الدوحه الدولي كان قاعد على كرسي وجنبه جاري فيه شنطته .. طلع موبايله من جيبه وتم يقلبه في يده .. اتصل فيه والا لا؟؟ يمكن راقد؟؟؟ لالا وين يرقد سعود الليله ليلة جمعه واكيد بيكون سهران مع الشباب ضغط ارقام تلفون سعود .. والتلفون يرن ويرن .. ويـرن وانقطع بدون ماحد يشيله استغرب .. ! ورد اتصل مره ثانيه وثالثه ونفس الشي .. أكيد نايم اللوح ومايسمع التلفون .. بس غريبه سعود نومه خفيف ليكون فيهم شي؟؟ لالا مافيهم الا العافيه خلني اتصل بخويي طلول يجي ياخذني لين بكره اشوف سعيدان .. : : . . . . : في المستشفى عند سعود وناصر وبوصالح انزلت حرارته شوي مع العلاج .. وركب له الدكتـور مغذي بعد ماكشف على ساقه .. تأثر الجبس بالماي ووضح لهم ان الحمدلله الكسر ملتئم بشكل كبير عشان كذا مااثر عليه بالشكل القوي .. شال الجبس منه وحط له ضاغط .. وقال لهم اول مايخلص المغذي يقدر يرجع البيت .. بوصالح قاعد عند الكرسي القريب من سرير سعود .. كان خايف عليه بشكل كبير وكأنه واحد من عياله ها يبه .. احسن الحين؟ هز سعود راسه بتعب .. وابتسم وقال بهدوء : الحمدلله .. ماقصرتوا ياعمي الله يعطيكم العافيه بوصالح : الله يعافيك .. بس ليش ماقلت لنا انك تحس بتعب من البدايه يابوك سعود ووهو يضغط بيده على راسه : ماتوقعت بيصير هذا كله .. كان تعب عادي قلت ارتاح ولما اقوم بكون احسن ان شاءالله .. ناصر وهو يبتسم لسعود : بس الحمدلله مافيك الا العافيه الحين .. ومره ثانيه لاتحدى لف عشان لايصير مثل الي صار هههههه ضحك سعود بتعب وقال : والله توقعتك بتلف بس طلع راسك ايبس من راسي يالعنيد ههههه ناصر : الصراحه كنت حاط فبالي ان مستحيل الف ! لين اخر لحظه شفتك انتحاري قلت الف لايدعمني .. واخرتها طحنا في الماي هههههههههه : : . . . . . : اليوم الثاني الضحى الساعه 10 و 45 دقيقه توعى سعود واخذ تلفونه يشوف كم الساعه وشاف المكالمات والمسجات ... فتحهم يشوفهم .. اتسعت ابتسامته لما شاف رقم ماجد خاله .. ومسجاته ( وينك ماترد؟ .. انا في المطار يلا تعالي اخذني ) ( رقاد يامال العافيه .. لقمت الصبح كلمني عشان تجي تاخذني من عند طلول خويي ) ( ماقمت للحين؟ ) ضحك سعود وهو يقرا مسجاته وعلى طول اتصل فيه .. وبعد رنتين وصله صوت خاله المرح : تو الناس ياخي؟؟ خليتني اشك اني مغلط في الرقم ضحك سعود : هههههههه حيالله الخال.. تو مانورت الدوحه ماجد : منوره بأهلها والله .. شحالك؟ سعود : بخير الله يعافيك .. شحالك انتي بشرني عنك؟؟ ماجد بعياره : انا مب بخير .. حالف مانمت لين اشوف اختي اول ... يلا تعال لي الحين بيت طلييل لو انكم في بيتكم الاولي كان جيت ادله .. اما بيتكم الجديد مادله سعود : ولو اني في سيلين ومسافه طويله لين اجيك .. بس ابشر الغالي نتعنى له ونجيه .. اقوم ابدل الحين واجيك .. مسافة الطريق بس ماجد : وش موديك سيلين؟ سعود : جاي مع امي ومهوي وجيرانا ماجد : اووه مسرع ضبطتوا العلاقات مع بعض ! سعود : خلاص شوف كم شهر مر بعدين طلعوا يعرفون الوالد الله يرحمه من سنين ماجد بعياره اكبر: زين زين .. خل قصة حياتك لين ماشوفك ويلا تعال الحين والا اقول .. لاتجي انت بروحك مكسر وحالتك حاله انا بخلي شنطتي عند طلول وبجيك لين محطة سيلين وعقب انت تعال لي هناك .. ضحك سعود على خبال خاله الي اكبر من سعود بثلاث سنين .. ولكن الي يشوف سوالفه مع سعود يقول كأنه اصغر من سعود بكثير .. ماكأنه رجال وصل عمره ثلاثين .. : . . . . . . . : كانت ام سعود بالمطبخ تجهز لسعود الحلبه مع الحليب عشان يجبر كسره من اول ماانكسرت ساقه وهي كل يوم تسويها له .. ولكن سعود مرات يشرب ومرات لا ! بعد ماخلصت اتصلت فيه وقالت له انها حطته له في المطبخ يجي من الباب الخلفي .. وياخذها ويروح وهي تبي تروح لغرفتها تصلي الظهر الي تأخرت عنها في نفس اللحظه كانت نوره مندمجه تشوف التلفزيون وبيدها كوب فيه شاي .. خلص وراحت تسوي لها واحد ثاني .. دشت المطبخ وطلعت المفواحه وحطت فيها ماي للحد الي تبيه .. وحطته على الفرن عشان يسخن وتمت تغسل القلاص والاخت عايشه جوها .. ام سعود راحت تصلي وامها بعد ماصلت وتغدوا نامت شوي والمها نايمه اصلا وماقامت .. الله لا يحرمني منك ولا يحرمني من عيونك .. أكذب لو اقوول ابعد عنك ما اصبر لحظة من دونك خليني اشبع من احضانك خلي يذوب بية حنانك الدنيا شووية عليك . اوتوسل بيك اللع يخليك تبعد عني حرام عليك تصدق لمة اشوفك يمي ما اتمنى ترمش عيني حبك صاير يجري بدمي .. بس حضنك انتة يدفيني محتاج اتنفس انفاسك محتاج لحبك واحشاك حب الدنيا شوية علية .. اتوسل بيك اللة يخليك تبعد عني حراام عليك الله على حنية قلبك على صدرك أغفى تخليني أتمنى أعيش انا بقربك وخايف عمري ما يكفيني من احلم فيك بس احلامي عايش وياك احلى ايامي حب الدنيا شووية عليك اتوسل بيك الله يخليك تبعد عني حراام عليك بدون ماتحس وهي مندمجه لشخص كان يسمعها ومب مصدق الي يسمعه ! هالانسانه الي من اول ماعرفها وهي كله معصبه ومكشره .. عندها هالاحساس الكبير في الغنا وصوتها الدافي .. حرك شي بداخل سعود ولآول مره يحس بأنفعال قوي .. وهو يسمع صوتها يدغدغ مسامعه مع كل جمله من الاغنيه تقولها كان يقول بخاطره عيب علي اسمعها وهي ماتدري ! واهلها هنا شبيقولون عني وهم معطيني الثقه اني اجي من الباب الخلفي لو احتجت شي هنا ! لكن في كل مره يقول فيها هالكلام لنفسه كان يحس انه مايقدر يروح كل مره يقول بعد هالمقطع .. لحد ماخلصت ! ومازال موجود بعد ماصبت الماي الحار بالكوب وحطت عليه علاقة اللبتون لفت بتروح الصاله ولا شعوريا وبدون قصد .. طاحت عينها على طرف ثوب ! وواضح ان في حد واقف وراه نزلت الكوب عالطاوله بهدوء وراحت بتشوف من توقعت واحد من اخوانها او ابوها ! طلت براسها وشهقت مب مصدقه ومصدومه .. كان واقف يتساند عالطوفه جنب الباب والافكار تاخذه وتجيبه بدون مايحس بالهوا الخفيف الي يلعب بثوبه .. وفز من افكاره على شهقتها لاشعوريا قرب منها وحط يده على فمها وهو يتلفت بتوتر قال بصوت واطي : الله يخليج لاتسوين لنا مناحه مب لازم احد يدري فتحت نوره عينها على كبرها وهي تهز راسها تحاول تخلص من يده .. وتسحب يدها من يده الثانيه .. سعود ومازال ماسكها بكل قوته : نوره .. اتكلم جد انا ماله داعي تصرخين وتلمينهم علينا بيصير شي بتندمين عليه ! ( لف وراه بخوف ورد يشوفها ) ماكنت ادري انج بالمطبخ انا جاي اخذ لي حاجه وبروح .. ( ماكمل جملته .. لان نوره سحبت يدها بقوه من يدها وشلت يدها من فمها وهي تدزه بقهر وقالت بصوت غاضب مكتوم ) على بالك انا ادور الفضايح نفسك؟ ( ردت خطوه لورا لما شافت الغضب في نظرة سعود وكملت بقوه ) كم مره قلت لك لازم تنبه الي داخل انك بتجي عشان اروح بدون ماشوف وجهك قاطعها سعود وهو يقرب منها بغضب ووده يكفخها على اسلوبها الوقح معاه .. وقال وهو كاتم صوته عشان لايصرخ : اقطعععععي .. ولا اسمعج مره ثانيه تكلميني بهالاسلوب .. اسلوبج السوقي هذا تكلمي فيه مع الي مثلج في بيني وبينج حدود وعمر لازم تحترمينه ردت عليه نوره وهي تكاسره بنظرة الغضب نفسها وقالت : لحسنت حضرتك اسلوبك بحسن اسلوبي .. واخر شخص يتكلم عن الاحترام هو انت .. ( طالعته من فوق لتحت وقالت وهي بتروح ) يـامحترم ! توها بتروح .. وانقزت لما ضرب يد سعود بالباب جنبها .. مد يده على الباب بقوه عشان يمنعها لاتروح وهو يشوفها بنظرات يتطاير منها الشرار ودها يمسح فيها القاع لانه استفزته وسعود عصبي لآخر درجه وبسرعه ينفعل .. خشمج الي رافعته هذا بينكسر .. ( كمل وهو يأشر على نفسه ) وانا الي بكسره .. بتشوفين يابنت فيصل تركها وراح بعد مارمى جملته عليها وخلاها مكانها دموعها تنزل بقهر حقير وحيوان وسخيييف عمري ماشفت احقر منه قليل الادب ... دزت الباب بقوه وهي رايحه داخل وسعود رجع للشاليه يمشي بشوي شوي عشان ساقه وضايقه فيه الدنيا مسح على شعره بالخفيف وهو يتعوذ من ابليس .. مد كفه قدامه يشوفها .. شلون سمحت لنفسي امسكها؟ شلووون آآآآآخ ... آحدآث تغيرت وآحدآث كثيره بتغير مع آلجزء آليآي آن شاءالله وبنشوف شبيصير في آبطآل قصتنآ نوف وحمد سيف وآلجآزي مهآ ونآصر سعود ونوره سآره وحمد وآلبطل آليديد مــآجد لآتحرموني من ردودكم آلي آشتقت لهآ آختكم ~ { زآآهي آلكحل ~ |
آلـ ج ـزء آلـ ث ـآمن عـ شر ~ ~ قاعد على عتبة الباب .. ويفكر بالموقف الي صار من شوي مع نوره كان متضايق انه تهور ومسكها ! شبتقول عني الحين؟ اكيد بطيح من عينها .. هذا بدال ماصحح الصوره الي ماخذتها عني اسوي كذا؟؟ بس هي بعد لسانه صاير طويل ووقح بزياده ونست ان بيني وبينها حدود المفروض ماتعداها والله لو اختي اكسر ضروسها في حلقها ولا تقعد تلعلع علي مثلها ! هين يانوره .. انقطع عليه حبل افكاره صوت تلفونه يرن ابتسم ابتسامه خفيفه لما شاف اسمه يلمع عالشاشه هلا ماجد ماجد وهو واقف بسيارة طلال خوييه على طرف من الشارع .. : يلا اركب سيارتك وتعال لي محطة سيلين سعود وهو يوقف : يلا جاي ماجد : لاتبطي .. سعود : جايك الحين ماجد : لاتقول لامك شي .. ابي افاجآها ضحك سعود : زين زين .. سكر سعود من خاله وركب سيارته بيروح له .. : : . . . . . : دشت الغرفه لقت المها نايمه .. راحت لسريرها الي تنام عليه وسحبت غطا اللحاف ودخلت فيه .. وهي كاتمه صيحتها .. ودها تبكي وتفرغ شعور القهر الي كاتمته .. لكن ماتبي احد يدري بشي السخيف النذل يظنني ادور الفضايح .. ولقاها فرصه عشان يمسكني حطت يدها على فمها تكتم شهقاتها .. شلون سمحت له شلووون؟؟ آآه لو حد شافنا .. شبيقول عني والا ليكون هو يروح يقول لأبوي والا واحد من اخواني؟؟ ياويييلييي .. ياااويلي ومن جهه ثانيه بنفس الوقت ام سعود بعد ماخلصت من الصلاه ودعت لنفسها وعيالها والمسلمين .. انزلت مره ثانيه للمطبخ تشوف اذا سعود اخذ الكوب والا لا ولقته موجود مثل ماخلته .. ولقت الشاي الي سوته نوره بعد ! هزت راسها بأسى هالولد الله يصلح قلبه ماهمه شي .. ورن تلفونها .. ردت لانها ماتعرف تقرا الاسم : مرحبا سعود : مرحبتين يالغاليه .. وينج ام سعود : انا بالمطبخ يمه .. ليش ماخذيت الحليب؟ سعود وهو يتذكر الموقف الي صار بسبة هالشي : طلعت لي شغله ورحت اخلصها ونسيت اخذه المهم يمه اطلعي لي برا من الباب الي ورا ام سعود وهي تطلع من الباب الثاني للمطبخ الي يطلع على خلفية الشاليه .. : هذاني جيتك يمــ ........ وهدت التلفون يطيح فالارض وهي تشوف اخوها وولدها في نفس الوقت هي الي ربته .. مع سعود واعتبرته ولدها مب اخوها ادمعت عيونها بفرحه .. وقرب منها ماجد يفتح ايديه الثنتين ويضمها .. تأكدت الحين ان الي تشوفه حقيقه وواقع ضمته بكل قوه وهو يحس بها تبكي بصمت بين احضانه حبها على راسها : لا يالغاليه كل شي ولادموعج .. انا قدامج بخير ومافيني الا العافيه على وشو هالدموع؟ ( قالها وهو يمسح دموعها بأطراف اصابعه ) ام سعود بصوت مخنوق من العبره .. بفرحه : شوفتك قدامي سالم يالغالي .. ( خنقتها العبره ماكملت ) ابتسم سعود وقرب من امه وحط يده وراها يضمها لناحيته بيد : صدقيني يمه دموعج مايستاهلها مجود .. دزه ماجد بالخفيف من كتفه وهو يضحك : ياشيخ .. مب وقت ملاغتك ههههه ضحك سعود .. وضحكت ام سعود بفرحه : فديتكم يالغالين ربي لايحرمني منكم .. حياكم خلوني اقعد معاكم شوي سعود وهو يمسك امه : يمه وين ندخل وام صالح وبنتها موجودين .. شبيقول عنا بوصالح وعياله ام سعود وهي تمسك يد سعود ويد ماجد : عجل خلونا نقعد هنا .. ابي اتحدث معكم سعود : لا انا عندي اقتراح حلو البسي عباتج وقولي حق المها بعد وتعالوا خلونا نتمشى شوي مع بعض .. ونشوف لنا مكان زين نقعد فيه ام سعود جازت لها الفكره وعلى طول راحت تلبس عبايتها ودخلت على المها تصحيهـا : مها .. مها يمه مها وهي تفتح عينها بنعاس: هلا يمه ام سعود : قومي يمه بتروحين معانا؟ المها بتعب: وين؟ ام سعود وهي تكمل الخطه مع اخوها وولدها : بنروح نتشمى مع سعود شوي .. نوره كانت تسمعهم لانها مانامت بس كانت تمثل انها نايمه بيروحوون يتمشون ؟؟ والا يتهرب من اهلي اكيد قال لهم شي عشان كذا بيروح شوي عنهم .. المها وهي تسحب اللحاف عليها: بنام يمه ام سعود وهي تروح : كيفج مب عقب تقولين ماقلتوا لي نطت المها : لالالا خلااص بروح دقايق واجيكم لاتروحون عني ضحكت ام سعود واطلعت .. : : . . . . . : عند الشباب سعود عرفهم على ماجد .. وعرف ماجد عليهم وكلهم ارتاحوا لبعض .. وقالوا اكيد دام انها من طرف سعود خوش رجال وماجد ارتاح لهم .. من اول ماشافهم وهو يعرف عنهم قبل من سوالف سعود له .. بوصالح حط يده بيد ماجد وقال وهو يشدد قبضته على يده : عشاك الليله عندي يابومحمد توه بيحلف ماجد عليه .. سبقه بو صالح : ولا ماتردني .. وان يستوي عشاك الليله التفت ماجد بأحراج لسعود .. ورد يبتسم لبوصالح .. وحبه على راسه : ماتقصر يابوصالح وجعل يكثر خيرك .. بوصالح وهو يرد يقعد مكانه : ومن قال والسامعين .. ضيفنا ولك حق علينا ياولدي بعد السوالف الخفيفه الي دارت بينهم استأذنوا سعود وماجد بأنهم بيروحون مع اهلهم يتمشون شوي وبيرجعون على المغرب واول ماطلعوا بوصالح اجرى اتصالاته على المطعم الي يتعامل معاه عشان يجهز له كرامه يعشي ماجد الليله ركب سعود السياره يسوق .. وركب ماجد جنبه واركبت ام سعود والمها ركبت بدون ماتنتبه للشخص الرابع ! فتحت شيلتها تعدلها بسرعه وانتبهت له .. ماعرفته ! تمت ساكته منحرجه .. معقوله ناصر بيجي معانا؟؟؟ بس هذا جسمه غير عن ناصر ... حرك سعود سيارته والمها ساكته وهدوء يخيم على السياره .. التفت سعود نص لفه لماجد ولمح ابتسامة ماجد الجانبيه .. الي عرف ان اكيد المها ماعرفته وانحرجت واسكتت وام سعود مكمله معاهم ! نغزت المها امها تأشر لها بمعنى من هذا؟ توها بترد عليها امها الا ماجد يلف لها ورا وبنبره خاصه : هلووو ياجميييل وفصخ نظارته الشمسيه عشان تشوفه عدل صرخت المها وهي شوي وبتنط عندهم قدام : خااااااالي ماااااااااااااااااااااااجد ضحك ماجد عليها .. المها وهي مب مصدقه : شلون جيت ومتى؟؟؟ وليش ماقلت لي نفس كل مره ابتسم ماجد ابتسامه حلوه : خلاص عاد لازم كل مره تدرين؟ خليتها هالمره تكون مفاجأه ( غمز لها ) التفت المها لأمها واخوها: وليش ماقالوا لي امي وسعووود ماجد: انا موصيهم لايقولون لج ههههههه .. محد منكم كان يدري بجيتي .. حتى سعود تفاجآ المها وهي تصارخ : واااااااااااو ونااااااااسه ماصدق مااااصدق ان خالي مجودي موجود فالدوحه اخيييرا .. جزوي تدري؟ ضحك ماجد : نسييييتها هالادميه هههههههه لاطبعا ماتدري .. ولحد يقول لها خليها تفاجىء مثلكم المها وهي تناقز بخبال : هي قالت لي بتجي اليوم تسلم علينا قبل ماتسافر .. واكيد بتفاجىء لما تشوفك وقف سعود سيارته وسط رمال سيلين وعلى شاطىء سيلين كان الجو ولا اروح .. وانزلوا كلهم .. وتموا يسولفون مع بعض وياخذون علوم ماجد وماجد ياخذ علومهم ام سعود : من عقب ماكنت تجينا كل اجازه .. الحين سنه كاامله ماشفناك ياماجد ابتسم ماجد : السنه الاخيره هي سنة التخرج والصراحه تعبت واجد فيها .. انكرفت عدل ماكان عندي وقت ارد الدوحه لين ماخلصت .. واانا جاي كنت حاجز على الرياض .. اسلم على ام متعب واعزيهم ومن الرياض حجزت على الدوحه .. سعود : وعاد الحين خلاص بتستقر هنا مافي سفرات ماجد : آآوووف بقعد سنه مب طالع من الدوحه تعويض هههههه سعود : هههههههههه ام سعود وهي تراقب حديثهم بأبتسامه حلوه : عجل دام انك خلصت يبه .. ادور لك بنت الحلال؟ فتح ماجد عينه عالاخر .. : حار بحار ياام سعود هههههههههه ام سعود وهي تضحك : خلوني افرح فيكم من لي غيركم؟ دنق سعود راسه يلعب بالرمل .. وابتسم ماجد وهو يشوف البحر وقال : قريب ان شاءالله .. بتفرحين فينا وفي عيالنا بعد ام سعود : الله كريم .. : : . . . : : . . . : كانت منسدحه عالسرير حاسه بضيقه موقف اليوم ضايقها كثير واحتل تفكيرها .. سمعت صوت احد يناديها بقوه .. فالبدايه كذبت مسامعها .. بس الصوت كل ماله ويقرب فز قلبها يرقع بخوف صوته وهو يناديها بحث شعور غريب في جسمها وصارت اطرافه ترجف بخوف فتح الباب بقوه وانقزت نوره بخوف .. ناصر وهو معصب عليها : ماتسمعين؟ نوره بخوف : ماسمعتك ناصر وهو معصب: اكيد ماتسمعيني .. وانتي مكبره المخده ونايمه لين المغرب قومي يلا قامت نوره بخوف .. ولاشعوريا كانت ترجف وهي تقول : والله انا مالي خص استغرب ناصر .. ولكنه كان معصب قال : مالج خص بوشو؟ نوره وبدت دموعها تنزل: مالي خص بشي .. والله .. والله استغرب ناصر اكثر شفيها هذي؟؟ .. : شفيج نوره؟ غطت نوره وجها بيدها تخفي دموعها قالت بصوت يرتجف: ولا شي .. ولا شي خلاص ارفعت وجهها له وعيونها حمر : شكنت تبي مني تناديني؟ قرب منها ناصر .. وتراجعت نوره بخوف خطوات لورا استغرب ناصر .. هذي فيها شي !!! قرب منها اكثر وضمها لناحيته وقال : كنت اتصل لج ماتردين .. ابيج تنزلين تاخذين الاغراض وتساعدين امي .. اليوم عندنا عشا هنا حق خال سعود ارتاحت نوره .. وقالت بهدوء : ان شاءالله .. : : . . . . . : : كانت قاعده بغرفتها وبيدها اوراق عمل للطلاب .. تصححهم لهم ومندمجه فيهم دخل عليها ابتسم لما شافها مندمجه قرب منها من ورا ورفع طرف شعرها عن خدها وطبع بوسه دافيه عليه تجمعد الدم بعروقها من هالحركه ووقفت عن الحركه مصدومه لفت ناحيته وكان وجهه قريب من وجهها لدرجة انها تحس بأنفاسه الدافيه تلفح وجهها .. بلعت ريقها بتوتر وابتعدت عنه مسكها من كتوفها وقال بحب: لاتعبين نفسج وتبعدين عني .. كل شي ولاتضرين حمني نوف حاولت قد ماتقدر تكون جديه في نبرتها : لو سمحت حمد خلني اكمل شغلي .. انت كذا تأخرني تضايق حمد .. لين متى هالقسوه والجفاف؟؟ صار لنا شهرين على هالحال تعبت وتمللت .. تنهد وقال : شغلج مب اهم مني يانوف سفهت له نوف ولاردت عليه كمل حمد بضيق: انا زوجج ولي حقوق عليج .. وانتي وحده مصليه وتخافين ربج حرام تحرميني حتى من ابسط حقوقي لفت نوف بألم وقالت : اعتقد اتفقنا على كل شي من البدايه .. مالك حقوق عندي حمد : اتفقنا على حق واحد بس مب كل الحقوق يانوف .. صدت نوف عنه وهي شوي وبتبكي .. الموقف هذا صعب وفوق احتمالها سحب حمد نفس عميق وقال بهدوء وهو يروح يبدل: كملي شغلج .. ولي كلام معاج بعد ماخلص : : . . . . . : : مر اليوم طبيعي على الكل ماجد بعد العشا رجع لبيت طلال خويه لانه ماحسب حسابه ينام معاهم واتفق سعود معاه بأنه بكره بينزل للدوحه هو واهله عشان ماجد جاتهم المغرب الجازي تسلم عليهم قبل ماتروح المطار وتفاجأت بجية ماجد حالها حال امها واختها وودعتهم وراحت هي وزوجها للمطـار نوف ماعطت حمد فرصه يكلمها .. وهالشي ضايق حمد كثير .. وصار يفكر بأشياء : : . . . : : : ومر اسبوع كامل باقي شهر على امتحانات الجامعه .. بعد هالكورس بيتخرجون ناصر والمها اذا عدوا الامتحانات وانجحوا بدت المها تقلل طلعاتها مع انها اصلا ماتطلع كثير .. وصارت تدرس بشكل مكثف .. وناصر اخذ اجازه من الدوام لحد مايخلص امتحاناته عشان يدرس عدل لانه خلاااص يبي يتخرج .. وعلى قولته عفن في الجامعه 7 سنين وهو فيها ! كان سعود قاعد في مجلسه وقدامه ماجد خاله الي كان بيده فنجال قهوه يتقهوى .. كان سعود ماسك فنجاله بيده هو الثاني بعد ويحركه بيده وهو يفكر بموضوع يشغله من زمااان .. عمره مافاتح احد به .. لف يشوف خاله الي كان يصب له في فنجاله قهوه ويتقهوى وهو يفكر اقول له والا ماقول؟؟؟ نزل ماجد فنجاله ووقف ورجع سعود من افكاره لآرض الواقع : شفيك؟ ابتسم ماجد : بمر المسجد اصلي المغرب على طريقي وانا رايح سعود: وين بتروح؟ ماجد : مادري بروح مجلس واحد من الشباب بتجي معي؟ هز سعود راسه : لا مالي خلق اطلع اليوم راح ماجد ودخل سعود للبيت داخل لقا المها توها تنزل الدرج .. : هلاااا سعوود ماشفتك اليوم كلش ابتسم سعود : مسويه روحج الطالبه المهتمه وانتي طول السنه تلعبين المها: والله مالعب كنت ادرس بس الحين شديت على روحي اكثر سعود وهو ياكل من الفطاير قدامه : الله يوفقج وابي تعديل ممتاز .. عشان تكون هديتج محترمه .. ترى الهديه بتكون على حسب التقدير ! بوزت المها: واذا ماجبت ممتاز؟ سعود : كيفج بتكون هديتج على قد تقديرج حاست المها بوسها ودارت من قدام سعود راحت تقعد عالجهه الثانيه : نزين سعوود ابي استأذنك بروح مع ام صالح وبنتها مشوار لف لها سعود بنظره وقال بهدوء : توج تقولين تشدين على عمرج هالفتره ! المها: بس تمللت من اول ماقمت الصبح وانا ادرس حشاااا والله ثالث ثانوي ماسويت كذا .. ابي اطلع شوي اغير جو وبعدين انا ابي هالمشوار من زمان سعود: ووين ان شاءالله؟ المها وهي تندق راسها: الصالون سعود وهو يصب له شاي: عندج دريول وسياره هنا .. وامي توديج متى مابغيتي مب لازم تروحين معاهم تضايقت المها وقالت بضيق: نزين ابي اروح معاهم هم رايحين بي وبلاي سعود : عجل امي تروح معاج المها بضيق اكبر: امي ماتبي تروح .. سعود شفيك؟ في شي؟ وقف سعود بيروح لفوق : مافيني شي .. روحي ولاتأخرين استغربت المها منه هالتصرف ! شفيــه؟؟ اكيد اكيد فيه شي بس وشو؟؟ ادري به مستحيل يقول لو شيصير .. : : . . . . . : : في بيت بوحمد ( زوج ساره ) الساعه 8 العشاء كانت ساره وآمنه قاعدين بالحوش على طاوله في وسط حديقة بيتهم الكبيره .. الجو حلو وكانوا مستمتعين به .. ساره : ليش ماتوافقين عليه؟ آمنه بضيق: مابي اتزوج ساره ساره مسكت يد آمنه : ليش حبيبتي؟ آمنه سحبت يدها بتوتر : بس .. ساره : بقولج آمنه من زمااان ملاحظه ان طاري الزواج يعفس مزاجج ليش؟؟ شسالفه؟ صدت آمنه عنها تحس العبره خنقتها .. خافت ساره اكثر عليها .. : آمنه حبيبتي مب قصدي اضايقج بس فديتج قولي لي شفيج؟ يمكن اقدر اساعدج لفت آمنه لساره بتوتر .. سالت دمعتها على خدها بدون ماتحس .. مسحتها بطرف اصابعها وقالت بتوتر : لاتضايقين عمرج معاي ساره : والله تقولين .. انا اختج ماراح ارتاح وانتي متضايقه .. سكت آمنه شوي .. وعقب قالت بصوت يرجف خانقته العبره .. : كنت مخطوبه لمدة خمس سنين .. على اساس انه بيروح يدرس وبعد مايرجع بنتزوج .. كنا متملكين طلب من ابوي انه يكلمني وكنت متواصله معاه طول هالخمس سنوات على التلفون ماتخيلين شلون علاقتنا كانت قويه بشكل كبير وكنا نحب بعض بشكل عمري ماقدر اوصفه .. كان دايما يوعدني بأن عرسنا بيكون احسن عرس وان الكل بيتكلم عنه فكنت انتظر هذا اليوم بفارغ الصبر ... مرت الخمس سنين ورجع لنا .. ومعاها وحده عربيه تعرف عليها هناك وتزوجها وجابها معاه كانوا عندهم ولدين .. ( غطت آمنه وجهها وتبكي بآلم ) تأثرت ساره .. وخنقتها العبره مدت يدها تمسح عليها بحب : فديتج امنه لاتضايقين عمرج هذا واحد مايستاهل انج تضايقين عشانه .. ارفعت امنه راسها لها بضعف : لانه حقير وبكل قواة وجهه جايبها عندي للبيت .. انا من تملكته ماشفته كلش ولاشافني ماشافني الا لما رجع وطلب اني اشوفه عشان يرويني حقارته لين وين وصلت.. تضايقت ساره وخنقتها العبره : لاتربطين مصيرج معاه يا آمنه آمنه بقهر : انا مابي اتزوج لا هو ولاغيره .. كلهم يخدعون ساره : لا آمنه صدقيني هذول فئه معينه مثل مالحريم فيهم فئه معينه .. لاتجمعين وتظلمينهم لاتنسين اخوج وابوج منهم غطت آمنه وجهها بيدها تبكي بألم تقطع قلب ساره عليها : اذا ماتبين الي متقدم لج الحين كيفج ويمكن خيره .. بس نصيحتي لاتربطين عمرج بالماضي انتي باقي لج سنتين وتوصلين الثلاثين يعني فرص الزواج بتقل : : . . . . . . : دخل سعود مجلس جده مالقى غير جده والمقهوي سلم عليه .. وقعد جنبه يسأله عن احواله .. بوعبدالرحمن وهو يأشر على ساق سعود : شليت الجبس؟ ابتسم سعود : أي يبه امس كان موعدي شليته الحمدلله والكسر التئم بوعبدالرحمن : زين الحمدلله .. مره ثانيه ياولدي تركدوا مانتوا برخاص عندنا ابتسم سعود : جعل ربي يسلمك يبه .. هذا سويف الي طاير هههههههه ابتسم الجد وقال بود : المهم بشرني عن امك وخواتك اربهم طيبين سعود : يسرك حالهم .. دخل بوعبدالرحمن يده في جيبه وطلعها .. وحط المفاتيح بيد سعود هذي يابوك مفاتيح بيتك دنق سعود براسه .. يتذكر الموقف الي ضايقه كثير مب عارف شيقول .. بوعبدالرحمن : والله من اول ماعطيتني اياها محد طبه .. الا امس قلت لاجدتك تامر الخدم يروحون ينظفونه ويرتبونه ويشغلون مكيفاته البيت صار له شهور مانفتح بلع سعود ريقه وقال بتوتر: يبه هالموضوع يذكرني بمواضيع قبل مابي اتذكرها .. البيت من اول ماجاك مفتاحه هو لك انا عندي بيتي بوعبدالرحمن : وانا قلت لك هذا بيتك .. تبيه ماتبيه انت تصرف فيه لا انا ولاعمانك لنا خص فيه والبيت مكتوب بأسمك سحب سعود نفس عميق وقال : خير ان شاءالله .. : : . . . . . : : في الصالون كانت ام صالح قاعده على الكرسي تنتظر البنات يخلصون اتفقوا المها ونوره يقصون نفس القصه بالضبط طبعا بما ان شعر المها اطول قصوا منه اكثر اما نوره شعرها اصلا قصير فماقصوا كثير بس ترتيب وطالعين يشبهون بعض نفس القصه بالضبط وتقريبا ثنتينهم نفس الحجم ابتسموا وهم يشوفون نفسهم فالمنظره .. نوره بفرحه : اخيرا وافقتي تقصين نفسي خخخخخ المها : اسكتي امي مابغت توااافق والا لو علي كان من زماااان قصيت هههههههه نوره : تعالي خلينا نروي امي .. راحوا ثنتينهم يروون ام صالح القصه واستانست على اشكالهم ادفعوا حسابهم واطلعوا .. : : . . . . . : : اليوم الثاني الصبح كانت نوف تلبس عبايتها وتحط اغراضه بشنطتها .. وحاسه بتعب من اول ماقامت وهي تحس بتعب وحمد كان قدام المنظره يسكر ازرة ثوبه وكل شوي يسرق النظر في المريا يشوفها عند الطاوله الي جنب سريرهم .. حست نوف بأن راسها يدور وانها بتطيح قعدت عالسرير بتعب غمضت عيونها وهي تضغط بيدها على راسها حمد اول مالمحها تقعد طار لها بخوف .. : نوف .. نوف اشرت له نوف يسكت وهي تضغط على راسها بألم .. قعد حمد على اركبه ومسك ايديها : تعبانه .. اوديج المستشفى؟ هزت نوف راسها وقالت بتعب: لا بس ارتاح شوي .. حمد : لالا قومي اوديج المستشفى نوف بضعف : ابي ماي راح حمد بسرعه لناحية الثلاجه واخذ لها ماي وفتحها ويسقيها اياها .. شربت نوف منها شوي وانسدحت .. تريح راسها خاف حمد عليها : قومي اوديج المستشفى نوف وهي تغمض عينها: لا الحين يوم انسدحت احسن شوي .. روح لدوامك مابي اخرك قعد عندها حمد شوي ونامت نوف بتعب وراح بعد ماوصى امه عليها تطل عليها كل شوي .. : : . . . . . : : ومر اليوم احداثه عاديـه الساعه 5 ونص المغرب .. دخل سعود غرفة المها اخته قعد على طرف السرير الي هي قاعده عليه وبيدها اوراقها .. ابتسم وقال : الله يوفقج يارب ابتسمت المها: آمين دعواتك ياباشا ضحك سعود : شمسويه بشعرج؟ المها وهي تحرك راسها عشان يتحرك شعرها: شرايك؟ ابتسم سعود : حلو هههههه ضحكت المها وهي تشخبط في ورقتها .. ابتسم سعود وقال : تدرين من عندنا اليوم؟ المها بفرحه : من؟ سعود : متعب ولد خالتي المها : والله؟؟ خالتي جات معه؟ سعود : خالتج للحين بالعده يالذكيه .. المها وهي تحرك راسها بالقلم: اييي صح سعود ابتسم وهو يرمي القنبله : وطلب يدج مني ................. نقطه مهمه لكل آلي آسآلوآ عن فآطمه فآطمه جزء من آلقصه وآنتهى مب شخصيه آسآسيه مثل آلبآقي لآتحرموني من ردودكم وتوقعآتكم آختكم { زآآهي آلكحل ~~~ |
آلـ ج ـزء آلـ ت ـآسع ع شـر ~ ~ طالح القلم من يدها .. انصدمت ! متعب؟؟ متعب جاي يخطبني؟ اهتزت شفتها السفليه بضعف .. شافت سعود اخوها قدامها الي استغرب هو الثاني لما طاح القلم من يدها .. بلعت ريقها ودنقت راسها مب عارفه شتسوي تمت تقلب الاوراق بيدها والثواني تمر عليها كأنها ساعات طويله ابتسم سعود : طاري متعب يربك لهالدرجه؟ سكتت المهـا مب قادره تكلم .. وسعود فسر سكوتها انها مستحيه .. وقف وهو ينزل كموم ثوبه الي كان مشمرها وقال : فكري عدل وردي علي خلال هاليومين لانه بيسافر مايقدر يطول .. وردي الخبر لآمي وهي بتقول لي : : . . .. . : : كانت الاجواء في بيت بوصالح غيير لان بكره بيكون عرس صالح .. هاليوم الي حلم فيه صالح من اول ماتقدم حق لطيفه وهو ينتظره على احر من الجمر قرب .. ماباقي الا ساعات تفصله عن اللقاء الاول .. كانت ام صالح تجري اتصالاته تأكد على الحجوزات وتذكرهم بكل شي ونوره بغرفتها مطوله على المسجل ترقص وهي تقايس فستانها الي بتلبسه بكره كان راقي جدا وطالع على جسمها روعه .. انطق الباب ماسمعته لان صوت الاغاني كان عالي فتح صالح الباب وراح بند المسجل : ماتسمعين؟ خافت نوره ولما انتبهت انه صالح غمضت عيونها بهدوء وفتحتهم وقالت وهي تقعد عالسرير : لا ماسمعت صالح : مب منج من هالاغاني .. محد فالبيت غيرج؟ نوره : صلوح تقعد تسوي لي محاضره .. خلني مستانسه بكره عرسك ابتسم صالح بحالميه : آآآآه بس ضحكت نوره وقالت بعياره : احس لطوف بكره شكلها يجنننن هي اصلا حلوه طبيعي شلون اذا عروس؟ قعد صالح عالسرير : احلفي؟؟ شلون شكلها اوصفي لي .. من زماان ماشفتها وكل ماشفتها تغطى مني مسويها نفسها تستحي ابتسمت نوره بخبث: مب قايله له ضربها صالح على كتفها بالخفيف: فاللعانه مافي احسن منج .. ( سكت شوي يشوف فستانها ) هذا فستانج حق بكره؟ وقفت نوره وهي تدور ترويه الفستان: شرايك؟ صالح وهو معجب بشكلها : لاتلبسينه بكره بوزت نوره بضيق: ليش؟ صالح بأبتسامه حلوه : خايف عليج من العين .. ماعندي اخت غيرج ضمته نوره بقوه : فدييييت قلبك صلوحي .. اخشه حق شنو وانا متكلفه فيه حق عرسك؟ صالح: اقري على نفسج العين حق هدته نوره وهي تبتسم : ان شاءالله .. : : . . . . : : . الساعه 10 الليل غرفة المهـا كانت منسدحه على السرير مطفيه الليت تحاول تنام .. لكن التفكير ذبحها الله يسامحك ياسعود ذبحتني مع قرب الامتحانات .. غمضت عيونها تذكر متعب شخصيه حبوبه ورجال بمعنى الكلمه والكل يحبه .. قايم ببيته هو واهله حتى على حياة ابوه بحكم انه الابن الاكبر لهم حلو طويل وعريض .. بنية جسمه قويه .. له نظره حاده ابتسامته حلوه .. بس بس ... بس هو اصلا متزوج ! فزت المها من سريرها تقعد على حيلها هو متزوج .. شلون يتقدم لي؟ عادي الشرع حلل الاربع .. بس .. بس زوجته حليوه وماتستاهل ضره لو حليوه ماطلب انه يتزوج ! غمضت عيونها تمسك رسها بيدها .. بس انا مابي واحد متزوج ! تشرطين؟ الي مثلج يجيها متعب تحب ايدها وتحمد الله على النعمه رجال ماينعاف والف من تتمناه ابي ناصر .. ومن قال ان ناصر يبيج؟؟ عندج هالوقت كله تقدم لج؟ غمضت عيونها بحسره .. خايفه من قراري الي بتخذه .. : : . . . . . . : اليوم الثاني الصبح في مجلس سعود سعود صحى بدري وراح لدوامه .. وماجد ومتعب توهم يصحكون من النوم .. لقوا الريوق جاهز عندهم والقهوه والشاي والحليب اقعدوا يتريقـون ماجد وهو يكشف عن البلاليط : آآآمممم ياسلاااام عليج ياام سعود متعب : انكب لي منها ياماجد ماجد وهو يحط لمتعب في صحن : سعيدان راح لدوامه؟ متعب : أي توعيت الصبح كان توه بيظهر قال بيروح لدوامه ماجد وهو يبتسم بضحكه : مسوي فيها الموظف المثالي .. تريق تريق وجهز عمرك بتروح معاي الصناعيه .. : : . . . : : : . الظهر قسم نوف وحمد دخلت ودخل وراها حمد وهو يفصخ غترته : كأن الجو اليوم حار؟ نوف وهي تفصخ شيلتها وعبايتها : شوي .. راح حمد لغرفة الملابس فصخ ثوبه واخذ له ثوب عادي والبسه .. لقى نوف واقفه عند التواليت تمشط شعرها : تبي احط لك غدا؟ لاحظت حمد يقرب منها من المنظره .. وهو يضمها من ورا .. وياخذ المشط من يدها ويمشط شعرها بالخفيف وقال بحب : انا ابيج انتي تجمد الدم بعروقها من حركاته .. هذا ناوي علي اكيد ! سكتت ونزلت راسها لتحت .. فالفتره الي طافت كانت شديد وقاسيه بشكل كبير معاه وكل مالها ترخي له بشوي شوي بشكل تدريجي .. ولكنها مازالت ناويه تحرمه منها عاقبا له على الي شافته منه .. خلص حمد من تمشيط شعرها .. رفع خصله منه بين اصابعه وهو يشوفها بالمنظره .. ويبوس شعرها بالخفيف .. بلعت نوف ريقها وهي تسرق النظر له في كل لحظه من المنظره .. حست بحراره شديده .. ابتسم حمد بحب .. : اقدر اتكلم معاج؟ سحبت نوف نفس عميق وراحت لغرفة الملابس : انتظرني ابدل .. ابتسم حمد بأنتصار .. اخيييرا يااارب لين قلبها : : . . . : : . مر الوقت بدون أي احداث تذكر .. في العرس بعد مابدوا الناس يخفون شوي شوي .. كانت نوره قاعده مع المها على طاوله ويشربون من العصير وكل وحده تقول مواقفها الي صارت لها في العرس .. وتعليقات الناس على شكلها .. ابتسمت المها وقالت بخجل ممزوج بخووف : نوره ابتسمت نوره : هلا المها بتوتر : انا .. انــا مخطوبه انصدمت نوره : شنووو؟؟؟؟ المها : متعب ولد خالتي تقدم لي .. سكتت نوره بصدمه .. الشخص الوحيد الي طرى في بالها هاللحظه هو ناصر اخوها .. المها تبي تفضفض : نورو .. خايفه ومتوتره .. واحس اني ضايعه .. نوره بتوتر : ليش؟ المها : هو اصلا متزوج وعنده ولد صغير .. ليش يبي يتزوج مره ثانيه؟؟ وشمعنى انا؟ .. ( سكتت شوي بتوتر وعقب كملت ) .. آآآ هو شخصيته حلوه ورجال والنعم فيه .. بس .... ( كانت تفرك اصابعها ببعض بتوتر ) بس مادري ! سكتت نوره ماعندها أي تعليق .. كانت خايفه تقول لها عن اخوها انه يبيها وتقطع نصيب المها اذا كان لها نصيب مع متعب .. وكانت خايفه تسكت وتضيع البنت من ايد اخوها .. احتارت ماعرفت شتقول كملت المها بتوتر : خايفه ارده يانوره .. وتزعل خالتي مني ! نوره : ليش تزعل هذا على النصيب يامهوي المها محتاره .. : مادري مادري بصراحه .. بفكر عدل ابتسمت نوره على مضض : الله يوفقج .. : : . . . : : بعد العرس الساعه 1 ونص متأخر من الليل كانت نوره تنتظر اخوها ناصر في الصاله تبي تقول له .. كانت تعبانه لانها طول اليوم ماارتاحت .. انسدحت على الكنبـه .. وبدون ماتحس نامت ! وبعدا ساعه دخل ناصر البيت بهدوء كان سهران مع ربعه ومفتل .. لقى نوره نايمه بالصاله استغرب .. اكيد كانت تشوف التلفزيون ونامت .. كان بيصحيها بس ماحب يزعجها .. تركها نايمه وراح لغرفته فوق وحط راسه ونام يالله يقدر يتوعى لصلاة الجمعه اليوم الثاني .. : : . . . . . : : كانت منسدحه على السرير تحس بتعب مب قادره تشيل راسها من على المخده قرب منها وطبع بوسه على خدها بكل حب وهمس بحب : شفيج حبيبتي شي يعورج؟ لفت ساره ناحيته بتعب وقالت بخجل : شوي تعبانه حمد بخوف عليها : شفيج؟ اوديج المستشفى؟ ساره وهي تهز راسها بثقل : لا مايحتاج الام بسيطه حمد وهو يمسك كفها ويطبع عليها بوسه : زين خليني اوديج المستشفى اتطمن عليج .. انحرجت ساره .. ماتبي تقول له انها توقع انها حامل .. قالت بهدوء : تطمن مافيني الا العافيه .. حمد بنظره تشكيك: اكيد؟ ابتسمت ساره عشان تثبت له : اكيدين .. : : . . . . : : . اول ماتوعت نوره استغربت .. انا شجايبيني هنا؟؟ تذكرت امس شسوت !!! آآآه نصووور .. راحت بسرعه لفوق غرفتها غسلت ورتبت شعرها وطيران على غرفة ناصر طقة الباب بقوه محد يرد .. حاولت تفتح الباب لقته مفتوح .. دخلت ولفحها الظلام الي يكتسح الغرفه رغم ان الشمس في وسط السما وهوا المكيف البااارد .. شغلت الليت لقته متلكوت بلحافه ونايم واللابد محذوف جنبه ومسكر .. هزت راسها مب هاااامه شي كلششش .. سكرت الباب وراها وراحت تقعد عالسرير وهي توعيه : نااااصر ... نصووووووووووور مامن مجيب .. آآآووووف نصوووور ناااااااصر .. قوووووم طوووفه ماتحس؟؟ قوووم ابي اقولك شي عن مهووي ... ناصر بتعب : النوري ووجع نوره : سببببني الحين بعد شوي بتقوم تحب رااااسي .. قوم خلني اقولك اخر الاخبار دزها ناصر بيده وهو يلف وجههه للجهه الثانيه .. : اخبارج خليها لين اقوم واطلعي واطفي الليت وراج اسحبته نوره بقهر : طبعااااا مب مهتمممم .. غير فاللعبه والوناااسه وخل البنت تضيع منك .. وانا الي حاارقه عمري عشانك هدته وجات بتروح ماوعت الا بقبضة يده ترعص معصمها بكل قوه .. هو بنفسه مب حاس بمدى قوة قبضته قال بصوت غاضب : شتقولين انتي؟ سحبت نوره يدها منه وهي تحسس عليها : عورتني .. اقولك مهوي بتروح منك وانت قاعد تفرج قعد ناصر على حيله : فهميني شتقصدين؟؟ نوره : ولد خالتها جاي من السعوديه يخطبها .. وشكلها بتوافق عليه .. ناصر بصدمه : متعب؟ نوره مستغربه: شدراك؟ ناصر : هو الوحيد الي جايهم من السعوديه وهو ولد خالتهم .. نوره : جاي يخطبها .. ناصر بصدمه : بس هو متزوج ! نوره : أي قالت لي انه متزوج .. تحرك ياناصر تحرك غمض ناصر عيونه بألم .. وهو يضغط على الفراش بين ايديه بدون شعور قال بقهر : شلون اتحرك؟ بأي حق اتحرك؟؟ هو ولد خالتها واقرب لها مني وقفت نوره بصدمه وبدت الدموع تجمع بعيونها : وبتخليه يياخذها؟ ناصر وهو ينطعن الف طعنه في الثانيه .. : لو اقدر والله ماخليه ياخذها .. بس ماقدر ماقدر يانوره .. انقهرت نوره من ردة فعله .. وبروده قالت بقهر : كله منك يوم اقولك اخطبها اخطبها .. تحرك .. كنت تقول معليه معليه .. الحين طارت البنت من ايدك رفع ناصر نظره لها بقهر وقال وهو يأشر على نفسه : اخطبها وانا للحين ادرس؟ ( ضررب بيده بقوه على المخده ) الله يلعن الدراسه نوره : تدرس وتشتغل .. مافيها شي ! هذاك لو كنت تدري وماعندك وظيفه غمض ناصر عيونه بقووه وفتحهم وهو يصرخ على نوره : بس .. كافي تحطيم قام من السرير ودخل الحمام ورقع الباب بقوه وراه .. ادخلت ام صالح : شفيكم؟ التفت نوره لأمها بتوتر : مافينا شي .. بس كنت اوعيه يتسبح ويستعد للصلاه .. وتعرفين ولدج اذا بنقعده يسوي لنا حرب .. مرت من جنب امها وتعدها وهي تطلع من الغرفـه : : . . . . . : : دخل المسجد فصخ نظارته الشمسيه وحطها بجيبه وهو يلمح سعود قاعد والمكان جنبه فاضي ..راح ووقف جنبه بعد ماسلم عليه وعلى ماجد .. وشاف متعب الي ابتسم له وسلم عليه هو الثاني بعد حس ناصر بغصه .. سلم على متعب وهو يحس بروحه انشلعت من مكانها .. جلسوا كلهم يستمعون للخطبه وناصر ماكان مع احد .. كل تفكيره في المها من اول ماعرفتها وحبيتها وانا متخيلها لي .. شلون تكون لواحد غيري؟؟ شسوي؟ وش بيدي واسويه ؟؟ : : . . . . . . : : بعد الصلاه حلف سعود على ناصر يجي يتغدى معاهم ووافق ناصر رغم انه ماكان يبي يشوف متعب مب عشان شي بس كل مايتخيل ان هالشخص بياخذ المها منه يضيق ! راح سعود داخل البيت يستعجلهم في الغدا .. مالقى احد بالصاله راح على طول على المطبخ .. لقى المها قاعده على الطاوله وتقطع السلطه ومندمجه بالتقطيع ابتسم .. : خلص الغدا؟ فزت نوره بخوف .. بعد ماسمعت صوته كانت مندمجه تقطع ولما وصلها صوته فزت .. وشقت السكين طرف صبعها شهقت ووقفت وهي ضاغطه على صبعها وعاضه على شفايفها ومغمضه عيونها بألم .. عرفت صوته .. من وين تروح ! هو واقف عند الباب وهي ماعليها شيله ! ولابسه جلابيه من عند المها خاف سعود ولما سمع شهقتها قرب منها في باله انها المها اخته لانها معطتها ظهرها قرب منها ومسك يدها وبخوف قال: شفيج؟ ( رفع نظره لوجهها وانصدم !!! لالا انصعق من الي قاعد يشوفه .. اول مره يشوفها بهالحاله ! كانت تشوفه بنظره فيها خوف والم والدموع ماليه عيونها .. ووجها صاير احمر احراج على الم على خوف .. وكانت ايديها صغيره في يده وترجف بلعت ريقها بتوتر .. ) اما هو كان مب قادر يتنفس حتى ولاقادر يغمض عيونه خايف يغمضها وتروح عنه .. كان ماسك يدها بقوه .. كأنه خايفه لاتروح عنه .. انتبه على نفسه وقال بتوتر : آآنــا اسف ماكان قصـ .... صرخت في وجهه وهي تبكي وتحاول تسحب يدها : عقب وشو تأسف؟؟ عقب ماشقيت يدي ؟؟ عقب ماشفتني وشبعت مني؟؟ بلع سعود ريقه بتوتر : والله ماقصد يانوره .. ( لما حس بيدها تنسحب من يده .. قبض عليها بقوه وسحبها معاه فتح الثلاجه وطلع الثلج .. وراح لعند المغسله فتح يده عن يدها الي كانت كلها دم .. وحطها تحت الولف يغسلها لها .. وبلعت ريقها وهي تمسح دموعها بيدها الثانيه .. وطلع ثلج من القالب .. وحطها على يدها .. ارفعت نظرها له بسرعه تشوف وجهه ماكان يشوفها .. كان كل همه يوقف هالدم تمنى ان ايده هي الي انجرحت ولايدها ! هاليد الناعمه الصغيره .. تمنى لو يقدر يضم يدها لقلبه بس ! مايدرون كم مر عليهم من الوقت ولا انتبهوا لوجود شخص ثالث يراقب وهو يضحك عليهم اسحبت نوره يدها وقالت وخشمها صاير احمر من البكي : عطني الثلج انا بحط لي سحب سعود يدها : انا بحطه ولاني برايح الا لين يوقف الدم .. واذا ماوقف انا بوديج المستشفى ضحكت المها بصوت عالي وهي تعلق : ياعيييينيييي .. بصراحه لقطه ولا اروع ! بققت نوره عينها في المها بخوف وتوتر .. توها تلاحظ ان ماعليها شيله ! سحبت يدها من يد سعود راحت تركض لداخل والمها تضحك وتعلق بصوت عالي تسمعها .. ابتسم سعود ورمى الثلج في الزباله .. وهو يشوف يده فيها دم وثوبه غسل يده .. : خربتي علينا المها وهي تفتح الثلاجه تاخذ لها عصير : ماكان قصدي خخخخخ .. نشف سعود يده : المهم خلصوا الغدا بسرعه .. ميتين جوع المها بعياره : ماظنني بتقدر تغدا عقب عييووون الغزااال ضحك سعود وراح .. : : . . . . . : : كان ناصر يحس انه مكتوم مب قادر يتنفس .. فتح جواله بعد ماطرت على باله فكره .. وفتح رساله جديده وكتب فيها كلام وارسلـه ... لآآتحرموني من ردودكم وتوقعآتكم ~ آختكم ~ { زآآهي آلكحل ~ |
يا عيب الشوووووووووووم عليك يا سعوووووووود بس شاطر على اختك الجازي تضربها لما شفتها مع ساره و ابن عمكم سيف اما انتا طالع نازل تمسك ايد البنت يللي مو حلالك يا عيب الشوم جد انك عصبتني لا و اللي هامك بس انو اخوها ما يعرف انك كنت معها لما انجرحت و ما يربط بين الموضوعين لما يشوف توبك بس اروووووووووووووووئ برجع اعلئ على البارت ككل ثانكس نووووووووف |
كتبت رد طـــــــــويل
حشيت وسبيت وربطت بلعومين في بعض وتشائمت بس ما ادري وين طــــــــــــــــــــار ’’’ اذا حصلت لي وقت رجعت أرد ,,, وذلحين بأحط بعض النقاط ,,, سعود ونوره ,, الله يجمعكم على خير حمد ونوف ,, بدري عالرضا يانويف خليه كمان وكمان ماجد وآمنه ,, انتوا اللي ربطت بلاعيمك ببعض والله يعين قلبك ياامون حمد وساره ,,الله يتم لكم ويرزقكم بالذرييه ويبعد عنكم البنات مقصورات العمر مثل بنت الخال ,, ناصر ,,, تلحلح وأخطب وشكل رسالتك لنوير تسألل مهوي عن رأيها ’’ مها : يختي وش لك بالمطامره على بنات خلق انتظري يجيك واحد لك لوحدك متعب ,,,ياشين ذي الطله ’’حاجز عشان تعفس علينا وبس ,, نـــــ بنت نايفــ !ـــــــــــــــــــــوف كل الشكر لكي ويعطيك ربي ألف عافيه |
مساؤك نقاء النوفي نوفا
حمدالله وصلت اخيرا اممم وش هالبارت الزين فيس راضي اليوم على حمد حمود انتى كذا جرب واشرب من الكاس الا ذوقت نوف منه نوف قربي بوشوشك لاتسمعك سميتك وتطردنا نوفا غمضي شويات امم لوبغيتي اخطط لك تذلين حمود زياده قولي وانا حاضرين لطيبين كككككككككككك امم متعب من وين طلع وشلون يخطب وعنده مره ولا مرته ماتجيب عيال امم ولا مبهذلته بدى لقافة الحريم ككككككككك نويصر تحرك قبل ماتطير الطيور برزاقها سعود وه والله اني حبيتك ككككككك لايسمعني الا عندي خخ شو ها الموقف الغاوي خرعت البنت وجرحت يدها مسيكينه السوري مبروك ان شاء الله حامل دمتي بكل الحب نوفا يسلم ايديك |
امم ماشاء الله كني اشوف ايقونة التعديل موجوده
|
انج وحلم وعذراء قلب
انرتم صفحاتي بطلتكم البهيه لكم كل الود شبيهة القمر لك فقده ورب البيت عسى مايكون مانعك ان القصه ما اعجبتك سير احداثها استلمو اجزاء اليوم |
هلا نوف ..لاحبيبتي بس كنت مشغوووووووووووله الايام اللي فاتت واليوم جالسه اكمل معاكم
|
آلـ ج ـزء آلـ ع ـشرون ~ ~ وقف سعود قدام المها وهو ينشف يده انا بروح اغير ثوبي فوق .. وانتي روحي شوفيها وين راحت .. وشوفي يدها .. وراح سعود لفوق يغير ثوبه عشان بقع الدم الي فيه .. عشان مايثير شكوك أي احد وبالذات ناصر لانه اكيد بيدري عن يد اخته .. ومايبيه يربط بقع الدم الي بثوب سعود .. ويد اخته ! ابتسمت المهـا وراحت تشوف نوره وينها لقتها بغرفتها .. كانت نوره ماسكه كلينكس في يدها وضاغطه على صبعها .. ضحكت المها على شكلها دخلت وسكرت الباب : شهالرومنسيااات من ورانا نورو؟؟ طالعتها نوره بنظره .. ضحكت المها وكملت بعبط .. : آآوووف طيحتي قلب اخوي ذبحتيه ذبحتيه .. ( ضحكت لما شافت وجهه نوره يقلب الوان وكملت بعياره ) لوشفتي بس شلون كان يوصيني عليج .. روحي شوفي وين راحت .. وشوفي يدها .. قاطعتها معصبه : مهوي خلااص مب وقت ملاغتج ضحكت المها وقرب منها تشوف يدها : تعورج؟ هزت نوره راسها : لا .. عندج لزقة جروح؟ فتحت المها الدرج الثاني حق التسريحه وطلعت كرتون لزقة الجروح .. قعدت جنب نوره .. وفتحت لها وحده وين الشق؟ كشفت نوره عن صبعها .. شهقت المها برعب : كبييير خافت نوره .. وقالت : وجع مهوي تخوفيني .. عطيني اللزقه بس المها: قومي اوديج المستشفى يمكن يحتاج خياطه خافت نوره بلعت ريقها قالت بتوتر : خياطه ليش؟ شق هالكبر ( تأشر بنص ظفرها ) تبيني اروح المستشفى عشانه؟ المها : لاتهاونين يمكن الشق الي هالكبر على قولتج يكون عميق من داخل نوره وهي تلزق يدها: لا مب عميق شطفت السكين مادخلت داخل .. قامت المها: كيفج .. المهم انا بروح اشوف الغدا اذا خلص بخلي الخدامه توديج لمجلس الرجاجيل .. وبخليها تحط لنا انا وانتي وامي تعالي تحت .. : : . . . . . : بلعت ريقها بتوتر ولا شي ! نوف وهي تحط التلفون على اذنها الثانيه : نزين على وشو مستعجله ساره توكم معاريس جداد مالكم الا خمس شهور ساره : وهالخمس شهور مابين فيها شي نوف؟ نوف كانت تحاول تبعد افكار ساره الي بدت تغزي مخها قالت بهدوء : هذا انا صبرت سنه ونص والحمدلله بالاخير ربي رزقني .. غمضت ساره عيونها وقالت : حمد ولد عمج ويمكن يصبر عليج .. بس زوجي يمكن مايصبر علي وفكرة ان وحده بتشاركني فيه تذبحني ضحكت نوف : عليج تفكير ياساره .. لايسمعج حد بس ! هو لمح لج شي؟ قال لج انه يبي عيال سألج ليش للحين ماحملتي؟ ساره بضيق: لا للحين .. نوف : بس احمدي ربج ماسأل معناته مب مستعجل مثلج .. لاحقه على هذا كله وربج متى ماكتب انه يجي بيجي تنهدت ساره .. نوف : ساره .. لاتضايقين عمرج وعيشي حياتج ولاتخلين موضوع عادي يأثر على نفسيتج ! واسووم هذي خليها تولي احقريها تراها بزر ساره : بزر؟؟ والله لو تشوفينها يانوف تقولين اكبر مني ومنج .. لما تكلم تحسين وحده حاكتها الدنيا حك وعارفه الحياه عدل وبكل ثقه تكلم في امور اكبر منها نوف: لانها تبي تغيضج .. وطبعا لانج بسرعه تضايقين منها لقتج فريسه سهله .. لاتستسلمين لها : : . . . : : بعد الغدا راحت نوره لبيتهم بتنام وراحت المها فوق تاخذ لها شور سريع .. وام سعود راحت تقيل شوي لين العصر .. اما سعود قعد مع ماجد ومتعب في المجلس طلعت المها من الحمام .. تنشف شعرها اخذت تلفونها توها بتفتحه تشوف المسجات الاربع الي وصلتها الا سمعت صوت امها ! طلعت لها : هلا يمه ام سعود وهي ماسكه بيدها تللفون البيت اللاسلكي : تعالي يمه اختج على الخط تنطرج طارت المها لها : جزووووي فديتها اخذت التلفون منها وكلمتها : آلووووووووووووووووووو الجازي: هلا وغلاااا مهاوي المها: جزوووي بعد عمري والله شخبااارج؟ الجازي: بخير من سمعت صوتج انتي وامي شخباركم انتوا؟؟ المها : كلنا بخير الحمدلله .. شخبار سيف؟ التفت الجازي تشوف سيف الي كان عالسرير وعنده شنطته يطلع منها اوراقه المهمه .. : والله بخير الحمدلله المها : بعد روحي والله لج وحشه الجازي : انتوا اكثر .. الا تعالي مهوي شهالاخباااار المها بأستغراب: أي اخبار؟ الجازي بنبره خاصه: عليييينا .. ؟؟ متعب زين الشباب متقدم لج انحرجت المها وعضت على شفايفها بأحراج : شدراج ياام العلوم؟ الجازي : العصفوره قالت لي .. المها: عاااد من؟؟ الجازي تتصنع العصبيه: يعني لو ماسعود قال انتي مب طاري لج تقولين لي؟؟ ضحكت المها: ماتوقعت سعود بيقولج ههههه الجازي: فديييت روحه مايخش عني شي مب مثلج .. ضحكت المها وكملت الجازي: نزين قولي لي شرايج؟ تنهدت المها: مادري جزوي الجازي: استخرتي؟ المها: أي واليوم لازم ارد خبر حق سعود .. الجازي: شحستي فيه؟ المها : ولا شي ! الجازي : قبل لاتردين لسعود الراي فكري زين هذي حياتج مب لعبه المها: ان شاءالله الجازي بأبتسامه : يلا حبيبتي مضطره اسكر الحين بكلمج عقب .. ( وكملت بنبره خاصه ) واذا اتصللللت في تلفونج مره ثانيه ردي لاتسوين نفسج ثقيله علينا ضحكت المها : والله كنت اتسبح وتوني بشوف التلفون الا امي تناديني .. خلاص تامرين امر يالشيخه ههههه وتحملي بروحج : : . . . . . : : عند الشباب في المجلس كانوا سعود وماجد ومتعب قاعدين على الارض وقدامهم القهوه والشاي .. ماجد : من زماان خاطري في سوق واقف شرايكم نروح نتمشى شوي هناك .. ونتقهوى هناك الجو حلو متعب: انا اسمحوا لي الليله بسري وراي خط طويل لين الرياض وانتوا ناسٍ ماريحتوني من اول ماجيت وانتوا تسحبوني من مكان لمكان ضحك سعود .. وضحك ماجد وهو يقول : انت مب غريب عشان نداريك ونريحك على قولتك .. وراك خط طويل على قولتك ولما توصل بالسلامه ان شاءالله بتسحبها رقده وبترتاح انت مب كل يوم بتجينا هنا ضحك متعب .. وكمل ماجد : اووه عاد خصوصا عقب ماتوافق عليك الشيخه المها .. بترقد احلى رقده ضحك متعب من الخاطر على تعليق ماجد .. وقال وهو يلف يشوف سعود : أي صحصح مارديت لي خبر ابتسم سعود : للحين ماردوا لي خبر والله .. ماجد : قوم فز روح شوفها ماعاد بذا تفكير حللت ام الرجال الي يشوفها يقول بتدخل حرب ماكنها بتزوج ! التفت متعب على سعود : لاوالله ماتقول لها شي .. مابيك تستعجلها ثم تقرر بسرعه قرار هي مهب مقتنعه به خلها على راحتها ولو بغت تفكر شهر خلها تفكر المهم في النهايه تقول قرارها وهي مقتنعه ابتسم سعود بفخر وهو يطبطب على كتف متعب: الله يكتب الي فيه الخير ويوفقك وين ماكنت .. : : . . . . . : كانت نوره قدام المرايا بغرفتهـا تشوف يدها سعود مسك يدي؟؟ للمره الثانيه يمسكني ! غمضت عيونها تذكر الموقف كانت تألم وخايفه في نفس الوقت مب عارفه شتسوي .. تخاف حتى تكلم على سعود ويعصب عليها توها تكتشف في الفتره الاخيره انه يعصب على كل شي ! واذا عصب يخوف .. كل الي قدرت تسوي وشي صار غصبا عنها تجمعت الدموع بعيونها بشكل لا ارادي .. تخاف ترمش وتنزل دموعها ! حست بقبضة يده على يدها وبانت يدها شكثر هي صغيره في راحة كفه .. كان يتحرك بحركه سريعه .. ولاحظت رجفة ايديه وهو يتحرك بسرعه يفتح الفريزر ويطلع قالب الثلج .. يفتح ولف الماي يحط يدها تحته شلون يطلع الثلج من القالب .. ويحطه على يدها كانت يده ترجف لاحظت رجفته .. ارفعت نظرها لوجهه تحاول تفسر رجفة يده ماشافت الا حواجبه مشبوكه ببعض وباين على ملامحه لمحة خوف سحبت يدها لاشعوريا من بين ايديه .. وشافت نظرات الغضب الممزوجه بألاستغراب في نظرته لها حسست مكان يدها راحت تقعد على السرير بس شلون سمحت له للمره الثانيه يمسكني؟ شافتني الممها شبقول لها لو انفتح الموضوع؟ غمضت عيونها وفتحتهم وقامت تطلع من الغرفه .. : : . . . . . : : كان ناصر في غرفته يسكر ازرة ثوبه ماله خلق يطلع بس يبي يطلع من البيت ! يبي يبعد عن الجو الي يخنقه وجودها قريب منه مايفصل بينهم الا طوفه يخنقه .. كل شوي يشك على تلفونه ماوصلته رساله ! حذف التلفون على السرير وراح يطلع له غتره يلبسها اخذ تلفونه وحطه بجيبه واخذ سويك سيارته وراح .. : : . . . . . : من جهه ثانيه فالبيت الي جنبهم وبنفس الوقت كانت قاعده على سريرها وسعود اخوها واقف عند الباب خير مهوي؟ بلعت ريقها بتوتر .. وهي تقلب تلفونها بيدها للحين الرسايل ماشافتهم ! آآ .. متعب متى بيروح؟ سعود : والله الساعه 9 بيمشي بلعت المها ريقها وقالت بصعوبه : آآ ابي اعرف القرار الي بتخذه ماراح يزعل خالتي مني؟؟ ولا راح تغير علاقتنا بهم في المستقبل؟ ابتسم سعود وكأنه عرف رايها : من هالناحيه لاتحاتين .. هذا قسمه ونصيب ومحد بيزعل دنقت المها راسها وقالت بهمس : متعب ماله نصيب عندنا تضايق سعود لانها ردت متعب هو كان يتمنى ان متعب ياخذ وحده من خواته .. لانه رجال بمعنى الكلمه وعنده ماراح يخاف عليها بس ماحب يضايقها ابتسم وقرب منها وقال بحنان الاخ الكبير : متأكده من قرارج؟ هزت المها راسها بتوتر : أي سعود : الله يوفقج يالمها ويرزقج الزوج الصالح .. طلع وسكر الباب وراه لقى امه بالصاله ها يبه بشر؟ وافقت؟ هز سعود راسه وهو يبتسم : ولا لج لوا .. ام سعود : ومتعب ينرد عشان ترده؟ خبل هالبنيه مادري كيف تفكر سعود : يمه فديتج لاتضغطين عليها .. مالها نصيب معاه .. ام سعود : الله يوفقه .. ويوفقها سعود : آمين .. : : . . . : : عند المهـا بعد ماطلع سعود قفلت الباب وانسدحت على السرير تفكر ياربي شسويت؟؟ القرار الي اتخذته صحيح والا تسرعت؟؟ انا .. انا رديته عشان ناصر لاني احبه وابيه وانتي تضمنين ان ناصر بيتقدم لج؟ بلعت المها ريقها ان شاءالله ليش لا؟؟؟ ويمكن لا؟ قعدت على حيلها واخذت موبايلها مافي الا نوره تتصل فيها وتفضفض لها لقت المسجات الاربع وتذكرت انها ماقرتهم ! فتحتهم كانوا 3 من صديقاتها وواحد من رقم غريب ومميـز .. ! ( لاتوافقين ارجوج ) استغربت من هذي؟؟ ووش دراها اني مخطوبه؟ وليش ماتبيني اوافق؟ يمكن ماتدري اني مخطوبه يمكن تقصد شي ثاني ! آآآممم بس مافي شي .. اكيد حد مغلط والا انا من وين تجيني ارقام مميزه كذا .. : : . . . . : : كان سعود قاعد جنب متعب وماجد يلعب ورقه مع الشباب بعيد عنهم شوي لف سعود يشوف متعب كان يشوف الشباب وهم يلعبون ويضحك على تعليقاتهم .. متعب لف متعب عليه: سم ابتسم سعود : سم الله عدوك .. أجل سفرتك كم يوم نبي نستانس معاك ضحك متعب وهو يستعدل في قعدته : لا وين يارجال ام سلطان تنتظرني استغرب سعود : ام سلطان؟ ابتسم متعب: ايه سعود : ماتقول عند اهلها؟ متعب : كانت عند اهلها وابشرك رضت علينا ابتسم سعود بفرحه : زيييين زييين الله لايغير عليكم رد له متعب نفس الابتسامه : آمين يارب سحب سعود نفس .. حس ان نص الحمل طاح مع فرحة متعب برضى زوجته الاوليه عليه وقال بهدوء وهو يراقب ملامح متعب : والله ماني عارف وش اقولك لف عليه متعب بنظره فيها لمحة ابتسامه : ماقلت لك لاتضغط عليها؟ عدل سعود غترته وهو يقول بأحراج: والله يشهد الله علي ماضغطت عليها هي دعتني وقالت لي .. كان متعب يحرك الفنجال الي بيده بهدوء : خير ان شاءالله كان يراقبه سعود حس انه تضايق .. لف عليه متعب بأبتسامه هاديه : الله يعلم ياسعود اني اشري نسبكم والله .. لكن النصيب والله يوفقها ويرزقها بالزوج الصالح ابتسم سعود براحه : تأكد اني ابادلك نفس الشعور يابوسلطان .. ولي الفخر والله رفع متعب يده يطبطب على كتف سعود وهو يبتسم شافهم ماجد لما رفع نظره لهم ابتسم ابتسامه جانبيه وماوعى الا بضربه تجيبه على ركبته من طلال رفيقه : الللللععععععععبببب ياخي كل مره تأخرنا ماجد تخرع من الضربه : لاتمد ايدك علي لا اكسرها لك .. : . . . : . كانت قاعده في غرفتها وتذكر النقاش الاخير الي دار بينها وبين حمد في اخر مره كان حمد يبدل ثوبه داخل .. طلع لقاها بالصاله .. قعد جنبها على الكرسي .. كانت نوف هاديه بشكل غريب مب عارف كيف يبتدي بالكلام ! قعد شهرين يحاول انه يتكلم معاها يوضح لها موقفه .. كانت تمنعه وهو استحمل جفاها وقسوتها معاه .. شبك اصابعه ببعض وقال بتوتر : نوف اسمعيني للأخر وخليني اشرح لج موقفي من الموضوع كله من اول مادخلتي عندي لي اليوم ! بلعت نوف ريقها وهي تسمعه .. وتكلم حمد كان متوتر فالبدايه .. بس بعدين استرسل بالكلام انت عارفه جدي وعارفه علاقتي القويه به وشلون هو متعلق فيني بشكل كان كل شي هو يسويه لي .. كل الي ابيه كان يجيبه لي من وانا صغير ! هزت نوف راسها بالايجاب .. كمل حمد : من اول مابديت ادخل 18 والـ 19 بدا يلمح لي انج بتكونين من نصيبي ! وان مالي غيرج من البنات كلهم حالي حال سعود وساره وسيف والجازي بديت اتقبل الوضع الي انا فيه وماكنت حاب اني اتزوج بسن مبكر كنت حاب اعيش حياتي وبنفس الوقت ماكنت قادر اني حتى ارفض طلب لجدي ! مره من المرات سافرت لدبي مع واحد من ربعي وكان هذا قبل مااخطبج وشفت فاطمه مع امها واخوها الصغير فالمطار كان يجي عندنا .. انا ورفيقي طلب منه رفيقي ان يقعد معانا رغم انه كان صغير ومايعرف شي تعلق فينا .. وبالصدفه اطلعوا معانا في نفس الرحله .. كنا بنرجع للدوحه طلب اخوها ان يقعد جنبنا حتى فالطياره بس صارت شوية لخبطه .. وارفضوا ان يغيرون لان الطياره كانت فل ! ومافي مجال للتغير كلش ولما ركبنا الطياره .. كانت الي جنبي وحده اجنبيه .. طلبت منها بلطف تغير هي تروح مكانه وهو يجي معانا وبكل رحابة صدر وافقت وغيرت مكانها .. وطول الرحله كنت اسأله في أي صف واي مدرسه ومن هالكلام .. ( سكت شوي يشوف ملامح نوف كانت كلها جمود وكمل ) .. ومع كلامه عرفت ان وضعهم المعيشي شوي صعب .. ابوهم متوفي وماله الا امه واخته .. واعتقد تعرفين هم حريم لازم يكون معاهم رجال يسنع امور حياتهم .. ( اشاحت نوف بوجهها عنه .. تنهد حمد وكمل ) قلت اكسب اجر فيه .. يتيم وصغير عطيته كرت فيه رقمي وقلت له متى مايبي يشي يتصل لي على طول ووعدته اول مانوصل للدوحه اخذه واخليه يشتري لوازم المدرسه كلها من قرطاسيات وشنطه ولبس رياضه وثياب وغيره .. عشان مايحس انه اقل من غيره .. وشرطت عليه يشد حيله وويجيب درجات عاليه لاني بكافأه على درجاته .. ( سحبت نوف نفس عميق .. كانت تحاول تخفي دمعه محبوسه في محاجرها .. وكمل حمد بهدوء ) مره من المرات .. طافه الباص بالمدرسه ! واتصل لي من المدرسه عشان ارجعه البيت لان ماعندهم سياره تجيه وجيته للمدرسه وخذيته ودلني بيت اهله .. ( سكت شوي يشوف نوف مازالت جامده .. تنهد وقال ) لو اقولج عايشين في خرابه شوي عليهم ! لفت نوف ناحيته وعيونها مليانه دموع .. صد عنها حمد وقال بهدوء : قال لي بكل براءه لو بيتنا حلو كان خليتك تدخل معاي داخل .. بعد مانزلته ورحت رن تلفوني رقم غريب .. ورديت كان صوت مره كبيره بالسن ماتوقعين شكثر كانت تدعي لي .. وتشكرني طول المكالمه ! مع اني اشوف ان الي سويته شي بسيط وعادي شريت له اغراض مدرسه ووصلته لبيته مره ! ( سكت شوي ولف لجهة نوف وقال وعيونه تلمع ببريق خاص ) وشو احلى من الدعاء؟ ووشو احلى لما تفرحين طفل صغير؟؟ وتكسبين اجر فيه ! ( سحب نفس عميق وقال لما شاف نوف بدت تأثر .. ) كانت حالتهم صعبه .. ماقصرت معاهم بشي كل الي يحتاجونه وفرته لهم بدون مايطلبونه مني .. كانت فاطمه تبي تسوق .. اخذت سياره لهم عشان يقضون حاجاتهم بها وتغنيهم عن الناس وو بعدين خطبتج بشكل رسمي .. ولما تمت الموافقه وصارت مراسيم الملكه واستعداد للزواج مانقطعت عنهم .. ماانقطعت الا فترة شهر العسل لما سافرنا انا وانتي شهر كامل .. ووو ( رفع نظره لنوف .. وقال بغصه ) بصراحه كنت معجب بفاطمه اعجاب بس لفت نوف ناحيته والدموع ماليه عينها لدرجة ان الرؤيه مب واضحه لها .. ذبحها هالاعتراف ذبحهــا كان حمد يحرك يده بتوتر : ووو صغيره بالسن وقايمه ببيت ومسؤليه شباب بسنها مايقدرون يشيلونها .. اتركت دراستها واشتغلت وهي الي تصرف عليهم ... بلعت نوف ريقها تشوفه بغصه .. وكمل حمد وهو يحاول مايحط عينه بعينها : كنت حاب اطلع لهم بيت احسن من البيت الي هم فيه .. ومايصير اطلعه الا ..... ( وحط عينه بعينها ) الا لما اتزوجها ! رمشت نوف بسرعه كانت تحاول تخفي دموعها لكن دموعها سالت مثل السيل المنهد على خدها بكل الم وقهر .. كل الي قدرت تقوله من بين الدموع وبصوت مبحوح : وانــا؟؟ دنق حمد راسه بألم .. ضغطت نوف على الكوشيه الي بيدها : وانا مافكرت فيني؟ مافكرت اني بزعل وبتضايق لما اعرف انك تعامل بجفاااف ومستحملتك وفوق هذا تزوج علي؟ حمد : نوف خليني اكمل كلامي .. صدقيني ماكنت احب فاطمه اكثر منج ... فاطمه اعجاب وبس ووضعها هي واهلها خلاني اسوي الشي هذا .. كانت نوف تكلم وشفتها السفليه تهتز بألم .. : ماتحبها اكثر مني وحاط لها الشمس بأيد والقمر بأيد .. وانا على كل كلمه تهاوشني عليها؟ قرب حمد منها : نوف خليني اوضح لج .. جدي من البدايه افرضج علي ( توها بتكلم .. رفع حمد يده يغطي فمها لاتكلم وقال وهو يكمل ) .. ماكنت متقبلج كزوجه فالبدايه وانا اعرف اني عصبي بزياده بس .. دزت نوف يده ووقفت بقهر : مب متقبلني ليش فالايام الاخيره قبل ماعرف بزواجك كنت تعاملني احسن معامله؟ ليش؟ خدعتني ياحمد خدعتني وقف حمد وضمها : نوف لاتقولين كذا انتي تذبحيني مع كل كلمه دزته نوف : وانت ماذبحتني قبل؟؟؟ كنت كل مااشوفك احس اني اموت فالدقيقه الف مره .. على اسلوبك الجاف والقاسي عمري ماشكيت فيك انك متزوج والا حتى في بالك وحده غيري .. واخرتها تطلع متزوج .. ولااا تطلع زوجتك بالصدفه هي صديقتي ؟؟؟ وبعد حاامل؟ حامل ياحمد كانت شايله ولدك ببطنها ( مدت يدها بققهر تضربه على صدره العريض قدامها وقالت وهي تصرخ بقهر ) : لو مستعطف عليها وحالها مثل ماتقول صعب وخذيتها عشان تعاونها ماخليتها تحمل منك ... ( رددت الجمله بقهر وهي تضربه بكل قهر بأيديها الثنتين على صدره ) ماخليتها تحمل منك .. مسك حمد ايديها الثنتين وضمهم بقوه .. وقال بتوتر: ماكنت ابي .. بس الشيطان يانوف سحبت نوف يدها منه : آآآه كافي تبريرات ياحمد كاافي .. ماراح اسامحك على الي سويته فيني انت قهرتني دمرتني ياحمد حمد بآلم : تكفين نوف سامحيني وخلينا نفتح صفحه جديده .. اوعدج اني اتغير نوف وهي ترجع بخطوات لورا وتهز راسها بخوف : شلون بتغير؟؟ شلون تبيني اصدقك؟؟ وانا صدقتك سنه ونص واخرتها طلعت متزوج علي وزوجتك حامل حمد والعبره نطت لبلعومه بلعها بغصه وقال : بس انا طلقتها يانوف .. وولدها بأرادة الله سبحانه طاح نوف وهي تبكي بضعف : شعقبه طلقته؟ كان كملت جميلك ووقفت معاه بوضعها الصعب على قولتك هز حمد راسها بألم : وقفت معاها قبل لحد ماصارت قادره تصرف على البيت واخوها باقي له هالسنه وبيتخرج وهو الحين بدا يتحمل مسؤليتهم .. نوف تكفين سامحيني هزت نوف راسها وهي تمسح دمعتها انفتح الباب ودخل حمد .. كان شكله تعبان سلم عليها ودخل داخل انسدح على السرير ونام على طول ! حتى بدون مايبدل ولا شي : : . . . . . : : على كورنيش الخليج الغربي الساعه 7 المسـا كان قاعد على طرف سيارته ويتأمل البحر الي كان منعكس عليه لون السما وصاير اسود وهو يفكر بموضوع ياكل قلبه اكل .. وتلفونه بيده كل شوي يشيك يكن تجيه رساله ! طال الوقت عليه من اول ماارسل الرساله ماجاه رد كلش .. كم مره فكر فيها يرسل رساله .. وعقب تردد ورد التلفون جنبه ! وصله صوت مسج وفز ياخذ التلفون .. يشوفه تنهد لما شاف مسج عادي من واحد من ربعه حط التفون مكانه .. وعقب رد ياخذه من جديد وهو يطبع مسج ويرسلـه .. ( ها بشري؟ انا ناصر وانتظر ردج علي على نار ) : : . . . . : : : فليل الساعه 11 ونص غرفة المهـأ ارفعت غطا اللحاف ودخلت فيه وغطت نفسها اخذت تلفونها تضبط المنبه عشان تقوم بكره قبل وقت المحاضره بوقت طويل عشان تناقش الدكتور في بحثها الي سلمتهـا وانتبهت لوجود مسج جديد فتحتـه كان مسج ناصر انصدمت .. ! من وين جاب رقمي؟؟ وشدراه اني مخطوبه معقـوله سعود قال له؟؟ مستحيييل سعود مايقول ماتدري كم مر من الوقت عليها وهي تشوف المسج وبدون ماتحس طبعت اصابعها مسج جديد وارسلتـه كرد ( من وين جبت رقمي؟ ) : : . . . . . : : اليوم الثـاني بعد الغـدا .. كان سعود وماجد خاله وام سعـود قاعدين بالصاله ويشربون شاي بالنعناع وماخذتهم السـوالف .. وابتدوا يدخلون في موضوع زواج ماجد والحاح اخته عليه هو بالذات يتزوج منت ناوي اخطب لك يبه؟ ابتسم ماجد : الله يرضى لي عليج .. كذا مستعجله تبين الفكه مني ام سعود وهي تحط يدها على قلبها : لا والله الا ابي افرح فيك سعود وهو يسوي نفسه يغار من ماجد : افااا يمه اشوفج من اول ماجا مجود صرتي تهتمين فيه .. وتبين تفرحين فيه وانا تكشتين فيني ام سعود وهي تشوف سعود بكل حنان : انت عيوني الثنتين ياحبيبي .. والله يعلم اني ابي افرح فيك اليوم قبل بكره ماجد يتصنع الزعل : اييييه الله يرحمج يايمه لو موجوده كان سمعتيني كلام حلو مثل سعود وامه ضحك سعود .. وام سعود دمعت عيونها وقالت : انا امك واختك ياماجد قام ماجد يحبها على راسها : الله يخليج لنا ويطول لنا بعمرج يالغاليه .. ( والتفت على سعود وقال بنبره خاصه ) نزييين عجل تبين تفرحين بسعود اليوووووم قبل بكره صح ام سعود : أي والله ابي افرح فيكم ياعيالي ابتسم سعود .. بدون مايعلق وعلق ماجد : زين افرحي فيه اليوم ليش لا ام سعود : وهو قال لي يبي يتزوج ؟؟ عشان اشوف له احسن وحده واخطبها له سعود وهو يتفحص امه بنظراته : واذا قلت لج اني ابي اتزوج !! تكلمت ام سعود بفرحه بانت في نظرة عيونها المتلهفه على هالخبر من زمان وقال : هذي الساعه المباركه ومن الحين ادور لك البنت الي فيها خير وتستاهلك ماجد بضحكه : من حاطه في بالج؟ ام سعود ببراءه : ماحطيت في بالي احد كنت ابي ساره وراحت البنت في نصيبها وصلهم صوت المها تنزل الدرج بخفه لالا شهالاخبار الحلوه اليوم ! سعووود بيتزوج اخيرا !!!؟ ضحك ماجد عليها وقال بترحيب : هلاااا وغلاااا بشيخة البنات كلهم .. ياحيالله مهاوي جات المها بسرعه وجلست جنب خالها الي تحبه وهو حاضنها بيد حطت راسها على كتفه وقالت بغنج : وانت متى بتزوج خالي .. ( ارفعت راسها من على جسمه وقالت بفرحه وبغرور ) ابي اكون كاشخه بعرس طبعا انت مب أي احد انت خااالي مجووودي ضحك ماجد على خبالها وقال سعود وهو يتصنع الزعل : وطبعا اخوج ماتبين تفرحين له ولاتبين تكشخين في عرسه المها بخوف : لا والله ماقصد سعود .. بفرح فيكم الاثنين نفس الشي .. بس انتوا تحركوا ( سكتت شوي وعقب قالت ) سعود زوجته موجوده بس انت مجودي يبيلك ادور لك وحده حلوه وتستاهلك ابتسم سعود ابتسامه جانبيه فهم قصد اخته .. ولمح ماجد الابتسامه لانه هو الثاني فهم القصد اما ام سعود ماانتبهت لشي ولانها اصلا ماتدري بشي كانت فرحانه وبس .. قالت : ومنهي الي حاطتها ببالج يالمها بتخطبينها لسعود؟ : : . . . . . : : بعد صلاة المغرب في مجلس الجد بوعبدالرحمن كان سعود قاعد جنب جده الي كان متكي وقدامه الفوايل والدلال .. دخل سعود بتوتر في الموضوع .. : يبه انا بغيت اتزوج ابي اخطب عند ناس .. وابيك تجي معي انت والا واحد من عماني .. التفت عليه بوعبدالرحمن .. وتم شوي يفكـر وعقب قعد على حيله وقال : ........................ لآتحرموني من ردودكم آلحلوه ~ آختكم { زآآهي آلكحل ~ |
آلـ ج ـزء آلوآحد وآلـ ع ـشرون ~ ~ قعد بوعبدالرحمن على حيله بعد ماكان متكي .. وهو يفكر .. قبل سنه تقريبا كانت ساره له .. وفجأه تغير كل شي عشان لايرد اخو دنيته بوعبدالله ( جد حمد زوج ساره ) واصر ان ساره توافق على حمد ! وخرب على سعود وساره كل الي خططوا له لمستقبلهم هدم كل شي بينهم بجمله وحده .. هالجمله غيرت حياة اثنين .. صحيح سعود ماكان يحب ساره بمعنى الكلمه بس كان متخيل حياته معاها ويبني احلامه المستقبليه عليها .. لكنه ماحب يرتبط بها بسرعه بحكم انه مب مستعد ابدا للزواج .. اما ساره فهي كانت تعشق التراب الي يدوس عليه سعود بنت احلاااام وآماال على مستقبلها المشرق معاه .. كانت تحس انها اسعد انسانه لما ترتبط بسعود لانها بكل اختصار تحبه وفجأه يروح كل شي ! حياتها تكون لشخص ثاني غير سعود شخص ماتعرفه لكنه انفرض في حياتها غصب .. حرمتك المره الاولى ماراح احرمك هالمره ياسعود .. لو مهمـا كانت البنت ! من الناس الي بتخطب عندهم ياسعود؟ سعود بأبتسامه : بنت فيصل بن ناصر .. سكت الجد لثواني يشوف سعود .. مب مستوعب الاسم .. قال بتأكيد : فيصل بن ناصر الـ ..... ؟؟؟ هز سعود راسه بالايجاب .. وهو مازال مبتسم : أي يبه اتسعت ابتسامة الجد : ماشاءالله .. صدق الدوحه صغيره سعود : هههه شفت شلون يبه .. في اول مره شفته قال لي نفس الجمله .. الجد وهو يأشر لسعود يصب له فنجال قهوه : ايييه يابوك هذا رفيق ابوك الله يرحمه ابتسم سعود وهو يصب لجده فنجال قهوه .. وجده يشوفه وهو حاس بفرحه غريبه .. وراحه غريبه في قلبه تعلقت عيونه بسعود .. يشوفه بكل حب ورضى والزمن يرجع به لورا .. ايام ماكان سعود عمره 5 سنوات .. قاعد مع جده في نفس المكان هذا ! ووصلهم الخبر خبر وفاة عبدالعزيز بن عبدالله ( ابو سعود ) انهـار بوعبدالرحمن من طوله عظامه بردت وماعادت تستحمل تشيله من قوة الصدمـه توه من ربع ساعه طالع من عنده مافيه الا العافيه .. يبه بروح الشمال بتعشا عند واحد من الربع وبجي حياك؟ بوعبدالرحمن : لا يابوك مافيني شده .. بوسعود بأبتسامه : الي يريحك .. ( والتفت على ولده ) يلا سعود تروح معي؟ هز سعود راسه وهو ينط ويحط يده بيد ابوه .. بوعبدالرحمن : خل سعود هنا يونسني متملل وضايق خاطري بوسعود : قلت لك حياك ماتبي .. براحتك ( وهد يد سعود ) روح عند جدك انا بروح مشوار وبرجع اوكي؟ سعود برفض: لا ابي اروح معاك بوسعود وهو يلعب بشعر سعود الناعم : لا جدك يقول تقعد عنده لازم تسمع كلامه بوعبدالرحمن وهو يأشر لسعود يقعد عنده : تعال ياسعود .. بعد شوي بنروح انا وياك بالسياره .. راح سعود بفرحه لجده وقعد عنده .. وطلع بوسعود وكأنه حاس ان هذي الطلعه ماوراها رجعه ابتسم وهو يشوف ولده بحضن جده .. ورااااآآآااح رجع بوعبدالرحمن على ارض الواقع بعد ماوصله صوت سعود الي كان خايف عليه : يبه شفيك؟ بوعبدالرحمن : مافيني شي يابوك .. سعود : مافيك شي صار لي ساعه اناديك وماترد علي ؟ بوعبدالرحمن وهو يسحب نفس عميق : راسي يعورني شوي .. بقوم استريح داخل وقف سعود مع جده وقال بخوف : اكيد يبه مافيك شي؟ بوعبدالرحمن وهو يبتسم برضى : اكيد يبه اسمحلي يابوك سعود وهو يوخر عن جده: مسموح يبه تذكر بوعبدالرحمن ولف عليه : وجهز عمرك بكره بنروح للعرب نخطب اتسعت ابتسامة سعود : ان شاءالله ... : : . . . . . : : كان ناصر بغرفته منسدح على سريره وكل شوي يشيك على التلفون للحين ماردت علي ! ليكون تضايقت؟ لالا مستحيل انا كنت صادق معاها واكبر دليل ان الرقم عندي من زمان ولافكرت حتى اطرش لها رساله او اتصل فيها ! فجأه فز وقعد على حيله ليكون احد شاف المسج في تلفونها؟؟ اعوذ بالله منك ياابليس رد انسدح مكانه وهو يتذكر الي صار امس كان قاعد في مجلس واحد من ربعه ووصله صوت مسج .. استانس اكيد المسج منها اخذ موبايله وافتحه وفعلا كان منها ! اختفت ابتسامته لما قرا المسج من وين جبت رقمي؟ يعني نست كل شي والموضوع الاساسي والاهم وجات تسألني من وين جبت رقمها هذي تبي تجلطني؟ سحب نفس عميق وطبع مسج ( لما كان سعود بالمستشفى وتلفونه عندي واتصلتي عرفت ان هذا رقمج وخزنته عندي .. اتمنى انج ماتزعلين لاني مافكرت ااذيج بس حبيت اعرف بخصوص موضوع خطبتج وافقتي او لا؟ ) وارسلـه ومن لحظتهـا وهو ينتظر جواب ! لين اليوم الثاني ولاوصله رد .. : : . . . . . . : في بيت سعـود الساعه 9 ونص الليل .. دخل سعود بسيارته في حوش بيته بدون ماينتبه لوجود البنات في الحديقـه .. نزل من السياره .. ولما رفع نظره انتبه لهم .. ابتسم ابتسامه جانبيـه ونوره كانت تعدل شيلتها على راسها عشان مايبين شعرهـا قرب سعـود وهو مشتاق لشوفهـا وقال بهدوء : السلام عليكم هالنبـره الي تعشقها نوره ردوا بهدوء : عليكم السلام نوره حاولت تشوف أي شي الا سعود وفعلا ماحطت عينها بعينـه ! استغرب سعود هدوءهـا .. قال وهو يشوف يدها : شخبار ايدج؟ بلعت نوره ريقها بتوتر : بخير عقد سعود حواجبه وقال وهو يشوفها بنظرات : وليش مخليتها كذا يضربها الهوا؟ سكتت نوره وماعلقت .. قالت المهـا بعبط : يمكن ماعندها لزقه هههه ضربتها نوره بكوعها بالخفيف عشان لاينتبه سعـود وهي تقول بصوت واطي : وجع ان شاءالله على هاللسان الي يبيله قص ابتسم سعود لانه انتبه للضربـه .. بس ماحب يعلق .. راح ركب سيارته وطلع من البيت .. لفت نوره على المهـا : تدرين انج سخيفه المها بعبط : والله؟؟ توني ادري ضربتها المها على كتفها بقهر : جب بس جب .. المها وهي تضحك : شفيييج .. يعني صدق ماعندج لزقه؟ نوره : من قالج ماعندي .. ومن قال لج اصلا تجاوبين عني المها وهي تضحك : هههه نزين ليش ماتكلمتي؟ مااخبر هاااديه دايما لسانج يلعلع نوره : مالج خص كيفي مابي اتكلم معاه اخوج المعقد ضحكت المهـا .. ودخل سعود من جديد بسيارته وعدلت نوره شيلتها : هذا يعني بيقعد كل شوي رايح راد .. ( وقفت ) يلا انا بروح بيتنا تأخرت المها وهي توقف وتنفض ثوبها: وييين تو الناس نوره : تعالي واقعدي عندي لين 9 على الاقل وعقب قولي تو النـاس .. بروح ضاق خلقي المها : شدعوه النوري زعلتي؟ ابتسمت نوره بضحكه : لاشدعوه مهوي بس ماقدر اتاخر .. صدقيني الحين بتجيني تهزيئه محترمه على هالتأخير وان تأخرتي مانتي ببيت غرب .. بكره بتصيرين انتي راعية البيت بققت نوره عيونهـا بصدمـه ! كان هذا صوت سعود الي واقف وراهـا .. شيقصد بصير راعية البيت؟؟؟؟؟؟؟؟؟؟؟؟؟؟ تكرر هالسؤال في بالها الف مره ولالقت له الا جواب واحد واضح من السؤال سعود بيسويها وبيتقدم لهـا .. جمدت مكانهـا وصارت يدها ترجف بتوتـر جا جنبهـا ومد لها الكيس الي بيده كان كيس صيدليه فيه مطهـر وكيسة قطن وكرتون لزقـات قالت بهدوء: شنو هذا؟ سعود بأبتسامه : شتشوفين غير كيس صيدليه؟ نوره تحاول تسيطر على توترها : شايفني مريضه انفجر سعود يضحك انقهرت نوره كتمت المهـا ضحكتهـا قال سعود وهو مازال يضحك : خذيهـا فيه مطهر طهري به جرحج .. وحطي لزقه عليه لفت نوره بتروح بدون ماتاخذ الكيس انصدم سعـود وهالحركـه حزت في خاطره كثير .. اختفت ابتسامته سحب نفس عميق وقال بصوت حازم : نوره وقفت نوره بدون ماتلف له : نعم سعود بحزم : انا للحين ماد يدي بالكيس نوره تحس شوي وبتبكي : كثر الله خيرك .. ليش تكلف على نفسك الحمدلله متوفره عندنا بالبيت مد سعود الكيس للمهـا واشر لها تروح تعطيه نوره وقال بصوت جامد ممزوج بغضب خفيف : حطي فبالج مره ثانيه ان مديت لج شي لاتعطيني ظهرج وتروحين تاخذينه غصب عنج وراح داخل وهو معصب مايبي يكلم احد .. وقفت المهـا قدام نوره وهي حاسه بالجو تكهرب .. مدت لها الكيس : نوره فديتج اخذيه نوره مازالت معانده صدت للجهه الثانيه : مب محتاجته .. ( وردت تشوف المهـا ) وش قصده من هذا كله؟ المها : مايقصد شي صدقيني .. بس هو حاس بالذنب لانه خرعج ذاك اليوم وانشقت يدج اشاحت نوره بوجههـا .. : ووش يقصد بكره بتصيرين راعية البيت؟ ابتسمت المهـا : لانه ناوي يتقدم لج انصدمت نوره .. ولفت تشوف المهـا بصدمه وقال بهمس: شنو؟ المها : الي سمعتيه ( وغمزت لها ) بلعت نوره ريقها بتوتر : ومن قال اني بوافق عليه؟ انصدمت المهـا ونطت عبرتها لبلعومها: ليش؟ نوره : قلوا الرجاجيل عشان اخذه؟ غمضت المهـا عيونها بقهر وفتحت والدموع ماليتهم وقالت بصوت مخنوق : لين هنا وخلاص يانوره .. اخوي رجال غصب عن الي يرضى والي مايرضى والف وحده تمناه .. ويابختها الي بتكون من نصيبه .. ومااسمح لج ولالحد غيرج يجرح رجولته سحبت نوره نفس عميق وقالت بتوتر: مهوي ماقصد الكلام الي تقصدينه .. بس اخوج كشخص انا رافضته شلون تبيني ارتبط فيه واعيش معاه ؟ المها : يتقدم لج مثل الرجاجيل كلهم .. وانتي فكري وردي رايج لابوج .. ومااعتقد اذا رفضتي ابوج بيغصبج ! اذا ماكان له نصيب معاج فأكيد نصيبه عند غيرج مسحت نوره دمعه سالت على خدهـا وتعدت المهـا وراحت بتطلع من بيتهم .. والمهـا تراقبها بنظراتهـا الله يهديج يانوره .. وتوافقين عليه ليتج تعرفين شكثر يحبج : : . . . : : : : اليـوم الثاني الصبـح للأسف يأسفني اقولكم هالكلام .. بس النتيجه طالعه عندي انج ماتجيبين عيال ! كانت الكلمـه مثل الخنجر الي يطعن بجوفهـا طعن ! للحظه وقف الاكسجين فالجو ماعاد تقدر تنفس .. حطت يدها على فمهـا تكتم عبرتهـا ماوعت الا بيده تشدد قبضتها على كتفه : ساره اذكري الله هذا المكتوب هزت ساره راسها بالايجاب وهي تغمض عينها بألم وتنزل دمعه حاررقه حرقت خدهـا مات الحلم حلم الامومـه والحنـان .. حلم انهـا تشوف عيالها قطعه منهـا حلم انهـا تشيله في بطنهـا وتتعب في ولادتـه تشيله بين ايديهـا تسهر على راحتـه تأكله تلاعبـه تدرسـه تحلم فيـه وتطمـح انه يكون فالمستقبل له منصب ويكون انسان ناجح مثل كل ام سـاره وصلها صوته الي صحاها من عالم غريب ورجعها لأرض الواقع حمد وهو خايف عليها : وصلنا البيت ! ساره بعيون ماليها الدمـوع قالت بصوت مخنوق: ممكن توديني حق امي؟ نزل حمد راسه وهو يتنهد : ان شاءالله رجع بسيارته يطلع من البيت رايح لبيت اهل سـاره .. وهو يفكـر فيها يمكن هو اكثر شخص كان عارف لهفتها على انها تحمل .. : : . . . . : : : الظهـر غرفـة حمد ونوف كان قاعد يشوف التلفـزيون وهو ياكل سندويتش ونوف الي بدا بطنهـا يكبر وشكلها يحلو مع الحمـل كانت لابسه نظاراتها الطبيـه وبيدها اوراق عمل للطلاب تصححهم وكل شوي تسرع النظـر له تشوفه مندمج ياكل وهو يشوف مباراة على التلفـزيون وجهه خالي من أي تعبير ! لما خلص وقف : انا بقيل شوي .. اذا ماقمت قوميني الساعه 4 اوكي؟ هزت نوف راسها بالايجاب: اوكي .. دخل حمد الحمـام يرش على وجهه ماي بـارد يمسح على شعره كله يوديه لورا خلاص تعبت تعبـت .. مب قادر استحمـل كل ماتتقدم في مراحل الحمـل يزيد شكلها احلى طلع وعلى طول انسدح على سريره يحاول يبعد هالافكـار عنه لحد مانـام : : . . . . . : : من سـاعه كانوا توهم الجـازي وسيف واصلين من المطـار كانت الجـازي حاسه بتعب فسرت ان هالشي لانها مرهقه من السفر انسدحت وعلى طول نامـت وسيف من اول ماوصل على طول حط راسه ونـام لانه كان مواصل .. وتحت عند ساره وامهـا الي بكت لحد ماتورمت عيونهـا يمه اانا ماجيب تعرفين شنو ماجيب ام عبدالله وقلبها يتقطع على بنتها الف قطعه : حبيبتي هذا المكتوب الحمدلله على كل حال ساره وهي تشاهق: بيخلني يايمه وبيتزوج علي وحده تجيب له عيال .. انتوا بلشتوني بهالعرس انتوا الي غصبتوني ام عبدالله : يابنتي يعني اذا خذتي سعود كنتي بتجيبين؟ نفس الشي وهذا نصيبج والي الله كاتبه لج واللهم لااعتراض غطت ساره وجهها بأيديها تبكي بكل الم وحرقـه وضمتها امها لصدرهـا تحاول تهديها وهي تبكي حال بنتهـا : : . . . . . : : بعد صلاة المغرب في مجلس بوصالح .. كان بوصالح وعياله ناصر وصالح عندهم بوعبدالرحمن وسعود وماجد الي جا لان سعود اصر عليه يجي بعد ماتقهـوا تكلم بوعبدالرحمن : ندخل في موضوعنا ياجماعة الخير بوصالح بأبتسامه : سم يابوعبدالرحمن بوعبدالرحمن : سم الله عدوك .. حنا جاايين ويشرفنا نطلب النسب منكم في بنتكم نوره لولدنـا سعود على سنة الله ورسوله التفت بوصالح يشوف عياله ورد يشوف بوعبدالرحمن : هذي والله الساعه المبـاركه والشرف لنـا .. وسعود رجال والنعم فيه بوعبدالرحمن : ساعتك ابرك يابوصالح .. شوفوا البنت واخذوا وقتكم تسألون عنه وتبخصونه عدل وعقب ردوا لنا الراي بوصالح بأبتسامه : من هذي الساعه يجيك الراي .. حنا اهل وسعود ولدي والله يعلم اني ماشفت منه الا اعلوم الرجاجيل الي فيهم خير ومايحتاج انشد منه وبينا عمر يابوعبدالرحمن .. وولد عبدالعزيز نسبه ينشرى .. بوعبدالرحمن : ماعليك زود يابوصالح ومن طيب اصلك .. بس هذي امور الخطبه ولازم البنت تدري وتقول راسها بوصالح وهو يوقف : على ماتشرب فنجالك يجيك الرد .. التفت سعود يشوف ماجد وابتسم ماجد ابتسامة جانبيـه .. وراح بوصالح داخل .. : : . . . . . : : طلعت الجازي من الحمام وهي تخفي ابتسامه طالعتها المهـا مستغربه : شفيج طالعه من الحمام تضحكين؟ الجازي وهي تقعد عالسرير جنب المها وقالت بغنج : لاني حامل نطت المها : والله؟؟؟؟؟؟؟؟؟؟؟؟؟؟ الجازي بعياره : يوووه مهوي لاتناقزين يمكن يضر الجنين ضربتها المها على كتفها : ياشيخه رووحي .. ههههه توه للحين ماتكون تقولين يضره عطيني خليني اكلم سيووووف خليني ابشششششششره عشان يعطيني البشاره بققت الجازي عينها فيها : حبيبتي محد بيبشره غيري انا .. شتبين انتي؟ المها وهي تناقز : تكفييين جزوي ابي ابشره ابي البشاره الجازي : وانتي على بالج اذا قلتي له بيستانس وبيعطيج البشاره؟؟؟ المها بأستغراب: هاا؟ الجازي : لا حبيتبي مايحب .. المها : ليش؟ الجازي : لازم هو اول واحد يدري .. وان درى انج دريتي قبله بيعصب المها وهي تكتف: عشتوووو من متى سيوف يعصب ولازم هو اول من يدري؟ ضربتها الجازي بضحكه : مهوووي لاتقولين عنه كذا المها : والله واجد معطيته وجه .. الجازي بحالميه : فديييته شيخ الشباب .. اشتقت لصوته قومي اطلعي برا بكلمه المها: غرفتي ماني طالعه روحي غرفتج الجازي : مهوووي 5 دقايق بس شهقت المها : لا واجد الجازي : روحي شوفي سعود جا والا لا عشان نعرف شصار معاهم المها وهي ترقص حواجبها بعبط : ماني طالعه بقعععد خبطتها الجازي بالمخده : لانج سخيييفه : : : : . . . : : : بالمجلس عند الرجاجيل بعد ماطلع بوصالح كان سعـود متوتر .. خصوصا كل مايتذكر موقف امس يتوتر زياده اكيد بترفضني اصلا متى صار بيني وبينها شي حلو يخليها حتى تفكر توافق بس !!! كله هواش وخناق .. ضربه ماجد بكوعه : الي ماخذ عقلك التفت عليه سعود بعصبيه وقال بصوت واطي : محد ماخذ عقلي غيرك ماجد بغرور : احم احم سعود : لحد يتشقق علينا بس ماجد بثقه : عارف ان الي جايين نخطبها لك هي الي ماخذه عقلك بس معليه نمشيها لك اليوم ضحك سعود غصبا عنه وقال : الله يعطيني طولة العمر واشوفك في يوم بنفس مكاني ماجد بعبط : ليه هم عندهم بنات غير خطيبتك؟ طالعه سعود بنظره .. وعقب قال : يالعبيييط اقصد نشوف بيوم .. رايح تخطب وتحرقص تنتظر الرد مثلي ضحك ماجد : اهااا توني افهم .. لاتطمن انا ماراح اروح الا من بعد مااعرف ردها سعود بضحكه : آآوووه شكلك ناوي تضبط من البدايه عشان تضمن عقب ماجد وهو يعدل غترته ويضحك : طبعااا .. شفت شلون : : : . . . : : كانت قاعده بغرفتها وتكتب المحاضره الي طافتهـا من دفتر وحده من زميلاتهـا انطق الباب .. ودخل ابـوها فزت تسلم عليه : هلا وغلاااا ابتسم ابوها وهو يحط يده على كتفها ويضمها له : اهلين ببنتي الغاليه .. تعالي اقعدي يابوج نوره حست بنغزه .. توترت وجلست جنب ابوها على السرير : خير يبه ابتسم بوصالح ابتسامه مريحه : خير ان شاءالله .. توترت نوره وتكلم ابـوها : في ناس جايين يخطبونج بلعت نوره ريقهـا وكمل ابوهـا : ناس اجاويد وفيهم خير ومن قبيله معروفه فالبلد ولها صيتها .. ناس ينشرى نسبهم انا ماعندي من البنات الا انتي وتأكدي يانوره اني ماراح اوافق على احد الا اني اعرف انه كفو ويستاهلج .. وانج عنده ماتنضامين هزت نوره راسها بتوتر بالايجاب بدون ماترد بكلمه .. وكمل ابوهـا .. : انا جاي اشوف شرايج والعرب ينطروني فالمجلس بلعت نوره ريقها بتوتر وهي ميته من الاحراج .. لان ابوها يفاتحها بموضوع مثل هذا تمنت لو ان ابوها خلا امها تكون وسيط بينهم في هالموضوع يمكن تقدر تكلم براحه وتقدر تسأل على راحتها .. بس لانه ابوهـا ماتجرأت تسأل حتى عن اسمـه .. قالت بتوتر : انت موافق يبه؟ ابتسم بوصالح : الصراحه يانوره انا من زمان اتمنى انه يتقدم لج .. انا مااعتبره جار وبس ! ولاولد صديقي المرحوم .. اعتبره ولدي والله يشهد .. ويشرفني يناسبني وياخذ بنتي الوحيده فتحت نوره عينها على كبرها وقالت بتوتر : سعود؟ بوصالح بأبتسامه : أي سعود جارنـا بلعت ريقهـا .. والعبره نطت لبلعومهـا سواهـا ؟؟ قول وفعل ياسعود ارفعت نظرها كانت تشوف ابوها ينتظر رد منها توترت ونزلت نظرهـا .. وفي داخلها صوت يصرخ لا لاتوافقين لاتواافقين غمضت عيونهـا وقالت : ............................................. لآتحرموني من ردودكم وتوقعآتكم ~ آختكم {زآهي آلكحل ~ |
آلـ ج ـزء آلـ ث ـاآني وآلـ ع ـشرون ~ ~ غمضت عيونـها وقالت بتوتر وهي تفتح عيونها تشوف ابـوها .. :الي تشوفه يايبه ابتسم بوصالح برضى ومسح على شعرها القصير : الي انا اشوفه يابنتي غير عن الي انتي تشوفينه ابي رايج انتي .. بكل براءه سألت ابوها : انت شرايك يبه؟ بوصالح وهو يبتسم : انا قلت لج رايي .. يشهد الله اني تمنيته لج ماراح القى لج احسن منه .. ولو الله ماكتب لج نصيب معاه وجاني واحد مثله بوافق عليه بعد .. نزلت نوره راسها .. بخجل وبخوف من الايام الجايه والي بتشيله معاها كمل بوصالح بهدوء : حطي فبالج انا هنا اتكلم عن شخصية سعـود .. مااتكلم عن امور ثانيه مثل قرب البيت والمعرفه القديمه بينا وبينهم وهكذا .. سكتت نوره بدون ماترد لآبوها الي فهم من حركتهـا انها موافقه حبها على راسها ودعا لها بالتوفيق وطلع يرد الخبر لبوعبدالرحمن وعياله .. فرح سعود من الداخل كان وده يقوم يرقص يغني يرزف يسوي أي شي تعبير عن وناسته .. لكن كان ماسك نفسه قدامهم فرح ماجد من الخاطر لانه عارف بنص معاناة سعود لان سعود ماكان يقول له كل شي اتفقـوا بكره تكون الملكه والعشاء مره وحده هالمره سعود هو الي استعجل بالملكه .. بعدها اطلعوا ثلاثتهم من مجلس بوصالح وصل ماجد بوعبدالرحمن على طريقه لبيته فالريان وهو رايح للشحانيه لواحد من ربعه .. اما سعود راح لبيته يبشر امه الي من اول مادخلت فزت جايته هلا يبـه .. ضمها سعود وحبها على راسها بقوه وقال ببراءه : تكفين يمه ادعي لي في كل فرض .. في كل سنه .. تدرين ادعي لي وانتي قايمه وقاعده ضحكت ام سعود وقالت وهي تحط يدها بيد ولدها وتروح تقعد معاه عالكرسي : والله اني ادعي لك انت وخواتك دوم ياحبيبي سعود : فديتج يالغاليه الله يطول بعمرج .. ماسألتيني شسوينا ( قالها وهو يتمدد على الكنبه ويحط راسه على فخذ امه تدلكه له ) ام سعود وهي تدلك راس ولدها : مايحتاج سؤال المفروض تقول لي على طول وانا الي انتظرك على نار حب سعود ركبة امه وقال : اقولج مبروك خطبة ولدج ياام سعود .. وبكره الملكه ان شاءالله فرحت ام سعود فرحه ماتنوصف .. ودمعت عيونها مب مصدقه الي سمعته قعد سعود على حيله .. وضمته امه بقوه وهي تبكي بفرحه .. سعود وهو يهديها: مادريت طاري ملكتي يصيح لهالدرجه هههههه ام سعود وهي تمسح دموعها بطرف شيلتها قالت بصوت متحشرج : قربوك؟ هز سعود راسه : أي يمه بسرعه رد لنا الخبر .. واتفقنا الملكه بكره ام سعود : ليش بكره؟ انا ابي اجهز لملتك سعود وهو يرد يحط راسه على فخذ امه : يمه خلوا منكم هالخرابيط عشا والسلام عليكم .. والله يبارك ويوفق ام سعود : الله يبارك لك ويوفقك .. بس يبه انت ولدي الوحيد وابي افرح لك .. ولاتنسى بعد هي بنتهم الوحيده ويبون يفرحون فيها سعود : بتفرحون فالعرس ان شاءالله شوي ويوصلهم صوت المهـا والجازي وهم ينزلون الدرج كولولووووووش ... مبروووووووووووك المهـا وهي تحب سعود بقوه : يوووه بصراحه ماتوقعت موضوعكم انتوا بالذات بيصير بسرعه ( غمزت له ) ضحك سعود وقال بخبث: بعد تعرفين اخوج الجازي : سعود مبرووك فديتك .. والله يوفقك ويهنيك يالغالي سعود : الله يبارك فيج جزوي .. ( كمل بعياره ) عقبال سيف هههههه تخصرت الجازي وقالت بخوف : نعععععم؟؟؟؟؟؟ ضحكوا كلهم عليها .. وصدت عنهم بلفيت زعلت ضحك سعود وقال وهو يحبها على راسها: يخسي عشان احش رجيله حش .. وين بيلقى احسن من جويزي الجازي بدلع وهي تلف شعرها : على بالي بعد المها وهي تحضن الكوشيه بين ايديها: متى الملكه؟ سعود: بكره شهقت المهـا : شنوو؟؟ ليش مستعجل كذا قام وقف سعود وهو يلبس غترته الي رماها جنبه : بس كذا .. يلا انا رايح الدوحه شوي تامروني بشي؟ الكل : سلامتك .. : : . . . . . : : الساعه 9 ونص المسـا في سيارة سيف بعد مااخذ الجازي من عند اهلها وهو راجع للبيت كان شابك يده بيد الجازي .. ألي كانت منحرجه مب عارفه شتقول او شلون توصل له الخبـر كانت تراقب ملامح سيف .. هاديه مرسومه عليها ابتسامه وهو منتبه للطريق سيـف .. صوتها الناعم وصل لمسامعه بلطف .. رد عليها وهو هايم فيها : عيـونه وقلبه وروحـه .. آمريني انحرجت الجازي واضغطت على يده اليمين الي شابكه بيدها وقالت بخجل : مايامر عليك ظالم .. عندي لك خبر قبل مااقوله اول ابي اعرف شبتعطيني ضحك سيف : الاخت ماديه .. تبين تعرفين شبتقبضين قبل ماتقولين ههههه على حسب الخبر ابتسمت الجازي وقالت بخجل : انا ... آنا حاامل هدووووووء يعم اجواء السيـاره لمدة ثواني ثواني معدوده بس عشان يستوعب سيف الخبـر وهو يفكر بداخله .. الجازي حامل؟؟ الجازي حامل ببطنها ولدي؟ او بنتي !!! اتسعت ابتسامته .. بفرحه غاامره غمرت قلبه وهو يلتفت لها شوي وشوي يلتفت يشوف الطريق قدامه .. وهو يضغط على يدها ويقول بفرحه مبروووك .. الف الف مبروووك والله احلى خبر سمعته بحياتي انحرجت الجازي .. وفرحت لردة فعله .. ردة بخجل : الله يبارك فيك سيف: تستاهلين ياام عبدالعزيز ابتسمت الجازي وهي تشوفه : مب مسمي حمد على ابوك؟ ابتسم سيف: عبوود بيسمي حمد .. وانا بسمي عبدالعزيز .. مانبي نكون اثنينا بوحمد ههههههه فرحت الجازي .. لانه بيسمي اول واحد على ابوها وعمه بنفسه الوقت التفت لها سيف وقال وهو يشدد على قبضة يدها : ودي اكافئج على هالخبر الحلو انحرجت الجازي : بشنو؟ سيف : مادري المشكله قايله لي فليل الحين مافي شي مفتوح ههههه .. خلينا نروح الخليج الغربي عالبحر شرايج؟ الجازي بفرحه : فكره حلوه والجو حلو للقعده عالبحر .. : : : . . . . . . . : : عند سـاره بعد ما بكت وبكت لين جفت دموعهـا غسلت وجهها بماي بارد .. لان حمد زوجها اتصل فيها وقال بيجيها ياخذهها الحيـن تأكدت من ان شكلها اوكي البست عبايتها وراحت تحت للصاله تنتظره وهو ماوصل اتصل عليها عشان تطلع له اطلعت على طول .. وهي تعدل شيلتها على راسها وتغطى بطرفهـا اركبت وسلمت بهدوء .. وتمت ساكته لين وصلوا البيت وهو ملاحظ سكوتهـا مايعجبه دخلوا قسمهم راحت تفصخ عبايتهـا قرب منها حمد سـاره لفت له بصوت مبحوح : هلا انصدم حمد من منظر عيونهـا المتورمه من البكي .. وشكلها الذبلان حس بخنجر يطعن بجوفه وهو يشوفها بهالحال ضمها لصدره بقوه : ليش تسوين في نفسج كذا؟ ماقدرت تستحمل ساره .. كل قوتها الي احتفظت فيها راحت من لامست صدره انخرطت في البكـا تبكي بكل الم حمد وهو يكرر سؤاله وهو يمسح دموعها : ليش تسوين في نفسج كذا ياساره؟ انتي مؤمنه وراضيه بقضاء الله وقدره ساره وهي تحاول تهدها: والنعم بالله حمد : الطب تطور .. واملج بالله قوي لايضعف ارفعت ساره تشوف حمد بعيـون ماليها الدموع بكل براءه وخوف سألته : خايفه تخليني ياحمد حمد مستغرب: انا؟؟ انا اخليج؟؟ الظاهر انج للحين ماتعرفين انتي شنو بالنسبه لي نزلت ساره راسها بحزن .. ابتسم حمد : سمعتي عن حد يستغني عن روحه؟ بكل براءه ارفعت ساره راسها له وهي تهزه له بالنفي اتسعت ابتسامة حمد وقال : انتي روحي وقلبي وعمري وحياتي كلها .. ماقدر استغني عنج لو شيصير فجأه وكأن ساره تذكررت شي : واهلك دروا؟ حمد : لا للحين .. ماعليج من حد دام اني موجود.. وانا اوعدج اخذ اجازه واوديج عند احسن دكتور مختص في العالم عن هالامور .. وانتي بعد لاتنسين تلحين بالدعـاء والله بيرزقج ان شاءالله اوكي؟ قالها وهو يمسح دموع ساره ومسحح على شعرها كأنها طفله صغيره قدامه ابتسمت بكل براءه وبصوت مبحوح قالت : ان شاءالله .. الله لايحرمني منك ياحمد ضمته بكل قوه كأنها خايفه لايروح عنهـا وضمها حمد بقوه يحسسها بوجوده معاها دوم : : : . . . : : مرت اليوم على الكل وكان صعب على البعض والبعض الاخر عادي ناموا الليـله على آمل يكون بكره احسن من اليـوم الصبـح السـاعه 10 ام سعـود تجهـز الفوايل والسويتات مع الخدامه وتشاركهم المهـا بنتهـا وسعـود طلع للدوحه يخلص له كم شغله ويتفق مع مطبخ شعبي يجهز عشاء الملكه للرجاجيل الي بيجونه في مجلسه بعد الملكـه اما ماجد كان نايم فالبيت الي جنبهم كانت نوره بغرفتها من اول ماقامت ماطلعت منهـا تفكـر في مجرى حياتها فجأه تغير ! امس انا اتهاوش معاه ولا احب اشوفه حتى اليوم بينكتب كتابي عليه؟؟ سعود بيكون لي؟؟؟ شمعنى اختارني انا من بد البنات كلهم وليش طلب نتملك بسرعه؟ وليش ابوي استعجل فالرد عليهم؟؟ قامت فتحت الستاره تطل من الدريشه بما انها تطلع على بيتهم ماشافت سيارته فالحوش .. ردة قعدت شفييني؟؟ من اول ماقمت وانا اروح اطل على بيتهم انطق باب الغرفه فزت نوره متخرعه .. سحبت نفس عميق وراحت فتحت الباب لقت امها تشوفها مبتسمه بفرحه .. ضمتها بقوه : صبحج الله بالخير يادلوعة البيت ابتسمت نوره .. : صبحج بالنور يالغاليه مسكتها امها بيدها : تعالي تريقي معاي اليوم نوره : ماشتهي يمه ام صالح : بتشتهين اذا جيتي شفتي الريوق نوره وهي تروح مع امها: ترى عشانج بس بنزل هههههه : : . . . : : رن التلفـون كانت منسدحه عالسرير وتعبانه حتى ترفع يدها رد عليه مدت يدها غصب وردة بصوت تعبان حتى بدون ماتشوف اسم المتصل : هلا نوف الي قاعده بغرفتها تشوف التلفزيون اتصلت في ساره اختهـا : اهلين شخبارج؟ ساره وهي تستعدل فالقعده: الحمدلله بخير .. شخبارج انتي؟ نوف: بخير الله يسلمج .. ها صوتج تعبان ساره : عشان توني قايمه من النوم نوف: كنتي نايمه وصحيتج ؟ ساره: لاعادي .. زين قعدتيني الساعه كم؟ نوف وهي تشوف ساعتها: 10 ونص ساره : طولت فالرقده نوف: حمد وينه ساره : بالدوام اكيد ضحكت نوف : حبيبتي أي دوام اليوم السبت اجازه هههههه ابتسمت ساره بتعب وهي تمسك راسها: شفيني راسي داير ههههه عجل اكيد تحت مع اهله .. ابتسمت نوف : بتروحين معانا بيت سعود؟ ساره بأستغراب: ليش؟ نوف: بنبارك لام سعود بملكته اليوم ثواني معدوده مروا .. كانت ساره ساكته فيهم تفكـر سعود بيتزوج؟ سعود بيكون من نصيب وحده ثانيه؟ لاتكونين انانيه ياساره هذا انتي من نصيب غيره نوف حست بأختها قالت بحزم : سااره انتي على ذمة رجال غيره .. حرام الي تسوينه مب قادره تنسين سعود ساره وهي تمسح على شعرها: شسويت نوف ههههه انتوا متى بتروحون؟ نوف: بعد المغرب ان شاءالله احنا اهله ونبي نكون موجودين معاهم ساره: خلاص اوكي ... : : . . . . : : قعدت نوره عالسرير مبوزه ماعرف اتمكيج كللللش .. وانتوا بعد الله يهديكم يمه استعجلتوا بالملكه كان عالاقل عقب اسبوع عشان استعد لها ام صالح : يابنتي الرجال هو الي استعجل بالملكه شتبينا نقول ..؟ نقول لها لا وحنا مقربينه؟ بعدين هذي لطيفه عندج تبرعت انه تمكيجج محد بيجيج هنا الا بنات خوالج وعمامج .. محد غريب لطيفه مرت صالح : بمكيجج مكياج ناعم احلى مايناسبج الثقيل .. بس شبتلبسين؟ قامت نوره تفتح الكبت وطلعت فستان اوف وايت استرج .. اكمامه طويله وموديله جاي بطريقة اللف ومربوط من جهه وحده ولما تمشي تبين ساقها شوي من تحت هذا الفستان الوحيد الي للحين مالبسته ومحد شافه لطيفه عجبها الفستان : واااو راقي بصراحه بيطلع يجنن عليج .. شعرج اوريدي ناعم مايبيله استشوار بس خليني اسويه لج ويفي بالفير .. تقدمت نوره خطوه وقالت : انا بكبري قدام سوي الي تسوينه بس المهم يطلع شكلي حلو فالنهايه لطيفه غمزت لها اوكي .. قعدت نوره وسوت لها لطيفه شعرها كله بالفيـر وضبطته لها ورشة كم رشة اسبريه عليه عشان يثبته ومايخترب من نعومه شعرهـا ومكيجتهـا مكياااج ناااعم كان عباره عن بودره صافيه على صفاوة بشرتهـا وخطت لها لكحله على طريقة الستينـات وحطت لها روج عنابي .. طالع شكلها انيـق بعد مالبست الفستـان وعقد ناعم عندها وصندل فضي راقي .. لفت نوره تشوف شكلها الكلي بالمنظره ابتسمت بفرحـه .. تسلم ايدج يافنـانه .. انطق الباب نوره : من؟؟ ناصر: انا ناصر عدلت لطيفه شيلتها على راسها : حياك ياناصر دخل ناصر وانبهر من شكل نوره كان متعود على شكلهـا كله ببجامه او بناطلين وشعرها ناعم وقصير كله تحب تفتحه هالمره غير بفستان اوف وايت يبرز معالم جسمهـا الانثوي ولمسات لطيفه الي اضافت حلاوه على حلاوة ونعومة ملامحهـا وطريقة الشعر الويفي كانت غير بمعنى الكلمـه ابتسم ناصر بأعجاب وعلق: عروس بمعنى الكلمه انحرجت نوره وولع وجهها احمـر : نصور عاااد ضحك ناصر ومد لها الورقه : نبي توقيعج يالشيخه بلعت نوره ريقها تشوف لطيفه الي كانت واقفه شوي بعيد عنهم .. وتبتسم لنوره في هاللحظه خلت امهـا اخذت نوره القلم من يد اخوهـا بيد ترتجف ... ووقعت واول مانزلت القلم حبها ناصر على راسها وقال : مبروك الف الف مبرووك يالشيطونه ( قالها وهو يفرص خدودها بالخفيف ) ادمعت عين نوره دنقت راسها مب قادره حتى تكلم ضمتها امها بقوه وهي تبكي بفرحه : مبروك ياحبيبتي الله يوفقج ضمتها نوره بقوه وهي تبكي .. ماقدرت تقاوم دموعهـا ولطيفه تعلق بضحكه : خربتي المكياااج نورووه طلع ناصر وهو يضحك .. وراحت لطيفه تجيب الكيمرا ضبطت مكياج نوره شوي وعقب قعدت تصورهـا وعقب راحت هي تجهز بسرعه وتستعد عشان البنات بيجون .. واكيد ام سعود وبناتها بيجونهم وقعدت نوره فوق .. في غرفتها لين ينادونهـا وهلت الاتصالات عليها والمسجات بس ماكانت ترد عليهم .. قفلت غرفتها وراحت تطل من الدريشه شافت سعود واقف ومعاه سيف .. ومقابلهم واحد كان حاط يده بيد سعود ويسولف معاه ويضحك كانت تشوف سعود .. هالمره كانت تشوفه غير ! احلى احلى بكثير عن قبل ابتسامته ضحكتـه حتى طريقة كلامـه باين عليه الفرحه ... ادمعت عينهـا وشهي حياتي معاك ياسعود؟ ان شاءالله تكون كلها افراح في افراح : : . . . . : : . . الكل فرح في هاليـوم واولهم سعـود كانت فرحتـه غير نسى كل موقف سخيف معاها نسى جرأتها ووقاحتها معاه فالكلام في هاللحظـه وفكر في انه ارتبط بالبنت الي قدرت انه تأسر قلبه صحيح ماكان يبين بمشاعره بهذيك القوه بس بعد كان يبين ويصرح ويقط نغزات في اكثر من مره .. بس هي كانت تفهم هذا كله غلط ! وهذي مشكلتهـا معاه ياترى تغيير مع الايام؟ بتقدر تفهم شخصية سعود وطريقته في توصيل الشي او التعبير عن مشاعره؟؟ جاوا الناس يباركون والي عزمهم على عشاه بما ان معارفه كثيـر وام سعـود كانوا كل اهلهم واقفين معاه في هاليوم الي بالنسبه لها غير كلن جا حتى ساره عمتها ام حمد وآمنه جاوا وجدته كانت فرحتهـا ماتنوصف اطلبت من البنات يكلمونـه يجي عشان يباركون له كانت امنه جنب المهـا لفت عليها وقالت بصوت واطي: مهوي .. وين الحمام ابي اعدل شكلي قبل مانروح لبيت نوره المهـا وهي توقف : تعالي بوديج له .. قامت آمنـه معاهـا .. دخل سعود في هاللحظـه وهو منحرج سلم عليهم كلهم حتى على ام حمد زوج ساره بدون مايرفع عينه في ولاوحده منهم .. وضحى عمته: مبروك ياسعود منك المال ومنها العيـال .. والله يتمم لكم على خير ابتسم سعود ابتسامه حلوه : الله يبارك فيج عمتي .. نوف : مبروك ياسعود الله يجمع بينكم على خير سعود : مرحبا نوف .. الله يبـارك فيج .. ساره كانت تشوفه وهي متغطيـه .. في هاللحظـات بس نست كل شي وتذكرت ايام حبهـا الايـام الي كانت حلوه بمعنى الكلمـه شلون كانت تعشقه عشق ماتخيلت انها تحب غيره ! بلعت ريقهـا وقالت : عالبركه ياسعود .. الله يوفقك ويهنيك عرف سعود صوتهـا لكن ماهز فيه ولاشعره لانها من اول ماتملكت حمد بدا يشيلها من باله رد عليه بأبتسامه : الله يبارك فيج ياساره .. من جهه ثانيه عند المهـا وآمنه آمون انا بروح المطبخ بشيك على العشا وبرجع لج اوكي آمنه وهي تدور الروج بشنطتها : لاتأخرين علي مهوي اخاف احد يجيني المها وهي رايحه : لالا مب متأخره .. فالمطبخ صادفت ماجد خالهـا كان يشوف العشا وصل ولما شاف المها توها بتدخل اشر لها تروح داخل لان الهنود الي جابوا العشا كانوا ينزلونه فالمطبخ .. راحت المها داخل على طول .. راحت فوق بتجيب العـود لانها اول امشافت ماجد تذكرت العود قالت تجيبه قبل لاتنسى .. وعقب مارحوا الهنود راح ماجد بيدخل البيت من الباب الخلفي للفيلا .. وهالباب يدخل على طول على المطبخ الداخلي يطلع من المطبخ ممر صغير يفصل بين المطبخ وغرفة الطعام بينهم الحمام .. والمغاسل منفرده مالها باب نفس الحمام انصدم من الي شافه ! كانت تحط الروج الاحمر على شفايفهـا .. وتأكد من شعرها ااذا كان مرتب او لا لفت : يلا مهـــ .......... انصدمت هي الثانيه من الي تشوفـه طول بعرض كاشخ بثوب وغتره بيضا وبطقم مونت بلانك .. كبكات وساعه وقلم وريحة العطر الي لفحته بقوه مختلطه بدهن العـود كان وسيم ملامحه ناعمـه بشرتها مايله للحنطاويه شوي .. لاشعوريا ابتسم وهو يشوفهـا شعرها اسـود لي نص ظهرها ومقصقص بطريقها ملفته .. لابسه فستان اسـود عليها عبايتها بس مفتوحه من قدام .. والروج الاحمر عامل عمايل ماعرفت وين تروح والا شتسوي انحصرت ! ارتبك ماجد بعد ماانتبه لعمره .. رد للمطبخ وراه سكر الباب وهو يفتح ازرة ثوبه من عند رقبته يوسع على نفسه شوي وهو يتنهد ماعمري شفت وحده مثلها ! ثواني وتدخل المهـا بخوف : خالي ماجد الي مازالت صورة امنه في باله : تكفين مهوي قولي لي من ذي ؟ حطت المها يدها على فمها : شسويييت انت شسويييت ماجد بخوف: شسويت؟ ماسويت شي المها : ليش تدخل بدون ماتستأذن ماجد وهو يعقد حواجبه: بيتنا ادخل واطلع بدون استأذان االمها: بس تدري اليوم عندنا ناس قاطعها ماجد : قولي لي من هذيييي المها وهي تمد له علبة العود : تفضل العود .. ( قالت بخبث ) هذي متزوجه تحطم ماجد عالاخر .. : متزووجه؟؟؟ آآآآآه يابخت رجلها بس : : . . . . . : : بعد ماراحوا النـاس مال سعـود على ناصر الي جنبـه وقال بهدوء : ناصر والله مستحي منك .. بس ..... ابتسم ناصر: الكلمه الي تستحي منها بدها ابتسم سعود وقال بخجل: ممكن اشوف نوره ولو عشر دقايق ضحك ناصر وقال بعياره : لا اسمح لي سكت سعود منحرج .. واخذ فنجاله يتقهوى ابتسم ناصر وقال : قوم يلا سعود بتوتر: وين؟ ناصر بعياره: وين بعد بتشوف العروس والا لا؟؟ ابتسم سعود بأحراج : يلا اتصل ناصر بأخته وطلب منها تدخل المقعد الكبير للحريم وتسكر الباب عليها نوره بأستغراب : ليش؟ ناصر : بس ابي اقعد معاج يه .. يلا باي دخل البيت مالقى احد راح للمقعد لقى نوره قاعده تنطر وقفت اول مادخل : خير شفيك؟ ابتسم ناصر وهو يعدل غترته . : روحي افتحي الباب نوره كأنها عرفت بتوتر قالت: ليش؟ ناصر : افتحيه انتي الحين نوره برفض : لا ناصر بحزم : افتحيه لاتعاندين خافت نوره وراحت افتحت الباب ... واتركته ينفتح بشوي شوي لحد مابانت كلها له كانت متأنقه بالابيض فعلا كأنها عروس كان متخيل شكلها انه نفس كل مره بس زياده على هذا كله ان شعرها بيكون مكشوف له بس ماتوقع انها بتكون غير بمعنى الكلمـه اول مافتحت الباب شافته كان متساند عالطوفه ومتكتف .. ومسوي بغترته طريقة الترمبـه ومبتسم لفت نوره بتوتر تشوف ناصر اخوهـا مالقته ! كان الباب مسكر اصلا ! لفت تشوف سعود الي تقدم لها ردت بخطوات لورا .. سعود بهدوء : مب مسوي فيج شي ! سكر سعود الباب وراه وقفله .. ولف شاف نوره معطته ظهرها بتروح بتطلع من الباب الثانيه راح بسرعه مسكهـا من يدها ولفها ناحيـته بحركـه صار جسمهـا يلامس جسمـه وللمره الاولى ! هزت هالحركـه كيانهـا هز وحركت احاسيس كانت راكده بداخلهـا لامست شفتها شفته السفليه بدون قصد ! ابعدت وجهها عنه هذا الي قدرت تسويه كان ماسكها بكل قوته .. من اول ماشافها خرت قوته الي كان متمسك بها وماسك بها اعصابه عشان لايتهور ويسووي شي يندم عليـه من اول ماشافها غاب عن الدنيا كلها وصار بدنيا مافيها الا نوره ! كان يشوفها بنظرات نوره مب قادره تفسرها بس كانت خايفه وتنفس بخوف بنبره هاديه محببه لقلب نوره قال : مبروك الف الف مبروك ردت بصوت يرجف: الله يبارك فيك ... سعـود .. هدني انتبه سعود على نفسه شلون لاصق فيهـا ابتعد شوي وارخى قبضة يده ... لآتحرموني من ردودكم آلحلوه ~ آختكم {زآآهي آلكحل ~ |
اقتباس:
|
نوووووووووووووووووووووف يسلمو ا ألبي عالبارت سعود و اخيرا تحركت و حللت حالك و تصرفاتك مع المعتوهه التانيه يللي اسمها نورة مبروك يا روح امك |
مشكووووووووووووووره نوف على النقل ..
كل شي تماام بس بااقي ناصر يتحرك هو الثااني علشاان تكمل الفرحه .. الا كم بارت باقي ؟؟؟>>فيس حاط يده على قلبه من النهاايه .. |
وهـ لبى النوفي على ها النقل فيس دايخ من الاجزاء
اهـ ياقلبي والله رحمت حمد ككككككك سعود مبروك اخير قرت عينك امم والجد يتذكر قلي عورني الله يستر لايصير لسعود شي لا اعوذ بالله من الفكره ساره الله يكون بعونك نصور يالله تحرك الجازي مبروك الحمل حركات دمتي بكل الحب نوفا |
هــــلا وغـــلا
بارت ثقيل جدا بثقل المتسيدين به سعود ونوره... حمد : انا قلت في ذاك (التعليق اللي طار) اني اذا ما بديت تعليقي فيك اما بمسبه ولا شماتة بحالك ما أحس اني كتبت او علقت ,,,يا أخي ماش ماش عيييييييييت أرضى عليك...حتى النوف شكلها بدت تخق معك وتسترق اليك النظرات وأنا مازلت متمسكه برأيي(الله والوجه) ,,,قووول ياكريم ثم ياكريم ان نوف تزيد من الحلا والزين والدبدبه وكلما زادت زين تزيد في راسها حبة ما تنطحن وانك يا حمد يا ابن ابيك تزيد تقطاع وتولاه وغرام إلين تطلع تحت عيونك هالات سوداء ها ثم تبدأ تفكر فيك النوف وتعيد حساباتها,,, نوف : يالله ثم يالله انه يزيدك فوق الحلا حلا وفوق العناد عناد...بصراحه يابنت تعجبني القوه اللي انتي فيها والصمود اللي بك تقولين كأنك لوح مايحس (:eek:)... أحس انها بتضيع علومك من بعد ملكة سعود ان شافك حمد بزينك وان جيتي ثم درعمتي تحت الفراش فأبشرك انك بتسلمين,, سعود :يالبييييــــــــه بالمبارك بالمبارك ياخوي ما بغيت تخطب الا غصب .. بعد ما قلبت على اليمين وعلى الشمال بس والله انها شيخه اللي جابتك على وجهك..حاسه ان ايامكم عصيبه والله يستر,,, شوف انا قلت في ذاك (التعليق اللي طار) انك قليل أدب ولا ماكان حلت لك نوير كل شوي ناط تمسك بيدها وفمها وكأنها أختك ولا من محارمك وأنه يبغى لظهرك يتمحط بالعقال بس زين منه انه طار وانك لحقت تخطب ,,نفسي أشوفك وانت فاغر فمك في زين نوره ’’ الله يسامح نوف بنت النايف اللي ما قالت لنا عشان نحجز ونجيكم,, بس يالله العوض في العرس والطقطقه ... نوره :مبروك مبرووووك ياالغزال والله يتم لكم على خير ,,أهم شي انك ما تعفسين ابوها وتخربين على أبو الشباب فرحته هو صدق اني قلت في ذاك (التعليق اللي طار) طولي لسانك عشان يجيك ويعجل بخطبته ويمسح فيك بس خلاص لهنا وبس تراه زوجك وبيقص لسانك في شوي ثم تعالي لنا يالزوله اللي ما فينا حيل نقرأ فيكون فينا حيل نفهم اشارات الأيادي والعيون قسم اننا لاغبين ومن ذلحين نقول لك أقصري الشر وقصري من لسانك عشان نفهمك,, الجازي وسيف :ألـــــــــــــــف مبروك والله يتمه بالصلح والصلاح,, ساره : والله انك كسرتي خاطري وبقوه ,, الله يرزقش قسم اني قلت في ذاك (التعليق اللي طار) انك منتي بحامل وان الله يكفيش شر مقصورة العمر بنت الخال قليلة الحياء,, عليك بالدعاء ثم الدعاء والصدقات وحن من هنيا بندعي لش ان الله يرزقش بالذريه,, حمد : شوف موقفك موقف اي واحد يمر بهالظروف يعني تشكر بس مو بقوه,,وبتعيي من العرس أول الشي ثم أمك اللي سبق وما تفاءلت فيها بتجبرك على الزواج بما انك ولدها الوحيد وانها تبغى تشوف ذريتك ,, بس الله يستر من مغسولة الوجه والقفى بنت خالك ,, المها : الله يرزقش باللي أحسن منه,,, نويصر شب حليو ما قال شي هو صح انه يبغى من يكوفنه بس ما عليه يحبش ويبغاش,,وزين منك انك ما رديت عليه قليل الادب خليه يتحقرص ويسأل نوير عنش وهي تعطيه علومش كل أبوها,, ناصر :انا قلت في ذاك (التعليق اللي طار) انك مرسل رساله لنوير وانها تسألها عن رايها بس طلعت يــاولد مصيـــبه وفــــــاسخ بس معليه لأجل عين تكرم الأخلاق وأمها .. على انك بايع الاخلاق كلها من الاساس بس طلعت من آل ابو شكلين ما بيحكو’’ لطوف :قد أخترعت منش بالبدايه وشكيت فيش بس طلعتي قدعه يابنت وابطلتي كل المسبات ,,, البقيه البـــــاقيه في حفظ الله ’’’ شفتي ذاك (التعليق اللي طار) عاده قاهرني,,:lol: نـــــ بنت نايفــ!ــــــــــــــــــــــوف سلمت أناملك عالنقل الرائع ,, ويعطيك ربي العافيه,, |
آلـ ج ـزء آلـ ث ـآلث وآلـ ع ـشرون ~ ~ مايدرون كم مر من الوقت عليهم لكن الاكيـد انها كانت احلى لحظـات حياتهم ! مازالت يد نوره بيد سعـود كان متمسك فيها خايف لاتروح عنه كان يشوفها بهيـام وكأنها النظره الاخيره له نوره كانت ترجف بتوتر وكل دقيقه تبلع ريقهـا وترفع نظرها شوي تشوف سعـود تطيح عينها بعينـه لحظات صعبه على نوره وتمر مثل البرق على سعـود من سرعتهـا رن تلفونه قطع عليه الجو .. شاف اسم المتصل كان ناصر رد بهدوء وعينه تلتهم نوره : هلا ناصر .. ههههه طيب طيب .. الباب الي ورا؟ ... طيب جايك ... هههه جايك يارجال غمضت نوره عيونها براحه .. تنفست براحه الحمدلله ان ناصر انقذها من هالموقف الصعب عمرها في حياتها ماتخيلت ان موقف مثل هذا بيصير بينها وبين سعـود حتى لما كانت تفكر انها لو كانت من نصيبه ! فتحت عينها بسرعه لما حست بشفة سعـود على جبهتها كانت ريحة عطره الفاخر كتمت انفاسها من قوتهـا غمضت عيونهـا باسها سعود على راسها بحب .. ضغط عليها يدها بالخفيف وهو يفلتها ويروح : تحملي بروحج .. كانت نوره تتبعه بنظرهـا مب مصدقه كأنها في حلم ! وقامت منه تلفت حولها المكان الي ملاه سعود صار فاضي مابقى منه الا طيفه في خيالها وريحة عطره الي بسرعه اترست المكـان حولهـا عند سعـود طلع وهو يتمنى لو تكون نوره بيده ويطلع بها معاه من عقب هالمره خلااص يبيها عنده على طول ومحد ياخذها منه طلع وهو في عالم نوره وبس كان يتنفس بطريقه غير منتظمه يحس بالدم يفـور بجسمه من حرارة الموقف زين انه قدر يتماسك نفسه ولاتهـور بحركات ممكن تنفر منه نوره من البدايه انتبه لناصر كان عند باب الحوش يشوفه ويبتسم : يعني لو مااتصلت عادي تطول ههههههه انحرج سعود وابتسم بثقل وقال عشان يرقع : ياخي اختك يالله ينسحب منها الكلام ضحك ناصر .. وقال وهو يشوف سعود بيطلع: على وين حياك المجلس .. ابتسم سعود : اسمح لي فديتك تعبان من الصبح وانا ادور فالدوحه بروح ارتاح : : . . . . . : : سامحيني نوف تكفين سامحيني ... كانت تشوفه والدموع ماليه عينهـا شكله كان تعبان يتألم هموم الدنيـا كلها على راسه ضعف تغير مب حمد الاولي !! مب حمد الي تعرفه طول عمره راز عمره وفيه لفحة غرور هالمره غير هالمره حمد المكسـور الحزين المنقهـر سامحيني ارجوج نوف انا ماقدر اعيش بدونج نوف انا احبج احبج .. وابيج سامحيني خليني اعيش مرتاح تكلمت بصوت متقطع مخنوق من بين الدمـوع مسامحتك والله اني مسامحتك .. وماعمري شليت عليك حمد انا مسامحتك انا مسامحتك ياحمـد فتح حمد عينـه على هالكلمـات الاخير مسامحتني ! كان توه متوعي ومب مستوعب شتقول ! لف وراه يشوف نوف معطته ظهرها .. وهي تردد مسامحتك ياحمد وتبكي !! نوف تبكي؟؟؟ غمض عيونه بقوه وفتحهم وهو يلف ناحية نوف طل عليها لقاها نايمـه وتبكي .. حمد انا احبك احبك حس بأن روحه انشلعت من مكانها كان بيحط يده على كتفها وتردد وبسرعه غير رايه وحطها على كتفهـا : نـووف ... نووووف توعت نوف متخرعه .. وهي تلم شعرهـا وتعدل فتحة جيبها على صدرها تغطيها بيدها غمضت عيونها بألم وهي تمسح دموعهـا وتفاجأت بحمد يضمهـا بقوه لصدره كانت اعصابها مشدوده ارخت نفسها بين احضانه ... سحب حمد نفس عميق يحاول يستوعب الي صار والي سمعه يخاف يتكلم وتطلع هي ماقالت شي .. وعقب هو يتفشل وخصوصا انه على كثر ماكان يحن عليهـا خلاص ماحب انه يبادر بأي شي جديد ! تفاجأ هو الثاني لما حس بنوف تدفن راسها بصدره اكثر وتبكي بألم .. حمد خاف عليها : نوف شفيج؟؟ شي يعورج؟؟؟ آآآ بتولدين الحين؟ هزت نوف راسها بالنفي ... وهي تمسح دموعهـا حمد بخوف وتوتر : عجل شفيج؟؟ تكفين قولي لي نوف بصوت مخنوق : حمـ ــد .. حمد انا .. أحبـ ـــك غمض حمد عيونه بقـوه مب مصدق الي يسمعه حس بألم .. ألم فضيع في قلبه فتح عينه يشوف السقف فوقه .. بصوت هادي جدا قال وهو ينزل نظره لها بعيون فيها بريق خاص : عيدي ماسمعت ! نزلت نوف راسها تمسح دموعهـا وقالت بألم : انا مسامحتك على كل شي ولاشلت بخاطري عليك ياحمد .. لاني احبك.. انا من قبل مااتزوج كنت احبك وابيك عض حمد على شفايفه .. وضم نوف بقـوه : نوف لاتعاقبيني بهالكلام والله انج جوهره ثمينه .. بس ماعرفت قيمتج الا عقب ... انا احبج ومستعد اعوضج عن كل الايام الي مرت علينا وانا بعيد عنج .. بس تكفين يانوف اوعديني ماتتركيني ابد شدت نوف قبضة يدها به اكثر وهي تقربه ناحيتها اكثر .. : اوعدك اني مااتركك لين اموت مسح حمد على شعرها الناعم بحب : بعد عمر طويل يالغاليه ... ( حبها على راسها وهو يحط ذقنه على راسها بكل حب ) : . . . . . : : : بعد يومين كانت المهـا بالجامعه خلاص ابتدت امتحاناتها النهائيـه كانت توها مقدمـه امتحاناهها ومخلصـه شافت تلفونهـا لقت مكالمات من خالها ماجد اتصلت له على طول ماجد : هلا وغلا المهـا وهي تعدل عبايتها : اهلين خالي وينك؟ ماجد : في المواقف نقعتيني في هالشمس شوتني المها : هههههه سووري والله يلا جايتك الحين ... سكرت منه وراحت له على طول بعد ماتغطت واطلعت له اركبت جنبـه وسكرت الباب وهي تحط المكيف عليها : ااوف حررر مووت ماجد وهو يعدل نظارته الشمسيه ويحرك بسيارته : عجل انا شقول الي تنقعت هنا والشمس صاقعتني المها بدلع : يوووه مجوود بتقعد كل مره تقول لي هالكلام ! ماجد : أي تبيني انطرج بدون مااتحلطم بعد مايصير ههههههه ضحكت المهـا بدون ماترد عليـه ... على ماجد على المسجـل وهو يغني بطرب مندمج .. المهـا بخبث : اشوفك صرت تستطرب من عقب اول امس .. ماجد وهو يغني ويأشر على قلبـه حبيبي اللي سكن بالعين عليه احسد انا عيني الا ياليت لي قلبين و أحبه بكل قلبيني آآآآه يامهـوي هي صدق متزوجه؟ افتحت المهـا عينها على كبرهـا اوووبيه ماقلت له اني امزح معاه .. : آآآ لا من قال متزوجه؟ ماجد وهو يشوفها شوي ويرد يشوف الشارع : انتي قلتي ! المهـا بعياره : انا؟؟؟؟ لالا ماقلت ماجد وهو يشوفها بنظرات : مهووووي .. والله ان عدتيها مره ثانيه ياويلج المها تحاول تنسيه تهديده : نزين وشتبي تعرف اذا متزوجه والا لا؟ ماجد : مالج خص المها : عاااد قول ماجد بدون أي احاسيس: قلت لج .. مالج خص المها وهي تكتف : اوكي مب عقب تجيني تقول لي اسألي لي عنها والا شرايها ومادري شنو .. ترى مب مسويه شي ماجد بضحكه : الله يخلي لي اختي ام سعود هي بتقوم بكل شي المها وهي تضحك : بس انا غير عن امي اقدر اجيب لك راي البنت بنفسها ماجد رغم انه بيموت ويخليها تساعده بس كبرياءه يمنعه قال ببرود : مشكوره .. اهلها يقدرون يوصلون لي رايها وبصراحه المها وهي تاخذ شنطتها تحطها بحضنها : اوكي على راحتك : : . . . . . : : . . . طلت من دريشتهـا لمحت سعود واقف عند سيارته ماتشوف الا ظهره .. كان واقف ويبين ان شي في يده مدنق عليه وبعدها حط يده بمخباه وركب سيارته .. وريوس بها لين ماطلع من البيت وراح اختفى عن عيونهـا برطمت وسكرت الستاره .. وفي بالها موقف امس المست يدهـا طول الوقت ايدي بأيده !! بلعت ريقهـا بتوتر وحست بوجها صار احمر لما تذكرت امس كيف كانت قريبه منه بشكل كبير وقامت بتسبح .. : : . . . . . . . : فتح عيـنه حس براسها على صدره وايدها الصغيره على بطنـه كانت نايمه مثل الطفله الصغيره في احضانه .. كان يحس بسعاده غريبه .. يحس الحياه دبت في جسمه من جديد يحس بالمكان انملى من حوله بعد ماكان خالي ابتسم .. وهو يحرك شعرها بالخفيف وهي تعقد ملامحها منزعجه من حركته من اصابعه يلعب بها برقه على ظهر يدها بحركه بطيئنه وهو يراقب ملامحها الي سرحته حركتها يدها وفتحت عينها بتعب .. شافته كان وجهه قريب من وجهها حست بأحراج .. قعدت بثقل ابتسم لها بحب : صباح الحب ابتسمت بخجل : صباح النور والسرور حمد : تحسين بشي يعورج؟ هزت نوف راسها بالنفي طبع بوسه على راسها بحب وراح يسبح .. وكانت نوف تتبعه بكل حب حمدت ربها وشكرته الي ماحرمها من احلى اللحظات لها مع الشخص الي تحبه : : . . . . . : : فتحت عينها تشوف مكانه خالي استغربت غريبه توعى وماوعاني معاه .. راحت تغسـل ورتبت شعرهـا بعد ماغيرت لبسهـا اتصلت على تلفونـه .. ورن التلفون جنبها ! هذا اكيد موجود بالبيت طلعت من غرفتهـا بتنزل توها بتنزل اول عتبه فوق وصلهـا صوتها بس انت ولدي وانا ابي افرح فيك ! يايمه الطب تطور والعمر قدامي .. ماعندي مشكله انا بنتظرها لين تتعالج ياحمد انا ماعندي الا انت واختك وابي افرح فيكم واشوف عيالكم ضمها حمد وحبها على راسها: بتفرحين بعيالنا ان شاءالله ... ام حمد بأصرار : ابي افرح بعيالك الحين حمد بدا يتنرفز : بتفرحين متى ماالله راد ياايمه نطت عبرتها لبلعومهـا بلعت ريقهـا كأنها تتجرع امواس سالت الدمعه من عينها غصبا عنهـا .. وهي متمسكه بدرابزين الدرج وقعدت على اول عتبه خلاص رجولها ماعادت تشيلها ... يمه قلت لج زواج ماني متزوج .. انا ماابي غير ساره ام حمد : ماتبيني افرح فيك؟ حمد وهو يغمض عيونه بنفاذ صبر : بتفرحين يايمه يمكن اتزوج غيرها والله مايكتب لي عيال منها ... ام حمد : بسم الله عليك .. لاتفاول على عمرك .. انا ماعندي الا انت حمد : اذا انتي تدورين راحتي وسعادتي لاتضغطين علي .. الحين نطرتيني هالسنين كلها ماتقدرين تنطرين شوي ! ام حمد : مازوجتك الا لاني ابي اشوف عيالك وقفت ساره وراحت لغرفتها تبكي .. انجرحت هي صحيح ام حمد ماتقصد تجرحها لان ساره سمعتها بدون ماتدري بس مهما كان كلامها يجرح توني ماكملت السنه تبي تزوجه توني ماتهنيت فيه تبي تزوجه !!!!! تحس ان الاوكسجين بالغرفه خلص من كثر ماهي مخنوقه ومجروحه .. وكانت دموعها تنزل مثل السيل المنهد بدون توقف .. سمعت صوت باب القسـم ينفتح .. راحت بسرعه تركض للحمام دخلت وقفلت عليها الباب .. دخل حمد شاف السرير محد عليه زين قامت وانا جاي بصحيهـا راح وقف قدام المرايا وهو يلبس غترته .. ويتعطـر وعقب راح قعد عالسرير يشيك على تلفـونه ينتظر ساره تطلع من الحمام وساره طولت كانت تغسل وجهها بماي بارد عشان يروح النفـاخ لمت شرها وتأكدت من ان شكلها اوكي .. طلعت كان خشمها احمـر وللحين في اثار للبكي استغرب حمد لما شافها : ساره شفيج؟ ابتسمت : مافيني شي ! حمد بتشكيك : اكيد؟؟ ساره : أي اكيد حمد : ليش خشمج احمر ؟؟؟؟؟؟؟ ساره : مزكمه !!!!! استغرب حمد .. : يعني مب تعبانه؟ هزت ساره راسها: لا حمد: ولا شي يعورج !؟؟؟ ساره : لا هز كتوفه وقال وهو يلعب بتلفونه بيده : زين يلا اجهزي ينطلع نتغدا برا بلعت ساره ريقها بتوتر .. ومازال الموقف حاز بخاطرها قالت : آآ اليوم ماقدر خلها مره ثانيه حمد : ليش؟ ساره : اليوم مالي خاطر اطلع حمد حاس بشي .. قال بنظره خاصه وبحزم : ســاره ! بلعت ساره ريقها بتوتر وهي تروح لغرفة الملابس : زين زين بجهز لاتشوفني كذا ... راحت وعيون حمد تتبعهـا فيها شي هالبنت : : . . . . . . : : مروا اسبـوعين علاقة حمد ونوف صارت من احلى مايكون نوف وصلت لياليها الاخيـره وقريب بتولد .. حمد وساره علاقتهم صار فيها نوع من الفتـور حمد شاك بشي في ساره تصرفاته تغيرت دايمـا يلاحظ عليها اثار بكي !!! ساره تحاول قد ماتقدر انها تخفي عالاقل قدام حمد حزنهـا ! لكنها فشلت .. لانه ملاحظ من البدايه سعود حدد العرس يكون بعد شهرين لانه مثل مايقـول مستعجل ! دفع مهر نوره عشان تجهز وتستعد وهذي نوره من مكان لمكان تستعد والبنات يساعدونها بأفكارهم واقتراحاتهم ... المهـا وناصر خلصوا امتحاناتهم ومفكـر انه يتقدم للمهـا .. ماجد مازال طيف آمنه عالق في خياله ينتظر اللحظه المناسبه عشان يفاتح ام سعود بها .. : : . . . . . : : قبل المغرب بشـوي في مجلس سعـود كان جده عنده مد سعود الفنجال لجده وهو يسأله : وين خالك ؟ سعود : خالي عنده دوره هاليومين بوعبدالرحمن : هنا والا برا البلاد؟ سعود : لا هنا يبه في مكان شغله بوعبدالرحمن : المها وش اخبارها خلصت الجامعه؟ سعود : أي يبه بس تنتظر النتيجه بوعبدالرحمن : الله يوفقها وييسر امورها .. امك وش اخبارها سعود : طيبه الحمدلله بوعبدالرحمن : ياولدي الله الله بأمك واخواتك بس اهم شي امك .. خواتك وحده عند رجلها والثانيه ان شاءالله بكره بتزوج ومحد عندك الا امك الله فيها يبه ابتسم سعود : امي بعيوني يايبه .. لاتوصي حريص بوعبدالرحمن بأبتسامه : والله ان افرح يوم لي يوم ملكتك ياولدي سعود بأبتسامه : عسى عمرك طويل وتحضر العرس وتفرح بي ان شاءالله بوعبدالرحمن وهو يهز الفنجال : الله يوفقك ويرضى عليك .. يلا سلام وقف سعود مع جده : على وين يبه؟ تعشى عندي بوعبدالرحمن : تعشت عندك العافيه .. بروح بمر لي واحد مرقد فالمستشفى سعود وهو ياخذ غترته يلبسها : زين صبر انا بسوق بك بوعبدالرحمن وهو يحط يده على صدر سعود يمنعه لايجي معاه : لا والله ماتجي معي استريح في مجلسك .. مثل ماجيتك اقدر اجيه يلا فمان الله طلع بوعبدالرحمن من عند سعود وسعود ماكان يبيه يطلع بروحه .. حاس بشي يمنعه قعد يتعوذ من ابليس في مكانه وشغل التلفزيون بضيق ... : : . . . . . : : فالدوحه سيارة ناصر كلها اكياس من ورا ناصر وهو يعدل المرايا قدامه يشوف كومة الاكياس بالسياره ورا : بل بل .. توه من اسبوع جااييج المهر ترستي السياره اكياس .. شبتسويين فالايام الجايه؟ نوره : والله شسوي قدامي اقل من شهرين .. متى بخلص ؟؟ ناصر : بلللللل والله حالتكم حاله انتوا يالبنات نوره وهي تتكتف وبنبرة خاصه قالت : بنشوف بكره اذا خطبت مهوي وعطيتها مهرها .. شبتسوي ناصر بحب : هذي على كيفها اذا بغت مجمع كامل تشتريه ماعندي مانع هههههههه نوره بعياره : أي أي حق مرتك بتجيب لها كل شي وانا اختك حاسدني على كم كيس ناصر: كم كيس ها !!!! والله انا عادهم من شوي فوق العشره نوره : ماشريت من خيرك .. ناصر: بس انا اتعب واوديج .. المفروض تعطيني نسبة من الارباح نوره : هههههههه شايفني شركة اسهم؟؟؟ بعدين المفروض انت تعطيني ناصر : ليش اعطيج؟ نوره بدلع : ابوي وصلوح فديتهم عطوني فلوسي هديه .. وانت حضرتك يالقح ماعطيتني حتى ريال واحد ضحك ناصر وبعبط دخل يده في مخباه وطلع ريال : ماطلبتي شي ابشري حذفت نوره الريال في حضنه وهي تضحك : مالت عليك اقول ههههههههه ... ناصر: عاد اسمحي لي تدرين رواي عرس انا وقاعد اجمع لهالعرس نوره : جامعه وخلصتوا متى بتروح تخطبها ناصر : انتظر النتيجه نوره بقهر : والنتيجه شدخلها اهم شي خلصتوا الجامعه ناصر بضحكه : يعني عشان مايقولون ماصدق على طول خلص الجامعه عشان يخطبها ههههههه نوره : هههههههه شعليك من الناس انت اذا بتسمع كلامهم بتتعب .. من بكره تروح تخطبها فهمت؟ ناصر بعياره : حاااضر ياافندم : : . . . : : . : بند التلفزيون وقام شغل سيارته .. بيتمشى شوي لين يأذن المغرب ينزل في أي مسجد يصلي .. لمح سيارت وزحمة ناس واسعافات وشرطه حس بنغزه في قلبه نزل يركض للناس وهو يحاول يدخل من بينهم يشوف شصاير .. وهو يعرق بخوف وتوتر منعه شرطي : لو سمحت ممنوع القرب سعود بعد مالمح الشخص الموجود عرفه ... لا لا لااااااااااااااا كانت تطلع الصرخه من اعماق جوفه .. بألم دز الشرطي بقوه وهو يقرب منه والشرطه يحاولون يمنعونه وهو يصرخ بألم : آآآآآآآه مسك سعود الشرطي بأيادي ترجف : تكفى هدني ابي اروح معاه .. سحب سعود نفسه وهو يركب سيارة الاسعاف .. مب قادر يستحمل يشوف المنظر الي قدامه جده وابوه الي رباه وعلمه وكبره وتعلق فيه سعود بشكل كبير ... كان سعود يمسح الدم عن وجهه بأيادي ترجف بدون ماينطق بحرف واحد كانت دموعه تتكلم عن هالشخص الي قدامه تتكلم عن حبه له أي شخص بالدنيا صعب عليه فراق ابوه شلون وهو يشوفه بهالحال توه طالع من عنده مافيه الا العافيه ليتني ماخليتك تروح بروحك ليتني جيت معاااك ليتني انا الي رحت بدالك ياليت ويالييييت من قوة الموقف سعود كان يكررها في باله نزل راسه يمسح دموعه استغفرالله .. استغفرالله .. اللهم اجرني في مصيبتي واخلف لي بخير منها .. يارب تنجيه ياارب التفت على الممرض جنبه : في حياه؟؟ الممرض يهز راسه : قلبه للحين فيه نبض .. بس حالته خطره كثير وصلوا للطوارىء نزلوا الممرضين بسرعه بالسرير وسعود يركض وراهم .. ثوبه كله دم ماعليه غتره سيارته في مكانها مكان الحادث مفتوحه .. كان يركض وراهم ويدعي ربه ينجيه .. تسكر بينه وبينهم الباب غمض عيونه بتعب .. بحزن وهو يضرب الباب بقوه بيده بقهر .. حاس بأن مب قادر يتماسك في هالموقف بروحه يبي من يساعده ويسانده حط ايديه على مخباه يتلمس تلفونه موجود .. طلعه واتصل على اول رقم وهو يسند عمره على الطوفـه .. هلا وغلا بسعووود بلع سعود ريقه بصعوبه وهو يستند نفسه عالطوفه .. وبكل ضعف قال : تكفى تعال لي في الطوارىء لف محمد بسيارته وهو يدعس على سيارته مسرع اتجاه مستشفى حمد العام وهو يقول بخوف : ليش شفيك شصاير؟؟؟ وصله صوت التلفون لما رضخ بالارض بقوه ! فز قلب محمد وهو يقطع الاشارات بسرعه جنونيه .. والناس تضرب هرنات وهو مازال يصرخ بالتفون : سعود .. سعووود رد علي ... سعووووود لآتحرموني من ردودكم آلحلوه ~ آختكم {زآآهي آلكحل ~ |
آلـ ج ـزء آلـرابـ ع وآلـ ع ـشرون ~ ~ كان محمد يقطع الشوارع والاشارات بسرعه جنونيه والحمدلله الي ستر عليه من السيارات ! الناس تضرب هرنات .. الي عذره على سرعته لان شكله كان مسرع ووراه مصيبه والي يتحسر على شباب اليوم بايعين نفسهم للحديد .. ومحمد وهو يرعص التلفون بيده بقوه خايف سعود شفيه .. مايرد عليه ! شمعنى اتصل فيه هو ؟؟؟ رص على ضروسه وهو يتذكر نبرة سعود يستنجد فيه .. شلون بيلقاه بين ممرات الطوارىء ؟؟ اخيرا وصل المستشفى وقف سيارته موقف غلط عند بوابة الطوارىء .. وراح يركض مثل التايه بين ممرات المستشفى وهو يشوف الناس حوله .. وينك ياسعود وييينك طلع موبايله ومن شدة التوتر طاح من يده .. اخذه وهو يضغط ارقام سعود من الخوف نسى الرقم فتح قائمة الاسماء وهو يضغط بسرعه يدور اسم سعود ويتصل له ... مايرد !!!! مشى محمد بتوتر .. رد ياسعود انقطع الخط بدون مايرد عليه سعود ... سحب نفس عميق وهو يكمل بحثه عنه في الممرات اخيرا دخل ممر طويل .. ممر للحالات الخطره .. لمح شخص قاعد عالارض ضام رجله لصدره وحاط يده عليها ومنزل راسه عليها .. شكله يعور القلب عرفه !! سعــوووود ؟؟؟؟ قالها بصدمه طاح قلبه فرجيله وتأكد ان الي صاير لسعود شي كايد قرب منه يركض له قعد مقابله عالارض وهو يحاول يرفع راس سعود ويفكك ايديه : سعود شفيك؟؟ سعود ماكان يرد عليه ... محمد بكل قوته رفع وجه سعود له بين ايديه .. وانصدم من الي يشوفه دموع؟؟؟ رغم ان محمد صديق سعود من ايام الطفوله ! عمره في حياته ماشاف سعود بهالمنظر ! عمره ماشاف لسعود دمعه وحده والحين يشوف دموعه؟ بهالشكل الي يعور القلب؟؟؟؟ انعصر قلبه وهو يشوف اخوه .. واعز انسان يعرفه : وش فيك ياسعود .. وش الي صاير؟؟ مسح سعود دموعه بألم حس انه انكسر .. وقال بضعف : ابوي راح يامحمد ! محمد استغرب : ابوك من سنين رايح !!!! سعود وهو يسحب نفس عميق مشبع بألالم والهم .. وهو يدنق راسه بكل ضعف يمكن حزنه على فقدان جده اكثر من حزنه على فقدان ابوه ! لان ابوه توفى وهو عمره 5 سنوات والي رباه وعاش معاه هو جده .. : ابوي عبدالله يطلبك البيحه انصدم محمد وهو يفتح عينه عالاخر شنو؟؟؟ .. متى وشلون؟؟؟ هز سعود راسه بضعف وهو يضغط عليه بأيديه الثنتين : مادري .. مــادري محمد وهو يشوف سعود بهالحال .. مب سعود القوي الي يعرفه ! مرت عليهم مواقف قويه وافقدوا ربعهم حزن عليهم لكن مب بهالطريقه .. شد محمد على عمره لازم يتغلب على حزنه ويساند سعود في هالموقف .. هو عارف سعود متأثر الحين وبيرجع مثل اول ان شاءالله .. وقف محمد وهو يحاول في سعود يوقف معاه .. الي رفض انه يتحرك لين يسمحون له يدخل على جده ويخلص اجراءاته : : . . . . . : : في نفس الوقت في شوارع الدوحـه .. سيارة سيـف طلع هو والجازي يتمشون شوي وعقب بيوصلها لبيت اهلها سيف وهو مستمتع بنصاحيه الي يحاول انه يملل الجازي بها .. يحب يشوفها تنرفز : اسمعيني ياجويزي زييين .. لاتحركين واااجد ! كل شي تبينه تامرين على الخدامه .. واختج الدفشه هذي لاتحتكين فيها انا خايفه تطيح ولدي بروحه مابغى يجي ابتسمت الجازي على تعليقه .. وكمل سيف وهو يضحك بعد مالمح ابتسامة الجازي : تروحين على طول تقعدين على اقرب كرسي ولاتحركين منه لين ارجع لج فليل اخذج .. وتراني بسأل امج خخخخخخ الجازي وهي تلف عليه مبققه عيونها : لالا شرايك بعد تردني البيت ومب لازم اروح لاهلي ؟ سيف بعبط : يكون احسن بصراحه ماشبعت منج الجازي : الي يسمعك يقول بتقعد عندي الحين !!! بتنزلني البيت بتروح عند ربعك شأستفدت؟؟ سيف: راحتج الجازي : توني داشه الثالث وتقول كل هالتوصيفات بكره اذا دشيت اشهري الاخيره شبتقول !!! سيف بضحكه : تلازمين السرير لين تولدين بالسلامه الجازي : عمري ماشفت حد مثلك ! سيف بغرور مصطنع: ولاراح تشوفين .. ابتسمت الجازي .. سيف وهو يدخل المنطقه الي فيها بيت اهلها .. : المهم لاتنسين توصياتي الجازي وهي تلف للجهه الثانيه تشوف الشارع : هههههه يصير خير ... ( شهقت فجأه ) سيف مب هذي سيارة سعود؟؟؟ سيف وهو يلف اتجاه ماتأشر : وين؟ الجازي : هذيك سيف بلع ريقه بتوتر .. وحس بخوف من منظر سيارة سعود في هالمكان !! قال عشان لايبين للجازي شي : لالا تشبهها .. !!!! نزلها سيف عند اهلهـا ورجع لسيارة سعود .. فتحها لقاها مفتوحه !!!!!! لقا تلفون سعود الثاني محذوف عالكرسي جنبه اخذه كان يشوف مكالمات من محمد .. دب الخوف بجسمه شفيه سعود صاير له والا لحد من اخوياه شي !!!؟؟ حط التلفون بجيبه وسحب سويك السياره وقفلهـا وحطه بجيبه ورجع لسيارته وهو يتصل على محمد من تلفون سعود : : . . . : : : في نفس الوقت في مكـان ثاني ناصر في مجلس واحد من ربعـه كانوا كلهم مجتمعين يلعبون ورقـه الا ناصر كان متكي على جنب ويفكـر بمخططاته الجديده .. بكره بتطلع نتيجة اخر ماده ومنها بيعرف اذا تخرج او لا !!!! كان يحاتي رغم انه مقدم عدل بس بعد هذا امتحان تخرج .. فتح المسجأت يشوف مسجات المهـا لما كانت ترد عليه تسأله من وين جاب رقمهـا تسللت لراسه فكره .. يبي يرسل مسج لهـا وهو يتخيل كيف بتكون ردة فعلهـا من عقب اخر مره ماارسل لها مسج , بس لانه هالمره مفكر يتقدم لهـا ومافي اذنه ماي طبع المسـج وارسلـه .. وابتسامه حلوه على محياه .. : : . . . : : : . وصل سيف لطواري حمد شاف سيارة محمد في موقف غلط وعليها معلقه المخالفه ! دخل الطواري وهو يحس بشعور غريب على خوف .. ياارب سترك ان شاءالله مافي الا الخير يارب دور بعيـونه شاف محمد وقف عشان يشوفه طاحت عينه على سعود قاعد عالكرسي وشكله مهموووووم مدنق راسه لتحت قرب منهم وعلى طول مسك عضود سعود وهو يهزه بقوه : شفيك؟؟؟ شصاير ياسعود غمض سعود عيونه مب عارف شلون يقوله ! محمد وهو يحط يده على كتف سيف تعوذ من ابليس .. وخل ايمانك بالله قوي .. ابوك عبدالله يطلبك البيحه ياسيف ! يطلبك البيـحه !! يطلبك البيحه؟؟؟ مااات؟؟؟ قالها وهو يلتفت على محمد بصدمه : ابوي عبدالله مات؟؟؟ محمد وهو يضغط على نفسه ويساندهم : اللهم اجرني في مصيبتي واخلف لي بخير منها ردد سيف الدعـاء وهو يقعد عالكرسي جنب سعـود اسند راسه على يده وهو يتمتم بلاحول ولاقوة الا بالله راح محمد يجيب لهم ماي ورجـع يعطيهم أيـاه وقف سيف : وينه فيه؟ محمد : بالمشرحه الحين .. لف سعود وبصوت مبحوح قال لسيف : قول لعمامي والشباب عشان يجون .. ولايقولون للحريم شي لين نخلص الاجراءات كلها طلع سيـف موبايله وكلم ابوه وقال له .. وطلب منه يبلغ الباقي وجاووهم كلهم كلهم مصدومين .. وحزينين من الخبـر وردة فعلهم كانت صعبه وقويه .. حالهم حال سعود وسيف وللحين الخبر بينهم هم بس وماانتشـر : : . . . . . : : : اجتمــع فـ القلـب حبـك مـع همـوم الدراسـه.. و انقسـم عنـدي طمـوحـي بيـن : ( شـوفك ) و التخـرج جهزي عمـرج بكره بخطبج من اخـوج كان هذا مسج ناصر الي وصل لتلـفون المهـا ننطت المهـا وشافت المسج صحيح عصبت لانه شلون يتجرأ ويرسل لها مسج ! بس فرحت فرحه ماتنوصف لانه بيخطبهـا هذا الي هي تبيـه ناصر يتقدم لها واخيـرا !!! الشخص الي حبته والي تمنته بنفسـه بيتقدم لهـا صحيح كانت عارفه بمشاعره تجاهها والله يخلي نوره ! بس فرحت فرحه كبيـره بأن هالحب وهالشعـور المتـبادل اخيرا بيتوج بزواج على سنة الله ورسـوله من شدة فرحتـها مانست الي انعـم عليها ورزقهـا بالشخص الي حبـته راحت توضى عشان تصلين ركعتين شكـر لرب العبـاد : : . . . . . : : بعد سـاعه ! ابتدا ينتشر خبر وفـاة بوعبدالرحمن ووصل هالخبـر لزوجته وبنته وحريم عياله واحفاده وبيـوت اهلهم البـاقي ومعارفهم واصدقائهم .. حتى لمعارفهم الي خارج البلد كانت ردود افعالهم مختلفـه لكنها فالنهـايه تشابه .. بأنها حزينه ! ارواحهم فقدت الشخص الي يحبونه ويعزوته فقدت ابوهم العـود فقدت الشخص الي رباهم كلهم .. فقدت نور البيت فقدت تواجده في مجلسه كل يوم !! فقدت تواجده معاهم في المنـاسبات فقدت اراءه الصارمه ! كبرياءه .. فقدت كل شي ! راح مابقـى منه الا ذكراه راح والنـاس الي يحبونه يبكونه ويدعون له في مجلس محمد خويي سعود كان سعـود عالكرسي يدقق بنقطـه وفي داخله حزن عميق وقف محمد قدامه : ماغيرت ثوبك ؟؟ سعود ولارمشت له عين ! تنهد محمد : ياسعود حرام الي تسويه في نفسك .. وقوم اجهز لازم تكون موجود قبل لايجونكم الناس سعود مايرد عليـه ولاكأنه يسمعه قعد محمد على ركبه مقابل سعود وهو يمسكه من عضوده ويهزه : سعوود اكلمك رد علي .. سعود بضيق كان يشوف محمد .. بعيون ماليها الحزن محمد لازم يضغط على سعود علا على نبرة صوته : مب زين الي تسويه .. ماخبرك ضعيف كذا هذا المكتوب واللهم لااعتراض ... خل ايمانك بالله قوي .. هذي سنة الحياه .. مثل ماراح هو راحوا غيره وحنا بنروح كلنا محد دايم الا وجهه سبحانه .. ( شدد قبضته عليه وقال بحزم ) اصحى من الي انت فيه وتعوذ من ابليس وقوم اجهز وقف مع عمامك .... تعوذ سعود من ابليس كلام محمد اثر فيـه .. قام يتوضى ويصلي ركعتين يحمد ربه ويشكره على كل حال ويدعي لجده فيهـم بعدها طلع مع محمد رايحين صوب مجلس جده لأستقبال المعزين وهكذا لين مامرت ايام العـزا كلهـا وبعدها مر اسبـوع كامل ! : : . . . : : توعت تحس بألام مدت يدها تحاول تصحي حمد .. وبتعب قالت : حمـ ــد .. حمد توعى بتعب وهو يحس بيدها على كتفه .. ويسمعها تألم ... فز بخوف : نوف شفيج؟ نوف وهي تبكي بألام : الظاهر اني بولد .. مب قادره استحمل ... فز حمد على حيله وراح يلبس ثوبه بسرعه وهو ياخذ غترته وعقاله .. ويلبسهم عالسريع واخذ عباه وشيله لنوف وساعدها تلبسها .. وشلها نوف بتعب وهي تبكي : شتسوي انت نزلتي .. حمد وهو يطلع بسرعه من الغرفه : اششش خليني الحق بج عالمستشفى ونزل حمد بحذر من الدرج عشان لاتطيح نوف من يده وحطها بالسياره وركب جنبها وحرك عالمستشفى على طـول ... : : . . . . . : : كانت نوره في الايام الي طافت متضايقه ماتقدر تنام عدل من كثر ماتفكـر ومن كثر ماهي حزينـه هي صحيح ماتعرف جدهم لكنها حزنت من حزنهم حزنت لما شافت المهـا والجازي , حزينين حزنت لما شافت سعـود ضعف بزياده .. وشحب وجهه وعيـونه فيها لمحة حزن تقطع القلب .. قاعده بالصاله تشوف التلفزيـون دخل ناصر البيت .. بعد ماصلى الفجـر مارجع للبيت خذا له كم لفه ورجع شاف نوره منطويه على حالها ومنسدحه عالكرسي تشوف التلفزيون قرب منهـا بأبتسامه : صباح الخير قعدت نوره وهي ترفع خصله على وجهها: مرحبا صباح النور ناصر وهو يقعد عالكرسي: شتسويين؟؟ مارقدتي؟ هزت نوره راسها بالنفي .. : ملل ناصر وهو يفصخ غترته يرميها عالكرسي: أجازه المفروض تستانسين نوره : والله ايام الجامعه عالاقل اطلع اسوي شي .. ناصر: اطلعي محد قالج لاتطلعين نوره بضيق: مااروح الا لمهوي .. وهالايام ماقدر اروح لها نفسيتها تعبانه واجد مسكينه تضايق ناصر ودنق راسه .. وقال بنبره خاصه فيها حزن : شلونها الحين؟ نوره وهي تضم ركبها لصدرها : كلمتها امس احسن شوي .. بس مايقدرون ينسونه ناصر : اكيد ماينلامون هذا جدهم وابوهم نوره : الله يرحمـه .. تنهد ناصر: انا كل مافكرت اخطبها يصير شي نوره : ماتدري يمكن خيره ناصر : خايف تروح من يدي نوره بأبتسامه : اذا الله كاتبها لك .. محد بياخذها غيرك ناصر يبتسم لأخته : وانتي ماتبين تجهزين لعرسج؟ ابتسمت نوره بحزن : مالي خاطر اسوي شي الحين ناصر : موت انسان مايعني ان الدنيا وقفت يانوره ! انتي عروس ووراج عرس .. وعندج وقت محدد لازم تخلصين قبله ! نوره وهي تدنق راسها : ادري بس مب الحين .. بعدين اانا اتوقع سعود يأجل العرس ! ناصر: ويمكن مايأجله !! .. يمكن يكنسل الطقطقه والخرابيط هذي وعشا وياخذج والسلام !!!!! بلعت نوره ريقها بتوتر .. وبدا قلبها يدق بخـوف وقف ناصر: انا بنـام وقوموني الساعه 11 الظهر اوكي؟ هزت نوره راسها بالايجاب : اوكي !!! : : . . . : : : . دخل حمد البيت لقا امه ووابـوه .. الي كساه الهم وبان عليه الحـزن بالصاله يتقهـوون بعد ماصلوا الفجـر وطلعت الشمس ابتسم وهو يحب روسهم ويصبح عليهم قعد مقابلهم عالارض وقال بفرحه بانت في عيونه ونبـرة صوته : وش البشاره؟؟ ابتسمت ام حمد .. رغم حزنها الي مثقل روحها : بشر ياولدي .. ودنا بالعلوم الطيبه حمد بفرحه : ابشركم بقدوم ولي العهد عبدالرحمن بن حمد اتسعت ابتسامة امه بفرحه .. وهي تمسح دموعها بطرف شيلتها .. وتقول بصوت مخنوق من العبره : مبروك ماجا ياولدي يتربى بعزك بوحمد الي فرح من الخـاطر رغم الحزن الي كسا روحه .. بولد ولده فرح وتمنـى لو ان ابوه موجود ويشوف حفيد ولده الكبيـر يشوف ولد حمد .. حفيده الي يحبـه والي فرح يوم زوجـه ودبت الفـرحه .. في بيتهم الكبيـر وفي نفـوسهم بعد ماغزاها الهم والحـزن على فقيدهم الغـالي راح حمد فوق يجيب شنطـة نوف الي جهزتها للمستشفـى ولما دروا امه وابوه انه بيروح للمستشفى .. اطلبوا انهم يروحون معاه يشوفون حفيدهم الاول .. : : . . . . : : . وقفت بغنج .. ابي اروح مع امي حمد وهو يشوف الملف الي بيده : وين؟ ساره وهي تقعد جنبه : نوف اختي جابت ولد .. وبروح اسلم عليها وابارك لها .. واشوف ولد اختي ابتسم حمد بفرحه : والله؟؟؟ تستااااهل مبروك ماجاها .. يتربى بعز والديـه انتبهت ساره لفرحة حمد بالخبر حز بخاطرهـا هالشي .. ونطت عبرتهـا لبلعومهـا تدخل اسماء فالبدايه بحيـاتها وبعدها خبر عقمهـا !! وبعدها لما سمعت امـه ناويه تزوجه عشان العيال !!! والحيـن فرحتـه الي ماتوقعتهـا لما عرف بقدوم مولود لأختها !! يعني هو يبي عيال !!! اكيد مافي شخص يتزوج ومايبي عيال .. رجعت لأرض الواقع على صوته وهو يهزها بالخفيف : ساره بلعت ساره ريقها : هلا حمد وهو كل مره يتأكد ان فيها شي !! قال بهدوء : روحي لهـا ساره وهي تشبك اصابعها ببعض مثل الاطفال : نزين ابي فلوس ابي امر اشتري لها هديه وللبيبي حمد وهو ينزل الملف ويوقف: اووكي قومي انا بوديج تشترين لها .. وعقب بنزلج عندهم فالمستشفى .. وقفت ساره بفرحه .. وراحت بسرعه تجهـز : : . . . : : : السـاعه 10 الصبـح في غرفـة نـوف بـالطابق السادس بمستشفى الولاده .. سيف قاعد وجنبه الجـازي الي باقي لها 10 ايام وتدخل الشهر الرابع .. سيف بحضنه عبدالرحمن الصغيـر كان نايم مثل الملاك الصغير .. : ولدج حلو .. بس صدقيني مب احلى من عزوز ولدي انحرجت الجـازي .. ضحكت نوف بتعب بدون ماترد عليـه حمد وهو يضحك : ولدك للحين ماجا وشايف نفسك علينا .. شلون اذا جا؟ سيف: مااكلمكم كلش هههههه ( دنق على عبدالرحمن الي قعد يبكي ) فديييته انا حبيب خاله .. شفيك تبكي ام عبدالله : عطني اياه يبه تراك ماتعرف تشيل المواليد .. بكره بتفكك عظام ولدك ضحك سيف وقال عشان يرقع : من زمااان ماشلت صغار .. بتمرن على حمني لين يجي عزيزان حمد مبقق عيونه فيه : ليش جايبينه لك تجربه حنا؟؟ لامب مستغنين عن ولدنا : : . . . . . : : في فيـلاجيو محل لهدايا الاطفال اخذ هديه ولف لناحية ساره : شرايج فيها؟؟ ابتسمت ساره : حلوه بس خلني اشوف غيرها حمد .. وهو يشوف هديه ثانيه احلـى وفيها حاجات اكثر .. راح لها وروها ساره : شرايج في هذي نزين؟؟ ساره : حلوه بس مافيها مرضاعه !!! عقد حمد حواجبه وهو يشوفها بنظره .. ولمحة ابتسامه .. ابتسمت ساره وصدت عنـه تشوف الهدايا الباقي .. كانت تشوف حواليهـا اغراض للبيبي المواليد .. كل غرض احلى من الثـاني ملابسهم .. والمراضيع والقبعات وملاحف صغيره انواع واشكـال والوان حلوه خرت دمعه من عينها من تحت النقاب مسحت بطرف سبابتها لمحهـا حمد .. شاف دمعتهـا حس بسيوف تطعن في جوفه .. تنهد وهو يراقبها من بعيـد كانت تمسك الاغراض بيدها تشوفهم تلفت تشوف الاغراض المعروضه بطريقه مغريه للشراء .. يحس بها كتلة من الالم والهموم تمشي ! وده لو تبوح له بس لو تكلم !! هو مستعد يسمعها للأخر ويعرف شالي في خاطرهــأ : : . . . : : : . تكفين تعالي لي .. ماقدر مهـوي .. والله استحي ضحكت المهـا : تستحين من من؟؟؟ نوره بأحراج : يمكن اشوف سعود والا شي !!! المها: سعود محد هالاسبـوع عنده دوره يروح الصبح مايرجع الا فليل !!! نوره : وخالج؟؟ المهـا : آآآمممم خالي ماجد راح مع امي سوق واقف نوره بأبتسمه : الله وليش مارحتي معهم؟ المهـا : مالي خاطر اطلع .. عشان كذا ابيج تجين البيت فااضي نوره : نزين نزين بقولج حق امي وبجيج يالحنانه .. ماقدر على حنتج ضحكت المهـا: يلا انطرج ترى نوره : آآممم سوي لي كرك معتبر والا مااجي ترى !! المها : اووكي حياج .. في نفس اللحظـه في غرفة سعـود توه طالع من الحمـام ينشف شعرها بالفـوطـه لبس ثوبته ومشط شعـره واخذ عقاله وغترته المعلقين وطلع من غرفته وهو يلبسهم ونزل فتح باب الصاله بيطلع في نفس الوقت الي نوره تحط يدها فيه عالباب بتفتحه !! ولما انفتح الباب ويدها عليهـ .. كانت تشوف تحت متوقعه المهـا لمحت ثوب ابيض !!!! بلعت ريقها وارفعت نظرها له بتوتر .. وانصدمت لما شافته !!!! حست بحزن يغزي قلبها وهي تشوفه بهالحال .. نحف كثيـر .. وهالات سود تحت عيـونه ملامحه تحكي عن قصـة ألم وتعب !!! رغم هذا كلـه مازال جذاب مازال محافظ على وسامتـه الي تآسر عيونها في كل مره ! نزلت عيونهـا للآرض بتوتر : عظم الله اجرك .. ولو انها متأخره انصدم هو الثـاني لما شافهـا حس بالحياه تدب في جسمهـا لما شافهـا اشتاااق لشوفها كثير من عقب اخر مره شافها فيها وصورتها مازالت تسكت ذاكرته ومستحيل تفارق خياله !! في كل مره يشوفها فيها يحبها اكثر يموت في نظرة التوتر الي بعيـونها يحب عنادها .. حتى صوتهـا لما توتر يعشقه .. ابتسم : اجرنـا واجرج ... سكت شوي يشوف ملامحهـا وملاحظ توترها كل ماله ويزيد .. مايدري كم مر من الوقت وهو يشوفهـا وقــال : بالنسبه للعرس .. انا كنسلت .................................................. ............ لآتحرموني من ردودكم وتوقعآتكم ~ آختكم ~ { زآآهل آلكحل |
آلـ ج ــزء آلـ خ ـآمس وآلـ ع ـشرون ~ ~ كان واقف قدامـها وملاحظ توترهـا سحب نفس عميـق .. وهو يفكـر كيف ممكن يقول لها ! ووش بتكون ردة فعلهـا خصوصا وانه في كل موقف يجمعهم تكون ردة فعلهـا دايمـا الضد .. قال بصوت هادي جدا .. وهو يراقبها بنظراته : بالنسبه للعرس .. انا كنسلت الفرقه سواء للحريم والا الرجال .. لكن حجز القاعه موجود .. يعني بيكون عرس بدون طقطقه ! عشاء كبير والسلام !!! بلعت نوره ريقهـا وهي مازالت تشوف طرف ثوب سعود تحت .. حارت الدمعه وسط عينهـا مهمـا يكون هي بنت حالها حال باقي البنـات تمنى تكون ليلة عرسها احلى ليله يكون عرسها مثل اعراس البنات كلهم كل بنت تحلم لهالليله وتخطط لها ويوم صار الجد .. وتحدد الموعد يتكنسل جزء مهم فالعرس ! صحيح ماتكنسل العرس كامل بس الجزء الي انلغا منه جزء كبير شتقدر تقول؟؟ ماتقدر ترفض حتى ! سعـود يشوفها ينتظر ردة فعلها ! وصله صوتهـا الاشبه للهمس : الي تشوفـه ( وهي مازالت تشوف تحت ) مد سعود يده لتحت ذقنها يرفع وجهها ناحيته وانصدم لما شاف عيونها متجمعها فيها الدمـوع .. كانت تحاشى تشوفـه سعود حس بأنه بينهار .. مايستحمل يشوفها بهلمنظر قال بهدوء : انتي متأكده من قرارج؟ بلعت نوره ريقها .. وهي تهز راسها له بالايجاب : أي ابتسم سعود : اهم شي التوفيق .. ( ابتعد عن طريقها عشان تقدر تدخل ) .. تفضلي داخل مرت نوره من جنبه وهي ميته من الاحراج راحت على طول فوق وعيون سعود تتبعهـا بكل حب .. عدل غترته وراح .. : : . .. . . . . : عند نوف بالمستشفى كانت امها عندها وام حمد والجازي وساره الي دخلت عليهم من شوي قعدت ساره جنب الجازي وهي تسألها عن اخبارها .. وبعد السـوالف والقهـوه قامت ساره وشالت حمني الصغيـر من سريره .. طبعت بوسه بكل رقه على خدوده المتورمه من الولاده وراحت تقعد جنب الجازي .. وهي كل شوي تعلق مع الجازي على يده الصغيره على نومته كل شي فيه صغيـر كانت تشوفه بكل حب .. وكأنه ولدها مب ولد اختهـا وعيون نوف تراقبها وقلبها يتقطع مليون قطـعه .. هي اكثر انسانه بهالدنيا تحس بمعاناة اختها الصغيره لما تزعل ساره تلجأ لنوف لما تضايق تلجأ لنوف اذا حبت انها تفضفض عشان ترتاح تلجأ لنوف نوف تعرف كل خطوه بحياة ساره وتحس بمعاناتها .. بفرحهـا بحزنها بضحكهـا بكل شي .. هي متأكده الحين ان اختها تمنى لو تشيل بين احضانها ولدها الي من قطعة كبدهـا دنقت نوف وهي تدعي في خاطرها ان الله يرزق اختها الذريه الصالحه ولايحرمهـا نظرة ام عبدالله لبنتها كانت غيـر مهما كانت نوف تحس بمعاناة اختها اكثر من امهـا لكن قلب الام غير ! ضناها لو مااشتكى هي تعرف شفيه من غير مايتكلم !!! كانت تشوف بنتها ساره شايله ولد اختها بين احضانها بكل حب تحظنه وتبوسه .. وقلبها يتفتفت .. ربي يرزقج يابنتي ولايحرمـج ربي يعوضج عن معاناتج ويفرح قلبـج .. برقت دمعه بوسط عينهـا قدرت تخفيها ببراعه دون محد يشوفهـا : : . . . : : . دخلت لقت امهـا على سجادتهـا بيدها المسبـاح تسبح .. واجواء الغرفه شبه مظلمـه عشان لحد يشوف دموعهـا الي ماجفت عيونها من بعد مافقدت الغالي .. عاشت معاه سنين طويلـه تزوجته وهي صغيره وربـوا عيالهم لين ماكبروا وعيالهم جاووهم عيال وربوا عيال عيالهم لين ماصاروا كبـار وعلى وشك يصيرون اباء وامهـات .. العشـره ماتهون على الواحد لو هي بسيطـه كيف لو كانت عمر ! هذي حال الدنيـا تفرق اليوم هم معانا وبكره هم تحت التراب ممسحت دمعتها وهي تلف تشوفهـا بنتها وضحى الي دخلت وشغلت الليت : يمـه قاعده؟ ام عبدالرحمن وهي تنزل برقعها على وجهها : أي يمه وضحى : ام سعـود توها جايتنا الحين حياج عندنا .. تقهوي وسولفي وغيري جو شوي بصعـوبه ام عبدالرحمن قامت بمساعدة بنتهـا .. وراحت للصاله سلمت على ام سعـود واقعـدوا يسولفون ويتقهـون .. شوي طلعت من الجو الي كانت فيـه : : . . . . . : : دخلت المهـا غرفتهـا لقت نوره قدام التسريحـه كل شوي تفتح شعرها وترجع تلمه وهي تشوف شكلهـا فالمنظره واول مادخلت المهـا نطت لها وهي ماسكتها من جيبهـا بقهر : انتي ماتتوبين من حركاتج هذي؟ خافت المهـا وبققت عيونها في نوره : شفيج ؟؟ نوره ودها تذبح المهـا على تفهيها : تسوين نفسج ماتدرين؟؟؟ ( هدتها وراحت تقعد عالسرير ) اسمعيني الشيخه مهـا حركات الفخوخ هذي الي تسوينهـا .. تعالي محد فالبيت ومادري شنو !!! خليها تولي الحين انا في وضع مايسمح لي اطيح في مقالب بايخه مثلها !! قعدت المها جنبها وقالت : والله يوم اكلمج محد خالي ماجد مودي امي السوق .. بعدين امي للحين ماجات على أي اساس شفتيه؟؟؟ تكتفت نوره وهي تصد عنها : مب خالج الي شفته !!! المها : لاتقولين لي سعود ؟؟؟ لان سعود مستحييييييل يكون موجود هالحزه فالبيت !!!! لفت لها نوف وهي معصبه: امبلا سعود !! ( كملت بقهر ) مهوي ان دروا اهلي عن هالحركات والله مايخلوني اجيج ولااعرفج المها برطمت بضيق: والله نوره اني مادري انه فالبيت ومب قاصده والله .. لان سعود كل يوم هالحزه مايكون موجود عنده دوره !! سكتت نوره بدون ماترد على المهـا كملت المهـا ببراءه مغلفـه بنظرات خبث : بعدين شفيها اذا شافج؟؟ تراه زوجج على سنة الله ورسوله وللللع وجه نوره من الاحراج واضربتها على كتفها بقوه : مالت عليج اقـول .. المها وهي تقوم وتسحب نوره معاها: قومي قومي تراني مسوية لج ذاك الكرك .. عشانج بس دشيت المطبخ ! سحبت نوره يدها وهي تدز مها قدامها : روحي بس قالت عشاني داشه المطبـخ انتي اصلا 24 ساعه فالمطبخ تبلعين !! المها وهي تتخصر بدلع : حبيبتي مادري من الي معششه فالمطبخ ( وترقص لها حواجبها ) ضحكت نوره ومرت من قدامها وهي تنزل الدرج : كلن يتكلم عن نفسه المها بضحكه : قلتيها ياللوتيه كلن يتكلم عن نفسه ومالج خص فيني ... لفت لها نوره بضحكه : يعني صدق انتي 24 ساعه فالمطبخ؟؟؟ صرخت المهـا في وجهها وهي تضحك : جبببب ولاكلمـه ونطت عليها بتضربهأ راحت نوره تركض والمهـا تلحقهـا : : . . . . . : : مر اليـوم بدون احداث تذكر اليـوم الثـاني العصـر كانت المهـا طالعه مع خالها ماجد للسوق تبي تستعد لعرس اخوهـا الوحيد راحت لفيلاجيو وقف ماجد وهو يقول للمهـا ويأشر لها : حدج هالممر بس واذا خلصتي منه اتصلي لي .. انا بروح كافيه لونوتر الي في نهاية الممر هزت المهـا راسها بالايجاب : ان شاءالله ماجد وهو يبتعد عنها : لاتأخرين المهـا وهي تدخل المحل الي جنبها : ان شاءالله .. دشت المحـل تشوف الفساتين المعروضـه بدون ماتنتبه للموجدين فالمحل .. راح ماجد للكافيـه واختار له طاوله على زاويه تطل عالممر الي فيه المهـا طلب له كوفي وهو يشـوف الناس الرايحه والجـايه شوي ويرن تلفونـه مرحبا بوفالح طلال بضحكه : هلا وغلا في ذمتي شحالك؟ ماجد وهو يعدل غترته : طيب طاب حالك .. شحالك انت؟؟ طلال : بخير ربي يسلمك .. وين يالحبيب؟؟ ماجد : والله طالع مع الاهل طلال : وين؟؟؟ ماجد : تحقيق هو؟؟؟؟؟ فيلاجيو ! طلال: هههههههه ياحلوك لما تعصب .. المهم اطلب لي معاك كوفي ضحك ماجد وهو يدور بعيـونه طلال .. ولمحه جايه من بعيد وهو يسكر تلفونـه سلم عليه وطلب له كوفي .. واقعدوا يسـولفون مع بعض ... عند المهـا كانت تشوف صندل راقي عجبها شكلـه ماوعت الا بصوت من وراها هالصوت مآلوف .. مها؟؟ لفت لها لقتها ابتسمت بفرحه : هلا وغلا .. ( سلمت عليها ) آمنـه : اهلين شهالصدفه الحلوه؟؟ المهـا : شفتي شلون آمنه : حد معاج؟ المهـا تذكرت الموقف الي صار بين امنه وماجد قالت بأبتسامه من روا النقاب : خالي .. السوري جات معاج؟؟ آمنـه بأبتسامه : لا ماجات .. انا جايه مع عمتي وبناتها .. هم يبون شي وانا ابي شي ثاني اتفقنا عقب مانخلص نلتقى عند بوابة كارفور المهـا : شكلج تدورين فساتين نفسي ! آمنه : أي المها : حلو عجل تعالي لقيت كم فستان وابي رايج فيهم عند مـاجد وطلال طلال بأبتسامه : متى ناوي تزوج؟ ابتسم ماجد وهو يشوفه رافع حاجب ومنزل حاجب : شهالسؤال؟؟ .. انتظرك لين حضرتك تزوج عشان اتزوج انا !!! ابتسم طلال : انا قريب ان شاءالله ماجد : من جدك؟ طلال : اييي ماجد : من تعيسة الحظ ههههههه طلال : يابختها فيني بس .. ماجد : امها داعيـه عليها هذي .. طلال بجديه في نبرة صوته : خلنا نفرح فيك قريب ماجد وهو يلعب بأكياس السكـر قدامها : ان شاءالله .. الله يكتب الي فيه الخير وقف طلال وهو يسلم على ماجد بيـروح .. ماجد : وين؟؟ طلال: بروح الاهل طرشوا لي مسج اخلصـوا ابتسم ماجد : متفقين انا وياك كل واحد جايب اهله هههههه طلال: شنسوي بعد لهم حق علينا .. خلاص اشوفك بعد صلاة العشاء في مجلس خليفه ماجد : خلاص ان شاءالله نلتقي هناك راح طلال .. وعيون ماجد تتبعـه صد ماجد للجهه الثـانيه لمح المهـا ومعاها وحده !!! لاشعـوريا حس بشي بداخله .. ابتسم وهو يدنق تحت يتذكر كلام طلال له ... ورن تلفـونه : هلا المها المهـا وهي تشوف الفستان الي تأشر عليه آمنه : طولت عليك؟؟ صح؟؟ ابتسم ماجد : اخذي راحتج .. ( كمل بنبرة واطيه ) بسألج من الي معاج؟؟ ابتسمت المهـا بخبث وقالت بعياره : محد معاي !!! ماجد : مهوي مب وقت ملاغتج الحين المهـا : مب انت قلت لي ماتحتاجني في شي هذيك المره ؟؟؟ ماجد يتصنع العصبيه : اقول تعالي يلا بنروح انتي مب وجه احد يكرمج ويجيج تسوقين ضحكت المهـا وقالت بصوت واطي : بقولك بعدين ماقدر الحين ... ماجد : نزين لاتطولين : : . . . . : . في بيت بوحمد ( زوج ساره ) كانت ام حمد قاعده وساره .. دخلت عليهم اسمـاء بغنجها ودلعهـا وحركاتها الي تلفت النظر .. تضايقت ساره من اول ماشافتهـا .. سلمت عليهم وقعدت بدلع وهي تحط رجل على رجل سألتها ام حمد عن احوالها واهلها .. وردت بغنج وهي تسبل بعيـونها وتسرق النظر لساره .. لفت اسمـاء بدلع لساره : سوسو شخبارج؟ ساره تتغصب الابتسامه : بخير الله يسلمج .. شخبارج انتي؟ اسماء وهي تبعد شعرها عن كتفها: بخير الحمدلله .. ( لفت على عمتها ام حمد ) عمتي آمون وينها؟؟ ام حمد : آمنه رايحه السوق مع عمتهـا .. اسماء : بدلع : بتطول ؟؟ ام حمد: لايابنتي من عصر وهي رايحه قدهم بيجون ذالحين ..(لفت على ساره ) ساره يمه قهوي اسماء وقفت ساره على مضض .. وصبت لها استكانة شاي .. ومدت لها صينية الفطـاير وهي تحس بروحهـا مخنوقه في هاللحظـات دخل حمد !!! زادت ضيقة ساره .. ليتك مادخلت الحين ياحمد كانت تشوف نظرات اسمـاء الي بتاكل حمد بعيـونها وحمد مب معطيها أي اهتمام غير انها بنت خاله ومتعود عالمزح معاها وبس !! اسمـاء بغنج : شحالك حمد ؟ حمد وهو يعدل غترته وياخذ من الفطاير: بخير الحمدلله .. شحالج انتي؟؟ وشحال خالي وخالتي ام فهد؟ اسماء بدلع وهي تعدل شيلتها الي ماتغطي الا جزء بسيط من شعرها: بخير الحمدلله .. حمد بأبتسامه : شخبار الدراسه؟؟ اسمـاء : تمام الحمدلله .. باقي لي كورس واتخرج حمد: بالتوفيق ان شاءالله لمح حمد ساره وهو يشرب الشاي .. كانت تشوف اسمـاء شلون تكلم .. وواضح انها منقهره منها نزل استكـانة الشاي وهو يوقف : يلا انا استأذن بطلـع الحين .. ( ولف لجهة ساره ) ساره تعالي شوي ابيج راحت ساره وراه وقف حمد ولف لها يشوفها ابتسمت ساره بأستغراب : خير حمد شفيك؟ حمد وهو يدقق بملامحها : شي يعورج؟ نزلت ساره راسها : لا الحمدلله .. ضمها حمد وطبع بوسه بين عيونها : تامريني بشي يالغاليه؟ ابتسمت بحب: سلامتك طلع من عندهـا وباله مشغـوله عليها ! فالفتره الاخيره تغيرت واجد وصارت هاديه بشكل يحير وغير هذا نظرة الحزن بعيـونها تنحر فؤاده نحر ! : : . . . . . : : فليل السـاعه 1 غرفة المهـا كانت شابكه النت متربعه على سريرها واللاب قدامهـا دخل ماجد بعد ماطق الباب .. وانسدح عالسرير جنبها : شتسوين؟ المهـا وهي تسولف مع وحده ربعها عالمسن : شوفة عينك داشه النت ماجد : آآمممم مهوي !! المها : هلا ماجد : شرايج في آمنه ؟؟ المهـا : من أي ناحيه؟ ماجد : جميع النواحي ابتسمت المها وسكرت اللاب وهي تلف لماجد تكلمه : شوف بقـولك آمنـه بصراحه بنت محترمه وهاديه وعاقله ورزينـه .. توني عارفتها من فتره واحس اني اعرفها من سنين .. بسرعه اندمجت معاها بس ...... قعد ماجد على حيله : بس شنو؟؟؟ المهـا : بس تراها مطلقه !!! انصدم ماجد .. مطلقه !!!!!! تكلم بهدوء : شسبب الطلاق؟؟ المهـا وهي تشبك اصابعها ببعض : ماعرف بالضبط .. بس الي اعرفه هي طلبت الطلاق منه ماجد بهدوء : ملكـة والا دخل عليها؟؟ المهـا: لا ملكه بس !!! تنفس ماجد براحه : ابيج تجيبين لي سبب طلاقها !!! المها : وش يهمك فيه؟؟؟ ماجد : لاني بصراحه حاب اتقدم لهـا .. بس اول اعرف سبب طلاقها !!! المها: ودام انك بتقدم لها .. شبيفيدك فيه السبب؟؟ ماجد : يهمني اعرف .. المها: واذا ماقدرت اجيبه؟ ماجد : بتقدرين ان شاءالله .. اسألي ساره بنت عمج اكيد تعرف ! هزت المها راسها بالايجاب : اوكي .. انت جاد بكلامك؟ ماجد بثقه: أي نعم كلمتي كلمة رجال .. وانا كلمت امج بهالموضوع بس صار الظرف الي صار وماقدرنا نسوي شي ... وبعد فتره برجع اكلمها مره ثانيه واتقدم لها ابتسمت المها بفرحه وضمت خالها بحب : الله يوفقك يامجووودي ضربها ماجد بالخفيف على كتفها وهو يضحك : اصغر عيالج مجودي؟؟ ههههههههههههه : : . . . . . : : مرت الايـام مثل البـرق .. يوم يجر يوم .. المهـا سعت في موضوع خالهـا .. وجابت له سبب طلاق آمنـه دون علم آمنه طبعا ! وهالشي كان عن طريق ساره الي فرحت لما درت بأن ماجد بيتقدم لهـا .. ناصر بعد ماحب انه يتم فتره بعدين يروح يخطب المهـا جاته دوره عن طريق الشغل .. في فرنسـا لمدة 3 اشهـر وتضايق لانه مب قادر يحضر عرس اخته .. ورفيقه سعود !! وأنه كان ناوي يخطب المهـا في هالفتـره .. وحالت بينه وبينهـا الظروف ... ونوره كانت تستعد وتجهـز لعرسهـا وخوات سعـود وامـه كانوا يستعدون لعرس اخوهم .. : : . . . . . : : لفت بفستانها الابيض .. الانيـق والراقي جدا .. تشوف المهـا والجازي والبنات كلهم حولهـا يبدون اراءهم بأعجاب بشكلها كانت قمه في الروقي والانـاقه .. كانت مثل الملاك بالابيض أميـره بمعنى الكلمـه صـوروا معاها البنـات وشغلـوا المسجل عندها داخل يرقصـون لهـا شوي عن خاطرهـا فرحت وادمعت عينهـا بفرحه لما شافت الفرحه بعيـونهم قربت منها ام سعود وضمتها بحب .. نوره بنتها قبل لاتكون مرت ولدهـا تحبها مثل ماتحب بناتها ... اتسعت فرحتهـا اكثر اطلعت نوره على كوشتهـا شغلت لها زفه هي اختارتهـا عشان تطلـع .. والمصـوره تلتقط لها احلى اللقطات .. والبنات حولهـا فرحانات لهـا ومرت الاجـواء حلوه عليهم كلهـم .. لحد مااتصل سعود بالجازي وقال لها انه عند باب القاعه .. ومعاه صالح حاولت فيه امه يدخل القاعه لكنـه رفض ! دخل صالح اخوها صور معاه .. وبعدها اخذها بيدهـا .. عشان تروح مع سعود كانت دقات قلبها كل مالها وتعلى تحس ان كل الي بالقاعه يسمعون صوتها !! وتوترها صار ملحوظ بشكل يوتر صالح وهو يضغط على يدها قال بصوت اشبه للهمس : شفيج ترتجفين ؟؟ بردانه في عز الصيف؟؟ سكتت نوره ومادرت عليه متوترهـا ابتسم صالح وهو يتذكـر هاللحظات له مع لطيـفه لما حط يدهها بيده ليلة زواجهم كيف كانت ترتجف خوف وتوتر ... تغطت عدل وساعدها تركب السيـاره وركب صالح مكان السـواق ..وحرك متوجهين للفندق وهو يخفي ابتسامته عم الهـدوء اجوء السيـاره .. سعود بنفسه متـوتر !! اذا ذيك المره يوم الملكـه كان بيفقد اعصابه وبيتهـور من زود ماهي آسرتـه كيف الحين وهي عروس وبالفستان الابيض ؟؟ كان يحاول يتخيل شكلهـا وبنفس السيت كانت نوره تلتزم الصمت ... لكنهـا من الداخل .. كانت خايفه ودقات قلبها تدق بشكل غريب .. تحس انها مب قادره تنفس من زود ماهي متوتره ودها لو ترجع مع اخوهـا خلاص !!! وصلهم صالح للفندق وقف مقابلهم وهو يوصي سعود على اختـه : سعود الله الله بنوره ! ابتسم سعود : بعيوني لاتوصي حريص صالح : تسلم عيـونك ( سلم عليها بالخشم ) يلا الله يوفقكم ويبارك لكم .. اذا قمتوا الصبح اتصلوا بي سعود وهو يشوف صالح يبتعد عنهم : ان شاءالله ... سكر الباب ولف ورا بأبتسامه حلوه .. انصدم !!! هذي وين راحت؟؟؟ هز سعود راسه بآسى .. شكلي بتعب معاها هالبنت راح للغرفـه : نوره ! لقاها قاعده عالكرسي وتفرك اصابعها ببعض بتوتر ... سعود : شفيج؟؟؟؟؟ ماردت عليه نوره !!! ابتسم سعود وهو يقـول فخاطره .. وين اللسان الي يلعلع علي قبل ... نزل بشته وعلقـه .. ورفعه غترته ترمبـه وراح قعدت جنبها عالكرسي .. ولاحظ ان توترها زاد حط يده الدافيه على اصابعها الي صايره قوالب ثلج !! وقال وهو يشوفها بحب : شوفيني ... وقفت نوره عن الحركـه وتحس كل شي بجسمهـا توقف عن الحركـه .. وتحس ان من زود ماهي ميته من الحـر على هالتوتر .. صارت تدخن ! بدون ماترمش ولاترد عليـه .. بلعت ريقها وهي ساكته رفع سعـود يده لذقنهـا .. ولف وجهها ناحيتـه .. والتقت شفتهم ببعض وبحركه سريعه ابتعدت نوره عنه وراحت توقف بتوتر .. مب قادره تستحمل الاحسايس الي تحس بهـا صارت تنفس بسرعه سعود حس انه تهـور .. وضغط عليها بالبدايه .. وقف وراح لداخل يبدل وهو يلعن السـاعه الي يفقد فيها السيطره على نفسـه .. لآتحرموني من ردودكم وتوقعآتكم آلحلوه ~ آختكم { زآآهي آلكحل ~~ |
هالناااااااااااااصر ودي اذبحه ..يعني وش فيها لو خطبهاا وبعدين سااافر ..
احسااسي انه ماراح ياخذهاا ..؟؟؟؟ مشكوووووووووووره نوف ..بانتظاااااااارك .. |
مـــــراحب نوف,,
حمد ونوف :لا تـــــــعلـــــــــــــيق عادني زعلانه انكم تراضيتوا!!! سعود :ألف مبروك ومنك المال ,,,والبقيه برأسك,,عاد الله الله بالنوري ولا حد يخربها من أولها,, قال ايش قال(وين لسانها اللي يلعلع!!) ليه بسلامتك انت بغيتها تدق حنك معك ,, أجل كان أشتريت كيسة فصفص وجلستوا تقرطون ,,هه منتوا أصدقاء من سنين!!!<<<عصبت:8Pp04714: نوره :وانتي بعد الف مبروك ومنش العيال,,,انتبهي عاد لسعود وحطيه فوق راسش ترى خطافات الرجاجيل واجد ,, والله يستر من ليلتكم ذي’’ ساره : والله انش أوجعتي قلبي,, الله يرزقش ويكسر أسماء كسره كسره.. وعمتش ما عليش منهاهو صدق ان العمات كلهم كذا بس أوجعتي قلبي لما قلتي أنا توي من سنه تزوجت خلوني أتهنى فيه ,,, وانتي عاد زين منش انش متذكره ان ما لك الا سنه وتراش بديتي تطفشين الرجال منش .. آمنه : بتعيين وبتقولين انا سالفة العرس شليتها من راسي ,, ولا بتوافقين وبتكرهين الأدمي في اليوم اللي لكحش فيه ,, ناصر : ياأخي قسم بالله انك زفــــــــــــــــــــــت!!! طلال : شكلك ناوي على وحده من ثنتين اما آمنه ولا مها ,,وكلاهما خيارات مره,, البقيه الباقيه في دحديـــــــــــــــــــــره,,,هع نـــــبنت نايـفـ!ــــــــــــــوف سلمتي ودمتي’’’ربي يقويك عالنقل الرائع,,, |
[SIZE="5"]قموره وحلم
طلتكم دائم لها رونق جميل ينير صفحاتي كل الود لقلوبك الطاهره آلـ ج ـزء آلـ س ـآدس وآلـ ع ـشرون ~~ ~ كانت واقفه بتوتر .. وتحس اضطرابات داخليه الله يعدي هالليله على خيـر لفت بعيـونها تشوف ظهره واقف ياخذ شنطته الصغيره ويدخل في غرفة الملابس عشان يبدل حست بتوتر وبلعت ريقهـا وانا وين ببدل ؟؟؟ حط سعـود شنطته الصغيره على الطاوله وهو حاس بشي داخلـه شفيني متهـور !! وانا المعروف عني اقدر اسيطر على نفسي .. من اشوفها اصير متهور !!!!!! آآوووف في هاللحظـه رن تلفـونه الي محذوف بالصاله راح له بعد ماسرق نظره سريعه لنوره الي واقفه ومدنقه راسها للأرض .. وهو يخفي ابتسامه عالجنب سعـود استغرب !! : هلا صالح صالح وهو يضحك : سوري ازعجتكم .. بس اكتشفت لما وصلت تحت اني نسيت المفتاح عالطاوله !! غمض سعود عيـونه بقلة صبر .. وقال بهدوء : لو انك نصور كان قلت التعن برا .. بس ماقدر اقولك شي تعال لي فوق بطلعه لك ضحك صالح وسكر الخط بينه وبين سعـود ... وطلع له سعود بالمفتـاح .. رجع لغرفـه بيفتحهـا لقاها مقفوله !!!!!! اللهم طولك يارووح طق الباب بيده قال بهدوء يخفي وراه انفعالات كثيره : نوره افتحي الباب لكن نوره ماردت عليه فتحت شنطتهـا بتطلع لها لبس عالاقل لين تبدل بس ! لقت قميص نوم .. ارفعته قدامها كانت تقدر تشوف الغرفه من وراه !!! من كثر ماهو مايغطي الا اجزاء بسيطه جدااا من الجسم حست بوجهها شب من زود الاحراج حسبي الله على ابليسج يالطوووف .. حطته بالشنطه وسكرتهـا وقامت تعدل شكلها وراحت فتحت البـاب لقت سعـود واقف وهو بدا يفقد اعصابه توه بيتكلم .. لكن نوره كانت اسرع منه وقالت بهدوء : انا وين بنام؟ فتح سعود عينه عالاخر .. وقال بخبث : بتنامين معاي يعني وين؟ هنا حست نوره انها قاعده على نار من زود الاحراج .. استانس سعود على هالحركـه .. راح انسدح عالسرير بعد ماسكر الباب وراه وقال بهدوء : يلا روحي بدلي وتعالي انتظرج انااااا !!!!! : : . . . . . : : في نفس اللحظـه غرفة المهـا ميته تبي تنام بس ماجد المزعـج .. كان يقـاوم التعب وناط على سرير المهـا قولي لي شلون كان شكلها؟؟ المها وهي تكتف بتعب: مب حلالك عليك عشان اوصف لك شكلها !! ماجد وهو يأشرلها بيده بللا مبالاه .. : بتصير حلالي ان شاءالله .. قولي قولي المهـا وهي تبتسم بتعب : اذا صارت حلالك هذيك السـاعه اجيب لك صورتها بعد ! ماجد بحالميه : آآآآه تكفين دبري لي صوره لها المهـا مبققه عيونهـا فيه : لهالدرجه ماخذه عقلك ؟؟؟ ماصرت تميز بين الصح والغلط؟ ماجد : وش الصح والغلط ياابله؟ المهـا: شلون بتشوف صورتها وهي ماتحل لك !! سكت ماجد ... وعقب قال عشان يرقع: بخطبهـا ان شاءالله واعتبريها النظره الشرعيه !!! ضحكت المهـا بتعب : هاهاااي اذا خطبتهـا قول حق اهلها يخلونك تشوفها ( وهي ترقص حواجبها له ) ضربها ماجد بالمخده الي بيده : اخمدي بس انتي ماوراج نفعه المهـا تضحك بتعب : سببت لي ارتجاج فالمخ .. صدقني اني اتمناها لك بس لو تحرك شوي وتروح تخطبهـا وقف ماجد بيطلع : بخطبها بدون مساعدتج .. وخلي مشاعرج لك يا انسـه وطلع وتركهـا تضحك على خالهـا الي فعـلا تغير من شافهـا وهو كله يهوجس فيها ويحن على شوفتهـا بطريقه مب طبيعيه .. : : . . : : . كانت واقفه بتعب لابسـه فستان وردي فااتح موديل حوامـل .. وحاطه ورود ورديه بنفس الدرجه في شعرهـا كله ويفـي .. ومكياج وردي فاااتح .. وطالع شكلهـا روعـه ذبحت سيـف الي اصر انها ماتبدل لين يشبع من شوفتهـا بالوردي ... قعدت جنبه وهي تحط يدها على بطنهـا بدلع : تعبت خلني ابدل ارتاااح سيف وهو يشوفهـا بنظرات ... وابتسامه خبيثه مرسومه على وجهه : لو تقعدين لين الصبح كذا بعد ماراح اشبـع الجازي الي كانت فعلا تعبانه : انت مايشبعك شي اصلا لو اقعد شهر ماراح تشبع سيف يتصنع الزعل : جزاي الي احب اشوفج؟؟؟ الجازي وهي تدخل يدها بشعره وتلعب فيه بغنج : لا .. بس خلني ارتاااح حرام عليك كفايه شايله ببطني وتعبانه ضحك سيف: بعد هذي سنة الحيـاه هههههههههه الجازي : أي بس لازم تراعي والله تعبااانه سيف ابتسم سيف بخبث وقال : اوكي بس بشرط !! الجازي بفرحه : شنو الشرط؟ سيف وهو يأشر لها : ابي بوسه انحرجت الجـازي وولع وجها احمـر .. وقفت بأحراج : بروح ابدل احسن مسكها سيف من يدها : هااااا احنا شرطنـا يااتنفذين والا مافي تبدلين !! الجازي وهي تحاول تسحب يدهـا : غير شرطك سيف وهو يسحبها بالخفيف عشان لايعورهـا ويحطها على حضنه بكل حب : والله شرطي وعاجبني .. واعتقد بسيييط وتعرفين تسوينـه كانت نظراته لهـا فيها خبث انحرجت الجـازي ونزلت نظرهـا لتحت .. وتفاجأت بقرب وجهه منهـا عشان ينفذ شرطـه بالغصب !!!! : : : . . : : : كان سعـود متمدد عالسرير ويقـاوم التعب وهو ينتظر نوره تجي .. الي طاولت وهي تبدل !! كل هذا تبديل !! ونوره في غرفة الملابس حالتهـا حاله شوي وبتبكي .. شسوي شسوووي !!! ارفعت القميص بيدهـا تشوفه .. الحين هذا شي ينلبس؟؟؟ حسبي الله على ابلييسج يالطوف ياقليلة الادب اورييييييج خليني ارجع البيت ... بدون ماتحس بالشخص الي تملل وهو ينتظرهـا تطلع وراح يطل عليهـا وطاحت عينـه عالقميص الي بيدهـا وهي ماشافته لانها معطته ظهرهـا ووصلهـا صوته وهو يصفر بأعجاب ويقول : آآوووف شنو هذا؟؟؟ لفت له نوره بسرعه وهي متخرعه .. وترجف بتوتر وهي تخبي القميص وراها ... سعـود وهو يقرب منها : طلعيه خليني اشوفه !! رجعت نوره خطوتين لورا .. واستجمعت قواها وقالت بتوتر : لا !!!! سعود بخبث : شدعوووه من اول يوم تقولين لي لا !!!؟؟؟؟ لاحظ سعود الدموع الي بدت تجمع بعيونهـا .. سحب نفس عميق وقال وهو يطلـع .. اخذي راحتـج .. وراح ينسدح عالسرير وبعدين معاها ؟؟؟؟ كل ماقربت منهـا نزلت لي هالدميعات !! الي يشوفهـا يقول بذبحها الحين ... نقطة ضعفي اشوف دموعها .. الي تذبحني يلا معليـه اول يوم وكل بنت مثلهـا تدخل في مثل هالتجربه بتخاف شي طبيعي ( تنهــد ) الله يعين عالايام الجايه ... غمض عيـونها وبدون مايحس نااام !! ونوره داخل حالتهـا حالـه .. لما طال الوقت توقعت انه يكون نايم .. طلت بشوي شوي شافته معطيها ظهره وعرفت انه نايم من طريقة تنفسه المنتظمه ارفعت فستانها شوي عشان تقدر تمشي براحه واطلعت منالغرفه عالصاله انسدحت عالكرسي لحد ماغفت عينهـا .. : : . . . . . : : فتـح عينه بتعب يشوف مكانهـا جنبه فاضي ! مد يده عالتلفون يشوف كم السـاعه كانت 11 الظهـر !! رفع غطا اللحاف عنه وراح يسبح طلع وهو ينشف شعره بالفوطـه .. ولمحهـا نايمه عالكرسي بالصاله؟؟؟؟ طلع لها بالصاله كانت نايمه مثل الملاك من كثر ماهي تعبانه ماحست بوجوده !!! كان يشوفهـا نايمه بفستان العرس وبمكياجها وبطرحتها وبكل شي !!! رفع يده يحك راسه بالخفيف وهو يشوفهـا اقومها والالا؟؟؟ أي لازم اوقومهـا خلاص لازم نلحق عالغدا بيت ابوها !! نزل لمستواها قعد على ركبه وقرب منها بكل لطف يوعيهـا : نوره .. نوووره !! فتحت نوره عينهـا بتعب ماكانت تشوفه عدل .. غمضت وفتحت عينهـا عدل وشافته قعدت وهي منحرجه مدت يدها تعدل تسريحتهـا الي مالت على صوب ابتسم سعود وقال بحب : صباحيه مباركه ياعرووس انحرجت نوره والتزمت الصمت !!! سعود مستغرب هذي شفيها ماتكلم؟؟؟ مب من عادتهـا !!! قال بهدوء : نوره اجهزي عشان نروح البيت قامت بسـرعه وراحت للغرفه داخل قفلت البـاب اخذت لها شور سريـع وطلعت لمت فستانها كله وحطه بالشنطـه نشفت شعرهـا بالفوطـه عدل وطلعت التنوره والقميص الي حاطتهم لها لطيفـه عشان تلبسهم الصبـح والبستهم .. وطلعت عبايتهـا وعلقتهـا بعد ماخطت الكحلـه وحطت لها كلوس وردي فااتح بس هذا الي تعرفه !! مشطت شعرهـا ولمته طالع شكلهـا مرتب ادعست باقي الاغراض بالشنطـه وسكرتهـا عدل البست عبايتهـا وصندلها .. وخواتمهـا حاولت تسحب شنطتهـا ماقدرت تركتهـا واطلعت بهدوء وقالت : خلصت !! سعود وهو حاط رجل على رجل يشوف التفزيون كان يشوفهـا اليوم بعد غير ! هذي كل مره تصير احلى ؟؟؟ ابتسم بأعجاب ابتسامه عريضه وقال بحب : ليش لابسه العبايييه؟؟؟ نوره بصوت اشبه للهمس : عشان نروح !! ضحك سعود وتوترت نوره .. اشر لها سعود بعيـونه عالطاوله وهو يقول : زين انا ابي اتريق !! نوره بهمس : تريق ! سعود بخبث : مابي اتريق بروحي !!! ( يحاول يجرأها عليه ) نوره وهي تقعد على اقرب كرسي بهدوء : بس انا مااشتهي شي سعود وهو يتسعدل في قعدته : لالا شنووو تبين اهلج يقولون مايكل بنتنا؟؟؟ سكتت نوره وماردت عليه هز سعود راسه بآسى وراح لداخل لبس غترته وعقاله .. وطلع شنطتها معاه وهو يتأكد بأن كل شي معاهم وبيده كان كيس لمجوهرات فخم وراقي ومعروف .. وقف قدامها وهو يشوفها بنظرات نوره ماقدرت تفسرها كل الي صار ان توترها زاد ورجفتها صارت ملحوظـه مد لها سعود الكيس الي بيده بكل حب وهو يقول : صباحيتج .. ان شاءالله تعجبج انحرجت نوره وهي تاخذ الكيس واصابعها ترجف .. لاحظ سعود رجفتهـا وبحركه متهوره منه وغير متوقعه من نوره اخذ يدها وطبع في باطنها بوسه داافيه .. وقفت الدم بعروقهـا !!! : : : . . . . . : : في بيت سعـود الصاالـه بالنسبه لآم سعود البيت من بعده فاضي ! كانت بالصاله تحت .. قدامها القهوه والشاي وهي تشوف التلفزيون فرحانه لانها شافت سعود معرس ! وحزينه لانها بتفقد سعود فالايام الجايه معرس جديد واكيد لاهي بحياته الزوجيه وخصوصا فالبدايه هذا غير السفر وغيره وهي متعوده على حسه فالبيت دخلته وطلعته قعداتها بالليل لما تقعد تنتظره وتحاتيه واتصالها له مايوقف من كثر ماتحاتيه وتخاف عليه وتبي تطمن عليـه قاعده متملله من عقب الجـازي تزوجت محد يقعد معاها من الصبح اذا قامت والحين سعود تزوج محد يمر عليها يتقهوى معاها يسولف عليها المهـا نايمه ! وماجد بعد نايم !! مدت يدها تصب لها من دلة القهـوه وهي تدعي من كل قلبها ان الله يوفق سعود وماجد والمها والجازي ويسعدهم في حياتهم وفي هاللحظات ينفتح باب الصاله تدخل نوره ويدخل وراها سعـود الي من شافتهم ام سعود وهي تقوم بصعوبه عن الارض ترحب وتهلل فيهم بما ان نوره كانت اقرب لها ضمتها وكأنها امهـا ضمتها بقوه .. تحبها من حب سعود لها من حب بناتها لها ولان نوره تنحب بسرعه .. ضمتها وهي تبارك لها من كل قلبها ... وعقب ضمت ولدها وادمعت عيونها بفرحه لفرحته وحيدهـا .. وبكرهــا واول فرحتهـا كانت تبارك له وتدعي له بالسعاده طبع سعود بوسه على راسها بكل حب وهو يضغط على كتوفها : الله يبارك فيج يالغاليه ... ام سعود وهي تحط يدها على صدر سعود واليد الثانيه على ذراعه تلمسه كأنه بيروح منها : فديتك يمه ماقلت لي بتجون عشان اجهز لكم الريوق سعود وهو ياخذ يدها ويحبها : لاتكلفين على نفسج حنا متريقين فالفندق قبل مانطلع يالغاليه ونوره كانت تراقبهم تشوف كيف علاقة سعود مع امه كل شوي يحب يدهـا وكل شوي امه تضمه .. وتمسك ذراعه وتشوفه بفرحه باينه في عيونها لاشعوريا ابتسمت نوره لهالعلاقه القويه علاقة سعود بأمه من اول لحظه لي في بيتهم اكتشفت علاقته قويه معاها فالايام الجايه وش بشوف؟؟؟؟ انتهبت على صوت سعود وهو يحط يده ورا ظهرها يقدمها : تفضلي يابنت فيصل البيت بيتج .. وتو مانور البيت حست نوره بكهربا تسري بجسمها من لمسة يده .. تقدمت وهي منحرجه واشرت لها ام سعود تقعد جنبها وراحت تقعد جنبها وهي تشوف الارض من زود ماهي مستحيـه .. وسعود يراقبها وابتسامه جانبيه مرسومه على محياه .. بعد ماتقهـووا واخلصـوا راح سعود ونوره لفوق لقسمهم .. طبعا قبل كانت غرفة سعود هي الغرفه الرئيسيه فالبيت غير الاربع غرف الي كانت وحده لام سعود ووحده للمها ووحده للجازي ووحده لماجد حاليا ! وبما ان غرفة الجازي كانت هي الغرفه الي جنب غرفة سعـود فهوا اخذها وفتحها على غرفتـه .. وبكذا صار له قسم صغير عباره عن غرفة نوم وهي الغرفه الكبيره ! وغرفة الجازي بعد مافتحها على غرفته صارت هي الصاله .. : : . . . . . : : كانت قاعده بالصاله تشوف التلفـزيون وجنبهـا آمنه تكلم فالتلفـون .. بعد ماسكرت آمنه التلفون قالت بأبتسامه : أسوم بتجينا الحين لاشعوريا كشرت ساره بوجهها .. وبانت علامات الضيق على وجهها انتبهت آمنه وقالت بتساؤل : سوسو شفيج؟ ساره وهي تفرفر بقنوات التلفزيون : ولا شي حياها الله هزت آمنه كتوفها وهي مب مقتنعه بكلام ساره .. وفتحت المجله الي جنبها وقعدت تصفحهـا وساره تشوف التلفـزيون بضيق آآووف وهذي ماتختار الا الاوقات الي اكون فيها رايقه؟؟ بعد زين الاخت اتصلت واستأذن قبل ماتجي العاده تطب علينا فجأه .. مالت عليها كانت ساره غرقانه بأفكارها الي احتلت اسماء جزء كبير منهـا وفي هاللحظـه تدخل بدل غرور بعد ماالقت نظره على ساره الي وقفت بضيق بان على ملامحهـا وسلمت على اسمـاء الي كانت تمايل بكل دلع خصوصا بعد مالاحظت علامات الضيق بوجه ساره .. قعدت وحطت رجل على رجل .. وهي تسولف مع آمنه وساره تشوفها بنقم .. آبي اعرف امووون شمحببها فيها؟؟؟ المشكله يشوفون بعض شبه يوميا وسوالفهم ماتخلص .. وقفت آمنه بتروح تجيب الشاي : عن اذنج اسوم دقيقه بروح المطبخ وبجي اسماء بكل دلع : خذي راحتج حبي .. ( ولفت بغرور على ساره ) سوسو شخبارج؟ ساره وهي تحط رجل على رجل : بخير الحمدلله .. شخبارج انتي؟ اسماء بعد مالمحت حمد ينزل الدرج قالت وهي تحط شيلتها بطريقه عشوائيه على شعرها : بخير الله يسلمج ... ( علت على نبرة صوتها ) هلا هلا حمد شخبارك حمد وهو يبتسم لها من بعيد ويقرب صوبهم : بخير الله يسلمج .. شخبارج انتي؟؟ وشخبار خالي؟؟ اسماء بدلع : الحمدلله كلنـا بخير .. استأذن حمد وطلع ولفت اسمـاء تبث سمها بطريقه خبيثه مثلها وهي تقول بنظرة كلها خبث : آآقول سوسو؟؟؟ شتنتظرين ماحملتي للحين؟؟؟ شافتها ساره بصدمـه من وقاحتهـا .. وكملت اسماء بخبث بعد ماشافت نظرة ساره : لاشوفيني كذا .. لازم تجيبين بيبي حق حمد والا بشوف غيرج ( قالتها وهي ترص على كل حرف .. وتلف تشوف آمنه الي جايتهم من المطبخ وتبتسم لها ) ساره انقهرت .. كانت بتكلم .. كانت بترد عليها لكن جية آمنه منعتها تكلم !! انقهرت حست انها تغلي من الغيض .. بلعت عبرتهـا وسكتت .. وفي هاللحظات تدخل عليهم ام حمد .. وتشاركهم الجلسـه الي كانت ساره فيها متابع فقط !!! : : : . . . : : : : كانت قاعـده عالسرير متربـعه وقدامها حمني الصغيـر تبدل له وهو يبكي .. طلع حمد من الحمـام وهو ينشف وجهه بفوطـه صغيره وينسدح جنب ولده عالسرير : شفيييه يبكي؟؟ نوف بقلة صبر : مادري شفيه كل ماابدل له يبكي ! حمد بخوف: ليكون يعوره شي؟؟ نوف : لا بس لانه صغير مب عارف الناس شيسوون له ضحك حمد وهو ياخذ يد حمني الصغيره ويبوسهـا بكل حنان .. : فديت انا هالاصابع .. متى بيكبر وبيروح معاي كل مكان ابتسمت نوف وقالت : يروح معاك ويخلي امه؟؟ حمد بحب : ابوه بنفسه مب قادر يخلي امه تبين ولدها يخليها؟؟ ابتسمت نوف بأحراج وهي تغطي ولدها بلحاف خفيف لانه نام ... اخذ حمد يدها وطبع داخلهم بوسه مشبعه بالحب .. : : . . . . . : : مرت احداث اليـوم طبيعيـه الليل السـاعه 10 بيت بوحمد ( زوج ساره ) كانت ساره بغرفتهـا تنتظر جيـة حمد .. قعدت على طرف دريشة غرفتهم الكبيـره بعد ماطفت الليت عشان تشوف سياره حمد اذا دخلت البيت .. هي خلاص وصلت حدها وماعاد تقدر تستحمل وتكتم اكثر .. !! لو اكتمت اكثر بتنفجر من القهر .. انا لازم اقول له ... انا لازم اتعالج في كل دقيقه تمر علي اموت فيها !!! لازم اقـول له .. لمحت سيارته تدخل البيت ونزل منهـا ودخل .. سكرت الستـاره وراحت تشغل الليت وقعدت عالكرسي تنتظره ! لكنه تأخر !!! حست بشي .. بخوف توتر .. شفيه؟؟ انا متأكده شايفه سيارته تدخل البيت شالي اخره ؟؟ : : . . : : بنفس الوقت غرفـة نوره وسعـود وقفت نوره اول مادخلت سعـود .. بلعت ريقهـا ابتسم سعود وهو شوي وياكلها بعيونه : هلا هلا .. شخبارج؟ ابتسمت نوره بتوتر : الحمدلله ... قرب منها سعـود بكل حب .. ابتعدت نوره شوي وهي تدزه من صدره بتوتر : سعووود !!!! سعود وهو يشوفهـا بنظرات فيها تساؤل ومازال يقرب منها : شنووو؟؟؟؟ نوره وهي تبعد شوي عنه : شفيك؟؟ وقف سعود : مافيني شي !!!!!! نوره : ليش تقرب مني؟؟؟ طالعها سعود والف علامة استفهام فوق راسه : حرام؟؟؟ هزت نوره راسها بالايجاب بتوتر .. فتح سعود عينه عالاخر بصدمه وهو يكرر السؤال : حرااام؟؟؟؟؟ هزت نوره راسها بالسلب .. وهي تقول بتوتر : لا !!!! سعود وهو يحاوط خصرها النحيف بأيديها ويقربها منه : اوكي عجل قربي ليش رايحه بعيد !!! حطت نوره يدها بخوف على صدره وهي تدزه يبتعد عنها وقالت بخوف والدموع بعيونها : وخر عني .. ابي اروح بيت اهلي انصدم سعود .. وارتخت يده عن جسمهـا .. وهو يقول بصوت اشبه للهمس : تروحين لآهلج؟؟؟ هزت نوره راسها بالايجاب بدون ماتنطق بولا حرف .. لآتحرموني من ردودكم آلحلوه ~ آختكم ~ { زآآآآهي آلكحل |
آلـ ج ـزء آلـ س ـآبع وآلـ ع ـشرون ~ ~ كانت قاعده على نـار .. تنتظر دخلتـه انا ليش قاعده هنا ليش ماانزل واتأكد بنفسي !! طلعت من غرفتهـا تنزل الدرج .. محد بالصاله !!! لكن وصلهـا صوت !!!!!! وصوت يبين ان في نقاش يدور حاليا .. ومب أي نقاش !!! تمنت ساره في هاللحظـه انها ماسمعته انها مانزلت !! تمنت انها كانت نايمه ولاقعدت تنتظر حمد انجرحت انجرحت في جوفهـا صحيح الـجارح مايقصد !! لكن هي انجرحت انحدرت دمعه من محاجره تشق مجراها بألم على خدها !!! شفيها اسماء .. بنت خالك مال ودلال .. وصغيره تقدر تترس لك البيت كله عيال .. يايمه الله يرضى لي عليج .. انا قلت لج اني ابي عيال الحين؟ ام حمد بأصرار : لا.. وتبيني انتظرك لين تقول؟؟؟ حمد وهو يفصخ غترته ويحذفها عالكرسي : لاحول ولاقوة الا بالله ام حمد بأصرار على رايها : بتاخذ بنت خالك يعني بتاخذها .. طول عمرك ماترد لي طلب لاتردني الحين وانا متشفقه على شوفة عيالك حمد بهدوء : بتشوفينهم يايمه ان شاءالله بس انتي عطينا فرصه امتلت عيون ساره بالدمـوع بكل الم وقهر ماختارت من البنات الا اسماء !!!؟؟؟ حمد مايستاهل وحده مثلها .. حست ساره بأنفاسها انقطعت وهي تسمع جملة ام حمد وصلتها مثل الصاعقه الي بعثرت كيانها ... بكره بخطب لك اياها من خالك !!! راحت ساره لغرفتهـا تركض وهي تبكي .. صعدت الدرج .. ومع كل عتبه ترقى بها كأنها تقرب من زوالها كانت تبكي بكل الم بقهر ... شذنبي انا .. شذنبي؟؟؟ ماحبت انها تنتظر تسمع ردة فعل حمد .. هي مب ناقصه بعد تخاف تقعد ويذبحها بردة فعلـه دخلت الغرفه وسكرت الباب وراها واندعست تحت غطا اللحاف وهي تبكي بصوت مكتوم .. : : : : . . . . : : تروحين لآهلج؟؟؟ هزت راسها بالايجاب بدون ماترد بولا حرف وعيـونها مليانه دمـوع وشفتها السفليه ترجف بتوتر غير هذا .. حست انها جابت العيد !!! هي تعرف بأن سعود ممكن الحين في لحظة تهور وغضب يعطيها كف بالراحه ! فهي كانت مثل مايقولون ( تزهب الدوا قبل الفلعه ) اطلقت العنان لدموعهـا .. وصارت تبكي غطت وجها بأيدها بضعف ندمت انها قالت بتروح لآهلهـا .. تمنت لو انها اسكتت .. لانها متوقعه بأن سعود ماراح يرحمها وقف سعود منصدم شفيها؟؟؟ كان يشوف اصابعها النحيله تغطي وجهها .. ويسمعها تبكي !!! عوره قلبه عليهـا .. وفي نفس الوقت .. كبرياءه مايسمح له يسألها حتى ليش تبكي !! لانها جرحته ... تركها وابتعد عنها وهو ياخذ غترته المحذوفه عالسرير ويرميها على كتفه ويطلع كان في قمة الغضب بس دموعهـا منعته لايصرخ عليها حتى !!! يكون في قمة رجولتـه و.. وغضبه بس يلمح بريق دموعهـا يحس انه مب قادر يسوي شي .. طلع وهو يدخن غيض عليها ولانه مايقدر يسوي لها شي .. يكره لحظات الضعف الي فيه مثل هذي ... سكر الباب وراه كشفت نوره عن وجهها بصدمه .. طلع !! عضت شفتها بقهر : شسويييت انا .. شبيقولون عني اهله !!! : : . . . . : : دخل حمد غرفتـه لقا ساره نايمه !!! استغرب مب من عادتهـا تنام قبل مااجي !!! شفيها ليكون شي يعورها ... ماحب انه يضايقهـا راح يبدل وعقب توضى وصلى له ركعتين ورفع غطا اللحاف من جهته ودخل بينـام عطا ساره ظهره .. وهو يفكر فيها من فتره وهو يحس بأن فيها شي بس مب راضيه تكلم ... غمض عيـونه يتذكر الموقف الي اول مره اكتشف ان فيها شي لما طلعت من الحمام وكانت تعذر انها مزكمه !! ولما كانت بمحل الاطفال تمسح دمعتهـا هو عارف انها تمنى تكون ام .. هو الي عليه بيسويه والباقي على الله حاليا هو يسأل عن هالموضوع بدون علم ساره عن افضل الاماكان بالعالم لعلاج مثل هالامور .. واولا واهم شي هو الدعـاء للي مايخيب رجاء عباده اذا دعوه .. كانت ساره كاتمه شهقاتهـا الي صار فوق احتمالهـا هي مالها ذنب ... هذا قدر ومكتوب لها اذا هي بنفسها مااعترضت وهو بنفسه مااعترض ليش الاصرار على تزويجه وبعدها ماكملت السنه معاه !!! ومن اختـاروا له اسووم ؟؟؟ هالعله .. هالحيـه الخبيثه غمضت عيونهـا بألم تكتم شهقاتهـا كان كل شي فوق احتمـالها شهقت بصوت مسموع لدرجة ان حمد سمعه .. لف لجهتهـا .. وقلبه ياكله عليها حط يده على كتفهـا وقال بخوف : ساره شي يعورج؟؟؟ غمضت ساره عيونهـا وهي تغطي وجهها ماتبيه يحس بأنها قايمه رفع حمد غطا اللحاف عنه وقعد على حيله وهو يحط يده على كتفهـا بهدوء : ساره .. شفيج؟ ساره ماردت عليه .. رفع حمد غطاا اللحاف عنها وانصدم من منظر الدمـوع .. تبكين؟؟؟؟ مسحت ساره دموعـها وهي تستعدل بقعدتهـا ... قربها حمد منه وقلبه يتقطع وهو يشوفهـا بهالحال وقال بصوت ماليه الهم : ياقلبي قولي لي شفيج؟ والا وش الي مضايقج؟ تراني ملاحظ عليج من فتره وساكت ... ضمته ساره وهي تدفن وجهها بصدره العريض وهي تبكي بقهر .. خاف حمد عليها اكثر .. وتأكد من شكوكـه ضمها بكل قوه يحسسها بأنه جنبها على طول ومحد بيفرق بينهم وقال بهدوء وهو يمسح على راسها : ماتبين تقولين لي شفيج؟ ساره وهي مازالت دافنه وجهها بصدره : راسي يعورني حمد وهو يفتح درج الكومدينا وراه ويطلع علبة البنادول ويفز يروح يجيب لها ماي .. ويمده لها : سم بالرحمن وان شاءالله ماعليـج شر .. مسحت ساره دموعهـا واكلت حبة البنادول وشربت وراها المـأي حتى الماي تحسه مر وبدال مايبلل عروقهـا .. نشفهم عيونهـا كانت متورمه من كثر مابكت ضمها حمد بحب وهو يضغط على كتوفها النحيلـه بي ايديه وعقب قعد يدلك راسها بهدوء .. لين ماغفت ودمعه على خدهـا : : . . . . . : : فتح باب القسم بهدوء ودخل قفل الباب وراه توه بيدخل غرفة النوم .. الا يلمحها كانت نايمه على الكرسي الي باالصاله بدون غطا متكومه على نفسهـا ونايمه كأنها طفله صغيره تنهد بهدوء وراح لداخل فتح كبت فيه ملاحف خفيفه .. واخذ واحد وغطا فيه نوره النايمـه وراح لغرفتـه ورما نفسه بتعب على السرير ونام حتى بدون لايتلحف ولا يبدل ثيابه !! وعدت الليلـه صعبه على ناس وطويـله وسريعـه وحلوه .. على ناس ثانين .. : : . . . . . : : اشرقت شمس الصيـف الحـاره تبث اشعتها الذهبيه في كل مكـان تعلن عن بداية يوم جديد .. مع اشراقتهـا يتجدد الامل لعل اليـوم يكون افضل من امس .. نزل ماجد الدرج وهو يعدل غترتـه مسويهـا ( ترمبـه ) وسويك سيارته يلوح بيده .. حب راس اخته وامـه .. ام سعود وقعد جنبهـا وهو ياخذ فنجال قهوه من يدهـا : صبحج الله بالخير ياوجه الخير ام سعود برضى : صبحك برضى الرحمن يانظر عيني ابتسم ماجد وهو يلوح بسويك سيارته : آآآييييه شعليه سعيدان المعرس اجااااازه .. ( وكمل بنبره حزينه ) وانا مكروف بالدوام انحك حك ام سعود بأبتسامه من تحت برقعهـا : سعود احسن منك عالاقل اعرس .. وانت صكيت الثلاثين مابعد اعرست ابتسم ماجد ابتسامته الحلوه وقال يجس النبض : نزين ابي اعرس .. من بتخطبين لي؟ ام سعود والفرحه مب سايعتها : اخطب لك شيخة البنات .. ماجد الي اتسعت ابتسامته : منهي؟؟ ام سعود الي ماحطت في بالها وحده معينه قالت : البنت الي فيها خير وتستاهلك وتستاهلها .. ماجد ووهو يراقب ردة فعلهـا على الي بيقوله : نزين واذا قلت لج اني بغيت وحده معينه ! ام سعود بأبتسامه كبيره : اخطبها لك انت اشر لي عليها بس .. ارتاح ماجد وهو يبتسم ابتسامه عريضه ... ووقف وهو يمد لها فنجاله ام سعود وهي تاخذ الفنجال : بس ماقلت لي منهي بنته؟؟ ماجد وهو يلبس نظارته الشمسيه : بقولج لما ارجع من الدوام ان شاءالله ام سعود : على خير ان شاءالله .. بس يبه ماتريقت ماجد وهو يحبها على راسها ويطلع : بسي يالغاليه بتريق فالدوام .. يلا فمان الله طلع ماجد وام سعود تدعي له ولعيالها كالعاده يبتدي صباحهم في هالبيت بدعاويهـا للكل بالتوفيـق وان الله يحفظ لها عيالها وحبايبهـا : : . . . . . : : الساعه 10 الصبـح غرفـة نوف بعد مارجعت لحمد وبعد الي صار لهـا .. وصدمتها بصديقتها وزوجهـا طلعت من المدرسـه ولانها فالفتره هذيك كانت حامل وتعبانه .. فقررت انها تقعد فالبيت كل همها هو ولدها الي جاي بالطريق وهذا هو الحين بين احضانهـا تاركه كل شي حولهـا وتتأمل ملامحه الصغيره وهو نايم بآمان بين احضان امه اقرب شخص له بالدنيا .. رن تلفونهـا بهدوء وهي تسمحي نزلت حمني على السرير قدامهـا وردت بعد ماشافت الرقم : مرحبا خوله خوله : هلا وغلا بأم عبدالرحمن شخباارج ابتسمت نوف بحب لهالصديقه الوفيه : بخير حبيبتي .. شخبارج انتي بشريني عنج خوله : بخير الله يسلمج .. شخبار حمنييي الحلو؟؟ نوف وهي تأمل حمني النايم : فديت قلبه نايم الحين .. طيب ان شاءالله ابتسمت خوله : نوم العوافي ياارب .. آآآمممم الا اقولج نوف .. فاطمـه غمضت نوف عيونهـا وقالت بهدوء غريب: شفيها؟؟ خوله : ابشرج تزوجت لاشعوريا ابتسمت نوف : والله؟؟ متى؟؟ خوله : مادري توني اشوف مسجهـا علي قالت ان امس كانت ملكتهـا ومره وحده عرسها نوف بهدوء : الله يوفقهـا ان شاءالله خوله : وتسلم عليج نوف وهي تلعب بطرف بجامتها : الله يسلمج وياها : : . . . . . : : الدفنـــه السـاعه 11 قريب الظهـر توعت بتعب .. وهي تحس بألام بسيطه في رقبتها على رقدتها البارح انتبهت ان عليها لحاف !! مدت يدها تشوف ساعتها كم .. انصدمت لما شافت ان الساعه 11 !!!!!! قامت وهي ترتب شعرهـا القصير الناعم .. وطلت في الغرفه الي كانت شبه مظلمه الا من اضاءات اشعة الشمس الخفيفه من ورا العازل .. انتبهت لجسمه النحيف منسدح على ظهره ومغطي عيونه بيده بدون لحاف ولا شي .. وبثوبه .. دخلت الحمام بهدووء عشان لاتزعجـه سبحت عالسريع ولبست لها سكيني جينز مع بودي ابيض بدون اكمام .. نشفت شعرها بالفوطه عدل وتركته مفتوح حتى ينشف بروحه .. وقربت من السرير وسط الظلام وارفعت غطا اللحاف عشان تغطي سعود توهـا بتغطيه .. شهقت بخوف لما حست بقبضة يده على معصمهـا لسعتهـا !!! سحبها وصارت معاه عالسرير وهو يهمس بأذنهـا بهدوء : صباح الخير .. ياحلوه !!! ابتسم بخبث وهو يحس بها تشنجت بين ايديه ... وكمل بهمس : تراني قايم من الساعه 9 وابي اطلع بس ماحبيت ازعجـج ... كانت تحس بأنفاسه على اذنهـا وارقبتهـا كانت يهمس لها .. يداعب مسامعهـا بكل حب قبضة يده الي مازالت ماسكتهـا ملامسة جسمها جسمه .. كل هالامـور فوق احتمـالها .. تحس انها من زود ماهي منحرجه صارت تدخن ! تحس بحراره تسري بجسدها .. حاولت تقوم لكن سعـود كان متمسك فيهـا بقوه منعها لاتقدر تحرك حتى ! وهو مستمـتع بالوضع الي فيـه .. : : . . . . . : : الظهـر بنفس البيت .. تحت حول سفرة الغـدا كانت ام سعود وماجد وبنتها المهـا بروحهم يتغدون اما سعود ونوره اطلعـوا يتغدون برا ام سعود الي متحمسه تعرف البنت الي يبيها ماجد قالت : ماجد ماقلت لي منهي البنت الي تبيها؟ ابتسمت المهـا بخبث وهي تشوف ماجد .. الي لمح ابتسامـتها ورد لها نفس الابتسامه وقال : بغيت بنت عبدالله بن حمد !! ام سعود بأبتسامها : ماغيرهم نسابة بوعبدالله؟؟؟ هز ماجد راسه بالايجاب وياكل من الخيار ... ابتسمت ام سعود : هذي الساعه المباركه .. الا ماقلت لي وش دراك ان عندهم بنت للعرس كحت المهـا ... وارتبك ماجد وقال وهو يشوف المهـا تكح : ماتدرين يعني ان بنتج تشتغل خطابه؟؟؟ ام سعود وهي تشوف المهـا بنظرات .. المهـا ابتسمت بأحراج وهي تحلف في ماجد .. ابتسمت ماجد وهو يرقص حواجبه لها .. وعقب لف على ام سعود وقال : هي خطبت لسعود اخوهـا بنت جيرانكم واخطبت لي بنت عبدالله ام سعود : خير ان شاءالله .. ماجد وهو متحرقص : متى بتخطبينها لي؟؟؟ ضحكت ام سعود على ماجد وقالت بأبتسامه : بكلمهـا بشوف لي يوم اروح لهم واخطبها لك ماجد حس بخيبة امس : اقعد انتظر لين تحددون موعد؟؟؟ كلميها وقولي لها انج بكره بتجينهـا ام سعود : يعني صبرت هالسنين كلها ماتقدر تصبر كم يوم؟؟ ماجد وهو يضحك : لالا ماقدر من زمان كنت ناوي اتقدم لها بس بعد ماصارت الظروف ماقدرت .. ام سعود عشان تفتك من الحنه قالت : نزين خلاص بتصل لها اليوم وبشوف ااذا اقدر اروح لهم بكره .. : : . . . . . : : قبل هالوقت بساعه وقبل لايطلعون سعود ونوره يتغدون برا ... كانت وافقه وهي لافه شيلتها على شعرها بأحكام تغطي شعرهـا كامل .. وسعود يعدل غترته قدام المرايا وتعطـر ولف عليها عشان يطلعـون انزلوا سلموا على ام سعود واطلعـوا فالحوش عند سيارة سعـود فتح لها سعود الباب عشان تقعد جنبه اركبت نوره بهدوء .. راح سعود ركب مكانـه وقبل مايشغل السياره لف عليها وقال بأبتسامه : غطي وجهج ! التفت له نوره وقالت بهدوء : انا مب حاطه مكياج عشان اتغطى !! ابتسم سعود وقال بصيغة الامر : غطي وجهج غطت نوره وجهها بدون ماترد عليه .. شغل سعـود السيـاره وقال : وحطي فبالج من اليوم ورايح اذا بتطلعين معاي تغطين وجهج او تلبسين نقاب .. مايحتاج كل مره اقعد اقولج تغطي !!!! بلعت نوره ريقهـا منقهره من اسلـوبه وقالت بقهر : تقدر تآمر بس لو بأسلوب احسن من هالاسلوب يكون افضل !!! سعود بدا يعصب : انتي ماتعلميني الاسلوب الي لازم اخاطبج فيه ! .. من حقي كزووووج لج اني آمر عليج ومن واجبج تطيعيني بدون لاتراددين ( شدد على كل حرف من كلمة زوج ) لفت نوره وجهها للجهه الثانيه حس سعـود بأنه ضايقهـا ضغط بيده على الدركسـون بدون مايبين لها انه معصب .. ولبس نظارته الشمسيه وهو يطلع بسيارته من البيت .. : : . . . . . : : كانت بالصاله مع آمنـه وام حمد الي كانت في زاويـه وتكلم فالتلفـون .. وساره وآمنه يشوفون التلفزيون ويسولفون مع بعض .. رن تلفون ساره اعلان عن وصول لها مسج اخذت تلفـونهـا وانصدمت من الي شافته ( ماقلت لج شدي حيلج وجيبي لحمد بيبي والا بيشوف غيرج ! لي فات الفوت ماينفع الصوت ) لآتحرموني من آلردود آلحلوه آختكم ~ { زآآهل آلكحل ~ |
آلـ ج ـزء آلـ ث ـآمن وآلـ ع ـشرون ~ ~ لااااا حمد سواها وتقدم لها ؟؟؟؟ لالا .. مستحيل حمد يسويها مستحيل بدون ماتحس كانت تتكلم بصوت مسموع وهالشي خلا ام حمد وآمنه ينتبهـون لها .. طاح التلفون من يدها ورضخ عالارض بقـوه .. حمد مايسويهـا مايسويها ويتزوج .. صح؟؟؟ لفت على آمنه الي تشوفهـا بخوف مب عارفه شيصير قربت منها بشكل يقطع القلب : آمنه قولي الصدق حمد بيتزوج اسوم؟؟؟؟ ردي علي تكفين ... التفت على ام حمد الي هي الثانيه تشوفها بخوف شفيها .. وقالت بصوت يقطع القلب : عمتي ليش تبين تزوجينه ... اذا عشان العيال .. انا مستعده اتغرب واعالج بس حمد يبقى لي لي انا وبس .. كانت تكلم وهي تأشر على نفسهـا ودموعها مغرقه وجههـا بس حمد مايتزوج علي مايتـزوج عليي ... لااا لااااااا توعت على صوت حمد الي كان يضربها بكفوف خفيفه على وجهها وهو يصحيها بخوف ســاره .. ساره .... ســــــاااره فتحت عينهـا بخوف وهي تبكي .. ولما تأكدت انه حلم غطت وجهها بأيديها وتبكي بكا يقطع القلب ... وحمد يعتصر قلبه وهو يشوفها بهالحال .. رفع يدها عن وجهها وهو يمسح دموعها بيده وقال وهو ضامها بيده : شفيج ياساره؟؟ ماتكلمين ساره خلاص ماتقدر تستحمل اكثر .. قالت بكل ضعف والم وبصوت مخنوق : مااقدر استحمل اكثر .. تعبببت .. تعبت ياحمد تعبببت حمد الي فار الدم بجسمه قال بخوف عليها : تعبتي من وشو؟؟؟ ساره بألم : تعبت استحمل كل شي .. كل شي بحياتي يصير بالفرض وبالغصب .. يفرضون علي اشياء انا مابيهـا ... ( شهقت وهي تبكي بحسره وقهر ) .. وانا اصبر واتحمل واضغط على نفسي .. وهذا كله فوق طاقتي واحتمالي حمد الي مب فاهم شتقصد بالضبط قال وهو يحاول يهديهـا : حبيبتي فهميني شفيج؟؟ ومن الي فرض عليج شي انتي ماتبينه ؟؟ : : . . . . . : : بنفس الوقت العصـر كانت يدها بيده وهو يسوق ويسولف معاها .. بكل حب هو فعلا خايف عليهـا خصوصا من عقب كلام الدكتـوره اليوم عن حالتهـا حبيبتي لازم تاكلين الاشياء الي قالت لج عنها الدكتـوره .. مابي حبيبتي وولي العهد يتضررون اوكي ! الجازي بدلع ويدها بيده .. : حبيبتك والا عشان ولي العهد لايتضرر ؟؟؟ سيف الي يحب نبرة الدلع بصوتها قالت بعذوبه : ولي العهد اذا الله كاتب له يجي .. بيجي ان شاءالله واذا لا الله يعوضنـا بخير .. بس الشيخه مالنا غنا عنها الجازي بحب وبغنج : الله يخليك لي يابوعبدالعزيز سيف بعياره وحالميه : الله .. ياحلوها على لسانج .. ذبحتيني ذبحتينيييي ترى بدعم ههههههه الجازي بخوف وهي تسحب يدها من يده : مب صاحي انت؟؟؟ سيف بعبط وهو يكمل بحالميه : وانتي خليتي فيها صحا؟؟؟؟ دوختيني الجازي بخوف ممزوج بدلع : سيييف سيف بحب : عيووون سيف هههههههه : : . . . . . : كان متوتر وزاد توتره وارتباكه بعد مالقت عليه قنبلتهـا وتأكد من شكوكـه .. وقال عشان يطمنهـا امي تقول كذا لانها تعرفين حالها حال كل ام تتمنى تشوف عيال عيالها .. بس صدقيني ماتقصد !! ساره وهي تمسح دموعهـا : تقصد ياحمد .. وانا مالومهـا من حقها تشوف عيال ولدها الوحيـد .. بس انا شذنبي؟؟؟؟ حمد : انتي مالج ذنب ياساره .. ( سكت شوي يلعب بأصابعه ) انا بيني وبينج قاعد ابحث عن هالموضوع واول مااتاكد من كل شي بنسافر عششان تعالجين والله ان شاءالله بيرزقنا بالعيال دمعت عيـون ساره وقالت وهي تتجرع امواس .. : لاتكلف على نفسك ياحمد انت منت بملزوم فيني .. دام انك سليم والحمدلله .. ومن حقك كـ شاب توك ووحيد اهلك يفرحون بعيالك .. واكيد انهم مازوجوك الا وهم متشفقين على شوفة عيالك .. ( بلعت عبرتهـا الي نطت لبلعومهـا وقالت بصوت مهزوز ) طلقني ياحمـد ! انصدم حمد من الي سمعه حس كأنها بكل وحشيـه تدخل يدها في اعمـاقه ووتنتزع روحهـا من جسده روحها الي تعلقت بروحه .. روحـها الي عاشت كأنها اميـره وتربعت في فؤاده هالانسانه ألي حبهـا وعشقها لحد الجنون ومستعد يحارب العالم كله عشانهـا وبالاخيـر وبكل بسـاطه ترميها عليه وتطلب انها تتطلق ! حس كأن الاكسجين من حوله خف وهو يشوف عيـونها الناعسـه ماليـه الدمع وهي تنتظر ردة فعلـه .. بصعـوبه نطق وكل الم وحزن سأل : ليـش؟ ساره تحس انها بنفسها تقود نفسهـا لأعدام .. ماعاد بقى للعمـر قيمـه فالبدايه اسلـبوا مني حبي وعشقي من أيـام الطفـوله وافرضوا علي شخص مااعرفتـه ويوم عشت معاه وحبيته وتأقلمت عليـه يسلبونـه مني !!! ويقدمـونه على طبق من ذهب لآكثر الناس خبثا مروا بحياتها !!! كانت اللحظـات صعبه على الاثنيـن محد فيهم كان يتخيل او يتوقع ان لحظه مثل هاللحظـه بتجي !! غمضت عيونهـا بألم وانحدرت دمعـه تشق مجراها على خدها وهي تقول بصوت مبحـوح ابي اعيش باقي عمري براحه ! حمد بحزن : ساره شتقولين؟؟ انتي توج صغيره والعمره قدامج !!!! ساره بألم : ولاني توني صغيره .. ابي اعيش شبابي براحه .. مابي اتعقد من بداية حياتي .. ضمهـا حمد بكل الم .. ساره من بين احضانه بكل الم وشي بداخلها ينكسر : حمد ارجوك .. ودني بيت اهلي .. حمد بألم : ساره فكري عدل اذا عشان موضوع امي بينحل بسرعه .. هزت ساره راسها بالرفض وهي تقاوم الدمع : ودني بيت اهلي .. وانت لاتعصي امك بشي .. قامت من السرير تلبس عبايتهـا واخذت شنطتهـا لليد ووقفت تنتظر حمد الي حاول معاها كثيـر .. لكن ساره مازالت معانده ومصره على رايهـا تعب حمد معاهـا وشاف انها مصره .. قرر انه يوديهـا لبيت اهلهـا كم يوم ترتاح وهو يحل موضوعه مع امه وعقب يرجع ساره .. : : . . . : : . دخل لقاها ترتب السرير ابتسم بحب .. : السلام عليكم نوره : عليكم السلام .. سعود وهو ينزل جواله وسويك سيارته عالطاوله : ليش ماتخلين الخدامه ترتب عنج؟ ابتسمت نوره ابتسامه ممزوجه بخبث : سألت قالوا لي انك ماتحب الخدامه ترتب غرفتك ! ابتسم سعود وهو يصد عنها ويطلع له ثوب جديد من الكبت .. وقال بنبره خاصه : يعني قلت ماابي اتعبج !!!! نوره بعد ماانهت من الترتيب : لاعادي متعوده لان حتى فالبيت ارتب غرفة نصور التفت سعود بأبتسامه : الا على طاري نصور متى بيجي؟؟ هزت نوره كتوفها وهي تقعد عالتسريحه تمشط شعرها : باقي له 3 اسابيع فصخ سعود ثوبه الي علـيه ولبس الجديد : على طاري السفر .. ولاعليج امر ابيج تجهزين لي شنطـه وجهزي انتي شنطتج بنروح العمره في الويك لان ارفضوا يعطوني اجازه .. وشهر العسل ان شاءالله معوضه اذا وافقوا على اجازتي .. لفت نوره له بأبتسامه : العمره تكفي عن شهر العسل .. متى بنسافر؟ راح سعود ووقف ورا نوره وهو يعدل غترته في المرايا الي قدامهم : بعد بكره ان شاءالله ( وابتسم بخبث وهو يسرق النظر لنوره الي كانت تمد يدها تاخذ لها عطر من العطورات الموجوده عالتسريـحه .. وبحركه سريعه نزل سعود لمستواها وطبع بوسه على خدهـا وهو يشوف فالمرايا شلون قلب وجهها احمـر .. وراح اخذ تلفونه وسويك سيارته وطلع وهو يضحك ) انصدمت نوره من حركتـه التفت تشوف مكان ماطلع .. ولفت تشوف وجهها في المرايا توردت خدودها حست بأحراج .. وابتسمت بحبث وهي تحط يدها على مكان بوستـه بكل حب .. وشي بداخلهـا ينبض بحب لسعود ... : : : . . . . . : : وقف سيارتـه عالكورنيش ونزل والدنيا ضايقه فيـه وقعد على طرف وهو يشوف امواج البحر الهاديـه .. غمض عيونه بألم وهو يتذكر الموقف له مع امه اول مادرت بعقم ساره دخل وحبها على راسهـا .. صباح الخيـر يالغاليه ام حمد : الله يرضى عليك يمه .. صباح النور ورضى الرحمن ياحبيبي ابتسم حمد وهو يصب له فنجال قهوه : بشريني عنج يالغاليه ام حمد : بخير يبه .. بشرني عنك اربك مرتاح ابتسم حمد بحب : الحمدلله ام حمد : مرتاح مع مرتك يمه؟؟ ابتسم حمد وبنفس الوقت استغرب سؤالها وقال بهدوء : أي يمه .. الحمدلله ليش السؤال؟ ام حمد وهو تاخذ فنجال حمد وتصب له مره ثانيه : قربتوا تخلصون السنه وهي للحين ماحملتك يمه سكت حمد وهو ياخذ الفنجال شوي .. وعقب قال بهدوء : خير ان شاءالله .. الله بيرزقنا قريب ان شاءالله ام حمد : فيكم شي؟؟ حمد بأبتسامه باهته : لا !! ام حمد بتشكيك : اثنينكم سليمين؟؟ حمد بأرتباك : يمـه .. ساره محتاجه علاج بس ... بلعت ام حمد عبرتهـا الي سمعته فوق طاقتهـا .. فوق احتمالهـا مستحيل تخيل فكرة ان حمد وحيدهـا مايجيه عيال !!! مستحيل ماتشوف عيال حمد .. قالت بصوت خانقته العبره : يايمه قلت لك من قبل انت وابوك .. بخطب لك من بنات عمك والا بنات خالك عييتوا حمد بدا يتضايق : يمه هذا النصيب .. ربي رزقني بساره والله يشهد اني ماشفت عليها شي غلط ! ام حمد : بس عقيم ياولدي .. حمد : الحمدلله على كل حال !!! ام حمد : الحمدلله .. بس ابي اشوف عيالك يمه حمد بأبتسامه : بتشوفينهم ان شاءالله .. الطب تطور .. ورب العالمين فوق كل شي مب ناسينا ان شاءالله !! واذا ماكتب اللهم لا اعتراض غمض عيونـه بقوه مايبي يتذكر وهو يقهر نفسـه غلطتي انا الي قلت لها .. توقعت بيوقفون معاي معنويا عالاقل ! لف بوجهه يشوف الابراج على يساره .. ماراح اقبل اني اتزوج على ساره .. وراح اسفراها تعالج .. واذا الله مارزقنـا بالعيال ماراح اتخلى عنهـا بعيش انا معاها ان شاءالله .. : : . . . . . : كانت قاعده عالكرسي بالصاله الي فوق وامهـا عندهـا وقلبها يتقطع عليهـا وهي تشوفهـا بهالحال شكلها تعبانـه يمه تبيني اسوي لج شي تاكلينه؟ هزت ساره راسها بالنفي ... ام عبدالله وقلبها يتقطع مليون قطعه عليهـا .. : يابنتي مب زين الي تسوينه في نفسج التفت ساره بأبتسامه باهته لأمها : ماسويت شي يمه .. بس مااشتهي اكل ! ضغطت على نفسهـا بألم ووقفت وهي تمسك امها بينزلون تحت: تعالي خلينا ننزل تحت جزوي جايه بالطريق وبكلم نور تنزل لنا تحت .. راحت وراها امهـا وقلبها ماكلهـا على بنتها مب هاين عليها بنتها تطلق .. لحظـات وتنزل نور الي انصدمت وجود ساره وانصدمت اكثر من شكلهـا وخصوصا لما عرفت انها خلاص بتطلق انتي متأكده من الي تقولينه؟ هزت ساره راسها بالايجاب : أي .. هو من حقه يعيش حياته ويجونه عيال دام انه سليم نور وهي تقعد بتعب لانها بالشهر السابع .. : بس الطب تطور تقدرين تعالجين بعدين قرري عقب ماتشوفين النتايج .. مب من اول سنه لكم يأستي !!! سكتت ساره وماردت .. ودخلت في هاللحظـه الجازي الي بالشهر التاسع وهي تعبانه .. كل يوم ياخذها سيف يمشيها في اسباير ! على كلام الدكتـوره عشان يكون جسمهـا قوي لحظـة الولاده لان مافيهـا حيل كلش ومكن ماتستحمل الآم الولاده .. سلمت عليهم من بعيد واستأذنت بتروح تسبح وتبدل وتنزل لهم .. ودخل سيف وراها وتغطت نور .. ابتسم سيف لهم سلم عليهم وراح ورا الجازي .. : : : . . . : : فليل الساعه 10 ونص كانت ام سعـود كعادتهـا الليليه تنتظر جية سعـود .. ومن عقب ماجا ماجد صارت تنتظر جية سعود وماجد .. تطمن عليهم اثنينهم وبعدين تروح تنـام .. بس هالمره ماجد جا قبل سعـود حبها على راسهـا وقعد جنبهـا وهو يضغط على يدهـا بكل حنان : بشري يا ام سعود ؟ كلمتي اهل آمنه؟؟ ابتسمت ام سعود وقالت وهي تحط يدها على ذراع ماجد : أي يمه كلمت ام حمد واتفقت معاها اني بكره بجيهـا ان شاءالله استـانس ماجد واتسعت ابتسامتـه : احلى خبر سمعته اليـوم .. آآممم نزين شوفي قولي لهم انا مابي عرس وخرابيط .. ابي ملكـه واخذها على طول ونسافر !! ام سعود : ليش يايبه ماتبي عرس؟؟؟ ماجد : لان عندي دوره سنـه ام سعود بضيق: وهالدورات والغربه متى بتخلص منها؟ ابتسم ماجد : عاد شنسوي يمه عشان ارتقي بشغلي لازم اخذ دورات .. بعدين هالمره انا بكون مُدرب مب طالب ههههههه ابتسمت ام سعود : وبيخلون مرتك تروح معاك؟ ماجد : أي أي ام سعود بأبتسامه : عشان كذا اشوف طاير بالعرس هااا وتحن تبي تعرس .. ابتسم ماجد بعياره : عاد شنسوي الواحد يدور الاستقرار في هاللحظـه دخل سعـود ابتسم : اشووف سهرانييين ماجد : مالت عليك ياللوح ننتظرك سعود وهو يحب راس امه : العاده ام سعود تنتظرني .. غريبه هالمره ماجد ينتظرني بعد !!! ابتسم ماجد : لاتصدق عمرك .. انا ماانتظرتك .. وبعدين انت متزوج روح مرتك تنتظرك فوق .. اما ام سعود تنتظر اخوهـا الصغير ابتسم سعود بخبث: بكره بتزوج وبتنتظرك المدام .. ( وقرب منه وهو يدزه عشان يقعد جنب امه بعياره ) اما ام سعود فهي بتنتظرني لين مااشيب كل يوم صح .. ( وحبها على راسها ) ام سعود بحب لهالاثنين وشقاوتهم الي ماتخلص من وهم صغار دايما كل واحد راسه براس الثاني قالت : فديتكم انتوا الاثنين انتظركم اثنينكم .. عسى ربي لايخليني منكم : : . . . . . : : دخل سعود غرفته وهو مشتااااق لنوره من ليلة عرسهم وهو يتمنى ليلـة رومانسيه تجمعهم اثنينهم تكون نوره بين احضانه .. وهو كل ماقرب منها تبكي ! وتبعده عنهـا وسعود مايحب انه يضغط عليهـا رغم انه يضغط على نفسـه ويطلع عنهـا عشان لايتهـور ويتقرب منها .. وهي رافضه !! دخل وانصدم لما لقاها نايمه عالكرسي بالصاله ! حس بأحباط شديد وهو يشوفهـا نايمه ببنطلون جينز وبودي وردي فاتح ! الظاهر انها كانت تنتظره ونامت .. طفى الليل وقفل الباب .. وبند التلفزيون واخذ لها غطا اللحاف عشان يغطيهـا ودخل توضى وصلى له ركعتين قبل ماينـام عشان يطفي اللهيب الي بداخلـه .. وانسدح وهو يقرا المعوذات .. وبعدهـا نام ! : : . . . . . : : اليوم الثـاني الظهـر بعد ماطلع سعود من الدوام راح يتغدا مع ربعه محمد وسلمـان في المطعـم .. وبعدهـا راحوا يتمشون شوي ورجع البيت .. فتح باب الصاله محد موجود .. ووصله صوت من المطبخ الداخلي اابتسم بعد ماميز صوت نوره والمهـا يسولفون وهم فالمطبـخ وقرر يروح لهم .. ووقف لما وصلـه صوت المهـا تقول : كسرت خاطري ساره بنت عمي حمد ... مسكينه طلعت عقيم ! نوره بصدمه : من صدقج؟ المهـا بضيق: جزوي تقول لي انها طلبت تطلق عشان حمد يتزوج من حقه يجونه عيال تضايقت نوره وسكتت .. بينما سعود ورا البـاب يسمعهم وحس بحزنن على هالبنت وحالهـا يكفي انها تزوجت مغصوبـه بعد بتطلق ومالها الا سنه !!!!!! ابتسم بخفيف وهو يقول فخـاطره : خيره يوم جدي اعترض من زواجي لها .. لو مااعترض كنت باخذها وهي ماتجيب عيال !! الف الحمدلله والشكر له يارب ... رفع يده يطق الباب وهو يرسم ابتسامه على محياه .. المها وهي تلف تشوف الباب : من؟؟ ابتسم سعود ودخل وعينه على نوره الي من اول ماشافته نزلت نظرها لبيالة الشاي الي بيدها عالطاوله .. المها وهي تشوف نوره وسعود بخبث وتشوف نظراتهم .. : غرفتكم فوق هذا المطبخ ياحبايب !! انحرجت نوره وولع وجها احمر ابتسم سعود بخبث وهو يقرب منهـا وبغمز للمها اخته .. الي كتمت ضحكتها قرب من نوره .. وطبع بوسه على خدودهـا وقال بحب : هذي ماتنـفع !!! وانصدمت نوره لما لامست شفته شفتهـا .. وقال وهو يضحك على شكلها : هذي تنفع صح؟ وقفت نوره وشوي وبتبكي من الاحراج وسط تعليقات المهـا وتصفيرهـا تركت نوره بيالتها وراحت تركض لغرفتهـا وهي منحرجـه ضحك سعود وعقب لف يشوف المها بنظره : وانتي شتبين تشوفين؟ المهـا وهي تضحك : والله انا قلت لكم غرفتكم فوق هذا مطبخ ماتسمعوني ! طلع سعود بدون مايرد عليها وهو يتخيل شلون بيكون شكل نوره لما يدخـل عليهـا .. : : . . . . . : : حطت حمني الصغير النايم على سرير ساره وهي تقول : فكري عدل ولاتضيعين حمد دام انه يبيج !! ساره وهي تبكي بألم : يبيني وانا ابيه .. بس اهله مايبوني لاني ماجيب عيال !! نوف: انتي مافيج صبر؟؟؟ ساره بقهر : لولا الكلام بصبر بس مايرحمون نغزات وكلام ماقدر استحمل نوف : شعليج من الكلام اذا بتسمعين بتتعبين .. روحوا عالجي وان شاءالله الله بيكتب لج الي فيه الخير .. هزت ساره راسها بألم بدون ماترد على اختهـا ودموعها تنحدر بكل الم وقهـر .. نوف وهي تقرب من اختهـا حطت يدها على كتفهـا بكل حنان وحب : ارتاحي كم يوم بس لازم تفكرين عدل بالموضوع لاتضيعين مستقبلج .. توج صغيره والعمر قدامج : : : . . : : : دخل الصاله لقى امـه وآمنه كانت امها تكلمهـا عن خطبة ماجد لها .. القى عليهم نظره خاليه من أي مشاعر وقف قلب امه من الخوف عليه .. وقفت وهي تسأله بخوف عليه : وينك يمه من امس ماشفناك .. اتصل فيك ماترد علي وقفت آمنه تسأله : وين ساره؟؟ الفت حمد يشوف امه ورد يشوف آمنه وقال بقهر : ساره تبي تطلق ! شهقت ام حمد وحطت آمنه يدها على قلبها مصدومه : شتقول تبي تطلق؟؟؟؟ ليش؟؟؟ شصاير؟؟؟؟ التفت حمد على امه وبغضب وبقهر وبألم قال : اسألي امي ليش .. ( سكت شوي وعقب كمل بقهر ) غير ساره انا مابي اتزوج .. حتى لو طلقتها ! راح يرقى الدرج وترك وراه شخصين مذهولين ! وقلوب منصدمه !! ثنتينهم يتألمون عشانه .. قعدت ام حمد عالكرسي وهي تبكي بصمت وقربت منها آمنه تسألها بخوف : يمه شصاير ؟؟ صاير شي وانا مادري؟ في آنتظآر مروركم آلجميل ~ آختكم ~ { زآآآهي آلكحل |
آلـ ج ـزء آلـ ت ـآسـع وآلـ ع ـشرون ~
~ دخل وهو يخفي ابتسامتـه .. لقاها ترتب شنطتهـا .. حست بدخوله لكنها مالفت ناحيتـه وهي منحرجـه وبنفس الوقت معصبه عليـه على حركتـه .. قعد عالسرير وهو يشوف ظهرها النحيـل : النوري ليش تفشليني قدام مهوي؟ لفت نوره وشياطين الدنيا متركزه على راسها من زود ماهي معصبه عليه : مادري من الي فشل الثاني .. هذي حركات تسويها قدامها؟؟؟ كتم سعود ضحكتـه وقال يتصنع الجديه : وش سويت؟؟ مرتي وحلالي ! زادت نوره غيض اكثـر وهي منقهره منه .. : بعد تسألني وش سويت؟؟ وتكلم ولاكأن صار شي !!! ابتسم سعود : انا متأكد ماسويت شي غلط .. عطته نوره ظهرها وهي معصبه وترتب الملابس بالشنطـه .. حس سعود انها متضايقـه .. قرب منها وهو يضمها من ورا تخشبت نوره بين ايديـه .. وحست بحراره تسري بجسدهـا وهي تحس بأنفاسه تلفح اسفل رقبتهـا من ورا .. بلعت ريقهـا بتوتر .. حاولت تبعد نفسها عنه لكنه كان متمسك فيها وهو يبتسم بخبث .. وقال بنبرة صوت تعشقها نوره : انا اسف لو تضايقتي من الحركه وقفت نوره وهي متوتره تبعده عنهـا تضايق سعـود من حركتـها تضايق من ابتعادهـا عنه كل مايقرب تبعد !!! بدا يتنرفز ويعصب .. سحب نفس عميق ودخل غرفة الملابس يبدل ... : : : : . بيت بوحمد ( زوج ساره ) كانت ام حمد تمسح دمعتها بطرف صبعها بقهر وآمنه منقهره من حركة امها .. صحيح هي مع اسماء كثير بس هي تحب ساره ومب هاين علليها تخترب حياتها بسبب ممكن انه يتعالج بأذن الله !! وليش امهـا اصرت على تزويج حمد بوحده ثانيه بهالسرعه ؟؟ قعدت عالكرسي تفكـر وهي تشوف امهـا الي قامت بثقل ترقى الدرج بتروح لودهـا وقفت آمنه من جديد وراحت لآمها : يمه وين بتروحين؟ ام حمد : بروح اشوف اخوج يمه آمنه : يمه .. حمد الحين متضايق خليه يرتاح شوي وبعدين كلميـه .. ام حمد بحزن الام على ولدها : واخليه يتضايق ؟ بروح له وبتفاهم معاه على كل شي .. رقت ام حمد الدرج وعيون آمنه تتبعهـا في هاللحظـه دخل بوحمد بأبتسامه مشرقه ردت له آمنه الابتسـامه .. بدون ماتحسسه بجو البيت المتكهرب ضمته بكل شوق وحب .. وحبته على راسـه مازال يشوفهـا بنته المدللـه .. الصغيـره ! دخل يده في شعرهـا القصير يبعثر تنظيمـه بكل حب وهو يسألها عن اخبـارها قعد بوحمد على اول كرسي قريب للباب .. ووقفت آمنه بخفه : بخليهم يحطون الغدا وبرجع لك بوحمد وهو بيقـوم من مكانه : ايييه يابوج خليهم ينكبونـه انا بروح ابدل وبجي .. اخوج وامج هنا؟ آمنه بآبتسامه : أي يبه : : . : : عند حمد في غرفـته كان قاعد على الكرسي بضيـق وامه مقابلته على الكرسي الثـاني : مب قصدي اسمعها ياولدي .. انا تحت وهي فالدور الثاني .. والله مب قصدي اسمعهـا ولاقصدي اجرحهـا .. حمد كان ساكت ومارد عليهـا .. تنهدت ام حمد وقالت بضيق وهي تمد يدها على ركبة حمد : ياولدي اذا ماتبي تزوج منت بمغصـوب واذا راحتك مع ساره .. انا مستعده اليوم اروح واعتذر لها واجيبها لك .. اخذ حمد يد امه وطبع في باطنهـا بوسه وقال بكل رضى : فديتج يالغاليه .. لاتعبين نفسج ولاتروحين لها وتعتذرين .. ساره اكبر من كلام انها تزعل عشانج ماتقصدين !!! انا مفكر اخليها يومين ترتاح وتفكر فيهم زين .. وبرجع اخذهـا ام حمد بحزن : لاتقعدون كذا ياولدي .. روحوا وعالجـوا .. حمد بأبتسامه هاديه : بنروح ان شاءالله .. للحين ابحث عن هالموضوع وقريب ان شاءالله بنروح .. في هاللحظـات دخلت آمنه : حليتوا مشكلة الامه؟؟؟ ابتسم حمد لآخته الي يحبهـا ويحب يفضفض لها دايمـا .. كملت آمنه : الغدا جاهز تعالوا والا بنتغدا انا وابوي !!! وقف حمد وهو يمسك يد امه : يلا يمه خلينا نلحق عالغدا قبل لايخلصونه بنتج وزوجج .. وبعدين تراني ميييييت جوع من امس ماكليت عدل آمنه وهي تكتف وبنظرة خبيثه : عقب ماحليت المشكله صرت تشتهي الاكل ها؟؟ هههههه : : . . : : العصر غرفـة ماجد كان منسدح على السرير وهو مندمج مع تلفونه دخلت المهـا وسكرت الباب وراها وهي تنط عالسرير جنبـه ماجد الي انزعج من حرقتهـا قال بنرفزه : شوي شوي عالسرير كسرتيه المها وهي تكتف بدلع : يعني ماتكسر منك انت يالجثه ( قالتها وهي تأشر بأيديها الثنتين ) بيتكسر مني انا النتفه ؟ ابتسم ماجد بخبث وهو يحاول يحركها شوي من السرير .. انه بيدزها بس عشان يخرعهـا صرخت المها وهي متمسكه فيـه : خاااالييييي بتطيحني .. ضحك ماجد وقال وهو يرد يشوف تلفونـه : خير شعندج جايه؟ المهـا وهي تشوفه بنظرات خبيثه رافعه حاجب ومنزله حاجب: شدعوه تخطب وانا اخر من يعلم؟؟ ماجد وهو يخفي ابتسامته : ليش لازم استأذن منج قبل مااخطب؟ المهـا وهي تلعب بخصله بشعرها: لا بس لازم ادري !!! ماجد : ولية امري الشيخه؟؟؟ ضحكت المهـا وهي تهز راسها: لا .. ( مدت يدها تضربه على كتفه بالخفيف وهي تغمز عيونها له ) عشان اقنعهـا .. لانها مادري ليش ترفض الي يجونها انصدم ماجد !! حذف التلفـون من يده وتجمد الـدم بعروقه وحس بنغزه في قلبـه .. ممكن انها ترفضه حاله حال الباقي !!! بس انا غير انا شفتهـا وشافتني !!!! وانت شدراك؟؟ يمكن الي تقدموا لها شافتهم وشافوهـا يمكن من معارفها !!! لاحظت المهـا تغير ملامح ماجد .. حست بحزن عليه قالت بهدوء : بس اذا ارفضتك هي الخسـرانه .. والا انت بنات الدوحه كلهم يتمنونك ماجد بضيـق وهو يرد ياخذ تلفـونه : بس انا مابي الا آمنه .. وان شاءالله انها من نصيبي : : . . : : بنفس الوقت غرفـة آمنـه كانت تفكـر في موضوع خطبتهـا الجديده من ماجد ! ليش تقدم لي؟؟ هو ماتقدم لي الا من بعد ماشافني !!! معقـوله عشان شكلي اجذبه تقدم لي !؟؟؟ لالا مستحيـل .. مااتوقع ان ماجد هذا تفكيـره .. بس .. بس امي تقـول .. انه مايبي عرس وخرابيـط عشاء ملكـه وياخذني ونروح ! هذا اكبـر دليل انه صادق .. يااربي .. احترت احتــرت .. انا لازم استخيـر الي ابرك من الخلق كلـه استخيـر الخالق سبـحانـه : : . . : : مروا يوميـن في ركـود ساره مازالت عند اهلهـا تلفـونها مايوقف من مسجات حمد الي بين لها كثر شوقه وحبه لهـا .. وهالشي صار يحز بخاطرهـا .. ويعمـق من الجرح اكثر واكثـر لانها هي بعد تحبـه .. بس ماتقدر تفرض نفسها في حياتـه واهله يبونه يتزوج غيرهـا عشان العيـال ... سعـود ونوره علاقتهم في ركـود ابتعد سعود شوي عن نوره على كثر ماكـان مايتقرب منهـا ومايلقى منها أي تقبـل وتقرب .. ولاحظت نوره هالشي .. حست بغلطـها لكنها تستحي تبادر !!! المهـا كانت مع خالهـا ماجد شايله هم خطبتـه .. وصارت تحاتي معاه متى بترد عليهم آمنه !! سيـف والجازي عايشين احلى أيـامهم في انتظـار شخص ثالث يشاركهم حياتـهم .. حمد ونـوف احلى أيـامهم بقرب حمني الي قربهم كثير من بعض .. : : . . : : اليـوم الثالث سعـود واقف وجنبـه نوره يسلمـون على اهلهم بيسافرون للعمره في الويـك لان سعود رفضوا شغله يعطونه اجازه ! وكالعاده ام سعـود توصي ولدهـا ونوره .. في هاللحظـات رن تلفـون سعود ابتسم ابتسامه جانبيـه وهو يسرق النظر لنوره .. وابتعد شوي عنهم وهو يرد : هلا وغلا ناصر : اهلين .. ها خلصتوا؟ سعود : أي يلا طالعين الحين .. ناصر: خلاص انا انطركم عند باب بيتهم سعود وهو يرفع طرف الستاره يشوف : لا دش بالسياره داخل ولاعليك امر .. اخاف اختك اذا شافتك تفضحنا خلها مستوره داخل البيت هههههه ضحك ناصر ودخل بسيـارته داخل حوش البيت .. سلم سعود على اهلـه ومسك نوره بيده بلعت نوره ريقهـا بتوتر وطلعت مع سعود راحت المهـا تطل من الدريشه وامها راحت لغرفتهـا تمسح دمعتهـا والجازي وهي تقعد عالكرسي بثقل : ماتستحين انتي؟؟ المهـا بكل حب : وحشني جزوووي وحشششششني .. تصدقين ماصدقت يوم قال لي سعود ان ناصر هو الي بيوديهم الجازي : نزين خلاص شفتي اقعدي فضحتينا الين بينزل خالي ماجد ويشوفج ناطه عند الدريشه شبتقولين له؟؟ المهـا سهفت للجازي وهي تشوف الانسان الي اشتاقت له .. نست كل شي حولهـا وسرحت بعالم مافيه الا نـاصر .. بنفس الوقت بس عند نوره وسعـود نوره الي اول مالمحت زول ناصر افلتت من يد سعود .. ورات تركض لأخوهـا الي هي الثانيه اشتاقت له اخوها القريب منهـا .. روحـا وسنا .. ضمته بكل قوتهـا ولاشعوريا ادمعت عيونهـا بكل حب وشوق من متى انت فالدوحه نصور؟؟ ناصر وهو يضحك ويضمها بكل شوق ويحب راسها بحب : من البارح فليل .. واول مادريت بسفرتكم على طول كلمت سعود وقلت له محد بيوديكم المطار غيري نوره وهي تدفن وجهها بصدر اخوهـا : اشتقت لك يالخايس ( الاخت نست ان زوجها موجود معاهم ! ورت لطبيعتهـا ههه ) ابتسم سعود على لتعليـق وغمز له ناصر وقال قاصد انه يفشلهـا : افااا النوري تقولين عني خايس؟؟ قدام سعود؟؟ شتبينه يقول الحين مرتي ماعلموهـا اهلها لاتتلفظ بهالالفاظ قدام رجلها !!! قرصته نوره بالخفيف في ظهره وهي ميته من الاحراج .. توها تذكر ان سعـود موجود دزها ناصر يبعدهـا عنه .. اقول اركبـوا السياره لاتطير عنكم الطياره .. ! : : . . : : بنفس الوقت بس من جهه ثانيـه كانت قاعد على طرف السرير والثـاني ساحب كرسي التسريـحه وقاعد علـيـه وهي متوتره وتفرك اصابعهـا ببعض من توتر .. وبنفس الوقت منزله راسهـا تخفي دموعهـا الي ملت عيونهـا بكل حنـان الاخ الكبيـر يكلمهـا .. مد يده وحطها على يدها عشان يخفف من ركبتهـا وهو يتكلم بصوت هادي بعث الطمأنينه في نفسهـا : ساره هذي حياتج وانتي حره فيهـا .. بس صدقيني انتي توج صغيره ومايليق عليج لقب مطلقه ولاتظنين ان اصرارنا على رجوعج له يعني احنا واقفين ضدج !!! من كم شهر لما زعلت نوف وكانت تبي تطلق من حمد .. شوفة عينج كلنا وقفنا معاها .. واسألي حمد ياما جاه من الكلام والتنغز .. ووصلت انه ممكن ينضرب لو قدر يمس نوف بشي !! واحنا لين اليوم مانعرف شالسبب .. وهي بأرادتهـا ارجعت لزوجهـا .. والحين شوفة عينج الحمدلله عايشين احلى عيشـه .. صح والا لا؟؟ هزت ساره راسها بالايجاب وهي مدنقـه ... وكمل عبدالله بنفس النبره الهاديه : وانتي توج في بداية حياتـكم .. والمستقبل قدامكم ياما بتشوفين اشياء اكبـر واكبر .. بتقعدين على كل مشكله تصير ترجعين وتقولين ابي اتطلق؟؟؟ ساره كانت ساكتـه .. وماترد عليـه .. سكت عبدالله شوي .. وعقب كمل : يمكن يطلقج حمد .. وتاخذين شخص ثاني ينكد عليج حياتج !! بتصبرين والا بتطلقين؟؟ ساره بصوت اشبه للهمس : بتطلق !!! عبدالله: وتبين الناس يقولون عنج مطلقه؟؟ في مجتمعاتنا الخليجيـه .. تكون المرأه في وجه المدفع على اتفه الامور تكون غلطانه ويعلق هالشي فيها على طول السنين !! بعكس الرجال الي مهما غلط يغضون البصر عن اغلاطـه .. واذا انتي تطلقتي مرتين .. بترسخ في بالهم فكرة انج مهما تزوجتي بتطلقين !! سواء تزوجتي شخص بمواصفات حمد او شخص ثاني عكسه ممكن يصبحج ويمسج بكف !!! سكتت ساره وهي مدنقـه تفكر بكلام اخوهـا فعلا هو صادق .. حمد نعمـه المفروض اتمسك فيه بأيدي وضروسي .. هو بنفسه اكد لي مليون مره انه مايبي غيري لو مهمـا كان العيب فيني ! خانتهـا دمعه وانزلت ارفعت سبابتهـا تمسحهـا .. وبلعت ريقهـا تبلع عبرتهـا الي خنقتهـا لاحظهـا سيف .. قام وقعد جنبهـا عالسرير وضمهـا بكل ود وحب اخوي ضمهـا يحسسها بالامـان بوجودهم حولهـا .. ضمهـا عشان يقول لها .. احنا موجودين مهمـا ضامج الدهـر احنا معاج على طـول احنـا عزوتج ! ضمته ساره بكل قوتهـا ضمتـه لانها محتاجه صدر دافي .. محتاجـه ظهر قوي محتـاجه دفعات معنويـه .. ومن هنـا اطلقت العنان لدموعهـا تنزل .. تبي تفرغ كل الي فيهـا كل الي اكبته طول هالفتره بالدمـوع .. : : . . . : في احـد المجـالس بمنطقـة الريـان كان سرحـان يفكـر ويهوجـس وحده بس شاغلـه باله كثير هالايـام وبشكل كبيـر اشتـاق لهـا اشتـاق لحسهـا حواليـه اشتـاق لوجودهـا فالمكـان اشتـاق لكل شي فيهـا ويخصهـا اشتـاق لأبتسامتهـا لما يدخل الغرفـه اشتـاق لريحة عطرهـا الي تملى المكـان اشتـاق لدلعهـا لبراءتهـا لدموعهـا الغاليـه اشتـاق يضمها بين ايديه صار يدخل الغرفـه وهموم الدنيا ضايقـه به يدخلهـا على نورهـا يحسهـا مظلمه ! يحس كأنه داخل قبر من الضيقـه والظمـه الي يحس بهـا تنهد بصوت مسمـوع وماحس الا بيد تنحط على كتفـه افا يابوعبدالله .. كله ولا خاطرك يتضايق وانا اخوك ! ابتسم حمد وهو يستعدل في قعدتـه : تسلم يابوفالح جعل عمرك طويل بوفالح : وش الي مضايقك وانا اخوك شكلك مب عاجبني .. حمد : خلهـا على الله يابوفالح .. ان شاءالله شدة وتزول احترم بوفالح رغبة حمد الي ماحب انه يفضفض ولايبـوح بالي مضايقـه .. ابتسم له وهو يضغط على عضـوده وكأنه يمد له من قوتـه .. : : . . : : كانت ترتب غرفتهـا وهي تغني .. رن تلفونهـا اعلان عن وصول لها مسـج اخذت التلفون ونطت عالسرير تشوف من من .. وفتحت عينهـا عالاخـر وبنفس الوقت اتسعت ابتسـامتهـا وقلبهـا صار يدق بقوه .. ( مرحبـا يالمهـا شحالج؟ جهزي عمرج اول مايرجع اخوج من العمره ان شاءالله بطلب يدج منـه نـاصر ) احذفت التلفون جنبهـا وانسدحت عالسرير وبريق خاص بعيـونهـا بلعت ريقهـا بتوتر وخجـل وبفرحـه غمرة قلبهـا اخيــرا اخيـــرا بيتقدم لي !!! : : . . : : عند ساره الي كانت في حديقـة البيت رن تلفونهـا ابتسمت بهدوء وهي ترد : مرحبا ومسهلا آمنـه بفرحه : ساروووووووووه وحشتيني يالدبه ساره بحب : انتي اكثر يابعد عمري .. شخبارج بشريني عنج؟؟ آمنه : بخيرمن سمعت صوتج .. ( وكملت بصوت خانقته العبره ) ساروه متى بتردين بيتنا؟ سكتت ساره تبلع ريقهـا وحست بحزن .. وقالت بصوت خالي من أي مشاعر : مادري !! آمنـه : صدقيني ياساره ان حمد ماصار ياكل ولايقعد فالبيت من بعد مارحتي .. وحاله مايسر لا الصديق ولا العدو .. ارحمي حاله وارجعي له بلعت ساره ريقهـا بتوتر .. وفي قلبهـا حزن للحال الي وصل له حمد ! كملت آمنه بصوت هادي بعد ماشافت أي ردة فعل من ساره : آآمم تعودت آقولج عن كل موضوع يخصني صبرت كم يوم وبعدين قلت لازم اتصل اقولج ساره : خير؟؟ آمنـه بخجل : في واحد متقدم لي ساره بفرحه : والله؟ آمنـه بخجل أكثر : آآممم من اهلكم ! استغربت ساره : من اهلنا ؟؟؟ آمنـه : أي اسمه ماجد .. امي قالت لي يصير خال بيت عمج عبدالعزيز ساره بفرحه : احلفي انه هو الي متقدم لج؟ آمنه بأستغراب : والله ساره : وانتي ان شاءالله للحين تفكرين فالموضوع؟؟ آمنه بخجل: أي ساره : من غير تفكير آمون وافقي على ضمانتي آمنـه : وشمعنى؟؟ ساره : شخصية من اروع مايكون .. ورجال والنعم فيه آمنه بحزن : ساره والي قبل كانوا يقولون لي رجال ومن اروع مايكون واخر شي صدمني ساره : بعد هذا المكتـوب .. شتسوين سكتت آمنـه .. ساره : ماراح اغصبج بس ماجد فرصه ماتفوت آمنـه بأبتسامه : آآآممم اوكي بشرط .. تردين لحمد ! ساره بحزن : لاتربطين حياتج فينا آمون .. آمنـه : والله انا اعرفج واعرف حمد واثنينهم حالكم مايعجبني ! سكتت ساره بحزن وعقب كملـوا سوالفهم لين ماانتهت المكـالمـه : : . . : : اليـوم الثاني في مستشفـى الـولاده كانت الجـازي وعلامات التعب باينـه عليهـا بحظنهـا بنتهـا .. وسيف على طرف السرير من الفرحـه يحس انه مايقدر يفارق زوجتـه وبنته .. وكانت امـه وام سعـود موجودين معاهم الجازي بتعب : شبتسميهـا ؟ التفت سيـف على امه وام سعـود : اسمهـا عند جداتهـا هم الي يختارونـه ام عبدالله وهي تلتفت على ام سعـود : بنسميهـا نوره على جدتهـا ام سعود اربها تطلع مثلهـا ام سعود وهي تحط يدها على يد ام عبدالله: لا والله ماتسمينهـا علي ... الا بنسميهـا نجلاء عليج واربها تطلع مثلج في هاللحظـات تدخل المهـا وبيدها اكيـاس شهالاســامي تبون تعقدون البنت انتوا؟؟؟ سموهـا المهـا عشان تطلع على خالتهـا ضحك سيف وقال : لو شنو ماسميهـا المهـا .. تبينها تطلع ملسونه مثل خالتها؟؟؟ المهـا وهي تنزل الكيس الي بيدهـا : نععععم؟؟؟ والله اذا طلعت ملسـونه مب شي غريب ماخذه هالشي من ابوها ضحكـوا الكل عليهم : : : : فليـل السـاعه 10 رجـع وهو متـضايق كالعاده من عقب ماطلعت ساره وتركتـه صار يرجع للبيت وهموم الدنيـا كلها على راسـه مالقى احد بالصاله .. استغرب حتى اهلـه محد منهم موجود .. الببيت كااان هادي جدا وبالنسبه له هو فاضي ! راح للمطبـخ فتح الثلاجـه اخذ له عصيـر كان هذا عشاه بس !!!! وراح لفوق لغرفتـه البيت من فوق هادي بعد وغريب !! فتح باب الغرفـه واول مالفحتـه ريحة البخـور .. والعطر !!! اضاءة الغرفـه كانت غير معطيه منظر حلو وحياه للمكـان ... تلفت مالقى احد بالصاله.. هز راسه بأسى .. وهو يتنهد يحاولون انهم يغيرون لي عشان نفسيتي مادروا انهم كذا زادوا الطين بله ... تذكر لما يرجع تكون الغرفه مبخره ومعطره ومجهزه ومهيئـه لأجواء الرومانسيـه .. دخل لغرفة النوم كانت الروائح العطره تطلع من هنـاك والاضاءه كانت اكثر هناك .. وانصدم !! انصــــدم لما شافـها مستحيل !!!! يحس انه بحلم .. لهالدرجه انا صرت اتخيلهـا في كل مكان؟؟؟ لهالدرجـه .. شسويتي فيني ياساره ؟؟؟ شسويتي فييييني؟؟؟ بلع ريقـه بتوتر وهو يشوفـها يحس انه يخاف يرمش وتختفي عن انظاره .. ييبي يتقدم لها يتحسسها خيال والا واقع !!!!!! كانت متألقـه بفستـان قصير احمر شعرهـا كامل كيرلي كحلـه على طرف العين .. وروج احمـر كانت فتنـه والتوتر ذبحهـا كانت تفرك اصابعهـا ببعض وهي تشوفه بكل شوق شكلـه صدمهـا !!! نحف كثير وتغير كثير وبانت عليه ملامـح التعب !!! اشتـاقت له لنظرته لأبتسامتـه لهمسـه .. ! تقدم بخطـوات ثابتـه وهمس بألم .. سـاره؟؟؟ نزلت ساره نظرهـا للأرض تخفي دمعه حارت بوسط محاجرهـا رفع حمد يده لهـا يتحسسها وحست بلمس ايديه .. وارتعشت ارتعاشه خفيفه ... تأكد الحين انها واقع !! تأكد انها الشخص الي فارقه فتـره رجـع له ! رجعت لي؟؟؟ والا بتاخذ اغراضها وبتروح؟؟ للالا مستحيل اخليهـا تروح مستحيل افرط فيهـا !!! قرب منهـا وضمهـا ضمه كلهـا شوق لها ... : : . . : : اليـوم الثاني السـاعه 10 الصبـح طلعت المهـا من بيتهم ومعاها الخدامـه تشيل الاغراض بتروح عند الجازي فالمستشفى اركبت السيـاره .. وراحـوا لمحـها ناصر الي كان في هالوقت يطلع بسيارته من بيتهم عرفهـا !! اشتـاق لها كثيررر آآآخ ياسعود متى بتجي عشان اخطبـها والله ماعاد فيني صبر .. مشى بسيـارته وراهم من بعيـد جاه فضول يشوف وين بتروح مع الدريول والخدامه !!! لبس نظـارته الشمسيه وشغل عالمسجـل عشان يعيش جوه وهو يراقب سيـارتهم ولما ابتعدوا شوي بنجر تاير سيـارتهم !! ووقف الدريول على جنب الحمدلله انه ماكان يسوق بسرعـه والا كان ممكن خطر تنقلب السيـاره لمح ناصر سيـارتهم تصفط على جنب .. اسرع بسيـارته ووقف وراهـم المهـا : اكبر شنو فيه؟؟ آكبر وهو يهز راسـه : هدا تاير بنجر !! المهـا بخوف : وقتـه الحين ؟؟؟ أكبر : سنو ماما؟؟ المهـا بنرفزه : ماكلمتك .. اخذت شنطتهـا تحوس فيها تدور تلفـونها وماوعت الا بصوت مفتاحه يضرب عالدريشه لفت وانصدمت لما شافتـه تجمد الدم بعروقهـا وانشلت يها عن الحركـه . . ! اشر لها ناصر تنزل جامة السيـاره بلعت ريقهـا وهي ماتقدر تحرك !!! فتح ناصر الباب وهو يسألها .. : شفيكم؟؟ المهـا بتوتر : التاير مبنجر !! ناصر وهو يبتعد شوي عن الباب .. : روحي اركبي سيارتي انتي والخدامـه خلينا نشتغل عالسيـاره !!! المهـا بخوف لحد يشوفهـا هزت راسه بخوف : لالا !!! بتصل الحين في خالي ماجد وبيجني !! ناصر بدا يتنرفز : مهــا !!! لاتعاندين .. مايحتاج تكلمينـه كلها خمس دقايق ونخلص !! المهـا وهي تشوف الشارع وراه السياير رايحه جايه .. : والناس شبتقول لما شافتني اركب سيارتك !؟؟؟ ناصر : محد له خص .. وقومي بسرعه ... راح ناصر لسيـارته شغل المكيـف فيهـا ورجـع لقا المهـا للحين بمكانهـا ! راح يطل عليهـا : يلا اركبي السيـاره خلينا نخلص شغلنا !! انزلت المهـا وهي ودها الارض تنشق وتبلعهـا مب عارفه هي الي تسويه صح والا غلط ! لكنهـا تشوف نفسها ماتقدر تجاري ناصر لانه شكله معصب وهي ماتبي تعصبـه زياده .. اركب السيـاره ورا خلف كرسي السواق .. وهي تلمـح ناصر جايهم توترت فتح ناصر باب السيـاره عند كرسي السواق بدون مايلتفت عليهـا وفصخ غترتـه حذفهـا وسكر الباب وراه وراح وهو ينفذ كمومـه لاشعوريا .. ابتسمت المهـا بحب من تحت النقاب .. واختفت ابتسـامتها لما لمحت اسم ( ماجد ) خالهـا على الشـاشه يتصل فيهـا . لآآتحرموني من وجودكم آلجميـل ~ توقعـآتكم آختكم { زآآهي آلكحل ~ |
آلـ ج ـزء آلـ ث ـلآثون ~
ردت بصوت مرتبك ومتوتر : مرحبـا رد عليهـا بفرحـه .. بدون ماينتبه لنبرة صوتهـا وهو يقول بأبتسامه : مهووي آمنه وافقت علي .. المهـا نست كل شي حولهـا ونست الموقف بكبره وهي ترد بصراخ وفرحـه : احللللف؟؟؟ مبروووووووووووك يلا متى الملكه؟ ماجد بفرحه بانت في صوتـه : مفكر اخليهـا بعد اسبوع !!! المها بفرحه : فديييتك ياماجد تستاااهل يابخت امون فيك ماجد بغرور بان في صوته : احم احم .. اكيد المها بعياره : الحين اكيد ها !! وقبل عايش برعب لين وافقت عليك هههههه ماجد بحزم : بس يلا ... انتي وين؟؟ المها تذكرت انها بسيارة ناصر !! خافت شتقول له ؟؟؟ تخاف تقول الصدق ويعصب عليهـا وتخاف تكذب .. ويكون ماجد عنده علم من ناصر !!! ياربي شسوي .. شسووي انتبهت على صوت ماجد : آآوووه مهوي !! المهـا : هلا !! ماجد : وينج ؟؟ المهـا بأرتبـاك : انا رايحه حق جزوي بالمستشفى !! ماجد : ليش مب طالعه اليوم هي؟؟ المها : لا بكره ان شاءالله !! سكرت من عند خالهـا انتبهت على سيـارة ناصر كانت معفسه بشكل اوراق كثيره محذوفه وتلفونـه محذوف فوقهم وثوب معلق فالسياره ورا !!! وغتره ثانيه محذوفه عالكرسي الخلفي بينها وبين الخدامـه .. لاشعوريـا مدت يدها واخذت الاوراق ورتبتهم وردت لمكـانهم ! وطوت الغتره الي كانت محذوفـه وحطتـها فوق الاوراق جنب الكرسي الي جنب السواق وماوعت الا بباب السواق ينفتح اخذت شنطتههـا حطتها بحضنهـا بأرتبـاك .. ابتسم ناصر ابتسامه خفيفـه .. السيـاره خلصت !! المهـا بصوت خافت : يعطيك العافيه ياناصر .. تعبناك ! ناصر شوي وبيطير من الوناسه : الله يعافيج .. وبالعكس لاتعب ولا شي ابتسمت نوره من تحت النقـاب بأحراج وحطيت يدهـا عالكرسي بتنزل ! وماوعت الا بيده الدفايـه تنحط على يدهـا لاشعوريا ! وهو يشوفهـا بنظرة فيهـا بريق خاص وبصوت هادي .. ومحب لهالانسانه الي قدامـه وهو يقول : المهـا !! لفت المهـا بتوتر وبصدمه وهي تشوفـه بصوت اشبه للهمس قال : والله العظيم احبـج ! ارتفع ضغط الدم عندهـا ودقات قلبهـا صارت تدق بشكل مب طبيعي وحراره تسري بجسمهـا واضطرابات في تنفسهـا كل هذا فوق احتمـالهـا مب قادره توقف على رجيلهـا عشان تنزل من السيـاره وتروح ! هي تعرف حبه لها تعرف عن مشاعره ناحيتهـا بين لهـا هو هالشي ! وبينت لها نوره هالشي بعد ! بس هالمره غيــر غيــــر ! لانه نطقهـا لانهـا طلعت من بين شفايفـه لقلبهـا بدون حواجز بدون أي شي ! حركت كل عضلـه بجسدهـا جددت شعور الحب عندهـا حتى الدم تحسه نشف بعروقهـا واندفع فجأه وبكل قوه في جسدهـا شعور حلو شعور غريب غمضت عيونهـا بسرعه وفتحتهـا وهي تسحب يدها من تحت يده وتروح لسيـارتهم وروحهـا بقت معلقـه بين ايديه ! روحها بقت معاه .. تنهد وهو يشوفهـا تبتعد عنه ركب سيـارته وقعد ينتظرهم لين ابتعدوا عن انظـاره كانت في هالمكـان .. التفت للكرسي الي وراه يشوف مكانهـا فاضي .. انتبـه للأوراق الي عالكرسي الي جنبـه والغتره المرتبـه ومحطوطـه فوقهم ابتسم فديتج يالمهـا كانت الجـازي تبدل لبنتهـا ( نجلاء ) سموهـا على جدتهـا ام عبدالله ( ام سيف ) دخلت المهـا وهي بعالم ثاني قعدت على اقرب كرسي وادخلت بعدهـا الخدامـه تنزل الاغراض الي معهـا استغربت الجازي : شفيج مهوي؟ ارفعت المهـا تشم ايديها الثنتين بكل حب وحالميـه : آآآه خليني شوي جزوي وخلج مع بنتج استغربت الجازي ! خلتهـا وكملت تبدل لبنتهـا الي كانت تصيـح ريحـة عطره القـويه الي كانت بغترته اثبتت بيدهـا تمنت المهـا ان هالريحه كلش ماتروح من يدهـا كشرت بوجههـا وهي تشوف بنت الجازي : آوف منج انتي وبنتج تخربون علي جووي !! الجازي وهي تلف بنتهـا في ملحفهـا وتهديهـا : خفي علينـا ياام الجو انتي .. بدال ماتساعديني جايه تنتقدين المهـا وهي تفصخ عبايتهـا وتعلقهـا : ليش ليكون جبتها ونسيتها؟؟؟ فتحت الجازي عينهـ عالاخر : عجل جايه حق شنو؟؟ عشان تغثيني بس ؟؟ المهـا وهي تمد يدهـا تاخذ بنت اختهـا : هاتيها بس هاتيهـا .. محد يمزح معاج اخذتها المهـا وتمت تهزها بين احضانهـا بالخفيف عشان تنيمهـا ابتسمت الجازي بحب وهي تشوف اختهـا وقالت : ياربي نفرح فيج قريب يامهوي ابتسمت المهـا وهي تقول بكل حب : آآآميــــن الجازي وهي تشوفهـا بنظرات خبث : اشوف ماتستحين !! المهـا وهي ترقص حواجبهـا للجازي : نفسج انتي وحبيب القلب سيووف !! الجازي : صدقيني لو مابنتي بين ايديج والا كان حذفت عليج هالمخده !! المهـا : المهم ماعلينـا وش البشاره؟ الجازي بفرحه: خير؟؟ ( وكملت بضحكه ) لاتقولين لي ان نوره حامل ؟؟؟ افتحت المهـا عينهـا : شدعوه بهالسرعه ؟؟؟ الجازي : اذكري الله بس .. ماتدرين !! المهـا وهي تهز كتوفهـا : مادري يجوز !! .. مع اني ماعتقد هههههههه .. بس خالي ماجد قربوه بيت حمد بن حمد !! ابتسمت الجازي بفرحه : والله؟؟؟؟ فديييييته ومتى صار هذا كله؟ المهـا : توه مكلمني وانا جايه فالطريق الجازي وهي تتصنع الزعل : وانا ليش مايكلمني يقول لي ؟؟؟ المهـا وهي ترقص حواجبهـا : هذا سعود قبل يقول لج كل شي اول بأول .. ومازعلت خلي مجودي لي وانتي لج سعيــداااان ! الجازي بخبث: بقوله انج تقولين عنه سعيدان ... المهـا بلامبـلاه : قولي له .. الجازي وهي تلم شعرهـا بكلبس : الا على طاري سعود .. ليش ماتقتعدين ان نوره تحمل؟؟ المهـا وهي تحط نجلا بعد مانامت بسريرهـا : آآممم شقولج جزوي .. انا احس ان في بينهم شي ! الجازي وهي تأشر للمهـا تقعد عالسرير معاها : شلون حسيتي؟؟ المهـا وهي تقعد وتفتح شعرهـا تلعب فيـه : مادري يعني قبل مايتزوجون .. كان تصير بينهم احتكاكات تقولين مستحيل نورو بتوافق على سعود !! وبعد الزواج صرت الاحظ انهم مايتكلمون مع بعض واجد !! الجازي : وعلى هالشي حكمتي؟؟ المهـا وهي تلعب بخصلتهـا : لا بس لاحظت من يجي سعود نوره تسكت ! تقولين مستحيل هذي نوره الي كانت تكلم قبل مايجي سعود .. الجازي بحزن : تهقين ليش؟ المهـا : مادري .. حاسه ان في شي ! سكتت الجـازي تفكر وعقب قالت : يمكن لان توهم فالبدايه تستحي !! المهـا وهي تضحك : انسسيي نوره تستحي هههههه اذا قبل مايكون زوجهـا كان صوتها اعلى من صوته ! الجازي وهي تهز كتوفهـا : مادري شقولج الصـراحه .. المهـا : كلمي سعود شوفي ! الجازي : انتي تعرفين سعود كتوم واجد ماعتقد اذا سألته بيقول !!< المهـا : حاولي معاه يمكن يقولج ماتدرين .. الجازي : ودام انهم محد فيهم تكلم لليش ندخل نفسنا في حياتهم ؟؟؟ المهـا : مب عاجبني حالهم الجازي : بس كيفهم هذي حياتهم واثنينهم يتصرفون بدون أي تدخلات .. عند ساره وحمـد عاشوا البـارح ليلـه مختلفـه فرحـة حمد برجعـة ساره له وفرحـة ساره بوجودهـا بين احضـانه فعلا يحبهـا صحيح هو اثبت هالشي في اكثر من مره بس في كل مره تتأكد مليون مره انه يحبهـا ويبيهـا ومستعد يحارب الكل عشانهـا تكلم معاها بخصوص موضوع العـلاج وتقبلت ساره كل شي وفرحت لأهتمامه بهالشي واتفق معاها انه بياخذ اجازه من شغلـه عشان يوديهـا تعالج برا وان شاءالله الله بيرزقهم بالعيـال افرحـوا اثنينهم لما دروا ان آمنـه وافقت على ماجد كانـوا اثنينهم واقفين عند باب غرفتهـا وهي كانت عالسرير قاعد مستحيـه وتعليقـات ساره وحمد عليهـا دخل حمد وهو ماسك يد ساره بعد ماسكر الباب وراه .. مبروك يا آمنـه تستاهلين الله يوفقج وبصراحه ماجد رجال والكل يمدحـه ابتسمت بخجـل ابتسمت لهـا ساره وهي تدعي لهـا بالتوفيق .. مـروا يومين على الاحداث الاخيـره ماجد يعد السـاعات لين يوصل سعود من العمـره عشان ياخذه ويروح يخطب رسمـي آمنـه ويتفقـون على كل شي .. سعـود ونوره توهم واصلين مطـار الدوحـه الدولي< ولقوا فالاستقبـال .. ناصر سلم عليهم وتحمد لهم بالسلامـه واخذهم وردوا لبيـوتهم اصرت نوره انها تنزل تسلم على امهـا وابوهـا اولا وتقعد عندهم شوي سمح لهـا سعود ولأنه تعبااان ويبي ينـام مامانـع هالشي نزل لبيتهم سلم على امـه الي استقبلته بالاحضـان وبالدموع كالعـاده وسلم على خواتهـ وفرح لمـا شاف بنت الجـازي اخذها يشيلها : فديييت حبيبة خالهـا انا طلع من جيبـه بوكـه .. واخذ كل الي كان موجود بالبوك من فلوس وحطه بملحف البنوته وحبهـا على راسها وعطاها امهـا ام سعـود بفرحه : عقبال ماشوفك تشيل عيالك يارب ابتسم سعود : الله كريم المهـا : وين نوره؟ سعود : نزلت عند اهلهـا تبي تسلم عليهم وتقعد معاهم شوي .. وبتجي ماجد وهو يطبطب على كتف سعود ويقرب منه : جهز عمرك بكره بتروح معاي اخطب بنت عبدالله بن حمد التفت سعود : ابشــر يابومحمد ابتسم ماجد ابتسامـه عريضه وهو يشوف المهـا الي كانت تضحك وتغمز له .. الجـازي : شكلك تعبـان ياسعود روح ارتـاح في غرفتك سعود وهو يفصخ غترته ويمسكهـا بيده : أي والله حدي تعبـان وقف وهو يكمل : يلا اسمحـوا لي ام سعود وهي توقف معاه : مجهزتلك عشا يبه تعشا اول سعود : مااشتهي شي كلش بس ابي انام .. ام سعود وهي تتبعه بنظرهـا : نوم العوافي يايبه عند نوره في بيت اهلهـا بعد ماسلمـوا عليها امهـا وابوهـا راحوا لغرفهم فوق يرتـاحون وصالح وزوجته راحوا لغرفتهم وبقـوا نوره وناصر قرب ناصر من نوره وهو يقول بفرحه : مابغيتوا تجوون نوره : لهالدرجه مشتاق لنا؟؟ ناصر : لااا .. بس لاني مشتااق لمهـاوي وابي اخطبهـا .. وقاعد انتظر سعادة السيد زوجج يجي عشان اخطبهـا منه !! ابتسم نوره : كلمت ابوي بالموضوع؟ ناصر وهو يأشر بيده : من زماااااان مكلمـه بس كل ماقلنا بنخطب يصير شي ! نوره : ان شاءالله هالمره مب صاير شي وبتخطبهـا بس هااا !!! .. تملك على طول مب بعدين كل ماتملكون يصير شي ههههههه ضربها ناصر على كتفها بالخفيف : مالت عليج السباله . . ان شاءالله مب صاير الا الخيـر بس ان شاءالله سعود يوافق نوره وهي تخصر : وليش مايوافق؟؟ بيحصل احسن منك لأخته؟؟ ابتسم ناصر بفخر : كفووو يابنت فيصل .. اصيله ماتغيرتي .. انا قلت بتاخذين سعود وبتنسين اخوج المسكين نوره : انسى الكل الا اخوي خخخخخخ وقفت نوره المهم يلا قوم وصلني بيتنا !! سعود قال لي لاتأخرين ! ناصر وهو رافع حاجب: سعود قال لج والا انتي اشتقتي له؟؟ ضربته نوره على كتفه وهي منحرجـه : يلا انطرك عند الباب دخلت لقت المهـا بالصاله تشوف التلفزيـون ابتسمت بفرحـه .. لما حست المهـا بأحد يفتح باب الصاله لفت وقفت وهي تنط بفرحه وتروح تضمها : النوووووووووري وحشتييييييييييييييييينيييييييي ضمتها نوره بقووه : فدييييييييت قلبج مهوي انتي اكثرررر والله بعد عمري .. المهـا بفرحه : حبيبتي انتي شخبااارج؟؟؟ ( وغمزت لها ) وشخبار سعود معاج؟ ابتسمت نوره بخجل واضربتها على كتفهـا : الناس ماقامت تستحي اشوف !!! المهـا : ليش في احد سألج بعدد؟؟ نوره : اييي المهـا بفضول : والله؟ من من؟؟؟ نوره وهي ترقص حواجبهـا : ماعلم !! اضربتها المهـا على كتفهـا : مالت عليج هههههههه تعالي اقعدي بس .. قعدت نوره وحطت تلفونهـا عالطاوله جنب تلفون المهـا وثنتينهم تلفوناتهم نفس الشي بالضببط .. واقعـدوا يسولفـون وبعدهـا استأذنت نوره واخذت التلفتون وراحت لغرفتهـا فوق وتركت المهـا تشوف التفزيـون بـالصاله تحت لان الجـازي وبنتهـا في غرفتهـا نايمين .. دخلت نوره الغرفـه كانت معطره ومبخـره حسب علمهـا ان الجـازي والمهـا تولوا هالمهمـه وجهزوا لهم اجواء رومانسيـه في غرفتـهم دخلت وهي تدور بنظرهـا سعود من بين الاضاءات الخافتـه وبرودة الغرفـه دخلت الغرفـه لقته متمدد عالسرير مب متلحف وحاط ذراعه يغطي بها عيونـه حطت تلفونهـا عالتسريحـه بشوي شوي لاتزعجه لانـه نايم ودخلت غرفة المـلابس تاخذ لها ملابس بتسبـح لما دخلت سعود ماكان نايـم كان يشوفهـا بدون ماتنتبـه له بس التعب ذابحـه لايتحرك حتى ! اخذ تلفونـه من عالكومدينـا جنبه وكتب مسج غزلي وارسلـه لتلفونهـا وهو يبتسم كيف بتكون ردت فعلهـا ! يحاول يتقرب منهـا بشتى الطرق وهو لاحظ في اخر يومين المسجات قربتهم من بعض شوي انتظـر شوي يسمع وصول المسج على تلفونهـا لكن ماسمع صوت !! يمكن حاطته سايلنت !!!؟؟ بتعب وقف وراح عند التلفـون وين ماحطـه يشيك اذا سايلنت او لا ! استانـس لما شاف صورته خلفيه عالشاشه ياحبيبتي يانوره لهالدرجه تحبيني ومستحيه تقولين ؟؟ خخخخخخخخ لا اراديـا ضغط عالرسايل مايدري ليش جاه فضـول !! او يمكن مب فضـول يمكن حركـه طلعت منه بشكل لا ارادي ! شاف المسجـات الاربع الاولى الي تطلع له عالشـاشه استغرب هذا مب تلفون نوره !!؟؟؟ طاحت عينـه على مسج من رقم مميـز !!!!! شكك بالرقم مألوف له !!!!!!!!! انصدم ضغط عالمسـج يقراه !! تصاعد ضغط الدم عنده يحس انه يفـور من الغضب ... الخسيس الحقيــر شلون يتجرأ ويرسل لها مسج ؟؟؟؟؟؟ شــلون؟؟؟ اكيد لو ماعطتـه مجال هي كان ماتمادى !!!!! صار يتنفس بطريقه غير منتظمـه وهو مايشـوف قدامـه الا المهـا وناصر وعيونـه تشع شرار من الغضب يحس انه يدخن من زود ماهو معصب .. في هاللحظـات طلعت نوره من الحمـام لافه راسها بالفوطـه انصدمت لما شافت سعود بهالمنظـر واقف عند تلفونهـا طاح قلبهـا برجيـلها بخوف وبتوتـر وبصــوت يرجف : سعود شفيك؟؟ التفت سعود لهـا عطاها نظره مشبعـه بالغضب وهو يطلـع بخطـوات يملاها الغضب مايدري وين رايـح والا شيسـوي !! والا شبيسـوي !!! بس يبيهـا قدامـه عشان يأدبهـا ماتربت؟؟؟ ماتعرف ان الي صار غلللط ؟؟؟ شلون تستغفلنـا وتسويهـا ؟؟؟ شـلووون؟؟؟ انا ويني عنهم؟؟؟ ماكـان يسمـع شي ! ولا كـان يشوف شي غير الطريـق الي بيـوديه لغرفـة المهـا ونوره من اول ماطلـع سعود سحبت لهـا أي شيلـه تغطي بهـا شعرهـا تحسبـا لا يطلـع ماجد فجأه وهي تركض ورا سعـود ماتبي تصرخ عشان لاتقوم النـايمين ! ولاتخرعـهم هي بروحهـا متخرعـه مب عارفـه شفيـه فتـح البـاب وولع الليـت ماشـاف الا الجـازي نايمـه وبنتهـا نايمـه بسريرهـا الصغيـر بحث بعيـونه بسرعه عليهـا مالمـح لها أي اثـر طفى الليت وسكر البـاب وطلـع ينزل الدرج ونوره مسكتـه : سعود شفيك؟؟ وين بتروح ؟؟؟ كلمني !!! سحب سعـود يده منهـا وهو يتكـلم والشرار يشع من عينـه وهو راص على ضروسـه : انقلعـي الغرفـه فوق ولاتدخـلين نوره وهي شوي وبتبكـي : زين قول لي شفيك؟؟ شصاير خرعتني كمل سعود طريقـه بعد مالـح المهـا الي وقفت بخـوف اول مالمحـته جاي وشكلـه مايبشـر بالخيـر ... |
آلــ ج ـزء آلـوآح ـد وآلـ ث ـلآثــون ~
~ بعد ماراحت نوره عنهـا كملت مشاهدتهـا للفلم الي تشوفـه ومافي بالهـا غير ناصر ! خلاص اخيـرا بيتقدم لي؟؟ آآآه من زمان وانا انتظر هاللحظـه تجي ان شاءالله هالفتـره بيتقدم لي واكون له بشكل رسمي وقدام الكـل قطـع عليهـا حبل افكـارها اعلان وصول مسـج لتلفونهـا ! اخذت التلفون تشيـك انتبهت للخلفيـه غير ! مب تلفونهـا هذا !!! للحظـه بس تحس الاكسجـن انقطـع عنهـا هذا تلفون نوره؟؟؟ صارت تنفس بطريقه غير منتظمـه بكل خوف دب بجسدهـا شعور بالخوف والتوتـر اوبيه ليكون شافت تلفوني؟؟؟ مامسحت مسج ناصر !!! وصلهـا صوته الغاضب من على الدرج وهو يسحب يده بقـوه من نوره ويهاوشهـا وقفت بخـوف خلاص قربت لحظـة اعدامهـا !! صارت ترجـف بخوف وشعور غريب تحس بـه تحس انها مب قادره تحرك عشان تهرب منـه !!! بلعت ريقهـا بخوف وتجمعت الدمـوع بعيونهـا وهي تشوفـه متجه لهـا مثل الاعصـار ويمسكها بشعرهـا بكل قوتـه صرخت المهـا بألم ... وهو يجرجر شعرها يمين يسـار وهو يصـرخ فيهـا بصوت مكتـوم انتي ماتستحين؟؟؟ شلون تجرأين وتسوينهـا ؟؟ شلووووووووون؟؟ ماعندج اهل تخافين منهم؟؟؟ ماعندج اهل تخافين على سمعتهم؟؟؟؟؟ قربت نوره بخوف حاولت تفكك سعود من المهـا وهي مب عارفه شسالفه وليش يقول كذا لمها؟؟؟ لكن سعـود بكل قوته دزهـا عالارض وهو يصرخ فيهـا : والله ان قربتي مره ثانيـه اردج بيت اهلج ! ولف على المهـا والشرار يتطاير من عيـونه يده تجر شعرهـا بكل قوته واليد الثانيـه حطهـا على رقبتهتا يرفع وجهها له وجههـا الي بللته الدمـوع وجههـا الي صار احمـر من الخوف ومن الالم !! ولطمهـا بكف مشبـع بالغضب كف كفيل انه يطرحهـا عالارض من قوته !!! طاحت المهـا وهي تبكي بقوه عالارض وتعـورت حاولت تقعد بشوي شوي وهي ضاغطـه على عضدهـا اليسـار بألم وهي تبكي بونين يقطـع القلب .. صرخت نوره : سعود شتسوي انت شفيك؟؟ سحبهـا سعود بقوه من يدهـا يوقفهـا صرخت المهـا بألم ... ومسكهـا مره ثانيـه وهو ماسك رقبتهـا بقـوه : ان صرختي ذبحتج .. ويلا قدامـي ( دزهـا بقوه قدامـه ) وهي تبكي بصمت وتشـوف نوره بنظرات تستنجدهـا ونوره تشوفهـا بحزن مب عارفه شتسـوي بتعب وقفت وراحت تقعد على اقرب كرسـي وهي تبكي بخوف مب عارفه شتسوي ! سعود واضح انه معصب لأخر درجه ! محد يقدر يكلمـه الا ويعصب عليه بس المهـا شذنبهـا وليش يهاوشهـا هي بالذات !؟؟ كانت تتبعهم بنظرها وهي تشوف المهـا بألم ترقى الدرج مسكهـا سعود وسحبهـا وراه وهو يهددها لو طلع صوت منها يزعج النايمين ! وصل لقسمـه دخل ورماها بقـوه على الكرسي والمهـا تبكي بألم .. : سعود خلني افهمك شسالفه !! سعود وهو يقرب منها وده لو يخنقهـا .. يذبحهـا يتخلص منهـا قال بغضب : جب ولاكلمـه !!! تبين تفهميني عن سواد وجهج !!! لكن هين يامهـوي الظاهر انج ماتربيتي وتبين الي يربيج ! قفل باب الصـاله وراح لغرفتـه داخل دخل غرفـة الملابس .. بدل ثوبـه ولبس ثوب ثاني وهو كل شوي يرفع نظره يشوفهـا من باب الغرفه المفتوح عالصـاله ضامـه ركبهـا لصدرهـا ومنزله راسها عليهـا وتبكي بألم .. وبونين يقطع القلب اخذ غترته وعقـاله .. وتلفونـه طفى الليت وسكر الباب بعد مااخذ تلفونهـا من الغرفـه ووقف قدامـها وهو يقـول وهو يرفع تلفونهـا بيده : بشوف اخرتهـا مع سواد وجهج .. وياويلج ان سمعت لج حس تفهمين؟؟ طلع وقفل باب القسم وراه وهو يحط المفـتاح بجيبـه نزل الصـاله وهو يلمـح نوره عالكرسي من اول ماشافتـه قامت لـه ووقفت قدامـه وهي تحط يدها على صدره توقفه : سعود شصاير ..؟ تكفى قول لي؟؟ دز سعود يدهـا وهو يقول بغضب : قلت لج لاتدخلين !!! وايـاني واياج ان طلعتي من البيت فاهمه !!! وروحي عند الجـازي وبنتها بالغرفـه لان الفجـر بينزل ماجد للصلاه .. نوره : وانت وين بتروح؟؟؟ سعود وهو يحط غترته على كتفـه وماسك بيده عقاله : انا في مجلس الرجاجيل طلع بدون مايترك لهـا مجال ترد حتى طلـع وشياطين الدنيـا كلهـا متركزه على راسـه التفت لجهة بيت بوصـالح ! وصد وهو رايـح للمجلـس لعل وعسى يلمح ناصر طالع لصلاة الفجر ! سمعت صوت البـاب يتسكـر رمت بنفسهـا عالكرسي تبكـي بألم بحرقـه ماترك لهـا مجال توضح موقفهـا ماعطـاها فرصه تشرح له انها مالهـا ذنب !! وتحت عند نوره بعد ماطلـع سعود اخذت شيلتهـا غطت بهـا شعرها وراحت لفوق راحت لقسمهم حاولت تفتح البـاب مقفـول !! تنهدت وراحت لغرفـة المهـا مكان ما الجـازي وبنتها نايمين هنـاك دخلت لقت الجازي نايمـه سحبت غطا اللحـاف ودخلت تحتـه تحاول تنـام والتفكـير ذابحهـا شصاير؟؟ شسالفه؟؟ ليش ضربهـا؟؟ معقوله مهوي مسويه شي غلط؟؟ مستحيـل اعرفهـا خوش بنت مستحيل تسوي غلط !! نزين ليش ضربهـا؟؟ معقـوله بدون سبب؟؟؟ سعود مب مجنـون عشان يضرب بدون سبب !! في شي صاير بس ماعرف وشو !!! ومب راضي يتكلم حتى ! حست بخـوف ليكون جايني الدور انا بعد !!! ضمت ايديـها لصدر لخـوف تحاول تنــام في مجلس الرجاجيل كان قاعد عالكرسي وباب المجلس مفتوح عالشارع وفي يده تلفـون اختـه كان يقرا المسـجات الموجوده مب من طبعـه التفتيش ! بس الي صار خلاه يشك ! ومايبي يتكلم الا وهو عارف اذا كان في مسجـات من قبل او لا !! وصل لعدد معيـن بدون مايشوف مسج ثاني غير المسج الي قرا فالبـدايه قفل التلفون وحطـه بجيبـه لانه سمـع اذان الفجـر دخل يتوضى يستعد للصـلاه وهو يدعي ربـه انه مايكون ظالم في هذا الموضوع !!! في نفس الوقت ناصر عالنت لما سمع الاذان طفى اللاب .. وقام يتوضى ويلبس ثوبـه وغترتـه وهو يعد السـاعات الي بتفصلـه عن تقدمـه للمهـا ويطلب يدهـا من اخوهـا وحاس بفرحـه تغمر قلبـه طلع من غرفتـه وهو يعدل غترتـه وطق باب غرفـة ابـوه طلعت له امـه وبيدهـا مسبـاحها لبيـه يمه حبهـا ناصر على راسهـا : لبيتي حاجـه يالغاليه .. ابوي قاعد للصلاه؟ ام صالح : أي يمـه يتوضى وبيلحقك للمسجد ناصر وهو يأشر بيده بيروح : يلا سلام يالغاليه .. طلع ناصر من بيتهم متوجه للمسـجد القريب من بيوتهم مشي على الاقدام مر من قدام مجلس سعـود الي كان واقف عند البـاب واول ماشاف ناصر .. صار يدخن من الغيـض والشرار يتطـاير من عيـونه بصـوت غاضب حاول قد مايقدر مايبين له شي .. : نــاصر ! التفت نـاصر له بأبتسامه : هــلا في هاللحظـات المنبه عند ماجد يرن بشكل مزعـج فتح عينـه بتعب ومد يده للتلفـون يطفي المنبـه وهو يشوف كم الساعه وبتعب قام يتوضى ويستعد للصـلاه في هاللحظـه دخلت ام سعـود الي كانت جايـه عشان تصحيـه حبهـا على راسهـا وهو يلبس غترتـه ابتسمت له ام سعـود وهي تدعي لـه بالتوفيق دايمـا رحت اطق الباب على سعـود وشكله ماتوعى ماجد وهو يضحك : انتي طقين باب الصاله وهو فالغرفـه داخل هههههه وكمل بأبتسامه حلوه : ماعليـج سعـود مايفـوت صلاة الفجـر دايما اشوفه فالمسجد طلعت ام سعود رايحه لغرفتهـا تصلي وهي تدعي لهم مثل كل بدايـة يوم ينتشر صوتهـا في ممرات البيت بالدعـاء للي اغلى من عينهـا .. قرب ناصر من سعـود وهو مبتسم وسلم عليـه وسعود ماسك اعصـابه .. قال وهو يضغط على يد ناصر : عندك شغل بعد الصلاه؟ ناصر : لا مقدم على اجازه اسبـوع .. يعني فاضي وتحت الطلب ( يغمز له ) ابتسم سعود على مضض وقال وهو يأشر له : خلنا نلحق عالصلاه وبعد الصلاه نكمل سوالفنا وفي هاللحظـه يلمحون ماجد الي طالع من البيت وشافهم سلم عليهم وهم متوجهين للمسجد بعد الصـلاه رجـع سعـود لمجلسـه ومعاه ناصر وماجد معـاهم الي قعد شوي وعقب راح لغرفتـه يسبـح ويستعد للدوام اما سعـود الي عليه دوام اصلا كان يشوف ناصر بنظـرات وناصر مندمج مع تلفـونه وعقب تكلم سعـود بغضب مكتـوم : في هالوقت يمدحون الكورنيش الغربي ابتسم ناصر وهو يأشر لسعـود : قدام وقف ناصر : بجيب سيـارتي وباخذك ونروح راح ناصر وسعـود تنهد بضيـق يحس انه مب قادر يسـوي شي لناصر لكنـه كل مايتذكر انه خانـه في عرضه ! يتزايد الغضب فيـه ووقف لما شاف ناصر بسيـارته قدام مجلس الرجاجيـل توعت الجـازي الصبـح لان بنتهـا قامت تبكي قعدت تهديهـا وهي تسوي لها مرضاعتهـا وانتبهت ان الي جنبهـا مب المهـا .. نـــووره !! عطت بنتها مرضاعتهـا ترضعهـا لحد مانامت وحطتهـا بسريرهـا تنام . انتبهت للساعه كانت 6 الا ربـع الصبح غريبه نـوره جنبهـا طلعت نزلت تحت مالقت احد بالصاله وين راحت مهـوي ؟؟ فتحت غرفـة ماجد محد فيهـا سمعت صوت دش الحمـام ( تكرمـون ) محد غير ماجد !! استغربت وردت للغرفـه وقعدت .. فالطريق في سيـارة ناصر وهم متوجهيـن للكورنيش الغربي القريب جدا من منطقـة الدفنـه وسعـود ماسك اعصـابه وهو شوي وينفجـر من الغضب !! وناصر مستطرب حده ! مشغل اغنيـه ويغني معاه وسعـود يسرق له النظـر في كل لحظـه وهو يصد يشوف الابـراج على يمينـه بعيــده .. واول ماوقفت سيـاره ناصر نزل سعـود ودار من ورا السيـاره وفتح باب ناصر بغضب وهو يسحبـه من جيبـه بكل قوتـه ينزله من السيـاره ويرصه بكل قوته على السيـاره بلع ناصر ريقـه بتوتر .. شفيه هذا !!؟؟ شفيك سعـود؟؟؟ سعـود وهو يشوف ناصر بنظرات يتطاير منها الشرار .. وبغضبببببب وهو يرصه بشكل اقوى تضايق ناصر من رصتـه له .. وهو يبعد يده عن رقبته بقوه وهو يقـول : ذبحتني .. كح كح سعـود الي صار خلاص مايشوف قدامـه الا ناصر اسحبـه بقوه من جيبـه وهو يسدحه عالارض وهو ضاغط عليه ويقـول بغضب : تستـاهل من يذبحك يالخسيس .. يالحقيــر ناصر شوي وتطلع عيونه على برا مب فاهم شسالفه : سعود شفيك انا ناصر !! سعـود بغضب: والكوبـــه .. ماحترمت الجيـره ولااحترمتنـا ومعرفتنـا بكم من قبل ! ماحترمت النسب ماحترمت اسم ابـوك !!! ماحترمتني !! يالنذل ... ناصر وهو يبعد عن سعـود دزه بقـوه وحاول يوقف : شفيك شتقول انت؟؟؟ سعـود وهو يصرخ فيـه : تسألني شقـول ؟؟؟ وتسـوي نفسك ماتدري وبريء !!!!!! آآآآخ انا الي ظنيت فيك الخيـر ... ناصر بدا يتنرفز قال بضيق: وش شايفني قدامك عشان ماتظن فيني خيـر ؟ سعـود وهو يأشر على ناصر ويصرخ فيـه بغيض : ماشوفك ولاشي ... من هاللحظـه انا ماشوفك ولاشي ! ناصر الي عصب قال وهو يعلي على صوتـه اكثر : سعــــــــــــــــود !!!! تكلم عدل وفهمني شسالفـه وليش جايبني هنا ؟؟ سعـود وهو يطلـع موبايل المهـا من جيبـه وهو يشـوف ناصر كل شوي بنظرات غضب وهو يفتـح التلفـون بأصابع ترجف مب خـوف !!! الا غضببببب وموصل حده من الغضب .. وناصر يشـوفه ويشوف التلفـون الي بيـده ومب فاهم شسالفه ! وسعـود يفتح المسـج وهو يرويه ناصر الي اول ماشافـه انصعق .. بلع ريقـه بتوتـر .. كيف بيلقى له عذر ! هو صحيح غلط لما ارسل المسـج .. بس هو يبي يشرح موقفـه وشكلـه سعـود .. الحين مستحيل يستوعب شي لانه مقفـل !! للحظـه بس عوره قلبـه تذكر المهـا اذا انا الرجال ماسلمت منه ! طااح فيني تكفخ وتشوت .. شلون هي البنت ! تنهد بضيـق وهو يشـوف سعـود الي يشوفه بغضب ورمـى التلفون بكل غضب على صدره وهو يقـول بغيض : عاجبك الي سويته؟؟؟ عاجبك؟؟؟ الرجال الي فيـه خير يخطب يطق الباب مب الدريشه !!! ليش ماعندها والي تخطبها منه؟؟؟ ماعندهـا اهل ؟؟؟؟ اذا هذا مسج الله اعلم اذا ماكان فيه اتصالات ! كان سعـود يتكلم بقهـر وهو منصـدم بنـاصر صديقـه الي حبـه ونسيـبه وفالمستقبل بيكون خال عيـاله ونـاصر يشـوف سعـود بضيـق كان واضح على سعـود منقهـر غترتـه طايحه عالارض وعقاله وشعره الي طول بطريقة غير مرتبـه يلعب به الهوا الخفيف جددددا التفت ناصر للبحـر وهو يسحب نفس عميق وقال : الله يعلم اني مااتصلت فيهـا رغم ان رقمهـا عندي من زمان وسكت لما وصلتـه يد سعـود ترص على رقبـه بغيض : وتعترف بعد !!!!! دزه ناصر بضيـق وركب سيـارته وهو يسكر البـاب بقـوه وبقهـر : حتى فرصه اشرح لك منت بمعطيني ! اخذ سعـود غترتـه الي طايـحه عالارض وموبايل المهـا الي امتلى كله تراب .. واخذ عقاله وراماهم على كتفـه وهو يبتعد ويقـول لناصر بغضب : هين وين بتروح مني يانويصر ... نزل ناصر الدريشه بضيق : وين بتروح انت؟؟ تعال بوصلك البيت سفه له سعـود وراح يمشي بعيـد عنـه تضايق ناصر واسند راسه للكرسي وهو يضغط على راسـه بألم وبضيق آآآخ انا الي غلطت يوم ارسلت المسـج الله يسامحج يالمهـا شالي خلى تلفونج عنده اخوووج عله وتعرفينه !! عند سعـود راح يمشي وحاس بروحه بتطلـع من كثر ماهـو متضايق والاكسجيـن وقف حواليـه قعد عالارض وهو يلف يشـوف سيـارة ناصر مازالت في مكانهـا بعييييد عنه طلع موبايلـه واتصل بالدريـول يجيه بعد ماوصفه المكـان في هاللحظـه رن تلفـونه حطه سايلنت ورماه .. رقمهـا عنده من زمان ! من متى !! وشلون وصل له !!! ليكون !؟؟؟؟؟؟؟؟؟ أي ليش لا اختـه ويمكن تساعده !!؟؟اخذ موبايل المهـا بيكمل عالمسجـات .. بس طفى لان مافيه جرج رماه عالارض بقـوه وهو يضم رجيـله لصدره ولف يشـوف سيـارة ناصر مازالت في مكـانهـا كان ناصر حاط يده اليمين عالسكـان .. والثانيه متكي عليهـا وهو يشوف سعـود من بعيـد تنهد بضيـق مب هاين عليـه سعود يزعل عليـه في هاللحظـه رن تلفـونه هلا يمـه .. طالع مع واحد من ربعي !! .. لالا بنتريق برا ... اوكي ... سلام لمـح سيـارة تجي قريب من عند سعـود وهو يوقف وينفض ثوبــه نزل الدريـول وركب جنب السـواق وركب سعـود مكـان السـواق وهو يشـوف سيارة ناصر مازالت واقفـه .. حرك بالسيـاره وراح .. وحرك ناصر رايح للبيت لمـا توعت نوره وشافت الجـازي قاعده تبدل لبنتهـا لمت شعرهـا بكلبس وهي تشوف الجازي بنظرات وتبتسم لهـا : صباح الخيـر جزوي الجـازي بأبتسامه مشرقه : صبـاح النـور .. راحت نوره تغسل وجههـا وطلعت وراحت تبـوس بنت الجازي : فديت انا الصغيرونه الحلوه قعدت على طرف السرير الجـازي : غريبه النوري نايمه عندي .. ابتسمت نوره وتذكر الي صار امس .. وقالت : نشكل لج مره انا ومره مهوي عشان ماتمللين هههههه ابتسمت الجـازي .. سكتت نوره .. كملت الجـازي : بس انا نزلت تحت الفجـر مالقيت مهـوي وين نامت هي عند امي؟ بلعت نوره ريقهـا بتوتـر : يمكـن الجـازي بخبث : وليش نمتي عندي؟؟ ليكون تهاوشتي مع سعود؟ ضحكت نوره وقالت وهي تضم الجازي : لا بس اشتقت لج .. الجـازي الي مامرت عليهـا الحركـه قالت : حبيبتي حتى انا اشتقت لج .. دخل سعـود في هاللحظـه البيت لقى امـه بالصاله تقهـوى شافت شكلـه مبهدل وقفت بتعب وهي تقرب منه : سعود؟ شفيك يمه؟ سعود حبها على راسـها وقال بتعب وبهـدوء يخفي وراه انفعالات كثيـره .. : صبحج الله بالخيـر يالغاليه ام سعـود : صبحك بالنور ورضى الرحمن .. حياك اشرب لج فنجـال قهـوه سعود : بسي يالغاليه ماشتهي شي .. بروح انـام ام سعـود : مارحت الدوام اليوم يمه اربك مب تعبان؟ سعـود : لا يمـه مافيني الا العافيه بس مارحت .. بكره ان شاءالله راح سعـود لفـوق واول مافتح باب القسـم لمحهـا منطويه على نفسهـا ونايمـه اخذ لحاف صغيـر وغطاها به وقفل باب القسـم ودخل غرفتـه وقفل البـاب وراه ورما بنفسه بتعب عالسرير ونام !! افقـدت الجـازي المهـا وحسها فالبيت اما ام سعـود وماجد فهم في بالهم انهـا نايمـه بغرفتهـا !! ونوره قاعده على اعصـابه وهي حاسه ان الجـازي حاسه بشي !! كانت نوره تتصل في سعـود مايرد لانـه نايـم .. العصـر ماجد كاشخ اخـر كشخـه وتسبح بالعطـر لين ماقال بس ! والابتسـامه شطولهـا مبين طقم ضروسـه كامل وهو يتصل على سعـود عشان يخلص عليـه وبسرعه يروح يخطب آمنـه بشكل رسمـي من اهلهـا لكن سعـود مايرد تنرفز ماجد وقتـه يعني !! اوففففف منه اتصل في المهـا لكن تلفونهـا يعطيه مغلق ! وقته هذي بعد تسكر تلفونهـا توه بيطلع الا تلفونه يرن رد بسـرعه : ياخي ويييينك انت ؟؟ سعـود بتعب : عطني خمس دقايق وانزل لك .. ماجد بضيق: يوووه يلايلا لاتبطي علييي توعت المهـا وهي تحس بألم شدييييييييييد مكان ماطاحت على يدهـا غمضت عيونهـا بألم وهي تتحسس المكـان ماتدري كم مر من الوقت وهي نايمـه ! ماعندها ساعه ولاشي حست انهـا عطشاااااااانه وميته جـوع .. دورت بعيـونها في صالة قسم سعود لعل وعسى تلفى شي تشربه او تاكله مافي شي .. في هاللحظـه انفتح باب غرفتـه وطلع بعد ماعطاها نظره .. خافت المهـا وردت لورا بخـوف قعد على اقرب كرسي له وقال : تبين شي؟؟ استغربت المهـا سؤاله كمل سعـود تبين تاكلين والا تشربين شي؟؟ اشر لهـا بيده : هناك المطبـخ التحضيري فيه كل شي سلي وقتج لين ارجع لج عطاها نظره وقام من عندهـا وهي تشوفه بخـوف ادمعت عيونهـا بقهـر غضمت عينهـا بألم .. شالي قاعد يصير لي؟؟؟ تسكر البـاب بينها وبينهم كلهم وارجعت في وحدتهـا حتى الاكل ماعاد صارت تشتهيـه قامت فتحت الثلاجـه اخذت لها غرشة ماي وراحت قعدت ارشفت منها رشفـه تبلل ريقهـا بس وهالوسيـعه ضايقـه بهـا لما طلع سعود صادف نوره بالممر وقفته نوره بترجي : تكفى سعـود فك باب الغرفـه .. كلهم يسألوني ليش انا نايمه برا !!! ويسألوني عن المهـا سعـود : بفتح لج لما ارجـع من مشـواري تاخذين اغراضج المهمـه والي تحتاجينهـا لانج بتقعدين عند الجـازي ! نوره : الي تسويه مب عدل ياسعود سعود بحده : انا اعرف شسوي ! ومب محتاجج تعلميني شسوي !!!! سكتت نوره بقهـر وكمل سعـود : واليوم كلكم بتعـرفون ليش مهوي محبوسه كمل طريقـه ونوره تتبعـه بنظرهـا خايفه من الي جاي ! طلع سعـود مع ماجد وباله مشغـول ويفكـر ويحـاتي بعكس ماجد الي اليـوم مافي باله غير انسانه وحده وهي شاغله تفكيـره آمنـه فرحتـه ماتنوصف وهو متوجه لبيت اهلهـا عشان يطلب يدهـا طول الطريق كان يسولف لسـعود وسعود مب معـاه عند آمنـه ميته من الاحـراج وساره وحتى نوف اخت ساره جايتهم زيـاره ويعلقون عليهـا يحرجونهـا اتصل سيف بالجـازي بيجيـها والجـازي حاشره الغرفـه تبي ترتب شكلهـا وتلبس بنتهـا عشان تنزل بالمقعد الي تحت معـاه لما يجيهـا آمرت الخدامـه تجهز لهم فوالـه وترتب كل شي فالمقعد ونوره تشـوفها محتشره وتضحك عليهـا نوره : تبين يموت على شكلكج تكفين خليني امكيجج ههههههههه الجـازي وعيونه شوي بتطلع : لا وين اتمكيج بس بحط كحلـه يودي عالتعب الي حول عيونـي وبرتب شعري نوره بعياره : يصير اطل عليكم؟ ههههههه الجازي : شتبيييييييييين تطلين يالي ماتستحيييييين ههههههههههه انتي بعدين بكلمج تجين تاخذين نجول عندج بققت نوره عينهـا : شنوووووو خدامـه اشتغل عندج انا ؟؟؟ والا تبين سعـود يشوفني طالعه قدام ولد عمج ويقص رقبتي؟؟ مر اليـوم عادي خطب ماجد بشكل رسمي آمنـه وقربـوه بنفس اليـوم لانهم عارفين برد آمنه مسبقـا واتفقـوا على ان الملكـه تتم الاسبـوع الجـأي عشان تستعد آمنـه لان مافي عرس عشاء ملكـه وبيسـافرون .. وطبعا فرحت ماجد ماتنوصف وصار يحس ان الاسبـوع شهر من طوله !! رجـع سعـود البيت بدون ماجد لان ماجد نزله وراح لربعـه عازمينه بهالمناسبه السعيده دخل لقى امه ونوره وحتى الجـازي .. بالصاله ينتظـرونه سلم وهو واقف مكانـه وام سعـود بصوت مخنـوق من العبره : وين المها ياسعود؟؟ اليوم ماشفتهـا كلش !!! وسألت مرتك تقول انك قافل عليهـا بغرفتك لف سعـود يشوف نوره الي نزلت راسها وهو معصب .. وقال : ................................. توقعآتكم ~ آختكم {زآآهي آلكحل ~ |
آلـ ج ـزء آلـ ث ـآني وآلـ ث ـلآثون ~
~ مسكهـا من عضودهـا وهو يتكلم بغضب وراص على ضروسـه ليش تكلمين؟؟ انا ماقلت لج اليوم كلهم بيدرون؟؟؟ من قال لج تكلمين؟؟؟ نوره وهي تسحب نفسـها منه بألم قالت بصوت مكتوم : كلهم يسألوني وينهـا كلهم يسألوني ليش مااقدر اروح لغرفتي شتبيني اقول يعني؟؟؟؟ التفت سعـود يشوف البـاب المقفـول بينه وبين المهـا الي بالصاله ولف لنوره يشوفهـا بنظراااات ! خلاها تحتقر عمرهـا وقال بغضب مكتـوم وهو يمسكهـا بقوه : من متى رقم المهـا عند اخوج؟؟ نوره بخـوف : وانا شدراني ان رقمهـا عنده اصلا .. هزهـا سعود بقوه وهو يصرخ فيهـا : نــــــــــــووووره !! من متى رقم المهـا عند ناصرر؟؟ لاتقولين مادري لانج انتي الي موصلته نوره بدت الدمـوع تجمع بعيونهـا قالت بضعف : والله العظيم ماادري ان رقمهـا عنده .. والله مادري صرخ سعـود فيهـا خلاهـا تنتفض وقال : تدرين لكن تغطين على اخـوج ... سحبت نوره يدهـا منه : والله مادري .. سعـود وهو يقرب منهـا ويأشر عليها بغضب : انا متأكد انج تدرين .. لكن كلكم تغطون على بعض .. بس معليـه اوريكم اخوج هذا الي يستغفلني بيتأدب .. وانتي وياها جايكم الـدور صرخت نوره بقهـر وهي تضرب بأيديهـا على صدره بكل قوتهـا تبعده عنهـا وهي تقول : نسيت !!!؟؟ نسيت حركـاتك لي قبل الزواج؟؟ نسيت يوم كنت تستغفل اهلي على قولتك؟؟؟؟ والا حلال عليك وحرام على غيرك؟؟؟؟ انصدم سعـود من هجومهـا العنيف .. بلع ريقه بغضب وعقب مسكهـا بقوه وهو يهزهـا بقوه : جب ولاكلمه !! عالاقل انا ماكانت بيني وبينج مكالمات ولامسجـات !! وانا كنت صادق وتقدمت لج !! والا مب معتبرتني زوجج؟ سحبت نوره يدهـا منه وهي تحسس مكان قبضة يده وتبكي بقهر : حتى اخوي صادق بس انت ماتركت له فرصه سعـود : الله اعلم لو عطيته فرصه شبيسوي بعد !!! نوره بقهر: مااسمح لك تكلم عن اخوي بهالطريقه ضحك سعود بأستهزاء وهو يقـول : ههه .. انا الي مااسمح لج تدافعين عنه وهو غلطان نوره والدمـوع بعيونهـا بكل ضعف قالت : بدافع عنه لانـه اخـوي سعـود بحزم وهو يمسكهـا بقوه : اخـوج غلطان ورمـاها بقـوه عالارض وقعدت تبـكي وطلـع اول مافتح الباب لقى المهـا قدامـه حطت يدهـا في صدره توقفـه وهي تبكي : تكفى سعود وقف خلني افهمك شسالفه سعـوود ماكان معطيهـا أي اهتمام وخرهـا عن طريقـه بيطلـع راحت المهـا تركض وقفت بينه وبين البـاب وقالت وهي تصرخ وتبكي : خلني افهمك وعقب سو الي تسويـه ياسعود سحبهـا سعـود بقـوه وهو يقربهـا منه بقـوه ويصرخ فيهـا : والله العظيـم يامهـوي أي واحد يتقدم لج ازوجج أيـاه .. الحين عرفت بس ليش رديتي سلمان ومتعب ودزهـا بعيد عنـه وطلع وقفل البـاب وراه .. في هاللحظـه ماجد توه يرجـع البيت وابتـسامه حلوه مرسومـه على محيـاه سلم على ام سعود الي باين عليهـا الضيق وقاعده بالصالـه سألهـا شفيها كانت تنكر ! لمح سعـود ينزل وهو يعصم غترتـه ( حمدانيـه ) وباين عليـه مفــوّول !! وقف ماجد : شسالفه شفيكم؟؟ كلكم ا شكالكم ماتبشر بخير ؟ وقف سعـود بضيق قدام ماجد : عندك جرج نوكيا؟ هز ماجد راسه بالايجاب : أي عندي ! سعود : عطني أيـاه ابيه الحين ضروري ... ماجد وهو يقعد : ماني معطيك لين ماتقول لي شسالفه؟ سعـود بعد مالقى نظره على امـه الي كانت مدنقـه راسهـا تسبح بالمسبـاح الي بيدهـا وواضح عليهـا الضيـق قال : شقـولك مافي شي ! وقف ماجد وعيونـه بعيون سعـود وهو يشـوفه بنظره خاصه وقال بهدوء : عارف ان في شي لاتخبي تنهـد سعـود وطلع من البيت طلع وراه ماجد ووقفـه بنص الحـوش وهو يلفه ناحيتـه ويقـول بغضب مكتـوم : سعـود قول لي شصاير ! انا مب طرطور فالبيت عشان تغبون علي ! سعـود الي انفجـر بوجـه ماجد بغضب قال وهو يأشر على بيت بوصـالح : هالكلب نصـور يستغفلني .. يخوني في عرضي ماجد وهو مصـدوم من كلام سعـود قال بدهشـه : شمسوي؟؟ سعـود بقهـر : جيب الجرج وانا افهمك شسالفه اشر له ماجد : روح المجلس .. وانا بجيب الجرج عندي بالسيـاره .. من جهـة ثانيه ناصـر بضيق صار له يوم كامل بغرفتـه لايطلـع ولاياكل ولا شي ! ماعنده الا غرشة ماي عايش عليهـا طول هالوقت .. قافل البـاب استغربت امـه مابين اليـوم البيت هادي دون حسـه كم مره تدق عليـه الباب تجيب له الاكل ! يرفض وبعد حنـه ياخذه يدخلـه عنده الغرفه ديكـور بس ويطلع بدون مايلمس فيـه شي يفكـر بالمهـا حتى لو بروح اخطبهـا ماظن بيوافق اخوها اكيد مب موافق شلون يوافق عقب الي صار !! ضغط بيده على راسـه بضيـق يحس بألم في راسه من كثر التفكيـر والهـم .. بنفس البيت بغرفـة ام صالح وبو صالح بوصالح كان يقرا كتاب ببيده وام صالح على طرف السرير قعدت بضيـق فيصـل روح شوف ناصر شفيه؟ اليوم شكله كلش مب عاجبني ماطلع من غرفته ولا اكل له شي الاكل يروح ويرد مثل ماكان ! بوصالح وهو يحط الكتـاب الي بيده عالطاوله جنبـه ويفصخ نظارته الطبيـه ويحطهـا فوقه : تهقين عشاني اجلت روحتنـا نخطب له بنت عبدالعزيز ام صالح بحزن على ولدهـا : ماعتقد عشان الخطبـه يابوصالح هذا شي مكدر خاطره بوصالح وهو يسحب غطا اللحـاف عليـه : دامـه شي مكدر خاطره مثل ماتقولين هو رجـال يحل كل شي بنفسـه عيالي صاروا اطـول مني وتبيني للحين اقعد اداري خطرهم ... يمكن محتاج يقعد بروحـه دخل ماجد لقى سعـود متكي وبيده تلفون المهـا وهو يدعي بقلبـه ان الموضوع يكون بسيط مب ناقص فرحتـه مااتتم بعد !! بروحـه ماصدق انه واخيرا تقدم لآمنه ومايفصله عنها الا كم يوم بس وتكون له !! حط الجرج بحضن سعـود وقعد مقابلـه وهو يأشر بعيونه : هذا الجرج عندك .. قول لي شسالفه ! اخذ سعـود الجرج وشبكه عالكهرب وركب الواير فالتلفـون وهو ينتظره يشتغل ماجد بتوتر : سعود اكلمك ! سعـود : خل التلفوون يشتغل سكت ماجد وهو يشوف التلفون بيد سعـود وعقب قال : هذا تلفون المهـا ! سعـود سحب نفس عميق وهو يفتح الرسايل بعد مااشتغل الجهـاز وقال بهدوء : أي سكتت ماجد يشوف التلفون بيد سعـود وسعود بتوتر فتح الرساله وعطا التلفون لماجد الي اخذ التلفون بتوتر وهو يقرا الرساله غمض عيونه وهو يتنهد وعقب قال : الرجال ناوي يخطب ! سعـود بغضب : والي يخطب يروح يطرش رسايل للشوفات؟؟ والا يجي يخطب عند الرجاجيل؟ ماجد : هو غلط لانه ارسل لها رساله ومثل ماقلت كان جا عند الرجاجيل بس هذا مايستاهل تصير عليه مشكله ! سعود وهو مندهش من ردة فعل ماجد : مايستاهل تصير عليه مشكله؟؟؟ وعادي بينه وبينها مسجات؟ والله اعلم اذا فيه اتصالات !!!؟؟؟؟ ماجد وهو يرفع التلفون في وجه سعـود : شلون فيه اتصالات ومسجات ورقمه مب مسجل عندها؟ سعود: يمكن ماتبي تسجلـه عشان مثل هالمواقف ! ماجد بحزم : دايما ظن ظن الخيـر ياسعود ! سعـود وهو بدا ينفعل : الموضوع واضح ولايحتاج ظنون ! ماجد : شلون عرف رقمها؟ سعود بقهر: تسألني؟؟؟ سكت ماجد يدور في المسجـات لعل وعسى يشوف مسج ثاني حق ناصر في التلفـون وسعـود فصخ غترته ورماها عالارض جنبـه وهو يدخل يده بشعـره يرجعه لورا ومـاجد يبحث بين المسجـات كان الجـو متكهرب ومتـوتر .. عض ماجد على شفايفـه لما وصل لمسـجات ناصر لما كان سعود بالمتستشفى ! وقراهم مسج مسج لسعـود الي انصدم اكثر .. يعني اخذ رقمها من تلفوني !!!!! قفل ماجد التلفون وحطـه بجيبه وقال : الرقم ماجابه من احد جابه من تلفونـك .. اانا ماشفت بتلفونهـا مسجات غير اول مسج رويتني أيـاه وهالمسجات والحمدلله هذا دليل ان ان شاءالله مافيه شي ! سكت سعـود يقلب المسبـاح بيـده .. تنهد ماجد وكمل : خلنـا ننتظر يومين عالاقل ونشـوف هل هو بيتقدم والا لا ! سعـود : واذا ماتقدم؟ مـاجد : اذا ماتقدم أي واحد يتقدم لهـا زوجهـا اياه بلع سعـود ريقـه وقال بحزن بان في صوتـه : ازوجهـا غصبا عنها ؟؟ يتيمه ولالهـا فالدنيـا الا انا وتبيني اغصبها ماجد ابتسم لمشاعر سعـود اتجاه هالاخت وقال : ماقلت اغصبهـا بس يمكن يطلع نصيبها مع واحد غير ناصر .. ويمكن يطلع مع ناصر ! سحب سعـود نفس عميـق حس بحـزن ظلم نـوره ! كان متأكد 100% انها هي الي موصله الرقم لأخوها ! جرحهـا .. ودزهـا ! واكيد انه عورهـا .. وبنفس الوقت حس بحـزن لانه غلط على ناصر هو مستحيل ينسى وقفات ناصر معـاه مستحيـل ينكر انه حب ناصر وارتـاح له ويعاملـه مثل اخوه تضـايق لما صار بينهم احتكـاك امس ! اكيد الحين ناصر متضايق مني اكيد زعـلان علي ... وحس بحـزن عميـق اتجـاه الضحيـه الاولى والمظلومـه اكثر والي ادفعت الثمن غاالي اختـه الصغيـره المهـا اخته الي يحب شقاوتهـا وحسها فالبيت اخته الي اختفى حسهـا في بيتهم مع ظهـور هالسالفه اختـه الي ضربها جرحهـا ! دزهـا !! هاوشهـا وظلمهـــــا كل مايتذكر دمـوعها وهي تشوف بترجي لا يأذيهـا يتقطع قلبـه كل مايتذكر نبرة صوتهـا البـاكيـه لمسـة يدهـا لما تحطهـا على جسمـه تحاول تمنعه منهـا غمض عيـونه بحزن وبألم وفز من مكـانه بسرعه التفت له ماجد يناديـه لكنـه مايرد عليـه ! استغرب ماجد شفيه هذا فز بسرعه؟؟؟ دخل سعـود البيت كان شبـه مظلم الا من اضاءات خفيفـه تضايق لان امـه ماانتظرتـه كان وده تكلم تهاوشه ولاانهـا تذبحه بصمتها !! تنهـد وقال في خاطـره من الصبـح لازم اروح احب راسهـا واراضيهـا شيخـة الكل وراح لغرفتـه فوق فتـح الباب بشوي شوي لقى المهـا منسدحـه عالكرسي بالصاله ومنطـويه على نفسهـا بشكل يعور القلب لااكل ولاراحـه فالنوم باين عليهـا التعب جسمهـا نحل دموعهـا جفت هالات سود على عيونهـا فزت بخوف لما شافته يقرب صوبهـا وبدت الدمـوع تجمع بعيونهـا انصدمت لما المحت ابتسـامة سعـود ! كذبت نظرها .. بلع سعود ريقـه وهو يشوف دموعهـا بعيونهـا وقال بهدوء بصوت مطمن : انا اسف مهـاوي على الي صار .. بس الشيطـان شاطر دنقت المهـا راسهـا بحزن .. مد سعـود يده تحت ذقنهـا ورفع راسهـا عشان تشوفـه وقال بأبتسامه : تسامحيني؟؟ بلعت ريقهـا .. وانحدرت دمعه من محاجرهـا وبصوت مبحـوح مخنوق من العبـره قالت : شلون مااسامحك ياخوي ويابوي ... ضمته بكل قوتهـا واطلقت العنـان لدموعهـا تنزل ضمهـا سعـود وحس بحزن وهو يسمـع تبكي بين احضانـه مسـح على راسهـا بكل حب وحنـان وهو يستسمح منهـا اما نـوره الي كانت بالغرفـه داخل ماكانت تدري بشي ! لانها مسكره البـاب ومنسدحه بسريرهـا ومغطيـه نفسهـا وتبكي بصمت ! واول ماحست بباب الغرفـه بنفتح سكتت تتصنع النـوم ! الصبـح اليـوم الثـاني سعـود الي ماغفى الا سـاعه بس ! ذابحـه التفكيـر باقي 3 للحين ماجبر بخطرهم .. امـه وزوجتـه ونـاصر! التفت جنبـه مازالت نوره نايمه ! قام من سريره بهـدوء اخذ له شـور يغسل همومـه ونزل الصاله لعل وعسى يلقى امـه ! انصدم مالقى احد .. تضــااااايق رجع مره ثانيه لفـوق وعلى طول على غرفتهـا دخل لقاها على سجادتهـا تصلي الشـروق قعد على طرف السرير ينتظرهـا تخلص واول ماسلمت نزل على راسهـا يحبـه وهو يضمهـا بكل حب : صبـاح الخيـر يااغلى الناس كلهـا .. وتقبل الله بأذنـه حبهـا مره ثانيه على راسهـا وقال بأبتسامه حلـوه : ربي مايحرمني منج ولامن دعـواتج لي يالغاليـه .. ام سعـود وحارت الدمـعه بعينهـا مب هاين عليهـا تجفي ولدهـا لكن هذا عقاب له .. شلون يشك في اختـه كانت تشوف سجادتهـا تحت وسعـود يشوفهـا ويتقطع مليون قطـعه اخذ ايدهـا وطبع في باطنهم بوسـه : فديتج يالغاليـه .. سامحيني ام سعـود بعتب : كذا ياسعود؟؟؟ كذا تشك في تربيتي؟؟؟ بلع سعـود ريقه بحزن وببريق خاص في عيونـه ونبره خاصـه حزينه قال : ماعاش الي يشك بتربيتـج يالغاليـه انا غلطت وسامحيني يالغاليـه .. والله ان ماهنا لي النوم ولاذقت طعمـه .. تكفين سامحيني خليني ارتاح ام سعـود بقلبهـا الرقيق الحنـون الكبيـر ضمته وهي تمسح دمعتهأ وتقول بصوت خانقته العبره : مسمـوح جعل ربي يوفقك وييسر امورك .. مسموح يالغالي يانظر عيني .. جعلني ماابكيك ولاربي يحرمني منك يانور البيت يايمـه .. سعـود شاف نفسـه ويمكن لأول مره من بلـغ بين احضان امـه ضعيـف !!! الدمـعه والعبره اغلبـوه !!! خانتـه دمعتـه ! اغلبت رجولتـه ! وكبريـاءه تربى على ان الرجـال القـوي لايضعف قدام دمعتـه لاتنزل دمعتـه حتى في اصعب المواقف كان طول عمره شامـخ ! يمنع الدمـعه لاتشارف على النـزول طول عمره يبلعهـا ويسكت ... في هاللحظـه وهو بين احضـان اكثر الناس حنان في العالم اكثر شخص تحملـه حمل وولاده وتربيـه حتى لما كبر وصار رجـال ! اكثـر الناس يحبـونه حب لايمكن ينوصف حب الام .. كان الموقف فوق احتمـاله ماعاد فيـه حيل اعصابه تلفت التعب سيطر عليـه صار ضعيف ! مسح دمعتـها وهو يحب راس امـه الي غرقت الدمـوع وجههـا .. في مكـان ثاني في نفس البيت دخلت المهـا وهي تمسـح بقايا دموعهـا شافت الجـازي نايمـه وبنتهـا نايمه في سريرهـا الصغير .. ابتسمت بحب : وربي اشتققققققت لهم .. انسدحت عالسرير وهي تقرب من اختهـا بهدوء وتنـام معاها بنفس المخـده ! وتركت السرير وراها فاضي يكفي حتى لشخص ثالث ينـام معاهم ! لكن غيابهـا عن اختهـا تقريبا يوميـن في ظل ظروف صعبـه الدقيقه فيهـا تمشي كأنها يوم كاامل ! حست وكأنها ماشافتهم من سنيين نامت احلى نومـه وابتسامه حلوه مرسومـه على محيـاها .. اما نوره بعد ماطلع سعـود قامت راحت تطل على المهـا مالقتها ! وين راحت هذي ! راحت عند الباب لقته مفتوح !!!! شهقت اوبيـه ليكون طلعت ياويلهـا من سعووود في هاللحظـات دخل سعـود واتسعت ابتسامته لما شافهـا على طوووول صدت عنه نوره وراحت بتعطيـه ظهرهـا لكنـها انصدمت لما سحبهـا وهو يلفهـا ناحيته وصار جسمهـا لاصق بجسمـه لدرجـة ان شفتهـا لامست شفته بخفـه بلعت ريقهـا وتصاعدت حرارتهـا صدت بوجهـا حاولت تسحب عمرهـا منـه لكنـه ضمها بكل قوته منعهـا من الحركـه وهو يشبع رغبتـه واشتيـاقه له من فتره طوييييييييييييييله في بوسـه عميقـه تحكي عن حكاية شوق وحب انصدمت نـوره وتجمعت الدمـوع بعيونهـا هي تحب سعـود وتعرف ان سعود يحبهـا بس هو جرحهـا .. فلتهـا سعود بحب وهو يقـول بكل حب : سامحيني نوارتي الحلوه .. حست بحزن عميق قالت : ياليتك جرحتني انا وبس ياسعود .. انت جرحتني وفي اخوي وحتى اختك ماسلمت منك سعـود بحزن وهو يقعد ويأشر لنوره تقعد جنبه : مااقصد اني اجرحكم والله .. بس الي شفتـه غصب خلاني افور وتعرفوني انا عصبي ومااقدر اسيطر على اعصابي ! نوره بزعل : انت ماتترك للواحد مجال عشان يشرح لك وتمسك اعصابك ! سعـود بحزن : اعرف وهالشي مضايقني بس شسوي ؟؟؟؟ سكت شوي يتأمل ملامـح نوره وعقب قال : اشتقت لج حبيبتي ابتسمت نوره بخجل ... ابتسم سعـود بحب وقال وهو يرفع شعرهـا القصير عن وجههـا : مسامحتني؟ هزت نوره راسهـا بالايجاب وهي تبتسم له بكل حب وعقب ضمتـه بقوه استغرب سعـود وفي نفس الوقت استــانس اول مره هي تبادر !!! ضمهـا بحب السـاعه 11 توعت الجـازي حست بجسم لاصق فيها !! لفت بشوي شوي تشـوف انصدمت لما شافت المهـا !!! ابتسمت ابتسامـه حلوه وهي تأمل ملامـح المهـا الي غلب عليهـا التعب والحـزن .. حتى وهي تعبـانه شكلها يجنن فديييتها انا .. بس غريبـه !! وين سعود عنها ؟؟ قامت بشوي شوي عشان لاتحس المهـا الي غطت في نوم عميق ولاتحس بحولهـا اخذت لها شور منعش وطلعت لقت بنتهـا قامت تصيح ! اخذتهـا تهديها وهي تسوي لها مرضاعـه وكل شوي تشوف قامت المهـا او لا ! والمهـا ماقامت واضح انها تعبااانه المسكينه رضعت بنتهـا ونامت ومشطت شعرهـا وتركتـه مفتوح ينشف واخذت بنتهـا ونزلت تحت للصاله عند امهـا لين تقـوم المهـا بعد الغـدا في بيت بوصالـح ام صالح وبوصالح ماعجبهم غياب ناصر ! بيكمل اليومين وهو لايقعد معاهم ولاياكل حتى ! راح له ابـوه بعد ماغسل ايديـه طق البـاب محد يرد حاول يفتح البـاب مقفـول طقه مره ثانيه وهو يقـول : ناصر افتح الباب انا ابوك لحظـات ويسمع صوت المفتـاح يدور ! وانفتح الباب الغرفـه مظلمه الا من اشعة الشمس الخفييييييييفه جدا من ورا العازل ! استغرب بوصالح لا الولد فيه شي !! سلم عليـه ناصر ودخل ابـوه شغل الليت وانصدم من وجه ناصر التعبـان ! سكر البـاب وراح قعد عالكرسي وطلب من ناصر يقعد شفيك يابوك؟ بلع ناصر ريقـه بتوتر وهو يرد على ابـوه : مافيني شي طال عمرك بوصالح بنظرة تفحص: مافيك شي صار لك يوم حابس عمرك بالغرفه؟ واليوم حتى ماتغديت معنا؟؟ ناصر وهو يشبك ايديه ببعض : شوي متضايق بوصالح بهدوء : عشاني اجلت خطبتك لبنت عبدالعزيز؟ انصدم ناصر .. لكن ماحب يبين لأبوه قال بتوتر : لا يبه !! شي بينا احنا الشباب بوصالح بهدوء : نزين جهز عمرك العصر بنروح نخطب عند سعود ! بلع ناصر ريقـه بتوتر : هاا .. آآ لا يبـه معليه خلها يوم ثاني بوصالح : وين يوم ثاني كل مره تأجل بتطير منك البنت ناصر بحزن : اذا لي فيها نصيب باخذها يبه بوصالح بأصرار: اليوم بنروح نخطب .. وانا ماابي لك من البنات الا بنت عبدالعزيز نسبهم ينشرى ناصر: بنخطبهـا ان شاءالله بس مب اليوم طال عمرك بوصالح : عندك شي اليوم؟؟ ناصر بتوتر : يمكن اطلع مع الشباب ! بوصالح: لاحق عليهم .. بنروح نخطب كلها الا ربع ساعه وعقب روح وين ماتروح وطلع بدون مايسمع رد ناصر عليـه قعد ناصر بضيـق الحين شسوي؟؟؟ ولو رحنـا وسعود احرجني قدام ابوي شبقول له لاحول ولاقوة الا بالله يارب استر .. استــر شكلـه سعود مب ناوي على خيـر فالسـوق عند ساره وآمنه ساره وهي تطلع فستـان جدا راقي : آمون شرايج بهذا؟؟ آمنه وهي تقرب منه تمسكـه : يجنن ذوق ياساره ساره بأبتسامه : فديتج ناخذه؟؟ آمنه : صبر خليني اشوف بعد يمكن القى احلى منه ساره : بس مافي وقت لازم على نهاية الاسبـوع كل شي يخلص آمنه بتوتر : ان شاءالله بنخلص سااروه بعد ماطلعـوا من هالمحل خذوا لهم كم لفه على المحـلات وتقضت آمنـه اشيـاء كثيره وتقريبا خلصت نص تجهيزهـا .. العصـر بعد ماطلع بوصالح وناصر وصالح من المسـجد المحـوا سعود يفتح باب مجلسـه ويدخل بدون ماينتبه لهم .. توتر ناصر وحس ان التوتر عنده ضرب التوب !! اشر صالح : يلا خلونـا نلحق عليه ناصر بتوتر : يمكن بيروح مكان والا بيجيه احد من ربعه ! بوصالح : كلهـا ربع ساعه ماتأخر يلا حياكم ياشباب مشى ناصر ويـاهم وهو يدعي في قلبـه ان هاللحظـه تنتهي على خير ! صار يتمنى ان يرده سعـود بدون مايقـول ولا شي والا انه يفضحه قدام ابـوه واخـوه ادخلـوا ثلاثتهم المجلس وسلمـوا على سعـود الي استغرب ناصر لما شافه يسلم بشكل طبيعي عليه !!!!!! ارتـاح شوي لكن مازال متوتر ! بعد ماتقهـووا خطب بوصالح المهـا لناصر ولـده اتسعت ابتسـامة سعود واستغرب ناصر !!!! انا بحلم والا علم ؟؟؟ هذي الساعه المبـاركه ياعمي .. البنت بنتك وعند ناصر احسن من غيـره .. بس لازم اشوف شرايهـا سكت ناصر مصدوم من الي يسمعه هذا سعود؟؟ هذا سعود الي امس شوي ويذبحني؟؟ مستحيللل فرق بينه اليـوم وامس ! مع تفكيـر ناصر الي يوديه ويجيبـه انتبه على ابـوه واخـوه يقومون ويوقف معاهم سعـود بتوتر وقف ناصر .. استأذنـوا وراحـوا لكـن انصدم لما حس بيد تمسكـه .. بلع ريقـه بأرتبـاك والتفت انصدم من ابتسامـة سعـود الي اسحبـه بقوه وضمـه مثل اخـوه وهو يقـول : السموحـه يابوفيصل .. انا الغلطـان ابتسم ناصر وهو يطبطب على ظهر سعـود : مسموح يابوعبدالعزيز .. ماتنـلام أي واحد مكانك بيسوي سواتك سعـود وهو يفلت ناصر بأبتسـامه : اقدر اقـولك مبدأيـاً مبروك عليك المهـا ابتسم ناصر بفرحـه : الله يبـارك فيك ياسعـود سعـود وهو يمسك يد ناصر بيطلـع : حياك معي الشبـاب كلهم مجتمعين في سوق واقف ناصر بأبتسامـه عريضه : قــداام مرت الايـام يوم يجر يـوم ردت المهـا موافقتهـا على اخـوها الي بلغ ناصر عن المـوافقه ومب مصـدق طلب يتملك على طـول ! وارجعت الفرحـه من جديد لبيتـهم .. وآمنـه بين تجهيزاتها الي قدرت تنجزهم في وقت قيـاسي لكنهـا مازالت متوتره من لحظـة المواجهه ماجد بالنسبـه لها شخص غريب ماتعرفه ماتعرف كيف شخصيـته كانت تدعي دايمـا انه يكون طيب ويحبهـا بكل صدق تدعي ان الله يجمـع مابينهم على خيـر بعيد عن المـشاكل .. تبي تعيش حيـاة حلوه مع الشخص الي اختاره لهـا القـدر .. حانت لحظـة اللقـاء كانت لابسـه فستـان اوف وايت ناعـم شعرهـا مربـوع بطريقه حلـوه ومثبت بورده بنفس لون الفستـان ومكيـاجهـا كان ناعم وبسيط يبرز جمـال ونعومة ملامحهـا في صالتهم بيتهم اهلهـا حولهـا واهل ماجد موجودين كانت سـاره متألقـه بفستان احمر وهالشي سبب لأسمـاء الي حضرت الغيـره والحسد لان جسم ساره طالع روعـه بالفستـان وشكلهـا كأنها عروس وفاتنـه والبنـات كل وحده فيهم متألقه بفستـان احلى من الثـانيـه ارقصـوا لهـا البنات وهي تشوف بأبتسامه خفيفه ومنحرجـه .. عند الرجاجيل بالمجلس كان ماجد كاشخ حده وابتسـامته الحلوه مافارقت محيـاه .. وسعـود جنبـه وكل شوي يعلق عليـه والشباب كلهم حواليـه والشيبـان والمكـان منتشره فيه اجـواء الفـرح دخل طـلال رفيق ماجد القريب وابتسامه مرسومه على محيـاه سلم عالجميـع ولما قرب من ماجد سلم عليـه وهو يعلق عليه ويضحك : اييييييه شعلييييييك يابومحمد ابتسامتك من هنا لهنـا اليـوم معرررررس ماجد وهو يضحك : حاسسد الفقير على موتة الجمعه؟؟ بروحي مابغيت اتزوج طلال وهو يضحك : الله يوفقك يامجووودي وعقبالي ان شاءالله ( يغمز له ) ابتسم ماجد : أمين عشان تعقل شوي ضحك طلال وقعد جنب ماجد يكمل تعليقـاته .. في نفس المكـان من جهة ثانيـه سيف يطبـع مسج ويرسلـه ( ام نجـولي تكفيين متشوق اشوف شكلج اطلعي لي شوي ) دقايق ويوصله مسج ( بعدين فالبيت ^_* ) عصب سيـف وحط التلفون بجيبـه انتبه له عبدالله اخـوه : شفيك مكشر؟ سيف بضيـق: مافيني شي ضحك عبدالله : طيب بعد العشـاء وبعد ماخفـوا المعازيم اتصل ماجد بأم سعود وبلغهـا انه بيدخل وبلغتهم ام سعـود ان ماجد بيدخل وهالشي سبب لآمنـه نفضـه صارت تنتفض بخـوف وتوتر قربت منهـا الجـازي : شفيج آمون شكلج متوتره؟ بلعت آمنه ريقهـا بتوتر : اخترب شكلي؟ ابتسمت الجـازي : لا شكلج يجنن انحرجت آمنـه ودنقت براسـه عند البـاب المهـا واقفه وبيدهـا بشت ومعـاها امهـا ينتظـرون ماجد يجي لما وصل سلم عليهم وهم يبـاركون له بفرحـه ومدت له المهـا البشت ماجد وهو يرفع غترته : حق وشو؟؟ ام سعـود : البسـه عشان مرتك المهـا وهي تغمز له : وعشان التصـوير ابتسم ماجد واخذ البشت .. والبسـه وسلم سعـود على امـه واخته الي كانـوا عند البـاب بس ماحب يدخـل اتصل بنـوره الي من غير اتصال اول مالمحـته جاتـه بسرعه بعد ماراح ماجد دخل ماجد وابتسـامه حلوه مرسومـه على محيـاه تخيل شلون بيكون شكلهـا !! ولما انتبـه على ملاك لابس ابيض واقف ومدنق راسـه بسحى اتسعت ابتسـامته ونسى كل شي حولـه وهو يشوفهـا بكل حب يحسهـا بعيده عنه اسـرع بخطـواته وانتبه على يد المهـا تمسكه : شوي شوي خالي ترى مب طايره البنت انحرج ماجد وخفف من مشيته ولما صار قريب من آمنـه طبع بوسـه على جبينهـا وهي التوتر عندها وصل حده صارت تفرك ايديهـا بتوتر بالمسكـه الي بيدهـا وهي تحس بشفايفـه على جبهتهـا بكل حب همس : مبـروك وجههـا صار يقلب الـوان من الاحـراج عند سعـود ونـوره الي لما لمـح نوره تجيبـه بأبتسامه سلمت عليـه سعـود وهو يأشر على عبايتها : شيلي عبايتج خليني اشوف شكلـج نوره وهي تلفت بأحراج : بعدين يمكن احد يمر ويشوفنـا سعـود وهو رافع حاجب ومنزل حاجب : زين عادي شفيهـا .. زوجتي وكيفي ! نوره بخجل : بس بعد احراج سعـود بأصرار مسك عبايتهـا ورمـاها عن جسمهـا وهي انحرجت وبان له الفستـان الكحلي بكريسـالاته الفخمـه وموديلـه وقصاته الراقيـه كان على جسمهـا طالع روعـه واللون على بيـاضهـا ولون شعرهـا الكستنائي طـالع مغري وفاتن انحرجت وهي تنق تاخذ عبايتهـا : سعووود شفيك ! سعـود وهو يتسند عالطوفـه وراه : آآآه ذبحتيني شبيصبرني لين الليـل؟؟ انحرجت نوره وماردت عليـه سعـود بكل حب : جهزي عمرج انا بوصل خالي الفندق وبرجع اخذج نوره : بدري !!! سعـود : كيفج نوره بضيق : ابي استانس مع البنـات سعـود بخبث: بتستانسين معاي ! انحرجت نوره وادخلت داخل ضحك سعـود عليهـا وهو يتفداها في خاطره بعد ماصـوروا مع بعض مسكهـا ماجد بيدهـا بكل حب وانزلوا من عالكوشـه الصغيره وغطـوها البنات بالعبايـه وراحت مع زوجهـا بالسيـاره سعـود ينتظرهم وهو منحرج كيف بيركب مع آمنه ! بس لان حمد مايقدر يوديهم طيـارته بعد 3 ساعات ولازم يجهز عشان يروح المطـار هو وساره عشان يبتدون العـلاج فعشان كذا وكل سعـود بالهمه .. اركبـوا ووداهم سعـود للفنـدق ورجـع واخذ نـوره وراحـوا للبيت اليـوم الثـاني العصـر ناصر عند سعـود فالمجلس وكان معاهم محمد رفيق سعـود يلعبـون ورقـه لين المغرب بعد صـلاة المغرب استأذن محمد وراح ونط ناصر عند سعـود وهو منحرج سعـود: شفيك؟ ناصر بأحراج : آآآ بطلب منك طلب بس لاتعصب علي !! ضحك سعـود : امر يابوفيصل ناصر بأبتسامه : من اول ماتملكت وانا ودي اشوف المهـا ولو نص ساعه ! سعـود فتح عينه عالاخر: نص ساااعه !!! ناصر: بصراحه اشوفها شوي بعد !! ابتسم سعـود : ولايهمك سـاعه ... بعد امر ! ناصر: مايامر عليك ظالم .. سعـود : بس متى تبي تشوفها؟ ناصر: الحييييين سعـود استغرب: الحين !؟؟ ناصر: أي سعـود : دقيقـه خلني اشوفها لك قام سعـود ودخل داخل يشوف المهـا وناصر يدعي من قلبـه انه ماترفض !! بعد دقـايق دخل عليـه سعود وهو يأشر له يجي : حياك فتح له سعـود باب الصاله ودخله في مقعد داخلي وناصر ابتسامـته مافارقت عينـه وفوق عند المهـا ونوره الي احتشروا اول ماوصلهم الخبـر المهـا بأحراج : شلون اطلع له والا احراااج النوري نوره : عادي شفيهـا هذا انا اصدموني بأخوج ماكنت ادري عالاقل انتي تدرين المهـا : نزين بطلع بعبايه !! نوره وهي تتخصر: شنوووووووووو؟؟؟ لاحبيبتي بتلبس لبس عدل وبترتبين شكلج وبتنزلين ويلا لاتأخرين المهـا ترفض ونوره مصره على رايـها اخر شي سحبتهـا نوره وطلعت لهـا تنوره معاها بلوزه راقيـه خلتهـا تلبسها بالغصب وارتبت شعرهـا وحطت لهـا كحلـه وقلوس وصارت حلـوه وانزلت تحت وسعود بالصاله : تاخرتووا المهـا منحرجـه ونوره وهي تأشر على المهـا : والله اختك العله الي ماتفهم دخلهـا سعـود على ناصر وراح بسرعه لنوره ولصق فيهـا : اوووف اشتاق لج في كل لحظه انحرجت نوره ابتسم سعـود يحب شكلها لما تنحرج : بصراحه انا غرت منهم ! نوره وهي مبطله عيونها : من من؟ سعـود : من نصور ومهوي ! نوره بأحراج : ليش؟ سعود : ماخليتيني اتهنى معاج بأول ايامي معاج سكتت نوره بأحراج ضحك سعـود وطبع بوسه سريعه على خدهـا عند ناصر الي كان قاعد على نار ادخلت عليـه المهـا وقف بفرحـه من اول ماشافهـا كل مره تصير احلى .. فديتهـا انا مب مصدق صارت لي ! والمهـا منحرجـه بصوت اشبه للهمس : السلام عليكم ناصر وهو يقرب منها بحب : عليكم السلام .. هلا وغلا بأحلى عروس بالدنيا انحرجت المهـا وشب وجهها احمر ابتسم ناصر على شكلهـا قعدها وقعد جنبهـا وهو يتأمل شكلهـا تنهد بصوت مسمـوع وهو يقـول : اشتقت لج والله فقددت الامل فيج .. قلت خلاص اكيد مالي نصيب فيهـا الف الحمدلله والشكر له الي جمعنـا مع بعض بلعت المهـا ريقهـا وماحست الا بشفايف ناصر تطبع على خدهـا بوسـه وقال بخبث: لاتخافين انا محترم ترى ! انحرجت المهـا كانت بتقـوم بس مسكهـا وهو يضحك : ترى عندي ساعه ها !! ماراح اخليج تطلعين الا لين مانقضي اخر ثانيه فيها !! بعد ماقعد ناصر مع المهـا احلى قعده وسعـود مع نوره خلصت السـاعه سريعه على سعـود وناصر بطيئه على المهـا ونوره ويمكن المهـا اكثر بما انها عروس جديده استأذن ناصر وراح وسعـود راح لربعـه الي مجتمعين بمجلس واحد من الشباب وماجد طلع وهو وآمنـه بتمشون باللؤلؤه وبعدهـا بيرجعـون يسلمـون على ام سعـود قبل مايسافرون الليلـه كانت نوره بغرفتهـا تقلب تست الحمل بيدهـا وابتسامه مرسومه على محيـاها الحمدلله والشكر لك يارب شلون بوصل الخبر لسعود ؟؟؟ عند المهـا الي كانت بغرفتهـا وابتسامه مرسومـه على محيـاها تفكر باليـوم الي جمعها مع ناصر حركاتهـ همسـه حبه لهـا كلامـه حلو كل شي يقوله حلو .. نامت على احلامهـا الورديه وهي تدعي بأن الله يعدي الايـام سريعه عشان تكون عند ناصر على طول .. وام سعـود كعادتهـا بالصاله التحتيـه مسباحهـا بيدهـا تنتظر سعـود عشان تشوفـه قبل ماتروح تنـام انفتـح باب الصـاله دخل ثوبـه متروس دم !! فز قلب ام سعـود وهي تشوفـه ووقفت بتعب .. بعد ماشافت ان الي يدخل هو ماجد !!!!!!!!!!! غترتـه مرميه على كتفـه التعب والحزن كاسين وجهه ام سعـود وقفت عن الحركـه مايتحرك فيهـا الا رموشهـا !! قرب ماجد بعتبـات كلهـا حزن وثقل يحس انه مع كل خطـوه يخطيهـا تمر ساعات طويله حزين مهمـوم كيف بينقل لهم خبر مثل هذا !!! وش تنقل ياماجد؟؟ ثوبك الملطخ بالدم اكبر دليل هذا بروحـه نقل صوره كامله عن الي بتقـوله ام سعـود وقلبهـا بيوقف من الصدمـه ام سعـود الهاديـه الي عمرهـا ماطلع صوتهـا العالي !! صرخت من قلب ام خايفـه على ظناها ام حاسـه وكاتمـه ام خايفـه تفقد حبيبهـا واول فرحتهـا صرخت تبي تصحي نفسهـا من الحلم الي هي فيـه صرخت تبي تأكد لهم ان سعـود بخير والحين بيجي عجل ليش هي تنتظره ؟؟؟ هو كلمـها وقايل انه جاي بالطريق صرخت في ماجد وهي تقـول : سعـود حي ومامات ... سعـود جاي بالطريق ياماجد لاتقول شي .. تكفى لاتقول شي قرب منها ماجد بسرعه وضمهـا لصدره .. : اذكري الله ياام سعـود .. اذكري الله ام سعـود وهي بين احضـان ماجد تبكي بألم بحرقـه : لا اله الا الله .. لا اله الا الله فزت نوره من مكانهـا عالصوت وجاتهم تركض حتى بدون شيلـه وبدون شي ماتدري ليش حست قلبهـا مقبوض !! صدمهـا منظر ام سعـود وهي تبكي وثوب ماجد ملطبخ بالدم صرخت من عالدرج : شفيكم؟؟؟ وين سعود؟؟ التفت ماجد على آمنه الي كانت واقفـه ورا الباب وتبكي : آمنـه روحي عند نوره خليهـا تدخل غرفتهـا نوره وهي تصرخ وتبكي : سعـود وييييين؟؟ مابي ادخل غرفتي الا لما يجي سعود وانهـارت اغمى عليهـا 4 سنـوات في حديقـة اسبـاير مفروشـه المده وعبدالرحمن ولد نوف ونجلا بنت الجـازي يلحقون بعض بالسيكل وسعـود ( ولد سعـود ) الي عمره 3 سنوات ونص يركض ورا ولد المهـا الي عمره سنتين .. ونـوره تركض بشوي شوي ورا ولدهـا عشان لايطيـح وسـاره بيدهـا بنتهـا الصغيره الي الله رزقهـا بها بعد العـلاج .. انتهت قصتنـا لحد يزعل مني اذا النهـايه حزينـه لان القصـه الاولى كانت النهـايه حلوه التغيير مطلوب هههههههـ لنـا لقآء بآذن الله في قصص قادمه ولي عـود مع آلردود عليكم آن شاءالله آختكم {زآآآهي آلكحل ~ النهاااااااااااااااااايه |
صباح الخيرات النوفي يعطيك العافيه على النقل والا لتزام
ابد النهايه متوقعتها يموت سعود والله حزنت |
حـــــــــــــــــــــــــرام والله ان سعود يموت,, ليـــــــــــش كذا ,,, ليش النهايه كذا حزينه مره.... نوف بنت نايف سلمت يداك عالنقل الرائع ,,,, والله يعطيك العافيه,,, |
قصـــــــــــــــــــه روووووووووووووووووعه
لــــــــــــــــــكن النـــــــــــهايــه حـــــــزيــنــه شـــــــــــــــــكرااا لكــــــــــــــ |
السلام عليكم..
ام نوااف تسلمين ياقلبي على النقل.. بس تبين الصدق من شفتس ناقله القصه انقهرت وخصووصا لاني عارفه النهاايه.. وتدرين عشان النهااايه ماقريت القصه هنا.. ومع احترامي الشديد للكاااتبه اشووف انها ماااا توفقت باختيار النهايه.. وخصوصااا ان موقف موت سعود كان بالنهاايه واخر موقف تقريبا بالقصه.. يعني كل موااقف القصه الروعه خربت بهالنهاايه. يعني لو كان لها هدف درامي ممكن نتقبلها مع صعوبه هالشي بس لو وضح لنا كيف موته اثر على سير القصه او على الشخصيات ممكن نتقبل هالشي . بس انه يموت لمجرد انه يموت ويكون تغيير بالنهايه عن نهايه القصه اللي قبل هالشي اللي فعلا مااحبيته ابدا.. ادري لو الكااتبه شافت كلامي ممكن تزعل وتتضاايق وتعتبر انه تدخل برؤيتها للقصه اللي تعبت فيها واهتمت فيها اكثر من القرااء بس من حقي كقارئه حبت القصه وتابعتها مع الكااتبه شخصيا اني اقول وش الي ما اعجبني فيها..مثل ماهو معروف ان القصص اللي نهاياتها حزينه حتى لو كانت رووعه تكون نهايتها اما تزيدها جمال وروعه او انها تنسف كل متعه حصلناها من بداية القصه.. القصه كموضوع وكاحداث وكسرد رووعه بس النهااايه بالنسبه لي شخصيا خربت كل اللي قلته.. النهاايه ما اعتبرها وااقعيه النهاايه اعتبرها حزينه.. يعني وشو الدااعي يوم يموت سعود باخر القصه؟؟ عشان تكون الكاااتبه سووت تغيير بقصصها ؟ ولان قصتها الاولى كانت نهايتها سعيده..؟ وش الضرر لو كانت هالقصه نهايتها سعيده بعد.. ما اعتقد ان النهايات السعيده تفقد الكااتبه القوويه والمتمكنه مهارتها او معجبينها ..بالعكس هالشي ممكن يخلي الناس بقصتها الثانيه يجون لانهم عارفين ان قصتها بتكون حسب مايحبون بالضبط..وكاااتبتنا من هالنوعيه من الكاااتبات >>وجهة نظر شخصيه.. لكن طبعا مانقدر نجحد دوور الكاااتبه الممميز اللي استمرت فيه بالكتاابه ولا التزامها وابدعت باغلب القصه بالرغم من قل الردود عليها في المنتدى الاصلي وهالشي مااا اثناها عن تكميل القصه ولا الالتزام بتنزيلها بوقتها المحدد غالبا.. اتمنى ان الكاااتبه فعلا ماتتضاايق من وجهة النظر هذي وتعتبرها عتاب اخووي من قااارئه حبت القصه وتابعتها معها على الهواء مباشره.. ام نواف الف شكر على جهودتس الوااضحه هنا.. |
.....
السلام والرحمة الله حيووو........نوفي يازين مااخترتي رواية ولاارووووووووووع بسسسسسس صدق حزنت بموت سعود تهئ تهئ والرواية ولا ارووووووووووووع عوافي بجد |
لااااااااااااااااا ليش كذا انهت القصه نفسي اعرف شلون مات
الحين يوم زانت حياتهم تذبحه الله يسامحس قهرتيني كل الشكر لس نوافه على النقل |
رد: كبرياء جرح للكاتبه زاهي الكحل
جميله وقمة الروعه والابداع
تسلم ايدك حبيبتي ووفقك الله |
| الساعة الآن 08:45 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية