منتديات ليلاس - ناموا الاطفـــــــــــــــــــــــــال

ناموا الأطفال..
والوحشه صحت فيني.. وشد البال

يا ريح المطر بالهون.. لا يصحون

يا ريح المطر بالهون

ياريح المطر

يا ريح:

ما صدقت أنا.. يغفون.

كفي.. وارفقي فينا..

كفي وارفقي

كفي :

أبوس إيدك.. تفكينا..

ترى هالبعد يكفينا..

ويكفينا.. شقا الأحوال.

إلهي..

إحفظ الأطفال
***

شاقول الصبح..

لا قالوا: صباح الخير يابابا..

وباص المدرسة بالباب ؟!.

شاقول إن جيت أعانقهم بصمتي..

والحروف غياب..!

وشاقول إن طالت الغربه عليهم..

والسفر ما طاب.!!

وش أكذب. والكذب خيبه

وش أصدق..

والزمن كذاب.!!

- - - - - - - - - - -

نشف صوتي

ولا جف السؤال الدايم الحيرة

.. متى نرحم بعضنا بعض

.. ومتى نسلم من أهل البغض

ومتى هالأرض.. نغسلها من الوسواس والغيره

أعوذ بخالق الدنيا، من الدنيا..

ومن اللي همّه الدنيا..
ومن الأنذال .

إلهي
احفظ الأطفال .

راقت لي كثيرأ
ولبى قلوب وطهارة الاطفال