هل قســـــــــــــــوة الرجل دليل رجولته
السلام عليكم ورحمة الله وبركاته
علومكم يالربع طبعا لفيت الدنيا كلها لين حصلت هالموضوع<< فيس حاط القسم في باله وندخل في صلب الموضوع . . . يقال الغاية تبرر الوسيلة فالأم تقسوا على أطفالها من كثر حبها لهم والغاية من هذه القسوة هو أن تراهم أفضل الناس و الرجل طبيعة عمله فيها معاناه وحياته فيها خشونة . وهو يرى أن اللين ضعف والشدة والقسوة دليل رجولته و ليس الرجال كلهم بهذه الطبيعه و لكــن أغلبهم يتبعون أسلوب القسوه خصوصا عــ الزوجه أو الاخت و ذلك حتى لا تتمرد ... لذلك 1ـ هل ترى أن القسوة ميزة تميز الرجل أو أن اللين يقلل من هيبته ؟ 2ـ هل ترى أن تعبير الرجل عن مشاعرة وحتى نزول دمعته يجرح كبريائه؟ 3ـ بعض الرجال حتى زوجته تشعر أنه صخرة ليس فيها أي شعور هل في رايكم إنه يوجد طفل برئ في داخله ولكنه يتظاهر بهذا المظهر لهدف رسم صورة القوي؟ 4ـ بعض الرجال حتى في أصعب المواقف مثل وفاة أحد الوالدين(لقدر الله) تجده وكأن شئ لم يكن فهل داخله يختلف عن خارجه ؟ " بانتظار ارائكم واجاباتكم<< فيس مشرف القسم |
السلا م عليكم ..
اخبارج بوح .. يمكن هذا اول رد لي خارج قسم الروايات.. بس حبيت ارد عليج.. او لش يالرجل عندنا هنا تربيتنتا احنا يالحريم.. وربيناه على ان الرجل الشرقي لازم يكون قاسي.. والضحك بحساب.. الولد لمايبتدي يكبر اشوي نعلمه اثقل ياولد.. هذي مب علوم الرجال.. صير رجال ياولد.. ومسكين هالولد.. احنا عندنا اولاد من عمر الست او السبع الي مايلبس ثوب.. ومازال على البدلات بعض الاولاد يرونه انه مب رجال.. في كثير من الرجال قمه في القسوه لكن لما يتزوج وتعرف هذه الزوجه تستخرج منهنقاط الحنيه والحنان قلنا عنه انه صار خاتم في يد زوجته.. ونسينا ااننا حريم ونحب رجاجيلنا يعاملونا بهذه الطريقه.. يعني نحن تربينا على ان الرجل الحق يجب ان يكشر .. ويخف البسمه لو شق الحلج قلنا هالرجال خفيف.. وهالرجال ضاع بالنص.. وبصراحه القسوه عمرها ماكانت معيار للرجال.. بل هي احيان كثيره تزيل من هالشخص القاسي صفه انه رجل >> قصدي الرجال القدع خلينا نقول.. بل اصبح بلاقلب.. الاعتدال مطلوب في كل شي حتى في الشده لاهو قاسي لايراوي اسنانه النور من كثر ماهو شاد على حلجه.. ولاشاق الحلج على الطالعه والنازله.. العقل >> اي الوسطيه؟؟ في الكلام يعرف متى يضحك ومتى يكون جد الوسطيه على طول لايقسى يكره المره بالساعه الي انولدت فيها .. ولالين معها على طول لان المكره مهما كانت تحب ان تكون بين جناح زوجها .. مصدر الامان والحنان اتمنىى اني ماطولت وايد واتمنى ان فكرتي وصلت .. >> وحده تحب تسولف نراك على خير اختج العجوز |
اهلين بوحه حابه اشاركج في مو ضوعج اقتباس:
لكي خالص مودتي وتقبلي راي الشخصي |
وعليكم السلاااام..
ابدعتي بووحه باختياار الموضوع .. اقتباس:
فالافضل داائما هو الدمج بين الاثنين .. بس بدون افراط ولا تفريط.. اقتباس:
يعني بالاول والاخير هالشي راجع للتربيه اللي ترباها هالرجل واللي اثرت عليه بقووه واعتمدها اسلووب في حياته..وعموماا احس ان الرجال عنده قدرة هاااائله على اخفاااء مشااعره واطهاار البرود اكثر من الحرمه.. اقتباس:
عموما الرجل اللي في داخله طفل تلقين داائما دمه خفيف وحنوون.. اقتباس:
بس بقوولتس بووحه ترى فعلاا فعلااا دمعة الرجااال صعبه ..صعبه بشكل وخصووصاا اذاا انتي مب متعووده عليها.. تدرين بووحه سوؤالتس هذاا ذكرني ببابا الله يخليه لنا ياارب.. عمري بحيااتي ماشفت دمووعه الا مرتين وكلهم مستحييييييييييييل انساهم ويتقطع قلبي كل ماذكرتهم. اوول مره من اربع سنوات او خمس وكان تووه عارف عن مرض عمي الله يرحمه بالسرطان.. انصدم صدمه لما عرف انه مريض بهالمرض. وعمري في حياتي مارااح انسى كيف انه مااقدر ابداا يسيطر على دموووعه قدامنا وطلع على طووووووووول من عندنا.. والمره الثاانيه لما توفى عمي هذاااااا الله يرحمه مستحيييييييييل انسى هاليوم تخيلي تشووفين اقوى الرجال اللي تعرفينهم وهم كباار بالسن ويصيحووون مثل الاطفااال والله العظيم هذا اللي صااار بااابا وعماني متجمعين ويصيحووون بشكل عمري ماراح انسااه .. اثنين مع بااابا يصيحون واحد وهو اصغرهم تقوولين الموضوع ماهمه ..بس كان سااكت ويسبح ويهلل .. وماانزلت دمعته ابد قصدي ماشفتها معهم .. بس تعالي شووفي عمي هذاا اللي مانزلت دمعته على اخووه ثلاث شهور وهو يعالج من الصدااع والكل يقول لان ابو فلان تووفى وهو للحين ماصاحه.. وعشان كذاا عمرها الدمووع ماكانت اهاانه بس مرات ماايقدر الواحد يخلي احد يشووفها لانه اصلااا ماايقدر يخليهااا تنزل .. تسلمين بووحه وبانتظاار مواااضيع ثاانيه لتس يااعسل.. |
اقتباس:
حياج اللع عيوزنا تسلمين عالمرور |
الساعة الآن 12:12 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية